Post: #1
Title: معرض رسومات ( محمد وليد ) ..
Author: وليد محمد المبارك
Date: 06-08-2007, 10:21 AM
محمد وليد محمد المبارك
اربعة سنوات ونصف
له محاولات للرسم العادي او الالكتروني
ساقوم برفع بعض من محاولاته هنا
________________________
اسم اللوحة : غورزلا ( نطقها هو كذلك وهو وحده مسؤل من صحتها )
النوع : رسم الكتروني
اسباب الرسم : قال لي (عشان عاجبني) واكثر مما ميزه عنده هو انه - بمشي باصابعينو - او كما قال
|
Post: #2
Title: Re: معرض رسومات ( محمد وليد ) ..
Author: fadlabi
Date: 06-08-2007, 10:28 AM
Parent: #1
ما شايف يا وليد
أرفع الصورة تاني
أهوالولد طلع لعمه الحمد لله
ما طلع زي أبوه 
|
Post: #3
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 10:34 AM
Parent: #2
اسم اللوحة : الطاوؤس
نوع اللوحة : رسم الكتروني
سبب الرسم : بعد سؤاله اجاب وقال ( بس عشان ملون )
|
Post: #5
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 10:42 AM
Parent: #3
يا فاضلابي اي والله
ماسك الكمبيوتر اليوم كله وفاتح الرسام ما مديني معاه فرقة
بكون طالع ليك
امو بتكون اتوحمت على معرضك بتاع الهلتون داك ما نحن جيناه من شهر العسل توشك
هاك شوف دي رسومات اخته شهد بتشبه رسوماتكم الما بفهما ديل
عمرها 3 سنوات
ما قدرت تشرحها لي
مره تقول لي دوائر
ومرة تقول لي ميكي
|
Post: #4
Title: Re: معرض رسومات ( محمد وليد ) ..
Author: fadlabi
Date: 06-08-2007, 10:40 AM
Parent: #1
الولد ده لو ما ساعدته معناتها حيكون فنان كبير خلاص
ده شغل عجيب
يا سلام ياخ صلحت مزاجنا من الصباح
ربنا يحفظه و يكبره ...
|
Post: #6
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 10:47 AM
Parent: #4
والله يا فاضلابيجرت ماوس ما عندي فيها
وسالت امو بعد كلامك ده لو ساعدته في رسوماته
قالت لي والله ما سوت ليه شي
بعد ما يرسم بناديها عشان تشوفها وهي البتحفظها ليه
وهسع بقى بحفظها براه
حتى اخته ما ساعدناها
|
Post: #7
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 10:50 AM
Parent: #6
بعدين يا فاضلابي الرسومات دي تحديدا راسمها من لاب توب
وشغال بي الماوس بتاعه الصعب داك المختوت في النص
رسوماته بالماوس العادي على الـ pc افضل من ديل لانو بتحكم في الماوس احسن
|
Post: #8
Title: Re: معرض رسومات ( محمد وليد ) ..
Author: Frankly
Date: 06-08-2007, 10:51 AM
Parent: #1
رسومات محمد بجد جميلة ومدهشة
جعلت جمعتنا سعيدة وزاهية
“بداخل كل طفل فنان، الطفل ينمو، ويبقى السؤال، كيف يحتفظ بذلك الفنان؟”
باولو بيكاسو
تحياتي كمال
|
Post: #9
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 10:57 AM
Parent: #8
العزيز فرانكي
شنو يا فرده التقدمية القايمة عليك الليلة بيكاسو وكده
الناس ديل واصفنه بالظلامية ساكت وما عرفنك
هاهاهاهاهاهاهاهاها
شكرا كتير يا زوق
وعقبال نشوف رسم اولادك وفنونهم هنا
ونفرح معاك ونعلق كمان
|
Post: #10
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 11:09 AM
Parent: #9
اسم الرسم : سمبا
نوع الرسم : الكتروني
سبب الرسم : سمبا الاسد زعلان وعيونو حمر من الناس ، والناس خافو منو وشردوا وخلوا بيوتهم فاضية ، دخلو البحر
|
Post: #11
Title: Re: معرض رسومات ( محمد وليد ) ..
