عطاء توريد منافقين وقتلة .... نفضل صناعات انقاذية

بهذه نعلن نحن دولة العدالة بافريقيا عن رغبتنا فى التعاقد مع اى جهة ذو كفاءة فى فن النفاق والكذب والتعذيب والقتل واكل اموال الغير والفساد
باننا نرغب فى التعاقد مع موظفين يجيدون الاعمال المذكورة اعلاه
والوظائف هى


أ - رئيس جمهورية
الشروط الواجب توفرها فيه
1- ان يكون عديم الشخصية (خوخة)
2- عليه بتنفيذ قراراتنا فقط
3- يتفرغ لشركاته ويترك امور التخطيط لنا
4- اى يتزوج بنساء (مراحيمنا) ويسترهن
5- ان يكون رافضا لاى قرارات دولية وفقا للتسلسل التالى (نرفض رفضا باتا , نرفض , والله ممكن نناقش , يغيرو ملابسهم ويجونا بجلايب , خليهم يجونا) وذلك كسبا للوقت
ب- ضابط امن
الشروط
1- ان يجيد اسلوب المؤامرات
2- ان يجيد التعذيب
3- خبرة فى فض المسيرات السلمية
4- ان يجيد الابتزاز
5- لا يهم الشهادات والمؤهلات

ج- مدير بنك
1- ان يكون فاسد درجة اولى وبتاع عمولات
2- ان لا يهتم يقوم بتمويل حزبنا السياسى على حساب عملاء البنك
3- ان لا يتمسك بالاجرات القانونية فى حال الذى يرغب بالتمويل من طرفنا
4- ان يقوم بادخال اى اموال مغسولة ويساعد على تبيضها

د- صحفى
الشروط
1- ان يختلق قصص من راسه
2- ان يلمع تصريحاتنا وممكن يجيب تصريحات من راسه لو فى صالحنا
3- ان يعمل على تكذيب اى تقارير عن الوضع الانسانى وتعذيب المواطنين ويقوم بتصوير معتقلين فى فندق درجة اولى
4- ان يكون غائبا عن الوعى


هـ - بودرابى فى سودانيز اون لاين
1- يكون زول ما عارف حاجة وبتاع مصلحة ساى
2- راسه فاضى (بس قرع)
3- يكون عامل فيها عارف والعكس صحيح
4- ان يجيد الكذب فى رمضان والتجنى على الغير
5- ان يكون ما بيحترم (رجولته) وكلمته وعامل فيها وطنى


اهم شرط لكل الوظائف
بما ان حكومتنا قد درست كل ملفات الفساد والتعذيب والسرقة (عينى عينك) والظلم وحرمان المواطن من كامل حقوقه الدستورية ... الخ فاننا وجدنا ان دولة السودان هى من اكثر الدول تاهيلا وخاصة فى زمن حكم حزب المؤتمر الوطنى
لذلك سوف يتم اختيار افراد هذا الحزب المتقدمين للوظائف اولا نسبة لخبرتهم فى امور اللف والدوران

نتمنى التوفيق لكل المتقدمين

وزارة العمل
دولة العدالة

Quote: باننا نرغب فى التعاقد مع موظفين يجيدون الاعمال المذكورة اعلاه

الأخ دوت
سلام..
خليها المذكورة أدناه..

Quote: د- صحفى الشروط 1- ان يختلق قصص من راسه 2- ان يلمع تصريحاتنا وممكن يجيب تصريحات من راسه لو فى صالحنا 3- ان يعمل على تكذيب اى تقارير عن الوضع الانسانى وتعذيب المواطنين ويقوم بتصوير معتقلين فى فندق درجة اولى 4- ان يكون غائبا عن الوعى

الوظيفة دي محجوزة لواحد من معارفنا.. نفس الملامح والشبه.. ونفس السلوك.. وما تنسى مواصفات يبانية يعني مش تايوان.
فتك بعافية.

