Post: #1
Title: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-21-2005, 11:59 AM
اي حريقة فيك
انت والناس البتحابي ليهم
حقاني يعني
حرقتك رودا
ومالك ما هجتا وكت ما هيجت البورد كلو
مرق ود عبد العاطي
لكن في الزي ديل بقعدو ليك في حلقك انت وحاشيتك
لابنخاف من سلتطك او تسلطك او ميزانك المخروب
ويا ريت لو كان عندنا امكانية عادل في الكتابة
ومعلوماته العارفها
كان الا تجرو
لكن بي طقيعنا ده وحبت امكانياتنا
ما بنخليكم
وتاني حريقه فيك انت وحاشتك
|
Post: #2
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: معتز تروتسكى
Date: 01-21-2005, 12:16 PM
Parent: #1
وليد
ماتنفعل كتير00
كل شى بى بالهداوه
انا زى ماقلت ليك الا اديك برودى ده00
عموما لو شالوك الصالح العام
سوقنى معاك00
بس فى مواضيع نخلصها هنا وبعداك ياقعدنا ويامشنا00
|
Post: #3
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-21-2005, 12:24 PM
Parent: #2
ما يشيلوني
يعني مرقوني من الجنه
ما بورة بتاعت فساد
زيها زي اي حفرة جوه البلد مليانة وسخ
وكلو زول غاشينا وعامل فيها انو اشرف زول واهما زول
ما ياها حركات الكيزان
الفرق شنو
ديك رافعين شعارات الدين
وديل رافعين شعارات الحرية والدمقراطية والفن الراقي
وطز كبير فيهم الاتنين
كانت كيزان وكان الفاكنها في روحهم هنا
خلاص يا معتز
الفينا كملت
ورحونا اتشحتفت
وفقدنا العشم في كل زول
ما ياهو الخربيش ده
بنعرف ليه
ما ياه التزوير والتدليس والبهتان
بنعرف ليه
ما ياها المحاباة
برضو بنعرف ليها
وزي ما بقولو الكيزان
الزارعنا غير الله اللجي يقلعنا
ياخي ده حبت بورت لا جاب ولا ودا
اتسلطو فيهو كده
يعني لمن يحكمونا حا بنصو المشانق في الجوامع
تاني طز
|
Post: #5
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: طارق اسماعيل
Date: 01-21-2005, 01:03 PM
Parent: #3
نحن السودانين دائما بس الزول يخطا خطا واحد بس
ننسي ليه كل حاجات واجتهاداته الجميله ومواقفه الرائعه
من لم يكن بلا خطئية فليرميها بحجر
مع احترامى ليكم كلكم ولكل السودانين
واتمنى ان تكون عندنا روح التسامح الجميل
|
Post: #7
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-21-2005, 01:08 PM
Parent: #5
حا نحاول يا طارق
وربنا يغفر لينا
|
Post: #4
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: Alshafea Ibrahim
Date: 01-21-2005, 12:58 PM
Parent: #1
ود المبارك ، كل سنة أنت وطيب
أعاده الله علينا وعليكم بالخير واليمن والبركات
يا خوي
ما بتستاهل الدنيا
ولا يجدي نفعا أن تحرق بكري أو من معاه ، إن كانت هناك أسباب تدعوك لحريق عدوخاص بكم فيجب تحديده ياود المبارك ، أصبح شيء مألوف وطبيعي أن ترى التناحر والاشتباك بالعصي والأيدي والألفاظ الغير مألوفة داخل هذا المنبر
الأخ بكري سهل لنا وسيلة اتصال يجب أن نفتخر ونعتز بها ،وهو لا يمثلني ، ولا يمثل ود المبارك ولا يمثل أي عضو بهذا المنبر فكل من هب ودب يكتب على هواه دون أدنى رقابة أو تدخل من الأخ بكري ،أجزم أن هذه وحدهاكافية لخروج الأخ بكري من (نارك) وثانياتركه باب العضوية مفتوحا على مصراعية لكل سوداني دليل على حسن نتيه وشهامته وحبه للجميع دون أدنى اشتراطات
أكيد تتفق معاي يا ود المبارك
الله يحفظك ويرعاك
|
Post: #6
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-21-2005, 01:06 PM
Parent: #4
شكرا جزيلا يالشفة
عوارة حقة سودانية
وخلاص انتهت
بشكرك كتير
بس بختلف معاك في الحته دي
| Quote: مفتوحا على مصراعية لكل سوداني دليل على حسن نتيه وشهامته وحبه للجميع دون أدنى اشتراطات |
ما مفتوح على مصرعية
اما بخصوص البورد فهو اسمه السودانيون على الهواء
يعني الجنسية هي الشرط الاساسي والمفروض يشكرنا بكري عشان جينا بورتيه
ما نشكروا نحنا
عموما شكرا كتير
وبعتزر ليك على حماقتي
انت واي زول ضايقو كلامي
|
Post: #8
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: عشة بت فاطنة
Date: 01-21-2005, 01:23 PM
Parent: #6
| Quote: وتاني حريقه فيك انت وحاشتك |
دا شنو يا ودامي ...
