Post: #1
Title: كوز يبيع معونات اهل غزة
Author: دوت مجاك
Date: 06-04-2009, 11:14 AM
Parent: #0
تبرعوا لاخوتكم فى غزة
تبرع بالدم لاهلك فى غزة
ساعد اهلك فى غزة
نقف مع اهل عزة فى محنتهم الانسانية
ولكن
ان يكون اهل غزة مطية لتحقيق اهداف شخصية هذا لا يقبله ضمير اى انسان حى
ان تاكل مال الاخرين باسم الضعفاء والمنكوبين هذا لا يفعله حتى الشياطين انفسهم
ولكن هذا يحدث فى السودان
بالامس فقط انكشف ان معظم التبرعات التى تبرع فيها السوانيين لاهلهم فى غزة لم تذهب كلها
بالامس بعد ان اختلف اللصوص عديمي الضمير فى تقسيم (الغنيمة) انكشف المستور
القصة هى
ان احد معارفنا قام بتسويق بعض البضائع المختلفة بعضها جديد وبعضها قديم
من مختلف الاصناف
ملابس
وبطاطين
ومواد تموينية
وتصاديق اعفاء لمنظمة تريد مساعدة اهل غزة
تم البيع
ولكن الشخص المسئول اراد ان (ينوم) بالحمل وما حمل
وسافر الى دبي
وخلى الجماعة فى خبر كان
وعندما عاد
قامت مناقشة بينه وبين المطالبين
حتى وصل الامر للتعارك بالايدى
تدخلنا لمعرفة السبب وتهدئية النفوس
فى البدء رفضو ان يحكوا اصل المشكلة حتى لا تقع الفضيحة
ولكن الكوز اراد ان يستغل هذا الامر حتى لا يطالب الاخرين بحقهم فى الحرام
ولكن يبدو ان الشباب ارادوها علينا وعلى اعدائنا
حكوها لنا من الالف الى الياء
وقامت تانى مشكلة وتشابك بالايدى
عندما عجزنا عن حل الاشكال ذهبنا لمركز الشرطة
وهناك فاح الخبر لشريك يبدو ان مركزه مرموق ويخاف الفضيحة
قبل متابعة الامر وفتح البلاغ اتصل شخص بالضابط المسئول
وتم الاخلاء بصاحب الشكوى جانبا
وتم التوصل الى تسوية
ولكن الاخر اصر ان يستلم حقه هنا وحالا
بعد نصف ساعة حضرت عربة امجاد بداخلها كيس بها اوراق نقدية فئة خمسين جنيه
كان هو نصيب المسوقين
وتم تدارك الموضوع
وبرضو يقولوا
لا للسلطة لا للجاه
وبرضو قالوا عايزين يساعدوا اهل غزة
بعد انكشاف هذا الامر
كم هى المساعدات التى تم بيعها فى السوق قبل وصولها للذين تم جمع هذه التبرعات من اجلهم
|
Post: #2
Title: Re: كوز يبيع معونات اهل غزة
Author: ود الباوقة
Date: 06-04-2009, 11:22 AM
Parent: #1
بوست متزمزغ . لا لون له وتفوح منه رائحة الشياط ...
|
Post: #5
Title: Re: كوز يبيع معونات اهل غزة
Author: محمد فرح
Date: 06-04-2009, 01:21 PM
Parent: #2
كدي خليهو يبرطع حبة
|
Post: #7
Title: Re: كوز يبيع معونات اهل غزة
Author: دوت مجاك
Date: 06-04-2009, 01:28 PM
Parent: #5
Quote: كدي خليهو يبرطع حبة
|
انا بتكلم مع الرجال اللى كلامهم ما بيقع الواطة
بتكلم مع الراجل لمن يوعد يوفى
مش مع الزول البيقولو كلام وتانى يرجع فى كلامه
وقع الكلام دة يا منو ..................
عالم تاكل اغاثات وتبيعها
|
Post: #6
Title: Re: كوز يبيع معونات اهل غزة
Author: دوت مجاك
Date: 06-04-2009, 01:25 PM
Parent: #2
| Quote: بوست متزمزغ . لا لون له وتفوح منه رائحة الشياط ... ... |
كاااااااااااااااااااااااااااااااااك
كع كع كع كع كراااااااااااااااااااااك
ودالباوقة
يمين الله مشتاقين كتير
مشتاقين شوق المطر لمشروع الجزيرة البعتوها
مشتاقين شوق اهالى امرى وكجبار لاراضيهم التى اغتصبت منهم زورا باسم سد لا ينتج حتى ماء الاستحمام
مشتاقين شوق الايتام لابائهم الذين قتلوا فى معتقلاتكم
مشتاقين شوقكم لمشروعكم اللاحضارى الذى تهاوى بين ايديكم
مشتاقين شوقكم لنهب المزيد من اموال هذا الشعب
مشتاقين شوقكم لاعانات اهل غزة
غايتو يا كيزان عندكم جنس شئ
اعانات تبيعوها
وكمان قالوا دولة ...........