Author: Frankly
Date: 06-08-2007, 11:11 AM
Parent: #9
تعرف يا وليد
أنا لو شغال بتصنيفات ناس المنبر ديل ما كان نقرت في المنبر دا نقرة كيبورد واحدة
نعود لإبداع الأطفال فالطفل أي طفل فنّان ويرسم ما يتفاعل معه في حياته اليومية ويعكس ما يختلج شعوره
لذلك تجد أن أحدى وسائل علم النفس لدى الأطفال خاصّة هي جعلهم يرسمون ما يشعرون ويستخدم نفس الشيء في كثير من جرائم التعدى الجنسي على الأطفال
رسم محمّد الأول يدل على إهتمامه ومتابعته الكبيرة لأفلام الكارتون ولعب شخصيات هذه الأفلام دورهاً في خياله الخصب
يعني لو كان محمد يشاهد افلام كارتون لشخصيات إسلامية لأنعكس ذلك في رسوماته أيضاَ وصار مستنير إسلامي صغير "كبير"
فتّك بعافية
كمال
|
Post: #12
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 11:21 AM
Parent: #11
تعرف يا فرانكي محمد ده بعقدني
قبل الاكل بقول بسم الله ومابنسى وانا بنساها مرات
وبعد ما يعطس بحمد الله طوالي وانا بنسى
بحب سيدنا محمد لدرجة كبيره
حتى في يوم قال لي امه انا بحب سمبا واستدرك بي سرة وقال ليها
لالا انا بحب الرسول حتين سمبا
بعرف سيدنا ابوبكر وعاجباه سيرة الهجرة وحكاية الغار وبخليني اقولها ليه طوالي بالليل لمن قداني بيها
تتصور مره فاجا خالتو وقال ليها بتعرفي "شغية"
خالتو قالت ليه شغبة منو
قال ليها شغبة البتقول شعر وقطعة يدين الراجل ودقت بيهم النحاس
دق دق دق
خاتو اتحيرت وسالتي شغبه منو ؟
حكيت ليها قصة شغبة
وقصتها برضو من قصص ما قبل النوم القاديني بيها
انا مؤمن تماما انو عقول الاطفال قادرة على استيعاب كل ما يقال لو اتقال ليهم بصورة مبسطة مع احترام عقولهم وعدم محاولة ايهامهم بانهم لا يستوعبون
ربنا يحفظه
|
Post: #13
Title: Re: معرض رسومات ( محمد وليد ) ..
Author: haider osman
Date: 06-08-2007, 11:29 AM
Parent: #1
ماشاء الله وربنا يحفظهم ...
وشد حيلك الموضوع عاوز رعاية ومصاريف
بعد ده ماعنك حل غير تخط الصورة بالطول
|
Post: #14
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 11:53 AM
Parent: #13
استاذ حيدر
الهبشك ما ضراك
مالك عاوز تخوفنا بالكشات
نحن المم مطلع زيتنا عاوز تجيب لينا مصاريف تانية
هاهاهاهاهاهاهاهاهاهاهاها
يا زول ربك يسهل
ومع محمد وشهد بكل ما استطعنا لحدي النهاية
تسلم
|
Post: #15
Title: Re: معرض رسومات ( محمد وليد ) ..
Author: Muna Khugali
Date: 06-08-2007, 11:56 AM
Parent: #13
خمسه وخميسه في عين اللي مايصلي علي النبي..
ماشاء الله اولادك موهوبين شديد.ز ربنا يحفظهم وعليك انت تهتم بمقدراتهم دي شديد..
ما اظنك بتحتاج توصيه..
تحياتي
|
Post: #16
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 05:17 PM
Parent: #15
اسم الرسم : المسجل
نوع الرسم : اللكتروني
شرح : حسب شرحه وما فهمته ان الرسم عبارة عن غرفة، المربع الاسود في اعلى يمين الرسم دي فتحت مكيف تحت منها تلفزيون يعرض فيه مسلسل الاطفال ماوكلي ، يسار التلفذيون تربيزة عليها صينية اكل وصحنين فيهم اكل يسار الصينية تربيزة اعلاها مسجل اصفر بي اسود وهو مركز الصورة ومعناها
|
Post: #17
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 05:29 PM
Parent: #15
( صلي الله عليه وسلم )
استاذة منى خوجلي
عينك بارده يمه
شكرا كتير
وما بوصوا حريص
وتسلمي
كل الود
|
Post: #18
Title: Re: معرض رسومات ( محمد وليد ) ..
Author: وليد محمد المبارك
Date: 06-08-2007, 05:52 PM
Parent: #17
اسم الرسم : البص
نوع الرسم : اللكتروني
شرح : قال ده بص وديل ناس بعاينوا من الشباك الخط الازرق الفوق السماء والخط الاسود التحت الزلط
|
Post: #19
Title: Re: معرض رسومات ( محمد وليد ) ..
