نهاية مؤسفة لشارب خمر إهداء لسكرجية البورد (فيديو)

نهاية مؤسفة لشارب خمر إهداء لسكرجية البورد (فيديو)


09-28-2010, 04:33 PM


  » http://sudaneseonline.com/cgi-bin/sdb/2bb.cgi?seq=msg&board=310&msg=1285867413&rn=0


Post: #1
Title: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-28-2010, 04:33 PM


Post: #2
Title: Re: نهاية مؤسفة لشارب خمر إهداء لسكرجية البورد (فيديو)
Author: cantona_1
Date: 09-28-2010, 04:52 PM
Parent: #1


لماذا سُمِيت الخمر بأُم الكبائر؟
طبعاً السبعة الكبائر معروفة لكل مسلم. والخمر هي أُمها. ومن عندي أقول الكذب هو أبوها.
طُلب من شيخ عالم أن يختار أحد الجرائم الثلاثة لارتكابها. والجرائم هي: إما أن يشرب الخمر. أو يزني بإمرأة جميلة. أو يقتل غلاماً بغير حق. نظر العالم ثُمَّ قدّر. وجد أن الزنا بالمرأة يُحدث إختلاط الأنساب. وقتل النفس التي حرّم الله إلا بالحق لا يجوز. فاختار أهون الشُّرور الثلاثة حسب وجهة نظره.
شرب الخمر. لعبت الخمر برأسه. وكما يقولون: السّكر هو زغاريد ال....... ، راود المرأة عن نفسها وفعل معها الفاحشة. شاهد الغلام فعلة الشيخ النكراء. خاف الشيخ أن يُفتضح أمره. فقتل الغلام. ولهذا سُمِيت الخمر بأم الكبائر. والله أعلم.


كبـَّـاشي الصــَّافي

(العوج راي والعديل راي)

Post: #3
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-28-2010, 05:05 PM
Parent: #2

Quote: لماذا سُمِيت الخمر بأُم الكبائر؟
طبعاً السبعة الكبائر معروفة لكل مسلم. والخمر هي أُمها. ومن عندي أقول الكذب هو أبوها.
طُلب من شيخ عالم أن يختار أحد الجرائم الثلاثة لارتكابها. والجرائم هي: إما أن يشرب الخمر. أو يزني بإمرأة جميلة. أو يقتل غلاماً بغير حق. نظر العالم ثُمَّ قدّر. وجد أن الزنا بالمرأة يُحدث إختلاط الأنساب. وقتل النفس التي حرّم الله إلا بالحق لا يجوز. فاختار أهون الشُّرور الثلاثة حسب وجهة نظره.
شرب الخمر. لعبت الخمر برأسه. وكما يقولون: السّكر هو زغاريد ال....... ، راود المرأة عن نفسها وفعل معها الفاحشة. شاهد الغلام فعلة الشيخ النكراء. خاف الشيخ أن يُفتضح أمره. فقتل الغلام. ولهذا سُمِيت الخمر بأم الكبائر. والله أعلم.


كبـَّـاشي الصــَّافي

عزيزنا عم كانتونا (ود الصافي)
شكراً جزيلاً لإثراء البوست ومرورك الكريم
طبعاً عمك الترابي حلل شراب الخمر في المنزل

تحياتي

Post: #4
Title: Re: نهاية مؤسفة لشارب خمر إهداء لسكرجية البورد (فيديو)
Author: محمد زكريا
Date: 09-28-2010, 05:16 PM
Parent: #3

Quote: نهاية مؤسفة لشارب خمر إهداء لسكرجية البورد (فيديو)

كونوا قزازتو زاتها تكون خازوق فعلاً نهايه مؤسفه.......الحمدلله فى السودان ببيعوها فى الاكياس

Post: #5
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-28-2010, 05:19 PM
Parent: #4

Quote: كونوا قزازتو زاتها تكون خازوق فعلاً نهايه مؤسفه.......الحمدلله فى السودان ببيعوها فى الاكياس


والله يا محمد زكريا كتلتني بالضحك
يعني هسا ناس السودان يطمنوا؟!

تحياتي ليك يا فنان

Post: #6
Title: Re: نهاية مؤسفة لشارب خمر إهداء لسكرجية البورد (فيديو)
Author: cantona_1
Date: 09-28-2010, 05:20 PM
Parent: #3

Quote: طبعاً عمك الترابي حلل شراب الخمر في المنزل


دي أول مرّة أسمعها.. الزول دا راسو راح تب. الله يهديه ويديهو العافية.


كبـَّـاشي الصــَّافي

(العوج راي والعديل راي)

Post: #7
Title: Re: نهاية مؤسفة لشارب خمر إهداء لسكرجية البورد (فيديو)
Author: النصرى أمين
Date: 09-28-2010, 05:31 PM
Parent: #6

مبالغة يا النذير
ايام الشريعة فى واحد صاحبنا تلقاهو كل عصرية لافى خرطوش الموية الطويل
(زى 20 متر كده) طالع ونازل بيهو...
مافى زول انتبه انو بهرب فيهو العرقى

Post: #8
Title: Re: نهاية مؤسفة لشارب خمر إهداء لسكرجية البورد (فيديو)
Author: النصرى أمين
Date: 09-28-2010, 05:35 PM
Parent: #7

ومرة واحد صاحبنا(فى كندا دى) قاعد مع جماعة فى قعدة
والظاهر الكلام فى السياسة سخن..
قام صاحبك انفعل... طلع فى الطربيزة


وبال

Post: #13
Title: Re: نهاية مؤسفة لشارب خمر إهداء لسكرجية البورد (فيديو)
Author: مُحَمَّدٍ عِوَضٌ احْمَدُ
Date: 09-28-2010, 05:49 PM
Parent: #8

Quote:

ومرة واحد صاحبنا(فى كندا دى) قاعد مع جماعة فى قعدة
والظاهر الكلام فى السياسة سخن..
قام صاحبك انفعل... طلع فى الطربيزة


وبال



Post: #9
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-28-2010, 05:37 PM
Parent: #7

Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل
(زى 20 متر كده) طالع ونازل بيهو...
مافى زول انتبه انو بهرب فيهو العرقى

عزيزنا النصري، ياخي دا مبالغة
تعرف الكيزان عندهم شنطة كدا
اسمها تمكنا لو سمعتا بيها
إي زول بكون شايلها لازم يكون
كوز، المهم السكرجية كانوا
بشيلوا الشنطة دي على أساس
إنهم كيزان، وبهربوا فيها العرقي
لوول، شفت الناس دي تفاتيح كيف
أجمل شيء في السكرجية أنهم
دائماً كرماء، ما عارف السر
في كدا شنو.