|
Post: #3
Title: Re: كوز يبيع معونات اهل غزة
Author: وليد الطيب قسم السيد
Date: 06-04-2009, 11:40 AM
Parent: #1
مش برضو افضل من بتاع حركة شعبية بيبيع فى معونات اهل الجنوب
|
Post: #4
Title: Re: كوز يبيع معونات اهل غزة
Author: اسامه خليفه
Date: 06-04-2009, 12:00 PM
Parent: #3
دوت مجاك.. تحياتي
ديل يا دوت بتجاروا بكل شي وفي كل شي دمغة جريح وشهيد وذاد المجاهد وووو..
ديل يادوت يقتلوك في الخرطوم ويسموا بيك اسم شارع (( شارع الشهيد فلان )) ويعرسوا زوجة الشهيد ولاحظ ديل ناسهم
ومعاهم في نفس الخندق ..
تقول لي غزه واهل غزه البعاد ديلك..
|
Post: #12
Title: Re: كوز يبيع معونات اهل غزة
Author: دوت مجاك
Date: 06-04-2009, 02:33 PM
Parent: #9
Quote: العزيز دوت
الفساد سيصيبهم فى مقتل
عن قريب لذا تجد ان البعض يدافع
عن الفساد دون وعى ودونك جريمة الدواء
الفاسد وأبطالها مندور المهدى وصلاح كمبال.
الدواء الفاسد والإعلام الراشد . صيدلي/ياسر ميرغني عبد الرحمن
بابكر عبد السلام( محاليل مارك الفاسدة) شاهد دفاع لدفن ج...ادات الطبية !!!!!!!! !!!!!!!! |
الاخ نزار
هسع احتمال زاد المجاهد كان يشيلو مننا ويبيعو لينا تانى
غايتو جنس ناس
بحالتهم قالو حزب ..........
شكرا لمرورك
|
Post: #10
Title: Re: كوز يبيع معونات اهل غزة
Author: دوت مجاك
Date: 06-04-2009, 01:38 PM
Parent: #4
Quote: دوت مجاك.. تحياتي
ديل يا دوت بتجاروا بكل شي وفي كل شي دمغة جريح وشهيد وذاد المجاهد وووو..
ديل يادوت يقتلوك في الخرطوم ويسموا بيك اسم شارع (( شارع الشهيد فلان )) ويعرسوا زوجة الشهيد ولاحظ ديل ناسهم
ومعاهم في نفس الخندق ..
تقول لي غزه واهل غزه البعاد ديلك..
|
اسامة ازيك
والله كلامك صحيح
ديل يبيعوا البلد كلو
ويعملو رايحين
دى عالم عايشة على البيع
بيع مشاريع
بيع ذمم
كلو بيع × بيع
وعلى قولك يقتلوك ويسموا شارع باسمك
|
Post: #34
Title: Re: كوز يبيع معونات اهل غزة
Author: دوت مجاك
Date: 06-05-2009, 02:25 PM
Parent: #4
=
|
Post: #8
Title: Re: كوز يبيع معونات اهل غزة
Author: دوت مجاك
Date: 06-04-2009, 01:32 PM
Parent: #3
| Quote: مش برضو افضل من بتاع حركة شعبية بيبيع فى معونات اهل الجنوب |
وليد
دة ما سمعنا بيها ولا شفنها
لكن دة حصل امس القريب دى
وعشان الكريم دة كان سترك الف مرة بيجي يوم يفضحك
|
Post: #11
Title: Re: كوز يبيع معونات اهل غزة
Author: وليد الطيب قسم السيد
Date: 06-04-2009, 02:20 PM
Parent: #8
Quote: وليد
دة ما سمعنا بيها ولا شفنها
|
ومالو يا حبيب الما سمع نسمعو........
وأقيل وزير المالية ارثر أكوين تشول رسميا من منصبه بعد أن أوقف عن العمل لاستجوابه بخصوص مزاعم عن اختلاسات في الوزارة في مارس اذار.