Author: fadlabi
Date: 06-08-2007, 08:39 PM
Parent: #1
وليد الود ده عجييييب
لو بطل الرسم أنا بزعل منك شديد
يا سلااااام ياخ
هاك الموقع ده لفنان عالمي
شوفه برسم زي محمد كيف
http://www.basquiat.net
|
Post: #23
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 06:31 AM
Parent: #19
فاضلابي
خلاص لو ما عاوزه يبطل رسم
رسل قروش المواد
ولا اقول ليك
رسل ليه زيارة عندك عشان تديه دورة تدريبية
طبعا معاه ابوه عشان ما ممكن يركب الطيارة براه
______________
ما تخاف يا فرده
ادوات الرسم موفرنها ليه اول باول
|
Post: #20
Title: Re: معرض رسومات ( محمد وليد ) ..
Author: saadeldin abdelrahman
Date: 06-08-2007, 08:54 PM
Parent: #1
هيـع يا محمد ابوك شفت و انت فنان
ربنا يحفظك و يغطيك
يامحمد :
|
Post: #29
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 02:35 PM
Parent: #20
سعد الدين
حبابك يا فرده
وربنا يحفظك انت ويغطي عليك
تسلم
محمد قال ليك شغبة كبير كده وما عارفها
|
Post: #30
Title: Re: معرض رسومات ( محمد وليد ) ..
Author: saadeldin abdelrahman
Date: 06-09-2007, 08:47 PM
Parent: #29
| Quote: محمد قال ليك شغبة كبير كده وما عارفها |
عمك حنكوش يا محمد ولدي
نان اكضب عليك إقول عارفا?
|
Post: #21
Title: Re: معرض رسومات ( محمد وليد ) ..
Author: هند محمد
Date: 06-08-2007, 09:08 PM
Parent: #1
ما شاء الله تبارك الله ربنا يحفظو ..حقيقى موهوب وليه مستقبل باذن الله ..
|
Post: #22
Title: Re: معرض رسومات ( محمد وليد ) ..
Author: القلب النابض
Date: 06-08-2007, 11:33 PM
Parent: #21
ماشاء الله لا قوة إلابالله ..
|
Post: #32
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 09:31 PM
Parent: #22
الاخت القلب النابض
الهبشك ما ضراك
تسلمي
|
Post: #31
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 09:08 PM
Parent: #21
الاخت هند محمد
شكرا كتير
تسلمي يمه
|
Post: #24
Title: Re: معرض رسومات ( محمد وليد ) ..
Author: عمر الفاروق
Date: 06-09-2007, 08:10 AM
Parent: #1
يا وليد:
البيسوّي فيهو ولدك ده عولاق ساي ..
خلّي الولد يلعب الدافوري ونط الكلب وصفرجت وسيجة ..
الرسم ده عندو ناسو ..
ما بعيد بعد شوية تقول لينا حمّودي يهوى ركوب الخيل والجولف ..
|
Post: #25
Title: Re: معرض رسومات ( محمد وليد ) ..
Author: humida
Date: 06-09-2007, 10:22 AM
Parent: #24
LOOOOOOOOOOOOOOOOOOOOOOOOOOOOOOL
شنو يا وليد بوستات ( الرفاهية ) دي ..
تتذكر زمان الكراسات بتاعت الجكس ديك ..
البعملوا فيها ( لقاءات ) ..
ناس اسمك وسنك والاعمار بيد الله ومثلك االاعلي و ( هوايتك ) ..
عليك الله يا ( وليد ) انت في حتة ( الهواية ) دي كنت بتكتب شنو ..
عندي صاحبي اسمه ( معاوية ) في كل كراس بتاع ( جكساية ) عندو ( هواية ) مختلفة ..
وتجي تقول لي هسع ولدي ( رسام ) وكمان ( إلكتروني ) ..
قال ( ناصر قنجاري ) قال ..!!!
تخريمة ..
عندي ( احساس ) قوي انك انت الراسم الحاجات دي ..!!
|
Post: #26
Title: Re: معرض رسومات ( محمد وليد ) ..
Author: tmbis
Date: 06-09-2007, 11:14 AM
Parent: #25
Quote: بعدين يا فاضلابي الرسومات دي تحديدا راسمها من لاب توب
وشغال بي الماوس بتاعه الصعب داك المختوت في النص رسوماته بالماوس العادي على الـ pc افضل من ديل لانو بتحكم في الماوس احسن |
.. يا وليد .. محمد ده فنان ربنا يحفظو .. عارف الكلام الكتبتو فوق ده براهو بيأكد أنو فنان كونو يقدر يتحكم في الماوس بتاع اللاب توب دي في حد ذاته مهارة وتركيز عالي ..
