Post: #1
Title: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 03:43 PM
Parent: #0
|
Post: #2
Title: Re: نانسي عجاج ( بوست موجه لغير المقتنعين بها )
Author: عبدالكريم الامين احمد
Date: 01-11-2009, 03:49 PM
Parent: #1
Quote: الكحلاوي وطن هذا اللحن الفاره في دواخلنا وسكن الوجدان..
ولكن جات الزولة المدهشة الاسمها نانسي عجاج زادت التوطين واعطته بعد رابع
ومساحة في فولدر التطريب والاستمتاع بالغناء النضيف...وجننت الحكاية جنون قبورة
اغنية في كل كلماتها تبدو كالنيسان تمام بزيادة ابنصات التجويد تزادد القا
ويظهر معدن الفن الطاعم بكل ارتياح... |
سندة ...ورد (اتو) لناس كثير مدهشين...!!!
وشكرا يا وليد علي اعادتنا الي مرحلة جنون قبورة
|
Post: #4
Title: Re: نانسي عجاج ( بوست موجه لغير المقتنعين بها )
Author: nazar hussien
Date: 01-11-2009, 03:58 PM
Parent: #2
يا وليد انت ماك نصيح والله شنو؟
يمين دي الما بقتنع بيها
الا عندو شمع أشتر في اضانو
كدي خلي ارجل فنان الزمن دا يغني بي الرق...كان ما فرق
وهنق ...عديل كدي ...أكون مشمع الاضنين..
الفرق هو هذا الاحساس الفطري العالي في الاداء...
الذي كان يتملك جيل الكحلاوي...وأبوداؤود أثناء الاداء
فهم ما كانو يرددوا أو يؤدوا فقط...هم كانوا بحسوا بالكلمة
استعارت هذه الساحرة اسلوبهم بحرفنة شديدة فابدعت
|
Post: #6
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:13 PM
Parent: #4
عارف يا نزار حسين
احمد الله ربيت في حله حفلاتها مقسومة على فنانين فقط
صديق الكحلاوي ومحمد احمد عوض
تتصور يا نزار..انا زول زوقي سمج للدين، ومخي تخين خلاس ، يعني مزاجي ما بجي الا بعد مقاوحة وتعب .. فين وفين حتين القى لي غنية تعجبني .. وفينين وفينين القى للغنية دي مؤدي يديها حقها ، نانسي في اغنية شقي ومجنون، اتشاقت واتجننت ، وادت الغنية اكتر من حقها وتصدق اني معلق في الغنية دي لي اسبوع .. بفتح الجهاز ، بشغل الغنية ، واختها في الربيت لحدي ما اقفل الجهاز
ابدعت فيها نانسي بحق
|
Post: #30
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-12-2009, 09:12 AM
Parent: #4
الله يجازيك خير ...طرب شديد والله ...والله الشافعه دي ماشافعة نصاح ...ياخي دي عجيبه والله ....واي زول مامقتنع يعني الا يكون مابيحس والله اضانو شترا ...
|
Post: #5
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:02 PM
Parent: #2
عبد الكريم
شكرا انت ده
|
Post: #3
Title: Re: نانسي عجاج ( بوست موجه لغير المقتنعين بها )
Author: ثابت محمد
Date: 01-11-2009, 03:56 PM
Parent: #1
يعني نتخارج من هنا يا وليد ؟؟
سمح
|
Post: #7
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:20 PM
Parent: #3
تتخارج وين يا ثابت
ما تثبت ..!!
ولا هو اسم ساااااااااكت
|
Post: #9
Title: Re: نانسي عجاج ( بوست موجه لغير المقتنعين بها )
Author: ثابت محمد
Date: 01-11-2009, 04:28 PM
Parent: #7
Quote: تتخارج وين يا ثابت
ما تثبت ..!! |
أتخارج عشان هنا للغير مقتنعين
وأنا من زمرة اللذين آمنوا
يازول أنا ثابت ونص
|
Post: #11
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:33 PM
Parent: #9
| Quote: وأنا من زمرة اللذين آمنوا |
اذن فقد ربح البيع ...
فل نذهب الى يثرب
|
Post: #8
Title: Re: نانسي عجاج ( بوست موجه لغير المقتنعين بها )
Author: nazar hussien
Date: 01-11-2009, 04:23 PM
Parent: #3
Quote: واختها في الربيت لحدي ما اقفل الجهاز
|
طيب ما تخلينا نربت معاك..
ان شاء الله بعد داك يفصلونا
|
Post: #14
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:39 PM
Parent: #8
Quote: طيب ما تخلينا نربت معاك..
ان شاء الله بعد داك يفصلونا |
بس خليك قاعد جمبي هنا
|
Post: #10
Title: Re: نانسي عجاج ( بوست موجه لغير المقتنعين بها )
Author: خالد عبد الله محمود
Date: 01-11-2009, 04:30 PM
Parent: #1
Quote: احمد الله ربيت في حله حفلاتها مقسومة على فنانين فقط
صديق الكحلاوي ومحمد احمد عوض |
دي شنو حلة الجلاكين دي يا عمكـ ..
نانسي ليست أفضل الأصوات النسائية في الساحة و لكنها على الأقل صاحبة تجربة جادة و تستحق التشجيع ..
أعجبتني أغنية( رفقه) كثيراً رغم الأداء المصنوع ..
|
Post: #12
Title: Re: نانسي عجاج ( بوست موجه لغير المقتنعين بها )
Author: اتيم سايمون
Date: 01-11-2009, 04:34 PM
Parent: #10
| Quote: رغم الأداء المصنوع |
دة الكلام .. انا سمعت و مافاهم نوع الغنا دا .. يمكن اكون ما بعرف
|
Post: #16
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:51 PM
Parent: #12
اتيم
اسعدنا جدا حضورك
| Quote: دة الكلام .. انا سمعت و مافاهم نوع الغنا دا .. يمكن اكون ما بعرف |
ما عارفك قاصد اغنية (رفقة) الاتكلم عنها اخونا خالد فوق
ولا قاصد اغنية (شقي ومجنون) المرفقة مع البوست ده ؟
عموما لو كانت شقي ومجنون المرفقة هنا
ما فاهم شنو يا صديقي.. وضح
المفردات ..؟
الجمل الموسيقية ؟
اللحن ؟
؟؟؟؟؟
بالنسبة للعرفة .. كلنا ما بنعرف وحاتك ومتشوبرين ساااااااااااااكت
تعال نظر معانا يمكن نمرق بي حاجة
كل الود
|
Post: #33
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-12-2009, 09:31 AM
Parent: #12
والله الشافعه دي تجينا في النوراب في المتمه وتغني الغنيه دي علي الجزيمه الا نقلع ننجلد 
|
Post: #38
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 12:14 PM
Parent: #33
يا كرار
جابت ليها جلد كمان
|
Post: #15
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 04:47 PM
Parent: #10
يا معلم الثورة الحارة التانية
( حلة الحريقة )
غايتو بالنسبة لي يا خالد نانسي عجبتني في الاغنية دي فقط .. وشخصيا يكفيني ان يبدع المغني في اداء اغنية واحده ليكون فنانا عندي ، يعني شرايط نانسي دي كلها عجبتني فيها الغنية دي ، وخلتني اصنفها كفنانة ما مغنية او مؤدية اوحتى مطربة ،
يكفي المطرب او المغني او المؤدي ، اغنية واحدة فقط ترفعه الى مصاف الفنانين
والفرق كبير جدا بين فنان : ومطرب او مغني او مؤدي
|
Post: #13
Title: Re: نانسي عجاج ( بوست موجه لغير المقتنعين بها )
Author: Mustafa Satti
Date: 01-11-2009, 04:38 PM
Parent: #1
ياسلام ياوليد مع إنو درجة الحرارة 13 تحت الصفر لكن
الغنية الاداء والصوت يخليك تحس بدفء ماإعتيادى..
