يا عمر الفاروق كرهتها البلي والسودان والدول المجاورة .. ( شروق تعتزل الفن السوداني )

وداعا للفن السوداني

الأخ وليد

لكن مالها شروق دي دايرة تحسسنا بالذنب؟؟

والفنان ما مفروض يكون "إنهزامي" و من أول "محك" يقول خلاص "طلقت الفن" ؟؟

كل النقد كان مفروض تستثمره شروق لنقاط الضعف التي فيها و تقوي به إسلوبها في الغناء.

Quote: بدايــةً أشكر الاقلام التي وقفت معي في الحــق ... وأشكر كل من أنصفني....... و كل من وقف بجانبي من أجل هدف سامي أسعى لتحقيقه ... وأشكر أيضاً أي نقد بناء وجــه لي من قبل المختصين وغير المختصين في المجال الفني ... واعتذر بشده الى كل من ضاق صدره على أستيعاب فني ... وأتمنى أن يوفقني الله في اختيار مجتمع عربي أخر يستوعب هذا الفن ... لا أخفي عليكم حزني الشديد وحسرتي على نفسي وأسفي على كل دقيقة أضعتها في الفن السوداني الذي أحترمه حتى النخاع ... و لاني أحترمه وأحترم كل سوداني في وطني ... لذا قررت و أرجو أن يكون قراري لا رجعة فيه........ و أن يكون هو القرار السليم أن شاء الله ... قررت...... وبعد تفكير وتريث...... أن أترك الفن السوداني نهائياً...... وأن أتوقف عن الغناء بلهجتي التي ولدت بها... والتي كنت أعتقد أنها سوف تحبب أبناء وطني فيني ... ولكنني الان ما عدت قادرة على الاصرار على المواصلة في هذا الطريق مع كل هذه الانتقادات الجارحة ...وكلكم تعلمون الكم الهائل من الانتقادات الجارحة التى توجه الى فى موقع سودانى معروف...... كان كل همي أن أكون محبوبة من أبناء وطني ... ولكني مع الاسف الشديد لم انجح في تحقيق هذه المحبة...... وأعترف أنني لم أوفق في توصيل احساسي الصادق وصوتي الذي ينطق بهذا الاحساس الى قلوب السودانيين ...لذا فأنا اعتذر بشده لكم جميعا ...... وأسمحوا لي أيضاً أن أتوقف لحين عن المنتدى الذي قدمني بشكل مشرف جداً ... والذي أدين لصاحبه دكتور معز بالفضل الكبير علي ...وارجو ان يقدر موقفى ولا يلومنى عليه.... أتمنى أن تقدروا كلكم احساسي الذي أشعر به في هذه اللحظــه وأن تساعدوني في تطبيق هذا القرار الذي سوف يريح نفسيتي من ضيق كبير يطبق عليها ... كلكم تعلمون ان الانسان دائما يحب ان يعيش فى المجتمع الذى يشعر فيه بالامان والراحه النفسية...... حتى يستطيع ان يبدع......وانا الان وبكل حسره اقول اننى أشعر بتقدير كبير جدا فى المجتمع الفنى الخليجى والعربى بشكل عام....لذا ارجو المعذره احبتى .... لم أعد قادره على العطاء هنا.....لذا فأنا منسحبه وكلى اسى وحزن......

الآن فقط تبرهنين على انك لست فنانه

فالفن رسالة ..
والرسل لا ينكسرون

ان كنت فنانة لما انكسرت وانت في اول الطريق

قد تكوني مطربة مؤدية .. لكن وبعد البوست هذا ..

انت لست فنانة


الاخت شروق ..

لم اتداخل مع احد في عكس الريح منذ فترة ليست بالقصيرة لاسباب خاصة .. لكنني وجدت انه لابد من ان اتداخل معك في هذا البوست واسديك هذه النصيحة عساها ان تهدي اليك سراج يقودك في طريق الفن الشائك ..
ومعلوم عني في الاسافير اني شخص فج وصريح لحد السماجه
لكن صدقيني قلبي ابيض وحنيت عليك

اولا وصراحة لم اجد في صوتك ما يشدني .. لكن والحق يقال لم اجد فيه ما ينفرني
يعني بالدارجي كده
لقيت صوتك عادي بالنسبة لي
لاهو قبيح ولا هو مميز

طبعا زي ما قال ليك استاذ حيدر
الموضوع سلع واذواق

وبما انه وقياسا على المتداخلين في هذا البوست .. اجد لصوتك رواد كثر .. فكيف لك ان تحريميهم صوتك لمجرد ان احدهم انتقدك وان كان النقد جارح ؟!!!!