يا جماعة الجعلي دا مالو؟؟ وحاة الله كان اخير بوست المرارة !! انت كترة في الشربوت قام بيك ولا شنو؟؟
|
Post: #9
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: Hussein Mallasi
Date: 01-21-2005, 01:26 PM
Parent: #8
"سوداني" لا يخاف الاسد ....
|
Post: #15
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 07:59 AM
Parent: #9
ملاسي اخوي او عمي
| Quote: سوداني" لا يخاف الاسد .... |
ده شكر ولا نبز
 
|
Post: #14
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 07:54 AM
Parent: #8
هاهاهاهاهاهاها
اي والله يمة
امبارح شريت شربوت سواهو حبوبتي
من شدت ما هو مر
الاكبيت فيه سُكر
بعدين انا ما جعلي
انا دنقلاوي رباطابي
|
Post: #10
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: طارق اسماعيل
Date: 01-21-2005, 01:29 PM
Parent: #6
الاعتزار جميل
انت ياوليد زول سمح وسودانى اصيل
واتمنى ان تدوم المحبة والسلام والتسامح بين كل ابناء السودان
|
Post: #11
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: على اسماعيل
Date: 01-22-2005, 00:34 AM
Parent: #10
الاخ / وليد ود المبارك - التحية والاحترام
عيد مبارك عليك والاسرة وربنا يحقق امانيك وامانى كل الشعب السودانى .
الحقيقة انا اختلف معاك فى العنوان ومضامينو فيما يخص الاخ بكرى وتوابع الانحطاط بالمنير -
اذا كان ما دار بين الاخ بكرى والاخ عادل فيما يخص المعلومات بتاع سيئة الذكر - فوالله من المفروض من صديقنا بكرى كشف هوية اى عضو/ة وايقافه عند حده عندما يتخطى الخطوط الحمراء ويسئ و يسمم البورد بنتانتة اذا كانت عنصرية او دينية او .. او ..الخ ومن واجبنا ان نتفاكر ونتناصح مع الاخ بكرى ، ولكن برغم هذا لا ينسينا بأن الاخ بكرى بالفعل فتح لنا صالون كبير نتحاور ونتشاكل ونتصالح ونتواصل من خلاله وكما ذكر بعض الاخوان اذا حدثت هفوة او غلطة من الاخ بكرى مثلا لايمكن ان تمحى لنا تاريخ ملئ بالانجازات والتضحية من شخص بذل كل هذا الجهد فى سبيل تواصلنا وكل ما يخص سوداننا المصغر هذا - نتمنى التريث والتانئ ونسأل الله لنا التوفيق فى جعل هذا الصرح معافى - وفى الختام لك حبى وتقديرى
على اسماعيل
|
Post: #17
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 08:13 AM
Parent: #11
الاخ الكبير على اسماعيل
شكرا كتير على المداخلة
وكل عام وانت بخير
وربنا يحق اماني الشعب السوداني الطيبات -فقط
ما مختلفين كتير
وحا احاول اصلح عيوبي لي قدام
ما اصلو نحنا لسع بنتعلم من الزيك ديل
مع وافر شكري وتقديري
|
Post: #12
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: khider
Date: 01-22-2005, 00:35 AM
Parent: #10
|
Post: #18
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 08:31 AM
Parent: #12
Quote: لكن انت براك بعد كم شهر كده
حاتقول .. ده شنو السويتو انا ده
و حاتجي تكتب بوست تعتذر فيهو |
ياريت
واطلع انا شنو وكتاباتي قدام مبر بكتبو فيه امثالك
وصدقني بكون فرحان جدا لو كلامي طلع غلط
وبي نفس الشجاعة وفي رواية اخرى الحماقة الكتبتا بيها هنا
بكتب اعتزاري لمن اتاكد اني غلطان وفوقو حبة فخر كمان زيادة مني زي زيادة ست الفول لمن تشتري منها فول مدمس وتديك الزيادة تسالى
Quote: عادل عارف هو بسوي في شنو
اها انت عارف !!
