Post: #1
Title: عاطف مسخو
Author: وليد محمد المبارك
Date: 04-30-2007, 11:06 PM
Parent: #0
الزول ده صاحبي .. عاجبني جدا
عاوز اونس نفسي بيه هنا في البورد .. والبلقى فرقة وعاوز يقرأ عن زول كويس يدخل ويطالع
|
Post: #2
Title: Re: عاطف مسخو
Author: وليد محمد المبارك
Date: 04-30-2007, 11:11 PM
Parent: #1
مرة كنا في مشوار سوا .. وقفنا تاكسي
ركب عاطف في المقعد الامامي جوار السائق
ركب انا وشخص اخر في الخلف
سائق التاكسي سأل السوال التقليدي :
وين ؟ ....
رد عليه عاطف مسخو بمكر :
والله قاعدين .. انت الوين ؟
|
Post: #3
Title: Re: عاطف مسخو
Author: وليد محمد المبارك
Date: 04-30-2007, 11:16 PM
Parent: #2
في نفس المشوار
سايق التاكسي بعد ان ركبنا معه كان مسرعا جدا
ساله عاطف مسخو بنفس المكر :
يا زول انت جاري شديد كده مالك .. انت ماشي معانا المشوار ده ولا شنو ؟
|
Post: #4
Title: Re: عاطف مسخو
Author: احمد معتصم الطيب
Date: 04-30-2007, 11:33 PM
Parent: #3
الأخ وليد
ياأخي مـــسـخـو صاحبك
مسخو الفنان ..
ولد مشاغب ولذيذ وساخر وأخو أخوان
الذ حلفاوي ......
تحياتى لك ولعاطـف مـــســخو
أحمد
|
Post: #5
Title: Re: عاطف مسخو
Author: وليد محمد المبارك
Date: 05-01-2007, 04:22 AM
Parent: #4
الأخ / احمد معتصم
سلامات واحترمات
تتصور الحلفاوي المسكون ده صحبي .. وصحبي شديد كمان
ربنا يرد غربته
|
Post: #6
Title: عاطف مسخو
Author: الفاتح خليل الفكي
Date: 05-01-2007, 07:43 AM
Parent: #1
الأخ / وليد
سلام واحترام ،،،
تحياتي وسلامي واشواقي لمسخو الفنان
جمعتني معه جامعة الفرع ورابطتهم الجميلة الديوم الشرقية
حلفاوي جميل وفنان ومشاغب ومصمم بارع
تقبل تحياتي ،،،،
أبو كريم
|
Post: #7
Title: Re: عاطف مسخو
Author: مصطفي سري
Date: 05-01-2007, 06:19 PM
Parent: #6
ازيك يا وليد وشكرا جدا انك جبت سيرة ابن خالتي عاطف مسخو
واخر مرة التقيته في الخرطوم وهو في طريقه الي دبي وبشرني
بقدوم مولدوده وكنا وشقيقه حسين نسكن سويا في نيروبي ونتصل
احيانا بعاطف ، واكون شاكرا لو وصلت تحياتي له من علي البعد
وتجدنا ايضا نتابع حكايات مسخو الكثيرة وساحاول اتذكر ايضا
من تلك المساخات
|
Post: #12
Title: Re: عاطف مسخو
Author: وليد محمد المبارك
Date: 05-02-2007, 11:01 AM
Parent: #7
الآخ / مصطفى سري
ود خالتك زول حلو يا مصطفى
والامارات حرمتنا منو
اكيد تحاياك حا اتوصل ولو عندك اتصال بحسين سلم لي عليه
انا ما بعرفه لكن سمعت عنو كتير من عاطف
_________
بالمناسبة مولدته توفيت بعد فترة قصيرة من ولادتها
ربنا يعوضه
|
Post: #8
Title: Re: عاطف مسخو
Author: وليد محمد المبارك
Date: 05-02-2007, 08:06 AM
Parent: #6
الأخ / الفاتح
خالص الود والشكر
وتحاياك ستصل ان شاءالله
تسلم يا زوق
|
Post: #9
Title: Re: عاطف مسخو
Author: ناصر جبريل
Date: 05-02-2007, 08:28 AM
Parent: #1
العزيز وليد
عاطف دا بتاع حي الزهور
|
Post: #10
Title: Re: عاطف مسخو
Author: وليد محمد المبارك
Date: 05-02-2007, 08:38 AM
Parent: #9
حبيبنا ناصر
ياهو زاتو ..
|
Post: #11
Title: Re: عاطف مسخو
Author: حمزاوي
Date: 05-02-2007, 09:07 AM
Parent: #1
وليد
مسكاقمي
كان تلميذي في مدرسة الديم شرق 2 المزدوجة
مش كدا يا مصطفى سري ولد عشه سري
|
Post: #13
Title: Re: عاطف مسخو
Author: وليد محمد المبارك
Date: 05-02-2007, 11:35 AM
Parent: #11
أستاذ / حمزاوي
سلامات
بالله انت استاذ مسخو ..!