وطبعا راي الناس مؤثر لكنه ليس كل شي .. يعني انا مثلا لا اطيق صوت الاستاذة سمية حسن .. وهي المميزة في دفعتها في معهد الموسيقى والمسرح وهي المطربة التي مثلت السودان في محافل دولية كثيرة

لا اطرب لوردي وهو وردي وكلنا يعلم من هو وردي

حنان بلبلو بتزعجني ..

فهل ده معناتا ديل ما بعرفوا يغنوا ..

قدمي ما عندك واتركي الباقي للزمن والجمهور ..

اما حكاية انك اعتزلتي الفن السوداني

فصدقيني انت الخسرانه .. وخسران وبين كمان

ده السودان يا شروق .. السودان كله

السودان بامياله الملايين واناسه الطيبون وحضارته الممتده لـ 7000 سنة

ومن فات قديمه تاه يا شروق
ومن تنكر لاصله تنكرت له الدنيا

ان كنت متوقع انك ستجدين هويتك الفنية في ثقافة اخرى غير الثقافة التي تربيت عليها فانت واهمة ..
قد تكونين نمرة 2 ، 10 ، 100 في السودان
لكنك ستاتي بعد اخرفنان خليجي في الخليج ..
لسبب بسيط .. لان تلك هي ثقافتهم وفنهم .. لا يؤدونها باصواتهم فقط .. لكنها عجنت فيهم مع التربيه والاحتكاك الطويل

السودان واسع .. واهله متشعبين واذواقهم مختلفة
ستجدين مكانتك بينهم
لكن
ان تنكرت لهم .. نكروك
ودونك خالد السوداني في برنامج الـ MBC
لولا السودانيين لكان الان في خبر كان

لن يخسر السودان بانسحابك وحواء والادة غدا ستنجب 100 شروق

لكنك ستخسرين لانه لا يوجد الا سودان واحد فقط

راجعي قرارك
وواصلي دربك ان كنت فنانة بحق

وفي الختام

كل الود

أخى وليد "الشفت"

يعنى إنت جيت تكحلها ، عميتها!!!!

قريت ردك دة بى هناك ...

اختنا نوسة

انت عارفة الفن ده

عبارة عن غربال كبير يرج بقوة .. فتسقط منه كل القشور ويبقى ما ينفع الفن

انا حبيت اوصل الرسالة دي لي شروق
يمكن تستفيد منها

وحقيقي على الصعيد الشخصي
صوتها لا اطربني ولا ازعجي

يعني بالتدريب ممكن اقبلو


لكن كونها تنكر السودان كله
فدي حاجة بتزعل

ولا كيف ؟

بعدين بصراحة وبالعايشنو في السودان

والله شروق دي بالنسبة لي ناس هنا

فيروز عديل كده

مشكلتها في الضجة الاعلامية الحصلت ليها

الناس زعلت وهاجت وماجت

لانها بتشوف في فنانات قدامها مفروض يحصل ليهم التسليط الاعلامي ده

يعني عندك اسرار
ولا عافية

وشروق صوتها مقبول
وشكلها مقبول بامتياز
وهسع الفن بقى صناعة
حبت موهبة والباقي بتموه ناس الموصلي

كفاية انها بدت مع شعراء كبار وملحنين وموسقيين على مستوى عالي جدا

موش جاتنا شايله اورغن
وشبكتنا

جب جب جب جب جب جب
وهسع لو كان غنت بي طلتها الحلوة دي

حماة ولا الجلابية

والله كان بقت نمرة واحد


هاهاهاهاهاهاهاهاهاهاهاها


الرسالة ليها

انها لو عندها حاجة تصبر عليها
وتبطل كلام انها اعتزلت الفن السودان
لانها حتى لا تمثل شيئا يذكر في الفن السودان
واعتزالها لي فننا
خسارة ليها هي اولا واخيرا
وخسارة للناس الوقفوا معاها وعشموا فيها

