الهــــــلال السوداني X الاتــــحاد اليبي

المناسبه: بطوله الكونفدراليه الافريقيه
التاريخ: الاحد 3/10/2010 الساعه 8:00 م
المكان : استاد الهلال (المقبره) بامدرمان (سعة 40 الف متفرج تقريبا)
القناه: الجزيره الرياضيه

يخوض هلال السودان واحده من اصعب مباريته في دوري المجموعات في بطوله الكونفدراليه يوم الاحد 3/10/2010 امام فريق الاتحاد الليبي. المعروف ان الهلال اصبح هو الفريق الوحيد الذي يمثل السودان في البطولات الافريفيه لهذا الموسم, ورغم ان المباره تقام باستاد الهلال بامدرمان والمعروف لدي عشاق الهلال بالمقبره نسبه خصوم الهلال نادرا ما يخرجون منه بتيجه ايجابيه سواء كانوا خصوم محليين او دوليين. لكن رغم ذلك تظل هذه المباره صعبه بكل المقايس علي الفريقين

بالتوفيق إن شاء الله

Quote: بالتوفيق إن شاء الله

امين يا ود الصايم واللهم انصر هلال الملايين

تكمن صعوبة المباره في ان الفريقين متساويين في النقاط وكلاهما يسعي ليكون اول الفرق الصاعده لدوري الاربعه بالاضافه الي صداره المجموعه
المعروف ان الهلال كان قد انتصر علي الاتحاد الليبي علي ارضه وبين جمهوره بهدفين مقابل هدف ولكنه تلقي هزيمه غير متوقعه من دجوليبا المالي بهدفين دون رد في اخر مباره له. بينما فريق الاتحاد فاز في اخر ثلاثه مباريات له بعد هزيمته الاولي من الهلال

يدخل الهلال هذه المباره وفي رصيده 9 نقاط من ثلاثه انتصارات وهزيمه واحد ونفس الشئ ينبطبق علي الاتحاد, لكن الاتحاد يجلس علي صداره المجموعه بفارق الاهداف بينما يترقب دجوليبا المالي صاحب ال 4 نقاط تعثر اي من الفريقيين في المباريات المتبقيه ليحجز لنفسه مقعدا في دوري الاربعه وان كانت حظوظه تبدو ضعيفه عمليا

عمر إزيك وكل سنة وانت طيب
الله يوفق لهلال ويفوز في استادنا بنجيب القوون ولو كاريكا بضيع عشره ويجيب واحده لكن القوون بجي بس المشكله في دفاع الهلال ما مطمن فغياب ديمبا ويوسف محمد زادو مشكلة الدفاع وحتى لو رجعو ولعبو دفاع الهلال لسه فيهو عدم تجانس نسبة لعدم ثبات اللعيبه ويا ريت لو لعبو يوسف ديمبا مساوي وبويا وريحنا المدرب من سامي و خليفة فسامي الشفتو في مباراة الخرطوم تلاته دا فرقو من منير أمبده والتعاون الإسم بس وخليفه رغم انو موفق ومحظوظ لكن كان بقى يضقل بلسانو الهلال كتير عليهو لاعب بذكرني لعيبة الروابط واللياقه الفطريه جري ساي لا بيفهم خانتو شنو لا دورو شنو.

إنشاء الله فايزين و متاهلين من أمدرمان

ترتيب فرق المجموعه الثانيه بعد اربع جولات:

طيب ليه ما أجلوا كورة الموردة بتاعت بكره؟

Quote: طيب ليه ما أجلوا كورة الموردة بتاعت بكره؟

لانو ده طلب مدرب الهلال يا ود الصايم

Quote: بس المشكله في دفاع الهلال ما مطمن

سلام يا مرتضي وكل سنه وانت طيب
ان كان هناك شئ يمنع الهلال بالظفر بكاس هذه البطوله فهي الضعف الظاهر في خط دفاعه بالاضافه الي مزاجيه المعز محجوب والحركات الصبيانيه التي يمارسها في كل مباره خاصه عندما يتقدم الهلال حتي ولو بهدف واحد.
دفاع الهلال وبنظره لجدول ترتيب فرق المجموعه هو اضعف ثاني دفاع واذا اثتثنيا الجيش النيجري والذي اجمع الجميع - ما عدا اخوانا المريخاب- علي ضعفه في جميع خطوطه يصبح دفاع الهلال هو الاضعف في الفرق التي تنافس في الصعود لدوري الاربعه. والفرق واضح جدا بينه وبين الاتحاد الليبي ودجوليبا المالي. فعدد الاهداف التي ولجت مرمي الهلال ضعف عدد الاهداف التي ولجت فيكليهما

عمر بوب
تحية طيبة

Quote: إنشاء الله فايزين و متاهلين من أمدرمان

آمين

Quote: وخليفه رغم انو موفق ومحظوظ لكن كان بقى يضقل بلسانو الهلال كتير عليهو لاعب بذكرني لعيبة الروابط واللياقه الفطريه جري ساي لا بيفهم خانتو شنو لا دورو شنو.

لا اتفق معك اخي مرتضى في موضوع خليفة
خليفة كان مفتاح نصر الهلال في العديد من المباريات وتحديداً منذ مباراتنا مع بني ياس وحتى مباراة دجوليبا المالي في الخرطوم
والتي جهز فيها خليفة الكرة لبشة الذي راوغ الحارس وسدد بعنف داخل الشبكة.

خليفة لديه طلعات كثيرة دائماً يكون فيها الفرج
ولذا أهميته لا تقل عن اي لاعب آخر في الهلال

بالتوفيق لهلال السودان

الصادق

بوب ...سلامات ...


نتمنى للهلال الفوز في هذه المباراة ..

Quote: التاريخ: الاحد 3/10/2010

كانت مباراة مازمبي في نفس الملعب وفي نفس الشهر (10) وفي نفس يوم الاسبوع (الاحد) ولكن يوم 4/10/ من العام الفائت ...ربنا يستر ..

Quote: طيب ليه ما أجلوا كورة الموردة بتاعت بكره؟

وتعلقوا فضيحة التيحا في شنو بعدين .؟ ما لازم تكون في شماعة ...


طبعا بعدين العناوين بتاعت جرايدكم ح تكون :

هليل الملايين يخسر من الاتيحة بسبب برمجة الدوري ..

الاتحاد العام لم يراعي ظروف الفريق ..

اصابات مباراة الموردة تفقد الفريق عناصر اساسية تسببت في الفضيحة ..

اتحاد شمس الدين يتآمر على الهلال ..

مرحبا بجحافل الموج الازرق وباخوانا الهلالاب الزعلانيين.
فايز ود القاضي و معتصم محمد صالح
مرحبا بكم في عالم الهلال فهو عالم جميل يسع الجميع

Quote: وتعلقوا فضيحة التيحا في شنو بعدين .؟ ما لازم تكون في شماعة ... طبعا بعدين العناوين بتاعت جرايدكم ح تكون : هليل الملايين يخسر من الاتيحة بسبب برمجة الدوري .. الاتحاد العام لم يراعي ظروف الفريق .. اصابات مباراة الموردة تفقد الفريق عناصر اساسية تسببت في الفضيحة .. اتحاد شمس الدين يتآمر على الهلال

يحال الي طواريء مستشفي الشعب...
لتغذيته بدربات لحين يوم 3 اكتوبر
علي ان يراجعه الطبيب الاخصائي
قبل منتصف ليل 3 اكتوبر...
لعمل قسطرة اضافية للبلع...

فما عاد كشك ود الصائم علاجا لهكذا حالات

يا جماعة موضوع مباراة التيحا دا محسوم
3 الهلال 1 الاتحاد

وطبعا كالعادة الاتحاد حيجيب القون الاول
عشان الهلالاب الزعلانين يفرحوا ويشرعوا في الاحتفالات
يقوم اخوان سيدا يقبلوا عليهم ويوروهم المكشن بلا بصل
تاح تاح تاح
تلاته حبات ويسكتوا الخشامة



خالص الود

نتمنى الفوز للهلال العظيم

وحتى لو خسر الهلال مباراة التيحة.. على حد منية الحساد، في حمام ميت وجااااااهز في النيجر!!!!!!


والوصيفاب اليقعدوا يتفرجوا بي برة عشان يتعلموا الكورة... أصله الفصاحة متعلمينها!!

Quote: وحتى لو خسر الهلال مباراة التيحة.. على حد منية الحساد، في حمام ميت وجااااااهز في النيجر!!!!!!

نتمني ان يحرز الهلال نتيجه ايجابيه بالفوز او التعادل حتي ندخل المباره الاخيره بعيدا عن الشد نتيجه البحث عن الفوز فقط. ورغم تواضع فريق الجيش الا ان المباريات الافريقيه خارج الارض غير مضمونه العواقب علي الاطلاق

Quote: يا جماعة موضوع مباراة التيحا دا محسوم 3 الهلال 1 الاتحاد

نتمني ذلك يا ياسر لان هذا السيناريو سيحسم تماما تصدر الهلال لهذه المجموعه غض النظر عن نتائج المباريات المتبقيه. ويمكن حينها ان يريح الهلال كل لاعبيه الاساسيين ويلعب بصفه الثاني امام الجيش النيجري

Quote: خليفة كان مفتاح نصر الهلال في العديد من المباريات وتحديداً منذ مباراتنا مع بني ياس

سلامات يا الصادق وكل سنه وانت طيب
انا اتفق معك في اهميه خليفهبالنسبه لفريق الهلال فاختراقاته الطويليه غالبا ما تخلل دفاعات الخصوم وتكون سببا في احراز الهلال للاهداف سواء من قدمه او بتجهيزه للكرات المحسنه لزملائه. ولكن خليفه عيبه الاساسي انه يكون تائها في الميدان في بعض الاحيان كما ذكر مرتضي هذا بالاضافه الي باصته الخاطئه والتي ترتد لتشكل خطوره علي الهلال ولكنه ليس بسوء عبد اللطيف بوي في التمريرات الخاطئه
عيوب خليفه عيوب يمكن حلها بالتدريب والتوجيه واذا ما تم ذلك فخليفه لاعب مكتمل في تقديري

