بـُــري

بـُــري


06-04-2008, 10:26 AM


  » http://sudaneseonline.com/cgi-bin/sdb/2bb.cgi?seq=msg&board=310&msg=1285861217&rn=105

Post: #1
Title: بـُــري
Author: اساسي
Date: 06-04-2008, 10:26 AM
Parent: #0

هذا البوست علي نسق بوستات الاحياء والتي لم تكن تستهوني الا انه لا مانع من الكتابة عن تلك المدينة الخالدة بري

بري المحس
بري الدرايسة
بري اللاماب
بري ابو حشيش
حي كوريا
امتداد ناصر
قاردن سيتي

ذكريات واحداث لجميع ابناء مدينة البراري بالمنبر وخارجه لسكان بري وزوارها ومريديها وللناس البيتفسحوا فيها الذين يقطعون الفيافي والقفار لرؤية معلمها البارز (معرض الخرطوم الدولي)
فليبدا التسجيل لفك شفرات تلك الاحياء التي تشكل فيها وجدانا و ساهمت في تشكيل وجدان الكثير من السودانين
بري معالمها
بري رموزها
بري الرياضة
بري وحكاياتها
بري وظرفائها
بري وناسها
Post: #2
Title: Re: بـُــري
Author: Hussein Mallasi
Date: 06-04-2008, 10:31 AM
Parent: #1

البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو.
Post: #3
Title: Re: بـُــري
Author: اساسي
Date: 06-04-2008, 10:43 AM
Parent: #2

Quote: لمحمد أبو العزايم أبو الريش و اخوهو.




يعني ما من اولاد ام درمان هم؟

مرحبا بمحمد ابو العزائم ابو الريش واخوهو في جميع بوستاتنا والبوستات المجاورة

ياخي ديل عنده القرين كارد بري
Post: #6
Title: Re: بـُــري
Author: tmbis
Date: 06-04-2008, 11:01 AM
Parent: #3

Quote: يعني ما من اولاد ام درمان هم؟

اكتب عن مدينتك المتواضعة المصنوعة ودعنا نكتب عن المدن التاريخيه .. بمعرفتنا.


علاقتي مع اي من (البوريات) الفوق دي كالاتي:
- مشينا بالحافلة لعبونا في ميدان في نص السوق .. الحتات كلها اكشاك حتات وهمية جدا الشهادة لله .. انا افتكرت نفسي خارج حدود العاصمة .. نسبة لما تمتاز به المنطقة من تضاريس عجيبة جدا ..
بعدين الحاجة الغريبة .. الناس دي جات اتلمت ليك حوالين الميدان قاعدين يتفرجوا فينا وبعد نهاية الكورة بلاي جو خاشين الميدان .. (بيهبشو) في الفنايل والشورطات وفي شعار الهلب .. غايتو اليوم داك استغربته بشكل .. لحدي ما رجعت البيت انا مستغرب ..
- يوم اولاد حلتنا مشو (سيرة) حفلة واحد من اولاد الحلة .. وكنا ممتحنين من المتوسطة للثانوي .. تخيلو:
ابناء بري اعتدوا على ابناء الموردة العريقة بالضرب بالعصي .. والسيخ .. واطواق العجلات .. الوكت داك كانت في موضة بتاعت الشباطة كان بتتعمل عند (غـــازي) في حي الموردة .. والما لبس شبط من غازي .. وقتها بنعتبرو (مهمش)
المهم اتضح انو العدوان كان سببو انو عددية كبيرة من اولاد حلتنا كانو لابسين الشباطة ديك.. بلاي يا اساسي دي اخلاق دي .. والله تلقاك شاركت في المعركة دي برضو .. وانا عارفك انتهازي .. تكون ما لقيت مقاسك شلت ليك اي شبط من الشباطة دي وديتو تاني يوم (سوق الأخوان)

واصل ..
Post: #10
Title: Re: بـُــري
Author: اساسي
Date: 06-04-2008, 11:19 AM
Parent: #6

ويعرفوك فرحان بالمولد كيف يا طمبس كان ما كتبت جنس كلامك دا ...
لما فريق بري شال كاس السودان ومثل السودان خارجيا وكان الفريق القومي بتكون تلاتة ارباعه من فريق بري الزمن داك جدك السكن الموردة مؤخرا كان شغال ( برد برد) في جيش الجهادية بتاع الخليفة التعايشي , تقول لي يهبشوا في فنايلكم !! فنايل منو يا ابو فنيلة ؟؟ لما فريق حلتكم بلم تبرعات عشان يفصلوا عراريق يمشوا يحضروا بيها الصراع في مقابر حمد النيل وقتها اولاد بري بيأسسوا ليكم في المعرض .
وتاكد تماما انه الفريق الوافق يلعب معاكم هو فريق الجزارين والخدرجية بتاعين سوق اربعة من وصفك الوصفته دا ودا حجمكم الطبيعي والطليعي يا ركيب
بعدين ( شباطة) غازي بتاعة الكموش دي اتعملت عشانكم لانه المقاسات الطبيعية بتاعة البشر البلبسوا الجاهز ما كانت متوفرة عندكم عشان كدا غازي حاول يبتكر ما يستر حفيكم ياخي مرة عملوا لقاء مع غازي بتاع الشباطة دا وسالوه عن الهداه لابتكار هذه المداسات الضخمة اظنه قال يومها عيال الموردة ديل الواحد رجله الواحدة فيها صبعطاشر اصبع فمافي حاجة تلمها ليم غير البعملوا انا .
طبعا اكيد لازم اولادكم يدقوا عندنا فما رأوه في تلك الحفلة من حسان وغيد وفاتنات لم يكونوا يتوقعوا ان بداخل السودان مثل هؤلاء فحصلت لهم تلك الصدمة الحضارية التي جعلتهم يقومون بافعال قل ما توصف بالبربرية فاستحقوا عليها الجلد .
Post: #9
Title: Re: بـُــري
Author: أيمن الطيب
Date: 06-04-2008, 11:13 AM
Parent: #3

سلامات يا أساسى...

تسجيل ,,وحضور إنشاء الله ومتابعة كمان لصيقة ,,
يا صاحبى واحد فينا كان فى خطرات التانى وغالب
ما تكون إنت ورانا فى الأميرية والقديمة,,
بعدين بورد الحرابات والدكشمانات دا أحسن نبقى
فيه قراب من أولاد( حاراتتنا) وأولاد أهلنا عشان
فى برى القاعدة الأساسية (جارك القريب ولا ود
أعمك البعيد)...

أولاد أبو الريش أبناء أحد أعمدة إرتكاز
حى برى المحس يا ملاسى ومرحب بيك معانا
هنا كمان لأنو إنت برضو عندكم حوش حوشين
فى برى المحس وما بتحتاج (كفيل)
وكان طلعت ما عارفو تعبت معاى,,,

مدينة البراري كغيرها من أحياء الخرطوم العريقه
يرى أهلها وغير أهلها أنها مكان متفرد وتربطهم
ببعضهم البعض علاقات القرابة والمصاهرة والجيرة
وأغلب أبنائها قد درسوا مع بعضهم البعض فى إحدى
المراحل أو جمعتهم الرياضة والأنشطة الإجتماعية..

سوف يقال الكثير عن برى هنا..

تحياتى..
Post: #19
Title: Re: بـُــري
Author: اساسي
Date: 06-04-2008, 05:32 PM
Parent: #9

ود بري ايمن الطيب

التحايا

التحية لاولاد ابو الريش واهلنا في بري المحس عموما وبملاسي واصدقائه الامدرمانين

نتمني ان نسمع منك الكثير

شكلك يا حبيب من اولاد بري المحس

خليك قريب ونسمع منك اكتر
Post: #4
Title: Re: بـُــري
Author: حمد فتح الرحمن
Date: 06-04-2008, 10:45 AM
Parent: #1

ايوااا
تعرف السر عبد العاطي
Post: #5
Title: Re: بـُــري
Author: اساسي
Date: 06-04-2008, 10:51 AM
Parent: #4

Quote: السر عبد العاطي





ايوة بعرفوا ... مربع واحد امتداد ناصر جامعة الخرطوم عمادة شئون الطلاب , فريق الكرة بالرابطة

عندي موقف كنت فيهو شاهد ( ملك) ما بحكي ليك هنا
Post: #7
Title: Re: بـُــري
Author: Maawya Hussein
Date: 06-04-2008, 11:08 AM
Parent: #5

Quote: بـُــري


ماعارف قريت العنوان بريً ( بكسر الراء)


مع موجه الالفاظ الغريبه الحايمه الايام دي
Post: #20
Title: Re: بـُــري
Author: اساسي
Date: 06-04-2008, 05:33 PM
Parent: #7

والله يا معاوية بتبربر براك كان كدا

بقيتوا تقروا علي حسب خوفكم من ام ضراع
Post: #8
Title: Re: بـُــري
Author: nadus2000
Date: 06-04-2008, 11:12 AM
Parent: #5

أساسي صاحبي*
والله انا من زمان قايلك تنتمي لقبيلة المهمشاب (اقليمي زي حالتنا كدة)، تقوم تطلع راكب مع تمبس في سرج واحد ولو كره الأمدرماناب.





*(اعتراف دا ممكن يطلعني من قبيلة المستنيراب..
"فعلى قدر المعزة تأتي التضحية")
Post: #21
Title: Re: بـُــري
Author: اساسي
Date: 06-04-2008, 05:35 PM
Parent: #8

نادوس الحبيب

ياخي انحنا في كل مكان معاكم , كوستي الحلة الجديدة سبعة وعشرين تامنية وعشرين المرابيع حي النصر الاندلس حي الشاطي والله للرابعة معاك
اها لقيتني كيف؟
مدينة كوستي اكثر مدينة سودانية قضيت فيها اجازات وضهب

بعدين الزمن دا في مستنيراب اكتر من المهمشاب؟
Post: #92
Title: Re: بـُــري
Author: Kudouda
Date: 06-09-2008, 12:09 PM
Parent: #4

عليكم الله يا جماعه ده بوست بقعد مدسي كده
جاييكم تاني
غازي
Post: #11
Title: Re: بـُــري
Author: haleem
Date: 06-04-2008, 11:28 AM
Parent: #1

والله يا أساسي يوم إفتتاح المعرض دة لبسنا هدوم المدرسة مكوية سيف حسب التعليمات عشان نكون في استقبال ابعاج

وكان موضوع الانشاء عن انجازات (ثورة) مايو

سدنة سااااكت
Post: #12
Title: Re: بـُــري
Author: tmbis
Date: 06-04-2008, 11:42 AM
Parent: #11

Quote: تقوم تطلع راكب مع تمبس في سرج واحد ولو كره الأمدرماناب

والله يا نادوس .. اساسي دا لما اكون بتكلم معاهو واجيب ليهو سيرة الريفيرا .. يا حديقة الموردة وحيات الخوه بتعب تعبشديد ..
تعرف بجدع ليهو في نص الكلام الريفيرا .. وبخليهو يرغي ويزبد .. ويطلع الكدوس بتاع الازمة داك ويبخ
انت عزيز علينا يا نادوس ولذلك انا بقبل اقتراحك دا .. وبكلم الجماعة يدو اخونا اساسي عضوية فخرية.
بس على شــرط:
نخصص ليهو يومين في الأسبوع يجي يتفسح في الموردة ويضرب سمك .. (وفاخــر) من الفاتح الكوتش .. لكن حدو الدايات بس .. ميدان الخليفة ما يصل .. لانو المسالة دي ما بي يدي انا والله بتعمل لي مشكلة مع الجماعة هناك بعدين يقوموا يقولو لي بقيت تجيب لينا ناس عجيبين وغريبين جدا ..
Post: #13
Title: Re: بـُــري
Author: دينا خالد
Date: 06-04-2008, 02:16 PM
Parent: #12

اساسى ؟؟ برى دى مش الجنب حلتنا ؟؟؟

قال ليها مش دى رفاعة الجنب الابيض ؟ لوووووووووول


لكن لو دى برى الفيها الحلبى !!!!

برى برى فوق برى دى انا تانى ما بجى !
Post: #14
Title: Re: بـُــري
Author: ابو جهينة
Date: 06-04-2008, 02:32 PM
Parent: #13

بري اللاماب

بجيك راجع يا أساسي
Post: #24
Title: Re: بـُــري
Author: اساسي
Date: 06-04-2008, 05:54 PM
Parent: #14

يا سلام يا ابو جهينة دي من الوعود الدسمة التي ننتظرها ونترقبها

شفت الورطة
Post: #16
Title: Re: بـُــري
Author: Mohamed Yassin Khalifa
Date: 06-04-2008, 03:40 PM
Parent: #13

العزيز ود حلتنا الأساسي:

عندنا بيقولوا "إنشاء يوم شكرك ما يجي" علشان كده حا أقول ليك تسلم يا يا أساسي وتسلم بيك بري الحبيبة... لأنك رجعتنا لحتتنا وخليت العالم يشهد!!!

برجع ليك بس خليني أرد على الناس الما بعرفو قدر بري ديل وأولهم أخونا طمبس.. وعلشان هو أخوي الصغير ود أمدر - جار حوش جدي الخليفة - خلونا نسامحه علي كلامه القالو ده من غير وعي من تأثير العلقة والظاهر إنها كانت سمحة

فيا طمبس أنا معاك إنو أمدرمان عريقة وعمرها بعمر حوش جدي الدخلها قبل 120 سنة... ولكن أهلي في بري سكنوها قبل كدا بكتير... وأنا إتربيت في حوش جدي من أمي الزبير عبد الله الزبير.. وجدي أحمد الزبير وجدي الشيخ إدريس ود علي, رحمة الله عليهما.. كان لهما الدور الاساسي في قيام بري الحديثة والمعروفة بحدودها الحالية.. لأنها في الأصل كانت مدينة قريبه من النيل الأزرق (البحر ذي ما بنسميهو) والكان ومازال فيضانه صعب في المنطقة ديكا.. فكان لابد من التخلي عن المنطقة بالرغم من عراقتها وتاريخ اللهو إمتداد لمملكة سوبا وسلطنة الفونج...

وحا أرجع وأكتب الكتير في الحتة دي لاحقا لو سمح ليا الأساسي...

وعن الكورة (بضم الميم وتشديد الراء) ذي ما بنتميز بنطقها نحنا أولاد بري.. فالخط هنا أحمر.. وأولادنا حايردو عليك... بس يكفي الكاس الجابو لينا فريقنا القومي الكان معظم لاعبيه ومدربهم الخال عبد الفتاح حمد - رحمة الله عليه - من أولاد بري



ولنواصل.....
Post: #30
Title: Re: بـُــري
Author: اساسي
Date: 06-05-2008, 10:12 AM
Parent: #16

يا سلام عليك يا محمد ياسين الخليفة

اضافة موفقة ورد لي تمبس في التمنيات

نتوقع منك المواصلة
Post: #23
Title: Re: بـُــري
Author: اساسي
Date: 06-04-2008, 05:48 PM
Parent: #13

Quote: اساسى ؟؟ برى دى مش الجنب حلتنا ؟؟؟


تطير عيشتها بري دي جمبها اي حاجة

الحلبي جانا راحل من الخرطوم تلاتة قعدوا ثلاثة سنوات اشاكل معاي فيهم ورجع تاني الخرطوم تلاتة
Post: #22
Title: Re: بـُــري
Author: اساسي
Date: 06-04-2008, 05:46 PM
Parent: #11

حليم التحايا الطيبة

اذكر ذلك اليوم تحديدا كالامس , لان لي فيه علامة حتي يومنا هذا لم تفارقني اكتسبتها من ذلك اليوم اي افتتاح معرض الخرطوم الدولي
بيتنا كان قبالة البوابة الرئيسية لمعرض الخرطوم قبل ان ننتقل الي امتداد ناصر , كان الزحام عنيفا كنت اجلس قبالة المنزل بالقرب من والدي وعلي صاحب الفرن البلدي , مع الزحام حدث هرج وتشابك اثنان بالايدي وتم التفريق بينهما فتناول احدهما حجرا وقذفه في الاخر الذي كان يقف امامي , زاغ صاحبنا من الحجر وتسلمته جبهتي والي اليوم لدي شعار افتتاح معرض الخرطوم الدولي في جبيني , اذكر يومها انه نزف الجرح دما كثيرا الي درجة تغير لون قميصي وانا طفلا فتم حملي علي سيارة (التنجدة) الكحلية البيجو وفي مؤخرة السيارة كان الشخص الذي قزف الحجر مجندلا تم ايصالي الي حوادث الخرطوم وعمل سبع غرز في الجرح .
لذا ما ازال اذكر ذلك اليوم جيدا يا بتاع طلائع مايو انت
Post: #15
Title: Re: بـُــري
Author: محمد أبوالعزائم أبوالريش
Date: 06-04-2008, 02:34 PM
Parent: #1

Quote: البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو.



بيكون أظرف بدون طلتك البهية وطربوشك

أساسي ...
أشكرك نيابة عن أولاد بري .... وسؤالي .. هل لك صلة ببري (سكن حالي أو في الماضي ... أهل .. إلخ) .. وحتى لو الإجابة بالنفي .. مرحب بيك في بري.
Post: #31
Title: Re: بـُــري
Author: اساسي
Date: 06-05-2008, 10:14 AM
Parent: #15

Quote: هل لك صلة ببري (سكن حالي أو في الماضي ... أهل .. إلخ)


الاخ محمد ابو العزائم

اكيد ياخ انا ود بري , الولادة والطفولة والصبا والشباب ما بين بري الدرايسة وامتداد ناصر

يا اريت نسمع منك
Post: #17
Title: Re: بـُــري
Author: DKEEN
Date: 06-04-2008, 03:58 PM
Parent: #1

في 97 قفلت الحكومة الجامعات لاجل غير مسمى..
فرجع كل طلبة الشهادة العربية الى الخليج..
ولاننا كنا بنعتمد عليهم في مصاريفنا اليومية والاكل والشراب..
انقطع رزقنا..
اتحيرنا ونحنا جماعة..
اضطرينا تحت وطأة الجوع اننا نفتش شغل ..
فلجأنا الى مؤسسة (الطالب المنتج) الكيزانيةعشان تدبرنا ..
اشتغلتا موزع فواتير مياة المدن..
وادوني منطقة بري عشان اوزع فيها..
لفيت بري دي بيت بيت..
ولي هسي مذكر الوجوه التي طالعتها في بري المحس وابو حشيش وبري اللاماب (بري مربع ستة)
والدعوات التي كانت تلحقني (الهي ربنا ما يوفقكم ) (موية شنو يا ولدي ..الهي يدفق مويتك على الرهاب) (الموية دي ما بنشوفها إلا فجرية ..فاتورة شنو ما بتخجل)(هسي ياولدي انتا شغلة ماعندك ..دي مواعيد توزع فيها فواتير)..
والحق يُقال الدعوات كانت مزعجة جدا بالذات من العواجيز ونسوان بري..
بس تلك الدعوات المزعجة لم تكن شيئا بجانب حسناوات بري..
كنت بقول يلا ..دعوة من بيت وطلة بت سمحة من بيت تاني ما كعب..واردد (ُبري مدهشة)
اجمل البنات لاقوني في بيوت بري اللاماب مربع ستة..
واكرم الناس لاقوني في ابو حشيش..كانو طوالي بقولو لي اتفضل يا خينا افطر او اشرب ليك جبنة..
واصعب البيوت لاقتني في بري الدرايسة ..كانت بيوت جايطة وشوارع ضيقة ودخاخين..
ونص البيوت مؤجرة تكون داير ليك ساعة عشان تعرف البيت بي اسم منو ومن ثم الفاتورة حتكون ياتو فاتورة..
لفيت بري دي شارع شارع وزقاق زقاق
وكنت من الملتصقين بهموم الناس في الشوارع وربات المنازل عند الضحى ..
اكشتفتا طعم القرش المكتسب من عرق تطاردة الدعوات..
اكتشفتا انو ابو القاسم محمد ابراهيم رئيس نادي بري
وانو عندو فيلا سمحة في قاردن سيتي فاضية
وانو معاوية البرير عندو غفير مفترس
وانو سعود البرير راجل متواضع
وانو اولاد الشيخ مصطفى الامين فللم في قاردن سيتي بتشبه بعض..
وانو كمال حمزة عندو بيت بديع في قاردن سيتي..
وانو في حبشية شغالة (شغالة )في فيلا في قاردن سيتي لو وافقت لتزوجتها الحين والساعة..
وانو في بيوت في بري الشريف يعمرها القرآن والتسبيح ..


غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب..
Post: #32
Title: Re: بـُــري
Author: اساسي
Date: 06-05-2008, 10:16 AM
Parent: #17

يا ديكو لكن ما نجضتها نجاض

Quote: غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب..


ويجيك الركيب بتاع الموردة دا لسانه زي الكرفتة يتفاصح

خليك قريب يا عمك
Post: #18
Title: Re: بـُــري
Author: احمد العمار
Date: 06-04-2008, 04:07 PM
Parent: #1

يا سلام عليك يا اساسى الكلام عن برى ليهو طعم خاص ، تعرف قبل فترة عمر الفاروق
كتب بوست عن الفنان أحمد الجابرى وتحدث عن اغنية الجريف واللوبيا
فاثار فى نفسى شجون غير عادية لاننا فى برى اللاماب بنعتبر اغنية الجريف
واللوبيا دى مفروض تكون اسمها ( برى واللوبيا)(اقصد المنطقة الموصوفة فى الاغنية وليس استبدال معنى كلمة جريف ببرى ) مع انو الجريف غرب وبرى الاماب
لا يفصل بينهم غير المنشية فقط يعنى نفس المكان بس الاختلاف برى فيها شاطىء رملى
والجريف لا . كما تعلم
وتمنيت ان تسمح ظروف واكتب عن برى او البرارى بصورة عامة
فرغم اصولنا الكردفانية ولكن برى اللاماب او( برى الشريف ) تظل مسقط رأسى
فبرى هى حى عريق وكم لنا فيها من ذكريات ، البحر ، الجنانين ، الحوليات ،
والكورة وفريق برى وفريق وادى النيل والروابط الكبار والناشئين ومعرض الخرطوم
وبرى الاميرية حتى الخرطوم القديمة والخرطوم التجارية بنعتبرها من برى





عموما متابعين ومشاركين كمان

أحمد العمار

التعديل لاضافة توضيح
Post: #25
Title: Re: بـُــري
Author: عمر الفاروق
Date: 06-04-2008, 06:25 PM
Parent: #1

بري دي كل البتربطني بيها كانت باصات ابورجيلة ..تمشي الساعة 10 صباحاً المحطة الوسطى امدرمان تلاقي يافطة مكتوب فيها إلى معرض الخرطوم الدولي تنط في الباص تمشي المعرض تكشف للمندهشين من مدارس الجزيرة والشمالية وتشتري ليك طاقية وحلاوة قطن وبالليل تجي قالب ..
دي بري لكن تاني ماااااااا شوفنا ليها شي ..
لأ والله إتذكرت رحلة البرالمة كنا بنعملا هناك في حدائق الشريف في بري ..
تخريمة :
يا تمبس ناس بري من النوع اللمن يجو يحضروا الكورة بيقعدوا قعدة العرب ديك ويقعدوا يصفقوا :
دايرين قينان ..دايرين قينان ؟
Post: #26
Title: Re: بـُــري
Author: maia
Date: 06-04-2008, 06:54 PM
Parent: #1

الاخ اساسي

لك التحية وانت تتحدث عن بري او البراري بكل احيائها
فهذه البراري مجموعة احياء رائعة ارتبطت عندي واهلي منذ زمن بعيد بدءا من الدرايسة المحس ، بري كوريا مرورا بامتداد ناصر او كما يقول ولد اختي ( امجاد ناصر) وانتهاء ببري اللاماب
رغم اننا من (المهمشاب ) اي ناس هامش وكدا لكن بري اصبحت لينا وطن اخر مما عرفنا الخرطوم دي لم نعرفها الا من خلال بري
كلما يذكر اسم بري طوالي بتذكر بص البراري ذو اللون الكحلي الكركابة داك البيمشي المشوار ما بين الخرطوم حتى البراري في عشرين ساعة يعني لغاية ما الزول ينسى ذاتو هو ماشي وين
بص بيشق الحلة وبيقيف في اي محطة يعني طريقه غير طريق الحافلات التي لم تعرفها سوى امتداد ناصر
امتداد ناصر جنوب وامتداد ناصر شمال وشارع الظلط الفاصل بينهم الذي كان مهكعا وحالته حالة

بري او البراري دي عالم براهو ودنيا جميلة بتمثل الخرطوم والسودان الجميل
Post: #27
Title: Re: بـُــري
Author: DKEEN
Date: 06-04-2008, 08:01 PM
Parent: #1

تومبس وعمر الفاروغ
شن عرفكم بي البراري انتو؟
بري دي اقلاها فيها حي الصـــفا
حي الصفا ده عارفين يعني شنو يا بتوعين الصير؟؟




معزورين يا اساسي..
موش دايما بكون في عالمين بتستنكحنا الفطور في المدرسة زمان؟؟
اهو الاتنين ديل سامبل مستنكحين..
ديل الناس الكانو بتموها في حيط الجالوص..
كرهتونا العز ذاتو..
Post: #28
Title: Re: بـُــري
Author: خالد العبيد
Date: 06-04-2008, 10:54 PM
Parent: #1

اساسي
تحياتي
شكرا على البوست الكبير
ومرحب بي ببري واولاد وبنات بري
فهم كثر هنا

يجب ان تضيف حي الصفا والمنشية
فهي من احياء البراري جغرافيا

يجب تقسيم هذا البوست
تاريخ بري
الشخصيات الهامة
الرياضة "السودان احرز كاس افريقيا عام سبعين بهدف درة ملاعب البراري حسبو الصغير"
السياسة
الحياة الاجتماعية
الاثار
الخ



اقول ان اولاد ابوالعزائم محمد وماضي من اسرة عريقة وكبيرة يعرفها القاصي والداني
وغير شك سيكون لهم قدح معلى في هذا البوست

والتجاني يوسف بشير قال:
وبري حلاوة والزول طراوه!!

واكيد برجع
Post: #29
Title: Re: بـُــري
Author: معتصم دفع الله
Date: 06-05-2008, 09:48 AM
Parent: #1

Quote: بـُــري
ألحق يا أحمد عبدالله



مرات يا دباب عندك كلام سمح شديد ..
الحديث عن بري ذو شجون ويطول إن شاء الله نلقى ليهو وكت ..
بعدين ما تجي تقول لي المشي كداري لغاية مدرسة الخرطوم القديمة والتمليح ومعرض الخرطوم والرحلات ديك في الجهة الشمالية منطقة الغابة دي ما معانا..
الحياة في بري سهلة والناس تعرف بعضها البعض إن لم يكونوا أهل وذو قربى والقادم إليهم لا يجد صعوبة في التأقلم معهم والإنخراط في مجتمعهم البسيط الجميل ..
يمكن كلام دكين دا أكثر دقة وتشبيه لحال أهل بري ..


بجيكم تاني ..
Post: #33
Title: Re: بـُــري
Author: ابو جهينة
Date: 06-05-2008, 10:42 AM
Parent: #29

أساسي الأساسي

تحياتي

Quote: شفت الورطة


أجمل ورطة ...

شوف يا صديقي العزيز

أتينا من عطبرة الحبيبة إلى بري الشريف ( اللاماب في عام 1974 م ) و سكنا في بيوت البحر .. و جاورنا آل الهندي
ثم بالقرب من الصينية جنب المرحوم ( حسن عبد الله ) .. و العمدة
ثم جنب ناس باقرين
تملكنا بيوتنا الحالية في مربع 6

نحن و ناس إنعام عبدالحفيظ جيران ( بس ما هيطة بالهيطة )

و للورطة بقية
Post: #37
Title: Re: بـُــري
Author: انعام عبد الحفيظ
Date: 06-05-2008, 11:35 AM
Parent: #33

اساسي

انا لي يومين بقرأ بس وبستمتع بذكريات الجماعة ديل

للأسف انا ما عندي ذكريات طفولة في بري

جيناها وانا كنت في الجامعة

وما عندنا فيها بيوت مِلك

بس بـ إيجارنا دا مااااااا مارقين منها

حبيناها وحبتنا

Quote: نحن و ناس إنعام عبدالحفيظ جيران ( بس ما هيطة بالهيطة )



أبو جهينة ياخي دي جيرة الهنا دي
Post: #34
Title: Re: بـُــري
Author: عمر الفاروق
Date: 06-05-2008, 10:54 AM
Parent: #1

Quote: موش دايما بكون في عالمين بتستنكحنا الفطور في المدرسة زمان؟؟

بالله !!!!!
ياخي تخ !!
دكين شنو الكان بيجيب معاهو فطور المدرسة !!!!
يا قريبك انت النوع البيجي وقت الفطور يمد يدو لي هيثومي ولا وائل الحاشين مارتديلا وتقول ليهو :
أدييييييني معااااك ..
يقول ليك :لالالالالالالالالا ..
تقوم تقول ليهو :
انا زاااااااااااتي ما عايز بس كنت عايز أختبرك ..
يا عزيز ياخ اراهنك انت النوع الكان عندو شنطة دمورية فيها بقع زيت جراء حشو الطعمية وتغليفها بجريدة الأيام ..
ويومك التتجدع كنت بتحشي مربّى..
يا ديكو الله بيسألك كم مرة شلت طعميتك البايتة دي ومشيت لي أولاد العز وقلت ليهم تعالوا نفت ..
بالمناسبة انا الخرطوم دي ما بعرف فيها أي شي وجيتا كبير للجامعة ووقتي كلو في امدرمان لكن حي الصفا ده لو الحي الشريحة الخلف المطار طوالي وكلو عمارات داك فأبشرك يا اللخو عندي فيهو ذكريات طن وايام جميييلة ..
احب الطبقية واموت في بنات العز البيحبو الفقرانين ياخ ..
Post: #36
Title: Re: بـُــري
Author: نادية عثمان
Date: 06-05-2008, 11:22 AM
Parent: #34

بُري دي وين من جاردن سيتي ؟!!

أساسي ياشفيف

دايرة أقول ليك كتابتك طاااعمة ومليانة بي زي نوع البُهار الهندي داك أظنو إسمو ( كاري)

المهم إنو الزول بستمتع بطعم كتابتك شديد والله

فلك مني التحايا وأرق الأمنيات

و

كُن كما أنت


أساسي أجدع ناس
Post: #35
Title: Re: بـُــري
Author: محمد أبوالعزائم أبوالريش
Date: 06-05-2008, 11:14 AM
Parent: #1

Quote: اكيد ياخ انا ود بري , الولادة والطفولة والصبا والشباب ما بين بري الدرايسة وامتداد ناصر


طبعاً كلامك ده وقع لي بعد مداخلتي الأخيرة، لما ذكرت حكاية فلقة الحجر، والموقع بيوضح إنو بيتكم وقتها كان في بري الدرايسة.

تمبس والأخوان البيقولوا إنهم ما بيعرفوا شئ عن بري، وقلما شافوها، طبعاً موقع بري ما بيخليها معبر لواحد عشان يشوفها في طريقه لأي جهة، يعني البيجي بري إما يكون قاصدها أو ماشي المنشية. أما في الوقت الحالي، وبعد الكبري الجديد البيربط بين شرق وغرب النيل الأزرق، بقت بري طريق الماشي من وسط الخرطوم إلى الجريف شرق وجميع القرى الواقعة شرق النيل الأزرق.

__
حاولت البحث عن بوست كتبه الأخ خالد العبيد ظننت أن له صلة بالموضوع، ولم أوفق ..... يا خالد البوست بتاعك طشّ وين؟

بجيكم راجع
Post: #38
Title: Re: بـُــري
Author: أيمن الطيب
Date: 06-05-2008, 12:41 PM
Parent: #35


يا بُرّاب يا شباب يا حلوين,,

تيت تييييييييييييييييت برى حديد
الداير يشجعنا مرحب بيهو,,
والداير يدورنا برضو مرحب بيهو (تمبس والفاروق ودكين ومن شايعهم)
برضو مرحبتين وصدورنا واااسعة وأخلاقنا عالية لكن والله علينا طولة لسان تحير
وضيوفنا وأصحابنا وجيرانا وحتى الجايين يزورو معرض الخرطوم الدولى ولا جايين عرس
فى نادى الشرطة وقايلين الطيارة النازلة مطار الخرطوم وقعت فيهم وقامو صوف وخلو
عروسهم تتلفت برضك نحن فاهمين ما السكن جنب المطار محتاج ليهو زمن طويل حتى يتعود
الناس عليه ويتعودوا على إهتزاز الأرض الذى ينتج عن هبوط طيور الجن تلك ..

برى علم وفن وهندسة ورغم ذلك كغيرنا ونحن هنا نثبت حقوق غيرنا ولا نبخس أحد شيئا,,كبعض غيرنا من
أحياء العاصمة نعيش أخلاق القرية وتجدنا بسطاء فى تعاملنا رحماء بيننا نعطى كبيرنا قدره وحقه و
يكفى أحدهم أن ينظر إليك قليلا ليحدد إبن أى أسرة أنت ومن هو والدك أو أمك أو أخوك ولذلك كان لزاما
علينا دائما أن نكون على حذر فدوما هناك من ينظر إليك ليشكرك على خير فعلت أو ليزجرك على سلوك شين
تفكر أن تقوم به,,,

برى نحن أبناءها نحتاج أن نستجمع أفكارنا وقوانا لنعرف من أين وكيف نبدأ وماذا نقول وفيمن!!!!!!!
لكن واحدة واحدة إنشاء الله والحمد لله طلع (البُرّاب) كتااااااااااار وأكثر منهم من مروا بدروبنا وحملو
طيب الذكريات,,,وحتى من ألقت به الظروف ليقرأ العدادات وطاردته لعنات الحاجّات لكنه إستمتع بمناظر
الحسناوات ومن تلقوا الجلدات ظنا منهم أن الموضوع (شبطات) وشاغلوا البنات,,,,,,,,,, خير وبركة نحن
أكبر من أن نحسبها لهم فتكفينا خوتهم,,,

نتلاقى قدام
Post: #39
Title: Re: بـُــري
Author: khaleel
Date: 06-05-2008, 01:14 PM
Parent: #38

ازيكم يا ناس بري


عندي سوالين


ليه بقولوا ( اجي يا بري )

والسوال التاني واحد من عظماء الفنانين السودانين عندو اغنية بتقول


( نمشي كمبو الري البابور الجاز (بري اقرب لي البابور جاز

اجابة يا اساسي وايمن
Post: #43
Title: Re: بـُــري
Author: Mohamed Yassin Khalifa
Date: 06-05-2008, 02:11 PM
Parent: #38

يا أخوانا.. كنتا ماشي المعرض لقيت بيت فراش.. قلت الندخل نشيل الفاتحة علي روح أخوي الصغير المرحوم الشهيد العقيد أركان حرب مهندس محمد صلاح عابدين


محمد صلاح خيرو على أهله وأولاد حلتو كتير.. وما في زول فينا مشى المعرض إلا لاقاه في الشارع في الطبلية بتاعتو ولا بيسقي العطشانين قدام بيتهم المواجه باب المعرض أيام كان صغير.. وكان واسطتنا لدخول المعرض بالبلاش لانو العمال بالمعرض كانو كلهم بيعرفوه

وقبل يومين نقلت جريدة الحدث عن عمه الأستاذ والمربي الفاضل مصطفى عابدين.. عميد وناظر الخرطوم القديمة الثانوية.. والذي قال عنه إنه ابني وتلميذي وصديقي وتربطني به علاقة قوية وطيبة فهو رجل المهام الصعبة في الأسرة وفي المنطقة، ويؤدي ما يوكل إليه بكفاء عالية، وهو ركيزة لأسرته، وظل يقدم خدمات جليلة للمنطقة ولأهله وجيرانه، وتم اختياره نائبا رئيس لنادي بري لما عرف عنه من قدرته على تحمل المسئولية. مضيفا أن الشهيد فقْد لمجتمعه الصغير في حي البراري وللسودان، وعندما أرى أبناءه الصغار أمامي أشعر بألم شديد، ولكنها إرادة الله، والله قدّر ولطف...

والله أبكتني كلمات أستاذي في ود أخوه.. ومازلت







فيا أخواني وأخواتي سامحوني لاني ماقدرتا أمشي المعرض من غير ما أمر ببيت العزاء!!!


ولنواصل...
Post: #40
Title: Re: بـُــري
Author: Gaafar Ismail
Date: 06-05-2008, 01:18 PM
Parent: #1


حبيبنا أساسي
يا ســلام على بـري وأهلها الطيبين
في منتصف الستينات كنت أمضي معظم أيام الأسبوع بمنزل صديقي يوسف يا سين وأخوانه طـه وقنبور .. كان عندنا فريق أسسه يوسف ياسين أسمه (الأمل) كان من مشجعي الفريق المرحوم الحكم المشهور احمد قنديل والفنان علي اللحو الذي كان يسكن جوار منزل يوسف ياسين.. بعد التمرين نجتمع في صالون منزل يوسف وندفع (شلن) خمسة قروش لكل واحد وتقوم الحاجة فرحين عليها الرحمة باعداد عشاء فول(مدنكل) ثم نستمع لبعض الوصلات من اللحو..كان من أعضاء الفريق الأخ بابكر كجول وعدد من أولاد بري الطيبين الذين نسيت أسماءهم بمرور الزمن ولكن كانت أيام جميلة.. أيضا جمعتني ظروف العمل بالرجل الفاضل ولاعب الكرة الممتاز في زمانه عمر المبارك وكيل وزارة التجارة آنذاك.. ومعنا الآن في طوكيو(الملا) محمد عمر عابدين الذي يملأ اوقاتنا بهجة كلما نلتقي بروحه المرحة وذكائه اللماح .. كانت أيام يا بــري
تسلم أخي الحبيب وتسلم بري وأهلها الكرام.

تحياتي ومودتي
Post: #41
Title: Re: بـُــري
Author: أيمن الطيب
Date: 06-05-2008, 01:44 PM
Parent: #40

Quote: ازيكم يا ناس بري
عندي سوالين
ليه بقولوا ( اجي يا بري )
والسوال التاني واحد من عظماء الفنانين السودانين عندو اغنية بتقول
( نمشي كمبو الري البابور الجاز (بري اقرب لي البابور جاز

اجابة يا اساسي وايمن

الخزين حبيبنا,,,
إنت شهادتك وأسئلتك فى برى مجروحة ولا تخلو من الغرض
أعلن حيادك وما عندك مشكلة بنجاوبك,,,بعدين بما إنو فى برى الجودة
مهمة فأهل برى ما بقبلو بأى منتج غير جيد الصنعة بغض النظر عن
ماهية ذاك المنتج ولكم فى شارع المعرض عبرة يا حبيب,,

خليك معانا وما تهبش سلوكنا العريانة,,,وأكيد حا تستمتع..
Post: #45
Title: Re: بـُــري
Author: Mohamed Yassin Khalifa
Date: 06-05-2008, 03:01 PM
Parent: #40

أستاذنا جعفر إسماعيل:

جيت بى عظمتك ومعاك وجهاء بري.. وعلى ذكرة قنبور الأسمه محمد يسين ذي إسمي ما بنقسم.. ونحنا ساكنين في شارع واحد بيناتنا كان دكان سيد العربي..

وكانت لكل واحد فينا صداقات خاج بري.. ولما يزونا واحد مابعرف بيوتنا ويمشي يسعل سيدالعربي كان يوديهو البيت الغلط... ياخي ده تعبنا وتعب ضيوفنا وأهلنا بشكل.. المهم صاحبنا يواصل في الوصف الغلط لغاية ما محمد يسين دخل السجن بأنقلاب وأنا طفشتا وخليت ليهو البلد.. وبعدا صاحبنا إتحير ليك حيرة!!!!!!!!!!

Quote: في منتصف الستينات
Quote: وندفع (شلن)



أصلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو




سيدي ربنا يجمع الحبايب كلهم في بري
Post: #50
Title: Re: بـُــري
Author: Gaafar Ismail
Date: 06-06-2008, 08:19 AM
Parent: #45


Quote: صلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو


الحبيب محمد يسن
طبعا ما كان كل واحد في الفريق بدفع sharing لأن أغلبهم كانوا طلبة بما فيهم قنبور ذاتو . كنا البندفع أربعة أو خمسة أفندية في الفريق

تحياتي ومودتي
Post: #42
Title: Re: بـُــري
Author: محمد أبوالعزائم أبوالريش
Date: 06-05-2008, 02:09 PM
Parent: #1

Quote: خليك معانا وما تهبش سلوكنا العريانة,,,وأكيد حا تستمتع


أيمن اخوي ...
البهبش سلوكنا العريانة بلقى نفسو في بابور موية (حالياً محطة بري الحرارية)
Post: #44
Title: Re: بـُــري
Author: محمد أبوالعزائم أبوالريش
Date: 06-05-2008, 02:16 PM
Parent: #1

يالاّ يا أيمن ... أدي العالم دي بعض الإضاءات عن شخصيات وظرفاء بري ....

ممكن تبدأ بي:
ود الريف (رحمه الله)
عمك مرحوم رحمه الله (والد حسبو الكبير)
الشريف عنطوز
عبدالله لوفت

والقائمة تطووووول
Post: #47
Title: Re: بـُــري
Author: Mohamed Yassin Khalifa
Date: 06-05-2008, 05:54 PM
Parent: #44

أبوالريش الوجيه:


الناس دي ما عارفة أنو بيتكم في واجهة بري مخصوص علشان سمح وعامر دايما... ونحنا القرينا في بري المحس كان لينا محطة بندخلو قبل وعد القراية... جاركم عمنا محمد عبداللة العوض بأولادة اللطاف... والما بعرفك بجهلك

=============================

بس وينو الزول الشاطر داك السني أبوالعزائم... الكره الناس المدرسة بشطارتو

والله قدر ما عملو الجماعة كان بيفوتهم كسح..... بالله سلم عليهووووو "ببنية"

=============================


Quote: ود الريف (رحمه الله)



يا الله!!!!!!!!!!!!!!!!!!!!!!!!!

الراجل الضخم الكان بنبرو (مقعدو) كنبة تلاميذ طويلة وعريضة... الله يرحمو ويحسن إليه .. و يغفر لينا المظاهرات العملناها ليهو بسبب الفول


ياخي دا كان أظرف راجل في بري المحس... وفولو أحسن وأطعم فول أنا أكلته في حياتي.. ومظاهراتنا كانت لانو فولو بيخلص الساعة 8:30 صباحا قبل حصة الفطور... ولما إضايقنا من الحكاية دي ردمناهو بالطوب لدرجة ما جا المدرسة وإشتكانا لعمر الهادي الناظر .. حفيد المناضل عبيد حاج الأمين الجلدنا بحرقة وعمل لينا معاهو إتفاق بأن يشتري ليهو قدرة فول تانية... ود الريف الظريف العفيف



إطراك الخير يا أبو الريش
Post: #46
Title: Re: بـُــري
Author: Ahmed musa
Date: 06-05-2008, 03:30 PM
Parent: #1

اساسي الأساسي ........بري شهقة فرح جواني ......... وعوالم من جنون .........هي السياسة .......والرياضة .....والثقافة ........... والفنون ................ فرحت له>ا البوست وبرغم إرهاقي جراء دخولي الآن من المكتب .إلا أنني آثرت تسجيل حضور ..........ولي (7) مداخلات رئيســة و(6) فرعيــة وراجـــــــــــع ليك مساء بتوقيت السـودان الوطن الحُر ..ماقد كان وما سيكون ...........................
Post: #48
Title: Re: بـُــري
Author: Dr.Mohammed Ali Elmusharaf
Date: 06-06-2008, 06:25 AM
Parent: #1

الحبيب اساسي

التحية لك ولكل اهلنا في البراري

ورحم الله جدي الحبيب ابراهيم مختار الشكيري الذي تعلمت منه الكثير عن بري ورجالها



لي عودة باذن الله


محمد علي المشرف محتار الشكيري
Post: #49
Title: Re: بـُــري
Author: ترهاقا
Date: 06-06-2008, 06:53 AM
Parent: #48



برى ، تسجيل حضور
، كمية من اهلى الاعزاء ، انا طفاشى عزابى فى ميز سميناهو الحفرة فى برى المحس ، ومرات مع خالى عثمان
فى البيوت المتاخمة لاصدقائى آل حريز

شقيقى اسعد لعب فى فريق برى مهاجم فى الثمانينات، والتحية ايضا لصديقى العزيز عبد الكافى لاعب الفريق القومى وصاحب الضربات الثابتة
فى العصر الذهبي للكرة السودانية ومدرب فريق برى آنذاك
والتحية لبرى المدينة الشامخة اللى منها ممكن تمشى كدارى لاى حتى ، فى الوقت اللى ناس تمبس إلا يركبوا ابورجيلة

عشان يمشوا يشجعوا فريقهم ده لو وصلوا

ولكم الود
Post: #51
Title: Re: بـُــري
Author: علاء الدين يوسف علي محمد
Date: 06-06-2008, 08:48 AM
Parent: #49

Quote: بري دي كل البتربطني بيها كانت باصات ابورجيلة ..تمشي الساعة 10 صباحاً المحطة الوسطى امدرمان تلاقي يافطة مكتوب فيها إلى معرض الخرطوم الدولي تنط في الباص تمشي المعرض تكشف للمندهشين من مدارس الجزيرة والشمالية وتشتري ليك طاقية وحلاوة قطن وبالليل تجي قالب ..
دي بري لكن تاني ماااااااا شوفنا ليها شي ..
لأ والله إتذكرت رحلة البرالمة كنا بنعملا هناك في حدائق الشريف في بري ..
تخريمة :
يا تمبس ناس بري من النوع اللمن يجو يحضروا الكورة بيقعدوا قعدة العرب ديك ويقعدوا يصفقوا :
دايرين قينان ..دايرين قينان ؟


يا أساسي ياخ حرقني كلام عمر الفاروغ دة

الزول دة عارفو ساكن وين؟
ساكن في ما يسمي سابقاً (بعد دسوها) مرزوق و البق الآن إمتداد الثورات (رجالة ساي)

ساكن آخر الدنيا

و في آخر الدنيا آخر بيت في آخر مربوع فيها

هو بيعرف شنو عن بري

مدرسة بري الأميرية و أستاذ كمال الدقنّة إنتجليزي و كورة ، خرّجت فحول في البلد دي لا يمكن إحصاءهم
مدرسة البراري الثانوية بنات رمز يشار إليها بالبنان لعدد من السنوات شكلت حضوراً قوياً في أوائل الشهادة و كانت يوماً ما الأولي أيضاً
مدرسة أميل مرعي قرنفلي الطلع منها العازف المعروف في البراري جميع خالد أوشي و لاعب المريخ السابق صبري مكين و منها العلامة في عالم التقانة السودانية محمد عمر الفاروق و الفياض الذي يسكن قرب سوق 4 و كان أولاً للشهادة السودانية ذات عام.
و كم من المدارس أمثال علي السيد و علي التلب و الطيب الناظر و كثيرات غيرها.

بري خالد فرح و جريدة السياسة و الشريف زين العابدين الهندي و سراية آل الشريف
و مسجد بري العتيق ، و نادي بري الرياضي الإجتماعي الثقافي و مستشفي الشرطة و ساهرن و جامعة الرباط و كلية الشرطة و المباحث (محل بنفيِّش الناس) تِمس دة كان ما فيشناهو يصبر علينا.
و محطة بري الحرارية و التاريخ يقول و يقول
و أٍسرة حامد أبو الريش و البروف الراحل عبد الله الطيب
و ما ننسي نادي كوريا

دة كلو كدة في عجالة بس
ولو حبيتو كمان نضيف ليكم جمال الوالي مافي مانع مع إنو أنا هلالابي

أساسي أنا من أولاد بري
إبتدائي
متوسط
ثانوي
و حالياً
Post: #755
Title: Re: بـُــري
Author: مدثر أبا يزيد
Date: 11-14-2009, 01:17 PM
Parent: #48

Quote: غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب..


كلام جميل وشهادة عظيمة لناس بري

الوالد الله يرحمه ويسكنه فسيح جناته كان شغال في السكه حديد
وكان يحكي لنا أن كان في خطه اسكانية في بري في الستينات
لكن بعدما قدم تم نقله لجبيت ومنها لبورسودان فكان من نصيبنا
ان نسكن في احدي ثورات بورتسودان.

التحية لكل أهل بري
Post: #52
Title: Re: بـُــري
Author: خالد العبيد
Date: 06-06-2008, 11:42 AM
Parent: #1

بري قبة الشريف والحولية السنوية والنحاس
بري قبة ابتلة
مقابر البراري التي تضم في احشاءها ابطال مثل عبدالبديع علي كرار
بري عمنا شين رحمه الله في زيه الانجليزي الكامل خاصة الكدوس !!
بري حسبو الصغير وكافينول
بري وام انجبت من عظماء : مولانا حسن البداني، مصطفى احمد الشيخ ، ابوزيد موسى ، التلب ، حتيكابي ، بدرالدين مدثر ، د.حامد سيد حريز ،الشريف الهندي ، ودرة حسان زمانها" سيد الاسم" !...و و و و و

وبرجع تاني
Post: #53
Title: Re: بـُــري
Author: عاصم المشرف
Date: 06-06-2008, 12:09 PM
Parent: #1

الاخوة الكرام
اعجبت بفكرة البوست ومحاولة عكسه والقاء الضوء على مدينتنا الخالدة خلود نهر النيل العظيم برى الحبيبة ومن خلال البورت تعرفت على بعض الاسماء بالرغم من ابتعادى عن المدينة العزيزة لسنوات طويلة مثل الزميل محمد يسن برى الدرايسة ومدرسة برى المحس والمحامى احمدموسى برى ابوحشيش وأشك ان ايمن الطيب هو زميلنابالمغرب ابن ناس الطيب سرور.وحيقة اتمنى التعرف اكثر على أبناء البرارى بالمنبر خاصة اساسى الذى اثارشجوننا وعواطفنا لتلك البقعةالطاهرة من ارض الوطن.
حقيقة تألمت كثيرا بخبر وفاة الراحل الاخ/العقيد محمد صلاح عابدين والبركة فيكم جميعامع رجائى بنقل التعازى لاسرته.
احوتى:كانت تراودنى الفكرة منذ امد بعيدبتقديم خدمة تعريفية لمدينتناالتى نتمنى لهاالتشبه بالمدينة الفاضلة، وتتمثل هذه الفكرة بتخصيص صفحة داخلية بصحيفة صوت النيل السودانية التى نصدرها من القاهرة شهريا ولكن لقلة المعلومات والمصادر الموثقةحال دون ذلك ولعل هذا البوست يحفزنا جميعا لتنفيذهذه الفكرة خاصة بمكانيةجمع المعلومات وتوثيقها ونقل اخبار المدينةولكم فى حسبو الكبير وحاج المشرف ورملى عبد الله الشفت وغيرهم ممن تعرفونهم ولديهم معلومات عن المدينة وزكرياتهاخبر معبن للتوثيق وسوف نتفاكر فى طريقة اخراج الصفحة.

تحياتى واشواقى لكم جميعا
ولبرى واهلها اجمل الاشواق
Post: #54
Title: Re: بـُــري
Author: ماضي ابو العزائم
Date: 06-06-2008, 02:58 PM
Parent: #53

كتب حسين ملاسى
Quote: البوست دا كان ممكن يكون ظريف جداً لولا الحضور المتوقع
لمحمد أبو العزايم أبو الريش و اخوهو.


الحمد لله البقيت و اخوى سبب عشان تقطع وشك من البوست و ما تمسخو


التحية الاخى الاصغر (اساسى)
Post: #55
Title: Re: بـُــري
Author: ماضي ابو العزائم
Date: 06-06-2008, 03:29 PM
Parent: #54

كتب الاخ tmpis
Quote: اكتب عن مدينتك المتواضعة المصنوعة ودعنا نكتب عن المدن التاريخيه .. بمعرفتنا.


بعيد عن التعصب للمناطق و الحساسيات :-
تاريخيا برى المحس و (ديم ابو حشيش) و برى الاماب اقدم تاريخيا من امدرمان مع الاحتفاظ لامدرمان بعراقتها... كيف؟؟
برى المحس:- بعد اتفاقية البقط بين النوبة و عبدالله بن ابى السرح اسلمت بعض الاسر و هاجرت جنوبا(هجرة علماء المحس)و استقرو فى منطقة التقاء النيلين. و لما كانوا اهل جزر فى الشمال (جزيرة بدين)سكن جزء منهم جزيرة توتى و بقى الجزء الاخر بالجانب الغربى و كونوا حلة المقرن و ارتحل جزء ثالث الى منطقة وزارة الخارجية الحالية ثم لاسباب غير معروفة الى منطقة كلية الشرطه الحالية (تحديدا مطبهة الشرطه) ثم لفيضان حدث الى المنطقه الحالية.
ابو حشيش:-فى الاصل هم عمال استجلبوا فى عهد التركية السابقة من جنوب دارفور و جنوب كردفان للعمل فى المنجرة التى تدعم الاسكلا(مكان صناعة المراكب)و المنجره كانت فى موقع حدائق 6 ابريل الحالية ثم هجروا لمنطقة ديم ابو حشيش الحالبة و مع مرور الزمن و مؤخرا سار عليها اسم برى ابو حشيش.
برى الدرايسة:-الاحدث بين البرارى و اخذت الاسم من عمال الدريسة و ذلك بعد انشاء السكة الحديد فى بدايات الحكم الثنائى.
و برجعة سريعة لجغرافية المنطقة قبيل المهدية كانت توجد فى هذه المناطق
(فى الخرطوم(المقرن،توتى،البرارى،الجريف، و اول منطقة بعدها من الجانب الجنوبى الغربى الشجرة و من الجانب الجنوبى الشرقى سوبا)
(بحرى:- حلة حمد و حلة خوجلى و شمبات)
(امدرمان:-ابوسعد،و القلعة، المورده كانت مجرد مرفا للمراكب الشراعية)
Post: #56
Title: Re: بـُــري
Author: ماضي ابو العزائم
Date: 06-06-2008, 03:42 PM
Parent: #55

الحديث عن برى اطول،
برى الاماكن من غابة ود النور و الطابية و الدروة و ود المبارك
برى الاسر من اولاد مضوى و الزرقانى و الضو و اولاد حتيك و اولاد عنكيب و اولاد تمساح
و بجيكم راجع عسان خاطر ملاسى
Post: #57
Title: Re: بـُــري
Author: Mohamed Yassin Khalifa
Date: 06-07-2008, 07:59 AM
Parent: #56

وينكم يا أولاد وبنات بري... يا بنات أبقو قراب.. ورونا بري الجديد فيها شنو!!!!!
Post: #58
Title: Re: بـُــري
Author: عاصم المشرف
Date: 06-08-2008, 00:24 AM
Parent: #57

محمد ياسبن اخوى كيف حالك عساك طيب
وكيف الدرايسة واهلهاالطيبن طبعا لم ننذكرنى انا زميل دراسة سابق وكنت ساكن محطة 7 كورياوشقيقى مازال هناك اتمنى ان اتعرف على البراب المتواجدون على المنبر
مه احترامى للزعلانين فى هذا البوست
برى حضارة- برى نضارة - برى استنارة
ولنكتب عن تاريخ المدينةلاجل التعريف بها وبأهلها بعيدا عن العصبيةوالمحلية الضيقة ولكلن منا ان يفخر بموطنه الصغير ووطنه الكبير
ومتمعاصم حاج المشرف
Post: #59
Title: Re: بـُــري
Author: اساسي
Date: 06-08-2008, 07:10 AM
Parent: #58

الاحباب اولاد بري البوست دا متاح للجميع والجميع اهل دار فعليكم الله اعفوني من المداخلات الفردية والرد الشخصي وخلونا مع بعض كدا كلنا نوثق لمدينة البراري العريقة ونبدا بالحكايا :

اولا الموقع

تقع مدينة البراري شرق مدينة الخرطوم . بعد مباني جامعة الخرطوم ابتداء من خط السكة حديد الذي يصل بحري بالخرطوم او ما يسمى بنفق (بري) يبدأ سلاح الاسلحة الي ان يصل كبري بري او كبري كوبر فهو يحمل الاسمان وهناك اول موقع سكني هو الاشلاق والذي يحسب ضمن مدينة بري
يحدها من الغرب بطول احياء بري المحس وامتداد ناصر مطار الخرطوم ومن الشمال يحتويها النيل الازرق ويواصل في احتوائها ملتفا عليها من الشرق حتي بري الشريف ومن الجنوب تحدها مدينة الرياض . هذا بالنسبة للموقع

المعالم البارزة :

اولا عند مدخلها الغربي نجد مطار الخرطوم وكبري بري (كوبر) الذي يربط الخرطوم ببحري , وشرقا من الكبري نجد دار ونادي الشرطة , ومستشفي الشرطة والفيش والتشبيه واي حاجة خاصة بالشرطة عندها علاقة ببري , وهناك محطة بري الحرارية والتي انارت ليال الخرطوم الحالكة السواد لسنوات وسنوات وما تزال تفعل
بعد ذلك نجد سكن اساتذة جامعة الخرطوم وعلي رأسهم الراحل البروفسور ( عبد الله الطيب) وغيره من الافذاذ وبيوت ناس زملائنا ابو العزائم
نجد الكثير من السفارات والقنصليات في حي قاردن ستي اشهرها السفارة العراقية قبالة مستوصف الصادق ابو عاقلة
نجد وفي مساحة شاسعة معرض الخرطوم الدولي يحتل الجانب الشمالي بموازاة النيل الازرق واحياء بري المحس والدرايسة
بعدها نجد فندق القرين فليدج وصنوه الهابي لاند سابقا او مطعم الامير هذا للديامة حصري
بعد ذلك وفي ما كان يسمي بجناين الشريف نجد الفلل الرئاسية التي اثارت الكثير من الجدل والتي تحتضنها بري في كبرياء وعزة
نجد بعدها قبة الشريف الهندي في حي الشريف ببري اللاماب
ونواصل المعالم
كما ارجو من الاخوة الاضافة لما فاتني من معالم ابتداء من الكبري حتي قبة الشريف والمواصلة حتي المطار ببري الجديدة وامتداد ناصر وكوريا
Post: #60
Title: Re: بـُــري
Author: Mohamed Yassin Khalifa
Date: 06-08-2008, 07:19 AM
Parent: #58

عزيزي عاصم المشرف:

سلامات.. ويا سيدي ليك وحشة.. عرفتا إنك في مصر المؤمنة فهل مازلت بها؟

بالله ورينا أخبارك...







-----------------

أساسي.. يا أخوي وين طفشتا؟
Post: #61
Title: Re: بـُــري
Author: اساسي
Date: 06-08-2008, 07:22 AM
Parent: #60

Quote: أساسي.. يا أخوي وين طفشتا؟

اساسي امامك واساسي خلفك

يلا نسمع منكم يا احبابنا
Post: #62
Title: Re: بـُــري
Author: Mohamed Yassin Khalifa
Date: 06-08-2008, 07:41 AM
Parent: #61

ودا كان عشمي فيك يا ود حلتنا!
Post: #63
Title: Re: بـُــري
Author: محمد أبوالعزائم أبوالريش
Date: 06-08-2008, 07:48 AM
Parent: #1

محمد يس ...

Quote: أصلو شنو .. لو ضربناها إنتو كنتو بترسلوها تشتري ليكم الجزر (سوق أربعة) كله بلحمتو وكمونيتو كلها ولا شنو


تعرف، واحد من ظرفاء برّي قال: لو عايز تعرف إنو البتكلّم معاك من ناس بري أصلاً والاّ ناس (جابو كراعو) شوفوا حيقول ليك (الجَزُر) والاّ (سوق أربعة)، لأنو مافي واحد من بري أصلاً بيقول "سوق أربعة"، وكلهم بيقولوا "الجَزُر".

Quote: ياخي دا كان أظرف راجل في بري المحس... وفولو أحسن وأطعم فول أنا أكلته في حياتي..


طبعاً فول ود الريف (عمّك أحمد حسين) كان واحد من أشهر إتنين في بري المحس، والتاني هو فول عمّك مرحوم (والد حسبو الكبير).

Quote: سكن جزء منهم جزيرة توتى و بقى الجزء الاخر بالجانب الغربى و كونوا حلة المقرن و ارتحل جزء ثالث الى منطقة وزارة الخارجية الحالية ثم لاسباب غير معروفة الى منطقة كلية الشرطه الحالية (تحديدا مطبهة الشرطه) ثم لفيضان حدث الى المنطقه الحالية.


قبل قيام معرض الخرطوم الدولي وفندق القرين فيليدج، كنا نذهب ونحن صبية صغار لمنطقة (غابة ود النور) التي كانت تجاورها أطلال بري القديمة والتي هجرها أهلها جراء الفيضان (استغرب أن يقوم حي قاردن سيتي في نفس المنطقة ليعاني ساكنوه نفس معاناة أهل بري زمان).
Post: #65
Title: Re: بـُــري
Author: Mohamed Yassin Khalifa
Date: 06-08-2008, 08:49 AM
Parent: #63

الأخ محمد أبو العزائم:


Quote: قبل قيام معرض الخرطوم الدولي وفندق القرين فيليدج، كنا نذهب ونحن صبية صغار لمنطقة (غابة ود النور) التي كانت تجاورها أطلال بري القديمة والتي هجرها أهلها جراء الفيضان (استغرب أن يقوم حي قاردن سيتي في نفس المنطقة ليعاني ساكنوه نفس معاناة أهل بري زمان).


الظاهر رحلات غابة ود النور وخرفانها ما كان بتفوتك!!!! تعرف بسعالك ده شككتني.. إحنا جدودنا إتغشوا ولا شنو


بالله عليك.. شنو أخبار صديقي العزيز السني أبو العزائم...
Post: #64
Title: Re: بـُــري
Author: Taha Babiker
Date: 06-08-2008, 08:16 AM
Parent: #1

تحياتي لكل اهل بري و ماجاورها

مرور وتحيية
Post: #66
Title: Re: بـُــري
Author: يازولyazoalيازول
Date: 06-08-2008, 09:06 AM
Parent: #64

شكراً جزيلاً أخى أساسى على إفراد هذه المساحة لأهل برى الكرام ، فقد ربطتنى صلات مودة وتراحم مع خيار الناس فى برى فوجدت فى مجتمع برى المجتمع الخرطومى المثالى ، فبرى لمن لا يعرف برى هو المكان الأكثر حضارة فى السودان قاطبة إذ كانت ثكنات الإنجليز منذ الإستعمار تقبع قريبا من برى (مكان سلاح الأسلحة الحالى) وقريبا من محطة الكهرباء ، ولذلك نقلوا الحضارة أول ما نقلوها لأهل برى الكرام الطيبين ،

لا يأتى ذكر برى إلا وأذكر:

عبدالكافى
النور عبدالقادر
نصر الدين حبيب (يرحمه الله)
الهادى ابو الناس
الهادى الحلبى
الهادى النور (يرحمه الله)
ناس العجب ، فى برى المحس
ونسيبهم المرحوم ضابط السجن
وناس التاج جيرانهم
وبى غادى ناس حريز
وتمشى الدرايسة على ناس محجوب حسن
والريس بابكر وحبه العجيب للكنكان
وبى غادى ناس الدرديرى عمر كروم
وتمش محطة سبعة ناس حاج المشرف
وتلقى عندو حمد الريح
صلاح بن البادية
على أبراهيم اللحو
وتمشى اللاماب تلقى ناس الأمين حمد (يرحمه الله)
وأخوانه وأهله أجمعين
وفى الرملة بالليل تأتيك ألحان قنديل
مخلوطة بى غنا خضر بشير
وقهقاتهم من قفشات قنديل
وحكاويهم عن عبدالله لوفت
ورموز برى الأخرى

ففى برى ملوك الكفر والوتر وفى برى أرقى الناس وأحلى الناس وأجمل الشيب والشباب وفى برى الأصالة أذكر فى زواجى يا أساسى أتانى جمع غفير من برى ، وكان بينهم رجل (أطرش) نسيت إسمه وكان هذا الرجل فى غاية القيافة تجده يلبس البدله الأسموكنج الفل سوت ولا ينسى حتى دبوس الكرفته ومنديل الجاكيت وتناسق الألوان بالطبع ، وكان يغنى أبوعركى فصعد هذا الرجل إلى المسرح وقلد أبوعركى زهرة فى جيبه وقلنى زهرة وكان ذلك فى أواخر السبعينات ، ومثل هذا التصرف لا يفقهه إلا أهل برى

برى مجتمع متماسك ، ومجتمع سودانى مثالى لا يوجد مثله إلا فى الأقاليم الناس فى ترابط وتوادد وتراحم والناس فى برى تجدهم مع بعضهم البعض فى الحلوة والمرة كما يقولون ، يوازرون بعضهم البعض فى تكافل ومودة كبيرة ، والناس هناك كلهم مبتسمون فلا يوجد عابس فى برى ، فمجتمعهم مجتمع آمن وضاحك ومبستبشر وساخر وطيب وجميل

ياالله على برى وعلى أهل برى

حقيقة حقيقة لله درهم ، ورغم أنى لا أنتمى لبرى ولكنى تمنيت فعلا لو كنت من برى الحبيبة

حتى برى أبحشيش يا أساسى ، والله طيبة أناسها ومجتمعهم الجميل لم أجده فى أى مكان فرغن سحناتهم السوداء ولكنهم يحملون قلوبا أبيض من اللبن وقد كانت خالتى آمنه همرور تسكن فى برى أبوحشيش وعقد أبناءها كثير من الصداقات المستمرة حتى يومنا هذا مع شباب وشيب برى أبوحشيش

أما برى الشريف

فتلك حكاية أخرى

حكاوى برى لا تنتهى يا أساسى

التحية لكل أهل برى

التحية لكل من أحب برى

التحية لكل من سكن برى

وشكرا
Post: #67
Title: Re: بـُــري
Author: Mohamed Yassin Khalifa
Date: 06-08-2008, 09:51 AM
Parent: #66

العزيز هشام شيخ الدين:

Quote: ففى برى ملوك الكفر والوتر وفى برى أرقى الناس وأحلى الناس وأجمل الشيب والشباب وفى برى الأصالة أذكر فى زواجى يا أساسى أتانى جمع غفير من برى ، وكان بينهم رجل (أطرش) نسيت إسمه وكان هذا الرجل فى غاية القيافة تجده يلبس البدله الأسموكنج الفل سوت ولا ينسى حتى دبوس الكرفته ومنديل الجاكيت وتناسق الألوان بالطبع ، وكان يغنى أبوعركى فصعد هذا الرجل إلى المسرح وقلد أبوعركى زهرة فى جيبه وقلنى زهرة وكان ذلك فى أواخر السبعينات ، ومثل هذا التصرف لا يفقهه إلا أهل برى



يا سيدي دا كان خالنا المرحوم عبدالوهاب أحمد الزبير - طيب الله ثراه - وطبعا دا كان أشيك من محمد عبدالوهاب وعاشق للفن.. بس كان سمعو تقيل شوية.. وبسمع العاوز يسمعو بس...!




وياريت لو وريتنا كمان عن علاقتك يازول ببري اكتر شوية.. تكون مشكور
Post: #68
Title: Re: بـُــري
Author: ماضي ابو العزائم
Date: 06-08-2008, 10:21 AM
Parent: #67

Quote: عبدالكافى
النور عبدالقادر
نصر الدين حبيب (يرحمه الله)
الهادى ابو الناس
الهادى الحلبى
الهادى النور (يرحمه الله)
ناس العجب ، فى برى المحس
ونسيبهم المرحوم ضابط السجن
وناس التاج جيرانهم
وبى غادى ناس حريز
وتمشى الدرايسة على ناس محجوب حسن
والريس بابكر وحبه العجيب للكنكان
وبى غادى ناس الدرديرى عمر كروم
وتمش محطة سبعة ناس حاج المشرف
وتلقى عندو حمد الريح
صلاح بن البادية
على أبراهيم اللحو
وتمشى اللاماب تلقى ناس الأمين حمد (يرحمه الله)
وأخوانه وأهله أجمعين
وفى الرملة بالليل تأتيك ألحان قنديل
مخلوطة بى غنا خضر بشير
وقهقاتهم من قفشات قنديل
وحكاويهم عن عبدالله لوفت
ورموز برى الأخرى



ناس الكوره:
جنجا
جربان
حسبو الكبير
حسبو الصغير
ترانزستر
عبدالله لفت
امين عبداللطيف
محمد يسن(قنبور)
عمر ضقل
يسن ابو شنب
بالاضافه لبعض الاسماء وردت اعلاه
ففى برى الكوره لها رموز
و الفن له رموز
و السياسه لها رموز
و الشخصيات ذات الوزن الاجتماعى لها حضور فى البرارى
Post: #71
Title: Re: بـُــري
Author: ماضي ابو العزائم
Date: 06-08-2008, 10:35 AM
Parent: #68

سمعتو فى الدنيا زول (إسرق) مدرسه و افتخر بيهو أهله؟؟؟...نعم مدرسه و مش اشياء داخل مدرسه، يعنى المبانى بتاعت مدرسه زى جنى سيدنا سليمان لما جاب قصر بلقيس.
و ليكم الحكاية:-
هو الخال محمد ابراهيم الباشكاتب، و اسم الباشكاتب من واقع مهنته فى عهد الانجليز و من واقع المهنه دى مر عليه قرار بانشاء ثلاثه مدارس بنات فى العاصمه المثلثة فما كان منه(و من وراء ظهر المسؤلين)إلا ان حول احدى هذه المدارس الى برى المحس و مشى الخطاب المعدل على المسؤل البرطانى فكان من حظ برى واحده من اول ثلاثه مداس للبنات فى السودان (طبعا باثتثناء رفاعة)
بالمناسبه المدرسة كانت اصلا لبحرى(بس ناس بحرى ما ازعلوا)
Post: #69
Title: Re: بـُــري
Author: يازولyazoalيازول
Date: 06-08-2008, 10:27 AM
Parent: #67

الأخ محمد يسن خليفة

نعم نعم تذكرت الآن إسمه عبدالوهاب ، رحمة الله عليه فقد كان فعلاً رجلاً أنيقاً وقد عرفت برى الأناقة منذ عهد بعيد

يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟

ألم أقل لكم أن برى زاخرة بالفن والدبلوماسية والأناقة والجمال؟

واين محجوب حسن الآن؟؟؟ أذكر أن هذا الفتى لا يضاهيه فنان فى تقليد أحمد المصطفى وكان من أبناء برى الدرايسة وله شقيقه الأصغر كان أيضاً فنانا جميلا ،

ومن أخوان الحاج المشرف أذكر الشيخ وأظنه توفى رحمة الله عليه وله شقيق أصغر يسمى عيسى وأذكر الأستديو الصغير فى محطة سبعة وقريباً من منزل اللحو ، والسيارة الموريس المعروفة بالطير الخدارى ومنزل قنديل فى الناصية وشباب برى الحلوين والنادى حيث المجالس الجميلة وتخطيط برامج المساء تبدأ من نادى برى

برى حديثها لا ينتهى

برى حضارة الخرطوم وجمالها وأناقتها وقعداتها الرهيبة مع شعراء السودان وفنانيهم ومن لم يغنى ولم يكتب القصيدة فى رمال برى اللاماب يكون فنه ناقصا



ولى عودة
Post: #70
Title: Re: بـُــري
Author: يازولyazoalيازول
Date: 06-08-2008, 10:32 AM
Parent: #69

وياماضى أبو العزائم يا ليتكم تقصوا علينا شيئاً من حكاوى عبدالله لوفت فنوادره يتناولها الناس فى برى حتى يومنا هذا فقد كان لهم بمثابة موسى ودنفاش فى ودنوباوى
Post: #72
Title: Re: بـُــري
Author: ماضي ابو العزائم
Date: 06-08-2008, 10:45 AM
Parent: #70

العزيز يازولyazoalيازول

عبد الله لفت ده حكايه و كل ظهر تلقاهو شايل الشنطه و ماشى لما نسأله على وين يا عبدالله إقول المدرسه((و الشنطه مليانه بالقزايز ماشى اجيب كوتة المساء))
فى عزاء اصرينا عليه بعد الغداء اشرب شاى(و هو عدو الحاجات الحلوه و حبيب المزات)فمسك كباية الشاى و رفعها كما يرفع الكأس و قال(هى...كبايه بتنشاف)
Post: #74
Title: Re: بـُــري
Author: يازولyazoalيازول
Date: 06-08-2008, 10:55 AM
Parent: #72

نعم نعم عبدالله لوفت رحمه الله كان أظرف شخصية فى برى ويحبه الجميع

سبحان الله ، فى ناس كده ربنا يخصهم بمحبة خلقو فيهم

يا سبحان الله



وكمان أذكر فى برى (رياض) عازف الكمنجة المعروف وكان يسكن (كجرة) قريبا من بيت حاج المشرف

أما بيت حاج المشرف فده حكاية تانية خالص ، فقد رأينا على أبراهيم يمدح فى ليلة المولد التى تقام سنويا فى بيت الحاج وكان ذلك فى السبعينات وقد كانت من الأشياء النادرة جدا أن تسمع اللحو يمدح



كما رأينا معظم الفنانين يأتون لمنزل الحاج كصلاح بن البادية وزكى عبدالكريم وحمد الريح والصادق الياس الشاعر الجريفاوى المحبوب وغيرهم وغيرهم حتى العازفين مثل بندس ورياض وأحمدية وغيرهموغيرهم فقد كان بيته منتدى للشعراء والأدباء وكانت كل برامج المساء يتم تخطيطها من هناك



ألم أقل لكم أن برى حكاية لا تنتهى
Post: #75
Title: Re: بـُــري
Author: ماضي ابو العزائم
Date: 06-08-2008, 10:58 AM
Parent: #72

حكاية اخرى عن علم من اعلام البرارى و الرجل الذى اطلق على امتداد ناصر اسمه الحالى.
اخونا محمد الامين حتيكابى الصحافى المعروف و السياسى المعروف و الذى لايعرفه عنه الكثيرين إلا من كان قريب منه انه (نسابه) لا يشق له غبار يحفظ انساب اهله و غير اهله.
كان حتيكابى(عليه رحمة الله) عضو فى اتحاد الشباب السودانى و طلع قرار ان يسمى امتداد البرارى او (الاراضى كما كان يسميها اهل برى) باسم الرئيس جمال عبد الناصر و ذلك بعد وفاته، و للاسف الاسم فى الاول ما مشى فما كان من الفقيد الا و ان عمل لافته كبيره و ذات خلفية زرقاء و كتب عليهابالون الاحمر (إمتداد ناصر) ووضعها فى مدخل الباصات عند دخولها ناصر (بعد نادى برى و المدارس)و من هناك ثبت الاسم.
و لنا عوده
Post: #73
Title: Re: بـُــري
Author: يازولyazoalيازول
Date: 06-08-2008, 10:47 AM
Parent: #70

وكذلك أخى ماضى ولكى تعم الفائدة يرجى أن تحكى لنا علاقة ناس برى بناس توتى وناس الفتيحاب بأمدرمان وما هى العلاقة؟؟؟؟؟

يا ريت والله
Post: #76
Title: Re: بـُــري
Author: ماضي ابو العزائم
Date: 06-08-2008, 11:09 AM
Parent: #73

اخونا يازولyazoalيازول
مالك عايزنا نحت الكلوش كلو
لما تتكلم عن الفتيحاب (ابو سعد)و توتى و برى(المحس)انت بتتكلم عن فروع من أصل واحدو ضيف عليهم القوز(القوز القديم محطة مرتضى و ما جاورها)فعندنا فى برى لما تحصل وفاة لازم نرسل للقوز و توتى و الفتيحاب قبل الدفن ولا تشوف ليك مكان تدس فيهو فهم ابناء عمومتك و خئولتك و فى كتير من الاحيان الوفاه تكون فى القوز و الدفن ببرى او العكس و هناك اسر اكثر تشتتا بين هذه المناطق كمثال آل ابوالريش و آل على خوجلى و آل دليل و القائمة تطول.
Post: #78
Title: Re: بـُــري
Author: يازولyazoalيازول
Date: 06-08-2008, 11:23 AM
Parent: #76

يا سلام عليك يا ماضى

ده النضمى الصحيح

أنا قلت الكلام ده قبل كده الناس غالطونى قالوا لى مافى علاقة

تصور



بالله واصل يا ماضى الله يفتح عليك
Post: #79
Title: Re: بـُــري
Author: ماضي ابو العزائم
Date: 06-08-2008, 11:29 AM
Parent: #76

Quote: يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟


الامين بشرى الاخ لمهدى بشرى الكاتب و الناقد المعروف و إبن سكينة عالم علم من اعلام الحركة النسوية فى السودان عليها رحمة الله ففى جنازتها إتلم كل الوان الطيف السياسى السودانى
Post: #77
Title: Re: بـُــري
Author: محمد أبوالعزائم أبوالريش
Date: 06-08-2008, 11:20 AM
Parent: #1

Quote: بالله عليك.. شنو أخبار صديقي العزيز السني أبو العزائم...


العزيز محمد يس .... السني أبوالعزائم موجود في مسقط حاضرة سلطنة عُمان

Quote: يا محمد يسن ، وعلى ذكر الناس القيافة ، تتذكر الأمين بشرى ، ذاك الفتى الدبلومساى الدلوعة الأنيق؟؟؟؟


ألحق يا أيمن .... الزول ده قاصدك ...

Quote: واين محجوب حسن الآن؟؟؟ أذكر أن هذا الفتى لا يضاهيه فنان فى تقليد أحمد المصطفى وكان من أبناء برى الدرايسة وله شقيقه الأصغر كان أيضاً فنانا جميلا ،


الشقيق الأصغر هو (بكري حسن)، وقد ذاع صيته في التسعينات، ولكنه توقّف بعد موقف تعرّض له من حاجة إسمها أمن الحفلات والاّ أمن الغنا والاّ شنو ما عارف.

هشام شيخ الدين .... يا خوي إنت حكايتك شنو؟ التفاصيل العندك دي ما بتاعة واحد عابر سبيل ..... إنت كنت غوّاصة في بري والاّ شنو؟

عموماً أفتكر إنك تستحق (الجنسية) ونمنحك لقب مواطن بري الفخري
Post: #80
Title: Re: بـُــري
Author: يازولyazoalيازول
Date: 06-08-2008, 11:35 AM
Parent: #77

الأخ محمد أبوالعزائم

لقب مواطن برى الفخرى ، صدقنى سيكون قلادة على صدرى ومصدر إعجابى وفخرى فلبرى علينا دين مستحق فقد علمتنا معانى الحياة السامية الجميلة ، لا يمكن أن تتصور مساحة الحب التى فى قلوبنا وقد أفردناها لبرى وأهل برى

لأن برى بالنسبة لى هى الجمال والمحبة وكل الخصال الطيبة ، برى فى حقيقة الأمر هى السودان

كمان أشكرك على أن ذكرتنى بالفنان الجميل بكرى حسن ، وما أكثر الحلوين فى برى

يا محمد أبوالعزائم قفشات برى وطيبة أهل برى لم أجده فى أى مكان فى الدنيا



أذكر مرة كان الهادى النور يرغب فى الذهاب لمشوار هام فى الصحافة وطلب من الهادى ابو الناس أن يوصله بسيارته الموريس الصغمبتونة الظريفة ، ولم يكن الهادى ابوالناس بخيلا فى سيارته ولأصحابه رغم حدوث أزمات فى البنزين فى بعض الأحيان فما كان من الهادى النور إلا أن ترجى الهادى وألح عليه إلحاحاً شديدا حتى رضى الهادى ابوالناس أن يوصله

وبمجرد ما تحركت العربة صوب الصحافة سأل أبوالناس الهادى النور

بيت صاحبك ده وين؟؟؟؟

فرد عليه الهادى النور (بدلع) ومع شفطة سيجارة:

شفت وداعاً ؟



ويقصد بالطبع لافتة وداعاً فى طريق مدنى وكانت آخر نقطة فى الخرطوم

ألم أقل لك أنه لا يوجد فى الدنيا أظرف من ناس برى

ملحوظة: الهادى ابوالناس هو صاحب الأستديو المشهور فى محطة سبعة وصاحب صلاح بن البادية ويعزف معه أحياناً الكمان
Post: #82
Title: Re: بـُــري
Author: Mohamed Yassin Khalifa
Date: 06-08-2008, 12:21 PM
Parent: #80

يا أخوانا جات مواعيد النومة خلاص وشكلكم إتغديتو هسع ومرطبين بالشاي...


اللعنة على فروقات الوقت!!!


يالزول هشام... أخوي عاصم المشرف موجود في المنبر وأكيد حا يجينا بأخبار من محطة خمسة ولغاية سبعة..


Quote: ملحوظة: الهادى ابوالناس هو صاحب الأستديو المشهور فى محطة سبعة وصاحب صلاح بن البادية ويعزف معه أحياناً الكمان



الهادي خالنا ومصورنا الخاص يرجع ليهو الفضل في إننا إتعلمنا التصوير الفوتوغرافي والتحميض - وده أكتر زول بار بي أمو الطيبة
Post: #81
Title: Re: بـُــري
Author: haleem
Date: 06-08-2008, 12:04 PM
Parent: #1

" />">

يا شباب دة الكود:




واحد يرفع الصورة بالله
Post: #83
Title: Re: بـُــري
Author: Mohamed Yassin Khalifa
Date: 06-08-2008, 12:42 PM
Parent: #81

حليم والله بالغت فيها الصورة النكتها دي...



نعسان لكني شايف الأساتذة الشيخ وعب???? والناظر عمر الهادي.. وشايف الشهيد حسان عمر الأقرع و...
Post: #84
Title: Re: بـُــري
Author: محمد أبوالعزائم أبوالريش
Date: 06-08-2008, 01:12 PM
Parent: #1

بصراحة الصورة دي ما عرفت فيها غير الأساتذة (الشيخ وعُمر الهادي)، وشايفك بتقول سنة 1972 والصف التاني. المشكلة نحن قرينا سنة تانية في المدرسة القديمة، قبل بناء المدرسة الحالية الإتحول إسمها إلى (عبيد حاج الأمين)
Post: #85
Title: Re: بـُــري
Author: محمد أبوالعزائم أبوالريش
Date: 06-09-2008, 05:42 AM
Parent: #1

أساسي اتلحس والاّ شنو؟

Quote: نادرا ما تلقى في بيوت بري كلاب..
لذا كانت الملايكة دوما تفتح الابواب..


شكراً دكين ..... شهادتك عزيزة
Post: #86
Title: Re: بـُــري
Author: اساسي
Date: 06-09-2008, 07:13 AM
Parent: #85

Quote: أساسي اتلحس والاّ شنو؟


اساسي مستمتع بالتداعي دا جدا طبعا انتو بديتو تحكوا في حاجات انحنا ما كنا شاهد عصر عليها عشان كدا قلنا نتفرج لحدي ما نتلاقي في نقطة منطقية بالنسبة لينا فالصورة حقت سنة اتنين وسبعين دي لحظة ان اخذت كنا يومها في رحم الغيب نضاف لم تخلق بعد لذا لا حديث لنا ايامئذ سوى الاستماع
قابلت الاخ هشام يازول يوم الخميس الفائت في ( سماية) كعادتنا السودانين جننا سمايات وقد بدأ في الحكي والتداعي عن بري لحظتها طلبت منه باغلظ الايمان ان يتوقف عن الحكي وتضيع المعلومات وان يمسك بها ويأتي بها الي هذا البوست ليوثق لنا عن ذكريات نادرة وقد فعل هشام مشكورا ونطمح في المزيد .
البوست للجميع انتو اطلعوا لينا من السبعينات دي شوية كمان عشان نناضمكم
Post: #87
Title: Re: بـُــري
Author: يازولyazoalيازول
Date: 06-09-2008, 09:00 AM
Parent: #86

شكرا أساسى

كمان لا أنسى إن نسيت المرحوم سعد الشيخ والذى كان مغتربا فى آخر عمره فى الكويت وأظنه عاد وتوفى فى برى فى مطلع الثمانينات أو لعله توفى بالكويت لا أذكر بالتحديد ، وكان منزله ناصية قريبا من سوق محطة أربعة

وكذلك لا أنسى الأخ الحبيب الشقيق الأكبر لمحجوب حسن على وبكرى وإسمه هاشم حسن على وكان يعرف بالباشكاتب ، وكان المسئول الأول فى مكتب القبول مع الأستاذ عبدالرحمن عبيدأبان السبعيات

ولا أنسى المرحوم الأمين إدريس وقد كان رائد على ما أعتقد فى سلاح السلحة

ولا أنسى الحلل فى الرملة جمب البحر

يا الله على برى

وعلى أهل برى

عاصم المشرف ، ما إتذكرتنى؟؟؟؟

أظنك كنت صغيرا وقتها



بعد كده نطلع من السبعينات ونشوف برى الألفية الجديدة بقت كيف؟
Post: #88
Title: Re: بـُــري
Author: عبدالله كع
Date: 06-09-2008, 10:04 AM
Parent: #1

اساسي تحياتي

استمتعته .. جدا جدا .

اول مرة اقري جميع المداخلات


ــــ
لنا عودة

(امتداد الدرجه التالته )

يحيكم
Post: #89
Title: Re: بـُــري
Author: محمد أبوالعزائم أبوالريش
Date: 06-09-2008, 10:25 AM
Parent: #1

الأخ عبدالله كع ...

مرحب بيك وبامتداد الدرجة التالتة في واحة بري ....

هناك كثير من الشخصيات المعروفة في بري، منها من كان من أصل بري، ومنها من مرّ بها كمرحلة، وقد خطري لي في هذه اللحظة المربّي الكبير، والشاعر (عبداللطيف عبدالرحمن) .. لمن لا يعرفه هو من كبار رجالات التربية والتعليم (المعارف)، وشاعر فحل، كانت له قصيدة تدرّس في المدارس تقول حسب ما أذكرها:-

أنت سوداني *** وسوداني أنا
ضمّنا الوادي ** فمن يفصلنا
نحن روحانِ **** حللنا بدنا
"منقو" قل لا*** عاش من يفصلنا
قل معي لا عاش من يفصلنا

أرجو تصويبي إذا كان حفظي غير سليم
Post: #90
Title: Re: بـُــري
Author: haleem
Date: 06-09-2008, 11:06 AM
Parent: #1

أساسي ...ياخي أبو الريش يقوليك الصورة دي سنة 72 في المدرسة الجديدة والابتدائي قريناه في المدرسة القديمة

تقول نحن القت داك ما اتولدنا
..

المهم

طبعا اتضح انك من الدرايسة

وناس الدرايسة ديل وبالتجربة..كانوا أكبر شرامة ورباطة

وكانوا بيهرشوا ناس بري المحس

ويا أخوان بالله No hard feelings

دة تاريخ

وأهو قدامكم أساسي....(رباطي) البورد
Post: #91
Title: Re: بـُــري
Author: محمد أبوالعزائم أبوالريش
Date: 06-09-2008, 11:54 AM
Parent: #1

الفن وما أدراك ما الفن ........

بداية من فن الحقيبة ... كان هناك (أولاد بري) ..
ثم علي ابراهيم الأحو .. ذلك الجعلي القح الذي استقر به المقام في بري وأصبح واحداً من أهلها، ثم حمد الريح إبن توتي، وبحكم صلات الدم والقربى إستقر أيضاً في بري، وقد كان لفنانا الكبير المرحوم هاشم ميرغني أياماً لا تُنسى في بري قبل اغترابه واستقراره في دولة قطر. أيضاً نجد "أولاد الدبيبة" الذين حملوا إسم منطقتهم ولكنهم عُرفوا في بري وارتبطوا بها، والمرحوم أحمد قنديل الذي جمع بين الكفر والوتر.

وليأتي ماضي ويحدثنا عن الفترة التي سكن فيها محمد وردي في بري المحس، وأناشيد أكتوبر الخالدة التي سجلها بأصوات أولاد المدارس الذين كان يختارهم من مدارس بري.

معليش يا أساسي ... الإجترار خلى الواحد يتسلطن في الذكريات .. بس برضو ما أظن الفَرّقة بيناتنا كبيرة ... وإنتو شوتوا لينا من فترة التمنينات والتسعينات.
Post: #93
Title: Re: بـُــري
Author: محمد أبوالعزائم أبوالريش
Date: 06-09-2008, 01:06 PM
Parent: #1

في مداخلة فوق ذكرت بوست ليهو علاقة بأولاد بري، وكنت قايلو بتاع خالد العبيد، لكن إتضح إني غلطان، وده لأنو خالد كان ليهو مداخلات كتيرة فيهو. البوست ده قدييييم ونكتّو من مخزن بكري أبوبكر. حقيقة شفتو لما كنت قارئ قبل العضوية ... حقو نطل عليهو مع بعض:-

مدرسة امتداد ناصر (3) الإبتدائية بنين
Post: #94
Title: Re: بـُــري
Author: Saifeldin Gibreel
Date: 06-09-2008, 06:35 PM
Parent: #93

ياناس بري سلام... يااساسي بلاهى انت من بري.... عمومآ خالص التحايا فبري والجريف غرب وتوتى كلهم اهل بعض.... بري مدينة الصمود وموطن الابطال..منها جاء البطل عبيد حاج الامين احد رواد وزعماء ثورة 1924 وجمعية اللواء الابيض وهو جد قريبنا وعضو البورد زول بن زول ..كانت بري قلعة من قلاع التنوير منها جاء ابوالقاسم احمد هاشم... برى هى امتداد لتاريخ الخرطوم الضارب فى القدم انه تاريخ المحس الذين عمرو الخرطوم وزرعوه بالخضر والفاكهة..بري مساكن مضارب آل الهندى ومنها جاء المناضل والشهيد الشريف حسين الهندى.. بري سكنتها فاطمة احمد ابراهيم والشفيع احمد الشيخ....بري الطابية والنيل.. بري عبدالكافى واولاد الذبير وحسبو بري عبدالفتاح حمد من اسسو للرياضة فى السودان... بري تاريخ واصالة.. بري النيل ومرقد الشيوخ والصالحين...
Post: #95
Title: Re: بـُــري
Author: Mohamed Yassin Khalifa
Date: 06-09-2008, 10:23 PM
Parent: #94

العزيز سيف الدين:

والله شكلك كنتا ومازلتا عاشق لبري لانو مداخلتك دي ليها طعم خاص... بالله عليكا زودنا بأسرارك في بري وقصصك مع أهل بري!!!
Post: #96
Title: Re: بـُــري
Author: محمد أبوالعزائم أبوالريش
Date: 06-10-2008, 06:00 AM
Parent: #1


من حيث السياسة، فبري ضمت وتضم كوكبة من شتّى ألوان الطيف، وزي ما ذكر الأخ سيف الدين جبريل، أنبتت عبيد حاج الأمين .. الشريف حسين الهندي .. الشفيع أحمد الشيخ وفاطمة أحمد إبراهيم ... أبوالقاسم هاشم و............... حسن الترابي .. وغيرهم.
Post: #97
Title: Re: بـُــري
Author: Kudouda
Date: 06-10-2008, 06:18 AM
Parent: #1

كل حي من البراري ليه نكهه خاصه... بدايه بي بري الشريف مرتع الطفوله... السوق.. ميدان الرابطه ...الاحياء الليها باب واحد اول ما تدخل تلقي روحك في نص الحله وكميه من الابواب..تدخل من واحد تلاقي روحك دخلت حله تانيه.. الناس كلهم اهل قبيلتهم البراري... يلا نمشي لي فوق شويه نلقي ناس اللاماب الببقو ناس راحات كل ما طلعت لي فوق... اها بعد داك بتبدا جخانين ابو حشيش والدرايسه .... كوريا ... اما المحس فدي قصه تانيه...
انا ادعي انو البراري اجمل احياء الخرطوم لانو كل السودان بقا فيها اهل
الواحد كان نفسو يلم في ناس من دفعتو في البوست ده.... لكن ولله القصه لمت العجايز, كدي يا جماعه عليكم الله عشان نفرز الكيمان الضاق صوت استاذ كمال الدقنه يقول عووك:-)
يا ابو السيوف.. ولله مشتاقين ... ورينا اخبارك يا سيد الناس ... انا تلفونك راح مني فادينا تلفون يا سيدي(00491795499542)
تحياتي لكل اهلي واخواني في البراري
غازي
Post: #99
Title: Re: بـُــري
Author: Saifeldin Gibreel
Date: 06-10-2008, 06:50 AM
Parent: #97

دكتور غازى كدودة 1000 مليون مبروك للتخرج وسوف اتصل عليك فى الساعات القليلة القادمة تحياتى لكل الشباب...


ناس بري حبينا نشركم فى المقال ... عن مأسي الانغاذ والنزوح العشوائي والتعدى على املاك اهلنا وتاريخهم...

يومية .. سياسية .. مستقلة العدد رقم: 1810
2008-06-08

االوطن صحيفة يومية سياسية مستقلة. تأسست سنة 1987م
رئيس التحرير:
سيد احمد خليفة

مدير التحرير:
خالد ساتي

نائب رئيس التحرير

عادل سيد احمد


هاتف:
00249183774901
00249183795000
00249183795001
00249183795076
بريد إلكتروني:
[email protected]

إنتبهوا.. التعمير ليس عدواناً على التاريخ..!

طـــه النعمان



في بري.. ضريح يضم رفاة الأمير عبدالله ودالنور والشريف يعقوب تتهدده الإزالة
هل ضاقت الأرض بما رحُبت.. وماذا لو نُحّي الشارع جانباً إكراماً للشهيدين!؟
أبطــال الفتح يزينون وجه الخرطـــــوم.. وقبورهم ليست «سكناً عشوائياً»!



شاب دون الأربعين.. دخل عليّ فجأة بمكتبي في مقر «الوطن» يحمل أوراقاً كثيرة، وبدا مهموماً ومكدوداً ومنزعجاً، فسألته ماذا وراءه، وإذا به يفجر أمامي قضية ذات خطر عظيم.. قضية تتعلق بالتاريخ والهوية وبذاكرة الأمة.. وهي قصة وقعت له بالمصادفة التي لا تخلو من «كرامة» أو قدرٍ وإرادةٍ ربانيةٍ، فالصدفة وحدها قادته إلى أن يجد أن ضريح جده الشيخ يعقوب ورفيقه في الشهادة في معارك حصار الخرطوم وفتحها يجري العمل حثيثاً لازالته من منطقة بري «قاردن سيتي» تمهيداً لتمديد شارع هناك، وفيما يلي وقائع القصة وموقع الشهيدين في تاريخ الامة:
عبدالله بخيت عبدالله يعقوب، من أهالي بري والجريف، رجل أعمال في الزراعة وحليج القطن بولايتي النيل الأبيض وأعالي النيل.. كان يقود سيارته على شارع النيل من بري في طريقه إلى الخرطوم بحري لزيارة بعض الأهل والأقارب في رابع أيام عيد الأضحى، وكان إتخاذه لشارع النيل مقصوداً في حذ ذاته حتى يمر على ضريح جده الشهيد «الشريف يعقوب ودقليج أبوقرون» المدفون في موقع قريب من شاطئ النيل الأزرق في تلك المنطقة المعروفة حالياً بـ «قاردن سيتي».
وعندما إقترب من موقع الضريح فوجئ باناس يقومون بقطع الأشجار الخمس المحيطة بذلك الضريح، الذي يرقد فيه شهيدآخر، إلى جانب الشريف يعقوب، هو القائد المهدوي الشهيرالذي إستشهد في حصار الخرطوم «الأمير عبدالله ود النور» الذي كان يقود المعارك من تلك المنطقة في مواجهة جيش غردون المتمركز في طابية بري.
سأل عبدالله بخيت يعقوب العمال الذين يقومون بقطع الأشجار الخمس التي نمت حول الضريح مُشَكِلَةً هرماً أو قبة خضراء تظلل قبري الشهيدين الصالحين. ذلك الضريح الذي تحوّل إلى مزار على مدى أكثر من قرن من الزمان، فقد استشهد البطلان الوطنيان في يوم واحد كان هو السبت 1 يناير 1885 وفقاً لما سجله تاريخ الثورة المهدية.
سألهم عبد الله ماذا يفعلون.. فأجابوه بكل هدوء وبساطة ودونما حذر بأنهم يقومون بقطع هذه الأشجار تنفيذاً لأمر السيد حميدة عثمان من وزارة التخطيط العمراني «إدارة الطرق والجسور والمصارف تمهيداً للشارع المنتظر تشييده في تلك المنطقة ليربط بين شارع معرض الخرطوم الدولي وشارع النيل الجديد الواصل إلى الفِلل الرئاسية التي انشئت حديثاً بتلك المنطقة.
من فوره قام السيد عبدالله بخيت باتصال عبر هاتفه الجوال بالسيد حميدة عثمان، الذي أصدر أمر قطع الأشجار وبالمهندس إيهاب من «شركة مام» للطرق والجسور، مبلغاً إياهم خطورة العمل لأن هذه الأشجار تحيط بضريح يضم رفاة شهيدين وبطلين من أبطال السودان هما الأمير عبدالله ود النور والشيخ الشريف يعقوب أحد أعلام الطريقة السمانية، فكان ردهم هو الاصرار على قطع الأشجار ومن ثم إزالة الضريح التاريخي، وأكد حميدة حمزة على القول بأن القرار هو إزالة الأشجار وأنه سيقوم بابلاغ «منظمة حسن الخاتمة» للتكفل بترحيل رفاة الشهيدين وإزالة القبرين تنفيذاً لما أسماه «المصلحة العامة».
أتُخذ هذا القرار بالرغم من أن الضريح يقع على بعد نحو «15» متراً من الطريق، ويمكن لكل من يشاهد الموقع أن يتأكد من امكانية مرور الطريق دون المساس بالضريح.
بعد ان رَفع السيد عبد الله بخيت يعقوب بالتعاون مع عمه القيادي الاسلامي المعروف علي عبدالله يقعوب مذكرة إلى وزير التخطيط العمراني والاسكان المهندس عبدالوهاب عثمان تطلب منه التفاهم في أمر الضريح بما يحفظ للشهيدين حرمتهما ومكانتهما ولأهلهما مشاعرهم وللوطن حقه في تاريخه ، وأوضحوا له انهم عندما تحدثوا إلى مسؤول الشركة المنفذة للطريق (شركة مام) ابلغهم بان القرار ليس عنده، فهو مسؤول فقط عن التنفيذ. وطلبت المذكرة تحديد ميعاد للقاء الوزير عبد الوهاب، وهذا مالم يتم حتى كتابة هذا الموضوع.



* * *



في كتابها «حصار وسقوط الخرطوم» الصادر عن دار التأليف والترجمة والنشر بجامعة الخرطوم، تقول الدكتورة ميمونة ميرغني حمزة عن دور الأمير عبدالله ود النور في ذلك الحصار (1884ـ1885): لم تدم فترة الهدوء الذي أعقب تراجع قوات أبي قرجة (باتجاه الكلاكلة) طويلاً، فسرعان ما استدعى المهدي قائده عبد الرحمن النجومي من جبل الداير ليقود حملة إلى الخرطوم في 18 شعبان 1301هـ (13 يوليو 1884) وغادر النجومي الرهد في غرة شعبان (2 يونيو 1884) وعلى رأس جيش يقارب الستين الفاً، وقد اجتمعت معه «قوات عبدالله ود النور» التي قدرت بعشرين الفاً، تسلح غالبية المحاربين بالحراب والسيوف، إلا أنه كانت هناك قوة من الجهادية تبلغ عشرة آلاف رجل مسلحين بالبنادق، بالاضافة إلى قوة مماثلة من الخيالة، وكانت معهم أيضاً اربعة مدافع جبلية، وأربعة مدافع كروب، وصاروخ واحد، وسار مع هذه القوة مجموعة من الامراء، بينهم حسن النجومي، وعبد القادر ود مِدْرِع، شيخ قبيلة الحسانية وعبدالله سالم بن حاج عبدالله.
كانت الجبهة الشرقية ـ جبهة بري ـ حيث تُرابط قوات عبد الله ود النور وعبد الله ود جبارة والشيخ العبيد ودبدرأخطر الجبهات في حصار الخرطوم، ففيها المركز الرئيسي لقوات غردون، حيث الطوابي القديمة و«البركس» ، فيما بعد، والتي تحولت في العهد الوطني وبعد الفتح الثاني إلى داخليات جامعة الخرطوم الحالية، كما انها كانت تمثل المدخل الرئيسي لاية قوات قادمة من خارج الخرطوم عبر النيل الأزرق.
ولأهمية تلك الجبهة وخطورتها وأهمية وخطر القائد الذي كان يديرها، تقول الدكتورة ميمونة، انه بعد استشهاد عبدالله ود النور انتقل النجومي إلى بري بناءً على تعليمات الامام المهدي في حين حل أبوقرجة مكان النجومي في مقابل طابية الكلاكلة. وذلك قبل ان يزحف المهدي شخصياً على الخرطوم في جيش جرار قوامه 200 الف رجل وامرأة تمهيداً للانتقال من حال الحصار إلى الفتح المبين.
أما الشريف يعقوب، والذي كان متردداً في البداية في قبول دعوة المهدية وأمرها، إلا أنه وعندما حان الحين وجد نفسه ينخرط في الجهاد، ويستشهد في معارك بري بين البر والنهر إلى جانب رفيقه عبدالله ود النور، وفي هذا تُروى الروايات عن كيف ان استشهاده كان عصياً بما له من صلاح وكرامات، حتى أضطر أعداؤه إلى استخدام «الفضة» لاصابته بطلق ناري ليسقط شهيداً، كما تقول تلك الروايات والشيخ «الشريف يعقوب» هو أحد أعلام السمانية الذين أخذوا الطريق على يد الشيخ احمد الطيب البشير القطب السماني الذي خلف الشيخ محمد بن عبد الكريم السمان «سماني المدينة» بعد أن تتلمذ على يديه دهراً في الاراضي المقدسة قبل أن يعود إلى السودان، وكان قد اقام مسيداً كبيراً لتعليم القران يُشرف على النيل في منطقة «قاردن سيتي» الحالية. وجدّهُ ابراهيم «ود قليج» في بري اللاماب، وجدّه لأمه الشيخ خوجلي أبو الجاز من أهالي توتي المدفون بالخرطوم بحري ويتسمى أحدُ أحيائها باسمه «حلة خوجلي».
وقد إنضم الشريف يعقوب بجميع حيرانه إلى الجهاد وشيد طابية بالقرب من المسيد الذي يقع في موقع «جامعة الرباط» الحالية ببري.
ذلكم هو بعض تاريخ ضريح البطلين الشهيدين الذي قررت وزارة التخطيط العمراني بولاية الخرطوم إزالته بكل بساطة وكأنه سكن عشوائي قام بين ليلة وضحاها..
إتقوا الله في تاريخ هذا البلد وتراثه .. ولا تعتدوا على من فتحوا الخرطوم وحرروها من دنس المستعمرين بدمائهم الزكية.. فهم الذين أورثونا الخرطوم .. وهم الذين يمنحون الخرطوم عزها وبهاءها وجمالها
Post: #98
Title: Re: بـُــري
Author: amir elsharief
Date: 06-10-2008, 06:41 AM
Parent: #1

سلامات يا ناس بري. العزاء موصول لأستاذنا مصطفي عابدين في إستشهاد إبن أخيه وإنا لله و إنا أليه راجعون.
بري جنة الدنيا و بهجتا. و الله يا ناس بري قدر ما شرقت و غربت ما لقيت ناس بأخلاقكم و حنيتكم. الله يديكم العافية أساتذتي ألأجلاء ببرى المحس ألإبتدائيةعمر الهادي, الشيخ, محجوب, محمد صالح, عبد الله, ميرغني.
أخوكم وإبنكم دكتور أمير عون الشريف قاسم
Post: #101
Title: Re: بـُــري
Author: Saifeldin Gibreel
Date: 06-10-2008, 07:02 AM
Parent: #98

اخونا محمد يسن..فى بري كان فى فنان شعبي بتاع حقيبة كان بجى يغنى فى الجريف نسيت اسمو يا ريت لو تزكرونى اسمو...

ماذا يعنى مالك الجيلي لاهل بري المحس.... وفريق الاتحاد وما هو سر هتافاته المعادية للحكم فيصل سيحة
Post: #114
Title: Re: بـُــري
Author: عاصم المشرف
Date: 06-11-2008, 02:50 AM
Parent: #101

البراب سلام
ولنترحم على شهداء الطائرة المحترقة وربنا يسلم برى مصائب المطار وكوارس الزمن
الاخ/ هشام هل يخفى القمر ويت اراصيكم والاسرة حسب متباعاتى عبر الاعلام ان تماضر فى امريكاواين بقية العائلة؟؟ ومنذ ان حرجت من السودان اعرف انك بالسعوديةوانابالقاهرةمنذ فترة وانجبت طفل وطفلةوالحمد لله.
ومن المشاهير اسصا فى برى
-على عثمان محمد طه مرشخ الدائرة 21 البراى ابام نميرى ودخلها بترشيح من ناس حاج الضوالعوض والامين على خليفةواسهم اعضاء تنظيمه ببرى فى تكويت شعبيته والشاهد على ذلك ساحة منزل الامين على خليفةببرى الدرايسة.
-فاطمة احمد ابراهيم كقاطنة سابقا ومرشحة برلمانيةفى الدبمقراطية الاحيرة
- الدكتور مامون ستادة وزير الحارجية السابق عضز الحزب الاتحادى.(جاردن سيتى)
- الحاج محمد مراد اول من سلم الازهرى العلم لرفعه
- بروفسير قندور
-اللواء معاش الخير عبد الجليل المشرف (رئيس هيئة الابداعالفنى)
-مبارك امان(الرياصة)
- عشمان حالد مضوى مرشح الدائرة21 البرارى ضد فاظمة اخمد ابراهيم ومحمد مراد ومحمد العمدة عن حزب الامة
- المرحوم سغد اخمد الشيخ مؤسس وكالة الخرطوم للانباء
- المرحوم محجوب محمد على ورير السياحة فى عهد نميرى
- الداعية عطيه محمد سعيد
- المعلق الرياضى كمال حامد
-الكابن التاج حسن
-الاديب المرحوم بدر الدين هاشم
- الشاعر السمؤل حلف الله
- المرحومة الاستاذة / ناهد على جبارة اول عضوة مؤسس لاتحاد الطلاب السودانيين بالمغرب
ومن محطة 4 الى 7
-حوش السيد غلى الميرغنى فى سوق 4 وتملكه المرحوم محجوب محمدعلى
= الناظر عوض ياسين
-خوش ناس بانقا
-مخجوبعبد القادر
- محجوب سليم
- المرحوم عوض جولط
-ناس سعد ومصطفى الشيع
-بابكر على عمر
-نتستالمربى المرحوم دياب والد د مصطفى وهاشم الضابط
- ناس ميرعنى على الطيب
-المرحوم يوسف ابو شرا
-المرحوم عوض والد نور الدين
-تاس عوض صديق
- ناس احمد عباس
- مصطفى على عمر
-عبد الفتاح
- المشرف الشسخ ادريس
- كمال حامد
-على واحمد عثمان
- عبدالجليل على طاهر
-عبد الله عبد السخى
- نتس المرحوم فيصل قليبة
- ناس مجى الدين مدنى
- عبد اللطيف سلا
- حسن المصرى
-اولاد ارياب
ومن المعالم البارزة ولفته للنطر
-قية الشريف وحولبته السنوبةونرابط اهل برى حولهافالواعى والطاشى كان يواظب عليهانيمنا وتبركا
وكم من طاش هداه الله فى هذه الحلبة
-حولية المرحوم الخليقة عبد الدافع ببرى الدرايسة والتى كانت تجمع اهل الطرق الصوفية ببرى وعيرهم فيهاوبعيدا عن مذهبيلتهم
-حولية المرحوم المشرف الشيخ ادريس بحى كورياوالتى تقام فىالليلة الحتامية للمولد النبوى الشرف
وهى ايضانجمع طبفا من الوان البشر من اهالى برى وفى هذه المعالم الثلاث ان صخ القول تجد المتناقضات والمننضات الا ان سمماحة اهل برى ونرابطهم وقبول بعضهم البعض والاخر جعل فكرة النعايش معها ممكنة وسهلة.
الاخ/ ماضى اعجنى واقنعنى سردك التوثيقى
وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس
اح/ اساسى ذكرنا يك ياصاحب هذه الفكرة الجمبلة انا كنت جل وقتى ببرى الدرايسة خاصةعند تمارين ومبريات سانتوس وزميل عادل على جبارة (بوب)وبابكر خير السيد
( ياقلبى السرارى وفيك دافن اسرارى ومجبوبى ساكن البرارى منيت العودة تانى با)
Post: #128
Title: Re: بـُــري
Author: عاصم المشرف
Date: 06-13-2008, 12:55 PM
Parent: #101

زول- هشام شخ الدين-محمد ياسين/ اتذكرك وهل يخفى القمر وين يقية العائلة؟
انا بالقاهرة والحمدلله تزوجت وانجبت محمد والاء
اساسى العقل المدبر للبوست والاخرين ممن لااتذكرهم ذكرونا يكم انامن كوريا ولكن كان اغلب تواجدى بالدرايسة مع عادل بوب وتاس فريق سانتوس والجامع الكبير.

ومن مشاهير البرارى ايضا

-المرحوم سعد احمد الشيخ مؤسس وكالة الخرطوم للانياء
- المرحوم بهاء الدين احمد ادريس (منزل والده على مااظن)
- المرحوم مصطفى احمد الشيخ )مسؤل الشباب سياقا بلحزب الشيوعى)

ومن الاحياء
- على عثمان محمد طه نائب الرئيس مرشح الدائرة 21 البرارى فى زمن النميرى وبدا صعوده من هناك
ويشهد على ذلك منزل الامين على خليفةودور ناس حاج الضو العوض فى اقناع واستقطاب الكثيرين لمناصرته فى الانتخابات.
-عبدالرحيم محمد حسين (بالمنشيةقيل الانقاذ)
-العم محمد مراد اول من رفع العلم السودانى مع الزعيم الازهرى ومرشح الدائرة فى الديمقراطية(الدرايسة)
- عثمان خالد مضوى مرشح الدائرة ايضاعن الجبهةالاسلامية
-فاطمة احمد ايراهسم مرشحة الحزب الشيوعى
- د. محمد العمدة مرشح حزب الامة
-التاج حس حارس المرمى والمدرب الشهير
- اللواء معاش الحير عبد الجليل المشرف رئيس هيئه الايداع الوطنى (يرى اللا ماب)
- مبارك امان (محلس الرياضة)
- كمال حامد المعلق الرياضى
-عزالدين خير الله
- بكرى بخيت
-طه ياسين القطب الاتجادى المعروف
-برفسير غندور اتحاد العمال وعيرهم
وكماطلب ود ياسين
من المعالم حوش السيد على الميرغنى محطة 4 وال للمرحوم محجوب محمد على على ماظن
ناس الناظر عوض ياسين
-بانقا
-ال شمام
-الناح اخ احمد قنديل
-اولاد محجوي عيد القادر
- محجوب سليم
-ناس المرحوم سعد ومصطفى سابقا
- ناس بابكر على خمر
-ناس التكينة
- ناس حسن حمدى
- ناس ود ملاح
- ناس اولاد سرور
- ناس مصطفى وهشام دياب
- ناس على الطيب وميرعنى ميكرفونات
-ناس شيخ يوسف ابوشراءالله يرحمه
-ناس عوض حسن
- ناس احمد عياس
- مصطقى على عمر الله يرحمه
- ناس عبد الفتاح الله يرحمه
- ناس المشرف الشيخ ادريس
- ناس كمال حامد
-ناس على واحمد عثمان
- ناس عبد الجليل على طاهر
ومن المعالم ايضا
- حولية الشرف يوسف اتلمندى رحمه الله
- حولية الخليفة عبد الدافع رحمه الله
- لية المولد الختامية النى ابتدرها المرحوم المشرف الشيخ ادريس بمنزله بحى كوريا
وفى هذه المناسبات الثلاث نجنمع جميع فئات مجنمخ يرى فتجد اصحاب الكورة واصحاب المعنى واصحاب الستةوهناك ماتجده يذكر وهو طاشىْء وتجدالاخوان المسلمين ايضايذكرون فهو مجتمع متسامح ومتعاضض بكل المقايس وليك القومة يا برى
Post: #231
Title: Re: بـُــري
Author: ماضي ابو العزائم
Date: 07-03-2008, 11:42 AM
Parent: #101

كتب ايمن فى رد على ملاسى فى بداية البوست

Quote: أولاد أبو الريش أبناء أحد أعمدة إرتكاز
حى برى المحس يا ملاسى ومرحب بيك معانا
هنا كمان لأنو إنت برضو عندكم حوش حوشين
فى برى المحس وما بتحتاج (كفيل)
وكان طلعت ما عارفو تعبت معاى,,,



اوعى الزول ده إكون قريب حسن خلف الله يا ايمن؟؟؟؟
Post: #100
Title: Re: بـُــري
Author: haleem
Date: 06-10-2008, 06:57 AM
Parent: #1

محمد يسن خليفة

ما وريتنا عرفت تاني منو في الصورة؟
Post: #102
Title: Re: بـُــري
Author: أيمن الطيب
Date: 06-10-2008, 09:48 AM
Parent: #100

سلامات يا شباب,,
قمة السعادة أن نرى البُرّاب متجمعين والذكريات والتاريخ حضور وأسماء مرت بنا فى الحياة أو فى إحدى المراحل الدراسية وأهل وأحباب إكتشفنا أنهم أيضا من أعضاء المنبر,,وحليم جاب صورة سنة 72 وأبو الريش قال كان فى مدرسة إبتدائية قديمة!!!!!! ويا أساسى أنا كنت معاك سنة 72 وفى نفس المكان
Quote: اخونا محمد يسن..فى بري كان فى فنان شعبي بتاع حقيبة كان بجى يغنى فى الجريف نسيت اسمو يا ريت لو تزكرونى اسمو...
ماذا يعنى مالك الجيلي لاهل بري المحس.... وفريق الاتحاد وما هو سر هتافاته المعادية للحكم فيصل سيحة

يا سيف يا حبيب,,مالك الجيلى فعلا من علامات برى المحس وهو ألأخ والكوتش والمعلم وأخو الأخوان وصديق الجميع,,بالنسبة لى مالك الجيلى
أخ أكبر وجار وحبيب كما هو الحال مع معظم الجيران الذين أصبحوا أكثر من أهل بطول العشرة وطيبها وفيصل سيحة كان معروفا بإنحيازه
ضد كل ما هو برارى والفنان الشعبى إحتمال يكون (حنّان),,,

Quote: بري جنة الدنيا و بهجتا. و الله يا ناس بري قدر ما شرقت و غربت ما لقيت ناس بأخلاقكم و حنيتكم. الله يديكم العافية أساتذتي ألأجلاء ببرى المحس ألإبتدائيةعمر الهادي, الشيخ, محجوب, محمد صالح, عبد الله, ميرغني.
أخوكم وإبنكم دكتور أمير عون الشريف قاسم

يا دكتور أمير ما زلت أذكر برى الإبتدائية والبيجو البرتقالية وأمجد كان دفعتى وصديقى وفى سنة2005 تشرفت بمقابلةالبروف رحمه الله وجعل البركة فيكم فى وفاة جدتى المرحومة الحاجة سكينة عالم وسألته عنكم ,,بلغ أمجد تحياتى ومرر رقم تلفونه لو أمكن,,وشكرا لكلامك الجميل عن برى
وأهل برى,,,

يا حليم..يا حبيب No Hard Feelings لكن هسه كلامك دا أين يصب !!
Quote: وناس الدرايسة ديل وبالتجربة..كانوا أكبر شرامة ورباطة
وكانوا بيهرشوا ناس بري المحس
ويا أخوان بالله No hard feelings
دة تاريخ

تاريخك دا مغلوط وغير صحيح وناس البرارى
كلهم أهل وأحباب وأصدقاء وحتى لو فهى
شقاوات الطفولة ولا يمكن أن تصفنا بالشرامة
والرباطة يا حبيب,,,

ويا غازى كدودة عووووووووووووووك,,
كمال دقنة جلدنا فى اليوم الأول فى
مدرست برى الأميرية عشان فى أول حصة
إنجليزى واحد كان بقول (كمون) والمفروض
الكلمة (مون)وسأل البقول كمون دا منو
الجماعة أصلا ما عارفين وأستاذ كمال
رسل جاب الخرطوش وهبت الفصل كلو
وأستاذنا كمال موجود فى قطر وهو بخير,,
_____________________________________
أبحث منذ فترة عن أستاذى فى برى الأميرية
الأستاذ معاوية الحسن (الفرزدق)!!!
Post: #103
Title: Re: بـُــري
Author: ماضي ابو العزائم
Date: 06-10-2008, 10:36 AM
Parent: #102

ما عايز الخبط تداعى ذكريات الشباب لكن محمد ابو الريش كتب

Quote: ثم علي ابراهيم الأحو .. ذلك الجعلي القح الذي استقر به المقام في بري وأصبح واحداً من أهلها، ثم حمد الريح إبن توتي، وبحكم صلات الدم والقربى إستقر أيضاً في بري، وقد كان لفنانا الكبير المرحوم هاشم ميرغني أياماً لا تُنسى في بري قبل اغترابه واستقراره في دولة قطر. أيضاً نجد "أولاد الدبيبة" الذين حملوا إسم منطقتهم ولكنهم عُرفوا في بري وارتبطوا بها، والمرحوم أحمد قنديل الذي جمع بين الكفر والوتر.


