Post: #1 Title: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 05:26 PM Parent: #0
تلاته شدراتّن كبار آلات لبخ وكبيت تحتهن خمسة لواري رملة نامعة جبتها من جنب البحر وكل يوم وليد بكري الكبير محمد الحسن يرش فيهن وأزيار الموية منديّه ونقاعّه دا يسوي جب جب جب والسباته مفروشة وكمان 30 عنقريب هباب والهمبريب يقول يا ليل... تعالو أخواني وأخواتي ندردش ونذكّر كل كلمة حلوة قالوها أهلنا زمان ونحمد الله خالق الخلوق ورافع السماء بلا عمد أهلنا زمان ملكهم الله من مجامع الكلم ووبحلّو وبربطو
الدعوة للجميع على اختلاف ألوانهم السياسية بس موضوعنا وتيمتنا الكلمة الحلوة القالوها أهلنا زمان
خالد محجوب
Post: #2 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 05:36 PM Parent: #1
بندور الكلمة السمحة الزينة اللتقالت فوق البنية ..الرتينة .. الباقّه قمر اربعطاشر الرزينة وقارية وكاتبه تحمد سيْدها وماخدّه علي البنيات الشرافة ... الريلة .. أم روّبه الكان قدلّت تطلق في القلوب النار .. النفيسة الدرة مكنونة ... المخورة لسعدها وسعادتها ... أم نضمن دقاق وعديل بالحيل .. البتسوي الزين ولو بالدين .. البتعشي الضيف في الهجعة ...
قالوا فوقها أهلنا كلامّن سمح بالحيل وبعدل الميل أها متل الكلام دا الدايرنو يبقى نضمنا
خالد محجوب
Post: #3 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 05:43 PM Parent: #2
Post: #4 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 06:03 PM Parent: #3
شوف جنس الحديث دا القالوا في الجنى
الألآف درجّن ولدن نجيض ماك ني البجرجر في أم صقير وحدي
غني وشكريّهو الليلة يا بنيّه تمساح الضهاري الضارب الليّه سمعننا خبرّن في الهلاليه خمسطاشر جواد سكّن سبعمية البجرجر في أم صقير وحدي
من قومة الجهل ما خوفوك بي اخ تور بقرن جواميسن رقابّن لخ نقرولو أم هبك البربخانّه بلخ قرنّك بفتح الهامه ويمرق المخ البجرجر في أم صقير وحدي
ما بحركو الكشكيش القلب إن ثبت مابنفع الحريش الجنيات وراك في الحلّه أفة عيش ود المك راجلّن بعزم علي المافيش
أنا قولي ليكَ صحيح يا ركاب علي الشلق بنات الريح الجدري النزيلة الدم كرف في القيح أدريس صاقعة التَلب المقابله السيح البجرجر في أم صقير وحدي
Post: #5 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 06:25 PM Parent: #4
شوفو جنس الحديث السووو فوق البنية دي
كيف الحياة غير ليمك من بعدّك اصبح حظي زي لون هضليمك يا نعيم الدنيا
ياحليف الخدري الدائم في نعيمّك مادام هاجرنّي أرسل لي نسيمّك ينعش لي روحي من لطف جسيمّك وطيب المسكي الفاقع من ترسيمك يا نعيم الدنيا
يا أماني حياتي بيك نوّر اكليمك يتمنى البدري يلمع كأديمّك تشتاق الشمسي تصير بين غيمّك تأخذ من نورّك تلثم لقديمّك يا نعيم الدنيا
يا فرع البانةمائل في خميلّك من قامتّك حِبي أتعلّم ريدك يا بدر التم ما بتم تكليلّك لو ماتجعلني محبوبي زميلك يا نعيم الدنيا
سيوف الهندي من لحظك وعينّك سهامها تصبني وتسلم لي عينّك غير أني بحبّك وحيات خدينّك مانعني صدودّك يا سيدي وينّك يا نعيم الدنيا
مع هجرّك وصدّك ما زلتّه بريدك ومنام عيني بين حزوز جيِدك من نعيمو حبيبي مولاي يزيدك ضيعتّه حياتي وتسلم لي بريدّك يا نعيم الدنيا
Post: #6 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 06:39 PM Parent: #5
يا ولد محمد الحسن ها جنى ها تعال في التبادي اسق عمك دا موية بعدين شوف الناس الجو هسع ديل ابقى مو فاطرين خلي يجهزوا ليهم فطور في سراع .. بعد داك أرجع لي شان بدورك تمشي الدكان تجيب تمباك باقي حقتي دي صبحت خلا
Post: #7 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-08-2007, 10:25 PM Parent: #6
شن قولك في ما ولدة نجاح الزول الفيهو النضمي دا
شدو ليك رِكبْ فوق مهرّك الجماح ضرغام الرجال الفارس الجحجاح السمْ النقُوع الفي بدن نتّاح تمساح الدميرّه الما بكتلو سلاح ياعصار المفازه اللعيون كتّاح المال ما بهمّك أن كتر وأن راح
أبواتّك قبيل بحلّو للعوجات مطمورتك تكيل للخالة والعمات في الجود والكرم آيديك دوام بارزات يا اب قلبّن حديد في الحارّه ما بتنفات
البطن الجابتك والله ما بتندم يا أسد الكداد الفوق خلاك رزم يا سحاب الخريف الفي سماك دمدم بابّك ما انقفل نارك تجيب اللم وما بتعزم تقول غير استريح حرّم
عينيك يا الصقر في الحارة مابتنوم صدرك للصعاب دايمّن بعرف العوم في جوه الفريق للفارغة مابتحوم لا بتتلام ولا بتعرف تجيب اللوم ودناسّن عزاز جمعّوا المكارم كوم تفخر بيك بنات البادية والخرطوم
Post: #8 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-09-2007, 03:43 PM Parent: #7
كلامّم دقاق وسمح اتقال في بنيتّن سمحة
بنيّه بنيّه لي سالم وليد عتمان وصلاة الزين وسموها الرتينّه أمها بت علي الخمجان خريف الرازّه عزينّه
بلا الربعه التحجّل شاكيه للوديان كتافّه وفوق الجيد علي ضهر البوادي تغنّي ماخاتيه الزرافّه
سلامها ضنين بسيمها الودعّه ألا تزيد لطافّه ملامها رصين مقدّم زوكها قبال الحصافّه كلامها يطمئن الهمباتي والمجلوبّه متعارض كتافّه وقارية وكاتبه تحمد سيْدها ماخده علي البنيات الشرافّه كذا البريبة تبرد عيني لا تغشاها لا أحضر نشافّه
Post: #9 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-09-2007, 04:31 PM Parent: #8
أغاني وشعر زمان آناس سمح بالحيل أبتدر ود الوقيع القول.. الشدرة مليانة وأتعدّل في قعدتو بعد مو كان راقاد علي صفحتو وحدّر الطاقية وعقدها مع الحجاب .. ها جنى كدي ناولني كباية موية النطفيبا النار الموقده فيني دي .. جاتو الموية من الزير الوسطاني باقي بارد.. كرع كرع زيييين وماسك الكوز بين آيدي وجر نفسناً عميق واعقبه بآه زفر كل همومه معها ... أها أها ناس قت لكم غنا زمان سمح بالحيل مو زي غنا اليومين ديل كدي سمعو جنس النضمي دا السوو في الوليد القارح دا .. اي بالحيل قال .. قال غنايو
غنّت ليكَ أم سماحّه يا الولده التامّه الناجحّه عيونك ما جن قماحّه يا الجدري الصبغ القراحّه أنت الجلّه وبارودا فاحّه يا ليلة أسد الخش ساكن الضريّه
Post: #10 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-09-2007, 05:43 PM Parent: #9
قام حِميد علي طولو وماسكّه الهاشمية ومو عارف شن أسو أقعد ولا اقيف وبحركة لا شعورية رفع عصاتو لي فوق .. أنصر دينّك يا ود الوقيع أنصر دينّك يا ود الوقيع طلقتّه النار في جسمنا وخليت شعرة ضهرنا ترجف بدور السوط والبطان .. يا حيل أيام البطان جاء صوت حسنين من الشدرة للغادي أنتو آ حِميد مابقيتو ناس ايسكريم وعنب وخرب طبعكم بالحيل. نزل حميد عميمتو من رأسو وقال ليهو لا والله مو كان أكلنا الايسكريم والعنب والله كان سوينا السبعة وزمتا وكت الدلوكة دي تدق جسمنا دا كلو انطلق فيهو النمل وما بوهط الآكولة دي غير السوط العنجاوي
ها جنى عليك الله أدي عمك حميد فنجان قهوة وألمي اللبل جوفو المحروق وعليك الله آ الخزين الدخري ود الوقيع سولّنا نضمن فوق البنوت وكلام غزل أكتل النار الفوق حِميد دي .. ها ناس مالكم بدوروا تخلوا الضرس يتاورني بعدما هجس وكان لحظتها أنتكى راجع ودالوقيع فوق الهباب وجادع حقة التمباك تحتو ... اي بالحيل يا ودالوقيع سو نضم ناس المساح وسيد والبنا فوق البنيات... جانا صوت عتمان راقد علي قفا ومتوسد شالوا باقي شاري من النقادة وشغل نضيف مو خمج. اتعدل ود الوقيع في قعدتو وقال لهم سمح بالحيل وكت بدوروا تفتحو الجروح آناس عاد أبو رجال واحملو النضمي دا .....
أنا من صفاك مسحور بالله إنت ملاك ولا من حسان الحور يا ناعس الأجفان
تذرف دموعي بحور وأقضي الليالي قيام ما بين شوق وهيام أرعى النجم في سحور يا ناعس الأجفان
وفؤادي آه منحور مقتول بغير سلاح وأقول بكل صراح سببي العيون الحور ياناعس الأجفان
فيكَ الكمال محصور أكظمتَ كل حسود حسنك مقامُ يسود على كل جيل في عصور ياناعس الأجفان
طرفك لحاظو تصّرع أسداً شجاع وهصور فيك نفرة الغزلان مع جبرة الفرسان في هيبة المصور ياناعس الأجفان
سهمّك علي محمول آيه ذنبي غير هواك وأنا ياجميل بهواك من قلبي مامجبور ياناعس الأجفان
أنا لي زمن مأسور وهجراني ماهماك يااليا قاسي لماك من طول جفاك محصور ياناعس الأجفان
وحيات خديدّك وجيدّك وطريفّك المكسور أنا أصلي مكتول فيك مهما أبالغ فيك منظومي والمقصور يا ناعس الأجفان
Post: #11 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-09-2007, 06:00 PM Parent: #10
نطه عوض ود بابكر ... اي والله وزي ماقال أحمد بدير الممثل في المْسلسْل هنا رحمة لنا ... الله يديك الفي مرادّك يا ودالوقيع كيلنا من عينة دا بالربع الكبير وخلنّا نتوجع هو الوجع فايتنا وين مو معشعش فينا من ولدونا .. بغادي حسن حلال العقد يدندن في صوت خفيض
طرفّك لاحظو تصرّع أسداً شجاع وهصور فيك نفرة الغزلان مع حبرة الفرسان في هيبة المنصور ياناعس الأجفان
Post: #12 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-09-2007, 09:49 PM Parent: #11
محمدالحسن عليك أجري ناد فتحية وامال اللقشن تحت الشدرات ديل وبعدين انت ديهّن رشّه بالخرتوش سمح يا المبروك وكلم فتحية وأمال قولن عمي قال لكن بعد ما تقشّن الشدرات بعدين بديكّن كل واحده فيكن شلن ... سمح آالمبروك ... يله اجري في سراع الوكت أتأخر الناس ديل هسي بجو للمقيل الجلسة الشعرية وعليك الله كلم البنيات ديل ينفضّن عناقريب الهباب ديل من كتاحّة أمس دي وكمان شوف الزير الناقص تمو وأمش لي حبوبتك كان بدور لها شي من الكنتين شان أجيبو ليها .. وانت حقّك آالمبروك أكتر من شلن بس جيهة الكلام القلتو ليك دا وبعدين تشوف عمّك بكرمك كيف
Post: #13 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-10-2007, 01:56 AM Parent: #12
بسم الله الرحمن الرحيم الخال ودالمسني ... ابؤاحمد سلامات متابعيين معاك كلامك كلعاده حلو شديد
Quote: محمدالحسن عليك أجري ناد فتحية وامال اللقشن تحت الشدرات ديل وبعدين انت ديهّن رشّه بالخرتوش سمح يا المبروك وكلم فتحية وأمال قولن عمي قال لكن بعد ما تقشّن الشدرات بعدين بديكّن كل واحده فيكن شلن ... سمح آالمبروك ... يله اجري في سراع الوكت أتأخر الناس ديل هسي بجو للمقيل الجلسة الشعرية وعليك الله كلم البنيات ديل ينفضّن عناقريب الهباب ديل من كتاحّة أمس دي وكمان شوف الزير الناقص تمو وأمش لي حبوبتك كان بدور لها شي من الكنتين شان أجيبو ليها .. وانت حقّك آالمبروك أكتر من شلن بس جيهة الكلام القلتو ليك دا وبعدين تشوف عمّك بكرمك كيف
لي قدام وسلام شديد لي احمد
حاتم هاشم.
Post: #14 Title: Re: هونوو شوية.... وصلو علي النبي .... إستراحة أيها المحاربون Author: ALGARADABI Date: 02-10-2007, 08:58 AM Parent: #1
فوق لحين ميسرة
Post: #15 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 02-10-2007, 09:19 AM Parent: #1
الحبيب ود العزيزة الجعلية حاتم الشكر ألآف وياها المحرية فيك يا ود القبائل قلنا شوية نمرّقك من أهل أبوك ناس أبوالحسين ديل وتسمع كلام ناس جدك وأهلك الديعتاب
لك الشكر والتقدير
خالد محجوب
Post: #17 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 06:17 PM Parent: #16
Quote: إبن عمي أبو أحمد... هيييييعععع
نضم جميل بالحيييييييييييل...
واصِل نَم لامِن أجيك بي جُرابي وأجيك صاد...
كميات مودتي...
أبو الحســـــــــــين...
السنجك نوارة وفاكهة المنتدى حبابك عشرة وعلك عافي درت كت متوقعّك أول زائر لكن سبقك بها عكاشه ود شندي .. في المثل قالوا الخيل بتمشي برأسها لكن عند حاتم نحن بخليها تمشي بضهرها
راجيك يا الأصيل وباب مو عندنا شديرات في اي وكت مرحب بيك تعال
لك مودتي وتقديري
خالد محجوب
Post: #18 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 06:25 PM Parent: #17
Quote: فوق لحين ميسرة
الغالي ود الغالي والغالية يرحمهم الله ... أبن عمي الضو الما بقولو لو سووو( القردابي ) القردابي الأصيل ( مو الأصيل مصطفى ) والله الشوق ليكم كان خمّت لواري الدنيا كلها وبما فيها لوري قودرين ماتشيلو شدة مو كتير أتوقع منك من كلامك السمح داك
لك مودتي وتقدير واحترامي ابن عمي القردابي خالد محجوب
Post: #19 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 06:43 PM Parent: #18
ماشاء الله وتبارك الله ربنا يزيد ويبارك .. الليلة الشِديرات مليانة تب بالناس سلام عليكم آناس وكيف أصبحتو علكم طيبين وعافية ود كروري حبابك وينو عمك ود الوقيع ... لا تقولي أدلّه لا تحت سمعتو أمس بقول عندو تورّن قرصان بدور أمشي أجيبو للحلّه في شان أودي البطري .. والله ناس البطري ما بسولو الحبّه عمك دا كان مسك التور دا كوا في بكان القرصة وعركا بقطران والله التور دا يطيب وارجع زي ماكان وظنيت أحسن هــــداك جاي أتعكز على السرهيتا متلفح بتوبو هلا هلا أمانة مو راجلاً حبوب وأخو أخوان ربنا يحفضو من كل شر
محمد الحسن وين آناس وليد بكري أخوي دا ..تعال جنى أمش استعجل ناس داخول ديل الليجيبو الشاي والقهوة وشوف أعمامّك ديل الما فطر جيبلو فطور.. الله يعدله عليك آولدي
Post: #20 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 07:04 PM Parent: #19
مرحب ود الوقيع والله من غيرك الشديرات خلا ... الناس من الصباح في رجاك في ملّه كدي سوي النضم السمح شيخ العرب بسم الله ... ها ود عتمان ماتخلي الراجل أجر نفسو .. كدي أعدلو لو العنقريب دا سمح وجيبولو في التبادي موية اللبل حلقو .. هسي محمد الحسن بجيبلو قهوتو المخصوص وبعدها بحدّر سفتو الزي طينة اللبقّه ... بعد داك ان بقتو دايرين النضم تب بسوي ليكم ... والله آجماعة دكتور السعية الفي البطري دا زولاً لئيم بالحيل طب مو عندو احترامّن لي كبير ولا صغير ... عليك أمان الله وديت ليهو التور الليلي دا امس قرص فوق الجروف ... عقرب موية عليك أمان الله لقيتو مضبلّن التقول مو توري الابرق داك القوي هسع الدكتور دا أدا حقنة وجبتو ربطو في حوش ناس ود عديف وياني بكرة من دغشنّ بدري مودي لتحت .. عليكم الله بس أدوني نصيص ساعة اللنجم وبعدها الدايرنو كلو بسوي ليكم زين ؟؟
Post: #21 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 09:42 PM Parent: #20
أها آناس الليلة بدور ابدالكم بالنضم القالو فوق البنيات ... عليك الله تسكت آ صديق الأخيدر.. نحن براهن شن بنساوي والله عليم أمان الله ما بنسوى التكتح خشمنا براهّن دحين اسمع النضمي دا ما بفرك القلب فرك .. قولوا البنية دي كانت سمحة بالحيل ومعشرقّه بالجنيات لاحدهم علا طب ما مديا ريقّن حلو لواحد منهن .. والله قالوا لك أن بقى مرقّت لعند بيت ناس خالتها أن بقى أخوها المرق من بطن أمها ناغمه( سلام ) في الشارع مابترفع عينها تشوف دا جنس ولا أنس بس بترد لو سلامو وهي في مشيها لا بتتلفت لا بترفع راس .. ها بس قادّله وتقدح في قلوب الجنيات الشوق والنار .. أها قالوا لك شافها الشاعر دا وعجبتو وسوى فيها نضمو دا والله شيتّن يقلي الزول قلي .. اها اسمعوا ....
أسهرتّه جفني ملان يزرف دمع نازل كالمَزنِ في الهملان مابصحْ لْيك يا فلان طرفّك دوام ناعس وأنا طرفي ماغفلان
كالظبيّه في اللفتان أما الخديد ناعس زي زهرّة البستان تجد الطباع أمتّن وحَسن بديع رائع منظر جميل فتان
القمري في الأغصان ذكرني ألحانّك وقلبي إنطرب فرحان بتوارى لي لمحان بروق درر فاهك ذو الراحة والريحان
لا يحصى وصفو لسان وجهّك بدر كامل من البدور أحسّن ماقصدي فيك لمسان مقصودي بس شوفتّك لا ضيعني يا إنسان
ليه كفّك إتحنّن وليه قلبك القاسي مافيهو ليا حنان ياالراقص الفنان حبّك ملك قلبي وجننته عقلي جنان
مو كلام عليكم الله أن شاء الله نجن ونزيد في الجن وانتو تحنو يا حلوين والله آناس الكلام والنضمي في الجنيات أخوان البنات بعجبني لكن النضم فوقهن بس والله تقول خوسة وتنحر في حشاي وبدورو بالحيل وبصادف ( خيتي ).....
Post: #22 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-10-2007, 10:39 PM Parent: #21
تعرف يا عم ودالوقيع جعفر ود سعد دا بحفض لو شعرن كتير من الليل ود بادي وبدور اسمعكم لي لكن مستحي منك ... عاد اسمعوني انقولكم آجماعة نحن وكت أتلمينا فوق الشديرات ديل مو شان ود الوقيع بس هو اللقول .. اي زول بحفضلو بويتات شعر في جنى قارح ولا نضمن سمح سوو فوق بنيّن زينة وسمحة أقولوا لينا كان جعفر ود سعد ولا أت آ حماد وأنا تحت تحت سمع قالوا الجنى الشايقي دا بالسمو أبوالحسين الشغال في المحطة اللت شندي بوليص حت هو حافض شعرن كتير والله برضو بندور نسمعوا ...
أها ود الوقيع سولنا نضم في الجنيات .. اصبروا في التبادي وينو محمد الحسن ودبكري اليناولني موية ريقي دا نشف حات الله من ذكرى البنيات. عدل عميمتو ووهطه في نص راسو لا ورا مع حكة لسبيبات الراس الرقد هبوت.. بدور اليلة اسوي ليكم نضم دوبيت
هاااااااااااااا ولدّن يطبق المسره فوق المسره ويحقب ساقو فوق ضهر اب قمائر ويسرى حقب قربينو في جرباتو ختّه اب كسرّه فرقّن شتى من ناس يمه زيدي الكسره
هااااااااااااا يوم الخميس الفات من البلد قفينّا فوق حدب السروج متوسدين آيدينّا أمّن جبنا مالّن وفرح اراجينّا أمّن وخوجلّن فوقنا الصقور ماجينّا
هاااااااااااا يا أخوانا الصديق بأسمو ماهو صديقّك لكن الصديق الشاركك في ضيقّك ساعة الحارة ديك تلقاهو ديمّه رفيقك والناس تتوهم تقول أخوك شقيقك
هاااااااااااا الناس في العروض ماتقيسّه بيتيبانا ومايهمّك لباسهم والعروض عريانّه هم حراس رزق متل التكنّو أمانه زي أبل الرحول شايلّه السقو وعطشانه
تبّا عوض ود بابكر لا فوق ونزل في الواطه لمّن شقّ مركوبو الجديد الشاري من ودرجب للعيد الفات دا قبل شهر .. ها المغبي دا عاد شنو بتعاين لو ماخلاص انتهى أجدعو ومش علي حفرتك ديك في الحوش الكبير الليل جدك أنكته وأمرقلك قريشات واشتري لك وحيد تاني عيد الضحية باقيلو فد شهير ....
تعرفو آناس مرة طه الضرير ومعا جماعتو جاين من سوق الدامر ,, اها قام جو مارين فوق عرب كدي جاي من أم شديدة ( أم شديدة موقع جنوب شرق شندي ) .. أها بعدما أكرموهم في واحد من العرب مو كان عارف دا طه الضرير .. أها لمّن عرف قام قال ليهو
والله فتر خلاس آناس.... وفتران بالحيل بدور أشيل أم الوليدات باقي الواطه امست تب وكمان بدوره تمشق لي ضهري بزيت سمسم ني كان أفك الوجع الفوق مخاريقي دي .. أها ناس ودعتكم الله بكره أن بقيت حي بجيكم وبندور نسمع من الجنى الشايقي البوليص وكمان من جعفر ودسعد
Post: #23 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 00:05 AM Parent: #22
ها ناس في زولّن ماشرب الشاي واتقهوج .. انت يا السعلوة هسي الجنى بجيب ليك الفطور لوك الصبر الخير وافر ربنا يزيد وابارك قولوا آميـــــن .. الليلة ودالوقيع قال بدور أخلف كراع في كراع وأسمع حديث الجنى البوليص ( ابوالحسين ) .. كدي ابوالحسين قوم تعال جاي في شان الناس ديل كلهم أسمعو نضمّك دا زين جر لو آجنى العنقريب الهبابي داك جاي ... لا لا نحن الشايقية بندور الفرجيخه فوق الدايمة دي ... أقعد آولدي كانا بندور لك الراحة .. لكن براحتك حت أن بدور تقعد فوق رؤسنا والله نشيلك ولا يكبر عليك حد .. جزاكم ربي خير ياها المحريه فيكم وكت عارف بكاني بينكم بدور اسمعكم كلام ونضم أهلنا
قال الغناي فوق البنية
قلبي طار من بكانو وشحّه وغير ميعاد صَدّف لاقتني لابسي الطرحّه زي شفق المغارب لونّه زي القمحه خلّت قلبي زاد آهاتو وفره ووحّا أنتِ يازينة البنات بيكِ النفوس منشرحّه خلقة رب جمالك لا دهان لا مسحّه كل ما أقول أطيب تنبح جروح لي نبحّه وماهماك زولّن سام لعميرو وضحّى يوم داك الغزال في الداري ماخد سرحّه ورتنا الجمال أدتنا أجمل لوحّه ماخلقوها تزعل ديمّه باسمه ومرحّه ذوبت القلوب كل ماتميل بصفحّه أرجوك يانسيم قول ليها كيف الصحّه طوف الحي هناك ومن داره جيب لي نحّه بلهج بغناها أنا زي قماري الطلحّه ماقصدي الفراق لكن ظروفي ملحّه
يا سلام ياولدي ابوالحسين والله نضمك شي يرقد الزول مديدة ويهرد في المصارين هرد .. دحين اسمع كلام عمك ودالوقيع وهو زولّن بحب الشعر زين والله زولتّك دي مالت في ارض الشايقية بغادي لكن ميلت قلوبنا نحن هنا تحت شديراتنا ديل وقلتنا قلي .. دحين آولدي نجم شوي وسولنا وحيدة تاني نضمكم سمح بالحيل أنتو يا الشايقية وبالذات فوق الجنس اللطيف ... ات ياعمي ودالوقيع بتعرف الجنس اللطيف ؟؟ ها ولدي يا حسين نحن كان ما متنا ماشقينا المقابر .. اي نعم بالحيل أهلنا ماودونا المدارس لكن أضانا ماسديناها بنسمع في الرادي والتلزيون ها دا كمان بدور لو قراية وكتابة والله يا ولدي كان جيتنا في الشعر النضم بنجيهو وان قت الزاعة نحن فطمونا تحت شدرا وان قت الخلا والله نحن طيرو ونعرفو شبر شبر مابنضهب في والله حتى السياسة وشغل ناس ناس الحيكومة دا بنعرف لو لكن مابندور نوجع راسنا بي وبعدين الله يسألنا من حق الخلق الحيوان والحجر والطير عشان كدي السياسة دي ختينا فوقا طوبا وردمناها.. بس كان داير تعرف عمك زين جيب لو خبر البنيات الشعر فيهن تلقى جوه وبنكت لك من جرباتي ديل نضمن ماسمعته بو قبل دا....
Post: #24 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 00:12 AM Parent: #23
....
Post: #25 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 01:09 PM Parent: #24
يا ود عتمان ات والناس الجنبك كدي روقو بشوف كلام البوليص دا طلق فيكم شعرانة ... اها ابوالحسين دحين عقب لنا بوحيدة تاني .. والله النصيحة لربي عندكم نضمي سمح فوق البنات ... عمي ود الوقيع كدي أصبر عندي ليكم مفاجأة .. مفاجأة شنو يا اب زهانة .. والله جون دا عجبو كلامكم دا بالحيل وبدور اسوي ليكم كلام من بلدهم ... جون ود عمنا سمح بالحيل وينو خلّو الاسوي تعرف نحن الجعلين باقي وليدات عم الدينكا ودا شيتن ثابت وما بختلفو فوقو اتنين ... بس ياعمي ودالوقيع جون دا شلكاوي مو دينكاوي .. هي كان درتا الصح نحن كلنا في النهاية ولاد تسعة وتسعة الشلكاوي والدينكاوي والبجاوي والحلفاوي والشايقي والفوراوي والمسيري والعبدلابي والحساني جت علينا أهل وولاد بطنّ واحدة ننكتل في نبقة ونرجع لبعضنا ولمحنتنّا بجلسة كباية شاي ... والله ياعمي ودالوقيع وزي ماقال اب زهانة صاحبي وجاري أنا شلكاوي لكن تب ما بغلت عليك بقولك نضم من أهلنا الدينكا أولاد عمّك لزم اي قول عدل ربي خاترك واديك الفي مرادك ...
والله ياجون انا زمان كت شغال في الديش وعديت شغلي كلو في ملكال واويل ... وكلامك دا جت علي فاهمو والله آناس كت برطن التقول مولود هناك لكن الكبر والرويس خفّه والله بقيت انسى عشاي الليل امبارح كان شنو بس جون دا كان سوى ليكم نضمهم في البنات وفي البقر والله كلامّن سمح بالحيل هي مادام الشديرات في بنسمعو الله يطول بس في عميرنا ويحفض لمتنا السمحة دي ننشد من الجنوب ومن الغرب والشرق ومن الشمال والووسط مادام البلد دي جمعتنا الجعلي والمسيري والفوراوي والزغاوي والفلاتي والتميرابي والحساني والشايقي ودرفون البجة والحلنقي كل زول يسوي حقّو ونطرب سوى وناكل ونشرب سوى ...
Post: #26 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 01:21 PM Parent: #25
كدي ناس اقيفو وروقو شوية بدور أعقب علي كلام اب زهانة الاخير دا بكلمات من شعر ولدنا ... محمد ودبادي العكودابي ... ماني حافضو كلو بس بقول الحافضو وبعدين جعفر ودسعد بسوي النضم السمح في ودبادي
قال ود بادي
الجعلي أب شرابّن حار وقالوا بعدّي يومو خنق
والشايقي البياكل النار وفوقو نحاسو متخنّق
ودرفون البجا الصقار حاقب سيفو ياخد الشق
والغرباوي عينو شرار وكضبو القالوا عندو عرق
والنيلي البعرفو كتار علي كتل الأسود جرّق
والبطحاني والشكري وغيرهم من أهل فخري
ومنهم اصلي لا بشبّع ولا بقنّع
ها جنى دحين دا كلام قالوا ودبادي الجنى الدكتور .. اي بالحيل وعندو من عينة دا كتير.. والله كلامّن بشبه كلام أهلنا زمان الجنى دا نضموا سمح بالحيل .. كان كدا ات اتربع يا ودسعد وتسمعنا من كلام الراجل دا
Post: #27 Title: Re: هونوو شوية.... وصلو علي النبي .... إستراحة أيها المحاربون Author: مدثر ابراهيم سعيد Date: 02-11-2007, 01:42 PM Parent: #26
الاخ خالد
عوافي والله ضلك رهين وازيارك باردات
وموية البحر الفيهن تروي الزول وتشبعو
ونضمك يَجِمْ الزول الا حروفك صُغويرونات بالحيل
عيوناتنا بي نضّارتِن ما نفعن شِي
بدورنلهن عيوناً منضّرات
في شان الزينا كبر الخت شويي
ان شاء الله تكتبن بالعَمَار
Post: #28 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 02:24 PM Parent: #26
والله الليلة يومنا حافل ... وين الجنى البوليص ابوالحسين .. تعال جاي وتفرجخ زي ما بتحب وسو لنا من نضمكن السمح الداك.. بالحيل ياعمي ود القيع الله يديك العافي ويحفض وليداتك
ياطير المحنّه أنت في دربّك تغشى تزور أهلّنا لو تعز ربّك ياطير
أبقى لينّا رسول وروح لأهلّنا السلام أهدي ليهم من قِبلنّا لوتعز ربّك ياطير
بخيالكم يومي تايهين في فكرّنا والله من الغربّه يوم يجمع شملنّا لوتعز ربّك ياطير
ياحليل أيام زمان ديِك بدري كنّا أن رمينّا الحبّه تنشاف في قمرنّا لوتعز ربّك ياطير
ياسلام نتلمّا في البجّبر كسرنأ فوق كلام الخير لذيذ طاهر سمرنّا لوتعز ربّك ياطير
الليلة في وداعّت سيدكم الله يتم أملنّا شركم مقسوم علي الطلح القبَلنّا لوتعز ربّك ياطير
ياحليل أيام زمان ديك بدري كنّا نلقى راحة البال وكت يرقص تمرنّا لوتعز ربّك ياطير
قول ليهم بيكم نشوف الكون دا جنّه اما من غيركم لا شي في نظرنّا لوتعز ربّك ياطير
Post: #29 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 02:35 PM Parent: #28
Quote: الاخ خالد
عوافي والله ضلك رهين وازيارك باردات
وموية البحر الفيهن تروي الزول وتشبعو
ونضمك يَجِمْ الزول الا حروفك صُغويرونات بالحيل
عيوناتنا بي نضّارتِن ما نفعن شِي
بدورنلهن عيوناً منضّرات
في شان الزينا كبر الخت شويي
ان شاء الله تكتبن بالعَمَار
العزيز الغالي / مدثر إبراهيم سعيد حباك عشرة مرحب حباب مرحب خريفنا الزارنا مرحبتين حبا البيكا كل مدارنا الحروف نكبره ليك يا السمح ياالزين طلبك أمر علينا ... صبر شوية والله جيتك يا المدثر مو هيني علينا وينو محمد الحسن .. أجري آجنى أعزلك كبشأ ماكن لفضل زيارة عمّك مدثر وخلي ناس داخول يسرعوا ليهو بالقهوة لحين تمرّق المرارة والشيّة
مرحبتين كمان وكمان بالعزيز وخد راحتك تمام وكمال بناتنّا يا ود البلد
لك المودة والتقدير خالد محجوب
Post: #30 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 03:08 PM Parent: #29
والله يا حاج ودالوقيع كلام الجنى سمح بالحيل باقي الغربه صعبة ... هم زمان الوداهم شنو لبلاد بره ... وزي ماقال القائل التسوي بآيدك يغلب أجاويدك .. وما سمعوا كلام القائل العز بالأهل ات يا سليمان حاسد ولا بغران ما كت مهيت ومبيت جنب السفارة السعودية وداير المرقة وبعته بقر أمك وغشوك ناس الوكالة وآكلوا قريشاتك ... اي بالحيل كت مهوس بالسفر وبدور الم القروش وسوي زي مابسو المغتربين في عرسهم وأجيب علي ابراهيم اللحو في حفلة عرسي .. وأسوي الخمج لكن ربنا ماهون لي ... والله آناس انا من خلِق مافارق بلدي دي وعليك امان الله لمن أمشي الخرتوم دا كني قاعد لي فوق جمر لمن أجي راجع .. داكي الليلة لمن مرض ود سليمان نقولوا للخرتوم والله كان ما اللوم ماكت بدور أمشي ... وقلنا كدي ركبنّا حافلة عبد الوهاب ود بت السرف .. والله الجنى سواقتو تسوي للزول رجفّة في القلب بجري بالعربية دي جنس جري التقول مسابق الريح والله أعمدة التلفونات دي تجي فينا فو فو فو والواطه دي تشوفها تنجمع وتنطرح زي سباتت العروس والله شريطو الفي المسجل ماكمل لقينا نفسنّا في الخرتوم وأنا مصاريني ديل جن في حلقي وقدر ماطفح في القهوة بالليمون ماجاب خبر فيني.. والله ونحن راجعين قت للناس المعاي علي الحرام مع ود بت السرف ماني راكب ان بقيت أمشي لشندي بكرعي .. شان كدي ياولادي المغتربين ديل معزورين والله ومكوين بالنار دحين كان ماهم يا سعد كت الليلة لابس هديماتك ديل ولا كان زبل بيوتك ديل والله كان ماهم كان بتك دا وقع فيك .. عليك الله زراغتك شن بسوي ليك والله كسري وموية ما تكفيك وناس الحيكومة ويلحقوك شي ضرايب وشي حق الموية وشي زكاة ثمر وشي زكاة بقر ماخلو لينا شي وهم يخمو وما بزكو وكايسنها مننا نحن المساكين ديل .. ها ناس والله دمي دا فار وخايف اجيب لي كلام أجوني هسع كلاب الحر ويرموني فوق الكر وانازولّن كبر وماعندي مروة للسجن
Post: #31 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 02-11-2007, 03:49 PM Parent: #1
Quote: ياطير المحنّه أنت في دربّك تغشى تزور أهلّنا لو تعز ربّك ياطير
أبقى لينّا رسول وروح لأهلّنا السلام أهدي ليهم من قِبلنّا لوتعز ربّك ياطير
بخيالكم يومي تايهين في فكرّنا والله من الغربّه يوم يجمع شملنّا لوتعز ربّك ياطير
ياحليل أيام زمان ديِك بدري كنّا أن رمينّا الحبّه تنشاف في قمرنّا لوتعز ربّك ياطير
ياسلام نتلمّا في البجّبر كسرنأ فوق كلام الخير لذيذ طاهر سمرنّا لوتعز ربّك ياطير
الليلة في وداعّت سيدكم الله يتم أملنّا شركم مقسوم علي الطلح القبَلنّا لوتعز ربّك ياطير
ياحليل أيام زمان ديك بدري كنّا نلقى راحة البال وكت يرقص تمرنّا لوتعز ربّك ياطير
قول ليهم بيكم نشوف الكون دا جنّه اما من غيركم لا شي في نظرنّا لوتعز ربّك ياطير
والله لقدابتك عاااااااامري تَبْ وعامري بحكاويك الجميلة...
وأنا علي إن جلاَّت القصيدة الأوردتها فوق دي... الأُغنية دي لطشتها من جُراب د. يس من بي غادي... عشان تزيد المحل حلاوة...
Post: #32 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 04:25 PM Parent: #31
ماشاء الله الليلة الجنى الشايقي جاكم للشديرات وجايب لو معاهوو مسَجل كبير اب ستة حجارة وفيهو شريط الليل شايقية... وسماعتو ديل قاجات قج أمرقّن ليك الصوت دا تكنو من مكرفون والله
Post: #34 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 05:02 PM Parent: #32
غنى الشوايقة سوا في ناس الشديرات ملاله جمره حي مو رماد هامد ... سمعوا أتكيفّو بصوت الجميل الرطب من ود البركل عبدالرحيم وواحدين ما عندهم دارية بي صفقة الشايقة اشيلو واصفقو غايتو مرة يطرقوها ومرة تصدّق معاهم جاي جاي ونحن مبسوطين بلمتنّا دي وأن شاء ديمي عامرة وتزيد ها ناس معانا أخوانا من غربنّا السمح أرض الجمال والحسن أخونا ود ملا والجنى من عيال الفور وحبيبنا سيد الجلد والرأس ود سبيل من وليدات الإبيض عروس الرمال بندورهم أقولنّا شي ... أها يا ود ملا أتقدم ابقى جاي اتوسط الشديرات في شان الجاي والجاي يسمعوك ... سلام عليكم أهلنا وأن شاءالله شيديراتكن ديمه عامره والله آجماعة أنا ماني زولّن بحفظ للشعر لكن بقول ليكم حكاية حصلت في ديارنا هناك .. يوم عيد الاضحي وعادة الناس عندنا بصلو في ساحة كبيرة يوم العيد .. أها جا السلطان فوق المهرة مزينّة بالحلي والحرير في موكب من المقربين للصلاة نزل من مهرتو وجلس للصلاة وكان حارس المهرة واقف بعيد مع الحصين وصوت تكبير المصلين بجيهو من بعيد وهم يرددون
الله أكبر الله أكبر الله أكبر لا اله ألا الله الله أكبر الله أكبر لله الحمد طبعاً مع النغمة وهو مو فارز الناس ديل بقولو في شنو المهم بقى يردد معاهم بكلامّن سوا من راسو
ويكه سبلي ويكه سبلي ويكه سبلي نكوجو كجه أنا وخادم الله ندخل الجني سوي
أها الناس نايبة عن ناس الغرب لحدهم بنخلي أخونا ود سبيل الفرنجري صاحب الزوق يقول لينا من شعر المنطقة شي الصفقة حرت باقي ود سبيل محبوب الجميع بخفة دمو العسل الشربات وهو زولّن فنجري ومقعّد .... سلام أهلّنا من الجنوب سلام سلام عزنا في الشرق سلام سلام حماة الشمال سلام سلام وليدات غرب سلام ويا ناس الوسط جاكم سلام
قال الشاعر كباشي كان برضى الليموني وصلني ودباندا الليموني وصلني ودباندا الليموني خليني الناخد سندّه الليموني
بسم الله الرحمن الرحيم الخال ودالمسني ... ابؤاحمد سلامات ... ذى مايقول ابؤالحسين اخوي الله يخدر دريعاتك ويبارك ليك في عضيماتك ... متابعيين كلامك الزين ... الواحد ياخال نفسو انقطع من الجري من حوش ابؤالحسن لي حوش ابؤاحمد ...
ودناس حميده الفكي.
حاتم هاشم.
Post: #35 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 05:10 PM Parent: #33
Quote: بسم الله الرحمن الرحيم الخال ودالمسني ... ابؤاحمد سلامات ... ذى مايقول ابؤالحسين اخوي الله يخدر دريعاتك ويبارك ليك في عضيماتك ... متابعيين كلامك الزين ... الواحد ياخال نفسو انقطع من الجري من حوش ابؤالحسن لي حوش ابؤاحمد ...
ودناس حميده الفكي.
والله يا حاتم الليلة أبوالحسين كان مقيل معانا تحت الشديرات ديل وكمان جاب معاهو مسجل فوقو شريط لودالبركل عبدالرحيم .... يا يابا مابندور تعبك تعال سوق حمار ودسعد الحمامي دا باقي عندو حمارين مو محتاج لو وخلو عندك لكن أكلفو الراجل دا بهمل حميرو بعلقلهن صباح مسى فيتريته عليك الله بس مادخلنّا في لوم مع الراجل باقي بعرف أهل والدتك اقوم اقول ود الديعتاب كتل لي حماري بالجوع واشيل حسّك ... لك المودة والتقدير الحبيب حاتم
خالد محجوب
Post: #36 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 02-11-2007, 05:17 PM Parent: #1
الشم خوَّخت بردن ليالي الحرّة والبراق برق من مِنّه جاب القِرّة شوف عيني الصقيّر بجناحه كَفَتْ الفِرّة تلقاها أم خدود الليلة مَرَقَتْ بَرّة تعرف لي مشاهيد الرُّقاد والفَرّة فلاّخ المَصَبْ بيهِنْ تبين تتورى فوق حيا فوق محل من الصعيد مُنجرّة شاحد الله الكريم ما تلقى فيه مضرّة أبْ عرّاق فَتَقْ قَرْنُه المِبادِرْ شَرّّة والباشندي عمت مهششيب الدِّرة من النقرة كُل حين فوق عليو منصرّة ها الأيام محاريها القليعة أمْ غُرّة قدمت من هنا وبي ضانها سمْعَتْ كرّة فوق كرتوت شخيتيراً تخيِّن خَرَّ قلاتو الوهاط بي لشغة قبله محرّة يا باسط النّعم تسقيها في ها المرّة بت المن قَرين مَرَقَنْ على الجبّالْ في بيّه وبَلوس ما برجن الوبَّالْ صفرن درعتن تتدلى للبهلالْ وبيضةْ شاش قرابيبن تريع البالْ مرقن يا مجيب لي جملة السُّعَّالْ شاحدك تجمعن من مطبق الحلاّل ما ينقص حساب الدرج لو بي عجال ونحن نجيب لهن في كل يوم منوال من بيلا الصباح إسَّرْبَقَنْ همّال والدوف فوق حقايبهن كترته جمال الخور العطيش بلداً عزاز ورمال ومدروك ما هو من حرّ النهار بكمال عَقَبَنْ وَدْ دَعُول يجرن شفاقه عدال ختمن مقرح الحربة الجبالها طوال قلت أمّات قرود وردنّه بالقبَّال خَلْقَنْ كيف برمولْهِن دمير حبّال .
.................................
حاتم هاشم.
Post: #38 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 06:07 PM Parent: #37
حاتم سلام أهل النبأ والشكره نعم بالحيل مسدار الحاردلو من المسادير المشورة وشوف حكمة الله التصغير ومن أسمه يقلل من شأن الشي لكن عند الشمس فالتصغير تفخيم لها في شأنها الناس بكونو راجين الخريف وكرة الرعد ومترغبنها زي هلال رمضان وعلى أول مايشوفو بوادر سحب وفوق مسدارو قال الشم خوّخت اي مالت ناحية الجنوب الشرقي النعم أنها في الصيف بتكون شروقه من الشرق قبلي لكن لمّن تخوّخ هذا بشارة أنا الصيف أنقضى والأيام ماشه لبرود
الشم خوّخت وبردن ليالي الحرّه
والبراق برق برق من منّا جاب القره
منّا موقع في البطانه والقرّه الرعد وأم خدود هي الغزالة الصقير بجناحو كفت الفرّه نشوة وابتهاج بقدوم الخريف وتغى والتغيان بفش مغيصتو في الاقل منو
لك مودتي وتقديري عزيزنا حاتم
خالد محجوب
Post: #39 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 08:51 PM Parent: #38
صورة أنا وليدي أحمد منتظرين جماعة الخير والبركة قبُل جيتهم للشديرات ... شوية كدي والجماعة بجو للمقيل في الشديرات الضليلة ...
Post: #40 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 09:56 PM Parent: #39
مرحب بي ودالبشير ها ناس بدور اقدّم ودالبشير لي المابعرفو زولّن ماشاءالله حاز علي ملكة الشعر وحفظ الكثير من أشعار تلك المنطقة منطقة شندي وماجاورها وله الباع الطويل في النسب ومعرفة القبائل وفخودّه ... سعيدات شيديراتنّا اليوم زارهن ودالبشير الفحل ... وفوق شرفو شبعنا لحم عجل وماشاء الله وتبارك ربي سيد الحكمة اليوم الدار عامرة ولامّه من كل بستان زهرة .. بيناتنّا الاحمر والاشهب والحمامي والاخيدر والسوادو فاحم والسوادو فاتح لمتّن الشيدرات وآكلنا وروينا واشجينا اسماعنّا واليوم نسمع جديث ونضم ودالبشير الفحل .....
ها ناس جزاكم ربي كل خير علي كرمكّم الجانا طامح وشكرن كتير علي الكلمات القتوها فوقي وماني قدرها ربي يخدّر ضرعاتكم ويديكم الفي مرادتكم ويخدر بيكم الارض من حد البلد شرقي لحد البلد غربي من وجه البلد شمالا لي نمولي جنوباً نفخربكم رجال حاره وحلالين شبك واخوان بنات عامر جمعكّم أن شاء الله ما ينفضا
بدور احكي لكم حكاية المك علي فخر أولاد نمر ... كان جاي فوق بنيات ومات ابوهو وهو في بطن أمو وهو مولودّن صغير سوت فوقو الشعر دا أخيتو الكبيرة وكلها عشم يكون فارس كما ابواتو واجدادو وقد كان وما خيب ظن العشمّت ......
قالت فوقو
فُرتيكت أم لبُوث لُويعة الفرسان الليل بابي ليل عَنَزه وقرونا سنان
الكوراك ضرب مرقّن جراقدّن أنداد أندات النصاره الكلهم بولاد الكرار علي كبر عليهم زاد سيفّك في قضاريف الرجال صياد
لا متين ياعلي تكبّر تشيل حملي ياكا علي الخلاك أبوي دخرّي للجار والعشير الكان أبوك بدّي للغني والفقير الكان أبوك حامّي أتسولب من العلج.. الحرير وأكسي لا تعاين الوجوه وضرب الدشر سوّي وسيفّك في قضاريف الرجال أروّي
جابوا لنا الكرامه وصبحنّا فرحانين ضربوا دنقرّم جوني العيال مارقين بسأل عن علي الفارس البقول تسعين هُو اللتر العلي ضهرو الخبوب والطين مابياكل الضعيف وما بسولب المسكين ألا في متل أسدّن قبضّن هين
كبر علي وكان فارس وغنو فيهو وفي وليداتو الفرسان ماني الكمكري في حر الكي بجي أنا ود المك علي فخر أولاد نمر
Post: #41 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-11-2007, 10:14 PM Parent: #40
ها ناس مسعولين من الخير اليومين ديل ماني شايف لا جون ود الشلك ولا اب زهانة دحين مالّن نعل ماعندهم عوجا ( الله لا جاب العوجة ) ... والله أمس وأنا جاي من السوق شفتة وليد ابزهانة الكبير في اللالوبة الفي طرف الحلّه وناشدتو من خبر أبوهو قال لي سافر للخرتوم مع جون ود الشلك عندو بنية أخو عيانة وباقي اب زهانه عندو أخو دكتور في اسبتالية الخرتوم وماشي معا زي واسطة في شان يعتنو بالبنية وما بغباكم وبتعرفوا اليومين ديل الماعندو زولّن في اي بكان مابقى لو غرض كان طق" السماء براسو والله صُح حتى أن بقيت بدور تأكل في المطعم وبحر مالك كان ما عندك معرفة بالجرسون والله كوز مويه من الزير مايناولوك لي .. وتعقد خشمّك بصمتو وتقوم زي ما دخل شلاليفّك مايبلها زيت الفول... الله يعدل الحال ومرقنا من هادي الورطة والله فقدنا مشهادنا وقلّ صبرنا والله يجيب العواقب سليمة...
والله كتّر خيرو وداب زهانه سافر يلازم جارو وصاحبو جون ودالشلك اي بالحيل دي الخوة والصداقّه ومافي أحسن منها في زمنن بقى عشرة فوق وعشرات الملايين مدهوجين تحت الكرعين
Post: #42 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 00:56 AM Parent: #41
......
Post: #43 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 02:17 PM Parent: #42
ها ود البشير بشوف في رأسك في كلام بدور تقولو ... أي بالحيل بدور أطلب من الشيخ الوقور ودالوقيع أسمعني غنوتّن قديمي من زمن بعيد ماسمعتها وأتفلتّن من رأسي بويتاها ... الغنية يا ودالوقيع ( في غفلة رغيبّي ) .. حليل أيام كان المحبوب بيسرق النظر سرقة ويتحين الاوقات ويحسبّها حسابّن دقيق حتى لا يفلت الغزال ماهو طبع الريم النفرة والميسان وكان يوم السعد يوم مرقتو من جيرانو قاصد بيتو ... وبعد غفلة رغيبّي بدورك تعقب لي بالنضم الموزون ( عشقّت شادّن ) ما قول لي نسيتا والله بالحيل مكتول فوقا وفوق الشادّن ..... طلباتك أوامر يا ودالبشير وعاد كيفن نحن نرفض لك طلب وانت الساس والراس ....
أختفت البنية وزولك قاجي الشرك لشوفتها... يوم يومين زحا القليب ودقه.. رسم الخطة مافي طريقة غير زيارة وكت الساعات الميته مابين 11 إلى 12 الابو في الشغل والصغار في مدارسهم والأم مرقت عند فطونة تقطع معاها الكلمة مع كباية شايّن أحمر هبهانه أقول يا ليل .....وياهو الكان زيارة في الوقت الميت....
في غفلة رغيبّي رحتّه أزور حبيبي لقيتو شويه حاسس
ضاجع في سريرو بين طيات حريرو حيتو وجلسته من سحرو أقتبسته من نورو أغتمسته
بحديث دبلوماسي قال لي نوري مافي وأحذر إلتماسي
قت ليهو بجمالك سحروك ولا مالك صار ياحبيبي لونّك خاطف لي عيونك
قال لي عندي حمى وبيا صداعه لمّا من أثر إنتكاسي ساعات دمي عافي ولي يومين أقاسي
قت ليهو بوسامتّك وحلاة إبتسامتّك كفارة وسلامتّك وألف عزيز كرامتّك يا الحافظ كرامتّك مهما كنتا قاسي أو لي عهدي ناسي ليك يزداد حماسي
قت ليهو إنتَ عاقل مافي لزوم تشاغل وأنتَ في لروحي شاغل قت ليهو إنتَ روحي وإنتَ سبب جروحي وإنتَ لشعري موحي يا روعة جناسي يا حبي الأساسي يا النسيتني ناسي
Post: #45 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 05:36 PM Parent: #44
Quote: أصل المسدر أن الحردلو كان معجب بفتاة اسمها الروضة بت السرة وكان له ميعاد معها لشرب القهوة فحضرت لموعده ولكنها وجدته نائماً فأخذت عصاه (المطيرق) وعادت بها ادراجها واخفتها لكى تثبت حقيقة حضورها فخرج هذا فى إطار التداول الشعرى العادى الى اشبه بالمسرحيات الشعرية فى صورها المعروفة حيث تتضمن عناصر الحكى والسرد فى الإطار الشعرى ، وهناك تشبيهات فريدة وبليغة .
الحبيب حاتم حبابك ألف آالمبروك ... دا الكلام والنضمي السمح البخلي الزول يعضي آيديهو اايا جيب من عينة دا تسلم ويسلمّن أيامك يا العزيز لك مودتي واحترامي
خالد محجوب
Post: #46 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 05:44 PM Parent: #45
Quote: أصـبـحــت الـمـطـيــرق فـى نعـيـم وسروره وات الـنـــوم عـبــدتـو وما قريت لك صوره سـاعـتــيــن إن صـبـر كـت تحظى بالبتدوره ســعــدك إن رقــد مـا بـجــبـر الــمـكـسـوره
المطرق صبحّت بين آديات زي الحرير .. وحتى المطيرق سعيدة لوجودها فوق بكانه الجديد ... فوق نعيم بين آديات نواعم وتزيد سعادتها لو سندت عليها ست الكل والجمال.... الحنك فيسعد جزءها تحت العلوي بمناطق محظورة وحراسّه مسلحة منها ممنوع الأقتراب والتصوير......
Post: #47 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 06:13 PM Parent: #46
كلمة برنجي من اللغة التركية الرقم واج بالتركي ( بير ) والأول بالتركي ( برنجي )
فكانت منها تسمية السجائر المعروف وايضاً كانوا أهلنا زمان أقول طلع البرنجي سواء كان ذلك في منافسة أو في الدارسة ومنها جرت العادة أن تقال نفس الكلمة للبنت الجميلة فهي الأولى بين اترابها وتقال للفائز كمان
Post: #48 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-12-2007, 10:52 PM Parent: #47
مالك يا شيخ العرب ودالوقيع متل التقول في محنة كلام حاتم دا ( مسدار المطيرق ) بشوفو غيّر دمك حتى خلاك نسيت طلب الفحل ودالبشير الراجل ماقالك بدور إسمع منك عشقتّ شادّن ... اي بالحيل نضم حاتم دا رجعني لي زمنن بعيد بالحيل وكت كنا صبيان ومروتنّا كاملة كنا في أيام الخريف بنسدر بالبهائم مرات نصل لعند الرهد سارحين فوق عديلنا وهناك آجنى عرفت أم الوليدات وتمم لينا ربك وأتزوجنا سنين عشته معاها في ارض البطانة وبعدين حت رحل جيت شندي ايا ايام كانت سمحة بالحيل وكنا ما بنشيل هم للحياة لا كهربا لا تلّجات ومسخرة نشرب بالهين وشراب الكوز دا ماعرفنا لا قريب .. انتو هسع سوتوها لي شي كباية شب وسي مصاصة شوية كدس وألمي بتشربوها بالدرب والله يستر ... كدي قبال ما اتوه فوق زحمة الذكريات أرجع لطلب الفحل ودالبشير وبعدين برجع لخيالي ....
قال يا ودالبشير زولّك
عشقتّه شادن عيونو ساحره وقوامو لادّن كأنو زهره
عشقتو من نشأة الطفوله محبو قلوبنا طاهرة وحياتنا طوله بحبو كنّا لا نعرف الهوى.. إذا جلسنا الصباح سوى نغيب عن الكون وماحوى خلقنا من عنصر المحبّه وبقينا طول الزمن أحبّه هوانا فطره...
عواطفو من أنبل العواطف لذيذ محازق حبيب ملاطف نضر محاسن حلو الشمائل شدوّت بذكرو في الخمائل كأنو من كوثر الفضائل سقاني خمره....
حبيبي من عالم الملائك سماوي جالس علي الأرائك مكانتو عاليه.. عاليه عاليه وطريقو شائك مالو مالو الحبيب دا مالو عن يمينو وعن شمالو الناس يحسدو في كمالو والزول يذوب لو نظر جمالو اقلَ نظره....
بسم الله الرحمن الرحيم الخال ودالمسني ... ابؤاحمد سلامات... عزيزي معتصم الطاهر الله يديك العافيه ... شوفو جنس النضمي ده
المك نمر ... مسدار
بين مشية ورجعة وصول مسادير مشاوير حوامه وَسُط نهار من ليل
ملفحه يا بلد بالحر يلاوى النسمة مطبول اللسان مفتاحو ضُلْ الرسمه ضَرْبْ المستحيل كَتَّف رموش النجمة إنْ صَحَّ الكلام فى عينو تصحى الكجمة يايوم من حلم زيد فينا طول الهجمة يابلد اندفر فى رحلتو المنقسمة ما تورْ إنْ وقع ..... يكتر بياض البسمة
من طابور مدوِّرْ فى المسا المبهول تالِِتنا النحاس خامس شموس الحول واحد من بلد قصّرْ غناها الطول والشِدرْ الكُبار صمّغ سقوف القول يتساوى المطر ، والخندق المبلول والليل والنهار ، والكاتِلْ المكتولْ
معبى عيونك ، الشوق والخريف داجين حلمت الوادى ماسك صرخة ، بى غادى المدن تضحك جدادة الوادى طارده اللمحة من أُفُقْ العناق والعين مكتف يا جبل واقف وتشرب دمعةْ القاعدين وما بين الجبل والوادى أطفال يشبهو الجايين قدمنا السبِتْ فى خوفنا صِبْحَتْ ليلة ْ الإتنين معلقكْ الشقا العرقان مديد فى الضو تواريخك حِيَلْ ملفوفة فى طول العِمَمْ والمشية والرجعه وزمنا الراح لوت بطن المطار واطيها يوم الوَعْدْ دردق روح جليدو وساحْ أياديك فى الوداع طالتْ أصابعَكْ طايره ليل فى الجو لا بتشبه وداع ولِقا ولا شُباكْ تضارى رياح
قسمت المدن ميراثا للسهران إن بات والمخده اتْجّلَدَتْ بالنار إن مسك العصايه وسنَّّدْ الأحلام إن عرك الزمان واتباهى بالفكره يابرق المسافات ولع الأسرار من جَمُرْ انخمد ..جُر النَفَسْ ذكرى وادِعنا وأَمِشْ فى دربك المعووج رجّعنا وتعال تمْسِكْ عقاب الدار يا بَكْرةْ أَمِسْ ما أجملك بُكره مفلوت من بعيد أقربْ لكْ التاريخ درباً وصّلكْ ما رجعك فى ليل وقلباً من غُنا نبضو ارتوت أركان صَفَقْ شِدرْ الشموس الخانقة ضُلْ عينيك دَفَقْ مويةْ البحور الصابه فى السهله لوكانت خطاكْ الخابه فى المهله تبرا إبَرْ ضياع فى شوكةْ الهجرة ترجانا ونجيكْ الكلمة عامود نور الليل قصرك طالت مدن انسان أطفى الرؤيا دقت ساعةْ العصفور توبك ما اترتق لسه النهار عريان المنسج كِبِرْ سنوات على المنديل والنورج حرَنْ فوق قمحةْ الإمكان والمشو فى الشفق حيمغربوك تانى يابلد اشتهيك والعبرة خانقانى أصرخ وارتجيك الصرخة كاتمانى أحلم وابتديك الأول التانى.
...................................
حاتم هاشم.
Post: #51 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-13-2007, 00:23 AM Parent: #50
Quote: ملفحه يا بلد بالحر يلاوى النسمة
حاتم أخوي سلامات حباب الجنى البنهر ضحى واقول تو حباب الما رِضع من البسوّّلا البو حباب سيف النضر الراجل الكريم الضو جبِت لك كلامّن بخلي الزول أقول هوووو
قهنوبة السواد وكت الحر يلاوي النسمة لا تعرف تقوم لا تنوم وجسمك تمسكو العسمه النار تحتك وفوقك تختف من الوجيه البسمة راضين بقدرنامادام من الكريم كانت القسمه
Post: #52 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 02-13-2007, 10:34 AM Parent: #1
تعظيم سلام...
أحمد المَجَري في ديار جعل...
هييييييعععع مائة زغرودة للمقدم الطيب...
مودتي...
أبو الحســـــــــين...
Post: #53 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-13-2007, 06:20 PM Parent: #52
Quote: تعظيم سلام...
أحمد المَجَري في ديار جعل...
هييييييعععع مائة زغرودة للمقدم الطيب...
مودتي...
اي بالحيل يا ابوالحسين الصورة دي كانت أول زيارة للسودان حينها كان عمره سنة ونصف واعقبتها زياريتن
تعرف اكتر شي كان بجرسو الرمض لما يمشي حفيان في الشمش أقعد اصقع زي الجرادة الطهارة
لك مودتي
Post: #54 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 02-13-2007, 07:43 PM Parent: #53
Quote: قالوا فوقها أهلنا كلامّن سمح بالحيل وبعدل الميل أها متل الكلام دا الدايرنو يبقى نضمنا
اها انا حلفاوي ما بقدر على متل النضم دة
بوست رائع حق و حقيقة
Post: #55 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-13-2007, 09:23 PM Parent: #54
Quote: اها انا حلفاوي ما بقدر على متل النضم دة
بوست رائع حق و حقيقة
الحبيب الرائع الجميل فيصل محمد هليل مرحب بيك مرورك بس يشجي النفوس ... حرّم تقعد ها ولد جيب الفطور لعمك
لك الشكر والتقدير على المرور
خالد محجوب
Post: #56 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-13-2007, 10:26 PM Parent: #55
أنتو ناس مو كان في جنى بدور أسمعّنا نضم ودبادي العكودابي ... بناس عكود ذكرتوني العمدة ود بليلو عمدة حجر العسل مانه مو راجل بحق وحقيقة وان قت الكرم وان قت الراجلة وحمرة العين والله مابركب في مركب عام وألا خلصها كلها وماقعد في مكان ألا حاسب حق الموجودين لاحدهم الفي يدو مو حقتو في شان كدا ربنا فاتحه علي ارح آزول سو نضم العكودابي
ودبادي سوا قصيدتو دي في ايامو الأولى في جامعة الخرتوم ... وكما جاء على لسانه أنه حصلت مشاده بين الطلاب في تأثير الريف على الحضر ... وكان وليد بندراوي افصح بكلمة في حق أهل الريف اساءة لهم
قال ودبادي كنت جاي جديد لنج للبندر مغبش اسود زي عود الطندب المحرّق وكان هو كورقة الصفصاف يتقصف بين الأصابع يلبس سليسلة تدلى من عنقه ... رايت أن مثل هذا لابد من الرد عليه بقصيدة ...
قال فيها .... هووي يا وليد يادلوعّه يا مرنوعّه أعدل آيدّك المفدوعّه وأتلحلح وأقيف دغري وهات صدرك مع صدري
ليكَ الحق شان ولدوك في إسفنج وحتى أول جديد سووهو ليك بالبنج وهسع هوايتّك تلعب البنق بونق وليكَ الحق عشان فطموك بعد مازدتّه في سنتين وفي سن عشرة نومّك كان علي الايدين غطاك بحرير الصين والبدورو بتلقى كلو غاب قوسين أبوك مليان وجيبو سمين وفاتح لك حساب في البنك والتأمين
وليكَ الحق عشان ماخضتا في وحل المطر والطين ومن الترعّه ماسويت شراب الهين وما قيلتّه في ضل دومّه بفرعين وما شاققتا عرق النيل مع الوزين
وليكَ الحق عشان أدمنتا عيشة اللين مشي الأسفلتي ماجربتو بالكرعين ركوب اللوري في شمشّن تصر العين وما عانيت وقوف الصف ورا التموين عشان يا انت مابتدري سِجل أبواتك البدري دحين أسمع
سماك الباكي ومجدو الزال ياما كانوا تحتو رجال أبوخنجر وأبو شوتال والصقر البجيك خوجال صوتن كان يمين جلجال ومكسيين كمال وجلال لكن الزمن أسرع سيفُن بلحس الفقرّه وكانو بضبحو الشقرّه وماكانوا برضو بالحقرّه وكانو بضوّقو العادوا نوم الكوع وكانوا بموتو في شان حرمّة المفزوع
الجعلي أب شرابّن حار وقالوا بعدّي يومو خنق والشايقي البياكل النار وفوقو نحاسو متخنّق ودرفون البجا الصقار حاقب سيفو ياكل الشق والغرباوي عينو شرار وكضبو القالوا عندو عرق والنيلي البرفوا كتار علي كتل الأسود جرّق والبطحاني والشكري وغيرهم من أهل فخري ومنهم أصلي لا بشبع ولا بقنع
هووي ياوليد حصل جربتّ كب الساريه في الفلقه وخلا العتمور وشفتّه بروقه تتراقص وتتحرقص تقول مطويه في قرقور وعاوي الزيفّه ينفخ في جبال النقعّه زي الصور والحصحاص يجرفّو السيل يكنسّو علي مهاوي الخور وقلب الصاقعه يتفرطق يكب النار دمار وشرور وشفتّا الحال عرق مقلوع جبل متروم فرع مكسور جمال غرقانه بحالّه وحد المويه في الغرقور وود أبن آدم المسكين نجاتو تحت قرون التور والعوتيب أجيك يجري أشيلّك وأنت مابتدري ومابرفع
هووي ياوليد حصل سادرته بالديداب وقدّامك مراحك وراكب الخباب ودربّك طولو يملى العين سحاب وغبار ومويتو سراب وعوى كرباجّك البكاي يبكي علي ضهور الضمر الأنجاب وتسري الليل وماضوق هجدّه لو كان النجم ماغاب وبعد أيام تجيك لفحّه ويلوح لك في البوادي سحاب وتكرّف من دعاش العينة وتملا رئاك عطر وأطياب تلقى الوادي زي ماتقول ماكان خراب ويباب ويت أم ساق تقيّل من ضحاها علي المعالي ونسمّة الهباب وتقرش ليك حزمة نال تحت سيالّه تريانّه فروعها قراب وتنفّخ كل آهاتّك مع المزمار تصوغ ألحان ملانّه شباب وتنسى الدنيا كل الدنيا وماعندك معاها حساب خلاف برقّن يشيل حرقاص أو رعدّن تقول رصاص وكت فركع
Post: #57 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-13-2007, 11:09 PM Parent: #56
والله .... والنصيحّه لله نضمو سمح بالحيل كمل آجنى ... اصبر لي ياعمي ودالبشير ان نشرب لي مويه .. سمح أشرب وأطربنا بالحديث السمح دا
اها قال
هووي ياوليد حصل صحّاك عز الهجعّه صوت شتمّن بعيــــــد مخنوق وجاتّك شخرة الطمباري مشتاقّن يسوي القوق ونومّك طار وإتقسّم والرشرش صِبح مفروق واتلفحّت نص من توبّك الجرجار علي الدلوكه سايق سوق تلقى هناك بنات بلدك ولاد بلدك يعلو الصفقّه تقدح في القلوب الشوق ونغم الفال أبشرن آبنات بالخير والجنيات تطير لافوق وكم ذغروده تتفجر تفور بالناس بعد ماتروق يعوم الوز صدورو تشابي للمجهول تميل زينوبه زي البان يمين وشمال تودي الطوق وأخوان أم شلخ أنكبّو جوه الداره زي صقرّن نزل من فوق ضرب الصوت والركزّه بفرق الناس عشان زينوبه مابتحوق وعاد تتحزّم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسه فايت الكوع وسيرو مع العضل مطبوق والطاقيه تحت الحاجب المعقود هديت أم زين وما مشريه من السوق ويتقدّم عريس السمحه رافع صوتو كانوا بسُوقو بيهو النوق والعنجاوي ينزل فوق ضهورّن بس تقول منشحطّه فيها بروق يبدأ مجرو بالترقوة ويتحدر مع الضلع القصار ملصوق وأحمر عين يشم الدم بعد ما يرش بنات عمو ويزيدن شوق وثابت حيطه لا بتهز ولا بتلز وصاري جبينو كلو عروق وقال بعد العقد طلقانه ما يحجزوا ألا يخلو ضهرو شقوق هناك الحال مغير جد وهيجة الناس تفوت الحد وكان حجازو مدّ اليد بتسمع كع
هووي ياوليد حصل شارفتَّ دغشّن بدري فوق حجرة مخانق النيل وفي سنتّن تساب وحزم القيف وطفح الكيل وشفتّه الهيبا فوق اسياده والشخري البكتل الحيل وشفتّه الجاري يحفر في طرف كوكبنا بس تقول داير يشقو عديل يجيك بصدرو متحزّم ومتلفلف صفوف في صفوف يحاكي الخيل ومويتو الهايجهتبلع جب وتحقن في مدالق السيل وفوق الرمله منشري العشاري طويل معشعش بين نوايبو الطير حليلو جزايرو جاها النيل وحالف ما يخلي فيها شبير حزم أطرافها يكسر فيها بالهدام وينخر فيها بالقرقير وبكره يموصها يشرب طينها ويزرع فيها شلالات هدير وهدير
وتكسح مركب النواتّه عايمي علي قرون الموج جناحها كسير رواسيها مالي أصباعو في المقداف يقوم لافوق وأجي من تاني فوق الدفّه رافع ايدو ينده جملة الصلاح وأهل الخير هناك الموت يمين شافوهو شوف العين ومافي شفيع ومافي مجير تقول الزول يعرف أجلو ومكان موتو لولا أنو ماكشفو الأله لغير عاد مادام رقاب الموت تمد لسناتّه فوق للقيف تكب الصير شن فضل بلا الغرق البدور ناعي وفعلاً كان وياهو مصير ومشت المركب الغرقانه بين موجتين وطفروا منها النواتّه قلب اللجه قالوا أخير تماسيحّن يقالدوا الموج يصارعوا عتاوة العرق الكتالو مرير ساعة يعوموا بالضرعات وساعتّن فج صدوراٌ ضمه ما اتبلت ولو قطير ديل ياوليد ولاد النيل رضعوا الهيجه من صدرو ومن الطيبه رضعوا كتير الواحد فيهن فعايلو كتر ونضمو دقاق نهرتو يمين تسوي الفاق ومرّن أصلو لا ضاقّو لا بنضاق
كفاك آوليد بلاش فاقاق خلاص أنا تهتّه في الأشواق ومابرجع وهسع ضمه لا شايفك ولا بسمع
Post: #58 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-14-2007, 02:09 AM Parent: #57
بسم الله الرحمن الرحيم الخال ودالمسني...ابؤاحمد سلامات....
Quote: حاتم أخوي سلامات حباب الجنى البنهر ضحى واقول تو حباب الما رِضع من البسوّّلا البو حباب سيف النضر الراجل الكريم الضو جبِت لك كلامّن بخلي الزول أقول هوووو
قهنوبة السواد وكت الحر يلاوي النسمة لا تعرف تقوم لا تنوم وجسمك تمسكو العسمه النار تحتك وفوقك تختف من الوجيه البسمة راضين بقدرنامادام من الكريم كانت القسمه
النضمي السمح...
حاتم هاشم.
Post: #59 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-14-2007, 02:20 AM Parent: #58
بسم الله الرحمن الرحيم
اللوري ............ غريب محمد راجع ................
سائق التيمس الفي طبعو باقي مقلب قال لي مساعدو ناوين السفر ادرب هاك ام الورق جيب ليك رغيف ومعلب وباكو من السجار اوع القديم ومهرب ودع بقعة المهدي وتوجه غرب شال سارة وبقيت في نار جمر اتقلب ممكون إلا صابر والعلي بطلب وصفات من طبيب درس الحكاية وجرب بعد مانط فتاشة وعديل إتصلب طلع قوز ابو ضلوع جسم المساعد كلب جبد السري دخان اللديتر علب صادف زنقة عداها وعليها تغلب تقول كاسر قيود كان في البنية مكرب وصادف غفلت الحراس مرق واتهرب قداموا الطريق ساهل نقوع وجررب قبل التاسعة فوق أم اندرابات تلب من ام اندرابة توهد الخيران وإتراجع من السرعة وعمل سكران قصدو القاصدو تب مافات على الزملان يبيت صدر أب تبر ويصابح الغزلان قشة عينو من النوم لمحلو عنيز قدامها الوعيرة وبي وراها قويز شال جيهة المهب نشن قليل الميز كرفت ريحتو خزت وعوضته فزيز شبيهة سارة سلمت من أذى الرصاص ورجع صاحبنا آسف واللدين يباس بتشبه سارة في الهيف والحشا المزرود والجيد المبوبح والعيون السود تمتاز بي نفوراً مابحدو حدود وتمتاز سارة بي العفة وليانة العود عقب لامح قطيع جنب القصيبات ماشي وراح بشويش مباريهو وعمل نواشي قبض نيشانه واقف ومثل الدياشي وقالت بو وراح كل القطيع متلاشي فرك ايدينو حسرة وعض للسباب وقال ياليته كان ماخالف الركاب قداموا الوحل وتردم السحاب وزاد الناس كمل والرحلة لسة صعاب قال يامسعادي اطلع منع الكراب هُرب ابو حوت تحتنا والطريق دراب نزل وادي اب جداد وعلب الدكناب وفات وادي المخنزر وعدا بالحجاب عقيدات الدمر مراها سيل منساب تقول شارد اضاليم ماسك الدوداب ختم من جبرة عفواً لاسلام لاحباب ونزل ام قرفة ممهول والنهار ماغاب بات مبسوط يشاغل ناس يضاحك ناس ونامت سارة نوماً هادي غير هلواس حتى مساعدو راح ضارب الرمال وإنباس آخر نومه وإرتاحت بقية الناس صحا من نومه واصل منزعج مزنوق وفات ام صيقعون لمحة وعقب خازوق يغير في التعاشيق الشقي الصعلوق يحاول جهدو حاري اليوم جريجخ سوق وصلت سارة ناسة وعشيرة ابوها وجوها شفاقة مشتاقين تقول ياكلوها دي آخر محطة الليل يواصلو لبارا وللركاب تأسف واعتذر بي مرارة وصلت سارة موطنها وبلدها الرائق بوابيرو بتدق صباحي والتور سائق وإتخلفت في جريجخ حبسني العائق في بحبوحة لكن الضمير ماطائق.
.........................................
حاتم هاشم.
Post: #60 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-14-2007, 03:29 PM Parent: #59
Quote: سائق التيمس الفي طبعو باقي مقلب قال لي مساعدو ناوين السفر ادرب هاك ام الورق جيب ليك رغيف ومعلب وباكو من السجار اوع القديم ومهرب ودع بقعة المهدي وتوجه غرب شال سارة وبقيت في نار جمر اتقلب ممكون إلا صابر والعلي بطلب وصفات من طبيب درس الحكاية وجرب بعد مانط فتاشة وعديل إتصلب طلع قوز ابو ضلوع جسم المساعد كلب جبد السري دخان اللديتر علب صادف زنقة عداها وعليها تغلب تقول كاسر قيود كان في البنية مكرب وصادف غفلت الحراس مرق واتهرب قداموا الطريق ساهل نقوع وجررب قبل التاسعة فوق أم اندرابات تلب من ام اندرابة توهد الخيران وإتراجع من السرعة وعمل سكران قصدو القاصدو تب مافات على الزملان يبيت صدر أب تبر ويصابح الغزلان قشة عينو من النوم لمحلو عنيز قدامها الوعيرة وبي وراها قويز شال جيهة المهب نشن قليل الميز كرفت ريحتو خزت وعوضته فزيز شبيهة سارة سلمت من أذى الرصاص ورجع صاحبنا آسف واللدين يباس بتشبه سارة في الهيف والحشا المزرود والجيد المبوبح والعيون السود تمتاز بي نفوراً مابحدو حدود وتمتاز سارة بي العفة وليانة العود عقب لامح قطيع جنب القصيبات ماشي وراح بشويش مباريهو وعمل نواشي قبض نيشانه واقف ومثل الدياشي وقالت بو وراح كل القطيع متلاشي فرك ايدينو حسرة وعض للسباب وقال ياليته كان ماخالف الركاب قداموا الوحل وتردم السحاب وزاد الناس كمل والرحلة لسة صعاب قال يامسعادي اطلع منع الكراب هُرب ابو حوت تحتنا والطريق دراب نزل وادي اب جداد وعلب الدكناب وفات وادي المخنزر وعدا بالحجاب عقيدات الدمر مراها سيل منساب تقول شارد اضاليم ماسك الدوداب ختم من جبرة عفواً لاسلام لاحباب ونزل ام قرفة ممهول والنهار ماغاب بات مبسوط يشاغل ناس يضاحك ناس ونامت سارة نوماً هادي غير هلواس حتى مساعدو راح ضارب الرمال وإنباس آخر نومه وإرتاحت بقية الناس صحا من نومه واصل منزعج مزنوق وفات ام صيقعون لمحة وعقب خازوق يغير في التعاشيق الشقي الصعلوق يحاول جهدو حاري اليوم جريجخ سوق وصلت سارة ناسة وعشيرة ابوها وجوها شفاقة مشتاقين تقول ياكلوها دي آخر محطة الليل يواصلو لبارا وللركاب تأسف واعتذر بي مرارة وصلت سارة موطنها وبلدها الرائق بوابيرو بتدق صباحي والتور سائق وإتخلفت في جريجخ حبسني العائق في بحبوحة لكن الضمير ماطائق.
حاتم سلام والله كلامّن سمح بالحيل واخلّي ينكرش لك المودة والتقدير وواصل ما تفتر همتّك نحن في نتظار عينّة النضمي دا
Post: #62 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-14-2007, 05:02 PM Parent: #61
Quote: على سبيل التحية
مرحب ود الأمتداد مرحب خريفنّا الجانا مرحبتين حبابو وأشرف بنبو ديارنا لشنو يا يابا بتمر بالبدرب معجول بس دي السلام مالنّا ماتت نارنا
علي بالطلاق تدخل لاجوه مابسلم من الشارع وتمشي
لك الود والتقدير يا عزيز
خالد محجوب
Post: #63 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 00:10 AM Parent: #62
سمح العيشتو جنب طينو وتمرتو
Post: #64 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-15-2007, 01:26 AM Parent: #63
بسم الله الرحمن الرحيم الخال ودالمسني ... ابؤاحمد وكل المشاركيين والماريين سلامات... شوفو حلاوه النضمي ده...
تروي الروايات أن هذه الواقعة وقعت حوالي عام 1818م وكانت الواقعة الشهرية بقتل أحد فرسان البطاحين (طه) ، حمد ودكين زعيم الشكرية واحتمي بالمك نمر وكادت الحرب أن تقع بينهم لكنها انتهت بالصلح .. صور مشاهد هذه الأحداث الشاعر الكبير أبراهيم العبادي. قال طه : أخوك يا ريا وكت الخيول بدبكن أخوك يا ريا وكت الرياح يتشبكن أخوك جبل الثبات وكت القواسي بحبكن كم بكيت وكم قشيت دموع الببكن قالت ريا : وراك اسود علي مانمت اسع طيب
قال طه : بسم الله قولي اخوك طيب نصيح وشديد حاضر قلبي ماهو مغيب إلا الشفتو في النوم من هوايله يشيب الزول في الصحي مخدوم عليه شقاهو وإن غمض شوية تجي الهموم لاحقاهو الصف ابلبوس أنا ما بخاف لقاهو ياليت الحلم في صحايا كان بلقاهو قالت ريا : كعب نوم النهار أمس العصير كنت نايمة رأيت قدام الفريقنا أشوف صقوراً حايمة كبيرن غار علي من نومي تبيت قايمة صحيت مهجومة لا مفصل ولا في القايمة قاليها طه : إنتي كمان رأيتي صقور عبارة غريبة علامتاً كافية ظنيت الحكاية قريبة هاك مني الصحيح الما بتدخلو الريبة هادي الحلة بي عيني أشوف تخريبة قالت ريا : تف الشينة ليه فاجعني ليه يا طه أنت الدغري وأنت الكاشفه ياك غطاها كان الدنيا هادي العقبة تتخطاها ما بضلل سماها وما ابتشيلني وطاها وقعدت تبكي رد عليها طه وقال : ما بفيد البكاء وكلامي أحسن تنسي قالت ليه ريا : كيف ما ابكي وكيف أفوت مراتع انسي أفقد كل شيئ عزي ورجالي وانسي تطلق فوقي نار عقبان تقول لي انسي
قال طه : فال الخير أخير ماشفنا شيتا جدت كل الشفنا أحلام في طريقة إتعدت قبل الليلة إيد لحمان قط ما إتمدت ما بنهد شرفنا لو السماء إنهدت قالت ريا : خير إن شاءالله خير والخير مساك وصباحك والفال السمح فالك يضوي مراحك بالضيفان أشوفك عامر تملي مراحك شينك ما أشوف أشوف هناك وافراحك قال طه : خير الزول يقول مهما الأمر يتهول قالوا الناس علي فالوا الحلم يتأول غاية الحي فناه كان قرب إن طول يترك ذكري والناس الوري بتتقول قالت ريا : وريني الحلم التورك مذهول قال طه : اصبري لي أروق حبل الفكر مبهول احكيلك شنو الشفتو والله مهول شفت الوحدة شفت النار وشفت الهول احكيلك تمام الشفتو ما بتغابة جايين العصير أنا وإنتي من الغابة سايقة ليك بهم قدامي بي رقابة بينا والفريق إتولعت تقابة قدر ما نشوف قدامنا نلقي حريق وقت النار علت ما شفتا تاني فريق باصرنا المروق ما لقينا لينا طريق تشكي من عطش وأخوك ناشف ريق فترتي قعدتي وانا محتار جلست وراكي حاقبة الدرقة ختيت سيفي فوق أوراكي وكت بعد البهم لي قسعتو قمتي براكي قسعتي وجيتي ومعاك كور صقور تبراكي تبيت بي عجل شافني جفلن وطارن غابن من عيوني وفي اللعوت اتضارن ما غابن كتير جن يقدلن يتبارن قدامن كبيرن عاينني وغارن سل السيف ولاقاهن أخوك يا الضامرة تور عنز أم هشيم الفي المجامع دامرة سيل تلوي اندفق فوقو السحائب هامرة حجر الصاقعة أخوك فرتاق الصفوف العامرة بادرني الكبير ديك إستعدن وقفن ما مهلتو طار راسو وجناحي يرفن طارن ديك وكت بي ريشو رقد إتكفن
قالت ريا : عارض ومات خلاص لي الليلة يمكن عفن نحمد الله الليلة مات عارضنا وإن كان عمروا طال ياريا كان قارضنا يلحقوا بى عجل ديش همنا المارضنا نبدأ زواجنا بكرة منو البجى يعارضنا بطال البعيش فى الدنيا اصلو غناه ان كان مالو راح غير اهله مين يدناه سمح البفوق اساس ابواتو تمه بناه والزول دون قبيله غناه شن معناه ما بنفرح بى مال ونقول كفانا ورثنا نفخر بالرجال فى الحارة يبقوا ترسنا نجمع ناسنا هيلنا من الكبار حارسنا يحضروا اهلنا فرحانين يباركوا عرسنا كل بطحانى يفرح بى عرسنا مناه ساعة جمعتن بيتنا يتم بناه عذاب عيش العزب يا ريا مر ضقناه سمح الزول صبى يلد ويربى جناه ( طبعاً ريا ما قبلت الكلام ده لانو ابوها عبدالله المعروف بابو كبس ما تمّ سنة من وفاته والناس فى حالة حداد فقالت : دا الأعوج تراه ووالشين نهاية حدو إن شاع ده الخبر يملا الفريق لى حدو يقولو ابكبس من دخل ود احدو فرحو وعرسو لا موجعن لا حدو إن كان فى الفريق ماتت مريه ذليلة لى الحول يرفعوا العرس الدخلتوا الليلة خليه ابكبس راجل الرجال ودليله إن كان بى قبيلة تعدوا تبقى قليلة خليه الكلام وعرسنا فى ده الحال من بالك امرقو محال وألف محال على ميتت ابوى لى الليلة حول ما حال نصبح بكرة ونسة وبهادل حال رد عليها طه وقال ليها : الموت ما شمت غاية البخود والببروا والموت والحزن ماجابوا زول من قبرو الزول فى الشدايد أولى يلزم صبرو يترجى الكريم مولاه كسرو يجبرو بنخاتر منو الوجعة هيلنا برانا نحن أهل المصاب والناس عزا مجابرانا فى آخر المراح دايماً تجى الفترانا عادة الحد ندوسا والناس عقب تبرانا بعدين ريا شافت تحسم موضوع العرس ده مع طه وإنه لازم يتم السنة كالعادة المتعارف عليها فى الحداد .. فقالت : الناس بالمكارم والفعال بتياهو زى الفطرة ينشأ الزول حسب مرباهو عادة جدو عادتو ونحل ابوه نباهو يلبس توب قبيلته أن داروا ولاَ أباهو من الليلة حول مضيهُ تانى اتكلم الدايروا بيتم رب العباد إن سلم رد عليها طه : تانى امضب حول وانا بالحسا اتألم على حكمك صعيب انا قابله ما بظلم نستنى السنة قاسية وصعيبة علينا رد عليه ريا : تم الإتفاق من الكلام خلينا زى عادة البلد لا زدنا لا قلينا إن شاءالله السنة بى خيره عايده علينا ياطه البهم قرب رجوع سراحو بنات واولاد ديك ناس فريقنا الراحو نصيحة سمعتها من الكبار الراحو قالوا العربى ما بنعز كان ما مراحو وتقوم ريا فايته على الفريق وطه يعاين فيها وهى ماشة ويقول : يا ليت السعادة ان كان وقت ايديه كنت اعيش غنى الدنيا بالزنديه على حكموا ناسى الفب اخذوا الديه اموت بالعطش والمويه بين ايديا آه يارب ارحم صبرى امس ضنين يمحق ديه السنه ربى الحليم وحنين يخصمه من حياتى رضيت بعشرة سنين وهنا ريا داخله على الفريق لاقوها خمسة عرب راكبين زواملهم ... وده بداية الحلم الشافتوا ريا وشافوا طه ( العرب قربوا من ريا قام واحد من العربان المع ود دكين شيخ العرب نادى (ريا) وقال : بالضيفان تمرى لا سلام لا كلام صدقوا اهل المثل توب العرب صُح لام ردة عليه ريا : حبابكم عشرة ومن غير كشرة وألف سلام يا وجوه العرب المتلى ما بتلام انا بت الرجال أهل الدرق والسيف بت الما بهموا بى حساب الخريف والصيف بت البحجو لى المرقوب بكرموا الضيف أنا ريا كان شفتكم أفوتكم كيف قام العربى قال ليها : من وين فى الأهل كفاك فخر يا بنية ردت عليه ريا : أنا بت البيوت المن بعيد معنية بى فوق السما نفوسنا وبيوتنا حنيه انا بت ابكبس فى النسبة بطحانية قام رد عليها ودكين طبعاً عرفها انها هى زولتوا العاوز يعرسها ذاته فقال :
فقال : عبدالله ابكبس عز البطانة وفخرى فى راس العرب بنعد ماهو الوخرى كريم وهميم كان للقبائل دخرى بت شيخ العرب هيلك صحيح تفتخرى توقد ناره ديمه المابكوس الجمره وفى الضيفان يهوش سكينو دايماً حمره بى كاس ما عبر لبنو بجيك بالعمره هيلو الشكره هيلو الرياسه هيلو الامره المرحوم ابوك كان للقبيلة غطاها عزك قديم عمك حسين ابو طه إن شاءالله اخوك ده السكه ما تخطاها بقصد ليها ود عمها طه يعنى هل هو فى مكانة ابواتوا فردت عليه ريا قايلة : كما يسد مكانن قدموا ليه يوطاها (يعنى ماشى فى الواطه لى شنو غير اكرام الضيف وإغاثة الملهوف) لا يفوت لا يموت الساحتو يوت مغشية تقابة الفريق يوقد صباح وعشية زايد فى الرجال طالق قفاى ووشيه وضيوف الهجعة يكفيهم مرارة وشية رد عليها ود دكين : ما دخل التراب البركة فى الذرية والخلاك وراه ما بقولو مات ياريا دايما فى القبائل سيرة ابوك مطرية بيكى وبى اخوك تزيد وديه المطرية قام واحد من العرب داير يعرفا انه ده شيخ العرب ود دكين فقال : ما بتسألى لا من وين ولا وين ترسو قالتلوا ريا : كيف العربى يسأل ضيفو كيفن تنسوا أول بكرموا ويخابروا ساعة أنسوا من مقلب حديث يعرف أبوه وجنسوا فرد عليها العربى : عملتى حسابو ضيفك وكرموا وجبتى يخجل كان سألتى واسمو ما عرفتيهو اسم شيخ العرب سامعابو ما شفتيه ده خريف البطانة المالوا فيها مشارك هيلو السارحه هيلوا الصاهلة هيلوا البارك ما وقع لك كلامى ساكته لى شنو خبارك فخرك ود دكين جاك فى فريقك زارك ردت عليه ريا : اهلا حبابو العزو ماهو لفايه اب ناراً تولع للضيوف دفايه بى شيخ العرب الإفتخار ما كفايه تابعوا انت جانا نجرى ونخدمو حفايه رد عليها ود دكين : بارك ربى فيك عقلك يدوم يا ريا كرمك ماهو كلفة ديه طبعتك فطريه إياك بت التلوب والسمته فيك محريه قديم فوت البطاحين عزة للشكريه فى الوقت داك جاء طه ووجدهم واقفين فقال : مرحبتين حباب مرحب خريفنا الزارنا حباب شيخ العرب اتشرفنبوا ديارنا حباب راس العرب البيهو كل مدارنا تنزلوا فى الدرب مالنا ماتت نارنا رد عليه شيخ العرب : حباب طه الضرس والفى الصهيباب راس الجود والكرم هيلك قديم ميراس نارك ما بتموت يا ولدة الفراس قاصدين أم شديد ومعانا عوجة راس رد عليه طه : لعدوك العوج يا الفى الكبس سراى راسك ما بدوش مليان رجله وراى باكر لى أم شديد اركب معاك براى ياشيخ العرب لكن تختوا كراى طبعاً شيخ العرب ما فهم كلمة كراى ديه فقال لى طه : هادى الشورة يا طه الغلبنى دليله كل البزمه القاهو فيك قليله رد عليه طه شارح ليه كلمة كراى : كراى الدايروا تبقوا ضيوفنا انتو الليلة ترقدوا فى الفريق حتى ان عشنا بليلة رد عليه ود دكين : مسكنا دربنا اسرع قوام ما تلعب دارك ديمه عامره والسمح ما بكعب يكفينا الوصف لا تشد جمل لا تتعب وهدنا الطريق عقب الوصول ما بصعب رد عليه طه : يمين تغشوا الفريق بتفوتوا نحنا مقابر رد شيخ العرب : عامر إن شاءالله ديمه اياك مرسى العابر مشطوطين خلاص مسكنا دريب جابر نخاف عوج الطريق منو لى المقدر خابر رد عليه طه : دريب جابر مزم والسكة سالكة ورايقة فرقان ما بتلاقيك ما بتعوقك عايقة اخذ خاطرنا نحنا قالوا واصلة السايقة بتراوح ام شديد باكر زواملك فايقة رد عليه ود دكين : الزول إن وعد شين ميعادو يخلفو فى ربط اللسان يسخابو دمو يتلفو سفرى الليلة فيه زولين ما بختلفو ضرورى اصل ام شديدة علي وعد بى حلفو ما بعرف ازوغ من نشيت تبيت فريقكم لى فريق وبيتكم يمين لى بيت اجيك ديناً على إن بقيت حييت هاك وعداً نجيض ارجانا بكره مبيت شوفتى للفريق ايام بكى ابواتك ماغابنى حالك سمعت بى نخواتك فريقك بكره ضيفوا وما بفوتوا وحاتك إلا احققك وبراى اشوف نفحاتك يا ود الهميم النفسوا ما معارضاه كرم الضيف عليك مكانه ابوك فارضاه جاييك فى امر إن تابه وإن ترضاه غيرك ما بكوس واملى بس تقضاه رد عليه طه : غرضك مقضى كان احتاج لخيل وجمال والضان والإبل سارح يمين وشمال رد عليه ود دكين : فوق القولتو انا لى فيك آمال رد عليه طه : بى دمى الغرض اقضاهو خلى المال المهم طه فهم شيخ العرب وده ما شيلوا جاى وطه ما شيلو على المال فرد عليه شيخ العرب : دى المأموله فيك وين الدرب خترنا رد عليه طه : دربكم فى السلم قالوا شيخ العرب : والله تب ما ودرنا بكرة نجيك إن قلينا ولا كترنا وهنا ودعهم شيخ العرب وسار بى جماعة قاصد ام شديد وعلي اساس فى اليوم الثانى ينزل على طه وقبيلتو البطاحين وفى اليوم التالى طلع طه مع ريا منتظرين ود دكين حسب موعده معاهم فى الحديث . وفى الحديث قال لى ريا : فى البال لى ضمير شيخ العرب متعوب قايم نفسه يختف فى الكلام مرعوب ما خاتيلو شئ ما شوفتى كيف مرعوب حمد ود دكين مرتع دياروا وربعوا ده الشئ السمعتو من الأباه والتبعوا الراجل فعايلوا يبينلك طبعوا أنا ود الخلا البعرف اسوده وضبعوا ردت عليه ريا : اعوج كان يخلف الليلة ميعاد جيتو رجال وحريم كل اهل الفريق فى رجيتو قطعوا السارحة كل زول فى مراحو سعيتو كبار وصغار وحتى الراعى خله رعيتو قال ليها طه : محال يخلف محال قال جايبو غرضاً عندى ردت عليه ريا : كان غرضاً صعب ؟! رد عليها طه : كان راس نمر فى شندى وعدتوا أقضاه وابذل كل جهدى العندى كان بالمال وكان بالراى وكان بى زندى قالت ريا : هيلك من زمان غنت البجيك تحجالوا لكن ود دكين عامر قديم برجالوا قال ليها طه : يا ريا الكلام ده اخير تقفلى مجالو وكت اوعدته يقضالو غرضو الجالو وفى وقفه طه وريا يجوهم تلاته من ابناء البطاحين عبدالله وخلف الله واحمد قال عبدالله : سلام يا طه قال طه : مرحب بى كبار قبيلتى وعزى مرحب بالاسود البفقعوا المستهزى ريا جات قبيلتك فوقه انكعى هزى وإن زحينا يوم الحارة قرنك جزى ردت عليه ريا : اولاد بطحان تعيشوا ويزيد مراحكم ناير وناركم فى سرات الوادى تهدى الحاير بتحلو المضيق وتصدوا غارات الغاير ما هيلكم تزحوا عن كان يزح الداير قام خلف الله لما سمع الكلام ده ارتجف واصابته خوفه كده فناداه عبدالله : خلف الله ولدى اقعد قبال ود عمك كلام هادا بشوف غير دمك من زمن بعيد أتمنى اسمع نمك فرج همنا مولاى يفرج همك دوبينا ... قول ... دوبيلنا قال خلف الله : الولد البخاف من القبيلة تلومو بخلف ساقوا فوق تيساً رقيق قدومو اما يجيب رضوه البهم البينقر فومو وإما تخامشن قدح الرماد حرومو سنابك حضر الطافه وجرايدك نوا كورك سال ومزيقا ورطانه وعوا الخلانى فوق نار أم لهيب اتلوى النوم شفتو يا قرد القلوع شن سوا اكل الشلخة لا من كمل المنسيه شمخ الحورى لبعصة عريب بت ريه أكان ما أسكت الباكيات وأخلف الكيه قولة أبو فاطنة يا الصادق خسارة عليّ خرير دوماتو فوق عاجن رسن متلاقيه يا الغول النقيب سويلو سوق الساقية بت معز الخلا الفوق الكجر متاقيه عكرناها يا أم روبه النشوف الباقية وبعدين ظهر ود دكين فى جماعته جايين على الفريق فقال طه : هداك ود دكين بى زملة بان شفناه دار اليوم يروح خلف الوعد خفناه يا ريا استعدى الزول جماعة نعناه شيخ العرب قال : ولاد بطحان سلام اهل النبا والشكرة سلام عز العرب اهل الفحل والبكره سلام ي طه راس الكرم والضكره جيت لى غرضى يا طيب الأصل والذكره رد عليه طه : مرحبتين حباب مرحب خريف الرازه حباب شيخ العرب البيه القبائل عازه حباب سيف العرب البيه هاشه وهازه فى يمينك قبيلتا ما تقبل فازه قام عبدالله قال : هيا جايهو الزمل رد شيخ العرب : خليه يا عبدالله غرضى إن كان ما أنقضى أنا زملى ما بتدله رد عليه طه : الناس فى رجاك من الصباح فى مله كدى شوف الطعام شيخ العرب بسم الله رد شيخ العرب : ما باكل طعام كان ما حساب اتضرب وقضيان الغرض فيكم حقيقة مجرب الأمر العنيتو كما اتدرب ما بنفعنى أكل وما بيروينى مهما اشرب فقام عبدالله وقال : يا شيخ العرب امرك خلاص همانا قول غرضك عديل خصانا أو عمانا هسع نقضى ليك فى محلنا اللمانا كان بى مالنا كان بى دمانا رد ود دكين : عندكم الغرض لا بدور قلم لا ورقة ما غرضاً تسافرلو وتقيسو الفرقة يقضى إن قولتوا خير ما بدورلو سيف لا ورقة وإن قلتو لا يروح شمار فى مرقه ما مقبوض وجيتكم لاجى فوقى جنيه بى خيرى ومراحى وتانى نفسى غنيه جاييكم نسيب تدونى بطحانيه رد عليه عبدالله : خير سميها رد ود دكين : فى بت ابكبس لى نيه قام عبدالله رد عليه : يفتخروا البطاحين ساحتم راحبالك لكن ريا امرها مقضى من قبالك فات فيها الفوات لى طه هاد قبالك من دون ريا قول الدايروا فى بالك ده فريق الصهيباب ما فيهو واحده حقيرة مال ورجال وعز فى الحله مافى فقيرة كثير الزى ريا مليان البلد من غيره إن درت الكبار وإن كان قصدت صغيرة قام شيخ العرب قال : إن مال الشجر ما بكسرن فراعو وقمحان الطلب لى الما بجيبه ضراعو ليه يا أهلنا البيناتنا ما بتراعو القال راسى موجعنى يربطولوا كراعو قام عبدالله قال : حبل المهلة يربط انت ارتاح بيت بكره نمر سوى ونلف البيوت بيت بيت سمى الدايره ولوم البقولك ابيت رد عليه شيخ العرب : يمين بالله غير الغاية مالى مبيت
هنا طه حز الكلام فى نفسه لأن شيخ العرب بينوا ليه أنه ريا مخطوبة وبعد ده بصر وبجادل فقام طه وقف وقال : يا شيخ العرب أمرك بشوفو حقاره وما جايباك مره الجابتك بس غاره وقرناك كتير ونفسك ابيت وقاره خبرك هادا ما دايرلو دق نقاره قام واحد من اعوان شيخ العرب اسمه على ووجه الكلام لى طه وقال : قبلك فى اللجج يا طه راحو الهدو تتجاسر علي شيخ العرب بتهدو زولكم ما عقل يا كبار تهدو بعنادوا الفريق خايف يسبب هدو هنا جو المجلس توتر وقام طه قال : أنا المالح الكارب خريفى وصيفى المثلك تبيع ما بطول فوق قيفى كما الليلة فى بيتى وبعدك ضيفى فى الشئ السمعتو برد عليك بى سيفى هنا شيخ العرب قال : كفى يا بطاحين فيكم اتغشينا كرمكم جانا طامح رخصة اتعشينا بعد الشئ السمعنا كان ما مشينا خايف فى إجتماعنا تقع وقايعاً شينه فى وداعة الله عقب بيناتنا ما فى علاقة وات يا طه اتفشيت شبعت شلاقة عمرت الشر سعيت دليته بى معلاقة نحن وانتو بعد الليلة يوم نتلاقه قام عبدالله عاوز يرضى شيخ العرب ود دكين فقال : من ولدك زعل كل البلد بتكاورو ارحكم بيتنا بيتو ونحن زولنا نداورو نتدابر نشوف نحزم جمعنا نشاورو رد عليه شيخ العرب : الزول فى الرقاد شقو البريحو بخبرو والزول البليد بى إيدو يحفر قبرو عاد بنسوى عوسنا وطه يلزم صبرو رد طه على شيخ العرب وقال : سوى الدايره وكتر الكلام خليهو والشر القصدتو معاى ابقى عليهو طير أصل السما حتى القمر دليهو يوم نتلاقى كل واحد بعرف الليهو هنا خرج شيخ العرب ود دكين وعيونه يقدح منها الشرار وكبر الشر فى نفوس الفريقين . وقام طه جارى فى ظهر شيخ العرب .. قام واحد من البطاحين اسمه احمد مسك طه وقال : اقيف يا طه عندى نصيحة ليك ابداها العقدة الصعبة العاقل بيتعداها الشكرية كتره نحنا ما نالداها انا عندى العرب اخير نفدها رد عليه طه : ده راى السديد يا احمد تراك بى فكرك روح لى ود دكين وريهو يسمع شكرك يديك مال كتير وقبيلتو ترفع ذكرك تصبح عمدة فوق روسينا تخلف حكرك قام رد على طه عبدالله فقال : ليه احمد تهينوا نصيحتوا ما ضاراك ماحق النقص وانت بتعرفوا براك وكت بتسوى عوسك وما بتشوف بى وراك نشاور ريا ممكن ريا ما دايراك رد طه وقال : صدق القالوا خربانه البلد بكباره ديك ريا أسألوها واعرفوا خباره من غير السفر ما عندى تانى دباره نحنا وانتو بالحالة دى ما بنتباره احمد : يا طه المصاعب للقبيلة تقودا مسافر وين مخلى النار بوراك موقوده طه : انا السمتان جليس الردفولا عقوده حد السيف بقطع عقدتو المعقودة ماولعت ناراً انتو تقعو فيها شن دايرين براى وانا نارى مدفيها احلف ليك يمين دى الحلة متقفيها باكر من صباحى قبل يحس الفيها عبدالله : نحن كبار اخيرلك ترضى بعرفتنا مع الشكرية احسن نشترى الفتنا ندى ود دكين ريا ونكتل الفتنا مامن خوف ملاقات الرجال حرفتنا طه : من الفيها مابزح ان تزحزح مره وإن حين نعود وان طال زمنا ومره عيش الدنيا إن كان يحلى وان كان مره الزين ما بدوم والزول بموت فد مره عبدالله : وكت صممت ما ترجع وتسمع قولنا وسفرك ده محال ما بقبلنبو عقولنا الموت ما بنخافو الخوف يمين مو هولنا بنعاين بعيد بنخاف بهادل عولنا الشكرية بسيوفنا صغيرنا معتق مابنابا القتال ونقول جرحنا اتفتق مرحبتين حباب الشر محل ما بتق تنقد الرهيفه إن شاءالله ما تتلتق طه : الشكريه غوش واكتر علينا حساب وضيف ليهم يمين ما بتربطو الأنساب أنا لغارتم حسب الف حساب لو تتعدوا رأى يمين عذابكم ساب بجيكم حمد ومعاهو الرجال تابعاهو قولولو طه طفش وريا معاهو كيف نرضى السفيه الأدبو ما برعاه يرفض طليك إت ونحن كيف نسعاهوا ابقو قصادى وحدى القبيلة معايد عقبال من رجع فوق الخسائر عايد وان كان دارنى انا ما بترجع جموع الزايد وإن حصلنى قط ما أظن يعود بفايد عبدالله : ما بقيف ود دكين واصل السرج ملعوق وفى دربك بسوق واياك يا طه ملحوق وات صنديد تصد الميه ما ممحوق بنخاف كترتم ويد الرجال بتحوق طه : ليه خايفين على والدنيا عيشة مخاطر الواجب نسوى ونرجى ستر الساتر فى وداعة الكريم الليلة فى نيتى خاطر يادار ريا ماكان الفراق بالخاطر كفاية مع السلامة انتهيت خلاص غير الشورة دى مالينا تانى خلاص فى نيتى حرير الدكب القصاص ما بخاف وددكين ان جانى بالرصاص قام مارق منهم وساق بت عمه ماشى بيها طبعاً لأرض الجعليين ماشى للمك نمر يوريه على ان نسيبك دا جاى يقلع منى بت عمى . قام مارق بعدين احمد قال لعبدالله :عم عبدالله خبرك هدا شتين فاجع كيف بنطاوعه من بيناتنا يطفش ناجع عبدالله : سمعت كلامو من الفيها ما متراجع وفى الشئ الشايفو غط بهينة ما بيعود راجع أحمد : نركب نلحقو نخليهو يمشى براهو؟ عبدالله : شورة القال اخير ما نلحقو ونبراهو العاقل بحسب للتقيل تافراهو بنفكر على القدامو والبوراهو احمد فوق السقوط قط فى ظنى ما يخلوهو كيف موقفنا ساعة يلحقو يكتلوهو عبدالله : إن وقع القدر مابتقدروا تصدوه ودا كتر الكلام اسع اخير تخلوه ( بعدين آ ... آ ... آ ساق بت عمه وفى الخلا كان بحجى فيها وقال ليها ) طه : درقى يكركب كيم رُكبى يشيل بر عمه أصلى بطرز امه منى تحود الأمه جمل يكسر الغربه ,, سيف يحل من مجربه قلبى سنين تربه ،، ما بتدمانى الغربة يا ريا الحلم ما شفتى كيف اتهول واتفسر براهو وبالشين علينا اتأول داخل راسى فكراً منو ما بتحول بكتلو وددكين إن كان قرب أو طول ريا : أسود وددكين باسمو ماتحجينا هو الفرقنا قمنا من البلد هجينا عقب فى دار جعل تانى الخراب ما بجينا ما بسوى الرماد المك نمر بحجينا ريا : ماك شايف الدرب طه : ماشيهو بكرعى تلات أيام وضحى وكان معاى سعية كيف يلحقنا زول شندى ومعاه معيه قبيلة دار جعل محميه فيها اسودا تقدل بالكرام ديمه وحاقدا حسودا راس المك نمر كل القبيلة اسودا ركازة القبائل فى السنين السودا بكره نجيه وسيفاً يجيك بولادو العز والكرم من الكبار تيلادو ما اظن وددكين بشينة يوطا بلادو ما خد بت اخوه شمة ام أولادو إن ودعتك المك ما بخاف المتلو اهون من شراب المويه عندى اكتلو وارجع للبطاحين تانى وراينا نفتلو والشكرية تقيف غير حرب مابتلو يا ريا البطاحين اصبحت محقورة على الشكرية دايماً سارحتم مدفورة ما بتقال عز وتعيد مكان وقوره إلا الغاره وتقضى صقوره ريا : فى داب الشديدة ابقالنا قوم دربنا بوصفك دحين من شندى نحن قربنا ما بنفتق عشنا بالفتقة دى نفرقنا ما بنوم الرجال امكن يمسكوا دربنا طه : يسمع حركة ريا : يا هم ناسنا خمسة عقب رجال وينو ما بتشوف وددكين برز براهو هوينو طه : الشئ البين نحن سعينا لتهويلو وضايقنا الصعج ما أظنو يعود لعويلو الناس المعاهو عرب صعيد يا ريا ما أولاد عم ديل والله ما شكرية معروفين تمام فى كل بلد وجريه كان حفرولو ولقوه شجرة ضريه عارفين وددكين ما بهم بخيل وجمال بكتلنى وبسوقك وهم بسوقوا المال وبكتلو وددكين ودى الطانها فى فكرى بتشوفى الفضائح الما بجيك من شكرى الشكرية فرسان ومستحقين شكرى دا الصح قلتو ليك أنا لا بخاف لا مكرى ريا : يا طه استعد الناس عنونا عديل طه : وين شفتى القطاع بتسوى هم قديل بضاير العوقة اخوك المابهم من ديل براك بتشوفى يا ما اشبعهم من بهديل ( هنا شيخ العرب جاء وقف جمبهم قال لى طه شيخ العرب : أتعبت الزمل حفيت وراك مستبقا احسن ليك تفوت ريا وتحل الرفقا طه : كان كل القبائل جات على منطبقا أفوت من ريا يا شيخ العرب ما بتبقا شيخ العرب : البلاوى القبائل ما بسوى سواتك خربت قبيلتك يا طه وين داواتك تانى بحد جريك البشهدنو اخواتك فارقت الثبات فارق درب ابواتك ابواتك تيوباً (تلوب) كانوا باعن طايل ايدن للرقاب تحجا وتعدل المايل سيف باعك كراعك ما بتخاف قول قايل أفو يا ودحسين فيك السؤال مو خايل أبقى لى نسيب أحجاك وآمل روعك وقول الدايروا فى الملك اجيك فى طوعك من هذا الغرور ياولدى اولى رجوعك طه : يا شيخ العرب جربت لحسة كوعك كل ما أوغرك فى الشينة اراك تتقدم اتعرميت خلاص انا صبرى حسمه اتهدم اصلو البينا ما بتنفك من غير دم الكاينة التكون بوراك ما فى ندم (واحد جاى مع شيخ العرب – عربى- قال لى طه : العربى : أصلو الخملا ما بسمع نصيحة الهادى اول خفنا ليك من البهادى الهادى يا طه البهدى الما بضرب الوادى بمشو على الرجال ويقرن مقبل فاضى طه : هسه وصلت الميس دحين حديد يلاقى حديد ينبرش الطرور ويثبت الصنديد خليه المضى لاقى البجيك جديد (واحد برضو مع شيخ العرب قال لى طه) عربى آخر : ما بتشيل قدر يا طه انت عميت وفى المروق وقعت عترت ما سميت من الجاى قضيت وبقيت خلاص زول ميت فى تركتك كفاى انا بركب اب سوميت (اب سوميت ده جمل طه)
..........................................