فريق الاتحاد الليبي الذي سيلاقي الهلال السوداني يوم الاحد القادم


منذ هزيمته في المباره الاولي امام الهلالا في افتتاح دوري المجموعات واداء الاتحاد في تصاعد مستمر. فبعد مباره سيئه امام الهلال ظهر فيها الاتحاد كفريق مفكك الاوصال خاصة في خط دفاعه والذي كان معبرا امام مهاجمي الهلال الذين اضاعو فرصا بالجمله كانت كفيله بالحاق هزيمه تاريخيه بالاتحاد. بعد هذا الاداء السئ عاد الاتحاد وقدم مردودا متوسطا امام دجوليبا المالي في ارض الاخير واستطاع ان يخطف هدف الفوز الوحيد من الفرصه الحقيقيه الوحيده التي لاحت للفريقين طوال شوطي المباره. ثم عاد الاتحاد وانتصر علي فريق الجيش باستاد 4يونيو بطرابلس باربعه اهداف دون رد, ورغم ضعف فريق الجيش الا ان الاتحاد ظهر مترابط الخطوط ولم يترك لفريق الجيش اي مساحه للحركه. ثم عاد الاتحاد وكرر فوزه علي الجيش في ارضه وبين جمهوره ب 3/1 في احسن مباره يقدمها الاتحاد طوال هذه البطوله موجها انذار شديد اللهجه لمنافسيه, خاصة الهلال السوداني.
اكثر ملاحظه هو ارتفاع اداء دفاع الاتحاد بين المباره الاولي والمباره الاخيره فبعد ان ظهر مهلهلا في المباره الاولي ظل مترابطا في المباريات الثلاثه الاخيره مع تميز واضح لاداء حارس مرماهم سمير عبود

علي العكس تماما من فريق الاتحاد فان اداء فرقه الهلال في تدني ملحوظ في مسيره الكونفدراليه. فبعد ان قدم الهلال احد اجمل مباريته في العشر سنوات الاخيره امام الاتحاد الليبي في المباره الاولي وانتصر عليه بارضه 2/1 بعد ان اضاع اهداف بالجمله. وظهر كاحد اقوي المرشحيين للفوز بكاس هذه البطوله عاد في المباره الثانيه وانتصر علي فريق الجيش المتواضع 4/2 بعد ان تقدم عليه الفريق الضيف مرتين وقدم الهلال في هذه المباره مردودا اقل من مباره الاتحاد. ثم عاد في المباره الثالثه وانتصر علي دجوليبا المالي 2/1 في مباره تسيدها الفريق المالي في اخر ربع ساعه من المباره واحرز فيها هدفا قلص به تقدم هدفي الهلال في الشوط الاول ولو امتد زمن المباره قليلا لكان في امكان الفريق الضيف احراز التعادل وربما الفوز. واخيرا قدم الهلال اسوأ مردود له امام دجوليبا المالي في المباره التي اقيمت في ملعب الاخير وقد لعب سوء ارضية اللملعب المبلل بالامطار والتشكيله الغريبه التي بداء بها الهلال دورا في سوء الاداء لكن كل ذلك لا يبرر الحاله السيئه التي ظهر بها الهلال في تلك المباره.
اكثر ما يقلق جماهير الهلال هو التذبذب الواضح في اداء دفاع الهلال واهتزاز شباك الهلال في جميع المباريات التي لعبها حتي الان سواء كانت في ارضه ام خارج ارضه. اضف لسوء الدفاع الاهداف السهله جدا التي تلج شباك المعز في بعض الاحيان هذا ما يجعل الاهله يضعون ايديهم في قلوبهم قي كل المباريات الافريقيه

حا ينضربو 3 ان شاء الله

الاتحاد لعب قبل يومين مع الصف التاني من فريق جونه المصري مباراة اعداديه واتغلب 2-1 وعملوا شكلة والكورة ما تمت ..

Quote: الاتحاد لعب قبل يومين مع الصف التاني من فريق جونه المصري مباراة اعداديه واتغلب 2-1 وعملوا شكلة والكورة ما

سلام يا معاويه وكل سنه وانت طيب
بالله مدنا برابط لمصدر هذا الخبر ان امكن

كل سنة وانت طيب يا بوب

http://www.korabia.com/old/news.aspx?q=38758-0-0-0

هيثم مصطفي هو الفارق

لاشك ان هيثم مطصفي كابتن فريق الهلال يقدم واحد من اجمل مواسمه في السنوات الاخيره. هيثم يؤدي كما هو"Man on a mission"
ليس فقط داخل الملعب ولكن خارجه ايضا. ففي هذا الموسم الذي عاني فيه الهلال من بعض المشاكل الاداريه والماليه بعد استقاله رئيس النادي صلاح ادريس وقف هيثم مطصفي كما الطود الاشم يحلحل كل ما يستطيع من مشاكل حتي دفع من ماله الخاص وكان السبب الرئيسي في تماسك الفريق والعبور به من عنق الزجاجه. اما داخل الملعب فهو يقدم السهل الممتنع ويهدي مهاجمي الهلال الباصات التي تضعهم في مواجه المرمي من حيث لا يحتسبون.
اداء هيثم ودوره القيلدي سيكون العلامه الفارقه لقياده الهلال للنصر اذا ما انتصر الهلال في هذه المباره. مدرب الهلال يجب ان يفطن الي ان هيثم سيكون تحت مراقبه من احد لاعبي وسط الاتحاد. لانهم عرفو خطورته عندما تركوه بلا مراقبه في المباره الاولي.

عمر بوب وكل عشاق الازرق

باذن الله منصورين رغم صعوبة المباراة فقط نستفيد من اخطاء مباراتنا السابقة مع دجوليا والمعز يخلي حركاته البايخة ديك
عندنا كل اسباب النصر بس مشكلتنا الوحيدة التركيز والله معانا ويكفينا شر الخيانة

ربك يسهل
من اسي الرجفيبة مسكتني

Quote: ربك يسهل من اسي الرجفيبة مسكتني

ود الدايرنو ليكم ..

عمر بوب كيفك ... مريخابي جدا وبتمنى فوز الهلال جدا .. تخرييييييييييييييييمة : الحلوين اللي في الصورة ديل لابسين أحمر ليه ؟؟

لن يجد الهلال صعوبة كبيرة في تخطي عقبة التيحة

اوافق الكوتش الفاتح النقر بانه يخشي علي الهلال من الارهاق

شكرا بوب ويوم الاحد من الساعة ستة ونص معاك

Quote: Quote: ربك يسهل من اسي الرجفيبة مسكتني ود الدايرنو ليكم ..

تباروا المريخ دا يا فايز...غير الطوب
ما ينيبكم شي...بلاي عليك الله في احلي
من رجفة ما قبل المباريات...هسي الزي
دي انتو الا تفتشوا ليها في غرف الامتحانات...

Quote: لن يجد الهلال صعوبة كبيرة في تخطي عقبة التيحة

انت مخطئ يا وليد ففريق الاتحاد تطور اداءه كثيرا منذ مباره الهلال الاولي بعد انسجام محترفيه مع بعضهم البعض
وهو الان اصبح يملك دفاع متماسك ووسط متجانس وهجوم فعال وحارس مرمي مطمئن. الهلال قادر علي الانتصار لكن الاتحاد لن يكون صيدا سهلا كما تتخيل

Quote: نت مخطئ يا وليد ففريق الاتحاد تطور اداءه كثيرا منذ مباره الهلال الاولي بعد انسجام محترفيه مع بعضهم البعض وهو الان اصبح يملك دفاع متماسك ووسط متجانس وهجوم فعال وحارس مرمي مطمئن. الهلال قادر علي الانتصار لكن الاتحاد لن يكون صيدا سهلا كما تتخيل

بوب

ياخي كلما اتذكر خيمة العقيد القذافي

ازداد قناعة بان التيحة لن يهزم الهلال حتي لو لعبت معه الملائكة


الهلال فايز فايز علي مسئوليتي

هذه المباراة اضمن من بقية مباريات الدوري الممتاز

لا تقارنه نتائجه مع دجوليبا المالي والجيش

هذه فرق حواري ساكت

Quote: ولكنه ليس بسوء عبد اللطيف بوي في التمريرات الخاطئه عيوب خليفه عيوب يمكن حلها بالتدريب والتوجيه واذا ما تم ذلك فخليفه لاعب مكتمل في تقديري

ياعمر بويا لاعب صغير السن وجاي من اهلي شندي بدون خبره وهو المحتاج توجيه ومحتاج يلعب كتير ويكتسب خبره ومشكلتو عدم الخبره والشفقه والتسرع وهي سبب الباصات الغلط

الله يدّينا ال في مرادنا

Quote: ربك يسهل من اسي الرجفيبة مسكتني

عليك بالبطيخ المشقق

Quote: الله يدّينا ال في مرادنا

حبيب نورا طلعته هندوسي بالله !! والله الحلو ما بكمل مشتاقين يا فنان

النصر للهلال

النقطتيين (9) و (10) في الفقره (4) من لائحة الاتحاد الافريقي لبطوله الكونفدراليه توضح كيفية تأهل من دوري المجموعات الي دوري الاربعه كما هو منقول ادناه:

(9)
The group matches shall be played in accordance with the fixtures established by the Organizing committee. For the matches of each group, the following points shall be granted:
3 points for a win
1 point for a draw
0 point for the looser

(10)
In case of equality of points after all the group matches have been played, the classification of the teams shall be established according to the following
criteria:
a- Greater number of points obtained in the matches between the concerned teams
b- Goal difference resulting from the matches between the concerned teams
c- Greater number of goals scored away from home in matches between the concerned teams
d- Superior goal difference from all the matches played in the group
e- Greater number of goals scored in all the matches played in the group

بناء علي لائحة الاتحاد الافريقي:
1/ الهلال سيتضمن تاهله لدوري الاربعه وتصدر مجموعته ادا ما فاز علي الاتحاد الليبي باي نتيجه غض النظر عن نتائج مباريات المجوعه المتبقيه
2/ الهلال سيضمن التاهل لدوري الاربعه كثاني المجموعه اذا ما تعادل مع الاتحادحتي اذا خسر مبارته امام الجيش باي نتيجه*
3/ اي نتيجه اخري ستدخل الهلال في حسابات معقده وستحتم عليه الفوز في مبارته الاخيره امام الجيش حتي يضمن التاهل

______________________________________________________
* هناك احتمال ضعيف ان يتصدر الهلال مجموعته اذا ما تعادل مع الاتحاد الليبي غض النظر عن نتيجه مبارته امام الجيش وهو ان يخسر دجوليباامام الجيش ثم يفوز علي الاتحاد, لكن عملياهذا احتمال ضعيف جدا

يا بوب سلامات

جينا للعب الخشن .....الله يستر بس.... الاتحاد مستواه اطور تطور ملحوظ فى الجزء الثاني من التصفيات بعد حضور الستة المحترفين الجد.... الله يستر بس .