كتر من النوع ده
|
Post: #17
Title: Re: نانسي عجاج ( بوست موجه لغير المقتنعين بها )
Author: ضحيه ابراهيم
Date: 01-11-2009, 04:58 PM
Parent: #13
صوتها عادى جدا جدا ومحدود جدا جدا واقل من هذه الضوضاء ولافرق بينها وبين شروق ابو الناس وليزا شاكر نحن فى زمن صناعة الفن والمؤثرات الصوتيه التى تجعل من الصوت العادى صوت فنان
هنالك مثل بيقول (تلصق الطين فى الرجلين ماببقى نعلين)
|
Post: #18
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 05:00 PM
Parent: #13
Quote: ياسلام ياوليد مع إنو درجة الحرارة 13 تحت الصفر لكن
الغنية الاداء والصوت يخليك تحس بدفء ماإعتيادى.. |
صدقت يا مصطفى
صدقت
|
Post: #19
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 05:00 PM
Parent: #13
Quote: ياسلام ياوليد مع إنو درجة الحرارة 13 تحت الصفر لكن
الغنية الاداء والصوت يخليك تحس بدفء ماإعتيادى.. |
صدقت يا مصطفى
صدقت
|
Post: #20
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-11-2009, 05:06 PM
Quote: صوتها عادى جدا جدا ومحدود جدا جدا واقل من هذه الضوضاء ولافرق بينها وبين شروق ابو الناس وليزا شاكر نحن فى زمن صناعة الفن والمؤثرات الصوتيه التى تجعل من الصوت العادى صوت فنان
هنالك مثل بيقول (تلصق الطين فى الرجلين ماببقى نعلين) |
اهلنا قالوا
الاعوج رائي .. والعديل رائي
حق مكفول ليك مع اني مختلف معاك .. فصوتها عندي في الغنية دي تحديدا غير عادي ونادر كمان ومفتوح للحد البعيد وفي فرق بينها وبين شروق وليزا شاكر
عموما بتخيل لي التطريب ما بعتمد على خامة الصوت وتونته فقط الاداء ليه دور كبير جدا في الحاجة دي
يعني بتين تطلع وبتين تنزل وبتين تقطع وما تفرق زمن وتستلم صاح وتسلم صاح
نانسي في الغنية دي
عملت ديل كلهم
ودي ما بتلتقها اي موثرات تقنية او معالجات صوتية
وكل الود
|
Post: #21
Title: Re: نانسي عجاج ( بوست موجه لغير المقتنعين بها )
Author: Shazaly Magzoub
Date: 01-11-2009, 06:24 PM
Parent: #1
دا بوست لواحد من ثلاث
جس نبط
تحديد منافسين
قياس جمامغناميتر
|
Post: #22
Title: Re: نانسي عجاج ( بوست موجه لغير المقتنعين بها )
Author: khaleel
Date: 01-11-2009, 06:31 PM
Parent: #21
وليد
ياخي
نانسي فنانة فنانة حتي الثمالة
|
Post: #23
Title: Re: نانسي عجاج ( بوست موجه لغير المقتنعين بها )
Author: Yassir Tayfour
Date: 01-11-2009, 08:36 PM
Parent: #22
ولي يا شفت..
شكراً يا صاحب
نانسي فنانة جداً..
والنقد مفيد جداً لها، وحتى السالب منه يزيدها قوة وشهرة..
__
أطربتني حتى الثمالة وحلقت بي في سماوات جميلة، تسمع دبيب النمل فيها إن أخلصت السمع..
|
Post: #24
Title: Re: نانسي عجاج ( بوست موجه لغير المقتنعين بها )
Author: rosemen osman
Date: 01-11-2009, 08:57 PM
Parent: #23
والحق يقال أداء نانسى فى البوم رفقةأكثر من رائع (وجهة نظر خاصة لمستمع عادى)
أحببناها جدا هذه النانسى , أمنياتى لها بالتوفيق
|
Post: #45
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 01:10 PM
Parent: #24
يا روزمين عثمان
| Quote: أمنياتى لها بالتوفيق |
كلنا هذا الرجل
|
Post: #40
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 12:36 PM
Parent: #23
طيفور يا حبه
| Quote: أطربتني حتى الثمالة وحلقت بي في سماوات جميلة، تسمع دبيب النمل فيها إن أخلصت السمع.. |
فعلا يا صديق
|
Post: #39
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 12:23 PM
Parent: #22
يا خليل ياخي
نانسي في الغنية دي فاقت حد الثمالة
|
Post: #29
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 08:58 AM
Parent: #21
Quote: دا بوست لواحد من ثلاث
جس نبط
تحديد منافسين
قياس جمامغناميتر |
مرحب شازلي
تحياتي
انا غايتو ما فهمتك قاصد شنو خصوصا الاخيرة دي (جماغناميتر)
انت رايك شنو في صوت نانسي وادائها
|
Post: #25
Title: Re: نانسي عجاج ( بوست موجه لغير المقتنعين بها )
Author: ABUHUSSEIN
Date: 01-11-2009, 09:04 PM
Parent: #1
مطربة متمكنه... في أدائها الكثير و يفتقده الكثير فنانين اليومين ديل
|
Post: #46
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 01:14 PM
Parent: #25
| Quote: مطربة متمكنه... في أدائها الكثير و يفتقده الكثير فنانين اليومين ديل |
صحيح يا ابو حسين
|
Post: #26
Title: Re: نانسي عجاج ( بوست موجه لغير المقتنعين بها )
Author: اسامه خليفه
Date: 01-11-2009, 09:11 PM
Parent: #1
الاخ وليد تحياتي وتشكر علي هذه الاغنيه..
الناس الغير مقتنعين باداء نناسي عجاج عليهم مراجعة انفسهم في اختصاصي الاذن ..
بالتاكيد سيجدون الخلل عندهم ...