الشئ التاني عجبتني حتة صغيرة جدا .. المسالة بتاعت ( الفكرة ) .. يعني يكون عندك فكرة وتقوم تترجمة .. يعني لما تصنع ليك عمل مش تمسك من طرف وتشخبط وتقول ( هييي دي ما بقت لوحة )..؟؟
لالا .. ماشاء الله شايف محمد ده وعلي حسب كلامك الكتبتو هنا من وصفو لي رسوماتو .. بيضع سيناريو للوحة وبينفذه تنفيذ سليم جدا ..
يعني عجبتني الحتة القاله دي .. | Quote: شرح : قال ده بص وديل ناس بعاينوا من الشباك الخط الازرق الفوق السماء والخط الاسود التحت الزلط |
لاحظ حتى مسالة اختيار الآلوان دي عاملة كيف ؟؟
قبل فترة كانت في محاولات من هبة بت الجندرية .. وكنت متابع معاها وبنزل ليها رسوماته هنــا وبرضو هي ماشاء الله عندها امكانية تحكم في الماوس رهيبة جدا .. وحس عالي في اختيار الالوان ..
بعدين تعال ( شغفــة ) دي منــو ؟ .. ولدك ده عايز يطلع لينا رسام ( وجودي ) والا شنــو ؟؟؟ ..
نصيحتي ليك .. أفرز للولد ده عيشتو من حسع دي .. ظبط ليهو غرفتو .. وجيب ليهو عدتو .. وكتر ليهو من الورق والالوان .. وخليهو يدخل على الفوتو شوب في الجهاز والا الاستلليتر .. وبعد خريفين تعال قابلني في نفس المكان ده ..
أمـــا
فيما يتعلق بي عمــر الفاروق .. وحميــدة فأنا بقترح انك تلم فيهم الاتنين مع بعض وتجدعم بي فوق راس السيرفر ده
ياخي ديل عاشو طفولة معذبة جدا .. من ( نيـــش ) طير لي ( حفير صارقيل ) .. والله الواحد فيهم الزمن داك كان لقوهو ماسك ليهو علبة الوان .. ( يدقوهو ) دق العيش
|
Post: #39
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:45 PM
Parent: #26
تمبس سا ذوق
انت مصاحب ناس عمر الفاروق ديل كيف ؟
| Quote: نصيحتي ليك .. أفرز للولد ده عيشتو من حسع دي .. ظبط ليهو غرفتو .. وجيب ليهو عدتو .. وكتر ليهو من الورق والالوان .. وخليهو يدخل على الفوتو شوب في الجهاز والا الاستلليتر .. وبعد خريفين تعال قابلني في نفس المكان ده .. |
اهااااااااااااااااااااااااا
قمنا للكلام البخلينا نجيب ليه الدوم والبلي ونعلموا شليل وينو
غرفة شنو يا عمك
طيب ما اشتري ليه شقه
كدي في الاول اعمل لي بيت حقي براي
بعد داك بديهو الاوض كلها وانا بقعد في المتبخ
هاهاهاهاهاهاهاهاهاهاها
Quote: فيما يتعلق بي عمــر الفاروق .. وحميــدة فأنا بقترح انك تلم فيهم الاتنين مع بعض وتجدعم بي فوق راس السيرفر ده
ياخي ديل عاشو طفولة معذبة جدا .. من ( نيـــش ) طير لي ( حفير صارقيل ) .. والله الواحد فيهم الزمن داك كان لقوهو ماسك ليهو علبة الوان .. ( يدقوهو ) دق العيش |
يا تمبس الجماعة الفوق ديل مجبورين عليهم
نسوي شنو ؟
علبة الوان شنو البمسكوها
ياخ ديل بكون اكبر عمل ابداعي سوه
طوبة ختو فيها طينة فوق وقالوا دي عربية فيها سواق
__________________
يا عزيزي بنحاول اقصى جهدنا اننا نوفر لي محمد جو مناسب عشان يبدع
وتسلم يا زوق يا واعي
بس اختى صحبة الاغتراب القصرية دي
|
Post: #34
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 09:59 PM
Parent: #25
يا حميده
يعني نحن ما نرفه اصلو؟
في حتت الهواية مره بكتب تنس
ومرة بكتب جمع طوابع البريد
اها لقيتني كيف ؟
بالمناسبة
ناصر السمين عرس يا حميده
وافيدك انو اصحابي في حلتكم ماذن العب
والفاتح ود الحور
واولاد الحنان كلهم
اها شنو ليك ؟
هاهاهاهاهاهاهاهاهاهاهاهاهاها
| Quote: عندي ( احساس ) قوي انك انت الراسم الحاجات دي ..!! |
هاااااااااااااااااااااع
