Post: #1
Title: رسالة لشفع الانقاذ اللى هنا وشفع شفع الانقاذ كمان
Author: دوت مجاك
Date: 09-28-2007, 10:12 PM
اليومين دى فى ظاهرة فى البورد
اسمه (هاجموا باقان اموم)
ما عارف الوسوس للشفع ديل منو
كبارهم يمارسون الاعيبهم منذ زمن ولم يستطيعوا (الفوز)
فارادوا ان يستغلوا فى المنبر فى ترويج اكاذيب وتلفيقات للنيل من شخصية القائد باقان اموم السياسية
ثم الحركة الشعبية
لان باقان لا يتوانى ان يقول الحق فى كل منبر
يريدون ان يوسموا الحركة الشعبية بانها حركة (جنوبية عنصرية) وانها تريد تحرير السودان من العنصر العربى
انهم غائبون عن الوعى
مازالوا بعقليتهم القديمة واصبحوا مع مرور كل يوم يفقدون الاشياء كثيرة (جماهير - سلطة - مال ... الخ)
انهم يخشون بين ليلة واخرى ان يقول الشعب كلمته
انهم انتهازيون ونعرفهم جيدا يريدون ممارسة نفس الاعيبهم القديمة
اللعب بالعواطف واستغلال اسم الدين فى برامجهم
بالله عليكم يا (شفع الانقاذ) اسال اقرب مواطن بقربك عن حكومة الانقاذ وستجد جوابه جاهزا حاضرا (الله يحلنا منهم)
يا من مازلتم فى هذه الخانة ان امامكم فرصة للتوبة الى الله لان اياديكم ملوثة بدماء كثير
كثيرة هى الارواح التى ذهقتموها باسم الدين والتمكين الذى جعل السودان من افقر وافسد بلاد الله
بالله عليكم اى دولة اختارت شرع الله مرجعيتها فى الحكم وكانت النتيجة (الفساد والقتل والتشريد) انها دولتنا فقط
الا تخلجون من انفسكم يا اطفال الانقاذ ومن اكاذيبكم
هل تطنون ان السودان كما كان ايام تمكنكم تلك
شفع الانقاذ ديل (عارفنهم)
وشفع شفع الانقاذ (عارفنهم)
فضائحكم كثيرة يا هولاء
وحتى صاحب (انتباهتكم) لدى اشياء كثيرة اعرفها عنه (بس ساكت) بمزاجى
لو عايزين تشويه فى المنبر دى واحد (راجل من الانقاذ) يقول لى انا تابع لحزب المؤتمر الوطنى وانا عندى كذا وكذا عنة الحركة
ويخلى يشوفنى بعد داك
مش كل شافع يكتب عن حاجات ما بيعرفها وسمعها (حكاوى) ويجى يفلقنا هنا بانه (محلل سياسى) وقلبه على السودان المفترى عليه
العبوا بعيد يا (شفع)
انا عارف انكم تتمنون انفصال الجنوب اليوم قبل الغد لان الحركة الشعبية اصبحت تهددكم وتستطيع اجهاض برنامجكم لذا امنيتكم الكبيرة هو انفصال الجبنوب لتنفردوا بحكم بقية السودان
ولكن هيهات يا هولاء
سنفوز بالانتخابات القادمة ونشكل حكومة وطنية بحق وحقيقة وسيكون السودان الجديد افضل بكثير
اوع واحد من شفع الانقاذ المندسين فى مكاتبهم يجى ينظر لى ويقول عرفت كيف
ببساطة
قبل اسبوع كنت جبت بعض ولايات البلاد الشمالية ووجدت ورايت بام عينى ماذا يعنى الانتماء الى الحركة الشعبية لم نستاجر سيارات ونجبر اطفال المدارس لاستقالنا ولا قمنا بتعطيل يوم عمل فى المصالح الحكومية وحشدنا الوظفين رغما عنهم ليستقبلونا بل اتوا بمحض ارداتهم ومن جميع السحنات