اداء نناسي ليست محصور ويمكن ان تجد من يستمع ويطرب لها دون الناطقين بالعربيه ..
|
Post: #47
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 01:48 PM
Parent: #26
اسامه خليفة
تحياتي
وتسلم نانسي فنانة بحق
|
Post: #27
Title: Re: نانسي عجاج ( بوست موجه لغير المقتنعين بها )
Author: Abuelgasim Mohamed
Date: 01-12-2009, 04:08 AM
Parent: #1
وليد سلامات
الصوت عادي جدا لكن النضيف الاستديوهات الهولنديه واجهزه التسجيل
لو سمعت الاغنيه دي عند جلال الصحافه في حفله وبي ماكرفون كمان ماساوند, ما كان قلت كلامك ده
|
Post: #28
Title: Re: نانسي عجاج ( بوست موجه لغير المقتنعين بها )
Author: nazar hussien
Date: 01-12-2009, 07:43 AM
Parent: #27
Quote: لو سمعت الاغنيه دي عند جلال الصحافه
في حفله وبي ماكرفون
كمان ماساوند, ما كان قلت كلامك ده
|
هنا مقارنة بين صوت البيز والفايولين
|
Post: #32
Title: Re: نانسي عجاج ( بوست موجه لغير المقتنعين بها )
Author: tmbis
Date: 01-12-2009, 09:27 AM
Parent: #28
| Quote: غايتو بالنسبة لي يا خالد نانسي عجبتني في الاغنية دي فقط .. وشخصيا يكفيني ان يبدع المغني في اداء اغنية واحده ليكون فنانا عندي ، يعني شرايط نانسي دي كلها عجبتني فيها الغنية دي |
...Quote: يكفي المطرب او المغني او المؤدي ، اغنية واحدة فقط ترفعه الى مصاف الفنانين
والفرق كبير جدا بين فنان : ومطرب او مغني او مؤدي |
...| Quote: فصوتها عندي في الغنية دي تحديدا غير عادي ونادر |
..| Quote: الناس الغير مقتنعين باداء نناسي عجاج عليهم مراجعة انفسهم في اختصاصي الاذن .. |
يا وليد..
حسع أنا كان غنيت ليك بترضى ..؟
|
Post: #62
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 01:54 PM
Parent: #32
تمبس اخبارك وكده
| Quote: حسع أنا كان غنيت ليك بترضى ..؟ |
هسع لو غنيت لي نعم برضى ..
لسبب بسيط
عشان اسمعك واسمع صوتك
لو عجبني تاني ما بستناك تغني لي عشان ارضى
بسكك وافتش ليك عشان اسمع غناك
لكن ما عجبني صوتك...
تاني لو جيت تغني لي ما برضى ....
غني وسمعنا صوتك عشان نعرف لي قدام حا نرضى نسمعه ولا ما حا نرضى
|
Post: #61
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 01:29 PM
Parent: #27
ابو القاسم محمد سلامات
جلال الصحافة فنان بحق مافي كلام
لكن
| Quote: الصوت عادي جدا لكن النضيف الاستديوهات الهولنديه واجهزه التسجيل |
نظافة الاستديوهات واجهزة التسجيل ممكن تجي بنتيجة عكسية لانو درجة نضافة التسجيل بتوضح العيوب في الصوت بمثل ما بتوضح الحسنات
عموما في حاجة خلاف جمال الصوت في رائي الشخصي ليها علاقة مباشرة بمستوى التطريب وهي الاداء
والاداء بختلف عن خامة الصوت صحيح خامة الصوت بتساهم بدرجة كبيرة في اتاحة مساحة كبيرة للاداء لكن المطرب الشاطر والعارف ملكات صوته بعرف يوظفها كيف .. وهنا بكون الفرق بين الاداء الجيد والاداء غير الجيد
ونانسي ادت الاغنية بصورة ممتازة في نظري الشخصي كمستمع فقط
كل الود
|
Post: #31
Title: Re: نانسي عجاج ( بوست موجه لغير المقتنعين بها )
Author: الملك
Date: 01-12-2009, 09:27 AM
Parent: #1
ممكن تلفونكـــ,,
او تعال الفيسبوكـ!!
..
..
|
Post: #34
Title: Re: نانسي عجاج ( بوست موجه لغير المقتنعين بها )
Author: ضحيه ابراهيم
Date: 01-12-2009, 09:33 AM
Parent: #31
| Quote: حسع أنا كان غنيت ليك بترضى ..؟ |
انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها
|
Post: #35
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-12-2009, 11:27 AM
Parent: #34
up
|
Post: #36
Title: Re: نانسي عجاج ( بوست موجه لغير المقتنعين بها )
Author: عثمان دغيس
Date: 01-12-2009, 11:37 AM
Parent: #34
Quote: Quote: حسع أنا كان غنيت ليك بترضى ..؟
انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
إنت كده عرفت اللعبة صح يا ضحية ....!
|
Post: #37
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 12:09 PM
Parent: #36
الاخوان ضحية ودغيس
سلامات واحترمات
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
كلامكم ده شين في حقنا او في حقي انا تحديدا
ارجوا انكم تحذفوه او تعتزروا عنه
مافي اسهل من الكلام ده والاسهل منه الرد عليه بنفس اسلوبه وطريقته ويمكن بصورة اقسى منها
فمافي داعي للاتهامات المبطنة دي ، لانها بتودي لي حتات ما حلوه وفيها ريحة كلام ما كويس
الحديث هنا عن ملكات نانسي في الغنا وانفعال مستمع بيه
اختلفتوا معاي حقكم ومكفول ليكم
بس ما تسوقوا الكلام لمكان غير مكانه
ارجو انو كلامي يكون واضح
هذا مع كل الود
|
Post: #41
Title: Re: نانسي عجاج ( بوست موجه لغير المقتنعين بها )
Author: khaleel
Date: 01-12-2009, 12:42 PM
Parent: #37
وليد
لو سمحت
نزل لي اغنية كنوز محبة في البوست بتاعي
عليك الله
اقصد تحميل من مكتبة الاغاني السودانية
|
Post: #42
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-12-2009, 12:50 PM
Parent: #41
غالي والطلب رخيص يا ابو الخل
|
Post: #44
Title: Re: نانسي عجاج ( بوست موجه لغير المقتنعين بها )
Author: ضحيه ابراهيم
Date: 01-12-2009, 01:01 PM
Parent: #41
الاخ العزيز/وليد محمد المبارك
اولا تحياتى واحترامى
كتب الاخ/ تمبس متسائلا؟
Quote: يا وليد..
حسع أنا كان غنيت ليك بترضى ..؟ |
ورددت عليه انا بهذا
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
وردى عليه هذا بناءا على المجامله الحاصله فى هذا الحوش خاصة من البوستات التى يكتبها الجنس اللطيف ولا اقصد كل الاخوات بل بعضهن حيث تجد المجاملات واللاموضوعيه الزايده من قبل بعض الاعضاء
وردى هذا موجه للاخ تمبس بناءا على سؤاله لك وانا لااقصدك فى شخصك ولا فى مضمون البوست عفوا اذا فهمتنى خطأ
|
Post: #64
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 02:18 PM
Parent: #44
الاخ العزيز جدا ضحية /
شكرا كتير
ومتاسف على اللبس والفهم الخاطئ
كل الود
|
Post: #55
Title: Re: نانسي عجاج ( بوست موجه لغير المقتنعين بها )
Author: tmbis
Date: 01-13-2009, 08:29 AM
Parent: #37
Quote: فمافي داعي للاتهامات المبطنة دي ، لانها بتودي لي حتات ما حلوه وفيها ريحة كلام ما كويس
الحديث هنا عن ملكات نانسي في الغنا وانفعال مستمع بيه
اختلفتوا معاي حقكم ومكفول ليكم
بس ما تسوقوا الكلام لمكان غير مكانه
ارجو انو كلامي يكون واضح
هذا مع كل الود |
.. معليش يا وليد بطلب منك فرصة قبال ما اغني ..