تحياتي

Post: #10
Title: Re: نهاية مؤسفة لشارب خمر إهداء لسكرجية البورد (فيديو)
Author: النصرى أمين
Date: 09-28-2010, 05:47 PM
Parent: #9

لكن الذ قصة (يشهد عليها عضو البورد وصاحب البوست الخرافى)
الجماعة قاعدين فى قعدة كاربة فى نيويورك وحلة اللحمة تجقجق فى النار...
قام واحد ا ضاف شوية wine للحلة عشان اللحمة تكون طاعمة..
الشكلة قامت لعجاج السماء

كيف تاكلنا حرام ؟

Post: #11
Title: Re: نهاية مؤسفة لشارب خمر إهداء لسكرجية البورد (فيديو)
Author: طارق الكوتش
Date: 09-28-2010, 05:48 PM
Parent: #9

Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل
(زى 20 متر كده) طالع ونازل بيهو...
مافى زول انتبه انو بهرب فيهو العرقى


مبالغة ما قدرت امشى فيها من غير لوووووووووووولز

Post: #12
Title: Re: نهاية مؤسفة لشارب خمر إهداء لسكرجية البورد (فيديو)
Author: معاوية المدير
Date: 09-28-2010, 05:48 PM
Parent: #9

النذير يا ظريف، بوست إبداع.

sudansudansudansudan32.gif Hosting at Sudaneseonline.com
قال ليك، وآحد بتاع طشمة، وأولآدو دايماً
بيحاولوا يهدوهو.
اها، يوم ماشين معاهو في الشارع لقوليك وآحد
سكران وواقع في الوآطة، طارش ومبهدل
بهدلة شديدة جداً.
وآحد قال لأبوهو: يا ابوي عليك الله هسع عاين
الراجل دا مبهدل كيف؟ عليك الله السكر دا ما تخليهو.
ابوهو قال ليهو: والله يا ولدي سكرة الزول دا انا كايس
لها لي زمن، وما لآمي فيها...

Post: #14
Title: Re: نهاية مؤسفة لشارب خمر إهداء لسكرجية البورد (فيديو)
Author: Khalid Kodi
Date: 09-28-2010, 08:45 PM
Parent: #12

مالازمانا هداياك .

(:


.

Post: #15
Title: Re: نهاية مؤسفة لشارب خمر إهداء لسكرجية البورد (فيديو)
Author: خالد المحرب
Date: 09-28-2010, 09:13 PM
Parent: #12

الزول دا سحروه وادوه عين فى سكرتو دى


بوست روعه اخى النذير

Post: #16
Title: Re: نهاية مؤسفة لشارب خمر إهداء لسكرجية البورد (فيديو)
Author: عصام دهب
Date: 09-28-2010, 09:35 PM
Parent: #15

سلام للنذير و المتداخلين ..

كان عندنا في الأبيض جماعة بتاعين طشمة .. قالو لما الشمش تغرب بيقوم يصففوا ليها و يقولوا ليها شكرا يا شمش..

و قيل أنهم [red]كانوا حالفين يمصوا العرقي دة لحدي ما العرقي يفقد سوائل و يكتلوه و يريحوا الناس منه
..

و ينسب لهؤلاء نكتة سمعتها بأكثر من رواية ..

لموا الشيرنغ ـ أيام الرخا ـ و كملوا مية جنيه أدوها لواحد عشان يجيب الشربة و العضة المجيهة ..

صاحبنا لما جا راجع واحد عايز يطمن ..
ـ أهة جبت شنو ..
.. جبت الشربة بتسعة و تسعين جنيه و نص .. و جبت عضة ( طعمية كانت ) بخمسين قرش ..
_ يا جماعة انا مش فلت ليكم الزول دة جنو بطنو دي !!

Post: #17
Title: Re: نهاية مؤسفة لشارب خمر إهداء لسكرجية البورد (فيديو)
Author: د.محمد بابكر
Date: 09-28-2010, 10:52 PM
Parent: #16

Quote: الحمدلله فى السودان ببيعوها فى الاكياس

الكلام ده سه كم انت من زمن جيلانى الحكايه دى مرت بمراحل عديده اخرها الكرسيتال وموضوع الكيس ده كان زمااااااااااااااااان؟؟؟
بعدين عشان ما ينط لى واحد احسن استدرك واقول انا متابع لحدى الكريستال.بعد داك ما عارف العبوه بقت شنو لكن ممكن يكونوا وصلوا الفايبر اوبتك والله اعلم.

Post: #19
Title: Re: نهاية مؤسفة لشارب خمر إهداء لسكرجية البورد (فيديو)
Author: Adil Hamza
Date: 09-28-2010, 11:59 PM
Parent: #17

Quote: واقول انا متابع لحدى الكريستال


الكريستال ده شنو
نورونا طولنا من السودان

Post: #20
Title: Re: نهاية مؤسفة لشارب خمر إهداء لسكرجية البورد (فيديو)
Author: احمد محمد بشير
Date: 09-29-2010, 00:12 AM
Parent: #19

Quote: الكريستال ده شنو

الكريستال دة كان نوع من عصائر المانجو .... وبيكون محفوظ في قوارير من البلاستيك
وشكل القارورة زي شكل البيكون محوظ فيها البيبسي , بتلقاها في البقالات.

