Post: #1 Title: يـــــــــا من ملكت جُل جِن وادي عَبقر ( محمد طه القدال ) .مفردة عميقة Author: خالد علي محجوب المنسي Date: 02-14-2013, 04:36 PM Parent: #0
صفحات ناصعة بياضا نعرض فيها الجمال والفن من أعمال الشاعر الجميل الشفيف محمد طه القدال .....
مع بعض الشرح لبعض المفردة العميقة
متعك الله بالصحة والعافية شاعر وهب جُل حياته لحب الوطن وإنسان الوطن وكفى
والتوفيق من عند الله والإخفاق منّا
ولحين ميسرة من الله
Post: #2 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-14-2013, 04:43 PM Parent: #1
مــــسدار أبوالسرة لليانكي
Post: #3 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: Magdi Algorashi Date: 02-14-2013, 09:49 PM Parent: #2
Post: #4 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-14-2013, 11:31 PM Parent: #2
أماتي القبيل بي حنهن لَجنّي كرفة وقلدا كيق شوق اللبن رجنّي حزناً جاني في ميع الصبى يلجنّي ... أطلع مني يا جلدي المنمل .. جنّي ... وأطلع مني يا حزناً بقى مكجنّي ... خلنّي أبدا مُسداري .. وودّي قفاي لي داراً بقت مي داري ... جيتّأ ... جلدي وبين عضاي الشحمة .. إلا النار بقت قِدامي جلدي الليلة .. وبين عضاي المافي إلا تراني شوال الكِبس نفيخ جراريب الورم هَدامي في جلدي الورم ؟ ولا صحي الورم عضاني سفريتك مي فنية ... واها الكانت محرية خابراك عِريف .. زم العُربان ... ولا قيام الوردية مالك ؟ تريان ومندي كاسي الكِتان والهندي ترجا البيشان ولا الغربة بالذندي برقاً عبدلي الوزني يا طاش يا جاب المُزني فرق يا الضيف فعل الغضبان أمْ فرفيرات الحُزني
Post: #5 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-14-2013, 11:44 PM Parent: #4
أخي مجدي القرشي
لك كل التشكرات عدد ومددا على المرور المدّعم بقصيدة من روائع القدال ( خمسين سنة ) التي نظمها أبان الفيضانات والسيول والأمطار التي ضربت بلدنا الحبيب عموما شمالاً وغربا .. جنوباً وشرقا وكانت في سنة 1976 تسابات السودان العامة التي ضربت البلاد رغم التسميات الخاطئة كارثة وكيف تكون كارثة والمطر خير والماء خير ( وجعلنا من الماء كل شئ حي ) واهلنا زمان فهموها أدوها الاسم الصاح لكن إعلامنا ما فهما رغم شهادات الإعلام التي يحملوها أهلنا زمان ما بقولوا كارثة .. بقولوا تساب سنة 1946 وكان التساب الأخير سنة 1988
سوف نمر على قصيدة ( خمسين سنة لو مدَّ الله في أيامنا )
لك التحايا والمودة
Post: #6 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 08:52 AM Parent: #5
مسدار أبو السرة لليانكي والمسدار رحلة يقوم فيها الشاعر برحلة قصاد فيها ديار محبوبة ومكان صيد أو غيره وصفاً لكل ما يمر به في رحلته تلك من ما يشد جملو لحين الوصول وفية المقدمة ثم يعرج لوصف جمله وكيف قطع تلك الفياي للوصول للهدف المقصود ..لكن كان لمسدار القدال لون أخر وطعم غير طعم تلك المسادير ظاهرة أخرى جادت بها قريحة الخيال الخصب للشاعر الفذ محمد طه القدال وهي مظاهر الخلق كلها ( كل مخلوقات الله ) لذلك الظلم الذي توقعه أسرائيل على الفلسطنيين وتعقب مسارهم وطردهم من كل أرض يحلون بها وكان المسدار كما ذكر الشاعر القدال عقب دخلول الجيوش الأسرائيلية في لبنا وأخراج اللاجئين الفلسطينين إلى الشتات فقاد الشاعر القدال تلك المظاهر الأحتجاجية والجهة المقصودة ساحة تمثال الحرية
اليانكي هو الأمريكي وسميى يانكي من أصل الكلمة ( يانك ) والتي تعني يقتلع ويأخذ عصباً وكان هكذا الأمريكي وما زال اليانكي يانكي ويانك
يبدأ القدال ومعه نبدأ ننفض بعض من أغطية على مفردته العميقة وإن أصبنا فذاك فضل من الله وإن أخطأنا فمنا وما كلف الله نفس إلا وسعها وهذا ما في وسعنا نلتمس به تقفي أثر شعاعر جميل فذ مدهش
أماتي القبيل جاء بها جمع ولم يقل أمي القبيل وذلك للعادة التي جرت لم تكن الأم تربي لوحدها كان يشاركها في تربية أولادها الجدة والخالة والعمة والأخت الكبرى
أمات القبيل بي حِنهن رجني حنهن : حنانهنَّ ربني أي كانت النشأة حنان ومودة وعطف وحنية من كل وكنّا كل الأمهات يحرصن زمان على تربية الأولاد غرس كل فضيلة فيه من صغره والبنات غرس العفاف والشرف الأعتزاز بالنفس من صغرها
ورجنّي الرج هو اللولاي ( هز الطفل محمول على اليدين مائل رأسه إلى الصدر ) النوم النوم بكريك البدوم النوم تعال سكت الجُهال وفي قرب الطفل للصدر حكمة ربانية بديعة بالذات صدر أمه كأن مشاعر الحنان المتبادل تنغرس كلما أقترب الطفل من صدر وثدي أمه وهنا كان الترابط الوجداني بين الطفل وأمه وهذا ما يفقده أهل الغرب عندما أختلقوا المربية وبعد الأم عن جناها لظروف العمل كان العقوق وقلة الرابط بين المولود والوالد
رجني كرفة وقلدا الكرفة هي بوسة مع شمة عميقة أسفل عنق الطفل كرفة وقلدا كيق شوق اللبن رجني اي وحتى اللبن الذي رضعته من ثدي أمي لم يكن فقط مادة غذائية بل كان فيه الشوق الحنين والمودة التي أنتقلت لي من حليب أمي وإنغرست في أحشاي
والله أعلم
Post: #7 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 12:20 PM Parent: #6
Quote: حزناً جاني في ميع الصبى يلجنّي ... أطلع مني يا جلدي المنمل .. جنّي ... وأطلع مني يا حزناً بقى مكجنّي ...
حزناً جاني ويقصد أن الحزن لازمه منذ نعومة أظافره ولم يكون حزن اسري أنما حزناً أكبر المحيط الذي حوله وطنه الصغير ( القرية حليوة ) والحالة التي يراها من فقر وجوع متفشي بين الناس من سوء تخطيط من الدولة وطنه الكبير السودان وتقاتل الحكام على ثروة يلقفوها وشعب يدوسه وهو سلم للعلو وطنه الأكبر العالم الإسلامي ودوله وهو يرى كيف هان أمرهم بين الشعوب وسلبت أراضيهم وكل حاكم مسلم خاتي الخمسة في الاتنين والبقدر عليها ( نشجب وندين وإلى يومنا هذا يشجبوا ويستنكروا ) ولسان حالهم يقول .. شهراً ما عندك في نفقة ما تعد عدد أيامو كل هذا الحزن الكبير جا في ميع الصبا اي في عمر مبكر من الصبى ميع الصبى ايام العجن والدلال من الأسرة وعادة تكون للصبي أو البنت الصغيرة يلجني .. لجن الشئ أي إنتهى منه ( تلجن سيارة مثلا اي تعلن أن مدة صلاحيتها أنتهت وغير صالحة للسير حزناً جاني في ميع الصبى يلجني
أطلع من جلد المنمل جني اي ما فضل لي من كثرة الحزن إلا أن أطلع من جلدي المنمل من اثر هذا الحزن وهنا يريد الشاعر أن يتخلص من أحزانه وكل المؤثرات التي سببها هذا الحزن ومنها الجلد المنك وبقا لي زي الجن وجننه
وأطلع مني يا حزناً بقى مكجنّي واطلع مني أيها الحزن الذي من كثرة أستقرارك في دواخلي صرت تكرهني مكجن الشئ : اي أكرهه لله درك يا قدال في سيق الكلم الطيب
Post: #8 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 12:52 PM Parent: #7
خلنّي أبدا مُسداري .. وودّي قفاي لي داراً بقت مي داري ... جيتّأ ... جلدي وبين عضاي الشحمة .. إلا النار بقت قِدامي جلدي الليلة .. وبين عضاي المافي =========================
القدال عندما يتحدث في القصيدة يتغمص لسان حال كل إنسان شريف لم يرضى عيشة الزل والهوان ويتحدث بلسانهم كشاعر مرهف ومدك متمحص بعيون ثاقبة تقرأ الأحداث التي حوله وهو مثقف وكل شعره وقوله يدل دَلالة واضحة بينة على ذلك واطلع مني يا حزني وخلني .. اي اتركني حتى أبدا مسداري هذا أقود فيه الخليقة كلها مظاهرةً لتمثال الحرية نعبر عن رفضنا لكل طلم مهما كان ومهما كان الظالم والظلم ظُلمات يوم القيامة ... خلني أبدا مسداري وودي قفاي لي داراً بقت مي داري
وودّي ( أدي ) قفاي : اي اقفي واترك تلك الديار الظالم والمتواطئ حكامها لي داراً بقت مي داري ( طلقتها بي التلاتا )
زمان جيتى اي نزلت يوم ميلادي وعشت فيها وكنت سمين وامي جيتا وجلد بينو بين عضاي الشحمة اي كان يكسوني لحم وشحم يفصل بين جلدي وأعضاء هيكلي العظمي إلا النار بقت قدامي نار شنو ؟ نار الظلم والأحزان والبطر والجور جلد الليلة بينو وبين عضاي المافي ما فضل فيني شئ غير العظم إنسلب اللحم من جسمي أصبح كلي عضام وعروق وأما قليبي لو شفتوهو بي سيف الغرام مشقوق لا لآقي البحن في حالو لا زولاً عليَّ شفوق ولحين ميسرة نواصل
Post: #10 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: Abureesh Date: 02-15-2013, 01:27 PM Parent: #8
شكـرا ياخالد
وشوف دى برضـه.. قمت بتصويرها فى الدوحـة قبل أعوام قليلـة..
عفوا خالد لجّني دى أهم ما فى البيت دا و شايفك فطيتها ساى
بعدين شوق اللبن رجّني دى دايرة ليها شرح للصورة التمثيلية مع الأخذ فى الاعتبار صورة رج اللذبن فى السِعِت
عفوا خالد لجّني دى أهم ما فى البيت دا و شايفك فطيتها ساى
بعدين شوق اللبن رجّني دى دايرة ليها شرح للصورة التمثيلية مع الأخذ فى الاعتبار صورة رج اللذبن فى السِعِت
أخي معتصم الطاهر القدال ليس جبل بل بحر خِضم الجبل ينطلع بصعوبة ... لكن البحر الخِضم في يوم ريحٍ صرصر البخوض مجالو يا غرق يا جا حازما ... ولو غرق فمن طريقة أبحاره ولو جا وحازما فذاك توفيق من الله لذا أنا في بداية ومطلع البوست قلت إن أخطأت فمني وان وقفت فذاك من الله وندعوا الله التوفيق
كنت أمني النفس لو أضفت والمعلومة مشاركة ولم تأتي معلم مصحح مادام في رأسك تلك المعلومة كان المفيد إضافتها وذاك المقصد والمراد من البوست تحياتي ومودتي
لك
Post: #13 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 04:40 PM Parent: #12
Quote: إلا تراني شوال الكِبس نفيخ جراريب الورم هَدامي في جلدي الورم ؟ ولا صحي الورم عضاني سفريتك مي فنية ... واها الكانت محرية خابراك عِريف .. زم العُربان ... ولا قيام الوردية مالك ؟ تريان ومندي كاسي الكِتان والهندي ترجا البيشان ولا الغربة بالذندي
تراني أو تاريني هي كلمة عامية تعني أظنني أو أعتقد
الجراب هو وعاء من جلد يخاط بخيط من جلد لحمل الأشياء وعادة يستخدم في الدواب ونحوه الخُرج ( لكنة من الخيش ) نفيخ جراريب : منتفخ مثل الجراب الجراب هو المفرد من جربات جراريب جمع بالعامية لجراب
هدامي : اي هدومي ملابس وزي الذي أرتدي
محرية .. يحري : يظن ومحرية اي ما كانت في الظن
خابراك : اي بعرف ومتأكد عريف اي بتعرف فطن ولا تخفى عليك خافية
العربان اي العرب وقد يقصد بها عرب الخلا وفي السودان أهل كل بادية وخلا بعدين عن الحضر يقال له عربي أو عررريب كما تحلو للأخ ابوبكر سيد أحمد الحلفاوي وقلت الحلفاوي لانه يوجد اتنين ابوبكر سيد أحمد المطرب المعروف وهو برضو عضو في سودانيزونلاين
تريان يقال الأرض تريانة عندما تكون شبعة بالماء ومندية وهنا تريان ومندي اي مرتاح سمين وامين وتبدو عليك مظهر الراحة كاسي : اي لابس والكتان والهندي : اي افخر الأقمسة التي صنعت من الكتان واستوردّت من الهند والمعروف ومشهود أن الأقمشة الهندية قطنية وجيدة
البيشان جمع بوش البوش هو الوليمة الكبيرة سواء كانت لعُرس او ختان أو عقيقة ( سماية ) وقد يكون بوش دون مناسبة توسعة وبرضو يسمى بوش
الشاعر القدال قد يشابه بعض شعراء العامية في بعض الأشياء لكن يفوقهم أ،ه قد جمع كل معاني المفردة العامية في منطقته التي نشأ فيها منطقة الجزيرة أم دوح ( حليوة ) ومفردة الوسط والبطانة والغرب الكرفانية والدارفورية وقد تعدى وخرج من الحدود فهو يجيد اللغة الانجليزية حسب علمي وبعض اللهجات العربية مثال الشامية وسوف يرد في هذه القصيدة ومن الثقافة مشبع ومن المعرفة ملم ومدرك وهذا الذي ميزه عن غيره من الشعراء وناظمي الشعر بالعامية متعك اله بالصحة والعافية شاعرنا القدال وبقاك لنا تطرب نفوسنا بشعر عميق في مفردته حلو صياغه متين في تركيبته دسم في مواضيعه وذها هو القدال كنز من المعرفة .. عِريف
Post: #14 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 06:05 PM Parent: #13
أخوتي زوار هذا البوست نحن أمام بحر ضخم ( محمد طه القدال ) أحب المشاركة ولو اليسير عن ما نتعرض له من من شعر للقدال معنى مفردة لو غابت علينا أو أخطأت في معناها .. اسعد عندما أصحح وتركز المعاني الصحيحة في رأسي والله صدقاً اسعد سعادة بالغة لكن أحب أن يسير البوست بنظام نمسك شئ وننجضه ثم نذهب للذي يليه .... أنا بطبعي أحب المشاركة وبقوة وهذا يسرني كتير وبرهان الإنجمامة لو تزروها وتجدون الشخص الذي أستفدت منه كثير في معاني كانت غائبة عليّض وهو الصديق الجميل عبيد الطيب .. وأنا قلت هذا الكلام لاني لحظت إحجام .. واكيد كل واحد دخل هذا البوست أو مرَّ عليه له في جعبته ما يدلي به سواء تصحيح أو رأي او اي شئ .. لكن احجم لسبب في نفسه وانا أحب عكس هذا الراي بالرأي ومافي نجيضة بتجي من فرد وإيد مع إيد بتجدع بعيد وبالذات هنا أمام هذا القامة العالية وما كان القصد إلا مساعدة هذا الجيل لفهم معاني حديث القدال ومفردته العميقة وتحياتي ومودتي للكل رجاءً المشاركة برايك في هذه القامة شخصاً وشعرا وكلمة
برقاً عبدلي الوزني يا طاش يا جاب المُزني
طاش اي : يجلي وما يجيب مطر .. طشّا اي ضاع وراح بالعامية السودانية المزني : هو المزن المطر
Post: #15 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-15-2013, 10:15 PM Parent: #14
لحـــين ميسرة
Post: #16 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: عبيد الطيب Date: 02-16-2013, 07:52 AM Parent: #15
Quote: أماتي القبيل بي حنهن لَجنّي كرفة وقلدا كيق شوق اللبن رجنّي حزناً جاني في ميع الصبى يلجنّي ... أطلع مني يا جلدي المنمل .. جنّي ... وأطلع مني يا حزناً بقى مكجنّي ...
شكرا دكتور خالد علي عبق القدال "الجرتو براهو" شاعر مدهش ألق في الإلقاء حفر في مفردة الموروث تراكيب :مبربحة" " رزمي الرعود -وميض البروق-مسارقة الدعاش هكذا شعره محبتي
Post: #17 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-16-2013, 05:49 PM Parent: #16
Quote: شكرا دكتور خالد علي عبق القدال "الجرتو براهو" شاعر مدهش ألق في الإلقاء حفر في مفردة الموروث تراكيب :مبربحة" " رزمي الرعود -وميض البروق-مسارقة الدعاش هكذا شعره محبتي
عبيد ودالطيب أوجزت وأفضت في حق شاعر كبير أعجبني التعبير شديد
Post: #18 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-16-2013, 06:23 PM Parent: #17
نواصل مع مسدار أبوالسرة لليانكي
شن القعدة يا أبو السرة شن القعدة .. في ضل العمارات .. أبــ كميرتن برا ضقنّا الحنضل اليانكي وبلعنا المرة ... كِملت كوتت التمباك صقعنا الجِرة وكت إتقفلت شقيش قَبْل بالمرة ... نرمي أمرنا لي بلد المعاني الحرة الشم خوّخت بردن ليالي الحرّة والبراق برق من منّا جاب القِرة شوف عيني الصقير بجناحو كفت الفرّة تلقاها أم خدود الليلة مرقّت برا
ومرقت برا تغلي مديدة الحِلبة التسمّن ردفها .. السمن المبستر يانكي الوِيـ قُود بعيرات والدخان في العين وفي الفشفاش يسوي عمايلة وشن فايدة مديدة الحِلبة الويـ قُود وشالو اليانكي ويا أبو السرة ... قامت من دخاخين العمى تلمع وشيها ... اليانكي مستنيها .. كان اليانكي مِتنيها رجافتل المزمّل حُمى جفلت منو ... وقعت عندي .. يا أبوالسرة شفتَّ اليانكي في ودعينها شلتها لي البحر أمكن يغسل عينها من اليانكي فتنا الحَجرة بالكتا غتسنا مسافة .. تبقى قدر مسالك الريدا في مراية السجم في الليل لقيتا متل فريخ الطير مرق ود عينها من ودعينها
Post: #19 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: saidahmed shami Date: 02-16-2013, 06:56 PM Parent: #18
تابين فقيد الوطن حميد ( النادي السوداني _ أبوظبي )
Post: #20 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-16-2013, 07:35 PM Parent: #19
أخي سيد أحمد شامي تحية طيبة سلاااام تشكرات ومودة على هذا المرور الطيب يا طيب ( والفيديو )
وبقى قريب يا المبروك
Post: #21 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-16-2013, 08:49 PM Parent: #20
Quote: شن القعدة يا أبو السرة شن القعدة .. في ضل العمارات .. أبــ كميرتن برا
وشن العقدة في ضل العمارات أبـ كيرتن برا سمعت أنه كان الشاعر الجميل القدال ومعه مجموعة من أصدقائه ذات يوم بالليل ومروا من أمام السفارة الأمريكية فهتف الجمع ( داون داون USA ) ماهي إلا لحظات ولاحقتهم سيارة أمن واعتقلوا الجمع ( كانوا راكبين بوكس كاشف ) ولا اعلم مدى صحة هذه القصة لكن نرجع للغوص في مفرداتها من المعنى القريب من صيغة الكلام يسنكر القدال العيش في رفاهية وعمار واضواء بين الكميرات ويدعو ابوالسرة ( وعلى ما أظن يقصد به ياسر عرفات عليه رحمة الله ) لكن هناك رابط يدعم ويصدق تلك الرواية ( الأعتقال عندما حتو ) قرينة أنهم كانوا في معتقل ( او حراسة )
ضقنا الحنضل اليانكي اي ضقنا المرة والحنضل بسبب أننا هتفنا ضد اليانكي وبلعنا المرة : اي الغبينة والمغصة بمعاملتنا في نززانة الحاكم وما جنينا غير أن إعترضنا علي على سياسة أمريكيا على دولنا المسلمة والعربية وافريقيا قاطبة ... كلمت كوتت التمباك صقعنا الجِرة وهذا وهم في الحبس .. سفو كل التمباك الكان معهم وكمل التمباك أو قلَّ فصار الواحد منهم يسف السفة ويرجعها في الحُقة استعمال السفة مرتين معروف باسم الجِرة ( السفة التي سُفت قبل ورجعت الحقة )
Quote: وكت إتقفلت شقيش قَبْل بالمرة ... نرمي أمرنا لي بلد المعاني الحرة
طلعوا هم الصاح ونحن الغلط ونستاهل الحبس والسجن لاننا نادينا بالداون لي USA وهل هذا الذي طبق علينا هو معاني الحرية في بلادنا زل وهوان
Post: #22 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-16-2013, 09:45 PM Parent: #21
وهذا اقتباس من مسدار الصيد لشاعر المسادير ( الحاردلّو ) ويجيد القدال هذا النوع ( فن الاقتباس ) بطريقة تجعلك تجزم أنه مسكون كل الجن ( في وادي عبقر ) مثال في قصيدة أمون اقتبس من شعر شغبة الميرغمابية في قولها لحسين ولدها عندما أدمن عيشة اللين والترف وكانت تعد له الطريق الذي سلكه اجداه وابائه وإنسلب بطنك كرشت غي البنات نافي دقنك حمسّت جلدك خرش مافي
كما حيناً يقتبس من أمثلة مأثورة ومعروفة للناس الجمرة بتحرق واطيها والامثلة كثيرة سوف نتطرق لها في قصائده
Post: #23 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: الفاتح ميرغني Date: 02-17-2013, 02:49 PM Parent: #22
لقد دان له حقا مردة جن وادي عبقر بمثلما دان اسلافهم للنبي سليمان! حكي لي أستاذنا وقامتنا السامقة عبدالمنعم خليفة بأن ما قرضه القدال من شعر في دبلن مؤخرا، جدد خلايا الدم في الحضور والأشجار المجاورة! شكرا أستاذ خالد على هذه السباحة الماهرة في محيط يهدر على الشطين!
محبتي
Post: #24 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: Abureesh Date: 02-17-2013, 04:30 PM Parent: #23
Quote: مزارع بات على عشقين... تراب بلدو... وسمـاح فوق بت مزارعيــة
من قصيـدة حليوة..
وهنا الشاعـر القدال يريد ان يقول ان الفلاحين هم اساس الثورة وليس عمال المصانـع.. وإلا لقال مثلا:
عامل بات على عشقين... تراب بلدو وسمـاح فوق بت صنايعيـة.
Post: #25 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-17-2013, 06:19 PM Parent: #24
لقد دان له حقا مردة جن وادي عبقر بمثلما دان اسلافهم للنبي سليمان! حكي لي أستاذنا وقامتنا السامقة عبدالمنعم خليفة بأن ما قرضه القدال من شعر في دبلن مؤخرا، جدد خلايا الدم في الحضور والأشجار المجاورة! شكرا أستاذ خالد على هذه السباحة الماهرة في محيط يهدر على الشطين!
محبتي
أخي الفاتح ميرغني وتلك الرنة في أسمك تطربني كلما قراءته في بوستات الككو الفجخ الطين ( شيقوق ) لك مني السلام تحية طيبة ومباركة أعجبني حديث اللبق البليغ القدال قبل الشعر فيه بشاشة وجه يطرح كل مشاعرك لتلقي ما سيقول من شعر وحتى حديثه شعر ألتقيته مرتين المرة الأولى في بيت الصديقة العزيزة وزميلة المنبر اسيا ربيع المرة الثانية مع صديقي الشفيف المبدع الفنان أبوبكر سيدأحمدالسنجك تحس فيه جمال أهل السودان جاء للامارات مع ابا بكر لاحياء حفل تأبين الرحل عليه رحمة الله ( حميد ) وكان يومعها مريض بالانفلونزا لكنه أصر ان يلقي أكبر عدد من قصائد حميد ورثاءه لحميد ومدحة كان نظمها لحميد في حياته ولا أنسى هذه الكلمة الطيبة عندما اراد أن ينشد المدحة ما حــا يساعدني الصوت بسبب المرض لكن الليلة كان ينشرط حلقي عشان حميد بنشدها وهنا الصدق في الصادقة والأخاء والمحبة وهناك اشياء اخر تنازل عنها رغم اصرار الجالية في الامارات لكنه ( قال اللي حميد بدورا صافية لله ) حدثتني عنه الصديقة اسيا ربيع وهي صديقة قريبة منه ومن اسرته إنه إنسان وحتى مع الصغير في بيته واسرته لدرجة لا تتخيلها وان كل مشاعرة في الشعر هي بذات الشبه لمشاعره في الحياة العادية صادق صدوق مخلص كريم وهميم ويحب كل الناس يحترم مبادئه ومبادئ غيره هذا هو القدال يحفظه الله ويرعاه ويجعل ايامه كلها نعيم وسعادة شكراً اخي الفاتحوما تغيب تحياتي ومودتي
Post: #26 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-17-2013, 07:12 PM Parent: #25
Quote: من قصيـدة حليوة..
وهنا الشاعـر القدال يريد ان يقول ان الفلاحين هم اساس الثورة وليس عمال المصانـع.. وإلا لقال مثلا:
عامل بات على عشقين... تراب بلدو وسمـاح فوق بت صنايعيـة.
لك الشكر أخي ابوريش علي قصيدة حليوة من قصائد القدال الجميلة وسوف نمر عليه من تضمن التوثيق الغوص بين حروف القدال
مهنة الزراعة من المهن الشريفة وكل امهن شريفة لكن الزراعة مالها نقي وزارع الحقل في البكور عيشك الهر أخضرُ من زراعيك للفقير حبة القمح تولدُ سيد المجل الحقير أنتَّ للناس سيدُ
الثورة ثورة عمال كل شارك فيها وهم الأشراف ونحن اللذين نأكل من أيديهم لك التحية والمودة على المرور ولا تغيب شمسك عن البوست ابدا خليك قريب
Post: #27 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-17-2013, 08:23 PM Parent: #26
لاحظ معي أخي القارئ كيف أقتبس القدال من مسدار الصيد ( للحاردّلو ) وكيف إنسل منه ليدلي هو بي دلوه في مسدار الحاردلّو المرقت هي الصيدة ( الغزالة ) عندما جاءت بشائر المطر لكن الغزالة التي مرقت برا في مسدار القدال هي الصيدة التي نوت الذهاب معهم في مظاهرة الخلق لتمثال الحرية إحتجاجاً علي الحاصل والبتحصل من فعل اليانكي في ديارنا مرقت برا تغلي مديدة الحلبة التسمن ردفها السمن المبستر يانكي وحتى سمنا صبح امريكي الردف من جسد المرأة معروف .. ومديدة الحلبة معروفة تتغذى بها النساء حتى يكتسي العظم لحما ونحن آل السودان بنحب المرأة المدهنة رغم أني ضدد ذلك ولا أحبه لكن هذا حال الغالب لذا تسمن البنت قبل زواجها والسمن المبستر يانكي
مرة معونة للّغاف .. سمن وقمح وغيره من مؤن الإعانات الامريكية
تسلب العقل اساليب القدال في تسلسل القصيد .. ينسل بك ثم يرجع دون أن تدري ويدهشك وعندما ترى وتجد القصيد مكتمل بناءه وله موضوع مفهوم وهذا سر أبداع القدال الذي تميز به عن غيره
Quote: والوِيـ قُود بعيرات الدخان في العين وفي الفشفاش يسوي وشن فايدة مديدة الحِلبة الويـ قُود وشالو اليانكي
الويِـ قود .. وهو متشعل به النار من حطب أو فحم أو نحوه لكن هنا كان الوقود هو من مخلفات البقر وعادة هذا الذي يستخدم في النيران بعيرات والله أحلى شاي حليب شربته في حياتي في الزراعة وكان الوقود من مخلفات البقر لا أدري لكن أعتقد ان الدُخان من الوقود يضفي على المطبوخ نكهة غير طبيخ البعيرا .. الحطب .. الفحم .. الجاز .. الغاز .. الكهرباء .. المايكرويف تجد الطعم الحلو متوالية عكسية أحلي شئ فيقل ثم يقل وجرب وانت تعرف دخان الويِـ قود حار في العين وفي الفشفاش بسوي عمايلو وفعله ويخليك تكح وشن الفايدة ما دام تغلي في المدية وتسمن ردفها وفي نهاية الامر تكون صيدة و وقودها طعمة جاهزة يشيلها اليانكي بعد سمنت وتدخنّت واتكبرتت ومسحت وشيها بطيب خُمر
Post: #28 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-17-2013, 08:48 PM Parent: #27
Post: #29 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-17-2013, 09:11 PM Parent: #28
Quote: ويا ابوالسرة قامت من دخاخين العمى تلمع وشيها ان اليانكي مستنيها في مراية السجم في الليل لقيتا متل فريخ الطير رجافتّل مزمل حمى
ما ابدع التصوير بالحرف لوحة يا قدال قامت من دخاخين العمى اي الدخاخين التي تدمع لها العيون ويتعذر معها الرؤية العين تدمع وهي تدهن في وجهها بكريم يزيد لمعة الدخان زينة وتخمر الجسد تغوي بالطيب لكنها كانت مجبرة لم تعرف في تلك الليلة للإغواء مسلكا كانت مجبرة ينتظرها اليانكي ( مستنيها في مراية السجم في الليل ) لقيتا .. متل فريخ الطير عندما يكون يوم هبوب ممطرا يرجف مرتعش خوفاً وبردا وكان من يرعاه غير موجود ( الأم ) أمتدت له يد خفية وشبه رجفتها تلك برجفة المحموم مزمّل بالبطاطين وهو يتركض ويرجف تحتها عندما أشتدت الحمى تصلي الجسد ناراً ورعشة ( رجفة )
ولحين ميسرة نواصل
Post: #30 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-18-2013, 06:13 PM Parent: #29
نـــواصل مع مسدار أبو السرة للينانكي
جفلت مِنو وقعت عندي ... صدرها بِغلي ... يا أبو السرة شفتَّ اليانكي في ود عِينها شلتها لي البحر .. أمكن يغسل عينها من اليانكي فوتنا الحجرة بي الكتّا غَتسنا مسافة تجي قدر مسالك الريدة ما لَقانا مَنْ يغبانا في البحر الفدر تِحتاني ناس عارفاها ناس عرفاكَّ ناس عَرفاني ناديت القعوي والبولطي قرقور السمك وداني لي دابي الخُششنا دينا عمال الطمي الصارقيلا والقرموط وود الموية فوتنا عليها ... كانت نايمة .. عَجال البحر حارساها بين حجرين وضُل ساسوية وعمال الطمي الصحونا لما حصى البحر قسموهو يات من كان سبع جمرات دابي الخُشة قال: أدوها في الجمرات تلات سبعات قلنا أدوها في الجمرات تلات سبعات ...
Post: #31 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-18-2013, 07:36 PM Parent: #30
Quote: جفلت مِنو وقعت عندي ... صدرها بِغلي ... يا أبو السرة شفتَّ اليانكي في ود عِينها شلتها لي البحر .. أمكن يغسل عينها من اليانكي
وكما قلنا مسبق أن كل فكرة القدال هي مظاهر الخلق لتمثال الحرية وتبحر في الوصف فكان الجمال بالمفردة العامية العميقة ثم عرج بالمفردة أو اللهجة الفلسطنية ثم عاد لمقطع باللهجة العامية السودانية العميقة المفردة ثم ختم باللهجة الفلسطينة التظاهرة أشرك في كل مخلوقات الله وعددهم واحد واحد اوأغلبهم وأسهب في الوصف كيف كانوا يتنادون للتظاهرة وابدع فيها قولاً وشعرا
وقفنا عندما أمسك اليانكي بالصيدة بعد أن قضت من دُخانها وتدلكت ودهنت وجهها وتخمرت بالخمرة وعطور اخر ( وفعلت ذلك غصباولم تكو راغبة ) وعندما وجدت المنقذ ( وعلى ما أعتقد كان هو ذاك المنقذ ) ماذا فعلت قال : جفلت منو اي جرت من بين أحضانه بطريقة سريعة والجرية الشديدة حركة تسمى وتعرف بالجفلة جفلت الدابة غيرت حركتها واسرعت جفلت منو .. وقعت عندي اي جرت منه وقعت عندي يقصد انها إرتمت في صدره تلتمس الحماية خائفة من شر صدرها بغلي اي من الخوف والزعل والغبينة زادت وترية التنفس والصدر يخفق ويغلي اي فائر غبينة وزعل
يا ابوالسرة شفتَّ اليانكي في ود عينها اي لمح صورة اليانكي في بؤبؤ عينها .... هذه خاصية وصفة إتصفت بها في المخلوقات نوع معين من الحيتان ( تعرف باسم أوركا ) هذا النوع من الحيتان عندما يحقد على شئ يضع صورة ذاك الشئ في عينه وتكن الصورة مقلوبة في بؤبؤ عينه وحكمة الله يوم أن يرى هذا الشئ تنعدل الصورة في عينه وينتقم منه .. وهنا نرى ثقافة الشاعر القدال العالية تبدو وضاحة شفت اليانكي في ودعينها
شلتها لي البحر إمكن يغسل عينها من اليانكي
وهنا الكلام واضح جلي ومفهوم
Post: #32 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-18-2013, 09:05 PM Parent: #31
Quote: فتنّا الحَجرة بالكتّا وغتسنا مسافة تجي قدر مسالك الريدة
القدال شاعر عميق كما قلنا القدال شاعر اشتهر بالتضمين في شعره يأتيك بمثل وحكمة معروفة وينسل منها مسهب بقوله ةمتبع لتلك الحكمة أوز المثل اوالبيت شعراً اقتبسها وهكذا القدال عرفته واحببته ويحب الناس ويحبونه ويحب شعره وشعر اخوانه الشعراء ويحب ان يتعمق معه المستمع أو القارئ في معاني كلماته ومفرداته العميقة في الموروث ويترك للمستمع أو القارئ الفسحة برحة يتخيل معه ما يرمي له من قول وشعرا
الحَجرة هي طرفي الثوب ( النسائي ) او طرفي اي قماش وهنا الابداع في التشبيه لم يقل فتنا طرفي الضفة بالكتّا وغتسنا مسافة بل تعمق اكثر وجاء بالمشبه به فتنا الحجرة اي شاطئ النيل ( الذي اطلق عليه اسم البحر وهي عادتنا نحن اهل السودان نسمي النهر البحر ) الفحجرتان هما طرفي النيل وباقي الثوب هو النيل الحجرة يكون الخيط اتقل وامتن حتى تحمي الثوب من التمزق الكتّا لا ادري معناها بالضبط لكن قد تختلف المسميات .. عندنا في نواحي شندي نستخدمللإبحار القريب زمن الفيضان الطوف وهو حزمة من جريد النخيل ومجدافه قناية طويلة تغرز ويدفع مائل ( الشخص لتسير ) قد تكون الكتّا هي تلك القناية او العود الطويل والله اعلم غتسنا مسافة اي غاصوا في جوف البحر مسافة تجي قدر مسالك الريد مسالك الريد لا يحب أحد ان يفيق منها وكل ماله ان تطول واراد ان يقول مسافة طويل وهنا البلاغة عند القدال لله درك يا محمد
Post: #33 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-19-2013, 06:08 PM Parent: #32
Quote: غَتسنا مسافة تجي قدر مسالك الريدة ما لَقانا مَنْ يغبانا في البحر الفدر تِحتاني ناس عارفاها ناس عرفاكَّ ناس عَرفاني
يقل بعدما فتنا الحجرة بالكتّا وغتسنا مسافة ومسافة حددها أنها قدر مسالك الريدة ومسالك الريدة هي دروب الريدة طويلة المشوار تواها وبتودر وهناك تحت الماء في البحر الفدر تحتاني وجدنا خلق كُثر فيهم من يعرفك يا ابوالسرة (وابوالسرة بعض يقول يقصد به ياسر عرفات .. وبعض يقول يقصد به صديق كان معه يوم أن هتفو بسقوط USA وسجنوا وهذا الارجح أنه صديقه الذي كان معه والله اعلم والقدال عالم به ) ناس بتعرف تلك المخلوقو ( الصيدة المرقت برا ) ناس بتعرفني أنا( الشاعر ) خلق كُثر نعرفهم ويعرفونا يا ابوالسرة
Post: #34 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-19-2013, 08:55 PM Parent: #33
لم يساعدني النت كتبت مداخلة اكثر من مرة ولكن بعد قرب انتهي فجاءة يقطع النت الاباك أآبا والعمر لي حدو والسير لي مرّدو البدورنا بندورو اليابانا تمها يا شيقوق
ولحين ميسرة
Post: #35 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-20-2013, 03:42 PM Parent: #34
خوخت الشمس أي مالت نجو الجنوب الشرقي إذان بدخول موعد ( الخريف ) والبراق برق من منّا جاب القرة منّا : أسم موقع (مو كدييا عبيد ولا أنا غلطان ) أم خدود هي الغزالة
إقتبسها القدال من مسدار الصيد هذه الأبيات وكان غرضه أن يسوق أم خدود مشاركة في تظاهرته لتمثال الحرية أنظر لهذا الجمال والأبداع في نظم الشعر لذا دوماً نقول ان الشعر ليست صعنة إنما هي فطرة يهبها الخالق أو لا الشاعر هو الذي يأتي بكلام قد تكن تعلمه لكن لا يطلع منك فيأتي به الشاعر ويصادف مشاعرة وتشعر به حساس حلو جميل تطرب له ألبس القدال أم خدود كل إهتمامات المرأة تغلي مديدة الحِلبة تسمح وشيها وتتزيّن بخُمر وعطور في انتظار اليانكي مجبرة مكرها.. وهذا حال الشعوب وحكامها واليانكي
غتس بها في البحر علَّ ماء البحر الطاهر يغسل عينها من اليانكي واثره النفسي فيها.. الذي لولا قدوم الشاعر لفتك بعفتها
Quote: ناديت القعوي والبولطي قرقور السمك وداني لي دابي الخُششنا دينا عمال الطمي الصارقيلا والقرموط وود الموية فوتنا عليها ... كانت نايمة .. عَجال البحر حارساها بين حجرين وضُل ساسوية
غتس بها ( الغزالة.. الجدية ) في البحر وتركها وذهب لينجز همه الأكبر تعبئة الخلق البحرية للتظاهر قال : ناديت القعوي والبلطي القعوي : قعوية وهي الضفدعة البطلي : نوع من الأسماك
قرقور السمك وداني أنظر لبعد نظرة الشاعر الذي اراد أن يوضح لنا كيف تفاعلت مخلوقات البحر مع الأمر عندما تحدث مع بعض هبت ههمهم قرقور السمك وداني ( اي ساقني لكي نحدث خلق أخر ) لدابي الخُشش نادينا الخُشة هي الوكرة وهي مخابئ الثعابين ( الدوابي ) وهي وقت هجسته للراحة من تعب الحياة (والدابي في إنجمامته واستراحته يرقد متكور ) اي يلتف في شكل رينق وقال الشاعر الخليل في قصيدته ( تمَّ دور وإدّور عمّى ونورو شال ..فات الحلة نوّر .. زيبدر التمام ) قال مين يقوم يتهوّر يبرى القيف هناك تحتو الدابي كوّر
عُمال الطمي الصارقيلا عمال الطمي : هي كل المخلوقات التي تظهر في البحر مع الطمي وقت الفيضان الصارقيل : دودة تعيش في باطن الارض الرطبة شديد الصيادين ( للأسماك يستخدموها كطم للاسماك لا السمك يحبها كغذا له ) ونادينا القرموط وود الموية القرموط : نوع من الاسماك ود الموية من المخلوقات المائية وسريع جداً في الماء وما بتمسك لذا يقال للشخص المراوغ انو زي ود المويةما بتقدر تمسكو وكان جمعهم وبعدها فقد الجدية الرُخصة النية ومعه الجمع فوجدوها نائمة تحرسها عَجال البحر عجل البحر نوع من الاسماك تعرف بالسمك العجل لكبر حجمها بين حجرين وضُل ساسوية
Post: #36 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-20-2013, 04:37 PM Parent: #35
Quote: وعمال الطمي الصحونا لمو حصى البحر قسموهو يات من كان سبع جمرات دابي الخُشة قال: أدوها في الجمرات تلات سبعات قلنا أدوها في الجمرات تلات سبعات ...