طالما انو الكلام دا ليهو علاقة بالكلام الكتبتو ..
ياريت اوضح ليك انو الرد موجه لي أنا بدون اي تجريح لي آخــر .. وعلى حسب معرفتي بي شخص الأخ ضحية ما اعتقد انو من النوعية الممكن يوجه اساءة لي شخص أو يتلاعب بالكلمات من أجل التجريح .. بعكس بعضهم هنا تناول مسالة الراي في نانسي عجاج انو عبارة عن تقليل من شخصها وحقد وباقي البطيخ الاتكتب .. وبدون اي مراعاة لي الفرق بين قصد نانسي كمغنية وكشخصية ..
أرجو يا وليد انك ما تقع في نفس الأخطاء الوقع فيها بعضهم ..
كلنا نحترم نانسي عجاج كأخت في المقام الأول وكزميلة وليس القصد من ابدا الراي التجريح والتقليل من المقام .. وارجو انو الناس العايزه تنتقد نقد موضوعي أو غير تراعي في الحسبان المسالة دي .. والناس برضو المؤيدة والمعجبة بي نانسي كمان ما يتموها موية ويهتفوا بي سقوط العملاء والمأجورين ..
غايتو يا وليد لو ما فهمتني .. ياني الجايب عودي ومغنبي ليكم هنا دا للصباح ..
ــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
|
Post: #66
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 02:32 PM
Parent: #55
يا تامبا
| Quote: وعلى حسب معرفتي بي شخص الأخ ضحية ما اعتقد انو من النوعية الممكن يوجه اساءة لي شخص أو يتلاعب بالكلمات من أجل التجريح |
وانا باخد كلامك وانا مغمض واعمل بيه يا عزيز
مع انه ضحية ما محتاج تذكية
لكن مداخلتي كان لا بد منها حتى لا يفسر البعض مداخلة ضحية حسب هواه ، وتوضيح ضحية لي ( مشكورا عليه ) كان لابد منه كذلك
كل الود
وتعال غني
عشان نقيمك
|
Post: #53
Title: Re: نانسي عجاج ( بوست موجه لغير المقتنعين بها )
Author: tmbis
Date: 01-13-2009, 08:17 AM
Parent: #34
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
.. والله يا ضحية مسالة التكسير دي بقت بتجهز قبال الفنان ما يفكر يبقى فنان .. التلفزيون يكسر .. الجرايد تكسر الانترنت يكسر .. والمكسرين ليهو لما يجي يلقى ليك عاليها واطيها .. ويللا هاك يا تكسير هو زاتو ..
لكن في حالتي دي يا ضحية أنا خايفك التلج في السكـا زاتو تلقاهو كمل ..
غايتو إلا تكسر لي كباية شــب ..
ومن ناحية أخرى ..
والله أ، لو اديتوني يدي وغنيت ليكم هنا .. احتمال كبير اكسر ليكم حاجة هنا دا ..
ـــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
|
Post: #63
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 02:04 PM
Parent: #31
يالملك رسلت ليك البتاع على الفيس بوك
اضرب لينا ياخ وسمعنا نغمتك
|
Post: #43
Title: Re: نانسي عجاج ( بوست موجه لغير المقتنعين بها )
Author: طارق ميرغني
Date: 01-12-2009, 01:00 PM
Parent: #1
اخي وليد جاءتني الرسالة التالية من الاخ معتز سليمان
Quote:
اخي وليد استمع جيدا لهذا المقطع من نانسي عجاج ( ايه أنا عندي في الدنيا فؤادي إنتو مالكنو ... شبابي الكنت بحلف بيه ودرتو من بدري
أنا متأكد أنها ليست هي إنها مسكونة
واذكر هنا ان الرئيس البروف الدكتور الموسيقار الفنان الاستاذ محمد وردي كان في زيارة إلى إنجمينا وتمت استضافته في تلفزوينها وقال له مقدم الحلقة
البغني ده ما وردي ده منو فرد عليه وردي كيف ده منو ده أنا فقال له هه هه هه بلهجة اخواننا التشاديين انت مسكون البغني ده جني انت اصلا مامكن تغني غنا
سمح زي ده
ودمت عزيزي
|
|
Post: #48
Title: Re: نانسي عجاج ( بوست موجه لغير المقتنعين بها )
Author: Adam Mousa
Date: 01-12-2009, 02:58 PM
Parent: #43
غايتو البسمع نانسي وما يطرب محروم محرووووووووووووم..
وياوليد بالله شوف لينا اى واحده من اغانى سيد خليفه بصوتها
عشان تسمعوا (السوبرانووووووووووووووووووووووووووووووووو) النموذجى...
|
Post: #49
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-12-2009, 04:26 PM
Parent: #48
والله الليله اطلابتني طرب غايتو ...لكن ياخي لفها لينا في كيس
مالاقينها عشان نعمل ليها داونلود الحقنا بالغنيه ...
|
Post: #50
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-13-2009, 05:44 AM
Parent: #49
up
|
Post: #51
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-13-2009, 05:44 AM
Parent: #49
up
|
Post: #52
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-13-2009, 05:44 AM
Parent: #49
up
|
Post: #56
Title: Re: نانسي عجاج ( بوست موجه لغير المقتنعين بها )
Author: داليا حافظ
Date: 01-13-2009, 08:32 AM
Parent: #52
وليد
أزيك
مبدئيا كده أنا من المقتنعين بيها وبحبها جدا ...وقاشرة بيها لصحباتي ـ غير السودنيات ـ بإعتبار
إنها وجه جميل ومفرح وصوت لذيذ.
لكن يا وليد في حاجات بتضر الفنان أو أي مبدع بشكل عام أهمها وجود مدافعين مستميتين لدرجة الفجاجة
وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة ..
|
Post: #72
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:11 PM
Parent: #56
داليا خالد
اسعدتينا بي مرورك
Quote: لكن يا وليد في حاجات بتضر الفنان أو أي مبدع بشكل عام أهمها وجود مدافعين مستميتين لدرجة الفجاجة
وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة .. |
اكيد يا داليا حافظ
وكلامك صحيح
لكن ده مسؤلية منو ؟
الفنان ولا الكوم الحولاينه
زمان الحاجة دي كانت في مجتمع الكورة بس
هسع انتقلت للفن وناس الكورة بطلوها
عموما زي ما قلتي الموهبة الحقيقية لا تحتاج الى واسطة وكمان لن يضرها اي نقد اسبابه اشيا اخرى غير مقوماتها كموهبة
بعدين العيب ده من جهتين
يعني معجبين لا يقبلون اي نقد موجه لمطربهم المفضل
وضدهم اخرين الشي الوحيد وسبب مغتهم لهذا المطرب هو اراء معجبيه لدرجة انه يوجهون نقدهم للمطرب نفسه وليس لمعجبه
حاجة تحير
كل الود
|
Post: #96
Title: Re: نانسي عجاج ( بوست موجه لغير المقتنعين بها )
Author: داليا حافظ
Date: 01-14-2009, 04:57 PM
Parent: #72
وليد
مساك الله بالخير
Quote: لكن ده مسؤلية منو ؟
الفنان ولا الكوم الحولاينه |
الأتنين ياوليد ..خصوصا إذا كان المدافعين من المقربين للفنان ، الفنان يستغل بشخصتو ويدافع عن
نفسو أو يطنش ده حقو ، وكمان إذا قبل النقد الموضوعي المامشخصن بكون إستفاد ، والمقربين منو ما
يكونو متصدين وعدائيين وإحسبوا أي نقد في إطار الحسادة أو الغيرة او الغيظ أو ..أو مع شوية
موضوعية من النقاد والمدافعين.
