يا هلالاب ... الفش غبينتو خرب مدينتو

يا من تثيرون الفتنه
يا من تلعبون على مشاعر الجماهير


ما تفعلونه نتيجته غير حميده
وقد تؤدي بالهلال الى التهلكة
وللهلال في اخر مبارتين حوادث مسجلة


دعوهم يؤدبوهم بالكورة
وبطلوا حركات الحريش دي

بطلوا البتسوا فيه ده

يا وليد ..
عايز الجد والا غيرو ..
كل الحاصل ده .. متمشددي المريخ والمتعصبين ليهم اليد الطولى فيهو .. وما تستبعد انو مجموعة منهم تندس وسط جمهور الهلال .. وللاسف الشديد ده التحليل الموضوعي لي كلامي ده
جماهير الهلال عارفه ح تعمل شنــو..
بعدين يا وليد مفترض تكون عارف انو الحرب النفسية القاعدين يعملوها المصريين كان اعلام والا كان .. جد جد .. مفترض ترد ليهم بي اصعب منها ..
إنتو متين ح تتعلموا تردوا لي الناس بي نفس طريقتهم واسواء منها ..
محتاجين قبلما نمشي لي قدام نقرا ذاكرة الناس دي كلها .. المصريين ديل عمرهم كلو قاعدين يغلبوا فينا ... اعلام .. وطبطبة .. طبطبة واعلام .. يجوكم هنا يطبطبو ... تمشوا هناك يستفزوكم .. ويشتروا الحكام ويغلبوكم ..
اها الليلة بالذات .. واليوم ده ..
نرهبهم .. ونغلبهم .. وبعداك ندقهم ..
عشان تاني لما يفكروا يلعبوا ليهم مع تيم سوداني .. إن شاء الله لو بتاع .. جر الحبل .. يكون في ذاكرتهم أنو الدق والغلب راجيهم ..
إن شاء الله يتغلبوا اليوم غلب مؤسس
وينجلدوا جلد مؤسس .. كلو في .. وبالقانون الدولي كمان..

العايز معانا حبابو الف .. والعايز الغلب والدق .. يبقى مارق ..

هنالك عناصر تتعمد باصرار اثارة الكراهية لشحن بعض الجماهير التى لاتدرى عواقب تصرفاتها الطائشة وبكل اسف السيد/صلاح ادرريس برز اول المحرضين واعتقد اعتقد ان صلاح ادريس متخوف من الهزيمة او التعادل ويسعى لاثارة جماهير الهلال وتخويف لاعبى الاهلى

ونحن لو واثقين من انفسنا وفعلا فريق زعيم يجب ان يكون الرد فى الملعب ويجب ان نزل الاهلى بالهزيمة الساحقة والثقيلة وهى اشد مرارةً من اى هزيمة سياسية او حربية على رأى رئيس الاتحاد الارجنتينينى فى تعليقه على هزيمة منتخبهم ببيونس ايرنس 5/صفر من كولمبيا فى العام 1994
وكذلك هزيمة المانيا فى ارضها 5/صفر من انجلترا فاعتبرت للالمان ذلة مابعدها وبكى الالمان حتى الصباح .

لا للشغب لا للشغب صحيح المصرى حقار ومستفز وكان كان كان ينظر لنا نظرة دونية ولكن الان فى الكثير من لاشياء الميزان بدأ يسبر لصالحنا
وخلونا نبدأ بالكورة
واهو خالد حسن فى ام بى سى
وروضة الحاج
ونحن ماشين على الريادة وهم ماشين فى الداون


انما الامم الاخلاق مابقيت

عبد السميع

Quote: انما الامم الاخلاق مابقيت

هي هذه

غايتو يا وليد حسب علمي بأن هناك جماعة مجندين نفسهم للتعدي على الحضري في حالة هزيمة الهلال (لا قدر الله)

الله يكضب الشينة

Quote: نرهبهم .. ونغلبهم .. وبعداك ندقهم ..