وعمال الطمي لمو حصى البحر الحصى الحجر ذو الحجم الصغير ( معروف ) أنظر لضلوع الشاعر في كل مناحي العلم والمعرفة نهل منها كم كبير هنا صورة من ديننا الحنيف حصى .. جمرات .. الرقم سبعة بالذات وهو عدد الجمرات لكل جمرة صغرى كانت أو كبرى واراد أن يحملو سلاحهم ( الحصى ) تمثل بصغار غزة في محاربة اليهود ( بالحجر أما اثقل واحدث انواع السلاح وقلوبهم ثابتة أمام مدرعات بني صهيون ) دابي الخُشة قال : أدوها في الجمرات تلات سبعات اي 21 حصاية ترمي بها الشيطان الاكبر ( تمثال الحرية لهم وتمثال إستعبادنا نحن ) قلنا : اي نحن الجمع ( وامرهم شورة بينهم متحدين ) أدوها في الجمرات تلات سبعات
Post: #37 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-20-2013, 05:04 PM Parent: #36
وعمال الطمي الصحونا خابرين الدروب مرقوبنا من مشرع مسارب الضي .. لِقينى الدنيا تترجانا خوّى صقير وقوقا القُمري عوّى حِدي وعمال الطمي الصحونا لمــو علي البعرفو الصي حصى القيزان دوابي الدارقا السحلية والناس التحت الناس التحت خابرين عمايل اليانكي مرة معونة لي اللقاف ومرة دوانكي شن معناهو جيبها إن كان ملوهو بوانكي صوتها مكتّمو القربين سيوف وسوانكي ..
Post: #38 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: عبيد الطيب Date: 02-20-2013, 06:22 PM Parent: #37
Quote: وعمال الطمي الصحونا لمــو علي البعرفو الصي حصى القيزان دوابي الدارقا السحلية والناس التحت الناس التحت خابرين عمايل اليانكي مرة معونة لي اللقاف ومرة دوانكي شن معناهو جيبها إن كان ملوهو بوانكي صوتها مكتّمو القربين سيوف وسوانكي ..
[URL] [Email] [Profile] [Edit]
ياخي القدّال دي يطول عمرو ويريّح بالو زول مبدع وخلاّق شوفو كيف ختمها الناس التحت خابرين عمايل ال.............. مرة معونة لي اللقّاف يا سلام مفردة اللقّاق دي وزنت الكل زي شاهي الصباح صوتها مكتّمو القربين (حس ابو جقرة والقربين) اوكما قال ود ضحوية القدّال صراحة شاعر موهوب ومبدع وكيميائي التراكيب دي اظنو ايّام نميري والمعونات وامريكا
ريقن إني سميتو كارب ذندو وإتحيّرت في العيش والدقيق العندو العتالة ديلا يدلُّو ديلا يسندو والقسّام يقسِّم والدهن هيلندو ريقن الرئيس الأمريكي ايّام العيوش الأمريكية هيلندو اي هولندي ايام الزيوت الهولندية
محبتي
Post: #39 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-20-2013, 08:59 PM Parent: #38
Quote: ياخي القدّال دي يطول عمرو ويريّح بالو زول مبدع وخلاّق شوفو كيف ختمها
الله يطوّل ايامه ويدي الصحى والعافية بقدر الابداع الذي يبدعه وحسن خُلقه وإنسانيته العالية رفعة الناس التحت فعلاً خابرين عمايل اليانكي
[
Quote: B]الناس التحت خابرين عمايل ال.............. مرة معونة لي اللقّاف يا سلام مفردة اللقّاق دي وزنت الكل زي شاهي الصباح صوتها مكتّمو القربين (حس ابو جقرة والقربين) اوكما قال ود ضحوية القدّال صراحة شاعر موهوب ومبدع وكيميائي التراكيب دي اظنو ايّام نميري والمعونات وامريكا
ويا حليل شاي الصباح بقينا نقوم نجري زي العايرا وأدوها سوط من تصبح لآمن تغيب يا عبيدوكلو ما جايبحق مريسة ام زين ماهي المعادلة مساعدة = سكوت = استمرارية الحاكم والكرسي ثابت البسكت منو ؟ الشعب لكن هيهات الحكام ما فهموها صاح فهمهم شابته جرثومة اليانكي بالزينة التي وضعها لهم قمح وسمنة ودونكي بسكت ليكم الناس ديل والفاهمين الناس التحت ودي الكلمة عند الشعب والشعب لما يصمم لا بتنفع معونة ولا بروي دونكي
نعم هذه القصيدة كانت ايام نميري وقع في فك الأمريكان بمناسبة هذه الابيات زمني كلو باكل حارة ما بضوق بادرة ماك داريني واسال مني رباعي البعرفو قريني حِس ابـ جقرا والقربين دوام باريني وأنا أخو السارة كان الكلام عانيني هذه الابيات قالها طه الضرير ولا ودضحوية ؟؟؟ وبرضواديني في واحدة بقول فيها لما كان في السجن وقابل واحد سارق لي صفايح المهم متذكر منها كان بردت بكار ماهن صفايح زيت
Quote: ريقن إني سميتو كارب ذندو وإتحيّرت في العيش والدقيق العندو العتالة ديلا يدلُّو ديلا يسندو والقسّام يقسِّم والدهن هيلندو ريقن الرئيس الأمريكي ايّام العيوش الأمريكية هيلندو اي هولندي ايام الزيوت الهولندية
محبتي
هييييييييييع زي مابقول المسنوح الناس إدوعلّت تب
Post: #40 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 05:40 PM Parent: #39
اليوم الخميس الموافق 20 / 02 / 2013 جلسنا جلسة محبة وحبور وفي معيتنا الشاعر عبدالقادر الكتيابي .. الصادق ابوعشرة .. آدم خليل .. وشخصي قبل الغداء .. اثناء الغداء .. ونحن نشرب شاي بعد الغداء .. وجرت إلى إن حان موعد صلاة المغرب صلينا ثم جلسنا مرة أخرى والشاعر الكتيابي ينثر في أرضنا الجدباء شعراً وأدب ومعاني وامثال مرت الساعات الخمس وكأنها خمسة دقائق بل أقل
علمت من الأخ الشاعر الجميل الكتيابي ان الجميل القدال متوعك شوية وبعد الشر عليه وربنا يغطيه ويعجل له بالشفاء ندعوك يا رب العالمين ان تشفيه وتعطيه الصحة والعافية
آمييييييين
Post: #41 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 08:24 PM Parent: #40
وعمال الطمي الصحونا وصحونا هنا يقصد بها أزكوا الحماس في قلوبنا وروح الثورة على الغاشم المستبد اليانكي
خابرين : اي مدركين خابرين الدروب : عارفين ومدركين جيد لكل طريق وكان جمعة ملخوقات البحر بداية الثورة للتظاهرة وساروا للبر وهناك كان الجمع ينظرهم حتى ينضموا لهم وتكبر المسيرة .. تترجانا : تنظرنا واطلق كلمة الدنيا وأراد جميع مخلوقات الدنيا في البر خوى صقير الخواء صوت الصقور عوّى حدي يحكاي عوي الذئب يزكي النفس حماسا
Post: #42 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 09:37 PM Parent: #41
صورة تجمع رجال لهم مبادئ ما هانوا وما لانّو يوما شامخة جباههم تناطح السحب في سماءنا الشاعر محجوب شريف ... الشاعر محمد طه القدال ... الشاعر التجاني سعيد .. الشاعر عبدالقادر الكتيابي وكان لقاء عفوياً بعد عودة محجوب شريف من رحلة العلاج والمكان دار الشاعر التجاني سعيد
لكم منّا التحايا تقديراً واحترام يا من سار حرفكم الزاهي باهي بأحلى نغم عفيف يخلد شعب هذا البلد المكسور جناحه عنوة وما لآنت لكم عزيمة يوما.. إستعفّتم عندما طرى عظم بعض الرجال وانجرفوا مع التيار
Post: #43 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 09:49 PM Parent: #42
وكان اللقاء عفوياً كما قال لي الجميل عبدالقادر الكتيابي
وصادف كلمات الشاعر الشفيف التجاني سعيد .. وكانت زيارة الصحاب له في داره من غير مِيعاد اللُقيّا اجمل في الحقيقة بلا مِيعاد
Post: #44 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 10:24 PM Parent: #43
وكان الدليل هم الخابرين الدروب ( عمال الطمي ) لمونا في علي خلق بتعرف الصي ( الخلا ) والخلا ولا الرفيق الفسل والخلا هو المكان الخالي من زرع وضرع وإنس وفيه الجان ( بس زمن الخريف بعمر ويخضر ويرعى فيه الضرع ويأمه الأنس ويتحصنو من جن ) حصى القيزان : وهو حصى قيزان الرمل وما يأمه من خلق نمل وغيره دوابي الدارقة والسحليه والناس التحت هم الشعوب المغلوبة على أمرها
Quote: الناس التحت خابرين عمايل اليانكي مرة معونة لي اللقاف ومرة دوانكي شن معناهو جيبها إن كان ملوهو بوانكي صوتها مكتّمو القربين سيوف وسوانكي ..
الناس التحت وهم الشعوب المغلوبة على أمرها ديل عارفين عمايل وافعال اليانكي وكيف سياساته مع شعوب العالم الثالث كما يقولون مرات معونة امريكية سمن .. قمح .. وزيوت ومرات وجبة المارينز دي لي الناس البحبو اللقفي ( الأكل وبطنهم مجنيناهم ) ومرة دوانكي الدونكي هي بئر ارتوازية تكون فيها ماسورة يستقي منها البشر والحيونات من نفس الحاوية ودا كلو شن فايدتو ما دام كمموا اصواتنا وشن معناهو لو ملو جيوبنا ببنكونت ( ابوالجورج كما كان يحلو لنا تسميته أيام المجر والدراسة الدولار نسبة لصورة جورج واشنطن ) مكتمين اصواتنا بالدروع والمدرعات سيوف وسوانكي السونكي هي تلك السكين التي كانت تركب في مقدمة البنادق يستخدمه الجند عندما ينتهي زخيرته طعناً ويتخارج بي من الزرة
Post: #45 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 10:45 PM Parent: #44
وقال محجوب شريف وشرف الكلمة والمبدئ
يا والدة دينك كم دين الوطن كمين
ما شفتي ود الزين الكان وحيد أمو قاللولو ناسك وين ؟ ورينا ناسك كم العودو خاتي الشق ما قال وحاتك طق تب ماوقف بين بين لي موتو إتقدم انا ما بجيب الشين أنا لو سقوني الدم
الشاعر محجوب شريف الشاعر عبدالقادر الكتيابي الشاعر التجاني سعيد زوجة الشاعر التجاني سعيد ابن الشاعر التجاني سعيد
Post: #46 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 10:56 PM Parent: #45
زودني الشاعر عبدالقادر الكتيابي جزاه الله عنا كل خير
أن الشاعر التجاني عرفه الشعب السوداني بقصيدة قلت ارحل سوق خطواتي من زولاً نسى الإلفة
وقصيدة من غير ميعاد وولم يعلم جُل الشعب أو أغلبه ان الشاعر التجاني سعيد يملك اكبر مكتبة للكتاب في السودان بل محتمل في افريقيا يعكف عليها ليل نهار وهذا قول الشاعر التجاني سعيد لا ابارح مكتبتي ليل نهار إلا لصلاة او زيارة صالون عبدالقادر الكتيابي
الشاعر التجاني سعيد والشاعر محمد طه القدال
Post: #47 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:06 PM Parent: #46
يا والدة يا مريم محجوب شريف -------- ياعامرة حنية .. انا عندي زيك كم .. ياطيبة النية بشتاق وما بندم.. إتصبري شوية .. ياوالدة يامريم ماني الوليد العاق لا خنت لا سراق.. والعسكري الفرّاق بين قلبك الساساق وبيني هو البندم والدايرو ما بنتم.. يا والدة يامريم عارف حنانك لي .. راجلا تلوليني دايمًا تقيلني وفي العين تشيليني .. القاهو عز الليل .. قلبك يدفيني ضلك علي مشرور .. قيلت في سنيني انا لو تعرفي الفيني انا كم بحبك كم والعسكري الفراق بين قلبك الساساق وبيني هو البندم والدايرو ما بنتّم ياوالدة يامريم طول النهار والليل في عيني شايلك شيل لكني شادي الحيل لا خوف علي لا هم .. هاك قلبي ليك منديل .. الدمعة لما تسيل .. قشيها يا مريم ما بركب السرجين وماني زول وشّين ياوالدة دينك كم دين الوطن كمّين ما شفتي ود الزين الكان وحيد امو وماليها كان العين قالولو ناسك كم ورينا ناسك وين؟ ورينا شان تسلم العودو خاتي الشق ما قال وحاتك طق تب ما وقف بين بين لي موتو يتقدم انا ما بجيب الشين انا ما بجيب الشين انا لو سقوني الدم.. والعسكري الفراق بين قلبك الساساق وبيني هو البندم والدايرو ما بنّتم كم من حبيبًا لي .. كان مالي بينا دروب ما ودّع الحباّن ما وسدوه الطوب حي .. حي قولي ما حي ووب ما خلّى ساعة الموت يمة السرج مقلوب إتشتت الرصاص في جسمو إتقسم لاقاهو يتبسم والحولو حبلو وكان ريحة صباه بتنشم زي التقول يوم داك يوم العرس يادوب انا ما بجيب الشين انا مابخت الشين انا لو سقوني الدم والعسكري الفراق بين قلبك الساساق وبيني هو البندم ياوالدة يامريم يُّمـة السجن مليان رجالّة ما بتنداس الختّو قبلي الساس والشالو هّم الناس والفات وليدًا ليه ما مسّكو الكراس ما سمعو يتكلم ما نحن عود الفاس فرسان حمى وحراس في الحارة نتحزّم عشم القدر ما كاس مالاقي بيت يتلم عشم الطواهو الجوع المُتعب المعدم والعسكري الفراق بين قلبك الساساق وبين هو البندم .. والدايرو ما بنتّم ما تقولي شن سويت ما تبكي ما سويت غ ير البطمّن ناس بي همّهم حسيت حارس مع الفرسان حارس بلدنا البيت إخواني علّو السور .. انا طوبة ما ختيت ديل من زمان تاتيت لامن كتبت قريت وعرقنا ياما يدر يمّة اللبن والزيت الكسرة والكراس لي قشة الكبريت وتقولي جيدًا جيت راجع مع الفرسان فايت الحدود واسيت وتغني يا مريوم لينا وتجرّي النّم والعسكري الفراق بين قلبك الساساق وبيني هو البندم والدايرو ما بنتّم يا والدة يا مريم
Post: #48 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:06 PM Parent: #46
عدل لتكرار نأسف
Post: #49 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:12 PM Parent: #48
الشاعر عبدالقادر الكتيابي والشاعر محجوب شريف
Post: #50 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:17 PM Parent: #49
لمحتك قلت بر آمن بديت احلم الملم قدرتي الباقية واشد ساعد على المقداف تلوح لي مدن عينيك وترفع لي منارة بسمتك سارية بديت احلم كل ما الريح تطارد الموج أزيد إصرار واحلف بيك أغير سكة التيار أقول يا أنتي يا اغرق تلوح لي مدن عينيك تلوح لي أخاف الضفة ترجع بيك قبل الحق أخاف غيم المنى الشايل تسوقو الريح ويتفرق أخاف ..أخاف ..أخاف واشد ساعد على المجداف واجيك بقدرتي الباقية حطام إنسان موسم بشقى الدنيا مقسم قلبو في الأحزان اجيك فنان اشد اوتارى واحكي ليك حكاية إنسان وهب لسكتك نفسو رسم صورتك على حسو ربط ساعد على المجداف وقال يا آنت يا اغرق أخاف ..أخاف .. أخاف أخاف غيم المنى الشايل تسوقوا الريح ويتفرق ألاقيك يا أماني سراب مواهبي عليه تدفق أخاف ..وأخاف .. أخاف
Post: #51 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:20 PM Parent: #50
Post: #52 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:24 PM Parent: #51
محمد طه القدال أمـــونة وعقد الجلاد
Post: #53 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:30 PM Parent: #52
من اليمين إلى اليسار
عبدالقادر الكتيابي .. محجوب شريف .. محمد طه القدال
Post: #54 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-21-2013, 11:33 PM Parent: #53
قلت أرحل كلمات الشاعر التجاني سعيد إداء الراحل الفنان محمد وردي
Post: #55 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-22-2013, 08:27 AM Parent: #54
لحين ميسرة
Post: #56 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-22-2013, 11:50 AM Parent: #55
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ في رثاء الصديق الراحل المقيم الأستاذ مصطفى سيد أحمد عبدالقادر الكتيابي
ما أشبهْ اليومْ بي أمِسْ !! نفس الدواير والرموز ! نفْس الحُزُن ... نفْس الزبَـد ... نفْس الدخانْ .. نفْس الكلام المِنْحَبِسْ واقفين مكان خليتنا في نفْس المكانْ المسرحْ ـ المسرحْ .. شخوصْ ـ بتعيد شخوص . نفْس البَطَلْ .. نفْس الحصَل .. نفْس الفصول ... نفس الدَّرِسْ !!.. للريح شُراعاتْنا الرئاتْ .. متنهِّداتْ ما بين ضباب البُكره ما بين جدول الماضي اليِبِسْ .. والضُّل على حالو القديم ـ يقصَرْ ويطولْ ـ يرجع ويزولْ يلقانا في نفْس المكان يلقانا ممسوكين .. من الوجع القديم المستديم .. المنعكس وجع الحروب .. وجع الشعوب .. وجع القلوب وجع الشمال وجع الجنوب وجع الوجع كِضْب الكِضِب .. وأنا وأنت عارفين الفَرِقْ .. بين المفيد والمستفيدْ
ما أشبهْ اليوم بي أمِسْ !!.. واقفين مكان خليتنا .. فوق تلَّة غناكْ .. تلَّةْ غُناكْ كُبر النَّفِسْ شايلين غُناك .. شفره ونِصَالْ .. شايلين غُناك شتلَ النِّضال المِنْغَرِسْ في عازَّه كانت في الفريق للضيف مجالْ و الليلة مبتورة قوام ـ ممكونة لكن ..صابرة بيك ـ مسكينه ـ بتسلم عليك .. بتغني ليك و نشيل معاها : ـ (و لا سلينا و ماسليتْ.. ) واقفين .. وواقف ما مشيتْ
إتْلالا يا عين الشَّمِسْ .. إتْلالا يا عين الشَّمِسْ .. إتْلالا يا عين الشَّمِسْ ..
Post: #57 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-22-2013, 11:54 AM Parent: #56
Post: #58 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-22-2013, 11:16 PM Parent: #57
Post: #59 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: عبيد الطيب Date: 02-23-2013, 04:49 AM Parent: #58
Quote: تلوح لي مدن عينيك وترفع لي منارة بسمتك سارية بديت احلم كل ما الريح تطارد الموج أزيد إصرار واحلف بيك أغير سكة التيار أقول يا أنتي يا اغرق تلوح لي مدن عينيك تلوح لي أخاف الضفة ترجع بيك قبل الحق أخاف غيم المنى الشايل تسوقو الريح ويتفرق أخاف ..أخاف ..أخاف واشد ساعد على المجداف واجيك بقدرتي الباقية حطام إنسان موسم بشقى الدنيا مقسم قلبو في الأحزان اجيك فنان اشد اوتارى واحكي ليك حكاية إنسان وهب لسكتك نفسو رسم صورتك على حسو ربط ساعد على المجداف وقال يا آنت يا اغرق أخاف ..أخاف .. أخاف أخاف غيم المنى الشايل تسوقوا الريح ويتفرق ألاقيك يا أماني سراب مواهبي عليه تدفق أخاف ..وأخاف .. أخاف
[URL] [Email] [Profile] [Edit]
خلونا نق هنا ونتذوّق
(نلوِّح لي مُدن عينيك ....وترفع لي منارات بسمتك سارية) (كل ما الرّيح تطارد الموج) ( غيم المُنا الشّايل تشيلو الريح ويتفرّق) (حطام إنسان موسّم بي شقا الدنيا) (رسم صورتك علي حسُّو) الاقيك يا اماني سراب مواهبيك عليكي تدفّق) شكرا حنفي لوصف الشّاعر الكتيابي ب (أنيق الحرف) وهوكذلك
Post: #60 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: عبيد الطيب Date: 02-23-2013, 04:54 AM Parent: #56
Quote: واقفين مكان خليتنا .. فوق تلَّة غناكْ .. تلَّةْ غُناكْ كُبر النَّفِسْ شايلين غُناك .. شفره ونِصَالْ .. شايلين غُناك شتلَ النِّضال المِنْغَرِسْ في عازَّه كانت في الفريق للضيف مجالْ و الليلة مبتورة قوام ـ ممكونة لكن ..صابرة بيك ـ مسكينه ـ بتسلم عليك .. بتغني ليك و نشيل معاها : ـ (و لا سلينا و ماسليتْ.. ) واقفين .. وواقف ما مشيتْ
إتْلالا يا عين الشَّمِسْ .. إتْلالا يا عين الشَّمِسْ .. إتْلالا يا عين الشَّمِسْ ..
واقفين مكان خليتنا في تلّة غُناك) استهل الشاعر الكتيابي رثاء الفنان الراحل مصطفي قائلا:- (قولو لي قطرو المسافر الليلة دي شيلك تقيل)
شكرا دكتور خالد علي الصباح" الوهيط" وإنت ذاتك زولاوهيط محبتي
Post: #61 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 03:11 PM Parent: #60
Quote: واقفين مكان خليتنا في تلّة غُناك) استهل الشاعر الكتيابي رثاء الفنان الراحل مصطفي قائلا:- (قولو لي قطرو المسافر الليلة دي شيلك تقيل)
شكرا دكتور خالد علي الصباح" الوهيط" وإنت ذاتك زولاوهيط محبتي
وليتك كنت معنا أمس كانت ليلة بألف ليلة في حضرة الشاعر عبدالقادر الكتيابي طلب مني أول أمس يم الخميس عندما ألتقيته في صديقي العزيز ابوعشرة أن اعمل له برنت أوت لمداخلتك الأول التي أعقبت يوم عيد الحب عندما قلت أني كنت مفلتن في حضرة الكتيابي والحرف الأنيق ( كما يحلو لحنفي ) أعطيته لها قرأها على عجل قبل الحفل أمس وضمها في جيبه وقال سوف أطلع عليها برواقا سوف أحاول ان أنزل بعض من حديثه قولاً وشعرا ( امس .. لحين ميسرة ) وسوف ارسل لك رقم تلفونه في السودان حتى تتواصل معه ( رجل بديع ومبدع والله )
تحياتي ومحبتي عبيد الطيب
Post: #62 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 06:22 PM Parent: #61
نواصل مع القدار ومسدار ابوالسرة لليانكي
قُولن لي الأخلو ديار دمك فرهد في نارو غوّر في الأرض طارو صقرين أولاد الأرض ما طاروا لحمي غَطى بن عمي شو صار حالو يا إمي منديل العِرض في بيت الدين دمي ما يخلي دمي إنّا من دير ياسين صرنا في جِزر التين عام ننسي ( نسقي ) بعد حُب الزيتون بدّو يرجع للطيني صابرا تحت الدَاورية صابرا تحت الداورية صابرا تحت الداورية صابرا فوق الداورية يا حال الضد لحم الطفلين نابت غُصن الحرية جذري مو في شاتيلا ما آل ( ما قال ) يا ويلّا حنّا ( نحن )في الأرض أرض فلسطين يا إمي هيلا هيلا يا إمي هيلا وهيلا
Post: #63 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 06:43 PM Parent: #62
Quote: قُولن لي الأخلو ديار دمك فرهد في نارو غوّر في الأرض طارو صقرين أولاد الأرض ما طاروا
هنا تبرز للعين قدرة الشاعر الكبير القدال في فن التضمين تراه في كل موضوع لقصيدة يأتيك بمفرد المنطقة التي تدور حولها أحداث القصيدة وكانت القصيدة مسدار ابو السرة لليانكي فضمن قصيدته اللهجة الفلسطنية وأبدع وهذا دلالة واضحة لثقافة الشاعر العالية قراءت هذا المقطع لبعض الأخوة درسوا معنا من ارض فلسطين فأجزموا أن ناظمها لابد أن يكون عاش في ديرة فلسطين أو خالط فلسطنيين لفترة طويلة جداً فقلت لهم لا .. لا هذا ولا ذاك فأستعجبوا وأذكر واحد اسمه غسان الخطيب حفظها وكان ينشدها لي كلما تقابلنا...