المهم الجماعة بتاعين المريسة ديل طوروا الحكاية بتاعة حفظ المريسة
داخل قزايز مشروب الكريستال _المانجو_
وبداءت عملية حفظ المريسة داخل قارورة الكريستال الجديدة وبعدها شاع اللفظ أوساط ناس السِنة.
وفي اسماء شائعةلانواع الخمور المحفوظة داخل قوارير مشروب الكريستال .... كنت أسمع بها ومنها كريستال (((البلح)))) أي المريسة التي تصنع من البلح

Post: #18
Title: Re: نهاية مؤسفة لشارب خمر إهداء لسكرجية البورد (فيديو)
Author: احمد محمد بشير
Date: 09-28-2010, 11:15 PM
Parent: #1

لاحول ولا قوة إلا بالله ... ربنا يهدي المتبليين بهذة الأفه , وفي بعض الناس بيمارس الشرب بجنون ولا ادري لماذا !! متعاطي الخمور هم أكثر الناس عرضة للوقوع في مطاف سوء الخاتمة.

Post: #21
Title: Re: نهاية مؤسفة لشارب خمر إهداء لسكرجية البورد (فيديو)
Author: amir jabir
Date: 09-29-2010, 00:48 AM
Parent: #18

بال دى حلوة

اجمل بوست من سنه تقريبا

Post: #22
Title: Re: نهاية مؤسفة لشارب خمر إهداء لسكرجية البورد (فيديو)
Author: dabeep
Date: 09-29-2010, 02:16 AM
Parent: #21

مبالغة يا النذير لوووووووووووووولز
وقال ليك واحد سكران بسأل من بيت جماعة.. فقام واحد بوصف ليهو: تمشى بى شارع القيادة العامة تخش شمال على شارع الجامعة كلية القانون تخلى ناس الشرطة على يمينك البيت الفاتح على مكتب الامن الغذائي طوالى دا البيت.. السكران عاين ليهو كداااا وقال: فى ذمتك اسى شارعك الوصفتو دا زول شارب كركدى بمشى بيهو

وبالمرة قول لاخونا (يني) حوا والدا
التحايا


Post: #23
Title: Re: نهاية مؤسفة لشارب خمر إهداء لسكرجية البورد (فيديو)
Author: Tragie Mustafa
Date: 09-29-2010, 03:16 AM
Parent: #22

النذير حجازي وزوار بوسته
يجازي محنكم جميعا كتلتوني بالضحك
وغايتو يا دبيب طلعت دبيب كبير خلاص
Quote: مبالغة يا النذير لوووووووووووووولز
وقال ليك واحد سكران بسأل من بيت جماعة.. فقام واحد بوصف ليهو: تمشى بى شارع القيادة العامة تخش شمال على شارع الجامعة كلية القانون تخلى ناس الشرطة على يمينك البيت الفاتح على مكتب الامن الغذائي طوالى دا البيت.. السكران عاين ليهو كداااا وقال: فى ذمتك اسى شارعك الوصفتو دا زول شارب كركدى بمشى بيهو

وبالمرة قول لاخونا (يني) حوا والدا
التحايا

لووووووووووول...بالغته لكن.نكته مبالغ فيها(ههههههههه)

Post: #24
Title: Re: نهاية مؤسفة لشارب خمر إهداء لسكرجية البورد (فيديو)
Author: Saifelyazal Elmaki
Date: 09-29-2010, 05:20 AM
Parent: #23

سلام النزير وضيوفه الكرام
والله بوست فعلاً لذيذ والنكات عن السكارى
كتيرة
في واحد بيسكر ومتعود إركب حمارو وياخد ليهو نومة والحمار
بوصلو البيت
كان عندو شغل داخل مركز الشرطة
وبعد الشغل على لبيت الشراب عدل
وهو راجع سكران كالعادة ركب الحمار
الحمار اليوم داك على حسب البرمجة مشى طواالي على مركز الشرطة
زولنا فتح واتلفت يمين شمال لقي الحكاية كلها كاكي في كاكي
قال للحمار
أها إن شاء الله إدوك وكيل عريف

Post: #25
Title: Re: نهاية مؤسفة لشارب خمر إهداء لسكرجية البورد (فيديو)
Author: Saifelyazal Elmaki
Date: 09-29-2010, 05:29 AM
Parent: #24

النكتة دي حقيقة كما يقال حدثت في دبي
في واحد سوداني سكران في دبي وهو طالع متأخر
واقف في الشارع منتظر بأشر لتكسي
جات عربية الشرطة واشر ليها بالغلط
ناس الشرطة عرفو الزول سكران وعاوزين اشاغلوهو شويه
قالوا ليهو يا زول إنت سكران
قال ليهم أبداً انا ما سكران
يازول إنت سكران
وزولنا مصِّر إنو ما سكران
قالوا ليهو ريحتك يازول ضاربة شنو ما سكران
قال ليهم نحن السودانيين بعد المغرب أصلاً ريحتنا كده

Post: #26
Title: Re: نهاية مؤسفة لشارب خمر إهداء لسكرجية البورد (فيديو)
Author: خالد المحرب
Date: 09-29-2010, 05:48 AM
Parent: #25

Quote: يازول إنت سكران
وزولنا مصِّر إنو ما سكران
قالوا ليهو ريحتك يازول ضاربة شنو ما سكران
قال ليهم نحن السودانيين بعد المغرب أصلاً ريحتنا كده



الاخ سيف ات فى رايك اخونا ما منطق ناس الشرطه ديل

واقف لمبه هييييييييييييييييع

Post: #27
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-29-2010, 05:55 AM
Parent: #25

أوه أوه شوفوا ناس العقدات ظهروا
شكراً لكم جميعاً وساعود إليكم فرداً فرداً
ونبدأ عقدتنا في الجمجرة في السكرية
وأخبارهم.