بالجنبة كدة
البنقراهو بين السطور مرات في ناس بنتقدو زول بشكل فظيع نكاية في زول تاني ..وده مرات بكون مجحف
في حق الشخص المعني .
فتك بعافية .
|
Post: #70
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:03 PM
Parent: #49
Quote: والله الليله اطلابتني طرب غايتو ...لكن ياخي لفها لينا في كيس
مالاقينها عشان نعمل ليها داونلود الحقنا بالغنيه ... |
ان شاء الله دايما منطرب يا عثمان
ما بقدر اعمل لنك الحفظ حقوق ملكية وكده
انت عاوز توديني التوج ؟
|
Post: #69
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 02:42 PM
Parent: #48
ادم موسى سلامات واحترامات
حا احاول القى ليها اغنية للراحل المبدع سيد خليفة
كل الود
|
Post: #68
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 02:39 PM
Parent: #43
طارق ميرغني شكرا ليك انت اولا
ثم الشكر موصول لمعتز سليمان
حقيقي بالنسبة لي
نانسي حلقت باغية شقى ومجنون حد السماء
( وجهة نظر شخصية )
|
Post: #54
Title: Re: نانسي عجاج ( بوست موجه لغير المقتنعين بها )
Author: طارق ميرغني
Date: 01-13-2009, 08:29 AM
Parent: #1
يا سلام يا وليد وكلامك صاح ميه في الميه بالفعل اجمل من سمعته يؤدي هذه الاغنيه في هذا الصباح الجميل
|
Post: #57
Title: Re: نانسي عجاج ( بوست موجه لغير المقتنعين بها )
Author: tmbis
Date: 01-13-2009, 08:47 AM
Parent: #54
Quote: وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة .. |
..
كلامك دا تلخيص يا داليـا لي كل الحاصل دا.. والنماذج كتيرة جدا في الساحـة..
وكلما كانت الشخصية المعنية .. على قدر عالي من الجمال والقبول .. كلما تضخمت الفكرة ووصلت .. مع اسقاط الكتير من الابجديات المتعلقة بي المهنة ..
بعكس
الشخصية الفرصته كانت ضعيفة في المقومات الجمالية .. علشان كدا فكرة الجوقــة بتتحكم فيها العملية الجمالية في المقام الأول .. وفي بعض الأحيان بتهيمن حتى على الموهبة اللي مفترض توصل بدون اي احتكام لي نظريات واسطية أو جمالية .. إلخ .
ــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
|
Post: #58
Title: Re: نانسي عجاج ( بوست موجه لغير المقتنعين بها )
Author: طارق الأمين
Date: 01-13-2009, 09:31 AM
Parent: #57
الاخ الوليد وضيوفه
صباح الخير والدمعه الذارفه
في مداخله للاخ ابو القاسم محمد قال فيها
| Quote: الصوت عادي جدا لكن النضيف الاستديوهات الهولنديه واجهزه التسجيل |
برضو فكره
ياريت لو تسهب في الامر تعميما للفائده
|
Post: #59
Title: Re: نانسي عجاج ( بوست موجه لغير المقتنعين بها )
Author: nazar hussien
Date: 01-13-2009, 10:50 AM
Parent: #58
طارق اللمين (ازيك) وكل سنة وانت طيب...قالوا رحلتو جنب بيت جدنا في الديم
صحيح....
شقي ومجنون..
يا وليد ياخي ما تجيب وتد الحفظ هنا...
فالاغنية دي يجب ان تكون في سيارة اب قوتة الكامري
|
Post: #76
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:57 PM
Parent: #59
Quote: يا وليد ياخي ما تجيب وتد الحفظ هنا...
فالاغنية دي يجب ان تكون في سيارة اب قوتة الكامري |
يا زول طارق اللمين ده محامي
وهو شكله متبني نانسي فنياوشغالين مع بعض ( ما شاء الله )
وزول بتاع شربكة
بكره يشتكيني ويشبكني ملكية فكرية والذي منو
وانا زول مفلس يا معلم
يا معلم
لنك حفظ مافي اسمع هنا بس
خلي بعدين يجوا يقولوا لي سمعت الناس ليه ؟
|
Post: #60
Title: Re: نانسي عجاج ( بوست موجه لغير المقتنعين بها )
Author: حسن سنادة
Date: 01-13-2009, 10:54 AM
Parent: #58
طارق الأمين
سؤال بس قبل ما الزول دا يسهب
انت (دبورة) بالهولندي دي ترجمتها بالعربي شنو؟؟؟
|
Post: #67
Title: Re: نانسي عجاج ( بوست موجه لغير المقتنعين بها )
Author: haroon diyab
Date: 01-13-2009, 02:34 PM
Parent: #60
وليد ياشفت
مشتاقين وكده
اختيار جميل للاغنية من بين اغنيات الالبوم
واداء تطريبي اجمل من نانسي في هذه الاغنية تحديدا....!!!
لكن الا توافقني الرائ بان نانسي عجاج كصوت جديد مبتدي تلمع
حولها كل هذه الهالة من المطبلاتية والمروجين ستضر اكثر مما تفيد
وكاني بها ليس بها اي سوالب في ادائها الفني .
عموما لي رائ ساطرحه عندما اتعافي تماما من المرض .
وبرضو انت شقئ ومجنون
بالمناسبة ياولي
اذا قالوا ليك انوا في انسان في الدنيا تنطبق عليه مقولة
رب اخ لك لم تلده امك فلا ازكي لك احد اكتر من
( ضحيه)
|
Post: #80
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 04:30 PM
Parent: #67
حبيبنا هارون
تحيتنا تاني واعتزارنا عبرك لي ضحية
قلت
Quote: لكن الا توافقني الرائ بان نانسي عجاج كصوت جديد مبتدي تلمع
حولها كل هذه الهالة من المطبلاتية والمروجين ستضر اكثر مما تفيد
وكاني بها ليس بها اي سوالب في ادائها الفني . |
طيب نانسي او اي مطربة غيرها تعمل في الحالة دي شنو ؟
انت مقر بي ادائها الفني ..
ومعترف انه مشكلتها الهالة الحواليها ...
يعني ما منها
طيب نحن كمستمعين ما حقو شوية نرتفع للمسئولية ونقيم الفنان لفنه
يعني تمبس قبيل قال فيما معنا انه الهالة حولين نانسي سببها جمالها ، اللهم زد وبارك ، وربنا يحفظها ، لكن يا جماعة جمالها ده بدل ما يكون نعمة ينقلب عليها نقمة ،
طيب شنو لو كانت نانسي حلوه وغناية ؟
يعني ممنوع انها تكون حلوه وغناية
وهل انه في مطبلاتية وهالة من الكضابين حوالينا ده بنقص من ادائها وبخصم من صوتها
؟!