Quote: وأعفي ريك مشار نائب رئيس جنوب السودان من حقيبة الاسكان والاراضي التي كانت مسندة اليه في اجراء فاجأ بعض المحللين الذين كانوا يعتقدون أنه " أقوى من أن يمس".
|
والقائمه طويله يا سيدى وكلها بتحكى عن اعضاء بالحركة الشعبية اختلسو واكلو معونات خاصه بتشيد الجنوب الحبيب......
جاى انت ومن مشاجرة ساى فى الشارع وما معروف يكون مؤتمر وطنى ولا حركة
شعبية وان كانت كل الدلائل بتقول اعمال حركة وياخى ما يبيع معونات غزة انت غزة
مالك ومالها يعنى بتهمك للدرجه دى......لو حبيت اضفت ليك والله لغاية ما اوصلك لزوجة قرنق نفسو.............
|
Post: #13
Title: Re: كوز يبيع معونات اهل غزة
Author: عابدون محمد عابدون
Date: 06-04-2009, 03:13 PM
Parent: #11
يادوت الفساد فى كل مكان .. الله يخلص الناس كلها منه ...
علا يادوت سؤالى ليك انت بالصح جنوبى؟
|
Post: #14
Title: Re: كوز يبيع معونات اهل غزة
Author: Zakaria Joseph
Date: 06-04-2009, 03:39 PM
Parent: #13
دوت مجاك,
سلامات.
هولاء عبارة عن عصابة لا تخاف الله فى السماء و لا الجهنم فى باطن الارض. قبل اسبوع شاهدت بعيناى فى تلفزيون جنوب السودان مجموعة من الكيزان مقبوضين من قبل شرطة مدينة جوبا و معهم نصف مليون دولار مزور و قبل يومين شاهدت فى فضائية افروكاريبية حفلة يوم افريقيا اقامها مندوب السودان لدى الامم المتحدة باعتبار السودان يتراس المجموعة الافريقية. اتت الوفود الافريقية الى مقر الإحتفال و بينما كانت سيدة فى غاية الشياقة (اظنها سيدة حرم السفير) تلقى كلمات الترحيبا اظهرت الكاميرا الحاضرين من الضيوف و فى ايادهم افخر كاسات النبيذ الاحمر و الشامبين الابيض, اها مان, يعنى بالعربى الجماعة كانت بتسكر بعرقى نظيف و ببيرة سااااقطة.
|
Post: #16
Title: Re: كوز يبيع معونات اهل غزة
Author: Nasr
Date: 06-04-2009, 04:28 PM
Parent: #14
معونات أهل غزة أنضربت؟؟؟
دي كثيرة ....
غايتو البشوف الزعلة في المظاهرات البجيبوها في التلفزين يقول بيدو اهل غزه حق الفطور
المسألة وما فيها مزايدات...
يزنقوهم في دارفور يطلعوا مظاهرات (ويجمعوا معونات ...ها!!!) لغزة
(في كل زاوية حاوي ومغتصب/ يدعو لأندلس إن حوصرت حلب)
الناس ديل بيلحسوا من زمن تخزين العيش في سنة مجاعة 84/85 ولسه ما شبعو؟؟؟
|
Post: #22
Title: Re: كوز يبيع معونات اهل غزة
Author: دوت مجاك
Date: 06-04-2009, 08:35 PM
Parent: #16
Quote: معونات أهل غزة أنضربت؟؟؟
دي كثيرة ....
¿¿¿ |
والله يا ناصر ما كتيرة على الجماعة ديل
دى اسهل حاجة يعملوها
تتلم دهب من النسوان يمشئ برج الدهب
تتلم قروش يمشى البنك
تتلم ملابس تمشئ سوق ليبيا
لا مراجعة ولا وجع راس
Quote: غايتو البشوف الزعلة في المظاهرات البجيبوها في التلفزين يقول بيدو اهل غزه حق الفطور
المسألة وما فيها مزايدات...¿¿¿ |
اشاعة والله اشاعة وموظفين دولة بكملوا دوامهم بس
شان رزقهم ما ينقطع
|
Post: #21
Title: Re: كوز يبيع معونات اهل غزة
Author: دوت مجاك
Date: 06-04-2009, 08:30 PM
Parent: #14
Quote: دوت مجاك,
سلامات.