لو كنت بعرف
كنت هسع برمت شعري
وحفظت ليك كم غنية راب
وطشيت ليك في امريكا ولا اوربا
لكن بكل اسف ما بعرف
عشان كده مباريكم انت وعمر الفاروق
|
Post: #33
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 09:46 PM
Parent: #24
عمر الفاروق يا فرده
يا عمك ما تخاف على محمد
نبلته في يدو الشمال والفرشاة في يدو اليمين
الجلة في جيب البنطلون
وقاعد برسم على الاب توب
كلو بنعلموا ليه
عشان بعدين ما يحقروه زيك كده وكت انتقدت شروق ويقولوا ليه زي ما قالوا ليك
ده شعرا ما عندك ليه رقبة
بالمناسبة الايام دي متفنين في الارض انا وهو
وبعلم فيه يعمل باصات اللبن كيف
شفت ليك شافع اليومين دي سايق ليه عربية ساويها براه بي علب اللبن الفاضية
وبقول وهو سايقها
داااااااااااااان عاااااااااااااان
تيت تيت
بسسسسسسسسسسسسسست
|
Post: #27
Title: Re: معرض رسومات ( محمد وليد ) ..
Author: فيصل نوبي
Date: 06-09-2007, 11:39 AM
Parent: #1
ما شاء الله
يا عمك
سكج بكج كيف
بعدين أهم شيء خش الليق ولا لسه
|
Post: #36
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:20 PM
Parent: #27
فيصل نوبي
الهبشك ما ضراك
الليك لسع بدري عليه
ما تخاف عليه في الكورة
اصلها مطبوعة في جيناتنا
وكت يجي وكتها بفج الناس وبلعب توشك وبكون اساسي
موش زي ناس عمر الفاروق سكوها لمن صلعوا
|
Post: #28
Title: Re: معرض رسومات ( محمد وليد ) ..
Author: Soumeta
Date: 06-09-2007, 02:26 PM
Parent: #1
جيد لينا لمحمد كبر و عرف الرسم،،
دي حاجة سمحة شديييييييد يا شفتوون،،
و امسك في كلام اعمامو الزينين ناس فاضلابي و تنبس،، طبعاً،،
و ورينا باقي رسمو و شهد كمان،،
|
Post: #35
Title: Re: معرض رسومات ( محمد وليد ) ..
Author: عصام عبد الحفيظ
Date: 06-09-2007, 10:10 PM
Parent: #28
وليدك ده رسام بالصح
ولازم نعمل ليهو
تشجيع شديد
وخليهو يشارك فى مسابقات الرسم
سلام يا محمد يا مدهش
|
Post: #38
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:32 PM
Parent: #35
الاستاذ عصام
شكرا يا فنان
دي شهادة نوعية من زول بعرف الشغلة
شكرا كتير
|
Post: #37
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:30 PM
Parent: #28
عزوز يا فرده
كلام اعمامو الزينين
وعماتو الزينات زيك كده
لم تجي هنا بعرفك بيه
|
Post: #40
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:52 PM
Parent: #37
اسم الرسم : بات مان واسبايدر مان
نوع الرسم : اللكتروني
|
Post: #41
Title: Re: معرض رسومات ( محمد وليد ) ..
Author: وليد محمد المبارك
Date: 06-09-2007, 10:56 PM
Parent: #40
اسم الرسم : باقيرا
نوع الرسم : اللكتروني
ملحوظة : باقيرا هو فهد البوما صديق ماوكلي فتي الادغال ، اعتقد ان هذه الرسمة هي قمة ابداع محمد لان ابعاده فيها موزونة لدرجة كبيرة وملفته من طفل عنده 4 سنوات فقط
|
Post: #42
Title: Re: معرض رسومات ( محمد وليد ) ..
Author: وليد محمد المبارك
Date: 06-10-2007, 06:45 AM
Parent: #41
اسم الرسم : الغابة
نوع الرسم : اللكتروني
شرح : قال دي الغابة حقت ماوكلي وداك مواكلي وباقيرا واقفين الفوق الازرق ده السماء والابيض الفيه ده سحاب
|
Post: #43
Title: Re: معرض رسومات ( محمد وليد ) ..
Author: abuguta
Date: 06-10-2007, 07:19 AM
Parent: #42
وليد
انا حاجز صورة الناس الراكبة البص وتعاين يالشباك..