قولن لي الأخلو ديارو من يقول ؟ يقول الحال حال الشاعر يناشد بنو وبنات فلسطين كبار وصغارا أنتم يا من أخلو دياركم ( محاولة إجتساس من الجذر ) المراد مخاطبة الجمع .. لكنه خاطب مفردا حتى يكون الكلام تأكيد وموجه لشخص بعينه ولا يضيع هباء في الهواء
دمك فرهد في نارو فرهد اي نضر وتبت في الحياة نارو النار تغير لون الدم من احمر قاني لاحمر داكن مائل للبني وقصد ان النار التي فيكم كلما أوقدوها تشد من أصلابكم لإسترداد الحق المسلوب يا ابناء فلسطين غوّرفي الأرض اي ذاب وتسرب في أعماق الأرض ( الدم ) دلالة على التمسك بالحق إما تعيشوا أحرار أو الموت دون الدين الأرض والعرض
طاروصقرين أولا الأرض ما طارو اي تطير الصقور التي تهب لتأكل أشلائكم لكن أنتم لا تفروا وتهربو من العدو
Post: #64 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 07:05 PM Parent: #63
Quote: لحمي غَطى بن عمي شو صار حالو يا إمي منديل العِرض في بيت الدين دمي ما يخلي دمي
وفي يوم صبرا وشاتيلا كان مذبحة شهدها العالم كله مغمض عينيه وحتى الدولة التي ذبحوا فيها يحكي الحال الذي شهد على لسان متكلم فلسطيني لحمي غطّى بن عمي اي فديته وغطيته بجسدي لكن اصيب رغم ذلك ( شو صار حالو يا إمي ) كيف حال إصابته يا امي وهذا يعني انه كان مازال يدافع ويرجع يطمئن على ابن عمه وهذا مثال لحال كل الناس يومها (يوم المذبحة )
وبعدها يقسم المتحدث منديل العرض ويعني سوف ندافع عن عرضنا ( ورمز لها بمنديل العرض )هو ذاك المنديل ليلة الدُخلة الذي يعلن عفاف وشرف البنت ( العروس ) وهي عادة وحتى في السوان كانت موجودة وهنا اروع ما رأيت من معنى اراد القدال ان يقول على لسان ذلك الفتي إنا سوف ندافع مهما كان عن الدين والارض والعرض وجمع بين ضددين منديل العرض ... وبيت الدين وهما ذاك المنديل ملطخ بدم غشاء البكارة .. في بيت الدين ( المسجد ) وكان الابداع في الشعر قولا والبساطة في المعنى ما كنا رأينا جمال مثل الذي قال لو قال سوف ندافع عن العرض .. والدين .. والأرض للهدرك يا قدال يا عجيب ومبتدع في الألفاظ والمفردة
Post: #65 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 08:04 PM Parent: #64
Quote: إنّا من دير ياسين صرنا في جِزر التين عام ننسي ( نسقي ) بعد حُب الزيتون بدّو يرجع للطيني صابرا تحت الدَاورية صابرا تحت الداورية صابرا تحت الداورية صابرا فوق الداورية
ودير ياسين هي منطة في داخل فلسطين وصابرا وشاتيلا هما مخيمان للفلسطنيين في لبنان كانت فيهما مذبحة كبيرة والعين تشوف صرنا في جزر التين اي أصبحنا لا نستطيع مفارقة الأرض كحال جزور الشجرة ( تين كانت ام زيتون ) ولو فارقنا متنا وفقدنا الحياة ومازلنا نسقي شتيلات الزيتون ونحب العودة للوطن صابرا تحت الداورية اي تلف فيها سيارات الجيش تبحث وتقتل وتذبح
Post: #66 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-23-2013, 08:44 PM Parent: #65
Quote: يا حال الضد لحم الطفلين نابت غُصن الحرية جذري مو في شاتيلا ما آل ( ما قال ) يا ويلّا حنّا ( نحن )في الأرض أرض فلسطين يا إمي هيلا هيلا يا إمي هيلا وهيلا
والحال الضدد هو الحال المعاكس ويا لحوم الاطفال اليت تدفقت اشلاءا في ارض الدير وكانت دماء ولحوم سوف تنبت منها أغصان الحرية التي نتعشق لهاونتظرها وهيلا وهيلا هي لفظة تقال للتشيع وعندنا السودان تقال هيلا هوب
Post: #67 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 05:45 PM Parent: #66
ونواصل مع مسدار ابوالسرة لليانكي
ويا أمي هيلا وهيلا ويا أبو السرة كُج العين تخبر الشينة من الزين تفرز الطاري من الساري يا ابوالسرة كُج العين ومدُّ صُباعك السبابي قول القافي .. يا زول هوووي يا قافي يا زول هووي وأرخي الغردة للعنافي شد القمري بالحُوباي في مُسدارنا شلنا نهارنا في إيدينا .. من ساسو البحر عقدين مسكنا دربنا .. وعمال الطمي الصحونا خابرين الدروب مرقوبنا في مشرع مسارب الضي قوقا القمري خوّا صقير عوّا حِدي وكنا جماعة .. دابات الأرض والسايمة عوامة البحر والطير وحتى الغيمة قصاصة الأثر فوق راسنا شايفَّ الدرب ضنيب اليانكي قال القُمري لي الضُليلة خليك صاحيا .. زوغ اليانكي لا يودرنا قال الدابي كان يغباها ما بيغباني ولمّا الشم مودّعا غاربا وصّت جُملة الصُقار عيونهم كاربّا أبقو ألف بفوت لي المتلكم ناهضين وفوق ديناب عريباً غادي قال السِحلي .. لا تغشوهم دول عُربان توابع اليانكي قال الجمع لا نغشاهم ديل عُربان توابع اليانكي خلوها العريب الغايبة والسراق طبيقو معا تيجان عريش الهش العويش تعلب فوق عُقال العرش ولا خصانا بهادي العروش الهُربا يا ابوالسرة عقال مسكنا دربنا وعمال الطمي الصحونا خابرين الدروب مرقوبنا من وادي الضُلمة الكان عُقب لمينا في باقي الجمع قاصين دريب اليانكي سنور الغِيب في الكنغو وصبرن من جنوب أمريكا من كلهاري ضيباً ضاري والتُمساح وليد أمزون ونمراً في النمور كمبودي وأم رخم الله مسكيكية ولمّا لميمنا .. والشمس البتوقد فوقنا شدَّ شديدنا.... لي التمثال مشيّل روقنا عالم حُر يدوعل فوقنا لي يوم سُوقنا نبزغ فيهو في عينيهو جر واسوقنا
Post: #68 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 06:49 PM Parent: #67
Quote: ويا أمي هيلا وهيلا ويا أبو السرة كُج العين تخبر الشينة من الزين تفرز الطاري من الساري يا ابوالسرة كُج العين ومدُّ صُباعك السبابي قول القافي .. يا زول هوووي
ويعود الجميل بالجمال مرة أخر ينظم درر وماس بالعامية الدرجة السودانية ويا امي هيلا وهيلا في كلمة أمي تجد المحنة منشرة أمـ ي نجد فيها الرابط دلالة علة النسب بدم ودم قوي تغذيت منهاوأنت في بطنها ومن ثديها وانت في المهد صغيرا ومن يدها لحين وسقتك وأطمتك كل الحنان بدءبالحبل السري ثم كرفة وقلد وشوق لبن ورج امي أحب هذا الاسمان أنادي به امي واحب ان ينادي به الغير أمه عملت أبني أحمد أن ينادي أمه كهذا ( امي ) وأحبها حكمة الله ويا امي هيلا وهيلا يا ابوالسرة كُج العين وكجة العين اي تغمض عين وهذا يدل على توجيه كلام صارم وفيه من الحزم شدة وابوالسرة كما قلت قد يكون يعني بها ياسر عرفات أو اسم صديقه الذي كان معه في الأسر يومها تخبر الشينة من الزين الشينة أي الكلام والفعل الشين الزين وهو القول والفعل الحسن تفرز الطار من الساري
الطاري اي الذي لا ينسى دينه علي الوطن وواعي قضيته الساري : الذي يسير ليلاً ... سرى أي سار ليلاً
ومدُّ صُباعك السبابي قول للقافي يا زول هوووي ومدة الصُباع السبابة تعني التهديد القافي الذي نسى وتمادى في ظلمه وقهره للشعب ( وهم اليهود ومؤيدهم من الغرب ) يا زول هوووي تشديد الوعيد اي أعمل حسابك وحاسب
Post: #69 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 07:09 PM Parent: #68
Quote: يا قافي يا زول هووي وأرخي الغردة للعنافي شد القمري بالحُوباي في مُسدارنا شلنا نهارنا في إيدينا .. من ساسو البحر عقدين
وقول للقافي يا زووووول هوووي
وأرخي الغردة ( ولا اعلم هل هي الغردة أم القردة ) اي رخي الرسن للبعير والعنافي نوع من الجمال الاصيلة ( جمل عنافي ) وهنا الأخ عبيد سوف يفيد كثير ويوفي
وفي نهارنا الكان ابحرنا قاصدين اليانكي في بلاده العقدة وحد قياس مسافة في البحر عقدين
Post: #70 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 07:38 PM Parent: #69
Quote: مسكنا دربنا .. وعمال الطمي الصحونا خابرين الدروب مرقوبنا في مشرع مسارب الضي قوقا القمري خوّا صقير عوّا حِدي وكنا جماعة .. دابات الأرض والسايمة عوامة البحر والطير وحتى الغيمة قصاصة الأثر فوق راسنا شايفَّ الدرب ضنيب اليانكي
مسكنا دريبنا وكبر عدد الجمع مخلوقات البحر .. مخلوقات البر ( الصي .. الخلا ) ونحن سايرين ودليلنا هم عمال الطمي الصحونا أي أوقدوا نار وشعلة الحماس فينا وتصدروا الأمر وماشين قِدام في التظاهرة وهم عارفين خبرين بكل الطرق لليانكي ودربه مسارب الضي اي المكان الذي منه يتأي بصيص من نور ( من الكوة يكون هناك مسارب لضي الشمس يدخل الغرفة )
وكنا جماعة اردا ان يورينا كم بلغ الجمع ومن هم دابات الأرض والسايمة كل الدواب في الأرض وكل سايمة وهايمة والسايمة التي لا صاحب لها ( طاشة وغير معروف صاحبها وحيناً تأتي بمعنى هامل ) عوامة البحر كل مخلوقات البحر الفدر تحتاني
والطير : كل الطيور والداجن من جنس الطيور لا يطير وحتة مخلوقات الله الأخر مثال : الغيمة قصاصة الأتر وكانت الغيمة تظل الجمع وهو في سيره قاصد بلاد اليانكي وشايفا الدرب من فوقنا لانها كاشفة الأرض من عُلاها شايفا الدرب ضنيب اليانكي وكانت ترشد الجمع لطريق السير
Post: #71 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 08:47 PM Parent: #70
Quote: قال القُمري لي الضُليلة خليك صاحيا .. زوغ اليانكي لا يودرنا قال الدابي كان يغباها ما بيغباني ولمّا الشم مودّعا غاربا وصّت جُملة الصُقار عيونهم كاربّا أبقو ألف بفوت لي المتلكم ناهضين
الجمع في مسيرته تلك وهم يتاوصون خير حتى لا يضيع منهم الدرب ضنيب اليانكي والمقصد لتمثال الحرية ( والهمة عالية للوصول إليه ) والغاية التي خرجوا لها تتحطم في سبيلها كل الوسائل لابد من الوصول ومهما كلف الأمر عناء ومشقة
قال القُمر : للضُليلة القُمري معروف الضُليلة هي الغيمة التي تظلهم بظلها
خليك صاحية: اي يغظة مفتحة زوغ اليانكي لا يودرنا ومعروف عن اليانكي انهزول لف ودوران فتحي عينك يا الغيمة زي الريـال أبـ عشرة وما يزوغ اليانكي من عينك ابدا وهنا صاح الدابي ( الثعبان ) لو يغباها اي لو غاب عنها... لا يغيب عن عيني انا ابدا ولمّا الشَمْ مودعا غاربة والشَمْ : تفخيم لاسم الشمس وعند غروبها وهي نازلة للغروب لم تفت وتترك الجمع وصت جملة الصقار اي كل الصقور .. ومعروف عن الصقر ان عيونها قوية ( في الرؤية والنظر ) كاربة اي قوية ثاقبة ( ويقال فول كارب لو قوي وحلو مذاقه وهكذا ) عيونهم كاربة ترى بنظر قوي ماذا اوصتهم : قالت لهم ابقو ألف وعادة يقال وجرت العادة : ابقو عشرة لكن القدال زاد الحزمة لتأكيد الوصية والعمل بها ابقو ألف وما تتوصو وخلو بالكم من زوغ اليانكي وما تفارقوا الدرب والمرام الوصول لتمثال الحرية ( وهو تمثال يمثل الحرية لهم ... لاجل حريتهم لابد من إستعباد الخلق أجمع ) بفوت لي المتلكم ناهضين اي انا غايبة لكن لكي أشرق لخلق أخر ناهض يرفضون الزل مثلكم وسوف اخبرهم بفعلكم هذا وتظاهرتكم هذه حتى يلحقوا بكم
Post: #72 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-24-2013, 09:57 PM Parent: #71
لحين ميسرة لو مدَّ الله في العمر ثانية
Post: #73 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-25-2013, 07:05 PM Parent: #72
Quote: وفوق ديناب عريباً غادي قال السِحلي .. لا تغشوهم دول عُربان توابع اليانكي
والجمع في مسيرته وفي كل مكان يزداد العدد وجمع أخر من مخلوقات لها مبادئ وقاصدين بلاد اليانكي ( تظاهراً ) مروا وهم في مسيرتهم على دول عربية أو مجموعة من عرب قال السحلي : لا تغشوهم دوول ( ديل ) عُربان توابع اليانكي اي عملاء أمريكان ( متخازلين )
Quote: قال الجمع لا نغشاهم ديل عُربان توابع اليانكي خلوها العريب الغايبة والسراق طبيقو معا تيجان عريش الهش العويش تعلب فوق عُقال العرش ولا خصانا بهادي العروش الهُربا
قال الجمع ( نلاحظ الأتفاق في الرأي ولا إختلاف بين الجمع والفرد الذي يدلي بالرأي وهذا كان يرمي به القدال لما لا نكون مثل هذه المخلوقات نتفق ولا نختلف عندما يكون الامر يهم الجميع لكن هيهات نحن معشر المسلمين كل فرد يدور على مصلحته وتركنا الامر العظيم ديننا وارضنا وعِرضنا )
خلوها العريب ( العرب ) وهنا عريب تصغير لانهم صغّروا أنفسهم وباعوا أنفسهم لليانكي مقابل أن يحمي عروشهم وهي شن العروش ( تجيان من عويش ) والعويش هو الجاف من قصب اونحوه سريع الاشتعال إن شاء ناراً تحرق عروشهم وتيجانهم ونرتاح من كل عميل رعديد خائن لا يخصنا بي هادي العروش الهُربا هربا : هي الحفرة وتغطى بي عويش جاف إذا وقف عليها حمل من حيوان او بشرر وقع فيها شئ هُربا اي سهل سقوطه
Post: #74 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-25-2013, 07:38 PM Parent: #73
Quote: يا ابوالسرة عقال مسكنا دربنا وعمال الطمي الصحونا خابرين الدروب مرقوبنا من وادي الضُلمة الكان عُقب لمينا في باقي الجمع قاصين دريب اليانكي
ومسكنا دربنا يا ابو السرة والجهة ومعروفة .. والمقصد معروف .. والهدف معروف وكان الخير كله في عمال الطمي الخابرين الدروب وهم كانوا الدليل الواعي المدرك لكل سبل الطريق الآمن عقب : كلمة أو لفظ يقال ( اي بعدهذا حصل .... ) عُقب لمينا فوق باقي الجمع بعد داك إلتقينا بباقي الجمع الذي كان يتنظرنا وكان جمع من خلق كثير
Post: #75 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-26-2013, 02:04 PM Parent: #74
Quote: عُقب لمينا في باقي الجمع قاصين دريب اليانكي سنور الغِيب في الكنغو وصبرن من جنوب أمريكا من كلهاري ضيباً ضاري والتُمساح وليد أمزون ونمراً في النمور كمبودي وأم رخم الله مسكيكية
وإتلم الجمع وكل المخلوقات كانت حضور ومافي من سجل غياب ولمينا في باقي الجمع واخره وكان مختلف ألوانه وموطنه سنور الغِيب وهذا جاء من بلاد الكنغو والصبر ( الصبرة ) جاءت من جنوب امريكا الضيب ( الذئب ) كان منصحراء كلهاري التسماح من نهر الامزون ( وليد امزون ) النمر كمبودي اي من كبوديا وام رخم الله وهي نوع من الطيور الكبيرة جاءت من المكسيك
Post: #76 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-26-2013, 07:09 PM Parent: #75
Quote: ولمّا لميمنا .. والشمس البتوقد فوقنا
وإتلمينا من كل صوب وحدب مخلوقات لاتحصى لا تعدوكانت شمس الله موقدا نار وقد لمى لميمنا
وهنا يقصد بها إتلمينا كلنا لكن اللميم تأتي بمعنى ( الهامل الذي لا مأوي له يلم على ناس يأوى إليهم أو لو كان حيوان يتلم على بعض الحيوانات لكن هنا زي ما قلنا يقصد بها غير المعنى الاصلي
Quote: شدَّ شديدنا.... لي التمثال مشيّل روقنا
green]شدَّ شديدنا اي زادت عزيمتنا واشتد عودها وقويت مكاتفين متعاضدين نساند بعنا بعض لي التمثال مشيّل روقنا الروق هوالصف اي لحدي تمثال الحرية وصلت صفوفنا وما زال الصفوف الخلفية لم تصل بعد
Quote: عالم حُر يدوعل فوقنا لي يوم سُوقنا نبزغ فيهو في عينيهو جر واسوقنا
العالم الحر هم : الامريكان يدوعل : اي يسمن فينا ويكلفنا كأننا بهائم يراد بها السوق لكن نحن نبزق ( نبصق ) في عينيهوجر واسوقنا الواسوق يستخدم في الزراعة لتسوية الأرض وهو عود ينتهي بعود مسطح يركب عليه في شكل ( T ) مقلوب ويربط في اسفل حرف التي الحبل يمسك بالعود رجل بالحبل رجلين لتسوية الارض والواسوق يجر في : الارض الزراعية لتسويتها ودفن البذرة ويجر لتسوية الارض في القبر لدفن بشر ونحن نبصق فيهو في عينيهو جر واسوقنا
Post: #77 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-26-2013, 08:25 PM Parent: #76
يا شمسي طلي طلي شاوري عا بيتي دلّي كيال الكيل خِتياري مات ظلي عم يحرس ظلي عادل عا خيِّ ميلي خيِّ ما يحمل شيلي ما خفَّ الشيل ثاني المرات ناطر رُصاصي سيلّي عيني في الفيل ما ظلَّ كِلنا ندري ما نضلّا يا ويل الويل نرمي الجمرات عدي ( اي على عدد ) المِستشهد كِلا
فلو أصبنا فهذا توفيق من الله ولو أخطأنا فمنا ونرجو المعذرة وان شاء الله نجد الصحيح في يوم لو مدَّ الله في العمر ثانية بالمناسبة في اتصال هاتفي تكلمت مع الشاعر محمد طه القدال ويا سلام على إنسانية هذا الزوووول الجميل حقيقة وحق كثير ما نفاجأ بشخص طبعه مخالف لما يقول ويكتب لكن القدال إنسان إنسان لابعد درجة تلمس إنسانيته في كلماته عندما تتحدث له يسمع لك ويأتيك الرد الجميل لكل ما قلت حسنا اتصلت به قائلا كفارة وإن شاء اتشوف شر وقلت له ( ان شاء الله شرك مقسمعلي الدقشّم ) فضحك وقال بارك الله فيك واحسست في نبرة صوته الفرحة لاتصالي هذا وبعدها اخبرته بهذا البوست وقلت له بالحرف الواحد ( انا تهجمت على مفردتك بالشرح واعلم أني قد أخطئ في الكثير فقاطعني قائلا : مهما كتبت فهي تجربة والتجربة مقدرة لك مني ومن القارئ ) وكانت دفعة منه لي فلك مني الشاعر الجميل محمد طه القدال ألف تحية وربنا يحفظ ويغطيك من كل شر
Post: #78 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-26-2013, 09:12 PM Parent: #77
خمســـــــين ســـــــنة
Post: #79 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-27-2013, 03:08 PM Parent: #78
لحين ميسرة
Post: #80 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 02-27-2013, 09:06 PM Parent: #79
تسجيل ثاني لقصيدة خمسين سنة
Post: #81 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-04-2013, 09:30 PM Parent: #80
خمسيــــــــــن سنة
خمسين سنة وأيدينا في طول مَدّهن خمسين سنة لا فترنا من مد اليدين لا صدمة جاتك يا رحم يا يُما عِرسك كان قبُل كمين سنة يا يُما عِرسك كان دلالليك الهنا وأمس القريب قُلتيلي جايني الوحم أسبيتي كم ؟ عمرتي كم ؟ عمرتي في ها الأرض كم ؟ رحطك قطيع يا يُما من مجدّت جناك في الارض في الزمن الزمان الليلة يا دوبك بِكر شلخة نصيبك يا أم عرض مكتوب تصيبك لا بدق فوقك نحاسي ولا دمع برميهو شانك ما بقوقيّلك شِكر ومترجيـــك مترجيك أجيكي الجاني في دمي ومترجيك علي مِعادنا مترجيك غُنايا علي الأرض والفأس وبت أمي غُناياً لا بيبضع فيك ولا لي الضيم غُناي بديك ولا بخبر بلاك نمي إذما البيت لبخ جالوص مزبل للخريف عِمة وكان جواهو محبوبين .. وهبابين وخمسة عِيال وسحارة وكان في البيت عقاب مِعزاية لي الشفع كان الدنيا يا الضلمة كان القبلة جهارّا وكان الغمية هدارة سبلوقاتنا ما صبّن سباليق جارنا سوّن جوو ودميع السحاب نوّح ويا مِعز اللبن دَغّن ويا البقر الطلق بوّح جفل في الزيفة ديك روّح ويا الكَلا اب يسوّن هوو وقام حتى الجداد كيّك ويا مرق السنط سيّك وتسمع بردولُب حيطا يا أبومروة يا أبومروة يا أبومروة ... بيت حاجة أم خريف دركان تجيك من الفريق عيطا وتقرأ أم أحمد البسم الله في الأولا وتقرأ ام أحمد البسم الله في الأولاد
امرقي العدة يا ام أحمد وأحفظي مع الهدوم شيطا تعال يا زول ألحق صعيد البيت خلاص إنماص قتلّك أمرقي الشفع ... الإتلافو سدر الحوش بشوف الجاية في الرصاص قُتلّك أمرقي آبنية هي طينتّن في التراب نية قُتلّك أمرقي فرشن أطير وهو شن هباب .. وشن كراب وشن قُرقاب وتسمع بردولُب يا المعزة وقعت ناشفا بين الشعبتين والباب وكان أبـ احمد المهجوم بيقرا الفاتحة في سرو بقول الجات علي مالك مليح إن جات علي مالك تعال آجنّي وكنكش فوق كتف خيّك عاد لاحولا لا قوة جانا غضب وموية رُكب وداك الحزّة كان الحِلة شربت تب
Post: #82 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-05-2013, 08:40 PM Parent: #81
خمسيــــــــــن سنة خمسين سنة وأيدينا في طول مَدّهن خمسين سنة لا فترنا من مد اليدين لا صدمة جاتك يا رحم
===============================================
نظم الشاعر محمد طه القدال هذه القصيدة في عام 1976 تقريبا ايام الفيضانات والأمطار والسيول التي ضربت كل أنحاء البلاد
وعادة مثل هذه الظاهرة يسميها أهل السودان تساب والمعروف أن السنين التي حصل فيها تساب ( 3 ) تساب عام 1946 تساب عام 1976 تساب عام 1988
والماء خير وإن كان الضرر في الممتلكات والفيضان خير وهو ماء وإنكان الضرر في الزرع والسيل المنحدر خير وإن خلع كل الأشجار في طريقه
يصور القدال هذه المشاهد ( تساب 1976 ) تصويراً المقتدر البارع الملم لم أشهد تصوير ووصف فاق وصف هذا اليوم ( يوم المطر القوية ) التي بعدها زاد منسوب النيل فيضان فيه الخير والطمي زاد خصوبة الأراضي التي طمرها وجرت الوديان سيلاً عرم تغذي ذاك النيلين والنيل مياه عادت بالخير على البلاد وإنسان البلاد المسكين
صور هذا المشهد في بيت رجل وزوجته وله من العيال خمس ( كيف كان الحال حين نزول المطر الغزير ) الرجل اسمه حمدان واحياناً يكنيه باسم أبـ أحمد
خمسين سنة .. وهذا عمر حمدان ( أبـ أحمد ) حتى تاريخ ذاك اليوم من عام 1976 خمسين سنة وإيدينا في طول مدّهن وهنا يلقي بلسان حمدان ( ابـ احمد ) اي من قمنا وتبينا في هذه الدنيا لحين ذاك مضت من العمر خمسين سنة ونحن مادين اليدين نطلب الرزق من الواحد الأحد لافترنا من مد اليدين لا صدمة جاتك يا رحم لم نكل ونمل من الدعاء رافعين ايدينا تضرعا لله نطلب النعين أن يعيننا في تريبة عيالنا ونبحث عن الستر ندعوه أن يغنينا بفضله عن فضل سواه لاصدمة جاتك يا رحم نعيش في ارض الجزيرة الخضراء أم دوح التي جادت بالخير بنين وبنات أكلوا وتربوا في أرضها ولم ينضب رحمها من بذر البشر يبتقون فضل من الله في أرضها المعطاء ونحن منبينهم
Post: #83 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-06-2013, 06:08 PM Parent: #82
نترحم على روح الدكتور محمد يوسف أبوحريرة وندعوا الله أن يسكنه فسيح جناته مع الشهداء والصديقين وحسُن أولئك رفيقا وإنا لله وإنا إليه راجعون
Post: #84 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-06-2013, 07:00 PM Parent: #83
Quote: يا يُما عِرسك كان قبُل كمين سنة يا يُما عِرسك كان دلالليك الهنا وأمس القريب قُلتيلي جايني الوحم أسبيتي كم ؟ عمرتي كم ؟ عمرتي في ها الأرض كم ؟
وهنا مازال يتحدث في القصيدة بلسان حمدان ( أبـ أحمد ) ابـ أحمد يخاطب الجزيزة تلك الأرض الطيبة التي أرضعت ساكنيها من ضرعها وكانت بمثابة الأم الحنون الرؤوم ويخاطب الجزيزة يا يُما .. عرسك كان أحتفال بدلاليك وغنا وكان قبل كمين سنة وتسخدم كلمة كمين للمبالغة في العدد ( يقال قبل كمين سنة اي قبل عدد كبير من السنين لاتحصى ولا تعد ) وأنت ما زلتي تعطي ورحمك ما نضب وما إنقطع دم الحيض منك تلدي كل يوم وكم أسبيتي ( الكتير والله ) وكم ربيتي ( الكثير ) وكم عمرتي .. والعمار يقوم به الأبناء ( أي ابناء ارضك يا الجزيزة ) وكنتي لبنوكِ الأم وكنت الدوح لكل السودان
Post: #85 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-06-2013, 07:57 PM Parent: #84
Quote: رحطك قطيع يا يُما من مجدّت جناك في الارض في الزمن الزمان الليلة يا دوبك بِكر
الرحط عبارة عن خيوط تخاط في شكل التنورة تلبسها العروس قديما كان العروس ترقص عارية سيتيان يغطي ثديها ومن الملابس الداخلية التحتية ومن فوقها الرحط وتلبس كذلك الحجبات من العين الذهب والنفيس من الجواهر في عنقها ويديها وارجلها حجول وهي عادة لابد من أداها في الاعراس قديماً وإلى وقت قريب لكنها إندثرت الآن إلا في بعض الاسر التي مازالت متمسكة بهذه العادة رقيص العروس وقطع الرحط وهنا يقصد بها أنه من ايام أمجاد ابناءك يا الجزيرة وقطع رحطك ومن زمناً زمان وأنت ما زلتي بكر والبكر هي البنت التي لم طئها رجل ( زوج ) وما زالت بكراً عذراء لم تفض بكارتها
Quote: شلخة نصيبك يا أم عرض مكتوب تصيبك لا بدق فوقك نحاسي ولا دمع برميهو شانك ما بقوقيّلك شِكر ومترجيـــك
الشلوخ معروفة وهي كانت سمة لتجميل المرأة وكل زمن بي جمال وكانت ايام الحجولوالتي عادت موضتها مرة أخرى وايام الزمام الذي عادت موضته مرة اخرى ... والكثير من العادات تعود ثم تندثر لفترة لتعود مرة أخرى .. الورقة والتيلة فيها نص الجنيه ورأيت مرة بنت عاصمية يزين خدها رشم اي رسم من وشم في خدها الرشيم الأخضر في الخديد الأنور هم سبب ألامي أم عرض هي الصاينة لعرضها العفيفة الكريمة فيخاطب الجزيزة ويقول لها المصائب تصيب وكل مؤمن مصاب وهذا اليوم الذي نحن فيه ( يوم الامطار والسيول يوم مصابك يا الجزيزة ) وأنا مابدق فوقك نحاسي ودق النحاس يكون في حالات معينة يوم الحرب وهذا هو الأصل يوم وفاة ( الصائح ) لادمع برميهو شانك اي لا ابكي عليك في يوم مصابك هذا وما بقوقيّلك شِكر يقوقياي يغني ويرمي الشعر نم الشِكراي مدحاً لكن بترجاك أن تعودي الجزيزة ...اي أن تعودي كما كنتي قبل الدمار الذي لحق بك في ذاك اليوم يوم كانت القبلةجهارة وكانت الغيمة درارة وإنبهل السماء يرمي بالخير رغم الدمار الذي حدث
Quote: مترجيك أجيكي الجاني في دمي ومترجيك علي مِعادنا مترجيك غُنايا علي الأرض والفأس وبت أمي غُناياً لا بيبضع فيك ولا لي الضيم غُناي بديك ولا بخبر بلاك نمي
وسوف أنتظرك واترجاك يا الجزيرة تعودي الجزيرة أم دوح ما أصابك أصابني لاني دمي هو من دمك يا ارضي الطيبة وسوف يكون غناي حديث بين الأرض والفأس ( اي العمار ما تاني وجديد وسوف نكد ونجتهد للعمار هذا ) وهذا الشئ (غناي ) لا ببضع فيك ( اي لا يتركك ويفرط فيك للزمان وسوف نرعاك ونحميك بدمائنا ) ولا للضيم غناي بديك والضيم هو الظلم وتنطق بالعامية ضيم ويقال لا تضيمه اي لا تظلمه وما بعرف غير نمي فيك ( يا ارضي الطيبة )
Post: #86 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-06-2013, 08:31 PM Parent: #85
Quote: إذما البيت لبخ جالوص مزبل للخريف عِمة
بعد أن ابتدر القصيد يحكي بلسان حمدان مع امه الجزيرة أم دوح (والدوحة هي الشجرة الظليلة قد تكون شجرة اقتصادية اي مثمرة وثمرها يباع
عاد ليرسم لنا تلك اللوحة الفنانة ابداعاً يوم ممطر ومطر غزير وكانت الروعة والجمال في القصيدة أن أختار ذاك البيت ( بيت حمدان رجل فقير لا يملك الكثير غير أسرة سعيدة عاش بينهم بدأ يصف كيف كان حال بيت حمدان إذا ما البيت بلخ جالوص الجالوص هو البيت المبني من الطين وفي الحقيقة كله طين لكن قد تحصل معالجات للطين ليصير طوب وقد تبنى البيوت من الحجر أو طوب السمنت ( والقادر بسوي ) لكن حمدان رجل كان قدر حاله وبته من الجالوص ( غرفة فرد وحيدة زي سن العجوز ) في نص الحوش تأويهم هو وعياله من شر الشمس في الحراية والقر وقت البرد والشتاء مزبل للخريف عمة والزبالة وهي مادة تطلى بها جدران الجالوص ( تقيه من الامطار وعوامل الطبيعة المناخية ) الزبالة هي عبارة عن ( روث الدواب وخاصة روث الحميـ ر والخيل وهي الأجود وتليها إذا تعذر روث الأبقار تخلط بالتراب الأسود ويعرف باسم الرِقيطا ثم تبل بالماء ليومين حتى تخمر وتصير لزجة وبعد يلبخ بها البيت .. ) ولبخ اي ملبوخة ( تثبت بطريقة معينة لها متخصصين ) وعاملها يسمى زبال مزبل للخريف عمة الزبالة العمة هذه تكون زبالة في رأس البيت فقط وتنزل قيلي من رأس البيت في اطراف الحيطان الأربع ويكون شكلها في الغرفة ( المزبلة عمة ) شبيه بالعمة في رأس الرجل وعادة الفقراء اللذين لا يملكون حق زبالة البيت ( الغرفة كلها ) يقومون بالزبالة العمة وهو أقل عمل لمواجهة الخريف لانها تقي راس البيت من البلل وحتى لا يؤول للسقوط
Post: #87 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-07-2013, 12:49 PM Parent: #86
لحين ميسرة
Post: #88 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-07-2013, 05:28 PM Parent: #87
Quote: إذما البيت لبخ جالوص مزبل للخريف عِمة وكان جواهو محبوبين .. وهبابين وخمسة عِيال وسحارة وكان في البيت عقاب مِعزاية لي الشفع
وكان جواهو محبوبين
المحبوبين هما حمدان ( أبـ أحمد ) وزوجته وهبابين الهبابي هو نوع من العناقريب وهو اصغر واخف أنواع العناقريب وعادة الأسر الميسورة تسخدمه في الاسترخاء وقت الظهيرة تحت الأشجار وفي الجناين لكن الأسر الفقيرة تستخدمه في النوم ولا بديل عندهم لانه أرخص انواع العناقريب عنقريب هبابي هذا هو الاسم لهذا النوع وخمسة عيال وله من الذرية خمس والسحارة : صندوق خشبي لحفظ ماهو نفيس وغالي وايضاً تحفظ فيها الملابس وهذه هي محتويات الغرفة وخارج الغرفة اي امامها مِعزاية ( ماعز لحاجة الاطفال للحليب ) المعزاية أكيد مربوطة في الكشاشة ... والكشاشة هي الراكوبة الصغيرة ذات الشعبتين أمام الغرفة ... هذه هي ممتلكات حمدان في بيته ( اسرة فقيرة لكن سعيدة ) وهنا نلاحظ ان القدال دائما دقيق الوصف السردي يحكي لك قصة ويحملك معه لكي تتصور وتتخيل وتعيش قصيدته وكأنك ترى الشخوص والمكان وتنسى انك تستمع لقصيدة بل تعيش القصة كاملة .... وكان في البيت عقاب معزاية للشفع .. الشفع هم الصغار
Post: #89 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-07-2013, 10:54 PM Parent: #88
Quote: كان الدنيا يا الضلمة كان القبلة جهارّا وكان الغمية هدارة
اليوم الممطر غيم متلبد سحائبه دُكن .. في تلك الليلة كانت كل الدنيا ضلمة جدائل فرعاء دخلوا الخلق في ليلي شعرها والدجى وكان القلبلة تتلاصف بروقها تشعل الضلمة ويعقبها دوي من رعد ترتجف لها الأبدان خوفا من شر الصواعق في البلدان البعيدة عن الحضر ( مع تعذر وجود موانع صواعق )
والبرق يلمع كأبتسامة مارد يرنو إلى الدنيا بطرف ساحرِ والرعد يدوي في الظلامِ كأنه لعنات جِن في الظلام القاهرِ والريح قد جُنت فجاء نشيدها صخب كدمدمة المحيط الثائرِ
وكانت سحب هدارة ودرارة ... يدر اي يجم يوجود زيادة .. ( تدر البقر الحليب اي تجم من حليبها تعطي مزيد ) وهذه صورة من يوم ممطر وهو ذاك اليوم من عام 1988 ... والاسرة في داخل غرفتها قبل ان تهددهم المطر الغزير أن البيت قد يؤول للسقوط ليخرجوا فارين بجلدهم من موت محتوم ويلتحفوا سقف السماء الذي خرت كل سحابة بكم من مياه مندفق وليس نقط مطر يرشع ثم يتوقف برهة ليعود من ثاني بل دفق مستمر ولزمن طويل في تلك الليلة وقد بلغت الأرواح الحناجر حتى في شوامخ العمار في البندر فما بالك بوضة حمدان المزيلة فقط للخريف عمة ...
Post: #90 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-07-2013, 11:10 PM Parent: #89
Quote: سبلوقاتنا ما صبّن سباليق جارنا سوّن جوو ودميع السحاب نوّح ويا مِعز اللبن دَغّن ويا البقر الطلق بوّح جفل في الزيفة ديك روّح ويا الكَلا اب يسوّن هوو وقام حتى الجداد كيّك
ويروي لنا القدال بلسان حمدان ( أبـ أحمد ) يقول : سبلوقاتنا ما صبّن سبالق جارنا سوّن جوو
السبلوقة هي مقطع اسطواني يركب في سطح اسقف المنزل لتصريف المياه وقت الامطار وفي بعض المناطق تعرف باسم ( الدروة ) والسبلوقة او الدروة في بعض الاحيان يتخذها الطير اوكار ويبني فيها عُشه وعادة ينظفها الناس قبل دخول موسم الخريف وإذا لم تنظف فانها لاتصرف الماء عند نزول المطر .. وهنا ترفس الدروة او السبلوقة وترفس اي يظل الماء محبوس خلفها ويملئ السقف مما يؤدي لسقوطه او نزول الماء داخل الغرفة أو المكان تحت السقف ... يقول حمدان ان سبلوقات بيته لم تنزل الماء في حين ان سباليق بيوت الجيران سوت جوو اي نزل منها الماء بغزارة ودميع السحاب نوّح يشبه تساقط نقاط المطر كأنها دموع تتساقط دون إنقطاع .. دموع تنزل من نوح وبكاء السحب في تلك الليلة
ويا معز اللبن دغّن وكانت كل المعوز المطر قد بلل صوفها ترتجف وبردانة وطار اللبن من ضرعها والبقر إنطلق من زرائبة المسورة كانت أو مربوط في عراء يطلق اصوات ( بووح ) وهو صوت الابقار جفل في الزيفة ديك روّح جفل اي انطلق يجري دون ان يدري إلى أين وفات مراقده ومكانه والزيفة اي البرد الذي يصاحب المطر وقت نزوله
ويا الكـ لاب يسوّن هووو نبيح الكـ لاب هوو في ذاك اليوم خوفا من المصير المحتوم وقام حتى الجداد كيّك والدجاج في قفصه يكاكي ويرتعد من البرد والمطر
Post: #91 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 08:43 AM Parent: #90
Quote: وقام حتى الجداد كيّك ويا مرق السنط سيّك وتسمع بردولُب حيطا يا أبومروة يا أبومروة يا أبومروة ... بيت حاجة أم خريف دركان تجيك من الفريق عيطا وتقرأ أم أحمد البسم الله في الأولا وتقرأ ام أحمد البسم الله في الأولاد
كانت لحظات بلغت فيها القلوب الحناجر سماء إنشلخت تسيل منها المياه منهمرة بقوة مطر وابل ( وليست مطر نقاط متتابعة ) بروق تشلع تضئ الكون وهج الماغنسيوم عندما يشتعل يعقبها رعود تدوي في ذاك الظلام يرتجف لها البدن ردة فعل الصوت القوي وخوفاً من عواقبها ( صواعق ) ريح شهفوفة ( والاشهفوفة هي الرياح التي تصاحب نزول المطر وهي خطرة تساعد في سقوط المنازل ) حيوانت وجمادات وقع عليها أثر هو ذاك اليوم العصيب خوفا وطمعا خوف من عواقب هذا السيل من سماء إنفتحت تدلق المياه وطمعاً في خير المياه والواهب هو الله هنا يختلط الإيمان بالخوف ويثبت الناس بعضهم بعضا وفوق هذا وذاك الظلام في حد ذاته يدخل الرهبة في النفوس وقام حتى الجداد كيّك
بالمناسبة الأصوات وإختلاطها يزيد الهول خوفا جزعا ... ويا مرق السنط سيّك وزاد الطين بلة أن أصدر الدعامة التي يقوم عليها البيت ( الغرفة صوت يؤذن بكبر الحمل الذي وقع عليه ) أبتل سقف البيت والبلل يزيد الوزن ( تراب + زبالة (( تراب وروث )) + خشب صغير وجريد نخيل وتبن وبروش ) هي ما تكون منه السقف وكل هذا وضع بطريقة معينة في ودعامته اربعة حيطان جانيبة وذاك المرق الكبير من خشب السنط ودعامة هذا المرق الكبير ( مرق السنط شعبة من خشب السنط أعلاها يرتكز على منتصف المرق الكبير وأدناها مغروز في الارض في وسط الأوضة ( الغرفة ) ويقول اللغز السوداني بالعامية ( حبوبتي من شدتا ولضتا .. شالت جدي في فقرتا ) وهذا اللُغز حله انها الشعبة التي سندت ودعمت المرق الذي يحمل السقف الحبوبة هي الشعبة والجد هو مرق السنط وفي هول ذاك المشهد المرعب المخيف تسمع أصوات تأتيك من الجيران في الحي ( والحال من بعضو يومها ليس هناك من يقوى على الصمود بيت الطين (( الجالوص )) وبيت الطوب الأحمر المطرّطش .. وبيت السمنت الملح بالحديد ورغم تفاوت الصمود وقوته والزمن ) وتسمع بردوّلب حيطة صوت سقوط مدوي لحيطة في منزل أحد الجيران في الحي وصياح بعض من الناس يا ابومروة .. ياابو مروة .. يا أبومروة والمروة هي القدرة على العون وعادة تأتي من ذوي النخوة رجالاً كانوا أم نساء اي أدركونا بيت حاجة ام خريف دركان وأم خريف هي مراة عجوز تسكن لوحدها في بيت أكل عليه الدهر وشرب ودركان اي وقت قليل وسوف يسقط إن لم تدركوه أم خريف هي اسم من الشخوص إستخدمها القدال في هذه القصيدة ونلاحظ أن القدال يختار شخوص قصيدته بعناية فائقة ودائما يكون لها رنين موسيقي أم خريف لم يقل بيت امنة ولا فاطمة أو غيرها أم خريف وسوف نلاحظ هذا في قصائد اخر كما كان في قصيد مسدار ابوالسرة لليانكي استخدم شخوص لها اسماء موسيقية تعجب المستمع عندما تقع رنة اجراسها على أذنه القعوي . البلطي .. قرقور السمك .. دابي الخُشش .. عمال الطمي .. الصارقيلا .. سنور الغيب .. صبر أمريكي .. ضيب كلهاري .. تمساح وليد امزون .. ام رخوم الله مكسيكية وغيرها ) وهذا الفن يزيد شعر القدال جمال وروعة ويزيد الخوف في اسرة أبـ أحمد ( حمدان ) وهنا يكون الملجأ للذي لا يغفل وهو الله في مالك الكون ولا أحد سواه تقرأ ام أحمد البسم الله في الأولاد ( تحصينا لهم من كل شر ) يا رب احفظنا من هول يومك هذا يا رب أنجينا من الكرب هذا .. يا رب سترك وغطنا به يا رب يا رب التضرع مستمر والمطر منهمر والرعد يودوي والبرق يلصف ويخطف الأبصار نوره والرياح تحدث الصرير في كل قوي ثابت في الأرض وتحر كل ما هو حل في قيده ممكن تحركه ...
