الخرطوم ........ لندن ...... وبالعكس

أسعدني حظي بزيارة للملكة المتحدة ، استطعت فيها أن اروي شغف قديم وأمنية طفولة بزيارتها ، صحيح أنها كان زيارة للدراسة سريعة وقصيرة ومضغوطة ، لكننا انهينا ما يلي الدارسة منها بسرعة وحملنا شهاداتهم مع إشاداتهم ثم انتشرنا في إرجاء المملكة المتحدة سائحين ، نشنف أعيننا بخضرتها الدائمة - فبريطانيا دولة خضراء - وجمالها الأخاذ ونظافتها التي يضرب بها الأمثال ، ريفها أجمل من حضرها ، وحاضرها لا ينقصه الجمال لكن جماله لا يقارن بجمال ريفها .

الرحلة كلها كانت غير مؤكدة، وهي اقرب إلى الإلغاء منها إلى قيامها ، فالبيروقراطية في دولتنا كادت أن تعصف برحلة تتحمل الشركة في المملكة المتحدة الجزء الأكبر منها ، إضافة إلى أنها ستساهم في تعليم سودانيين إحدى التقانات الحديثة والحديثة جدا، في سبيل تطوير حفظ البيانات في السودان، تمهيدا لرقمنة كل المعاملات في الدولة ، والذي لا بد وان يحدث في أي دولة تنشد التطور والمواكبة

الزيارة كانت للتدرب على تقنية تعرف باسم DocXP تنتجها شركة DRS التي تعمل في مجال تطوير تقنيات المسح الرقمي ، وهي الشركة المدربة لنا وصاحبة الدعوة ، وتعمل DRS في مشروعات مختلفة في السودان أهمها التعداد السكاني ومنها وهو ما يلينا ويخصنا مشروع القبول لمؤسسات التعليم العالي بالسودان ، حيث أن DRS قد زارت السودان وعرضت منتجاتها لنا في الوزارة وبعد عدت زيارات توصلنا إلى استمارة للطالب تسكن عبر ماسح ضوئي خاص لتذهب بياناتها مباشرة إلي قواعد البيانات دون الحاجة إلي مدخلي بيانات كما هو معمول به ألان ، ولمن لا يعلم كثيرا عن تقنيات المسح الضوئي، فليعلم، أن من أصعب الأشياء أن تسكن مستند كنص وليس كصورة، لان اغلب الماسحات الضوئية تسكن المستند كصورة بحث لا يمكن التعامل مع مفردات وكلمات المستند ثم معالجتها رقميا بعد ذلك ، و الأصعب من ذلك هو أن يكون المستند مكتوب بخط اليد وليس عبر وسيط ميكانيكي أو رقمي كآلة كاتبة أو حاسوب، وتكمن الصعوبة في اختلاف طرق الكتابة بين البشر واختلاف طريقة رسمهم للحروف والأرقام ، ويمكن لتقنية الـ DocXP قراءة الخط اليدوي ثم توقع المقصود ، ثم تحويله إلي نص اليكتروني يمكن التعامل معه عبر الحاسب ، وإذا شكت التقنية في أي مفردة حرف أو رقم فإنها تعيدها إلى المدخلين مع توقعاتها للكلمة الحرف أو الرقم الذي لم يتجاوز النسبة المئوية التي فرضها المبرمجين حسب ما يرون ،

عموما هذا شي لسنا في حاجة للإسهاب والإطناب فيه، وشغل أفكاركم به ، ومن يريد أن يعرف شيئا عن الشركة DRS أو عن تقنية DocXP عليه بالضغط لينتقل إلى موقع الشركة



شركة DRS من الخارج



استقبال الشركة



معامل التدريب

حمدا لله على سلامتك يا وليد... و في انتظار انطباعاتك عن الرحلة.

Quote: ريفها أجمل من حضرها ، وحضرها لا ينقصه الجمال لكن جماله لا يقارن بجمال ريفها

مهمش ..
مرمي الله ..
قدر ما يرفعوكم .. تفضلوا ناس هامش ..




