رحل صوت المغني ( سريع )

(رحيل )
رحل صوت المغني سريع
ونحن حزانا
كتب كل الكلام بي قلمه
تتم الناقص الكميرا
فلاش او زوم
في فقدك مانا برانا
معانا جميع عموم خرتوم
وامدرمان
شارع النيل
بيوت القش
فلل كافوري
ناس القرية والحتانا
ناس سوق سته ناس ام دوم

(فاجأنا النهار )

نهار ناديته
قام لباك
يفاجئك في زمن خلسه
ويفاجئنا في زمن خسه
مانا شبعنا منو غناك
يمين لسه

( الزمن الضيق )
ضلك بشع ضاوي
يقوينا في زمن لاوي
من نفاجك السويتو
خياك يزوزي ويكاوي
زكراك في مدارتنا
ريحتك في مسارتنا
حكاويك ماليا حارتنا
كتير سويته في زمننا قصير بالحيل
تقول حاوي !!!

(قلم وكاميرا)
يا مجدي وليد النور
رؤياك هي لينا زبور
بنقراها وتلهمنا
مقاطع الصورة من افلامك العاجبنا
تعلمنا

يا مجدي وليد النور
شعرك باقي لينا بخور
يرقينا ويحفظنا
ينادي الكافر والنصراني
عشان يؤمن
يساوي العالي بالتحتاني
عشان يمكن
نرقع جبة البلد المشرطة ضيم
عدالة تجينا نازلة من المطر والغيم
فترتنا خلاص من اللولاية والنضيم

(وداع)
عاد يا مجدي شن سويت
في نص الكوماج والزفة
تقوم تمرق تخلينا
براك سافرت
لاتودعنا .. لا تنادينا
بعد فوتك
منو بالكميرا والاشعار بحجينا


رحل صوت المغني سعيد
عشان غنى الغني الطيب
عشان كل البلد حا تعيد
غناه الواعد الطيب
رحل من المتاهة بعيد
لا في الايد ولا قريب
لو ما جيتنا يوم العيد
حنجتراك يا حِبيِّب

Quote: رحل صوت المغني سعيد عشان غنى الغني الطيب عشان كل البلد حا تعيد غناه الواعد الطيب رحل من المتاهة بعيد لا في الايد ولا قريب لو ما جيتنا يوم العيد حنجتراك يا حِبيِّب وليد رحم الله المبدع مجدي النور بقدر ماقدم في حياته القصيره لهذا البلد

ربنا يرحمه يا محمد

امين

له الرحمه فى علياءه ..
ولنا ظفلة العصافير
وعجلة جادين
الحله القامت هسه ..
والحله الحتقوم بعدين
حليلو الزين
.

امانه غناهو ما طاعم .. من الخشبه ومن الكاميرا وحين يلقاك

.

ربنا يرحمه يا خطاب


امين