هولاء عبارة عن عصابة لا تخاف الله فى السماء و لا الجهنم فى باطن الارض. قبل اسبوع شاهدت بعيناى فى تلفزيون جنوب السودان مجموعة من الكيزان مقبوضين من قبل شرطة مدينة جوبا و معهم نصف مليون دولار مزور و قبل يومين شاهدت فى فضائية افروكاريبية حفلة يوم افريقيا اقامها مندوب السودان لدى الامم المتحدة باعتبار السودان يتراس المجموعة الافريقية. اتت الوفود الافريقية الى مقر الإحتفال و بينما كانت سيدة فى غاية الشياقة (اظنها سيدة حرم السفير) تلقى كلمات الترحيبا اظهرت الكاميرا الحاضرين من الضيوف و فى ايادهم افخر كاسات النبيذ الاحمر و الشامبين الابيض, اها مان, يعنى بالعربى الجماعة كانت بتسكر بعرقى نظيف و ببيرة سااااقطة.. |
الاخ جوزيف زكريا
يقولون اشياء مثل المشروع الحضارى والرسالى وهلم جرا
ولكنهم يسرقون فى اموال الشعب صباحا ومساء
|
Post: #20
Title: Re: كوز يبيع معونات اهل غزة
Author: دوت مجاك
Date: 06-04-2009, 08:23 PM
Parent: #13
Quote: يادوت الفساد فى كل مكان .. الله يخلص الناس كلها منه ...
¿ |
يا عابدون نعم الفساد موجود فى كل مكان
ولكن ان يكون الفساد لهذه الدرجة ويكون فساد محمى من قبل مراكز قوى فى البلد
فهذه هو الخطورة نفسه
يجب محاربة الفساد وليس العكس
Quote: علا يادوت سؤالى ليك انت بالصح جنوبى؟ ...
¿ |
والله يا عابدون انا ما عارف السؤال دة لشنو
لكن برضو من باب (الاجابة) انا جنوبي 100%
وممكن تسال بورداب الخرطوم كلهم
|
Post: #15
Title: Re: كوز يبيع معونات اهل غزة
Author: Zakaria Joseph
Date: 06-04-2009, 04:12 PM
Parent: #11
وليد الطيب قسم السيد
هل إدعى احدا بان من يحكمون الجنوب من الحركة عبارة عن مجموعة من الكهنة و رافعى الصليب و بيهللوا هى لله ليل نهار. ارثر اكوين مسجون و قد دمر تاريخه النضالى. نحن نتحدث عن الفساد ليل و نهار و نفضح من يسرقوا قوت شعبنا فى الجنوب و بنرسل من اثبتت عليه تهم الفساد الى السجن و اما انتم, فتستروا عليه و يبدو ان التستر على اللصوص فضيلة فى ثقافتكم.
قال بجيب زوجة قرنق قال, انت بتصدق اكاذيب الطيب مصطفى و لا شنو? الم تسمع بانه خسر قضية إشاعة السمعة التى رفعها رياك مشار ضده?
انا مبسوط اليومين ديل من فضائية جنوب السودان و هى بتحاول تسليط الضو على ممارسات الإجرامية لبعض رجال الاعمال من الشريحة الكيزانية الطفلية التى تغامر فى الجنوب حاليا.
|
Post: #17
Title: Re: كوز يبيع معونات اهل غزة
Author: Alshafea Ibrahim
Date: 06-04-2009, 06:05 PM
Parent: #15
العزيز دوت
لا غرابة في الأمر وإن وصل البوليس أو المحكمة ، سرقوا البلد كلها وباسم الدين ، ما غالية ولا كثيرة عليهم إغاثة غزة ... المؤلم 98% من أبناء شعبنا محتاجين لهذه الإغاثة ... بس الكوز نفسه رخيصة .
تحياتي
الشفيع
|
Post: #18
Title: Re: كوز يبيع معونات اهل غزة
Author: Deng
Date: 06-04-2009, 07:20 PM
Parent: #17
الاخ دوت.
هل سمعت بالهتافات التي كانت تقول
"لا مربى ولا ساردين ولا تجارة بأسم الدين"
"تجار الدين سرقوا التموين"
دي كلها هتافات كانت تطلق على حزب الكيزان في الثمانينات عندما أكتشفهم الشعب السوداني وكشف ولعهم في السلطة والمال. يا عزيزي ديل أول من قام بدس الويكة ورفع أسعارها.
بنك فيصل الاسلامي يشهد على فساد الكيزان، ولقد تم حرق أحد أفرع هذا البنك مرتين.
هنالك قصص زحكاوي كثيرة عاصرناها في السودان تحكي عن فساد الكيزان، أتمنى أن أتزكرها وأعود اليك بها.
دينق.
|
Post: #24
Title: Re: كوز يبيع معونات اهل غزة
Author: دوت مجاك
Date: 06-04-2009, 08:49 PM
Parent: #18
Quote: الاخ دوت.