......
يا شفت ..
كده جيت لتراجي في حتتها ..

حمد الله على السلامة ياوليد

حدثنا عن مدينة كانت عاصمة الدنياالتي يجبى إليها ثمرات كل شئ من أصقاع الأرض والمشرقين .


أحب هذه المدينة متقلبة الطقس وريثة إمبراطورية الرومان .

روعة لندن وبلاد الإنجليز مصدرها خيرات بلادك وماحولها من البلدان .

هي كلها ميراثُكِ المسروقُ

أسفلت الدروبِ

حجارةُ الشرفاتِ

أوعيةُ المعاصِرْ

النفطُ

زيتُ العِطرِ

مسحوقُ الغسيلِ

صفائحُ العَرباتِ

أصباغُ الأظافرْ

خَشَبُ الأسِرةِ

زئبقُ المرآةِ

أقمشةُ الستائِرْ

غازُ المدافئِ

مَعدنُ الشَفَراتِ

أضواءُ المتاجرْ

وسِواهُ من خيرٍ يسيلُ بغيرِ آخِرْ

هي كلها أملاكُ جَدكِ

في مراكشَ

أو دمشقَ

أو الجزائِرْ

أو الخرطوم (دي من عندي)

هي كلها ميراثك المغصوبُ


تحياتي وتقديري

ابو الزهور 2

الله يسلمك ياخ


المعني يالازهي انا كنت حايم في بلاد الفرنجة بي حقي


كان تقول الكلام ده هناك

عشان اعمل هورت
واتضرع في شوارع لندن الضيقة

تسلم يا معلم

وليد ياحبيب

كلامك دا ذكرني قصة حكاها لينا صديق عزيز كان طالب في جامعة الخرطوم وساكن في داخلية الطلبة.

صاحبنا دا كان حاضر ركن نقاش للحركة الإسلامية في الدخلية وقاعد من البلكونة بسمع في الركن مع واحد زميله نعسان وشبه نايم و الكلام دا كان قبل كاس العالم النظمته أمريكا في 1994م .

المتحدث بتاع الحركة الإسلامية كان منفعل جداً أيام أمريكا روسيا قد دنا عذابها وقال في نص كلامه في نوبة إنفعال وهاشمية : نحنا حاندخل الجنوب كله وأمريكا زاتها حاندخلها فقام زميل صاحبنا النعسان إنتبه للكلام وصحى من نومته وكورك من فوق للمتحدث قال ليه :

ياخي عليك الله ماتخربوا علينا كاس العالم إنتظروا لحدي مايخلص وبعد داك كان دايرين حرروا أمريكا

عماد اب شنب

يا معلم اخوك ود قلبها هنا في البلد دي
امدرماني ماصل ( اي زول عنده رائي حبابو )

لكن اطرطشت شوية في لندن عشان كده عجبني ريفها


تراجي منو يا معلم

انا خلاص فطستهم ليك كلهم
كلنا شفنا اوربا

اها وكمان ما عجبتنا


شوفت الكنته وين
انو قعدتا فيها 10 يوم ما زدهم دقيقة مع اني عندي 6 شهور

عشان لمن تراجي تتفاصح اقول ليها
ياخ بلادكم دي شفنها وما عجبتنا وغلبنا نقعد فيها اكتر من عشرة يوم

هاهاهاهاهاهاهاهاهاااااااااااااااااااااااع

والله انا بعد ده حا اتجدع ليك على ناس بره ديل جنس تجدع

وبي حققققققققققققققققققققققي

العوض الله يسلمك

تابع وستقراء انطباعاتي ومفارقاتي

بس عليك الله ما تضحك شديد

فقد كنا اهل عوض في بلاد الفرنجة
وفشلنا في اجتياز امتحان سان جيمس حقتهم

الحبيب / الوليد
صباح الخير

الف حمد الله علي السلامة
وبالتوفيق دائما

الصديق هارون دياب

الله يديك العافية
وتسلم

جيدا جيت ياوليد ,,زمنى ده كلو أنا قايلك فى السعوديه ,, أتاريك إنت
من مهمشى الداخل ؟
ماكان فى طريقه بعد ( العمره ) لزوغه ؟ المهم والأهم تكون جبتا لينا
معاك شويه من لغة راندوك الانجليز .