منقول.
حاتم هاشم.
Post: #65 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 11:49 AM Parent: #64
حاتم كيف حالك ... مسرحية المك نمر نظمها الشاعر الكبير العبادي شكراً ليك كتير انتا بجرابك الماكن دقرته عيني وكان عندك من المسادير نفحنّا بس يكون شوية وشية المشوار طويل لك التحية والود خالد محجوب
Post: #66 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 12:11 PM
ها ناس الليلة دي حراية شنو والله من ساعة آذان الفجر الزول بدور أمرق من هدومو ... قنهوبة مي قهنوبة نصاح .. الله يدينا خيرا ويكفينا شرها ..قوم عليكَ الله آجنى رش الرملة تحت الشديرات ديل زين عمك ود الوقيع ما لقى النسام مابسوي لينا نضمن سمح برقد واقعد اتهبب بعميمتو ....
Post: #67 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 12:34 PM Parent: #66
راقد علي قفا ود البشير وانخس في سنيناتو بحنقوقه ... ها ناس كورجت الحرموم دي شني أن شاء مافي عوجه .. نطه ود سعد قال ليهو مافي عوجه تب كل خير بت الماخده ولد ود كروي نفسه جابت لها وليد أمس بالليل ... ياتو في ولاد ود كروي .. حسن الفوق السعوديه .. اها بعرفو ولدن عديل بالحيل وان شاء الوليد امشي فوق درب ابو ما يجبدوا ليهم جدو حماد ود كروي كان زول شر عديل النمل ما سلم منو .. والله شدة ماكان بحب الشر قالوا ليك كان في الليل أتمس بزيت سمسم وشيل عنقريبو واختو في نص الشارع .. أها كان جا زول بقربو أنقرن في واقول لو كتحتني بعجاج كرعيك وما نفكا منو تب وان كان بقى جا زولّن عارف شرو ومما شافو برز بعيد منو اناغمو واقول ليه بتمشي بغادي بعيد مني مالي انا مجرب وانقرن في ..مو نافد منو زولّن تب ويوم يقصد الشر ... والله اخوي الكبير محمد قال لي نحن دفعة انا وحماد وكروي .. قال كان زمان اسوقنا ونمشي بالحلال اللات العرب واقول للعرب نحن ناس القراحة واوقف العرب ديل صف وشايلو موس اقرحهم لحدهم رجال وحريم وكابيلو في فتيل الليل بنلسين ( بول ) بعدما يقرح الواحد بالموس ويمسحا لي بالبول بقطنه والله كان زول ممسوخ بس هسع كبر وبقى زول عبادة سبحتو مابتفارق ايدو تب وان شاء الله يعفو عنو من السوا في الخلق ... عليك الله يا عمي ود الوقيع ما تسوي لنا اليوم نضمي في العمدة اب جديري عمدة كلي قالوا كان زولّن فحل وبطران ... سمح يا ولدي
Post: #68 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 04:44 PM Parent: #67
مابدي وأقول أديت وما تفشّر وقال سويت القنديل سراج البيت حمدالله وسلامه الجيت
سيد محكر الديوان ثابت يا اب قلب فكامة النيران وين متل الحسن الحسن يا الحسن جابوا ني ليك حداث يامطر الخريف الكاب هبوب ورشاش يا بحر المحيط الدقّه في الحصحاص تلب يا الصقر توّر الرخم مني
Post: #69 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 10:31 PM Parent: #68
عمدة كلي وهو العمدة اب جديري اشتهر بهذا الأسم ... رحمه الله رحمة واسعة واسكنه فسيح جناته .. كان من العمد المشهورين في منطقة غرب شندي وشرقها .. كريم وهميم .. اخو اخوان وعشاي ضيفان بابو مفتوح مشرع منار في بحر لج في ليلة هوجاء رياحها وعواصفها فهو الملجاء لضيف الهجعة زاد الديش لمام الهوامل كافل اليتيم وراعيه مؤنة المعدوم والفقير ماكان له لد خلف من بنتان ورثن منه الصفات الطيبة ولم يخلف لهن مالاً ... هنّ شما وزينب
مناحة عمدة كلي اب جديري وقد تغنى بها الفنان علي ابراهيم وددمامة
أب عاجات اللحو وكتين يزم وينتّر أن جات الألوف لا بضِل ولا بفتّر حوّد يا الخصم بغادي دربو بضر
أب رسوة أب هرش الضارب الوكرّه تمساح دار كلي بمرّق مع الهجعّه أبو شما اللزوم كم درج العاصلّه هو الأسد المربعّن دونو الرجال قاصرّه
بجيب قولّن صحيح في أبويا ماهو شكر مثبوتات فضايلو ومافي من ينكر أب زيد الهلالي زايد عليهو قدر عباس تور قريش منو مابقصر دايمّن فاك ضراعو وبيهو مابفشر
ياحليل أب الجديري الفارس المندور يحرّن في المحاصّه وكت الحرابّه تدور في اليوم المشوم تبقى الحجازة صقور بيهو يجبر الصف أن بقت مكسور
رحل ياشما أبوك وقفا خلا الدور وأنحلّ النظمام الكان زمان معمور برحيل ناس أبوك وقبل العبوس ماتدور أنهد الجبل وأشتت المطمور يا أبو زينب وراك أتكشف المستور
دابي القاش حليلو الفي المحاصّه بِكُر من شوفتو بتضل ناسّن دقونن غر أن شاف الحديث زايد بقالو كُتر بِشلخ في الصفوف أمات طبول وزمر زي حمزه الجسور في يوم أحد وبدر سم الصاقعّه أبوي يا للخصم بضمر
أب قدحّن سبيل مسا وصباح مجرور للضيفان بباشر وشوو مامصرور منو البمسك مكانتّك وأفهم المقرور بتراجع في المواشي وفي خدمت البور غراره العبوس مابتلتفت لزول حكم السيد نفد ومابنحجب مقدور
Post: #70 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-15-2007, 10:45 PM Parent: #69
انتو قايلين النضمي دا انقال في الوليدات بس .. لا والله برضو انقال في بنيات اي بالحيل فوق البنيات البسدّن مكان ابواتن واخيانن في غيابهم بتنا بتعشي وتكرم وانتو كان جيتو للحق منو البخدم ضيافة الرجل الكريم غير زوجته او امه او اخته يعني لكل كريم جنود مجهولين وزي مابقولوا الخيل تجقلب والشكر لحماد من باب الانصاف لازم تاخد حقها .. كدي دحين اسمعو جنس النضمي دا الانقال في أم كنانة ....
الجلابه جات قاصده الخريف أب نيلّه دحين ألحقيني يا أم كنانه عليكِ عديله مشت الحنينه وعشت ضيوفه بليله نيران الكرم متواصله ماداب ليله يا أم بيتين سبيل للضيفان والعيله ضيوفك في أم حفير نازلين قبيله قبيله ماكاست للحسره مالكه حِليله جاد بيها الزمن لكن بخل بمثيله يا أم البخيت بعطاك نلتي فضيله للأخوان نقول أم كنانه بالكتير ياحليله
من أمّات رميله متركشات لشمال سِمْعَنْ هَدْري لا قبَّال كرير واضلال إشَّرْحَطْ بريقن راح يشيل وَلْوَال وتيسن زاعَلِنْ باكِر مع الشهلال خلاّهِنْ رتوع في بقيل وخَرْجَة نال لامن دور الوادي السرى السيّال فوق قمزوز طلع شاف في ملينته زوال وقلفة كو حفيرها لقيله فيها نعال مطامنات هناك لامن نهارن زال وشرقن كلهن شمَّنْ دُعاش أتعال مابيات البلد دايرات حقو السروال وطيفاً متّع الغنّاي قدر ما قال في عاقب نهار سوَّن لهن مرحال وعينيهن خلقهن زرق بلا كحّال من ريح الحويل بِقْيَنْ دحين في حال وديل ليمِنْ على الناس المتلنا محال جَاهِنْ منقلب وقتاً عصير وشفافْ وكاسب ليلو بيهن من صدف ما بخاف ديل الطبعهن دايم الأبد عيّاف وفي نايط السروج لقين بَقيلاً جاف حجار المزار ال من بعيد بنشاف جرن فوقو دورن ال لتعفر عاف لافخ ود نهار من اليحوم طرّاف لقن سبرون بقيله من الملين مو جاف شاف برقاً فوق الجبل رفراف وهن وحل الدرار يا الليلة منو خفاف من عند المضيق مرقن هناك بسناف ديل قِسْيَنْ على القوي والمتلنا ضعاف لوْنِنْ من بعيد متل البليبلي نُضَاف حرد ومعصّرات من شبَّة الأكتاف للناس ال بغنّولهِنْ يجروا القاف ماليات الخشم من كامل الأوصاف.
Quote: كيف يلحقنا زول شندى ومعاه معيه قبيلة دار جعل محميه فيها اسودا تقدل بالكرام ديمه وحاقدا حسودا راس المك نمر كل القبيلة اسودا ركازة القبائل فى السنين السودا بكره نجيه وسيفاً يجيك بولادو العز والكرم من الكبار تيلادو ما اظن وددكين بشينة يوطا بلادو ما خد بت اخوه شمة ام أولادو إن ودعتك المك ما بخاف المتلو اهون من شراب المويه عندى اكتلو وارجع للبطاحين تانى وراينا نفتلو والشكرية تقيف غير حرب مابتلو يا ريا البطاحين اصبحت محقورة على الشكرية دايماً سارحتم مدفورة ما بتقال عز وتعيد مكان وقوره إلا الغاره وتقضى صقوره
حاتم هاشم.
Post: #77 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-16-2007, 06:24 PM Parent: #76
اها عاد اصبر لي روق واسمع جنس الكلام دا فوق بنات حواء
ملكة وبت ملوك يا العسكركِ منجمعّه ورمشّك ستّه يوم يحجب غزير الدمعّه كلامّك قرطسوهو وفوقو ختم أبولمعّه وشّك يخفي للنجفّه أمتمانين شمعّه
وأسمع جنس التشبيه دا في الولد القارح
ربعّن ما آكل لامدة الخاموس أتحرقص جفل من كشتو الجاموس الأسد البسوق من قصّتو الناموس ود عينو الجمر حدة أضافرّو الموس في الديوان دخل ماهو العرور البوص
Post: #78 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 02-16-2007, 09:48 PM Parent: #77
خالد باي ودفر
دحين الكلام التحت دة قاصدني بيهو انا
Quote: ربعّن ما آكل لامدة الخاموس أتحرقص جفل من كشتو الجاموس الأسد البسوق من قصّتو الناموس ود عينو الجمر حدة أضافرّو الموس في الديوان دخل ماهو العرور البوص
نجم البورد خالد المنسي
Post: #79 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-16-2007, 11:03 PM Parent: #78
Quote: خالد باي ودفر
دحين الكلام التحت دة قاصدني بيهو انا
الحبيب الغالي فيصل هليل لو الكلام لقيتو بشبهك فهو فيك ولك يا ابوفاطمة لك تقديري واحترامي وشكرا كتير علي المرور الظريف خفيف الظل
خالد محجوب
Post: #80 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 12:16 PM Parent: #79
.
Post: #81 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 01:05 PM Parent: #80
كَبْاس زرايب أُم حبر يا دابي الجُبال قلبّك سمين من حجر يا دُود الوعر
زينب تجر النّم زينب زينب تجر النّم فوق تور العَمار فارسّن بكرف الدم في محكر قواش حاشاهو ما بنزّم ساطور الرجال جرعّة عقود السم
زينب تجر القول زينب زينب تجر القول فوق شلبي العيال الوافر الشنقول يا جبل الداير الما بنطلع لزول
غنيت بغباش يامطر السواري اللاف هبوب ورُشاش ياقصب الفراش اللضلع قصاص سيد دينن قِبيل قبل الناس تعرف الناس
Post: #82 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 01:12 PM Parent: #81
اللاموني ما شافو المتنّى سبيطّو لا فطروبو بدري ولا عليهو يبِتو السبب الخرب قلبي بعد تثبِيتو قدلّتو من جيرانو راجع بيتو
Post: #83 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 01:21 PM Parent: #82
Quote: اليوم سوف اقوم بإرسال اميل للحبيب عاصم البنا لكي يشاركنا في البوست
انشاء الله تكون اتذكرت.... عع خالص التحياء للاستاذ عاصم البنا...
تحياتي...
حاتم هاشم.
Post: #86 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 11:07 PM Parent: #85
عليك الله شوف حلات الجو دا الليلة كننا ماقاعدين في شندي غيم ورشاش وريحة الدعاش تخليك قدر ماتاكل حاسي بجوعة وبطنك فاضية وبدورلك شي تختو في بطنك ... والله نحمدو سيدنا السنة دي الخريف سمح المعوز والبهم تريان ... عليك الله آ عمي حسين اخر مرة شفتّه فيها قش الخريف في خلا شندي دا متين ... واله يا ولدي طول ابقى لي في سنة السبعين وناس النميري ديل جاين جداد في الحيكومه والله يقطّع طاريهم ناشفين ونشفو البلد ... والله زمان كان خريفنا لمن اتوسط والله شافع التلات سنوات أن دخل في ما بتشوفو وكان ترقد في كل اصناف الخدر والفاكهة وتلقى الناس شبعانة والبهائم تريانة حت الكلاب ما بتعوي شدة مي شبعانة ... وينو الجنى دا عليك الله ماتسولنا نضم من ود بادي ود عكود .. سمح يا عمي
قال ودبادي
أنا أخو البت اللكعت قرن الخمرة النازّه علي وردان الصبيّه الراكزه الجنيات الهازّه صدورون لازّه.. ورق النص زي خيت الشلّه بالحيل آجني ... اي والله
Post: #89 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-17-2007, 11:57 PM Parent: #88
وينا مراتعْ الدرت الباسّط دايمن ببكي عليهن وين بنوت الحلّه البُكّر عصرن بدري يسوّن في شاههن وبعد الليل ما يهوّد ونحن نهوّد عاد اماتّن ينادن ليهن ونمشي علي القيزان نتقادّم أقيس الخطوة ... مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن ألا النضم أبْ غنّه اللهج السكر وين بلقاهو بنات الريل الدوب ليهن
الخوف آناس كان إبقى الشوق الحاصل بينا معشعش فيهن.. مقنع سابل وين بلقاهو طرفّن زابل وين بلقاهو وعين بدنقر من واليهن الوجنات الشعّن بقّن ودالعين النايم زرقّن مو زايغ ... رسيان وميقّن زولّن .. كان خدران ومحقّن من الشوفّه ... عروقو يطقّن وكان الدنيا بْصح تتخلا كنا بركّن معاهن في رملات الحلّه ألا كمان بنشوفّه مزلّه
الجنيات الغابت جابّت أنتَ الجيب قايلو قميص افرنجي وكرتونات كَرملا لا لا وحاتّك حاشا وكلا ديل يوم عادوا إتلافوا الجاهل بحقوق الله ديل كم لحقّو البشهّق وداوو العلّه الولد الجايب حقايب سفروا تقال تقال من جنس كتاب ومجلّه الحكمة النضم اياهو الحكمة الولد أتوضا وصلى عادة البلد الدخلت سكنت سكنت ما بتتخلا نحن كمان طارين الحلّه ودرنّا الطلّه نشيله معاهم فرحة وميته وحلات الموت كان في عبدلّه حلات الموت كان في عبدلّه
Post: #90 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 00:05 AM Parent: #89
Quote: سرورك ما بتم عاقباهو ديـمة الفجعة
وظاهرك ليـنا سكر الا طعمك وجعـة
كم طفشتي مرتاح وقلبو مابي الهجعـة
روحو تشابي وانت قطعت خـــط الرجعـه
الظريف البتم الكيف حاتم وليد هاشم حبابك ومرحب بيك والله لا جاب يوم شكرّك .. مخباتك ملانه وما تعدم وجرابك ديمة عامر وبيهو تفرحنا وتبسطنا آ المبروك ... والله كان سويت نضم اهل ابوك ابدعت .. وكان سويت نضم اهل أمك وخيلانك فقت في الابداع ... بوركت وان شاء الله ديمه عامر ووافر يا ابو ضراع
لك التحية والمودة
خالد محجوب
Post: #91 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 12:04 PM Parent: #90
.
Post: #92 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 02:14 PM Parent: #91
بدور اقول ليكم غنيوة عاجباني بالحيل ... لكن في التبادي أقعدوا والزموا الجبارة
آه الأهيف .. وأبا ما يلين من بعدو صار قلبي حنين .. بنار الفرقّه
لا متين يا كريم الحظ يخدمنّي وحبيبي يلين بنار الفرقّه وأراهو الناعس نور خاطرو كريم يألفني ويترك لطباع الريم بنار الفرقّه
هو جسمو سليم وأنا جسمي معذّب وقليبي كليم بنار الفرقّه نور محيو الفجري والليل هضليم ليهو راحة الدنيا وليّا التأليم بنار الفرقّه
من دعَتْ السراويل قبَّلَنْ دارْتات على العاشنوقْ لِقَنْ زوزايْ وبي فارّات عسكر خاف عليهم في ضرا ميعات وجاهِنْ زاعَلِنْ بعد النهار ما فات
ختمنْ " شابْلُكْ " العارق التّلات شدَرات ومَرَقَنْ فوق عَزاز حَمريبَتْ أُمْ سوَبات داشِنْ لا الصباح ما لِقَنْ لَهِنْ مرْحات لامَنْ ليَّنَنْ باكر على الطّلْحَات
ديل الديمه من رد الأنيس ناجعات وكُلْ حينْ فوق عِلَيْوِنْ نابي مِنْجَمْعَات تيسن دوّر الوادي الوَرَا القَلْعات ضُمَّرْ خِلْقة مو مِنْ قِلْ معاش ضايعات
خلاّهِنْ على ردّ الدّموكيَّات فلَخْ الفار سبَلْباتو اِتْلَقَنْ باردات قِرْبَنْ حضَّرَنْ بو ولي النُّفاس دانيات وفي دردور شدير ومعاه حَمَريْبات
إنْحَلّن جَنَاهِنْ في ضرا نالات لامن رضَّعَنّو وجفْ من السبْيات كمْ فُوقِنْ دقوناً ولَّفَنْ قافات قالنْ دوبَه ليْهِنْ والزمان الفات
الحي في الوجود والقالوا قبلنا مات كُلُّه بْلاهي بي لهج الطِّريفيَّات شِنْ ما قلنا فوق دُغْس العيون ساوْيات قَبْلي ودْ أبْ شوارب جابْ لَهِنْ كَلْمات
يا باسط الأراضي والسَّبع سَمَوات وكل البِدّبَّى فوقن حافي وأبْ نِعْلات دُغْس العَيْن تَنَجِيهِنْ من الآفات لامِن وخرن بَيلا المعيز جامعات
مَرَقَنْ من مِطيبْقَاتْ الخَوى أبْ دُنّان وهَكَعَنْ فوق مَعَالْقَ الوادي أبو رِيحان شافَنْ في السِّمير زَوَلَهْ وحيامْتِ انْسان ونَطَحَنْ ها القِليع المَسَمّى بي النِّسْوان.
Post: #95 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 02-18-2007, 05:08 PM Parent: #1
الحِبان عموم...
جيتكم بالحلاوة دي...
كميات مودتي...
أبو الحســـــــــين...
Post: #96 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 05:46 PM Parent: #95
Quote: مَرَقَنْ من مِطيبْقَاتْ الخَوى أبْ دُنّان وهَكَعَنْ فوق مَعَالْقَ الوادي أبو رِيحان شافَنْ في السِّمير زَوَلَهْ وحيامْتِ انْسان ونَطَحَنْ ها القِليع المَسَمّى بي النِّسْوان
حاتم سلام من دار جليد وسقيطة سلام يا العشم أخو الاخوات وضو القبيلة الراسي كما الجبل كلامك ونضمك سمح بالحيل
لك الاحترام والتقدير والمحبّه
خالد محجوب
Post: #97 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 05:57 PM Parent: #96
الحِبان عموم...
جيتكم بالحلاوة دي...
أبو الحسين سلام والله زيارتك ليها طعمّن خاص وبيك يذان البوست وترقص شديراتو وتشكرات كثير للصورة من شرقنا الحبيب وبالمناسبةأنا مولود في كسلا تلك المدينة الوادعة الحنون كحنية أهلها الطيبين وترعرت بين حجيرات جبل توتيل وجبل مكران وشربت من مياه توتيل وشممت بأنفي اذكي روائح الريحان عند سفوح جبالها عندما انتقلنا من كسلا كان عمري في السابعة بدأت سنيني الاولى في الدراسة فيها في مدرسة القيادة الشرقية الشرق من القضارف سلام مروراً بالشوك لامن تصل كسلا سلام سلام اروما وخشم القربه سلام سلام سنكات وهمشكوريب سلام سلام هيا وسواكن سلام سلام طوكر و أروما سلام سلام لكل شبر في شرقنا الحبيب هندندوة وبني عامر وحلنقة فلاتّه وشايقية وشكرية حلفاويين سلام لكل من قطن الشرق الحبيب سلام للسواقي والخزان
Post: #98 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 10:29 PM Parent: #97
Quote: وبالمناسبةأنا مولود في كسلا تلك المدينة الوادعة الحنون كحنية أهلها الطيبين وترعرت بين حجيرات جبل توتيل وجبل مكران وشربت من مياه توتيل وشممت بأنفي اذكي روائح الريحان عند سفوح جبالها عندما انتقلنا من كسلا كان عمري في السابعة بدأت سنيني الاولى في الدراسة فيها في مدرسة القيادة الشرقية
تحياتي...
حاتم هاشم.
Post: #100 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-18-2007, 11:26 PM Parent: #99
يلّه لتوتيل نَزُرها والجبل نعسان خدارو حتى السواقي بكت معايا وشاركّت في وداع قطارو
قولي يا طير الخداري قولي وحيات حبنا وين رسايلك يا حليلة وين عيُْونك مننا
فارق أرض القاش وروح خلا أرض القاش حزينا وقدري ماحاولنا نكتّم جرحنّا ونسكت بكينّا
يا حلات كسلا الوريفّه الشاربّه من الطيبة ديمّه كم أثر فنان جمالا وخلا قلبو عليها ديمة
الوادي أبْ حراد حَزَرَنُّو بي حَيَوان وفوق الدّبَّة قرَّاضْ شُوف شَرِيفِنْ بَان المعزة المراتِعْهِنْ سهول وقْنَانْ ما انجَبَدَنْ تَناييهِنْ سَدَادْ في سْنَانْ
وكْتِ ادّرْدَقَنْ بي مَطْبَق الوِدْيانْ كلبي الشّارعُو فيهِنْ جاء مُنْقَلِبْ هَقْلانْ اِتْحَيّرْ قَعَدْ ساكِت بِقيتْ مَحْنَانْ يَكْتِبْ لي لِمَاهِنْ ربَّنا المنَانْ
تيسنْ جاء من الرّحِيحْ ضَبْلان من قَفَرْ بلداً بعيد قَسْيَان أب سَعَنه الرشيد لِقْيَنّو خورو ملان بِنْفَلَّتْ علي نعْنَاعو ليهو زمان
من الفَجْخَا هَبَرْ خلاّهِنْ لامن دَوَّر أُمّات ميله وجاهِنْ عند المَتْنَه في عاقباً جديد لمّاهِنْ خَتَمَنْ بيله فوق قَلَع البَقَرْ دَلاَّهنْ
المعز البِجَازَنْ ديمَه فُوق في خَلاهِنْ بالغات النُّصابْ أنصاري ما زكّاهِنْ من وَدْ البصير جايب إذن بي غُنَاهِنْ شُوفِنْ يا الزبير في لساني ديل مَحْلاهِنْ
من عَوَج الوَكِتْ ما يَتْرُكنْ وانْساهِنْ فُوقْ حيا فُوقْ مَحَلْ دايمَاً بجرو غُنَاهِنْ ناس اِبن الذريح ضربوا المثل بي جَنَاهِنْ منْ كُل السّوام سيدي الحسن يَبْراهِنْ
بسم الله الرحمن الرحيم الخال ود المسني...ابؤاحمد سلامات...
Quote: هو جسمو سليم وأنا جسمي معذّب وقليبي كليم بنار الفرقّه نور محيو الفجري والليل هضليم ليهو راحة الدنيا وليّا التأليم بنار الفرقّه
الله يديك الفي مرادك...
تحياتي...
حاتم هاشم.
Post: #104 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-19-2007, 08:34 PM Parent: #103
Quote: وكْتِ ادّرْدَقَنْ بي مَطْبَق الوِدْيانْ كلبي الشّارعُو فيهِنْ جاء مُنْقَلِبْ هَقْلانْ اِتْحَيّرْ قَعَدْ ساكِت بِقيتْ مَحْنَانْ يَكْتِبْ لي لِمَاهِنْ ربَّنا المنَانْ
الحبيب حاتم جنى هاشم متل دا الكلام بالخلي الزول يعضي آيديهو ربنا يديك العافية يا اخوي
Post: #105 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-19-2007, 11:36 PM Parent: #104
الشديرات عمرانة الليله باقي ود البشير وعد الناس انو اقول ليهم كلام ونضمي الشاعر الكبير العبادي في المك نمر والبطاحين والشكرية أها آود البشير سو لنا النضمي السمح والليله جاينّك وكلنا اضنين لسماع الكلام البسر البال وعدل الحال يا ركازة البلد ....
اتنحنح ود البشير وجقم لو جقمة مويّ باردي من الجر الوسطاني ومصمص خشيمو بباقيها وتفلها في الرمله قدام هبابو
اها ناس قَبُل من نقول الشعر دحين بدور اديكم نبذة عن الشكرية والبطاحين ومن كان على رأسهم في ايام المك نمر
في التبادي الشكرية وهي طبعن قبيلي معروفة ومنشرّه في البطانة وقبيلة كبيرة ... كان على رأسها مُحمد ودكين المك نمر ماخد بتو ( شما ) والد منها فرسان وبنونة.. وفارس قبلية الشكرية كان حمد ودكين أخو مُحمد وكان فارسن ما بتصاقع
وقبيلة البطاحين كان على رأسها حسين وعندو وليد اسمو طه ...من قام صغيرن يافع فارسن بساوي المية وبعد موت حسين خلفو علي القبيلة اخو عبدالله ابْ كبس وعبدالله كان عندو بنية قامت قايته الوراها والقدامها في الجمال.. ويوم مولدها وكان ذلك في حياة حسين ابو طه قرو الفاتحة عليها ( حسين واخو عبدالله ) والبلد كلها تعرف ريا مخطوبة لطه وهي في اللفة... مرت الأيام وتوفى عبدالله اب كبس وعقبو في خلافة القبيلة طه ... كانت حياة الناس في تلك الايام يومن دعاس ويومن محنة ... حروب يعقبها صلح وفي اتفه الاسباب مرات تكون فوق عناق ومرات في لا شئ بس اشتهو الحرب ويعلبوها بس الدم عمرو مابقى موية هم اهل وبطنن واحدة
أها في يوم من الأيام كان طه مع بت اعمو في الخلا بفوق للحلّة وفي الضهرية غمد تحت سيالة ضليلة وتوسد ايدي ورقد ... فوق رقدتو دي حلم بي حلمّن تورو مفزوع ومخلوع من نومو .. وكانت ريا بت أعمو في الشدرة القُبالو تر لها في مغزال صوف ... أها لمن صحى ولقى بت أعمو قدامو حب يثبت ليها رجالتو
قام قال ليها :
أخوك ياريا أخوك ساعة السيوف إدبكّن أخوك يا السمحه أخوك وكت الرماح إشبكّن أخوك جبل الثبات وكت القواسي يحبكّن كم بكيت ... وكم قشيت دموع الببكّن
ريا أنشغلت علي بالحيل قامت قالت لو :
وراك أسود علي مانمته هسع طيب
رد ليها طه وقال :
هي قولي بسم الله أخوك طيب وشديد وحاضر قلبي ماهو مغيب إلا الشفتو في النوم من هوايلو إشيب
الزول في الصُحا مكتوب عليهو شقاهّو وأن غمد شوية تجي الهموم لاحقاهّو الخوف ابْ لبوس أنا مابخاف لقياهّو يا ريت الفي الحِلم في صُحايا كان بلقاهّو كان خير ولا شر برجاهّو مابهم بالي وحارسني الثبات من الكبار قُبالي وكت هسه حسيت وشفتّك سالمة قاعدة قُبالي كان إتلخبت الكون ماني مبالي
قامت ريا قالت لي : كعب نوم الضْحى أمس العْصير كت نايمة جيت قْدام فريقنا أشوف لي صقورّن حايمّه كبيرّن غار علي من نومي تبيت قايمّه صْحيت مهجومّه لا فْي مفصل ولا فْي قايمّه
صفق طه ايدي فوق بعض مستغرب وقال ليها :
حتى إنتى رأيتي صقور عبارة غريبة علامتّن كافية ظنيت الحكاية قريبة هاك من الأكيد الما بتدخلو الريبّه هادي الحلّه بعنيا بشوف تخريبّه
كل بطحاني يفرح بعرسنّا مناهّو ساعة جمعتُم بيتنّا بنتم بُناهّو عذاب عيش العذب يا ريا مر ضقناهّو وسمح الزول صبي يَلْد ويربي جناهّو
كلاك طه دا تب ما عجبا لانو أبوها من ما مات ما تمَّ السنة وكانت العاعدة الحَداد علي الميت كتر من سنة واقلها سنة
قامت قالت ليهو ::
دا اللعوج ترا والشين نهاية حدّو وأن شاع دا الخبر بملى الفَريق لاَحدّو إقول لو أبْ كبس من دخل ود أحدّو فرحو وعرسّو لاَ موجِعن لاَ حدّو
إن كان في الفريق ماتت مريّه زليلّه للحول .. يرفعوا العرس الكانت دُخلتو الليله خليهو ابْ كبس راس الرجال ودليلّه كان بي قبيلة تعدوا تبقى قبيلة
خلي الكلام وعرفنّا في دا الحال من بالك أمرْقو محال وألف محال علي ميتت ابويا لي الليلة حوول ماحال نصبح بكره ونسّه ونشوف بشاتّن حال
Post: #109 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-22-2007, 00:01 AM Parent: #108
.
Post: #110 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-22-2007, 02:32 AM Parent: #109
بسم الله الرحمن الرحيم سلام ياهلنا...
فلسطين ..........
الرائع...عكير الدامر .........................
شعلوها اليهود سالت سبب تحريكه اصلها نابعه من بير الفساده امريكا بريطانيا الد نيه البد ري نازله شريكه فرحت لي الحرب عجب الزمان يد ر يك اتحدوا العرب جعلوا الشهاده قياده اظهروا عزة الاسلام وروح اسياده على سيناء ام رمال الباقه ناره زياده زحفوا عجاله دبابه وجنود وبياده
الملك الشريف بي رجالته وشرفه اظهر عزة العربي المؤصل وعرفه وقت هبشوا العرب زعله المخزن صرفه بي طيارته قام اللوم بعيد من طرفه جيش الاردن الجاب الحسين عصبيه عسكر في الحدود ورسم خطوط حربيه خطر الرجعه قافله مصر جيوش عربيه سوريا بقت ورى اسرائيل من الغربيه
عسكروا في الحدود بنيان حجر مرصوص على اسرائيل نوو وضمروا الهجوم مخصوص قايلين وحدها بي وراها ما في لصوص جيوش اثنين دول تنكث تقول السوس.
بسم الله الرحمن الرحيم سلام ياهلنا... نواصل وصف عكير الدامر لرحلته للحجاز
ندهونا ودخلنا الجمرك اتفتشنا ما لقوا حاجه لا في لباسنا لا في عفشنا الطياره القامت وصوت لخمته دوشنا حسن الحظ خدمنا ادونا شي نعنشنا القايد بطل موصوف بكل شطاره ما شفناه بينا وبينه نازله ستاره خصانا الاله سفرتنا بيه اختاره مده بسيطه جده الطيبه جينا مطاره
شبيه ابن الوليد عيسى الرفع رايتنا بي التكس البيهجر نوره زان جيتنا في المحجر نزلنا وفزنا بي غايتنا عن يوسف عظيم العنصرين بيتنا عصرا بدري لي مكه الكرمه قمنا جيناها المغيرب وفيها ما تقول نمنا طفنا البيت وفي الحرم المزخرف حمنا حالة هيبه ياريت فيها عشنا ودم
القلعه الشريفه الربى عزه ملاها بي نور الجلال الما بيزول جلاها حمام البيت يدور بي الرحمه لي نزلاها كرم الله جبريل الامين طلاها.
........................................
نواصل . . . تحياتي...
حاتم هاشم.
Post: #115 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-25-2007, 06:47 PM Parent: #114
Quote: وصف عكير الدامر لرحلته للحجاز
الجميل صاحب الزوق والادب الجم حاتم لك التحية والسلام مستمتعين معك في وصف عكير الدامر ... لرحلته لارض الحجاز شكرا كتتتير يا حبيب يا غالي
خالد محجوب
Post: #116 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-25-2007, 07:03 PM Parent: #115
نتابع مع البطاحين والشكرية
قام طه رد ليها وحبه يوريها انو ممكن أن يتزوجو قبل حول الحول على موت ابوها ... طبعاً كانت دواعي ذلك الحلم الذي شافوهو وكانها صقور تريد ان تختّف منه بنت عمه وحبه يعجل بالزواج حتى يقف حائل بين ذاك الحُلم .....
قال :
المُوت مُو شمت غاية البحوم والببروا والحد والحزن ماجابوا زول من قبرو الزول في الشدايد أولّه يلزم صبرو إترجا الكريم مولاهو كسرو وجبرو بنخاتر منو الوجعّة هيلنا برانا نحن أهل المصاب والناس عزا مِجابرانا في آخر المُراح ديمة بتجي الفترانّه عادة الحد ندوسّه والناس عقب تبرانّا
برضو لم يرضيها كلام ابن عمها ورد قالت ليهو:
الناس بالمكارم والشِعار تتباهى وإمشي الزول فِطرتُو حسب مرباهو عادة جدو عاتّو ونسْل أباهو نباهو إلبس توب قبيلتو إن دارو ولا أباهو من الليلة.... حول مضي تاني إتكلم الدايرو بيتم رب العباد إن سلم
نعمة الجاها لي الحج بي ضميره مهاجر قاصده الشوفه بي حياته متاجر محراب السلام سور الامان الحاجر تاريخ سيدنا ابراهيم وامنا هاجر
جيناك بي اشتياق مافيه بيعه وشروه شوق لي زمزم البتشفي نشرب ونروه الشوق لي الهروله الجيناها طابقين سروه سنة ابو البتول بين الصفا والمروه
في مكة المكرمة فزنا بالدرناها بي الاثنين صباحا بدري بارحناها شعاير الحج ملازمين واجبها ومعناها في منى غير فطور قهوة منى شربناها.
ونواصل . . تحياتي...
حاتم هاشم.
Post: #118 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-26-2007, 06:49 PM Parent: #117
أها ريا حسمت الموقف وقال لي طه بترجاك أن تقفل الموضوع الآن وبعد سنة بكون مضى علي ميتت أبوي سنتين ممكن نتزوج
قام رد ليها طه وقال :
تاني أنا أمضي حوول وأنا بالحًسار أتألم علي حُكمك صعب أنا قابلُو ما بِتظلم لكن مشيتي للسنة قاسية وصعيبه علي
قامت ريا قالت لي:
تمّ الإتفاق ... من الكلام خلينّا زي عادة البلد لا زدنّا لا قلينّا أن شاء الله السنة بخيرها عايدّه علينا
ياطه البهم ... قارب رجوع سراحّو بنات وأولاد هديلك ناس فريقنّا الراحو نصحية سمعتها.. من الكبار الراحو قالوا العربي ما بتعزّه كان ما مراحو
( يعني العربي الماعندو مراح مو عزيز )
أها ريا ساقت بهمها وبقت ماشه علي الفريق وطه بقى يعاين ليها ويسترجع في الذي قالته
وأنشد قال : آه ياريت السعادة إن كان بقت إيديّه كُنتَ أهش هني في الدنيا بالذنديّه علي حكموا ناس بالسيئة وطلبوا الديّه... أموت بالعطش .. والمويه بين إيديّه
ريا عليا قاسية وجايره في التفنين آه يا ربي أرحم صبري أمسى ضنين إمحق دي السنة ربي الحليم وحنين وإخصم من حياتي رضيت بعشرة سنين
كيف أنا أعيش وصبري ولّى مودع وسببي الرُخرُخ القام من صغير متفدّع جنيت وجني جنّه وحالي أصلو مبدّع أهج شقّيش أفج فاضل لي تاني أجدع
Post: #119 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-26-2007, 07:16 PM Parent: #118
أها بقت ريا ماشه علي الفريق وقدامها مراحها من الغنم .. وعادة النساء في ذلك الزمن ما بمشن في نص الدرب ,,,, تلقى المرة ماسكة قُرب الحيط ( الحيطان ) وعينها في الواطه ما بترفعها .. كانوا هناك عرب نازلين في طرف الفريق في شدرة شيال كبيرة ( نفس الحًلم زي الصقور ) وهي ماشه بقربهم قام واحد من العرب ناغمه ( اي كورك ليها )
وقال العربي :
بالضيفان تمُري لا سلام لا كلام صدقوا أهل المثل توب العرب صُح لام
( ويعني ان المرأة دايمّن بتتلوم وما بتقوم بالواجب نحو الضيوف )
وقامت ردت ليهو ريا وقالت :
حبابكم عشره... ومن دومن كشره وألف سلام يا وجوه العرب المتلي ما بتلام أنا بت الرجال أهل الدرق والسيف أنا بت الما بهموا بحساب الخريف والصيف أنا بت البيحجو المرقوب (( اي الكاتلّو رقبه )) وبكرمو الضيف أنا ريا .... كان شفتكّم أفوتكم كيف
Post: #120 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-26-2007, 07:58 PM Parent: #119
قامت ريا ردت لي وقالت :
أنا بت البيوت المن بعيد معنيّه بفوق للسما نفوسنّا وبيوتنّا حنيّه أنا بت ابْ كبس في النسبه بطحانية
كان بين جمع العرب شيخ العرب الشكري حمد وددكين .. وكان سمع بريا بت اب كبس لكن ماشافها .. سمع أنها جميلة وكريمة وأخت رجال وكان يمني النفس برؤيتها بل تعدى ذلك رغم علمه بخُبتها لابن عمها ... وكان ينوي خُبتها وزواجها .. أها لمن هي قالت انا بت عبدالله أب كبس بعد مو كان راقد صنقر واتعدل وقال ليها :
آآ عبدالله أب كبس عز البطانة وفخري وفي وجوه العرب بنعدا ماهو الوخري كريم وهميم .... كان للقبائل دخري بت شيخ العرب هيلك صحيح تفتخري
توقد نارو ديمّه الما بكوس الجمرّه في الضيفان إهوش سكينو دايمّن حمرّه بكاس ما عبر لبنو بجيك بالعمرّه هيلو الرئاسة هيلو الامارة هيلو الشكرّه
المرحوم أبوك كان للقبيلة عطاها عزّك قديم .. عمّك حسين أبو طه أن شاء الله يكون أخوك دي السكّه ماتخطّاها
ريا لما شافت ود دكين شكر ابوها وعمها ولكن حب يقلل من ابن عمها وشانه .. حبت تدي كلمة نجيضه في ود عمها وقالت لي :
كان ما بسد مكانن قدمو ليها ياطها (( اي ا دي مافي لزوم امشي فيها كان ماسدا مكان ابو وعمو ) لا يفوت ولا يموت ساعة البيوت مغشيّه تُقابت الفريق يُوقد صباح وعشيّه زايد في الرجال طالق قفاي ووشيا ضيوف الليل يكفيهم مرارة وشيّه
Post: #121 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-26-2007, 08:11 PM Parent: #120
قام شيخ العرب وددكين قال ليها :
ما دخلّت التراب والبركه في الزُريّه والخلاك ورا ما بقولوا مات يا ريا دايمّن في القبائل سيرة أبوك مطريّه بيهو وبي أخوهو تزيد ودي المحريّه
قام العربي الشليق تاني نطّه وقال ليها
ما بتسألي ... لا من وين لا وين ترسو ؟؟؟
قامت ريا ردت لي وقالت :
كيف العربي يسأل ضيفو كيفن تنسو أول بكرمو... وإخابرو ساعة اُنسو من مقلب كلام تعرف أبوهو وجنسو
قام العربي قال ليها وكان قصدوا يوريها انو المعاهم دا حمد وددكين الفارس المعروف
عملتي حسابو ضيفّك وكرمو وجبتي وأخجل كان سأل وأسمي ماعرفتي اسم شيخ العرب سامعابو ما شفتي دا خريف البطانه الفيها مالو مُِشارك هيلو السارحّه هيلو الصاهلّه هيلو البارّك ما وقع لِك كلامي ساكتّه لشنو أخبارك فخرك وددكين جاك في فريقّك زارّك
Post: #122 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-26-2007, 11:14 PM Parent: #121
قامت ريا ردت علي العربي وقالت لو :
مرحب حباب العزّو ماهو الفايّة اب نارّن تولّع للضيوف دفايّه بشيخ العرب... الافتخار ما كفايّه التابعو إن جانّا نفخر بو ... ونخدموا حفايّه ( يعني خلي شيخ العرب الراجل الكريم واصيل نحن التابع لي كان جانا بنفخر بي ونخدمو حفايّه )
كلام ريا كيّف شيخ العرب وددكين كيف شديد قام قال ليها :
بارك ربي فيك عقلِك يدوم يا ريا وكرمّك موهو كلفّه دي طبعتّك فطريّه إياك بت القبائل والسمته فِيك محريّه قديم قالوا فوت البطاحين عزّه للشكريه
أها هم في حتتن دي جاء ود عمها ولقاهم نازلين في الشدر وطبعا والكلام دا ما ارضى واعتبره اهانة له كيف ينزلوا في الشدر وجنب حلتو وطه وشيخ العرب بتعارفو طبعاً .. طه هو فارس البطاحين وشيخ العرب فارس الشكرية ومن قديم كانت الحروب بين القبلتين جمعتن كتير ببعض في المبارزة قام طه قال لي :
سلام شيخ العرب مرحب خريفنّا الزارنّا مرحبتين حبابو واتشرف بنبو ديارنّا مرحبتين حبابو البيهو كلِ مدارنّا تنزلوا في الشدر مالنّا ماتت نارنّا
قام شيخ العرب رد لي وقال
أهلاً بي طه ابضرس الفي الصهيبة اب راس الجود والكرم هيلك قديم ميراث نارّك مابتموت باولدة الفراس إلا قاصدين أم شديدة ومعانّا عوجة راس
Post: #123 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 02-27-2007, 09:22 AM Parent: #122
بسم الله الرحمن الرحيم سلام ياهلنا.. نواصل مع عكير الدامر في وصفه لرحلته للحجاز
اقبلنا ومسينا بعاد من الافات ناس الحاجه لي كرم الضيوف واقفات جبل حرا في عيونا ومنهن ما فات وفي قلوبنا السفر صبحيه لي عرفات
لي عرفات صباحا بدري قمنا رحلنا حمام الذنوب جيناها غاية املنا جبل الرحمه فوقه طلعنا واتغسلنا محمود الاله ولدونا دابنا نزلنا قرينا دعا الخروج عند المغيب وخرجنا في مزدلفه لي جمع الحجر عرجنا صلينا العشا اتهنينا واتخارجنا لي منى بي السرور الزايد اتدرجنا
الفجراتبسم هبينا لي الثمرات اتوضيتا رايقين والعقول حاضرات على الشيطان جميع كبرنا بي نترات.
ونواصل . . تحياتي...
حاتم هاشم.
Post: #125 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-27-2007, 05:55 PM Parent: #124
قام طه قال لي
خاتياك العَوجه يا الفي الكبس ترّاي وراسك ما بدوش مليان رجالّه وراي باكر لام شديدة بركب معاكَ براي لكن يا شيخ العرب تختّو كراي
( كراي دي لخمت شيخ العرب وما عرف ماذا يعني بها طه ) ورد له قائلاً
هدي الشورة يا طه الغلبنا دليلّه كل الابذلو ألقاهو فيكَ قليلّه
قام طه قال لي :
كراي الدايرو تبقوا ضيوفي انتو الليله ترقدوا في الفريق حتا أن عشانّا بليلّه
قام شيخ العرب قال لي :
مسكنّا الدرب أسرع قوم ماتلعب ودارك ديمه عامره والسمح مابكعب إكفينّا الوصف لا شد جمل لا تركب وهدّنا الطريق عقب الوصول مابصعب
قام طه قال لي : يمين تغشوا الفريق ليه بتفوتوا نحن مقابر
قام وددكين قال لي : عامر إن شاء الله عامر وياكا مس العابر مشطوطين خلاس مسكنّا في دريب جابر بنخاف عوج الدرب ومنو اللمقدر خابر
Post: #126 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 02-28-2007, 02:21 AM Parent: #125
بسم الله الرحمن الرحيم سلام ياهلنا...
مواصله مع عكير الدمر
الفجراتبسم هبينا لي الثمرات اتوضيتا رايقين والعقول حاضرات على الشيطان جميع كبرنا بي نترات وحكمناالهدف ساعة رمي الجمرات
بعد رجم اللعين لي مكة عدنا رجعنا لي الكعبه الشريفه نطوف وننهي وجعنا ادينا الافاضه وفي جواره رتعنا بي باب الملك فخر الزمان ودعنا
حمدا لي الاله شطبنا كل حرام تمينا الطواف بي كل خير ومرام جينا المنزله اتشرفنا بي الاكرام اكرم الله حجه وفكه الاحرام
غيرنا وحلقنا وتاني منى عدنا له لي الجمرات نتمها نختم الجينا له روح ما بتستريح ان نقصت الزاينا له والعين خلقه ما بتشبع من الباينا له
خلصنا من الرجم والرجعه بقت اشغالنا من ما قمنا لي العربات مرقنا عزالنا قاصدين مكه قبلتنا البتصلح حالنا فيها اجر صلاة الجمعه شاغل بالنا.
ياود الهميم النفسو ما معارضهو كرم الضيف عليك مكانة أبوك فارضهو جايك في أمُر إن تابى وإن ترضاهو غيرو مابفوت وأملي بس تقضاهو
Post: #130 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 02-28-2007, 10:27 PM Parent: #129
طه طبعاً عرف قصد ود دكين لكن قال لي
غرضك مقضي كان أحتاج لي خيل وجمال والضان والأبل سارح يمين وشمال
قام وددكين قال لي
فوق القتّو أنا ليا فيك أمال
قام طه قال لي مع انو عارف قصدو شنو
بدمي بقضى ليك خلي المال
قام شيخ العرب قال لي
وين الدرب خترّنا
قام طه قال لي :
دربكّم في السلم (( تمسكو درب شدر السلم دا ))
قام شيخ العرب قال لي
والله تب ماودرنّا بنجيك بكرة إن قلينا ولا كترّنا
Post: #131 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-01-2007, 11:35 PM Parent: #130
أها الجماعة شدو ألبل وختروا قاصدين أم شديدة وهي منطقة تابعة لريفي شندي ... عندهم غرض مشوا يقضوا هناك. وفي اليوم المقطوع حضورهم كان كل أهل قبيلة البطاحين في انتظارهم وفي الحوش الكبير .. حوش العمدة كان طه ياخد ويدي مع بنية عمو ريا
قام قال ليها :
في البالي ضمير شيخ العرب متعوب وقايم نفسّو يخطب في الكلام تقول مرعوب الراجل زمان كان ضحوك ولعوب مو خاتيلّو شي ماشفتي كيف مرعوب
حمد وددكين مرتع ديار وربع دا الشي السمعتّو من الأباء والتُبّع الراجل فعايلّو ببينًّ طبعّو وأنا ود الخلا البعرف أُسودو وضبعّو
قامت ريا قالت لي : شين شين كان يخلف الليلة ميعاد جيتّو رجال وحريم جميع أهل الفريق في رجيتّو قطعّو السارحّه كل زول في مراحّو وسعيتّو كُبار وصغار وحتّى الراعي خلا رعيتّو
قام طه قال ليها وطبعاً هو عارف السبب الجايب وددكين
محال محال يَخَلف قال جايبو غرضّن عندي
قام ريا قالت لي :
كان غرضّن صعب !!! (( يظهر انها حست ماهو الغرض الجايب وددكين ))
قام طه قال ليها :
كان راس نمر في شندي أوعتّو أقضى لي وأبذُل كل جهدي العندّي كان بالمال كان بالراي ..كان بالذندي
قامت ريا قالت لو :
هيلّك من قديم أنتَ البجيك تحجا لو ألا وددكين عامر بديين برجالوا
قام طه قال ليها:
يا ريا الكلام دا أخير تقفلي مجالّو وكت أوعتّو بقضالّو غرضو الجالّو
Post: #132 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-01-2007, 11:47 PM Parent: #131
أها وهو بناضم في بنية عمو دخلوا علي كبار البطاحين وناغمو ...
بسم الله الرحمن الرحيم سلام ياهلنا... نرجع لي عكير الدامر والحجاز
وصلنا محل قعادنا عمارة الاشراف جوار بيت الله اقرب سكنه في الاطراف اتبردنا واتطيبنا برقا راف لحقنا الجمعه لمينا السعاد وظراف
عيون راسي وعيون قلبي طيلنوا دي القدامن الكعبه الطشاش زيلنوا مخزن عنبر الشوق بالفرح كيلنوا عاينن والوصف لي الما نظر شيلنوا
اهلا كوكب الدين قبلة التبجيل نعمة الجاها مشتاق للزياره عجيل دي الكعبه الحماها المولى دون تاجيل هلك اعداه رش بي حجاره من سجيل
القبله المؤمنه من هجوم وكوارث الحصن الحصين حامي الجهول والدارس دي الكعبه ال نزل لها طير ابابيل حارس في وادي العزاب لا خلا فيل لا فارس
الحرم الموشح بي كل عز وجلال امان الفوقها طاف لبس السعاده هلال النور المؤمن بي جبال وتلال قصاد جامع العظيم عند الله سيدي بلال بي يوم الاحد بدري الصباح احرمنا جينا العمرهربنا بيها جاد اكرمنا نوينا لي جده قانون مكه عرض وحرمنا عدنا المنزله وبي دم حمل كرمنا
رجعنا المنزله وفكينا احراماتنا حمدا يا كريم في مكه شي ما فاتنا حجه وعوده يا مولاي بعد لماتنا نسالك القبول يا داري بي حالاتنا
بي الاثنين نهار فارقنا مكه وسوره طالبين جده بي سراع شرفتنا قصوره جينا على المطار والروح بقت محصوره في زيارة النبي المعصوم جميل الصوره
.........................................
ونواصل . . تحياتي...
حاتم هاشم.
Post: #134 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-02-2007, 05:45 PM Parent: #133
Quote: اهلا كوكب الدين قبلة التبجيل نعمة الجاها مشتاق للزياره عجيل دي الكعبه الحماها المولى دون تاجيل هلك اعداه رش بي حجاره من سجيل
متابعين معاك يا حتوم يا راجل يا ظريف أوعة تدوس فرامل بس خليك ماسك في الابنص
خالد
Post: #135 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-02-2007, 09:46 PM Parent: #134
في قعدتم ديك شافوا من بعيد عجاج ركب قادم علي الحلّه ... والناس لامة كلها في بيت العمدة
قام قال ليهم:
هداك وددكين بزملو بان شفناهّو دار اليوم يروح خلّف الوعِد خفناهّو الراجل في الاصُول موخاتي لمعناهّو يا ريا إستعدي الزول جمعنا عناهّو
أها وصل شيخ العرب وددكين وجمعه كان معه حوالي عشرة رجال من الشكرية
قام وددكين قال ليهم :
أولاد بطحان سلام أهل النبأ والشكرّه سلام ياعز العرب أهل الفحل والبِكرّه سلام ياطه ياراس الكرم والضكرّه جيت لغرضي يا طيب الأصل والذكرّه
قال عبدالله كبير القوم في قبيلة البطاحين
ها يا جماعة أنزلوا وجهزّو الزمل اي نوخوها وانزلوا...
هنا طه بادر الجمع بكلمة
حباب شيخ العرب مرحب خريف الرازّه مرحبتين حبابو بالبيهو القبائل عازّه حباب سيف النصر البيهو هاشّه وهازّه في يمينّك قبيلةً ما بتخلي الفازّه
ومازال ودكين وركبه على جمالهم ما نزلوا
قام عبدالله مرة اخرى قال ليهم
هيا آجماعة جهزو الزمِل الطعام جاهز ابقو لا داخُل
قام وددكين قال لي :
خلّها ياعبدالله غرضي إن ما أنقضى أنا زملي ما بتندلّه
Post: #136 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-02-2007, 10:18 PM Parent: #135
قام عبدالله قال لوددكين
الناس من الصباح في رجاك في ملّه كِدي ضوق الطعام شيخ العرب بسم الله
قام وددكين قال ليهم :
ما باكُل طعام كان ماحسابي إضرّب وقضَيان الغرض فِيكم حقيقة مجرّب الأمر العنيتو وجيتّو كان ما إضرب ما بنفعنّي آكل وما برويني مهما أشرب
قام عبدالله قال لي
يا شيخ العرب أمرّك خلاص همانّا قوول غرضك عديل خصصنّا أو عمانّا هسي نقضى لِيك في محلنّا اللمانّا كان بي مالنّا كان بي بالنّا كان بي دمانّا
نلاحظ أن الذي يدير الحديث عبدالله وهو كبير قبيلة البطاحين وزي ما قال المثل السوداني القديم ( الما عندو كبير اسوي لو كبير ) فالكبير له مكان حتى في حضور عمدة البطاحين وهذا يعكس الاحترام للكبير بين أهله
قام وددكين قال ليهم :
عندكّم الغرض لا بدوور قلم لا ورقّه ومو غرضاً تسافروا لو وتقيسو الفرقّه بِقْضى إن قتو خير لا بدوور قلم لا ورقّه وإن قتو لا بروح شمار في مرقّه ما جيتكّم مقبوض ولا فوقي جَنِيّه بي خيري ومراحي ونفسي آبيّه جايكّم نسيب تدوني بطحانيه
قام عبدالله قال لي :
خير وكل خير ... سمها ( يعني ورينا بدور بت منو )
قام قال ليهم وددكين :
في بت أب كبس لي نيّه
Post: #137 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-03-2007, 02:05 AM Parent: #136
اتناشر مساء ربي جاد سرانا طرنا مبشرين ناسا كتار بي ورانه قاصدين ساكن الروضه الرسول بشرانا شوقنا مسابق الطياره في طيرانه
وصلنا سلامة رب القدره هون امرنا في الروضه الشريفه ورى المطوف درنا شباك النبي الممدوح قبضنا وزرنا شقي ما تقول بقيف عن بابه يلق نصرنا
ما همينا بي البرد الدفر موجاته شاهدنا البقيع الاف مؤلفه جاته مقام السعداء تتعاله وتلوح سرجاته زرنا الروضه ذرية النبي وزوجاته في جامع قبا البقدح طهارة نزلنا حمدا يا اله العرش تم املنا قمنا على احد من النخل هللنا صلينا وسالنا المولى يشفي اهلنا
حبابك سيدي حمزه سلام عشوق يتمنه شوفة قبرك العندوا النفوس تتهنه حبابك والصحابه وجبلك القابلنا جبل احد المبشر بي دخول الجنه.
.......................................
ونوصل . . تحياتي...
حاتم هاشم.
Post: #341 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 05-01-2007, 07:29 AM Parent: #130
..
Post: #625 Title: Re: هونوو شوية.... وصلو علي النبي .... إستراحة أيها المحاربون Author: هبة الحسين Date: 08-26-2007, 06:08 PM Parent: #100
ياريتم ياخالد...
Post: #139 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 03-03-2007, 04:54 PM Parent: #1
الغالين جداً...
أُستاذي خالد المنسي...
والخليفة... أبو هاشم...
جاييكم اليوم بي فِقْدَتي...
أولاد حاج الماحي... عيب شبابي الما سرح والله لاب شوقاً جرح...
وهذه المدحة هي أول مدحة قالها حاج الماحي... وبجيكم راجع لي قصتها...
Post: #140 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-03-2007, 09:10 PM Parent: #139
Quote: نواصل مع عكير الدامر ورحلتة الحجاز
الحبيب حاتم سلام يا طيب كيف حالك والله تب ماقصرت .... شد الله ازرك كما فعلت لك غالي اشوقي يا حبيب
خالد محجوب
Post: #141 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-03-2007, 09:14 PM Parent: #140
Quote: الغالين جداً...
أُستاذي خالد المنسي...
والخليفة... أبو هاشم...
جاييكم اليوم بي فِقْدَتي...
السنجك الحبيب سلام والله منتظرين ويوم السعد يوم جيتك بجرابك ملان ... جيتك وطلتك يا ابوالحسين مقامها كبير في قلوبنا يا الحنين الزين
لك الاحترام والتقدير
خالد
Post: #142 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-03-2007, 09:33 PM Parent: #141
طبعاً الكل يعرف أن ريا مخطوبة لابن عمها طه .. وكان خبر وددكين عندما سمى البنية الدايره كان قنبلة تصدى لها كبير البلد عبدالله وقال له:
إفتخروا البطاحين ساحتم راح بالّك إلا ريا أمرها مضي من قُبالّك فات فيها الفوات لطه هدا قُبالّك من دون ريا قول الدايره في بالّك دا فريق الصهيباب ومافي واحدة فقيرة مال ورجال وعز في الحلّه مافي حقيرّه كتير زي ريا مليان البلد من غيرّه إن درتّه الكبار ولا أن كان قصدتّه صغيرة
قام شيخ العرب وددكين قال يلهم
إن مال الشدر بنكسرّن فراعّو وقمحان الطلب لي الما بجيبو ضراعّو ليه يا أهلّنا البيناتنا مابتراعوا البقول راسي موجعنّي تربطو لو كراعّو
قام عبدالله قال لي
حبل المهلّه يربط وانت ارتاح بيت وباكر نحوم بيك البيوت بيت بيت ونقّي الدايرّه ولوم البقولا أبيت
قام شيخ العرب قال ليهم:
والله غير الغايّه ما لي مبيت
( يعني يا ريا ولا ماني بايت في حلتكم )
Post: #143 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-03-2007, 09:42 PM Parent: #142
هنا طه شاف الامر تعدى حدوده لذا قال لوددكين
يا شيخ العرب أمرك بشوفو حقارّه وما جابتك بنية الجابتك بس غاره وقرّناك كتير ونفسّك بيتلا وقارّه خبرّك هدا مابدور لو دق نقارّه
قام نط عربي من التابعين لوددكين وقال لطه :
قبلّك في اللجج ياطه راحّو أنهدّو بتجاسر علي شيخ العرب بتهدّو زولكّم موعاقل يا خُبارّه كان ما تهدو بعنادّو ..أنا خايف الفريق اسبب هدّو
قام طه قال للعربي :
أنا المالح الكارب خريفي وصيفي والمتلّك تبيع ماظن إطل فوق قيفي كان ما الليلة في بيتي وبعدّك ضيفي كُت براي برد عليك بسيفي
Post: #145 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 03-04-2007, 09:44 PM Parent: #144
شندي العظيمة
Post: #146 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-04-2007, 09:56 PM Parent: #145
Quote: شندي العظيمة
العزيز فيصل محمد هليل ... حمدالله على السلامة متى رجعت من السودان مشتاقين يا حبيب والله لسماع صوتك اتصل افيدنا باخبارك يا حلو لك التحية يا فيصل
خالد محجوب
Post: #147 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-04-2007, 10:06 PM Parent: #146
نواصل
قام شيخ العرب وددكين قال ليهم
كفى يا بطاحين فيكم إتغشينّا كرمكم جانا طامح رخصه إتعشينّا في الشي الشايفو كان مامشينّا خايف في اجتماعنا تقع وقائع شينّه
عاد واعة الله عقب بيناتنا مافي علاقة وات يا طه الشفيت شبعته شلاقّه عملتّه للشر سعيت دليتو بي معلاقّه نحن وأنت بعد الليلة يوم نتلاقى
قام طه قال لي :
سوي الدايرو وكُتر الكلام خلي والشر القصدّتو معاي أبقى علي طير أصل السماء حتى القمر دلّي يوم نتلاقى كل واحد بِعرف اللي
Post: #148 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-04-2007, 10:18 PM Parent: #147
هنا البطاحين بقوا مو عارفين اسوو شنو طه مابدي بنية عمو .. الشكري ودكين مو منفكي منهم اما البنية والنسب ولا الحرابة ... ومعروف من الطول الحرابة بين القبائل في ذاك الزمان .. قبيلة البطاحين ضعفت وصار لا وزن لها مقارنة بقبيلة الشكرية الكبيرة ,,, المهم كبار البطاحين كانوا يحاولون بقدر الإمكان تفادي الحرابة مع الشكرية ... لكن رغم هذا فهم فرسان وان حكم القدر بالحرب فهم لها راجل وقدرها...
قام واحد من البطاحين اسمو خلف الله قال لوددكين :
من ولدك زِعِل كل القبيلة تتاورو أرحكاكم بيتنا ونحن زولنّا نداوروا
قام وددكين قال لي :
يمين بالله ضيف الغابة حالف للفريف مايجاور
قام خلف الله قال لي :
سمح أرجونّا إمكن طه نحن نجبروا
قام وددكين قال لي :
الزول في الرقاد شقّو البريحو بخبرو والزول البليد بيدو يحفر قبرو عاد بنسوي عوسنّا وطه يلزم صبرو
بسم الله الرحمن الرحيم سلام ياهلنا... نواصل مع عكير الدامر ورحلة الحجاز.
ابؤاحمد...سلامات خلاص عكير قرب يرجع اللهم زورناالمصطفي صلي الله وعليه وسلم.
بي يوم الخميس لي جده قالوا العوده طيارة رجوعكم برزت مبعوده الزول ما بيفوت ال في الازل موعوده مطر الفرقه صبت وحركتنا رعوده
اتوضينا جينا الروضه زرنا نبينا صلينا ادعينا الختوة بيضه لبينا وادعنا النبي الفوق حبه قمنا ربينا بي جاه العظيم ما نلاقي شر وغبينه
بي النكس البلاصف لي المطار فرينا لي الميزان قبل ما يزحموه جرينا بعدك يالمنوره ما انسرينا ما طولنا فيكي قعدنا بعنا شرينا
بعد صلينا بي مس الشفا اتسلحنا شقيتا الالوف بي ناس تقيله رجحنا في الشباك مسكنا دعكنا واتمسحنا شلنا الفاتحه بي حب الرسول بارحنا
قاعدين في المطار بي الحاله ربك يدره ندعك في العيون والدمعه لي منقدره طال الشوق على النبي سيد رجال الحضره وطال الشوق على القبه ام هلال الخضره عشرة وعشرة من ارض المنوره طرنا حامدين شاكرين زرنا ومحينا وزرنا بي فوق لي السحاب مثل البخور طرنا جده قربت لي البيندوره والدايرنا.
قاعدين في المطار بي الحاله ربك يدره ندعك في العيون والدمعه لي منقدره طال الشوق على النبي سيد رجال الحضره وطال الشوق على القبه ام هلال الخضره عشرة وعشرة من ارض المنوره طرنا حامدين شاكرين زرنا ومحينا وزرنا بي فوق لي السحاب مثل البخور طرنا جده قربت لي البيندوره والدايرنا
حداشر وعشرة طبينا المطار ورقدنا هبت ريح شمال حب الوطن عاودنا السقط البيلفح في الجسوم هددنا لي المحجر على يوسف نزلنا وردنا
يومين عنده في جده ام رخام روقنا بي عربيته من سوق المنى اتسوقنا اكسير الضيوف بي جميله كم طوقنا بي انسه اللطيف لي الدامر اتشوقنا
عشرة ونص مساء يوم الاحد ودعنا جده الربي عظمه زين من مطاره قلعنا اتعشينا في الجو ربي رحمة رفعنا زرنا الكعبة والنبي في مقامه رتعنا حمدا يالاهي نظفنا واتفكينا رحنا وجينا ما صابتنا حاجه شكينا كتوفنا نزل تقيله وهللت ملكينا عدنا سلامه في الخرطوم فرح ركينا.
....................................
اللهم زورنا المصطفي صلي الله عليه وسلم.
تحياتي...
حاتم هاشم.
Post: #151 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-05-2007, 06:57 PM Parent: #150
Quote: عشرة ونص مساء يوم الاحد ودعنا جده الربي عظمه زين من مطاره قلعنا اتعشينا في الجو ربي رحمة رفعنا زرنا الكعبة والنبي في مقامه رتعنا حمدا يالاهي نظفنا واتفكينا رحنا وجينا ما صابتنا حاجه شكينا كتوفنا نزل تقيله وهللت ملكينا عدنا سلامه في الخرطوم فرح ركينا.
آميــــــن يا الخليفة حاتم ربنا يشيل قديمك لزيارة بيتو وقبر حبيبو المصطفي صلى الله عليه وسلم بإذن الواحد الأحد الفرد الصمد لك التحية عزيزي
خالد محجوب
Post: #152 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-05-2007, 09:29 PM Parent: #151
بعد الكلام دا شيخ العرب وددكين طلع من بيت العمودية .. وطه حاول يحصلّو قام مسكو واحد من البطاحين اسمو أحمد وقال لي :
أقيف يا طه عندي نصيحة ليك ببداها العقدة الصعيبة العاقل مابتعداها الشكرية كترة ونحن مانلداها أنا عندي العرب بريا أخير نفداها
(( يعني ندي وددكين ريا ونكتل الفتنة الممكن تحصل وتجر للبلد حرابة ))
قام طه قال لي :
خلاص يا آحمد تراك بي فكرّك روح لوددكين خليهو يسمع شِكرّك إديك ماااال كتتتير وقبيلتّو ترفع ذكرّك تصبح عمدة فوق ريسينا تخلف حكرّك
قال دخل في الموضوع عبدالله كبير البطاحين وقال لطه :
تقول لِى شنو وتقول لِى منو ، وأما عجيبْ وأما غريبْ ، وأقيف لسعْ وأقيف .. وأسمعْ ، أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو .
.........................................
تحياتي...
حاتم هاشم.
Post: #157 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-06-2007, 06:10 PM Parent: #156
Quote: أنا الكَعَب البسوى الويلْ وأنا الزول السَمِحْ ..بلحيل
حاتم سلام حبابك ات بندورك كما خلقك ربك ... زولاً سمح بالحيل وتشد الحيل وتعدل الميل لي زمن وانا بدور علي هذه القصيدة وكأنك قرأت أفكاري يا حاتم أن شاء الله يوم شكرّك ما أجي يا المبروك لك التحية والسلام يا أبن العمة
خالد محجوب
Post: #158 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-06-2007, 08:40 PM Parent: #157
قام طه قال ليهم كونو ندخل في حاربة مع الشكرية هذا يعني المجازفة وبنوت كلنا .. أنا بسوق بت أعمي وبمشي أحتمي بالمك نمر في شندي وأنتو أبقوا محايدين وقولوا لوددكين نحن طردنا طه من القبيلة في شان ابا اسمع كلامك
قام طه قال للبطاحين
الشكرية غوش وأكتر علينّا حساب وضيف ليهم لميم مابتربطو الأنساب أنا لي غارتم عملّتَ ألف حساب إن تتعدّو رأي يقين عذابكم ساب
بجيكم حمد والرجال تابعّا قولوا لو طه طفش وريا معا كيف نرضى السفيه الأدبو مابرعى يرفض طلبك أت ونحن كيف نسعى
أبقو وفادوا وعدي والقبيلة محايدّه عُقبال إن رجع فوق الخسائر عايدّه وإن حصلنّي ما أظن أعود بفايدّه
Post: #159 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-06-2007, 08:48 PM Parent: #158
قام واحد من البطاحين اسمو أحمد قال لي :
في دربّك بسوق وأت صنديد تصد المية ماك ممحوق إلا بنخاف كترتم وآيد الرجال بتحوق
قام طه قال ليهم :
ليه خايفين علي الدنيا عيشة مخاتر الواجب نسوي ونرجى ستر الساتر أها في وداعة الكريم يا دار ريا ماكان الفراق بالخاطر
قام ساق بت عمو موجه ناحية شندي يحتمي بالجعلين ويضمن حياة بت عمو وعلي نفسو هو بصير .. معروف أن المك نمر متزوج بت محمد وددكين اي حمد وددكين عم زوجة المك نمر ... وعندو منها اربعة أولاد وبنية وهي بنونة بت المك نمر
Post: #160 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-06-2007, 09:01 PM Parent: #159
بعدما ساق طه بنية عمو وختر .. هنا البطاحين حسو باللوم كيف تركوا أمشي عيب في حقّهم كان الواجب يحمو ويموتو فداه
قام أحمد قال :
عم عبدالله خبرّك هادا شيتن فاجع كيف بنطاوعو من بيناتنا يطفش ناجع
قام عبدالله قال لي :
سمعتوا قولوووو من الفيها مامتراجع وفي الشي الشايفو قط بهينه مابعود راجع
(( يقصد مرقت طه من ارض البطاحين لابد من واحدة أما يكتل وددكين ولا وددكين إكتلو ))
قام أحمد قال لي :
نركب نلحقو كيف بنخلي أمشي براهو
قام عبدالله قال لي :
شورة القال أخير مانلحقو ونبراهو
قام أحمد قال لي :
والعاقل بحسب للتقيل تافراهو بنفكر علي القادمو والبيوراهو كيف موقفنا ساعة يلحقو يكتلو براهو
قام عبدالله قال لي :
كان وقع القدر مابتقدروا تصدوهو وكتر الكلام هسع أخير خلووهو
Post: #161 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-07-2007, 02:02 AM Parent: #160
بسم الله الرحمن الرحيم سلام ياهلنا... الخال ابؤاحمد سلامات... بداية العمل في كبري شندي المتمه
يانا اهل العوض ................ الشاعر... ود الشوبلي .......................
جبته الفتنه تعلن حرب بجاسوس والسبب الفنيله القلت فى الوسخ مدسوسه ياخ نحنا نفوسنا فى حور العفاف مغموسة مية غمسه لا عار لادنس لا سوسه ويانا أهل العوض والعزة مابنكوسا اصحاب سمته واصحاب فرشتن موروثه نحنا العامله بتاف ترفع المعكوسه ونحا جدودنا عاد طيعوا الجاموسة يانا أهل العوض أهل النحاس ابرنه أهل البَدرة والمهيوف أهل الشنه أهل عزة وهل سمته وغرور ومحنه ناس البادية ناس عشرتن تتمني ونحن أهل العوض حافظين عهود ماخنا وللجار والعشير بالشينه ماتعجلنا بيوتنا لمس الطيور زمن العدم مابخلنا ومابصح الوليد فى اعراضنا يجاهلنا ونحنا اهل العوض والله لاتقينا ولا تبدلنا واثبين كالاسود فى الواجبه ماتمهلنا فى البر فى البحر تلقانا وين ماكنا فى قسم الرجال كزب البمس لحصونا ونحنا اهل العوض فى الحالي والفات كنا فى جرك الرجال فى شينه مابعطلنا بس بوعيك لو دقس فى اصلنا وتجاهلنا بوعيك تحسب فى الجدود 60 ومن غير إنه ونحنا ربينا الشياخ فوق والده ماتعجلنا حافظين لللسان وحافظين كرامة اهلنا اشبال من أسود فى ضلعه ماتهجنا دايرين سير كرام لمن نلاقي اجلنا ونحن أمثالنا ياود موسي مابواخذوهٌ بي ويييي بولــــد والماعندو راي حق يتعب ويقلد الراجل مابات قوي ولا ضوق الكيك خمشة ولا جره قافات فوق حرير القامشة أمانه تصبّح الليد والكراع منكمشه جيل الباديه جيلاً بحرجوا بالكمشه بناتنا البقرن فى الجامعة سماهن ناس التومه : قال ديل شريحه براهن قال ناس التومه مرقن عنقريبن مرقنبوا قربنبوا صح ناس التومه مرقن عنقريبن قرنبوا لكن مابقعد ن يحاكن زي قرود الد نبو الزول المابعرف يفرق بين صوابعو وزنبو حقاً فى الدروس ماحق يقعدن جنبو قال ناس الجامعه قال ليها الناس البقرو معاك كلهم زي دا قال ليها اقري ساي ماعليك خوف ناس الجامعة صح مابشكلوا خوف عشان ليهم عقول نيرة داخل الجوف ليه ياود موسي بتزم الرجال بالعائله مابعشوا الصيوف تحت السحابة الشايله ماسمعت أم همج عقيد الزايله ماسمعت النمر حرق الخديوي القايله نحنا نضافنا ياود موسي مو صابون نحنا نضافنا فى عروضنا وشرف مصيون نحنا نضاف الدكري المسنون طيبين عشرة ولكن للخسيم طاعون نحنا سماحنا ياود موسي مو كريمات ولمعت لون نحنا ولدنا عاشميق يغسل العرجون نحنا ناس لينا اعراض بيحكما القانون سماحة زول يفرج كربة الممحون نحنا دفعنا ياود موسي مو جركاني ونحنا مابنتبع الجبنه وحليب الكاني ونحنا دفعنا فى النوق أم سنام باني نحنا ضربنا للعوق انفجار بركاني وكان كلمنا ياود موسي بنقول الكلام حقاني وكان غنينا بنخت الشعر فى معاني والله عزيزين فى النسب من فاقه مابنعاني تحسب فى الجدود ستين ومن غير عاني وغبار الكبرياء المن المعالج هاجد احذر منوا لا ينسيك عن الواجب من أمثال تراثنا من العرف والواجب مهما العين تطول مابتعلى عن الحاجب.
.........................................
تحياتي...
حاتم هاشم.
Post: #163 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 03-07-2007, 04:10 PM Parent: #1
الحِبان أهل الحوش...
لوحة جميلة من الشرق...
إهداء للجميع...
كميات مودتي...
أبو الحســـــــــين...
Post: #164 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 03-07-2007, 04:10 PM Parent: #1
برق الخريف ما رف وأنكتح السحاب شايلو الهواء البنزف يا حليلو الكريم اللينا باسط الكف أبو الصديق رحل يوم جاني الخبر ود عيني قطر تف زي وابل المطور فوق الصدر هتف كان حازم القبيلة وحبلو ما أتنتف كان حافظ كيانو وما مرق ختف كم حلحل دريك من بعد ما تكتف الماهو داب روحو من فقدوا القلب متشبكة جروحو يا حليلو البعيش الدايحة في سوحو والموت من بدا الخربانة دي سروحو البقاء لله يا بطاحينو لا تنوحوا أزرق ود عظام ناس طلحة يا حليلو يبكيهو الهواد يوم أنقرن سيلو يا حليلو الكريم الحقو ساخليو الليلة القلب بلحيل مشاشيلو زرف يا دمع بل الجفن كيلو صاهبابي ورحل حزنا بالفرقة خلا العين تقطر والقلوب حرقة دفاع الطويلة الزيمتو ما سرقة كم قدر ضيوف بالشقراء والبرقاء فهاق للردوف أم كبدةً زرقاء.
....................................
تحياتي...
حاتم هاشم.
Post: #166 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-09-2007, 02:48 AM Parent: #165
اها ساق بت عمو وفي الطريق لشندي كان بحجي فيها بحُجاينا قاطعو من راسو وقال ليها:
جملي إكسر الغًربة سيفي يحل من كُربة قلبي سميناً تُربة
ياريا ماشفتي الحُلم كيف إتحول وأتفسر براهّو وبالشين علينا أتأول داخل راسي فكراً منو مابتحول بكتلّو وددكين إن كان قرب وأن طوّل
قامت ريا قالت لو :
أسّود دكين باسمو ماتحجيني هو الفرقنّا قمنّا من البلد هجينّا عُقب في دار جعل تاني الخرابّه بجينّا مابسوي الرمادّه المك نمر بحجينّا
قام طه قال ليها:
ما أولاد عم ديل ديل تمام شُكرية معروفين تمام في كل بلد أُجريّه كان حفروها بير ولقوها شدره ضريّه
Post: #167 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-09-2007, 03:02 AM Parent: #166
قام تاني قال ليها
الجاينّها بحكيها لِيك جاين من هناك براي وآمال عارفين وددكين ما بهم بي مال وجُمال ظانين بكُتلني وبِسوقّك وهم بشيلّو المال لكن بكتلّو وددكين ودي الظانّها في فكري وبتشوفي الفضائح الما بتجيك من شكري الشُكرية فرسان ومستحقين شُكري دا الصُح قتو لِيك أنا لا بخاف لا مكرّي
قامت قالت لي
تسلم لي يا يابا من بعدك بشوف كل الدياره خرابة شاحده الله الكريم ونضاره لو بي عبور وتور سمين إدابّه يَسلمّك لي وأشوفك ديمة يا يابا
قام طه قال ليها ::
أفو مالي التقول ودر الدرب لشندي
Post: #168 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-09-2007, 03:17 AM Parent: #167
قامت ريا قالت لي :
ماك عارف الدرب زيين
قام طه قال ليها:
ماشيهو بي كرعي وكان معايا سعيّه كيف يلحقنّا زول شندي ومعاهو معيّه
قبيلة دار جعل محميّه وفيها إسودا راسها المك نمر ومحروسّه ما معقودّا رُكازة القبائل في السنين السودّا
بكرة بنجيهو وسيفو يجيك بولادّو العز والكرم من الكُبار تيلادّو ما أظن وددكين بشينه يوطأ بلادّو نمر ماخد بت أخو شمه أم أولادّو
إن ودعتّك للمك ما بخاف المتلّو أهون من شراب المويه عندي أكتلّو
ياريا قبيلة البطاحين أصبحت محقورة علي الشكرية دايمن سارحتم مدفورّة وما بتلقالا عز وتعيد مكانتا ووقورّة ألا بي غارة تقْضي السارحّه والمعقورّة
Post: #169 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-09-2007, 03:41 AM Parent: #168
قامت ريا قالت لي :
في داب الشديدة ابقالي إقوم في دربنّا ما بهدالو بال بالفتقّه يهتق شان إفرقنا بوصفّك دحين من شندي نحن قربنّا ما بنومو الرجال أمكن إمسكّو دربنّا
قام طه قال ليها
بسمع لي حركة
قاموا وقفوا وعاينو شافو لهم عجاجة من بعيد ولامن دنو وقربو
قامت ريا قالت لي :
يهم ناسنا خمس رجال
قام طه قال ليها:
الناس المعا عرب صعيد يا ريا ما اولاد عم ديل ديل تمام شكرية
الشاعر... المكاشفى محمد بخيت ................................
عشمانة بت شيخنا النصيح عشمانة بِتْ شيخنا النصيح فتحت شبابيك النهار الشافا من جِهةْ الشَرِقْ قال تستريح والشافا من جهة الغَرِب قال هابه ريح وجها ًيطل من طاقة الوكت المودر فى الغُلاط تقراهو حيره معلقة وتقراهو فى جدل الشُراط وتلقاهو فى النجمة المدسدسة ِتحت أباط عشمانة من شباكا داسا الكلمة من تحت البلاط مكتوله فى أسر المكان مجروحة تسأل عن جريح ضاق النهار بى نظرة من شباك معلق بين جدار جوانى بين سقف الوطن يوم رجت الشمس الحليب الراضع العرق البذوب فى كاس زمن اترتعت خطواتها فى شارع يودى وما بجيب اتجرعت جقمة زمن ..شافت وطن عالى وفسيح.. عشمانة ما سكرانة ..لكن السكات دردح عصب كان المسيكين فى عشا الغنماية .. فى صوت المغنى وكت يلعلع بالغنا الجافى القبيح تالى الليالى ...عقاب صباح.
أبقى لي نسيب أحجاك وأمن روعك وقول الدايرو في المال أجيك في طوعّك من هادا الغرور يا ولدي أولى رجوعّك
Post: #172 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-10-2007, 03:20 AM Parent: #171
قام طه قال لي :
يا شيخ العرب جربتّه لحسة كوعّك (( يعني لو بتقدر تلحس كوعك بديك ريا بت عمي )) كُل ما أوقرّك في الشين أراك تتقدم إتعكنن خلاص أنا صبري شفتو إتهدّم أصلو البيناتنا مابتنفك من غير دم الكاينة التكون بي وراها مافي ندم
قام واحد من العرب التابعين وددكين قال لي طه :
أصلو الخملّه مابسمع نصيحة الهادي أول خفنا ليك من البهادل هادي ياطه البهدد مابضرب الوادي أمشو علي الرجال أجري وإقبل غادي
( اي سرحتة في الكلام وبقيت تسوي نضمّن مو فيك ولا بشبهك )
قام طه قال لي :
حبابك أقرب من قومة الجهل أنا لي لقُاك مدرّب
(( طبعا وددكين كان فارس قبيلة الشكرية وهو في العمر اكبر من طه كتير وطه من ما شبا درب على الفراسة لملاقاة وددكين في الحرابة التي تلم الشكرية والطاحين ))
Post: #174 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-10-2007, 06:58 AM Parent: #173
Quote: بسم الله الرحمن الرحيم سلام ياهلنا... الخال ابؤاحمد سلامات... بداية العمل في كبري شندي المتمه
الحبيب حاتم الزين كيف حالك يا المبروك الله يبشرك بالخير والفال السمح يا حبيب الشي دا ماشايف لي بحر ولا موية مسونو في الخلا ولا شنو بعدين ماشايف لي كيس سمنت واحد ابقى لي دايرين كورتونا ساكت وسوو بالطين .. لكن حتى لو بالطين اخير من البنطون آ زول
Post: #175 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-10-2007, 07:05 AM Parent: #174
Quote: الحِبان أهل الحوش...
لوحة جميلة من الشرق...
أبوالحسين يا حبيبنا جيتك ومرورك يا الزين أكبر لوحة تمثل سوداننا الحبيب ولمن تجينا ومعاك لوحة من شرقنا الحبيب زدت الحلاوة حلا يا جميل يا حلو
لك تحياتنا
Post: #176 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-10-2007, 10:51 AM Parent: #175
بسم الله الرحمن الرحيم سلام ياهلنا...
تحياتي...
حاتم هاشم.
Post: #177 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-11-2007, 00:47 AM Parent: #176
بسم الله الرحمن الرحيم سلام ياهلنا... نواصل المكاشفي و عشمانة نت شيخ النصيح
تالى الليالى عقاب صباح تالى الليالى مصب نهر مجدوع على السكك القديمة ومستباح أحلم بحر وأنضم مطر إن كنت تحلم بى صحيح وحبيبتى من طرف البحر جابت محارة وعنقريب شفتك قريب وبديت أحسب كم تغيب الجية ما شرط الفراق واللقيا ما ذنب البغيب عشمانة من زمن التساب مشرورة فى السعده انتظار مفروره توب غطى الرواكيب ما ها ضُلْ الضل بجينا وبنسحب ولاهى فُل الورد حرفو بينكتب تتهامس الحته اللقتنا مصورين فى إلبوم الغابة ورياح المتعبين يوم شفنا فى المقرن طبنجة ومرفعين من همسة أم در لى التواريخ تستريح عشمانة فى النظرة وتتوه فى ملتقى الأسف العميق بى منتهى الوعد الجديد مرقت على الكنتين ولادها مطعمين بى لفحة الشباك وبى الزمن البضادى صغارو ايدا قصيرا من رف الحلاوة البسكويت والصلصة والماجى ورغيف العيش وما بتقدر تقول بكرةّ ومابتقدر تقول معليش جناح اولادا ناقصو الريش جناحا هى قصو عسس الليل وتمو عليهو بالتفتيش مصاقرة الحاله ناقصة مرايا لا طفلاً ولادتو سمايه قدر الشوف فراغ العين قدر الطوف غرق حفيان وملوة عيش وقدر القمحة سنبلة طالعة من شدة يباس وعويش وقدرها مرتين الديش وقدر أم قيردون الكودى لو طُعم الشرك كشكيش وتتذكر غناها الربا فى قلب الوطن دعوات وتكسر ضلفة الشباك تطير عين الشمس من بالا زى ميلين ترك آخر السطر جيلين وتكتب بى قلم ما بتبرا إلا الحال ونخطف من نواحى سؤالا كم شبال ونردف فوق حصانا اللاهى عصفورين وننسى زوادة السفره ودعا الوالدين.
Post: #178 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-11-2007, 07:50 AM Parent: #177
أها قام نزلوا طه وودكين من جمالّن وكل واحد درقة وسيف وبقو اتبارزو وجقلبو جاي وجاي وفي نهاية الأمر طه ضرب وددكين كتلّو .. سالي سيفو وجبينو كلو عروق وزي الحيطه وقاف
قام قبل علي العرب الجاين مع وددكين وقال ليهم
ترى شيخ العرب قبض الربح من تجرّو وأتوسد تقيل أن شاءالله ثابت أجرو أنتو الشورة كيف عند الزمل بتحجرّو صنقّعو للسما بطيرّو ولا بتجرّو
قام واحد منهم قال لرفيقو ( والعربي دا هو القبيل قال لي طه انا بعد ما يكتلّك وددكين في تركتّك كافي بشيل جملك اب سمويته )
أنزل يا عمر والروح في يد الخالق بتجيه الضرب وفي الدرقّه ساسّك غارب
قام عمر قال لي :
عند الخشيم دايمّن تنط متشالق ما تنزل أت مالك ماك بالغ
Post: #179 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-11-2007, 07:59 AM Parent: #178
قام طه قال ليهم :
في غارب التلوب أنا نايبي دايمّن غارز أسمعوا يا طمُش إن كان ما أجيني مبارز واحد منكم بضرب من طرف مافارز
ترى أب سوميته أركب يا عمر سافرتّه قبيل وكت الكلام زي الأسد طفرتّه مالو هسى دمك بهت متل التقول جفرتّه
قام عمر قال لي :
من القليب أنا تبتّه وإستغفرتّه
قام طه قال ليهم :
واقع علي حلف إن كان بقيتو سريّه حالف منكم أنتهي قُبال تجي العصريّه
قامو العرب الخمسة جو جارين علي ورمو سيوفهم قدامو وقالوا :
هاديل سيوفنّا واقعين وراك يا ريا ( يعني بدوروا ريا تحجاهم من ود عمها ما يكتلهم )
قامت ريا قالت لطه :
اقيف يا طه خلهم وكت رقدوا سته
Post: #180 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-11-2007, 08:12 AM Parent: #179
قام طه قبل علي بت عمو وقال ليها :
يا الخدرّه المفرهِده وفوق جروفها نديّه علي الواقع وراك أنا كيف أشيل اديّه حتى ان كتلني عافي ليهو الديّه دمي مالي آيدك واقبليهو هديّه
قامت ريا قبلت علي العرب وقالت ليهم :
رُجال التابه أنتو الستره تب مافالكّم إتامنو وقوموا وسوقوا جمالكُم حت مال وددكين سقوهو يصبح مالكم نروّح في حالنا وأنتو روحو في حالكم
قام طه قال لي ريا :
رقد وددكين أسد القبيلة الرازي كان ما ضايقني هو تب ماقطعتو ضراعي
قامت ريا قالت لي :
تتأسف لو ليه كان داير يجز براعي والنعلات حرام تاني ما بتضوقا كراعي ( يعني هو كان داير أكتلك وكان كتلك والله كت حرم لباس النعلات ليوم الله )
قام طه قال ليها :
موت المتلّو نقصان للعرب في الجُملّه كان راس القايدة وهو البقود الحمْلّه أطرى فعايلو جسمي يجف بعدما يملّى كان ما شوية كان داير يعمل العملّه
Post: #181 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-11-2007, 11:48 AM Parent: #180
بسم الله الرحمن الرحيم سلام ياهلنا... نواصل مع الكاشفي وعشمانه بت شيخنا النصيح
ولسه الجيه فوق جيات وطاشه لغتنا فى البكيات وما قرشتنا بين فكين سوى العاصفة الملبكة بالصمغ والحزن ..والمنديل لسه بطانا شايلين فى عيونم فرحة مابانت تعضعض أصبع الأفق الطوى المشهد أبت عشمانه تابى نهار وطن ممسوك وسلت من حِيَطْ سيد المروه الباب وشدت خيلا فى رحلة مدن مسواكا لى سِنْ الصباح أشجار عتامير الزمن وحلانة فى رمل الفريق أسرار مداميك البنا المهدوم بتبنى بيوت ..تخت شباك أمل مهزوم لكن النهار صحيان على ضفة شمس بيحوم وديك عشمانه من رقراق حياتنا المستحيلة تطُلْ مشربكة فى غصن من شوق مكلبشة فى ثوانى الضُلْ وموحله فى الطمى العجلان وشايله على الكتف هم كُلْ أريتا حبيبتى بت وادى الرياح والعُشْب ..والقندول بت النخلة فاتحةُ خير وفارعة طول بت مسك الوطن فواحه فى ساحاتو خاتية قول َنخُبْ طول الطريق ماشين نبعد ونستعد راجعين وديك عشمانه تحلب ضَرْعْ يوم غايب توبا بقى الخريطة مشتتة العالم جرينا معاها ما خالين خطى وأنفاس وفى كل خطوة وَلْدَةْ يوم وفى كل يوم وقوع لى فاس وفى فاسك عِشِقْ مكتول وفى المكتول حياة الناس وفى الناس رغبة ما مطفية لى السفر البجيب الطاش والطاش فى مطار مستنى فوق حَرْ الجَمُرْ ..طاشين والطاشين هناك يقروك فى يافطة محلات الدهب خاتم والخاتم فى أصبع من إيدين منسية فى جيب اليتيم منسية من زمن الغنا الخواف ومن زمن المدينة تعبى بكريها وتقسم فى تلوت الليل جواريها وتلبس توب مرتق بى عصب بردان يشق الليل يعريها وتلعن فى عميق السر سلاليكا وطواريها ومزازيكا وبواريها .................... ونواصل . تحياتي... حاتم هاشم.
Post: #182 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-11-2007, 10:18 PM Parent: #181
.
Post: #183 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-12-2007, 02:38 AM Parent: #182
بسم الله الرحمن الرحيم سلام ياهلنا... نواصل نهاية المكاشفي وعشمانه ...................... مدينة تحب لى حد الموت حراميها مدينة بتفتح الأحضان تزيد النار مطافيها مدينة بلا تعب تنشاف على كل الجهات أسواق مدينة تصفى عِرْقْ الحُرْ تقسمو فى كواريها وتقطع من جذور اللهفة طاريها مدينة الفيها ما ليهامدينا الليها مافيها مدينة بتكتب الحجبات مدينة تدين لى شاريها مدينة تدين لى كاريها مدينة وكت يجينا جواب تدسو وَسُطْ مخاليها مدينةتضيع العنوان مدينة توقف الإنسان على حد الحَجَرْ والزيف ولو وصلت نَهَرْ ألحان تقيف زى ليل تضاريها ويا عشمانة فى شباكك المقلوع نبت عصفور وجنب المنجل المشروم نطق طمبور وجنب الجدول المفطوم بموية الدونكى خير مصروروجنب المسطرين طوبتين واحده وسادة للميتين وواحدة حجر أساس الجايى بكره قريب وطولى من نظر تنشافى بيهو هناك وطولى من وتر تتباهى ببيهو هنا. .............................. تحياتي... حاتم هاشم.
Post: #184 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 03:03 AM Parent: #183
عندما خرج طه من دياره كان قاصد شندي حتى يحتمي به من بطر وتجبر الشكري وددكين الذي كان مرتكز في جبروته على كبر قبيلته التي يمكن ان تدهس قبيلة البطاحين وقد استأثر طه أن تبقى قبيلته كريمة ممعززة واشترى بذلك خروجه من دياره وقصد شندي للمك نمر
وصل طه ومعه بنت عمه ريا ووصل ضحى وكان نمر يجلس مع كبار الجعلين في صالونه العامر بشندي فوق فسأذن للدخول عليه فأُذن له فدخل هو بنت عمه علي نمر وهو جالس بين قومه
قام طه قال ليهم :
التلب اللزوم مدخور يشيل العايلة إقدل بي مهل فوقو الحمول الهايلة إياك مرق القبائل فوقّك يسندو المائله فراج كُرب الهم اب قبائل جايلّه
عامر جمعكّم أن شاءالله ما بنفضّه ماجابني مال لا بدور دهب لا فضَّه بدور المك نمر سيد النحاس الجضّه جيتو علي حمِلتّن غيرو مابنقضّه
Post: #185 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 03:11 AM Parent: #184
جيتك يا مك وأملي بس تكشف همي في الأول وداعة في في حماك بت عمي وكتين تقبله أنت شلتّه تلتين همي والتلت الاخير تحجاني تحقن دمي
دي ريا بت اب كبس ماكان ابوها فقير وأبوي قُبالو مات رباني من ماكنت صغير وكت لحق أعيش وراهّو ماني حقير أصُد الغارة علي جاري وعلي عروضي اغير
Post: #186 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 03:21 AM Parent: #185
قام المك نمر قال ليهو :
مالك هسه شن جاك
قام طه قال لي :
جاتني جنيّه حربة رِده ما بخاتري ما بي النية
قام المك نمر قال ليهو :
كتلتّه منو وجريت ؟
قام اتلفت طه علي بنت عمو وقال ليها:
اها سامعة آ بنية دي المابيها والخوف تبقى ورانية الموت ما بخافّو الخوف يمين مو هولي الشي البخافّو بخاف بهادل عولي الناس والوراي كان براي بسعولّي في راس الكتلّتو بقيف يمين لا حولي
كان هم بيرضّو بتاري وياخدّو الِليلتِي ما كنتا ألتجيت ضاقّت عليا مهيلتي يا مك ناسي قِلّه بخاف إخربّو قبيلتي بي جعل إحتميت وفوقّك سلبتّه تقيلتي
الشكرية تغيّو وللجوار ما براعّو حمد وددكين في راسي ختّه كراعّو سمع بسفري لشندي قام في سراعّو قاطع دربي إخرت ريا قال بضراعّو
Post: #187 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-12-2007, 03:36 AM Parent: #186
محكمة الغرام ................. للشاعر... المدني الكردوسي ................................
طالبني الغرام رسل لي خمسة عساكر وأنا عامل جنايات والعقل مو فاكر بعد ودوني قابلتو القبيح الماكر قال ختوه يرقد في السجن لا باكر بعد الصبح أصبح والسجن فتحوه والمكتب عمر قالوا الأسير جيبوه قال ليهم الولد ياتو هــــو ؟ قالوا عشوق خدود اللينة ماعرفتوه؟ قالوا ها بالحيل بنعرف الغرام شاويهو ومن فضلك تسامحو وغايتو لا تقاويهو الماسكو الهوى العذري نازل فيهو في حكم الشرع لا يكون جناية عليهو اتنفش الغرام برنيطو شالها نفاها ضرب الكوبيا لا من سرحا وشقاها إتناول قلم غيرها وكتابتو محاها قال أمسكتو خمسين جلده إتنين نجمة غايتو معاها ..................................... ونواصل . تحياتي... حاتم هاشم.
Post: #189 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-13-2007, 01:16 AM Parent: #188
بسم الله الرحمن الرحيم سلام ياهلنا... صوره عروس من قبيلة الـ بني عامر تحياتي... حاتم هاشم.
Post: #190 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 10:46 PM Parent: #189
Quote: بسم الله الرحمن الرحيم سلام ياهلنا... صوره عروس من قبيلة الـ بني عامر
حاتم هاشم سلام السلام يغريك انت يا الزين السلام يغري الطرابيش والقلاشين الله أن خلاني طيرة وجيك الحين واغريك السلام يا الحنين
والله اشرق البوست بك يا غالي وربنا يقدرنا على شكرك .. وزي ما بقولوا الله لا جاب يوم شكرك يا سمح يا زين يا حبوب
لك الاحترام والتقدير
خالد محجوب
Post: #191 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 10:58 PM Parent: #190
أها طه كان موصل في حديثو الموجّه للمك نمر في حضور كبار الجعلين
قام طه قال ليهو :
جيتّك من أهلي قاصدّك وما بقضي إيثار إنكشف الأمُر دحين براك إختار إما تبقى بيني والبخافو ستار إما تكتلني إت وتآخد التار
ياك عز القبائل والكرم فيك طبعّه وجارك مابِهم إن كان مسوي السبعّه إن كان أجلي تمّه اُخد قصاصي التِبعّه وزي ما قالوا قديم البياكلوا الأسد أخير لو من الضبعه
هنا المك نمر قبل علي الموجودين من كبار الجعلين وقال ليهم :
آها يا دار جعل إنتو الكلام سامعنّوا قولوا دحين رايكّم وفكركّم الشارعنّوا
Post: #192 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 11:07 PM Parent: #191
بعد ما المك أدا الإذن وقف واحد من الجعلين وقال ليهو ...