و نسى ناس مهمين من ابو حشيش - أمونه خير الله (منى الخير) - الرحمه مكى ( و متزوجه من اخ عبدالله لفت)
و على المستوى الوطنى عاشت فى ابو حشيش بين اهلها حتى توفت من قبل حوالى عقدين من الزمان زوجة البطل على عبد اللطيف
Post: #104
Title: Re: بـُــري
Author: يازولyazoalيازول
Date: 06-10-2008, 02:52 PM
Parent: #103

والله ناس برى خطرين

الله يديهم العافية

شوفوا بالله جنس النضمى ده
Post: #105
Title: Re: بـُــري
Author: اساسي
Date: 06-10-2008, 03:19 PM
Parent: #104

Quote: ويا غازى كدودة عووووووووووووووك,,
كمال دقنة جلدنا فى اليوم الأول فى
مدرست برى الأميرية عشان فى أول حصة
إنجليزى واحد كان بقول (كمون) والمفروض
الكلمة (مون)وسأل البقول كمون دا منو
الجماعة أصلا ما عارفين وأستاذ كمال
رسل جاب الخرطوش وهبت الفصل كلو
وأستاذنا كمال موجود فى قطر وهو بخير,,


ايوا يعني انت من اولاد اولي عثمان
تعرف وبصراحة وتجرد شديد ورغم انه الكلام دا ما لائق الان الا واني احمل في داخلي نقاط ومآخذ كبري علي طريقة كمال الدقنة في التربية والتعليم وطريقته في التدريس , هذا الشخص نحت في داخلنا جروح واخاديد لم تندمل بمرور الزمان , الواحد الي الان كلما تذكر المرحلة المتوسطة يأتيه الاحساس بانه ( حمار للجلد) كمية الضرب والقهر والتعذيب النفسي والبدني التي مورست علينا في تلك المرحلة اليانعة من اعمارنا وبقيادته هو شخصيا تعتبر من المراحل المظلمة في حياواتنا التي عشناها في بري , الدقنة من الاسباب التي جعلتني (اكره الدراسة و التحصيل ) والي اليوم وما كانت مواصلتنا للدراسة الا علي مضض انا اعتبره من الاشخاص الذين سودوا صفحة ناصعة في تاريخنا التحصيلي , اذكر جيدا الاميرية انها كانت كما سجن الكاتزار سيئ السمعة الذي مورس فيه التعذيب علي اشكاله المختلفة , اتذكر جيدا النفسية المنفتحة والتواقة لمرحلة جديدة من حياتنا الدراسية حينما انتقلنا من مرحلة الي مرحلة كاول نقلة نوعية كبري في تاري دراستنا واستشراقنا لأفاق كبري وتفتح عوالم داخلنا اتذكر اول يوم لنا في الاميرية والذي وبدون سبب مبرر تم جلد الصف الاول بانهاره الثلاثة منذ الصباح وحتى منتصف النهار والاساتذة وبقيادة الدقنة يتبادلون الجلد المبرح باسواط لا تستخدم الا مع البهائم في الطلاب الجدد الغرين , كسروا يومها فينا معاني كثيرة والي اليوم ما تزال تلازمنا .
انا وبصورة شخصية جدا بعتقد انه الدقنة من اسوأ الكوابيس التي عشناها في تلك المرحلة , ورغم قناعاتي بانه غير ضليع في طريقة ايصاله للمعلومة لطلابه الا انه كان ضليعا جدا او جزارا بمعني الكلمة في طريقة عقابه والذي يكون لاتفه الاسباب وبعقوبات لا تتناسب مع الخطا المرتكب بل لاسباب قد يختلقها هو في معظمها , بتاعين النظام او جنود امنه الذين كان يختارهم من بين الطلاب وتسليطهم علي رقاب اخوانهم لابتزازهم والتبليغ عنهم لينالوا العقوابات السخينة لاسباب تافهة وغير مقنعة , وانا طالب لم اقتنع يوما بان التحصيل يعطي بطريقته تلك .
اذكر جيدا مشواري من البيت الي المدرسة الاميرية والذي كان كابوسا في حد ذاته , والي اليوم استغرب في الطلاب الذين يذهبون الي مدارسهم فرحين ؟؟؟ ماذا يفرح في المدارس ان كانت بطريقة الدقنة ؟! هذه حقيقة لا اعلم سببا يجعله يمارس تعليما ( ساديا) عنوانه الضرب والتعذيب والبطش بالاطفال . شخصيا لم استفد منه وبفم مليان اي معلومة مفيدة فقد كانت ادمغتنا مشغولة العقاب والبطش اكثر منها مشغولة بالتعلم والتحصيل .
احمد الله كثيرا اولا لان وزارة التربية قد الغت عقوبة الضرب المبرح وغيره علي الطلاب واحمد اكثر علي ان الاميرية تلك القلعة العسكرية تم تفتيتها وتحويلها الي مدرسة ثانوية واحمد الله كثيرا علي ان الدقنة ترك التعليم المتوسط في السودان علي حاله ليواصل اخرين التعليم بطرق مفيدة .
لدي الكثير من الحكايات والمشاهد المحزنة والمبكية لطرق العقاب والبطش التي كانت مستخدمة والتي يتفنن في ابتكارها الدقنة علي تلاميذ بري الاميرية والتي يكفني حديثي اعلاه عن الخوض فيها .
Post: #106
Title: Re: بـُــري
Author: يازولyazoalيازول
Date: 06-10-2008, 03:38 PM

يا الله يا أساسى

والله قلت كلام مؤثر جداً ولكنى كمان أستحلفك بالله أن لا تواصل فى هذا الكلام هنا بل تفتح به بوست خاص حتى لا تشوه هذا الوست الجميل عن برى الحضارة وبرى الجمال وبرى التاريخ الناصع وبرى الفنون

حكاية العقوبات فى المدارس والجلد

اسألنا منها نحن أولاد النظار



تحياتى والقومة ليك يا اساسى يا ناصع البياض
Post: #107
Title: Re: بـُــري
Author: اساسي
Date: 06-10-2008, 03:48 PM
Parent: #106

والله يا هشام الكلام دا واقف لي في حلقي ليهو سنوات طوال وجات فرصة مناسبة انه الانسان يتصالح مع نفسه ويطلع الجواه , ورغم اسفي انه جاء هنا الا ان كل الاماكن لها حسناتها ولها سيئاتها .
اتمني ان يتواصل الحكي الممتع عن البراري .

علاقتي ببري كانت في حيين اولهما بري الدرايسة والتي كنا نسكن فيها قبالة المعرض جوار بيوت عبد الدافع وابو الناس والتي انتقلنا منها الي امتداد ناصر في العام 82 من القرن الفائت لذا معظم ذكرياتي التي انطبعت في وجداني كانت في امتداد ناصر وحتي تاريخ اغترابي ورغم انه الان اسرتي تسكن بحري الا انه ليس لي ارتباط سوي ببري فذهابي الي السودان في الاجازات بدون طعم دون بري , والتي اقضي فيها حيزا شاسعا من الاجازة . السودان عندي هو البراري
سكنا في امتداد ناصر مربع ستة جوار احمد موسي المحامي عضو المنبر , يفصلنا عن دارهم ميدان صغير علي طرفه قبالة بيت الاستاذ النادي ومؤخرا تم عمل مسجد في الميدان الذي شهد لهو طفولتنا وصبانا .
سكون هذا مدخلا اخر للحكي عن امتداد ناصر اتمني مشاركة الاخ احمد موسى وابناء ناصر
Post: #108
Title: Re: بـُــري
Author: يازولyazoalيازول
Date: 06-10-2008, 04:00 PM
Parent: #107

بالله أحمد موسى من برى

يا الله

تصدق يا اساسى ودون سابق معرفة سوى هذا المنبر فقد قام هذا الشاب الجميل الشهم بلقائى عند ذهابى للخرطوم لعرس أخوى تبارك وتواعدنا مرة أخرى فحضر لى خصيصا فى الخرطوم وتعب معى غاية التعب فى موضوع الحجز كل هذا والله وبدون سابق معرفة والآن تأتى وتقول لى انه من برى

لذلك أقول لك برى لها طعم خاص ووضع خاص وأهلها هم كرام القوموالشاهد فى ذلك هى أعمالهم

لله دركم يا أهل برى
Post: #109
Title: Re: بـُــري
Author: اساسي
Date: 06-10-2008, 04:19 PM
Parent: #108

احمد موسي الفنان والمحامي هو من الجيل الذي مثل لنا غدوة حيث كنا نتلمس طريقهم , كان احمد موسي من الذين وهبهم الله ( تشكيلة ) من المواهب الفذة فقد كان ( حريفا) في كرة القدم حيث وهبه الله خاصية اللعب برجله اليسرى , كان من الذين يمتعون ابصارنا ونحن نشاهدهم في ميدان رابطة ناصر حيث يحلو له ان يفعل بمهاراته الافاعيل في كرة القدم هو من حرفائها الذين لو واصلوا خلفها لكان اسما لامعا في سماء انديتها الكبري في السودان فحرفنته ليست اقل من سكسك وفايز نصر الدين وغيرهم من حرفاء الكرة . بالاضافة الي ذلك كان خطاطا بارعا وهو مشهور بهذا الضرب من الابداع منذ صغره بالاضافة الي انه من وهبهم الله موهبة التمثيل ويشهد له تلفزيون السودن بالكثير من الاعمال الدرامية , اضف الي ذلك انه خطيبا مفوها محنكا وهذا يشهد له به الان مهنته في المحاماة حيث صقل تلك الموهبة الي مهنة احترافية كان مهموم بقضايا حيه حيث كان العضو الاصغر علي الاطلاق في لجنة الحي والتعاون وغيرها من المرافق الخدمية الذين وقفوا لخدمة المنطقة بتجرد ونكران ذات . شقيقه الاصغر الذي كان صنونا ورفيق دربنا في طفولتنا وصبانا وبدايات شبابنا ( الشهيد معمر) والذي كان امتدادا لهذه الاسرة الرائعة العصامية من الابناء الناجحين كان لنا مع شقيقه هذا جولات وصولات في نشأتنا نسال الله له القبول والرحمة ذلك الفتي الذي قدمته هذه الاسرة الابيه لهذا السودان بطلا نشهد له بالرجولة والفضيلة والعزة .
لله دركم يا ابناء موسي اولاد تلك النخلة الباسقة التي تجد بعض منها هنا Re: حكاية حبيبتي {زوجتي} الصديقة
Post: #110
Title: Re: بـُــري
Author: يازولyazoalيازول
Date: 06-10-2008, 04:24 PM
Parent: #109

والله يا أساسى جسدت كل معانى الوفاء بكلماتك تلكم ، وصدقنى سأذهب إلى السودان وأبحث عنه وسأنظر إليه هذه المرة نظرة مختلفة عن سابقتها فكل كلمة مما قلتها فى حق الرجل أصبحت تعنى لى الكثير

لله دركم يا أهل برى

هل أحظى (بجنسية) من برى؟؟؟؟؟
Post: #111
Title: Re: بـُــري
Author: اساسي
Date: 06-10-2008, 04:28 PM
Parent: #110

Quote: هل أحظى (بجنسية) من برى؟


ممكن تنقل كفالتك علي

Post: #112
Title: Re: بـُــري
Author: احمد العمار
Date: 06-10-2008, 05:59 PM
Parent: #111

Quote: واني احمل في داخلي نقاط ومآخذ كبري علي طريقة كمال الدقنة في التربية والتعليم وطريقته في التدريس

Quote: الدقنة من الاسباب التي جعلتني (اكره الدراسة و التحصيل ) والي اليوم وما كانت مواصلتنا للدراسة الا علي مضض انا اعتبره من الاشخاص الذين سودوا صفحة ناصعة في تاريخنا التحصيلي

Quote: انا وبصورة شخصية جدا بعتقد انه الدقنة من اسوأ الكوابيس التي عشناها في تلك المرحلة , ورغم قناعاتي بانه غير ضليع في طريقة ايصاله للمعلومة لطلابه الا انه كان ضليعا جدا او جزارا بمعني الكلمة في طريقة عقابه والذي يكون لاتفه الاسباب وبعقوبات لا تتناسب مع الخطا المرتكب بل لاسباب قد يختلقها هو في معظمها

Quote: لدي الكثير من الحكايات والمشاهد المحزنة والمبكية لطرق العقاب والبطش التي كانت مستخدمة والتي يتفنن في ابتكارها الدقنة علي تلاميذ بري الاميرية

والله يا اساسى كأنى تتحدث بلسانى او تعبر عن ما بداخلى ، عفوا ولكن طالما البوست للتوثيق ذكرنا ذلك .
بالمناسبة انا دفعت :
* معاذ صديق عبدالدافع من الدرايسة
* عادل بابكر ( مريسة ) من الدرايسة
* خضر شيخ ادريس من الدرايسة
* عبدالمنعم الامين ( دهولى ) من الدرايسة
* ياسر الشيخ من المحس
* عبيد عمر الهادى من المحس
* مضوى بابكر من المحس
* عزالدين سليمان من المحس

اما ناس امتداد ناصر دفعتنا :

* احمد عمر سوميت ( فردتى وصديق عمرى )
*الهادى الرحيمة
* جوان جعفر
* ضياء الدين خليل
* اسامة احمد الباع

وكثيرون الغريبة رغم طول الزمن ولكن اذكرهم جيدا

كنا فى النهر ( ابوبكر )

أحمد العمار
Post: #113
Title: Re: بـُــري
Author: اساسي
Date: 06-10-2008, 06:14 PM
Parent: #112

الاخ احمد العمار

انتو دفعتين او تلاتة دفعات قدامنا , من دفعتنا الاخوان الاصغر لابناء دفعتكم

* علي صديق عبدالدافع من الدرايسة

* محمد خضر شيخ ادريس من الدرايسة

*نادرالرحيمة من ناصر


Quote: والله يا اساسى كأنى تتحدث بلسانى او تعبر عن ما بداخلى ، عفوا ولكن طالما البوست للتوثيق ذكرنا ذلك .

والله انا بعتقد اني بتحدث بلسان الكثيرين في هذا الموضوع
موضوع التربية اولا والتعليم في السودان او ما خضناه بعسر بالغ كان يشغلني والي الان . الطريقة التي تم تدريسنا بها كان لها الاثر السلبي جدا في تحصيلنا الدراسي اذكر اني دخلت الي الاميرية بمجموع 229 درجة وكنت الثالث علي الدفعة وخرجت من الاميرية الي القديمة بمجموع 193 بالرغم من ان الطريقة الثانية في الاميرية اريد بها زيادة تحصيلنا الا انه حدث العكس تماما .
Post: #115
Title: Re: بـُــري
Author: محمد أبوالعزائم أبوالريش
Date: 06-11-2008, 06:28 AM
Parent: #1

Quote: وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس


الأخ عاصم المشرّف ...
أظن أن ما سمعته صحيح. وما سمعته أنا أن الشريف نزل أول ما نزل ببري المحس. وكعادة الناس ذلك الوقت، كان بضيافة شيخ الحلة أو العُمدة. أكرم الأخير ضيافته، وبعد أيام الضيافة المتعارف عليها، أوحى إليه بعدم رغبته مواصلة استضافته. وكان ذلك خوفاً من العُمدة أو الشيخ على نفوذه، فالضيف رجل له وزنه عند أهله (ودالهندي)، وإذا أقام عنده سيكون ذلك بمثابة تنازل عن النفوذ، وسيتقاطر مريدي الشريف من الجزيرة لزيارته والإقامة لديه. ........ وأظن هذا ما حدث في بري اللاماب (والتي يعرفها الكثيرين الآن ببري الشريف).

هذي هي الرواية التي سمعتها ... وأظنها تتطابق مع ما سمعت أنت.
Post: #116
Title: Re: بـُــري
Author: يازولyazoalيازول
Date: 06-11-2008, 08:57 AM
Parent: #115

أخى الصغير سناً الكبير مقاماً عاصم المشرف

والله إن هذا البوست إزدان جمالاً بحضورك الباهى الجميل كعهدكم يا أبناء الحاج المشرف شيخ إدريس ، وأهلنا زمان بيقولوا (البكى بيحرروه أسيادو) فواضح أن الدار داركم وأنتم أسياد دار وما نحن إلا ضيوف معجبين بحسن الخلق وبالكرم الفياض الذى يجده كل زائر أو عابر لديار برى النضرة برى الحضارة برى التاريخ برى الأصالة برى الفنون وبرى الدين والدنيا

أخى عاصم

سعادتى لا توصف وقد علمت أنك الآن أب لطفلين ، وقد جعل ذلك من الحاج المشرف ، والدكم البركة أن يصبح جداً ،

وبالمناسبة ، المفروض إفراد بوست كامل عن (الحاج المشرف) الشخصية الخرطومية الإجتماعية التى لم تشهد لها العاصمة المثلثة مثيلاً ، فالحاج المشرف يمكن أن أشبهه لك (إجتماعياً) بأخونا فى أمدرمان المشهور بالهادى الضلالى ، فالهادى يحمل فى ذاكرته عدد مهول لا يمكن تصوره من الشخصيات الأمدرمانية والخرطومية والسياسية والفنية والرياضية والإجتماعية ، وهذا ينطبق تماماً على والدكم العظيم الحاج المشرف ، حبيب المجتمع الخرطومى ، وإدارى جامعة الخرطوم الأول ، ومنسق إجتماعات جميع شرائح المجتمع وحبيب الفنانين وصديق الصوفية ورفيق الصغار الرحيم عليهم وخليل الكبار فى وقار ومحنة وقائد مجتمع الرياضة والرياضيين

كنا فى أمدرمان فى مناسباتنا لا نتعب فى دعوةالناس للحضور للمناسبة إذ أننا فى يوم كتابة الكروت كنا ندعو الهادى الضلالى للبيت ، وبالتالى نتأكد أننا لم ننس شخصاً واحداً أن ندعوه ، كذلك هو دأب والدكم كان يعرف جميع أفراد المجتمع الخرطومى عن ظهر قلب وكان يعرف جميع أرقام هواتفهم وعناوين منازلهم ، وكان صديق الفنانين وصديق لاعبى الكورة وصديق الإداريين وصديق الساسة والسياسيين والحاكم والمحكومين وصديق الصغار والكبار من كل شرائح المجتمع

تعرف ، المفروض ابوك ده يكون فى الأمن



حقيقة يا عاصم أبوك رجل إجتماعى من الطراز الأول ، فى مناسبات العزاء مثلاُ تجده أول من يهب لشيل الفاتحة وأول من يدفع فى الكشف ، وفى مناسبات الزواج تجده فى بص السيرة ، وفى الصلاة تجده فى الصف الأول ، وكان منظماً فى حياته ، له موعد محدد لقراءة الصحف وموعد للقيلولة وموعد دقيق جداً لتناول الوجبات ، وكان إجتماعيا من الطراز الأول

كان لى شرف العمل مع والدكم لفترة قصيرة فى جامعة الخرطوم ، وكان إدارياً من الطراز الأول تعلمنا منه الكثير ، ولم أجد إداريا محنكاً ودقيقا ومنضبطا مثل الحاج المشرف

الحاج المشرف والله تعجز حروفى عن إيفائه حقه ، فهو صديق الجميع وحبيب الجميع ورفيق الجميع ، وكان كل واحد من أصدقائه يظن أنه الصديق الأول للحاج المشرف وهم لا يعلمون أنه يعاملهم سواسية وبنفس المنوال ولذلك هم فى درجة واحدة فى قلب رجل واحد

لله در الحاج المشرف ،

ولا أظن ان حواء ستنجب فى هذا الزمن مثل ما أنجبت الحاج المشرف

بارك الله فيك يا عاصم فقد أعدتنا للزمن السمح ، ولا تنسى أن تبلغ تحياتى لتلكم المرأة العظيمة (بت وهب) ولبقية أفراد أسرتكم ولزوجتك وأبنائك ولجميع شباب وشيب البرارى

وتقبل تحيات أسرتى وأهل بيتى والسلام

أخوك الصغير (المولود قبلك)
هشام شيخ الدين
Post: #117
Title: Re: بـُــري
Author: احمد العمار
Date: 06-11-2008, 10:04 AM
Parent: #116

فى الدرايسة وعلى شارع المعرض هناك ( مستشفى الصادق ابوعاقلة ) و فى السابق كان عبارة عن مركز صحى صغير ولكنه كان يستقبل مرضى جميع البرارى ، هذا الكلام الى بداية الثمنينات تقريبا ، بعدها ظهر مستشفى الشرطة وغطى كل المنطقة . يا ريت لو واحد يكلمنا عن نشأت هذا المركز الصحى الى ان صار الان مستشفى ( وسر الاسم )

كان لدينا مركز صحى فى برى اللاماب عبارى عن غرفتين فقط فى اخر محطة فكان يعالج كل الحالات البسيطة حتى عملية خياطة الجروح وكان اعلى كادر طبى فيه هو مساعد طبى ومن الاشياء الجميلة اذكر المساعدالطبى او الممرض يذهب للمريض فىالبيوت فى حالة استدعائهم لطعن الحقن الغيار
للمصابين او كبار السن ولكن للاسف اغلق منذ سنين طويلة .

ملاحظة يا اساسى :

الفلل الرئاسية ليست مقامة على فى جنينة الشريف فهى مقامة مكان جنينة ابو العلا وبعدها جنينة حاج سليمان وبعدها جنينةالبدراوى وتعرف جنينة عبدالله صعود ثم بعده جنينةالشريف وهى الوحيدة التى لم تحول الى اراضى سكنية من دون الجنانين .

( هذا اذا لم تخنى الذاكرة )


أحمد العمار
Post: #118
Title: Re: بـُــري
Author: محمد أبوالعزائم أبوالريش
Date: 06-11-2008, 10:15 AM
Parent: #1

Quote: فى الدرايسة وعلى شارع المعرض هناك ( مستشفى الصادق ابوعاقلة ) و فى السابق كان عبارة عن مركز صحى صغير ولكنه كان يستقبل مرضى جميع البرارى ، هذا الكلام الى بداية الثمنينات تقريبا ، بعدها ظهر مستشفى الشرطة وغطى كل المنطقة .


الأخ أحمد العمّار ...

حقيقة الأمر أن ما يُعرف الآن بمستشفى الصادق أبو عاقلة كانت (شفخانة)، ثم قام المركز الصحي من الناحية الجنوبية للشفخانة، وعلى ما أظن جوار منزل علي التلب.

تحياتي
Post: #119
Title: Re: بـُــري
Author: احمد العمار
Date: 06-11-2008, 10:42 AM
Parent: #118

Quote: حقيقة الأمر أن ما يُعرف الآن بمستشفى الصادق أبو عاقلة كانت (شفخانة)، ثم قام المركز الصحي من الناحية الجنوبية للشفخانة، وعلى ما أظن جوار منزل علي التلب.
اذكر جيدا المركز كان له جزء اخر مكمل له من الجهة الجنوبية يفصل بينهم زقاق ضييق


اشكرك عزيزى محمد ابو العزائم على الاستجابة وان كنت اتمنى تفصيل اكثر للتوثيق



أحمد العمار
Post: #120
Title: Re: بـُــري
Author: ماضي ابو العزائم
Date: 06-11-2008, 11:20 AM
Parent: #119

Quote: الاخ/ ماضى اعجنى واقنعنى سردك التوثيقى
وهناك سؤال ناريحى ظل يطاردنى وهو متعلق بأتهامنا كمحس اننا عملناعلى زعزعة اقامة الشريف يوسف الهندى ببرى المحس والتى كان قد اختارها اولا كمركز رئسى لدعوته الصوفية وبسبب تلك المناوشات ترك المكان لمقامه الحالى الرجاء الافادة حول نلك الواقعة وفنرة تواجد الشريف يوسف ببرى المخس


بعض الاضافات لرواية ابوالريش و اسمحلى ان اختصر بعض الجزئيات عشان ما نثير الحساسيات:-
قدم الشريف يوسف الهندى الى المنطقة قبل الثورة المهديه من ود الهندى فى الجزيره (فى هذه المنطقة عدة حلال هى:- ود الهندى و ود العطايا و ود المبارك و ود النو و الاخيره فيها قنطره اساسيه من قناطر المشروع وهى القنطره 77 )و كان كبير المحس وقتها جدنا الفكى الضو و بقية الرواية سليمة و الاضافة الاخيره هى الطريقة التى دخل بها برى الاماب فاعذرنى من ذكرها و هى ممكن تكون عاديه لكن لدى البعض ممكن تثير بعض الحساسيات
مودتى
Post: #121
Title: Re: بـُــري
Author: Mohamed Yassin Khalifa
Date: 06-11-2008, 11:45 AM
Parent: #118

المركز الصحي القديم كان فيهو دكتور محجوب وعم علي التمرجي.. ديل عالجونا بالسلفا وحقن البنسلين.. وكل أهلنا يدينون لهم بالجميل والعرفان ورحمة الله تنزل على دكتور محجوب... وما فينا الما بتذكزهم أو إنساهم .. لأنو مافي طهور لولد بتم إلا وكان بايدينهم.. والغريبة كانو هم يقطعوعك ويدفعو ليك قروش علشان ماتبكي لزوم الرجالة

والمرحوم الصادق أبو عاقلة.. كان رجل أعمال بارز وفي الخير لن تجد من يسبقه.. إتبرع ببناء المركز الطبي الحديث.. وسموهو بأسمه أعيان بري حتى يدخل التاريخ مثل ما دخلو قبله وبعده صناع له شيدو ضروح تعليمية وخدمية في نفس نهج علي التلب وقرنفلي والمربي علي السيد...

ولقد أهديت النميري مصحف يوم ما إفتتح هذا الصرح الطبي المسمى باسم ذلك الرجل الفاضل.. إبن بري البار








مقصرين معاكم لظروف أكل الكسرة والعصيدة والقراصة
Post: #122
Title: Re: بـُــري
Author: Kudouda
Date: 06-11-2008, 02:54 PM
Parent: #1

الكلام عن بري كلام زو شجن... ولله يا شباب الله يخدر ضراعاتكم.... فالحديث عن بري ليس عن حله..حي ... مكان.. انما عن ناس صبغو فلم حياتنا بالوان باهيه.. و كأنما دلقت ليك جردل ملئ بألوان الطيف علي شريط فلم ابيض اسود...
ولله يا ايمن الطيب بركه الفرزت الكيمان... لكن شكلو الاخ ماضي ابو العزائم (سيد الاسم) فهم كلامي غلط... فيا عزيزي ولله نحن مستمتعين وراجين سردكم عن بري لأنه ولله فيهو اشياء كتيره الواحد ما عارفا... لكن انا و (الشباب) قلنا نقوم نكب زكرياتنا عن تلكم البقعه الساحره... وانا في رأئي ممكن الموضوعين يمشو مع بعض بصوره متوازيه.. او نقول نلعب باصات في ذكر بري... المهم يا عزيزي الرجاء سرد قصه دخول الهندي لي بري فهو توسيق للتاريخ وليس امرا سري.. واذا نحن السودانين واصلنا عجزنا عن تقبل الراي الاخر في ده حيكون مواصله في فشلنا... والواحد كما يعهد اهل بري ما بتوقع مشكله من هذا القبيل...
الاخ اساسي... اي شخص قرا في الاميريه في تلك الفتره يعرف تماما عما تتحدث( بالمناسبه في صوره في بوست عن سامي الحاج هنا امش شوفا) والكلام عن هذه التجربه العشناها كلنا وسرد زكرياتنا واجب لسببين الاول شخصي لأنو من الضروري اخراج كل القصص التي تشغل بالنا الي الخارج فالكبت يولد المشاكل التي تشغلنا عن تزوق الحريه والتي هي في رأيي امر ألهي.... وده موضوع ركز فيهو علم النفس كتير... اما السبب التاني برضو مهم شديد هو ضروره الحديث عن اساليب التربيه (ود علم برضو ) ... لكن من المفروض برضو الحديث عن معلمين افاضل كانو و ما ذالو شموع في طريق دربنا تحترق.....
أنا بالنسبه لي...
استاذي / رياض .. استاذه/ بتول.. ده في الابتدائي(بري اللاماب الابتدائيه)... المتوسطه(بري الاميريه)..استاذ/حسبو ( استاذ متطوع, يعني شغال مجاني ساكت, استاذ دين " في الاصع توحيد") و استاذ/ امير (صاحبنا لانو اخوهو الصغير صاحبنا) استاذ عبد الرحمن (استاذي في العربي" الذي علمني كيف أتكلم", في العمارات المتوسطه سنه تالته)... الثانوي(القديمه) المربي الفاضل مصطفي عابدين.. استاذ عبد الغني ( استاذ الفنون, راعي جمعيه مسرح القديمه.. نحن ناس مسرحيه الشماسه.. و مسرحيه الحواله) ... استاذ/بخاري( رياضيات) ... استاذ/ خدر( فرنسي, راعي جمعيه المسرح) ... ولله يا جماعه ناس الثانوي كتار..عشان كده نقيف يعني ديل للحصر بس.. بالمناسبه نحن دفعه رنق كورنيليو الكان كابتن الفريق القومي للكره الطائره في ذلك الوقت برغم صغر سنه.. صديقي اللدود, فيا ناس امريكا انا الزول ده فقدت اخبارو من ما طلعت من السودان .. هو مشي الهند للدراسه الجامعيه وانا جيت المانيا و من ديك و عيك.. لكن انا سمعت انو مشي من الهند لي امريكا.. فياريت لو في زول عارف خبرو و مكانو .. و من الاجمل لو في واحد بيعرفو و عنده نمره تلفونه...
الاخ احمد عمار... هل تقصد مركز صحي اللاماب الفي السوق ام " الغرفه الصحيه" الكانت بين مدرسه بري اللاماب الابتدائيه بنين وبنات ؟
ليكم كل التحيه يا ناس البراري..
غازي
Post: #123
Title: Re: بـُــري
Author: احمد العمار
Date: 06-11-2008, 04:01 PM
Parent: #122

Quote: الاخ احمد عمار... هل تقصد مركز صحي اللاماب الفي السوق ام " الغرفه الصحيه" الكانت بين مدرسه بري اللاماب الابتدائيه بنين وبنات ؟
الاخ / غازى المركز الصحى الذى اقصده هو الذى توجد امامه الشجرة الشهيرة ( شجرة عم خيرالله ) رحمه الله التى كان يبيع تحتها البرسيم وبعد اغلاق المركز الصحى تم تحويل المبنى الى محكمة .


أحمد العمار
Post: #124
Title: Re: بـُــري
Author: Mohamed Yassin Khalifa
Date: 06-12-2008, 05:27 AM
Parent: #123

غازي كدودة:

شكرا ليك لارجاعنا لبري الشريف.. أنا درست في روضة الأستاذة الفاضلة إنعام مدثر... وأنا بتكلم عن زكريات ليها أربعين سنة.. وباطلب من أول واحد منكم يشوف إنعام مدثر يهديها ""بوووووسة"" مني... فأنا والحمد لله ربوني أمين... خديجة الزبير وإنعام مدثر.. اللي كان ليها علي فضل كبير... فلقد علمتنا القراءة والكتابة.. والحساب واللغة الأنجليزية البناكل منها عيشنا الآن...

وأتزكر إنها إقترحت علي أهلي إدخالي المدرسة في عمر صغير وما تامي (6) وأتزكر فرحتها لامن قلت ليها أنو اليوم اخر يوم لي في الروضة علشان بكرة ماشي مدرسة الدرايسة الأبتدائية.. فرحت وأعلنت الخبر للأولاد والبنات.. ولما جيت الروضة بعد يومين لانو قالو ليا إنت عمرك صغيير... زعلت أكتر مني وكلمت الناظر عمر الهادي بنفسها وقالت ليهو بالحرف الواحد "دا عمرو صغير لكن عقله كبير" ودا كلام ما بنساهو طول عمري... وكان سبب دخولي مدرسة بري المحس الإبتدائية

وأتزكر في اليوم التاني إني مشيت لمدرسة بري المحس الأبتدائية في عربية الخال د. عمر عبدالقادر حمد (كتور) مدرب بري - ولوصية الوالدة - مامشى شغله لغاية ما إتأكد إني داخل الفصل...

في داك اليوم التاريخي دخلت في معركة مع أولاد بري المحس - لأني جاي من بري الدرايسة - كانو عاوزين يحقروا بيا... لكني قمت باللازم معاهم لدرجة إنو منير ويذيد عمر الأقرع طلبوا من أخوهم الكبير حسان ياخد ليهم حقهم مني.. وطبعا هو جاء واخد حقه مني وماحلاهو مني إلا أستاذ محجوب المع...

أستاذ محجوب قرر إنو ما يعاقبنا.. بس طلب مننا نكون أصحاب وبدل ما نتشاكل ندافع عن بعض وننسى حكاية من وين دي... دي كانت بداية صداقة متينة جمعتني بمنير ويذيد وحسان... لدرجة إني سميت ولد خالتي التاني يذيد.. هي كان عندها الأول منير ووعدت لو جاء تالت تسميهو حسان
Post: #125
Title: Re: بـُــري
Author: رأفت ميلاد
Date: 06-12-2008, 09:10 AM
Parent: #124

صباح الخير يا أهل برى .. ويا ود حلتنا أساسى

متابع بمزاج وكالعادة ناس برى طعم مميز ..
سكنت إمتداد ناصر بعمر بنى آدم .. رغم حضورنا فى ريعان الشباب إنصهرنا فى المجتمع بالميلاد ..
وإمتداد ناصر هى إمتداد البرارى .. ورغم تسييس الإسم لا تزال شهادات البحث للمنازل .. بإسم البرارى .. والذى يسكن إمتداد ناصر يتمدد الى كل البرارى ..

فى بداية البوست لفت نظرى تعليقات المداعبة .. بوصف برى بأنها خارج العاصمة .. ودى حقيقة بدون جدال .. عند دخولك برى تكون إنفصلت تمامآ عن العاصمة .. مدينة أخرى بطعم القرية .. وبرى لا أعتقد يعرفها إلا من يسكن فيها .. وزمن طويل .. يعنى فواتير دكين حوامة شوارع ساكت ..

حكيت من قبل عن الديم وسهولة الإنصهار .. ومنح الكارت الأخضر .. وحزمهم عند الإنفلات .. أما أهل برى حازمون منذ البداية .. الدخول فى عالمهم ليس من السهولة فى شيئ .. رغم طابع البساطة وسلاسة الكلام فى تعاملهم .. لا تفهمهم بسهولة .. يمكن أن تكون "مسطح" وسطهم فى حوار تعتقد إنه سازج .. هم لماحين وساخرين .. بلغة يفهمونها وحدهم ..

بعد الدخول بينهم .. يقتحون لك أحضانهم وترى فيهم شعب آخر ..


قبل فترة قصيرة إستقبلنا شاب جديد هنا بوصاية من بعض الأصدقاء .. كان معى بالمنزل صديق من بري "كوريا" .. بالتحقيق المعتاد .. "من وين فى السودان الى آخره" .. طلع الولد من كوريا .. فإستلمه صديقى .. وبدلآ من يعرف الشاب نفسه .. بدأ صديقى فى توصيف منزل الشاب .. وعمك الحكم وخالك .. وعماتك و كمية من القصص الطريفة والشكل والعكات وووو .. والشاب صامت الذى إتضح إنه غادر برى فى مرحلة الإبتدائى الى الأمارات .. ومنها الى أمريكا وأتى سويسرا بعقد عمل .. إتخزل صديقى وقال له "دورك ميت .. كان لقينا أبوك كان أحسن لينا"

هكذا برى عائلة واحدة

تحياتى
Post: #126
Title: Re: بـُــري
Author: ماضي ابو العزائم
Date: 06-12-2008, 10:53 AM
Parent: #125

رأفت ميلاد لك التحية
فى الحقيقة توقعت ظهورك قبل كده
و بالمناسبه جاتنى رساله من شخص عزيز و عرفت منو ان محمد الشيخ ارباب حاول التسجيل فى المنبر لكن ما توفق و بعد مساهمتى دى حاعمل بوست بالخصوص ده و الما عرف محمد الشيخ هو من اهل برى المحس و ناشط اجتماعى و بيتم الآن فى ناصر و ارجو التزكية منكم كلكم يا اهل البرارى
Post: #127
Title: Re: بـُــري
Author: somia gassim
Date: 06-13-2008, 00:26 AM
Parent: #126

الفنانه اسيا ربيع كانت من سكان بري

والفنانه مريم محمد الطيب

والفنان عبد المجيد حسن وكان دفعة الاخ الفنان المحامي احمدموسي ودفعتي

وفي بري ناس حسن كامل الاحمدي



وناس صالح عابدين واخيرا ماض ابو العزائم ازيك ززمن طويل اتذكرتني ??
Post: #129
Title: Re: بـُــري
Author: احمد العمار
Date: 06-13-2008, 06:18 PM
Parent: #127

http://buriallamab.com/

هذا رابط منتدى برى اللاماب
فيه توثيق مفيد جدا لهذا البوست

الشكر الجزيل للاخ / عبدالرحمن حمدالنيل






أحمد العمار
Post: #130
Title: Re: بـُــري
Author: خالد العبيد
Date: 06-13-2008, 11:26 PM
Parent: #1

Quote: أنا درست في روضة الأستاذة الفاضلة إنعام مدثر... وأنا بتكلم عن زكريات ليها أربعين سنة.. وباطلب من أول واحد منكم يشوف إنعام مدثر يهديها ""بوووووسة"" مني... فأنا والحمد لله ربوني أمين... خديجة الزبير وإنعام مدثر.. اللي كان ليها علي فضل كبير... فلقد علمتنا القراءة والكتابة.. والحساب واللغة الأنجليزية البناكل منها عيشنا الآن...

يعني اسماء العبيد شقيقتي درستك؟
فقد كانت تدرس في روضة انعام تلك الفترة
وهنالك التقت شقيقتي بسليمان مدثر شقيق انعام وتزوجا وانجبا البنين والبنات
انعام بخير ، وان كنت تقصد امين عالم زوج انعام فقد توفى لرحمة الله
ساحاول ان اتي لك بتلفون انعام
شكرا


صديقي اساسي
تحياتي
كلامك في حق الاستاد كمال الدقنة حار ياخ ما بتبلع
زاملته مدرسا في نفس الفترة
كنت انا مدرس ابتدائي وهو كان في بري الاميرية
مسالة الحساب والعقاب في المدارس السودانية عامة يجب الوقوف عندها في بوست منفصل
ولم تكن ميزة سيئة تميز بها كمال الدقنا دون سواه
انا شخصيا لا ادكر بانني رفعت سوط على تلامدتي او اولادي في البيت
لن اقول عفا الله عما سلف لما كان يحدث لكثير من التلاميد من قبل بعض الاساتدة
فقد كانت هنالك مسالخ للطلاب داخل المدارس باسم التربية القبل التعليم
والمجتمع ساهم في دلك ختى كنا نسمع " ليكم اللحم ولينا الضم"
على اي حال هنالك الكثير من الاساتدة اشتهرو بهدا المسلك القبيح في العقاب
لا اريد ان اغير مسار البوست
واقترح فتح بوست لهد الموضوع الهام

أسف لكتابة حرف الـ د دون نقطة لمشكلة في الكيبورد
لك وللاستاد دقنا تحياتي


العزيز ماضي
كنت متاكد بان مساهماتك ستكون سمينة
فقدت تلفونك بعد رحيلي لمدينة اخرى
هل يمكن ان ترسله لي مرة اخرى
فاجاني العزيز عصمت يوما ما بمكالمةاسعدتني

هنالك الكثير ال>ي يجب ان يوثق عن بعض شخصيات بري
العم شين : لو كان واحد عندو اتصال او تلفون بي امينة او عامر " دفعتي" او جنابو يديني ليه
العم امان
على سبيل المثال

هنالك فنان شعبي في بري اللاماب شقيق اختي حاجة العمل " والدلبع" لاعب بري
هدا الفنان يغني من ان كنا صغارا حتى الان ما اسمه؟

هنالك درويش مجدوب لا اعرف ان كان من اهل بري ولكن كان ياتي الى منزلنافي بير اللاماب اسمه "فرح دل"
يحمل ابريق ومسبحة وكثيف الشعر يقال ان له كثير من الحوارق

بالاضافة الى شخصيات كنا نحسبها اسطورية مثل عصابة الكضمي ، وعصابة الساحر
اضافة الى الظرفاء امثال "عبدالوهاب شخصية" بتاع الجير ، والدحمة
ومهلة ودريج من يدكرهم يا ناس بري اللاماب؟
وحاجة الصبر ومصرية" ديل كانو ببيعو لينا الفطور في المرحلة الابتدائية
ومصرية دي كان عندها ولد بيدرس معانا اسمو مجدي
وبرجع
Post: #131
Title: Re: بـُــري
Author: Mohamed Yassin Khalifa
Date: 06-14-2008, 02:55 AM
Parent: #130

الأستاذ خالد العبيد:


في الأول أظنك بتقصد حبوبتنا الشول بت الصبر - الله يرحمها... وأضيف لكلامك ده السيدة الفاضلة أمهاني العلامة المحفورة ببري الأميرية


والله ريحت قلبي وطمنتني على الغالية أمنا إنعام مدثر...وألمتني وفاة العم أمين عالم.. بالله عليك التلفون على الماسنجر بأسرع فرصة


وطبعا أم المفاجأت هي ذكرك للمعلمة الفاضلة وأمنا الصغيرة أسماء... وهي العلمتنا الحساب وكانت لينا الأخت قبل الأم.. وعرفت بزواجها بسليمان مدثر وأنشاء الله ربك رب الخير يحفظم هم وأولادهم وبناتهم .. وياريت تذكر أسمي أمامها وأعتقد - واتمنى - إنها تتزكني.. بس أكيد حاتتزكر اليوم القضتو معا في حوادث العظام لما إتكسرت أيادينا في بورمل الروضة...
Post: #132
Title: Re: بـُــري
Author: احمد العمار
Date: 06-14-2008, 07:59 AM
Parent: #131

الاخ خالد العبيد

Quote: هنالك فنان شعبي في بري اللاماب شقيق اختي حاجة العمل " والدلبع" لاعب بري
هدا الفنان يغني من ان كنا صغارا حتى الان ما اسمه؟
الفنان هو حسون الله جابو

Quote: ومهلة ودريج من يدكرهم يا ناس بري اللاماب؟
دريج ومهلة الله يرحمهم طبعا هم ازواج وكان بيتهم اقرب بيت لمدرسة برى الابتدائية بنين من الجهة الشرقية وهو بيت مفصول ( وحيد ) وما كان عندهم ابناء
Quote: وحاجة الصبر ومصرية" ديل كانو ببيعو لينا الفطور في المرحلة الابتدائية
ومصرية دي كان عندها ولد بيدرس معانا اسمو مجدي
حاجة مصرية الله يرحمها كانت جارتنا فى مربع ( 1 ) قبل ان يرحلوا مربع ( 5 ) وكنا نشترى منها الداندرمة فى البيت ايضا، الله يرحمها

والله يا خالد التفاصيل الجميلة والذكريات كثيرة جدا لكن ضييق الوقت يجعلنى اختصر .

لك التحية يا خالد ولاهل برى من على البعد
أحمد العمار
Post: #133
Title: Re: بـُــري
Author: ماضي ابو العزائم
Date: 06-14-2008, 10:02 AM
Parent: #132

وصلتنى رسالة على ميلى الخاص من الاخAbdu Hamdelneel
وانقلها كماهى الامانه
Quote:
he photo of the best hagiba singer in albarary hasoon alhajabu en dont forget the jazz albrary in the 70

dont forget

1-aldibshik (bury-wadyalnil-alfarig algawmy)

2-hashim alumda (alnil alkhartoum)

3-saif dagash(almerikh omdurman)

4- izadeen kely (almawrada)

5-aldulbu3
Post: #134
Title: Re: بـُــري
Author: ماضي ابو العزائم
Date: 06-14-2008, 10:11 AM
Parent: #133






حسون(عن الميل السابق)
Post: #135
Title: Re: بـُــري
Author: ماضي ابو العزائم
Date: 06-14-2008, 10:18 AM
Parent: #134

Quote: واخيرا ماض ابو العزائم ازيك ززمن طويل اتذكرتني ??


سمية ( الكورال) إزيك مصير الحى إلاقى
Post: #136
Title: Re: بـُــري
Author: خالد العبيد
Date: 06-14-2008, 12:23 PM
Parent: #1

يا سلام يا اولاد بري
الماتش سخن!

محمد ياسين
تحياتي
امكم الصغيرة اسماء العبيد هسه حبوبة ياخ
اولادها سامي واسلام بريحو!!
وكمان علمتك الحساب اكيد بتعرف تحسب كويس!
تتذكرك دي ما اظن لكن نحاول
اجمل ما في كلامك كلمة البورمل!
البورمل ده كان فلوكسواجن !



العزيز ودعمار
تحياتي
نعم انه حسون ذو الصوت القوي الرخيم والجميل
مهلة ودريج بتذكر بيتهم طشاش طشاش الوكت داك كنا صغار
لكن اذكر تماما انه كان بيت جوار المدرسة
ترى لمن ألت ملكية بيت دريج ومهلة
وهل تم تعويض لحقهم
مظاليم والله

في ايميل عبده حمدالنيل واظنه من ناس اللاماب
اعرف كل الاسماء تقريبا
Quote: saif dagash
سيف دقاش ده كان احرف لاعب كرة
يحاورك ويعقدك في فنجان!
لا يضاهيه الا كمال عبدالوهاب والطاهر حسيب
Post: #137
Title: Re: بـُــري
Author: awadharoun
Date: 06-14-2008, 02:44 PM
Parent: #1

سلام يااولاد بري

متابع معاكم , وكان ربنا قدرنا بندلو بدلونا معاكم

مواليد بري المحس والسكن امتداد ناصر محطة تمانية , جنبكم يااساسي ياود الباطنية

عوض حسن هارون
Post: #138
Title: Re: بـُــري
Author: احمد العمار
Date: 06-14-2008, 03:46 PM
Parent: #137

الاخ ماضى ابوالعزائم
الايميل المرسل لك هو من الاخ العزيز / عبدالرحمن حمد النيل وهو من ابناء برى اللاماب مقيم بهولندا

ويوضح فيه بعض اللاعبيين المشهورين من ابناء برى اللاماب وبالتأكيد تعرف معظهم اذا لم يكونوا كلهم وهم :

1/ عبده الدبشك - لعب بفريق برى و وادى النيل و الفريق القومى اسمه الحقيقى ( عبدالحكم عبدالسخى )
2/ هاشم العمدة - لعب بفريق النيل العاصمى
3/ سيف دقاش - لعب بفريق المريخ العاصمى
4/ عزالدين كلى - لعب بفريق الموردة العاصمى واسمه الحقيقى ( عزالدين عوض )
5/ محمد الدلبع - لعب بفريق برى واسمه الحقيقى ( محمد عبدالفراج )
وهناك الاخ :
6/ كولا - لعب بفريق برى واسمه الحقيقى ( متوكل عيسى )

والصورة المرفقة هى للفنان / حسون الله جابو الذى سأل عنه الاخ / خالد العبيد

أحمد العمار
Post: #139
Title: Re: بـُــري
Author: محمد أبوالعزائم أبوالريش
Date: 06-15-2008, 05:55 AM
Parent: #1

Quote: 5/ محمد الدبلع - لعب بفريق برى واسمه الحقيقى ( محمد عبدالفراج )


رغم عدم معرفتي ومتابتعي للكورة، إلا إنو (الدلبع) كان دفعتنا في بُرّي الأميرية، وكان برضو عبدالوهاب سورين في الدفعة القدّامنا. وكان في لاعب قمة في الهدوء والتهذيب (والحرفنة)، ما عارف ليه ما سمعت عنو بعدها في الكورة، وإسمو (سيف الدين)

سمية قسم ..... إتذكرتي ماضي، وما إتذكرتي الكان بينفخ الساكسفون لما كضومو إتورّمت؟ كورال بري، وكورال كلية الإقتصاد، وجماعة الصادق شيخ الدين والبقية .......... لأ .... كده حنخرّم من موضوع البوست.
Post: #140
Title: Re: بـُــري
Author: خالد العبيد
Date: 06-15-2008, 08:21 AM
Parent: #1

محمد ابوالعزائم
تحياتي
سيف الدين الذي تقصده هو سيف دقاش
وهو شخص كما ذكرت انت في منتهى التهذيب
زول نسمة من النوع البنقول عليه تختو في الجرح يبرا
وبرغم انو لاعب موهوب لكن في تقديري كان النوع المابيحب الكورة!!
ذي في ناس صوتهم جميل لكنهم لا يحبون الغناء!
سيف درس القانون واصبح محامي لو ذاكرتي ما خرفت
تصدق يا محمد رغم كل الذكريات عن بري اللاماب انا رحلت منها وعمري ثمانية سنوات فقط


طيب يا محمد وماضي
هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم
ممكن بعض الحكي عنها لو كانت في علاقة
وبسأل عن ناصر البداني صديقي ودفعتي
تلفون ليه لو ممكن
طبعا قابلت مختار في بري المحس لمن مشيت السودان قبل سنة
واتشقيت بكا في امي خدرة
ولا زلت ابكيها حاجة خدرة دي جبل محنة وليها علي فضائل ما بتتنسي

كن بخير يا محمد
Post: #166
Title: Re: بـُــري
Author: adam alamar
Date: 06-16-2008, 12:40 PM
Parent: #140

الاخ خالد العبيد سلامي

طبعا الاخ سيف دقاش رجل مهذب و محترم جدا

تشرفت ان لعبت معه في فريق واحد برابطة بري اللاماب في فريق اسمه مانشستر
و الله كان فريق في قوة اي فريق في درجة اولي لان له لعيبة من العيار الثقيل اذكر منهم

سيف دقاش / محمد ادم الحريف ايضا و المهاجم الخطير
و عمر محجوب و كان هداف من الدرجة الاولي و الجناح خضر ما ا>كر اسم ابيه
و محجوب ابو صلعة و يوسف ابودقن و موسي محمد بشارة و مبشر عبدالرحيم منقة
و عوض ابودنه و عوض برضو ما اذكر اسم ابيه و حمد الدلبع الكبير و عمر الدلبع الصغير
و ماجد الله جابو و المرحوم عماد احمد البدراوي و محمد فضل تينقو و الله
كان لما الجمهور يجي بلقونا غالبين 2 صفر

ناس كانت بتلعب الكورة من اجل المتعة و الفرح و المرح اي واحد عنده نظرية بطبقها فيك

و روح منتهي المرح و الفرح

و لنا عودة
Post: #141
Title: Re: بـُــري
Author: محمد أبوالعزائم أبوالريش
Date: 06-15-2008, 08:46 AM
Parent: #1

Quote: هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم



ود العبيد ....

(مكتبة النهضة) ... هو الأسم الصحيح للمكتبة التي تتكلم عنها، وهي كانت ملك لعمنا (شقيق الوالد) رحمهما الله محمّد عبّاس أبوالريش، وهو العم الذي سمّاني الوالد تيمّناً به، لذلك أحمل وسط الأهل الإسمين (محمّد وأبوالريش). أسس العم محمد عباس أبوالريش مكتبة النهضة، ومجلّة النهضة التي كانت تصدر في عشرينات وثلاثينات القرن الماضي، وكان يكتب فيها كتّاب فطاحلة أزعجوا سلطات الإحتلال البريطاني بكتاباتهم، مما جعل المجلة باستمرار تحت المجهر الإنجليزي. لم يدم الأمر طويلاً، وكانت نهاية المجلّة بوفاة صاحبها الذي رحل عن الدنيا صغيراً.

إستمرّت مكتبة النهضة بعد وفاة صاحبها، وبدعم من إخوته (الوالد وأخوانه)، واستمرت حتى عهد قريب، حيث أتتها رياح التغيير، وهي كانت في المحل ضمن أوقاف الجامع الكبير بالسوق، وقام مكان البناية التي كانت تضمها سوق الصاغة الحالي.

ياااااه يا خالد ........ أثرت أوجاع.
Post: #142
Title: Re: بـُــري
Author: محمد أبوالعزائم أبوالريش
Date: 06-15-2008, 08:55 AM
Parent: #1

Quote: وبسأل عن ناصر البداني صديقي ودفعتي


(ناصر حسن البداني) حسب المعلومة العندي حالياً في أمريكا، بس ما متأكد
Post: #143
Title: Re: بـُــري
Author: ماضي ابو العزائم
Date: 06-15-2008, 10:48 AM
Parent: #142

Quote: هل هنالك اي علاقة بين جدكم ابوالريش ومكتبة ابوالريش التي كانت في قلب الخرطوم


إضافة صغيره على كلام ابو الريش:-
المكان الاول ل(مكتبة النهضة السودانية) هو جوار قهوة الزيبق و قرب حلويات حمتو(بتاع الداندرمه الشهير)ثم انتقلت فى اواخر الستينات للناصية المقابلة اولاد ملاح؛المكتبة و قهوة الزيبق كانو ملتقى المثقفين بالخرطوم فى ازمان سابقةبابلاضافه لنادى العمال و نادى الخريجين و أتنى و ميدان الامم المتحده(السوق الافرنجى).
طبعا ده كلام طلاسم بالنسبه للاجيال الجديده - محمد عباس ابوالريش متزوج بت حسن التوم ود الفكى الضو السابق ذكره فى قصة دخول ود الهندى للبرارى.
Post: #144
Title: Re: بـُــري
Author: ماضي ابو العزائم
Date: 06-15-2008, 10:57 AM
Parent: #143

الاخ احمد عمار كتب

Quote: الاخ ماضى ابوالعزائم
الايميل المرسل لك هو من الاخ العزيز / عبدالرحمن حمد النيل وهو من ابناء برى اللاماب مقيم بهولندا

مشكور للاضافة لانو ما عرفت الميل من منوز
حاولت انزلو كما هو للامانة و حفاظا على حقه فى المشاركة
Post: #145
Title: Re: بـُــري
Author: ماضي ابو العزائم
Date: 06-15-2008, 11:09 AM
Parent: #144

وصلنى الآن الميل الاتت نصه

Quote: الأخ / ماضي



لقد سعدت ايما سعادة بوجود مثل هذا البوست والمخصص للبراري وأهل البراري العظيمين..وكان بودي ان اشارك لولا عدم تمكني من الدخول الى هذا البورد برغم من وصول كلمة السر الخاصة بالأشتراك قبل سنين مضت، الا انني لم اوفق حتى الأن من الدخول بالرغم من مراسلاتي الدائمة للأخ / بكري ابوبكر بهذا الخصوص.



مدينة البراري..هي عريقة بعراقة السودان..أهلها مواقفها..تاريخها..حاضرها..قد لاتكون اخذت نصيبها لتعريف بها كمثل بقية مدن وأحياء الخرطوم بالرغم من عراقتها

بالنسبة لي قضيت معظم سنوات حياتي خارج السودان..الا اننا كنا نحافظ على تواجدنا سنوياً لقضاء الأجازة في ربوع بري..وانا أقراء هذه المداخلات ترامت الى عيني شريط سينمائي طويل ملئ بالذكريات الجميلة والمفعمة بكل معاني الحياة على سجيتها وطيبتها وحنانها...سيأتي الوقت لسردها كاملةً غير ناقصة



بري الاماب تعني لي الكثير..ولادتي وجزء من طفولتي..بري الاماب..شجرة النص (مقابل منزل مبارك آمان) ومااحلى تلك الرحلات التي كنا صغاراًَ ناتي بالترتارات (اللستك القديم) وتلك العربات التي نصنعها من بقايا علب الفورموست وكفراتها من بقايا السفنجات وكل فينا يأتي بما استطاع الية سبيلاً من منزلة، بري الاماب وشجرة خير الله وبتاع التبش والشطة، بري الاماب وجناين بري البدراوي وحاج سليمان وابو العلا والعشاري والشريف، وتلك الذكريات مع عمنا عبدالله صعوط حينما ترسلنا حبوباتنا لجلب الليمون والطماطم، وكنا ناخذ ماتيسر لنا من جوافة ومنجا..وكان شرطة ان تدخلوها بسلام تلك الجنائن وان تجلبوا الليمون والطماطم وتأكلو مالذ لكم من المنجا والجوافة ويحرم عليكم ان تحملوها خارج الجنينة..وياما اندقينا وسكوونا...بري الاماب والمسحراتي في رمضان..كنا نحوم كل مربعات بري من واحد واتنين مروراً بي مربع تلاتة واربعة حاملين تلك الباقة وتلك الأهازيج حتى موعد صلاة الصبح.



بري الاماب...والنادي الثقافي...بري الاماب ونادي وادي النيل..بري الاماب والرابطة وناس فريق النهضة (بابكر الساحر، مضوي، عامر قيرا، بكري همزة، عبدالرحمن حمدالنيل) ودة كان فريقي المفضل، ونجي لي ناس فريق الجزائر وقلب الأسد...بري الاماب وأسرها العريقة...ناس العمدة حسين أحمد فرح..ناس الشريف الهندي....ناس البدراوي ..ناس حاج سليمان...ناس حاج عبدالرحمن الأمين..ناس ابراهيم الشكيري...ناس سليمان العركي...ناس عابدين...ناس مصطفى الصادق...ناس مبارك امان...ناس تمساح...ناس الخليفة...ناس احمد عالم...



هنالك الكثير من الذكريات...عن بري الاماب..والمحس وجزر اربعة...وبهناك الدرايسة وابوحشيش..والأميرية بري..وبمناسبة الأميرية اتذكر جينا اجازة السودان والوالدة اصرت انو لازم استفيد من اجازتي والتحق بالأميرية اثناء فترة الأجازة..كانت فكرة جميلة ومغرية الوقت داك بدوني عدد واحد جنية ايام الجنية ليهو قيمة...نصة بكملوا في النبق وحلاوة شعيرية ...عليكم امان الله كلها بس اسبوع لم فينا استاذ كمال الدقنة ماعارف ليه وعشان شنو وهاك يافروع النيم قطعه لينا في حنان اهلنا..اتذكر اليوم ديك جيت راجع البيت وحلفت يمين لي ناس الوالدة انو تاني ماماشي..ودة الحصل..على الأقل انا كان عندي الخيار نظام بقراء مستمع وكدة اما باقي اخواني واصلوا كفاحهم مع سيطان النيم



ساعود حتماً لهذة الدوحة التي بالفعل حركة فينا الكثير من ذكريات مضت ومازال اثرها باقياً فينا..زخماً ورونقاً وحنان





Munzir M. AlNeel



اخى منذر
ارسل كل مساهماتك لهذا عبر ميلى و ساقوم بنشرها الى ان يحل لك سيد الحوش المشكله
Post: #146
Title: Re: بـُــري
Author: ماضي ابو العزائم
Date: 06-15-2008, 11:12 AM
Parent: #145

و كمان محمد يوسف الحلو من هولندا اخ عثمان يوسف الحلو صديق الصبا(برى الاماب)
Post: #147
Title: Re: بـُــري
Author: اساسي
Date: 06-15-2008, 11:16 AM
Parent: #146

يا سلام عليكم يا اولاد حلتنا , نجضتو الشغل تمام , وكفيتو العين بي جيتكم وتداعي ذكرياتكم اللذيذ ,

متابعكم يا حلوين وجايكم

اكتبوا عن الذكريات هناك الكثير من التفاصيل التي اتمني ان تتم كتابتها باقلام شاهدي عصرها

هذا من البوستات التي احمد الله ان وفقني لفكرتها ومتابعة الجهابزة فيما يكتبون

واصلوا يا شباب
Post: #148
Title: Re: بـُــري
Author: ماضي ابو العزائم
Date: 06-15-2008, 11:19 AM
Parent: #146

كمان ميل من الاخ امين يوسف

Quote: الاستاذ ماضى ابو العزايم
السلام عليكم ورحمه الله وبركاته
الحقيقة انا احد المتابعين لسودانيز اون لاين ولكنى مثل الكثيرين لا استطيع التسجيل فيه دون واسطة كاى شئ اخر فى السودان مع انه وطن من لا وطن له كما يقول ود الحلفاية بكرى ابوبكر لكن الظاهر ان الواحد لازم يشوف ليه كفيل
ماعلينا انا متابع لبوست اساسى عن برى وبرى تعنى لى الكثير برى تعنى لى روضه مربع 6 المقابر والخرطوم العربية العالمية فى قاردن ستى ومدرسة استاذى مصطفى عابدين قبل ان انتقل الى مدرسة الكويت الثانوية فى امتداد ناصر حيث الحب الاول والتى صارت خطيبتى الامر الذى جعلنى اعشق ناصر حتى الثمالة
انا استاذى الفاضل من سكان برى مربع 5 قبل ان ننتقل الى مربع 8 حيث لا يفصلنا عن ابو حشيش الا شارع ال60
فى مربع 5 جاورت مامون مبارك امان واللجنة الشعبية لكننا ارتحلنا قبل افتتاح مركز صحى الشهيد مزمل
عزيزى اسمح لى بتصحيح لمعلومة عن الشريف الهندى
الشريف الهندى اعتقله الانجليز وذلك لانه كان من المقاومين الكبار لهم خصوصا ان كلمته مسموعة ولان الانجليز يعرفون هذا فقد اخرجوه من المعتقل شريطة ان لا يقيم بالجزيرة فذهب الى برى المحس وحدث ماحكيته انت من العمدة وبالمناسبه الشريف يوسف مامن ودالهندى واصلا لاعلاقة لاسرة الشريف بود الهندى ولا يربطهم بها سوى الود والاحباب والمريدين
وبالمناسبة الاراضى من معرض الخرطوم الى محطة برى الحرارية _الجزء يمين شارع الظلط وانت طالع من برى الشريف_ملك للشريف لكنه وهبها الحكومات كما اهدى داره فى امدرمان لكي تصبح دار الخريجين الحالية


اسماء لصقت فى ذاكرتى من بري

الشهيد الشريف حسين الهندى
الشريف زين العابدين الهندى
الشريف حسن الهندى
مامون ميارك امان
محجوب سليم
المرحوم عوض جولط
فاطمة احمد ابراهيم
- الدكتور مامون ستادة وزير الحارجية السابق عضز الحزب الاتحادى
- الحاج محمد مراد
- بروفسير قندور(ابراهيم تقريبا)
-اللواء معاش الخير عبد الجليل المشرف
المرحوم محجوب محمد على
آل العمدة ومخبزهم الشهير قبل ما يلقو فيه البروميد ويتشمع
بعض آل المشرف
بعض آل الشكيرى
آل بحيرى
ولسة فى كتار بس انا ساتوقف هنا لان هناك ذلك الالم اللذيذ حينما يعود المرء بذاكرته الى الوراء وينبش اجمل الذكريات وهل هناك ذكريات اجمل من ذكريات برى
واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة
اشكرك استاذى وارجو ان تنشر هذه الرسالة فى الموقع لاننى لن اشعر براحة ان لم اشارك فى هذا البوست التاريخى لانه يتحدث عن برى حيث نشاءنا وترعرعنا وتفتحت اعيننا على الحياة وانها مدعاة فخرنا والله وهى وطننا داخل وطننا


شكرا مجددا استاذى

قرصة
بالله يا اخواننا احكوا لينا عن ناصر الجميلة من مربع 1 وللاخر
و اعتذر لكم عن المشاركة الجايطة

امين يوسف ودبرى
Post: #149
Title: Re: بـُــري
Author: عبدالغني كرم الله بشير
Date: 06-15-2008, 11:50 AM
Parent: #148



أساسي سلام..
سلام اهل بري..
برضو عندنا ذكريات..
ويا ابو العزائم ياخي بارك الله فيك، والله ذكرتني ذلك النص الذي كتب قبل سنوات،ولأن النت بارك الله فيه ايضا، يحق ان يوصف بانه لا يضل ولا ينسى، بحثت عنه النص ووجدته، وهو كالآتي:

Quote: أبوعرب ده ياربي فاتح علي استاد بري ؟؟


بس فاتح على استاد بري (الوهمي)، والذي علت كشافته الخشبية، ثم هوت (كأشياء أخرى هوت في هذا الظلام النفسي الدامس)، هناك في تلكم الكورنة الجميلة لناصر، الكرونة الشمالية الغربية، محل بنجر ابوعرب، بيت ناس حبيب وإبراهيم، طبعا برضو سيد كرم الله وبيت ناس بخيت الفضل وصالحة ومحمد خلف الله الشايقي، وعمك المرحوم من ناس القراصة، صاحب اللواري الكتار، الزد واي، ، لنا ذكريات، يتفح بيت أخي الأكبر على تلك الفسحة الشديدة الثراء، ففيها يتم كرنفال فطري يومي، يتجالس الجنوبيون بطولهم المحبب، وشكلهم الأحب، وهم عائدين من نادي بري، أو مدرسة قرنفلي، وتتحرك الفتيات منن على البعد، (كم هو لين جسد الجنوبية، وكأنه مسقى بندى)، وأهمس في خاطري (هل اخترقتها كلمات غزل من الفتى الملاصق لها كشق التمرة)، أم داهمتمها انين المشردين، النائمون كالموتى داخل الخيران، في تلكم الفسحة، لعبنا الكرة، وسجلنا أهداف رائعة على مرمى مكون من حجارة وملابسنا البسيطة الساذجة، لا يكدر صفونا سوى تسابقنا لمعرفة (نوع الطائرة الهابطة السعيدة)، والأخرى ا لمقلعة التعيسة (أرضي ووطني جنة)وفي المساء، تتخذ الفسحة التي تفصل بري المحس عن ناصر، شكل مخيف نسبيا، لنساء الحي، ورجاله كمان، وومتع، و(ستار)، لبعض أهل الحي والعابرووووون، والغاون، وأصحاب ال.. وال........

والآن تقلصت بيوت ناصر، لا بفعل الزمن (كعادته القديمة)، ولكن الجيران (أهل الصفاء)، تطاولوا حتى حرموا فتيات ناصر من النوم في الفسحة وتأمل سحر النجوم اليومي، وهكذا العلو، يجعل الإنسان (إله)، يتحكم في الأخرين، وتلصص على السقيان من عل، وهي تخرج من الملاءات....


فلنتجر الذكرى، ولنا عودة، بإذنه،،،،


والله يا ابو العزائم هذا الموضوع نسيته على الإطلاق، ولم اتذكره سوى في حديقة البدع يوم الخميس بالمساء، معاكم يعني..
الشوق والريد..
ياخي برضو بنحب بري، ولنا ذكريات، من ابو حشيش لكوشة الجبل، لنادي بري، للشريف، لميدان الرابطة محطة تمانية، وسبعة ونص..
Post: #150
Title: Re: بـُــري
Author: خالد العبيد
Date: 06-15-2008, 12:44 PM
Parent: #1

Quote: المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة

اعتقد ان المعلومة صحيحة
فقد كانت هنالك محكمة في بري اللاماب
وبالتحديد في بيت العمدة
بس ما متأكد
سمعت بالمعلومة سمع

في ناس من بري اللاماب عندهم معلومات وافرة
وناس اللاماب ديل عندهم موقع على النت
ممكن يرفدو البوست ده بالكثير

حيدر حسب الرسول الجاك
زول حكااااي
تعال بي هنا
وين انت؟
Post: #151
Title: Re: بـُــري
Author: محمد أبوالعزائم أبوالريش
Date: 06-15-2008, 01:03 PM
Parent: #1

ود العبيد ..

جاني اتصال قبل شوية من أحمد صديق في الإمارات، وبيقول ليك إنو ناصر البداني ترك أمريكا وحالياً موجود في السعودية. لو لميت في تلفونه حأباصيهو ليك.

في الكلام عن الأسر في البراري، لا يمكن المرور دون ذكر آل مضوي بابكر، وهي أسرة ممتدة بامتداد بري المحس وخارج بري المحس، والهاشماب هم فرع من هاشماب أمدرمان في الموردة (سامع يا تمبس؟)، وآل إسحق برضو فرع من آل إسحق في أبوروف، وآل أبوالريش في بري والخرطوم والقوز والفتيحاب.

دي مجرد نماذج للأسر في بري المحس.
Post: #152
Title: Re: بـُــري
Author: محمد أبوالعزائم أبوالريش
Date: 06-15-2008, 01:13 PM
Parent: #1

الأخ أساسي ..

شايف عمّك بكري أبوبكر أعلن موضوع الأرشفة .....

وبما إنو البوست ماشي مسخِّن، أرجو أن تطلب منو نقلو للربع الجديد.
Post: #153
Title: Re: بـُــري
Author: احمد العمار
Date: 06-15-2008, 03:50 PM
Parent: #152

Quote: واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة

الاخ / أمين يوسف ( راسل الايميل )

بخصوص المحكمة المذكورة :

* موقعها فى نفس مبنى المركز الصحى سابقا فى اخر محطة (الصينية) و غرب جامع الصينية مباشرة ومن ابرز المعالم حولها ( شجرة عم خيرالله ) الله يرحمه امامها مباشرة من الجهة الشمالية وكان اسمها ( محكمة الخرطوم شرق الجنائية ) او ( محكمة جنايات الخرطوم شرق ) ولكنها لم تستمر ونقلت من هذا المكان .

* شاهدت ايضا محكمة فى بيوت العمدة غرب مدارس برى اللاماب الابتدائية مباشرة وقد تكون هى نفس المحكمة ونقلت الى ذلك المبنى .

* الان هناك نقطة بسط الامن امام المبنى المذكور ، حتى الشجرة قطعت .



مع تحياتى

أحمد العمار
Post: #154
Title: Re: بـُــري
Author: adam alamar
Date: 06-15-2008, 04:55 PM
Parent: #153

السلام عليكم اهل بري ، كنت متابع البوست من يومه الاول و لكن
كنت منتظره يزخر بالمتداخيلن و المعلومات عشان ندخل الميدان و الكورة مسخنة

علاقتي بالبراري علاقة المولد و النشأة و الطفولة و الصبا
فقد عشت جل حياتي بل كلها في بري و ما فارقتها الا الي خارج السودان

فالحديث عن بري و اهلها ذو شجون و ذكريات لن تمحي من الذهن ابد الدهر

* نعم المحكمة كانت موجودة في السبعينبات ( طبعا نحن عواجيز )
كنا نطلع من المدرسة عشان نتفرج في الجلد حيث كان ينفذ الحكم بالجلد قدام الناس

* الفلل الرئاسية الان مقامه علي الجنينة المسكونه ما عارف كنا بنقول ليها المسكونه ليه
و هي بين جنينة ابو العلا و جنينة العشاري

* من لم يطهره العم محجوب عثمان في بري يكون ما مطهر ، عشان مافي غيره كان بطهر في الزمن داك ،
* درست الروضه في روضة ماما عزيزة عوض ثم لما كبرنا شوية انتقلنا لروضة ماما فاطمة في حلة قدام

دفعتي في بري اللاماب سيف الدين عباس ، بكري الشايقي ؛ احمد الشريف حسن ؛ عبدالرحمن الشريف ؛ مصطفي عبدالرحيم / كمال الشريف ( كنا بنسمية الضعيف ) و اظنه في لندن يوسف عبدالمعروف و محمد سعيد صالح و الطيب ابوجا و حاتم الدالي

و قد درسنا لفيف من الاساتذه الكبار امثال الناظر الامين يوسف و بابكر محمد يسين و عبدالقادر و استاذ عبيد
و للحديث بقية
Post: #155
Title: Re: بـُــري
Author: adam alamar
Date: 06-15-2008, 05:14 PM
Parent: #154

و حقيقة المرحلة المتوسطة كان لها طعم اخر في بري الاميرية
فقد كنا اول دفعة تدرس في الفصل المشيد حديثا وقتها في الجهة الجنوبيه ناحية نادي كوريا
و كانت اولي عثمان كانوا المدرسين بقولو ليها اولي تراب عشان الفصل ماكان فيه بلاط قايتو جنس غبار كنا بنرش الفصل مرتين في اليوم خصوصا انه كان في الفصل شفع كتير
حتي لو اعمارهم كبيرة لكن كان جنس لعب و شقاوة ما حصلت في الاميرية اطلاقا خصوصا ، الاخوان عبدالمنعم حسن من اللاماب و اسامه عثمان الشريف من ناصر و من الدرايسة ازهري الامين و ياسر حسن يوسف و الوليد مصطفي المهل و ناس كمال فضل و عثمان فضل و عاصم محمود و ياسر وداعة و من ابو حشيش ناس نجم الدين عبدالكريم و الفاتح يونس و عاطف الزاكي و من الدرايسة ايضا جمعة و داعة و ناس المحس بدوي احمد النعيم و يزيد عمر الاقرع و عمر ابراهيم و احمد ميرغني و كان معنا ايضا عباس ركس , طبعا عباس ركس و جمعة و داعة كانوا في فريق المدرسه و اظنهم لعبوا في بري الكبير , و لن انسي الاخ ماجد دياب فقد كنا انا و هو قد اشتركنا في الدورة المدرسية باسكتش جميل جدا اسمه ( عبدالتواب فرج الله مرفوع للقوة اثنين )

الله يديهم جميعا العافية و ارجوا التواصل ان امكن ذلك
Post: #156
Title: Re: بـُــري
Author: adam alamar
Date: 06-15-2008, 05:32 PM
Parent: #155

عندما تذكر بري لابد ان يتبادر الي الاذهان فريق بري العريق الذي كان بعبعا لفرق القمة الهلال و المريخ و اذكر ان المريخ و لفترات طويلة لم يفوز علي بري في الدورتين في اي دورة و لسنين طويلة , و كذلك الهلال

اما فريق و ادي النيل فكان لتشجيعة طعم خاص و اذكر ان مرة كان في مبارة في دار الرياضة ام درمان و ذهبنا للمبارة في بص و في جماعة ذهبو في بوكس انقلب بيهم في خور ابو عنجة ما اذكر الاسماء لكن كان فيهم احمد الامين صاحب الدكان ( مربع 2 )

و رابطة بري اللاماب كانت قوية لدرجة ما ممكن لاحد ان يتصورها فكانت الفرق تشارك فيها من خارج بري اللاماب كانت هناك فرق من المحس و الدرايسة و ابوحشيش و امتداد ناصر و غيرها

و من الفرق النهضة / الجزائر / مانشستر / اسبورتنق / الاهلي / ابناء البشاقرة / الجبال / سانتوس / الاتحاد / قلب الاسد و غيرها من الفرق التي قدمت لعيبة كبار جدا

كان للحولية طعم و نكهة مختلفة ،،،، كنا ننتظرها بالشهور و الايام حتي تأتي و كنا نحن سكان بري الشريف نتمتع بها اكثر من غيرنا لعدة ايام قبل يوم الوقفة ، حيث يأتي اليها الناس من خارج الخرطوم و تجد بعض الناس قد اقام بالتكية لايام طويلة جدا

اما المديح فقد كان ينساب الينا يوم بعد يوم بالميكرفون و كان يحرك فينا روحانيات قل ان يحركها في شيء فكان يذكرنا بالموت و المقابر او علي الاقل انا ،
Post: #157
Title: Re: بـُــري
Author: ماضي ابو العزائم
Date: 06-15-2008, 06:26 PM
Parent: #156

ميل تانى من منذر
Quote:
الى الأخ العزيز ماضي.. اسمح لي بان اواصل ازعاجي لك، ولكن هي الطريقة المثلى في المساهمة معكم في التوثيق لمدينة البراري..وكلي شكر وتقدير لشخصكم الكريم في اعطائي هذة الفرصة لأعبر من خلالكم عن مايجيش في خاطري من مشاركات لذكريات عابقة ولواجب يتحتم علينا نحن ابناء البراري ان نسردة ونواصل فيه لنسدد ولو جزء بسيط من فضل تلك الربوع علينا وفينا



حقيقةً احببت ان اعقب على مشاركة الأخ أمين فيما يتعلق ببعض النقاط التي تم ذكرها..عله يتقبلها مني بصدر رحب نتشارك فيه جميعاً لتقصي المعلومة الصحيحة والمتابعة الكاملة



اولاً لم تكن تلك الأراضي والتي ذكرت بان الشريف يوسف الهندي قد تبرع بها ووهبها لحكومة السودان ذلك الوقت..في الواقع وحسب التاريخ فانها أراضي كان مملوكة للعمدة حسين احمد فرح المتوفي سنة 1946م وقد تمت مصادرتها وتم التعويض له في منطقة التمانيات بالجيلي ومازالت تلك السواقي موجودة حتى الأن بمنطقة الجيلي.



أيضاً ذكرت فيما ذكرت ال العمدة..واختزلت تاريخ تلك العائلة الكريمة والعريقة والتي أسست بري الاماب في مجرد مخبز وجد فيه بروميد البوتاسيوم



أيضاً اجدك قد نفيت حقيقة وجود المحكمة والتي فيما سبق كان يطلق عليها القروية والتي كان مقرها في الصينية اخر محطة وبجانبها شجرة خيرالله..لااعتقد ان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة...لك كل الحق ان ترصد ذكرياتك وحنينك الى تلك المدينة ولكن ليس على حساب تاريخها وتلك الهمزات في سلب حقائق تاريخية موجودة يعلمها الداني والقاصي فيمن احتك بتلك المنطقة



كانت تلك المحكمة تفصل في جميع القضايا الجنائية البيسطة والشرعية في منطقة جغرافية تمتد حتى جبل الأولياء جنوباً و منطقة ابودليق شرقاً، وهي نفس المنطقة الجغرافية التي كانت تنضم تحت مسؤليات العمدة حسين فرح، والتي من بعده تولى زمام امورها ابناءة العمدة عبدالرحمن والعمدة عنكيب حتى تم الغاء الأدارة الأهلية في زمن نميري



لي عودة للمشاركة بمزيد من التفاصيل والمعلومات، الشكر اجزلة لأخي الكريم أساسي صاحب البوست وللأخ الكريم ماضي وللجميع اللذين شاركوا في هذا





Munzir M. AlNeel
Post: #158
Title: Re: بـُــري
Author: ماضي ابو العزائم
Date: 06-15-2008, 06:34 PM
Parent: #157

نعم كانت هناك احدى محاكم القرى فى الاماب و اعتقد البرارى آخر مكان وجدت فيه وظيفة (شيخ الحلة)فكان آخرهم الطيب شيخ إدريس فى الدرايسة و شيخ عبدالرحمن فى المحس (لا ادرى عن الاماب)
Post: #159
Title: Re: بـُــري
Author: ماضي ابو العزائم
Date: 06-15-2008, 06:48 PM
Parent: #158

محمد الشيخ ارباب على باب الحوش يا بش مهندس


ادخلوا هنا و ورونا همتكم
Post: #160
Title: Re: بـُــري
Author: adam alamar
Date: 06-15-2008, 06:54 PM
Parent: #158

كان في بري اللاماب محمد حسين فرح ( عنكيب ) الله يرحمه رحمة واسعة
Post: #161
Title: Re: بـُــري
Author: haleem
Date: 06-15-2008, 07:20 PM
Parent: #1

بري الأميرية....مروحة المدرسة

أساسي جاب سيرة الجلد في بري الاميرية..وبالتالي كان لا بد من التطرق لمشروع مروحة المدرسة ...حيث كانت فصول المدرسة بلا مراوح إلى أن جاء الى المدرسة عام 76 أستاذ اسمه أحمد دفع الله...كان انيق المظهر وبتاع ضبط وربط..وكان ألزم كل طالب بإحضار عشرة قروش على ما أذكر كل يوم سبت....والويل لمن لم يحضر هذا المبلغ..كان جمع المبلغ يتم في طابور لصباح...ليتم حصر من لم يحضروا القروش...لم تكن هناك مراعاة لأحوال الطلاب ولا ظروف أسرهم...بهذه الطريقة...وخلال سنتين أو ثلاثة...أكمل أستاذ احمد دفع الله مراوح كل الفصول...الطريف أن القرعة لتركيب المراوح وقعت على أوللى عثمان..أو الفصل أبو تراب كما اشار الأخ
آدم العمار

ونواصل
Post: #162
Title: Re: بـُــري
Author: adam alamar
Date: 06-15-2008, 07:39 PM
Parent: #161

الاخ حلمي لك تحياتي

طبعا اولي تراب ( او اولي عثمان ) كانت دفعة غريبة و عجيبة
اذكر كان في استاذ من جنوب السودان اسمه استاذ مارتن
قال لينا انا داير اعرف انتو عزلوكم كيف من كل المدارس
و ختوكم هنا في فصل واحد

و لنا معه زكريات جميلة جدا

و كانت ايام المظاهرات جميلة جدا خصوصا مع اخوانا من مدرسة قرنفلي سكول
Post: #163
Title: Re: بـُــري
Author: محمد أبوالعزائم أبوالريش
Date: 06-16-2008, 09:37 AM
Parent: #1

Quote: ياخي برضو بنحب بري، ولنا ذكريات، من ابو حشيش لكوشة الجبل، لنادي بري، للشريف، لميدان الرابطة محطة تمانية، وسبعة ونص..


يا عبدالغني ياخ عايزينك تحكي لينا كمان عن إمتداد ناصر، مربع (2) ومنطقة أبوعرب
Post: #164
Title: Re: بـُــري
Author: عبدالغني كرم الله بشير
Date: 06-16-2008, 10:08 AM
Parent: #163



ناصر،
رغم ازعاج الطائرات التي تحمل الحالمين بالدولار والتعليم والحرية، في هبوطها وصعودها، والتي يعرفها اطفال ناصر، وشيوخهم من لونها وعلمها (طائرة اثيوبية، طائرة هولندية، بريطانية، كويتية، وهلم)، يظل يغني، وينشد، ويعرف، وتمر الباصات الزرقاء ببطنه الكبيره، وتلوص الحافلات والباكسي سابقا في جنوبه وشماله، وتسمع صراخ الرابطة لهدف مشكوك، وينشد الجنوبين في مدرسة قرونفلي اناشيد الميلاد، وتردد اليافعات في مدرسة ناصر النموذجية (اوعك قتطع صفق الشجرة عشان)، أو قم للمعلم ، او سور بيتك بالاشجار)، حتى صرخات (عوض كراتي)، في نادي بري، حيث الكشتنية، والكوارع، والشلل، في ذلك النادي ذو الشكل الهندسي لجميل، البسيط، وحوشه الماهل، الملئ بالبان، والنيم، وشماله مدرسة السلمابي التي خرجت الكثير الكثير من المربيات والامهات والموظفات والكاتبات..

كان عوض كراتي يعلم الصبية، ذو الملابس البيضاء، وهم يكورون قبضاتهم ويضربون عدو وهمي، كان الله في عونه، وأحيانا يحلق بهم الطرب وهم يرون عوض كراتي يكسر طوبة برأسه الفولاذي، الله قادر..

وما أحلى الدورات الرمضانية، نعود لها،.. لاحقا..

نادي بري، قبل ان يكون كانت الحفر، والكلاب، وذو المزاج الخاص، يعسكرون فيه، وارجل راجل ما بقدر يقطع الطريق في المساء، وكنا حين نرسل لسوق اربع بالمساء للطابونة او طماطم نتحاشى قطع الفسحة مباشرة، بل نلوذ بالمدارس، التلب وصويحباتها، قبل ان تولد بري الثانوية، كمان كانت الرزيبة في موقع مبنى النادي حاليا،



ياخي الشغل ما بخلي الزول يسترسل مع ذكرياته مع ناصر وبري وتمارين بورى، ونصر الفريق وهزيمته، واثر ذلك في النادي العريق، أسد البراري...
نعود..

ملحوظة:
والله الواحد طرب للذكريات وتذكر ناس نسيناهم، مدد يابري الشريف، وياربي ناصر، و يابري ابوحشيش..


00
Post: #165
Title: Re: بـُــري
Author: ماضي ابو العزائم
Date: 06-16-2008, 11:53 AM
Parent: #164

معاني و اسباب اسماء هذه المدن

فى الرابط معلومات عن البرارى بس ناقص برى الاماب. مين ممكن إكمل المعلومة؟؟
Post: #167
Title: Re: بـُــري
Author: ماضي ابو العزائم
Date: 06-17-2008, 10:24 AM
Parent: #165

فى ميل من الاخ عبدالرحمن حمد النيل و رغم
انه قال(ليس للنشر) إلا انه اورد عباره عجبتنى
كثيرا
Quote: لا يزكر نادى بري والا يزكر الطيب شيخ ادريس وهناك ايضا الجعمورى


خالد العبيد
تلفونى و بريدى موجودين على البروفايل
Post: #168
Title: Re: بـُــري
Author: احمد العمار
Date: 06-17-2008, 02:59 PM
Parent: #167

وصلنى الايميل التالى من الاخ / أمين يوسف نرجو ان نتمكن من الحديث عن ما ذكر
Quote: الاخ احمد
السلام عليكم

لقد تاكدت عزيزى من موضوع المحكمة والتى لم اعاصرها لكنى شاهدت مبنى بسط الامن الشاملة(الكبسولة) التى الغيت الان وقام الى جوارها قسم صغير للشرطة
هناك عزيزى العديد من الاسئلة عن برى اود ان اسال عنها لانى وعلى الرغم من اقامتى فيها الا اننى اجهل الكثير عنها وهذا لعمرى قمة العار بالنسبة لى
اولا ياريت تحكى لينا عن شجرة النص(مامون مبارك امان)والتى صارت بمثابة صقر الجديان بالنسبة لسكان برى الشريف واللاماب مربع 4 و 5
كذلك ارجو ان تحكو لنا عن تاريخ معرض الخرطوم (البجيب كل السودانيين لبري غصبا عنهم فقط ليكتشفوا ان من لم يسكن فى برى مهمش وضايع حتى لو سكن العمارات)
شجرة النص كما يحلو لسكان برى تسميتها كانت محرمة على الصغار بدعوى انها مسكونة حينا او رجالة سااااااااى وهرش معظم الاحيان
والحقيقة برى اجمل فى رمضان بالليل خصوصا برى اللاماب والحلة التحت(برى الشريف)
الان انا افتقد نادى برى مربع5 حيث يجتمع هواة الكرة لمشاهدة كاس الامم الاوربية وذلك لان للمشاهدة هناك لها طعم اخر
واسمح لى اخى احمد ان اسال الاخ ادم العمار
هل تقصد بمصطفى عبد الرحيم مصطفى عبدالله عبدالرحيم اخو صلاح ووائل وعبدالرحيم المعتمد والذى يسكن جار محمد الجاك الصراف عضو حلمنتيش
ومن هو عبد الرحمن الشريف لان العبدرحمانات كتار فى اسرة الشريف الهندى
وبالمناسبة اخى ادم احمد الشريف جدى لكن ماكنت قايل سنو صغير كدا(فى كم وش ضاحك فى الايميل مافيشات ارجو من الاخوة البراب اضافتها)


شكرا اخ احمد على سعة الصدر وكمان على توضيح امر المحكمة ومعليش مفروض اشكرك اول لكن اللهفة لما نسمع سيرة برى هى السبب


ودى لبكرى ابوبكر
ياباش مهندس عاجبك نتعب الاعضاء الكرام كدا بالكوبى بيست والتنسيق
ظروف الاعضاء مامعروفة والمشاركات بتتاخر
ادينا باسوورد خلينا نتفكفك(وشين ضاحكات ومدردقات)
سورى اخى احمد للكلمة

امين يوسف



أحمد العمار
Post: #169
Title: Re: بـُــري
Author: يازولyazoalيازول
Date: 06-17-2008, 03:33 PM
Parent: #168

يا جماعة هل هذا نفس أمين صاحب الإيميل الأخير أم واحد بيشبهوا؟؟؟؟

مجرد سؤال.







الشافعة الفى الصورة دى هى بنتى الدكتورة نبراس هشام مع أخونا الحبيب أمين الهندى
Post: #170
Title: Re: بـُــري
Author: احمد العمار
Date: 06-17-2008, 04:10 PM
Parent: #168

Quote: ياريت تحكى لينا عن شجرة النص(مامون مبارك امان)والتى صارت بمثابة صقر الجديان بالنسبة لسكان برى الشريف واللاماب مربع 4 و 5

Quote: شجرة النص كما يحلو لسكان برى تسميتها كانت محرمة على الصغار بدعوى انها مسكونة

بخصوص شجرة النص طبعا موقعها امام منزل مبارك امان رحم الله مباشرة ، طبعا حكاية مسكونة دى هى مجرد اشاعة ، لانها كانت مطرفة شوية ولقربها ايضا من بيت من بيوت ناس العمدة قبل افتتاح المخبز الآلى فى نفس البيت فكان هذا البيت خالى وشبه مهجور ، و فى ذلك الوقت لم يكن هناك مربع 5 ولا مربع 6 يعنى من بعد النادى الثقافى فسحة ، اقرب مكان ابوحشيش وجهة مربع 6 كانت حفر كبيرة جدا ومجمع كوش لذلك طلعت هذه الاشاعة .
وبعد توسع برى اللاماب اصبحت هذه الشجرة كما اسمها فى نص برى ، وزيادة على ذلك قام الاخ / عبدالرحمن خالد ابن خالد البصير الله يرحمه بافتتاح مكتبة تحت هذه الشجرة وكانت تبيع فى هذه المكتبة الاخت/ حاجة ، وكذلك اصبحت هذه الشجرة مكان تجمع الشباب فى الفترة النهارية وبعدها تحولوا الى قهوة بخيت العمدة رحمه الله.
هذا عن شجرة النص باختصار ، ارجو من الاخوة اذا فاتت على حاجة يذكروها .

أحمد العمار
Post: #171
Title: Re: بـُــري
Author: ماضي ابو العزائم
Date: 06-17-2008, 06:33 PM
Parent: #170

كتب الاخ امين يوسف

Quote: عزيزى اسمح لى بتصحيح لمعلومة عن الشريف الهندى
الشريف الهندى اعتقله الانجليز وذلك لانه كان من المقاومين الكبار لهم خصوصا ان كلمته مسموعة ولان الانجليز يعرفون هذا فقد اخرجوه من المعتقل شريطة ان لا يقيم بالجزيرة فذهب الى برى المحس وحدث ماحكيته انت من العمدة وبالمناسبه الشريف يوسف مامن ودالهندى واصلا لاعلاقة لاسرة الشريف بود الهندى ولا يربطهم بها سوى الود والاحباب والمريدين



هناك معلومة شفاهية و المشكلة ان التاريخ الحديث و الذى لازالت شخوصه حاضرة يجد المؤرخون الكثير من الحرج الاجتماعى و السياسى فى تدوينه.
هذه المعلومه تقول ان هناك عدد لا يستهان به من علماء الخرطوم و الذين خالفوا المهدى فى دعوته أذلهم الخليفة عبدالله التعايشى فى سجنهم و بنى بهم دفاعات أمدرمان (الطوابى) منهم شيخ عبدالرحمن الضرير (والد الشيخ على عبدالرحمن القطب الاتحادى المعروف) و الشيخ خالد مضوى (والد عثمان خالد النائب السابق عن الاتجاه الاسلامى) من توتى و الهندى (اعتقد يوسف)لذلك كانوا من اعيان الخرطوم المقدرين بعد الفتح(آسف لعدم ذكر اسماء علماء الخرطوم المعنين نسبة لعدم وجود المصدر و دى ضريبة الاغتراب)
فى الخقيقة المعلومة محتاجة لمزيد من التوثيق.
Post: #172
Title: Re: بـُــري
Author: ماضي ابو العزائم
Date: 06-17-2008, 06:54 PM
Parent: #170

الشئ التانى:- قدوم الهندى للمنطقة كان قبيل الثورة المهديه أى فى عهد التركية السابقة فكيف يستقيم منطقا ان يكون منعه الانقليز بالاستقرار فى الجزيرة.
ثالثا:- قام الاستعمار باعطاء العلماء الذين حجزهم الخليفة عبدالله التعايشى وضعيه خاصة(نكايه فى المهديه و تمشيا بمبدا فرق تسد)و من بينهم بيت الهندى.
رابعا:- لم نسمع فى السابق اى اهتمام سياسى لود الهندى دعك من نشاط نضالى و ما دخلوا المعترك السياسى إلا مؤخرا بحساب التاريخ و ربما يعزى ذلك لطبيعة الصوفية و بعدهم عن السياسة
Post: #174
Title: Re: بـُــري
Author: adam alamar
Date: 06-17-2008, 09:57 PM
Parent: #168

الاخ امين يوسف

اخي جدك يكون دفعتي ... كيف

انا كنت اقصد احمد الشريف حسن , و عبدالرحمن الشريف البقدوا (اب دفسه)

هذا هو لقبه

و لشجرة النص ذكريات كثيرة و جميلة فقد كانت نادي بحالها

و بتذكرني بفريق الجزائر بعبع الفرق في رابطة امتداد ناصر

و لا يذكر فريق الجزائر الا و يذكر ابراهيم عثمان ( ابم )

و هندي بابكر ( ابو العلا ) كما كان يحلوا لنا ان نسميه

و مصطفي عبدالرحيم زين العابدين
و هناك ابو التر ترباس

كان فرق الجزائر كالفريق القومي لبري اللاماب
فقد كان يضم لعيبة من كل فرق بري اللاماب


و لنا عودة
Post: #173
Title: Re: بـُــري
Author: waleed dawash
Date: 06-17-2008, 08:25 PM
Parent: #1

اساسي يا دكتور تروتر

بري دي ياخوي خلا وصقيعه و ما لقينا حته فاضيه للمعرض عشان كده جبنا ليكم..





================

ما دايرين تنفصلو زيكم وزي المهمشين اخوانكم... وحاتك انت يقطع خلقتك دي من وشي
نفصلكم هوا.

Post: #175
Title: Re: بـُــري
Author: محمد الشيخ أرباب
Date: 06-18-2008, 08:30 AM
Parent: #173

يا وليد امشي دار الوثائق السودانية هناك بتلقي انو خورشيد باشا لمن جاء يأسس الخرطوم وجد فيها ثلاثة حيشان:-

1) حوش الفكي ارباب

2) حوش البداناب

3) حوش القاضي

ديل جدود ناس بري وتوتي والفتيحاب والعيلفون وحلة حمد وحلة خوجلي واطراف الجزيرة.

تحياتي
Post: #177
Title: Re: بـُــري
Author: محمد الشيخ أرباب
Date: 06-18-2008, 08:51 AM
Parent: #175

كتب الاديب معاوية محمد نور - في الخرطوم خواطر وذكريات محزونة

"وأنظر إلى يميني فأذكر ضواحي الخرطوم وأذكر بري بنوع خاص ، لا أذكر بري اليوم وإنما أذكر بري التي لم أرها بل سمعت عنها ، وأصغيت إلى أناشيد الفتيات وأغانيهن في مدحها ( بري الطراوة والزول حلاوة ) إن ذكر هذه الجملة ليمثل أمامي صورا من الماضي قوية ، حية كأشد ما تكون حياة وقوة ! يا لصور الماضي ويا لشجوه وحنينه ! أذكر شوقي إلى الماضي ، وأذكر حنيني إلى المجهول ، وأذكر شعور الإغتباط والجمال الفني الذي أشرف عليه عند مشاهدتي النيل في تلك الليلة ، فأقول يا للعجب ! أتراني أود أن أعيش الماضي والحاضر والمستقبل في ساعة واحدة ! يا لنهم الحياة ، وطبع الإنسان ، وعطش العواطف "
Post: #176
Title: Re: بـُــري
Author: محمد أبوالعزائم أبوالريش
Date: 06-18-2008, 08:44 AM
Parent: #1

دقييييييقة يا محمد الشيخ

إنت جيت من وين؟ ودخلت متين؟

مبروك الباسوورد .... لكن لو ما اتعمل بوست ترحيب .. خلينا نعمله هسة .. ولو إتعمل ورونا ليهو

مرحب بيك تاني يا ابن خالتي
Post: #178
Title: Re: بـُــري
Author: محمد الشيخ أرباب
Date: 06-18-2008, 10:28 AM
Parent: #176

ابو الريش

يا دوب صباح اليوم انا دخلت وعملت بوست ترحيب

تحياتي
Post: #179
Title: Re: بـُــري
Author: ماضي ابو العزائم
Date: 06-18-2008, 10:44 AM
Parent: #178

محمد الشيخ
اهلا بيك فى البورد و اهلا بيك فى البوست
الكانت اول مساهمه ليك فيهو

Quote:
يا وليد امشي دار الوثائق السودانية هناك بتلقي انو خورشيد باشا لمن جاء يأسس الخرطوم وجد فيها ثلاثة حيشان:-

1) حوش الفكي ارباب

2) حوش البداناب

3) حوش القاضي

ديل جدود ناس بري وتوتي والفتيحاب والعيلفون وحلة حمد وحلة خوجلي واطراف الجزيرة.

تحياتي

عفيت منك يا ود خالتى بس ناس قريعتى راحت ديل ما تضيع وقتك معاهم
Post: #180
Title: Re: بـُــري
Author: ماضي ابو العزائم
Date: 06-18-2008, 11:03 AM
Parent: #179

بوست آخر من امين يوسف
اخى امين تجدنى جد سعيدبنشر رأيك حتى نوسع دائرة المشاركه و نثرى البوست.
Quote: الاستاذ ماضى
السلام عليكم
اغفر لى استاذى اذ اننى ساثقل عليك و اسمح لي بان اواصل ازعاجي لك
ساقوم بالرد على بعض المداخلات من الاخوة الاعضاء وسابدا بالاخ منذر مع الذى حاولت ان ارد على مداخلته ليلة الامس ولكن الاكسبلورل ابى الا ان يخذلنى بعد ان انتهيت من الرد وبدأت فى التنسيق
كتب الاخ منذر
(حقيقةً احببت ان اعقب على مشاركة الأخ أمين فيما يتعلق ببعض النقاط التي تم ذكرها..عله يتقبلها مني بصدر رحب نتشارك فيه جميعاً لتقصي المعلومة الصحيحة والمتابعة الكاملة)
ولايهمك اخى منذر فالهدف واحد لجميع المتداخلين
وكتب ايضا
(اولاً لم تكن تلك الأراضي والتي ذكرت بان الشريف يوسف الهندي قد تبرع بها ووهبها لحكومة السودان ذلك الوقت..في الواقع وحسب التاريخ فانها أراضي كان مملوكة للعمدة حسين احمد فرح المتوفي سنة 1946م وقد تمت مصادرتها وتم التعويض له في منطقة التمانيات بالجيلي ومازالت تلك السواقي موجودة حتى الأن بمنطقة الجيلي.)
اخى منذر الشئ الموثق والذى رايت مايثبته ان ارض المعرض كانت ملكا لآل الشريف وتبرع بها قبل حكم ابوعاج وساحاول الحصول على نسخة من الاوراق المحفوظة بمكتبة الشريف بسراياه
اما عن الارض من المعرض وحتى الكبرى فقد ورد هذا على لسان وزير الداخلية وقتها الزبير بشير طه وايده نائب الرئيس على عثمان وذلك فى تابين الراحل الشريف زين العابدين الهندى فى دار الشرطة العام الماضى ولدى تسجيل فيديو كامل للتابين ساحاول انزاله فى النت وارسال الرابط للاستاذ ماضى لعرضه هنا اذا سمح لى
كتبت ايضا
(أيضاً ذكرت فيما ذكرت ال العمدة..واختزلت تاريخ تلك العائلة الكريمة والعريقة والتي أسست بري الاماب في مجرد مخبز وجد فيه بروميد البوتاسيوم)
انا لم اختزل شيئا لان ماكتبته هو كل ما اعلمه عنهم للاسف لقد كان جارنا هو محمد العمدة _بيته الثانى_واعرف ايضا موسى العمدة ولكننى للاسف الشديد اجهل الكثير عنهم ويمكنك ان تلومنى على جهلى برموز المنطقة التى رحلت منها فى العام 97 وانا فى ال14 من عمرى
والحقيقة تالمت حينما سمعت بالخبر بالمصادفة اثناء زيارتى لهم اواخر العام الماضى لاننى خارج السودان منذ قرابة ال3 اعوام
ومصدر الالم ان من امر باستخدام البروميد وتسبب فى اغلاق المخبز لم يكن صاحب المخبز الذى يتعامل مع المخبز من بعيد لبعيد وهو لايستحق ماحدث له
وكتبت
(
أيضاً اجدك قد نفيت حقيقة وجود المحكمة والتي فيما سبق كان يطلق عليها القروية والتي كان مقرها في الصينية اخر محطة وبجانبها شجرة خيرالله..)
وانا كتبت
(واقول للاخ احمد العمار اين هى هذه المحكمة التى كتب عنها لاننى لم اسمع بوجود محكمة فى تلك المنطقة الا اذا كانت موجودة فى فترة السبعينات من القرن الماضى فارجو منه تاكيد المعلومة)
وهذا ليس نفيا اذا تمعنته جيدا لاننى الحقته ب(الا اذا كانت موجودة فى فترة السبعينات من القرن الماضى)
وهذا لاننى لم اعايش تلك الفترة واكاد اجزم ان معظم ابناء جيلى واندادى فى برى لم يسمعوا بهذه المحكمة وانا كنت اطلب تاكيد المعلومة لاجل العلم خصوصا ان الاستاذ احمد العمار كتبها مبهمة من دون تفصيل
الاخ / غازى المركز الصحى الذى اقصده هو الذى توجد امامه الشجرة الشهيرة ( شجرة عم خيرالله ) رحمه الله التى كان يبيع تحتها البرسيم وبعد اغلاق المركز الصحى تم تحويل المبنى الى محكمة

ويؤسفنى عزيزى انك حكمت على هذه النقطة بطريقة ولا تقربوا الصلاة

كتبت ايضا
لااعتقد ان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة
وانا اختلف معك فى اعتقادك لان من يريد ان يؤرخ لمنطقة ما عليه الألمام الكامل بظروف وتفاصيل وتاريخ تلك المنطقة
والا فكيف يتسنى له ان يؤرخ ولاتنسى انك قذ اخذتنى بجريرة جهلى بآل العمدة اذا كيف يستوى للمرء ان يؤرخ لشئ وهو غير ملم بكل المعلومات عنه فى هذه النقطة ناقضت نفسك

وكتبت
...لك كل الحق ان ترصد ذكرياتك وحنينك الى تلك المدينة ولكن ليس على حساب تاريخها وتلك الهمزات في سلب حقائق تاريخية موجودة يعلمها الداني والقاصي فيمن احتك بتلك المنطقة
انا لم اهمز ولم اسلب اى حقيقة ومالاعرفه لا اتحدث عنه ولهذا السبب لم اكتب عن آل العمدة لان التاريخ اما ان يكتب كاملا وصحيحا او لا يكتب من اساسه
ثم لماذا الهمز والاستلاب هل ذكرت فى الايميل مثلا اننى مؤسس برى ام قمت بتلميع شخص خصما على شخص
من يهمز ويستلب ياعزيزى يفعل هذا لفائدة فما هى الفائدة التى ساستفيدها من اخفاء التاريخ او تزويره او اللجوء لشغل النسوان(الهمز واللمز)
اخيرا اخ منذر انا لست بمؤرخ بل انا هنا لاتابع مايكتبه الاخوة واحاول ان اسال عن مااسمع عنه لاول مرة والمحكمة خير مثال
ارجو اخ منذر ان اكون قد اوضحت ماخفى لان تزوير التاريخ تهمة مشينة لانها لا يفعلها الا الاغبياء وخصوصا فى هذا العصر وانا ارباء بنفسى ان اكون غبيا لدرجة تزوير او استلاب التاريخ
شكرا اخ منذر

اسمح لى استاذ ماضى ايضا ان ارد على مداخلة السيد هشام يازول
الحقيقة اخى هشام لست انا الموجود فى الصورة ولكن لو اديتنى الاسم بالكامل بجيب ليك خبره وان كنت اعتقد انه المرحوم الامين الشريف الصديق الهندى
وذلك للشبه لكن لو اديتنى الاسم بتاكد ليك
تحياتنا للامورة واظن هسى بقت عروس من شكل الصورة ربنا يحفظا ليك
وايضا الاخ احمد العمار
فى البدء اخى الشكر اجزله على المعلومة القيمة عن الشجرة
وقد كتبت
وبعد توسع برى اللاماب اصبحت هذه الشجرة كما اسمها فى نص برى ، وزيادة على ذلك قام الاخ / عبدالرحمن خالد ابن خالد البصير الله يرحمه بافتتاح مكتبة تحت هذه الشجرة وكانت تبيع فى هذه المكتبة الاخت/ حاجة ، وكذلك اصبحت هذه الشجرة مكان تجمع الشباب فى الفترة النهارية وبعدها تحولوا الى قهوة بخيت العمدة رحمه الله.
الاخ عبدالرحمن خالد حكم دورات برى الرمضانية هل هو اساسا حكم ام انها هواية
اذكر فى منتصف التسعينات ان الخالة الحاجة نوال زوجة مامون امان كانت هى من تبيع فى المكتبة بعد ان استاجرتها من عبدالرحمن او انها هى صاحبة
الكشك وعبدالرحمن هو المستاجر لست اذكر ولكنى متاكد انها كانت فى فترة من الفترات المستفيدة من المكتبة
ساعود لاحقا للكتابة عن قهوة بخيت العمدة رحمه الله


اما ماكتبته انت استاذ ماضى ردا على نقطتى عن دخول الهندى لارض البرارى فلا ادرى كيف ارد عليه هناك بالطبع وثيقة_نص الخطاب الذى ارسل له فى المعتقل وخطاب اخلاء سبيله_ موقعة من الحاكم الانجليزى تثبت حديثى ولكن المشكلة فى كيفية الحصول على صورة منها ساحاول وان كنت اعلم انها من الصعوبة بمكان
اخيرا الاخ ادم العمار
او الجد او الخال لانك زاملت خالى عبدالرحمن ابراهيم الشريف عبد الرحمن(ابو دفسة)الموجود حاليا بالسعودية ولعلك تعرف شقيقه يوسف(سونى).
اما عن كيف احمد يكون جدى فهو جدى باللفة هو خال عبدالرحمن وعمه فى نفس الوقت واظنك تعلم هذا يعنى هو خال الوالدة وعمها فى نفس الوقت مع انه فى عمرها او اكبر قليلا وخالد اخوه لو بتعرفه اكبر منى بسنين بسيطة لكنه جدى فى نفس الوقت
ماتشيل هم انتو لسة صغار ربنا يديكم الصحة وطولة العمر

شكرا استاذ ماضى واغفر لى التعب الذى لاريب قد سببته لك


بالمناسبة كان معاكم فى اليونان شاب من اولاد برى اسمه ابراهيم او ابراهيم ود الناظر بتعرفه

سلام استاذ ماضى
Post: #181
Title: Re: بـُــري
Author: waleed dawash
Date: 06-18-2008, 05:21 PM
Parent: #180

Quote: عفيت منك يا ود خالتى بس ناس قريعتى راحت ديل ما تضيع وقتك معاهم


و انت مضيع زمنك مالك؟
Post: #182
Title: Re: بـُــري
Author: adam alamar
Date: 06-18-2008, 08:53 PM
Parent: #180

الاخ امين يوسف سلامي و احترامي

اشكرك علي الرد و التوضيح

و كدة فعلا اكدت ان احمد الشريف جدك و نحن في عمر جدك مافي مشكلة

طبعا انا بعرف سوني و قابلته كثير في الرياض

اما عبدالرحمن و الله ما ندي رقمه و يا ليت تدينا ليه لو عندك

و طبعا اذا كنت انت اصغر من خالد الشريف اكيد ما ح تعرفني

لانني طلعت من السودان بدري جدا

طبعا ذكرياتنا في بري الشريف كثيره و جميلة

فقد كانت حلة صابرين تمتاز بترابط و تعاون قل ان تجده في اي حلة في السودان


لك الشكر و الود
Post: #183
Title: Re: بـُــري
Author: ماضي ابو العزائم
Date: 06-19-2008, 08:40 AM
Parent: #182

الايميل التالى من Fakrudeen Ali

Quote: مدرسة بري الدرايسه الاوليه وناظرها المربي الفاضل الاستاذ الموسيقار علي ميرغني

عليه الرحمه والمغفره من معالم بري المهمه في الزمن الجميل ..فقد كانت هذد المدرسه

من طلائع المدارس وفي المقدمه من حيث الضبط والربط والتحصيل المعرفي ..وقد كانت

في مقدمة المدارس من حيث دخول طلبتها للمرحله المتوسطه..و كانت بها انشطه متنوعه

الى الجانب الرياضي..من ضمنها النشاط الثقافي والذي تمثل في نادي الصبيان حيث يجتمع

الطلبه مساء كل يوم لممارسة هواياتهم المختلفه والمفضله...

المربي الفاضل علي ميرغني عليه الرحمه كانت له علاقه متينه بالوسط الفني كموسيقار

باوركسترا الاذاعه والتلفزيون..وعلى وجه الخصوص بالموسيقار والفنان محمد وردي

وهي من امتن العلاقات في الوسط الفني... ونتيجة لهذه العلاقه المتينه فقد حظيت مدرسة

بري الدرايسه الاوليه بمشاركة الفنان وردي نشيدي ( يقظة شعب) للشاعر والصحفي الفذ

مرسي صالح سراج ..ونشيد ( اصبح الصبح ) للشاعر المقتدر محمد الفيتوري ..وبهذه

المناسبه محمد الفيتوري من ضمن الذين سكنوا واسرته الكريمه ببري الدرايسه لفتره من

الزمن ...ونواصل


والله شئ مفرح جدا ان يتواصل فى هذا البوست حتى من ليس لهم باسبورت على البورد بس عندى رجاء لو الواحد يعرف نفسو قدر الامكان بكون احسن (بس مش لازم)
Post: #184
Title: Re: بـُــري
Author: ماضي ابو العزائم
Date: 06-19-2008, 08:46 AM
Parent: #183

و آخر من Fakrudeen Ali
Quote: لبري وكل من كتب حرفاً في هذا البوست التحيه

للأخ العزيز اساسي كل التحيه والتقدير للمبادره

ولشخصك الكريم ابوالعزائم التحيه والشكر.

حديثي كما سوف تلاحظون عن الذين انتقلوا الى جوار ربهم ..للانصاف وللتاريخ

من الشخصيات التي يجب ذكرها عند الحديث عن البراري..المغفور له باذن الـلـه

الفقيد مصطفى المهل ...فقد كان من بعد الـلـه ...ولرجال ذو همه من امثاله ..الفضل

الكبير في تثبيت احقية أهل البراري في تملك قطعة ارض في موقع امتداد ناصر الحالي

فقد كانت هناك محاولات جاده من جانب الحكومه وقتها لتوزيع الارض لاهالي بري

في مناطق بعيده عن الموقع الحالي..لمصطفى المهل الرحمه والمغفره ..ولآل المغفور له

الخليفه عبدالدافع عبد القادر كل التحايا.



......ونواصل
Post: #185
Title: Re: بـُــري
Author: ماضي ابو العزائم
Date: 06-19-2008, 08:52 AM
Parent: #184

بسم الله ماشاء الله برضو من الاخ فخر الدين
Quote: حولية الخليفه عبدالدافع عبدالقادر....

الخليفه عبدالدافع عبدالقادرعليه الرحمه والمغفره من رجالات بري الاتقياء

الكرام ..رجل المروءة والشهامه ..كانت له مكانته الدينيه والادبيه والاجتماعيه

الساميه ..عن استحقاق ..كان محل احترام الجميع وتقديرهم.

...ديوانه مفتوح طوال اليوم ...طوال العام لاستقبال ضيوفه من كل الوان الطيف

السوداني..عابري السبيل ,,ومن تقطعت بهم السبل ..ومن المريدين والمحبين

وكانت له حوليه تقام كل عام تجذب المريدين من كل اطراف العاصمه وخارجها

تبدأ مراسم الاحتفال البهي منذ العصر تقريبا ً بقدوم طلائع مختلف الطرق الصوفيه

بالوانهم الزاهيه وايقاع النوبه الحبيب الى النفس..وتعيش بري صغارها وكبارها

ليله عامره بذكر الـلـه..بالمحبة والالفه.. ..بالصلاه على اشرف خلق الـلـه

محمد رسول الـلـه صلى الـلـه عليه وسلم ...بتذكر خلفاء رسول الـلـه رضوان الـلـه

عليهم اجمعين ..

..في هذه الليله يتناول كل الحضور العشاء في الديوان الكبير وتابعه حوش الخليفه عبدالدافع

حيث يقوم هو بالاشراف على كل كبيره وصغيره في هذه الليله العامره بذكر الـلـه..والتي

تنتهي مع بدايات صباح اليوم التالي

......ونواصل
Post: #186
Title: Re: بـُــري
Author: ماضي ابو العزائم
Date: 06-19-2008, 09:27 AM
Parent: #185

كتب امين

Quote: بالمناسبة كان معاكم فى اليونان شاب من اولاد برى اسمه ابراهيم او ابراهيم ود الناظر بتعرفه


و هل يخفى القمر فى سماهو

كل مرة اقول شكرا أساسى على هذا البوست


بالمناسبه هو ويييييين؟؟؟؟؟
Post: #187
Title: Re: بـُــري
Author: hassan bashir
Date: 06-19-2008, 10:19 AM
Parent: #186

بري دي في يوم من الأيام كانت حقتنا
Post: #188
Title: Re: بـُــري
Author: اساسي
Date: 06-19-2008, 10:43 AM
Parent: #187

Quote: بالمناسبه هو ويييييين؟؟؟؟؟


قريب ومستمتع بكل كلمة تكتب هنا بل اول من يقرأها

البوست جماعي يا ماضي المداخلات لا تحتاج للتعقيب وانما البوست للاضافات او كما هو حاصل

انا اعتبر نفسي من اكبر قرائه وكلما سنحت المناسبة ساتداخل بالاضافة

بالمناسبة طلبت من الاخ بكري عدم ارشفته ونقله للدورة الجديدة

كن بخير والجميع والشكر للقراء والاعضاء علي الاضافات الثرة

دي المحرية في اولاد بري
Post: #189
Title: Re: بـُــري
Author: يازولyazoalيازول
Date: 06-19-2008, 10:50 AM
Parent: #187

الأخ العزيز أمين يوسف

أولاً أسمح لى أن أقدم شكرى الجزيل للأخ ماضى أبوالعزائم لإتاحته الفرصة للتواصل مع شباب جميل مثلكم ، كما أشكرك الحقيقة على كل ردودك الواعية الجميلة لكل الناس هنا ، وهذا والله هو دأب أهل برى الذين نعرفهم ، فهم ممتلئون بحب الناس وحب الخير لكل الناس وهم أناس أصيلون أصيلون أصيلون وكفى

الحقيقة يا أخ أمين ، (وسلامة الإسم إن شاء الل) ، نعم هو صديقى الامين الشريف الصديق الهندى ، والذى أعلم بوفاته لأول مرة اليوم منك ، وقد آلمنى الخبر سائلاً المولى عز وجلَ أن يتغمده بوافر رحمته ، ولكن هى حال الدنيا ، فقد كان المرحوم متعاقداً هنا فى جدة فى الثمانينات لدى البنك الإسلامى للتنمية ، وتلك كانت هى الفترة التى تعرفنا عليه ، ولم يبق بيننا طويلاً فآثر العودة للوطن بعد أن طلب أهله منه العودة وأعتقد للمشاركة فى الحياة السياسية وقتها فى الوطن ، ثم إنقطعت أخباره عنا بسبب الغربة اللعينة ، لعن الله الغربة وسنينها الطويلة ،

لا أريد أن أطيل عليكم وعلى الأحباب هنا ، ولكنى أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين)

ختاما ً أفيدك علماً بأن أصغر أبنائى فى الخامسة إبتدائى وقد أسميناه (أمين) على إسمك

وتقبل وافر تحياتى وتقديرى ،

أخوك هشام شيخ الدين
Post: #193
Title: Re: بـُــري
Author: Mohamed Yassin Khalifa
Date: 06-19-2008, 01:33 PM
Parent: #189

أخوي هشام شيخ الدين:


Quote: أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين)



لا يعرف الفضل إلا فاضل...


والله.. والله يعلم لكم أثرت فيا كلماتك هذة لما فيها من نبل لا يأتي إلا من نبيل مثلك... بها لبسنا نحن أبناء بري ثوب الأصالة والعفة والنبل

تجدني سعيد بما كتبته هنا.. فلا يشتري الرجال إلا رجل... ولقد أعطيت.. وحقا أوفيت.. وهذا شرف لنا جاء منك أيها الشريف



بك تسعد بري ويتشرف أبنائها



ولك مني وعد.. توووور أذبحه لك في عرس بنتنا الدكتورة ربنا يحفظها ويخليها لينا



ويا أولادي البريياب شدو حيلكم ونحنا معاكم
Post: #200
Title: Re: بـُــري
Author: يازولyazoalيازول
Date: 06-21-2008, 08:36 AM
Parent: #193

الحبيب محمد يسن الخليفة

تسلم يا رجل ن فأنا لم أقل إلا الحق فى أناس كرام عاشرتهم وعشت بينهم ولم أجد فى كل السودان لهم مثيلا ، والله على ما أقول شهيد

هنيئاً لكم بإرتباطكم ببرى ، وهنيئاً لكم بإنتسابكم ببرى ، وكل حرف فى هذا البوست كان يجب أن يكتب بمداد من ذهب

وفى إنتظار العريس ....



لووووووووووووووووووووووووووووووول



أكرر التحية والتقدير للشهامة والله
Post: #190
Title: Re: بـُــري
Author: محمد أبوالعزائم أبوالريش
Date: 06-19-2008, 11:44 AM
Parent: #1

ماضي ..... محمد الشيخ .... وكل أولاد بري

رجاء الدخول هنا للتثنية

بكري أبوبكر .... قادم جديد ينتظر الإذن بالدخول -- حيدر أمين عبداللطيف
Post: #191
Title: Re: بـُــري
Author: hassan bashir
Date: 06-19-2008, 12:45 PM
Parent: #190

Quote: بري دي في يوم من الأيام كانت حقتنا


الإخوة أبناء بري


إن شاء الله ما تكونوا زعلتو .. كنت متوقع أن ين "بري" لي أحدكم ويقولي من أنتم؟ وكنت سأجيبه بأننا الخرطوم بحري

تحيات لحي بري العريق
Post: #192
Title: Re: بـُــري
Author: محمد أبوالعزائم أبوالريش
Date: 06-19-2008, 01:06 PM
Parent: #1

يا زول الله لا جاب زعل

وأبقى داخل (الإسم ياهو زاتو .. بس إنتو زدتو ليهو "ح" بين الباء والراء)
Post: #194
Title: Re: بـُــري
Author: ماضي ابو العزائم
Date: 06-19-2008, 02:08 PM
Parent: #192

و ميل آخر من الاخ امين يوسف

Quote:
استاذ ماضى
سلام
ساواصل انتهاكى للايميل الخاص بك واحتلاله حتى احصل على باسوورد او اعلن الاستسلام_ماعارف بكرى دا مالو_وارجو من الاخوة البراب دعم طلبى للحصول على باسوورد خصوصا انها مشاركتى الخامسة فى المنبر

استاذى اذا كان
بالمناسبه هو ويييييين؟؟؟؟؟
مقصود بها ود الناظر_ فهو عقبال عندك وكل المتغربين عن اوطانهم مثلى _مستقر فى برى الاماب مربع 5 جوار الكبانية

استاذى ايضا قرات لكم هذه المداخلة

الشئ التانى:- قدوم الهندى للمنطقة كان قبيل الثورة المهديه أى فى عهد التركية السابقة فكيف يستقيم منطقا ان يكون منعه الانقليز بالاستقرار فى الجزيرة.