اذا كان في زول بقيم فنان / فنانة قصدي مطرب / مطرب وواحدة من معايير تقيمه دي درجة جماله - وطبعا ده غلط كبير -
ليه الباقين يكونوا على درجة موازية ليه ويقيموا المطرب/ المطربة وواحدة من معاير تقيمهم ان عنده مطبلاتيه وحولينه هالة
كل الود
|
Post: #77
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 04:04 PM
Parent: #60
يا حسن سنادة
سلم علينا ياخ
سلام الله سااااااااااكت
|
Post: #75
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:51 PM
Parent: #58
الاخ طارق الامين
اسعدتنا مشاركتك
تحياتي
|
Post: #74
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:46 PM
Parent: #57
| Quote: الشخصية الفرصته كانت ضعيفة في المقومات الجمالية .. علشان كدا فكرة الجوقــة بتتحكم فيها العملية الجمالية في المقام الأول .. وفي بعض الأحيان بتهيمن حتى على الموهبة اللي مفترض توصل بدون اي احتكام لي نظريات واسطية أو جمالية .. إلخ . |
ما عارف يا تمبس
الواحد لو رد عليك وجاب امثلة هل ممكن يجرح اخت من الاخوات ولا ما ممكن ...!؟
عموما كلامك ده غير صحيح على اطلاقه كده
نعم بحدث من ناس معينين
لكن ما ثبت زول في شارع الغنا السوداني
بل كمان العكس صحيح
في اخوات كريمات على قدر عالي من الجمال لاقن دعم غير محدود من ناس اصحاب ثقل جماهيري
وفشلن ( بدون ذكر اسماء )
وفي اخوات كريمات عندهم من مقومات الجمال ما قسمه الله لهن لاقن دعم من ناس ثقلهم الجماهيري ما كبير ونجحن نجاح منقطع النظير ( برضو بدون ذكر اسماء )
والكلام ده في اخر 5 سنوات
راجع الساحة الفنية
ستجد الفنانات محدودات الجمال في الشكل بقمايسنا نحن هنا اكتر بكتير
ومتسيدات الساحة كمان
لان الغنا مهما كانت الدعاية السابقاه والمتواصلة معاه
بتفرزه الاضان ما العين
كل الود
|
Post: #73
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 03:27 PM
Parent: #54
| Quote: يا سلام يا وليد وكلامك صاح ميه في الميه بالفعل اجمل من سمعته يؤدي هذه الاغنيه في هذا الصباح الجميل |
متعك الله يا طارق ميرغني وازادك طربا
امين
|
Post: #65
Title: Re: نانسي عجاج ( بوست موجه لغير المقتنعين بها )
Author: شرف الدين آدم إسماعيل
Date: 01-13-2009, 02:29 PM
Parent: #1
اخونا وليد
مساء الخير
حقيقة انالست من اهل الفن لكن بصنف نفس من البيسمعوا لي الفن الكلاسيكي السوداني يعني ناس وردي و ودالامين وابوعركي .... الخ , المطربة/ نانسي , لها صوت جميل يرهق القلوب المرهفة , استمتعت باداءها لرائعة الراحل ابراهيم عوض ( يا زمن ) فعلا الاداء واللحن جيدين , بس المطلوب هو ان تاتي بالجديد لكي يتمكن النقاد من الحكم علي الصلاحية والا فسوف تكون نسخة مكررة من المعروض في فترينة الفن السوداني الخمسة بي قرش
|
Post: #81
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-13-2009, 04:33 PM
Parent: #65
شرف الدين
الله عليك ياخ
| Quote: بس المطلوب هو ان تاتي بالجديد لكي يتمكن النقاد من الحكم علي الصلاحية والا فسوف تكون نسخة مكررة من المعروض في فترينة الفن السوداني الخمسة بي قرش |
نقد هادف بدرجة امتياز
شكرا ليك كتير
|
Post: #71
Title: Re: نانسي عجاج ( بوست موجه لغير المقتنعين بها )
Author: محمد عبد الماجد الصايم
Date: 01-13-2009, 03:06 PM
Parent: #1
| Quote: بوست موجه لغير المقتنعين بها |
يا عمكـ
ما في طريقة للمقتنعين بها إنهم يشاركوا هنا؟
|
Post: #79
Title: Re: نانسي عجاج ( بوست موجه لغير المقتنعين بها )
Author: حمد عبد الغفار عمر
Date: 01-13-2009, 04:13 PM
Parent: #71
الاخ وليد
سلام
نانسي دي صوتها فيهو بعض الضعف واضح رغم انها قدرت تتمكن من النص اللحني بتاع الاغنية صعودا و هبوطاو برضو دا كان واضح في اغنية لمحتك الكوبليه الاول التاني في التالت ظهر الضعف لانو الكوبليه كان محتاج لقدرات صوتية قوية عموما نتمني ليها التوفيق
ـــــــــــــــــــــــــــــــــــــــــــــــــــ
بالله عليك شرك في قناة زول لفنانة اسمها اسيا بتغني اغنية وطن الجدود و شوف قوة الصوت ال بعنيها ليك
|
Post: #87
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 08:27 AM
Parent: #79
حمد عبد الغفار سلامات
شكرا كتير على الكلام الواضح
بس يا ريت لو قدرت توضح لينا ضعف في مجال الصوت بعني شنو ؟
حقيقي عاوز اعرف لانها مجهجاني
حا اشرك ليها ان شاء الله الم فيها
كل الود
|
Post: #127
Title: Re: نانسي عجاج ( بوست موجه لغير المقتنعين بها )
Author: عثمان دغيس
Date: 01-19-2009, 07:04 AM
Parent: #79
Quote:
نانسي دي صوتها فيهو بعض الضعف واضح رغم انها قدرت تتمكن من النص اللحني بتاع الاغنية صعودا و هبوطاو برضو دا كان واضح في اغنية لمحتك الكوبليه الاول التاني في التالت ظهر الضعف لانو الكوبليه كان محتاج لقدرات صوتية قوية عموما نتمني ليها التوفيق |
وليد يا حبيب ...
أول شيئ ...
أشهد الله إني ما قصدتك بمداخلتي ديك ...
وكفى ..
لكن وعشان يا أخوانا نكون موضوعيين ونفيد أختنا نانسي ...
ما نتجاهل النفد زي الفوق ده ...
وطبعاً حكاية نانسي صوتها به ( بعض الضعف ) دي أنا معترض عليها ..
وفي رأيي أن صوتها به ( كل ) الضعف ...!
وعايزة ليها ساوند سيستم مصتع خسوسي لصوتها ..
غير الساوند بتاع الفرقة ...
لكن ده ما بيمنع إنها بتغني بإحساس عالي بالزمن ....
وتطريبها على مستوى عالي جداً ...
حتى يخيل لي إنها (مزوداها) شوية ...
يعني تطريب و( فايبراشن ) أكتر من الضروري شوية ...
وفي النهاية ده راي مستمع قد يختلف معه البعض ...
و( قد ) دي بالمناسبة للتوكيد ..!