وليد

حقيقة اتخلعت من اعتزال شروق للفن وللسودان
اما من ناحية صوتها العادي فالناس اذواق وما كان تتحنفش وتحرد من مجرد انتقاد من عمر الفاروق
اي نعم عمر لسانو سليط لكن في النهاية دا رايو
واكيد ما قاصد ينتقدها في شخصها
الزول لما يبقي فنان زي ما قلت بكون عندو رسالة
او علي الاقل لو ما عندو رسالة بكون عايز يطرب الناس الحولينو
فهل تعلم هذه الشروق التي غربت ان عمر الفاروق واحد من الناس المفروض انها تطربهم؟؟؟
واذا فشلت فدا ما معناهو فشل كلي الا اذا كانت بتغني بس عشان ود الفاروق
اما علمت هذه الشروق التي غربت ان عبدالحليم حافظ كان الناس يقذفونة بالطماطم ويقولو ليهو هوووووووووووو وعععععععععع
ولانو مقتنع بي نفسو وبي صوتو
قام واصل لغاية ما وصل
يبدو ان شروق التي غربت تحتاج ان تقنع نفسها اولا بصوتها وامكاناتها ثم تبحث عن اقناع شعب عظيم ذواق كالشعب السوداني
وعن بحثها عن مجتمع عربي اخر
فلتذهب غير ماسوف عليها
ولكن المفروض تعرف انو المجتمعات العربية الاخري نظرتها لي الفنان اختلفت
والفنانة تحديدا..
عليها ان تكتر من المكياج
ولبس القصير ويفضل ان لا تلبس اطلاقا
وتختا لينا الموصلي ود. عمر ديل لتبحث عن
شعراء وملحنين من شاكلة
قبل ما نطلع ع الروف
نحط النقط فوق الحروف
او للشهرة والوصول السريع
تغني بوس الواو خلي الواوا شنو كدا ما عارف...
حسبي الله ونعم الوكيل
نفس هذا المنبر انتقد الفنانة المطربة الحقيقة نانسي عجاج (وتقول اه في سرك لما تقرا الاسم دا)
هل سمعنا ان نانسي اعتزلت الفن او الفن السوداني؟؟؟؟
العارف عزو مستريح يا شروق ،، واخدي نفس وواصلي قرايتك وشوفي ليك وظيفة وانسي الغنا دا نهائي اذا هي دي
قوة صمودك للنقد...
حسبي الله ونعم الوكيل (تاني)
اما عن تركك للفن السوداني ، فما اظن انك قدمتي ليهو شي يذكر او ما يذكر زاتو، يا انسة
الفن السوداني سمين وامين، والحمد لله انو الله حفظو من محاولات تشويه قد تنتج من امثالك عديمي الاحساس الفني
عيش معايا الحب رائعة جدا باصوات تعتز بسودانيتها وتفعل العجب لتنال رضا هذا المستمع السوداني الراقي
واما عندك فهي عيش وانسي يا انسة
لا علاقة لها بالحب المقصود.. باهته ومسيخة...
حسبي الله ونعم الوكيل (تالت)
يعني تجاهلك لي استاذ الموصلي اولا
وتركك لفن السوداني ثانيا
يعني بس
حسبي الله ونعم الوكيل (رابع)
انصحك بمتابعة برنامج نجوم الغد
اسمعي عافية حسن (وتقول يا سلام في سرك لما تقرا الاسم دا)
صوت لا يختلف عليه اثنان
اخر بوست لي تمبس انو قال صوتها استهلك.. عارفة استهلك يعني شنو؟؟؟؟
ولا اقول ليك
انسي عافية
شوفي الطفلة مي (وتقول الله يحفظها لما تقرا الاسم دا)
وغيرهم كتااااااااااااااااااااااااااااااااااار ظهروا او جاين في السكة
وزي ما بقول ناصر البطل عن تروتسكي : ماشين في السكة نمد
ديل ممكن يطمنوك يا استاذة شروق علي الفن السوداني الذي لا اعتقد انه سينضب بتركك له
اقول ليك اسمعي اسرار بابكر ولا كفاك التلاتة الفوق ديل؟؟؟
وحسبي الله ونعم الوكيل (خامس)

واخير وداعا يا سراب خداع
محاااااااااااااااااااال
ما بروي عطشانين

اخوتى

لكم التحية و التحية للاخت شروق .
شروق
لقد حزنت كثيرا لهذا الخير
و انا اول من كتب فى نقد شروق فى منتدى عكس الريح
و لكن لم اقصد يومها الا خيرا
و لم يكن بوستى شروق و عمليات الانزال المظلى
الا اشارة لحتمية مجى شروق الى السودان ليس اسبوعا بل فترة و لو شهر
لكى تصل قلوب الناس وللانسان السودانى البسيط الذى لم تصله تغنية النت
حقا شروق طريق الفن صعب
و النقد اصعب فكم من فنانين و مطربين تلقوا نقدا لاسعا بل حوربوا
و لكن تمسكوا بنار القضية و رسالة الفن الجميلة
فمثلا و ليس للحصر
اتزكر الفنان حيدر بورتسدان فى 1985 ذلك الفتى الذى اتى من شرق السودان باورغن بس
حورب حربا شديد صمت و صل للقمة و تربع فيها لمدة 12 سنة متواصل من 1984 الى 1996 كاطول فنان تربع فى قمة الفن فى راى كمتلقى و مستمع بسيط الا بعد ظرهور فرفور و نادر و محمود .
واتزكر فى احد الحفلات العامة بالفندق الكبير وقتها فى نهار جمعة صيفية مولعة بالسخانة فى عام 1986
حفلة نهارية بالفنان حيدر بورتسودان و الطيب عبدالله
تحرش من هم يدعون للتسامح و الحب فى زممنا هذا بالفنان حيدر بورتسودان و تم القيضة عليه بواسطة الشرطة لدعوة قنانونية ضد حيدر فى غناه لغنية يا فرح رنام و د دافى بعد ان اخذ منه الاذن وقام شاعرنا باعطاءها للفنان صلاح مصطفى و حقا كان لحن حيدر اجمل بكثير من لحن صلاح مصطفى . وحرم شاعرنا وقتها الشعب السودانى من هذا اللحن بعد تم ايقاف حيدر من التغنى بهذه الكلمات .و كتبت الجرائد ما كتبت و لو رجعنا لارشيف صوت الشارع وقتها خير شاهد لهذه الحادثة .