Post: #92 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 08:52 AM Parent: #91
امرقي العدة يا ام أحمد وأحفظي مع الهدوم شيطا تعال يا زول ألحق صعيد البيت خلاص إنماص قتلّك أمرقي الشفع ... الإتلافو سدر الحوش بشوف الجاية في الرصاص قُتلّك أمرقي آبنية هي طينتّن في التراب نية قُتلّك أمرقي فرشن أطير وهو شن هباب .. وشن كراب وشن قُرقاب وتسمع بردولُب يا المعزة وقعت ناشفا بين الشعبتين والباب
Post: #93 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 08:54 AM Parent: #92
خمسين سنة والجميل القدال
Post: #94 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 05:38 PM Parent: #93
[
Quote: B]امرقي العدة يا ام أحمد وأحفظي مع الهدوم شيطا
والحال صعب فقال أبـ أحمد مخاطباً زوجته وعينيه ترى المحتوم ( وهو سقوط البيت فوق رؤوسهم ) والبيت راح والحفاظ على بنوه هو الأهم قال لها : أمرقي العدة وافضي الوضة من كل الأغراض أمرقي الملابس والفرش وأين الملجأ ( وكان الملجأ حوش إنفتحت عليه سماء تدفق مطرا
Quote: تعال يا زول ألحق صعيد البيت خلاص إنماص
وقال مخاطباً أحمد ابنه الكبير تعال آ زول ألحق صعيد البيت وصعيد البيت أي الناحية الجنوبية منه وعادة تكون الناحية الجنوبية هي التي يصلها الماء والسر في ذلك في كل أنحاء السودان الجنوب مرتفع وكلما توجهنا شمال يتدرج الإنخفاض لذا يقال الجنوب صعيد اي صاعد والشمال سافل اي نزول ومن هنا كانت الحكمة في مسار النيل من الجنوب إلى الشمال ألحق صعيد البيت خلاص إنماص إنماص : تشبعت حيطانه بالماء وإنماص اي ذاب كذوبان البسكوت في سائل
وهنا يخاطب وكان أمره كله عجل أمرقي العدة والآن أمرقي الشفع ان يحتموا بصدر الحوش اي الجهة التي ناحية الباب صدر الشئ هو مقدمته أنا بعدما شفت المرق سيّك وأصدر أصوات بشوف الجاية في الرصاص ( اي بعد دا يقع الرصاص وينهار السقف ) الرصاص هو الأخشاب الصغير التي توضع في السقف لتحمل جريد النخيل ثم يوضع عليها البرش ومن فوقه التبن ثم التراب وبعدها يجلط بالزبالة لتثبت كل ما تحتها ( بلزوجتها ) أمرقي الشفع إتلافوا صدر الحوش يتلافوا : اي يحتموا
Quote: قُتلّك أمرقي آبنية هي طينتّن في التراب نية قُتلّك أمرقي فرشن أطير وهو شن هباب .. وشن كراب وشن قُرقاب
وكانت البنت الكبرى تساعد أمها في أخراج كل ماهو ممكن من فرش وملابس وعناقريب لكن أبـ أحمد شاف الحال خلاص قد دنا والسقوط حان وقته فصاح في بنته قلتلّك أمرقي آ بنية هي طينتن في التراب نية اي أمرقي ما مهم البيت ( الغرفة ) هي اساساً من طين وطين ني اي لم تحرق وتصير طوب احمر اقوى شوية بس أمرقي وأنجي بنفسك واخوانك يا بنية قتلّك امرقي يا بنت اسمعي كلامي وامرقي بس شن فايدة البتسوي في دا الفرش يطير ( اي ان شاء ما دنا ) وجملة الشئ دا يطير اي لا تتعب نفسك فيه سوف يتعوض ولا تكون روحك فدا شئ يمكن تعويضه والروح لا تعوض هو شن هباب وشن قرقاب وشن كراب الهباب كما أسلفنا عنقريب الهباب وهو نوع من العناقريب صغير قريب من الارض وحبابل التي نسج بها قليلة عنقريب هباب القرقاب : ملابس نساء تلف به اسفل جسمها من الوسط ( الخِصر ويتدلّى للقدمين ) وعادة يكون من نوع من القماش يسمى فركّا وتسخدم ( تلف بها المرأة نفسها بعد أن تقوم من حفرة الدُخان .. الكراب : هو حزمة من الحبل تفتل بطريقة معينة ومنها ينسج باقي النسيج بالحبل في العنقريب وتكون في الجهة التي يضع فيها من يستلقي على العنقريب رأسهوأطلق الجزء وأراد الكل ( العنقريب )
Quote: وتسمع بردولُب يا المعزة وقعت ناشفا بين الشعبتين والباب
وفي هذه اللحظة سمعوا شئ وقع وطاح ارضاً كانت المعزة المربوطة في احد شعب الراكوبة امام الغرفة ( الكشاشة ) وقعت ناشفا بعد أن ابتل جسمها وكل رياح الشهفوفة فيها وهي صابرة تقام لكن لم تحتمل كل ذلك الهول يومها
Post: #95 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 06:03 PM Parent: #94
Quote: وكان أبـ احمد المهجوم بيقرا الفاتحة في سرو بقول الجات علي مالك مليح إن جات علي مالك
وزاد الحال سوء ولجأ أبـ أحمد للواحد الأحد وكان مهجوم ومندهش للبحصل ويرى كل شئ امام عينيه ضايع رايح والحال من سئ للأسوء وبدأ يقرأ الفاتحة دعاء للواحد الأحد وهو يردد قوله الجات علي مالك مليح ان جات علي مالك اي الجاتك في مالك سامحتك وخير فيها والبتجي في المال المال بضيع وبرجع لكن الروح والصحة هي التي لا تعوض وحتى بمال الدنيا
Quote: تعال آجنّي وكنكش فوق كتف خيّك عاد لاحولا لا قوة جانا غضب وموية رُكب وداك الحزّة كان الحِلة شربت تب
تعال آ جني وجني تصغير لكلمة جنى ( اي صبي ) كنكش فوق كتف خيك كنكش اي امسك بقوة ولما لان الماء ارتفع منسوبه داخل البيت وكان من خاطبه الاب حمدان هو أصغر أخوانه ومازال قصير في طوله ( حتى لا يغرق ) امسك بقوزة فوق كتف اخوك حتى لا تغرق وعاد يصف الحال بينهى وبين نفسه وهو يرى الحاصل امام ناظريه لا حول لنا ولا قوة إلا بالله العلي القدير وداك الحزة الحزة اي بالضبط في ذاك الوقت كان الحلة شربت تب وفي رواية شرقت تب اي الماء كان ملئ الحلة كلها ولا موضع قدم كان ولم تطمره المياه في ذاك اليوم
Post: #96 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-08-2013, 11:36 PM Parent: #95
بقية قصيدة خمسين سنة
وداك الحزة كان الحِلة شرقت تب وكان إتشتت الرصاص وكان الساس حتل وإنماص حتل وإنماص
دُميع السما ودمع الجُهال واحد دمع الجُهال في الضلمة كان مـــالح كان الغيمة في عِينينا هـــدارة ودرارة أصبح بيتنا لي تولاتنا كفـــارة وشن بتقولي في القلبلي المِدمع فوق عشم عشمان خِلاف دمع العشم مو نوح دمع العشم مو نوح وشن بتقولي في الصباحّي الضحوية والضهراوي الطوفان وشن بتقولي في الجيعان وفي العريان وفي الصرمان وفي الخاتّي الدرب ضهبان سدرك أمان حِجرك لي جناكي ضمان وباقية علي المدائن في المَحل مونة وقدح ضِيفان باقية علي الجناين دُوح ولوو غيرك بجابد في العَنا الطوفان مو غيرك سفينة نوح وما خابت عليك مسرتنا نترجاك بي الدلوكا نترجاكي بالسلوكا نتراكي بالدوباي وبالدوباي تقوم يا بيتنا بيت الطين حنة يوم لتيبة يوم شراية يوم ولبانيتاً تخدر في مسورنا الجاي ولبنايتاً تخدر في مسورنا الجاي
Post: #97 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 01:23 PM Parent: #96
Quote: وداك الحزة كان الحِلة شرقت تب وكان إتشتت الرصاص وكان الساس حتل وإنماص حتل وإنماص
وداك الحزة .. كان الحِلة شرقت تب ( أو شربت تب ) والحزة : الوقت أو الحين أو اللحظة وفي تلك اللحظة كان الحلة شرقت تب انشرق الشخص عندما تدخل المياه في في مسار الهواء في الحلقوم ( بالغلط ) ويدشر الماء وعندما سقت الارض وصار الماء في سطحها شبهها القدال كأنها شرقت بالماء وطلعتها من تاني للسطح وفي حالة الحلة شربت تب او إرتوت الارض بالماء في باطنها والباقي ظلَّ على السطح وهو المعنى القريب في تسجيل يقول القدال كان الحلة شرقت تب وفي أخر يقول كان الحلة شرقت تب وكان إتشتت الرصاص ويحكي لنا بعد وقوف المطر كيف كان الحال في كل مكان رصاص ( الخشب الصغار الذي تشيد به السقوف مشتت ) وكان الساس حتل وإنماص وكان اساس كل بيت حتل اي غاص في الارض وداب متحول إلى طين بفعل الماء وعادةتكون البيوت من الطين في هذه النواحي ( الاقاليم ولو ما كلها معظمها ) حتل الشئ اي غاض ونزل إلى أسفل إنماص : داب ( ذاب ) حكى لي صديق من اولاد بحري عندما كنا في دول المجر انه كان في المجر سنة 1988 ( تساب 88 ) وتلفونياً اخبرته والدته ان بيتهم في بحر الدناقلة وقعت غرفتين من اصل ثلاثة ولم تتأثر الغرفة الثالثة والحوش قال لي رجعت من المجر لانه كان الابن الاكبر قال لي عندما جئت من المطار ووصلت البيت لم أعرفه ووقفت مدة أتأمل في الشارع وكان السبب أن وجد بيتهم في ناصية الشارع ( واصلاً كان في الوسط لكن صار ناصية عندما وقعت كل البيوت بجانبه حتى نهاية الشارع )
Post: #98 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 04:49 PM Parent: #97
Quote: دُميع السما ودمع الجُهال واحد دمع الجُهال في الضلمة كان مـــالح كان الغيمة في عِينينا هـــدارة ودرارة أصبح بيتنا لي تولاتنا كفـــارة
وهنا كان تشبيه في غاية البلاغة والجمال والروعة دِميع السما ودمع الجُهال واحد يبكي الطفل عندما يرى ويحس الجزع والخوف في أهل الكِبار وان كان في عمر صغير لايعرف للخوف سبيلا وفي ذاك اليوم كان الصراخ من الكبار قبل الصغار إستنجاد وفرعة وتنادي ووجوم كان دميع السماء ينهمر ماء نازل في شدة وتتابع زي دمع الجُهال دمع الجُهال في الضلمة كان مالح لكن دمع الجُهال في تلك الليلة المظلمة من عتمة السحب الدُكن ( كان مالح .. اي بطعم ملح ) وكانت الغيوم التي نراها كلما شلع ضوء برق هدارة تدوي رعود كلما تصادمت شحنتان سالبة وموجبة من غيمة أخرى وبعدها اي عند توقف المطر زال بيتنا من سطح الوجود واصبح فداء لارواحنا التي نجاها رب العزة من هول ذاك اليوم تولاتنا يقصد بها الرقبة وعادة يشير اهل السودان للروح وكأنها في العنق وتطلق كلمة تولا على الرقبة جمع بين الرقبة والروح يقال : الزول دا بقى لي في تولا او تولاتي ) عندما ينشبك فيك الزول وما يتحل من رقبتك وأصبح بيتنا لي تولاتنا كفارة طهارة وزكاة والزكاة هي تطهير الشئ من كل دنس زكاة المال : تطهيره
Post: #99 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 09:12 PM Parent: #98
Quote: وشن بتقولي في القلبلي المِدمع فوق عشم عشمان
وهنا خطاب موجه إلى الجزيرة التي غرقت في مياه الأمطار والسيول وزاد الطين بلة فيضان من النيلين ابيض هادئ يختال في مشيته وأزرق هديره يسبق جريانه العنيف ( الأزرق العاتي ) وقد يكون الكلام موجه تساؤل المهجوم من هول الفاجعة بينه وبين نفسه شن بتقولي في القبلي المدمع الدمع مطر نازل وابل والقبلي هو البرق القبلي الذي يبدأ من ناحية الشرق في البلاد وزي ما بقولوا أهلنا القلبلي ما بجلي ومطره لا محال نازلة القلبي برق ونحن متعشمين ونحن العاشمين نترجا فرج ليوم بكرة العشم هو انتظار ومنى شئ يتحقق ومن العاشم هو حمدان والعشم فرج يسد رمق حياة قاسية يجابهها هو والأسرة فقر وستر
Quote: خِلاف دمع العشم مو نوح دمع العشم مو نوح
والقلبي برق فوق عشم عشمان المتعشم الله كقيله ورازقه .. يا من يرزق الطير تغدوا خماص وتعود بطانة ودمع المتعشم ما بكاء ونوح لا حاشا وكلا ليس نوح المتعشم بكاء ودميع الرُجال غلاب
Quote: وشن بتقولي في الصباحّي الضحوية والضهراوي الطوفان
وشن قولك في البرق الصباحي والبروق الضهراوية وبروق المطر الذي صار طوفان والطوفان عندما تغمر المياه كل البسيطة ولا يبقى من اليابسة شبرا وإلا وطئته ماء سحاب أو ماء سال سيلا او ماء تدفق من مجاري الضفاف للأبيض والأزرق
Quote: وشن بتقولي في الجيعان وفي العريان وفي الصرمان وفي الخاتّي الدرب ضهبان
وشن القول في الجيعان وما فتح وفكَّ الريق وفقد كل ما عمّر يراه يزول أمام عينيه وشن قولك في العريان .. والصرمان وفي الخاتي الدرب ضهبان الخاتي الدرب : الذي فارق الدرب وسلك درب أخر قد يكون ضلالا ضهبان اي ضائع ولا يعرف أين الخير وأين الشر
Post: #100 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 09:33 PM Parent: #99
Quote: سدرك أمان حِجرك لي جناكي ضمان وباقية علي المدائن في المَحل مونة وقدح ضِيفان باقية علي الجناين دُوح ولوو غيرك بجابد في العَنا الطوفان مو غيرك سفينة نوح
وسدرك أمان صدرك أمان لبنوك يا الجزيرة وحجرك لي جناكي ضمان والحجر هو فوق الاواركين للمرة اي المكان الذي تضع فيه الأم ابنها ( على ارجلها وهي جالسة تضمه بميل لصدرها ) وخاصة عندما ترضعه وباقية علي المدائن في المَحل مونة وقدح ضِيفان
وكنتي يا الجزيرة لكل مدن السودان ايام المحل والجفاف مونة المؤنة هي الزاد وكنتي قدح الطعام للضيفان
Quote: باقية علي الجناين دُوح ولوو غيرك بجابد في العَنا الطوفان
وكنتي يا الجزيرة للجناين دوح والدُوح جمع دوحة وهي الشجرة المثمرة الظليلة ومافي غيرك من يكابد التعب وقت الطوفان ووقت الضيق ويكون السند والعضد لكل بقاع البلاد أنت من ( يا الجزيرة ) من يجابه العناء والتعب وقت الضيق والجفاف والمحل لتكوني القدح المعلى لعون أهل السودان في كل شبر من ارضه الطيبة .ز التي جارت عليها يد الإنقاذين بيع واستيلاء دون وجه حق ( سرقوك يا ارض بلادي )
Post: #101 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 10:05 PM Parent: #100
Quote: وما خابت عليك مسرتنا نترجاك بي الدلوكا نترجاكي بالسلوكا نتراكي بالدوباي
وسوف نسر بالك ونرضي أملك يا أيتها الأرض المعطاء ( الجزيرة ) وابداً ما حا نخيب أملك فينا نحن بنوك هذا ( حديث وكلام حمدان يخاطب الأم الرؤوم الجزيرة أم دوح ) وسوف ننتظرك يا ارضنا بالدلوكا والغنا والنم شعرا ونترجاك بالسلوكة نعمر اراضيك الزراعية تربتنا الناضرة نترجاك بالدوباي شعرا ونما
Quote: وبالدوباي تقوم يا بيتنا بيت الطين حنة يوم لتيبة يوم شراية يوم ولبانيتاً تخدر في مسورنا الجاي ولبنايتاً تخدر في مسورنا الجاي
وبالنم والدوباي والعمل سوف نبنيك يا بيتنا من تاني وتقوم يا بيتنا بيت زينة من طين درجة درجة كما مراحل نمو الذرة لتيبة شراية ثم لبنة تخدر في سريتنا في السنة القادمة حبة ذرة عندما نسقفك بسقف يليق بك
Post: #102 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-09-2013, 11:08 PM Parent: #101
كـــلام الرتينة بت سالم ولد عِتمان في حنة علي الشاشوق
Post: #103 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 06:26 AM Parent: #102
ولحين ميسرة
Post: #104 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 07:47 PM Parent: #103
كـــلام الرتينة بت سالم ولد عِتمان في حنة علي الشاشوق
بنية بنية ... لي سالم ولد عِتمان وسموها الرتنـــة أمها بت علي الخمجان خريف الرازة .. عِزيـــنة ... كُبار الحِلة أباتا وبُكار الحِلة أماتا وبتبرق زيـــنة تمرق زينــة تمشي تهاتي وزينة بلا الربعة التحجّل شاكية من شبكة كِتافا وفوق الجِيد علي ضهر البواد تغني ما خاتية الزرافة كلاما حنين بِسيمة الودعة .. إلا تزيد لطافا ملامها رصين مقدم زُوكها قُبال الحصافة سلاما ضنين سلاما يطمن الهمباتي والمجلوبة متعارض كِتافا وقارية وكاتبا تحمد سيدها ماخدا علي البنيات الشرافة كذا البريبة تبردعيني لا تغشاها لا أحضر نشافا
وكان في الحلة يوم حنة علي الشاشوق مشينا نقدم البنوت علي ضو الرتاين عيونهن هارجا تنبح في الفجر والليل قريب واقف يعاين خِدودهن واجا زي جهر الكهارب الفي المداين وكان الليل كان الليل من الحفلة إلا صداها... كان زُغرودة كان غناي .. رقيص الشامة بت حمدين وعرضة حامد العولاق وخت الحِنة لي يات من حضور ضُفرين ونمات العديل والزين وشنق ودسعد طاقيتو شان في الحلة ساو كِنتين شكلة عامر المسكين وعيط ود مجمر زين شان الزينة رقصت زين وفي الشعقيبة كان بازمالو شبالين
سهرة وين بهرة وين وسكرة وين أقول ... آبنية ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لِحق الغزالة وقفت ... وإنبهط رماشّا جدعت بي البسم رشاشّا يا المهجوم .. يا المهجوم إهجمك الله كان داير تسيلّي الخُلعة قالت ... والعيون ضحاكّا في ضو الرتين بشاشّا عاد من حيني جاتني الحالة قتلها .. لا .. لا وحات النِعمة آبنية البريد ... في الريدا ما بخبر فسالّا حدرت باسمة ... قتلّا ... عايني تسلم عينك إلا حقيقة مو ساهل كُتالّا حلفت ناضرا حالفابو الصباح الباش بلون في المشارق والنسايم الجايّا من تالانا تالّا بريد ريدك سماح أهلي وريد ريدك كِفاح أهلي وأريد مهواك اريد إنسانك الجواك أريدك والله زي أخر الحِتالة قُتلا أقيفي .. داير أرميلّي مرباعين وتبقى حمالتي عند سيد الحمالة وقفت وإنبهط رماشّا يا الممسوخ يا المسخوت حِدانا العين بعدما تسدر الضحوية خُت الفأس علي كتفك بوّبح غادي بوّبح غادي نم فوق البعجبك زيــــن... قُتلّا زين وداك الحين بشوفك يا الرتينة مع الشمش بتلالي مِناك لي السحاب الكَابي فوق حِلتنا كان سابل ضُلالة وأشوفك في عُوينات الصَبيّن العُشق لصف ضياهم والنهار وصف خُطاهم والصبر زارعينو فوق ضهر البيادر فوق كتافين السّقالة وبريدك وريديدك كفاحي أهلي وبريد ريدك سماح أهلي واريد مهواك اريد إنسانك الجواك وأريدك والله زي أخر الحتالة وأدوبيلك وأدوبيلك وأشيلك غنوة للسمحات وأنمك في تراتيلي وكُل ما العتمة تنزل سابلة أنسى عناي إتاوق لي قناديلك وأشد حيلي وأدوبيلك إذا مغناي يبرد في الحشا صبرك ويرجع لي تهاليلك بدوبيلك .. وبدوبيلك ولو الشوق عرف بكاكي أطري غُناي عليكي العزة آ المريودة دوبيلّي عليكي العزة آ المريودة دوبيلّي
Post: #105 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 07:48 PM Parent: #103
كـــلام الرتينة بت سالم ولد عِتمان في حنة علي الشاشوق
بنية بنية ... لي سالم ولد عِتمان وسموها الرتنـــة أمها بت علي الخمجان خريف الرازة .. عِزيـــنة ... كُبار الحِلة أباتا وبُكار الحِلة أماتا وبتبرق زيـــنة تمرق زينــة تمشي تهاتي وزينة بلا الربعة التحجّل شاكية من شبكة كِتافا وفوق الجِيد علي ضهر البواد تغني ما خاتية الزرافة كلاما حنين بِسيمة الودعة .. إلا تزيد لطافا ملامها رصين مقدم زُوكها قُبال الحصافة سلاما ضنين سلاما يطمن الهمباتي والمجلوبة متعارض كِتافا وقارية وكاتبا تحمد سيدها ماخدا علي البنيات الشرافة كذا البريبة تبردعيني لا تغشاها لا أحضر نشافا
وكان في الحلة يوم حنة علي الشاشوق مشينا نقدم البنوت علي ضو الرتاين عيونهن هارجا تنبح في الفجر والليل قريب واقف يعاين خِدودهن واجا زي جهر الكهارب الفي المداين وكان الليل كان الليل من الحفلة إلا صداها... كان زُغرودة كان غناي .. رقيص الشامة بت حمدين وعرضة حامد العولاق وخت الحِنة لي يات من حضور ضُفرين ونمات العديل والزين وشنق ودسعد طاقيتو شان في الحلة ساو كِنتين شكلة عامر المسكين وعيط ود مجمر زين شان الزينة رقصت زين وفي الشعقيبة كان بازمالو شبالين
سهرة وين بهرة وين وسكرة وين أقول ... آبنية ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لِحق الغزالة وقفت ... وإنبهط رماشّا جدعت بي البسم رشاشّا يا المهجوم .. يا المهجوم إهجمك الله كان داير تسيلّي الخُلعة قالت ... والعيون ضحاكّا في ضو الرتين بشاشّا عاد من حيني جاتني الحالة قتلها .. لا .. لا وحات النِعمة آبنية البريد ... في الريدا ما بخبر فسالّا حدرت باسمة ... قتلّا ... عايني تسلم عينك إلا حقيقة مو ساهل كُتالّا حلفت ناضرا حالفابو الصباح الباش بلون في المشارق والنسايم الجايّا من تالانا تالّا أبقى حِداك آ المريود وأقول لي أهلنا ناس قِدام وفي ها الحالة مو شينة القوالا وسائل القمرة في شأنك واقولها هيلا يا القمرة وتاني وهيلا يا القمرة دحين ساكن رويشات القليب في الحلة مو رشّا المقالا
قُتلا أقيفي .. داير أرميلّي مرباعين وتبقى حمالتي عند سيد الحمالة وقفت وإنبهط رماشّا يا الممسوخ يا المسخوت حِدانا العين بعدما تسدر الضحوية خُت الفأس علي كتفك بوّبح غادي بوّبح غادي نم فوق البعجبك زيــــن... قُتلّا زين وداك الحين بشوفك يا الرتينة مع الشمش بتلالي مِناك لي السحاب الكَابي فوق حِلتنا كان سابل ضُلالة وأشوفك في عُوينات الصَبيّن العُشق لصف ضياهم والنهار وصف خُطاهم والصبر زارعينو فوق ضهر البيادر فوق كتافين السّقالة وبريدك وريديدك كفاحي أهلي وبريد ريدك سماح أهلي واريد مهواك اريد إنسانك الجواك وأريدك والله زي أخر الحتالة وأدوبيلك وأدوبيلك وأشيلك غنوة للسمحات وأنمك في تراتيلي وكُل ما العتمة تنزل سابلة أنسى عناي إتاوق لي قناديلك وأشد حيلي وأدوبيلك إذا مغناي يبرد في الحشا صبرك ويرجع لي تهاليلك بدوبيلك .. وبدوبيلك ولو الشوق عرف بكاكي أطري غُناي عليكي العزة آ المريودة دوبيلّي عليكي العزة آ المريودة دوبيلّي
Post: #106 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 08:36 PM Parent: #105
Quote: كـــلام الرتينة بت سالم ولد عِتمان في حنة علي الشاشوق
وكما قلنا سابقاً أن هناك اشياء كثيرة تميز القدال عن غيره من الشعراء العمق في موروث المفردة وحتى المفردة متنوعة ( مفردة الوسط .. والشمال .. والبادية .. ومفردة الغرب ) الحس العالي في اختيار المواضيع ليطرحها شعرا منظوم الأسهاب مع الأتقان لتسلسل الموضوع الذي يتحدث فيه التنوع المبادئ التي لا تتغير مهما جار الزمان والثبات على تلك المبادئ ( من يوم قام وشبَّ درفون ) الإنسانية العالية شخصاً وموضوعا اختيار الشخوص واسمائهم ذات الاجراس التي تطرب أذن المستمع و فلو مثلاً نظرنا لعنوان قصيدته هذه نجد العجب العجاب من أسماء ذات جرس يطرب الأذن الصاغية
الرتينة أسم البنت التي نظمت فوقها القصيدة بت سالم ولد عِتمان ( عثمان ) في حنة علي الشاشوق
Post: #107 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 08:50 PM Parent: #106
والقصيدة تعبير عن الحب العفيف الصادق في تلك المناطق كلام الرتينة بت سالم ولد عِتمان يوم حنة علي الشاشوق ومن الحبيب ود مجمر وكانت الرتينة زينة الحفل يومها ورقصت زين ولا ادري اتدرج هذه القصيدة من ضمن الشعر القصصي لكنها قصة جميلة عن حب عفيف طاهر بين بنت وولد صورها لنا القدال في براعة وجمال وضمن ذلك كيف الحياة العفة عند الناس في كل شئ وأولها الحب الحب شئ عظيم وجميل لكن للأسف معظمنا لايدري معناه والكل يعتبر الحب ان يكون غاية لزواج ومالو ان ينتهي بالزواج لكن الغلط أن نبحث عن الحبيب من أجل الزواج وهنا يكون الفشل مالو لو حبينا وسمحنا لقولونا ان تختار الحبيب وبعدها ان يكون الامر ( الزواج ) والله هنا تكون السعادة وحديث الرتينة مع ود مجمر
Post: #108 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-10-2013, 09:20 PM Parent: #107
بنية بنية ... لي سالم ولد عِتمان وسموها الرتنـــة
وكانت البداية يعرفنا القدال من هي الرتينة انها بنت سالم ولد عِتمان واختير لها يوم ميلادها اسم الرتينة وقدر الله أنها صارت رتينة الرتينة هي لمبة تستخدم للإضاءة وتعمل بالسبيرتو والجاز لها شاشة عندما تضئ يكون ضوءها قويواقوى من ضوء الفانوس ( بتاع الجاز ) وكانت تستخدم في القرى قبل دخول الكهرباء في الملمات فراح أو أتراح كانت وجرت العادة أن يستخدم الناس في بيوتهم لمبة الجاز الصغيرة ( الفانوس ) لانها اقتصادية ولا تصرف ويا سلاااام علي تلك الأيام نحن شفنا الرتينة في المقابر قبل ظهور الكشافات وقبل ان تصل الكهرباء إلى المقابر وفي حالة موت شخص في الليل كان عثمان ابراهيم عليه رحمة الله بجيب الرتاين ( في شندي ) نلاحظ أن الكثير من النساء لا اقول كلهم لكن الغالب من من صادفت تجد الاسم ( لو كان للأسم معنى ) ينطبق على الشكل الرتينة وكما اختار لها القدال الاسم كانت بنت جميلة في ضيها كضي الرتينة والرتينة كانت قديماً يستخدم اللفظ عن بيان جمال المراة قال شاعر حبيبي ضي اللمبة خلوني مِصنقر جنبا والله فوق ضُل البرندا
تحضرني قصة .. كان في مرتين اخوات ( القصة حقيقة ) واحدة منهن أسمعها العافية العافية هذه ربنا لم يحبيها شئ من الجمال المهم يوم اختها ماشا شافت في سيارة مكتوب عليها ( سمحة العافية ) ردت بصوت وسمعها من كانوا معها يومها والله يا اخوي ما شفتها ساكت ( سمحة
Post: #109 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-11-2013, 06:35 PM Parent: #108
Quote: بنية بنية ... لي سالم ولد عِتمان وسموها الرتنـــة أمها بت علي الخمجان خريف الرازة .. عِزيـــنة ... كُبار الحِلة أباتا وبُكار الحِلة أماتا
بنية سالم وليد عِتمان واسمها الرتينة ( تضوي ) وكيف لا تكون للجمال حايزة .. دي امها بت علي الخمجان ذات جمال وحسب ونسب علي الخمجان كان يطلق هذا الأسم على من هو في كرمه خمجان اي يسوي الكرم بزيادة فأمها بت علي الخمجان خريف الرازة : الرازة هي الرعود اي الخريف ذو الرعود ويعني خريف زين عزينة : اي بنت عز وبيت عز وفوق هذا وذاكَ فكبار الحلة أباتا وهنا يعني كبار اي له مكانة اجتماعية فوق ( كبيرة ) وبكار الحلة اماتا ( ويعني اباتا اخوالها واعمامها واجدادها ) اماتا ( خالاتها وعماتها وحبوباتها ) هنَّ بكار الحلة ومن هذا ذاك اراد الشاعر ان يعرفنا من هي الرتينة حسب ونسب ومكانة اجتماعية وجمال
Post: #110 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-11-2013, 07:00 PM Parent: #109
Quote: وبتبرق زيـــنة تمرق زينــة تمشي تهاتي وزينة بلا الربعة التحجّل شاكية من شبكة كِتافا
وهنا يصف لنا جمال الرتينة بت سالم ولد عِتمان كانت عندما تخرج من بيتها كأنها الحُلي يبرق ويتلاصف لمعاناً وزينة ( سمحة سماحة الشدة ) تمرق زينة وفي مشيتها كأنها الوزينة عوماً وعوم الوز مهاتا اي قميز الربعة هي البعير عمر اربعة سنوات عندما تكون مكتوفة الكتاف اي الحبل الذي ربطت به ارجلها كأنه الحجول (والحجل معروف يلبس في الارجل ) والبت جمال وحشمة وزينة اي سمحة ومشيتها تزيد الجمال جمال
Quote: وفوق الجِيد علي ضهر البوادي تغني ما خاتية الزرافة
وفوق الجيد علي ضهر البوادي
يعني ان جيدها فارع وقوامها فارع كأنها الزرافة طولا وليس الجيدكجيد الزرافة شبهها فقط بالزرافة في الطول
Quote: كلاما حنين بِسيمة الودعة .. إلا تزيد لطافا ملامها رصين مقدم زُوكها قُبال الحصافة
في حديثها غُنة وحنين وبسمها اي فمها صغير كأنه الودعة وبل اجمل ويزيد لطافة وجمال من الودعة وعندما تلوم ..حتى طريقة ملامها فيه الرصانة والرزانة والحكمة ودائما تجد في حديثها جمال الذوق وحصيفة ويأتيك جمال ذوقها قبل ان الحكمة في حديثها
سلامها حلو طعمه وكلام يعطيك الامان والسلام وحتى وأن ألقته على همبتاتي ( مهاجري ) إطمئن قلبه لها وهذا ضرب المستحيل اي حتى الهمباتي يطمئن لحديثها وسلامها ومن السلام سلام ومع كل هذا الجمال فهي متعلمة وقارية وكاتبة وكانت البرنجية بربعها من البنات وماخدا الشرافة والتقدم عليهنَّ وتحمد الله سيدها على كل هذا المنح الربانية التي حباها بها المولى جمال .. علم .. حسب ونسب .. حكمة .. وذوق هذا الكمال والكمال لله
Quote: كذا البريبة تبردعيني لا تغشاها لا أحضر نشافا
البريبة زهرة نبات جميلة اي تشبه البرويبة في حسنها وتبرد عيني لا يغشها شر ولا هم ولا احضر نشافا اي زبولها
Post: #111 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-12-2013, 06:54 PM Parent: #110
Quote: وكان في الحلة يوم حنة علي الشاشوق مشينا نقدم البنوت علي ضو الرتاين
وفي يوم كان في الحلة تلك الحفل ( عُرس ) يوم حنة علي الشاشوق وفي عادة أهل القرى .. من صباحاً بدري يوم العرس بكون الضبايح ( وعادة ثيران عجول .. ومع بعض الخراف .. وبعدها يتلمن نساء الحلة من جم لخدمة طعام العشاء كان .. وفي اليوم داك بتكون كل الحلة معسكرة من الصباح في بيت العرس فطور .. غداء .. والعزومة أصلاً عشاء .. وشي شائ وشي قهوة وفي المساء بتكون العزومة الاصلية وبجو الضيوف من الأحياء الكجاورة للحلة تلبية الدعوة عشاء وبعد العشاء بجهز ولاد الحي مكان الحفل ويم حنة علي الشاشوق مشينا نقدم البنوت ... قبل بدء الحفل يكون هناك شوية خجل وحياء من البنات وعادة ينبري بعض من الأولاد بتقديم لمكان الحفل الذي عادة يكون في أكبر ساحة جنب بيت العرس مشينا نقدم البنوت علي ضو الرتاين .. وهو الضوء والإضاءة التي تستخدم في القرى للحفلات وتكون الرتاين موضوعة في وسط الدارة التي مجهزة اساساً لرقص البنات وعرضة الأولاد الرجال في ناحية والبنوت في ناحية أوعك من إختلاط وطاولات الصالات أم عشا ممحوق دي الناس بتكون شبعانة تب ضلع وكل واحد وواحدة واقف تمبلة كان هبشتو في بطنو يرجع التحلية لانها بتكون فوق اخر شئ دخلها
وكانت عيون البنات هارجا الهرج هو الحكي بصوت عالي وهنا أستخدم المفردة القدال يعني بها ان عيون الصبية ( البنات ) كانت تنبح لتزيح ظلام ذاك الليل وكأنها الفجر يطرد الليل ليحل مكانه تشبيه فيهمن الضمنية عمق كبير العيون كالفجر تريد تطرد ظلام الليل والليل واقف ينظر تلك العيون تطرد ظلامه ولا يحرك ساكن مع ذاك الجمال للعيون خدودهن واجا واجا اي مبهرجة تضئ في تلك الضلمة كأنها كهارب المدينة في الليل تراها من بعد
Quote: وكان الليل كان الليل من الحفلة إلا صداها...