تحياتي

عمرنا بوب

اللهم انصر الهلال وشعب الهلال

وانشاء الله نفرح هنا بتأهلنا وصدارتنا

بالتوفيق للموج الازرق

تحياتي ليك والجميع

Quote: اللهم انصر الهلال وشعب الهلال وانشاء الله نفرح هنا بتأهلنا وصدارتنا بالتوفيق للموج الازرق

اللهم امين يا سيف

Quote: الاتحاد مستواه اطور تطور ملحوظ فى الجزء الثاني من التصفيات بعد حضور الستة المحترفين الجد.... الله يستر بس .

سلام يا سيد:
الاتحاد اداءه تطور كثير منذ مباره الهلال كما تفضلت. لكن الهلال في ارضه صعب المراس كما تعلم وقد انتصر علي فرق اقوي من الاتحاد الليبي من قبل. اي نعم ان نسخه الهلال التي انتصرت علي الزمالك و الاهلي واسيك والترجي والنجم وكانو بيلارز كانت اقوي من النسخه الحاليه لكنه انتصر ايضا بنسخه اضعف من النسخه الحاليه علي انيمبا النيجري.

Quote: النصر للهلال

امين يا نبيل

Quote: حبيب نورا طلعته هندوسي بالله

يا مرتضي حبيب نورا ده زمان نحنا رمينا طوبتو
ده مش هندوسي وبس دا ماسك قرون البقره عديل

Quote: عمر بوب كيفك ... مريخابي جدا وبتمنى فوز الهلال جدا .. تخرييييييييييييييييمة : الحلوين اللي في الصورة ديل لابسين أحمر ليه ؟؟

شكرا يا محسن علي الامنيات الطيبه ومعك ندعو ان ينصر الله هلال السودان
الشباب الحلويين لابسيين شعار
Ohio State Universty (Buckeyes), the best college football team in America

Quote: ربك يسهل من اسي الرجفيبة مسكتني

والله انت كويس يا ود البشري
نحنا الرجفه مسكتنا منذ ان ضرب الاتحاد الجيش (نقلو فتاشه) بالاربعه ثم بالثلاثه

Quote: عندنا كل اسباب النصر بس مشكلتنا الوحيدة التركيز والله معانا ويكفينا شر الخيانة

سلامات يا بكري
نعم لدينا كل اسباب النصر لان الكره في ملعبناووسط جمهورناوسيكون خط وسطنا مكتمل بعوده علاء الدنيا ولدينا ثلاثه مهاجمين اي منهم يمكن ان يصنع الفارق, وفوق كل هذا لدينا القائد المحنك هيثم مصطفي.
لكن بنفس القدر لدينا كل اسباب الهزيمه لان خط دفاعنا مهزوز والمعز غير مأمون العواقب فهو ينقذ مرماه من الاهداف المضمونه ولكن تلج في شباكه الاهداف الغير متوقعه بالاضافه الي الحركات الصباينيه التي يقوم بها في محاولاته المكشوفه لاضاعه الوقت والتي لا تؤدي الي شئ سوي انذاره بالكروت الصفراء
لذلك فالمباره صعبه جدا

سيدير لقاء الهلال السوداني والاتحاد الليبي يوم الاحد 3/10/2010 طاقم تحكيم مصري مكون من:
سمير عثمان : حكما للمباره
محمد ابراهيم : رجل خط - مساعد اول
حسان شريف : رجل خط - مساعد ثاني
وسيقوم بمراقبة المباره فاروق محمود

عمر بوب سلام ..
شكراً على المجهودات الكبيرة ..
اللهم أنصر أسياد البلد بنتيجة كبيرة وحقق المراد ..

Quote: يوسف ديمبا مساوي وبويا

أتفق مع مرتضى في الضعف الباين في خط دفاع الهلال ولكن التشكيلة الجابه دي ما حبابا ..
أولاً وضع ديمبا ومساوي في عمق الدفاع خطأ كبير لنفس الأسلوب الذي يلعبان به مع البطء الواضح في حركتهما ..
ولا أحبز دخول بويا التشكيلة لعدم خبرته فهو لسه بعيد عن اللعب في الهلال وجهة نظر ..
ولو أنني لا أميل لسامي كثيراً ولكن وجوده مع ديمبا الأفضل لشراسته وهذا ما يحتاجه الفريق في عمق الدفاع لاعب شرس بدون تهور ..
مع توجيه لاعبي الإرتكاز في الهلال عمر وعلاء بسد المنافذ أمام الدفاع قبل وصول الكرة لهم ..
وفي إعتقادي لا إستغناء عن يوسف محمد وخليفة في الأطراف فهماالأفضل للفريق حالياً ..

الاتحاد الليبي يفوز في اخر تجاربه الاعداديه للهلال

Quote: • اختتم الاتحاد الليبي مبارياته التجريبية بمعسكره بالقاهرة بالفوز امس الاربعاء علي فريق سيراميك كيلوباترا احد اندية الدرجة الثالثة بمصر 3-1 استعدادا للقاء الهلال الاحد المقبل واحرز اهدافه النيجري داوودا كاميلو والتوغولي ماني سابول والوطني احمد الزوي وغاب عن تشكيلة التيحة نجمه الشيباني والذي تردد تعرضه لاصابة خطيرة في الركبة قد تمنعه من مواجهة الهلال ولعب الفريق المصري بعنف الامر الذي دفع مواطنه انور سلامة مدرب الاتحاد للتدخل ومناشدته بتقليل العنف خاصة وانه مقبل علي مواجهة حاسمة امام الهلال ونجح في المهمة واشرك انور سلامة جميع محترفيه وهم لاعب الوسط الزامبي فيليكس كاتونغو ولاعب الوسط المغربي حميد بوجار ولاعب الوسط التونسي ماهر الحناشي والمدافع التونسي العربي جابر ومهاجميه النيجري داوودا كاميلو والتوغولي ماني سابول والغاني كواليبالي

الخبر نقلا عن جريدة قوون الصادره صباح اليوم الخميس 30/9/2010

عمر بوب ومشاركوه
سلام

يا ريت ما تكون في تلفزة لكرة اليوم مع الموردة
فمباراة اليوم يفترض ان تكون بمثابة تمرين ختامي للهلال
وقد يشمل وضع الخطة والتكتيك واللعيبة ..... الخ
عليه التلفزة بتفرحنا نحن البعيدين
لكن قطع شك يتضر لهلال
عليه ليت
إدارة الاتحاد العام وقناة قوون
يعيدون النظر في امر البث
مع امنياتي بالنصر

يعني الاتحاد الليبي غالبو يرسل ليه جماعة يدخلو الكورة دي، وتاني حاجة الصهاينة ناس مزمل عايزين ليهم توصية، ياخي في سبيل الهلال مايشيل الكاس اخونا المريخاب ممكن يعملو اي حاجة

في رايي افضل طريقة لعب في هذه المباراة 4-5-1 بتكثيف خط الوسط واللعب بجميع مفاتيح الهلال منذ البدايه ..فعمر وعلاء وهيثم وبشه ومهند هم العامود الفقري للهلال ومفاتيح لعبه وسر انتصاراته الاخيره ..اتمني ان يبدا ميشو التشكيله بي

المعز

بوي-مساوي-سامي-خليفه

عمر -علاء-هيثم-مهند-بشه

سادومبا

تشكيله قد تتغير حسب مجريات المباراة الي 6-3-1 او 4-2-3-1 او 4-4 -2

سلام يا معتصم

Quote: ولو أنني لا أميل لسامي كثيراً ولكن وجوده مع ديمبا الأفضل لشراسته وهذا ما يحتاجه الفريق في عمق الدفاع لاعب شرس بدون تهور ..