النقد وجده فرفور الذى اطلق عليه طرطور .
النقد وجده نادر الذى اطلق عليه الحبشى .
النقد وجده محمود الذى اطلق عليه هناق .

كل هولاء لم يستسلموا و واصلوا المسيرة لانهم اقويا اشداء لمجابهة النقد
و تقديم الجديد
حقا شروق غناء النت و الصالات المكيفة لم يوصلكى للشعب السودانى
و عندما اشتريت شريطة عافية المطر و هو شريط جميل حقا
سالت سيد المحل و انا زبون قديم عندو
و عملت رايح
الفنانة شروق دى شريطة كيف تمام
قال لى
و الله يا خالد يا اخوى
البت دى غناية بس ما بنعرفها و لا شفتها بتغنى وين ذاتو
و الشريط ما اتباع منو كتير لاكن شريط حلو و البت بتعرف تغنى كويس

الشاهد هنا
يا شروق يا معذ يا موصلى

انو المسالة ما مسالة تغنية موسيقة و لاشعر بل و لا لحن
هى كيف تصل للمتلقى السودانى و المستمع بصورة عامة
و حقا عندما كتبت شروق و عمليات الانزال المظلى
كان خوفى من هذه اللحظة لحظة مفترق الطرق .

قمسالة الفن فى راى كيفية وصول الفنان للزول البسيط
فنجد مثلا نجاة غرزة مطربة الفتيحاب الاولة بلا منازع

بتغنى راجل ألمراء و مرة الراجل وبلة يا بلة دقاء الرقم جلاء و الجبجبة
بس الناس بتعرفها و بتصل الناس فى حتتهم

حقا خزين لهذا القرار الانهزامى
و انرجو العودة

وليد سلام

و أقول للأخ خالد أبو القاسم لا فض فوك ففي حديثك إجابة كاملة للحالة ..

و أقول للأخت شروق :

لو تركت الفن السوداني لأن أهل السودان إنتقدوك .. و هم الذين يشكلون حنايا حبالك الصوتية و جينات التطريب الذي في صوتك مهما كانت درجته
فماذا ستفعلين إن إنتقدك أهل فن آخرين ستتغنين بلغتهم أو بطريقتهم ؟ أين المفر ..
لذا أهربي من نقد أهلك إلى نقد أهلك حتى تقابلين تقدير أهلك لفنك ...

من لا يعتاد على النقد و أخْذ المفيد منه لصالحه لسد الثغرات .. سيجد أن الثقوب تتسع يوما بعد يوم و يقول يا ليتني سمعت كلام ال بيبكي بدلا من كلام ال بيضحك ..

دمتم

وعليكم السلام استاذ ابو جهينة

Quote: من لا يعتاد على النقد و أخْذ المفيد منه لصالحه لسد الثغرات .. سيجد أن الثقوب تتسع يوما بعد يوم و يقول يا ليتني سمعت كلام ال بيبكي بدلا من كلام ال بيضحك ..

ده الفايتمين كله

الاخ خالد ابو القاسم

تسلم يا زول
ولا زيادة على ما كتبت

هذا مثال اخر على خطر اطلاق رصاص الكلمه,
وليد شكرا لحث شروق على الاستمرار في غناء بحجم مليون ميل,
عمر له حق النقد لكن الوسطيه و الاعتدال مطلوب,
شروق ما لا يقتلك يقويك


عودي للشروق يا شروق

Quote: لكنك ستخسرين لانه لا يوجد الا سودان واحد فقط

الكلام دا قاعدة عديل ,

لكين البسمعو منو ....

تحياتي يا وليد

manubia

سلامات واحترمات

فعلا هو سودان واحد فقط لو يعلمون

شكرا على الطله البهية

تحياتي وليد
..
كان عليها اخذ النقد في سياق اخر ...
بعيدا عن هذا الروح الانهزامي ...
وان كنت الوم بعض الذين انتقدوا شروق هنا وهناك لعدم التزامهم بالنقد الموضوعي
ومحاولة الدخول في امور غير فنية(شخصية) وهذا ما نرفضه تماما ...
في رائي وجود شروق في الوسط الفني السوداني افيد بكثير من آخريات لا يقدمن الا الاسفاف ..