وكان في تلك الليلة مافي شئ في الحلة ذو أهمية تذكر غير العرس وذاك الحفل وصداها يخناق أجواء الحي
Post: #112 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-12-2013, 07:17 PM Parent: #111
Quote: كان زُغرودة كان غناي .. رقيص الشامة بت حمدين وعرضة حامد العولاق وخت الحِنة لي يات من حضور ضُفرين ونمات العديل والزين وشنق ودسعد طاقيتو شان في الحلة ساو كِنتين شكلة عامر المسكين وعيط ود مجمر زين شان الزينة رقصت زين وفي الشعقيبة كان بازمالو شبالين
وهنا يصف لنا الحفل وبعض الحضور في حفل حنة علي الشاشوق كان صوت الزغاريد تشق عنان السماء بهجة وفال للعريس المحصن بعضم الحوت وعقد جلاد أحمر وهلال زي هلال رمضان يزين رأسه تعلوه الضريرة ( عادة ) والحريرة في الإيد اليمين يهز ويبشر هاش باشي مبسوط ( ما ساير لي بت القبائل ) صوت الزغاريد يعانق صوت المطرب ( الغناي ) وهوشة الشباب في الحفل مع صورة الحسان يرقصنَّ يودن الطوق جاي وجاي الكتفين تلاحم الكفل يحاكينَّ رقص الحمامة زهو وحركة ويومها رقصة الشامة بت حمدين ..واكيد الشامة بت حمدين هي مرأة في وسط العمر متزوجة ولها من البنين والبنات حظا .. وكانت جميلة أكيد تلك الشامة بت حمدين وتجيد الرقص لذا بدأت الحفل رقيص تبعث به الجرءة في نفوس البنات وعرضة حامد العولاق في كل مكان وفي كل حي يكون هناك شخصية كما شخصية حامد العولاق ( زول برفع الكلفة ولا يستحي وفوق هذا وذاك يكون في شئ من تخلف عقلي ) وحنة كل الحضور لو ما كل اليد أو اليدين يحنن ضفر اي أصبع او أصبعين مجاملة للعريس ونمات العديل والزين العديل والزين أنا منايا لي فالاً حسن علي الشاشوق مرق وشدو لي العديل والزين تقال وتنشد وقت الحنة ( للعريس )
وشنق ود سعد طاقيتو شان في الحلة ساوو كِنتين
وهذا دلالة علي الفنجرية وسيد الدكان في القرى له وضع أجتماعي مرموق ( وما بكون مدين من زول ههههههههه ) ود سعد قاعد في الحفل مشنق طاقيتو وقاعد في الصف الامامي وفوق عديلو عندو دكان قدر الضربة في الحلة ويومها حصلت شكلة بين عامر المسكين لكن اظنو كان خاتيلو شي في راسو ( خمر ) وشكلة عامر المسكين وعيط ود مجمر زين وبكى ود مجمر وكان سبب بكائه ( وعيط زين اي بكى كثير ) لانو الزينة رقصت زين ( اي رقصت بطريقة زينة وحلوة ) وزين هناك جناس تام تشابه الحروف والاختلاف في المعنى الأولى معناها : زين : كثير والثانية : زين :حلو وسمح وفي الشعقيبة اي في دائرة الحفل ( الساحة وسط الحفل ) كان نصيبه شبال مرتين من الزينة ( الرتينة )
Post: #113 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-13-2013, 09:20 PM Parent: #112
Quote: سهرة وين بهرة وين وجهرة وين
وسهرة وين ( كانت جنس سهرة لا شبيه لها ) وبهرة وين البهرة هي هي بهارج الزينة في الحفل
Quote: أقول ... آبنية ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لِحق الغزالة
وهنا القول على لسان ود مجمر العاشق للرتينة آبنية ليش ما بتهمي وتشتاقي لي زول مشلهت مشلهت اي مشحتفا روحو وراك وبحبك وبحن إليك وبشتاق إليك لاقادر يصل لك ولا قادر يموت بشوقك وشبه حاله بشخص ساكي غزالة في القنيص لا لحق الغزالة ولا قادر يجبد نفسو من التعب ( يلهث ) وهذا إستجداء للحبيبة عليها تحن ويرهف قلبها لحبيب ميت بشوقها وهي بين اترابها تايها في تيها وجمالها
Post: #114 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 12:46 PM Parent: #113
لحين ميسرة
Post: #115 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 06:37 PM Parent: #114
Quote: وقفت ... وإنبهط رماشّا جدعت بي البسم رشاشّا يا المهجوم .. يا المهجوم إهجمك الله كان داير تسيلّي الخُلعة قالت ... والعيون ضحاكّا في ضو الرتين بشاشّا
ونتابع الحوار الذي دار بين الحبيب الرتينة
بعدما قال ليها : آبنية ليش ماتهمي فوق زولاً مشلهت فوق دريبك لا النفس مجبود ولا لحق الغزالة
قال القدال يصور لنا ذلك الحوار الحنين بين الحبيبين وقال : وقفت ... وهذا دلالة على أنها تريد أن تقول شئ مهم وإنبهط رماشّا اي أسدلت من رموشها تحوي إليك انها تريد ان تقول ذاك القول المهم وجدعت بي البسم رشاشا ورشاشا هنا سها أعينها الجميلة يا المهجوم يهجمك الله كان سويت لي خُلعة بقولك هذا كيف أنا لأا أهم ليك كيف لا أحن إليك وقالت كل كلامها هذا وعيونه تعلوها البشاشة وكانت العيون تضحك وتضاحك من ينظر إليها من خلال ضوء الرتاين
Post: #116 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 06:44 PM Parent: #115
Quote: عاد من حيني جاتني الحالة قتلها .. لا .. لا وحات النِعمة آبنية البريد ... في الريدا ما بخبر فسالّا
وبعد أن قالت قولها السابق ( الرتينة ) وكان ساعة قولها يعيونها ضاكحة في ضو الرتاين بي بشاشة وجمال جاتني الحالة حالة الشوق والحنين لها وبشتاق ليها وهي معايا قتلها لا لا والف لا البريد في الريدة ما بخبر فسالا
الفسالة هي البخل البريد ابدا ما بكون بخيل يجود ولو بالنفس من أجل الحبيب ةهذا لو كان الحب صادق نبيل لكن خلي من يدعي الحب ولم يعرف الحُب لقلبه سبيلا من أول تجربة تجده وهنت قواه وإنفنس متراجع ولا يقدم للتضحية أبدا
والبريد في الريدة ما بخبر فسالا
Post: #117 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 07:06 PM Parent: #116
Quote: حدرت باسمة ... قتلّا ... عايني تسلم عينك إلا حقيقة مو ساهل كُتالّا
وبعدها جاء رد الرتينة للمحبوب والمرة دي حدرت باسمة الحدرة هي صرة الوشي لكن يا حلات صرة وشيها صرة وجه مع بسمة تعلو الشفاه وكان رد المحبوب عايني تسلم عينك إلا حقيقة مو ساهل كُتالا ياعيني واحدري يسلمو عيونك يا ست روحي لكن حقيقة الحق يقال تصرعني عيونك عندما ترميني بنظر ( بسمة ونظرة هم غيرو حال ) حقيقة لا يسهل القتال والصمود مع أسهم عيونك الرشاشة
Quote: حلفت ناضرا حالفابو الصباح الباش بلون في المشارق والنسايم الجايّا من تالانا تالّا أبقى حِداك آ المريود وأقول لي أهلنا ناس قِدام وفي ها الحالة مو شينة القوالا وسائل القمرة في شأنك واقولها هيلا يا القمرة وتاني وهيلا يا القمرة دحين ساكن رويشات القليب في الحلة مو شرا المقالا
حلفت ناضرا النضر هي كلمة ( نذر ) النذر يكون لله ان تنذر لو إنقضى لك أمر كذا أن تتصدق بكذا لوجه الله وحلفت ناذرا وأقسمت بالمشارق والصباح الباش باش اي ضاحك ومستبشر يلون المشارق اي مشرق الأرض .. والنسايم تهب من ناحيتنا ( من تالانا تالا ) ومن اجل هذا كان نذرها أبقى حِداك آ المريود اي أصمد واكافح من اجل حبي وحبك ( ومن أجل حبي لك ) وابقى حِداك اي ابقى جنبك دوام واقول لي أهلنا ناس قِدام وفي ها الحالة مو شينة القوالا اي احدث عن حبي وحبك ولا أستحي وانا بشوف اني ما بقول وانشر كلام يشين شخصي وحبي لك عفيف ( رايداك يا المريود ) وسائل القمرة في شأنك وكل ليلة مقمرة استلقي في لحافي أناشد واناجي القمر الأبيض لبناً هتف واقول يا القمرة أقلبي السنسنة الحمرا وشوفي الحبيب وين ما جا وتاني وهيلا يا القمرة أقلبي السنسنة الحمرا وشوفي الحبيب وين ؟ ما جا ويا القمرة دحين المريود الساكن في رويشات قليبي ما رشاشا المقال اي ما جا ويطلبني من أهل بيتي ما رشا المقال اي نشر الخبر أنو يريدني على سنة الله ورسوله وما أجمل هذا التعبير ساكن رويشات القليب وغائر ومتعمق في ريش القلب متخذ مسكنا وهذا الفن الأبداع كما قلت من قبل لا تجده إلا عند القدال في شعره
Post: #118 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 07:24 PM Parent: #117
Quote: قُتلا أقيفي .. داير أرميلّي مرباعين وتبقى حمالتي عند سيد الحمالة
وبعد كلام الرتينة الحلو شالت الهوشة المحبوب وقال لها : يا المحبوبة أقيفي داير ارميلّي مرباعين اي ابيات من الدوبيت ومعروفة الرباعية في الدوبيت اربعة ابيت اي اريد ان اقول لي وانم لي عدد اتنين من الدوبيت اي ثمانية ابيات
وبعد ما اقولها بسلم امري لله واوكل له حمالتي اي حملي وهو وكيلنا في كل أمرنا
Post: #119 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 07:42 PM Parent: #118
Quote: وقفت وإنبهط رماشّا يا الممسوخ يا المسخوت حِدانا العين بعدما تسدر الضحوية خُت الفأس علي كتفك بوّبح غادي بوّبح غادي نم فوق البعجبك زيــــن...
وهنا جاء رد الرتينة على قول المريود أنه هاش باش ويريد ان ينم بمرباعين من الدوبيت والشعر ونلاحظ هنا أن القدال يبدأ حديث الرتينة بحركة ( حضور مسرحي في طريقة حديثها ) وهو الذي قال لنا ( القدال منذ بداية القصيد يصف لنا الرتينة ) انها قارية وكاتبة تحمد سيدها ماخدا علي البِنيات الشرافة قال وقفت وإنبهط رماشا وقالت آالممسوخ .. حِدانا العين الممسوخ هنا لاتعني بها المعنى لكن جرت العادة في الحديث أن تصف حلو اللسان وتقول له يا ممسوخ وهي كلمة رقيقة في التعامل حِدانا العين أكفينا شر العين والحسد ( في علاقتنا هذه ) لو قلت شعر فيَّ سوف يشمع به الناس واحتمال نصاب في علاقتنا العفيفة هذه بالعين والحسد وكل جميل وجيد وجميل معيون وأنا ما معيون وما هنا ليست نافية بل تأكدية في عاميتنا السودانية يقال انا ما حلو اي انا حلو وهذه اكيد بكرة بعدما تسدر الخلا في الضحوية خُت الفأس علي كتفك ونم وقول البعجبك فوقي زين وزين هنا تعني : كويس وقالها زين وحاضر يا عيوني ونورها
Post: #120 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 08:04 PM Parent: #119
Quote: قُتلّا زين وداك الحين بشوفك يا الرتينة مع الشمش بتلالي مِناك لي السحاب الكَابي فوق حِلتنا كان سابل ضُلالة
قُتلا زين اي سمح وكما قلتي سوف انم واغني فيك بكرة لما أسدر الضحوية وفي تلك اللحظات بشوفك بخيالي يا الرتينة وانت تلالّي مع ضوء الشمس في تنافس مع الشم وكلاكما يبدي جمال يبهر الأخر جمالك وحسنك يصل للسحاب الذي دنى فوق سما حلتنا كابي متدلي وعامل ظلال وغيم عمَّ الحي
Quote: وأشوفك في عُوينات الصَبيّن العُشق لصف ضياهم والنهار وصف خُطاهم والصبر زارعينو فوق ضهر البيادر فوق كتافين السّقالة
وبشوفك في عيون الصبية وهم يحملون عشق عفيف لمحبوبة وباين عشقهم في ضياء وجوههم والنهار يصف لنا كل خطواتهم يهاتو جيئة وذهابا علَّ العين تقع على لمحة من المحبوبة والصبر زراعنو في البيادر وهذا ايام الحب الحب عفيف الواحد يكتفي بالحب فقط أن يشير للمحبوبة انه مغرم بها ايحاء القلوب العيون لها لغة مفهومة بين الطرفين وبعدها يلوك الصبر لحدي ما يهون الله في امره ويتزوج من أحب لله درك يا قدال على كل هذا الجمال الشعري الذي تنثره علينا ينزل على المشاعر ماءً رطب يرطب ما بنا من أشواق وحنين
[
Quote: B]وبريدك وريديدك كفاحي أهلي وبريد ريدك سماح أهلي واريد مهواك اريد إنسانك الجواك وأريدك والله زي أخر الحتالة
أنا اصلي بريدك يا الرتينة وريدك ريدي لي أهلي وكفاحهم في الحياة وبريد ريدك الزي سماحة وفضل أهلي اريد مهواك : اريد هواك ومهماكان به من شوق وحنين يسهد منامي واريد كل الإنسانية والحنان الذي تحمليه داخل قلبك الحنون وبريدك والله زي ريد الابوين لاخر العنقود من الأبناء ( الحتالة ) وهو عادة مريود في كل اسرة وأدوبيلك
Quote: وأدوبيلك وأشيلك غنوة للسمحات وأنمك في تراتيلي وكُل ما العتمة تنزل سابلة أنسى عناي إتاوق لي قناديلك وأشد حيلي وأدوبيلك
وأغني لك من الرباعيات دوبيت ,, واسمر بك أغنية حلوة حنية تردد في لسان الحسان من البنات وانك وأتغنى بك في تراتيلي وهنا لايعني ان يرتلها بل يلحنها اغنيته بصوت جميل كما فعل المرتل لكتاب الله ولك ما يصادفني عناء من تعب الحياة وينزل سابل اي متدلي على مشاعري حزن تانسى كل ذلك التعب واشد حيلي اي تقوّى وادوبي لك يا الرتينة
Quote: إذا مغناي يبرد في الحشا صبرك ويرجع لي تهاليلك بدوبيلك .. وبدوبيلك ولو الشوق عرف بكاكي أطري غُناي عليكي العزة آ المريودة دوبيلّي عليكي العزة آ المريودة دوبيلّي
ولو غناي يبرد حشاء مشاعرك وترجعي متهللة تلالي بغني لك عمري كله لو مرة اصابك الحزن بس اطري غناي فيك وحبي ليك يا المريودة وغني لي عليك عزة فيك غني لي يا المريودة
Post: #121 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 08:30 PM Parent: #120
الطمبارة
Post: #122 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 08:32 PM Parent: #121
الطمبار والغناي
Post: #123 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-14-2013, 09:06 PM Parent: #122
القدال الطمبار والغناي
نحن أهل الفرحة جِينا لا المدامع وقفتنا ولا الحِكايات الحزينة ولما كان الرايحا راحّت مافرحنا ... إلا بي الصِح ما بِكينا... لما درب الرايخا جابنا جابنا في هادي المدينة يــا ولدي الدروب شقاقا بحر التيه ... وليكا دروب ولا دربين ... مساك الدروب ضهاب وليكا قلوب ولا بالّين .. وسواي القلوب كضاب وليكا ضهور ولا سرجين ... وركاب السروج وقّاع شُق يا ولدي بحر التيه وتتودّر ... ولآمن يوم علي تاينا يوم ترسّى ... نرشك بي القبيل داخرنو ليك الشوق بحر .. بحر يا ولدي بحراً تيه قُتليك العليك أدرابّو ما تنغش ما ترضابّو ما تنغش عليكَّ الدور ... وتصريف الليالي بِدور تشيل ما شلنا من الهم لآمن دمعة ترمي الدمعة فوق دربك ... روّح يابا وأبقى قفاكا لا تعاين ولا تعاين علي موطاك ولا تندم علي خطواً تملي مشيتو لي قِدام وأبقى العاتي زي سنطتنا .. وزي صبراً نلوك فوقو مر وزي الزان... لا شيتن نزل في الجوف ولا برجع ولا بنزاد وأركز لي البجبها الريح تقيف إتا ويشيلها الريح وأبقى العاتي والدرب الوراك مسدود وشيل شيلتك بقيت لي النص ... لا حُلماً يجيب البر ولا حدّود ... إن بليتّا اختا الرملا ماتقع البكان الهش الممطورة ما بتبالي من الرش النعمة بتعرف عاطيها والجمرة بتحرق واطيها بي الكيلا عَطانا وما لقينا وفوق جمرة خُطانا ما لقينا ... ويوم الوعد يا حليوة الدنيا ما كانت فيك شِروق إلا الأرض مِتكشفّا ومتبلّما نعمنو من خير الخريف لفحالها شال .... من طرحا خَضرا وفرحة دوب تتشابّى لعين الشمش من بت حِليوة النفس بيضا كذا الحليب والروح مشحتفا في البلود الفيها رِيحتك ... ولي البعود من فزعة الغُربة البساسق فوكها مو راجع .... ولُو بي الحيل قريب الروح مشحتفا في الحبيب القلب بكر الدنيا ما شافت جديدو ولالا الحُزن دقالّو باب حليوة صاحية ... حليوة ضاحية كذا النسيم وحليوة ... جد جد يا ولد قول لي البلد قايل غناوي الحُزن ليش شايل مساديرك مجامر دمع ليش .. ليش يل بلد والناس تريد والدنيا لما تريد نزيد تملّى الإيدين تفرح تهيش لو صحي غنينا بي الدمعة الهميمة لو دموع الفرحة ما لاقت غُنانا بكرة نرجع تاني لي الكِلمة الرحيمة شان هنانّا وشان مُنانّا وشان عيون أطفالنا من ضوق الهزيمة شان عيون أطفالنا ما ضوق الهزيمة
Post: #124 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-15-2013, 01:09 PM Parent: #123
لحين ميسرة نواصل بإذن الله
Post: #125 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-15-2013, 05:21 PM Parent: #124
Quote: القدال الطمبار والغناي
في هذه القصيدة يتناول القدال موضوع مهم شديد الحالة التي طفرت على السطح ... الكل ملل ضباب البكرة المخبئ في المستقبل لحال البلد حالة تشفق العدو قبل الصديق على هذا البلد الماعندو وجيع وجع قديم مستديم .. ومنعكس وجع الحروب .. وجع الشعوب .. وجع القلوب .. وجع الشمال .. وجع الجنوب وجع الوجع .. كِضب الكِضِب وما في مفيد .. ونحن عارفين المستفيد ( الكتيابي ) ضباب في كل مكان .. وما كان إلا يهج الشباب من بلد طاردة ( سياسة ساستها .. عسكر وحرامية ) نخروا من خير البلد ولم تشبع بطونهم .. وعادة الحرامي خائف وهم نزعوا الخوف من قلوبهم ينهب وأحمص ارجله تدوس فوق رؤوسنا ونحن منطرحين في كبرياء لا حيلة لنا وتبقى الهجرة من بلد ظالم حاكمها حق ... هي الملجأ وكانت النجعة وكانت الوصية العظيمة من القدال لنا ولكل من هاجر ان تكون هجرته كبرياء ورأس مرفوع يرسم الطريق لهولاء ( ونحن بينهم ) ونحن أهل فرحة وأهل فضل ( أهل السودان ) وسوف نعود وندوس على ذاك المشروع الحضاري الذي نسف كل جميل في الديار ( البلد ) وحتى الفضيلة .., الشرف .. النخوة .. والكرم وكيف تكون كريم وبيتك أصبح معدم من حجر الملح رافعين ايادينا نتظر رحمة من السماء من الذي لا يغفل يارب يا رب يا رب يا رب
Post: #126 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-16-2013, 06:48 PM Parent: #125
Quote: نحن أهل الفرحة جِينا
وهذا هو حال أهل السودان الطيبين وأعني هنا حال أهل السودان قبل أن تطمس هويتهم الداخلية التي حوت كل الفضائل والخير ( قبل المشروع الحضاري الذي بدأ بحلول عام 1989 ) مجئ ثورة الطمس الغزر اهل السودان أهل فرحة يفرحهم الحال الزين .. الوضع الزين .. الحياة الزينة .. وكل زين وزين
Quote: لا المدامع وقفتنا ولا الحِكايات الحزينة ولما كان الرايحا راحّت
ومعروف عن أهلي الطيبين في السودان من أجل العيشة الكريمة يبذلون النفوس رخيصة وفداها تروح ارواحهم عيشة كريمة تفرح وأموت يريح ( قبل المشروع والطمس او قول الطمث إن شئت لان كلهما قذارة وتوجب الغسل )
المدافع لم تقف عائق لننال ما قصدنا (عيشة كريمة ) ولا الحكايات التي نسمع بها وتغم في القلب والنفس حزنا ولما كان الرايحة راحت الرايحةهي هويتنا معيشتنا الكريمة حريتنا حقوقنا وكل شئ جميل كان لنا منه نصيب كبير وسلب السلب السرقة ( رايحة ) وإن أختلف الأسلوب خفية أو علن وبالقوة والجبروت وقد استخدم في الاخير اساليب شتى إحالة للصالح العام زج في سجون الأمن ( وامن الدول هو أمن المواطن لكن عندنا تلويع وتخويف المواطن ) ولا أدري لما مصرين على الأسم لماذا لم يسموه أمن الكراسي وحكم قرقوش او : الأمن .. البقول أخ يتلخ وراحت هويتنا ونفوسنا الطيبة من يوم مجئهذه الشرزمة التي رفعت الدين شعار لكسب دنيوي واين تذهبون من الخالق في السماه عند السؤال نحن هينين ( نسجن ونعذب ونضطهد بقوة أمنكم الذي باع النفس دنئة لكسب مادي ) لكن الله كبير وقادرولكم يوم حساب
Quote: مافرحنا ... إلا بي الصِح ما بِكينا... لما درب الرايخا جابنا جابنا في هادي المدينة
لما ضاعت ( الرايحة نفوسنا الطيبة ) مافرحنا لكن برضو ما نبكي عليها حسرة وحزن ( طمست نفوسنا وان بقى فيها الخير كامن ) لكن لم نتركها فزعنا وراء الرايحة نبحث عن نفوسنا التي ضاعت ودرب البحث ساقنا لهذه المدينة التي وجدنا فيها شيخ طيب نصحنا وحملنا الامانة وصية حتى نعيد ما كنا عليه نفس طيبة
Post: #127 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-16-2013, 08:55 PM Parent: #126
Quote: يــا ولدي الدروب شقاقا بحر التيه ...
وكما قلنا القصيدة حسب فهمي لها وصية للوصول للهدف المنشود وفي معمعة هذا الوضع الراهن حكم العسكر وما بتشكر كلو درادر وبهدلة وإنحطاط لدرك اسفل الأسفل يا ولدي الدروب شقاقة بحر التيه دروب الوصول الدرب واحد والطريق واحد لكن كيف تعرف هذا الدرب الصحيح هذه هي المعضلة والبشق الدروب ز الشاقي التيه وقال بحر التيه ( هو السراب ) الذي يترائ لك أنه بحر وتجري ورى ولم تجده شئ فالدروب غشاشة وعشان تمشي في الدرب البوصل لابد من أن تسمع وصيتي
Quote: وليكا دروب ولا دربين ... مساك الدروب ضهاب
ودربك واحد ما دربين ومساك الدروب اي الزول الذي يتخبط يمسك هذا الدرب ويتركه ليمسك درباً اخر أكيد بضيع ضهيب ... اي دوام رايح البمسك دروب واحسن الدرب الواحد يا غرق يا جيت حازما وهنا نجد القدال يمتهن فنه الذي يهوى في الشعر فن التضمين ولابد ان اعترف هذا الشئ في الشعر كنت لا اعرفه واعتبره اقتباس لكن صحح لي هذه المعلومة العلامةالشاعر عبدالقادر الكتيابي وضمن هذا المثل المعروف مساك الدروب ضهاب وقال ليكَّ درب ولا دربين اي دربك واحد وبعدها ضمن البيت المثل وقلب في حروف في كلمة ضهاب الألف قلبها ياء فصارت ( ضهيب ) وبهذه الطريقة ( ضهيب ) مستخدمة برضو في العامية السودانية وقد يكون في مناطق الشاعر تستخدم بهذه الطريقة وفعلاً مساك الدروب ( اي الذي يتشبح هنا وهناك بضيع وما بصل للهدف المنشود
Quote: وليكا قلوب ولا بالّين .. وسواي القلوب كضاب
أهلنا بقولوا ( قلبك بحدثك ) وهذا الشئ لم يأتي من فراغ كان القدماء امرهم كله شرعي إذا اقدم لاي شئ او هم بفعل اي شئ استخار في ذاك الامر وكانت الإستخارة هي التي تنظم حياتهم وما ارده الله كان يقع وهذا ما جعلهم موفقين في كل أمورهم وما خاب من استخار في امره الله عز وجل لذا يقولون القلب بحدث ( وهو شعور بالراحة أو عدمها بعد الاستخارة ) لذا اقدم بعد استخارته لفعل الشئ الذي استخار فيه لو شعر بالراحة له واقلع عنه لو ما رتاح له قلبه وليك قلب ولا بالين وسواي القلوب كضاب القلب واحد وحديثه واحد والذي يتبع الامر الذي مخالف ما حدثه به قلبه ( كضاب ) وكأنه اخترع قلب وصقه اي سوى لي قلب وشعور من عنده لان القلب الأصلي ماقال ما فعله (زي الصنع لي قلب وهنا يجي الكضب )
Quote: وليكا ضهور ولا سرجين ... وركاب السروج وقّاع
وقدامك سروج على ضهور كثيرة اختار ما السرج على الظهر البوصل للهدف ليكا ضهور ولا سرجين البركب فوق سرجين بقع ونلاحظ شئ مهم جداً ان الشاعر القدال دائما لا يعطي اللقمة جاهزة عطية للمستمع إنسان ذكي ويحب ان يكون الكل أذكياء يتسمون بالفطنة وذكائه مكتسب من البئة التي عاش فيها وهو فعلاً لو تعاملت او تحدثت إليه تجد هذه الفطنة حتى في حديثه العادي فطنة اهل البادية والريف يقول ليكا ضهور ولا سرجين اي امام ظهور كثير ولم يقل ولا سروج ( جمع كما جاء في الظهور جمع ظهر ) بل قال سرجين حتى يضمن المثل الثاني بما جاء فيه والمثل : ركاب السروج وقاع وركاب سرجين وقاع وقد اشتهر المثل بالطريقة الثانية ( ركاب سرجين وقاع ) بهذا ضمن المثل بالطرقتين وانا نفسي سمعت هذا المثل بالطريقتين ركاب السروج وقيع وركاب سرجين وقال ركاب السروج وقاع وكل المقصد يريد ان يقول له اختر طريقك بطريقة صحيحة لتصل
Post: #128 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-17-2013, 09:16 PM Parent: #127
لحين ميسرة
Post: #129 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-18-2013, 09:27 PM Parent: #128
Quote: شُق يا ولدي بحر التيه بتدردر ... وتتودّر ...
يا ولدي شق ربك واختر الدرب الصحيح الدروب بحور تيه سراب غشاش وما تنغش يا ولدي واكيد في دربك هذا سوف تعاني وتشقى وتضيع لك بتصل يا جيتنا راجع
Post: #130 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: الفاتح ميرغني Date: 03-19-2013, 06:21 AM Parent: #129
جميلٌ ما سألناه.
محبتي.
Post: #131 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-19-2013, 03:34 PM Parent: #130
Quote: جميلٌ ما سألناه.
محبتي.
ولكنَّ هويناهُ سُكارى عند رؤيته حيارة عند ذِكراهُ
مشكور شديد يا فاتح على المرور ولك مني كل المودة والمحبة والوئام
Post: #132 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: يسرى معتصم Date: 03-19-2013, 04:19 PM Parent: #131
Post: #133 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-19-2013, 06:21 PM
أخي يسري الف تشكرات جزيلات وسمحات والصحة والعافية لهذا المبدع البديع فنا وخليك قريب
مودتي
Post: #134 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-19-2013, 06:58 PM Parent: #133
Quote: ولآمن يوم علي تاينا يوم ترسّى ... نرشك بي القبيل داخرنو ليك
التاية : هي مكان يكون قرب حوش الرجال وفيها يستقبل الضيوف وعند اهل الغرب تسمى الضَرّى وفي بعض المناطق تسمى الخلوة وقد ذكرها الشاعر الحاردلو في قصيدته تقولي منو وتقولي شنو ؟ نحن التاية والأنداية الأنداية هي مكان الخمور البلدية بمناسبة الانداية والكمبو هي ثقافة يجب ان يؤرخ لها
وبادره القول بعد ان قال شق دربك واختر الدرب الصاح وهنا كان المتوقع عودته في يوم فقال له لامن يوم علي تايتنا يوم ترسى نرشك بالقبيل داخرنو ليك الدخري بكون ليوم الحاجة فعلاً
Quote: [green]الشوق بحر .. بحر يا ولدي بحراً تيه قُتليك العليك أدرابّو ما تنغش ما ترضابّو ما تنغش عليكَّ الدور ...
الشوق بحر وهذا هو شوقنا ليك بحر ويا ولدي الدروب بحر التيه ما تنغش في الدروب دايما سوي النجيضة ما تنغش وماترضى بالقليلة ما تنغش الدور بجي عليك وقد تمتحن في حياتك فأصمد على المبدئ والمقصد
Post: #135 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-19-2013, 08:05 PM Parent: #134
Post: #136 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-19-2013, 08:32 PM Parent: #135
[
Quote: B]عليكَّ الدور ... وتصريف الليالي بِدور
يا ولد جاء عليك الدور وتصريف اليالي بدور ولابد من يوم لك يا ولد وتصاريف الأيام تشقي وتسعد وحكم العسكر ما بتشكر وانتم جئتم في عهد العسكر يا ولدي
Quote: تشيل ما شلنا من الهم
قبلكم حملنا هذا الهم لكن الصمود على المبدئ وتمسك في الدرب العديل هو يكون هدفك يا ولدي
Quote: لآمن دمعة ترمي الدمعة فوق دربك ...
وسوف تتثاقل على كتفك الهموم والمشاكل والمحن وسوف يدمع فؤادك دم من الغبينة في هذا البلد المغلوب على امره ( وهو في يد ساسة لا يرحموا الرضيع ) ديل يختفوا اللقمة إن حفّت من جنحين الملك إن رفّت وسيدا يموت بي الفاق ديل القرش ان فاتهم لي البستاهلو يندمو ليه ما جاهم
Quote: روّح يابا وأبقى قفاكا لا تعاين ولا تعاين علي موطاك ولا تندم علي خطواً تملي مشيتو لي قِدام
روَّح يابا وتقال كلمة يابا للأبن تعال يابا روح يابا وخاصة من الام الجدة الاب والجد العم والخال والعمة والخالة ومهما كثرت عليك الهموم والغبينة والحزن يا ولدي روّح في طريقك اي سير في طريقك الذي رسمته لحياتك وابقى قفاك لا تعاين اي سر ولا تتراجع وما تعاين في الماضي الذي احزنك ولا تعاين في حاضرك المر ولا تندم في طريق رسمته لحياتك وامضي وواصل في نفس الطريق وابقى عشرة علي مبدئك مدام في لايخالف شرعك وعرفك وسر ودرب الوصول بيد الله وابقى قفاك لا تعاين ( ماضيك ) ولا تعاين علي موطاك وموطاك هو حاضرك والمستقبل بيد الله يا ولدي
Post: #137 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-20-2013, 08:23 PM Parent: #136
Quote: وأبقى العاتي زي سنطتنا ..
وأبقى العاتي ... العاتي هو الضخم الصامد قد شبه الجمل بالعاتي لكبر سعة صبره على العطش والصبر في السير دون جهد ومعناة وابقى العاتي الضخم الصامد زي سنطتنا السنطة هي نوع من الأشجار ( شجر السنط ) ومعروفة بقوة تحملها لكل ظروف المناخوالطبيعة صامد على طول الزمن نستظل بظلها تأكل البهائم من ثمرها ينتفع بعودها ( مرق السنط ) من أقوى انواع الخشب يستخدم في البيوت الجالوص ويستخدم في عمل الرواكيب ( جمع راكوبة ) وغيرها
Quote: وزي صبراً نلوك فوقو مر وزي الزان... لا شيتن نزل في الجوف ولا برجع ولا بنزاد
وأبقى قوي زي الصبر .. صبرنا نحن أهلك بني السودان صبرنا كتير على الألآم وطوينا الحزن المر من ثورة قاهرة لحكم مدني فاسد ومن هنا إلى هناك ونحن المكويين بنار ساسة البلد وفسادهم ابقى يا ولدي قوي زي صبرنا المر نلوكه وابقى كذلك في قوة خشب الزان ( الزان نوع من الأخشاب مر طعمه ) شبه الصبر المر بطعم لوح الزان نلوك لكن ما بنزل في الجوفن شدة المرارة ... ولا برجع ( نتفله ) ولا نستطيع اننزيدمنه لكي نأكله ( مزيد )
Quote: وأركز لي البجبها الريح تقيف إتا ويشيلها الريح
اركز : اي أثبت للبلاء والمحن اركز لبجبها الريح .. اي اركز وأثبت لكل محن الحياة التي تحملها لك الأيام وقال الريح كأن الريح تجيب المحن والمصائب لكنه اراد القدر المقدر .. وحمله لواحدة من خلق الله تعالى الكبرى وهي الرياح أثبت لي البجبها الريح ومادام ثبت على المبدئ تأكد انك انت البتقيف وكل المحن التي حملت تذهب مع الريح وانت ثابت صامد
Post: #138 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: Muna Khugali Date: 03-20-2013, 09:30 PM Parent: #137
القدال يا خالد فعلا من وادي عبقر.. ليتك كنت معنا ذلك المساء المزين بقصائده وكيف كانت تتفاعل وتتجاوب معه الجماهير العريضة.. حب حقيقي وعظيم ..
ربنا يطول في عمره ويحفظه مع رفاقه للوطن..
Post: #139 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-21-2013, 06:19 PM Parent: #138
Quote: القدال يا خالد فعلا من وادي عبقر.. ليتك كنت معنا ذلك المساء المزين بقصائده وكيف كانت تتفاعل وتتجاوب معه الجماهير العريضة.. حب حقيقي وعظيم ..
ربنا يطول في عمره ويحفظه مع رفاقه للوطن..
يـــا منى خوجلي الشئ العجيب وبديع فوق هذا هو إنسان إنسان لدرجة إلتقيته مع العزيزة اسيا ربيع وأهداني ديوان حليوة ثم مع ابوبكر سيد أحمد عندما جاءا لتأبين محمد الحسن حميد لقيت في كل مرة ألتقيه احبه أكثر كنمت معتوه بشعره منذ نعومة أظافري يا كلام الرتينة بت سالم وليد عِتمام في حنة علي الشاشوق وخمسين سنة التي نظمها في سنة 1976 ( السيول والأمطار ) وحليوة وعتيد الرماد ثم طفر في الثمانيات بمسدار ابوالسرة لليناكي اتصلت به عندما هممت بفتح هذا البوست قلت له يا استاذ انا تهجمت على شعرك بالشرح وانا متأكد سوف اخفق في الكثير باغتني وقطع حديثي وقال : يا خالد اي كتبت فهي عمل مقدر وبالذات مني لا تلتفت نحن نقول وكل يؤول حسب مايفهم من القصيدة ةهذا عمل مقدر ولك كل التقدير مني هذا ما شجعني في السير في المشوار والله الموفق لك الشكر اختي العزيزة منى على المرور الجميل ليتني حضرت معكم تحياتي ومودتي
Post: #140 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-21-2013, 07:15 PM Parent: #139
Quote: وأبقى العاتي والدرب الوراك مسدود
وابقى العاتي الصامد في طريقه ولا مفر فالدرب الوراك مسدود بعد السير فسر للإمام يا ولدي ولاتخشى في سيرك انت اخترت واثبت وابقى العاتي زي سنطتنا وزي صبرا مر نلوكوا زي الزان
Quote: وشيل شيلتك بقيت لي النص ... لا حُلماً يجيب البر ولا حدّود ...
وشيل شيلتك .. اي احزم امرك انت فعلت وانت اخترت فلا تخاف من العاقبة والنتيجة وشيل شيلتك بقيت لي النص شبهه بشحص حاول عبور بحر ( نهر ) وكانت الفكرة الأولى عبور النهر فعندما يصل النص تبقى تكملة المسيرة ( للعبور ) لا مفر منها المسافة بقت واحدة الوصول اي العودة متساويان ولذا اصبح ضرب مثل يقال لمن يعزم لفعل امر ويبدأ يقال له بقيت في النص واحسن تواصل والعودة للبر الاول الذي بدأت منه أصبحت حُلم ولا حدود حدود اي العمق للنهر لا يقاس بوقفك فيه فالماء أعمق من طول اطول الرجال وابقى ساير للامام وما خاب من عزم وسار في طريقه للأمام
Post: #141 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-21-2013, 10:10 PM Parent: #140
Quote: إن بليتّا اختا الرملا ماتقع البكان الهش الممطورة ما بتبالي من الرش
وعادة لم تكتر علي الزول الهموم المشاكل بِطمبجا وبعد داك الله كريم والمثل السوداني بقول لو كترت عليك الهموم إدمدم ونوم اها القدال قال وأن بليتا اي طمبجتها أختا الرملة أختا الرملة : اي ابتعد عن الرمل البكان الهش : اي المكان هش اي هربة وبنزل لو مشيت في هش : اي سهل الكسر غير قوي وصلب الممطورة : اي الارض التي سقت من المطر ما بتعاني من الرش اي المكان والتربة التي نزل عليها المطر وارتوت مهما نزل عليها المزيد من مطر لا ينزل في داخلها بل يبقى في السطح فهي لا تبالي من اي زيادة وهنا كل كلامه يعني به مهما حصل عليك فأثبت البتبلبل بعوم المطورة ما بتعاني من الرش وما تقع البكان الهش والبصلو طرف السوط ما بهمو ان يقع باقي
Quote: النعمة بتعرف عاطيها والجمرة بتحرق واطيها بي الكيلا عَطانا وما لقينا وفوق جمرة خُطانا ما لقينا ...
اصلو يا ولدي في المثل قالوا النعمة بتعرف عاطيها والنعمة هي كل شئ انعم به الله علينا وعاطيها اي الذي يمدها والجمرة وهي الفحمة المتقدة نارا ما بتحرق زول غير الذي يطأها يا ولدي لا تهم لما يقال انت الحارقاك الجمرة وانت الذي تعطي ولا ترجى مقابل فلا تهم ولا تلتفت لما يقال ونحن كدا دائما اهل السودان نعطي ولا نلقى مقابل نعطي كل شئ حتى حر حريتنا ما لقينا وما شين في جمر يشوي وما لقينا وهذا حالنا يا ولدي
Post: #142 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 08:25 AM Parent: #141
Quote: ويوم الوعد يا حليوة الدنيا ما كانت فيك شِروق
حليوة هي قرية الشاعر القدال التي ولد فيها وتربى وترعرع فيها وتقع في الجزيرة وتميل لناحية البطانة او داخل البطانة انا غير متأكد من ذلك دائما نجده ما يستشهد بحلوة ويعني الوطن الكبير ( السودان ) وكان يوم الوعد يا حليوة وكانت الغيمة تظل سماك ولا يشهد الشروق للشمش كما عهدنا
Quote: إلا الأرض مِتكشفّا ومتبلّما نعمنو من خير الخريف لفحالها شال .... من طرحا خَضرا
وكانت الغيوم تظلك يا حليوة والأرض متكشفا ومتبلما وهذا البيت يذكرني بيت الشاعر احمد شوقي يصف ربوة الوادي وربوة الوادي في جُلباب راقصة الساق كاسية والنحر عريانُ وهنا وصف القدال ارض حليوة وموسم الخريف يكسوها خضرة كأنها حسنا متعري اسفل جسدها ( باطن الارض ) لكنها متبلمة ومتبلمة اي منتقبة نقاب يغطي وجهها وتلفح شال من طرحا خضراء حول عنقها وكتفيها منظر جميل للارض وهي عارية من خضرة في باطنها قرب السطح لكن يكسو سطحها تلك الخضرة ( نقاب وطرحة خضراء ) وهنا تكون الفتنة وكل مدسوس مرغوب ويشقف النظر إليه وهذه حقيقة النفس فينا ما يدارى عنا نرغب بشدة للنظر إليه ومتا يمنع عنا نجتهد في الحصول السعي إليه وهذه طبيعة النفس البشرية والأرض متكشفة ومتبلما نعمنو من خير الخريف لفحالا شال من طرحة خضرا وقد يكون يقصد أن ارض حليوة في موسم الخريف تكون متعرية في بعض الأماكن ومخضرة في بعضها كأنها حسناء عارية متكشفة في اسفل جسدها ومنتقبة بنقاب في وجهها وعلى الكتف وحول العنق لفحالا شال لون اخضر ( وهذا المعنى هو الاقرب للذهن ) كثيراً ما تحتار ماذا يقصد الشاعر القدال في بعض من قوله فهو شاعر واحساسه فوق أحساس البشر العاديين درجات ونحن نجتهد والمقصد والمعنى ملك له
Post: #143 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 05:52 PM Parent: #142
Quote: وفرحة دوب تتشابّى لعين الشمش
وكان يوم الوعد .... تلك الفرحة التي طفت في صدر بت حليوة والدنيا إكتست خُضرة كذا الوشاح لونا زاهيا ومن شدة الفرح في ذاك اليوم وكان الفرحة نفسها ( فرحة تلك الحسناء .. بت حليوة ) تتشابى لعين الشمش وهذا عشان تظهر وتطفو الفرحة نغم ينداح تتشابى اي تمد عنقها للظهور او ليراها الناس أو ترى الناس ( ان يروا فرحتها لعودة الحبيب ) كحال الإنسان وهو في زحمة لمشهد شئ يبغاه ويريد رؤيته فتراه يشب بقدميه وعنقه حتى يرى ما حجبوه عنه اللذين أمامه
Quote: من بت حِليوة النفس بيضا كذا الحليب والروح مشحتفا في البلود الفيها رِيحتك ...