يا شفع
|
Post: #2
Title: Re: رسالة لشفع الانقاذ اللى هنا وشفع شفع الانقاذ كمان
Author: دوت مجاك
Date: 09-28-2007, 10:19 PM
Parent: #1
اليومين دى الشفع تانى قاموا لحركاتهم
تانى بقولو يجقلبوا
تانى قاموا لحركاتهم
هجوم على الكمندر باقان
دين يا شفع واللى انا قاصدوا حينط لى بجاى بعد شوية
انحنا لو قلبنا الكلام فى شخصوص
انتو ناسكم الحرامية ديل ما بتعبوا معانا
وبعد شوية حتبقى فى محاكم واشانة سمعة وووب
اخير ليكم يا شفع الشفع انتو
خلو الكلام فى النظم
وبلاش شخصنة المواضيع
انتو الفيكم مكفيكم
كان حرامية فيكم
كان زيجات عرفية عارفنها
كان فساد انتو اسيادها
كان اى شئ كعب انتو الشياطين زاتكم
عشان كدة ما تخلونا نطلع من طورنا ونبقى نكتب بوستات باسماء
ونعرض فضائحهم هنا
عشان بالطريقة دى الكلام هيجر كلام وبعد شوية يدخل فيها اسر
عشان كدة خلونا كدة حلوين
يا مراسلين السياسة
انا لو بناقش راجل بحب يكتب من فكره
مش واحد ما قادر يكتب رد منطقى ناهيك عن موضوع
الواحد يلزو ليو الموضوع فى يميلو ولا يملوه ليهو
ويجى يحرينا
انت وقت راسك دة فاضى ما تشوف لى حاجة تملاها بيهو
هوى يا شفع
امشو عدل
|
Post: #3
Title: Re: رسالة لشفع الانقاذ اللى هنا وشفع شفع الانقاذ كمان
Author: jini
Date: 09-28-2007, 10:22 PM
Parent: #1
Quote: ليومين دى فى ظاهرة فى البورد
اسمه (هاجموا باقان اموم)
ما عارف الوسوس للشفع ديل منو
كبارهم يمارسون الاعيبهم منذ زمن ولم يستطيعوا (الفوز)
فارادوا ان يستغلوا فى المنبر فى ترويج اكاذيب وتلفيقات للنيل من شخصية القائد باقان اموم السياسية
ثم الحركة الشعبية
لان باقان لا يتوانى ان يقول الحق فى كل منبر |
يا دوت
ا
منذ متى هاجمت باقان!
منذ يدا فى تصريحاته الاخيرة وشتائمه وتحريضه يعنى تلاتة اربعة شهور!
باقان مجرد رث شلك ولا ثائر ولا يحزنون!
وباقان فرقه من الانقاذ شنو ما شريك معاهم فى الحكم!
جنى
|
Post: #4
Title: Re: رسالة لشفع الانقاذ اللى هنا وشفع شفع الانقاذ كمان
Author: amir jabir
Date: 09-28-2007, 10:27 PM
Parent: #3
| Quote: باقان مجرد رث شلك ولا ثائر ولا يحزنون! |
دى عنصرية ولا نعتبرة شنوا
|
Post: #9
Title: Re: رسالة لشفع الانقاذ اللى هنا وشفع شفع الانقاذ كمان
Author: jini
Date: 09-28-2007, 10:47 PM
Parent: #4
| Quote: دى عنصرية ولا نعتبرة شنوا |
عنصرية شنو!
انا قلت رث وليس ثائر!
بعنى رث الشلك لا زم يكون من الشلك وليس من قبيلة اخرى ومنصبه فى الحركة موازنة باعتباره شلك!
ولا انت فسرت كلمة رث بى شنو!
جنى
|
Post: #10
Title: Re: رسالة لشفع الانقاذ اللى هنا وشفع شفع الانقاذ كمان
Author: Abubaker Ahmed
Date: 09-28-2007, 10:55 PM
Parent: #9
عارف يا جني المنبر دا علمنا نكون منافقين !