هل سمعت بالهتافات التي كانت تقول
"لا مربى ولا ساردين ولا تجارة بأسم الدين"
"تجار الدين سرقوا التموين"
. . |
الاخ دينق
والله صحيح دة الحاصل
ديل بيسرقوا ليل ونهار
هسع عليك الله اعانات غزة دى حاجة بيسرقوها
غايتو عليهم جنس ذمة
مبالغة
|
Post: #23
Title: Re: كوز يبيع معونات اهل غزة
Author: دوت مجاك
Date: 06-04-2009, 08:41 PM
Parent: #17
Quote: العزيز دوت
لا غرابة في الأمر وإن وصل البوليس أو المحكمة ، سرقوا البلد كلها وباسم الدين ، ما غالية ولا كثيرة عليهم إغاثة غزة |
الاخ الشفيع
والله فعلا لا غرابة فى الامر
سرقوا البلد كلها وباعو الباقى
| Quote: 98% من أبناء شعبنا محتاجين لهذه الإغاثة |
والله دة الحاصل بالضبط
للاسف الشديد
| Quote: بس الكوز نفسه رخيصة . |
والله يا الشفيع دة الكلام الحاصل للاسف
شكرا لمرورك
|
Post: #19
Title: Re: كوز يبيع معونات اهل غزة
Author: دوت مجاك
Date: 06-04-2009, 08:16 PM
Parent: #11
غايتو الكيزان ديل عليهم جنس جهل اصلو ما حصل فى تاريخ السودان
اى زول لمن يدخل نقاش بيحاول يركز فى نقاط ما يتمسك فيها
او يحاول يتحاشي نقاط ممكن الخصم يستغلها لتقوية موقفه فى النقاش
لكن نعمل شنو
مع الناس البجيبوهم لينا ما عارفين حاجة
زول يدخل الجامعة عسان كوز
والسنة كلها مقضيها مظاهرات شد منو وتاييد لمنو ومبايعة منو
وفى نهاية السنة يمشى المستوى الثانى
وفى النهاية يتخرج لينا اطرش ما عارف اى شئ
ويجي هنا يعمل فيها عارف يناقش
يا جماعة ارجعوا لكباركم قولوا ليهم علمونا النقاش
خليهم يعلموكم
ما ممكن بس يعلموك الكذب
والنهب
وبيع الاعانات
هسع شوف المثال القدامكم دة عمل فى روحو شنو
| Quote: وأقيل وزير المالية ارثر أكوين تشول رسميا من منصبه بعد أن أوقف عن العمل لاستجوابه بخصوص مزاعم عن اختلاسات في الوزارة في مارس اذار.............. |
طيب يا اخونا فى السودان وليد الطيب
الوزير المذكور اوقف من عمله بخصوص (مزاعم اختلاسات)
يعني انحنا ما بنخلى الزول الحرامى (صح)
دة ما حاجة كعبة عشان تقولها لى يا راقى ثيابك
Quote: جاى انت ومن مشاجرة ساى فى الشارع وما معروف يكون مؤتمر وطنى ولا حركة
شعبية.............. |
يا افندى الحاجة دة ما كان فى الشارع
ديل ناس بربطنا معاهم جيرة مكاتب
وعارفنهم كويس جدا
وكلهم كيزان الضارب على المضروب
وكمان عارف كويس الوظيفة البشغلها الضارب الاعانة
بس لاعتبارات قانونية خلينا من الاسم
وقع ليك ولا ادفرو ليك عشان يقع
Quote: وياخى ما يبيع معونات غزة انت غزة
مالك ومالها يعنى بتهمك للدرجه دى............... |
شوفوا الامية بتصل لوين
يا سيد وليد
اهل غزة بشر
وانحنا بنقف مع الحقوق الانسانية غض النظر عن اللون او الدين او او ..... الخ
عشان كدة لى حق ازعل لمن حق المساكين يتاكل
طيب انتو اللى اهتميتو باهل غزة عملتو شنو
ما ياهو اكلتو حقهم
|
Post: #26
Title: Re: كوز يبيع معونات اهل غزة
Author: عابدون محمد عابدون
Date: 06-04-2009, 09:22 PM
Parent: #19
بصراحة يادوت سؤالى وأرجو إنو مايكون استفزك لأنو أنا متابع كتاباتك من فترة طويلة وانا مستغرب من لغتك العربية من ناحية الكتابة والمحادثة لكن على كل حال أهو أنا برضو نوبى وبكتب وبقرأ عربى كويس لأنو إتربيت ودرست فى الخرطوم فما المانع فى حالتك برضو وأعتقد إنك فى مداخلات سابقة ذكرت الكلام دا , أعتذر مرة أخرى لسؤالى ..