وكانت فرحة البنت الحلوة الحسناء بنت نفسها وروحها بيضاء ليس فيها غش ورياء روح بيضاء صافية ( كذا الحليب ) مثل الحليب وروحها معلقة بحبيب غاب وهاجر من أجل هذف يرتجيه ( ليحققه ) والروح مشحتفّا في البود .. الفيها ريحتك ..
الروح مشحتفّا الشحتفا هي تلك الحالة التي يصعب وصفها لكن عندما تكون مترغب شئ بتكون روحك تواقة منتظرة الوقت الذي تبل الشوق فيه برؤية ذاك الشئ ( قد يكون موعد مع حبيب قد يكون شئ اخر تحبه ) فكانت روح البنت الحليوة مشحتفّا في البلاد التي فيها حبيبها تبحث عنه وتسأل ويا جلابة ماشوفتوه زولاً لي
الفيها ريحتك بلاغة عالية المراد ان فيها الحبيب لكن رمز بشئ مهم فيه ( الحبيب ) رئاحة جسده التي تهواها الحبيبة
متعك الله بالصحة والعافية الحبيب القدال بعد إجراء العملية وما تشوف شر أبدا
ولي البعود من فزعة الغُربة البساسق فوكها مو راجع .... ولُو بي الحيل قريب الروح مشحتفا في الحبيب القلب بكر الدنيا ما شافت جديدو ولالا الحُزن دقالّو باب حليوة صاحية ...
Post: #144 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 06:54 PM Parent: #143
Quote: ولي البعود من فزعة الغُربة البساسق فوكها مو راجع ....
وروحي مشحتفا ( حديث الحوة الحسناء الصافية كذا الحليب الأبيض ) وروحي مشحتفا في كل من يعود من ديار غربتك تلك الغربة التي كانت بالذندي وانت ما ليها راغب والغربة معروفة البساسق فوق دريبها موهو راجع والغربة حال الفقري والبتوكر في حشاها ياهو الوحل وتتقل كرعي ويغتس في طينها اللك خمج
Quote: ولُو بي الحيل قريب الروح مشحتفا في الحبيب
الروح وراك بدور تطلع من الجتّا الجتّا هي البدن شوقاً إليك من حبيبة ما لها غيرك حبيب
Quote: القلب بكر الدنيا ما شافت جديدو ولالا الحُزن دقالّو باب
من حبيبه قلبها بكر ما عرف الحب قبلك وأنت الدنيا ما شافت جديدك الجديد ( هو الزواج ) وايضاً تطلق على الختان كما ذكر الشاعر ودبادي في قصيدة هووي يا وليد
وقال يخاطب الولد المرنوعة
هوي يا وليد يا دلوعة يا مرنوعة أعدل إيدك المفدوعة وإتلحلّح واقيف دُغري وهات صدرك معا صدري وليكَّ الحق عشان ولدوك في إسفنج وحتى أول جديد سوهو ليك بي البنج ومن هنا يتضح أن الجديد الأول للولد هو الختان والجديد الثاني هو الزواج وفي قصيدة القدال الولد بالغ ( اكيد مختون ) بدليل أنه هاجر معافي وكاره للحال الذي إنحدرت فيه البلد بسياسة ناس املى جيبي وما بهمهم السودان ولا إنسان السودان المدهوس في هذه المتوالية الحدوتة التي لم تنتهي ديمقراطية باهتا ساستها منافع حُكم عسكر وما بتشكر وتستمر الحكاية وعاد لي متين ؟ وهذا السؤال الذي يراودنا دوام غايتو نرجى رحمة السماء من رب لا ينسى عباده ابدا أللهم فرج كُربنا وولي علينا من يخافك ويرحمنا
Post: #145 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 07:28 PM Parent: #144
Quote: حليوة صاحية ... حليوة ضاحية كذا النسيم وحليوة ... جد جد يا ولد
وكما اسلفنا أن الشاعر القدال دائما يعني بحليوة وهي موطنه ( كل الارض ... السودان ) وبل لو حبينا ان نقول بالتدقيق يعني بها أهل السودان من الشعب المغلوب على أمره واطلق المكان وأراد إنسان المكان .. وحليوة تمثل له أهله البساط المغلوبين على امرهم في ظل هذه الحياة القاسية الطاحنة الشعب صاحي يا ولدي الشعب واعي ومدرك لامره لكنه يسترجي الامور من شدة الأحباط الذي يعاني منه لمن يقلبها لساسة همهم ملئ جيوبهم وتناحر يظل فوقنا ليأتي حكم عسكري اخر وهذا هو الاحباط الذي ترسب فوق عقولنا عن حال السودان وإلا واقولها بملئ فمي أن الشعب السوداني كان قادر على إزاحة هذا الحكم الغاشم من سنة 1989 والشعب جد وحليوة جد يا ولدي
Post: #146 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 07:44 PM Parent: #145
Quote: جد يا ولد قول لي البلد قايل غناوي الحُزن ليش شايل مساديرك مجامر دمع ليش .. ليش يل بلد
ياولدي البلد وشعبها جد بسرو العين يا ولدي قول للبلد ( اي لاهل البلد المطحونين ومدهوسين ) ليه كاسي عيونكم الحزن أإنوة ... ليه ( ليش ) ليه كل سعركم ومسداركم صار حزن عميق .. ليش ومجامر الدمع : دمع ينزل من العيون كما الجمر المتقد حرارة ( سخانة ) ليه يا بلد ليه يا شعب ليش ما بكرة التاج بقع من فوق وبالكرعين قسم بِنداس وما تشيل هم يا شعبي بكرة قريب والوعي بملئ البلد ونعرف نقول نعم لي مين وتنهي الحزبية العقائدية فينا وفي أهلنا المساكين الماسكين في ولد علي الميرغني وفي ولد المهدي وفي الطقمة الفاسدة منافع واكيد حنية السماء آتية يا ولدي ويا بلد ولا تحزنوا
Post: #147 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 09:00 PM Parent: #146
Quote: والناس تريد والدنيا لما تريد نزيد
ليش يا بلد الحزن ما بنفع حزين الناس تريد تريد الفرحة بيناتها ونبتهج بين بعض ونأذر بعض وهذا ينسينا الحزن الكبير والدنيا بي ريدتنا لبعض تريد والدنيا لما تريد تتفتح في عيونا ونحن نحيا حياتنا ونعمل والعمل مسحهم من الوجود ومن بلدنا موش حولوا قروشنا في بنوك سويسرا وماليزيا السراق طبيقو معا خليهم يمشوا ويشتروا بها جنسية ويخلو سبيلنا والله ما شقالّو حنكاً ضيعو والله ما سوالّو طفلاً ما سقاهو ورضعو والدنيا لما تريد تزيد فرحتنا
Quote: تملّى الإيدين تفرح تهيش لو صحي غنينا بي الدمعة الهميمة لو دموع الفرحة ما لاقت غُنانا
وهذا هو حال الدنيا لم تريد تزيد تملئ بفرحتها الإيدين تهيش هاشي باشي الهوشة هي حركة في اعضاء الجسد تنبع من فرحة بالداخل في الروح والنفس ولو صحي غنينا بي الدمعة الهمية لو غنانا وكلامنا كان بكل صدق من أجل هذا البلد الطيب تربة وإنسان وكان غُنانا صُح ( اي نابع من قلوب صادقة ) لو دموع الفرحة ما لاقت غُنانا لو دموع الفرحة ما تجاوبت مع غُنانا يبقى غنانا ما كان بصدق لكن لو غُنانا ... كلامنا ... فعلنا كان صدق اكيد غُنانا سوف يلاقي دموع فرحتنا
Quote: بكرة نرجع تاني لي الكِلمة الرحيمة شان هنانّا وشان مُنانّا وشان عيون أطفالنا ما ضوق الهزيمة شان عيون أطفالنا ما ضوق الهزيمة
لو دموع الفرحة مالاقت غُنانا بنجع تاني لي الكلمة الرحيمة والكلمة الطيبة بيننا تسري واصلها في اعماق الارض كلمة رحيمة طيبة وفرعها يداعب عنان السماء عشان هنانا وفرحنا وسعدنا عشان كل امانينا الطيبة للبلد ولنا وعشان عيون أطفالنا .. ما تنهزم كما هو حالنا وحال الأجيال التي بعدنا
Post: #148 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-22-2013, 10:47 PM Parent: #147
ولحين ميسرة
Post: #149 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-23-2013, 08:47 AM Parent: #148
يا حليوة
يا حــــــليوه يازهرة وسمحه ونسمة قمحه تعطِّـر ليل دُخـلـتنا هَـقِـيت لي القَـمَـر .. القمر الأبيضْ لبناً هتَف .. من ضِـراعات السَدَرَن يومهن رَتَعَن قبل الدينا تغـيِّمْ.. يا أحلى صبيه بتمْـرُقْ مَـغْـرِبْ .. عين فى الأرض ويَدْ تتناول من خالاتا الضِـيقْ.. رَوَّابْ
يا خَـلوه بتعْـزِم وتعزِم باشَّـه .. الضربوا الصَـيْ الهاجـروا فوق رُقَّاب الضَـيْ مُخْـلاية الزاد بتعشِّـي الوينْ .. مُـدَّاح الزينْ ضيفاً درويشْ فُـرَّاس الخيلْ سُـرَّاى الليلْ دُقَّـاق العيشْ بتعشِّـى الديشْ والناس المادَّه عيونها تنادى الرحمه، عيونهم جَــفَّنْ الناس الشادَّه بطونها.. الرِيقَـه الدَخَلَتْ لا زال جوَّه .. بطونهم خَـفَّنْ الناس الكادَّه الجوع .. اللاحسه الكوع.. الخيلهم نَـفَّنْ الناس الحادَّه علي الما مات .. الحَيْ ومكَـفَّـنْ أفراح الناس ما كَـفَّـنْ... أحزان الناس ما كَـفَّـنْ ... الصبر جميل. والناس المادَّه عيونها تنادى الرحمه عيونهم جَــفَّنْ الناس الشادَّه بطونها.. الرِيقَـه الدَخَلَتْ لا زال جوَّه .. بطونهم خَـفَّنْ الناس الكادَّه الجوع .. اللاحسه الكوع.. الخيلهم نَـفَّنْ الناس الحادَّه علي الما مات .. الحَيْ ومكَـفَّـنْ أفراح الناس ما كَـفَّـنْ... أحزان الناس ما كَـفَّـنْ
فى جاه الحلة الشايلة الحَـفـَّـة لا سيرة تـدُقْ لا زين لاحُـقْ لا عَـمَّة تحِـنْ لا خَـالَـة تـحَـنِّـنْ ... ولا خَـيَّة حتى الزغرودة الأغرودة مجروحة وباهتة ملغية! كل المواعيدْ ضحكات العيدْ أحلام الريدْ الاغنيَّـة... صبحت مهزومة ومتكيـَّة
في جاه الحله الشايله الحفة إحساس أطفالنا بيوم الوقفة اندهشْ... ارتعشْ.. اتحَـلـَّـلْ. الكعك... اللعبة.. البسمة. اللبسة .. الكل اتبلَّـلْ. عربون البمسة الفى العينين.. ما فـرهدْ .. مـــاتْ. يا يوم العيد دمعات أُمَّـاتنا على أُمَّـاتهن فى العيدين .. ما هِـن رحماتْ. في جاه الحله الشايلة الحفة .. فى جاه الحِـلة الشايلة الحَـفـَّـة.. القِـسـمة تفوتْ أحلى البـنـُّوتْ لا الغايب عَــادْ لا لـحـقن خيلـهِن في اللـفَّـه.
بقول غُـنوات.. واقول غنوات.. واقول غنوات.
أقول غـنواتي فى البـلد البسير جِـنياتها لى قدام. للولد البـِتـِـلْ ضِـرعاتو فى العرضة ويطير فى الدارة صقرية
ولو السمـحـة تَـلَّـتْ إيدْ ومَدَّتْ جِـيدْ تـقوم شـايلاهُ هاشـمية يشيل شَـبَّالوا خـطـفة ريدْ وفـرحة عيدْ وريـدة روحْ وحُـمْرَة عينْ... وإيـديَّــة.... ويا الولد البشيل مُـدقاقو قولة خير على القمْره يـقابل الجـايَّـه متْحَـزِّمْ ومتلـَـزِّمْ كلام فاسَـك على أرضَـك بيبقى عـديـله يا بـيـضا ويبقى زفاف تزغرد ليهُ قمريِّة. وقُـبَّـال حُــول تغَـيِّـم غيمة قِـبْليِّة ترُش الدَّارة والحَـدَب الصعيد الحلة.. يا رحـمة نـداوة الصفقة .. فى النسمة الصـعيدية ويا جَـهْـرَة نـهار الليلة.. لمَّـا اللـيلة بـدرية. رحـيح جنياتنا فى الحَدَب الـصـعيد الحله . يا قـمـحـاتنا .. هوْ لَبْ لَبْ ويا اللوز الفتق فى الوادى.. هو لب لب ويا سمحاتنا.. هو لب لب ويالبحر الطمح مدَّادى .. هو لب لب ويا حُجْواتنا يا صلاوتنا .. هو لب لب. سألتِكْ بالذى رَكَز الأرِض معبد وسوَّى الفاس عليها مقام سألتك بالذى ركز الأرض معبد وسوى الناس عليها مقام سألتك بى حـشا الأُمَّات ودمعاتنا وسألـتك بى كبيـداتهنْ ودعواتنا شليلْ وين راح ؟ يكون خير الخريف فاتنا شليل ويـن فات وزى برق السِماك الجابها دُغْـشِـيَّه زى زغروده للبُطنه الكبارية مَرَقْ من شامة القمره .. مَـهَقَّتْ بى وداعـة الله مـقـدَّم بالعديل يبـراك تعالوا أبِـشْـروا آجِـنْيات شليل ماراح .. شـليل مافات شـليل عند المَسور مَـرَقْ بقالو حـصاد شليل فوق التَـقَـانِـتْ قام خضار وبـلاد شليل مسدار .. شليل مشوار شـليلنا أرضنا يا جِـنْـيات. شليل قايـم نـصايص الليل يتمم لـيلو ورديه حـرازنا شـليل شليلنا دليب .. شليلنا دليل على البِـلدات بعد درب الـتبلديه شليل ما راح شليل ما فات شليلنا ونحن همباته ومهاجريَّه مزارع بـات عـلى عشـقين تراب بلدو ..... وسَـمَاحْ فوق بِتْ مُزارعيَّه.
Post: #150 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-23-2013, 08:18 PM Parent: #149
حليـــــــــوة وهي القرية التي عاش فيها الشاعر محمد طه القدال جُل حياته ومازال بكان مدفونة صرته جاذب مازال يقضي فيها ليالي الخميس والجمعة حين ميسرة
Post: #151 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-23-2013, 10:39 PM Parent: #150
ولحين ميسرة
Post: #152 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-24-2013, 06:07 PM Parent: #151
Quote: يا حليوة
يا حــــــليوه يازهرة وسمحه ونسمة قمحه تعطِّـر ليل دُخـلـتنا هَـقِـيت لي القَـمَـر .. القمر الأبيضْ لبناً هتَف .. من ضِـراعات السَدَرَن يومهن رَتَعَن قبل الدينا تغـيِّمْ..
حليــــوة كما اسلفنا هي قرية في الجزيرة وهي القرية التي جادت للدنيا بهذا الشاعر الجميل محمد طه القدال وقد خصها بهذه القصيدة كما نجده يضمن اسمها أحيان كثير في قصائد اخرى حليوة صاحية كذا النسيم في قصيدة الطمبارة الغناي
وقد صورها لنا كأنها فتاة حسناء يتغزل فيها وتنقل بنا فيها حبه لها ( حليوة ) الحال فيها وحال اهلها
يا حليوة يازهرة وسمحة ونسمة قمحة ونسمة القمحة هي النسايم التي تمر على حقول القمح فتأتيك تحمل في هبتها عطور الزرع القمح والقطن هما عمود الاقتصاد في تلك المناطق يعني لو الشاعر كان من شندي لقال يا حليوة وزهرة وسمحة ونسمة منقا تعطر ليل دُخلتنا ليلة الدُخلة هي الليلة التي يتنظرها العروسان بفارغ الصبر وهي الليلة المشهود التي بعدها تغمر السعادة الاسرة الجديد لوغطى الوعي العروسان انت ايتها القرية الحالمة تعطري ليالينا وبالذات ليلينا المميزة ( ليلة الدُخلة ) هقيت للقمر : اي ناجيت القمر ( مناجاة ) القمر الأبيض ويكون القمر أبيض ليلة 14 و 15 من كل شهر في سنة هجرية ( قمرية ) قمراً ابيض زي اللبن ( الحليب ) هتف اي نزل من ضرعات الضرع هو ثدي البهائم الحلوب سدرن يمن سدر هي كلمة عربية فُصحى واصلها بالعربية ( صدر ) الصدور هو الرجعة من مورد المياه( قد يكون النيل أو حفير او اي نبع كان موردا وفي العامية قلب الصاد سين وصارت بعاميتنا سدر ويقال سدر الخلا والخلاء او الصي يكون عكس اتجاه النيل أو النهر لذا استخدمت المفردة ايضاً تعبر عن العائد من مناطق النيل للحي ( القرية )او المسافر من القرية للخلا ( الصي ) ... الخلا ولا الرفيق الفسل من ضرعات السدرن يومن وقبل الدنيا تغيّم وهنا اشارة للبهائم التي سدر بها اهلها من الفريق للخلا لترعى مراعي خصبة وعادة يكون السدور قبل دخول الخريف بفترة قصير واشار لها هنا قبل الدنيا تغيّم اي قبل ظهور سحب الخريف في السماء تؤذن بدخول وقت الخريف
Post: #153 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-24-2013, 07:51 PM Parent: #152
Quote: يا أحلى صبيه بتمْـرُقْ مَـغْـرِبْ .. عين فى الأرض ويَدْ تتناول من خالاتا الضِـيقْ.. رَوَّابْ
يشبه حليوة في صورة حسناء جميلة يا احلى صبية وصبية تستخدم للبنت التي لم تتزوج بعد كما تستخدم للفتى صبي وصبية مختصر استخدامها في الأقاليم والبادية أحلى صبية بتمرق مغرب ومرقة المغرب دائماً بتكون لزيارة او تناول شئ من جيران بتمرق مغرب .. عين في الأرض ويد تتناول من خالاتا الضيق رواب وهذا حال الصبايا ... الأدب الجم إذا سارت في الطريق العين في الأرض ويد تتناول من خالاتا الضيق رواب الرواب هو المتخمر من اللبن ( الروب ) ويستخدم لكي يروب به حليب ليصبح روب ( ذبادي ) ومن انقطع عنه الرواب ( المخمر ) يستزيد من جاره لذا كان التضمين هنا لكن المراد يد تتناول من خالاتا شئ في طلعتها تلك والمعنى البعيد في هذا الكلام اي تتزود بالصبر من خالاتها زي اللبن الرائب لكي تصبح صبورة على كل ضيق مهما كان وهناك تربت ونشأتها كانت بين اناس تعودوا الصبر في الزمن الصعب ّ
الخلوة هي مكان الضيافة وتكون خارج البيت يكرم فيها عابري السبيل تعزم اي تلح في طلب النزول لكي يكرم من ألح عليه لينزل باشّا اي بوجه صبوح تعلوه ابتسامة ترحيب بالقادم الضربوا ... هنا يعني بها سافروا وإتوكروا يقال ضرب الوادي عندما يحث السير ناحية الوادي الهاجروا اي اللذين بعدوا عن ديارهم واهلهم رقاب : اي رقاب ( الرقبة ) الضي يعني بها ضُحى والعين تشوف هاجروا
يا حليوة الكرام والأجود ( لو صحى جمع الجود هكذا ) أهلك انت تتسمي بكثرة الخلاوي يكرم فيها ضيوف الهجعة نص الليل واهلك باشة وجوههم يقومون بذاك الواجب ( كرم الضيوف ) وضيوف الليل عادة يكونون أناس كانوا في خلا وصي ( وخروج الناس للخلا والصي ) عادةً يكون فزعة ورا بهائم سرقت أو البحث عن مراعي أو لاسباب اخرى وعندما يتعب من المسرة ليلاً يجنب ناحية الحللال ( القرى ) ليرتاح من عناء السفر والتعب ويبل الريق بكرم اهل تلك الديار الضاربين الصي والمهاجرين من موطن لاخر كنتي مرتع لهم يا حليوة وسمحة .. ونسمة قمحة
المخلاية : وعاء من صوف يعلق في الدابة وفيه يحمل المسافر زاده ( تصنع من صوف البهائم ) بتعشي : اي تقر الضيف طعام العشاء وذكر وجبة العشا بالذات لانها الاوقات التي يأتي فيها الضيوف المداح .. وهم قوم يمدحون الرسول صلى الله عليه وسلم شعرا ( بالطار ) وعادةً يجبون القرى والفياي ليسمعوا الناس المديح في خير خلق الله ومنها رزقهم ( ماتجود به ايدي المستمعين .. قريشات ) ضيفاً درويش .. الدرويش هو شخص هائم في حب الرسول عليه الصلاة والسلام مجذوب ( لغة الصوفية ) ودائما بلبس الخشن المرقوع الأخضر جبة .. وطاقية خضراء يميز بها نفسه عن باقي الخلق انه منداح وهايم في حب الرسول ومطلق الدنيا أم بناياً قش وزاهد فيها... فراس الخيل : هم الفرسان اللذين يخرجون لفزعة بهائم سرقت ليعيدوها لاهلها دُقاق العيش .. يعني بها اهل حليوة اللذين يكثر في بيوتهم المطحون من الذرة والقمح عيش الريف وسميا عيش لانه قوت اهل السودان الاساسي ( اي به تكون المعيشة ) وكما نجد اهل الخليج مثلاً يسمون الأرز عيش لان عليه قوتهم اليومي والاساسي ومن هنا تكون كلمة عيش للقوت الاساسي في سائر البلد الديش : يعني بها الجمع من ناس كُثر لكن المعنى الصحيح للديش : هو الجيش واطلق لفظ الديش ( للناس الكتار مهما كثروا ) لوجه الشبه الديش بكون عدد جنوده كثير ويقال جا جيش او ديش اي جاءوا ناس كتار
Post: #154 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-25-2013, 06:40 PM Parent: #153
هنا يصف حال عامة الناس لكن ضرب لنا المثل بإنسان حليوة البسيط الطيب وعرض لنا حال الخلق في ذاك الزمان عهد نميري وهكذا دائماً اسلوب القدال التضمين وقلب المعاني المعتادة عادة الناس تقول الناس الماده إيدينا تنادي الرحمة من الله فوق سماه لكن عمق المعنى اكثر انهم مادين الايدين يدعون الله ان ينزل عليهم الرحمة ويرفع عنهم هذا البلاء الذي نزل عليهم ( الحكم العسكري الثاني ... حكم نميري عليه رحمة من الله ) فهم مادين اليدين دعاء وتضرع وعينهم ترغب نزول الفرج ماده عيونا تنادي الرحمة عيونهم جفت من كثرة الرجاء بكاءً وتضرع لله
Quote: الناس الشادَّه بطونها.. الرِيقَـه الدَخَلَتْ لا زال جوَّه .. بطونهم خَـفَّنْ
ربط الرسول صلى الله عليه وسلم الحجر على بطنه يتغي شر الجوع وها هم أهل البلد ممثل في اهل حليوة في ذلك العهد شادة بطونا الناس الريقة : الجوع ويقال .. فك الريق اي اكل شئ الصباح بعد ما صحى من النوم الريقة فاتت وعاد عندما الإنسان تفوت فيه جوعة لا يسد رمقه اي شئ يأكله بعدها بل توجعه بطنه يقال جاع رجل جوعة شديدة لما غلبته الحركة من شدة الجوع وبعدها فرجت علي ووجد ما يسد جوعته فقال :: طول هذا الزمان كنت افتكر الكرعين شايلين البطن وباقي الجسم لكن اليوم وجدت ان البطن هي الشايلة الكرعين ... الريقة الدخلت لا زال جوه بطونهم خفّن دخلت الجوعة لما هضلمت بطونهم
Quote: الناس الكادَّه الجوع .. اللاحسه الكوع.. الخيلهم نَـفَّنْ
الناس الكادة الجوع اي ان الجوع اصبح لهم مثل الطعام يقتاتو من الجوع بالجوع وهذا اعمق تشبيه يداوي الجوع بالجوع وهناك مثل يقال فلان يأكل من سنامو اي اصبح كالأبل في الصحراء تاكسد دهون سنامها تتغذى منها ويضرب هذا المثل ان ذاك الشخص ياكل مما ادخر ولادخل له ... وفي تلك الايام كدت الناس الجوع وهذا دلالة على انه لايوجد شئ يكدوه غير الجوع اللحسة الكوع أن يلحس الانسان كوعة هذا من المستحيلات ويضرب المثل للشئ الذي يكون الحصول عليه مستحيل ( يقال دا لحسة كوع اي لو تستطع ان تلحس كوعك يمكنك ان تحصل على هذا الشئ ) الخيلهم نفن اي جفلن وشردن
Quote: الناس الحادَّه علي الما مات .. الحَيْ ومكَـفَّـنْ
في تلك الظروف الحالكة المضنية وحال الناس وصل لادنى حد من الفقر بل ادنى من مستوى الفقر كان لما يمرض شخص لا يوجد ما يداوى به ( قدرة مالية ) وكل شئ اصبح بالقروش عندك قرش تساوي قرش ماعندك تموت فاصبح من يمرض نتظره الناس ان يرتاح ويموت حي لكنه كالميت ( حي ومكفن ) والناس في حالة حِداد عليه قبل موته فهو حي ومكفن
Post: #155 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-25-2013, 08:13 PM Parent: #154
Quote: أفراح الناس ما كَـفَّـنْ... أحزان الناس ما كَـفَّـنْ
لا حزن لا فرح ما كفّى فلم تكفي الناس احزانهم ليكونوا في حزن ابدي ولم تكفيهم افراحهم ليدوم الفرح في قلوبهم وقد يأتي الحزن يوم الفرح وهنا تكون الفاجعة الكبرى اي الحزن يجي ويمشي تحزن الناس وبعدها يحصل فرح زواج او ختان وتفرح الناس الحزن لم يخرجهم منهمهم الاكبر والفرح كذلك لم يخرجهم من بلائهم الذي سلط عليهم ( حُكم العسكر الما بتشكر )
Quote: الصبر جميل. وكان برواز في الخلوة معلق فوق برواز الجد الأكبر يا برواز الصبر جميل ..
فتعود الناس على الصبر والصبر جميل وهي حكمة يؤمنون بها ودائما امام اعينهم تجدها في خلوة او ديوان مبروزة كبيرة ومعلقة فوق برواز لصورة الجدأو الأب ( الصبر جميل ) الديون هو الصالون ويسمى في الاقاليم والقرى ديوان وهي كلمة فارسية ( ايوان ) بهو كبير كان يجلس فيه كسرى الفرس لقضاء امور الدولة وفيه كرسي العرش ويجلس فيه في كامل حُلته قلبت الألف دال في عاميتنا السودانية
تحضرني قصة مرة كانا في زيارة قريب تربطنا به صلة رحم دم انا وابن عمي عمر القرضابي زميل البورد وكانت الزيارة لشخص جميل اسمه عبد الحفيظ الفضل في ديوانهم كان هناك صورة مبروزة كبيرة أباه الفضل قب النور وعادة الناس بتعلق برواز صورة الحكمة او اية كريمة فوق برواز صورة الاب او الجد لكن ناس قب النور عملوا العكس وعلقت صورة ابوهم وتحتها اية كريمة ( اليوم أكملت عليكم دينكم وأتممت عليكم نعمتي ورضيت لكم الإسلام دينا ) تمعن القرضابي ( القردابي ) هذا وقال لعبد الحفيظ الفضل ابوك دا قاعد كدي في الصورة ومتفوجج كأنوا هو القال الأية دي اراد الشاعر ان يوصل لنا قيقة وهي ان الناس تعودت على الصبر وهي حكمة يؤمنون بها ان الصبر جميل ويروها في بيوتهم منذ الصغر معلقة في في حيطان الخلوة والديوان الصبر جميل
Quote: الحزن المالِـحْ عطَّـن فـرح الحِـله في لـيلـة الدُخـله والـحـزن المـالِـح قَطَع الخَرَزَة وقلع الرَّشْـمَة مبروك الـصرخة الأولى على لِسنات الحضروا المَوْلِـدْ ... جات محتشمه
حزن مالح اي بطعم الملح في الحلق حزن دفين ومر عطن اي ملئ يقال اعطن الهدم في الموية اي بلله واملاه بالماء وكان الفرح وكبس عليه موت عزيز فعطن الحزن فرح الحلة في ليلة دُخلة الحزن قطع كل ماليلتها ( ليلة الدُخلة ) قطع الخرزة والرشمة وهي من ادوات زينة النساء ويبدو انه كان حزن موت مرأة في ولادة مولودها لانه ذكر مبروك الصرخة الاولى ( وهي صرخة الجنين عندما يخرج من بطن امه وهي اعظم فرحة للمراة عندما يخرج الجنين ويصرخ في خضم عناءها من ألأم الولاد وهي موت ومن ماتت في في ولادة فهي شهيدة كما قال الرسول الكريم عليه الصلاة والتسليم ) مبروك الصرخة الاولى جات محتشمة اي خجلة لانه كان بنزولها للدنيا ماتت وفارقت امها الحياة وهنا يظهر بعد خيال الشاعر الذي كسى المولودة حزن كحزن اهلها من يوم نزولها بإعتبار ما حـــأ يكون ( حزن على امهلا التي لم تراها )
علي لسنات الحضروا المولد اي ان من حضروا الولادة قالوا ان الصغير / الصغيرة كانت يكسوها الحياء خجلاً عند نزولها وفارقت امها الحياة لله درك يا قدال
Post: #156 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-26-2013, 06:23 PM Parent: #155
Quote: فى جاه الحلة الشايلة الحَـفـَّـة لا سيرة تـدُقْ لا زين لاحُـقْ لا عَـمَّة تحِـنْ لا خَـالَـة تـحَـنِّـنْ ... ولا خَـيَّة حتى الزغرودة الأغرودة مجروحة وباهتة ملغية! كل المواعيدْ ضحكات العيدْ أحلام الريدْ الاغنيَّـة... صبحت مهزومة ومتكيـَّة
وكان الحزن الكبير يخيم في ظلال الحلة ( حليوة ) في جاه الحلة الشايلا الحفّة الحفة هي الجفاف وبالذات في شعر الرأس تقول المرأة رأسي حَفْان اي لم تدهنه بدهن او كريم لمدة والحفة تتبعها الحكة وتلقى المرأة تكرش في رأسها اليوم كلو وكانت عادة الحِداد علي الميت لبس الأسود ( فستان ) لبس الأبيض ثوب ومن قماش الدمورية عدم لبس النعال لفترة عدم دهن الرأس ( هنا تكون الحفة ) وصار يضرب المثل قول أن فلان شايل الحفة اي في حالة حداد الابتعاد عن الزوج بالذات لو كان الميت قريب حتى لا يقال ولدت في بكى ابوها ( النسوان بحسبن ليها تمام وبعرفن حملت متين ويقولن ليك هي نفسها مفتوحة لآمن حملت في بكى ابواها او قريبها فلان تخجل والختتا رقدت وتبقى تار ابوبكر الصديق لي لعقد من الزمان هي سيرة الناس وفك الخشم طق في ونسة ...) عدم اكل للذيد من الطعام في الايام الاولى وعادة يكون الطعام ماسخ من ملح ويزاد بالماء الكحل .. الخُمرة .. الدُخان .. العطور بأنواعها من المحرمات في الحد الحمد الله كل هذه العادات السيئة إندثرت وراحت من الزمن والعلم وهو اساسا لا اجد اي منها ذو نفع للميت الميت ينفعه الدعاء لا العويل الحداد .. اذكر الوالدة ام الحسن بت بادي قبل وفاتها بسنين عددا احتمال 5 سنوات اصرت على كل اخواتي ان يلبسن معها ثيابها وقالت لهنَّ عشان ما تقسموا هدومي لما اموت ( عملنَّ بوصيتها لم توزع ثيابها قسمت بينهنَّ وحتى مسبحتها وسجادة صلاتها ومصحفها ومُكحلة الكحل والمحفظة (( المفجضا )) وكل ما يخصها من صيغة وساعات قسمت بينهنَّ .. وكان من وصايها لهنَّ ماعافية من البتحد علي ولو بعدم العطر تعطرنَّ يوم وفاتي ( قالت لهنَّ الحزن في القلوب وبعرف كيف سوف تحزنَّ علي لكن اي شئ يخالف شرع الرجاء عدم فعله ) وفي جاه الحلة الشايلا الحفّة لا سيرة تدق لازين لا حُق وكان العُرس وفي نفس اليوم يظهر ماتت المرأة في الولادة ومبروكة الصرخة الاولى علي لسنات الحضرو المولد جات محتشمة الحلة بقت شايلا الحفة العرس سلب من كل طقوسه لاسيرة دقت تنشد ( عريسنا ساير لي بت القبائل عديلا لي .. لا زين من هلال .. وخرزة في حريرة في اليد .. لا اي شئ من مظاهر الفرح لا عمة تحن لا خالة تحنن ولا اخية وحتى حنية العمة واقفة جنبك يوم العرس فقدت ولم تحننه الخالة وهي العادة ان تبدأ الحنة الخالة واو الجدة وبعدها يكملنَّ البنات والاخوات بالذات الحنة حتى الزغرودة الاغرودة مجروحة وباهتا وملغية لم تكن هناك زغرودة وفكانت مجروحة تئن وباهتا في لونها وملغية وكل شئ ( كل المواعيد ) وضحكات العيد البلم الحِبان وكل حلم ريد بين صبي وصبية يتغنى به فرحة وغنيوة حلوة كل هذا اصبح مهزوم ومنزوي وملغي في ذاك اليوم الحزين الحزن كبير يوم جمعت الضدين ( الفرح والموت )
Post: #157 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-26-2013, 08:09 PM Parent: #150
وفي الحلة الشالت الحفة في عيدها وفرحها بعرس وكان إحساس الاطفال بيوم الوقفة أحساس غير الذي إعتادوا عليه لبسة وشبط وكعكا ولعبة وبسمة تطل من أفراد الاسرة كان إحساس فيه الدهشة والارتعاش في المشاعر تبلل الكعك واللعبة والبسمة واللبسة بالدموع وهنا يتضح امر القصة عرس قطع موعده بعد اليوم الاول في العيد ( والعيد موسم تكثر فيه الاعراس ) وفاة مرأة في الحي قبل يوم الوقفة في الولادة أحزان تراكمت من حال سيئ وصل بالناس لحد الفقر الفقير دموع بللت حتى اللبسة الكعكا في يد الطفل اللعبة والبسمة ترويها الدموع
Quote: عربون البمسة الفى العينين.. ما فـرهدْ .. مـــاتْ.
عربون ... العربون هو ما يقبض من قروش نسبة بسيطة لإكمال بيعة وكان الفرح في نفوس الخلق قليل زي عربون وجاءت الاحزان طمست حتى هذا العربون فهو عربن لكن لم يكمل لتتم البعية وما فرهد مات بالحزنوالحفة التي ظلت القرية
Quote: يا يوم العيد دمعات أُمَّـاتنا على أُمَّـاتهن فى العيدين .. ما هِـن رحماتْ. في جاه الحله الشايلة الحفة .. فى جاه الحِـلة الشايلة الحَـفـَّـة..
ويقول مخاطب عيد الفرح الذي إنطمست الفرحة فيه قبل حلوله يا يوم العيد دمعات أماتنا علي اماتهن في العيدين ماهن رحمات وهكذا اهل السودان عندما يموت شخص في الحيتجد الباكين الواحد فيهم يبكي الميت ببكاءه على فقد عظيم له في الماضي لكن مازال الحزن لذاك الفقد كامن في القلوب والنفس فيتذكره وتهيج الاحزان من تاني فيبكي الفقيد اليوم وفقده القديم معاً وهذا تفسير دمعات أماتنا علي أماتن في العيدين ماهن رحمات دمعات اماتن في ذاك في يوم العيد يبكينَّ امهاتن اللآئي فارقنا الحياة في يوم طلت واستقرت الحفة في حينا
Quote: القِـسـمة تفوتْ أحلى البـنـُّوتْ لا الغايب عَــادْ لا لـحـقن خيلـهِن في اللـفَّـه.
