Post: #1
Title: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 08:49 AM
بالله يا جماعة اي زول عاوز يلغوس لغوسة سياسة يختى لينا البوست ده
الموضوع ده هام بالنسبة للمتزوجين وممنوع على العزابة والنساء
بي كل امانة كده اكتشفت مؤخرا انو تعدد الزوجات قد يسعد الزوج ويهنيه ويطول عمره ، عكس ما قد قيل لنا على المدى الطويل في تربية منفرة من الزواج التاني
المرة التانية بتقصر العمر
ده مجنون ده يعرس مرة تانية
في زول بدبل المصائب
وكلو طلع كلام فشوش
فمن التجربة الواضحة للسيد رئيس الجمهورية اتضح انو الزواج التاني يجدد الحياة
ياخ السيد الرئيس ده قبل الزواج التاني كان الواحد يديه 70 سنة
هسع ما شاء الله اصغر مننا ( ياعين يا عنيه )
هنيئا لمن تمتع بحلال الله ورخصه
السيد الرئيس قبل الدبل
وبعد الدبل
مشاء الله عيني بارده
وكيتا في ناس سيداو
وشكرا على الغدوه الحسنة
|
Post: #2
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: أبو عبيدة البصاص
Date: 10-18-2007, 08:54 AM
Parent: #1
وليد محمد مبارك
الما كوز
كل سنه وانت طيب
|
Post: #3
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 08:58 AM
Parent: #2
يا بصاص
كل سنة وانت بالف خير ياخ
كيفك والاولاد وامهم
هسع عليك الله موضوعي ده
ما الهمك كده تسوي ليك حاجة ؟!
|
Post: #7
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Shayma
Date: 10-18-2007, 09:04 AM
Parent: #3
| Quote: وممنوع على العزابة والنساء |
والنساء البأيدوا التعدد كيف؟
بالمناسبة عمر البشير قبل الدبل سمين
وبعد الدبل نحيف
لكن برضو انا مع التعدد
وبجي تاني راجعة بس خلي ابونا دة يطلع الشغل
|
Post: #8
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 09:08 AM
Parent: #7
يا شيما
حبابهم الف البائيدو ديل
بالنسبة للريس انو ضعف
فصحة اصلو السمنه مرض
وده شي باكد انو في الزواج التاني مصلحة خاصة للناس السمان
|
Post: #5
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: هاشم أحمد خلف الله
Date: 10-18-2007, 09:01 AM
Parent: #2
وليد والله كلامك دا بودي التوج عديل كدا ياخوي داك البشير وبفلوسه لكن نحنا ناس قريعتي راحت نعمل
شنو ؟ يازول بطل لخبطة وخلينا كدا احسن وكان انتا عملتا واتزوجتا تاني احسن قول لينا عديل ؟؟؟
وبلاش حركات اللف والدوران دي .
|
Post: #9
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 09:10 AM
Parent: #5
والله كلامك صاح يا هشام
هسع شوف جنس رد محمد بشير التحت ده
فعلا يا عمك
الزول الماعنده قروش يختى الزواج التاني
لانو في الحالة دي المرتين حا يتخامسوه بالطلبات ويرهقوه بالمراسيل
|
Post: #24
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: احمد معتصم الطيب
Date: 10-18-2007, 11:38 AM
Parent: #5
هاشم أحمد خلف الله
صاحبك بمهد لى حاجة الله يستر
وبعدين الشفت دا مرطب شديد
القرش عندو والصحة زى ماشايف
مانسحرو ما شاء الله عليهو
|
Post: #4
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Hatim Yousif
Date: 10-18-2007, 09:01 AM
Parent: #1
وليد .... عيدك مبارك ...
النصيحة الشهيرة ل عمنا / عبد الوهاب بحر .... (( راجل بين مرتين ... أرنب بين كلبين )) ...