الانجليز منعوه بعد ماجو وكان هو فى الجزيرة وقاتل الانجليز واعتقل وكان شرط الافراج عنه ان يختار اى مكان ليقضى قيه بقية حياته بعيدا عن اتباعه

يبدو ياعزيزى انك تقصد الشريف محمد الامين مؤسس الاسرة فى السودان وهو لم ير برى اساسا وانا اقصد ابنه الشريف يوسف صاحب السراى والقبة وضيف عمدة المحس

ايضا هذه المداخلة

ثالثا:- قام الاستعمار باعطاء العلماء الذين حجزهم الخليفة عبدالله التعايشى وضعيه خاصة(نكايه فى المهديه و تمشيا بمبدا فرق تسد)و من بينهم بيت الهندى.
الخليفة عبدالله لم يحجز الهندى وماكان يستطيع

واخيرا

رابعا:- لم نسمع فى السابق اى اهتمام سياسى لود الهندى دعك من نشاط نضالى و ما دخلوا المعترك السياسى إلا مؤخرا بحساب التاريخ و ربما يعزى ذلك لطبيعة الصوفية و بعدهم عن السياسة

معك حق فالشريف يوسف لم يهتم بالسياسة لان الاوطان المحتلة لا وقت لمواطتيها لممارسة السياسة واصلا لاتوجد ماتسمى بالسياسة لاننا كنا محتلين بالقوة والسياسة تعتبر فى هذه الحالة نوعا من الترف
من كان يدافع عن وطنه وعرضه ضد محتل مغتصب وغاشم يسمى مناضلا وليس سياسيا لان السياسية كلام وماسمعنا بكلام طلع محتل

السياسة دى ممكن اعارض بيها البشير او النميرى لانهم بلدياتى موش غردون او كتشنر المحتلين

ومعك حق انه بعد خروج الانجليز لم نسمع بانه مارس السياسة فى ظل السيادة الوطتية وذلك لانه توفى عام 44

وقد مارس 3 من ابنائه السياسة وهم على التوالى
خليفته الاول الشريف عبدالرحمن والذى اكتفى بدعم الحزب الوطنى مثل كثيرين غيره من المقتدرين فى ذلك الحين
اى انه لم يمارس السياسة نفسها وذلك لانه كان مشغولا بادارة البيت

الشهيد الشريف حسين الهندى والراحل الشريف زين العابدين هم من مارسوا السياسة رسميا ومافى وقت واحد

رد على مداخلة استاذ ادم العمار

مرحبا بك استاذى ومشكور على التعقيب

الخال عبدالرحمن رقمه ماعندى والله لكن لدى رقم ابن عمه واسمه عبدالرحمن برضو معاكم فى السعودية ممكن ارسل لك رقمه فى ايميل استاذ احمد العمار _بعد اذنه بالطبع_لانى لا اعرف ايميلك وكمان لقربه منك

وقد كتبت ايضا

فقد كانت حلة صابرين تمتاز بترابط و تعاون قل ان تجده في اي حلة في السودان

صدقت استاذى لكنها كانت ومازالت وستظل باذن الله منطقة محمية غير قابلة للاختراق وسكانها يتزايدون ويتناقصون فيما بينهم ونادرا ماتلمح شخصا جديدا يسكن هناك
ودا سبب لذتا

الشكر اجزله لك استاذى

واخيرا السيد هاشم شيخ الدين

سيدى الفاضل
اشكرك جدا على كلمتكم فى شخصى وهى شهادة علقتها على جدران القلب الى ان ابعث حيا

الحقيقة الراحل توفى قبل مايقارب ال7 سنوات اثر ذبحة قلبيه وانا اسف لنقل هذا الخبر وصدقت فهذا حال الدنيا تصطفى الاخيار مبكرا

رد الله غربتكم وكل من خرج لاجل الرزق فى ارض الله الواسعة

الف مبروك تخريج الدكتورة وهى معناها دفعتى انا ايضا كنت ادرس الطب فى جامعة بحرالغزال فى نفس الفترة يعنى بدينا سوا لو هى درست 5 سنوات واحتمال اكون سنيرا لو درست اقل
ولان نسبكم شرف لايضاهى باذن الله سينال شرف نسبكم احد ابناء برى مادمت تكن لها هذا الحب والتقدير

يا اولاد برى انتبهوااااااااااااااااااااااااااااااااااااا لو فكت الدكتورة من برى الرماد كال حماد

ربنا يخلى ليك امين ويفرحك بجديده
الشكر كل الشكر لك استاذ هاشم واشكرك مجددا على مجاملتك الرقيقة بحقى

والشكر من قبل ومن بعد للاستاذ ماضى الذى استبحت ايميله (شيل حقك من بكرى هو السبب)
والشكر موصول الى اساسى صاحب البوست الذى القى الينا الكرة



Post: #195
Title: Re: بـُــري
Author: ماضي ابو العزائم
Date: 06-19-2008, 02:28 PM
Parent: #194

قبلما ارد على الاخ امين استوقفتنى عبارة
Quote: ساواصل انتهاكى للايميل الخاص بك واحتلاله حتى احصل على باسوورد او اعلن الاستسلام_ماعارف بكرى دا مالو_وارجو من الاخوة البراب دعم طلبى للحصول على باسوورد خصوصا انها مشاركتى الخامسة فى المنبر


و اعتقد الاخ منذر عندو نفس المشكلة.
حقيقة لم اعرفك من قبل و لم اعرف الاخ منذر لكن من اسلوب الكتابه واضح جدا إحترام الكلمه و احترام الاختلاف.
ارجو ان تقدموا مرة اخرى و ساقوم على المستوى الشخصى بعمل ماسنجر لبكرى و اعتقد المتابعين البوست ما حا يقصروا. فى الايام السابقة نجحنا فى ادخال محمد الشيخ ارباب و كمان انشاء الله حيدر امين إدخل ده مش عشان هم اولاد برى بس عشان هم بستاهلو إشاركونا.
Post: #196
Title: Re: بـُــري
Author: محمد أبوالعزائم أبوالريش
Date: 06-19-2008, 08:37 PM
Parent: #1

لسة في حكاوي كتيرة ما ظهرت.

بالمناسبة يا محمد الشيخ ... وين إبن عمك "عبدالعظيم أرباب"، هو عضو هنا .. لكن ما بيظهر خالص.
Post: #197
Title: Re: بـُــري
Author: الطيب شيقوق
Date: 06-19-2008, 10:00 PM
Parent: #196

ان كانت بري حمد الريح لكفاها ذلك

مع تحياتي لاخوتي

حيدر امين - المحسي
ومالك
عمار
و السنى ابو العزائم
Post: #198
Title: Re: بـُــري
Author: محمد الشيخ أرباب
Date: 06-20-2008, 09:11 AM
Parent: #197

لك التحية اخونا الطيب شيقوق

يا محمد ابو العزائم والله عبدالعظيم ده شكلوا غير الموبايل بتاعو لي فترة كده ما عندي اتصال بيه
Post: #199
Title: Re: بـُــري
Author: محمد الشيخ أرباب
Date: 06-21-2008, 08:31 AM
Parent: #198

وين يا شباب

من الشخصيات المهمة هو نسيبنا البرفسير الراحل على المك هو متزوج من بري المحس " حياة الدليل"

ويا ماضي ومحمد وين ما ذكرتو الخال احمد حسن الضو الراجل الموسوعة. في اجازتي السابقة زرته ووجدت معاه كمال ابو العزائم وكان بيكتب في زكرياته

وخليفة كرار والعوام ودكتور سليمان مضوي وعبدالقادر حسن الضو
Post: #201
Title: Re: بـُــري
Author: يازولyazoalيازول
Date: 06-21-2008, 08:51 AM
Parent: #199

كتب محمد يسن خليفة

Quote: أخوي هشام شيخ الدين:

Quote: أختم قولى بأن بنتى التى هى فى الصورة هى اليوم طبيبة أسنان تخرجت العام الماضى من جامعة 6 أكتوبر وتعمل الآن فى الإمتياز فى جمهورية مصر العربية لهذا العام ، ويا ليت لو تقدم لها شاب من برى (لأعطيناه دون السؤال عن أصلو وفصلو لأنهم معروفين)

لا يعرف الفضل إلا فاضل...

والله.. والله يعلم لكم أثرت فيا كلماتك هذة لما فيها من نبل لا يأتي إلا من نبيل مثلك... بها لبسنا نحن أبناء بري ثوب الأصالة والعفة والنبل
تجدني سعيد بما كتبته هنا.. فلا يشتري الرجال إلا رجل... ولقد أعطيت.. وحقا أوفيت.. وهذا شرف لنا جاء منك أيها الشريف
بك تسعد بري ويتشرف أبنائها
ولك مني وعد.. توووور أذبحه لك في عرس بنتنا الدكتورة ربنا يحفظها ويخليها لينا
ويا أولادي البريياب شدو حيلكم ونحنا معاكم

محمد يسن خليفة


وكتب أمين يوسف:

Quote: واخيرا السيد هشام شيخ الدين

سيدى الفاضل
اشكرك جدا على كلمتكم فى شخصى وهى شهادة علقتها على جدران القلب الى ان ابعث حيا

الحقيقة الراحل توفى قبل مايقارب ال7 سنوات اثر ذبحة قلبيه وانا اسف لنقل هذا الخبر وصدقت فهذا حال الدنيا تصطفى الاخيار مبكرا

رد الله غربتكم وكل من خرج لاجل الرزق فى ارض الله الواسعة

الف مبروك تخريج الدكتورة وهى معناها دفعتى انا ايضا كنت ادرس الطب فى جامعة بحرالغزال فى نفس الفترة يعنى بدينا سوا لو هى درست 5 سنوات واحتمال اكون سنيرا لو درست اقل
ولان نسبكم شرف لايضاهى باذن الله سينال شرف نسبكم احد ابناء برى مادمت تكن لها هذا الحب والتقدير

يا اولاد برى انتبهوااااااااااااااااااااااااااااااااااااا لو فكت الدكتورة من برى الرماد كال حماد

ربنا يخلى ليك امين ويفرحك بجديده
الشكر كل الشكر لك استاذ هاشم واشكرك مجددا على مجاملتك الرقيقة بحقى

والشكر من قبل ومن بعد للاستاذ ماضى الذى استبحت ايميله (شيل حقك من بكرى هو السبب)
والشكر موصول الى اساسى صاحب البوست الذى القى الينا الكرة

أمين يوسف


وأنا بين هذا وذاك مذهول

لله دركم يا أهل برى
Post: #202
Title: Re: بـُــري
Author: ماضي ابو العزائم
Date: 06-21-2008, 10:21 AM
Parent: #201

كتب الاخ محمد الامين


Quote: يبدو ياعزيزى انك تقصد الشريف محمد الامين مؤسس الاسرة فى السودان وهو لم ير برى اساسا وانا اقصد ابنه الشريف يوسف صاحب السراى والقبة وضيف عمدة المحس


مع احترامى لكل آل الهندى لكن نحن فى المنطقه عندما نتحدث عن بدايات آل الهندى نقصد ضمنا الشريف يوسف وهو من ذكرت انه قدم للمنطقة فى التركية السابقةو خلينا ناخد المسألة بالحساب البسيط, أحمد حسن الضو امد الله فى عمره ناهز ال90 عاما من عمره وهو حفيد الفكى الضو(مضيف الشريف). فاكيد من اعتقله الانجليز هو سخص آخر غير الشريف يوسف- مع العلم اننى لا انتقص من حق الشريف لكننا أنا و انت نتحدث عن جانب مهمل من التاريخ من حقى و حقك ان نقول ما سمعنا من روايات شفهية و نقيسها بمقياس العقل و ما زامنها من احداث حتى تظهر الحقيقه المجردة.
لك منة الود كله
Post: #203
Title: Re: بـُــري
Author: ماضي ابو العزائم
Date: 06-21-2008, 10:33 AM
Parent: #202

أما قولك اخى أمين

Quote: الخليفة عبدالله لم يحجز الهندى الخليفة عبدالله لم يحجز الهندى وماكان يستطيع


عن انه لم يحتجز الهندى ضمن علماء الخرطوم , فما أوردته شهاده سماعيه تقبل الاخذ و الرد و الشفافيه هنا مطلوبه و مطلوبه جدا خاصة ان احتجازة للعلماء ثابت تاريخا.
اما انه
Quote: وماكان يستطيع
يبدو اخى انك لم تعرف (تورشين) حق المعرفة, ببساطة وصل الحد بهذا الرجل ان يلف معارضية بجلود الابقار المذبوحة حديثا و يلقى بهم فى الشمش و يترك الجلد يجف (وبالتالى إنكمش) على هداوه.و البطش و اشكاله فى عهد الخليفة عبدالله التعايشى من الاشياء المسكوت عنهافى التاريخ.
Post: #939
Title: Re: بـُــري
Author: Ahmed musa
Date: 02-24-2010, 03:47 PM
Parent: #197

.
Post: #1126
Title: Re: بـُــري
Author: بلدى يا حبوب
Date: 08-23-2010, 11:30 PM
Parent: #197

برى عبد الكافى وجنائن الشريف والفنان على ابراهيم وبرى الناس الطيبين والجيران الحنينين
ويكفى ان تكون برى الان معرض الخرطوم الدولى وقاردن ستى
تحياتى
Post: #204
Title: Re: بـُــري
Author: محمد أبوالعزائم أبوالريش
Date: 06-22-2008, 05:58 AM
Parent: #1

ناس بُرّي ... صباحاتكم بُيُض ...

في ملاحظة ... بوست بُري ده .. ولحدي هسة بوست عزابة ....

أقصد إنو مافي "بوردابية من بُري" ظهرت فيما عدا إنعام عبدالحفيظ، وهي ظهرت وقالت "أنا هُنا" وكبّت الزوغة.
Post: #205
Title: Re: بـُــري
Author: ماضي ابو العزائم
Date: 06-22-2008, 09:52 AM
Parent: #204

عن صاحب الصورة الشايل إبنة اخونا هشام. انا الزول ده بعرفه جدا بس قلت احسن الواحد إتاكد احسن الى ان اتانى الخبر اليقين من اخونا حيدر امين(المرشح لعضوية المنبر) فى ميل نصه:-
Quote: يا ماضى



ياخى قول لاخونا هشام جبريل الشايل بنتك فى الصورة ده ( محمد الامين يوسف الهندى) خريج الزراعة جامعة الخرطوم (1982) فعلا كان فى الثمانينات فى جده واخر مرة قابلته فى اواخر التسعينات فى العين بالامارات . وهو حى يرزق ويعمل فى الخرطوم الان تجارة حرة
Post: #206
Title: Re: بـُــري
Author: يازولyazoalيازول
Date: 06-22-2008, 09:58 AM
Parent: #205

الله يبشرك بالخير ، فقد أسعدنى الإيميل حق حيدر أمين الذى أتانى بالخبر اليقين وياريت يكمل جميلو ويرسل لينا عنوان الراجل

ياخ الله يبشركم بالخير يا ناس برى يا اصيلين

والله أسعدنى الخبر وكأنما الرجل ولد من جديد

تحياتى للجميع والحمد لله فى بدء وفى ختم
Post: #207
Title: Re: بـُــري
Author: محمد الشيخ أرباب
Date: 06-22-2008, 10:23 AM
Parent: #206

يا عبد الغني كرم الله تعال نفتش في خبايا الذاكرة عن البراري وامتداد ناصر

مكتبة الملتقى
حسين كرم الله
جماع
واولاد المرحوم ابراهيم بله ومربوعهم البيعتبر السودان الصغير ( محس-نوبة-بقارة- حعليين-شوايقة)
عوض كراتي
عفيفي
قصي
لؤي
ابوعرب
Post: #208
Title: Re: بـُــري
Author: محمد أبوالعزائم أبوالريش
Date: 06-22-2008, 11:03 AM
Parent: #1

Quote: مكتبة الملتقى



الشئ بالشئ يذكر .... مكتبة الملتقى كمان ذكرتني مكتبة المرحوم محمد ابراهيم حاج الأمين (حتيكابي) الكانت في المحطة الوسطى الخرطوم، وعلى ما أذكر كان اسمها (أبا دماك)
Post: #209
Title: Re: بـُــري
Author: ماضي ابو العزائم
Date: 06-23-2008, 11:21 AM
Parent: #208

عوده للشخصيات التى استقرت بالبرارى ولو الى حين :-
عند دخول التليان للحبشه و أنقلاب ابنه بالتبني عليه لاذ هيلى سلاس امباطور اثيوبيا بالسودان و استقر بسراى الشريف الهندي.
فى مصر كان هناك شيخ صوفى ناهض الانجليز فنفوه الى سواكن ثم الخرطوم و كان استاذ الشريعة بجامعة الخرطوم وهو العارف بالله السيد محمد ماضي ابوالعزائم و طوال فترته بالخرطوم استقر ببرى المحس فى نفس المبنى الكان فيه نادى برى المحس الثقافى(نادى العجايز)قبل انتقاله لمقره الحالى.
خليفة مولانا الشيخ ماضى ابوالعزائم هو السيد الارزهلى وهو جد محمد مراد القطب الاتحاد المعروف بالبرارى .
Post: #210
Title: Re: بـُــري
Author: محمد أبوالعزائم أبوالريش
Date: 06-23-2008, 12:34 PM
Parent: #1

Quote: طوال فترته بالخرطوم استقر ببرى المحس فى نفس المبنى الكان فيه نادى برى المحس الثقافى(نادى العجايز)قبل انتقاله لمقره الحالى.


لا يزال بعض مواطني بري المحس يشيرون لذلك المنزل ب(حوش الشيخ ماضي)
Post: #211
Title: Re: بـُــري
Author: haleem
Date: 06-23-2008, 12:59 PM
Parent: #1

Quote: مكتبة الملتقى كمان ذكرتني مكتبة المرحوم محمد ابراهيم حاج الأمين (حتيكابي) الكانت في المحطة الوسطى الخرطوم، وعلى ما أذكر كان اسمها (أبا دماك)


مكتبة حتيكابي لم تكن بالمحطة الوسطى..بل كانت بالسوق العربي...شرق المكتبة الحالية بميدان الامم المتحدة ومواجهة لعمارة ود الجبل ..ولم يكن اسمها أبا داماك..بل كانت مسماة على أحد مناهضي الاستعمار وقادة حركة التحرر الأفارقة ...

شوية كدة واتذكر الاسم
Post: #212
Title: Re: بـُــري
Author: محمد أبوالعزائم أبوالريش
Date: 06-23-2008, 01:17 PM
Parent: #211

Quote: مكتبة حتيكابي لم تكن بالمحطة الوسطى..بل كانت بالسوق العربي


صحيح .. شكراً للتذكير، فهي كانت بالسوق العربي، في نفس مكان باصات بري الأهلية آنذاك
Post: #213
Title: Re: بـُــري
Author: عادل خياري
Date: 06-24-2008, 05:38 AM
Parent: #212

سلام لكل اهل بري الكرام
وشكرا لهذا البوست الذي فجر في جواي ذكرى ايام خوالد لازالت عالقه كاحلى ايام عشتها في هذه البري المعطاءه
فقد سكنت في بري الشريف لمدة ستة اشهر وكانت من الايام الخوالد
وقبل ان اسكنها كانت لي علاقات حميمه بزميل الدراسه الدكتور عبدالرحيم الامين عبدالرحيم فحببني في بري وساكنيها
فله التحيه من على البعد وليتكم اهل بري تمدوني بتلفونه بعدان فرقنا الزمن
وفي باريس المدينه الصاخبه تعرفت على المعدن الاصيل الاخ عادل داؤد فنعم المعرفه في الغربه
اما هنا في واشنطون فالاخ هاني مبارك فخير من يمثل بري فقلبه وداره مفتوح للكل اما مايجود به وقته رغم مشغولياته
فوجهه للعمل العام لاثراء العمل الرياضي بمنطقة واشنطون الكبرى
فلكم التحيه يااهل بري
ومررت على هذا البوست لاعلن انضمامي لكم ان كان هناك متسع
مودتي
Post: #214
Title: Re: بـُــري
Author: ماضي ابو العزائم
Date: 06-24-2008, 10:11 AM
Parent: #213

Quote: خليفة مولانا الشيخ ماضى ابوالعزائم هو السيد الارزهلى وهو جد محمد مراد القطب الاتحاد المعروف بالبرارى .

المعروف عن الشيخ انه مؤسس الطريقة العزمية و الشيخ القائم الان هو شيخ سيف الدين محمد احمد ابوالعزائم و متزوج من برى الدرايسة
Post: #215
Title: Re: بـُــري
Author: ماضي ابو العزائم
Date: 06-25-2008, 10:08 AM
Parent: #214

الكلام دخل الحوش
جانى ميل من شخص تعتبر اسرتة ركن اساسى من اركان برى المحس. تذكروا معاى المداخلة دى:-
Quote: سمعتو فى الدنيا زول (إسرق) مدرسه و افتخر بيهو أهله؟؟؟...نعم مدرسه و مش اشياء داخل مدرسه، يعنى المبانى بتاعت مدرسه زى جنى سيدنا سليمان لما جاب قصر بلقيس.
و ليكم الحكاية:-
هو الخال محمد ابراهيم الباشكاتب، و اسم الباشكاتب من واقع مهنته فى عهد الانجليز و من واقع المهنه دى مر عليه قرار بانشاء ثلاثه مدارس بنات فى العاصمه المثلثة فما كان منه(و من وراء ظهر المسؤلين)إلا ان حول احدى هذه المدارس الى برى المحس و مشى الخطاب المعدل على المسؤل البرطانى فكان من حظ برى واحده من اول ثلاثه مداس للبنات فى السودان (طبعا باثتثناء رفاعة)
بالمناسبه المدرسة كانت اصلا لبحرى(بس ناس بحرى ما ازعلوا)

الميل من الاستاذه هدى بت الخال محمد ابراهيم الباشكاتب و نصيحه ليكم امسكوا فى الزولة دى كويس و كويس جدا فهى تاريخ برى يمشى على قدمين و بالله عليك يا هدى استبيحى ميلى انتى و كل من اراد الكتابه عن موضوع البرارى. نص الميل بعد حذف الاشياء الخاصة جدا(الاسرية):
Quote: السلام عليكم ورحمة الله تعالى وبركاته
ألاخ ماضي
أعرفك بنفسي
وأكيد بتعرفني
هدى محمد أبراهيم- بري المحس-بت خالك محمد ابراهيم أحمد)
المهم عجبني جدا البوست عن بري
لكن ليكم بعض اللوم كل المتداخلين اتكلمو عن بري اللاماب والدرايسه وناصر الا انتو اولاد المحس ما اديتوها حقها
معلومه سريعه عن بري وساوافيك فيما بعد باكبر معلومات عنها
اولا بري كانت مكان مدرسة الراهبات وكنيستها وحتى جامعة الخرطوم
ولما الانجليز عايزين يبنو كنيسة ما حلى ليهم الا حلة اهلنا المحس
(لاحظ حتى وقت قريب اهلنا كانو بزرعو في الجروف القصاد جامعة الخرطوم)
ورحلوهم في المنطقة الفيها قارن سيتي الان وكانت اسمها الحليلة
واسم بري يقال انه اطلقوه الانجليز من اسم الكنيسة البنوها كانتربري
وصوت لوم ليك لانك قصرت في سرد كتير من شخصيات لعبت دور كبير في بري
منهم عمك الباشكاتب محمد ابراهيم احمد سليمان
وهو الذي استخرج التصديق لمدرسة بري المحس الابتدائية للبنات وهو الذى سعى لانشاء مدرسة قرنفلي المتوسطة
وهذه لها قصة اسردها ليك
سعي هو بعض رجالات بري لقيام مدرسة اهلية متوسطة للبنين
فذهب هو وابنه المحامي على للسيد اميل قرنفلي رجل الاعمال وكان على هو المحامي لقرنفلي مما سهل الوضوع
ولم يتانى السيد قرنفلي لتلبية الطلب بل رحب
وقام بالتنفيذ وقامت لجنة المدرسة بتسميتها باسمه عرفاناً بجميله
ونسيت انو اول فريق هو فريق بري المحس وده ممكن اكلمكم عنه حيدر امين برواية ابوه لانه من اللاعبين في ذلك الفريق
وما تنسى ابراهيم كبير لاعب المريخ
وبيوتات كبيره داخلها شخصيات لعبت ادوار
في الحياة الاجتماعية في بري وغيرها وفي المجال السياسي
عندك مثلاً عليى محمد ابراهيم المحامي هو الذي نادى بالاضراب السياسى في ثورة اكتوبر وده كان في اجتماع الهيئة
والتي كانت تضم الاحزاب الساسية والمحاميين والقضاة والاطباء والعمال
وقد ذكر هذا الحدث الاستاذ ميرغني النصري نقيب المحاميين في برنامج اسماء في حياتنا مع المذيع عمر الجزلي
طولت عليك لكن هناك الكثير والكثير عن المحس
وشايفه ابن عمي عمر الشيخ ارباب انضم للكواكب المنيرة من اولاد المحس
تحتاتي له
وحيدر امين سينضم
وياريت القى فرصه لانه فعلا موقع مميز وانا اول شي بعمله الصباح بدخل عليه واتصيد الاخطاء خاصة الاملائية وما اكترها
لك التحايا ولمحمد واعذرني ان طولت عليك
Post: #216
Title: Re: بـُــري
Author: ماضي ابو العزائم
Date: 06-25-2008, 10:30 AM
Parent: #215

التحية ليك يا هدى, بس عيز اقول لو رجعتى للصفحة الاولى بتلقى الكلام الكتبتو عن الخال الباشكاتب,
Quote: وشايفه ابن عمي عمر الشيخ ارباب انضم للكواكب المنيرة من اولاد المحس
تحتاتي له

الدخل هو اخوه الاصغر محمد و مستنين منو الكتير
Quote: وياريت القى فرصه لانه فعلا موقع مميز وانا اول شي بعمله الصباح بدخل عليه واتصيد الاخطاء خاصة الاملائية وما اكترها

الكلام ليك يا المنطط إضنيك.
فى الصفحة الثانية من البوست عامل لنك عن بوست سابق كتبتو بعنوان(معانى و اسباب اسماء هذه المدن) فيهو شئ عن البرارى بالله ادخليهو يا هدى و لو عندك اى اضافة اضيفيها هنا(و اساسا تعرضتى لجزئية منها)
Post: #217
Title: Re: بـُــري
Author: محمد الشيخ أرباب
Date: 06-25-2008, 10:39 AM
Parent: #215

نرحب ببنت العم الاستاذه / هدى محمد ابراهيم ومساهماتها القيمة في هذا البوست

نرجو المواصلة في اثراء هذا البوست

تحياتي لك
Post: #218
Title: Re: بـُــري
Author: محمد أبوالعزائم أبوالريش
Date: 06-26-2008, 07:36 AM
Parent: #1

هناك الكثير ممكن يتقال في مجال الكورة، بس أخوكم ما بيعرف كتير في الحاجة دي. يا ريت لو واحد من المهتمين يكلمنا عن الكورة في بري.

________
طبعاً ده موضوع بنفقد فيهو حيدر أمين شديد
Post: #219
Title: Re: بـُــري
Author: محمد أبوالعزائم أبوالريش
Date: 06-29-2008, 06:46 AM
Parent: #1

في بوست ترشيح أخونا حيدر أمين، ثنّى الأخ محمّد يسن الخليفة مشكوراً. وقبل التثنية تساءل وقال:

Quote: يا أخوانا... معليش نحنا لينا 17 سنة من بري... حيدر ده ود منو???


قام ردّ عليهو حيدر في رسالة ألكترونية على عنواني وقال:

Quote: ياخوى ود الخليفة ده قول ليه حيدر ليه 29 سنة من برى المحس كمان وهو يبقى اخو ناس ( اسامه أمين وعادل أمين ) الصغير بس (محمد أمين اصغر منى شويه ) والبيت جنب الجامع , و بعدين من المؤسسين لفريق سبورتنق ببرى اللاماب



وين انتو من عمنا ابو عدنان المرحوم الطيب شيخ ادريس - رئيس النادى

حراس المرمى - غازى السر - سيد الزبير - النور عبد القادر - محمد فضل

بكرى بخيت - على الزبير - صلاح الرزيقاتى

ترانزستور - كافينول - حسبو الصغير

والبقية تاتى بعد استلام التصريح .
Post: #220
Title: Re: بـُــري
Author: خدر
Date: 06-30-2008, 10:55 PM
Parent: #219

بسأل عن صديق من اولاد بري
مرت سنوات طويله لم التقيه
اسمو عبدالحمن حمد النيل

ود حلال يجيب لي خبرو يا اهل بري
Post: #221
Title: Re: بـُــري
Author: adam alamar
Date: 06-30-2008, 11:09 PM
Parent: #220

بسم الله الرحمن الرحيم

الاخ خدر كيف الحال

الاخ عبدالرحمن حمد النيل موجود الان في هولندا

و هو مقيم هناك بصورة دائمة حسب علمي

تحياتي لك اخي عبدالرحمن حمد النيل

و عبرك تحياتي للاخ عادل حمد النيل

طبعا اخونا عادل حمد النيل كان دائما ماسك لينا الاول ... الاول ..... الاول

لما طلعنا من الابتدائي ما فكاها لينا خالص ......

ادم العمار
Post: #225
Title: Re: بـُــري
Author: احمد العمار
Date: 07-01-2008, 08:44 AM
Parent: #220

العزيز / خدر


هذا هو ايميل عبدالرحمن حمدالنيل : [email protected]

تحياتى لك وللاخ / عبدالرحمن حمدالنيل




أحمد العمار
Post: #222
Title: Re: بـُــري
Author: خالد العبيد
Date: 07-01-2008, 01:21 AM
Parent: #1

بري الاميرية اهم محطات حياتي على الاطلاق
لا اذكر مرحلة الثانوي ولا زملائي فيها
لكن اذكر كل دفعتي في بري الاميرية !!
كنا شلة اقل ما يقال عنها انها متحدة وجميلة
حوالي عشرة اصدقاء من فصل واحد : اولى وثانية وثالثة " أ "
ما بنتفارق كلو كلو !!
عشرة اصدقاء يلتقون يوميا في المساء !
اكثر ايام لقاءتنا كانت في حوش سري
وشلتنا تتكون من :
مختار حسن مختار " منجار"
شمس الدين محمد احمد " جنابو" او جقدول
محمد فريد الباقر سراج الدين " فريد ضيق "
ابراهيم موسى " لاعب حريف وزول خلوق ومهذب
هاشم سليمان "ودالدرايسة العكليت "
ناصر حسن البداني " كان شاطر خلاص الاول الاول الاول ، لمن يعقد
حمدي جيلي " اجمل المشاغبين" هسه الذ انصار سنة او من جماعة الدعوة مش عارف " كل سنة وانت طيب !
فتحي محمد خير " سايح في درب الله "
خالد العبيد " كنت عامل ليهم شاعر "
مامون سليمان " ابسفة " رحمه الله
وانضم الينا عمر مبارك سري " بضاي "!

والبرنامج كان اما شاي في بيت سري او سينما النيل الازرق او حفلات الاندية !
وكونا فريق كرة طائرة بقيادة عمر سري ، وفريق كرة قدم بقيادة شمس جقدول
هاشم سليمان كان احرف لاعب ، وحمدي جيلي اكيش لاعب ، وفريد خرخار ، ومختار بتاع نظريات ساي ، وانا تمومة جرتق ، شمس بقى كابتن قلع عسكرية ساي .

وبرجع
Post: #223
Title: Re: بـُــري
Author: Mekki M Alhassan
Date: 07-01-2008, 02:24 AM
Parent: #222

السلام عليكم
شكراً اخ أساسي علي هذا البوست والذي اتابع مداخلاته منذ فترة
ابن الخال د. عبد القادر احمد محمد( قدورة ) يا اخ ماضي ابو العزائم
وهو مقيم معي في كندا بمدينة مونتريال طبعاً ما جا تعرفني لكن ..أسال..
الشاهد وانه ومنذ عام ونحن نجمع في المعلومات عن( بري المحس )ل
http://www.burryalmahas.net/
لكي يخرج هذا الموقع ..رجاءاً من الاخوة والاخوات
ابناء وبنات بري المحس مراسلتناعلي الايميل التالي:
[email protected]
الاخ أيمن الطيب نحن في انتظارك ( يا قريبي )ودي بين قوسين
لانو ( قدورة ) في الاول ما عرفك قمت وقعت ليهو القرابة بي ( حاج الامين )
واعتقد ناس ابو العزائم بيلاقوكم برضوا في القرابه؟؟..

الاح خالد العبيد
Quote: والبرنامج كان اما شاي في بيت سري او سينما النيل الازرق او حفلات الاندية !

زميلي ودفعتي الاخ هشام مبارك سري ونفس البرنامج بتاعكم كان برنامجنا في عام 2005
عندما ذهبت للسودان لم التقي بالاخ هشام سري لاقامته خارج السودان ولكنني التقيت باخوته
د.عمر مبارك سري ( بضاي ) وكمال واسامة ( داندوره ) ووالدتهم الكريمة الحاجة ( صفية )

تخريمة:
الفنان بكري حسن وهو من ( بري الدرايسة ) كان دائماً يصدح في حفلات
الاعراس ببري بأغنية كتبت كلماتها ( أحدي سيدات آل مضوي بابكر )والتي تقول
بعض كلماتها:
طال هجرك لي وما بيدك
مسافر بعيد ..ربي يعيدك
ونحنا في بري ..وانت بعدت
ولي لقياك حبيبي أشتقت

بالله لو في واحد فيكم عنده الاغنية ينزلها لينا هنا مشكوراً


وراجع ليكم تاني
Post: #224
Title: Re: بـُــري
Author: محمد أبوالعزائم أبوالريش
Date: 07-01-2008, 05:35 AM
Parent: #223

Quote: ومنذ عام ونحن نجمع في المعلومات عن( بري المحس )ل
http://www.burryalmahas.net/
لكي يخرج هذا الموقع


الأخ مكي ....

أستغرب عدم معرفتي لإسمك، وده لأنو إنتماءك واضح من الإهتمام بإنشاء موقع لبري المحس تحديداً. عموماً تجوّل في البوست وأتوقع أن تجد ما يفيد الموقع، مع الإستعداد لتقديم أي معلومة تدعم الموقع.

الأغنية التي يصدح بها الصديق بكري حسن هي للحاجة/ كوثر عبداللطيف (شقيقة والد الأخ حيدر أمين عبداللطيف)، ولو كان عند حيدر تسجيل وباصاهو لي، أو حتى كلمات الأغنية، ممكن أنزلها في البوست.
Post: #243
Title: Re: بـُــري
Author: حيدر امين
Date: 07-14-2008, 06:08 PM
Parent: #223

Quote: الفنان بكري حسن وهو من ( بري الدرايسة ) كان دائماً يصدح في حفلات
الاعراس ببري بأغنية كتبت كلماتها ( أحدي سيدات آل مضوي بابكر )والتي تقول
بعض كلماتها:
طال هجرك لي وما بيدك
مسافر بعيد ..ربي يعيدك
ونحنا في بري ..وانت بعدت
ولي لقياك حبيبي أشتقت


اغانى الفنان بكرى حسن موجوده فى saudaniana.com وتحت تصنيف اغانى الجيل الحديث ومن ضمنها الاغنيه المذكورة , ولكن اغنية العمه كوثر عبد اللطيف ( والدة مضوى بابكر مضوى ) فمطلعها يا زمان يا قاسى لو ترحم احساسى وماكنت لاذكر اسم الشاعره لولا ان الاخ بكرى اعلنها صراحة الشهر الماضى اثناء استضافته على شاشة النيل الازرق وكان تعليق الاخ ماهر سليمان مضوى حسب ما سمعت (هو لمن قال كوثر فى داعى لعبد اللطيف )
Post: #226
Title: Re: بـُــري
Author: خالد العبيد
Date: 07-01-2008, 11:39 AM
Parent: #1

العزيز مكي
تحياتي
Quote: زميلي ودفعتي الاخ هشام مبارك سري ونفس البرنامج بتاعكم كان برنامجنا في عام 2005
عندما ذهبت للسودان لم التقي بالاخ هشام سري لاقامته خارج السودان ولكنني التقيت باخوته
د.عمر مبارك سري ( بضاي ) وكمال واسامة ( داندوره ) ووالدتهم الكريمة الحاجة ( صفية )

مادام انت دفعة هشام بتكون اصغر مننا كتير
هشام ده كنا بنرسلو يجيب سجائر من دكان فضل المولى
وكان اتأخر بياخد هرشة
وطبعا اكيد بتعرف التوم جلك صاحب القنابل العنقودية الشهيرة
الحوش ده لون ايامنا وعشنا ربيع الدنيا فيه
ايامو ما بتكرر لا في استراليا و في الجن الاحمر
فتة من دكان فضل المولى تساوي الدنيا وما فيها
ولسه طاري حتة حتة وانا قاعد مؤدب قدام امي خدرة سري رحمها الله
وبقرا ليها في دفتر اشعاري
بعد شوية امونة تشيل الدفتر وتنسقوا وتكتبوا بي خط زاهي وجميل
وامي خدرة عالم تاني نوع الناس المابيموتو
ورغم انو انا بكيته بكا ما بكيتو حتى في موت ابوي
لكن خدره عايشة ومن زاكرتي ما بتمشي
كلامه الحنين
شلوخه المطارق
سلامه البطمن
اكله السبيل
وشيها المليان محنة
اقول ليك سر
انا السنة الفاتت لمن مشيت عشان اعزي فيها
رحت من بيتهم
البيت المابغباني رحت منو
لانو صدمتي في خدرة ما اظنها تمش
المهم
ماداير ادخلك معاي في كوم احزان
واليوم البكتب فيه عن امي خدرة لسه ماجا
وياريتو يجي عشان اقدر اكتب وافضفض
لانو انا لسه موجوع

وسلام حتى مطلع الفجر لي :
امونة وعشوشة ومنال والهام
Post: #234
Title: Re: بـُــري
Author: Mekki M Alhassan
Date: 07-06-2008, 09:59 PM
Parent: #226

Quote: وطبعا اكيد بتعرف التوم جلك صاحب القنابل العنقودية الشهيرة


الاخ خالد العبيد والاحباب من بري
طبعاً في بري المحس من الظرفاء اضافة الي عمنا المرحوم عبدالله (لوفط)وصاحبه المرحوم بول
التوم سري ( جلك) كان يطلق تعليقاً مصحوباً يخيال خصب ينشر الضحكة والتأمل فيما
قال به بين الحضور ...ياليتني كنت كاتب قصة قصيرة لاستوحيت من ( جلك ) قصصاً في مجلدات.

قال التوم ( جلك ) وكان قادماً في اتجاهنا ونحن جلوساً علي ( المزيره ) بجوار دكان ( عوض )
كان معي هشام سري وحاتم الجد وامين المبارك واسامه سري (داندوره) وهشام عبيد ( زمبيري)وكمال عباس وأخرين ...كانت الساعة العاشرة مساءً وكنا قد انتهينا قبل لحظات من العشاء ( فته فول) قال لنا:
يا اخوانا انتوا وين؟؟ وقاعدين كمان تاكوا في فته ..يا أخي انا جاي اسع من عرس في المنشية
الصيوان براهوا ..قدر دار الرياضة... قنبلة مسيلة للدموع من كثره الضحك
ساله احدنا والفنان منو؟؟
قال: اتحاد الموسيقي والمسرح كلهم بيغنوا هناك..قنبلة هضمت الفول الذي أكلناه
ساله احدنا ..ده عرس منو؟ يالتوم جلك؟؟
عرس منو ده خليهوا ...لانكم ما شفتوا السيرة ..
سألناها بي شغف لاننا في انتظار قنبلة عنقودية كما أسميتها من قنابلة..
العريس والعروس ..سيرتهم كانت عجيبة..
ياأخي ديل نزلوهم الكوشة بي هليكوبتر..

ادام الله العم التوم ( جلك ) بالصحة والعافية

ولي عودة
Post: #227
Title: Re: بـُــري
Author: محمد أبوالعزائم أبوالريش
Date: 07-01-2008, 01:10 PM
Parent: #1

عاجل إلى حيدر أمين ......

رجاء الدخول هنا:

مرحبا بكل يحترم هذه القوانين
Post: #228
Title: Re: بـُــري
Author: ماضي ابو العزائم
Date: 07-02-2008, 09:57 AM
Parent: #227

الاخ مكى كتب

Quote: ابن الخال د. عبد القادر احمد محمد( قدورة ) يا اخ ماضي ابو العزائم
وهو مقيم معي في كندا بمدينة مونتريال طبعاً ما جا تعرفني لكن ..أسال..


طبعا ما حا أكضب و اقول عرفتك بس عرفت الاسره و ده لفارق السن طبعا و الغربة الطويلة عن برى

عنوانى على البروفايل و انا على ستعداد بالمساهمة فى الموقع حسب قدراتى المتواضعة
و حقيقي خطوة جبارة
Post: #229
Title: Re: بـُــري
Author: ماضي ابو العزائم
Date: 07-02-2008, 10:00 AM
Parent: #228

Quote: الاخ أيمن الطيب نحن في انتظارك ( يا قريبي )ودي بين قوسين
لانو ( قدورة ) في الاول ما عرفك قمت وقعت ليهو القرابة بي ( حاج الامين )

ياخى الراجل ده سكينه عالم خبوبته ام امه
Post: #230
Title: Re: بـُــري
Author: محمد الشيخ أرباب
Date: 07-02-2008, 10:14 AM
Parent: #229

والله يا ماضي انا اسماء كثيرة برضو ما عرفتها بس العائلات معروفة

سكينة عالم حبوبته ( خيلانو الامين البشرى ود. محمد المهدي بشرى) واهلهم في بري اللاماب مبشر احمد عالم والمرحومة عشة احمد عالم وامتداد ناصر دار السلام احمد عالم ووالدة ناس صديق واسامة ما

اذكر اسمها. انا بعرف ديل وبتفاصيل اكثر ناس على الامين واحمد الامين وناس خالد مبارك ومحمد مبارك الخ
Post: #232
Title: Re: بـُــري
Author: ماضي ابو العزائم
Date: 07-03-2008, 12:08 PM
Parent: #230

اخونا امين يوسف وين يا عالم؟؟؟
Post: #233
Title: Re: بـُــري
Author: ماضي ابو العزائم
Date: 07-06-2008, 12:24 PM
Parent: #232

up
Post: #235
Title: Re: بـُــري
Author: محمد أبوالعزائم أبوالريش
Date: 07-09-2008, 09:18 AM
Parent: #1

في مداخلة قال ماضي في إشارة للأخ "أيمن الطيب" (ياخ ده حبوبتو سكينة عالم) .....

رحلت الحاجة سكينة عالم عن دنيانا سنة 2005 .. وقد كتب إبنها البار دكتور محمد المهدي بشرى مقالا في ذكرى أربعينها في جريدة الصحافة، فيه بعض من الوفاء لهذه المرأة العملاقة .... أورد هنا نص المقال:


Quote: في أربعينها
سكينة عالم: سبعون عاماً من التجرد ونكران الذات
الصحافة 12- 19 أغسطس 2005
د. محمد المهدي بشرى
حين غربت شمس الرابع والعشرين من يونيو الماضي، كانت قد أخذت معها شمساً أخرى من شموس هذا الوطن الجميل، تلك كانت سكينة محمد ابراهيم عالم، التي عبرت آخر نفاج في حياتها، نفاج يفصل بين الحياة والموت، وبنفس الخطى الواثقة الهادئة المطمئنة. وكما عاشت حياتها بكل صدق وشفافية عبرت النفاج وكأنها تؤدي واجباً عادياً. بعد ساعات حضر الرفاق والرفيقات الذين أحبوها وأحبتهم ونذرت حياتها لأجلهم جميعاً، حضر عبد المنعم عطية وأحمد جمعة وأحمد حبيب ومحمد فضل السيد وضياء الدين أبو العزائم وماضي أبو العزائم، وحضرت فاطمة القدال وسميرة عيسى وعلوية خوجلي ونائلة محمد ابراهيم، لكن الشمس كانت قد غابت ولم تكن سكينة عالم هناك في غرفتها تطالع كتاباً أو تؤانس بصدقها وروحها الآسرة واحداً من أحبائها، وقفلوا جميعاً راجعين ولسان حالهم يقول: «سكينة عالم حضرنا ولم نجدك للمرة الأولى».
لقد حظيت بأن أعيش الكثير من دقائق عمر هذه المرأة النبيلة، ومراحل نضالها الذي لم يعرف المهادنة أو التراجع، كنت أشاهد التاريخ وهو يصنع، وأسمع وقع أقدام المستقبل، كنت يافعاً حين رافقتها قبل أكثر من خمسين عاماً الى مدينة أم درمان، لا أذكر كيف وصلنا الى المدينة، وهأنذا في وسط زحام النساء في الملازمين أمام مبنى الاذاعة الحالي أتشبث بيدها، واليوم كان واحداً من أعياد المرأة السودانية، لقد كانت المناسبة، كما عرفت فيما بعد، إعلان ميلاد الاتحاد النسائي. كان حشداً من النساء فاضت به جنبات الشارع، ومن مكان لم أتبينه كان أحمد المصطفى يصدح بأناشيده التي تغنى بها يمجد فيها المرأة السودانية ونضالاتها، ولم يكن أنسب من هذا الغناء الشجي للوجوه الباسمة والمشرقة التي تطفح بالبشر وتنظر نحو المستقبل. وبعد أسابيع قليلة ستحضر أكثر هذه الوجوه الى منزل أسرة الوالدة في بري المحس. ومرة أخرى يتكرر المشهد بذات الجلال والمهابة. كانت قيادات نساء البراري حاضرات، وامتلأ الصالون والحوش بجمع النساء، وتتالت الكلمات والنقاشات الحارة، ولا بد أن المناسبة كانت إعلان ميلاد فرع الاتحاد النسائي بالبراري.
تفتحت عيناي قبل أكثر من خمسين عاماً، ووجدت نفسي قريباً منها، امرأة ذات جسم نحيل وإرادة لا تلين، كنا أربعة ابناء وابنة واحدة، أكبرنا كان قد بلغ الخامسة عشرة وأصغرنا في الخامسة، ولم تكن هى قد أكملت عقدها الثالث حين حدث الانفصال بينها وبين زوجها، من الغريب أن الانفصال لم يكن رغبة أي منهما، على العكس من ذلك، كانا يودان بعضهما البعض كثيراً، وظلت أسباب الانفصال غامضة تماماً الا من النذر اليسير، وكثيراً ما حاولت معرفة جلية الأمر منهما، لكن الوالدة كانت تجيب بابتسامتها الهادئة كالعهد بها دائماً، ولم تكن تنبس ببنت شفة ولا تود أن تحمل شخصاً آخر ما حاق بها، فهو قدرها وعليها أن تقبله، كانت كمسيح يتعذب لأجل الآخرين، أما الأب فكانت إجابته قصيرة وموجزة. خلاصة الأمر أن أسباب الانفصال كما فهمت، ترجع لبداية الزواج، لم يكن الزوج مقبولاً من بعض أهلها خاصة خالاتها، وذلك لودهن الحميم لها ولخوفهن من فقدانها، لكن أباها لم يكن على استعداد للركون لمثل هذه العاطفة الجياشة ورحب بخطيب ابنته، وتم الزواج رغم أنف الخالات اللائي لم يستسلمن وكان شعارهن «خسرنا معركة ولم نخسر الحرب» والمفارقة الكبرى هنا أن هذا العريس الذي قوبل برفض الخالات يمت لعروسه بصلة القرابة، فهو من ابناء عمومتها، ومن أبكار خريجي كلية غردون، بل ومن المتفوقين فيها وثاني دفعته فيما كان مكي عباس الأول، وفوق هذا هو من أوائل السودانيين الذين التحقوا بالمصلحة الزراعية التي ستصبح فيما بعد وزارة الزراعة. واستمر الزواج وظل محفوفاً بالخطر، وكثرت اعتراضات الخالات على تنقل ابنتهن مع زوجها بحكم عمله، حيث عمل في القضارف وسنجة وبورتسودان، وقبل أن يمر العقد الثاني بعد الزواج، كان الزوج قد أرهق كثيراً من جراء المعركة الضروس، ولم يكن بد من الانفصال، ووجدت الزوجة نفسها أماً مسؤولة عن صغار هم زغب الحواصل، وكعادتها لم تنظر للوراء، ولم تتوقف لتندب حظها، وبكل التجرد الذي عرف عنها، شمرت عن ساعد الجد ونذرت نفسها لأسرتها الصغيرة. وهكذا عبرت سكينة عالم النفاج الأول في حياتها، ذلك النفاج الذي يفصل بين فضاء الزوجية وفضاء الأمومة. ولم يقتصر كدحها على أسرتها الصغيرة، بل تعداه الى وطنها. كانت تحمل أشواقاً عظيمة للتغيير، عرفت بحسها الطليعي في دور التعليم في ترقية المرأة، وهذا ما دفعها لأن تحول صالون منزلها الى روضة للبنات، وكانت تلك ثاني روضة في البراري. وقد سبقتها زينب ياسين في فتح أول روضة بمنزلها، ولم يكن غريباً على الحاجة زينب ياسين تلك المبادرة الجريئة، فقد جاءت للبراري من واحد من مراكز الاستنارة التي تأثرت بثورة بابكر بدري في تعليم المرأة: الكاملين. وقد تشرفت وشقيقي الذي يصغرني - الصادق- بأن كنا من الذين نهلوا من علم هذه المعلمة الرائدة.
كان دأب الحاجة سكينة في الحياة الاكتفاء بالقليل، لم أسمعها تتحدث بضمير الأنا كأن تقول توبي أو حذائي أو بيتي، وإذا أعطيتها شيئين تأكد أنها ستكتفي بواحد وسيذهب الآخر الى من تود، وما أكثرهم من شقيقاتها أو أقاربها، فقد كان تمقت الملكية، وانتمت بصدق الى الأشعريين الذين يؤثرون على أنفسهم ويعفون عند المغنم. شئ واحد كانت تحرص على ملكيته والاستئثار به: الكتاب الذي ما فتئت تحتفي به أيما حفاوة. ثمة كتب ظلت لا تفارقها في حقيبتها البسيطة وحيث ترقد، المصحف الشريف، الصحيحين، الشوقيات ومؤخراً أصبحت ضالتها كتب التفاسير والفتاوي.
في مرة حضرت للمنزل يرافقني صديقي محمد المصطفى من ابناء الفتيحاب، كنت أمرُّ عليه بوزارة المالية حيث كان يعمل، وآخذه للمنزل بعد أن نمرعلى السوق ونتزود بما لذ وطاب، كانت أمي مضطجعة تطالع في كتاب «ماركسية القرن العشرين» لجورج طرابيشي، لاحظ محمد المصطفى وجه كارل ماركس بلحيته الكثيفة على غلاف الكتاب بلونين، الأصفر والأحمر، واندهش لهذه التي يعطي مظهرها انطباعاً بالأمية، حياها وسألها عن محتوى الكتاب، فشرعت تحدثه عن الجزء الذي فرغت منه، وواصلت الاطلاع، ومن جانبي خاطبتها مداعباً « إيه يا حاجة حانتغدي كارل ماركس؟» وفهمت الرسالة وهبت متوجهة نحو المطبخ الذي كان لزمان طويل واحداً من مجالات معرفتها وخبرتها التي لا تُجارى، وبعد أقل من ساعة كنا نتلذذ بأكل وجبة شهية قل أن يتذوق المرء مثلها.
كان البعض قد استكثر عليها الانتماء للحزب الشيوعي، ومنهم من اعتبره مجرد إدعاء فحسب، ومنهم من رآه محاولة لملء الفراغ. وفي كل الحالات كانت مثل هذه الانطباعات تنطوي على استعلاء بوهم أن الانتماء للحزب الشيوعي يحتاج الى قدر من الاستعداد الأكاديمي لا تملكه هذه المناضلة البسيطة، بالطبع لم يكن الحزب الشيوعي جامعة هارفارد أو أكسفورد، بل كان القبلة التي يتوجه اليها الذين تملأ جوانحهم أشواق العدالة والمساواة. وما أكثر ما تكررت محاولة استمالتها من قبل هذه الجماعة أو تلك، خاصة في ظل الأنظمة الشمولية، أحد معارفها من الذين يركبون الموجة، جاهد لإغرائها للانضمام لحزبه الشمولي، بالطبع لم تكن لترضخ لمثل هذه الأساليب لسبب بسيط، أن هذا لا يتوافق مع مزاجها واختيارها الذي حددته بوعي وإرادة، وفي ذات الوقت حظي انتماؤها الحزبي بتقدير واحترام عظيمين، خاصة من جانب أهلها وأبناء عمومتها الذين كانوا يحرصون على المؤانسة معها، وقد عرف أغلبهم بالانتماء لطائفة الأنصار، ولم يخلق ذلك أي حاجز أو حساسية مع انتمائها، فقد فرضت شخصيتها احترام الجميع لها، وكنت تراها وسط حشد من أقاربها الرجال يتحدثون في شتى القضايا ويستمعون لآرائها ولسان حالهم يقول نعم الانحياز ونعم الاختيار، ونعم المرأة.
بالطبع لم تكن سكينة عالم وحدها التي انتمت للحزب الشيوعي عن وعي وإرادة وبصدق وعفوية، كانوا كثيرين مثلها منهم أحمد عبد الوهاب «قراع»، أذكره يأتي في الصباح الباكر للمنزل مرتدياً ملابس العمل، القميص والرداء، حاملاً «المسطرينة» كأنه يؤكد انتماءه الصادق والحقيقي للحزب وللمناضلين، مشهد يقرأه الفرد في روايات مكسيم جوركي، لكن كنت أشاهده وأعيشه، كان يمر بالمنزل ليحتسي قهوة الصباح ويتناقش مع الرفيق حول بعض شؤون الحزب، وهكذا يتم كل شئ في صدق وبساطة دون أي إدعاء أو زيف، وربما يمر كذلك عبدالرحيم عبد الوهاب «سي سي» مناضل جسور أفنى شبابه وعافيته لأجل البسطاء والمسحوقين، كان السكري قد نال من جسده النحيل، لكنه لم ينل من روحه ونفسه الأبية، وغير هذين كثيرين كانوا يؤمنون بالإنسان وبحتمية انتصاره في المستقبل، منهم يوسف حمد والهلالي وأحمد جمعة وعلى باب الله، جميعهم نالوا تعليماً محدوداً، لكنهم تعلموا واكتسبوا خبرة من الحياة، هؤلاء جميعاً تراصوا جنباً الى جنب مع من نالوا حظاً من التعليم والتأهيل، مثل المربي الجليل الذي نذر نفسه لقضية التعليم على امتداد السودان، ابو زيد موسى، والمناضل الجسور الذي أعطى حياته لقضية التقدم الاجتماعي مصطفى أحمد الشيخ، ومولانا القاضي الشرعي والفقيه محمد حسن البوداني، ومحمد خلف الله الشايقي، الى جانب مناضلات مثل فاطمة النقر التي لم يمنعها قلبها المريض من السير في دروب النضال.
ومهما يكن من أمر، فكل هؤلاء الرهط من الشيوعيين والشيوعيات كانوا يعرفون قدرهم تماماً، لهذا وجهوا طاقاتهم نحو الجانب العملي، أي العمل الدؤوب لأجل تغيير الواقع في عالمهم الصغير «البراري» وقد أحرزوا نجاحات ساحقة في العديد من المجالات، وساهموا في تغيير الواقع الاجتماعي تغييراً نوعياً، وتشهد لهم في هذا المؤسسات التعليمية والاجتماعية التي نهضت وشمخت بجهدهم، وكان آخرها دار الفتيات التي كان خلف تأسيسها الاتحاد النسائي، ومع جهد مقدر من بعض رجالات بري المحس. وقد كانت هذه الدار خلية تموج بالنشاط مثل محو الأمية الذي كلفت به الحاجة سكينة، إضافة الى قاعات التطريز والتدبير المنزلي وغيرها.
هذه النجاحات العظيمة أهلت دائرة البراري لتقدم أعظم هدية للحزب الشيوعي السوداني، ألا وهى فوز مرشحه في الانتخابات، وكما هو معروف فقد فاز مرشح الحزب الشيوعي السوداني في الانتخابات التكميلية التي جرت في نهاية الستينيات بعد وفاة نائب الدائرة الاتحادي محمد أحمد المرضي، وتلك كانت من المرات النادرة التي يفوز فيها مرشح الحزب الشيوعي في دائرة جغرافية، وأين؟ في العاصمة. وبعد ذلك فاز الشهيد عبد الخالق محجوب في دائرة أم درمان الجنوبية، ثم الراحل عز الدين علي عامر في دائرة الخرطوم، ومحمد ابراهيم نقد في دائرة الديوم في آخر انتخابات ديمقراطية. ومن المعروف أن مرشح الحزب الشيوعي عن دائرة البراري فاز بأصوات النساء، وكان للحاجة سكينة مع غيرها من المناضلات القدح المعلى في هذا الصدد.
كذلك تميزت الحاجة سكينة بحس إنساني شفيف، مما أكسبها حب كل من تعرف عليها، وكانت تحترم الضعف الانساني وتساعد في التغلب عليه، ضعف الزميل م. ب وصار متعاوناً مع جهاز الأمن المايوي، فما كان منا جميعاً الا أن نبذناه وسعينا لأن نفتك به أو على الأقل نعزله، وحدها ظلت على ودها معه إحساساً منها بأن كل إنسان قد يضعف في لحظة ما، وكان لسلوكها النبيل معه أثر في تماسكه وتوقفه عن التعاون مع جهاز الأمن وهجرته لخارج البلاد.
لم تكن تدع فرصة للنضال تفوتها، وكانت جسورة في إبداء رأيها، وما أكثر المرات التي شاركت فيها في المظاهرات والمسيرات، على سبيل المثال شاركت نساء حلفا في المظاهرة المشهورة التي خلدها التاريخ، حيث خرجت نساء حلفا في مسيرة جابت شوارع الخرطوم يرتدين «الجرجار» زيهن التقليدي، كان ذلك في عام 1959م احتجاجاً على اتفاقية مياه النيل التي وقعها عبود مع عبد الناصر، والتي قضت بتهجير أهالي حلفا الى خشم القربة، كانت كل نساء المسيرة أو جلهن من منطقة حلفا، عدا سيدة واحدة اختفت ملامحها وشلوخها في الجرجار، ولم تكن هى سوى سكينة عالم.

Post: #236
Title: Re: بـُــري
Author: Ahmed musa
Date: 07-09-2008, 02:11 PM
Parent: #1

Quote: احمد موسي الفنان والمحامي هو من الجيل الذي مثل لنا غدوة حيث كنا نتلمس طريقهم , كان احمد موسي من الذين وهبهم الله ( تشكيلة ) من المواهب الفذة فقد كان ( حريفا) في كرة القدم حيث وهبه الله خاصية اللعب برجله اليسرى , كان من الذين يمتعون ابصارنا ونحن نشاهدهم في ميدان رابطة ناصر حيث يحلو له ان يفعل بمهاراته الافاعيل في كرة القدم هو من حرفائها الذين لو واصلوا خلفها لكان اسما لامعا في سماء انديتها الكبري في السودان فحرفنته ليست اقل من سكسك وفايز نصر الدين وغيرهم من حرفاء الكرة . بالاضافة الي ذلك كان خطاطا بارعا وهو مشهور بهذا الضرب من الابداع منذ صغره بالاضافة الي انه من وهبهم الله موهبة التمثيل ويشهد له تلفزيون السودن بالكثير من الاعمال الدرامية , اضف الي ذلك انه خطيبا مفوها محنكا وهذا يشهد له به الان مهنته في المحاماة حيث صقل تلك الموهبة الي مهنة احترافية كان مهموم بقضايا حيه حيث كان العضو الاصغر علي الاطلاق في لجنة الحي والتعاون وغيرها من المرافق الخدمية الذين وقفوا لخدمة المنطقة بتجرد ونكران ذات . شقيقه الاصغر الذي كان صنونا ورفيق دربنا في طفولتنا وصبانا وبدايات شبابنا ( الشهيد معمر) والذي كان امتدادا لهذه الاسرة الرائعة العصامية من الابناء الناجحين كان لنا مع شقيقه هذا جولات وصولات في نشأتنا نسال الله له القبول والرحمة ذلك الفتي الذي قدمته هذه الاسرة الابيه لهذا السودان بطلا نشهد له بالرجولة والفضيلة والعزة .
لله دركم يا ابناء موسي اولاد تلك النخلة الباسقة التي تجد بعض منها هنا Re: حكاية حبيبتي {زوجتي} الصديقة

أساسي أحاول دوماً بهذه المنابر ألا تُدمِع عيناي فأفشل ... وهنا الآن واحدة من حالات الفشل ... ليست أدمع فرح بل أدمع فخر بأعين أراها كثيراً ما تنظر بناحيتنا ولكن تفاجئني حيناً بزوايا ما كان لي أن أتوقعها ... وسأعود معك لبُــــــري علنا نفعل شيئاً .......
يازول .... اددخلتني كلماتك بحيرة أحاسيس تتناوشني من حين لآخر ... وأل شيخ الدين لهم عِندنا نحن قبيلة الموهومون بحِب الفن مكانة خاصة ... فشعرت لأيام عُدة بفخر لقائي معكم ووأخويمحمد عادل واستعيد بيني وبين نفسي تلكم الأيام .... لكم الشُكر اطناناً واطنان
Post: #237
Title: Re: بـُــري
Author: يازولyazoalيازول
Date: 07-09-2008, 03:45 PM
Parent: #236

شكراً جزيلاً أخى أحمد موسى ، والمفاجأة أننى الآن فى الخرطوم أتوق لرؤيتك ورؤية أهلى فى برى هل من سبيل؟؟؟؟
Post: #238
Title: Re: بـُــري
Author: محمد أبوالعزائم أبوالريش
Date: 07-12-2008, 10:40 PM
Parent: #1

نأسف للإنقطاع الحصل الأيام الفاتت ..

كل البورداب في الدوحة كان عندهم مشكلة دخول لموقع سودانيز أونلاين ... ويظهر إنها إتحلت (قولوا إنشاءالله) ..


و ...... نواصل
Post: #239
Title: Re: بـُــري
Author: Mekki M Alhassan
Date: 07-13-2008, 10:30 PM
Parent: #238

مداخلتي الاخوة ماضي أبوالعزائم ومحمد ابوالعزائم
عن سكينة عالم والمقالة للدكتور محمد المهدي بشري عن الراحلة
سكينة عالم ...
استدعت من الذاكرة بعض من مسيرتها العطرة رحمها الله واسكنها فسيح جناته مع الصديقين والشهداء وحسن اولئك رفيقاً..

كانت للراحلة دروس في الفقة والسنة مع تحفيظ القرآن الكريم للنساء ببري المحس تقيمها بمسجد بري المحس ( الفكي خوجلي ) العتيق ..كانت دروسها ما بين صلاتي المغرب والعشاء يومياً كانت جدتي لوالدتي رحمها الله الحاجة السارة أبوالقاسم أحمد هاشم تحضرها وتاتينا ونحن ابناء بناتها لكي نقرأ لها سورة ( كذا ..وكذا ) من القرآن الكريم وتطلب مننا تحفيظها السورة باعادة القراءة مرات عديدة وهي تردد خلفنا.. كان ذلك في نهاية السبعينيات وكانت جدتي تقول لي : السورة دي وصتنا حاجة سكينة عالم علي قرأتها أو حفظهالأن في فضلها ( كذا وكذا ) كانت تسألني في ما درسته في حلقة الدرس التي تقيمها سكينة عالم فلا أجد ما اجيب الا الاستعانة بأحدي كتب التفاسير التي تزين مكتبة جدي ( الامين الفكي خوجلي ) ومن محمدة تلك الدروس الغير مباشرة مثلاً ( حفظت سورة يس ) من تلك القراءات ...لله درهن نساء يعرفون الله ويخشونه تعبداً ووورع..
ثم جاء زمان ( الانقاذ 1989 ) فجاء من بين فتيانهم من تناسب مع بيت من بيوت بري المحس ( ال قسومة ) وهو من شباب الجبهة الاسلامية المتشدد درس بمصر وجاء وسكن ببري المحس ..ولكرم اهل بري المحس الفياض ولحبهم المتسامح للدين سمحوا له بأن يؤم صلاتهم استحساناً لقراءته المجودة للقرآن ..الا أنه وفي ظنه بان أهل بري المحس غافلون عن انتماءه السياسي ... استباح منبر المسجد يبشر بنظام الانقاذ ..بل ذهب بعيداً في شطته وحاول جمع النساء لالقاء بعض الدروس عليهن مابين صلاتي المغرب والعشاء ..كان يحاول بذلك ابعادهن عن دروس الراحلة الحاجة سكينة عالم ..الا ان ذلك لم يستمر الا لفترة زمنية محدودة في اسبوعين وما لم يحتسبة بأن نساء بري المحس يحضرن تلك الدروس لان الراحلة سكينة عالم أختهن ووالدتهن وصاحبتهن ..فانكسرت شوكته منسحباً ..ثم رويداً سحب عنه السماح باعتلاء المنبر وخطبة الناس في يوم الجمعة..

كلمات كان لابد لي من الادلاء بها هنا.. والتحية للاخ ايمن عبد الرزاق ومحبتي للجميع
ونواصل
Post: #241
Title: Re: بـُــري
Author: حيدر امين
Date: 07-14-2008, 03:45 PM
Parent: #239

السلام عليكم نحن هنا ,

ياخوى لمن السمؤل ناس برى عرفوه بقى يمشى لناس مسجد سيده سنهورى و من الصف الاخير لمن بقى الامام وهو متزوج بنت العم الاستاذ عمر قسومه.

والله انا دخلت على طول فى الخط ,,, وقول شكرا ليكم اولاد برى واحباب ناس برى على الدعم والمساندة الى ان نلت الباسوورد اخيرا
Post: #240
Title: Re: بـُــري
Author: محمد أبوالعزائم أبوالريش
Date: 07-14-2008, 11:31 AM
Parent: #1

بشرى سارة ........

إنضمام حيدر أمين عبداللطيف لأعضاء منبر سودانيز أونلاين .....


تعالوا رحبوا بيهو هنا:

يا عالم يا هو ناس مسقط جوووووكم
Post: #242
Title: Re: بـُــري
Author: حيدر امين
Date: 07-14-2008, 04:00 PM
Parent: #1

Quote: ألاخ ماضي
أعرفك بنفسي
وأكيد بتعرفني
هدى محمد أبراهيم- بري المحس-بت خالك محمد ابراهيم أحمد)



الجد محمد ابراهيم احمد سليمان وزى ماقالت العمه هدى محمد ابراهيم لقب بالباشكاتب لانه حقيقة كان اول باشكاتب سودانى خريج كلية غردون التذكارية فى الزمن داك ( لزوم التنويه والذى منه)

اما عن فريق برى زمان فخلونا شويه نلملم الاوراق والذاكره
Post: #244
Title: Re: بـُــري
Author: محمد أبوالعزائم أبوالريش
Date: 07-15-2008, 10:24 AM
Parent: #1

Quote: اما عن فريق برى زمان فخلونا شويه نلملم الاوراق والذاكره


طبعاً من بداية البوست الموضوع ده منتظرينك بيهو ........ أبقى داخل
Post: #245
Title: Re: بـُــري
Author: محمد أبوالعزائم أبوالريش
Date: 07-15-2008, 11:39 PM
Parent: #1

حيدر ... ماضي .... أهلنا في بري اللاماب والدرايسة وناصر و.............

هل أغفلنا الحديث عن ظرفاء بري؟

هم كثيرين .. وقد جاء الحديث عابراً عن عبدالله لوفت ...... وهناك المرحوم محمد كرم الله (كريمو) .... والأساذ الكبير المرحوم مصطفى (بوستي) .... وهناك الكثيرين ...... تعالوا نتذكرهم هنا.
Post: #246
Title: Re: بـُــري
Author: Mekki M Alhassan
Date: 07-17-2008, 08:06 AM
Parent: #245

السلام عليكم
اها وكما طلب الاخ محمد ابو العزائم ابو الريش ( قصص الظرفاء من البراري ) ..
كان المرحوم مصطفي حسن ( بوستي ) رئيسا لشعبة العلوم وكبير مدرسي الكيمياء بمدرسة الخرطوم الثانوية القديمة للبنين .. للراحل طريقته في تعليم الكيمياء ( للدارسين النطاق العلمي ) .. كان يدرس طلاب السنة الثالثة ( علمي ) لم يدرسني شخصياً ولكنه ( رحمه الله ) درسنا حصة كيمياء لغياب طارئ لمدرس الكيمياء ونحن في السنة الأولي بالخرطوم الثانوية القديمة .. كانت الحصة عن ( الروابط التساهمية بين الذرات ) جاءنا في المعمل شارحاً للرابطة التساهمية ( بين جزيئ الهيدروجين والاوكسجين H20 ) ولكي نشرح هذه الظرافة لابد من شرح مبسط لمكونات الذرات للعناصر حيث تساهم كل ذرة مع الاخري لتكوين مركب آخر بما يسمي ( بالالكترون ) .. أعزروني فالشرح هنا ( أكاديمي ) قال لنا : دي زي الاغنية بتاعت زيدان ابراهيم : يعني ذرة الهيدروجين بتقول لي ذرة الاوكسجين .. ( أدونا فندكم ندق ونديكم.. تدقوا تدونا ) لا أعتقد بأن من درس علي يد المرحوم مصطفي حسن ( بوستي ) قد نسي أساسيات علم الكيمياء.. رحمه الله

عمنا التوم سري ( جلك ) صاحب القنابل العنقودية كم سمها الاخ ود العبيد كان من ولا زال من الظرفاء في بري ..
قال التوم جلك وهو يحجينا ..بأنه عندما كان مغترباً في ليبيا ( اغترب في فترة السبعينيات حتي أوائل الثمانينيات )بانه عندما كان يعمل في المزرعة في ليبيا فاذا بابنة صاحب المذرعة تغازلة وهو يقود ( التراكتور ) في حراثة المزرعة .. قلنا له وكيف كان ذلك قاذا به يقول : لقد كانت تقف خلف ( التركتور ) مباشرة .. قلنا له وكيف لك ان تراها وهي في خلف ( التراكتور ) تغازلك ؟ قال لنا : ما كنت شايفها في مراية ( التراكتور ) ..
لمن لم يفهمها ... ( التراكتور ) سيارة مكشوفة الغظاء.. ما عندوا مراية لتنظر فيها للخلف!
Post: #247
Title: Re: بـُــري
Author: حيدر امين
Date: 07-17-2008, 12:18 PM
Parent: #246

في ربوع دول المهجر ينتشر الكثير من أبناء الشعب السوداني الذين يقدمون عصارة خبراتهم وجهدهم من أجل بناء مسيرة هذه الدول، ويعملون بكل جد وتفاني من أجل إعلاء اسم السودان...... ومن بين هذا الكم الهائل يوجد عدد لا بأس به من الرياضيين الذين عطروا الميادين الرياضية المختلفة سواء كانوا لاعبين أو مدربين أو إداريين أو حتى في المجال الإعلامي.
ويعمل بين ظهرانينا هنا في سلطنة عمان كم مقدر من هذه الخبرات سأحاول إن شاء الله أن التقى بهم في دردشات سريعة كي نقلب في صفحات دفاتر حياتهم عسى أن تعم الفائدة من وراء ذلك.
وبداية هذه اللقاءات كانت مع واحد من عمالقة الزمن الذهبي الذين عاصروا أمجاد الكرة السودانية وسطروا له تاريخا بين الأمم......هو من أبناء شندي قرية سارديه ، جاء إلي العاصمة الخرطوم حاملا موهبته التي صقلت في روابط بري المحس بفريق العهد الجديد ومن ثم في فريق بري العملاق الذي كان في ذلك الوقت بعبعا مخيفا لأندية القمة السودانية الهلال والمريخ ...وكان يشكل مربعا ذهبيا مع الناديين الكبيرين، ونادي الموردة العملاق.
لعب مع حسبو الكبير وسيد الزبير وشمس الدين ميرغنى وبكرى بخيت ودنقلو وفيصل الدكوم وحسين فضل وحسبو الصغير وترانزيستور (فضل السيد) وأحمد قسم السيد وعبدالكافى وعكاشة صالح وغازى السر.
انه اللاعب السابق والمدرب الحالي على الزبير عبد الباقي الشهير ب(الكوتش) الذي لعب بفريق بري لمدة خمسة عشر عاما .....وعندما سألناه عن قصته مع الكورة قال....مثلي مثل بقية اللاعبين بدأت بالحواري وانتقلت إلى الروابط ومن ثم إلي نادي بري العملاق الذي جلست على دكة احتياطييه مدة عامين على التوالي إلى أن جاءني الدور ولعبت فيه لمدة ثلاثة عشر عاما متواصلة ومن دون انقطاع كلاعب أساسي في وظيفة الباك.
لقد زاملت عدد كبير من عمالقة الكرة السودانية أمثال عبد الكافي وحسبو الصغير وحسبو الكبير وابراهيم كبير وتم إختيارى في منتخب الفريق القومي في موسم 1965م وكان وقتها مدرب الفريق اليوغسلافى كوتسيف ومساعد المدرب المختار من لجنة التدريب المركزيه ومدرب فريق برى فى ذلك الوقت امين عبداللطيف ووقتها لعبنا فى الدورة العربيه الرابعة بالقاهرة وتغلبنا على اليمن (يسمى فريق لحج فى ذلك الزمان) 15/0 وفريق عمان 9/0 ثم لعبنا النهائى مع مصر وانتهت بالتعادل وآل الكاس الى مصر بالقرعه ,علما بأن لاعبى المريخ لم يشاركو لخلاف مع اتحاد الكره ومرة ثانية في موسم 1969م مع فطاحله الكرة السودانية وهم: أمين زكى وعبدا لعزيز عبدا لله وجيمس والسر كاو ندا ونجم الدين وجكسا والدحيش والاسيد وبشرى وهبة وبشارة وأبكر مدني وسانتو الكبير وحسبو الصغير وعوض كوكا.
ويضيف قائلا لقد استطعنا في عام 1961 – 1962م الصعود بفريق بري إلي الدرجة الأولى وأصبحت بري في فترة وجيزة واحدة من الفرق التي يعمل لها ألف حساب واستطعنا أن نحصل على كاس السودان ومثلنا السودان خارجيا موسم 1971-1972م ولعبنا ضد فريق قورماهيا ا لكينى وفزنا علية 1/0 في عقر داره إلا أن تخلف عدد كبير من لاعبينا الأساسيين في مباراة الرد تسبب في هزيمتنا 4/1 .

والبقية تاتى ( حيدر امين عبد اللطيف)
Post: #248
Title: Re: بـُــري
Author: حيدر امين
Date: 07-17-2008, 12:33 PM
Parent: #247

يذكر (البروفسير/ محمد إبراهيم أبوسليم) فى سفره القيم "تاريخ الخرطوم" أن المدينة كانت مقسمة إلي أحياء، من أهمها: حي الحكمدارية، وحي المسجد، والأحياء الشعبية التي كان يسكنها عامة الناس وقد احتلت اطراف المدينة.. ومن الأحياء الشعبية الشهيرة حى سلامة الباشا، وكان يقطنه الوافدون من جبال النوبة..
ومن أفقر الأحياء الشعبية بالمدينة حي (هبوب ضربانى)، ومن الأحياء الشعبية ايضاً (حى الكارة) و(حى الطوبجية)..
وقد احتل (حى الترس) -المنطقة الواقعة غربي شارع الحرية الحالى-، وقد أخذ اسمه من الجسر الذى اقيم جنوبه لحماية المدينة من فيضان النيل الأبيض.
وفى أقصى الشرق كان (حي بري المحس) وقد ظل هذا الحي فى مكانه طوال فترة الحكم التركي المصري واستمر كذلك طوال فترة المهدية (1885-1899)، الى أن أنتقل الى موضعه الحالى بالبراري فى سنة 1900.. وأقيمت فى مكانه ثكنات الجيش البريطاني فى الموضع الذى تشغله داخليات جامعة الخرطوم جوار مستشفى العيون.
Post: #249
Title: Re: بـُــري
Author: حيدر امين
Date: 07-17-2008, 12:48 PM
Parent: #248

وهو على سرير المرض .. وبعد أن ذهبت عنه قوته وبسالته التي عرف بها كلاعب .. قام اهلنا في نادي بري بتكريمه بشكل متواضع جداً .. وهو الذي يستحق ان يشارك السودان كله في تكريمه بالشكل اللائق به لانه اخلص لنادي بري وتفانى في سبيل اعلاء شأنه وضحى بالكثير من اجله وكان طوال حياته مثالاً يقتدي .. في كل شىء ذلك هو حسب الرسول مرحوم .. او حسبو الكبير كما كانوا يسمونه يوم صولاته وجولاته في ملاعب كرة القدم .. وهو يرتدي شعار نادي بري .. او شعار المنتخب الوطني وقد تشرفت بمعرفته وقتذاك وكان تماماً كما الاسد قوة وبسالة وسعدت بزمالته كلاعب في نادي بري .. لكنني عجزت ان اكون في مستواه او مستوى الذين لعبوا بجانبه سيد عريبي وشمس الدين ميرغني ومحمد خلف الله وقسم تراتزستر ودنقلو وحسين فضل ومحمد السماني وقريب الله عمر وفيصل الدكوم وبكري بخيت.
فتركت بري لالعب لفريق الاهلي الخرطوم الذي وجدت منه ترحيباً حاراً وافسح المجال لي واستطاع ان يقدمني كلاعب بين نجومه الكبار وقتها رمضان وسعد الفن وفاروق ومزمل وسنكيت والسر والفاتح وعلي الله جابو ودقلولة وعابدون.
ü وقد قلت من قبل ان بري كانت تلعب مرة مباراة دورية مع الموردة .. وقرر مدربها عمر عبد القادر كتور استبعاد حسبو الكبير من تشكيل الفريق لانه تخلف عن بعض التمارين فثار رئيس نادي بري يومها المرحوم الحاج الطيب شيخ ادريس واعلن احتجاجه وقال للمدرب بوسعك ان تشطب خمسة من لاعبي فريقك وتدخل في مكانهم حسبو الكبير.
ان امثال حسبو الكبير قليلون جداً وهو كلاعب كان يقاس مستواه وخلقه وسلوكه واخلاصه وتفانيه بمعيار الذهب .. وهو بكل المقاييس يعد واحدا من نجوم القرن .. على مستوى قارة افريقيا كلها وليس السودان وحده فحسب .. وان كان بعض اهله في بري وعلى رأسهم قدامي اللاعبين قد قاموا بتكريمه .. فان حسبو الكبير يستحق التكريم من الدولة .. لانه رمز بارز من رموز البراري..
فاذا ذكر حسبو الكبير تذكرنا كلنا بري تماماً بمثل ما كان يذكر لبودي فنتذكر عطبرة ويذكر عبد المحمود فنتذكر شندي ويذكر سانتو وحموري فنتذكر مدني ويذكر حمدو وعبد الله اوهاج فنتذكر بورتسودان ويذكر جكسا وصديق منزول ومصطفى النقر فنتذكر الهلال ويذكر ماجد وجقدول فنتذكر المريخ ويذكر ود الزبير والمحينة وختم وعمر التوم فنتذكر الموردة.
التحية الحارة للاعب الكبير حسبو مرحوم والشكر له على كل ما قدمه في الميادين ونرجو له الصحة والعافية.
وارجو ان اقولها من جديد .. انني اعد نفسي واحداً من ابناء بري .. فقد قضيت بينهم في بري الدرايسة اياماً لا تنسى كانوا فيها كلهم نعم الاخوة ونعم الاصدقاء وللعلم فان حسبو الصغير وكافينول وبكري بخيت اصغر مني سناً وان كانوا قد استطاعوا ان يصبحوا اعلى مني شأناً ومكانا في ميادين كرة القدم .. فلهم التحية كلهم واطيب الامنيات لفريقهم بري الذي ما يزال يعاني من الخلافات والصراعات لان اهلنا في بري اعتادوا ان يختلفوا ويتفقوا ثم يختلفوا من جديد دون ذكر الاسباب والدوافع للاختلاف وبهذه المناسبة اذكر ان احد ابناء بري في الماضي كان مختلفاً مع مجلس ادارة النادي وعندما انعقدت الجمعية العمومية ارادوا ان يرتاحوا من مشاكله فاقترح عليه البعض ان يتم ترشيحه لعضوية مجلس الادارة فاعتذر .. لانه كما قال يقف في المعارضة (الكلام منقول عن الصحفى ابو شنب)
Post: #250
Title: Re: بـُــري
Author: حيدر امين
Date: 07-17-2008, 08:51 PM
Parent: #249

كتب هشام شيخ الدين


Quote: عبدالكافى
النور عبدالقادر
نصر الدين حبيب (يرحمه الله)
الهادى ابو الناس
الهادى الحلبى
الهادى النور (يرحمه الله)
ناس العجب ، فى برى المحس
ونسيبهم المرحوم ضابط السجن
وناس التاج جيرانهم
وبى غادى ناس حريز


وينك اخى هشام يعنى كراعنا حاره ولا شنو ؟؟ حبيت اضيف ليك ,,,,ناس العجب نسيبهم ضابط السجون المرحوم سليمان على قسم الله ووالده المرحوم على قسم الله اشهر ناظر لمدسة برى المحس الاوليه وخرج العديد مم الاجيال اما جارهم تاج السر الشيخ ارباب فهو زوجة ابنتهم و شقيق عضو المنبر محمد الشيخ ارباب وابن خالة الاخوان ماضى ومحمد ابوالعزائم و محدثكم,, بالمناسبة انشاء الله تكون لميت فى هندى
Post: #251
Title: Re: بـُــري
Author: حيدر امين
Date: 07-19-2008, 10:07 PM
Parent: #250

فرق البرارى

فى برى المحس كان فريق التعاون وميدانه كان مكان مثلث التقاء الشارع القادم من كبرى كوبر والاخر من شارع الطرف المتجه الى امتداد ناصر , وكان يلعب لهذا الفرق معظم اولاد الحى الساكنين غرب برى اى من المنطقة من فسحة نادى العجائز الان ( فسحة المدرسة زمان) الى شارع النص غربا , ومن شارع الطرف الى شارع النص جنوبا , وكان لهذا الفريق صولات وجولات فى روابط برى , ومن اشهر اللاعبين به فى حراسة المرمى المرحوم هشام حسن احمد , صلاح سليمان مضوى وكان من اخطر الاجنحه فى ذلك الزمان , و الدنقس , عثمان مصطفى حاج الامين "( جانكى والذى لعب لبرى فترة ) , جلال وعبد الرحمن حريز واخرين وكان للفريق نادى خاص به .
اما الفريق الاخر فهو فريق النجوم والذى يضم شباب الحى القاطنين من فسحة الجامع الى حدود مدرسة البنات الاوليه شرقا ومن الجامع الى شارع الطرف شمالا , وبقيادتة نور الدين ابراهيم خليل ( نورى ) وشقيقه مجى الدين فرتيت , عبدالله المبشر ( مويه) , بابكر الجرافى ( التقر ) ,الامين ابو سفه والعديد من ابناء الحى .
اما الفريق الثالث فهو فريق الجزائر والذى كان يضم 99% من لاعبيه ابناء الكنوز والذين كانوا يسكنون المنطقة من بعد منزل احمد البشير والد عصام وعثمان وحتى شارع الطرف فى مواجهة منزل ناس على كرم الله , وسبجان الله انتقل جميع هولاء من هذه المنطقة الى امتداد ناصر محطة سبعة وتقريبا بنفس ترتيب البيوت والفريق كان بقيادة الحكم جمعه ازرق واخوانه ( برجاس , نقراش ودودوه ) , خليل دعايه ,كما كان يلعب معهم قريبهم محمد ابو راس الذى لعب لفريق سارديه بشندى وكان حريف زمانه , واخوانه فواد والهادى الجالو ,
اما الفريق الاخر فهو فريق العاصفه الذى كان يشغل المنطقه جنوب مدرسة البنات الى ما وراء شارع النص جنوبا وشرقا حتى الشارع الفاصل ما بين المحس والدرايسه , ومن اشهر اعمدته عبد العظيم قسم السيد , اسامه مرحوم ,المرحوم نصر الدين حبيب فيصل االرشيد والكثيرين
ولا ننسى فريق النسر والذى كان يراسه الاستاذ عمر الهادى حاج الامين وبالرغم من ان الفريق كان معظم لاعبيه من برى الدرايسه والا ان اجتماعته والترتيبات للمباريات كانت تتم فى منزل عمر الهادى ولعب له معظم بناء برى المحس والدرايسه امثال يسن بانقا , نصر الدين حبيب , اسامه مرحوم . كاشف , وسعيد محمد مراد و حسين محمد مراد, كما لعب له المرحوم الطيار اسامه التجانى على( كان يسكن المحس منزل عمر ورشيد سليمان مضوى الحالى ) والذى انتقل منه الى فريق النيل. ولنا عوده
Post: #252
Title: Re: بـُــري
Author: Mekki M Alhassan
Date: 07-19-2008, 11:03 PM
Parent: #251

الاخ حيد امين
شكراً علي التوثيق ومتابعين
اراك قد نسيت ان تذكر ( ود الحاجة ) نسيت اسمه كاملاً والذي لعب حارساً لفريق التعاون ثم انتقل للعب بعدها في بري ومن ثم الهلال ..
كمااعتقد بأنك نسيت فريق اخر من فرق بري المحس تحديداً..
وهو فريق ديم سلك حيث كانوا يتمرنون في المنطقة التي بنت عليها مباني جامعة الرباط الحالية وكانت مسورة بسلك شائك من الكلاب البوليسية شرقاً وحتي حدود شارع المعرض ثم انتقلوا بعدها الي التمارين في منطقة قاردن سيتي الحالية ومن اشهر لاعبيه ( صلاح سلك ) الذي لعب للهلال العاصمي.
خالص مودتي وارجو تصويبي اذا اختلط علي الامر
Post: #253
Title: Re: بـُــري
Author: محمد أبوالعزائم أبوالريش
Date: 07-20-2008, 06:10 AM
Parent: #1

بنتابع يا حيدر .. وبندخل لما تجي في البنعرفه ...

Quote: اما جارهم تاج السر الشيخ ارباب فهو زوجة ابنتهم و شقيق عضو المنبر محمد الشيخ ارباب وابن خالة الاخوان ماضى ومحمد ابوالعزائم و محدثكم,,


بالمناسبة التاج عنده رغبة في دخول المنبر .. وعايزين نتفق منو يرشحه لبكري أبو بكر ...... رأيكم دام فضلكم
Post: #254
Title: Re: بـُــري
Author: ماضي ابو العزائم
Date: 07-20-2008, 10:40 AM
Parent: #253

يا ناس يا هوووووووووووووووو انا محجوز 15 يوم
وما قادر ادخل المنبر عشان مشكلة ناس الدوحة
اها الليله اتحلت و بجيكم بى رواقه.
وشايف حيدر امين إسرح و إمرح فى
مكانه الطبيعى..أهلا بيك حيدر
Post: #256
Title: Re: بـُــري
Author: حيدر امين
Date: 07-20-2008, 11:26 AM
Parent: #254

Quote: الاخ حيد امين
شكراً علي التوثيق ومتابعين
اراك قد نسيت ان تذكر ( ود الحاجة ) نسيت اسمه كاملاً والذي لعب حارساً لفريق التعاون ثم انتقل للعب بعدها في بري ومن ثم الهلال ..
كمااعتقد بأنك نسيت فريق اخر من فرق بري المحس تحديداً..
وهو فريق ديم سلك حيث كانوا يتمرنون في المنطقة التي بنت عليها مباني جامعة الرباط الحالية وكانت مسورة بسلك شائك من الكلاب البوليسية شرقاً وحتي حدود شارع المعرض ثم انتقلوا بعدها الي التمارين في منطقة قاردن سيتي الحالية ومن اشهر لاعبيه ( صلاح سلك ) الذي لعب للهلال العاصمي.
خالص مودتي وارجو تصويبي اذا اختلط علي الامر


اخى مكى هنا اختلط الامر كلامك ده عن الجيل الثالث من فريق التعاون والذى لعب له محد فضل الله ود الحاجه اما الجيل الثانى لفريق التعاون فهم اولاد دفعتى وكنا عبد القادر على قسم الله ,محمد العمارى ,مامون السيد عمر ( التقره) الشيخ ادريس ابراهيم ( توتو كوره ) ,حيدر امين , ابراهيم السيد عمر ,حنان , والمرحوم بله والكثيرون من ابناء الحى , اما فريق ديم سلك فيبدو انه كان يلعب فى ذات المكان الذى كان يلعب به فريق النجوم (منطقة قاردن سيتى ) بس ماقادر احدد الفترة ده واخاف اقول ليك يمكن فى بداية اغترابى بالسعوديه فى اوائل العام 1979 , وبالمناسبه فى فريق اخر لم اذكره وميدانه كان فى وسط الحل , شوف عند الباب الشرقى للجامع كانت توجد فسحه كبيره قبل زيادة مساحة مدرسة البنات الحاليه تمتد الفسح من الجامع غربا وحتى حدود الشارع شرقا يعنى وين بيت ناس عادل عبد القادر قسومه وبما يعرف بدكان حبيب سابقا ومن الناحية الشماليه دكان عمكم سراج , يلعب لهذا الفريق اولاد امنطق شرق الجامع امثال الفاتح الامين سعد (زرقو),صلاح محمد محمودوشقيقه مبارك , فيصل عبدالله العوض (سمبر), على عبدالعزيز, المرحوم عبدالوهاب محمد خوجلى, عادل قسومه, حبدر امين , وفى بعض الاحيان عاصم الرشيد حمد واخرون , وكان يسمى بفريق الدومات نسبة الى وجود ثلاثة اجزاع من شجر الدوم عند مدخل الجامع الشرقى والتى كان يجلس بجانبهم العصريه عم على بياع القش ( البرسيم )
لعلى اوضحت بعض النقاط
اهلا بيك ماضى وحمدلله على السلامهيلا خش فى الحته ده , القصة بقت ذكريات ساكت والله زمن
Post: #255
Title: Re: بـُــري
Author: محمد أبوالعزائم أبوالريش
Date: 07-20-2008, 11:22 AM
Parent: #1

Quote: اراك قد نسيت ان تذكر ( ود الحاجة ) نسيت اسمه كاملاً والذي لعب حارساً لفريق التعاون ثم انتقل للعب بعدها في بري ومن ثم الهلال ..


أظن المقصود هو عوض حسب الرسول
Post: #257
Title: Re: بـُــري
Author: Mekki M Alhassan
Date: 07-21-2008, 06:55 AM
Parent: #255

السلام عليكم أهل البراري جميعاً
تجدني اغني واقول ..
سمح الريد نساني ..
متين العودة تاني ..
محبوبتي رحلوها سكنوها البراري..

الاخ الاكبر حيد امين
Quote: اخى مكى هنا اختلط الامر كلامك ده عن الجيل الثالث من فريق التعاون


لقد صدقت والله اختلط علي الامر .. لك العتبي ومتابعين معاك هذا التاريخ المحكي والذي توثقة الان هنا لنا وللاجيال ..
ولكن اعتقد بأن الاسماء قد اختلطت عليك ايضاً فصوبها مشكوراً الاخ محمد ابو العزائم أبو الريش

Quote: Quote: اراك قد نسيت ان تذكر ( ود الحاجة ) نسيت اسمه كاملاً والذي لعب حارساً لفريق التعاون ثم انتقل للعب بعدها في بري ومن ثم الهلال ..



أظن المقصود هو عوض حسب الرسول


وهو الاسم الذي قصدته..شاكرين ومتابعين وعلي فكرة شجرة الدوم تلك ما زلت اذكرها .. كانت تقف شامخة بجوار البوابة الجنوبية لجامع بري المحس العريق مقابلة لمنزل ( المرحوم عوض الكريم ) .. كان ذلك قبل ان يتم حفر ( السيفون ) للمسجد وكانت تلك الفسحة ما بين مدرسة البنات الابتدائية والجامع أيضاً مكاناً للعبنا كرة القدم في الجيل الذي اعقبكم بسنوات ..

واصل هذا السرد الممتع للذكريات.. ونأسف للمقاطعة .. متعك الله بالعافية
Post: #258
Title: Re: بـُــري
Author: محمد أبوالعزائم أبوالريش
Date: 07-21-2008, 07:02 AM
Parent: #1

يا حيدر ما دام وصلت (الدومة)، وعمك "علي" بتاع البرسيم، ياخ ما تمشي شمال شوية، وتوصل لعمك عيسى بشير عليه رحمة الله، ودكان المشرف ومعالمه البارزة (بخيت وود بلاّل)
Post: #259
Title: Re: بـُــري
Author: حيدر امين
Date: 07-21-2008, 11:00 AM
Parent: #258

تعرف يا محمد هو صاح عوض حسب الرسول لكن محمد فضل ده منو؟؟؟ فى حاجه كده طشاش طشاش ,, طبعا المرحوم عمنا عيسى بشير والد الدفعه عثمان عيسى كان الترزى الوحيد المعترف به فى المحس والما خيط جلابيه عنده مالبس ,, اما رموز برى الاخرى زى ماقلت ودبلال الرجل النسابه والذى يعرف كل صغير او كبير فى برى ومن غير ماتقول ليه انت منو ولا ود منو اجيب اصلك وفصلك موزونفى بقصيده , وسبحان الله عمى بخيت بالرغم من انه مابشوف ولكن يشق الطريق احسن من المفتحين ,, وبيغادى عمك عبداللطيف تسالى وهو يحمل قفة التسالى او صينية السمك الساعة 12 بالطهر صائحا مك مك مقلى يا سمك , او عندما يحضر لصلاة الظهر عمك حمدو الاف وهو يحمل الابريق والعصاية, مناظر كانت مألوفه وروتينيه نشاهدها كل يوم وخصوصا فى الاجازات, وماتنسى ريحة الطين لمن العاقب يجهز فى المونه يبنى جزء من حائط فى ركن من اركان برى عمركم شفتوا ليكم زول ببنى وهو قاعد فى الواطه؟؟؟؟ ده العاقب ,,, ياخى ده كانت ايام عجيبه,, والناس معروفه جماعة بتاعين البلى الصباحيه وناس ام الحفر فى طل الجامع اما ناس النبله والطير ديل بمشوا لغاية الديش زى ما بقولوا وهى المنطقة مابين كوبرى كوبر الى حدود مدرسة الخرطوم التجارية وطبعا حسع بقت صالة المعلم وما عارف شنو ,, شكرا اخى مكى لمداخلتك والتصحيح,, ماضى ماتدخل شويه والله انا نفسى قام

الحلقة الجاية نشوف ناس الللاماب وانت جاى
Post: #260
Title: Re: بـُــري
Author: ماضي ابو العزائم
Date: 07-21-2008, 11:18 AM
Parent: #259

شد الترس يا حيدر.. من بعد الخميس بفضى و أتفرغ ليك
Post: #262
Title: Re: بـُــري
Author: حيدر امين
Date: 07-21-2008, 12:03 PM
Parent: #260

طيب ,, لكن وين باقى الناس ,, اساسى, ايمن الطيب , محمد يسن الخليفه ( ده انا عايز الم فيه بعد ما بقيت رسمى ) , احمد العمار , خالد العبيد , عاصم المشرف و هشام شيخ الدين ,,, عايزين كلام عن باقى البرارى وممكن نعمل مداخلات بعدها يمكن تذكير ولا تصحيح او تامين
Post: #261
Title: Re: بـُــري
Author: محمد أبوالعزائم أبوالريش
Date: 07-21-2008, 11:36 AM
Parent: #1

الشخصيات النمطية زي ود بلاّل وبخيت بيسوقونا كمان لي (الله معانا) وراكوبتها بتاعة السلطة والخضار، والسوق القديم في فسحة الجامع (عمك أو "جدك" عبدالوهاب، والمبارك وسلعه الرائجة من نبق وقنقليز ودوم، وعمّك مرحوم وفوله الذي لا يُعلى عليه).

كمان شايفك ذكرت "حمدو آلاف"، ونسيت "الشريف عنطوز"


------ يا جماعة مش قلنا ليكم بري دي قرية وسط المدينة؟ --------
Post: #263
Title: Re: بـُــري
Author: حيدر امين
Date: 07-21-2008, 10:28 PM
Parent: #261

طيب عشان الباقين ما يزعلوا ويقولوا كترنا الكلام عن المحس , نعرج بيكم لبرى الشريف و طبعا ديل عندنا معاهم علاقات اسريه وصداقات قويه وهم معانا دائما فى حالة زعل , ومالى لحاجه بس الصباح ونحنا ماشين للمدارس بنركب البص الجاى من الخرطوم ونصل معاه اخر محطه فى برى اللاماب ( ابونيه) وفى الغالب لمن يصل اللاماب بكون مليان فل لدرجة ان السائق بلف الصينية ويرجع الى الخرطوم من دون اى راكب من محطات اللاماب الثلاثة .
فى برى الشريف وفى المنطقة الشرقيه اى شرق محطة البص الاخيرة سيكون كلامى ... نجد هناك الساحة قدام الموقف وعلى يمينها الجامع وشرق الجامع مباشرة منازل الاخوان عماد عوض احمد صديق واخوانه الفاتح , بابكر و محمد ثم المرحوم عصام الخضر و امير الخضر, عصام مبارك حبيب الله واخوانه اسامه وطارق , محى الدين عبد الباقى, عبدالرحمن ويوسف , عبدالله ابوقرون وراشد والفكى وعادل, جمبل القمر وربيع القمر , صديق يوسف الحلو وعثمان يوسف الحلو , الامين عبدالرحيم الحلو, نصرالدين وعادل ابوزيد, الامين المهدى والهندى البشير, هاشم العمده لاعب وادى النيل ثم النيل وعصام العمده لاعب وادى النيل, واخونا قريب الله والذى مااناديه الا باسم امه ود الحتيته بت الامين لاعب وادى النيل مامون مبارك (الجالونه) وميرغنى مبارك لعب لوادى النيل ثم النيل , نجيب احمد محمد يوسف, حمرى , نجيب حماد لاعب وادى النيل ثم مدافعا لبرى , الاستاذ محمد مصطفى عبدالرجمن واظنه درس الكثرين منكم بمدرسة المحس وفى موقعها الحالى وعبدالحميد كبع والزبير مصطفى, عاصم عبد الرحيم , ازهرى البلال الطيب , محمد عبدالله حاج بابكر ( صبرى), منير, بابكر الرشيد( صاحب اول محل سمك فى شارع اوماك ) , ولا ننسى فى المشية عبدالستار عبدالرحمن امين وشقبقه عمر ووالدهم صاحب الفرن المشهور فى المنشيه وفى مواجهة محطة البنزين التى كانت , كل المذكورون كانوا نواة فريق اسبورتنج وميدان الفريق كان جوار منزل نجيب احمد من الناحية الشمالية غربه يقع بيت ناس هاشم العمده ومامون مبارك ويحده من جهة الجنوب ساحة ما قبل المقابر اما من ناحية الشرق فكان مشروع مدارس قرنفلى على الورق .
ومعظم من لعب لهذا الفريق وانا منهم الوحبد من المحس التقوا مرة اخرى بمدينة الرياض فى السعوديه عام 1981 وكونوا فريق برى يراسه عبدالله ابوقرون ونائبه حبدر امين والسكرتير كمال صديق عبد اللطيف ومدرب الفريق على حمد ابوزيد ومدير الكرة عبد العظيم قسم السيد, واستطاعوا ان يفوزوا بكاس دورى الجالية السودانية عام 1984 بعد تغلبهم على فريق الثغر بورسودان بثلاثة اهداف من نصيب ابن برى المرحوم اسامة الطيب العاقب , وابن امدرمان محمد يوسف فاس , ووقتها كتب بجريدة الايام الاستاذ الحاج المشرف ابناء برى فى الغربه حققوا مالم يستطيع تحقيقه الكبار فى الخرطوم , ولحسم الحظ كان من نصيب الفائز كاس البطوله ودرع الامير عبدالحمن بن سعود رحمه الله والمقدم على شرف البطوله الامر الذى اخرجنا من ورطة مع اولاد اللاماب اذ اننا من البداية اقنعناهم بان يكون شعار الفريق شعار فريق برى اللون الازرق وكانوا يصرون على شعار وادى النيل ( الاحمر) وحسما للجدل قلت ليهم بالله عليكم تخيلوا نفسكم فى موقف الباصات بميدان الامم المتحده وواحد قال البص ده ماشى وين بتقول شنو ابوقرون رد قائلا ماشى برى ( بنهره) قلت ليه وطيب ... وعندها فهم الموضوع بس اصر اى كاس يمشى دار وادى النيل , كم الفرحه الجماعة استلموا الكاس وهاك يا صور واخوكم براح استلم الدرع بصفته نائب الرئيس وجرى للعربيه خارج ملعب الملز والدرع تحت مقعد السائق ما طلع الا فى اجازة عيد الاضحى وانا ماشى عبى المطار قلت الكاس كاسكم لكن الدرع ده بمشى وين غير نادى برى وقد كان قمت بتسليمه الى المرحوم بدر الدين هاشم والمرحوم بابكر الهادى حاج الامين ومعه شريط فديو للمباراة , فى حضور عدد من اعضاء ولاعبى النادى. ومازال بناء البرارى فى الرياض يمثلون الفريق ومعظم لاعبيه من برى اللاماب . كما كان لهم الفضل فى تكوين الفريق ,,,
اها ياناس اللاماب برضه محمبكين ولا خلاص.....
Post: #264
Title: Re: بـُــري
Author: Mohamed Yassin Khalifa
Date: 07-22-2008, 07:13 AM
Parent: #263





والله ياحيدر ليك وحشة...


وكل ما أجي ناطي ليك مرحب ومسلم عليك تحصل حاجة... وآخرها النور الإنقطع عندنا في بوسطن مساء الأحد لغاية صباح الأثنين... تقول نحنا عايشين في بغداد


وطبعا الجماعة مشغولين... أساسي فرحان بالمولود الجديد وهاشم في إجازة في السودان هسع يكون طارب الكتاحة ومرطب

أنا شايفك نازل متحالف مع أولاد أبو الريش... وشغال بهمة... بس أدينا فرصة نعرف فيها أخبارك المقطوعة... والظاهر إنك بقيت عماني كبير





مرحب بيك وبيك بري منورة
Post: #265
Title: Re: بـُــري
Author: حيدر امين
Date: 07-22-2008, 10:48 AM
Parent: #264

ايوه اخيرا جيت ما انا اصلو قصة ود منو ده شويه دخلت على , يلا مرحب بيكم واتمنى ان تواصلوا الكتابه عن البرارى , ياخى طبعا اولاد ابو الريش ديل اولاد خالتى لزم وبعدين لازم ندى المحس حقها وبعدين نمر على البرارى واهو بديت ليكم ببرى اللاماب وحقو ناسا يواصلوا ,,امكن كلامى شويه يكون قديم عليهم لكن ده البرارى زناس برى زمان ,, واصبروا شويه لمن نصل الدرايسه, واكيد الما اكل من باسطة اولاد الزبير فى بحرى ما اكل باسطه , ولى يوم الليله فى مناسباتنا فى المحس التحليه باسطة اولاد الزبير وبتكون صينيه او اثنين تحت العنقريب وناسا معروفين. ( ماهر سليمان مضوى, كمال صديق , ومضوى بابكر مضوى , واحمد صديق, وعادل امين ) ناس صعبين شديد . تحياتى للجميع
Post: #266
Title: Re: بـُــري
Author: محمَّد زين الشفيع أحمد
Date: 07-22-2008, 11:42 AM
Parent: #1

التَّحيَّةُ لكَ عزيز أساسي ولِبُرِّي وأهلِهَا

قاطبة ،

وكلّ الاحترام لأهلِ برِّي وامتداد

ناصر على وجهِ الخُصُوص ،

فلَدَيَّ أقاربي هُناك وقد مكثْتُ فيها

غير قليلٍ ( عام 92 م ) وباستمرارٍ أزورُها

قبلَ أنْ تأخُذَني مِنْ هناكَ أيادي الغربة،

فهُمُ نِعْم النَّاسُ ونعمَ الأهل ، فأهلُ برِّي كما علِمْتُهم

مُتكاتفينَ ومتداخلينَ أشدَّ التَّداخُلِ

فيما بينهم ،

أتيتُها مِنْ أرضِ الجزيرة وتفيَّأتُ

ظلالَهَا زمنًا ولا زلتُ أحِنُّ لها كثيرًا ،

وفي الرِّياضَةِ حدِّثْ ولا حَرَجَ فهُمْ

مُتَمَرِّسُونَ جدًّا في أنواعِ الرِّياضَةِ وبخاصَّةٍ

كُرَةِ القَدمْ ، فالتَّحيَّةُ لكُلِّ مَنْ لَعِبْتُ معهم وَتَعَلَّمْتُ

منهُمْ فُنُونَها واستفَدْتُ منْ خِبْرَاتِهِمْ كثيرًا أمثال / عاطف

الطُّوشي ، أبْراس، و مُصطفى الزين ، والعزيزان / أُسَامة الباع ،

و / محمَّد خاطر .. واللَّذَيْنِ كانا وكأنَّهُما يربطانِ الكُرَةَ في

أقدَامِهِما وحُرَفَاءَ فيها وفي ذُهُولٍ مَاتِعٍ جدّا

ونَحْنُ نُمارسُ السُّداسيَّ بميدانِ الثُّوَّارِ عَصْرًا

هذا الميدانُ الَّذي يُلاصِقُ منزلَ جَدِّي هُناك

( الزّين مُصطفى ) ..

والتَّحيَّةُ لكَ أخي أساسي لفتْحِكَ لهذهِ النَّافذةِ

الجميلةِ والرَّاقيةِ ونَحْنُ نستَظِلُّ بجمالِ

بُرِّي الوارفَةِ الظِّلالِ دائمًا وأبدًا ،

ولِنَرُدَّ لأهلِها وساكنيها بَعْضَ

دَيْنٍ علينا بذكراهم العطِرَة ..

تقبَّلْ وُجُوديَ الطَّفيفَ هذا

ولكَ الاحترامُ كُلُّهُ غيرَ مَنْقُوصٍ ،

ولِبُرِّي مَا لا أطيقُهُ حَمْلُهُ مِنْ لغةِ

الجمالْ ..

وعُذرًا إنِ اقتَحَمْتُ عليكَ

البوست باسترسالٍ ودونَ

استئذانْ ..



احترامي ...





أخوك / محمَّد زين ...
_________________
Post: #267
Title: Re: بـُــري
Author: حيدر امين
Date: 07-23-2008, 10:20 PM
Parent: #266

Quote: وطبعا الجماعة مشغولين... أساسي فرحان بالمولود الجديد وهاشم في إجازة في السودان هسع يكون طارب الكتاحة ومرطب


مبروك للاخ اساسى المولود مع انه الاسم مجهول بالنسبه لى ولكن اقول ليه ناس ال DHL عندهم اليومين ديل خدمة توصيل كوم اللحمه والكعك , الحاجه البارده لا , (زى ماقال الاستاذ محمد المرتضى ) , اما اخونا هشام اتمنى ليه اجازة هادئه وسط الكتاحه والرطوبه البقت اخر الزمن فى الخرطوم , ونحنا اجازاتنا فى عيد اللحمه .

محمد ابو العزائم اطلق صرخه لانضمام اخونا التاج الشيخ ارباب !!!!حصل شنو ؟؟؟اصلو نحنا لسه جداد.
Post: #270
Title: Re: بـُــري
Author: محمد الشيخ أرباب
Date: 07-26-2008, 11:33 AM
Parent: #267

يا حيدر اساسي هو السماني مبارك ساكنين جيرانا بالحيطه في امتداد ناصر وكانو في بري الدرايسة البيوت الفاتحة على المعرض جوار ناس يوسف عبدالدافع . ووالده المرحوم مبارك السماني من اقطاب

نادي المريخ يا الله المرحوم مبارك السماني ده بوست بري ما بيسعه.

المرحوم مبارك السماني هو الرجل البتجد اجماع كل الناس في حبه كان يحب النكته كان انسانا مرهف الاحاسيس لا اجد وصفا يناسبه الا قصيدة ادريس جماع:

هينا تستخفه بسمة الطفل

قويا يصارع اجيال

حاسر الراس عند كل جمالا

مستشفا من كل شئ جمالا

****************************

يا الله قلت ليك البوست ده لايسعه
Post: #268
Title: Re: بـُــري
Author: محمد أبوالعزائم أبوالريش
Date: 07-24-2008, 08:55 AM
Parent: #1

لحين عودة ...

أصلو نحن في الدوحة اليومين ديل عندنا مشكلة دخول للموقع ..

ربك يسهّل
Post: #269
Title: Re: بـُــري
Author: حيدر امين
Date: 07-26-2008, 07:51 AM
Parent: #268

Quote: اكثر ايام لقاءتنا كانت في حوش سري
وشلتنا تتكون من :
مختار حسن مختار " منجار"
شمس الدين محمد احمد " جنابو" او جقدول
محمد فريد الباقر سراج الدين " فريد ضيق "
ابراهيم موسى " لاعب حريف وزول خلوق ومهذب
هاشم سليمان "ودالدرايسة العكليت "
ناصر حسن البداني " كان شاطر خلاص الاول الاول الاول ، لمن يعقد


ود العبيد

امس كنت فى زيارة لابوظبى ودبى وفى جلسه ضمت الاخ محمد امين عبداللطيف ومحمد حسن البدانى اتصلنا باخونا ناصر البدانى وهو الان فى السودان نهائى وسنرسل لك تلفوناته هناك
Post: #271
Title: Re: بـُــري
Author: خالد العبيد
Date: 07-26-2008, 11:45 AM
Parent: #1

سلام يا ودامين
وشق بي الكوم لي ناصر البداني وكل الشلة الجميلة
ده تلفوني ليكم ولي ناصر
0061402177588
Post: #272
Title: Re: بـُــري
Author: حيدر امين
Date: 07-27-2008, 08:41 PM
Parent: #271

[U]البرارى من كبرى كوبر الى برى الشريف زمان
برى المحس تضم اسماء معروف فى شتى المجالات: يعنى تلقى المرحوم د. سليمان مضوى اخصائى امراض النساء والولاده المعروف الذى شغل لفترة مدير مستشفى الخرطوم , المرحوم د. عثمان مضوى الاخصائى المعروف ايضا فى امراض النساء والولاده , والذى كان فى نفس الفترة مديرا لمستشفى امدرمان , ومن الاطباء المشهورين ايضا المرحوم د. خالد محمد الحاج اخصائى الاشعه , ونجد ايضا المرحوم د.ابراهيم عباس ابو الريش , والمرحوم د. ابوبكر الامين اخصائى القلب وطبيب الشيخ زائد فى ابوظبى لفترة من الزمن , ومن المهندسين المرحوم محمد مضوى , المرحوم ابو العزائم ابو الريش, المرحوم ابراهيم مضوى , كما نجد من اصحاب الفكر والثقافة ابو الصحف المرحوم احمد يوسف هاشم صاحب جريدة السودان الجديد ,والمرحوم محمد ابوالريش صاحب مطبوعة ومكتبة النهضه واحده من اشهر المكتبات فى الخرطوم والاخر المرحوم سيد مضوى صاحب اشهر مكتبة بمدينة مدنى حتى اليوم الا وهى مكتبة مضوى , وفى مجال الفقه والقضاء نجد المرحوم ابو القاسم احمد هاشم كاتب المهدى والخليفه التعايشى ثم قاضى النيل الازرق وشيخ العلماء والمرحوم الطيب احمد هاشم اول قاض للخرطوم ومفتى وقاضى قضاة السودان, وكذلك المرحوم محجوب عثمان اسحق قاضى القضاة والمرحوم القاضى مجذوب كمال الدين , والقاضى الشهير فى بورتسودان المرحوم مبارك المدنى, والقاضى الشرعى الشهير المرحوم حسن محمد بابكر والمعروف (بحسن البدانى) وفى مجال التعليم نجد المرحوم السنى ابو الريش ناظر وادى سيدنا والمرحوم احمد هاشم ابو القاسم , د. عبد القادر حسن الضو عميد معهد المعلمين العالى , الاستاذ صديق عبداللطيف وعمر الهادى والمرحوم بابكر الهادى, المرحوم حسن احمد االحاج , الاستاذ المرحوم مصطفى بوستى, اما فى مجال الفن فهنالك المخرج المسرحى المعروف المرحوم بدر الدين هاشم, المرحوم المصور السينمائى والمخرج كمال محمد ابراهيم , وكذلك فى مجال السياسة والعمل الادارى احمد حسن الضو رئيس ديوان القصر الجمهورى ايام حكم عبود ( ما يعرف بوزير شئون القصر الان ) , ابو القاسم هاشم عضو مجلس ثورة مايو ورئيس مجلس الشعب , ابو القاسم محمد ابراهيم عضو مجلس ثورة مايو ونائب رئيس الجمهورية , اللواء حيدر النور اسحق قائد اللواء العاشر بقناة السويس ايام حكم نميرى وهو الذى عاد بالقوات عند انقلاب هاشم العطاء , الشهيد اللواء مختار محمدين احمد سليمان , المرحوم على محمد ابراهيم (المحامى) و والده المرحوم محمد ابراهيم احمد سليمان ( اول باشكاتب فى السودان).

ياناس اعملوا اضافات من الدرايسه ابو حشيش والشريف امتداد ناصر
Post: #273
Title: Re: بـُــري
Author: محمد أبوالعزائم أبوالريش
Date: 07-28-2008, 06:34 AM
Parent: #1

يا حيدر
من رجالات التعليم المرحوم علي قسم الله، والمرحوم حسن أحمد الحاج، والمرحوم أبو زيد موسى صاحب الأيادي البيضاء في التعليم بالبراري، والذي عُرفت أول مدرسة وسطى للبنات في البراري باسمه.
Post: #274
Title: Re: بـُــري
Author: حيدر امين
Date: 07-28-2008, 04:01 PM
Parent: #273

Quote: الاستاذ صديق عبداللطيف وعمر الهادى والمرحوم بابكر الهادى, المرحوم حسن احمد االحاج , الاستاذ المرحوم مصطفى بوستى


المرحوم على قسم الله المرحوم ابوزيد موسى و واسف للسهوه ولا ننسى الاسم الاخر المرحوم على السيد وايضا المدرسة باسمه,

ما قلنا المحس كانت تقسم الى اربع : حلة فوق وهى من الجامع لاتجاه الجنوب وحلة تحت من الجامع فى اتجاه الشمال
اما فريق قدام فهو ايضا من الجامع الى الشرق والاخير فريق وراء من الجامع غربا , يعنى الجامع وفسحة المدرسة الاوليه ( النادى حاليا) كان المركز .
طبعا اكيد بكون فى اسم هنا وهناك فحقو الناس تبادر وتسجل الاسماءللتذكير و للتوثيق
Post: #275
Title: Re: بـُــري
Author: اساسي
Date: 07-28-2008, 04:13 PM
Parent: #274

حقيقة الاخ حيدر مكسبا حقيقيا للبوست ولبري , اضافات رائعة وجميلة , اتمني منك المواصلة , وشوية اطلع لينا وباقي الشباب من بري المحس شايفكم دقيتو خيمة وعسكرتوا فيها هاهاها
شكرا لكل الاضافات الجميلة التي تمت للبوست , وما تزال بري تذخر بالكثير المثير الذي نتوقع من الجميع المشاركة في كتابته هنا
يا اخوانا البوست ما حقي والله البوست لكل اهل بري
محمد الشيخ تحدثت عن عزيز واوفيت ساعود للكتابة عن الوالد المرحوم ان قدر الله لي ذلك وان استطعت الي ذلك سبيلا
التحية للجميع بدون فرز يا جماعة والزعل مرفوض
Post: #276
Title: Re: بـُــري
Author: Mekki M Alhassan
Date: 07-29-2008, 08:27 AM
Parent: #275

الاخ أساسي
Quote: حقيقة الاخ حيدر مكسبا حقيقيا للبوست ولبري , اضافات رائعة وجميلة , اتمني منك المواصلة , وشوية اطلع لينا وباقي الشباب من بري المحس شايفكم دقيتو خيمة وعسكرتوا فيها هاهاها
شكرا لكل الاضافات الجميلة التي تمت للبوست , وما تزال بري تذخر بالكثير المثير الذي نتوقع من الجميع المشاركة في كتابته هنا
يا اخوانا البوست ما حقي والله البوست لكل اهل بري
محمد الشيخ تحدثت عن عزيز واوفيت ساعود للكتابة عن الوالد المرحوم ان قدر الله لي ذلك وان استطعت الي ذلك سبيلا
التحية للجميع بدون فرز يا جماعة والزعل مرفوض


نحنا ( ناس بري المحس ) وكل ناس البراري وامتداداتها معاك في البوست ده ..بس شايف في ناس من بري خلوا البوست ده يغرق في الصفحات الاخيرة ..

بري كلها لي ناس الكورة ( حكمنا ) الدولي المرحوم ( علي قنديل ) ورجاء من الاخ الاكبر حيدر أمين ( كلاعب كورة قديم ) بعض من قفشاته فقد كان المرحوم ( قنديل ) حكماً دولياً و ( فنانا ) يجيد عزف العود ويمتلك موهبة ( الغناء )..كان صديقاً للفنان علي ابراهيم اللحو ( واللحو يسكن بري ( كوريا ) في زول فيكم بيعرف ليه سموها ( بكوريا ) ؟؟
خش يا حيدر أمين ..
Post: #277
Title: Re: بـُــري
Author: حيدر امين
Date: 07-29-2008, 01:17 PM
Parent: #276

Quote: نحنا ( ناس بري المحس ) وكل ناس البراري وامتداداتها معاك في البوست ده ..بس شايف في ناس من بري خلوا البوست ده يغرق في الصفحات الاخيرة ..

بري كلها لي ناس الكورة ( حكمنا ) الدولي المرحوم ( علي قنديل ) ورجاء من الاخ الاكبر حيدر أمين ( كلاعب كورة قديم ) بعض من قفشاته فقد كان المرحوم ( قنديل ) حكماً دولياً و ( فنانا ) يجيد عزف العود ويمتلك موهبة ( الغناء )..كان صديقاً للفنان علي ابراهيم اللحو ( واللحو يسكن بري ( كوريا ) في زول فيكم بيعرف ليه سموها ( بكوريا ) ؟؟
خش يا حيدر أمين ..


الحكم الدولى احمد قنديل عليه رحمة الله كان زى مابقول يجمع بين الكفر والوتر قنديل كان يعمل بسلطنة عمان خبير تحكيم باتحاد الكرة وقد تركها قبل قدومى لها بفترة بسيطه يعنى سنة تسعين او واحد وتسعين والبلد وقتها كانت يادوبك فى ايام النهضه وطبعا هو رجل ساخر الله يرحمه وعند وداعه فى المطار والناس حول وعدد من العمانين حكام ولاعبين واعضاء الاتحاد فاذا به وباعلى صوته يقول ليهم شوفوا ياناس عمان حاجتين احسن تبعدوا عنهم الكفر والوتر ,وللاسف فى الاثنين بقوا احسن مننا وهناك السر كردى وقد كان حكم وعازف ايقاع مع قنديل , فواد ايضا حكم ويغنى مع قنديل فى الحفلات , اما كوريا اعتقد والله اعلم سمى على الشركة الكوريه والتى قامت ببناء نادى كوريا تعبيرا عن الصداقة.
Post: #278
Title: Re: بـُــري
Author: محمد أبوالعزائم أبوالريش
Date: 07-30-2008, 08:55 AM
Parent: #1

Quote: اما كوريا اعتقد والله اعلم سمى على الشركة الكوريه والتى قامت ببناء نادى كوريا تعبيرا عن الصداقة.