دا تصوير بديع وخيال واسع ينبع من المعاناة للوسط الذى نشاء فيه هذا الطفل
بكرة ياوليد تتابعو من معرض لمعرض ومن دولة لدولة..وخليه يدرس فى السربون
بس ولدك دا عشان يشتهر اكثر,,,,لازم يرسم ليه صورة تثير انتباه اقرانه
وممكن ان يستيعن بعمو اساسى,,دازول حافظ رسومات حسن موسى وخالد كودى
..مع نقدها الاسلموى,,,
عموما ركز على نصائح فاضلابى
ياعين ياعنية ياكافرة يانصرانية
|
Post: #44
Title: Re: معرض رسومات ( محمد وليد ) ..
Author: وليد محمد المبارك
Date: 06-10-2007, 09:54 AM
Parent: #43
ابو قوته قنبلة الود الموقوته
الصورة دي محجوزة ودافعين قروشها
بالسر كده لو دفعت كتير بزحلق ليك الزول الدافع
يبره ويستبرى من رسومات حسن موسى وخالد كودي
نحن ولدنا ده مؤدب ما برسم عورات الناس
|
Post: #45
Title: Re: معرض رسومات ( محمد وليد ) ..
Author: bent-elassied
Date: 06-10-2007, 10:00 AM
Parent: #44
| Quote: ما شاء الله تبارك الله ربنا يحفظو ..حقيقى موهوب وليه مستقبل باذن الله |
جيل المستقبل
|
Post: #46
Title: Re: معرض رسومات ( محمد وليد ) ..
Author: وليد محمد المبارك
Date: 06-10-2007, 07:13 PM
Parent: #45
بت الاسيد
شكرا
اسعدنا مرورك
|
Post: #47
Title: Re: معرض رسومات ( محمد وليد ) ..
Author: وليد محمد المبارك
Date: 06-11-2007, 05:05 PM
Parent: #46
اسم الرسم : الحوت
نوع الرسم : اللكتروني
شرح : قال ان اللون الازرق تحت هو البحر والشئ البني الضخم هو الحوت نصفه في الماء ونصفه خارجة اما الشعاع الازرق الداكن تلك هي النافورة التي تخرج من الحوت اثناء التنفس
|
Post: #48
Title: Re: معرض رسومات ( محمد وليد ) ..
Author: عمر الفاروق
Date: 06-11-2007, 05:39 PM
Parent: #1
يا ولّي :
ولدك ده رسّام شديد بس عندو مشكلة في تسمية اللوحات ..
يعني اللوحة دي مثلاً مفروض يسميها كلب بيبول في حيطة أو عمود كهرباء
|
Post: #49
Title: Re: معرض رسومات ( محمد وليد ) ..
Author: وليد محمد المبارك
Date: 06-11-2007, 06:08 PM
Parent: #48
يا عمر
انت من زمن الثورات فيها كلب في كل شارع
ياعمك الكلاب اختفت
والفي داسنها اهلها في البيت زي الفتوات
|
Post: #50
Title: Re: معرض رسومات ( محمد وليد ) ..
Author: أبو عبيدة البصاص
Date: 06-12-2007, 07:06 AM
Parent: #1
فوق
|
Post: #51
Title: Re: معرض رسومات ( محمد وليد ) ..
Author: وليد محمد المبارك
Date: 06-12-2007, 09:57 AM
Parent: #50
يعلي مقدارك يا بصاص
|
Post: #52
Title: Re: معرض رسومات ( محمد وليد ) ..
Author: omer almahi
Date: 06-12-2007, 10:24 AM
Parent: #51
Quote: اسم الرسم : الحوت
نوع الرسم : اللكتروني
شرح : قال ان اللون الازرق تحت هو البحر والشئ البني الضخم هو الحوت نصفه في الماء ونصفه خارجة اما الشعاع الازرق الداكن تلك هي النافورة التي تخرج من الحوت اثناء التنفس |
حوت شنو يا ولدي ؟... يا زول دي غواصة عديل
نصيحة لو قاعدين في الخليج إتخارجوا سريع ....
وليد تحياتي
..حقيقي الراجل دا موهوب جدا جدا وربنا يحفظه ويغطيه...
|
Post: #53
Title: Re: معرض رسومات ( محمد وليد ) ..
Author: وليد محمد المبارك
Date: 06-13-2007, 07:42 AM
Parent: #52
عمر الماحي تشكر يا زوق
وتسلم
|
Post: #54
Title: Re: معرض رسومات ( محمد وليد ) ..