ارجع للارشيف |
ياريت والله ابقى عارف
انا لو كنت عارف ما كان جيت هنا اصلا
ولا كان انفعلت الانفعال ده
انفعلت عشان خشاني شك في المعلومات والمضامين البتعلما هنا والافترضته انها حا تبقيني عارف
وما محتاجة ارشيف
ورحم الل امري عرف قدر نفسه
|
Post: #28
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: khider
Date: 01-23-2005, 02:15 PM
Parent: #18
Quote: ياريت
واطلع انا شنو وكتاباتي قدام مبر بكتبو فيه امثالك |
مالهم امثالي يا وليد ؟؟
|
Post: #16
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 08:05 AM
Parent: #10
طارق اسماعيل
امييييييييييييييييييييين
وتشكر على المداخلة
وكل سنة وانت طيب
|
Post: #13
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: عمر الفاروق شيخ الدين
Date: 01-22-2005, 05:50 AM
Parent: #1
ابو النسب:
والله عافي منك وكان اديتني من شربوتك الشربتو لمن خلاك كتبت الكلام ده تكون ما قصرت ...
ما حاننسي الجميل العملو بكري ولم بيهو شتاتنا لكن ما حاننسي الناس اللماهم بكري عشان يفرتقوا اللمة دي تاني ....
والله بس زكتني الفار السطل ولمن جاتو الكديسة قال ليها نادي لي ابوك زاااااااااتو
الكلام بالرغم من انو انفعالي شديييد لكن في ثناياهو الكتير جدا من الحقائق المفروض يلاحظ ليها بكري وهي :
الكيل بي مكيالين ....ليهم غفور رحيم ولينا شديد العقاب ....
ويازول خليك في المنبر ده اصصصصصصصصصصصصصصصلو ما تفوتو عشان بلد مافيها الورل بيقدل فيها الضب .......هييييييييييييييييييييع عافي منكيا ابو النسب وما تنسي ترسل لي من شربوتك ده ....
|
Post: #19
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 08:52 AM
Parent: #13
عمر الفاروق انت بتحمش فيني
هسع اقوم اعرض ليك في الكيبورت ده
وبعدين النكته بتاعتك سمعتها غلط
انا اديك ليها اصليك
يحكى ان
رجل من بتاعين الخدرا مصطول يعني ... متزوج وعندو اولاد... لكن مفلس .. ولمن يلقى قروش بصرفهم في السجارات وكده ... وبنسى الاسرة الصغيرة بتاعته ..
من شدت الفقر الهم فيه بيتهم اتملا فيران ... اها قامو عملو مصيدة للفيران ديل
المهم جات حبت قروش للراجل ده .. من شغلانة .. رسلها ليه مغترب .. المهم جاتو قريشات ... وطبعا اول حاجة مشى اشترى ليه سجارتين..