هـ - بودرابى فى سودانيز اون لاين
1- يكون زول ما عارف حاجة وبتاع مصلحة ساى
2- راسه فاضى (بس قرع)
3- يكون عامل فيها عارف والعكس صحيح
4- ان يجيد الكذب فى رمضان والتجنى على الغير
5- ان يكون ما بيحترم (رجولته) وكلمته وعامل فيها وطنى

do you want a male or a female

as we do have both sexes or can they both use the same password

thanks

Quote: هـ - بودرابى فى سودانيز اون لاين 1- يكون زول ما عارف حاجة وبتاع مصلحة ساى 2- راسه فاضى (بس قرع) 3- يكون عامل فيها عارف والعكس صحيح 4- ان يجيد الكذب فى رمضان والتجنى على الغير 5- ان يكون ما بيحترم (رجولته) وكلمته وعامل فيها وطنى do you want a male or a female as we do have both sexes or can they both use the same password thanks

دكتور مصطفى
والله الاثنين معا

اصلا الناس دى ما بتقدر تفرق بين ديل ودى
ومرات ديك ارجل من دى

كلهم فى الهواء سوا

استاذنا اسماعيل وراق
بس عليك النبى وريهو
قول ليهو فى وظيفة مضمونة والعائد فيها مجزى جدا

اصلو النوعية دى بتعاين للمادة بس

لا بهمها شرف المهنة ولا حاجة

يديك العافية

كمان فى وظيفة لمدير تنفيذى لمحلية

ودة بس شرطه واحد

ان يعرف كيف يجمع الجابايات وكيف يعمل جبايات جديدة باى مسميات كانت وليس مطلوب منه الاصلاح نهائيا

Quote: بهذه نعلن نحن دولة العدالة بافريقيا عن رغبتنا فى التعاقد مع اى جهة ذو كفاءة فى فن النفاق والكذب والتعذيب والقتل واكل اموال الغير والفساد باننا نرغب فى التعاقد مع موظفين يجيدون الاعمال المذكورة اعلاه والوظائف هى أ - رئيس جمهورية الشروط الواجب توفرها فيه 1- ان يكون عديم الشخصية (خوخة) 2- عليه بتنفيذ قراراتنا فقط 3- يتفرغ لشركاته ويترك امور التخطيط لنا 4- اى يتزوج بنساء (مراحيمنا) ويسترهن 5- ان يكون رافضا لاى قرارات دولية وفقا للتسلسل التالى (نرفض رفضا باتا , نرفض , والله ممكن نناقش , يغيرو ملابسهم ويجونا بجلايب , خليهم يجونا) وذلك كسبا للوقت ب- ضابط امن الشروط 1- ان يجيد اسلوب المؤامرات 2- ان يجيد التعذيب 3- خبرة فى فض المسيرات السلمية 4- ان يجيد الابتزاز 5- لا يهم الشهادات والمؤهلات ج- مدير بنك 1- ان يكون فاسد درجة اولى وبتاع عمولات 2- ان لا يهتم يقوم بتمويل حزبنا السياسى على حساب عملاء البنك 3- ان لا يتمسك بالاجرات القانونية فى حال الذى يرغب بالتمويل من طرفنا 4- ان يقوم بادخال اى اموال مغسولة ويساعد على تبيضها د- صحفى الشروط 1- ان يختلق قصص من راسه 2- ان يلمع تصريحاتنا وممكن يجيب تصريحات من راسه لو فى صالحنا 3- ان يعمل على تكذيب اى تقارير عن الوضع الانسانى وتعذيب المواطنين ويقوم بتصوير معتقلين فى فندق درجة اولى 4- ان يكون غائبا عن الوعى هـ - بودرابى فى سودانيز اون لاين 1- يكون زول ما عارف حاجة وبتاع مصلحة ساى 2- راسه فاضى (بس قرع) 3- يكون عامل فيها عارف والعكس صحيح 4- ان يجيد الكذب فى رمضان والتجنى على الغير 5- ان يكون ما بيحترم (رجولته) وكلمته وعامل فيها وطنى اهم شرط لكل الوظائف بما ان حكومتنا قد درست كل ملفات الفساد والتعذيب والسرقة (عينى عينك) والظلم وحرمان المواطن من كامل حقوقه الدستورية ... الخ فاننا وجدنا ان دولة السودان هى من اكثر الدول تاهيلا وخاصة فى زمن حكم حزب المؤتمر الوطنى لذلك سوف يتم اختيار افراد هذا الحزب المتقدمين للوظائف اولا نسبة لخبرتهم فى امور اللف والدوران نتمنى التوفيق لكل المتقدمين وزارة العمل دولة العدالة

يا دوت وليه التعب ده ورفع الإعلانات والإنتظار وزحمة الطوابير وتقديم الأوراق ولجنة الفرز .... و ...... و ,...... ليه ده كله ، المواصفات ده تنطبق 100 % على ناس الإنقاذ !!!!!!