قم للمعلم ...
تحية واحترام
عاطف كان بليد موش ؟
|
Post: #14
Title: Re: عاطف مسخو
Author: Ahmed Mohammed Osman
Date: 05-02-2007, 11:45 AM
Parent: #1
عاطف مسخو المصمم العظيم
او كما يحلو له ان يعرف نفسه عندما يتعنطظ
ويكون لابس التريننق الاخضر
عاطف صديق (حربي) حد الهمالة (هامل شديد)
اخو اخوان
وفنان يعشق الكوريل
وجننا بي ومضة
-----------
انقطع اتصالي به حوالي اربعة سنوات
بلاي يا وليد لو عندك تلفونو في الامارات لزو لي في المسنجر
وقول ليهو بويزون بسلم عليك
|
Post: #15
Title: Re: عاطف مسخو
Author: وليد محمد المبارك
Date: 05-02-2007, 12:14 PM
Parent: #14
الأخ / احمد
الحلفاوي ده متفلقص خلاص
لكن بحق هو مصمم عظيم
تلفونو بجيك يا حبه
تسلم
|
Post: #16
Title: Re: عاطف مسخو
Author: وليد محمد المبارك
Date: 05-02-2007, 12:29 PM
Parent: #15
عاطف مسخو .. جمع اربعة اشياء لا تجتمع الا نادرا
فنان .. حلفاوي .. ساكن حي الزهور فتحت ... ودرس في المدارس المصرية
عشان كده هو متطنقع على البشرية
|
Post: #17
Title: Re: عاطف مسخو
Author: وليد محمد المبارك
Date: 05-02-2007, 12:34 PM
Parent: #16
فنان ..
مصم مقتدر يجيد التعامل مع برامج الجرافك والدزاين .. اتعامل معاها من بدري .. وقبل ما يتعامل مع الحاسوب عركه الفن في شوارع الخرطوم .. فجملها بلافتات واعلانات وواجهات محلات وتصاميم مغلفات اشرطة كاست لكبار الفنانين
|
Post: #18
Title: Re: عاطف مسخو
Author: وليد محمد المبارك
Date: 05-02-2007, 12:52 PM
Parent: #17
حلفاوي ...
حلفاوي يعني نوبي .. نوبي يعني 7 الف سنة من الحضارة .. يعني البجراوية .. يعني نبته .. يعني الدولة المسيحية القديمة .. يعني رمات الحدق .. يعني اتفاقية البقط.. وحديثا يعني وردي
|
Post: #19
Title: Re: عاطف مسخو
Author: مصطفي سري
Date: 05-02-2007, 01:03 PM
Parent: #17
اسف جدا لعاطف والصديقة العزيزة وبنت الدفعة (في القراية طبعا لانها اصغر مني )
لوفاة مولدهما وربنا يعوض ، اضف لك بجانب انه فنان جرافيك واظن استلفها من شقيقه
حسين حلفاوي كما يشتهر بذلك في كينيا وشرق افريقيا وهو رسام وموهبة كبيرة
قلت ان مسخو يجيد الغناء بالحلفاوي وكذلك بالعربي السوداني ويقلد كثيرا الفنان
محمد ميرغني ويعشقه بصورة جنونية (مش كدة يا وليد ) وعاطف مسخو ايضا مع انه
من حي الزهور لكنه وبسبب مدرستنا الديم شرق 2 النموذجية يحب الديوم الشرقية
ونحن قمنا في الديم بيوت الحجر وتجد مسحو حايم وهايم بهناك واذا سالتوا
بعد الزواج لن يجيب ليك .