----------
ملحوظه :- عمنا متزوج مرتين
-
|
Post: #6
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: على محمد على بشير
Date: 10-18-2007, 09:04 AM
Parent: #4
يا ولى
كل سنه وانت طيب
وبعدين يا اخوى ما يغرك مظهر السيد الرئيس الخارجى
فقط ارجوك ركز فى مشية السيد الرئيس بعد الزوجه الثانيه
والله بقى يمشى زى ود الطهور
|
Post: #11
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 09:14 AM
Parent: #6
هوي يا علي محمد علي بشير
عليك الله اختاني انا عندي اولاد بربي فيهم
ننوه للساده المتابعين انو الموضوع عن تعدد الزوجات وحسناته ( الريس مثال )
|
Post: #13
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: نزار محمد عثمان
Date: 10-18-2007, 09:28 AM
Parent: #6
العزيز وليد
واحد أخونا عضو معانا في البورد، سألته في حضور زوجتي وزوجته(التي هي أحد محارمي): رأيك شنو في زوجة تانية؟ فأجاب في سرعة وحضور ومداعبة: لا يلدغ المؤمن من جحر مرتين، طبعاً خضع لتحقيق طويل استمر أياما، ولم تستغ قريبتي هذا التعليق الطريف.
أها دعاة الجندر أحسن للواحدة منهن أن ترى أنها شجعت زوجها ـ بما وفرته له من راحةوسعادة ـ للزواج بثانية، أم نكدت حياته وكرهته في زمرة النساء مطلقا!! الخيار لهن.
كذلك أرجو أن لا تغلق هذا البوست دون النساء، لأن منع التعدد ـ خلافا لما تراه الجندريات ـ بيد النساء لا الرجال، فلو اتفقت زمرة النساء على أن لا تكون واحدة منهن زوجة ثانية فقد أغلق باب التعدد، ولا مش.
يا نساء العالم اتحدن، ولا تحملن الرجال مشكلة اختلافكن.
|
Post: #27
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-20-2007, 09:41 AM
Parent: #13
استاذ نزار سلامات
طلباتك اوامر سمحنا للنسوان التعليق على البورد مع الاصرار على حرمان العزابة
| Quote: يا نساء العالم اتحدن، ولا تحملن الرجال مشكلة اختلافكن. |
والله صدقت
التقول المرة التانية دي من جنس تالت ما عنده علاقة بالنسوان
ما العرسها فوق اختها دي ما انثى برضو
وبي رضاها
وعارفة انها راكبه فوق راس اختها
سبحان الله
|
Post: #10
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-18-2007, 09:12 AM
Parent: #4
يا هيثم يوسف
وليه ما تقول
نحلة بين زهرتين
عصفورة بين شجرتين
دي مكنه من عمك ده ساكت
عمك ده حاسد ضاق متعت المرة التانية وعاوز يحرمكم
|
Post: #12
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Hatim Yousif
Date: 10-18-2007, 09:19 AM
Parent: #1
إسمي / حاااااتم ... ياوليد ...
هسع دي حالتك زوجة واحدة ... وبقيت تطشش .. ونظرك طش ... يعنى لما يكونوا إتنين ... ح يحصل شنو ؟؟
-
-
|
Post: #14
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Hussein Mallasi
Date: 10-18-2007, 09:31 AM
Parent: #12
Quote: فلو اتفقت زمرة النساء على أن لا تكون واحدة
منهن زوجة ثانية فقد أغلق باب التعدد، ولا مش. |
|
Post: #16
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Motaz Ahmed
Date: 10-18-2007, 10:11 AM
Parent: #14
يا وليد
كلامك ده تقولوا لزول
ما عندوا مرة بتعرف الحاصل في سودانيز ده !!
تلقاها عند الغافل يا قريبك !
|
Post: #40
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-28-2007, 09:23 AM
Parent: #16
معتز احمد
هو بالله انت واقفين ليك فوق راسك بالمفراكة
هاهاهاهاهاهاهاهاها
|
Post: #35
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-24-2007, 11:02 AM
Parent: #14
يا ملاسي
ان شاء الله دايما مبتسم
|
Post: #28
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-20-2007, 10:03 AM
Parent: #12
يا حاتم ياخ امسحى في وشنا
ما طششت وحاتك
بس فاتح الموضوع ده وانا ملاوز لوز السنين
|
Post: #15
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: osman abdala
Date: 10-18-2007, 10:07 AM
Parent: #1
وليد كلامك دة اطبعوا ووديهو البيت للمدام..يا جبان..