Author: عماد محمود علي
Date: 06-13-2007, 08:02 AM
Parent: #53
أخي الجميل وليد
مشتاقين يا أخ ...
تعرف لو ما بعرفك كنت قلت إنت البترسم الرسوم دي ، ، ما شاء الله فنان بحق وحقيقي ومستقبله مضمون بإذن الله .
بس تعرف خوفي يطلع ظلامي زيك ......
مزيد من الابداع يا محمد وفأل خير إن شاء الله .
مـودتــــي ، ، ، ،
|
Post: #55
Title: Re: معرض رسومات ( محمد وليد ) ..
Author: وليد محمد المبارك
Date: 06-13-2007, 08:44 AM
Parent: #54
عماد مشتاقين ياخ
شكرا كتير ياخ
وتسلم
لكن لو كنت بعرف ارسم كان تعبتو معاي
|
Post: #56
Title: Re: معرض رسومات ( محمد وليد ) ..
Author: عماد محمود علي
Date: 06-17-2007, 07:06 AM
Parent: #55
Up
علشانك يا محمد وعلشان نشوف إبداعاتك دي ......
|
Post: #57
Title: Re: معرض رسومات ( محمد وليد ) ..
Author: bayan
Date: 06-17-2007, 07:17 AM
Parent: #56
محمد دا ختري عديل كدي ربنا يحفظو ويغطيه
اسمع هنا يا ولي وين رسومات شهد كلها...
بالمناسبة شهد دي يعدين ناس مدينة الفاضلابي و ليلى احمد الريح
تقرقشهم بلا موية سنة 2020 لما يجو يكتبو هنا.
بت شفتة تمام مافي حاجة بتخوفها..
نرجع لرسومات محمد .. اغرب حاجة اختيارو لالوان
موش يا فضالابي؟
شوف الالوان تاني..قرب يبقى فان جوخ الولد دا...
المودة لك ولست الدار وللشفوت محمد وشهد
ربنا يخليهم ويفرحك بيهم..
|
Post: #59
Title: Re: معرض رسومات ( محمد وليد ) ..
Author: وليد محمد المبارك
Date: 06-17-2007, 05:06 PM
Parent: #57
تسلمي يا دكتورة
رسومات شهد ما كتيرة يا دكتورة
لانو محمد بعرف يحفظ رسوماتو براه
وشهد بعد ما تنتهي بتقفل الجهاز طوالي بدون ما تخفظ
عشان كده رسومات محمد موجوده
وشهد ماعندها كتير
يا دكتورة محمد لي هسع متذكرك تتصوري
وامهم بتسلم عليك وعلى العيال
تسلمي
|
Post: #58
Title: Re: معرض رسومات ( محمد وليد ) ..
Author: وليد محمد المبارك
Date: 06-17-2007, 08:30 AM
Parent: #56
تشكر يا عماد
يعلي مقدارك
|
Post: #60
Title: Re: معرض رسومات ( محمد وليد ) ..
Author: أبو عبيدة البصاص
Date: 06-24-2007, 02:56 PM
Parent: #1
عشان محمد وليد فوق
|
Post: #64
Title: Re: معرض رسومات ( محمد وليد ) ..
Author: وليد محمد المبارك
Date: 06-27-2007, 03:46 PM
Parent: #60
تسلم يا ابوعبيده
اخبارك
|
Post: #61
Title: Re: معرض رسومات ( محمد وليد ) ..
Author: عاصم ابوبكر حامد
Date: 06-24-2007, 03:04 PM
Parent: #1
الاخ الشفت
لك التحية
انشاء الله يتربى فى عزكم ...
وبداية رائعة له ....
تحياتى له يا وليد وما تنسئ
تسلموا
|
Post: #62
Title: Re: معرض رسومات ( محمد وليد ) ..
Author: Emad Abdulla
Date: 06-25-2007, 12:38 PM
Parent: #61
الله علي محمد يا وليد ..
أنا لو كتفوني تاني ما بعرف أرسم بالطريقة دي ..
ما قالو عمك بيكاسو رسم و رسم و رسم لما عقد الرسم زاتو و ضبانتو ..
في النهاية رجع يقول : يا ريتني أقدر أرجع أرسم تاني زي الأطفال .
بدون ذاكرة حافظة , و لا منطق حسابي .. ولا معارف مسبقة ..
بالإحساس الحقيقي و صادق و مباشر و .. بس .
دحين الولد بخروهو يا صاحبنا ..
و حصنوهو و أعملو ليهو حوطة حوطة العقرب المنقوطة ..
حاجة اخيرة ..
