الانتخابات على الابواب .. قفدنا الامل في الاحزاب .. فل نعرف بعضنا بالمستقلين المحتملين

شخصيا لن اصوت لمصلحة اي حزب في الساحة الان .. فقد عجزت الاحزاب في طرح برامج واضحة لمستقبل السودان بعد الانتخابات القادمة .. وكذلك لعدم ثقتي فيها قياسا على ماضيها الذي لم يقدم شي للسودان سوى اهداء السلطة في كل مرة الى الدكتاتوريات على طبق من فضة ليقتلعها الشعب بشق الانفس فتقدمها الاحزاب الى الدكتاتورية التي تليها على طبق من ذهب


عليه اود ان اصوت لصالح مستقل يقنعي بنفسه وبرنامجه وفق للشروط التالية :
1) الامانه
2) النزاهة
3) الوطنية
4) الصدق
5) الرغبة في التقديم للسودان ومواطنيه


واكبر ضمان لي بان هذا الشخص سيقدم للسودان هو استقلاله عن الحزبية التي اصبحة مضرة في سوداننا اكثر من انها مفيده

عليه كل من يري في شخص يعرفة كفاءة لخوض الانتخابات القادمة كمستقل فليعرفنا به هنا حتى يضعه الشعب في حساباته ويضغط في اتجاه ان يرشح نفسه كمستقل في الانتخابات القادمة

كثيرون مثلي كفروا بالاحزاب
اما ان تاتونا بمستقلين
او لنتسمعوا اصواتنا

.
.
.
البصاص

مرشح البصاص يعني يا معلم


هاهاهاهاهاها

قال تعالى :

(قَالَ اجْعَلْنِي عَلَى خَزَائِنِ الأَرْضِ إِنِّي حَفِيظٌ عَلِيمٌ ( )وَكَذَلِكَ مَكَّنَّا لِيُوسُفَ
فِي الأَرْضِ يَتَبَوَّأُ مِنْهَا حَيْثُ يَشَاء نُصِيبُ بِرَحْمَتِنَا مَن نَّشَاء وَلاَ نُضِيعُ أَجْرَ الْمُحْسِنِينَ
( )وَلَأَجْرُ الآخِرَةِ خَيْرٌ لِّلَّذِينَ آمَنُواْ وَكَانُواْ يَتَّقُونَ)


من هذا المنطلق انني ارشح نفسي

يا بصاص

الامنجية الزي وزيك ديل ممنوعين

Quote: عليه اود ان اصوت لصالح مستقل يقنعي بنفسه وبرنامجه وفق للشروط التالية : 1) الامانه 2) النزاهة 3) الوطنية 4) الصدق 5) الرغبة في التقديم للسودان ومواطنيه

لم أقابل أي برنامج إنتخابي لا يشير إلى كل ما ذكر أعلاه والمخيف أن كل البرامج ستأتي متشابهه وكل المرشحين قبل الفوز يكونون أمينين , نزيهين , وطنيين , صادقين وراغبين كذلك .

مرحب طارق

Quote: لم أقابل أي برنامج إنتخابي لا يشير إلى كل ما ذكر أعلاه والمخيف أن كل البرامج ستأتي متشابهه وكل المرشحين قبل الفوز يكونون أمينين , نزيهين , وطنيين , صادقين وراغبين كذلك .

ما هي المشكلة
عشان كده كرهنا الاحزاب
مشكلتنا ما في البرامج بل في التطبيق
والتطبيق في اساسه بعتمد على الشخوص الموكلة ليهم المهام
الاحزاب تاتينا ببرامج عظيمة
ثم تاتينا باشخاص يملون خلاف لتلك البرامج


عشان كده شخصيا حا اعتمد لو صوت على المستقلين عشان اكون اختياري للشخص مبني على قناعتي فيه هو وماضيه هو ليس لانه اختاره الحزب ممثلا له

وقلت يرعرفنا بالمستقلين واقصد يعرفونا بماضيهم
عشان نقدر نقيس على علي ماضيهم ونتوقع مستقبلهم

غايتو هي محاولة اخيره للثقة في السياسي السودانية من ناحيتي

طبعا يا وليد قناعاتك وكنت قد لمستها من زمان...اعتقد انو بوستك ده مهم للغايه جرس إنزار لكل الأحزاب السياسيه السودانيه ...ماذا عليهم أن يفعلوا حتى تصبح الديمقراطيه الحزبيه ,جاذبه للشباب وتدعوهم للإنخراط فيها?هناك الكثيرون من شباب السودان ,يخالدهم نفس الشعور الإحباطى,ومنهم من ظل هائما على وجهه ويحمل أفكارا نيره ,كان من الممكن أن يكون فيهاالخير لمصلحة السودان,ولكن كفرهم بالأحزاب السياسيه ,حال دون ذلك.فافرغوا خزين أمهات فكارهم فى جلساتهم الخاصه, وفى أثناء مشاهده "الدافوري" وفى "عشره وست" ربما فى النادى.

يا وليد بالتأكيد هناك الكثير من المستقلين ممن تتوافر فيهم هذه الصفات ويجب دعمهم
لكن للاسف لن يجدوا فرصة كبيرة لأن الاحزاب ستحاول دفعهم بعيدا وحصر التنافس بينها
فوق ان الاحزاب تمتلك ماكينات مالية ودعائية وبشرية لا يملكها اغلب المستقلين ..

عموما نحن كحزب في غير الدوائر التي نركز عليها
يمكن ان ندعم بعض المستقلين ممن تتوفر فيهم هذه الصفات ويكون برنامجهم قريبا من طموحات المواطن
ويهمنا ان يتمثل المستقلون النزيهون الوطنيون والديمقراطيون في البرلمان ..