تحياتي للجميع

Post: #28
Title: Re: نهاية مؤسفة لشارب خمر إهداء لسكرجية البورد (فيديو)
Author: مازن فيصل هلال
Date: 09-29-2010, 06:02 AM
Parent: #27

Quote: النكتة دي حقيقة كما يقال حدثت في دبي
في واحد سوداني سكران في دبي وهو طالع متأخر
واقف في الشارع منتظر بأشر لتكسي
جات عربية الشرطة واشر ليها بالغلط
ناس الشرطة عرفو الزول سكران وعاوزين اشاغلوهو شويه
قالوا ليهو يا زول إنت سكران
قال ليهم أبداً انا ما سكران
يازول إنت سكران
وزولنا مصِّر إنو ما سكران
قالوا ليهو ريحتك يازول ضاربة شنو ما سكران
قال ليهم نحن السودانيين بعد المغرب أصلاً ريحتنا كده

Post: #29
Title: Re: نهاية مؤسفة لشارب خمر إهداء لسكرجية البورد (فيديو)
Author: غباشي
Date: 09-29-2010, 06:13 AM
Parent: #28

بوست ظريف يا النذير و احييك عليهو و احيي كل المتداخلين و بما انو العبد لله موسمي في البورد بواقع قلة المشاركات و المشغوليات الكتيرة
لكن و الله من زمان داير طريقة اتداخل بيها معاك يا النذيرلانو بتعجبني مداخلاتك (شفتة السلبطة و التِلِصِق )
و اتمنى ان الزمن الممحوق دا يسعفني لمزيد من المداخلات و الله غالب

تحياتي برضو للعم الموسوعة كباشي "كانتونا" و مداخلاته الكاملة الدسم و الممتعة يديك العافية يا عم كباشي

و يا النصري أمين سلامات ياخ و يا كافي البلاء انت مالك بتصاحب ناس السِنَّة هاهاهاهاها

و لباقي المتداخلين كامل المودة و الاحترام

Post: #30
Title: Re: نهاية مؤسفة لشارب خمر إهداء لسكرجية البورد (فيديو)
Author: معاوية المدير
Date: 09-29-2010, 06:18 AM
Parent: #29

Quote: و يا النصري أمين سلامات ياخ و يا كافي البلاء انت مالك بتصاحب ناس السِنَّة هاهاهاهاها


غباشي، افرز يا زول هوووووووي...

Post: #47
Title: Re: نهاية مؤسفة لشارب خمر إهداء لسكرجية البورد (فيديو)
Author: غباشي
Date: 09-30-2010, 07:41 AM
Parent: #30

سلامات يا معاوية و مشتاقين و الله من كاس العالم ما اتلاقينا

تسهيلاً لعملية الفرز كدي حدد موقعك من كل ما يأتي :

Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل

Quote: ومرة واحد صاحبنا(فى كندا دى) قاعد مع جماعة فى قعدة

Quote: الجماعة قاعدين فى قعدة كاربة فى نيويورك

تحياتي

Post: #31
Title: Re: نهاية مؤسفة لشارب خمر إهداء لسكرجية البورد (فيديو)
Author: dardiri satti
Date: 09-29-2010, 06:24 AM
Parent: #28

Quote: أجمل شيء في السكرجية أنهم
دائماً كرماء،


لأنهم متفائلين.

وأقبح شي في القمرتجية وبتاعين البنقو
والمختلسين وتجار السوق الأسود
والكيزان
إنهم بخلاء وجِلَد وانتهازيين.

أها باقي لك أخير السكرجي
والا ديل ؟؟

نحياتي

Post: #32
Title: Re: نهاية مؤسفة لشارب خمر إهداء لسكرجية البورد (فيديو)
Author: نادر النور آدم
Date: 09-29-2010, 07:11 AM
Parent: #31

زمان كان عندنا في المحكمة الشعبية بجيبو الناس يحاكموهم ويجلدوهم كل يوم سوق، والسوق عندنا سبت وتلاتاء، أها مرة عاملين إتلاف كمية بتاعة عرقي مدفوقة في حتة كدة خلا بعيد من السوق والمحكمة، نحن كنا فطرنا في السوق وضربنا البوش الما خمج داك(النوع البسبب التناحة) ... وأنا راجع على المدرسة شفتهم دفقوها وجو راجعين، وطواااااااااااالي بالعجلة لحدي عندها، قمت نزلت عليها في الواطاة (فايرة زي موية البطارية بالضبط) وقمت شميتها كويس (شمار ساي)، اها اختلط الأمر (تفاعل ريحة عرقي وفطور بوش).. وحات الله بعد الفطور دبل كيمياء ما فهمت منهم أي حاجة .. ولا عرفت القاعد يدرس دا ذاتو منو .. مع إنو ليه سنتين بيدرسنا كيمياء .. هيييييييع



تحياتي

Post: #33
Title: Re: نهاية مؤسفة لشارب خمر إهداء لسكرجية البورد (فيديو)
Author: فايزودالقاضي
Date: 09-29-2010, 07:28 AM
Parent: #32

احمد ....سلام ولصاحب البوست اخونا النذير الف تحية ...

Quote: المهم الجماعة بتاعين المريسة ديل طوروا الحكاية بتاعة حفظ المريسة
داخل قزايز مشروب الكريستال _المانجو_
وبداءت عملية حفظ المريسة داخل قارورة الكريستال الجديدة وبعدها شاع اللفظ أوساط ناس السِنة.
وفي اسماء شائعةلانواع الخمور المحفوظة داخل قوارير مشروب الكريستال .... كنت أسمع بها ومنها كريستال (((البلح)))) أي المريسة التي تصنع من البلح


يااحمد ما تخلط المسكرات ...البيصنع من البلح داك البنقو واما المريسة فاعتقد والله اعلم انها ذرة او دقيق مخمر او حاجة زي كده المهم ماليها علاقة بالبلح ..

Post: #34
Title: Re: نهاية مؤسفة لشارب خمر إهداء لسكرجية البورد (فيديو)
Author: الهادي محمد ابراهيم
Date: 09-29-2010, 08:00 AM
Parent: #33

النذير اخوي سلامات..
واحد من حلتنا بشرب صاح والقصة دي عاملة قلق لاهلي الانصار اكلموا معاهو وهددوا كله ما نفع... خلاص قالوا نحلفه قسم انه ما شرب تاني..جابوا مصحف وصاحبنا اتوضأ وصلي ركعتين..ووضعوا المصحف وصاحبنا ادي القسم الاتي:
اقسم بالله العظيم وكتابه الكريم اني تاني في حياتي دي ما بشرب مريسة لكن العرقي دا... نشرب فيهو لمن نموت!!!!

