Post: #1
Title: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-27-2010, 12:59 PM
سلام يا شباب
في يومي ستة وسبعة أكتوبر، عندي كونيكشن
في مطار أمسترام لمدة 36 ساعة، وناوي
ألف الأماكن السياحية في أمستردام، الرجاء
تزويدي بالمعلومات الكافية، مثل كم أحتاج
لفك الدولارات لمدة 36 ساعة من تأجير غرفة
في فندق متوسط السعر، وما هي عملتهم، وكام
تعادل بالدولار، وأهم شيء الأماكن الغريبة
والتى تشد الإنتباه، وأجرة التاكسي، وهل
يستطيعون أن يتحدثوا اللغة الإنكليزية، ...، إلخ
ويا دواش وخواض، أنتوا أولاد قلبها أفزعوا
أخوكم
تحياتي
|
Post: #2
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-27-2010, 05:43 PM
Parent: #1
فوق لحدي بكرة
صباحاتكم بيض
|
Post: #3
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: Hatim Elmaki
Date: 09-27-2010, 11:03 PM
Parent: #2
الاخ حجازي سلام امستردام مدينة رائعة وحلوة وغالية لزول البرلوم احسن طريقة تزور الموقع الاتي واعمل حسابك من عيونك وكان البطاريات ناقصة ام الحسن ولتحست وباقي الدولارات يهن راحن في موية ام ستردام حاول ان تركب القطار حتي السنتر ويمكن تاسال اي بنت بتوصف ليك محطة القطار وكان تابعد البنات مابتجيك عوجة تب واعاك من التكسي وماتتكلم عربي مع اي حد وابعد من السودانين وماكلهم بس نصيحة جار ليهم وهولاندا كلها بتكلم E اذهب الي المدينة القديمة وانت تستمتع باليوم الاكل الحلال بالمحلات التركية تلاقاه مكتوب حلال
http://www.pureamsterdam.com/
|
Post: #4
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-28-2010, 05:15 AM
Parent: #3
العزيز حاتم، شكراً على النصائح الغالية والرابط
والله ما قصرت تب مع أخوك، وإن شاء الله سأعمل بنصيحتك
واستغل القطار إلى الدوان توان، وإن شاء الله قريب
ح أتشرف بزيارة بلجيكا.
تحياتي
|
Post: #5
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: خالد العطا
Date: 09-28-2010, 12:37 PM
Parent: #4
النزير حجازي
تمشي وترجع بالاسمة
|
Post: #6
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-28-2010, 03:02 PM
Parent: #5
العزيز خالد العطا، شكراً على الدعوات الطيبات
|
Post: #7
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: عوض مختار
Date: 09-28-2010, 03:14 PM
Parent: #6
سلامات
يلا يا ناس أمستردام الزول جاكم ضيف
أفو كلها يوم ونص اليوم
وتلتو نوم
إستضيفوا الرجل وفسحوهو فى بلدكم
وهو حيكب البنزين
ويجى داخل أكياسو مليانة
ودى عاداتنا السودانية
ومنافع مشتركة
وزكريات وصور وضيافة وحقكم الأدبى محفوظ
ولا يضيع المعروف ما بين الله والناس
عوض مختار
|
Post: #8
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-28-2010, 04:10 PM
Parent: #7
Quote: سلامات
يلا يا ناس أمستردام الزول جاكم ضيف
أفو كلها يوم ونص اليوم
وتلتو نوم
إستضيفوا الرجل وفسحوهو فى بلدكم
وهو حيكب البنزين
ويجى داخل أكياسو مليانة
ودى عاداتنا السودانية
ومنافع مشتركة
وزكريات وصور وضيافة وحقكم الأدبى محفوظ
ولا يضيع المعروف ما بين الله والناس
عوض مختار |
العزيز عوض مختار
شكراً ليك يا ملك على
الكلماتك الطيبات
تحياتي
|
Post: #9
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: waleed dawash
Date: 09-28-2010, 08:31 PM
Parent: #8
يا النذير حجازي الف الف مرحب بيك والله
ياخي امستردام شنو ليك؟ بلد سمحه لكن والله في الويكند تكره حياتك...