تحياتى ورمضان كمل وليحسع ما سمعنا ولا شفنا حاجه ؟؟؟ وينك إنت أيها الراقى وينك ؟؟؟

عمنا بشير
كل سنة وانت طيب
يديك العافية على مرورك

مفروض نجيكم فى رمضان دى لكن حصلت مستجدات فى حكومة الجنوب حالت دون تنفيذ الدعوة
وتم تاجيلها الى حين الانتهاء من بعض الترتيبات فى الجنوب

اول زول انت حنط ليك نط واغلبك شديد

ما عايز هتيفة منافقين و كذابين زي ناس ( ميتة وهي طايرة) ؟

انا ما عايز عمولة ..... بس وجههم ينقطع من قدامي.

Quote: ما عايز هتيفة منافقين و كذابين زي ناس ( ميتة وهي طايرة) ؟ انا ما عايز عمولة ..... بس وجههم ينقطع من قدامي..

كيف ما عايزين

دى فاتنا كيف
اكيد عايزين

ناس جاهزين
وحافظين
بس يرددوا
ويهتفوا بحياتنا
ان شاء الله لو عملنا غلط

يقولوا (يعيش ... يعيش)

ناس جاهزة للتظاهر عندما يكون الضرر واقع علينا
ناس جاهزة للكل شئ من اجل بعض الفتافيت

ناس (اتوجدت هنا بالغلط)

أكاد أقسم أنك لست دوت مجاك الذي منح العضويه هنا قبل عدة شهور واللي قرر إنو يترك الكتابة في السياسه حتى لايغضب منه أحداً فقد هاجت فيه قبائل اليسار جميعاً عندما رأت أنه ينحاز أحياناً للحق حتى ولو كان على حساب حزبه وجماعته .. الرجل كان لايخشى في الحق لومة لائم
كان ذو خلق
عفيفاً
طيباً
لاتسمع منه فاحشاً إطلاقاً

ياريت تسلم لي على دوت الـ(أصلي) لمن تلاقيهو وقولليهو محمد فرح بقولليك (مكانتكم عظيمة في قلوبنا حتى ولو كنتم خصوماً لنا)

Quote: أكاد أقسم أنك لست دوت مجاك الذي منح العضويه هنا قبل عدة شهور واللي قرر إنو يترك الكتابة في السياسه حتى لايغضب منه أحداً فقد هاجت فيه قبائل اليسار جميعاً عندما رأت أنه ينحاز أحياناً للحق حتى ولو كان على حساب حزبه وجماعته)

محمد فرح كيفك
نهارك سعيد
والله ياهو انا زاتى
بس عايز اصححك شوية

عندما انضممت للمنبر كان بتكليف من الحزب الذى امثله لارد على الاكاذيب التى تنشر هنا

وعندما قلت انى ساتوقف كان لاسباب تنظيمية وليس لانى خائف ان يغضب منى احد ولكن الاسباب التى كانت ستمنعنى قد ازيلت وليس هناك شئ اخر

يعنى كنت حاخلى الكتابة فى المنبر عشان انا خائف على (سمعة) تنظيمى ( شفت كيف انحنا بنختلف عنكم)

وانا حتى الان اقول الحق ولا شئ غير الحق
فاذا كان الاشياء التى ذكرتها فى هذا البوست اكاذيب فلى الشرف ان اكون كاذبا

Quote: الرجل كان لايخشى في الحق لومة لائم كان ذو خلق عفيفاً طيباً لاتسمع منه فاحشاً إطلاقاً )

انا زى ما انا
طلع لى الفاحش فى كلامى دى وانا بوعدك اعتذر ليك قدام الجميع هنا
ولا لمن الكلام يصل العضم يكون فاحش

Quote: ياريت تسلم لي على دوت الـ(أصلي) لمن تلاقيهو وقولليهو محمد فرح بقولليك (مكانتكم عظيمة في قلوبنا حتى ولو كنتم خصوماً لنا) )