كان ضيفنّا ما نحجا وندافع عنو نرمي سيوفنّا تاني ليه الحِصان ساعنّو
قديم يا مك ديارنّا مرتع الآمال وشُعبة الكون وركازة الزمان إن مال صغيرنّا إن جال يَضاير العوق يمين وشمال بي دمانا النزيل نحجا قبل المال
أديهو الأمان يقدّل ويلقى مناهو والببقى في أمان المك منو البدناهو كل جعلي من أعلاهو لي أدناهو محال يبعدّو والمك نمر أدناهّو
Post: #193 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-12-2007, 11:18 PM Parent: #192
هنا المك نمر قال ليهم :
إنتو كبارنا شورتكّم جمعنّا بتعمرو مارستّو الدهر ضايقين حناضلّو وتمرّو غاية الحي فناهّو والموت نهاية أمرّو لكن بي وراهّو ذكرو بِصبح عمرّو
ياها الدايره وعليها كنتَ مصمم ماتعداها رايكّم جاي ليها متمم سار في أماني طه وبي الزِمام مزمم أدهو هدومي وبي عِمامتي يكون مُتعمعم ( يعني طه يلبس جلابية المك نمر وعمامته والبصلو يكون كأنه تعدى على المك نمر في نفسه )
Post: #194 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 03-13-2007, 02:55 AM Parent: #193
بسم الله الرحمن الرحيم سلام ياهلنا... نواصل مع محكمة الغرام والمدني الكردسي
بعد ما فاق بقول ودوه للباشكاتب يمكن يلقى أورنيكو ويزيدلو الراتب وجد عندو جمهور ناس فلانة مراتب قال ليهو كون جالس لا تخاطب أخد ساعتين مصنقر فوق جمر قلاية لا سمع رد جواب لا جاتني راجعة حكاية فتش أوراقي أبد ما وجد لي خطايا قال ودوهو للنائب غلبت براية يا خلاي بعد ماجيت وصلت النايب قال أووك ياسلام أورنيكو فيهو نصايب دا أصلو حرامي كان مسحب وغايب ودوه للمامور براه الشايـــــب المامور بعدما جيت وقف قابلتو شخص أبصاروا وعاين لي مسك في شغلتو قال للعسكر التابعني كيف عملتو ده ودوه للمستر يشوف مسألتو .............................. ونواصل . تحياتي... حاتم هاشم.
المستر بعدما جيت وقف قدامـو عاين لي نص ساعة وطلب ترجامو ترجاميهو ترجملو وعدل لو كلامو قال ودوه لي مولاه قاضي إسلامو قاضي المحكمة الشرعية جيت عن بابو مقدار ثانية فورا رد لي جوابو قال لي معاك ما أحوال الغرام وأسبابو؟ قت لو القصة من زولا حرير قربابو القاضي إتمحن والمفتي برضو معاهو قال ودو لي حكيم الصحة يكشف داهو يمكن تكون مسألتو هينة والدوا بيلقاهو ما يدروه حسرور المزرقن فاهو قم من حيني قاصد لي حكيم الصحة امشي عليهو أردف كل مرة الوحة قت لي سيبني ما عندك دوايا صح أنا طبي ليم القرنهن ما شح سبتو براهو في اودتو ومرق خليتو والحسس العلي جوه الضلع دسيتو كل ما يهف لي عجلول الترى الفي قيدتو ما لدواي طب أكان ما صديهن جسيتو يا خلاي خلاص هذا الحديث إنتم والنوم فر والعينان دموعهن جم مريودة أمها السولها السوار والكم تجمع شملنا وبعد الفراق نتلم. ............................ تحياتي... حاتم هاشم.
Post: #196 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 03-13-2007, 02:47 PM Parent: #1
الحِبان أبناء العم أًُستاذي خالد...
والخليفة أبو هاشم...
سلامات سلامات ومتابعييييييييييين ومستمتعين...
وجيتكم المرة بي جرابي من الشرق...
مع كميات مودتي...
أبو الحســـــــــــين...
Post: #197 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 05:35 PM Parent: #196
بس جينا نقول سـلام..وكيف الحال..وننجما شـويه من الحرب..
Post: #199 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 06:17 PM Parent: #198
Quote: بس جينا نقول سـلام..وكيف الحال..وننجما شـويه من الحرب..
إخيتي كان قتي سلام نقول ليك حبابك عشرة من دور كشرة وألف سلام سلامك حنين وضنين يطمن الهماباتي وبسيمك ودعة إلا تزيد لطافة
يا وليدات جيبو المرارة والشية لي عمتكم باقي جايا من بلدا بعيد بالحيل وسايقة الليل مع الضهراوي... وقطع شك مريوقة وعطشاني عليك الله شوف روحتها دي داير تمرق من تعب السفر ... عليك الله يا مُحمد الحسن جيب لها مويتن باردي من الزير الوسطاني باقى بارد ومندي ونفيسة جدعت فوقو مسكات من دون الباقيات
Post: #200 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 10:34 PM Parent: #199
بعد ما نمر قال كلامو .. هنا طه اتكيف كيف شديد من المك نمر ورجالتو كونو يحجا ويبقى بينو وبين الشكرية وهم جاين دايرين تار وددكين وطه كان يعلم أن الشكرية لا يكتفو بأخذ الثأر منه هو فقط بل سوف يتعدون على قبيلته وهذا هو الهاجس الذي كان يعشعش في رأسه ..لذا كان أنبسط شديد لامن اعطاهو نمر الامان
قام طه قال لنمر :
نمرّن يركب الكيك البطر وتحرّن نمرّن يقلب العوق أب صفوفّن جرّن خلوات صدرو في علوم الحروب كم قرّن سيفو بينتف الدرع الحديد ومقرّن
مو نمر الشدر حاضن فروعو مقيّل دا النمر البضاير الصف محل مايميّل كل ما أقول شُكر ألقاقهو فيهو قِليِل كفْو بيخجل العينة أم سحابّن نيل
غابة المك قبيلة ما بتخطى إصولا العشمان يعيش في ضلها ومحصولا فروعها سيوفاً ومطارق دار جعل في إصولا
عمران جدكّم والنسبه عباسيّه وآيات فضلكّم لي الليلة مي منسيّه أهي الدنيا بي فضلكم مكسيّه نزيلكّم مابِهم إن سوا ألآف سيئه
في ثابت العرب في أصلها مأخوذّه مثبوتّه الرجالّه وعنكّم مأخوذّه صغيركّم يدخل الحارّه أم لبوس ويخودّه مجرب من قديم سيفكّم بياخد الخودّه
Post: #201 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 10:45 PM Parent: #200
هنا المك نمر قال للجعلين
وصلّو طه للبيت المخصص ليهّو وأفظوا كل موجودو وجميع ما ليهّو خِدمتّك يا حسن تقعد معا تسليهّو وكل يوم نعين ناس إقفروا عليهّو
قام طه قال للمك نمر :
عاشمكّم مؤكد مابرجع خائب صغيركّم رايّو عند الغير يوازن الشائب شائبكّم مدرّب رايّو دايمّن صائب فارسكّم جسورّن مابدقدق هارب
تمانية أيام قَهَر عيني جافيه منامّه ساكن قلبي جيش الهم محاكرّو وكامّن دخلتّه عريان وخائف مرقتّه لابس وآمّن مات نوم عدوك الليلّه نوم مطامّن
Post: #202 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 10:49 PM Parent: #201
.
Post: #203 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-13-2007, 11:42 PM Parent: #202
الزول السمح فات الكُبار والقدرّو وكان شافوّهو ناس عبدله كان بعذّرو السبب الحمانّي العيد هناك أحضرّو درديق الشبيتي البنتّو فوق سدرو
بسم الله الرحمن الرحيم سلام ياهلنا... الشاعرة الحرم عبدالله أبوسن تمدح ابنها عبدالله إبراهيم أبوسن الذي كان احد السياسين ذوي الشان ايام استقلال السودان فقد كان عبدالله ابوسن قاضيا شرعيا ونائب رئيس البرلمان الاول..(منقول)
الصافي دهب الخزانه ..........................
الصافي دهب الخزانه الدولة أم فوت سيد بكانة بريدو ودشيوخ البطانة شدو ليه البمغي الرسانة ومرق الما بدورلو إعانة يقيم الليل بالديانة ويحل مفصول الضمانة مرق ود كرسي الحكومة وقشاش دموع الظلومة الضايقة بفرج همومها والواجبة بيعرف لزومها بريدو ود شيوخ البطانة شدو ليهو قارحو المقلد نهم تيلادو المولد نسف الكيس لينا جرد وشيشك لي الدمعو برَّد مرق ود بيت الفضالة تيتب للهاكعة شاله عظيم بالحيل ياأب قدارة متل قريش في الشطارة مرق ود بيت الدراسة الطاهر خاتي النجاسة شدو ليهو أم جراسة ودخل البرطن نحاسها مرق أب زينا مكمل لو مسفوه لو مهمل درعوا البي الجوخ منمر ولبسو البي الخوخ مسمر قاضي أوكاته وفروضه مرق السابلات عروضه ...................... ونواصل . تحياتي... حاتم هاشم.
اخى خالد تحياتى لك واسمتعت كتير بدخولى هنا هى استراحه جميله لك الشكر عليها تحياتى لك وللمشاركين معك
Post: #207 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-14-2007, 06:35 PM Parent: #206
Quote: الأستاذ خالد
عساك بألف خير...........وابننا بألف ألف خير
ذكرتنا بأيام الحبوبة وجدو ونصايحم....ودايماً كانوا بيقولوا لينا الماعندوا كبير
يشوف ليه كبير
العزيزة سلمى حسن سلام عليك وغلك طيبة وعافية يا أحلى صبحية ( اي من عيلة عباس صبحي ) بتمرق مغرب عين في الأرض ويد تتناول من خالاتها الضيق رواب يا خلوة بتعزم وتعزم باشة
مسرورين كتير والله بمروك ... وإن شاء الله أنجمتي من مغص البنيات البشاغلن فيالوليدات والحسرة الكاتمة قلبك من فعايلهنّ .. البوست دا عملنا لكل مغبون أجي أفرق شوية من افرازات اغدد البتسوي الغبائن والسكري والضغط
لك التحية وزي ماقلتي الماعندو كبير اسوي لو كبير
خالد محجوب
Post: #208 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-14-2007, 06:45 PM Parent: #207
Quote: اخى خالد تحياتى لك واسمتعت كتير بدخولى هنا هى استراحه جميله لك الشكر عليها تحياتى لك وللمشاركين معك
font size=4 font color=green الفاضلة/ ماجدة عوض خوجلي سلام عليك ... ورحمة الله تنزل عليك ... وفضله ورزقه يغطيك
ليت حظي سمح وأسعدني طوفّه فد يوم في ربوع لندن
كنت بجي أطايبكن يا بنات عوض خوجلي الزينات مشكورة شديد ... شدة زي شدة اهلك الشايقية في الحنية والمحبة والخصال الطيبة مرورك اسعدنا شديد لك التحية والتقدير
خالد محجوب
Post: #209 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-14-2007, 11:39 PM Parent: #208
اها بعد داك قامو ساقو طه وبنية عمو ريا للبيت المخصص ليهم المك نمر فضل مع بقية الجلعين... قام سأل واحد من الجعلين أسمو النصيح وهو زول نصيحة كان من مستشاري المك ودايمّن بقدم له النصُح
قام نمر قال لي :
مالك يا النصيح متل التقول في محنّه قول أنعشنّا وبالصوت الجهور أفرحنّا أبدا بالنصائح وأخير أنصحنّا وأختم بالحماس وبالفينّا قول لي نحن
قام النصيح قال لي :
خلّي عجب النفس الدنيا قيدّها قِصير وبِشرك أطرحّو لا تكون دوام متغير لا يغرّك هواء الله الضحى المديّر كم سبق الأجل خلا الأمل متحيّر
الروح علي اي حال يأتيها نصيبه أرضى بي الإتردفّت تنصيبّه وان لم ترضى قد زدت المصيبة مصيبه
الليك أن قاطعّك ان كنتَ فاضل واصل وأعفي عن من أساء وأجعل برّك وافر كل مايزيد بطر يزداد حُلمك وافل بذلك تَكْفى شرّو من غير درق ونوافل
ما تعاند القدر وآت لي متألم وصدرك بيتو فاضي ولله أمرك سلم ان عاقّك مِعيق أو استرحمّك متظلم أرجا جزاك في يوم يُنصر المتظلم
Post: #210 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-14-2007, 11:49 PM Parent: #209
قام المك نمر قال لي :
نحن من بيت مُلك وديانه تواريخ السلف هاديانّه نحن نفُسنّا ما معاديانّا ترتع ديمه في وديانّه
قام النصيح قال لي في الحماسة :
نحن الما إنجمع لفارقّه كوم لِمْتنّا تعلُو علي مفاليد السمات همتنّا نحن الفي العرب ما بتنغفر ّزِمتنّا تيجان الملوك تعمل حساب عِمتنّا
أهي الدنيا ذاتّه أدوها عنا أمانّه من وكت الصِغر لا وكت هرمانّه بي مر الدهور ثم العصور وزمانّه لو كان بي الوهم فد يوم سهامها رمانّه
Post: #211 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-15-2007, 00:00 AM Parent: #210
اها الناس في قعدتهم دي جا داخل واحد من الجعلين وكان يبدو عليه الخُلعة من هول ماجرى
قام الجعلي خاطب المك نمر قائل :
يا مك الشكرية زاحفّه الليلة جات بي عقابّه ختت في النصَاب ولي كتالّنا مادّه رُقابّه لقيت يا مك جُمال سارحّه وخربو الغابه وإندكّه الزرع لا قصبه لا رُقابّه
قام المك نمر قال لي :
وإت ..مهود وين فارقتّه عقلّك سَرّب
قام الجعلي قال لي ::
أنا ود الحروب البي سيوفها مجرّق أديني الإذن يامك وسيفي مطرّق أعصر كيكي فوق كوش العريب إتفرّق
قام المك نمر قال لي :
الخيران كُتار وما أطنهم وثابّه وبي كُتال دار جعل ما بفرحوا التسابّه مآهم ناس كُتال الناس معانّأ نسابه والبيناتنّا لابد أحسبو لا حسابّه
بسم الله الرحمن الرحيم سلام ياهلنا... ونواصل مع الصافي دهب الخزنه والسيده الحرم عبدالله تمدح ابنها عبدالله ابؤسن...
شدو ليه البنسف سبيبو ومرق الما بعيق قريبو أمين الجار يا حسيبو جليس للبارعين وضيعو غلق زاد مو مخاده ومرق الخاتي البلاده النصر والفال هيلو عاده وبجبد ناس في الشهادة غلق زائد مسدر مرق اللي الروح بودر ركب حافلو المبدر جدو بضاري وبحدر بريدو ود شيوخ البطانة غلق نيل التسابه وقائد راس الحرابة قاطع عاقة القرابة بكان الموت ما بهابه بريدو ود شيوخ البطانة يوم القيلة بنعاين بالطاقات ما هو باين تقيل موزون بالقباين سد أم دور بالعساين ومنع القش بالبطاين ..................... ونواصل . تحياتي... حاتم هاشم.
Post: #216 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 03-17-2007, 05:30 PM Parent: #1
الغالي ود المنسي...
سلامات...
إستراحة بلادي أنا...
الشاعر إسماعيل حسن...
بلدي بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بلدي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلدي سهول ، بلدي حقول بلدي الجنة للعاشوها
ولي البرّة بيها سمع
بلدي بلد ناساً تكرم الضيف
وحتى الطير يجيها جعان ومن أطراف تكيها شبع
بلدي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان...
وأهل الحارّة ما أهلي تصوّر...
كميات مودتي...
أبو الحســـــــــين...
Post: #217 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-17-2007, 11:24 PM Parent: #216
Quote: وكم نخلات تهبهب في جروفا الساق
وبقرة حلوبة تتضرّع وليها ضرع
الحبيب أبوالحسين سعدنا بك وزادت سعادتنا لامن جيت وجرابك معاك وزاد السعادتين سعادة نفحة من شيخ الشعراء سماعين ود حسن حلات السايقة لما تدور وتكب الموية تروي الطين حلات ترايلة لامن يسقي في الحيضان شمال ويمين حلات بلدي ونيلاً ما أنقطع نبعّو على مر القرون منساب حلاتّو البهو تاريخنا حضارات ما بشيلا كتاب حلات بلدي
Post: #218 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-17-2007, 11:35 PM Parent: #217
حاتم هاشم زيد ونم ربي يطول في ايامك يا غالي دايرين نلمهم شكرية وبطاحين وشايقة ومحس وجعلين وبرنو ومساليت وبجة وبني عامر وفور وبقارة وابالّه ودينكا وشلك وحلفاويون ودناقلا ورباطاب وجمموعية وعبدلاب وحسانة وتماراب وجعليين وزانده وبرقو وحلنقى وفلاته ووالد ريف أبونا النيل والجنس سوداني
غرد يا عندليب وغني يا كنار واشدو يا قمري
لك التحية
خالد
Post: #219 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-17-2007, 11:47 PM Parent: #218
ها هنا جو الشكرية داخلين علي المك نمر وهو جالس مع كبار الجعلين في ديوانو ... ارسلهم محمد وددكين نسيب المك نمر ابو زوجته شما .. بعد ما عرف ان طه لجا للمك في شان يحمي
كبير الشكرية قال للمك نمر :
سلام يا مك دار جعل يا مك أنحنا رِزينّا بي موت وددكين كل القبيلة حزينّه مُحمد بقول لك بي نسبّك إتعزينّا رسل لينا طه قُبال تجي تعزينّا
قام المك نمر قال لي
حمد قبيل يوم دار طه جاهو براهّو ما دقّ الطبول وقبيلتو جات تبراهّو السوّاها طه أكبر علي محراهّو الراجل خاف جرى تجري القبيلة وراهّو
بعيش كاتل حمد في القول ماهو براهو بس خانّو القدر وأجلّو وافاهّو الراي السديد شيخ العرب يعفاهّو والزي وددكين دم طه مايفاهّو
المك طبعا حبا يواسي الموضوع ويرضي الشكرية
قام سأل كبير المبعوثين من الشكرية وقال لي :
مالك يا كبير العرب لراسك حاني
Post: #220 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-18-2007, 00:02 AM Parent: #219
قام كبير الشكرية قال للمك نمر :
الراجل حار عليك ؟ كاتل نسيبك وات حاني الظنيناها فيك كان تكتُل اسم بطحاني
( اي تلم في البطاحين ديل تعدمن نفاخ النار )
قام المك نمر قال لي :
الظالم... إن كان حِملتّه أذاهّو حقّك تآخدو تام وكتين تقيف في حزاهّو والبعفى المسيح عندالله بلقى جزاهّو
قام كبير الشكرية قال لي :
محال محال نرجع من طه دون كتلّو نرجع نمشي وين لقبيلتو ؟؟؟ كتالّنا ما بتثبتلّو
قام المك نمر قال لي :
طه نزيلّنا والمك جارو وأصبح في أمان الما بهمل جارو شن جاكم جديد كنتو الفضل تُجارو ما تعفو طه في دربو ليه تجارو
بسم الله الرحمن الرحيم سلام ياهلنا... ونواصل مع الحرم عبدالله وابنها عبدالله ابوسن والصافي دهب الخزنه
سد أم دور بالعساين ومنع القش بالبطاين شدو ليه البعجب رسيسن وقود الخيل يا عريسن بنات الطيب إت جليسن والتاج والنيشان وريثن حفلن ولبسن لبوسن وجنو سايقات عروسن دوام مبسوط من خصوصن أديب ما بواخد جلوسن حتلن جلبن طقومن وجنوا طالبات لزومن دوام مبسوط من همومن قدر ما يقولن فهومن شدو ليهو الكورو صر مو مسفوه مو مخلي بدر في الحافلة سلة والمسجون ليه حل ................. ونواصل . تحياتي... حاتم هاشم.
Post: #222 Title: Re: هونوو شوية.... وصلو علي النبي .... إستراحة أيها المحاربون Author: yasiko Date: 03-20-2007, 03:49 AM Parent: #1
This is your request dear Khalid Sorry for being late
Laylat Elmawlid Elkably
ليلة المولد
صلي يا ربي على المدثرّي وتجاوز عن ذِنوبي وأغفري وأعنّي يا ألاهي بمتابٍ أكَبري فزماني ولعٌ بالمُنكرّي الله الله الله ...الله الله الله
أيكُون الخير في الشر إنطوى والقوى خرجت من ذرةٍ هي حبلى بالعدم أتُراها تقتل الحرب وتنجو بالسَلم ويكون الضُعف كالقوة حقاً وزِمامَ سوف ترعاهُ الأمم وتعود الأرض حباً وإبتسامة
ربي سبحانك مختاراً قديرا أنتَ هيئت القدر ثم أرسلتَ نزيراً للبشر آية منكَ ونورا هو عين الله لولا ضَوءهُ لم نرى العالم في شتى الصور صلي يا ربي على خير البشر الذي أسرجَ في ليل حِراء قمراً أزهر من بدر السماء يقْرأوا الناس على أضوائهِ حِكمة الخلق وأسرار البقاء من إلهٍ قد هدى بالقلمِ علم الإنسان مالم يعلمِ
صلي يا ربي على المدثري وتجاوز عن ذنوبي وأغفريِ وأعني يا ألاهي بمتاب أكبرِ
ليلة المولد يا سر الليالي والجمالي وربيع فتن الأنفس بالسحر الحلالي موطن المسلم في ظِلكِ مشبوب الخيالي طاف بالصاري الذي أثمر عنقود الثناء كالثريا ومضى يُخرجه زياً فزيّا وزها ميدان عبدالمنعمي ذلك المُحسن حياهُ الغمام بجموعٍ تلتقي في موسمِ والخِيام قد تبرجنَّ وأعلنَّ الهيام
وهنا حلقة شيخ يرجحنُّ يضرب النوبه ضرباً فتأنو وترنو ثم ترفض هديراً أو تجنّو من حواليها طبولٍ صارخاتٍ في الغبارِ حولها الحلقة ماجت في مدارِ تحت رايات طوالي كسفين زي سواري في عُبابٍ كالجبالي
وتدانت أنفُس القوم عناقاً وصطفاقا وتساقّو نشوة طابت مذاقا ومكان الأرجل والولها طيورو في الجلابيب تثورو وتدورو وتدورو جلَ جلالو الله الله .. جلَ جلالو الله الله
وعلا فوق صدى الطبلِ الكريري كُل جسم جدول فيه خريري ومشى في حلقة الذكر فتوري لحظة يزهل فيها الجسم والروح تنير وعيون الشيخ أغُمضنا على حُلمٍ به كون كبيرُ
صلى صلى ياربي .. صلى صلى على النبي صلى صلى والمقدم يتقدم يرفع الصوت عليِّا والمقدم قد تقدم يقرع الطبل حنيّا وأستقامت حلقتّهُ وانحنت حين إنحنى والطبل نارٌ تطضرم وتصدى ولد الشيخ وترجم حيث للقطب حضور وتهدم وينادي منشداً شيخاً هو ودتمساح يحمي عرشهُ المضفور من موج الدميره ندبوه للملمات الخطيره
شاعراً أوحى له شيخ الطريقة زاهدٌ قد جعل الزهد دائماً وله من رقُع الجُبة ألوان الحديقة والعصى في غربة الدنيا رفيقة ولهً من سِبحة اللالوب عقدُ ومن الحِيران جندُ ولهُ طاقية ذات قروني نهضت فوق جبين واسع رققهُ ضوء اليقيني
لهفةً كم عصف البؤس بأطفالٍ صغارِ وردوا المولد بالشوقِ وعادوا بالغبارِ ويح أم حسبوها لو أرادوا النجم جاءت بالدراري ويحها تحمل سهد الليلِ في صحو النهارِ ربي أرسلت يتيما قام بالحقِ رحيما قد ذكرناهُ فهل نذكُر من أمسى عديما بسمعي الطبل دوّى كوليد في دُجاالليل وحيدِ وذكرنا الهادي المختار ذكرّى ملئت أرواحنا طهراً وبشرى وذكرنا الهادي المختار ذكرّى ملئت أرواحنا طهراً وبشرى
الدعوة مفتوحة احبابي لتفيت هذه الابيات الجميلة مفرداتها والجمال الاكبر من وردت في ذكرى مولده الرسول الكريم صلى الله عليه وسلم
Post: #223 Title: Re: هونوو شوية.... وصلو علي النبي .... إستراحة أيها المحاربون Author: yasiko Date: 03-20-2007, 03:54 AM Parent: #1
Dear Ustaz Khalid and Ustaz AbuElhussain Salam One of you need to control the audio file by changing the first "True" in the code to " False" in order to listen to one audio file at a time thanks
Post: #224 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 03-20-2007, 07:19 AM Parent: #223
السلام عليكم ورحمة الله وبركاته
خالد عندو عطل فني بسيط في المنقد بتاعو اسف اقصد الكومبيوتر
وسيعود حال انتهاء العطب
Post: #225 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-20-2007, 05:35 PM Parent: #224
Quote: Dear Ustaz Khalid and Ustaz AbuElhussain Salam One of you need to control the audio file by changing the first "True" in the code to " False" in order to listen to one audio file at a time thanks
دكتور ياسين سلام كتير بدءً الشكر الجزيل علي مرورك الجميل ومعك الجراب مليان وثانياً يا أخوي أنا بعد عفار شديد قدرته نزلت الاغنية كمان بدور من اعمل جينج لترو أو فولص ها زول ها دي تب ما بقدر عليها خلي الجنى ابوالحسين اسوي الداهي دي باقي هو نجيض في الشغلانة دي
Post: #226 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-20-2007, 05:43 PM Parent: #225
Quote: خالد عندو عطل فني بسيط في المنقد بتاعو اسف اقصد الكومبيوتر
وسيعود حال انتهاء العطب
الحبيب فيصل محمت هليل عليك أمان الله كمبيوتري لاب توب بنقالي قايلو شغل براناي دا اسلي بلادو وماخمج طبعاً يا الاخوان هليل بقصد انو كمبيوتري مَنْقد اي ( كانون دق صفيح )
Post: #227 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-21-2007, 05:27 PM Parent: #226
.
Post: #228 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-21-2007, 06:14 PM Parent: #227
قصة منقولة من الرائع ابوالحسين ربنا يحفظو من كل بلى إخوتي وأحبابي...
أهديكم بعد الغيبة الطويلة دي... قصة أخرى لصديقي اللدون الكاتب عبد العظيم الطاهر... من الله خلقني مكجِّن السفر بالعربيي!!!
من الله خلقني
من الله خلقني مكجِّن السفر بالعربيِّي ومكجِّن يومو ... إن بقيت ساااكت عِطِش تسوِّي النّاس في غلبة نامن يناولك الموية ... وإن بقيت خرمان دار تكرضم لك سفّه تشيل الهم لى مروقها .. وإن بقيت داير تنسيَّير عِلاّ يوقفوا لك العربيِّي وتزح من عيون النّاس لا غادي نامن نفسك ينقطع من المشي ... وده كلللو هيِّن ...النصيبة والهجِيمِي الكبيري إن بقيت دار تمرق لك هبوب وإنت مَشَكَّن وسط الخلق في العربيِّي .. تقعد تودِّي وتجيب .. وتبدأ وترايِي ..ياااربي أسويها ..؟ ولا لع ..؟ ياربي إن بقيت مرقتها بيعرفوني .. ؟ أهـا إن بقيت مرقتها .. إن مسك نخرتك براك كدي يااهن العرفوك .. وإن بقيت بلعت السيف متني وما إنزحزحت من مكانك .. تَشَكِكْ النّاس في بعضُن .. وينبادلوا الإتهامات بى عيونُن ..وإن بقى الزول القاعد جنبك ده , إتلفت وإبتسم لك سـااكت بى حسن نيّه تقول خلاس أنا إنكشَف ..فِشان كدي أنا مكجِّن سفر العربيات ده .. أها ... جات الإجازي اللّتنا ..مشيت بِعت العربيِّي اللّتي القدِيمي وأخدت لِي ويحدتن جدِيدِي ماااهلِي كدي وسميحه .. جيباً سميييح كدي ...المرأة اللّتي قالت لي المرة دي نسافر بى عربيتنا للسودان ...تنفعنا هناك نحوم بها هِنِي وهِنِي بدل كل مرة نجري نكوس في الامجاد والركشات ...انا الفكرة وقعت لِي .. لكين هِي أتاريها فوق فهم ... على حِس العربيِّي الجديدي بقت تشيل وتردم لي في العفش ..وتسوِّي لِي ما دام العربيِّي أصلها ماشي أخير النشيل ده .. وأخير النَّسوِّي ده .. هِي تردُم ..وأنا أستف وأربِّط وأشيل وأعتِّل ..متل المُزَاورِي الفي الميناء ..أصلي ما هزّيت رويسي وقت لها لع ... بس أقول لها سمِح .. سمح .. نامن أكتافي ديل إترخَن لا تِحِت بتل العَرَّاقي المَعَلَّق في الحَبِل ومسكني وجع الفِقَرْ ... من كترت العفش سبت العربيِّي بقى مَتَندَل لا فوق بتل شافع العرب الحالقين لو رويسو بى تِحِت ومخلين باقي الشَّعَر الفوق ... حيلي ضمَّه إنهدَّا وأنا لى الليلي لا سافر ولا إتحركتَ من بكاني ... قُت لها عاد إن ما عجنتي لك دِلكِي وجبدتي لى أكتافي وكرعي ديل ..ياكي الماكي مسافري من هِنِي والعربيَّي أخليها واقفي في بكانها ده ..
إتوكلنا على رب العباد وركبنا الباخرة .. مرقنا بى غادي في سواكن لقينا البلد دي فايري ... جِنِس فَسَخيبة وجِنِس حَر .. تَخَت الكَفَتيره في الشمش وترمي فيها حَب الشاي ... وجِنٍس خلِق ودَفَسيبة اللّت ناس بس يوم القِيامِي .. الراكوبة اللّت القدوم ملاني .. والمظلات البرَّا ملانات .. وواحدين يجوك جارين بى هِنِي وديل يجوك جارين بى هِنِي ..وكل واحد فيهن شايل لو دفتر ويقول لك أدفع لنا كدي , وعليك كدي ..وأمشي الشبَّاك داااك آ بعرفو سَو أشنو ...قُت لهن تعالوا هِنِي .. إنتوا في زول موصيكن عَلَي ..؟ ماسكاكُن علي غبِينِي ..؟ في زول قال لكن أنا زارع لي حيضان اللاّت ريالات في الشرِق بى غادي ..؟ تريِّلُوا فوق صدوركُن .. أزحفوا من قَبَلِي ... قَبَّال يصقعنِي جِن أسع ده أقبِّل صاد بى باخرتي دي محل ما جيت ...دااابنا فتَّاح يا عليم رزاق يا كريم كُرَاعنا لى الليلي ما إتوهطت عديل وإنتوا جايين كابسِنِّي بتل نمل السُكَّر ... القريشات الجيت شايلِن معـاي قلت أقضي بِن إجازتي عليك أمان الله إتماصن بتل الظهرة الفي الطشِت ... كل مرة أمرِقِن أقرُطِ فيهِن .. نامن بقيت أدَّخِل إيدَي في جيوبي بتل البيفتش لو في عَقَاب جُرُم وأمرُقِن فاضات .. كان ما كُت مجكِّن لى شوية دولارات كدي داسَّهِن من الحيكومة اللَّتي كانوا نقروا طاري وشالوا حالي ... يشيل حالُن ... علا بقيت نجييض آ زول ..
ناس الجمارك ... الشنيطات اللاّتنـا بَحَّتُوهِن وشنتلوهِن لينا جنس شنتيلاً, باركين فيهن بى إيديهُن وكرعيهُن بس الجدادي البتبحَت في التَّرى تحت المنقايِّي .. نامن أنا شكَّيت في رقبتي , قُت يا ربي أنا جيت شايل لي معاي مخدرات وأنا ماني عارفها ..؟ من المغصة الصادتني عليهُن قرربت أصنقِر في الواطـا وأقعد أجعُر ... ربطَّنا عفيشنا من أول وجديد ومرقنا رقيباتنا من الميناء .. مرتي قالت لي نمشي نبيت في بورتسودان ونقوم باكر الصباح .. قت لها إنتي مغزلِنِي ...؟
ناس سواكن ما قصروا شي , فرضوا الحوض قبَّال يبقى للحش دايري البعوضة اللَّت بورسودان كمان تدُق النقاقير وتعرض الليلي فوقنا ...؟ أبقي عشرة على الدميمايِّي الجيتي بها دي .. الدَّرِب قدامنا لى اللَّيلي طويل ... أول نقطة اللَّت تفتيش ونحنا مارقين من الميناء العسكري الواقف في الكُشُك وقفنا ... لى الليلي ما اتفكّينا ...قال لي: الأوراق هَقَك وين ... ؟ أدّيتو الورق ..دخل على كُشكُو وجاني مارق ... قال لي : رسوم الطريق تدينا ... رطنت معاهو قت لو ) نَاكَابْ هَرِّيوَا ..؟ ) يعني داير كم ...؟ قال لي : ( يَهَا .. برُوك بِدَاوييت ..؟) يعني إنت بجاوي ... ؟ قت لو .. لع .. ( شايقيبوا ) يعني انا شايقي إستغرب وعاين لي كدي وعاين لى مرتي وولادي .. عويناتو يقولِن ماهو مصدق ..قال لي : ( كرتوم إيبا تِنْدِيَا ..؟) يعني إنت ماشي الخرتوم ..؟ قت لو انا ماشي عطبره ... قال لي : ( تَامُنْ قال هَيمَا ) جيب حِداشر ألف ... قُت لو بركة البقن حداشر , أدَّيتو ياهِن ... كُت قايل رُطانتي بتسوي لها شي ... عِلِّي ما نفعت ...
مشينا بى عقاب يومنا داك ووقفنا في سنكات قلنا نشرب لنا شاي يا جبنة تنعوشنا شويِّي ... والطراوه الصاااقطِي اللَّت سنكات ديك ضربتنا بعَد الفسخيبة اللت سواكن الهرتنا ديك ... كان مو العفش المردوم معانا دا كنا بيّتنا قبلنا ... شفع العرب جوا إتكبسوا فوقنا الشايل لو مساويك والشايل لو فنادِك والشايل لو بسكويت .. واله يا أخوانا يحنِّنُوا الزول ... من شِدَّة ماهُن ضُعَاف ومَسُوَلِلين الواحد فيهن بتل العنقريب البلا بِرِش ... عِضيماتن ظاهراات يا حِليلُن ... جاني راجلاً عِجَيِّيز ضهيرو محني , وقف قَبَلَي وقال لي :- يَهَا ... ( إندَك مَأَجون ) عندك معجون ..؟ معجون الليل أسنان يعني ..عاينت لو كدي لقيت خشمُو جاما .. معلم الله من إسم السنينايِّي الواقفي .. بتل المحفضة اللّت حبوبتي الله يرحمها ..قَدُر ما قت لو تسوي بو شنو ..؟ أبى ما يحدسني ... في الآخر عرفت إنو يمشي يبيعو ويشيل قريشاتو ..غمَتَّ لو شي حِتَّن زَحَّ من قبلي .. واصلنا رحلتنا نامن قلنا سلام يا درديب ... وإن بقيتوا دار تشوفوا الجدب والمحل البى الصِّح ..والنّاس المهمشين بالصح .. والمافي زول جايب خبرُن أها ياهن ديل من دريب وإنت ماشي لا كسلا ... صُوَرُن وهيئتهم تبقى مبارياك وما تمرق من عيونك نامن تقضي إجازتك وتجي صاد ... والله الموية البى نجلبغ فيها دي ماهن لاقينها .. وإن بقوا لقوها ..أها بس القطرة اللَّت العيون .. والطعميَّة الهيني دي .. يبقى لي إن لمُوا فيها الواحد فيهن يشيلها يشمِّها ويجكِّنَها تاني في جرابو متل فتيل الرِّيحِي ..يعني أفقر زول عايش في جوبا ولا ملكال بالنسبة ليهن زي واحداً من أولاد العمارات في الخرتوم ( عشان ما تقولوا لي بااالغت ) أكلُن وشرابن ياهو الجّبنة ... يعني الواحد منهن إن بقى عِرِق سااكت تشم ريحة عَرَقُو دي جبنة جبنة ..باقي لي إن مشي ينسيَّير يمرقو نِسكَافي صُرُف ...قَطِع شَك ... والجبنة الكتيري تصدم الزول من الأكل ... أسعلوني انا ... فشان كدي قللت منها ... بقيت أشربها يوم الجمعة بس وبعد الغَدِي ... (جيتي من الحج الفات دا ... مِي دَقيت الدَّلَجِي وكُت جاي ألحق الصِّح ...) أكَركِع في الجّبنة بالكُبَّايِّي أحَمَتنِي الأكل ضُمَّه0
نزلنا في درديب , العساكر قالوا لنا تبيتوا هِنِي , بالليل ده مافي سفر فشان الرَبَّاطِين بيلمُّوا فيكن يخلوا ريحتكُن طير طير ... أجَّرت لي عنيقريبات في أويضة كدي وإتكَمَدنا فيها انا ومرتي ووليداتي وعِنِيقريباتن بس الإسم عنيقريبات إن جيت دار تمد كرعيك يندَلدلِن من العنقريب في الواطا بتل الراكب لك دِحيشي من شِدَّة ماهِن قِصويرات وسُغَار ... صلينا المغرب والعِشِي ... الوليدات قالوا جعانين داي يتعشوا ... شِلت الهَم وأنا ماني جايب لي زوادة معاي ... قُت لهن يلاَّكُن ..مرقنا لقينا لنا مطيعِم كدي خَات لو طريبيزات برَّا ومَسَوِّي لو كَنَب الليل خَشَب قاطعات إسم الفوطة ولا المَشَمَّع المفرش فوقن ..إن قعدت فوقن بتل القاعد لك فوق ضِريسِي ... وإن جيت داي تقوم تنسرِح لك سَرِيحِي فوق صلبك تخليك تفنجط بتل الحمار الفوق ضهرو دَبَرَه ...علاَّ مشيت جبت المصلاية اللّتي فرشتها فوق الكنبة للوليدات ... ومشيت أطلب لهن العشِي ... أها عندك أشنو ..؟ قال لي عندنا فول وعدس ..قُت لو ما عندكُن لحيمايات مطقطقات كدي ولا جَنى جِداد ..؟ قال لي :- لَهَم ...؟ ( لَحَم ) لهم كان لِقِينا برانا ناكُل ... يعني اللَّحم إن لقوهوا ماهن جاي يبيعوهو شي ... ياكلوهو لى رَقَبتُن ... قت لو طيٍّب ... أدَّنا فول وعدس ... عامِنُّو العدس قاع يسوي لي الحيرقان والفول زااتـو عِلاَّ أشرب لي وراهو أندروس يا عطرون ... وفي النهاية أنا هيِّن الحديث في البطان الكَارَّهُن معاي ديل ... جبتو خَتيتوا قِدَامُن .. عاينوا لو وصَرصَرُوا وِشيَّاتُن ... عِرِفتَهُن ياااهن البايتين القوى ... بى فَدْ نَفَس .. قالوا لي : ده شنو يا أبوي ياخ ... ؟ قت لهن هوي ... هِنِي لا في ماكدونالد ولا في كنتاكي ... ده ياهو كنتاكي اللّيلُن يا تاكلوهو يا تخلوهو ...الكُبار غايتو خَتَّروا شويِّي مع أمّهُن لكين السُّغَار يعاينوا للصَّحَن تقول جِب لهُن فوقو قَعُويِّي ...علا طلبتلُن شاي بى لَبَن قَرَضوا معاهو الرَّغيف.. مشينا للنُّوم ...خليتُن هُن جوَّا وانا مَرَق عنيقريبي برّا جنب العربيِّي فشان أحرس العفش ... غلبني النوم ضُمَّة شايل اللَّيل نامن الواطا أصبحت ... البلد دي صِنِّي قاطعي إسم الحركة .. بلا صوت الجِّندِب والكلاب مرة مرة ياخدن لهن نبيحة آب تسمع شي ... والواطـا من شِدَّة ماهـا ضُلُمَّة كُبُس باقي لِي إن بقيت داي تَتْبِن رأسك عِلاَّ تولع لك بَطَّاريِّي , ليلي داك كلو انا موهدِب ..أرقد على ضهري أسمع حِس نَفَسِي بى وراي اقول بس في واحداً جاي يبعج لى بطني بى سكين ويشيل العفيش اللِّليل دا ... والبلد صِنِّي .. إتكفي على صَفِحتي اليمين يتخَيَّل لي في حِس نِعلين ماشات عَلَي .. أقوم أصنقِر إتلفَّت جاي وجاي وتاني أرقد ... زولاً يَشخُر جنبي ساكت فشان يطَمنِّي ماهو في ... حَسّيت من الصباح عيوني ديل حُمّمممر بتل زول المَرِيسي غالبني أفتِّحِن ... ما فَضل لي علا أرفع جُفُوني بى أصابعَي لا فوق فشان أفَتِّح .. صلاة الصبح صلّيتها يا الله يا الله .. لا أسّع ماني عارف نفسي صليتِن إتنين ولا تلاتي .. ــــــــــــــــــــــــــــ
وتعظيم سلام الأخ عبد العظيم ولك ولكل الإخوة القراء البيمروا من هنا كميات مودتي...
أبو الحســـــــــين...
Post: #229 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-21-2007, 09:31 PM Parent: #228
نواصل مع الشكرية والبطاحين
قام كبير الشكرية قال للمك نمر :
في زولنا الكِتل هانت مسافتو وقربّت والكاتل كان بِخلّو طه ما كان كربّت غير نطلب إذن زاملتنّا كانت شِربّت كان دي الحالة بدري الدنيا كانت خِربّت
أها هنا طه جا داخل لما سمع الحديث إحتدم بين المك والشكرية وقال للمك نمر :
يا مك فِداك وديني ما تتكتلوا ... سلمني النسيب فوق ديني لوطني الخراب بي سببي مابرضيني حقين دم العرب بي دمي غرة عيني
قام نمر قال لي :
ماتحسب حساب وكتين بقيت في أماني وتسليمّك محال في الدنيا حي عماني الجن والإنس إن كان تجي مِدهماني دونّك دمي واقف ودم قِيماني
Post: #230 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-21-2007, 09:43 PM Parent: #229
قام اتلفت المك نمر علي الشكرية وقال ليهم :
ها ناس بيناتنا النسب كان جيتو بي الوديّه في دم الكتيل راضين نخت الديّه وكان قتو لا ودرتّو الكلام إديّه بندق التور ضُحى ونجرب الذندية
( الذندية هي الرجالة والقوة )
في واحد من الشكرية إتغاظ شديد من كلام المك نمر وشاف أن نمر وضعهم بين امرين اما يعفو وهو يدفع الدية واما كان بدوروا يمسو طه بي اذي هو حامي ودنو دمو ودم الجعليين
وقام الشكري قال لي
دا الشين البخلي الزول إعضي إيديهو المك إن خِتا منو البقوم إهديهّو كاتل وددكين لا تكتلّو لا تديهّو الشر أقصرو الزول أخير عديهّو
Post: #231 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-22-2007, 05:43 PM Parent: #230
كلمة الشر أقصرو دي زعلت مك دار جعل بالحيل وقلبته 180 درجة بعد ما كان بترجى فيهم
قال ليهم :
بعد الحد عُقب بيناتنا حد السيف ان ختيتوا ديّه إتّو أنا منكم ما بقيف راعيكم جديد ما بعدل العِليف عتبات الصُراط أهون لو من القيف
Post: #235 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 03-27-2007, 07:08 AM Parent: #234
الصلاة على سيدى الرسول خالد على محجوب المنسى كل عام وأنتم بخير بمناسبة مولد الهدى كيفنكم ياود العقاب وصافى الغير عندكم بتاب
وزى ما قال عكير الدامر عهدنا بيك كنداب حربة ما بتشلخ وعقدة عين جبل ملوية مابتتفلخ كان إيدينا فيك من المسك تتملخ السماء ينتكى وجلد النمل يتسلخ ودمتم عامرين
Post: #236 Title: Re: هونوو شوية.... وصلو علي النبي .... إستراحة أيها المحاربون Author: yasiko Date: 03-28-2007, 03:40 AM Parent: #1
Post: #237 Title: Re: هونوو شوية.... وصلو علي النبي .... إستراحة أيها المحاربون Author: salma subhi Date: 03-28-2007, 05:50 AM Parent: #236
مررنا مرة أخرى من هنا لنتنشق عبير شندي ونسلم علي أهل شندي
لك التحية أستاذ خالد
Post: #238 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-28-2007, 08:35 PM Parent: #237
Quote: الصلاة على سيدى الرسول خالد على محجوب المنسى كل عام وأنتم بخير بمناسبة مولد الهدى كيفنكم ياود العقاب وصافى الغير عندكم بتاب
وزى ما قال عكير الدامر عهدنا بيك كنداب حربة ما بتشلخ وعقدة عين جبل ملوية مابتتفلخ كان إيدينا فيك من المسك تتملخ السماء ينتكى وجلد النمل يتسلخ ودمتم عامرين
سلام سمية بت الحسن طلحة ..سلام أم لهجاً ينقط عسل ... ست الحديث الزين .. سلام بي البسوي الزين ولو بالدين .. متابع نضمك وحديثك في حوشك وفوق دار وديوان ولد مفتاح دوماً يشدني حديثك وينقر جوه فوق العضيمات والضناها الوهن من برود بلاد البيض سعدنا والله جد بزيارتك وأسعدنا أكثر جيتي ومعاك جرابك وفيهو حديثاً زين... لودعكير أسعد الله أيامك .. ومتعك بالصحة والعافية .. وجعل جنان الرضوان مقامك في آخرته
شكرا كتير علي المرور
خالد محجوب
Post: #239 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-28-2007, 08:52 PM Parent: #238
Quote: مررنا مرة أخرى من هنا لنتنشق عبير شندي ونسلم علي أهل شندي
لك التحية أستاذ خالد
سلام بت البيوت المن بعد معنية سلام بالفاضلة سلمى حسن عباس صبحي جيتك تفرحنا وتنور دارنا ... وغيابك ما بندورو وابقي مري ونوري دارنا مرات ومرات لك التحية والود خالد
بسم الله الرحمن الرحيم سلام ياهلنا... معليش ياهلنا طولنا منكم شويه نهايه قصيده الشاعره...الحرم عبدالله ابؤسن في وصف ابنها عبدالله ابراهيم ابؤسن.
شدو ليهو الكورو صر مو مسفوه مو مخلي بدر في الحافلة سلة والمسجون ليه حل الفروخ بارياهوا بره وحنوا ولاقو المسرة بريدو ود شيوخ البطانة شدو قارحو البلاوي وشويم لي بيتو ناوي عظيم ود عمد المقاوي وقدر ما أقول يهو ساوي الصافي دهب الخزانة الدولة أم فوت سيد بكانة بريدو .. ود شيوخ البطانة. ............................ تحياتي... حاتم هاشم.
Post: #241 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-28-2007, 08:59 PM Parent: #240
الحبيب سنجك مية واربعطاشر دكتور ياسين السلام عليك يا الهمام السادي مكانتو تصدق عمري وقعت عيني علي البوست دا ... واظنو ديمة مدسوس بينات بوستات السياسة ( وان مكجنها ومابجي بجمبها ) شكرا ليك كتير يا امير
لك الاحترام والمودة
خالد
Post: #242 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-28-2007, 09:06 PM Parent: #241
Quote: بسم الله الرحمن الرحيم سلام ياهلنا... معليش ياهلنا طولنا منكم شويه نهايه قصيده الشاعره...الحرم عبدالله ابؤسن في وصف ابنها عبدالله ابراهيم ابؤسن.
حاتم وليد هاشم سلام وينك يا المبروك والله الليلي كنت ناوي أنشد خبرك .. وبغادي في حوش الشايقية ابوالحسين قالب عليك ا ويفتش فيك ...
متعك ربي بالصحة والعافية وما تطول غيبتك يا ابن شندي من جيهة الوالدة
خالد
Post: #243 Title: Re: هونوو شوية.... وصلو علي النبي .... إستراحة أيها المحاربون Author: محمد المرتضى حامد Date: 03-28-2007, 09:57 PM Parent: #242
خالد وحاتم.. مناغمتكم لي بعض بالحيل عجبتني. يا خالد .. الله يخدِّر ضُراعك ، قول آمين.
Post: #244 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-28-2007, 10:45 PM Parent: #243
Quote: خالد وحاتم.. مناغمتكم لي بعض بالحيل عجبتني. يا خالد .. الله يخدِّر ضُراعك ، قول آمين.
الفاضل الكريم / محمد المرتضى حامد السلام عليك ورحمة الله تنزل عليك بإذنه إنبسطنا إنبساطه فايته علي القوانين بقدومك .. الدار بيكَ عامرة يا المآصل متل أسمك محمد... نور الهدى شفيعنا في الحشُر ليلة عرقنا يخُر .. التابعو للخُتر ..والخالفو من حالو كُر مرتضي .. المرضي عليه بإذنه سبحان وتعالى .. الكاسب رضى والديه حامد .. الحامد وشاكر تحياتي لك يا الكريم ... وتحياتي لابناء مولانا القاضي الصادق سليمان( ايمن واشرف وامجد ) هم زملائي في دولة المجر
بسم الله الرحمن الرحيم سلام ياهلنا... نوصل مع ودبادي أنا أخو البت اللكعت ......................
الوادي الجانا مترقن مدّ جناحو الطايل شرقا وغربا القبلي بروقو على القلعات يضّربن الدكن البعدن قربن فوق صنقور المحلة الطالت كبن قول للمحلة بيوتك خربن قول ما دلة الحلف الجاف اتبلّ بالحيل آ جني إيه والله .................... ونواصل . تحياتي... حاتم هاشم.
Post: #248 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 03-31-2007, 04:55 PM Parent: #247
نواصل مع الشكرية والبطاحين
المك نمر والشكرية ختُوها قرض وخربت البيناتم وبقى ما مفر من الحرب واقعه واقعه .. زوجة المك شما هي المسكينة الكان وضعها بين نارين الميت هو عمها وكاتلو حاجي زوجها المك نمر وكانت خايفه من وقوع الحرب فهي خاسرة في الحالتين إذا انتصر الجعليين فقدت ابوها واهلها وإذا بقت التانية فقدت زوجها وأولادها
وكانت بتبكي علي عمها ومنحت فيهو زين
وقالت :
غرارّه العبوس الليله دار دولابها ياخريف البطانه ومرتع الجلابّه بتعقر الركوب وتنحر الحلابّه كم قشيت دموع وجعّه ونصرتّه غلابه عمي العمى سيل إيديهو وروا الماحل تساب بحر المحيط الما بضمو الساحل يا حليل وددكين مونة المُقيم والراحل سند الهاقعّه نشال التقيل الواحل صعيب فقدك علي وشويا فيكَ بُكاي يا نقاح الرجال في الشاشه والباشاي
الشكرية جو أمس ولِحقوها حاره وباردّه خلو المك زعل وحالف أعقر الواردّه ديل أهل وجعّه كان عملوا زي مايعملّو مالو المك لو فوت كلامّن حِملّو
Post: #249 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-01-2007, 11:15 AM Parent: #248
منحّت زين شما وبكت عمها وددكين ... وقامت كوركت لي خادمها ( ليمونة ) وقالت ليها :
يا ليمونة لي ود النعيسان روحي ما تجيني من دونو فاضل لي اخنق روحي
قامت خادم الملكة راحت لود النعيسان في شان تنادي
( ود النعيسان كان راجل داهية من دواهي الجعليين وبعرف يواسي القلوب ويشفيها من الغل والحَنكة وهو الذي يحل الأمور حين تقع المشاكل )
قام جا داخل ود النعيسان علي ملكة دار جعل وقال ليها
سلام يا ملكة دار جعل سلام يا عماره سلام
أها شما قامت حكت لي الحاصل .. ووعدته أنها سوف تدي جايزه كبيرة كان حل الامر بين نمر والشكرية .. ووعدها ود النعيسان أنو في التبادي بمشي لابوها ويعالج صدرو وأخلي أجي للمك يعتذر لو وبعدها المك بقدر علي وبعالج صدرو .
وهو ماشي كوركت لو شما يا ود النعيسان شيل التحت الطبق مسحة شارب
فتح ود النعيسان الطبق لقا مليان دهب
وقام قال ليها
ديل شنو الجهرّن عيني يا مكة الشي شنو جواهر ولا عقارب باقي أنا ما بشوف الدنيا باقي مغارب
بسم الله الرحمن الرحيم سلام ياهلنا... ونواصل مع ود بادي انا اخو البت اللكعت ....................... سمح الخمج الفوق أسيادو سمح العز المن أجدادو الجنيات المشو ما عادو كان بالردة أكان اتنادو غرب حامد وشرق بلة كانوا بحلبو الضرع الدلة كانوا بحضرو الخير القدحو معلا الجنيات ما كفرت بنعمة الله بالحيل آ جني إيه والله ................ ونواصل تحياتي... حاتم هاشم.
Post: #255 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-03-2007, 04:42 PM Parent: #254
بسم الله الرحمن الرحيم سلام ياهلنا... ونواصل مع ودبادي انا اخو البت اللكعت ........................
ذات في يوم والغيمة تهتّف مطرا نقّع فوق نوار الطلح الفقع ريحة البرد إن جاتك عطرا فايت خمر الفوق أردافا مجضع شفنا الوادي يقشقش في دمعات الليل والتعل الشايل بدا يتفقع تلب حامد فوق مخلوفة أب زور واتربع طلق الرسن أب زمة وسوّا خبيبا بدّع هوّد في رقّاب الصي لا قوه ثلاثة زبيدية خالفين سيقانن فوق السنكيت ورقاب ألبل بيناتن مرخية محجوبات بالخرز الفصلو السوميت كل واحد درقة وسيف وطبنجية وباقي جرابن مليان دلميت الجنيات اتقبلو وضاقو الحارة وضاقو المرة ..................... ونواصل تحياتي... حاتم هاشم.
Post: #258 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-04-2007, 09:24 PM Parent: #257
Quote: بسم الله الرحمن الرحيم سلام ياهلنا... الخال.. ابؤاحمد شندي..وجناين شندي الجميله
طوّلنا خلاص أخبار شندي فوق ما جاتنا في صدرك مدافع تحتو البرينات راطنه دا الفرقش كويلنا وفقع عجلاتنا
في شندي العظيمة تلقى بنات جعل وواحدات في المتمة زي لون العسل
Post: #259 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 04-04-2007, 11:38 PM Parent: #258
خالد وشيخ حاتم سلام عليكم والله داركم مابتنفات نحولق فوقا مصبحين ومغربين وكمان جابت لها لكع قرون خمرة هيفا يغمر ... زولك ودالنعسان آ خالد أخوى جهرنو عقارب الدهب الفى الطبق داك ونام ولا خباروا قطع الحركة !؟ ليك على ياخالد أبلغ سلامك لأولاد الصادق سلمان الناس ديل بعزونى شديد وسلامنا وتحايانا لى شندى وناس المتمة وعقابنا فى دار جعل بلا فرز . ودايماعامرين يارب العالمين.
ونواصل مع ود بادي وانا اخو البت اللكعت .......................
الجنيات اتقبلو وضاقو الحارة وضاقو المرة وكان حجازن صقر الجو حامد كان عارفين ضاقوه رجال قبالكن شوفو أرزاقكم أخير من ضو حامد عوج الطندب آ وليدات عوج الطندب نار القصب الهبلت ما بتعدلو شوفو شلوخو تلاتة مطارق رقدن وكل تلاتة يمين سياف اتقبلو حبوب القارح ما دلة ولدا ما ختالن زلة شن قولك فيهو عليك الله بالحيل آ جني إيه والله ......................... ونواصل تحياتي... حاتم هاشم.
Post: #261 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 04-06-2007, 08:05 AM Parent: #260
Quote: والتحية لمنصور ورفاقه والريحانة سمية الحسن طلحة وكل من نهج نهجهم
خالد محجوب
خالد محجوب المنسى منو الغيركم بستحق الشكر ومنو الغيركم : ـ
ومن غير السيوف والدكرى المسموم نحرقك نار ومن فوقا الحطب مردوم غير ناس شندى أهلى العندهم مفهوم منو الحرق البشر قبل القيامة تقوم !؟
وسلام لى خالد عريس البادرن فى الكرة والسم المعقد ليك صلح ماضرا ملوك الروم فناهم ومنو ضاقو المرة بالهارى البقلم والخماسى أب غرة
ولرفاقه الأساوس أبو الحسين وحاتم هاشم
ولكل زوار الدار سلام .
سمية الحسن طلحة
Post: #262 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-06-2007, 05:07 PM Parent: #261
Quote: خالد محجوب المنسى منو الغيركم بستحق الشكر ومنو الغيركم : ـ
ومن غير السيوف والدكرى المسموم نحرقك نار ومن فوقا الحطب مردوم غير ناس شندى أهلى العندهم مفهوم منو الحرق البشر قبل القيامة تقوم !؟
وسلام لى خالد عريس البادرن فى الكرة والسم المعقد ليك صلح ماضرا ملوك الروم فناهم ومنو ضاقو المرة بالهارى البقلم والخماسى أب غرة
ولرفاقه الأساوس أبو الحسين وحاتم هاشم
ولكل زوار الدار سلام .
سمية الحسن طلحة
الريحانة سمية سلام وعلك عافي دَرت
تسلمي يا الريحانة والعديل مُشهادك من يومك قِدامية وكان ساعة الدغش ميلادك وكت شبيتي قمتي سغيره تابعه نسل أجدادك ما جبته من عندي شي دا القالو عَنْكِ رفاقّك
الفاضله الكريمة بت البيوت العامرة سمية الحسن طلحه ... سررت جد بتلك الأبيات التي سوف أنقشها في دفتر مذكراتي وسوف تظل محفورة في كياني مادمت حيا ولن أنساها لك يا كريمة وبت الكرام
بالمناسبة بلغي كثير تحياتي لابناء الصادق سليمان وبالذات أيمن فهو الصديق كان بعدي بدفعة في الجامعة في دولة المجر ولك الشكر والاحترام
بسم الله الرحمن الرحيم سلام ياهلنا... ونواصل مع ودبادي وانا اخو اللبت اللكعت ...........................
شن قولك فيهو عليك الله بالحيل آ جني إيه والله وينا مراتع الدرت الباسط دايما ببكي عليهن وين بنوت الحلة البكّر عصرا بدري يسون في شاهيهن بعد الليل ما يهّود ونحن نهّود عاد أماتن ينادن ليهن نمشي على القيزان نتقادم أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن الا النضم أب غنة اللهج السكر وين بلقاهو بنات الريل الدوب ليهن الخوف يا ناس كان يبقى الشوق الحاصل بينا معشعش فيهن ...................... ونواصل تحياتي... حاتم هاشم.
Post: #264 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-08-2007, 03:52 PM Parent: #263
قامت شما مكة دار جعل قالت لود النعيسان : ليك التحت الطبق مطبوق كان بقيت حليت المشكلة بين نمر والشكرية
قام ودالنعيسان قال ليها بدور لي بنية مضمونة توصلني وتساعدني
قامت شما ملكة دار جعل كوركت لي خادمها
يا ليمونة يا ليمونة تعالي وصلي ود النعيسان
قام ودالنعيسان قال ليها
شن سميتوها دي ميمونة ولا وليمونة تفتحو في الشرور وإن قنا شي تلُمونه
قامت مكة دار جعل قالت لي
شن بدور بها ما تشيل توصل ليك
قام ودالنعيسان قال ليها
توصل لي خادم الملكة هيل دليكها
قامت ملكة دار جعل قالت لي
دفعتها ليك مع الهدية
Post: #265 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-08-2007, 04:47 PM Parent: #264
كلام الرتينه بت سالم وليد عِتمان في حنة علي الشاشوق
بنيّه .... بنيّه لي سالم وليد عِتمان وصلاة الزين سموها الرتينه أمها بت علي الخمجان خريف الرازه عِزينّه
بلا الربعه التحجل شاكيه للوديان كِتافه وفوق الجِيد علي ضهر البوادي تغني ماخاتيه الزرافه
سلامها ضنين بسيمها الودعّه ألا تزيد لطافه ملامها رصين مُقدم زوكها قُبال الحصافه
كلامها حنين كلامها يطمئن الهمباتي والمجلوبه متعارض كِتافه وقاريه وكاتبه تحمد سِيدها ماخده علي البنيات الشرافه كذا البريبه تبرد عيني لا تغشاها لا أحضر نشافه
Post: #266 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-08-2007, 08:03 PM Parent: #265
كذا البريبة تبرد عيني لا تغشاها لا أحضر نشافها وكان في الحلّة يوم حنة علي الشاشوق
مشينا نقدّم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهرة زي جهر الكهارب الفي المدينة وكان الليل ومافي الحلّة من الحفلة ألا صداها
كان زغرودة كان غناي رقيص الشامه بت حمدين وعرضّة حامد العولاق وخت الحنة لي يات من حضور ضفرين ونمات العديل والزين وشنق ودسعد طاقيتّو شان في الحلّة ساوو كنتين وشكلة عامر المسكين وعيط ودمجمر زين عشان الزينة رقصت زين وفي الشعقيبة كان بازمالو شبالين
Post: #267 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-08-2007, 09:41 PM Parent: #266
Post: #268 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-09-2007, 05:36 PM Parent: #267
سكرة وين وسهرة وين وبهرة وين وجهرة وين
أقول آبنية ليش ماتهمي ليش ماتهمي فوق زولاً مشلهت فوق دِريبك لا النفس مجبود ولا لحق الغزالة
وقفت وإنبهر رماشّه جدعت بالبسم رشاشّه قالت ... آ المهجوم إهجمك الله كان داير تسي لي الخُلعه
عاد من حيني جاتني الحاله قت لها لا لا وحات النعمة آ بنية البريد في الريده ما بخبر فساله
حدرت باسمّه قت لها ... عايني تسلم عينك ألا حقيقه مو ساهل كُتاله
Post: #269 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-09-2007, 08:07 PM Parent: #268
ندهت ناضره حالفابو الصباح الباش يلوّن في المشارق وتلين الجايه من تالانا تاله
وحات أمي البعزها زي تراب حلتنا أبقى حِداك آ المريود وأوقل لأهلنا ناس قِدام وفي ها الحالة مو شيني القوالة وسآءل القمره في شأنك
وأقولها هيله يا القمره وتاني وهيله يا القمره وتالته وهيله يا القمره دحين ساكن رويشات القليب في الحلّه مو رش القواله
وحات الفرحة في ها الليل بشوف فيك عز أبواتي وضرعاتك خُدر يا الباهي وما دايره لي غيرك كفاله
وجاتني النهمة قت لها أقيفي آ المريوده بدور أرمي لي مرباعين وتبقى حمالتي عند سيد الحماله
Post: #270 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 04-09-2007, 11:04 PM Parent: #269
Quote: وتبقى حمالتي عند سيد الحماله
ســيدي أنـا الرســول سيدي أنا الرسول ...... الصلاة علي سيدي الرسول
الصلاة علي سيدي الرسول تـلبس الخـلخـال والحجـول في رياض العشاق تجـول شايله قلبي البيها مبدول الصلاة علي سيدي الرسول البضوق طعمك في السحـور وجهه كله يضوِّي نور مابنوم وقت البكور الصلاة علي سيدي الرسول لاقـُصُـر لاشايحة الطول ليها دقــّيـنا الطبول لى قبولا نشاشي ونجـول الصلاة علي سيدي الرسول من غرامـها أنا في ذهـول نومي شارد وجسمي منحول بيها الطريق إنشاء الله معـدول الصلاة علي سيدي الرسول من ردونها تفوح العطور خلـّتني غرقان أنا في بحور عقلي غائب ولا ... مخمور ؟ الصلاة علي سيدي الرسول أول شهيدة راوية القول يبقى شملها بيكي موصول بيني وبينك شيطان لايحول بالصلاة علي سيدي الرسول يبقى شـُربها صافي معسول ديما ذنبها بيكي مغسول بى حق حبيبنا شافع الهول الصلاة علي سيدي الرسول عنـِّي غـيـبـتـك لا تطول ماعلمنا وماظلّ مجهول قلبي بيكي يبقى مشغول بالصلاة علي سيدي الرسول
بسم الله الرحمن الرحيم سلام ياخال.. لقيت الرساله بتاعتك ورديت بس الظاهر مشت لـ خالد تاني علي اي حال ماعندي لكن قاعد افتش فيها ولو ربنا هون بنلقاها. تحياتي... حاتم هاشم.
بسم الله الرحمن الرحيم سلام ياهلنا.. ونواصل مع ود بادي وانا اخو البت اللكعت ......................... ويا حوا الوكت مرواح وزمنك راح امسكي ضرع شويهاتك احلبيه ليش ماك حامدة ليشن جاحدة والرزق العليك هطال شربتي التاني فوق بكريه محمود الغني ومشكور غيارك فردة من نسج الكمالي وتاني توب جاراته بنغالي ومحمود الغني ومشكور وعاجك فضة من دق ود تبيد الغالي ومحمود الغني ومشكور نارك موقدة ماعونك ملان مو خالي ومحمود الغني ومشكور وابو زينوبة ناهض فيها ما هو الخملة عنقالي ومحمود الغني ومشكور وأحمد قلتي نور عينيك مختّر فوق بطان الحلة خوجالي عصاية الصبينة المكسية بي جلد الندف والخامة سرهيتة وسرج المرقة سناري ومسمّر فوق سراة الباني سنكيتا وجزلانا مجنزر وطيه رزماً من بطون الطينة مبحوتة ولازم الفنجرة اتبشَقت سبع خمسات تصل حاكت حجول المارقة من بيتا ومتلفح كساوي الساكوبيس صوبان وظهرة تقيلة تبرق سنو سوميتة ................................ ونواصل... تحياتي... حاتم هاشم.
Post: #279 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-11-2007, 07:56 PM Parent: #278
قالت والفجر في خديدها آ الممسوخ حِدانا العين بعدما تسدر الضحويّه خُت الفأس علي كتفّك وبوّح غادي بوّح غادي نْم فوق البعجبك زين
قُت لها زين وداك الحين بشوفّك يا الرتينة مع الشمش بتلالي مناك للسحاب الكابي فوق حلّتنا كان سابل ضُلاله بشوفك فوق عوينات الصبيّن العشق لطف ضياهم والنهار وصف خُطاهم والصبر زارعنّوا فوق ضهر البوادر فوق كتافين السِقاله
بريد ريدك كِفاح أهلي بريد ريدك سماح أهلي وأريد مهواك أريد إنسانّك الجُواك وأريدك تاني زي آخر الحِتاله وأدوبي لِك وأشيلِك غِنوة للسمحات وأنمّك في تراتيلي وكُل ما العتمه تنزل سابله أنسى عناي وأتاوق لي قناديلك وأشد حيِلي وأدوبي لِك وإذا مغناي يبرد في الحشا صدرك ويرجع لي تهاليلي بدوبيّ لِك ولو الشوق عرف بكاك أطري غُناي عليك العزّه آ المريوده دوبيّ لي
Post: #280 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-11-2007, 09:01 PM Parent: #279
إذا خمش الخريف دار اللُقت وإتلمّن السارحات علي طرف الفريق رتعّن بُشاريات إذا عود الملود الدُغري شقا حراتو قام ضل الدرق أمن عشا البايتات إذا بالضيق تلحقّو لُقمه في بِلدات آمنه بُشارة الجايات مع الرايحات آمنه خُلاصة الصلوات أُم الكُل إذا طرينا الشطارة ثبات كريمة إذا عصرنّا الجوع آمنه ما بتنفات هميمه وكريمة وبديها ما بتدنا لي شينات حليل آمن البتفقد في جهلنا سمات
Post: #281 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-12-2007, 07:23 PM Parent: #280
.
Post: #282 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-13-2007, 07:13 PM Parent: #281
خنّت روحي للصيد ونقرّشت أوتاره يمشي الليل فوق ريدّن نجر مسداره نفسّن لي بقت بي غيهن محتاره والتنزيل زمان قال النفس آماره
دنيا صغيرة يا عبدالرحمان غراره أخره كوم تراب وتحتو الجسم بنضارى شن فايدة غُناي لي صيدها واثاره مادام بكرة نرحل وتنقطع أخباره
أمبارح أنا وقصبة مدالق السيل في ونسه وضحك لامن قسمنا الليل وكتين النُعاس إتشقلبن بو الخيل لا بِخلت ولا جادت علي بالحيل
بسم الله الرحمن الرحيم سلام ياهلنا... ونواصل مع ودبادي انااخو البت اللكعت ......................... ومتلفح كساوي الساكوبيس صوبان وظهرة تقيلة تبرق سنو سوميتة جيد ياجيت وجيدلك حوا بي جنس الجنا القاري وجيدلك حوا بالولد البعوم الشبكة سداري متلك حقو لاتنضامي لا تنلامي لا تتضاري وانت ولدت للبلد البيجيب راس العشاري عدلك هادو في كُـم الرجال أحمد يمين مقنع ولايا وفي دارة البنات زينوبة فرقت منهن فرقة كتيفها من الفداية عصاري الوردة فوق المشرع اب مسكا دفق شرق الترايا بنات الحلة كان عقدن تياب المرقة فوق روسن وقايا وسون قدلة الوز الرطن صباحي شاقات اب شراية تبين زينوبة حين تتوقى شعراً كاب بعد ما انساب على الخد المرايا عصاري الفزعة والفازعات يجن بكر تنايا ......................... ونواصل تحياتي... حاتم هاشم.
ديل ناس وجعّه كان عملوا زي ما يعملّوا المك مالو لو فوت كلامّن حمِلّو قالوا عطاشّه والرهد بنزلوا إملوا وكان نسلّه سيف تاني القبلتين كِملّو
بعضي مجافي وبعضاً لي رحيم أولادي كان المك إفوز أفقد أبوي وبلادي والتانية إن بِقت أفقد ابو أولادي
ضاق صدري الوسيع ياهمومي وين تنجمعّي فارقني المنام من عيني فارق سمعي طال اليوم بوكاك ياعيوني جودي أهمعّي أصبح جسمي جاف والوحّه حرقت دمعي
Post: #289 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-16-2007, 09:20 PM Parent: #288
كيف أنا أعيش وأنا صبري ودّع ناجع احي .. فَترت فتايري ما لقيت لي مواجع غير ودالنعيسان للمك منو البيراجع بسمع قولّو لو يلقاهو راقد هاجع دابي عتر في الزول البحل الصعبه قدريش عندو فرتيك العقد يوم يابّه من شدة دهاهّو القاسية تصبح لعبه وان داير يقسي الهينة تصبح صعبه طايعة وراضيه ودهبي كلو أديهو لي ود النعيسان دون نزاع اهديهّو
Post: #290 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-16-2007, 09:29 PM Parent: #289
قامت كوركت لي خادمها
ياصافيات .. صافيات حسي في الحال تمشي لي تناديهّو يروح للمك سريع من زعلو دا يهديهّو حليل أيام هناي أيام راحي ومروحي عاكسني الدهر الشفا جما جروحي
صافيات يا صافيات
قامت صافيات قالت هوي جاياك يا ملكة دار جعل
قامت شما قالت ليها:
لودالنعيسان روحي أحي .... فاضل لي بس أخنق روحي
قام ودالنعيسان جا داخل علي مكة دار جعل وقال ليها :
سلام يامكة الدار يا أم عمارة سلام عليك ما لي جسارة وصدري فيهو كلام وكت أنتِ سوت بيك كدي الآلام نايحة الدروب مظلومة كان تتلام
Post: #291 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-16-2007, 09:40 PM Parent: #290
يواصل ودالنعيسان في حديثو مع مكة دار جعل شما
لي فخر الجدود يا مكة ليه متناسيه تروس الحافله أبواتك بدور الماسيه تِلوب الحارة وجُبال الثبات الراسيه أنتِ تجُبري ما بصبروك في القاسيه
من أبواتك العز ليكي زُمه وشُوره معروف ثباتّك تجبري المكسوره حليل سما العزّه ولادك باقي ليها نسورّه دارك عامره والفرسان عمارة وسوره
قامت شما قالت لي :
صدقتّه صحيح علي متلي الثبات مفروض وكمل توب الصبر واليوم لبسنّا عروض عَلْي الهم كتير وأنا صدري مملي غروض ودا الخلاني ماقدمتّه ليكا عروض التحت الطبق دا شيلّو مسحة شارب مو قدر المقام يختا وشويه يقارب
Post: #292 Title: Re: هونوو شوية.... وصلو علي النبي .... إستراحة أيها المحاربون Author: عفاف أبو حريرة Date: 04-16-2007, 09:54 PM Parent: #291
ابو احمد سلام مسجلين حضور ومتابعين عفاف
Post: #293 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-16-2007, 10:48 PM Parent: #292
Quote: ابو احمد سلام مسجلين حضور ومتابعين عفاف
سلام يا ام أحمد المدخور عشا البايتات سلام ومرحبتين ألف بت البطاحين جات هيلك من قديم السمح ومقدامة مابتنفات وأسمك كاسيك هِدم وهيبه وجلال وثبات
( مرحبتين حباب ألف يعني ألفين )
ومشكورة شديد علي المرور الجميل
خالد
Post: #294 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 04-17-2007, 00:06 AM Parent: #293
بسم الله الرحمن الرحيم سلام ياهلنا... ونواصل مع ودبادي وانا اخو البت اللكعت ...................................... عصاري الفزعة والفازعات يجن بكر تنايا نار الهجعة نار الوجعة نار الفزعة لا حطب التكايا ويات من تبقى حازمة التوب على النص القناية تبين زينوبا حين تتحزم الخصل الشرابهن صندل الناس الغنايا شن معنى الكسوف يا حوا والحزن البيجيب ليك الشماتة وكنزك في الكنوز زينوبة وأحمد كل يوم زايدين قراطين فوق تلاتة نجوم السعد فوق حجرك تباسم وانت شارفة ترمي في ودع البخاتة شتول الفرحة تتفتح قبال تتمد ليك الليد وما لاقية التفاتة ..................... ونواصل تحياتي... حاتم هاشم.
Post: #295 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-17-2007, 08:46 PM Parent: #294
قام ود النعيسان فتح الطبق لقى ملان خرز دهب لامن جهرت عيونو
قام قال للمكة
دول خروز دهب يا ملكة ولا عقارب الجهرّن عيوني الدنياباقي مغارب جود كفك طمح يامكة سيل غرقنّا خدر عُودنا راشا بعد المحل ورقنّا ياصاحبي الفقر أنا وأنتَ ما تفارقنّا أختّر ماتعود غرب عديل شرقنّا
Post: #296 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-17-2007, 08:55 PM Parent: #295
قام ودالنعيسان قال ليها:
يامكة العليك مابخصك يمين خاصيني وختّي حملْتّو فوقي وتاني ماتوصيني الساس الرمو عقبان مابتقدّم قبُل مايختوا طوف يلقّو القديم إتهدّم كل واحد أخلي علي السبب إتندّم
تب ماتخافي شي غير أقنع أبوك في محلّو وبي شيش أدخل علي أنا بي كلامّن حلّو أزيل الفي الصدور وكلامي انشر حلّو بعدين الكلام بعرف طريقة أحلّو بعد مايرضى أبوك المك بعالج صدرّو وبقطع في الكلام وعلي أخدّر قدرّو
قامت شما قالت لي :
نضراً فوق دكين العالي راسو وقدرّو التحت الطبق ليك خمسة كيمان قدرّو
بسم الله الرحمن الرحيم سلام ياهلنا... ونواصل مع ودبادي وانااخوالبت اللكعت ......................................
شتول الفرحة تتفتح قبال تتمد ليك الليد وما لاقية التفاتة اقطعي الزند البقودك من فلاة الخير علي بلد الدراهم واقلبي الطوف إن كسح بك من جروف الخير علي جزر المراهم ياديار حوا المراقدك في رويس عبدلة وينك يا المشاوير المشيتك يا المشارع السالكة وينك بالي فيكي إلا درب العيشة باعد بيني بينك يا لبينة المغربية النازلة من أطراف سعينك يا السرابة الحبلى كل الناس تعاين لي جنينك يا السبايك الساوي شيلك ولا طويرة الجنة تسكر من مدينك يا السواقي النايحة زيك زي حنان اماتنا في حرقة حنينك ................................ ونواصل تحياتي... حاتم هاشم.
Post: #299 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-19-2007, 05:49 PM Parent: #298
.
Post: #300 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-19-2007, 07:07 PM Parent: #299
Quote: بسم الله الرحمن الرحيم ابؤاحمد سلامات... انشاء الله الرسائل كانت واضحه تحياتي... حاتم هاشم.
وصلت يا المبروك جزاك الله كل خير وبركة تحياتي
Post: #301 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-19-2007, 07:50 PM Parent: #300
قام ود النعيسان قال للمكة:
الوصلت كفاي يامكة ماها قليله خليني النمش هسي وقفتي مليله بدور السفر في ظني أبقى الليله الجمرة إنطفت في آيدي تاني أشيله
بدور بنيتاً مأمونة توصل لي
قامت مكة دار جعل كوركت لخادمها :
تعالي يا ليمونة وصلي ودالنعيسان
قام ودالنعيسان قال ليها :
شن سموها دي ليمونة ولا أمونه تفتحو في الشرور وإن قلنا شي تلومونا
قامت شما قالت لي :
شن داير بها دي ماتشيل توصل ليك
قام ودالنعيسان قال ليها:
توصل لي بنية المكة هيل دليك ( يعني البدلك الملكة )
Post: #302 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-19-2007, 08:01 PM Parent: #301
قام ودالنعيسان قال ليها:
مقبولة الهدية الكل شي جامعاهو فيها غِناي وفيها البغني والبسعاهو طبقي ملان دهب هادي بتي ماشه معاهو يجزيك الكريم بالخير حِماك يرعاهو يا ليمونة شيلي نمشي لي قدامنا خيرك عمى يامكة دايرين نحن نقضي كلامنا ودعناك الله نومي عاد مطامنه تصحي وتلقي كل شي تمّه ودارك آمنه
قامت شما قالت :
في وداعة الله قدامو وراهو عديله مايصادف شرور من ديكا أو من ديلا سآله المولى الأحزان سريع تبديلّه الهنا والسرور والدار يَقِيد قنديلّه
Post: #303 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-19-2007, 08:17 PM Parent: #302
أها قام ودالنعيسان ركب فرسو وختر ماشي لي شيخ العرب مُحمد وددكين أبوشما شيخ وعقيد الشكرية وأخو حمد وددكين الكتلو طه ونسيب المك نمر ( في البطانة ارض الشكرية ) أها حين وصل دقش قاصد دارو ووجدوا قاعد .. وكان وصول ودالنعيسان قبُل وكت المغيب
قام ود النعيسان قال لشيخ العرب : سلام شيخ العرب تلب التقيل الازّم تمر الطاحنات راس القبيلة الحازّم خريف المآهلا اب رعداً بيهدر رازّم سلامّي عليك قليل موهو قدر اللازّم
كنت أقول كتير ألا الكلام قاساني صعيب وقع المصيبه عقد عليا لساني يمين موت حمد في قلبي نار مساني أظن شيخ العرب طال الزمان ونساني
قام شيخ العرب قال لي :
أظن ودالنعيسان أدني جاي لي قارب فيا الشوف ضعف والدنيا باقي مغارب كتير الموت حمد باقي يلو دُبرة غارب فارقتّك سغير كُت لا دقن لا شارب
Post: #304 Title: Re: هونوو شوية.... وصلو علي النبي .... إستراحة أيها المحاربون Author: yasiko Date: 04-20-2007, 03:59 AM Parent: #1
الأستاذ خالد وزواره سلام مطبوق متابع معاك إلا الزمن ممحوق اعتقد المتعة تتوج بشيء من هذا الفايل الصوتي حسين شندي/ قلبي أتمنى ان ينال رضاك
بسم الله الرحمن الرحيم سلام ياهلنا... ونواصل مع ود بادي ونهاية انا اخو البت اللكعت ...........................
ياالسواقي النايحة زيك زي حنان اماتنا في حرقة حنينك يا بنية طرية طامرة كنوزا بي طرف الطريحة يانسيمة رشة باردة تجيني ساعة اشيلك موية الصفيحة يامليحة يا العقيد النام موسد راسه حبات السبيحة يا صباح الرحمة ياالروح البتلفى حوارها تمرق من ضريحها ياحزيمات القمح منشرة في زمن الحصاد قبل السراديب يارياح الشتوي هابة على مساجين المشال بالفرحة والفرج القريب يانزيل قمر التمام الحشو في شيلتو السناجك والارابيب يا ولد نقرات تقيك الفي الحصاد عاقباها بعد المسرة نقرات الدليب . ........................... تحياتي... حاتم هاشم.
Post: #306 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-20-2007, 04:32 PM Parent: #305
Quote: الأستاذ خالد وزواره سلام مطبوق متابع معاك إلا الزمن ممحوق اعتقد المتعة تتوج بشيء من هذا الفايل الصوتي حسين شندي/ قلبي أتمنى ان ينال رضاك
الغالي دكتور ياسين
السلام مطبّق ألوف ليكا ياالزين السلام يغتي وليداتّك السمحين صدق والله مغرود شديد في ولدجبرين تسلم ياالدخري وتنوم غرير العين
Post: #307 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-20-2007, 07:33 PM Parent: #306
قام ودالنعيسان قال لي شيخ العرب محمد وددكين
الدنيا العبوس سابقانا بي نبوتّه الصبى للكبر حِكمة وصحيح مثبوتّه قامت دقني حت بالشيب بقت مربوتّه ياشيخ العرب والراس صبح هبوتّه
تسلم رأسك أت اللمحالّه خريف اب قدحاً مبرّز مابضاري صريف ركُازة بالميل كان حبشي ولا شريف كديك العرب لا عند حدود الريف
خبر موت حمد كل البلد هماهّا فجعة ووجعة حار كل الديار عماهّا سافل والصعيد كل دار جعل بي تماهّا حزنانين عيونهم حر تدفّق مآها
Post: #308 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-20-2007, 08:35 PM Parent: #307
قام ودالنعيسان قال لي
ما بِغباك كرم المك وليك معلوم مو خاتي ابو عمارة وحشاهّو من اللوم الخرب الكلام الشايب اب ضقلوم وان عدناهّو هسي المك يكون مظلوم
الشي الحصل أحكي ليك ممهول ما بنسى الكلام إن كان قرب وان طوّل أسا أقصّو ليك من الآخر للأول حكمّك نقبل بو وأحكم براك إتأول
السواها طه بقت وحصل الحاصل ماهو كفؤو لكن القدر واصل عرف البينا الجنى والنسب متواصل إتحوانّا خاف سوانّا حداً فاصل
البيكم عارفه وكل البلد فاجاهّو قصد المك عديل دون القبائل جاهّو تبقى السمعّه كيف كان أملّو خاب في رجاهّو بتقبل لي نسيبك شين كان ماحجاهّو فَكر في الأمُر وشاهدو اليمين عضداهّو الحاصل حصل والمولى قاضي قُضاهّو عَدا رقبتّو مِتلك والعفو مضاهّو شينتّك ما بدورّه وشينتو ماترضاهّا
Post: #309 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 04-20-2007, 10:43 PM Parent: #308
أبو أحمد سلام ياود عزاز الناس خالد تاج فخار ومكانو فوق الراس للشينة ومريبة حاشا ما كباس بمرق فى المحاصة الدقوا فيها نحاس
عقبت على المسادير وعجبنى كلامك قلت أجى أسلم عليكم .
Post: #310 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-21-2007, 05:09 PM Parent: #309
Quote: أبو أحمد سلام ياود عزاز الناس خالد تاج فخار ومكانو فوق الراس للشينة ومريبة حاشا ما كباس بمرق فى المحاصة الدقوا فيها نحاس
الأخت الفاضلة العزيزة سمية بت الحسن طلحة سلام عليك وعلك عافية درت تسلمي ياالَحِنينة الراقية... وعالي مَقامة مَعْلي بين المنابر قدرّك.. وحديثك مناطو رزانّة تسْعِدي المحزُون كئيب وتواسي صاحب العِلة والتعبانّه تركت أبواتك أصيلة مأصلّه .. بت عز فخر البطانة
تحياتي وسلامي خالد
Post: #311 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-21-2007, 07:31 PM Parent: #310
المك ما راعا البيناتنا فينا أتفسّل حالف طه قال غير سيفو مابتوسل حت للمعزا زولكّن لا وصل لا رسل
قام ودالنعيسان قال لي :
برسل ركب خِيرة البلد ووجوها في داب الشديد باقي يلو ناس ويجوهّا بدالن حديث باقي الكلام مارجوهّو هاجّو وإتفلتّو غايتو البلد فجوهّو إتهمو المك قبُل كل نسبوهّو وهاجّو وفاخروا وبي دم حمد طلبوهّو الزين دارّو جاهّو إلا هم رفضوهّو قالوا القالو شين لاكو الكلام خربوهّو
ما حسبو لو حِسبة وجهلو لي مِقدارو المتل المك إهدّو عريبي في دارو قالوا الشين عديل متعودين ما داروا
Post: #312 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-21-2007, 07:45 PM Parent: #311
ود النعيسان
هاجّو إتفلتّو والشر براهم دارو
وفي عم دار جعل ماخلو بطنن بارده عقدو الالم عقدتين صعبة مي مجارده خلو المك زعل وحالف إعقر الوارده خلي الناقة ما بتشرب عنيزتن شارده ناسك عكرّو صافي الموده الناقعه بشبكن سيوفكم بكرة تقع الواقعه بجيكم منشتح شمش النهار الفاقعه وأولادك بلاقو الزي سيوف الصاقعه ( يقصد بي اولادك .. أولاد المك نمر عمر عمارة وخالد وأحمد .. كانو فرسان القبيلة)
من بعد الفقر عقبن تفدى التلوب هنا بتساوي الغالب مع المغلوب مابموت الخبر لي جنى الجنى مقلوب ماتعقرّو الكرم هيلكم بقرتو حلوب ياتلب الحِمول أنتَ الكُرب فراجّه مدخور للقواسي والعاطله ياك دراجه الحجة ام عقد رايك بضوي سِراجه كيفن ترضى فينا وتشمت الفراجّه
Post: #313 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-22-2007, 12:41 PM Parent: #312
.
Post: #314 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 04-23-2007, 00:38 AM Parent: #313
بسم الله الرحمن الرحيم سلام ياهلنا... تحياتي... حاتم هاشم.
Post: #315 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 04-23-2007, 06:59 AM Parent: #1
Quote: أبو أحمد سلام ياود عزاز الناس خالد تاج فخار ومكانو فوق الراس للشينة ومريبة حاشا ما كباس بمرق فى المحاصة الدقوا فيها نحاس
عقبت على المسادير وعجبنى كلامك قلت أجى أسلم عليكم .
وأنا أبو الحسين...
أقول ليك يا بت الخلفاء أصلاً كلامك دا ماب يقع واطة... فالرجل كما قلتي وفوقو مني حرباشة زيادي...
لك وله وللغالي أبو هاشم كميات مودتي...
ودي سلامات ماها مشاركة... لامِن أمشي أنفض جرابي أشوف ليكم شيتاً يليق بي مقامكم العالي دا من شيخنا د. محمد بادي...
أبو الحســـــــــين...
Post: #316 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-23-2007, 06:43 PM Parent: #315
مالك ياود هاشم بِدور تهيج أشجاني شريط شندي كراي يوت ومجدد أحزاني أصبح وأمسي لا يلاقي الرمش لا تغمد أجفاني بلدنا وزينة نمني النفس بي العودة تاني
ولك التحية والمودة حاتم الجميل
Post: #317 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-23-2007, 06:57 PM Parent: #316
أبوالحسين الشكرة هيلك انتَ يا اب غرّه يا التمساح العشاري حارس جزايرو منشرّه حلاف وعزام يا الصبوح ووشك مابعرف الصرّه في هجايع الليل تنحر وسكينك دايمن حمرّه
ولك تحياتي الحبيب ابوالحسين وفي انتظار جرابك وندعو الكريم ما يخلا
Post: #318 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-23-2007, 09:26 PM Parent: #317
ود النعيسان لشيخ العرب محمد وددكين
كرمك بعرفو الغير قبُل جيرانك والمعروف فيك رجالة ورأي تقيل ميزانك عُرضيو وحيد مابنعبر ميدانك تقدل للفضل لو تمشي فوق مصرانك
ماجابني خوف ومابخاف سيوف ومدافع وماجابني الرغم جيت لي قبيلتي أدافع جيتك وأملي في كرمك هو كان الدافع وان وقع القدر كُتر الحذر مو نافع
بقيت داب الرجوع أديني آخر فكرك في إيدك بِقت إن صافي وان كان عِكره أصلو الحي بموت من بعدو تتلى الذكره كعبة النقيصه سمح الزول إخُت الشكره
Post: #319 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-23-2007, 09:37 PM Parent: #318
قام شيح العرب قال لي :
كان القتّو صُح الحق معاك فوق آيدك وكرمنا تشوفو أنتَ وفي الظنيتو نزيدك عندنا ليك سؤال من بعدو نحن نفيدك المك رسلك ولا جيت براك وحِيدك
قام ودالنعيسان قال لي :
المك ود عمي أنا لا غفير لا حاجب ومهما تعلى العين مابتفوت الحاجب الشي الحصل لزول يمين مو عاجب مارسلني ليك براي عملته الواجب
وكتين تصفى انتَ ارجعّلو حامد وشاكر بتسر البقت ويصفو بحر العاكر أصلو المك قديم لي فضلكم مو ناكر بجيك طالب العفو مرسالّو بصلك باكر
Post: #320 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-25-2007, 05:15 PM Parent: #319
.
Post: #321 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-25-2007, 08:22 PM Parent: #320
قام شيخ العرب محمد وددكين قل لي :
غير شورة البلد مابنشري شي لا بعنا الراي هو البتممنا شينه كان ماتبعنا الزول قال كلامّو سمعتوا زي ماسمعنا حقيقة دم حمد في الدنيا هاد جمعنّا
أها في واحد من الشكرية شاف انو شيخ العرب في كلامو ماشي علي الصلح والكلام دا ما ارضاهو قام قال ليهم :
الزول مابفوت من نفسو أتقدر لو دم ودكين بشوفك هادر لو المثل القديم مالّك تقول ودر لو قالوا الأضينة أكفتّو وإتعضر لو مابترجع قبيلتك دمها مطالبّابو صلحاً فوق حمد بالمرة قافلين بابو طه بنقصد وعارفين براو أسبابو وأن عارضنا زول مرحب حبابو حبابو المك كان مابطر شن دخلّو في الرفقة تغية ورجلّه خيول علي الفسل منسبقه إن جانا بنكتلّو التبقى بعدو التبقى إن شاء الله السما تجي فوق الأرض مِنطبقّه
Post: #322 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-25-2007, 08:33 PM Parent: #321
برضو في واحد شكري تاني كلام اخيو دا ماعجبو قام قال :
الراجل الصميم دون الرجال إختار ساعة الحجة بقطع رأيو زي بتار ظانينّكم قبيل في الحارة تعرفو خيار المك إن طلبو غيركم أنتو تطلبولو التار
انتو أولاد قبيلة أوعو النقص أوعوهو التلب الما بشيل فوق الدبر ماتسعوّهو شيطان الغضب عارضو ماتابعوّهو بيناتّكم نسب حق الكرم راعوّهو
شن راسو وقعرو طه الفيهو الخلوق منشبكّه عتوداً حد جلدو قُبالة ما محبوكّه ياشيخ العرب وحات ابوي وابوّكا ان دبغوّهو لا يصير طار لا دربوكّه
بسم الله الرحمن الرحيم سلام ياهلنا... اهديكم عيوشه
عيوشـة ........... محمد الحسن سالم حميد ............................. منبوشة .. منبوشة نبشوها قبالك بت حالا زي حالك ذي كلمة مربوشه عودها إنبعت حرقان زي شتلة معطوشة عينيها رماشة أم لمبة فتاشة من طاقة جاتا الريح كتر البكا التجريح خلاها دعموشة تلوشة ولا ضفاف خيم عليها جفاف زي صرخة الغرقان فوق موجة بين فيضان شعراتا منفوشة وشفع مبارياها عيوشة .. عيوشة الليل هديماتا وشمش الله برطوشة تشرب من الشارع وتاكل من الكوشة عيوشة .. عيوشة .................... ونواصل تحياتي... حاتم هاشم.
Post: #324 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-26-2007, 07:09 PM Parent: #323
اها في واحد شكري تاني كان قاعد في الجمعّة قام قال
قدُر ماسكتْ موجُوع والسكات مابقالّي ياشيخ العرب هاكا النصيحة أصغالّي الدم عندي نعفّا ان سمعتّه مقالي بي طه الرخيص نشتري المك غالي
قام شيخ العرب قال :
ان وقع القدر ما بنعركّن إيدينا كم حلينا عقدّه وبي الوعد وفينا الشورة البقت ماتظن وراها دفينّا روح ليهو اللجي بِلقاها المأملّه فينا
Post: #325 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-26-2007, 09:07 PM Parent: #324
هنا ودالنعيسان إتكيّف كيف شديد من كلام شيخ العرب وقام قال لي :
قدُر ما تكبر الأفكار تقيف دون فكرّك أمشي مع الشمش في الدنيا مرفوع فكرّك في راس الكرم جالس وخالف حكرّك ربنا يحفظّك ما نشوفو عاد يوم شِكرك
حذيت قلوب كتير من الحروب وتلافه وداويت النفوس بي الحِكمة زلتَ خِلافّه ودعتكم الله برجع الفتق إتلافّه الفيها الخير بِقت ماتسوو تاني خلافّه
بسم الله الرحمن الرحيم سلام ياهنا... ونواصل مع عيوشة
عيوشة .. عيوشة وترقص لهن رقبة صقرية جابودي السامبا كاروشة عيوشة جامايكا الهورس عيوشة اسلولي عيوشة وعيوشة ما بترقص لكنها الدوشة وتفلت من الشفع في الفلتة تترتع تدخل على بيتاً ستاتو منمدِّي ناساً بعرفوها لكن بعافوها دايرين غسيل عدي شاكرين يا دقلوشة ويدوها عيشايي بي دمعة مرشوشة وتنملك الشارع خطواتا مربوشة السوق مع الأطفال عيوشة .. عيوشة الليل هديماتا وشمش الله برطوشة تشرب من الشارع وتاكل من الكوشة عيوشة .. عيوشة ................... ونواصل تحياتي... خاتم هاشم.
Post: #327 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-27-2007, 09:54 PM Parent: #326
اها وصل ودالنعيسان لدار اهلوا ومن دربو قبُل يصل بيتو مشى لي دار المك نمر في الحوش الكبير ووجد نمر مع جمع شورته من الجعلين وكانو لا يعلمون بي زيارة ودالنعيسان لارض الشكرية ... دخل ودالنعيسان ومسك نمر بين أولادو وحكى الموضوع ان محمد متأثر جداً من عدم جيتو للعزاء في حمد ومحمد لا يضمر في قلبه لي نمر الا المحبة ووداد النسب والجنى البقى بيناتهم .. وساله نمر عن رأي محمد في كلام الشكرية قال لي والله محمد وكبار عقال الشكرية زعلانيين بي الحيل من كلام ناسهم ومحمد لومهم في فعلتهم دي .. وهسع زعل محمد كلو كيف ات ما تعبرو وهو جد وليداتك والفرسان الاسود.. دحين طيب خاطرو وامشي الفقد عليهم كبير يا مك ... فقرر نمر ان يقوم فوق وفد كبير من وجوه الجعلين
أها هم قاعدين في جلستهم دي شافوا ليهم عجاجة من بعيد ركب عرب ... وبدأ الركب يقترب
قام واحد من الجعلين قال :
أتى الباب ركباً قدامو راجلاً شيبة ظنيت بيناتم راجل عجوز فوقو الجلال والهيبة لي هسي وصل كانت مسافتو قريبة
بسم الله الرحمن الرحيم سلام ياهلنا... ونواصل مع عيوشه
عيوشة .. عيوشة على قدر ما كاست عينيها ما لاقت غير مطبقة وبصلة المطبقة انهردت والبصلة مقروشة ما قلنا مقشوشة قشوها قبالك ديشك يا عيوشة يا الحاضر الغايب في الدنيا ما جايب خبر المدينة الكان على رغم ما فيها من فاقة من حرمان مرات اياديها تعطف على الإنسان بي فكة في قروشا بي كلمةً طيبة بي فضلة في مطعم او برتكانايتاً ضرباني في كوشة والليلة بانت زي بيتاً في آخر الحي ناساتو منبوشة يا جرحنا الهايم طول النهار حايم يلبد إذا ما شاف صحبانو مكشوشة .................. ونواصل تحياتي... حاتم هاشم.
Post: #329 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 04-29-2007, 00:08 AM Parent: #328
بسم الله الرحمن الرحيم سلام ياهلنا...
تحياتي... حاتم هاشم.
Post: #330 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 04-29-2007, 05:58 AM Parent: #329
خالد وزواره الكرام سلام عليكم...
سمح القول سبانا وفى بحوركم رمانا وبقى زاد لى عقولنا ومرواد لى عمانا ياطيبين النفوس لا لوم لا خيانة تبقى الدنيا سمحة بى وجودكم معانا
بسم الله الرحمن الرحيم سلام ياهلنا... ونواصل مع عيوشه
يضحك إذا الكومر قبل على كوبر ولا المديرية ينمطق الفرحة بس فرحة مغشوشة إن تنجا من كشة دردير وتلتيلة كيف تنجا من جوعة من بردها وليلا عزت برنداتا واوكارها مطروشة بيت الله قافلنو مستشفى غافرنو ساحاتو مرشوشة كم يوم يعز النوم رغماً عن المشموم والدوخة والدوشة دي مدينة ما هيلك مافي البيشبهلك ما في البناديلك لافي البخاويلك غير ناس أحاويلن قطعن أحاويلك أصحابك الساعتك لا بد يعاينولك صمتاً يجيبولك .................. ونواصل تحياتي... حاتم هاشم.
Post: #332 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-29-2007, 07:22 PM Parent: #331
خالد وزواره الكرام سلام عليكم...
سمح القول سبانا وفى بحوركم رمانا وبقى زاد لى عقولنا ومرواد لى عمانا ياطيبين النفوس لا لوم لا خيانة تبقى الدنيا سمحة بى وجودكم معانا
سمية الحسن طلحة سلام ورحمة من رب الكون علك عافية درت وما بتحسي بي شي
الريحانة ست النضم منضوم عقود رنانّه طلّتك تبهجنا ترقُص ليها العقول طربانّه ست الساوية والسارحة والصاهلة والجبخانّه الشُكر فوقك قليّل كان بالفحصى او بي رطانة
Post: #333 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-29-2007, 08:03 PM Parent: #332
اها الجماعة جو داخلين .. ومحمد وددكين كان راجل فاضل وصاحب فضل واثر ان يأتي للمك نمر قبُل مايجي اكراماً لي نمر وسيرته بين القبائل
هنا ودالنعيسان خاف من المك وزعلتو ديك أقوم أقول لي كلام يزعل محمد وددكين بعد ما رضى بي الصُلح قام قال للمك نمر :
يا كُرب القضية ولي كريمة النافر صنديد العرب توب القبيلة الوافر حُكمك من زمان ياهو البلم الطافر ترا شيخ العرب وصلك قبُل ماتسافر
عاد مابوصوك وانتَ سيد الخِبرّه بي النضم البخلي جروح قلوبهم تبره الراجل نسيبك وليو على القبائل كِبرّه عند نقص الكلام الفاس توازن الأبرّه
Post: #334 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-29-2007, 08:10 PM Parent: #333
دخل شيخ العرب وقال
سلام يامك دار جعل نُخبة بني العباس
قام المك نمر قال لي :
حباب شيخ العرب اللي الصفوف كباس إياك حِكمة ولي شرهم حباس ويا درقة بلاهّم يوم إجيهم بآس
مرحبتين حباب جد ألاسود الحوو مرحبيتين حبابو الفي القبائل ضو هيلك من قديم لي الصالحات بتسو قشاش دمعة البّكن بسون هووو
قام شيخ العرب قال لي
تعيش يا مك دوام فوق راسك الطاقيه بعد كتلت حمد مافينا تاني بقيه شاقه علينا والبندوره كان ملقيه اسم بطحاني نهد حلالّو للشايقيه
بسم الله الرحمن الرحيم سلام ياهلنا... ونواصل مع عيوشه ..................... صمتاً يجيبولك باكر تلاقيهن في وجبة فوق كوشة جنب مجرى يحكولك ودونا لي ضابط كالعادة وانكفرن قال وين أوديهن والعندي ما قادر بالموية أكفيهن والعسكر أدونا سوطين وفكونا كالعادة يا اخونا حيكومة مربوشة دايرين شغل مافيش غير نغسل العربات غير نضرب الاورنيش عتالة جرسونات شغلاً ما يوكل عيش وبالحالة دي الكشة ....................... تحياتي... حاتم هاشم.
Post: #336 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-30-2007, 08:37 PM Parent: #335
قام المك قال لي :
أدخل إستريح مشكور سعيّك يا عم تعبك مابندوروا ألا المصيبة أعم بدورك دم حمد تعفى ان كان بقيت أنعم شكرك في البلاد يسري وتضوقلو طعم
حمد فقد القبائل مافقد شكريتّو بالزين والكرم في الدنيا باقي طريتّو حاق بيهو القدر صعبت علينا قضيتّو حكم المولى نافذ لا محال في بليتّو
انتَ ابو العرب في حاضرا وباديها في المثل الأبل سوقوها بي حاديها قول كلمة عفوك طامن النفوس هديهّا الوصلتنا نحن كتيرة بنعدّيها
من ناسك أمس الجات نرحب بيها كتلتّن في المنام ماكانوا يحلموا بيها ولي أولاد اولادّم كانوا يفخروا بيها عشانك نقبلى اليفرحوا يفخروا بيها
من دون الصلح للزين مافي سبيل ومافي قبيلة خِلت من سفيه وهبيل بينكم والبطاحين مافي شي قِبيل عِد طه وحمد هابيل قتل قابيل
Post: #337 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-30-2007, 08:51 PM Parent: #336
قام شيخ العرب قال لي :
بي النار الدهب يصفّو ويبين غاليهّو وتصفية الرِجال يوم إندعك في الليهّو الدم وليانو نحن وحت إت كمان واليهّو عشانك ضُمّه بنعفى طه بنخليهّو
قام المك نمر قال لي :
يا تلب العرب فوقك بختوا الحملّه ماضيّق عفوك خلي فوقن شملّه
قام شيخ العرب قال لي :
ماداب طه في شانك عفيناهم جملّه أن تلدا ام قفيّ مايضوق قرصْت النملّه
Post: #338 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 04-30-2007, 08:57 PM Parent: #337
هنا المك نمر اتكيف كيف شديد من كلام وعفو شيخ العرب محمد وددكين جد أولادو قام قال لي :
ياشيخ العرب تسلم تعدل المايل عفوك لي دم حمد سديت بو فقدن هايل انقذتا البلاد وربطته تلاته قبايل بي حبل الوداد ان شاءالله عمرك طايل
Post: #339 Title: Re: هونوو شوية.... وصلو علي النبي .... إستراحة أيها المحاربون Author: yasiko Date: 05-01-2007, 06:03 AM Parent: #1
Post: #340 Title: Re: هونوو شوية.... وصلو علي النبي .... إستراحة أيها المحاربون Author: أبو الحسين Date: 05-01-2007, 06:56 AM Parent: #1
الغالي جداً صديقي ود المنسي (المَطْرِي دائماً في قلوبنا زي ما قال أخوي هاشم الحسن)...