مشكلة دفاع الهلال الرئيسيه في تقديري هي الانخفاض الواضح في مردود ديمبا باري هذا الموسم. ديمب قدم مستوي جيدفي موسمه الاولي مع الهلال ثم انخفض مردوده قليلا المسم السابق واتي هذا العام ليقدم مردود اضعف عن الموسم السابق واظن انه مع تقدم السن اصبح العيب الرئيسي لديمبا يظهر جليا وهو بطء الحركه. سامي عبد الله ايضا تدهور مستواه مع قدوم ميشو لتدريب الهلال والتي تزامنت مع اصابته - وهو لاعب كثير الاصابات لطبيعه لعبه- ثم ركنه في الكنبه بعد ذلك واستبداله بسيف مساوي مما اثر علي ثقته بنفسه وسيف كما هو معروف للجميع هو لاعب مولف اساسا

Quote: مع توجيه لاعبي الإرتكاز في الهلال عمر وعلاء بسد المنافذ أمام الدفاع قبل وصول الكرة لهم

وهذا هو السبب الرئيسي الثاني لضعف مردود دفاع الهلال فبالاضافه للمشاكل التي يعاني منها فان لاعبي الارتكاز واقصد علاء الدين يوسف تحديدا لا يلتزمون بمهامهم التكتيكيه ليكونوا ساترا للدفاع. فعلاء اصبح يتقدم كثيرا لمسانده الهجوم علي حساب مهامه الدفاعيه مما يكشف دفاع الهلال الذي يعاني من مشاكل اصلا

Quote: خوض هلال السودان واحده من اصعب مباريته في دوري المجموعات في بطوله الكونفدراليه يوم الاحد 3/10/2010 امام فريق الاتحاد الليبي. المعروف ان الهلال اصبح هو الفريق الوحيد الذي يمثل السودان في البطولات الافريفيه لهذا الموسم, ورغم ان المباره تقام باستاد الهلال بامدرمان والمعروف لدي عشاق الهلال بالمقبره نسبه خصوم الهلال نادرا ما يخرجون منه بتيجه ايجابيه سواء كانوا خصوم محليين او دوليين. لكن رغم ذلك تظل هذه المباره صعبه بكل المقايس علي الفريقين

ياعمر بوب

عمر الله قلوبنا جميعأ بحب الهلال

اللهم ان العبد يحمي رحله فانصر هلالك

باذن الله الكورة 2/3 لاخوان هيثمونا

تنتصر تاهلال في مباراته الدوريه امام المورده اليوم 6-0 في اخر بروفه له قبل لقاء الاتحاد الليبي يبادل احراز الاهداف كل من سادومبا 3 اهداف, بكري المدينه هدفيين, ومهند الطاهر هدف. بهذه النتيجه يتربع الهلال علي قمه الدوري قبل 5 جولات من نهايتهز الهلال قدم مباره جيده طوال زمن المباره لكن ما زالت مشكلة اهتزاز خط دفاعه ماثله فالمورده رغم انها لعبت ناقصه لاعبين منذ الدقيقه 40 من الشوط الاول الا ان لاعلبها استطاعو اختراق دفاعات الهلال من حين لاخر. السبب الوحيد الذي لم يمكنهم من احراز الاهداف هو ضعف المسانده نتيجه النقص العددي

بوب و الجميع سلااام
وتحية من القلب لكل عشاق الازرق المجنون
وربنا ينصر سيد البلد هلال المجد و الروح
لنهتفا جميعا >>>>> سيدا سيدا سيدا اوووه سيدا هلالنا كلو ذى ده

يالله ... ما اجمل الانتصارات الزرقاء على النفس و المشاعر و الاجواء


و اتمنى من المدرب عدم تغيير خططه التى تعود عليها لاعبى الهلال 4 4 2
واتمنى التركيز على الخيار ادناه :-----
المعز
خليفة
بويا
سامى
ديمبا
علاء
عمر
هيثم
بشة بشة بشة
سادومبا
بكرى

>>> مساوى احتياطى اول تحت كل الظروف وخصوصا فى العمق و عدا حراسة المرمى
>>> يوسف محمد احتياطى تانى تحت كل الظروف وخصوصا فى الطرف وعدا حراسة المرمى و العمق


وربنا يدينا الفى مرادنا وننتصر انتصارا كبير ونصعد متصدرين وقبل الانتهاء من مباريات المجموعة
ونغنى >> الهلال تلألأ سودانا تلألأ ... جابوا انتصار اهدوه للسودان
ونغنى >> كانت ساعة النصر اكتمال الهلال ... فدا لك العمر ... فدا لك العمر
ونغنى >> حبيب بنريدوا اهلا بيهو الهلال هلا
ونغنى و نغنى ونغنى حتى الصباح
ونزرع الدنيا زهور

بوب والشباب
بالتوفيق بإذن الله

والروابط يا مغربي، ما عندنا اشتراك جزيرة

اتفرجو في دي لحدي مواعيد الكوره

http://www.mnabil.pwp.blueyonder.co.uk/Kooratv.html

لازم الجهاز يكون فيهو برنامج السوب كاست

يا بوب

Quote: a- Greater number of points obtained in the matches between the concerned teams b- Goal difference resulting from the matches between the concerned teams c- Greater number of goals scored away from home in matches between the concerned teams d- Superior goal difference from all the matches played in the group e- Greater number of goals scored in all the matches played in the group

واذا برضك تساوا حتى النقطة e ما هو الحسم ؟
+
اذا 3 فرق و كل فريق متفوق على الآخر بمعنى : س يتفوق على ص
> ص يتفوق على ن > ن يتفوق على س >>>> الحسم كيف ؟

شكل كورة افتحاد ونتيجتها تعتمد لحد كبير على أداء علاء الدين
لو لعب بمزاجو اللعب بيه كورة الإتحاد الأولى و كورة الجيش ما بتجينا عوجة
لو قام لخرمجتو البعد داك فحنشرب زيت

اللهم ثبت عبدك علاء الدين
اللهم سدد رمياته وأحسن باصاته
اللهم اجعله سداّ منيعاّ أمام ديمبا و مساوي
و اصرفه عن الحكم و اناكل اللعيبة 
آميييييين

عمر....سلام
الشعوب جاهزة موية و نور

مالكم عايزين تخوفنا ياخ الكورة دي انا ضامنا ولكن مع الستة محترفين ديل


خلونا نعمل تامين



مساوي طرف يمين سامي وديمبا وخليفة

عمر هيثم وعلاء وبشة

سادومبا كاريكا

Quote: مساوي طرف يمين سامي وديمبا وخليفة عمر هيثم وعلاء وبشة سادومبا كاريكا

يا خلي , سلام , تشكليتك دي مثالية , بس خت لينا بكري المدينة بدل كاريكا !!!

=
السلام والتحية للأخ عمر و للأخوة المتداخلون , مع الأمنيات لسيد البلد بالنصر المؤزر بإذن الله ...

يا خلو و المقابل و بوب و معاوية وكل الهلالاب الحلوييين ممكن لحظة :

Quote: يا خلي , سلام , تشكليتك دي مثالية , بس خت لينا بكري المدينة بدل كاريكا !!!

بكرى المدينة انا بعتبروا الآن افضل مهاجمى الهلال وما تقولوا خبره > فالخبره يكفينا البرنس القائد
+ يتحرك بدون كره بشكل جيد ويستخدم عقله كثيرا و لياقته ما شاء الله و متعاون مع زملائه بحد كبير
قونه الامس مدرسه خد وهات مع البرنس و طرح وجمع وباتقان فى الزاويه الضيقة هدف عالمى
وعمل حتة دين تمريره لمهند مفروض تدرس فى مدارس كرة القدم
بكرى المدينة لعااااااااااااب يا هلالاب ومكانه شاااااغر فى هجوم الهلال

+
بويا ده يقعد يوسف وخليفة و مساوى واى واحد فى كشف الهلال الحالى كطرف يسار فى الكنبه بمزااااج >
لاعب رغم حداثة تجربته لكنه قدم مردود رائع فى مشوار الهلال الافريقى حتى الآن فى
المراقبة و الحركة بدون كره لاخذ الموقع الجيد ورفع الراس عند العكس و اللياقة الجبارة
والتعامل مع الكرة بحرفنة و الاتقان عند التمرير

+

وجود سامى و ديمبا فى العمق مهم جدا جدا وذلك للتفاهم البينهم و طريقة
لعبهم مناسبة مع هذه الخانه >> القوة و الانقضاض و المراقبة جوووه
الصندوق بالشكل الاحترافى و اللصيق > وده كلو غائب عن مساوى

>>>> كده ارجعوا لتشكيلتى تانى يا شباب و التى ظللت اكتبها هنا
منذ مباراة الاتحاد الاولى فى الكونفدرالية مع رجوعكم لكل مباريات
الهلال الافريقية الحساسة فى المجموعات منذ 2007 وحتى الآن
لتقفوا وبالتاريخ والارقام عن مردود بعض اللاعبين المخجل
والذى بموجبه استبعدت كل من :
مهند الطاهر
كاريكا
اسامة التعاون


ولنا عودة

Quote: بويا ده يقعد يوسف وخليفة و مساوى واى واحد فى كشف الهلال الحالى كطرف يسار فى الكنبه بمزااااج

لسع يا كوتش علي بويا لايجيد فن التسليم والتسلم ومعظم باصاته خاطئة

سلام ياعمر ..


بويا الافضل فى خانة الطرف الشمال ...قوى ..وجسم وطول جيدين ..
على الاقل بتضمن انو يدافع كويس ..وكان اتقدم وعكس زيادة خير ..

ليس هناك افضل منه فى الطرف الشمال ...

Quote: الله يدّينا ال في مرادنا

مع الاحتفاظ بحقوق كل اللاعبيين ومردودهم
الا اننى ارى ان كان هيثم وعلاء فى الميعاد
فهذا يعنى انه يومنا
بس يختو لينا كاريكا بره ، وكان جابو
قعدوا معانا فى المساطب يكونو عملو خير









--------------------------
الهلال 1 : التيحه الكسيحه صفر
حبه واحده

متجمعين في الخير أحباب البرنس..
وباذن الله النصر لسيد البلد..
معز
خليفة - ديمبا - مساوي - يوسف
مهند - علاء الدين -عمر بخيت - هيثم مصطفى
سادومبا - كاريكا
أي عنكبة شنكبة
بشة - بوي - بكري المدينة
وزي ماقال عمك في الفيديو أعلاه (اللعب التجاري ) زي مباراة كابس يونايتيد ذهاب واياب..
بكري مهم يا كوتش كبديل لمقدرته على اللعب حتى لو لم يتم تمويله بباصات محسنة من الوسط..
النصر للهلال والعزة للسودان..
احتراماتي

مهند الطاهر هو ورقة ميشو الرابحه وسر فوز الهلال بالاحد ان شاء الله

لوحه للذكري

Quote: معز خليفة - ديمبا - مساوي - يوسف مهند - علاء الدين -عمر بخيت - هيثم مصطفى سادومبا - كاريكا

سلام لي كل الهلالاب الجميلين ديل ..
أنا يا عثمان متوقع تشكيلتك دي زاتا مع فرق بسيط إنو بويا راح يلعب طرف شمال وما بتوقع خليفة يدخل التشكيلة ..
إصرار ميشو على تثبيت خانة الطرف الشمال لي بويا كان واضح في كل المباريات الفاتت والود ثبت ما شاءالله ..
..
كونو نحنا هنا قاعدين نتكلم على كمين خيار كان في الدفاع كان الوسط أو حتى الهجوم .. ده دليل صحه والله .. ومعناتو الفريق ما شاءالله بقى قافل تب ...
ربنا يتم لينا الايام الجايه بي نصر كبير وراحة تجمنا حبه ...