جا البيت ورشا الحوش ودخل يولع السجارة الاولى ويجي يقعد في الحوش المرشوش يشربها بي مزاج ... وهو مارق من المطبخ لقى انو المصيدة قبضت فار .. قال الليلة اعمل ليك في الفار ده جنس عملية...
اها ساق الفار معاهو الحوش .. وبقى يشرب النفس ويبخه في نخرت الفار لمن كمل السجارة الاولى
بعد ما كملت الاولى .. قام فكى الفار .. وقال كدي نشوفك بتعمل شنو ...
يازول الفار بدل ما يجر منو
جاهو راجع وطلع قعد في جيب الجلابية الفوق...
وصاحبك بدا السجارة التانية .. برضو بشرب النفس ويبخه للفار في جيب الجلابية للفار
المهم
جات المدام شايلة حلة وجارة الشفع وراها
قالت : يا راجل اديني حق اللبن من القروش الجاتك
قال المصطول : ياولية زحي من قدامي
قالت الزوجة : خلاص اديني حق خدار بكره
قال المصطول : ما قلت ليك زحي من قدامي
قالت الزوجة : طيب جيب بتاع المدارس
طبعا الكواريك ما بتنفع مع صاحبنا عشان بتفك الصطله قام قال ليها
: ما تزحي من قدامي ولا اقوم اضربك هسع
المره هاجت وقعدت تكورك
تضربني انا
انت قايلني هاملة
والله انادي ليك ابوي يدقك ويمرمط بيك الارض
او اخوي محمد يكسر ليك سنونك
او اخوي على يسوي ليك ويسوي ليك
قام الفار مرق من جيب الجلابية الفوق وهو زهجان من كواريكها وقال ليها
زح كده ولا كده مليتينا فقر
انشاء الله تنادي كديسكم زاتو
|
Post: #20
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: ابو مهند
Date: 01-22-2005, 12:58 PM
Parent: #1
اخوي وود حلتي وليد مبارك:
| Quote: يا سيد الحوش الكبير .. بكري ابوبكر... حريقة فيك انت والناس اللاميهم حوليك |
حاشاك من القول الكعب,,, سؤالي الاول,,انك تسحب البوست,,مهما حصل بين عادل وبكري,,فلنقل خيرا او لنصمت,,
ثانيا:
Quote: ويا ريت لو كان عندنا امكانية عادل في الكتابة
ومعلوماته العارفها
كان الا تجرو |
انت اكبر وافهم بمواقف دائما ومشاركاتك تدل على ذلك.
وتسلم ياغالي
|
Post: #21
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-22-2005, 01:09 PM
Parent: #20
ابو مهند رقم صفر
يا من بخلت علي بتعريفك لنفسك .. وانت تعلم من انا
| Quote: حاشاك من القول الكعب,,, سؤالي الاول,,انك تسحب البوست,,مهما حصل بين عادل وبكري,,فلنقل خيرا او لنصمت,, |
بخصوص سحب البوست
هذه من اختصاصات بكري فقط
لكن ارجو ان لا يفعل .. فالذي يحدث هنا ... يسجل للتاريخ .. بشره وخيره ... ليستفيد منه من يلينا في المستقبل القريب والبعيد ..
اما فيما يخص بكري
لم اغضب الا بعد استقالة عادل .. ومحاولت بكري بالكذب علينا في موضوع انا متخصص فيه .. ليس موضوع رودا ... وانما موضوع ال IP واخفائية وتحريفة .. وانا اعلم تماما ان هذا الموضوع محاولة لتزيف واقع واللعب على جهل الناس اللكترونيا ... لانه مثل ما يوجد هنالك برامج تخفي .. هنالك برامج تتعقب وتفضح ... وهي بالمجان
Quote: انت اكبر وافهم بمواقف دائما ومشاركاتك تدل على ذلك.