على ما أعتقد أن تتويج صداقة كورية سودانية نتج عنها تسمية الحي، فقدّم الكوريون النادي هدية وعرفان
Post: #279
Title: Re: بـُــري
Author: يازولyazoalيازول
Date: 08-01-2008, 09:36 AM
Parent: #278

يا ناس برى انا فى بحرى الصبابى وعايز اشوفكم

أعمل شنو؟
Post: #280
Title: Re: بـُــري
Author: حيدر امين
Date: 08-01-2008, 08:10 PM
Parent: #279


والله بختك انت لسه فى السودان يازول تحياتنا للسودان وكل اهل السودان الطيبين

وفى مرور سريع متابعه للحديث عن البرارى ايضا عدد من رجال الاعلام والصحافه وزى ما قلنا منهم ابو الصحف احمد يوسف هاشم والحاج المشرف , ومن الشباب الان راشد عبدالرحيم اما الشخص الاخر ويمكن يكون مجهول لعدد كبير منكم و المتابعين لاذاعة ال بى بى سى يكون سمعوا البرنامج الفلانى او التحقيق العلانى من اعداد عمر الطيب.... عمر الطيب من اولاد برى المحس مهذب متواضع قابلته السنه الفاتت خلال اجازتى فى عيد الاضحى وكان اول لقاء بعد 25 او 30 سنه فالرجل والدته من برى ( عمتى.. بت الشامى ) اما والده من اضوبان ولشدة تواضعه لا يذكر اسمه بالكامل فوالده هو الخليفه الطيب الجد ود بدر ( خليفة ام ضوبان الحالى ) ,,

يلا يا جماعه مدونا بشوية معلومات
Post: #281
Title: Re: بـُــري
Author: يازولyazoalيازول
Date: 08-01-2008, 08:33 PM
Parent: #280

والله ياحيدر لسع فى السودان ولكنى غريب الأهل والديار خصوصا عندما أدخل الأماكن العريقة مثل برى

والله لقد مررت قبل يومين من أمام منزل النور عبدالقادر وكان جالسا فى كرسى أمام منزله وهو فى غفوة نهارية ولم يرضى مرافقى أن نزعجه ولم أستطع حتى السلام عليه فجرت من عينى دمعة ومن قلبى غصة لما أحدثه الزمن فى الناس

الحمد لله على كل حال
Post: #282
Title: Re: بـُــري
Author: حيدر امين
Date: 08-02-2008, 05:11 PM
Parent: #281

تصور ده حال الناس فى السودان يعنى لاعب زى النور عبدالقادر كان حارس لمرمى برى ومن قبله فريق النسر ومثل الفريق الاهلى السودانى فى زمانه بل وكان الكابتن فى يوم من الايام ,, يصل بيه الحال لكده والعجب حسبو الكبير وما عارف الحصل شنو لبكرى بخيت وحسبو الصغير ود الشايقى وبقية العقد الجميل داك بس ده السودان كده مابتذكروا الواحد ويكرموه الا بعد فوات الاوان,,, وللاسف,,,
Post: #283
Title: Re: بـُــري
Author: حيدر امين
Date: 08-03-2008, 05:36 PM
Parent: #282

وصلتنى رسالة من الاخ الحاج عبد الله فرج الله من شباب كورياوعقابو فى اللاماب ردا على رسالتى السابقه وتساؤلى عن النور عبدالقادر وبكرى بخيت , تصوروا ان خبر المؤسم كان زواج اللاعب بكرى بخيت قبل اسيوعين فى حفل حدث بنادى برى الرياضى والفنان على ابراهيم اللحو ,

شكرى اخى الحاج عبد الله وتحياتك وصلت للجميع عبر البوست وانشاالله فى تواصل دائم مع الافراح
Post: #284
Title: Re: بـُــري
Author: حيدر امين
Date: 08-06-2008, 04:05 PM
Parent: #283

وصلتنى الرساله التاليه من شقيقى محمد امين عبداللطيف ( ابوظبى ):

رسله للبوست بتاع بري وشوفوا لينا الراجل ده منو من بري

هاتوا الرجل السوداني ده

كان الزمان هوالعام 1957م ، كان موكب الرئيس الراحل جمال عبد الناصر يمر شاقاً شارع مصر والسودان ، فجأة صاح الزعيم عبد الناصر فيمن حوله من حرس ، وأشار :
ـ هاتوا الرجل السوداني ده ..
أحاط الحرس من رجال الرئيس برجل سوداني ـ نسبة إلي بلده السودان الشقيق ـ وكان يضع فوق رأسه عمامة كبيرة وينتعل خفاً بسيطاً ، وقد تناول طعامه تواً في أحد المطاعم الموجودة بالشارع ، يقول الرجل عن هذه اللحظات :
( فرغت من ـ ضرب ـ أي تناول صحن من الفول ـ المعتبرـ أي المعد جيداً بالدقة والشطة والطحينة مع ـ فحلين ـ بصل " بصلتين كبيرتين ـ وبينما كنت أسير في شارع مصر والسودان ، سمعت فجأة أصوات ـ الموتر ـ الموتوسيكلات تخترق الشارع في سرعة والناس تحتشد علي جانبي الطريق بإنتظار مرور موكب رسمي وكان موكب الرئيس جمال عبد الناصر ، وفي اللحظة التي اقتربت فيها من المكان ، توقف الموكب تماماً وأطل الرئيس جمال عبد الناصر من باب سيارته وقال لحرسه الخاص :
ـ هاتوا الرجل السوداني ده ..

ويكمل الأستاذ يوسف الشريف القصة في كتابه الشيق ( السودان وأهل السودان ـ دار الشروق ـ الطبعة الثانية ـ القاهرة 2004 م ) :
وعندما توجه الحرس المرافق للرئيس لإمساك بعم محمود السوداني كان ـ علي حد قوله ـ قد أصبح مثل الحرامي الذي تم القبض عليه متلبساً بجريمة سرقة لم يرتكبها ،أو جناية قتل ، أو لتنفيذ حكم صدر ضده غيابياً ، حاول الرجل الفرار أو نفي التهمة عن نفسه ، لكن الحرس قالوا له في رقة وأدب :
ـ متخافش .. الرئيس جمال عاوزك شخصياً ..
وعندما وصل الرجل إلي الرئيس تذكر صديقه الضابط جمال عبد الناصر الذي أصبح رئيساً لمصر .

ويكمل عم محمود السوداني قصته المثيرة ويحكي عن كرم عبد الناصر وحفاوته به عندما صافحه واحتضنه وقبّله أمام الجماهير واصطحبه معه في سيارته إلي منزله وراح يقدمه لأفراد عائلته بوصفه صديقاً قديماً وعزيزاً ، وعندما عرض عليه العمل معه في منزله اعتذر عم محمود لكبر سنه ولحاجة أسرته لوجوده بجانبها في السودان ..
وبعد هذا اللقاء ظلت العلاقة وثيقة بين الزعيم وبين الرجل البسيط ولم تنقطع رسائله إلي الزعيم الراحل الذي كان دائماً في خندق الفقراء والبسطاء ، والرجل يدعو له بالبركة والتوفيق ، كما كان الرجل يطلب من الرئيس حل مشكلة مواطنين سودانيين يقيمون في مصر أو إلحاق أحد من ذويهم للدراسة بالجامعة ..

وترجع قصة عم محمود وعلاقته بالزعيم جمال عبد الناصر ، أن عم محمود كان يعمل خفيراً في استراحة الري المصرية في السودان وقت أن كان الضابط جمال عبد الناصر في السودان ، وتذكر كم كان الضابط جمال عبد الناصر يقتطع كل من راتبه كضابط في أول الشهر مبلغ جنيهين يسلمهما للرجل الذي وكل إليه أمر القيام بشراء " جديين " صغيرين ، يطلق أهل السودان علي الجدي الواحد اسم " عتوت " ثم يطلب منه ذبحهما وسلخهما وإعدادهما للشواء ويقوم جمال بدعوة أصاقائه من السودانيين والمصريين لتناول لحمهما الشهي .

ويصف عم محمود الضابط جمال عبد الناصر مدي تدينه وبساطته ووطنيته وإيمانه بالمصير الواحد للشعبين المصري والسوداني ، وكم من المرات خرج معه في رحلات إلي الخلاء لصيد الغزلان والأرانب البرية كما اصطحبه عدة مرات لحضور احتفالات الأعراس الشعبية .

.وعم محمود هذا ـ كما يقول يوسف الشريف ـ ينتمي إلي قبيلة " المحس" إحدي القبائل التي زحفت من شمالي السودان واكتشفت الخرطوم واتخذت منها مسكناً في منطقة بري فكان الرجل يقول أنه ينتمي إلي محس بري

ويصف يوسف الشريف الرجل بقوله :
كان العم محمود خلوقاً ، حلو الحديث ، أحد حكماء زمانه ، طويل القامة كأنه " هرقل " له أذنان عريضتان كما أطباق " الدش " تلتقطان دبة النملة عن بعد ، وكان يعشق مصر وعاداتها وأعلامها وشوارعها ونجومها في السينما والطرب والفكاهة رغم أنه لم تتح له فرصة زيارتها إلا هذه المرة التي حدثت فيها هذه القصة .

وهذه القصة كما تؤكد سطورها تبين مدي لنا العلاقة الحميمية التي تربط بين زعيم بقامة جمال عبد الناصر ورجل بسيط مثل عم محمود ، قصة تبين أن الزعيم الخالد كان دائماً في خندق الفقراء والبسطاء والمهمشين ، لم يتعجرف مرة معهم أو تعالي عليهم .
Post: #285
Title: Re: بـُــري
Author: ماضي ابو العزائم
Date: 08-08-2008, 00:24 AM
Parent: #284

بعد غياب بجيكم بى رواقه بس اسى هاكم الميل ده و عذا لصاحبه
فلمدة طويله كنت محروم من النت
Quote:


الاخ ماضي ابو العرائم
تحيه طيبه وسلام اطيب
مرورا علي بوست بري هناللك بعض الاعلام في تاريخ بري يجب المرور عليهم للتوثيق الي الاجيال القادمه والحاليه وسوف اركز للك علي اعلام بري اللاماب ليس عنصرة مني ولكن سهل تناول الماده لسكني في بري اللاماب ...الرجاء العمل علي انزال البوست وللك مني كل الاحترام والتقدير
محمد يوسف الحلو
هولندا
الاستاذة فاطمة الأمين الفكي البشير أو (فاطمة بت التومة) كما تعرف في منطقتها تعد من اوائل النساء اللائي ولجن عالم التعليم فسعين للعلم في الوقت الذي كان فيه تعليم المرأة من الكبائر التي يجب اجتنابها، إلا ان (فاطمة بت التومة) لم تكتف بالتعلم فقط بل فتحت كوة ضوء لاتزالت تنير دروب صغارنا حتي هذة اللحظة وذلك بابتكارها لنظام التعليم قبل المدرسي في اواخر الخمسينيات من القرن الماضي بانشائها لاول روضة لتعليم الاطفال مستندة على إرث جدها أحد رواد التعليم الديني بمنطقة بري اللاماب؛ إلتقيناها وهي في أوج نشاطها الاجتماعي فتحدثت ببلاغة الزمن الجميل عن مبادرتها التي قدمتها للناس والحياة..
* في البداية من هي الاستاذة فاطمة بت التومة؟
- أنا فاطمة الامين الفكي البشير واسم الشهرة فاطمة بت التومة من ناس بري اللاماب وجدي الفكي البشير حاج المبارك رجل الدين المعروف لديه خلوة لتحفيظ القران وفي منطقة بري ولديه مجموعة من المصاحف بدار الوثائق القومية ومصحف بخط يده في مكتبة الملك عبد العزيز بالمملكة العربية السعودية.
* هل تذكرين تاريخ ميلادك؟
-صمتت لبرهة ثم قالت: والله الزمن طال وشهادة الميلاد ضاعت لكن على ما اظن في سنة 1941
* واين درست مراحلك التعليمية؟
- اولاً درست المرحلة الابتدائية في مدرسة البراري وحتي المرحلة الثانوية بمدرسة الخرطوم غرب للبنات وكنا ندرس في الفترة المسائية ولو قارنت آخر مرحلة وصلت لها تجد انها تعادل الصف الثالث الثانوي بحساب هذة الايام.
*مقاطعة: الكلام دا سنة كم؟
- زمان بدري يعني في نهاية الخمسينات كدا.
* وكيف استطعت اكمال تعليمك في تلك الفترة التي كان فيه تعليم الانثى جريمة يعاقب عليها المجتمع؟
- فعلاً تعليم البنات كان صعب للغاية لكن الوالدة رحمها الله هي التي أصرت على ان اتلقى التعليم واكمل مراحلي الدراسية وكانت تشجعني باستمرار والتعليم في ذلك الوقت كان عملية بسيطة (خالص).
* ألم تواجهي معارضة من أحد اخوتك فرفض فكرة تعليمك؟
- بالعكس فقد وجدت تشجيعاً كبيراً من شقيقي مبارك الامين الذي كان يعمل ببلدية الخرطوم وكان يقدم مساعدات للمدرسة التي ادرس بها من اجلي.
*وهل هنالك من سبقتك في دخول المدرسة من بنات عائلتكم أم كنت اول من دخل المدرسة في قريباتك؟
- لا لم أكن أول من دخل المدرسة من بنات العائلة فهنالك من سبقني ولكنهن لسن كثيرات وانما يحسبن على اصابع اليد الواحدة اشهرهن آمنة الشيخ حاج الامين شقيقة المناضل عبيد حاج الامين الذي استشهد في ثورة 1924 وهو عمي وآمنة ايضاً عمتي تلقت تعليمها في المدرسة المسائية قبلي.
* فاطمة بت التومة أول من انشأت روضة لتعليم الاطفال حدثينا عن هذه الروضة ومن اين جاءتك الفكرة؟
- نعم أنا أول من انشأ روضة لتعليم الاطفال وذلك بمنطقة بري اللاماب وكان هذا الامر في نهاية الخمسينات من القرن الماضي والروضة أصلاً لم تأتيني فكرتها من مكان آخر فقد جادت بها قريحتي بعد تفكير طويل وكان لجدنا الكبير خلوة لتحفيظ القران كما قلت لك وكانت الخلوة نواة لهذه الروضة التي استقطبت ابناء المنطقة.
* ومن أين اتيت بالمقررات هل كان هنالك جهة تضع مناهج لتدريس الصغار؟
-لا لم تكن هنالك جهة تضع مناهج انما وضعتها بنفسي من المواد التي درسستها خلال سنوات الدراسة ووضعت لهم مناهج بسيطة تتناسب وسنهم ثم لم أغفل دور الخلوة فكانت الفترة المسائية تشهد دروس دينية شارك فيها الكثير من الائمة والمداحين امثال المادح المشهور السماني احمد عالم والمرحوم مولانا ابراهيم حبيب الله والمرحوم صديق احمد حمدون المقرئ المعروف.
* هل كنت تفرضين رسوماً عالية على الاطفال كما تفعل رياض الأطفال الآن؟
- لا لم تكن هنالك رسوم كثيرة انما رسوم رمزية كان الطالب يدرس مقابل ريال واحد فقط وهو مبلغ بسيط جداً مقارنة بما يدفعه الاطفال للرياض هذة الأيام مع ان الطلاب الذين كانوا يدرسون عندي في الروضة لا يحتاجون لدراسة الصف الاول والثاني الابتدائي بل يقفزون الى المستوى الثالث مباشرة.
* كيف استطعت الحصول علي تصديق لانشاء الروضة؟
- لا لم يكن هنالك أي تصديق فالروضة في وسط الحي وبري كما تعلم منطقة أهالي فوجدت فكرة الروضة الدعم من أهل المنطقة وساعدني شقيقي مبارك بجلب الكتب والاثاث ودعم الفكرة بكل ما استطاع حتي صارت أول روضة في المنطقة خرجت الكثير من حملة شهادات الماجستير والدكتوراة وأعيان المجتمع.
* ألم تخش ان يكشف المستعمر أمرك ويضايقك؟
- لا لم أخف من ذلك مطلقاً والمستعمر لو علم بالامر لقام بتقديم المساعدة لي و(اريتوا لو عرف كان على الاقل ساعدنا) لكن الحمد لله.
* هل اشتغلت بالسياسة وهل ناضلت ضد المستعمر؟
- لا لم اشترك بالسياسة و(هو أنا لو لقيت المستعمر بناضل ضدو؟) المستعمر كان يقدم المساعدات للاهالي.
* هل تذكرين اسماء الطلاب الذين قمت بتدريسهم من المشاهير الآن؟
- والله لا اذكر كثير منهم فالفترة طالت وآخر دفعة خرجتها كانت قبل اكثر من 30 سنة لكن اذكر منهم البروفيسور الامين علي والناطق الرسمي باسم القوات المسلحة عثمان الاغبش والمحامين رمزي وتيسير.
* الآن أين تقع هذه الروضة وهل المسيرة مازالت مستمرة ؟
- الروضة كانت في مربع (2) وبعد التخطيط تم تعويضنا في بري مربع واحد والآن نعمل علي اعادة تشييدها وهي تحمل اسم الفكي عبدالرحمن وبعد ان تكتمل هنالك من سيواصل المسيرة من الاسرة لان رسالة الاسرة في تعليم الاخرين والتي بدأها جدنا لن تقف باذن الله.
* علمنا انك تركت الروضة قبل اكثر من عشرين عاماً فماذا فعلت خلال هذه السنوات؟
- لم انقطع ولا للحظة عن اداء رسالتي التعليمية خلال هذه السنين فقط انتقلت من تعليم الصغار لتعليم الكبار كمتطوعة في باديء الامر إلا ان تم تعييني رسمياً في تعليم الكبار في العام 1985 وعملت في تعليم الكبار الي ان تمت احالتي الى المعاش.
*الانتقال من تعليم اليافعين الي تعليم الكبار ألم يكن صعباً بالنسبة لك؟
- بالعكس الموضوع في غاية البساطة فقد نلت اربعة كورسات في تعليم الكبار تقليدي ووظيفي وكذلك تعلمت طرق التدريس.
* اذا قارنا بين التعليم بالامس والتعليم اليوم أيهما افضل في وجهة نظرك؟
- طبعاً التعليم في السابق كان افضل بكثير من الآن، التعليم في الوقت الحالي اصبح قروش من غير عائد حتي المواد التي يتم تدريسها لا تتناسب وسن الصغار بالاضافة الى انها كثيرة ومرهقة بالنسبة لهم.
* ماهو رأيك في الجيل الحالي وهل به مثلك يطلعن بالعمل العام؟
- والله جيل ممتاز جيل ثقافة وتعليم وتنوير وبه من يرغب ويسهم في العمل العام وبه من لا يشتغل به لكنهم يكنون لي التقدير حتي الذين لم ادرسهم يحترمونني جداً ولم ار منهم سوء والحمد لله.
* سمعنا انه قد تم تكريمك في الايام القليلة الفائتة؟
-نعم تم تكريمي من قبل منتدى بري اللاماب الثقافي وقدمت لي دعوة لتكريمي في الايام المقبلة من منتدي الخرطوم جنوب الثقافي


و ساعود للرساله مرة اخرى و هناك رساله تانية من الاخ محمد يوسف بس عاوزه شوية شغل قبل النشر
Post: #286
Title: Re: بـُــري
Author: حيدر امين
Date: 08-08-2008, 10:58 PM
Parent: #285

اهل بيك ماضى الحمد لله على السلامه ,,

وفى مواصله للتوثيق وجدت المقال التالى


كتب د.محمد المهدي بشرى في ذكرى أربعينيته( حتيكابي .. أخر الأنجم الزواهر)
مساء الخامس من يناير توقف عن الخفقان قلب آخر أنجم البراري الزواهر: حتيكابي .. تلك الأنجم التي أضاءت سماء البراري وكالشهب سرعان ما انطفأ بريقها . صناع الحياة مضوا في دروب الموت ، أبو زيد موسى، مولانا حسن البداني، عبيد أحمد ، ومصطفى أحمد الشيخ و أولاد عبد الوهاب، عبد الرحيم وأحمد ومحمد خلف الله، يوسف حمد ، وفاطمة النقر ، وسكينة عالم وإبراهيم عالم وإبراهيم مضوي وكمال محمد إبراهيم .. ذهبوا جميعاً إلى رحاب الله ، والآن يلحق بهم في الرفيق الأعلى فتى الفتيان، واحد من أعز فلذات البراري، هذه المرة باغته الموت الذي ظل يتربص به طوال عمره، كان دائماً يقهر المرض بإرادة لا تلين، ظل بمصر قرابة العام يصارع المرض ونال المرض من جسمه الناحل ، وخرج من محنة المرض أكثر إيماناً بخالقه الذي ابتلاه بالمرض ، لكن هذه المرة نفذ القضاء وفي لمح البصر سرق الموت أخلص أبناء بري المحس وأنبلهم وأصدقهم محبة ووداداً..أحب المحس وأحب بري ، أحب شجرها وبشرها ونيلها ، بري المحس بكل روعتها ، جنجة وجربان وحسبو مرحوم لاعب فذ ، قل أن تجود الملاعب بمثله ، إبراهيم كبير لعب في الفريق القومي ولما يبلغ السادسة عشرة من عمره ، وعبد الله لوفتى عندما قفز ليضرب الكرة برأسه كان يشاهد أولاد الهاشماب يلعبون الدافوري في الحارة ، وأحمد قنديل
يا ساعي البريد
حملتك رسالة للسافر بعيد
سافر يبني نفسه زي كل الشباب
و " يا جميل سلم " و " تجرحني ليه وأنا كلي جراح "
كان أحمد قنديل قد سبق الجميع بالأوكسترا التي تصاحبه بالعزف ، خمسة عشر عازفاً ، جميعهم يرتدون زياً واحداً ، قميص أحمر كبدي وبنطلون أسود ، تضم الفرقة أمهر العازفين ،وكلهم اولاد البرارى نور الدين مسمار يحتضن الكمان ، كما تحضن الأم وليدها ، عبد الله قلندر عازف الأكورديون ، أبو زيد والسر كردي يعزفان الإيقاع بأنامل ذهبية ، ثم السر دبور والطيب عبد الرحمن ، تخرج الفرقة الموسيقية فيأخذ كل عازف موقعه ، تماماً كما يفعل عازفو أكبر الفرق الأوربية ، تبدأ الأوركسترا وصلتها ، ربما الوسيم لأحمد المصطفى ، يدخل نور الدين في صولو ، وسط هتاف الحضور يدخل قنديل ( أو قندلة) ، يبدأ الغناء وعندما يستبد به الطرب يتلاعب بالعود، يضعه خلف ظهره تارة وتارة على كتفه، ولا يستطيع الحضور صبراً فيصرخ الجميع إعجاباً ، وكان عبيد أحمد يغني ما شقيتك إنت الشقيتني ، وفي جانب آخر يصدح عبد المجيد فرانسيس يصوته الجميل أروع أغنيات الشفيع.
أسد البراري يوقف زحف الهلال .. أسد البراري يصل نهائي كأس السودان ضد أهلي مدني ، خرجت مدني عن بكرة أبيها تشجع فريقها لكن الأسد يذيق الأهلي مرارة الهزيمة وسط جمهوره ، صلاح أبو شليخ وبكري بخيت وعمر خواجة وقسم السيد (ترانسيستور) وحسبو الصغير وعبد الكافي ، لم يكن ذاك أسد البراري بل كان رويال مدريد أو مانشستر يونايتد، بكت جماهير الأسد التي رافقت فريقها ، يرقص الجميع فرحاً في وسط استاد مدني يتقدمهم الأمين البدراوي والحاج المشرف والنور مرحوم وحتيكابي وعمر الهادي وصالح النجعموري وكل الذين نذروا انفسهم لحب البراري .
كانت البراري تضج بالحياة ، وكان حتيكابي حتى آخر أنفاسه عاشقاً متيماً للبراري ، ونذر عمره لأهلها . كان حتيكابي موسوعة تمشي على قدمين ، صحافي وقاص ومسرحي ومؤرخ ونسابة ومناضل جسور، وفوق كل هذا شخص ودود لا يملك المرء إلا أن يحبه، فقد عاش بسيطاً لا يحمل من حطام الدنيا سوى قلمه ومحبة لا محدودة للجميع ، قلبه الكبير يمتلئ بالأحلام ، وكان ذهنه الوقاد يتفتق عن الكثير من المشاريع ، في نهاية الخمسينيات أصدر مجلة كل الفنون ، وكان هو صاحب امتيازها ورئيس التحرير ، اما مدير التحرير فهو عبد الرحمن حمزة علي وسكرتير التحرير عبد الرحمن بلاص ، وقد صدر العدد الأول منها في فبراير 1959. خاطب رئيس التحرير القراء في كلمة التحرير في العدد الأول قائلاً " نضع بين أيديكم الآن أول عدد من مجلة " كل الفنون" لقد ظلت بلادنا تفتقد حتى الأمس المنبر الحي المستقل والمعبر عن دنيا الفنون والثقافة والرياضة وهي قوى عظيمة ذات أثر فعال في تطوير حياة الأمم والشعوب ، فعزمنا بمشيئة الله أن نسد هذا النقص ونلج هذا الميدان الجديد يحدونا الأمل .." ومن أسف فإن المجلة لم تعمر طويلاً ، صدرت منها أعداد لا تتجاوز أصابع اليدين، لكن حتيكابي ظل يمسك قلمه ولم يتراجع عن أحلامه وأشواقه العظيمة. ظل يواصل الكتابة في الصحف السيارة وكان يكتب في الصراحة والميدان والسودان الجديد وغيرها ، وكان حبه الأول للفنون خاصة السينما ، وكان يحكي بكل فخر وسعادة أنه من السودانيين القلائل الذين رأوا الممثل العالمي شارلي شابلن رؤية العين ، حدث ذلك في خمسينيات القرن الماضي ، كانت الطائرة التي تحمل شارلي شابلن وريتا هيوارت وزوجها ألاغا خان قد توقفت في مطار وادي سيدنا ، كان الشاب حتيكابي ينظر بكل إعجاب إلى بطله المحبوب وريتا هيوارت التي خلبت قلوب الملايين.
وحتيكابي عصامي وذو إرادة حديدية ، فقد التحق بكلية الآداب – جامعة الخرطوم وهويقارب الستين، بعد أن تخرج منها إبنه البكر ، وتخرج حتيكابي فيها بنجاح كبير ، وبالطبع تخصص في علمه الأثير : التاريخ ، وقد أفاده هذا التخصص في تتبع الأنساب وتوثيقها .
كان حتيكابي يسابق الزمن في تحقيق الأحلام التي امتلأ بها وجدانه ، كان كثير الحديث عن الإعداد لحفل يقام في هذا العام بمناسبة مرور ثمانين عاماً على إنشاء فريق بري الرياضي ، وكان كذلك يحلم بالإعداد لحفل كبير احتفاءً بمرور مائة عام على نقل بري المحس من موقعها على النيل الى موقعها الحالي، لكن الموت كان أسرع. حقا ًمات حتيكابي ولم يمهله الموت لتحقيق احلامه العظيمة ، ولايجد المرء أبلغ مما قاله التجاني يوسف بشير في رثاء جد حتيكابي، أبي القاسم أحمد هاشم
يا ذماء من الفضيلة كل النبـل في سره وفي أحشائه
غاض في نبعه الرجاء وجف الأمل الحلو في قرارة مائه
وانطوى خافق أغر من الفكـر عزيز على بعد انطوائه
عوجلت أمة عليه وفي أنفسنا حاجة إلى استبقائـــــــه
فاجهشي للبكاء أيتها الأنفــاس أو أجملي على لأوائـه
وتعالي نستلهم الموت ما يرفــع عن لغزه سميك غطائه

رحم الله حتيكابى والهمنا واله الصبر والسلوان,,,,

ساحاول الاتصال بالاخ د. محمد المهدى بشرى ليمدنا بالمزيد والمزيد عن البرارى
Post: #287
Title: Re: بـُــري
Author: ماضي ابو العزائم
Date: 08-09-2008, 11:21 PM
Parent: #286

اتصال تلفونى ثم رسائل من ابن برى الاماب محمديوسف الحلو(و عقابو من المحس لان والدته من مواليد برى المحس و هى اخت صديق الجعفرى)سعدت بهما جدا و الرسائل معنونه بعنوان (للتوثيق)
و نص الرسالة:-

Quote: من هو بدر الدين مدثر:-
ولد الراحل بدر الدين مدثر بالخرطوم عام 1940 ، وتخرج من جامعة الخرطوم عام 1963.
- نشط في منظمة الاشتراكيين العرب التي لعبت في الستينيات دورا مهما في استقطاب العناصر ذات التوجه العروبي الاشتراكي في السودان والتي تشكلت في رحمها منظمة البعث وكان بدر الدين مدثر ومحمد بشير وشوقي ملاسي هم الخلية الأولى للبعث في السودان.
- نشط بدر الدين مدثر في العمل النقابي وخاصة في اتحاد المحامين العرب.
- تعرض للاعتقال لعدة مرات خلال فترة حكم جعفر نميري، في اعقاب انقلاب 19 يوليو 1971 التي اتهم الشيوعيون والبعثيون بإعدادها.
- في عام 1974 قرر رفاقه أن يسافر إلى بغداد.
- كان من المقربين لدى مؤسس البعث ميشيل عفلق وكان ضمن المجموعة الاستشارية المقربة من القيادة البعثية التي حكمت العراق (الراحل منيف الرزاز وعبد المجيد الرافعي ود. الياس فرح وغيرهم من الرموز التاريخية في القيادة القومية البعثية).
- بعد انتفاضة ابريل 1986 التي اطاحت بنظام الرئيس الاسبق جعفر نميري عاد بدر الدين مدثر إلى السودان.
- غادر إلى باريس ومنها إلى بغداد عام 1989 بعد انقلاب الجبهة الاسلامية في الخرطوم ليعود لمرة أخرى إلى السودان عام 2003 بعد سقوط بغداد وانتهاء حكم البعث في العراق.

للراحل بدر الدين مدثر مساهمات فكرية في القضايا القومية ومؤلفات حول القضايا السودانية منها كتاب (الجنوب في السودان) والذي طرح فيه رؤية ومعالجة للوضع المتفجر بطريقة ديمقراطية تتيح للجنوبيين الحكم الذي يرتضونه ويسد الباب أمام التدخلات الدولية في الجنوب وفي مناطق أخرة من السودان.
التطورات المتسارعة في دارفور اليوم تكشف عن القدرة الاستشرافية التي تمتع بها الراحل بدر والتي أوردها في شروحاته قبل ثلاثين عاما.

رحم الله بدر الدين مدثر، صادق الوعد الذي ظل ممسكا بجمرة العروبة الملتهبة في أقسى واصعب الأوقات، وصادق العزاء لاسرته الكريمة ولرفاقة وأصدقائه.
"إنا لله وإنا إليه راجعون


بس السؤال,هل الكلام ده منقول ام من صياغة اخونا محمد يوسف؟؟؟
ده طبعا لامانة النشر
Post: #288
Title: Re: بـُــري
Author: ماضي ابو العزائم
Date: 08-09-2008, 11:30 PM
Parent: #287

و رسالة اخرى من محمد يوسف

Quote: الشيخ أبو القاسم أحمد هاشم
شيخ العلمـــــــاء
و مؤسس المعهد العلمى
1856 – 1934 م




ولد الشيخ أبوالقاسم أحمد هاشم في عام 1278 هجرية 1856م في قرية برى المحس من أعمال مدينة الخرطوم. ووالده ( الشيخ أحمد هاشم ) العالم الجليل و القاضى الفقية، قاضى الخرطوم و بربر و التى كانت في ذلك الوقت مدينة شهيرة زاخرة برجال العلم و العلماء. ووالدته محسية و هى السيدة (آمنة محمد المبارك عمر) (بنت وهب-الفقيرة) ووالدها محمد المبارك عمر شيخ القرآن المعروف ببرى المحس و قرى أم مقت و التى . قيل أن الشيخ أحمد هاشم سمعها و هي تتلو القرآن عند ما زار والدها في برى المحس و كان عمرها تسع سنوات فخطبها ثم بنى بها عندما بلغت الثالثة عشرة من عمرها. و قد إشترطت عليه تدريسها كتاب ( مختصر خليل ) في الفقة و ( صحيح البخاري ) في الحديث.


حفظ الشيخ أبو القاسم أحمد هاشم القرآن في خلوة جده محمد المبارك عمر ثم على يدي الشيخ أحمد ود حسين في بربر و كان عمره إحدى عشرة سنة ثم ألحقه والده عند ما أحس بذكائه و فطنته بمسيد الغبش (غرب مدينة بربر) ليتلقى العلوم الدينية و العقلية على يدي الشيخ الذائع الصيت (محمد الخير عبد الله خوجلى الغبشاوى) الذي كانت له مدرسة عامرة تخرج فيها كثير من العلماء و كان من أبرز تلاميذ تلك المدرسة ( الأمام المهدي). ثم دلف و التحق بمسجد ( أرباب العقائد الشيخ اِدريس ود الأرباب) الجامع الكبير بالخرطوم و لزم الشيخ العالم (حسين المجدي ) فدرس كتاب جمع الجوامع في أصول الفقة.


ترجم له ألأستاذ سعد ميخائيل في كتابة ( شعراء السودان ) قائلاً (( إن تعريف حضرة صاحب الفضيلة ألأستاذ ألأكبر الشيخ أبا القاسم أحمد هاشم هو من باب تحصيل الحاصل فهو شيخ العلماء و كفى لا بل هو الشاعر الفحل الذي يجرى و لا يجرى معه، ترى صورته و ما عليه من برد الجلال و الوقار فتظنه فقيهاً سيسمعك الشعر بروح الفقهاء بينما هو يحمل بين جنبية مع التقوى و النزاهة فلو أن البهاء زهير سمعه ينشد:



تبسمت عن در ثغر مستبين منع البدر ضياة أن يبين
و بدت للورد في خد نضــــــــير فراح الورد مصفر الجبين


لتمنى ذلك القول لنفسه. و هو عدا ذلك لغوى مدقق و منطقي متفنن إذا بث راية في مسألة من المسائل العلمية أو ألاجتماعية أو ألأدبية كان رايه الفصل و المعول إليه في المبدأ و المآب. وله ديوان مطبوع سماه ( روض الصفا في مدح المصطفى).


ولما انتشرت دعوة المهدية في كردفان يضيف سعد ميخائيل كان الشيخ أبوالقاسم في بربر متزوداً بالعلوم و ألآداب فتعين مدرساً بجامعها و ظل بها إلى أن سقطت بيد المهدية ثم اتصل بالمهدي فقربه إليه و جعله كاتباً له و بعد أن لحق المهدي بربه اتخذه الخليفة عبد الله كاتباً أيضاً فظل معه إلى أن سقطت أم درمان و احتلتها الحكومة البريطانية التي عينته قاضياً لمديرية سنار عام ( 1899م ) ثم نقل منها إلى مديرية النيل ألأزرق عام ( 1906 م ) فلما كان عام ( 1912 م ) و قع إختيار الحكومة عليه لما رأته فيه من الجارة و ألاستحقاق أن يكون شيخاً لعلماء السودان فكان لها ما أرادت. و لما كان الشيء بالشيء يذكر أرجو أن أنتهز الفرصة ليعلم القراء الكرام أن لصاحب الفضيلة الشيخ أبالقاسم أحمد هاشم أليد البيضاء في ترقية المعهد العلمي بالسودان و أدخل عليه المكتبة العلمية التي كادت أن تكون في صف أكبر المكاتب العلمية و هو صاحب الفضل في نموها و ترقيتها و نقلها من حالتها القديمة إلى حالتها الحالية.
ثم أدخل الشيخ أبو القاسم مجموعة من العلوم العصرية في ذلك الزمان لى التدرس في المعهد العلمي فأخذ الطلاب في تلقى علوم الجغرافيا و الحساب و ألإنشاء على أيدي أساتذة أجلاء مثل ألأستاذ ( حسين منصور ) و كان يهتم أيما اهتمام بطلابه فضمن لهم وظائف في القضاء و التدريس و غيرها من مجالات العمل. و بذا يكون قد ترك آثاره و واضحة في مسيرة المعهد العلمي فأصبح المعهد مؤسسة علمية متكاملة تحت نظام شامخ ثابت. كانت تلك وقفة مع حياة العالم الجليل في معهد أم درمان العلمي (نواة جامعة أم درمان ألإسلامية) التي استندت على عقيدة الشيخ أبو القاسم أحمد هاشم الواضحة و على صدق توحهه ألأصيل و على قوة عزيمته و مقدرته التخطيطية الرائعة التي كان يتوخى فيها التدرج و ألأناة و تلمس الخطى.


يخرج على يديه أجيال من العلماء و ألأساتذة الذين أسهموا بقدر كبير فيما بعد في تطور و ترقية التعليم في السودان منهم: عبد الله الترابى، إبراهيم النور، يوسف إبراهيم النور، مجذوب مدثر إبراهيم الحجاز، إبراهيم أحمد ياجى، عبد الرحمن دفع الله، عبد الملك أبو القاسم و على محمد الصلحى. و غيرهم من العلماء و المشايخ.


كان الشيخ رجلاً بارزاً في الحياة ألاجتماعية في فترة المهدية في الربع ألأول من القرن العشرين، فقد كان بسيطاً مهيباً، تراة لابساً قفطان الدبلان و الجبة و راكباً على (حمارته) ذارعاً بها شوارع أم درمان جيئةً و ذهاباً إلى عمله في المعهد بالجامع الكبير. و كان منزله مضيفةً و نادياً للعلماء و طلباً للعلم. فقد كان الشيخ يأوي طلاب ألأقاليم لمباشرة دراستهم دأبه في ذلك دأب أهل أم درمان.


و في رمضان كان الشيخ يعقد حلقة عامرة بالعلماء يتدارسون فيها بعد صلاة العشاء ( صحيح البخاري ) كما كان يقوم ليلة 27 رجب بقراءة قصة المعراج. و عندما احتدم النقاش و الخلاف بين جماعات الخريجين في ناديهم بأم درمان و انتشر الخلاف حتى انقسموا إلى فريقين (جماعة شوقي ) و ( جماعة الفيل) دعاهم الشيخ إلى اجتماع صلح تم في منزله. و تعدت مكانة الشيخ أبو القاسم العلمية و ألاجتماعية إطار السودان و ذاع صيته و اشتهر بعلمه في كل أنحاء البلاد ألأسلامية لذلك و حينما سافر في عام ( 1926 م ) لأداء فريضة الحج دعي لحضور أول مؤتمر إسلامي عالمي ب[[مكة المكرمة]] و لما حضر رئيس الوفد المصري ( الشيخ ألأحمدى الظواهري) شيخ الجامع ألأزهر احتج على حضور الشيخ أبو القاسم بحجة أن السودان جزء لا يتجزأ من مصر و لا يصح أن يمثل بحضور شخص في هذا المؤتمر و أن الوفد المصري له الصلاحيات ليمثل السودان. إزاء هذا ألاحتجاج حدث أول خلاف داخل المؤتمر بين الدول المشاركة و أخيراً وافق المشتركون على حضور الشيخ أبى القاسم بصفته الشخصية لمكانته العلمية و الدينية فكان هذا تعظيماً له و لمكانته.


و عند ما حاصر الأمام المهدي الخرطوم كان الشيخ أبوالقاسم متواجداً ببرى المحس متردداً على الخرطوم لتلقى العلم في مسجد ( أرباب العقائد ) فذهب إليه الشيخ أبو القاسم و إخوته محمد أحمد و الشيخ الطيب مع والدهم الشيخ أحمد هاشم و قد كانوا قدموا من بربر ضمن جماعة ألشيخ ( محمد الخير عبد الله خوجلى الغبشاوى) و بايعوه فقربهم إليه. و كتب إلى عامله ببربر ( محمد الخير عبد الله خوجلى) و أو صاه خيراً بشيبة ألإسلام ألأب أحمد هاشم و بنيه. و احتفظ الأمام المهدي بعد ذلك بالشيخ أبوالقاسم كاتباً له و كان عمره آنذاك 25 عاماً. و كان أول منشور كتبه هو منشور الأمام المهدي إلى علماء مصر. و بعد وفاة المهدي استمر الشيخ كاتباً للخليفة عبد الله من بعده فساهم في تسجيل آثار المهدية التعليمية. و كان ديوان الكتابة الذي أنشأه ألمهدي يضم كلاً من ( فوزي و أحمدى ابنى ألأستاذ الفقية محمود ود بادى الدنقلاوى) و محمد فوزي الذي كان موظفاً في الخرطوم و قتل بعد ذلك في موقعة شيكان و بقى فوزي و أحمدى يشغلان ديوان ألإنشاء) و بعد وفاة الأمام المهدي و دخول ألخليفة في صراع مع ألشراف راجت سوق الوشاية ووشى بفوزي و أحمدى زاعمين أنهما يعملان من طرف خفى لنزع سلطته فنفيا و قتلا. وكان من كتاب المهدي أيضاً ( الشيخ محمد عمر البنا ، الشيخ الصديق أبو صفية ، أحمد النور الجعلى ، و الشيخ مدثر إبراهيم الحجاز ) و هو الذي استدعى الشيخ ابوالقاسم بعد ذلك و كان له مركزاً و اضحاً في ديوان الخليفة عبد الله التعايشى . و لم يفلت الشيخ أبو القاسم من مؤامرات تلك الفترة و حادثة رسالة (منليك) التي سلمها له ( محمد عثمان خالد ) و ضياعها ثم العثور عليها خير دليل على ذلك و قد وردت في كتاب ( السودان بين عهدين لسعد ميخائيل ) وواصل الشيخ عمله هذا دون كلل أو ملل بإخلاص و تفان شديدين.
و بعد إنهيار المهدية و استيلاء الجيش البريطاني على الحكم طلب الشيخ ابوالقاسم أن توقد ناراً و أحرق كثيراً من ألأوراق التى كان يحتفظ بها ثم أتى إليه سلاطين باشا مع مجموعة من الضباط ألإنجليز و قد كان يعرفه منذ أن كان في ألأسر و طلبوا منه تسليم جميع الوثائق و الرسائل التى يحتفظ بها فأبى و قال لهم (( إننى لا أملك شيئاً، لقد ذهب كل شيء مع صاحبه )) و ألحوا عليه تارةً بالتهديد :و تارةً بالوعيد و تارةً بالترغيب و لما تبين لهم ألأمر انصرفوا و قال له سلاطين باشا (لقد أضعت فرصة كبيرة يا شيخ أبوالقاسم)
عاصر الشيخ أبوالقاسم ثورة ( 1924 م ) و التى قامت بها مجموعة من الشباب و كان للشيخ أبناء شاركوا في هذه الثورة منهم إبنه ( محمد ألأمين أبوالقاسم و الذى ظهر إسمة ضمن أعضاء جمعية اللواء ألأبيض و قد أيدهم في ثورتهم ضد ألأستعمار.


و قد حدثت للشيخ كثير من المناقشات و المنازعات مع ( المستر بيل السكرتير القضائى ) حتى ضاقوا به ذرعاً فأحالوه للمعاش عام ( 1932 م ) وكانوا يوجهون لة الدعوات في المناسبات ليحضرها في القصر بإعتباره من الوجهاء و ألأعيان من الدرجة الثالثة إمعاناً في إذلاله فرفض تلبية جميع دعواتهم .


سافر إلى مصر للعلاج من مرض في عينه ألم به و عاد بسلام واحتفل أصحابه و أصدقاؤه بعودته إلى وطنه و ترنموا بها و في ذلك يقول الشاعر محمد عثمان محمد أحمد هاشم:



قالوا بعينيك ماء نازل أوما يشف للعين عما خلفة الماء
ما كان إغماضك الطرف النزية عمى لكنه عن عيوب الناس إغضاء



و قال الشاعر عبد الله محمد عمر البنا:



بشراك بشراك ها قد ساعد القدر و عاد للقطر قلب المجد و البصــر
كانت قبيل النوى دنياك مبهمة ً و اليوم زينها ألأوضاع و ألغـــرر
أصيبت ألخطة المثلى بناظرها و الفقة و النحو و التوحيد و السور
مولاى غبت و غابت كل صالحة من البلاد كأن الغائب المطــر
رحلت تحرسك ألآمال محدقـــة بك الفضائل و العليـاء و الفكــر
عيناك في كل مطلوب و مزدحـم من المكــــارم في شأنيهما وطر
وكيف يسلم طرف لا يفارقـــة التحديق في الحق و ألأبصار و السهر
لم تأل حسن جهاد في الشريعة و الدين القويم طريقاً و العمى أثـــر
يا قاسم الجود في بدو وفى حضر حتى روى الشعر فيك البدو و الحضر
من هاشم فيك إقدام و نافلــة و حكمة و نـــدى كف و مفتخـر


فى شتاء عام ( 1934 م ) أدركت الحمى الشيخ أبا القاسم و لزم منزله بأم درمان ولما اشتدت عليه العلة أدخل مستشفى الخرطوم للعلاج ثم خرج من المستشفى قبيل عيد الأضحى و كان بعض أهله يفكرون في الذهاب بة إلى مصر طلباً للعلاج لكنة كان يرد عليهم بقول الشاعر:



مشيناها خطى كتبت علينا ومن كتبت علية خطى مشاها
ومن كانت منيتة بأرض فليس يموت في أرض سواها


أشتد علية المرض في أيام عيد الأضحى ثم أسلم الروح في تاسع أيام العيد عند آذان العشاء في يوم ألاثنين التاسع عشر من ذي الحجة عام ( 1353 هجرية ) الموافق الثانى من أبريل عام ( 1934 م ) و عمره الثانية و السبعين. فانطوى بذلك سجل حياته الحافلة كلها عمل في سبيل رفعة الوطن و الدين و العلوم ألإسلامية.


كان أبوالقاسم شاعراً رقيقاً عذب ألألفاظ جيد المعانى ، قال يمدح النبى ( صلى الله علية وسلم :



ليلى بدت لما أضاء الكوكب فمحت ضياه و زال عنا الغيهب
و استقبلت قمر الزمان فناله من حسنها الكلف الذى لا يذهب
و تفردت بى حسنها و دلالها و حوت من ألأوصاف ما يستغرب
و أنا بجاهك يا رسول الله ارجو أن أكون من ألألى لك حببوا
و تحققوا بكمال عشقك و استنا روا من ضياك فأكرموا و تقربوا
أمحمد و لانت أكرم مرسل و أحق من بمديحة يتقرب


و قد جمع ألأستاذ سعد ميخائيل من شعره الكثير في كتابة (شعراء السودان) إلا أن أكثرة ضاع و ربما يكون قد طاله الحريق ضمن ألأوراق التى أحرقت بعد دخول ألإنجليز بيته بعد سقوط أم درمان. لة عدة رسائل إبان عمله كاتباً بديوان الأمام ألمهدي و الخليفة من بعده.

المصادر
1. كتاب "شعراء السودان" لى الأستاذ سعد ميخائيل
2. كتاب "النفائس في أخبار شيخ الاِسلام أبوالقاسم أحمد هاشم" لى الأشتاذ عبدالحميد أبوالقاسم
3. كتاب "رواد الفكر السودانى" لى الأستاذ محجوب عمر باشرى
Post: #289
Title: Re: بـُــري
Author: Mekki M Alhassan
Date: 08-10-2008, 06:37 AM
Parent: #288

السلام عليكم با ناس بري
شكراً جزيلاً علي رفع البوست وجعله علي الصفحة الاولي دائماً
التحية للاخ حيدر امين واخيه الاخ محمد امين عبد اللطيف علي
رفد هذه الصفحات بمقالات توثيقية ( وبحثية ) عن البراري
فالنبحث سوياً عن من كتب عنه الاستاذ يوسف الشريف في مقاله
من هو عم محمود ؟؟؟

الاخ ماضي ابو العزائم خالص تحياتي ومودتي لك وللاخ محمد يوسف الحلو
هنالك مواد ارسلها لك عبر الايميل له الشكر ولكن ارجو منه ادراج المصدر فما ارسلة عن الشيح ابو القاسم احمد هاشم رحمه الله نقله من هنا :

http://www.hashmab.net/page111.html

وله الشكر علي الايميل المعني با ( الحوار )
مع الاستاذة فاطمة الأمين الفكي البشير أو (فاطمة بت التومة) هذا الحوار الذي ذكرت فيه الاستاذة فاطمة رداً علي سؤال:

Quote: وهل هنالك من سبقتك في دخول المدرسة من بنات عائلتكم أم كنت اول من دخل المدرسة في قريباتك؟
- لا لم أكن أول من دخل المدرسة من بنات العائلة فهنالك من سبقني ولكنهن لسن كثيرات وانما يحسبن على اصابع اليد الواحدة اشهرهن آمنة الشيخ حاج الامين شقيقة المناضل عبيد حاج الامين الذي استشهد في ثورة 1924 وهو عمي وآمنة ايضاً عمتي تلقت تعليمها في المدرسة المسائية قبلي


هذا الحوار وما جاء فيه وما جاء من بعده في مداخلة الاخ حيدر امين يذكرني ب:

عندما كنا صغاراً كنا نذهب اليها رحمها الله واسكنها فسيح جناته في منزلها والذي كان يقع في مقابة منزل الشيخ عبد الرحمن ( شيخ الحلة ) في المربع الذي يجمعها مع لاعب بري ( قسم السيد - ترانسيستور )- ان لم تخني الذاكرة؟
في حلة فوق ببري المحس ..كنا نلعب مع أغنامها وتحكي لنا بعض القصص من بينها النسابة والقرابة لاهل بري المحس ببعضهم البعض كانت سريعة البديهة وحاضر ردها ( مع بعض المزاح في كلمات لم تكن تناسب سننا في ذلك الوقت ) ..وهي كما يقول أهلنا في السودان قد ( جبدت ) أي شابهت في علم النسابة وعلاقات ذوي القربي ابن اخيها المرحوم محمد ابراهيم حاج الامين ( حتيكابي ) ..وفي مقال الدكتور محمد المهدي بشرى الذي اتنا به الاخ الاكبر حيدر امين عبد اللطيف ما يشير الي ذلك حين قال :

Quote: كانت البراري تضج بالحياة ، وكان حتيكابي حتى آخر أنفاسه عاشقاً متيماً للبراري ، ونذر عمره لأهلها . كان حتيكابي موسوعة تمشي على قدمين ، صحافي وقاص ومسرحي ومؤرخ ونسابة ومناضل جسور، وفوق كل هذا شخص ودود لا يملك المرء إلا أن يحبه


لقد درس الراحل المقيم عمنا ( حتيكابي ) وهو في الستين من عمره ب

Quote: فقد التحق بكلية الآداب – جامعة الخرطوم وهويقارب الستين، بعد أن تخرج منها إبنه البكر ، وتخرج حتيكابي فيها بنجاح كبير ، وبالطبع تخصص في علمه الأثير : التاريخ ،


هذا صحيح وما دعاه الي تلك الدراسة هو قبولة ( تحدي ) احد الشباب عندما كان يحاوره في الانساب والتاريخ فقد قال له ذلك الشاب: يا عم حتيكابي انا الكلام ده قريتوا وبدرسوهوا في الجامعة مش كلام ساكت ..!!
فما كان منه الا ان يرد عليه بانه سوف يدخل هذه الجامعة لا ليتخرج منها بدرجة علمية بل لكي يجادل أساتذتها في ما يدرسونه من تاريخ ويصحح ما كتب في ابحاثها وكتبها التي تدرس للطلاب ..وقد كان .. لله درك ايها الراحل ( حتيكابي )

تصويب
في ما جاء من مقالة رثاء د.محمد المهدي بشرى في ذكرى أربعينية الراحل محمد ابراهيم حاج الامين ..( حتيكابي .. أخر الأنجم الزواهر) الابن الاكبر ( حسن محمد ابراهيم حاج الامين - درس وتخرج من كلية التربية بجامعة الزقازيق ) ولقد كتبت عدة مداخلات في بوست لهم علي هذا الموقع.

خالص مودتي ولنا عودة
Post: #290
Title: Re: بـُــري
Author: حيدر امين
Date: 08-10-2008, 10:13 PM
Parent: #289

الموضوع كتبته اليوم فى بوست الخرطوم زمان ولانه بهم ناس برى كمان احسن يكون هنا والبوست عن الخرطوم فى السبعينات:

اول حاجه اول ما نطلع من المدرسة ( الخرطوم الاهليه الوسطى ) او كما تعرف بمدرسة الشيخ مصطفى الامين وناظرها محمد حمزه عليهم رحمة الله , فى الغالب تكون مهمتنا الوحيده ان نجيب العيش ونحن راجعين والعبش عدة خيارات اما تلاقيه فى محطة البصات العيش الابيض المدور 5 بشلن وواحد زياده او عيش سيحه بالسمسم وتلاقى ود الجبل رابط المنديل فى راسو والطاولة فى العجله او تمشى مخبز مونديال للعيش التوست زى ما بقولوا ,وده كله فى اكياس انيقه من الورق المقوى كاكى اللون معمول خصيصا للعيش , وبعد كده البص اول ما اتحرك من الموقف بسوق الخضار متجه غربا الى تقاطع شارع السوق مع شارع البرلمان يلف شمال ليكون فى اتجاه الجنوب ال ان يصل الى تقاطع مبنى البنك الصناعى وشماله برندة ابوالعلا يلف مع البنك شمال وفى اتجاه الشرق ليكون ميدان الامم المتحده يساره وناس الودع وحلاقين تحت الشجر والفراشه وبتاعين المويه والكركدى اما فى اليمين بكون محلات المراكيب والاحذية برندة محلات اولاد المغربى ولى جوه شويه محلات عبد ه تادرس , البص ماشى وصلنا يمينك مرطبات الملتقى وبعدها دكان حسن صالح حاج خضر واخوه لبيع العجلات ثم دكان ود ملاح وبعد شارع ثم مكتبة النهضه لصاحبها المرحوم محمد ابوالريش , ثم بعده حلويات حمدتو صاحب احسن باسطه فى الزمن داك , وفى الصف بعد شوسة مقاهى ولجوه شويه كانت قهوة الزيبق الشهيره , وصل البص نهاية مربوع الجامع وميدان ابو جنزير قدامك يلف شمال مع الجامع متجه الى ان يصل قصاد باب الجامع الشرقى ويتجه شرقا الى تقاطع القصر مع البلديه وكانت الاشاره شغاله , يطلع بشارع البلديه وقبب الاتراك شمالك وبيوت الاغاريق والاقباط على اليمين والشمال وعلى بعد مسافة كيلو او كيلو ونصف يلف شمال حتى يصل تقاطع الجمهوريه وعندها يكون المركز الثقافى السوفيتى يمينك (وياما قضينا فيه اوقات مذاكره لا تنسى ايام الامتحانات ) , يستمر الى ان يصل تقاطع الجامعة وقبله مباشرة على يمينك داخلية البنات وشمالك كانت منازل اساتذة الجامعة وهناك محطة جوار منزل د. علام حسن علام , ياخذ البص اتجاه الشرق مع شارع الجامعه والذى كان مظلل بشجر اللبخ من اليمين والشمال وفروعه تتلاقى فى نص الشارع لدرجة ان الانوار كانت معموله بطريقه فريده ومعلقه فى نص الشارع , وصل البص نفق برى هنالك ايضا محطة بعد النفق مباشرة لناس الخرطوم القديمه , البركس , التربيه والتعليم , مستشفى العيون والماشين سينما النيل الازرق , بعد كده يتجه البص الى الجنوب الى ان يصل لفة سلاح الاسلحه ويلف شمال باتجاه الشرق ويكون يمينك منازل الضباط وسلاح الصيانه وشمالك رئاسة سلاح الاسلحه الزمن داك ماكان فكروا فى نفق شارع الجمهورية , زيستمر البص فى مسيره الى ان يصل المكان الحسع فيه صينية كبرى كوبر ولم تكن او يكون الكبرى نفسه بل كان هناك خط سكة حديد يعبر الشارع الى بابور مويه ( محطة برى الحرارية الان) لتوزيدها بالديزل وياما راحة ارواح بفعل هذا القطار الذى كان اسود اللون من غير انوار او تنبيه ولا يوجد مزلقان وما يحب يجى الا بالليل , بعدها يمينك خلاء نهايته سور المطار وشمالك مقابر برى وبيوت مهندسى الادارة المركزيه ثم مكاتب التربيه والتعليم وشارع النيل , اول محطه كانت محطة دكان عبد الملك بعد تقاطع شارع النص وكان لسه جديد , وشمالك الشارع المؤدى الى كلية الشرطة وجوارها مبانى الكلاب البوليسية , ثم ارض فضاء بها ملاعب الكرة ( فريق برى والروابط) والان بقت جاردن سيتى , المحطه الثانية محطة شيخ الهادى وعندها بنكون فى انتظار البص الجاى من الخرطوم فى الصباح الباكر لانو لو انتظرنا الماشى الخرطوم ما بقيف وطبعا الابونيه موفر علينا كثير , وصلنا اخر محطة فى برى المحس واول محطة فى الدرايسه بعد محطة البزين وهى محطة الشفخانه وهى قصاد الشارع الرئيسى المؤدى الى جاردن سيتى الان شمالا و شارع النص المتجه الى امتداد ناصر جنوبا مرورا بالجزر والذى كان عباره عن شارع ترابى لونه احمر ( الجزر ده سوق الخضار واللحمه لسكان البرارى وزى ما قال اخى محمد ابو العزائم لو عايز تعرف الزول اصلا من برى ولا دخيل شوفو بقول الجزر ولا سوق اربعة (اشارة لمحطة اربعه) ) . يستمر البص فى المسيره ومحطة اخرى قصاد معرض الخرطوم الدولى وبعدها محطة فى برى ابوحشيش جوار نادى برى الرياضى قبل تحويله الى الموقع الحالى , وهى ايضا قصاد غابة ود النور والتى كانت قبلة الكثيرين من الخرطوم والضواحى ورحلات ايام الاجازات والاعياد وحسع راحت فى الفلل الرئاسية , بالمناسبة البص من هنا يمكن يرجع لو كان مليان او يواصل لبرى اللاماب وبها محطتين قبل الاخيرة الاولى امام منزل مبارك امان والد اللواء مامون مبارك امان رئيس اتحاد الكره والثانيه بتكون قصاد قبة الشريف , البص وصل المحطة الاخيرة و 99% بلف لفه سريعه لدرجة مافى واحد يقدر يركب والمحظوظ بتشعلق ويمسكوه , يرجع البص بنفس خط السير بدزن توقف ( وعشان كده نحن بناخد الاتجاه المعاكس ويمكن منها تتنازل من مقعدك لبنيه حليوه ايام كان الجمال جميل ) , لمن البص يصل نفق شارع الجامعه ياخذ طريق غير الطريق الاول فيتجه عند اشارة النفق فى التقاطع الجاى من بحرى جنوبا الى شارع القياده حتى يصل تقاطع شارع البلديه ويدخل به غربا الى ان يصل تقاطع القصر وقد كان شارع البلديه من اجمل الشوارع فى النظافة والتشجير ,, وبعد تقاطع القصر ياخذ طريقه باتجاه الجامع ثم يلف يمين وبعدها يسار ليكون باتجاه الغرب وعلى يمينه محلات منصفون ومحمد خير والطيب سرور و جروبى ويساره الجامع والكتب القديمه للبيع الى ان يصل اخر الموقف .
Post: #291
Title: Re: بـُــري
Author: حيدر امين
Date: 08-10-2008, 10:19 PM
Parent: #290

يا جماعه التاج الشيخ ارباب قال عايز العضويه واحد من العندهم الجواز يتقدم لترشيحه
Post: #292
Title: Re: بـُــري
Author: ماضي ابو العزائم
Date: 08-10-2008, 11:39 PM
Parent: #291

Quote: وعندها بنكون فى انتظار البص الجاى من الخرطوم فى الصباح الباكر لانو لو انتظرنا الماشى الخرطوم ما بقيف وطبعا الابونيه موفر علينا كثير

ودة الخلانا نعرف ناس الاماب من بدرى و بالمناسبه الابونيه كان ب 25 قرش و للاماب ب 30 قرش و كنا بنعمله للاماب عشان نعمل الفة دى مرتاحين
Post: #293
Title: Re: بـُــري
Author: Mekki M Alhassan
Date: 08-12-2008, 03:08 AM
Parent: #292


السلام عليكم
لكن عندي سؤال بسيط
بالجد كده ناس البراري الاعضاء في هذا الموقع...
اين هم؟ تسجيل غياب للمتداخلين منهم علي صفحاته الاولي..
تسجيل غياب واضح ومنهم ابناء احياء البراري الاخري ...

الاخ حيدر أمين ممكن بالله نبذة عن نادي بري المحس الثقافي الاجتماعي
( نادي العجائز ) كما كنا وما زلنا نطلق عليه فقد تاسس في زمن بعيد 1935
علي ما اعتقد... ده براهوا تاريخ

كذلك نادي بري الرياضي أول وأقدم نادي رياضي سوداني ( قبل المورده )

----------------

مداخلة من أجل رفع هذا البوست
Post: #294
Title: Re: بـُــري
Author: خالد العبيد
Date: 08-12-2008, 09:27 AM
Parent: #1

ترى اين فرقة الوان الطيف التي اسسها الاستاذ عبدالحميد الشبلي
الوان الطيف كانت تقدم ابداعاتها منطلقة من مدرسة امتداد ناصر الابتدائية بمحطة ثمانية
وتتشكل من سبعة وردات يحملن كافة الوان الطيف
كانت فرقة تجربة رائعة من حيث الاداء وتقديم نمط غنائي يهتم بحماية البيئة
وكانت الفرقة تغذي نفسها باستمرار من تلميذات تلك المدرسة بعد ان تتخرج اي عضوة من عضواتها
اذكر منهن ابنة اختي هيام عمر التي اصبحت دكتورة صيدلانية الان
لي معهن صورة قديمة ليست بحوزتي الان واتمنى ان اجد الوقت لانزالها
بعد سفر الاستاذ الشبلي ترك مهمة الاشراف لبعض الشباب الممتازين اعتقد من بينهم زميلنا بالمنبر احمد موسى اضافة الى لؤي السماني وآخرون لا استحضر اسماءهم الان
اين الوان الطيف ؟
اين عبدالحميد الشبلي نفسه الذي كان يسهر على الفرقة بشكل مستمر ليل ونهار ؟
اين لؤي وبقية الشباب الذين تسلموا الفرقة ؟

ومودتي
Post: #295
Title: Re: بـُــري
Author: محمد الشيخ أرباب
Date: 08-12-2008, 09:50 AM
Parent: #294

الاخ / خالد

فرقة الوان الطيف يا سلام على الابداع والمبدع عبد الحميد الشبلي

على ما اذكر انو سافر الى قطر في تلك الايام وكان المشرفين على

الفرقة هم : قصي السماني ولؤي حامد

اين احمد موسي فهو اوثق افادة

وكذلك عبدالغني كرم الله

تحياتي

تخريمة:

هل توجد صلة قرابة بين عبدالحميد الشبلي وعماد الشبلي عضو البورد
Post: #296
Title: Re: بـُــري
Author: ماضي ابو العزائم
Date: 08-13-2008, 00:39 AM
Parent: #295

Quote: اين عبدالحميد الشبلي نفسه الذي كان يسهر على الفرقة بشكل مستمر ليل ونهار ؟

نعم عبد الحميد بقطر و اوعدكم بان انقل له تساؤلاتكم حين عودتى انشاء الله
Post: #297
Title: Re: بـُــري
Author: ماضي ابو العزائم
Date: 08-15-2008, 00:47 AM
Parent: #296

الناس مسجلة غياب مالم؟؟؟؟
Post: #298
Title: Re: بـُــري
Author: عادل خياري
Date: 08-15-2008, 05:27 AM
Parent: #297

سلام لكل اهل بري الكرام
وشكرا لهذا البوست الذي فجر في جواي ذكرى ايام خوالد لازالت عالقه كاحلى ايام عشتها في هذه البري المعطاءه
فقد سكنت في بري الشريف لمدة ستة اشهر وكانت من الايام الخوالد
وقبل ان اسكنها كانت لي علاقات حميمه بزميل الدراسه الدكتور عبدالرحيم الامين عبدالرحيم فحببني في بري وساكنيها
فله التحيه من على البعد وليتكم اهل بري تمدوني بتلفونه بعدان فرقنا الزمن
وفي باريس المدينه الصاخبه تعرفت على المعدن الاصيل الاخ عادل داؤد فنعم المعرفه في الغربه
اما هنا في واشنطون فالاخ هاني مبارك فخير من يمثل بري فقلبه وداره مفتوح للكل اما مايجود به وقته رغم مشغولياته
فوجهه للعمل العام لاثراء العمل الرياضي بمنطقة واشنطون الكبرى
فلكم التحيه يااهل بري
ومررت على هذا البوست لاعلن انضمامي لكم ان كان هناك متسع
مودتي
Post: #299
Title: Re: بـُــري
Author: Mohamed Yassin Khalifa
Date: 08-15-2008, 09:59 AM
Parent: #298

فوق بري فوق



والله متابعينكم وماكم كل ثانية... ومازال عندنا الكثير في بري ولبري
Post: #300
Title: Re: بـُــري
Author: عاصم المشرف
Date: 08-15-2008, 11:55 AM
Parent: #299

السادة البراب سلام
اعتذر عن الظهور بالمشاركة لظروف مرضية الزمتنى سرير الاستشفاءوالحمد لله الان الامر الى الاحسن
وموضوع بوست برى ذاد عظمة بدخول الاخوان الجدد حيدر امين والارباب ومكى وغيرهم والمعلومات التىاصبحت تسيل كالبحر على البوست باضافات حيدر والاخوان المقدرة تدعو الى مزيد من التوثيق ولذلك اقترح وضع مدى زمنى لجمع هذه المعلومات القيمة فى كتاب (برى فى عيون مهاجريهااو مغتريبها)او اى مسمى يجمع عليه اصحاب فكرة هذا البوست مع اضافة معلومات اخرى عليه من خارج اعضاءه من ابناء المدينة .
وللعلم ان اصحاب فكرة أنشاء هذا البوست يجدون كل تقدير من الكثير من اهلنا بالبرارى واصبحوا يتسألون عن اخبار هذا البوست وماجديده.
-اساسى الف مبروك الوليد ويتربى فى عزك والناس التى التقيها فى القاهرة من برى اوالذين يتصلوبى فى حاجة للمعرفة الوثيقة بشخصيتك للتعرف بك بأعتبارك صاحب الفكرة ونقل لى ان عدة اجتماعات عامة كانت تذكر هذا البوست بالخير والاشادة ويتسأل الناس من هو اساسى ومن هوالزول الذى عشق برى حتى الادمان ولى رجاء خاص ان تمدنى بسيرة ذاتية لشخصك الكريم مع صورة على الاميل وان كنت لست فى جاجة للتعريف ولكن هناك من العامة محتاجة لذلك .
-زول شغلت اهتمام ناس برى خاصة بتوقيعك زول وهذا مانقل عنك فى جمع لبعض اهل برى ولعلك قد لمست ذلك فى زيارتك الاخيرة لبرى ونامل لك اقامة سعيدةهناك عاجز عن الرد فيما كتبته عناوجزك الله خيروانتم اهله
- ارجو ان تجدفكرة التوثيق الكتابى القبول من اعضاء البوست وتكوين لجنة صياغة لخروجة فى شكل كتاب اعداد الجميع
تحياتى وعودة قريبة مع دعواتكم بتمام الشفاء
Post: #301
Title: Re: بـُــري
Author: محمد الشيخ أرباب
Date: 08-15-2008, 12:18 PM
Parent: #300

الاخ / عاصم المشرف

الف لا باس عليك وانشاء الله اجر وعافية

ومرحب بك في دارك بوست بري

تحياتي
Post: #322
Title: Re: بـُــري
Author: ماضي ابو العزائم
Date: 08-27-2008, 10:57 AM
Parent: #301

أخيرا لقيت نت كافى رفع السيرفر الى 2 قيقا و قدرت ادخل الموقع.عشان تعرفوا معانات ناس الدوحة الايام دى و السواد الاعظم ما قادرين يدخلوا الموقع
Post: #302
Title: Re: بـُــري
Author: محمد الشيخ أرباب
Date: 08-15-2008, 12:22 PM
Parent: #298

الاخ / عادل

المجال يسعك وانت سيد الدار

تحياتي لك
Post: #303
Title: Re: بـُــري
Author: محمد أبوالعزائم أبوالريش
Date: 08-15-2008, 04:43 PM
Parent: #1

لمن يسأل ...

الأخ عبدالحميد الشبلي موجود في قطر .... والأخ عبدالغني كرم الله زميلنا في البورد كمان، وأظن كان عنده مداخلة في بداية البوست.

يا عبدالغني .. دي دعوة للكلام عن فرقة ألوان الطيف وذكرياتك معاها.
Post: #304
Title: Re: بـُــري
Author: حيدر امين
Date: 08-15-2008, 06:21 PM
Parent: #303

كويس انو وديتونا الصفحة الرابعه

ما شايف ترشيح التاج نزل يلا همتكم
Post: #305
Title: Re: بـُــري
Author: حيدر امين
Date: 08-15-2008, 06:31 PM
Parent: #304

Quote: السادة البراب سلام
اقترح وضع مدى زمنى لجمع هذه المعلومات القيمة فى كتاب (برى فى عيون مهاجريهااو مغتريبها)او اى مسمى يجمع عليه اصحاب فكرة هذا البوست مع اضافة معلومات اخرى عليه من خارج اعضاءه من ابناء المدينة .


ود المشرف ,, الفكره جميله وحقو الناس تواصل الكتابه عن بقية البرارى حتى تكتمل المنظومه وبعد كده عملية التنقيح والتنظيم لها اهلها,,, بس كيف الاخوان يواصلو الكتابة ,, وبالمناسيه فى حاجات ممكن نستلفها من بوست الخرطوم زمان لانها مرتبطه ببرى ,,,و متوقع بعض المعلومات تجينى فى بداية رمضان انشا الله
Post: #306
Title: Re: بـُــري
Author: خالد العبيد
Date: 08-15-2008, 09:04 PM
Parent: #1

فكرة الكتاب جميلة وعملية
مستعد للمساهمة في تحرير الكتاب من المواد المتوفرة في هذا البوست
بس بعد ما اروق شوية لانو راحل لي مدينة اخرى
مودتي
Post: #307
Title: Re: بـُــري
Author: Mohamed Yassin Khalifa
Date: 08-15-2008, 09:44 PM
Parent: #306



سلامتك يا ود المشرف

---------------------



يا أخوانا هل في واحد قاعد يكتب من بري... لو في بالله ورونا ليهو
Post: #308
Title: Re: بـُــري
Author: حيدر امين
Date: 08-15-2008, 10:53 PM
Parent: #307

ود المشرف ياخى سلامتك و معذره للتاخير كانت دقسه

Quote: السلام عليكم
لكن عندي سؤال بسيط
بالجد كده ناس البراري الاعضاء في هذا الموقع...
اين هم؟ تسجيل غياب للمتداخلين منهم علي صفحاته الاولي..
تسجيل غياب واضح ومنهم ابناء احياء البراري الاخري ...

الاخ حيدر أمين ممكن بالله نبذة عن نادي بري المحس الثقافي الاجتماعي
( نادي العجائز ) كما كنا وما زلنا نطلق عليه فقد تاسس في زمن بعيد 1935
علي ما اعتقد... ده براهوا تاريخ

كذلك نادي بري الرياضي أول وأقدم نادي رياضي سوداني ( قبل المورده


اخى مكى

صح شايف الناس نايمه يكونوا فى اجازات ولا شنو, على اى حال باين فعلا ناس برى متابعين الموضوع ده وزى ما ذكرت قبل كده اتصل بى احد الاخوان من برى عند سوالى عن النور عبد القادر حارس مرمى برى وبكرى بخيت وافادنى بزواج بكرى بخيت الاسبوع الماضى , وهوكلف نفسه بارسال رسالة الى الموبايل ليطمئنى عليهم كما ذكر ان معظم الشباب هناك متابعين البوست ,,,
ما بخصوص نادى العجائز ونادى برى انشاالله احاول اعيد شى من الذاكره واهو ماضى برجع باكر من فرنسا باذن الله ونحاول نعمل حاجه

اخر الاخبار العندى من برى بكرى حسن ابوراس رجع يغنى كما زمان وكان فى قناة النيل الازرق حوالى شهر كده , و منتظر مضوى بابكر رجع من السودان يرسل لى كلمات اغنية يا زمان يا قاسى .

خالد العبيد ده لمن يعمل رد على مداخله كيفن بعمل ال reference من المداخله الاولى وليس اخر واحده؟؟؟ افيدونا
والحاجة التانية لو عايز تعمل رد لرسالتين مختلفتين كيف تعمل ليهم اقتباس لترد فى رسالة واحده
Post: #309
Title: Re: بـُــري
Author: محمد أبوالعزائم أبوالريش
Date: 08-15-2008, 11:16 PM
Parent: #308

Quote: خالد العبيد ده لمن يعمل رد على مداخله كيفن بعمل ال reference من المداخله الاولى وليس اخر واحده؟؟؟ افيدونا
والحاجة التانية لو عايز تعمل رد لرسالتين مختلفتين كيف تعمل ليهم اقتباس لترد فى رسالة واحده


يا حيدر في تفاصيل تقنية كتيرة حتجيك واحدة واحدة ... بس شيل الصبر.

بالنسبة لعمل الإقتباس ... لو تلاحظ في نهاية الصفحة في البوست بيكون في كلمة (رد)، ودي بتجيب ليك البوست الأساسي (نص صاحب البوست في أول صفحة)، وفي تحت كل مداخلة لكل المشاركين حتلاقي (ملفك) (عدّل) (رد)، وهنا لما تعمل رد حيظهر ليك الكلام بتاع آخر متداخل .....

أصبر لي شوية أجيبها ليك بالصورة
Post: #310
Title: Re: بـُــري
Author: حيدر امين
Date: 08-15-2008, 11:43 PM
Parent: #309

محمد حكاية اعمل نسخ وبعدين لصق فى صندوق الرد بتاعى ثم اعمل اقتباس ده معروفه لمن لو عايز اعمل اقتباس لمشاركتين مختلفتبن كيف قول الاولى جات اجيب التانيه كيف,
حسع بس غرفت كيف الرد بتاعى تكون الاشاره فيه للرساله الاصليه كيف ( فى نهاية البوست بتلقى عبارة اضافة رد) هى بس

وانت تعال المسهرك لحسع شنو انا باكر اجازتى الاسبوعيه وانت مالك
Post: #311
Title: Re: بـُــري
Author: Mekki M Alhassan
Date: 08-17-2008, 02:54 AM
Parent: #310


السلام عليكم
مرحباً بالاخ عاصم المشرف
ربنا يواليك بالعافية ان شاء الله
التحية لك ولاسرتك ولسع في القاهرة؟
Post: #401
Title: Re: بـُــري
Author: محمد أبوالعزائم أبوالريش
Date: 12-23-2008, 09:50 AM
Parent: #311
Post: #312
Title: Re: بـُــري
Author: محمد أبوالعزائم أبوالريش
Date: 08-18-2008, 10:40 PM
Parent: #1


يا جماعة نحن في الدوحة ما قادرين ندخل على موقع سودانيز أونلاين .... عشان كدة تلقونا مقصرين في (العتالة) ورفع البوست، وشايفو نزل للصفحة كم كدة ما عارف. هسة مع إنو الوقت متأخر لكن ما صدقت قدرت أدخل ....

واصلو وربنا يهدي النيت معانا.
Post: #313
Title: Re: بـُــري
Author: Mekki M Alhassan
Date: 08-19-2008, 00:44 AM
Parent: #312


السلام عليكم
لست من المتابعين لدوري الاولي بالسودان
ولكن من علي صحيفة الرأي العام اليوم هذا الخبر

Quote: التحرير وبرى في لقاء مهم في دورى الأولى

كتب: الطيب شيخ ادريس

? يستضيف استاد الخرطوم في التاسعة الا ربعاً مساء اليوم وفي رابع مباريات الاسبوع الخامس لدورى الدرجة الاولى العاصمي في دورته الثانية لقاء فريقى التحرير وبرى في لقاء مهم للطرفين حيث يدخل التحرير اللقاء وفي رصيده «32» نقطة في المركز الرابع وفاز على كركوج في آخر مبارياته الدورية «3/2» ويسعى لمواصلة انتصاراته وملاحقة فرق المقدمة ومن المتوقع ان يقوده في مباراة اليوم ابوالقاسم سعيد ويونس وصديق ابكر وفرينى..
? اما الطرف الثاني في اللقاء فريق برى فيحتل المركز التاسع برصيد «61» نقطة وتعادل الفريق في آخر مبارياته الدورية امام بيت المال «2/2» ويسعى من جانبه لكسب نقاط المباراة والتقدم نحو الامام ويتوقع ان يقوده في المباراة وجدى ونواف ومحمود جهادية وخالد الزومة ولقاء الفريقان في الدورة الاولى كسبه التحرير «3/1».. ومساء امس الاول فاز الامير على العلمين «2/1» احرز للامير عمار الخير ومختار بشير وللعلمين التجاني ابكر لترتفع نقاط الامير الى «81» نقطة ويبقى العلمين في «02» نقطة وغداً لقاء كركوج وابوعنجة..

http://www.rayaam.info/News_view.aspx?pid=260&id=18052
خالص امنياتنا بالفوز لاسد البراري
Post: #314
Title: Re: بـُــري
Author: اساسي
Date: 08-19-2008, 08:05 AM
Parent: #313

الاحباب اولاد البراري
التحية والاشواق
تعرف يا عاصم بمداخلتك دي دخلتني في مكان ضيق وخليتني اتزاوغ من البوست يومين شمال , فكرة انه الكتابة تتحول الي كتاب فكرة ضخمة جدا ومسؤلية في حد ذاتها تحتاج الي كفاءة عالية وذاكرة يافعة , لكن الفكرة في النهاية عظيمة جدا توثق لمدينة اثرت الساحة السودانية بالكثير من المد الثقافي والاجتماعي والرياضي وشكلت وجدان الكثير من السودانين , عشان نكون عملين جدا لو مشينا في الطريق دا وبقينا علي الكتاب لازم يكون في التزامات مباشرة من الاخوة الموضوع في البداية محتاج لي منقب وباحث من الداخل يرفد البوست بالمعلومات الطازجة والتاريخية , محاولة الكتابة عن بقية الاحياء التي شكلت بري يعني انا شايف لسع بري الدرايسة وبري اللاماب وامتداد ناصر وبري ابو حشيش وكوريا ووحتي بري المحس رغم انه اتكتب عنها الاكثر في البوست الا ان المعلومات التي يعرفها اي منا عن بري واحيائها اكثر من التي كتبت في البوست , لذا ما نزال بحاجة عن الكتابة عن تلك الاحياء الكثير لذا قبل البدء في موضوع الكتابة اقترح ان يتولي كل فرد الكتابة عن حيه الذي نشأ فيه في بري ويضاف للمادة الثرة التي كتبت وسيكون ان شاء الله اساس متين للكتاب المقترح
بمعاونة ود الشيخ وكرم الله واحمد موسي ساحاول الكتابة عن امتداد ناصر ان شاء الله

والتحية للجميع مع اولاد بري
مع التمنيات لفريق اسد البراري السم الهاري بالنصر والفوز في مباراته
Post: #315
Title: Re: بـُــري
Author: حيدر امين
Date: 08-19-2008, 11:26 PM
Parent: #1
Post: #316
Title: Re: بـُــري
Author: حيدر امين
Date: 08-21-2008, 09:06 PM
Parent: #1

يا جماعة انتو وين الاجازه خلاص كملت
Post: #317
Title: Re: بـُــري
Author: محمد الشيخ أرباب
Date: 08-24-2008, 11:23 AM
Parent: #316

امتداد ناصر مربع ستة كان فيها ميلاد قصيدة جواز سفر التي تغنى بها الراحل مصطفى سيد احمد

وشاعرها هو حافظ عباس محمد نور شقيق الشاعر عالم عباس محمد نور. واخوتهم قاسم عباس

وصديقي الشاعر الفرنسي محمد عباس محمد نور.

عائلة الشعراء دي كانت تقطن في مربع ستة امتداد ناصر

ومن هناك تتجه شمالا بقليل تجد الراجل المثقف جماع بشير الكندو ود اخت الاديب عبدالغني كرم الله

وعبدالغني كرم الله دائما يقول جماع ده هو العلمني القراية والاطلاع
Post: #318
Title: Re: بـُــري
Author: اساسي
Date: 08-24-2008, 11:29 AM
Parent: #317

يا ود الشيخ يا عمري دا كله بعتبرك ( العراب ) بتاعي اول مرة اسمع القصة دي في الاسافير زي الباقين , ياخي قعادنا معاك قدام دكان الحويج دا الزمن دا كله ما حصل طريت لينا لرواية دي . بالله ادينا تفاصيل اكتر عن الموضوع دا , بالله القصيدة طالعة من بين ظهرانينا ونحن اخر من يعلم
Post: #319
Title: Re: بـُــري
Author: محمد الشيخ أرباب
Date: 08-24-2008, 12:41 PM
Parent: #318

يا السماني كيف ناس عالم ديل كانوا في المربوع بتاع ناس عوض كراتية فاتحين على المدرسة

السماني تذكر عمك محمد التوم جار ناس احمد موسى وناس احمد الياس كان ما بيقدر على الوقوف فترة طويلة

كنا بنصلي في الفسحة قبل الجامع الجديد ده وكان الامام والدك المرحوم مبارك السماني وفي فترة كده

ظهر عمك محمود "الصحفي" بقى مرات يصلي بينا وصلاتو طويلة بقى عمك محمد التوم قبل الصلاة من ما

يشوف عمك محمود ده جاي من بيته يقول للمرحوم يا مبارك الزم سباتك دي يعني احجز سجادة الامام

قبل داك ما يجي يستلمها.

واذكر يوم صلى بينا عمك د. عمر السماني طبعآ بالبقرة بعد الصلاة عمك محمد التوم همس لي وقال

ده جابو من وين ده فضحكت وقلت ليه يا خي ده د. عمر اخو مبارك.

يا السماني مربع ستة منطقتنا ديك فيها قصص وحكاوي ما بتخلص لانو المنطقة فيها المجمع التعاوني والنادي

والميدان دي كلها اماكن تجمعات للناس.
Post: #320
Title: Re: بـُــري
Author: اساسي
Date: 08-24-2008, 03:45 PM
Parent: #319

كيف ما بعرف عم محمد التوم , ابو عادل رحمه الله , اذكره حين سافرت من هنا بعد الوفاة بايام الي العزاء حينما راني وهو يقطع ( الفسحة) لم يستطع ان يتمالك نفسه ودموعه وهو يسلم علي حينما ذكر الوالد عليه الرحمه ويومها رأيت حزن الرجال ولم اتمالك نفسي ايضا رحمه الله كنت اذكر (ملاوزته) من الجعلي حينما يراه في اول الشارع يحوقل ويتعوز الله ويذهب سريعا قبل ان يدركه فقد كان يخاف عينه الحارة كما يقول اتذكره بعد صلاة الصبح وهو وسائقه يسخن البوكس للذهاب الي المقرن وعمله في المشاتل هناك , ياخي حلتنا لامه ناس تفرقت بهم السبل , عباس كوليا رحمه الله وطارق تان تان وحيدر اخوه واحمد موسي وامير و خالد احمد الياس وعبد الفتاح وحكاياتك مع شمس الدين وجهاد ميلاد وعباس ركس وجيمي ورحمي وغاندي وقصص حسن تحتاج لوحدها لكتاب
اذكر ايامئذ المرحوم محمود الصحفي عقب كل صلاة وهو يجادل الامام الي ان تم تقديمه , من طرف الوالد معه عليهم الرحمه ان احدهم ساله من مسالة دينية فتلجلج محمود فقاطعه الوالد سريعا ( طيب مالك عامل لينا فيها ربع نبي وشابكنا غلاط كل يوم .
Post: #321
Title: Re: بـُــري
Author: محمد الشيخ أرباب
Date: 08-27-2008, 08:46 AM
Parent: #320

تعرف اصلا موضوع سليمان ده بدا كيف . يوم سليمان جاي بالميدان من المحطة ماشي على بيت ناس احمد الياس واليوم داك الجماعة

راشين شجرة النيم بالموية بقت نظيفة لمن وصل قال ليهم انتو شجرتكم دي ضاربنها بوهية خضراء ولا شنو.

بعد كم يوم الشجرة سوست عمك محمد التوم قال ليهم انا لي 28 سنة جنايني ما شفت لي شجرة نيم بتسوس

يوم سليمان قال لابراهيم محمد التوم ياخي ابوك بقى لو شافني انا جاي في الشارع يمسك جيبو زي النسى ليه

حاجة ويرجع البيت
Post: #323
Title: Re: بـُــري
Author: ماضي ابو العزائم
Date: 08-27-2008, 11:08 AM
Parent: #321

كنت ما مصدق فاعلنت عن تمكنى من الدخول بطريقة اخلت بتسلسل البوست فعذرا.
جيلنا و الجيل القبلينا اشتهروا فى البرارى و برى المحس تحديدا(و حتى الاجيال التى سبقتنا بمراحل)بالاقاب الفريدة , همتكم معاى نحصر هذة الاقاب و من المقصود بها.
Post: #324
Title: Re: بـُــري
Author: ماضي ابو العزائم
Date: 08-27-2008, 11:16 AM
Parent: #323

فى الصبا و عند قرائتى الاول مرة لرواية الطيب صالح (دومة ود حامد) كنت اتذكر الرجل المبروك(شرف العوير) كلما اتى ذكر الزين فى الرواية.فشرف رغم تخلفة العقلى فهو من خدام مسجد برى المحس فهو من يكنس المسجد و الحوش و يخرج البروش لصلات المغرب ويجهز المكرفونات و يحضر الامام من منزلة و يرجعة للمنزل بعد الصلات . مش قلتليكم راجل بركة؟
Post: #325
Title: Re: بـُــري
Author: محمد أبوالعزائم أبوالريش
Date: 08-28-2008, 10:54 PM
Parent: #1


Quote: فهو من يكنس المسجد و الحوش و يخرج البروش لصلات المغرب ويجهز المكرفونات و يحضر الامام من منزلة و يرجعة للمنزل بعد الصلات


ويتولى أمر الصبية الصغار، ويمنعهم الشغب أثناء الصلاة.

الله يديهو العافية، لا زال كما هو، وكما رأيناهو في الستينات، وبكرة لو مشيت المسجد في صلاة الجمعة تأكد إنك حتشوفو.



_____________
أنا دخلت وما مصدق نفسي، وما عارف حأقدر أتم المداخلة دي والا لأ
Post: #326
Title: Re: بـُــري
Author: حيدر امين
Date: 08-30-2008, 09:13 PM
Parent: #325

Quote: كنت ما مصدق فاعلنت عن تمكنى من الدخول بطريقة اخلت بتسلسل البوست فعذرا.
جيلنا و الجيل القبلينا اشتهروا فى البرارى و برى المحس تحديدا(و حتى الاجيال التى سبقتنا بمراحل)بالاقاب الفريدة , همتكم معاى نحصر هذة الاقاب و من المقصود بها.



عبدالله مويه
ابراهيم كرسى
صلاح الكعوما
مامون التقره
محى الدين فرتيت
عبدالحليم تانى قرش
سليمان ابوسفه
يسن ابوشنب
حسن حرسنا
محمد العمارى
صلاح الضقيل
سيف الاشول
سعيد القرد
الفاتح زرقو
فيصل سمبر
الفاتح كبلو
عادل تعاطيل
توتو كوره
عادل حرم
مامون كرجه
ميرغنى ود ابصالح
عثمان الحلبى
ميرغنى استورستا
مامون يول
عباس افو
محمود المليجى


يلا قدام كل لقب مطلوب الاسم الصحيح
Post: #327
Title: Re: بـُــري
Author: ماضي ابو العزائم
Date: 08-31-2008, 10:49 AM
Parent: #326

يسن البقرة
فتح الرحمن خروف
ابراهيم طربيزة(طربظ)
التامبيرا
النعسانة
الشاى الاحمر
صلاح القسيس
بجيكم راجع
Post: #328
Title: Re: بـُــري
Author: ماضي ابو العزائم
Date: 08-31-2008, 11:00 AM
Parent: #327







من يذكر هذا الفريق؟؟؟
ده فريق النسر و كان تحت إدارة استاذ عمر الهادى و الصورة دى فى الستينات و الظاهر فيها
سيف حسن امين و عمر خواجة و قمبور و الحارس النور عبد القادر
ذكرونى ببقية العقد الفريد
للمعلومية لما تكون فى مباراة بين فريقى النسر(حلة تحت و ميدانة فى قاردن ستى الحالية) و فريق العاصفة(حلة فوق و ملعبة فى موقع نادى برى الحالى) ما بفضل زول فى المحس ما بحضر المباراة
Post: #329
Title: Re: بـُــري
Author: ماضي ابو العزائم
Date: 08-31-2008, 11:31 AM
Parent: #328

و دى صورة عشان تنعش ذاكرة حيدر لما اكتب عن نادى برى الثقافى (نادى العجايز)






الوقوف من اليمين

النور حسن -عثمان احمد الضو- على احمد على(ود الشول)- الامين يوسف - امين عبداللطيف (والد حيدر)- جمال ابراهيم- مصطفى حميدة -عبدالرحيم سىسى - يسن ابراهيم

الجلوس من اليمين
الفاضل احمد - شيخ عبدالرحمن (أخر شيخ حلة لبرى المحس)- مولانا حسن البدانى - صديق عبداللطيف - ابراهيم احمد
جلوس على الارض من اليمين
د.خالد محمد الحاج(حميد) وخالد ابرص

الصورة دى فى منتصف السبعينات لبعض عضوية النادى و جلهم انتقل إلى رحمة مولاة
Post: #330
Title: Re: بـُــري
Author: حيدر امين
Date: 09-01-2008, 03:35 PM
Parent: #329

الثالث من اليمين وقوفا ده على احمد على ولا حسن يوسف
الصور ده عندك منهاا كتير ؟؟؟؟
Post: #331
Title: Re: بـُــري
Author: حيدر امين
Date: 09-03-2008, 11:04 PM
Parent: #330

يا جماعه باركوا لايمن الطيب رزق بولد
Post: #332
Title: Re: بـُــري
Author: أيمن الطيب
Date: 09-03-2008, 11:50 PM
Parent: #331

سلامات أخونا الكبير حيدر امين عبداللطيف,,
الله يبارك فيكم جميعا وشكرا جزيلا على التهنئة,,
وتحياتى لك لما تبذله هنا من جهد رغم أنك حضرت
متأخرا ولكن إستلامك كان إستلام المتمكن وقيادتك
لا غبار عليها ومعرفتك بتاريخ وتفاصيل بُرّى معرفة
حقيقية,,,,,,,

والحقيقة كلنا مقصرين مع هذا البوست ولكن البركة
فى إخوتنا الكبار الذين قاموا باللازم تماما فى
الإحتفاظ به عاليا وجعله ألأقرب إلى السطح فى أغلب
الأحيان و لا نريد أن نتعذّر كثيرا ولكن الوعد ان
نحتفظ به عاليا مليئا بقصص البرارى وإضاءآت أهل
البرارى ونوادرهم وأفراحهم ومعاناتهم,,

بعدين نحن نقول شنو لما يجو ناس حيدر ومكى ومحمد
يس خليفة وودالعبيد وود أرباب وأبوالعزايم وكل
إخوتنا الكبار ديل يتكلمو!!!

كلما سنحت الفرصة نأتى ونمتّع انفسنا بما يكتب هنا
فبرى عامة كانت دائما أيضا سودانامصغرا ,
يا حيدر أمين نحن بصدد التفرغ عدييييييييييل كده
وبما أن اغلب الكلام الآن تاريخ سمعنا بعضه وعاصرنا
جزء منه فالقراءة نفسها متعة وزيادة معرفة,,

تحياتى للجميع..
Post: #333
Title: Re: بـُــري
Author: ماضي ابو العزائم
Date: 09-04-2008, 11:06 AM
Parent: #332

Quote: يا جماعه باركوا لايمن الطيب رزق بولد


مبروك و مبروك لسكينة عالم فى قبرها
Post: #334
Title: Re: بـُــري
Author: ماضي ابو العزائم
Date: 09-04-2008, 11:13 AM
Parent: #333

كتب حيدر


Quote: الثالث من اليمين وقوفا ده على احمد على ولا حسن يوسف
الصور ده عندك منهاا كتير ؟؟؟؟


عندك حق لاول مرة الاحظ الشبة بس دة على و لفة عمتة المميزة.

ما عندى منهاكتير غير بعض الصور و امكن اغلبها غير واضح و بحاول انزل منو ان احببت
Post: #335
Title: Re: بـُــري
Author: حيدر امين
Date: 09-04-2008, 11:07 PM
Parent: #1

القاب من برى ( المشاركة من محمد امين عبداللطيف ) ابوظبى


احمد عطشان احمد عمر


مجدي الليري مجدي احمد عطشان


مجدي ود الحاجه مجدي منصور ارباب


صلاح سلك صلاج علي ميرغني


عوض حبيبه غوض حسب الرسول


صلاح سلوب صلاح يوسف بيت الجرافي

علاء الدين حلولو علاء الدين يوسف بيت الجرافي

الصبره صابر عبد الرحمن بيت الجرافي

خالد قوقن خالد حسن جحا


عادل النمله عادل احمد الجزولي


عبد الحفيظ ابشيبه عيد الحفيظ احمد الجزولي


صلاح اب ساقين صلاح عبد القادر عتره


جمال كافيه جمال عبد القادر عتره


اب رعد محمد ؟


المخلوع اولاد عبد الرحمن علي عمر


الديه محمد عبد الحميد جمال الدين


محمد ملك محمد هاشم


اسامه الاشول اسامه خالد


خالد ابرص خالد عمر


حسن عكس حسن خلف الله


كريمو محمد كرم الله


خالد قرض خالد عمر الامين


الفاتح تقله الفاتح ابراهيم


اولاد التنقس


علي سلطه علي محمد الامين
Post: #336
Title: Re: بـُــري
Author: محمد أبوالعزائم أبوالريش
Date: 09-04-2008, 11:18 PM
Parent: #335


عارف يا حيدر مشاركة محمد أمين دي كنت عايز أنزلها بعد ما أعمل فيها بعض التنقيح، لأنو في ناس على ما أظن ما بيقبلوا الألقاب دي، أو على الأقل ما بيقبلوها من كل الناس. لكن شايفك نزلتها زي ما هي.

طيب: أب رعد إسمو الكامل محمد بشير. وأذكر إنو في نفس الوقت لما جاء من دنقلا لبري جاء معاهو (نجم الدين) وسارع أولاد بري بتسمية محمد بشير (أب رعد) ونجم الدين (سيد بطة)، والإتنين جو من دنقلا، ودخلوا معانا في مدرسة بري المحس الأولية (سنة رابعة).
Post: #337
Title: Re: بـُــري
Author: حيدر امين
Date: 09-04-2008, 11:32 PM
Parent: #336

محمد نسى نفسه= ابودى
مضوى بابكر مضوى = ادى
Post: #338
Title: Re: بـُــري
Author: محمد أبوالعزائم أبوالريش
Date: 09-05-2008, 04:52 PM
Parent: #1


بوستي = الأستاذ/ مصطفى حسن
عبدالله لوفت
Post: #339
Title: Re: بـُــري
Author: حيدر امين
Date: 09-05-2008, 09:23 PM
Parent: #1

يا جماعه مافى واحد من برى اللاماب يدى معلومه؟؟؟
Post: #340
Title: Re: بـُــري
Author: حيدر امين
Date: 09-11-2008, 10:28 PM
Parent: #339

يا جماعه حركوا البوست قبل الارشفه
Post: #341
Title: Re: بـُــري
Author: Adil Hamza
Date: 09-12-2008, 03:19 AM
Parent: #340

الاخوان الاعزاء اولاد برى
انا متابع البوست ده من ما اتفتح
و اعاد لى ذكريات كثيزه

عشت طفولتى ببري و رحلنا امتداد ناصر
عمرى 11 سنة درست الابتدائى بالدرايسة
و المتوسط بالاميرية و الثانوى بالخرطوم القديمة
و الاخ عاصم المشرف دفعتى بالمدرسة ما عارف يا عاصم
متذكرنى و الا نسيتنى
اخونا خالد العببد اعتقد انى بعرفو من امتداد ناصر
لكن السنين طالت و الذاكره كعبه

معاكم سلامة و لى رجعة اكيده

عادل حمزه
Post: #342
Title: Re: بـُــري
Author: عاصم المشرف
Date: 09-12-2008, 04:48 AM
Parent: #341

اولاد برى سلام
ورمضان كريم وتصوموا وتفطروا على خير
اخونا ايمن الطيب الف مبروك ويتربى فى عزك قول امين
الاخ / عادل حمزة
مرحب البيت بيتك وانشاءالله اضافة متميزة
يأخوى شكرا على الذاكرة وتذكرالايام الماضية الجميلة وانا طبعا عقلى قرب اتلحس اسمك بروح وايجى ولى احساس بأنك كنت ساكن برى المحس بالقرب من دكان ناس المشرف خليفة وناس ودبلال الله ارحمه المهم ياخوى قرب المسافات للتذكر واحكى لنا عن الشله التى درست معنا واين انت متواجد الان خارج ولاداخل السوان.

والله يااخونا شكركم على تفقد الصحة والحمدلله الان كويس ويامكى انا مازلت فى فاهرة المعز وطبعا اخبارك مقطوعة الامن القليل عرفت انك تزوجت وانجبت وانشاء الله يتربوا فى عزك.

ياجماعة انا دايراحاول اتذكر شىء عن برى الدرايسة لاننى اغلب وقتى كان هناك وانشاء الله اقدر اسرد شىء يستفاد منه
وبالنسبة لى برى الدرايسة موطن ترعرعى وان كنت اتولدت ببرى المحس ونشأت بحى كوريا بمنزل الجد المشرف الشيخ ادريس عليه الرحمة والمغفرة
والسبب الذى جعلنى ارتبط بالدرايسة هو نهج جدنا المشرف عليه الرحمه فهو كماهو معروف عنه كان منتميما للبيت الصوفى السودانى الكبير دون الانطواء تحت مجموعة محددة وهو ماجعل الليلة الختامية للمولد النبوى الشريف والتى كان يقمها بمنزله بحى كوريا تضم جميع اشكال الطيف
Post: #343
Title: Re: بـُــري
Author: عاصم المشرف
Date: 09-12-2008, 05:47 AM
Parent: #342

وطبعا الدرايسة كما هومعروف بتبدا منشارع الطلمبة المؤدى الى ناصر وتنتهى فى الشارع المؤدى ميدان الكرة الواقعة فى الفسحة بين ابوحشيش واللاماب طبعا هذه الحدود فى زمننا ولكن الان وبعد وجود ناطحات سحاب كمانسمع لااعرف الان اين حدودها.ولكنى أركز فى المنطقة الوسطى منها
وهى التى بدات بها صلاتى بالدرايسة( الجامع الكبير) وكما اسلفت ان جدى المشرف رحمه الله كان من مرتادى ليالى التصوف ومهتم ومواظب على حضرة الاحد والخميس التى يقيمها ابناء الختمية بالمسجد وهو من العناصر الاساسية فيها وله التزام ادبى فى ذلك متمثل فى احضار السكر والشاى كمساهمة عينية لقيام هذه الحلقةالاسبوعيةوحينها لم لاهل الدرايسة ميول نحو الجبهة بل كان اغلبهم اما يؤدى صلاته ويذهب او يحضر الحضرة وكان الود يعم بين مرتادى المسجد فى كل النواحى . وكنت وانا صغير ارتاد تلك الحضرة دون وعى بالذى يدور المهم هناك شاى باللبن ولقيمات وغيرها من الاشياء التى ترغب الصغار قبل الكبارفى التواصل مع هؤلاء الناس .
وعندما اشتد العود رويداوانتقال جدى المرحوم المشرف الى رحمه مولاه الى الرفيق الاعلى ظلت وصيته على زمة الاسرة فى تقديم المساهمة العينية المذكورة(السكر والشاى)وهذا ليس عليه وحدة وانما هناك اخرين وكان يأتى الينا بالمنزل (ابراهيم الطيب الفكى) لاخذ هذه المساهمة للمسجد
وابراهيم هذا شقيق الفنان (احمد الطيب)وابن اخت العازف المرحوم (الجد) وبعد ازدياد النضج والمعرفة اوكلت الاسرة لى شخصى الضعيف القيام بتوصيل المساهمةاعلاه فكنت انتهز تلك الفرصة واجلس داخل هذه الحضرة ومن ثم اصبحت ملازما لهذا المسجدوتوطدت علاقتى فى بادى الامر باثنين من ابناء هذا الحى وهما (ابراهيم الطيب وازهرى الامين ارباب) حاج موت وكناالثلاثى الاساسى يااساسى المنبر فى خدمة تلك الحضرة من تجهيزمكان أقامتها وشد الشاى ثم بدأنا التعلم والتعتعةفى قراءة المولد العثمانى والبرزنجى
Post: #344
Title: Re: بـُــري
Author: عاصم المشرف
Date: 09-12-2008, 06:20 AM
Parent: #343

وهكذا سارت الامور وتوسعت العلاقات التى بدات من داخل حضرة ابوهاشم وامتدت الى خارج المسجد وكنا داخل هذا المسجد نحترم بعضنا البعض رغم التنافر الحزبى والفكرى واذكر فى ذلك التنافس الشديد من اجل اتمام هذا المسجد فى شكله الحالى وكان الناس يطعمون فى ماعون واحد رغم الاختلاف والتنافس من اجل تقديم مفيدة للمجتمع الذى كنا نعيش داخلهوالى ان تركت السودان كان هذا المسجد لم يكتمل بنيانه ولكنى كنت بين الحين والاخر تصلنى اخباره فيما اين وصل العمل فيه.
ومنا امتدت العلاقات بأهل الحى وذاد على ذلك وجود زملاء دراسة فيه.
ومن البيوت الاسر التى اتذكرهافى هذا الجزء من الحى هى:-
1/ المرحوم الخليفة خلف الله الشايقى وزوجته المرحومة الحاجة عافيةوهم م كان لهم دور المشجع فى الاهتام بحضور الحضرات وكانو لاينادوننى الا بالمشرف وعندما يأتى بلحهم من الشماليةيأتون الى بالنفحة عند الصبح
2/ المنزل المقابل هو حوش الامين على خليفةولهذا الحوش صولات وجولات شهدهافكان دائمايحضر اليه كبار قادة الجبهة وعلى راسهم على عثمان طه الذى شهد بداية انطلاقته من هذا المنزل فهو اتى ممثلا للدائرة من هذا الحوش
3/منزل عمر عباس وفى هذا المنزل كان يوجد ابو المعالى الممرض المشهور فى مستشفى ابوعاقلة
4/ يقابله منزل الحاج نقد وكان يقطنه ا/مارتنمدرس الانجليزى ببرى الاميرية
نواصل
Post: #345
Title: Re: بـُــري
Author: Mohamed Yassin Khalifa
Date: 09-12-2008, 07:28 AM
Parent: #344




أهلي بورداب بري.. وأهلي في بري والمنتشرين في صقاع المعمورة... رمضان كريم


كنت قد تسائلت عن أي بوردابي بيكتب من بري! ولما ما جاني جواب إعتبرت أن البيكتبو ديل هم بس أهل بري في الشتات فقط... وهنا أتساءل:

لماذا لا يوجد بوردابي واحد بيكتب من بري العريقة؟

وهل ده بيرجع لعدم عضوية في المنبر.. ولا لعدم وجود كمبيوترات وخطوط نت؟

بل تجدوني أتساءل الآن.. هل هناك من يقراء لنا من بري وماعنده طريقة يتواصل بها معنا ولا شنو؟

عموما هاتفي هو 9176749286 1+ وإيميلي هو: [email protected]

فمن أراد/ت التواصل معنا يمكنه/ها إرسال رسالة إلكترونية وسأقوم بنشرها...لأنه بيهمنا سماع صوتكم ومعرفة أخباركم


ولكم مني كل الود

ـــــــــــــــــــــــــــ

أخونا عادل عبدالحميد.. سعت بمكالمتك الهاتفية... ومرحب بيك في بيتك
Post: #354
Title: Re: بـُــري
Author: Mekki M Alhassan
Date: 09-14-2008, 09:00 AM
Parent: #344


السلام عليكم يا براب ( بضم الباء نسبة للبراري )
رمضان كريم وتصوموا وتفطروا علي خير

الاخ عاصم المشرف حمداً لله علي سلامتك ..متابع اخبارك خاصة الصحفية
ومبروك لك ايضاً الزواج وان جاءت متأخرة فلك العزر والعتبي ..

ملاحظة صغيرة

Quote: 2/ المنزل المقابل هو حوش الامين على خليفةولهذا الحوش صولات وجولات شهدهافكان دائمايحضر اليه كبار قادة الجبهة وعلى راسهم على عثمان طه الذى شهد بداية انطلاقته من هذا المنزل فهو اتى ممثلا للدائرة من هذا الحوش


اعتقد بأن أسماء قيادات ( الجبهة الاسلامية القومية ) قد تشابهت لديك فأن كنت تعني نائب الدائرة في الديمقراطية الاخيرة ( 1986 - 1989 ) فانه عثمان خالد مضوي

غاب عليك يا عاصم ذكر اهم معالم بري الدرايسة ( البوستة )والتي تشارك فسحة الجامع من الجهة الغربية حيث كان لمعظم اهالي بري المحس والدرايسة صندوق بريد باسمهم ويدفعون له اشتراكاً اعتقد بانه قد كان سنوياً ..
Post: #1155
Title: Re: بـُــري
Author: عاصم المشرف
Date: 09-17-2010, 08:45 PM
Parent: #344

UP
Post: #346
Title: Re: بـُــري
Author: حيدر امين
Date: 09-12-2008, 12:50 PM
Parent: #1

Quote: اسمك بروح وايجى ولى احساس بأنك كنت ساكن برى المحس بالقرب من دكان ناس المشرف خليفة وناس ودبلال الله ارحمه


ود المشرف,, رمضان كريم


داك عادل حمزه باشرى واظنه فى السعوديه واهله رحلوا من برى الى بحرى بس شايف اخوه الشرطى ( عثمان حمزه) مازال فى برى
Post: #347
Title: Re: بـُــري
Author: Adil Hamza
Date: 09-12-2008, 02:32 PM
Parent: #346

الاعزاء ناس برى
تحية طيبة
اخونا محمد ياسين انا سعيد جدا بالمكالمة
و معرفتى بك
الاخ عاصم المشرف كيف حالك اتمنا ان تكون بخير
يا عاصم وديتنى بعيد خلاص انا كنت ساكن جمبكم
فى محطة 7 البيت المقابل ناس طلعت و شريف عبدالجليل
البيت الفيهو الدكان

مع تحياتى و لى رجعة
عادل عبدالحميد حمزه
Post: #348
Title: Re: بـُــري
Author: حيدر امين
Date: 09-12-2008, 10:01 PM
Parent: #1

قال اخونا السنى ابوالعزائم فى مواصلة الالقاب

مصطفى محمد بابكر ابلسان
ابراهيم على عمر الفيات
كمال حسن الحاج هلورا
صادق محمد عبدالله عبد الحى
مامون الريح قسومه كبلو
سيد محمد عمر سيد كرنك
الرشيد على عمر القعويه
راشد محى الدين راشد كسره
محمد السيد عمر العبد
بدر الدين شين قدوم كلب
محمد يونس عجوز
الحاج على مصطفى كداره
محمد موسى جربان
نصرالدين السيد عمر ابوزنقله
عثمان ابو عرب انارب
صديق احمدبابكر كبروس
صديق القرد
ابراهيم مصطفى حاج الامين الرماش
Post: #349
Title: Re: بـُــري
Author: حيدر امين
Date: 09-12-2008, 10:17 PM
Parent: #1

من اوبريت الشريف زين العابدين الهندى

فى حلفا التقيت بالاوس واولاد نافع
سلام اولاد ركاب اول بناة للجــامع
درب الخزرج الضوا العتامير ساطـع
لى برى المحس فى توتى ليهو مشارع
Post: #350
Title: Re: بـُــري
Author: Mohamed Yassin Khalifa
Date: 09-13-2008, 01:53 AM
Parent: #349

راسلني الدكتور عبدالرحيم الامين عبدالرحيم وطلب نشره


Quote:
الاخ العزيز محمد خليفة

السلام عليكم ورحمة الله وبركاته, لقد شدنى البوست عن بري الاصاله , فلكم الشكر والتقدير , لقد حرك البوست فى دواخلى الكثير من الشجن والزكريات فانا من سكان برى المحس , ولى طلب منك وهو ان توصل تلفونى لاخ عزيز جدا جدا وهو زميل دراسه وعضو بالمنبر معكم وهو كان قد سال عنى وهو الاخ عادل خياري من واشنطن دى سى لو عندك طريقة اتصال معه لاننى لم اجد عنوانه البريدى حتى اتواصل معه ويمكن ان تنشر ايميلى بالبوست عسي ان يجده الاخ عادل , انا حاليا بمدينه مانشيستر ببريطانيا وبعمل دراسات عليا وتلفونى هو 00447517479650

ولك منى اكيد شكرى وبالتوفيق

اخوك

د. عبدالرحيم الامين عبدالرحيم

[email protected]
Post: #351
Title: Re: بـُــري
Author: حيدر امين
Date: 09-13-2008, 09:16 PM
Parent: #350

د عبد الرحيم امين ده شقيق صلاح امين عبد الرحيم حاج الامين؟؟؟

ما شاء الله

صلاح دفعتنا وود حلتنا
Post: #352
Title: Re: بـُــري
Author: عاصم المشرف
Date: 09-13-2008, 11:10 PM
Parent: #351

شكرا ود الامين على المعلومة
الاخ والزميل عادل عبد الحميد حمزة (الشايقى) متذكرك بالحيل ولكن حزفت اسم الوالد وهو العمل لى وشوشة وانا كنت متابع اخبارك من خلال عثمان شقيقك الذى كان متواجد بالقاهرة قبل اللحاق بكم فى امريكا وهو الذى افادنى بهجرتكم وهذا الكلام منذ3سنوات تقريبا وانشاء الله هو كويس وكذلك جميع الاهل.
نواصل شوية عن الدرايسة
كنت قد توقفت عند بداية سرد المنازل با لحى وقبل الذهاب طولا ارجع لعرض هذا الشارع وهو اول نقطة تقاطع للشارع الذى يربط ظلط النص بشارع المعرض وفى هذا التقاطع والمتد من محطة 4الى الشارع الفاصل بين الدرايسة وابو حشيش يقطن هؤلاء:
1/الضو العوض الضو
2/محمدعبد الباقى ( التقر)
3/المرحوم يوسف محمدوابنائه( اولاد الحاجة مهدية) خليفةوحمزة
4/المرحوم محمد كاتوحاوحاليا نسيبه( ود العطيا) التاجر المعروف
5/ المرحوم عبد الله نمر ومن ابنائه(ابراهيم باسطة)
6/ الامين على خليفة وابنه م عثمان الامين رجل اعمال حاليا معروف
7/المرحوم الامين الرومى وابنائه الهادى ومبارك
8/ اولاد ابوشوق منهم حسن
9/اولاد نمر منهم عبدالله وسعد وعمر
10/ المرحوم حسن عبد الرازق وابنه نزار(ناس بتابلبد)
11* المرحوم عباس على خليفة
12/المرحوم موسى بليه صاحب مطعم الفول المظبط
13 المرحوم ودالوداعة اللواء بكرى المك المقدم عمر المك
14/المرحوم الطاهر بابا
15 /المرحوم الاستاذ المربى على السيد
16 /حوش عبد الرحمن حاج احمد مستأجر
17/ المرحوم الذين ادم وابنائه اسامة والفاتح
19/ مغلق الامين على خليفة
ونرجع لنقطة بداية الشارع الذى حاولنا سرد الاسرفيهوبعد المنزلين المذكورينن نجد
20/ منزل المرحوم السر العوض ون ابنائه المرحوم فخرى السر مشجع برى الشهير ومدرب سانتوس على مااظن
21/ منزل ابوريش وعمر عابدين
22/منزل المرحوم ابو قرجه
23منرل المرحوم عبد الغنى صاحب الطاحونة الاولى بالدرايسة
24منزل الطيب الفكى والد المطرب احمد الطيب وابراهيم الدرويش
25/منزل الحاج بدوى وابنه اسماعيل وعامروالمرحوم الفكى
نواصل مع تصويبكم لاننى اذكر ذلك من اخر ارتباط مباشر بالسودان وهو فى ال92
Post: #353
Title: Re: بـُــري
Author: عاصم المشرف
Date: 09-13-2008, 11:18 PM
Parent: #352

مولانا احمد موسى سلام حقوا تحدثنا عن برى ابوحشيش ولو من الماضى البعيد
Post: #355
Title: Re: بـُــري
Author: عاصم المشرف
Date: 09-15-2008, 09:36 PM
Parent: #353

ود الحسن
سلام وشكرا على المداخلة اعتقد ان المعلومة الخاصة بعلى عثمان صحيحة مائة فى المائة فهو سبق عثمان مضوى فى الدخول لمجلس الشعب من برى وكان ذلك فى عهد النميرى واصبح رائدا للمجلس على ماأظن وعثمان خالد فىالديمقراطية الاخيرة وبما اننا نوثق لمدينتا فارجو ان كنت مازلت فى ضبابية المعلومة التوضيح ، لم انسى المنطقة التى ذكرتها( البوستة) ولكنى اسير حت حته لمحولات التذكر.
اواصل والمنازل التى تلى ال ذكرتهاسابقا-
1/حوش بندى( حاجة زهراء)
2/الناظر حسن يوسف ناظر المدرسة الاميرية وله ابن مشهور فى كرة القدم يسمى عادل وملقب بعادل بساسةواظنه الان مهاجر
3/ دكان عم يوسف والحاجة نور الشام وهومحل مشهور بالفول المظبط والطعمية الجيدة وامامه توجدشجرتان ظليلتان وفيهما كنا نتلم بعض الوقتوشلة من الاصدقاء
4// المرحوم على جبارة وهنا ارجع للعلاقة التى لمتنى بالدرايسة حيث كانت الحاجة المرحومة ( الفوت) وهى احدى النساء اللاتى يقمن بخدمة بيوت الله وليالى الذكر وصاحب هذا المنزل الله يرحمه على مااظن شقيقهاوله ابن يدعى عادل وهو صديق عزيز على وكنت جل الوقت معه فى ظل منزلهم هذا وايضا كان زميل دراسة والان معروف بعادل بوب لانه يتمثل به فى عزف الجيتار وفلفة الشعر. وهذه الاسرة ايضاانجبت احدى الطالبات المشهود لهابالفضل والمشاركة فى تأسيس اول اتحاد للطلاب السودانيين بالمغرب وهى المرحومة ناهد على جبارة رحمهاالله وفى المغرب استفدنا ثيرا من خدمات اتحاد الطلاب الذى انشاء بواسطة جيلهموظل يؤدى دورة حتى تخرجنا
5/ حوش بابكر خليفة وفى هذا الحوش يقطن بدرالدين صاحب جدرية عالم الرياضةعلى ماأظن وهكان شريا فيها تقربا مع النعمان حسنالصحفى الرياضى المعروف
6/منزل ناس قريب بتاع الحصان الرجل النكته المعروف
7/ منزل الخليفة عبدالدافع والبيوت المتفرعة منه وهى البيوت التى يقطنها ابناءه واحفاده الذين كانت تجمعنى بهم صداقات جعلت ارتباطى بالدرايسة اكثر عمقافكان وليد مصطفى المهل وعماد الذين وكان اسامة ابوكومة وان ابوبكر يوسف اضافة الى ذلك كانت نوبة الخليفة عبد الدافع والدراويش البتلمو فى حوشه
8/منزل الحاج حجير الله ارحمه
9/ منزل المنهدالماحى وابنه سيف
نواصل مع رجاء التصويب فى الاخطاء الزمن طال
Post: #356
Title: Re: بـُــري
Author: Adil Hamza
Date: 09-15-2008, 10:52 PM
Parent: #355

سلام يا ناس برى
كيفك يا عاصم و كويس انك اتزكرتنى
نحن آخر مرة اتلاقينا كنا اطفال على
ما اعتقد شفت الدنيا دى كيف
ياخى انا سعيد جدا بمقابلتك اسفيريا
و اتمنا ان يتم التواصل الى ان نلتقى

الاخ خالد العبيد ما قادر اتذكرو كويس
لكن حاسي انى بعرفو و كتبت ليهو الكلام
ده فى بوست الترحيب لكن ما جا ردا هناك

عموما احى كل اهل برى الفى برى و الهاجرو
منها بالاخص جيراننا زمان ناس طلعت و عاطف
و شريف عبدالجليل و اخوانهم و كذلك ناس
ياسر ازهرى عبدالله على و الاخ انور على و مصطفى
محمد الحسن و ناس الخليفة خلف الله هباب و زوجته
العافية و اولادهم و كذلك ناس عبدالعظيم عبدالفضيل
و اخوانه
و الله البوست ده هيج الذكريات الجميلة التى كدت انساها
شكرا ليكم يا ناس برى

عادل عبدالحميد حمزه
Post: #357
Title: Re: بـُــري
Author: محمد أبوالعزائم أبوالريش
Date: 09-19-2008, 10:33 PM
Parent: #1


يا أساسي ....

البوست لسة فيهو كلام كتير ما إتقال ...

