Post: #1
Title: سد الشريك .... صحي النوم يالوالي...!!!
Author: حاتم شناب
Date: 09-23-2010, 06:42 PM
عطبرة :الصحافة: أصدر والي نهر النيل الفريق ركن الهادي عبد الله، قراراً قضى بتكوين لجنة متخصصة لإدارة حوار حول خيارات توطين الأهالي المتأثرين من قيام خزان سد الشريك، وأسند القرار ،بحسب المركز السوداني للخدمات الصحافية، للعميد مهندس حسين محجوب وزير الحكم المحلي والإدارة رئاسة اللجنة وعضوية عدد من القيادات السياسية والتنفيذية ضمن معتمدي محليتي أبو حمد وبربر ورؤساء المجالس التشريعية وبالمحليتين.
وأكدت مصادر مطلعة بأن قرار تكوين لجنة حوار لتلمس رغبات المتأثرين حول خيارات توطينهم تعد خطوة إيجابية لاحتواء كافة المظاهر السالبة التي قد تنجم جراء قيام السد واعتبروا المبادرة بالقرار من قبل حكومة ولاية نهر النيل تعتبر مبادرة يجب أن تعمم لما هو مخطط له من السدود في طور الإنتاج أو التشييد.
http://www.alsahafa.sd/details.php?articleid=13307#13320
|
Post: #2
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 06:47 PM
Parent: #1
هذا ما تم إعلانه من قبل والي نهر النيل
في شهر سبتمبر لهذا العام بعد إعلانه
للجماهيرأثناء الحملة الإنتخابية السابقة
أنه ضد فكرة السدود
من الاساس في المنطقة
نواصل.......
|
Post: #3
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 06:52 PM
Parent: #2
من الأسماء التي لمعت للجنة الحوار هذه
البروفيسر عوض حاج علي
مدير جامعة النيلين والقيادي بالحزب الحاكم
والذي تم رفضه بالإجماع من قبل لجنة المتأثريين
في الأيام السابقة ليكون جزءا من أي حوار يخص
المنطقة فهل يعلم والي غفلة الزمن هذا بقرار مثل
هــــــــــذا
نواصل.....
|
Post: #4
Title: Re: سد الشريك .... صحي النوم يالوالي...!!!
Author: نعمات حمود
Date: 09-23-2010, 06:53 PM
Parent: #2
يا حاتم حاج بابكر مهيوبة او شناب ما داخل اللجنه دي
تحياتي للاسرة وانا قاعدة في البوست دا وعلى الاساس دا المعلومات بالتفصيل الممل
تحياتي ...وموفور المحبة
والعيد معاكم بعطبرة حضروا الخروف
محبتي
|
Post: #5
Title: Re: سد الشريك .... صحي النوم يالوالي...!!!
Author: cantona_1
Date: 09-23-2010, 07:03 PM
Parent: #4
أقول ليكم حاجة يا جماعة الخير.. ماتزعلوا من حكومتكم دي .. الحكومة دي راسها راكب بالقلبة. نحن في جبال النوبة نطالب الحكومة تعمل لينا سدود عشان تحجز لينا ألمي لفترة الصيف بدل ما يمشي البحر بدون فائدة .. والحكومة تقول كو ما عندها قروش. وبجاي تجي تقول عاوزة تسوي سدود في الشريك وكجبار وسياد البلد بقولوا ما دايرين سدود! مش عجيبة بالله. ما فيكم واحد يدي الحكومة دي راسها؟ تحياتي.
كبـــَّـاشي الصــَّــافي
|
Post: #6
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 07:06 PM
Parent: #4
Quote: يا حاتم حاج بابكر مهيوبة او شناب ما داخل اللجنه دي
تحياتي للاسرة وانا قاعدة في البوست دا وعلى الاساس دا المعلومات بالتفصيل الممل
تحياتي ...وموفور المحبة
والعيد معاكم بعطبرة حضروا الخروف
محبتي |
تصدقي يانعمات ولا واحد من كبارات البلد
في اللجنة
اللجنة عبارة عن لجنة حكومية بحتة
وبالمناسبة لاقيت أختك أسماء في العيد وبتسلم عليك
وأبقي مرة ماتجي العيد...
|
Post: #7
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 07:15 PM
Parent: #6
الواضح...
أن هنالك تعتيم إعلامي
لما يجري في منطقة السد
الأجانب في كل مكان
لا احد يدري ماذا يفعلون
لا إجابات من الحكومة الولائية أو المحلية
الوضع ببساطة
ممكن أن ينفجر في أي لحظة
والعاقبة في المسرات أيها الوالي
|
Post: #8
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 07:23 PM
Parent: #7
|
Post: #9
Title: Re: سد الشريك .... صحي النوم يالوالي...!!!
Author: حاتم شناب
Date: 09-23-2010, 08:31 PM
Parent: #8
Quote: أقول ليكم حاجة يا جماعة الخير.. ماتزعلوا من حكومتكم دي .. الحكومة دي راسها راكب بالقلبة. نحن في جبال النوبة نطالب الحكومة تعمل لينا سدود عشان تحجز لينا ألمي لفترة الصيف بدل ما يمشي البحر بدون فائدة .. والحكومة تقول كو ما عندها قروش. وبجاي تجي تقول عاوزة تسوي سدود في الشريك وكجبار وسياد البلد بقولوا ما دايرين سدود! مش عجيبة بالله. ما فيكم واحد يدي الحكومة دي راسها؟ تحياتي.
كبـــَّـاشي الصــَّــافي
(العوج راي والعديل راي) |
الكباشي يا أخوي
المشكلة ما في السدود في حد ذاتا
المشكلة في السياسة البتتعامل بيها الحكومة
بتاعت فرض الأمر الواقع
والتغبيش والتعتيم
بغض النظر عن الفوائد والخسائر من قيام السد
أو عدم قيامه
هنالك مطالب لأهل المناطق المتأثرة بسيطة جدا في تقديري
لا تحتاج لهذا العناد (واللف والدوران)
يمكن للحكومة الولائية أو الإتحادية أو إدارة السدود
حلها بقرار إذا التزمت فيه مصالح المواطنين وتغاضت عن المكاسب المادية
وما يمكن أن يدره المشروع من الأرباح
|
|