بالنسبة للفساد فوجهه واحد سواء فى السودان شماله وجنوبه او فى اى مكان آخر ويتطلب التخلص منه خطوات حاسمة قد تكون المطالبة بأحكام تصل للإعدام مطالب منطقية اذا إستفحل الحال كما هو فى السودان عندنا ...
|
Post: #27
Title: Re: كوز يبيع معونات اهل غزة
Author: دوت مجاك
Date: 06-04-2009, 09:35 PM
Parent: #26
| Quote: بصراحة يادوت سؤالى وأرجو إنو مايكون استفزك لأنو أنا متابع كتاباتك من فترة طويلة وانا مستغرب من لغتك العربية من ناحية الكتابة والمحادثة لكن على كل حال أهو أنا برضو نوبى وبكتب وبقرأ عربى كويس لأنو إتربيت ودرست فى الخرطوم فما المانع فى حالتك برضو وأعتقد إنك فى مداخلات سابقة ذكرت الكلام دا , أعتذر مرة أخرى لسؤالى .. ... |
حبابك عابدون
سؤالك ما استفزنى ولا حاجة بس استغربت منها
انا جنوبي بس اتولدت واتعلمت فى الخرطوم
| Quote: بالنسبة للفساد فوجهه واحد سواء فى السودان شماله وجنوبه او فى اى مكان آخر ويتطلب التخلص منه خطوات حاسمة قد تكون المطالبة بأحكام تصل للإعدام مطالب منطقية اذا إستفحل الحال كما هو فى السودان عندنا ... ... |
الاخ عابدون بالنسبة للفساد شمالا او جنوبا لا نقبله
لكن فى الجنوب هناك حرب للفساد والمفسدين وفى كل مرة يتم اعفاء ومحاكمة المفسدين
لكن فى الشمال الشئ المحزن كلما ما كنت فاسد كلما كنت وطنيا وذو وظيفة مرموقة
|
Post: #35
Title: Re: كوز يبيع معونات اهل غزة
Author: Zakaria Joseph
Date: 06-05-2009, 03:25 PM
Parent: #11
Quote: وياخى ما يبيع معونات غزة انت غزة
مالك ومالها يعنى بتهمك للدرجه دى |
الاخ دوت,
كلام صاحبك دى يسمع فلتة لسان الفريودى, نسبة لسيغموند فريود (Freudian Slip), يعنى الزول بيعترف بان قصة غزة و مظاهرات التضامن مع اهل غزة و قضية فلسطين هى فى الحقيقة عهرة سياسية, يعنى عمليا هو فى (فطرته و تفكيره الباطنى يعى ذلك تماما) و هو بقول لك انت "الجنوبى دخلك فى كيفية حصولنا على لقمة العيش شنو", يعنى مدبرس عديل كدى.
طبعا من تربوا على هذه النوعية من النمطية ليسوا قادرين على فهم اهتمامك ان كان لاهل غزة حقوق ام لا.
|
Post: #25
Title: Re: كوز يبيع معونات اهل غزة
Author: أبو عبيدة البصاص
Date: 06-04-2009, 09:21 PM
Parent: #1
Quote: رعوا لاخوتكم فى غزة
تبرع بالدم لاهلك فى غزة
ساعد اهلك فى غزة
نقف مع اهل عزة فى محنتهم الانسانية
ولكن
ان يكون اهل غزة مطية لتحقيق اهداف شخصية هذا لا يقبله ضمير اى انسان حى
ان تاكل مال الاخرين باسم الضعفاء والمنكوبين هذا لا يفعله حتى الشياطين انفسهم
ولكن هذا يحدث فى السودان
بالامس فقط انكشف ان معظم التبرعات التى تبرع فيها السوانيين لاهلهم فى غزة لم تذهب كلها
بالامس بعد ان اختلف اللصوص عديمي الضمير فى تقسيم (الغنيمة) انكشف المستور
القصة هى
ان احد معارفنا قام بتسويق بعض البضائع المختلفة بعضها جديد وبعضها قديم
من مختلف الاصناف
ملابس
وبطاطين
ومواد تموينية
وتصاديق اعفاء لمنظمة تريد مساعدة اهل غزة
تم البيع
ولكن الشخص المسئول اراد ان (ينوم) بالحمل وما حمل
وسافر الى دبي
وخلى الجماعة فى خبر كان
وعندما عاد
قامت مناقشة بينه وبين المطالبين
حتى وصل الامر للتعارك بالايدى
تدخلنا لمعرفة السبب وتهدئية النفوس
فى البدء رفضو ان يحكوا اصل المشكلة حتى لا تقع الفضيحة
ولكن الكوز اراد ان يستغل هذا الامر حتى لا يطالب الاخرين بحقهم فى الحرام
ولكن يبدو ان الشباب ارادوها علينا وعلى اعدائنا
حكوها لنا من الالف الى الياء
وقامت تانى مشكلة وتشابك بالايدى
عندما عجزنا عن حل الاشكال ذهبنا لمركز الشرطة
وهناك فاح الخبر لشريك يبدو ان مركزه مرموق ويخاف الفضيحة
قبل متابعة الامر وفتح البلاغ اتصل شخص بالضابط المسئول
وتم الاخلاء بصاحب الشكوى جانبا
وتم التوصل الى تسوية
ولكن الاخر اصر ان يستلم حقه هنا وحالا
بعد نصف ساعة حضرت عربة امجاد بداخلها كيس بها اوراق نقدية فئة خمسين جنيه
كان هو نصيب المسوقين
وتم تدارك الموضوع
وبرضو يقولوا
لا للسلطة لا للجاه
وبرضو قالوا عايزين يساعدوا اهل غزة
بعد انكشاف هذا الامر
كم هى المساعدات التى تم بيعها فى السوق قبل وصولها للذين تم جمع هذه التبرعات من اجلهم |
0/10
أعِـــد
.