ياخي قول خير وتعال لينا بيجاي ... خلينا نفرح شويه ونقول لاقينا
النذير حجازي....
برجع ليك برواقة .
|
Post: #10
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: عزيز
Date: 09-28-2010, 08:38 PM
Parent: #8
الأخ حجازي
سلام ومودة وتقدير
مرحب بيك في أمستردام ..
لو يومي 5 و6 أكتوبر ويك إند لن تحتاج لتفك أي دولار فأنت في ضيافتى يارجل
عملت هولندا هي اليورو ويعادل حوالي 1.30 من الدولار.. الشعب الهولندي يتكلم كل لغات العالم اللاتينية
من المطار للداون تاون حاولي أقل من 10 دقائق بالقطار وبمبلغ 4 يورو تقريباً..
ولا تحتاج في الداون تاون لأي مواصلات لأن المنطقة دائرية وصغيرة ومرتبطة ويمكنك أن تشاهد متحف الشمع ومتحف فان جوخ
والمتحف الكبير ( الرايك ميوزيم ) والأخيرين متجاورين والأول في الدام عند القصر القديم والساحة والنصب التذكاري ..
وفي المساء لك أن تزور الحلة حيث لا عين رأت ولا أذن سمعت .. هولندا بلد إباحت المحظورات حيث تجد الكوفي شوب وبيع ما خف وطاب
من مخدرات حسب تصنيفهم لها ولك أن تحمل معك في تنزهك 100 جرام للإستعمال الخاص وممكن تطلب ولعة من البوليس..
ولو كنت مهتم بالموسيقي فستجد ما يشبع هوايتك ويذودك سنين عددا من كونسرتات .. وإن كنت تحب الدسكوتيك ففي الساحة المضيئة
ستجد كل أنواع الدسكوهات من اللاتن أمريكا الى جنوب شرق أسيا.. وبالقرب بل في الجوار كافي حبيبى أنا وهو للمثيليين الشرق أوسطيين
لا أود أن أقول العرب والمسلمين من إيرانيين وأتراك وباكستانيين لصاحبه (صاحب النك نيم سمير والذي منح رجل العام في أمستردام وهو مصري الأصل) ..
وهناك الكثير من المساجد منها الرحمة ومنها التوحيد ..
ولا أنسى أن أحدثك عن المنزل الذي إختبأت فيه أنا فرانك ( اليهودية كاتبة يوميات أنا فرانك ) والآن المنزل عباره عن مزار ومتحف
أعذرني إن إستطرت في الشرح ولكن هذا ما ستجده في أي دليل سياحي لأمستردام..
ستجد تلفوناتي في البروفايل
عبدالعزيز خطاب
|
Post: #11
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: غالب شريف
Date: 09-28-2010, 10:27 PM
Parent: #10
الاخ حجازي
مرحبا بك
ياخي لو طولت الكونكشن حبيتين ممكن تزور كل اوروبا
على كل حال ممكن تزور في الست وتلاتين ساعة دي مع هولندا
بلجيكا والمانيا لانو المساف قريبة
على العموم نخن ناس يلجيكا بنقدم ليك الدعوة
وانس حكايات هوتيل ومطاعم دي ما بتحتاج ليها
السودانيين يخبرهم
تلفوني مع وليد دواش
لو وصلته وصلتني
تحياتي
|
Post: #12
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 06:00 AM
Parent: #11
شكراً يا حبايب، وجاييكم بي رواقة بس أخلص
حاجات كدا في يدي وأجيكم، شكراً جزيلاً
|
Post: #13
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 08:48 AM
Parent: #12
Quote: يا النذير حجازي الف الف مرحب بيك والله
ياخي امستردام شنو ليك؟ بلد سمحه لكن والله في الويكند تكره حياتك...
ياخي قول خير وتعال لينا بيجاي ... خلينا نفرح شويه ونقول لاقينا
النذير حجازي....