تحياتى ,,

كمال سالم تحياتي

السعودية بتاعت عمرة وزوغة دي ما معانا
الا حج ان شاء الله

بعدين كفيلي دي ما يقدر عليها انا

اهاهاهاهاهاهاها

والله الزوغة كانت في ليها اكتر من طريقة
البلد ديك ما فيها كشات الا تمشي البولس بي مشكلة
لكن طالما انك محترم نفسك ممكن تقعد فيها الى الابد
وطبعا الورق برضو في امكانية ليه
صعبة في لندن
ساهلت في ايرلندا


انا الما عاوز ازوغ
ازوغ وين يا معلم
مافي شي بقعدني هنا
اللهم الا قراية

الجبيب وليد حمد الله على السلامة ماكان تختطف رجلك علينا بالمرة شغلكم نضيف فى حكاية الاسكانر دى ماعاوزين ليكم زول بتاع جى اى اس تحياتى

سلامات مهدي

اخطف رجلي عليكم وين ؟

بعدين جى اى اس عديل كده
طيب انت ما معلم

ما تدونا معاكم

سفرا قلع ورجالة

حتى الساعة التاسعة من صبيحة يوم 21 مايو 2008 لم يكن السفر مؤكدا وكانت الدورة التدريبية ستبدأ في المملكة المتحدة في نفس اليوم لذلك كان لزاما علينا السفر في يومنا ذلك أو تلغى الرحلة كلها ، قررنا التحرك للبحث عن اقرب سفرية في نفس اليوم تنقلنا إلى المملكة المتحدة مباشرة أو عبر التحويل في مطار أخر. قررنا استهداف شركات الطيران الكبيرة لأنها في مطارات دولها لها أكثر من سفرية في اليوم الواحد إلى المملكة المتحدة فكان همنا أن نجد حجزا لنا في قرب طائرة مسافرة إلى دولة طيرانها يسير أكثر من سفرية في نفس اليوم ، ووجدنا أن الخطوط القطرية هي أقربهم فتوجهنا إليها أملين .

كان معي موظفة الوكالة وصديقاي ( وليد عباس ) و ( فيصل ابو عكر ) ، دخلنا القطرية وتوجهنا إلى حسناواتها في خدمات الزبائن ، فكان رد أحداهن أن لا مجال للسفر في نفس اليوم ، كانت الساعة الحادية عشر ونصف صباحا والطائرة ستقلع عند الساعة السادسة مساء والحضور إلى المطار الساعة الثالثة عصرا ، وانأ في سنتر الخرطوم وحاجياتي في أواخر الثورات .

استخدما كل سبل الإقناع والتحنيس مع الموظفة الحسناء ، ولم تفلح محاولاتنا فقلت لهم الأفضل أن نكسب زمننا ونحاول في اتجاه أخر .
لم يقتنع صديقي ( وليد عباس ) بردود الموظفة وصديقي هذا من الرجال الذين لا يعرفون مستحيلا ولا يهابون الأبواب المغلقة، فسألها أين مكتب المدير، أشارت إلي المكتب، فقال لي اذهب واجلس هناك، ودعني أتولي الأمر، فقلت له:
يا زول بي طريقتك ، أنا مارق بره اشرب سيجارة

ثم أتاني بعد اقل من خمسة دقائق وقال لي : عاوزين معلومات منك تعال معي للمدير ، ذهبنا إلى المدير فاخبرني بأنه قد وجد حجزا لنا من الدوحة إلى لندن لكن الطائرة من الخرطوم إلى الدوحة لا حجز فيها، وقال ستذهبون إلى المطار كاحتياط عسى ولعل ، ثم أعطاني خطاب لمسئول الخطوط في مطار الخرطوم

شكرنا الرجل ثم استلمنا تذاكرنا ، اتصلت بزميلتي التي ستسافر معي وأخبرتها أن السفر اليوم، وعليها أن تكون في المطار بعد 3 ساعات ولتسرع بالعودة إلى منزلها لتجهيز حالها واني ذاهب إلى منزلي لتجهيز أغراضي وسنتقابل في المطار الساعة الثالثة تماما .