الاستاذ حمزواي مسكاقمي ، تكون استاذ مبارك الذي درسنا في الابتدائية ام
استاذ اخر او سكنت جوارنا مع ان استاذ مبارك ايضا سكن جوارنا في المساكن
الشعبية جوار ترب فاروق لانك استخدمت الشفرة بقولك عشة سري ، يا سيدي تشكر
وانتظرك واتمني ان تمون استاذ مبارك واذا ما هو برضو الف مرحب ، معليش
يا وليد للاطالة والشكر لك ايضا
|
Post: #20
Title: Re: عاطف مسخو
Author: وليد محمد المبارك
Date: 05-02-2007, 01:17 PM
Parent: #19
حي الزهور فتحت ...
لمن لا يعرفه هو المنطقة جنوب مقابر فاروق مباشرة ..
سكان ذلك الحي فيهم شفتنت الديامه وارستقراطية سكان حي العمارات
يعني شفاته متطنقعين
|
Post: #34
Title: Re: عاطف مسخو
Author: احمد معتصم الطيب
Date: 05-02-2007, 06:56 PM
Parent: #20
ياوليد
ناس حي الزهور شفوت أأأى و حلوين بس ما متطنقعين
ولا كيف!!
تحياتي
|
Post: #23
Title: Re: عاطف مسخو
Author: وليد محمد المبارك
Date: 05-02-2007, 02:00 PM
Parent: #19
يا مصطفى معليش شنو
ما كتبته هو المقصود لاجله البوست .. فعليك الله طول قدر ما تقدر وجيب لينا خبايا هذا الحلفاوي
فعلا يمتلك عاطق صوت شجي .. وهو يجيد الغناء ولولا اسباب خاصة به لكان من اهم المغنين الان .. وكما تفضلت هو يعشق الاستاذ محمد ميرغني لحد الجنون .. ويجيد غناء كل اغنياته .. ويؤديها وهو مغمض العينين مستمتع بكل حرف فيها وكل دوذنة وتر
واصل يا حبه واسهب عليك الله
|
Post: #21
Title: Re: عاطف مسخو
Author: حمزاوي
Date: 05-02-2007, 01:24 PM
Parent: #1
| Quote: الاستاذ حمزواي مسكاقمي ، تكون استاذ مبارك الذي درسنا في الابتدائية |
هو ظااااااااااطو
وكنت ساكن جاركم في بيوت الحجر
وخال زميلك معاويه
كيف اخبار الوالد والوالدة واخوانك واخواتك
تعرف انا لمن مشيت الاجازة اتصل بي محمد منير الحلفاوي
وسألت منك ومن فرعون ودسوقي وعوض عثمان
|
Post: #22
Title: Re: عاطف مسخو
Author: وليد محمد المبارك
Date: 05-02-2007, 01:50 PM
Parent: #21
درس في المدارس المصرية ..
درس عاطف مشخو في مدرسة جمال عبد الناصر سابقا كلية الاداب جامعة النيلين حاليا
وطلاب المدارس المصرية وخصوصا جمال عبد الناصر .. كانو يشعرون بانهم افضل حالا من طلاب المدارس السودانية في ذلك الوقت .. اولا لانهم كانو غير مقيدين بيونفورم او زي موحد .. كانو ياتون الى المدرسة في كامل اناقتهم وهندامهم .. ثانيا لم يكون هناك عقاب وجلد في تلك المدارس .. وكل مدرسة سودانية كان فيها صول غليظ القلب واليد ... ثالثا لان اغلب المدارس المصرية كانت مختلطة .. رابعا وهذا خاص بجمال عبد الناصر فقط انها كانت بجوار جامعة القاهرة فرع الخرطوم .. وكان طلاب جمال يدكون حصصهم لحضور ركن نقاش او حفل يحيها وردي او يوم ثقافي حافل بجامعة الفرع (الحنينة السكرة )
لاجل كل ما سبق
كان طلاب المدارس المصرية ضعيفين اكاديميا
لكنهم كانوا منفتحين اجتماعيا وثقافيا بل وسياسيا بالنسة لطلاب جمال عبد الناصر خاصة
واهما شي ما عندهم عقدة من الاختلاط
|
Post: #24
Title: عاطف مسخو
Author: الفاتح خليل الفكي
Date: 05-02-2007, 02:25 PM
Parent: #1
الأخ / وليد
سلام واحترام ،،،،
والله يا وليد ظلمتنا تقول طلاب المدارس المصرية ضعيفين اكاديمياً
لا والله يا وليد نحن شاطرين اكاديمياً واجتماعياً وثقافياً وسياسياً
وشرامة ومفتحين وما عندنا اي عوجة واسال مسخو المسلط دا
احتمال يكون في بعض الطلاب ضعيفين اكاديمياً لكن برضو في المدارس السودانية موجودين
تحياتي من خلالك للأخ والصديق عاطف مسخو
تقبل تحياتي واحترامي ،،،،
أبو كريم
|
Post: #25
Title: Re: عاطف مسخو
Author: وليد محمد المبارك
Date: 05-02-2007, 02:40 PM
Parent: #24
هاهاهاهاهاهاهاهاها
يالفاتح ما تزعل
انا زاتي خريج جمال عبد الناصر
مفتحين اي نعم
شرامه اي نعم
منفتحين سياسيا وثقافيا واجتماعيا اي نعم
لكن شطار
يخربني لا سمعت ولا شفت
|
Post: #26
Title: Re: عاطف مسخو
Author: fadlabi
Date: 05-02-2007, 03:44 PM
Parent: #1
مع إنه مسخو زعلان مني
لكن و الله و حياة البينا أنا بحبه حب عجيب
عاطف علمني شغل السوق
و كيف بقاولو اليافطة و كيف بعملوها
ولد زي الوردة لمن يحبك و راسو زي الحجر
أخو أخوان و حنين
ضحكته قريبة و دمعته قريبة
و بعرف يخط و يغني و يصاحب..