عشان كدة عتِّلوا معانا للربع الجديد
Post: #358
Title: Re: بـُــري
Author: حيدر امين
Date: 09-23-2008, 07:09 PM
Parent: #1

والله شكلكم كده ماشين على الارشفه
Post: #359
Title: Re: بـُــري
Author: ماضي ابو العزائم
Date: 09-24-2008, 03:01 PM
Parent: #358

كتب محمد يسن

Quote: راسلني الدكتور عبدالرحيم الامين عبدالرحيم وطلب نشره



Quote:
الاخ العزيز محمد خليفة

السلام عليكم ورحمة الله وبركاته, لقد شدنى البوست عن بري الاصاله , فلكم الشكر والتقدير , لقد حرك البوست فى دواخلى الكثير من الشجن والزكريات فانا من سكان برى المحس , ولى طلب منك وهو ان توصل تلفونى لاخ عزيز جدا جدا وهو زميل دراسه وعضو بالمنبر معكم وهو كان قد سال عنى وهو الاخ عادل خياري من واشنطن دى سى لو عندك طريقة اتصال معه لاننى لم اجد عنوانه البريدى حتى اتواصل معه ويمكن ان تنشر ايميلى بالبوست عسي ان يجده الاخ عادل , انا حاليا بمدينه مانشيستر ببريطانيا وبعمل دراسات عليا وتلفونى هو 00447517479650

ولك منى اكيد شكرى وبالتوفيق

اخوك

د. عبدالرحيم الامين عبدالرحيم

[email protected]



فى الحقيقة و للامانة وصلنى ايضا الخطاب دة و نسبة لانى و لفترة ما قادر ادخل البوست
بالتالى لم انشرة و الحمد لله غيرى قام بالواجب (حيدر الدكتور الاخ الاكبر لصلاح الامين و اولاد عمت محمد/الشيخ بابكر الهادى)
Post: #360
Title: Re: بـُــري
Author: ماضي ابو العزائم
Date: 09-24-2008, 03:07 PM
Parent: #359

Quote:
ابراهيم على عمر الفيات
كمال حسن الحاج هلورا
صادق محمد عبدالله عبد الحى
مامون الريح قسومه كبلو
سيد

طبعا عمر مصطفى حسن مافى زول بجيب لغبو
Post: #361
Title: Re: بـُــري
Author: ماضي ابو العزائم
Date: 09-28-2008, 02:19 PM
Parent: #360

اصحو يا عالم و كل سنة و انتوا طيبين
Post: #362
Title: Re: بـُــري
Author: عاصم المشرف
Date: 09-29-2008, 03:20 PM
Parent: #361

بورداب برى سلام وكل سنة وانتم طيبين والسنة الجاية مجمعين( تحت البحر)والجناين امين
Quote: احاول المواصلة عن الدرايسة

وقفت المرة الفاتت عند منزل الخليفة يوسف عبد الدافع الله ارحمه وماحوله من منازل ولكن نسيت منزل المرحوم كمال سلامة وهو كما اظن توفى احداث انقلاب هاشم العطاضمن مجموعة الظباط التى توفيت بيبت الضيافةوهذا المنزل يقع فى المربوع الفاصل بين برى ابو حشيش والدرايسة
ولما نرجع الى شمال منزل الخليفة عبد الدافع نجد منزل ناس عابدين يوسف وفرن اولاد حريز ومستشفى ابوعاقلةومن شمال المستشفى نجد منزل محجوب محمد على وناس سوار الذهب ومن الداخل ناس اولاد الزبير
ومفروض يامحمد ياسين تكمل
Post: #363
Title: Re: بـُــري
Author: ترهاقا
Date: 09-29-2008, 04:16 PM
Parent: #362

Quote: منزل ناس عابدين يوسف وفرن اولاد حريز ومستشفى ابوعاقلةومن شمال المستشفى نجد منزل محجوب محمد على وناس سوار الذهب ومن الداخل ناس اولاد الزبير


كل أهل البرارى عيد سعيد عليكم

وعبركم التهاني إلى اصدقائى عموم اسرة حريز فلم افارقهم حتى مغادرتى السودان
عام 88 ، عبد الرحمن حريز جلال حريز عزالدين، عصام واخونا عازف الكمان المخضرم نورالدين
ودكان المشرف - والله قلبتو علينا المواجع

ولكم الود
Post: #364
Title: Re: بـُــري
Author: حيدر امين
Date: 09-29-2008, 08:14 PM
Parent: #363

يا جماعه كل سنه وانتو بخير
نحن الوحيدين العيدنا بوم الاربعاء ويمكن الخميس

المرحوم كمال سلامه خالو المرحوم احمد قندبل
Post: #365
Title: Re: بـُــري
Author: ماضي ابو العزائم
Date: 10-03-2008, 10:47 AM
Parent: #364

كل سنة و الجميع بخير
Post: #366
Title: Re: بـُــري
Author: حيدر امين
Date: 10-05-2008, 01:20 PM
Parent: #365

كل عام وانتو بخير

اخيرا لميت فى كلمات يا زمان يا قاسى للعمه كوثر عبد اللطيف بابكر اداء والحان بكرى حسن

يا زمــان يا قــاسى
لو ترحـم همومـى واحسـاسى
زمـانى يا زمـانى يا قـاسى
حبايـبى يا اهـلى يا ناســى
جمــال الدنيــا والنــاسى
ليه قوليــنا بتــأسى
قليبــى انا زمان هديتك
مشيت لبعيد وما هجيتك
زمانى الدنيا مازالت
توالينى بما قالت
امالى جميعها آلت
وبرضو الزمن قاسى
بنادى عليك من بدرى
واقول يا ربى هل يدرى
رغم امانى وصبرى
برضو الزمن قاسى
Post: #379
Title: Re: بـُــري
Author: Mekki M Alhassan
Date: 11-03-2008, 00:05 AM
Parent: #366

الاخ حيدر أمين
الله الله عليك يا رائع ,,,
هذه الاغنية جعلها الفنان الرائع
بكري حسن تاجاً يتشرف به الناس في جميع عموم
البراري ..
تذكرني بري كلما هيجيت بي الذكري




بس لو في زول ينزلها لينا هنا صوت أو صورة؟؟
Post: #367
Title: Re: بـُــري
Author: حيدر امين
Date: 10-06-2008, 08:31 PM
Parent: #1

http://www.burryalmahas.net



يا جماعة مسئولين من الخير الحصل شنو فى الموقع اعلاه

هل من جديد يا مكى
Post: #368
Title: Re: بـُــري
Author: Mohamed Yassin Khalifa
Date: 10-06-2008, 10:13 PM
Parent: #367

جاءت هذة الرسالة الهامة من الأخ فخرالدين علي من الشارقة


Quote: From: (Clinic)Fakrudeen Ali
Sent: Monday, October 06, 2008 12:49 PM
To: [email protected]
Subject: تحيه طيبه


أهديك اطيب التحايا وعاطر الاماني وأحلى سلام ....أما فيما يخص بوست بري الجميل والاشمل على الاطلاق ....اود شاكرا



أفادتكم وكاتب احدى المداخلات والتي اعلم يقينا بانها خطأ غير مقصود...بأن الخليفه يوسف عبدالدافع بخير وبصحه جيده ويقيم



بدولة الامارات العربيه المتحده ـ امارة ابوظبي...متعه الـلـه بالصحه والعافيه.



....التحيه عبرك اخي الكريم للاخ العزيز اســاسي ولشخصكم الكريم وكل من سطر حرفا في هذا البوست القيم..متمنيا لكم



وللبراري واهلها الطيبين وسودان الجميع كل خير
Post: #369
Title: Re: بـُــري
Author: Mohamed Yassin Khalifa
Date: 10-06-2008, 10:15 PM
Parent: #367

Quote: يا زمــان يا قــاسى
لو ترحـم همومـى واحسـاسى



يا حيدر عيدك مبارك (وطبعا جاكم متأخر شوية عن الناس)


بس لكن ما قسيت علينا الزمن بكلمات قاسية... وألحان مافيها رحمة

وطبعا بكري حسن قلب فيها الهوبة... والجكس كان بيتقطع في ترديدة ليها


ولروعتها
Post: #380
Title: Re: بـُــري
Author: Mekki M Alhassan
Date: 11-03-2008, 00:14 AM
Parent: #367

الاخ حيدر أمين

والله يا حيدر قريبي وقريبك
أخونا دكتور عبد القادر أحمد محمد أبوالقاسم
شايل المفاتيح معاهو ومختفي في ثلوج مونتريال بكندا
كل ماأسألوا يقول لي قريب جداً الافتتاح وخاصة المنتدي ..
ان شاء الله يقرأ كلامي ده يقوم يتحرك ويبطل كسل ..

عنده كمية من المعلومات ( عن بري المحس )
كتبها له الراحل محمد ابراهيم حاج الأمين حتيكابي
وجدنا عبد الحميد الفكي خوجلي ..

دمت بعافية والاخوان
Post: #370
Title: Re: بـُــري
Author: حيدر امين
Date: 10-10-2008, 09:54 PM
Parent: #1
Post: #371
Title: Re: بـُــري
Author: حيدر امين
Date: 10-17-2008, 11:09 AM
Parent: #1

انا لله وانااليه راجعون

انتقلت الى رحمة الله ببرى المحس امس الاول الخاله( السيده حسن الضو )

والدة الاخوان ضياء الدين , ماضى , كمال, محمد, والسنى ابو العزائم

اللهم تقبلها قبولا حسنا وارحمها واغفر لها

اللهم الهمناالصبر والسلوان
Post: #372
Title: Re: بـُــري
Author: حيدر امين
Date: 10-25-2008, 09:11 PM
Parent: #1

صح النوم يا جماعة
Post: #373
Title: Re: بـُــري
Author: Mohamed Yassin Khalifa
Date: 10-30-2008, 05:14 PM
Parent: #372

الأعزاء الكرام

جائتني هذة الرسالة من العزيز إبن خالي وود بري الدكتور والفنان إبراهيم عبدالحليم:


Quote: From: Ibrahim Ahmed [mailto:[email protected]]
Sent: Thursday, October 30, 2008 11:25 AM
To: [email protected]; Bakri Abubakr
Subject: Sudaneseonline


الأخ محمد يس

تحية حارة جدا خصوصا بعد غيبة طويلة
مررت على منبريكم برى ومنبر الخرطوم القديمة وسعدت جدا بوجود هذاالعدد الهائل من الزملاء الذين اعرفهم فلهم التحية
لكى يتذكرونى هاك عنوان صفحتى الألكترونية

www.ibrahimsud.net

كذلك أنا أجهز لألبوم غنائى جديد بعنوان قلبى الحنين هذا نموذج له وللفيديو كليب

also see www.ibrahimsud.net

تحياتى عبرك للراقى دوما الفنان يوسف الموصلى الذى أعرفة وأشك إن كان يعرفنى
كذلك التحية للأخ بكرى أبوبكر الدفعة زميل الدراسة فلقد كان بكرى فى الجيولوجيا وأنا فى قسم الكيمياء فشكرا بكرى على هذا الموقع المتميز

أخوكم إبراهيم عبد الحليم
Post: #374
Title: Re: بـُــري
Author: Mohamed Yassin Khalifa
Date: 10-30-2008, 05:28 PM
Parent: #373


أستمعت لغناء إبراهيم ووجدت فيه كلمات شاعرية وموسيقى متطورة وأداء محترف


وجدته فن راقي وإضافة موسيقية ستسعد بها مكتبة الفن والغناء السوداني

وحتما سيرشحه تميزه للعالمية... وكان الله معه ووالاه كل التوفيق



أدعوكم بحق للأستماع له والإتطلاع على أعمال الدكتور الفنان إبراهيم عبدالحليم أحمد الزبير... على:


http://www.ibrahimsud.net
Post: #375
Title: Re: بـُــري
Author: Mohamed Yassin Khalifa
Date: 10-30-2008, 05:30 PM
Parent: #374

Quote:

صح النوم يا جماعة!
Post: #376
Title: Re: بـُــري
Author: ماضي ابو العزائم
Date: 11-02-2008, 09:58 AM
Parent: #375

لكل ابناء البرارى و المغتربين بدولة قطر خاصة اجتمع نفر من ابناء البرارى من اجل انشاء رابطة و كلفت بانزال البيان الآتى:-

Quote: رابطة ابناء البرارى بدولة قطر

تم مساء يوم 31/10/2008 إجتماع تمهيدى جمع عدد من أبناء البرارى تم فيه تشكيل لجنة تمهيدية من:-
1. فياض عوض محمد - رئيسا
2. ناصر عباس أحمد - عضوا
3. كمال دقنا - عضوا
4. ماضي ابو العزائم - عضوا
5. مصطفي محمد التوم - عضوا
للتحضير للجمعية العمومية.


للمساعدة فى جمع أسماء و عناوين ابناء البرارى يرجى الاتصال على التلفونات الآتية:-
• 6594179
• 5998939
• 5386200
• 5424637
مفتاح قطر للاتصال من خارج الدولة هو (974+)

حضر الاجتماع التأسيسى كل من:-
1. فياض عوض
2. احمد ابايزيد مساعد
3. محمد حسن احمد الحاج (التوم)
4. ناصر عباس احمد
5. عمر سليمان مضوى
6. مامون احمد هاشم
7. عبدالغفار آدم
8. علاءالدين صديق الريح
9. الطيب خليفة الطيب
10. مامون محمد حسن
11. محمد احمد حامد (احمدو)
12. محمد مكى
13. ماضي ابوالعزائم
14. مصطفي محمد حسن
و إعتذر من الاجتماع لظروف طارئة كل من :
• كمال دقنا
• د.الشيخ بابكر
• ايمن الطيب
• محمد ابوالعزائم

تم تكليف اللجنة التمهيدية بلآتى:
1. حصر أبناء البرارى بدولة قطر.
2. تحضير مسودة الائحة.
3. الدعوة للجمعية العمومية.


يلا همتكم معانا
Post: #377
Title: Re: بـُــري
Author: حيدر امين
Date: 11-02-2008, 08:32 PM
Parent: #376

الاخ ماضى

والله بختكم العدد يستاهل الرابطه, تصوروا نحن هنا فى مسقط عددنا كم؟؟

السنى ابو العزائم- مسقط
حبدر امين- مسقط
عادل يسن الشافعى - صحار 200 كيلو من مسقط
على الزبير - لاعب برى سابقا - مسقط ( كمان ما ظاهر ولا حتى فى النادى )

اباد عمر مصطفى - صور 160 كبلو من مسقط

السر احمد عيسى - زوج شقيقة محمد خرسانى - مسقط

بس ديل نحناوانشاء الله ما اكون نسيت زول

تحاياتى الى الجمبع وبالاخص استاذنا محمد التوم ( هذا الرجل عندو قصص كتيره عن نادى برى )
Post: #378
Title: Re: بـُــري
Author: محمد أبوالعزائم أبوالريش
Date: 11-02-2008, 11:04 PM
Parent: #1

صلاح أحمد هاشم .... لك الرحمة ولنا حسن العزاء
Post: #381
Title: Re: بـُــري
Author: ماضي ابو العزائم
Date: 11-09-2008, 03:47 PM
Parent: #378

**
Post: #382
Title: Re: بـُــري
Author: Mohamed Yousif Hamad
Date: 11-12-2008, 02:07 PM
Parent: #1

سلام الله عليكم اهلي ناس بري جميعا وبالاخص اهلي ببري الشريف.
Post: #383
Title: Re: بـُــري
Author: حيدر امين
Date: 11-12-2008, 03:24 PM
Parent: #1

مرحب بيك محمد يوسف فى دارك وبين اهلك
والجابك يجيب احمد يوسف كمان
Post: #384
Title: Re: بـُــري
Author: Mohamed Yousif Hamad
Date: 11-18-2008, 02:56 PM
Parent: #1

UP
Post: #385
Title: Re: بـُــري
Author: ماضي ابو العزائم
Date: 11-20-2008, 11:31 AM
Parent: #384

قمت باعادة تنزيل الصور بعدما فقدت بسبب ما فعلة
الهكر وهى صور الفنان حسون الله جابو و فريق النسر
و صورة ابعض اعضاء نادى برى الثقافى (العجائز)
ودى دعوة للكل لصيانة البوست لانو لو مشى الارشفه
مافى طريقة تعديل تانى
Post: #386
Title: Re: بـُــري
Author: حيدر امين
Date: 11-28-2008, 08:25 PM
Parent: #385

فوق

ياناس تاج السر الشيخ ارباب محتاجة لواسطة عند بكرى
Post: #387
Title: Re: بـُــري
Author: محمد أبوالعزائم أبوالريش
Date: 11-28-2008, 11:22 PM
Parent: #1


جبتو من وين يا حيدر .....

لي يومين بفتش في البوست.

عندي موضوع عايز أعمل بيهو بوست، وهو بيخص بري برضو. المادة مكتملة، لكن والله من ما رجعت من السودان ما لاقي فرصة.
الموضوع قديم، وإتنشر في جريدة الرأي العام. كتبه المرحوم "محمد إبراهيم حتيكابي" بعنوان (حكاية البحث عن سليمان) بيحكم قصة الجد سليمان الفكي الضو، وكيف مشى مصر والبحث عنه وعودته. المرحوم حتيكابي كتبها بأسلوب قصصي شيق، وربنا يسهل وأنزّل البوست في الأيام الجاية.
Post: #388
Title: Re: بـُــري
Author: حيدر امين
Date: 11-29-2008, 04:52 PM
Parent: #387

Quote: عندي موضوع عايز أعمل بيهو بوست، وهو بيخص بري برضو. المادة مكتملة، لكن والله من ما رجعت من السودان ما لاقي فرصة.
الموضوع قديم، وإتنشر في جريدة الرأي العام. كتبه المرحوم "محمد إبراهيم حتيكابي" بعنوان (حكاية البحث عن سليمان) بيحكم قصة الجد سليمان الفكي الضو، وكيف مشى مصر والبحث عنه وعودته. المرحوم حتيكابي كتبها بأسلوب قصصي شيق، وربنا يسهل وأنزّل البوست في الأيام الجاية




طيب ما تسرع ياخى الجماعه فى الانتظار

لو عندك النص الكامل لاغنية ( بحق لى قولى )بالله رسلها فى الايميل
Post: #389
Title: Re: بـُــري
Author: محمد أبوالعزائم أبوالريش
Date: 11-30-2008, 07:05 AM
Parent: #1

حكاية البحث عن سليمان - بقلم محمد إبراهيم حتيكابي

بدينا يا حيدر .... وربك يسهّل

الكل مدعو لزيارة البوست أعلاه، وفيه بعض التوثيق لفترة وتاريخ أسرة في بري المحس
Post: #390
Title: Re: بـُــري
Author: ماضي ابو العزائم
Date: 11-30-2008, 09:49 AM
Parent: #389









محمد عباس ابوالريش مؤسس مكتبة وجريدة النهضة السودانية
صدر من الجريدة 30 عدد ثم توقفت بوفاتة اما المكتبة كانت بجوار قهوة الزيبق و حلوانى حمتو ثم انتقلت فى الزاوية المقابلة لمحلات اولاد ملاح و ازيلت عند هدم المحلات و قيام سوق الذهب.كانت و المكتبة الاهلية من اوائل المكتبات الوطنية بالخرطوم تقاسمت مع قهوة الزيبق تهافت المثقفين و الوطنين اليهما.
الصورة التانية كانت الصورة الوحيدة الموجودة عند الاسرة مع اشقائة مزمل و السنى الى ان وجدت الصورة الاخرى داخل احدى الكتب بالمكتبة عند اغلاقها
Post: #391
Title: Re: بـُــري
Author: محمد أبوالعزائم أبوالريش
Date: 12-02-2008, 11:23 AM
Parent: #1

Quote: لو عندك النص الكامل لاغنية ( بحق لى قولى )بالله رسلها فى الايميل




ما عندي النص والله ... لكن إنت مش كنت شلت النص السنة الفاتت من صلاح الرزيقاتي؟
Post: #392
Title: Re: بـُــري
Author: حيدر امين
Date: 12-08-2008, 09:53 AM
Parent: #391

كل عام والجميع بخير
Post: #393
Title: Re: بـُــري
Author: حيدر امين
Date: 12-13-2008, 09:24 PM
Parent: #1



والله بالغتو الشى زول يبارك العيد مافى
Post: #394
Title: Re: بـُــري
Author: ماضي ابو العزائم
Date: 12-21-2008, 11:27 AM
Parent: #393

كل سنة و امت و كل المشاركين طيبين يا حيدر
الناس يا سيدى كانت خايفة من (الهكر)
Post: #395
Title: Re: بـُــري
Author: محمد أبوالعزائم أبوالريش
Date: 12-22-2008, 08:36 AM
Parent: #1



يا جماعة رايكم شنو؟
نطلب نقل البوست للربع الجديد؟ والا خلاص أدى أغراضو نخليهو يتأرشف؟
Post: #396
Title: Re: بـُــري
Author: ماضي ابو العزائم
Date: 12-22-2008, 12:42 PM
Parent: #395

وصلنى الميل التالى من الاخ عبده حمد النيل
Quote: الأخ ماضي سلام والبركة فيكم انشا الله ،،دي صورة لفريق بري في ...197
اهداء من مدثر عبدالله والذي يقف في وسط الصورة...........وشكراً أخ ماضي





عبده عودنا على التحف بس ياريت اكمل جميلو بتكماة التاريخ
Post: #397
Title: Re: بـُــري
Author: حيدر امين
Date: 12-22-2008, 05:05 PM
Parent: #396

والله الصورة دى غير حسبو الكبير و حسبو الصغير واخوه قريب الله عمر وحارس المرمى عكاشه ماعرفت زول تانى
بالله العارف يقول
مع نقل البوست لفترة جديده
Post: #398
Title: Re: بـُــري
Author: محمد أبوالعزائم أبوالريش
Date: 12-23-2008, 05:36 AM
Parent: #1


في طلب العضوية للتاج الشيخ:

كنت منتظر هدوء الحالة الهكرية في المنبر، عشان كده عايزين نتفق على مين يعمل بوست الترشيح، وقبل كده يا محمد الشيخ خلي التاج يشوت لينا الإيميل بتاعو هنا أو في بريد إلكتروني.
Post: #399
Title: Re: بـُــري
Author: محمد الشيخ أرباب
Date: 12-23-2008, 07:23 AM
Parent: #398

الاخ محمد

ده البريد الالكتروني والموبايل بتاع التاج


E-mail : [email protected]

Mobile : 00966500036896

تحياتي
Post: #400
Title: Re: بـُــري
Author: محمد أبوالعزائم أبوالريش
Date: 12-23-2008, 08:12 AM
Parent: #1

باشمهندس بكري .. التاج الشيخ يرغب الإنضمام لكوكبة سودان... أونلاين .. قلت شنو؟


يالاّ يا جماعة .... إتحركوا معانا بالتثنية
Post: #402
Title: Re: بـُــري
Author: حيدر امين
Date: 12-23-2008, 05:17 PM
Parent: #400

ارسلت رسال فى الايميل الخاص به
Post: #403
Title: Re: بـُــري
Author: ماضي ابو العزائم
Date: 12-28-2008, 11:10 AM
Parent: #402

وصلنى الميل التالى من الصديق عبده حمد النيل

Quote: الصورة ١ مدارس بري الأماب والتانية جناين بري قبل التغول
Post: #404
Title: Re: بـُــري
Author: ماضي ابو العزائم
Date: 12-28-2008, 11:35 AM
Parent: #403

و كمان برضو من عبده
Quote: الأخ ماضي ( فوق دي كتيرة على بري) معن من أجل سايد خاص بالبراري

مافهمت حاجة بس لامانة نشرت النص كامل و كمان معاهو الرابط التالى من عبده
http://www.albarari.com/
و اظن ناس دبى سرقو الاسم
Post: #405
Title: Re: بـُــري
Author: حيدر امين
Date: 12-28-2008, 08:25 PM
Parent: #404

ماضى

عبده ده شقيق يوسف حمدالنيل ولا اسم على اسم
Post: #439
Title: Re: بـُــري
Author: عبد الرحمن حمد النيل
Date: 03-11-2009, 04:40 AM
Parent: #405

Quote: ماضى

عبده ده شقيق يوسف حمدالنيل ولا اسم على اسم

الاخ حيدرتحيه طيبه
نعم انا الشقيق الاصغر ليوسف حمدالنيل
التحية لكل ابناء برى
التحية الخاصة للاخ ماضى
Post: #406
Title: Re: بـُــري
Author: محمد أبوالعزائم أبوالريش
Date: 12-29-2008, 06:47 PM
Parent: #1



الموضوع بي هناك إكتمل

حكاية البحث عن سليمان - بقلم محمد إبراهيم حتيكابي
Post: #407
Title: Shabab & Shabat Burri: big Greetings & extended for whole People of Buri
Author: Mahassin Ibrahim
Date: 12-30-2008, 01:28 PM
Parent: #1

Dears,
Kull sana wa intto teeben,
For long time & before i joint this forum iwould like to be part of this Post : Buri for a lot of reasons:
1/ the first part of my childhood was @ Buri Aldrisa( hosh Al Babiker) &i would like by this chance to greetings whole this people whom they shared this nice part of our lives with them).
2/secondly i : with great honour i was istarted to learn with first step of the educational life @ ( Burri Almahas) primary school established by the name of Our Mom (Batoul Yassin).
3/for nice & unbelievable chance imet again @ the University with great shabab from Buri Almahas : hope they are Ok & like to hear from them : Afafa Gassouma ,Ekhlas Alamin & Yousif A/Mageed ( any volinteer to provide me with their news??)
4/in my extended life istill have great relationship with ( Almubasheir House) : Duria & her sisters & her extended families : from other Part s.
really ilike to tell names whom till now ikeep in my mind & say about locations which till now on my mind especially @ the primary school.
any way for whole of you happy new year whole the best for coming years.
we will continue
Post: #408
Title: Re: Shabab & Shabat Burri: big Greetings & extended for whole People of Buri
Author: حيدر امين
Date: 12-30-2008, 03:50 PM
Parent: #407

مرحب بيك يا اخت محاسن فى دارك البرارى

الاخوان والاخوات كلهم بخير

عفاف عبد القادر قسومه موجوده فى برى والمدينه المنوره ( زوجها د. الفاتح الامين سعد طبيب هناك , والشفع بقوا فى الجامعات)
اخلاص الامين يوسف ايضا فى برى وكذلك يوسف اماابتسام فهى فى امدرمان و مجدى فى مكة المكرمه, قاسم ايضا فى السعوديه

دريه المبشر مقيمه فى هولند مع زوجها عمر صباحى , الشفاء وثريا وكذلك عبد الله المبشر فى المحس , ونحنا البقينا ملطشين فى الغربه

منتظرين مداخله تانيه منك وتحكى لينا عن تلك الايام

ولك تحيات ناس برى
Post: #409
Title: Re: بـُــري
Author: محمد أبوالعزائم أبوالريش
Date: 12-30-2008, 09:44 PM
Parent: #1


الأخت محاسن إبراهيم ..

عاطر التحايا ..

شايف حيدر أداك أخبار معارفك في بري المحس .. ويا ريت تبقي معانا وأكيد أخبارك حتوصل لكل السألتي عنهم (وكلهم من أسرتنا الممتدة)

كل عام وأنتي واسرتك بخير
Post: #410
Title: Re: بـُــري
Author: ماضي ابو العزائم
Date: 12-31-2008, 07:49 AM
Parent: #409

من الصديق النشط عبده حمد النيل
Quote: الأخ ماضي شكراً ،،،الذي أقصده هو انشا سايد يخص مدينة البراري لإيصال صوت أبناء البراري وخدمة المنطقة وخلق تواصل بين أبناء بري في الداخل والخارج(قمنا بنشا سايد خاص بري اللاماب تكون أجمل لو أن هناك سايد للبراري بدلاً من التجز ) وهناك أيضا سايد بري المحس هي دعوة لأبناء بري للتوحد ،،،أتمني أن تكون قد وضحت الفكرة....لدى بري الكثير من ثقافة اداب ورياضة فنون


وكمان
Quote: أرجو منك تبني هذه الفكرة لانشا هذا السايد


أيضا
Quote: الأخ ماضي،،،، البراري.كوم ،،،،،كان مجرد أقتراح للسايد أو المنتدى المقترح لابناء بري،،،و ليس له أي علاقه بهذا الموقع الأماراتي،،،،ارجو أن أكون قد اوصلت الفكرة


بس باعبده اعتقد تبنى مشروع زى كده اكبر من امكاناتى الفنية
Post: #411
Title: Re: بـُــري
Author: ماضي ابو العزائم
Date: 12-31-2008, 07:53 AM
Parent: #410

الاخت محاسن
انتى دخلتى الحوش عدييييييييل
ادينا خبرك سكنتى وين فى برى؟؟
و اهلك عرفيهم اكتر
لك ولهم عاطر التحايا
Post: #412
Title: Re: بـُــري
Author: حيدر امين
Date: 12-31-2008, 04:13 PM
Parent: #411

http://www.burryalmahas.net

اخونا مكى قال شغالين فى موقع لبرى المحس
Post: #413
Title: Re: بـُــري
Author: Adil Hamza
Date: 01-01-2009, 02:27 AM
Parent: #412

الاخوة و الاخوات الافاضل

كل عام و انتم بخير
اتمنى ان يكون عام 2009 عام خير بركة
على اصدقاء الطفولة من برى و على
اهل البرارى عامة

عادل
Post: #414
Title: Re: بـُــري
Author: محمد أبوالعزائم أبوالريش
Date: 01-01-2009, 07:48 AM
Parent: #1


كل عام وأنتم بخير ...





برّي ... الموقع الجغرافي
Post: #415
Title: Re: بـُــري
Author: ماضي ابو العزائم
Date: 01-05-2009, 10:14 AM
Parent: #414



من منكم يعرف حاحب الصورة و ما هى علاقتة ببرى؟؟
(التعديل لاعادة تنزيل الصورة بعد الهكر)
Post: #416
Title: Re: بـُــري
Author: ماضي ابو العزائم
Date: 01-05-2009, 10:20 AM
Parent: #415

الصورة أعلاة للمقدم أ.ح عبدالمنعم حسن على كرار
واحد من شهداء حركة رمضان
السكن و حتى استشهادة بامتداد ناصر محطة 6
والدة حسن على كرار هو ابن الاخت غير الشقيقة
للبطل عبيد حج الامين
ووالدتة نفيسة كامل المعلمة و من رائدات العمل النسائئ
يعنى خال اولاد محمد مضوى
Post: #417
Title: Re: بـُــري
Author: ماضي ابو العزائم
Date: 01-14-2009, 08:27 AM
Parent: #416

أشوف حلة البيات الشتوى طولت
Post: #418
Title: Re: بـُــري
Author: حيدر امين
Date: 01-17-2009, 11:22 AM
Parent: #417

مدرسة الخرطوم الاهليه الوسطى ( محمد حمزه ) وين؟؟؟ صور
Post: #419
Title: Re: بـُــري
Author: خالد العبيد
Date: 01-17-2009, 12:01 PM
Parent: #1

سلام يا ماضي
ومن شهداء رمضان
هنالك ايضاالمقدم سيد حسن عبدالرحيم
السكن محطة تسعة امتداد ناصر
والده المرحوم حسن عبدالرحيم
ووالدته المرحومة القود
وشقيقاته سيدة وشادية واخريات نسيت اسماءهن
وله شقيقين عبده ومحمد ان لم تخني الذاكرة
Post: #451
Title: Re: بـُــري
Author: محمد الشيخ أرباب
Date: 03-23-2009, 12:37 PM
Parent: #419

Quote: سلام يا ماضي
ومن شهداء رمضان
هنالك ايضاالمقدم سيد حسن عبدالرحيم
السكن محطة تسعة امتداد ناصر
والده المرحوم حسن عبدالرحيم
ووالدته المرحومة القود
وشقيقاته سيدة وشادية واخريات نسيت اسماءهن
وله شقيقين عبده ومحمد ان لم تخني الذاكرة


الاخ خالد

اخوانه هم عبدالرحيم وعادل

تحياتي
Post: #453
Title: Re: بـُــري
Author: محمد الشيخ أرباب
Date: 03-23-2009, 01:19 PM
Parent: #451

الاخ خالد

وبمناسبة العسكريين الملازم البطل احمد جباره في حركة 19 يوليو

كان يمكن ان تقول عليه من مواطني بري المحس. اذ كان صديق

خالنا الفاتح ابراهيم وكان اغلب وقته متواجد معنا في البيت

والذي قيل عنه:

فى معســـكر الشــجرة اقتادوا الشهيد احمد جبارة الى مكتب السـفاح نميرى بادره بقوله " ياجبان" فلم يســـكت الشــهيد بل اجاب السفاح فى شجاعة وسط الجنود المتحفزين "اسكت يابليد ياحمار أنت مجرد تور بس، وتاكد انك حتمــوت وحيجى يومك." وقام الســـفاح بصفع الشــهيد، فهجم الشــهيد على احد الجـنود لينتزع منه مدفعاً رشـــاشاً يجيب به على الســفاح. فأنقض عليه الجـنود وهو مشـتبك مع الرائد كمال خضر، فأوســـعوه ضرباً وركـلاً حتى لطخت دماءه جـــدران الغرفة.
بعد التحـقيق معه اقتيد الى غــرفة مــجاورة لغــرفة المعتقلين، ومن خلال الباب ســـألوه عن الحـكم، فأجابهم بالاشــــــارات ان الحــــكم اعــدام. وفى تلك الحـظة دخل خالد حســن عباس ومعه شـرذمة من جنوده، فأستفز الشـهيد بقوله "ايه يابطل" فرد عليه الشهيد مما جعل جنود خالد يهجمون من جديد على الشهيد، وبدأ الملازم فضل شريف يوجه لكماته للشهيد الذى كانت يداه مقيدتان من الخلف.
عندما اخذ الشهيد لســـاحة الاعدام، ظل يهاجم ويفضح النقيب محمد ابراهيم ومجموعة المــظلات المشرفة على تنفيذ الاعدام واتجه نحو الجنود وقال لهم "غشــوكم وحتعرفوا الكلام ده فى المسـتقبل. ونحن ماحاقدين على اى واحد فيكم !
بدأوا يطلـقون عليه مـجموعات مـــتصلة من الرصاص، ورغم ذلك ظل واقفاً لفـــــترة مــن الزمن حتى ذهلوا وتوقــفوا عن الضـرب.ثم عاودوا الضــرب حتى سـقط على الارض وهو يهتف ويتكلم بأعلى صوته. وهنا تقدم منه احمـد محمـــد الحسن واخـرج مسدسه واجهز عليه.
وقد بدأ القلق يســاور نميرى وزمرته بسب تغيير الجـــو بين الجنود الذين تأثروا ببســـألة الشــهداء وصمـــودهم بعد اعــدام احمد جبارة مما ادى الى استعجال ببقية المحاكم وتنفيذ حكم الاعدام.
Post: #420
Title: Re: بـُــري
Author: محمد أبوالعزائم أبوالريش
Date: 01-18-2009, 01:39 PM
Parent: #1


مافي زول عندو مقال "معاوية نور" القال فيهو (بري طراوة ... والزول حلاوة)؟
Post: #421
Title: Re: بـُــري
Author: ماضي ابو العزائم
Date: 01-18-2009, 01:58 PM
Parent: #420

خالد العبيد
انتوا ناس الاماب نسيتو الشهيد كبيده
و المدفون فى مقابر برى الاماب وكان قاد
حركة عسكرية ضد ابراهيم عبود فاعدم
Post: #422
Title: Re: بـُــري
Author: خالد العبيد
Date: 01-18-2009, 11:59 PM
Parent: #1

سلام يا ماضي
تحياتي
انا لامابي النشأة
محسي الهوى
بالمناسبة انا من مواليد المقرن

راجع ما سنجرك ورد علي سريع
Post: #423
Title: Re: بـُــري
Author: ماضي ابو العزائم
Date: 01-20-2009, 09:58 AM
Parent: #422

اخونا حمدالنيل ارسل الرابط التالى و اعتقد انه يهم كل سكان البرارى

بس نص الرسالة جدار الحماية قفل الرسالة و الله العليم كيف قدرت القى الرابط بس ما كتبتة فشلت فيه ارجو اعادة الارسال
http://www.rayaam.info/News_view.aspx?pid=402&id=28872
Post: #424
Title: Re: بـُــري
Author: محمد أبوالعزائم أبوالريش
Date: 01-21-2009, 11:12 PM
Parent: #1


بشوية تحايل على التكنولوجيا يا ماضي ممكن تجيب الموضوع:

تجاوز الـ«80» عاماً.. وما زال شاباً..
«أغلى» ســـــــوق فــــــــي «الخرطوم»
الخرطوم: أحمد دندش

بالرغم من سنوات عمره التي تجاوزت الـ«80» عاماً بقليل.. إلا أن ذلك «السوق» لا يزال ينبض بـ«الحيوية» و«النشاط» وكأنه يرفض تماماً فكرة إلصاق صفة «الكهولة» به.. خصوصاً وهو يستند في صعوبة إلى تلك «الرواكيب» العتيقة التي بانت على أخشابها تجاعيد الزمن.
المثير في هذا الموضوع.. أن السوق الشهير بسوق «4» يُعتبر أغلى أسواق العاصمة القومية.. بالرغم من سنوات عمره الطويلة.. للوقوف على حقيقة هذا السوق.. استطلعت «الرأي العام» عدداً من آراء الباعة وأصحاب المتاجر.. فماذا قالوا؟
«مجاهد منصور» كان يقف عند مدخل السوق وهو يضع أكواماً من «البصل» على طاولة حديد قديمة.. قال وهو يعتدل في جلسته:
- فعلاً.. أنا بتفق معاك إنو السوق دا أغلى «سوق» ودا برجع لي استجلاب الخضروات من «شمبات» وتكاليف الترحيل بتظهر في أسعار المواد.. وأضاف: العوائد والرسوم المفروضة على «الطرابيز» برضو ليها أثر كبير جداً.
«الرشيد» صاحب طاولة لبيع الخضروات كان يجاور «مجاهد».. ويستمع الى حديثنا في اهتمام.. تدخل بسرعة قائلاً:
- إن من أسباب ارتفاع «أسعار السوق» انه السوق الوحيد في المنطقة كلها.. فسكان «ناصر» و«بري» و«المنشية» وما جاورهم.. جميعهم يتسوقون من هنا.. وهذه مدعاة لأن تكون الأسعار مرتفعة.. وقال وهو يبتسم في مكر واضح: «يعني تكاليف الترحيل نحنا «بنريحك منها».
في منتصف السوق تماماً لفتت انتباهنا أولئك «النسوة» اللائي جلس في نظام واضح على عكس بقية السوق.. مما دفعنا لاستطلاعهن حول الموضوع.
«فتحية بت عقبال» كانت تبدو «زعيمة» تلك القعدة.. وهي تلتقط بقايا السؤال وتقول: (سوقنا اسمو «سوق الفسيخ» ومعروف من زمان.. وفعلاً سوق «4» دا غالي جداً.. بس في الخضار.. أما بقية الأصناف فهي عادية جداً).
الجزارون أو «ناس اللحمة» كما يُطلق عليهم.. اكدوا أن أسعار اللحمة مناسبة جداً.. وليس فيها أي نوع من «الزيادات».. وأضاف «سيف»: أشهر جزاري «بري»: أن الجودة هي المقياس الحقيقي.. رافضاً تماماً فكرة الزيادة في أسعار اللحوم.
العم «إبراهيم» من أكبر تجار سوق «4» اكد بأن هذه السوق تجاوز عمره الـ«80» عاماً ولا يزال قادراً على العطاء.. وحكى لنا عن «العُمد» و«المشايخ» الذين كانوا يديرون السوق قبل ان يتحول الى «اللجان الشعبية».. وعن ارتفاع أسعار السوق قال: «إبراهيم» وهو يبتسم:
«يا ولدي الحكمة في الجودة.. وزمااان اهلنا قالوا الغالي بي غلاتو....»
نسى العم «إبراهيم» ان يكمل المثل المعروف.. ولكنه لم ينس ان يزودنا ببعض الملاحظات على مباني السوق الجديدة.. والبكاسي السارقة الزبائن.. لتتأكد تماماً مقولة سكان «البراري» وولاية الخرطوم بصفة عامة والتي يطلقونها على «سوق 4»: «السوق المولع نار.....»

الرأي العام .. التاريخ: الأحد 18 يناير 2009م،
Post: #425
Title: بري
Author: محمد أبوالعزائم أبوالريش
Date: 01-28-2009, 09:18 AM
Parent: #1


علّق أحد الظرفاء على حكاية "سوق 4"، وقال: أول ما الواحد يقول ليك (السوق) أو (سوق 4) تعرفوا من الوافدين على بري. وأهل بري بيتعرفوا لما الواحد يقول (الجزُر)
Post: #426
Title: Re: بري
Author: حيدر امين
Date: 01-30-2009, 05:54 PM
Parent: #425

الجماعة ديل نايمين نوم شديد الحكايه شنو ؟؟
Post: #427
Title: Re: بري
Author: ماضي ابو العزائم
Date: 02-03-2009, 10:28 PM
Parent: #426

ياجماعة موضوع التاج الشيخ حصل فيهو شنو؟؟؟
Post: #428
Title: Re: بري
Author: ماضي ابو العزائم
Date: 02-03-2009, 11:08 PM
Parent: #427

فى بداية البوست كتب ايمن الطيب فى رده على ملاسى
Quote: أولاد أبو الريش أبناء أحد أعمدة إرتكاز
حى برى المحس يا ملاسى ومرحب بيك معانا
هنا كمان لأنو إنت برضو عندكم حوش حوشين
فى برى المحس وما بتحتاج (كفيل)
وكان طلعت ما عارفو تعبت معاى,,,

ياتو حيشان ديل؟؟؟
اوعى إكون عندو علاقة بناس ملاسية ولا اسم على اسم
بس اكيد هو ما عارفو
Post: #429
Title: Re: بري
Author: حيدر امين
Date: 02-10-2009, 09:59 PM
Parent: #428

Quote: ياتو حيشان ديل؟؟؟
اوعى إكون عندو علاقة بناس ملاسية ولا اسم على اسم
بس اكيد هو ما عارفو



دى الا كان نسأل منها حسن خلف الله

الناس ديل نايمين نوم شديد

يحركوهم كيف ,,, عايزين البوست يمشى الربع التانى

على الاقل الواحد يقدر ينزل صور من برى اثناء الاجازه
Post: #430
Title: Re: بري
Author: حيدر امين
Date: 02-11-2009, 10:56 PM
Parent: #429

Quote: : فصاح الجميع يا حاج ما كان تقول من الصباح انا عايز حسن بري ، فما كان منه إلا وأن قال بسخرية يا أولادي انا ما عمكم بري ذاتو ... الحادثة تدل علي أن الراحل إضافة لما يتمتع به من صفات عديدة فقد كان خفيف الظل ساخراً ...




نعم انه محمد ابراهيم حتيكابى الف رحمة تنزل عليه ,,, نعم صدق فهو عمكم برى فاجداده:

الشيخ حاج الامين بن عبد القادر بن حمد عبدالرحيم المحسى بن محمدبن عبدالرحيم بن الحاج حمد دنانه بن عبيد بن وازن بن مرزوق بن فلاح بن شرف الدين (المشرف) بن عجم بن زايد بن محمد المحسى بن المك سعد بن المك جامع بن المك احمد بن المك عامر بن المك عبدالكريم بن عبدالله بن يعقوب بن جابر بن سعد بن موسى بن اويس بن جميل بن جامع سكر بن سالم بن عبدالرحمن بن على بن سليمان بن محمد بن زايد بن عماره بن ابى بن كعب الانصارى الخزرجى من بنى النجار والذى ينتسب اليه عموم المحس.

والشيخ حمد بن عبدالرحيم انجب ايضا الفكى خوجلى والد القاضى محمد خوجلى حتيك وبنت المنا والدة السره بنت بانقا والدة ابراهيم سوارالدهب واخوانه , ووالدة امنه خوجلى زوجة عثمان اسحق وميمونه وفاطمه والدة محمد مختار الشفيع والفكى محمد ( جد على السيد الفكى - ابو المدارس فى برى ) ومن بنات حتيك ستنا ام الفكى الهادى محمد الهادى بن الامين ابن الشيخ خوجلى .
ومنهم ايضا القاضى محمد خوجلى حتيك قاضى القضاة بالتركيه وهم ابناء عم اولاد المشرف بالهلالية لان الحاج حمد دنانه الذى ولد جدهم عبدالرحمن ولد ايضا محمد جد اولاد المشرف .

والى الشيخ حتيك قسومه ترجع نشأة برى المحس فى عام 1575 م .

فله عليه رحمة الله الحق ان قال انا عمكم برى
المراجع طبقات ود ضيف الله
القبائل والانساب فى السودان - عون الشريف قاسم

تم نشره فى بوست بإسم حتيكابى اليوم
حتيكابى ..
Post: #431
Title: موضوع التاج الشيخ
Author: محمد أبوالعزائم أبوالريش
Date: 02-15-2009, 07:54 AM
Parent: #1

Quote: ياجماعة موضوع التاج الشيخ حصل فيهو شنو؟؟؟



حاولت الرجوع للبوست الموجه لبكري بطلب العضوية. البوست إختفى. هل من قبل بكري أو الهكر؟

والله بقينا ما عارفين حاجة
Post: #432
Title: Re: موضوع التاج الشيخ
Author: محمد أبوالعزائم أبوالريش
Date: 02-22-2009, 07:01 AM
Parent: #431

زهت أيامى للفنان بكرى حسن لآل برى والأخوة حيدر أمين و محمديسن الخليفة الخ
Post: #433
Title: Re: موضوع التاج الشيخ
Author: حيدر امين
Date: 02-22-2009, 01:30 PM
Parent: #432
Post: #434
Title: Re: موضوع التاج الشيخ
Author: حيدر امين
Date: 02-22-2009, 01:31 PM
Parent: #433
Post: #435
Title: Re: موضوع التاج الشيخ
Author: محمد أبوالعزائم أبوالريش
Date: 02-22-2009, 07:54 PM
Parent: #434


يا حيدر اليافطة دي مدبلجة؟ والاّ ديل شارع جمهورية وبري تانيين غير بتاعيننا؟

ما شفناها لحدي قبل 3 شهور
Post: #436
Title: Re: موضوع التاج الشيخ
Author: حيدر امين
Date: 02-23-2009, 09:51 PM
Parent: #435

تصور ده شارع القصر بعد تقاطع البلديه متجها شمالا الى تقاطع الجمهوريه
Post: #437
Title: Re: موضوع التاج الشيخ
Author: حيدر امين
Date: 02-23-2009, 09:56 PM
Parent: #436

السنى ابوالعزائم وفرقة النادى السودانى بمسقط

Post: #438
Title: Re: موضوع التاج الشيخ
Author: محمد أبوالعزائم أبوالريش
Date: 03-07-2009, 07:59 PM
Parent: #437


يا جماعة حقو النزل صور يراجعها ويعمل صيانة ... بعد هجمة (أخونا) الهكر.
Post: #440
Title: Re: موضوع التاج الشيخ
Author: عبد الرحمن حمد النيل
Date: 03-11-2009, 05:08 AM
Parent: #438

كتب ماضى
Quote: اخونا حمدالنيل ارسل الرابط التالى و اعتقد انه يهم كل سكان البرارى


كان موضوع عن الجزر او سوق المحس كما نسميه فى اللاماب ارسله ابن اخى مهند
الواحد خلاص دخل الحوش والكتابة حاتكون مباشره وشكرى الكثير للاخ ماضى والتحيه
لاهلنا بالمحس والبرارى عامه واولاد برى بالمنبر
عبدالرحمن حمدالنيل
Post: #441
Title: Re: موضوع التاج الشيخ
Author: عبد الرحمن حمد النيل
Date: 03-11-2009, 05:08 AM
Parent: #438

كتب ماضى
Quote: اخونا حمدالنيل ارسل الرابط التالى و اعتقد انه يهم كل سكان البرارى


كان موضوع عن الجزر او سوق المحس كما نسميه فى اللاماب ارسله ابن اخى مهند
الواحد خلاص دخل الحوش والكتابة حاتكون مباشره وشكرى الكثير للاخ ماضى والتحيه
لاهلنا بالمحس والبرارى عامه واولاد برى بالمنبر
عبدالرحمن حمدالنيل
Post: #442
Title: Re: موضوع التاج الشيخ
Author: خالد العبيد
Date: 03-11-2009, 05:18 AM
Parent: #438

Quote: السنى ابوالعزائم وفرقة النادى السودانى بمسقط

سعيد والله لهذه الصورة
كونو انو السني لسه يمارس العزف على الساكس
ومعظم ظني انه تعلم او سرق المهنة من شقيقه محمد
واضيف برضو انو معظم عازفي الخالد مصطفى سيد احمد من اولاد البراري
ومنهم ابن دفعتي اسامة عازف الكمان
وعبدالرحمن حضرة عازف الاوكورديون
و..
و..


ناديت من قبل بالتوثيق لعمنا المرحوم شين
احد معالم البراري البارزة
ولو امكن صورة له بكامل زيه الانجليزي يكون جميل
يمكن الاستعانة بجنابو عمر شين ، امينة شين ، عامر شين
والتحية ليهم وعبرهم للصديق محمد نواي
Post: #443
Title: Re: عودة ناس البراري
Author: Mekki M Alhassan
Date: 03-11-2009, 05:43 AM
Parent: #442

السلام عليكم
من أجل جعل هدا البوست عالياً
Post: #444
Title: Re: عودة ناس البراري
Author: محمد أبوالعزائم أبوالريش
Date: 03-12-2009, 08:15 AM
Parent: #443

Quote: ومعظم ظني انه تعلم او سرق المهنة من شقيقه محمد



الحقيقة يا خالد هوأخدها من نفس المصدر، وهو العم رابح مرداس عليه رحمة الله صول الموسيقى بمدرسة الخرطوم الثانوية القديمة.

ما ذكرت بخصوص فرقة المرحوم مصطفى سيد احمد صحيح، وإضافة لأسامة عازف الكمان وعبدالرحمن حضرة عازف الأوكورديون، كان معاهو من أبناء البراري الأخوان/ محمود في الإيقاع وعمر (ترامبيت) وأحمد الجيلاني (أورغ).
Post: #445
Title: Re: عودة ناس البراري
Author: ماضي ابو العزائم
Date: 03-12-2009, 11:05 AM
Parent: #444

اولا خلونى ارحب باخوناعبد الرحمن حمد النيل... يلا شد الهمة
Post: #446
Title: Re: عودة ناس البراري
Author: ماضي ابو العزائم
Date: 03-12-2009, 11:12 AM
Parent: #445

على يد عمنا رابح تتلمذ

محى الديت ابو العزائم علية رحمة الله (ساكسفون سى)
صلاح مزمل ابوالريش (إقاع - جاز)
مجدى عبدالمتعم ابوالريش (كلارتيت)
و كلهم مت البرارى و إمكن فى غيرم
Post: #447
Title: بري
Author: محمد أبوالعزائم أبوالريش
Date: 03-20-2009, 10:06 PM
Parent: #1


نحن هنا

رابطة أبناء البراري المقيمين بدولة قطر
Post: #448
Title: Re: بري
Author: حيدر امين
Date: 03-20-2009, 10:15 PM
Parent: #447

Quote: اولا خلونى ارحب باخوناعبد الرحمن حمد النيل... يلا شد الهمة


شقيق اخونا يوسف حمدالنيل؟؟؟
Post: #449
Title: Re: بري
Author: حيدر امين
Date: 03-20-2009, 10:20 PM
Parent: #448

ودى كمان فى رحلة يوم 13 مارس بمزرعة فى السيب ( يا ابو الريش) مع الفنان صديق سرحان, وتوجد صور اخرى فى الرابط
احتفال السودانين فى سلطنة عمان - مسقط - بعيد الاستقلال...لخميس 1-1-09-( صور )
Post: #450
Title: Re: بري
Author: ماضي ابو العزائم
Date: 03-23-2009, 10:50 AM
Parent: #449

كملتوا الصور ياحيدر والله الواحد احسدكم
د.مهدى بشرى الايام دى فى الدوحة فى زيارة لمدة 3 ايام
بمجرد رجوعة السودان وعد بارسال مواد لهذا البوست
Post: #452
Title: Re: بري
Author: أيمن الطيب
Date: 03-23-2009, 12:57 PM
Parent: #450

سلام يا ماضى,,
Quote: الصورة أعلاة للمقدم أ.ح عبدالمنعم حسن على كرار
واحد من شهداء حركة رمضان
السكن و حتى استشهادة بامتداد ناصر محطة 6
والدة حسن على كرار هو ابن الاخت غير الشقيقة
للبطل عبيد حج الامين
ووالدتة نفيسة كامل المعلمة و من رائدات العمل النسائئ
يعنى خال اولاد محمد مضوى
وفى نفس الوقت هو خال لأبناء المرحوم الشيخ حسن (الأخ الشقيق لعابدين والمرحوم الأستاذ مصطفى بوستى)

التحية لكل شهداء الوطن,,

تحياتى..
Post: #454
Title: Re: بري
Author: Mohamed Yousif Hamad
Date: 03-23-2009, 02:43 PM
Parent: #452

up
Post: #455
Title: Re: بري
Author: حيدر امين
Date: 03-23-2009, 03:32 PM
Parent: #454

يا جماعه وين اساسى عشان يشوف لينا طريقه مع الارشفه الجايه دى
Post: #456
Title: Re: بري
Author: عبد الرحمن حمد النيل
Date: 03-24-2009, 02:29 AM
Parent: #455

الاخ حيدر امين
تحياتي واحترامي
اشكرك علي الترحيب ونعم انا عبدالرحمن حمدالنيل الشقيق الاصغرليوسف
حمدالنيل .رديت عليك في نفس البوست بعد سؤالك مباشرة ويبدو انك
ما شفته الرد بتاعي.
(يااخوي الدرع الوديتو نادي بري دا حا ترجعوا متين دا عرق اولاد اللاماب ههههه)

بتلقاني هنا يا حيدر

مدير اراضي الخرطوم الرجوع إلى الحق خير من التمادي في الباطل
Post: #457
Title: Re: بري
Author: عبد الرحمن حمد النيل
Date: 03-25-2009, 08:56 PM
Parent: #456




ماضي دي الصوره مره تانيه لاسودالبراري 1964-1965
غازي السر النور (ح مرمي)
عكاشه صالح عكاشه(ح مرمي)
حسبو مرحوم
حسبو عمر
فيصل محمد الدكوم
غريب عمر علي
احمد الدنقلو
محمد خير ابراهيم
حسين فضل
مدثر عبدالله
بكري بخيت العجب
فؤادابراهيم خليل
شمس الدين ميرغني
احمد محمدقسم السيد
قسم الله محمد قسم السيد
عبد الكافي
Post: #458
Title: Re: بري
Author: عبد الرحمن حمد النيل
Date: 03-26-2009, 12:44 PM
Parent: #457

Quote: محى الديت ابو العزائم علية رحمة الله (ساكسفون سى)
صلاح مزمل ابوالريش (إقاع - جاز)
مجدى عبدالمتعم ابوالريش (كلارتيت)
و كلهم مت البرارى و إمكن فى غيرم


ماضي تحياتي

طبعا هناك الكثير وازكر
عزالدين محمد طاهر من اميز عازفي الاكورديون في هذه الايام
لا تقع عينك علي كاسيت والا وكان عزالدين مشرفا او مشاركا فيه
عزالدين علامة نجاح الكاسيت من عدمه
وهناك ايضا الشاب الفنان المهذب
عمر الطيب(طرمبه) وهو ايضا علامة بارزه في عالم الكاسيت السوداني
ونفس الشي مع الطيب عابدين افضل عازفي الة الباص في السودان
هناك دون ادني شك الكثير

لكن هل تزكرون اولاد بري (حقيبة الفن) اشتهرو باغنية الهواكم بقي لي جريمه
وفي السبعينات
فرقة جاز البراري (اسم في عالم ما يسمي بالجاز في السبعينات)
Post: #459
Title: Re: بري
Author: حيدر امين
Date: 03-26-2009, 01:10 PM
Parent: #458

Quote: (يااخوي الدرع الوديتو نادي بري دا حا ترجعوا متين دا عرق اولاد اللاماب ههههه)


اولا تحياتى للاخ يوسف واكيد من معه وربيع القمر فردتو, وهم وين لسه فى السعوديه ؟؟؟

الدرع ده قصتو اكيد قريتها فى البوست لكن الكاس عندكم فى دار وادى النيل ( عبدالله ابوقرون عامل فيها حريف )

وبعدين انت من زمان وين حسع كان بكرى ودانا الارشفه الا نشوف لينابوست نسميه برى 2 , لانو باين عندك مخزون ذكريات كويس

بالله واصل ,,
وحقيقى عجبتنى اسماء فريق برى لانو مجموعه كبير ما قدرت اتعرف عليها, وقدر ما حاولت الاقى على الزبير هنا عشان يرسينا
مافاضى من التمارين والكوتشينه
Post: #460
Title: Re: بري
Author: عبد الرحمن حمد النيل
Date: 03-26-2009, 02:01 PM
Parent: #459

Quote: اولا تحياتى للاخ يوسف واكيد من معه وربيع القمر فردتو, وهم وين لسه فى السعوديه ؟؟؟

اخي حيدر سلامي وتحاتي
حتما ستصل تحياتك للاخ يوسف فهو قد عاد للسودان من فترة طويله
اما الاخ او استاذي ربيع القمر(بري الاميريه)فما يزال في السعوديه
وتحياتنا له اينما كان

Quote: الدرع ده قصتو اكيد قريتها فى البوست لكن الكاس عندكم فى دار وادى النيل ( عبدالله ابوقرون عامل فيها حريف )


القصه عرفناها بعد ما وصل الكاس اللاماب لكن الفيك اتعرفت هههه
وتحياتنا ايضا لعبدالله ابوقرون وامنياتنا بالتوفيق لاسد البراري ووادي النيل

Quote: وحقيقى عجبتنى اسماء فريق برى لانو مجموعه كبير ما قدرت اتعرف عليها, وقدر ما حاولت الاقى على الزبير هنا عشان يرسينا
مافاضى من التمارين والكوتشينه


اثبات لصغر سنك ههه... تحياتي للمدرب علي الزبير البراري في اشد الحوجة لمن هم في قامة علي الزبير
حسب علمي ان
اسامه السر(احد اساطير نادي بري)الدرايسة
متوكل عيسي(نحلة بري كما يورد في تقارير برامج عالم الرياضة الاذاعي)اللاماب
بمسقط حدثنا عنهم وزكرياتهم مع بري
علي ما اعتقد حملو ايضا شعار السودان
وكانو اكثرهم اخلاصا لبري
Post: #461
Title: Re: بري
Author: حيدر امين
Date: 03-27-2009, 08:11 AM
Parent: #460

Quote: اثبات لصغر سنك ههه


ويمكن إكون عامل السن كمان
ومن المقتنعين بقصة الغربه تبداء عزابى وتنتهى عزابى

ما هو كان لازم واحد هنا و واحد هناك , فإتفنا الكأس يمشى وادى النيل والدرع نادى برى
وبالرغم من كده ناس المحس ومعظمهم كانو ممثلين فى ادارة الفريق بالرياض واللاعب الوحيد
المرحوم اسامه الطيب العاقب, اما البقية فعلا كانوا معظمهم من اللاماب , حتى الكوتش على حمد
فكانوا يتهمونى بالمحاباة لناس اللاماب بحكم الصداقة وعلاقاتى مع كل اولاد برى فى ذلك الزمان
وبالمناسبه كنت من المؤسسين لفريق كرة قدم لو حضرتو او استمر بعد هجرتنا اسمه الاسبورتنغ ميدانه جنوب منزل نجيب محمد يوسف وشرق عصام العمده مامون مبارك ( الجالونه) وناس قريب الله (ود الحتيته بت الامين,,كما مان يحلو لنا ان ننادبه)لانو امه مننا وهو خال نصرالدين النورانى واخوانه

شايف التاريخ ده كيف,,,,,, زمن

امنياتى بالشفاء لاخى وصديق صبرى عبدالله حاج بابكر
Post: #462
Title: Re: بري
Author: حيدر امين
Date: 03-28-2009, 10:38 PM
Parent: #461

يا جماعة ما تشوفوا اساسى ده وين لطلب التمديد

محمد الشيخ ارباب مختفى
Post: #463
Title: Re: بري
Author: عبد الرحمن حمد النيل
Date: 03-30-2009, 12:47 PM
Parent: #462

ما تحته خط كتبه حيدر
ويمكن إكون عامل السن كمان
ومن المقتنعين بقصة الغربه تبداء عزابى وتنتهى عزابى

الله يديك الصحة والعافية يا حيدر ويرجعك لبري سالما غانما

ما هو كان لازم واحد هنا و واحد هناك , فإتفنا الكأس يمشى وادى النيل والدرع نادى برى
ما هو زيتنا في بيتنا
وبالرغم من كده ناس المحس ومعظمهم كانو ممثلين فى ادارة الفريق بالرياض واللاعب الوحيد
المرحوم اسامه الطيب العاقب

دي دائما نتائج الاتحاد ورحم الله اسامة الطيب فقد كان لاعب من الطراز الاول لعب لبري( ولوادي النيل ؟؟؟)

ايضا اما البقية فعلا كانوا معظمهم من اللاماب , حتى الكوتش على حمد
فكانوا يتهمونى بالمحاباة لناس اللاماب بحكم الصداقة وعلاقاتى مع كل اولاد برى فى ذلك الزمان
وبالمناسبه كنت من المؤسسين لفريق كرة قدم لو حضرتو او استمر بعد هجرتنا اسمه الاسبورتنغ
اسبوتنق من اعرق فرق بري اللاماب خرج الكثير من المواهب لبري ووادي النيل وابوحشيش النيل الاهلي الخرطوم
واستمر هذا الفريق نهاية الثمانيات وبعدها اصبح فريق مناسبات كما هو الحال للعديدمن فرق المنطقة لانشغال
الكثير باعباء المعيشة او لعدم وجودالملاعب الكافيه وهذا ينطبق علي المحس الدرايسه وابوحشيش وهل يعقل ان
ان يكون نادي بالدرجه الثالثة من غير ملعب هذا هو حال نادي ابوحشيش .
نرجو مناقشه هذا الموضوع
(ملحوظة وهي ان هناك عدد من اولاد المحس لعب لفريق اسبورتنق ازكر وليد ولي ومضوي واسامة الطيب)



ميدانه جنوب منزل نجيب محمد يوسف وشرق عصام العمده مامون مبارك ( الجالونه) وناس قريب الله (ود الحتيته بت الامين,,كما مان يحلو لنا ان ننادبه)لانو امه مننا وهو خال نصرالدين النورانى واخوانه
لهم التحية جميعا
مامون الجالونه هو رئيس نادي وادي النيل الحالي
وغريب الله ود الحتيته رحمة تنزل عليه توفي منذ سنوات عدة

شايف التاريخ ده كيف,,,,,, زمن
تاريخ والله تاريخ هناك ايضا فريق النهضه (مضوي محمد احمد تاسس 1958)
ياحيدر حدثنا عن الرياضه في البراري في الوقت داك

امنياتى بالشفاء لاخى وصديق صبرى عبدالله حاج بابكر
امنياتنا له بالشفاء العاجل
Post: #464
Title: Re: بري
Author: حيدر امين
Date: 03-30-2009, 11:32 PM
Parent: #463

Quote: وغريب الله ود الحتيته رحمة تنزل عليه توفي منذ سنوات عدة

شايف التاريخ ده كيف,,,,,, زمن
تاريخ والله تاريخ هناك ايضا فريق النهضه (مضوي محمد احمد تاسس 1958)
ياحيدر حدثنا عن الرياضه في البراري في الوقت داك


الف رحمة تنزل عليك قريب الله,,,

ياخى ماللدرجة دى 1958 ده تاريخ ممكن يكتب عنه ( منير مضوى (اسحق) او محى الدين وفؤاد عبدالباقى وبالميت كده عبدالله ابوقرون
لكن انا دفعتى عماد عوض , صبرى , نصرالدين ابوزيد, جميل القمر حاج الحسن , عبدالحميد مصطفى عبدالرحمن, نجيب حماد , حمرى , محسن حمد ,, والكثير من الشباب ديل
رائيك شنو ,,,,,
Post: #465
Title: Re: بري
Author: خالد العبيد
Date: 03-31-2009, 05:18 AM
Parent: #464

Quote: المرحوم اسامه الطيب العاقب

يا سلاااااااااااام يا حيدر امين ياخ
اسامة الطيب اتوفى متين ؟
اسامة ده دفعتي في بري الاميرية
درسنا في صف واحد
رحمة الله عليك يا اسامة الطيب
لقد احزنني رحيلك وفجعت حقيقة اليوم فيك
يا لحزني عليك يا اسامة
Post: #466
Title: Re: بري
Author: عبد الرحمن حمد النيل
Date: 03-31-2009, 01:28 PM
Parent: #465

Quote: ياخى ماللدرجة دى 1958 ده تاريخ ممكن يكتب عنه ( منير مضوى (اسحق) او محى الدين وفؤاد عبدالباقى وبالميت كده عبدالله ابوقرون

هههه ياخ ديل لسه شباب ياحيدر.
لكن اقصد الفترة اللعبته فيها مع اسبورتنق ..




Quote: لكن انا دفعتى عماد عوض , صبرى , نصرالدين ابوزيد, جميل القمر حاج الحسن , عبدالحميد مصطفى عبدالرحمن, نجيب حماد , حمرى , محسن حمد ,, والكثير من الشباب ديل
رائيك شنو ,,,,,


يسلم شبابك يا حيدر وتحية لهولاء الشباب.... شاهدناجيل العمالقه هذا وتاثرنا به فيما بعد
وكانوا لنا مثلا اعلي الخلق والاداء .

Quote: يا سلاااااااااااام يا حيدر امين ياخ
اسامة الطيب اتوفى متين ؟
اسامة ده دفعتي في بري الاميرية
درسنا في صف واحد
رحمة الله عليك يا اسامة الطيب
لقد احزنني رحيلك وفجعت حقيقة اليوم فيك
يا لحزني عليك يا اسامة


فعلا خبر مفجع يا خالد العبيد
رحمه الله واسكنه فسيح جناته
Post: #467
Title: Re: بري
Author: حيدر امين
Date: 03-31-2009, 01:34 PM
Parent: #466

Quote: Quote: يا سلاااااااااااام يا حيدر امين ياخ
اسامة الطيب اتوفى متين ؟
اسامة ده دفعتي في بري الاميرية
درسنا في صف واحد
رحمة الله عليك يا اسامة الطيب
لقد احزنني رحيلك وفجعت حقيقة اليوم فيك
يا لحزني عليك يا اسامة



فعلا خبر مفجع يا خالد العبيد
رحمه الله واسكنه فسيح جناته


عليه رحمة الله , توفى قبل 6 سنوات تقريبا فى دبى
ووجد ميتا على الشاطى ( ذبحه صدريه)
الف رحمة تنزل عليه, وانا لله وانا اليه راجعون
Post: #468
Title: Re: بري
Author: عبد الرحمن حمد النيل
Date: 03-31-2009, 01:39 PM
Parent: #466

ساحاول الكتابة عن الرياضة في البراري كمحاولة لتوثيق فترة الثمانينات
ارجو مشاركة الاخوان
ادم العمار
احمد العمار
وكل من كان شاهد علي تلك المرحلة
Post: #469
Title: Re: بري
Author: احمد العمار
Date: 03-31-2009, 06:02 PM
Parent: #468

Quote: ارجو مشاركة الاخوان
ادم العمار
احمد العمار

والله يا عبدا لرحمن رجعتنا لأيام جميلة جدا ، وأنا طبعا كنت متوقع دخولك إلى المنبر سوف ينقلنا إلى عوالم جميلة جدا ، وبالفعل لقد بدأت هذه النقلة .
الكلام عن الرياضة في البراري عامة و برى اللاماب خاصة في فترة الثمانينات حديث شيق جدا وممتع لأننا عاصرناه و كانت لنا مشاركات في هذه الفترة أيضا من خلال الروابط .
فبمجرد الدخول في الحديث عن الرياضة في برى اللاماب يأتي فريق وادي النيل مباشرة أمامك وكيف كان التفافنا جميع سكان برى اللاماب حول هذا الفريق و مازلنا و مدى حبنا له والمواظبة على حضور مبارياته الدورية فقد كان يمثل لنا رمزا و كل لاعب من برى اللاماب كان يتمنى أن يشارك في هذا الفريق ( ولا يلقاها إلا ذو حظ عظيم ) .
أما فرق الروابط فكان كل فريق أميز من الفريق الأخر وكان بينها تنافس شديد وعنيف ولكنه أخوى و أشهر هذه الفرق ( قلب الأسد ، اسبورتنق ، مانشستر ، الاهلى ، الاتحاد ، النهضة ، الجزائر ) وكانت هناك فرق من بقية البراري تشارك معنا في الرابطة مثل ( نجوم المحس ، الترسانة ، بحر الجبل ، سانتوس ، نجوم كوريا )
هذا باختصار وسوف نعود لأشهر النجوم في تلك الفترة إن شاء الله طبعا هذا السرد بصورة عامة لكل فترة الثمانينات بدون ترتيب

أحمد العمار
Post: #470
Title: Re: بري
Author: ناصر احمد الامين
Date: 03-31-2009, 07:24 PM
Parent: #469

اساسي، ماضي، محمدابوالعزايم، حيدر، محمديس، خالد،عبد الرحمن، ايمن، محمد الشيخ، محمد يوسف، هشام، محاسن، مكي، ادم و احمد، عاصم، عادل، جعفر، علاء، معتصم، ترهاقا، كودودا، رأفت، عوض، عبد الغني، محمد .....

سلامات اهل البراري ...


انا طلبت عضوية مخصوص من بكري عشان اكون متابع معاكم من قريب.

ففعلا هذا التاريخ وتلك الاحداث يجب ان تدون حتي تعرفها الاجيال القادمة انوالنسيج الاجتماعي والثقافي والسياسي والرياضي في بري كان مختلف (بمعني الكلمة)

متابع
Post: #471
Title: Re: بري
Author: ماضي ابو العزائم
Date: 03-31-2009, 09:10 PM
Parent: #470

Quote: اساسي، ماضي، محمدابوالعزايم، حيدر، محمديس، خالد،عبد الرحمن، ايمن، محمد الشيخ، محمد يوسف، هشام، محاسن، مكي، ادم و احمد، عاصم، عادل، جعفر، علاء، معتصم، ترهاقا، كودودا، رأفت، عوض، عبد الغني، محمد .....

سلامات اهل البراري ...

ياخوى إنت ناصر ود أحمد الامين الواحد البعرفو؟؟ ود بت عمى مبارك ود نصرالدين؟؟؟
كدى شوف الميل الجاى ده و بالصدفة جاى من منو
Post: #472
Title: Re: بري
Author: ماضي ابو العزائم
Date: 03-31-2009, 09:21 PM
Parent: #471

Quote: اخونا يازولyazoalيازول
مالك عايزنا نحت الكلوش كلو
لما تتكلم عن الفتيحاب (ابو سعد)و توتى و برى(المحس)انت بتتكلم عن فروع من أصل واحدو ضيف عليهم القوز(القوز القديم محطة مرتضى و ما جاورها)فعندنا فى برى لما تحصل وفاة لازم نرسل للقوز و توتى و الفتيحاب قبل الدفن ولا تشوف ليك مكان تدس فيهو فهم ابناء عمومتك و خئولتك و فى كتير من الاحيان الوفاه تكون فى القوز و الدفن ببرى او العكس و هناك اسر اكثر تشتتا بين هذه المناطق كمثال آل ابوالريش و آل على خوجلى و آل دليل و القائمة تطول.


المقطع اعلاه أثبتته عمليا احدى الاخوات فارسلت الميل ادناه ،أجد لنفسى العذر فى نشره
Quote: استاذ ماضي
أسفه لدخولي واقتحامي عالمك
بس اليوم قرات عن بري
انا جدي ابزيد موسي
وزوج خالتي الحاج عبدالرحمن آمين
وجدي لوالدتي كرار بله من القوز
شدني ربطك لبري والفتيحاب وتوتى والقوز
لكم التحيه وواصلوا
الله يديكم العافيه


Quote: كرار بله من القوز

وديل ما بين القوز و الفتيحاب
تشكرى على المساهمة
Post: #473
Title: Re: بري
Author: حيدر امين
Date: 04-01-2009, 11:16 PM
Parent: #472

ياخوى إنت ناصر ود أحمد الامين الواحد البعرفو؟؟ ود بت عمى مبارك ود نصرالدين؟؟؟
كدى شوف الميل الجاى ده و بالصدفة جاى من منو

ياهو يا ماضى ناصر المقصود زاتو واظنو لسه فى الامارات .. مصفح .. آخر ماعارفو كان ساكن جار احمد صديق
ومعاهو فى نفس المنطفه محمد امبن و مضوى وفوزى عثمان ومره مره محمد صديق يعنى ملمومين بس ما ظاهرين
والجابو اجيب الباقين
Post: #474
Title: Re: بري
Author: حيدر امين
Date: 04-01-2009, 11:23 PM
Parent: #473

Quote: أما فرق الروابط فكان كل فريق أميز من الفريق الأخر وكان بينها تنافس شديد وعنيف ولكنه أخوى و أشهر هذه الفرق ( قلب الأسد ، اسبورتنق ، مانشستر ، الاهلى ، الاتحاد ، النهضة ، الجزائر ) وكانت هناك فرق من بقية البراري تشارك معنا في الرابطة مثل ( نجوم المحس ، الترسانة ، بحر الجبل ، سانتوس ، نجوم كوريا )
هذا باختصار وسوف نعود لأشهر النجوم في تلك الفترة إن شاء الله طبعا هذا السرد بصورة عامة لكل فترة الثمانينات بدون ترتيب


ود العمار وخمدالنيل فى انتظاركم عن الثمانينات يمكن بعد داك تنتعش الذاكره ونشارك فيما قبل الثمانينات
Post: #475
Title: Re: بري
Author: خالد العبيد
Date: 04-02-2009, 00:01 AM
Parent: #474

سلام للجميع
يا ماضي عرفت انو الاستاذ والصديق محمد المهدي بشرى سيتواجد معكم
مهدي ده ارشيف متحرك اوعكم تسيبوه يفلت منكم
سجلو ليه صورة وصوت
وطبعا هو زول حكاااي
ويمكن ان يفيد هذا البوست كثير جدا
تحياتي ليه وليكم
Post: #477
Title: Re: بري
Author: ناصر احمد الامين
Date: 04-02-2009, 00:28 AM
Parent: #472

Quote: Quote: استاذ ماضي
أسفه لدخولي واقتحامي عالمك
بس اليوم قرات عن بري
انا جدي ابزيد موسي
وزوج خالتي الحاج عبدالرحمن آمين
وجدي لوالدتي كرار بله من القوز
شدني ربطك لبري والفتيحاب وتوتى والقوز
لكم التحيه وواصلوا
الله يديكم العافيه



دي فزورة عديل يا ماضي
Post: #476
Title: Re: بري
Author: ناصر احمد الامين
Date: 04-02-2009, 00:21 AM
Parent: #471

Quote: ياخوى إنت ناصر ود أحمد الامين الواحد البعرفو؟؟ ود بت عمى مبارك ود نصرالدين؟؟؟



ياني زاتي يا ماضي

و سعيد جدا بتواجدي معكم


ويا حيدر انت من زمن مصفح الجميلة؟؟؟؟
Post: #478
Title: Re: بري
Author: أيمن الطيب
Date: 04-02-2009, 06:30 AM
Parent: #476

سلااااااااااااااام يا ناصر,,
يا راجل ليك وحشة والله,,,
وجودك يجب أن يشكّل إضافة لهذا البوست,,
وضع خطين تحت يجب دى يا إبن خالتى,,,
Quote: استاذ ماضي
أسفه لدخولي واقتحامي عالمك
بس اليوم قرات عن بري
انا جدي ابزيد موسي
وزوج خالتي الحاج عبدالرحمن آمين
وجدي لوالدتي كرار بله من القوز
شدني ربطك لبري والفتيحاب وتوتى والقوز
لكم التحيه وواصلوا
الله يديكم العافيه
دي فزورة عديل يا ماضي
مافى أى فزورة هنا
يا حبيب !! دا حوش ناس هيثم وأشرف بلة فى القوز!!!
الحوش دا أطرافه فى برّى ناس المرحوم الأستاذ أبوزيد
موسى وناس ناصر والسنى محمد إبراهيم (أبوالعزائم)
وأيضا أبناء المرحوم محجوب سليم في كوريا وكذلك
بيوت فى برّى اللاماب والدرايسة يعنى حوش مرتبط ببرى
إرتباط كبير ووثيق,,

أمس كان زواج أخونا الوجيه طارق عبدالرحمن حمزة ربنا
يجعله زواجا ميمونا مباركا وبيت مال وعيال,,

تلفونك يا ناصر ؟؟
Post: #479
Title: Re: بري
Author: عبد الرحمن حمد النيل
Date: 04-02-2009, 06:55 AM
Parent: #478

يااخوانا ماتفتحوا لينا بوست ترحيب للاخ ناصر عشان يعرف الناس وتعرفه.
Post: #480
Title: Re: بري
Author: ماضي ابو العزائم
Date: 04-02-2009, 09:41 AM
Parent: #479

Quote: مافى أى فزورة هنا
يا حبيب !! دا حوش ناس هيثم وأشرف بلة فى القوز!!!
الحوش دا أطرافه فى برّى ناس المرحوم الأستاذ أبوزيد
موسى وناس ناصر والسنى محمد إبراهيم (أبوالعزائم)

ودة البيت المتزوج منو ناصر محمد ابراهيم(قنيبير)

ناصر نهلا بيك
Post: #481
Title: Re: بري
Author: محمد أبوالعزائم أبوالريش
Date: 04-02-2009, 11:08 AM
Parent: #480


مرحب بيييييك يا ناصر يا ولدنا

أهو ناس بري في البورد زادوا واحد

يالاّ ورينا همّتك
Post: #482
Title: Re: بري
Author: ناصر احمد الامين
Date: 04-02-2009, 04:59 PM
Parent: #481

ايمن ياخي مشتاقيييين
زمن طويل والله، يا حليل بري وايامها
يوم واحد في بري كان كالمهرجان... لاتنتهي المفاجاءت ولا الاحداث السعيدة
يبدأ اليوم ولا ينتهي فاحداثة تقودك قسرا الي اليوم التالي، وفي الانتظار يكمن التشويق
فصارت ايامنا تلك شوقا وعشقا لا ينتهي لتفاصيل اليوم الصغيرة.

يا الللللللللللله يا ايمن

عمر سمكة
اب رعد
الدية
اب شيبة
قورو
مامون
مالك
التلت
.
.
.
.
تذكر من وتخلي منو؟؟؟

طارق عبد الرحمن عريس ....... ياخي دا خبر جميل

اخر اخبارنا: امير صديق رزق بولدوسماهو محمود

ونواصل
Post: #484
Title: Re: بري
Author: ناصر احمد الامين
Date: 04-02-2009, 05:10 PM
Parent: #481

Quote: مرحب بيييييك يا ناصر يا ولدنا

أهو ناس بري في البورد زادوا واحد

يالاّ ورينا همّتك


مرحب يا خال واشكرك
Post: #483
Title: Re: بري
Author: ناصر احمد الامين
Date: 04-02-2009, 05:03 PM
Parent: #479

Quote: يااخوانا ماتفتحوا لينا بوست ترحيب للاخ ناصر عشان يعرف الناس وتعرفه.


الاخ عبد الرحمن انا وجودي بينكم دا في حد زاتو ترحيب بي
اشكرك ومواصلين
Post: #485
Title: Re: بري
Author: عبد الرحمن حمد النيل
Date: 04-02-2009, 05:34 PM
Parent: #483

Quote: الاخ عبد الرحمن انا وجودي بينكم دا في حد زاتو ترحيب بي
اشكرك ومواصلين


ياناصر دي حاجة تشرفنا والله سعيد جدا بانضمامك للمنبر وارحب بوجودك بيننا
Post: #486
Title: Re: بري
Author: عبد الرحمن حمد النيل
Date: 04-02-2009, 05:51 PM
Parent: #485

Quote: ود العمار وخمدالنيل فى انتظاركم عن الثمانينات يمكن بعد داك تنتعش الذاكره ونشارك فيما قبل الثمانينات

يا حيدر طيب عشان ننعش ليك الذاكرة فترة ما قبل الثمانيات كنا بندق الصفايح
اسبورتنق كان فيهو علي ما اذكر اب غرة وميرغني مبارك ومبارك ابرك صديق يوسف
اما منافسة علي مااعتقد فكان قلب الاسد ناس محسن وحمودة والسماني عبدالبديع وعبدالفتاح الطيار
اب ريح والجزائر اذكر فيهامامون القرشي والفكي القرشي والنهضة اذكر منها مضوي محمد احمد
انشاء الله نكون انعشنا الذاكرة يا حيدر
Post: #487
Title: Re: بري
Author: عبد الرحمن حمد النيل
Date: 04-02-2009, 05:59 PM
Parent: #486

Quote: والله يا عبدا لرحمن رجعتنا لأيام جميلة جدا ، وأنا طبعا كنت متوقع دخولك إلى المنبر سوف ينقلنا إلى عوالم جميلة جدا ، وبالفعل لقد بدأت هذه النقلة .
الكلام عن الرياضة في البراري عامة و برى اللاماب خاصة في فترة الثمانينات حديث شيق جدا وممتع لأننا عاصرناه و كانت لنا مشاركات في هذه الفترة أيضا من خلال الروابط .
فبمجرد الدخول في الحديث عن الرياضة في برى اللاماب يأتي فريق وادي النيل مباشرة أمامك وكيف كان التفافنا جميع سكان برى اللاماب حول هذا الفريق و مازلنا و مدى حبنا له والمواظبة على حضور مبارياته الدورية فقد كان يمثل لنا رمزا و كل لاعب من برى اللاماب كان يتمنى أن يشارك في هذا الفريق ( ولا يلقاها إلا ذو حظ عظيم ) .
أما فرق الروابط فكان كل فريق أميز من الفريق الأخر وكان بينها تنافس شديد وعنيف ولكنه أخوى و أشهر هذه الفرق ( قلب الأسد ، اسبورتنق ، مانشستر ، الاهلى ، الاتحاد ، النهضة ، الجزائر ) وكانت هناك فرق من بقية البراري تشارك معنا في الرابطة مثل ( نجوم المحس ، الترسانة ، بحر الجبل ، سانتوس ، نجوم كوريا )
هذا باختصار وسوف نعود لأشهر النجوم في تلك الفترة إن شاء الله طبعا هذا السرد بصورة عامة لكل فترة الثمانينات بدون ترتيب

أحمد العمار

والله يا احمد انت برضو رجعتنا لايام جميلة بالمداخلة دي خليك قريب .
لكن وين ادم؟؟ وجوده مهم والله
Post: #488
Title: Re: بري
Author: عبد الرحمن حمد النيل
Date: 04-02-2009, 06:03 PM
Parent: #487

كانت هذه الحقبة من اكثر الحقب خصوبة في تاريخ الرياضه بالبراري (كرة القدم ) ومن ملاعبها انطلق العديد من النجوم و المواهب لشق طريقها الي اندية القمة باتحاد الخرطوم بدرجاته الثلاثة وحتي اندية القمة باقاليم السودان المختلفة كانت قد نالت نصيبها من هذه المنطقة .
وبالرغم عن ذلك كان من الصعوبة سلك هذا الطريق و السبب في ذلك يرجع الي العقلية السائدة انذاك وهي احتكاراندية المنطقة لابنائها وكان من الصعوبة ان يخرج اللاعب عن نطاق بري الجغرافي.
فهناك العديد من العقبات التي تواجه كل من يهم بالتوقيع خارج حدود اندية المنطقة حيث يتم في الحسبان التدخل العائلي الذي يفرض علي اللاعب التوقيع لفريق المنطقة او العزلة الاجتماعية وهذا يعتبر نوعا من الغيرة علي اندية المنطقة.
تغير هذا المفهوم الان واصبح الولاء لمن يدفع اكثر ومازال هناك من يقبضون علي الجمر.
Post: #489
Title: Re: بري
Author: عبد الرحمن حمد النيل
Date: 04-02-2009, 06:17 PM
Parent: #488

رابطة امتداد ناصر
رابطة تتبع لاتحاد الناشئين وتعمل بقوانين اتحاد الناشئين و كانت رابطة شبه مستمرة ويقع ملعب الرابطة في محطة 8 بامتداد ناصر وينطوي تحت لواء هذه الرابطة حوالي ال14 فريق .
حوالي 9 فرق تمثل ناصر شمال وجنوب
فريق من الدرايسة
فريق من اللاماب
فريق من ابوحشيش
فريق من المحس
فريق من حي كوريا

رابطة بري اللاماب الاهلية
هكذا كانوا يسمونها ومن الاسم يتضح انها لاتبع لاي جهة حكومية والنشاط لم يكن بصفة مستمرة كان لها قوانينها الخاصة بحيث يحق للكل المشاركة شباب كانوا م ناشئين وفي بعض الاحيان يحق لمن هم في كشوفات اتحادات الاقاليم بالمشاركة وفي احيان يحق للفرق تطعيم كشوفاتها ببعض المقيدين والذين يلعبون بالدرجات الثلاثة ومن هنا كانت قوة المنافسه في هذه الرابطة وجذب اعداد غفيره من الجماهير وينطوي تحت لواء هذه الرابطة حوالي 12 فريق وبعض الفرق الموسمية.
حوالي 7-8 من بري اللاماب
فريق من ابوحشيش
فريقين من الدرايسة
فريق من المحس
فريق من كوريا
Post: #490
Title: Re: بري
Author: حيدر امين
Date: 04-02-2009, 06:26 PM
Parent: #489

Quote: ابوغرة وميرغني مبارك ومبارك ابرك صديق يوسف


ياخى الناس ديل وين حسع
واضف المغيره , راشد محمد الحاج , الامين الهندى , المرحوم عصام الخضر , و,,
انتظرنى بجيك تانى....
Post: #491
Title: Re: بري
Author: jini
Date: 04-02-2009, 06:50 PM
Parent: #490

Quote: في الخرطوم .. خواطر وذكريات محزونة
بقلم : معاوية محمد نور

الوقت ليل . والكون ساج نائم . فما تسمع نأمة ولا ترى حركة ، ولا تحس سوى الركود والإغفاء ، والسكون الشامل ، والظلام الصافي ، والهدأة الناعسة . ولقد تحس الحين بعد الحين حركة ضئيلة أو تسمع صوتا خافتا فيزداد إحساسك بذلك الصمت ويشتد تقديرك لذلك السكون ، ويأخذك ذلك السحر ، وتستولي على نفسك تلك الهدأة ويغمرك ذلك الصفاء . فتروح في عالم الأحلام والذكريات وتدلف إلى عوالم الفكر والعواطف المشجيات . وقد خيل إلي أن الحياة قد وقفت فجأة ، وأن الوجود قد أخلد إلى نومة هادئة ، ويعديني ذلك الشجو والسهوم فلا أستطيع أنا الآخر حركة أو قياما ، أظل أتبع حركة الماء الدافق أمامي حينا ، وحركة ما يجري في خواطري وأحاسيسي حينا آخر ، وأنا جالس على أحد المقاعد على ضفاف النيل الأزرق في مدينة الخرطوم . والنيل ينساب في مشيته هادئا كأنه صفحة المرآة المجلوة وعلى يميني في النهر بضع سفن بخارية وأمامي الخرطوم بحري وجزيرة توتي وعلى شمالي مدينة أمدرمان ، يخيم عليها الصمت ويكسوها ثوبا رقيقا ، ويخيل إلي أن ذلك الشجر الحاني بعضه على بعض والذي يظلل شارع الشاطئ ، وذلك النهر الهادئ بما فيه من قنطرة وأمامه من مدينة وجزيرة وما فوقه من سماء تحسبها لشدة زرقتها وانكفائها على حدود النيل أن السماء نيل وأن النيل سماء ، وأن الكل صورة يمكن أخذها ووضعها في إطار للتأمل فيها واستلهام الوحي منها ! .. وخطرت سفينة من تلك السفن المرصوصة ، فحسبت لأول وهلة أنها لاشك طامسة أثر ذلك الجمال ، عابثة بذلك الهدوء الصامت متلفة لتلك الصورة الرائعة ، ولكنها لم تصنع شيئا من ذلك بل أعطت الصورة لونا ، وزادتها حياة وبشرا ، وما يخيل للرائي أنها سفينة تعبر نهرا ، وإنما كأنها قلم يرسم خطا على صفحة أو كأنها شهاب يشق عنان السماء في إتئاد وسرعة ! عجبا لمنظر النيل ليلا ! .. ليس بعده جمالا ولا جلال ، وما يفوقه منظر مما رأيت سحرا وروعة ، وما تستجيش الخواطر ولا يصفو الذهن ولا يتألف الفكر ولا تكثر الذكريات وتغمر النفس فيضا وحنينا مثلما تفيض النفس في حضرة النيل ، ويحن القلب ، ويحلو في كل ذلك الشجو والحنين .

ظللت الساعات وأنا مأخوذ بسحر ذلك المنظر ، في شبه صلاة روحية ، وخشوع فكري ، وجلالة تغمر النفس ، وتخلع على الحياة شعرا ، وتحيطها بالأطياف والأرواح ، وتملأها بأسرار النفوس وخفاياها ! وبالقدرة منظر كمنظر النيل على ابتعاث روافدها وزخر جميع تياراتها من حنين إلى المجهول ، وشجو إلى الماضي ، وتطلع إلى المستقبل المنظور !

لم يظهر لي النيل في تلك الليلة كالشيئ السائل المائي ، وإنما هو بالتماسك أشبه وإلى مادة كالزئبق أقرب فما تشهد شيئا من العنف أو من الإندفاق الظاهر ، وإنما تشاهد العمق البعيد متشحا بثوب الهدوء والسطحية البارزة وتشاهد العدو السريع ولا تلمح شيئا من آثاره ومظاهره ، ولقد تسمع الوسوسة من حين لآخر بين نباتات المياه كأنما أشتدت بها الوحشة ، وكثر عليها الصمت والسكون ! ولكن العالم غاف ، وللعالم حرمة عندها ، فتنطلق في صوت خافت ، وتهمس بدلا من أن تفصح ويعود الماء إلى سكونه ووحشته الجميلة والعين لا تفتأ تنظر إليه ولا تتعب من ذلك ولا تحس إعياءً ولا فتورا . ولقد يقع حجر في النهر وسط ذلك السكون فيكون للصوت الذي يحدثه موسيقية لا تعثر عليها عند أعاظم أرباب الموسيقى والفنون ! وأسأل أحيانا ، من أين يا ترى تأتي هذه المياه وإلى أين هي ذاهبة ؟ أهي لا تفتر من هذه الحركة الدائمة والدائرة التي تنتهي لتبتديء وتبتديء لتنتهي . إلى أين أيتها المياه ومن أين ؟ ألا تفترين ؟ ألا تسخطين ؟ ألا تنتابك عوامل الضجر والسأم ؟ فألمحها تسخر بي وتشفق علي ، وعلى شفتيها إبتسام ، وفي نفسها مرارة وهي تهمس خوفا من أن تسمع (( هكذا ، هكذا ، لقد نفذ القضاء ، أليس من الحماقة والضيق التأفف مما لابد منه ولا محيد عنه ، ونحن أبناء الحياة ولا شيء هنالك غيرها ، أليس من الخير أن نتحملها ونكون عند ظنها ولا نفتر عنها ؟ بل نحياها في أناة ورضاء وابتسام وادع مرير ، ذلك أحجى وأحكم لو كنتم تعلمون )) . وكذلك تذهب المياه معززة حديثها بالإبتئاس والإصطخاب ، ونسيانها للشعور بالنفس ، وهزئها بشعور الملال والإعياء ! .. والماء في جريه ووسوسته الدائمة يتخطى المدن والبلدان راكضا وادعا ، يمثل فلسفة الحياة وكيف يجب أن يكون إحتمالها والتغلب على شعور الملال ودواعي الإعياء والسخط .

ويأتي النيل الأبيض من الناحية الأخرى وهو أكثر زبدا وصخبا من النيل الأزرق ، قد ترى موجه المزبد وآذيه المصطفق يتكسر في عنف وشدة على الشاطئ حتى إذا ألتقى بالنيل الأزرق عند الخرطوم شد من أزره وأخذ يساعده وتكاتف الإثنان معا في مرحلة الحياة التي ليس لها أول ولا آخر ، وهكذا يسيران وقد صارا نيلا واحدا وقلت وحشتهما وزاد أنسهما ، فتلمح نجواهما وشعورهما بالرضاء الوادع ، والحكمة الهادئة ، وهما يندلفان في سير سريع ما سار الزمن وبقيت الحياة .. !

وهذا الجمال ما شأنه ؟ هذا الجمال الساهي الوادع الذي تستمرئه النفس لأول نظرة ويفرح له اللب ، وتجزل الروح ، ماله يميل بذهني إلى خواطر محزونة ، وصور مشجية ؟

هذه السفن التي تنبسط أمامي أجلها في خوف ولعل السبب موت خال لي غريقا في سفينة بخارية في النيل الأزرق . و (( توتي)) منبسطة هي الأخرى أمامي ، مالها تثير في نفسي شجوا حزينا ، وما لشجوها الكئيب الذي لم يبق له إلا أن يدمع ، وما هذه الوحشية المخيفة ، وما لرمالها الناصعة تبعث في نفسي شعور الأسى والذكريات الأليمة ؟ وإنني لأذكر توتي وأذكر أياما لي بها ، وأذكر زرعها وأذكر مجدها ، و أذكر تلك الخضرة ملء العين والبصر نهارا ، وهي الجلال والأطياف والخوف ليلا . وأذكر - ويا لشدة ما أذكر - أذكر أبي وأذكر بيت أبي ، أذكر ذلك البيت القائم وسط الزرع وحيدا لا أخ له ، كالشارة الموسومة وسط ذلك الزرع الحافل ! . أين كل ذلك اليوم ؟ لقد مات أبي واضمحل الزرع وتهدم البيت وما بقي منه سوى الجدران والتراب ، وصار مأوى حيوانات ضارية ، تسكنه الهوام ويعمره الخراب الماثل للعيان .

وهذا الشارع الجميل المنسق على ضفاف النيل الأزرق ماذا يترك في نفسي من إحساس ؟ لا تزال صورته التي رأيتها وأنا طفل بأمدرمان مرسومة أمام ناظري وهي صورة فيها من الحنين والشوق والقدم ما لا سبيل إلى وصفه . على أن ما يعني العالم بخواطر حالم مثلي ؟ وهؤلاء بعض الناس يتحدثون في شغب وقد خرجوا من دور السينما ، وربما كانت هنالك حفلة راقصة ! وفي البحر حيتان ، وفي الشجر أطيار نائمة ، وغير هؤلاء وأولئك من أعمال متباينة ، وحالات مختلفة . ماذا يعني كل هذا التناقض سوى طريق الحياة وشمولها وعدم معرفتها للسهولة ، بل هي الشدة وهي القوة الغازية ! تلك هي أمدرمان وادعة نائمة ، ومن يدري ما بداخلها من المتناقضات ومختلف مظاهر الحركة والسكون ، وشتى مظاهر العاطفة والشجون ! وإنني لأذكر النيل الأبيض وسفرتي فيه وأنا ما زلت صبيا حدثا ، كيف نسيت نفسي في مرح وبساطة وأنا على السفين ! كلها ذكريات قوية واضحة ، تتسلل إلى ذاكرتي من حيث لا أشعر أنني في حاجة إلى (بروست) آخر ليصف كل ما يجري في وعيي المستتر في تلك اللحظة من الزمان . إنها لتملأ مجلدا ضخما ولا تفنى ! وإنني لأذكر ليالي المدرسة ، وسماعي لذلك البوري الذي يهز كياني هزا ، ويلعج نفسي ويذكرها بمن مات من أهلي وأحبابي ! ولا أدري أي علاقة لذلك الصوت وتلك الذكريات المحزونة ، فلربما لأن خالي كان ضابطا ، وأن ذلك البوري يضرب لعشاء الضابط ، وخالي قد مات ! . وأنظر إلى يميني فأذكر ضواحي الخرطوم وأذكر بري بنوع خاص ، لا أذكر بري اليوم وإنما أذكر بري التي لم أرها بل سمعت عنها ، وأصغيت إلى أناشيد الفتيات وأغانيهن في مدحها ( بري الطراوة والزول حلاوة ) إن ذكر هذه الجملة ليمثل أمامي صورا من الماضي قوية ، حية كأشد ما تكون حياة وقوة ! يا لصور الماضي ويا لشجوه وحنينه ! أذكر شوقي إلى الماضي ، وأذكر حنيني إلى المجهول ، وأذكر شعور الإغتباط والجمال الفني الذي أشرف عليه عند مشاهدتي النيل في تلك الليلة ، فأقول يا للعجب ! أتراني أود أن أعيش الماضي والحاضر والمستقبل في ساعة واحدة ! يا لنهم الحياة ، وطبع الإنسان ، وعطش العواطف !

فأنا الآن أذكر كل هذا ، أذكر الليلة القمراء بأمدرمان وأنا صبي ألعب ، وأذكر مكاني من الخرطوم وجمالها الساهي ، وصفائها الصامت ، ورونقها وأحلامها وصمتها وما يحيط بها من ضوضاء ، وما يتصل بأسمها من أسماء تاريخية ، وهالات وحروب ، وأذكر الحيتان في قعر النيل ، وأذكر الشجر في وقفته الكئيبة ، ووحشته الدامعة ، وأذكر عوالم أخرها شهدتها أو قرأت عنها .. وأذكر أبي وأذكر أختي التي فارقت هذه الحياة ، وأذكر هؤلاء الراقصين القاصفين ، وأذكر الجمال الماثل لعيني ، وأذكر غير هؤلاء أشياء كثيرة لا صلة بينها ولا قرابة عندها .. ! فأسأل نفسي ماذا تعني كل هذه الأشياء ؟ وليس من مجيب .. سوى أننا في هذه الحياة وسنظل فيها إلى أبد الآبدين ، لا نعرف عنها شيئا يرتاح إليه الضمير ، ويسكن عنده الخاطر . وإذا أنا في هذه الخواطر المسائية أشعر برعشة في جسمي ، وأحس بدمعة في عيني .. فما أدري أهذه الدمعة شعور بجذل الحياة ، أم هي بكاء عليها ؟ غير أنني أعرف أنني أذهب وأعمل بعد ذلك كما يذهب أناس كل يوم ويعملون .

أها يا ناس برى قصرنا معاكم!
جنى
Post: #492
Title: Re: بري
Author: عبد الرحمن حمد النيل
Date: 04-02-2009, 07:03 PM
Parent: #491

Quote: أها يا ناس برى قصرنا معاكم!
جنى


ياسلام ياجني
شرفتنا زبارتك
والله ماقصرت تب
تحياتي واحترامي
Post: #493
Title: Re: بري
Author: محمد أبوالعزائم أبوالريش
Date: 04-03-2009, 00:29 AM
Parent: #492


والله جنك ده كان يبقى كلكي ... برضك أحلى زول.

ياخ النص بتاع معاوية نور ده أنا سألت عليهو في البوست ده قبل شهر ..

ألله يديك العافية

وخليك في جنك ده .. جن مفيد
Post: #494
Title: Re: بري
Author: عبد الرحمن حمد النيل
Date: 04-03-2009, 08:52 PM
Parent: #493

Quote: Quote: ابوغرة وميرغني مبارك ومبارك ابرك صديق يوسف




Quote: ياخى الناس ديل وين حسع
واضف المغيره , راشد محمد الحاج , الامين الهندى , المرحوم عصام الخضر , و,,
انتظرنى بجيك تانى....


ميرغني في السودان
مبازك اعتقد في الامارات
تقبل سلام صديق يوسف الكثيرمن بريطانية
اب غرة رحمه الله عليه توفي منذ سنوات
المغيره رحمهاالله عليه توفي قبل سنتين
راشد في السودان
ورحم الله عصام خضر
وكل من عليها فان راحو في ريعان شبابهم
Post: #495
Title: Re: بري
Author: عبد الرحمن حمد النيل
Date: 04-03-2009, 08:56 PM
Parent: #494

ونواصل في مجال الراياضة ورابطة امتداد ناصر

فرق رابطة امتداد ناصر
الشبيبة
ناصر
الثوار
العاصفة
المناضلون
الاخوة
الجيل
الزهرة
الهدف
سانتوس (الدرايسه)
الجزائر (اللاماب)
اتحاد المحس (المحس)
النجمة (ابوحشيش)
المستقبل (كوريا)
Post: #496
Title: Re: فرق رابطة امتداد ناصر
Author: عبد الرحمن حمد النيل
Date: 04-03-2009, 09:04 PM
Parent: #495

فريق الشبيبة يمتاز بالمهارات العاليه كان يشرف عليه ابراهيم كنه
لعب للشبيبة: للمثال لا الحصر ياسر عمر-سيف منقه
علي محمد احمد - عصام الطاهر – بكري يحي ود ارباب واخرين


فريق ناصر: كان يلعب له شهاب الدكوم –واولاد الفحل
صحراوي

فريق الثوار: او فريق الكنوز جمعة ازرق واخوانه في الاداره
لعب له شنقله واخوانه - فضل – مجيد عفيفي - عصام جوك

الهدف: وديل ناس حي الباطنية شرف وعبود في الاشراف
من لاعبيه ضياء (ديدي) فيصل –الهادي الرحيمه –بركه
المرحوم عماد عبدالله -الشفيع

العاصفة: اذكر فقط يحي ود العز –يوسف عنقريب

الزهرة: لضعف الذاكرة اذكر عطا المنان

الجيل: اشرف الشوش خرج هذا الفريق اللا عب الدولي خالد بخيت

المناضلون: علي ارباب ابراهيم ارباب

الاخوة: السر تاج الدين والكبس

الجزائر: يمثل اللاماب تحت اشراف ابراهيم عثمان وهندي بابكر وتحية خاصه لهندي الذي
لايزال مواصلا مع ناشئين الجزائر لعب للجزائر ادم العمار (عضو البورد) عجوز –عامر
حلبسة – عمر كمال –احمد الشريف –عبدالهادي- معاوية و و ..

سانتوس: يمثل الدرايسه كان هناك مختار بندي –ميسره –فاروق يوسف عبدالدافع
عادل حسن –عثمان فضل – الشيخ

المستقبل: يمثل كوريا الهادي قرقور – عبدالحميد –عصام السيد – رفعت –عزت طعمية

النجمه: ابوحشيش محمد بيلو – نادر هبوب – حاتم –خليفه جمعه – ياسر

اتحاد المحس :يمثل المحس اشرف عليه الاستاذ كمال الدقنه لعب له عادل النمله صبري النمله
الديه – معتز وطارق كبير
Post: #497
Title: Re: فريق الجيل برابطة امتداد ناصر
Author: عبد الرحمن حمد النيل
Date: 04-03-2009, 09:14 PM
Parent: #496

الجيل: اشرف الشوش خرج هذا الفريق اللا عب الدولي خالد بخيت
لقاء مع اللاعب الدولي له علاقة بفريق الجيل ورابطة ناصر ونادي بري

بدأ حياته كأي لاعب موهوب يسعى لتحقيق طموحاته في مجال كرة القدم فكانت بداية المسيرة الكروية بروابط الناشئين .. حيث بزغ نجمه برابطة ناشئي إمتداد ناصر بالخرطوم حيث كان يلعب مع فريق الجيل بتلك الرابطة وكان أحد ألمع النجوم في دوري الناشئين إنه اللاعب خالد بخيت الذي أثار شطبه من الهلال هذا الموسم ضجة كبرى خاصة وأنه يتقلد شارة كابتنية الفريق. .. ومع ذلك لم يتفوه بكلمة جارحة في حق ناديه السابق.
إعداد - مجتبى عبد الرحمن
الخبير احمد بابكر
هدفه في مرمى المريخ أعاده للهلال وسجل بعده ثلاثة أهداف في الشباك الحمراء

بداية المشوار
في موسم 91 - 1992م بزع نجم خالد بخيت في دوري الناشئين فكان ان اصطادته أعين كشافي الهلال الذين قادوه للعب بأشبال الهلال .. ولما كان مميزاً في أدائه وسلوكه داخل وخارج الملعب نال خالد بخيت ثقة جماهير الهلال وإدارته وأبنائه فكان ان اختير ضمن أفضل خمسة لاعبين بأشبال النادي يشاركون بصفة شبه مستمرة مع الفريق الأول.
تجربة أمام المريخ
في عام 1993م لعب الهلال مباراة دورية أمام المريخ الذي كان أفضل استقراراً واداءً في تلك المباراة وخسر الهلال المباراة بثلاثة أهداف مقابل هدف والطريف في الأمر ان أهداف المباراة الأربعة أحرزها لاعبو المريخ حيث أحرز خالد أحمد المصطفى هدفاً وحمد الجريف هدفاً وجعفر محمد عباس هدفاً وهدف الهلال الوحيد في المباراة أحرزه مدافع المريخ إدريس الجريف في مرماه وإدريس الجريف هو شقيق اللاعب خالد بخيت الذي شارك في تلك المباراة وهي الأولى له وهول لاعب صغير السن قادم من الأشبال.
شطب ولعب لبري
في الموسم التالي لمباراته أمام المريخ العاصمي تم شطب خالد بخيت من أشبال الهلال ليلعب اللاعب لفريق بري وهي تمثل عودة للجذور حيث بدأ نجمه يسطع بروابط إمتداد ناصر من قبل.
عاد خالد بخيت للجماهير التي صفقت له وهو ناشئ وتنبأت له بمستقبل زاهر مع المستديرة وهو أحد فرسان القلعة الزرقاء ومع بري استدعى اللاعب موهبته التي لم تسمح له مفاهيم الرياضيين بالهلال من تقديمها فقدم مع بري أجمل المباريات وبدأ رحلة النجومية من جديد بصمود وإصرار وعزيمة لا تلين.
هدف أعاد الذكرى
في موسم عام 96 وهو الذي شهد عودة أسد البراري العريق لحلبة فرسان الدرجة الأولي العاصمية وسط ابتهاج من أهل بري الذين يذوبون عشقاً في هذا الفريق ويساندونه أينما حل وأينما نزل جرت بإستاد الخرطوم مباراة بري والمريخ ورغم نسيان الأهلة لهذا اللاعب إلا أنه أعلن وجوده داخل الملعب وحدث عن موهبة تخطتها أعين الجميع في لحظات انشغال بالنجوم وفهم غائب بالتدرج للاعبين حتى قمة النجومية تمكن خالد بخيت من هزَّ شباك المريخ بهدف رائع أعاد للهلال ذكرى هذا اللاعب المشطوب ظلماً ورغم إنتهاء المباراة بالتعادل بهدف لكل إلا أن الأمنيات بدأت تداعب الأهلة بتصحيح خطأ الاستغناء عن لاعب بهذه المواصفات.
لقب المعلم
مع تألق اللاعب مع أسد البراري أطلقت جماهير بري لقب المعلم على خالد بخيت الذي أجاد فنون الكرة مع الفريق ومع كل صيحة لجماهير بري للاعب خالد بخيت تشتعل رغبة الهلالاب في استعادة هذا النجم الفنان للهلال من جديد حتى بلغت الرغبة قمتها ووصلت لقادة النادي الذين لم يتوانوا في الاستجابة لنداء الجمهور من جديد بتسجيل اللاعب وفي نهاية عام 96 وفي فترة التسجيلات انضم خالد بخيت للهلال وابدي رغبة اكيدة في اسعاد جماهير الهلال التي رحبت به وصار اللاعب جنديا في صفوف الهلال الذي احبه.
ثلاثة اعوام في صمت
ظل خالد بخيت طيلة الاعوام الثلاثة التي اعقبت انتقاله للهلال اسيرا لسوء الطالع في المباريات القمة غير انه يسجل باستمرار في مرمي الفرق الاخرى ويعبث له الحظ امام شباك المريخ .
موسم 99 بداية نهاية النحس
كأنه كان موعودا بنهاية ارتباطه ببرج النحس في لقاءات القمة ففي عام 1999م نزل اللاعب لارض الملعب في الشوط الثاني من مباراة الهلال امام المريخ واستطاع أن يحرز هدفين رائعين جعلا جماهير الهلال تعيد الهتاف الذي تركته لثلاثة اعوام (يا معلم خلي الشبكة تتكلم) وانتهت المباراة بفوز الهلال بهدفين دون مقابل من توقيع خالد بخيت وبعدها كان التألق اللافت للانظارمع الفريق في المباريات المحلية والدولية في المنافسات الافريقية والعربية الا انه لم يسجل بمرمي المريخ الا بعد اربعة اعوام من هذين الهدفين .
هدف اعاد الذكرى
كلما ردد الجمهور حديثا عن خالد بخيت بأنه ما عاد قادرا علي العطاء فاجأهم اللاعب بمزيد من التألق .. ففي عام 2003م في الدورة الاولي للدوري الممتاز استطاع خالد بخيت أن يعود لهز شباك المريخ حيث احرز هدفا في المباراة التي انتهت بفوز الهلال بهدفين وكان ان احرز هيثم طمبل الهدف الثاني لتعود نغمة المعلم من جديد .
لاعب مدربين
طيلة مسيرته بالهلال والتي وصلت لسبعة مواسم كروية ظل اللاعب خالد بخيت لاعبا متميزا ومنفذا دقيقا لتعليمات المدربين فهو ينفذ تعليمات المدرب بحذافيرها وقد اشاد به المدرب مصطفي يونس اكثر من مرة هذا غير انه اللاعب الوحيد الذي لم تهبط لياقته البدنية يوما بشهادة المدربين فلم يحدث ان ظهر خالد بخيت بلياقة متدنية في اية مباراة وهو دليل علي انضباط اللاعب والتزامه بالتدريبات وتوجيهات الجهاز الفني في التمارين والمباريات.
مسيرة حافلة مع المنتخب الوطني
منذ بزوغ نجمه لم يتم اختياره للمنتخب الوطني الاول .. فقد كان للمدرب احمد بابكر رؤية خاصة في هذا اللاعب حيث اختاره الخبير احمد بابكر ليلعب ضمن كوكبة منتخب الشباب الذي تأهل لنهائىات بطولة الشباب بالمغرب عام 1996م وكان خالد بخيت احد افضل النجوم بهذا المنتخب .. وبعد خروج منتخب الشباب من النهائىات بالمغرب تعاقب علي منتخبنا الوطني الاول اكثر من سبعة مدربين لم يختاروا خالد بخيت الا عندما تسلم قيادته الفنية المدرب احمد بابكر الذي قام باختيار خالد بخيت علي الفور وكان ذلك في عام 2000م وبالفعل بدأ خالد بخيت مشوارا قويا مع المنتخب الذي اولاه مدربه ثقة كبيرة .
اول انتصار لخالد
ظل منتخبنا الوطني ولاكثر من عشر سنوات لا يحقق انتصارا خارج ارضه في المنافسات الافريقية وعندما لعب في تصفيات افريقيا المؤهلة لنهائيات كأس العالم (2002م) بكوريا واليابان استطاع منتخبنا الوطني ان يحقق انتصارات داوية في هذا المشوار ابرزها فوز منتخبنا على سيراليون وسط (60) الف متفرج سيراليوني بالعاصمة السيراليونية بهدفين دون مقابل احرز خالد بخيت اولهما وكان نجما اذهل الافارقة بما اظهره من مستوي جلب له عددا من العروض للاحتراف وبعدها واصل اللاعب مسيرته مع المنتخب بمستوى جيد .
حظ عابس
في مباراة السودان وساحل العاج عام 2001م ضمن مباريات تصفيات بطولة الأمم الافريقية لعب خالد بخيت اروع مبارياته مع المنتخب ولكن سوء الطالع لازمه في اكثر من كرة يراوغ بها الدفاع العاجي ويلعبها وتعلو المرمي او تمر جانبا او يبعدها حارس المرمي واكتفى خالد بخيت يومها بالحديث عقب المباراة بأن سوء الطالع لازمه .
هدف وذكريات جميلة
من الصدف التي اصبحت عبارة عن ذكريات لخالد بخيت انه احرز هدفين في مرمي حارس المريخ الراحل عبدالعظيم الدش .
والذي رحل عن هذه الدنيا العام الماضي والمصادفة الثانية أنه لعب تلك المباراة بديلاً لنجم النجوم والي الدين الذي توفي أيضاً عام 2001م وهذا ما يجعل هذه المباراة في ذاكرة اللاعب لارتباطها بأعزاء يقدرهم المعلم ويدعو لهم بالرحمة.
أول مؤتمر صحفي للاعب مشطوب:
شطب الهلال اللاعب خالد بخيت من كشوفاته بصورة لم ترضيه حيث طلبت إدارة الهلال من خالد بخيت ان يخاطب اللاعبين الجدد الذين انضموا للهلال في التسجيلات الأخيرة بوصفه قائداً للفريق كما يرحب بهم ويعرفهم على الهلال الكيان والهلال فريق الكرة وبالفعل قام خالد بخيت بمخاطبة اللاعبين وصباح اليوم التالي تفاجأ اللاعب بشطبه من كشوفات الهلال عبر الإذاعة فحز الأمر في نفسه وقرر ان يعقد مؤتمراً صحفياً.. وتوقع الجميع ان يقوم خالد بخيت بالإساءة للهلال كما يفعل أغلب اللاعبين ولكنه تحدث بكل أدب عن الهلال ودعا إدارات الأندية للاستفادة من سن النضج الكروي رافضاً الإساءة لبيته الذي قضى فيه أجمل مواسمه الكروية... ضارباً أروع الأمثال في احترام اللاعب لناديه وهو أول لاعب يعقد مؤتمراً صحفياً بعد شطبه.
Post: #498
Title: Re: فريق الجيل برابطة امتداد ناصر
Author: حيدر امين
Date: 04-03-2009, 11:02 PM
Parent: #497

Quote: اب غرة رحمه الله عليه توفي منذ سنوات
المغيره رحمهاالله عليه توفي قبل سنتين

انا لله وانا اليه راجعون
لاحولة ولاقوة الابالله
نعم كانوا من خيرة شباب برى اللاماب لهم الرحمه والمغفره

بالله وصل تحباتى للاخ صديق يوسف الحلو وكل ناس برى المعاكم
كانت ايام..
Post: #499
Title: Re: فريق الجيل برابطة امتداد ناصر
Author: احمد العمار
Date: 04-04-2009, 05:02 PM
Parent: #498

والله يا عبدالرحمن ماشاء الله على ذاكرتك

ومن هنا التحية للاخوان /

ضياء الدين خليل / ديدى
الهادى الرحيمة
اسامة احمد الباع
معتصم التشو

فهم دفعتنا فى برى الاميرية





متعك الله بالصحة والعافية

استمر متابعين باهتمام والله

أحمد العمار
Post: #500
Title: Re: فريق الجيل برابطة امتداد ناصر
Author: حيدر امين
Date: 04-07-2009, 07:47 PM
Parent: #499

الاخبار مقطوعه من تانى

وين اساسى و مجمد الشيخ ارباب
Post: #501
Title: Re: فريق الجيل برابطة امتداد ناصر
Author: حيدر امين
Date: 04-11-2009, 00:30 AM
Parent: #500

بوست توثيقى ومهم عن محس الخرطوم
الخرطوم .. نشأتها و تاريخها ... للتوثيق
Post: #502
Title: بـُــري
Author: عبد الرحمن حمد النيل
Date: 04-11-2009, 01:19 AM
Parent: #501

بوست توثيقى ومهم عن محس الخرطوم
الخرطوم .. نشأتها و تاريخها ... للتوثيق
حيدر
فعلا بوست مهم
تحياتي
(اساسي وين ياناس لعل المانع خير)
Post: #503
Title: Re: فرق رابطة امتداد ناصر
Author: adam alamar
Date: 04-13-2009, 10:11 AM
Parent: #496

بسم الله الرحمن الرحيم

الاخ عبدالرحمن حمد النيل

ياخي و الله هيجت فينا شجون و رجعتنا بالذاكرة
الى الزمن الحلو و الجميل ....

مساهمة مني في هذه الزكري

لاعبي فريق الجزائر ـ بري اللاماب


اشرف الامين البدراوي ـ المرحوم فايز الريح ـ فرح محمد فرح
مرضي علي ـ عمر سيد جادو ـ احمد الشريف حسن ـ عبدالرحمن الشريف
عصام سلمان ـ عبدالهادي محمد زين ( كنجو ) - عبدالمنعم السنجك
علي محجوب ( الشايقي ) ـ عبدالرحمن حاج الطيب ( عجوز )
محمد الامين عباس ( دسكون او حلبسة) عبدالرحمن النعمة (زينة)
محمد بلة النور ـ صبري الشيخ ـ
و عبر هذا لبوست تحياتي للاخوان ابراهيم عثمان ( ابم )
و هندي بابكر ( ابوالعلا) و ترباس و كل الكوكبة الرائعة من الاداريين
و المشجعين ....

بالله بهذه الذاكرة الجبارة ( ما شاء الله ) ارجوا شي من زكرياتك عن رابطة بري اللاماب شباب

فريق النهضة مثلا ..... و ايامكم الجميلة ...

و لنا عودة

ادم العمار
Post: #504
Title: Re: فرق رابطة امتداد ناصر
Author: محمد أبوالعزائم أبوالريش
Date: 04-14-2009, 08:43 AM
Parent: #503


واصلوا ....

طبعاً لما الموضوع يكون كورة .. نحن بنكون فرّاجة ساكت.
Post: #505
Title: Re: فرق رابطة امتداد ناصر
Author: حيدر امين
Date: 04-21-2009, 08:17 PM
Parent: #504

بقيتو بعيدين شديد

وين اولاد البرارى ؟؟؟ يلا همتكم... لرفع البوست

ولسه بسأل شنو الجديد فى موقع برى ...
Post: #506
Title: Re: فرق رابطة امتداد ناصر
Author: محمد أبوالعزائم أبوالريش
Date: 04-21-2009, 10:10 PM
Parent: #505


إعلان تكوين المكتب التنفيذي لرابطة أبناء البراري المقيمين بدولة قطر المنشور بجريدة الراية اليوم 21/4/2009.
ويلاحظ سقوط إسم الأخ أيمن عبدالرازق (أيمن الطيب)


Post: #507
Title: Re: فرق رابطة امتداد ناصر
Author: محمد أبوالعزائم أبوالريش
Date: 04-25-2009, 09:24 PM
Parent: #506


حيكون البوست ده إنشاء الله منبر لعكس نشاطات رابطة أبناء البراري - قطر
Post: #508
Title: Re: فرق رابطة امتداد ناصر
Author: ماضي ابو العزائم
Date: 05-02-2009, 12:26 PM
Parent: #507

عزو اولاد أوشى فى نسيبهم عبد الفتاح زيدان
(زوج آسيا اوشى)هنا
المناضل النوبي عبدالفتاح زيدان في ذمة الله
إنا لله و إنا اليه راجعون
Post: #509
Title: Re: فرق رابطة امتداد ناصر
Author: حيدر امين
Date: 05-15-2009, 04:27 PM
Parent: #508

حسع ليكم 13 يوم
Post: #510
Title: Re: فرق رابطة امتداد ناصر
Author: ناصر احمد الامين
Date: 05-15-2009, 05:02 PM
Parent: #509

العزيز حيدر وباقي الاخوه


سلام وأشواق

فكرت في عمل توثيق مصور عن تاريخ البراري (الحديث)، فما السبيل والرأي ؟؟؟






عزاء

الا رحم الله الشاب الخلوق الهاش الباش ... الانسان الراقي بمعني الكلمة (عمر مكاوي) الذي وافته المنية الاسبوع الفائت بعد صراع طويل مع الالم والمرض، فقد عاش في صمت ورحل في صمت.