سالت صديقي ماذا أخبرت الرجل؟ لينفعل بسفرنا هكذا ويتضامن معنا ؟

قال لي: قلت له نحن وفد التعليم العالي لدينا مشاكل في نظام القبول لهذا العام ولكي تحل لا بد من سفر هذين الاثنين بسرعة ليعودوا قبل ظهور نتيجة امتحانات الشهادة الثانوية، حتى لا تحدث مشاكل في قبول الطلاب للجامعات ، فتصادف أن له ابنا ممتحن شهادة ثانوية وعلى أعتاب الجامعة، فخاف الرجل على مستقبل ابنه وساعدنا

قلت له: الله يجازي محنك، جننت الراجل

سلامة العودة يامان

وان شاء الله ربنا يوفقكم فى عملكم

و(ترقموا) لينا السودان ده كلو

اتمنى ان تكون الرحلة القادمة الى طوكيو

حيدر سلامات

انت بس رسل الزيارة شوفني بجي ولا ما بجي

وليد إزييك........

وحمد لله على سلامة الرجوع ......

اها عاوزين قصة البوري ....

شلت البتاع ولا لأ ....؟؟؟ وكان رد أولاد الحلة شنو؟؟؟؟؟

في إنتظار تكملة الباقي .. وفي إنتظار جيتك التانية .....

اسامة

اسامة يا فردة
الله يسلمك

وعقبالك كده

قصة البوي جايااااااااااااااك
انت اقعد لي جنس ده بس

هاهاهاهاهاهاهاهاهاها

حمد الله على السلامة يا وليد
لو تميت الستة شهور كان ممكن نتقابل هناك

واحد من فردك المشوا معاك القطرية ديل قريبي
لو شفت صحي بتعرفه براك
أطيب زول وأسرع زول يغضب
خليها في حنانك يا مان
ما تكلم زول

وليد حمد لله على سلامتك


وشايفاك متضرع فعلا بقيت.

المهم عندي لك تعليق
انت كتبته حول حادثة الاعتداء على التجاني
وبرجع برد لك بتوسع هناك برضو
لكن لعلمك اشرس شعب في العالم رغم برودهم هم الانجليز
وباالمارة اسال عنهم مدرجات كرة القدم تقول لي متحضرين!!
يازول وليدتنا الفجخوا ناس التجاني ديل بيكونا بس بيطبقوا فيهم افلام المشجعين الانجليز!

قال متحضرين قال!!

ولى (ودقلبها)