..
العافية



...
يا وليد البوست اتلحس بي هناك
الرابط قاعد في الفاضي ..

وليد وضيوفه
تارجح النقد الموجه لشروق
بين نقد جاد وربما صارم يصب في مصلحتها
وآخر جارح مبني علي حقد لا افهم حسد لا افهم غل لا أفهم
وأنا وبعمري الطويل في الفن السوداني لم أشهد
نقد بهذه القسوة وهذا الغل على فنان سوداني يادوبك بقول بسم الله ابتدينا
نقاد التسرع فتحنا البوست خصيصا لذلك النوع ليكون حوارا مؤسسا
ولكن الذين يطلقون احكامهمهم الجزافية يتجنبون الحوار الجاد دوما

اخيرا
بالنسبة لشروق أعتقد أنها سوف تهدأ وتقرأ المواضيع بطريقة الراحل العظيم عبد الحليم حافظ
حينما إشتكي لاستاذه محمد عبد الوهاب من النقد الحاقد عليه المستمر في الصحف
فقال له عبد الوهاب ضعها جميعا فوق بعضها البعض ثم قف عليها
ستجد نفسك أطول منهم جميعا

شهاب الفاتح

اسعدنا مرورك
وتسلم يا مان

احمد محمد عثمان

سلامات

يظهر انو شروق حساسة وهشة لحد بعيد
والفن ده عاوز ليه زول ضهرو قوي ومسردب عشان يستحمل عكاكيزه

شروق زي ما دربوها على الغنا والطلة البهية امام الجمهور

يفترض انها تتدرب على تحمل النقد هادفا كان ام غيره

وكمان تتدرب على الرد الموضوعي والودود على اي نقد كان

لو ما كده
ما بتتقدم شبر

اتمنى من الاحت الفنانه شروق
اعادة النظر
مع تمنياتى الصادقه لها بالتوفيق

Quote: وأنا وبعمري الطويل في الفن السوداني لم أشهد نقد بهذه القسوة وهذا الغل على فنان سوداني يادوبك بقول بسم الله ابتدينا[/B

]

أخي موصلي ...دعني أضعها لك على بلاطة)

السبب أخي الموصلي في هذا النقد الجارح

هو الدعاية والبهرجة الاعلامية غير المؤسسة

التي يقوم بهاالبعض لشروق في هذا المنبر

الاسفيري وغيره .. ويبدو إن هذا البعض غير

مهضوم لكثير من الناس بسبب الدعاية الجوفاء

الخرقاء التي يكيلها لنفسه وكأن ليس في الدنيا غيره عالما

وشاعرا وكاتبا وفيلسوفا ومفكرا ومخترعا ومجددا

وهو يعتقد جازماإنه وحيد عصره وفريد دهره وإنه وحده

"الراعي لتلعات العلم والجامع لأشتات النثر والنظم"والواقع إننا

لم نر له نثرا ولا شعرا بل هو نظم غاية في البؤس وضمور الخيال

وعطل الموهبة ... بل أستطيع القول إن كل ما قرأته لهذا

البعض هو زكيبة نشاز وتقن حوض عطن ...

وابنتنا شروق من أسرة طيبة والدها هو صديقنا مولانا القاضي والمحامي

الأستاذ أحمد أبوالناس ووالدتها الحاجة عائشة إمرأة بألف رجل وهي

ـ أي شروق ـ شابة تعمل في مهنة محترمة في الحقل الطبي يعني إمرأة

ذات CAREER ولا تحتاج لامتهان الفن إلا من باب الهواية فقط .. ولهذا لن

يزيدها تقريظ المقرظين .. ولا ينقصها هجاء المتعالمين ...

ونصيحتي لشروق أن تبتعد نهائيا عن هذا البعض الغاطس في محيط من النرجسية

وبحور الأنا .. وأن تتمسك بالأستاذ يوسف الموصلي هذا الفنان العالم الانسان

المتجرد ... ونعود إن أذن الرحمن ...

فاروق حامد

Quote: ـ أي شروق ـ شابة تعمل في مهنة محترمة في الحقل الطبي يعني إمرأة ذات CAREER ولا تحتاج لامتهان الفن إلا من باب الهواية فقط

الاستاذ فاروق حامد
دعني آولا آعلق علي آعلاه
==============
ليت شروق امتهنت الفن ان كانت من وطن يعرف من يتولون الامر فيه قيمته فهو اشرف المهن
The best career in the entire world except for our beloved country
اختلف معك حول دكتور معز فيما اتيت به لعله الغصب ياعزيزي قارجوك آن تراجعه لاننا لم نسمع منك الا الجميل
مسآلة تآهيلنا العلمي ليست لاي من آحد فينا
يد فيها وكل في مجاله
آما اسلوبه في الدعاية وغيرها فاحترم رايك فيه
مع الاحتفاظ لنفسي بما آراه
واخيرا شكرا لشهادتك غير المجروحة في حق ست الذوق وربيبة الاسرة الكريمة وزوجة الرجل الفاضل
شروق ابو الناس
تقبل احترامي