Post: #35
Title: Re: نهاية مؤسفة لشارب خمر إهداء لسكرجية البورد (فيديو)
Author: othman mohmmadien
Date: 09-29-2010, 08:02 AM
Parent: #31


واحد صاحبنا بحكي ...
واحدة من الجيران ضاربه السكلي ...
الحقوني الراجل بموت ... الحقوني راجلي بموت ...
ووب علي وكر علي ... أخوي مات بالزايده ...
أبو أولادي بموت ... الحقوني ...
قال لي جرينا عليهم ...
لقينا الراجل ... ريحة عرقيه مالية الدنيا ....حاني ظهره لأسفل تجاه رجليه مشكلاً زاوية قائمة وخاتي يده على بطنه وكاتم مابتكلم ... مع السكره
جابو العربية ... رفعناه والمره بتكورك ... الزايده قتلت أخوي ... والله العظيم خال الأولاد ... ألحقوني ... بموووووت ..
وصلوا المستشفى ... الطبيب قال ليهم يلا يا شباب دخلوا جوه الستارة .. ورقدوا على يده اليمين بحالته دي ... والناس تخرج بره
ثانيتين فقط جاء خارج من الستارة وماشي على رجلينوا الاثنين....
مرته بخلعة وفرح ... يا دكتور مالووووو ؟؟؟؟؟
الدكتور قال ليها مافي مشكلة وماعنده أي حاجة ... بس بعد ما بال ....زرر زرارة البنطلون في القميص ...

Post: #36
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 09-29-2010, 09:01 AM
Parent: #35

Quote: الدكتور قال ليها مافي مشكلة وماعنده أي حاجة ... بس بعد ما بال ....زرر زرارة البنطلون في القميص ...

لوووووووووووووووووووول @ عثمان محمدين
والله كتلتني بالضحك

ياخي والله السكارى ديل ألذ ناس

ويا شباب البوست دا بوستيكم
وإن شاء الله ح نقدم ليكم فيهو:
1) مريسة (تصنع من الذرة)
2) كجو مرو (يصنع بالسمسم)
3) عرقي (يصنع من البلح)
4) وأصحاب السكرجية ح نقدم ليكم
شربوت لوول.

تحياتي للجميع فرداً فرداً
وما عدمانكم، والله كل نكاتم جميلة

Post: #37
Title: Re: نهاية مؤسفة لشارب خمر إهداء لسكرجية البورد (فيديو)
Author: عصام دهب
Date: 09-29-2010, 09:29 AM
Parent: #36

Quote: البيصنع من البلح داك البنقو

وا حلاتي يا البرئ !!

Post: #38
Title: Re: نهاية مؤسفة لشارب خمر إهداء لسكرجية البورد (فيديو)
Author: Mohiedin Sir El Khatim
Date: 09-29-2010, 12:33 PM
Parent: #37

عصام دهب .....

Quote: Quote: البيصنع من البلح داك البنقو


وا حلاتي يا البرئ !!



والله ضحكت لما ناس المكتب الجنبى جونى جارين يشوفونى مالى ( الهنود ما بتاعين شمارات)

Post: #39
Title: Re: نهاية مؤسفة لشارب خمر إهداء لسكرجية البورد (فيديو)
Author: omar arbab
Date: 09-29-2010, 01:17 PM
Parent: #38

شباب
سلام

Quote: .......الحمدلله فى السودان ببيعوها فى الاكياس


واحد بتاع جسنه قديم جنو سكر و جيرانو عندهم عرس و ما لقو دلوكه يجيبو بيها العروس سالو ما عندك باقه نجيب بيها العروس؟قال ليهم جيبوها في كيس ...

Post: #40
Title: Re: نهاية مؤسفة لشارب خمر إهداء لسكرجية البورد (فيديو)
Author: عصام دهب
Date: 09-29-2010, 01:49 PM
Parent: #39

Quote: 4) وأصحاب السكرجية ح نقدم ليكم
شربوت لوول.

بمناسبة أصحابهم دي .. واحد متلح الجماعة تليحة شديدة و بما إنو ما بيشرب فقاعد مصاقر المزة و العضة .. يعني يجئ يمزمز و يتعشى و يشتت من غير ما يدفع شيرنغ ..
يوم الجماعة قاعدين و كانت المزة بتاعتهم بيض مسلوق .. خاتين البيض كمية كبيرة في التربيزة .. أهة صاحبنا التلحة دة يشيل في البيض و يقشر و يأكل و يرمي قشر البيض تحت الكرسي .. واحد زهجان منو و شاميهو شمة شديدة بس قاعد يراقب فيهو و يعاين ليهو لحدي ما البيض كمل .. بعد ما خلص من البيض قام التلحة و بكل ثقالة سألهم .. ياجماعة عشاكم دة حيتأخر ..
الزول الزهجان داك طوالي طوالي دخل فيهو شمال .. عشا شنو ياخي أنت ما بتختشي من الصباح تبلع في البيض زي التقول عٍمتك وقعت تحت الكرسي وكمان تقول عايز عشا ..


Post: #41
Title: Re: نهاية مؤسفة لشارب خمر إهداء لسكرجية البورد (فيديو)
Author: الفاتح شلبي
Date: 09-29-2010, 02:11 PM
Parent: #40

بوست دمه خفيف

ودي قصة حقيقية حصلت فى رياض المملكة لواحد من عندينا

طلع سكران من عذابة وأشر لزوم عايز ليموزين ... وقف ليهو بتاع دورية وعرف الحاصل عليه وعايز يوصله فى احدى الجمعيات ... المهم أثناء ما هم بالطريق ... بتاع الدورية لقى زميل فى الشارع قام هدى السرعة اذعاناً للوقوف(طبعاً داك كمان سائق سيارة شرطه) ... زولنا بيقول ليه زوغ منه !!! الشرطي قال ليه ... نعم يا زول !!! زولنا قال ليه قلت ليك زوغ من الشرطي دهـ ... الشرطي ضحك لدرجة ما قدر يوقف سيارته ... وفى النهاية وصله لغاية الجمعية وحكى الحكاية دي للفتح ليه الباب.