حمدالله على السلامة وبالتوفيق مهنيا

القطرية اكيد انسترت معاكم لكن صاحبك

شغلوا نضيف واحيك على حب الوطن يازول

الغربة دى اتفة حاجة فى الوجود ربنا

يرد غربتنا

بابكر التوم

الله يسلمك ويوفقك انت كمان

القطرية كمان بتقصر ؟

وصاحبي ربدنا يديه العافية ويديم المعروف

وانشاء الله ترجعوا لينا سالمين غانمين

تراجي الله يسلمك
وتحياتي للعيال

جنس تضرع هو


كمان يا تراجي مرقتي الانجليز اجلاف
والله ما فضل الا تقولي جلابة كمان

اشرف الحلبي

والله قريبك ده اطيب زول واكتر زول قلبه ابيض

ربنا يرد غربته
فقد هاجر الى ماليزيا وانا في بلد الضباب

بعدين انت اشرف الخاتيه في راسي ولا اشرف تاني ؟

Quote: لكن اطرطشت شوية في لندن

---------
في انتظار التفاصيل

حبو ست الاسم

عرفتيني
نحن ما اهل العوض
اتجاه اليمين بتاعكم ده جننا

تصدقي بقطع الشارع وانا بعاين في الاتجاه الغلط

هاهاهاهاهاهاهاها

التفاصيل جاياك

يا زول قطع الشارع بالقلبه ده عااادي انا في السودان، ابوي ما بحب يركب معاي و انا سايقه في السودان، عااادي تلقاني داخله سايقه شمال في الشارع

خربوا بوصله مخنا ده


يا زول احكي القصه و ما تخاف، بضحك مره واحده و بكلم حجه امنه بس

Quote: يا معلم اخوك ود قلبها هنا في البلد دي امدرماني ماصل ( اي زول عنده رائي حبابو )

وليد سلامات
هسع انا عايز اعرف الزول الطلعتو بره الكباري ده منو

بها بكري

بطل لخبته

انا قاصد اللابس كاروهات وجينز اخدر

تقابلنا وزميلتي في مطار الخرطوم، خدمتنا الرسالة التي كتبها مدير القطرية بالخرطوم إلى مندوبه في المطار كثيرا، وساهمت في صعودنا على الرحلة المسافر إلى الدوحة. اقلعنا في تمام السادسة وكعادي دائما انبهر بمنظر السحاب والغيوم التي تبدو وكأنها قطعة قطن طرية مصبوغة بإهمال باللون الرمادي أحيانا، وأحايين أخرى تبدوا وكأنها جبال طائرة قاسية وقوية.

وصلنا إلى مدينة الدوحة عند التاسعة والنصف مساءً، وفي انتظارنا ساعات طويلة نقضيها في مطارها، لان الطائرة التي ستقلنا إلى هيثرو في لندن ستقلع عند الساعة السابعة والربع صباحا، مساحة كبيرة تصل إلى 10 ألف كيلو متر مربع هي مكان انتظار المسافرين المحولين طائراتهم إلى أخرى تحملهم لوجهاتهم، فيها منطقة حرة واسعة، مجموعة من المطاعم، صالتين للانترنت، غرف للمدخنين،مصلى وغرفتين للاستراحة والنوم .

ذهبت زميلتي إلى غرفة الاستراحة، وذهبتُ أنا إلى المنطقة الحرة لشراء السجائر – سيكون لهذا السجائر مفارقة مضحكة في المملكة المتحدة - وأخذتُ أتجول في المطار، أتفرس الوجوه المختلفة، و السحنات المتباينة، استمع إلى مختلف الألسن واللغات حتى مطلع فجر اليوم التالي، ومن حين إلى أخر ادخل إلى إحدى غرف التدخين لأدخن سيجارة .





الطائرة في السماء ووسط الغيوم

ياشفت



لسع أنا بفتش فيك تصدق ..

احمد المعتصم يا فردة

ده حنكك


مكنتك ما قسمت


بالمناسبة بدينا ليك انا وعاطف رسل البتاع

Quote: صحيح أنها كان زيارة للدراسة سريعة وقصيرة ومضغوطة ، لكننا انهينا ما يلي الدارسة منها بسرعة وحملنا شهاداتهم

دراسة شنو دى البيقروها في اسبوع ...؟
اسعافات أولية ..؟؟




حمدلله ع السلامة

يا عمك العضة كانت كيف؟

يا اساسي

اخوك وقع ماكدونالز وكنتاكي ساااااااااااااااااكت

انا بخاف من الخنزير يا معلم


تتصور اولاد لندن وكت عاوزين يكرموني عملوا شنو ؟

عزموني ملوحة


تتصور ملوحة في كاردف


هاهاهاهاهاهاهاها

الطاهر ساتي

حاسد ولا بقران


ما تخلينا نبقى ليكم زي مرتضى البروف ونقوم نتقندف ليكم هنا هسع


كييييييييييييييييييييييييييييه
مشيت لندن
ان شاء الله سبع ساعات
اشاء الله قريت كور تطريز في ست فله بتاعت شبربوش