انا كل ما أضرب ليك في المبايل ألقاهو عند المرة..
داير تجهجه المتزوجيين..وانتا بي هناك ذي الكستر
لفة:
مشتاقيين يا جبان
|
Post: #41
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-28-2007, 10:22 AM
Parent: #15
يا عثمان الشوق بالكراتين مستفنوا ليكم
يا وهم المرة ما شغالة مره وسكرتير ه
شفت اخوك اسد كيف
هاهاهاهاهاهاهاهاهاها
|
Post: #17
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: haroon diyab
Date: 10-18-2007, 10:47 AM
Parent: #1
| Quote: لا يلدغ المؤمن من جحر مرتين، |
واكان بقي فالح كمان يدفن الجحر الاولاني ذاتو....!
وليد
كل سنة وانت طيب... والله بوستك ده الا اكان يودي الاخرة عدييييييييييييل كده.
وصيتك الوليدات .
هارون دياب
|
Post: #18
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: معتز القريش
Date: 10-18-2007, 10:58 AM
Parent: #17
| Quote: هنيئا لمن تمتع بحلال الله ورخصه |
شكرا يا وليد ...
أحمد الله تلاتة في عين العدو
والله بسألني الرابعة في القزاز ...
بجيكم تاني أوريكم حسنات التعدد ...
بس أدوني الأمان من نسوان المنبر ديل ...
وطلعوا العذابة والأطفال من البوست دا
|
Post: #23
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: احمد معتصم الطيب
Date: 10-18-2007, 11:33 AM
Parent: #18
معتز القريش
قلت لى الرأبعة عديـــل عافى منك.
ليك الأمان.
|
Post: #42
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: معتز القريش
Date: 10-28-2007, 10:42 AM
Parent: #23
Quote: معتز القريش
قلت لى الرأبعة عديـــل عافى منك.
ليك الأمان. |
هوووي يا أحمد نا داير الأمان من النسوان
لكن لقيتك بتاع شمارات كيف ....
|
Post: #19
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: محمد فرح
Date: 10-18-2007, 11:02 AM
Parent: #17
أخ وليد
كلامك عين العقل
على الأقل نخفف شوية من نسبة العنوسه في البلد
أتمنى من كل من يمتلك القدره جسدياً ومادياً على الدبيل أن يدبل ويثلث ويربع كمان .
|
Post: #20
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: osman abdala
Date: 10-18-2007, 11:11 AM
Parent: #19
اها شابكانا رخصة رخصة ..
جوك ناس معتز القريش ناسالرخصة الكبيرة..يا بتاع الملاكي..
وفي الملاكي ركشة...
وى وي وي..
|
Post: #21
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: shammashi
Date: 10-18-2007, 11:14 AM
Parent: #19
| Quote: أتمنى من كل من يمتلك القدره جسدياً ومادياً على الدبيل أن يدبل ويثلث ويربع كمان ] |
محمد فرح
جسديا دي يمكن بي فياجرا بي مديدة بالمباصرة يتقدر عليها.
لكن ماديا دي يقدروا عليها كيف؟؟
إلا نبقى كيزان.....
|
Post: #45
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 11-01-2007, 09:14 AM
Parent: #17
يا هارون دياب ازيك ياخ
اهلنا قالوا الراجل الما بخاف من مرتو ما راجل
انت قولك شنو ؟
|
Post: #22
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: احمد معتصم الطيب
Date: 10-18-2007, 11:27 AM
Parent: #1
وليد الشفت
كل سنة وأنت والأسرة الكريمة بخير وطيبين
الظاهر عليك نويت
فتحتى للبوست بتاعك دا لقيت الحكومة فى رأسى
وجرونى من أضانى وقالو لى أقفل البوست دا..
|
Post: #25
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: حيدر حسن ميرغني
Date: 10-18-2007, 11:55 AM
Parent: #22
بالعكس يا وليد الرئيس قبل الدبل كان أحسن
عشان ما نظلم
الله يقدرنا على وحيدتنا
|
Post: #26
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-20-2007, 08:46 AM
Parent: #25
جايكم يا مرندكين عى الدبل
|
Post: #29
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Mohammed Ibrahim Othman
Date: 10-20-2007, 10:09 AM
Parent: #1
ياوليد ياغالي ممكن توطي صوتك ..