Post: #42
Title: Re: نهاية مؤسفة لشارب خمر إهداء لسكرجية البورد (فيديو)
Author: Abd-Elrhman sorkati
Date: 09-29-2010, 02:50 PM
Parent: #41


حكي القائد العام لشرطة دبي اللواء ضاحي خلفان في إحدي البرامج هذه الحكاية ومع أنه لم يصرح بجنسية من حكي عنهم ولكن الجميع عرف أنهم

سودانيين ،،، والقصة كالآتي :

كان اللواء يقود سيارته ليلا في طريق عام خارج المدينة ولاحظ أنه في شخصين واقفين منتظرين وسيلة مواصلات ،،، الراجل وقف ليهم وعرف أنهم

لاطشين وقال ليهم أتفضلوا بنية أن يوصلهم دون مشاكل ،،،، الجماعة ركبوا وفي أثناء الطريق الزول الراكب قدام بيدقق في وش السائق اللهو اللواء

بعد شوية اللواء قال ليهو ،، ليش بتتطلع فيي ،،، الراجل قال والله انا شايفك لكن وين ما عارف ،،،، اللواء قال ليهو .. انا اللواء ضاحي خلفان ،

الراجل قعد يضحك ويضخك ،، صاحبوا الراكب وراء قال ليهو مالك بتضحك ،،، قال ليهو عاين دة بالله قال هو ضاحي خلفان يعني لو مشينا قدام شوية

حا يقول لينا أنا محمد بن راشد

Post: #43
Title: Re: نهاية مؤسفة لشارب خمر إهداء لسكرجية البورد (فيديو)
Author: dabeep
Date: 09-30-2010, 03:14 AM
Parent: #42

شكرا يا نذير وضيوفه الكرام علي اهداءنا هذة الابتسامات في وقت تموت فيه الاشجار حزنا علي بلاد.. والضحكة افيد للروح والوطن
وتسلمي اختنا تراجي مصطفي وكويس انو ضحكناك ..
وما دام ديك عجبتك فدي حا تعجبك ..
في مركز للمدمنين واحد من الاطباء عمل محاضرة عن اضرار الخمر وجاب برطمانيتين.. واحدة فيها موية .. وواحدة فيها خمرة .. قام جاب دودة وختاها في كباية الموية ,, فالدودة سبحت في امان الله وتفرفر .. قام شال الدودة ختاها في كباية الخمرة .. فماتت الدودة وتحللت في الخمرة .. بعد داك إتلفت علي المدمنين وقال ليهم ان شاء الله الرسالة تكون وصلتكم من التجربة دي .. قالو ليهو نعم .. رسالة واضحة .. فسألهم ماهي الرسالة ؟ قالو ليهو : اي زول عندو قارضية ولا ديدان في بطنو يضرب العرقي دا يقوم زي الطلقة ههههههه
يديك العافية

Post: #44
Title: Re: نهاية مؤسفة لشارب خمر إهداء لسكرجية البورد (فيديو)
Author: النصرى أمين
Date: 09-30-2010, 03:56 AM
Parent: #43

غايتو يا دبيب كنت حتكتلنى الليلة ..
دخلت البوست وباكل فى سندوتش صغيرونى(نظام عشاء وكده)
قربت اتخنق من نكتك دى ....




Quote: و يا النصري أمين سلامات ياخ و يا كافي البلاء انت
مالك بتصاحب ناس السِنَّة هاهاهاهاها

يا غباشى والله انا احسن لى مليون مرة اقعد مع زول بشرب من ما اقعد لى
مع زول بسجر فى سجائر ويبخبخ لى النيكوتين فى وجهى ....

البسكر ده بياذى فى روحه لكن البسجر ده بياذى فى روحه وياذينا معاهو بدخانه

ولا شنو!!!

Post: #45
Title: Re: نهاية مؤسفة لشارب خمر إهداء لسكرجية البورد (فيديو)
Author: Kabar
Date: 09-30-2010, 04:10 AM
Parent: #44

تضامنا مع صديقنا دبيب..ياخي بتاعة الكركدي دي مافي زول سبقك عليها تب..

واحد مولع لمبه ، و هفت معاهو و قرر ( و هو في الحال ديك) أي نقاش قدامو يخش فيهو توش و شوت ضفاري..اها مرة بجماعة كابين الجرسة ..ياخي رمضان السنة دي جانا في الحر..ياخي الصيف مولع ما عارف الصيام كيف..ياخي رمضان..الخ
اخينا عاين ليهم كده و صر عين واحدة..و التانية ريال ابو طارة و قال ليهم: حر شنو ..صيف شنو يا وهم..ياخي مرة رمضان جانا مسخ علينا عيد الضحية ذاتو..!

التحية للشباب هنا جميعا..

كبر

Post: #46
Title: Re: نهاية مؤسفة لشارب خمر إهداء لسكرجية البورد (فيديو)
Author: غباشي
Date: 09-30-2010, 07:30 AM
Parent: #44

Quote: البسكر ده بياذى فى روحه لكن البسجر ده بياذى فى روحه وياذينا معاهو بدخانه


و الله يا النصري معاك في حتة السيجاير كريه و مزعجة و الله.
انا شخصياً لما زول يدخن جنب زول ما بيدخن بعتبرو تصرف ما حضاري بالمرة ,
لكن برضو الزول البيسكر لما يتقِّل ... ريحة السِنِّة برضو بتطُق ... أجارك الله ...  

Post: #48
Title: Re: نهاية مؤسفة لشارب خمر إهداء لسكرجية البورد (فيديو)
Author: Albino Akoon Ibrahim Akoon
Date: 09-30-2010, 08:25 AM
Parent: #46

واحدعمك جنو سكر
في يوم من الايام سكر سكرة جنون, عمل شكل مع اولاده وحلف
الا ينوم في راس الاوضة.
الجماعة استسلموا ورفعوا ليه السرير والمرتبة وفرشوه ليه, وعمك رقد نام.
بالليل جات الكتاحة السوداء لمن الواحد ما بيشوف حاجة!!
عمك قام من النوم ولف مرتبته وقال جاك العوضة, خطوتين ويالواطة كررع.
من اليوم داك عمك لعن ابو العرقي الكسر رجلينو!!