برجع ليك برواقة
|
العزيز دواش، شكراً جزيلاً على الدعوة الكريمة
والله السفرة دي جات كدا براها، والكونكشن
جاء كدا من الله، تعرف يا دواش حالياً أنا أعمل
في الخليج، وعندي تذاكر سنوية لأمريكا بأي
خطوط اختارها، والسنة دي أختر ال"كي أل أم"
لكن إن شاء الله في السنوات القادمة ح أطول الكونيكشن
وأحاول ألف أوربا كلها، وزي ما بقولوا أهلنا
الجايات أكتر من الرايحات، وأنا عارف ظروف
الغربة في أروبا صعبة، علشان كدا ما ح أكلفكم كتير
بس كل ما أحتاجه هو الإرشاد للأماكن الغميسة
أو بلغة الراندوك وروني الكنتات فيها.
رسل لي تلفونك في البرافيت
تحياتي ليك يا ملك، وفي إنتظار عودتك
|
Post: #14
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 08:52 AM
Parent: #13
Quote: الأخ حجازي
سلام ومودة وتقدير
مرحب بيك في أمستردام ..
لو يومي 5 و6 أكتوبر ويك إند لن تحتاج لتفك أي دولار فأنت في ضيافتى يارجل
عملت هولندا هي اليورو ويعادل حوالي 1.30 من الدولار.. الشعب الهولندي يتكلم كل لغات العالم اللاتينية
من المطار للداون تاون حاولي أقل من 10 دقائق بالقطار وبمبلغ 4 يورو تقريباً..
ولا تحتاج في الداون تاون لأي مواصلات لأن المنطقة دائرية وصغيرة ومرتبطة ويمكنك أن تشاهد متحف الشمع ومتحف فان جوخ
والمتحف الكبير ( الرايك ميوزيم ) والأخيرين متجاورين والأول في الدام عند القصر القديم والساحة والنصب التذكاري ..
وفي المساء لك أن تزور الحلة حيث لا عين رأت ولا أذن سمعت .. هولندا بلد إباحت المحظورات حيث تجد الكوفي شوب وبيع ما خف وطاب
من مخدرات حسب تصنيفهم لها ولك أن تحمل معك في تنزهك 100 جرام للإستعمال الخاص وممكن تطلب ولعة من البوليس..
ولو كنت مهتم بالموسيقي فستجد ما يشبع هوايتك ويذودك سنين عددا من كونسرتات .. وإن كنت تحب الدسكوتيك ففي الساحة المضيئة
ستجد كل أنواع الدسكوهات من اللاتن أمريكا الى جنوب شرق أسيا.. وبالقرب بل في الجوار كافي حبيبى أنا وهو للمثيليين الشرق أوسطيين
لا أود أن أقول العرب والمسلمين من إيرانيين وأتراك وباكستانيين لصاحبه (صاحب النك نيم سمير والذي منح رجل العام في أمستردام وهو مصري الأصل) ..
وهناك الكثير من المساجد منها الرحمة ومنها التوحيد ..
ولا أنسى أن أحدثك عن المنزل الذي إختبأت فيه أنا فرانك ( اليهودية كاتبة يوميات أنا فرانك ) والآن المنزل عباره عن مزار ومتحف
أعذرني إن إستطرت في الشرح ولكن هذا ما ستجده في أي دليل سياحي لأمستردام..
ستجد تلفوناتي في البروفايل
عبدالعزيز خطاب
|
العزيز عزيز، شكراً جزيلاً يا ملك، وألف شكر على الكرم
الحاتمي الذي أغدقتني فيه، والله إنت سوداني صحراوي
وأخو أخوان، وأنا بي طبعي ما بحب أكلف الناس، ومشكلتي
أني جاهل جداً بهولندا، وجاتني هذه الفرصة الغير متوقعة
وحبيت ألف أمستردام، والله ما قصرت مع أخوك تب، وبي
كلامك الطيب دا، والله زي كأنك ضبحت لي تور عديل كدا
تسلم يا ملك.
وشكراً كثيفاً على المعلومات الثرة، ويا ليتك أطلت، شكلك
كدا مقدقد أمستردام، وإن شاء الله سأزور كل هذه الأماكن
وسوف أتصل بك اليوم لمعرفة المزيد من التفاصيل.
وإن شاء الله كدا نقدر نردها ليك في الأفراح والليالي الملاح
ولو إحتجت أي مساعدة من أمريكا أو دول الخليج بالخليجي
حاضريييييييييين.