العزاء موصول لوالده الحاج مكاوي ووالدته ست النفور واخوته بابكر وعثمان وجميع اخواته
Post: #511
Title: Re: فرق رابطة امتداد ناصر
Author: ماضي ابو العزائم
Date: 05-16-2009, 08:49 AM
Parent: #510

إنا لله و إنا إليه راجعون
Post: #512
Title: Re: فرق رابطة امتداد ناصر
Author: ماضي ابو العزائم
Date: 05-16-2009, 08:55 AM
Parent: #511

وصلنى ميل من الامارات من الاخت وجدان ناصر و اورده كما هو
Quote: الاخ الكريم ماضي ابوالعزايم

السلام عليكم ورحمه الله

اتابع البوست الخاص بكم اهل بري بشغف بالغ _ حيث نستقي المعلومات عن اجيال سبقتنا واجيال ما زالت موجوده - الرحمه والمغفره لكل من ارتحل عنا والصحه والعافيه لكل اهلنا فى بري الصغار والكبار .

استوقفني هذا الاعلان : إعلان تكوين المكتب التنفيذي لرابطة أبناء البراري المقيمين بدولة قطر المنشور بجريدة الراية اليوم 21/4/2009.

وهودكتور فياض عوض رئيس الرابطه والغريب فى الامر من خلال متابعاتي للبوست تم حصر كل الاسر فى بري وعلى فترات متلاحقه ولم يذكر نفر من اهله وهو حفيد مصطفى على صغير وسليمان على صغير واحد خيلانه المرحوم العيدروس سليمان على صغير الذى بكته البراري اربعين يوما فى زمن الناس بقت تفرش يومين. وكثير من الاسر الاخرى تساقطت ايضا على سبيل المثال ال احمد صديق وال سري عمر نصر وال عبدالرحمن صديق وكثيرون اخرون

نتوقع المتابعه وحصر كل ما هو جديد فى الايام القادمات

ودمتم

الاخت وجدان لها الحق فيما قالت فهناك الكثير من اعلام برى لم نتطرق إليها
مش فى المحس بس لكن فى كل البرارى فرجال كأحمد حسن الضو و د.عامر مرسال وغيرهم و غيرهم
Post: #514
Title: Re: فرق رابطة امتداد ناصر
Author: ناصر احمد الامين
Date: 05-16-2009, 02:17 PM
Parent: #512

Quote: الاخت وجدان لها الحق فيما قالت فهناك الكثير من اعلام برى لم نتطرق إليها




سبحان الله
البوست وصل الصفحة السادسة وما زال هنالك الكثير من الشخصيات التي لم نتطرق اليها...... لله درك يا بري !!!!
Post: #513
Title: Re: فرق رابطة امتداد ناصر
Author: محمد الشيخ أرباب
Date: 05-16-2009, 02:14 PM
Parent: #510

Quote: عزاء

الا رحم الله الشاب الخلوق الهاش الباش ... الانسان الراقي بمعني الكلمة (عمر مكاوي) الذي وافته المنية الاسبوع الفائت بعد صراع طويل مع الالم والمرض، فقد عاش في صمت ورحل في صمت.

العزاء موصول لوالده الحاج مكاوي ووالدته ست النفور واخوته بابكر وعثمان وجميع اخواته


له الرحمة والمغفرة وحسن القبول

لا حوله ولا قوه الا بالله
Post: #515
Title: Re: فرق رابطة امتداد ناصر
Author: إبراهيم عبد الحليم
Date: 05-17-2009, 05:37 PM
Parent: #513

أخوة البرارى

أهديكم أغنية جديدة أفردت لبرى بها مساحة خاصة مع بالغ المحبة

عطر الصندل

http://www.4shared.com/file/88343732/103d884d/Itr_Elsandal.html

إبراهيم عبد الحليم
Post: #516
Title: Re: فرق رابطة امتداد ناصر
Author: محمد أبوالعزائم أبوالريش
Date: 05-17-2009, 09:15 PM
Parent: #515

Quote: عطر الصندل


واصل المحبة يزيد ....... في بري ليك أبيات

جميل يا إبراهيم.
Post: #517
Title: Re: بري
Author: حيدر امين
Date: 06-04-2009, 08:17 PM
Parent: #490

خالد العبيد .. يخرج من العملية ويطمئن (الجميع) بالسلامة ..

حمدا لله على السلامه مع تمنياتنالك بعاجل الشفاء يا خالد
Post: #518
Title: Re: بري
Author: ماضي ابو العزائم
Date: 06-10-2009, 06:36 AM
Parent: #517

و كمان دة يا حيدر
خالد العبيد بخير وعافية وخرج من المستشفى صباح اليوم
Post: #519
Title: Re: بري
Author: محمد أبوالعزائم أبوالريش
Date: 06-20-2009, 07:47 PM
Parent: #518


عزاء

إنتقل إلى رحمة مولاه اليوم 20/6/2009 حيدر علي عُمر

يقام المأتم بمنزل والده علي عمر ببري المحس.

إنا لله وإنا إليه راجعون
Post: #520
Title: Re: بري
Author: وجن
Date: 06-21-2009, 07:06 AM
Parent: #519

تحية إجلال وإعزاز وإكرام
لبري الحبيبة
ولآساسي صاحب البوست
محسن وحمودة وعبدالهادي محمد زين أولاد عمتي
وأبوي صاحب يوسف حمد النيل وربيع القمر وصديق يوسف ونديدة سوزان بتو
ونجلاء المشرف (رحمه الله) و مناهل فاروق حمد النيل
وبسمع بيك كتير عندهاياعبدالرحمن وبكون شفتك في الصور
وإسم حيدرسمعتو كتير عندأهلي
وخالتي منى يوسف الجاك بت قمر بتسلم عليك ياخالد العبيد
بحب بري شديد وبعشق ترابه وروحي بتترد لى لما أدخله ويدغدغ أنفاسي نسيمه العليل
بس مشكلتي الغربه الماليها حد دي
أدعو لى يرد غربتي سالمه وغانمه
Post: #521
Title: Re: بري
Author: haleem
Date: 06-21-2009, 08:17 AM
Parent: #520

Quote: عزاء

إنتقل إلى رحمة مولاه اليوم 20/6/2009 حيدر علي عُمر

يقام المأتم بمنزل والده علي عمر ببري المحس.

إنا لله وإنا إليه راجعون


لا حول ولا قوة الا بالله

لا حول ولا قوة الا بالله

لا حول ولا قوة الا بالله

درس معي بفصل واحد...لحق ابن عمه نصرالدين الذي زاملنا في نفس الصف والذي انتقل الى رحمة المولى قبل اشهر قلائل


لا حول ولا قوة الا بالله
Post: #522
Title: Re: بري
Author: اساسي
Date: 06-21-2009, 08:53 AM
Parent: #521

تقبل الله كل الذين فقدتهم البراري وشملهم الله برحمته

وعزائنا لزويهم

ـــــــــــــ

وكل الذين مروا من هنا الشكر والتقدير علي هذه الكتابة الراقية عن المدينة الراقية بري
ونعتذر عن طول الغياب رغم ان الفرقة مسدودة كما عودونا اهلنا بالبراري دائما

ــــــــــــــ

البوست يحتاج الي فتح افاق اخري وسنحاول باذن الله ان نمدده ببعض التداعيات عن البراي تلك المدينة المتنوعة
Post: #523
Title: Re: بري
Author: محمد أبوالعزائم أبوالريش
Date: 06-21-2009, 10:31 AM
Parent: #522

Quote: درس معي بفصل واحد...لحق ابن عمه نصرالدين الذي زاملنا في نفس الصف والذي انتقل الى رحمة المولى قبل اشهر قلائل

نعم ..... نصر الدين السيد عمر (أبو زنقلّة) عليه رحمة الله.
Post: #524
Title: Re: بري
Author: حيدر امين
Date: 06-21-2009, 11:21 AM
Parent: #523

Quote: تحية إجلال وإعزاز وإكرام
لبري الحبيبة
ولآساسي صاحب البوست
محسن وحمودة وعبدالهادي محمد زين أولاد عمتي
وأبوي صاحب يوسف حمد النيل وربيع القمر وصديق يوسف ونديدة سوزان بتو
ونجلاء المشرف (رحمه الله) و مناهل فاروق حمد النيل
وبسمع بيك كتير عندهاياعبدالرحمن وبكون شفتك في الصور
وإسم حيدرسمعتو كتير عندأهلي
وخالتي منى يوسف الجاك بت قمر بتسلم عليك ياخالد العبيد
بحب بري شديد وبعشق ترابه وروحي بتترد لى لما أدخله ويدغدغ أنفاسي نسيمه العليل
بس مشكلتي الغربه الماليها حد دي
أدعو لى يرد غربتي سالمه وغانمه


ما قلتى اسمك بالكامل عشان نتعرف عليك
اكيد بعرف ابوك اذا كان صاحب يوسف حمدالنيل زصديق يوسف حمد وربيع القمر
واهلك محسن(حمد) وحموده واكيد عندنا فى المحس منكم فيصل وعاصم الرشيد
Post: #525
Title: Re: بري
Author: وجن
Date: 06-21-2009, 12:24 PM
Parent: #524

أنا بت مهدي عبدالهادي
Post: #526
Title: Re: بري
Author: حيدر امين
Date: 06-21-2009, 06:33 PM
Parent: #525

اظنو كان فى جده ولا مكه قبل فترة طوبلة ؟؟
وقتها كنا فى الرياض و مجموعة من ابناء اللاماب من بينهم يوسف حمدالنيل , ربيع القمر
Post: #527
Title: Re: بري
Author: حيدر امين
Date: 06-21-2009, 06:33 PM
Parent: #525

اظنو كان فى جده ولا مكه قبل فترة طوبلة ؟؟
وقتها كنا فى الرياض و مجموعة من ابناء اللاماب من بينهم يوسف حمدالنيل , ربيع القمر
Post: #528
Title: Re: بري
Author: اساسي
Date: 06-21-2009, 06:44 PM
Parent: #527

Quote: اظنو كان فى جده ولا مكه قبل فترة طوبلة ؟؟


ماشاء الله حيدر , عرفتو

ــــــــــ

اختنا وجن تحياتي , اختفيتي مدة طويلة من المنبر

بالمناسبة الاخت وجن من العضوية الذهبية للمنبر

تحياتي لك والاسرة
Post: #529
Title: Re: بري
Author: حيدر امين
Date: 06-22-2009, 04:00 PM
Parent: #528

ده تاريخ يا اساسى

ما بين المحس واللاماب والسعودية الرياض فى الفترة ما بين ( 1979 الى 1991 )

فريق سبورتنج والروابط

وبنتنا ذكرتنا بناس

صديق و عثمان يوسف الحلو, الامين عبدالرحيم الحلو

الامين الهندى ,

حموده ومحسن

نصرالدين و عادل ابوزيداحمد صديق

عماد ومحمد عوض احمد صديق

عبدالله , راشد والفكى ابوقرون

جميل وربيع القمر

عاطف وعاصم عبد الرحيم

محمد, الزبير , عبدالحميد مصطفى

المرحوم عصام وامير الخضر

هاشم عبدالرحيم والفكى , ومامون القرشى

محى الدين , فؤاد, يوسف, الهندى عبدالباقى احمد صديق

احمد يوسف حمد

متوكل مبارك امان

عصام واسامه مبارك

هاشم وعصام العمده

مأمون وميرغنى مبارك

واخونا شفاه الله صبرى

وكثيرون فى ذلك الجانب من برى

يا اساسى ياخى البوست لازم يروح الربع الجديد ,,,,
Post: #530
Title: Re: بري
Author: حيدر امين
Date: 06-22-2009, 06:24 PM
Parent: #529

Quote: محسن وحمودة


هل المقصود محسن (حمد عمر حمد واخوه حموده) ولا انا مشيت بعيد
Post: #531
Title: Re: بري
Author: ماضي ابو العزائم
Date: 06-22-2009, 06:36 PM
Parent: #530

Quote: هل المقصود محسن (حمد عمر حمد واخوه حموده) ولا انا مشيت بعيد

المحامى مش كده؟؟
Post: #532
Title: Re: بري
Author: حيدر امين
Date: 06-22-2009, 07:39 PM
Parent: #531

نعم محسن النائب العام فى الخرطوم

ولاعب وادى النيل سابقا وشقيقه حموده ابناء عم فيصل و عاصم الرشيد حمد( برى المحس)
Post: #533
Title: Re: بري
Author: ماضي ابو العزائم
Date: 06-22-2009, 11:40 PM
Parent: #532

ياااااه
ده زوج منازل أخت أخونا حيدر حسب الرسول
الله إطراهو و إطراهم بالخير
Post: #534
Title: Re: بري
Author: ماضي ابو العزائم
Date: 06-23-2009, 00:35 AM
Parent: #533

تذكرو و فى الصفحة الثالثة من هذا البوست
ورد ضمن رسالة من الاستاذة هدى محمد إبراهيم
Quote: عندك مثلاً عليى محمد ابراهيم المحامي هو
الذي نادى بالاضراب السياسى في ثورة اكتوبر وده كان
في اجتماع الهيئةوالتي كانت تضم الاحزاب الساسية
والمحاميين والقضاة والاطباء والعمال



على محمد إبراهيم (صورة باسبورت)



على محمد إبراهيم

كما لخصت لنا الاستاذة هدى سيرته الذاتية كما يلى

Quote: الاستاذ على محمد إبراهيم
المحامي

ولد في بري المحس عام 1926م تلقى تعليمه الاولى والاوسط بمدارس الخرطوم ثم المدارس ‏العليا. وفصل منها لاشتراكه في مظاهرات الطلبه عند إفتتاح الجمعية التشريعية.‏
سافر الى القاهره ودرس القانون في جامعة فؤاد الاول وتخرج محامياً.‏
من المؤسسين للجبهة المعادية للاستعمار.‏
كان رئيس إتحاد الشباب السوداني.‏
ومن مؤسسي إتحاد الطلبة السودانيين بالقاهره وسكرتيره عندما كان طالباً بها.‏
سافر الى موسكو ومثل السودان في مؤتمر الشباب السوداني العام 1957.‏
اعتقل بعد انقلاب عبود عام 1958 مع شخصيات اخرى منها الازهري واحمد سليمان ونقلو الي ‏ناقشوط في الجنوب.‏
فتح مكتب محاماه في الخرطوم وود مدني وكان ان تدرب بعد تخرجه على يد المحامي إميل ‏قرنفلي.‏
‏ كما تدرب على يديه هو وفي مكتبه كثير من الشباب اصبحو بارزين في المجال القانوني. ‏
كان قانونياً ضليعاً وله صولات وجولات ناجحه في كل القضايا التي ترافع فيها.‏
كما كان المستشار القانوني لكثير من الشركات والمصانع منها على سبيل المثال لا الحصر: ‏مصانع الدكتور خليل عثمان ومصانع حجار.‏
انتخب سكرتير عام مجلس نقابة المحاميين.‏
عمل سفيراً بجمهورية يوغسلافيا.‏
عمل بجميع اللجان الخيريه في بري.‏
ساهم في انشاء مدرسة بنات بري الاهليه المتوسطة.‏
ساهم في انشاء مدرسة اميل قرنفلي المتوسطه ببري. ‏
كرمته الدوله بعد وفاته مع عشرة من المحاميين بميدالية ذهبية وقطعة أرض.‏
توفى الى رحمة مولاه في يناير 1992م.‏

وهذه نبذه تاريخيه عن المرحوم على محمد إبراهيم كتبها زميله وصديقه الاستاذ عبد الوهاب ‏محمد عبد الوهاب المحامي نشرها بجريدة الانقاذ بتاريخ 2/2/1992:-‏
زاملت الفقيد في القاهره حينما كنا نطلب الحقوق في جامعاتها. وعشنا السراء والضراء. قد يكون ‏العهد قديم ونسى الناس على محمد إبراهيم. ‏
كان في القاهرة في احلك أزمات الحكومات الانقلابيه.‏
كان من مؤسسي إتحاد الطلبة السودانيين وسكرتيره العام في وقت كان العمل الوطني يؤدي الى ‏سجن مصر وأقسام الشرطة والملاحقة.‏
وكنا ننتخبه عام بعد عام لصلابته في الحق وصموده في النضال.‏
وفي السودان انتخب سكرتيراً عام لمجلس نقابة المحاميين فحول النقابة الى منبر كفاح في قضايا ‏الحرية وحقوق الانسان.‏
وكان علما من أعلام المحاماة في ايام ازدهاره. ‏
Post: #535
Title: Re: بري
Author: حيدر امين
Date: 06-23-2009, 09:46 AM
Parent: #533

ياهو ذاتو حيدر و محمد
Post: #536
Title: Re: بري
Author: ماضي ابو العزائم
Date: 06-24-2009, 09:49 AM
Parent: #535

Quote: ياهو ذاتو حيدر و محمد

والله ما فهمت حاجة يا حيدر
Post: #537
Title: Re: بري
Author: حيدر امين
Date: 06-24-2009, 10:02 AM
Parent: #536

Quote
Quote: : ياهو ذاتو حيدر و محمد


والله ما فهمت حاجة يا حيدر


حيدر حسب الرسول الجاك
محمد حسب الرسول الجاك
Post: #538
Title: Re: بري
Author: عبد الرحيم محمد عبد الرحيم
Date: 06-24-2009, 11:56 AM
Parent: #537

Quote: نعم ..... نصر الدين السيد عمر (أبو زنقلّة) عليه رحمة الله.


رحماالله اخونا نصرالدين السيد عمر وبن عمه العقيد حيدر وكل اموات البرارى .
عزيزى / حيدر
على الرغم من عدم المعرفة - الا ان الفكرة نيره _ تورخ وتوثق لتاريخ البرارى والمحس . وفى هذه العجالة الارحم الله من سعوا لتوثيق تاريخ المحس الخرطوميين بصفة خاصة المرحوم محمد ابراهيم حتيكابى ولديه سفر عظيم فى ذلك - اعنقد انه فى محاولات الطبع طرف ابنيه الافاضل استاذ/ حسن حتيكابى وحسام فهلا قدموا تلك المعلومات الثرة فى هذا البوست -- مناشدة
ففى برى الكثير والمثير الخطر من اعلامها فى مجال الرياضة والفن والادب والطب والمحاماة فهلا نشرتم فكرة التوثيق وتخليد الاحياء وتذكار الى المنتقلين الى رحمة الله .حتى يكون البوست مرجعا بالاضافة الى ماسوف يحويه عن الاحداث والاخبار الاجتماعية عن منطة برى .
وليكون منبركم لحكاية وشكاوى اهالى برى خصوصا قضية جروف برى لانصاف هولا المظلومين واسترداد حقوقهم المسلوبة. بقيادة شعلة المناضلة التى تبنت هذه القضية الاستاذة/ سعاد حمدى ورفقاهااعضاء اللجنةالمحترمين _ وسوف نسترسل فى هذه القضية عند استعراضنا لبعض من تاريخ اهلنا فى المنطقة .
عموما عزيزى حيدر_ ابوالعزايم والاخرين نشد من ايديكم
والى لقا
عبد الرحيم محمد عبدالرحيم حاج الامين
من مواطنى برى المحس
ضابط شرطة سابق
وحاليا محامى ومستشار قانونى
الخرطوم
تلفون 0912605426
Post: #539
Title: Re: بري
Author: حيدر امين
Date: 06-24-2009, 04:39 PM
Parent: #538

Quote: عبد الرحيم محمد عبدالرحيم حاج الامين
من مواطنى برى المحس
ضابط شرطة سابق
وحاليا محامى ومستشار قانونى
الخرطوم
تلفون 0912605426


عبدالرحيم

صلاح امين عبدالرحيم,برى المحس ,ضابط شرطى سابق , بيتهم مقابل مربوع ناس الجرافى جهة الغرب
وبيتنا فى المربوع البعدو من الجنوب وانت ماشى الى الجامع

ببقى ليك شنو؟؟؟ محمد بابكر الهادى , عصام بشير الهادى ولا اقول ليك عمر الهادى
Post: #540
Title: Re: بري
Author: وجن
Date: 06-26-2009, 05:41 AM
Parent: #539

أيوا ياأستاذحيدر كان في الدمام من سنة 80 ثم جدة وأخيرا مكة
وحاليا مسؤول بعثة الحج السودانية قطاع الخرطوم
وهو خال لمحسن وحمودة وصديق ورفيق دراسة لصبري شفاه الله
وكل من ذكرتهم هم أهل وأحبه لان بري صغيرة جدا
وهى مسقط رأس الوالد والوالدة
أساسى الأساسي كيف الحال وكيف الأسرة الكريمة
أشكر سؤالك وإطمنانك رعاك الله
Post: #541
Title: Re: بري
Author: حيدر امين
Date: 06-26-2009, 11:48 AM
Parent: #540

Quote: أيوا ياأستاذحيدر كان في الدمام من سنة 80 ثم جدة وأخيرا مكة


يا بنتى ده تاريخ زمن الحج والانجمامه بعد الجمرات فى بيت العذابه بشارع الحج فى مكه
صبرى حالتو كيف حسع سنتين من اخر مرة شفتو فى بيتهم ببرى دعواتنا له بالشفاء

أساسى بالله ارفع البوست للربع الجديد محمد ابوالعزائم قدم الطلب نيابة عنك
خليكم قراب متوقع مواد دسمه من برى فى منتصف الشهر ومعاها صور
Post: #542
Title: Re: بري
Author: ماضي ابو العزائم
Date: 06-26-2009, 05:46 PM
Parent: #541

تعرف يا حيدر البوست دة لسة ناقصاهو شخصيات أساسيةفى برى المحس
و البرارى عموما
أحمد حسن الضو
حسن مختار(جريدة الصحافة)
د.عامر مرسال
شيخ عبدالرحمن(شيخ الحلة)
سيد حامد حريز
الشفيع أحمد الشيخ و فاطمة أحمد إبراهيم و فترة سكناهم فى برى
مصطفى أحمد الشيخ
أولاد الطاهر بابا(استديو بابا)
و ....و.....و.....و....إلخ
عايزة تركيز فى الربع القادم
Post: #543
Title: Re: بري
Author: إبراهيم عبد الحليم
Date: 06-27-2009, 07:04 PM
Parent: #542

أخوتى آل برى

باركوا لى ألبومى الغنائى الآن بالأسواق الألمانية فعلتها من أجل السودان
أرجو موافاتى بعناوينكم البريدية لأرسل لكم نسخ من الألبوم خصوصا وأن هناك أغنية أفردت لبرى بها مكانة خاصة


الأخ حيدر وناس عمان
الأخ ماضى ومحمد ناس قطر
الأخ محمد يسن وناس أمريكا
ناس الخرطوم الرجاء الأتصال بأخى للحصول على نسخكم المجانية

0122558499

إبراهيم عبد الحليم
Post: #544
Title: Re: بري
Author: عبد الرحيم محمد عبد الرحيم
Date: 06-28-2009, 10:55 AM
Parent: #543

Quote: مبروك و مبروك لسكينة عالم فى قبرها

الاخ / ايمن
تحياتى ويربا فى عزك - والله سمعنا متاخرين
ارسلت ليك بالمناسنجر
تحياتى للجميع
عبد الرحيم محمد عبدالرحيم
Post: #545
Title: Re: بري
Author: عبد الرحيم محمد عبد الرحيم
Date: 06-28-2009, 11:08 AM
Parent: #544

Quote: صلاح امين عبدالرحيم,برى المحس ,ضابط شرطى سابق , بيتهم مقابل مربوع ناس الجرافى جهة الغرب
وبيتنا فى المربوع البعدو من الجنوب وانت ماشى الى الجامع


عزيزى / حيدر
صلاح امين بن عمى وكذالك خالد ود. عبدالرحيم _ وبيتكم عرفتوا - لكن الظاهر ظروف عمل الوالد كمهندس كهرباء جعلنا نتنقل بالاقاليم - لكن كل الاجازات الواحد بقضيها فى برى فى بيت ناس عمتى المرحومة بنت وهب بالقرب من السوق ومنزل ناس احمد حسن الضو ومن ابتاءها عبد القادر (جقلو) ومحمدوبالتاكيد الامين حنيكابى . وبرققة حسام وحسن حتيكابى وحوش الجيلانى ودكان حسن اسنيك وعالم المرحومة سكينة عالم وابناءها الامين والصادق والعلم محمد المهدى .
اه رايك شنو .
Post: #548
Title: Re: بري
Author: أيمن الطيب
Date: 06-28-2009, 11:28 AM
Parent: #544

سلامات يا جنابو وشكرا لسودانيز أونلاين التى جعلت
سماع أخباركم ممكنا,,
Quote: الاخ / ايمن
تحياتى ويربا فى عزك - والله سمعنا متاخرين
ارسلت ليك بالمناسنجر
تحياتى للجميع
عبد الرحيم محمد عبدالرحيم
الله يبارك فيك يا عزيز وشكلك ذاكرت وراجعت هذا البوست
جيدا يا صاحبى,,

حيدر أمين دا يا جنابو أخو ناس ضالّو وعادل وأسامة الصغير ياخ ...
فى صفحات سابقة كان فى أحد الأخوان من فرنسا بيسأل عن د.عبدالرحيم أمين الزول دا
أخبارو شنو !! د.الشيخ بابكر أدانا تلفون شكلو قديم ياخ وردت على واحدة هندية على ما اظن,,,


والله من مواطنى برى المحس دى عجبتنى عدييييييييييل كدا,,,

مودتى ,,
Post: #546
Title: Re: بري
Author: أيمن الطيب
Date: 06-28-2009, 11:11 AM
Parent: #543

الأخ إبراهيم عبدالحليم,,,,

الف مبروك الألبوم الجديد
ونتمنى نسمع وإلى الأمام يا عزيز...

مودتى,,
Post: #547
Title: Re: بري
Author: عبد الرحيم محمد عبد الرحيم
Date: 06-28-2009, 11:17 AM
Parent: #546

Quote: د عبد الرحيم امين ده شقيق صلاح امين عبد الرحيم حاج الامين؟؟؟

ما شاء الله

هلا عبدالرحيم
حللت سهلا _ اخبارك واحوال على الامور خير- سوف نواصلك عن طريق الايميل انشاءالله
عبد الرحيم محمد عبدالرحيم
Post: #549
Title: Re: بري
Author: إبراهيم عبد الحليم
Date: 06-28-2009, 11:37 AM
Parent: #547

أخى الحبيب أيمن الطيب
سلام كمية و أرجو الأتصال بأخى للحصول على نسختك
0122558499

منتظر من حيدر سلطنة عمان ومحمد وماضى ناس قطر عناوينهم البريدية

عبدالرحيم
ألف سلام وبالمناسبة سعاد حمدى دى خالتى أبوها محمد حمدى خال أمى لزم رحمه الله وبالمناسبة ماتنسى نسختك من CD

إبراهيم عبد الحليم
Post: #550
Title: Re: بري
Author: محمد أبوالعزائم أبوالريش
Date: 06-28-2009, 12:05 PM
Parent: #549

Quote: سعاد حمدى

بتتكلم عن سعاد حسن حمدي، وأخوها (عوض حسن حمدي)؟

لو هم ديل .. يا دوب الحاجات بدأت تقع لي.

تحياتي
Post: #551
Title: Re: بري
Author: حيدر امين
Date: 06-28-2009, 07:35 PM
Parent: #550



Quote: عزيزى / حيدر
صلاح امين بن عمى وكذالك خالد ود. عبدالرحيم _ وبيتكم عرفتوا - لكن الظاهر ظروف عمل الوالد كمهندس كهرباء جعلنا نتنقل بالاقاليم - لكن كل الاجازات الواحد بقضيها فى برى فى بيت ناس عمتى المرحومة بنت وهب بالقرب من السوق ومنزل ناس احمد حسن الضو ومن ابتاءها عبد القادر (جقلو) ومحمدوبالتاكيد الامين حنيكابى . وبرققة حسام وحسن حتيكابى وحوش الجيلانى ودكان حسن اسنيك وعالم المرحومة سكينة عالم وابناءها الامين والصادق والعلم محمد المهدى .
اه رايك شنو .


كده معقول القرابه شديده , احمد حسن الضو خالى كما خالاالبورداب محمد وماضى ابوالعزائم , الامين حتيكابى دفعتى و محمد حاج حمد (شلتى) ( حلوة واحد حتيكابى والتانى حاج حمد ) برى ده فيها حاجات عجيبة ؟؟؟

وبعدين صلاح امين دفعتى وصديقى , دالفاتح الامين سعد ( زورقو)

ابو الريش شايف العز ده كيف ايمن الطيب قال ليه اخو ضالو(اول مره اعرف الاسم ده) وعادل واسامه امين الصغـــــير,, بس قرض على كده
Post: #552
Title: Re: بري
Author: حيدر امين
Date: 06-28-2009, 07:47 PM
Parent: #551

الاخ الفنان د. ابراهيم

حكاية جميلة امس دخلت الموقع وهاك يا لطش من الممكن والمسموح

ارسلت ليك العنوان على بريدك الخاص امس وهو

حيدر أمين عبداللطيف
ص.ب. 1288 الرمز البريدى 112 روى

سلطنة عمان

تيلفون جوال 0096899257635


أيمن الطيب ده خلى قطر ولا شنو؟؟
Post: #553
Title: Re: بري
Author: ماضي ابو العزائم
Date: 06-28-2009, 10:00 PM
Parent: #552

يا جماعة السلام أمانة
جانى إتصال من أخونا عادل حمدالنيل من برطانيا و بسلم
عليكم شديد ده بعدما لقى تلفونى على البوست.
ده أخو يوسف حمدالنيل يا حيدر
Post: #554
Title: Re: بري
Author: ماضي ابو العزائم
Date: 06-28-2009, 10:31 PM
Parent: #553

يا جماعة تلقو أخونا إبراهيم هنا

مطرب متألق عرفتة المانيا ..
Post: #555
Title: Re: بري
Author: إبراهيم عبد الحليم
Date: 06-29-2009, 06:40 AM
Parent: #554

أخى ماضى وأخى حيدر
السى دى هات فى الطريق إليكم
ناس الخرطوم الرجاء الأتصال بأخى لحصول على نسخة مجانية

إبراهيم عبد الحليم
Post: #556
Title: Re: بري
Author: اساسي
Date: 06-29-2009, 07:25 AM
Parent: #555

الاخ حيدر

ثنينا علي طلب الاخ ابو الريش نقل البوست للربع القادم , في نظري ان ربع الكلام ما اتقال عن بري الي الان


ــــــــ

الرائع ابراهيم عبد الحليم

اولا مبروك الكاسيت وهذا شرف لمدينة البراري التي عودتنا انجاب المبدعين
وتابعت لك بالصدفة اللقاء في النيل الازرق قبل فترة واستمتعت جدا
العنوان مفصل في البروفايل يا ليت اذا لا يوجد بها تكلفة ان يزورني ساعي البريد باجمل كاسيت

ـــــــــــــــــ

يا اخونا يا ليت في الربع الجديد ننقل البوست نقلة نوعية ونطرق الكثير من المواضيع التي لم تطرق حتي الان , هناك الكثير الكثير
حتي لو تمت الاستعانة بالاصدقاء
Post: #557
Title: Re: بري
Author: عبد الرحيم محمد عبد الرحيم
Date: 06-29-2009, 11:19 AM
Parent: #556

[QUOTE]وبعدين صلاح امين دفعتى وصديقى , زالفاتح الامين سعد (زرقو)


عزيزى / حيدر
الله حاجة عجيبة _ الكلام دخل الحوش وبالمناسبة انت عارف انو الفاتح الامين سعد (بسكال) هو بن عمى لانو والدة الامين سعدالمرحومة المقام بنت حاج احمدهى جدتى لابى - شوف الكلام ده كيف . اما عمررويايكر الهادى فهم اعمامى (اولاد اعم ابوى )
عزيزى / حيدر نريد ان نورخ لاعلام من البرارى ومشاهير البرارى والتاكيد منهم دفعتك ودفعت الجميع (فتحى العوير ) وشرف والاخريين .
نريد نكتب او بالاحرى اكتبوا عن العهد الذهبى لكرة القدم _ عن المطربين _ عن الجميع دون فرز
وسوف نساعدكم ونشد من ازركم
عبدالرحيم
Post: #558
Title: Re: بري
Author: عبد الرحيم محمد عبد الرحيم
Date: 07-01-2009, 10:15 AM
Parent: #557

Quote: عبدالرحيم
ألف سلام وبالمناسبة سعاد حمدى دى خالتى أبوها محمد حمدى خال أمى لزم رحمه الله وبالمناسبة ماتنسى نسختك من CD
الاستاذ / ابراهيم
شكرا للمداخلة وهنيالك بقربيتك والتى تقود عمل كبير صرفت فيه الغالى والثمين فى سبيل استرداد حقوق اهل برى المحس خصوصا فى الجروف (الواقعة بين الكبريين ) ربنا يعدل طريقها وينصرها على الظلمة . ونطلب من الاخوة فى البوست دعم ذلك . اما الهديه فشكرا واعتبرها وصلت .

الاستاذ/ حيدر حادى الدرب
تعرف الفاتح الامين سعد (بسكال) ايضا بن عمى لانو الامين سعد شقيق الوالد من امه .
عرفت حاجة تانى تربطنا ببعض انو المدام عمة محمدصلاح الجمال ودا مصاهرنا بزواجه من شقيقتى امال وهم بالقرب منكم بالامارت .
وتحياتى لكل الشباب
Post: #559
Title: Re: بري
Author: حيدر امين
Date: 07-01-2009, 12:25 PM
Parent: #558

Quote: الاستاذ/ حيدر حادى الدرب
تعرف الفاتح الامين سعد (بسكال) ايضا بن عمى لانو الامين سعد شقيق الوالد من امه .
عرفت حاجة تانى تربطنا ببعض انو المدام عمة محمدصلاح الجمال ودا مصاهرنا بزواجه من شقيقتى امال وهم بالقرب منكم بالامارت .
وتحياتى لكل الشباب


زوجتى خالة محمد صلاح ناس مدنى , وياخى الشربكه كتيره من هنا وهناك طيب اديك حاجة تانية عمنا محمد مضوى بابكر ( والد د. احمد مضوى وخالد)شنو علاقتو بحاج الامين ,,,,,

المرحوم حسن اسماعيل ,,, المرحومه كوثر اسماعيلواخوانهم ( والدتهم عائشة سليمان الض)و (خالتى و عمتى ) العىقة بناس حاج الامين... الباقى كتير ....
Post: #560
Title: Re: بري
Author: حيدر امين
Date: 07-03-2009, 08:01 PM
Parent: #559

شكر للباشمهندس بكرى ابوبكرترقيتنا الى الربع الجديد

وصلتنى مكالمة هاتفية هامة من الخرطوم مساء امس ومن اخونا الكبير وابن العم المهندس جمال ابراهيم احمد بابكر , وسرنى اولا انه من متابعى البوست وثانيا وعده بمدنا بمواد هامةعن برى وتاريخ برى , وجمال كان له ومازال نشاط لا ينسى فى برى المحس خاصة والبرارى عامة فى شبابه ( ولسه شاب) وخلال غريته الطويلة فى ابوظبى ( بلدية ابوظبى ).

المواد المتوقع وصولها فى اى لحظة ستكون دعما لموقع برى ( جارى العمل على اكماله بواسطة السنى ابوالعزائم و د. عبدالقادر ابوالقاسم(قدورة)
Post: #561
Title: Re: بري
Author: ماضي ابو العزائم
Date: 07-03-2009, 10:44 PM
Parent: #560

تعرف يا حيدر جمال دة مصيبة مدردمة
أمسك فيهو كويس و أمصر كل المعلومات
البتقدر عليها منو لانو مرجع فى العمل
التطوعى قى برى المحس و البرارى عامة
Post: #562
Title: Re: بري
Author: عبد الرحيم محمد عبد الرحيم
Date: 07-05-2009, 07:33 PM
Parent: #561

Quote: مضوى بابكر ( والد د. احمد مضوى وخالد)شنو علاقتو بحاج الامين ,,,,,

عزيزى / حيدر
عمكم ده متزوج حبوبتنا بنت المنى حاج الامين شقيقة العازة وعبيد حاج الامين .

اما حسن / كوثر / نعمات اسماعيل حاج احمد فهو شقيق حبوبتنا المقام حاج احمد والدة والدنا محمدعبدالرحيم حاجالامين _ شوف الكلام ده

تحباتى لكل شباب البرارى
Post: #563
Title: Re: بري
Author: حيدر امين
Date: 07-06-2009, 02:01 PM
Parent: #562

Quote: عزيزى / حيدر
عمكم ده متزوج حبوبتنا بنت المنى حاج الامين شقيقة العازة وعبيد حاج الامين .

اما حسن / كوثر / نعمات اسماعيل حاج احمد فهو شقيق حبوبتنا المقام حاج احمد والدة والدنا محمدعبدالرحيم حاجالامين _ شوف الكلام ده

تحباتى لكل شباب البرارى



واله قوى وماك هين ,,, مضوى جدنا وهو والد السيد مضوى, سليمان , عثمان, ابراهيم,بابكر ,رقية, زينب,الشول,فاطمة - لهم الرحمة-

انتظر وجايك بسؤال تانى جهز نفسك
Post: #564
Title: Re: بري
Author: عبد الرحيم محمد عبد الرحيم
Date: 07-06-2009, 07:28 PM
Parent: #563

Quote: انتظر وجايك بسؤال تانى جهز نفسك


المرجوم الدكتور سليمان مضوى علم فى راسه نار _ ود بالاضافة لانو ابنه العميد ماجد رفيق زمالة بالشرطة _ وحاليا مدير جوازات مطار الخرطوم - وكنت بالمناسبة اتحدث معه بالامس _ الروابط كثيرة والفرابة شديدة يااهلنا .
وفى انتظارك
Post: #565
Title: Re: بري
Author: معتصم دفع الله
Date: 07-06-2009, 07:52 PM
Parent: #564

أهل بري الكرام سلام ..
بري سيرة ذاتية جميلة ما أظنها تنقطع طالما فيها ناس حلوين زيكم ..
عشت فيها فترة طويلة ذاهية ولناس الكورة لعبت في روابطه فترة من الزمن وأخي الكبير لعب بفريق بري وإسمه محمد دفع الله ..
وهنا في الرياض السعودية بها مجموعة كبيرة وفي فريق بإسم بري بقيادة عصام السيد لاعب بري السابق ومجموعة من الأصدقاء ..
توقف الفريق بسبب المشاغل وسفر البعض خارج مدينة الرياض ولكن لا يزال حبل الود ممتد بيننا ..
أهلي سيكون في حيز كبير من الدرايسة ولو في زول بعرف منهم أحد هم ( أسرة العشاري ) فيهم عوض علي العشاري ومحمد شريف وصابر الشيخ وكثيرون ..
واصلوا في هذا السرد العظيم فبري بها الكثير من الشخصيات والذكريات المحببة للنفس ..

تحياتي ..

أخونا الفنان إبراهيم لك التحية والتقدير ولو أمكن ترسل لي نسخة من الشريط على عنوان أساسي ..
Post: #566
Title: Re: بري
Author: حيدر امين
Date: 07-06-2009, 08:45 PM
Parent: #565

Quote: وهنا في الرياض السعودية بها مجموعة كبيرة وفي فريق بإسم بري بقيادة عصام السيد لاعب بري السابق ومجموعة من الأصدقاء ..


الاخ معتصم مساء الخير,,,, ياخى هيجت فينا الذكريات وفريق برى فى الرياض لو تراجع الصفحات الاولى من هذا البوست لوجدت الكثير عن فريق برى فى الرياض ,,,, بس انشاء الله لعيبة الفريق وادارة الفريق الحالى محتفظين بسجل يحكى ماضى الفريق وتكوينه..

احكى من هم اللعيبة الان ومن هم اعضاء اللجنة ومدرب الفريق.... تركنا الفريق فى اوائل التسعينيات امانة فى ايدى ابناء برى اللاماب اللاعبين عادل ابوقرون و رضا , وكان الكوتش منذ البداية حتى وبعد فترة من مغادرتنا الرياض الكوتش على حمد ابوزيد ...

فبالله حافظوا عليه الى ان يرد الله غربتنا جميعا .... وبعدين ناس العشارى ديل فى برى اللاماب برضو ومنهم عبدالعزيز العشارى
Post: #567
Title: Re: بري
Author: محمد أبوالعزائم أبوالريش
Date: 07-08-2009, 10:57 AM
Parent: #566


الأخ إبراهيم عبدالحليم ....

لك جزيل الشكر ....

وصل ساعي البريد .. فوصلني (قلبي الحنين)

وعدّت فأوفيت .... شكري الجزيل لك ......... وللأمام
Post: #568
Title: Re: بري
Author: إبراهيم عبد الحليم
Date: 07-08-2009, 01:17 PM
Parent: #567

أخى محمد حمدلله على سلامة السى دى وأتمنى يعجبك وساعدنى فى الأنتشار
عقبال الوصول للأخ حيدر أمين
بالمناسبة يا حيدر جدى والد أمى هو حمد مضوى حمد برى الدرايسة

أخى معتصم دفع الله أرسلت لأساسى بعنوانه بالسعودية قبل أسبوع عدة ألبومات أحرص على الحصول على نسختك منه

إبراهيم عبد الحليم
Post: #569
Title: Re: بري
Author: محمد أبوالعزائم أبوالريش
Date: 07-08-2009, 01:31 PM
Parent: #568

Quote: بالمناسبة يا حيدر جدى والد أمى هو حمد مضوى حمد برى الدرايسة


ياخوي الحاجات كلها وقعت لينا .... إنت ولدنا عديل.

(صابر أحمد الزبير دفعتي) ............... عاملين باسطتهم السمحة دي
Post: #571
Title: Re: بري
Author: ماضي ابو العزائم
Date: 07-08-2009, 01:55 PM
Parent: #569

Quote: حمد مضوى حمد برى الدرايسة

ياخى ما تقول كده من زماااااااااااااااان
تعرف جدك ده عندى معاهو حكاوى
و كمان خيلانك مامون و السر أصحابى شديد
Post: #572
Title: Re: بري
Author: إبراهيم عبد الحليم
Date: 07-08-2009, 02:03 PM
Parent: #571

تعرف أخى ماضى ومحمد
كنت قبل يومين بمهرجان السودان ببروكسل بلجيكا ونزلت مع الأخ عبد المنعم كاريبو وجبنا سيرتكم وسيرة برى المحس كلها من أولها لآخرها والجميل أنو زوجة الأخ كاريبو هى منى عمر بنت وادى الشام أخت أستاذ حسن وصاحبة دكان التعاون والسكر الزمان داك ببرى الدرايسة
بعرفكم كويس يا ماضى ومحم ومعانا هنا محمد يسن ود عمتى طوالى

إبراهيم عبد الحليم
Post: #573
Title: Re: بري
Author: محمد الشيخ أرباب
Date: 07-09-2009, 06:25 PM
Parent: #572

انتقل الى رحمة مولاه صباح اليوم الاستاذ ابراهيم محمد ابراهيم

شقيق كل من مرتضى محمد ابراهيم و وهدى محمد ابراهيم والمرحوم على محمد ابراهيم

نسأل الله له الرحمة والمغفرة وحسن القبول
Post: #574
Title: Re: بري
Author: حيدر امين
Date: 07-09-2009, 09:00 PM
Parent: #573

إنا لله وانا اليه راجعون

رحم الله العم ابراهيم محمد ابراهيم واسكنه فسيح جناته

المرحوم ايضا شقيق أسماء, ثريا , نائله, امينة , والمرحوم كمال , المرحوم مختار والمرحوم عمر محمد ابراهيم
Post: #575
Title: Re: بري
Author: ماضي ابو العزائم
Date: 07-09-2009, 09:35 PM
Parent: #574

إنا لله وانا اليه راجعون
للفقيد الرحمة و لآله حسن العزاء
الفقيد هو أخ الاستاذ على محمد إبراهيم المنشورة صورته فى هذه الصفحة
و أخ الاستاذة هدى صاحبة المساهمات فى هذا البوست من خارج المنبر
و العزاء موصول لابن خالتى البوردابى النشط حير أمين عبداللطيف
فهو إبن خال أمين عبداللطيف والد حيدر فله الرحمة
Post: #576
Title: Re: بري
Author: ماضي ابو العزائم
Date: 07-09-2009, 09:42 PM
Parent: #575

تلفون ولا أحلى جانى من أستراليا امس .. كان على الخط خالد العبيد
و الحمد لله فى تمام الصحة و بوصل ليكم كتير السلام
و حا إباشر مناكفاته فى البورد بعد إسبوع إنشاء الله.
Post: #577
Title: Re: بري
Author: حيدر امين
Date: 07-10-2009, 12:16 PM
Parent: #576

الاخ د. ابراهيم


شوف كم منهزم بالحرقة يرجع يشتكى

شكرا لك ابداع بل قمة فى الابداع

شكرا لساعى البريد

رائيك شنو تشرفنا فى مسقط بعد عودة العالم من الاجازات ,,,, فكر فيها,,,,
Post: #578
Title: Re: بري
Author: ناصر احمد الامين
Date: 07-10-2009, 03:47 PM
Parent: #577

الفنان ابراهيم... الناس دي كلها قالت (شكرا لساعي البريد) الا نحن!!!
شوف لينا معاك سي داية كدا.

الف مبروك الالبوم الجديد والي الامام


حيدر .. ماضي .. محمد .. ايمن

تحيات واشواق
Post: #579
Title: Re: بري
Author: إبراهيم عبد الحليم
Date: 07-10-2009, 06:26 PM
Parent: #578

أخوانى
البركة فيكم ورحم الله الفقيد رحمة واسعة

أخى حيدر حمدلله على سلامة الوصول وفكرة ممتازة حأفكر فيها

أخى ناصر عايز سى دى طوالى بس أنت فى ياتو بلد الآن؟

إبراهيم عبد الحليم
Post: #580
Title: Re: بري
Author: حيدر امين
Date: 07-10-2009, 08:32 PM
Parent: #579

Quote: أخى حيدر حمدلله على سلامة الوصول وفكرة ممتازة حأفكر فيها


ياخوى انت انت ماحتاج لتأشيرة ولو جيت فى العيد بكون احسن والجو جميل

والسنى ابوالعزائم رئيس فرقة النادى السودانى الموسيقية جاهزين بكامل العدة والعدات

وهو مسئول النشاط الاجتماعى بالنادى ,,,, واخوك المسئول المالى
Post: #581
Title: Re: بري
Author: حيدر امين
Date: 07-11-2009, 09:25 PM
Parent: #580

http://www.youtube.com/watch?v=Aw2OuIyo8_U

فرقة النادى الموسيقية بقيادة السنى ابوالعزائم
مهداة للاخ د. ابراهيم عبدالحليم
Post: #582
Title: Re: بري
Author: Mohamed Yassin Khalifa
Date: 07-12-2009, 03:07 AM
Parent: #581

Quote: عبد المنعم كاريبو



بالغت والله يا أبراهيم يا فنان
يا أخوي دي عاوزة تلفون ليك عديل

ــــــــــــــــــــــــــــــــــــــ


حيدر البركة فيكم يا سيدي


ــــــــــــــــــــــــــــــــــــــ

أبوالريش... تعرف كنت في مأمورية في واشنغطن
ولقيت ليك الباشمهندس حاتم مصطفى الجد مع الوالد والوالدة والمدام وبنيته الصغيرة
وسط المول... كان لقاء لدقيقة بعد عشرين سنة


تعرف والله بكيت من الفرحة
Post: #583
Title: Re: بري
Author: إبراهيم عبد الحليم
Date: 07-13-2009, 02:17 PM
Parent: #582

محمد
كاريبو بيسلم عليك
تحياتى لأبن دفعتى حاتم ود مصطفى الجد

إبراهيم عبد الحليم
Post: #584
Title: Re: بري
Author: اساسي
Date: 07-13-2009, 03:10 PM
Parent: #583

الاخ ابراهيم

بالامس فقط استلمت اجمل CD عابرة القارات واستمتعت جدا بالغناء الجميل الشجي ,ان شاء الله دائما ناشر للفرح والبهجة


يا معتصم

CD لي هلالابي ما عندنا
Post: #585
Title: Re: بري
Author: إبراهيم عبد الحليم
Date: 07-13-2009, 04:59 PM
Parent: #584

الحمدلله على سلامة الوصول
بكده أكون ضمنت الأعلام والترويج فى لسعودية وقطر وسلطنة عمان
يلا ياشباب برى ههه

يا حيدر فكرتك جميلة بس العازفين كيف؟ ولا داير عود بس

إبراهيم عبد الحليم
Post: #586
Title: Re: بري
Author: إبراهيم عبد الحليم
Date: 07-13-2009, 05:02 PM
Parent: #585

Quote: CD لي هلالابي ما عندنا

فقط للبشجع برى

....والله ضحكتنى يا عمك

إبراهيم عبد الحليم
Post: #587
Title: Re: بري
Author: حيدر امين
Date: 07-13-2009, 05:32 PM
Parent: #586

العازفين متوفرين ,,, شوف مداخلة يوم 11/7

http://www.youtube.com/watch?v=Aw2OuIyo8_U

فرقة النادى الموسيقية بقيادة السنى ابوالعزائم
مهداة للاخ د. ابراهيم عبدالحليم
Post: #588
Title: Re: بري
Author: ماضي ابو العزائم
Date: 07-17-2009, 11:25 PM
Parent: #587

عزيزنا إبراهيم
ألبوم غاية الروعة .... أسمعو كمان و كمان و بجيك راجع
Post: #589
Title: Re: بري
Author: Manal Mohamed Ali
Date: 07-18-2009, 07:06 AM
Parent: #588

http://wikimapia.org/4516416/block-5-mosque-burri-al-lamab
Post: #590
Title: Re: بري
Author: Manal Mohamed Ali
Date: 07-18-2009, 07:11 AM
Parent: #589

كتاب بري اللاماب Burri Al-Almab
على ما اعتقد كتبه توم نوبلك وبه وصف دقيق لتاريخ بري (ياريت المتاكد من اسم الكاتب يورينا)
والتركيبة الاجتماعية وعلاقة الاسر في بري مع الاسر في توتي

الكتب كتب في ستينات القرن الماضي ويوجد في مكتبة السودان-جامعة الخرطوم - شارع الجمهورية
Post: #591
Title: Re: بري
Author: ماضي ابو العزائم
Date: 07-18-2009, 09:47 AM
Parent: #590

مرحب ب منال فى بيتك و وسط أهلك
يا جماعة منال دى أمسكوا فيها كويس
Post: #592
Title: Re: بري
Author: حيدر امين
Date: 07-19-2009, 05:17 PM
Parent: #591

الميلاد : ضاحية برى المحس / مدينة الخرطوم 1926
العمل : مترجم لغة انجليزية - سكرتير لجنة اختيار الجامعيين للخدمة العامة
دبلوم ادارة عامة
الهواية : لاعب كرة قدم ولاعب تنس
حصل على شهادة تدريب كرة القدم من الاتحاد الانجليزى عام 1955
لعب لفريق برى فى الفترة من 1946 الى 1952 (بعدها غادر هو الى بوتسودان بحكم العمل و جنجه و جربان الى السعوديه)
ولفريق الثغر بورتسودان (ونجت سابقا) للفترة من 1952 الى 1955
اشرف على تدريب المدربين السودانين بجامعة الخرطوم عام 1958
مدربا لفرق كسلا عام 1956 الى 1960
عضو وسكرتيراول لجنة للتدريب المركزى
مدرب الفريق الاهلى السودانى خلال الدورة العربية الرابعة بالقاهرة عام 1965
مدربا لفريق برى عدة اعوام ( واحرز معه كاس البلدية)
يعتبر اقدم مدرب كرة قدم افريقيا اليوم
هو :


أمين عبداللطيف بابكر
Post: #593
Title: Re: بري
Author: حيدر امين
Date: 07-20-2009, 07:37 PM
Parent: #592

شوية وجايين
Post: #594
Title: Re: بري
Author: حيدر امين
Date: 07-24-2009, 11:26 AM
Parent: #593

تم بحمد الله الانتهاء من اعداد منتديات نادى الجالية السودانية - مسقط

www.sudaneseclub-oman.com/vbforum


والعمل جارى الان للانتهاء من تصميم موقع نادى الجالية السودانية - مسقط ,على الشبكة الالكترونية

وذلك باشراف الاخ السنى ابوالعزائم ومجموعة من اصحاب الخبرة فى هذا المجال


سيقوم بعدها السنى و د. قدورة من وضع اللمسات الاخيرة لموقع برى

فى انتظار زيارتكم فى www.sudaneseclub-oman.com/vbforum
Post: #595
Title: Re: بري
Author: حيدر امين
Date: 07-26-2009, 12:14 PM
Parent: #594

كابتن الهلال نصرالدين عباس جكسا زكابتن سنتوس البرازيلى كارلوس البرتو, مدرب الهلال شاويش
والحكم الدولى المرحوم بإذن الله أحمد قنديل ,

Post: #596
Title: Re: بري
Author: ماضي ابو العزائم
Date: 07-26-2009, 01:29 PM
Parent: #595

حيدر الصورة الانا شايفا دى لو ما نزلتها عندى حناك
بلطشا بلطشا ....... تحياتى للاسرة
Post: #597
Title: Re: بري
Author: حيدر امين
Date: 07-26-2009, 08:06 PM
Parent: #596

ولا رائيك شنو فى دى
Post: #598
Title: Re: بري
Author: إبراهيم عبد الحليم
Date: 07-26-2009, 08:41 PM
Parent: #597

إبداع يا حيدر
Post: #599
Title: Re: بري
Author: ماضي ابو العزائم
Date: 07-27-2009, 00:36 AM
Parent: #598

تحذير تحذير تحذير

تم تهكير عنوانى البريدى و المنشور فى الموقع

[email protected]

و غير الهكر كلمة المرور و بدأ فى طلب مساعدة مالية بأسمى من كل العناوين المسجلة
فى ذلك الحساب
الرجاء عدم التعامل مع أى رسالة ترد لكم من العنوان أعلاه
و أقدم إعتذارى لاى مضايقات تكون قد حدثت جراء ذل
Post: #600
Title: Re: بري
Author: حيدر امين
Date: 07-31-2009, 07:58 AM
Parent: #599

خليكم فوق
Post: #601
Title: Re: بري
Author: محمد أبوالعزائم أبوالريش
Date: 08-10-2009, 11:52 AM
Parent: #600

مقتل موظف سابق ببنك السودان فى برى..
Post: #602
Title: Re: بري
Author: إبراهيم عبد الحليم
Date: 08-10-2009, 02:40 PM
Parent: #601

رحمه الله رحمة واسعة و لأسرته ولنا آل برى بالغ العزاء

إبراهيم عبد الحليم
Post: #603
Title: Re: بري
Author: حيدر امين
Date: 08-10-2009, 07:58 PM
Parent: #602

رحم الله عثمان عابدين رحمة واسعة واسكنه فسيح جناته
ولا حولة ولا قوة ال بالله
التعازى للاهل بالبرارى
Post: #604
Title: Re: بري
Author: Mohamed Yassin Khalifa
Date: 08-11-2009, 01:51 AM
Parent: #603



"إنا لله وإنا إليه راجعون"

أخوتي الأعزاء وأخواتي الكرام:

أعزي نفسي وأهلي في مصاب عظيم وفقد لكريم هو خالي وعمي وهو أخي وصديقي وأستاذي... والذي هو إنسان بمعنى الإنسانية
كريم حتى تظنه حاتما... فقيرا إلي الله فتظنه مالكا للدنيا والآخرة
أخو أخوان... هميم باسم ولطيف
ضاحكا ومرحا... كروي وبرابي أصيل

أفتقده بحسرة من ضاع عنه صديقه وأحتسبه عند الله كالشهيد
فالموت به قسوة... وهو حق علينا
ولكن مثل هذا الرجل لا يموت
سيبقى حلمه وأدبه وإرثه خالدا أبد الدهر

وسنظل أوفياءا له ولذكراة
وسنظل ندعو له الله أن يغفر له ويحسن إليه

خالص التعازي لكل أهلي في بري... ولزوجته وأبنائه وأخوانه وأصدقائه
مضى عمي وخالي "عثمان عابدين" إلى ربه راضيا مرضيا... يرحمه الله


وستبقى بالنفس حسرة!
Post: #605
Title: Re: بري
Author: محمد أبوالعزائم أبوالريش
Date: 08-11-2009, 01:36 PM
Parent: #604

نجل قتيل بري يعترف: سددت 32 طعنة لوالدي!!!

لا حول ولا قوة إلاّ بالله

المصيبة أكبر مما تصورنا
Post: #606
Title: Re: بري
Author: محمد أبوالعزائم أبوالريش
Date: 08-13-2009, 05:58 AM
Parent: #605

رابطة أبناء البراري المقيمين بدولة قطر
Post: #607
Title: Re: بري
Author: Ash
Date: 08-13-2009, 06:16 AM
Parent: #606

سلام...

لا حول ولا قوة إلا بالله!

عثمان عابدين!!!

خالص التعازي لـ "بري" التي مازالت تعطي أكثر مما تأخذ.

و للمربي مصطفي عابدين; ناظرآ و رئيسآ, حسن العزاء

أشرف الشوش
Post: #608
Title: Re: بري
Author: محمد أبوالعزائم أبوالريش
Date: 08-14-2009, 05:30 PM
Parent: #607

امتداد ناصر ... محطة ( 8 ) ابحث فيها عن دربي القديم ..
Post: #609
Title: Re: بري
Author: إبراهيم عبد الحليم
Date: 08-14-2009, 09:29 PM
Parent: #608

جدنا همزة مضوى توفى قبل أيام بكوريا رحمه الله كلنا لها

إبراهيم عبد الحليم
Post: #610
Title: Re: بري
Author: محمد أبوالعزائم أبوالريش
Date: 08-14-2009, 09:56 PM
Parent: #609

الرحمة والمغفرة للعم حمزة مضوي .....

العزاء موصول لأسرته وأبنائه وجميع الأهل.

البركة فيكم الأخ إبراحيم
Post: #611
Title: Re: بري
Author: حيدر امين
Date: 08-15-2009, 04:04 PM
Parent: #610

نسأل له المغفرة والرحمة
انا لله وإنا اليه راجعون

احسن الله عزاكم اخى ابراهيم

ونحن فى الغربة البلد كلها التقطت وحد وراء التانى

ولا حولة ولا قوة الابالله العلى العظيم
Post: #612
Title: Re: بري
Author: Mohamed Yassin Khalifa
Date: 08-15-2009, 04:18 PM
Parent: #611

"إنا لله وإنا إليه راجعون"
خبر شين والله
البركة فيكم الأخ إبراهيم


والفقد واحد
Post: #613
Title: Re: بري
Author: محمد أبوالعزائم أبوالريش
Date: 08-15-2009, 04:31 PM
Parent: #612


مداخلة للأخ عبدالغني كرم الله في بوست إمتداد ناصر ..... لطشتها زي ما هي:

Quote: ناصر....

قيض الله، ان يكون ثلاث من أخواني، وأخواتي، من سكان هذا الحي العريق، فمن سيد كرم الله، في أول ناصر، غرب عمكم ابو عرب طوالي، يعني بين بيت ناس ناس إبرايهم، وبيت عمنا الراحل المقيم بخيت الفضل وزوجته الراحلة الاصيلة صالحة مرحوم، أخت اللاعب الكبير حسبو مرحوم .... وجنبهم طبعا بيت الشيوعي المخضرم الراحل محمد خلفه ....


وإلى أخي العزيز "حسين كرم الله"، وهو صاحب أقدم دكان في ناصر، حتى الآن، وهو في محطة ستة، وحتى أختي العزيزة "فاطنة كرم الله"، في محطة ثمانية، ويالها من ثمانية...

ياخي ذكرتنا عمك بلة، وابناءه محمد، وصابر، والراحل عمر، وجيرانهم ناس كمال باقوري، وناس حموري، والالقاب الكتيييييرة والغريبة..
وطبعا مكتبة ثمانية، وقبلها مكتبة عشرة، كانت ملاذنا للالغاز وميكي ماوس، وكتب نجيب واحسان ويوسف ادريس، ولمن ما نلقاها نحج لمكتبة الملتقى في بري، محطة اربعة، محطة السوق الشهيييييييييييييييييييييييييييير...

وطبعا اول مرة اشوف الفنان الكبي محمد الامين كان في عرس، في ناصر، وطبعا اي زول يمر بالصيوان بكون معزوم، واغنية اسمر جميل فتان نزلت بت ترقص كانت تلبس لون ذهبي، مسك واحد من "إياهم الطاقعين"، يكورك من فوق الكرسي (بينسون يابينسون"، والغريبة اخو البت كان جنبو، وبعرفوأ، كان بيضحك بس، "مش اقبضوا لبنى، واقضبوا عشة الهسة دي)..

في بيت اختي، يعني ناس الكندو، كان عمود فيهو نور في الكورنر، كنا ونحن في الحوش، المسور بأشجار التمرهندي، نقرأ للصبح، بالله شفت كيف، هسي الشوارع مظلمة، زي الكهف....

طبعا عثمان حسن، صاحب الدكان الشهير في محطة تمانية، كان فاتح الدكان في البداية في شارع ناس توحة، يعني قصاد دكان الامين، في بيت وببيتهم كان قصاد بيت ناس بشير الكندو، زوج اختي الكبرى، وام جماع ومحمد واسامه، واماني، والسيد قذافي..

وأما ميدن الرابطة والمواهب، فحدث، خالد الكندو، كان بعلب كويس، لكن هسي خلها، مسكها مصطفى ابن محمد، ابن اخيه، يعني،
يالله، وناس الجزولي،ا سامه، واخواته، وأخوهم الكبير ياربي منو؟؟ طولت لم اراه..
وناس ياسر وراء ، يعني في الفسحة الهسي فيها المدرسة الكويتيه، وقالوا عملوها جامعة، شفتها، مبنى جميل، لكن الفسحة أحلى، لانو كنا بنلاعب ناس أولاد حسين بركات...

يااااااااااااالله، ولنا ذكريات لسه مع ناصر، وما ادراك ما ناصر..


تسلم يالشبلي، ياخي أثرت الكثير الكثير..
أو بنية تلقيتها في طفولتي كانت في ناصر، في شكلة كاربة جنب ناس عبدالحليم، وكنا بنحضر معهم في التلفزيون... في كورة اظن..

يااااه، ومعرض الخرطوم الدولي، ونادي كوريا... ونادي بري، والكوراع؟ واللحمة، والكورة، والكتشينة، وعوض كراتي؟؟
والدورة الرمضانية...

ونعود لتمانية، وخشخشة الروادي، صاحبك كمال لمن يشوف زول تعبان، بقول "مخشخش"، ..
والباسطة بتاعته ناس عثمان حسن، ومعها كوب حليب باااارد
ثم داخلية البنات، واذدهار المنطقة بقدرة شرائية جديدة،
ثم الزلازل، سنة كم ياربي..

لكن بتذكر لمن حدث الزلال كنا بنشوف العمارات القايمة في محطة تمانية الصباح، كلهم نايمن برة، تصور؟؟ اكثر من عشرة عمرات النوم في الهواء الطلق،ولكن ان تتصور حناكيش وبنات في نوم العراء؟ طبعا اكثر الناس تعليقا ابن اختي قذافي...

أيام وأيام..

ثم فرن عمر؟؟/ ياربي احمد عمر، ولا عمر، في محطة تمانية..
والسوق، وبائعات الشاي، وونسة كاربة مع عادل شيخ ادريس..


لنا عودة..
Post: #614
Title: Re: بري
Author: lana mahdi
Date: 08-15-2009, 05:38 PM
Parent: #613

بري أحبها جداً فشقيقي زوج شقيقتي عبد الباسط عمر حامد مولود بها بل منزل والده مشيد في بري منذ الخمسينات والده "عمر حامد" حفيد الشيخ حامد أب عصا ووالدته أمنا "نفيسة أحمدعلي خشم الموس" و أشقاؤه أحمدو محمد
بري جميلة و ناسها طيبين
شكراً أساسي
لنا
Post: #615
Title: Re: بري
Author: ماضي ابو العزائم
Date: 08-15-2009, 10:06 PM
Parent: #614

Quote: جدنا همزة مضوى توفى قبل أيام بكوريا رحمه الله


لا حولة و لا قوة إلا بالله
Post: #616
Title: Re: بري
Author: محمد أبوالعزائم أبوالريش
Date: 08-20-2009, 01:10 PM
Parent: #615


عبدالغني كرم الله يتجلّى هنا:
بري امتداد ناصر، محطة (8)، كمان وكمان !!..
Post: #617
Title: Re: بري
Author: ماضي ابو العزائم
Date: 08-21-2009, 07:10 PM
Parent: #616

رحيل البروفيسر عمر النقر .. احد علماء التاريخ في جامعة الخرطوم
رحيل علم من أعلام برى الاماب و حاليا ناصر محطة 8
Post: #618
Title: Re: بري
Author: محمد أبوالعزائم أبوالريش
Date: 08-27-2009, 08:24 PM
Parent: #617

>
.
.
شباب امتداد ناصر يغلقون شارع النص احتجاجا .... صور...صور
Post: #619
Title: Re: بري
Author: عبد الرحيم محمد عبد الرحيم
Date: 09-01-2009, 01:35 PM
Parent: #618

[QUOTE]نسأل له المغفرة والرحمة
انا لله وإنا اليه راجعون

للفقيد الرحمة وحسن العزاء لكل متداخلى المنبر
تجياتى وسلامى للجميع
عبدالرحيم / الصينى
وينك ياحيدر
Post: #620
Title: Re: بري
Author: محمد أبوالعزائم أبوالريش
Date: 09-03-2009, 11:46 AM
Parent: #619

أمسة رمضانية هي أولى فعاليات ((((((رابطة أبناء البراري)...) المقيمين بدولة قطر
Post: #621
Title: Re: بري
Author: عبد الرحمن حمد النيل
Date: 09-03-2009, 12:35 PM
Parent: #620

محمد تصومو وتفطرو علي خير وربنا يوفقكم
التحية للجميع وكل عام وانتم بخير
Post: #622
Title: Re: بري
Author: عبد الرحمن حمد النيل
Date: 09-03-2009, 12:48 PM
Parent: #621

Quote: كتاب بري اللاماب Burri Al-Almab
على ما اعتقد كتبه توم نوبلك وبه وصف دقيق لتاريخ بري (ياريت المتاكد من اسم الكاتب يورينا)
والتركيبة الاجتماعية وعلاقة الاسر في بري مع الاسر في توتي

الكتب كتب في ستينات القرن الماضي ويوجد في مكتبة السودان-جامعة الخرطوم - شارع الجمهورية


الاخت منال محمد علي تحية طيبة دا الكتاب المقصود
Post: #623
Title: Re: بري
Author: عبد الرحمن حمد النيل
Date: 09-03-2009, 12:54 PM
Parent: #622





صورة للعمده عبدالرحمن رحمةالله عليه
الصوره من كتاب بري اللاماب
Post: #624
Title: Re: بري
Author: عبد الرحمن حمد النيل
Date: 09-03-2009, 12:56 PM
Parent: #623





الخارطة من كتاب بري اللاماب
Post: #625
Title: Re: بري
Author: عبد الرحمن حمد النيل
Date: 09-03-2009, 12:59 PM
Parent: #624




واخري من نفس الكتاب
Post: #626
Title: Re: بري
Author: محمد زكريا
Date: 09-03-2009, 01:10 PM
Parent: #624

ياشباب انا جديد في البورد
عضوجديد ومغتاظ جداً من قصه توجد صور
لكن انا زاتي كنت من بري يا تري حدي بيعرفني هنا ياربي اصل انا الهارد ديسك الفي راسي خربان؟ وين ناس مدرسه بري المحس الابتدائيه
للتعارف
Re: بكري,سمندلاوي,شوقي,ضياءالدين,عاصم الطيب,انوركينج,تر...لعقد و يومكم الماجاء
واكيد سنتواصل
Post: #627
Title: Re: بري
Author: حيدر امين
Date: 09-03-2009, 02:52 PM
Parent: #626

اهلا بيك مع ناس برى

بس قول برى المحس الابتدائية سنة كم ,,, وناسك بجوك,,
Post: #628
Title: Re: بري
Author: ناصر احمد الامين
Date: 09-03-2009, 02:59 PM
Parent: #627

محمد زكريا دا يمكمن يكون دفعتي او الدفعة القدامنا



اعتقد ذلك !!!!




السيد حيدر كيف الاحوال مع رمضان ... تحياتي للجميع
Post: #629
Title: Re: بري
Author: عبد الرحيم محمد عبد الرحيم
Date: 09-03-2009, 03:48 PM
Parent: #628

Quote: السيد حيدر كيف الاحوال مع رمضان ... تحياتي للجميع [/QUOTE]

سيد / حيدر امين
سالتك بالله تشوف تلفون بكرى قسومة المحامى طرفم بمسقط
وكل رمضان وانتم بالف خير
عبدالرحيم
Post: #630
Title: Re: بري
Author: محمد زكريا
Date: 09-03-2009, 03:58 PM
Parent: #628

شكرا شباب
طيب اساسا ما كنت داير اقول انا سكنت بري لانني الحقيقه كنا ساكنين في منازل حكوميه تابعه لوزاره التربيه والتعليم
لكن طبعا كنا تابعين لبري المحس وبنصرف السكر من التعاون بالقرب من ورشه مكاوي للنجاره الواقعه مابين نادي بري المحس ومسجد بري المحس .كان الناظر هو استاذ عمر الهادي ومن الاساتذه استاذ الجمري وعبدالله(اب سفه),محمد صالح واستاذه امال ومن حاجات الفطور والدردمه حاجه حبيبه
كنابنشتري الفول من دكان تاني دور ولا عمك حسن المصري احيانا صرفه السكر من عند دكان عمك خضر
تذكرت واحد قراء معانا اسمه عبدالناصر احمد الشيخ ود شاطر منافسنا في العشره الاوائل دائما ساكن خلف نادي بري المحس او الروضه
الذكريات بدات ترجع حبه حب محمد الديه بيتهم فاتح علي الفيش وعمر عثمان واخوه محمود في الشارع الخلفي ومن ناس اشلاق البوليس عبدالناصر محجوب البشير وزاهر صديق احمد طبعا استاذ دقنا كان ساكن في اشلاق البوليس جوار المدرسه علي ما اعتقد
دفعتي هم من سنه 1977 الي 1983
المتوسطه الخرطوم الاميريه من الدفعه اسامه حسن بانقا ومحمد مرغني الماحي اما في الخرطوم القديمه كنت في الكديد وعمك بابكر ومجنون مجنون ادم زيتون طبعا كنت اول قائد للفرق الموسيقيه مع استاذ مكي
نستريح شويه ونواصل
Post: #631
Title: Re: بري
Author: ناصر احمد الامين
Date: 09-03-2009, 05:10 PM
Parent: #630

Quote: تذكرت واحد قراء معانا اسمه عبدالناصر احمد الشيخ ود شاطر منافسنا في العشره الاوائل دائما ساكن خلف نادي بري المحس او الروضه


عبد الناصر احمد الامين


مش قلت ليك انت دفعتي ؟؟؟؟


زمن طويل ... و الحي بلاقي يا زول يا راقي ما زلت اذكر قشراتك و بناطلينك المكوية بعناية فائقة.

و عندك كمان : ابو القاسم في اشلاق البوليس و امين عمر و امين خالد و مضوي بابكر و هشام سيد في بيوت الجامعة و المغيره سليمان و عبد المنعم مصطفي جنب الجزر و محمد الشيخ ادريس.

محمد البداني و ياسر ابوزيد موسي و عبيد عمر الهادي (ود الناظر) و همام مصطفي ديل من الدفعة القدامنا.
Post: #632
Title: Re: بري
Author: حيدر امين
Date: 09-03-2009, 08:21 PM
Parent: #631

Quote: حيدر امين
سالتك بالله تشوف تلفون بكرى قسومة المحامى طرفم بمسقط
وكل رمضان وانتم بالف خير
عبدالرحيم


بكرى قسومه 0096892160285
Post: #633
Title: Re: بري
Author: محمد أبوالعزائم أبوالريش
Date: 09-05-2009, 09:12 PM
Parent: #632


عدسة أخونا عماد الشبلي الفنانة لقطت منظر الدومة دي جنب القرين فيليدج



Post: #634
Title: Re: بري
Author: ماضي ابو العزائم
Date: 09-10-2009, 09:41 PM
Parent: #633

إنا لله و إنا إليه راجعون

توفى مساء اليوم د.كمال على التلب إثر سكتة قلبية
و بعد الدفن مباشرة
توفى م.عثمان مصطفى عبد القادر بالاردن

البقاء لله
Post: #635
Title: Re: بري
Author: محمد الشيخ أرباب
Date: 09-10-2009, 10:40 PM
Parent: #634

إنا لله و إنا إليه راجعون

كمال على التلب وعثمان مصطفى

انه فقد جلل

نسأل الله لهم الرحمة والمغفرة وحسن القبول
Post: #636
Title: Re: بري
Author: حيدر امين
Date: 09-10-2009, 11:04 PM
Parent: #635

إنا لله وإنا اليه راجعون

كمال على التلب توفى قبيل آذان المغرب بدقائق وهو صائم على اثر ازمة قلبية

واثناء عودة المشيعين من مقابر برى وصل خبر وفاة عثمان مصطفى من الاردن

الجثمان يصل فجر الجمعة ويتم الدفن الساعة الثامنة صباحا

لا حولة ولا قوة الابالله
Post: #637
Title: Re: بري
Author: عبد الرحمن حمد النيل
Date: 09-11-2009, 00:04 AM
Parent: #636

إنا لله وإنا اليه راجعون

ولا حول ولا قوة إلا بالله

تغمدهم الله بواسع رحمته

العزاء موصول لحيدر وماضي

ولاهلنا ببري المحس في هذا المصاب الجلل
Post: #638
Title: Re: بري
Author: محمد أبوالعزائم أبوالريش
Date: 09-11-2009, 00:51 AM
Parent: #637

لا حول ولا قوة إلاّ بالله ....

كمال علي التلب صديق وزميل دراسة ... فقد كبير ...

وعثمان مصطفى ......... لا حول ولا قوة إلاّ بالله.
Post: #639
Title: Re: بري
Author: Mohamed Yassin Khalifa
Date: 09-11-2009, 05:50 AM
Parent: #638




"إنا لله وإنا إليه راجعون"

ولا حول ولا قوة إلاّ بالله العلي العظيم

لهما الرحمة والمغفرة ولأهلهما الصبر وحسن العزاء



والبركة فيكم يا شباب...
Post: #640
Title: Re: بري
Author: نجاة محمد بابكر
Date: 09-11-2009, 04:01 PM
Parent: #639

والله انا لى مدة فى معاناة عشان بكرى ارجع لى عضويتى فى المنبر يادوب الليلة اتكرم على
دا كلو عشان اكتب فى بوست برى الاصالة يااولاد ابوالعزائم وياود امين لو ماعرفتونى تكونو اتلومتو
لوم السنين
راجعين تانى
Post: #641
Title: Re: بري
Author: ناصر احمد الامين
Date: 09-11-2009, 05:18 PM
Parent: #640

Quote: توفى مساء اليوم د.كمال على التلب إثر سكتة قلبية
و بعد الدفن مباشرة
توفى م.عثمان مصطفى عبد القادر بالاردن

البقاء لله


لا حول ولا قوة الا بالله

الدوام لله
Post: #642
Title: Re: بري
Author: ناصر احمد الامين
Date: 09-11-2009, 05:21 PM
Parent: #641

Quote: يااولاد ابوالعزائم وياود امين لو ماعرفتونى تكونو اتلومتو
لوم السنين


ماضي ومحمد و حيدر




من هي ؟؟
Post: #643
Title: Re: بري
Author: نجاة محمد بابكر
Date: 09-11-2009, 10:50 PM
Parent: #642


ناصر
من هى؟؟؟؟؟؟؟؟
Post: #644
Title: Re: بري
Author: أيمن الطيب
Date: 09-11-2009, 11:10 PM
Parent: #643

Quote: ناصر
من هى؟؟؟؟؟؟؟؟
معقولة يا ناصر ما عرفتها؟؟؟؟

ياخ والله إنت شكلك جليت يا حبيب,,

ياخ قالت ليك نجاة محمد بابكر!!!!!!!
Post: #645
Title: Re: بري
Author: حيدر امين
Date: 09-11-2009, 11:13 PM
Parent: #640

بينى وبينك الاسم كده بلخبط شويه
انتى بصحك يا نجاة
تحياتى للحاجة مريم طارق صابر طلال
الف رحمة تنزل عليك ود البشير
Post: #646
Title: Re: بري
Author: محمد أبوالعزائم أبوالريش
Date: 09-11-2009, 11:41 PM
Parent: #645


أووووووو نجاة ..... مرحب بيك والله ....

صراحة أحسن تكملي الإسم (نجاة محمد بابكر البشير) ..... جدها يا ناصر عمك أو جدك عبدالله الفكي وورشته الشهيرة في جامع بري المحس واحدة من معالم المكان.

في وقت من الأوقات (فسحة الجامع) كانت تضم بالإضافة لورشة عبدالله الفكي عليه رحمة الله، من الجنوب محلاّت (مرحوم) و(مبارك) بتاع النبق والدوم والقنقليز، ودكان جدك (عبدالوهاب)، وفي النهاية ورشة (ود مكاوي)، بعدها يجي محل الغسّال، وكان الجماعة البجو من أطراف الخرطوم (العرب) بيربطوا حميرهم قدام المحلاّت دي .......................... زمن.
Post: #647
Title: Re: بري
Author: حيدر امين
Date: 09-11-2009, 11:51 PM
Parent: #646

Quote: معقولة يا ناصر ما عرفتها؟؟؟؟

ياخ والله إنت شكلك جليت يا حبيب,,

ياخ قالت ليك نجاة محمد بابكر!!!!!!!


لكن ما الحرفنة عندك يا ايمن والجلى عند ناصر

ابو الريش وين صورحفل امس لرابطة برى
Post: #648
Title: Re: بري
Author: نجاة محمد بابكر
Date: 09-12-2009, 00:04 AM
Parent: #647

حيدر ومحمد ختاكم اللوم بس انا شاكة فى ناصر وايمن ديل
ياربى ديل منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشتاقيييييييييييييييين كميات بقدر عدد سنينا مع بعض
لكم التحية والتجلة ولكل تامعاكم بالله كيف مسقط
Post: #651
Title: Re: بري
Author: حيدر امين
Date: 09-12-2009, 00:13 AM
Parent: #648

Quote: حيدر ومحمد ختاكم اللوم بس انا شاكة فى ناصر وايمن ديل
ياربى ديل منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشتاقيييييييييييييييين كميات بقدر عدد سنينا مع بعض
لكم التحية والتجلة ولكل تامعاكم بالله كيف مسقط


معليش يا نجاة دى من عمايل الغربة
حسع بجوك راجعين بعد ما ابوالريش ركز ليهم الامور
وماضى بعد شويه بجيك
مسقط جميله بناسا وحولنا النادى لروى جوار مدرسة النجاح خلف معسكر الدفاع
وانا ساكن الغبره الجنوبيه جوار المسجد الاكبر والاستاد
السنى ابوالعزائم فى العذيبه الشماليه يعنى شويه كده ومعرض الزبير بينى وبينه شارع السلطان قابوس
زى ماقلت ليك فى بوست الترحيب بتاعك سجلتى فى منتدى النادى السودان فى مسقط
بس ما شايف منك اى مداخله,,و ابوبكر ابراهيم عبدالله ماسك النتدى على حسابو

http://sudaneseclub-oman.com/vbforum
Post: #649
Title: Re: بري
Author: ماضي ابو العزائم
Date: 09-12-2009, 00:07 AM
Parent: #647

Quote: (مرحوم) و(مبارك) بتاع النبق والدوم والقنقليز،
ودكان جدك (عبدالوهاب)،


ياخوى ناصر الوكت داك وين
و بعدين عبدالله الفكى دى بتلخبط
ببساطة ياناصر نصرالدين عبدالله الفكى
خال نجاة

ولا زمان يا نجاة
بصراحة فى الاول إتلخيطة
Post: #650
Title: Re: بري
Author: ناصر احمد الامين
Date: 09-12-2009, 00:11 AM
Parent: #649

Quote: ببساطة ياناصر نصرالدين عبدالله الفكى
خال نجاة


كدا وقع لي


مرحبا بي نجاة .. و لو ما شالتك الواطة نشيلك في عيونا
Post: #652
Title: Re: بري
Author: ماضي ابو العزائم
Date: 09-12-2009, 00:13 AM
Parent: #649

Quote: انا شاكة فى ناصر وايمن ديل
ياربى ديل منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كان قلتى الرووووووووووب
و غلب حمارى
بعدها عندنا كلام
Post: #653
Title: Re: بري
Author: حيدر امين
Date: 09-12-2009, 00:19 AM
Parent: #652

Quote: كان قلتى الرووووووووووب
و غلب حمارى
بعدها عندنا كلام


تعرف يا ماضى هى عارفاهم كويس بس زعله منها لانهم سألوا دى منو؟
Post: #654
Title: Re: بري
Author: ماضي ابو العزائم
Date: 09-12-2009, 00:26 AM
Parent: #653

الله لا جاب الزعل
أولا السؤال من أجل المعرفة شئ كويس
تانيا نجاة طول عمرها فى مسقط
و الجماعة ديل لما كبروا كمان هم طلعوا
لكن الحق لله نجات طوال ما هى فى السودان
بتكون شعلة نشاط
كويس البوست إعرف الاهل ببعضهم
Post: #655
Title: Re: بري
Author: نجاة محمد بابكر
Date: 09-12-2009, 01:25 AM
Parent: #654

Quote: كان قلتى الرووووووووووب
و غلب حمارى
بعدها عندنا كلام
قلت الرووووووووووووووووووب الرووووب
والله زمن سبحان الله ياناس برى انت حسع وين ياماضى اعتقد فى قطر
Post: #656
Title: Re: بري
Author: نجاة محمد بابكر
Date: 09-12-2009, 01:29 AM
Parent: #655

ياحيدر منتدى مسقط دا كلو عزابة الجكس مشا ووووووووووووووين

طبعا ماحااعرفونى لانى مابكتب باسمى لكن خليهم كدة احسن
Post: #657
Title: Re: بري
Author: ماضي ابو العزائم
Date: 09-12-2009, 02:13 AM
Parent: #656

يا نجاة أيمن دة سكينة عالم حبوبته ام امو
يعنى مهدى و الصادق و الامين بشرى خيلانو
أما ناصر ده ولد بت عمى مبارك نصرالدين
والده أحمد الامين كان ما وقع ليك قولى
Post: #658
Title: Re: بري
Author: إبراهيم عبد الحليم
Date: 09-12-2009, 07:18 AM
Parent: #657

يا شباب أدونى رأيكم فى الفيديو كليب ده ضرورى لانو المخرج لسه ما دفعت ليهو قروشوا عايز أدفعها ليهو بعدل التعديل ده لو لزم التعديل فالمخرج ألمانى والبيئة ألمانية خايف ما ينفع مع السودان بالرغم من أننى أحاول أضفى صبغة سودانية فأنا كاتب السناريو
أتمنى أن يعجبكم وتعجبكم الجكسوية هى زميلة

إبراهيم عبد الحليم
Post: #659
Title: Re: بري
Author: نجاة محمد بابكر
Date: 09-12-2009, 09:03 PM
Parent: #658

ماضى ماتقول لى دا ايمن عبدالرزاق

بعدين ابراهيم عبدالحليم متين بقى فنان سبحان الله حسب معرفتى انو بتاع علوم
وساكن الشارع الورانا كمان طبعا سنين طويلة ما اتلقينا من ايام الجامعة

سلامات
Post: #660
Title: Re: بري
Author: أيمن الطيب
Date: 09-12-2009, 10:01 PM
Parent: #659

Quote: ماضى ماتقول لى دا ايمن عبدالرزاق
ياهو زاااااااااااتو يا نجاة,,
سبحان الله,,
دنيا أضيق من اللازم الواحد فى برى ما يشوفكم يجى يصادفكم هنا,,
والحاجة البتحير أكتر إنك إنت رحيل كمان!!!
أخبار طلال وطارق شنو وكل ناس بيتكم!!!

ياخ والله مشتاقين,,

مرحب بيك تانى,,,
Post: #661
Title: Re: بري
Author: حيدر امين
Date: 09-12-2009, 10:46 PM
Parent: #660

Quote: دنيا أضيق من اللازم الواحد فى برى ما يشوفكم يجى يصادفكم هنا,,
والحاجة البتحير أكتر إنك إنت رحيل كمان!!!


والله كان امشى افتش الارشيف واشوف رحيل دى كانت بتقول شنو
Post: #662
Title: Re: بري
Author: ناصر احمد الامين
Date: 09-12-2009, 10:52 PM
Parent: #658

Quote: يا شباب أدونى رأيكم فى الفيديو كليب ده ضرورى لانو المخرج لسه ما دفعت ليهو قروشوا عايز أدفعها ليهو بعدل التعديل ده لو لزم التعديل فالمخرج ألمانى والبيئة ألمانية خايف ما ينفع مع السودان بالرغم من أننى أحاول أضفى صبغة سودانية فأنا كاتب السناريو
أتمنى أن يعجبكم وتعجبكم الجكسوية هى زميلة


الجكسوية مافيها كلام

لكن المخرج دا ما تديهو قروشو

بصورة عامة (و في وجهة نظري المتواضعة) الفيديو كليب دا ما برقي لمستوي الطموح والاجتهاد المعروف عنك

السيناريو ضعيف و مستهلك جدا و الناس اتخطت المرحلة دي من زمان و باختصار عاوز تقول لاقيت البت دا فجأه و ساعدتها في التقاط الورقة الوقعت منها و طوااااالي حبيتها و في اول مقابلة اديتها خاتم الخطوبة و في المقابلة التانية اديتها دبل العرس و هي قاعدة تتبسم و بعد جولة بالعجلات سافرت السودان و هي لحقتك او سافرتو سوا ما عارف.

و زي ما قلت ليك السيناريو ضعيف و فكرتو مكررة لكن كان بالامكان تغطية الضعف بفكرة الاخراج و طبعا لم تكن هنالك فكرة علي الاطلاق

يا ابراهيم ما تزعل من كلامي دا. انا لو ما بحبك و بهمني امرك ما بقولو ليك

و بجيك راجع لتحليل الاخراج نقطة بنقطة و بساهم معاك بالافكار كمان

لكن قصة عرض الكليب بالصورة دي ..... ما انصحك بيهو

اخيرا : الغنوه جميلة جدا

و الله يديك العافية
Post: #663
Title: Re: بري
Author: نجاة محمد بابكر
Date: 09-13-2009, 00:26 AM
Parent: #662

Quote: والله كان امشى افتش الارشيف واشوف رحيل دى كانت بتقول شنو


والله ياحيدر الكانت بتقولو رحيل كتير واسأل ايمن ماشى للارشيف مالك
ايمن سبحان الله فعلا والله دنيا والبركة فى بوست برى
Post: #664
Title: Re: بري
Author: إبراهيم عبد الحليم
Date: 09-13-2009, 08:10 AM
Parent: #663

أخى ناصر
الفيديوكليب ده حاجة باهظة التكاليف جدا خلينا فى حالتى دى النقول أغنية مصورة وبها شوية قصة وشوق لوطن وهدفى الوصول للمتلقى أعلاميا لكى يعرفنى
يمكن لمواصلة الحديث استخدام الأيميل حتى مانبوظ البوست للشباب وسعيد بيك وعارف حرصك

[email protected]

رأى الشباب التانيين شنو حتى لو كانوا مشاهدين عاديين يكون أحسن لانو ده هو القطاع العريييييييض والمهههههم

ضرورى يا حبايب

أخت نجاة مرحب بيك وستكونى أضافة حقيقية للبوست وشايف الشباب ظبطوا الدقن والشنب والرياح الباريسية
سأنضم لقائمة المنتظرين المدهوشين مؤقتا

إبراهيم عبد الحليم
Post: #665
Title: Re: بري
Author: إبراهيم عبد الحليم
Date: 09-14-2009, 07:41 AM
Parent: #664

وينكم يا شباب

من يشاركنى فنيا أو ماديا أو معنويا لإنتاج فيديو كليب
Post: #666
Title: Re: بري
Author: حيدر امين
Date: 09-14-2009, 10:09 PM
Parent: #665

جاهزين نحنا فى مسقط
حفلة النادى الرئيسية
وبعد داك الحفلات والقعدات بالهبل
بس انت قول وتعال
وعيدنا كمان يوم الاثنين
وممكن نهاية الاسبوع نلقى ليك طريقة فى ابوظبى ولا الشارقه
Post: #667
Title: Re: بري
Author: عبد الرحيم محمد عبد الرحيم
Date: 09-15-2009, 03:29 PM
Parent: #666

Quote: بكرى قسومه 0096892160285


شكرا سعادتكم/ حيدر امين
دائما لكم الغلبة
خالص العزاء لال التلب - وعثمان مصطفى
بالمناسبة ماشايفك - فى تعليقات -

( بوست) ضابط شرطى يروى مقتل جريمة اراك --- بقلمى

(بوست ) استشارات - قانونية لرواد المنبر ---- بقلمى

التكرم بمداخلاتكم الثرة

ودمتم
Post: #668
Title: Re: بري
Author: Mekki M Alhassan
Date: 09-16-2009, 08:32 PM
Parent: #640

السلام عليكم اهلنا واحبابنا في البراري
رمضان كريم وكل عام وانتم بخير علي قبايل العيد
ربنا يتقبل صيامكم وعبادتكم و يحقق اماني الجميع
الاخت نجاة البركة فيكم في الوالد والعزاء موصول
للاخوة طارق وصابر وطلال والوالده
انا ذاتي الباسورد بتاعي كان موقوف وعاد مؤخراً..
اها بتزرزري في ناس ناصر وايمن ..عرفتيني؟

الاخوة حيدر أمين وأبو العزائم ما الجديد في موقع بري المحس؟

الاخ الفنان أبراهيم عبد الحليم ما عرفتك من صورة البروفايل
لكن والله عرفتك من الفيديو كليب ..ولد ده انت تراهك غناي وانحنا
جيران وما عارفينك يمكن لظروف الغربة ..وبرضوا ما حاتتذكرني!!

يومنا في الصيام طويل برجع ليكم بعد الافطار ان شاء الله
Post: #669
Title: Re: بري
Author: حيدر امين
Date: 09-16-2009, 11:23 PM
Parent: #668

Quote: الاخوة حيدر أمين وأبو العزائم ما الجديد في موقع بري المحس؟


مكى وينك يازول ليك فترة
تعرف قبل يومين سألت السنى عن الموقع والجديد فيه
بينى وبينك اليومين ديل كنا مشغولين مع منتديات النادى السودانى فى مسفط
وداخلين على الوقع ذاتو وربنا يهون القواسى

انشاء الله نجاة تكون عرفتك والمره دى ما نغششا,, ونشوف
طبعا من البوست سمعت بمصائب برى المتلاحقة وربنا يستر
Post: #670
Title: Re: بري
Author: Mekki M Alhassan
Date: 09-17-2009, 05:01 AM
Parent: #669

الاخ الفاضل حيدر أمين
اللهم أرحمنا وأرحم أمواتنا بالبراري وأموات المسلمين
الف رحمة تغشي
عثمان عابدين
حمزه مضوي
برفسور عمر النقر
عثمان مصطفي عبد القادر
د.كمال علي التلب
العزاء للجميع وانا لله وانا اليه راجعون
Post: #671
Title: Re: بري
Author: حيدر امين
Date: 09-17-2009, 10:52 PM
Parent: #670

بعد اربعة ايام من وفاة الاخ المرحوم عثمان مصطفى عبدالقادر
لحقة به اخته من جهة الاب ست البنات مصطفى عبد القادر زوجة الاخ محمد عمر
الفقيده كانت بمصر للعلاج وفى العناية المركزة فى الفترة الاخيرة
سيصل الجثمان فجر اليوم ويتم الدفن بمقابر برى المحس
إنا لله وإنا اليه راجعون
Post: #672
Title: Re: بري
Author: حيدر امين
Date: 09-21-2009, 06:51 PM
Parent: #671

كــل سنه وانتو طيبين
وربنا يحقق الامــاني
Post: #673
Title: Re: بري
Author: ماضي ابو العزائم
Date: 09-21-2009, 08:20 PM
Parent: #672

Quote: كــل سنه وانتو طيبين
وربنا يحقق الامــاني


و إنت و كل الاهل و الاحباب بخير
Post: #674
Title: Re: بري
Author: ماضي ابو العزائم
Date: 09-21-2009, 08:25 PM
Parent: #673

الحمد لله على كل حال
لازال مسلسل الوفيات
توفى قبل يومين إلى رحمة مولاه
بابكر عبدالوهاب (ابوكدوس)
فاليتقبله الله قبولا حسن
Post: #675
Title: Re: بري
Author: عبد الرحيم محمد عبد الرحيم
Date: 09-22-2009, 02:43 PM
Parent: #674

Quote: كــل سنه وانتو طيبين
وربنا يحقق الامــاني


عزيزى / حيدر
بصورة لكل اهالى البرارى والمطالعين للبوست

كل عام والامنيات الغالية تتحقق

كل عام والمعانى الحلوة تتعمق

كل عام واتنم بخير

ورحم الله كل المغادرين لهذه الفانية
Post: #676
Title: Re: بري
Author: محمد أبوالعزائم أبوالريش
Date: 09-23-2009, 06:21 AM
Parent: #675

يا الله ... توفي بابكر عبدالوهاب؟

عارف يا ماضي .. وانا بكتب في المداخلة دي:
Quote: في وقت من الأوقات (فسحة الجامع) كانت تضم بالإضافة لورشة عبدالله الفكي عليه رحمة الله، من الجنوب محلاّت (مرحوم) و(مبارك) بتاع النبق والدوم والقنقليز، ودكان جدك (عبدالوهاب)، وفي النهاية ورشة (ود مكاوي)، بعدها يجي محل الغسّال، وكان الجماعة البجو من أطراف الخرطوم (العرب) بيربطوا حميرهم قدام المحلاّت دي .......................... زمن.

من دون الجميع خطر بي بالي بابكر وكدوسه وعربيته الموريس وهو جاي من الجريف شرق.

رحمة الله عليه.
Post: #677
Title: Re: بري
Author: Mahassin Ibrahim
Date: 09-23-2009, 09:06 AM
Parent: #676

اهلنا بالبرارى الحبيبه
شبابنا بنين وبنات المنبر
كل سنه وانت طيبين وربنا يحقق الاماني.
لعشقي لمنطقة برى والتي أحس انها جزء مني أود أن أخاطبكم مره تانيه وافتكر انها ستكون التانيه او التالته و يمكن لاسباب فنيه لم تظهر بهذا البوست.
المهم برى هذه تعني لي اشياء كثيره : فهي تفتحت عيناى منذ الطفوله البكره ببرى اللاماب ((حوش اولاد بابكر)) والمرحومه زينب بابكر وانتهز هذه الفرصه لاحييهم عبركم.
الابتدائي : بمدرسة المربيه : بتول ياسين ببرى المحس : وهذه فتره لن انساها من حياتي ولو سمح لي اصحاب البوست واحي رفيقاتي بالاسماء : بنات امين ((احلام وامال)) وافتكر واح او اثنين من هذه الاسره بهذا البوست. لبرى المحس واسرها قصه طويله سافسح لها مجالا.
أحي اسر برى المحس العريقه والتي امتدت علاقتي بهم بعد حينا من الدهر....بعد اكمالي لمرحلة الابتائي شاءت الظروف ان تلمني ينفس بنات برى النجيبات في المدرسه الاميريه بالخرطوم ويا لها من ايام.
ثم قدر لنا ان نلتقي بالخرطوم الثانويه ونفس المجموعه أضف لها محموعه ساذكرها لاحقا.
من اجمل صدف الزمان ان تلمني الجامعه ببنات برى عفاف قسومه وامنه هاشم ويوسف عبدالمجيد ...اين هم ياترى ؟
لم ينتهي سردى زززولكن وجداني يمور بعاطفه شديده لهذه المنطقه.
التحيه لهم ولهن وسنواصل لاحقا.
Post: #678
Title: Re: بري
Author: محمد أبوالعزائم أبوالريش
Date: 09-23-2009, 01:15 PM
Parent: #677


الأخت محاسن إبراهيم ...

بعد الأسماء والبيوت التي ذكرتي ... إنتي براّبية دون شك.

Quote: بنات امين ((احلام وامال))


أخوهن الأكبر (حيدر أمين) صاحب القدح المعلّى بهذا البوست. وأيضاً بقية الأسماء التي ذكرتي هن أخواتنا ... وفي النهاية بري المحس كلها أرحام متداخلة.

وصلتي بيتك ..... واصلي.
Post: #679
Title: Re: بري
Author: Mahassin Ibrahim
Date: 09-23-2009, 01:59 PM
Parent: #678

محمد ابوالعزائم: انا برى اصبحت احفظ بيوتها واسرها الممتده لدرجة تحسبني منهم...ولا ادرى لذلك السر تفسير سوى انني انوى وبنيه صادقه ان يطيب لي المقام في اخر ايام حياتي واشترى لي منزلا هناك واستعيد ذكريات طفولتي وصباى وجتي بعد ذللك خروجي لمجال العمل كان لبرى دور فيه كبير.
اها نبد نحي من عرفت من البريات والبرايين:
في الخرطوم الثانويه درستنا استاذه سلوى ابوالعزائم : التحيه لها.
ويصدف ان عملت بالجمارك لاشارك دريه المبشر درب الصداقه الممتد حتي الان لاعرف لاحقا الشفه وبناتها النجيبات وللمصادفه الغريبه اكتشف ان هذه الاسر يربطها رابط اسرى جميل بهي واعرف ان استاذتنا سلوى هي عمة بنات الشفه.
محمد : اعتقد ان هنالك رابط يربطك بكل من ذكرت من شخصيات ربطتني وزجمعتني بها الايام فهل لك ان تبرق تحياتي النضرات لكا من اسرة المبشر من عبدالله واسرته والشفه واسرتها وجتي الصغير ابوالعزائم.ولا انس ان اترحم علي روح والدتهم التي عرفتها ىكام حقيقيه في فتره من حياتي كنت ازورهم باستمرارز
تحياتي لحيدر امين ولاخواته امال واحلام.
اتمني يا محمد ان نواصل هذا الحيث الشجي انشاءالله.
ارجو عن تبحث معي عن اثر لاصدقائي الذين فقدت اثرهم : عفاف قسومه ويوسف عبدالمجيد.
Post: #680
Title: Re: بري
Author: محمد أبوالعزائم أبوالريش
Date: 09-23-2009, 02:13 PM
Parent: #679

Quote: ارجو عن تبحث معي عن اثر لاصدقائي الذين فقدت اثرهم : عفاف قسومه ويوسف عبدالمجيد.

رغم ضعف متابعتي لوجودي خارج السودان، إلاّ أني أظن أن (عفاف عبدالقادر قسومة) موجودة بالسودان بعد أن عادت من السعودية (مكة المكرمة)، وأرجو ممن يعرف أكثر أن يصححني. ويوسف عبدالمجيد أيضاً موجود في بري.

سلوى أبوالعزائم موجودة في بري بعد أن تقاعدت وتركت العمل بوزارة التربية. الشفاء المبشر في مطار الخرطوم (الطيران المدني)، درية في هولندا وعبدالله في السودان، وإبنة الشفاء الكبيرة (ريم ضياء الدين أبوالعزائم) متزوجة من شقيق أحلام وأمال أمين (محمد) ومقيمة في أبوظبي. أحلام في السودان وآمال مقيمة بدولة قطر.

واضح إنو علاقاتك في بري المحس أكتر من الاّماب.
Post: #681
Title: Re: بري
Author: حيدر امين
Date: 09-23-2009, 04:58 PM
Parent: #680

السلام عليكم

كل سنه وانتو طيبين

تصوروا حسع واصل من أبوظبى معيد مع محمد وريم
يعنى لو امس بس كان رديت عليكم وريم بجانبى
الاخت محاسن أذكر مداخلتك قبل فترة وسؤالك عن عفاف قسومه
عفاف عادة من المدينة المنورة وموجوده فى الخرطوم بعد العيال كبرت
شايفك نسيتى إخلاص الامين يوسف وهى ايضا موجوده فى برى ( طبعا ديل كلهم بالنسبة ليناعائلة واحده)
فى محادثة هاتفية سريعه الان مع دريه فى هولندا كلمتها عن مداخلتك وطبغا فوجئت وبتقول ليك كل سنه وانتى طيبه
محمد ابوالعزائم ماقال ليك هو و ماضى ابوالعزائم اعمام اولاد الشفاء زى ما انا خالهم.
Post: #682
Title: Re: بري
Author: ماضي ابو العزائم
Date: 09-23-2009, 08:52 PM
Parent: #681

Quote: محمد ابوالعزائم ماقال ليك هو و ماضى ابوالعزائم
اعمام اولاد الشفاء زى ما انا خالهم.


و عمهم بنفس القدر
Post: #683
Title: Re: بري
Author: ماضي ابو العزائم
Date: 09-23-2009, 08:54 PM
Parent: #682

مرحب بيك محاسن
Post: #684
Title: Re: بري
Author: حيدر امين
Date: 09-23-2009, 10:21 PM
Parent: #683

Quote: و عمهم بنفس القدر


خالهم دى ليها قصة

سألت ريم اشمعنى انا خالو حيدر وداك محمد أمين؟؟

وبتها(جود) تقول لى برضو حالو حيدر وللشفاء حبو

الشفاء احتجت وقالت غايتو انا بت خالة حيدر
Post: #685
Title: Re: بري
Author: خالد العبيد
Date: 09-24-2009, 03:58 AM
Parent: #684

سلام
يا ناس اللاماب تحديدا !
بسأل عن راشد على خليل
راشد الزول الهادئ الجميل
كان اشطرنا وفايتنا مسافة !!
لا ابدا والله مسافات !!
سنين طويلة جدا مرت يا راشد
ارجو ان تكون بخير
ومحتاج تلفون او اب عنوان لراشد

درية المبشر كسحت هولندا !
والله خبر جميل
لازلت اذكرها تماما بي ملامحها القديمة!
اوعى تكوني حصلتي ماضي !
بعدين وين علوية
كانت في الميدان


واكيد برجع
Post: #686
Title: Re: بري
Author: خالد العبيد
Date: 09-24-2009, 04:12 AM
Parent: #685

في شخصيات في الذاكرة لازم تتوثق
مثلا في بري اللاماب ومن زمن الطفولة اذكر :
ـ عبدالوهاب " شخصية" بتاع الجير
ـ في واحده اسمها بت نقد حايمة في الكوشة طواالي
وكانت بتخوفنا وتهرشنا من محاولة الاقتراب لالقاء القمامة!!
ـ واحد عسكري اسمو الدحمة
ـ خدور
ـ مصطفى الكضمي
ـ مهلة ودريج " ديل بيتهم كان عشة صغيرة
اكيد استولى عليه الارزقية بدون تعويض لانهم مساكين
Post: #687
Title: Re: بري
Author: Mahassin Ibrahim
Date: 09-24-2009, 06:54 AM
Parent: #686

يا ناس برى سلام: انا عارفه غي سر بيربطني ببرى الحبيبه هذه لا أعلمه حتي الان. لكن هذه محمده انني كلما اتجهت بي الحياه ارجع والتقي مع دروبها.
والله طرافة علاقتهم الاسريه المتشابكه دى تذهل ولازال ترابطكم الاسرى هذا مصدر اعجبني(( نقول ماشاء الله والعين الحاسده ما تصيبكم))
انا بودى اعانقكم فردا فرد وانشاء الله صله لاتنقطع.
اولا : تلفون دريه انا محتاجه ليهو شديد...ممكن ترسلو لي علي الماسنجر. وشكرا يا خالد علي تحية دريه وعلويه ... اما من ناحية الشبه الناس ديل بيتشايهو شديد يعني ممكن تلاقي علويه خوجلي في الشارع وتعرف انها قريبة احلام ودريه.
وبالمناسبه دى انا لم انس ان احي استاذتنا علويه اتمني ان التقي بتلفونها.
ريم ابوالعزائم: علي تواصل دائم في كل ((ميل ترسله لاصحابها انا بكون في اللسته)) وكذلك دريه وفردتها عمر : اعادهم الله جميعا للسودان ورد غربتهم.
اخلاص الامين يا حيدر افتكرتها بره السودان : ياريت الم فيها هي كمان.
برى الللاماب : فارقتها وانا طفله شديد ((في مرحلة قبل المدرسه)) لاننا انتقل لاشلاق برى ..الوالد رحمة الله عليه كان يعمل بالجيش.
عارف يا محمد وحيدر وماضي: انا كل ما اطلع من النفق وبدءا بالاشلاق وانتهاءا باخر شارع للمعرض : تجدني دائما مشدوده لهذه المنطقه بكل تفاصيلها وروحي تهف له بشكل دائم.
ممكن اسالكم خدمه: اى مشروع او استنفار او نفير لابناء برى اكون انا من ضمن الفريق هذا لو سمحتو؟
ماضي : سلامات ...ارجو اتمني ان تكون انت ماضي صديق صديق عمرى ((حسن الجزولي)) والذى كنت تزوره في ايام سابقات ((بدرى شديد)) وانا كنت اشاركه المكتب .....ياللمصدفه
المهم تشرفت بكم جميعا .....واتمني ان نواصل .
Post: #688
Title: Re: بري
Author: حيدر امين
Date: 09-24-2009, 08:42 AM
Parent: #687

Quote: درية المبشر كسحت هولندا !
والله خبر جميل
لازلت اذكرها تماما بي ملامحها القديمة!
اوعى تكوني حصلتي ماضي !
بعدين وين علوية
كانت في الميدان



Quote: اولا : تلفون دريه انا محتاجه ليهو شديد...ممكن ترسلو لي علي الماسنجر. وشكرا يا خالد علي تحية دريه وعلويه ... اما من ناحية الشبه الناس ديل بيتشايهو شديد يعني ممكن تلاقي علويه خوجلي في الشارع وتعرف انها قريبة احلام ودريه.
وبالمناسبه دى انا لم انس ان احي استاذتنا علويه اتمني ان التقي بتلفونها.


ود العبيد , محاسن

قضيت ايام العيد وبنتى (عد امس لمسقط) مع محمد امين وريم ضياء الدين وتصادف وجود علويه خوجلى وزوجها امام على يوسف فى زيارة لبنتها ميادة إخصائية اطفال بمدينة بدع زايد(متزوجه ولهاطفل) وشقيقها الاصغر مخلد بمسنشفى المفرق وشقيقهما الاكبر ماضى اخصائى انف واذن وحنجره فى ايرلندا وزوجتة د.جوليا عبدالحليم (بنت خالتو اسماء خوجلى)

تلفونات دريه تلاقيها فى الماسنجر
Post: #689
Title: Re: بري
Author: حيدر امين
Date: 09-24-2009, 11:51 AM
Parent: #688

شو فيا ماضى الدنيا ضيقه كيف!!!
واخيرا جاتك بلفة حسن الجزولى

ماضي : سلامات ...ارجو اتمني ان تكون انت ماضي صديق صديق عمرى ((حسن الجزولي)) والذى كنت تزوره في ايام سابقات ((بدرى شديد)) وانا كنت اشاركه المكتب .....ياللمصدفه
المهم تشرفت بكم جميعا .....واتمني ان نواصل .
Post: #690
Title: Re: بري
Author: حيدر امين
Date: 09-24-2009, 08:24 PM
Parent: #689

قبل قليل عرض بقناة النيل الازرق الحفل الساهر الذى تم تسجيله معنا فى مسقط
الصور موجوده فى السودانيون فى مسقط سلطنة عمان منهم واليهم
Post: #691
Title: Re: بري
Author: عماد الشبلي
Date: 09-24-2009, 09:40 PM
Parent: #690

دعمي الاكيد لكم جميعا

وبري فوق ..
Post: #692
Title: Re: بري
Author: حيدر امين
Date: 09-24-2009, 09:45 PM
Parent: #691

Quote: دعمي الاكيد لكم جميعا

وبري فوق ..


ود الشبلى

ما انت ود برى وامتداد ناصر اهل بيك
Post: #693
Title: Re: بري
Author: عماد الشبلي
Date: 09-24-2009, 09:58 PM
Parent: #692

Quote: ود الشبلى

ما انت ود برى وامتداد ناصر اهل بيك


حيدر تحياتي

طبعا .. ورجعت منها قبل رمضان بيومين

والان يعاودني الشوق لها مرة تانيه

تحياتي لود الخضر ابن خالي ..
Post: #694
Title: Re: بري
Author: أيمن الطيب
Date: 09-26-2009, 03:17 PM
Parent: #693

سلام يا برى,,,

كل عام وأنتم جميعا وأسركم الصغيرة وكل أهلنا ببر ى بخير وعافية..
مرحبا بعودة الشقيق مكى,,

الأخ إبراهيم عبدالحليم الفنان بعد مشاهدة اللقاء على النيل الأزرق
بدأت تعود إلى الذاكرة بعد الصور والمشاهد القديمة !!!ومازلت أحاول
سحب المزيد منها من الذاكرة كلو طبعا,,

ياخ هو دا إنتا؟؟؟؟


تحياتى لكم جميهل وكل عام وأنتم بخير,,
Post: #695
Title: Re: بري
Author: محمد أبوالعزائم أبوالريش
Date: 09-26-2009, 04:27 PM
Parent: #694


بوست عملتو قبل 3 سنوات ... عملت فيهم (رحيل) مداخلة خلتني أودي وأجيب ..... ويادوب عرفت الحاصل شنو:




التعديل لتصغير حجم الصورة
Post: #696
Title: Re: بري
Author: حيدر امين
Date: 09-30-2009, 10:59 PM
Parent: #695

مبروك الترقيه
يلا شدو حيلكم
Post: #697
Title: Re: بري
Author: خالد العبيد
Date: 10-01-2009, 00:10 AM
Parent: #696

سلام
يا ناس اللاماب تحديدا !
بسأل عن راشد على خليل
راشد الزول الهادئ الجميل
كان اشطرنا وفايتنا مسافة !!
لا ابدا والله مسافات !!
سنين طويلة جدا مرت يا راشد
ارجو ان تكون بخير
ومحتاج تلفون او اب عنوان لراشد


تاني عسى ولعل
Post: #698
Title: Re: بري
Author: ماضي ابو العزائم
Date: 10-01-2009, 02:03 AM
Parent: #697

تعال يا خالد العبيد
ما بتقول ياسر عمر
إبن اختك!!!!
عالم صغير
Post: #699
Title: Re: بري
Author: خالد العبيد
Date: 10-01-2009, 02:54 AM
Parent: #698

سلام يا ماضي
وتحياتي
Quote: تعال يا خالد العبيد
ما بتقول ياسر عمر
إبن اختك!!!!
عالم صغير

بالله لو لاقيتو اديه فلقتين !
عامل راسو المقودس ده
وبالمناسبة ياسر احرف من كافينول !
تسجل في بري لفترة قصيرة لكنه سافر للدراسة
وياسر يعزف العود بمهارة وغناي شديد
خاصة اغاني الحقيبة ولمن تكون المدام بي يمينو!
اليومين دي شايفوا رافع القزاز
لانو امو " اختي آسيا العبيد " معاهو بي طرفكم
والبي امو ما بهمو !!

ياسر كفر ووتر
وصدق المثل : الولد خال !!
Post: #700
Title: Re: بري
Author: محمد أبوالعزائم أبوالريش
Date: 10-03-2009, 10:39 PM
Parent: #699

وصل مساء اليوم (3/10) في زيارة للدوحة الأخ عبدالعزيز عبدالقادر ابوشيبة.

من أخبار الوفيات التي أتى بها عبدالعزيز أبوشيبة، وفاة خال الأخت نجاة محمد البشير (لم أتحصل على الأسم من عبدالعزيز، ولم يقل غير "شقيق نصر الدين عبدالله"). أرجو من لديه الخبر أن يكمله.