وهذا حال الغرارة العبوس ( الدنيا ) تعطي بيد وتاخد بأخرى ومابدوم فرحها وزي ما القسمة تفوت أحلى البنوت وهذا حق تجد الفتاة جميل شديد لكن يفوتها قطار الزواج ويتزوجنَّ من هنَّ اقل منها جمال والامر قسمة القسمة تفوت احلى البنوت وهي تنتظر الغائب الذي وعدها لا هو عاد لا لحقت الخيل في اللفة وهنا ضمن معنى من مثل الخيل الاصيلة بتجي في اللفة وتلحق وتفوت باقي الخيل
Post: #158 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-29-2013, 09:16 PM Parent: #157
لحيــــــن ميسرة
Post: #159 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 03-30-2013, 07:41 PM Parent: #158
Quote: بقول غُـنوات.. واقول غنوات.. واقول غنوات.
أقول غـنواتي فى البـلد البسير جِـنياتها لى قدام. للولد البـِتـِـلْ ضِـرعاتو فى العرضة ويطير فى الدارة صقرية
انا بقول غنواتي ونمي وشعري في بلداً يحترم شأن أولاده ويحرص علىنشأتهم وسيرهم للعُلى بسير جنيلتو لي قدام ولي أغني وانم في الولد الشهم النشم الذي يتل عند العرضة ضرعاتو مستعرض مدى قوته التي يزود بها عن حمى البلد ويطير في الدارة صقرية والصقرية نوع من أنواع العرضة التي يحاكي فيها الصبي حركة الصقر عندما يهجم على فريسته وتعرف باسم الصقرية وعندما تتل السمحة يديها متمايلة في الرقص طربا تشيله الهاشمية والهاشيمية هي تلك الرجفة التي تأتيك عندما تهوش لموقف رجولة يقال فلان شالتو الهاشية فلو كان قدرها سدَّ ووفّى ولو لم يكن قدر الموقف تشيله الهاشمية ويفشل في الموقف ويقال بس شالتو الهاشمية
ويشيل سبالو الشبال معروف ان تميل للبنت التي ترقص وترمي هي شعرها على عنقك شعر معطون في خُمرة تذيب العقول يشيل شبالو ختفت ريد زز وريدة روحلنفسه العاجبا وحمرة عين اي زندية وبالقوة وعيدية اي شئمعه فرحة كفرحة العيد
Post: #160 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-01-2013, 11:06 AM Parent: #159
Quote: ويا الولد البشيل مُـدقاقو قولة خير على القمْره يـقابل الجـايَّـه متْحَـزِّمْ ومتلـَـزِّمْ كلام فاسَـك على أرضَـك بيبقى عـديـله يا بـيـضا
ويغني وانم اقول الشعر للولد المتحم ومتلزم وياقي داب ارضو يزرعويحصد ويقالبل كل صروف الحياة متحزم ومتلزم ومافي شئ بنفع يا ولدي غير سلام فأسك علي ارضك وسلام الفأس علي الارض هو الفلاحة المدقاق : هو مدقاق العيش وهو عبارة عن عود كبير يضرب به القصب ليحت العيش من قندوله
Post: #161 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-01-2013, 09:32 PM Parent: #160
انا بقول غنواتي ونمي شعرا لي الولد البحزم الجبة ويزرع ارضوا ويخلي فاسو علي ارضوا ويزرع ويحصد من حصاده يكوم قيزان المحصول .. وجود محصول ( حبوب ) فيه تتواجد الطيور تاكل نصيبها ومن حق المحصول عادة ما يتزوج الناس .. يكملوا البيت الذي يحتاج لبناء .. يتوسعوا في المعيشة يتهنوا وكله من المحصول ويبقى زفاف تزعرد ليهو قمرية قبالو وحولو اي في ناحيته تغيم غيمة قبلية والقبلي مطره اكيد بإذن الله وترش كل الارض والحدبة وهي الهضبة اساسا لكن باللهجة السودان نقول الحدبة صعيد الحلة اي جنوبها ( وهذا اتجاه الصعيد عند اهل السودان .. اتجاه منبع النيلين ) السافل هو شمال السودان اتجاه المصب
تغَـيِّـم غيمة قِـبْليِّة ترُش الدَّارة والحَـدَب الصعيد الحلة.. يا رحـمة نـداوة الصفقة .. رحمة نداوة الصفقة ( هي الفاتحة التي تعقب الصلاة لان جرت عادة اهل السودان بعد ان يدعو الله عقب الصلاة ان يقرأ الفاتحة ثم يصفق يديه ويمسح بها وجهه لذاقال القدال يا رحمة نداوة الصفقة ( نداوة ) يا تلك الفاتحة الندية من قلب مؤمن بالله متوكل عليه ) في النسمة الصعيدية اي تلك النسمات الهابة من اتجاه الجنوب يا بركة ليلة ممطرة جهرتها تحيل الليل نهار من شدة بروقها لما الليلة بدرية ويقصد لما الليلة بدرية قد يكون يعني في ايام فيها البدر قمرا وقد يكون يقصد انا المطر بدأ من اول الليل مساءً اي من بدري وبدري كلمة تفيد من وقت مبكر عند اهل السودان
Post: #162 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-03-2013, 08:37 PM Parent: #161
Quote: رحـيح جنياتنا فى الحَدَب الـصـعيد الحله . يا قـمـحـاتنا .. هوْ لَبْ لَبْ ويا اللوز الفتق فى الوادى.. هو لب لب ويا سمحاتنا.. هو لب لب ويالبحر الطمح مدَّادى .. هو لب لب ويا حُجْواتنا يا صلاوتنا .. هو لب لب.
الرحيح : الزحيح الاتفين في التراب ( ويرجع الواحد مكندك زي المرور رو ... فول الحاحات السوداني ) وعادة الاطفال بزحوا في الارض عندما يلعبو ورحيح جنياتنا في الهضبة التي تقع جنوب الحلة يلعبون لعبة شليل لكن القدال ضمن اصول اللعبة بكلمات جديدة وشليل لعبة معروفة في كل بقاع السودان .. يلعب بها الاولاد عضمة ( اساس اللعبة ) ينقسم الاولاد لفريقين فريق يرمي العظمة وينشد هذه الابيات شليل وينو أكلو الدودو شليل وين راح أكلو التِمساح والفريق الثاني يبحث عن العظمة حتى يجدها ويباري الاطفال كل بقعة في ساحة الارض التي يلعبون فيها ( لا يخلو جدول ولا منحدر ولا كدمبس :: والكدمبس هو المكان الذي تجمع فيه الاوساخ ويسمى ايضاً التبانة .. وبيسمة الكوشة ) وبلغة اهل الخليج مكان الكشرة نرجع ونشوف ماذا ضمنها القدال في قصيدته ( شليل ) صوتهم ينشدون : يا قـمـحـاتنا .. هوْ لَبْ لَبْ ويا اللوز الفتق فى الوادى.. هو لب لب ويا سمحاتنا.. هو لب لب ويالبحر الطمح مدَّادى .. هو لب لب ويا حُجْواتنا يا صلاوتنا .. هو لب لب
Post: #163 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-03-2013, 10:26 PM Parent: #162
Quote: سألتِكْ بالذى رَكَز الأرِض معبد وسوَّى الفاس عليها مقام سألتك بالذى ركز الأرض معبد وسوى الناس عليها مقام سألتك بى حـشا الأُمَّات ودمعاتنا وسألـتك بى كبيـداتهنْ ودعواتنا شليلْ وين راح ؟ يكون خير الخريف فاتنا
سألتِكْ بالذى رَكَز الأرِض معبد وسوَّى الفاس عليها مقام
يا سلام يا قدال انظر لجمال الحكمة في هذا البيت يسال وهل من اجابة للسؤال سالتك بحق الله الذي خلق الكون واحدث فيها الخلق لكي يعبد وكلُّ يسبح بحمده وأوجد الإنسان ليعمر الارض ويعبد الخالق وسوى الفأس عليها مقام ليعمرها
سألتك بحشا المات الذي حملنا وهن على وهن وفطام في عامين وسأل بحق هذا الشئ العظيم حشاء الامهات وهل هناك حشا اعظم وكل الدموع في احزاننا سألتك بكل كل كبد لام والام عظمة وفوق رأسنا حبها
شليل الذي نبحث عنه وين راح وين ضاع وهل فاتنا خير الخريف ولم نجده بعد وهنا المعنى الكبير الذي اراده الشاعر يسأل هل انتهت ايامنا وايام شليل الذي كنا نخبئه ونجده يعمر لعبتنا هل ضاع شليل ودون عودة يا انت ؟ ( الموجه له السؤال ) .. كل حر عفيف ابا الضيم والظلم الذي وقع والضاع كل خير وكل فضيلة موروثة او مكتسبة يا للأسف لقد ضاع كل شئ رغم ان الشاعر قد دلنا على الخير وين موجود في نهاية القصيد نعم هذه القصيدة كانت في عهد العسكر الثاني ( نميري ) وجائت الحقبة العسكرية الثالثة ( الانقاذ يل قل الانخاس ) وضاع شليل ولا اظنه يعود إلا بقدرة القادر الاحد الاعظم
Post: #164 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-04-2013, 10:28 AM Parent: #150
Quote: وزى برق السِماك الجابها دُغْـشِـيَّه زى زغروده للبُطنه الكبارية مَرَقْ من شامة القمره .. مَـهَقَّتْ بى وداعـة الله مـقـدَّم بالعديل يبـراك تعالوا أبِـشْـروا آجِـنْيات شليل ماراح .. شـليل مافات شـليل عند المَسور مَـرَقْ بقالو حـصاد شليل فوق التَـقَـانِـتْ قام خضار وبـلاد شليل مسدار .. شليل مشوار شـليلنا أرضنا يا جِـنْـيات.
شليلّنا المنتظرنو يا أولاد وامل البلاد امل لابد يحقق زي برق السماك : وهو نوع من انواع البروق ( البرق ) لا يخيب مطره قط وبجيب المطر دُغش الدُغش هو الصباح الباكر وبها تكون الفرخة ( المطر .. للزارع والحران .. للمتحري ومتعشم .. للطفل والكِبار ) وشليل سوف يكون فرحة زي زغرودة البطن الكُبارية .... وزغرودة البطن الكُبارية هي المرة التي فقدت العشم في حمل ( لتقدم السن ) وفجاءة تحمل بامر الله وتقديره وتكون الفرحة اكبر من حمل البنت الصغيرة سوف يطلع شليلّنا والأمل النتظر من وسط شامة القمرا مزين ( مهقت .. بأمر الله وصونه ومتقدم عشان ينزل علينا العديل والزين ) وأبشرو يا جِنيات شليل ما راح وفقدناه شليل ما فات وفاتنا حوفا شليلنا معقود فوق ارضنا آجِنيات شليل مسدار وغِنوة نشيلها للسمحات شليل مشوارنا في هذه الحياة آجِنيات شليل في التقانت قام خدار وبلاد والتقنت هو المرتفع من الارض يحجز المياه عند السقاية ويعرف باسم التقنت شلينا هو ارضنا يا جِنيات والارض هي الدُخر الباقي والكل فائت وزائل آ ناس نبقى عشرة علي الارض وهي البتنتج وتدي
Post: #165 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-04-2013, 04:23 PM Parent: #164
Quote: شليل قايـم نـصايص الليل يتمم لـيلو ورديه حـرازنا شـليل شليلنا دليب .. شليلنا دليل على البِـلدات بعد درب الـتبلديه شليل ما راح شليل ما فات شليلنا ونحن همباته ومهاجريَّه مزارع بـات عـلى عشـقين تراب بلدو ..... وسَـمَاحْ فوق بِتْ مُزارعيَّه.
شليلّنا المنتظر شليلنا حراز شليلنا دليب شليلنا هو دليلنا على البلدان بعد درب التبلدية ( التبلدي شجر القونقليس ) شليلنا ارضنا ودعوة لفلاحة الأرض وهي الخير لهذا البلد شليلنا قام في التقانت خدار وثمار شليلنا معرفتنا لحق الدين الإسلامي واورادنا نص الليل عندما تجافي جنوبنا المضاجع نتلو أورادنا شليلينا ونحن همباتا ومهاجرية ( الهمباتي والمهاجري هي ثقافة أناس تعودوا قلع وسرقة الناس الأغنياء اللذين لا يخرجون حق المال زكاة وصرف فلوسها على الفقراء والباقي يصرفوه على هواهم ( خمور ونساء ولا يأكلون منها في بطونهم وهي ثقافة خارجة على الشرع ) لانه مهما كان لايجوز أخذ مال من احد بغير وجه حق لكن نقول هي ثقافة سادت في كثير من بقاع البطانة والأقاليم في السودان لفترة وقد إندثرت إلا في بعض المناطق مازلت تمارس لكن ليس كما أول شليلنا ونحن اصلنا أو اغلبنا مزارعين يبيت نضيف علي عشقين تراب ارضو ( بلدو ) وسماح خلقة واخلاق في بنت مزارعية
Post: #166 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-04-2013, 06:09 PM Parent: #165
إلى أمي ( أم الشهيد )
فعولٌ مفاعيلٌ فَعُولٌ مفاعلُ كلاماً علي كيفّن بيرطن محاسنن سلاماً يغنيهن وشوقن يحانن غُناياً بعد شتّن وفاتّن يهادنن قوافي معانيهن ... يشوفن مفاتّنن يسيبن معاصيهن يشُقن بشاتنن أدوبي ... واعدّيهن وأفك المكردنن غُناياً علي البيهن غُناياً يطمنن شوقي اليغبيهن قلبي اليعاينن يعلي البعليهن ويفن البفـ نن فَعولٌ مفاعيلُ فعولٌ بها نيلٌ مهولٌ وماهلُ فعولٌ ... وفي لُغتي يموت المفاعيلُ يحيا المفاعلُ فمن ذا يبشرني بخيلِ وليلاٍ واسيادٍ مفاعيلُ وأغُنية مفعلةً قفا نَبْك .. فعولٌ مِن ذكرّى .. مفاعيلُ حبيبٍ ومنزلِ صلاة الله ثم سلامهُ على رسول الله إنّي متيمُ فعولٌ مفاعيلُ فعولٌ مفاعلُ بنيلٍ بنا يجري على تسع ةتسعين دمعةٍ إلى صبحٍ ويحرمنا من الحُلم المفاعيلُ وهذا القصيدُ النيلُ يا أماه يحرقني يفقأ كل مفعولٌ بها صحبي وذا قسمِ عليَّ مطيهم .. بسرج الأحرف الأولى وكِرباجي ... يقولون لا تفعل .. ولا نفقأ ... فعين الفتى نصفٌ فكيف إذا في النيل سال حنانُه شهيداً وعُرسان بصدق الفجرِ ينسكبون من رونق الصباجنوباً ومن لغتي التي كفني إلى غيهبي الصمتي والحور المزورة الخدودي والخلدُ الذي مفتاحهُ بيد اليأجوجِ يا أمي هذا القصيدُ المرُ يَغزلني وينزلني إلى لُغةٍ بطعم الملح يركب كل مفعولٌ فعولٌ فعولُ مفاعيلُ مفاعلُ كموج البحري يندلقون من بهجة العمر خِلسة من الأمَتونج من بحر الخليلِ ومن فقئ الكذبة الكُبرى من الجنات من خطل المفاعيلِ ينوحن ... بخليهن ينوحن بي سادنن بسلف قماريهن غُنايا البشادنن يقوقن .. بصليهن .. تلعلع مآذنن يعود البداويهن يفوت المعطلن أراهم على أعتاب فردوس فلا تستنزفي دمكِ الذي أستنزفتهي في حوبة الميلادي وأبتهلي بدمع هاتناً وابكيه ,,, ولا تقفي على لغتي التي ترشوك بالصبر المخثرِ بإنحباس الدمعِ في العينين لا تلوي على كل الحروف الدوني من هزج المفاعيلُ التي قد مزقت نفسي نفسكِ وأسكبي وابكيهِ... من فعلٍ يبش الدمع من لغتي بشيش فيكِ ينبلج الغداة الزغبُ من عفو عليه وغبطة تغشى خُطايا بغفوكِ الداني فيا أماهُ ... لا تبكي عليَّ أكفكف غوازيهن سيوفن تحانن يحرّن علي تيهن ابرد كماينن كلامي البسليهن ونمي البخادنن حلاتن بناديهن وأنادي البراطنن أدندن غناويهن اشيل البدندنن ترقرق مصافيهن يصفن مخازنن وتفضح مراميهن عقول المجنّن نشيدي البيوريهن كلامي البفطنّن فعولٌ مفاعيلُ فعولٌ مفاعيلُ
Post: #167 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-04-2013, 06:18 PM Parent: #166
إلى أمي أم الشهيد
Post: #168 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-04-2013, 08:06 PM Parent: #167
على قصيدة أمي أم الشهيد لا استطيع التعليق والتعليق حيناً يفسد فقط اقول العجب الذي حلق بي وأنا استمع واكتب أبياتها لا اقول استغربت بل اقول في كل قصيدة للقدال تأخذك الدهشة بالجديد مفردة .. كلمة وجملة اسلوب جديد في كل مرة انظر كيف المزج ( حليب بالموز ) فصحى وعامية لله درك يا قدال
والأعجب كيف ينسل من الفصحى للعامية وثم يعود للفصحى ( فعل الشعرة عندما تسل من العجين بتطلع نضيفة لا يلصق بها العجين )
Post: #169 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-05-2013, 04:45 PM Parent: #168
وجـــع المَخاض محمد طه القدال
Post: #170 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-05-2013, 06:18 PM Parent: #169
وجع المخاض
لِقينا عوجنا قايم بينا ما عِرفناهو ولا قولنالو كيف حالك نسينا مجامر التجريب علي برد المحن والعادة كان تهمد بتصين الظاهر الباطن ويوم حنيّنا كانت زحمة شالت من قلبنا الرحمة ما قالّتلو كيف حالك دحين كيف الدبارة وكت تمش في الزيفة وِحيدك دحين كيف الدبارة وإنتَّ ماك فارز طلوع الروح وغِميضك دحين كيف الدبارة وجرحّك الداشر دفن جُواك لا مسك بطيب تاني ما مسك بطيب تاني ما مسك بطيب تاني إلا تلاقي حد السيف علي لُب الجرح نازف بعد جواني يصبح تاني براني غِشيت يات من مدينة لقيتا زي طمل الخريف طينة مِشمر جيتا لي وجع المخاض البر مِتل موية الرِهاب والوحل غطاني مشيت يات من طريق الناس مزقللا في الفراغ وعيون مجدّعا في التراب وإيدين تخاتف شن تخاتف ... ماني عارف إلا جيتا وجيتا لي وجع المخاض البر متل موية الرِهاب وقفتَّ أعاين في الخليقة لقيت بتاوق جوة روحي ضِهبتا في موج السراب عَريان ... وسط موج العَرايا.. سألتا الجنبي قتلّو : لحم وشيشك وين ؟ ضِحك ... بين دمعو عاين لي الورايا شفتا عُضامي في دمعو المرايا ... مشيت قِدامو .. شفتا عضامو ..... في دمعي المرايا وشلتا خُطايا لي بلداً قبيل ظنيتا فوق ... فوق .. فوق الترايّا ... لقيت كُل الخلوق قاموا فِرح فرحاً فرح اللقى الرايحة قعد وِحِيدي في نص السهل دامع ... بكيت بي الحيل ... قدر ما الله أداني وقتّا يا أخواني إن الطيبة غطتني دحين كيفن تكون .. الخجلة سالباني .. وما مسك بطيب تاني ما مسك بطيب تاني إلا تلاقي حد السيف علي لُب الجرح نازف بعد جواني يصبح تاني براني
Post: #171 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-06-2013, 06:53 PM Parent: #170
قصيدة وجع المخاض هي قصيدة يبكي فيها القدال على الحال الذي وصلت بنا به حكوماتنا والسياسات الغير وطنية ( بس بعرفو كيف يقع القرش في الجيب وعمّرو وأريتو يدوم .. كل لحم نمى سُحت فالنار أولّى به ) المخاض هو الطلق .. وجع الولادة وكلنا بنعرف كيف هو مؤلم وقاسي
Quote: وجع المخاض
لِقينا عوجنا قايم بينا ما عِرفناهو ولا قولنالو كيف حالك
العوج : وهو الشئ الما دُغري وعديل ولقينا عوجنا قايم بينا اي لقينا السوء الذي وصلت له نفسونا شئ بقى بيننا ولا نلوم الحكومات نحن الأصل نغير متى ما شئنا نعادي البعادينا ونزح البكازينا دا لو صحَّ الص حيح وكان عدد واحد .. لكن عندما تنظر لحال الخلق اليوم تجد من يتشدق بالوطنية لكن أول فرصة يجدها هب يهبدا يناصر الخصي وملوي ويقول لي إنتَّ دُغري وعديل صوتك في الإختراع امانة في رقبتك لكن بحفنة من مال نبيع الأمانة بل البعض باعها بغنماية ( غنم نافع في جهة شندي في الانتخابات ) والعوج كتير وحاصل النفوس إتبدلت وتغيرت ونعيش في اللون الرمادي وذهب الأبيض والأسود لمزبلة التاريخ وعاد كيفن ما ياهو دا العوج بينابقى بينا ونغطي عيونا ما عرفنا عوجنا البينا وما قولنالو كيف حالك يا سلاااام شوف القدال دا كيف صاغ هذا الحديث أحل العوج كأنه شخص ( بشر ) ما عرفنا .. وعندما لاتعرف الإنسان قد تفوته قد تسلم ( سنة لكن لا تطيل معا ) كيف حالك وكيف أولادك وعنقريبك
Post: #172 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-06-2013, 07:21 PM Parent: #171
رسالة وصلتني من الفيس بوك من ابن الشاعر الكبير الجميل وائل القدال تسلم يا وائل وكل مناي ان تواصل معي في بريدي الخاص حتى لا نتقول على شئ والحقيقة هي مقصدنا ما تتخيل مداخلتك هذه كيف سرتني يا وائل
تحياتي ومودتي وكثير من سلااام لذاك الجميل والدك محمد طه القدال حمد الله على سلامته وأن شاء الله مايشوف شر تاني ============================================== مداخلة وائل القدال
Wael Gaddal · متابعةمتابعة · Sales Engineer في Sales Engineer أستاذي الجميل خالد المنسي تقبل مروري وشكري وتقديري أجله لهذا السرد الأنيق والغوص في تفاصيل القصائد والمناسبات .. جذبني البوست وأعي تماما أنه لا يحق لي التعليق فيه لجماله طبعا .. لكن تصحيح بسيط كان لابد منه في المسدار ( أبو السره لم يكن المقصود به ياسر عرفات بل كان والدي يخاطب صديقه تاج السر رحمه الله كما فعلها سابقا حين ناجى صديقه سيد عدلان وقال : كبس الهم علي والحال صبح يا السيد ) خالص مودتي.. وائل
Post: #173 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-07-2013, 05:54 PM Parent: #172
Quote: نسينا مجامر التجريب علي برد المحن والعادة كان تهمد تصين الظاهر الباطن ويوم حنيّنا كانت زحمة شالت من قلبنا الرحمة ما قالّتلو كيف حالك
نحن سهينا ونحن النسينا مجامر التجريب .. اي تجاربنا وتجارب اهلنا الذي سبقونا وكيف كانوا يتعاملون مع المحن والمصائب والعادات الموروثة على برد المحن والعادة كيف كانوا يجعلون المحنة بادرة عندما تقع والمصيبة هينة عندما تحل وكل عاشان شنو ؟ كان تهمد تصين الظاهر الباطن وما يكون في النفوس شئ من حزن وألم وتسير الحياة ديل ناس كانت لهم من الحكم روائع ومن التعامل مع الأمور دراية
ويوم حنيّنا كانت زحمة شالت من قلبنا الرحمة ما قالّتلو كيف حالك
والحنية هنا ليست محنة وبس بل محنة وعودة وليت كل الحنين والشوق بعيد كانت زحمة في نفوسنا شالت من قلوبنا الرحمة عدنا ولكن عدنا متشتتين والكل ينادي نفسي وندثرت فينا روح الجماعة ولم نعرف حتى الحنينة التي اجبرت خُطانا على العودة لذا لم تقل له كيف حالك
Post: #174 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-07-2013, 07:25 PM Parent: #173
Quote: دحين كيف الدبارة وكت تمش في الزيفة وِحيدك
تدبر أمرك : اي جد طريقة لامرك هذا ( لحل ) دحين هي كلمة عامية تسبق كلمة كيف عندما يتحير الإنسان في الأمر يسأل مبتدئ بكلمة دحين كيف .؟؟ دحين كيف الدبارة وكت تمش في الزيفة وِحِيدك الزيفة : هي القر ( البرد الشديد ) وعادة تستخدم للبرد الذي يعقب مطر ( يقال زيفة وكما تستخدم للبرد منفرد دون مطر كلمة زيفة ) والسؤال كيف سوف تتدبر أمرك لو دعتك الحاجة لكي تمشي في يوم زيفة لوحدك ( والجماعة خير ) الجماعة خير الفرقة شتات وهي دعوة صريحة من القدال يدعوا فيها أهل البلد السودان للجماعة الفرقة مافيها خير مهما أختلف السبيل وما دام الهدف هو خير البلد لما نتفرق نتقاضى عن السبل ونسعى للهدف الاساسي وهذا المقصد البلد آ ناس
Quote: دحين كيف الدبارة وإنتَّ ماك فارز طلوع الروح وغِميضك
دحين كيف الدبارة وانت جاهل عن كيف تخرج روحك وكتين يغمضوا عيونك ( الموت ) وربنا قد دس عنك هذا كيف تخرج الروح وكيف يكون ذلك وافتكر ان القدال قد يكون يعني أبعد من ذلك يريد أن يقول يا من تجهل كيف سوف تخرج روحك ومتى أعمل على لم الشمل ولا تشتت وتسعى في ذلك
Quote: دحين كيف الدبارة وجرحّك الداشر دفن جُواك لا مسك بطيب تاني ما مسك بطيب تاني ما مسك بطيب تاني
دحين كيف الدبارة يا سوداني وانت شخص كلك جروح من يوم قبل طلوع المستعمر وبعد طلوعة وليومنا هذا وانت في كل مرة جُرحك غائر عمقا داشر : دشر اي اخرج دشر الماء عندما يرجع الماء بعد شرابها لشرقة في الحلق ( عندما يدخل الماء في مسار التنفس خطأ ) جُرحك دشر وما طبت منه تاني واصبح جُرح منوسر وغلب البداوي
Quote: إلا تلاقي حد السيف علي لُب الجرح نازف بعد جواني يصبح تاني براني
إلا تلاقي حد السيف وحد السيف هو الكي والكي علاج من بعض الامراض وعلاج ناجع العلاج كي .. جرعة من عسل .. بتر وإستأصال ( جراحة ) ومادون ذلك مسكنات والكي هنا العودة للمة والجمعو وجمع الكلمة والتوحد بعد فرقة ونفي كل ما يدعو للفرقة الشتات
تلاقي حد السيف علي لُب الجرح نازف بعد جواني يصبح تاني براني وعلاج الجرح الجواني قد يسبب لك جُرح تاني براني ويظهر على سطح الجلد مكان الألم الجواني
Post: #175 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-08-2013, 09:01 PM Parent: #174
Quote: غِشيت يات من مدينة لقيتا زي طمل الخريف طينة مِشمر جيتا لي وجع المخاض البر مِتل موية الرِهاب والوحل غطاني
وكما ذكرت سالفا أن القدال وضع نفسه كأنه لم يحضر الحال الذي وصلت له البشر من ضنك وضيق العيش ويتسائل عما حلَّ هم يوقل غشيت يات من مدينة وكلمة يات تستخدم في العامية بمعاني كثيرة مثال يسأل إنسان من شئ كان جماد أو بشر فيول مثلاً ياتا اي ( ايهم لو كان المراد بنت .. انثى او مؤنث جماد ) ياتو ( لو المراد ذكر من جنس الرجال .. او مذكر جماد ) ويات من مدينة تعني كم مدينة وليست كل المدن لقيتا زي طمل الخريف طينة الطمل هو الوحل مشمر .. جيتا لوجع المخاض البر مشمر اي رافع جُلبابي لي الركبة حتى لا يتسخ من طمل الخريف طينة جيتا لي وجع المخاض البر الشاعر القال اتصف بهذه الصفة في نظم شعره بتر كلمة أو تقديم وتأخير وحكمة الله يجيد ربطها حتى تعطيك المعنى نفسه وهذه صفة ( ماعرفت اسميها في فن الشعر ) لكنها تروقني جداً وهواها عنده والمعنى المقصود والله أعلم جيتامشمر احمل وجع كوجع المخاضوانا قاصد البر متل موية الرهاب الرهاب معروف ... هو ما يرى كالماء عندما سطوع الشمس وهي عملية فيزيائية معروفة والوحل غطاني الوحل هو الطين
Post: #176 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-09-2013, 06:35 PM Parent: #175
Quote: وقفتَّ أعاين في الخليقة لقيت بتاوق جوة روحي ضِهبتا في موج السراب عَريان ... وسط موج العَرايا..
والاستغراب يحوي كل أضلعي وأنا تجول في كل مكان من بلادي والخلق تغيرت وكل شئ تبدل بفعل الزمن والسبب ..الجائرين وإن الله لا يبدل ما بقوم حتى يبدلوا ما بنفسهم وبإيدينا نغرف السؤ وعليه يعاقبنا الله في الدنيا قبل الأخر أن يسلط علينا من لا يخافه ولا يرحمنا وقفت أعاين في الخليقة ( البشر ) ويا سلاااام على هذا التعبير في البيت القادم ( لقيت بتاوق جوة روحي ) فهم قطعة منيوأنا منهم وما يمسهم يمسني ووجعهم وجعي ومعاناتهم معاناتي لقيت بتاوق جوةروحي اي ارى نفسي فيهم معاناة بتاوق : اي أنظر بشئ من خلسة والغبينة غمتني ضهبتا ضهبتا : اي رحت وضاع السبيل مني ( ضهبان اي ضايع ولا يعرف طريقه ) والضهبان معنويا هو الشخص المودّر ) ضهبتا في موج السراب عريان وموج السراب يعني بها والسراب والرهاب مترادفات وضهبت عريان اي مجرد من ثيابي وسط موج العرايا وهم الخليقة الشفتهم سبحت يخيالي معهم عريان كما هم عرايا
Post: #177 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-09-2013, 08:53 PM Parent: #176
Quote: وسط موج العَرايا.. سألتا الجنبي قتلّو : لحم وشيشك وين ؟ ضِحك ... بين دمعو عاين لي الورايا شفتا عُضامي في دمعو المرايا ... مشيت قِدامو .. شفتا عضامو ..... في دمعي المرايا
وانظر لهذا الخيال الخصب الذي متع به المولى هذا الشاعر القامة وهو ينظر للناس ( الخليقة بعدو غياب وعودة ) قال سألتا الجنبي بعد أن رأى الناحفة في جسمه والوجه شاحب من نحول في اللحم وأصبح عُضام قتلّو لحم وشيشك وين ؟؟؟ ضــحك من الغبينة والحسرة جواه ومن بين الدموع التي طفرت تحكي عن حاله نظر للشخص الذي خلفي ( ولسان حاله يقول شوف هذا يسأل ) وفي تلك اللحظة نظرت له والدمع نازل من عينيه فإنعسكت لي صورة وجهي الذي وجدته ايضاً قد غاب عنه وجافه اللحم وكانت دموعه لي مراية عاكسة مشيت قدامو والدمع طفر من عيوني على تلك الحالة شفت عضامو في دمعي النزل ما رأيت من الجمال مثل هذا لله درك يا قدال
Post: #178 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-10-2013, 03:44 PM Parent: #177
لحين ميسرة إن مدَّ الله في العمر
Post: #179 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-10-2013, 09:09 PM Parent: #178
Quote: وشلتا خُطايا لي بلداً قبيل ظنيتا فوق ... فوق .. فوق الترايّا ... لقيت كُل الخلوق قاموا
وشلت خُطايا تعني ... مشيت وشيل الخطوة اي خطوت نحو مكان معين ويقول أهلنا شلتَّ السوق : اي مشيت للسوق ومنها القولة .. واحد شايل أهلو وقعت منو حبوبتو شلت خُطايا لي بلداً ظنيتا فوق فوق .. فوق التريا الترايا : الثريا كنت أظن هذا البلد فوق فوق لثريا لقيت كل الخلوق قاموا
Post: #180 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-11-2013, 06:10 PM Parent: #179
Quote: فِرح فرحاً فرح اللقى الرايحة
فرح اللقى الرايحة عادة عندما يضيع منك شئ .. تبدأ بالبحث عنه وينقبض قلبك وانت تبحث وتستجمع الذاكرة عنوة ورجاءا يا ربي وين يا ربي وين وسيد الرايحة بفتش خشم البقرة ( اي يبحث عن الشئ الضايع منه في كل مكان وإن كان مستبعد ) وكانت الفرحة باللقاء توازي فرح اللقى الرايحة
Quote: قعد وِحِيدي في نص السهل دامع ... بكيت بي الحيل ... قدر ما الله أداني
وقعد : اي جلست وحِيدي منفرد في نص السهل ( نص السهل اي وسط السهلة والشهلة عهي المساحة الواسعة الخالية من مباني وقد يكون حوش البيت ... وبكيت بالحيل بكيت بالحيل اي بكيت كتير قدر ما الله اداني تعني بقدر ما استطعت
Quote: وقتّا يا أخواني إن الطيبة غطتني دحين كيفن تكون .. الخجلة سالباني .. وما مسك بطيب تاني ما مسك بطيب تاني إلا تلاقي حد السيف علي لُب الجرح نازف بعد جواني يصبح تاني براني
وقتا اي قلت يا اخواني لو الطيبة غطتني اي شملتني من فوق راسي لي كرعي دحين كيف تكون الخجلة السالباني اي من الخجل ان ارى هولاء البشر وما وصولوا إليه من حال يشفق فيه الكافر عليهم قبل بنو ملتهم ولا أتفاعل معهم وقد فعلت أخي الشاعر الكبير محمد طه القدال يا من تتفاعل مع كل زرة ضيم يتعرض لها أحد من أفراد الشعب السوداني وأنت لسان كل مظلوم لسان كل من سلبت منهم الحرية عنوة وقسرا لسان كل من كممت أفواههم وانت تقول عنَّا وبلساننا البغلة في الأبريق لا أسكت الله لك حسا ايها الشريف العفيف الثابت على المبدأ وصامد حفظك الله للشعب ولاهلك المدهوسين عونا وسندا ولله درك يا قدال
Post: #181 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-12-2013, 04:51 PM Parent: #180
لحين ميسرة
Post: #182 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-12-2013, 04:54 PM Parent: #181
Post: #183 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-12-2013, 05:52 PM Parent: #182
أرضاً سلااااح في حضرة روح حميد الجميلة روح كل من ضاق الجراح القدال يكرم حميد
Post: #184 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-13-2013, 07:02 PM Parent: #183
في تدشين ديوان الشاعر محمد الحسن حميد ( عليه رحمة الله )
أرضــــاً ســــلاح
قال الشاعر القدال تجدني في شعر حميد كما تجد حميد في شعري وقولي وهنا تمازج الروح في بدنين وهم واحد ( السودان وإنسان السودان الكادح ولا غير ذلك هم ) وقد كان الثبات على هذا المبدئ لشعراء الكلم حميد القدال ودبادي الكتيابي محجوب شريف هاشم صديق وغيرهم كُثر وأسف لمن فاتني ذكرهم والله يعلمهم ( القابضين على الجمر من أجل هذا الشعب قولاً شريف ولا خوف في حق الشعب ...وضاقوا الويل من أجل ذلك جوعوا وشردوا وما خفي أعظم )
وقال :
نحن غُنانا لي الولد البسير قِدامو ولي البت البتسند حيلو شادة حِزامو نحن غُنانا في البلد البراشي غمامو نطرى جمايلو حميد وجميل أيامو
ساعديني في عز الهجير في البردة والشوك ... والوعــــر ... يكفيني بشيرن نفير ... والنشلّا من بيراً حجر تستاهلي البُستان خضير لا ريح .. ولا تباريح وكـــــر .... تستاهلي الخير الكتير ما كل شر ..... في أُخريات الشوق وتتشهّى النجوم النوم وإتشهّى القمـــر إيديك قدر لبـــة عِناق .. حوشة ضهــــر ... بين راح وراح عصرت نِسيمات السحر لي بُرتكانية الصباح والعنبر الفواحو فاح لي العنبر الطفح الجِراح أرضـــاً سِلاح في إيديك مفاتيح الديار كفينا فرعين من خدار مرفوعــــة ... ماهن لي الاثار لي هرعا .. لي طق الهشاب دلّي فرع خرتت ثمـــــار ... لي ندها بي دعا مستجاب .. لي جدعا في نُقارة ظـــــار ... رمـــة ودع ... لبسة سِوار بشيرا عند سد المهر بِريكا عند هيصة صُفاح كفيك ... تكافيّبا البلا ... لي إضنيكي من دوشة سِلاح مشدودة لي مسكة كِتاب فكيتي جررر وفرتي من مصروف شهر مرخية لي ختت خِضاب مرسوم عليها قِليب حبيب طمبور .. عصفورة وزهر فواحو فاح... سكسيك أصابع الجِنات دنـــة دليب وزنة وتر ... ليلة سمـــر .. لهـــواً مُباح .. دايماً كما كل البنات الطيبات بين الفريق كُل البشر ... خِلقن أصابع إيديكي لي قبضة دقيق رشـــة لبن .. شورار مَــريق خاشاهو .... والنسام سحر لي الفي المَتْر.. فازع صعاليق الفريق بين بوخ وبوخ النـــار تدوخ ... ولا كلّا ولا ملَّ وفتر شان لُقمـــة اولادو الســـغار باري الزرازير ... عووووووك ... وكررررر .... وبي جاي ... علي دعت الشقوق .. عازم شيوخ طير البقر فوق البِطاح .. عينكي ليك ... كفيكي ليك ... والفيكي ليك .. إحتاج جناكي .. شطر حليب ... تحتاجي يـــما صدر حبيب ... العُشــــرة .. قرّي البُطان تحتاجي .. مــا تحتاجي يومي مع الصباح .... من عافّي .. من أمن وأمان .. السترة في طول الزمان تحتاجي .. ماتحتاجي صاح يــا ريتو تجتاحي الزمن او إنو يجتاحك وطن .. لا صُرما .. لا هجمة وجِراح لا كتمّا .. لا غُمة ورياح نمـــد إيدينا دايمن لي السلام ولو عزَّ يا عزة المنام ما لينا غير يم من سماح .. لا حيلنا .. نكدح صباح .. سودانا وإنساني ورباح ارضـــاً سِلاح حَمْ يا حمام شيل السلام ودوُ البلد قول لي الولد : يا دمنا حب لمِنّا بسمة وطانينا إنشراح شيل همنا وخلي القماح عانينا كم ؟ أدمينا كم ؟ فرجنا في حالنا الأمم وا لومنا شان كُرسي السجم ؟ قشّا وبهم .. دوشا ونهم وهذا الوطن يا كيف براح لي جنة لي أوسع مراح مو كفى الورثنا من الحُمم .. الأسف الهرسنا من الحِمم النزف الكبسنا من الجِراح ... أرضـــاً سِلاح أنا نفسي مرة إرتاح كفاية عَلّي عزيف كوريقات الرياح يا ملطم الوادي النزيف في الفارغة ضاع العمر راح ... كجنتا كيف يقع الوطن في حرب أخرتا كوم تقيف على شيك بياض متشهّي أقالد لي أمي أنـــوح عند ضمي .. لا هذا النـــواح الدمي بين عُكن الجِراح يا طمي... من ريحة الرُصاص السُمي صُنان الصُناح شُري ألمي ... ولا المُستراح ... أرضـــاً سلاح حَمْ يا حمام لي غُناكا حَمْ بين رشة الغيم إستحم .. مافي السموات إلا خير الواطا هي المشقوقة غم مسيوقة سم .. مَطقوقة دم .. مفلوقة بي النُخب القًباح أدتني من وطني الفقر وأنا مالي ماحقو السفه والسرقة والسف والصيوع وأنا خالي صبار الصبر وأدتني في زمني الدُموع وأنا ياني تربال المتر خلتني جـــوع ... كتلتني بي العطش السجر وأنا سقّا كُل هادي الربوع وطني القنوع الإنظلم زمني القبوع تحت العُتم ... لمّا الشموع باعوا الظُلم .. وطني اليصيدني جِراح الألم ترا كيف فعل بيك النُخب نُخب الألم وطني الخشوع ... كم لي العِلم من ما ألم به العلم وطن الصبر لآمن يغيييييز وطني العزيز المحترم بعد السلام والاحترام بعد السلام عليكم أثنيت بك فهم ,,, وحد القلم ما بزيل بلم وعلى كيفنا ما كيف الرمم يا نسوو سلام سوداني شم فوق القمم .. يا إما يا نُخب الخبوب زمم الهبوب النازفي دم يا مستجدين النعم يا ملثم جزم العجم بي لُحاس موائدم إنبرم نسى في نهم ناسو العوئدم العدم لا قدر الله الندم يا اهل الصلاح الصاحا صاح أرضاً سلااااح
Post: #185 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-14-2013, 03:21 PM Parent: #184
على كيفي أمشي وعلى كيفي أجي وعلى كيفي أقعد في دبي وعلى كيفي أروح أبوظبي
وصل أول أمس لأرض الأمارات الطيبة الشاعر عبدالقادر الكتيابي والروح ما بتطلع من الجسد والدم ما ببقى مية وهو أبن الأمارات مرحب بك أخي الكريم عبدالقادر الكتيابي والشوق لحديثك الطيب من يوم قادرت على كيفك
Post: #186 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-14-2013, 07:24 PM Parent: #185
Quote: زمم الهبوب النازفي دم يا مستجدين النعم يا ملثم جزم العجم بي لُحاس موائدم إنبرم نسى في نهم ناسو العوئدم العدم لا قدر الله الندم يا اهل الصلاح الصاحا صاح أرضاً سلااااح
وكانت تلك قصيدة حميد المعروفة والشهورة أرضاً سلاح في ليلة تدشين ديوانه الأخير عليه رحمة الله ارضاً سلااااح ألقاها يومها الشاعر محمد طه القدال ويظهر في نهاية القصيد إنشاد معه الشاعر حميد الشاعر عبدالقادر الكتيابي
Post: #187 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-15-2013, 08:04 PM Parent: #186
وائل يا ابنذلك الرجل الجميل لماذا اختفيت اظهر انا محتاج ليك كثير
ولحين ميسرة
Post: #188 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-16-2013, 03:21 PM Parent: #187
Post: #189 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-20-2013, 07:55 PM Parent: #188
لحـــــن ميسرة
Post: #190 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-21-2013, 05:54 PM Parent: #189
أحلام الحزن الفرعوني
Post: #191 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-22-2013, 03:05 PM Parent: #190
لحين ميسرة دعائنا بالصحة لشاعر مبادئ وشريف في حرفه الشاعر محجوب شريف ( متعك الله بالصحة والعافية وما تشوف شر يا رب )
Post: #192 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-22-2013, 06:45 PM Parent: #191
أحــــــلام الحُـــــزن الفــــــرعوني قصيدة عن عادة خِتان البنات ===================================
الحزن الأول بحر المالح سيلاً ضرع وموجاً فرع مـــن الشام ... مِناك لي السهلة النجدية يا وادي الزِنج .. الأم البكر الزِنجية لو أخر خيمة إنكجت كانت ركزت فوق سنار لي ريحة القلوة العربية كانت فابريكة بُن كانت مشتل أبنوس كانتفي الشعر القرقد القايم شتلة تجاور الشتلة .... التفل الروث كانت في الطبع الحار الريد الحار الحزن الحار الحزن ... الجن الأحمر ... كان مهووس ....