يا تمبس لو ده حصل والله بعد ده الا تلعبوها في امغد

وفعلا بكون ده طرفنا منكم
هي كورة ولا كراتيه

انا بعرف الزول الحريف جوه الميدان لمن يدقوه
بادب خصومه بالكوره
بسوقهم الركن وبقلبهم قلب الجن

وهسع المصريين جوكم في استادكم
يعني جوكم في الركن

ما تغلبوهم كورة

الدق لزومه شنو ؟

يا تمبس الهلال الان مؤهل لغلب الاهلي
ومافي خوف عليه الا من الشحن الزايد الحاصل ده
شلوت من علاء الدين تربيع
فيررا وجبريل

وينطردوا الاتنين
وتاخدوا اربعة


وتقعدوا تتجرسوا

هو علاء الدين ده ناقص حريش

خلوكم عاقلين انتو غالبين الناس ديل
ولو الهلال اتغلب بكون بسبب الشحن الزايد

الناس تيمها بتاع كورة ماشاء الله عليه
عاوزه تقلبه تيم جودو براها

ده كلام شنو يا تمبس

الليلة الادب والدق بالكورة ما بي غيرها

Quote: وينطردوا الاتنين وتاخدوا اربعة وتقعدوا تتجرسوا

.. تعرف يا وليد ..
لي كم يوم قاعد اشوف في كتابات الناس دي عامله كيف ..
وأقول ليك حاجة .. بطلت اكتب في الكوره من ما جات البطولة دي .. يعني من اول يوم للقرعة وبعد الشفتو من المريخاب .. أو تسعو وتسعين في المية من المريخاب .. خلاني مسالة قناعات بي وطنية .. وبي كورة وبي حنك زي ده .. اخليها طرف ..
عاين انت حسع بتتكلم بي ياتو طريقة .. ح .. وتا .. ح وتا ..
اها ياحبه .. نحن بنديره بي طريقتنا .. مش بقت علينا ..
بنديره بي طريقتنا .. بنجيبهم الركن .. وليك علي ح تشوف ليك شغل ..
بس طلب بسيط ..
طابوركم الخامس ده .. لمو عليكم .. العاملين لينا فيها انهم وطنيين ديل .. هم الح يفسدوا للهلال .. لو اساسا في افساد ...
واقوله ليك بي صراحة الليلة بالذات
لو اي سلوكيات كانت خارجه عن المألوف .. انا القدامك ده .. طوالي بحمله لي شريحه محددة من جماهير المريخ ..
الكتبو هنا .. وكتبوهو في الموقع بتاعهم .. من بعد مباراة الأهلي في القاهرة ولحدي الآن .. كفيل جدا .. أنو يثبت الحقيقة دي ..
اكتبو يا وليد كيف انو الفرق الخصم بتغلبنا .. خلي يكون عندكم الشجاعة الكافية وختوها لينا عديل كدا .. والاهلي ده ادخلوا اللعبو معاهو في الميدان زاتو ..
لكن بس .. ما تبقوا زي البصلة ( المعفنة ) .. واحده بس في الشوال .. تخرب بيتو ..

Quote: يا تمبس الهلال الان مؤهل لغلب الاهلي

ودي مالك فطيتها يا تمبس


غايتو ربنا يوفقكم
ويهديكم

وليد انت ود الليق و حقنا ما بنخليو يا صاحبي .. ولا ما كده !!
اسال درمة يا وليد كان نسيت .

عارف يا نوبي
انا ود الليق
وود الحريقة


في بداية لعبي الكورة

ايام الروابط

كان في دوري الرابطة في 3 كاسات في الموسم داك

وصلنا الـ3 كاسات

وفي اول مبارات كاس اتغلبنا بلنتيات

فوتناها

في الجمعة البعدها لعبنا مع نفس التيم الغلبنا في الكاس التاني
المرة دي غلبونا 4 : 2
والحكم النصيحة لي الله ما غلط غلط غير نتيجة المبارة
كلها غلطات ما بتغير نتيجة

المهم انا ببكي من قبل خمس دقايق من النهاية
ومع الصفارة
جري على الحكم وشبكتو لي بونيه

بعد الكورة
شطبو الفريق وشطبوني انا وسرحوا باقي اللعيبة
قعدت لي كم شهر ما لعبت كورة
وكانت شهور قاسية خلاص