يا حليلك يا مسخو يااااااه
و الله مشتاقين
|
Post: #27
Title: Re: عاطف مسخو
Author: احمد معتصم الطيب
Date: 05-02-2007, 03:57 PM
Parent: #26
تعرف يا وليد مسخو زوول نشيط
جدآ وكان عندنا جمعية ثقافية
فى حى الزهور (جمعية حى الزهور الثقافية)
ومسخو كان الخطاط وكان معنا فى الكورال
وفى الفريق يعني كفر ووتر وقلم ومشارك فى
جميع النشاط بتاع الجمعية وسحس أخو ده
كمان لذيذ جدآ وفنان درجة ممتاز رســـــام بقوم بخمسة عديل
كده وقبل ما يسافر كينيا كان عندو معرض فى مريديان الخرطوم
...........
الأستاذ مصطفي سـري يا خال مسخو
أنا كنت قايلك قريب ناس الحبوب وأمين أب عيون!
وعارفك بتقرب لى سامر حبيب وبلى...
تحياتى
|
Post: #31
Title: Re: عاطف مسخو
Author: وليد محمد المبارك
Date: 05-02-2007, 04:46 PM
Parent: #27
كيف يا ابو حميد
نشاط عاطف ده انا عشت على الطبيعة
ياما جرينا مع بعض وساهرنا وبتنا كمان
كان في بيتنا ولا في بيتهم
الغريبة قبل ما اعرف عاطف مسخو اتقابلنا في استاد المريخ
الزمن داك انا عب كبير ولاعب اشبال المريخ
وهو زول ساكت في الكورة
حاول يسجل معانا هناك
لكن الصراحة كورته حبة ما بتلعبوا معانا في اشبال المريخ
والوكت داك اشبال المريخ تتلتل
طبعا ما عرفت ولا اشتغلت بيه الشغلة
ذكرني ليها بعد ما اتعارفنا
هاهاهاهاهاهاهاها
قال كنت متقندف وعامل فيها مهم
قلت ليه اي مهم انت ما جريت وحفيت عشان تسجل معانا
وانا سجل في الاشبال من بيتنا وبدون ما اتمرن واسكها
والله عاطف يا حليله
|
Post: #28
Title: Re: عاطف مسخو
Author: احمد معتصم الطيب
Date: 05-02-2007, 04:04 PM
Parent: #26
الأخ fadlabi
طبعآ مسخو ونادر ومهدى وسحس كانو
ماسكين الجو قبل ما يظهر كبيرهم
قريبك حاتم فاضلابي ده كمان مجنون جن
خلى ساكت ..........
تحياتي
|
Post: #30
Title: Re: عاطف مسخو
Author: وليد محمد المبارك
Date: 05-02-2007, 04:19 PM
Parent: #26
فاضلابي ..
ســـلام
عاطف مسخو بشاكل .. لكن ما بزعل
انا القدامك ده موش كتبت البوست ده .. عاطف علاقتي بيه ما زي زمان .. فترانه شوية
عاطف لانو بدي نفسه كلها لي اصحابو .. عان كده بتوقع انو صحبه يديك نفسه كلها بالمقابل
ولو ما لقى المقابل ده بزعل .. وعشان هو بطوع الظروف كلها لصديقه .. ما بفهم ظروف صديقه ولا بتقبل انو ما يطوعها ويغلبها عشانه
حلفاوي مرهق خلاص ..!