يعني اناممكن اقول البشير دا جعلي عوير مثلا !
لكن ما ممكن اقول انو باقان شلكي او جنوبي عوير مثلا !
طوالي حا يجوك جماعة ياعنصري يا مستعلاوتي و يا و يا
|
Post: #5
Title: Re: رسالة لشفع الانقاذ اللى هنا وشفع شفع الانقاذ كمان
Author: jini
Date: 09-28-2007, 10:29 PM
Parent: #3
Quote:
عشان كدة ما تخلونا نطلع من طورنا ونبقى نكتب بوستات باسماء
ونعرض فضائحهم هنا |
انت لسة ما طلعت من طورك!
الزواجى العرفى!
بالرغم انى لست معنى!
بعض تقاليد الزواج فى الجنوب يعد الزواج العرفى بالنسبه لها الزواج العرفىامرا مقدسا!
لعلمك انا من دعاة الزواج المدنى عشان ما تمشى بعيد!
ولو شايفنى شا فع انا اكبر من باقان فى السن!
جنى
|
Post: #6
Title: Re: رسالة لشفع الانقاذ اللى هنا وشفع شفع الانقاذ كمان
Author: Mustafa Mahmoud
Date: 09-28-2007, 10:31 PM
Parent: #5
|
Post: #8
Title: Re: رسالة لشفع الانقاذ اللى هنا وشفع شفع الانقاذ كمان
Author: ود الباوقة
Date: 09-28-2007, 10:35 PM
Parent: #6
غايتو يا مصطفى محمود يوما اسود الوقعت الصورة في ايدك .. لكن نسوي شنو الشكية لي ابيدن قوية 000
ود الباوقة
|
Post: #11
Title: Re: رسالة لشفع الانقاذ اللى هنا وشفع شفع الانقاذ كمان
Author: Hatim Yousif
Date: 09-29-2007, 07:32 AM
Parent: #5
جني ........... سلام
-
ياخ معقول تحاول تتفاهم مع الزول الغريب ده ......
-
كدي .... أرجع براحة شوف كل مداخلاته وبوستاته من أول يوم في البورد .....
-
نفس السخف بتاع (وريني موقفك شنو عشان أرد عليك )..... يعنى ما عنده مقدره على الرد والنقاش ..مهما كان ... إلا بعد تأكيد الإنتماء .... شوف بالله النوعية دي ؟؟؟
-
وطوالى كل الناس في رأيه ..كيزان وشفع كيزان ....
-
غايتو نصيحتي ليك .... Pass .... طوااااالي
-
|
Post: #7
Title: Re: رسالة لشفع الانقاذ اللى هنا وشفع شفع الانقاذ كمان
Author: Abubaker Ahmed
Date: 09-28-2007, 10:31 PM
Parent: #3
بعد رمضان انشاء الله نرد عليك و علي حلفائك الكيزان !
بس انشاء ما تزوغ من الردود زي ما سويت في داك !
ابوبكر
|
Post: #12
Title: Re: رسالة لشفع الانقاذ اللى هنا وشفع شفع الانقاذ كمان
Author: jini
Date: 09-29-2007, 09:08 AM
Parent: #7
Quote: جني ........... سلام
-
ياخ معقول تحاول تتفاهم مع الزول الغريب ده ......
-
كدي .... أرجع براحة شوف كل مداخلاته وبوستاته من أول يوم في البورد .....
-
نفس السخف بتاع (وريني موقفك شنو عشان أرد عليك )..... يعنى ما عنده مقدره على الرد والنقاش ..مهما كان ... إلا بعد تأكيد الإنتماء .... شوف بالله النوعية دي ؟؟؟
-
وطوالى كل الناس في رأيه ..كيزان وشفع كيزان ....
-
غايتو نصيحتي ليك .... Pass .... طوااااالي |
contents and advice are noted down and I will act accordingly
jini
|
|