Post: #49
Title: Re: نهاية مؤسفة لشارب خمر إهداء لسكرجية البورد (فيديو)
Author: Saifelyazal Elmaki
Date: 09-30-2010, 09:10 AM
Parent: #48

ادروب مصاحب ليهو جنوبيين وعزموهو سكرة كاربة
الجماعة لطشوا لطشة تمام جات الكشة ورفعوهم كلهم في الكومر
تاني يوم ودوهم المحكمة والقاضي بدأ يسأل فيهم واحد واحد
اسمك : ملوال جوزيف
ديانتك : مسيحي
القاضي يقول ليهو اتفضل امشي
بعدو
اسمك : دينق مجوك
ديانتك : مسيحي
القاضي يقول ليهو اتفضل امشي
بعدو
المهم الدور جاء على ادروب وعرف انو الواحد لما اقول مسيحي
بخلوهو
القاضي سألو
إسمك : قال ليهو أدروب نتنياهو
ديانتك : قال ليهو مشركين

Post: #50
Title: Re: نهاية مؤسفة لشارب خمر إهداء لسكرجية البورد (فيديو)
Author: معاوية المدير
Date: 09-30-2010, 11:23 AM
Parent: #49

Quote:
سلامات يا معاوية و مشتاقين و الله من كاس العالم ما اتلاقينا

تسهيلاً لعملية الفرز كدي حدد موقعك من كل ما يأتي :

Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل

Quote: ومرة واحد صاحبنا(فى كندا دى) قاعد مع جماعة فى قعدة

Quote: الجماعة قاعدين فى قعدة كاربة فى نيويورك

تحياتي


الشوق بحر يا غباشي، ويا حليل كأس العالم.
يا اخوي بالنسبة لتحديد موقفي، لا هذا، ولا دآك.
نحن كنا بنرجى ضنب الكديس يتغتى، وبعد دآك
نشتغل فوانيس...sudansudansudansudan35.gif Hosting at Sudaneseonline.com
والله لو تشرح المصطلحات دي يا غباشي
تكون فُتّ بتاعين الأكياس والخراطيش بغادي...

Post: #51
Title: Re: نهاية مؤسفة لشارب خمر إهداء لسكرجية البورد (فيديو)
Author: حسبو عكاشة
Date: 09-30-2010, 12:01 PM
Parent: #50

زمان كان في واحد في الحلة ببيع العرقي, و تحسبا للهوي عامل ليه جيب جوا القميص
تجي تقول ليه ادينا كباية بفتح زرارة القميص الفوق و بكُب ليك في الكباية بدون ما القزازة تظهر
اها اي السكرجية بعد المغرب تسألهم ماشين وين يقولو ليك ماشين نرضع

Post: #52
Title: Re: نهاية مؤسفة لشارب خمر إهداء لسكرجية البورد (فيديو)
Author: قلقو
Date: 09-30-2010, 12:26 PM
Parent: #50

الأخ النذير والأخوة سمار الليل ,
من الواضح انه المرحوم الفوق داك ماكان بيمز .
احد الأطفال وهو يحاول ان ينصح ابوهو من الشراب فقال ليه (والله يابوى قالوا البيموت وهو سكران يوم القيامة يقوم والباغة مربوطة فى رقبتو) رد عليه الأب قائلا (المشكلة تكون فاضية ياولدى ) .

Post: #53
Title: Re: نهاية مؤسفة لشارب خمر إهداء لسكرجية البورد (فيديو)
Author: فيصل محمد خليل
Date: 09-30-2010, 01:02 PM
Parent: #52


Post: #54
Title: Re: نهاية مؤسفة لشارب خمر إهداء لسكرجية البورد (فيديو)
Author: فيصل محمد خليل
Date: 09-30-2010, 01:05 PM
Parent: #53


Post: #55
Title: Re: نهاية مؤسفة لشارب خمر إهداء لسكرجية البورد (فيديو)
Author: anwar abdulmajid
Date: 09-30-2010, 01:20 PM
Parent: #52

واحد سكران بالنهار سكرة طيرى وركب ليو تاكسى طرحة مع السواق قدام وبعد ما ركب نزل المرآيا الامامية وبدا يعاين لوشو وكانت فى واحدة راكبة ورا مشتتا جاءت المرآيا عليها وطبعا صاحبنا شاف العجب واتخيل انو ده وشو,,, قال للسواق السكر ده بالنهار يخلى الواحد وشو ذى .....أمو.

Post: #56
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 10-01-2010, 02:18 PM
Parent: #55

شكراً جزيلاً لكل المتداخلين بدون فرز
فلقد أثرتم البوست بنكات السكرجية
فلكم التحية والاحترام

Quote: لكن و الله من زمان داير طريقة اتداخل بيها معاك يا النذيرلانو بتعجبني مداخلاتك (شفتة السلبطة و التِلِصِق )

لوووووول@ غباشي
يا غباشي والله القلوب شواهد، وأنا نفس
الشيء يا هندسة، فنحن زملاء مهنة وأهو
كمان طلعنا زملاء قعدات لوول

تحياتي للجميع

Post: #57
Title: Re: نهاية مؤسفة لشارب خمر إهداء لسكرجية البورد (فيديو)
Author: خدر
Date: 10-01-2010, 02:38 PM
Parent: #56

النذير سلامات
انا مع مازن مصطفي في القاهرة و قال ليك ماعندو باسوورد في سودانيزاونلاين و موضوعك ده عجبو
قال ليك رّحلو (انقلو) هناك في فوراوول لانو عندو فيهو رأي

Post: #58
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 10-01-2010, 03:18 PM
Parent: #56