منتصرين بإذن الله ..

مرحبا بعشاق الموج الازرق
انتهت قبل قليل مباره زاناكو والفنح الرباطي بالتعادل 1-1
بهذه النتيجه الفتح الرباطي اول فريق يصعد الي دوري الاربعه من المجموعتين بعد ان جمع 10 نقاط في رصيده

الصفاقصي 3 الحرس 1

صعود الصفاقصي والفتح الرباطي من المجموعه التانيه الي دوري الاربعه..

اللهم انصر الهلال نصرا مبينا يا رب

و يا رب نغلب غلب يحكوا بيه سنين و سنين

Quote: ليس هناك افضل منه فى الطرف الشمال ...

خليفه افضل من بويا في الطرف الشمال يا محمد عبد الرحمن
بويا لديه الامكانيات ليصبح طرف شمال ممتاز لكن مازالت تنقصه الخبره واتقان التسليم والتسلم (كما ذكر خليل) واتقان العكسيات
هذه الاشياء ستاتي ان وجد بويا التدريب والتوجيه المناسبيين. لكن في هذه المباره والتي تريد من اطرافك ان يشاركوا في بناء الهجمات فان بويا بتمريراته الخاطئه ليس هو الخيار الانسب

من تصريحات ميشو في عالم الرياضه الاسبوع الماضي, المؤكد هو مشاركة سيف مساوي وسامي عبد الله في قلب الدفاع. هذا الي جانب خيار المعز في الحراسه والذي لا بديل له وخيار عمر بخيت وعلاء الدين يوسف في الارتكاز وهيثم في صناعة اللعب وسادومبا في المقدمه الهجوميه
عليه فان الخيارات ستكون بين يوسف محمد, خليفه و عبد اللطيف بويا لاكمال خط الدفاع
وبين مهند وبشه لاكمال خط الوسط
وبين كاريكا وبكري المدينه لا كمال خط الهجوم
الملاحظ ان المدرب اراح بشه و ترك مهند يكمل المباره, انا فسرت هذا الوضع بان المدرب يريد ان يبدأ ببشه وقد اكون مخطئ

لو كنت مدربا للهلال للعبت هذه المباره بالتشكيله التاليه:



1/ نحن نحتاج في هذه المباره الي خط واسط برعبيين ذو مجهود وافر مهمتهم الاولي عمل ساتر امام خط الدفاع (نقطه ضعف الهلال) بالاضافه الي انهم يمكن ان يساندو الهجوم سيف وعلاء وعمر هم احسن من يؤدوا هذه المهمه في كشف الهلال وطبعا لا استغناء عن هيثم في صناعه اللعب
2/ لان طبيعه ثلاثه من لاعبي وسط الملعب دفاعيه, لابد من وجود اطراف تساند الهجوم مسانده فعاله بفتح طرفي الملعب والاختراق من الخلف وارسال العكسات المحسنه. في تقديري يوسف وخليفه احسن من يقوم بذلك
3/ سادومبا وكاريكا طريقه لعبهما متشابه الي حد كبير, فكلاهما يعتمدان علي السرعه في خلخلة دفاعات الخصوم. وكلاهما لا يملك المهاره الفرديه للتخلص من المدافعيين واحد علي واحد. بكري المدينه رغم انه يمتاز بالسرعه ايضا ولكنه يمتلك قليل من المهاره الفرديه التي تمكنه من التخلص من المدافعيين

يا هندسة معقول تخلي هيثم براه ومعاه تلاتة وسط مدافع وفي أرضنا
يعني لو فرّغوا ليه واحد يراقبو واطاتنا صبحت
رجع مساوي مكان ديمبا أو سامي و جيب مهند
والشوط التاني شوف طريقة لبشة

منتصرين إن شاء الله

Quote: يا هندسة معقول تخلي هيثم براه ومعاه تلاتة وسط مدافع وفي أرضنا يعني لو فرّغوا ليه واحد يراقبو واطاتنا صبحت

سلام يا ود البشري
انا تابعت مباريات الاتحاد الليبي كلها. انتفاضة الاتحاد الليبي جايه من الارتفاع الشديد لخط وسطه وفعالية خط هجومه. دفاع الاتحاد ما قابل اختبار صعب من مباره الهلال. عشان تبطل فعاليه خط وسطهم لازم تقابلهم بلاعبين يجيدو الالتحام واستخلاص الكرات وده ما متوفر الا في سيف وعلاء وعمر. مع ملاحظه انو سيف ممكن يشارك في الهجوم ويحرز اهداف
طبعا التشكيله دي امنيه لانو حسب تصريحات المدرب سامي وسيف هم قلب الدفاع فبالتالي بشه او مهند حيكونو في التشكيله من البدايه

__________________________________________
انا عندي ملاحظه انو كوره مهند بتتصلح جدا في غياب هيثم. ما عارف السيي شنو

Quote: يا هندسة معقول تخلي هيثم براه ومعاه تلاتة وسط مدافع وفي أرضنا يعني لو فرّغوا ليه واحد يراقبو واطاتنا صبحت

اوافق ود البشرى

Quote: رجع مساوي مكان ديمبا أو سامي و جيب مهند والشوط التاني شوف طريقة لبشة

لا اوافق ود البشرى
ديمبا و سامى جوووووووووووه الجك عشان متفاهمين وبعرفوا متطلبات الوظيفة
والمتمثلة فى قوة المراقبة وضع خط تحت قوة ده + الانقضاض الجيد + تغطية اغلب
او كل الفراغات فى وسط الدفاع + ايجادة عمليات التسلل > مشاركة سيف و ديمبا
ادخلت 6 اهداف من اربعة مباريات ودون احتساب اى تسلل لصالح الهلال واهداف
كانت من العمق >>> معقولة ده يا شباب !!!!
>>> مساوى احتياطى جوكر حسب متطلبات المباراة

ويابوب
بويا فى اول مباراة للهلال امام الاتحاد كانت تمريراته مزعجة و متقنه بنسبة تصل 90 فى المئة
والكورة تفرجت عليها لانى مسجلها حوالى 5 مرات وقمت بهذا الاحصاء + برضك اغلبية
مباريات الممتاز + يجيد المراقبة و الراس > فطرف الدفاع اهم حاجة فيه استخدام الراس
لاخراج الكرات العابره و هذه الميزه غير متوفره تماما عند يوسف محمد + برضو
يوسف محمد لا يجيد المراقبة داخل الصندوق واغلبية الاهداف التى ولجت كانت
بسبب اخطاء يوسف محمد الواضحة ومشاركة مساوى فى عدم التغطيه الجيده
وعدم التصرف فى الاوقات الحرجة ...........

مهند الطاهر يا ود البشرى شايفك مقتنع بيهو تماما بس وانت فى الشارقة
ممكن تدينى يوم مفتوح فى البيت عشان احضرك تسجيلات الهلال
فى مواسم 2007 ، 2008 ، 2009 فى مباريات الهلال
الافريقية فى المجموعات > اكرر المجموعات
لتقف على الفشل الذى لازمه بل وفى كتير
من الاحيان كان يشكل خصما بدرجة
الامتياز على الهلال فى التمريرات
الخاطئة او عدم اخذ المواقف الجيده
والتهديف الطائش او الميت








>>> طبعا ده وجهة نظر او نقد قاسى واتمنى من اى كتيبة مشاركة التوفيق
و تحقيق النصر و البطولة . وهذه وتلك بعتبرهم مشاركات منى قد تكون صحيحة
وقد تكون غير ذلك والتى اعتمدت على الاحصاء بنسبة 90 فى المئة ، ولكن
اذا شاركوا > مهند و كاريكا و سيف واى نجم وعندما يظهروا بالشكل الممتاز
فسوف تجدوننى اسعد البشر وكيف لا وهم لاعبين الهلال الذين نحب ، وكل
مداخلاتى السابقة مرسله لهم مباشرة وانا اعرف جيدا انهم متابعين هذا
الموقع وكل الذى يكتب فيه


تحياتى للجميع

الكورة دي منقولة على أي شاشة تلفزيونية ؟؟؟؟؟؟

اللنكات لو سمحتوا

Quote: مشاركة سيف و ديمبا ادخلت 6 اهداف من اربعة مباريات ودون احتساب اى تسلل لصالح الهلال واهداف كانت من العمق >>> معقولة ده يا شباب !!!!

