Post: #2
Title: Re: الماشاف بهنس .... يشوفو هنا
Author: Tumadir
Date: 12-13-2004, 03:35 AM
Parent: #1
فى انتظار القلرى ومجموعة القصائد..والشعر المضفر
سيرتك يا بهنس جميلة وناصعة..على صغرها..
ولك دائما فى مقعد المتفرج والمشجع...معجبة اسمها تماضر
شكرا يا وليد..
(زى ضنب المسدار بتاعنا طلعت شكرا يا وليد دى..)
|
Post: #3
Title: Re: الماشاف بهنس .... يشوفو هنا
Author: وليد محمد المبارك
Date: 12-13-2004, 04:04 AM
Parent: #2
هاهاهاهاهاهاهاهاهاهاهاهاهاها
بتلف وبتجيييييييك راجعة
|
Post: #4
Title: Re: الماشاف بهنس .... يشوفو هنا
Author: AnwarKing
Date: 12-13-2004, 04:15 AM
Parent: #1
الحبيب وليد...
سلامات...
Quote: ده الموقع الافتراضي بتاع محمد بهنس
|
موقع ساكت يفتح الله؟
بهنس دا زولن لذيذ بالحيل... اداني أنطباع جميل يوم لاقيتو فى المركز الثقافي الفرنسي فى ورشة عمل تطوير موقع عقد الجلاد قبل سنتين...أو يزيد...
الزول الراستا دايماً تحس بيهو حر فى نفسه...
تحياتنا ليهو بالله...
لك الودّ
أنور
|
Post: #5
Title: Re: الماشاف بهنس .... يشوفو هنا
Author: وليد محمد المبارك
Date: 12-13-2004, 06:14 AM
Parent: #4
يا انور
العاجبني في بهنس ما شراد زس ناس كده
قاعد في البلد ورابط الحزام في نصو وبسوي واقول الدايرو
اها في ارجل من كده!!!؟؟؟
هاهاهاهاهاهاهاهاهاها
انشاء الله طرف السوط ما وصلك يا تماضر
|
Post: #6
Title: Re: الماشاف بهنس .... يشوفو هنا
Author: الجندرية
Date: 12-13-2004, 07:55 AM
Parent: #1
شكراً يا وليد
على تعريفنا على الشاعر والتشكيلي بهنس
والف مرحب بكما ، ابهجتموني واخرين وتماضر في بوست المسدار
|
Post: #7
Title: Re: الماشاف بهنس .... يشوفو هنا
Author: وليد محمد المبارك
Date: 12-13-2004, 08:00 AM
Parent: #6
جندرية
الهبشك ما ضراك
تسلمي يمه
|
Post: #8
Title: Re: الماشاف بهنس .... يشوفو هنا
Author: mohammed alfadla
Date: 12-13-2004, 08:31 AM
Parent: #1
الشراد منو يا وليد
????????
|
Post: #9
Title: Re: الماشاف بهنس .... يشوفو هنا
Author: الجندرية
Date: 12-13-2004, 09:27 AM
Parent: #1
وليد
راس السوط وصلني انا دي
من مشاركاتك هنا انت زول فنان
كدي افرك عيونك وعاين كويس
في الوان تانية في الدنيا
المهاجر ما بقابلها الشرد وانهزم وخان
و الباقي في البلد ما بقابلها الوطني الشريف وعفيف
عليك الله ما تقعد توزع في احكامك بالقسوة دي
ومعليش على الحدة اول مرة في البورد دا انفعل لي في وش زول واقول ليه اعمل وما تعمل
بس حرقني كلامك
وياما في ناس في الغربة قلبهم ودمعهم ودمهم وهمهم مع ( ولد دافور ) السمعو اخباره في (الدش ) ، وناس في البلد شالت سونكيها و غزتها في قلبو
حرام عليك ياخ
مانا الخايفين ولا الخاينين وكل زول واختياره وظروفه
|
Post: #10
Title: Re: الماشاف بهنس .... يشوفو هنا
Author: محمد بهنس
Date: 12-13-2004, 11:00 AM
Parent: #9
والله يعني.....الكلام كتير لكن...شكرا بكل محبه ليكم نفر نفر...والماعندو محبه ماعندو الحبه.وأنا أفتقد صوتك الجميل في الكتابه يا تماضر وحين أقرأ أسمع .,يا تماضر أنا شاكي ليكي وليد أخوي ده...من ما عمل البوست ده..لقيت صورتي في البوست والبوست انقسم الى أين الله أعلمأنا لقيت صورتي دي ما كعبه لكن الورقه التانيه راحت وييين؟من الذي؟...يعني أنا دار شرح حلو كده علي وزن المسطول الصاحبو قال ليو أختي ماتت ,قال ليه وهو شارد)والله جميلياخ
شكرا ياوليد بالجد وأقول لكم جميعا لا فضل لمقيم على مهاجر..ياأخوانا الحياة دي عجيبه أكان هنا أكان هناك...محبتي مرة أخرى
|
Post: #11
Title: Re: الماشاف بهنس .... يشوفو هنا
Author: mohammed alfadla
Date: 12-13-2004, 11:02 AM
Parent: #10
بهنس إنت بقيت وجيه ولا شنو
|
Post: #12
Title: Re: الماشاف بهنس .... يشوفو هنا
Author: محمد بهنس
Date: 12-13-2004, 11:25 AM
Parent: #11
ياخوي الوجاهه الجوه جوه معانا أما البره حمد الله الكتير تمانا من ماقمت خاميك في الحسس....ياخ انا الليله زهجان ما قادر أمسدر...اتخيل مسدار الخرطوم نصو اختفى!!!