سلام يا ناس القعدات سلام
أشهر كتاب عن القعدات على الاطلاق هو كتاب الإنداية
وما يميز كتاب الإنداية النسخة الجديدة هو أنه من
قام بتقديمه البروفيسور عون الشريف قاسم، يعني
الواحد لو عايز يشترى كتاب آخر، سيتوقف عن كتاب
الإنداية، ويستغرب، من أن اسم بروفيسور عون الشريف
قاسم، وزير الأوقاف يكتب عن هذا الكتاب، والزول
بقول الغنماية دي جنت وللأ شنو؟! لوول، وهذا مايجعل
هذا الكتاب أكثر تسويقاً بسبب فضول القارىء، وحالما
يقرأ المقدمة للكتاب، يجد أن البروفيسور عون الشريف
قاسم، قد استغرب من كاتب الكتاب الحقيقي وهو العلامة
الطيب محمد الطيب، وهو من بيت ورع ودين، كيف يكتب
عن الإنداية؟! وهذا سبب آخر ليجعل من كتاب الإنداية
أكثر الكتب السودانياً مبيوعاً. فقد ذكر الطيب محمد
الطيب في مقدمته، بأنه كان يكره التحدث عن الإندايات
أو السكرجية عموماً، ولكنه قد ولج هذا الباب غصباً عنه
عندما كان يريد أن يكتب عن الجعليين، وقد أراد أن
يجري حواراً مع أحد شيوخ الجعليين، وعندما زار هذا
الشيخ في منزله، قالت له زوجته الراجل مشى الإنداية
ما بجيء إلا بالليل، ومن هنا بدأت فكرة الإنداية.

Post: #59
Title: Re: نهاية مؤسفة لشارب خمر إهداء لسكرجية البورد (فيديو)
Author: انور الطيب
Date: 10-01-2010, 09:51 PM
Parent: #58

الأخ النذير وبقية المتداخلين .... سلام ..

القصص كثيرة ولكن جماعتنا نحن ديل ناس مريسة بس والعرقي عندهم حرام وما في زول بيقرب عليهو والبيقرب عليهو دة بيتبرأوا منو . لكن المريسة دي ما فيها حاجة وخاصة مريسة الفقراء دي محاية عديل . والمريسة طبعا بالصفيحة لما كانت الصفيحة صفيحة ومن صفيح ، واحد من أعمامك لما الجماعة يشربوا صفيحة بيشرب صفيحتين ولما يشربو أربعة بيشرب خمسة وقدر ما حاولوا يفوتوه غلبهم رجالة عديل كدة ومنافسة شريفة ، أهة أتفقوا الجماعة يسألوه شنو البيخليهو يشرب أكثر منهم ، قال ليهم : والله العملية بس توفيق من ربنا وما كل زول بيقدر عليها إلا البيوفقو ربنا ....

مع تحياتي .

Post: #60
Title: Re: نهاية مؤسفة لشارب خمر إهداء لسكرجية البورد (فيديو)
Author: هشام كمال
Date: 10-02-2010, 08:04 AM
Parent: #59

.

Post: #61
Title: Re: نهاية مؤسفة لشارب خمر إهداء لسكرجية البورد (فيديو)
Author: غباشي
Date: 10-02-2010, 08:47 AM
Parent: #56

و جيران كمان يا النذير ....و بوست سمرية بتاع اركويت خرافي عدييل كدة ... تحياتي ليها و ليكم
انا من الصحافة شرق لكن زاملت عدد كبير من ابناء اركويت ايام المرحلة المتوسطة ... (قبل احتضارها بسنتين)
كانوا بيقروا معانا في الصحافة و بعد داك برضو في الثانوي على السيد الصحافة دا غير الاهل الساكنين في اركويت
العلاقة ازلية يا النذير و يا ريت لو كمان اتلاقينا لكن الاقدام دي ليها رافع انت في عالم و انا في عالم تاني خالص ....
تسلم يا هندسة

Post: #62
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 10-03-2010, 09:04 PM
Parent: #61

Quote: النذير سلامات
انا مع مازن مصطفي في القاهرة و قال ليك ماعندو باسوورد في سودانيزاونلاين و موضوعك ده عجبو
قال ليك رّحلو (انقلو) هناك في فوراوول لانو عندو فيهو رأي

الأعزاء خدر ومازن مصطفي
سلامات، والله معليش ما شفت المداخلة دي
إلا هسا، وأنا زيك اليومين دي يا خدر
جاري في مطارات العالم من دول الخليج
مروراً ببلاد العم سام وإنتهاءً بأمستردام
أهو نشوف بلدكم دي لأول مرة.

إن شاء الله سأقوم بنقله حلما أفرغ من
تناول وجبة الغداء.

تحياتي لك ولمازن، و "إنجوي يور تريب"

Post: #63
Title: Re: نهاية مؤسفة لشارب خمر إهداء لسكرجية البورد (فيديو)
Author: النذير حجازي
Date: 10-03-2010, 09:29 PM
Parent: #62

Quote: و جيران كمان يا النذير ....و بوست سمرية بتاع اركويت خرافي عدييل كدة ... تحياتي ليها و ليكم
انا من الصحافة شرق لكن زاملت عدد كبير من ابناء اركويت ايام المرحلة المتوسطة ... (قبل احتضارها بسنتين)
كانوا بيقروا معانا في الصحافة و بعد داك برضو في الثانوي على السيد الصحافة دا غير الاهل الساكنين في اركويت
العلاقة ازلية يا النذير و يا ريت لو كمان اتلاقينا لكن الاقدام دي ليها رافع انت في عالم و انا في عالم تاني خالص ....
تسلم يا هندسة

العزيز غباشي يا زول والله نحن طلعنا أهل عديل كدا لوول
طبعاً يا غباشي زمان الصحافات دي بالنسبة لأركويت كانت
زي نيويورك، ومعظم أبناء أركويت يدرسون في الصحافات
وألذ حاجة بتذكرها في الصحافات أيام المظاهرات في زمن
الديمقراطية ومدارس الجكس الكتيرة كلها في الصحافات
وكنا أو ما نشوف الجكس بنهتف في المظاهرات:
لا عيش لا بيبسي
عايزن حكومة الجكسي
لووول

تحياتي ليك يا ملك، وإن شاء الله السنة الجاية عندي
لفة طويلة في مدن أوروبا وإن شاء الله سأتوفق عندكم

تحياتي ليك يا ملك

Post: #64
Title: Re: نهاية مؤسفة لشارب خمر إهداء لسكرجية البورد (فيديو)
Author: النصرى أمين
Date: 10-04-2010, 02:22 AM
Parent: #63

البوست ده لسه حايم
انا افتكرتو سكرة












وفكت