تقبل فائق امتناني وكل شكري
|
Post: #15
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 08:55 AM
Parent: #14
Quote: الاخ حجازي
مرحبا بك
ياخي لو طولت الكونكشن حبيتين ممكن تزور كل اوروبا
على كل حال ممكن تزور في الست وتلاتين ساعة دي مع هولندا
بلجيكا والمانيا لانو المساف قريبة
على العموم نخن ناس يلجيكا بنقدم ليك الدعوة
وانس حكايات هوتيل ومطاعم دي ما بتحتاج ليها
السودانيين يخبرهم
تلفوني مع وليد دواش
لو وصلته وصلتني
تحياتي
|
يا سلام عليييييييييييييك يا غالب، وأنط في الساحة
وإتحزم وقول ديل أهلي ديل أهلي، وشكراً ليك يا سوداني
يا أصيل، وإن شاء الله السنة الجاية ح أزوركم أنت ودواش
وحاتم المكي في بلجيكا، ومنها نلف أوروبا، ومن هسا
كل التكاليف على حسابي، وبالمناسبة، والله نفسي أزور
الدنمارك، وإن شاء الله ح أختها في جدولي في الإجازة
القادمة.
تحياتي ليك يا ملك وربنا يكتر من أمثالك
|
Post: #16
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: عزيز
Date: 09-29-2010, 11:09 AM
Parent: #14
الحبيب حجازي
أسعدني جداً سماع صوتك والذي يعنون عن شخصك الأصيل
ياسيدي تزيدنا شرف وتعمر لحظات وجودك معنا بالفرح
سأكون في إنتظارك .. ودع الباقي علينا..
ولن تغادرنا إلا وانت راضي وسعيد وستبقى في قلوبنا حتى لقاء يتجدد
تحياتى وامنياتي لك ولأسرتك الكريمة
ورافقتكم السلامة في الحل والترحال
|
Post: #17
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 11:25 AM
Parent: #16
Quote: الحبيب حجازي
أسعدني جداً سماع صوتك والذي يعنون عن شخصك الأصيل
ياسيدي تزيدنا شرف وتعمر لحظات وجودك معنا بالفرح
سأكون في إنتظارك .. ودع الباقي علينا..
ولن تغادرنا إلا وانت راضي وسعيد وستبقى في قلوبنا حتى لقاء يتجدد
تحياتى وامنياتي لك ولأسرتك الكريمة
ورافقتكم السلامة في الحل والترحال |
ياسلااااااااام عليك يا عزيز ياخي
والله سررتُ ايما سرور بالتحدث إليك
عبر الهاتف، وكيف الحال لو ما كنت
سوداني وناس الحارة أهلي؟!
وزهير ابن أبي سلمى قال:
لسان الفتى نصفٌ ونصفٌ فؤاده
ولم يبق إلا صورة اللحم والدم
وإن شاء الله تلاقي في القريب العاجل
وأنا هسا بستف في الشنط، للتجهيز
للسفر.
تقبل فائق تقديري وكل احترامي
|
Post: #18
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: Hatim Elmaki
Date: 09-29-2010, 12:43 PM
Parent: #17
http://glifr.com/ar/2750405/NL
النزير
اسمع كلام غالب ووليد دواش واركب قطار بلجيكا بتلقاه تحت المطار ومكتوب بروكسل اركب تعال والفسحة على تب وكمان تلف بعربتى بس خلي السفره الجاية لهولاندا اركب اول قطار وانا بنتظرك في المحطة
الموقع فيه صور من امستردام وكمان كل دول اوربا
|
Post: #19
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 09-29-2010, 12:54 PM
Parent: #18
Quote: النزير
اسمع كلام غالب ووليد دواش واركب قطار بلجيكا بتلقاه تحت المطار ومكتوب بروكسل اركب تعال والفسحة على تب وكمان تلف بعربتى بس خلي السفره الجاية لهولاندا اركب اول قطار وانا بنتظرك في المحطة
الموقع فيه صور من امستردام وكمان كل دول اوربا |
يا سلااااااااااام عليك يا أبو الحواتم والله
اسم على مسمى، شكراً جزيلاً على هذا الكرم الحاتمي
وإن شاء الله الجايات أكتر من الرايحات
تقبل فائق تقديري
وكل ودادي
|
Post: #20
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: Haytham Mansour
Date: 09-30-2010, 08:46 PM
Parent: #19
الاخ الفاضل/ النزير ،،،
الف مرحب ،،،
حللت اهلا ،،، و نزلت سهلا
والله فرصة طيبة حتي نستن سنة الاكارم بورداب الخرطوم في الاحتفاء بالقادمين
اليها،،، فنحتفي نحن بالعابرين خلالنا مع تمنباتنا لهم في سفرهم بالبر و
والتقوي .