لكن كما تفضلت صاحب جد وزول حارة واخو اخوان
وبتحبه ...
بتذكركم وانتو مختلفين في تخريج الرباط حول ديكور المسرح الاشتغله في التخريج بتاعكم
بتذكر انتقادك للالوان وبهتانا
وبتذكركم كمان وانتو شغالين نجفاط وشقيق في النجيب في الشهدا
واخر لمة شفتكم فيها مع بعض
كان في دكان عاطف الما اشتغل داك ( فاياد )
اظنك عملت ليه فيه جدارية بالجبص واللون
عاطف يا فاضلابي بتو اتوفت بعد ولادتها بي كم يوم
حقو تضرب ليه
|
Post: #32
Title: Re: عاطف مسخو
Author: Adrob abubakr
Date: 05-02-2007, 06:30 PM
Parent: #1
جيت أسلم عليك يا وليد...
لو ما عندك مانع داير أناقش معاك موضوع العنصرية
إذا سهل الله في بوست تاني عشان نزيل سوء التفاهم!!
تقديري
|
Post: #33
Title: Re: عاطف مسخو
Author: وليد محمد المبارك
Date: 05-02-2007, 06:51 PM
Parent: #32
ادروب ...
سلامات واحترامات
يا زول ولا تخت في بالك
نظريتين تشتغل بيهم ما بتجيك عوجة
الاولى
مافي النت للنت
الثانية
تتعامل مع النك نيم وما تتعامل مع الشخصيات وكل بوست بي دربو
اها يا ادروب حبابك الف في بوست الحلفاوي عاطف مسخو ده
وحبابك مليار في اي بوست تفتحه عن العنصرية
تلقاني معاك وبي كل موضوعية ومسئولية وصراحة
|
Post: #36
Title: Re: عاطف مسخو
Author: مصطفي سري
Date: 05-02-2007, 07:38 PM
Parent: #33
الاخ احمد وسيد الصالون وليد نواصل في سيرة ابن الخالة (يا احمد هو ود خالتي مش انا خالو)
والاخوان بلي ومحمد حبيب وسامر اولاد عمي لزم ، وانت تقصد امين ود ريدة
بامين ابو عيون وللا زول تاني؟ الحبوب صديق الصبا والشباب اتربينا سوا
ومسخو يا وليد بعد ما رحلنا من الامتداد من الديم وهم كانوا في حلفا الجديدة
وبعدها في الحلة الجديدة وبعدها رحلوا حي الزهور اها كان بيجي عندنا صباح ومساء
وهو صديق مع القرابة ببهاء شقيقي والذي ايضا درس في مدرسة جمال عبد الناصر
وكانت شلتهم وليست شلتي ، طبعا المقامات محفوظة وللا ايه يا ابني ، اها شلة
عاطف مسخو وبهاء الدين سري تتكون من ، حمو (محمد حسن الزبير) او ود المصرية
وهو الان في المانيا ، ابوعبيدة العب الان في لندن ، وعاطف حسين في الدوحة
وبهاء سري في جدة ومروان شاكر دهب في الخرطوم وما في داعي للجكس لانو بيجيب هوا
وتسلم يا وليد
|
Post: #37
Title: Re: عاطف مسخو
Author: وليد محمد المبارك
Date: 05-02-2007, 08:09 PM
Parent: #36
اخونا مصطفى سري
واصل سردك
علاقتي مع عاطف مسخو علاقة جامعة .. مع اني ما قريت النيلين لكن علاقاتي كلها كانت في النيلين
بعد داك علاقتي امتدت معاه للاسر والبيوت
|
Post: #38
Title: Re: عاطف مسخو
Author: احمد معتصم الطيب
Date: 05-02-2007, 08:17 PM
Parent: #36
الأستاذ سـري
أسف شديد كبرتك بكلمة خال عاطف دى
معليش أنت لسع شباب مدام الحبوب دفعتك
وأنا بقصد أمين ود ريدة..... وفردة عاطف
أبو عبيدة العب دفعتى فى الخرطوم جنوب 1
.... معليش يادرش وأسف شديدلكلمة خال دى....