حقيقي يا أخي هذا البوست دوحة غناء يستريح فيها المحارب والمشاغب والجاري لافي في مشاغل الدنيا...
لك ولزوارك الكرام التحية والتجلة ومستمتعين جداً بأشعار المجادعة...
نسم الله الرحمن الرحيم سلام ياهلنا... ونواصل مع عيوشه
وبالحالة دي الكشة بلدية والبوليس مرات يجيك الديش ما يقبضوا الباعوض ما يقبضوا الضبـــان والما بدور فتيش الارزقي السمسار إشمعنى نحنا وليش إحنا الحرامين ولا البدسو العيش الزول يخاف يكفر يرجع يقول معليش شقيش نقع شقيش حتى السجن مافيش .................... ونواصل تحياتي... حاتم هاشم.
Post: #343 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-01-2007, 10:26 PM Parent: #342
العزيز/ دكتور ياسين سنجك مية واربعطاشر سلام وتحية والله سويت فينا جنس سوا .. أول مافتحت الفيديو أحمد جري وجاب الكنش والمفراكة وقال لي يابا دي دلوكة قوم نعرض .. باقي أخوك كل تجي غنية دلوكة في التلفاز بقوم أخد لي فيها عرضة وهو بقي رفيقي في العرضة مشكور كتير يا دكتور
لك تحياتي
خالد محجوب
Post: #344 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-01-2007, 10:31 PM Parent: #343
الحبايب زوار الأستراحة( أعضاء في المنبر أو زوار ) لكم التحية والتقدير هناك جزء من مسرحية المك نمر نزل خطأ قبل الجزء حسب التسلسل الزمنى للمسرحية نعتذر سوف أقوم بأنزال الجزء الذي سقط سهواً وبعدها ننزل الجز الذي نزلت بدايته خطأ حتى يكون هناك ربط لأحداث المسرحية وجزاكم الله كل خير
خالد محجوب
Post: #345 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-01-2007, 10:45 PM Parent: #344
الجزء الخطأ هو ما عقب وصول محمد وددكين لارض الجعلين فقبل وصوله كان رجوع ودالنعيسان بعد ما رضى محمد وددكين وخلى إبقى علي الصُلح أها رجع ود النعيسان لشندي وقبُل ما يصل بيتو مشى لبيت نمر لقى الجعلين أستعدوا كل الأستعداد للحرب
كان في واحد اسمو عثمان هاشي وباشي وبتكلم مع المك نمر ويشرح لي في استعداد القبيلة للحرب
قام عثمان قال :
عُقبال ماصبح جعلي القبيلة إنساقّت خيول وسيوف كُتار شندي بيهن ضاقّت يمين وشمال تقول ضُل السحابة الساقّت رجالاً يعجبوك كان الوجوه أتلاقّت
والله العظيم أمس الخيول يوم طرّت سدينا الدروب بعدت صفوفّنا وجرّت مابين ضامر وهيط ومابين ثليث ومخرّت في إيدينا السيوف متل النجوم الخرّت
فوق البطحاب القبيلة خيارّن حارسين النِحاس لامن يولّي نهارّن ريعانها كان هجم فوق العريب ديل غارّن أحلف ليك يمين في ضحوّه نكتل نارّن
بسم الله الرحمن الرحيم سلام ياهلنا... ونواصل مع عيوشه
مافيش يا عيوشة من تكبري آهة وآه وآدم بدور حواه الطيرة بي عشوشة الفارة بي جحارة الكل بي مأواه وهنا في إبن آدم تاه ملجاه أرض الله لا أوضة لا حوشة يا أبونا يا الأسود يا أمنا القرقد يا داجي وين نرقد جاك المحل قاسيت لامن هجرت البيت فض المطر صديت أو صددوك غصب دارك لقيتا حرب ...................... ونواصل تحياتي... حاتم هاشم.
Post: #351 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-02-2007, 09:05 PM Parent: #350
قام ودالنعيسان قال لي :
الليلة النمر أصبح كلامو مبايد وان كان للنسب ما اداهو حقّن زايد بقولوا أهل المثل الخال شريك الوالد أنظر لي عمارة وعمر وأحمد وخالد
قام المك نمر قال لي :
دمّك جعلي واسمع من كلامّك شكري كُت قبيل بريدك زي جناي البكري المال بيك مالاً خيبت فيك ظن فكري الشينة ان كان بقيت أنت فيها ساكت مكرّي
البينّك والقبيلة نشطّت في تعكيرة شديت في الخِلاف ماك راضي بي تفكيرة شما شن أدتّك وكتين تبعّت فكيرة ما المحرية فيك الكروة أريتا شكيرة
Post: #352 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-02-2007, 09:16 PM Parent: #351
قام ودالنعيسان قال لي المك نمر
الزول بِيحزم الحِزمة البلزما صدرو الدرب الفتحتّو ان كنتو بيهو بتدرّو الشي الأنكريت بي تدوني عقباُ قدرّو
قام المك قال لي :
ديمة المك ملخوم مابشوف التحتّو ما بتنغشى لا بي غضب لا بي فرحتّو في السما في الأرض وين الدرب دا فتحتّو خِسر شورتنا ألا كُراك تراكا ربحتّو
قام ود النعيسان قال لي
لي جار لي عشير بي شينة ماني مبدّر وماني الطقطق البجي في الكلام متسدّر أسمع نصيحتي الفي الصواب متحدّر وخُت الخُتّه دربي ان كان لقيتو مودّر
بسم الله الرحمن الرحيم سلام ياهلنا... ونواصل مع عيوشه
كرت عليك فريت كان مافي غير تنفد بي لونك الأسود بي شعرك القرقد وبي فالك الشامخ زي تاج أبو الهدهد لامن يطير في الجو من ها المدن ينفد حاشاك من عيب تب لي شينة ما ختيت دغري وعراض إيديك بس كفها إتعود في الأرض يرمي الحب ما قنبلة وديناميت جيت المدن لاقيت من سيدا ما لاقيت تحرس عماراتو علشان تمسي تبيت ..................... ونواصل تحياتي... حاتم هاشم.
Post: #355 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-03-2007, 07:35 PM Parent: #354
حاتم وليد هاشم الله ايديك العافية يا الضو بس اديتنا الجوع .... النفس بقت ساقطة لك المودة والاحترام يا غالي
خالد محجوب
Post: #356 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-03-2007, 08:22 PM Parent: #355
قام المك نمر قال لي :
في رزق العبوس الشين فال البطمّع إفقد ناسو وإتفرق قدر مايجمع ما دس الكلام أحكي وسط المجمّع الجيت بيها قولا ترانا نحن بنسمّع
قام ودالنعيسان قال للمك
عاصمّك من نشيت من النقايا إتربط شيطان الغضب تعصاهو ما بلعبْ بك أحكي لك مناك يامك سرورة قلبك بينك وبين حماك إتحلل الإتشبّك
شديت اب حجول البارح العصريّه طابق سيفي ودرقتي دخلتا في الشكريّه لاقيت وددكين وحادثتّو من دون ريّه وقلت ليهو البقت ما القبيل محريّه الزول داهيّة تاري معا حِجه قويّه اللوم صاورو عداهو ماهو شويّه قال لي لومي قولو وفرّش المطويّه كان صُح أشيلو معاهو سرج وحويّه
Post: #357 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-03-2007, 08:57 PM Parent: #356
يواصل ود النعيسان في حديثو
كان شيخ العرب في صدرو حلّه وسوق هدمتّها وطرحتّا مكانه بي الواسوق حكمتّه الفتل إتمكنتا منه وثوق قللت الصِعاب ليكً انت أجلب سوق
إتلمّو العرب في المجلس إداولنّا هِجنا وموجنا إتقاصرنا وإتطاولنّا عاد لينا الصواب ورجعنا لي أولنّا دم حمد العزيز علي القدر حولنّا
لكن بي شرط يامك ترسّل ليهم وجوه جعل العزاز يدنّو ويرضّو عليهم يواسو مصيبتم أندعكو في غاليهم إراضوهم ويكرموهم ان فاتوا دم واليهم
Post: #358 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-03-2007, 09:07 PM Parent: #357
قام المك نمر قال لي
روح شيل كُراك خلي النضم والحِجة خليهم يجو لي التار ويخوضّوا اللُجّا كان تقع السما والأرض تترجّا نحن بلا السيوف الماضي مابنترجّا
قام ودالنعيسان قال لي
يامك المكوك البينكم فكر ليها فكّر في الأمُر شورة الغضب خليّها الشكرية ناسك وانتَ ياك واليهّا في طارفة كلام شايفّك حقدتّ عليها
كان زين ولا شين الدايرو بتسويهّا يامك دار جعل الهينّه ماتقسيها أمشي علي القبايل والحقوق نسيها زالفة العرب بي حكمتّك واسيها
Post: #359 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-03-2007, 09:27 PM Parent: #358
في واحد جعلي اسمو حسن قام قال
فاسك متوج يا اب عمارة سلام قاعد من قبيل ساكت بدور لي كلام ابقى داب الصُلح والدايرو مابتلام
قام عثمان نطا وقال لي عمو حسن
بقيتو علي الصُلح ياعم حسن حت أنتَّ إنحليت دحين بعد إنكرابتّك لنتَّ إتفشيت أنا إحفحفتا واتزينتَّ علي حس الغنيمة رهنتَّ وإدينتَّ
قام عمو حسن قال لي
ياولدي القضية قريبة بيني وبينك مالك مٍنحرق وتعضي فوق إيدنّك الخير في الصُلح كان أصلو همّك دينّك هادا المك بحلّو وانتَ بتنوم عينّك
راس المك يعيش ونحن جُمله فِداهّو يحل صعب الكلام يعرف دواهّو وداهّو مشوا أعداهّو مهدورين يهنّو عداهّو الشي البقولّو ما بنتعداهّو
بسم الله الرحمن الرحيم سلام ياهلنا... ونواصل مع عيوشه
ويتربو زي ما ربيت كم للعرق شديت زوغت أمن كريت جاملت جاراتو وأو تتم ترحل لي سيد خلاف السيد يتغيروا الأسياد لكنو نفس القيد نفس الربط ذاتو يا ماشي دون راس خيت وين كنت لما الناس إنقسموا الواطه في مدن تجز الراس كان زولو ما طاطا كت مافي ولا أبيت واصبحت مقطوع راس زي ديل كتير من ناس لا أوضة لا ضل بيت وفتحنا لاقيناك أول ما شالنا الحيل ...................... تحياتي... حاتم هاشم.
Post: #361 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-04-2007, 08:53 PM Parent: #360
قام المك نمر قال ليهم
بقيتّو علي الصُلح ننهي الكلام نقضاهّو
قام حسن قال
منو البيابا الصُلح كل النفوس ترضاهّو دا الراي السديد إن بقى المك مضاهّو هو الراي المفيد والأمة مي معارضاهّو
قام المك نمر قال ليهم :
إنقطع الكلام باكر معا البدريّه شدّو وأركبّو واتوجهوا الشكريه قولو لم نمر ماهمّا طه وريا داير السمتّه ليكم ولي تكون مغريّه ابقو لي رجال ما تتودّدو وتترجّو والقول أقصرّو وخلّو الغولات ما ترجّو قولو لُوم صُلح ان كان أبّو ولجّو نارنا بتاكلّم من البطانه بهجّو
Post: #362 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-04-2007, 08:59 PM Parent: #361
نواصل مع الشكرية والبطاحين أها هم قاعدين في جلستهم دي شافوا ليهم عجاجة من بعيد ركب عرب ... وبدأ الركب يقترب
قام واحد من الجعلين قال :
أتى الباب ركباً قدامو راجلاً شيبة ظنيت بيناتم راجل عجوز فوقو الجلال والهيبة لي هسي وصل كانت مسافتو قريبة
قام نمر قال :
خلّو إدخل دارنا بتلم المريض والطيبة
Post: #363 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-04-2007, 09:06 PM Parent: #362
أها الجماعة جو داخلين .. ومحمد وددكين كان راجل فاضل وصاحب فضل واثر ان يأتي للمك نمر قبُل مايجي اكراماً لي نمر وسيرته بين القبائل
هنا ودالنعيسان خاف من المك وزعلتو ديك أقوم أقول لي كلام يزعل محمد وددكين بعد ما رضى بي الصُلح قام قال للمك نمر :
يا كُرب القضية ولي كريمة النافر صنديد العرب توب القبيلة الوافر حُكمك من زمان ياهو البلم الطافر ترا شيخ العرب وصلك قبُل ماتسافر
عاد مابوصوك وانتَ سيد الخِبرّه بي النضم البخلي جروح قلوبهم تبره الراجل نسيبك وليو على القبائل كِبرّه عند نقص الكلام الفاس توازن الأبرّه
بسم الله الرحمن الرحيم سلام ياهلنا... ونواصل مع عيوشه
يا أبونا خليناك خففنا ليك الشيل تقلت بنا الخرتوم وفرنا لقمة عيش موية ومحل للنوم سامحنا عافينا يا أصلنا الحنّان غيرنا اسامينا شان نحيا باطمئنان دينق إنقلب عثمان هاشم بدل دلدوم من وين ؟ من ام درمان وناس بيتنا منوفين بس لكنة الرطّان تفضحنا بعض الحين وإن كنا يوم في يوم ماشين بننعوّد على لهجة الخرتوم في ولاد عرب بالكوم ......................... ونواصل تحياتي... حاتم هاشم.
Post: #365 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-05-2007, 07:20 PM Parent: #364
دخل شيخ العرب وقال
سلام يامك دار جعل نُخبة بني العباس
قام المك نمر قال لي :
حباب شيخ العرب اللي الصفوف كباس إياك حِكمة ولي شرهم حباس ويا درقة بلاهّم يوم إجيهم بآس
مرحبتين حباب جد ألاسود الحوو مرحبيتين حبابو الفي القبائل ضو هيلك من قديم لي الصالحات بتسو قشاش دمعة البّكن بسون هووو
قام شيخ العرب قال لي
تعيش يا مك دوام فوق راسك الطاقيه بعد كتلت حمد مافينا تاني بقيه شاقه علينا والبندوره كان ملقيه اسم بطحاني نهد حلالّو للشايقيه
Post: #366 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-05-2007, 07:22 PM Parent: #365
قام المك قال لي :
أدخل إستريح مشكور سعيّك يا عم تعبك مابندوروا ألا المصيبة أعم بدورك دم حمد تعفى ان كان بقيت أنعم شكرك في البلاد يسري وتضوقلو طعم
حمد فقد القبائل مافقد شكريتّو بالزين والكرم في الدنيا باقي طريتّو حاق بيهو القدر صعبت علينا قضيتّو حكم المولى نافذ لا محال في بليتّو
انتَ ابو العرب في حاضرا وباديها في المثل الأبل سوقوها بي حاديها قول كلمة عفوك طامن النفوس هديهّا الوصلتنا نحن كتيرة بنعدّيها
من ناسك أمس الجات نرحب بيها كتلتّن في المنام ماكانوا يحلموا بيها ولي أولاد اولادّم كانوا يفخروا بيها عشانك نقبلى اليفرحوا يفخروا بيها
من دون الصلح للزين مافي سبيل ومافي قبيلة خِلت من سفيه وهبيل بينكم والبطاحين مافي شي قِبيل عِد طه وحمد هابيل قتل قابيل
Post: #367 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-05-2007, 07:26 PM Parent: #366
قام شيخ العرب قال لي :
بي النار الدهب يصفّو ويبين غاليهّو وتصفية الرِجال يوم إندعك في الليهّو الدم وليانو نحن وحت إت كمان واليهّو عشانك ضُمّه بنعفى طه بنخليهّو
قام المك نمر قال لي :
يا تلب العرب فوقك بختوا الحملّه ماضيّق عفوك خلي فوقن شملّه
قام شيخ العرب قال لي :
ماداب طه في شانك عفيناهم جملّه أن تلدا ام قفيّ مايضوق قرصْت النملّه
Post: #368 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-06-2007, 11:07 AM Parent: #367
هنا المك نمر اتكيف كيف شديد من كلام وعفو شيخ العرب محمد وددكين جد أولادو قام قال لي :
ياشيخ العرب تسلم تعدل المايل عفوك لي دم حمد سديت بو فقدن هايل انقذتا البلاد وربطته تلاته قبايل بي حبل الوداد ان شاءالله عمرك طايل
بسم الله الرحمن الرحيم سلام ياهلنا... ونواصل مع عيوشه
في ولاد عرب بالكوم طالعين سوا ونازلين يفرقنا إلا النوم ما الحالة من بعضا مطروش ومطروشة وأكوان وقد قابل في كوشة عيوشة يا التحكي دون تبكي وفي وشو بتعاين شوف فيهو شن باين غير دمعة مقشوشة قشوها ناس أخوان أكوان وعيوشة بي صبر كم طول على حال حا يتحول قصر الزمان يازول ولا الزمن طوّل لا بد يتحول ما فيهو من آلام في يوم من الأيام ..................... ونواصل تحياتي... حاتم هاشم. لي دنيا مفروشة
Post: #371 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-06-2007, 05:03 PM Parent: #370
Quote: كدى ورينى فى الاول النفس بتكون ساقطة كيف يعنى سلام خالد وتحياتى ليك ولكل المتداخلين معاك
العزيزة الفاضلة ماجدة... بنية الخليفة عوض خوجلي عليه رحمة الله لك التحية والمودة كيفن يا ماجدة النفس مابتكون ساقطة ساقطة يعني يا بت الخليفة متدنّيه والبتشوفو دايرا ولا تترفع لمقام النفس العفيفة
ولك الحترام والمودة يا ماجدة
خالد
Post: #372 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-06-2007, 07:05 PM Parent: #371
هنا جا طه ووقف بيناتهم اي بين المك نمر ومحمد وددكين وقال ليهم
من تبيت صغير شيطاني ما غرانّي بتلقى المصُيبة وكِت تجي مبادرانّي ماكان بيا خوف ألا الصُلح سرانّي لي طاري الكرم عرب الحجاز تتطرانّي
أخوك ما كنتا قاصدّو هو الكان قاصدنّي فريت منو خوف الفتنّه قام طاردنّي في المال والعِرض وكتين دنا وجابدنّي دافْع بي ضراعي ومافي زول ساعدنّي
Post: #373 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-06-2007, 09:55 PM Parent: #372
وياصل طه حديثو قائل
الزول مابفوت الموت قدر ماسوّا ان طار السما ولا ان كان غتس في هوّا كان ماعوني كُت غير سيفي مابتحوّا قبيلتي ضعيفة وأنتو كُتار وتانياً قوّا
ياشيخ العرب من البطاحين أتلّو ماتربّو العدا وتتخاصمّو وتتكتلّو أحلف ليك يمين ما ليِهم ييد في كتلّو كتلتّو أنا وحقيقة خُسارة موت المتلّو
لي الليلة مابخاف راضي القصاص أُخدوهّو عند حد الشرع وماتختّو تتععدوّهو بدور ردم الخِلاف بي راسي أنا تسدوّهو الزول من وهم مابسوي أخوهو عدوّهو
بسم الله الرحمن الرحيم سلام ياهلنا... ونواصل مع عيوشه
لي دنيا مفروشة بالعافيي والطعام لي كل فم ما دام في غلابة بي ديوشا وبجاي و بغادي قلة وكتر بوشة تخمت حكام مندلدلة كروشة فاوة وتفل لاقّي ونار الغضب باقّي تالاها محموشة جرفت لبقة الليل وانطنبجت دينك لا عينا بي شموشة الحال حا يتحول قصر الزمان يا زول ولا الزمن طول لابد من فوقة ومن تنتهي الدوشة قولاً قبل قلنا وكتين نصر نحيا مافي البكتلنا قولك يا عيوشة يا اب نفس طماعة غاشاك ومغشوشة الدنيا دنيانا ..................... ونواصل تحياتي... حاتم هاشم.
Post: #375 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-07-2007, 05:58 PM Parent: #374
هنا قام شيخ العرب محمد وددكين قال لي
الوزل مابفوت المقدر ومكتوبّو مسكين العبد مابدرا بي يوم موتّو وكتين أصلّو من الدنيا يكمل قوتّو الواحد بموت كان في غُربه ولا بيوتّو
مع كُبر المَصاب ما أظنّي أفقد جلدّي والسعي في الخِلاف ما بمر يمين بي خُلدي زي ما أخوي حمد حتا أنتَ برضك ولدي عشان حظ النفوس مابرضى أخرب بلدي
Post: #376 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 05-08-2007, 11:47 AM Parent: #375
بسم الله الرحمن الرحيم سلام ياهلنا... ونواصل مع عيوشه
الدنيا دنيانا زرع إيدنا نديانا لا صيص لا كدموشة وماك ماشي جيت غاشي ليك خيرها ينسبّل لا كُتّي شحّادة نديك وتتوكل لا جيتنا دنّاعة نمسح لك الجردل أخرت للساعة وتلبت في حوشة في حزك المنجل وشوالة مخموشة ناسي انو مزروبة بي شوق حبايبنا وحارساها كلوبة وكلوبة بات ووبة ويات لوبة بتحوشة يا النفسو ماهية شن جبهة متكية .................. ونواصل تحياتي... حاتم هاشم.
Post: #377 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-08-2007, 07:18 PM Parent: #376
يواصل شيخ العرب محمد وددكين
البمسك قفانا نخافو هو ونحسب لّو مضيناهو الكلام والشين كان تعدّ لو حديث المك رضينا وسرا قليبنا وقلبّو ياولدي العفو مثبوت بيمحى القبلّو
هنا كان في المجلس النصيح أحد مستشاري المك نمر إتكيف كيف شديد من حديث المك وطه وشيخ العرب وسراهّو بي الحيل الصلح التمَّ
قام قال :
إعيش راسك متوذج وعشته عالي الهمّه ساعة الحارة رايك يفيد الأمة فرحتي كتيرة الليلة والصُلح يوم تمَّ أدوني الاذن داير أجيب لي نما
والحمد في ذاك المكان تم الصلح واتلمى دم ثلاث قبائل
بسم الله الرحمن الرحيم سلام ياهلنا... ونواصل مع نهاية عيوشه
بي عمة كاكية وطاقية طربوشة جنب جبهة دغرية العمة مكوية فوق راسها ملوية ترقش بياض نية وبالهيبة منقوشة زي وشم فوق أكوان شلخاً في عيوشة يا جرحنا الطوّل جاييك زمن طيب خيراتو ليك أول صدقني يا طيب يا أرض يا جدول كارتنو بي معول والليلي تتجول عينيك مدهوشة من كنت تتسول في مدينة ما هيلك ومن كوشة لي كوشة . .................... تحياتي... حاتم هاشم.
Post: #379 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-09-2007, 07:59 PM Parent: #378
قصيدة الجــــابرية ... للشاعر محمدالحسن حميد تحكي معناة الجابرية في ظل حكم العسكر والأحزاب التي تعاقبت الحكم بعد كل أنقلاب عسكري
فجاءة يدوّي مُكبر صوت قال الريس ماري بي فوقنا وكان ضحوية وكنّا نسنّد في المحروت إن شغلتنا برا ماروقنا وإتماسكنّا يطمن روقنّا قمنا جميع الحلّه مرقنّا البشوفنا يقول وا روقنّا
كان ضحوية وكانت عين شمش الله قوية وكان الريس في عربية واقف طولّو تِحت شمشية هللنا لو .. لوحنا لو بي الطورية
Post: #380 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-09-2007, 08:06 PM Parent: #379
قدمنّا لو كتاب الله ودرقة وسيف وتبروقه هديه قفة تمود وفاس دهبية وكنا قبُل بيتنا النية
وبين بنتين علقنّا اليافطة اليافطة ام زيق الدمورية
واتعبينا هتافّن واحد الجابرية تحي الثورة دايرين بوسطة ومدرسة وسطى والشفخانة وسوق مِنضبطة
روّح باسم وقام خاطبنا بي نهج الثورة الصارم وحازم أمن لازم من شفخانة ومدرسة وسطى التعمير بي العون الذاتي إلا البوسطة بننظر فيها أما السوق فالسوق منضبطة
Post: #381 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-09-2007, 08:12 PM Parent: #380
اما السوق فالسوق منضبطة للتجار الاسعار واضحة وللمستهلك باينة واضحة ان جمالتوهم تبقى الغلطة
إنكفينّا رفعنا إيدينا وهزينالهم بي التأييد لا تفريط في قوت الشعب سحقّن سحقّن للرجعية الجابرية ضراع الثورة بي الأنتاج حا نحمي بلدنا وكانوا في جيهة ونحن في جيهة هم إتهببو بي الكابات وما همانا الصيف عرقنّا
بسم الله الرحمن الرحيم سلام ياهلنا... القدال ..........
نحنا أهل الفرحة جينا ........................ نحنا أهل الفرحة جينا لاالمدامع وقفتنا ولا الحكايات الحزينة لما درب الرايحة جابنا فى هدى المدينة ياولدى الدروب شقاقا بحر التيه ليك درب ولادربين مساك الدروب ضهاب ليك قلب ولا بالين سواى القلوب كضاب ليك ضهر ولا سرجين ركاب السروج وقاع شق ياولدى بحر التيه بتتدردر وتتودر ولامن يوم على تايتنا ديك ترسى نعزك بالقبيل داخرينه ليك الشوق بحر ياولدى بحرك تيه قت ليك العليك ادرابو لاتنغش ولاترضابو لاتنغش ...................... ونواصل تحياتي... حاتم هاشم.
Post: #383 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 05-11-2007, 11:31 AM Parent: #382
بسم الله الرحمن الرحيم سلام ياهلنا... ونواصل مع القدال
فى الزمن الذميم والكى يسوقو خلاف عشان النى عليك الدور وتصريف الليالى بيدور تشيل ماشلنا من الهم ولامن دمعة ترمى الدمعة فوق دربك روح يابا وابقى قفاك لاتعاين ولاتعاين على موطاك ولاتندم على خطوا تملى مشيته لى قدام وابقى العاتى زى سنطتنا زى صبرا نلوك فوق مره زى الزاد لاشيتن نزل فى الجوف ولابيرجع ولابينزال واركز للبيجيبها الريح تقيف انت ويشيلها الريح وابقى العاتى والدرب الوراك مسدود شيل شيلتك بقيت للنص لاحلما بيجيب البر ولاحدود وابقى العاتى والدرب الوراك مسدود ان بليتها أختا الرملة ماتقع مكان الهش دى الممطورة مابتبالى من الرش النعمه بتعرف عاطيها ......................... ونواصل تحياتي... حاتم هاشم.
ألا في سته من الجابرية قالوا تعبكم خارم بارم يذهب حاكم خلف الحاكم والجابرية تظل في حالة حلّه حياتها تسر الظالم صدفة تموت وتحيا أطفالة لا جلكوز لا تقرّا رسالة ولا راح يطلع منّها عالم ما بينصفكم ألا ضراكّم عبّو ضراكم يا رجالّه وخلو بصركم دغري وسالم
Post: #388 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-11-2007, 08:58 PM Parent: #387
ونحن القصّر واثقين فيهم وقطعناها معاهم وقاطعناهّم وصاروا في جيهة ونحن في جيهة
Post: #389 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-11-2007, 09:11 PM Parent: #388
مرَّ اليوم ... الشهر .. الحول والجابرية بلد في حاله قواسي شيوخها مآسي أطفالة عذبات ناسا حلّ÷ تعافر مقطوع راسا عشرين كيلو من الجابرية صبية تساسّق بي كراسا
أ يا الجابرية عذابك فينا لا كي القرية ولا كي مدينة وفد في وفد إقوم وإجينا عايزا دراسة وإجراءات عون امريكي وقرض ألماني وحاحاءات
حد مانشوف لنا مسعولين مسعولين أو خوجات نجري نلم قدحاتنا عليها ترطن وترجع زي ماجات
بسم الله الرحمن الرحيم سلام ياهلنا... ونواصل مع القدال
والجمرة بتحرق واطيها بالكيلة عطانا ومالقينا فوق جمر خطانا ومالقينا يوم الوعد ياحليوة فيك الدنيا ماكانت شروق الا الأرض متكشفة ومتبلمة نعم انه من خير الخريف لافحالها شال يوم الوعد والفرحة خضرة فرحة دوب تتشابى لى عين الشمس والروح مشحتفة بالبلود الفيها ريحتك للبيعود من فزعة الغربة البيساسق فوكها ومو راجع ولابالحيل قريب الروح مشحتفة فى الحبيب القلب بكر الدنيا ماشافت جديده ولاالحزن دقاله باب لو شفتى كيف يوم الوعد كيفنه مترامى الغمام والقمرى زغرد للبلوم والنسمة هبت مرتين ياحليوة يوم دقيت بأرضك فاس خصيب والتانية فى يوم الوعد والأيد تسالم فى الايدين ............................ ونواصل تحياتي... حاتم هاشم.
Post: #391 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-12-2007, 07:55 PM Parent: #390
الشفخانة وعايزه دراسة ومدرسة وسطى وإجراءات لما المطوحّه طالت بينا انذكرنا العون الذاتي
انحزمنا وقلنا برانا نبني نقوّم للشفخانة طوبة في طوبة قومناها يوما التمت جات السلطه عربي وعجمي ومرة رطانة الشفخانة دا ماهو بُكانة وهاك يا تلتّه وهاك ياورطة
بلة أتبرع وقال ببنيهن هوو هوو هوهوو كلابنا واستغربنا قبل بالمرّه لامن نهتف ترسى كلابنا ولا من ينضم بلة يهووو بلة اتحمس وقال بسقينا وبي آذن الله بضوي الحلّه هتف الشيخ وهتفنا وراهّو لا تبديل لشرع الله لا تبديل لشرع الله لا ولاء لغير الله لا ولاء لغير الله عاش الفارس أمل الحلّه بلة الطاهر علي حسب الله بلة الطاهر علي حسب الله كبر فينا وقام إندلا
بسم الله الرحمن الرحيم سلام ياهلنا... كلام ناس البطانه
الشم خوخت وبردن ليالي الحره والبراق برق من منا جاب القرة شوف عيني الصقير بجناحه كفت الفرة تلقها ام خدود الليله مرقت بره ونظم اخر في البطانه تلك الحالمه البتول واصف الخريف والدهاريب ونفس الدعاش الخبر الاكيد قالو البطانه اترشت وساريتن تجبجب للصباح ما انفشت نبيح فحل ام صريصر والممانح بشت وبت ام ساق علي حدب الفريق اتعشت ....................... ونواصل تحياتي... حاتم هاشم.
Post: #401 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-15-2007, 08:59 PM Parent: #400
ولسه كلاب الحلّه يهوو وزاد هوهيوّن كبشّن ضاع من مراحتّو وفاقع بااااع بلة الطاهر علي بلاع
كانت أول مرة نشوفو يومنا الشوفنا اللاندكروزر اللونا مخطط والبنوت الراسا مربّط لوري مِكوّش أقمشة .. سكر .. حتى الفوفو عتّل تؤجر وامحي المنكر بي معروفو بلة الطاهر علي بلاع أكرمناهّو .. اكرمنا ضيوفّوا يشبه مرت الشيخ في وشيّو لولا الدقن الدشدش صوفو
Post: #402 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-15-2007, 09:07 PM Parent: #401
بلة خبارّك ماب تشبهنا وعامل زولنا تاني نقول الزول برانّا نغير قولنا ألا كُبار الحلّة بقولّو بلة دا هولنا بلة دا اصلاً من ها الحلّه إلا اتربى وقرأ في الخارج وسيرتو انقطعت في المهدية مرة سمعنا استوطن بره وقام إتزوج من مصرية جابت علي وعلي جاب الطاهر حتى الطاهر خلف بلة
جدو اشيطن اخير من لانا بلة إتسركّن وجا برانّا أقرب واحد لي حاج بلة أقرب واحد شيخ الحلّه بلة الطاهر علي حسب الله
البنوت براك يامنضرة شوفي سون لي طمامه وكترن عوفي قالن علي انا خفته قشاش غبارن المن صباي ماهفته انا بسيفي غير ملاقات الاسود شن شفته انا كم جب جمال بعد ما فوق سيادن طفته انا كم جب مراح للفريق شافنه وكم جرس رجال علي اليتيم ماحنوه ياقلبي اصبر علي القالنه وياسيفي طيع قطع الشكرنه يا بدر السما ايامنا طالن وقصرن وعيونه ملجلجات من التوسل فترن وين الما حامن كبد الانادي وسكرن وين الليله رواق دمانه العكرن ....................................... ونواصل تحياتي... حاتم هاشم.
الليله البروق بصر العيون ختفنه صبن غادي شقاق الانيس ارونه خترن فوقه سالكات الضمير خبرنه الله اخيب الفلسنجي شقله تمنو ارجوك يا غفير ما تدفر الفرهيده ما بتحمل تقيف شايله العمود فوق ايده شوف عرق الوجينات فوق خديد الصيده امسخك الله فسخت الحنه دابه جديده ارجوك يا غفير ود الارايل سيبه خليه الازور كان المراضه اطيبوة الزول الجميل لاعند االفنيده وضيبه شايل قلبي ماظنيته تاني اجيبه. ........................................ تحياتي... حاتم هاشم.
Post: #408 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-18-2007, 10:31 PM Parent: #407
بس يا جماعة إن قضينا حياتنا تباعة وصنيت رادّي ( راديو ) وقول في الفاضي خوفنا نقوم ما نلقى أراضي ونحنا أحساسنا وراسنا زراعة والجابرية ان دايرة شفاعة ما بشفع ليها إلا ضراعة عبّو ضراعكم يا رجالّه وخلو بصركم دغري وسالم عبّو ضراعكم يا رجالّه أضّل وضلَّ وأسألو برّه وحاجه السره عن التيبان وحكاية الصرّه شن بلم بلة وشيخ الحلّه مع شرع الله والناس ديل العارضين بره جربناها كمين مرة تاني نجرب شان ننضرّه
Post: #409 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-18-2007, 10:40 PM Parent: #408
يا الجابرية معاكي سلامة كان الفوقّك مافات مرة كان كلماتنا ناشف ريقا وكانت مره إلا حقيقة غلبنا نطيقا وين في الصرمّه وقل القدره سكتناهم بس ما صنّو قطعناهم تاني ومرة
وبلة طريق الناس يا حياره فوزناهم وجانا زيارة كرمنا لو التور وعرضنا وخليناهم برة والدارة دايرين بوسطة ومدرسة وسطى موية وكهربا والشفخانة زيادة الحصة وسوق منضبطة
بسم الله الرحمن الرحيم سلام ياهلنا... النية زاملة سيدها ..................... محمد جيب الله كدكى ...................
أم سر حليلة حاج نُصر أبواتهم الاتنين أشقا ولا سعين و راضعين شُطر بيقولو وكتين عرسها أكبر عليه عُفر وقفر لكن فى شان بت عمه بس مجبور عليها وعرسها وزول غيره ما بيجى بالجبُر مرق 13 سنه قاعدين وماجابو الجنا وبيقو غايتو يجرو هنا وهناك للفُقرا خايفين العقر مرات مشيهم بالحمير مرات مشيهم بالكدر ............................... ونواصل تحياتي... حاتم هاشم.
Post: #413 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-20-2007, 10:06 PM Parent: #412
مافي شهر جاتنا الخرسانة جانا السيخ الطوب الرملة جا الاسمنت شيكارة شيكارة عديناهّم ألف شيكارة كِرماناً لينا خيراً جانا وكل كلاب الحلّة يهوّو طفشناهم بي الجبخانة
إتغالطنا كتير في بعضنا أولّى المدرسة ؟ ولا البوسطة أولّى المدرسة ؟ ولا الشفخانة الشفخانة محل النقطة ونان النقطة ونحن أهالي وودنا صافي بينا معزة جرائم مافي ومابنحتاج لي شرطة ونقطة تحصل عِلّه .. في شيخ الحلّه وناس السلطة
Post: #414 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-20-2007, 10:14 PM Parent: #413
نحنا الأيدنا بنيات النقطة والجيرنّا زِبلة أطيانا ناس السلطة إن داروا النقطة شوف بُكان ارض للشفخانة وما طالبنا خِلاف زنزانة مدرسة أوسطى ستني طُللبة وعشرين أوسطى شغالين ما ملو سخانة مدرسة أوسطى وقلنا غُنانا يا الجابرية الله أدانّا حاج البلة المبروك جانا وجاب المدرسة وجاب البوسطة وبكرة بيرجع للشفخانة نصحى نصابح موية ودش نمشي نلاقي الضو عمانا مدرسة بوسطة مدرسة بوسطة تاوق تاوق تاوق تخ
النية زاملة سيدها ................... محمد جيب الله كدكى ....................
ياشيخنا امسك دا البياض يومن نجيب جنا ليك نذر جمبك نجيبه نزينه ونديك شوالين تمر مع انه معروف الجنا شئ قسمة فى إيد ربنا الشوق وحسن النيه بس نساهم إنه دا شيتاً كفر وكتين خلااس عدمو الصبر قالتلو عرس يبقى تلقالك وليد ينفعنا بعدين فى الكُبر وفعلا مشى وعرس بنية شيخ بدر وفى غفلة والايام تمر ام سر بقت من عنقريب مفروش فرش لى عنقريب قاطع البرش كرعينا ماتن وواقعه فى الدُراب قرش ........................................ ونواصل تحياتي... حاتم هاشم.
Post: #416 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-21-2007, 09:33 PM Parent: #415
النخلة للشاعر محمد الحسن حميد
عز الرياح النخلة تجاسر تصون عُش الطيور البينا تفرد لي الجناح ترقص تميل الما ساق خطيط والجو براح
في الأرض ماشي عرق بعيد هو عرق نصاح يِبس جريد ينحت سبيط والنخلة تجدع بي الجريد النخلو ما بتتعب في اللقيط
فالنخلة ياها النخلة لا بتعرف تخاف قل المطر سُبل الجفاف لا فتوة الريح العنيد طوالي في أجمل وشاح وكل الرياح فوقها بتمر ومن كل أصناف الرياح النخلة ما بتخبر خِلاف ريح اللقاح والهمبريب ريح الصلاح ما ليها غير تطرح تمور تملا الشواويل والقُفاف إنتمى زين إنحلا دين إطلق ضهر زولاً بسيط واقف علي حد الكفاف ومن ركّت الرزق المتاح رزوقو المعلق علي الله فوق السبيط
بسم الله الرحمن الرحيم سلام ياهلنا... ونواصل مع محمد جيب الله كدكى
أم سر مبيضا نيتها وما قصرت فى خدمتا مسكينه شايلا كريشتا كم سوت الشاى والاكل وقامت محصلا حاج نصر اندلى باقى مع الفجر قراع تحت وعرقان يخر وطوريته هبرت فوق كراعه واخدت شويه من الضفر والدم نزل ساكت يشر من عبه يمرق فى السعوط مهجموما جات ام سر تجوط عين السواد ياخيرى كُر صابحت ليك زولاً فقر كدى غسل إيدك ديل وهاك وتبت ضمة الريق قفاك ودخلن عيونك فى جُحر والشاى دا ذاتو خلاص قرص ماشفت كيف بقى عرقه مُر وساعة فطر .......................................... ونواصل تحياتي... حاتم هاشم.
Post: #419 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-23-2007, 09:00 PM Parent: #418
نواصل مع النخلة ومحمد الحسن حميد
ينزل كما الطير الخِفاف يقدل نشيط ويحضر زي شتل الضِفاف كلما النشاف بدأ في السبيط والنخلة من عنف الرياح الصاقعة أهوال الفصول والبعدي أفات الزبول قدرن علي ساق الهطيط تقع وما بتموت ورحها المدردحّه ما بتفوت في صدر معمر بي الخلود تلقاها خشب في البيوت وبكل فراح تبروقه سجاجة طهور طبق من العرجون ضنيب هبابة طاب طابة قفة كستفتيكة حبل متين فتلوّهو في ضل الدليب نشلو بو من بير للشراب نسجو بو بنبر وعنقريب تلقاها خشب في البيوت وبكل فراح جوبيل جريد عرشوبو سقف بيتّن جديد أول دخِلتّو عريس سعيد مبسوط يقرقر بي نشراح منعم مشاط من شوكها كان وشقة مسايرك يا ام سماح او حتى واقودّن تقيد بو الطيبة في نار بي رتياح ليوم عزيز يطلع خبيز دكاي فصاح يطلع مُلاح برّوبو ناساتّن ضيوف
بسم الله الرحمن الرحيم سلام ياهلنا... ونواصل مع محمد جيب الله كدكى
وكب وشرب وأدشى بااع قالتلو زين يايابا زين عافيه واجر شالت مواعينا ومشت الجدول القراع رماها وكوركت الحقنى يا دا الحقنى يا دا وجيب لى سعفاةً خُدر وحصلنى بالبيت من قبل وداية الفريق بت أبكر أنا دابى لى سبعه شهور و ود سبعه قالو طويل عُمر أنا داير الد " يا الله لى يا الله لى " الليله ياسابلة الستر وداها لى بيتها وجرى وفى إيده جاب الدايه جاء ومع رمية الضل قريب وكت الضهر قج الزغاريد فى البلد والجارى يجرى على نصر ........................................ ونواصل تحياتي... حاتم هاشم.
بسم الله الرحمن الرحيم سلام ياهلنا... ونواصل مع محمد جيب الله كدكى ونهاية نية زاملة سيدها
ياحاج نصر جيب البشاره بلا نكد مبروك عليك جابت ولد يتربى فى عزك بخيت انشاء الله زى ليلة القدر انشاء الله حضرت الاسم ؟ قال بى فرح وقرب يطير بلحيل على حضرته خير طبعاً إسم جدى الكبير فى موقعة كورتى وصبير اول شهيد كان بابكر شايل اسمه ولدى الجانى دا والرحمه لداك فى القبر . ................................. تحياتي... حاتم هاشم.
Post: #422 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-25-2007, 09:07 PM Parent: #421
نوصل مع محمدالحسن حميد و النخلة
أو زلاً وراهّو شغلاً بعيد جابرا الظروف يمرق بي هيتو وشاي الصباح آخر المطاف آخر المطاف والموت بأشرق نسمة في كف الصباح الموت بيسرق بسمة من شال الصبى وتوب الزفاف النخلة تربايت العباد وجلالّه تتحول رماد ورمادّه يتحول سماد سمادّه يدخل كم بلاد وديانا تخضّر والبقاع شوف كيف كِفاح النخلة يوت تعبّر على مُر الحياة وتتوسد الموب بي جلد من بعد ماملت البلاد تمراً تمراً بي الألوف شايل مِخلف بي رتياح طول المصير والنخلة حوت الصحراء أو جدي الجروف تلقاها مرتاحت الضمير النخلة تحت ا سر النخلة فوق جهرة نصاح والدنيا أوسع ماتكون والجو براح وكل الرياح فوقها بتمر ومن كل اصناف الرياح النخلة مابتخبر خِلاف ريح اللقاح والهمبريب ريح الصلاح يامعوض الليل بي الصباح ومعود النار اللهيب روض نخلتنا علي الرياح في لُجة البحر الغريق أدي الرواويس الصلاح أدي الرواويس الصلاح
Post: #423 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-25-2007, 09:22 PM Parent: #422
Post: #424 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 05-26-2007, 08:00 AM Parent: #423
خالد كيف حالكم كم نقتقد هذه القيم التى ذكرتم فى ظل تغير الأحوال وإنقلاب الموازين كما عبر عنها الشاعر البدوى : الوتد أنقلع وأتوتد المقلوع وكل تابع زمان الليلة بقى متبوع فقرت بيوت الغنا وقامت بيوت الجوع والشدر الكبار بقت محلو فروع
ودمتم بخير معافيين من سوءات الدهر.
Post: #425 Title: Re: هونوو شوية.... وصلو علي النبي .... إستراحة أيها المحاربون Author: munswor almophtah Date: 05-26-2007, 08:15 AM Parent: #424
ريحانة الشيخ الحسن ودطلحة تسلمي ... ويسلم لسانك وعقلك .. ديما تأتي بالجميل والمثير كنت جالس لوحدي في البيت ساعة قرأت مداخلتك فصرت أضحك من تلك الأبيات أعلاها وبصوت مرتفع
ملكة وبت ملوك يا العسكرك مِنجمعّه ورمشك سته يوم يحجب غزير الدمعّه كلامّك قَرْطسُوهّو وفوقو خِتم ابولمعّه وشك يخفي لي النجفة أم تمانين شمعّه
أحمد الفرجوني
ولك التحية ريحانة شيخ الحسن ود طلحة
خالد
Post: #431 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-26-2007, 10:35 PM Parent: #430
محمد ود بادي العكودابي يرثي الشاعر الكبير سماهين ودحسن
أرمي الدمعّه فوق الدمعتين ياعين وبعد الليلة حابساها الدموع لي مين نزيف الدنيا من حد البلد غربي نزيف الدنيا لي حد البلد شرقي وجوم عامة الليالي العامره كل الدنيا خاتّه الخمسة في الاتنين
رحيلك وجعة ياسماعين رحيلك نجعة من دار الفرح والزين رحيلك طعنّه في لِهات الجنى دِرفين رحيلك وقفّه فوق درب العليك باكين وحد الفال وحد الزين
Post: #432 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-26-2007, 10:43 PM Parent: #431
مكارم الأخلاق الأمام الشافعي رضي الله عنه
لمّا عفوّت ولم أحقد على أحدِ أرحتَ نفسي من همّ العدواتِ
إني أحييّ عدوّي عند رؤيتّه لأدفع الشرّ عني بالتحّياتِ
وأظهر البِشر للإنسان أبغضه كما أن قد حشا قلبي محبّات
الناس داء ودواء الناس قُربهم وفي اعتزالهم قطع المودّاتِ
Post: #433 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-27-2007, 12:18 PM Parent: #432
.
Post: #434 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-27-2007, 07:53 PM Parent: #433
روى ود بادي العكودابي أن القصيدة من الشعر الحلمنتيشي وهو عموماً من شعر المدن المفكفك اي لا يقوم على أعمدة قوية.. لكن مدرسة الشعر الحلمنتيشي كانت لهاأهدافها وطرق معالجتها للمواضيع وهي أقرب للمتلقي .. ولكنه أُفسد عندما دخل في السياسة.
قال : نزلنا على دار شيخنا ودالشايقي وكنا في حملة طبية ايام الدراسة في كلية الطب جامعة الخرطوم.. ودالشايقي كان رجل علم ومتزوج من اربعة نساء وهي نسألة في هذا الزمن لها توابعها ولها مابعدها وقليلون هم اللذين يتجرءون عليها وقليلون هم اللذين يخوضون بحارها ومخابيها ... شيخنا ود الشايقي تزوج بي اربعة ولما عرضنا عليه مسألة تنظيم الأسرة قال هذه تشكك في التوكل على الله وفي أن الله هو الرازق ... وقالها بي الحرف الواحد ( الله ما شقا لو حنكاً ضيعّوا ) وقال حبيباتكّم الشايلنها دي نسواني لو بلعن منها أردب بِلدن وكمان بِلدن جوز جوز . فكان تحدي منه فدخلنا عليه من باب الهجاء بالشعر . وهو رجل شاعر فحل وقد ردَ على هذه القصيدة وكان رده مغزعاً وليس مما يقال في مثل هذه الجلسات العامة. ولكن هذه القصيدة أيضاً لا تخلو من بعض الإشارات لا أقول الخبيثة ولكنها إشارات غميصة
بتدأ ود بادي مخاطب نسائه وكان له من الأولاد ثلاثون .. وكاد يأتي بالزوجة الخامسة لولا أن وقفت الشريعة بينه وبين مايشتهي
Post: #435 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-27-2007, 08:00 PM Parent: #434
أجيكي الحول وحول بي زول والزول غُول ونحن تعابه نحن غلابة لا نقداً ولا محصول هايا قشارة مامعقول يا فقاسة مامعقول عليك عزينك المبهول تضربي الجملة بي الميت قداحت فول وعيشة تقول ضِنيب امسيسي عرضي وطول وجاز اللمبة في غلبة حق الفطرة لي الطلبة ركوب التكسي بي القلبة حليل المنقة والعنبة ولولا الروح بقت سلبة نمص الصلصة من علبه وكانت جاتنا في الرقبة
Post: #436 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-28-2007, 08:38 PM Parent: #435
السماحة وحُسن الخُلق الأمام الشافعي رضي الله عنه
إذا سبّني نذل تزايدت رِفعَة وما العيب إلاّ أن أكون مساببه
لو لم تكن نفسي عليّ عزيزة لمكّنتها من كلّ نذل تحاربه
ولو أنني أسعى لنفعي وجدتني كثير التّواني للّذي أنا طالبه
ولكنني أسعى لأنفع صاحبي وعار على الشبعان إن جاع صاحبه
Post: #437 Title: Re: هونوو شوية.... وصلو علي النبي .... إستراحة أيها المحاربون Author: Tragie Mustafa Date: 05-28-2007, 09:37 PM Parent: #436
تسلم يا خالد وضيوفك
Quote: هونوو شوية.... وصلو علي النبي .... إستراحة أيها المحاربون
الف على الحبيب المصطفى
استمتعت بالاغاني...و الصور...لم اجد زمنا كثير لقرأت البوست كله....
بوست توثيقي جيد يا خالد...تشكر عليه وكل من شارك معك بتوثيق معلومه.
Quote: ولكنني أسعى لأنفع صاحبي
وعار على الشبعان إن جاع صاحبه
حاتم هاشم ما قصر بتطيعم البوست بكل الصور التي تسعى لابراز الوجه العربي للسودان.
ابو الحسين ما قصر ماخلى صوره لابرز الوجه الختمي للشرق
جينا نستجم حسب دعوة خالد المنسي لقيناه استجمام جلابي بحت
سنتابع ربما في ملاحق البوست...نجد شيئا من تراثنا....
اصلا نحن معاكم نصيبنا بس ملاحق
ياسيكو
اوع ترد علي...لانك حتخرب البوست انا داخله عشان خالد المنسي لانه اخي بحق انت اطلع منها.
Post: #438 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-28-2007, 10:20 PM Parent: #437
Quote: حاتم هاشم ما قصر بتطيعم البوست بكل الصور التي تسعى لابراز الوجه العربي للسودان.
ابو الحسين ما قصر ماخلى صوره لابرز الوجه الختمي للشرق
جينا نستجم حسب دعوة خالد المنسي لقيناه استجمام جلابي بحت
سنتابع ربما في ملاحق البوست...نجد شيئا من تراثنا....
اصلا نحن معاكم نصيبنا بس ملاحق
العزيزة الغالية تراجي بت مصطفى سلام عليك أولاً لك التشكرات بعد حبات رمال كردفان ودار فور وصحاري الشمال قلتي لم يكن لديك زمن وألا كنتي قرأتي الكثير وليت كان ذلك لكان ما كان هذا رأيك لان الحبيب حاتم هاشم أنزل في هذا البوست صور من شرق وغرب السودان وجنوبه( وأنا كتبت ما احفظه من شعر اهلنا في الغرب وحتى شعر بلغة الدينكا حاولي ارجعي لبداية البوست ) لكنه ما يحفظه من شعر وقصص حسب نشأته كان من منطقة نشأته ولا ضير في ذلك أنت بنت دارفور تفضلي ولك البراح والمكان ترحاب للتوثيق لمنطقة الغرب العزيزة علينا كلنا ... ولك حبيتنا واختنا الغالية تراجي كل الاحترام والمودة
وشكرا كتير علي المرور
Post: #439 Title: Re: هونوو شوية.... وصلو علي النبي .... إستراحة أيها المحاربون Author: Tragie Mustafa Date: 05-28-2007, 10:29 PM Parent: #438
العزيز خالد المنسي تحياتي
بشاغل فيكم وحياتك ما انتبهت للوجوه الغامزه دي؟؟؟
Quote: قلتي لم يكن لديك زمن وألا كنتي قرأتي الكثير وليت كان ذلك لكان ما كان هذا رأيك لان الحبيب حاتم هاشم أنزل في هذا البوست صور من شرق وغرب السودان وجنوبه( وأنا كتبت ما احفظه من شعر اهلنا في الغرب وحتى شعر بلغة الدينكا حاولي ارجعي لبداية البوست )
انا بس حبيت اشغال حاتم ببنات الرشايده ديل
اما حبيبنا ابو الحسين فانا ما بخليه لازم اعاكسه دليل الود
فلازم اقول ليه يا( ابو هاشم) بطريقتنا الخاصه....
لكم الود...ويا خالد يا اخوي اتقصى كان بحفظ انا....
لكن في لينكات كان لقيتها بجيبها لك.
تسلم.
Post: #440 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-28-2007, 10:30 PM Parent: #438
نواصل مع الشيخ الفحل ودالشايقي
دا كلو كوم وام العيلة كوم الولية الفنجرية حلاوة نبق الولية الغجرية ودايره دق البطن منفوخة ديمة طِبق طِبق إجيها الحول وحول بي زول ومرة تديها الهوادة وترمي زي زولين زيادة الله اريتو الزول يزاول ياحكم صفر دا فاول رصتم بت اللذين ودايره تعمير القبائل اب شنب تعبان وعرقّو يسيل جداول يلحس الكوع رغم أنفو وياما يشبع في البشاتّن وياما يشبع في البهادّل
Post: #441 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-28-2007, 10:40 PM Parent: #440
يله تمي الباقي ياتراجي عاد ابقى انا الجعلي حافظ اكتر منك شعر الغرب
لك التحية
خالد
Post: #442 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-29-2007, 02:24 PM Parent: #441
.
Post: #443 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-29-2007, 08:00 PM Parent: #442
شايلة فوق الصفحة سوسّو واحد الله بي اليمين مقيودّه سيسي مالو تاني اب شنب شايل أماني تلاته بركة وكلو حركة معاها بركة وفي البطن بنجوز فرفر والقطر بي وراها صفر
شوف كمان جنس الفصاحة والفتاوي الماها صاح نحن عارفين الله أعظم والرزق بنزل مقسّم للبجاهد والمعسّم والله ما شقا لو حنكّن ضيعّو والله ما سوا لو طفلّن ما سقاهو ورضعّو ألا اسمعو يا رفاقة الرضاعة خشم بيوت والرباية خشم بيوت والمعايش ماها توت والمعذب أخير إموت
Post: #444 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-29-2007, 08:05 PM Parent: #443
الوليد كان مبرجل شن بسوّي زي كليب جربانأهوّي إصبح والمصران مهوّي وإمسى والمصران مهوّي لا يبهرج لا يضوّي الولد كان إربا قوّي عملة استرليني سايرة إبقى صاروخ ارضي جوّي النجاح مو من كتير الكتير البشبه العرزين إطير والبطير من أرض جاعت كان أخير وأخير اجيكم بي بشارة وقولو خير ربنا يخلي الخواجة ما تقيف قدامنّا حاجة إلا يرطن فيها حاجة
Post: #445 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-30-2007, 06:50 PM Parent: #444
ياخلق يا عقلي صبّه تلحسّو الرز بي المربّه وتشربّو عروق المحبّه وتلدوا كُبّه وراها كُبّه عشان تقيف ماتاخدّو حبه
انتِ ياجاموسة دوري هو اللكتّح وانتِ ضرّي الليلة يقطعو حبل سُري بكرة يظهر حبل سُري العِداد مسكاهّو سري لا تحدثي لاتقُري ألا تنشري وتدرّي ويلّه يادايتنا جرّي انه قول المعري
Post: #446 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-30-2007, 06:55 PM Parent: #445
حبة يا أهل المحبة حبة في جوف الولية حبة واحدة مع العشية والمطايب هي هي لا بطُنن كالخيامّه لا سماية ولا كرامة لا شرابَ ولا طعامَ قد تقولون حرامَ لست مفتي ولماذا لست أفتي لست أفتي
شيخنا ودالشايقي خريج الخلاوي يكتب البخرة ويداوّي يعشق الماحي وطارتّو والمدائح واب كساوي قافل اضانّو من البلاوي ألأا في عرس وطلق قد يجيب بعض الفتاوي
Post: #447 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-30-2007, 07:04 PM Parent: #446
حالتّو ساتره ونص كُم أُسطة في سوق السماسره بيعة رابحة وبيعة خاسرة وهو حامد متشكر ليس مُلحد ليس مُنكر يعيش مابين السراري ونساوينّو الحواري لا تغيب عن قلبو أبداً
حاجة سِعده لجنة خُرده حاربت في المهدية ثم آلت لي جلافط وكراضم عن قريب ستزور الأبدية وأُحيلت للمعاش فآراحت واستراحت ثم تأتي سعدية وهي رهن الخدمات شيخنا ودالشايقي أفلح اشترى ليلى مكعكع فتصلح وتصبين وتنحنح وهو شيخاً متصوّف في هجيع الليل ينوّح ياليلى ليلك جنّأ معشوقّك آوه وآنّا وتجيب المدح ليلى وتغرد غير هدنّه وتزيد الشيخ قربّاً غاب قوسين وأدنّا
Post: #448 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 05-30-2007, 07:15 PM Parent: #447
آداب النُصح للأمام الشافعي رضي الله عنه
تعمّدني بنصحِك في إنفرادي وجنبني النّصيحةُ في الجماعة
فإن الِنُصح بين الناس نوعٌ من التوبيخ لا أرضى استماعة
الظايط يعني العامل زيطة ............................ من شعر....الجاغريو ........................
الليلة الظايط جاكم هايم صاحي و ما بتلقوه نايم اسد الخششة اب قوايم شدو ليه علي ام لجايم هاتك فوق ام تمايم صد يا عزيل و انقرع الجبل الما بنطلع الوافر ما بنضلع سيد الاصل و الناس فرع وسيفو وكتين ينشرع بياخد الزول و الدرع النيل العامك تراثه البليغ من دون دراسة جيلك النظار اوراثه شدو ليه علي ام جراسة قفل ابواب الفراسة الظايط دقر الهشيمة بكفي ضيفان الهجيمة ما تاهموك بي نميمة سيد بت فرج بت حليمة و القصدو التار رضو بالهزيمة ما شفتي اخوك يام سماحة عينو للبعيد لماحة العاصيات كسر جماحا الخيل الشبكت رماحا شافنو وصدن قماحة. ........................... تحياتي... حاتم هاشم.
Post: #452 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-01-2007, 07:17 AM Parent: #451
ياخالد الفرجونى قلبو رمش أنا سمعت شلخ ساقك من ركبتك صب عديلا شمعة شلخك ستة يوم يحقن غزير الدمعة مو تكرييع شرابك كمعة إن وقعن حمودك لى بسيلك سمعة ( ياحليل أماتنا وحبوباتناأمات شلوخ ) تسلم وهاك رد السلام من أهل العوض :ـ
رد السّلام
يالعوض أخوي وصل السّلام سلام من ناسن كرام للكرام كلامك إت مو مثـل الكلام مثـل كلاما بسمعه وكتين أمش للوطن في كل عام سماحته زي قصيصاً مفصّـل ومنضوم في رقيبة أم رخام وريحته ريحة طلحاً يضوّي دخانه في قديم الحمام وطعمه طعـم تمـرًا معطون من جليدات بنـّوتنا ماخد لون أنا مابقدر أوصّف كلامك بالكلام لكن بحس بيه في مشاعري المعاك بي حب الوطن هامت هيام وأصله المتيّم مابقدر ينطق بالغرام شوف كيف الزمن لمّانا في نص الزّحام وفجّينا الخلق في زمناً تقول خشوم النّاس ملجّمة بي لجام وبدينا الكـلام ...... وقالو أصله الطير بقع علي أمثاله ولدا مثـلك إت أنا ديمه بتمناله العيشة الهنيـّة ويبقى مستور حاله ويرجع لي ملاذاً ديمه بتغـنـّاله رجوعاً الناس يتمنو حاله وفاله .....يتبع ــــــ)
رد الســلام .... (2) ..... يتبع ويلاقي أولاد فريقاً مثل الصقور في سماهم جالـو ويبشّر فوق عرايساً مثل الفروع فوق عشوشهم مالو يشوف جمال بـنـّوتاً خدّهن ضوّاله في كـبسَة الغربة الزمن كاوياله ويبرّد فؤاداً جمر الفراق ملاله ويروَى من شرابٍ ماألـذ ّ زلاله يتمدد ويغازل للبدر في كماله ويتقدّل عزيز من جنوب لا شماله يرسم للخطى في طينه أوفي رماله ويقول ليهم حديثا يخلي أرواحنا تتشاباله....... شيل منّي السّلام لأهلا عدال مامالو قوليهم والله الوطن ماشاقنا غيرهلاله والله الوطن أنا في العيون شايلاله وأنا حب الوطن بيـن الضلوع ضامّاله وأنا حب الوطن بالدموع ساقـياله مرتعه في حشاي وفي القليب مقياله وأنا حب الوطن في النفوس غارساله ......يتبع ـــــــــ)
...... يتبع ـــــــــ) رد السلام
عزيزاً مصون يتوارثـوه أجيـاله وأنا أسم الوطن بي سمح الخصال حافظاله وأنا أسم الوطن بالشّـرف الرفيع صايناله حضناً ضمّ للأحباب أنا روحي مشتاقاله ولمليم الشمل أنا بالسنين راجيـاله أتجرّعت كاس الصبر والحنظل دوام لايكاله أتشربكت بي حبلا ً عراض آماله بس حلال العـقـد قـيـدي ماحلاله
بسم الله الرحمن الرحيم سلام ياهلنا... الســايــق الــفـيـات ......................... ابراهيم العبادي ...................
ياسايق الفيات عج بي وخد سنده بالدرب التجت تجاه ربوع هند بوصيك قبل تبدأ سيرك داك طريقك سابق الريده منك بعيد جيده حي هند المرام عج بي ربوع عبده شوف سياق الفيات الليلة كيفن هاش والشجر الكبار بقي شوفنا ليه طشاش شق حشا الطريق واتيمم الحلال زفنه الكلاب مانالن إلا علال باقيات ثواني قلال بينك والغروب داك مشرع الشلال أطوي الارض واضرع ومن أفكارنا سيرك يا الفيات أسرع ميل علي المشروع لا تريع القطيع وتجفل الأدرع شوف النهر مار بخشوع تفول مجسان كما مر المنام في مقلة النعسان جلت قدرته ما اظلم الانسان كم ينسي الجميل كم يجحد الاحسان مانفرن تقول سايق الكلام إلفه عطشان قلت ليهن وصحت البلفه مافيش كاس قريب قالن دون كلفه تشرب من كفوفنا لم تتكفي . ......................... تحياتي... حاتم هاشم.
Post: #454 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 09:26 PM Parent: #453
Quote: ياخالد الفرجونى قلبو رمش أنا سمعت شلخ ساقك من ركبتك صب عديلا شمعة شلخك ستة يوم يحقن غزير الدمعة مو تكرييع شرابك كمعة إن وقعن حمودك لى بسيلك سمعة ( ياحليل أماتنا وحبوباتناأمات شلوخ )
أفُو يا ريحانة الحسن ودطلحة حبوباتك واماتك مرقنّك كدي ساكت بدون شلوخ الرايعة وديمة بتجيبي الرائع الجميل لك التحية وعلى مرورك الذي يسعدنا ضُمة زي ما بقولوا أهلنا الشايقية
خالد
Post: #455 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 09:35 PM Parent: #454
أنها دنيا المصايب باسم ليلى من يطالب
ذات مرة والممرات كثيرة شيخنا صلى الصبح نافلّه وبآيات قصيرة وتحوقّل وتعوّذ ودعا الله بأن لا يتجوّز وتشهّق وتمنطّق وبي رأس السبحة طقطق ومضى يتلو الكتاب مرَّ بي المال والبنون فتبسم وترنّم وبي آيات الطلاق فتجشم وتعسّم وإذا ما لاقّى مثنى وثلاث ورباع وقف الشيخ طويلاً كما فحل الضِباع وبكى وهو يرخُو من حِبال وتريّه وشهيق كالدجاجة البطريّه وقال أنا قصرت في حق الكتاب ساألاقي ما ألاقي من عذاب
Post: #456 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 09:41 PM Parent: #455
قال الأمام الشافعي رضي الله عنه
ولَربَّ نَازْلةِ يضيقُ منها الفتى ذرعاً، وعند الله منها المخرجُ
ضاقتْ فلما استحكمت حلقاتُها فُرجِت، وكنتُ أطنّها لا تفُرجُ
Post: #457 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 09:56 PM Parent: #456
قائل الابيات مجهول
وين الأخدر زي موز الجنينة خُدرتّو زعلان مني ياالأخوان بعد ما دُرتّو العاقل طبيب نفسو لو بِدور لي سترتّو ما بتشابّا للحاجه ان بقت مو قدرتّو
Post: #458 Title: Re: هونوو شوية.... وصلو علي النبي .... إستراحة أيها المحاربون Author: خالد العبيد Date: 06-01-2007, 09:57 PM Parent: #1
Quote: تلاته شدراتّن كبار آلات لبخ وكبيت تحتهن خمسة لواري رملة نامعة جبتها من جنب البحر وكل يوم وليد بكري الكبير محمد الحسن يرش فيهن وأزيار الموية منديّه ونقاعّه دا يسوي جب جب جب والسباته مفروشة وكمان 30 عنقريب هباب والهمبريب يقول يا ليل... تعالو أخواني وأخواتي ندردش ونذكّر كل كلمة حلوة قالوها أهلنا زمان ونحمد الله خالق الخلوق ورافع السماء بلا عمد أهلنا زمان ملكهم الله من مجامع الكلم ووبحلّو وبربطو
الدعوة للجميع على اختلاف ألوانهم السياسية بس موضوعنا وتيمتنا الكلمة الحلوة القالوها أهلنا زمان
شكرا خالد على هذا العزف الجميل مودتي
Post: #459 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 10:09 PM Parent: #458
Quote: شكرا خالد على هذا العزف الجميل
خالد العبيد سلام
العزف الجميل هُولك ياودالعبيد معلوم والخُلق السمح سمتّك ولي فارغة مابتحوم إياك المرق يا اب ضراع وماك ملخوم سمعانين بي خبرك في بلد السُمر والروم
لك التحية أخي ودالعبيد
خالد محجوب
Post: #460 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 10:16 PM Parent: #459
ربعّن وماآكل لي مدة الخامُوس وإتحرقّص جفل من كشتّو الجاموس الأسد البسوق من قصتّو الناموس ودعينو الجمر حِدة اضافرّو الموس
أحمد الفرجوني
Post: #461 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-01-2007, 10:21 PM Parent: #460
نازلة في قلبي غُمّه راح جلدي مالمّه وبقيت في مَهَمّه ياروحي مِيعادك إسعدني لو تمّه
وإنّ كبيرَ القوم لا علمَ عندَهُ صغيراً إذا إلتفتْ عليهْ الجحافلُ
وإنَّ صغير القومْ إن كان عالياً كبيرُ إذا ردّت إليه المحافلُ
الأمام الشافعي رضي الله عنه
Post: #467 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-02-2007, 11:32 PM Parent: #466
الليلة سمعت البعيو يجر فى الرمية الكتبتها فوق : حقو الزول مايتشابى لى الماقدرتو... فقلت :ـ الزول البريد مابحددوها قدرتو شاورت القلب إلا العقل ماشرتو جهرنى النور وعمت عيونى بهرتو جيت متل الفراش الأنحرق بجمرتو
سلام ياأهلنا والنصح التام والشافعي الإمام
Post: #468 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 06-03-2007, 04:26 AM Parent: #467
بسم الله الرحمن الرحيم سلام ياهلنا...
سميه بت ناس الحسن ودطلحه بت الشيوخ .. بت العز بت الكرم .. بت الاصول السمحه حفيده طلحه شيخ العرب اسد البطانه وسيفا الزينه الرزينه يارب العباد احرسها لينا واحميها.
تحياتي... حاتم هاشم.
Post: #469 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-03-2007, 10:30 AM Parent: #468
Quote: الزول البريد مابحددوها قدرتو شاورت القلب إلا العقل ماشرتو جهرنى النور وعمت عيونى بهرتو جيت متل الفراش الأنحرق بجمرتو
ريحانة الحسن ودطلحة سلام وقلبي فيهو كلام
المن قام يحاكي مشي الجدي في قدلتّو هرد القليب والعقول وبي السهاد تِلفتّلو قمرّن بعيد في السما وقاسية نزلتّو الشورة كيف نهواهّو ولا الزول يقيس لي قدرتّو
خالد
Post: #470 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-03-2007, 06:03 PM Parent: #469
الجلابة جات قاصدّه الخريف اب نيلة دحين الحقي يا امكنان عليكِ عديلّه
مشت الحنينة وعشّت ضيوفها بليلة نيران الكرم متواصله ماداب ليلة
يا أم بيتّن سبيل لامّي الضيوف والعيله ما كاست فريق للحسرة مالكة حليله
جاد بيها الزمان لكن بخل بي مثيله يا ام البخيت بي عطاكي نلتي فضيله
يا الاخوان نقول بالكتير ام كنان يا حليله
Post: #471 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-03-2007, 06:10 PM Parent: #470
إذا شئت أن تحيى سليماً من الأذى وحظك موفورَ وعرضكَ صيّنَ لسانك لا تذكر به عورة إمرءٍ فكلكَ عورات وللناس ألسن وعاشر بمعروف وسامح من أعتدى وفارق ولكن بالتي هي أحسن
Post: #472 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-04-2007, 06:20 PM Parent: #471
فَاح لي كَبريِتّه قلبي كالبنزين قادحة زي كِبريته أصلوهالكني علّي مانِجيتّه وياجرح غوّر إن شاءالله مابريتّه
Post: #473 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-04-2007, 06:29 PM Parent: #472
طابق البُوخة وقام نداهّو يهتّف نام من الدوخّة إيدو عاقباهّو الجدله مملوخّة ولي معالق الجوف موسّو مجلوخّة
Post: #474 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-04-2007, 06:37 PM Parent: #473
تَغّربِ عَن الأوطانِ في طلبِ العلى وسافر ففي الأسفارِ خمس فوائدِ
Post: #475 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-04-2007, 07:54 PM Parent: #474
حباب حاتم ود كبار القوم ياالضيفكم دوام مكروم فى دار خالد أنكتب الوعد محتوم إنشاءالله المحبة والخوة بينناتدوم
عامرين ياخالد
Post: #476 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-04-2007, 08:28 PM Parent: #475
حباب حاتم ود كبار القوم ياالضيفكم دوام مكروم فى دار خالد أنكتب الوعد محتوم إنشاءالله المحبة والخوة بينناتدوم
عامرين ياخالد
بت الحسن وريحانته... الدار دارك يا ست الآصل والراس ... الكرم طبعك وكيف نحن ما نوفي طبعك ... ربنا الكريم يجمنا في بلدنا والخوة تدوم لك التحية والتقدير
خالد
Post: #477 Title: Re: هونوو شوية.... وصلو علي النبي .... إستراحة أيها المحاربون Author: salma subhi Date: 06-05-2007, 07:11 AM Parent: #476
الأخ خالد....تحيات كتيرة
في الضواحي شعر وغناء : خليل فرح ----------------------- في الضواحى وطرف المداين يلا ننظر شفق الصباح قوموا خلو الضيق في الجناين شوفوا عز الصيد في العساين يله نقنص نطرد نعاين النهار أن حر الكماين كلبي يا جمجوم أصله خاين شوفوا كيفن يبرأ الملاين هب شال وكشح المراح للقنيص الخيل خف راسن نحن ما بنخاف من مراسن المكارم غرقنا ساسن والمجاهل مين غيرنا ساسن ان عطشنا نمز مر وآسن وأن عشقنا بنعشق محاسن فى المحاسن كفي يومنا راح في الخميلة انجلت المحاسن عيني حايرة ومشي قلبي جاسن بعض حسنك هي يا محاسن الحرير حين قدميك داسن والزهور حين شفتيك باسن والغصون من لدنك مياسن والنسيم فاح بكر الملاح يا الطبيعه الواديك ساكن ما في مثلك قط في الأماكن يا جمال النال في ثراكن ياحلاة البرعن أراكن في قفاهن تور قرنه ماكن لا غشن لا شافن مساكن في الخزام والشيخ والبراح شوف صباح الوادي وجماله وشوف خضاره وصيده ورماله شوف يمينه وعاين شماله شوف نسيم الليل صاحي ماله شوف فريع الشاو مين أماله القمر خجلان من كماله والصباح لا بهل الوشاح يا أم لسانا لسع معجن كلمة كلمة وحروفه ضجن ديل خدودك غير داعي وجن ديل عيونك من غير سبه لجن ديل دموعك من نظرة شجن ده دلال ايه ده دلال معجن محن الامات يا رداح ماك نسيم الليل بي برودك نامت الازهار فوق خدودك غرد العصفور فوق عودك النفوس ما اتعدت حدودك ما عرفنا عدوك من ودودك بس أنا المقسوم لي صدودك يا حياتي وأملي اللي راح
أين أنت يا سيدي الفاضل لما غبت عن الركن الجميل الهادئ وأنت تمتلك جميل القول وأطيبه؟
مودتي
Post: #478 Title: Re: هونوو شوية.... وصلو علي النبي .... إستراحة أيها المحاربون Author: بدرالدين يعقوب Date: 06-05-2007, 07:32 AM Parent: #1
الرائع خالدعلي محجوب
هونت علي نفسي شوية وصليت علي النبي وحبيت استريح في حوشكم العامره (ياقردابي ياجميل )
بس دحين جنس نضميكم ده انا مابعرف ليه ,,,,,,,,,, لو انت منسي نحنا مانسيناك لانك محفور
في قلوبنا والايام الجميلة في الامتداد لا تنسا,,,,,,,,, وتحياتي الي محجوب علي محجوب والي اولاد
عمك محمد الحسن
Post: #479 Title: Re: هونوو شوية.... وصلو علي النبي .... إستراحة أيها المحاربون Author: مجدي عبدالرحيم فضل Date: 06-05-2007, 08:11 AM Parent: #478
اللهم باسمائك الحسني صلي وسلم وبارك علي سيدنا محمد وعلي اله وصحبه وسلم.
تحياتي... حاتم هاشم.
Post: #482 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-06-2007, 06:08 PM Parent: #480
قوموا خلو الضيق في الجناين شوفوا عز الصيد في العساين يله نقنص نطرد نعاين النهار أن حر الكماين كلبي يا جمجوم أصله خاين شوفوا كيفن يبرأ الملاين هب شال وكشح المراح
بت حسن عباس صبحي سلام يا راقية وكيفنك يا راسية وحبابك ألف با غالية مانسيناكم بس الظروق قاسية وكيفن عاد بننساكم وهل نستطيع أن نغفل البدر في ليلة ابعطاشر
أجاد الشاعر الكبير خليل فرح وأبدع ود معزة ( عثمان الشفيع ) المقصد من القصيدة كان ابراز الوجه المشرق وجمال الطبيعة في الضواحي خارج المدن فكانت دعوة صريحة من الخليل يناشدهم فيها
( قومو خلو الضيق الجناين ) ... الجناين والحدائق هي متنفس أهل المدن وعادة ماتكون مكتظة بالزوار ( شوفو عز الصيد في العساين ).. تعالوا يا أهل المدن للضواحي وشوفو عزيز الغزلان في تلالها ورابيها ( العساين هي التلال )....( يلّه نقنص نفرح نعاين ) والقنيص معروف وهو الصيد وعادة ما يتعين فيه القانص بكلب سلوقي وهي كلاب معروفة تجلب من قرية سلوق في اليمن الحبيب وهي كلاب ضامرة واسعة الصدر سريعة في الجري وتدرب على القنيص ( النهار من حر الكامئن ) الفرحة والمتعة في الضواحي والتمتع بمناظر الطبيعة واللهو في الصيد وهذا يكفي الإنسان حر وسموم المدن التي تقارب في حرها حرارة كمائن الطوب ...( كلبي يا جمجوم أصلو خائن ) وجمجوم هو اسم كلبه الذي يستخدمه في القنيص ... ( شوفو كيف يبرا الملاين ) بالله عليك الله شوف الكلب دا كيف يباري الملاين وهي القطيع من الغزلان وعادة ماتكون الغزلان جارية وهو يبارها من الجنب اي بي عن يمبنها او شمالها ليتحين الفرصة ويختف صيدته منها ( هب شاله وكشح المراح ) نعم جمجوم وهو متابع القطيع فجأءة يهب قافز على القطيع بعد ان يحدد صيدته ويخمشها وفي تلك اللحظة يكون أحدث ربكة في القطيع فيتفرق يمين وشمال في الوادي والمراح ايضاً هو القطيع
بوركتي يا بنية الدكتور يا عامرة
ولك التحية والمودة
Post: #483 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-06-2007, 06:19 PM Parent: #482
Quote: الرائع خالدعلي محجوب
هونت علي نفسي شوية وصليت علي النبي وحبيت استريح في حوشكم العامره (ياقردابي ياجميل )
بس دحين جنس نضميكم ده انا مابعرف ليه ,,,,,,,,,, لو انت منسي نحنا مانسيناك لانك محفور
في قلوبنا والايام الجميلة في الامتداد لا تنسا,,,,,,,,, وتحياتي الي محجوب علي محجوب والي اولاد
عمك محمد الحسن
الحبيب الفاضل بدرالدين وديعقوب .. كيف حالك يا الزين ونعلك زين مبروك الزواج يا ودناس ست الحوش تسلم يا فاضل علي المرور الجميل الذي شرفنا ودي من شيماكم آل الأمتداد يا رايعين شنو يا اخوي ات مرق من السودان ولا شنو بتسألني أن ابلغ تحياتك.... انت سلم لي علي ناس محجوب واولاد محمد الحسن محجوب
تحياتي وموتي
خالد
Post: #484 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-06-2007, 06:28 PM Parent: #483
حبيبنا خالد علي محجوب
بالصلي علي نبينا الخاتم
(ص) ونستريح مع جميل القول
هاهنا ونتابع ولا نملك أن نجاري
هذا الفن الرصين نكتفي بالأستمتاع
فقط زادك الله من وهيط مواعين النهل
من ينابيع لا نملك لها مكيال.
،،،أبوقصي،،،
الفاضل / مجدي عبدالرحيم ودفضل ( أبوقصي ) لك التحية وسلام الله عليك ورحمته وبركاته ومغفرته تغشاك وتغطيك وتحفظك يا همام وهيط المواعين التي ننهل بها من ينبوع فنون وجمال أهلنا أنتم أهلها يا راقي .. وانتم اهل الفضل علينا ونحن قطرة في فيض أمواجكم العاتية لك كل التشكرات على المرور الذي ابهجنا وزاد سرورنا وفرحتنا تلك الكلمات الجميلة التي ترف وتكشف عنما ورائها... رجل متمكن في نظم جميل الكلم لك التحية والمودة
Post: #485 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-06-2007, 10:06 PM Parent: #484
أحفظْ لسانَكَ أيَها الإنسانُ لا يلدغَنّكَ إنه ثعبان
خلاني ياناس مبسوطة سبتا الهيجة سبتا الجوطة تعليماتّو جات مضبوطة بس جرّت قلم في نوتة هيلو الشكرة هيلو الفوتة من زمناً بعيد مختوتّة
إسلم العشا ياليلة العمرو مارتشا ياليلة لي الرحمن خِشى ياليلة ولي المسيد غشى ياليلة
إسلم المفتاح ياليلة المو ولدة قماح ياليلة سيف النصر لاح ياليلة زي نور الصباح ياليلة
قال يابنية هووي أوعاكي تاني ما اشوفك بي هناكي شن بدوري بي الجوباكي حقك عند المولى هداكي
يا عزالّو شن بتقولّو زولّن كل المكارم هولّو علا اب شبكة واقف طولّو مابفرز الغريب والهيلّو
مطر العِينة شايلّه سحابة تقدل لي اليباس ويبابة إسمو الدخر يا اصحابه دا الفي العِرفة مابتغابه
يومي الجيتو شايله ملامّه قال لي إن شاءالله عافية سلامّه قتلّو فِتر من الخشامّه دنيا عابسة مي بسامّه ساءت حالتي سوء ألامّه دا رب الغيوب علامّه ناساً لي تمط في كلامّه سارح فكري في دوامّه ما لقيت لي إشارة علامّه نويت كربتّه لي الحزامّه لي الولد العالي القامّه قال إن شاءالله مافي ندامّه
من أغاني التراث القديمة
Post: #495 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-10-2007, 09:09 PM Parent: #494
عيونا مبادرانّي نظراتّو مودرّاني وتايه وما درانّي زي لون جسيمّو شايف الكون بقى اخضرانّي
مسك القبلة في كوع الشمال براقِك وقشط سدرو في عامر سحابو وساقِك تبونك قرنن والسيل دهك شقاقِك الضايق نشوقك حار عليهو فراقِك بعد دور الجفاف قام عِفرتِك مِتباري وسحابِك نيلتو زرقة وبرقك يلفح فاري إتكسا بالخدار وجهك الكان عاري وإنعقدن رواينك يام نداياً تاري نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام . ........................................ تحياتي... حاتم هاشم.
Post: #497 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-11-2007, 08:18 PM Parent: #496
يخاطبني السفيه بكلِّ قُبحٍ فأكره أن أكونَ له مُجيب
يزيد سفاهة فأزيد حلماً كعود زاده الإحراق طيبا
الأمام الشافعي رصي الله عنه
Post: #498 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-11-2007, 08:25 PM Parent: #497
دي البسماتّه حاليّه مُهذبه روحا عالية بس نظارتّه غالية في الحي الامامي جوار الإذبتالية
ودالعيلفون الشاعر الجاقريو
Post: #499 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-11-2007, 08:32 PM Parent: #498
ساقتنا الظروف يا صاحي لي دار العذاب والغُربه فارقنا البلد نتباكى أحكام الزمان صُح صعبه
من شفع صغار في الدنيا يادوب في المهد نتربى مافتنا البلد بي المرّه وحبها معانا شبّا
بويتات من شاعر من ديار الشايقية نصبر ونداعب بهاروحنا في غربتنا الطالت عل العود الحميد يقرّب يا رب جامعين ولامين بين أهلنا وحبانا ومرتع صبانا
Post: #500 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-11-2007, 11:25 PM Parent: #499
Quote: مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام .
Post: #501 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-12-2007, 09:21 PM Parent: #500
وجدتَ سكوتي متجّراً فلزمته إذا لم أجد ربحاً فلستُ بخاسرّ
ما الصمت إلاَّ في الرجالِ متاجر وتاجره يعلو على كل تاجرٍ
الأمام الشافعي رضي الله عنه
Post: #502 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-12-2007, 09:34 PM Parent: #501
حبيب أنا بهوى لونّو وقلبي تزيد جنونّو أخضر لونّو زرعي وأصفر تبري لونّو
ودالعيلفون الشاعر الجاقريو
Post: #503 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-12-2007, 09:52 PM Parent: #502
قال الشاعر كدكي وهو يصور قصة أسرة هاجر أبنهم الوحيد للبندر ( بلد الترك ) كما كان يحلو لأهلنا الشايقية تسمية الخرتوم... وإنقطع خبره لا جواب لا قريشات برسلن ... قال فيه
زولّن يضرب بوبو المثل من الله خلقّو قام مع سلوكتو ماضاق السفر طول عمرو في برود يزح ويقعد يداير في البقر زمن السقط يعملهن كر من فلق وروبه وشدر لكن وليد كان زمان تعبان عليهو يقري في وإيديهو ليهو بلا المطر دقش المدينة واشتغل دي أُربع سنين وفوقن شهر راقد قفا وقاطعْ الخبر من عندو قلالة آب تصل خلا أمو قالبي مالّي تسوي جولّو رهيف دحين داير القفر هنا حُمد أحمد فكرو بي الحيل إنشغل مرات يقول لها آ وليِّ أصبري ماخاب من صبر ومرات يقول لها إمكن راقد موجعو شي كان وِردّي ولا وجع ضهر مرات يقول لها إبقّى راح بارّى الهواليق والسهر صُح غايتو قلبي علي جناي وقلب جنايا علي حجر
ونواصل مع الكدكي بإذن الله
Post: #504 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-13-2007, 05:54 PM Parent: #503
لا خير في حشوِ الكلامِ إذا أهتديت إلى عيونه
والصمت أجمل بالفتى من منطق في غير حينه
وعلى الفتى لطباعه سمة تلوح على جبينه
الأمام الشافعي رضي الله عنه
Post: #505 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-13-2007, 06:58 PM Parent: #504
سأل بعض الأعراب آخر عن إسمه فقال : بحر قال إبن من ؟ قال : إبن فياض قال ماكنيتك ؟ قال : أبو الغيث فقال له الأعرابى : لاينبغى لأحد لقاؤك إلا فى زورق . ... خالد على محجوب المنسي بحرك زاخر ولم أجلب معى زورق نجاة .
Post: #506 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-13-2007, 08:17 PM Parent: #505
Quote: خالد على محجوب المنسي بحرك زاخر ولم أجلب معى زورق نجاة
ريحانة الحسن ودطلحة لك السلام والرحمة البركة يا المبروكة من رب عزيز البحر أنتِ وجودك وكرمك ساحله ونحن زرة في خضم موجة عاتية من بحرك الزاخر نستشف ونتعلم القليل من مدخورك الوافر يا بت الرجال لك التحية والاحترام والمودة التي نكُنها لك ريحان الحسن ود طلحة
Post: #507 Title: Re: هونوو شوية.... وصلو علي النبي .... إستراحة أيها المحاربون Author: ibrahim fadlalla Date: 06-13-2007, 09:30 PM Parent: #506
بعيد بين الوفاه مطول وبين حفيان يتب معجول منو غيري الشالك شرا وقندول وسيف سدادي سنين مصقول يبشر بيك فوق كل زول ويبشر بيك فوق كل زول
بالله أكمل الأبيات ، وصلحها كمان ، لأنو أخوك ذاكرتو عايزة فرمتة من أول جديد..
مشكور على هذا الإبداع التوثيقي الرائع .. واصل ونحن وراك
دام ودي وتقديري
Post: #508 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-13-2007, 09:38 PM Parent: #507
الفاضل/ ابوعندليب تسلم يا يابا علي المرور الجميل وكمان بي جرابك مليان وعامر تظل يا الخليل شديرة موية رويانة ديمة
مسدار ستيت ........... عبدالله أحمدأبوسن ................. من ستيت نويت عابيلي خترة فوق ظهر البشاري الدومتو تترى يسلفق في الخبيب ما جابلو عترة جلوس ام خد هناك كل ساعة بطرى ... مسكتو الدرب ونشتو وقفي شارد تقول كلبا سلوق لي صيدتو طارد بعنف الكور صحيح ما نقي بارد مشيرع البير صباح إدلى وارد ... شرب مايا قليل بسراع جبدتو كربلو المحقبة وشديت غردتو عدل ركبي المعاي بي الدرب زردتو طريت اللي الجمال بالحيل نقدتو ..................................... ونواصل . . تحياتي... حاتم هاشم.
Post: #510 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-14-2007, 04:36 PM Parent: #509
نواصل مع الكدكي
ومن ميسو داك لفّه علي كريمي وخشا تووش ركب القطر لابسلّو مركوباً نصيح وحاقب لو شنطة اللّت صفيح لملم هدومّو من الحبل شكّاها فيها كُسر كُسر وسدّاها بي فقشة جريدتّن يابسي عارضه زي كُشر وقالك كدي أتحكر قعد حكيرة جد وجرا من حرفو المتمّر زين كمان قلّم فطر وقطرو دا يسوي توت توت توت كو نتر وكشح ألمي تب ماخلا جر وانفكا إجري جري الرماد في القضيب يشكي العجل عود السلك دا يسوي زن زن الدغفلي وقلبي انقطع الدغفلي وقلبي انقطع الدغفلي وقلبي انقطع وكان لي العجاج إعمي البصر
Post: #511 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-14-2007, 05:17 PM Parent: #510
إذا نطق السفيه فلا تجبه فخير من إجابته السُكوتُ
فإن كلمته فرّجت عنه وإن خليته كمداً يموتُ
الأمام الشافعي رضي الله عنه
Post: #512 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-14-2007, 08:05 PM Parent: #511
لي أيام عديدة من الناير خِديده المالكني ريده أجمل غاية شفتك في الحلة الجديدة
ودالعيلفون الشاعر الجاقريو
Post: #513 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 06-15-2007, 11:31 AM Parent: #512
بسم الله الرحمن الرحيم سلام ياهلنا... ونوصل مسدار ستيت ................ قبل أوشام قطع سيتيت مجري غشيت ود الحسن شيخنا البقري قت يا خوجلي أبو الجاز وبري توصلني أم شليخ تبرد لي حري .... ترى أم دالات قطعها التيس وغرب تقول ديك هضلما بالخيل مسرب طريت الصاغ سليم ماه المكرب متل هسع بخاف كبريتو عرب .... غشيت أولاد نمر بدي التحية فتق لو الشد هناك ساعة شوية حسارات أم قبيل زادن علي فلانة الفي البنات سلكة وصبية .... فوق الدرب لبس توبي المعشرن زملنا مخنقات كل حين يدشرن رقادكن يا جمال عن زولي أبشرن وجيها منطرح ماهو المكشرن ......................................... ونواصل . . تحياتي... حاتم هاشم.
Post: #514 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-15-2007, 04:44 PM Parent: #513
من قومة الجهل مابخُوفوك بي أُخْ تور بقرّن جواميسن رقابن لُخْ نقرو لو ام هُبك البربخانه يبوخ قرنك بِفتح الهامة وبجيب المُخْ
مابحركّو الكشكيش القلب إن ثبت مابنفع الحِريش الجِنيات وراك في الحلّه آفة عيش ودالمك راجلّن بِعزم علي المافيش
أنا قولي ليكا صحيح ياركاب علي الشُلق بنات الريح الجدري النزيلة الدم كَرف في القِيح إدريس صاقعة التلب المقابل السيح
Quote: البجرجر في ام صقير وحدي
القصيدة طبعاً في مدح وشُكر الشيخ الأدريس ودالأرباب .. كان رجل بي كل ماتحمل كلمة الرجولة في الكرم والجود والفروسية والسماحة والحكمة يغشى الوغى الفرسان كرا وفر وقد رمز لها الشاعر ( ام صقير وحدي ) اي الساحة التي يكثر فيها الجدي والصقور لتجد قوتها من جثث الموتى كان إجرجر بين صفوف الفرسان وعلى مهل دون خوف عاد دي مي الرجالة ذاتها في الحروب والكل على عجل الفارس والجبان هم على عجل وهو إجرجر وإتبختّر بين صفوفها
Quote: تمساح الضهاري الضارب الليّه
التمساح عادة ما يظهر بالليل لكن التمساح العشاري المنشر وحارس جزايرو يعرف بي تمساح الضهاري أي بظهر في الضهر وفي الليل وكمان ضارب الليّه وهي مكان عميق من البحر
Quote: من قومة الجهل مابخُوفوك بي أُخْ
عادة أهلنا الجاهل بخوفو واقول لو أُخ عشان إخاف ... من ماقام صغير مافي زول خوفّو بي أُخ
Quote: نقرو لو ام هُبك البربخانه يبوخ
ام هبك هي النحاس في الحرب وفي اليوم داك النحاس ضربتو بكون ليها بوخ
بسم الله الرحمن الرحيم سلام ياهلنا... . ونواصل.. ستيت
خبك يا جمل مالو بيكسل بشوف العاج ورا الدومات معسل بنيتا ما بتجيك واردة بتغسل حسارها زاد علي والقلب بفسل ... خبك مو مشيك الليلة مالك تتقل في اليمين وتجر شمالك بنيتا لي شيومها بشني حالك رقادا دونا قط لا تسيهو بالك ... قطعت الليد عرق حلة كنانة زملنا الكرت يجابدن في الرسانة طريت مردين كديس قوز البطانة خشيما ما بجيب كلمة عفانة ... بعد صليت ركب شاقي الصقيعة قطع بت ناصر الليد الوسيعة طريت أم شرشرا يحجا الوقيعة ذويا حر صحيح خاتي النديعة ............................... ونواصل . . تحياتي... حاتم هاشم.
Post: #519 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-16-2007, 04:27 PM Parent: #518
ثلاث هنَّ مهلكة الأنام وداعية الصحيحُ إلى السقامِ
دوامُ مدامة ودوامُ وُطءٍ وإدخال الطعام على الطعامِ
المدامة : هي الخمر وطء : الجِماع وإدخال الطعام على الطعامِ : وهو الأكل على شبع
الأمام الشافعي رضي الله عنه
Post: #520 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-16-2007, 04:33 PM Parent: #519
يا ظبية أحلامي بنظم فيك كلامي ناجع ودمعي هامي يا روحي وألهامي معا القمري البقوقي برسل ليك سلامي
ودالعيلفون الشاعر الجاقريو
Post: #521 Title: Re: هونوو شوية.... وصلو علي النبي .... إستراحة أيها المحاربون Author: ibrahim fadlalla Date: 06-16-2007, 06:16 PM Parent: #520
واصل ونحن متابعين ..يا أب أحمد..
Post: #522 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-16-2007, 10:05 PM Parent: #521
نواصل مع الكدكي يومين مِصنقر في الخشب لامن عِسم مانام شخر هي بي وين أنوم دا قطر كريمي مو ملان لاعينو ديمي إن جا التمر مكمود كمد والمنقا ديك وكيتين تستوي تلقاها لي الوكاي زرب كُل زول معاهو ألفين طرد كترت كُلف قايل شنو ابا مايشيلنا ود منو عفشن كُتار والدنيا حر جرا حُمد أحمد عرقو تر وكتين يجي الكُمساري مار تلقاهو بي النطيط فتر تلقى الشَكَل لكن قُبال يصل الكجر الناس تعود لي القرقراب تلقى الآكل سوا والشراب
Post: #523 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-17-2007, 11:29 AM Parent: #522
بسم الله الرحمن الرحيم سلام ياهلنا... . ونواصل .. ستيت
قبوب ود زايد الحلالو باين يجيهو التيس يصبق في الكماين طريت بريبة الوادي أب عساين تريع القلب صحيح وكتين تعاين ... كربت يا جمل الخب أفرقو اكسر الهيشة والتباس أمرقو جنية الحكمو لا دارفور وبرقو حسارها زاد علي والقلب تحرقو ... مما قم صغير المال بصرفو أنا شكر البنات بالحيل بعرفو ذويا بالتلاتة بيضوي سرفو تجيني العافية يوم ادني واكرفو ... هديك الطلحة بانت لي زريبة ترى القضروف دحين بقيت قريبة أرح يا الفي العلوق معاك ويبة رقادك يا أب مرار عند الحبيبة .................................... . ونواصل . . تحياتي... حاتم هاشم.
Post: #525 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-17-2007, 03:42 PM Parent: #523
بس غايتو كدي كدي في القطر حاج حُمد أحمد قضّى يومين خير وشر ولمالّو في ولدّن بيعرف ولدو في حقّو أنستر وراهو درسو مع بعض الليلِي جيري جوار بعض ويوم التلات مع الصباح إنفكّو من قطر المرض وداهو لبيت ولدو داك البي هناك بلا خبر تاريهو فات قُبال يجي بس مافي ثانية علي العمل وخلاهو روح داير ينوم فعلاً غمد وتلاتة دقت بي هناك كان وقف طولو إنسند وناس المكاتب لا ورا تب مافي واحدّن إنكرم وكان ولدو عاد من جُملتن للسوق غشى وشال الرِزم ودافس ركب باصن يئن لامن وصل
Post: #526 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-17-2007, 03:57 PM Parent: #525
من الشَّقاوة أن تحب ومن تحب يحبُ غيركَ
أو أن تريد الخير لإنسان وهو يريد ضـــــــــرّكَ
الأمام الشافعي رضي الله عنه
Post: #527 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-17-2007, 04:02 PM Parent: #526
يا ريح الصبا الجيتينا من ابوسالف وكيف حال خيولّن سيدها عباد وكالف الخلاني فوق نار جهنم خالف حار بالحيل فراق الزول بعد مايوالف
عاد نحن ولفنا علي الغربة وهجر الأهل يا رب الستر والعودة تاني
Post: #528 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-17-2007, 07:08 PM Parent: #527
هاديلك جَنْ تلاته وأعرفوا تومتّي ياتّه البحلف بي حياته أهاجر ليها حفي أزور بيت الخياتّه
تنكّرتْ البلاج ومن عليها كأنَّ أُناسهُا ليسو بناسي
الأمام الشافعي رضي الله عنه
Post: #534 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-20-2007, 04:00 PM Parent: #533
إذا ما كُنتَ ذا فضلِ وعلمٍ بما اختلف الأوائلُ والأواخرُ
فناظر من تناظرُ في سكونِ حليماً لا تَلجُ ولا تكابرُ
يفيدُكَ مَا ستفاد بلا امتنانِ من النكتِ اللطيفةِ والنوادر
وإياكَ اللحوح ومن يرائي بأني قد غلَبتُ ومن يفاخر
فأن الشر في جنبات هذا يمنَّيْ بالتقاطع والتدابرِ
الأمام الشافعي رضي الله عنه
Post: #535 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-20-2007, 08:43 PM Parent: #534
نواصل مع الكدكي
أنتَ مادام يا اب ضراع كم إجازة غبيت شن أسو تراني قمتة معاكا طبيت ليكَ اربع سنين قمتة جيت مركب على الله أنا يا الخزين عندي قليّبّن عليكا كيفن حنين وماااب تخبرو بلا تسويلك بطينين قمتة ساكت إلا الله سهل لي الطريق وجيت مخصوص غير أشوفك مابفيق صُح رفيق المولى مابعدم رفيق وفي القطر لماني ولدّن ليك صديق جابني بي عربية صاحبك كلو زوق وفات وقال بجيك أقيف اسمعني روق قال لي قاري معاكا كُلية الحقوق وبيتو منك جبدّي ساكن قبلي فوق
Post: #536 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-21-2007, 02:07 PM Parent: #535
لحين ميسرة بندي البوست لزّة اي دفرة آيدكم معانك هيلاهوب آيد مع آيد تجدع بعيد سنون فيل سنون دلك
Post: #537 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-21-2007, 08:36 PM Parent: #536
الدود في لغتنا العامية كثيراُ ما نسمع وتقع في أضانا كلمة الدود .. بالذات في الغناء القديم
الدود في العامية السودانية هو الأسد
* قالوا الدود قرقر حبس الدرب
* الدود النتر صحّا المرافعين كوم
* والدود صار أسم وصار لقب ... يوسف الدود ... والدود عبدالكريم الدود
الدود المربعن: اي له اربعين يوم حبيس العرين.. وعادة عندما تضع اللبوة صغارها الاشبال تخرج للصيد لكي تغذي صغارها ويبقى معهم الدود حارس لهم اربعين يوم ويقال عندما يخرج الدود في اليوم الأخير من هذه الفترة يكون في أوج شراسته لذا جرت العادة تشبيه الرجل القارح الضكران بالاسد المربعن
* الأسد المربعن حارس جبال قري نتراتّو الفي بارا مسموعا في بري ما بعرف كلام الهشكي والهبري وكت الصُح يبين يا ام خد بجيك خبري
* اب رسوة اب هرش الضارب الوكرّه تمساح دار كلي البمرق مع الهجعّه ابو شما اللزوم كم درج العاطلّه هو الأسد المربعن دونو الرجال قاصرّه
Post: #538 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-21-2007, 09:21 PM Parent: #537
نعود للشاعر الكدكي
هيي يا جنا إتقونن شويِّ أوعك من الدْين هسي الخميتو جبتو دا كلو من وين ؟؟ لا تقنب خِدمتك تبقى الدلاقين المهم في البنكي وفر لك ملالين تبكي أمك ذاتا كانت جايِّ لكن بيتنا مابنفات وأخيانك سغيرين ما سمعتا غُناها ليكَ البي الجرانين الشي نضمّن كلو جيت اسوقك لي العرس لا تقول لي ملحوق يا خي امك ديك هناك مقليه قلي بي الشوق لا متين تقعد كدي وراسك دا مطلوق البكان بندر وكمان عيشتك من السوق يهرد في المصارين مرة بيهو تنوني مرة تحصنك زين تقرأ آية الكرسي ومعاها ياسين جيت
Post: #539 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-21-2007, 10:48 PM Parent: #538
الريحانة سلام اي بالحيل غير خالد بن الوليد ما ليو تنين وعرش دود الأربعين بنقول ماشاءالله يا الريحانة على الآذن الموسيقية التي تسمع صاح لاحظت أن هناك الكثير من السودانيين وبالذات في الأغاني القديمة يسمعوها مغلوطة اي بكلمات تفقد القصيدة معناها وللأسف الكثير من فناني اليوم من يقول عرش دور الاربعين مستنكر ماذا أدخل الدود ( القرف ) في الأغنية لك الشكر الريحان علي المرور الجميل يا ذات الذوق الجميل
تحياتي
Post: #542 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-22-2007, 06:34 PM Parent: #541
Quote: وللأسف الكثير من فناني اليوم من يقول عرش دور الاربعين مستنكر ماذا أدخل الدود ( القرف ) في الأغنية
خالد غير خالد ماليك تنين أعجبنى حديثك عن الدود والشعر الذى أوردته كذلك عن التمساح والدود، يسألنى كثير من الناس عن أب كريق ( عرش ياأب كريق على البمارسو قليل ) وبالتأكيد هم على ثقة من أن الدود هو الدود الواحد دا ! عندهم المدردم كلو ليمون ! فعلا هناك بعض الفنانين لايهتمون بصحة كلمات النص وليس لديهم حس أدبي يميزون به اللحن فى القول .. وعلى ذكرى الكلام التراثى ، لى ولد بقدر ماهو طيب شعت شعاتة شينة خلاس كان جيتو خاتى الله يحلك منو ، حبوبتو معجبة بيهو عجب شديد ومكنياهو بـ ( المر ) الحنضل المابنلاك ، فكتبت له :ـ
تسلمي يا سليمة الزوق ريحانة الحسن استخدمتي كلمات قد طمرها فيضان 1946 سنة التساب
* الكازاك ::: يا سلام طال البعاد من سماع مثل هذه الكلمة ( يا ما تكازي واسمع الكلام )
* الوقعة ام لطام ام كاع وكف
أعجبتني جداً القصيدة وجمع الموصوف فيها صفات كلها كريمة وحميدة ولكن تبدو من سياق كأنها أضداد في زمن صار الشكر (( مياعة ))
ربنا يديك العافية وتسلمي يا الريحانة
لك احترامي وتحياتي
Post: #544 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-22-2007, 09:04 PM Parent: #543
التمساح اب كريق العشاري اب دمومات
وقد تكون له اسماء أُخر وببلع جب جب حارس جزايرو منشر طويل
ومن اشعار أهلنا في وصف الجنى العارف مقامو مستور وبشد الحيل قالوا في
* غني وشكريهو الليلة آ بنية تمساح الضهاري الضارب الليّة
* اب كريق في اللُجج سدر حبس الفجج عاشميق حبل الوجج أنا أخويا مُقلام الحجج
* شدّو ليك رْكبْ فوق مهرك الجماح ضرغام الرِجال الفارس الجحجاح السُم النقوع الفي البدن نتّاح تُمساح الجزيزة الما بكتلّو سلاح يا عُصار المفازة اللي العيون كَتّاح المال مابهمّك إن كِتر وان راح
* تُمساح جزاير الكرد بتقضي الغرد أنتَ بتشيل بي وكّد ما متلك ولد
* الأسد إن نتر طارد النمر والفيل عرش يا اب كريق علي البماثلّو قليل
* ومويتو الهايجه تبلع جب وتختم في مدالق السيل وفوق الرمله منشري العشاري طويـــــــــــــل معشعش بين نوايبو الطير حليلو جزايرو جاها النيل
* تمساح دار كلي البمرق مع الهجعة
واخر الدور بقى السمسار الحلقو واسع اسمو (( التمساح ))
Post: #545 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-23-2007, 07:17 PM Parent: #544
الليلة الأسد الجاي من جُبال الكر وبشمشم بكوس بسأل من العنتر
Post: #546 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-23-2007, 08:17 PM Parent: #545
التلـــــــــــــــب
هو الجمل ... سفينة الصحراء ذاك الحيوان الضخم الذي كرمه المولى تعالى وأودع فيه كم من اسراره سبحانه .. الحكاوي كُثر في الجمال سوف تأتيكم بي العجب فيها بنية وريحانة الحسن ودطلحة من الجدع والحق وبنت لبون إلى وصف جمال تميزت في البطانة والبادية.