|
Post: #13
Title: Re: الماشاف بهنس .... يشوفو هنا
Author: وليد محمد المبارك
Date: 12-14-2004, 06:13 AM
Parent: #9
يالجندرية كدي اهدي وما تهرشيني
الكلام الكاتبو ما نبز قدر ما هو حريش عشان ناس يجو للبلد
بعدين هو ما كلام للناس كلهم انا بشاغل بيهو فاضلابي (وعشان بيني وبين في عيش وملح وخوه)
وقايلو بفهمني وبيقبلني بي سغالتي
وتماضر عشان حاسي انو شارعنا واحد
لكن الفاضلابي حتى هو ما قبل
وتماضر ما سمعنا كلاما
اما الظروف والاختيار وباقي الحاجات مقدرنها او بالاصح ما بتخصنا
وبخصوص سوالك فركتها عيوني وعاينت كويس
اي في الوان تانية
وسلام
|
Post: #14
Title: Re: الماشاف بهنس .... يشوفو هنا
Author: mohammed alfadla
Date: 12-14-2004, 02:51 PM
Parent: #13
والله أظنو الوليدات ديل خلوك طبيعي ساكت مازي زمان
يعني ما نرجع الهزار باك أصلو
ياخ أقول ليك
كلامك صاح أها
وما مجاملات ولا مصالحة
لكن يا ولي المعايش جبارة
بعدين إنت بقيت زول سمين ياخي
وليد حرام عليك بت الناس المعرسا دي ذنبها شنو تعاين الليل النهار لخلقة زي دي
وليد الكورة الجكة أي حاجة يا مان
|
Post: #15
Title: Re: الماشاف بهنس .... يشوفو هنا
Author: Tumadir
Date: 12-14-2004, 03:05 PM
Parent: #14
كنت دايرة اشكر ليك الهجرة ما لقيت حاجة يشكروها بيها جيت اشكر السودان ما لقيت حاجة..
انت قولو كلامكم وانا بسمع..
قررت امشى القمر
اشترى لى قطعة قمر واقعد..امشى لى "مصلحة القمارى"واشترى لى قطعة قمر ابنيها واسكن فيها
تانى فى مشكلة؟؟
|
Post: #16
Title: Re: الماشاف بهنس .... يشوفو هنا
Author: ود الشيخ
Date: 12-14-2004, 07:40 PM
Parent: #1
اختنا بت شيخ الدين
القمر بعد اكتشفوهو ولا قبال
|
Post: #17
Title: Re: الماشاف بهنس .... يشوفو هنا
Author: وليد محمد المبارك
Date: 12-15-2004, 10:21 AM
Parent: #16
تماضر
برضو بشاغلك من هنا
انشاء الله بي مراية اعكس بيها ضوء القمر وازغلل ليك عيونك لمن تجي واقعة في الواطه
|
Post: #18
Title: Re: الماشاف بهنس .... يشوفو هنا
Author: مريم بنت الحسين
Date: 12-15-2004, 11:04 AM
Parent: #1
بوست ظريف يا وليد وتماضر ... وبهنس
بنت الحسين
|
Post: #19
Title: Re: الماشاف بهنس .... يشوفو هنا
Author: وليد محمد المبارك
Date: 12-16-2004, 09:59 AM
Parent: #18
شكرا يا بت الحسن
والله العظيم يا فاضلابي اخوي
كلامك انت الصاح
الشفع جنوني جن
شغالين فيني وامهم ورديات بالليل
ينوم محمد تصحى شهد تنوم شهد يصحى محمد للصباح
وبعدين انا سمين
كدي عاين لي كضومك ديل
اما انت يا تماضر
لو ما قدرتي تشكري الهجرة شكري ابروف
تهااااااااااااااااااااااي هاهاهاهاهاهاهاهاهاهاها
ويا بهنس
ما تقول لي شكرا ولا حاجة
انا ما بقيتك زول مشهور
واي زول بيعرف صفحتك
|
Post: #20
Title: Re: الماشاف بهنس .... يشوفو هنا
Author: Rawia
Date: 12-16-2004, 11:11 AM
Parent: #19
شفنا بهنس وقرينا ليهو
وشكرا ليك انت وهو وكل القاعدين في السودان وما مرقوا
صراحه انا لو رجعت السودان بكون عاوزه اعيش في الجابراب ودي في المحميه غرب
عجبني بوست المسدار وعلقت ليكم فيهو -انت بالتحديد-
لكن كانت مداخلتي لي جوه ........ظاهر كدا ماشفتوها
عموما عجبني شديد بوست المسدار
|
Post: #21
Title: Re: الماشاف بهنس .... يشوفو هنا
Author: Tumadir
Date: 12-16-2004, 11:21 AM
Parent: #20
الجندرية انور كنج ودالشيخ ومريم بت الحسين وراوية بت العباسى
نورتو المسادير وبهنس..