__________
اي اسم غلبك كلمني اشرحو ليك ويمكن اوصف ليك كمان

Quote: واتضرع في شوارع لندن الضيقة

اتضرعت فى ياتو لندن؟
الحلة ولا المحطة

احمد التجاني

افو

اخود ود بلد ياخ

انت قايلني بغشى المحطة بدون ما ادخل البلد

والله جورج يشهد اني كدرت في شارعو
واشتريت لي جزمة من مارك واسبنسر في اكسفورد
( افرحي يا تراجي )


هاهاهاهاهاهاهاهاهاهاها

الورا السحابة البكشف ليك ده ما نقشتو؟

لسة ما نقشتو؟؟

كان مقررا أن تقلع بنا الطائرة صبيحة اليوم التالي إلى لندن في تمام الساعة السابعة والربع بتوقيت الدوحة الذي يتساوى وتوقيت الخرطوم.
ساعدني السجائر كثيرا على قضاء الليل وسبع ساعات انتظار ملولة وطويلة، في الصباح تناولنا إفطارنا وزميلتي في إحدى الكافيتريات بصالة الانتظار حتى موعد إجراءات الصعود إلى الطائرة ، وقد لاحظت أننا تحديا قد دُقق في إجراءاتنا أكثر من الباقين، قد كنا ومعنا امرأة في الستينات السودانيين الوحيدين في الرحلة، لكني وزميلتي أجبرنا موظف إجراءات الدخول إلى الطائرة على الانتظار قرابة ربع الساعة بعد أن اخذ جوازات سفرنا لإجراءات خاصة ، لم أرى أحدا غيرنا قد تمت معاملته مثلنا . الملفت أيضا إن الغالبية من موظفي المطار هم من جنوب أسيا تحديدا من الهند.

صعدنا إلى الطائرة وأقلعت في موعدها متجهة إلى عاصمة الضباب في رحلة زمانها ستة ساعات ونصف، أمضيت نصفها في النوم بعد السهر في مطار الدوحة، وكان موعدنا هيثرو تيرمنال ثري المخصص للرحلات من أفريقيا واسيا وتحت تحت يقولون انه مخصص لدول العالم الثالث ، ولا ادري هل قطر معنا في تصنيف العالم الثالث هذا أم ماذا ؟


مطار الدوحة المنظر من صالة الانتظار


الإفطار في مطار الدوحة

اشرف طه

يعني قدر ما قلت اطنش
انت عاوز تخوفني


يا معلم اتجاوز

ما تخلينا نقرر ما نركب طيارة تاني



صحي البعاين لي ده من؟و او شنو ؟

يا حاج وليد ازيك
وحمدلله على سلامتك
قلت لي لندن كعبة لدرجة ما عجبتك؟؟!!











ـــــــ
يعني هسع يغالطوك كيفن؟

يا ابو هريرة

ما كعبة

لكن عااااااااااااااااااااااااااادييييييييييييييييييييييييية

ود المكي

فرحااااااااااااااااااااااااااااااااااااان اوي

هاهاهاهاهاهاهاهاهاها

الله مرقك من الزول القاصدك وقاعد يحدر ليك من وراء سحابة ياوليد

تتوقع يكون رسلو البروف ؟

أوى أوى ..
باقى الكلام بجى بتموا ليك فيس تو فيس ,معاكم الاسبوع الجاى,فى قلبا..
تحايا سلام