بعد ستة شهور عملت استرحام
ونظرا لسني في الفترة ديك 15 سنة فكو الشطب بتاعي
ورجعت العب كورة
وانضبت

ومن الرابطة
للفريق القومي للناشئين بتاع ايطاليا لاشبال المريخ
ومن ديك وعيك

وتاني عرفت الله واحد وانه الكورة اخلاق
تاني بقيت ما بعاين للحكم في عيونوا خلي ادقو

انا كنت صغير سني شفعت لي
الحا يشفع للهلال شنو ؟

Quote: ودي مالك فطيتها يا تمبس

يا وليد دي ما دس السم في الدسم زاته القاصده ليك ..
عليك الله ارفع راسك شوف جماعتك قاعدين يكتبو في شنو ..
رش امس مسخن معاهم عايزين بدون خجله يجوا يفكوهو هنا ده ..

Quote: يا تمبس الهلال الان مؤهل لغلب الاهلي

.
يا وليد دي حاجة طبيعية جدا .. لاسباب كتيرة جدا ..
خليك من التكتيك .. ومن الجانب الفني ..
الروح الفيها بتاعين الأهلى الآن دي .. براها كفاية .. علشان لما ينزلوا الميدان الواحد فيهم قبلما يلمس ليهو كورة يقع ..
دي اول حاجة .. مطلوبة .. بعداك حمرة عين ساكت وايديه .. القون بجي ..
بس زي ما قلت ليك .. زي نوعية جماعتك اياهم .. امسكوهم عشان ما يخرمجو ..
وخليهم مرة واحده بس يكونو زي المصريين وناس بتحب وطنه .. وما بترضى فيهو ..
قمة الجهل والله والتخلف والسطحية ..
حاجة مخجلة ..
الله بسالك يا وليد عليك الله ورني منو في الدنيا دي بقدر يتحمل المصريين ديل يجو في قلب امدرمان .. يقلبونا ويقلو ادبهم علينا ونمشي ليهم هناك يدقونا ..

اصحوا ياخ .. انتو فاتكم كتير .. ملطشة لي اي حاجة لي متين ..؟

يا بلو

ياخ انا نسيبي

زول متعلم
قال خاشي الكورة بي نبلته

عاد نبقى في جنس ده

طيب بتاعين البرد يعملوا شنو

وجل جمهور الهلال بتاعين اورنيش وبرد

بالكورة يا تمبس ما بي غيرها

لعبناها وهرشنا المصريين في بلدهم وجوه استادهم سنة 90

لمن ابو يجي يلعبوا مباراة الرد هنا


بالكورة بس يا تمبس
بس بالكورة
الادب بالكورة

Quote: وجل جمهور الهلال بتاعين اورنيش وبرد

( أجدع ناس ) واحسن ناس بيعرفوا يفرحو .. ويفرحوا الدنيا دي كلها معاهم..

Quote: ( أجدع ناس ) واحسن ناس بيعرفوا يفرحو .. ويفرحوا الدنيا دي كلها معاهم..

ولانهم اجدع ناس
واحسن ناس بعرفوا يفرحوا

ما عاوزنهم يستخدموا جدعنتهم في غير محلها
وما عايزنهم يتعلموا الحزن والغتاته

ما تشحنوهم وتودوهم الى التوج
وتودوا الهلال معاهم كمان

ومجهود 4 سنوات لي ورة
تنهوه بي طوبه

ايوه كده

ده الكلام

وده ادب الكوره

الهلال 1000000000000000%

أها يا شفت
الغبينة فشيناها - و لا زلنا
و المدينة حفظناها
شن قولك

يا محمد قولي انتو كده

( اليد على شكل بونية واصبع الابهام مرفوع الى اعلى )

كدا حبايب يا شفت ..
وأنا لما كتبت ليك الكلام ده في البوست ده يوم الكورة .. بي كل الارهاصات النفسية والذهنية كنت عارف بقول في شنـو .. وكنت عارف غبينتنا بنفشها كيف .. وبدون نكسر لينا ولا حتى كباية شاي ناهيك من إنو نخرب لينا بلد بي حالة .. واظنك شفته كيف اولاد بمبه كانوا في المدرجات بيمارسو في حقهم الشرعي .. وشايلين اعلاهمهم .. لو اصلو كان في فش غبينه عليك الله في واحد فيهم كان طلع من بيتو اليوم داك .. ناهيك من انو يجي الاستاد وكمان شايل ليهو بيرق ..
يازول نحن شعب سمح .. بس ما بنخلي حقنــا ..
دي حقو يضيفوها لي نشيد العلم