الله يسلمك اخوى محمد فرح
وبدون كذب ورياء مكانتكم سامية فى قلوبنا (كسودانى) ولكن مكانتكم (واطيةجدا) فى قلوبنا كحزب يمارس كل اساليب اللف والدوران

لقد وضعتمونى بارادتكم فى طريق (العنف الكتابى) رغم اشعاركم بعدم (التلفيق) ولكنكم اخترتم الطريق الذى تجيدونه ونحن معكم فى نفس الطريق
السنا فى نفس المدرسة
ونسلك نفس الطرق المؤدية اليها

وفرقنا

اننا نقول ما يعرفه الجميع
وانتم تقولون ما تعرفونه فقط

مازال العرض ساريا


يا كيزان الهناء

لو خايفين تقدموا مباشر ممكن نخليكم تقدموا للوظائف دى بالسر

عليكم مراستلنا على البريد الالكترونى التالى

منافقين @ قتلة دوت حرامية

فوووووووق

يا كيزان الهناء


انا وراكم وراكم

وبجهز لى فى بوست فيها كل فضائحكم (اصلكم مفضوحين ) الى يوم الدين

العزيز دوت سلامات
ما دايرين ليكم والى؟ طالع واكل نازل واكل زى المنشار ومافى تصديق لمشروع استثمارى فى ولايته الا وهو شريك فيه بنسبة؟
المناصب المطلوبة مفروض تكون اكتر من كدة

اخى ان فضح ما هو بائن للعيان لا يحتاج لفضح فرائحة فساد الذين ادعوا الحكم على نهج الراشدين فاقت حدود بلادنا لحدود بلاد اخرى وان اردت فقط زيارة الى ماليزيا تكفيك وفيها العجب اذا استقصيت عن الشركات المملوكة لعرب اشترت باسمها الظاهرى فقط نص البلد ستريعك النتيجة هناك شركات سودانية اخرى مدفونة تحت الرماد هى من اشترت املاك هذا الشعب

قال ايه بيت التمويل....... الاسلامى؟؟؟؟؟؟؟؟
ابحث استقصى ستجد اننا الشعب لقد تم بيعناعز النهار
انتظر يوما ماسنجد من يقبض علينا(يحجز علينا لاننا ملكية لمشترى)

انظر خلفك امامك ستجد لا شىء سوى الظلم
المفضوح لا يحتاج لفضح اخى دوت
ساسمى لك شارعا واحدا فقط فى الخرطوم هناك ثلاثة شركات كبرى تحوز على اى شىء وكل شىء وباى شىء تتبع لاخوان مسئول كبير والقائمة تطول والمفضوح فاضح بشكل مفضح

ومعاك لرص القوائم

ولكن هل يعى بنى وطنى؟ الكل يعلم وقريب الرئيس معين من غير تعيين فى وظيفة جلب المشاريع بس تقسم معاهو الفيها النصيب هذا الرجل كان يعمل استاذا يعنى معلم اجيال تعال شوف الغنى اللى هو فيه ولا اخوانه؟ يجيب ليك تصديق لاستيراد لبن الطير فى لمح البصر

نجلاء الماحى

Quote: اول زول انت حنط ليك نط واغلبك شديد

وأنا على جمر أتحرق للقياك أخى العزيز دوت

الاخت نجلاء الماحى
كل سنة وانتى طيبة

فعلا عمايلهم الناس كلها عارفنها

لكننا نريد تسليط الضؤ اكثر عليها خلال هذه الفترة

عشان الناس كلها تفتكر وما تنخدع زى زمان

دول وحوش المال اختى والدين منهم برئ جدا




عمنا بشير
والله انحنا كلنا وان شاء الله بعد العيد ساتصل بك لتاكيد الزيارة

وكل سنة وانت طيب واولادك طيبين يا راجل يا طيب

بالغت مع الجماعة ديل لكن

لكن بينى وبينك

العطاء حيرسى ليهم

اصلو دى مجالهم ودى تخصصهم

شاطرين فيها شطارة شديدة

وظيفة اضافية لصحفى

الشروط
1- رافع نخرتو فى الفاضى
2- انتهازي
3- كسول جدا
4- كذاب جدا
5- هندى (الجنسية او متجنس) شرط اساسى