لا حول ولا قوة إلاّ بالله ... صادق التعازي للأخت نجاة وجميع الأهل.
Post: #701
Title: Re: بري
Author: ماضي ابو العزائم
Date: 10-04-2009, 05:14 AM
Parent: #700

دة محجوب عبدالله الفكى
لا حول ولا قوة إلاّ بالله .. صادق التعازي للأخت نجاة
وجميع الأهل ببرى.
Post: #702
Title: Re: بري
Author: ماضي ابو العزائم
Date: 10-11-2009, 07:36 AM
Parent: #701

العالم دى مشت ويييييييييين
Post: #703
Title: Re: بري
Author: حيدر امين
Date: 10-11-2009, 02:57 PM
Parent: #702

لا حول ولا قوة الا بالله

رحم الله محجوب عبدالله الفكى

التعازى لجميع الاهل بالبرارى

الحاجه مريم ,,, طارق , طلال , صابر و الاخت نجاة

إنا لله وانا اليه راجعون
Post: #704
Title: Re: بري
Author: ماضي ابو العزائم
Date: 10-15-2009, 12:21 PM
Parent: #703

سنة تمر على وفاة الوالدة
فأسالكم لها الدعاء
Post: #705
Title: Re: بري
Author: إبراهيم عبد الحليم
Date: 10-15-2009, 01:11 PM
Parent: #704

رحمها الله رحمة واسعة وأسكنها فسيح جناته
لكم الصبر أخوى ماضى

إبراهيم عبد الحليم
Post: #706
Title: Re: بري
Author: إبراهيم عبد الحليم
Date: 10-16-2009, 08:49 PM
Parent: #705

سلامات حيدر

شوف انا شغال شنو
الفيديوكليب الثانى
أغنية حوار للشاعر مدنى النخلى
أكون شاكر لأرائكم
دمتم

إبراهيم
Post: #707
Title: Re: بري
Author: حيدر امين
Date: 10-23-2009, 09:55 PM
Parent: #706



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #708
Title: Re: بري
Author: حيدر امين
Date: 10-24-2009, 07:47 AM
Parent: #707

نسوى شنو تانى
Post: #709
Title: Re: بري
Author: حيدر امين
Date: 10-24-2009, 11:56 AM
Parent: #708

up
Post: #710
Title: Re: بري
Author: نجاة محمد بابكر
Date: 10-24-2009, 02:59 PM
Parent: #709

وين ياناس برى ليكم فترة ماموجودين الحاصل شنو

طبعا انا كنت مشغولة بوفاة خالى اللهم ارحم جميع موتانا



allah_names.gif Hosting at Sudaneseonline.com
Post: #711
Title: Re: بري
Author: حيدر امين
Date: 10-24-2009, 09:37 PM
Parent: #710

نجاة البركة فيكم والتعازى للخالة مريم
والاخوان طارق صابر وطلال وانشاء الله اخر الاحزان
إنا لله وإنا اليه راجعون
Post: #712
Title: Re: بري
Author: إبراهيم عبد الحليم
Date: 10-26-2009, 09:17 PM
Parent: #711

البركة فيكم أخت نجاة
وجبر الله كسركم




إبراهيم عبد الحليم




----------------------------------------------

حيدر ده شنو ده كلام كبر ساكت اوع عثمان محى الدين تسمعوا سميرة دنيا دى بقوم فازى
Post: #713
Title: Re: بري
Author: حيدر امين
Date: 10-28-2009, 11:15 PM
Parent: #712

نسوى شنو الناس نايمه ولا واحد ما عايز يقول احم
لا من برى ولا الخليج , السعوديه اوربا امريكا ولا استراليا الحكاية شنو
الناس ده مشت وين
البركة فى نجاة بتكتب من برى وامتداد ناصر

انشاء الله العيد فى السودان ومن هناك البوست حيكون كله صور من البرارى وامتداد ناصر
حتى سلك المطار والكلاب البوليسية ( ما تقول كلام كبر ساكت )
Post: #714
Title: Re: بري
Author: محمد أبوالعزائم أبوالريش
Date: 10-29-2009, 07:05 AM
Parent: #713

Quote: حتى سلك المطار


عيييييييك .... إنت من زمن كان سلك؟ طيب ما تصوّر (ضرب نار)
Post: #715
Title: Re: بري
Author: حيدر امين
Date: 10-29-2009, 08:31 AM
Parent: #714

يعنى ما فى تعليق على الاغنية
Post: #716
Title: Re: بري
Author: نجاة محمد بابكر
Date: 10-29-2009, 10:36 AM
Parent: #715

Quote: حتى سلك المطار والكلاب البوليسية ( ما تقول كلام كبر ساكت )


لووووووووووووووووووووول

السلك بقى UN حدادى مدادى وحاجات تانية حامينى
انت تعال شوف بعدين شكلك كدة ليك 10 سنين ماجيت السودان

تخريمة
مشتاقين لمسقط
Post: #717
Title: Re: بري
Author: ماضي ابو العزائم
Date: 10-29-2009, 10:54 AM
Parent: #716

نجاة سلام
عليك الله أمشى لمهدى بشرى بالدرب
اصلة إتفقنا على مواد لهذا البوست
و إنشغل مع مشاغل السودان
Post: #718
Title: Re: بري
Author: اساسي
Date: 10-29-2009, 10:58 AM
Parent: #717

يا اخوانا اتكلموا لينا سياسة شوية , انتخابات ستة وتمانين ودائرة بري الانتخابية المشتعلة بين الكيزان والشيوعيين وكونها دائرة حزبية للاتحاديين فقدت
Post: #719
Title: Re: بري
Author: نجاة محمد بابكر
Date: 10-29-2009, 11:48 AM
Parent: #718

حاضرين ياماضى بس هو لسع فى بيتهم الزمان ولا رحل منو

استعدو
Post: #720
Title: Re: بري
Author: ماضي ابو العزائم
Date: 10-29-2009, 12:00 PM
Parent: #719

Quote: وكونها دائرة حزبية للاتحاديين فقدت


منو من الاتحادين سبق و ان فاز بهذه الدائرة؟؟
Post: #721
Title: Re: بري
Author: ماضي ابو العزائم
Date: 10-29-2009, 12:04 PM
Parent: #720

Quote: هو لسع فى بيتهم الزمان ولا رحل منو


لا
لكن بتلقى الامين او مامون و خدى منهم رقم الجوال
تحياتى ليهم
Post: #722
Title: Re: بري
Author: إبراهيم عبد الحليم
Date: 10-29-2009, 07:53 PM
Parent: #721

الحبوب حيدر
يمكن نتلاقى فى السودان قاعد بعد العيد شوية؟

إبراهيم عبد الحليم
Post: #723
Title: Re: بري
Author: حيدر امين
Date: 10-30-2009, 11:31 AM
Parent: #722

Quote: السلك بقى UN حدادى مدادى وحاجات تانية حامينى
انت تعال شوف بعدين شكلك كدة ليك 10 سنين ماجيت السودان

تخريمة
مشتاقين لمسقط


بس سنتين لكن جاى فى العيدانشاء الله

Quote: الحبوب حيدر
يمكن نتلاقى فى السودان قاعد بعد العيد شوية؟


يمكن اسبوعين بعد العيد لحضور حفل تخريج ابنتى حسناء
كل يوم خميس المساء بنكون قاعدين بالليل فى الفسحة القدام نادى برى المحس
بيت ناس كمال صديق عبداللطيف مجموعة متوعدة السهر هناك
من ضمنهم بكرى حسن , توفيق تحمد جمال الفاتح ربيع ماهر ,ماجد, الرشيد,مامون, وصلاح سليمان
اسامه امين ومجموعة كبيرة من اولاد المحس والدرايسة
البيت طبعا نهاية شارع اوماك باتجاه الستين قبل عمارة الياسمين ( شريحة الاستئناف)
Post: #724
Title: Re: بري
Author: حيدر امين
Date: 10-31-2009, 10:19 PM
Parent: #723

نجاة بت ودالبشير بهناك عامله مصائب

جيل ماضى ابوالعزائم .........وحيدر امين
Post: #725
Title: Re: بري
Author: نجاة محمد بابكر
Date: 10-31-2009, 10:31 PM
Parent: #724

Quote: كل يوم خميس المساء بنكون قاعدين بالليل فى الفسحة القدام نادى برى المحس


عرفنا المان مافى داعى للتلفونات
Post: #726
Title: Re: بري
Author: حيدر امين
Date: 10-31-2009, 10:35 PM
Parent: #725

Quote: عرفنا المان مافى داعى للتلفونات


دى عايزه شرح فى المسنجر
Post: #727
Title: Re: بري
Author: ماضي ابو العزائم
Date: 10-31-2009, 10:51 PM
Parent: #726

Quote: دى عايزه شرح فى المسنجر

هو المسنجر إشتغل ؟؟

يا حيدر نجاة دى ضربت الكبر ساااااااااى
وراح عليها حرف (ك) قصدها المكان بس العتب غلى النظر
Post: #728
Title: Re: بري
Author: حيدر امين
Date: 11-06-2009, 11:20 AM
Parent: #727

وينكم
Post: #729
Title: Re: بري
Author: نجاة محمد بابكر
Date: 11-06-2009, 12:22 PM
Parent: #728

Quote: يا حيدر نجاة دى ضربت الكبر ساااااااااى
وراح عليها حرف (ك) قصدها المكان بس العتب غلى النظر



صـــــــــــــــاح
Post: #730
Title: Re: بري
Author: حيدر امين
Date: 11-06-2009, 05:03 PM
Parent: #729

Quote: صـــــــــــــــاح


بعد سنـــــــــة
Post: #731
Title: Re: بري
Author: ماضي ابو العزائم
Date: 11-06-2009, 07:45 PM
Parent: #730

مبروووك دكتورة / حسناء بنت حيدر أمين
Post: #732
Title: Re: بري
Author: نجاة محمد بابكر
Date: 11-06-2009, 08:16 PM
Parent: #731

نزلنا المباركة بهناك وياماضى بطل تولع النيران
اصلا حيدر فاضى لى وكل يوم بنزل رد كية فيك
Post: #733
Title: Re: بري
Author: حيدر امين
Date: 11-06-2009, 09:39 PM
Parent: #732

شكرا نجاة رديت بهناك وممكن بهن كمان
ما قصر اخوى الفاتح الجنيد الرائع
Post: #734
Title: Re: بري
Author: خالد العبيد
Date: 11-09-2009, 03:53 AM
Parent: #733

اساتذة درسوني في بري الاميرية
ـ الاستاذ محمد الطيب : مدير المدرسة
ـ الاستاذ بشير الريح قسومة.. انجليزي
ـ الاستاذ عثمان... لغة عربية
ـ الاستاذ عبد القادر .. تربية اسلامية
ـ الاستاذ فتحي ........برضو لغة انجليزية في سنة اولى " خال اسامة الطيب " رحمه الله
ـ الاستاذ عبدالله البلال .. تاريخ

اين هم ؟


ـ
Post: #735
Title: Re: بري
Author: حيدر امين
Date: 11-10-2009, 10:17 PM
Parent: #734

يا جماعة البوست ده خلوه فوق عشان فى السودان نلاقيه بسهولة
الصور حتنزل مباشرة الاحياء حى حى
المعالم والشخصيات المعروفه من المحس الين اللاماب
واحسن من حسع الماشى فيكم السودان ادينى خبر
Post: #736
Title: Re: بري
Author: عبد القادر بابكر
Date: 11-11-2009, 06:53 AM
Parent: #735

ناس بري الكرام
تحية صباحية عطرة

تسجيل حضور وزيارة ودودة في حوشكم الماهل
التحية ليكم جميعا ولأهلي وعشيرتي ببري ..
أعتز بكم وبهم جميعا .. وإن باعدت بيننا الأيام
فلهم في الخاطر كل الأشواق ..
ولهم في القلب كل الحب والافتخار ..
أتمنى أن تكون هذه الزيارة فاتحة خير لتواصل حميم بكم وبهم ..

امنياتي الطيبة لكم بدوام المحبة والعشرة الطيبة ..
ولحوشكم الكبير أن يظل عامرا بوجودكم ...

أخوكم
عبد القادر بابكر عبد القادر قسومة
الرياض / تلفون 0509835001
[email protected]
Post: #737
Title: Re: بري
Author: عبد القادر بابكر
Date: 11-11-2009, 02:52 PM
Parent: #736

***
Post: #738
Title: Re: بري
Author: عبد الرحمن حمد النيل
Date: 11-11-2009, 04:07 PM
Parent: #737

Quote: يا جماعة البوست ده خلوه فوق عشان فى السودان نلاقيه بسهولة
الصور حتنزل مباشرة الاحياء حى حى
المعالم والشخصيات المعروفه من المحس الين اللاماب
واحسن من حسع الماشى فيكم السودان ادينى خبر


اكيد حانتقابل
Post: #739
Title: Re: بري
Author: إبراهيم عبد الحليم
Date: 11-12-2009, 04:55 PM
Parent: #738

حيدر وعبدالرحمن
إلى لقاء قريب بالسودان
حيدر الف مبروك
ختو تلفوناتكم ياشباب

إبراهيم
Post: #740
Title: Re: بري
Author: ماضي ابو العزائم
Date: 11-12-2009, 09:37 PM
Parent: #739

Quote: عبد القادر بابكر عبد القادر قسومة


عاد فى زول بقولوليهو أتفضل فى بيتو؟؟
حباب سيد البيت و أدينا خبرك
Post: #741
Title: Re: بري
Author: حيدر امين
Date: 11-13-2009, 09:02 AM
Parent: #740

913768563

ده رقمى فى السودان
Post: #742
Title: Re: بري
Author: محمد الشيخ أرباب
Date: 11-13-2009, 09:10 AM
Parent: #741

يا حيدر

انا مسافر يوم 18 نوفمبر والتاج يوم 25 نوفمبر

نتقابل انشاء الله
Post: #743
Title: Re: بري
Author: وليد عبد اللطيف
Date: 11-13-2009, 02:08 PM
Parent: #742

Quote: اكتب عن مدينتك المتواضعة المصنوعة ودعنا نكتب عن المدن التاريخيه .. بمعرفتنا.


علاقتي مع اي من (البوريات) الفوق دي كالاتي:
- مشينا بالحافلة لعبونا في ميدان في نص السوق .. الحتات كلها اكشاك حتات وهمية جدا الشهادة لله .. انا افتكرت نفسي خارج حدود العاصمة .. نسبة لما تمتاز به المنطقة من تضاريس عجيبة جدا ..
بعدين الحاجة الغريبة .. الناس دي جات اتلمت ليك حوالين الميدان قاعدين يتفرجوا فينا وبعد نهاية الكورة بلاي جو خاشين الميدان .. (بيهبشو) في الفنايل والشورطات وفي شعار الهلب .. غايتو اليوم داك استغربته بشكل .. لحدي ما رجعت البيت انا مستغرب ..

ياناس بري تمبس دا ما بالغ معاكم
ياجماعة احب بري بلد الفيش
يكفي بري كان فيها عبد الكافي (كافينول )
بري (نزار خليل وخالد بخيت وحاتم جمال الدين وغازي وكوه واشرف الشوش وعوض حسب الرسول وبكري الحبشي )

(فريق الجيل )
وبا لها من ذكريات مع احلى شباب من بري
Post: #744
Title: Re: بري
Author: عبد الرحمن حمد النيل
Date: 11-13-2009, 02:58 PM
Parent: #743

Quote: يا جماعة البوست ده خلوه فوق عشان فى السودان نلاقيه بسهولة
الصور حتنزل مباشرة الاحياء حى حى
المعالم والشخصيات المعروفه من المحس الين اللاماب
واحسن من حسع الماشى فيكم السودان ادينى خبر


ونتشرف بشوفتك ياحيدر ومره تانية الف مبروك لحسناء...

Quote: حيدر وعبدالرحمن
إلى لقاء قريب بالسودان
حيدر الف مبروك
ختو تلفوناتكم ياشباب

إبراهيم


ابراهيم يا فنان..تصل بالسلامة انشاءالله

0925455942

وصول 26-11-2009

تحياتي للجميع
Post: #745
Title: Re: بري
Author: إبراهيم عبد الحليم
Date: 11-13-2009, 07:36 PM
Parent: #744

عبد الرحمن
جايب السكسفون معاك

سلامة الوصول

إبراهيم
Post: #746
Title: Re: بري
Author: Abdelrahim Elamin
Date: 11-13-2009, 11:20 PM
Parent: #745

سلام عليكم ياناس بري اهلنا

جاكم واحد جديد!

ومعا نقول بري فوق فوق!!




اخوكم
عبدالرحيم الامين عبدالرحيم حاج الامين
Post: #747
Title: Re: بري
Author: عبد القادر بابكر
Date: 11-14-2009, 05:22 AM
Parent: #746

التحية ليك أخي الأستاذ ماضي

شكري وتقديري لك على ترحابك الجميل
والبيت عامر بوجودكم ومنور بطلتكم البهية ..
ربنا يديم المحبة والأخوة ..

تحياتي لجميع الأهل والأخوان

منواصل معاكم بإذن الله
Post: #748
Title: Re: بري
Author: نجاة محمد بابكر
Date: 11-14-2009, 08:57 AM
Parent: #747

Quote: سلام عليكم ياناس بري اهلنا

جاكم واحد جديد!

ومعا نقول بري فوق فوق!!




اخوكم
عبدالرحيم الامين عبدالرحيم حاج الامين


الف مرحب بيك والبوست نور
Post: #751
Title: Re: بري
Author: Abdelrahim Elamin
Date: 11-14-2009, 11:33 AM
Parent: #748

الاخت نجاة

لك الشكر والتقدير علي الترحيب!
Post: #749
Title: Re: بري
Author: عادل خياري
Date: 11-14-2009, 09:53 AM
Parent: #746

الاخ الدكتور عبدالرحيم الامين
ياسلالالالالالالالالالالالالالالالالالالالالام اكاد لااصدق
اسعد صباح والبركة في البوست الجميل ده اللي عرفنا
من خلاله انو في امكانية تلاقي ولو عبر النت
قنطار من الشوق
وارتال من الموده والحنين
والله ياصديقي ماجلست الى قوم احادثهم الا وكنت حديثي بين جلاسي
وفي بدايات هذا البوست سالت عنك
ومازلت اسال عنك وعن اخبارك
مشتاق جدا عادل عبدالرحمن
[email protected]
نسمع منك
وعنك كل خير
Post: #750
Title: Re: بري
Author: عادل خياري
Date: 11-14-2009, 10:03 AM
Parent: #749

من افراح بري الجميله
ازداد البراريات اموره حلوه اطلت على دنيا
الوجيه هاني على مبارك بولاية ميريلاند
الدعوات لها بان تكون من الصالحات العالمات العاملات لرفعة بري والوطن
وان يقر الله بها اعين والديها
عقبال الولاد ياهاني
Post: #752
Title: Re: بري
Author: Abdelrahim Elamin
Date: 11-14-2009, 12:02 PM
Parent: #749

اخي وحبيبي عادل

والله انا برضو مامصدق! كيف حالك عزيزي

الله ... ايام لاتنسي. الهدي الابتدائيه والهجرة المتوسطة ثم بغداد عاصمة الرشيد!!!

والله انا سالت عنك كثير والمعلومة العندي انك فى امريكاوارسلت ايملات الي الاخوان محمد يسن وماضي حتي اتحصل علي التلفون او الايميل

وانشاء الله يكون في تواصل بالماسنجر. اخوك الحمدلله اتم التخصص في امراض الجهاز الهضمي والكبد والمناظير وانا الان بين مكة المكرمه حيث

اقامة اسرتي الصغيرة وعاصمة الضباب لندن. بالله بلغ سلامي الي الاخوان غازي وصديق.

وحتي لقاء اخر لك مني التحيات والاشواق وفي امان الله.
Post: #753
Title: Re: بري
Author: عادل خياري
Date: 11-14-2009, 12:51 PM
Parent: #752

الاخ عبدالرحيم
انا الليله سيد البوست ده من الصباح
منتظر منك رد واهو اخيرا الحمد لله لقينا خبرك مع اشراقات الصباح الجميل
ياريت ترسل لي تلفونك في البوست في الايميل المهم نسمع صوتك
فعلا من اخر مره اتقابلنا جنب الفيش انا جيت امريكا ومازلت الى ان ينصلح الحال في السودان
تلفوني 2027878108
والايميل عندك
نسمع منك
Post: #754
Title: Re: بري
Author: عادل خياري
Date: 11-14-2009, 01:00 PM
Parent: #753

24-06-2008, 04:38 ص


عادل خياري
تاريخ التسجيل: 13-03-2008
مجموع المشاركات: 127


Re: بـُــري (Re: محمد أبوالعزائم أبوالريش)

سلام لكل اهل بري الكرام
وشكرا لهذا البوست الذي فجر في جواي ذكرى ايام خوالد لازالت عالقه كاحلى ايام عشتها في هذه البري المعطاءه
فقد سكنت في بري الشريف لمدة ستة اشهر وكانت من الايام الخوالد
وقبل ان اسكنها كانت لي علاقات حميمه بزميل الدراسه الدكتور عبدالرحيم الامين عبدالرحيم فحببني في بري وساكنيها
فله التحيه من على البعد وليتكم اهل بري تمدوني بتلفونه بعدان فرقنا الزمن
وفي باريس المدينه الصاخبه تعرفت على المعدن الاصيل الاخ عادل داؤد فنعم المعرفه في الغربه
اما هنا في واشنطون فالاخ هاني مبارك فخير من يمثل بري فقلبه وداره مفتوح للكل اما مايجود به وقته رغم مشغولياته
فوجهه للعمل العام لاثراء العمل الرياضي بمنطقة واشنطون الكبرى
فلكم التحيه يااهل بري
ومررت على هذا البوست لاعلن انضمامي لكم ان كان هناك متسع
مودتي


هذا البوست بتاريخ 24يونيو 2008 ومنذ ذاك التاريخ اتابع البوست عسى ولعل احد الاخوان يمدنا بمعلومات عنك
فشكرا للبوست الذي جمعنا مره اخرى
Post: #757
Title: Re: بري
Author: مدثر أبا يزيد
Date: 11-14-2009, 01:31 PM
Parent: #754

Quote: غايتو من الاخر كده
نادرا ما تلقى في بيوت بري كلاب..
لذا كانت الملايكة دوما تفتح الابواب

كلام جميل وشهادة عظيمة لناس بري
الوالد الله يرحمه ويسكنه فسيح جناته كان شغال في السكه حديد
وحكي لنا انه كان في خطه اسكانية في بري في الستينات
لكن بعدما قدم تم نقله لجبيت ومنها لبورسودان فكان من نصيبنا
ان نسكن في احدي ثورات بورتسودان.
التحية لكل اهل بُري
Post: #756
Title: Re: بري
Author: Abdelrahim Elamin
Date: 11-14-2009, 01:31 PM
Parent: #753

الاخ الحبيب عادل

انشاء الله بيننا اتصال، سوف اغادر صبيحة الغد بحول الله الي لندن وسوف اتصل عليك من هنالك. طبعا انا قريت البوست داك وفتشت عنك! تلفون.. ايميل.. ولكن نحمدالله جمعنا من ثاني.
Post: #758
Title: Re: بري
Author: وليد عبد اللطيف
Date: 11-16-2009, 10:21 AM
Parent: #756

انزل نزلت بري
يا اساسي نجي نسلم عليم ماتردو لينا السلام
ويظهر انتو متعودين على النزول
اها رفعت ليكم البوست من درجه رابعة
وعشان خاطر عبد الكافي ياجماعة خلو البوست في المقدمة
sudansudansudansudansudansudansudansudansudansudansudansudansudansudansudansudansudansudansudansudansudan5.jpg Hosting at Sudaneseonline.com


الفريق القومي السوداني

وقوفا من اليمين ديم الصغير وعلي قاقارين وحسبو الصغير

وعبد الكافي وبابكر سانتو وجقدول ( كابتن ) وكوارتي وسمير صالح

وجلوسا من اليمين الدحيش وسليمان عبد القادر والنور عبد القادر

وعبد العزيز عبد الله وبشرى وهبة ونجم الدين حسن وجاد الله

خير السيد وجيمس وجكسا .
منقول من بوست بحري (توثيق عماد عثمان احمد )









كامل الود
Post: #759
Title: Re: بري
Author: نجاة محمد بابكر
Date: 11-16-2009, 11:15 AM
Parent: #758

مرحب بك اخى وليد
ناس برى الظاهر عليكهم حايمين فى الاسواق عشان اشترو الهدايا للسودان
والمابجيب لى هدية ما اجئ عديل كدة.............
Post: #760
Title: Re: بري
Author: نجاة محمد بابكر
Date: 11-17-2009, 11:42 AM
Parent: #759

صح النوم دى كلها حوامة سوق
Post: #761
Title: Re: بري
Author: حيدر امين
Date: 11-17-2009, 03:36 PM
Parent: #760

قلنا نخلى ود ناس حاج الامين ينفرد باصحابو الليه سنسن م اتلاقوا

وبعدين نجى فى المداخلات


وده المقصود من بوست يرى يلم الناس من تانى
Post: #762
Title: Re: بري
Author: إبراهيم عبد الحليم
Date: 11-17-2009, 05:16 PM
Parent: #761

Quote: عزيزى ولى

ياحبيب لك العتبى وانقطاعى نتيجة المشغوليات
شايفك برضو بوست برى


للاخ وليد عبد اللطيف لو مر من هنا

إبراهيم عبد الحليم
Post: #763
Title: Re: بري
Author: Abdelrahim Elamin
Date: 11-17-2009, 08:26 PM
Parent: #762

سلامات ياحيدر وكيف احوالك...
طبعا البوست ده ابداع عديل كده... لكم الشكر و التقدير.
Post: #764
Title: Re: بري
Author: حيدر امين
Date: 11-23-2009, 12:04 PM
Parent: #763

فوق وقربنا نصل بإذن الله
Post: #765
Title: Re: بري
Author: عبد الرحمن حمد النيل
Date: 11-23-2009, 12:51 PM
Parent: #764

Quote: عبد الرحمن
جايب السكسفون معاك

سلامة الوصول

إبراهيم


ابراهيم..دي دايرة كلام..
مع انو عندي واحد هناك..
وتصل بالسلامة انشاءالله..

Quote: فوق وقربنا نصل بإذن الله


تصل بالسلامة ياحيدر
Post: #766
Title: Re: بري
Author: ماضي ابو العزائم
Date: 11-24-2009, 10:59 AM
Parent: #765

من الاخ عبدالعزيز صديق عبدالرحمن و عبر الإميل
وصلتنى الرسالة الآتية :-
Quote: ألاخ العزيز ماضى



السلام عليكم و كل عام و انت بخير فبل الزحمة



اكتب لك لاول مرة و غالبا انت لا تعرفنى رغم انى برابى أصيل و مؤصل نبتت جذورى فى ( اللامام) كما كان ينطقها ناس المحس و لكن فروعى ممتدة للدرايسة و المحس وحتى امتداد ناصر



أكتب لك لاننى حاولت الدخول للبوست للتفاعل والتغليق و التحية حيث انى اعتبر نفسى ملم بالكثير من جوانب المواضيع التى وردت فى البوست و أكون ممتنا لو ساعدتتى فى الدخول.



للتعريف أنا عبدالعزيز صديق عبدالرحمن و اسمك سمعت بيه كثير خاصة أيام الدراسةلانك تقريبا دفعتنا و انا كنت الاجازات بقضيها فى المحس فى منزل خالنا حاج المشرف خليفة.

و ان شاء الله أديك تفاصيل اكثر لما أقدر أدخل و لو عايز تثنبة ممكن تتأكد من حيدر أمين زميل الغربة السابق فى الرياض أو الاخوين عادل و عبد الرحمن حمدالنيل وهما ابنى عمتى و عندك اخينا الاصغر محمد الشيخ . أظن كده كفاية



لك اخى تحياتى مرة أخرى و فى انتظار ردّك


مرحب بيك عبدالعزيز و فى إنتظار مساهماتك
Post: #767
Title: Re: بري
Author: حيدر امين
Date: 11-26-2009, 11:19 AM
Parent: #765

Quote: عبدالعزيز صديق عبدالرحمن


عبدالعزيز صديق - يرى اللاماب - الرياض - البنك السعودى الهولندى

كيفك ياخى ووين اراضيك لسع فى الرياض ولا إتيقنتا ورجعتا

خليك مواصل معنا فى البوست وطلع العندك

رسل الايميل بتاعك الى

[email protected]

وبتشوف المهندس بكرى
Post: #768
Title: Re: بري
Author: حيدر امين
Date: 11-28-2009, 04:49 PM
Parent: #767

اول من مداخلة من برى لزوم العيد والضبيحه والذى منو

الجزر -

436.JPG Hosting at Sudaneseonline.com


022.JPG Hosting at Sudaneseonline.com
Post: #773
Title: Re: بري
Author: ياسر بدوى حامد
Date: 11-30-2009, 09:14 PM
Parent: #710

اللهم ان في ذمتك وحبل جوارك فقه من فتنه القبر وعذاب النار فأغفر له وارحمه إنك أنت الغفور الرحيم
.. وعافه واعف عنه .. وأكرم نٌزلـه ... ووسع مٌدخله وارحمه إنك أنت الغفور الرحيم.واغسلـه بالماء والثلج والبَرَد .. ونقـه من الخطايا كما نقيـت الثوب الأبيـض من الدنـس
البركة فيكم
إن لله وإن إليه راجعون



البركة فيكم وصبركم الله
Post: #769
Title: Re: بـُــري
Author: ياسر بدوى حامد
Date: 11-29-2009, 01:47 AM
Parent: #1

١الحديث يطول في حضرة ام مدن السودان الكلام لاينتهي في اقدم المدن اصالة, وجدارة, وريادة, وقيادة, ورياضة, بري في دم كل سوداني اصيل يعشق التاريخ . تحية لبري .بري المحس وبري الدراسية. وبري ابوحشيش. وبري الاماب. وامتداد ناصر. وتحية خاصة لكوريا.بري اشتقت الي هواءك الي نادي بري و الي التعصب في تشجيع بري. اسد البراري السم الهاري تحية وناس بري
Post: #770
Title: Re: بـُــري
Author: حيدر امين
Date: 11-30-2009, 07:25 AM
Parent: #769

معى فى برى الان الاخ محمد ابوالعزائم
وانشاء الله حنطلع بحصيلة كبيرة من المعلومات
بس نخلص الفواتح وبعدين نشوف المناسبات
Post: #771
Title: Re: بـُــري
Author: حيدر امين
Date: 11-30-2009, 07:33 AM
Parent: #770

مدرسة برى المحس بنات ( شرق الجامع )

014.JPG Hosting at Sudaneseonline.com


443.JPG Hosting at Sudaneseonline.com
Post: #772
Title: Re: بـُــري
Author: حيدر امين
Date: 11-30-2009, 07:39 AM
Parent: #771

تقاطع شارع ابوالقاسم هاشم مع شارع مختار محمدين


445.JPG Hosting at Sudaneseonline.com


030.JPG Hosting at Sudaneseonline.com
Post: #774
Title: Re: بـُــري
Author: حيدر امين
Date: 12-03-2009, 03:09 PM
Parent: #772

496.JPG Hosting at Sudaneseonline.com


بابور مويه
Post: #775
Title: Re: بـُــري
Author: حيدر امين
Date: 12-03-2009, 03:14 PM
Parent: #774

497.JPG Hosting at Sudaneseonline.com


قال سلك المطار شالوه قال
Post: #776
Title: Re: بـُــري
Author: حيدر امين
Date: 12-06-2009, 05:11 PM
Parent: #775

فول مرحوم لذيذ بالتوم

دكان عم عبدالله الفكى ثم دكان مرحوم واخيرا اصبح دكان التعاون


551.JPG Hosting at Sudaneseonline.com
Post: #777
Title: Re: بـُــري
Author: حيدر امين
Date: 12-06-2009, 05:13 PM
Parent: #776

دكان جدى عبدالوهاب وجدى المبارك

552.JPG Hosting at Sudaneseonline.com
Post: #779
Title: Re: بـُــري
Author: حيدر امين
Date: 12-06-2009, 05:17 PM
Parent: #777

ورشة محمد مكاوى

553.JPG Hosting at Sudaneseonline.com
Post: #780
Title: Re: بـُــري
Author: حيدر امين
Date: 12-06-2009, 05:21 PM
Parent: #779

دكان تانى دور


554.JPG Hosting at Sudaneseonline.com
Post: #781
Title: Re: بـُــري
Author: حيدر امين
Date: 12-06-2009, 05:26 PM
Parent: #780

جامع بري المحس وفسحة الجامع

مرتع صبانا

ياما لعبنا الدافورى وام الحفر والبلى فى هذه الساحة

التى كانت ومازالت ,,, ولكن هل من لعيبه؟؟؟؟؟


555.JPG Hosting at Sudaneseonline.com
Post: #782
Title: Re: بـُــري
Author: حيدر امين
Date: 12-06-2009, 05:32 PM
Parent: #781

مدرسة برى المحس الاولية والان نادى برى المحس الثقافى الاجتماعى


031.JPG Hosting at Sudaneseonline.com


الجزء الغربى من المدرسة ,,, روضة اطفال صباحا ونادى الشباب مساء

032.JPG Hosting at Sudaneseonline.com
Post: #783
Title: Re: بـُــري
Author: حيدر امين
Date: 12-06-2009, 05:50 PM
Parent: #782

دكان فضيل الحلاق
حلاق الحى وطلبة كلية الشرطة
وبجانبه مدخل دكان ود الريف صاحب اطعم فول


556.JPG Hosting at Sudaneseonline.com


هنا كان دكان الترزى احمد الشيخ


557.JPG Hosting at Sudaneseonline.com



دكان صلاح السيد (الكعوما) المرحوم محمد كرم الله (كريمو)


558.JPG Hosting at Sudaneseonline.com
Post: #784
Title: Re: بـُــري
Author: حيدر امين
Date: 12-06-2009, 05:55 PM
Parent: #783

الجانب الاخر من الفسحة
فسحة المدرسة


036.JPG Hosting at Sudaneseonline.com
Post: #778
Title: Re: بـُــري
Author: اساسي
Date: 12-06-2009, 05:16 PM
Parent: #776

يا سلام يا حيدر علي الصور بالله كتر لينا من كل التفاصيل ويا اريت لو كل البراري

اولاد الشيخ هناك ولا رجعوا؟
Post: #785
Title: Re: بـُــري
Author: حيدر امين
Date: 12-08-2009, 03:49 PM
Parent: #778

التاج و محمد الشيخ
قاعدين فى برى وامتداد ناصر
Post: #786
Title: Re: بـُــري
Author: حيدر امين
Date: 12-08-2009, 03:53 PM
Parent: #785

038.JPG Hosting at Sudaneseonline.com
Post: #787
Title: Re: بـُــري
Author: حيدر امين
Date: 12-08-2009, 09:47 PM
Parent: #786

019.JPG Hosting at Sudaneseonline.com


جبريل قسم السيد


018.JPG Hosting at Sudaneseonline.com


الطيب شيخ إدريس


017.JPG Hosting at Sudaneseonline.com


ابو القاسم هاشم


597.JPG Hosting at Sudaneseonline.com


الصور من البوم نادى برى الرياضى
Post: #788
Title: Re: بـُــري
Author: حيدر امين
Date: 12-08-2009, 10:09 PM
Parent: #787

ابوالقاسم محمد ابراهيم وعلى شمو
فى استقبال الحكم الدولى المرحوم احمد قنديل
عائدا من دورة ميونخ والتى صاحبتها بعض الاحداث

598.JPG Hosting at Sudaneseonline.com
Post: #789
Title: Re: بـُــري
Author: حيدر امين
Date: 12-08-2009, 10:22 PM
Parent: #788

الصورة مطروحة فى مسابقة لمعرفة سبعة من اللاعبين على الاقل


sudansudansudansudansudansudansudansudansudansudansudansudansudansudan19.jpg Hosting at Sudaneseonline.com
Post: #790
Title: Re: بـُــري
Author: حيدر امين
Date: 12-09-2009, 08:10 AM
Parent: #789

NewScan-20090602095423-00001.jpg Hosting at Sudaneseonline.com



بعثة برى الى كينيا

sudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudan2.jpg Hosting at Sudaneseonline.com
Post: #791
Title: Re: بـُــري
Author: حيدر امين
Date: 12-09-2009, 08:15 AM
Parent: #790

sudansudansudansudansudan129.jpg Hosting at Sudaneseonline.com
Post: #792
Title: Re: بـُــري
Author: ماضي ابو العزائم
Date: 12-09-2009, 11:45 AM
Parent: #791

يأأأأأأأأأأأأأه
والله ذكرتنا نصرالدين حبيب و عمر ضقل و سيف حسن أمين
باللهى شوف الزمن داك و الزمن ده!!!!!!
حيدر أشوف الصور دى بى هناك
عملت شنو فى موضوع الرسالة؟؟
Post: #793
Title: Re: بـُــري
Author: حيدر امين
Date: 12-10-2009, 12:26 PM
Parent: #792

Quote: عملت شنو فى موضوع الرسالة؟؟


الرساله ؟؟؟
Post: #794
Title: Re: بـُــري
Author: حيدر امين
Date: 12-10-2009, 12:58 PM
Parent: #793

بعد 30سنة مشيت دار الرياضة الخرطوم للوقوف مع فريق برى
فى مباراته المصيرية ضد التحرير وكان لابد من الانتصار للبقاء فى الاولى
حذرنى الكثير من الاخوة بانى ساكون كبش الفداء فى حالة الهزيمه
ولكن بعد انتصار برى 2/1 الكثيرون قالوا الزول ده جاب النصر معاه
وكانت هذه اللقطات

الهدف الاول


IMG_4512.JPG Hosting at Sudaneseonline.com


فرحة الهدف الثانى

IMG_4518.JPG Hosting at Sudaneseonline.com


واعلن الحكم نهاية المباراة


IMG_4522.JPG Hosting at Sudaneseonline.com



الجماهير تهنى الكوتش كابتن كافينول


IMG_4525.JPG Hosting at Sudaneseonline.com


IMG_4526.JPG Hosting at Sudaneseonline.com
Post: #795
Title: Re: بـُــري
Author: حيدر امين
Date: 12-10-2009, 01:10 PM
Parent: #794

دموع الفرح المدرب عبدالكافى والمهندس الفنان بكرى حسن

IMG_4527.JPG Hosting at Sudaneseonline.com


IMG_4524.JPG Hosting at Sudaneseonline.com


IMG_4535.JPG Hosting at Sudaneseonline.com


IMG_4533.JPG Hosting at Sudaneseonline.com


IMG_4534.JPG Hosting at Sudaneseonline.com


IMG_4528.JPG Hosting at Sudaneseonline.com
Post: #796
Title: Re: بـُــري
Author: ماضي ابو العزائم
Date: 12-10-2009, 01:24 PM
Parent: #795

يازول كافينول و بكرى ديل
لى زمن منهم .... سلم عليهم


الرسالة عبر الخاص
ما تقولى ما وصلت؟؟
Post: #797
Title: Re: بـُــري
Author: حيدر امين
Date: 12-10-2009, 01:54 PM
Parent: #796

الرسالة ما وصلت ,,, اعد


فريق برى سنة 1950
0

607.JPG Hosting at Sudaneseonline.com


وقوفا من الشمال

عبدالعزيز عبدالرحيم ,امين عبداللطيف,, الامين حمد , عبدالله عباس لوفت, جعفر ميرغنى ,

الجلوس من الشمال

معنى , الهادى صيام , جربان , جنجه , مبارك الليث
Post: #798
Title: Re: بـُــري
Author: حيدر امين
Date: 12-10-2009, 02:03 PM
Parent: #797

608.JPG Hosting at Sudaneseonline.com
Post: #799
Title: Re: بـُــري
Author: نجاة محمد بابكر
Date: 12-11-2009, 05:21 PM
Parent: #798

Quote: الرسالة ما وصلت ,,, اعد

عارف ماضى بقت رسايلو كلها مابتصل الحاصل شنو
ياربى اكون مابعرف ارسل ولاشنو


الصور ماخطيرة لكن والعجب صورة التقاطع الجنب طلمبة النحلة
Post: #800
Title: Re: بـُــري
Author: حيدر امين
Date: 12-12-2009, 02:35 PM
Parent: #799

دى اخطر صورة ( الكبرى ) يا ما قعدنا وقعدنا فيه يا حليلو

scan0027.jpg Hosting at Sudaneseonline.com




اعادة تأهيل الجامع 1971

scan22.jpg Hosting at Sudaneseonline.com



جمعة افتتاح الجامع ( المئذنة لسه )

scan0030.jpg Hosting at Sudaneseonline.com
Post: #801
Title: Re: بـُــري
Author: حيدر امين
Date: 12-12-2009, 02:42 PM
Parent: #800

scan0036.jpg Hosting at Sudaneseonline.com



scan0028.jpg Hosting at Sudaneseonline.com


scan0026.jpg Hosting at Sudaneseonline.com
Post: #802
Title: Re: بـُــري
Author: ماضي ابو العزائم
Date: 12-13-2009, 00:12 AM
Parent: #801

تعرف يا حيدر و لو تتذكر
حجر الاساس ده كان عى البيت
مما هو بلاطة رخام و كان شغال
فيهو ضاء الدين ابو العزائم
و نحنا نتحلق حواليهو و كانت
أول مرة نشوف شغل زى ده.
زمن
Post: #803
Title: Re: بـُــري
Author: حيدر امين
Date: 12-13-2009, 11:02 AM
Parent: #802

ملعب فريق التعاون سابقا


scan25.jpg Hosting at Sudaneseonline.com





مكان الملعب حاليا




611.JPG Hosting at Sudaneseonline.com
Post: #804
Title: Re: بـُــري
Author: حيدر امين
Date: 12-16-2009, 07:50 AM
Parent: #803

ارفع البوست يا اساسي
Post: #805
Title: Re: بـُــري
Author: نجاة محمد بابكر
Date: 12-16-2009, 03:25 PM
Parent: #804

اكان شفتو دا كلو انت وماضى وقال كمان كنا بنلعب حوالين ضياء لمن اقول عليهم عجائززززززززززززززز
بتزعلو لى
Post: #806
Title: Re: بـُــري
Author: اساسي
Date: 12-16-2009, 03:40 PM
Parent: #805

طلبنا من بكري زمان يرفعوا للربع الجديد
Post: #807
Title: Re: بـُــري
Author: ماضي ابو العزائم
Date: 12-18-2009, 06:26 PM
Parent: #806





قبر ود النور قائد القوات المهدية لحصار الخرطوم ببرى
و المسمى عليه (غابة ود النور)
تصوير كمال أبو العزائم
Post: #808
Title: Re: بـُــري
Author: Abdelrahim Elamin
Date: 12-18-2009, 06:43 PM
Parent: #807

ياسلام

تشكر ماضي

اتزكر زمان ونحن صغار قبر ودالنور كان مزار للعديد من اهل البراري وبالذات ناس الدرايسة
وكان وسط الغابة وبعيد عن العمران.
Post: #809
Title: Re: بـُــري
Author: ماضي ابو العزائم
Date: 12-18-2009, 07:33 PM
Parent: #808

Quote: وكان وسط الغابة وبعيد عن العمران.


يا دكتور القاردن ستى بلعت كل شئ
بما فى ذلك ميادين الرابطة
...عجايب
Post: #810
Title: Re: بـُــري
Author: إبراهيم عبد الحليم
Date: 12-19-2009, 10:49 AM
Parent: #809

اخت نجاة و الخوة الكرام
تلفونى بالسودان
٠٩١٢١٤٧٨١٤

إبراهيم عبد الحليم
Post: #811
Title: Re: بـُــري
Author: حيدر امين
Date: 12-19-2009, 09:41 PM
Parent: #810

Quote: تلفونى بالسودان
٠٩١٢١٤٧٨١٤


وينك يا راجل و وعدك بالجية فى برى
Post: #812
Title: Re: بـُــري
Author: صديق مهدى على
Date: 12-20-2009, 09:52 PM
Parent: #1

اساسى كدى خلى برى لاهلها عليك الله شوف لينا الحريق القبل شويةانتهى من مركز عفراء ودار المحامين ولا

باى باى اساسى عقبال حرق البشير
Post: #813
Title: Re: بـُــري
Author: اساسي
Date: 12-21-2009, 07:40 AM
Parent: #812

يا صديق
دا بوست توثيقي عن مدينة جميلة ساهمت في تشكيل وجدانا , يا اريت تبعد بي وسخ السياسة دا بعيد من البوست دا وتحاور في اي مكان اخر غير هذا وبتمني انك تمسح المداخلة الكتبتها دي هنا وانزالها في اي بوست لي مفتوح عن اي موضوع اخر .
Post: #814
Title: Re: بـُــري
Author: ماضي ابو العزائم
Date: 12-22-2009, 11:39 AM
Parent: #813

باين حيدر بقى على رجعة شايفو نام على الخط
ياريت إقدر إحرك لينا ناس الدرايسة و أبوحشيش
و ناصر و الاماب
Post: #815
Title: Re: بـُــري
Author: محمد أبوالعزائم أبوالريش
Date: 12-22-2009, 12:32 PM
Parent: #814

Quote: باين حيدر بقى على رجعة شايفو نام على الخط
ياريت إقدر إحرك لينا ناس الدرايسة و أبوحشيش
و ناصر و الاماب


حيدر رجع يا ماضي ... في نفس يوم سفري (18/12)

______
عبدالرحيم الأمين .... معليش والله ما عرفتك لحدي ما لاقيت د. الشيخ بابكر الهادي.
نوّرت المنبر والبوست.
Post: #816
Title: Re: بـُــري
Author: Abdelrahim Elamin
Date: 12-22-2009, 01:51 PM
Parent: #815

Quote: عبدالرحيم الأمين .... معليش والله ما عرفتك لحدي ما لاقيت د. الشيخ بابكر الهادي.
نوّرت المنبر والبوست.


اخي محمد

السلام عليكم

التحية لك
والتحية عبرك الي د. الشيخ بابكر الهادي ابن خالي العزيز الذي لم اقابلة منذ ما يقارب العشر اعوام
واتمني من الله ان تكونوا في صحة وعافية.

نسبة لظروف عمل الوالد (رحمه الله) بمشروع الجزيرة فقد درست معظم المراحل الدراسية هنالك متنقلا معه ولذلك المعلومات شوية ضعيفة ولكنني اعرف شقيقك السني ابوالريش وارجو من الله ان يكون بخير.

شكرا لك عزيزي ونرجو دوام التواصل في هذا البوست القامة.
Post: #817
Title: Re: بـُــري
Author: عبد الرحيم محمد عبد الرحيم
Date: 12-23-2009, 08:20 AM
Parent: #816

Quote: شكرا لك عزيزي ونرجو دوام التواصل في هذا البوست القامة


هلا --- منور
ومبروك للاخ جمال توقعنا حضورك - وتحيات خاصة للدكتور الشيخ بابكر
وحيدر امين
عبدالرحيم
Post: #818
Title: Re: بـُــري
Author: حيدر امين
Date: 12-23-2009, 12:07 PM
Parent: #817

Quote: ولكنني اعرف شقيقك السني ابوالريش وارجو من الله ان يكون بخير


السنى بسلم عليك كتير وهو معانا فى مسقط

Quote: وتحيات خاصة للدكتور الشيخ بابكر
وحيدر امين


شكرا عبد الرحيم على التحية لى فترة من بوست الضابط المناوب انشاء الله الزيارة قريبا
Post: #820
Title: Re: بـُــري
Author: Abdelrahim Elamin
Date: 12-23-2009, 06:47 PM
Parent: #818

عزيزي حيدر امين

سلامات

Quote: السنى بسلم عليك كتير وهو معانا فى مسقط


الله يسلمك ويسلمه ان شاء الله

تسلم يا غالي
Post: #819
Title: Re: بـُــري
Author: Abdelrahim Elamin
Date: 12-23-2009, 06:39 PM
Parent: #817

عبدالرحيم سلامات

كيف حالك ابن عمي ، عسي ان تكون بخير وجميع الاهل كذلك.

Quote: ومبروك للاخ جمال توقعنا حضورك


الله يبارك فيك وعقبال كل الشباب ان شاء الله

الشديد القوي والله

ــــــــــ

محبتي الاكيدة
Post: #821
Title: Re: بـُــري
Author: محمد أبوالعزائم أبوالريش
Date: 12-24-2009, 06:22 AM
Parent: #819


الأخ عبدالرحيم ....

طبعاً أنا دفعتي خالد ... وزي ما كنا بنناديهو (خالد أبوسن).
Post: #822
Title: Re: بـُــري
Author: Abdelrahim Elamin
Date: 12-29-2009, 00:18 AM
Parent: #821

سلام يا محمد

تعرف خالد اخوي ده كان شقي جدا لمن كان صغير وكسر سن من اسنانه الامامية
وركبوا ليه سن دهب امامي وهو صغير
ومن ديك وعيك
Post: #823
Title: Re: بـُــري
Author: حيدر امين
Date: 12-29-2009, 11:46 AM
Parent: #822

مبروك
Post: #824
Title: Re: بـُــري
Author: حيدر امين
Date: 01-01-2010, 08:57 AM
Parent: #823

فريق برى فى الخمسينيات ويظهر حارس المرمى الاسكتلندى كماك

sudansudansudansudansudansudansudansudansudansudansudansudansudansudansudansudansudansudansudansudansudansudansudansudansudan5.jpg Hosting at Sudaneseonline.com
Post: #825
Title: Re: بـُــري
Author: حيدر امين
Date: 01-01-2010, 09:13 AM
Parent: #824

برى فى الخمسينيات ايام كشيب , جنجه, جربان وامين عبداللطيف
و حارس المرمى وزير الاقتصاد الاسبق د. محمد هاشم عوض

Burri1.jpg Hosting at Sudaneseonline.com



الجلوس من اليسار
احمد حامد العربى , عمر الهادى حاج الامين , محمد هاشم عوض , سيد محمد احمد عربى , جعفر ميرغنى

الوقوف من اليسار

محمد احمد بلال جربان , عبيد احمد , عبدالماجد خيرالله , عبدالعزيز عبدالرحبم , امين عبداللطيف , ابراهيم كبير , محمد فرج الله كشيب
عابدين مرحوم جنجه
Post: #826
Title: Re: بـُــري
Author: خالد العبيد
Date: 01-01-2010, 06:04 PM
Parent: #825

سلام
تلفوني في السودان
0909010485
Post: #827
Title: Re: بـُــري
Author: ماضي ابو العزائم
Date: 01-01-2010, 06:12 PM
Parent: #826

زوروا ما كتبه أحمد حسن الضو هنا

دوال ديو . . . قائد ثورة النوير
Post: #828
Title: Re: بـُــري
Author: محمد أبوالعزائم أبوالريش
Date: 01-04-2010, 12:43 PM
Parent: #827

توفي حفيد عبيد حاج الأمين الشاعر عبدالمجيد (هبّت الخرطوم في جنح الدجى)، وتم نعيه في هذا البوست:

الوطن يودع الشاعر والدبلوماسي عبيد حاج الأمين صاحب نش...ق الجامعة الإكتوبري
A.Majeed.jpg Hosting at Sudaneseonline.com
Post: #829
Title: Re: بـُــري
Author: إبراهيم عبد الحليم
Date: 01-05-2010, 04:52 PM
Parent: #828

سلام ناس برى
عندى ليكم كمية مفاجاءت
كدى تابعونى بالتلفزيون القومى برنامج كل الجمال وبرنامج مراسى الشوق
إبراهيم
Post: #830
Title: Re: بـُــري
Author: نجاة محمد بابكر
Date: 01-05-2010, 07:05 PM
Parent: #829

متابعين بس ورينا يوم شنو
انت رجعتا ولا لسع فى السودان
Post: #831
Title: Re: بـُــري
Author: إبراهيم عبد الحليم
Date: 01-05-2010, 07:53 PM
Parent: #830

اختى العزيزة نجاة

احتمال كبير اليوم الساعة 11 مساء برنامج كل الجمال
كدى شوفى المفاجاءة دى البيت ده بيت منو انقرى؟
إبراهيم
Post: #832
Title: Re: بـُــري
Author: إبراهيم عبد الحليم
Date: 01-05-2010, 07:54 PM
Parent: #831

معليش ما قدرت أحمل الصورة
Post: #833
Title: Re: بـُــري
Author: نجاة محمد بابكر
Date: 01-05-2010, 08:21 PM
Parent: #832

طيب بالله نزل لى اغنية عطر الصندل لو ممكن
Post: #834
Title: Re: بـُــري
Author: إبراهيم عبد الحليم
Date: 01-06-2010, 06:29 PM
Parent: #833

ده بيت ناس منو????

nagatmanzil2.jpg Hosting at Sudaneseonline.com
Post: #835
Title: Re: بـُــري
Author: إبراهيم عبد الحليم
Date: 01-06-2010, 06:30 PM
Parent: #834

رابط اغنية عطر الصندل
من هنا ممكن تعملى داون لود

http://www.4shared.com/file/88343732/103d884d/Itr_Elsandal.html

إبراهيم عبد الحليم
Post: #836
Title: Re: بـُــري
Author: نجاة محمد بابكر
Date: 01-06-2010, 08:11 PM
Parent: #835

ياربى اكون بيت منو انقر
شكرا على الاغنية
لو فى السودان ادينى سلك
Post: #837
Title: Re: بـُــري
Author: محمد النيل
Date: 01-06-2010, 10:46 PM
Parent: #836

يااااااا حليل ايام زمان ==== ياحليلا ايام جميلة
حليل مرتع صبانا ==== وذكرى فى برى الجميلة

فى البرارى الناس محنة ==== ناس كرم ناساً حُنان
يغشوا للجيران تملَّى ==== والغريب يدُّو مكان
والبتوه يبقولو مرفأ ==== وفرحة للجار بيه الزمان

ياحلاوة النيل فى برى ==== والنسيم شايل المحنة
والجناين فى العصير ==== زى تقول عايش فى جنة
ربى احفظ للبرارى ==== تبقى هى الدار لأهلنا
Post: #838
Title: Re: بـُــري
Author: محمد النيل
Date: 01-06-2010, 11:00 PM
Parent: #837

القصيدة الفوق دى فى زول متذكرها
او مرت بيه؟
الاخ ماضى ابو العزائم
انا زى الابتديت اتذكر حاجة
غير الاسم الاعلامى
وغير المعرفة الاسفيرية
انا يظهر لى فى معرفة قديمة
او حتى معرفة سطحية
او مجرد وهم
فى حلقة ربط فايتة علي

حاجة تانية
فى زول اسمو حاجة كدا ابو الريش
اربطوا لينا الحلقة المفقودة دى
غايتو ما عارف ساكسفون
اوجيتار
حكاية قبل عشرين سنة
هل من رابط؟
Post: #839
Title: Re: بـُــري
Author: محمد النيل
Date: 01-06-2010, 11:15 PM
Parent: #838

الوهمة او اللخبطة اللى بدرت فى زهنى دا لانو اول مرة انا ادخل فى بوست برى دا
وبرضو لقيتك ياماضى مع ناس برى
وحركت فى ذاكرتى الماضى
انا غايتو سكنت امتداد ناصر فترة
كنت جارالسيد غريب الله عمر على (هيتة بالهيتة) سكرتير عام نادى برى سابقا
الكلام دا قبل 21 سنة (الكترابة)
الواحد تراهو عجَّز وما جايب خبر
Post: #840
Title: Re: بـُــري
Author: حيدر امين
Date: 01-07-2010, 01:15 PM
Parent: #839

الزول ده يكون محمد ابوالعزائم ابوالريش او السنى ابوالريش

وبعدين لميت فى خالك ولا لسه ارسالت ليك تيلفونه ( د. عزالدين الشريف ) قال ما ضربت ليه
Post: #841
Title: Re: بـُــري
Author: حيدر امين
Date: 01-07-2010, 01:17 PM
Parent: #840

Quote: ياربى اكون بيت منو انقر



اها نقرتى البيت ؟؟؟ وجاك منو؟؟؟
Post: #842
Title: Re: بـُــري
Author: محمد النيل
Date: 01-07-2010, 02:30 PM
Parent: #841

الاخ حيدر امين
تحية براوية
انت الظاهر عليك تانى ما رجعت لبوست شلبى
انا شكرتك فيه على انزال صورة الخال
تشكر الاف المرات
وشكلوا محافظ
كدا الواحد بيطمئن انو انا لسة صغير
رسالتك لم تصل الماسنجر
شكرا لاهتمامك
Quote: الزول ده يكون محمد ابوالعزائم ابوالريش
هل زمان كان بيعزف ساكسفون؟
لو هو تحياتنا ليه لو عندك بيه معرفة واتصال

تحياتى
Post: #843
Title: Re: بـُــري
Author: نجاة محمد بابكر
Date: 01-07-2010, 07:17 PM
Parent: #842

ياحيدر كيف يعنى قبل 21 سنة اكون محمد ولا السنى عازف جيتار انت قايلاهم قدرك ولا شنو

عليك الله البيت ماعجبك ولا عشان ماجيت فيهو
اتلومتا لكن
Post: #844
Title: Re: بـُــري
Author: حيدر امين
Date: 01-07-2010, 11:12 PM
Parent: #843

Quote: هل زمان كان بيعزف ساكسفون؟
لو هو تحياتنا ليه لو عندك بيه معرفة واتصال

تحياتى


ده حسع يقولو ليه شنو يا نجاة


Quote: عليك الله البيت ماعجبك ولا عشان ماجيت فيهو
اتلومتا لكن


اللوم شديد لكن العتب على الزمن والجرى ,,,, 20 سنة دى حوامه فى شوارع مسقط والرساض
Post: #845
Title: Re: بـُــري
Author: محمد النيل
Date: 01-08-2010, 00:07 AM
Parent: #844

Quote: ده حسع يقولو ليه شنو يا نجاة
سؤال صعب مش كد؟ا
اقول ليك 21 سنة
تقوم تطششنى زيادة؟
على كل حال انا السألتك
وليس نجاة




















الساكسفون مالو
هو منعوه الاخر؟
Post: #846
Title: Re: بـُــري
Author: حيدر امين
Date: 01-08-2010, 08:17 AM
Parent: #845

Quote: هل زمان كان بيعزف ساكسفون؟
لو هو تحياتنا ليه لو عندك بيه معرفة واتصال



Quote: الساكسفون مالو
هو منعوه الاخر؟



لا ... بس اولاد خالتى لزم ,,,, محمد و ماضى فى الدوحه والسنى وانا فى مسقط
Post: #847
Title: Re: بـُــري
Author: ماضي ابو العزائم
Date: 01-08-2010, 01:05 PM
Parent: #846

عادل سلام
ضياء الدين أبوالعزائم
محى الدين أبوالعزائم (علية الرحمة)
محمد أبو العزائم
السنى أبو العزائم
كلهم عزفوا ساكسفون
وعلى كلامك ده (21 سنة) إكون محمد أو السنى
و ما عليك من كلام نجاة ده (أصلها قدر بتى شهد)
و فى الغالب إكون محمد لانو مجتل تحركو كان فى ناصر
بس إحنا ساكنين فى المحس محطة (2)
Post: #848
Title: Re: بـُــري
Author: محمد النيل
Date: 01-08-2010, 11:41 PM
Parent: #847

Quote: عادل سلام
اهلااااااااااان يا حسنين! (علامة تعجُّب)
عادل دا منو؟
كدا بقيتُم 22 سنة.
البوست الفوق دا ياماضى انا كتبتو اول امبارح حسب توقيتكم وليس قبل 21 سنة

على حال بس ياهو محمد دا ذاتو
قول ليهو فى واحد اسمو النيل (بكسر النون خالص) بيسلم عليك لو ح يتذكر
وقول ليه الساكس بتاعك كان منشذ وقتها
ان شاء يكون اشترى ليه واحد جديد لو النفس لسة طويل
ولو ما اتذكر وريه القصيدة الركيكة بتاعت برى الفوق دى يمكن يتذكر.
تحياتى
Post: #849
Title: Re: بـُــري
Author: نجاة محمد بابكر
Date: 01-10-2010, 08:11 PM
Parent: #848

up
Post: #850
Title: Re: بـُــري
Author: محمد أبوالعزائم أبوالريش
Date: 01-10-2010, 08:46 PM
Parent: #849


النيييل؟

لا حولاااااااا الحي يلاقي ....

ويقول ليهو ليه؟ أهو محمد زاتو جاك.

أتذكر تماماً آخر مرة في حفلة وداعك كنت مسافر على ما أذكر لبلاد العم سام!!

أدينا أخبارك العامة والخاصة والفنيّة
Post: #851
Title: Re: بـُــري
Author: ماضي ابو العزائم
Date: 01-10-2010, 09:38 PM
Parent: #850

Quote: عادل دا منو؟

عادل ده إمكن بتاع 2009- - - - انا عارف جات كيف؟
Post: #852
Title: Re: بـُــري
Author: محمد النيل
Date: 01-10-2010, 10:17 PM
Parent: #850

Quote: ويقول ليهو ليه؟ أهو محمد زاتو جاك.

أتذكر تماماً آخر مرة في حفلة
الله اكبر
هو دا انت؟
دى والله كان دايرا ليها موسيقى تصويرية من فيلم هندى قديم
يا لمحاسن الصدف وحلاوة السودانيزولاين
الحى بيك يازول
معليش لانو المدة طالت
واخر مرة اكون شفتك
فى سيول و امطار 1988 والحفلة الطرشقت فى حلة ناس احمد التلب
وتتذكر حفلة عبدو النجار؟
ما ادانا باقى العداد كان باقى لى عندو 134 جنيه. هههههها
لاقتو سنة 2007 جنب مستشفى الخرطوم فى صدفة غريبة
اجتررنا فيها الذكريات
غايو اكرمنى بكباية شاى
يعنى دفع باقى العداد
يعنى يكون دفع 10 زيادة
لانو كباية الشاى ب 150 جنيه
معليش لكشف المعلومات التى يستخلص الناس منها الاعمار
عشان كدا لا انت منزل صورتك لا انا؟
لكن صورتى حاليا اصغر من صورة ماضى الفى بروفايلو دى
بس اوع يكون اصغر منك
ح اشاكلك.
والله مشتاقين
الحمد لله انو ما قصينا لبعض او اتكاتلنا فى البوستات
هههههههها
انت عامل كيف والدنيا معاك
واخبار الفن
مازال العود صديقى
لكن شايفو غيران من السودانيزاونلاين
لانه قاسمه الوكت
شكرا للاخوان وابن خالتك واخوك
وحيدر امين طلع صديق لخالى المحبوب
د.عزالدين بمسقط
طلعنا اهل
رجاء المواصلة وسارسل لك تلفونى عبر المسانجر
تحياتى
Post: #853
Title: Re: بـُــري
Author: محمد النيل
Date: 01-11-2010, 03:00 AM
Parent: #852

>
Post: #854
Title: Re: بـُــري
Author: نجاة محمد بابكر
Date: 01-11-2010, 01:49 PM
Parent: #853

حيدر شفتا الجماعة ديل بهناك هايجين كيف
برى منهم والمشكلة انهم مافاهمين الموضوع شنو بعد ماردو عايزين افهمو سمعتا بجنس دا قبل كدة
طبعا انا مبسوطة شديد
Post: #855
Title: Re: بـُــري
Author: محمد الشيخ أرباب
Date: 01-11-2010, 02:51 PM
Parent: #854

Quote:
يااااااا حليل ايام زمان ==== ياحليلا ايام جميلة
حليل مرتع صبانا ==== وذكرى فى برى الجميلة

فى البرارى الناس محنة ==== ناس كرم ناساً حُنان
يغشوا للجيران تملَّى ==== والغريب يدُّو مكان
والبتوه يبقولو مرفأ ==== وفرحة للجار بيه الزمان

ياحلاوة النيل فى برى ==== والنسيم شايل المحنة
والجناين فى العصير ==== زى تقول عايش فى جنة
ربى احفظ للبرارى ==== تبقى هى الدار لأهلنا


يا محمد

القصيدة دي سمعتها كتير من المرحوم مامون منصور

تحياتي
Post: #856
Title: Re: بـُــري
Author: محمد النيل
Date: 01-11-2010, 07:39 PM
Parent: #855

يا ود ارباب
سلام
Quote: القصيدة دي سمعتها كتير من المرحوم مامون منصور

الله يرحمه ويحسن اليه
افتكر هو اللى كاتبها
دى كانت واحدة من اغنياتى اعطانى اياها ولحنتها وغنيتها فى عدة حفلات فى بري
انا يظهر لى محمد ابو العزائم بيكون متذكر الكلام دا
الله يرحم مامون ويغفر ليه ويجعل الجنة مأواه
بحق فعلا حليل ايام زمان
آه قلّبتوا علينا الذكريات
Post: #857
Title: Re: بـُــري
Author: حيدر امين
Date: 01-11-2010, 08:41 PM
Parent: #854

Quote: آه قلّبتوا علينا الذكريات


النيل يعنى نطلع منها,,,

نجاة امشى المسنجر
Post: #858
Title: Re: بـُــري
Author: محمد الشيخ أرباب
Date: 01-11-2010, 08:47 PM
Parent: #857

Quote:
الله يرحمه ويحسن اليه
افتكر هو اللى كاتبها
دى كانت واحدة من اغنياتى اعطانى اياها ولحنتها وغنيتها فى عدة حفلات فى بري
انا يظهر لى محمد ابو العزائم بيكون متذكر الكلام دا
الله يرحم مامون ويغفر ليه ويجعل الجنة مأواه
بحق فعلا حليل ايام زمان
آه قلّبتوا علينا الذكريات


الاخ محمد

هو كان عندو قصائد كثيرة اغلبها عند الفنان عادل حامد

تحياتي
Post: #859
Title: Re: بـُــري
Author: محمد النيل
Date: 01-12-2010, 01:43 AM
Parent: #858

Quote: النيل يعنى نطلع منها,,,
ليه يا حيدر
صوتى مزعج ول شنو؟
شطب الاغنية ساهل بس بعدما يسمعها محمد ابو العزائم
بس انت قول
تحيلتى
Post: #860
Title: Re: بـُــري
Author: محمد النيل
Date: 01-12-2010, 01:48 AM
Parent: #859

Quote: عند الفنان عادل حامد
الزول دا وين؟
اخبارو؟

يا ود الارباب
صديق ارباب قريبك؟
Post: #861
Title: Re: بـُــري
Author: محمد الشيخ أرباب
Date: 01-12-2010, 10:32 AM
Parent: #860

الاخ محمد

عادل حامد ده زمن طويل ما قابلته ما عارف وين هو الان

صديق ارباب ما قريبي

مامون منصور ود عمي

تحياتي
Post: #862
Title: Re: بـُــري
Author: محمد أبوالعزائم أبوالريش
Date: 01-12-2010, 10:45 AM
Parent: #861


Quote: صديق ارباب قريبك؟

يا النيل .. صديق أرباب من الدرايسة .. ومحمد الشيخ (إبن خالتي) من المحس وامتداد ناصر. بالمناسبة محمد الشيخ ساكن قريب منهم لو تتذكر في واحد كان بيعزف جيتار إسمو (أسامة هاشم)، مع إنو الناس كان بينادوهو (أسامة النقر)، لأنو النقر (عبدالرازق النقر) عليه رحمة الله جدو لأمه.

______
القصيدة متذكرها طشاش ... والأغنية رجعتنا لأيام الحفلات والسهر.
Post: #863
Title: Re: بـُــري
Author: ناصر احمد الامين
Date: 01-12-2010, 10:50 AM
Parent: #862

Quote: والأغنية رجعتنا لأيام الحفلات والسهر.


و دي في حد ذاتها موضوع


الحفلات و السهر في الحيشان في بري كان عندها طعم و مذاق خاص

يا محمد ما تفتينا و تحكي لينا شوية
Post: #864
Title: Re: بـُــري
Author: محمد الشيخ أرباب
Date: 01-12-2010, 10:53 AM
Parent: #862

Quote:

في واحد كان بيعزف جيتار إسمو (أسامة هاشم)، مع إنو الناس كان بينادوهو (أسامة النقر)، لأنو النقر (عبدالرازق النقر) عليه رحمة الله جدو لأمه.


يا محمد

اسامة النقر قبل ما اسافر السعودية قال لي انو سوف يستقر في بريطانيا " هو عندو جواز بريطاني" اعتقد انو الان في بريطانيا.

تحياتي
Post: #865
Title: Re: بـُــري
Author: حيدر امين
Date: 01-12-2010, 02:56 PM
Parent: #864

Quote: ليه يا حيدر
صوتى مزعج ول شنو؟
شطب الاغنية ساهل بس بعدما يسمعها محمد ابو العزائم
بس انت قول
تحيلتى


ياخى ما كده بس قلنا بعدما بقيتو بتعرفوا بعض نزح منكم نحنا

وبعدين الاغنية ما ظاهرة عندى
Post: #866
Title: Re: بـُــري
Author: محمد النيل
Date: 01-13-2010, 00:03 AM
Parent: #865

Quote: الحفلات و السهر في الحيشان في بري كان عندها طعم و مذاق خاص

مشكلتى الكبير فى الاسماء
بالرغم من انو ذاكرتى فالاحداث قوية جدا حتى الاحداث العادية منذ الطفولة بتذكرا
بداياتنا فى الغناء الخاص كانت فى حيشان برى
ومتذكر منها العديد
نفسى احكى عنها لكن بصتدم بنسيان الاسماء اللى بتغيب عنى اكثر من ثلاثة سنوات
ح ارجع للاخ احمد الجيلانى التلب
وهو فى السعودية وكان رفيق الدرب فى تلك الحفلات وحفلات المناسبات
ويعمل لى رفرشمنت للاسماء قبل اشارك فى موضوع حفلات حيشان برى
وطبعا الاخ محمد ابو العزايم حصلنا فى النهايات قبل سفرى
وبتذكر من العازفين اللى كانوا معانا
احمد التلب
ابو العزائم
الحاج (ديم كوريا
عبد العظيم احمد (الحلبى)
طارق شلن
محمود (ايقاع)
حاج حضرة
عمر حضرة
وقريبهما أسامة (كمان)
وعاصم كمنجة
وآخرين لا اذكرهم الان
وكان فى واحد بيعزف جيتار نورمال
كان يأتى معك يا اخ محمد
ساكن فى حلتكم
وافتكر كان بيقرأ فى اوربا الشرقية
هل هو دا النقر الانت بتقصدو؟
الاسم شوية رايح على
وبرفاتنا بعد مرات كنا بمنشى مع حضرة لمنزل المرحوم مصطفى سيد احمد
وذكيات كثيرة
بس بعد مراجعة الاسماء مع التلب
Post: #867
Title: Re: بـُــري
Author: حيدر امين
Date: 01-13-2010, 10:39 AM
Parent: #866

Quote: وقريبهما أسامة (كمان)


اوعك بتقصد اسامه امين عبداللطيف

شوف كيف بالله .... ده قريب محمد ابوالعزائم و صديق المرحوم حضره
Post: #868
Title: Re: بـُــري
Author: محمد النيل
Date: 01-13-2010, 01:28 PM
Parent: #867

Quote: المرحوم
؟؟؟؟؟؟
Post: #869
Title: Re: بـُــري
Author: محمد أبوالعزائم أبوالريش
Date: 01-13-2010, 01:41 PM
Parent: #868

Quote: اوعك بتقصد اسامه امين عبداللطيف

شوف كيف بالله .... ده قريب محمد ابوالعزائم و صديق المرحوم حضره


دقيقة يا حيدر .....

أسامة أمين متين بقى يعزف كمنجة ياخ. ... لأ المقصود أسامة تاني،
ويا النيل (المرحوم) حضرة هو الفاتح الحاج حضرة، وإنت بتعرف أخوانو: عبدالرحمن (أكورديون) وكان بيعزف مع مصطفى سيد أحمد، ويوسف حضرة، كان وقتها بيغني، ما عارفه خلى الشغلة دي والاّ لسة.

ويا النيل ... عازف الجيتار المقصود فعلاً هو أسامة النقر (كان بيدرس في الإتحاد السوفيتي) .. ومرة واحدة أو مرتين جاء معاهو يوسف علي مكاوي (في حفلة وداعك) وعزف معانا برضو جيتار.
Post: #870
Title: Re: بـُــري
Author: محمد النيل
Date: 01-13-2010, 01:41 PM
Parent: #868

الظاهر عليها دى ح تكون ذكريات محزنة
انا اتفجأت بالمرحوم مامون منصور
(وحضرة) منو فيهم؟
انا احسن حاجة اعمل Update مع اولاد التلب وارجع ليكم تانى عشان ما اتلوم معاكم ساكت
الفترة طالت خالص
Post: #871
Title: Re: بـُــري
Author: محمد أبوالعزائم أبوالريش
Date: 01-13-2010, 01:47 PM
Parent: #870


يا جماعة إعلان صغير:
دخلت واحد من البوستات، ولقيت مداخلات بإسمي ما عملتها أنا (إتهكّرت يعني).

أول شئ مسحت المداخلات، وغيرت الباسوورد. بعدين عملت البوست ده: هذه الماخلات ليست مني ... وهي لا تعبّر عنّي.

ما عارف إذا كان في مداخلات تانية أو بوستات إتعملت بإسمي ... عشان كدة يا ريت البيعتر في بوست/ مداخلة ما راكبة عدلها يديني خبر.
Post: #872
Title: Re: بـُــري
Author: محمد النيل
Date: 01-13-2010, 01:48 PM
Parent: #870

شكرا للتوضيح اخ محمد

سأعود بإذن الله
Post: #873
Title: Re: بـُــري
Author: محمد النيل
Date: 01-13-2010, 01:55 PM
Parent: #872

يازول كفارة
والله التهكير دا مشكلة كبيرة
سنقوم بالبحث
ضع اسمك فى فتحة البحث
تلقى اى حاجة اكتبت باسمك فى هذا الربع
Post: #874
Title: Re: بـُــري
Author: حيدر امين
Date: 01-13-2010, 04:10 PM
Parent: #872

Quote: أسامة أمين متين بقى يعزف كمنجة ياخ. ... لأ المقصود أسامة تاني،


ياخى العتب على النظر

قريتها اسامه كمان ولمن لقيت حضره قلت بس ياهو زولنا
Post: #875
Title: Re: بـُــري
Author: محمد أبوالعزائم أبوالريش
Date: 01-13-2010, 07:28 PM
Parent: #874

Quote: احمد التلب
ابو العزائم
الحاج (ديم كوريا
عبد العظيم احمد (الحلبى)
طارق شلن
محمود (ايقاع)
حاج حضرة
عمر حضرة
وقريبهما أسامة (كمان)
وعاصم كمنجة


أحاول أتذكر معاك بعض الأسماء:
مجدي (أكورديون)
صابر (كمنجة)
عُمر (ترامبيت)
عُمر المجوبك (بيز جيتار)

بعد كده إلاّ نتذكّر (البعامات)
Post: #876
Title: Re: بـُــري
Author: Abdelrahim Elamin
Date: 01-13-2010, 08:43 PM
Parent: #875

Quote: المرحوم مامون منصور


انا لله وانا اليه راجعون
رحم الله مامون منصور واحسن اليه
صاحب البسمة التي لا تغيب.
Post: #877
Title: Re: بـُــري
Author: نجاة محمد بابكر
Date: 01-13-2010, 08:52 PM
Parent: #875

حسع نحنا نخلى البوست دا للمحمدين اجترو الذكريات مع بعض ونعمل لينا بوست تانى ولا شنو

حيدر مسنجرك دا ورينى سكتو بوين
Post: #878
Title: Re: بـُــري
Author: نجاة محمد بابكر
Date: 01-14-2010, 09:26 AM
Parent: #877

ووووووووووووووووووين نمتو ولاشنو
Post: #879
Title: Re: بـُــري
Author: محمد النيل
Date: 01-14-2010, 01:35 PM
Parent: #878

Quote: ووووووووووووووووووين نمتو ولاشنو
ههههههها
يا نجاة يعنى ما فتحتوا بوست واحد تانى؟
نحنا غايتو يا داب صحينا بى جاى






يا محمد
مجدى اكورديون
انا ماعارف نسيت اذكرو كيف
متين انت شقتو اخر مرة
يا سلام
زول اخلاقه عالية
هادى الطباع
فى طريقة الواحد يتصل بيه؟
Post: #880
Title: Re: بـُــري
Author: نجاة محمد بابكر
Date: 01-14-2010, 02:39 PM
Parent: #879

Quote: يا نجاة يعنى ما فتحتوا بوست واحد تانى؟
نحنا غايتو يا داب صحينا بى جاى


مابنقدر نفوتكم
Post: #881
Title: Re: بـُــري
Author: محمد النيل
Date: 01-14-2010, 02:50 PM
Parent: #880

Quote: صاحب البسمة التي لا تغيب.

أى نعم والله
والحيوية والحياة
دنيا مافيها فايدة
الله يرحمه
وموتى الجميع
Post: #882
Title: Re: بـُــري
Author: محمد أبوالعزائم أبوالريش
Date: 01-14-2010, 08:02 PM
Parent: #881


والله يا النيل مجدي ده (مجدي عبدالله مرحوم) من دون الباقيين كنت على صلة بيهو فترة طويلة، وكل ما أمشي إجازة لازم ألاقيهو، بس السنين الأخيرة ما كنت بلقاهو.
Post: #883
Title: Re: بـُــري
Author: محمد النيل
Date: 01-14-2010, 09:10 PM
Parent: #882

Quote: مجدي عبدالله مرحوم
انا والله كلمة مرحوم دى بقت تخلعنى
الحمد لله دا اسم جده
لو كنت عملت عليها الف و لام بالغلط
كنت ح ازوغ من البوست بتاعكم دا
لكن الحمد لله
الله يطول اعماركم
يا اهل ارقى ناس فى الخرتوم عموم
Post: #884
Title: Re: بـُــري
Author: محمد النيل
Date: 01-15-2010, 08:16 AM
Parent: #883

كما قلت لكم حارجع ليكم بعدما اعمل لمعلومات وتجديد الاسماء فى الذاكرة
وكبدايات لاسترجاع الذاكرة
وحقيقة هناك الناس القدامى الذين يعرفون اصول برى وخاصة منها المحس
كان يا اخ محمد كما تعلم علاقة الصداقة التى تربطنى بالاخ احمد التلب قوية منها الفنية والاجتماعية وذلك من منطلق صداقة الحى.
احمد فى حد ذاته كان مسطح ولا يعرف الكثير عن برى
ولكن كنز المعلومات كان جدته وصديقتى فى نفس الوقت كلتومة لها الرحمة كنت استمتع لحكاويها عن ماضى برى
وكانت ذو ثقافة فطرية عالية
تعرف الكثير عن كل شيئ
تتحدث عن العلاقات والروابط الاجتماعية
كان تعرف كلمات شعر الماضى
تحدثك عن اشعار الفخر والشاجعة والغناء التراثى
يعنى كشكول تراثى
وعرفت ان لها صلة قرابة قوية باسرتكم الكريمة
كلتوم بت بابكر ابو الريش
ابو العزائم بابكر ابو الريش
وبقية العقد الفريد
..........

وقد تحدث الاخ محمد الشيخ ارباب
عن المرحوم مامون منصور
وانه حقيقة قد اعطانى قصيدة البرارى
والتى قمت بتلحينها واداءها
واصبحت من اعمالى الخاصة
فعرفت انهما ابناء عمومة
محمد الشيخ محمد الارباب
مامون منصور محمد االارباب
له الرحمة ولكم حسن العزاء.
والاصول التاريخية المجيدة
الاخوان
الشيخ الارباب
الشيخ حمد
الشيخ خوجلى

العيلفون
حلة حمد
توتى



وبرى الشامخة
ونواصل
Post: #885
Title: Re: بـُــري
Author: Abdelrahim Elamin
Date: 01-16-2010, 04:58 PM
Parent: #884

meschool.jpg Hosting at Sudaneseonline.com

وجدت هذه الصور في واحد من البوماتي القديمة
والتحية لهذا الجمع الكريم واتمني ان يكونوا
في خير وعافية.
واين هم الان؟؟

الزمان: بداية الثمانينات من القرن الماضي
المكان: مدرسة بري المتوسطة بنين (الاميرية)

من اليمين وقوفا
1. عبدالحليم النور
2. النور موسي
3. محمد صديق عبداللطيف (ابن عم حيدر امين)
4. عادل نورالدين
5. محمد مصطفي عطية
6. عبدالرحيم الامين (العبد لله)
7. وليد محمد مصطفي
8. محمد محمود ازرق

من اليمين جلوسا
1. وليد عباس مضوي
2. معتز التوم
3. احمد عبدالمنعم
Post: #886
Title: Re: بـُــري
Author: نجاة محمد بابكر
Date: 01-16-2010, 07:19 PM
Parent: #885

انتو حيدر امين وماضى مشو وين
لابدين ياربى تكون الذكريات دى مانافعة معاهم ولا كيف
Post: #887
Title: Re: بـُــري
Author: إبراهيم عبد الحليم
Date: 01-16-2010, 08:44 PM
Parent: #886

يا ستى انا رجعت المانيا يوم وفاة فوزية جبر الله يرحمهااخت المرحوم عبدالوهاب جبر برى الدرايسة بعدين خليك من الاتوس شوفى هنا كمية المعجبين بيك وكمان غنو ليك حمادة بابو جنب بابنا وبوظ اعصابنا

ادخلى هنا
بمنزلى غنى ناذر الخليفة امام مدنى النخلى فاطرب ياسر م...وب وغاندى السيد- صور


إبراهيم عبد الحليم
Post: #888
Title: Re: بـُــري
Author: محمد النيل
Date: 01-16-2010, 09:08 PM
Parent: #887

Quote: لابدين ياربى تكون الذكريات دى مانافعة معاهم ولا كيف
ويا لها من ذكرايات رائعات يا نجاة
وكم هى مثيرة للفخر والعراقة
حيث برى هى الخرطوم الحقيقية
القادمة من حضارة النوبة العريقة
Post: #889
Title: Re: بـُــري
Author: ماضي ابو العزائم
Date: 01-17-2010, 05:38 AM
Parent: #888

نجاة سلام
Quote: انتو حيدر امين وماضى مشو وين


قلنا ندى الناس ديل فرصة لازالة غبار السنين
بعدين الجيل الاقدم (ناس أنا و حيدر و نجاة) بنجى بعدين
Post: #890
Title: Re: بـُــري
Author: ماضي ابو العزائم
Date: 01-17-2010, 05:42 AM
Parent: #889

يا نجاة لسة ما كلكلتى نصر الدين عبدالله الفكى
فى إنتظارك
Post: #891
Title: Re: بـُــري
Author: محمد أبوالعزائم أبوالريش
Date: 01-17-2010, 07:31 AM
Parent: #890


الحتة دي فاتت عليك يا ماضي:
Quote: ولكن كنز المعلومات كان جدته وصديقتى فى نفس الوقت كلتومة لها الرحمة كنت استمتع لحكاويها عن ماضى برى


فعلاً الحاجّة (كلتوم بت ونّي) رحمها الله كانت مرجع حقيقي، تحفظ أصول الأسر والأنساب، وكانت لي جلسات معاها في بيت ناس أحمد (الجيلاني التلب) في امتداد ناصر، ويجي أحمد وأخوانو يلقوني قاعد معاها في (بنبر)، يستغربوا ويقولوا لي إنت كلام حبوبة ده البيعجبك فيهو شنو؟

حقيقة عرفت منها حاجات كتيرة رحمة الله عليها.
Post: #892
Title: Re: بـُــري
Author: نجاة محمد بابكر
Date: 01-22-2010, 08:13 PM
Parent: #891

اصحا يابريش
Post: #893
Title: Re: بـُــري
Author: حيدر امين
Date: 01-26-2010, 11:49 PM
Parent: #892

فوق
Post: #894
Title: Re: بـُــري
Author: محمد النيل
Date: 01-27-2010, 06:06 AM
Parent: #893

ونعود لذكريات الفن قليلا اخ محمد
واذكرك باللغة الخاصة التى كان يستعملها العازفون والبعامات (شلة اصحاب الفرقة الغير عازفين التابعين للفنان والفرقة)
وهى لغة متجددة ينجرها العازفون من باب درء الحرج.
مثلا ولأن اهل المناسبة غرباء عنهم لا يستطيعون طلب العشاء إستحياء فيوجهون كلامهم للفنان: ياخى عاشَّة الفلاتية كيف؟
يعنى حرَّك لينا الشخص اللى ربطك يجيب لينا العشاء
وهناك ايضا عندما يخرم احدهم للتمباك واستحياء من الجكس فيستعمل الخرمان كلمة صفاء ابو السعود بدلا من سفة صاعوط وهكذا
وعندما تتداول هذه الشفرات بين عامة الناس يضطر المؤلفون مثل عبد العظيم الحلبى (إيقاع) بمد القاموس بكلمة جديدة لزيادة التكتُّم.
وكان يسمى عبد العظيم هذه اللغة (باللوغريثمات) كناية عن اللغة.
هل تذكر اخ محمد
لا اذكر ان كنت انت من متعاطى صفاء ابو السعود ام لا
ولا اظنك
تحياتى
ساتغيب عنكم الفترة القادمة واشارككم بصفة متقطعة الى حين
Post: #895
Title: Re: بـُــري
Author: نجاة محمد بابكر
Date: 02-08-2010, 01:09 PM
Parent: #894

وييييييييييييييين الحلوين ووين راحو
Post: #896
Title: Re: بـُــري
Author: محمد النيل
Date: 02-08-2010, 05:32 PM
Parent: #895

شكرا ليك يا نجاة ياهميمة
اعمامك وخلانك ديل حركيهم شوية
شايف البوست نايم وآخر شخير
انا اخر واحد كتبت
ومحمد ابو العزائم شكلو نايم
يلا يا ناس برى اتحركوا شوية حبتين
تحياتى
Post: #897
Title: Re: بـُــري
Author: حيدر امين
Date: 02-09-2010, 03:32 PM
Parent: #896

الناس دى مما رجعت من الاجازة نايمه ولا شنو
Post: #898
Title: Re: بـُــري
Author: محمد النيل
Date: 02-09-2010, 05:26 PM
Parent: #897

يا حيدر امين
صح النوووووم
وينك؟
ياخى البوست دا اتهجر
لقيت نفسى بتكلم براى
خفت مشيت
لحدما نجاة
جات
عملت شوية حركة ما بطالة
تحياتنا
Post: #899
Title: Re: بـُــري
Author: اساسي
Date: 02-09-2010, 05:40 PM
Parent: #898

مدرسة بري الابتدائية بنين عام 1980 حتي 1986 , الاستاذ محمد احمد حميدة في احدى المرات وانا في الصف الخامس انتبهت الي نفسي وانا اخاطبه ( ابوي) لما كان من هذا الاستاذ الفاضل في نفوسنا بالله اخباره شنو استاذ حميدة دا , الاستاذ جمال موسى شقيق عضو البورد المحامي احمد موسى عمر , الاستاذ عباس الناظر عبد الرحمن , وبعض المدرسات اذكر منهم عواطف ومريم
مدرسة بري الاميرية , عام 1986 حتي 1989 الاساتذة , علي ( اسكوير) كمال الدقنة , خيري , امير, علي ( بنقوية) , معاوية , عبد الرحمن ( قردو) , فيصل ( استيف) وغيرهم
Post: #900
Title: Re: بـُــري
Author: محمد النيل
Date: 02-10-2010, 03:56 AM
Parent: #899

يامحمد ابو العزائم
ما عارفك مشيت وين
لكن نزلت عبد المنعم حسيب هنا
لاجترار بعض الزكريات
Post: #901
Title: Re: بـُــري
Author: خالد العبيد
Date: 02-10-2010, 04:21 AM
Parent: #900

Quote: واحد كان بيعزف جيتار إسمو (أسامة هاشم)، مع إنو الناس كان بينادوهو (أسامة النقر)، لأنو النقر (عبدالرازق النقر) عليه رحمة الله جدو لأمه.

صديقي اسامة مقيم الآن ببريطانيا
ومن يود ان يواصله يرفع ايدو
نديه التلفون في الماسنجر
Post: #902
Title: Re: بـُــري
Author: محمد النيل
Date: 02-10-2010, 04:39 AM
Parent: #901

خالد العبيد
تحياتنا
وشكرا لللفتة البارعة
فى انتظار الرقم
Post: #903
Title: Re: بـُــري
Author: ماضي ابو العزائم
Date: 02-10-2010, 11:35 PM
Parent: #902

يا حيدر و أبو الريش كدى أشرحوا للناس الصورة دى
وصلتنى من هدى محمد ابراهيم (الباش كاتب)



فى إستقبال وفد إتحاد العمال العالمى الزائر للخرطوم سنة 1958
من اليمين:
عزه عوض حسين، نايله محمد إبراهيم، عفاف السيد الطاهر، هدى محمد إبراهيم، منى حسين حسن
الصف الثاني
على محمد إبراهيم المحامى، الشفيع أحمد الشيخ نقيب عمال السودان، الفنان حسن عطيه، امال إباهيم الطاهر
Post: #904
Title: Re: بـُــري
Author: ماضي ابو العزائم
Date: 02-10-2010, 11:52 PM
Parent: #903

Quote: انتو حيدر امين وماضى مشو وين
لابدين ياربى تكون الذكريات دى مانافعة معاهم ولا كيف


أها يا نجاة جبنا ليك ال..... القدر عشاك

( كلكلتى خالك نصر الدين ولا لسة ؟؟)
Post: #905
Title: Re: بـُــري
Author: ناصر احمد الامين
Date: 02-11-2010, 00:09 AM
Parent: #904

يا نجاة

Quote: كلكلتى خالك نصر الدين ولا لسة ؟؟)
Post: #906
Title: Re: بـُــري
Author: حيدر امين
Date: 02-12-2010, 10:04 AM
Parent: #905

Quote
Quote: : كلكلتى خالك نصر الدين ولا لسة ؟؟)



ناصر ,,, عشان تطلع كل العندو من ذكريات عن برى ياناصر
Post: #907
Title: Re: بـُــري
Author: حيدر امين
Date: 02-12-2010, 10:10 AM
Parent: #906

Quote: مدرسة بري الابتدائية بنين عام 1980 حتي 1986 , الاستاذ محمد احمد حميدة في احدى المرات وانا في الصف الخامس انتبهت الي نفسي وانا اخاطبه ( ابوي) لما كان من هذا الاستاذ الفاضل في نفوسنا بالله اخباره شنو استاذ حميدة دا , الاستاذ جمال موسى شقيق عضو البورد المحامي احمد موسى عمر , الاستاذ عباس الناظر عبد الرحمن , وبعض المدرسات اذكر منهم عواطف ومريم
مدرسة بري الاميرية , عام 1986 حتي 1989 الاساتذة , علي ( اسكوير) كمال الدقنة , خيري , امير, علي ( بنقوية) , معاوية , عبد الرحمن ( قردو) , فيصل ( استيف) وغيرهم


1980 لا والله
Post: #908
Title: Re: بـُــري
Author: حيدر امين
Date: 02-12-2010, 07:26 PM
Parent: #907



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #909
Title: Re: بـُــري
Author: حيدر امين
Date: 02-16-2010, 08:03 PM
Parent: #908

up
Post: #910
Title: Re: بـُــري
Author: ماضي ابو العزائم
Date: 02-19-2010, 02:44 AM
Parent: #909

20345_303162788164_520038164_3493398_5404205_n.jpg Hosting at Sudaneseonline.com


دى كيف يا حيدر
Post: #911
Title: Re: بـُــري
Author: خالد العبيد
Date: 02-19-2010, 04:50 AM
Parent: #910

لاااحوله يا ماضي
السايق البص ده بيكون حيدر
اللابسه توب احمر دي نجاة !!!

الصورة مالك مارقه
Post: #912
Title: Re: بـُــري
Author: حيدر امين
Date: 02-19-2010, 07:18 AM
Parent: #911

ود العبيد بالله قول آخر مره جيت بالشوارع دى متين


1



022.JPG Hosting at Sudaneseonline.com



2


025.JPG Hosting at Sudaneseonline.com
Post: #913
Title: Re: بـُــري
Author: حيدر امين
Date: 02-19-2010, 08:37 AM
Parent: #912

من هم ,,,, أسماء فى حياتنا



sudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudan.jpg Hosting at Sudaneseonline.com
Post: #914
Title: Re: بـُــري
Author: حيدر امين
Date: 02-19-2010, 08:42 AM
Parent: #913

Picture001.jpg Hosting at Sudaneseonline.com



Picture38.jpg Hosting at Sudaneseonline.com



Picture39.jpg Hosting at Sudaneseonline.com


Picture40.jpg Hosting at Sudaneseonline.com
Post: #915
Title: Re: بـُــري
Author: حيدر امين
Date: 02-19-2010, 08:45 AM
Parent: #914

Picture41.jpg Hosting at Sudaneseonline.com



Picture43.jpg Hosting at Sudaneseonline.com


Picture44.jpg Hosting at Sudaneseonline.com


Picture45.jpg Hosting at Sudaneseonline.com
Post: #916
Title: Re: بـُــري
Author: خالد العبيد
Date: 02-19-2010, 09:16 AM
Parent: #915

HI Mr Haydar
i think that Mr Albager Altegany used to teach me
in Borry Alameraiah
Is this teacher the same player


three months ago i was walking on the road and he changed a lot
Post: #917
Title: Re: بـُــري
Author: حيدر امين
Date: 02-19-2010, 11:21 AM
Parent: #916

Quote: HI Mr Haydar


ياهو زاتو ,,,, مالو يا خوى لسانك اتعوج ولا الكى بورد ضربتو ملاريا
Post: #918
Title: Re: بـُــري
Author: Amin Mahmoud Zorba
Date: 02-19-2010, 02:39 PM
Parent: #917


الاعزاء اهل بري
سلام ومحبة

العزاء لكم في هذه الوفيات الكثيفة في الفترة الماضية


اعجبني هذا البوست بشكل كبير
وكنت اتمنى أن أكون مشاركاً فيه بشكل كبير
وقد تابعته في الاسبوع الماضي بشكل متواصل
وابحرت في حروفكم جميعاً وقد اخذ مني ذلك أكثر من ثمانية ايام غير متواصلة
وبالصدفة وجدت في مكتبتي كتاب عن الاسكان يتحدث عن بري ابو حشيش وفيه وصف دقيق لتضاريس بري في نهاية الاربعينات
وبما ان زمني صعب جداً ولا يمنحني الوقت الكافي للمساهمة معكم في نقل تفاصيل ذلك الكتاب هنا
سوف اقدم ذلك الكتاب للزميل خالد العبيد كي يقوم هو بتقديمه هنا
واعتقد أن الكتاب وثيقة مهمة جداً في دعم هذا البوست

طلب لناس بري في الخرطوم
احتاج تلفون د/ محمد المهدي بشرى
وياريت عبر الماسنجر الداخلي
Post: #919
Title: Re: بـُــري
Author: إبراهيم عبد الحليم
Date: 02-19-2010, 02:49 PM
Parent: #918

نعم اخى خالد انه فعلا ابن عمتى الباقر التجانى وهو يسكن الان بالطائف بعد رجوعه من الامارات التى عمل بها استاذ منتدب. للاسف الشديد الم به مرض العصر السكرى
حيتك من قبل فى بوست سابق ولكن يبدو ما عرفتنى؟

إبراهيم عبد الحليم
Post: #920
Title: Re: بـُــري
Author: حيدر امين
Date: 02-19-2010, 04:28 PM
Parent: #918

Picture012.jpg Hosting at Sudaneseonline.com


Picture013.jpg Hosting at Sudaneseonline.com



Picture47.jpg Hosting at Sudaneseonline.com



Picture015.jpg Hosting at Sudaneseonline.com
Post: #921
Title: Re: بـُــري
Author: حيدر امين
Date: 02-19-2010, 04:43 PM
Parent: #920

Picture016.jpg Hosting at Sudaneseonline.com



Picture017.jpg Hosting at Sudaneseonline.com



Picture48.jpg Hosting at Sudaneseonline.com



Picture019.jpg Hosting at Sudaneseonline.com


Picture49.jpg Hosting at Sudaneseonline.com
Post: #922
Title: Re: بـُــري
Author: حيدر امين
Date: 02-19-2010, 04:51 PM
Parent: #921

Picture075.jpg Hosting at Sudaneseonline.com



Picture051.jpg Hosting at Sudaneseonline.com
Post: #923
Title: Re: بـُــري
Author: حيدر امين
Date: 02-19-2010, 04:57 PM
Parent: #922

sudansudansudansudansudansudansudansudansudan67.jpg Hosting at Sudaneseonline.com



sudansudansudansudansudan-sudansudansudansudansudan.jpg Hosting at Sudaneseonline.com


sudansudansudansudansudansudansudan60.jpg Hosting at Sudaneseonline.com
Post: #924
Title: Re: بـُــري
Author: حيدر امين
Date: 02-19-2010, 04:57 PM
Parent: #922

duplication
Post: #925
Title: Re: بـُــري
Author: محمد النيل
Date: 02-21-2010, 06:23 AM
Parent: #924

يا ناس برى ياحلوين
اسعدنى حقا رؤية صورة جارى سابقا
العزيز قريب الله عمر على
اول مرة اراه وهو فى صورة شاب رياضى
يااااااااااه
Post: #926
Title: Re: بـُــري
Author: خالد العبيد
Date: 02-21-2010, 07:05 AM
Parent: #925

سلام يا حيدر
وتحياتي
حقيقة صور تاريخية ولا تقيم بثمن
بالله شوف الناس دي جميلة ودمها رايق كيف
بالقطع ليس من الكاميرا ابدا ولا من المصور
بل من الشماعة .. والسمح سمح زي ما بيقولوا اهلنا
وبالمناسبة هل جاء ذكر استديو الهادي في هذا البوست
اليس اسمه استديو الهادي ؟
واعتقد انه في بري الدرايسة لو لم تخني الذاكرة
وهل هنالك استديوهات اخرى في البراري
ومن اصحابها؟ واين هم الان ؟
Post: #927
Title: Re: بـُــري
Author: عبد الرحيم محمد عبد الرحيم
Date: 02-21-2010, 11:22 AM
Parent: #926

فوق
Post: #928
Title: Re: بـُــري
Author: حيدر امين
Date: 02-21-2010, 01:01 PM
Parent: #927

Quote: وبالمناسبة هل جاء ذكر استديو الهادي في هذا البوست
اليس اسمه استديو الهادي ؟


نعم أستوديو الهادى ابوالناس فى كوريا وياما اتصورنا هناك
الهادى رجل فنان وعازف كمنجه مشهور ودائما ما يعزف مع صديقه ابن البادية

واستديو بابا فى برى الدرايسة
Post: #929
Title: Re: بـُــري
Author: عبد الرحمن حمد النيل
Date: 02-21-2010, 11:01 PM
Parent: #928

Quote: من الاخ عبدالعزيز صديق عبدالرحمن و عبر الإميل
وصلتنى الرسالة الآتية :-

Quote: ألاخ العزيز ماضى



السلام عليكم و كل عام و انت بخير فبل الزحمة



اكتب لك لاول مرة و غالبا انت لا تعرفنى رغم انى برابى أصيل و مؤصل نبتت جذورى فى ( اللامام) كما كان ينطقها ناس المحس و لكن فروعى ممتدة للدرايسة و المحس وحتى امتداد ناصر



أكتب لك لاننى حاولت الدخول للبوست للتفاعل والتغليق و التحية حيث انى اعتبر نفسى ملم بالكثير من جوانب المواضيع التى وردت فى البوست و أكون ممتنا لو ساعدتتى فى الدخول.



للتعريف أنا عبدالعزيز صديق عبدالرحمن و اسمك سمعت بيه كثير خاصة أيام الدراسةلانك تقريبا دفعتنا و انا كنت الاجازات بقضيها فى المحس فى منزل خالنا حاج المشرف خليفة.

و ان شاء الله أديك تفاصيل اكثر لما أقدر أدخل و لو عايز تثنبة ممكن تتأكد من حيدر أمين زميل الغربة السابق فى الرياض أو الاخوين عادل و عبد الرحمن حمدالنيل وهما ابنى عمتى و عندك اخينا الاصغر محمد الشيخ . أظن كده كفاية



لك اخى تحياتى مرة أخرى و فى انتظار ردّك




مرحب بيك عبدالعزيز و فى إنتظار مساهماتك


الاخ ماضي اكون سعيد لو مديتني باميل اخي وابن خالي الاستاذ عبدالعزيز صديق عبدالرحمن
Post: #930
Title: Re: بـُــري
Author: عبد الرحمن حمد النيل
Date: 02-21-2010, 11:14 PM
Parent: #929

Quote: عبدالعزيز صديق - يرى اللاماب - الرياض - البنك السعودى الهولندى

كيفك ياخى ووين اراضيك لسع فى الرياض ولا إتيقنتا ورجعتا

خليك مواصل معنا فى البوست وطلع العندك

رسل الايميل بتاعك الى

[email protected]

وبتشوف المهندس بكرى


حيدر سلامات لو كان عندك اميل عبدالعزيز صديق رسله لي في [email protected]
(بالمناسبة رقمك0913768563 ماجمع معاي نهائي في السودان)
Post: #931
Title: Re: بـُــري
Author: عبد الرحمن حمد النيل
Date: 02-21-2010, 11:21 PM
Parent: #930

CIMG0371000000000.JPG Hosting at Sudaneseonline.com


صورة لجامع بري المحس
Post: #932
Title: Re: بـُــري
Author: عبد الرحمن حمد النيل
Date: 02-21-2010, 11:29 PM
Parent: #931

CIMG03812222222222.JPG Hosting at Sudaneseonline.com



نادي بري المحس الثقافي
Post: #933
Title: Re: بـُــري
Author: ماضي ابو العزائم
Date: 02-21-2010, 11:57 PM
Parent: #932

للاسف يا عبدالرحمن العنوان الفيهو الرسالة
اتهكر و ضاعت كل العناوين الفيهو آمل أن
إساعدك حيدر أو أن يكون متابع البوست
Post: #934
Title: Re: بـُــري
Author: عبد الرحمن حمد النيل
Date: 02-22-2010, 00:15 AM
Parent: #933

Quote: للاسف يا عبدالرحمن العنوان الفيهو الرسالة
اتهكر و ضاعت كل العناوين الفيهو آمل أن
إساعدك حيدر أو أن يكون متابع البوست


شكرا ياماضي علي الرد السريع وامل انه يكون متابع البوست
او نلقاهو عند حيدر....

الانتخابات علي الابواب معلوماتي من بري اللاماب ترشح الاستاذعصام العمدة
ممثلا للحزب الاتحادي والاستاذمحمد صديق مستقل
لو في معلومات عن باقي المرشحين نزلوها لينا عشان نكون متايعين

CIMG03843333.JPG Hosting at Sudaneseonline.com


اهداء للاخ ماضي الشارع ماغريب عليك صاح
Post: #935
Title: Re: بـُــري
Author: نجاة محمد بابكر
Date: 02-23-2010, 09:05 AM
Parent: #934

Quote: السايق البص ده بيكون حيدر
اللابسه توب احمر دي نجاة !!!


اقول ليك حاجة الباص دا كان الترحيل بتاعنا للجامعة وياما ركبناهو وياحليلو وحليل ايامو
كانت اجمل الايام
وعلى فكرة لحدى قريب دا الباص دا موجود
Post: #936
Title: Re: بـُــري
Author: محمد أبوالعزائم أبوالريش
Date: 02-23-2010, 01:42 PM
Parent: #935

Quote: اهداء للاخ ماضي الشارع ماغريب عليك صاح


يا زول (غريب الشيطان) ...... إنت دخلت البيت عديل كده.

يديك العافية
Post: #937
Title: Re: بـُــري
Author: ماضي ابو العزائم
Date: 02-23-2010, 02:29 PM
Parent: #936

Quote: اهداء للاخ ماضي الشارع ماغريب عليك صاح


أبو جلابية ده ما كمال ابوالعزائم ؟؟؟؟
Post: #938
Title: Re: بـُــري
Author: عبد الرحمن حمد النيل
Date: 02-23-2010, 05:38 PM
Parent: #937

Quote: يا زول (غريب الشيطان) ...... إنت دخلت البيت عديل كده.

يديك العافية


لولا ضيق الوقت لدخلت والله نحن ناس اهل ياخوي
الصورة قبل ميعاد السفر
بحوالي 6 ساعات..

aaaaaaaaaaaaaaaaaaaaaaaaaaaa.JPG Hosting at Sudaneseonline.com
Post: #940
Title: Re: بـُــري
Author: حيدر امين
Date: 03-01-2010, 10:54 AM
Parent: #938

الاخ عبدالرحمن

صور فى غاية الروعه

عبدالعزيز كتبت ليه الايميل بس مارسل وما عارف هو فى الرياض ولا رجع

لو عندك معلومه جيبها وانا بحاول اشوف طريقة اتصال وانشاء الله هو متابع البوست معانا
Post: #941
Title: Re: بـُــري
Author: عبد الرحمن حمد النيل
Date: 03-01-2010, 04:20 PM
Parent: #940

Quote: الاخ عبدالرحمن

صور فى غاية الروعه

عبدالعزيز كتبت ليه الايميل بس مارسل وما عارف هو فى الرياض ولا رجع

لو عندك معلومه جيبها وانا بحاول اشوف طريقة اتصال وانشاء الله هو متابع البوست معانا

الله يخليك ياحيدر
عبدالعزيز استقر في السودان من حوالي 5 سنوات واعتقد انه متابع
وممكن تقابله هنا ومعاه صديق يوسف في منتدي بري اللاماب
الموقع جديد يعني حوالي اسبوعين وكنا في امس الحوجة لمجهودات عبدالعزيز
فنرجو ان تتكرمو بزيارتنا..

http://vb.buriallamab.net

CIMG0383asss.JPG Hosting at Sudaneseonline.com

ومازلنا في بري المحس
Post: #942
Title: Re: بـُــري
Author: ماضي ابو العزائم
Date: 03-08-2010, 09:41 AM
Parent: #941

ياخوى الة شوية تعريف فقد تشابه علينا البقر
Post: #943
Title: Re: بـُــري
Author: تاج السر الشيخ ارباب
Date: 03-08-2010, 04:47 PM
Parent: #942

أخـــــــــــــــــــــــيــــرأ وصــلـــت بــــــــــــــري
ويــن ياخوانا حـاج عبداللطيف ومــــــــــاضـــــي !!!!!!

أبـوحــزامي take care I'm around
Post: #944
Title: Re: بـُــري
Author: عبد الرحمن حمد النيل
Date: 03-08-2010, 05:11 PM
Parent: #943

Quote: أخـــــــــــــــــــــــيــــرأ وصــلـــت بــــــــــــــري

حمدالله علي السلامة
والف مرحب بالاخ تاج السر
Post: #946
Title: Re: بـُــري
Author: تاج السر الشيخ ارباب
Date: 03-08-2010, 05:58 PM
Parent: #929

تحــياتــي واشــواقي للاخ عـبدالعــزيــز صـــديــق

زمــن طويل لم نتقابل.
Post: #945
Title: Re: بـُــري
Author: تاج السر الشيخ ارباب
Date: 03-08-2010, 05:48 PM
Parent: #910

الحبيب ماضــي

يعني لازم توروا الناس انكم من زمن حفروا البحر.
انت تجيب لي صورة باص الاهالي من زمن جدي وحيدر يجيب صورة دكان عمك مرحوم.

ارحمونا ياخواناوكفاية

بري تتطورت وبها معالم اروع مما تنشرون.

انشروا الجـديد ,,,



ونتلاقي.
Post: #947
Title: Re: بـُــري
Author: ماضي ابو العزائم
Date: 03-08-2010, 06:07 PM
Parent: #945

Quote: الحبيب ماضــي

يعني لازم توروا الناس انكم من زمن حفروا البحر


محمد معانا ما تغشانا

ود الشيخ الارباب ده طلع من وين؟؟
فاضل صلاح يحيى القسيس و تكتمل السيجة

حبابك التاج ود خالتى
Post: #948
Title: Re: بـُــري
Author: Abdelrahim Elamin
Date: 03-08-2010, 06:15 PM
Parent: #945

أخ تاج السر

سلام.. وألف مبروك الباسوورد

Quote: بري تتطورت وبها معالم اروع مما تنشرون.


البركة فيك يلا ورينا بالصور التطور ومعالم بري الجديدة
لانو طولت من بري !

مع وافر الود
Post: #949
Title: Re: بـُــري
Author: تاج السر الشيخ ارباب
Date: 03-08-2010, 06:44 PM
Parent: #948

تحياتــي لاهــلـنا نـاس بــري الحلويــن والطـيبــين

يـلا خـلونـا نتكـاتـف سـويــا ونـثـري هــذا الـبوسـت الـرائــع.

مـاضــي حبـابــك وكــيف محمــد.

مـسـئول مـن الخــير، ويــن حـاج عــبداللـطــيــــــــــــــــف؟
Post: #950
Title: Re: بـُــري
Author: تاج السر الشيخ ارباب
Date: 03-08-2010, 06:48 PM
Parent: #948

أخـونـا عبـدالرحـيم

الله يبارك فيـك ،

انشـاء الله ، بس أدونـا فرصه نبل الشوق اولا..............

تعبنا من اللعب في خارج خـط الملعب.

ونتـلاقــــى
Post: #952
Title: Re: بـُــري
Author: محمد أبوالعزائم أبوالريش
Date: 03-08-2010, 06:57 PM
Parent: #950

التاج الشيخ شخصياً؟

جيت ناطّي من وين .. لا إحم ولا دستور؟

وبكري أبوبكر ده شكلو يا جنَّ، يا إتهكّر

يا زول أبقى داخل ومرحب بيك .................... بعد طول إنتظار
Post: #954
Title: Re: بـُــري
Author: تاج السر الشيخ ارباب
Date: 03-08-2010, 08:20 PM
Parent: #952

ابوالريش

حبابك ، وانشاء الله دائما نجيكم ناطـين.

خلاص ياخي تعبنا من اللعب خارج خط الملعب.

لكن في مصلحتكم لانو البوست حتكون فيه منافسه.

تحياتي ،،،،،،
Post: #951
Title: Re: بـُــري
Author: تاج السر الشيخ ارباب
Date: 03-08-2010, 06:51 PM
Parent: #908

مــاضــي


ابـوحزامي دة بدأت تعاودة الطفوله تاني ولا شــنو ؟

ايــه الدوشة العاملها دي ( النوم تعال ..................بديك قرشـين .. انت من زمن الطفل البدوهو قرشـين ) ياحليل زمن ودالريــف ،،،


تحياتـــــــــــــــــــــــــــي ،،،،،،،،،،،،،،،،،،،،،،،،،
Post: #953
Title: Re: بـُــري
Author: محمد النيل
Date: 03-08-2010, 07:31 PM
Parent: #951

تحايا عطرة
يا ناس بري
Post: #955
Title: Re: بـُــري
Author: حيدر امين
Date: 03-10-2010, 12:12 PM
Parent: #953

Quote: أخـــــــــــــــــــــــيــــرأ وصــلـــت بــــــــــــــري
ويــن ياخوانا حـاج عبداللطيف ومــــــــــاضـــــي !!!!!!

أبـوحــزامي take care I'm around


ده جانا ناطى من وين
عامل فيها من الجيل الجديد
كان نحنا من زمن حفروا البحر انتو زمن كتشنر بالقطر شق غابة ود النور ولا شنو
Post: #956
Title: Re: بـُــري
Author: تاج السر الشيخ ارباب
Date: 03-11-2010, 04:02 PM
Parent: #955

هـلا وياهـلا بالشباب .......... لكن ياقريبي لو داير اجاملك صورتك مابتشفع ليك.........

كفاكم يااولاد خالاتي اتجدعتوا في البوسـت وما خليتوا فرصه لاي زول ...............

وانا قاعد خارج خط اللاين اتفرج .... العين بصيره واليد قصيرة ...


لكن الحمد لله اخـيرا وصـــلــــنا،،،،،،،،،،

ونتـلاقـــــــــــــــــــــــــى ،،،،،،،،،،،،،،،
Post: #957
Title: Re: بـُــري
Author: تاج السر الشيخ ارباب
Date: 03-11-2010, 04:02 PM
Parent: #955

هـلا وياهـلا بالشباب .......... لكن ياقريبي لو داير اجاملك صورتك مابتشفع ليك.........

كفاكم يااولاد خالاتي اتجدعتوا في البوسـت وما خليتوا فرصه لاي زول ...............

وانا قاعد خارج خط اللاين اتفرج .... العين بصيره واليد قصيرة ...


لكن الحمد لله اخـيرا وصـــلــــنا،،،،،،،،،،

ونتـلاقـــــــــــــــــــــــــى ،،،،،،،،،،،،،،،
Post: #958
Title: Re: بـُــري
Author: تاج السر الشيخ ارباب
Date: 03-11-2010, 09:04 PM
Parent: #957

ابـوحزامي

بالله عليك شيل (النوناي ) بتاعك ده
شكله بقي يخلي الناس تنوم بدري

والبوست انعدمت فيه الحركه،،،،،،،

شيل ياخ بره اديك ريـال بلا كلام حبوبات ،،،،
Post: #959
Title: Re: بـُــري
Author: محمد أبوالعزائم أبوالريش
Date: 03-11-2010, 09:39 PM
Parent: #958


أهلنا يا ناس بري .....

مطلوب من العندو معلومات، وخاصة ناس (الداخل) يدونا تفاصيل وتأكيد للشئ السمعناهو ده.

يمكن أكون سمعت متأخر، بس مع البعد، ده بيحصل كتير.

العايز أسأل عنو هو حكاية توسيع شارع النًص وشارع الطلمبة، يعني بالعربي تقليص مساحة بري. وحسب ما سمعت في شارع النص حتتتشال المرابيع الواقعة شمال الشارع، من المربع الفيهو بيت محمد مضوي وبابكر الهادي وحسن أحمد الحاج ........ ويستمر مروراً بالجزر لحدي نهاية بري أبو حشيش.

المعلومة دي صحيحة؟ ولو صحيحة، تفاصيلها شنو؟
Post: #960
Title: Re: بـُــري
Author: حيدر امين
Date: 03-12-2010, 11:22 AM
Parent: #959

كلامك ده خطير جدا يا ابوالريش لو صح حقوا ناس برى يتحركوا من الان لوقف تنفيذ هذا المشروع
التاج لو فى السودان بالله كمال صديق وخالد قرض ديل العليهم التكل خليهم يتابعوا

بعرف انو كمال صديق متابع البوست وانشاء الله يكون معانا حسع
Post: #961
Title: Re: بـُــري
Author: ماضي ابو العزائم
Date: 03-12-2010, 05:26 PM
Parent: #960

الله الله
أنا سمعت الكلام ده قبل يومين و أعتقد مصدرنا واحد
يس السبب شنو ؟؟
سمعت معاها شارع المعرض كمان و الغريبة حا ياخدو من
غرب الشارع يعنى من ناس الدليل بدل ما ياخدو من شمال الشارع وهى فى
الغالب فاضية تجاه قاردن ستى
Post: #962
Title: Re: بـُــري
Author: محمد أبوالعزائم أبوالريش
Date: 03-12-2010, 06:20 PM
Parent: #961

السبب هو تحويل مطار الخرطوم إلى مدينة تجارية (مول كبييير)، وعايزين الشوارع تكون عريضة لخدمة المول. طبعاً يا حيدر لو لقوا طريقة، ناس بري ديل ممكن يشيلوهم ويرموهم البحر، وأثناء نوم الناس في العسل موقع المطار إتوزّع زمااان للمحاسيب.

الله في
Post: #963
Title: Re: بـُــري
Author: تاج السر الشيخ ارباب
Date: 03-12-2010, 08:47 PM
Parent: #962

شـباب ،

أنا سمعت خبر اكبر من كدة وكنت منتظر لغاية ما امشي الخرطوم وافتش على الجرائد
التي تم نشر الخبر فيـها عشان ادرجوا ليكم في البوست،

سمعت انو في خطة طويلة الاجل لبنـاء مدينة نموذجيه حديـثه حسب توصـية خبير الماني احضر خصـيصا لهذا الغرض ،
انو جزء كبير من بـري وخاصة المنطقة الشماليه من بــري على اتجاة النيل من بري المحس وحتي بري اللاماب سوف
تنزع من اصحابهـا بعد مساومتهم لانو اراضي بــري ملك حــر، واغراهم بمبالغ مالية ، يقال انها ستكون مجزية

هل من سمع بهذا الخبر؟

عموما لما اسافر بعد شهر سابحث عن الجريدة المنشور فيها الخبر وساقوم بتأكيده او نفيه،،،،

لكن خبر المول في مطار الخرطوم دة جديد على، اما من ناحية انو المطار اتوزع دي اكيدة لانو
دائما بشاهد ( مجموعة من المساحين داخل المناطق الفاضية في المطار، يعملون على قياسات او تخطيط ...) والله اعلم.

ونـتلاقـــــــــى ،،،،،،،،،،،،،
Post: #964
Title: Re: بـُــري
Author: عفاف الصادق بابكر
Date: 03-12-2010, 09:03 PM
Parent: #963

يا سلاااام عليك ياحيدر ..
والله فرحته لما شفته صورة فيصل الدكوم...
جد اولادي الحنين و نسيبي الطيب ..
الف رحمة تنزل عليهو ...

حمودي ولدي فرح لما شافوا ...

ما عندك صورة لي احمد الدكوم وطبعا برضو كان رجل رياضي واظن في مجال الملاكمة ...

وهو جد اولادي .. وابوي التاني الما حظيت بي شوفته ..


تحياتي للجميع..
ماضي ابوالعزائم ... كيفنك .. ما تظهر إلا في بوست بري ... عالم عنصرية بشكل هههههه
Post: #965
Title: Re: بـُــري
Author: ماضي ابو العزائم
Date: 03-12-2010, 09:49 PM
Parent: #964

عفاف إزيك
كيفك مع دشديش العضام
إنشاء الله بلغتى العاقية
Post: #966
Title: Re: بـُــري
Author: ماضي ابو العزائم
Date: 03-14-2010, 11:02 AM
Parent: #965

من الاخ عبدالعزيز وصلتنى رسالة
أعتقد انها بتهم الجميع لذلك ساوردها كاملة

Quote: لاخ العزيز ماضى

تحياتى بعد غيبة لكن طبعا انا متابع بوست برى و بوست الصور و المعالم بس من منازلهم . تعليقا على موضوع توسعة شارعى المعرض و النص لم اسمع شيئ حتى الان و لكن سوف اتيك بالنجيضة قريبا اما موضوع ادخال برى فى خطة الخرطوم الجديدة حتى عام 2025 فهذا قد ورد فى تصريح صحفى لوزير البنى التحتية لولاية الخرطوم و قد صرح بان جميع المبانى الحكومية على شارع النيل سوف يتم نقلها و ما يهمنا منها فى برى يشمل من وزارة التربية غربا حتى المعرض شرقا مرورا بكلية الشرطة و التى تم نقلها فعلا لما بعد سوبا على شارع مدنى. و تحدث الوزير عن نزع اراضى من برى دون تحديد لكنى اتوقع انها الاراضى التى بمحاذاة النيل الازرق خاصة حى الشريف فى برى اللاماب . الموضوع له اكثر من شهرين و سوف احاول الحصول على الصحيفة التى ورد فيها الخبر و ارسال صورة منها لك. و اهالى برى عموما لهم معركة يخوضونها هذه الايام بخصوص الجروف التى على النيل و تجد دعما اعلاميا من عدد من الصحف المحلية.

تخريمة:

على ذكر فيصل الدكوم و هو بالمناسبة قريبى بس من بعيد و لكن لاحد ال الدكوم فضل كبير على جميع سكان امتداد ناصر حيث انه فى بداية انشاء الحى و كان احد ال الدكوم يعمل فى الهيئة المركزية للكهرباء تم تكليفه بتوصيل الكهرباء لحى الصحافة و تم تسليمه الاعمدة الخرسانية لهذا الغرض و لكنه بدلا عن تركيبها فى الصحافة قام بتركيبها فى امتداد ناصر و قال لناس الهيئة لو عايزين تقلعوها امشو اقلعوها و كان نتيجة لذلك ان تم توصيل الكهرباء لامتداد ناصر فى زمن قياسى.
Post: #968
Title: Re: بـُــري
Author: ماضي ابو العزائم
Date: 03-15-2010, 12:34 PM
Parent: #966

عودة لااخ عبدالعزيز ورسالة منتهى الاهمية

Quote: الاخ العزيز ماضى

حسب وعدى مرفق لك صورة الخبر المتعلق بمخطط الخرطوم الذى يحتمل ان يؤثر على البرارى. الخبر ورد بصحيفة الاهرام اليوم و هى صحيفة سودانية جديدة العدد الثامن بتارخ 28 ديسمبر 2009 أما بخصوص شارعى المعرض و النص فبمجرد حصولى على معلومات مؤكدة سوف ارسلها

مع خالص التحية.
Post: #1003
Title: Re: بـُــري
Author: تاج السر الشيخ ارباب
Date: 03-23-2010, 08:54 PM
Parent: #968

يـتردد في البراري ، أن مجموعة من نساء البراري
تجمعـنا وقـررنا الذهـاب لمقابلة البشـير في مـعرض الخرطوم الدولي
يوم مبيايعـة النسـأء للبشـير في ارض المـعارض

نجحـنا في السـلام عليه وعـند تقـديمهن لعـريضـه كتبنها بخصـوص الموضـوع أعلاه

طلب منهن إعـطاء الشـكوى المكتوبــه لزوجـته وداد.

ويقـال بانهن فعـلن ذلك ولكن بعـد خروجهن ..... شـالن حالها.
Post: #967
Title: Re: بـُــري
Author: حيدر امين
Date: 03-15-2010, 12:30 PM
Parent: #965

فوق
Post: #969
Title: Re: بـُــري
Author: تاج السر الشيخ ارباب
Date: 03-15-2010, 01:00 PM
Parent: #967

شــباب

لما الحكومة تجمع الـ 700 مليون دولار
تكون القيامة قامت ................

لو توفقوا في تجميعهاقبل ذلك ...
وقبل انفاذ الاخلاء يكونوا ناس بـري انقرضـوا ،،،
يعني يكون كل زول مات مقتولا قدام بيـتوا ،،،،،،

حسب كلام الناس في بـري ، الكل مترقب يجوه ناس الحكومة
يعرضوا ليه مبلغ مقابل منزله ،،،، اشك في انهم سيقبلون
المبالغ المعروضه ,,,,,

والله المستعـان ،،،،
Post: #970
Title: Re: بـُــري
Author: ماضي ابو العزائم
Date: 03-15-2010, 02:43 PM
Parent: #969

إنا لله و إنا إليه راجعون

اغتيال ناشط حقوقي سوداني في لندن في ظروف غامضة ...!!!

الصديق عبدالسلام حسن عبدالسلام
سكن و لفترة طويلة برى الاماب ثم إنتقل
بعد الزواج للرياض فترحموا علية
Post: #971
Title: Re: بـُــري
Author: تاج السر الشيخ ارباب
Date: 03-15-2010, 08:00 PM
Parent: #970

الله يرحمه ويحسن اليه ويصـبر اسرته على فقدة
انا لله وانا اليه راجـعـــــــــــــــــون.

الله يرحمه،،،،،،
Post: #972
Title: Re: بـُــري
Author: نجاة محمد بابكر
Date: 03-16-2010, 07:47 PM
Parent: #971

Quote: العايز أسأل عنو هو حكاية توسيع شارع النًص وشارع الطلمبة، يعني بالعربي تقليص مساحة بري. وحسب ما سمعت في شارع النص حتتتشال المرابيع الواقعة شمال الشارع، من المربع الفيهو بيت محمد مضوي وبابكر الهادي وحسن أحمد الحاج ........ ويستمر مروراً بالجزر لحدي نهاية بري أبو حشيش.