خليهو يطلع من حكاية رسم الكمبيوتر دي مرة مرة .. و يلمس الألوان بيده و يتعامل معاها ..
ألوان موية و قواش و أكريلك و و و و ..
أي ألوان تلقاها جيبا ليهو .. و أردم ليهو ورق ..
و ما بالضرورة ورق أبيض ..
أي ورق ممكن .. و أي لون .
تاني شنو ؟؟
شكرا يا وليد على المتعة السمحة دي .
و أصرف لأخونا محمد واحد بوسة كبيرة ..
|
Post: #63
Title: Re: معرض رسومات ( محمد وليد ) ..
Author: عبدالرحمن عزّاز
Date: 06-26-2007, 01:33 AM
Parent: #62
العزيز / وليد محمد المبارك
تحياتى و تقديرى ....
ماشاء الله ، ربنا يحفظ محمد و أخته و بالجد الواحد فرحان بوعى أب يفهم تماماً مسؤليته
المباشرة تجاه جيل قادم .
ما بفهم كتير فى الرسم ، لكن عجبتنى لوحتين ، بتاعت البص ، و الكلب بتاع ماوكلى فتى الأدغال .
حاجة تؤكد أن محمد يختزل فى ذاكرته ، ما يلامس الوجدان ، و من ثم ينطلق !
ربنا يخليهو ليك و يحفظ أسرتيك الكبيرة و الصغيرة ،،،
و برافو محمد ؛؛؛
|
Post: #67
Title: Re: معرض رسومات ( محمد وليد ) ..
Author: وليد محمد المبارك
Date: 06-27-2007, 04:47 PM
Parent: #63
الغالي / عبد الرحمن عزاز
خالص التحايا
وربنا يحفظك انت ويحفظ ليك كل من تحب
شكرا كتير ياخ
ما عدمناك
وتسلم
|
Post: #66
Title: Re: معرض رسومات ( محمد وليد ) ..
Author: وليد محمد المبارك
Date: 06-27-2007, 04:27 PM
Parent: #62
عماد عبد الله
يا سلام لمن يدخل عليك زول تحس انكم مزاجكم واحد
والولد محفوظ ان شاء الله بدعواتكم الصادقه
بخصوص نطلعوا من رسم الحاسب
هو اساسا بدايته رسمه شخبته على الحيطة بالفحم
وبعد داك جبنا ليهم كراس رسم وقلم رصاص .... وسرح
بعدين حول للحاسوب مع الوكت
المهم
بعد البوست ده
شالتني ليك الهاشمية
فقمتا اشتريت ليك اتنين علبة الوان - بالاصح شلتهم قلع من بتاع مكتبه صحبي - واشترت ليهم امهم ورقتين حقات بوستر
وفرشناها ليهم في البرندا وقلنا نديهم راحتهم في الاول يعبروا بدون تدخل لانو ده كان تعاملهم الاول مع الوان الموية عشان كده ما كنا عاوزين نتدخل في اول تعامل ليهم معاها ونشوف حا يسوا شنو الاثنين
جينا بعد نص ساعة
وعينك ما تشوف الا النور
هاهاهاهاهاهاهاهاهاها
ما فرزنا ارضيت البرنا ( مفروشة مشمع ابيض ) من الحيط ( مدهونة ابيض برضو ) من ملابس واجساد الاولاد كلو بقى ملخبط بالالوان
وعلب الوان الموية فاضية قيقي
ما فيها ولا حبت لون التقول لحسها كلب
اول الامر انبهتطنا وبعد داك قعدنا نضحك وفي الاخر اتفرجخنا كلنا في الارض وبقينا نلخبت بعض بالاوان كلنا .. ونضحك
الدرس المستفاد الكلام القالو تمبس في الاول
مفروض تخصيص غرفة للاطفال عشان يعجنوها ويلخبتوها وياخدوا فيها راحتهم بدون ما يلخبتوا البيت
وده مشروعنا في الثلاثة شهور الجاية دي ( غرفة للشفع براهم )
غايتو البوست ده طلع خسران معاي
هاهاهاهاهاهاهاهاهاهاهاهاهاها
شكرا يا زول
ووصلت الامانة لي محمد
تحياتي
|
Post: #65
Title: Re: معرض رسومات ( محمد وليد ) ..
Author: وليد محمد المبارك
Date: 06-27-2007, 04:08 PM
Parent: #61
عاصم (ماش)
اخبارك يا صديق
واخبار الاسرة
شنو لينا زمن ما شفناك يا زول
توصل كل التحايا لي محمد ان شاء الله
وانت وصل تحايانا للاسرة
تسلم
|
|