* لا يميل ولا يكل من أحمال مهما كانت * قدرته على تحمل العطش لأيام عدة * أدبه في الجماع للتكاثر فلا يفعلها كما بقية الحيونات و و و و
كله ومنتظرين الريحانة .. هي ما تخافو والله بتجيكم وتوريكم شيتن ما كنتو عافنّو تب
Post: #547 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-23-2007, 09:00 PM Parent: #546
وقفة وتعظيم سلام لتلك الصورة الجميلة فينا
في يوم هقنوبة من أيام صيفينا المعتادة وشمش الله فاقعة عينة من دغشّن بدري ... الكل في عملة في الخلية ... كانت متكئة فوق عنقريب هباب نجارو ود الفريع وكرب نسيج حبلو الموج .. كان يضاهي في أيامه أجمل الأسرة في صوالين العرض لكن أكل عليه الدهر وشرب تأكلت كرعي ذات البوهية الحمراء بلون الدم صاب سواد مروقه .. كرابو متقطع نزل والنوم من البي فوقو روح تب جفل .. الحبل عانى من مطر وكتاحة وتراكمت عليه أثارهما ... كانت متوسدة دلوق توبها القديم توب الزراق فشتو في سنة 1946 سنة التساب وما زالت محتفظة به فيه كل الذكريات وجمال حلاوة تلك الليالي .. كان توب المسوح بعد جلسة قد تطول في حفيرة الدُخان متقرقبة بي فركة قرمصيص جلب النقادة .. شهد ذاك التوب ايام هناها ونعيمها. العوينات التي أسكرت رجالاُ أيام شبابها إقرورغت وغارت وأصبح الدمع صاحبها ملازم .. الخدود المتوردة ورقدت عليها الشلوخ وبقت ليها شاهد صابها الزبول وأنحسرت أمام منجل الهدّام .. اليد الحرير نشفّت وأصبحت كما عود طنضب محروق .. الجسيم العودو مبروم صابو الهزال والوهن والفتور .. وفي زحمة هذا وذاك والتأمل في الزمن المضى صنقرت والإديات في حركة دؤوب لا تفتر في نقض الشعيرات التي كاسها شُخب الحليب لوناُ وبي صوت مبحوح خرجت منها نغمة يهتز لها البدن حزنا
يا حليل أيام ايام هنايا أيام كان الخزين معايا
Post: #548 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 06-23-2007, 09:50 PM Parent: #547
التلب اللزوم ماك حاشى ياالمن طبيعة الحال تكرم الغاشى
Quote: وقفة وتعظيم سلام لتلك الصورة الجميلة فينا
تمعنتها طويلا ، تأملت تفاصيلها الجميله ، تحسستها موضعا موضعا ، أنعشنى رياها شكرا خالد علي هذه الصورة إنها جميلة حقا .
Post: #549 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-24-2007, 10:38 AM Parent: #548
وقفّة وتعظيم سلام لتلك الصورة الجميلة فينا
حبوبة .. حبوبة .. هاكي الشاي .. إتّي منو السارة حبيبتي هَيْ يا بت أمي كوتي وين من الصباح عيني ماوقعت فيك ضنيتك نايما... أمسكي يا حبوبة الكباية فوق إيدك علا حارة أخُتهاليك فوق التربيزا .. أاي .. يا بت أمي العوينات مارقدن ستا والله القطرة البكبها ليهن دي الرمادة مابتسويها.. بس التقول علي لبن عشر تعمي فيهن زيادة ودميعة اليتم دي حالفة ماتقيف .. هي ياحبوبة تنقط الدميعة كيف وانتي حد تقشي فيها بطرف هدمك القديم دا الكل ما أقول ليك جيبي النغسلو ليكِ تابي .. أنا من بكرة بمشي اشتري ليك مناديل من المحطة ..( مع ضحكة رنانة قالت لها ) هي المناديل إطيرّن المناديل الما شفتهن في عرسي بدورني اتقشقش بيهن الليلة كفاني طرف هدمي ياهو من يومو مقشتي وتوب مسوحي من شبابي ووسادتي وحد ما ادور انوم كان ما كرفتو كدي زين عيني دي ما بتغمد والله يا السارة بت علي ولدي التوب دا شريتو أبقى لي في سنة التساب السنة الطمرت موية البحر الاخدر واليابس وانقدت السماء فوقنا مطرن رعدو التقول رصاص من دكان ناس حبشي النقادي بي اتنعشر قرش ونص قرش ينطح قرش ولفا لي في ورقة بيضا ابقى لي لليلة قاعدي فوق السحارة اللتي كان ابقى الجنى الهبشة سعد ايدو ما صلته.. الجنى دا اليوم كلو ابحت فوق سحارتي دي التقول دافن لو فيها لقية
Post: #550 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-24-2007, 10:49 AM Parent: #549
يا اخوانا الصديق بي اسمو موهو صديقك لكن الصديق الشاركك في ضيقك ساعة الحارة ديك تلقاهو ديمة رفيقك والناس تتوهم تقول أخوكا شقيقك
Post: #551 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 06-24-2007, 08:05 PM Parent: #550
ما بركب السرجين وما ني زولاً شين
Post: #552 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-24-2007, 09:50 PM Parent: #551
وقفّة وتعظيم سلام لتلك الصورة الجميلة فينا
هَيْ أصبري لي النحدثك داكي الليلة مسكتة الفتيل الليل القطرة وكبيتو في عيوني .. القطرة الجابها لي ود مُحمد من الخرتوم والله السارة وماكي رايداني حليفة قطرتّو حارتن التقول ناس البندر خاتين فوقا شطة اللت قبانيت هرست هرست فوق عويناتي وباقي لي هي الخلت العونيات شارات زي ماسورة حوش ناس ود كروري هَيْ يا حبوبة أشربي الشاي ما يبرد.. سويت ليكي الشاي البعجبك داك شاين مو خمج بي هباهانو تقيل وكبايتو متمرة وترقش زي نيشان الضباط ... سمح بشربو يا بتي العديلة شاحدة ربي الكريم يسعدك ويعدل مُشهادك آ المبروكة بس اللهات بقن ما بحملن الشاي الحار والله زمان آ السارة كنا الكباية وكت نختها فاضية إكون بوخا يلوي عاد ما كنا فوق عافيتنا وعديلنا كنا نقعد وكت الضهير والرجال في الزراعة بعد ما ننضف بويتنا ونشد ملاحنا ونملى ازيارنا ونعدل مشهادنا تب نقعد للشاي وشراب البن في التبادي نبدأ بي الشاي بعد داك تعقبو القهوة ريحتا دي وكتين يلقوها تجيب الضهبان مودّر .. وماكنا زي حروم اليومين ديل بلا قلنا وقالوا من عندهن شغلة كانت المحنة بيناتنا حروم الفريق لاحدهن نتشايل ونتعاون لاعند النفُاس مافينا واحد بحتاج لي امها ولا اختها في شان تجي تنفسا والله الجارة وتقضي لا تكل لا تمل كان الزمن زين يا الحبيبة والله يمرن اليومين والتلاتة وليداتي ديل ما بتقع عيني فيهم لكن لا بشيل هم خبرانة بيهم معا رفاقتهم اتغدا عند فلان ويفطر عند فلان وان بقى نعس ينام بي هناك عند ناس فلان .. كان زمن بالحيل زين وكنا مبسوطين ضحاكين سبة وبلا سبب
Post: #553 Title: Re: هونوو شوية.... وصلو علي النبي .... إستراحة أيها المحاربون Author: ibrahim fadlalla Date: 06-26-2007, 09:28 AM Parent: #552
هيععع.. أب أحمد .. كلامك ريحتو حبوبات حبوبات .. يعني أصيل ..وجميل وبيرجعنا لي زمن جميل ..
Quote: زي حروم اليومين ديل بلا قلنا وقالوا
بيني وبينك الزمن النحنا فيهو .. الرجاجيل زاتم بقى ما عندهم غير قلنا وقالوا .. الله يلطف بينا ... ويسدد إضنينا من الكلمة الشينة...
ودي وتقديري ... مزيج بمزاج
Post: #554 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-26-2007, 08:13 PM Parent: #553
وقفّة وتعظيم سلام لتلك الصورة الجميلة فينا
والله يا السارة يا يبتي زمنا كان عديل بي الحيل تب مو زي زمنكم دا كنا حولنا ( السنة ) كلو نقضي بي جلابتين وانتو بسموها شنو؟؟؟ ( فوستاان ولا شنو فُستان ) وحيدة في الحبل والتاني فوقنا في جلدنا... وتوبين وحيد الليل مرقة بين الجيران والحبان ( توب الليل زراق ) واللاخر لي المرقات بكون الليل كِرب سادة ولا ملون .. وتوب الليل مسوح وفركة قرمصيص. وديل عند بت العز التهز وترز هسع والله ووحات شيخي تور الجريف اب عنقريباً طار وركا عند باسبار جبتن لكن شي جنقل جنقل وكفتو رما وكمان الشي داك مابعرفو اسمو شنو بس معلق فوق وريك الواحدة.. ان بقى دنقرت تكنس جدادا كلو يسرح وما يفضل سوسيو واحد.. نقلتنّو وجبتنّو من التلزيون الداهي الليل الشيطان دا والله داكي الليل مشيت لناس ود نفورة بتي ولقيتم مشغلين الداهي دا الاسمو التلزيون دا والله في وحيدة كدي مرتّن قاهر بي الحيل كفتت راجله كف لامن رمتو علي قفا ... أها تقعدن تعاين في جنس الشي دا ... باكر تسونّو في رجالكن ... والله غايتو جنس محن دخلن علينا بي النصيبة دي شيتن لا شفنا عند اماتنا لا حبوباتنا ... والله بي الليلنا سمحين وزنين بس انتن جاريات ورا الناس البُيض ديل ان بقا دخلو ورقدو في الكدمبس تدخلو وراهم وتقولّن والله مريح وسمح .. داكي الليلة مشيت لي محمد نور اشتري لي حرجل ومحريب جات وحيد كدي فاركة وشيها بي ألون شي احمر وشي صفار زي ظق العتود مولود اليوم ... والله خفتا عليها من تصب ليها المطر قبُل تصد بيتها تبشتن ليها وشيها علي البشتنه المسواها فيهو .. وينو يايمة كربريتنا.. وينو يايمة دخانا ودلكتنا.. ووينو يايمة خمرتنا ... ووينو يايمة كُحلنا .. ووينو يايمة حنتنّا ووينو احي حرقّو ووينو يا يمة حب النجيمات غايتو يا السارة يا بتي بسون ليكن في محن غلبتن الواركن والقدامكن بس نسكت نعاين ليكن كدا ... هَيْ يا حبوبة نحن في عصر الانترنت والعولمة ... هَيْ المنتر مت الاكسر رويساتكن ديل ... المنتر مت دا جنسو شنو مصرية من اللات التلزيون دا البكافتن في رجالن ديل ... ولا خواجية مي محسونة
Post: #555 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 06-27-2007, 04:54 PM Parent: #554
حايدانا الأمانة النشدة حارة عجيلتك ها الوكيت فوق جيلها تاره عناق الأريل الفوق قوزها فاره هباب ما فرهدت ما قالو داره عناق أم سومري المرعاها جبرة تحدثني حديثا كلو عبرة أن جنيت تاني ما أظني ببرة بلا عناب جناين وادي شبرة مشيت وجيت لقيت دلو السلوقي يجوني الناس يعجو يقيفو فوقي شاكي الغلبة لكن جد شوقي متل جمل العلوق كل حين أهوقي فتحت الباب دخل عجلان عليها لقيت أم خد تنور زي حليها بنيتا من زمان شويمنا ليها بشوف خلق الجمال مجموعة فيها لقيت الكولا فوق لحفاتها نايمة بكان ما تحس تخنق العبرة قايمة جنية البي الغرب مردانو حايمة ندهت الصالحين تبقى لي دايمة تقول لي يا ولوف طول غيابك تلاتة شهور تمام ماسكين حسابك دحين وكتين حضر والمولى جابك تعال لا تلجلج النوريك عتابك ............................................. . ونواصل . تحياتي ... حاتم هاشم.
بسم الله الرحمن الرحيم سلام ياهلنا ... ونواصل مع نهاية مسدار ستيت .. عبدالله احمد ابؤسن
أقول ليها العتاب لي ليه تشني زمانا ماهو ده غيك مكني أتركي ها العتاب لي روحي دني بلاك لي من بنوح دايما واغني تحدثني أم حديثا كلو زينة وتقول لي يا ولوف ليش ما بتجينا تلفخني أم وضيب روبتا دهينه تكتفني أم زوير لكن حنينة
تحدثني أم حديثا كلو فاقة تقول لي يا ولوف ليش الإنطلاقة تلفخني أم وضيب روبتا دقاقة حقيقة اللوم بزيل وش الرفاقة
تقول لي يا ولوف لي أمي ماشه بجيك بسراع وحاتك ماني غاشه علي الفانوس بشوف دماعها باشه أنا الفلاح وهي أفندينا باشه
عجايب ها الزمن توريك كتيره توزن الإبرة والفاس الكبيرة دخلت القشلة دي ونقر بقيره وتركت المرتقو وقام في الجزيرة
مما قم صغير فوقن بغني خيار الحم كتار الجالسني بنيتا ها الوكيت صبحت مدني حسارها زاد علي بالحيل مكني
أمانة يا أب دهب صادفاني غية تعرب في الفؤاد نيرانها حية أكان ما خوف مديرنا أب خمسمية بكمل باقي عمري مع الجدية
حققنا الربوع يوما معاها نحاسه فارق بو أم شليخ قصبة مناصح الخاسه يوم قمت الصباح من حلة النحاسه متل الشعبوهو وتبعو القواسة . ...............................................
بسم الله الرحمن الرحيم سلام ... ابؤاحمد ... انشاء الله المانع خير . طولت شديد مننا ...
تحياتي ... حاتم هاشم.
Post: #573 Title: Re: هونوو شوية.... وصلو علي النبي .... إستراحة أيها المحاربون Author: ibrahim fadlalla Date: 07-22-2007, 04:45 PM Parent: #572
لي فوق ..لامن يجي العربجي...
Post: #574 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-23-2007, 03:28 PM Parent: #573
الحبان حاتم هاشم وابراهيم ابوعندليب تحية وسلام تشكراتنا كتيرة بعدِ حبيبات صحرانا وصحاري جيرانا لكما جاي تعبان بعد ان طلعّتَ كل سموم البرودة في قهنوبة الخليج والحر برجع ليكم بعد اخد لي غميدة من التعب الفوقي دا
ولكما الشكر مرة اخرى
Post: #575 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-25-2007, 02:48 PM Parent: #574
.
Post: #576 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-25-2007, 10:12 PM Parent: #575
عل قهنوبة الخليج هاجت بي الأشجان لزمان قد ولى وأنطوت صفحاته لكن بعد عودتي وجدت نفسي أعيد واستمع لهذه الأغنية التي تطرب من كان له قلب صلد لقد أذابت الجليد الذي علا القليب المجروح وغائر جرحو في الزمن الغابر ليت زماني قد توقف وقتها وتسمر
Post: #579 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-29-2007, 01:21 PM Parent: #578
.
Post: #580 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-29-2007, 08:38 PM Parent: #579
والله يا السارة يا يبتي زمنا كان عديل بي الحيل تب مو زي زمنكم دا كنا حولنا ( السنة ) كلو نقضي بي جلابتين وانتو بسموها شنو؟؟؟ ( فوستاان ولا شنو فُستان ) وحيدة في الحبل والتاني فوقنا في جلدنا... وتوبين وحيد الليل مرقة بين الجيران والحبان ( توب الليل زراق ) واللاخر لي المرقات بكون الليل كِرب سادة ولا ملون .. وتوب الليل مسوح وفركة قرمصيص. وديل عند بت العز التهز وترز هسع والله ووحات شيخي تور الجريف اب عنقريباً طار وركا عند باسبار جبتن لكن شي جنقل جنقل وكفتو رما وكمان الشي داك مابعرفو اسمو شنو بس معلق فوق وريك الواحدة.. ان بقى دنقرت تكنس جدادا كلو يسرح وما يفضل سوسيو واحد.. نقلتنّو وجبتنّو من التلزيون الداهي الليل الشيطان دا والله داكي الليل مشيت لناس ود نفورة بتي ولقيتم مشغلين الداهي دا الاسمو التلزيون دا والله في وحيدة كدي مرتّن قاهر بي الحيل كفتت راجله كف لامن رمتو علي قفا ... أها تقعدن تعاين في جنس الشي دا ... باكر تسونّو في رجالكن ... والله غايتو جنس محن دخلن علينا بي النصيبة دي شيتن لا شفنا عند اماتنا لا حبوباتنا ... والله بي الليلنا سمحين وزنين بس انتن جاريات ورا الناس البُيض ديل ان بقا دخلو ورقدو في الكدمبس تدخلو وراهم وتقولّن والله مريح وسمح .. داكي الليلة مشيت لي محمد نور اشتري لي حرجل ومحريب جات وحيد كدي فاركة وشيها بي ألون شي احمر وشي صفار زي ظق العتود مولود اليوم ... والله خفتا عليها من تصب ليها المطر قبُل تصد بيتها تبشتن ليها وشيها علي البشتنه المسواها فيهو .. وينو يايمة كربريتنا.. وينو يايمة دخانا ودلكتنا.. ووينو يايمة خمرتنا ... ووينو يايمة كُحلنا .. ووينو يايمة حنتنّا ووينو احي حرقّو ووينو يا يمة حب النجيمات غايتو يا السارة يا بتي بسون ليكن في محن غلبتن الواركن والقدامكن بس نسكت نعاين ليكن كدا ... هَيْ يا حبوبة نحن في عصر الانترنت والعولمة ... هَيْ المنتر مت الاكسر رويساتكن ديل ... المنتر مت دا جنسو شنو مصرية من اللات التلزيون دا البكافتن في رجالن ديل ... ولا خواجية مي محسون
Post: #581 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-29-2007, 08:48 PM Parent: #580
أولاً بي التبادي يا حبوبة الشي دا ما أسمو المنتر مت .. اسمو الأنترنت ودي شبكة لتواصل البشر وتسهيل المعلومات والعالم بقى زي القرية ... يعني بالسليقة كدي كان دايرة تعرفي اي شي ممكن فقط تدخلي علي الانترنت تجدي ما تريديه ... هوي يا بت هوي ان بتلعبي بي كيفن عاد اي شي موجود في الداهي دي قُتي شنو شبكة زي الّت السماكة دي ... هي لا يا حبوبة الشبكة دي يا حبوبة زي مابجي صوت الناس في الرادي وزي مابجي صورة الناس وصوتهم في التلفزيون الشبكة دي برضو بتجيب المعلومات ... والله يا السارة شغلكن دا شغل جن وشواطين يا بت أرعي بي قيدك وخلي الطرطشة دي وابقن داب مشهاد امتاتكن وحبوباتكن ما تجيب لينا كفوة. هي عاد افهمك كيف العالم تطور .. يا بت طورة جمل فوق رويسك دا
Post: #582 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-30-2007, 08:29 PM Parent: #581
حبوبة شربتي شاهيك ؟؟ كان كدي كدي النقوم اغسل الكباية دي ... حبوبة انا مارقة أجيب كراس من سعاد واجي كان ابوي جا قول لي السارة هسي بتجي ... امشي آبتي الله يعدله عليك واديك الفي مرادك باقي ات بت زينة والله بلاك القعدة في الدنيا ماكان بقت لي تب بعد رحول الفارس القارب العشرين سنة رجعت من تاني لي ترنيمتها المحببة تدندن بها بصوت يسلب اللب حزنا ( يا حليل ايام .. أيام هنايا ... أيام كان الخزين معايا )... وفوق بُكانه داك أخدت ليها غَمدي زرفت فيها من خلال النفس كل آهات ألام البين والفراق للحبيب وأخوانها وأخياتها
Post: #583 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-30-2007, 09:42 PM Parent: #582
على صوت عالم الرياضة من إذاعة امدرمان موسيقاه المميزة صحت وبدأت تجر كراع وراء التانية .. الكرعين التي أضناها آلم الرطوبة اللعينة بي حبيبات الدكاترة ابت تروح بي الكي أتعقلن زيادة وصار علاجها الوحيد مِسيد السارة لها وفي كل ليل قبل النوم تجبدن ليها بي دهينة من الكركار ياقي الضحية ... السارة يا بت السارة تعالي يا المبروكة انتي رجعتي ... هي يا حبوبة أنا رجعت لي ساعة ونص لكن لقيتك ضاربة النومة وماحبيت ازعجك ... تعالي عليك الله عصري لي كرعاتي ديل ماني حاسة بيهم ضُمه .. ااي والله يا بتي بس تقول نمل وجاري فيهن افتش في رزقو .. حبوبة جعانة ولا بترجي لما اخواني اجو وناكل كلنا ... برجى اخيانك بدور الجمعة بحس فيها عزي بيكم آ المبروكين يا أولاد الحنين .. كدي قولي لي الكُراس الجبتي من سعاد دا شنو الليل تعليم القطبة ولا المنسج .. هي يا حبوبة قطبة شنو ومنسج شنو دا كراس كيمياء بتاع المدرسة ... ها آبت ادرسنك الشبعنات علُوق أنا داكي الليلة ما قتا ليك خلي الداهي المدرسي دي وامشي لي زينب مراة صديق تعلمك المنسج والقطبة
Post: #584 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 07-31-2007, 08:39 PM Parent: #583
والله يا حبوبة أقول ليك هسي الكلمة ديك الما بدوريها وبتحرقك ... ( بضحكة مجلجلة وصوت معشرق قصدك انتي خرفتي بدوري تقولي لي ... قدت اضاني منكن يا بناتي علا عارفاها مي من قلبكن بس بتشغالني بيها ) دحين السارة أمك أن شاء الله مسويا ليها ملاح أخدر الليلة فتر ضُمه من الزيوت دي بقت ما بترقد في البطينة دي ... بختك يا حبوبة أنا شفته أمي الصباح وهي بتورق ليها في سباروق وقطعت باميتو للملايقة البامية المي خمج من جروف جنينتنا .. جيدلنا جيدلنا الليلة نملخ إدياتنا في الخدرة البتقول ليها مرت خالد الخواجية ... ملاح لُبانة...ويني أخيتك مار جعت من المدرسة لي هسي ماله ... لا هي الليلة قالت مقيلة مع صاحبتها في حلة قِدام
Post: #585 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-01-2007, 01:07 PM Parent: #584
.
Post: #586 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-03-2007, 10:34 PM Parent: #585
إذا ماكنُتَ ذا فضلِ وعلم بما اختلف الأوائلُ الأواخرُ
فناظر من تناظر في سكون حلمياً لا تلج ولا تكابر
يفيدك ما استفاد بلا إمتنانِ من النكت اللطيفة والنوادر
وأياك اللجوح ومن يرائي بأني قد غلبتَ ومن يفاخر
فأنَّ الشر في جنبات هذا يمني بالتقاطع والتدابرِ
من اقوال الامام الشافعي رضي الله عنه
Post: #587 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-04-2007, 10:03 PM Parent: #586
وكت عصيرن بدري والبرود هبه نسامو من تاله الجنايين يسبقه ذاك الخليط من الروائح العطرة جوافة وموز ومانقو وبرتكان وليمون بلح وريحة لوبي وبرسيم وديس وبروس تكرف قدر ما تكرف وتلمئ رئتيك منها وتسمع بي عضمت اضانك طق طق طق تتفتح شرياين الرئة ... قامت السارة تسبقها في يدها اليمنى مقشاشتها الطويلة وكنست الحيشان المفروشة بي الرمل الدقاق ورشتهن وعبق الخليط من نسام الجنايين مع ريحة خليط الرمل بالماء والجو عبق ... اتشالبت السراير والعناقريب مع اخيتها فوق حوش النسوان وفوق حوش الرجال ... كانت تهتم دوماً بالعنقريب الخاص بي الحبوبة وتحرص على وضع ملاية مغسلة ومكوية يوماً عليه بعد ان تضع لها الطقطاقة البتخت فوقها الموية وحقة الصعوط ولا تنسى الكرتونة وفوقها رملة تبصق فيها الحبوبة سفتها كانت السارة تحسها وهي تحس السارة ونشأت بينهم حب عميق غير معلن لكنه كان احساس تجاذب قوي بينهم وهن به سعيدات
Post: #588 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-05-2007, 03:56 PM Parent: #587
بسم الله الرحمن الرحيم سلام ياهلنا ... الخال ابؤاحمد ..سلامات . ظروف الدنيا قطعتنا منكم شويه بس الي اجل قريب انشاء الله .
قـال عـكيـر الـدامـر في مـدح الـشـيـخ الجـعـلـي :
حباب الكوكب ال لي كل شر حباس حباب السره من ناس همزه والعباس طريق ديمه المنيل ونادي خاتي يباس قباب نور الزمان البق من كدباس ... يافرع الطهاره الصافي من ادناس بعيد قلبك من الوسواس والخناس جبل الرحمة يا مشرع جميع الناس تعيش قبلة صلاح لي كافة الاجناس ... البنا ما بقيف يا سيدي من غير ساس ياسر حاج حمد بركه وندى واحساس صوطك لي المرض من العضم حساس يخرج بي عجل ذي طلقة الرصاص ... احياك الله لي الاسلام ركن حراس عرق دم الرشيد سيد العلم ميراث تعالج بي النظر لا محايه لا كراس وبي موية الوضوء بتطرد جنون الراس ... حبتك السعاد اهل العقول النايره بي جنحات صقور جاتك مخويه طايره والد المعتصم يالجعلي سيد الدائره احياك الله يا درع القواسي الغايره ... بدر الكمال ايام زيارتك حالية صاحب المرتبه المن الله جاتك عاليه شريان العباده ال في الدراويش ماليه ملفات الزكر دامت عليك متواليه ... ياعينة الرخا الوجت برقها الشايله وفقك الله بازلها كالسيول السايله يا جبل التكيه وابو الجيوش الهايله شاة جابر طعامك فيي المسا و في القايله ... خصاك الله بي التقوى النظيفه الصافيه بالحياة طلوع ثم الصداقه الوافيه يد ذو الفقار لي كل شر متلافية فلتحيا وتعيش وعليك تاج العافيه ... كم وفقت ناسا طولت متعاديه كم ارشدت عالم في الحضر والبادية سفينة نوح صحبتك في الامان متهايه نعم البها فاز وحياته صبحت ناديه ... رايتك في المنام واخذت جلسه وهانيه واليوم الله جاد بي شوفتي ليك التانيه لكل كتاب والدنيا اصلها فانيه نعم الجالسك لو كان دقيقه وثانيه ... اشكر خالي مجذوب لي هون قاسيه صدق لي الرؤيه ثبتت راسيه يا نسل النبي الضو الليالي الماسيه اقبلها من عكير الجاب ليك متواسيه ... بدر الكمال ايام زيارتك حالية صاحب المرتبه المن الله جاتك عاليه شريان العباده ال في الدراويش ماليه ملفات الزكر دامت عليك متواليه ... ياعينة الرخا الوجت برقها الشايله وفقك الله بازلها كالسيول السايله يا جبل التكيه وابو الجيوش الهايله شاة جابر طعامك فيي المسا و في القايله ... خصاك الله بي التقوى النظيفه الصافيه بالحياة طلوع ثم الصداقه الوافيه يد ذو الفقار لي كل شر متلافية فلتحيا وتعيش وعليك تاج العافيه ... كم وفقت ناسا طولت متعاديه كم ارشدت عالم في الحضر والبادية سفينة نوح صحبتك في الامان متهايه نعم البها فاز وحياته صبحت ناديه ... رايتك في المنام واخذت جلسه وهانيه واليوم الله جاد بي شوفتي ليك التانيه لكل كتاب والدنيا اصلها فانيه نعم الجالسك لو كان دقيقه وثانيه ... اشكر خالي مجذوب لي هون قاسيه صدق لي الرؤيه ثبتت راسيه يا نسل النبي الضو الليالي الماسيه اقبلها من عكير الجاب ليك متواسيه .
تحياتي ... حاتم هاشم .
Post: #590 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-05-2007, 10:53 PM Parent: #589
حاتم هاشم سلام كيفنك آالمبروك والله شفقتنا بالغيبة الطويلة دي لامن راودني شك أظن الزول ضرب بلاد الخليج زيارة
تسلم يا الظريف وحمداً علي السلامة
تحياتي
Post: #591 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-06-2007, 10:35 PM Parent: #590
كدي امش لا فوق لحين ميسرة
مُش أخير من نقطة
خالد
Post: #592 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-08-2007, 08:45 PM Parent: #591
مسدار ابوالسرة لليانكي
الشاعر محمد طه القدال
أُماتي القبيل بي حنهن ربني كرفه وقلده كيف شوق اللبن رجنّي
حزنن جاني فيما يعصبه يلجنّي وأطلع يا جلدي المنمل مني وأطلع مني يا حزنن بقى مكجني وخلني ابدا مسداري وودي قفاي لي داراً بقت مي داري جيتا وجلدي بينو وبين عضاي الشحمة إلا النار بقت قدامي جلدي الليلة بينو وبين عضاي المافي
إلا تراني شوال الكِبس نفيخ جرابيب الورم هدامّي في جلد الورم قولن لي ولا صحي الورم عضاني
Post: #593 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-09-2007, 08:48 PM Parent: #592
نواصل مع الشاعر محمد طه القدال ومسدار ابوالسرة لليانكي
سفريتّك مي في النية ماها الكانت محريّة خابراك عِريف زمْ العربان ولا قيام الورديّة مالّك تريان ومندّي كاسي الكتان والهندي قولك كيكيف ترجى البيشان ولا الغربة بالذندي برقاً عبدلي الوزني يا طاش يا جاب المُزني فرّق يا الضيف فعل الغضبان أم فرفيرات الحزني
وشن القعدة ياابوالسرة شن القعدة ياابوالسرة في ضل العمارة اب كمرةً برّه ضقنّا الحنضل اليانكي وبلعنا المرّه كملت كوته التمباك صقعنا الجِرّه (( الجِرّه هي سفة التمباك يكرر سفها عدة مرات يعني تسف وترجع في الحقة )) وكت إتقفلّت شقّيش قَبَل بي المرّه نرمي أمرنا لي بلد المعاني الحرّه
نواصل لي قدام يا حبايب بس انتظرونا
Post: #594 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-10-2007, 06:16 PM Parent: #593
نواصل مع مسدار ابوالسرة لليانكي والقدال
الشم خوخّت وبردن ليالي الحرّه والبراق برق من منّا جاب القِرّه شوف عيني الصقير بي جناحو كفت الفرّه تلقاها ام خدود الليلة مرقت برّه
مرقت برّه يابوالسرة تغلي مديدة الحِلبة التسمن رِدفها السمن المبستر يانكي والويقود بعيرات الدُخان في العين يسوي عمايلّو وشن فايدة مديدة الحِلبة والويقود بشيلّو اليانكي ويابوالسرة قامت من دخاخين العما تلمع وشيها كان اليانكي مستنيها في مراية السجم في الليل لقيته متل فريخ الطير رجافة المزم الحمى وقعت عندي صدرها بغلي شفته اليانكي في ود عينها
Post: #595 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-10-2007, 06:34 PM Parent: #594
وريقات من كتاب الصحفي عبدالرحمن مختار عليه رحمة الله
خريف الفرح
يقول فيه :
مشكلة الشعب السوداني، أنه شعب يحب السياسة ويهوى النقاش والمجادلة،فالعامل البسيط والجزار والفكهاني والتاجر والموظف يعرف مايجري في نيكاراقوا وسان سلفادور وكمبوديا قدر معرفته بما يجري في العالم الافريقي والعربي والمحلي ... وهو مولع بالندوات والتحليلات والأستنتاجات قدر ولعه بأنتقاد الرؤساء والوزراء والساسة ... ومناقشة بيانتهم وتصريحاتهم وتقييم كل مايصدر عنهم مهما كان تافه وصغيرا ... ومع كل هذه الزحمة الغارق فيها الشعب السوداني حتى آذنيه، فأنه يتابع ايضاً بشقف شديد أنباء الرياضة ونجومها وتحركات أهل الفن والغناء والأدب والشعر الخ السير جيمس روبستر حاكم نيجيريا السابق وآخر سكرتير بريطاني للسودان قد أمضى في السودان معظم سنوات شبابه وزهرة عمره فعرف السودان شبرا شبرا وشيخاً شيخا وزعيماُ زعيما.. قال عن السودان في أواخر ايامه وقبل ان يبرحه قولته المشهورة (( ان السودان بلد صعب لا يستطيع أن يحكمه... ( ألا نبي أو غبي)... )) وقال ايضاً أن السودان بلد معقد ومتشابك وصعب للغاية وانني ومن داخل قلبي أرثي وأشفق على الذي يحكمه.
دي ورقة من وريقات حا نواصل يا احباب
Post: #596 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-10-2007, 09:48 PM Parent: #595
نواصل مع مسدار ابوالسرة لليانكي ... القدال شلتها لي البحر إمكن أغسّل عينها من اليانكي فتنّا الحجرّه بي الكتّا وغتسنّا مســــــــــــــافة تجي قدر مسالك الريد ما لِقينا من يغبانّا في البحر الفدر تحتانّي ناس عارفاها ناس عرفاك ناس عارفانّي ناديت القعوي والبلطي قرقور السمك وداني لي دابي الخُشش نادينّا عُمال الطمي الصارقيلّه والقرموط وود المويه
وفتنا عليها كانت نايمه بين حجرين وضل ساسويّه
Post: #597 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-11-2007, 11:29 AM Parent: #596
.
Post: #598 Title: Re: هونوو شوية.... وصلو علي النبي .... إستراحة أيها المحاربون Author: abdulgafar mohd saeed Date: 08-11-2007, 01:07 PM Parent: #1
خالد ريكا : ابداع فايت الحد و كل ما ليه مشي ممتع انا متابعك من قولة تيت لكن قلنا نكاتبك في النهاية //الا القصة ماشة لي قدام ,,, تحياتي لك بهذا السرد الجميل و الامتاع بالكلام اصعب انواع الامتاع ,,, لكن شكلك كده محتاج لك اسبوعين في قندتو و مويس تنجم فيهم من البرد العندكم ده
Post: #599 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-11-2007, 03:30 PM Parent: #598
قالو اذا همَّ الحبيب بالزيارة فرشنا البيت ورود فما بال الحبيب لو كان غالي ومتقّل بالدهب ... اسعدتنا كلمك الحلو يا عبدالغفار محمد سعيد... وطنَّ في الدقنيس وتير وصحا ذكريات تراكم عليها غُبار السنين المر فعلا بدور لي مرة بقندتو ومويس تفرك العضيمات التي اوهاها الجليد والقُر
تعرف قضيت في ضيافة ابناء عمي عمر وعماد وفتاح وعصام ايام جميلة في الامارات اجترينافيها صدى الذكريات الحلوة في ربوع شندي والامتداد وكنا دوماُ في ذكراكم آل الامتداد الطيبين
لك التحية حبيبنا عبدالغفار
خالد
Post: #600 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-11-2007, 09:47 PM Parent: #599
نواصل مع الكاتب الصحفي عبدالرحمن مختار وخريف الفرح
( 2 ) الشعب السوداني شعب يتفرد بخصائص ومزايا وعادات قلَّ أن تجد لها مثيلا أو شبيه .. فهو كريم ومعطاه بقدر ماهو صريح وواضح وناكر لذاته، قد يحسدنا من الوهلة الأولى والأنطباع السريع بعض الناس على هذه الخصائص، رغم أنني بعد الممارسة والتجارب الطويلة ارى فيها بعض المساوي التي أثر ويؤثر بعضها على مسيرتنا الحياتية خاصةً في محيط الانتاج القومي وذلك بسبب الأتكالية والاعتماد على الغير فالسوداني كما قلت بنيى تكوينه على نظامالترابط الأسري وعندما تكون الأسرة كبيرة وفيها ( نوارة ) اعني شخصية ذات جاه وثراء .. يطحنها ويسحقها فقراء الأسرة بِلا رحمة ولا توقف ولانهاية.. فالثري في السودان لا تنتهي مسئولياته عند زوجته وأولاده كما هو متعارف ومعروف. بل تشبع به الحلّه ... فيمتد خيره ليشمل الجيران وأهل الجيران والمعارف والأصدقاء وأصدقاء الأصدقاء .. لذا تجد السوداني شيخاً أو شاباً يستطيع أن يظل عاطل - بكل معنى العطالة - لمدة قد تطول جداً لانه يسكن ويأكل ويشرب ويلبس على حساب غيره من الأهل أو المعارف المقتدرين بل وفي أحيان قليلة متفرقة قد يمتد شره - فيدخن ويدخل السينماء ودور الرياضة وربما يسافر ويسامر ويجامل ايضاً على حساب برنامج الأعاشة الذي فرضته العادات والتقاليد في الأسرة السودانية ...هذه الظاهرة الفريدة على الرغم من انها مازالت موجودة وتمارس بشكل محصور ومحدود، ألا انها أخذت في التلاشي قليلاً مع الظروف الاقتصادية الصعبة والضغوط الحياتية المتزايدة لكنها لم تنتهي بعد!
لينا رجعة يا احباب لنواصل
Post: #601 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-12-2007, 11:48 AM Parent: #600
وعمال الطمي الصحونّا خابرين الدروب مرقوبّنا في مشرع مسارب الضي لقينا الدنيا تترجانّا قوقّا القمري خوّى صقيرّو عوّى حدي وعمال الطمي الصحوهّا لمّو حصى البحر قسموهّو يات من كان سبِع جمرات يات من كان سبِع جمرات دابي الخُشه قال أدوها في الجمرات تلات سبعات قلنا أدوها في الجمرات تلات سبعات
Post: #602 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-13-2007, 09:09 PM Parent: #601
.
Post: #603 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-14-2007, 05:06 PM Parent: #602
نواصل احبابنا مع مسدار ابوالسرة لليانكي والشاعر القدال
وكُنّا جماعة دابات الأرض والسايمة عوامة البحر والطير وحتى الغيمة قصاصة الأتر فوق راسنّا شايفه الدرب ضنيب اليانكي
قال القمري لي الضليلة خليك صاحية زوق اليانكي لا يودرنّا قال الدابي كان يغباها مابيغباني
ولما الشم مودعّه غاربه وصّت جُملة الصُقار عيونهم كاربّه أبقو ألف بفوت لي المتلكم ناهضين
وفوق ديناب عريبن غادي قال السحلي لا تغشُهم ديل عُربان توابع اليانكي قال الجمع لا نغشاهم وخلوها العريب الغايبة والسراق طبيقو معاهو تيجان عِروشها الخِروع الهش العويش النار تعلب فوق عُقال العرش ولا خصانّا بي هادي العروش الهُربّه
انتظروينا الشوق ليكم كيمان ردم بي اتلمِكيال الكبير سوف نواصل مع الجميل القدال
Post: #604 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-15-2007, 09:56 PM Parent: #603
نواصل مع الصحفي عليه رحمة الله عبدالرحمن مختار وخــــــريف الفرح
قال في مقطع :
في نوفمبر عام 1961 زار الزعيم السوفيتي ليونيد برجنيف السودان وعند عودته بالسيارات من زيارة لمشروع الجزيرة رأى خيمة نصبت ( مأتم ) في طرف حي ووقف الركب بطلب من الزائر وترجل الزعيم الزائر وقدم عزاءه لآل الفقيد وجلس ارضاً كغيره وظل يراقب كل حركة وكل وجه ويحملق في صواني الاكل الصغيرة والكبيرة والشاي والقهوة التي كان يحضرها اهل الحي حتى تجمعت واصبحت بالعشرات والعشرينات ثم جلسوا في حلقات وأقبلوا على الطعام والضيف الكبير يراقب هذا الذي يجري امامه بدهشة وحيرة وتطلع انبهار. استفسر الرئيس السوفيتي من مضيفه الرئيس ابراهيم عبود قائد انقلاب نوفمبر 1958 عن سر الخيمة وكل الذي يراه وبعد شرح مستفيض ومفصل للحياة السودانية والاشتراكية الشعبية المو########, في الضيافة والتكاتف في الافراح والاتراح ... خرج الزعيم السوفيتي من وقاره وصرخ في هستيرية واضحة.
(( اذن لماذا تهاجمونا ... ولماذا تتهمونا بالكفر والألحاد والشيوعية ؟؟ وانتم شيوعيين بالفطرة اكثر منا !!! أننا في الاتحاد السوفيتي نسعى جاهدين ومنذ بداية الثورة الاشتراكية لنصل الى ما وصلتم إليه ... ولم نصل بعد ...
وعند عودته إلى بلاده نقل إلى اللجنة المركزية والشعب السوفيتي في حديث مذاع ومتلفز انطباعه عن السودان ولم ينسى الزعيم السوفيتي أن يكرر حكاية السر وراء الخيمة المنصوبة في احدى قرى الجزيرة ...
Post: #605 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-17-2007, 02:32 PM Parent: #604
نواصل مع مسدار ابوالسرة لليانكي والشاعر القدال
ياابوالسرة لا عقال مسكنا دربنا وعمال الطمي الصحونا خابرين الدروب مرقوبنّا من وادي الضُلمة الكان
عُقب لمينا فوق باقي الجمع قاصين دريب اليانكي سنور الغيب في الكنغو صبرن من جنوب امريكا من كلهاري ضيبّن ضاري والتمساح وليد أمزون ونمرن في النمور كمبودي وأم رخم الله مكسكية لمى لميمنّا والشمش البتوقد فينا شدّى شديدنا لا التمثال مشيد روقنا عالم حر يدوعل فوقنا نبصق فيهو في ود عينه جر واسوقنا
صلينا على النبي المختار ومرينا نسلم على أهل شندي الأخيار
كل التقدير أخ خالد
Post: #607 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-17-2007, 11:16 PM Parent: #606
Quote: صلينا على النبي المختار ومرينا نسلم على أهل شندي الأخيار
مرحب سلام بت الاخيار ولك التحية مرابع على المرور الجميل
خالد
Post: #608 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-18-2007, 10:09 AM Parent: #607
نواصل مع خريف الفرح
... قالوا أن الشعب السوداني عبوس لا يضحك ولا يهضم أو يقبل الدُعابة.. وفي هذا القول بعض الحقيقة لا كلها . فالشعب السوداني ليس عبوساً لكنه قد يبالغ كثيراً في جده وحزمه حتى أن عبارة (( أرجوك لا تهزر معانا )) اصبحت مألوفة في الشارع السوداني ومع ذلك فأنه نقي صافي النية ويتبادل النكته على طريقته الخاصة والمعروفة بالشعب السوداني إلى درجة تكاد تميزه أنه عاطفي المزاج، بالغ الحساسية سريع الغضب وسهل الهياج ويبدو أن مرد ذلك كله يرجع إلى حرارة الطقس فالشمس في السودان هي الآخرى هائجة ومنفعلة وغاضبة ... فهي اسطوانية عمودية مشتعلة محرقة تشوي الوجوه من لحظات شروقها الأولى حتى غروبها وذلك أكثر من سبعة اشهر في العام وتصل درجات الحرارة في معظم ساعات النهار واحيانا في الليل من 46 الى 50 درجة مئوية ... فتغلي الرمال وتصفر الأشجار وتذوب شوارع الأسفلت وتهاجر الطيور وتهج الحيونات وتخلو الشوارع من الحياة والمارة.. ونتيجة لهذه العوامل الطبيعة القاسيةجعلت الشعب السوداني هو الوحيد الذي يستعمل في نقاشه وخلافاته جملة (( أرجوك ماتفوّر دمنا )) وفوران الدم شائع وموروث ومتعارف عليه في الشارع السوداني ومن ثم فآثاره المباشرة تظهر بوضوح في سلوك الناس وفي تصرفاتهم اليومية
ولنا لقاء احبابي قريب مع خريف الفرح
Post: #609 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-18-2007, 08:27 PM Parent: #608
نواصل مع مسدار ابوالسرة لليانكي والشاعر القدال
قولن لي الاخلو ديارو دمك فرهد في نارو غوّر في الأرض طارو صقرين أولاد الأرض ماطارو لحمي غطّا بن عمي شووو صار حالي يا إمي منديل العِرض في بيت الدين دمي ما يخلي دمي إنّا من دير ياسيني صرنا في جزر التين عام نسأي بعد حب الزيتون بدّو يرجع لي الطيني صابره تحت الداوريه صابره تحت الداوريه صابره فوق الداوريه
ياحال الضدد لحم الطفلين نابت غصن الحريه جزري مو في شاتيلا ما آل حالي يا ويلا حنّا في الأرض أرض فلسطين يا إمي هيلا ويا إمي هيلا
Post: #610 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-19-2007, 10:21 AM Parent: #609
Post: #611 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-19-2007, 09:57 PM Parent: #610
في ناصر بقول شعري ولساني مطرّق جبلي الفيهو من العاديات بدرّق
حصحاص البليلة الجوه فيها محرّق اب صدراً متل بحر المحيط الغرّق
Post: #612 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-20-2007, 02:27 PM Parent: #611
.
Post: #613 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-20-2007, 09:23 PM Parent: #612
نواصل مع خريف الفرح
قال عبدالرحمن مختار في هذا المقطع
أما فيما يختص بالتهمة الآخرى بأن الشعب السوداني لا يحتمل النكته ولا يهضم بعض الدعابات هضماً كاملاً ... فقد جربنا هذا عملياً عندما ادخلت الصحافة في بداية الستينات رسوم الكاريكاتير لأول مرة ...امام فوران وحساسية الناس وثورتهم واحتجاجهم ثم كثرة القضايا التي احيلت للنائب العام ضدد الصحف ... ترجعنا وتوقفنا لبعض الوقت ثم عاودنا الكره من جديد ولكن بأسلوب يتماشى مع مع مزاج الناس ويمنع فوران الدم ومع ذلك لم نسلم منهم. أذكر ان جريدة ( الصحافة ) نشرت في منصف الستينات صورة كاريكاتيرية للزعيم الديني السيد الهادي المهدي إمام الأنصار وهو يقود طائرته الخاصة في رحلات للدعاية الانتخابية واسميناها رحلات الشتاء والصيف فما كان من اتباعه ألا أن توافدوا على دار الصحافة محتجين ثائرين على صورة زعيمهم التي ظهرت بشكل قبيح ومتعرج لا يليق بمكانته ولولا قدرة الله ولطفه ثم تدخل الوسطاء وبعض الزعماء السياسيين وأهل الخير لهدموا الدار بمن فيها ومن عليها ... ليس هذا فحسب فرئيس الوزراء السابق وصديقي العزيز الشاعر والأديب والقاضي محمد أحمد المحجوب في عهد نميري قد أحال جريدة الصحافة للنائب العام بتهمة انها نشرت رسماً كايكاتيرياً غير لائق لرئيس الوزراء ونائبه وهما يركبان حماراً عجوز في اتجاه معاكس ومضاد للحركة وذلك بسبب تضارب التصريحات السياسية التي صدرت عنهما.
انتظرونا يا احباب بنجيكم قريب ونواصل
Post: #614 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-21-2007, 05:25 PM Parent: #613
نواصل مع مسدار ابوالسرة لليانكي والشاعر القدال
ويا ابوالسرة كُج العين تخبر الشينه من الزين تفرز الساري من الطاري ومدّو صباعك السبابي وقول للقافي يا زول هوي أرخي القردة للعنافي شد القمري بي الحبوبابي وفي مسدارنا شيلنا نهارنا ومن ساسّو البحر عقدين
يا شمسي طلي طلي زاوري عا بيتي ضلي كيال الكيل مختاري مات ظلي عم يحرس ظلي عادل عا خي ميلي خي ما يحمل شيلي ثاني المرات ناطر روصاصي سيلي عيني في الفيل ماضلّه حنّا ندريه مانضلّه يا ويل الويل نرمي الجمرات عدي المستشهد كلا
Post: #615 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-21-2007, 10:42 PM Parent: #614
.
Post: #616 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-22-2007, 05:01 PM Parent: #615
نواصل مع خريف الفرح
للشعوب عادة قيادة يلتفون حولها بعض الوقت لا كل الوقت وجزئياً يؤيدونها لا كلياً وبالأجماع المطلق لكن الشعب السوداني بأسره وبكل اتجاهاته وميوله قد بايع يوماً الأمام محمد احمدالمهدي ودعوته مبايعة صافية صادقة خالصة بأعتبارها أمتداداً لجهاد الرسول الكريم صلى الله عليه وسلم ودعماً لقرآنه وأحاديثه ومواصلة لرسالته السامية، وكلما جاءت مناسبة ذكر فيها الأمام المهدي ألا أحس السوداني بنوع من الأعزاز فيعتز بنفسه، ويحس بوجوده في هذا العالم الضائع الحائر المضطرب رغم أن دعوة الأمام المهدي التي مازالت تحملها القلوب والأفئدة قد طواها الزمن بمائة عام كاملة. ومصداقاً لكل هذا الذي أقوله فقد ووجهت مرة بحديث غريب ترك في نفسي أثراً غريب ظل يلاحقني كلما قرأت كلمة اليابان أو استمعت إليها من المذياع في نشرات الأخبار أو حتى اعلانات تايوتا وتوشيبا مما جعلني بين الحيرة والدهشة ومرد هذا كله انني عندما قمت بزيارة لهذا اليابان في سنة 1968 بدعوة من وزارة الخارجية فوجئت يومها بوفد منة جامعة طوكيو يزورني في الفندق ويطلب مني أن أعد لجامعتهم محاضرة عن الثورة المهدية ولم تزل دهشتي وانا استفسر عن سر هذه الرغبة ألا عندما ابلغني سفيرنا في طوكيو أنذاك الأخ صلاح الدين زروق بأن لك الشعوب في الشرق الأقصى تعرف الأمام المهدي تحبه وتعظمه وتعتبره القائد الوحيد في العالم الذي أخذ لهم بثأرهم عندما ذبح الجنرال غردون الذي قبل اعوام قليلة من ذهابه للسودان كان جلاداً وقائد للمذابح والمجازر الفظيعة التي ارتكبها عندما كان ضابطاً في الصين.
Post: #617 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-23-2007, 11:55 AM Parent: #616
القصيدة المأسونية للشاعر القدال
يا هادي القصيدة إنجمّي يا هادي الغبينه الفينّا يا حلوات قصيدي ونمي ألأ حروفها تعمل فينا جبتا حلاتها من خشم امي يا حليلها العديله حنينة ألا مِرار حِسارها يدمّي يا وارد الخلاص يا نينة الماسون مِفوّر دمي والبنا العظيم هارينّا لا الصهيون حدق عينيا ريت كُل البلد رام الله حياة كُل الغلابه حِدانّا يا الفقر البَعَد غالبنّا يا جُرحي ودوايَّ وسمي يا زقلونا يا طردونا يادار السلام يروينا يا بيت الحجر في مكه يا ام الشهيد يا أمي يا دِير البلح يا عكّا يا مسجد عمر يا سينا يا كُل المحيط الامي من الخليج لي طنجه
Post: #618 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-23-2007, 07:32 PM Parent: #617
لا الشارون طناش حاضرنّا ولا الصهيون غباش ماضينّا وما من غيرنا جات خيبتنا كتّر خير يهود وادينا
ياروح العرب رُدّي حِري .. قومي .. إشتدّي الغيرك عبر عدّا يا الأشكندي يا السندي كُنتي الهاديه ....... ترتدي !!!!!
ياروح العرب قومي خُتي العافيه في كومي ياك مافيكِ مخزوني إتغربْ نطق رومي وأضحى كلامي شالومي
ياروح العرب رُدي شيلي الخطوتين مدّي قبل الخطوة تنمدّي لا بتجيبي لا تودّي يا الما عندك كيف تدّي ..!!!
Post: #619 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-24-2007, 02:15 PM Parent: #618
.
Post: #620 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-24-2007, 05:49 PM Parent: #619
نواصل مع القصيدة الماسونية والشاعر القدال
يا روح العرب قومّي لا ترتاحي لا تنومي ألا تسدّي حلقومي وتبقّى القدس في كومي
ياروح العرب مرّه جيبي الجوه والبرّه والولد الطفش فرّه من بلدّن بقت مرّه فوق الراس يحل سرّه
ياروح العرب مرّه وري المِنعه والحرّه كُري مع الشهيد كرّه تجني ام غرتين برّه وتلدي محمد الدرّه
Post: #621 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-24-2007, 07:55 PM Parent: #620
أصلو الحِكوه أننا يا الخزين خدرنّا نمنّا علي العسل والسمنه وبعد العسل حلينّا ومن حلينّا الماسون يخطط لينّا لامن يا الخزين ودرنّا وإتحيرنّا !!!! مابين الوعود وسرابو مابين النضال وإرهابو قالولنا أمركم حيرنّا من الكورنا جابوا خبرنا قال أموال زيوتكم عندي ويا العرب الحسابكم جاري طلعوا زيتنا وإتنبرنا ونحمد الكريم الباري إننا في اوروبا بنينا وإننا في المحيط شبرنّا ناس قوقامي تجينا ملاهي لما غِتسنا وإتوكرنا شان الروح تروح من اصلو ابهت إنقطع طارينا دخلو علينا باللوتاري عبونا وبِقينا رصينا تقعد جمعتين في اليانكي إبقى جوازك أخدر زينه
Post: #622 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-25-2007, 11:11 PM Parent: #621
نواصل مع القصيدة الماسونية والشاعر محمد طه القدال
الماسوني سيد امريكا والصهيوني حاكم امريكا والشاروني عين امريكا ما امريكا هي الهلكتنا ديل حكامنا هم هلكونا
بس حكامنا مافهموها ولا طول الزمن فهمونا قلنا نغني للولد الشهيد كتمونا ..... قنلنا نساند المساكين ختونا في حديد حبسونا
بس حكامنا مافهموها ولا طول الزمن فهمونا امريكا بتبيع ومابتشري خاتالنا اليهود في كفّه وسايقالنا الحزن في دفّه وما هماها لا زول لا قلم لا صبية
أزيدك في الغبينة غبينة عندك غزة إحتلوها فإحتلونا بعد الإحتلال حصرونا ومن بعد الحِصار هرسونا وفي الضحى والعصير عصرونا وبي البلدوزرات حصدونا لا بيتّن وقف لا كرزه لا تفاح سِلم لا عنزه
Post: #623 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-26-2007, 09:49 AM Parent: #622
نواصل مع القدال
يا طفل الحجر في غزه لو هتلر نفض شواية كان حشروك في طابونة إتفرجنا والحسرة البتاكل ابونا
يا الخايفين آوان الحزة ديل حكام ليالي المزّه من كُتر الشجب شجبونا لو كل العيال إشتو من قلب الحديدة نسوها
نحن مع الحَنان قيلّنا لامن يا الخزين صقرنّا لا الكرت الإخيدر ساقنا لا عند السفارة بدرنّا لا الماسون مضالنا الفيزا لا البنا العظيم سفرنا نحن العلي الغبينا بقينا ما تذكرنا .. ماتذكرنا كنا يا الحبيب ما نسينا
Post: #624 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-26-2007, 02:18 PM Parent: #623
.
Post: #626 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-26-2007, 07:53 PM Parent: #624
نبع الحنان والكلام البجبر الحيل الشاعر القدال
نواصل مع القصيدة الماسونية
شيل ارض وادينا من خيرها المرمّى علينا لا حايق عليك لا فينا لا ملحوقة ضيق واطاها لا مقصّر سماها وطينا لو القسمة بس في نيلها الفي بطنها يشبعنّا والفي كفها يكفينّا اسمع مني ياطاري البلا وناكرنّا دي الأرض البدفّي غُناها والبلد البغني حزينّه ما من فقرها أنفقرنّا وانفركشنّا وانحكشنا بس من كجها الكاجينا وما من غيرنا جات خيبتنا كتر خير يهود وادينا
Post: #627 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-27-2007, 05:37 PM Parent: #626
.
Post: #628 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-27-2007, 08:26 PM Parent: #627
لغة العيــــــــــــــــــــــــــون
سبحانك ياربي ... ونحمدك ياربي ...كم من أسرارك الباهرة العظيمة أودعتها في العين وهي محض شحمة مرهفة تدمع من رمية وتبكي لفراق قريب وبعيد وفرح. وعينك يا ربي ساهرة لاتنام فكُل العيون ترعاها .. تواسي الدامعة .. وتحنو على البرئية وترشد البصيرة وتنير الضائعة.
قال شاعر في عيون زوجه
عيناك من العمق بحيث أنني أميل لأشرب
والعين ليست مجرد أداة للبصر ... فهي كما قال ابن حازم رائد النفس الصادق ودليلها الهادي ومرآتها المجلوة والتي بها نقف على الحقائق ونميز الصفات ونفهم المحسوسات.
نظرت فأصررت الفؤاد بهما ثمإنثنت عنه فكاد جحيمُ
ويلاه ان نظرت وان أعرضّت وقع السِهام ونزعهنَّ أليمُ
فالعين تتكلم وتعرب عن نفس صاحبها بالومضة والغمزة والإيماء والرفة
فالإشارة بمؤخرة العين فهي ايماء بأمر تغميضها إعلان بالقبول وإدامة النظر دليل على التوجع والآسف والآلم وكسر النظر دليك على الفرح ورفع العين ومن ثم كسرها خجل وحياء وقلب العين إلى جهة ومن ثم صرمها بسرعة تنبيه وحركة عدستها ايماء لاتجاه معين
ان العيون التي في طرفها حور قتللنا ثم لم يحيينا قتلانا
تصرع ذا اللب حتى لا حِراك به وهنَّ اضعف خلق الله إنسانا
نواصل بإذن الله مع العيون فنتظرونا يا حبايب
Post: #629 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-28-2007, 04:56 PM Parent: #628
أيــــــــــــــــــــن المفــــــــــر
ان عزائي الوحيد أن أعيش لأمل حبي .. وان اعيش حبي لأمل أن يعيش ويحي وأسمع نبضات الدم تدفق فيه دوماً .
مالنا لا نفعل بالحب نحيا وبالحب نتنفس وبالحب تبدو الاشياء غير الاشياء وتتفتح ازاهير جميلة تطل علينا من كل صوب.
لما لا نحرك أجمل الذكريات في تنائينا لكي نلتقي في المسار نفسه ويصبح التداني بديلاً عن تنائينا. الصورة جميلة والأشواق متزاحمة ومترادفة والمحبة لامعة دوماً لا تنطفي لما لانحياها ونحسها
Post: #630 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-28-2007, 08:47 PM Parent: #629
كان فتى من طي يجلس إلى الأحنف وكان يعجبه ، فقال له يوماً : يا فتى هل تزين جمالك بشئ قال نعم : إذا حدثت صدقت وإذا حُدْثت استمعت. وإذا عاهدت وفيت. وإذا وعدت أنجزت. وإذا أوتمنت لم أخن فقال الأحنف هذه المرؤة حقاً
Post: #631 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-29-2007, 05:39 PM Parent: #630
لحين ميسرة
Post: #632 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-29-2007, 08:47 PM Parent: #631
قال بعض الحكماء :
إياك والعجلة فإن العرب كانت تكنيها أم الندامة، لان صاحبها يقول قبل أن يعلم .. ويجب قبل أن يفهم.. ويعزم قبل أن يفكر .. ويقطع قبل أن يقدر .. ويحمد قبل أن يقدر .. ويذم قبل أن يخبر، ولم يصحب هذه الصفةأحد إلا وصحبته الندامة واعتزل السلام.
Post: #633 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-29-2007, 09:50 PM Parent: #632
نواصل مع
لغــــــــة العيــــــــــون
ومن العيون مايروي الظامي .. والجدب في حدبات الفريق .. والزرع ويتدلى الضرع ويعم الخير
عيونك زي سحابة صيف تجافي بلاد وتسقي بلاد
وقد قيل في العيون الكثير والكثير الجم .. وقلَّ أن تخلو قصيدة شعر من وصف لعين وحتى لو عين ماء ... وأجمل الأشعار تسمى عيون الشعر.
بكيت وبكيت طريف العين متمسح وبي الدموع رقرق
قت لها عايني تسلم عينك إلا حقيقة .. مو ساهل كُتالّه
العيون النور كان بجهرة غير دلالكن مين السهرّه
مُقنع سابل وين بلقاهّو وطرفاً زابل وين بلقاهّو وعين بدنقر من واليهن والوجنات الشعّن بقّن ود العين النائم زرقّن مو زائغ رسيان وميقّن زولن كان خدران ومحقّن من الشوقة عروقّو يطقّن
وقيل الكثير ولا يحضرني وقتها هذا الكثير.
من العيون الكحلاء .. والعسلية .. والخمرية .. والزرقاء .. والشهلاء .. والخضراء .. ومنها ما قتل ومنها ما يرمي بسهامه ويقتفل .. ومنها الجامدة الساكنة .. المتحركة النشطة .. ومنها العاتبة .. الحنون .. الوارفة الظليلة .. الغريرة .. الفترة الناعسة وما اجملها
Post: #634 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-30-2007, 08:48 PM Parent: #633
قيل .. أتى الحجاج بن يوسف بامرأة من الخوارج، فقال لأصحابه : ماتقولون فيها ... قالوا عالجها بالقتل أيها الأمير. فقالت المرأة : لقد كان وزراء صاحبك خيراً من وزرائك يا حجاج .. قال : ومن صاحبي ؟ قالت : فرعون عندما استشار وزرائه في موسى عليه السلام فقالوا : أرجئه وأخاه.
Post: #635 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 08-31-2007, 06:47 AM Parent: #634
بسم الله والحمد لله والصلاة والسلام علي حبيب الله ( قل إن كنتم تحبون الله فاتبعوني يحببكم الله )
الفواح عبيرو والعمانا خيرو
قبله الأمة دايشة رامية سهاما طايشة حلاها المكرم زوج السيدة عايشة
أناخات حملي عليكا شاي ودقيق وويكة هون لي القواسي في كل عام أجيكا
أبوالخليفة الشيخ الحسن
الأخ خالد علي مجحوب المنسى يارعاك الله.. من البارى عليك أطيب السلام وعلى زوارك الكرام فقد أرحتنا بالصلاة على الحبيب المكرم ،وكانت خير افتتاح لهذه الجمعة المباركة. دمت شامخا
اللهم صلى وسلم على الحبيب المصطفى الخاتم لما سبق والفاتح لما اغلق ناصر الحق بالحق والهادى الى سراطك المستقيم وعلى اله وصحبة وسلم اجمعين تحياتى لك خالد وودى
Post: #637 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-31-2007, 05:14 PM Parent: #636
Quote: الفواح عبيرو والعمانا خيرو
ريحانة الحسن ود طلحة سلام ورحمة وبركات من رب السموات العليُّ حمداً وألف حمد على عودتك من ديار البطانة ... عل الأهل والاحباب شداد ونصاح قطع شك ما خليتي ويكة ولا شرموط .. ماهو باين حتى من كترة ريحة الويكة في البيت نكتي لي من بيت الكلاوي قصيدة الخليفة وفيها ويكة كمان ... لك التحية والتقدير على هذا المرور الجميل الذي طال على البوست بعد الغياب الذي طال
تحياتي واحترامي
Post: #638 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-31-2007, 05:18 PM Parent: #637
صفية قمر اربعطاشر ماجدة عوض خوجلي لا يسعنا ألا أن ندعو الله لك ولنا أجمعين زيارة لبيته الحرام ونعرج نزور قبر المصطفى ورياضه عليه أفضل الصلاة والتسليم
سعدنا وسعدت سعادتنا بمروك صفية القمر
لك التحية والأحترام والمودة
Post: #639 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-31-2007, 07:12 PM Parent: #638
يازمن .... وقّف شويه ..... وأهدي لي لحظات هنيئة
كان ذلك ديدنه في دنيا الغرام والحب المحبة .. ساعة الفرحة قصيرة في طريقه.. بعمر ذكر النحل, السعادة لم تعرف لقلبه طريق وقد ظل يفرش لها حياته كاملة زهورا .. قولة بحبك ما تنفك أن تصد مبلوعة في الحلق الذي نطق بها قبل قليل، ولم تدم وكان يمني النفس دوما دوامها وان تطول.. ولو ينفعه ويحصنه ما يردد حلا وترحالا ساكن ومتحرك .... مقولة التي تلازمه ظل الحال في حاله
وبعدها ... شيل باقي عمري وشيل شبابي شيل عينيا
كان يهزه لوم نفسه ترتعد اوصال ويلتصق اخمص قدميه حزنا بالأرض ويلزمها كما طفلا متشبث بجيد الام الحنون الرؤوم خوفا ورعبا.. يردد
يازمن ... رفقاً بحالي وبحبيب عمري المثالي يازمن
Post: #640 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-31-2007, 08:57 PM Parent: #639
قال الحجاج بن يوسف لخريم الناعم: ماالنعمة ؟؟ قال : الأمن فأني رأيت الخائف لا يمتع بعيش. قال له زدني. قال : فالصحة فأني رأيت المريض لا يتمتع بعيش. قال له زدني. قال الغنى فأني رأيت الفقير لا يتمتع بعيش. قال له زدني. قال : فالشباب فأني رأيت الشيخ ينفع بعيش. قال له زدني. قال : لا أجد مزيدا.
Post: #641 Title: Re: هونوو شوية.... وصلو علي النبي .... إستراحة أيها المحاربون Author: عامر تيتاوى Date: 08-31-2007, 09:24 PM Parent: #640
خالد سلامات كلامك سمح بالحيل وفرشك وهيط بعد ده يانا الساكنين هنا
عيناك غابتا نخيل ساعة السحر او شرفتان راح يناى عنهماالقمر بدر شاكر السياب
Post: #642 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 08-31-2007, 11:34 PM Parent: #641
Quote: سلامات كلامك سمح بالحيل وفرشك وهيط بعد ده يانا الساكنين هنا
عيناك غابتا نخيل ساعة السحر او شرفتان راح يناى عنهماالقمر بدر شاكر السياب
تيتاوي انتم دوماً في قلوبنا وحدقات اعيننا ونغطي عليكم بالرمش .. وإذا العين دمعت نخاف عليكم ونقش الدمعة بي منديل هدية ام وما مشري من السوق .. مرحب بأهلي الطيبين. عرفناكم سعدنا وبكم إزداد سعدنا.. حلالين شبك واخوان بنات. نغني لكم وبكم مثل الطير فرحى تصدح في رياض العاشقين. لسعادتكم نرقص من كي الآلم والفراق
لك التحية والاحترام الجميل تيتاوي ومرورك أسعدني وكبًّ شوية ماء في اللهب البتوقد فوقي وماتغيب علينا كتير
خالد محجوب
Post: #643 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-01-2007, 10:22 AM Parent: #642
قال حكيم لابنه: يا بني أوصيك بعشرة أشياء فأحفظها تسلم ::: لا تلاح حديداً، ولا تشارك غيوراً، ولا تساكن حسوداً، ولا تجاور جاهلاً، ولا تناهض من هو أقوى منك، ولا تؤاخ مرءياً، ولا تكثر مجالسة النساء، ولا تصاحب بخيلاً، ولا تستودع سرك أحداً.
Post: #644 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-01-2007, 09:23 PM Parent: #643
بعث الخليفة هارون الرشيد وزيره (( ثمامة )) إلى دار المجانين ليتفقد أحوالهم، فرأى بينهم شاباً حسن الوجه صحيح العقل، فأحب أن يكلمه، فقاطعه المجنون بقوله: اريد أن أسألك سؤالاً ! فقال الوزير : هات ما عندك. فقال الشاب : متى يجد النائم لذة النوم ؟؟ فقال الوزير حين يستيقظ. فقال الشاب : كيف يجد اللذة وقد شيبها؟؟ فقال الوزير : بل يجد اللذة قبل النوم. فأعترضه الشاب بقوله : كيف له اللذة ولم يذق النوم بعد؟؟ فقال الوزير : يجد اللذة حال نومه. فرد عليه الشاب يقول : فكيف تكون لذة بلا شعور. فبهت الوزير ولم يجب مرة اخرى .. وانصرف وهو يقسم ألا يجادل مجنوناً أبداً.
Post: #645 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-02-2007, 12:24 PM Parent: #644
.
Post: #646 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-02-2007, 04:35 PM Parent: #645
كلمات تقدح في القلوب الشوق، تنفطر لها الأكباد هونا، تحرك وتهج الأحاسيس كما فعل النار في هشيم رث، وتطرب لها الأبدان كفعل البان تثني وميلانا تميس وتنئَّ في حركة مبرمجة .. ويزداد شجونها بأختلاف موازين الأحساس .. ماهي ألا حرف وحروف جوفاء متحركة كانت أو ساكنة .. تتجمع كما السحائب الدُكن تحمل خير المزن طال انتظاره .. تنقاد مسيرة تتجاذب لبعضها فيحدث اجتماعها تضاد الشحنات .. فيدوي رعيدها في دواخلنا شعرا كلم جميل نهواه ونطرب له. ردة فعل يطرب بعضنا ويكتفي بتعبير ( يا سلام انصر دينك واربي عوينك ) ويعلو التصفيق .. ومهلل بعض الله الله الله .. ويزداد التطرب بها عند بعض معبرين يتبة يطير لا فوق .. تبة ينفتق لها المركوب قطع الفاشر كان أو الجنية .. ويعبر فريق آخر بطريقة قد تكون مخالفة لكل قوانين الطرب والتطرب .. وفي نهاية المطاف فهي تفاعلات من تأثير تلك الكلمات قد تتفاوت في قوتها بين قوة الكلم وأثر التأثير فينا.
إذا في حبكم ضْعتَ إذا أُقتل في ساحاتك أكون للحظ دوام شاكر وأقبل أنت راحاتك
عند سماعها تقف صويفات الرويس صوفة صوفة .. تنبسط اسرارنا نتبسم دونما شعور من التأثير البالغ فينا .. الأحساس بها جميل هادئ يداعب ويدغدغ أماكن لا ندري ولا نعرف كُنهها.. والتعبير بذاك الأحساس الذي لا يوصف أو ردة فعل تلك الكلمات هي التي يختلف حسب إختلاف اذواقنا وتذوقنا لها.
البكاء ودموع الرجال بسمة حرقة وبركان يغلي في الأعماق .. هنيئاً لبنات حواء يستطعنَّ التعبير عن مشاعرهنَّ صراحة وعلنا بــ دمعة .. بـــ آه .. بـــ آنة ..
وكب يا دمعي في سيلان وزيد يا صدري خفقاتك حبيبك ودعك راحل وزيد يا طرفي عبراتك
لنا عودة إن مــــــــــدَّ الله في ايامنا وكان في العمر باقي
Post: #647 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-02-2007, 09:11 PM Parent: #646
إعلم بني أن المقام في الدنيا قليل، الركون إليها غرور، الغبطة فيها حُلم، فكن سمحاً سهلاً قريباً أميناً. وكلمةجامعة : إتقْ الله في جميع أحوالك، ولا تعصه في شئ من أمورك.
Post: #648 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 09-03-2007, 01:01 AM Parent: #647
بسم الله الرحمن الرحيم سلام ... ابؤاحمد .. كيفك يا الغالي . جينا جبنتنا وجينا في حوشك العامر .
تحياتي ...
حاتم هاشم .
Post: #649 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-03-2007, 04:16 PM Parent: #648
سُئلت عجوز يفيض وجهها بشراً وجمالاً، أي مواد التجميل تستعملين ؟؟ فقالت : أستخدم لشفتيَّ الحق، ولصوتي ذكر الله دوماً،ولعيني غض البصر، وليدي الأحسان، ولقوامي الإستقامة، ولقلبي حُب الله تعالى، ولعقلي الحِكمة، وانفسي الطاعة، ولهواي الإيمان.
Post: #650 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-03-2007, 09:11 PM Parent: #649
ليت حظي يوم أسعدني وأقدر أنظم لي حتى بويت وحيد الليل شعر .. تهتاج الأشجان بداخلي تتفاعل في أحتكاك مرير مؤلم أحرف كلماتي تنسجم وتتناسق وآظنها خارجة شعرا لا محال فتخرج ( عطسة ) أحمد الله بعدها وأعاود الكرة لعلي انجح ولم ينتابني الملل ... ربما يتأتي يوماً وأقول الشعر لكن متى ؟؟ ومازلت أحاول. كلما أقرأ قصيد أو أسمعه أحس أني أنا قائل هذا القصيد من الشعر حدث تفاعله في دواخلي التي لاعرف لها كنه .. فجاءة اتذكر أن يومها خرجت مني عطسة فتلغفها شيطان شاعر وحملها له ..
آ يوحشني الزمان وأنتَ أُنسي ويظلِم لي النهار وأنتَ شمسي وأغْرسُ في محبتك الأماني وأجني الشوك من ثمرات غرسي لقد جُزيت غدراً عن وفائي وبعتَ مودتي ظُلماً ببختي ولو أنَ الزمان أطاع حُكمي فديتكَ من مكارهي بنفسي
ولنا عودة يا احباب
Post: #651 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-03-2007, 09:16 PM Parent: #650
الحبيب الراجل الكلس حاتم وليد هاشم ألف حمدأ وسلامة ... طالت غيبتك وكنا ناوين الفزع علا الحمير الاغيبش فوقو دبره ولا يحمل البردعة
وخفنا من بلدكم ديك .. اقوم اجكن في الجليد وما نلقا البقلعو
لك التحية يا غالي
خالد
Post: #652 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-04-2007, 05:57 PM Parent: #651
قيل أن اعرابية حجت، فلما صارت بالموقف في عرفات قالت : أسألك الصُحبة يا كريم الصُحبة، وأسألك سترك الذي لا تزيله الرياح ولا تخرقه الرماح.
Post: #653 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-04-2007, 07:53 PM Parent: #652
قيل أنه في يوم ما كتب أحد الولاة إلى الخليفة عمر بن عبدالعزيز رضي الله عنه، يطلب منه مالاً يعينه على بناء سور حول عاصمة الولاية ... فأجابه عمر : وماذا تنفع السور ؟ حصنّها بالعدل ونقِّ طريقها من الظلم.
فرقاً شتى بين عمر وعمر وعمر
Post: #654 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-05-2007, 09:11 PM Parent: #653
Post: #655 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-06-2007, 07:39 PM Parent: #654
قام أحد الأزواج بطرد الذباب من البيت .. ولما تضيق من إخراجه كله، راح يقتل ماتبقى منه .. وبعد أن فرغ من مهمته، سألته زوجته ساخرة : كم ذبابة قتلت ؟ أجاب : ثمانية ... أربع ذكور واربعة إناث !! فقالت له : لكن كيف استطعت أن تميز الإناث من الذكور ؟ أجاب : كانت الأربع الإناث واقفة على المرآة .. والاربعة الاخرى كانت مرتكزة على قطعة من السكر.
Post: #656 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-06-2007, 07:47 PM Parent: #655
يحكي أن احد وزراء هارون الرشيد قال له وقد رآه ينفق الأموال والذهب على العيون والجواسيس .. أنك يا امير المؤمنين تذكرني بالراعي الذي خاف غنمه من الذئاب فأصطحب كثيراً من الكلاب ولكنه اضطر بعد ذلك إلى ذبح نصف قطيعه ليطعمها.
Post: #657 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-06-2007, 07:52 PM Parent: #656
قيل : الصبر صبران فأعلاهما أن تصبر على مالا ترجو فيه الغنم في العافية.. والحُلم حُلمان فأشرفهما حُلمك على من هو دونك .. والصِدق صِدقان فأعظمهما صدقك فيما يضرك .. والوفاء وفاءان اسناهما وفاؤك لمن لا ترجوه ولا تخافه.
Post: #658 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-06-2007, 09:08 PM Parent: #657
وقيل : الدهر يومان ّذا أمن وذا خطر والعيش عيشان ذا صفو وذا كدر وفي السماء نجوم لاعداد لها وليس يخسف إلا الشمس والقمر والبحر تعلو سطحه جيف وتستقر بأقصى قاعه الدرر
خالد صباحك خير ومساك نور .
Post: #659 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-07-2007, 04:06 PM Parent: #658
تسلمي علي المرور الجميل الذي اعتدناه منك يا ريحانة البطانة جرابك ما فرغ قولي آميــــن
تحياتي واحترامي ريحان البطانة
Post: #660 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-07-2007, 09:09 PM Parent: #659
السودان ماذا ... وكيف سار ؟؟ الثورة التي بدأت برجل واحد وانتهت بتحرير أمة. حسب رؤية عبدالرحمن مختار في خريف الفرح
يقول : تغير وجه السودان الحر المستقل وانزل علم المهدية ذو اللون الأسود تتوسطه ( الحربة )، ليرتفع مكانه العلمان البريطاني والمصري. دخل بذلك السودان مرحلة جديدة ذاق فيها الامرين .. من التنكيل والحرمان وحنق الحريات ومحاربة الأرزاق .. وبدأ يعيش ظروفه الجديدة بمرارة وألم، وكان لابد أن يتخذ مساراً جديداً يبدأ فيه من الألف ويضع الأساس الذي سيبني عليه مستقبل أيامه ويبدأ به المسيرة الطويلة المجهولة، وأخذ الاستعمار من جانبه يخطط ويضع كل الركائز التي سوف يبني عليها صرحه البغيض ليحمي مصالحه مستغلاً الحالة النفسية المتدنئة للشعب السوداني الذي لم يفق من صدمة الغزو ومرارة الهزيمة.
بسقوط المهدية وبداية الحكم الثنائي ظهر على المسرح الديني أولاً ثم السياسي ثانياً. مولانا السيد علي الميرغني زعيم الطائفة الختمية الذي يدين له بالولاء والطاعة معظم سكان شمال السودان وشرقه. فقد كان الميرغني ذا حظوة كبيرة ومكانة مرموقة في مصر، أما آل المهدي والخليفة عبدالله التعايشي الحاكم الفعلي للسودان بعد رحيل المهدي ... واما هولاء وعلى رأسهم السيد عبدالرحمن النجل الأكبر للامام المهدي فقد كانو في مقدمة من واجهوا غضبة الاستعمار وشراسته وعُذبوا وطوردوا ولوحقوا لفترة طويلة من الزمن وكانت تحركات وتنقلات الامام عبدالرحمن المهدي بالذات محكومة ومحصورة ومحسوبة.
نواصل بإذن الله ان كان في العمر باقي
Post: #661 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 09-08-2007, 00:50 AM Parent: #660
بسم الله الرحمن الرحيم سلام ياهلنا ...
قال عكير الدامر :
الخرطوم دخوله صعب على العادون جيشه وشعبه بي حب الحرب مفتون قسما بالضحى وبالتين والزيتون بقتلوك ولاد القطعوا راس غردون ........ وقت رصاصه جض وحاك صوت الوابل جفلت غزال سروب وحلفت ما بتقابل هرس ابوالدهب دكاها عيش وسنابل السما رعده طيارات ومطره قنابل ...... وقت عجت الاعصار دخانه زرقن عكل فتتها يالمربعن قلت اخير اتوكل جثث اصحابك اتردم كجبل البركل فيها اتمتع اب صلعه القطابي وشكل ..... بحر موتك قرن في التربه جاها عديل تهديد نفختك لي جيشنا بالتنكيل تهديد نفحتك لي جيشنا بالتنكيل تهديد لي التماسيح بي الغرف في النيل ..... نزلوا الفي المعاشات الصبرقاساهن لبسوا الكاكي جد عوا الناعمات بي قفاهن منادي الغيره بي حب الوطن ناداهن جسومن نملت حس السلاح هزاهن ..... اسبوعين انس قضيتها فيك هنيه ياخاتم المنى ويا بهجتي المعنيه اكسير البلاد بي المتعه ديمه غنيه يا اعظم مثال لي بلده سودانيه ..... اقدمها دره خالده نظير جميلكم في ما بسافر واقوم بتشكرات مخفيه حبكم لي صار كعبادة الصوفيه ياهل الخليل يا احلى عشره وفيه .
حاتم هاشم .
Post: #662 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-08-2007, 09:13 AM Parent: #661
شكى موظف بأحد المؤسسات التجارية إلى مديرها. أنه أمضى عشرين عاماً في عمله .. منها اكتسب خبرة كبيرة، ومع ذلك تخطاه في الترقية من هم أحدث منه عهداً من الموظفين. فقال له المدير :
في الواقع أن لك خبرة عام واحد ولكنها تكررت عشربن مرة
Post: #663 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-08-2007, 01:51 PM Parent: #662
يـــا معشر الأغنيـــــــــــاء لكم أقول استكثروا من الحسنات فإن ذنوبكم كثيرة.
ويــا معشر الفقـــــــــــراء لكم أقول أقلوا من الذنوب فإن حسناتكم قليلة.
Post: #664 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-08-2007, 02:42 PM Parent: #663
Quote: ويــا معشر الفقـــــــــــراء لكم أقول أقلوا من الذنوب فإن حسناتكم قليلة
(ياأيها الناس أنتم الفقراء إلي الله والله هو الغني الحميد) صدق الله العظيم. شكرا لك أخي خالد وأنت تذكرنا وتعظنا ، ندخل عندك هنا لنخرج من غينا السادرين فيه . التحية للأخ حاتم هاشم وهو يتحفنا بروائع الدرر إنشاء الله ألفي عندكم في الجراب شىء من كلام بلقيس عكير الدامر وهي تصف البروق والرعد والمطر.. البراق برق والرعد هراج أنهمر المطر ...
قطعا بيت الضبع لايخلو من العظم لكم التحايا العطرات.
Post: #665 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-08-2007, 07:05 PM Parent: #664
Quote: إنشاء الله ألفي عندكم في الجراب شىء من كلام بلقيس عكير الدامر وهي تصف البروق والرعد والمطر.. البراق برق والرعد هراج أنهمر المطر ...
مخصوص كتبتو لي حاتم بي الأحمر في شان يفكر لي
الكلام ليك يا المرفع اضنيك
حاتم ود هاشم ريحانة البطانة بدور حديث بلقيس عكير الدامر السوتو فوق البروق والمطر
ولك تحياتنا واشواقنا ريحانة البطانة
Post: #666 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-09-2007, 02:05 PM Parent: #665
كتب رجل لحكيم يقول : لمَّ تبخل على الناس بالكلام ؟ فقال الحكيم : إن الخالق سبحانه وتعالى قد خلق لك آذنين ولساناً ... واحداً لتسمع أكثر مما تقول ، لا تقول أكثر مما تسمع.
Post: #667 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-09-2007, 02:17 PM Parent: #666
لما قدم حاتم الأصم إلى الأمام أحمد قال له الأمام : أخبرني كيف السلامة من الناس ؟؟ فقال حاتم الأصم : بثلاثة أشياء
* تعطيهم من مالك ولا تأخذ من مالهم * تقضي لهم حقوقهم ولا تطالبهم بحقوقكَ * وتصبر على أذاهم ولا تؤذيهم
Post: #668 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-09-2007, 02:37 PM Parent: #667
نواصل مع خريف الفرح بدأت جماهير الأنصار المدحورة والمغلوبة على أمرها تتجمع من جديد. ولكن بحذر وحيطة، وكانوا يلتقون جماعات لأداء الصلاة ثم من بعدها يتلون راتــــب المهدي المأخوذ أساساً من القرآن والسنة النيوية الشريفة, وهم يتابعون من بعيد بحسرة وآسى وحرقة نجل قائدهم السياسي وزعيمهم الروحي شريد يهيم على وجهه في الدنيا الفاقة والمذلة والضياع، لكن أحد لم يستطع أن يحرك حتى لسانه وهو أضعف الإيمان لاآن الاستعمار قد أحكم قبضته وقويت شوكته وأشتدت سواعد وركائزه.
ومع مرور الأيام وأنخفاض درجات الغليان والفتور الذي خيم على البلاد، بدأ العلماء الدينيون وعلى رأسهم فضيلة الشيخ أبوالقاسم أحمد هاشم شيخ المعهد العلمي ومولانا الشيخ البدوي.. بدأوا بشتى الوسائل والسبل لإزالة حدة الخِلاف والجفوة بين الحكام الأنجليز وبين آل المهدي ممثلين في زعيمهم الديني السيد عبدالرحمن المهدي. وقد مارسوا كل الضغوط المتاحة والممكنة لتحقيق هذه الغاية فلم يكلّو ولم يملّو ولم يقطعوا يوماً حبال الأمل.. فواصلو مشوارهم الطويل ومسيرتهم الصعبة حتى كان لهم ما أرادوا فأزالوا كل جسور الخِلاف بين الأنجليز وآل المهدي بشروط معينة وتمت المصالحة وسمح للسيد عبدالرحمن المهدي أن ينحصر في الجزيرة أبا.. وقد كانت عاصمة والده الأمام المهدي .. وبدأ يستثمر أراضيها ولا يبارحها شبرا ألا بإذن السلطات البريطانية.
Post: #669 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-09-2007, 08:42 PM Parent: #668
أكتب الحسن البصري إلى عمر بن عبدالعزيز رحمهما الله تعالى : أن الدنيا حُلم .. والآخرة يقظة .. والموت متوسط .. ونحن في أضغاث أحلام، من حاسب نفسه ربح، ومن غفل عنها خسر، ومن نظر إلى العواقب نجا، ومن اطاع هواه ضلَّ، ومن حلم غنم، ومن خاف سلم، ومن أعتبر أبصر، ومن فهم علم، وعلم عمل، فإذا زللت فأرجع، وإذا ندمت فقلع، وإذا جهلت فسئل، وإذا غضبت فأمسك.
Post: #670 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-09-2007, 08:58 PM Parent: #669
كان هارون الرشيد في بعض غزواته. فألح عليه الثلج ليلةً، فقال له بعض أصحابه .. يا أمير المؤمنين أما ترى مانحن فيهمن الجهد والتعب والرعية قارة وادعة نائمة، فقال لهم : أسكتوا .. أن للرعية المنام وعلينا القيام ولابد للراعي من حراسة الرعية وتحمل الأذية.
شتان والفرق باين فنحن قيام ومشردين في طلب الرزق والرعاة قارة وادعة أعينهم نائمين فوق الفوق لا حر لا سموم لا سوافي ... الآيد الطايلة تجب المافي حتى القرش ... إن فاتهم لي البستاهلو يندمو ليه ماجاهم يختفوا اللقمة ان حفّت من جنحين الملك أن رفّت وسيدها يموت بي الفاق
Post: #671 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-10-2007, 00:59 AM Parent: #670
Quote: شتان والفرق باين فنحن قيام ومشردين في طلب الرزق والرعاة قارة وادعة أعينهم نائمين
صُب يادمع وأطفي نيران القليب صر ياقلم واتحفني بالكلم العجيب صه يا أسى أهرقت آمال الغريب صبح الصباح وأنطوى ليل النحيب شفت الهلال قدامي حاكى العندليب بالعز مجحفل وبالدين مصان من كل عيب فارس هلالي يطوِّع القاسي الصعيب رقـّة معاني للقلوب الصم تصيب بَسَََــّم الزمانُ بلقاك وأبى القدر أن يستجيب ماليـّا يد أنا في الحصل لامن بعيد لامن قريب عزاي بس أرجع وأقول ماليـّا في الطيب نصيب سمية الحسن طلحة
Post: #672 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-11-2007, 12:11 PM Parent: #671
Quote: عزاي بس أرجع وأقول ماليـّا في الطيب نصيب
سألت المهندس أيمن الصادق سليمان في مكالمة هاتفية في زيارتي الأخيرة لدولة الامارات عن أعضاء المنبر المقيمين في سلطنة عمان ... وحين جاء السؤال عنك. قلت له بتعرف سمية الحسن طلحة رد عليَّ مستعباً كيف تقول الاسم حاف قول الشاعرة سمية الحسن طلحة.. وقد صدق ايمن الميمون ...
اي والله هذا هو عزانا ما لينا في الطيب نصيب
لك التحية ريحان البطانة وبلبلها الغريد دوماً
Post: #673 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-11-2007, 02:48 PM Parent: #672
قال معاوية بن ابي سفيان رضي الله عنه لصعصعة بن صولجان : صف لي عمر بن الخطاب رضي الله عنه. فقال : كان عالماً برعيته .. عادلاً في قضيته .. عارياً من الكِبر .. قبولاً للعذر .. سهل الحِجاب .. مصون الباب .. متحرياً للصواب .. رفيقاً بالضعيف .. غير محاب للقريب .. ولا جافٍ للغريب.
هل توجد في ولاة أمرنا صفة من تلك أظن الصفتين الاخيرتين من غير نفي
اي محاب للقريب .. جاف للغريب
رحم الله عمر وأمثال عمر .. عمر الذي كان يبكي عندما يستفرد ويقول والله لو عثرت بغلة بالعراق لرأيتني اسآئل عنها أمام الله تعالى لمًّ لم اسوي لها الطريق.
Post: #674 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-11-2007, 03:08 PM Parent: #673
نواصـــــــــــــل مع خريف الفرح
وما ان دقت طبول الفرح ودوى النفير بأنباء الصلح في جماهير الأنصار خاصة في مركز ثقلهم وكثافتهم بمديريات كردفان ودارفور والجزيرة حتى سارعوا بالهجرة للجزيرة أبا. ليلحقوا بزعيمهم ويقفوا وراءه مؤيدين ومناصرين. وأقبلوا على الأرض الجرداء يفلحونها ويروونها ويزرعونها بعرقهم دون أجر، ألا ابتغاء مرضاة الله ورسوله والامام المهدي، وقد عُرف عن انصار المهدي ولائهم الشديد. وحبهم الأكيد وطاعتهم العمياء للأمام، ولن ابالغ والشواهد على ذلك كثيرة وقوية وثابتة .. ان قلت ان الأنصاري لا يتردد في قتل ابيه واخيه أو يبقر أحشائه أو أن يقفز من برج ايفيل او يدفع بنفسه في شلالات نياجارا أن كان ذلك يرضي الأمام أو يسره.
أصبح الأمام عبدالرحمن المهدي بعدما أقبل انصاره على الأرض من أثرى أثرياء السودان، وعندما فُك عنه القيد وأزيل عنه الحِصار عاد إلى أمدرمان عاصمة والده الوطنية وبنى له ولآله مساكن تحيط بالقبة التي دفن فيها والده عليه رحمة الله .. وفي قلب الخرطوم شيد قصراً منيفاً وأشرف بنفسه على أقامة حديقة غناء كان أجمل مافيها ارضها المنبسطة والتي تبلغ حوالي الفدانيين والنصف .
صار قصر الأمام عبدالرحمن في الخرطوم قبلو لأنصاره ومريديه ومؤيده ومع مرور الأيام اسس حزب الأمة وكان في طليعته زعماء العشائر ونظار القبائل وعدد من كبار رجالات الدولة وأعضاء الأسر المرموقة والعريقة في السودان. تحسنت مع الأيام علاقته مع الأنجليز ونمت تطورت وترعرت حتى وصلت حداً أتهمه فيه اعدائه.
Post: #675 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-11-2007, 09:20 PM Parent: #674
قال حكيم : راحة الجسم في قلة الطعام .. وراحة النفس في قلة الآثام .. وراحة القلب في قلة الاهتمام .. وراحة اللسان في قلة الكلام.
Post: #676 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-12-2007, 01:16 AM Parent: #675
صَلْ يانُور علي المدخور في غَسَـق الصُبح والديجور
بســــم الله رافــع الطــور واضــــع الأرض والمعمـور أكســـينا بالجــلال والنـور سعــاد في لوحك المســطور
جسدي الأضحى كالمقبور بذكـرك يكــــون معمــــــــور أغـمِســـنا في بحر النـور ونــــــوّر وجــهي ياذوالنـور
عمـــلي من رياء وغرور لا منقــــــوص ولا مقصــــور يوصــــل سالما مجبـــــور خالي من عـيــــوب وكســور
كل عام وأنتم بخير.
Post: #677 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-12-2007, 05:08 PM Parent: #676
جسدي الأضحى كالمقبور بذكـرك يكــــون معمــــــــور أغـمِســـنا في بحر النـور ونــــــوّر وجــهي ياذوالنـور
سعيدين بحضورك القوي الذي يلهب الحماس فينا ويدفعنا لمحاولة القول الأنقطع ووقف عندك ياريحانة البطانة
لك تحياتنا
Post: #678 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-12-2007, 05:29 PM Parent: #677
قالوا يغني المغني وكل حد علي هواه ذكر لنا أحد المغنيين أنه أدى أغنية في حضرة أحد الشيوخ وعندما فرغ منها ، قال الشيخ صلي الله عليه وسلم) حيث أنه حول كل معاني الأغنية لشخص الحبيب المصطفي . كلما شافك قلبي الخجول زاد سعادة وأنملأ بالسرور وين شبيهك بين البدور ياالمحاسنك ما نالا زول
تصوموا وتفطروا علي خير
Post: #679 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-12-2007, 11:19 PM Parent: #678
قالوا يغني المغني وكل حد علي هواه ذكر لنا أحد المغنيين أنه أدى أغنية في حضرة أحد الشيوخ وعندما فرغ منها ، قال الشيخ صلي الله عليه وسلم) حيث أنه حول كل معاني الأغنية لشخص الحبيب المصطفي .
حينما ينساق يراعك يسطر الحروف تترة .. ننساق نحن هايمين كما الذي مُسَ لاندري مانقول ونكتب
رمضان كريم وكل سنة وانت طيبة
Post: #680 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-13-2007, 12:30 PM Parent: #679
كان يزيد بن المهلب مسافراً بصحبة أبنه معاوية، فمرا بأمرآة بدوية فأستضافتهما، وذبحت لهما عمزا، فلما آكلا قال يزيد لأبنه : مامعك من النفقة ؟. قال : مائة دينار فقال يزيد : اعطها اياها فقال له ابنه : هذه أمرأة فقيرة، يرضيها القليل وهي لا تعرفك فقال يزيد : ان كان يرضيها القليل فأنا لا يرضيني إلا الكثير وان كانت لا تعرفني فأنا أعرف نفسي.
Post: #681 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-13-2007, 12:42 PM Parent: #680
قال حكيم لأبنه: يا بني ، أكلت الحنظل ، وذقت الصبر، فلم ار شيئاً أمر من الفقر، فأن افتقرت فلا تحدث به الناسكيلا ينتقصوك، ولكن أسأل الله تعالى من فضله فمن ذا الذي سأل الله فلم يعطه أو دعاه فلم يجبه، أو تضرع إليه فلم يكشف ما به.
Post: #682 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-13-2007, 12:56 PM Parent: #681
قال الشعبي : كنت جالس عند شريح إذ دخلت عليه امرأة تشتكي من زوجها وتبكي بكاءً شديداً فقلت أصلحك والله ما اراها إلا مظلومة فقال له شريح : وما ادراك ؟ قلت : لبكائها قال : لا تفعل فأن أخوة يوسف جاءوا أباهم عشاءاً يبكون وهم له ظالمون
Post: #683 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-13-2007, 04:14 PM Parent: #682
تتلمذ شاب ملول كثير الإهمال على ارسطو وقد نبهه إلى ذلك استاذة مرة فأعتذر قائلاً ماذا أفعل وليس بي جلد على القراءة ولا صبر لي على ما يقتضيه العلم من مجهود وتعب فأجابه أرسطو إذن لا سبيل لك إلا الصبر على الشقاء والجهل.
Post: #684 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-14-2007, 04:35 PM Parent: #683
الأيدي ثلاث : يد بيضاء ويد خضراء ويد سوداء ، فاليد البيضاء هي الأبتداء بالمعروف .. واليد الخضراء هي المكافأة على المعروف .. اليد السوداء هي المن على المعروف.
Post: #685 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-14-2007, 05:21 PM Parent: #684
قال علي رضي الله عنه : من جمع ست خصال لم يدع للجنة مطلباً ولا عن النار مهرباً .. أولهما
* من عرف الله فأطاعه * عرف الشيطان فعصاه * عرف الحق فأتبعه * عرف الباطل فأتقاه * عرف الدنيا فرفضها * عرف الاخرة فطلبها
Post: #686 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-14-2007, 10:41 PM Parent: #685
ما عاتب المرء اللبيب كنفسه
والمرء يصلحه الجليس الصالح
Post: #687 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-14-2007, 11:01 PM Parent: #686
ولست أرى السعادة جمع مال ولكن التقي هو السعيدُ
وتقوى الله خير الزاد زخراً وعند الله للأتقى مزيدُ
Post: #688 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-14-2007, 11:06 PM Parent: #687
قال شقيق بن ابراهيم البلخي : قال لي ابراهيم بن أدهم : أخبرني عما أنت عليه؟ قلت : إن رُزقت أكلت وإن منعت صبرت ... قال : هكذا تعمل كلاب بلخ .. قلت فكيف تفعل انت ... قال : إن رُزقت آثرت وإن منعت شكرت.
Post: #689 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-15-2007, 03:43 PM Parent: #688
خطب الحجاج بن يوسف الثقفي يوماً فأطال، فقال له رجل :: الصلاة الصلاة فأن الوقت لا يتنظرك ! فأمر الحجاج بحبسه ، فأتاه أهل الرجل ، وزعموا أنه مجنون ... وسألوه أن يخلي سبيله... فقال الحجاج : أن أقرَّ بالجنون خليته فقيل للرجل في ذلك فقال : معاذ الله ! لا اوهم الخلق أن الله ابتلاني ، وقد عافاني فبلغ ذلك الحجاج ، فعفا عنه لصدقه وشجاعته في الحق
Post: #690 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-15-2007, 08:58 PM Parent: #689
من كان يرغب في النجاة فما له غير إتباع المصطفى فيما أتى
الأخ خالد المنسي تحياتي ورمضان كريم وتصوموا وتفطروا علي خير ... وزي ماقال القدال : جيتها وبيني وبين قفاي الشحمة إلا النار بقت قدامي في جلدي الورم قولن لي والله صحي الورم عضامي ....!
وبوست رائع زي صبية في عمر الزهور والناس جارين كلهم عشان يخطبوها وزي ماقال الشاعر : يا شيكة البنصرف من هيئة اليونسكو جاهلة صغيرة زي عزف الموسيقى مشيها يا ديفة المن غير شرك أنا ناري ما بتدنيها تسعة أميال بعد ريحة المسك باريها ....
والله بوستك دة معطر بلحيل ويروق البال .....
بس قلنا نسلم ونبارك عليك رمضان ..
واللهم صلي علي النبي المختار عدد ما أحصينا ومالم نحصي في هذا الشهر المبارك .......
Post: #692 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-15-2007, 09:09 PM Parent: #690
قال حكيم : يا بني إياكَ إذا سُئلَ غيرك أن تكون أنتَ المجيبُ، كأنك أصبت غنيمة أو ظفرت بعطية، فأنكَ إن فعلت ذلك أزريت بالمسؤول، وعنفت السائل، ودللت السفهاء على سفاهة صمتك وسوء أدبك.
Post: #693 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-15-2007, 09:41 PM Parent: #692
مرَّ إبراهيم بن أدهم على رجل وجهه ينطق بالهم والحزن. فقال إبراهيم : إني سأسألك عن ثلاثة فأجبني ! فقال الرجل : نعم فقال إبراهيم : أيجري في هذا الكون شئ لا يريده الله ؟؟ فقال الرجل : لا فقال إبراهيم : أفينقص من رزقك شئ قدره الله ؟ فقال الرجل : لا فقال إبراهيم : أفينقص من أجلك لحظة كتبها الله ؟ فقال الرجل : لا فقال إبراهيم : فعلامَ الهمُّ
Post: #694 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-15-2007, 10:29 PM Parent: #693
Quote: والله بوستك دة معطر بلحيل ويروق البال .....
يا ليلى أهلك فاتّو ودخلوا العكب وطواطّو ود رحمة قول لي وحاتّو في الغار تملي صلاتّو
Post: #697 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 01:46 PM Parent: #696
قيل لهند بنت الحسين .. اي الرجال أحب إليكِ قالت : البعيد الآمد الواسع البلد يُوفد ولا يفد.. قيل واي الرجال أبغض إليك .. قالت : البرم الأفاق ، اللزوم اللحاف، الذي شربه استفاف، وشملته التفاف، ينام حيث يخاف ويشبع حين يُضاف.
Post: #698 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 01:54 PM Parent: #697
اربعة صدرت عن اربع كأنها رميت من قوس واحد... قال كسرى : لم أندم على ما لم أقل، وندمت على ما قلت مرارا.