|
Post: #28
Title: Re: كوز يبيع معونات اهل غزة
Author: دوت مجاك
Date: 06-04-2009, 09:41 PM
Parent: #25
كااااااااااااااااااااااااااااااااك
كع كع كع كع كرررررررررررررررررراك
ما مشكلة انا بعيدها يا ابوعبيدة يا بصاص
وانا على قناعة بانى بعد الاعادة حجيب صح
المشكلة فى الورقتة بيضاء
يعني ما كتب حاجة اساسا
دة بقى يعملوا ليهو شنو
يا فالح
جاوب
|
Post: #29
Title: Re: كوز يبيع معونات اهل غزة
Author: أبو عبيدة البصاص
Date: 06-04-2009, 09:48 PM
Parent: #28
Quote: المشكلة فى الورقتة بيضاء
يعني ما كتب حاجة اساسا
دة بقى يعملوا ليهو شنو
يا فالح
جاوب |
فالح دي عجبتني
بدوهو إملاء لكن اعدك مازال قائم حاتسوي شنو
في الفطير القاعد قدامك ده
تاااااني اعد
بدون كاااااااك وكافة المؤثرات الصوتيه
يعني اعد على بلاطه
على فكره كويس انك اجتهدته
يلا واصل ما تنقطع ( كويس )
|
Post: #30
Title: Re: كوز يبيع معونات اهل غزة
Author: عاصم ابوبكر حامد
Date: 06-04-2009, 10:07 PM
Parent: #29
يا البصاص اخوى ..
ما غريبة على الكيزان وانت تعلم ذلك جيدا انهم قادرون على فعل ذلك ..
التجارة باسم الدين هو اسلوبهم ..
|
Post: #33
Title: Re: كوز يبيع معونات اهل غزة
Author: دوت مجاك
Date: 06-04-2009, 10:42 PM
Parent: #30
Quote: البصاص اخوى ..
ما غريبة على الكيزان وانت تعلم ذلك جيدا انهم قادرون على فعل ذلك ..
التجارة باسم الدين هو اسلوبهم .. .. |
والله يا عاصم يا اخوى البصاص الحاجة دى مزعلاهو شديد
وقال اصلا ما بيعملوا كدة
شكرا لمرورك
|
Post: #36
Title: Re: كوز يبيع معونات اهل غزة
Author: أبو عبيدة البصاص
Date: 06-05-2009, 08:58 PM
Parent: #33
Quote:
والله يا عاصم يا اخوى البصاص الحاجة دى مزعلاهو شديد
وقال اصلا ما بيعملوا كدة |
يادوت صدقني اصلوا مافي حاجه مزعلاني
وتاني بقول ليك اعد لانو على الاقل احترم
مبادي حبكة القصة على الاقل
وتاني يا دوت انا ما جيت قلت ليك الكيزان ديل ملائكة
وصحابة عشان تقول لي زعلان ...