سوف يتم التنسيق مع العزيز عزيز وبقية بورداب امستردام ،،،
كافة بيانات الاتصال بالبروفايل ،،،
تحياتي ،،،،
ن
|
Post: #21
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 10-01-2010, 06:46 AM
Parent: #20
Quote: الاخ الفاضل/ النزير ،،،
الف مرحب ،،،
حللت اهلا ،،، و نزلت سهلا
والله فرصة طيبة حتي نستن سنة الاكارم بورداب الخرطوم في الاحتفاء بالقادمين
اليها،،، فنحتفي نحن بالعابرين خلالنا مع تمنباتنا لهم في سفرهم بالبر و
والتقوي .
سوف يتم التنسيق مع العزيز عزيز وبقية بورداب امستردام ،،،
كافة بيانات الاتصال بالبروفايل ،،،
تحياتي ،،،،
|
عزيزنا الفاضل هيثم منصور
ألف شكر ليك ولهمتك الكريمة لفزعة أخوكم
والله يا منصور ما قصرتوا تب مع أخوكم
هسا أنا حالياً في الولايات المتحدة الأمريكية
وسأتحرك منها إلي أمستردام الإسبوع المقبل
وإن شاء الله نردها ليكم في الأفراح والليالي
الملاح
تقبل فائق تقديري
وكل إعزازي
|
Post: #22
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: waleed dawash
Date: 10-04-2010, 07:08 PM
Parent: #21
النذير
اسف ياخ ... والله المشاغل ملومانا معاك لكن والله مانسيتك
...
ده رقم التلفون
0032484113531
وادينا الو عشان نتابع معاك.
|
Post: #23
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 10-05-2010, 09:36 AM
Parent: #22
Quote: النذير
اسف ياخ ... والله المشاغل ملومانا معاك لكن والله مانسيتك
...
ده رقم التلفون
0032484113531
وادينا الو عشان نتابع معاك |
عزيزنا وليد دواش
ما بيناتنا وما في داعي للأسف
ومعرف إنو الدول الغربية دي
الحياة فيها بين الجري والطيران
وشكراً جزيلاً على التلفون، وإن شاء
الله سنكون على اتصال، وبلجيكا
أن شاء الله نشوفها السنة الجاية
وبمناسبة بلجيكا دي في بوست مجاور
حاجة كبيرة سافرت لي ولدها في بلجيكا
ولمن رجعت السودان سموها حاجة بلجيكا لوول
تحياتي ليك يا ملك
|
Post: #24
Title: Re: يا ناس أمستردام مساعدة عاجلة - يا نزار الخواض و وليد دواش أفزعوا أخوكم
Author: النذير حجازي
Date: 10-09-2010, 12:20 PM
Parent: #23
شكراً بحجم الوطن للفنان العزيز عبد العزيز خطاب
فقد تشرفت بلقائك والتعرف على أسرتكم
الكريمة وأبنائك النوابغ، والله ما قصرت
مع أخوك تب، فقد كنت مثالاً حياً لروعة
السودانيين وسوداني أصيل، فقد شاهدتُ
في أمستردام ما لم يخطر ببال بشر، فكانت
رحلة سعيدة وبصحبتك كانت أسعد.
وإن شاء الله أقدر أرد جميلك هذا في الأفراح
والليالي الملاح. وكذلك لن أنسى العزيز
هيثم منصور بتلفوناته الكثيرة لمعرفة
وصولي، وقد تشرفت بسماع صوته عبر الهاتف
وإن شاء الله ربنا يكتر من أمثالكم
للجميع فائق شكري
وكل امتناني
أخوكم دوماً وأبداً
النذير حجازي
|
|