خبر جميل يا ود المكي

وحبابك الف في ديارك

وليد المبار ازيك والحمدلله على السلامة

عليك الله ما اكلت من طعمية عبدو فى شبربوش ؟؟

حواء سليما
الله يسلمك يمه ويديك العافية

والله يا حواء ما اكلت طعمية
اخوك كان واقع كنتاكي وماكدونالز بس


لكن اشتريت تياب من شبربوش

هاهاهاههاهاهاهاها

تسلمي يمه

وصلنا إلى مطار هيثرو في الواحدة إلا ربعا ، وقد أوقفونا أيضا وتفحصوا جوازاتنا وأوراقنا أكثر من الباقين حتى إنني قد راودتني فكرة أنهم سيرجعوننا إلى السودان ، كان الموظف عدائيا جدا تجاهنا ، إلا أنني كنت احمل خطاب الاستضافة من الشركة فأعطيته له فغاب عنا لفترة أظنه اتصل فيها بالشركة ثم أعطانا إذن الدخول .
فقدنا حقيبة زميلتي ولم تجدها مع بقية الأمتعة المشحونة بالطائرة، وجهونا إلى مكتب الأمتعة الذي اخذ إفادتنا عن الحقيبة وشكلها وحجمها وما إليه، ثم كتب عنواننا في السودان والمملكة المتحدة وملانا استمارة لذلك ثم انصرفنا،
أخر إجراءات خروجنا من المطار كان تفتيش الأمتعة ، وقد كنا نسبة للتأخير في إذن الدخول والتأخير في البحث عن حقيبة زميلتي أخر الخارجين، قابلتنا مسئولة التفتيش وسألتني سؤال استغربته كثيرا حينها ، هل تحمل سجائر، فأجبتها نعم هذا، ثم أريتها باكو السجائر الذي اشتريته من المنطقة الحرة في الدوحة والذي كنت أضعة في حقيبة الكمبيوتر المحمول ، فسألتني هذا فقط قلت لها نعم ، ثم سألتني ماذا في هذه الحقيبة ، كانت تتحدث عن حقيبة احملها كأمانة يفترض أن أسلمها لشخص اعرفه في المملكة المتحدة ، قلت لها فيها أطعمة وملبوسات محلية من السودان ، قالت لي هل أنت من وضع فيها الأشياء فأجبتها لا ، قالت لي وماذا إن وجدت فيها شيئا مخالف ، قلت لها لن تجدي ، فتشتها ووجد فيها ما قلت ثم أعطتني محاضرة عن مسؤوليتي تجاه ما احمل ، فأخبرتها إنه من العيب لدينا أن تفتش ما تحمله من أمانات وان الثقة هي الأساس في التعامل بيننا في وطننا ، ثم تركتنا ننصرف لنجد احدهم يحمل لافته عند مخرج الصالة عليها أسمينا أنا وزميلتي ، كان هو المسئول عن إيصالنا إلى الشركة وهو انجليزي يدعى (استيفن) .


استيفن

Quote: يا ابو هريرة

والصحيح

Quote: يا ابوحريرة

أسبوع واحد قلب لسانك يا معلم
تقول لي لندن عاااااااااااادية!!

هاهاهاهاهاهااااااااااااااااااااااااااااااااااااااااااااي


لا انت زولي تب

متاسفين يا ابو حريرة

لكن لندن عااااااااااااااااااااااااادية

والله بس تشبة شارع الجمهورية حتت صحاري ديك
لا اكتر ولا اقل

المدينة النظيفة جدا

ملتون كيينس

http://www.mkweb.co.uk/

مدخلنا للمملكة المتحدة ، ولانها مدينة نظيفة جدا فقد مسخت علينا لندن

ونواصل مع الارشفة الجديدة

يا وليد

Quote: والله بس تشبة شارع الجمهورية حتت صحاري ديك لا اكتر ولا اقل

ما قلنا ليك دي كانت صدمة حضارية لمن تجي المرة الجاية من السودان حاتعرف إنك فعلا كنت مصدوم


كل ارشفة وإنت طيب

اسامة

اسامة يا حلو

مصدوم انا يا فرده

انت قايل لندن دي نمره 2


بالمناسبة احتمال اجي هناك يوم 19

حجزت على كده لو ما جات عوارض