....,,,,,,,,
تحياتى لناس الحجر ولك
|
Post: #35
Title: Re: عاطف مسخو
Author: احمد معتصم الطيب
Date: 05-02-2007, 07:09 PM
Parent: #32
الأخ Adrob abubakr
تحيات كميات
عليك الله البوست ده ماشي تماااام لاعنصرية لابتاع
ده بوست حلو وبتكلم عن زوول أخو شديد ومن حي لافيهو
عنصرية ولا حاجة فيهو حلفاوين ودينكا وجعلين وشلك
ونوبة و و و و و حى مثالي بالجد أرجوك ....
خالص الود
|
Post: #39
Title: Re: عاطف مسخو
Author: مصطفي سري
Date: 05-02-2007, 09:22 PM
Parent: #35
الاخوان وليد واحمد المعتصم ، التحايا
يا احمد مافي داعي للاسف الشديد عادي اصلا الصلعة مرات بتطلعني شقيق ابوي رايك شنو
ومرات اكون اخو الوالدة الكبير ، وتعرف عاطف نفسه كان بيقول لي الخال مع انو المستهبل
عارفني انا ود خالتو ، فيا احمد ما تتحسس الحالة واحدة ، لكن سؤوالي ليك هل انت سكنت
في الديم بيوت الحجر ؟ ووين ؟ يمكن اتذكر اخوانك الكبار او كدة ،
الوليد الاخ مسخو حظه مرات محس يعني مسخو لو حظه تمام ما كان بيمشي الامارات وانت تعرفه
ما بحب السفر بعيد عن اهله ، وهو كذلك لديه حظ لان مجال الجرافيك اصلا ليس مجاله لكن برع
فيه تعرف ليه ، لانه رجل مثابر ويتعلم اي شيء بسرعة واتقان نحن ما اتفقنا انو هو مسخو
ابقو عافية
|
Post: #42
Title: Re: عاطف مسخو
Author: وليد محمد المبارك
Date: 05-03-2007, 04:05 PM
Parent: #39
الأخ مصطفي سري
بالعكس الجرافيك ياهو مجال عاطف
القراية القراها في الجامعة ياها الما قرايته
عاطف قرا جغرافية غلط
عاطف كان شغال ثصميم وهو طالب لسع في الثانوي
اما بخصوص حظه وسفره
فسفر عاطف للامارات اكبر غلط
لانو المجال كان مفتوح قدامه هنا
|
Post: #43
Title: Re: عاطف مسخو
Author: احمد معتصم الطيب
Date: 05-03-2007, 04:35 PM
Parent: #39
الأخ وليد سلامات
كلام صحيح لو كان عاطف قعد فى السودان وصبر
شوية كده كان حيكون مابخلص والفن والخط و الجرافيك مولد بيهم الشفت ده الله يديهو العافية ولسع المجال
مفتوح قدامو والموهبة موجودة وأسمو محفوظ .
المهم الرزق مامعروف وين كان فى الجغرافية ولا
فى الجرافيك .... يا درش دى طبعآ بعد ماطلعتة خال مسخو وش مبتسم
وطلعتة ود خالتو... لو جبتة سيرات الجكس الهبوب
بتقوم......
تحيات كتيرات
|
Post: #44
Title: Re: عاطف مسخو
Author: وليد محمد المبارك
Date: 05-03-2007, 04:48 PM
Parent: #43
| Quote: مفتوح قدامو والموهبة موجودة وأسمو محفوظ . |
اقرا يا عاطف
اقرا وفكر
|
Post: #40
Title: Re: عاطف مسخو
Author: Ahmed Mohammed Osman
Date: 05-03-2007, 06:42 AM
Parent: #1
يا مسخو فاياد دي شنو يعني؟؟
فاياد:::: تعني الكتابة باللغة النوبية
السوال دا اظن سالتو مليون مرة وهو برد بنفس العبارة وباللغة العربية الفصحي....
