Post: #1
Title: يا ألف مرحب.. فيصل صالح رجع للبورد!!
Author: Raja
Date: 10-12-2003, 07:36 PM
الأعزاء البورداب والجميع،، وانا بعاين للموجودين منو.. لقيت اسم زميلي وصديقي وأخي الرائع فيصل محمد صالح.. واعتقد ان هذه أول طلة له بعد عودته للوطن.. ألف حمد الله على سلامتك
|
Post: #2
Title: Re: يا ألف مرحب.. فيصل صالح رجع للبورد!!
Author: Raja
Date: 10-12-2003, 07:50 PM
Parent: #1
العزيز فيصل،، العصفورة قالت لي دي ما أول مرة تدخل.. عموما دي اول مرة اشوفك فيها.. عايزين تقرير واف ومفصل عما يحدث في السودان
|
Post: #3
Title: Re: يا ألف مرحب.. فيصل صالح رجع للبورد!!
Author: ahmed khair
Date: 10-12-2003, 10:27 PM
Parent: #1
رجاء تحياتي
عبرك ارحب بالاستاذ فيصل محمد صالح وعودته الي الوطن
واتمني ان ترحب به البلد والف مرحب به وسط اهله وكوكبة الصحافه السودانية وعودة طائر مهاجر اخر الي ارض بلاده فمرحب به
تحياتي له بسلامة العوده
عبده
|
Post: #4
Title: Re: يا ألف مرحب.. فيصل صالح رجع للبورد!!
Author: shiry
Date: 10-13-2003, 10:03 AM
Parent: #3
رجويه حبيبة البي
سلام مربع
نبارك ونهني انفسنا بعودة الرائع فيصل صالح
وعودا حميدا
وعقبالنا يااااااارب
|
Post: #5
Title: Re: يا ألف مرحب.. فيصل صالح رجع للبورد!!
Author: الزنجي
Date: 10-13-2003, 10:34 AM
Parent: #1
الـف حمد لله على السلامة فيصل
وانشاء الله ســالم وغــانم
وعبر ك احي الاخت رجـــاء العباسي
|
Post: #6
Title: Re: يا ألف مرحب.. فيصل صالح رجع للبورد!!
Author: Faisal Salih
Date: 10-13-2003, 11:36 PM
Parent: #1
شكرا رجاء العزيزة وبقية الشلة المبدعة
صحيح دخلت البوردأكثر من مرة ...لكن على عجل وكنت بطمئن على الاحباب والاصدقاء
كذلك احتجت لبعض الوقت للاستقرار وتعويد النفس على برنامج جديد
لكن عارفة اخوك حديد وبيسلك في اي جو
الامور تمضي بشكل جيد ...والبلد عامرة بخيراتها وناسها البشوشين والحلوين "اسة يقوم ينط لي سمير واساسي وصديقي وليد الكوز"
أعمل كما تعلمين لصحيفة الاتحاد من هنا ، ليس لدي مكتب واعمل من داخل شنطتي ...واشرب الشاي والقهوة عند اي ست شاي بت بلد، تطعم افواها وتعلم اولاد وبنات في المدارس بدم قلبها، لكن تنتهي بي الجولة آخر اليوم في مكاتب صحيفة الخرطوم كالعادة.
شباب الصحفيين هنا كما عهدناهم دائما شعلة من النشاط والحماس والحب لهذا البلد ، وقلوبهم موجوعة عليه، وربما تجدين بعض من نشاطهم في البيان الذي أنزلته في البورد اليوم.
شلتنا كما هي ..وكانها كانت في انتظاري ..نلتقي يوميا وأحيانا أكثر من مرة في اليوم...ولنا جولات وجولات في الخرطوم والحمد لله كلهم صاروا من اصحاب السيارات ...بعضها فاره ..وبعضها انتهى عمره الافتراضي مثل سيارة صديقي مرتضى الغالي لكنها تسير بالنية الطيبة، وبابتساماته ومداعباته التي لا تنتهي
نحن في انتظارك ...في انتظاركم ..في انتظاركن ...في انتظار الجميع فلا تطيلوا الغيبة
فيصل محمد صالح
من منزلنا الكائن بحي كوبر جوار دكان السيدة الفاضلة والمناضلة أم جمعة..لمن يرغب في زيارتنا
|
Post: #7
Title: Re: يا ألف مرحب.. فيصل صالح رجع للبورد!!
Author: Tumadir
Date: 10-14-2003, 00:18 AM
Parent: #6
يعنى نفهم من كدة انك بتتكلم من السودان؟؟؟
لك التحية اينما كنت
خصوصا لو فى السودان
|
Post: #8
Title: Re: يا ألف مرحب.. فيصل صالح رجع للبورد!!
Author: هدهد
Date: 10-14-2003, 00:57 AM
Parent: #7
العزيز الغالي فيصل لك الود كم احسك جواي
بالله تحياتي الى ام جمعة وبكنام بكل العمق
|
Post: #9
Title: Re: يا ألف مرحب.. فيصل صالح رجع للبورد!!
Author: bayan
Date: 10-14-2003, 05:21 AM
Parent: #8
الاستاذ فيصل
يا سلام
والله محسود محسود محسود
اجما ما فى السودان
ناسو والاصحاب الذين يتربصون بالرجعة للاحتفاء وتغير البرنامج
ربنا يطيب اقامتك
و اذا جيت السودان بفتش ليك
ونتمنى انك ما تغيب فليك وحشة
|
Post: #10
Title: Re: يا ألف مرحب.. فيصل صالح رجع للبورد!!
Author: Raja
Date: 10-14-2003, 03:44 PM
Parent: #1
زميلي وصديقي واخي وكل حاجة حلوة يمكن ان تجمع بين الناس فيصل،،،، طبعا عارفة انك ممكن تسلك في اي جو.. ولكن قلقي على معرفة احوالك هي التي جعلتني اشرك كل الأحباب هنا فيه،،
افتقدكم جميعا،، كل الشباب الذي يؤكد دوما ان السودان بخير،،،
تحياتي لكل الناس وأم جمعة وأبو جمعة كمان
لي عودة،،
|
|