عمر الفاروق
ماقدرتا علي دكتور كوبانى قبلتا علي المسكينة دى؟؟
نصيحتى ليك أخد اجازة سنوية لأنو دكتور كوبانى عندو دعوة من المستشفي الألمانى السعودى
فى الرياض .... وقال لازم يقابلك

ويا شروق
نصيحة غالية أهداها لي صديق عزيز عند انضمامي للبورد و أهديها بدوري لك:
قال لي: في البورد ده كان شكروك ماتفرح... وكان نبذوك ما تزعل

انتي لسه في بداية الطريق ويا ما تشوفى قدام
اهم حاجة الثقة بالنفس والمثابرة
وحا توصلي بأذن الله
وعمر الفاروق حايكون أول المهنئين بالنجاح
أنا عارفو قلبو أبيض
بس عكليتة

Quote: أخي موصلي ...دعني أضعها لك على بلاطة) السبب أخي الموصلي في هذا النقد الجارح هو الدعاية والبهرجة الاعلامية غير المؤسسة التي يقوم بهاالبعض لشروق في هذا المنبر الاسفيري وغيره .. ويبدو إن هذا البعض غير مهضوم لكثير من الناس بسبب الدعاية الجوفاء الخرقاء التي يكيلها لنفسه وكأن ليس في الدنيا غيره عالما وشاعرا وكاتبا وفيلسوفا ومفكرا ومخترعا ومجددا وهو يعتقد جازماإنه وحيد عصره وفريد دهره وإنه وحده "الراعي لتلعات العلم والجامع لأشتات النثر والنظم"والواقع إننا لم نر له نثرا ولا شعرا بل هو نظم غاية في البؤس وضمور الخيال وعطل الموهبة ... بل أستطيع القول إن كل ما قرأته لهذا البعض هو زكيبة نشاز وتقن حوض عطن ... وابنتنا شروق من أسرة طيبة والدها هو صديقنا مولانا القاضي والمحامي الأستاذ أحمد أبوالناس ووالدتها الحاجة عائشة إمرأة بألف رجل وهي ـ أي شروق ـ شابة تعمل في مهنة محترمة في الحقل الطبي يعني إمرأة ذات CAREER ولا تحتاج لامتهان الفن إلا من باب الهواية فقط .. ولهذا لن يزيدها تقريظ المقرظين .. ولا ينقصها هجاء المتعالمين ... ونصيحتي لشروق أن تبتعد نهائيا عن هذا البعض الغاطس في محيط من النرجسية وبحور الأنا .. وأن تتمسك بالأستاذ يوسف الموصلي هذا الفنان العالم الانسان المتجرد

والله يا يا الفاروق لم تقل الا الحق
وكلامك كلو في المليان
بتنا شروق
أمسكي في الموصلي دا بايدينك وسنونك
وعوجه تب ما بتجيك
وما تستعجلي الانتشار بالآليات الاعلامية المزعومة والمتوهمة
أمرقي علي الناس وغني ليهم في محل قاعدين
خلي الناس يسمعوك في الحافلات والرقشات والدكاكين والمطاعم
ديل هم البسمعوك بصدق وما بجاملوك كان غناك ما عجبهم
وياهم البطلعوا بيك السماء كان اتكيفوا منك
غيري استراتيجيتك وتواصلي مع القاعدة الحقيقية ( عامة الناس )
أغلبية الشعب السوداني دا ما قاعدين يخشوا النت وفيهم ناس ما عارفين
زاتو نت يعني شنو
والبخشوا زاتهم معظمهم أجهزتهم كاضمه وما فيها صوت ميديا
يعني يا أستاذه فارقي ناس الصالات المكيفة والمجنمعات المخملية وصفوة القوم
ديل مؤقتا ( عشان بجاملوك وما بدوك الحقيقة ) لحدي ما تعملي ليك أرضيه صلبه ويقوي عودك
وبعد داك انتي زاتك حا تستغربي من النتيجة

أتمني ليك التوفيق والنجاح والانتشار الحقيقي

المعزرة

خلونا نفط الترتيب
عشان نخت كلام لاذم يتقال

البوست ده موجه لي شروق ابو الناس تحديدا
والغرض منه نصحها ومحاولة اثنائها عن قرارها الذي قررته
وقد قررت قراراها هذا بعد نقد عنيف ولا اقول جارح

فدعونا لا نجعل من هذا البوست هو الاخر بوست نقد عنيف وجارح ايضا لاخرين كل همهم ان يقدموا تجاربهم الخاصة الي الجمهور بغية امتاعه واسعاده