قال قيصر : أنا على رد مالم أقل أقدر مني على رد ما قلت .
قال ملك الصين : إذا تكلمت بالكلمة ملكتني، وإذا لم أتكلم بها ملكتها.
قال ملك الهند: عُجبت ممن يتكلم بالكلمة، إن رفعت ضرته وإن لم ترفع تنقصه.
Post: #699 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 04:44 PM Parent: #698
يا بني العافية عشرة أجزاء، تسعة منها في الصمت ألا عن ذكر الله تعالى، وواحدة في ترك مجالسة السفهاء، يا بني زينة الفقر الصبر، وزينة الغنى الشكر، يا بني لا شرف أعلى من الإسلام، ولا كرم أعز من التقوى، ولا شفيع انجح من التوبة، ولا لباس اجمل من العافية.
Post: #700 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 04:55 PM Parent: #699
يروى أنه جاء رجل إلى أبي حنيفة النعمان، فقال له إذا خلعت ثيابي ودخلت النهر أغتسل فإلى أحول وجهي أم خلافها. فقال له ابوحنيفة: الأفضل أن تحول وجهك للجهة التي فيها ثيابك لئلا يسرقها أحد.
Post: #701 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 10:57 PM Parent: #700
قال وهب بن منبه في حكمة آل داؤود: حق على العاقل أن لا يغفل عن أربع ساعات
ساعة يناجي فيها ربه وساعة يحاسب فيها نفسه وساعة يقضي فيها إلى إخوانه اللذين يخبرونه عن عيوبه ويصدقون عن نفسه وساعة يخلي بين نفسه وبين لذاتها فيما يحل ولا يحرم
Post: #702 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-16-2007, 11:20 PM Parent: #701
أجمع ياكريم لشملي الأتشتت بزيارة الرسول نسعد بها ونبخت الصلاة والسلام بالعد لم تضبط ترضي الأمي طه الماقرا وماخط عبد الملك
Post: #703 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-16-2007, 11:26 PM Parent: #702
أجمع ياكريم لشملي الأتشتت بزيارة الرسول نسعد بها ونبخت الصلاة والسلام بالعد لم تضبط ترضي الأمي طه الماقرا وماخط
قالوا الحجيج قطع طالب نور البقع قلبي زاد وجع حماني القيد منع
Post: #704 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-16-2007, 11:38 PM Parent: #703
جابوا العسل نقع كبوهو في القرع وأسقوهو أهل السمع قلبي زاد وجع ...
Post: #705 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-17-2007, 07:40 PM Parent: #704
العبدّو قام شرع متقاصر وما بدع قلبي زاد وجع حماني القيد منع
Post: #706 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-17-2007, 09:26 PM Parent: #705
ديوانّو الجمع وسقى لأهل السمع مجذوبن تف وقع كالمخشي إنصرع في الدنيا منتفع والآخرة من النار شفع
Post: #707 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-17-2007, 09:30 PM Parent: #706
قمر البِسوم طلع الضوُّ ما انقطع للعرش راح سطع الذاكر ما أضجع حبوُّ القلوب خلع يوم النهار صقع لولاهو نروح ترع
Post: #708 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-17-2007, 09:35 PM Parent: #707
دعا إعرابي، وهو يطوف بالكعبة، فقال (( اللهمَّ قد أطعْناك في أحب الأشياء إليك: شهادة أنْ لا إله ألا الله وحدك لا شريك لك، ولم نعصك في أبغض الأشياء إليك : الشرك بك ، فأغفر اللهمَّ مابين ذلك )).
Post: #709 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 04:22 PM Parent: #708
.
Post: #710 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 08:25 PM Parent: #709
وقلما تجتمع صفات مثل تلك في رجل ... لذا خلّد الزمان رجال كانوا منارات زمانهم جمعوا الفضل والشهامة والرجولة.
عمدة كلي، العمدة اب جديري كان من اؤلئك الرجال ... قد اصيب الرجل في صغره بالجدري الكاذب ( البرجم أوكما يحلو للبعض تسميته البرجك ) فترك كذمات في وجهه وقد زادت الوجه نضارة وتميز لا تشويها.
كلي تلك القرية الواقعة في أحضان نهر النيل غرب شندي ... قد شهدت مرتع صباه وأيام حياته الزاخرة بالخير ... كما شهد بالفضل لذاك الرجل القاصي قبل الداني والغريب قبل القريب ،، وعرفه الصعيد السافل وذاع صيته بين الناس في فترة حياته ( القاصدو تب مابرجع خائب وان قصدته معدوم رجعت ويدك لا تفارق جيبك خوف عليه من دساهو لك فيها).
في موته حكاية ولا أعرف مدى صحتهاولكن تروى وتتناقلها الألسن وما انسدت آذن ألا سمعتها في تلك المنطقة أعني منطقة شندي وما جاورها .. كان في آخر ايامه أصيب بشلل نصفي أقعده ورغم ذلك كان العقل منه متقد والنخوة والشهامة والكرم تسبق رجليه تبّة ورايو يوزن الأراء وان اجتمعت فطنته وحلمه وفراسته صابت عقول الناس دهشةً.
في يوم من أيام الله السبع كان يجلس في ديوانه العامر وصادف أن كان خالي يومها. اشعل سجارة البرنجي وربما كانت سجارة بنسون الزول فنجري .. نفث دخانها وخرجت معه كل الآلام التي تلازمه من ان قعد عن المشي وتفقد ذوي الحاجات حتى يقضيها لهم دون أن تعلم يساره ما أنفقت يمناه .. السجارة في آخرها نظر إليها ورماها فأبت السجارة مكانها المعهود واستقرت قربه في السرير على المرتبة القطنية وبدأت نيرانها تلهم في القطن وصعدت النار إلى جسمه ... كبرت عليه أن ينده لشخص وهو الفازع والمنقذ كان تسبب الحرق عندما أدركوه حرق كل مقعده وكان سبب موته.
مات عمدة كلي العمدة اب جديري سواء بتلك أو بأخرى فظلت ذكراه أخبار يتناقلها الناس واشعار تسمع بأصوات تتدفق منها الحكاية تحكي مناقب الرجل
نسأل الله أن يرحم العمدة اب جديري رحمة واسعة ويسكنه فسيح جناته
Post: #711 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 08:45 PM Parent: #710
المرثية أو الرثاء هي أصدق الاشعار ... سوأل أبن الروم اي أشعار اصدق قال : الرثاء نقوله وقلوبنا موجعة مفجعة مرثية عمدة كلي قيل نظمها رجل راعي في منطقة كلي .. يقال أنه كان محب مريد للعمدة وخيره يغطيه وقيل استأجرته بنته شما حتى يرثي اباها .. في سوداننا تسمى المرثية مناحة وجاء الاسم من النواح وكان عادة الناس في تلك المناطق إذا مات عظيم والعظمة لله وحده نظمت له مناحة وتقال في أول مأتم في الحلّة بعد وفاته وتنوح بها النساء. لم يكن لعمدة كلي من الأبناء الذكور نصيبا كان له بنتان ( شما الكبيرة وزينب ) تغمى بالمرثية الجميلة الفنان الجميل علي ابراهيم ولقب بمطلعها
اب عاجات اللحو والمقصود به النمر
رحمة واسعة تنزل على عمدة كلي وأمد الله في عمر الفنان علي ابراهيم ومتعه بالصحة والعافية
Post: #712 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 09:06 PM Parent: #711
نص الرثاء ( مناحة عمدة كلي )
اب عاجات اللحو وكتين إزم وانتّر إن جات الإلوف لا بضل ولا بفتّر حوّد يا الخصم بغادي دربّو بضر
اب رسوة اب هرش الضارب الوكرة تمساح دار كلي بمرق مع الهجعة أبو شما اللزوم كم درج العاطلة هو الاسد المربعن دونو الرجال قاصرة
يا حليل اب جديري الفارس المنبور يحرن في المحاصة وكت الحرابه تدور في اليوم المشوّم تبقى الحجازة صقور وبيهو بِيجبر الصف ان بقّت مكسور
بجيب قولّن صحيح في ابويا ماهو شكر مثبوتات فضايلو ومافي من ينكر اب زيد الهلالي زايد عليهو قدر عباس تور قريش منو مابقصّر زناد ان حركّو بقوم وما بفكّر دايماً فاك ضراعّو وبيهو مابفشّر
رحل يا شما أبوك وقفّا خلا الدور وأنحلَّ النظام الكان زمان معمور بوجود ناس ابوي قبل العبوس ماتدوور أنهدَّ الجبل واشتت المطمور يا ابو زينب وراك اتكشّف المستور
دابي القاش حليلو الفي المحاصة بِكُر من شوفتو بتضل ناساً دقونن قُر ان شاف الحديث زايد بقالّو كُتر بشلح في الصفوف امات طبول وزمر زي حمزة الجسور في يوم أحد وبدر سم الصاقعة ابوي ياللخصم بدمّر
اب قدحاً سبيل مسا وصباح مجرور ولي الضيفان يباشر ووشّو مامصرور منو البمسك مكانك وإفهم المضرور بِتراجع في المواشي وفي خِدمت البور غرارة العبوس مابتلتفت لي زول حُكم السيد نفد ما بنحجب مقدور
تمساح القيوف اللى العزول بتكيد اب مسكاً يفوح يعم القريب وبعيد يوم جاني الخبر اسفاً عليا شديد ياعمدة كلي فرقك علينا صعيب يا العمدة اب جديري فرقك علينا صعيب
Post: #713 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 09:13 PM Parent: #712
مرثية عمدة كلي
Post: #714 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 09:46 PM Parent: #713
الرمية التي سبقت المناحة ( المرثية ) هي من تأليف الفنان علي ابراهيم
سوف اقوم هنا بأزالة الغبار عن كلمات قد تبدو لجيل مابعد الثمانيات صعبة أو لغة اجنبية
* لا عند جوير ود ضبعة
الجوير هي قرية ايضاً غرب شندي وعمدتها ايضا راجل مو ساهل ولا يقل مكانة من اب الجديري واسمو ( ود ضبعة )
* اب عاجات : هو النمر
حوّد : اي عرج واترك هذا الطريق
* اب رسوة اب هرش : هو الأسد
* الاسد المربعّن : عندما تلد اللبوة بعد الولادة مباشرة بتخرج وتترك صغارها يحرسهم الاسد في العرين ويظل على هذه الحالة 40 يوما لذا اشتهر بين الناس ان الأسد عندما يخرج بعد الاربعين يوما يكون في أوج شراسته وبها جرت العادة تشبيه الرجل الشجاع بالاسد المربعن.
* المحاصة : هي ساحة والوغى
* عباس تور قريش : هو العباس بن عبد المطلب عم الرسول عليه الصلاة والسلام
* العبوس : هي الدنيا
* المطمور : هو المخبأ في المطامير من مؤنة عيش وزرة وقمح
* دابي القاش : اي تمساح نهر القاش
* كُتر : اي غير مألوف ومعتاد عليه
* بشلح : اي يتضرع وبتبختر في مشيته
* حمزة الجسور : هو حمزة عم الرسول صلى الله عليه وسلم
* بدمّر : اي يدمر
* اب قدحاً سبيل : كناية عن أن بيته لا يخلو من طعام للضيوف
Post: #715 Title: Re: هونوو شوية.... وصلو علي النبي .... إستراحة أيها المحاربون Author: حسن الطيب يس Date: 09-18-2007, 10:02 PM Parent: #1
خالد ود المحجوب رمضان كريم و تصوموا و تفطروا بالعافية والهناء
صابنا ابو الحسين كان غاطس وين يارب إنشاءالله في العسل ذيدوا من الجرعة شوية لكم كل الود
Post: #716 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-18-2007, 10:17 PM Parent: #715
Quote: صابنا ابو الحسين كان غاطس وين يارب إنشاءالله في العسل ذيدوا من الجرعة شوية لكم كل الود
الدرب الجابك يا جميل فرشناه ورود عبق في سمانا مزج عطر أختلط وصعب على الأنوف ادراك مداه وتميزه سلام بالحبيب الجميل حسن الطيب يس ابو الحسين كان ماخاف الكضب شفتو فوق سهرة في تلزيون السودان اللت مديح وجنبو وحيدة ابقى لي دي عروسه دا كان ما عيني كضبتني يسبقنا الشوق له وممكونين خلاس بندور نعرف اخبارو علا الزول تب ماقلع حجر ورمو في بير وان شاء غاتس في العسل لجضومو
تحياتي اخي حسن
Post: #717 Title: Re: هونوو شوية.... وصلو علي النبي .... إستراحة أيها المحاربون Author: ماجدة عوض خوجلى Date: 09-19-2007, 00:36 AM Parent: #716
اللهم صلى على الحبيب المصطفى وعلى اله وصحبه وسلم رمضان كريم خالد وكل عام وانت بخير وربنا يحقق الامانى ويحفظك يارب
Post: #718 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-19-2007, 05:41 PM Parent: #717
Quote: رمضان كريم خالد وكل عام وانت بخير وربنا يحقق الامانى ويحفظك يارب
ماجدة عوض خوجلي سلام الله أكرم وتصمومي وتفطري علي خير ... وان شاء الله معيدة بين اهلك واحبابك في السودان سلمي لي علي اخيتك منى
Post: #719 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-19-2007, 06:04 PM Parent: #718
النفائس بالنار أصل النفائس يختبر للقاك أرسلنا القدر فخبرناك كريم الأصل حر كالشمس ترسل ضوءها حين الظلام إلى القمر كالندى عمّ الوجود عند ساعات السَّحَر كالسحائب ظللت ماتحتها في وقت حر كالغيث يمطرنا بفيض منه ثر ذكرك تضوّع كالزهر فاعذر يراعي إذا أنكسر وأعذر مدادي إذا أنحسر أمام وصفك يابحــــــر
سمية الحسن محمد طلحة خالد لك التحية علي ماتمدنا به من نفائس ولكل نفيس ونفيسة من زوارك الكرام .
Post: #720 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-19-2007, 08:42 PM Parent: #719
Quote: بالنار أصل النفائس يختبر
اي والله بالنار أصل النفائس يختبر ... لكن مأساتنا أن من يتقفّوا اثرهم قلائل في زمنا هذا كانوا رجال لزموا الجار قابضين النار .. مسحوا علي رأس فاقد الأب حُنو وكفالة ... صانوا العرض ، عرض الغريب قبل القريب ... جل حياتهم لغيرهم وهم يتبسمون من فرحة تغطي قلوبهم ، بالدين إسوّ الزين والفات ما برجع يا ريحانة البطانة ...
لك التحية والمودة سمية الريحانة
Post: #721 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-19-2007, 10:06 PM Parent: #720
أقول لأصحابي وقد طلبوا الصِلى تعالوا أصلوا ان خِفتُ القر من صدري
فأن لهيب النار بين جوانحي إذا ذُّّكرت ليلى أحرَ من الجَمري
فقالوا نريد الماء نسقي ونستقي فقلت تعالّو فاستقوا الماء من نهري
فقالوا وأين النهر؟ قلت مدامعي سيغنيكم دمع الجِفون عن الحفري
فقالوا مجنون ! فقلت موسوس أطوف بطهر البيد من قفرٍ إلى قفري
أبيت صريع الحب مدمي من الهوى وأصبح منزوع الفؤادِ من الصبري
منايا دعيني في الهوى متعلقاً فقد متْ ألا أنني لم يزر قبري
عليك سلام الله يا غاية المنى وقاتيلتي حتى القيامة والحشري
Post: #722 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-20-2007, 08:30 PM Parent: #721
غرارة العبوس الليلة دار دولابه يا خريف البطانة ومرتع الجلابة بتعقر الركوب وتنحر الحلابّه كم قشيت دموع وجعة ونتعتَّ غلابه
Post: #723 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-20-2007, 08:43 PM Parent: #722
إذا كنت عن أن تحسن الصمت عاجزاً فأنت عن الإبلاغ في القول أعجز
يخوضوا أناساً في المقال ليوجزوا وللصمت عن بعض المقالات أوجز
Post: #724 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-20-2007, 10:03 PM Parent: #723
زعموا أن يمامة كانت آمنة مطمئنة في عُشها بأعلى شجرة مورقة جميلة، فجاء في مكانها صياد، وجعل يبحث عن طير يصيده، فلم يجد شيئاً، ولما همَّ بالرجوع ، برزت اليمامة من عُشها، وترنمت بجميل صوتها. فتوجه إليها الصياد وصادها، فلما وقعت في يده قالت لنفسها: (( سلامتي كانت في صمتي ولو ملكت منطقي، لملكت نفسي )) وقيل : يموت الفتى من عثرة بلسانه وليس يموت المرء من عثرة الرِجلِ
Post: #725 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-21-2007, 10:05 AM Parent: #724
اللهم صلي علي سيدنا محمد وعلي آله وصحبه وسلم
يا من رفعت السموات وطرحت الأرض يا من فارض الضي من الظلمة وفرضت الفرض نحن الصح تركناه وربحنا الغرض نرجاك تمحى واضحنا وتستر العرض ود اللديغم
Post: #726 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-21-2007, 04:39 PM Parent: #725
الدعوات المستجابة ثلاث : دعوة المظلوم، دعوة المسافر، ودعوة الوالد على ولده.
Post: #727 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-21-2007, 08:29 PM Parent: #726
لسان العاقل من وراء قلبه، فإذا أراد الكلام تفكّر، فإن كان له قال، وإن كان عليه سكت، وقلب الأحمق من وراء لسانه، فإذا أراد أن يقول قال: فإن كان له سكت وإن كان عليه قال.
Post: #728 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-21-2007, 10:02 PM Parent: #727
امتدح الشاعر أبو تمام الخليفة العباسي أحمد بن المعتصم بقصيدة،فلما بلغ إلى قوله:
إقدام عمرو في سماحة حاتم في حُلم أحنف في ذكاء إياس
قال له الكندي بجرأة وثبات : الأمير فوق من وصفت.
فأطرق أبوتمام ملياً ثم قال :
لا تنكروا ضربي له من دونه مَثلاً شروداً في الندى والبأس
فالله قد ضرب الأقل لنوره مثلاً من المشكاة والنبراس
Post: #729 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-22-2007, 11:43 AM Parent: #728
يمشي الفقير وكل شئ ضدده والناس تغلق دونه ابوابها
وتراه مبغوضاً وليس بمذنب ويرى العداوة ولا يرى أسبابها
حتى الكلاب إذا رأت ذا ثروة خضعت لديه وحركت أذنابها
وإذا رأت يوماً فقيراً عابراً نبحت عليه وكشرّت انبابها
Post: #730 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-22-2007, 12:51 PM Parent: #729
إحذر أن تدوس على عنق واقع على الأرض، واحذر أن تعبس في وجه محتاج، واحذر أن تصم آُذنيك عن إستغاثة مسكين وملهوف.
Post: #731 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-22-2007, 04:57 PM Parent: #730
أرسل احد التجار ولده في تجارة، فرأى في طريقه ثعلباً طريحاً يلتوي من الجوع فقال: من أين يتغذى هذا المسكين ؟؟ وإذا أسد أقبل يحمل فريسته. فأنزوى الولد وهو يرتعد. ثم راقب الأسد حتى أكل فريسته.وترك منها بقية لا خير فيها ومضى، فقام الثعلب وآكل من فضلة الأسد، فأراد الولد أن يغتدي بالثعلب. ورجع إلى ابيه وأخبره بما رأى .. فقال له والده : أنك مخطئ يا بني . وأني أرجوك أن تكون أسداً تأكل الثعالب ما أبقيت، ويسوؤني أن تكون ثعلباً تأكل من بقايا الأسود وتشرب من سؤرها. ورده في خطئه وقال :
ما المرء ألا حيث يجعل نفسه فكن طالباً في الناس أعلى المراتب
Post: #732 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-22-2007, 09:43 PM Parent: #731
التومّـــــــــــــــات
خليهن سوّا لا تفرقن يا الله توماتي أنا بعشقن دوره دوره بِتاوقن ولحظة مابقدر أفارقن ليه عيوني الشوق حارقن والدموع دايره تغرقن والداً قال ما يمرقّن خايف النظرات تلحقّن وخايف العين لا تعوقّن
كان زمان لي شتلاتّو يسقّن ومره في اللوبي يورقّن وديمه في القعده ينقنقن وليهو يحفظّن الخالقن
وسوف نواصل مع التويمات ...ورمضانكم كريم
Post: #733 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-23-2007, 04:42 PM Parent: #732
يا بني ! إياك والجزع على مافات، والطمع فيما لا يرجى، فما أشتد خطب ألا وأعقبه فرج، ولا أنسد باب إلا وسوف ينفرج، فأن الله عز وجل قد جعل مع العسر يسرين ، وجعل في الصبر خير الداريين، وما زال مع الصبر الظفر والأنس ، ومع الجزع الكدر واليأس، فأختر لنفسك ما يدينك إلى الله ويقربك ، وأطرح عنها ما يحزنك ويكربك.
شنو يا ريحانة البطانة الكبر دخل
Post: #734 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-23-2007, 10:23 PM Parent: #733
التويمـــــــات
يا عيوني أنا ولا تهرجّن ولي مشاعري أنا لا تزعجّن ولي خيوط السعد أنسجّن امكن التويمات اخرجّن خطوة خطوة بدرجّن وفي عذابكّن بتفرجّن
أنا مابخاف الموت والسجن والله جسيمي الصبي بتعجن وهن مالّن آبن ما يجيبّن ويا الله مالي أنا ماشي أجن ما بِصح ياالحاج اب شنب ولسه ديل مابقو للأدب في المعاملة لا تكون صعب وإت ما تقسى علي العنب وما تعكر موية الدهب شمعتين أوعا من اللهب ونحن يا الزينين لينا رب
Post: #735 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-24-2007, 05:28 PM Parent: #734
قال جعفر بن محمد ( من كان فيه ثلاث فقد وجب له على الناس أربع: إذا خالطهم لم يظلمهم. وإذا حدثهم لم يكذبهم. وإذا وعدهم لم يخلفهم. . وعلى الناس يظهروا عدله. وأن تكمل فيه مروءته. وأن يجب عليهم أخوته. وأن يحرم عليهم غيبته ).
Post: #736 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-24-2007, 08:29 PM Parent: #735
نواصل مع التويمـــــات
متلي كم زول مات بي الشجن وقبلي ودالزومة إنسجن من ضفاير بتمواجّن ومن خِدود بتوهجّن ومن تويمات إتخرجّن ومن عيون أترابّن نجّن فوق عروش الحيا إتوجّن لِي مريضّن ما عالجّن قلبي نيرانّو إتأججّن مالي قِبلاتي إتعوجّن أمشي وين يا نور الدُجّن ما كفاي يا التويمات أذىَ هو طيف يلاوز لي ملاوزّه ما التويمات أنا حاجزه وحاجه غيرّن ما عايزّه يا الجمالكّن بقى معجزه ألسن النقاد عاجزه
Post: #737 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-24-2007, 08:33 PM Parent: #736
عسى الكرب الذي أمسيت فيه يكون وراءه فرجًّ قريب
إذا المرء أعيته المروءة يافعاً فمطلبها كهلاً عليه ثقيل
Post: #738 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-24-2007, 11:02 PM Parent: #737
Quote: لسان العاقل من وراء قلبه، فإذا أراد الكلام تفكّر، فإن كان له قال، وإن كان عليه سكت، وقلب الأحمق من وراء لسانه، فإذا أراد أن يقول قال: فإن كان له سكت وإن كان عليه قال.
جراحات السنان لها إلتئام ولايلتئم ماجرح اللسان
شكرا خالد على ماتتحفنا به في واحتك هذى حيث نستريح جزاك الله عنا خيرا... آمين أرجو تغيير اللون الأصفر حتي نتمكن من قراءة الفقرة أعلاه نسأل الله أن ينور أبصارنا وبصائرنا.
Post: #739 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-25-2007, 10:25 PM Parent: #738
Quote: شكرا خالد على ماتتحفنا به في واحتك هذى حيث نستريح جزاك الله عنا خيرا... آمين أرجو تغيير اللون الأصفر حتي نتمكن من قراءة الفقرة أعلاه نسأل الله أن ينور أبصارنا وبصائرنا.
مين يعصى أمرك .. أمرك يا ريحانة
تحيات رمضانية روحانية تعبق برائحة بركات رمضان من تطوّع
سلامي للأسرة
Post: #740 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-25-2007, 10:31 PM Parent: #739
اللــــــؤم
قيل :
سقط اللئيم من السفينة في الدُجى فبكى عليه رفاقه وترحمــــوا
حتى إذا طلع الصباح أتت به نحو السفينة موجة تتقدّمُ
قالت خذوه كما أتاني سالماً لم ابتلعه لأنه لا يهضم
Post: #741 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-25-2007, 10:58 PM Parent: #740
بقية قصيد .. التويمــــات للشاعر عبدالله محمد خير
انتَ جيب أوصاف موجزه يا قلبي انا بحبزه تبقى حالتنا مجهزّه ليه يضايقونّا الناس كده والغرام سنة مؤكده أنا قلبي من اول مابدا بي غرام التومات شدا والعيون مويتا جامده والبعاد الطال سهّده ليه سته شهور شارده من زمان فارقتا الندى ومابتشوف ناس مغيبه لا زيارات لا معايده لا صدف عند ساعة الندى انا قتا بالصبر أزوده علي البعاد أمكن أعوّده تاني ترجع متمرده تعيد اسواقه تجدده روحي دِركت .. منو البنجده بلا التويمات رايده
Post: #742 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-26-2007, 04:28 PM Parent: #741
يروى أن رجلاً شتم المهلب بن أبي صفرة فلم يجبه المهلب ... فقيل له لمَّ حلمت عنه؟؟ قال المهلب : لا أعرف مساويه وكرهت أن أبهته بما ليس فيه.
Post: #743 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-26-2007, 10:33 PM Parent: #742
قال علي بن ابي طالب رضي الله عنه: العلم خير من المال، لآن المال تحرسه العلم يحرسك، والمال تفنيه النفقة والعلم يزكو على الإنفاق، والعلم حاكم والمال محكوم عليه، مات خازنو المال وهم أحياء، والعلماء باقون مابقى الدهر، أعيانهم مفقودة ، وآثارهم في القلوب موجودة.
Post: #744 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-26-2007, 11:37 PM Parent: #743
إشترى غندر يوماً سمكاً، وقال لأهله: أصلحوه. ونام، فأكل عياله السمك ، ولطخوا يده بالسمك. فلما صحا قال : قدموا لي السمك. قالوا له : قد أكلته. قال : لا . قالوا له: شم يدك، ففعل، فقال : صدقتم، لكن ما شبعت بعد.
Post: #745 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-27-2007, 08:32 PM Parent: #744
مع قبائل العيــــــد حلاقة مجانـــــــــية
قال الرجل للحلاق مشيراً إلى ولد صغير كان معه: أرجو أن تقص شعر هذا الولد بسرعة فأنا مرتبط بعمل. الحلاق : خمس دقائق فقط وسيكون الصغير جاهز. الرجل إذن سوف أعود بعد خمس دقائق تماماً. أنتهى الحلاق من مهمته في الموعد المحدد، وقال للطفل : الآن أجلس على الكرسي حتى يعود والدك. الطفل : لكنه ليس والدي. الحلاق : كيف ؟ إذن هو خالك أو عمك . الطفل : أبداً، لقد قابلني في الطريق، وأشمأز من طول شعري وقال لي : يا بني فإني سوف أقص لك شعرك الطويل هذا .. مجاناً.
Post: #746 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-28-2007, 08:51 PM Parent: #745
مرَّ إبراهيم بن أدهم برجل يتحدث بما لا يعنيه، فوقف عليه وقال: كلامك هذا ترجو به الثواب من الله تعالى ؟ قال : لا . قال افتأمن عليه العذاب ، قال : لا . قال : فما تصنع بكلام لا رتجو عليه ثواب وتخاف منه عقاب ! عليكَ بذكر الله تعالى.
أي والله الكثير من حديثنا لا ترجو منه ثواب لا نخاف عليه عقاب عفوك ورضاك يا رب فأنا غافلون
Post: #747 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-28-2007, 09:17 PM Parent: #746
الكنينـــــة بت شندي زمان
شندي ... تلك المدينة الجميلة جمال أهلها وساكنيها .. عندما ملَّ نهر النيل العظيم مساره من الجنوب إلى الشمال... أنثنى ومن دون أنزار مسبق وغير مساره فصار يسير الهوينة من الغرب إلى الشرق وفي ذلك المنحنى الجميل أكتسب النيل صفة شفق المغيب مساءَ وصفرة تبر الشم صباحاً.. وداخل هذه اللوحة المعبرة صباحاً مساء ترقد أجمل مدينة في نظري ولا شماتة علي ففيها مدفن صرتي ( مدينة شندي ). في هذه المدينة ولدت وعاشت ( الكنينة ) في حي المحطة بشندي حباها المولى تعالى جمال جعل الشعراء يتنافسون بالغناء فيها. وفيها قال الشاعر الجميل ود النزيها قصيدته الجميلة ( الكنينة يا رطب الجنينة الله لينا ) التي تغنى بها الفنان علي إبراهيم ..
Post: #748 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-28-2007, 09:34 PM Parent: #747
جرت العادة في الغناء زمان وزمن الدنيا بخيرها ونعيمها أن تسبق الأغنية رمية .. وهي من شعر الرباعيات ( الدوبيت ) وبها يكون المدخل للقصيدة أو الأغنية هذه الرمية كنت دوماً خليل أغنية الكنينة
يا ريح الصبا الجيتينا من أبو سالف وكيف حال خيولاً سيدها عابد وكالف الخلاني فوق نيران جهنم خالف حار بالحيل فراق الزول بعد ما يوالف
Post: #749 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-28-2007, 10:41 PM Parent: #748
الكنينــــة للشاعر ود النزيها
الكنينة الكنينة يا رطب الجنينة الله لينا...
الكنينة الدارّه أخمجيها الكنينة والروبّه تلّيها الكنينة خلق الله أنجضيها الكنينة دي الدنيا شن فيها بنريدا وبنموت نخليها كُرْ علينا....
الكنينة يا شتلّه يا دُقاقه الكنينة يا نارّك حراقّه الكنينة خلق الله مشتاقه الكنينة والدنيا فراقّه بريده ومتين بنتلاقه العوده لينا ....
الكنينة الكنينة بت بله الكنينة وأدي العشوق طلّه الكنينة ومسختي خلق الله الكنينة وفي نارها بتقلّه بنريدك وأدي العريس طلّه والريشة لينا....
الكنينة وقلبي داب حتّه الكنينة وفارقتّه لي الجتّه دا الناجضنا في شندي المحطة عومي لينا ....
الكنينة يا شبه الأرايل الكنينة يا المحلب الشايل الكنينة غصينك المايل الكنينة وماهماني في القايل بنريدا وفيها الثمار شايل نحنا اتقلينا .....
الكنينة يا بت مالك الكنينة أديني شبالك الكنينة ناجضه الخلق مالك الكنينة ختيني في بالك بنريدك دي الدنيا دايمه لك نحن أنتهينا ....
يرحم الله الشاعر الجميل ود النزيها من مواليد ساردية شمال شندي وهو ايضا شاعر لكثير من الأغاني المحلية في مدينة شندي وضواحيها ... وكذلك تغنى له علي ابراهيم بأغنية آخرى وهي اغنية غزلية وين الرايقة يا فنية ناري الليلة
Post: #750 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-29-2007, 09:43 PM Parent: #749
حتى متى وإلى متى نتوانى وأظُن هذا كله نسيانّا
والموت يطلبنا حثيثاً مسرعاً إن لم يزرنا بكرةً مسّانا
إنا لنوعظ بكرة وعشيةً وكأنما يُعنى بذاكَ سوانّا
غلب اليقين على التشكك في الردى حتى كأني قد أراه عيانّا
يا من يصير غداً إلى دار البلى ويفارق الأخوان والخلانّا
إن الأماكن في المعاد عزيزة فاختر لنفسك إن عقلت مكانّا
Post: #751 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 09-30-2007, 01:34 AM Parent: #750
Quote: شنو يا ريحانة البطانة الكبر دخل
الزول لمن يكتر الشكية بقولوا ليه دخلك الما بتداوى والمقصود الكبر الله يكبر العقول ياخالد مانا صغار في الدنيا دي بعد الشيب عمتني ونفسي مده قرحَّه عُقب الليله عــادت للأذى البِسرحَّه درعات القنوب بعد القلب صـارحه مجبورين علي نـــار دقمة ندرحَّه
الصادق ودآمنة
ودمت في أمان الله.
Post: #752 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-30-2007, 01:48 PM Parent: #751
الزول لمن يكتر الشكية بقولوا ليه دخلك الما بتداوى والمقصود الكبر الله يكبر العقول ياخالد مانا صغار في الدنيا دي
الله يكبر العقول معروف عقلك كبير ويوزن بلد ... لك التحية فاقدناك في الأيام السابقة لك خلقنا لك العذر وقلنا أمكن مضيوفة في رمضان سواقة عصيدي وشي خش روب وسويح سمنة لملاح نعمية تقيلة يقدل فيها السوسيو بي عبايتو
ما تغيبي علينا يا ريحانة تعودنا على الشهد الذي يسيل من فوك قطرا
Post: #753 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 09-30-2007, 03:10 PM Parent: #752
يوم الخميس فكري العلي مو رايق
سفرآ بالمخصوص يا اخوي خطر غير لايق
عقلي انا كجن من قام معفرت وضايق
من دامر حمد للداخلة خمسة دقايق
القصيدة دي كتبها عريس جديد هو اصلآ سواق قطر
يوم الدخلة جاتو برقية بانو يسافر الى حلفا
والله لو لا بوستك دا بيزورهو بنات كنتا شطحتا شوية.
تعالي في الماسنجر لاني ما قادر اكتومه
Post: #754 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-30-2007, 09:21 PM Parent: #753
Quote: يوم الخميس فكري العلي مو رايق
سفرآ بالمخصوص يا اخوي خطر غير لايق
عقلي انا كجن من قام معفرت وضايق
من دامر حمد للداخلة خمسة دقايق
حبيبنا فيسل محمد هليل مسكاقني كيف حالك يا جميل كل الجمال دا يطلع منك
من دار حمد للداخلة خمس دقائق بس هذا ركب له جناحين
تسلم يا جميل مرورك أسعدنا
Post: #755 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 09-30-2007, 09:29 PM Parent: #754
مرَّ عمر بن الخطاب رضي الله عنه ليلة في بعض سكك المدينة المنورة يتفقد أحوال الرعية فسمع امرأة تقول: ألا طال هذا الليل وازورَّ جانبه وليس إلى جنبي خليل ألاعبه
فوالله لولا الله ونخشى عواقبه لحُرّك من هذا السرير جوانبه
مخافة ربي والحياء يعفني وإكرام بعلي أن تنال مراتبه
فسأل عمر بن الخطاب رضي الله عنه من هي ؟ فقيل له : أنها فلانة زوجة فلان، وله في الغزاة ثمانية أشهر، فأمر عمر رضي الله عنه ألا يغيب الرجل عن امرأته أكثر من أربعة أشهر.
Post: #756 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-01-2007, 10:04 PM Parent: #755
الداير ينوم ويرتاح يكثر من النوم ليلاً
الفرق كبير بين النوم ليلاً والنوم نهاراً، فالنوم ليلاً له فوائد عظيمة حيث تنال أعضاء الجسم من الراحة أضعاف ما تناله خلال النوم نهارا بسبب مافيه من ضوضاء وصخب وضوء قوي وكلها مؤثرات شديدة على الجهاز العصبي. وقد أكتشف العلماء أخيراً أن الغدة الصنوبرية في الدِماغ تقوم بإفراز مادة تسمى الميلاتونين والتي تؤثر تأثيراً مباشر في عملية النوم. وأن الظلام يزيد إفراز هذه المادة بعكس الضوء الذي يثبطه.
Post: #758 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-02-2007, 04:05 PM Parent: #757
Quote: رمضان كريم يا خالد وأهل البوست
..
زارتنا البركة يا منى خوجلي رمضان كريم وكل سنة وانت طيبة وتصومي وتفطري علي خير
والعيد مبارك عليك مقدما ما تقولي لي ما عيدتا علي
Post: #759 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-02-2007, 08:54 PM Parent: #758
شاهد إفلاطون ذات يوم شاباً ذميما يسب شاباً وسيما، فأمره بالكف عنه وأن يكون أكثر تأدبا وتسامحا معه. وهنا سأله الشاب الذميم : هل الأدب والتسامح وقف على بعض الناس دون غيرهم. فأجابه أفلاطون : كلا ولكن يجب على الإنسان أن ينظر إلى وجهه في المرآة فإن وجده حسناً لم يخلطه بقبح ... وأن وجده قبيحاً الأفضل أن لا يجمع بين قبحين...
Post: #760 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-02-2007, 09:48 PM Parent: #759
قال علي بن ابي طالب رضوان الله الله عليه: من نصَّبَ نفسه إماماً فليبدأ بتعليم نفسه قبل تعليم غيره، وليكن تأدبه بسيرته قبل تادبه بلسانه.
Post: #761 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-03-2007, 09:15 PM Parent: #760
قال حكيم لإبنه: اتق الله فإن لا عمل لمن لا نية له، ولا مال لمن لا رفقة له, ولا حرمة لمن دين له.
Post: #762 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-03-2007, 10:27 PM Parent: #761
أيـــــام زمـــــان يا حليلا راحت وانتهت
الحب كان عذري والزمن زين والناس زينين ... البنية ما بتجيب اسم المحبوب خوفاً تجيب أسمو الهوى يقسمو ... الوليد مقطع حبو في حشاهو وتاوق ويتحين الفرص السانحة لنظرة وبس من الكحيلة والمدعجة. وكان المشغل وبيت الخياطة وهي الفسحة التي تجد فيها البنية راحتها بين اترابها تشغل وتخيط ماطاب لها هدية للمحبوب .. عمة وتبرم اطرافها مع الحياكة ... طقية في مشغل يحدرها الجنى مع الحجاب المقرون .. منديل يغي به نفسه حر الشهور القاسية من القهنوبة.
كلها مجتمعة كانت لها قيم معنوية كبيرة في نفس المحبوب يحافظ عليها ويداريها من عيون الحاسدين حافظه على روحه وفيها روحه اي والله يجد فيها مسك ريحها والبسيم فج البروق زصزت البلبل الغريد وصورة ماترسم اجمل منها في خياله.
Post: #763 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-03-2007, 10:47 PM Parent: #762
تراثنا الشعري خلد لنا من الشعر مايروي لنا قصص حقيقة عندما فقد الحبيب خاتمه اب ياقوت هدية السمحة في البنوت
قال :
خاتمي الليلة يا اب ياقوت وخاتمي العاجب البنوت
خاتمي الليلة قالوا ودر بشارتو تور وكرامتو عجل
ويا خاتمي التلف ودران وراح في نجيلة الحيضان
وآخر ضاعت منه هدية المحبوبة تلك الطاقية التي كان يزهو بها مشغولة بي انامل من حرير
قال:
وكت المطره شاعت يوم الاربعا أريت ارواحنا راحت المشبوكه ضاعت
بسم الله الرحمن الرحيم سلام ... الاخ فيصل سلامات .. تسلم ياغالي علي السؤال بس جري الدنيا . الخال ابؤاحمد سيد الحوش سلامات .. انشاء الله تاني مانطول بس انت عارف الجري في بلاد الغربه دي شديد كيف . وبخصوص ابؤالحسين الظاهر عليه لسه غاطس في البطاطس . وسلام لي ريحانة البطانه وبنات خوجلي وكل رواد حوشك العامر .
تحياتي ...
Post: #771 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-05-2007, 08:17 PM Parent: #770
حاتم هاشم سلمك الله من كل سوء منور حوش خالد بمقدمك جمعة مباركة ياخالد ود شوراني قال : ضُهر الجمعة صليتو وقلب فوق تيسي كان مربوط ينسِف فتريت مو حميسي تقديري ومناي ومظنتي وقييسي أهجمبو المِجمِل صوتو رب النيس
كان مربوط ينسف فيترت مو حميسي تعرف ياخالد الفتريتة دي ليها طعم ألذ من كل أنواع الذرة ( ودعكر ، الحميسي ،الدبر والمايو) إضافة لقيمتها الغذائية العالية والله لو ملحتها بموية تأكل ماتدي الجنبك والعجب لوبقت بي روب! ودشوراني ماهو خاتي لو أفتخر بأن جمله يأكل فتريت ، وشد فوقو بعد ماصلى الجمعة وفي حساباته أن يهجم به ديار محبوبته صاحبة الصوت الجميل المجمله رب الناس. صلوا علي النبي وكل جمعة وأنتم بخير .
Post: #772 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-05-2007, 08:31 PM Parent: #771
[B]كان مربوط ينسف فيترت مو حميسي تعرف ياخالد الفتريتة دي ليها طعم ألذ من كل أنواع الذرة ( ودعكر ، الحميسي ،الدبر والمايو) إضافة لقيمتها الغذائية العالية والله لو ملحتها بموية تأكل ماتدي الجنبك والعجب لوبقت بي روب! ودشوراني ماهو خاتي لو أفتخر بأن جمله يأكل فتريت ، وشد فوقو بعد ماصلى الجمعة وفي حساباته أن يهجم به ديار محبوبته صاحبة الصوت الجميل المجمله رب الناس. صلوا علي النبي وكل جمعة وأنتم بخير .
الفيتريتة هي الآصل في العيوش ... والباقي محسنة لك جزيل الشكر على مرورك الذي دماً يزيدنا فائدة
قال ودبادي العكودابي
تلب حامد فوق مخلوف ابزور وإتربّع طلق الرسن اب زمّه وسوّا خبيباً بدّع هوّد فوق رُقاب الضي
لاقّوهو تلاته زبيدية خالفين سِيقاننُ فوق السنكيت ورقاب ألبل بيناتن مرخية محجوبات بي الخرز الفصلّو السوميت وكل واحد درقه وسيف وطبنجية وباقي جرابُن مليان دنميت الجنيات إتقبلو وضاقو الحارة وكان حجازن صقر الجو
Post: #773 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-05-2007, 09:06 PM Parent: #772
يقال إن قنبرة كانت تعلم فرخها الطيران. فنصحت له ألا يعتمد على حناحيه .. حتى يأنس من نفسه القوة والشدة، وجعلت تطير أمامه من غصن لغصن يقاربه. ومن عود إلى عود يجاوره، وهي تستريح في كل نقلة كي يستريح فرخها. ولا يمل ثقل الهواء، فخالفها وطار وأرتفع مظهراً النشاط والمهارة . فخانه جناحاه وانكسرت ركبتاه ولم ينل مناه. ولو تأنى لنال مايرضيه وعاش سعيداً.
بسم الله الرحمن الرحيم سلام يا هلنا ... احمد محمد (الجاغريو) ... احد الشعراء والملحنين الذين تركوا بصمات واضحه في اغاني الحقيبه في السودان ... رحمه الله .
تحياتي ... حاتم هاشم .
Post: #775 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-06-2007, 09:11 PM Parent: #774
الشاعر المرهف الجميل الجاقريو ... تميز شعره بالكلمة الخفيفة والجميلة ابن العليفون وعاشق بــــري
سميري الفي ضميري وين سميري
يا زهر أحلامي بنظم فيك كلامي ناجع ودمعي هامي ويا روحي وألهامي مع القمري البقوقّي برسل ليك سلامي
Post: #776 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-06-2007, 11:24 PM Parent: #775
هكـــذا ربونَّا ومن خصالهم السمـــــــــــــح تجرعنا
وأغض طرفي مابدت لي جارتي وحتى يواري جارتي مآواها
وإني امرؤ سمح الخليقة ماجد ولا أتبع النفس اللجوج هواها
الأهيف ................ للشاعر ... عمر البناء ... .......................................
الأهيف ابا ما يلين من بعده صار قلبي ضريم بى نار الفرقه لمتين يا كريم الحظ يخدمنى وحبيبى يلين اراه الناعس در فاطرو كريم يألفنى ويترك لطباع الريم هو جسمو سليم وانا جسمى معذب وقليبى كليم نور محيو الفجر والليل هضليم له راحة الدنيا وليا التأليم لو مره نسيم يتمايل غصنك منه مقيسيم قبل الحاظك ما رأيت يا وسيم الأعين تفعل فعل المكسيم براق الغيم زى بسمك وليك الشادى نغيم كيف عاشقك يثبت فى وطنه يقيم انت نافر وعارفه بهواك سقيم ماليا نديم غير نجم الليل ومنامى عديم لو كان يا مدلل لى هجرى تديم اتعذب وتمنع حظى التقديم لى جود بالليم انا من بعدك صار قلبي أليم متى تعطف وتبقى حليم يا صفى القلب وروح التعليم بقى شغلى نميم وفراشى قتاد وغطاى حميم لو كان لى وصلك اوجد تتميم لى سرك بحفظ فى قلبى صميم . ...................................................
تحياتي ... حاتم هاشم .
Post: #778 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-07-2007, 08:33 PM Parent: #777
Quote: لو مره نسيم يتمايل غصنك منه مقيسيم
يا سلام يا حاتم مقسيم اي متقسم وقال الدابي :
آسيا فيها طبعاً ياخي مفهوم و في الفريق ان دارت تحوم أول حاجة تقيف السموم وينزل الغيث والقش يقوم
عكير الدامر ... إنه علي إبراهيم عكير ينحدر أصله من قبيلة الهدندوه بشرق السودان ونزحت اسرة عكير ( العيكراب) إلي مدينة الدامر في القرن التاسع عشرومنها الي شتي مدن السودان ولكن ظلت الدامر هي الموطن الروحي للاسرة وقد إرتبط بها عكير إرتباطاً وثيقاً وإرتبطت بأسمه وكان عكير رجلاً مثقفاً جداً وكيف لا وهو من أوائل المتخرجين من كلية غردون ويجيد اللغة ألانجليزيه بالإضافة للهجة الهدندوه وكان يجد نفسه في حياة البادية التي كان يهاجر إليها في رحلات صيده المشهورة وعاشق البادية الشاعر / عمر البنا وكان يمتلك عدداً من كلاب الصيد الفائقة السرعة هذا بالاضافة لاجادته إستخدام البندقية في صيد الطيوروالغزلان وكذلك التماسيح . إن كتابة الشعر جزء من حياة عكير الدامر وهناك جوانب أخرى فهو أول سوداني يمتلك متحفا أثري زود هذا المتحف بنوادر التحف وكان يعتز بهذا المتحف إعتزازاً كبيراً ويعتبره جزء من حياته وقد سجل ألاستاذ/ الطيب محمد الطيب في برنامجه صور شعبيه عدد من الحلقات معه ويضم المتحف أيضا أعداداً من ألإلبومات الضخمة الحجم بها صور كل آل عكير عبر حقب الزمان المختلفة. وجانب آخر من شخصية عكير الدامروهو الشجاعة وقد سجل ذلك عبر قصيدته المشهورة ( الدود قرقر حبس الدرب ) والتي يعني بها نفسه هذاوقد إشتهر عكير بخفة الظل والفكاهه والطرب والحياة البسيطةفعندما يدعوا أحداً مقرباً لنفسه ينصب له خيمة مصنوعة من الصوف ويفرش أرضيتها بالسجاد ويعلق القربة المليئة بالماء أمام الخيمة بالاضافة لعدة الجبنة وقطع من متحفه وبذلك يحس أنه أكرمك في المكان المحبب إليه وهو البادية هذه لمحات من حياة الشاعر عكير الدامر .
منقول .
تحياتي ...
Post: #780 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-08-2007, 09:27 PM Parent: #779
في هذه العشرة المباركةِ ليلةُ القَدْرِ التي شرفها المولى عز وجل على غيرها، ومَنْ على هذه الأمة بجزيل فضلها وخيرها، وقد أشار الله تعالى بفضلها في كتابه المبين الحق. ليلة القَدرِ شريفة عظيمة يقدر الله فيها مايكون في السنة ويقضيه من أموره الحكيمة. ليلة القدر خيرٌ من ألف شهر ( في الفضل والشرف وكثرة الثواب والأجر ) لذلك كان من قامها إيماناً وأحتساباً غُفر له ماتقدم من ذنبه. ليلة القدر سلام للمؤمنين من كل شر لكثرة من يعتقوا فيها من النار ويسلموا من عذابها برحمة رب رحيم. الملائكة تنزل فيها وهم لا ينزلون إلا بالخير والبركة والرحمة. وقد أخفى الله تعالى علمها على العباد رحمة بهم ليكثروا عملهم في طلبها في العشرة الأواخر من الشهر العظيم بالصلاة الذكر الدعاء فيزدادوا قُربة من الله . ليلة القدر تفتح فيها الأبواب ، ويقربفيها الأحباب ويسمع فيها الخطاب ويرد الجواب. ويكتب للعاملين فيها عظيم الأجر. ليلة القدر خيراً من ألف شهر فأجتهدوا في طلبها فهذا أوان الطلب وأحذروا الغفلة ففي الغفلة العطب.
Post: #781 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-08-2007, 09:50 PM Parent: #780
فرحيــــــن برحمتك يا رب
للصائم فرحتين، فرحة عند فطره وفرحة عند لقاء ربه. أما فرحة عند فطره فيفرح بما أنعم الله عليه من القيام بعبادة الصيام الذي هو من أفضل الأعمال الصالحة. وكم أناسْ حرموا من ذلك الفضل ، لم يصوموا ويفرحوا بما اباح الله للصائم من الطعام والشراب والنكاح الذي كان محرم عليه حال الصوم. وأما فرحته عند لقاء ربه فيفرح بصومه حين يجد جزائه عند الله تعالى موفراُ كاملاً في وقت هو أحوج ما يكون إليه حين ينادى في الخلق في المحشر ... أين الصائمون ؟؟ ليدخلوا الجنة من باب الريان الذي لا يدخله أحد غيرهم.
اللهم أجعلنا من اللذين يفرحون بصيامهم في ذاك اليوم وان ندخل جنانك العلى من باب الريان يا رب.
Post: #782 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-08-2007, 10:32 PM Parent: #781
محبــــة الله تعالى
تكون في محبة كلامه الذي تكلم به. والشوق لتلاوته وتدبره والأنس به، وتحكيمه في كل أمور حياتنا واقعاً ملموساً
محبة رسوله الكريم صلى الله عليه وسلم اتباعه في كل أمر به والانتهاء عن ما نهى عنه .. والإكثار من الصلاة عليه صلى الله عليه وسلم .. وأعتقاد عصمته واتخاذه أسوة وحسنة،والعمل بسنته بدون تحرج ولا تهيب ولا تذبذب.
الغيرة على محارم الله، والذّب عن حدود الله أن تنتهك.
التقرب لله بالنوافل والتواصل لمرضاته بالأعمال الصالحة من صلاة وصيام وصدقة وحجا وعمرة وتلاوة وذكر وإلى ماغيرها من الأعمال الصالحة
نسأل الله أن يثبتنا على دينه الذي ارتضى لنا ويحينا مسلمين ومؤمنين ويميتنا على ذلك أنه ولي ذلك والقادر عليه.
Post: #783 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-09-2007, 02:26 AM Parent: #777
Quote: لمتين يا كريم الحظ يخدمنى وحبيبى يلين
حاتم هاشم لك عاطر التحايا علي جميل الكلم لمتين ياكريم الحظ يخدمني وحبيبي يريم ولعلك تذكر أغنية أحرووني ولا تحرموني سنة الإسلام السلام قال ودالرضي : قال لي طبع الريل أصلو نافر قتلو عله تريم النوافر وعل راء الريم يبقي لام
وأهلنا في البادية يقولوا ليك البهيمة رامت أي أرضعت صغيرهاوهي عكس نفرت أو نافرة .
خالد كيف الحال كنت جايبة ليك حاجة تناسب ليلة القدر لكن كلام حاتم دا غير وجهة بوصلتي التي لاتقاوم الحقيبة سأعود بحول الله والسلام عليكم.
بسم الله الرحمن الرحيم سلام ... ريحانه البطانه .. بت الشيوخ و الاديبه سميه بت الحسن ودطلحه .. حياك الله .
Quote: ولعلك تذكر أغنية أحرووني ولا تحرموني سنة الإسلام السلام
ود الرضي :
احرموني ولا تحرموني سنة الاسلام السلام عطفكم يا من الموني كالاشعة الاسهم رموني الشجون بالليل نادموني الانين والنوح علموني لو معنعن قول كلموني حبي طاهر لم تظلموني برضي قابل الظلم احترام يا النفوني كفى اعرفوني ساهي ساهر ساحات جفوني في هواكم يا من جفوني لا الوم ان لم تنصفوني انعكاس الاحوال كفوني ايضا الايام عرفوني يوم سموما ويوما غمام كلما النسمات عطروني فاجأوني دموع مطروني رب اغفر للعكروني في وداعة الباري العروني رب وقت يتذكروني او يقول القايل دروني او يحدث عني المنام الدهاة بالسلو ما دهوني عن تجاهكم ما وجهوني بي تحكو وشمتو النهوني وبرضي هايم وخاضع لهوني لا اقول مستنكف دهوني عن كثير عن قيس نبهوني عن حقيقة الحب غين ولام ما تنفس صبح او ضحى لي الا غاب هدهد فكري ورحالي قال قربك عين المحال قلبي غير زكراك ما صحى لي يكفي ان السهد اكتحالي يكفي شاهد لي انتحالي شاكي شاكر شاخص دوام طاف خيالك والليل كافر شفت بدرو المتجلي سافر صك غاضب لقى دمعي دافر قاللي جملة وعقد الاظافر قاللي طبع الريم اصلو نافر قتلو عل تريم النوافر وعل راء الريم تبقى لام في التفكر اصبح وامسي ايضا التزكار نجوى همسي وحياتي اشبه برمسي اشكو يومي واسترحم امسي ما عهدتك يا ليل تمسي طلت وامتى اشراق شمسي وانت وين يا بدر التمام قتلو ليت الايام يندن تبقى لانت وسحابا دندن بلماك النيران يخمدن ليك روحي واجزيك حمدا قال لي كيف تستوجب لي حمدا من تعاطى المكروه عمدا غير شك يتعاطى الحرام .
Post: #785 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-09-2007, 09:21 PM Parent: #784
العزيز / حاتم هاشم
Quote: الدهاة بالسلو ما دهوني عن تجاهكم ما وجهوني
لك السلام والإحترام .
Post: #786 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-09-2007, 09:49 PM Parent: #785
Quote: خالد كيف الحال كنت جايبة ليك حاجة تناسب ليلة القدر لكن كلام حاتم دا غير وجهة بوصلتي التي لاتقاوم الحقيبة سأعود بحول الله والسلام عليكم.
ريحانة البطانة كلامك در مكنونة ولسانك ينقط عسل ما يجيد به يراعك ( كي بوردك ) يزيد فينا
لك التحية والسلام
Post: #787 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-09-2007, 09:58 PM Parent: #786
Quote: ليك روحي واجزيك حمدا قال لي كيف تستوجب لي حمدا من تعاطى المكروه عمدا غير شك يتعاطى الحرام .
يخدر ضراعك يا يابا
لك التحية العزيز حاتم
Post: #788 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 10-10-2007, 09:16 AM Parent: #787
Post: #789 Title: Re: هونوو شوية.... وصلو علي النبي .... إستراحة أيها المحاربون Author: مجدي عبدالرحيم فضل Date: 10-10-2007, 09:33 AM Parent: #788
ود المنسي حبيبنا خالد
وأستراحتك ملئ بمحاربين لا نقوي علي مقارعتهم بس جئنا نتاوق ونمشي
بدون جراحات وخسائر في العتاد والأرواح سلام علي روحك الحلوة .
،،،،أبوقصي،،،،
Post: #790 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-10-2007, 09:25 PM Parent: #789
Quote: وأستراحتك ملئ بمحاربين لا نقوي علي مقارعتهم بس جئنا نتاوق ونمشي
بدون جراحات وخسائر في العتاد والأرواح سلام علي روحك الحلوة .
،،،،أبوقصي،،،،
العزيز / أبــوقصي تحية طيبة كل سنة وانت طيب .. تقبل الله منّا ومنكم انت مقارع لا يقهر ويكفي جمال كلمك الذي نرى أسعدتنا الزيارة الجميلة يا جميل طيب الله ثراك ومتعك بالصحة والعافية في هذا الشهر الكريم.
ولك التحية والاحترام
Post: #791 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-10-2007, 10:03 PM Parent: #790
المجرابي فيسل هليل هوج فوج .. مي إوشاق
هيجت الفؤاد بقصيدك هذا .. وعرفت تضرب في محور تمركز الروح
أنا اخو البت اللكّعت قرن الخُمرة النازّه علي وردان الصبوة الراكزّه الجنيات الهازّه صدورهن لازّه ورق النص زي خيت الشلّه
الي ابؤاحمد سيد الحوش وزوارك الكرام ... كل عام وانتم بخير .
تحياتي ... حاتم هاشم .
Post: #793 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-11-2007, 11:21 PM Parent: #792
يـــا كرام
كل سنة وانتم طيبون تقبل الله منا ومنكم صالح الأعمال
Post: #794 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-12-2007, 00:24 AM Parent: #793
كل عام وأنتم بخير وربنا يحقق الأماني ( أنا بكون حزينة يوم العيد لأني بتذكر أهلي )
برقيـّـة هاهي من هـنا برقيتي أوحيها إلى الذي قاطن فِي فـَي أعاليها اللاســلكي هل يحمـل لنا خبـرا ً أو من هنالك أخبـار عزّة يؤتيها أو يدرء الوحي يفهم كيف واجبه وواجب الرّســل حقا ً أن يؤديها ماكان للمرء أن يضمن ســعادته ولا لنفسـه أن يـدرك أمانـيـهـا لله لله نـفـس قـد عـلمـت لهــا حسـن التوكل في مسـراها يوليها العيـن تـعــشــق لحظات يميل لها قـلب الفتـى ويـريــح النفس يلهيها تعلق الظن في الآمال تـرضـى بــه وعن الحـقـيـقة ليـس الظن يغنيها
الشيخ عبد العزير
Post: #795 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-12-2007, 07:42 AM Parent: #794
Quote: كل عام وأنتم بخير وربنا يحقق الأماني ( أنا بكون حزينة يوم العيد لأني بتذكر أهلي )
الريحانة سلام وانت بخير يا الدوماً داب الخير ووجهك خير
تعرفي الحزن بقى معشعش والحزن بقى مكجنّا زي ماقال القدال الله يبارك في الخواجة الذي اخترع وسائل الاتصال لك تحياتي واشواقي
Post: #796 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-12-2007, 11:11 PM Parent: #795
Quote: كل عام وأنتم بخير وربنا يحقق الأماني ( أنا بكون حزينة يوم العيد لأني بتذكر أهلي )
الناس عيدّتْ مرقت علي أصحابه وأنا فريت علي الجاهلّه السمح ترحابّه خاطراً يحكي براق البدودّي سحابه لفت قلبي زي لف طرحتا اللافحابّه
يا ريحانة أنتو جمعتكم تطفي بعض الشوق وألم الفراق للدار والأهل.. الشوق الإتوكر وببدّا مجرو بي الترّقوة وإتحدّر ملاصق للضلع القصار مشبوك ويعشعش ساكن الدار. حويلتنا تقسي علي العدو المافي قلبو شفقة ورحمة نحن كلنا علي بعضنا ما لاحقين عد صوبعات اليد الواحدة.
بس خليها علي الله ... والله يجازي الكانوا السبب وخلّو الزمان إنقصدنا وفي البلاد شتت عددنا
ازكر ليالي العاصمه المٍن سور إلهك عاصمه بك النشرت العاصمه ويمسك بنان بمعاصمها كانت ليالي مواسمها انوار تلالي الي السماء في قلبي دائما راسمها ولكن حروف مجسمه بالله يوم المهرجان الجو صافي من الدجن من مارائت تلك الوجن انا عقلي فر ركبله جان ايام انس ما اقصرها وراحت كان لم نبصرها ياربي خدر عنصرها والنفوس جيوش بُخ تنصرها ايام سرور في سراع تمر والزول يقنب فوق جمر لو تاني عادت ولي امر اليوم ما ببدله بعمر ماشفتهن حين قالوا جن زي الكهارب بهرجن اوعي السلوك فوق الوجن بالنظره لك بتلجن افني الشموس عين قنب وجن شلوخن وعلبن صيد الخلا الما طنبن في قلبي نزلن وصلبن لو شفتهن تحت القصر حاملات نياشين النصر خلسه البدور طلعن عصر او درت ناس خم وصر يا صاحب ازكر جلستهن والطاف مناظر خلستهن مولاي حواك من حبستهن اجي يظبطني وسطهن صيح سرور وتلاه الامين ربط قلوب العالمين عاشق ما يلزمني اليمين ما عرف شماله من اليمين بادر بقي وشغل القلوب بلبه للانظار جلوب كم بلحاظه هزم تلوب وقتل اسود عاتي التلوب الله قد بعث الكف فضح الشمس وقتين سفر تلك الشلوخ واقفات قفر لي فاه اغاليد النفر النقرابي من بينهن طفر قال لينا في عينكم ضفر جار بوظيفه الانضفر ليل كنا لكن كفر ظبياً احول في زاز عينيها والجيد كم قزاز بعوده يا ست العزاز تلكم ليالينا اللذاذ النق عقد والقامه زان واللُّون تقول الخيرزان ان وقعوا له النقره زان جلي الغني لصورته زان عمل القلوب كوره قدم يا العاصفه وهي في العدم كهربنا والكتف انهدم تلقانا غُسلي ومافي دم لله درك يا عمر.... سوق الاذي بك انعمر ضرغام وابهي من القمر والطف وارق من الثمر بعوده يا مولاي تعود ايام هنا وطالع سعود نتلاقي في اقرب وعود يبقي الحسود في عينه عود .
...............................................
تحياتي ...
حاتم هاشم .
Post: #798 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-14-2007, 11:20 AM Parent: #797
.
Post: #799 Title: Re: هونوو شوية.... وصلو علي النبي .... إستراحة أيها المحاربون Author: ماجدة عوض خوجلى Date: 10-14-2007, 11:32 AM Parent: #1
خالد كل سنة وانت طيب تحقق الامانى كلها ويارب انت وكل المعاك بخير
Post: #800 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-14-2007, 11:50 AM Parent: #799
Quote: خالد كل سنة وانت طيب تحقق الامانى كلها ويارب انت وكل المعاك بخير
الأخت الفاضلة / ماجدة تقف النفس خجولة مزلولة أمامك وانت دوماً لك سبق المبادرة بالطيب تقبل الله منا ومنك صالح الأعمال وكل سنة طيبة أعاده الله علينا وعليكم بالخير واليمن والبركة
تحياتي وتقدير ومودتي
Post: #801 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-14-2007, 08:13 PM Parent: #800
هـــوي يا وليـــــد
الشاعر محمد ودبادي الغكودابي قال ود بادي نظمت هذه وكُنت في بداية أيامي في جامعة الخرطوم في حق ود بندراوي من اللذين اُطعموا بملاعق من ذهب. قال ود بادي كُنت أيامها مثل عود الطندب المحروق وكان هو كورقة الصفصاف يتقصع بين الأصابع تتدلى سليسلة ذهب على عنقه .. كان الموضوع نقاش عن أهمية الريف وتأثيره على البندر .. فبدرت من ذلك الوليد ما يحط من الريف فما كان من ود بادي ألا أن رد عليه بهذه القصيدة.
هوي يا وليد يا دلوعة يا مرنوعّة أعدل إيدك المفدوعة وأتلحلّح وأقيف دغرّي وهات صدرك معَ صدري وأتشدّع ....
وليكَ الحق شان ولدوك في إسفنج وحتىَ أول جديد سوهّو ليك بي البنج وانو هوايتك تلعب البنق بنق وليكَ الحق
عشان فطموك بعدما زدتَ في سنتين وفي سن عشرة نومك علي الإيدين غِطاك بي الشاش وفرشك بي حرير الصين والبدورّو بتلقى غاب قوسين أبوك مليان وجيبو سمين وفاتح لك حساب في البنك والتموين وليكَ الحق
خطاب للمرحوم .. محمد افندي سليمان رحمه الله .. لعكير الدامر
اهديك السلام يامركز العشمان عساك في صحه تامه وفي نعيم وامان تمام فراقه يادود كيده ابوعرمان ومشتاق الغريب لامن يموت ندمان ماتقول زينه الخرطوم ولا امدرمان ينسيني العشير الليله انا ظمان رحولي من البلد ياخال بلاوي زمان ومرضا قاسي ما بداوي الحكيم لقمان مبتول جسمي شوق اما القلب بردان ومنحرف المزاج من الانس حردان اصبح قلبي لي خيل الوله ميدان بقيت كالمحتضر جات روحه في الوردان بي حكم راضي وباليقين شبعان وبي القسمه القبيل مقسومه لي قنعان ما بضيق غير شبيه الفي الذنوب طمعان شبيه الفاجر النمرود جنى كنعان كيف حالة البلد كيف حالة الاخوان وكيف اكل ابن ادم وسائر الحيوان غلاوة العيش وعدمه الهزت الاكوان اظن لعبت كتير بي صحة البدوان ما بستاهل الدامر يكون تعبان وما بستاهل الجوع رفه العربان احبه دوام مندي وخيره لي البيبان وعربة مخرفين عرفهم سمن والبان .
( منقول ) تحياتي ...
حاتم هاشم .
Post: #803 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-15-2007, 05:24 PM Parent: #802
والله كلام الافندي سمح بالحيل وفوق زولاً تب مو هيّن
تحياتي يا هاشم
Post: #804 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-15-2007, 07:13 PM Parent: #803
نواصل مع ودبادي هوي يا وليد
عشان ماخضتا في وحل المطر والطين ومن الترعة ماسويت شراب الهين وما قيلّته في ضل دومة بي فرعين وما شاقّقتّا عِرق النيل مع الوزين وما عانيت وقوف الصف ورا التموين
عشان يا أنتَ مابتدرّي سِجل أبواتك البدرّي دحين أسمع ... سماك الباكي مجدّو الزال ياما كانوا تحتو رِجال أبوخنجر وأبوشوتال والصقر البجيك خوجال صوّتن كان يمين جلجال ومكسيين كمال وجلال لكن الزمن أسرّع سيفّن بِلحس الفقرّه وكانوا بيضبحّو الشقرّه وماكان برضّو بي الحقرّه وكانوا بضوّقو العادوهو نوم الكوع وكانوا بموتّو في شان حرمة المفزوع
Post: #805 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-15-2007, 08:08 PM Parent: #804
العديــــلة أو البنينة وهي قصيدة وعادة تنظمها أم أو أخت العريس أو قريبة له تنشد في ليلة الحنــّة
Post: #806 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-15-2007, 08:33 PM Parent: #805
Post: #807 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-15-2007, 08:46 PM Parent: #806
الليل ليل العديل والزين والليلة والعديلة تقدمّو وتبرا
مشكور في الفريق لا بيت ولا بتين لا لعب القمار لا جرب الخمرة
شيال التقيل الشفتو تملا العين من قومة الجهل معروف ولد سترّه
في بيت الحلال إن شاءالله تتهنى عقبال لي الوراك من قلبي بتمنى من بعد العرس حجة وكمان عمرة
في يوم السعد الليلة ياالمبروك حراسك ملايكة وكان مشيت يبروك ومن عين الحسود إنشاءالله تستبرّى
ياربي الكريم في الدنيا كلَّ مناي العمر الطويل عشان ألاقي جناي لي ولاد الولاد البحفظّو الذكرى
Post: #808 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-16-2007, 02:42 PM Parent: #807
سيد الرايحة بفتش خشم البقرة .. سيد الرايحة تلقى زي فاقداً مزوزّو .. الرايحة يذداد ألمها عندما تكون من عزيز أو شئ عزيز. من صياغ القصيدة توحي أن قائلتها مرأة جهزت الخاتم وتنوي ان تهديه للمحبوب الجميل
خاتمي الليلو يا اب ياقوت خاتمي العاجب البنوت
ياخاتمي الرُسل مغلوط جاي لعاشق البنوت النقشّك يعيش مايموت وفي تفنينّو سوا الفوت
دا خاتمي الماخدّو دابو جديد وراح ما أستنّى يوم العيد النقشّك نبيه مو بليد يا ظرفّو البشيل في الإيد
متى ارجع لى ام در واعوده ....................................
متى ارجع لى ام در واعوده اشوف نعيم دنيتى وسعوده امتى ارجع لى ام در واعوده امتى تلمع بروق رعوده حظوظى تنجز لوعوده روحى ضاعت فى النار قعوده لى هون يا ربى عوده اشوف حبيبتى وانظر خدوده عساها ترحم تكون ودوده ومسامعى تسكر من ردوده وتطفى نارى الفاتت حدوده اشواق كتيره الدموع شهوده وللمنام العيون زهوده فى الهجر روحى ضاع مجهوده لم تزل حافظه لعهوده ما كانو يعرفو ناس بلوده الغرام من قبال ولوده من يوم وضوعها الفى الخير خلوده فاتنة طايعها و جلوده ابواب لقاها ام خدود موصوده ونار العذاب فى الفؤاد محصوده غير محاسنك مين يسودا الملوك وياسر الاسودا يا المن فراقك ايامى سودا خلاف وصالك دايما كسودا هناى ومنية روحى ومقصوده اشوف رشيم يضوى بين فصوده .
.................................... تحياتي ...
حاتم هاشم .
Post: #812 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-17-2007, 05:41 PM Parent: #811
غير محاسنك مين يسودا الملوك وياسر الاسودا يا المن فراقك ايامى سودا خلاف وصالك دايما كسودا هناى ومنية روحى ومقصوده اشوف رشيم يضوى بين فصوده
Post: #813 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-17-2007, 07:12 PM Parent: #812
نواصـــل مع الشاعر الجميل محمد ودبادي وهوي يا وليد
الجعلي اب شراباً حار وقالوا بعدّي يومو خنق
والشايقي البياكل النار وفوقو نحاسو متخنق
ودرفون البجا الصقار حاقب سيفو يأكل الشِق
والغرباوي عينو شرار وكضبوا القالوا عندو عِرق
والنيلي البعرفوا كُتار علي كتل الأسود جرّق
والبطحاني والشكري وغيرهم من أهل فخري
ومنهم أصلي لا بشبع ولا بقنع هوي ياوليـــــــــــــد
Post: #814 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-17-2007, 10:07 PM Parent: #813
هوي يا وليــد حصل جربتّه كب السارية في الفلقة وخلا العتمور وشفته بروقها تتراقص وتتحرقص تقول مطويّه في قرقور وعاوي الزيفة ينفخ في جبال النقعة زي الصور والحصحاص يجرفّو السيل يكنسّو علي مهاوي الخور وقلب الصاقعة يطفرطق يكب النار دمار وشرور وشفتّا الحال ... عرق مقلوع ... جبل متروم ... فرع مسكور ... جمال غرقانة بي حالا وحد الموية في الغرغور ود ابن آدم المسكين نجاتو تحت قرون التور والعوتيب يجيك يجري .....( العوتيب هو اكبر مجرى وادي في بين شندي جبل جاري ) إشيلك وانت مابتدري وما بنفع .. هوي يا وليـــــد
Post: #815 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-18-2007, 04:10 PM Parent: #814
هوي يا وليــــد
حصل سادرتّا بالديداب وقِدامك مراحك وراكب الخباب ودربك طولو يملا العين سحاب وغُبار ومويتو سراب وعوّى كرباجك البكاي يبكي علي ضهور الضمر الانجاب وتسري الليل وماضوق جهدّه لو كان النجم ماغاب وبعد أيام تجيك لفحّه ويلوح لك في البوادي سحاب وتكرف من دُعاش العينة تملا رئاك عطر واطياب
تلقى الوادي زي ماتقول ما كان خراب ويباب وبت ام ساق تقيل من ضُحاها علي المعالي ونسمة الهباب وتفرش ليك حزمة نال تحت سيالة تريانة وفروها قراب وتنفخ كل آهاتك مع المزمار تصوغ ألحان ملانة شباب وتنسى الدنيا كل الدنيا ماعندك معاها حِساب خِلاف برقاً يشيل حرقاص ورعداً تقول رصاص وكت إتفركع هوي يا وليـــــد
Post: #816 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-18-2007, 08:40 PM Parent: #815
هوي يا وليـــد
هوي يا وليد حصل صحاك عز الليل صوت شتماً بعيــــــــــد مخنوق وجاتك شخرة الطمبارّي مشتاقاً يسوي القوق ونومك طار وإتقسّم والرُشْرُش صِبح مفروق وإتلفحتَّ نص من توبك الجرجار علي الدلوكّه سائق سوق تلقى هِناك بنات بلدك ولاد بلدك ... يعلّو الصفقّه .. تقدح في القلوب الشوق ونغم الفال .. أبشرّن آ بنات بالخير والجِنيات تطير لا فوق وكم زغروده تتفجر تفور بي الناس بعد ماتروق يعوم الوز ... صدورو تشابي لي المجهول تميل زينوبه زي البان يمين وشمال تودي الطوق وأخوان ام شلخ إنكبّو جوه الداره زي صقراً نزل من فوق ضرب الصوت والركزّه بفرز الناس عشان زينوبه ما بتحوق
Post: #817 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-19-2007, 09:57 PM Parent: #816
هوي يا وليـــــد
وعاد تتحزم الجِنيات وتتنظّم تقيف في روق وكل واحد يهز ضِرعاتو والحِجبات تزح لا فوق جفير الخوسة فايت الكوع وسريو مع العضل مطبوق والطاقية تحت الحاجب المعقود هديْت ام زين ... وما مشرية من السوق ويتقدم عريس السمحة رافع صوتو كانوا بسوقو بيهو النوق والعنجاوي ينزل في ضهورن بس تقول منشحطة فيها بروق ويبدأ مجرو بي الترقوة ويتحدّر مع الضلع القُصار ملصوق وأحمر عين يشم الدم بعدما يرش بنات عمّو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة مايحجزوهو ... ألا يخلو ضهرو شقوق هناك الحال مغيّر جد وهيجة الناس تفوت الحد وكان حجازّو مدَّ اليد بتسمع كـــــــع هوي يا وليـــــــــد
Post: #818 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-20-2007, 01:33 PM Parent: #817
هوي ياوليـــــد
هوي يا وليد حصل شارفته دغشّن بدري فوق حجرة مخانق النيل وفي سنة تساب وحزم القيف وطفح الكيل وشفته الهيبة فوق اسيادها والشخري البكتل الحيل وشفتها الجاري يحفر في طرف كوكبنّا بس داير يشقّو عديل إجيك بي صدرو متحزم ومتلفّلف صفوف في صفوف يحاكي الخيل ومويتو الهايجا تبلع جــــب وتجقم فوق مدالق السيل وفوق الرمله منشري العشاري طويل معشعش بين نوايبو الطير حليلو جزايرو جاها النيل وحالف مايخلي فيها شبير حزم اطرافها يكسر فيها بي الهدام وينخر فيها بي القرقير وبكرة يموصها يشرب طينها ويزرع فيها شلالات هدير وهدير
Post: #819 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-20-2007, 06:32 PM Parent: #818
وتكسح مركب النواتّه عايمي علي قرون الموج جناحها كسير ورواسيها مالي أصابعو في المقداف يقوم لا فوق وأجي من تاني فوق الدفّه رافع إيدو ينده جملة الصُلاح وأهل الخير هناك الموت .... يمين شافوهو شوف العين ومافي شفيع ومافي مجير تقول الزول أعرف أجلّو ومكان موتو لولا إنو ماكشفو الآله لي غير عاد مادام رُقاب الموج تمد لسناتّه .. وفوق لي القيف تكب الصير شن فضل بلا الغرق البدور ناعي
في الليل الهاجع غرد ياساجع اذكر احبابي وهيج اشجاني أرجوك يابلبل حين تقفل راجع غرد وأذكر نوم عيني الناجع وهجراني الطال وبكاي وحناني وأشواقي الزدات تحتاج لمراجع عسي يرحم حبي لي عقله يراجع وبي عين الرحمة والرضا يرعاني تايه في نعيمك والخير الهامع لك راحة الدنيا والخد اللامع منظرجذاب بي حسنة سباني أنانايح ودايما للنقيضين جامع من قلبي النار ومن طرفي مدامع الحب غلاب بالموت أنباني الحور لي حسنك متزلل وخاضع والبدر لنورك ياجميل متواضع غصنك فضاح للآس والباني يشبهك البدر كأنه معاك راضع سبحان من أنشاك لمأواك واضع فوق كل الانجم لمجدك باني مضروب لحظاتك غير شك ما نافع لي عازلك وعاطفك سهمك مارافع جبار مهاب تسبي الفرسان يهواك الناسك والكاهل واليافع قلبه وفي الحال يسلي الأوثان ما يخشي عزول في هواك يرافع ومايخشي رماح وسيوف ومدافع بس بيخشي جفاك يانور إنساني ونحول اعضاي عن حالي يدافع ياسكينة قلبي وصحاي ووساني ياظبئ الانس لك سعدك تابع بين روض الجنة والنيل النابع ما بين ظلال في نعيمك هاني ما تجاسر طيار لسماك الرابع حتي يعشم في طلوع السابع دم بين علاك في سرور تهاني .
تحياتي ...
حاتم هاشم .
Post: #821 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-21-2007, 12:11 PM Parent: #820
هوي يا وليــــد
وفعلاً كان وياهو مصير ومشت المركب الغرقانة بين موجتين ... وطفروا منها النواتّه قلب اللُجة قالوا أخْيِر تماسيحاً يقالدّو الموج يصارعوا عتاوة العرق الكِتالو مرير .. ساعة يعوموا بي الضرعات وساعةً فج ... صدورن ضُمه ما اتبلت ولو قُطير ... ديل يا وليد ولاد النيل ... رضعوا الهيجة من صدرو ومنو الطيبة رضعوا كتير الواحد فعاليو كُتر ونضمو دُقاق نهرتّو يمين تسوي الفاق ومراً لا ضاقوا لا بنضاق كفاك آ وليد بلاش فاقاق خلاص انا تهتَّ في الأشواق ومابرجع .. وهسع ضُمه لا شايفك ولا بسمع ...
Post: #822 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-21-2007, 06:51 PM Parent: #821
لاتنسى ربك وأكثر لذكر الموت تلقاهو طبك بل أنسى إحسانك في من يحبك وتناسى يوت لإساءة من يسبك
Post: #823 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-21-2007, 09:58 PM Parent: #822
وحاتم تمَّ الناقصة يا ريحانة البطانة بعد العديل والزين دوّر الحفلة والجنيات محزمّه وملزمّه واقفين في روق والسكين تحت الكوع والطاقية محدره تحت الحجاب المعقود والواحد فيهم حالف ما يحجزّو ألا يخلّو ضهرو شقوق كلمة الحماسة دوماً تقدح في قليبي النار وأذكر قول عمي عليه رحمة الله محمد الحسن محجوب أبوالقردابي ( عضو في المنبر ) كان دوماً يردد أنه وكت تهبك الدلوكة خلي البني آدم الحمار صوفو بقوم
Post: #826 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-22-2007, 07:17 PM Parent: #825
العديل والزين
العديل والزين أنا منايا لي فال الحسن والحسين مرقوا وشــــــــــــدو لي
شدّو لي الجواد أنا منايا لي نهمّو لي القواد أنا منايا لي يا رب العِباد أنا منايا لي تمْ لي المراد أنا منايا لي
شدّو لي البتاتي أنا منايا لي الأسد العاتي أنا منايا لي يا نعمة حياتي أنا منايا لي تسلم يا ثباتي أنا منايا لي
شدو لي الثمين أنا منايا لي حقبّو لي التنين أنا منايا لي شبا ماسك الدين أنا منايا لي تسلم يا الخزين أنا منايا لي
شدّو لي الأغر أنا منايا لي يا تور البقر أنا منايا لي يا ود النقر أنا منايا لي الدود النتر أنا منايا لي
Post: #827 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-22-2007, 11:15 PM Parent: #826
سيرّو والجنيات برّو العريس مرق يَلا هللّو
مرقوبو الصيف يامطر الخريف سيرتو مابتقيف لي بري الشريف العريس قمر وعاد عرسو كيف
Post: #828 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-22-2007, 11:24 PM Parent: #827
ما تزعلـــــــــــــو يا الأخوان والأخيات المتداخلين والزوار لكن هكذا كانت تكون سيرتنا في شندي الحبيبة .. وزي ماقالوا كل زول عاجبو الصاري ... كلكم عزاز والله وكرام والعزة لله العلي المتعالي
ودوس البيت يا نمر قرداب مابننقدر ونحن فوق عزنا القبائل مابتهزنا ونحن فوق عزنا قردة الكبير جدنا
Post: #829 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-23-2007, 04:02 PM Parent: #828
لحين ميسرة
ومازال حفلنا مستمر بس روقو شوية والشبال بي حقّو يعني ( سوط )
Post: #830 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-23-2007, 10:46 PM Parent: #829
الليلة سار يا عشايّا يا عديلة لي وشُيم شال الجدايّا البندورّه لي
حننو وفرحت أمو الجنيات في بيتو إتلمّو ساير لي بت أعمّو البندوره لي
سيد الحيشان التلاته عريسنا جالس بي إنبساطه كسّى الجيل الفي السباتّه رقصت لو ومسك حِجباتّه نتف الكيس قطع الرحاطّه وختّا المية لي المشاطه يا عديله لي
بت العز والعجن نبيه داسة لكل فن سوّت ليهو القيد حرن وخلّت الأبكم رطن
Post: #831 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-23-2007, 11:13 PM Parent: #824
وعاد تتحزم الجِنيات وتتنظّم تقيف في روق وكل واحد يهز ضِرعاتو والحِجبات تزح لا فوق جفير الخوسة فايت الكوع وسريو مع العضل مطبوق والطاقية تحت الحاجب المعقود هديْت ام زين ... وما مشرية من السوق ويتقدم عريس السمحة رافع صوتو كانوا بسوقو بيهو النوق والعنجاوي ينزل في ضهورن بس تقول منشحطة فيها بروق ويبدأ مجرو بي الترقوة ويتحدّر مع الضلع القُصار ملصوق وأحمر عين يشم الدم بعدما يرش بنات عمّو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة مايحجزوهو ... ألا يخلو ضهرو شقوق هناك الحال مغيّر جد وهيجة الناس تفوت الحد وكان حجازّو مدَّ اليد بتسمع كـــــــع هوي يا وليـــــــــد
Post: #832 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-23-2007, 11:19 PM Parent: #831
أسد الهوش درّق وقام وقبّل سريع للّطام ود سالم قولو تام
أسد الهوش في مظنّو بوريكن شكرنّو يا ليلة ود سالم قولو تام جابو لي حجر مسنّو ومتل عمو يسوي فنو
ساتر لي كل الدروع لا بنقش عليك دموع يا ليلة سعد صاقعة الهجوع حبابو قشاش الدموع أب نايب قولو تام
Post: #833 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-23-2007, 11:22 PM Parent: #832
والله يا حاتم ود هاشم ختيتنا فوق قلايا نارا تلهلب الله ايديك العافية كتّر من العيار دا
لك التحية والمودة
Post: #834 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-24-2007, 05:55 AM Parent: #833
العريس قمر وعاد عرسو كيف ود العزة والمهلة عروسو ضوّت السلة سيرتو الفي البلد بهلا قايمة الليلة شايلة أهلا
Post: #835 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-25-2007, 07:36 PM Parent: #834
السيرة مرقت عصر يا عديلة وشايله الشيخ ودبدر الليلة زينة
عريسنا سار قدمنّو يا عديلة وساير لي بت أعمّو الليلة زينة
Post: #836 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-25-2007, 07:45 PM Parent: #835
دلاليك العرس قاجات وريحة المحلب المخلوط مع الصندّل وحنّه مخلوطة في طاسات وضريرة ماليّه خشم الحُق وأم العريس مشغولة بي الدخلّه والمرقّه وبنات عم العريس واقفات يسالمن ديل ... يعزمن ديك ... يجاملن ديل ... شايلات جِرتق مو غِش خرز منضوم مع اللولّي وهلال زي هلال شوال عريس بي الفرحة داير إنشق مِحصن نفسو بي ياسين وجايبين ليهو عضم الحوت ومالي ضراعو بي الحِجبات حِجاب قلاد أحمر حجاب جلاد ودفراج وهاك يا زيطة وجوطه وناس داخلين ونا مارقين وضيف جا وضيف فات
الأبيات من قصيدة ( الدخري يا ود أختي عزالدين ) أجهل من جهلي اسم شاعرها بس نقول له التحية والتقدير على هذه الأبيات الجميلة المعبرة )
Post: #837 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-26-2007, 01:38 PM Parent: #836
الصلاة علي النبي ريحة اللبان وبخور التيمان أها العرسان يتبخروا ببخرة و7 قرضات حمارات الصباح والعشية ويتحصنوا من عين الأنسان والشيطان ( دقر ياعين ) قل هو الله أحد من عين كل حد من عين العجوز العنطروز من عين العروس التقد التروس من عين الصبي داياً غبي من عين الفتاة التقد الوطا من عين السغير التقد البير من عين الضيف الأحر من السيف من عين الجار الأحر من النار من عين الوالد الشر المتقالد من عين المزاح الأحر من السلاح ياعين ياعنية ياكافرة يانصرانية أخرجي بقدرة نبيا ناقة النبي سليمان عرجت ودرجت .
Post: #838 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-26-2007, 06:59 PM Parent: #837
Quote: من عين العجوز العنطروز
دي ترباية حبويتا
ماشاء الله وتبارك الله والله أكبر
كل ما طرقنا وجد فيك ما يبل أذهاننا الخربة بمعلومة أوكلمة أوحديث طيب مذاقه ومعناه.
لك منا كل الدعاء ... يحفظك الله رب الخلق العظيم
يا ريحانة البطانة
Post: #839 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-26-2007, 07:16 PM Parent: #838
أمي قالت لي دققي وخُتي لامن ابوكي يجي قلت ليها لا أبويا ما برجا زوجوني برا لو بي لبن بقرة
Post: #840 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-26-2007, 07:24 PM Parent: #838
Quote: أها العرسان يتبخروا ببخرة و7 قرضات حمارات الصباح والعشية
كنت متوقعة السؤال عن : حمارات .. وخصوصاأهلنا بمنعونا من النوم مع الحمارات وما يرضعوا الطفل لبن الحمارات وقائمة من ممنوعات الحمارات ثبتت صحتها بالحديث والسنة وعلمياً أيضاً. شكرا ود المنسي ذكرتني المنسي
Post: #841 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-26-2007, 07:36 PM Parent: #840
Quote: كنت متوقعة السؤال عن : حمارات ..
وكان من ذلك قولي ... ماشاء الله وتبارك الله والله أكبر لم يكن مني السؤال لأني عرفتها في سنة 2004 عندما كنت في عطلة معي أحمد وأمه فرأت أمي ام أحمد ترضعه في ذاك الوقت فما كان منها ألا هرعت وتركت ما كانت تنوي القيام به وجاءت مهجومة... ألحق ياخالد مرتك وحدثها أنو الوقت دا ممنوع فوقو الرضاعة
تسلمي ياريحانة لكن الكلمة التي أول مرة أسمعالعنطروز
Post: #842 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-27-2007, 12:25 PM Parent: #841
الناس في العِروض ماتقيسه بي تيبانّه وما يهمك لباسم والعِروض عريانه هم حُراس رِزق متل التكنو أمانة زي إبل شايلة السقو وعطشانه
هجد الانام وانا وحدي مساهر والنحول علي جسمي ياحبايب ظاهر اسبابي الحب الطاهر اسباب سقامي وبكاء طرفي الساهر لااذاي بعادك مضي سيفه وشاهر مره اندب حظي ومره اهتف اظاهر اشكو دهري واناجي النجم الزاهر انت عادل وظالم انت ناهي وآمر يتمني البدر ليك يبقي مسامر كونك دواما في نور اليه مخامر امتيازك عنه انت هادل وضامر بالبان والاسي مال قوامك ظافر علي صدرك .. قنبل.. كم اسلم كافر العيون والضمره والوريد الوافر من محاسنك عارن الغزال النافر كل ما اكتم حبك دمعي بيه يجاهر مابفيدني طبيب مهما يكون ماهر طبي مابين كوثر فاك وبين جواه سنك اللماعه والخديد الزاهر عار صفاه التبري من صفاك الناضر ياخلاصة الحسن في العصر الحاضر الملوك ليك تخضع لنداك تقول حاضر تخشي سطوة حسنك وفيك يتلو محاضر بي وصالك جاحد وبي جفاك مبادر كاليزيد في الجبره وفي بخاله مادر بجمالك وحسنك يالفي عصرك نادر لي ارحم حلمك راعي لاتكون غادر . ............................................
تحياتي ... حاتم هاشم .
Post: #844 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 10-28-2007, 09:21 AM Parent: #843
Quote: الكلمة التي أول مرة أسمع العنطروز
ياخوي العنطروز دي أنا كنت فاكراها صفة للعجور .. ولكن برجوعي للقرائن : عين الضيف أحر من السيف ، عين الجار أحر من النار .. يبقى العنطروز صفة للعين ( دى تكون خترية خلاس .. عنترية ) وهي علي غير الأوزان العربية ، عنطروز : فعللول ! وهذا مايدل علي ثقافة حبوباتنا الواسعة وشاملة لكل لهجة ولغة .
تحية خاصة للأخ / حاتم هاشم واصل لينا في دربك دا .
Post: #845 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-28-2007, 02:23 PM Parent: #844
جرت العادة زمان أن تخر السيرة عصر، وعادة تكون بالأرجل مازالت صورة السيرة ترتسم في مخيلتي، بت عم العريس تحمل الدلوكة في كتفها وتعقبها الغناية تضرب على الدلوكة وتغني يتقدمهم أخوان وابناء عم العريس وأصدقائه والعرضة والصقير فالهم وتعلو أصواتهم أبشر بالخير يا عريس.
السيرة مرقت عصر شايلة الشيخ ابكُر ................
أم العروس جينا ليكي وجبنا العريس وجينا نباركو ليكي ................
السوا سوا سوا والقادر إسوّي .............
الليلة جينا وكيّه لي المابينا ...............
Post: #846 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-28-2007, 07:02 PM Parent: #845
النخلـــــة
النخلة ... الصمود ... التحدّي رغم الظروف القاهرة ... العمق الضارب في الأرض جزور راسية ... الإصرار .. متطاولة مقبلة لعنان السماء عزة وأعتزاز بنفسها. تحاكي البان طولا فيهي الصمود والتحدي والعمق والإصرار .. تاركة الرقة والميسان للبان.
النخلة للشاعر المرهف الجميل محمد الحسن حميد
عز الرِياح والنخلة تجاسر تصون عُش الطيور البْينَا تفرد لي الجناح ترقص تميل ما الساق خطيط والجو براح
من الأرض ماشي عرق بعيد هو عرق نصاح يبس جريد ينحت سبيط والنخلة تجدع بالجريد النخلة تتعب في اللقيط النخلة ياها النخلة لا بتعرف تخاف قل المطر سبل الجفاف لا فتوة الريح العنيف طوالي في أجمل وشاح وكل الرياح فوقها بتمر ومن كُل أصناف الرياح النخلة مابتعرف خِلاف ريح اللقاح والهمبريب ريح الصلاح
Post: #847 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-29-2007, 10:12 PM Parent: #846
نواصــــل والنخلة شامخة
ما ليها غير تطرح تمور تملى الشواويل والقفاف إنتمّا زين أنحلا دين إطلق ضهر زولاً بسيط واقف علي حد الكفاف ومن ركّة الرزق المُتاح رزقو المعلق في السبيط ينزل كما الطير الخُفاف يقدل نشيط ويحضرا زي شتل الصفاف كل ما النشاف بدأ في السبيط والنخلة لو عنف الرياح الصاقعة أهوال الفصول البعدي آفات الزبول قدرن علي ساق الهطيط تقع وما بتموت روحها المدردحة ما بتفوت في صدر معمر بالخلود
Post: #848 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-29-2007, 10:21 PM Parent: #847
وبرضو بنواصـــل والنخلة صامدة وتلقاها خشّت في البيوت وبكل كل فراح تبروقه سجاجة طهور طبق من العرجون ضنيب هبابه طاب طابه قفه كسفتيكه ( الكسفتيكة هي برنيطه من السعف تقي حر الصيف ) حبل متين فتلوهّو في ضل الدليب نشلوّبو من بير للشراب نسجوّبو بنبر وعنقريب
تلقاها خشّت في البيوت بكل فراح جوبيل جريد يعرش سقف بيتاً جديد أول دخِلتّو عريس سعيد مبسوط يقرقر بي نشراح
Post: #849 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-29-2007, 10:30 PM Parent: #848
نواصـــل والنحلة ترتع في العطاء
تلقاها خشّت في البيوت وبكل فراح مِنْعم مُشاط من شوكها كان وشقّت مسايرك يا ام سماح أو حتى ويقودّن تقيدبّو الطيبة في نار بي رتياح ليوم عزيز يطلع خبيز دكاي فُصاح يطلع ملاح برّبو ناساتن ضيوف أو زول وراهو شُغل بعيد جابرا الظروف يمرق بي هيتو وشاي الصباح وآخر المطاف والموت بأشرق نسمة في كف الصباح الموت بأسرق بسمة من شال الصباوتوب الزفاف النخلة تربايتْ العباد وجلاله تتحول رماد ورماده يتحول سماد
Post: #850 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-29-2007, 10:55 PM Parent: #849
النخلـــــة
ورماده يتحول سماد وسماده يدخل كم بلاد وديان تخدّر والبقاع شوف كيف كِفاح النخلة يوت تعبر على مُر الحياة من بعدما مَلتْ البلد تمراً معمر بالإلوف شايل مِخلف بي رتياح طول المصير والنخلة حوت الصحرا أو جدي الجروف تلقاها مرتاحتْ الضمير
النخلة تحت الواطه سر والنخلة فوق جهرة نصاح والدنيا أوسع ماتكون والجو براح وكل الرياح فوقا بتمر ومن كل أصناف الرياح النخلة ما بتخبر خلاف ريح اللِقاح والهمبريب ريح الصلاح يا معوض الليل بي الصباح ومعود النار اللهيب روض نخلتنا علي الرياح في لُجة البحر الغريق وأدي الرواويس الصلاح
Post: #851 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-30-2007, 10:29 PM Parent: #850
مـــاني شـــبه عريســــك
ماني شبه عريسك أنا الحفيد تربال غُبش ومشققات إيدي وماني شبه عريسك وأنا اللي بكرة ماعندي حرّم الكرم والجود والطُوريا والواسوق ياها ورثتي من جدي
شُباكّن إجيب لي هواك إتحداك من تالاي عديل سدّي عريسك إنتِ دايرا لعبة في إيدك محل ماك دايره بتودي وان مليتي منو كمان لي ايِّ واحده بتهدي وان حبيتي واحد تاني طلقي أوعي ماتردي هو كان عندو ليكي سؤال يمد إيدو وأقول فندي وان كان منو فلتت كلمي لي جد جدو بتسبي عريسك أنتِ شبهو برا عريسك إشبه القمرة يشاركك ديمه في التوليت والأرياح وفي الخمرة كمان عند حفرة الدُخان يقولِك يا اختي زحي كدي
Post: #852 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-30-2007, 10:36 PM Parent: #851
ملقّطه ... وكلك إسبيرات متل فضية العدي ضفورك من صنع باريس رموش عينيك هولندي مساحيق وبدرة مصرية بي صابونة بتهدّي كدي أسكني أقلعي الباروكة كان ماتشبهي الكودّي ولا تعالي بي فستان قصير ركبّي كان ماأحلف عليك سُقدّي أنا إن وديتّك أرقي هناك بتشيلي الصفيح تردّي وان كان مالقيتي الباسطة من الدومة بتكدّي وان قُتا ليك مراحنا جعان تعرفي تمعّطي السِعدي وحات الله من نص حوض علا تمسكك الوردّي
Post: #853 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-30-2007, 10:53 PM Parent: #852
انتِ قايله السماح في الشارلّي أنا زولي سماحتّو بي الفردي ( الفردة توب نسائي قطني ) وكان قايلي أنتِ جميلة زولي في الجمال هندي وكان قايله زيك مافي عايني وفي النجوم عدّي وكان قايله أنتِ براكي أخجلي وماتقولي كدي أمانة الدنيا ما مليانة بي الحور وحوا كم والدي واحدات في رفاعة اب سن وحدات في غرب شندي وعاد عليكم الله يا اخوان وماتشوفّو المطرطشة دي أقول ليها لا تسوي كدي وأخير لِك لا تسوي كدي تقول لي No أسفه sorry زوقك لسَّا زوق بلدي علي انجلات كليمك دا وعلي انجلات خِلقتّك دي وقبال مني ماتعدّي عندي ليكي وصية بقولا واخير تاخديها من عندي عشان عرس البلد عندي عشان عرس المدن شهدي أنا بهرب من البندر وأروّح لبنات بلدي
Post: #854 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 10-31-2007, 10:26 PM Parent: #853
كلمات تعجبني شديد وشويّتين كمان أشد من الشديد والشديد القوي. وكم وكم وددت أن يشاركني فيها الزوار والمتداخلين تمعنا في مجمل معانيها الجميلة. جمال الكلم دوما يخلب اللب ويداعب الاحاسيس بشويش نتلذذ به ونهيم. لحظات الفراق الحزن الآلم تظل محفورة فينا.. لا أدري لما نحن نعشق وتروقنا الكلمات التي يكسو طابعها الآلم والحزن .. نحب الدموع وحتى فرحنا دموع واشواقنا .. حبنا ..أعيادنا.. لقانا.. فراقنا دموع أمتلئت وساداتنا دموعا ونظل نعشق الدموع
أرمي الدمعة فوق الدمعتين يا عين وبعد الليلة حابساها الدموع لي مين
الكلمات البسيطة التي تشدني واتكلبش لما اسمعها تُغنّى
يا مولاي بشكي لك شقايا وغلبي وحظي الديمة من رد الأنيس جافل بي طالتْ السفرة وإتحتّت مناسك تلبي هبَّ الريم وعاودك الحنين يا قلبي
إديّتي جريحة من نيران هواك خفاقه ما دي الحالة والهم والعيون دفاقه لو ماتكون عواطفّك لينه بي شفاقه ما أظن حالتي تتحسن وأضوق الفاقه
شعرك منتظم زي السلاسل فتلّو عينك ترقّص الحجر إن بقتْ شافتّلو الطاؤوسة قاصده مشيكي ماعرفتّلو وأعصاب الرآك إتكهربت تلفتّلو
أح والوجعة مابدور تفارق دربي وأح من نار فلانة وجرحها النوسربي يا روحي الصبر لُوكيهّو لا تنسلبي الحظ مابدوم يوم غالبه يوم تنغلبي
شداهّا الوثاق نفسي الوساع ماساعه ويستر ستري ساتر الستر يوم الساعه نايرات الوجوه والعقربين للساعه مقدام خطوتين اتبخترن نص ساعه
قهلوبة محيها وأعضاها ناعمة جريدة سافره ومن وسط بالمره باقيه رقيقه لو رب العباد إقبل دُعاي وحقيقه إجعلها لي ساعه أشوفها كل دقيقه
ختت إيدا فو ق إيدي إنجذبته خدرتّه حبيت أمشي من كُتر الطرب ماقدرتّه بقت الحنّه بين إيدي وإيدها ودرتّه لوما الحنّه بيني وبينا كنت عترتّه
الناس عيدّت مرقت علي أصحابه وأنا فريت علي الجاهله السمح ترحابه بسما يحاكي براق البدودي سحابه لفت قلبي زي لف طرحتا اللفحابّه
Post: #855 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-01-2007, 11:45 AM Parent: #854
منشغل شوية لحين ميسرة بنعود اكيد يا حاتم ما حا تقرأ المكتوب الكبر دخل
Post: #856 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-01-2007, 05:02 PM Parent: #854
شكراً جزيلا خالد علي محجوب على هذه الرائعة كاتلاني الطريفية البريدا قريني ..
سعادتك بالإسم مطلوب مطلوب هنا : علم ال ( PHE )
Post: #857 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-01-2007, 07:41 PM Parent: #856
Quote: كاتلاني الطريفية البريدا قريني ..
سقط هذا البيت سهواً يا ريحانة البطانة.. أصلو العقل بي أحفظ من هنا ويفرغ من هناك. هناك بيت آخر طشَّ مرة واحدة وماقدرت أنحت المخ أطلعو
فيها يقول في بيت زي برق السواري اتقرّن
مالك نفسي مطعونة وتملي زنيني مالك عيني لي الغميده أبيتي تلينّي عطشان وطفح الموية مابرويني وكاتلاني الطريفية البريدا قريني
Post: #858 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-01-2007, 07:56 PM Parent: #857
محمد ودبادي العكودابي يرثي سماعيـــــن ودحسن
أرمي الدمعّه فوق الدمعتين يا عين وبعد الليلة حابساها الدموع لي مين نزيف الدنيا من حد البلد غربي نزيف الدنيا لي حد البلد شرقي وجوم عامة الليالي العامرة كل الدنيا خاتّه الخمسة في الاتنين رحيلك وجعّه يا سُماعين رحيلك نجعة من دار الفرح والزين رحيلك طعنّه في لهات الجنا دريفين رحيلك وقفه فوق درب العليك باكين فيها نهاية المشوار وحد الفرحة والآمال وحد الفال وحد الزين أرمي الدمعّه فوق الدمعتين يا عين وبعد الليلة حابساها الدموع لي مين بعد نزلت سكاكين القدر مسنونة ديل فوق ديل وشربّت من بِكرينا المَعتّق وحالتو يا الداسينّو من السيل ويا المخزون ... حرابنا متكّلات قِدامّو فوقو مِشنكتات الخيل ويا الداخرنّو من زمن التساب شُفعنّا رابطين الحجر بالتيل
Post: #859 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-01-2007, 09:54 PM Parent: #857
هذا البيت او البيتين لوحة فنية يا سلام يتقسم في مشيته مقاطع وكمان يحرن ... نسوي شنو نحن نطق الكوراك
شن أسو اه أنا الجنيت وقتا هووو حيا أنا المرضان شن اسو إنبهم بي الراي والدليل النجوع والعودة لي بلادي
قولوا آميــــــن
Post: #861 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-02-2007, 06:29 PM Parent: #860
نواصــل مع محمد بادي يرثي سماعين ودحسن
وفجأة إجينا من طرف السما مِرِسيل يَنعْي فوق كلنكاكول غراب هابيل ويبقى رحيــــــل رحيل كُل الغيوم الهامعة متواترات رحيل كُل الشهور العامرة بي الخيرات رحيل الطينة من طرف الجزر يومات رحيل الخُدرة قِدام منجل الهدام جفـــاف وممـــــات رحيل البادية فوق برقّن ورا نجيمات رحيلك مو رحيل أفراد رحيل بِلدان تمام وكمال ياالعرشتّه فوق نخل السواقي الشال وإتمددت فوق النيل من الشلال ولي الشلال ويا هاجرتّه فوق ريش الرهو رحال تظل مرسوم علي باب الليالي سؤال بعد عشعشتّه في خاتر الغُبش موال وإتبلبلتّه من الموية بين السعفة والبلال بعد عِرقّك برق في ترابنا حد ماشال وإتمددت غادي وجاي يمين وشمال
Post: #862 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-02-2007, 08:03 PM Parent: #861
يازول صلي على نبيك ! نحن في العديل والزين مالك قلبتهالينا مناحة ؟ شعب غاوي الحزن نحن يامولاي آه من غلبي ..