والحُلم التاني من الفسطاط .... الخيل في الخيل لي فاطمة أم حِجل العرجون الخيل مِرحات .. والنَوق مِرحات .. الخيل الدفرت دفرت وادي صعيد أسوان لي البت الخِصبة الزِنجيـــة والنوبة تصيح لي حلفا نبيح ... لي النهد السابح فوق الريح .. لي العِشق الساخن والجاي الخيل الدفرت فاتت دُنقلا دون لجاي
والمد التالت غاشي الدامر بالعطرون النار ما حرقت دار شنقيط النار ما بتحرق وادي الزنج .. النار .. النار آ بنية يا بنية الزنج العربية يا بنية العرب الزنجية النار في النار .. نيران ألوان .. شيتن قرآن شيتن يا حليوة الحزن الجاكي يكون غَبيان .. شيتن في الفرح .. التايه فيكِّ ... كذا الضهبان شيتن في قليب الجدية الرُخص الهشة النية ... النار النار آ بنية يا بنية الزنج العربية وبنية العرب الزنجية الريد الليك متحمّد سركي مسوكر .. جاك آ بنية بلا عنوان ...
والحُلم التاني التربة الأولى الموس .. الشفرة الصغرى .. الحُلم التاني التربة الكُبرى الموس الشفرة الكبرى .. الوجع .. الكبرى السِتر العار .. العار الشهوة إنبهلت .. إن المؤودة إنسألت .. يا ووب القطنة الطلعت يا ووب القطنة الرجعت يا ووب الوجع النوّح وروّح ... روحاً مرقت .. تردح يا فرعون .. يا ووب الأم الجاضي حشاها الإيد في السما والعين في جناها الرحم إنشقّا يا ووب الضاقت في الميلاد سِتراً مكشوف غتيها البت يادوب بكريها ألحق يا الطايل باعك ندهاك في الضيف ألفى الدركان في سراعك سهل في الحوبا حشاي برد في الحارة قساي ومرقت دخلت مرقت دخلت .. صلت ندهت كتمت سكلت إن المؤودة إنسألت واللهبة الهبلت المهلا آ ناس المهلة تطير المهلة الهلة متين ألقاها السهلة متين ألقاها المهلة حليلة السهلة حليلة البلد الحجر الطير وباي الريق نشفان من القوقاي وكان في الحلة الناس بتجض اللوز في القطنة هناكا يجض البسمة إنبهتت نزلت دمعة .. وفوق لي الدمعة عيون بتجض ... وداكا اليوم ... مسيخة حليوة يا فرعون لهيب بِيبُق وقالوا قبيلا كُمسيد الغبين بِشُق ألاف الألوف رايح آكال الكتوف رايح البمسي فوقموج البحر والببلع السيخ والحجر ويا الدمع النزل في الحارة دُميع الرُجال غلاب .. ويا الغُبن الوقف في الحلة شوكـــة حُوت .. اكون حزناً فدر في رُجالنا .. مو كضاب .. اكون حزناً فدر في رجالنا مو كضاب
Post: #193 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-23-2013, 06:59 PM Parent: #192
Quote: أحــــــلام الحُـــــزن الفــــــرعوني قصيدة عن عادة خِتان البنات
الختان ختان البنت وحكمه في الشرع لم يرد حديث صحيح في هذا الموضوع لكن ورد حديث الفطرة وهي سبعة وورد فيها ختان الذكور فلو كان ختان البنت سنة ( كان ذكر في حديث من الفطرة )
كانت هذه العادة تمارس في جزيرة العرب ولهم الأسباب التي هدتهم لختان البنت في تلك المناطق الحارة تكون بعض أعضاء عضو الأنثى كبيرة وطويلة في الحقيقة بالذات البظر وخوفاً من أن يثير البنت عند أحتكاكه بالملابس الداخلية كانوا يقطع منه بالختان قليل ولذا نجد في السودان أن عملية أن يقطع جزءمن البظر تعرف باسم ( الطهارة السنة ) وقد ورد في حديث لا اعرف تصنيفة في تبويب الحديث ( قد يكون حسن ) قد مرَّ رسول الله صلى الله عليه وسلم بأمرأة تختن في طفلة قال لها أخفضي ولا تنهكي لم يقرها على الفعل ولم ينهها ( ويستند من يقرون ختان البنت على هذا الحديث ) هذا القول لا يستوي لو كان الختان أو قطع جزء بسيط من البظر سنة لكان ورد في حديث من الفطرة
Post: #194 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-26-2013, 04:54 PM Parent: #193
لحين ميسرة
Post: #195 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-26-2013, 05:56 PM Parent: #194
الخِتان عرفنا نوع الختان الذي يسمى سنة وهذا دخل السودان من الجزيرة العربية
الخِتان الفرعوني وهو أبشع أنواع الخِتان وسوف نغوص في كيفيته وقبل ذلك لابد أن تعرض كيف دخلت الطهارة الفرعوني ( وفي الحقيقة هي طهرة بل إعاقة ) يقال أن الكهنة جاؤوا لفرعون وقالوا له أن ملكك سوف ينتهي على يد طفل يولد في بني اسرائيل ألتمس منهم الحل فأشاروا له بالخطة أن يقتل اي صبي يولد بعدها وبعد مشاورات بينهم خلصوا أن يقتل كل صبي يولد في السنة دي ويترك الأطفال اللذين يولدون في السنة القادمة وبعدها بدأوا التفكير كيف يمكن أن يعرفوا ان الاسرة الفلانية ولدت ولد وجاءت الفكرة من وزيره القاسي هامان أن تختن المرأة بتلك الطريقة البشعة وعندما تحمل لا تستطع الولادة من غير مساعدة وعينو القابلات ( الدايات ) عن طريقم وان تبلغ الداية عن نوع المولود ومن هنا دخلت الطهارة الفرعوني وصار من يومها اسمها الختان الفرعوني كيف ؟ هذا ما سوف نوضحه في المداخلة القادمة
Post: #196 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-27-2013, 07:25 PM Parent: #195
الطهارة الفرعونية ( كا تسمى ) وفي من البشاعة ما تقشعر له الأبدان اولاً تمارس هذه العادة في معظم بلاد السودان بالذات في الشمال بدرجة كبيرة وكأن فرعون هذا سوداني وفيها من الوحشية أستغرب كيف من تقوم بها ( الداية ) تحمل كل هذا العذاب الذي يجري على يدها لطفلة فيها :: يبتر ويقطع البظر ( مكمن الشهوة العالية للبنت ) وهنا افقدوها لذة المتعة بقطع هذا الجزء من جهازها التناسلي البظر في البنت بمثابة رأس الحشفة في الرجل وفيه من الأعصاب ما يمتع المرأة في العملية الجنسية ( بالطهارة تفقدها ) قطع ( حش ) الشفرات الشفرة الكبرى وهي خارج الجهاز والشفرة الصغرى داخل الجهاز وبعدها يخاط كل الفتحة ( الشق ) ويترك فتحة صغيرة بمقاس حصوة التمر ومنها يخرج البول ودماء الطمث معاً والوضع الطبيعي هنا ان ترقد الفتحتان ( فتحة البول ... وفتحة التناسل ) مستقلتان اسفل الشفرات الصغرى فيخرج البول لوحده ودم الطمث لوحده ولا ألتهابات ولا يحزنون ... وهذا الشئ يؤثر كثيراً في الأمراض التي قد تؤدي لعدم انتظام الدورة ولا قد تؤدي وتؤثر في انتاج البويضات بالالتهابات التي تنتقل للرحم ومشاكل الختان الفرعوني كثيرة كل اجزاء الجهاز التناسلي ذات حساسية عالية تساعد في الإثارة عند المرأة حين تماس العملية الجنسية فكيف إذا قتلت اعصاب الحس فيها الوضع الطبيعي هو خلقة الله وما تسمع قول من يقولون انها عفة وطهرة للبنت أكانوا هم أعلم من من خلقها .. ولم يرد ان تختن ول قالوا انها ضمان العكس هو الصحيح البنت الغير مختونة هي التي لابد ان تكون عفيفة فض بكارتها ( غشاء البكارة ) هو دليل عفتها لكن البنت المختونة ممكن أن يكون فض غشاء بكارتها وعند الزواج تخاط من تاني وفي ليلة الدخلة ينزل دم من الجزء الذي خيط وكيف لك يا شفت تعرف هذا الدم من غشاء البكارة ولا من الجزء الذي خيط عاوز تقول لي أنو دم غشاء البكارة أحمر قاني طيب يا شفت في اليوم داك وفي اللحظة ديك انت بتقعد تقارن ومن وين تلقى دم الجزء الذي خيط عشان تقارن دا بنزل مع بعض فوق يا غشيم يا من تعلق في شماعة الطهارة اشياء غير منطقية الأصل ان تبقى كما خلقها ربها وفوائده جمة تفادي الامراض متعتها الكاملة طهرتها وعفتها ولا مشاكل في الولادة ختان البنت جناية جناية وعذاب لها وحرمان من متعتها
Post: #197 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-28-2013, 05:45 PM Parent: #196
Quote: الحزن الأول بحر المالح سيلاً ضرع وموجاً فرع مـــن الشام ... مِناك لي السهلة النجدية يا وادي الزِنج .. الأم البكر الزِنجية لو أخر خيمة إنكجت كانت ركزت فوق سنار لي ريحة القلوة العربية كانت فابريكة بُن كانت مشتل أبنوس كانتفي الشعر القرقد القايم شتلة تجاور الشتلة .... التفل الروث كانت في الطبع الحار الريد الحار الحزن الحار الحزن ... الجن الأحمر ... كان مهووس ....
كيف دخلت عادة الخِتان لبلادنا ؟ هذا هو السؤال الكبير هناك عادات محلية وعادات مكتسبة كيف تكتسب العادات ؟ تدخل بطرق شتّى * عن طريق كل الجيوش والحملات التي غزت السودان أو حاولت ذلك ودحرت * عن طريق الأختلاط .. شعوب التماس مع كل الدول التي تحد السودان حدودها ( السودان بلدتحيط به دول كثيرة ) * عن طريق التجار والتجارة هي اكبر عامل تمازج ( للثقافات .. العادات .. ) * الهجرات من دول الجوار السودان من الدول التي أختلطت بالكثير من الشعوب من دول الجوار ومن دول أخرى نجد مثال ( من الشعوب التي عاشت في السودان )
الأتراك الألبان اليوانانين الأنجليز الهنود المجريين ( شعب دولة المجر ) السورين أكراد اليمنين ( بل نقول عامة عرب الجزيرة العربية خلال كل الهجرات من هجرتي الحبشة ودخول عبدالله بن ابي السرح ) وكل شعوب دول الجوار ( مصر .. ليبيا .. اثيوبيا .. الصومال .. أريتريا .. كينيا .. جيبوتي .. شاد .. نيجيريا .. افريقيا الوسطى وغيرها من الهجرات الصغيرة والتي لم تظهر للسطح ) كل هذا الأختلاط نقل لبلادنا الكثير والمثير
Post: #198 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-28-2013, 06:41 PM Parent: #197
Quote: الحزن الأول بحر المالح سيلاً ضرع وموجاً فرع مـــن الشام ... مِناك لي السهلة النجدية يا وادي الزِنج .. الأم البكر الزِنجية لو أخر خيمة إنكجت كانت ركزت فوق سنار لي ريحة القلوة العربية كانت فابريكة بُن كانت مشتل أبنوس كانتفي الشعر القرقد القايم شتلة تجاور الشتلة .... التفل الروث كانت في الطبع الحار الريد الحار الحزن الحار الحزن ... الجن الأحمر ... كان مهووس ....
قد صور لنا الشاعر محمد طه القدال كيف كان دخول الطهارة الفرعونية يقول الحزن الأول كان مد والمد : هنا يعني بها أمداد جاء بطريقةأو بأخرى ودخل السودان وجاء عن طريق البحر ( البحرالأحمر ) من الشام من نجد السهلة النجدية ودخل السودان عن طريق البحر الأحمر السهلة النجدية ( نجد ) واين قاصد وادي الزنج ( الســـ و دان اي بلاد السود ) قاصد بنت بكر زنجية وتعمق ووصل لعند سنار ولولا وعرة الطريق لكان شقَّ الطريق جنوبا
Post: #199 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 04-29-2013, 07:09 PM Parent: #198
Quote: والحُلم التاني من الفسطاط .... الخيل في الخيل لي فاطمة أم حِجل العرجون
وركز لجزيرة العرب بالفسطاط والفسطاط هو الخيمة وكما رمز لها بالخيل في الخيل الخيل جاية وشايلة لفاطمة السمحة العرجون ( الصغيرة ) ماساة وهي تقطيع أحشاء فرجها بتلك العادة الزميمة التي لا يرضاها خُلق ولا دين
Quote: الخيل مِرحات .. والنَوق مِرحات .. الخيل الدفرت دفرت وادي صعيد أسوان لي البت الخِصبة الزِنجيـــة والنوبة تصيح لي حلفا نبيح ... لي النهد السابح فوق الريح .. لي العِشق الساخن والجاي الخيل الدفرت فاتت دُنقلا دون لجاي
الخيل مِرحات المراح هو القطيع النوق : الابل الخيل الدفرت : اي هبت في سيرها واسرعت يقال دفر الحصان اي اسرع وفات رفاقه من الخيل البت الخصبة اي الصغيرة وفي عمر الزهور وهنا يعني أعتبار ما حا يكون اي لو انها ما ختنت لكانت ذادت خصوبتها في الولادة وما تعثرت ولادتها ومن هذه العادة تأذت بلاد النوبة ( صعيد اسوان ) وحلفا ( وادي حلفا ) وتعمقت تلك العادة لحد دنقلا وجاي منها جنوبا وقدقسم القدال الهجرات التي حملت تلك العادة وفي الحقيقة سواء كانت هذه مسالكها التي دخلت بها او دخلت من مسالك أخرى فالحقيقة انها دخلت فعلاً من دول كثيرة وابشعها الطهارة الفرعونية
Post: #200 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-01-2013, 06:36 PM Parent: #199
Quote: والمد التالت غاشي الدامر بالعطرون
وكان مسلك المد الثالث داخل من المغرب العربي غاشي الدامر يحمل ( العطرون ) والعطرون هو تراب صخري له خاصية تحليل اي مادة لذا يستخدم في هرد بعض المواد عندما تطهى مثل الخدرة والفاصوليا وغيرها وكما يتسخدم في تطمير التمباك ( الصعوط ) وهو مادة محلية غير صناعية
Quote: النار ما حرقت دار شنقيط النار ما بتحرق وادي الزنج ..
النار ( الطهارة الفرعونية حرقت بلاد شنقيط وهي في مورتانية ) والنار جات تحرق وادي الزنج ( السودان )
Quote: النار .. النار آ بنية يا بنية الزنج العربية يا بنية العرب الزنجية النار في النار .. نيران ألوان ..
جاتك النار آ بنية يا مسكينة ( ختان ) والغريب في الأمر تتمسك النساء بالختان أكثر من الرجال يا بنية العرب الزنجية وبنية الزنج العربية وهذا هو هوية السودان خليط من عرب وزنج وكان الناتج هو الإنسان السودان ذو الهوية الخاصة شديد لا هي عربية خالصة ولا هي زنجية خالصة فهو سوداني وكفى وهذا للقبائل التي أختلطت واما القبائل التي لم تختلط فهي زنجية خالصة ويكفي الجنس سوداني وكل السودانيين اخوة لحم ودم وفي يومنا هذا قلَّ ان تجد قبائل ما أختلطت واصبح حالة التميع والإنصهار غالبة في السودان والقبيلة الوحيدة التي لم تختلط ببقية البشر في السودان ( هم الرشايدة ) لكن كل البلد أصبح في بوتقة واحدة نسب وانصهار ودم وجاتك يا بنية أشكال كثيرة من النيران بدخول هذه العادة السيئة ( الختان الفرعوني )
Quote: شيتن قرآن شيتن يا حليوة الحزن الجاكي يكون غَبيان .. شيتن في الفرح .. التايه فيكِّ ... كذا الضهبان شيتن في قليب الجدية الرُخص الهشة النية ...
غبيان: اي غير مدرك للحقائق تايه : ضايع الضهبان : الإنسان التايه وما عارف راسو من رجلي هش .. سهل الكسر ني : هنا معناها صغيرة ولسع ما بلغت سن النضوج
Quote: النار النار آ بنية يا بنية الزنج العربية وبنية العرب الزنجية الريد الليك متحمّد سركي مسوكر .. جاك آ بنية بلا عنوان ...
جاتك نيران يا بنية نيران تلهلب يا بنية العرب الزنجية وبنية الزنج العربية جاك هذا المرسل لك من بلاد شتّى متحمد : اي قاصدك عديل ومعنون لك في بريد لا يضل مسوكر اي مغلق ومختوم كخطاب حكومي مرسل لك بدون عنوان لعامة بنات سودانا
Post: #201 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-02-2013, 07:59 PM Parent: #200
لحين ميسرة
Post: #202 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-03-2013, 07:44 PM Parent: #201
والحُلم التاني التربة الأولى الموس .. الشفرة الصغرى .. الحُلم التاني التربة الكُبرى الموس الشفرة الكبرى .. الوجع .. الكبرى
كانت المناسبة التي نظم فيها القدال كما قال مرة في لقاء تلفزيوني أنه نظمها في خالته ( ســـــــــــت الجيل ) التي ماتت في الولادة أنظر لهذا التصوير الذي بداه بذكر من اشتركو في الجريمة .. الجناة :: الموس .. القطنة .. فرعون .. والعادات والتقاليد ( وبما فيهم الأهل عامة والأسرة الابوين خاصة ) المجني عليه :: الشفرة الصغرى .. الشفرة الكبرى .. البظر ( ورغم انه لم يذكره ) .. الطفلة بنية العرب الزنجية وبنية الزنج العربية وللأسف أن كثير من البنات كانت تسببت هذه العادة السيئة لهنَّ أما بعقم أو موت في الولاد وحتى الناجية عادة ما تكون ولادتها بقيصرية ويربط الرحم بعد المولود الثاني أو الثالث مسكينة بنت يجني عليها أعز الناس الأبوين والخالات والعمات وكما قلت أن الختان تتمسك به النساء الكبار اكثر من الرجال وهنَّ البخططن وينظم للختان أخبرني صديق ان قريبه طلق زوجته بسبب ختان بنته نزلت الزوجة أجازة للسودان واخبرها لو هبشتي البنات ديل بختان بطلقك أوعي تفكري في شئ مثل هذا المهم نزلت الزوجة السودان وهناك تحت ضغوط الأهل ظعنت لأامرهم وختنت البنات وبعد عودها وعلم الزوج عادة هي خائبة لاهلها الختان شر مركب
السِتر العار .. العار الشهوة إنبهلت .. ..
الستر العار وهنا يتسائل الشاعر لماذا قتلت هذه الطفلة قتلت بسبب مفهوم خاطئ .. ان الختان سترة للبنت اي سترة واي عفاف هذا يا قوم الختان عذاب .. ظلم .. وفوق كل هذا نقطة يمكن استغلالها من بعضهنَّ والسبب الأهل اريد مرأة تقول لي ان الرجل السودان ( في زمانا هذا اقصد من بعد سنة 1970يفضل البنت المختونة حتى نقول أن الرجل كان العمل المساعد الأكبر لاستمرار هذه العادةالسيئة ) السترة العار الشهوة إنبهلت وهذا الاعتقاد السائد الخاطئ الأخر ان البنت شهوتها بتزيد لو كانت ما مختونة وهل الشهوة مكانها في جهازها التناسلي لا ولا وألأف لا الشهوة
Post: #203 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-06-2013, 07:07 PM Parent: #202
Quote: السِتر العار .. العار الشهوة إنبهلت ..
مساكين كانوا يعتقدون أن الختان سترة للبنت وعار لو كانت غير مختونة الستر العار .. تتعدى بالجهل الجهالة حين تعد المختونة هي العفيفة وغيرها ما شافت العفة بل قال عضو في برلمان البلد الما عندها وجيع الفتاة غير المختونة ( عفنة ) ما صدق هذا بل هو أجهل من جهل الحياة كيف يصف خلق الله باالعفنة والنتانة .. الله كفيل بخلقه وما خلق الإنسان يكون عرضة لكل شئ الختان ( ختان البنت من صنع الإنسان وما أنزل الله به من سلطان
Quote: إن المؤودة إنسألت .. يا ووب القطنة الطلعت يا ووب القطنة الرجعت يا ووب الوجع النوّح وروّح ... روحاً مرقت .. تردح يا فرعون ..
لافرق بين ختان البنت ووأدها حية كفعل الجاهلية باقي شنو من الوأد قتلك كل حس مشاعر حية في فرجها .. قتلت أكتمال لذة شهوتها عندما تتزوج قد تحرم من الخلفة بسبب ذلك الأمراض التي تسببها هذه العملية أليس كل هذا وأد ودفنها حية ... والويل العذاب لك قطنة شاركت في موت هذه المسكينة دخلت لتجفف أو خرجت لترمى بعدأن تلطخت بدمائها الطاهرة يا ويل كل وجع ألمها في هذه العملية وانت مبسوط بذلك يا فرعون بهذه السنة التي سنيتها
Post: #204 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-11-2013, 06:48 PM Parent: #203
Quote: يا ووب الأم الجاضي حشاها الإيد في السما والعين في جناها الرحم إنشقّا
جاضي : اي يصيح اصل الكلمة ضاجي وهذا حال عامبتنا السودانية تقديم وتأخير في الحروف (وتصبح المفردة خاصة بنا سودانيين ) ووب : لفظة تقولها النساء عند وقوع فاجعة يا ووب الأم الجاضي حشاها ::تصيح كل أعضائها الداخلية وهي ترى بنتها تموت امام عينيها فترفع يديها حين للسماء ترجو رحمة الله أن يغطي بنتها وحين تنظر لها وهي مطروحة في السرير تتألم والداية بين فخذيها تريد أن تفعل شي الرحم إنشقا .. وخاب أمل الداية وضاعت البنت وكل ذلك شببه الختان ( عثرة في الوضوع )
Post: #205 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: الطيب شيقوق Date: 05-11-2013, 07:04 PM Parent: #204
قاصنوا لشنو يقص ركبتك انت يا حاسد يا مضر
شوف ليك شغلة غير قصقيص العنكوليب - والعنكوليب بى قرفتو طااااااااااااعم - ولا شنو يا وضاحة بتاعة الاوبس آند قايني؟
Post: #206 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-11-2013, 07:14 PM Parent: #205
Quote: قاصنوا لشنو يقص ركبتك انت يا حاسد يا مضر
شوف ليك شغلة غير قصقيص العنكوليب - والعنكوليب بى قرفتو طااااااااااااعم - ولا شنو يا وضاحة بتاعة الاوبس آند قايني؟
ستراً مكشوف غطيها البت يا دوب بِكريها يا ووب الضاقت في اليلام يا ووب الأم الجاضي حشاها الإيد في السماء والعين في جناها الرحم إنشقّا
تردح يا شيقوق
Post: #207 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-11-2013, 07:36 PM Parent: #206
Quote: يا ووب الضاقت في الميلاد سِتراً مكشوف غتيها البت يادوب بكريها ألحق يا الطايل باعك ندهاك في الضيف ألفى الدركان في سراعك سهل في الحوبا حشاي برد في الحارة قساي
يا ووب الضاقت في الميلاد ( اي عند الوضوع .. الولادة ) ستر مكشوف غطيها ويا لجمال الوصف في هذا البيت الذي يصف ان الستر في البنت هو الأصل إنشكف ما كان تستره وغصباً عنها فأنها في حالة وضوع وفي الوضوع تكشف البنت ووجود النساء الكِبار في حضرة الولادة وبالذات في القرى لكن الآن اصبح حتى أهل القرى ولادتهم في المستشفيات ... البت يا دوب بِكريها اي ولادتها الأولة البكر وكل هذا كان دعاء الأم ( ام البنت ) تدعو الله حينا ثم تستعن ( وإن كان لا يُصح الشيوخ والفقرا ) ألحق يا الطايل باعك طايل اي : واصل الباع هو القدرة ألفى : اي ألحق واعين ألفى الدركان في سِراعك
سهل في الحوبا حشاي الحوبا وقت الضيق برد في الحارة قساي القسى : هو الألم من ضيق لامر ما
Quote: ومرقت دخلت مرقت دخلت .. صلت ندهت كتمت سكلت إن المؤودة إنسألت
وهذا كان حال الأم وهي ترى أمام عينها أنها تفقد بنتها بما جنت يديها ( ختانها ) مرقت دخلت صلت ندهت سكلت السكيل هو البكاء بصوت مرتفع
Post: #208 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-11-2013, 08:05 PM Parent: #207
Quote: إن المؤودة إنسألت واللهبة انهبلت المهلا آ ناس المهلة تطير المهلة الهلة متين ألقاها السهلة متين ألقاها المهلة حليلة السهلة حليلة البلد الحجر الطير وباي الريق نشفان من القوقاي
إن المؤودة إنسألت بأي سبب قتلت ( لكي تكون عفيفة نظيفة كما يقال ) وأين تروحوا من عذاب الله الذي شوهتم خلقه بهذه العادة الزميمة المميتة حس وشعور وروح حينا اللهبة انبهلت اللهبة هي لسان النار الهلب إنبهلت وإنبهل الشئ اي خرج من موضعه وتدفق خارجا وكثر الصياح أصبرو انمهلو يا ناس والكل يريد أن يدلي برأيه وكل القصد نجدة البنت التي راحت من بين أيديهم المهلة تطير قبيل ما كنتو عارفين ان الختان قتل أحاسيس مشاعرها وقد يكون به العسر في الولادة ووين تتلقي مهلة في حوبة مثل هذه بل الشفقة تأتي بالتصرف الخاطئ ويا حليل المهلة بعدفوات الأوان وتضيق السهلة بما رحبت عن الضيق والكل يبكي الموؤدة البلد ناس وحجر وطير يسوي حي ووب ووب حي
Post: #209 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-12-2013, 05:45 PM Parent: #208
Quote: البلد الحجر الطير وباي الريق نشفان من القوقاي
وكان الموت المحتوم البلدوكل ناس البلد وباي اي يصرخون حي ووب الحجر الطير الكل بكاها وهي تموت في عز شبابها الريق نشفان جفت الحلوق من النحيب والبكاء .. والموؤدة باي حق قتلت ( بالختان والستر والعفة المغلوطان )
وكان في الحلة الناس بتجض اللوز في القطنة هناكا يجض البسمة إنبهتت نزلت دمعة .. وفوق لي الدمعة عيون بتجض ...
كل ناس الحلة ... تبكي الدمع دماً وندامة اللوز يحمل القطنة الدخلت ومرقت تمتص دمائها الطاهر من أجل عفة زائفة تنحب وتبكي على أنها كانت جانية ... البسمة كل أحساس جميل إندهش إرتعش البسمة اللعبة الكعكة الكل إتبلل بالدموع لفراقها وفوق لي الدمع العيون تستنكر ونادمة
وداكا اليوم ... مسيخة حليوة يا فرعون لهيب بِيبُق وقالوا قبيلا كُمسيد الغبين بِشُق يوم موتها في الوضوع كل القرية ( حليوة وهي قرية الشاعر ) كانت بلدهم مسيخة عليهم يا فرعون يا من جنيت على كل صبية وشوهت خلقها الذي ارتضاهلها الخالق وكل البلد لهيب من شدة الحزن يبق اي يلتهب وما خمد أصلو كمسيد الغبينة بشق اي السكوت على الغبن بشق البني آدم عندما لا يعبر عنما يجيش بخاطره من ظلم وقع ويقع على أطفال ( بنات )
Post: #210 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-12-2013, 06:54 PM Parent: #209
وقالوا قبيلا كُمسيد الغبين بِشُق ألاف الألوف رايح آكال الكتوف رايح البمشي فوق موج البحر والببلع السيخ والحجر أصلو المثل وقول الناس بقول كتم الغبين في النفس ( بشق ) اي تنشق بي المغصة الأآف الألوف رايح الذي يكدس المال ألف فوق ألف في يوم من الأيام بموت ويتركها خلفه للورثة أكال الكتوف رايح ود الزول البيأكل اموال الناس بالباطل ومن غير وجه حق ( يقولوا دا يأكل ناقة النبي سليمان ) وهل الناقة هي للنبي سليمان عيه الصلاو والسلام ( الناقة التي كذبوه فعقروها ) غايتو ناس السودان ديل عليكيفهم يقطعوا ويواسو الناقة هي ناقة نبي الله صالح عليه الصلاة والسلام البمشي فوق موج البحر وهذا هو المتشعوذ الساحر .. يقال الشيخ فلان بمشي فوق موج البحر والبّلع السيخوالحجر ( برضو دا الساحر ) وبرضو بموت وكل بموت بسببه لكن موتها كان بسبب سببه أهلها ( الختان )
ويا الدمع النزل في الحارة دُميع الرُجال غلاب .. ويا الغُبن الوقف في الحلة شوكـــة حُوت .. اكون حزناً فدر في رُجالنا .. مو كضاب .. اكون حزناً فدر في رجالنا مو كضاب فعلاً دميع الرجال غلاب ويقصد بها أن الرجال دمعتهم بعيدة ولكن حينما يبكون بكائهم دموعه تغلب عليهم وتنزل الغبن ( هو الألم والحزين الذي يغلي في الصدر لو نزل ) شوكة حوت اي لا تنبلع لا تفوت تفضل متعارضة في الحلق فدر اي سرى وجرى في دمائهم عليك الرحمة المقصودة باقصيدة والرحمة تنزل علي كل فتاة عذبها اهلها بهذه الغبينة ( الختان ) قلت في دنُياها وقد يكون سبب موتها أو حرمانها من الذرية محاربة هذه العادة واجب على كل اب قبل الامهات وكنت بعتقد الضاقت مر الختان تقاتل من اجل بناتها لكن ما حصل ومازالت المرأة تصر علي تقطيع بناتها حيات تحرمهنِّ لذة يفقدنَّ منها الكثير وتسبب لهنَّ بأمراض لا تُحصى ولا تعد
Post: #211 Title: Re: يـــــــــا من ملكت جُل جِن وادي عَبقر ( محمد طه القدال ) .مفردة ع Author: خالد علي محجوب المنسي Date: 05-13-2013, 08:20 PM Parent: #210
نواصل مع الشاعر الجميل المبدع محمد طه القدال حين ميسرة من الله لو مدَّ الله في الايام