بالله ما تعمل لينا مشاكل ...
|
Post: #30
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: ابوحراز
Date: 10-20-2007, 10:30 AM
Parent: #29
قال زواج تاني قال
هو عليك الله الوحيدة دي الزول لو قدر عليها مش كويس
كمان عاوز تجيب ليك واحدة تانية
هسي نحن عرسنا لينا عشرة سنوات
واليوم كلو الواحد يفكر
امس أنا كنت والله شايل الجريدة في يدي وبفتش ليها اليوم كلو
قلبت المراتب والسراير
وكنت زهجان للطيش
وماخليت عزابي واحد ماسخطت عليهو
أخيراً قالوا لي يا مهود الجريدة عندك في يدك
تعرف السبب اتصال الساعة 8 صباحا قالت مصاريف العيد انتهت
غايتو لو الواحد فكر ينتحر تاني
لازم تكون المدام جاهزة موية ونور
وما بالضرورة تكون جميلة
وما بالضرورة تكون محركاتها بحالة جيدة
مش بالليل 00 الواحد بس يحرد ويقبل على الحيطة
وليكن ما يكون
المهم يكون عندها قروش وبيت وعربية
|
Post: #32
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: نادر محمد الراضي
Date: 10-20-2007, 10:56 AM
Parent: #30
حبيبنا وليد
إنتا الرئيس دا كان وقع في النار نقع وراهو؟!!!
أين العقل والمنطق في الدبل ؟!!!
رجال الزمن دا بقت عينهم فارغة وزايغة ...
ما عندنا كلام في الحللو شرع ربنا لكن ...
البيحصل دا شي ما طبيعي غايتو بس ...
|
Post: #31
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: محمد البشرى الخضر
Date: 10-20-2007, 10:52 AM
Parent: #1
يا شفت ما تخمنا ساي
ما سمعنا الريس حلف بالطلاق إلا بعد الدبل
مش معناها إتضايق
|
Post: #33
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-20-2007, 10:58 AM
Parent: #31
يا جماعة اعزورني ارد على بتاعين الفاولات والبلنتيات ديل في الاول
ما يلخبتوا لينا البوست ده
يا ود البشري
كدي عليك الله عاين للريس في الصورتين الفوق ديل
خلافا على انو في الصورة التانية صغر 10 سنوات
الا انو في الصورة الاولى زهجان ومكشر وواضح في الصورة انو بورور لي زول في عينو وزي كانو بقول ليه احسن ليك
شوفو في الصورة التانية
يا سلام عليه !!
ما دي يده بي سلام وتحية وعلى وجه ابتسامه صافية وديعة
اما حكاية الطلاق دي
فيا عمك ده حنك سودانيين سااااااااااااااكت
في ذمتك الريس ما شكله ارتاح وصغر شوية في الايام دي
|
Post: #34
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Osama Siddig
Date: 10-20-2007, 11:16 AM
Parent: #1
Dear Waleed,
"ONE WIFE IS TOO MANY"
|
Post: #36
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: Omer Abdalla
Date: 10-24-2007, 11:56 AM
Parent: #1
سلام يا وليد
الموضوع دا لو طلعتو "الله وشرعه" منو يكون كويس خاصة وأننا ناقشناه من الزاوية ديك قبل كدة وما افتكر لقينا عندكم حجة قوية .. أما الجبهجية وعلى رأسهم "رئيسكم البشير" فخليهم يستمتعو بأموال الشعب الماقادرين أغلبية شبابو على الزواج بسبب الفقر وغلاء المعيشة..
بعدين هل الزواج شراكة بين شخصين أم أن الغرض منه هو أن ينبسط الرجل حتى ولو على حساب كرامة ثلاثة نساء أو أربعة أضطرتهم ظروف الحياة للبقاء في "حبله" رغم "نزواته"؟!!!!!