سلامات يا كوتش
اولا انا لا احبذ ديمبا لانو لاعب تقيل الحركه والاهداف التي جاءت في الهلال في وجود سيف وديمبا هي 4 اهداف :
1/ هدف واحد جاء من عمق الدفاع نتيجه اختراق هو هدف دجوليبا وهو خطأ مباشر لديمبا
2/ هدف الاتحاد الليبي جاء نتيجه دربكه من ارتداد الكره الثابته
3/ هدف الجيش الاول جاء من عكسيه سيف يسال منه مسؤليه جزئيه والمعز ايضا يسأل منه مسؤليه لكن المسؤليه الكبري تقع علي يوسف محمد
4/ هدف الجيش الثاني جاء نتيجه خطأ مباشر من يوسف رغم ان مهاجم الجيش ارتكب معه كخالفه واضحه لم يحتسبها الحكم

هدفي دجوليبا كان سامي ومساوي قلب دفاع:
1/ الهدف الاول هو خطأ المعز المباشر ولا احد سواه
2/ الهدف الثاني جاء نتيجه هجمه مرتده عندما كان الهلال ينفذ في ضربه ركنيه وسيف وسامي الاثنين كانو متقدميين للضربه الركنيه

انا ايضا شاهدت مباره الاتحاد الليبي اكثر من مره وعبد اللطيف كان الثغره التي مر منها هجوم الاتحاد ولكن رغم ذلك وجدتا له العذر لحداثة تجربته ولان المباره كانت كبيره عليه. عبد اللطيف لاعب عندو مستقبل ما في ذلك شك لكن الان هو اسوأ من يمرر الكره في فرقة الهلال.
ميشو يعتقد ان سيف مساوي هو احسن مدافع في فرقه الهلال بل هو يعتقد انه من احسن ثلاثه مدافعيين في السودان وانا اتفق معه تماما في ان سيف علي الاقل احسن مدافعي الهلال في الوقت الراهن

Quote: انا ايضا شاهدت مباره الاتحاد الليبي اكثر من مره وعبد اللطيف كان الثغره التي مر منها هجوم الاتحاد ولكن رغم ذلك وجدتا له العذر لحداثة تجربته ولان المباره كانت كبيره عليه. عبد اللطيف لاعب عندو مستقبل ما في ذلك شك لكن الان هو اسوأ من يمرر الكره في فرقة الهلال.

لا اتفق معك يا هندسة
+ بالنسبه للبديل يوسف محمد > 90 فى المئة من عكسيات يوسف محمد حتى الآن اى كلام وتهديفاته طائشه
ومراقبته داخل الصندوق صفر ولا يجيد استخدام راسه فى اخراج الكره > يوسف محمد بعيد تمااااما عن مستواه الذى نعرف

+

Quote: ميشو يعتقد ان سيف مساوي هو احسن مدافع في فرقه الهلال بل هو يعتقد انه من احسن ثلاثه مدافعيين في السودان وانا اتفق معه تماما في ان سيف علي الاقل احسن مدافعي الهلال في الوقت الراهن

لا اتفق معك يا هندسة ، ولا مع ميشو اذا كان هذا هو رائه >> وذلك اعتمادا على وجهة نظرى بخصوصه كما ورد اعلاه

الهلال منتصر باذن الله
وعليك الله ياابوالهل عشان تسكت الخشامة
وتكيد العوازل كي
واقدل

يا بوب

رجع مساوي طرف يمين اسحب يوسف محمد خارج التشكيل


اخرج بكري المدينة ولعب مهند وبشة


وخلي سادومبا وحيدا في الهجوم لحدي ما نشوف موية محترفي التيحة الستة


بعد داك يدخل بكري او كاريكا

Quote: باراة صعبة ولكن إخوان البرنس أصعب. لا شك أن مباراة اليوم من أصعب المباريات للهلال خلال هذا الموسم لأن الهلال يحتاج للفوز ليضمن صدارته ويضمن إقامة البطولة في ملعبه إذا وصل للنهائي.. ولأن الهلال يعرف جيداً أنه انتصر على الاتحاد القوي في ليبيا ويعرف أيضاً أن المحافظة على القمة أصعب من الوصول للقمة وهزيمة الاتحاد في ليبيا.. والهلال يعرف أن الاتحاد فريق كبير وأن جرح الهزيمة على أرضه مثل جرح الأسد وأن أبناء القذافي سيقاتلون من أجل الثأر. ونحن نعترف أن الاتحاد فريق قوي وله تاريخ ناصع وهو نادٍ جماهيري ويملك الآن فرقة قوية خصوصاً في الوسط والهجوم. نحترم كل ذلك ونقول إن الهلال يحب مقابلة الأقوياء وأن أكبر انتصارات الهلال في ملعبه العتيق كانت في مباريات التحدي وعلى الأندية الكبيرة.. ويكفي أن نقول إن الأهلي بطل القرن قد انهزم هنا في معركة الكرامة.. وأن نسراوة النيجيري تلقى علقة ساخنة بسبب تطاول مدربه.. وأن الترجي التونسي تلقى الهزيمة تلو الهزيمة وأن النجم الساحلي غاب في سماء أمدرمان. نعرف أن الاتحاد الليبي قوي ولكن التاريخ يقول إن الهلال أقوى والحاضر يقول إن الهلال انتصر على الاتحاد القوي في أرضه ووسط جماهيره، فما بالك بلقاء أمدرمان حيث الموج الأزرق. في السكة موج أزرق هدر تاريخ ندر اسمو الهلال سيد البلد. سندافع اليوم عن سيادة البلد لأننا وحدنا من نحمل هم الدفاع عن هذه الأرض في العالم الكروي. سندافع عن سيادة البلد لأننا أحفاد الخريجين الأوائل وطلائع الذين قاتلوا من أجل استقلال السودان. سندافع عن سيادتنا الكروية رغم أنف مجدي شمس الدين وكل الذين أرادوا أن يحرجوا الهلال بإقامة مباراة أخرى في نفس يوم معركته الكبرى.

وحاة النبى

Quote: يا بوب رجع مساوي طرف يمين اسحب يوسف محمد خارج التشكيل اخرج بكري المدينة ولعب مهند وبشة وخلي سادومبا وحيدا في الهجوم لحدي ما نشوف موية محترفي التيحة الستة بعد داك يدخل بكري او كاريكا

عمكم خليل راقد عيش

>>> يا خليل ده كانت وجهة نظر البرنس فى مباراة مازمبى السابقة بس عمك كامبوس ما اشتغل بيهو الشغلة
ذى عمك ميشو الشغلة ما حيشتغل بيك >>> وارقد يا عيش و غااااااااااااااااااااااغ

نفسى احضر معاك الكوره ده >>> بس توقع منى تلفونات يا فرده وانشاء الله تكون حاضرها مع بوب و كيكى
عشان يتلفزوك وانت ماشى الحمام كل 5 دقائق >>> لووووووووووووووووووولز

Quote: وخلي سادومبا وحيدا في الهجوم لحدي ما نشوف موية محترفي التيحة الستة

ده اسوأ سيناريو للهلال يا وليد انو يلعب المباره بمهاجم واحد من البدايه
الاتحاد نقطة ضعفه هو خط دفاعه. نلعب بمهاجم واحد معناه حنريح الدفاع وسيتفرغ لاعبو وسط الاتحاد لمساعده الهجوم.
الهلال لابد ان يلعب بمهاجمين ليضع دفاع الاتحاد تحت الضغط وبالتاي يجبر خط وسط في مساندة الدفاع

Quote: الهلال لابد ان يلعب بمهاجمين ليضع دفاع الاتحاد تحت الضغط وبالتاي يجبر خط وسط في مساندة الدفاع

ما دام قلت كدة موافقين يا ريس


والله يا عمر حقو تجيب لينا تلفزيونين

عايز اشوف الترجي والاهلي ياخ

هذه مباراة احلام ياخ

Quote: ده اسوأ سيناريو للهلال يا وليد انو يلعب المباره بمهاجم واحد من البدايه الاتحاد نقطة ضعفه هو خط دفاعه. نلعب بمهاجم واحد معناه حنريح الدفاع وسيتفرغ لاعبو وسط الاتحاد لمساعده الهجوم. الهلال لابد ان يلعب بمهاجمين ليضع دفاع الاتحاد تحت الضغط وبالتاي يجبر خط وسط في مساندة الدفاع

ده كلام جميل جدا يابوب وعندما دافع الهلال فى مباراة الاتحاد بليبيا تعادل الاتحاد
وعندما هاجم واستلم الميدان طولا وعرضا احرز بشة الفنان

Quote: ده كلام جميل جدا يابوب وعندما دافع الهلال فى مباراة الاتحاد بليبيا تعادل الاتحاد وعندما هاجم واستلم الميدان طولا وعرضا احرز بشة الفنان

اخاف يا كوتش من مقولة البابا الطيب عبد الله

الهلال ما بخليك تنجم


احسن ليكم 451

بتريحنا من التاخير ومن نظرات المدير

الفتره المفتوحه لقناة قوون مخصصه للمباراة \\\


http://www.sudanhome.no/page.php?do=5

معاوية سلام
مافي لنك نشوف الكورة؟

علي أي حال بديك رنة بعدين

يابشمهندس لينك مباشر للكورة

من داخل الإستاد ..
الإستاد على وشك الإمتلاء ..
صورة من الداخل ...

الله ينصرهم، ياخي دا جمهور عظيم، والله فعلا الهلال عالم جميل

رابط الاخ عباسيه من موقع كوره

http://www.vshare.tv/live/88a1305f49d7c348162e3f58cc6b3...f563af/kooorasudanya

لابد من اضافة البلوقن الخاص بالقناة للمشاهده


وهناك روابط اضافيه ان شاء الله

بالتوفيق إن شاء الله

الان الجيش ودجليبيا - التعادل او هزيمة دجوليبيا يعني تاهل الهلال والاتحاد مباشره

Watch live video from alhilalabe's channel on Justin.tv

مازيمبي الخطير ضارب الشبيبه 3-1

مازيمبي افضل فريق افريقي اشاهده في السنين الاخيره ..مواهب وامكانات مهاريه عاليه جدا لنجوم الفريق ..حكاية انو غلبو الهلال بي السحر وبي فعل فاعل دا كلام جرايد ساي

Quote: الان الجيش ودجليبيا - التعادل او هزيمة دجوليبيا يعني تاهل الهلال والاتحاد مباشره

معاوية ياحبيبنا
عندي احساس قوي ان الفاينال هلال اتحاد
المغربي تنقصو الخبرة
والصفاقسي تعبان امس تغلب على حرس الحدود -التعبان جدا- بمساعدة التحكيم
والمهاجمين بتاعنو على باب الله لا عندهم مهارة ولا فن ودا غير ان هجومو لم يحرز ولا هدف خارج تونس
وحتى الاهداف الاحرزوها في تونس من ضربات ثابتة . ودا لأنهم لا يجيدون الهجوم من العمق من الهجمات المتحركة
المهم المجموعة البهناك حمام ميت .. وربك يهون ويدينا الفي مرادنا