Post: #863 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-02-2007, 08:14 PM Parent: #862
Quote: يازول صلي على نبيك ! نحن في العديل والزين مالك قلبتهالينا مناحة ؟ شعب غاوي الحزن نحن يامولاي آه من غلبي ..
ألف صلاة علي الحبيب المصطفي دي سنة الحياة يا الريحانة الفرح يعقبو الترح بس حتى حزنا جميل بين كلمات ود بادي .. هي اصلها بتطلع من الغبش زنين تخلد زولاً بالحيل كان زين وطربو جميل وقولو عليل يواسي العاشق المغبون والوطني حباً لتراب بلده.
وانتِ يا الريحانة شاحد الذي ليس بيننا وبينه حجاب رب السموات العلي يديك الصحة والعافية والفي المراد ويرجاك نعيمه الذي لا ينقطع يوم حسابه كان حد ماتجي ماشة تغشي شديراتي ديل وتاخدي لك تكية في العنقريب الهباب
لك التحية والاحترام وربنا يقدرنا علي جزاك ونحن لا نوفّي لذا رفعنا يدينا لله متضرعين ونرجو الله أن يستجيب دعانا لك يا ملكة
Post: #864 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-02-2007, 09:48 PM Parent: #863
مشوارنا الطويل مع د/ ودبادي العكودابي يرثي سماعين ودحسن
بعد الحال منو البقدر إجيب غُربال يغربّل روحك المدسوسة في الأجيال وفي نفس الدُغش مبثوثة وفي الشتله وناداها السال بعد الحال منو البقدر يطاول حرفّك المعقود علي برقاً حرير وهلال مسطر فوق رُقاب البرد فوق الصخرة والتِمثال بعد الحال رحيلك ياالمشرشر في مداخل الدنيا كالأجيــــــــــــــل رحيلك هزّه في العقدة ومجامع الروح كما الزلزال أرمي الدمعّه فوق الدمعتين يا عين وبعد الليلة حابساها الدموع لي مين كتير من شاف ديارو العامرة هاجت فوق درب وادي كتير من عدّا فوق دربن بلا يوادع بلا يناشد كُبار القوم ياخد الراي كتير ياعين كتير الفاتّو ماحضرو وكتير الراحو ماعادّو ألأ الناعي عمرو ماطاف البلاد من جم
Post: #865 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-03-2007, 09:42 AM Parent: #864
آمين ربنا يتقبل منك صالح الدعاء ولك منا مثل مادعوت لنا أرداف آلاف
وانت :
منو البقدر يطاول حرفّك المعقود علي برقاً حرير وهلال مسطر فوق رُقاب البرد فوق الصخرة والتِمثال
Post: #866 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 12:37 PM Parent: #865
مشوارنا مازال في أوله مع دميعات ودبادي تخلد ذكرى سماعين ودحسن
وتبكّي طويرة الأحزان سنين وسنين مصيرها تساسّق المسكينة بين الباسّا والباساي ترفرف من سخاي لي سخاي وتسأل عن صدور مغسولة بي الدوباي وتنزل فوق حلقات مجالس الشاي وفوق حلقات ابوي الشيخ وفي الشاشـــــــاي تبل الريق من الدمع البيوشّل من ارامل الحي .... وتمرق من محاري الناس تول وِل فيها جرس الصي وتصرخ فايقة ياجلابة أقيفو لي وتسعل ضايقة ماشفتوهو زولاً لي تضيع فرحاتها في المجهول ويرحل من دريبها الضي
Post: #867 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 12:47 PM Parent: #866
Quote: رحيل البادية فوق برقّن ورا نجيمات رحيلك مو رحيل أفراد رحيل بِلدان تمام وكمال
ظني كان هذا المقطع سوف يصادف هوى فؤادك العامر بحب البطانة لكن تذوقك فاق كل إحتمالاتي فعلاً ذاك المقطع فيه من العمق مايجعله يبرق ورا نجيمات تفرح ساكني البطانة وكل أهل السودان لك مني التحية يامن تتكشف لي مواهبها يوماً بعد يوم
لك المودة والاحترام ريحانة البطانة
Post: #868 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 12:58 PM Parent: #867
هل أفرغ الطبيب ما في جعبته تخليدا لشاعر مرهف بعد غيابه من بين الحبان والأهل. لا أظن ذلك فهو تلميذه وقطع شك الجراب مليان نواصل إذن
آه آه يا طويرة الأحزان جرحك أنتي صاب الريش وجرحن لي مسافر في النسيج الحي دريبي بعيــــــــــد وحزني فريــــــــــد ومن مارحل البلبل الغريد بسرح في عيون الناس بسأل .. لو سؤالي يفيد كيف الدنيا تصبح دنيا والصيد يبقى ياهو الصيد ومين يقدر ينضم عقود منقوشه ترقد فوق حزوز الجيد ومين يضفر كلام الريد كل جميل مصيرو يجي ومصيرو يفوت بلا تخليد كتاب الكون يظل مقفول بلا خاتمة وبلا تمهيد وحتى النيل مصيرو يكون مجرد موية شاقا البيد
Post: #869 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 01:12 PM Parent: #868
منو البقدر إجيب ليكم خباراتّو رقصة موجو في الشاطي رواويسّو وحكاياتّو رقاد القمرة جنب النجمه فوق رملاً مراياتّو ولما تغيب ينوم النيل موشّح بي عباياتّو وزي ماالنيل يضيع في الدلتّا يتلاشى ويموت مشلول إحنّا كمان تفيض آمالنا تضيـــــــــــــــــع تنشرّه في ساحل المجهول وا أسفــــــاي وا أسفاي علي حرفن شمخ في الطول وكيف الليلة في بطن التراب مسبول حرام تبلينا يا أيام حرام تملينا شوق وهيام
Post: #870 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 09:23 PM Parent: #869
تارينا بنشيل من حرفك الجواني يا ُسَماعـــــــين ونقعد في حواشي الحضرة وانتَ تكب علينا غمام وماعارفين حروفك نازفة من شريان ومن دم القليب الأصلّو مابريان لما شربنا لما طربنا إتلفتنا ما لقيناك يا إنسان وشفنا رويحتك الشفافة ركبت هودج الأحزان محمل فوق جناح ملكين ودربو علي مشارف الواحد الديان قوايمّو شقايق النخل الوقع حزنان مضفور بي سعف يابس مفرّش بي كباد أماتنا والحبان مزمل بي حبال صبرن فقدنا زمان مضلل بي الدموع شرقان عجيب ياهودج الأحزان مواسم الهجرة ماحانت ولا زمن الرحيل قد حان نسافر ليك وزادنا الشربّه من بحر الحُزن والآها والحِرمان وداك اليوم كان وداع الهودج المتهادي جامع رجال الحضر والريف طيور السافل المحزونة جات بي ليله تاركا جناها للريح والمطر والزيف وروح ترهاقا والعباس وروح أبواتنا وريحة الماضي كلها جات
Post: #871 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-03-2007, 09:32 PM Parent: #870
ومن ملوك شايق وقف شاويش مِنكّس لي حرابو واقف بي قفاهّو التابعو شايل سيف وبعد الليلة كل بنية تبلبس فوق صديرا إكليل يكون مزروع فيهو قلب الشهيد وأنتَ شهيدنا يا اسُماعين ياالله يالله ياالله بعدما شلتّه اسماعين وفات معاهو باقي كلام وباقي حنين ياالله بعد الفجعا نظل شاكرين نظل واقفين علي بابك ومعاي طلبين يكون عبود مع ودتوم كذا شاهدين قِدام قبر الولي اسماعين نظل واقفين ويوم الليلة والباكر إلى ماشئتَ ياالله إلى يوم الفصل والدين وداك اليوم يكون يومنا نقالد شيخنا اسماعين
يرحم الله اسماعين حسن رحمة واسعة واسكنه فسيح جناته
Post: #872 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 02:12 PM Parent: #871
نحن إن كان فرحنا فرحنّا كُتر وإن كان حزنا حزنا كُتر هاشم حسن الدابي يرثي عوض
ذاك الطفل الذي شب بين أهله درويش هائم في بلاد الله الواسعة لا هم له غير الضحك في وجه من يرتب كلمة طيبة كانت أو غير طيبة، يتيم الأبوبين شبّا وأشرفت على تربيته ورعايته خالته الحنون خرج في ليلة من ليالي تساب سنة 1988 وكت إجتاحت السيول وإنقدّت السماء مطرا وهاج البحر هيجة وثورة تجتاحه كل حزمة أعوام الماء من كل صوب فهو خير من رب كريم لطيف بعباده يرعى عيون بشره يواسي الدامعة منها ويحنو على البريئة ويرشد البصيرة فعينه لا تنام سبحانه.
قيل أن قصة عوض حقيقة حدثت وتناولها الشاعر الفذ حاتم حسن الدابي رثاء خلد فيه يوم فقدان عوض المسكين الهائم عليه ألف رحمة من الله تنزل عليه وهو راقد بين ابويه مفارق لهذه الدنيا الفانية واختار بدل عنها الآخرة دائمة النعيم.
في يوم البحر الجانا وتُسب وقام ما شفتا عوض يا ساري الليل يوم دخل الحلّه هدَّ بيوتا ترا وهدام صبحنا ضيوف ماخلا وراهو صلة أرحام يوم داكا عوض خلاها مرق في سفري طويلة مع الأيام يا ساري الليل
درويش من يادوبو سغير عشرة أعوام الزول زول الله من الصلاح الرفعت عنهم الاقلام دي تركتْ الرسل الداروا الآخرة ام خيراً دام التركوا نعيم الدنيا الدنيا الزايله للعبدوها ولي الحُكام
متجلبب بي تيبان الرحمة غُتا وهِندام ما شفتا عوض يا ساري الليل مِتنعلت بي أرض الله الواسعة خُطى الأقدام متزود شايل خير الزاد خطى وإلهام ما شوفتا عوض يا ساري الليل
Post: #873 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 02:24 PM Parent: #872
نتابـــع مع الدابي وساري الليل وما شفتو عوض تابع النجمات قام ماشي لي قدام يا ساري الليل
ياساري الليل ماشفتا جِناح جبريل غتاهو بقالّو مظلة جلوس وقيام يبقى لي نجع متوجه أرض الشام ما شفتو هناك إكون مندسي مع الخُدام
فتشنا سما وفتشنا أرض ما شفنا منام في التمر الشايل تكّا سبيطو مدلدل خام في الجرف الاخدر في لباهّو وفي النخام في جدول جاري تسرسر مويتو نعيماً دام
يا ساري الليل أنا داير أُصيك وأديك كلام الروح ان صعدت لي باريها وفي جنات الخُلد مقام لو لاقيتّو في اي مكان في اي زمان روح كلمو وقولّو الحلّه بكت من شوقا إليك تغريك سلام
Post: #874 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 02:56 PM Parent: #873
زوبعـــة في ملاعب الخيـــــل من ديوان ريحة التراب للشاعر عليه الرحمة اسماعين حسن أمِسكي عليك عيونك ديل أمِسكِيهن وخليني اللَّروح انفَكَّ من شبكة عُيونك ديل دا شيتن أصلو ماشُفنا لاَ في الناس ولا في الريل دَا ماقدر الله جانا عديل
بِحار الشُّوق بلا ساحل ودَيْرات زي ملاعب الخيل أكون كَضَّاب إذا عِينَيَّه شابن لي عُيُونك ديل مراكبي ضعيفة ما بتقدر تلاوي الموجه عكس النيل
سألتك بالذي سواك تمسكي عليك عيونك ديل يَتاوقن لي زي شُباك منور في ظلام الليل
يكوركن لي نص الليل يشابن لي أنا الغرقان أنا الضهبان وزي القشّه ارجف في مهاوي السيل
عليك ذاتك تمسكي عليك عيونك ديل قليبي رهيف ومابقدر علي الهبباي في عز الصيف عليك دارجيهو في الحجرات بي جنب القيف
عيونك ديل عيونك ديل محيط الهول قصدني عديل منو البقدر علي العقبات زمان نحن جُمال الشيل
حليل الحيل زمان ماانْبَتَّه من صاقعة عيونك ديل
Post: #875 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 03:53 PM Parent: #874
من ريحة التراب سماعين ودحسن وكأس المر
قَلبِي مشدُود فوق ضلوع الليل وتر غنىَّ للشوق من قديم ولِي الليلة أصلا ما فتر
جوَّاب دروب الكون بِكوس أرض الحنان حتى أن بقت فوق القمر
شايقني في دربو السهر الريد بزغرد في الدروب رُكانة شدت لِي السفر
يا حليل بريقن لاح بعيد شداني لي أرض الصعيد يا حليل هناك الصيد يصيدك وأنتَ مابتقدر تصيد
ماكلي ريد عطشان وبحلم بي المطر فُرقانة من أرض الدنادر غَرّبت حس القوافل في البعيد بتلوح ومرات مابتبين زي المراكب في الدميرة الكاسحا لجّت صَوبّت ياالله سترك ماخلاص لجّينا في جوف الخطر جيتك وقيع حفيان وضايع في الهوى أنا من رضيع شقيت بحور فوق التراب فوق كتفي يا حمل الدهور مربوط أناتل في الصخور شوف حالي من زمن الصغر الصيف يسلمني الربيع في ناري مشتاق للصقيع وما بستطيع أسكت علي هادا الوجع إن قلتَ شي قالوا لي شيشك دا القدر صابر وماعارف الصبر ياحبان قساي أنا عارفو مُر جربتَ من زمنن قديم حفيان وطيت فوق الحجر لكني خايف والله يا حباني خايف وخوفي ارضع من ضروع الغيب أَمَرْ
Post: #876 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 07:04 PM Parent: #875
في ارض الشايقة عاشت الشاعرة بت ودخير، توفى عنها زوجها تاركاً لها نوارة ليلة بكرية الأبن الوحيد ( نعيم ) كان كل الأمل وكل النعيم وباقي رويحة الزوج الرحل مفارق الدار .. كبر وترعرع نعيم بين اترابه شافعاً يافعا،أخذ قسط قليل من التعليم وبعدها إنكتب في الديش عسكري .. كانت أيامها حرب سنة الـ 48 وكان الجيش السوداني أيامها غير مستقل ويقاتل في صفوف الجيش المصري ويحمي ظهره .. كانت معسكرات الجيش السوداني في حي عين شمس الحالي بمصر الجديدة، كان نعيم من ضمن الكتائب التي سافرت إلى مصر. غاب عن الأم الحنون ثلاثة سنوات كانت تقاسي البعاد وتشيل الليل آهات وتتجرع آلم الفراق الذي حال بينها وبين المحبوب الحبيب نور العين. أرسلت بت ودخير لأابنها خطاب تكشي له آلم الفراق والحالة والمحل وتطلب منه في نهاية مرسولها 2 جنيه تسد بهم الحاجة تقضي بهم المجاملات وتعينها في مجابهة المعايش. قرأ الشاعر الكبير خطاب بت ودخير فرد لها بلسان ابنها نعيم رداً اظهر فيه أن الابن الوحيد الذي عليه التكل هايم في ارض الله عاشق للبنات ومغني.
Post: #877 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 07:15 PM Parent: #876
جواب بت ودخير لأبنها نعيم الليلة رسلتّه السلام السلام يغريكا انتَ ياالزين السلام لِيكا ولي الفي الأوضه معاكا قاعدين السلام يغري الطرابيش والقلاشين السلام من عين شمش لاحد فلسطين أنا مابوصفّك ياصباحي بخاف من العين وأت من عين الخُلوق وادعاك جبرين أنتَ بي العافي التختّك في المصارين تبقى لك هِدم ياسيدي سروال ونعلين الليلة أنتَ ياسيد الحصص وصمد النمرتين وأنتَ ياسيد الشتيل فكَ العراجين وأنتَ ياسيد الجزيرة تكاكّي وزين وأنتَ ياسيد البسوق أرقوق موازين أنتَ ماك عارف قليباً لي مجنين ومابترسل لي جواب فيهو سطرين ومابتقول لي نعيم صباح أمو اشتغل وين أنتَ ماك عارف جواب السلامي إجيني وأطول لي شبرين وإنبسط لي بساطه هي زايدي علي القوانين
Post: #878 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 07:33 PM Parent: #877
نواصــــل مع بت ودخير الله إن خلاني طيرة وأحصلّو الحين وألقا في القهوة قبل الرسمي جالس في الدرابزين وينسر بالي بيكم ياالحنيّن بعد الحال معك إن شاءالله جالسين يابا نتلاقى أنتَ طيب نحن طيبين الليلة دايرا أحكيّ لو العذر وصمد النمرتين وقول لو من قِبل الملمات مانا فايقين منطبقات عليا تلاتي واتنين وخَتّي ربع جنيه وبعضاً تلاتين وقالن ما بنقبل عُذر تدونا في الحين وإن قلتا المقد ماجاب لو مدين والعيش ريف مبوّص مامرق هين أصلو لا تمراً مرق ولانا سايقين أنا طلبتّك بالله ترسل لي جنهين أنا طلبتّك بالله ترسل لي جنهين الليلة لا تقول الجواب دا أنا جاني من وين الكلام نظم ام نعيم مو دايري تلقين الكاتبو وراق حسن أسطى في الطاحونة تاجر في الدكاكين وأنتَ في تلاتة سنة مابدوك سبوعين شكرك عندي راقد بالجرانين إلا الجواب ياخيري إتملى بالصفحتين
Post: #879 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 07:43 PM Parent: #878
رد اسماعين ودحسن لبت ودخير ( ام نعيم )
الليلة في درب البنات يا يمّا أنا إتبشتنتا وإتبهدلتّا وإتغربتّا دابي وأنا إتوكرتّا في بلدن بتاته بلا الخيول الجامحة فوق الريح تشابي وجوهن يمّا كان شفتي القمر لجلج يضاحك في الروابي عيونن يمّا زي بحر المحيط والموج يولول والعرق لافحني فايت وا خرابي سنيناتن بلا شُخب الحليب الصافي يرهج في الكبابي وريقن يمّا زي خمر التمور المن زمان طامرنّو في جوف المخابي وراقبن يمّا وين رقاب الريل على الحدب البعيد شرفن علي هوّهيو كلابي وعويدين يمّا متل الخِيزران فدعوهو لي وجعي وعذابي
Post: #880 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 07:50 PM Parent: #879
نواصــــــــــل
العرجون يصارع في السبيط مندلّي من قلب الجريد والتان ينقط في العسل يا ريت شرابي ولونن يمّا زي لون القمح شوف ضراني كيف الله يضاريك يا الضرضر صوابي ودروبن يمّا عُقاب التيه ومافي خبير بشق التيه علي بلد الدوابي مهورن غالي ومابقدر عليهن وحاتك ضُمّه مابقدر عليهن وكمان شوفو المصيبة نفيستي فيهن ومنو البقدر إمد إيدي علي كيس المرابي دحين يا يمّا راجع لي دريبك وأنا الغرقان وفي الموجات أشابي أصارع في الهلاك يا يمّا قاسي وبعد قربتا لي قيف الشرق تلفحني شيما كاسحا مغربا بي
Post: #881 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-04-2007, 08:01 PM Parent: #880
نواصــــــــــــل
وقعدتا زي فاقدن مزوزو أجرجر في التراب ودرْ حجابي مشاكل الدنيا من ما فتا منك وإلى هذا الوكت وأيضاً كذلك إلى مابعدو ضددي مِبشْتنا بي أنا لا مالاً لقيتّو عشان أشُوفك يمّا أجيك أقدل مع الجنيات تْجيي العافة بس فضل شبابي وإن كان لي القروش إن شاءالله طايري أنا معلم الله لي حولين اسم فرطاقه مادخلت جرابي الخبر المهم ماقُتْو ليك يمّا قَبل ماانسى في آخر جوابي دا شيتن أصلّو مافكرتا فيهو وحاتك ضُمَّه ماكان في حسابي ارادة المولى مو خافي عليكم وكان دسيتّا لابد من تجيكم خبيري مع البنات والليل يهوّد أهز ضرعاتي وأرفع في حجابي أنا بقيت غناي آه غناي متل ناس ودصليلح طمبرابي
Post: #882 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-05-2007, 07:56 PM Parent: #881
الرَحّــــــــول عز العرب لمناهضي عروبة أهل السودان مايقصد به هنا العرب هم كل من سكن خارج المدن في القرى والبادية
إذا ضاقت الحال بالبشر في مقامه، فأن أول فكرة تطفو على سطح تفكيره هي الهجرة .. النجعة.. الهجّة يقفّي يسافر طلب للرزق وتحسين الوضع الاجتماعي ويقال في السودان أن أول من عرفو الهجرة في السودان هم أبناء الشمال من الدناقلة والمحس ومن بعدهم الشايقة وكان بينهم تمايز في تحمل البعد عن الدار والأهل فصمد أمامها بني دنقل ( سئل الدنقلاوي هل القربة حارة رد قائلا : والله المشكلة في العشرة سنين الأولى ) .. أما الشايقي فكان فجاء عدم تحمله للهجرة من الدار والأهل شعراً تشدو به الركبان. كانت الهجرة في الماضي لمناطق الوسط والغرب والجنوب والشرق وقد يمم الشايقية صوب أين توجد أراضي صالحة للزراعة ( ومثل يقال الشايقي كان نجح لي العسكرية وكان فشل للطورية ) في حين ركز الدناقلة والمحس في التجارة.. وأول من عبرو البحار هم الدناقلة ثم عقبهم المحس.
Post: #883 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-05-2007, 10:06 PM Parent: #882
الشاعر السر عثمان الطيب
وا مغصتي رَحّلْ تلوت الليل وا شقاوتي رَحّلْ تلوت الليل مسالكي ضُلمة ما بتنشق سكت روّحْ نويرة الفرقه جوه الجوف تسوي البق مشيت لا زاد أشيلو معاي ولا زولاً معا إترفّق ولما خلاص بقيت مارق نجيم الليل مشى إتفرّق بكيت وبكيت طريف العين متمسح وبالدموع رقرق عشان مظلوم زماني الفايت والليلي شتت ولي الشمل فرق بسوي الوووب نحاس أحزاني جوه قليبي ينقر دق يوهوّد بي يلوعني وأخاف من المصير وأشفق أوادعْ الناس وأفوت مجبور إجيني نغيم من الطمبور أشوف لي جني وقف صفق ينط لا فوق يطير وإندق وأطير وإندق أدنقر فوق تراب بلدي وأخم بي إيدي في رحلي
Post: #884 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-05-2007, 11:23 PM Parent: #883
نواصل مع وا مغصتي رَحّلْ تلوت الليل
وأقول يا ليل وأفارق الدار وأجر فوق الوداع مسدار أنوني أنوني شاقي الواح محال أرتاح ادخّل إيدي في رحلي تراباً فيهو يسوا الكون تراب بلدي أشيل منّو وشم أرتاح أشم ريحة طيبة أهلي منو تفوح ترد الروح عِويناتّن تلوح وتلوح عراريقُّن طواقيهم طواريهم سواقيهم أنين الساقية لما تنوح حسيس البربخ المفتوح وأعاين في تراب أهلي أشوف فيك صورة ما بنشاف وأشم ريحة الكليت والشاف بنات بلدي بنات بلدي طريحاتّن مناديلّن رِقيصاتّن شبابيلّن حليلي حليلي يا حليلي أشيل من زادي وإتكرّف أشوف فيك يا تراب بلدي الحنين الما بيتوصّف سماح ناساً حلاة ناساً بلا السكر طعم قراصّي في قدحاً من الدبكّر كواريك شفع المغرب يقلبّو في الجمر قنقّر ولاد بلدي نقاقيرّم طنابيرّم جبابيدّم سنانيرّم وأفوت يا ناسي في دربي وأقول يا أهلي وا غُلبي خلاس ريدكم ملك قلبي ومنو الغيركم بشيل حبي تراب بلدي بنات بلدي ولاد بلدي
Quote: تحية خاصة للأخ / حاتم هاشم واصل لينا في دربك دا .
الاخت سميه الظاهر اغاني الحقيبه دي بتختك في فوق قلايا نارا تلهلب ذي ابؤاحمد واغاني الحماس .
قال عمر البناء :
زيدني في هجراني .........................
زيدني في هجراني وفي هواك يا جميل العذاب سراني على عفافك دوم سيبني في نيراني لمتين تطراني أنظرك في النوم جوز نواعسك راني طرفي قصدو يراك و ما قصدت تراني ما بسيب حبك و الله لو ضراني يا نعيم أزماني يا حياة روحي و بهجة أمدرماني في الحياة غيرك مافي زول هماني و في بعادك أزاي و في وصالك أماني بلبل الأغصان غنى بي ذكراك و بالنويح أوصاني الجمال خصاك و العذاب خصاني و الدلال أوصاك علي دوام تعصاني يا درر ألحاني يا أزاي و دواي يا راحي يا ريحاني إنت نايم و أنا ألم البعاد صحاني حن عليّ بغرامك و الله كان يمحاني مال فريعك باني فيه بدر و ظلمه و فيه ردفا" باني حين نسيم الليل بي روايحك أتاني زاد عليّ الشوق و دمعي سال هتاني و على عفافك دوم زيدني في هجراني
تحياتي ...
حاتم هاشم .
Post: #886 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-06-2007, 08:24 PM Parent: #885
Quote: الاخت سميه الظاهر اغاني الحقيبه دي بتختك في فوق قلايا نارا تلهلب ذي ابؤاحمد واغاني الحماس .
حمدالله علي السلامة يعني يا حاتم هاشم ألا نشلخ البوست شايقي عشان تجي راجع طالة الغيبة يا جميل ومابندوره. بنفقدك وانت معانا ما تغيب عنّا
مودتي وأحترامي
Post: #887 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-06-2007, 08:55 PM Parent: #886
موية السكر نجح فعلها وجابت حاتم,, كدي النشتت حب عيش عسى ولعل يجيب الريحان.. طالتالغيبة والطلّه ..لا تقولي كترة الطلّه بتمسخ خلق الله .. والله وماك رايداني حليفة طلتك لو تكون كل ساعة طاعمة وحلوة .. تكوني معذروة لو قلتي مشغولية الوليدات والبيت .. لكن لو عمل ما بحلك مننا كلنا شغالين ونحصل ناخد نضمة مع الحبان بي نص عين ... النشوف شركنا نقجّو ونتظر ريحانة البطانة
الزول البدور من البوادي ضريبة يبقى موارك الغربة ويبعد الريبة مابتدبّى لي الهاملة البشوفا غريبة ألا السيدا في الدندر مسيلها زريبة
Post: #888 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-06-2007, 09:55 PM Parent: #887
بــــــــــــــــــلادي
سُماعين ودحسن
بلادي أنا بلاد ناساً في أول شئ مواريثم كتاب الله حصان مسروج وسيف مسنون حِداهو درع كتاتيبم تسرج الليل مع الحيــــــران وشيخاً في الخلاوي ورع وكم نخلات تهبهب في جروف الساقية وبقرحلوبة تتضرع وليها ضرع بلادي أنا تشيل الناس كل الناس وساع بي حيلا ليله يسع وتتدفق مياه النيل علي الوديان بياض الفضة في وهج الهجير بِيشع بلادي سهول بلادي حقول بلادي الجنة لي العاشوها أو لي البره بيها سمع بلادي بلاد ناساً تكرم الضيف وحتى الطير يجيها جعان من أطراف تِقيها شبع بلادي بلاد الصفقة والطمبور وجاراتّن تنق بالليل وبنوتّن تحاكي الخيل يشابن زي جدي الريل
Post: #889 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-07-2007, 09:41 PM Parent: #888
نغوص بين طيات حروف الجميل سماعين ودحسن
بلادي أمان بلادي حنان وناسا حُنان يكفكفو دمعة المفجوع يبدّو الغير علي ذاتم يقسمّو اللقمة بيناتم ويدّو الزاد وحتى أن كان مصيرم جوع يحبو الجار يموتّو عشان حقوق الجار يخوضو النار شان فد دمعة وكيف الحال لو شافوها سايله دموع ديل أهلي والله ديل أهلي أقيف في الدارّا وسط الدارا وأتنبّر وأقول للدنيا كل الدنيا ديل أهلي عرب ممزوجة بي دم الزنوج الحار ديل أهلي ديلا قبيلتي لما أدور أفصل للبدور فصلي ديل أهلي أقول بعضي وألاقيهم تسربّو في مسارب الروح بقوا كلي أسياد قلبي والإحساس وسافر في بحار شوقّم زمان عقلي أنا محل قبلّتا ألقاهم معايا معايا زي ضلّي أنا لو ماجيتا من زي ديلا وا أسفاي وا مأساتي وا زلي تصوّر كيف يكون الحال لو ماكنتا سوداني وأهل الحارة ما أهلي تصوّر ؟
Post: #890 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-07-2007, 11:59 PM Parent: #889
الإخوة الكرام / حاتم هاشم وخالد علي محجوب تحية وإحترام زدني في هجراني أغنية محببة لنفسي كثيراً نسبة لمجاراة إحدي مدائح الوالد في مدح المصطفى عليه وآله وصحبه أفضل الصلاة وأتم التسليم لهذا اللحن :ـ
طيبة النوراني فيك آمالي بغيتي وأماني الصفي المعصوم إبتديت بياني بالكريم الحي باري الثقلان جل حي قيوم هاك خذ أوزاني ردد النغمات رتل الألحان على أبي أم كلثوم فوق شفيع الجاني قل ثناياً عاطر طيباً يالساني لاتخف من لوم مدحه الديان بصريح القول في محكم التبيان وأعطاه الشفاعة عموم هاك بغير بهتان آي نبيك يازيد خذها غير توانٍ لاتكن محروم الفسيح متداني والقمر إنشق حين أمر تصفان على الجبل مفهوم حين وُضع في الآن طيبه عم الكون بشذى الريحان الند والقيثوم النور ملأ الأكوان شافه من في مكة بصرة والكنعان أقصى أرض الروم جات بغير قدمان أيكة الفلوات تسعى للعدنان لرضاه تروم الصخر طاع لانِ والرمال مندلجة والبعير الحانِ والعضو المسموم الفُرس والنيران إنطفت يوم وضعه وسعدت الداران بشفيع اليوم الملك والتيجان وبحيرة ساوة حالهم في هوان والقصر مهدوم بدعاء العدنان ساح سحاب الجو صب دور هتان غير هبوب وسموم من عنا وشنآن بيهو طبنا وطاب كوننا من خسران به زال الشؤم آية القرانِ أعظم الآيات وأوضح التبيان تاني مافي لزوم قف أدب يالساني يكفي أن تتبرك غاية الإمكان مدحه يمحى اللوم صحبه الشجعان الكرام الغر وضّحوا البرهان فضلهم معلوم رب في كل آن عنهم أرضى وبارك ثم زد إحسان عنا رضاك يدوم البريق ناجاني في السحر بنسيمه وهيج الأشجان مني طار النوم عددت حالي ماني في عداد الأحياء ولست ميت فاني صرت كالمسموم مابرى الرحمن من خلق ورمال ومن حيتان الصلاة كل يوم تغشى سيد حسانِ بها ودطلحة آله والجيران في حماه يقوم
الحسن محمد طلحة
Post: #891 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-08-2007, 05:15 PM Parent: #890
.
Post: #892 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-08-2007, 05:32 PM Parent: #891
Quote: الإخوة الكرام / حاتم هاشم وخالد علي محجوب تحية وإحترام زدني في هجراني أغنية محببة لنفسي كثيراً نسبة لمجاراة إحدي مدائح الوالد في مدح المصطفى عليه وآله وصحبه أفضل الصلاة وأتم التسليم لهذا اللحن :ـ
في هواك يا جميل العذاب سراني زيدني في هجراني
طرفي قصدو يراك وماقصدته تراني ومابسيب حبك ولا لو ضراني
طلبك أكيد مجاب يا ريحانة الجنى ود هاشم قطع شك ببحت جرابو بطلع هذه الكلمات الجميلة
تحياتي ومودتي لك لحاتم
Post: #893 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-08-2007, 06:00 PM Parent: #892
Quote: زدني في هجراني أغنية محببة لنفسي كثيراً
محببة ... فعلت فعلها وداعبت مركز التخزين وذكريات الطفولة .. كنت وقتها ابن الخامسة أو السادسة عندما سمعت هذه الأغنية وظلت عالقة تغنى بها فنان شندي الرائع علي الامين ( عليه رحمة الله ) ذاك الفنان القامة تربع على عرش الفن في شندي نهل من مورده كل تغنو في تلك الفترة ووالفترة التي عقبتها أمثال عثمان الشفيع عليه رحمة الله والخير الأمين وخالد محمد الطيب وقوار والثنائي سرالختم بادي وبادي الامين والثنائي عوض الاسيد وعوض قش ثم الثنائي بابكر سيداحمد وفاروق الشريف وكما كان يحلو ناس شندي تسميتهما بــ ( جوز الباتا ) جُلهم كانوا يغنون مجاملة لعريس أو أهل العريس وما عنت المادة لهم شئ وقتها. تغنى علي الامين بالرائعة : تمّا دورو ودوّر عمّا ونورو فاق شال الحلة نور زي بدر التمام
والرائعة التي كان يشدو بها الخير الامين
الهجروك حبي وعملو السبب حبّي كيف ينزعو الصور المرسومة في قلبي
وقد سبق كل هولاء في بزمن بعيد الفنان ابن عمدة شندي عثمان بادي والذي كان يعشق أغنية عيون الصيد. سمعنا به ولم نراه عليه رحمة الله
عيون الصيد الناعسات عيونّي عيون النيل وحاكن عيوني عيون الصيد كان للغناء في شندي طعمه وجماله الخاص ... وليت الايام تعودوتعود شندي كما كانت فيسابق عهدها جميلة بأهلها
Post: #894 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-09-2007, 10:02 AM Parent: #893
Quote: طلبك أكيد مجاب يا ريحانة الجنى ود هاشم قطع شك ببحت جرابو بطلع هذه الكلمات الجميلة
خالد ياود أمي صلي علي نبيك بالك رايح وين !؟ في شندي أكيد الزول جاب القصيدة ورديت و كان ردي على ضوئها الشاغل بالك يتهنابو إنشاء الله
هسع مالك بتدور تجيب لنا ودشيقوق مِتلِب من الدندر ؟؟؟ الزول البدور من البوادي ضريبة يبقى موارك الغربة ويبعد الريبة مابتدبّى لي الهاملة البشوفا غريبة ألا السيدا في الدندر مسيلها زريبة
ولك السلام والإحترام ولهاشم وأطلب منه أغنية/ ياقائد الإسطول / وشكراً جزيلاً .
Post: #895 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 04:52 PM Parent: #894
Quote: خالد ياود أمي صلي علي نبيك بالك رايح وين !؟ في شندي أكيد الزول جاب القصيدة ورديت و كان ردي على ضوئها الشاغل بالك يتهنابو إنشاء الله
أشهد الله العظيم قبل أن أرد عليك كنت اتصلت اربعة مرات بأحمد وأمه في المجر ... يضرب الجرس لحدي ما يقطع مايرفع زول فعلاً كان بالي مشغول ... وأنا دوماً وبالذات في أحمد بنشغل بالي شديد كان طلبتي مني لحظتها 1000000 دولار كنت فتحت جزلاني ومديتها ليك دون شعور عذراً ريحانة البطانة ومن هنا عهداً علي لا أرد على مداخلاتك أنت بالذات يا ست اللهج السليم ألا لما يكون بالي رايق لك التحية والمودة والاحترام
Post: #896 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 05:28 PM Parent: #895
رسالة الشوق العتاب موشحة بالدموع من مكلومة إلى الزوج الغائب. شريك الروح والبدن، غياب حسبة إيد ( خمس سنين ) وفوقن شهر
معذرة للشاعر حاتم حسن الدابي
معذرة لو معاك مني الكلام حرّه ومعليش الخِطاب كاتباهو مضطرّه حرام والله مننا انتَ تتبرّا وخمسة سنين تفوت تجي فيها فد مرّه
وراك أنا كم شقيت وعشتّه في ُمرّه تعبتّا مع الصُغار الـ هم لي العيون غرّه بِخاف الغرق الغاص ورا درّه وقالوا أدب الصُغار والعقدة من خَدرّه
حليلي أنا الزمن زي خاطري مانفرّا وخمسة سنين غِياب مابتحملن حُرّه أنا الحاضنا العذاب وآمالي محتضرّه وأنتَ الفي النعيم ماخات حِساب بكره
مسكينة التقول في الإغتراب ستره وتتناسى القروش في يوم تكون ضُرّا حليل زمنك وكتْ عايشنا بالأجرّه ويا ريت لا عرفتا ولا مرق برّه
Post: #897 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 05:40 PM Parent: #896
نواصـــــــل مع الدابي
الكَاتمّا في جُواي كتير إتملك الجوف والعصب ما كنتا دايرا أقولو ليك لكن لسان الحال غلب مابنسى يوم ودعتّنا وسافرتا في غُرة رجب خليت وراك الدار حزين إتباكا والدمع إنسكب أعذرني والله العظيم لولا الضرورة أنا ماكتب وأنا خايفا في بعدك إكون الضاحي بحصل مكتسب اليومو داك نا البلد هنوني شايقية وعرب قالو لي خير وجاك إكتب سلامتو الإغترب قالوا لي دوب نجم السعد طلاك من بعد إحتجب يا دوبو بالك إستريح وتنسي العذابات والتعب فضلتا أحسب في الشهور قاعدا لي فوق نيران لهب صابرا وحريصا علي الولاد ما يبقو لي الريح في المهب سديتا خانك من مشيت قايمابو واجبي كأم واب والأسرة يضنيها المسير تتهاوى لو مافيها رب
Post: #899 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 06:00 PM Parent: #897
والله ما بَنْكُر جميلك لينا برضو سناك وجبْ موكب هداياك مانقطع كان سترا في الزمن الصعب لابسين وماكلين والنعيم كايلنا في يوم مانضب وعايشين معيشة المُترفين طولنّا ماالطبع إنخرب حامدين إن قلتا الاكل والله لي التين والعنب أما الجناين شيلا كاب ماكلين فواكه والرُطب البيت مفرش بي الحرير ومليانا إيدي بي الدهب لكن خسارا علي محل عاش سيدو خمسة سنين عَذْب الشي المهم ما قلتو ليك ليهو انتَ ماظنيت حَسْب كبرو الصغيرونين خلاس خايفا لهم الطبع الكعب وصلوها مرحلة الخطر والآمن مازال مستتب وأنا كنتا قادراهم زمان لكن بعد كبرو إنغَلبْ حصلني قبل الجد يفوت دوب إنهم فوق العتب قبال نحصد الخير ندم ومابجدي كان لمتا وعَتبْ خايفا لهم الطيش في الدروب وما برضى لو واحد رسب خوفي المتعبني الكبير بعدين يمرقو بلا ادب وريتك الحاصل علي لا فيهو ثورة ولا غضب شان الحديث مايبقى ني والواحة يكتنفا الجدب أنا قلبي مازال لسا حي ونجمو الملهلب ماغرب باكر كلامي تردو لي لا إبقا بكرا أنا السبب
بسم الله الرحمن الرحيم سلام ... ابؤاحمد و ريحانة البطانه و الزوار الافاضل ... حياكم الله .
قال سيد عبد العزيز :
قائد الأسطول ....................... يا قائد الأسطول تخضع لك الفرسان ياذو الفخار والطول أرحم بنى الإنسان مين لسماك يطول ما يطولك اللمسان معناك شرحه يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان بالنور سحرت عقول كانت صميمة زمان يا من تحق القول قتل النفوس حرمان وما الجندى والمكتول و طالب الغفران من أيده راح منتول واتوهد النيران فاقد الصواب مبتول مما رأى حيران أصبح زهر مشتول وفاح ملا الجيران يا علة المعلول كم أومى ليك بنان كم من أٍسير مغلول مالاقى فى لحظة حنان يرى وعدك المحلول زى حجة الوسنان والكان سكونه تلول ما ببدلهم بجنان يا حبيبي كون ممهول وليكون ماكان الفى غد مجهول والماضى أسمه الكان نفديك شباب وكهول ونبقى ليك أركان فى حبك المأهول ونخدم السكان يالفى سماك مفصول تنشاف عيان وبيان ما عرفنا ليك وصول وما دنيت أحيان إنت الخطاك أصول يعلم الديان مثلت فينا فصول ما بدرسها النسيان . .....................................................
تحياتي ... حاتم هاشم .
Post: #900 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 06:03 PM Parent: #898
مين لسماك يطول وما يطولك اللمسان معناك شرحو يطول والله يا إنسان أصدق كفانا مطول ياذو الحُسن إحسان أنا عقلى بيك مختول والناس عقول ولسان
كل الجمال
Post: #902 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-09-2007, 06:30 PM Parent: #900
بسم الله الرحمن الرحيم سلام ... ابؤاحمد و ريحانة البطانه و الزوار الافاضل ... حياكم الله .
قال سيد عبد العزيز :
قائد الأسطول ....................... يا قائد الأسطول تخضع لك الفرسان ياذو الفخار والطول أرحم بنى الإنسان مين لسماك يطول ما يطولك اللمسان معناك شرحه يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان بالنور سحرت عقول كانت صميمة زمان يا من تحق القول قتل النفوس حرمان وما الجندى والمكتول و طالب الغفران من أيده راح منتول واتوهد النيران فاقد الصواب مبتول مما رأى حيران أصبح زهر مشتول وفاح ملا الجيران يا علة المعلول كم أومى ليك بنان كم من أٍسير مغلول مالاقى فى لحظة حنان يرى وعدك المحلول زى حجة الوسنان والكان سكونه تلول ما ببدلهم بجنان يا حبيبي كون ممهول وليكون ماكان الفى غد مجهول والماضى أسمه الكان نفديك شباب وكهول ونبقى ليك أركان فى حبك المأهول ونخدم السكان يالفى سماك مفصول تنشاف عيان وبيان ما عرفنا ليك وصول وما دنيت أحيان إنت الخطاك أصول يعلم الديان مثلت فينا فصول ما بدرسها النسيان . .....................................................
تحياتي ... حاتم هاشم .
شكراً جزيلا الأخ الكريم /حاتم هاشم خالد طمئنا علي أحمد وأمه إنشاء الله ردوا عليك ؟
Post: #903 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 07:21 PM Parent: #900
رد الزوج الغايب
أنا ما كنتا داير الإغتراب لكني مجبور إبْتعدْ حسيت بو في الغمزا الحُراب وفي آنة الصبر النفد
أرجع وأقول انتِ السبب قولتيها لي يوم العقد ما بترضي بي عيشة وسط دايراها فوق عيشة رغد
أنا ما كنتا داير الإغتراب لكني مجبور إبْتعدْ قاريهّو في عيون الصغار طلباتّم الما ليها حد حسيت بو في عينيك سؤال وإحترتأ ما لقيتلّو رد نظراتك الحادا النِبال شيطان بتلهب في الجسد أنا كنتا صابر زي بِلال كان ردي ليها أحد أحد
Post: #904 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 07:41 PM Parent: #903
مواصلين مادام المزاج رايق مع رد الجواب من الزوج الغائب
الكاتمو في جواي كتير من حُرقتّو الجوف إتهرد ما كنتا قاصد أقولو ليك لكن لسان الحال سرد
مابنسى يوم ودعتّكم وبي حسرا فارقتا البلد ضميت علي جرحي الفؤاد فرق البنيات والولد
ما إحتجتا أفارق لي الصغار والوجعا فرقة للفي المهد زفر القليب آهات كُتار حسيت بو جواي إرتعد
كان إنتي شوقك لي بحر كيفني أنا المكتول كمد خليت لِك الروح والقليب سافرتا بي باقي الجسد
عارفك حريصا علي العيال فوقك بعد الله إعْتمد في الحارا تسوي يلك رِجال ولي المايلا والمُحتاج سند
لو عني كررتي السؤال أنا بيني وبين الفرحا سد سهيت وغايتو عليا حال يعلم بو الفرد الصمد
Post: #905 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 08:05 PM Parent: #904
عذّابي في قاطوع صغير من ضِيقّو زي ودالأحد في السوق صباحات الله خير حليم أزازّي بلا غَرد
الزيِّ بيهو الليل يطول ويتقلّه فوق جمرو الوَقد إتوقعي البي هناك إقول محمود في الغربة إنفقد
البي دا ما بغبالو زول بِحكيهو طرفي الما غمد سنين أفتش في كفيل في حالي فد زول مانشد
عربية والراتب كبير ورابط لي خرزا من الحسد بليت عروق صدري الموير عزأ ورفاهية وسعد
لكني ياحظي التعيس تميت لي شهرين إترفد قالوا الوظيفة إتعممت ومحجوزا لي أهل البلد
في التالتي رب الغزّا قال حامدنّو حلآل العقد مكتب ولا كان في الخيال في الفارّه الدوار قَعْد
Post: #906 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 10:36 PM Parent: #905
مواصليــــن مع الزوج الغئب
شوفي الضرائب فوقي كم كان جيت أفكر في البلد وزي الكلام دا يزيدني هم ويرفع لي إفراز الغدد
قوليّها لا تهابي الحروف كان في غيابي الشوق برد البي دا كلو من الظروف والله مالي فيهو يد
اليبقا في نفسو الحرير ياخدّنو من فك الأسد بي ضحكة بي أبواب الجحيم بي دمعة إتبلابا خد
في شان رِضاك ارحل بعيد لي غُربة لي دمعة وسهد وأنا في حشاي البال شريد وأفكاري فيكم وفي البلد
سامحينّي لا تعاتبي الظنون مازلنا بيناتنا الوعد والغربة من أجلك تهون وطعم العذاب يصبح شهد
جوابك الظاهر وداد كاتباهو بي دمع الحرد ويجي ردو في نفس المِعاد نتلاقى طيارة الأحد
Post: #907 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-09-2007, 11:05 PM Parent: #906
من بين كل زخم الأغاني في السودان لم تداعب آذن أبني الصغير غير هذه الأغنية وهو ابن السنة وثلاثة أشهر .. يطرب لها يتمايل معبراً عن أحساسه الطري في إيقاع منتظم يردد كلك كلك حلو في نشوة وحبور يطرب لصوته كأنه أمتلك عنان لغة ابيه السودانية مفتخراً بها. من يومها وأنا تعجبني هذه الأغنية مع أنها ما لون مذاقي الصعب العتيد حبيت أن تشاركوني عجبي بها الذي فاق كل حب من كم الأغاني الموجودة في ساحة الغناء السوداني
في الطيف أو في الصحيان زورني ياحبيبي أنا عيان مالو لـو فـي بعـض الاحيـان تسمح لـي صحـوا اراك عيـان تاخذ ياحبيبي عـن حالـي بيـان عسي تبقي قلوبنا في الغرام سيـان ياالفريد في حسنك وبهجة امدرمان لي من شوفتك يا حبيبـي زمـان أنا ساهر ونـوم عينـي حرمـان وانت بين اترابك في نعيم وامـان النحول علي جسمي يا حبيبي بيان وانت جسمك نامي وبالنعيم طربان لو رأك الناسك المـن الله جبـان بيك يفتن ويصبح بالغـرام تعبـان قبل حسنك قط مارايـت انسـان فاق العسجد لمعة والحريـر لمسـان كيف يحصر وصفك ياحبيبي لسان والبان اتعلم من قامتـك الميسـان مالـدرر لثنـاك مابنـت الحـان للمـاك وايـه نفحـة الريـحـان انت حسنك كامل لكـن لمحـان خدك قاسـي وقلبـك ماحـان ........................... تحياتي ...
حاتم هاشم .
Post: #910 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-10-2007, 08:23 PM Parent: #909
كســـــــلا .. القاش .. جبل توتيل .. جبل مكران .. السواقي جنوبية كانت أو شمالية .. الختمية .. الجمال يحفها والقاش يحتضنها فترقد على صدرة نائمة مطمئنة. جمال كســـلا يخلب العقل يحيها كل صباح توتيل شامخا يلثم من عنان السماء سحابا. قيل قد كتبت هذه القصيدة في حديقة العُشاق وقد ذكر مرة الشاعر الجميل اسحق الحلنقي أنها كانت في السواقي الجنوبية.
كســـــــلا
نضّر الله وجه ذاك الساقي إنهُ بالرحيق حلَّ وثاقي فترائ الجمالُ مذدوّج الإشراقِ يسبي معدد الآفاقي
وأبنة القاشِ إن سرى الطيف وهنناً وأعتلى هائماً فكيف لحاقِ والمنى بين خصرها ويديها والسنى من إبتسامها البراقِ
كسلا أشرقت بها شمس وجدي فهيا في الحق جَنْةُ الإشراقي كان صبحاً سمح المحيا نديا إذ حللنا حديقة العُشاقِ
نغم الساقيات حرك أشجاني وهاج الهوى آنين السواقي
بين حباً في حُبه متلاشي وحبيبٍ مستقرغ في عناقي ظلت القيد والقوارير صرعا والأباريق بتنا في إطراقِ
أتنّي بالصبوح يابهجة الروح يرحنّي إن كان في الكأس باقي
Post: #911 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-10-2007, 10:07 PM Parent: #910
أحمد كلو زوق يابوأحمد ربنا يحفظه تحايا عطرات للمرجع حاتم هاشم وياريت تسعفنا بـ / هل تدري يانعسان
تســـاوى في دينـــو ........................ الأســياد والـموالي
اي والله
يا ربّي يا مولاي يا الليّ خالق أغـنيـني بي فضلك وأنت رازق
آميــــــن جزاك الله عنّا كل خير يا ريحانة البطانة نوّر الله بصيرتك وعقلك دوماً
حكم صفاك مولاك ذو حكمة قادر
آخذّني نورك ياساحر المحاجر
تشفي الجروح والروح ولي لقاي تبادر .
يحفظك الله العلي الكريم صحيح معافى. جرابك يا ودهاشم ما يخلا يا سريع النهمة الخلوق
Post: #915 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-11-2007, 01:08 PM Parent: #914
كســـلا أسيرة القاش
تلك المدينة الحالمة الوديعة حارسها توتيل غافر لا ينام ولا تغمد له عين. واسرها القاش فما فتئت تنفك من قبضته فأحبت سلاسل قيوده فنامت غريرة العنين راضية بقدرها، تسقي الحنان والحب وتغرسه في قلوب ساكنيها على مختلف سنحاتهم وهوياتهم هندندوة وبني عامر وحلنقة ... شايقية وفلاتا ويمن .. جعلين ودينكا وشلك .. هنود.
شهدت تلك المدينة الحالمة أول صرخة لي أطلقتها في عنان السماء يوم ميلادي فسميت خالد لخلودها السرمدي وظلت ساكنة.
وقالوا البشرب من توتيل بجي راجع .. أحلم بالعودة إليها كان الله مدَّ في الأيام... أهديك كل حب من ابن ظل يحنو إلى مدفن صرته وأنقضت أعوام وما أنفكّا يبكي ويشده الحنين للعودة
Post: #916 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-11-2007, 01:09 PM Parent: #915
Post: #917 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-11-2007, 05:51 PM Parent: #916
كســــــلا أسيرة القاش
القصيدة للشاعر الجميل المرهف اسحق الحلنقي
حبيت عشانك كسلا وخليت دياري عشانك وعشقتّا أرض التاكا الشاربا من ريحانا
ظلم الزمان الخاني يا ريتّو لو كان خانك ليه جرتّا وإتنكرتّا لي الساب ديارو عشانك
كلمني قول ليا فاكر ليلي القاش لمّا الحنين عاودني لعطفك الجياش جافيت حبيب ماخانك من نور بسيمتك عاش أنا تاني مابتلقاني يوم في طريقك ماش قاصد مكان في كسلا
صوت السواقي الحاني ذكرني ماضي بعيد وعلى الرِمال آثارك طرتني ليلة عيد ألمني قلبك ينسى يرفس غلاوة الريد باقي الطريق بمشيهو خلني فيهو وحيد والحب عذاب في كسلا
فرحة ليالي الريد ونداوة البسمات خلتني ابكي واندم على عمرِ روح فات وحبيت عشانك كسلا
Post: #918 Title: Re: هونوو شوية.... وصلو علي النبي .... إستراحة أيها المحاربون Author: محمد المرتضى حامد Date: 11-11-2007, 08:22 PM Parent: #917
Quote: من عَوَج الوَكِتْ ما يَتْرُكنْ وانْساهِنْ فُوقْ حيا فُوقْ مَحَلْ دايمَاً بجرو غُنَاهِنْ ناس اِبن الذريح ضربوا المثل بي جَنَاهِنْ منْ كُل السّوام سيدي الحسن يَبْراهِنْ
كلام الحاردلو يا حاتم هاشم بالحيل يحيِّر من سماحتو ، والله يا خالد المامنسي بيتك ده الما بداوم عليهو الله يعينو. يديكم العافيه وهي أصلها راجياكم طالما معاكم سميه بت طلحه.
Post: #919 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-11-2007, 09:51 PM Parent: #918
Quote: كلام الحاردلو يا حاتم هاشم بالحيل يحيِّر من سماحتو ، والله يا خالد المامنسي بيتك ده الما بداوم عليهو الله يعينو. يديكم العافيه وهي أصلها راجياكم طالما معاكم سميه بت طلحه.
صدقو القالوا ( الليلة نمشي نصاقر الرادي ) نور بيتنا وشارع بيتنا بمروك يا الجميل مستشار المحنا المحبة والحب والقانون بيناتنا في الشديرات ونجدع في عنقريب هباي .. يا عديلة وزين مرحب حبابك ود الأصول مأصل يا سمح الخصال وصاحب الذوق الرفيع.
والله يا خالد المامنسي
والله يا محمد المرتضى ظنيت اللقب دا إتلص وبقى دمغة عرضحالجي حتى انا نفسي بقيت أظن أن المنسي هذا هو جدي ... الله يديك العافية يا المكمّل ( وتلم ) طبعاً انت عارف وأنا عارف رجاءً أن يكون ترد الدعوة مامن آميــــــن وجمعاً
بسم الله الرحمن الرحيم سلام ... محمد المرتضي ... حياك الله .
Quote: بيتك ده الما بداوم عليهو الله يعينو.
والله صدقت يا محمد .
قال عمر البناء :
المخضوب بنانك ............................
المخضوب بنانك قول لي وين عطفك وينو حنانك ياملك في اوانك يا فريد الحسن المعظم شانك من سهام عينيك اديني امانك بسمه توحي لي درر ألحانك يالرفيعة خصالك انت قلبك قاسي ما بتجود بوصالك لو شعرت الناس معجبين بي جمالك ليه تحارب المخلصين بسلاح إهمالك ما بنطيقه خصامك ليه تجرد علينا يا حبيب حسامك بين عظمتك ومجدك وابتسام ايامك تيه في عزك والبس ياملاكي وسامك يالجميل هندامك نكون سعاد لو تقبل نبقي من خدامك مخلصين لولاك حالنا ظاهر امامك ياملك إتعطف علينا بي إنعامك . ..................................... تحياتي ... حاتم هاشم .
Post: #921 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-12-2007, 06:31 PM Parent: #920
كســــلا اسيرة القاش
كســـلا الجمال والحب والحنان الدفاق، جادت مافتئت وأعطت ومانفكّت سهامت في إرث السودان الثقافي والأدبي والسياسي بقوة .. أنجبت من المبدعين الكُثر حلقوا في سماء الأبداع السوداني. من الشعراء كجراي .. اسحق الحلنقي .. ابو أمنه حامد .. هلاوي .. سوركتي .. وغيرهم كُثر نجهلهم نحن لكن الله يعلمهم وآل كسلا الطيبين. وصال في مجال الرياضة منها نخبة على رأسها محمد حسين كسلا ومجدي كسلا .. ومن المطربين التاج مكي وابراهيم حسين وكمال ترباس والقائمة تطول .. فهي تلك المدينة المعطاء ومابرحت تعطي ودون كَلْ وملل.
Post: #922 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-12-2007, 06:42 PM Parent: #921
Post: #934 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-13-2007, 11:05 PM Parent: #930
كســــلا أسيرة القاش
ونحن نمرح فرحا وما هدّنا التجوال في تلك المدينة العامرة اسرة القاش، وبين أحيائها الثرة التي توحي لك جمال وحنان أهلها الطيبين، اللذين يقتاتون على الحب والوئام والمحبة فهو غذائهم يقطفونه من سفوح جبال التاكا ومكران ومن السواقي مزارع العشق والحنان والطيبة... من الختمية مشياً للسواقي بشقيها .. بانت حي السوق ... مروراً بالقيادة الشرقية التي شهدت مرتع طفولتي التي أذكر الكثير من مراحلها في تلك المدينة التي تدكنت في مخيلتي بلونها البنفسجي المائل للحمرة، دوماً يعلو هذا اللون عقلي عند ذكر كسلا وما أحلى كسلا.
Post: #935 Title: Re: هونوو شوية.... وصلو علي النبي .... إستراحة أيها المحاربون Author: Mohammed Ibrahim Othman Date: 11-14-2007, 07:39 AM Parent: #1
اخوي خالد علي محجوب أحلى بوست دا ... خدك مشاركة اللهم صلي وسلم على محمد وعلى صحبه وآله اجمعين ...
Post: #936 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 06:12 PM Parent: #935
Quote: اخوي خالد علي محجوب أحلى بوست دا ... خدك مشاركة اللهم صلي وسلم على محمد وعلى صحبه وآله اجمعين ...
الفاضل ود الأفاضل / محمد إبراهيم عثمان تحية طيبة سعدنا وزاد السَعد سُعدا بمروك الجميل
الف صلاة وتسليم للحبيب المصطفى صلى الله عليه وسلم
تحياتي ومودتي
Post: #937 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 07:48 PM Parent: #936
نعرج علي البطـــــانة العامرة
قصيدة بلغية تحمل بين طيتها قريحة أهل البطانة الشعرية وبلاغة وفصاحة الكلم الطيب الموزون ذو المعاني العميقة الفطرية ... القصيدة كانت ردة فعل لما وصف به أحمد موسى ( فرقة تيراب ) أهل البدو والضواحي قاطبة واسماهم ( اهل العوض ) ... إنبرى له هذا الشاعر الهمام يوضح له من هم البدو وسكاني الضواحي مادح لهم ذام لمحمد موسى.
Post: #938 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 08:22 PM Parent: #937
( 1 ) رسالة بليغا من أهل العوض مخسوسّا لي الإبن الظريف ودالمدن ودموسى بدور رد السْؤال لو بي اللغة المهموسّا فينا نقيصا؟ ولا الصورة جات معكوسّا
ما حبتّا الفتنا تعلن حرب بي جاسوسّا السبب الفنيلة القُت في الوسخ مدسوسّا ونحن نفوسنا في بحر العفاف مغموسّا مية غمسّا لا عار لا دنس لا سوسّا
نحن حقيقة أهل العوض والعزّا مابنكوسّا أصحاب سمتّا وأصحاب فرسةً موروثا نحن نعامنّا بِتعاف ترتع المعفوسّا نحن جدودّنا عادي بضيعّو الجاموسّا
Post: #939 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 08:37 PM Parent: #938
( 2 ) إيّانا أهل العوض وأهل النِحاس اب رنّا وأهل البدرّا والمهيوب وأهل الشنّا أهل عِزّا وأهل سمتّا وعروض ومحنّا ناس الباديا ناساً عُشرتم تتمنّا
نحن أهل العوض وحافظين عِهود ماخنّا ولي الجار والعشير بي شينا ماتعجلنّا بيوتنا مصيد عِروض زمن العدم مابخلنّا ومابصح ياالوليد في أعراضنا تتجاهلنّا
ونحن أهل العوض لا تغينّا لا تبدلنّا واثبين كالأسود من واجبنا ماإتماهلنّا في البر في البحر تلقانّا وين ماكنّا في قمم الرِجال كضب البمس لي حِصنّا
Post: #940 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 09:15 PM Parent: #939
( 3 ) نحن أهل العوض في الحالي والفات كُنّا قَجْ شرك الكلام في سيرنّا مابعطلنّا بس بوعيك كان دَقْس في إصولنا متجاهلنّا بنحسب في الجدود ستين ومن غير إنّا
ونحن ربْونا الشِياب في بابا ماتعجنّا حافظين لسان حافظين كرامّة أهلنا أشبال من اسود في ضبعا ما تهجنّا سايرين سير كِرام لامن نلاقي أجلنا
نحن ذانو ياودموسى مابواخذونا بي بنولد والما عندو رأي حقو يتابع وأقلّد لوما مخك المخمور صحيح والمتبلّد جامعة موسكّو ما جابّت دكاترا تولّد
Post: #941 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 09:43 PM Parent: #940
( 4 ) ما راعيت شُعور الناس شُعورك فاترا بِتْسئ لي العُزاز أهل السيوف الباترا أمانة تدخّنك شطّا ودموعك قاطرا ما سِمعتّا بي الولادا أتخسسوّلا دكاترا
نحن والله عرب أولاد عرب لينا الشرف والعِز بنسرّح بي الرزق نحلب ونصُر ونجز ويوم الحارّا والعراكا السلاحّا بِرز ثابتين كالجبال الثابتا مابنفز
المخسوفّا والمرقوعّا ياها لِباسنّا والمجلوبّا والمغنيا من ميراثنّا الجار والعشير من الكتف لي راسنّا وفي المال والعِروض تخشا الملوك من ياسنّا
Post: #942 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 10:00 PM Parent: #941
( 5 ) ليه ياودموسى بتزم الرِجال بي العايلا مابعشّو الضيوف تلت السحابا الشايلا ما سِمع في ام هبج كاكوم عقيد الزايلا ماسِمع بي النمر حرق الخديوي القايلا
لكن لسانك فكّا يا ابني أصلّو مابتستأمن تشحن في النفوس من الغبينّا مِدامّن ديل سوات المتلك في البحر إترامن العربي إن رقص ألبل قونن قامّن
دحين يا اخي رغم القرطسا بي التمثيل وحبة كاشك تلقى أمثالنّا أكبر من مساحة داشك شبعانين طحين من الفطير ودراشك أخير تبعد بخاف من شوكنا إخرب شاشك
Post: #943 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-14-2007, 10:37 PM Parent: #942
( 6 ) ومهما زعمتّا من عزّا ونفخ فشفاشّك أعلم طينّا أصلح من تُراب خشخاشّك شوف ليكَ ناساً رُخاص تأخد عليهم فأسك أول غِلتّا وكان تنيتّا بنعل خاشك
دحين يا اخي العرب والغير عرب كلهم أخوانّك وأحذر وإلتمس شكّل قوافي لسانك ولا دا فوق الجماعة الفي التعابير خانك في نص البحر بدور تقج صِيوانك
نحن نضافنا ياودموسى ماهو صابون ونحن نضافاً في عِروضنا وشرف مصيون نحن أصحاب ضُراع بي الدُكري المسنون طيبين عُشرا لكن لي الخَصم طاعون
Post: #944 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-15-2007, 12:23 PM Parent: #943
( 7 ) نحن سماحنّا مو كريمات ولمعة لون نحن أولادنّا عاشميق عكسي لي العرجون نحن ناس عُشرا وسماح يحكُمن قانون سماحة الزول يفرج كُربة الممحون
نحن دَفْعنا ياودموسى مو جركان نحن مابندفع الجبنة وحليب الكان نحن لبنا في النوق امات سناباً بان نحن ضربنا لي العوق إنفجار بركان
وكان إتكلمنا بنقول الكلام حقانّي وكان غنينّا بنخت الشعر في معاني عزيزين في النسب من زلّه مابنعاني بنحسب في الجدود ستين ومن غير عاني
إحنا أولاد جعل أهل المُلك بالأولى وإحنا ملكنا معلوم خايلة فيه الصولة وإحنا فارسنا بتختشيه الدولة وإحنا الصاقعة كل الناس تقول لا حولَ إحنا أهل السواقى البكُر واسوقها نهدى الصافنات للضيف ركوب ويسوقها إن ضرب النحاس إحنا بنشلع عوقها القيمان نلاقيها والوفها نسوقها إحنا الما بسمونا العريب وكلاته وإحنا على ضهور الصافنات صلاته طيعناها من دار برقو لى فلاتة إحنا بندخل الألف إن بقينا تلاتة
...............................
تحياتي ... حاتم هاشم .
Post: #946 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-15-2007, 10:51 PM Parent: #945
( 8 ) دحين يااخي غُبار الكبرياء المن المعالي محاجّب أحذر منو لا ينسيك فعال الواجب ومن أمثال تراثنا في العرف الواجب مهما العين تطول مابتعلى علي الحاجب
وعشان مانغلط معاك ونشيل النقط من شينك أوعّا تعضعض الناس البوصحّو شينك أسا وقعتَّ في الحلّه ووجب تقشينك شن وداكا لي شعراء البطانة بشينك
دحين يااخي الطامع في كتلت الغير قليلتّو تضيع وسيد بيت القزاز ماببدّا بي الجِديع وفولاذ الحديد القاسي في القطّيع العربي كان حرن وسط المحاصّا مابطيع
نحن والله لا بنخاف لا بنعاف لا بننهدّد لا بنكل ولا بنمل ولا بنتردد كمان لي الزول البخون عُشرتنا مابنتودد نبقالّو البلا في كُل فجّا ممدد
Post: #947 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-15-2007, 11:29 PM Parent: #946
قد يجمــع المال غير آكله .... ويأكل المال غير من جمعه
Post: #948 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-15-2007, 11:50 PM Parent: #947
نغمات القمرى ................. جننى نغمات القمرى وخلنى محتار فى امرى ذكرنى الحبو ضيع عمرى الفى شوفتو صحاى وخمرى الفى وصلو طبى و ثمرى المن البعدو ولع جمرى هالكنى وما جايب خبرى اصبح جسمى زى خصرك مبرى انا ليه ما احبك يا جميل بالجبرى ما دام من لونك صفا لون التبرى افرحنى بنظره يا بدرى يا ابوبسمه حنينه تشرح صدرى ليلة لقياك يا نفيس الدر عندى اعظم من ليلة القدر ادركنى يا غزال البر انا فاقد عقلى ومنامى وصبرى من صغرى بحبك لى نهاية كبرى شوفتك يا روحى لجروحى بتبرى محبوبى فى هذا القطر لا يوجد حسنو وعفافو الفطرى لو مر نسيمو ليل حامل العطر يحيى الارواح الاضحت فى خطرى .................................
تحياتي ... حاتم هاشم .
Post: #950 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-16-2007, 08:13 PM Parent: #949
Quote: هالكنى وما جايب خبرى اصبح جسمى زى خصرك مبرى انا ليه ما احبك يا جميل بالجبرى ما دام من لونك صفا لون التبرى
هذا الجمال كله وهي ما جايبا خبرو
Quote: اصبح جسمى زى خصرك مبرى
قال الشاعر محمد بادي في الوصف لفتاة ويا الخِصر الشوية تقول مديّن
وقال آخر وحِزام في مضيق كلما قلت صغير كان الخِصر أضيّق يا مريـــــــا
وقال آخر الرقيبّا قزازة عصير والعيون شبه الفناجيل الزراق فوقا تقول حرير الضمير عاج التكارير ( الزراق يعني به توب الزراق وكان يسمى بتوب الجيران أي اقصى حد للمرأة وهي لابسا هذا التوب الجيران ) ( التكارير هم الفلاتا وكانوا يجلبون للسودان العاج )
Post: #951 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-16-2007, 08:20 PM Parent: #950
حليلّك يا البطانة وقشّك المفروك حليلّك قُبال يَسُولك جزارة وسوق
Post: #952 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-16-2007, 09:46 PM Parent: #951
ما تواصل شخصان فطال تواصلهما... إلا لفضلهما أو لفضل أحدهما
Post: #953 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-16-2007, 10:57 PM Parent: #952
الكرباج يمين ودرعو أب جقيقة شمال حارصين هيبة الحاضنة البشر والمال من أب عوة إيد الوادي شرق وشمال أم عود والحريحير شوقنا ليهن طال
أنطلقن دعاشاتك مع الشهلال أندمجن مع أرياح الكتر والنال تبرك عسّ نُبّاجو وندل هطال جوِّك طقسو زاد وش الطبيعة جمال
لبّك قلبي في عرباً قصورها شمال خيرن بره للضيف عرضهم ما أنشال ركزوا البكشفوا الغمة وبجيبوا الفال سووها نجيضة يامن جابت العكال
ود الراوي
Post: #954 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-16-2007, 11:16 PM Parent: #953
Quote: أنطلقن دعاشاتك مع الشهلال أندمجن مع أرياح الكتر والنال تبرك عسّ نُبّاجو وندل هطال جوِّك طقسو زاد وش الطبيعة جمال
سلامة الفطرة تقود دوماً لكل ماهو مطابق للواقع المعاش. ريحة الدعاش وريح الكتر والنال وغيرها من النباتات التي تفوح عطرا. كل تلك الخلطة تكون لها رائحة مميزة. لذا أمتازت الخُمرة ( الرائحة السوداني الخالصة ) على غيرها وهيَ مزيج من عطور مع خليط عود
Post: #955 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 12:19 PM Parent: #954
قدّر لِرجلك قبل الخطو موضعها
Post: #956 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 12:21 PM Parent: #955
ولداً يطبق المسرا فوق المسرا يحقب ساقّو فوق ضهر اب قمائر ويسرا حقب قربينّو في جِرباتّو ختّا اب كسرا فرقاً شتّا من ناس يمّا زيدي الكِسرا
Post: #957 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 12:28 PM Parent: #956
يا البطاحين جاتّك ياالعليكِ القبّا شايلهّا الكُل ثانية ياخد شبّا مابفوتّو حاجا لي القدامّو حالاً طبّا وازن السرعا زي فعل الخريف الصبّا
جبارة الحسن الصائغ
Post: #958 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 08:44 PM Parent: #957
كانت الدعوة صريحة من الشاعر خليل فرح لسكان البندر ... مساكين ليست لهم فسحة كبرى للتمتع بجمال الطبيعة ونضارتها الخلابة .. ريحة الدُعش والغيم.. وجمال نزول المطر عندما ينخلف بريقاً يعقبة رعداً تقول رصاص وكت يتفرطق ... أهل المدن والبندر وأن خرجو للراحة ذهبو إلى الجناين وعادة ماتكون مكتظة بالزوار لذا إبتدر فرح قوله لاهل البندر
قومّوا خلّوا الضيق في الجناين شوفوا عز الصيد في العساين يلّه نقنص نمرح نعاين النهار من حر الكماين كلبي ياجمجوم أصلو خاين شوفو كيفن يبرا الملاين هبّا شالا وكشح المراح
Post: #959 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 08:52 PM Parent: #958
جمال البادية يغنينا من وصف جمالها ويكفينا ماقاله الشعراء
قال الخليل
يا الطبيعة الواديكي ساكن مافي مثلك قط في الأماكن ياجمال النال في ثراكّن وياحلاة البرعّن أراكّن بي قفاهّن تور قرنو ماكن لا غشن لا شافن مساكن في الخُزام والشيح والبراح
هذا الجمال بعينه
Post: #960 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 08:58 PM Parent: #959
ليـــل البادية حينما يرمي سدوله في ليلة غاب فيها القمر ولنرى كيف كان للخليل وصفه
مال نسيم الليل بي برودّك نامت الأزهار فوق خدودّك
Post: #961 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 09:02 PM Parent: #960
مع باكورة الصباح الباكر عندما إنسدلت جدلات الشعاع الأول على وديان البادية ولنرى كيف وصفها الخليل
شوف صباح الوادي وجمالّو شوف خدارّو وعاين رِمالّو شوف يمينّو وعاين شمالّو شوف فريع النال مين أمالّو البدر خجلان من كمالّو والصباح لاح بهل الوشاح
Post: #962 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 09:07 PM Parent: #961
وأخيراً كان قصب السبق في الوصف .... لحسان البادية وهنَّ قيد في خِدورهنَّ كالجواهر المصونة وغالي الجوهر يحفظ ويصان من العين واليد.. يا البعيد مدسوس لا عين تراك لا يد تطول.
ويا أم لساناً لسع معجّن كلمة كلمة وحروفو ضجّن ديل خِدودك غير داعي وجّن ديل عيونك من نظرة شجّن دا دلال آيه ؟ دا دلال معجّن ومحن الامات يارداح
Post: #963 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-17-2007, 09:44 PM Parent: #962
وأب لسانا بقبيح ما أتفلت نزل أرض البطانة ناشق مع الرزق قشِّـك قلـّع الدُرّاب وطاتـــو إنحلـّت وفي الزكك البشُق مُريَاح سعيتك تلـّت فيك نزل أب لساناً بى قبيح مااتفلـّت مجدّعيـن بعيـد خايفيـن الرّزق إتخلـّت
ودالشلهمة
Post: #964 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-17-2007, 09:51 PM Parent: #963
Quote: فيك نزل أب لساناً بى قبيح مااتفلـّت
Post: #965 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-18-2007, 12:16 PM Parent: #964
* العقل أشرف الأحباب
* قد يخلق من ظهر العالم جاهلا
* ليس الخبر كالمعاينة
* قليل في الجيب خير من كثير في الغيب ( جرادة في الكف ولا ألف طائرة )
انا صادق في حبك لو قلبي يتصل بي قلبك هازا مقصودي انا اقصد ودك ونت تحرمني النظر في خدك لأذاي ديمة باذل جهدك مع علمك بهواك منذ ايام مهدك إنت مريودي إمتي تنجز وعدك وعني يذهب نحس ولي يطلع سعدك يا حبيبي غثني ما بطيق نار بعدك وانت عارفني مابعيش من بعدك إنهي وجودي الشباب في عصرك جملة معترفين لجمالك وحسنك يامهدل يامفدل يالمهفهف خصرك الكواكب والحور قاصرين عن قدرك كيف انا وهجودي إمتي يفرج سنجنك واشوف صورتي في مراية وجنك تنجلي عيوني بي تغزل حسنك اكوي عزالي بالتقرب منك وفيك اري سعودي قال لي لازم صبرك من وصالي قريب الدخول في قبرك من زمن يا عشوق لي قاهر امرك والعفاف يمنع قلبي ليك يتحرك والجفا عهودي قلت له بحق ربك أسلي كل اهلي لو حظيت بي قربك حظي لو ساعد ثانية بس أظفر بك بعد زلك اموت مافي شك بفخر بك انت مريودي . ...................................
تحياتي ... حاتم هاشم .
Post: #967 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-18-2007, 05:41 PM Parent: #966
قيل أن اب سن كان في زيارة لامدرمان ...والدنيا قبائل عيد .. وعادة أهل السودان لا يحلو لهم العيدين ألا بين أهلهم. وعندما تعذر وانقطعت به سبل العودة لحضور العيد في رفاعة أنشد يعتذر لاخيه عِبْدالله.
الزول السمح فات الكُبار والقدرّو كان شافوهو ناس عِبْدالله كانو بعذرّو السبب الحماني العيد هِناك أحضرّو تدرديق الشبيتي البنتو فوق صدرو
من قومة الجهل ولداً مميز عومو وحافلات الخيول فيهن بكتر كومو خليفة المنتظر عمارة جاك ما تلومو جاك كبش الضحية الليلة آخر يومو من قومة الجهل ولداً ولو بضارة يعصر الكيك على الحرب البتوقد نارة جاييك بامتثال ود عزة النقارة خليفة المنتظر قول السماح لي عمارة من قومة الجهل بركب على المتشابي وحافلات الخيول فيهن بعزل النابي خليفة المنتظر عمارة جاك مومابي حلفتك بالرسول تقوله من أصحابي أكان اداك وكتر ما بيقول أديت ابدرقاً موشح كلو بالسوميت ابْرسْوه الْبِكرْ حّجرْ شراب سيتيتْ كاتال في الخلا عقبان كريم في البيت .
......................................
منقول .. تحياتي ...
حاتم هاشم .
Post: #969 Title: Re: هونوو شوية.... وصلو علي النبي .... إستراحة أيها المحاربون Author: الطيب شيقوق Date: 11-19-2007, 08:16 AM Parent: #968
سلام يا ود القبائل
نحن نتابع هذا الابداع واصل
Post: #970 Title: Re: هونوو شوية.... وصلو علي النبي .... إستراحة أيها المحاربون Author: معتصم دفع الله Date: 11-19-2007, 09:00 AM Parent: #1
بوست مريح للأعصاب .. واصل يا خالد في هذا الابداع أنت والمجموعة الحلوة المعاك ..
Post: #974 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-19-2007, 06:53 PM Parent: #973
Quote: بوست مريح للأعصاب .. واصل يا خالد في هذا الابداع أنت والمجموعة الحلوة المعاك ..
تسلم يا حبيب ..
العزيز / معتصم دفع الله يا سلام ياجميل معتصم الجميل بين الشديرات منتكي في عنقريب هباب .. الشاي يا وليد الجبنّة آ بنية وقول لي عتمان أضبح. الجميل معتصم أهديك هذه الأبيات وهي تناسب هوى ذوقك الرفيع في الكلمة:-
بحسب دقايق الليل أنا والنجم زِملان تابع هواكم جافي الأهل والحِبان ياالعالي صدرك ومال ضميرك الفتران دع عيني تنظر خدّك وإن متّا مازعلان أنا ياجميل أهواك فعل وقول لسان بي النغمة تسكرني بالنظرة والميسان
Post: #975 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-19-2007, 10:19 PM Parent: #974
الأديبة الراقية سمية الحسن هل الأبيات هذه قد سبقتها أبيات قد قد تفيد في شرح معانيها ... والله بالحيل إستعصى علي فهمها لو تكرمتي. بالذات البيت الثالث وكلمة بادولو لك تحياتي المبدعة ريحانة البطانة
Post: #976 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-19-2007, 10:37 PM Parent: #975
Quote: اب احمد عاش من يسمع صوتك ..
كان يوم سُعد وفرح ذاك اليوم وحري عليا تدوينه من أيام في حياتي ... يوم السبت صباحاً في حوالي الساعة الحادية عشر فتحت جهاز الكمبيوتر فإذا بتحية مليئة محنة وتحنان تأتيني من من ؟ كانت كلمات طيبات خطها الجميل عقيد الدندر الطيب شيقوق على ماسنجر الهوتميل تجاذبنا أطراف الحديث وكان أول لقاء لنا خارج سودانيزونلاين. ثم بعدها دخلت على المنبر العام فكان إعلان بكري أن يوم الأحد آخر يوم للماسنجر وبعدها سوف يتوقف لفترة ... نظرت فوجدت صندوق البريد للماسنجر مفتوح علت وجهي فرحة وهي التي تراودني كلما أجد رسالة في ماسنجري الداخلي وكانت من الجميل الحبيب ودشيوخ البطانة خالد المحرب سعدت وزادت سعادتي بلقاء ودشيقوق ... كعادتي ذهبت للتمرين ( كرة القدم ) وعدت من الكرة وأنا اتصفح في صفحات الياهّو وجدت رسالة كلها حب ومحنة من زوجتي أم أحمد أطال الله في عمرها بعد ذلك اتصل بي الحبيب والاب فيصل محمد خليل زميل من المجر وعضو في المنبر، عن طريق الاسكاي بي وأنا أحادثه رن جرس التلفون ترون من كان .... كان هذا الشاب الجميل المهذب الذي يحتشمنَّ العذارى من أدبه الجم ( حاتم هاشم ).
أما لي حق أن أحتفل بهذا اليوم وكله جمال جمال
Post: #977 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-19-2007, 11:40 PM Parent: #976
قلبي أتعشم المعدوم وطال بادوولو المبدول : الزول المطرطش الأروش المغروف المبهدل ( بعيد عنك وعن القراء ياأب أحمد ) وقلبه أنبدل وغير حاله وعمد لقتل روحه لأنه عشمان في الشي المعدوم وهو شوفة الحبيب كما قال الشاعر : ياعيتي تعاينن جننتنو قلبي ، فهذا يتهم عينيه وذاك يتهم قلبه
Post: #978 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-20-2007, 08:45 PM Parent: #977
Quote: المبدول : الزول المطرطش الأروش المغروف المبهدل ( بعيد عنك وعن القراء ياأب أحمد )
تعرفي نحن في جهات شندي بنقول الزول دا مبدّل ... ويكون كما قلتي مطرطش والأروش والمهدل ... نعني بها انه في صغره فرطت الأم فبدلهّوا الشياطين اي جنى شواطين شكرا كتير يا سمية
تحياتي واحترامي
Post: #979 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-20-2007, 10:33 PM Parent: #978
تعريجــــــة خفيفة ورجعة للبطانة ما أعذَب الهجرانَ، يوقِدُ في دمي ناراً، تُذيبُ مباذلي ومُجوني
جرّبته بعد الوصال، فراعَني بالنَائبات، ورُعْتُه بِلحوني
وتقول لي، والدَّلُ يُثمِل عقلّها فتعودُ ذات ضراوةٍ وجنونُ
ماذا؟! أتخشى أن تعود متَّيماً بنضارتي، ومُدَلَّهاً بفتوني
Post: #980 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-21-2007, 06:55 PM Parent: #979
جنى البطانة القارح جرت عادة الناس في البطانة الإهتمام بتربية الصغار التربية السليمة على مكارم الأخلاق والفضل والكرم وحسن الخُلق تنمية روح الفروسية في الطفل من نعومة أظافره.
تلّب حامد فوق مخلوف ابزور وإتربّع طلق الرسن اب زمه سوّا خبيباً بدّع لاقوّهو تلاتا زبيديّا خالفين سِيقانن فوق السنكيت ورُقاب ألبل بيناتهّم مرخيا محجُبات بي الخرز الفصلّو السُميت وكُل واحد درقا وسيف طبنجية وباقي جُرابّن مليان دنميت الجِنيات إتقبلّوا وضاقّوا الحارا وضاقّو المرّا وكان حجازّم صقر الجو حامد كان عارفين ضاقوّهو رِجالاً قُبالّكم شُوفّو ارزاكّم من ضو حامد عوج الطندّب آ وليدات نار القصب إن لهبّت مابتعدلّو شوفّو شلُخو تلاتا مطارق رقدّن وكل تلاتا يمين إتقبلّو حبوب آ القارح مادلا ولدّن ماختالّن زَلا شن قولك فيهو عليك الله بالحيل آ جني أي والله
د/محمد بادي
Post: #981 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-21-2007, 08:13 PM Parent: #980
بغنّي لي ود القبائل سيد الرأي والفهم أخوك ياام سماح الولد الراسي الأصم
حدْ مانشكرّو نغني فيهو نقول مابنوفيهّو حقّو الوصفّو فات القول أب عرقاً مآصّل خاتي مامسبول زي الجمروّهو من دهب شنقول
بِصدق في الكلام حاشّى ماكضاب العشمان وقاصدّو إلقاهّو فاتح الباب بي وجهو الصبوح إقابلّو بي ترحاب زاداً لي العشيرة ولي الخَصم مِضراب
تمساح أب قريق الحجّر العوام كان ربط العجاج زي القدر صدام مابرجع ورا دفيرّو لي قِدام زي بحر الدميرا الطابعي لي الهدام
Post: #982 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-21-2007, 09:02 PM Parent: #980
من قومة الجهل مَانِي الدِّنَي كارتوت نجّاع كنت فوق ضهر المحارب السـوط بحلف بى يميـن دايما بباســط يــوت سايم دمّي عارف عُمري قاصدو الموت
Post: #983 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-21-2007, 10:28 PM Parent: #982
Quote: من قومة الجهل مَانِي الدِّنَي كارتوت نجّاع كنت فوق ضهر المحارب السـوط بحلف بى يميـن دايما بباســط يــوت سايم دمّي عارف عُمري قاصدو الموت
ولداً يطبق المسرّى فوق المسرّا يخلف ساقّو فوق ضهر اب قمائر ويسرّا حقب قربينّو في جِرباتّو ختّا اب كسرّا فرقاُ شتّا من ناس يما زيدي الكِسرّا
طه الضرير
Post: #984 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-22-2007, 05:11 PM Parent: #983
أول ماخلق الله القلم أول جبل أُرسي في الأرض جبل أبي قبيس أول مسجد وضع للناس هو المسجد الحرام أول ولد آدم عليه الصلاة والسلام قابيل أول من اختتن سيدنا إبراهيم عليه الصلاة والسلام أول من أضاف الضيف سيدنا إبراهيم عليه الصلاة والسلام أول من أسلم من الرِجال أبي بكر عليه رضوان الله، ومن النساء خديجة رضي الله عنها، ومن الصِبيان علي رضي الله عنه، ومن الموالي زيد رضي الله عنه، ومن الأنصار جابر بن عبدالله بن رباب. أول من آذّن في الناس بلال رضي الله عنه أول من بنى مسجداً في الإسلام عمار رضي الله عنه أول من سلَّ سيف في الإسلام الزبير بن العوام رضي الله عنه أول من جمع القرآن أبي بكر رضي الله عنه أول الآيات طلوع الشمس من مغربها
Post: #985 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-22-2007, 05:14 PM Parent: #984
مـــا أضيّق العيش لولا فسحة الأمـــل
Post: #986 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-22-2007, 05:28 PM Parent: #985
وأول شهيدة في الإسلام سمية بنت الخياط زوج ياسر أم عمار بن ياسر
تحياتي ياخالد
Post: #987 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-22-2007, 05:38 PM Parent: #986
Quote: وأول شهيدة في الإسلام سمية بنت الخياط زوج ياسر أم عمار بن ياسر
أكيــــــد انتِ بالذات لا تنسي هذه الصحابية الفاضلة الصبورة التي عانت ما عانت في إسلامها وكانت هي وزوجها ياسر مثال للتضحية لهذا الدين الحنيف. جزاك الله عنا كل خير دوماً عودتينا أن تكملي النقص والسقط والسهو وما ذلك عنك بي غريب يا مرجعنا الزاخر حفظك الله ورعاك.
Post: #989 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-22-2007, 11:42 PM Parent: #988
كل مايقدم من طعام نسميه ونعرفه باسم وليمة أو عِزومة، في حين تختلف الأسماء باسم المناسبة التي من أجلها قدم الطعام في شرع إسلامنا الحنيف.
القِرَي :: طعام الضيفان التحفة:: طعام الزائر الخرس :: طعام الولادة المأدبة :: طعام الدعوة الوليمة:: طعام العُرس أو مايعرف عندنا بالبوش العقيقة :: طعام المولود في يومه السابع أو مايعرف بالسماية الغديرة :: طعام ختان الذكور ( مايجونا الجماعة ناطين ) الوضيمة :: طعام المأتم النقيعة:: طعام القادم من السفر الوكيرة:: طعام طعام الفراغ من البناء
Post: #990 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-23-2007, 06:21 PM Parent: #989
كن حَذر أحذر من الكريم إذا أهنته ومن العاقل إذا أحرجته ومن اللئيم إذا أكرمته ومن الأحمق إذا مازحته ومن الفاجر إذا عاشرته
Post: #991 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-23-2007, 08:26 PM Parent: #990
أنني ذقت الطيبات كلها فلم أجد أطيب من العافية وذقت المرارات كلها فلم أجد أمر من الحاجة للناس ونقلت الحديد والصخر فلم أجد أثقل من الدين
أعلم أن الدهر يومان يوم لك ويوم عليك فإن كان لك فلا تبطر وإن كان عليك فأصبر فكلاهما سينحسر.
Post: #992 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-23-2007, 10:54 PM Parent: #991
النضـــم اب غنّا وين ألقــــــاهّو
زاهي في خِدرّو ماتألم إلا يوم كلم أو تكلّم حنّا قلبو ودمعو سال هفّا بي شوق قال وقال
زاهي كُل ماقالّوا كلمة ختّا كلمة كالنبال لوتراهّو في سماهّو النور كساهّو الجمال كنتا تعلم كيف جهنّم تحرق الجنب الشمال
قالو ليهو القطر تقدّم وكفرا نيرانا زي جهنم حنّا قلبّو ودمعّو سال هفّا بي شوق قال وقال كلموهّو علموهّو الإنفعال أرخّى سمعّو وأجرّى دمعّو البرق سمعّو كال وهال كم تألم وما تكلّم إلا تمتم بي المقال
زي لسان الرضيع قديمّو كلام مجوهّر وسط بسيمّو ياتو في الجوهر المقال هفّا بي شوق قال وقال فمّو خاتم ديما كاشّم نوري ناعم زي هلال في وريدو في عيونّو وفي سنونّو الموت حلال
صدرّو رُمان فيهو عائم طرفو ناعس حِزامّو خاتم جسمّو من نقش توبو شال هفّا بي شوق قال وقال قلبي دايرّو كيف أسايرّو في مسايرّو السؤال إيدو عندم ريقّو زمزم طُهر مريم في المثال
Post: #993 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-24-2007, 12:24 PM Parent: #992
يروى أن عمر بن عبدالعزيز كان في سفر مع سليمان بن عبد الملك، فأصابتهم السماء برعد وبرق وظلمة وريح شديدة فزعوا لذلك، وجعل عمر يضحك. فقال له سليمان : مايضحك ياعمر ؟ أما ترى مانحن فيه؟ فقال عمر : هذه آثارر رحمته سبحان وتعالى فيها شدائد كما ترى فكيف بآثار سخطه وغضبه؟؟؟؟
Post: #994 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-24-2007, 09:35 PM Parent: #993
يا رايع جفيتني وأنا ضايع تعال لي
الخدّو لال تعال لي دقايق قُلال تعال لي سيب الدلال تعال لي والحب حلال تعال لي
يامذدهر تعال لي وزينة الدهر تعال لي في شاطئ النهر تعال لي نعدي البحر تعال لي
الماشاف صروح تعال لي وأشفي الجروح تعال لي أنا ليا روح تعال لي قُبال تروح تعال لي
أضناني الجواء تعال لي وشوفتك دوا تعال لي عارف الهوى تعال لي والأرواح سوا تعال لي
ياالفي الشروق تعال لي وأنا مابروق تعال لي أنا مابروق تعال لي وبسمك بروق تعال لي
ظبي الحقول تعال لي وسوّي الوصول تعال لي وبين الفصول تعال لي حبيبي الرسول تعال لي
Post: #995 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-25-2007, 01:41 PM Parent: #994
بسم الله الرحمن الرحيم سلام ... قال رسول الله صلى الله عليه و سلم
((من قال لا إله إلا الله الملك الحق المبين في كل يوم مائة مرة كان له أمان من الفقر و من وحشة القبر و استجلب به الغنى و استقرع به باب الجنة)) رواه مسلم . تحياتي ...
حاتم هاشم .
Post: #997 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 11-25-2007, 06:57 PM Parent: #996
رجال الحضرة ياجدودي الطوال إيديكم ساند حملي فوق الله وبعاين ليكم لي الفي بري لي شن مابتمدوا إيديكم كان ماحسدتوا مافيش حاجة قاسية عليكم
الشيخ عبد العزيز
Post: #998 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-25-2007, 07:30 PM Parent: #997
أَيكون الخير في الأرض إنطوأ والقوى خَرجّت من زرةٍ هي حُبلى من عدم فتراها تقتل الحرب وتنجو بالسلم من إله قد هدى بالقلمِ علم الإنسان مالم يعلمِ
صلي ياربي على المدثري وتجاوز عن ذنوبي وأغفري وأعنّي يا إلاهي بمتابٍ أكبري
محمد المهدي المجذوب
Post: #999 Title: Re: هونوو شوية.... وصلو علي النبي .... إستراحة أيها المحاربون Author: الطيب شيقوق Date: 11-26-2007, 11:20 AM Parent: #998
تعال يا ود المنسي شوف الرجالة والوفاء الما خمج
تركَ رجلٌ زوجتهُ وأولادهُ مِن أجلِ وطنه قاصداً أرض معركة تدور رحاها علىَ أطراف البلاد ,
وبعد إنتهاء الحرب وأثناء طريق العودة أُخبَرَ الرجل أن زوجتهُ مرضت بالجدري في غيابهِ
فتشوه وجهها كثيراً جرّاء ذلك ..
تلقى الرجل الخبرَ بصمتٍ وحزنٍ عميقينِ شديدينِ ...
وفي اليوم التالي شاهدهُ رفاقهُ مغمض العينين فرثوا لحالهِ وعلموا حينها أنهُ لم يعد يبصر
رافقوه إلى منزلهِ, وأكمل بعد ذلكَ حياتهُ مع زوجتهُ وأولادهُ بشكلٍ طبيعي .. وبعد ما يقاربَ
وأدركوا أنهُ أغمضَ عينيهِ طيلة تلكَ الفترة كي لا يجرح مشاعر زوجتِه عند رؤيتُه لها ....
تلكَ الإغماضة لم تكن من أجل الوقوفِ على صورةٍ جميلةٍ للزوجة ... وبالتالي تثبيتها في الذاكرةِ
والاتكاء عليها كلما لزمَ الأمر , لكنها من المحافظةِ على سلامة العلاقة الزوجية
حتى لو كَلّفَ ذلك أن نعمي عيوننا لفترةٍ طويلة خاصة بعدَ نقصان عنصر الجمال المادي ذاكَ
المَعبر المفروض إلى الجمال الروحي
ربما تكونُ تلكَ القصة مِنَ النوادر أو حتىَ مِنْ محض الخَيال , لكنْ ...
هل منا من أغمضَ عينهُ قليلاً عنْ عيوبَ الآخرين وأخطائهم كي لا يجرح
مشاعرهمْ ؟
Post: #1000 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-26-2007, 08:28 PM Parent: #999
Quote: هل منا من أغمضَ عينهُ قليلاً عنْ عيوبَ الآخرين وأخطائهم كي لا يجرح
مشاعرهمْ ؟
عقيد الدندر الحبيب الكلام في العبرة وهاك اسمع قول شاعر البطانة ومني عارف اسمو لكن قطع شك ريحانة الحسن ودطلحة بتعرفو.
قال: أهلنا الكُبار ربونّا وعلمونا من جهلنا. أنو الزول الأحوّل ( أعور عين ) مابنقول فلان أعوّر ... لكن بنقول فلان كريم عين .. والزول المِهجري والهمباتي، ما بنقول فلان حرامي لكن بنقول مِهجري. والزول البشحد ما بنقول علي فلان شحاد لكن بنقول فلان متعشّم.
هذا هو أدب المعاملة بين الناس وهذا هو سلوك نبينا نبي الرحمة ...
لك التحية عقيدنا وعقيد الدندر على هذه الزاوية الاريحيا التي تجم من قصدوا الاستراحة
Post: #1001 Title: Re: هونوو شوية.... وصلو علي النبي .... إستراحة أيها المحاربون Author: الطيب شيقوق Date: 11-27-2007, 05:41 AM Parent: #1000
Quote: هذا هو أدب المعاملة بين الناس وهذا هو سلوك نبينا نبي الرحمة ...
يطول عمرك يا ود المنسي
واهلنا القدام الواحد اكان سافر بعيد من اولاده وجاء راجع وصادف الدنيا ليل بنوم برة بيتو ما بدخل البيت الا الصباح .
سبحان الله .
Post: #1002 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-27-2007, 10:52 PM Parent: #1001
Quote: يطول عمرك يا ود المنسي
واهلنا القدام الواحد اكان سافر بعيد من اولاده وجاء راجع وصادف الدنيا ليل بنوم برة بيتو ما بدخل البيت الا الصباح .
سبحان الله .
تعرف ياود شيقوق عقيد الدندر زمان كان في جماعة من أهلنا سافروا الخرتوم فوضوا من ناس الحلة عشان إشتروا وابور للسقاية ( الزراعة ) ووصوهم إنو ينزلوا عند واحد من ناس الحلة شغال في الخرتوم وساكن في العمارات . وهذا الرجل سوف يساعدهم في شراء الوابور. المهم الراجل أكرمهم كرم شديد وسقطيب المكيفات كنكش عِضماتن، ويأكلوا في السمك والكستليتا والسجق وشي عنب وتفاح لما مسكهم أبو الحليق ... الناس ما هم متعودين علي جنس دا... المهم يا سيدي الراجل إنستر معاهم سترة شديد وإشترى ليهم غرضهم وشهلهم رجعوا للبلد.
صادف بعد فترة أنا ذاك الرجل جاء شندي لعزاء في وفاة قريب له .. أها ناسك ضبحوا لي حتى يكرمو متل ماأكرمهم المهم الراجل آكل بسيط كدا ووقف وشكرهم .... في واحد قليّص شاف حتى ضبيحتهم له مابتجي جنب ماقدمه لهم في الخرتوم من أصناف طعام. قام قال للراجل :
إت آمحمد وكت جيناك في الخرتوم أكرمتنا بالحيل وما خليت شي لكن طبعا نحن ناس قدر حالنا والشي الشايفو دا لو ضبحنا ليك خراف البلد كلها مابتجي جنب السويتو لينا وكت جيناك في الخرتوم. لكن كان داير تعرف قيمتك عندنا بالجد.
أمرق علي سوق الله أكبر وأبدأ ليك شكلّه مع اي زول وزح منها
تحياتي عقيدنا
Post: #1003 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-28-2007, 05:58 PM Parent: #1002
الجزيــــرة أم دوح من حدها حدادي مدادي نحي أهلها وقاطنيها قاطبة
في عام من الأعوام إحتاحت الجزيرة فيضانات وسيول وأمطار غزيرة وثق لها في ذاك العام.. عام الخير الفائض رغم الضرر الحصل وأصاب الناس في مالهم لكن المن الله كلوا خير الماء خير كبير.
أحد أعمدة الاقتصاد السوداني .. أم الفن والكورة والجمال والأبداع والحب
لك ياجزيرة الخير كل حبنا
Post: #1004 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-28-2007, 06:25 PM Parent: #1003
قال توثيقاً لذاك العام الشاعر محمد طه القدال
خمسين سنة وإيدينا في طول مدّهن لا فترنا من مد اليدين لا صدمّه جاتك يارحم يا يما عرسك كان دلاليك الهنا ويايما عرسك كان قبُل كمين سنة وأمس القريب قلتيلي جايني الوحم أسبيتي كم ربيتي كم عمرتي في ها الأرض كم رحطك قطيع يا يما من مجدت جناك الليلة يادوبك بِكر شلخة نصيبك يا ام عرض مكتوب تصيبك في الأرض ما بغنيلك شِكر ومادمع برميهو ساكت ومترجيك علي ميعادنا مترجيك
Post: #1005 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-28-2007, 06:30 PM Parent: #1004
ودمـــدني السني تلك المدينة التي تستهوي زائرها وتحضن ساكنيها كأم رؤوم الرديف .. شندي فوق .. دردق .. أم بارونا .. حنتوب .. الدرجات وبقية أحيائها العامرة المذدهرة بأهلها الجميلين.
Post: #1006 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-28-2007, 06:58 PM Parent: #1005
روحي لــــــيه مشتهيا ودمدني
ليت حظي سَمح وأسعدني طوفا فد يوم بي ربوع مدني كنتا أزور أبويا ودمدني وأشكي ليهو الحضري والمدني
آه على حساستي ودجني وا حنيني ولوعتي وشجني دار أبويا ومتعتي وعجني ياسعادتي وثروتي ومجني
مال لقلبي بالهموم حُبسا حرفو مسهّد وعيشتو ديما بكا كم تألم بالناوي والعبكا كم ذكركم وفِكرو كم ربكا
إن سألنا حاوي ياالوصبي من خمائل قرية القصبي قالوا تأثيرك على النصُبي ونحن بين الروضة والقصبي
صنفّت بعدها قالت إنتصبي تربط الأحلام مع الخصبي كان حبيبنا وحاشا مانُصبي ومن زمان فارقنا وهو صبي
Post: #1008 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-29-2007, 09:28 PM Parent: #1007
نواصــــل مع القدال والجزيرة ام دوح
ومترجيك علي ميعادنا مترجيك إذما البيت لبخ جالوص ومزبّل لي الخريف عِمّا
وكان جواهو محبوبين وهبابين وخمسة عيال وسحارّا وكان في البيت عقاب مِعزايّا لي الشفع وكان الدنيا يا الضلمّه وكان القبلة جهارّّا وكانت غيما درارّا
سبلوقاتنّأ ما صبّن سبلوقات جارنّا سوّن جوووووو ويادميع السِحاب نوّح ويامِعز اللبن دغّن ويا البقر الطلق بوّح جفل في الزيفا ديك روّح وياالكللاب يسوّن هوو وقام حتى الجاد كيك ويا مرق الصنت سيك وتسمع وردلوب حيطة ويا ابومروة ياابومروة بيت حاجا امخريف دركان تجيك من الفريق عيطّا
Post: #1009 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-30-2007, 10:24 PM Parent: #1008
نواصــــل مع الجزيرة امدوح الشاعر القدال
وتقرأ ام احمد البسم الله في الأولاد وتقرأ ام احمد البسم الله في الأولاد وكان أب أحمد المهجوم بيقرأ الفاتحة في سرو وبقول الجات علي مالك مليح كان جات علي مالك تعال آ جني وكنكش فوق كتف خيّك قلت أمرقي آ بنية فرشاً إطير هو شن هباب وشن كراب وتسمع رُب يا المعِزا وقعت ناشفا بين الشعبتين والباب
وقام أحمد يَحَاوطْ البيت أسرع يابا شقوق ام سيسي والفارة وأصبح بيتنا لي تولاتنا كفارة ويا الحوش الصبح ميضّا وبدور مركب دحين إبقى البلد خرّف دحين إبقى السرف نعمة أقيدي اللمبا يا ام أحمد بدور أضهب واكسر الحوش عشان الساس وكان الساس حتل وإنماص حتل وإنماص دميع السما ودمع الجُهال واحد دمع الجُهال في الضلما كان مالح وكانت الدنيا في عينيهم دوارة وكان القبلة جهارا وكانت غيمة درارة
Post: #1010 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 11-30-2007, 11:03 PM Parent: #1009
نواصــــل مع القدال
وشن بتقولي في القبلي المدمّع فوق عشا العشمان خِلاف دمع العشم مو نوح خِلاف دمع العشم مو نوح وشن بتقولي في الصباحي والضهراوي والطوفان وصدرك أمان وحِجرك لي جناكي ضمان باقيا على المدائن مونة وقدح ضيفان وباقيا علي الجناين دوح ومو غيرك سفينة نوح وماخابت عليك مسرتنا نترجاك بالدلووكا نترجاك بالسلوكا نترجاك بالدوباي تقوم يا بيتنا بيت الطين شراية يوم لتيبة يوم ولبانيتّن تخدر في مسورنا الجاي ولبانيتّن تخدر في مسورنا الجاي
Post: #1011 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-01-2007, 10:10 PM Parent: #1010
قال الضحاك بن مزاحم لنصراني : لماذا لم تسلم وانت تعرف أن محمد رسول في كتابكم ؟ قال النصراني : لحب الخمر ... قال له الضحاك : أسلم ثم شأنك بها. فلما أسلم قال له الضحاك : إن شربت الخمر حددناك ( أي أقمنا عليك حد الخمر ) وإن ارتددت عن الإسلام قتلناك ( حد الردة ). فتثبت الرجل على إسلامه.