وتسلم ياغالي |
شكرا يا غالي على حسن الظن
لكنها الكرومسومات
لعنها الله
وتشكر كتير
|
Post: #22
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: malamih
Date: 01-23-2005, 00:49 AM
Parent: #21
وليد محمد مبارك ... لماذا تحرق الناس هاهنا و أنت تسيئ الأدب..
كنت أتمنى أن أري بوستا يخصك نستفيد منه و لكنك فضلت الإساءات و الحرائق
فهلا تفضلت بالمغادرة و الخروج النهائي..و كف لسانك عن الناس و صاحب الدار
يكرمك و أنت لئيم على الكرم .. و هي من أسوأ الصفات التي قالتها العرب
.. كلماتك تدل على سوء الأدب و اللؤم .. عليك الإعتذار أو فغادر..
|
Post: #23
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: خالد
Date: 01-23-2005, 06:08 AM
Parent: #22
اها يا وليد انا اقول ليك حاجة البباري الجداد معروف بمشي وين
والله اسمعها مني انا ده شفته اي درب مشى بيو عادل امسك عكسوا بس بتصل كويس جدا
|
Post: #25
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-23-2005, 07:14 AM
Parent: #23
الاخ الكريم خالد
شكرا على النصيحة
وكل سنة وانت طيب
|
Post: #24
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-23-2005, 07:11 AM
Parent: #22
malamih
شكرا كتير
اعتزر
.....
|
Post: #26
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: شمهروش
Date: 01-23-2005, 07:31 AM
Parent: #24
يمين بالله الشافعة الفي الصورة دي راسا داش
الصبر يا اخوي
خيره ياتي وان تاخر
وانا قاااااااعد معاك شوكة حوووووت
|
Post: #27
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-23-2005, 08:22 AM
Parent: #26
الله يعين يا شمهروش
وانت اطعم شوكت حوت طعنتني في حلقى
|
Post: #29
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: abookyassarra
Date: 01-23-2005, 11:22 PM
Parent: #1
هوى يا دنقلاوى
خلاص قام بيك الشربوت
انت بدل ما تهرش سيد الحوش (المسكين دا-!!)
ما تمشى تلحق قريبك ياسر
قالوا بعد الشية أدوها تخزينة وداااك يالدوبيت..فرج فينا اليمانيه
أها أنا قلت ليهو .. كان حيين بجيب وليد ونجيكم
بس نبيع كمبيوتراتنا دى ونقبض الجنيهات
أها الشربوت ( مطعم ) ولا مسيخ
|
Post: #31
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-25-2005, 07:50 AM
Parent: #29
قبضتك
وعرفتك
وما حا اقول اسمك عشان ما ...............
تحياتي للاهل
قلت لي صحبي سكر
اها جلدو ولا ما جلدو
جيب لي الشمار بالايميل
اما بخصوص الشربوت
طااااااااااااااااااااااااااااااااااااعم
قنعنا من كمبيوتراتكم
وانتم قنعتم من جنيهاتنا
سلام للحلوين الصغار
|
Post: #30
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: نادر
Date: 01-24-2005, 03:49 AM
Parent: #1
Quote: تاريخ التسجيل: 04-12-2004
مجموع المشاركات: 846 |
حليل سودانيز أونلاين
وحليل الراحو ...
|
Post: #32
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-25-2005, 08:03 AM
Parent: #30
بل حليل السودان زاته
Quote: عدد البوستات: 691
تاريخ التسجيل: 27-11-2002
|
|
Post: #33
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: المكاشفي الخضر الطاهر
Date: 01-25-2005, 08:22 AM
Parent: #1
أفو يا وليد دا كلام شنو
؟؟
اسي إنت بترضى زول يقول ليك حريقة فيك ؟؟
|
Post: #34
Title: Re: يا سيد الحوش الكبير .. بكري ابوبكر... حريقة فيك انت والناس اللاميهم حوليك.....
Author: وليد محمد المبارك
Date: 01-25-2005, 08:30 AM
Parent: #33
لالا مابرضى
لكن كمان ما برضى زول يغشني ويستهبلني في حاجة بعرفها وبفهم فيها كويس
|
|