تحياتي ...!
|
Post: #86
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 08:15 AM
Parent: #71
ياود الصايم
نحن لاقينك وين ياخ
|
Post: #78
Title: Re: نانسي عجاج ( بوست موجه لغير المقتنعين بها )
Author: ثابت محمد
Date: 01-13-2009, 04:12 PM
Parent: #1
|
Post: #89
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 10:12 AM
Parent: #78
يا ثابت
ثبت الله اجرك
لا تنسى ان تححضر معك آلة القانون
|
Post: #82
Title: Re: نانسي عجاج ( بوست موجه لغير المقتنعين بها )
Author: Anwar Ahmed
Date: 01-13-2009, 04:44 PM
Parent: #1
موهبة
|
Post: #83
Title: Re: نانسي عجاج ( بوست موجه لغير المقتنعين بها )
Author: نجوان
Date: 01-13-2009, 06:14 PM
Parent: #82
وليد..
بإختصار شديد ..
بقيس موهبة أي صوت نسائي سوداني جديد بصوت البلابل وإرتياحهم في الغنا
على أي سلم..
للأسف نانسي لم تباصي.. خالص..
______
عندها إمكانيات
لكن لا ترتقي لمرتبة القمم والأرقام..
على الأقل، ليس بعد..
|
Post: #92
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 10:32 AM
Parent: #83
يا نجوان
ما تختصرينا ياخ
Quote: بقيس موهبة أي صوت نسائي سوداني جديد بصوت البلابل وإرتياحهم في الغنا
على أي سلم.. |
مقياسك مختل يا نجوان اوريك ليه
اولا نفس المقياس ده طبق على البلابل قديما وكان القياس على صوت الفنانة العظيمة عائشة الفلاتية
والناس القدام مرقوهم ميحي برضو
ثانيا نانسي زول واحد والبلابل مجموعة والمجموعة بتشيل بعض في الغنا( وفي كل شي ) وتختفى العيوب
عشان كده نانسي لاذم ما تباصي
جيبي كل بلبله براها واعملي مقياك وورينا النتيجة
|
Post: #90
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 10:20 AM
Parent: #82
هي كذلك يا انور
هي كذلك
|
Post: #84
Title: Re: نانسي عجاج ( بوست موجه لغير المقتنعين بها )
Author: ALGARADABI
Date: 01-13-2009, 07:20 PM
Parent: #1
Quote: احمد الله ربيت في حله حفلاتها مقسومة على فنانين فقط
صديق الكحلاوي ومحمد احمد عوض
|
وين ناس فلاح؟؟؟
انشاالله يخلعوك في باقي الليل ده
نانسي فنانة رائعة تغني باحساس عميق(التقول مألفة الأغنية)
يعني لو الشاعر ذات نفسو غني الأغنية ما بغنيها باحساس أكتر من كده
سعدنا بروعتها في أمسية الشارقة
لكن نعمات وكمال وثابت الله يسامحهم
ما سمحو لينا بصورة
|
Post: #85
Title: Re: نانسي عجاج ( بوست موجه لغير المقتنعين بها )
Author: حاتم الياس
Date: 01-13-2009, 08:40 PM
Parent: #84
ياجماعة نانسى دى صوتها جميل مافى شك وتجربة جيده...لكن والله العظيم لو الكحلاوى لقى نقاء الصوت ده واقصد الأستديو والذى منو (تنقية الصوت)..أكان قطعتو هدومكم ودروشتو عديل من الغنا السمح..الكحلاوى بغنى فى الهواء الطلق جوطه بجاى وبرنسة طالعه بقادى ومره بتكورك لشافعه وطشامه بتشاكلو فى باقى القزازة ومع ذلك يمضى التطريب لعنان فوق التصور والأدراك ودى شرعة كل ملوك التطريب فى الزمن الفات..نانسى تغنى جيداً لكن مرات بتتطرف فى التطريب وبيبقى المر اقرب للنواح منه للغنا المهم تجربتها بكل تاكيد تجربة مميزة وتستحق الأشادة لكن فى حاجة مهمة الفنان اكان مابقى (سميييييع) جيد حتى ولو كانت خامة صوته استثنائية ولاحتى عبقرية هنا بتكون فى مشكلة فهل نانسى (سميعة) يعنى قدرة أذنها على ألتقاط تخوم اللحن ودرجاته..ده سؤال...
تخريمة جاده جداً..
خدر..فى بلكونة شقتهم ولافى غرفة جلوسهم يمسك العود ويقعد يغنى من غير أستديو ومع ذلك يصلك صوت قوى وواضح جداً وجميل لأنو غناى (وسميع) فى وقت واحد...نحن نقيم الصوت والأداء فى مكان طبيعته المنعزلة عن أى ظروف أخرى
تحياتى للجميع والفنانة نانسى عجاج ومزيداً من الأبداع
|
Post: #88
Title: Re: نانسي عجاج ( بوست موجه لغير المقتنعين بها )
Author: حمد عبد الغفار عمر
Date: 01-14-2009, 09:31 AM
Parent: #85
الاخ و ليد
سلام تاني
| Quote: بس يا ريت لو قدرت توضح لينا ضعف في مجال الصوت بعني شنو ؟ |
بس ما كلام زول متخصص اصوات انما زول مارس الغناء و مستمع جيد
ضعف او سميهو عدم مرونة في الصوت و دا بظهر دائما في بعض الاغاني بتكون فيها بعض الكلمات ما مشبعة للحن هنا بتكون الحاجة لمرونة اكتر في الصوت لتطويع اللحن اما مدا او تقصيرا او تقسيما لي اللزمة الموسيقية
اديك مثال اغنية لمحتك لمصطفي سيد احمد في الكوبليه الاخير تلقي الحتة بتاعة
حطام انسان موسم بشقي الدنيا
شفت كلمات انسان و الدنيا ديل محتاجات لمرونة كبيرة في الصوت و لا بحصل ليهن تشويه( قارن اداء نانسي و مصطفي في الحتة دي بالذات )
و دا الخلي الاداء بتاع نانسي في نهاية الاغنية دي بالذات يختلف كتير جدا من البداية الكانت موفقة فيها جيدا لانسيابية اللحن مع الكلمات في البداية
ودي
وليد معليش اسيا في قناة هارموني و ليس قناة زول دائما بعد الساعة عشرة مساءا و التعديل عشان دي بس
|
Post: #91
Title: Re: نانسي عجاج ( بوست موجه لغير المقتنعين بها )
Author: nazar hussien
Date: 01-14-2009, 10:27 AM
Parent: #88
Quote: يا زول طارق اللمين ده محامي
وهو شكله متبني نانسي فنياوشغالين مع بعض ( ما شاء الله )
وزول بتاع شربكة
بكره يشتكيني ويشبكني ملكية فكرية والذي منو
وانا زول مفلس يا معلم |
طارق اللمين ما كان بسويلك الحبة...