عمر
|
Post: #37
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: وليد محمد المبارك
Date: 10-24-2007, 12:07 PM
Parent: #36
| Quote: بعدين هل الزواج شراكة بين شخصين أم أن الغرض منه هو أن ينبسط الرجل حتى ولو على حساب كرامة ثلاثة نساء أو أربعة أضطرتهم ظروف الحياة للبقاء في "حبله" رغم "نزواته"؟!!!!! |
عمر ازيك واريتك عافية
وليه يا عمر ما تقول انو الغرض منو ان يبسط ( وليس ينبسط ) الرجل ثلاثة او اربعة نساء خصوصا انه اذا تزوج الرجل بواحده فقط ستكون الانبساطة لواحده فقط وثلاثة اخريات محرومات من الانبساطه ( ده لو فكرنا فيه من زوايتك ووجهة نظرك )
خصوصا وانو الراجل بتزوج ليه امراء غير متزوجة
وفي دينا
او عرفنا
او ما تربينا عليه
يفترض ان تكون الانبساطة المزعومة عبر الزواج فقط
اها باقي النسوان الحرمتوهم من التعددية
الحا يبسطهم منو
( شفت الغلات هين كيف )
__________
تحت تحت
عيد سعيد
|
Post: #38
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: sudania2000
Date: 10-24-2007, 12:37 PM
Parent: #37
سلام يا وليد الما كوز 
هو العدل الما تحقق في سياسته للبلد باقي ليك بتحقق بين زوجتين وبلا عيال 
ولـــــــــــــــــــــــــــــــــــــ تعدلوا ولو حرصتم ــــــــــــــن
ذكرتني رد بتاع دكتورة في التلفون علي بروفسير تجاني في وجه النهار ان التعدد حل للعنوسة
فقالت ليهو المجتمع من الجنسين حليت مشكلة العنوسة للبنات الرجال يعملوا شنو ؟؟؟؟؟؟؟؟؟
المشكلة اقتصادية ومشكلة امة يا بروف !!!!!!!!!!!!!!!!!!!!!!!1 فبهت الذي كفر بحق العدل
ولكم في كتاب الله حلول وحلول
خلوا المشاكل كلها وبقت التعددية حل
الله يغيظكم
معتز قريش : وانا اقول الزول دا كلاموا كلو خارم بارم مالو اتاريك مخك ضارب
|
Post: #39
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: أبو عبيدة البصاص
Date: 10-24-2007, 12:43 PM
Parent: #38
| Quote: معتز قريش : وانا اقول الزول دا كلاموا كلو خارم بارم مالو اتاريك مخك ضارب |
يا سودانية اعملي حسابك
زي ناس معتز ديل الواحده لو كشرت في وشو ساكت يحلف الا يعرسه ..
كماتن تقولي ليهو مخك ضارب
|
Post: #43
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: sudania2000
Date: 10-29-2007, 11:58 AM
Parent: #39
البصاص سلامات
يا زول بهذر بس زولك دا تعال شوف محن الاستاذ نزار وبقول
يا نساء العالم اتحدن، ولا تحملن الرجال مشكلة اختلافكن
بس بقول ليهو قول عادل امام
شفيق يا راااااااااااجل 
انت جادي عليك الله
عالم جبانات بشكل
الحيطة القصيرة عندكم عادي النساء
|
Post: #44
Title: Re: انتو قايلين المرة التانية ما بتريح ( تعدد الزوجات قد يكون الحل )
Author: معتز القريش
Date: 10-29-2007, 02:31 PM
Parent: #39
| Quote: معتز قريش : وانا اقول الزول دا كلاموا كلو خارم بارم مالو اتاريك مخك ضارب |
Quote: يا سودانية اعملي حسابك
زي ناس معتز ديل الواحده لو كشرت في وشو ساكت يحلف الا يعرسه ..
كماتن تقولي ليهو مخك ضارب |
وكان ما عرسا بعرس اختا أو بت جيرانهم ....
|
|