Quote: الان الجيش ودجليبيا - التعادل او هزيمة دجوليبيا يعني تاهل الهلال والاتحاد مباشره

مذيع المباره ذكر قبل قليل بان الاتحاد الليبي مسيطر علي هذه المجموعه وانه فاز في كل مباريته وانه هزم الهلال السوداني 4-2 والله انا ماعارف ناس الجزيره بيجيبو الناس دي من وين؟؟؟؟؟؟؟؟؟؟

امبارح يا عمر الجزيره عامله استديو تحليلي كبير لمباراة الصفاقصي والحرس اليوم عاملين نايمين ..حتي في نشرات الاخبار جايبين استعدادات الاتحاد متصدر المجموعه وانو كيف انو ساعي للمحافظه علي الصدارة ! ولو انهزم الاتحاد حا يناقشوا اسباب الهزيمه وحا يتناسوا اسباب نصر الهلال ! ما تتوقع منهم كتير في صالحنا العرب ديل

المشكله يا عبد الوهاب فرق تونس والمغرب وعموما شمال افريقيا بيغلبوا بي طرق ملتويه ..تحكيم ..عنصرة والفاظ واستفزاز داخل الميدان وخارج الميدان ..وبي الاضافه لاعبننا ما مثقفين ضد الاستفزاز والعنصره وحركات الحكام المفتعله لاخراج اللاعبين من طوروم ...اساليب ما مفروض نتعامل معاها بي طيبه وعفا الله عما سلف مفروض بعثاتنا الاداريه تتكون من الشفوت والصعاليق واهل القانون ولا عبننا يكونوا مدربين علي اي اساليب استفزازيه داخل وخارج الميدان

رابط اضافي

http://ar.justin.tv/benghazi_libya/b/271232740?


دجوليبيا والجيش 0-0 حتي الان

مبروكـ الهدف الأول سادوبما الدقيقة 2


ووووووووووووووووووووووووووووووووو

ربع ساعة من الشوط الأول واحد صفر سادومبا

رااااااااااابط يامعاوية

معز دا ما داير يجيبا البر!
تجليطة زي التجليطة بس ربكـ ستر!!

لا حولااااااا
الغزال ضيع قون ما بضيع كلو كلو
جبد الحارس وطلعها المدافع

كاريكا طمع في الكورة لو باصاها لسادومبا كان كملت!!

دجوليبا يتفوق على آسفان واحد صفر

رااااااااااااااابط

ياجماعة

اتفضل يا محمد آدم

http://www.justin.tv/alhilalabe#r=-rid-&s=em

يا ود الصايم اديناالاخبار

الله عليك
يا سادمبا











----------------------------------------------

التانى فى السكه

الغزال فلايت مرة تانية للحارس
مرقت يا الله يا الله

مية مية يا غزال
40 دقيقة والهلال متقدم واحد صفر

يا معز بطل الحركات دي ياخ!
تجليطة جديدة ربكـ سترها!!

نهاية الشوط الأول الهلال متقدم بهدف سادومبا

أخاف الليبيين ديل يجيبو قون بين الشوطين.

Quote: أخاف الليبيين ديل يجيبو قون بين الشوطين

ياخى مهند مبالغه
مدهش بالجد
عندو حبه جايه








---------
لكن علاء الدين تعبان يرفس

الرلبط ده خستك ولا انا غلطان

انتهت مباراة دجوليبيا المالي والجيش بهدف للمالي ...ناس الجيش ديل لابطقعوا لا بجيبوا الحجار متخصصين لينا في وصيفنا دا بس

لا حولااااا
كاريكا في العارضة

خروج الغزال ودخول بشة

زوووووووووووووووووووووط
التاني بشة

يـاتـيــحــا ب ويـاوصــيـفـاب (الأحـــد فـى ود الـلـحـــــد)

ياجماعة ادونا رابط جديد

الروابط دي كلها فشوش

بلاش الشلهته دي ياود الصايم

BISHA
BISHA
BISHA
BISHA

مبروك الهلال



















خوفي منك يالمعز على الهلال

هدف الهلال الاول

مبروك الهلال



















خوفي منك يالمعز على الهلال

بلو قايز بقيادة بوب
تهانينا

التاني

مبروووووووووووك لسيد البلد كل الاهله.

Quote: الهــــــلال السوداني X الاتــــحاد اليبي

أخـي عمر بوب
مساك أبيض

ومبرووووووووووك زرقاء




مـحبّتـي

مبروك لحبيب الملايين الفوز المستحق
كان يمكن أن ينتصر بأكثر من هدفين لو ركز اللاعبون قليلاً..
استمتعنا حقيقة بالأداء الجميل للهلال..

الف الف مبروك يا شباب العرض و المسؤولية قبل النتيجة
أداء مبشر بالأمل و يعشّم في الكأس
أتمنى السادة الوصيفاب يدقّوا كيتتم قبل كل مباريات نصف النهائي و النهائي بإذن الله عشان الأولاد بردّوا في الميدان فقط
اكتر ما عجبني في مباراة اليوم اختفاء ظاهرة الاستعراض و اللعب المظهري و التيم متقدم
و الهجوم الرهيب و الرغبة في احراز الأهداف حتى آخر ثانية
والمستوى العالي لكاريكا رغم عدم توفيقو في الأهداف
مهند يا كوتش رايك فيه شنو الليلة
لاحظت ميلانو لجهة اليمين دي حركة مبالغة من ميشو منها خفف على يوسف محمد - الإنكشف بعد مرقة مهند - ومنها رجلو الشمال بقت جوة الملعب
خطوة و التانية بهدّف
ويا سلام على الهلال لما يخت الكورة واطة و يا سلامين على مساوي
أما بشة فكلامو براه
الود دا وشّو وش كاس الله يسالني

بوب يا هندسة في زول ترجم البوست دا لميشو ولاّ حاجة

Quote: يا هندسة معقول تخلي هيثم براه ومعاه تلاتة وسط مدافع وفي أرضنا يعني لو فرّغوا ليه واحد يراقبو واطاتنا صبحت رجع مساوي مكان ديمبا أو سامي و جيب مهند والشوط التاني شوف طريقة لبشة

شايفو طبّق التنظير اعلاه بالنص

Quote: مهند يا كوتش رايك فيه شنو الليلة

افضل من المرات الفاتت ولكن لسه و بشة افضل منه بكتييير

- بشة بجيد استخلاص الكرة بشكل جيد
- بشة بتحرك بشكل ممتاز وبعمل ساتر رائع فى وسط الميدان
- بشة لحظة التهديف برفع راسة عشان كده احرز 3 اهداف للهلال فى المجموعات
- قلبو نااااار

مهند لا يرفع راسه لحظة التهديف وبشوت محل تقع التقع وممكن ترجع وتتفرج
ولاحظ للباص الاعطاه له هيثم و عندما خرج الحارس تخلص منه وهو فى
وضع مريح ولكنه لم يرفع راسه لذلك تهديفته كانت اى كلام

مهند كتيير من هجمات الهلال بضيعها لانه بصر على التهديف من بعيد
وفى بعض الاوقات بيكون افضل التمرير و ممكن ترجع للشريط و تتاكد

>>>>>>> معليش ده على الماشى يا ود البشرى
والنواقص ده لو اجتهد ممكن يعالجها فى حضور المدرب و مساعدنه

+ اكتسب بعض الخبرات من اللعب المتواصل والمتمثل فى الاصرار و الحركة بدون كره
والتمرير فى مساحات خاليه


عموما منافسة بكرى لكاريكا و بشة لمهند رفع كتير من مستوياتهم وهو الذى نرغب فيه

وياريت المدرب يعطى ايضا مزيدا من الفرص لبكرى و بشة وبويا لنشهد هلال مكتمل اللون و الجمال و الفن




تحياتى للجميع ومبروك تصدر المجموعة قبل نهاية مباريات المجموعة كانجاز جديد يضاف لانجازات سيد الكوره

...............ز


شكرا صاحب البوست .... ان جعلت مشاهدتنا للمباراة ممكنا ....

وشكرا معاوية دائما ........

مليوووووووووووون مبروك

وتزداد الامال فى تحقيق البطولة .....

مبروك لأسياد البلد بلا فرز ..
ولا عزاء للوصيفاب ...
أنا يا دوب رجعت البيت من طلعة الاستاد البدري ديك .. ده يوم ان شاءالله نشوفو ونحنا صاعدين النهائي وبرضو نشوفو ونحنا جايبين الكاس ..
إنه ولي ذلك والقادر عليه .. آمين .
مبروك تاني

سعدت جدا بأداء الهلال الراقى والنتيجة وأتمنى أن نحصل على البطولة
عجبنى أداء كاريكا وهيثم وسادمبا خاصة تمريرته الرائعة التى أحرز بيشه هدفه الثانى.
شرف الهلال الكورة السودانية.
ناس الجزيره لم يعطوا للمبارة حقها ولم يقوموا بعمل إستديو تحليلى وإهتموا فقط بمبارة الأهلى المصرى والترجى التونسى ولم يذكروا نتيجة المبارة التى إنتهت 2/1 للأهلى وأحرز الأهلى هدف بلمسة يد واضحة

Quote: افضل من المرات الفاتت ولكن لسه و بشة افضل منه بكتييير

الالاف التبريكات للشعب السوداني بالفريق العالمي الهلال
والالاف التبريكات لعشاق الموج الازرق بماردها الافريقي
الهلال اثبت انه فريق من طينة الكبار عندما يواجه بالتحديات. قدم الهلال كرة قدم حقيقيه في هذه المباره بالانتشار السليم, الضغط علي حامل الكره وتضييق المساحات عليهم,المسانده و التسليم والتسلم الدقبق واهم شئ هو التخلص من العيب الكبير الذي كان يعتري الهلال من 2007 وهو البطء الشديد في الانتقال من الدفاع للهجوم. الهلال اصبح يلعب كره سريعه جدا طبعا ساعدو في ده السرعه الشديده التي يتميز بها المهاجميين.