رجاء خاص انتقدوا ما شيئتم وكيف ما شيئتم بدون تجريح

اقلها من تقصدون لم نقرأ له حرف واحد يجرح فيه مشاعر احد .. اذن ولهذه الميزة فقط هو لا يستحق ان يجرح ويهاجم هكذا


الاعوج راي والعديل راي
وارجوا ان تتقبلوا رائي هذا بصدر رحب
وبنرحب بالجميع
وباي صورة وشكل ومداخلة

فقط هو رجاء لا اكثر ولا اقل

Quote: ويبدو إن هذا البعض غير مهضوم لكثير من الناس بسبب الدعاية الجوفاء الخرقاء التي يكيلها لنفسه وكأن ليس في الدنيا غيره عالما وشاعرا وكاتبا وفيلسوفا ومفكرا ومخترعا ومجددا وهو يعتقد جازماإنه وحيد عصره وفريد دهره وإنه وحده "الراعي لتلعات العلم والجامع لأشتات النثر والنظم"والواقع إننا لم نر له نثرا ولا شعرا بل هو نظم غاية في البؤس وضمور الخيال وعطل الموهبة ... بل أستطيع القول إن كل ما قرأته لهذا البعض هو زكيبة نشاز وتقن حوض عطن ...

____________________________________________________________

وليد محمد المبارك

Quote: فدعونا لا نجعل من هذا البوست هو الاخر بوست نقد عنيف وجارح ايضا لاخرين كل همهم ان يقدموا تجاربهم الخاصة الي الجمهور بغية امتاعه واسعاده رجاء خاص انتقدوا ما شيئتم وكيف ما شيئتم بدون تجريح اقلها من تقصدون لم نقرأ له حرف واحد يجرح فيه مشاعر احد .. اذن ولهذه الميزة فقط هو لا يستحق ان يجرح ويهاجم هكذا

الحبيب وليد،

يقول المولى عز وجل في محكم تنزيله:
وجزاء سيئة سيئة مثلها فمن عفا واصلح فاجره على الله انه لا يحب الظالمين - صدق الله العظيم

نسأل الله أن يجعلنا من أصحاب العفو ومن المصلحين..

Quote: نسأل الله أن يجعلنا من أصحاب العفو ومن المصلحين..

نعم يا محبوب (والكاظمين الغيظ)

لخلقك هذا
و شعرك
و علمك
و انجازك
نحبك!

عساك ابدا طيب.

اريتو حسس عمر البشيرالمؤنمر الوطنى

Quote: اختلف معك حول دكتور معز فيما اتيت به لعله الغصب ياعزيزي قارجوك آن تراجعه لاننا لم نسمع منك الا الجميل مسآلة تآهيلنا العلمي ليست لاي من آحد فينا

استاذى الموصلي

مالك يا استاذي ات ماك عارف الفاروق ده بيمرق الحد في التنضبة عدييييييييييل؟

صديقي العزيز الطيب (الطيب بحق)
حفاطا علي كليهما
اقول قولي هذا واستغفر الله لي ولكم
تقبل محبتي
ولهما محبتي واحترامي

Quote: صديقي العزيز الطيب (الطيب بحق) حفاطا علي كليهما اقول قولي هذا واستغفر الله لي ولكم تقبل محبتي ولهما محبتي واحترامي

سبق وان قلت لك ان لم تكن هكذا فانّى لنا احترامك يا جميل

لكن بيني وبينك ................. احسن اسكت ساااااااااى ماني فارس زى الفاروق

ممكن يا ابو الطيب تجيبوا لينا قصيدة وتشرحوها وتحللوها
كلنا نستفيد مش كده تسلم

Quote: ممكن يا ابو الطيب تجيبوا لينا قصيدة وتشرحوها وتحللوها كلنا نستفيد مش كده تسلم

الله ضحكتنى لحدى انكفيت من الكرسي ( انتو انكفيت بتعرفوها يا اولاد البندر ؟ هو ذاتو هي لغة عربية ولا اهلنا لصقوها ساى؟ .

والله يا استاذي الموصلي الصباح راكب السيارة ومشغل اغنية ابن البادية لمحمد يوسف موسى ووقفت السيارة في الصقيعة ساى ورفعت صوت الراديو فووووووووق ات عارف وين ؟

كلمتى المست غرورك فرقتنا يا حبيييييييييييييييييييبي

يلا بس انيخ لينا رحالتك هنا يا الموصلي وابدع لينا في تفسير الكلام البمس الغرور ده دون الاشارة الى السياق الذى نحن فيه الان .

عميق مودتى يا سفير منبرنا للنوايا الحسنة .