Post: #1012 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 12:57 PM Parent: #1011
ماأكثر الأخوان حين تعُدهم ولكنهم في النائبات قليل
ما الناس إلا كالماء يحييه جريه
شكرت جميل صنيعكم بدمعي .. ودمع العين مقياس الشعور
Post: #1013 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 12:57 PM Parent: #1011
ماأكثر الأخوان حين تعُدهم ولكنهم في النائبات قليل
ما الناس إلا كالماء يحييه جريه
شكرت جميل صنيعكم بدمعي .. ودمع العين مقياس الشعور
Post: #1014 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 01:05 PM Parent: #1013
همسة شوق لجنوبنا الحبيب
جوك ومجاك واشول وريتا ومريم همس من محب . عضّو على وحدة بلادنا بالنواجز
تأكل الفتن الحديثة أعضاء بلادنا، أنه السرطان العصري لتفتيت جسمنا الذي ظل يكباد ألآم ردحاً من الزمان لكن العلاج أهون للجسم الواحد من بتر عضو فعال ( الروح ) ... نعم البتر سوف يدفن جزء ويظل الجزء الثاني عاجز معوّق لا يستطيع حِراك ويبقى الجسد بلا روح ... أين الجسد وأين الروح الله أعلم لكن بقائهما متحدان هو الآصل .. فهل نعمل معاً الحكومات التي أهملت المرض وسعت لانتشاره زائلة الفجر آتي بإذن الواحد الأحد أنه همس ديدن الأحباب مناجاة وهياما ... معاً من أجل وحدة بلادنا نعمل.
Post: #1015 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 01:18 PM Parent: #1014
Post: #1016 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 05:03 PM Parent: #1015
من ملكال واو أجمل نسمة ... ومن فشودا أحلى صبية بتمرق مغرب ... ومن مريدي وياي وطمبرا وتوريت
من جوبا عاصمة الاقليم ومن أحيائها الجميلة .. الدرجة والناكوريق وسوق كونج جونج إلى اطلع برا مروراً برجال مافي .. تحية شامخة شموخ الرجاف لكل شبر في جنوبنا الحبيب.
Post: #1017 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 08:48 PM Parent: #1016
قال الشاعر الدكتور/ محمد محمد سعيد العكودابي
في السودان عندا هاج به الشجن والحنين وهو في غربته وغربة الشاعر غربتان
قال : يوماتي سيرتك في البال مطريا وفوق أرضك فناجر السيف وخُدام ضيف ودرقا وسيف وصقريّه ونيلك نيل بعد تشرب روى القُنديل ورقد مرتاح ووسد راسو حلفا خليل وبين سيقانّو نايما جزايرّو مرويّه
Post: #1018 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-02-2007, 09:02 PM Parent: #1017
قال : ذالكم هو السودان الذي نحلم به أن يكون، صحيح صحيح أنه يمر بأيام عصيبة، وصحيح أنه إستهدف من القحط وما ارتوى وما الجفاف فنكوى والتصحر فدفن وهو حي .. ولكن قيمة السودان تبقى في جوهره وتظل ماثلة عميقة ضاربة في تاريخه ووتقاليده وحضارته.. وجمال السودان بأهله وقيمهم ومثلهم العليا.
والإنسان السوداني ذلك النموذج المتفرد الذي إحتفظ بتماسكه وإحتفظ بعاداته وتقاليده المستوحا من عميق معتقداته ومورثاته أين ماذهب واينما حلَّ.
ونحن في البعيد والبعاد نستذكر هذه الأحوال وهذه المشاهد
Quote: أمرق علي سوق الله أكبر وأبدأ ليك شكلّه مع اي زول وزح منها
ود المنسي ود الحرام كتلتني بضحة نامن اردلب وقعت من السرير والناس كلهم جوا جاريين قالوا لى مالك قلت ليهم ما تشاورا براي اسفيريا .
Post: #1020 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 12-02-2007, 09:54 PM Parent: #1019
ما الناس إلا كالماء يحييه جريه يقول الإمام الشافعي : إني رايت وقوف الماء يفسده إن سال طاب وإن لم يجري لم يطب
وطنــــــي
ياعزيز .... في كل أوضاعك ياشامخ ..... منذ رضاعك ياعالي وطويل باعــك ياشوكة حوت .... كيف إبتلاعك صعـب المراس ... محال إنصياعك شـعـبـك عـملاق ... في كل أصقاعـك ماســاوم فـيـك أبــدا ... ماباعـك في وقت رضاك ووقـت نـزاعـك نفرح لأفراحك ... نتـأوّه لأوجاعك نرد صـاعـين ... لى صاعك ونطيع كل من طاعك ياكبير .... وكثيرة أنواعك أفراحك زي أعـراقك ملوّنــة زي إشــراقــك عربيّة .. أفريقيـة .. طبول إيقاعـك جمالك .... في إتســـــاعـك في طولك في عرضك وإرتفاعك ياجميـل .... في كل طباعك جميل في لقاك ... وحنين في وداعك جميل في الزّحمة ... وفي وقت فراغك جميل في بطئـك .... وفي إسـراعك ياوطني ..... أفرد شــراعك أغمد سـيوفك ... وأشهـر يراعـك لملم شملك .... وأجمع متاعـك ضُم أولادك بين أضلاعك هُم ذخيرتـك ... وهم سباعك وارســم لوحة من إبداعك .
سمية الحسن محمد طلحة
Post: #1021 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-03-2007, 06:00 PM Parent: #1020
عامرة دارنا ديمة بوجودكم آل مسقط ...جمالكم يطفي على الاستراحة كل الجمال وتعبق روائح ممزوجة نسايم ودعاش البطانة وورشاش الدندر
تحياتي ومودتي لكما عقيد الدندر وريحانة البطانة
Post: #1022 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-03-2007, 09:51 PM Parent: #1021
قال ودبادي في حق السودان
رِضعتّك في لبى الامات وشلتّك زفا في البِشان وفي اللمات نميتّك غُنا وآنات هسي وفي صِباي الفات وهزيتّك نصايص الليل بوارق والذكر تهليل وشلتّك فوق عواتي الخيل مجرتّق والرُقاب شارفات وأريدك ياعزيز الشان واناديبّك ونادهك في البلاد سودان واهاتيبّك وكاتمك في الفؤاد أشجان وألاهيبّك وشايلك في الكتف نيشان أباهيبّك وناديبك وألاهيبك موقد في لهاهيبك
Post: #1023 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-04-2007, 12:31 PM Parent: #1022
.
Post: #1024 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-04-2007, 09:00 PM Parent: #1023
وشلتك لوح أدون في نويرات الفجر إتهجّا في الإخلاص وأرتل نوح ونسماتاً دغيش بتفوح تتاوق في رواكيب الفريق تنكبّا تدلق في النفوس الروح ومجروح السواقي ينوح مدد يا شيخ مدد ياشيخنا ياودتويم مجروح أنا مجروح وكان الشيخ يرتّل في الوِرد سبوح وياقدوس ويا سبوح
وبالأشواق مشيتك العِشق ساساق وكانت إلفّا مابين الضُراع أخدر وبين الطينة تشقق ومابين الشتل مشتاق وعبدالله الجزيزة ام خير
Post: #1025 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-04-2007, 09:51 PM Parent: #1024
قناديل المُقد بتميل تحني رُقابا كان زرع العيوش أفراق ويافرح الحصاد والحبة تمرق من سراديب الشتا والجرق المخنوق يفارق قيدو والخناق ونحن نكيل نكيل قمحاً بلا دهب الخليل ساعة الوزن دفقنّو في الاطباق ومن عرق الترابلة النتّا في الهامات وصبّا علي الأرض نقناق ومن شمشاً بتقلي الحبّة في البِلْدات وتبرد في المقيل رقراق من الفجراوي والعشاوي ومن دمع السواقي السال غزير دفاق يمرق في الحصاد خيراً ينسي الفاق
Post: #1026 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-05-2007, 08:09 PM Parent: #1025
نواصـــل مع الدكتور ودبادي
ويابخت المشيّل زملو فاق وإرتاح من الساساق وباكر من غزير الدمعة نوقد في المواسم شمعة ويابهجة ليالي الصيف هماً راح ودماً راق يفوح الصندل المعبوق يسقي الوادي عطراً يسلب العُشاق ويصحى الليل .. ويلمع فوق عريسنا هلال ويشلع قرمصيص الفال حريراً ... يلالي في ليل الزفاف براق
ذالكم هو السودان في تجاربه السرة المتداخله ... التي يأخذ بعضها برقاب بعض وتظل حبيسة في وجداننا ودواخلنا علاج لكثير من أمراض العصر التي تسببت فيها الآلة وتسبب فيها إنسان هذا الزمن الملهوف خلف الوقت سرعة الإستدارة.
Post: #1027 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 05:23 PM Parent: #1026
الموُ بانيلك ولا صارف عليك موجود كلامّو ليك زي خنق الحبل في العود الأرزاق مقسمّا والعمر محدود والهوى عند كريماً بابو مو مسدود
Post: #1028 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 07:18 PM Parent: #1027
قصيدة أميمة
للشاعر :: علاءالدين ابشر
أحمد معروف بي الطيبة حسن أخلاقّو عليها إتربّا تكفي شهادة ناس الحلّه إنو خلُوق وخجول ومربّا رغم حداثة سنّو لبس تهذيبو آصالة وهيبّا أدّا الناس الحي وأدوهّو حسن الظن بيناتّن شبّا خشت فجاءة أميمة حياتو قلبو أختارّا عشان معروفة زولة حنونة وراقية وطيبة دسو الريد في السر بيناتّن وخلوّهو حبيس ودفين ومخبّا وكيف تتضارى متل أشواقّن
وبعد أيام وصلتو رسالة جواب مليان وتقيل ومعبّا قُبال مايفتحّو عِرف الراسل باينّا وظاهرا رسائل وهبى أخوه الليهو زمن متغرّب تسعة سنين قضاهّن غربة مرسل ليهو تذاكر وفيزا ودايرو يجيهو هِناك في طيبة
( طيبة هي مدينة الرسول صلى الله عليه وسلم أوعدنا يا الله بزيارةليها )
Post: #1029 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 08:58 PM Parent: #1028
نواصـــل مع أميمة
طار في الأول أحمد فرحا كلم كل الناس والصُحبّا ولما إتذكر أميمة حبيبتو فجأءة إنتابو شعور بالخيبا لكن قرر إنو يسافر سرعة يعود ويتم لي الخطبّا لانو الغربة طريقها قصير وفيها يهون تحقيق الرغبّا جاتو أميمة حزينة توادعّو جاتو تجفف دمعاً كبّا جاتو توصي عشان ما إقوا ولا ينساها هناك في الغربّا جاتو تطمنّو إنو حايفضل ؤيدها الخالد مهما غبّا حافظا عهود الريدا البينم ومهما كان حايظلّو أحبّا أهدتلو المُصحف شان يرعاهّو من العين والهم والكربّا لابسّا عهد الريد في جيدّا عِقد ممهور بي صورة الكعبا قامو إتوادعو زين وإتباكّو فات خلاها وحيدة وخبّا سافر شال همو وأحزانّو بعد أيام في المملكة طبّا
Post: #1030 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 10:52 PM Parent: #1029
لاقو الناس آزول كيف حالك بي الأحضان قام سالم وهبا قال لو نصاح ناس امي وابويا مشتاقين راجين لك اوبا قال لو وأحمد سافر ياوهبا سلامات غير جوّك وراق دمك أمك يا يابا تلاهي عليكا ماخلت لا ضريح لا قبّا السودان مشتاق كلو ضِفاف ورمال سواقي وتُربا وحتى النيل فرحان راجيك تجي وتنهل من مويتو العذبا
Post: #1031 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 11:00 PM Parent: #1030
بعد ايام كان هبا هناك بين أصحابو وأهل وأحبا في حضن امو الطوّل منو في حيشانو الواسعا الرحِبا قالت لو امو أخوانك كبرو ما فِضلنا زول ماتربّا بس فِضل أشوف جديدك وكتين لسع حيا وطيبا وإختارولو بنيا سمحي تشع حيوية ورونق وهيبا أديبا وراقة وكلها عفا وبرضو أهل وقراب في الحسبا يوم العرس الحي صباحي فرح مطبوق والناس منطربا شاق الليل صوت كم زغرودا وحس طمبور ودليبا دقّا إلا في واحدا حزينة وباكيا سايلا دموعّا دوام منسكبا الفي دموعا سؤالا إحيّر وفي آهاتا أسرار محتجبا وقالوا الناس دي دموع الفرحا وغيرها شنو الحايكون السبّا
Post: #1032 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-06-2007, 11:11 PM Parent: #1031
وبعد أيام ساق وهبا عروسو ساقا رجع لي بلاد الغربا سايقو حنين لكل أصحابو لأحمد أخوّهو اشواق ملتهبا وصل الباب كورك يا أحمد فتح أحمد بي لهفا ورغبا شاف قِدامو الما متوقّع هم الكون فوق راسو إنصبا شاف السلسل عهد الريدا نفس السلسل وصورة الكعبا شاف قِدامو أميمة حبيبتو كانت قاسيا وقاضيا الضربا شاف أحلامو تضيع قِدامو بعد ماكانت منو قريبا كانت لحظا تفيض بي الدهشا شاف الدنيا كأنها تسبح كورك ... أميمة .. أميمة وصنقع وندنقر وودر وغبا وجنا أحمد في نفس اللحظا وجنا الريد في الحين إتخبا
Post: #1033 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-07-2007, 07:32 PM Parent: #1032
مأساة عيــــــوشا
وأمثالها كثُر تمتلي بهم طرقات وشوارع وأزقة بلادنا في الأحياء في الأسواق والمحطات ..نمر عليهم مرور الكرام دون الإلتفات لمعاناتهم وكيفية التعامل معهم كبشر من لحم ودم ... نتشدق بإتباع سنة نبينا محمد صلى الله عليه وسلم، نبي الإنسانة والرحمة والشفقة ونحن منه بعاد، نبينا الذي كان يحنو على الصغير ويوقر الكبير ويحترم ذو الحاجة ويتلطف بالضعيف ويرتب ويمسح على رأس اليتيم بيديه الطاهرتان.
عيوشا مأساتها ماحسها غيرها ومن حالتهم مشابة لها.
Post: #1034 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-07-2007, 09:01 PM Parent: #1033
( 1 ) عيوشا عيوشا تشرب من الشارع تأكل من الكوشا الليل هِدِيمتا وشمش الله برطوشا
عشوشا دقلوشا يوماتي مكشوشا من طاقا جاتا الريح خُصلاتا منكوشا كُتر البُكا التجريح سوااها دعمُوشا
الناس يعرفوها لكن يعافوها شفع يباروها يجرو ويغنوها عيوشا ارقصيلنّا ما أحلا كاروشا عيوشا مابترقص مالت من الدوشا
عيوشا طول ليلا هامت علي حيلا تشبع من القيلا دردير وبهديلا من ديلا ومن ديلا ياويلا وياويلا عيوشا مأساتا حتماً نغنيها
Post: #1035 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-08-2007, 07:26 PM Parent: #1034
عيوشا فنانا عيوشا رِسيما عيوشا إنسانا مجهولة القيما يوم جال علي بالا كيف تلقى تعليما عيوشا كشوها ترهيب لتجريما فكوها دقوها ورموها في النيما
عيوشا مزلولا مرعُوبا مجهولا عيوشا بي إيدنا يوماتي مكتولا والأمة بي حالا عن حالا مسؤولا عيوشا مأساتنا مابنبرى من حولا
عيوشا من جيلك مين عاد بيرتيلك في دنيا مو هو مين عاد بيرتيلك يكتب مواويلك جهراً يغنيلك غير ناساً أحوالم تشبه أحاويلك
عيوشا تِشوبر وأحيان بتتخوبر تلبد إذا الكومر قبّل علي كوبر أو جا المديرية والكشا ملغيا عيوشا داير تفرح بس فرحا مغشوشا
بي صبر كان طوّل الحال حايتحوّل والدنيا دنيانا ترجع كما الأول عيوشا مذدانا فرحانا تجوّل لا كشا تلقاها لا تاني تسوول والعقل يرعاها مين تاني بتقوّل
Post: #1036 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-08-2007, 10:11 PM Parent: #1035
كردفام الغرا ام خيــراً جوا وبرا
كردفان عذراء السودان في خِدرها، لك منا التحيايا معطرة عطر عروس ليلة زفافها .. يفوح منها عبق وروائح الهشاب والتبلدي ريحة الطينة بعد الرُشاش. مداعب خصلات الأبيض عروس الرمال ماراً برهيد وعابر بارا وبابنوسا لكادقلي وجبال النوبة. حامل رمل من الشمال من الحمرة.لكل بقاري ابالي لكل مزارع ولكل إنسان في تلك البقاع النقية الطاهرة.. في كردفان تتوشح الأرض حنان وعطفا مكتسب مِن مَن سكنوا عليها هوينا وكانوا خِفاف تتطاير الحنية والمحبة منهم تطيل عنان السماء وتملئ الجو حنان.
ومرةً بارعت دار أهلي لكي أزور صاحبي أبن الفضلي ألفيته وأهله قد رحلوا من كيلكٍ وفي الفضاء نزلوا في بقعة تسمى بابنوسا حيث ألتقيت ذبابة تعيسا
ومن النهود لي بارا وشوف جمال بقارا ورقصتم مع النقارا العاجكو الليلة مانعو
Post: #1037 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-08-2007, 10:27 PM Parent: #1036
نِتقبل القبلا نبكي بلا سبلا حكيم سيد الإبرا دوايا ماخِبرا
Post: #1038 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-08-2007, 10:51 PM Parent: #1037
زولي ضي اللمبا خلوني مصنقر جنبا خلوني مصنقر جنبا ولا فوق ضل البراندا
Post: #1039 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-08-2007, 11:11 PM Parent: #1038
جدي الريل ابو كزيما تعال نتمشى في الغيما مغيمة ريد تكب في رهيد شواطيها الخُدر ديما
Post: #1040 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-09-2007, 11:42 AM Parent: #1039
طِيبقاً لي العسل دفّق خداراً لي البياض صفّق ما بْشيِشك بينا إترفق سماحاً لي القليب شفق
Post: #1041 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 12-09-2007, 08:31 PM Parent: #1040
سلام يا اب أحمد وزواره الكرام
الشيخ عبد العزيز قال لها :
سلام يا ام آمنة بت آمنة الصباكي مركّن سلام ياديفة البي الصي تملي يجكّن النايرات خدودو وطبعو ماهو مكجّن قيود القدرة لزيارتك قبل ما أنفكّن
Post: #1042 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-09-2007, 08:36 PM Parent: #1040
زارعنا في الحِيضان ساقينا بي التيران إسمك تقيل يا فلان زي حنضل القيزان
زارعنا في البورا واطاتا ممطورا زولن سمح صورا بي الفاتحا بندورا
Post: #1043 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-09-2007, 08:42 PM Parent: #1042
Quote: سلام يا اب أحمد وزواره الكرام
ريحانة البطانة سلااااام كنت أهم أن أكتب هذه الكلمات قبل مداخلتك بقدر ثوينات قليلة إذا بي أجدك قد سطرت كلام حكم
طالت الغيبة يا سمية
والجابك يجيب حبيبنا ودهاشم حاتم
تحياتي واحترامي
Post: #1044 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 12-09-2007, 09:25 PM Parent: #1043
طالت الغيبة يا سمية
والجابك يجيب حبيبنا ودهاشم حاتم
قيود القدرة لزيارتك قبل ما أنفكّن
Post: #1045 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-09-2007, 11:36 PM Parent: #1044
Quote: قيود القدرة لزيارتك قبل ما أنفكّن
تسلمي يا سمية وإن شاء الله ربي لا ربط ليك قيد أبدا مين بطربنا بحلو الحديث البرد الأرواح التي فارقت أبدانها غيرك يا ملكة دمتي دوماً في أتم الصحة والعافية
نهديك والأعضاء الكرام في هذه الواحة الظليلة من أشعار محمد أحمد المحجوب
النازلينَ ضفافَ النيل نغبطُهم والصاعدينَ جبالَ الأرز واحرّبي (بالرما) يا صاحِ كم من غادة لعبتْ بالرمل, فازدانَ ذاك الثغر باللعبِ وكم فتاة اذا مادَتْ وإن خطرَتْ ترنح القوم من سُكر ومن طَرَبِ وإن تفتح وردُ الخد مبتسماً فأي كفٍّ لذاك الوردِ لم تثبٍ? وذات دلٍّ تريكَ الحبَّ مازحةً وإن تُغازلْ فلم ترحمْ ولم تجب الله يعلمُ كم في الثغر من مرحٍ وكم بسفحك يا لبنانَ من أربِ! وكم بقلبي من حبٍ وعاطفة نحو الشآم وذاك الساحل اللَّجِبِ أما رأيتَ بسنكات وربوتها صفو الحياة وعيش القانع التَّعِبِ والشاهقات كساها الثلج فانبعثتْ في (أركويت) تناجي السحب عن كثبِ وهل رأيت فتاة العُرب قد سفرَتْ من غير قصدٍ, فكانت فتنة النُّجبِ! وهل رأيت من الآرام راتعةً تحت الأراكِ فلم تجفلْ ولم تعبِ و(كردفان) أما شاهدت نضرتها عند الخريف, وقد غامت مع السُّحُبِ والباسقات من الأشجار يقصدها طلاب فنٍّ ومن يشكون من نَصَبِ والحسن يا صاح إما شئت فَاتِنهُ فانظر بربِّك ذاك الساذج العربي قالوا (بهيبان) جنَّات إذا غشيت كانت لرائدها الجنَّات في حلبِ وما (دلامي) وقد رَفَّت خمائلها إلا زُحيلة موحي الفن والأدبِ وشمس (ميري) وقد خفت لمغربها تهفو وتغرب في عين من اللهبِ
سلامي الشديد لأحمد والأسرة الكريمة
دوماً كل التقدير
Post: #1047 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-10-2007, 06:08 PM Parent: #1046
بنت شندي وبنتنا سلمى صبحي تحياتي الطيبات سلااااام عليك مرورك محية مرة ومشاركة مرات عقد العقد علينا ( مابنقدر نجر واطي وقريب بنقول ليكم أرسلوا موية رمضان مش برضو أنتم المفروض ترسلوها).
تحياتي ومودتي لك وللأسرة الكريمة وبالذات السلام شديد لعروسنا صبحية الصغيرة
نرسل حق اللبن ولا فُطمت
Post: #1048 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-10-2007, 10:15 PM Parent: #1047
الأخدر الليموني مشنق الطاقية حلفّتك بي رسولي تشوف لي زولاً قدري أقضي معاهو عمري وأسلم ليهو روحّي
Post: #1049 Title: Re: هونوو شوية.... وصلو علي النبي .... إستراحة أيها المحاربون Author: abdelkhalig elgamri Date: 12-11-2007, 11:08 AM Parent: #1048
Quote: الأخدر الليموني مشنق الطاقية حلفّتك بي رسولي تشوف لي زولاً قدري أقضي معاهو عمري وأسلم ليهو روحّي
بعيد من الرسميات (ملعون أبو الكيمياء البنلقط رزقنا منا هسى ما حا اقول ليك يا استاذ وندخل فى شوائك الأمور حا أقعد ليك فى حجر الزاوية ونتونس مش نتناقش)
كيف حالك يازول , ود خالتى ، ده الشنو البتقول فوقو ده , إنت أحمد بادى ما يهى دى صورته بتعاين فوق جنس كلامك ده (أخدر مى مشكلة كمان ليمونى ليمونى آخالد!!)..
والله بحاول كل ما مرت على محطتك (إستراحة أيها المحاربون) أخد لى فيها (جمة) شوية لكن فجأة (ناظر المحطة ، القيزنجية , العطشقجية) كلهم يتفقوا ويصفر القطر (واجرى جرى) ذى زمان امسك بالباب وأنط.. المهم فى الرجعة من هناك (بغشاك) ونقعد نتونس شوية وإمكن آأزول انزل شنيطتى تب واقعد معاك كم يوم
(لشدة ما غرز أسامة جعفر بادى خنجرا فى ذاكرتى ومضى)
Post: #1050 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-11-2007, 08:28 PM Parent: #1049
Quote: (لشدة ما غرز أسامة جعفر بادى خنجرا فى ذاكرتى ومضى)
ابن عمي وخالتي عبدالخالق الجمري التحيات مبعوثة لك عبر الأثير سلاااااااام يطمن ويحن للقياكم يا جملين
أسامة كان جنى فراق من يومه ومازلت غير مستوعب لما حصل لكن هذه سنة الحياة وكلنا لنفس المصير سائرين إنا لله وإنا إليه راجعون ونسأل الله أن يتقبله قبولا حسنا
تحياتي عبدالخالق
Post: #1051 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-13-2007, 08:39 PM Parent: #1050
زينوبة كل ماأفتح كِتاب ألقاكي في أول سطر ألقى الحبائب والصِحاب ألقى الجناين والتمر
الليلة كيف ذاتّو أبوي قام فاتح كِتابو مع الفجر ويقرأ ويرتل في كلام مابفهموا الناس الكُتر
في الحصّه أنا عقلي قام سدر المدرس لو فكر كان يلقى قاعد فوق ككر في الدونكّا لسع مافطر
الليلة مش كان نهر لو كالني بي سيطان بقر مدام عقيل الجن سدر ما اظنو من عندك خبر
الشوق متل شوك الكِتر طعن الجسم لامن خِدر والله لوما منجبر ماكان بفارقّك بي شبر
زينوبة كُر من حالي كُر قاعد لي في كيمان جمر غربا وكمان حالاً فقر عجزني قُبال اصل القبر
الغربا أصلو طعيما مر لكني بقعد بي الجبر لآمن سنين الهم تمر ياربي ألزمني الصبر
Post: #1052 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-14-2007, 11:32 PM Parent: #1051
القمرية قوقّت في الغصون ساقني من دنيا البشر طرتّني أيامنا الزمان والرملا والليل والقمر لحظات من الزمن الجميل قضيتن ايام الصِغر والليلة صبحّت ّذّكريات غنية بأسي في الوتر الطين والناس الحُنان الخدرا لا مد البصر والنمّا في الليل السِكون ورمي الجبابيد في البحر واللمّا والقهوة فوق ضل العصير والطير يناضم في الشدر واللمّا في البيت الكبير واللوري جاهم لي السفر والحلي في حالة وداع في لمحّا دمع العين همر حبوبا والبنوت هِناك قامن يلقطّن في الاتر والسفر يا سلام اللوري بي الحللال عبر شاقي الفايفي بلا دليل يومين وفي البندر حضر
Post: #1053 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-15-2007, 11:52 AM Parent: #1052
.
Post: #1054 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-15-2007, 05:10 PM Parent: #1053
كتب المنصور إلى زياد عبدالله الحارثي أن يوزع ماعنده من المال على القواعد والعميان والأيتام، فدخل عليه ابوزياد التميمي وكان رجل مغفلاً فقال له: أصلحك الله أكتبني في القواعد. فرد عليه قائلاً عافاك الله القواعد من النساء اللائي قعدن عن أزواجهنَّ، فقال له : فأكتبني في العميان، فقال لصحبه : أكتبوه منهم فإن الله يقول : فإنها لاتعمى الأبصار ولكن تعمى القلوب التي في الصدور. فقال أبوزياد التميمي : أما وقد أحسنت إليَّ فأكتب أبني في الأيتام لينال من فضلك، فقال له زياد الحارثي : نعم سوف أكتب أبنك في الأيتام لأن من كنت أباه فهو يتيم.
Post: #1055 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-15-2007, 06:53 PM Parent: #1054
أه ليماء ياصبحي المضئ الليل أرخى بالفؤاد سدولّهُ وبه سجى أه يالمياء قد طال الدُجى جمر الفؤاد على الضلوع تأجج وتوهجَّ وأنا في إنتظارك لم أزل أمشي على الدرب الطويل الوعر يحدوني الرجاء وحصاد ليالياً الطوال الغصص المميتة والشجىَ
Post: #1056 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-16-2007, 01:43 PM Parent: #1055
التـــــوب السوداني للشاعرة سعدية عبدالسلام
دايرا أكتب لي الجميلة الابسا توب ومستقيمة والكتابة تحلو عن توب في الدواخل ليهو قيمة توب بميز سر جمالنا وكيف يزيد فينا العزيما توب بيستر لي عروضنا ولي جِراحتنا الأليمة وتوب بزيد عِزتنا ويربط لي علاقاتنا الحميمة وتوب موشح بي شرفنا وزايدا أخلاقنا العظيمة
Post: #1057 Title: Re: هونوو شوية.... وصلو علي النبي .... إستراحة أيها المحاربون Author: فيصل محمد خليل Date: 12-17-2007, 08:25 PM Parent: #1056
عزيزى فيصل...مسكاقنا بمناسبة عيد الاضحى المبارك يسرنى ان انقل لك التهانى القلبية لك ولاسرتك الكريمة وكل مطالعى هذا البوست التأريخى وكل ابناء وادى حلفا العزيزة والى صديقك اللدود المامنسى.. ود المنسى بلدياتى العزيز وبالمناسبة سارسل لة عبرك الى بوستة الظريف عيدية بس لازم يجى متحزم للبطان ..وممكن تجى يافيصل تاخد ليك سوط.....سوطين ......بس اركـــــــــــــــز
Post: #1058 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-17-2007, 08:44 PM Parent: #1057
Quote: بمناسبة عيد الاضحى المبارك يسرنى ان انقل لك التهانى القلبية لك ولاسرتك الكريمة وكل مطالعى هذا البوست التأريخى وكل ابناء وادى حلفا العزيزة والى صديقك اللدود المامنسى.. ود المنسى بلدياتى العزيز وبالمناسبة سارسل لة عبرك الى بوستة الظريف عيدية بس لازم يجى متحزم للبطان ..وممكن تجى يافيصل تاخد ليك سوط.....سوطين ......بس اركـــــــــــــــز عمك كمال
الحبيب الأخ الكريم كمال تحيات طيبات وسلاام لا نقول لك يا عم لأني كلي يقين أنك أصغر عمراً من صديقي اللدود فيصل محمد خليل ابن عم عزمي أحمد خليل وأبن عم الدكتور نادر حسن خليل ... لانه بدون أبناء عمه لا أحد يعرفه غيري. كل سنة وانت طيب أخي كمال ويتقبل الله منا ومنكم صالح الأعمال. دحين البطان زولك دا بثبتلو والله من فد صوت نلقى في وادي حلفا بي كرعي لك أجمل تحياتي ومودتي أخي كمال
Post: #1059 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-17-2007, 09:35 PM Parent: #1058
التـــــوب 2
وبي الزراق والطرقا ببدّا وببدّا عن التوب مسيرا من زمن حبوبا زينب ومن زمن رابحا ومهيرا وبي تيابّن سطرّن معنى الشجاعة وزينا كاسرات المسيرا في المارك جوه قالّن وفي الحرب صالّن وجالّن جرتقن وطن المفاخر ولبسنّو كمان حريرا ولابسّا سودانيا تعجب في اللبيض والجزيرا وحاشا مابتتبرج أبداً رغم كم عاشق أسيرا توبنا عنوان لي وطنا وتوبنا لي إسمو بنصون
Post: #1060 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-18-2007, 09:49 PM Parent: #1059
التـــوب 3
داك علبة والحمام طار والشفون كان حِداد القرشي توبنا والنفستّن والمطافي الزاهي لون شبه الوهاج في حمرتّو كيف يسحر لي العيون توب بيعجب لابسّا ام عرضاً مصون جننت فنان لامن قام يردد غنّى القمري على الغصون ذكرني الدر المصون توبنا رِفعا وتوبنا عظما وتوبنا في التاريخ معزّا توبنا بيلهم لي الفوارس يوم نحاس الحرب رزا وتوبنا في الخرتوم بيعجب وتوبنا عند شايقيا عِزا وتوبنا ملهم لي الشجاعا وماالحرق قلب الدخيل ولي راسو جزّا
Post: #1061 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-19-2007, 11:45 PM Parent: #1060
.
Post: #1062 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-22-2007, 08:48 PM Parent: #1061
التـــــوب 4 ولي بيديري وبتو زينا وجعلي شايل سيفو هزّا لي البطان واقف وراكز وحاشا ماقالولنا فزّا وتوبنا في أم درمان خليلنا وطهر نيلنا ومجد عَزا وفيهو لون في السمحا باين باقّي زي نور الرتاين في الضواحي وفي المدائن توبنا يميز لي بناتنا توبنا بيلهم لي شعرنا ونحن نفخر إنو كان التوب قدرنا توب بزيد فينا السماحا وكيف بنور لي عمرنا ولما نلبسوا مابنقول ياناس فترنا بنك معلومات هو توبنا وتوبنا دا الهزاز وغالي
Post: #1063 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-23-2007, 04:45 PM Parent: #1062
التـــــوب 5
توب بجمّل لي الحبيبة لي الجميلة الزوقا عالي وتوبنا جاكار أو مرايا في ام خديد زي المرايا بيهو زدان المحافل وبيهو تقدل سمحا جايا زاينّا عِقدها وصاينّا عِرضها رايدا محمود السجايّا والجمال في توبنا أبداً زيو مافي والأمان ناسج خِيوطو بتلقى في قولة عوافي توبنا كان عودة نميري وتوبنا في البترول مصافي وتوبنا جاكار ولا توتتل توبنا كان نجدا ومطافي وزي هلال مريخ في لونو والجميل عاجبنا لُونو
عارف وحات رسول الله عارف ،، وقبل ما تقول لومك , والله مشغوليات كيف الوليدات وامهم
خالد والله مشتاق ليك شوق ما بتوصف (وحات علوية وام الحسن)
عارف يا خالد انو قرابة ال18 سنة وما قابلتك تانى ؟؟
بدور اشوفك واشوف احمد بادى ولدك؟
بدور اخدك فى حضن شوق وضراع رجالة واقالدك واسالمك
والله تذكرنى يوسف الجمرى الله يرحمو
نفس الحنية الممزوجة بى نخوة الرجالة
اشتاق ليك
ولى حديقتكم القدام البيت وجدعت الكراسى ورشت الرملة بالموية
ايه,,, زمن يا اخوى
فتك بى عافية
Post: #1067 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-25-2007, 10:26 PM Parent: #1066
Quote: والله تذكرنى يوسف الجمرى الله يرحمو
نفس الحنية الممزوجة بى نخوة الرجالة
اشتاق ليك
ابن الخالة والعم الجمري تحياتي وكل سنة وانت طيب يا عزيز رحم الله يوسف الجمري رحمة واسعة ... كنت معه في سنة 2000 و2002 في سويسرا وأنا عابر بأسرتي من كوسوفا للسودان واجتمع شمل قليل من كثير. كنا نقضي اليوم والساعات تمر من دون مانشعر في منزل استاذنا محمد عتيق زوج منى مريغني طه يحكي لنا عن شندي وناس شندي وتمتلكني الحيرة كيف له هذا الكم من الذكريات وقد انقطع عهده بشندي منذ زمن بعيد يا سلاام على روح يوسف الجمري عليه الرحمة ونسأل الله له المغفرة الواسعة.
Post: #1068 Title: Re: هونوو شوية.... وصلو علي النبي .... إستراحة أيها المحاربون Author: مجدي عبدالرحيم فضل Date: 12-26-2007, 06:33 AM Parent: #1067
يارب كل أيامك عيد والتحية عبرك إلي الجميل أحمد ووالدته وصديقك المجري فيصـــــَل محمد هليل
وكل رواد الدوحــــــــــــة من المحاربيين ومازكرت كردفان إلا وزكرت عروس الرمال وسمحيين الخصال
فعلا كردفان أم خيرا جوه وبـــره وهذة البقعه من الأرض بها مابها من جمال ويقطنوها أنااس من نفس الطينه
المعجونه طيبه لهم منا التحية والأحترام ولك المحبة خالد علي ود محجوب المنسي .
،،،،أبوقصـــــــــــى،،،، ا
Post: #1069 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-26-2007, 01:33 PM Parent: #1068
الحبيب أبوقصي تحياتنا محملة بعيق الرشاش معا المغربية يحملها لك في الشرق طائر ما كلذص من تغريده، مرورك دوماً يضفي على أرواحنا دفئ الحنين والمحبة وهو ديدنك يا جميل. كل سنة وانت طيب ويتقبل الله منّا ومنكم صالح الأعمال كل تحياتي ومودتي لك أبوقصي
للمبدع ... محمد على عبد الله الامى ...............................................
ما بخاف من شئ برضي خابر المقدر لا بد يكون إن اتانى الهم جيشه دافر يلقى يا خلاي صبري وافر يلقى عزمي التام ليه خافر يلقى قلبي شجاع ما جبون بالعدا معروف ما ببادر ما بخون الجار مانى غادر ما بقول للناس مثلى نادر بل بقول للخالق شئون ما عصيت مولاي مانى فاجر لا ولا بالعالم بتاجر الثبات معروف لي معاصر لو بقيت في داخل معاصر و الإله غير شك لي ناصر رغم انف الواشي الخؤن قول لشاهد الزور فيما ثائر هدى روعك قبل الخسائر يا ما قبلك عميت بصائر من لساني وقولي الهتون قول لأهل الجور والمساخر مافى أول ما ليه آخر مابدوم العز والمفاخر وما بدوم الظل والحصون عن لسان الحق مانى نافر وما جحدت الخير مانى كافر ما ضمرت السوء مانى حافر للصديق هاويات السجون .
......................................
تحياتي ...
ابؤهاشم .
Post: #1071 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-27-2007, 09:34 PM Parent: #1070
دخلت امرأة عجوز على السلطان سليمان القانوني تشكو إليه جنوده الذين سرقوا لها ماشيتها بينما كانت نائمة. فقال لها السلطان: كان عليكِ أن تسهري على مواشيك ولا تنامي. فأجابت العجوز : ظننتكَ ساهراً علينا يامولاي فنمت مطمئنة البال.
Post: #1072 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-29-2007, 11:30 AM Parent: #1071
(1) أين توجد حاسة الشم لدى الثعبان. الإجابة: في اللسان.
(2) لماذا نرى السماء باللون الأزرق. الإجابة: لأن ضوء الشمس (المكوَّن من ألوان الطيف) يفقد جميع ألوانه- أثناء اختراقه للغلاف الجوى - ما عدا اللون الأزرق.
(3) ما الحيوان الذي ينام وإحدى عينيه مفتوحة.
الإجابة: الدرفيل.
(4) كم عدد فقرات عُـنُـق الزرافة. الإجابة: سبع فقرات وطول الفقرة حوالى( 5 ,22 ) سم.
(5) كم قلبًا للأخطبوط. الإجابة: ثلاثة قـلـوب.
(6) أيهما أكبر حجمًا : الخلية حية في جسم الفيل أم في جسم الفأر. الإجابة: متساويتان.
Post: #1073 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-29-2007, 03:22 PM Parent: #1072
(7) كم عينًا للنحلة. الإجابة: خمسة عيون (وليس اثنان).
(8) ما هو الحيوان الذي يموت إذا فتحت فمه لأكثر من دقيقة حيث أنه لا يتنفس وفمه مفتوح.
الإجابة: الضفدع.
(9) إذا فُصِلَت رأس الحية عن جسمها فبعد كم من الوقت يتوقف قلبها عن النبض. الإجابة: (24) سـاعـة.
(10) حشرة أم (44)00 كم رجلاً لها . الإجابة: (40 ) رجلاً + قرنـا استشعار + ذيل مزدوج .
(11) كم عدد فقرات العمود الفقرى للأفعى.
الإجابة: لا يوجد عمود فقرى للأفعى.
(12) إذا فقد شخص إحدى عينيه فكم يفقد من إجمالى قوة بصره. الإجابة: الخُـمـس.
Post: #1074 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-29-2007, 07:58 PM Parent: #1073
(13) أيهما أكبر حجمًا الرئة اليمنى أم اليسرى. الإجابة: الـرئــة الـيـمـنـى.
(14) ما أقصى بُعد عن صوت يستطيع الذباب سماع هذا الصوت. الإجابة: الذباب لا يسمع .
(15) ما هو الحيوان الذي ينتحر عندما يُلْقى بنفسه فى الماء وذلك لعدم استطاعته العوم.
الإجابة: الخـنـزيــر.
(16) كم عدد فقرات رقبة الزرافة 00وكم عدد مثيلتها عند الفأر. الإجابة: كلاهما يملك سبعة فقرات.
(17) لماذا ينام السمك وعينيه مفتوحتان. الإجابة: لأن السمك ليس له جفون ليُغلق عينيه.
(18) إذا كان البليون في النظام الأمريكي والفرنسي يساوي ألف مليون وفي النظام الإنجليزي والألماني يساوي مليون مليون ..وإذا كان التريليون فى النظام الأمريكي والفرنسي يساوي مليون مليون فكم يساوي التريليون في النظام الإنجليزي والألماني. الإجابة: مليون مليون مليون.
Post: #1075 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-30-2007, 01:33 PM Parent: #1074
واجهشت مصر وعبد الناصر الجليل والضفة والخليل لم يبقى رجل الا بكى لم يبقى وطن الا شكا هذا الرحيل فالهند والسند وكل مسحوق من الفرات حتى النيل كان لنا مدينة العلم... وكان الدرب.... والدليل... (6) يا سيدى النبيل انا رايناك تعود حين يدلهم الخطب فى سودانك الجميل تاتى كانك الشمس كانك البدر كانك السحاب والظل والظليل انا رايناك...هنا مبتسما تسرع فى المشية كالعادة فى ابريل واننا نعرف...انا سنلتقيك فى قوادم الايام... قادما...كالمستحيل... (7) هاهو السودان..... .....يدلهم الخطب فى ربوعه ويستجير....النيل وهاهو السودان: ....كله داء .....وكله مسغبة قَدْ جَاءَنَا ِرجْسٌ لاَ نعِْرفُ مِنْ ايْنَ جاء....؟! يُمَاِرسُ التّدْمِير...وَالتّنكيلَ...وَالتّقْتِيلَ... فىِ بَلَدٍ يَكْرَه...أنْ يَرَى ذُبَابةً تُقتلُ...! يَكرْه أنْ يَرَى وَجْهَ قَتِيلْ...! فَأعِنَّا....يَامَلاَذَنا الأخِيرَ... يَاسَلِيلَ الْمُصطَفى.... أكِْرمْ بِكُمْ سَلِيل (9) مَعْذِرَةً..يَاسَيِّدِى الجَمِيلْ إن كنَتُ قْد جَرَحْتُ صَمْتَك النَّبِيلْء فَالْوَطَنُ الآنَ عَلَى مُفْتَرقِِ الُّطُِرقْ... وَالْوَطَنُ الآنَ يَكَادُ يَحْتَرقْ.... ...وَقَاَبَ قَوْسَينْ مِنْ الْغَرَقْ ...فَاْرفَعْ يَدَيْكَ لله... كَى يَمْنَعْ عَنْ بِلاَدِنَا الْحَرِيقَ.....وَالغَرقَ ! .
..................................... مننقول من منتديات منتديات الســـــــادة الختمية الميرغنية .
تحياتي ...
ابؤهاشم .
Post: #1078 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-30-2007, 05:11 PM Parent: #1077
(19) ما الفرق بين القطب الشمالي والجنوبي من حيث تكوُّن الجليد. الإجابة: الجليد في القطب الشمالي يتكوَّن على الماء أما الجنوبي (الأكثر برودة) فـجليده يتكوَّن فوق اليابسة.
(20) كم رجلاً للنملة وكم رجلاً للنحلة. الإجابة: كلاهما يملك ستة أرجل .
(21) من هو مكتشف فيروس الـ ( إيـدز AIDS ) .. ومتى كان ذلك.
الإجابة: الطبيب الفرنسي لوك مونتييه 00 واكتشف الفيروس عام 1985م.
(22) أين تقع جزر لانجرهانز. الإجابة: فى جسم الإنسان: فى البنكرياس.
(23) من هي عالمة الذرة المصرية التي قـُـتِلت عام (1952) م في أمريكا في حادث سيارة. الإجابة: د/ سميرة موسى.
(24) لماذا سُمِّى المصران الأعور بهذا الاسم. الإجابة: لأنه مغلق في أسفله.
(25) ما هو علم " الفينولوجيا ". الإجابة: علم دراسة التحولات والتغيرات التي تطرأ على النبات أثناء حياته.
(26) كم عدد عضلات جسم الإنسان. الإجابة: (620 ) عضلة.
Post: #1079 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 12-30-2007, 07:32 PM Parent: #1078
خالد كيف الحال تحياتي وأشواقي أتمنى أن تكون بخير وعيدت مع الأسرة مجتمعين وطيبين
دعاء سيدنا الإمام الحسين في يوم إستشهاده بكربلاء : اللهم أنت ثقتي في كل كرب ورجائي في كل شدة وأنت لي في كل أمر ثقة وعدة فكم من هم يضعف فيه الفؤاد وتقل فيه الحيلة ويخذل فيه الصديق ويشمت فيه العدو فأنزلته بك وشكوته إليك رغبة فيه إليك عمن سواك ففرجته وكشفته وكفيتنيه فأنت يارب ولي كل نعمة وصاحب كل حسنة ومنتهى كل غاية يارب العالمين .
Post: #1080 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-30-2007, 07:48 PM Parent: #1079
Quote: خالد كيف الحال تحياتي وأشواقي أتمنى أن تكون بخير وعيدت مع الأسرة مجتمعين وطيبين
سمية مشكورة كتير يا اصيلة الحمدالله بخير والنفس طالع ونازل عيدت في كوسوفا وأحمد وامه في المجر عيد مشحتف زي حليلة ملاح ود الشيقوق الممحوقا
تحياتي أجملها للأسرة يا سمية وعيدك مبارك مرة اخرى
Post: #1081 Title: Re: هونوو شوية.... وصلو علي النبي .... إستراحة أيها المحاربون Author: حاتم هاشم Date: 12-31-2007, 01:51 AM Parent: #1080
بسم الله الرحمن الرحيم سلام ...
ابوهاشم .
Post: #1082 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 12-31-2007, 09:51 PM Parent: #1081
Post: #1083 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-01-2008, 06:42 PM Parent: #1082
(27) كم عدد عـظمة في جسم الإنسان. الإجابة: (206) عـظمة.
(28) أين تقع قناة استاكيوس. الإجابة: في الأذُن .
(29) من الذي استعمل الأشعة الشمسية كسلاح في الحرب وقضى بها على الأسطول الروماني حينما حاول غزو بلاده. الإجابة: أرشميدس.
(30) ما هو علم " الفيسيولوجيا ". الإجابة: هو علم وظائف الأعضاء.
(31) ما مهنة " مورس " مخترع التلغراف. الإجابة: رسام.
(32) ما هو علم " الستراتيجرافيا ". الإجابة: هو علم دراسة طبقات الأرض التي تحتوي على بقايا تنتمي لعصر بعينه بغرض تحديده.
Post: #1084 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-02-2008, 04:25 PM Parent: #1083
رسالة جميلة وردت لي في بريدي الخاص وحببت مشاركة الجميع فيها
بـدأت أخـرج مع امـرأة غـيـر زوجـتـي
القصة التالية قصيرة لكن رائعة جداً وهادفة جداً أنا واثق أنها ستعجبك كثيراً ------------ --------- --------- --------- --------- --------- --------- ---- ************ ********* ********* ********* ********* **** ------------ --------- --------- --------- --------- --------- --------- ----
بعد 21 سنة من زواجي, وجدت بريقاً جديداً من الحب .
قبل فترة بدأت أخرج مع امرأة غير زوجتي, وكانت فكرة زوجتي
حيث بادرتني بقولها: 'أعلم جيداً كم تحبها '...
المرأة التي أرادت زوجتي ان أخرج معها وأقضي وقتاً معها كانت
أمي التي ترملت منذ 19 سنة ,
ولكن مشاغل العمل وحياتي اليومية 3 أطفال ومسؤوليات جعلتني لا أزورها إلا نادراً .
في يوم اتصلت بها ودعوتها إلى العشاء سألتني: 'هل أنت بخير ؟ '
لأنها غير معتادة على مكالمات متأخرة نوعاً ما وتقلق. فقلت لها :
' نعم أنا ممتاز ولكني أريد أن أقضي وقت معك يا أمي '. قالت: 'نحن فقط؟ ! '
فكرت قليلاً ثم قالت: 'أحب ذلك كثيراً '.
في يوم الخميس وبعد العمل , مررت عليها وأخذتها, كنت مضطرب قليلاً ,
وعندما وصلت وجدتها هي أيضاً قلقة .
كانت تنتظر عند الباب مرتدية ملابس جميلة ويبدو أنه آخر فستنان قد اشتراه أبي قبل وفاته .
ابتسمت أمي كملاك وقالت :
' قلت للجميع أنني سأخرج اليوم مع إبني, والجميع
فرح, ولا يستطيعون انتظار الأخبار التي سأقصها عليهم بعد عودتي '
ذهبنا إلى مطعم غير عادي ولكنه جميل وهادئ تمسكت أمي بذراعي وكأنها السيدة الأولى ,
بعد أن جلسنا بدأت أقرأ قائمة الطعام حيث أنها لا تستطيع قراءة إلا الأحرف الكبيرة .
وبينما كنت أقرأ كانت تنظر إلي بابتسامة عريضة على شفتاها المجعدتان وقاطعتني قائلة :
' كنت أنا من أقرأ لك وأنت صغير '.
أجبتها: 'حان الآن موعد تسديد شيء من ديني بهذا الشيء .. ارتاحي أنت يا أماه '.
تحدثنا كثيراً أثناء العشاء لم يكن هناك أي شيء غير عادي, ولكن قصص
قديمة و قصص جديدة لدرجة أننا نسينا الوقت إلى ما بعد منتصف الليل
وعندما رجعنا ووصلنا إلى باب بيتها قالت :
' أوافق أن نخرج سوياً مرة أخرى , ولكن على حسابي'. فقبلت يدها وودعتها '.
بعد أيام قليلة توفيت أمي بنوبة قلبية. حدث ذلك بسرعة كبيرة لم أستطع عمل أي شيء لها .
وبعد عدة أيام وصلني عبر البريد ورقة من المطعم الذي تعشينا به أنا وهي مع ملاحظة مكتوبة بخطها :
' دفعت الفاتورة مقدماً كنت أعلم أنني لن أكون موجودة, المهم دفعت العشاء لشخصين لكولزوجتك .
لأنك لن تقدر ما معنى تلك الليلة بالنسبة لي......أحبك ياولدي '.
في هذه اللحظة فهمت وقدرت معنى كلمة 'حب' أو 'أحبك '
وما معنى أن نجعل الطرف الآخر يشعر بحبنا ومحبتنا هذه .
لا شيء أهم من الوالدين وبخاصة الأم ........ إمنحهم الوقت الذي يستحقونه ..
فهو حق الله وحقهم وهذه الأمور لا تؤجل .
---
بعد قراءة القصة تذكرت قصة من سأل عبدالله بن عمر وهو يقول :
أمي عجوز لا تقوى على الحراك وأصبحت أحملها إلى كل مكان حتى لتقضي حاجتها
.. وأحياناً لا تملك نفسها وتقضيها علي وأنا أحملها ......... أتراني قد أديت
حقها ؟ ... فأجابه ابن عمر: ولا بطلقة واحدة حين ولادتك ... تفعل هذا
وتتمنى لها الموت حتى ترتاح أنت وكنت تفعلها وأنت صغير وكانت تتمنى
لك الحياة '
* * * ارسلها لكل شخص تعرف أن أحد والديه على قيد الحياة * *
لا تحرموا ناقلها و كاتبها من صالح و خالص دعواتكم
جزاكم الله كل خير
Post: #1085 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-02-2008, 10:04 PM Parent: #1084
33) من مكتشف الدورة الدموية الصغرى00 ومن هو مكتشف الدورة الدموية الكبرى. الإجابة: مكتشف الدورة الدموية الصغرى ابن النفيس .. ومكتشف الكبرى ويليام هارفي.
(34) ما هو المرض الذي أُطْـلِـقَ عليه الموت الأسود. الإجابة: الطاعون.
(35) ما هي أقوى عظام جسم الإنـسان. الإجابة: عظمة الفخذ.
(36) ما هو علم " الأ نـثروبولوجيا ". الإجابة: علم الأجناس.
(37) كم عدد أذرع الإخطبوط. الإجابة: ثمانية أذرع.
(38) ما هو" السيموجراف ". الإجابة: جهاز رصد الزلازل.
(39) من هي أول رائدة فضاء في العالم. الإجابة: الروسية فالنتينا تشيركوفا.
(40) فى أى عام تم تحديد خط الطول جرينتش كمقياس لخطوط الطول الأخرى. الإجابة: عام 1884 م.
Post: #1086 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-03-2008, 12:14 PM Parent: #1085
(41) من هو مخترع المسدس. الإجابة: صمويل كولت.
(42) من هو مكتشف قارة أستراليا. الإجابة: كابتن كوك.
(43) متى اكتشف البنسلين.
الإجابة: عام 1921م.
(44) من الذي اكتشف الأنسولين. الإجابة: السير " فردريك بانتنج " يعاونه " شارلز بست " وحصل فردريك على جائزة نوبل في الطب بعدها بعامين.
(45) ماذا يقيس البولاريمتر. الإجابة: قياس استقطاب الضوء.
(46) من الذي اخترع القاطرة البخارية. الإجابة: الإنجليزي " جورج ستيفنسون ".
(47) ما هو علم " الثيولوجيا ". الإجابة: هو العلم الذي يتناول العلوم السماوية وعلوم الفضاء
Post: #1087 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-03-2008, 06:06 PM Parent: #1086
(48) في أي عام اكتشف اللقاح ضد شلل الأطفال 00 ومن الذي اكتشفه. الإجابة: العالم الأمريكي" سالك "اكتشفه عام (1954) م.
(49) من الذي اكتشف كريات الدم البيضاء. الإجابة: العالم الفرنسي" سيناك " عام 1750 م.
(50) من مكتشف جرثومة التيفوئيد. الإجابة: العالم الألماني " أبرث "عام 1881 م.
(51) من مكتشف القطب الشمالي. الإجابة: " روبرت بيري " 000 وكان ذلك عام 1909 م.
(52) من هو مكتشف القطب الجنوبي. الإجابة: روبرت سكوت 00وكان ذلك عام 1912م.
(53) من ابتكر سماعة الطبيب. الإجابة: الطبيب الفرنسي رينيه ليناك عام (1916) م واختمرت الفكرة في رأسه حينما استُدعىَ لفحص فتاة تشكو من قلبها وحاول أن يضع أذنه على صدرها ليسمع دقات قلبها فرفضت الفتاة بشدة 00فوجد بجوارها صحيفة فلفَّها على شكل اسطوانة ووضعها بين أذنه وصدرها فسمع دقات قلبها بوضوح00فابتكر السماعة التي يستعملها الأطباء حتى يومنا هذا (فى نهاية القرن العشرين).
(54) كم تستغرق فترة حمل الفئران. الإجابة: (21) يومـًـا.
Post: #1088 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-04-2008, 04:38 PM Parent: #1087
(55) من هو مكتشف البسترة لتعقـيم اللبن. الإجابة: لويس باستير.
(56) أين ومتى أُجريت أول عملية زراعة قلب بشرى في العالم. الإجابة: في جنوب إفريقيا عام (1967م) وقام بها الدكتور برنارد مع ثلاثين طبيبًا مساعدًا.
(57) من مخترع حروف الطباعة. الإجابة: الألماني جوتـنبرج.
(58) من مكتشف عمى الألوان. الإجابة: الإنجليزي جون دالتون.
(59) ما الحيوان المفترس الوحيد الذي يتزوج اثنتين فى وقت واحد.
الإجابة: الأســد.
(60) من مكتشف الإلكترون 00ومتى كان ذلك.
الإجابة: جوزيف طومسون 00 عام (1897) م.
(61) من مخترع أشعة الليزر. الإجابة: الأمريكي شاولا عام (1958) م.
(62) من مخترع القنبلة الهيدروجينية. الإجابة: إدوار تيللر عام (1952) م.
Post: #1089 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-04-2008, 08:38 PM Parent: #1088
(63) من مخترع الهليوكوبتر. الإجابة: الروسي الأصل الأمريكي الجنسية " إيجور سيكورسكى ".
(64) كم عدد الأمريكيين الذين حصلوا على جائزة نوبل من عام 1901 وحتى عام 1996 م. الإجابة: (224) أمريكى وهى بذلك تكون أكثر دولة يحصل مواطنوها على هذه الجائزة حتى نهاية القرن العشرين [علمًا بأن ثلاثة مصريين فقط حصلوا على هذه الجائزة (أنور السادات نجيب محفوظ والعالم العبقرى/أحمد زويل)].
(65) من مخترع الفونغراف والكاميرا السينمائية. الإجابة: توماس أديسون.
(66) من هي السيدة التي حصلت على جائزة نوبل في فرعين مختلفين الأولى عام (1903) م والثانية عام (1911) م.
الإجابة: العالمة الفرنسية مارى كورى (1867-1934)التي اكتشفت ـ مع زوجها بير كورى ـ الراديوم 00فالجائزة الأولى حصلت عليها فى الفيزياء والثانية فى الكيمياء.
(67) من هو الكيميائي الذي حصل على جائزة نوبل مرتين . الإجابة: البريطانى " فريدريك سانجلر " 00عامى (1958) م و (1980) م.
(68) ما الاسم العلمي لمرض أنيميا البحر المتوسط.
الإجابة: الثلاسيميا.
Post: #1090 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-05-2008, 11:47 AM Parent: #1089
(69) من مكتشف ميكروب الكوليرا. الإجابة: الألمانى " روبرت كوخ ".
(70) من اكتشف ألوان ضوء الشمس. الإجابة: إسحاق نيوتن.
(71) ما هو المعدن الوحيد الذى يوجد فى الحالة السائلة.
الإجابة: الزئبق.
(72) متى اخترع الإخوة الفرنسيين " لوميير" أول آلة عرض سينمائى.
الإجابة: عام 1895م.
(73) كيف مات بيركورى (1859-1906)زوج السيدة مارى كورى. الإجابة: صدمته عربة يجرها حصانان (بينما كان يمشى سارحًا فى الشارع) ولم تصبه حوافر أى حصان ولكن داسته إحدى العجلات وأخرجت مخه من رأسه وانكسر عموده الفقري إلى16قطعة ومات في الساعة الثانية والنصف من صباح يوم (19/4/1906) م.
Post: #1091 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-05-2008, 07:25 PM Parent: #1090
جئ بأعرابي إلى أحد القضاة لمحاكمته على جريمة أُتهم بأرتكابها، فلما دخل على الوالي في مجلسه أخرج كتاباً ضمنه قصته وقدمه له وهو يقول: (( هاؤوم أقرأوا كتابيه )) فقال له الوالي : (( إنما يقال هذا يوم القيامة )) فقال الاعرابي (( هذا والله شر من يوم القيامة، ففي يوم القيامة يؤتى بحسناتي وسيئاتي وأنتم جئتم بسيئاتي وتركتم حسناتي ))
Post: #1092 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-06-2008, 12:31 PM Parent: #1091
Post: #1094 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-07-2008, 04:11 PM Parent: #1093
أبوهاشم سعدت وطابت أيامك يا جميل انت معذور في الغياب ... تلك السويعات التي كنت تقضيها بين صفحات سودانيزولاين جاء صاحبها وانتزعها من بين يديك ( هاشم الصغير ).. لكن من أين نجد العذر لريحانة البطانة وكلكتها سمية بت الحسن ودطلحة في هذا الغياب الذي طال .. ممكن تكون في البطانة الآن وتعذر عليها فسحة من وقت في تلك الديار الجميلة كارفة لدعاش صبحاوي أو متأملة لقمر إستدار في سماءه تناجيه وتحادثة
نتمنى عودتها ولكما عزيزيا سمية وحاتم كل احترامي ومودتي
Post: #1095 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-08-2008, 11:58 AM Parent: #1094
إن إعتدت على قول بسم الله الرحمن الرحيم عند شروعك بكل عمل تقوم به، فغداً أيضا يوم القيامة و عندما تعطى صحيفة أعمالك بيدك، فستقول قبل قراءتها بسم الله الرحمن الرحيم ، جرياً على ما اعتدت عليه فى الدنيا، فإذا بذنوبك قد محت، فتسأل ماذا حدث، فيأتى النداء: يا عبدى، لقد دعوتنى بالرحمن الرحيم ، فعاملتك بدوري وفق هذه الرحمه .
Post: #1096 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-08-2008, 12:03 PM Parent: #1095
قصيدة تجمع كل سور القرآن للقول معتبرة ** حق الثنــاء على المبعوث ب البقـرَه في كلّ فاتحة في آل عمران قِدماً شاع مبعثه ** رجالهم و النساء استوضحوا خبَرَه قد مدّ للنـــــاس من نعماه مائدة ** عمّت فليست على الأنعام مقتصرَه أعراف نعماه ما حل الرجاء بها ** إلا وأنفــــــــال ذاك الجود مبتــدرَه به توســـــل إذ نادى بتوبتــــــه ** في البحر يونس والظلماء معتكرَه هــود ويوسف كم خوفٍ به أمِنا ** ولن يروّع صوت الرعــد من ذكَرَه مضمون دعوة إبراهيم كان وفي ** بيت الإله وفي الحجـر التمس أثرَهْ ذو أمّـة كدَوِيّ النحــل ذكرهــم ** في كل قطــر فسبحــان الذي فطرَهْ بكهف رحماه قد لاذا الورى وبه ** بشرى بن مريم في الإنجيل مشتهِرَهْ سمّاه طـه وحضّ الأنبياء على ** حجّ المكـــان الذي من أجله عمــرَهْ قد أفلح الناس ب النور الذي شهدوا ** من نور فرقان ه لمّا جلا غـُـــــــرَرَهْ أكابر الشعراء اللّسْنِ قد عجــزوا ** كالنمل إذ سمعت آذانهـــم ســــورَهْ وحسبـه قصص للعنكبــــوت أتى ** إذ حــاك نسْجا بباب الغار قد سترَهْ في الروم قد شاع قدما أمره وبه ** لقمــان وفــّـى للـــدرّ الذي نثـــــرَهْ كم سجدةً في طُلى الأحزاب قد سجدت ** سيوفــــــه فأراهــم ربّـه عِبـــــــرَهْ سباهــم فاطــر الشبع العـلا كرمـا ** لمّا بـِ ــياسين بين الرسل قد شهــرَهْ في الحرب قد صفت الأملاك تنصره ** ف صــاد جمع الأعـادي هازما زُمَـرََهْ ل غافــر الذنب في تفصيلــه ســــور ** قد فصّلت لمعـــان غير منحصـــرَهْ شــوراهُ أن تهجـر الدنيا فزُخرفُهـا ** مثل الدخان فيُـغشي عين من نظرَهْ عزّت شريعته البيضـــاء حين أتى ** أحقــافَ بــدرٍ وجند الله قـد حضـرَهْ فجــاء بعد القتال الفتــحُ متّـصِــلا ** وأصبحت حُجــرات الدين منتصـرهْ بقـافٍ و الذاريـــــات اللهُ أقسم في ** أنّ الذي قـالـــــه حقٌّ كمـا ذكـــــرهْ في الطور أبصر موسى نجم سؤدده ** والأفق قد شقّ إجـــلالا لــه قمـــرهْ أسرى فنال من الرحمن واقعــــــــة ** في القرب ثبّت فيه ربــّه بصــــــرهْ أراهُ أشياء لا يقوى الحديــــــد لهـا ** وفي مجادلــة الكفـــار قـــد نصــرهْ في الحشـر يوم امتحان الخلق يُقبل في ** صفٍّ من الرسل كلٌّ تابـــعٌ أثــــرهْ كفٌّ يسبّــــح لله الطعــــــــــام بهــا ** فاقبلْ إذا جاءك الحق الذي نشـرهْ قد أبصرت عنده الدنيا تغابنهـــــــا ** نالت طــلاق ا ولم يعرف لها نظـرهْ تحريم ـه الحبّ للدنيـــا ورغبتـُــــه ** عن زهرة الملك حقا عندما خبـرهْ في نـــونَ قد حقـّت الأمداح فيه بما ** أثنى به الله إذ أبدى لنا سِيـــــــرَهْ بجــــاهه سأل نــوح في سفينتـــــه ** حسن النجاة وموج البحر قد غمرَهْ وقالت الجن جــاء الحق فاتبِعـــوا ** مزمّـــلا تابعــا للحق لــن يــــذرَهْ مدثـّــــرا شافعا يوم القيامة هــــل ** أتى نبيٌّ له هــذا العـُــلا ذخــــــرَهْ في المرسلات من الكتب انجلى نبأ ** عن بعثــه سائر الأحبــار قد سطرَهْ ألطافه النازعات الضيم حسبك في ** يوم به عبس العاصي لمن ذعـــرَهْ إذ كورت الشمس ذاك اليوم وانفطرت ** سماؤه ودّعت ويلٌ بــه الفجـــــــرَهْ وللسماء انشقاق و البــــروج خلت ** من طارق الشهب والأفلاك منتثـرَهْ فسبح اسم الذي في الخلق شفعــه ** وهل أتاك حديث الحــوض إذ نهّرَهْ ك الفجر في البلد المحروس عزتــه ** والشمس من نوره الوضاح مختصرَهْ والليل مثل الضحى إذ لاح فيه ألــمْ ** نشرح لك القول من أخباره العطرَهْ ولو دعا التين والزيتون لابتـــدروا ** إليه في الخير فاقــرأ تستبن خــبرَهْ في ليلة القدر كم قد حاز من شرف ** في الفخر لم يكن الانســان قد قدرَهْ كم زلزلت بالجياد العاديات لـــــــه ** أرض بقارعة التخــــويف منتشـرَهْ له تكاثــر آيـــــات قد اشتهــــــرت ** في كل عصر فويل للذي كفـــــــــرَهْ ألم تر الشمس تصديقا له حبست ** على قريش وجاء الدّوح إذ أمــــرَهْ أرايت أن إلــه العرش كرمــــــــــه ** ب كوثــر مرســل في حوضــه نهــرَهْ والكافرون إذا جاء الورى طردوا ** عن حوضه فلقــد تبّت يــد الكفـــرَهْ إخلاص أمداحه شغلي فكم فلِــــق ** للصبح أسمعت فيه الناس مفتخــرَهْ
Post: #1097 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-08-2008, 05:52 PM Parent: #1096
. ابتعد عن السموم البيضاء الثلاثه : السموم البيضاء هي الملح والسكر والدقيق الأبيض تجنبها قدر الإمكان فهي مضره بالتأكيد قلل من الملح قد الإمكان واستعض عن السكر بالعسل واستخدم الدقيق الأسمر بدل الأبيض.
. مضغ الخضار جيدا : ان مضغ الطعام جيدا يزيد من نسبة المواد الكيماوية المكافحة للسرطان التي تطلقها الخضراوات مثل البروكلي والملفوف والقرنبيط ...
. المشي يوميا : المشي اليومي لمدة نصف ساعة او ساعة يقلل من امكانية الاصابة بمرض السرطان بنسبة 18 % ويساعد على التخلص من 3 كيلو غرامات تقريبا في السنة ويحافظ على قوام الجسم ...
. الاكثار من تناول اللوز : يفضل تناول اللوز بين الوجبات اليومية وعند الشعور بالجوع فهي غنية بالعناصر المغذية التي قد يفتقر الها النظام الغذائي اليومي .
.إ ضافة القرفة على القهوة : ضع نصف ملعقة صغيرة من القرفة في فنجان القهوة اليومي حيث يسهم في خفض مستويات الكوليسترول في الدم ويساعد الجسم على استخدام الانسولين بفاعلية اكثر وبالتالي فهو مفيد جدا لمرضى السكري إذا داوموا عليه.
. لا داعي للعجلة والسرعة : لابد من اخذ الوقت عند القيام بالاعمال اليومية لتفادي التعرض لارتفاع ضغط الدم ...
. أضف نصف ملعقه صغيره من الحبه السوداء الى كوب لبن الزبادي خالي الدسم وتناول ذلك يوميا ان امكن .
. 3 حصص يومية من الخضار والفواكه : احرص على تناول الخضار والفواكه بمعدل 3 حصص يومية فبالامكان ان تخفف من خطر الاصابة بالنوبة القلبية بنسبة 70 % ..
. الثوم صيدليه عجيبه يقي من كثير من الأمراض : الثوم من اعجب الأدويه الطبيعيه لكثير من الأمراض ولكن بعد استعماله امضغ شيئ من الخضروات الخضراء مثل البقدونس حتى تزول رائحته ونظف فمك قبل الذهاب للمسجد
. المر افضل مضاد حيوي : المضادات الحيويه الكيماويه مضره جدا إذا اكثرت من استعمالها ولكن المر مفيد كمضاد حيوي وله فوائد أخرى كثيره وليس له اي مضار فأستخدموه عند الحاجه لمضاد حيوي تجدوه عند العطارين ومحلات التداوي بالأعشاب .
. احرص على متابعة نوع الشامة على الجلد : تشير الابحاث الى ان القدرة على ملاحظات التغيرات التي تطرأ على الشامات المختلفة على الجلد تزداد بنسبة 13% وان الحرص في ملاحظتها يجنب الاصابة بالسرطان
. نظافة الاسنان : احرص على تفادي ترطيب فرشاة الاسنان بالماء قبل وضع المعجون عليها حيث ان الفرشاة الجافة تزيد من امكانية التخلص من البلاك بنسبة 67 % .
. النوم بشكل افضل : تناول التفاح لمكافحة الارق والنوم بشكل عميق فالنوم يساعد على مكافحة الشيخوخة المبكرة والاحتفاظ ببشرة شبابية
. استخدم الخل دائما : الخل وخاصة خل التفاح من افود المواد للجسم وفوائده لاتحصى استخدموا ملعقه صغيره مع السلطه يوميا
. شرب الشاي الاخضر : ينصح بتناول كوب من الشاي الاخضر يوميا والذي يمنع التاكسد في خلايا الجسم ، ويخفف من امكانية حدوث السرطان ولنتائج افضل اشربوه مركزا بدون سكر.
. تناول السمك مرة في الاسبوع : على الرغم من ان الاختصاصين يوصون بتناول حص تين من السمك اسبوعيا ، الا ان تناول حصة واحدة يمكن ان تساعد على تحسين توازن المواد الكيميائية الدماغية ، والسمك مفيد لصحة القلب والدماغ ..
. حبة تفاح كل يوم تجنبك الطبيب : نصيحه قديمه ولكنها صحيحه فعلا التفاح مفيد جدا تعودوا على تناول تفاحه يوميا وسوف تلاحظون تحسنا في صحتكم
. الاكثار من تناول الفاكهه : تناول الفاكهه الطبيعية بين الوجبات حيث تساعد على الهضم وتخلص الجسم من السموم والشوائب ...
. زيت الزيتون صيدليه متكامله : زيت الزيتون من اغرب المواد الطبيعيه التي لها فوائد لاتحصى فحافطوا عليه يوميا شربا ودهانا.
. تناول قطعتين من الشوكولاته يوميا : حيث يؤكد الخبراء ان الشوكولاته تبعد عنك فقر الدم وتحسن المزاج ... (very important)
.. لا لحمل الاغراض الثقيلة : ابتعد عن حمل اي حقائب ثقيلة كي لا تؤثر على العمود الفقري او على طريقة الوقوف والسير بشكل سلبي .
.. الانتباه للون اللسان : يمكن للون اللسان ان يكون مؤشرا لمشكلات صحية لذا احرص على لونه واكتسابه لاي لون مختلف ، فاللون الابيض يدل على ضعف في جهاز المناعة واللون الاصفر يدل على الافراط في الطعام والشراب والاحمر في طرف اللسان يعتبر مؤشرا على الاجهاد النفسي .
.. التنزه خارج المنزل : التغير والخروج عن الروتين اليومي يساعد في رفع المعنويات والابتعاد عن التوتر والاكتئاب اذ يجب اعداد برنامج للتنزه خارج المنزل وزيارة الاهل والأقرباء والأصدقاء ...
.. نظافة الجسم والملابس : قد لا ترى بالعين المجردة ما يحمله جسمك او تحمله ملابسه من الميكروبات ولكن تغييرها ونظافتها يمنع الاصابة باي جراثيم وميكروبات خفيفة خاصة مع حرارة الطقس والنظافه من الإيمان.
Post: #1098 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-08-2008, 09:55 PM Parent: #1097
قال احدهم رأيت إعرابياً قد جاوز المائة وعشرون عاما فقلت له : ما أطال عمرك ؟؟ فقال : تركت الحسد فبقيت
Post: #1099 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-09-2008, 10:33 PM Parent: #1098
قال الحكيم قيس بن ساعدة الإيادي : أفضل المعرفة : معرفة الرجل نفسه .. وأفضل العلم : وقوف المرء عند علمه .. وأفضل المروءة : استبقاء الرجل ماء وجهه.
Post: #1100 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-09-2008, 10:35 PM Parent: #1099
النفس تجزع أن تكون فقيرة والفقر خير من غنى يطغيها
وغنى النفوس هو الكفاف فإن أبت فجميع مافي الأرض لا يكفيها
Post: #1101 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-10-2008, 07:39 PM Parent: #1100
غناء الدلــــــوكا غناء يقدح في القلوب الشوق يترك سامعه في حالة يمكن أن نسميها اللا وعي غناء الدلوكة كله.. رثاء ، حماس ، غزل ، وفخر جملة وتفصيلا حلو ونعشقه ونذوب عند سماعه طربا وترتجف له أواصرنا.
Post: #1102 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-10-2008, 08:05 PM Parent: #1101
Post: #1104 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-10-2008, 08:30 PM Parent: #1102
الكنينة الكنينة اسم لمرأة حقيقةً في شندي حلة المحطة تغنى بها الشاعر المطرب الجميل عليه رحمة الله ( ودالنزيها ) هو من قرية ساردية شمال مدينة شندي كان رجل معروف في شندي وضواحيها من حد البلد شمال لحد البلد جنوبا شرق الضفة وغربها.
له الكثير من الأغاني من اشاعره تغنى له الفنان الجميل وأبن شندي وقرية مويس ( علي إبراهيم اللحو ) ود الدماماب أباً والفدوساب أماً... يطربك علي اللحو عندما يتغنى بأغاني الدلوكا لانه متمكن في أدائها وكذلك جمال صوته يضفي الحنية والصفاء والروعة لتلك الأغاني .. ويجيد الترنم بماقطع يدخلها على الأغنية تزيد الجمال جمالاً مثلاُ : القوق قوق القمري القوق محاكيا صوت القمري قوقايا
* الكنينة الدارا أخمجيها
الدارة هي ساحة وسط مكان اللعبة ( الحفلة كما يحلو لأهل البندر ) أخمجيها اي جوطيها وأوقدي النيران في الحضور رجالا ونساءً بحلو ملبسك وجمال طلعتك البهية ولدانة ميلان جسمك في الرقص
* الروبا تليها اي اسدلي في رقصك الشعر الطويل وأتركي له عنان الحرية والرهيفا التنقد
* خلق الله أنجضيها ولعي في الخلق اللذين حضروا اللعبة لحد ما يستوو مشدوهين من الجمال وحلو الحركة رقصا وميلانا
Post: #1103 Title: Re: هونوو شوية.... وصلو علي النبي .... إستراحة أيها المحاربون Author: سمية الحسن طلحة Date: 01-10-2008, 08:26 PM Parent: #1101
نحنا جدودنا فُرساناً بصادمو الخيـل ونحنا دروبنا للكايسين مشيها تقيل ممنوعين فوق شـوارع الحِطّة مابنْمِيل ومجبورين على الدَبَرة أم وعايـة نشيـل
الفنجري
Post: #1105 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-10-2008, 08:41 PM Parent: #1103
Quote: نحنا جدودنا فُرساناً بصادمو الخيـل ونحنا دروبنا للكايسين مشيها تقيل ممنوعين فوق شـوارع الحِطّة مابنْمِيل ومجبورين على الدَبَرة أم وعايـة نشيـل
البشيل فوق الدبر مابميل ريحانة البطانة سلااام يا الملكة سلااام زيارة في كل صفحة هذا لا يرضينا ولا يكفينا أبدا لولا خوفنا أن نشقي عليك لطلبنا حضورك في اليوم عقب كل صلاة لكن أوعدينا أن لا تطيلي الغيبة علينا الحنين لحلو حديثك يتناثر علينا كما الدرر الثمان شعرا ونثرا يا ما من ملكك المولى ناصية الكلم ولا حسدا منا في ذلك بل نفخر بك يا ملكة.
انت حكمة.. انت آية.. ولا إنسان.. انت صاحي ولا نايم ولا طرفك من طبعه نعسان انت راحى انت روحي انت إنسان عيني يا صاحي وانت إحسان انت نادي انت هادى انت ميسان انت ظافر انت ضافر اسود وفرسان انت شادن انت لادن انت فتان انت ضامر انت سامر انت هتان انت نادر انت ناضر انت بستان انت صافى انت نافى زور وبهتان يا حياتى ويا مماتي هاك سطران الصبابة ومر عذابها وقلبي أقران انت ساهي انت لاهي انت بطران في دلالك في جلالك يا سامي وكران ياصفاى ويا وفاى هاك برهان عن غرامي وطول هيامي السابنى ولهان عزّ قربك.. أما بعدك مالو لي هان قلبي خافق هل توافق قدري ينهان ياحبيبى كن طبيبي امرى حيران طول نهاري ثم ليلى ساهي سهران طال عذابي وصاح غرابي جوى عكران دمعي هامي وشوقي نامي وفرشي نيران انت حالي انت عالى انت سلطان انت ساطع وانا ساجع بى غناك طان طال انينى وفاق حنيني الحان لأوطان والبلومنى فى هواك ياسيدى غلطان . ..............................................
ابوهاشم .
Post: #1107 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-11-2008, 07:35 PM Parent: #1106
يا ريح الصبا الجيتينا من أبوسالف وكيف حال خيولاً سيدا عابد وكالف أنا الخلاني فوق نيران جهنم خالف حار بي الحيل فراق الزول بعد مايوالف
الفراق قطعة من نار مهما كان فراق الأرض .. فراق الصحب .. فراق الجار .. فراق الأهل .. فراق الوالدين والأخوان .. فراق الزوج والولد ودا الحار بي الحيل وبالذات لما تكون الإلفى يديدن حياتهم
جربتّا فراقّم وقلبي إنكوى
الله لا فرق بين حبيبين قولوا آميـــــن
نحن قلناها آميــــــــــــــــــــــــــن
Post: #1108 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-12-2008, 06:35 PM Parent: #1107
ماني الكمكري في حر الكي بجي أنا ودالمك علي فخر أولاد نمر
خِربت عامرا تب في لدغّا بي الكدوس جِدو الباشا واقف وليمة الضيوف تورا ما تني طفاي نار المجوس أنا ودالمك علي حوافر الخيل بدوس
الكائن يكون والكائن بقى في عز دار جعل في الراس بطربّقا ما بقبل عوج كدي كي بطبقّا أنا ود المك علي عين حاسدي بقلقّا
ماق قالولو هِج فزعوهو تور بقر كوّع في ام عجاج مدغوش ماأنحدر سوّا اللوم بِدع في الغافل إنستر أنا ودالمك علي بسقي المر عكر
Post: #1109 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-13-2008, 01:33 PM Parent: #1108
There was a one hour interview on CNBC with Warren Buffet, the second richest man who has donated $31 billion to charity. Here are some very interesting aspects of his life:
كانت هناك مقابلة استغرقت ساعة زمن على قناة ان بي سي الامريكية مع ثاني اغنى رجل في العالم 'وورين بفت ' والذي تبرع بمبلغ 31 بليون دولار من ثروته لأمور خيرية ، وهنا بعض من مظاهر حياته وفيها دروس للاستفادة وخصوصا لأاصحاب النفوذ والملايين في بلاد المسلمين :
1. He bought his first share at age 11 and he now regrets that he started too late!
اشترى اول سهم مالي عندما كان عمره 11 سنة ، والآن يأسف بأنه ابتدأ متأخر جدا !!!
2. He bought a small farm at age 14 with savings from delivering newspapers.
اشترى مزرعة صغيرة في سن الرابعة عشرة من ادخاره في توزيع الجرائد اليومية !!!
3. He still lives in the same small 3-bedroom house in mid-town Omaha, that he bought after he got married 50 years ago. He
says that he has everything he needs in that house. His house does not have a wall or a fence.
لازال يقيم في نفس بيته الصغير المكون من ثلاث غرف في وسط بلدة اوماها ، والذي اشتراه عقب زواجه قبل 50 عام. ويقول بأن لديه كل مايحتاجه في ذلك المنزل والذي لايوجد به جدار خارجي او سور ...
4. He drives his own car everywhere and does not have a driver or security people around him.
اعتاد ان يقود سيارته بنفسه حيثما يريد وهو لايوجد لديه سائق او رجال امن يحرسونه.
5. He never travels by private jet, although he owns the world's largest private jet company.
لم يسافر ابدا بطائرة خاصه بالرغم من انه يملك اكبر شركة طيران خاصة بالعالم
6. His company, Berkshire Hathaway, owns 63 companies. He writes only one letter each year to the CEOs of these companies, giving them goals for the year. He never holds meetings or calls them on a regular basis. He has given his CEO's only two rules. Rule number 1: do not lose any of your share holder's money. Rule number 2: Do not forget rule number 1.
تملك شركته 63 شركة وكل مايفعله هو كتابة رساله واحده سنويا للتنفيذيين في تلك الشركات يحدد لهم الاهداف للسنة. لم يعقد ابدا اجتماعات او يجري مكالمات انتظامية . قاعدتان فقط يعطيها لاولئك المسؤولين. القاعدة الاولى: لاتفرط ابدا في شريكك المالي ، والقاعدة الثانيه: لاتنسى ابدا القاعدة الاولى.
7. He does not socialize with the high society crowd. His past time after he gets home is to make himself some popcorn and watch Television.
لايشارك اجتماعيا مع حشـود المجتمع الراقي . كان فيما مضى من عمره بعد العودة لمنزله يعمل لنفسه الفشار ويشاهد التلفاز.
8. Bill Gates, the world's richest man met him for the first time only 5 years ago. Bill Gates did not think he had anything in common with Warren Buffet. So he had scheduled his meeting only for half hour. But when Gates met him, the meeting lasted for ten hours and Bill Gates became a devotee of Warren Buffet.
بل غيتس ، اغنى رجل في العالم، قابله لأول مره قبل خمس سنوات ولم يكن يتوقع بوجود شيء مشترك بينه وبين وورن بفت، لذلك حدد المقابلة بنصف ساعة فقط. ولكن عندما قابله، استمرت المقابله لعشر ساعات ومن يومها اصبح بل غيتس شديد التعلق بوورن بفت .
9. Warren Buffet does not carry a cell phone, nor has a computer on his desk.
وورن بفت لايحمل الهاتف الجوال ولا وجود للكمبيوتر على طاولته
His advice to young people: ' Stay away from credit cards ' and invest in yourself and Remember:
نصيحته للشباب ' ابتعد عن البطاقات الائتمانية ' واستثمر في ذاتك وتذكر الآتي:
A. Money doesn't create man but it is the man who created money.
المال لايصنع الرجل بل الرجل هو الذي يصنع المال
B. Live your life as simple as you are.
عش حياتك بكل بساطة وعفوية
C. Don't do what others say, just listen to them, but do what you feel good.
لاتفعل مايقوله الآخرون ، فقط استمع اليهم ولكن اعمل ماتراه حسنا.
D. Don't go on brand names; just wear those things in which u feel comfortable.
لاتنجرف وراء الاسماء التجاريه، البس تلك الاشياء التي تشعر معها بالارتياح
E. Don't waste your money on unnecessary things; just spend them on who are really in need, rather.
لاتضيع نقودك في الاشياء الغير ضروريه، فقط انفقهم على المحتاجين حقيقة.
F. After all it's your life then ' why do we give a chance to others to rule our lives. '
اجمالا، هي حياتك ، فلماذا نعطي الاخرين الفرصة ليحكموا معيشتنا.
Post: #1110 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-14-2008, 08:25 PM Parent: #1109
.
Post: #1111 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-14-2008, 08:35 PM Parent: #1110
فكر العلماء كثيراً وفكروا..لما القرد يأكل موز !
ولما القرد دائماًً نشيط؟؟!! ولا يجلس بالأرض,بس ينقز من شجرة إلى أخرى؟؟!!
أجروا التجارب التجربة تلو الأخرى على القرد و موزه...إلى أن توصلوا إلى حقائق عجيبة عن الموز...
حسد العلماء القرد,, وجربوا الموز على الإنسان.وكان العجب العجاب... فوجدوا:---
أنّ يحتوي الموز على ثلاثة سكريات طبيعية - سكروز وسكر الفواكه والجلوكوز، مع الألياف بالطبع، يمنحنا الموز دفعة كبيرة وثابتة وفورية من الطاقة. حيث أثبت بحث علمي بأن موزتان فقط يمكنهما أن يزودان طاقة كافية للقيام بتمرين رياضي لمدة 90 دقيقة. فلا عجب أن يكون الموز الفاكهة الأولى للرياضيين البارزين. ولكن الطاقة ليست هي كل ما يقدمه الموز، فالموز يمنحنا النشاط والصحة. ويساعدنا على التغلب على عدد كبير من الأمراض لذلك يجب إضافته دائما.
الكآبة:
وفقاً لدراسة جديدة، على أشخاص مصابين بالكآبة، شعر الكثيرون بالتحسن بعد تناولهم الموز، حيث يحتوي الموز على ترايبتوفان، نوع من البروتين الذي يحوله الجسم إلى سيروتنيوم، الذي يمنح الجسم الراحة والاسترخاء، ويحسن المزاج، ويجعلك تشعر بالسعادة.
فقر الدم:
يحتوي الموز على مستويات عالية من الحديد، كما يقوم الموز بتحفيز إنتاج الهيوغلوبين في الدم وكذلك يساعد على علاج فقر الدم.
ضغط الدمّ:
هذه الفاكهة الاستوائية الفريدة عالية جداً بالبوتاسيوم ولكنه منخفض بالملح، مما يجعله مثالي لمكافحة ضغط الدم.
تحفيز قدرة الدماغ:
في دراسة شملت 200 طالب، تم إعطائهم الموز في وجبة الإفطار، والفسحة، والغداء، لتحفيز قدرة الدماغ. فأثبتت الدراسة بأن الفاكهة الغنية بالبوتاسيوم، تقوم بتحفيز القدرة الدماغية عند الطلاب للتعلم أكثر.
الإمساك:
يحتوي الموز على مستوى عالي من الألياف، لذلك فأن إدخاله في الحمية الغذائية يساعد على إعادة عمل الأمعاء الطبيعي، كما يساعد على التغلب على المشكلة دون اللجوء إلى أدوية مسهلة.
الحموضة المعوية:
للموز تأثير طبيعي معدّل للحموضة في الجسم، وينصح بتناول الموز للتخلص من الحموضة.
غثيان الصباح:
خبر سار للحوامل، لا غثيان في الصباح مع الموز، يعمل الموز على تهدئة المعدة، وبث السرور في الجسم، كما يغذي الطفل.
عضات البعوض:
قبل أن تفكري في الكريمات والمراهم، هناك طريق أسهل وأفضل، افركي عضات البعوضة بالجلدة الداخلة البيضاء للموزـ التي تعمل على تخفيف التورم والاحمرار.
الأعصاب:
لأن الموز غني بفيتامينات مجموعة ب التي تساعد على تهدئة النظام العصبيَ
زيادة الوزن والعمل:
وجدت دراسات قام بها معهد علم النفس في النمسا بأن ضغط العمل يؤدي إلى التهام أطعمة مهدئة مثل الشوكولا ورقائق البطاطس. حيث وجدت بأن سبب بدانة أكثر من 5,000 موظف كانت على الأرجح بسبب ضغط العمل. ولتفادي شهوة تناول الطعام ، نحتاج للسيطرة على مستويات السكر في الدم عن طريق تناول وجبات خفيفة عالية بالكربوهيدرات والفيتامينات المغذية، كل ساعتان، فكان الموز الفاكهة الأكثر ملائمة لمنع البدانة.
قرحة المعدة:
يستخدم الموز لعلاج الاضطرابات المعوية بسبب قوامه الناعم. ويعتبر الموز الفاكهة النيئة الوحيدة التي يمكن أن تؤكل دون ضِيق في الحالات المرضية. حيث يحيد حموضة المعدة ويخفف التهاب بطانة المعدة.
السيطرة على درجة الحرارة:
تعتقد العديد من الثقافات بأن الموز يستطيع
خفض درجة حرارة الجسم الطبيعية، والعاطفية للأمهات الحوامل. وفي تايلاند، تأكل النساء الحوامل الموز لضمان ولادة الطفل في درجة حرارة معتدلة.
الإضرابات العاطفية الموسمية (الحزن):
يساعد الموز على التخفيف من أعراض الاضطرابات العاطفية الموسمية بسبب توفر مادة التربوتوفان به.
التدخين:
يمكن أن يساعد الموز الأشخاص الذين يحاولون الإقلاع عن التدخين. لاحتوائه على فيتامينات ب 6, وب 12، بالإضافة إلى البوتاسيوم، والمغنيسيوم، كما يساعد الجسم على التعافي من تأثيرات انسحاب النيكوتين
الإجهاد:
البوتاسيوم معدن حيوي، يساعد على جعل نبض القلب متوازناً، ويحفز إرسال الأكسجين إلى الدماغ كما ينظم توازن الماء في الجسم. عندما نكون مرهقين، فإن مستوى الأيض يرتفع، مما يخفض مستويات البوتاسيوم. ويمكن إعادة توازن الجسم بتناول الموز الغني بالبوتاسيوم.
الدورة الشهرية:
انسى الحبوب المهدئة، وتناولي الموز قبل وخلال الدورة الشهرية، لأنه يعمل على تنظيم مستويات الجلوكوز في الدم، الأمر الذي يحسن المزاج و يمدك فيتامين ب6 ويهدئ الألم.
السكتات:
وفقاً لبحث في "مجلة نيوإنجلند الطبية، "فإن تناول الموز كجزء من حمية منتظمة يمكن أن يقلل خطر الموت بالسكتة بنسبة 40%.
وهكذا فالموز غذاء كامل متكامل، وعند مقارنته بالتفاح، فالموز يحتوي على 4 مرات أكثر بروتين، ومرتان أكثر كربوهيدرات، و3 مرات أكثر فسفور، وخمس مرات أكثر فيتامين أ وحديد، ومرتان أكثر فيتامينات، ومعادن، كما أنه غني بالبوتاسيوم. لذلك فقد يكون الوقت لاستبدال المثل القائل: تفاحة في اليوم تبعدك عن الطبيب، إلى موزة في اليوم وصحة على الدوم.
والله ما نلوم القرد لما تكون حياته كلها موز في موز...
لما القرد دائماًً نشيط؟؟!! ولا يجلس بالأرض,بس ينقز من شجرة إلى أخرى؟؟!! أجروا التجارب التجربة تلو الأخرى على القرد و الموزه...إلى أن توصلوا إلى حقائق عجيبة عن الموز...
حسد العلماء القرد,, وجربوا الموز على الإنسان.وكان العجب العجاب... فوجدوا:---
أنّ يحتوي الموز على ثلاثة سكريات طبيعية - سكروز وسكر الفواكه والجلوكوز، مع الألياف بالطبع، يمنحنا الموز دفعة كبيرة وثابتة وفورية من الطاقة. حيث أثبت بحث علمي بأن موزتان فقط يمكنهما أن يزودان طاقة كافية للقيام بتمرين رياضي لمدة 90 دقيقة. فلا عجب أن يكون الموز الفاكهة الأولى للرياضيين البارزين. ولكن الطاقة ليست هي كل ما يقدمه الموز، فالموز يمنحنا النشاط والصحة. ويساعدنا على التغلب على عدد كبير من الأمراض لذلك يجب إضافته دائما.
الكآبة:
وفقاً لدراسة جديدة، على أشخاص مصابين بالكآبة، شعر الكثيرون بالتحسن بعد تناولهم الموز، حيث يحتوي الموز على ترايبتوفان، نوع من البروتين الذي يحوله الجسم إلى سيروتنيوم، الذي يمنح الجسم الراحة والاسترخاء، ويحسن المزاج، ويجعلك تشعر بالسعادة.
فقر الدم:
يحتوي الموز على مستويات عالية من الحديد، كما يقوم الموز بتحفيز إنتاج الهيوغلوبين في الدم وكذلك يساعد على علاج فقر الدم.
ضغط الدمّ:
هذه الفاكهة الاستوائية الفريدة عالية جداً بالبوتاسيوم ولكنه منخفض بالملح، مما يجعله مثالي لمكافحة ضغط الدم.
تحفيز قدرة الدماغ:
في دراسة شملت 200 طالب، تم إعطائهم الموز في وجبة الإفطار، والفسحة، والغداء، لتحفيز قدرة الدماغ. فأثبتت الدراسة بأن الفاكهة الغنية بالبوتاسيوم، تقوم بتحفيز القدرة الدماغية عند الطلاب للتعلم أكثر.
الإمساك:
يحتوي الموز على مستوى عالي من الألياف، لذلك فأن إدخاله في الحمية الغذائية يساعد على إعادة عمل الأمعاء الطبيعي، كما يساعد على التغلب على المشكلة دون اللجوء إلى أدوية مسهلة.
الحموضة المعوية:
للموز تأثير طبيعي معدّل للحموضة في الجسم، وينصح بتناول الموز للتخلص من الحموضة.
غثيان الصباح:
خبر سار للحوامل، لا غثيان في الصباح مع الموز، يعمل الموز على تهدئة المعدة، وبث السرور في الجسم، كما يغذي الطفل.
عضات البعوض:
قبل أن تفكري في الكريمات والمراهم، هناك طريق أسهل وأفضل، افركي عضات البعوضة بالجلدة الداخلة البيضاء للموزـ التي تعمل على تخفيف التورم والاحمرار.
الأعصاب:
لأن الموز غني بفيتامينات مجموعة ب التي تساعد على تهدئة النظام العصبيَ
زيادة الوزن والعمل:
وجدت دراسات قام بها معهد علم النفس في النمسا بأن ضغط العمل يؤدي إلى التهام أطعمة مهدئة مثل الشوكولا ورقائق البطاطس. حيث وجدت بأن سبب بدانة أكثر من 5,000 موظف كانت على الأرجح بسبب ضغط العمل. ولتفادي شهوة تناول الطعام ، نحتاج للسيطرة على مستويات السكر في الدم عن طريق تناول وجبات خفيفة عالية بالكربوهيدرات والفيتامينات المغذية، كل ساعتان، فكان الموز الفاكهة الأكثر ملائمة لمنع البدانة.
قرحة المعدة:
يستخدم الموز لعلاج الاضطرابات المعوية بسبب قوامه الناعم. ويعتبر الموز الفاكهة النيئة الوحيدة التي يمكن أن تؤكل دون ضِيق في الحالات المرضية. حيث يحيد حموضة المعدة ويخفف التهاب بطانة المعدة.
السيطرة على درجة الحرارة:
تعتقد العديد من الثقافات بأن الموز يستطيع
خفض درجة حرارة الجسم الطبيعية، والعاطفية للأمهات الحوامل. وفي تايلاند، تأكل النساء الحوامل الموز لضمان ولادة الطفل في درجة حرارة معتدلة.
الإضرابات العاطفية الموسمية (الحزن):
يساعد الموز على التخفيف من أعراض الاضطرابات العاطفية الموسمية بسبب توفر مادة التربوتوفان به.
التدخين:
يمكن أن يساعد الموز الأشخاص الذين يحاولون الإقلاع عن التدخين. لاحتوائه على فيتامينات ب 6, وب 12، بالإضافة إلى البوتاسيوم، والمغنيسيوم، كما يساعد الجسم على التعافي من تأثيرات انسحاب النيكوتين
الإجهاد:
البوتاسيوم معدن حيوي، يساعد على جعل نبض القلب متوازناً، ويحفز إرسال الأكسجين إلى الدماغ كما ينظم توازن الماء في الجسم. عندما نكون مرهقين، فإن مستوى الأيض يرتفع، مما يخفض مستويات البوتاسيوم. ويمكن إعادة توازن الجسم بتناول الموز الغني بالبوتاسيوم.
الدورة الشهرية:
انسى الحبوب المهدئة، وتناولي الموز قبل وخلال الدورة الشهرية، لأنه يعمل على تنظيم مستويات الجلوكوز في الدم، الأمر الذي يحسن المزاج و يمدك فيتامين ب6 ويهدئ الألم.
السكتات:
وفقاً لبحث في "مجلة نيوإنجلند الطبية، "فإن تناول الموز كجزء من حمية منتظمة يمكن أن يقلل خطر الموت بالسكتة بنسبة 40%.
وهكذا فالموز غذاء كامل متكامل، وعند مقارنته بالتفاح، فالموز يحتوي على 4 مرات أكثر بروتين، ومرتان أكثر كربوهيدرات، و3 مرات أكثر فسفور، وخمس مرات أكثر فيتامين أ وحديد، ومرتان أكثر فيتامينات، ومعادن، كما أنه غني بالبوتاسيوم. لذلك فقد يكون الوقت لاستبدال المثل القائل: تفاحة في اليوم تبعدك عن الطبيب، إلى موزة في اليوم وصحة على الدوم.
والله ما نلوم القرد لما تكون حياته كلها موز في موز... القرد بس طلع حريف وفاهم لعبة الموز
Post: #1112 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-15-2008, 09:50 PM Parent: #1111
يقال أن الرقم سبعه يملك طاقة في حدا ذاته
موضوع جميل يستحق الوقوف عنده
للتدبر والتفكر والتمعن وان كان يميل
إلى الإعجاز ولكنه يستحق الوقوف عنده
أبواب النار 7
عجائب الدنيا 7
رؤيا ملك مصر 7
يؤمر الفتى بالصلاة عند سن السابعة
الطواف حول الكعبة 7
السعي بين الصفا والمروة 7
عدد آيات الفاتحة 7
عدد الجمرات 7
عدد البحار 7
المعادن الرئيسية في الأرض 7
العلم يتوصل إلى 7 أنواع أساسية من النجوم.
ويتوصل أيضا إلى 7 مستويات مدارية للإلكترون...... تلك ال7 مستويات حول النواة.
وتوصل العلم ل7 ألوان للضؤ المرئي والى 7 إشعاعات للضؤ الغير مرئي................ ...!!
وكذلك 7 أطوال لموجات تلك الإشعاعات.
توصل العلم أيضا إلى أن الإنسان يتكون من 7 ...فهو يتكون من
ذرة+جزيئه+جين+كروموس وم+خلية+نسيج+عضو
مضاعفة الحسنة في 7 سنابل.
مواضع السجود في القرآن سبعة.
تكبيرة العيدين سبع تكبيرات .
في الحج نطوف 7 مرات حول الكعبة..ونسعى 7 أشواط..ونرمي الجمار 7 مرات
وفي كل مرة نرمي 7 جمرات
ألوان الطيف الرئيسية سبعة
وعدد أيام الأسبوع سبعه
ودورة القمر حول الأرض أربع سبعات ( 28 يوما )
عدد قارات العالم 7
لماذا السلم الموسيقي سبع نغمات ؟
لماذا نحتفل باليوم السابع لمولد الطفل (السبوع)؟
لماذا صارت ألوان قوس قزح سبعة؟
ذكر في القرآن السماوات السبع
السنابل السبع
البقرات السبع
في المسيحية نجد الأسرار السبع
في اليهودية نجد الطبقة السابعة من شجرة الحياة <نتزاخ>
سبعه يظلهم الله بظله يوم لاظل إلا ظله :
1- الإمام العادل. < BR> 2- شاب نشأ في عبادة الله .
3- رجل قلبه معلق بالمساجد .
4- رجلان تحابا في الله.. اجتمعا عليه وافترقا عليه .
5- رجل دعته امرأة ذات منصب وجمال قال إني أخاف الله.
6- رجل تصدق بصدقه فأخفاها .. حتى لا تعلم يمينه ما أنفقت شماله .
يا خالد على لك مودتى وكل سنة وانت طيب وزى ما قال اخونا ابو الحسين.. نضم جميل بالحيل ...وفعلا استراحة فوق رملة.. بس ما قادر اقول رملة باردة عشان نحن قاعدين فى بلدا عجم ودرجة البرودة 40 درجة تحت الصفر...وازيار الموية تقول جب..جب..جب..والله خليتنا نقعد بالساعات نقرا فى نضمك الجميل ده .. لانو دى اول مرة اقرا العنوان وقلت بسم الله ودخلت وما قدرت امرق من البوست الا بعد ساعتين عشان استريح وارجع.. اه بعد الشغل بجى صادى واتم باقى الموضوع السر
Post: #1114 Title: Re: هونوو شوية.... وصلو علي النبي .... إستراحة أيها المحاربون Author: خالد علي محجوب المنسي Date: 01-15-2008, 10:22 PM Parent: #1113
Quote: يا خالد على لك مودتى وكل سنة وانت طيب وزى ما قال اخونا ابو الحسين.. نضم جميل بالحيل ...وفعلا استراحة فوق رملة.. بس ما قادر اقول رملة باردة عشان نحن قاعدين فى بلدا عجم ودرجة البرودة 40 درجة تحت الصفر...وازيار الموية تقول جب..جب..جب..والله خليتنا نقعد بالساعات نقرا فى نضمك الجميل ده .. لانو دى اول مرة اقرا العنوان وقلت بسم الله ودخلت وما قدرت امرق من البوست الا بعد ساعتين عشان استريح وارجع.. اه بعد الشغل بجى صادى واتم باقى الموضوع السر
سموك السر قطع شك سر الختم نضمنا إكتسب الجمال وأستشفه من جمال روحكم الجميلة يا عزيزي السر عبدالله يا حليل قعدات الخريف التحت التبلديات حليلك وانت تشدو والسحب مارات
يا حليلنا منها يا السر قعدات الرملة الباردِي بعد رشاش كان بقى بي خرتوش ولا بي مطر الله .. نتفن ونقول ونعيد في حكاوي يحلو بها السمر يا حليل الأيام المضت والمضى مابعود