Quote: افضل من المرات الفاتت ولكن لسه و بشة افضل منه بكتييير

والله يا كوتش انت زول بتفهم كوره لكن قصتك مع مهند دي محيره.
مهند كان افضل لاعبي الهلال في الشوط الاول بل افضل لاعبي الفريفيين بمسافه. تحرك سليم باصات دقيقه. تهديف من كل الجهات. اختراق للدفاع. الارهاق ظهر عليه في الشوط الثاني وانخفض مستواه وده لانو لعب اكثر من 80% من المباريتين الاعدادتين الاوائل ولعب المباره الثالثه امام المورده كامله. مهند لو استمر بنفس لياقتو في الشوط الثاني لهزمنا الاتحاد بالخمسه. انت يا كوتش مهندس ولا شنو
يا ود ابشري:
اكيد ميشو بيكون قرأ البوست ده. انا ناقد ومحلل لا يشق له غبار ميشو ما ممكن يتجاوزني واهو في قرايتو للبوست بيطلع علي زي ارائك دي برضو

نجومية المباره:
1/ مدثر كاريكا كان في تقديري نجم المباره الاول بتحركاته المزعجه وسرعته الفائقه وخلخلته لدفاعات االاتحاد. جهز اكثر من كره لزملائه في وضع تهديفي مريح ابرزهما فرصه سادومبا وهو في مواجهة المرمي وفرصه هيثم امام منطقه الجزاء
2/ مهند الطاهر ( الشوط الاول) & بشه (الشوط الثاني):
مهند لعب الشوط الاول بمزاج عالي اخترق, مرر, وهدف من كل الجهات وكان مصدر ازعاج لدفاع الاتحاد وحارس مرماه(وليد القرود لحدي الان بيفتكر انو تهديفتو الاولي قون الحكم ما حسبو لينا)
بشه ان لم يفعل شئ اخر سوي الطريقه التي تحرك بها واحرز منها الهدف الثاني لكفته هذه نجومية الشوط الثاني
3/ خط الدفاع (باستثناء يوسف محمد) هي اجمل مباره يقدمها دفاع الهلال في هذه البطوله. تمركز سليم, مرقبه لصيقه للمهاجميين, في ظني ان التزام عمر بخيت وعلاء الدين يوسف (رغم انه لم يكن في احسن حالاته) التكيكي ساعد الدفاع كثيرا في مهمته. الثغره الوحيده كانت يوسف محمد
4/عمر بخيت: كان جدار صد منيع امام الدفاع كعادته
5/ سادومبا: لم اكن اظن يوما ان سادومبا باستطاعته تمرير باص بذلك الدقه والتوقيت مثل الباص الذي مرره لبشه
6/ هيثم مصطفي: كان هيثم وكفي
7/ بكري المدينه: اكبر دليل علي قوة فريق الهلال ان لا يكون بكري المدينه اساسيا في تشكيلته

النتيجه العادله لهذه المباره هي فوز الهلال 5/1

مبارك يا هندسة

Quote: مدثر كاريكا كان في تقديري نجم المباره الاول بتحركاته المزعجه وسرعته الفائقه وخلخلته لدفاعات الهلال

بالغ لكن

تغيير علاء الدين ببكري المدينة في التوقيت التم فيه حركة جريئة من ميشو و ذات حدين
اداء علاء الدين قل أي نعم لكن المنطق بقول ان يتم الدفع بلاعب ارتكاز آخر أو مدافع مع تقديم مساوي
أو الدفع ببوي على الطرف الأيسر و تقديم خليفة مكان علاء الدين
لكن ادخال مهاجم تالت يدل على النزعة الهجومية لميشو - و التي اصبحت طابع لعب الهلال في الفترة الأخيرة
و اقتناع ميشو و تطبيقو لمقولة خير وسيلة للدفاع الهجوم
أو يمكن من خلال قراءته لسير المباراة و أداء دفاع الإتحاد ادرك وجود ثغرات خلقتها تحركات كاريكا وسادومبا و فكر في استغلالها عن طريق المهاجم التالت
تأثير المهاجم التالت وضح في زيادة ربكة دفاع الإتحاد
لكن ايضا ظهرت سيطرتهم على منطقة الوسط
الحمدلله أن هجماتهم ما اسفرت عن أهداف وإلاّ كان سيتحمل اللوم عليها ميشو

Quote: الهــــــلال السوداني X الاتــــحاد اليبي

وشك حلو يا بوب ....ابدااااااااااااع .... نجوم سطعت فى سماء السودان امس علي الترتيب البرنس حامل رايات التمريرات السحريه ..... كاريكا صاحب المحاورات الذكية .... سادومبا الدبابة البشرية.... بشه حامل راية الكرة السودانية .... و ميشو ذو العقلية التدريبةالقوية.








الخوف من يوسف محمد و مستواه المتدهور و و المعز الله يهديهو و يبطل جنو ده .... الله يكفينا شر العوارض ....



كاهن شكرا علي الصور الحية إن شاء الله لو فيها نهائي معاكم ....


انا لو من الكاف بحسب النتيجة ٦-١ ههههه:)

ميشو مدرب شاطر ام محظوظ
جاء المدرب ميشو لتدريب فرقة الهلال في ظروف دقيقه فبعد ان قدم الهلال عروضا سيئه في الدوره الاولي للدوري الممتاز وانهزم مرتين من هلال كادوقلي وحي العرب بورتسودانوخرج من بطوله الابطال بالهزيمه من الاسماعيلي المصري ذهابا وايابا, عاد الفريق بعد تعيين طارق احمد ادم مساعدا للمدرب منتفضا وهزم المريخ في اخر مباره للدوره الاولي بهدفي مهند وكاريكا بعدها استقال كامبوس المدرب السابق وجاء ميشو ولا احد يدري ان كانت انتفاضه الهلال انتفاضه مؤقته ام لا.
في اول مباره رسميه لميشو فاز الهلال علي كابس يونايتد بخماسيه نظيفه لكن لم يقل احد ان الانتصار سببه الرئيسي ميشو لانه استلم تدريب الفريق قبل اسبوع من تلك المباره ثم توالت انتصارات الهلال بع ذلك محليا ودوليا ولم يتجرع الهلال اي هزيمه سواء داخل ارضه ام خارجها حتي مباره دجوليبا المالي التي انهزم فيها الهلال بهدفيين دون رد. التشكيله الغريبه التي لعب بها الهلالتلك المباره وتدهور اداء الهلال برغم الفوز في المباريات التي لعبها منذ مباره الاتحاد الليبي بطرابلس شككت الكثيريين في امكانيته التدريبيه.
لكن في المباريات الدوريه الثلاثه الاخيره بدات بصمات ميشو التدريبيه تظهر علي الفرقه الزرقاء. زفي مباره الامس ظهرت جليا
1/ وضع مهند في الطرف اليمين من الملعب كانت ضربة معلم
2/ في لقاء هاتفي مع قناة قون قال بيشه ان المدرب اخبره عند دخوله الملعب ان مهمته الاساسايه هي منع لاعب الفريق الليبي رقم 17 من التقدم وارسال الكرات العاليه لمهاجمي الفريق الليبي طوال القامه والتي كانت تتعب دفاع الهلال. والمنع كما قال بشه ليس باللعب مدافعا ولكن بالهجوم عن طربق اللاعب حتي يجبره في التخندق وعدم المسانده وفي ظني ان هذه توجيهات مدرب يفهم شغلو
انا الان اميل الي ان ميشو مدرب شاطر جدا لكن هذا لا يمنع بانه محظوظ جدا بفريق الهلال الحالي

الباش عمر محمد علي بوب
مررت للسلام عليك.
كمان:
ساكين ليكم شغلة، المريخ سبقكم عليها منذ 1989 وهونتاج العهد الديموقراطي.
ولا شنو؟

مبروك يا هتدسة

الفلال عالم جميل.
ميشو مدرب جيد ومحظوظ في وجود لاعبين سقف طموحاتهم عالي في تحقيق البطولات.

الواقعية والأعداد النفسي والبدني الجبد هو الذي حسم المباراة مبكرا.

سادومبا با عمر صانع العاب ماهر ويجيد العب في وسط الملعب اكثر من قلب الهجوم.

اضاعة الأهداف قد تكلفنا ضياع البطولة ان لم تجد المعالجة.

علاء الدين ويوسف محمد أقل اللاعبين مردودا ومساوي وخليفة وعمر الأكثر عطاء.

دمت ودام الهلال منتصرا.

ابوعبيدة

عبد الحي يا هندسه سلامات وكل سنه وانت طيب:

Quote: ساكين ليكم شغلة، المريخ سبقكم عليها منذ 1989 وهونتاج العهد الديموقراطي

ياخي ما معقوله زول بكل جمالك ده وصوفيتك التي تسمو بالارواح يطلع مريخابي

تعرف يا عبد الحي انا من جيت الخليخ بقيت امشي السودان كتير وفي كل مره ازداد احباطا من سوء حال البلد
قلنا بدل نوجع قلبنا في السياسه اخير نسك موضوع الكوره عسي ولعل يكون احسن من حال سياسة البلد اللي محتاجه معجزه عشان تنصلح

مبروك يابوب
بالأمس كان فرح الغلابة يا بوب
التهاني والتبريكات لكل عشاق الموج الازرق
التهاني والتبريكات للاعبي الهلال وجهازهم الفني

Quote: بوب ياخي كلما اتذكر خيمة العقيد القذافي ازداد قناعة بان التيحة لن يهزم الهلال حتي لو لعبت معه الملائكة الهلال فايز فايز علي مسئوليتي هذه المباراة اضمن من بقية مباريات الدوري الممتاز لا تقارنه نتائجه مع دجوليبا المالي والجيش هذه فرق حواري ساكت

bob

just u made me shaking

i know they are

hammam mayyet