المعلومة دي صحيحة؟ ولو صحيحة، تفاصيلها شنو؟


مافى اى توسيع لشارع النص الشارع البوسعو هو شارع الستين لحدى اى الشارع الفاصل بين برى الداريسة وبرى اللاماب دا الاكيد والعسع شغالين فيهو وتقريبا انتهى

اما تحويل المطار لمول كبير دا لسع بدرى عليهو لانو اكتشفو ان ارض امدرمان الكان مفروض يقام عليها المطار الجديد غير صالحة لتصبح مطار وبالتالى وقف المشروع لحدى مااشوفو ارض جديدة مع العلم ماختو ولاطوبة فيهو ويقال حااشوفو منطقة الوادى الاخضر بعد ماوزعوها فى فكرة اشتروها تانى
Post: #973
Title: Re: بـُــري
Author: تاج السر الشيخ ارباب
Date: 03-16-2010, 08:02 PM
Parent: #972

يـعـني المطار مامنقول؟ دة أحسن خـبر، بس حتكون المشكلة في ارض المطار التي تم توزيعهاأو تخطيطها تحضيرا للتوزيع،،،،،

وتأكيدا لهذا الخبر

قبل اسبوعين، بينما كنت اسير في شارع المشتل، رايت بعض عمال ومهندسين الطيران المدني
يركبون اجهزة مسـاعدة الطائرات في الهبوط في الارض قبل المطار جهة اركويت.
مع العلم ، قبل فترة اخبرتني اختنا والتي تعمل كمهندسه في الطيران المدني
بأن هذه الارض قد تم بيعها لمستثمر بينما الطيران المدني يحتاجها في تحضير الطائرات للهبوط.

ونتلاقــــــــــــــــى ،،،،،،،
Post: #975
Title: Re: بـُــري
Author: Abdelrahim Elamin
Date: 03-16-2010, 08:41 PM
Parent: #972

أهلنا ناس بري

سلام

Quote: ويقال حااشوفو منطقة الوادى الاخضر

وين المنطقة ده تقع ؟
ان شاء الله تكون بعيدة من بري !
طيب المفروض أراضي بري تكون ملك حر
نسبة لامتلاكها لفترات طويلة جدا
والمعلوم أن الاراضي الملك الحر
لاتنزع الا بموافقة اصاحبها
ولا انا غلطان .

ودي وتقديري
Post: #1017
Title: Re: بـُــري
Author: عفاف الصادق بابكر
Date: 03-30-2010, 12:12 PM
Parent: #965

Quote: عفاف إزيك
كيفك مع دشديش العضام
إنشاء الله بلغتى العاقية

ماضي .. كيفنك يا الغالي ..
انا شديدة احمد الله .. العضام ترمس بس ..ههههههه
تسلم من كل بلاء
Post: #974
Title: Re: بـُــري
Author: تاج السر الشيخ ارباب
Date: 03-16-2010, 08:21 PM
Parent: #959

ماضي ومحمد

مضيع تلفوناتكم، كيف اخبار ضياء الدين؟؟؟؟؟؟؟
Post: #976
Title: Re: بـُــري
Author: نجاة محمد بابكر
Date: 03-16-2010, 09:11 PM
Parent: #974

Quote: وين المنطقة ده تقع ؟
ان شاء الله تكون بعيدة من بري !
طيب المفروض أراضي بري تكون ملك حر
نسبة لامتلاكها لفترات طويلة جدا
والمعلوم أن الاراضي الملك الحر
لاتنزع الا بموافقة اصاحبها
ولا انا غلطان .


المنطقة دى تقع على جهة الحاج يوسف بس هى ابعد منها وكان المفروض اكون فيها المطار قبل امدرمان لمن جات فكرة امدرمان تم توزيعها كخطةاسكانية وحسع لو عايزاها الااشتروها تانى من الاهالى

ام المطار القديم اساسا لم يتم بيعه لانو نصفه شالوهو ناس الامم المتحدة والنص الاخر كانو حا اعملو مطار للسفريات الداخلية
Post: #977
Title: Re: بـُــري
Author: حيدر امين
Date: 03-16-2010, 09:17 PM
Parent: #976

Quote: قبل اسبوعين، بينما كنت اسير في شارع المشتل، رايت بعض عمال ومهندسين الطيران المدني
يركبون اجهزة مسـاعدة الطائرات في الهبوط في الارض قبل المطار جهة اركويت.
مع العلم ، قبل فترة اخبرتني اختنا والتي تعمل كمهندسه في الطيران المدني
بأن هذه الارض قد تم بيعها لمستثمر بينما الطيران المدني يحتاجها في تحضير الطائرات للهبوط


انت حسع فى برى ولا جده,,, سمعنا قالوا حاجز الدور فى النادى
Post: #978
Title: Re: بـُــري
Author: حيدر امين
Date: 03-16-2010, 10:12 PM
Parent: #977
Post: #979
Title: Re: بـُــري
Author: حيدر امين
Date: 03-16-2010, 10:17 PM
Parent: #978
Post: #980
Title: Re: بـُــري
Author: ماضي ابو العزائم
Date: 03-16-2010, 10:27 PM
Parent: #979

يا حيدر التعريف بالصور مهم
Post: #989
Title: Re: بـُــري
Author: تاج السر الشيخ ارباب
Date: 03-19-2010, 08:38 AM
Parent: #980

حيدر

العامل حكم دة نقـراش ازرق؟؟
زمن الشباب .....
Post: #981
Title: Re: بـُــري
Author: حيدر امين
Date: 03-16-2010, 10:33 PM
Parent: #979
Post: #982
Title: Re: بـُــري
Author: Abdelrahim Elamin
Date: 03-16-2010, 10:53 PM
Parent: #981

Quote: يا حيدر التعريف بالصور مهم
Post: #984
Title: Re: بـُــري
Author: محمد الشيخ أرباب
Date: 03-17-2010, 08:07 AM
Parent: #981



دي فيها جلوس يمينك

الزين عبدالقادر- جلال احمد ادم-عوض حسب الرسول-عبده موسى- عبدالعظيم قرين

وقوف يمينك

احمد الرضي- السر عبدالعاطي-..........- كولا - اسامة السر -......
Post: #983
Title: Re: بـُــري
Author: ماضي ابو العزائم
Date: 03-17-2010, 04:33 AM
Parent: #979

حذف للتكرار
Post: #985
Title: Re: بـُــري
Author: نجاة محمد بابكر
Date: 03-17-2010, 09:35 AM
Parent: #983

النبى النسألكم مجرد سؤال انتو برى دى مافيها نسواين (جمع نسوان بالعامية) كلها رجال ولاشنو
قبلكم وقبالكم زى ماقالو اهلنا

انا اقدم احتجاج حسع الرجال دسل لو قامو على اطير وين
Post: #986
Title: Re: بـُــري
Author: وليد عبد اللطيف
Date: 03-17-2010, 10:08 AM
Parent: #985

Quote:
النبى النسألكم مجرد سؤال انتو برى دى مافيها نسواين (جمع نسوان بالعامية) كلها رجال ولاشنو
قبلكم وقبالكم زى ماقالو اهلنا

انا اقدم احتجاج حسع الرجال دسل لو قامو على اطير وين

الاخت نجاة محمد بابكر
لازم تعملوا انتفاضية وتغيروا سيد الحوش ( اساسي )
معقول ياجماعة نمشي ونجيكم وانتو لسه في محطة عشرة
ياخي بوستيكم يضم اعضاء متفردين في المنبر
ولكن لماذا الكسل في بوست بري


اللاعب الفنان الخلوق ( الزين ) الزينكو
تزاملنا في عام 1985 في نادي الاتحاد البحراوي
وكان بمثابة معلم بالنسبة لنا في كرة القدم
واستفادة منه نادي الاتحاد الكثير ونحن كلاعبين
نهلنا الكثير منه
وياله من طيب المعشر





وبجيكم للباقين









---------------------------
اساسي ياخي بري دي لينا فيها ذكريات جميلة مع ابنائها
Post: #987
Title: Re: بـُــري
Author: نجاة محمد بابكر
Date: 03-17-2010, 09:59 PM
Parent: #986

Quote: معقول ياجماعة نمشي ونجيكم وانتو لسه في محطة عشرة
ياخي بوستيكم يضم اعضاء متفردين في المنبر
ولكن لماذا الكسل في بوست بري


تقول شنو ياوليد عليك الله اسألهم

عارف ناس برى عندهم نادى اسمو نادى العجائز ودا نادى كبار البرارى يعنى بتلمو فيهو اهلنا الكبار ولمن تجئ الساعة 9 كل زول بمشى بيتهم وبقفلو البرة برة والجوة جوة كل ناس برى بعملو كدة (زمان)

الظاهر ناس البوست دا مشين على نفس النهج
ومشكلة البوست انو كلو عجائز بنومو من الساعة 9
نعمل شنو نطالب بدماء شابة
Post: #990
Title: Re: بـُــري
Author: تاج السر الشيخ ارباب
Date: 03-19-2010, 08:47 AM
Parent: #987

نادي العجائز (بيضم اهلنا الكبار وبيناموا من الساعه 9 وبيقفلوا والجوه جوه والبره بره) ,,,,,

انتي يا نجاة كان قصـدك ( حيدر امين وماضي ) من عجائز بــري !!!!!
متقولي اسماءهم عـديل ومافي داعي للتلميح واللف والدوران ...


من حقكم المطالبه بدمــاء شـابـه ،،،،، لكن السؤال هو ( هل الشباب حليقوا فرصه مع العجائز ديل؟)

مع تحياتي ،،،،،،،،،،،،،،،،
Post: #988
Title: Re: بـُــري
Author: تاج السر الشيخ ارباب
Date: 03-19-2010, 08:34 AM
Parent: #977

أبوحزامي

حاجز وين ياشيخ، انا اكثر من شهر في جـدة

لكن حاسافر بعد شهر انشاء الله.
Post: #991
Title: Re: بـُــري
Author: نجاة محمد بابكر
Date: 03-19-2010, 09:58 PM
Parent: #988

Quote: انتي يا نجاة كان قصـدك ( حيدر امين وماضي ) من عجائز بــري !!!!!
متقولي اسماءهم عـديل ومافي داعي للتلميح واللف والدوران


ود الشيخ اى دا قصدى انت قصدك شنو
Post: #992
Title: Re: بـُــري
Author: ماضي ابو العزائم
Date: 03-20-2010, 00:37 AM
Parent: #991

و الله قالو غاب أب شنب و لعب أب ضنب

خلينى من اللو لوة يا نجات و ورينا
حدود دائرتنا فى الانتخابات وين
المرشحين منو حسب الاحزاب
Post: #995
Title: Re: بـُــري
Author: تاج السر الشيخ ارباب
Date: 03-20-2010, 08:53 PM
Parent: #991

الأخـت / نجـاة

ماقـصـدي ولا حاجة بس حـبيت أستوضح كلامـك .....

واسـاعـدك في وضـع النقاط في الحـروف ...

مع تـحياتــي ،،،،
Post: #993
Title: Re: بـُــري
Author: حيدر امين
Date: 03-20-2010, 06:52 AM
Parent: #988

Quote: ود الشيخ اى دا قصدى انت قصدك شنو


يعنى هو مرق نفسو منها ؟؟؟؟ والله اكبر مننا
Post: #994
Title: Re: بـُــري
Author: حيدر امين
Date: 03-20-2010, 06:28 PM
Parent: #993

التاج الشيخ قالوا الوصيه فى الذمه

الوصيه جاتنى من على بعد 500 كيلو من مسقط


أحمد صديق قال ليك اشتريت التلاجة ؟؟؟؟
Post: #996
Title: Re: بـُــري
Author: تاج السر الشيخ ارباب
Date: 03-20-2010, 08:59 PM
Parent: #994

ابـوحزامي

تحياتي للاخ / احمـد صـديق

احتمال في الاسابيع القادمه عـندي رحله لدبـي
ولما اجي هـناك اخبره بانني سوف اتصـل بيه
علـشان نمشي نشتريهـا سوا وعلى الاقل يوديـني
مكاتب الشحن بتاعتهم،

هـلكـتني ،،،،،

مع تحـياتي ،،،،
Post: #997
Title: Re: بـُــري
Author: تاج السر الشيخ ارباب
Date: 03-22-2010, 07:20 PM
Parent: #994

ابـوحـزامــي

ياللــه دة شــنو دة؟

غـيرته شـغلك لمـعلـم لحــام؟ ولا شــنـو؟


الصــورة دي جبتها من ويـــن ؟؟؟؟؟؟؟؟؟؟؟

لا حوله ولاقـوة الا باللــه؟؟؟؟؟؟؟؟؟؟؟؟؟


يأخوانا ويـن انـتو،،،

يلى ارفـعـوا مـعـانا البوسـت دة قـبل الارشـفـه ++++++++
Post: #998
Title: Re: بـُــري
Author: تاج السر الشيخ ارباب
Date: 03-22-2010, 07:22 PM
Parent: #997

فــوق ............



UP, UP
Post: #999
Title: Re: بـُــري
Author: حيدر امين
Date: 03-22-2010, 09:17 PM
Parent: #998

قولوا لاساسى يقدم طلب رفع البوست للربع الجديد

عشان فى الصورة شباب تقول بتاع لحام يا عجوز؟؟
Post: #1000
Title: Re: بـُــري
Author: adam alamar
Date: 03-22-2010, 11:26 PM
Parent: #999

بسم الله الرحمن الرحم

الاخوة الاعزاء

عبدالرحمن حمدالنيل

صور جميلة .... واصل منتظرين ... نشوف الحلة
مربع 4 و حلة قدام ..... و صابرين .........

و الجناين ضروري ...... حتي المسكونه ....


في انتظار جديدك




الاخ محمد الشيخ ارباب

صورة غاية في الروعة اجبرتني على المداخلة
حيث كنت اكتفي بالتمتع بالقراءة فقط


زكريات حلوة احمد الرضي ان لم تخني الذاكرة لعب في فريق الاميرية

السرعبدالعاطي اعرفه معرفة وثيقة و هو دايما معنا في اللاماب

متوكل عيسي او ( كولا ) او كما كنا نسميه نحن ( بقة ) و هو الان في عمان وهو جارنا
في مربع واحد

عبده عبدالسخي ( او كما كان يلقب بالدبشك ) و قد لعب للفريق القومي للشباب

و هو كان من المبدعين في دوري المربعات في اللاماب ( دوري العجايز )




ادم العمار
Post: #1001
Title: Re: بـُــري
Author: adam alamar
Date: 03-22-2010, 11:48 PM
Parent: #1000

بسم الله الرحمن الرحبم



اخوتي قد هيجتم فينا اليوم شجون


الاغنية ..... لامست فينا

تلك النزعة الصوفية... التي تتلبسنا كلما هجعنا الى اسرتنا التي

كانت تفرش من المغرب في ذلك الحوش الكبير ... و تترك حتي نأوي اليها
قرب منتصف الليل .... و النيل يرسل الينا تلك النسمات التي احالت الفراش
الى بقعة باردة .... و تلك الاصوات التي ادمناها و هي تشق هدوء الليل
الذي يبدا في بري بدري جدا فتجد الهدوء من حولك الا اصوات المديح

التي تنساب دفئا روحيا يجعلك تتمايل وانت في مرقدك كأنك صوفيا مجذوب

فتراجع نفسك و و تحاسبها و تتقلقل فيك كمية من الروحانية و المد الديني
فتعاهد نفسك ان يوم غدا افضل و ابرك
و تتنهد تنهيدة طويلة و تسبح في احلام ولا احلي ......


بركتك يا الشريف الهندي







اد م العمار
Post: #1002
Title: Re: بـُــري
Author: تاج السر الشيخ ارباب
Date: 03-23-2010, 08:47 PM
Parent: #999

شــبـاب الـبراري


شـكلوا كلام الأخت / نجـاة فيكـم صــاح
بقيـتوا تنـومـوا من السـاعه 9 ولاشــنو؟

صـحـوا الـنــوم،،،

انـا شكـلي حاضـم صـوتي لصـوتها للمطالـبه بـدمـــــــــــــــاء شــــــــــابـه
لتـحـريـك الـبوســت ،،،،،



اسـاســي

بـاللـه قـدمـوا لـينا طلـب لرفــع البـوســت الجمـيل دة ..................
Post: #1004
Title: Re: بـُــري
Author: خالد العبيد
Date: 03-24-2010, 03:25 AM
Parent: #1002

امس كان يوما جميلا
بضل هذا البوست تلقيت مهاتفة حميمة من صديق قديم
اتصل بي العزيز يوسف الرشيد ود حلتنا في بري اللاماب
سنين طويلة اكثر من نصف قرن لم اراه ولم اسمع صوته
وحين اتصل بي قفزت الة ذهني صورته القديمة فورا
الولد النحيل مثلي يعني سجمان وكملان من لحم الدنيا!
جاءت صورته الى ذهني وكان يوسف باسما ضاحكا
وبنفس الزي المدرسي الذي كنا نرتديه ازرق في كحلي !!
حتى لثغته ولجنته في الكلام لم تقدر عليها السنين
شكرا كثير يا يوسف على الاتصال الطويل
واجمل ما اخبرني به ان المراحيم المساكين مهلة ودريج
تم تعويض بيتهم لاحد ابناء اسرتهم الوحيد
وكنت احسب نفسي الوحيد الذي يذكر بت نقد الشريرة
لكن اتضح لي ان يوسف كان احد ضحاياها !


ولسه بسأل عن صديقي راشد خليل
Post: #1005
Title: Re: بـُــري
Author: Adil Hamza
Date: 03-24-2010, 03:35 AM
Parent: #1004

Quote: سنين طويلة اكثر من نصف قرن لم اراه



يا خالد انت عمرك كم
Post: #1006
Title: Re: بـُــري
Author: خالد العبيد
Date: 03-24-2010, 03:55 AM
Parent: #1005

شكرا يا عادل على الملاحظة
انا من مواليد 11مايو1962
بعد شهرين 48 عاما بالكمال والتمام

اقصد اكثر من ربع قرن
Post: #1007
Title: Re: بـُــري
Author: Adil Hamza
Date: 03-24-2010, 04:10 AM
Parent: #1006

سلام يا ود حلتنا
انا بهظر يا خالد
ادينى تلفونك بالمسنجر

آسف لانى نسيت اسلم على ناس برى
فى المداخلة السابقة

انا متابع جدا لهذا البوست و كثير من المداخلات
ذكرتنى باصدقاء و زملاء ايام الصبا و ايام الطفولة

تحياتى لكل اهل البرارى

عادل
Post: #1008
Title: Re: بـُــري
Author: نجاة محمد بابكر
Date: 03-25-2010, 07:51 PM
Parent: #1007

و
Quote: الله قالو غاب أب شنب و لعب أب ضنب

خلينى من اللو لوة يا نجات و ورينا
حدود دائرتنا فى الانتخابات وين
المرشحين منو حسب الاحزاب



حسب علمى دائرتنا تشمل البرارى والمنشية والرياض والطائف واركويت والجريف غرب دى كلها دائرة واحدة
لكن المرشحين منو ماعارفهم



مع اخى اطالب بدماء جديدة جديدة

يااساسى لو حتطالب برفع البروست للربع الثانى لازم تغير العجائز ديل
Post: #1009
Title: Re: بـُــري
Author: تاج السر الشيخ ارباب
Date: 03-25-2010, 10:01 PM
Parent: #1008

مـاضــي ،

انت عاوز بالدائـرة الانتخابـية وتفاصـيلها شــنو،،،،

والله جاتك الكاروشـه لممارسـة السـياسـة،،،،

الشـغلانه دي منتهية ياقريبي، والجماعــة بطاقـات تصويـتهم في جـيبوهم
يعـني لو انت ليك صوت واحـد - مقابل 50 صـوت لكل واحـد مـن المستفيدين.

والله يجيب العواقب سليمه


ياخـوانا أصـحـو، خـلونا نحـرك البوسـت دة.
Post: #1010
Title: Re: بـُــري
Author: تاج السر الشيخ ارباب
Date: 03-26-2010, 07:24 PM
Parent: #1009

ويــن ياخوانا والا خائفـين مـن الهكـر ؟؟؟؟

شـبـاب صـحــوا الـنوم ،،،،،،،،
Post: #1011
Title: Re: بـُــري
Author: حيدر امين
Date: 03-26-2010, 08:14 PM
Parent: #1008

معليش النت اليومين ديل بطئ عندنا

لازم اساى يقدم طلب رفع البوست
Post: #1012
Title: Re: بـُــري
Author: ماضي ابو العزائم
Date: 03-26-2010, 08:20 PM
Parent: #1011

Quote: يااساسى لو حتطالب برفع البروست للربع الثانى لازم تغير العجائز ديل


يا تاج يا أخوى قلنا نخلى بت قوقو تتفسح شوية
Post: #1013
Title: Re: بـُــري
Author: تاج السر الشيخ ارباب
Date: 03-27-2010, 10:43 AM
Parent: #1012

Quote: يا تاج يا أخوى قلنا نخلى بت قوقو تتفسح شوية


ماضـي

المدة طال منذ اخر مرة مشيت السودان،

لانـو كلمة تتفسـح في السودان الناس بطلوهـا ولم يـعد لها مكان في الإستعمال

وبقوا يستعملوا بديل لها كلـمة ( أتجـدع ............ ).


يـعـني ممكـن تقـول خـلـينا نجـاة تتـجـدع في البـوســت .


معقـوله ..... لكـن بـرضـوا وجـودكــم بـيحـرك الـبوســت.
Post: #1029
Title: Re: بـُــري
Author: ماضي ابو العزائم
Date: 04-04-2010, 11:37 AM
Parent: #1012

لخبطة فى كلمة المرور منعتنى من
دخول البورد لمدة 4 أيام
Post: #1030
Title: Re: بـُــري
Author: تاج السر الشيخ ارباب
Date: 04-06-2010, 08:03 PM
Parent: #1029

لا تكـون اتهكرتا؟؟؟؟؟؟


بالمناسـبة

أنا مسافر السودان يوم 26 ابريل لمدة عشرة ايام

اي وصـيــة ؟؟؟؟؟
Post: #1014
Title: Re: بـُــري
Author: تاج السر الشيخ ارباب
Date: 03-27-2010, 05:56 PM
Parent: #1011

اسـاسـي الحـبيب

هـمتك معـانا لرفـع البوسـت للربـع الثاني.
Post: #1015
Title: Re: بـُــري
Author: تاج السر الشيخ ارباب
Date: 03-28-2010, 08:46 PM
Parent: #1014

شـباب الربـه

شـنو يـعـني مطنشين البوسـت كـدة

كراعنا حاره ولا شـنو،،،
Post: #1016
Title: Re: بـُــري
Author: تاج السر الشيخ ارباب
Date: 03-28-2010, 08:46 PM
Parent: #1014

شـباب الربـه

شـنو يـعـني مطنشين البوسـت كـدة

كراعنا حاره ولا شـنو،،،
Post: #1023
Title: Re: بـُــري
Author: تاج السر الشيخ ارباب
Date: 03-30-2010, 08:12 PM
Parent: #1011

Quote:
معليش النت اليومين ديل بطئ عندنا


ابـوحـزامي

لسـع النـت عـندكـم بطئ

يلي ياخوانا حـركوا ليـنا البوسـت دة

وبطلـوا نـوم السأعــه 9
Post: #1018
Title: Re: بـُــري
Author: عفاف الصادق بابكر
Date: 03-30-2010, 12:19 PM
Parent: #999

Quote: تخريمة:

على ذكر فيصل الدكوم و هو بالمناسبة قريبى بس من بعيد و لكن لاحد ال الدكوم فضل كبير على جميع سكان امتداد ناصر حيث انه فى بداية انشاء الحى و كان احد ال الدكوم يعمل فى الهيئة المركزية للكهرباء تم تكليفه بتوصيل الكهرباء لحى الصحافة و تم تسليمه الاعمدة الخرسانية لهذا الغرض و لكنه بدلا عن تركيبها فى الصحافة قام بتركيبها فى امتداد ناصر و قال لناس الهيئة لو عايزين تقلعوها امشو اقلعوها و كان نتيجة لذلك ان تم توصيل الكهرباء لامتداد ناصر فى زمن قياسى.


ماضي .. كيفنك ..
اها .. رائك شنو .. ؟ احنا اللي نورنا دياركم ...
Post: #1019
Title: Re: بـُــري
Author: اساسي
Date: 03-30-2010, 01:31 PM
Parent: #1018

قدمنا الطلب زمااااااااان يا تاج السر وباقي الشباب والعجائز علي حد قول نجاة

بعدين بقيتو كسلانين في المشاركة لو الواحد تابععكم بري زاتها بتروح ليهو

الواحد من الصباح حاسي بانه عبد الوهاب شخصية داير يستلم البوست دا مقطعية
Post: #1020
Title: Re: بـُــري
Author: محمد أبوالعزائم أبوالريش
Date: 03-30-2010, 01:52 PM
Parent: #1019


أخبار بري في جريدة الراية القطرية:

في عدد اليوم 30/3/2010 من جريدة الراية القطرية، وفي صفحة الجالية السودانية الأسبوعية جاء التالي:


ملاك أراضي بري يعترضون على تخطيط أراضيهم
( شكا ملاك الساقية (20) بري اللاماب وهم حوالي (30)
أسرة من وضع أحد المواطنين يده على مساحة أكثر من
(500) متر مربع من أراضيهم البالغ مساحتها (9 أفدنة). )
مشيرين الى ان المالك الجديد بدأ امس بتخطيط القطعة
عن طريق المهندس التنفيذي الذي ادعى أن الارض منحتها
لهم مصلحة المساحة وهي القطعة (رقم367 مربع9)، وقال
الملاك إنهم تصدوا له بالمنع وطالبوه بالكشف عن صاحب
الملك إلا انه رفض.
وأضافوا ان المهندس هددهم بفتح بلاغ ضدهم لمنعهم
له من مباشرة أعمال البناء، ويقول الملاك إنهم اتصلوا
بمحاميهم الذي أكد لهم ان وزير التخطيط العمراني امر
بوقف المناوشات حول هذه الأراضي.
واوضحوا ان هنالك مساحة حوالي اكثر من (50) متراً
أخرى تم نزعها من الساقية وحالياً تُجرى عليها أعمال بناء
على الرغم من ان القضية لم تحسم في المحكمة حتى الآن
وهنالك طلب استئناف في المحكمة لم يتم الرد عليه منذ
حوالي ثلاث سنوات، مضيفين أنهم مهددون ومواجهون
بشهادات بحث جديدة كل مرة يحملها أشخاص بحجة ان
الارض تحولت الى قطع سكنية.
Post: #1021
Title: Re: بـُــري
Author: تاج السر الشيخ ارباب
Date: 03-30-2010, 08:04 PM
Parent: #1020

ابـوالريش

ومافـي أخـبار مـن أراضـي اجـدادنا وحبوباتـنا
الواقعـة من أمام مسـتشفي العـيون الى كلـية الشـرطة
سـابـقا.

اخـر عـهدي بيهـم كانوا عاملـين ليهـم خـيمة ويتبادلوا
الجلوس فيـهاحتي لاياتــي أحـد الملاك الدايشـين الجـدد.....

افـتكر انو اجـتماعأتهـم لاتـزال تـجرى في الروضــه بجـوار
نــادي بـري المحس الثـقافي ( العجائز يانـجـاة ... ).

بالله لو في اي شي يتعـلق بهـذا الموضــوع ... رجـاء اعلمـنا.

تحـياتــــــــــــــــــــــــــــــــــي ،،،،
Post: #1022
Title: Re: بـُــري
Author: تاج السر الشيخ ارباب
Date: 03-30-2010, 08:08 PM
Parent: #1021

مـاضـي

ياخي اتحفنا بصـور وذكريـات الخال أحمد حسن الضــو
الذي هو علم من اعـلام بـري المحس والسـودان كله.

لوعـدنا اي اشياء بالله وادعها في بوست بـري .

مع تحياتي،،،
Post: #1024
Title: Re: بـُــري
Author: حيدر امين
Date: 04-02-2010, 01:27 PM
Parent: #1021

مساء اليوم الساعة السادسة والنصف بتوقيت السودان
لقاء مع الحال احمد حسن الضو بالتلفزيون القومى
Post: #1025
Title: Re: بـُــري
Author: تاج السر الشيخ ارباب
Date: 04-02-2010, 07:45 PM
Parent: #1024

يديك العافية ياابو حزامي.

في اغنية بتاعت الكحلاوي الله يرحمة
وبتأديها نانسي عجاج غنتها في حفلة بورتسودان

ذكرتني ايـام الريـاض وشـرائط الكحــــــــلاوي ...

روعه .. شوفها في اليوتيوب.
Post: #1026
Title: Re: بـُــري
Author: حيدر امين
Date: 04-02-2010, 09:48 PM
Parent: #1024

التاج

دى اغنية قالوا شقى ومجنون

تصور مسجلها بصوت الكحلاوى و نانسى عجاج ثم عافيه حسن ( خربتها ) واحد الاخوان فى مسقط د. مهند حسن.
Post: #1027
Title: Re: بـُــري
Author: حيدر امين
Date: 04-02-2010, 09:48 PM
Parent: #1024

التاج

دى اغنية قالوا شقى ومجنون

تصور مسجلها بصوت الكحلاوى و نانسى عجاج ثم عافيه حسن ( خربتها ) واحد الاخوان فى مسقط د. مهند حسن.
Post: #1028
Title: Re: بـُــري
Author: تاج السر الشيخ ارباب
Date: 04-03-2010, 09:53 PM
Parent: #1027

أي ياخ - أغنية قالوا على شقي ومجنون

تتذكر عمك الكحلاوي كيف كا بياديها.

بت بدر الدين عجاج بتأديها باحساح عميق.


حاول نزلها في البوست.
Post: #1031
Title: Re: بـُــري
Author: تاج السر الشيخ ارباب
Date: 04-09-2010, 08:20 PM
Parent: #1028

ش ــباب ،

والله عيب عليكم..............

5 ايام ومافي واحد فيكم يدخل البوسـت ،


لعل المانع خـير،،،،،،،،،،،،،،
Post: #1032
Title: Re: بـُــري
Author: حيدر امين
Date: 04-12-2010, 08:57 PM
Parent: #1031

خلوكم معانا بنجمع فى المعلومات وجايين
Post: #1033
Title: Re: بـُــري
Author: حيدر امين
Date: 04-13-2010, 08:29 AM
Parent: #1032

الاغنية هنا يا التاج
Post: #1034
Title: Re: بـُــري
Author: ماضي ابو العزائم
Date: 04-24-2010, 05:17 PM
Parent: #1033



سكينة عالم
إمرأة بعشرة رجال
Post: #1035
Title: Re: بـُــري
Author: Abdelrahim Elamin
Date: 04-24-2010, 05:45 PM
Parent: #1034

Quote: سكينة عالم
إمرأة بعشرة رجال


يا سلام عليك يا ماضي ابوالعزائم

رحم الله الحاجه سكينة عالم رحمة واسعة
اللهم اسكنها الفردوس الأعلي من الجنة.

نعم بلاشك الكل عارفي فضلها وعلمها
فهي قامة سامقة في البراري وحافظة القرآن .

ودمت بخير
Post: #1036
Title: Re: بـُــري
Author: محمد أبوالعزائم أبوالريش
Date: 04-24-2010, 08:11 PM
Parent: #1035

رابطة أبناء البراري المقيمين بدولة قطر
Post: #1037
Title: Re: بـُــري
Author: adam alamar
Date: 04-24-2010, 10:32 PM
Parent: #1036

بسم الله الرحمن الرحيم

اخوتي الاعزاء

استأذن الاخ اساسي صاحب البوست
حفظا لحقه الادبي ... عايز اعمل
شوية دعاية ... لموقع منتديات بري اللاماب

و ادعوا كل ابناء البراري لزيارة الموقع

و التعرف عن قرب على اهل اللاماب الطيبين

فالموقع فعلا اضافة حقيقية للحراك الاجتماعي
في البراري ... و بساعد في التواصل بين
الاعضاء المنتشرين في بقاع الدنيا المختلفة


فشكرنا الجزيل للاخ عادل حمد النيل العركي

و لكل الاعضاء الذين نورو موقعة الكبير



ادم العمار
Post: #1038
Title: Re: بـُــري
Author: حيدر امين
Date: 04-27-2010, 03:30 PM
Parent: #1037

نايمين فى العسل
Post: #1039
Title: Re: بـُــري
Author: ماضي ابو العزائم
Date: 04-28-2010, 07:01 AM
Parent: #1038

Quote: مـاضـي

ياخي اتحفنا بصـور وذكريـات الخال أحمد حسن الضــو
الذي هو علم من اعـلام بـري المحس والسـودان كله.

لوعـدنا اي اشياء بالله وادعها في بوست بـري .

مع تحياتي،،،






الملكة إليزابيث و أحمد حسن الضو


كدة كفاية يا تاج ولا أزيدك كمان
Post: #1040
Title: Re: بـُــري
Author: تاج السر الشيخ ارباب
Date: 05-12-2010, 05:59 PM
Parent: #1039

يديــــك العـافـــية يامـاضي


هــل مـن مـــزيــــــــــــــــــــــــــــــــــــــــــــد ،،،،،،،
Post: #1041
Title: Re: بـُــري
Author: تاج السر الشيخ ارباب
Date: 05-12-2010, 06:08 PM
Parent: #1034

مـاضي مـن ويــن جــبت الصــوره دي

الله يرحمها رحمـة واسعه ويسكـنها فسـيح جـناتــه،،،،،،،،،،،،،،،

والله فعـلا أمـرأه بعـشــره رجــال،،

الله يرحمها رحمة واسـعـــة ويحسـن مسـواهـــــــــــــــــــا.

يديك العافـيــة.
Post: #1042
Title: Re: بـُــري
Author: ماضي ابو العزائم
Date: 05-12-2010, 11:41 PM
Parent: #1041

sudansudansudansudansudansudan85.jpg Hosting at Sudaneseonline.com


شوف دى يا تاج
Post: #1043
Title: Re: بـُــري
Author: خالد العبيد
Date: 05-13-2010, 02:45 AM
Parent: #1042

سلام يا ماضي
وتحياتي
اتمنى ان اشوف صورة مولانا حسن البداني رحمه الله
Post: #1044
Title: Re: بـُــري
Author: تاج السر الشيخ ارباب
Date: 05-14-2010, 08:45 PM
Parent: #1043

الأخ مـاضــي


اتنمـنى ان تكون لديك صورة

للعـم / أبوزيــد موسـى ابوزيــد (الله يرحمه ويحسن اليه)
انه رمز من الرموز التي يجب المحافظه على ذكــراها والتوثيق لها
وعكس بعضا من مأثـره للاجيـال الجـديده.

مع تحياتـــي ،،،،،
Post: #1045
Title: Re: بـُــري
Author: ماضي ابو العزائم
Date: 05-14-2010, 11:13 PM
Parent: #1044

أبو زيد موسي

حسن البداني

أحمد عبدالوهاب

محمد إبراهيم حتيكابي

و غيرهم

...... أبحث عن صورهم و بشدة

هل من معين ؟؟؟
Post: #1046
Title: Re: بـُــري
Author: تاج السر الشيخ ارباب
Date: 05-15-2010, 06:16 PM
Parent: #1045

الحبيب ماضــي

ويــن أخـونا أبوحـزامي (فزعتك ياأبوحـزامي)

شكلوا عندو صـندوق خشب قـديم مليان صـور قــديمــه
يجـود علـينا بيها على حسـب المـزاج.

اصـلوا ناس مـسـقـط ديــل ادمـنوا الاشـياء القـديـمـه،،،،،


يـلا ياابوحـزامي أتحـفنــا ،،،،،، رجـاءا.
Post: #1047
Title: Re: بـُــري
Author: حيدر امين
Date: 05-22-2010, 06:57 PM
Parent: #1046

التاج فى السودان ولا لسه

المرحوم حسن البدانى صورة او اثنين مع مجموعة اما المرحوم ابوزيد موسى نحاول ونشوف
Post: #1048
Title: Re: بـُــري
Author: حيدر امين
Date: 05-28-2010, 11:04 AM
Parent: #1047

وينكم
Post: #1049
Title: Re: بـُــري
Author: تاج السر الشيخ ارباب
Date: 05-28-2010, 08:07 PM
Parent: #1048

العزيز ابوحزامي

موجوديــن لكن الزحمه شديده
انا رجعت منذ 5 مايو والان بفكر في الرجعه ممكن 24 يونيو.

مع تحياتي
Post: #1050
Title: Re: بـُــري
Author: نجاة محمد بابكر
Date: 05-29-2010, 08:27 PM
Parent: #1049

Quote: عدين بقيتو كسلانين في المشاركة لو الواحد تابععكم بري زاتها بتروح ليهو


هوووووووووى ياناس برى اصحا بابريش
انا كنت مشغولة بالانتخابات لكن الان الحمد لله سلمنا كل العهد وفضينا ليكم ووتانى المابلاقا بوست برى اول واحد اجى اسألنى
لكن برضو همتك معانا وبطلو نوم
Post: #1051
Title: Re: بـُــري
Author: ماضي ابو العزائم
Date: 05-30-2010, 00:06 AM
Parent: #1050

sudansudansudansudansudansudansudansudansudansudansudansudansudan2.JPG Hosting at Sudaneseonline.com



عبدالحميد شبلي مؤسس فرقة ألوان الطيف و الرجل الذى صاغ أغلب ألحانها
لعدة أجيال من عمر هذه الفرقة الرائدة
الصورة من إلتقاط الفنان عماد شلبى
و ديل جيرانك فى ناصر يا تاج

تابعوا البوست ده

كلام الصور .عدد يونيو . الموسيقار عبد الحميد الشبلى يفر...اعة . ملتقي الجمعة .
Post: #1052
Title: Re: بـُــري
Author: ماضي ابو العزائم
Date: 05-31-2010, 08:31 PM
Parent: #1051



الصحافي
السياسي
و العارف بدقائق تاريخ السودان الحديث
محمد إبراهيم حتيكابي

بحثت أنا و اخى كمال ابوالعزائم كثيرا
عن صورة للصحفي الراحل محمد غبراهيم حتيكابى
و أخيرا كللت مساعى كمال بالنجاح
رغم أن مل الصحف نعتة
كل الاحزاب نعتة ..... حيث كان ينتمى للحزب الشيوعى
و أصبح من المؤسسين لحزب العمال و المزارعين.
رغم كل ذلك أكاد أجزم بان هذه الصورة اول صورة تنشر
للفقيد على النت ... فله الرحمة بقدرما أعطى لوطنه الكبير
السودان ووطنه الصغير مدينة البراري
Post: #1053
Title: Re: بـُــري
Author: ماضي ابو العزائم
Date: 06-10-2010, 03:05 PM
Parent: #1052

أها يا جماعة
Post: #1055
Title: Re: بـُــري
Author: نجاة محمد بابكر
Date: 06-10-2010, 05:48 PM
Parent: #1053

ود شبخ ارباب سلامات والله البوست دا السلاحفة مازيو

ماضى انت شغال فى الارشيف ولاشنو

ودامين ليك مدة وينك ولا الاعاصير دى خوفتكم
Post: #1058
Title: Re: بـُــري
Author: حيدر امين
Date: 06-11-2010, 11:13 AM
Parent: #1053

جايينكم بس ننتهى من حفلات مسقط
امس كنا مع فنانة نجوم الغد والسر قدور منار صديق + صديق متولى و د. أمير يونس
Post: #1062
Title: Re: بـُــري
Author: تاج السر الشيخ ارباب
Date: 06-18-2010, 10:26 AM
Parent: #1052

الله يرحم محمدأبراهيم حتيكابي ، الرجل البشوش والعالم ببواطن الامور

لقد افتقدت البراري حتيكابي كثيرا.

فليرحمة الله رحمة واسعة ويلهم اله وذويه واهالــي البراري الصبر والسلوان.
Post: #1054
Title: Re: بـُــري
Author: عماد الشبلي
Date: 06-10-2010, 05:47 PM
Parent: #1051

Quote: عبدالحميدشلبى مؤسس فرقة ألوان الطيف و الرجل الذى صاغ أغلب ألحانها
لعدة أجيال من عمر هذه الفرقة الرائدة
الصورة من إلتقاط الفنان عماد شلبى
و ديل جيرانك فى ناصر يا تاج


ماضي سلام عليك

وشكرا علي اهتمامك بعبد الحميد

عندي ليك خبر خاص واكلمك بالتلفون ..

وشكرا لسيد البوست اساسي
Post: #1056
Title: Re: بـُــري
Author: ماضي ابو العزائم
Date: 06-11-2010, 00:52 AM
Parent: #1054

Quote: ماضى انت شغال فى الارشيف ولاشنو


إنتي ما وعدتينا تجيبى حاجات لكن مشيتى لناس (الخج) و نسيتينا عدييييييل
Post: #1057
Title: Re: بـُــري
Author: ماضي ابو العزائم
Date: 06-11-2010, 00:56 AM
Parent: #1056

Quote: وشكرا علي اهتمامك بعبد الحميد

عندي ليك خبر خاص واكلمك بالتلفون ..


يا عمدة سلام و في الانتظار

( شبلى بدلا عن شلبي عشان ما نطلع الناس ديل حلب ساى)
Post: #1059
Title: Re: بـُــري
Author: نجاة محمد بابكر
Date: 06-11-2010, 02:11 PM
Parent: #1057

حيدر فى انتظارك سلامى الكنير لامير يونس وصديق متولى فحل مامهاهم مالو
ماضى انتظر وبس
Post: #1060
Title: Re: بـُــري
Author: ماضي ابو العزائم
Date: 06-17-2010, 02:34 PM
Parent: #1059

وئام تاج السر الشيخ محمد 91.4
Post: #1061
Title: Re: بـُــري
Author: نجاة محمد بابكر
Date: 06-17-2010, 07:48 PM
Parent: #1060


ميروك رئام
Post: #1063
Title: Re: بـُــري
Author: تاج السر الشيخ ارباب
Date: 06-18-2010, 10:31 AM
Parent: #1061

الله يبارك فيك يانجـاة
وعقبال مانشاركك الافراح.
الله يديم الافراح بين الناس.
Post: #1064
Title: Re: بـُــري
Author: تاج السر الشيخ ارباب
Date: 06-19-2010, 03:18 PM
Parent: #1061

شــباب بوسـت بــري بقـي احـسـن منـو الجلوس
في نادي العـجـائــز.

انـا مسـافر السـودان يوم الاربـعـاء القادم

يعـني بالعـربي كـدة يوم الاربـعاء القادم
وبـعـد صــلاة العـشـاء اكـون جـالـس في
نـادي الـعـجـائـــز في تربيـزة الحـريق ،،،

رائـك شــنـو يا ابـو حـزامـــــــــــــــــــــــــــــــــــــــــي ،،،،،،،،

مـش احـسـن مـن الجـلوس فـي سـلطـنة عــمـان بتـاعـتك دي .

مع تـحـياتـــــــــــــــــي ،،،،،
Post: #1065
Title: Re: بـُــري
Author: حيدر امين
Date: 06-19-2010, 06:18 PM
Parent: #1064

بري السخانة والكتاحة شوف مسقط كيف وود خالتك السنى قابض الجو

الفحل اهومع الاورغ


امير يونس


IMG_1483.JPG Hosting at Sudaneseonline.com


صديق متولى


IMG_1458.JPG Hosting at Sudaneseonline.com


منار صديق


IMG_1508.JPG Hosting at Sudaneseonline.com
Post: #1066
Title: Re: بـُــري
Author: حيدر امين
Date: 06-19-2010, 06:26 PM
Parent: #1065

الف مبروك لوئام والتهتنى لبت العجب

ماشى السودان با ابوى ومنتظراك الحفلات والهجيج


وده مشاركة من مسقط و الصالة الارضية بالنادى الاجتماعى للجالية السودانية

IMG_1589.JPG Hosting at Sudaneseonline.com
Post: #1067
Title: Re: بـُــري
Author: حيدر امين
Date: 06-19-2010, 06:30 PM
Parent: #1066

أساسى قدم طلب الربع الجديد ولا لسه
Post: #1069
Title: Re: بـُــري
Author: تاج السر الشيخ ارباب
Date: 06-20-2010, 08:16 AM
Parent: #1067

السـماني

فـزعـتك بالله للربـع الجــديـــد ،،،

الجماعـة ديــل شكلهم نائـمـيــن.

مع تحـياتــي ،،،،،،
Post: #1068
Title: Re: بـُــري
Author: تاج السر الشيخ ارباب
Date: 06-20-2010, 08:12 AM
Parent: #1066

يديك العـافـية ياابوحزامي،

الاربعــاء بعـد صـلاة العشـاء تجـدني في نـادي الـعجـائـــز ،،،،،

وعامـر ساكس دة مالو تعبان كده ؟

تحياتي للجميع، وخاصـة السني وعياله،،،،،،،

مع تحياتي،،،
Post: #1070
Title: Re: بـُــري
Author: نجاة محمد بابكر
Date: 06-20-2010, 08:25 PM
Parent: #1068

حيدر مافى طريفة تنزل لينا مقاطع من الحفلة كانت لنا ايام حليل مسقط لكن عندى نية جية ان شاء الله
Post: #1071
Title: Re: بـُــري
Author: ماضي ابو العزائم
Date: 06-20-2010, 09:14 PM
Parent: #1070

ناس الخرطوم القدامى
Post: #1072
Title: Re: بـُــري
Author: ماضي ابو العزائم
Date: 06-27-2010, 00:16 AM
Parent: #1071

كلام الصور .. عدد يوليو خاص من البراري ( شجرة البراري ن... ولا نقطع فروعها ..)

ده بوست بعني كل ناس البراري

عماد جاي السودان و ناوي إفلفل البراري بري بري

و عشان الاجازة ما تروح عليهو أحسن نحدد ليهو مداخل

عت المحس يعني حيدر و التاج أعتقد أنهم حا إكونوا في السودان

و ما بقصروا زياده لزيارة لجمال إبراهيم و أحمد ود عمتي النعيمة

و أكيد الخال و أي شخص آخر تشوفوهو مناسب .

كمان همتكم يا ناس البراري التانية عايزين العدد ده إطلع كاااااارب
Post: #1073
Title: Re: بـُــري
Author: نجاة محمد بابكر
Date: 06-28-2010, 11:59 AM
Parent: #1072

اساسى النبى فيك كان ماقدمتا الطلب انت مسؤولين من الخير ابراهيم عبدالحليم وينوووووووووووو


حيدر امين بقيت كسلان لاعايز تنزل لينا حفلة ولا حتى مقطع

انت الفحل وامير ديل ضربهم سكرى ولاشنو عليك الله لو فى امكانية عايزة تلفون الفحل ولا امير ضرورى
Post: #1074
Title: Re: بـُــري
Author: حيدر امين
Date: 06-28-2010, 06:26 PM
Parent: #1073

Quote: حيدر امين بقيت كسلان لاعايز تنزل لينا حفلة ولا حتى مقطع

انت الفحل وامير ديل ضربهم سكرى ولاشنو عليك الله لو فى امكانية عايزة تلفون الفحل ولا امير ضرورى



الفحل نصيح والحمدلله بس العيال

اما اذا كان بتقصدى امير يونس العيال والسكرى وطبعا هو لسه فى البريمى

بس الماسك العود ده ما امير يونس ,,, امير فى اللقطة الاولى على المسرح


شغلنى بوست ناس الخرطوم القدام بالاضافة لموقع برى اللاماب

د. ابراهيم عبدالحليم قلنا ليه تعال مسقط ,, قطع الاخبار

أيام اجازتى الفاتت كان مفروض انسق معاه ولكن من ماجيت الى سافرت كنت مريض والمجاملات يا الله

امكن لاقيته مرة واحده فى رحلة البورداب وما كنت فاهم فيها اى حاجة
Post: #1075
Title: Re: بـُــري
Author: حيدر امين
Date: 07-01-2010, 08:54 PM
Parent: #1074

شكرا لك يا هندسه معاك فى الربع الجديد وما تخذلونا يا ناس بري
Post: #1076
Title: Re: بـُــري
Author: نجاة محمد بابكر
Date: 07-02-2010, 11:49 AM
Parent: #1075

Quote: اما اذا كان بتقصدى امير يونس العيال والسكرى وطبعا هو لسه فى البريمى

بس الماسك العود ده ما امير يونس ,,, امير فى اللقطة الاولى على المسرح



هو البركة العمل ليهو عيال لانو كان مضرب

وبعدين مالى جنيت ولا جنيت مابعرف امير يونس

ثم انت مالك ومال ناس برى اللاماب قوم لف كدة ولا كدة

بعدين بوست ناس الخرطوم القدمى بقى زى بوست برى كلو ذكريات
Post: #1077
Title: Re: بـُــري
Author: حيدر امين
Date: 07-02-2010, 05:25 PM
Parent: #1076

Quote: ثم انت مالك ومال ناس برى اللاماب قوم لف كدة ولا كدة



ما سألتى ناس اللاماب ؟؟

ايام الشباب كلها فى اللاماب وايام الغربه الاولى فى الرياضى مع ناس اللاماب ,,,

ومعظم الاصدقاء من اللاماب ,,, وبعدين هم كلهم من اهلنا

زورى بوست اللاماب تلقى المعارف كتر
Post: #1078
Title: Re: بـُــري
Author: نجاة محمد بابكر
Date: 07-02-2010, 07:41 PM
Parent: #1077

ادينى عنوان برى اللاماب

انت بوست ابناء الخرطوم القدامى ماانتقل للربع دا ولاشنو
Post: #1079
Title: Re: بـُــري
Author: ماضي ابو العزائم
Date: 07-03-2010, 08:59 AM
Parent: #1078

Quote: انت بوست ابناء الخرطوم القدامى ماانتقل للربع دا ولاشن


حضرت صور كاربة و مشيت عليهو

لكن لقيتو في الخور
Post: #1080
Title: Re: بـُــري
Author: ماضي ابو العزائم
Date: 07-03-2010, 01:36 PM
Parent: #1079

العزاء واجب

في نسيب أخونا محمد حمدالنيل

له الرحمة والمغفرة وإنى لفراقه لمحزون..والد زوجتى ذاك الرجل الانسان
Post: #1081
Title: Re: بـُــري
Author: تاج السر الشيخ ارباب
Date: 07-05-2010, 06:35 PM
Parent: #1080

الله يرحمه ويحسن اليه
ويصـبر أهله على فقـده

انا لله وانا اليه لراجـعـون ،،،،،،،
Post: #1082
Title: Re: بـُــري
Author: تاج السر الشيخ ارباب
Date: 07-05-2010, 06:38 PM
Parent: #1077

انت يا ابوحــزامي

شـكلك كنـت كاســر ركـبه في بـــــري اللامــــــــــــــــــــــــــاب دي ،،

ارفــــــــــع الســريه عـن الاوراق الرسـمـيـــــــــــــــــــه ،،،،

شـنو ما كملت 20 ســنــه ولا لســــــــــــــــــــــــــع ،ـ،،،،،،،،،،


مع تـحـيـاتــــــــــــــــــي للجـمـيـــع ،،،،،،
Post: #1210
Title: Re: بـُــري
Author: عمار زكي
Date: 11-27-2010, 10:23 AM
Parent: #1077

كامل تضامننا مع بري شقيقة توتي
Post: #1083
Title: Re: بـُــري
Author: تاج السر الشيخ ارباب
Date: 07-05-2010, 06:41 PM
Parent: #1047

العــزيـــز حــيــدر


والله رجــعــت امـس من الســـودان

والوضــع كمـا هـــو عـلــيـــه + السـخـانــــه وغــــــــــــــــــــــــلاء الاســعـــــــــــــــــــــار
ما فــي شــي رخــيص الا الإنـســــــــــــــــــــــــــــــــــــــــــــان ،،،،

والله المـسـتعــان ،،،،،،،،،،،،،،،،،،،
Post: #1084
Title: Re: بـُــري
Author: اسامة كمال الخولي
Date: 07-05-2010, 08:08 PM
Parent: #1

تحية مودة واحترام

تربطني علاقة صداقة قوية اعتز بها لابن بري الاخ صلاح نصر الموظف بشركة طيران الخليج بالخرطوم

فهو خير سفير لكم ، ارسل له التحايا عبركم


مع مودتي
Post: #1085
Title: Re: بـُــري
Author: حيدر امين
Date: 07-05-2010, 09:33 PM
Parent: #1084

Quote: انت يا ابوحــزامي

شـكلك كنـت كاســر ركـبه في بـــــري اللامــــــــــــــــــــــــــاب دي ،،

ارفــــــــــع الســريه عـن الاوراق الرسـمـيـــــــــــــــــــه ،،،،

شـنو ما كملت 20 ســنــه ولا لســــــــــــــــــــــــــع ،ـ،،،،،،،،،،


مع تـحـيـاتــــــــــــــــــي للجـمـيـــع ،،،،،،


هى الوثائق الرسميه بفكوها بعد 20 ولا 40

جيت من السودان وخليت جلبق بهناك ؟؟؟

منتديات بري اللاماب

http://vb.buriallamab.net/showthread.php?t=1009&goto=newpost
Post: #1086
Title: Re: بـُــري
Author: حيدر امين
Date: 07-05-2010, 09:38 PM
Parent: #1085

كلام الصور .. عدد يوليو خاص من البراري ( شجرة البراري ن... ولا نقطع فروعها ..)

امشوا وشاركوا
Post: #1087
Title: Re: بـُــري
Author: نجاة محمد بابكر
Date: 07-06-2010, 04:58 PM
Parent: #1086

سلام باناس برى صح النوم
Post: #1088
Title: Re: بـُــري
Author: نجاة محمد بابكر
Date: 07-07-2010, 05:39 PM
Parent: #1087

اها المونديال باقى ليهو كم يوم حتعملو شنو تانى
Post: #1089
Title: Re: بـُــري
Author: محمد النيل
Date: 07-07-2010, 06:21 PM
Parent: #1088

سلامات يا اهلنا
طولنا
Post: #1090
Title: Re: بـُــري
Author: نجاة محمد بابكر
Date: 07-08-2010, 11:09 AM
Parent: #1089

والله احترت معاكم اصحيكم كيف

حيدر امين بقى مشتت بين بوست برى وبرى اللاماب اركز

حمدالنيل صحى العالم دا
Post: #1091
Title: Re: بـُــري
Author: حيدر امين
Date: 07-10-2010, 08:15 PM
Parent: #1090

كلام الصور .. عدد يوليو خاص من البراري ( شجرة البراري ن... ولا نقطع فروعها ..)

بالله شاركو فى الموقع
Post: #1092
Title: Re: بـُــري
Author: تاج السر الشيخ ارباب
Date: 07-12-2010, 07:21 PM
Parent: #1091

يــاشـــباب ،

مالكــم هــجــرتــوا البــوســـت

ولا الجــديـــد شـــديــــــد

ادونـــا نصــف الـمـشــاركـــات هـــــنــا

وما تقعــدوا تشـتغــلوا لي بالبوســت الجــديـــــــــــــــــــــــــدة وتـهـجـــروا لــي بوســـت بـــري



مـــع تــحـــيــــــــــــــــــاتــــــــــــــــــــــــــــــــــــــــــــي ،،،،،
Post: #1093
Title: Re: بـُــري
Author: تاج السر الشيخ ارباب
Date: 07-12-2010, 07:25 PM
Parent: #1087

نــجــاة ، الجـمــاعـــة شــكلهــم مشــغــولــين بالمونــديــال وماتنـســي الجــديـــد شـــديــــد.

المونــديــــــــــــــــــــــــــال انتهـــــــــــــــــــــي ، وانشــاء ايدونا جــزء ولــوقــلــيل مــن
مشـاركــــــــــــــــــاتهــم للابــقــاء عــلــى هــــــــــــــــــــذا الــبوســــــــــــــــــــت.

شـــبـــــــــــــــــــــــــاب رجـــــــــــــــــــــــــــــاءا مــجـهــوداتــكـــم ،،،،،
Post: #1094
Title: Re: بـُــري
Author: تاج السر الشيخ ارباب
Date: 07-13-2010, 09:27 PM
Parent: #1093

شــباب ،

والله انا الــبوسـت دة ماحخليه يروح الخــور ذي ما بيقول مــاضــي

شــــــــــــــــــبـــــــــــــــــاب عــــــــــــــيــــــــــــــــــــب عــلـــيكـــــــــــــــــــــــــــــــــــــــــــــــــم

ادخل الـبوســــــــــــــت امس وارجــع اليوم ما القى ولا واحد فيك عمل في البوست اي مداخله ؟؟؟؟؟


يديــك العافــية يا ابو حــــــــــــــــــزامــــــــــــي على (قالوا على شقي ومجنون)


مــع تحــيـاتــــــــــــــــــــــــــــــــــــــــــــــــــــــــــــــــــــــــــــــــــــــــــي ، ، ، ، ، ، ، ، ، ،
Post: #1095
Title: Re: بـُــري
Author: حيدر امين
Date: 07-13-2010, 09:28 PM
Parent: #1093

يا بحر حلتنا


ماضى , التاج , ابو الريش

الحقونا بالرد بهناك

التاج قاسم حميده كان وعد بالقصيده الكاملة
واقعة عمر البدرى مع كمال ترباس فى حفلة فى القوز مع صلاح الرزيقاتى
تيلفوناتك ليهم باسرع فرصة
Post: #1096
Title: Re: بـُــري
Author: نجاة محمد بابكر
Date: 07-15-2010, 01:49 PM
Parent: #1095

ناس الاابببببببببببببببببببرة كيفكم الليلة الجو فى برى خرافة عديل كدة عيم ورزاز والناس كلها حايمة بشارع المطار

لاحظو الساعة الان الثالثة والنصف ظهرا


والمالحق الجو دا حقو راح
Post: #1097
Title: Re: بـُــري
Author: تاج السر الشيخ ارباب
Date: 07-15-2010, 09:06 PM
Parent: #1096

نـجــاة


كيف حالك وحـال بـــري ونـاس بــري

الجــو قــالــــــــــــــــــــــوا خـطططططيــــــــــــــــــــــــــــــــــر ،،،

ماتـقــولي لــــي النـاس قـاعـــديــن فــي نجـيلــــة الحــرامـــيــــة الجـنـب طرمــبـة الـنحـــلــــــــــــــــــــه .

مـع تحــيــــــــــــــــــــاتــــــــــــــــــــــــــــي ،،،،،،
Post: #1098
Title: Re: بـُــري
Author: نجاة محمد بابكر
Date: 07-15-2010, 09:28 PM
Parent: #1097

ياود الشيخ انا قلت ليك الناس حايمين فى شارع المطار مش قاعدين جنب النحلة

لذا لزم التنويه
Post: #1099
Title: Re: بـُــري
Author: تاج السر الشيخ ارباب
Date: 07-16-2010, 09:59 AM
Parent: #1098

يـديك العافـية يانجـاة

والحقيقه ، امس اتصلت السودان والجماعه نزلوا فينا شماتـه

(الجـو حلـو) على حسب كلام بنتي الصغيرة

ياابوي فاتك جو خطير هنا وانت قاعـد ليـنا في السخانـه الرطـوبه.

لكن تعرفي انـا عـندي مشكلة مع النجيله القدام النحله دي عامله لي قلق

علشان كدة على طول في بالي ، لانـو عانينا منها كثيرا

وكلما اكون ماشي بري ( نادي العجائـز ) كداري بجي ماري بيها، وياحلاوه بشوف جنس اشكال

الله يخلصنا منها.

مع تحـياتـي ،،،،
Post: #1100
Title: Re: بـُــري
Author: حيدر امين
Date: 07-16-2010, 11:00 AM
Parent: #1099

وشنو يعنى الساعة 3 ظهر والجو جميل
شنو يعنى الزاز شغال
قال الناس كلها بره
ويعنى ما يطلعوا بره

ناس بايخين


المطره نزلت ولا لسه
عمك امين اتصل امس بس عشان يقول الجو جميل ومنتظرين المطر

بختكم
Post: #1101
Title: Re: بـُــري
Author: حيدر امين
Date: 07-16-2010, 11:09 AM
Parent: #1100

شوف الجو عندهم كيف يا التاج
Post: #1102
Title: Re: بـُــري
Author: تاج السر الشيخ ارباب
Date: 07-16-2010, 08:08 PM
Parent: #1101

ابوحـزامي

ديــل جاتم مطـرة امس ، خلت الجو خـرافـي . فــرحــوا ومـن حـقهــم.

اســال عـن الجــو البوم الجمـعــة ، بعــد ما طلـعت حرارة الأرض من المطـره السـابقـه

خـليك في السـلطـنه بتاعـتك دي وبلاش حـســـد ، دوام الحــال مـن المحــال ،،،،،،،
Post: #1103
Title: Re: بـُــري
Author: تاج السر الشيخ ارباب
Date: 07-16-2010, 08:13 PM
Parent: #1102

اخـــيـــرا طلعـنا لـيكم الـبوســت من الصـفحــة 11 بعـد طـلوع الروح ،،،


مـع تحـياتــــــــــــــــــــــــــــــــــــــي ،،،،،،
Post: #1104
Title: Re: بـُــري
Author: نجاة محمد بابكر
Date: 07-17-2010, 08:54 AM
Parent: #1103

وشنو يعنى الساعة 3 ظهر والجو جميل
شنو يعنى الزاز شغال
قال الناس كلها بره
ويعنى ما يطلعوا بره

ناس بايخين


المطره نزلت ولا لسه
عمك امين اتصل امس بس عشان يقول الجو جميل ومنتظرين المطر

بختكم[



الحسادة ماعندك لكن

خـــيـــرا طلعـنا لـيكم الـبوســت من الصـفحــة 11 بعـد طـلوع الروح ،،،

هو طلوع روح ساكت


تنويه

الاقتباس ابى اشتغل معاى
Post: #1105
Title: Re: بـُــري
Author: تاج السر الشيخ ارباب
Date: 07-21-2010, 08:18 PM
Parent: #1104

الاخـت / نجاة

الاقتباس ما اشتغل معاك علشان كدة مختصرانا في صفحة واحــدة

قالـوا امس كان عـندكم مطرتين ( جمع مطره)

الله يديم عليكم الجو الجميل لانو انتو مانقصين ،،،،

مع تحياتي ،،،،
Post: #1106
Title: Re: بـُــري
Author: نجاة محمد بابكر
Date: 07-22-2010, 09:15 AM
Parent: #1105

الجو احسن منو مافى اليومين ديل جو كسح عديل كدة


انا بكتب والجو غيم وجو رهيييييييييييييييييييب

غايتو المكيفات ارتاحت


وسلامات
Post: #1107
Title: Re: بـُــري
Author: تاج السر الشيخ ارباب
Date: 07-22-2010, 09:24 PM
Parent: #1106

الاخت نجــاة

الله يديم عليكم الجو الخريفي دة ، ,انشاء الله كل رمضــان
خاصـة وانو ناس الارصـاد شايفهم اعـلـنوا الـيوم
انتو متوقع امـطار غـزيره في ولاية الخرطــوم يوم الاربعـاء القـادم .......باذن الله

مــع تحـياتــــــــــــــــــــــــــــــــــــــــــي ،،،،


انتي الناس ديــل مالم هـجـروا البوســت ده ؟

انا شـخصيا لو كل يــوم ادخله بمـداخـله واحــد مـا حاخليه يمـشــي الخــور
زي مابيقــول اخــونا مـاضـي

انشــــــــــــــــــــاء اللــــــــــــــه ،،،
Post: #1108
Title: Re: بـُــري
Author: تاج السر الشيخ ارباب
Date: 07-23-2010, 08:57 PM
Parent: #1107

شـباب صـحـوا الـنوم ، امس قلنا الخمـيس انيس معـليش . . . . . مشـغـولــين شــويـه لكم وينكم اليوم الجـمـعــه؟؟

حــركـوا نـفســكم شــويـــه


مـاضـي وابوالريش

عـســى الـمانــع خــير ، مـالكم مـا ظـاهــرين

فـكـوا وطـار ، لاحـس ولا خـبــــــــــــــــــــــــــــــــــــــــــر

مـع تحـيـاتــي ،،،،،،
Post: #1109
Title: Re: بـُــري
Author: حيدر امين
Date: 07-27-2010, 06:55 PM
Parent: #1108

http://www.sudanvoice.net/v2/BakeryHassan.mp3
Post: #1110
Title: Re: بـُــري
Author: حيدر امين
Date: 08-09-2010, 07:30 PM
Parent: #1109

وينك يا التاج منتظرين إضافاتك للمنتدى
التاريخ الناس الطرائف الدفعة الحكاوى
يلا اتحرك ياخى
Post: #1111
Title: Re: بـُــري
Author: نجاة محمد بابكر
Date: 08-09-2010, 08:12 PM
Parent: #1110

كل سنة وانتو طيبين ورمضان كريم


اها رمضانكم كيف نوم ولاشنو النظام

بس عشان نعرف البوست حاامشى الخور ولا لا
Post: #1112
Title: Re: بـُــري
Author: ماضي ابو العزائم
Date: 08-15-2010, 11:35 PM
Parent: #1111

يعني عايزننا نشارك كيف

الواحد في البيت و المكيف إقول تش

و في نفس الوقت الحرق عامل خيران


ما تفتكرو مبالغة
Post: #1113
Title: Re: بـُــري
Author: تاج السر الشيخ ارباب
Date: 08-17-2010, 05:36 PM
Parent: #1112

شــباب بـــري

رمـضـان كــريـم وانشـاء الله تصــومـوا وتفطـروا على خــير

كويـس يـاماضــي انك اليوم نشـطت البوســت، ويــن بقــية الشـباب

نحـن اليـومـين ديــل شــوية مشـغولـين بالجرى على الســوق عـشان حـان وقـت السـفر.

مـع تـحيـاتـــي ،،،

مافــيكم زول ماشـي السـودان في نهـايــة رمـضـان ؟ ( ماضي / ابوالريش / حـيدر)
افـيدوناباللـه.
Post: #1114
Title: Re: بـُــري
Author: نجاة محمد بابكر
Date: 08-18-2010, 00:33 AM
Parent: #1113

عليكم الله ماشفتو سهرات النيل الازرق البتم نقلها من ىصالة سبارك سيتى ببرى
عليكم الله ماشفتو الصالة دى رهيبة كيف

تخريمة

ايجار الصالة للحفلات 9 مليون لكن طبعا ناس برى عندهم سعر خاص يالله العايز اعرس اجينا بجاى
Post: #1115
Title: Re: بـُــري
Author: أسامة على مساعد
Date: 08-18-2010, 06:43 AM
Parent: #1114

تحياتي وسلامي لجميع سكان البراري اجدع ناس

التسعة مليون بتاعة ايجار صالة اسبارك سيتي inclusive of the pride
تحياتي للاخوان ماضي وحيدر وابوالريش
Post: #1116
Title: Re: بـُــري
Author: تاج السر الشيخ ارباب
Date: 08-18-2010, 12:47 PM
Parent: #1114

الاخـت /نجـاة

رمضان كريم وتصوموا وتفطروا على خير ، ، ، ،

الصالة دي ملك لك ولا بتسمسري في الشغله ساكت.

والله الراي شـنو ياشباب ؟

مع تحياتي ،،،،،
Post: #1117
Title: Re: بـُــري
Author: عماد الشبلي
Date: 08-18-2010, 04:14 PM
Parent: #1116


السلام عليكم ياناس بري جميعا
رمضان كريم
Post: #1118
Title: Re: بـُــري
Author: نجاة محمد بابكر
Date: 08-19-2010, 07:12 PM
Parent: #1117

ياود شيخ ارباب اى بسمسر ساكت عندك مانع

اسامة ال9 مليون دى حقت الارض والكراسى بس


الشبلى فاتك جنس تصوير
Post: #1119
Title: Re: بـُــري
Author: عماد الشبلي
Date: 08-19-2010, 10:27 PM
Parent: #1118

Quote: الشبلى فاتك جنس تصوير


نجاة سلام ورمضان كريم

وانا كمان استمتعت كتير بتصوير البراري الجميلة
Post: #1120
Title: Re: بـُــري
Author: تاج السر الشيخ ارباب
Date: 08-20-2010, 10:21 PM
Parent: #1118

الاخـت / نجــاة

والله ماعـندي مانــع ، ، ، ، وانشـاء الله ربنـا يــزيــدك

سمـسري ياختي زي ما دايره ،،،، اصـلــوا السـودان بقي كله سماسـره.

ونحن زاتوا لو لقينـا ليـنا فرصــه في شـغـلة السـمـسـره دي ماعـندنــا مـانع.

انـشــاء الله يوم 20 رمـضـان الفطـور في بـــــــــــــــــــــــــــــــري

كيف معـاك السـفــره دي ياحـيـدر امـــــــــــــــــــــــين

مـع تـحـياتــــــــــــــــــــي
Post: #1121
Title: Re: بـُــري
Author: حيدر امين
Date: 08-21-2010, 11:26 AM
Parent: #1120

Quote: انـشــاء الله يوم 20 رمـضـان الفطـور في بـــــــــــــــــــــــــــــــري

كيف معـاك السـفــره دي ياحـيـدر امـــــــــــــــــــــــين




اسكُـــــت بس جاتك ستين نٍيلــــــه
Post: #1122
Title: Re: بـُــري
Author: تاج السر الشيخ ارباب
Date: 08-21-2010, 01:14 PM
Parent: #1121

أخـونا / ابوحزامي

تحياتي ،،

يلا ياخي خلينا نحضر باقي رمضـان دة في السودان، وخمسة ايام العيد هناك.

ياواد خلينا نمشي وعيش حياتك العمـر مامعروف لمتين.
خفف جمع الفلوس دة، الناس الجمعوها عملوا بيها شـنو، راحـوا خلوها.

مـع تـحـيـاتــــي ،،،،
Post: #1123
Title: Re: بـُــري
Author: حيدر امين
Date: 08-22-2010, 09:09 PM
Parent: #1122

هى وينا البجمعوها ده
ده كان زمان يابوى خليها على الله ساكت
انت لاقى لى جده ساعة وربع يكون بهناك
نحنا هنا ترانزيت ساكت من مطار للتانى 6 ساعات
Post: #1124
Title: Re: بـُــري
Author: حيدر امين
Date: 08-22-2010, 09:11 PM
Parent: #1123

يلا يا شباب تم افتتاح منتديات برى المحس يلا سجلوا وشاركوا

http://burryalmahas.net/vb/index.php
Post: #1125
Title: Re: بـُــري
Author: تاج السر الشيخ ارباب
Date: 08-23-2010, 10:56 PM
Parent: #1123

ابوحزامي

في النهاية شـنو القصه ، جاي في نهاية رمضان ولا لا؟

انـا احتمال اجلس في السـودان قريب الشهر، بلاش دوشة وغربه على الفاضي.

مارسـلت لي شجرة احمد سليمان مع انو طلبتها منك والا انت متهرب ( من انو انا في الشجرة
بكون عمك ولد خال ابوك) بالاضافـة لانـو ود خالتك؟

والحمد عندي بنت عم فاضـله وبت رجال وصاحبت جود وكرم، رسـلتها لي اليوم

يديك العافـية يابنت العم.

مع تحياتي ،،،،،
Post: #1127
Title: Re: بـُــري
Author: حيدر امين
Date: 08-24-2010, 09:39 PM
Parent: #1125

طيب ما ترسل لينا
Post: #1128
Title: Re: بـُــري
Author: تاج السر الشيخ ارباب
Date: 08-24-2010, 11:03 PM
Parent: #1127

اخونا / ابوحزامي


للاسف النسخه المرسل لي كانت مصوره على ورق A4
علشان كدة بعض افراد الاسره محذوفـين نتيجه للتصوير

عموما عرفت من مصدري ان النسخه الاصليه موجوده مع أسامة
اخوك ، وانشاء الله الاسـبوع القادم (يوم الاثنين ) انا مسافر
الخرطوم وسوف اخذ منه النسخه الاصليه، سوف اصورها حتى لو اضطرني الامـر
اعـيد رسمها مرة اخري ، سافعل ذلك وارسلها ليك على الايميل بتاعك .
وانشاء الله سوف اعطي كل من له علاقة بها نسخه.

مع تحـــــياتــــــــــــــــــي ،،،
Post: #1129
Title: Re: بـُــري
Author: محمد النيل
Date: 08-25-2010, 02:17 AM
Parent: #1128

رمضان كريم
وكل عام وانتم بخير
اهلى الطيبين
Post: #1130
Title: Re: بـُــري
Author: ماضي ابو العزائم
Date: 08-25-2010, 03:36 AM
Parent: #1129

Quote: النسخه الاصليه موجوده مع أسامة
اخوك ، وانشاء الله الاسـبوع القادم (يوم الاثنين ) انا مسافر
الخرطوم وسوف اخذ منه النسخه الاصليه، سوف اصورها حتى لو اضطرني الامـر
اعـيد رسمها مرة اخري ، سافعل ذلك وارسلها ليك على الايميل بتاعك .


إحم إحم
Post: #1131
Title: Re: بـُــري
Author: تاج السر الشيخ ارباب
Date: 08-25-2010, 10:16 AM
Parent: #1130

حبيبنا / ماضـي

احوالك انشاء الله تكون بخير وجميع من معك ورمضان كريم.

بتحمم في شـنو، على سـفر السودان ولا شجرة عائلة احمد سليمان.

عـندي سفره للدوحة ، كل مرة بآجل فيها واتزاوغ منها، لكن يوما
ما سـتجدوني متصل عليكم من الدوحة نفسها او واقف امام اي واحد منكم(والكلام ليك
ايضا ياابوالريش).
ياخي ملاحظ اليومين ديل حاجة غريبه كدة اغلب الناس الكانت بتعمل في ابوظبي
كلهم بيقوا يتحولوا للعمل في الدوحةالحاصـل شنو عندكم ، فتحت مشاريع جـديدة عندكم
ولا الحاصل شـنو، عقبال كمان مايجوكم كمان نــاس ســلطـنة عــمان( ناس حيدر امين والسني).

مـع تحـياتي ،،،،،
Post: #1132
Title: Re: بـُــري
Author: حيدر امين
Date: 08-27-2010, 12:05 PM
Parent: #1131

كان بتتكلم عن شجرة اسامه وكوثر عبداللطيف ده عندى انا
وال A4 من توزيعى زمان بدرى اذكر اديت منها فى الامارات الحبر ورشيد سليمان ومرتضى محمد ابراهيم

النسخة العندى مقاس كبير حاولت اصغرها بعض المعلومات بتختفى
Post: #1133
Title: Re: بـُــري
Author: حيدر امين
Date: 08-27-2010, 12:07 PM
Parent: #1132

حزن بالغ لوفاة ( محمّد ) شقيق زميلة المنبر الأُخت ( محا...ن إبراهيم ) قبل قليل

لا حول ولا قوة الا بالله

للفقيد الرحمة وللاخت محاسن والاسرة الصبر والسلوان
انا لله وانا اليه راجعون
Post: #1135
Title: Re: بـُــري
Author: تاج السر الشيخ ارباب
Date: 08-28-2010, 00:08 AM
Parent: #1133

الاخت / محـاســن

للفـقـيد الرحمـة ولكم منـا حـسـن العــزاء
انشاء الله ربـنا يرحمـة رحمـة واسـعـه ويلهمكم
الصـبر والسـلوان ، ويصـبركـم على فـقـده.

اللهم ارحم موتانا ومـوتي المسلمين اجمـعـين يارب.

وتقبلي خالـص تعـازيـنا,
Post: #1134
Title: Re: بـُــري
Author: تاج السر الشيخ ارباب
Date: 08-27-2010, 11:25 PM
Parent: #1132

اخونا / حـيدر

دي شكلها دايرا ليها ماكينة تصوير كبيره حتي يتم
تصغيرها بدون ان تختفي بعض التفاصيل، او من الممكن
ان يتم رسمها من جديد باستخدام الباور بوينت ، والا انا
ماعندي رهام بتدرس هندسة معمارية وعند بورت رسم في البيت
واليومين ديل في اجازة.

خلينا نستفيد من استثماراتنا.

بعد يومين بكون في الخرطوم وبشيل الاصل من اسامة واشوف ايه الاقدر اعملوا.

مع تحياتي ،،،،
Post: #1136
Title: Re: بـُــري
Author: حيدر امين
Date: 08-28-2010, 05:14 PM
Parent: #1134

نسخه ارسلتها لمحمد امين قبل ما يغترب على اساس يعيد رسمها ويضيف الاجيال الجديده و ما حصل
Post: #1137
Title: Re: بـُــري
Author: تاج السر الشيخ ارباب
Date: 08-28-2010, 10:56 PM
Parent: #1136

الحبيب / ابوحزامي

انـشاء الله سـبذل الجهد في اتمام شجرة جدنا احمد سليمان
خاصـة وانني ذاهب بعـد غـدا للخرطوم وسقابل كل الاشخاص
الذين لهم علاقـة بالامـر.

مع تحـياتـــي ،،،،،
Post: #1138
Title: Re: بـُــري
Author: ماضي ابو العزائم
Date: 08-28-2010, 11:46 PM
Parent: #1137

سجلوا هنا

http://burryalmahas.net/vb/index.php
Post: #1139
Title: Re: بـُــري
Author: نجاة محمد بابكر
Date: 08-29-2010, 08:56 PM
Parent: #1138

بعد مانسجل حاابقى زى بوست برى امشى زى السلحفاة مش
Post: #1140
Title: Re: بـُــري
Author: نجاة محمد بابكر
Date: 08-29-2010, 09:00 PM
Parent: #1138

اها الرابط ابى افتح معاى
Post: #1141
Title: Re: بـُــري
Author: ماضي ابو العزائم
Date: 08-29-2010, 09:11 PM
Parent: #1140

Quote: اها الرابط ابى افتح معاى


ودى كمبيوترك الخوووووووووووووور
Post: #1142
Title: Re: بـُــري
Author: نجاة محمد بابكر
Date: 08-29-2010, 11:08 PM
Parent: #1141

ياتو خوووووووووووووور دا
Post: #1143
Title: Re: بـُــري
Author: ماضي ابو العزائم
Date: 08-29-2010, 11:45 PM
Parent: #1142

هاك مرة تانية

http://burryalmahas.net/vb/index.php
Post: #1144
Title: Re: بـُــري
Author: حيدر امين
Date: 09-09-2010, 11:50 AM
Parent: #1136
Post: #1145
Title: Re: بـُــري
Author: عماد الشبلي
Date: 09-09-2010, 07:02 PM
Parent: #1144

_MAD10.JPG Hosting at Sudaneseonline.com

الي جميع اهالي البراري .. كل عام وانتم بخير وعيد سعيد
Post: #1146
Title: Re: بـُــري
Author: عاصم المشرف
Date: 09-10-2010, 00:21 AM
Parent: #1145

ناس برى سلام
غيد مبارك سعيد
تابعت البوست ومداخلاتكم الشيقة بعد انقطاع التواصل ييننا لظرف صحى واخر لفقدان الباست ورد
ومن خلال المداخلات عرفت ان برى اصبحت فيها بعض المعالم الجديدة التى لم تكن موجودة حين تواجدنا
بالبلد ومن ذلك الصالة التى تحدثت عنها الاخت/ نجاة(استارك سيتى)وهذا الحكى يقودنى لمعرفة هذه المواقع بالصور اذا امكن للتمعن فيهاونتمنى ان تكون مع الصور اسطر تعريفية لهاومن ذلك ايضا
برج الاتصالات
الفلل الرئاسية
القاعة المتحدث عنها(استارك سيتى)
منتزه برى الجديد
بدأت برى من خلال الحكى الذى تحكونه تسير نحو خطى المدن المتكاملةالا انهافى حاجة الى مشروع فكرى وتثقيفى متكامل لتذداد المدينة به رونقا وجمالا وهو قيام مكتبة عامة مفتوحة للجميع وهو مشروع ( مكتبة البرارى العامة)وسبق وان تم طرح الفكرة لبعض المهتمين بالعمل العام منذ فترة وارى ان مثل هذا المشروع يحتاج الى تكاتف الجهود والتعاون بين جميع ابناء البرارى داخليا وخارجيا لاجل انفاذه ومن هنا نعيد طرحة مرة اخرى وبصورة عملية ومن خلال هذا البوست الذى يجمع كثير من ابناء تلك المدينة العريقة وتأكيدا على الجدية لاتمام هذا المشروع فلنبدأ بتكوين لجنة لتسير هذا العمل من الداخل والخارج
والمشروع كما اسلفت سبق وان طرح كمقترح بذات الاسم وكنانؤمل ان يكون الموقع نادى برى السابق(شارع المعرض الدولى) ولكن يبدوا ان هذا الموقع اصبح فى خبر كان ولكن يمكن ان تنتقل الفكرة لمذيد من العرض والتوضيح لاسرة ادارة نادى برى الرياضى باعتباره الوعاء الشامل لاهل برى ولوسطية المكان ووسعة لاستفطاع مساحة لبناء مثل هذا الصرح الذى يمكن الاستفادة منه فى تطوير المدينة
ولمذيد من التواصل والتفاكر حول الموضوع يمكن الاتصل على الايمل ([email protected] لمزيد من المقترحات من اجل عمل ينمى مغشوقتنا (البرارى)
هناك 300 كتاب فى شتى العلوم جاهزة للترحيل والتسليم لهذا المشروع اهداء من اصدارة صوت النيل
هيا بنا نجعل من هذا الحلم الذى يراود الجميع حقيقية
Post: #1147
Title: Re: بـُــري
Author: نجاة محمد بابكر
Date: 09-11-2010, 01:41 PM
Parent: #1146

Quote: برج الاتصالات
الفلل الرئاسية
القاعة المتحدث عنها(استارك سيتى)
منتزه برى الجديد



حاضرين ومعاك فى مشروع المكتبة من الداخل يالله شوف لينا ناس الخارج

شوف الايميل
Post: #1148
Title: Re: بـُــري
Author: حيدر امين
Date: 09-11-2010, 06:02 PM
Parent: #1147

كل عام وانتم بخير

الاخ عاصم المشرف والاخت نجاة

يمكنكم الدخول والتسجيل فى منتديات برى المحس عن طريق جوجل

ونجنا فى انتظاركم ومناقشة موضوع المكتبه
Post: #1149
Title: Re: بـُــري
Author: عاصم المشرف
Date: 09-11-2010, 07:34 PM
Parent: #1148

حزف للتكرار
Post: #1150
Title: Re: بـُــري
Author: عاصم المشرف
Date: 09-11-2010, 07:35 PM
Parent: #1148

الاخت / نجاة
الاخ/ حيدر
شكرا على المداخلة واتمنى ان تجد الفكرة دعما وتضامنا من جميع اهالى البرارى
وعيد سعيد مرة اخرى
امل فى تنزيل صور تعريفية لهذه المواقع لان الشوق بحر لمعرفتها
Quote
: برج الاتصالات
الفلل الرئاسية
القاعة المتحدث عنها(استارك سيتى)
منتزه برى الجديد


فى انتظار الاميل اخت نجاة بابكر
وبسأل عن عنوان اوهاتف الاستاذ/ صلاح محمود(ملحق ادرى سابق بسفارة السودان بالمغرب) من ابناء برى المحس
Post: #1151
Title: Re: بـُــري
Author: نجاة محمد بابكر
Date: 09-13-2010, 04:48 PM
Parent: #1150

كل سنة وانتو طيبين مرة تانية نفسى الصفحة دى تنقلب عشان الغنية بتاعت حيدر عاملة جن كلكى
Post: #1152
Title: Re: بـُــري
Author: نجاة محمد بابكر
Date: 09-16-2010, 10:31 AM
Parent: #1151

up
Post: #1153
Title: Re: بـُــري
Author: حيدر امين
Date: 09-16-2010, 11:03 AM
Parent: #1152

Quote: امل فى تنزيل صور تعريفية لهذه المواقع لان الشوق بحر لمعرفتها
Quote
: برج الاتصالات
الفلل الرئاسية
القاعة المتحدث عنها(استارك سيتى)
منتزه برى الجديد


فى انتظار الاميل اخت نجاة بابكر
وبسأل عن عنوان اوهاتف الاستاذ/ صلاح محمود(ملحق ادرى سابق بسفارة السودان بالمغرب) من ابناء برى المحس


ما عارف تقصد صور فتوغرافية للمواقع دى ولا مواقع كيف

برج الاتصالات اقيم فى اللاماب ما بين المقابر وجزء من مدرسة قرنفلى فى مواجهة الحريف شرق
الفلل الرئاسية نزعت اراضى غابة ودالنور يعنى بعد معرض الخرطوم الدولى وانت ماشى على اللاماب
قاعة استارك سيتى هى جزء من نادى برى الرياضى فى الجهة الشرقية وتفتح على الاستاد المزمع اقامته منذ سنوات لكنها الان تصنف كاجمل واحدث صالة افراح فى السودان كل سهرات قناة النيل الازرق خلال شهر رمضان كانت تبث من هناك

منتزه برى الجديد وهو يقع غرب كبرى برى (كوبر) بعد ان تم ازالة كل المبانى التابعة لوزارة التربية والتعليم بما فيها مدرسة الخرطوم التجارية ومدرسة الخرطوم القديمة

انت يا نجاة بكرى حسن كان عامل ليكم جن يا توقفيه ولا تنزلى اغنية اخرى والا باكر بنزل اغنية يا زمان يا قاسى
Post: #1154
Title: Re: بـُــري
Author: حيدر امين
Date: 09-16-2010, 11:16 AM
Parent: #1153

عاصم المشرف ,, صلاح محمود ,, ممكن الاسم كامل



burri.jpg Hosting at Sudaneseonline.com
Post: #1156
Title: Re: بـُــري
Author: نجاة محمد بابكر
Date: 09-17-2010, 09:36 PM
Parent: #1154


برى المحس دى من جوجل ابت تجئ حكايتها شنو
Post: #1157
Title: Re: بـُــري
Author: Mekki M Alhassan
Date: 09-18-2010, 05:43 AM
Parent: #1156

كل عام وأنتم بخير وربنا يحقق الأماني
تسجيل متابعة من جوار القطب الشمالي
Post: #1158
Title: Re: بـُــري
Author: نجاة محمد بابكر
Date: 09-19-2010, 11:46 AM
Parent: #1157

Quote: كل عام وأنتم بخير وربنا يحقق الأماني
تسجيل متابعة من جوار القطب الشمالي


مرحب بيك لكن متابعة لى نتمنى المشاركة
Post: #1159
Title: Re: بـُــري
Author: نجاة محمد بابكر
Date: 09-23-2010, 11:43 AM
Parent: #1158



شكل البوست دا ماحاانتقل للربع الاخير لانو اتعمل موقع برى الابا ماافتح بكل الطرق تصدقة عندى 3 اجهزة فى البيت وكل جهاز فيهو ويندوز براهو وبرضو

الموقع مافتح معاى اكون الموقع دا حصرى لحيدر امين واولاد خالتو

لوووووووووووووووووووووووووووووووووووووووووووول
Post: #1160
Title: Re: بـُــري
Author: تاج السر الشيخ ارباب
Date: 09-23-2010, 04:53 PM
Parent: #1159

حـيدر اميـن واولاد خالاتوا اســياد بـلــد يانـجــاة ...... عـندك اعـتراض ؟

وكل عام وانتي بخـير ،،،، برد عليك من بـري علشان كـده
كل المواقـع بتفـتح مـعـانا.

احتمال يكون عندك وندوز فيستا، اليومين ديل بيعمل مشاكل.
اعملي ليهوا upgrade to Window 7 ولا اسمعي كلام ماضـي وانا
بنصحك في خور قدام مدرسة بري المحس الابتدائية ومدرسة البركة
خور تمام مبني خرسانه ومسقوف تسليح .... احتمال تحتاجيه لو عملية
وندوز 7 مانفعت مع جهازك.

مع تحـياتي ،،،،،
Post: #1161
Title: Re: بـُــري
Author: حيدر امين
Date: 09-23-2010, 10:56 PM
Parent: #1160

Quote: حـيدر اميـن واولاد خالاتوا اســياد بـلــد يانـجــاة ...... عـندك اعـتراض ؟

وكل عام وانتي بخـير ،،،، برد عليك من بـري علشان كـده
كل المواقـع بتفـتح مـعـانا.

احتمال يكون عندك وندوز فيستا، اليومين ديل بيعمل مشاكل.
اعملي ليهوا upgrade to Window 7 ولا اسمعي كلام ماضـي وانا
بنصحك في خور قدام مدرسة بري المحس الابتدائية ومدرسة البركة
خور تمام مبني خرسانه ومسقوف تسليح .... احتمال تحتاجيه لو عملية
وندوز 7 مانفعت مع جهازك.

مع تحـياتي ،،،،،


دى واحدمن المشاكل و كمان نوع المتصفح واحسن شى الويندوز يا نجاة جربى الرابط ادناه

http://burryalmahas.net/vb/############.php?f=7



اشياء مطلوبه عاجلا

التاج بالله القصيده ( العريبى قاسم حميده ) + شجرة العائلة + كمال صديق موضوع الاحتفال بمرور 100 عام على تأسيس مدرسة برى المحس الاولية ( الصور القديمه )

وطيب وقتين موقع برى المحس ما سجلت مالك
Post: #1162
Title: Re: بـُــري
Author: نجاة محمد بابكر
Date: 09-26-2010, 04:11 PM
Parent: #1161

up
Post: #1163
Title: Re: بـُــري
Author: إبراهيم عبد الحليم
Date: 09-26-2010, 06:28 PM
Parent: #1162

البوست ده حيمشى الارشيف و لا شنو؟
Post: #1164
Title: Re: بـُــري
Author: نجاة محمد بابكر
Date: 09-26-2010, 08:41 PM
Parent: #1163

والله زمن يادكتور وينك انت ووين ايامك


الحاصل شنو والله شكلو حاامشى الارشيف
Post: #1165
Title: Re: بـُــري
Author: ماضي ابو العزائم
Date: 09-27-2010, 00:00 AM
Parent: #1164



Quote: الحاصل شنو والله شكلو حاامشى الارشيف


البوست ما ماشي الارشيف

لكن في جهاز حا إمشي الخور

الروابط بتاعتي شغالة

و رابط حيدر شغال
Post: #1166
Title: Re: بـُــري
Author: حيدر امين
Date: 09-27-2010, 12:26 PM
Parent: #1161

اكبر حملة نظافة عامه ببرى اللاماب ينادى بها مندى برى اللاماب


http://77.98.51.78/vb/showthread.php?s=a4271b28b8d69076...75cd9066007a2&t=2282
Post: #1167
Title: Re: بـُــري
Author: حيدر امين
Date: 09-27-2010, 12:32 PM
Parent: #1166

Quote: وبسأل عن عنوان اوهاتف الاستاذ/ صلاح محمود(ملحق ادرى سابق بسفارة السودان بالمغرب) من ابناء برى المحس



انتوا يا جماعة عاصم المشرف ده كان بسأل عن صلاح محمود حسن امين ولا واحد تانى

نجاة ممكن الاجابة لو عندك
Post: #1168
Title: Re: بـُــري
Author: نجاة محمد بابكر
Date: 09-27-2010, 03:46 PM
Parent: #1167

لو بسأل عن صلاح محمود حسن امين هو موجود حاليا فى السودان وجاه فشل كلوى وبغسل 3 مرات فى الاسبوع
ي
ربنا اشفيه يارب دعواتكم ممكن اجيب ليكم تلفونو لو هو المقصود



تخريمة

والله شكلو كدة جهازى حاامشى الخور بما انو اللاب توب جديد شهرين ماتم لكن الفيستا الفيهو هو الزفت
الغريبة لمن امشى محلات الكمبيوتر بقولو لى الفيستا دا الاصلى وخسارة تغييرهو

العمل؟
Post: #1169
Title: Re: بـُــري
Author: ماضي ابو العزائم
Date: 09-27-2010, 10:03 PM
Parent: #1168

Quote: لمن امشى محلات الكمبيوتر بقولو لى الفيستا دا الاصلى وخسارة تغييرهو


هو الفستا ده كان فيهو عمار ناس المكروسوفت عجلو بالوندوز 7 لية ؟؟؟
Post: #1170
Title: Re: بـُــري
Author: تاج السر الشيخ ارباب
Date: 09-28-2010, 01:44 PM
Parent: #1168

الله يرفع عنه صلاح وأنشاء الله ربنا يشفيه.

اما بخصوص لابتوبك ، اسمعي كلامي غييري الفيستا السجم دي
وركبي ويندوز 7 زي ماقلته ليك ولا عـندك الخور الوصفتوه ليك
خـور 5 نجوم. وانتي حره.

مع تحـياتي ،،،،
Post: #1171
Title: Re: بـُــري
Author: تاج السر الشيخ ارباب
Date: 09-28-2010, 01:56 PM
Parent: #1170

يـاخـوانا حرام عليكم البوست يمشي الخور ونحـن نمشي وين ؟ نمشـي معـاهو كمان ولا شـنـو؟

اخـونـا / السـماني مـبارك

بالله فـزعتك لايودوا لينا بري كلها الخـور.

الـبتنا زمـان كان عـندهم اغـنية بتـقول
(بـري الجـميله ، بـري بـلـد مافـيش مثـيلها )

السـماني


الـحقـونامـحتاجـين واسـطـه مع ناسـنا الكسـلانيين .
ارفـعـوا لينا البوسـت وبـعـد الارشـفه أنشـاء الله حيتحرك تمام التمام.

مـع تـحـياتـي
Post: #1172
Title: Re: بـُــري
Author: حيدر امين
Date: 09-28-2010, 03:19 PM
Parent: #1170

يا اخوانا ما تشفقوا السمانى من زمان طلب رفع البوست للربع الجديد
وبقول:

بـُــري

بالرغم من اني ما عارف الحاصل في البوست دا من الصفحة الرابعة
Post: #1173
Title: Re: بـُــري
Author: ماضي ابو العزائم
Date: 09-30-2010, 08:52 PM
Parent: #1172

Quote: بالرغم من اني ما عارف الحاصل في البوست دا من الصفحة الرابعة


الدباب طلع منها

يا جماعة محمد الشيخ وين؟؟
Post: #1174
Title: Re: بـُــري
Author: حيدر امين
Date: 10-02-2010, 02:14 PM
Parent: #1173

يلا شدو حيلكم فى الربع الاخير من السنه وخلونا نكون فى 2011
Post: #1175
Title: Re: بـُــري
Author: ماضي ابو العزائم
Date: 10-03-2010, 11:09 AM
Parent: #1174

Quote: يلا شدو حيلكم فى الربع الاخير من السنه وخلونا نكون فى 2011


تعرف يا حيدر الناس في السودان مشاركاتم قليلة جدا

حتي التاج لما إمشي بنوم على الخط
Post: #1176
Title: Re: بـُــري
Author: محمد أبوالعزائم أبوالريش
Date: 10-04-2010, 09:11 AM
Parent: #1175


سلام يا أهلنا .......

عايز أقول كلام بايخ شوية .....

كلامكم عن البوست، وعدم مشاركة الناس ..... أنا يخيل لي المسألة دي عندها سبب. أرجعوا لبداية البوست، في صفحاتو الأولى، كان بيتكلم عن بري، تقسيمها الجغرافي ... تاريخها ... شخصيات (فنية - رياضية - ثقافية - إجتماعية - سياسية .... إلخ)، حتى ظرفاء بري. لو مشى على الوتيرة دي بيكون جاذب للناس يشاركوا، ولغير الأعضاء ليتابعوا. أما إنو يكون ونسة وزيو زي أي مسينجر و(شات) .... ما حيكون جاذب. طبعاً الونسة لذيذة ومطلوبة، وتستمر القفشات .... لكن في كتير عن بري لسة ما إتقال ... ليه وقفنا عنو؟ التاج ... إستفيد ياخ من وجودك هناك وشوف الحاجات الطلبها منك حيدر و(نادي العجايز ملحوق) ... وليه ملحوق؟ نادي العجايز زاتو ممكن، بل ومفروض يكون مصدر أشياء كتيرة.

خلاص ....... قلت كلامي البايخ.
Post: #1177
Title: Re: بـُــري
Author: أسامة على مساعد
Date: 10-04-2010, 10:28 AM
Parent: #1176

يا سكان بري والله اي واحد ممكن اكتب عن منطقتو مجلدات وكتب شنو يا اخوانا افيدونا شويه كلما ادخل البوست المعنون بري عشان القى حاجه تفيد ولا مسليه القى الموضوع كلو شجرة انساب آل منو وشجرة انساب آل منو وتمجيد في منطقة بري وكانها مختلفه عن بلاد الله الواسعه دي يا جماعه كل شخص بشوف منطقتو احسن منطقة (وقالو القرد في عين امو غزاله) لكن الموضوعيه مطلوبه نحترم بري وسكانها كما نحترم جميع سكان مناطق السودان لكن ورونا الشي المفيد وفكونا من شجر الانساب والاشراف يعني خلاص الجدو جابتو الظروف والبحث عن لقمة العيش واستوطن بري معناهو خلاص خرطوم غردون دي حقتو والله شبعنا كلام عن من هم اهل الخرطوم ومن هم اهل امدرمان كل يدعي السياده والحق الاصيل وزي ماقالو " عجفانة القبيله الديمه تبقى سمينه"
مع تحياتي للاخ ابوماضي ولجميع سكان بري الحلوين
اسامة الجموعي
Post: #1178
Title: Re: بـُــري
Author: نجاة محمد بابكر
Date: 10-07-2010, 11:54 AM
Parent: #1177

Quote: عايز أقول كلام بايخ شوية


والله انا قلتا مشيت قطر بطلتا البياخة شوية لكن الحمدلله على ماابتلاك


بجد كلامك بماانو بايخ لكنو فى محلووووووووو


وتسلم


تخريمة

ممكن نعمل خط لبوست برى اسير عليهو الفترة الجاية وان شاء الله تكون المشاركات فعالة
وعلى فكرة ناس برى فى سودانيزاونلاين بسيطين عشان كدة المشاركة بسيطة


شوفو لى طريقة لمنتدى برى والله عايزة اموت واشوفو
Post: #1179
Title: Re: بـُــري
Author: محمد أبوالعزائم أبوالريش
Date: 10-07-2010, 01:37 PM
Parent: #1178

Quote: شوفو لى طريقة لمنتدى برى والله عايزة اموت واشوفو


الرابط الختاهو ليك حيدر صحيح ...

لو ما اشتغل معاك ... شيلي كمبيوترك وديهو (كوشة الجبل)

http://burryalmahas.net/vb/############.php?f=7

هاك ليهو على جزئين، عشان شايفو بيظهر كده = ######
الجزء الأول:
http://burryalmahas.net
بعدين:
/vb/ forum display. php ? f=7
(شيلي المسافات)
Post: #1180
Title: Re: بـُــري
Author: نجاة محمد بابكر
Date: 10-08-2010, 01:57 PM
Parent: #1179

up
Post: #1181
Title: Re: بـُــري
Author: إبراهيم عبد الحليم
Date: 10-08-2010, 07:08 PM
Parent: #1180

Quote: UP


الاغنية الختاها حيدر بتاعت بكرى حسن هى الطفشتنا من البوست ده ههه

تحيات للجميع
Post: #1182
Title: Re: بـُــري
Author: نجاة محمد بابكر
Date: 10-09-2010, 10:43 AM
Parent: #1181

Quote: الاغنية الختاها حيدر بتاعت بكرى حسن هى الطفشتنا من البوست ده ههه

تصدق هى ذاتها بعينها



مشحتفييييييييييييين كتير
Post: #1183
Title: Re: بـُــري
Author: إبراهيم عبد الحليم
Date: 10-10-2010, 03:07 PM
Parent: #1182

نجاة يا جارتى العزيزة

خشى البوست ده وشوفى انا بعمل لبرى شنو. جزاك على مجهودك فى هذا البوست
الباقيين الرجالة ديل ممنوعين من الدخول. حيدر ممكن يدخل يتاوق ساكت ويتخارج سريع. ناس ابوالريش ديل جاييهم يوم
هه هه

تحياتى للجميع


الدخان والدلكة الخلن عقلى لكة - فيو جديد
Post: #1184
Title: Re: بـُــري
Author: نجاة محمد بابكر
Date: 10-11-2010, 05:38 PM
Parent: #1183

حصرى لناس برى

مطرة حلوووووووووووة شديد فى برى بس وشغالة حسع

عبدالحليم شفتا اللوست وعلقت ليك عليهو كمان
Post: #1185
Title: Re: بـُــري
Author: نجاة محمد بابكر
Date: 10-13-2010, 08:16 AM
Parent: #1184

فووووووووووووووووووق
Post: #1186
Title: Re: بـُــري
Author: حيدر امين
Date: 10-18-2010, 09:29 AM
Parent: #1185

إنا لله وإنا اليه راجعون

فيصل نصر فى ذمة الله

اللهم ارحمه واغفر له

ولا حول ولا قوة الا بالله
Post: #1187
Title: Re: بـُــري
Author: حيدر امين
Date: 10-18-2010, 09:33 AM
Parent: #1186

فى اللقاءالسفارة السودانية بمسقط مع والى الخرطوم الدكتور عبدالرحمن الخضر سألته عن قصة اراضى جروف البرارى فتفضل مشكورا بالاجابة
Post: #1188
Title: Re: بـُــري
Author: حيدر امين
Date: 10-18-2010, 09:38 AM
Parent: #1187
Post: #1189
Title: Re: بـُــري
Author: Abdelrahim Elamin
Date: 10-18-2010, 10:33 AM
Parent: #1188


الأخ حيدر أمين

سلامات

الفيديو كده أحسن...وأغنية بكري حسن البتفتح عند فتح البوست
بتعمل تشويش عليه...ياريت لو تخليها تفتح حسب الطلب

مع ودي وتقديري
Post: #1190
Title: Re: بـُــري
Author: حيدر امين
Date: 10-19-2010, 07:59 PM
Parent: #1188

توجد مشكله لمتصفحى منتديات برى المحس من داخل السودان
سيتم حل المشكل مع الجهة المانحه قريبا باذن الله
Post: #1191
Title: Re: بـُــري
Author: نجاة محمد بابكر
Date: 10-20-2010, 06:21 PM
Parent: #1190

Quote: توجد مشكله لمتصفحى منتديات برى المحس من داخل السودان
سيتم حل المشكل مع الجهة المانحه قريبا باذن الله


ماقلنا كدة قالو ودو الكمبيوتر الخور
بالله حلو لينا المشكلة دى بسرعة
ماعزبتونا
Post: #1192
Title: Re: بـُــري
Author: عاصم المشرف
Date: 10-20-2010, 10:42 PM
Parent: #1191

وكمان لانستطيع الدخول من القاهرة وفى حاجة لشرح تعقيدات المنتدى فالباس ورد كل يوم طائر.
وهو كان السبب فى عدم وصول مقترح المكتبة الذى حدثتكم عنه
- اختنا نجاة
شرحت لك فكرة موضوع المكتبةوكنت اتمنى الرد على الاميل
مازلت فى حاجة للصور الخاصة بالمواقع العامة الجديدة ببرى

تحياتى لكم وبرى الحنونة
Post: #1193
Title: Re: بـُــري
Author: نجاة محمد بابكر
Date: 10-21-2010, 03:47 PM
Parent: #1192

up
Post: #1194
Title: Re: بـُــري
Author: نجاة محمد بابكر
Date: 10-23-2010, 10:54 AM
Parent: #1193

عاصم رسلت ليك فى الخاص مارديت
Post: #1195
Title: Re: بـُــري
Author: نجاة محمد بابكر
Date: 10-25-2010, 10:28 AM
Parent: #1194

up


up



up

صح النوم
Post: #1196
Title: Re: بـُــري
Author: نجاة محمد بابكر
Date: 10-26-2010, 07:31 AM
Parent: #1195

rghbgfdnbhgnhgn
Post: #1197
Title: Re: بـُــري
Author: عاصم المشرف
Date: 10-27-2010, 01:51 AM
Parent: #1196

اقام نادى برى الرياضى بالتضامن مع قناة النيل الازرق امسيةفنيةالاحد24/19/2010 كبيرة بقاعة الميرلاند احتفالا وتكريما للفنان على ابراهيم اللحو شارك فيها العديد من الفنانين وذلك تقديرا من اهل البرارى لدوره فى مسيرة الغناء والمنطقة وفى حوار مع صحيفة الاحداث منقول نصة قال اللحوللمحررة رندة البخارى:-

Quote: اللحو سعيدلاننى كرمت قبل مماتى
رندة بخارى:
صاحب صوت جميل وأداء سمته التميز، نشأ في بيئة بدوية، في موطن الجعليين، تشبّع بحب الدوبيت في مدينة شندي التي كانت مديرية في ذلك الوقت. وكان أهل شندي يقرضون الشعر.
ومنذ نعومة أظافره يستمع إلى أغنيات بها حنين البوادي وهو من قرية موريس جنوب غرب شندي حفظ القرآن بها. والشيء الذي شده للالتحقاق بالقوات المسلحة أغنية عزة في هواك لخليل فرح أحب الفنان اللحو الفن ولكن واجهته معضلة وهي أن العامل بالقوات المسلحة لا يمكن أن يصبح فنانا، وبعد أن ترك عمله بالقوات المسلحة تحققت أمنيته بأن يصبح فنانا، وكان ذلك في العام 1957 م
فنان قامة
نظم نادى بري الثقافى حفل تكريم للفنان علي إبراهيم اللحو تقديرا للدور العظيم الذى قدمه طوال الخمسين عام التى قدمها من خلالها أعمال غنائية جليلة ملكت وشكلت وجدان الشعب السودانى، وجاء التكريم بالتعاون مع قناة النيل الأزرق، وشرف الحفل وزير الثقافة الأستاذ/ السموأل خلف الله، ورئيس اتحاد المهن الموسيقية، بجانب عدد من السياسين والرياضيين. وتحدث ممثل نادي بري الثقافى مثنياً على الشراكة بين نادي بري الرياضي.....، وقال: إن تكريم اللحو يأتي لفنان قامة، لأنه ملء السمع والبصر، أغنى وجدان الشعب السوداني. وكرّم نادي بري قناة النيل الأزرق ممثلة فى الجنرال حسن فضل المولى
أداؤهم رائع
وتحدث إلينا الفنان علي إبراهيم اللحو فى المهاتفة التي جمعتنا معه ظهر الأمس بكل سعادة قائلا: أنا سعيد للغاية وينتابني شعور جميل بعد تكريم أهل البراري لي وأنا فخور بتكريمهم الذى أعتبره وسام شرف على صدري، وأيضا قناة النيل الأزرق التى دخلت فى شراكة مع نادي بري، فخرج التكريم بالصورة التى أعجبتنى وجميع الحضور. ولا بد من أن أبعث بالشكر لجميع الزملاء الفنانين الذين كانوا حضوار أنيقا وزانوا الأمسية من خلال مشاركتهم لي حيث حضر كلٌّ من الفنان الكبير محمد الامين ...محمد ميرغنى ...مجذوب أونسة ..زيدان إبراهيم ..سيف الجامعة ..جمال فرفور ...أحمد الصادق ...عبدالباقى حسن عثمان. والحق يقال: إن جميع الفنانين الذين تغنوا بأغنياتى كان أداؤهم رائعا لها، وتفاعل الحضور معهم.
قبل مماتي
وسألنا اللحو عن ماذا يريد أن يقول لأصدقائه الفنانين وأهل البراري الذين كرموه؟
صمت برهة قبل أن يقول: أقول للأخوة الفناين شكرا جميلا لكم، فأنا سعادتي اكتملت بحضوركم، وأشكر أهلي اهل البراري الذين كرموني وجعلوني أرى تكريمي قبل مماتى فجزاهم الله كل خير.[/

B]
--------------
للتوثيق نرجو تنزيل البوست الذى تم نشره بالموقع من قبل عن اللحو
Post: #1198
Title: Re: بـُــري
Author: نجاة محمد بابكر
Date: 10-28-2010, 10:29 AM
Parent: #1197

موقع برى لحسع ماعدلتو لينا اصلكم بتعملو فى شنو
Post: #1199
Title: Re: بـُــري
Author: نجاة محمد بابكر
Date: 10-30-2010, 01:12 PM
Parent: #1198

سلام الناس النايمة
Post: #1200
Title: Re: بـُــري
Author: محمد أبوالعزائم أبوالريش
Date: 10-30-2010, 01:47 PM
Parent: #1199


يا جماعة الحكاية شنو؟

ما يكون كلامي المسيخ داك خلى الناس يحردوا البوست؟

التاج ...... ياخ إقترحنا إنك تستفيد من وجودك في البلد، وتحرّك المواضيع المؤجلة ...... مش تنوم في الخط.
Post: #1201
Title: Re: بـُــري
Author: نجاة محمد بابكر
Date: 11-07-2010, 09:40 PM
Parent: #1200

نووووووووووووووووم شديد
Post: #1202
Title: Re: بـُــري
Author: حيدر امين
Date: 11-21-2010, 10:16 AM
Parent: #1190

العيد الجاب الناس

كل سنه والكل بخير
Post: #1203
Title: Re: بـُــري
Author: ابوبكر قسومة
Date: 11-22-2010, 10:51 AM
Parent: #1202

كل سنة وأنت يا حيدر وناس بري الحنان طيبين ,,وينعاد عليكم باليمن والبركات,,

وافد جديد لنج
Post: #1204
Title: Re: بـُــري
Author: حيدر امين
Date: 11-22-2010, 08:40 PM
Parent: #1203

مرحب بيك ابوبكر فى دارك وفى انتظار مشاركاتك
Post: #1205
Title: Re: بـُــري
Author: إبراهيم عبد الحليم
Date: 11-22-2010, 09:29 PM
Parent: #1204

كل عام وانتم بخير

حيدر السودان السنة دى كيف؟
Post: #1206
Title: Re: بـُــري
Author: Adil Hamza
Date: 11-22-2010, 11:48 PM
Parent: #1205

سلام يا ناس برى و كل سنة و انتو طيبين
الاخ ابوبكر قسومة... مرحب بيك فى المنبر
بسأل من اتنين من اهلك كانو دفعتى فى الاميرية برى
عصام قسومة و التانى اعتقد اسمو عبدالمنعم الريح قسومة

اخونا ابراهيم عبدالحليم اتمنى ان تكونو بخير انت و الامورتين و امهم
عاصم المشرف مختفى .. اتمنى ان يكون على كل خير

عادل عبدالحميد
Post: #1207
Title: Re: بـُــري
Author: إبراهيم عبد الحليم
Date: 11-24-2010, 09:58 PM
Parent: #1206

عدولى يا دفعة كل عام انت واسرتك بالف خير

الاخ ابوبكر قسومة مليون مرحب

وكذلك اضم صوتى مع عادل وين الحى بابن دفعتنا عصام قسومة
Post: #1208
Title: Re: بـُــري
Author: ابوبكر قسومة
Date: 11-26-2010, 05:02 PM
Parent: #1207

الاخوان عادل حمزة وابراهيم عبد الحليم مشكورين علي الترحيب,,وأسف علي التأخير في الرد علي سؤالكم عن ابناء دفعتكم عصام عمر قسومة وعبد المنعم الريح قسومة,,,, ابناء عمومتي مقيمان ببري المحس وهما بأتم الصحة والعافية وسلامكم يبلغهم انشاء الله,,
ابراهيم عبد الحليم عرفتك,,, بس عادل حمزة هل أنت شقيق كمال حمزة وكنتم تقيمون ببري المحس شارع المعرض ولا أنا غلطان؟
Post: #1209
Title: Re: بـُــري
Author: Adil Hamza
Date: 11-26-2010, 06:54 PM
Parent: #1208

سلام يا ابوبكر
انا عشت ايام طفولتى ببرى محطة 7 جيران للاخ عاصم المشرف
و طلعت عبدالجليل ... رحلنا من برى سنة 1975 الى
امتداد ناصر محطة 8 ... دراستى كانت بالدرايسة الابتدائية
ثم برى الاميرية ثم القديمة
زاملت عصام قسومة و عبدالمنعم قسومة ببرى الاميرية
ارجو ان تبلغهما تحياتى الحارة

عادل
Post: #1211
Title: Re: بـُــري
Author: حيدر امين
Date: 11-27-2010, 08:21 PM
Parent: #1209

Quote: كل عام وانتم بخير

حيدر السودان السنة دى كيف؟


والجميع بالف خير

السنه دى عيدنا فى ابوظبى ,, ساكت,,,
Post: #1212
Title: Re: بـُــري
Author: محمد أبوالعزائم أبوالريش
Date: 11-27-2010, 08:30 PM
Parent: #1211

Quote: بس عادل حمزة هل أنت شقيق كمال حمزة وكنتم تقيمون ببري المحس


أظنك تتحدّث عن (عادل حمزة باشري)، أخوانه كمال حمزة وعثمان حمزة، إنتقلوا من بري إلى بحري (المزاد).

عادل حمزة صديق عزيز وزميل دراسة، إنقطعت صلتي به بعد انتقالهم إلى بحري وسفره للسعودية (بداية الثمانينات).
Post: #1213
Title: Re: بـُــري
Author: إبراهيم عبد الحليم
Date: 11-27-2010, 09:38 PM
Parent: #1212

حيدر والاخوان

محتاج لكلمات اغنية بكرى حسن يا زمان يا قاسى لو ترحم شعورى واحساسى
كذلك منو الشاعر والملحن بتاعها
Post: #1214
Title: Re: بـُــري
Author: نجاة محمد بابكر
Date: 11-28-2010, 12:28 PM
Parent: #1213

ابوبكر قسومة وييييييييييييينك وويييييييييين حيك مشتافييييييييييين والله من ايام الجامعة

اكيد الغربة ماسترة حال انتو لسع جنبنا فى ناصر ولا رحلتو


كل سنة والجميع بخير

ياود عبدالحليم بكرى حسن دا تخصص حيدر وجبت ليهو السيرة حسع اخت لينا اغنية نبقى فى البقلب لينا الصفحة شنو


ياحيدر موقع برى سريع شمو الحكاية

عاصم المشرف وييين الايميل
Post: #1215
Title: Re: بـُــري
Author: ابوبكر قسومة
Date: 11-28-2010, 12:49 PM
Parent: #1214

والله العظيم يا نجاة ,,-وماك طالباني حليفة- شوقنا بحر عديل كدة,,,,,كيفك وكيف أخبارك,, كتر خير بكري أبوبكر الخلانا نلم في الحبايب.
أنا حاليا في سلطنة عمان من سبعة سنوات,,لكن لسع في ناصر ,,نرحل نمشي وين,,والله نفوتا مفلقين.
تسلمي يا نجاة.
Post: #1216
Title: Re: بـُــري
Author: محمد أبوالعزائم أبوالريش
Date: 11-28-2010, 09:22 PM
Parent: #1215


أبو بكر ..... عشان نركب صاح، أبو بكر (منو) قسومة؟

ويا جماعة أبو بكر عندو مشاركة هنا من النوع التقيل: ضريح عبيد حاج الامين.. ويوميات سائق تاكسي
Post: #1217
Title: Re: بـُــري
Author: ابوبكر قسومة
Date: 11-29-2010, 08:52 AM
Parent: #1216

الاخ الاكبر محمد أبو العزايم,,,أنا أبوبكر دفع الله محمد أحمد قسومة,,أخواني مرتضي ومجدي ومصطفي(لوممبا),,,وأعتقد انك بتعرف مرتضي (كرنقلي) .
Post: #1218
Title: Re: بـُــري
Author: محمد أبوالعزائم أبوالريش
Date: 11-29-2010, 09:02 AM
Parent: #1217


يا حبيب .... أنا دفعتي (مجدي) ............... بس ما تكلّم زول.

مرحب بيك .. ووصلت تب.

_____
إنت من متين في مسقط، يخيل لي بعد ما تركتها أنا (1995)
Post: #1219
Title: Re: بـُــري
Author: ابوبكر قسومة
Date: 11-29-2010, 09:56 AM
Parent: #1218

حباب دفعة أخوي الكبيييير,,, أنا جيت مسقط سنة 2003...الزمن اللي انتا كنت فيهو في الغربة الواحد فينا يادوووب في بداية حياتو العملية ولسع ما فكر في الغربة,,بعدين مجدي كان واقف لي ألف أحمر ما أمرق. تسلم
Post: #1220
Title: Re: بـُــري
Author: نجاة محمد بابكر
Date: 11-29-2010, 10:15 AM
Parent: #1219

تعرف يابكرى دى السنة النحنا سبنا فيها مسقط انت فى مسقط ذاتها
ولسع محامى ولاغيرتا هههههههههههههههههه

اكيد حنتواصل

ولنا ذكريات مع باص الجامعة ورابطة برى المحس ياحليل تلك الايام
Post: #1221
Title: Re: بـُــري
Author: ابوبكر قسومة
Date: 11-30-2010, 05:48 PM
Parent: #1220

تعرفي يا نجاة ادريس جماع لما قال (ان حظي كدقيق فوق شوك نثروه ,, ثم قالو لحفاة يوم ريح أجمعوه) كان بقصدني اناعديل كده ....
آآآي لسع دي ولا بكرة محامي .. وما ناوي أغيرا اصلا.
عليك الله يانجاة ديك أيام بتتنسي؟ يا حليلا.
Post: #1222
Title: Re: بـُــري
Author: نجاة محمد بابكر
Date: 12-02-2010, 09:44 PM
Parent: #1221

حليلنا نحنا ماجاى اجازة قريب
عليلك الله موقع برى المحس بفتح معاك ولا لا



حيدر بقى مطنش من مابقى بهناك
Post: #1223
Title: Re: بـُــري
Author: محمد النيل
Date: 12-03-2010, 00:12 AM
Parent: #1222

إزيكم يا ناس برى
Post: #1224
Title: Re: بـُــري
Author: ابوبكر قسومة
Date: 12-03-2010, 08:17 AM
Parent: #1222

صباح الخيرات نجاة ,,
انشاء الله شهر ستة ,,ولنا لقاء باذن الله ,,
كدي جربي الرابط ده ولو ما نفع قولي لي عوووك.


http://www.google.com/url?sa=t&source=web&cd=2&ved=0CAk...SF7ATozZG9NAB0oXv-9w
Post: #1225
Title: Re: بـُــري
Author: نجاة محمد بابكر
Date: 12-21-2010, 09:57 PM
Parent: #1224

باود قسومة يارهيب تصدق اول مرة افتح معاى

شفتا العشرة بتعمل شنو


وعوووووووووووووووووووووووك
Post: #1226
Title: Re: بـُــري
Author: نجاة محمد بابكر
Date: 12-23-2010, 11:39 AM
Parent: #1225

الشبلى


ودعبدالحليم


قسومة


مالكم مابتجو بهناك
Post: #1227
Title: Re: بـُــري
Author: حيدر امين
Date: 12-24-2010, 08:32 AM
Parent: #1211

جايين 2011 ؟؟؟
Post: #1228
Title: Re: بـُــري
Author: حيدر امين
Date: 12-24-2010, 08:46 AM
Parent: #1227

Quote: حيدر والاخوان

محتاج لكلمات اغنية بكرى حسن يا زمان يا قاسى لو ترحم شعورى واحساسى
كذلك منو الشاعر والملحن بتاعها


د. ابراهيم

الكلمات للعمه كوثر عبداللطيف بابكر والدة مضوى الحاج (بابكر ) مضوى والحان بكرى حسن

سارسل لك الكلمات وعلى ما اظن موجوده فى احى الصفحات بالبوست