فنان طويل البال
اذكر انو كنت طالب منو تنفيذ شعار بخط اليد لانو خطاط وبعداك اترسو براي
واديتو الفكرة والكلمة
وانشغل هو وبقيت ساكيهو كم يوم
ضربت ليهو: يا فقر عملت اللوقو؟؟؟
قال لي: لسه.. انت وين؟؟
وكنت في شارع الجمهورية في مكتبو الجوة المكتبة الاكاديمية
المهم مريت عليهو ولقيتو شغال في بوستر بتاع جلسة استماع لفنانة صغيرة (ليزا شاكر)
المهم
ما كان عندو قلم خط
ولعنا سجارة وخمسناها
كان بدق السجارة في غطا قزازة بيبسي
وتجمع الرماد في الغطا
كب عليهو موية
وبي فلتر السجارة
غمس في الغطا
وخط احلي شعار
الشعار للقاعدين في السودان هو شعار مناهج (اسطوانات تعليمية لطلبة الثانوي) زي شعار الجزيرة
|
Post: #41
Title: Re: عاطف مسخو
Author: احمد معتصم الطيب
Date: 05-03-2007, 01:40 PM
Parent: #40
مشتاقين يا مــــســـخـو
اشتقت ليك
محمد ميرغنى
شتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك
|
Post: #45
Title: Re: عاطف مسخو
Author: Haytham Abdulaziz
Date: 05-04-2007, 00:57 AM
Parent: #41
سلام يا وليد و أصحاب عاطف مسخو...
شايف ولدنا احمد مشتاق لمسخو و كتب ليهو أغنية الفنان محمد ميرغني إشتقت ليك و انا اقووووم اتمها ليكم ما دام عاطف دة من إنـدينــا...
إشتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك
|
Post: #48
Title: Re: عاطف مسخو
Author: احمد معتصم الطيب
Date: 05-04-2007, 09:55 AM
Parent: #45
هيثم يا قــوز
متشكرين شـديد ومسخو ح ينبسـط منك
شديد وطلعتو من اندهم وبالمناسبة
يا هيثم عاطف موجود فى دبي أرجو أن
تتعرف على شخصية مدهشة ..........
ويا مـسـخو ما أوصيك على هيثم برضو
أخونا وحبيبنا ووليد برضو حبيبنا
وأكثر كمان ......
ارقدو عافية
|
Post: #46
Title: Re: عاطف مسخو
Author: وليد محمد المبارك
Date: 05-04-2007, 05:31 AM
Parent: #40
عارف يا احمد
عاطف دايما بدهشك
لانو ما بقلد الاخرين
ولاحتى بكرر نفسه
|
Post: #47
Title: Re: عاطف مسخو
Author: وليد محمد المبارك
Date: 05-04-2007, 06:00 AM
Parent: #46
احمد معتصم
هيثم عبد العزيز
شكرا كتير
على الاغنية المريحة والمعبرة
|
Post: #49
Title: Re: عاطف مسخو
Author: سفيان بشير نابرى
Date: 05-04-2007, 12:35 PM
Parent: #1
أسمع يا هيثم عبد العزيز
مسخو قاليك بطل الحنك
وخت للنك الحفظ
يا وليد ازيك ياخ
كيف يا شباب ؟؟
الخال مصطفي سري
في اللحظة ديك والناس بتسال عن
بلاداً اصلو ما معروفه وين
اشتقته ليك ياخ ولي شوفتك في الشارع
يا خال سري ياخ انت حمزاوي ده طلع ياهو استاذ
مبارك ظااااااااااااااااااطو اها انا حارس أشوف
تداعيات القصة دي تعال سريع .
مسخو سلام ياخ والله عرفتك من الشباب ديل وود خالتك
ده غايتو خالي خلي ينكر هاهاهاهاهاها
بالمناسبة طالما بتحب محمد ميرغني انت زول فنان
فنان فنان ودي مابيتغالطوا فيها اتنين ابداً.
وبوستيك دا انا كل حرف فيهو قريتو .
شكرنات كتيرات يا مسخو وفرصة سعيده ياخ .