والله انت داهية يا امير ، لكن بيني وبينك الفاروق الصنديد ده انا لاقيتو في ابو ظبي شايل ليه عصاية جميلة انا كنت مفتكر لزوم الوجاهة لكن ادركت في النهاية لمرقان الحد في التنضبة عدييييييييييييل .

هسع محمد يوسف ده كان ساب ناس الانقاذ
ديل وقعد يكتب لينا البديعات ديل ما كان احسن ليهو؟
نحن الشعر يا ابو الطيب بنفسروا موسيقي ساكت

Quote: نحن الشعر يا ابو الطيب بنفسروا موسيقي ساكت

ما احلى تجديدك وتحديثك الموسيقي يا الموصلي فلولا ابداعكم الموسيقى لاندثر الكثير من الابداع الادبى ولولاها لما بقيت ( اغدا القاك) ... شامخة وسط اعمال العبقريات العربية . ودوننا ايضا قصيدة امرؤ القيس - كما يروى ولى تحفظاتي هنا- تعلق قلبي بى طفلة عربية - التى تغنيها هيام يونس .

فاللحن الجميل والموسيقى الجميلة عنصران اساسيان لتخليد الكلمة يا استاذى .

شـروق ستواصل الغناء و بقوة و تجديد و تجويد اكثر و اكثر

اخوتى
شروق ابوالناس
لكم التحية

المبدعة شروق
قدمت نفسها لقلة من المجتمع السودانى
اذ يعرفها اهل النت فى سودانيز اون لاين و منتدى عكس الريح
قدمت لهولاء الناس بجرع ابداعية - بالقطاعى و الجملة
جاءت الخرطوم اجازت صوتها و اجريت بعد اللقاءات والحفلات
ايضا لقلة من الناس

رغم الكم الهايل للاعلان فى النت الا المدة اقامتها كانت قصيرة
و لقد شبهت مجيها للخرطوم بعمليات انزال مظلى سريع
تثم مارست الغناء على بعد من الشعب السودانى
ثم نقدت ثم اعتزلت الغناء .

شروق

اولا كما اسلفت القول الخيار ليس لك و القرار ليس بيدك و الراى راى الشعب السودانى .

شروق بعد التحدث معها اقتنعت بمواصلت العمل الفنى بقوة وستكون فى السودان انشا الله فى يوليو من هذا العام .
لكى يتعرف عليها الناس و تغنى و تطربهم و الفنان مهما بلغ من شهرة فزخيرته الاولة و الاخيرة هى الناس .
يا اخوانا و الله جد الغنا عندنا فى السودانى ماشى لهاوية و هاوية كبيرة
يعنى اخر ماتوصل ليهو فنانيين الجبجبة مع حمى الاتصالات الضاربة البلد

غنية
بلة يا بلة دقا الرقم جلاء
بلة ود عشاء السايق الركشة دقا الرقم خشاء
اخوتى لقد نقدت شروق مرات و مرات فى عدم حضورها للسودان و كررت هذا الشى بصورة او باخرى
اخوتى حقا لابد لشروق طالما قدمت نفسها للناس بشريط عافية المطر و عملى شعرى و غنائ و موسيقى جميل و كبير به بصمات الاستاذ الموصلى الجميلة و جد زكرنى شريط الموصلى (شوق الهوى)
اذا شوق الهوى صحاك و ركت فى عيون غيرك بشائر الضاحك الضحاك سالت بالذى سواك ............
و ذكريات جميلة فى معرض الخر م الدولى قبل سنيين .

اخوتى و الاخت شروق رسالة الفن رسالة كبيرة و سامية لابد ان نكون قدرها و هى صعبة و النقد اصعب بكتير من المسير فى درب الفن .

فلنغنى

و الحبة مهما تكون حا تبقى يوم شجرة

خالد لافض فوك

معظم الفلااسفة يعشقونها
ويضعونها في المقدمة وعلي رآسهم
افلاطون وارسطو

تسلم ياشيقوق
وهذا ماجعل بتهوفن في مقدمة الاعظم في التاريخ من الشخصيات
والحمد لله السودان بخير من منظور الخامة
ولكن!!!!!!!!!!!!!

Quote: البيباري الجداد بوديهو الكوشة.

Quote: ولكن!!!!!!!!!!!!!

اللكنة يا استاذى طالت كل المهن .

اطباء ، ادباء , قانونيون ، فنانون ( غنائيون وموسيقيّون) مهندسون لم يهاجروا من بلادهم الا بسبب هذه اللكنة يا الحبيب .

Quote: البيباري الجداد بوديهو........

الأستاذ الأديب الجميل الحلو جدا أسامة الخواض


أما بعد ...


"تصدق أنا ذاتي قلت كده "


والسلام عليكم ,,,

... وخالص مودتي ومحبتي وصادقهما

Quote: البيباري الجداد بوديهو الكوشة

شرحو يا خواض