ملحوظة:
صديقنا الطيب عبد الرحمن من أربجي معانا في الرياض هنا ومتابع للبورد بشدة بيتصل علي طوالي .. اتصل علي قبيل وهو متابع البوستات دي ..
حملني ليك السلام امانة إنت وفيصل نوبي .. وبيقول انو بيستمتع بي اطروحاتك بالرغم من الاختلاف في الكثير منها ..
الزول ده هلالابي طبعا.. ومن النوع كمان الفش غبينتو معانا قبل يومين...

تمبس اخبارك وكده

يا عمك انا قاعد في الخرطوم دي وعارف الحاصل
التحية لداريوكان في المقام الاول ثم كرنقو ثم قودوين
لانو لولا اهدافهم الثلاث كانت حصلت مجزرة

بالنسبة للمصريين البشجعوا هل تعلم انو ما يقارب 500 جندي كانو واقفين بينهم وبين الجمهور السودان وما اختلط معاهم سودانيين الا ناس الملح بعد ال3 اقوان

ولمن جو خاشين الميدان ورافين علهم في ناس تلبوا ليهم السلك عديييييييييييييييييل كده

يا عمك
والله انا معاي ناس في بيتنا دخلوا الكورة وهو شايلين معاهم نبلتهم ومالين جيوبهم حصحاص
قالوا يالغلب يالدق

فالتحية للاعبي الهلال الذين جندلوا لعيبة الاهلي وثاروا لسمعة الهلال والسودان ومنعوا المجزرة


__________________
رد الملحوظة

تحياتي لاخونا الطيب عبد الرحمن من أربجي وبنقول ليه تسلم
ومبروك
حقيقي شرفتونا ورفعتوا راسنا

اولا مبروك علينا جميعا لانه المباراة دى ورت حقيقة انه الشعب السودانى كله هلالابى الا من ابى والدليل مظاهر الفرح ومواكب البهجة التى عمت كل السودان مدن وقرى بل وخارج السودان لغاية شوارع القاهرة وشوارع لنجن وشوارع نيويورك والدنمارك وحتى شوارع بيونج يانج وسيئول وطوكيو وغبيرا والعشرين والعام وبنى مالك والشرفيه ..

نحن متسامحين والدليل غفرنا لبعض منسوبى المريخ تشجيعهم ومؤازرتهم للاهلى خلال تمارينه فى الخرطوم قبل المباراة , وفيهم ناس رافعين علم الاهلى ( ده تيم الصفوة قالوا ؟؟؟؟) ناس شايلين ليهم علم فريق عايز يهزم وطنهم ووطنيتهم ..

العين بالعين والسن بالسن والبادى اظلم .. والعارف يكلم الما عارف .. الناس ديل شتمونا شتيمة الارازل فى القاهرة وتهجموا على بص اللاعبين وكسروا قزازه وما خلو لينا قبلة .. كيف نستقبلهم ابلورود والزهور والبساط الاحمر .. يا أخوانا خلو عندكم شوية غيرة ووطنيه ونخوة والما بدافع عن ارضه وعرضه وشرفه وحقه ما بيلقى البيدافع ليه عنه .. والمرحش ما بيشاكل ..


المصريين غلبونا كثير وما زعلنا زعلهم ده وكل جرايدهم حزينة وقنواتهم تجاهلت الحدث ده مش زعل على الهزيمة لانه هزيمتهم من الترجى لم تؤثر فيهم لكن احساسهم بدونيتنا هو ما يجعلهم يحزنزن كثيرا ..

ابقوا هلالاب ابقوا مريخاب ابقوا مورداب .

لكن فى الاول وفى الاخر ابقوا سودانيين ؟؟؟؟؟؟؟؟؟؟

ناجي احمد البشير

خلاص قلت العندك وقريناه

يلا اقطع وشك