Post: #1
Title: سؤال للأخ سجيمان
Author: shazaly gafar
Date: 03-12-2005, 11:39 AM
لدى قناعة ان بوستات الرائع سجيمان هى شجرة نلقى عندها رحالنا ونتفيأ ظلها( الوهيط)فى الزمن الهجير بعد ان (نعلِّق على احد فروعها جُراب الصبُر المليان غُلُب).
وذلك لانه صاحب خيال خصيب ومقدرة فائقة فى رسم الابتسامة رغم تكشيرة الواقع وانتزاع الضحكة من عمق العويل,كل ذلك فى اسلوب ساخر يحمل بين طياته قضايا حية.
ولانى رأيته فى أكثر من موضع يُلبس الغنماية احاسيس وخصال الآدميين فى كوميديا جميلة وددت ان اسأله :
ليه الغنماية عندها دِقِن؟؟؟
كلما امر على غنماية وهى تمارس الامومة او الانوثة -دون حياء-طق تقع عينى على لحيتها
وكذلك اذا انتقلنا الى(الكَدَسة)نلقى (الشنب المو خمج)قاسم مشترك بين الكديس والكديسة
ليه يا دكتور علمياً او كوميدياً
تحياتى
|
Post: #2
Title: Re: سؤال للأخ سجيمان
Author: سجيمان
Date: 03-12-2005, 12:30 PM
Parent: #1
بسم الله الرحمن الرحيم...وصلي الله علي سيدنا محمد
اما بعد
سوعالك او اسعلتك... عن دقن الغنماية وشنب الكديسة.....الغنماية والكديسة اناتي ومفروض في نظرنا نحن البشر.... الما عندنا راس.. يكونن جميلات وفي غاية الرقة بمقايسنا......لكن يا اخي الشاذلي للحيوانات معاير ومقايس تختلف......اكنك يوم عاين لي تيس وهو يغازل غنماية.....اصلو ما بيعاين لي وشيها كلو كلو...تلقاهو ماشي وراها.... ويلبلب ويمد لسانو.... هل تعلم ان اناتي الغنم تعشق التيس صاحب اللسان الطويل؟....والصوت الجهوري....؟.... اي نعم....التيس ينظر للغنماية ككل.....ولا يجزئها ابدا دا اسمو العشق الكلي........ لانو لو قعد يقسم فيها... يقوم ينسى ربع ولاّ تلت منها....والرماد يكيلو.. وقس على ذلك بقية البهائم....اما الشنب في الكديسة والكديس ليس له علاقة لا من بعيد ولا من قريب بالعشق والجنس..... الشنب اساسا خلق لمعشر الكدايس عشان يكلكلو الفئران بيهو....والفار يكلكلوهو قلبو يتقطع من الخوف....والخوف يفرز انزيمات تجعل لحم الفار طيب المذاق تشتهيه الانفس.........
|
Post: #3
Title: Re: سؤال للأخ سجيمان
Author: saif massad ali
Date: 03-12-2005, 12:56 PM
Parent: #2
| Quote: ..اكنك يوم عاين لي تيس وهو يغازل غنماية.....اصلو ما بيعاين لي وشيها كلو كلو...تلقاهو ماشي وراها.... ويلبلب ويمد لسانو.... هل تعلم ان اناتي الغنم تعشق التيس صاحب اللسان الطويل؟....والصوت الجهوري....؟ |
سجيمان شكيتك علي الله كتلتني بالضحك اها منعوني النت في الشغل , جبت لي هواء راسو عديل التيس ده فرنسي ولا سويدي
|
Post: #4
Title: Re: سؤال للأخ سجيمان
Author: shazaly gafar
Date: 03-12-2005, 01:47 PM
Parent: #2
سجيمان اخوى
شكراً على الرد الجميل الذلا يعجز عنه راعى (معزة) متخصص
ومعزرة لانفرادى بهذه المادة التى تنسى الهموم
هسَّع كان هسَّع كان كتبتها فى بوستك شوفها كان تضحك كم من الناس
| Quote: اكنك يوم عاين لي تيس وهو يغازل غنماية.....اصلو ما بيعاين لي وشيها كلو كلو...تلقاهو ماشي وراها.... |
عشان كدى قالوا الفحل مو عوَّاف مو ياهو؟؟
| Quote: اي نعم....التيس ينظر للغنماية ككل.....ولا يجزئها ابدا دا اسمو العشق الكلي........ |
عشق الحيوانات ده موجود يعنى عشان كدى قال الشاعر:
احبها وتحبنى ويحب ناقتها بعيرى
واحد تانى مشوكش زيى كدى قال:
ياليت كل اثنين يجمع بينهما هوىً من الناس أو الانعام يلتقيان
اشكرك تانى
|
Post: #5
Title: Re: سؤال للأخ سجيمان
Author: سجيمان
Date: 03-12-2005, 02:01 PM
Parent: #4
شاذلي
ما سمعت بالحوت.... كان مرتو ماتت ... ينتحر ويلحقا
والناس لو مرتو ماتت وهو في المقابر ...يفكر في العوض
|
Post: #6
Title: Re: سؤال للأخ سجيمان
Author: shazaly gafar
Date: 03-12-2005, 02:11 PM
Parent: #5
أى والله صدقت آخوى
لكن الوفاء ده اصلو باقيلك هيل الحيوانات
ما سمعت العربى قال شنو:
انت كالكلب فى وفاء العهود وكالتيس فى اختراق الخطوب
|
|