دوت اقول ليك حاجه الفساد ده دخل السودان منذ التركية
يعني كده الف تمانمائة وعشرين يعني بقى جينه متاصله لدى الكثير
من السودانيين وارجع لتاريخ الفساد في السودان ومن كان منكم بلا خطيئه فاليرمي
الكيزان بحجر والتاريخ اصلو ما بعفن وتعال يا اخوي انت سيما سمر في زيارة الاخيرة
قالت شنو .... ولا اقول ليك انسى
نصيحة اخو مامهم الصاح منو والحرامي بقدر ما مهم انو المره الجاية
حبط القصة كويسة لانو العناوين البتبتدي بي كوز وكيزان دي بتجيب
مشاهدين بالكوم امسك كويس في النصيحة لانو زي نوعية قصتك الفوق دي
ممكن تحولك من نجم شباك لي كومبارس وعلى فكره ديل على فقا من شيل
هنا يعني في كومبارس اصحاب خبرات اعدهم ليك ولا انسى
بس اعد بتاعتي دي ما تمشيها ساي كويس
|
Post: #31
Title: Re: كوز يبيع معونات اهل غزة
Author: Amin Mohamed Suliman
Date: 06-04-2009, 10:08 PM
Parent: #29
كلعاده ، جو الناس المع الحكومه قالو الكلام ده ما حصل ، و كان حصل ما إنتو زاتكم في الجنوب بتسوو كده ! و جو الناس الضد الحكومه و قالو الكلام ده حصل و الكيزان ديل مش يبيعو الاغاثه ، ديل يبيعو ناقه صالح ذاتها !!! و مافي زول سال أخونا دوت من دليل علي صحه كلامو ده !! و أنا هنا ما بشكك في ذمه أخونا دوت لكن بدعو لانو الناس ما تلقي القول علي عواهنو ، العندو دليل علي حاجه يجيبها ، الما عندو يسكت ساكت ! لانو ده بيفتح باب بتاع اتهامات و كلام بلا أدله ، و أي زول عندو غبينه مع زول أو جهه ، يجي يكبها هنا و يجو الناس المع الجهه دي ينفو الكلام و الناس الضدها ياكدو !!!!
بدون دليل مافي إتهام عندو معني !!!!
|
Post: #32
Title: Re: كوز يبيع معونات اهل غزة
Author: دوت مجاك
Date: 06-04-2009, 10:37 PM
Parent: #31
Quote: كلعاده ، جو الناس المع الحكومه قالو الكلام ده ما حصل ، و كان حصل ما إنتو زاتكم في الجنوب بتسوو كده ! و جو الناس الضد الحكومه و قالو الكلام ده حصل و الكيزان ديل مش يبيعو الاغاثه ، ديل يبيعو ناقه صالح ذاتها !!! و مافي زول سال أخونا دوت من دليل علي صحه كلامو ده !! و أنا هنا ما بشكك في ذمه أخونا دوت لكن بدعو لانو الناس ما تلقي القول علي عواهنو ، العندو دليل علي حاجه يجيبها ، الما عندو يسكت ساكت ! لانو ده بيفتح باب بتاع اتهامات و كلام بلا أدله ، و أي زول عندو غبينه مع زول أو جهه ، يجي يكبها هنا و يجو الناس المع الجهه دي ينفو الكلام و الناس الضدها ياكدو !!!!
بدون دليل مافي إتهام عندو معني !!!! !!!! |
الاخ امين
الكذب خطئية
لا احتاج ان ارتكب معصية حتى اقول اكاذيب فى حق الكيزان
حتى لا اصل الى مستواهم
هذه الحادثة حدثت بالامس القريب وحاولنا كمعارف ان يتصالح الاطراف
ولكن انتهازية الكيزان دوما يجعلهم يرتكبون الخطاء تلو الاخر
حتى وصل الامر الى عراك بالايدى اكثر من مرة والفاظ وتهديد
فى نهاية الامر اضطررنا ان نذهب كلنا للشرطة ووضع الامر بيد القانون
ولكن هناك محادثة وصلت للضابط المسئول اوقف الاجراءات
وبعد قليل وصل للطرف المتضرر كيس من فئة الخمسين جنيه
وتم التسوية
بالنسبة للدليل
هذا ما يقوله كل الكيزان عند مواجهتهم بالفساد (طبعا ما بقصدك انت)
حاجة تانية انا ما بقدر اكتب الاسماء والاماكن حتى لا يكون هناك تقاضي
لكن الامر حدث
وسوف تسمع الامر من مصدر اخر ايضا
|
Post: #37
Title: Re: كوز يبيع معونات اهل غزة
Author: حاتم شناب
Date: 06-05-2009, 09:33 PM
Parent: #32
والله الكوز يا أخوي ببيع أمو
خلي معونات اهل غزة
|
Post: #38
Title: Re: كوز يبيع معونات اهل غزة
Author: Isamil Hussein
Date: 06-07-2009, 08:02 PM
Parent: #1
ياجماعة خلوها مستورة...
,,,,,,,,,علي الحاج
|
|