فيما يتعلق بك عايزين صوتك للحزب الليبرالي
وبالعدم انت انزل براك؛ ولا الصفات دي ما متوفرة فيك ؟؟

تسلم يا صديق ..

الاخ عادل ..

البصاص يقدم اوراق اعتماده للانتخابات القادمه
وسوف يسعى لتحقيق ما جاء في الاجندة اعلاه
قولكم شنو ؟
لو بي صوت واحد سيحدث
عندنا فرقاً ويدفعنا الى الامام
من اجل هذا الوطن الغالي


البصاص

البصاص سلامات

Quote: البصاص يقدم اوراق اعتماده للانتخابات القادمه وسوف يسعى لتحقيق ما جاء في الاجندة اعلاه قولكم شنو ؟ لو بي صوت واحد سيحدث عندنا فرقاً ويدفعنا الى الامام من اجل هذا الوطن الغالي

امشي عدل
وسيؤيدك الناس

سلامات عادل عبد العاطي يا صديقي

تصدق انو لو قدر لي وصوت للانتخابات
ساصوت لك انت والاستاذة نور تاور لو نزلتو فيها

لكن الكلام ده مبني علي خيارتي لي اشخاصكم وليس للحزب اللبرالي

اختلف في حاجات كتيره مع اللبرالية
وما عندي اي خلاف او حتى وجهة نظر لا فيك ولا في نور تاور

عموما مع الشي البسو فيه الاسلاميين ديل افضل لبرالي نظيف من اسلامي غير ذلك

اما حكاية اني ارشح نفسي
فانا غير مؤهل لذلك
نعم وبكل فخر الصفات الفوق دي متوفرة فيني والحمد لله
لكن انا جاهل سياسة
وفيني عيوب يمكن تنسف الكلام الفوق ده
ابرزها الانفعالية وعدم الدراية بفنون المراوغة

عشان كده يا صديق نحن جمهور ساااااااااكت

انت انزل فيها وانا حا اصوت ليك وانا متطمن
اقل شي حا اضمن في الانتخابات البعدها لو ظهر حزب اسلامي حقيقي
اني ما اجد منك ضرب تحت الحزاب وستكون المنافسة بيناتكم شريفة
اكون الوكت داك بقيت معلم في السياسة

يا عادل كما قيل

الحقيقة قبل العقيدة
والعدل فوق الاحسان

الصديق وليد

يا اخي شكرا للثقة في الاستاذة نور تاور وشخصي الضعيف
ونور اكيدة نازلة الانتخابات؛ لو برلمانية لو رئاسية بس ما عارف
انا عندي نفس صفاتك من الانفعالية وعدم الدراية بفنون المراوغة
اقوم ما انزل يعني ؟؟

عموما انا لو قرر الحزب ان انزل الانتخابات فساقترح النزول في عطبرة
لان الانسان اولى باهله ومنطقته ؛ وان كنت ارى مرشحين افضل مني في عطبرة
من الليبراليين والمستقلين

عموما يا سيدي نرحب بي صوتك وعندك ليبراليين احسن مني كتير في امدرمان
منهم الاستاذة زهرة حيدر لو تابعتها لعلمت ان الحزب الليبرالي هو حزب المستقبل ..

لك ودي

مرحب محمد مكي

تتصور فعلا الكلام ده حاصل

شخصيا 80% من الشباب المحيطين بي كفروا بالسياسة السودانية
وما عندهم قناعة في اي حزب
لدرجة انهم كرهوا السياسة زاتها وزهدوا فيها

ياخ دي مشكلة عويصة خلاص

والله لا اعرف مثلك تماما يا الشفت ...

لكن اتمنى ان نجد حزبا يلبئ طموحات شعبنا .. من غير لف ودوران ...


لقد ياسنا من الشعارات السياسية البراقة ...

دعوة صادقة ونبيلة ياوليد

تعبر عن امل بعد احباطات تجاوزت النصف قرن

اخونا حيدر

تسلم يا عزيز

عاصم ماش

اخبارك وكده

الاسرة والوالد والبقية

يا صديقي نحن الناس الكبار اكلوا حقنا

عاوزين يعيشوا زمنهم وزمن غيرهم

يلخبتوا فيها من سنت اسكت وما عاوزين بفكوها لي هسع


هسع عليك الله لو كنت انت ممثل لحركات التحرير بدل ابوك
وكنت انا ممثل للجلابة

ما كانت مشكلة دارفور دي اتحلت

وليد بعد إذنك حأودي البوست دة لشبكتنا شبكة حزب الأمة القومي للإعلام الرقمي
هو مهم لقياس اتجاهات الرأي العام فهو بشكل ما يعطي مؤشرات..
وعشان بريش يصحى!
لك التقدير يابوي

لنا ازيك


اذنك معاك يا لنا مصلحت البلد كمان فيها استئذان
وياريت لو يصحى بريش

Quote: منهم الاستاذة زهرة حيدر

اهو ده التقصير البنقول فيه يا عادل

يعني يا عادل انتو حزب جديد وما استفدتوا من غلطات القبليكم


يا عادل زمن نحن نمشي نفتش مرشحيننا برانا ولى
والاسهل مع التكنولوجيا دي انو الاحزاب تعرف الناس بي رموزها ومرشحيها المستقبليين

يعني الاحزاب ما تعتمد على سمعة الحزب فقط
لاذم تكملها بي تعريف رموزها وبيان مؤهلاتهم وانجازاتهم وصفاتهم
عشان العنده راي في الحزب يمكن ما يكون عنده راي في المرشح

ولا كيف ؟