|
Post: #50
Title: Re: عاطف مسخو
Author: مصطفي سري
Date: 05-04-2007, 01:54 PM
Parent: #49
الصديق سفيان اللغم ، طبعا ما بعرف الوش الضاحك بي يتعمل كيف اللا تضحك في المسالتين
استاذي العزيز حمزاوي درسني انا وشقيقي المرحوم عصام سري وشقيقي الاخر بهاء صديق مسخو في مدرسة الديم شرق 2 واذكر
انه جاء من المحس (كرت) وكان بيدرسنا تاريخ ولغة عربية ايضا والله مش قدامو لكن
حصص استاذ مبارك حمزاوي كانت ممتعة ، لكن جلدو كان اصعب ، وكنا نتمتع بالحصة
ليس رهبة بل بما يملكه من جاذبية في التدريس ، ويا سفيان انا كنت ود شاطر اوي
اسأل استاذنا مبارك ، لكن مدارس زمان بما فيها من احترام مشوب بالخوف ايضا فاننا
تعلمناالكثير منهم ، وتعرف لمن يكون الاستاذ يسكن في ذات الحي الذي تقيم فيه
وقعدتك سودة ، واستاذنا حمزاوي كان يقيم معنا في ذات الحي بالديم ، وتشيل شيلتك
لو واحد او واحدة في الحلة قامت جات وشكت في المدرسة ، وشيل شيلتك تاني لو الاستاذ
بيتكلم لغتي الخاصة (طبعا الاستاذ حمزاوي يتكلم النوبية وانا نوبي )
ولدينا ذكريات جميلة مع استاذ مبارك سواء في الحلة او المدرسة واذكر ان منزله
يقاصد جامع احمد ابوزيد الكائن في شارع 15 وكان يشدد علينا الذهاب الي المسجد
لمن شكيت بعد ما كبرت انو كوز(هاهاهاها) الحديث يطول ويوما ما سواء في بوست
عمك ابو ساندرا عن الديم او بوست مخصص لمدرسة الديم 2
ومعليش يا وليد لكن دي مدرسة عاطف مسخو ودة استاذنا مبارك حمزاوي وتداعيات
تلك الايام وتشكر يا صديقنا سفيان صاحب صديقنا منعم سليمان
|
Post: #51
Title: Re: عاطف مسخو
Author: وليد محمد المبارك
Date: 05-06-2007, 09:42 PM
Parent: #50
يا مصطفى ما قلنا ليك زي بوستيك واحد ياخ ....
سفيان حبابك الف ..
وحرم عاطف ده حق الناس كلها
|
Post: #52
Title: نور العيون
Author: وليد محمد المبارك
Date: 05-06-2007, 11:02 PM
Parent: #1
في مرة كان بصمم في غلاف شريط وبوستر لمحمود عبد العزيز
اعتقد شريط نور العيون ...
المهم كان متابع معاه اخو محمود عبد العزيز اسمو مامون على ما اظن
مامون ده متقندف جدا
وعاطف كان زهجان منو
اها يوم بالمساءبالصدفة اتقابل عاطف ومحمود في كازينو الرفيرا
وعرفوهم على بعض
واتناقشوا في التصميم
تاني يوم عاطف قال لي
ياخ محمود ده زول حبوب خلاص
ومتواضع للحد البعد
ما زي اخوه داك
ياخ داك منتقندف على شنو ما عارف
والله من شدت ما داك متقندف ومحمود متواضع
مفروض يكون مامون محممود ومحمود مامون
زول قاشر بي اخوه قبلي ما اخوه يقشر بي روحه
|
Post: #53
Title: Re: نور العيون
Author: وليد محمد المبارك
Date: 05-07-2007, 04:45 AM
Parent: #52
اهما حاجة عند عاطف جزمته
لابد وان تكون نظيفة للحد البعيد ومورنشة وبتلمع
|
Post: #54
Title: Re: نور العيون
Author: وليد محمد المبارك
Date: 05-07-2007, 06:19 AM
Parent: #53
كسب عاطف قضية حقوق ملكية فكرية ضد شركة حصاد
بسبب تصميم غلاف شريط خطوه (1) للاستاذ الراحل مصطفى سيد احمد
اعتقد ان الشاهد الاساسي لصالح عاطف هو الاستاذ الشاعر صلاح حاج سعيد والاستاذ محمد ميرغني
لو ما خانتني الذاكرة
|
Post: #55
Title: Re: نور العيون
Author: وليد محمد المبارك
Date: 05-07-2007, 10:11 AM
Parent: #54
عاطف صلعتو سرحت يا فرد
|
Post: #56
Title: Re: نور العيون
Author: احمد معتصم الطيب
Date: 05-07-2007, 06:52 PM
Parent: #53
ياولـيد
سلامات
قلت لى جزمته لابد وان تكون نظيفة للحد البعيد ومورنشة وبتلمع
طيب الشبط كيف ! مجنون جن ولا كيف
|
Post: #57
Title: Re: نور العيون
Author: وليد محمد المبارك
Date: 05-08-2007, 05:34 PM
Parent: #56
احمد المعتصم
والله عاطف بقدس النضافة للحد البعيد
لكن يا عمك موية الملح في دبي
حتت ليه شعرو
هاهاهاهاهاهاهاهاهاها
|
|