سحابات الفرح

سحابات الفرح
شاذلى جعفرشقَّاق


سحابات الفرح تقْدِلْ

ترُشْ بالبهجة ساحاتنا

حمامات السَّمِح تهْدِلْ

تَهِزْ بالفال بشاراتنا

زغاريد المَرَح تشتِلْ

حروف الإلفة بيناتنا

وكلُّ دروبنا بتْوصِّلْ

وكلَّ الكون براحاتنا !
***
صباحك يا حبيب ناضرْ

قوافى عِشِقْنا غنَّايات

وليلك يا سمير سافِر

نجوم حفلتنا ضوَّايات

حلاة الجرتِق العامِر

حلاة شبَّال كُباريَّات

حبابو الـ كان حلم باكر

وعقبال لينا بالجايات

Quote: سحابات الفرح تقْدِلْ ترُشْ بالبهجة ساحاتنا حمامات السَّمِح تهْدِلْ تَهِزْ بالفال بشاراتنا زغاريد المَرَح تشتِلْ حروف الإلفة بيناتنا وكلُّ دروبنا بتْوصِّلْ وكلَّ الكون براحاتنا ! *** صباحك يا حبيب ناضرْ قوافى عِشِقْنا غنَّايات وليلك يا سمير سافِر نجوم حفلتنا ضوَّايات حلاة الجرتِق العامِر حلاة شبَّال كُباريَّات حبابو الـ كان حلم باكر وعقبال لينا بالجايات

كلمات تستحق حنجرة خدر وعوده
نرشح غايتو

Quote: سحابات الفرح تقْدِلْ ترُشْ بالبهجة ساحاتنا حمامات السَّمِح تهْدِلْ تَهِزْ بالفال بشاراتنا زغاريد المَرَح تشتِلْ حروف الإلفة بيناتنا وكلُّ دروبنا بتْوصِّلْ وكلَّ الكون براحاتنا ! *** صباحك يا حبيب ناضرْ قوافى عِشِقْنا غنَّايات وليلك يا سمير سافِر نجوم حفلتنا ضوَّايات حلاة الجرتِق العامِر حلاة شبَّال كُباريَّات حبابو الـ كان حلم باكر وعقبال لينا بالجايات

كلمات تستحق حنجرة خدر وعوده
نرشح غايتو

أحييك يا قمر

واحى حنجرة خدر

يا ريت .. ما تقول طازة ؛ وليدة حنَّة نهارية ..

شكرا

اي والله قريت في بوست مجاور انك عريس والله
الف مبروك مقدما ولو السكة اتسهلت بنجي نبارك ليك
بيت مال وعيال

الله يبارك فيك يا حبيب

كأنِّى بك والله .. ربنا يجعل أيامك كلَّها سعادة

شكرى

أدام الله عليك الفرح أيها الشاعر
وربنا يتمم ليكم على خير
وبيت حب ومال وعيال


مشاكسة:
ترى ما سيكون عليه حال الشعر
بعد أن تدلف سحابات الفرح
في أزقة هات والأولاد والبنات؟


دمت زاخرا

شكرا الحبيب بلَّه

وربنا يجعل أيامك كلها أفراح

سيظل الشِّعْر يبشم من الحياة ومتلازماتها ما بقيتْ ..

وإنَّ تقافز مراحلها وتطورها الطبيعى لا يزيده إلاَّ درْبةً

وحِنْكةً لمقارعة البيان ؛ إذ أنَّها تجاريب تصبُّ فى الطاقة الفنيَّة ..

يعنى (مباصرة ) الحياة و (ومعافرة ) المعيشة (الكسرة والملاح) فى منا ده !!!

ودوشه الشفَّع ما ظنيتا تحوش مارد الشعر من قِدَّام . والله أعلم

شكراً جزيلاً