وانا وليد ده عشان باقى لى فى حلقى قررت لما اسكن القمر اسكن قصاد هلال رمضان
واشر هدومى ليلة التاسع والعشرين
عشان اصلو ما "يفطر لرؤيته"
|
Post: #22
Title: Re: الماشاف بهنس .... يشوفو هنا
Author: وليد محمد المبارك
Date: 12-16-2004, 11:24 AM
Parent: #20
مرحب راوية ازيك يمة
والله ماقريتو صاح
لاكن هسع بمشي بقراهو
وبخصمك بي اغلى شي عندك تاني تزوري مسدار بهنس ده وتعلقي عليهو تاني
النبي ... الرسول .. علييييك الله
وتعلي انشاء تعيشي في الجنية اللعوتة
انتو لو جيتو كلكم البلد دي بتعمر
وبشاشة زاتو انشاء يجي
مع اني زعلان منو
|
Post: #23
Title: Re: الماشاف بهنس .... يشوفو هنا
Author: وليد محمد المبارك
Date: 12-17-2004, 10:34 AM
Parent: #22
هاهاهاهاهاهاهاها
حلوه وملعوبه يا تماضر
لكن لما تجي ليلة 30 بتمشي وين
|
Post: #24
Title: Re: الماشاف بهنس .... يشوفو هنا
Author: وليد محمد المبارك
Date: 12-17-2004, 10:41 AM
يا تماضر بتذكري سنة 1987م
لمن انا كنت شافع في المتوسط
وجيتينا زيارة مدرسة الوفاق المتوسطة مع استاذ الفاتح
عشان تشوفي الجمعية الادبية والمسرح المدرسي
والله زمن حلو
ربنا يعيدو
|
Post: #25
Title: Re: الماشاف بهنس .... يشوفو هنا
Author: Rawia
Date: 12-17-2004, 10:59 AM
Parent: #24
Quote: وبشاشة زاتو انشاء يجي
مع اني زعلان منو |
اول حاجه من غير حليفه
ماعاوزه ليها حليفه
لاني عاجبني البوست شديد
اما بشاشه
مايحق ليك تزعل منو
بشاشه دا زول شملول واخو حاره
وبتلقاهو وكت الجد
بجد بشاشه دا احسن زول تعرفه وتتعامل معاهو
احترمه جدا واتفق معه في اغلب مايقول ويفكر وان اختلفت معه في طريقه حواره والحده والغلظه وان كانت مجديه احيانا
واسمح لي ارسل ليهو حاجه هنا
بشاشه الانسرمشين بتاعكم عاوز *يتغرف شويه
*حقوق الطبع محفوظه لمريم محمد الطيب......... ليها وحشه
|
Post: #26
Title: Re: الماشاف بهنس .... يشوفو هنا
Author: وليد محمد المبارك
Date: 12-17-2004, 11:07 AM
Parent: #25
يا راويه
اولاد الغرب كلهم اخوان حارة
بتلقيهم وكت الزنقة اساليني انا
وانا برضو بحترمو بشاشة لاكن مختلف معاهو في اغلب الحاجات البقولها
لاكن حكايت الحده والغلظة المجدية
ما بتفق معاك فيها
في ناس الحدة والغظة بتنشف راسهم زياده
ياخي ده قالي ياكوز
اها عليك الله في نبزة اكبر من كده
|
|