|
Post: #98
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 06:04 PM
Parent: #91
| Quote: طارق اللمين ما كان بسويلك الحبة... |
ده حنكك يا نزار
|
Post: #97
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 05:16 PM
Parent: #88
حمد
سلام تاني
يا حمد مقارنة نانسي الفي بداية المشوار مع مصطفى في اخر مشواره فيه اجحاف كبير
ثانيا
مصطفى دارس
ونانسي على ما اعتقد حتى الان هاوية
المرونة الفي الصوت دي ممكن تكون فطرة وجينات وممكن تجي بالتمرين والتدريب
لكن كلامك فيه قدر كبير من المعقولية
نانسي ( الان ) في قصور في مناطق في صوتها
انا ما بفهما لاني ما دارس موسيقى لكن بحسها
بس ده ما بعني انو صوتها ما كويس
الموهبة في
محتاجة خبرة وتمارين
اي شي في الدنيا عاوز تدريب يكمل الموهبة
اعتقد انه الموهبة عند نانسي موجوده وكمان موهبة عالية شديد
خالص الود
حا اتابع اسيا وارد ليك لو لميت فيها
|
Post: #95
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 04:39 PM
Parent: #85
حاتم الياس حبابك
الكحلاوي غناي قطع شك ومافي كلام
| Quote: خدر..فى بلكونة شقتهم ولافى غرفة جلوسهم يمسك العود ويقعد يغنى من غير أستديو ومع ذلك يصلك صوت قوى وواضح جداً وجميل لأنو غناى (وسميع) فى وقت واحد...نحن نقيم الصوت والأداء فى مكان طبيعته المنعزلة عن أى ظروف أخرى |
خدر حسب ما اعتقد هو دارس ومتخصص
ونانسي حتى الان هاوية
الصوت حسب معلوماتي البسيطة عنده دروس وتمارين تقوية تساهم بقدر كبير على سد بعض الثغرات فيه
اعتقد لو كان خدر دارس بكون تدرب جيدا وعرف كيف يغطي الثغرات دي على الاقل من ناحية اكاديمية
سمعت من صديق خريج المعهد قسم دراما لكن
انه المبدعة حنان النيل وانا بعتقد انه حنان النيل اكثر صوت نسائي في الساحة الان اقرب الى الكمال
( وجهة نظر شخصية )
سمعت منه انها كانت تجلس لساعات طوال لتمارين صوت عبارة عن صرخات ( كواريك )
اعتقد انه القصد منها تقوية الحبال الصوتية وتعويد الحنجرة على الطلوع والنزول وتقوية الرئتين
( والله والمختصين اعلم )
|
Post: #93
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-14-2009, 10:43 AM
Parent: #84
يالقرضابي
Quote: وين ناس فلاح؟؟؟
انشاالله يخلعوك في باقي الليل ده |
خفت اجيب سيرتهم يقول الزول بعمل ليهم في دعاية
الجماعة جيرانا
وجميع ابناء الاستاذ محمود فلاح اصدقاء شخصيين لي
ومتزوج اصغر بناته يعني اولادي جدهم ابو امهم فلاح
عشان كده ما جبنا السيره
هاهاهاهاهاهاهاهاهاهاها
| Quote: نانسي فنانة رائعة تغني باحساس عميق(التقول مألفة الأغنية) |
ده كلام صحيح بالنسبة لي
|
Post: #94
Title: Re: نانسي عجاج ( بوست موجه لغير المقتنعين بها )
Author: زياد جعفر عبدالله
Date: 01-14-2009, 11:39 AM
Parent: #1
ولي..كيفك يا مان
والله أنا زي ما قلت قبل كدا: ساكن لي في بلدا طيرا عجمي..و كنت بسمع بي نانسي عجاج و قايلا من عينة (راجل المرا) و غيره من ناس هشك بشك..
لكين والله أقتنعت (والفضل للكليبات في سودانيزاونلاين) أنها فنانة محترمة و لها مستقبل باهر بأذن الله. عجبني صوتها و أداءها الممتاز و الاهم ذوقها الراقي في أختيار الاغاني...
تسلم يا مان
|
Post: #99
Title: Re: نانسي عجاج ( بوست موجه لغير المقتنعين بها )
Author: عماد شمت
Date: 01-14-2009, 10:20 PM
Parent: #94
الاخ وليد لك تحياتي
اي شي في الدنيا عاوز تدريب يكمل الموهبة
اعتقد انه الموهبة عند نانسي موجوده وكمان موهبة عالية شديد
ده كلام صحيح الموهبة تصقل بالتمارين ,,
المرحوم مصطفي سيداحمد كان بتمرن اقل شئ في اليوم 6 ساعات
الاخ حمد اظنة بقصد منطقة القرار ...
علي كل حال فهي موهبة ناضجه وامامها المشوار مفتوح حتي تثبت قدميها ..
لك مودتي
|
Post: #105
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 11:49 AM
Parent: #99
الاخ عماد شمت خالص التحايا
Quote: ده كلام صحيح الموهبة تصقل بالتمارين ,,
المرحوم مصطفي سيداحمد كان بتمرن اقل شئ في اليوم 6 ساعات
الاخ حمد اظنة بقصد منطقة القرار ...
علي كل حال فهي موهبة ناضجه وامامها المشوار مفتوح حتي تثبت قدميها .. |
شكرا كتير
|
Post: #113
Title: Re: نانسي عجاج ( بوست موجه لغير المقتنعين بها )
Author: نوسة
Date: 01-18-2009, 04:17 PM
Parent: #105
سلام يا وليد و باقي العقد الفريد
شكراً ليك يا وليد على هذه الروعة....
غايتو نانسي دي زولة رااااائعة بجد، أنا من الناس الكنت رافضة أسمع ليها في البداية، حسيت إنها متشنجة كدة و "فترانة"
لكن بعد سماعي ليها براااااي كدة في عربيتي، لقين نفسي خلاص أدمنت صوتها....
و جاتنا أول شهر ديسمبر هنا في البحرين و أطربتنا أيما طرب "يا نزار حسين ما شفتك في حفلاتها دي، إن شاء الله المانع كان خير"؟؟؟؟
ربنا يسهل ليها طريقها و يبعد عنها الكعبين و الشنافين ياااااااا رب
|
Post: #118
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 04:41 PM
Parent: #113
مرحب نوسة
| Quote: ربنا يسهل ليها طريقها و يبعد عنها الكعبين و الشنافين ياااااااا رب |
يا بكري ما تشغل الوجوه الضاحكة خلينا نعبر
تسلمي
|
Post: #119
Title: Re: نانسي عجاج ( بوست موجه لغير المقتنعين بها )
Author: مدثر محمد عمر
Date: 01-18-2009, 04:50 PM
Parent: #105
شكرا جزيلاً علي الاغنية .....
طبعا اختلف تماما في ان نانسي تمتلك امكانيات صوتيه كبيره.... صوتها عادي جداً .... لكن تكنيكها أيضاً عال جدا.... وليس ذلك مبرر لتسميتها بفنانه او غير فنانه إذ أن كثير من المطربين الشهيرين كانوا ذوي امكانيات صوتيه بسيطه لكنهم كانوا ذوي تكنيك عالٍ ومقدرة هائلة علي التطريب ودونك عثمان حسين والاستاذ الموصلي واخرين كثر.... وثمة فنانين اخرين اجادوا التلحين وانتقاء الكلمات او انتقاء الكلمات واللحن معا ولاقوا قبولاً كبيراً رغم ان امكانياتهم الصوتية متواضعة جدا كحمد الريح ولم يحل ذلك دون وجود جماهير ينطربون لهم ولادائهم...
احب في نانسي اجتهادها ولا احب فيها صوتها لكنني اعتقد اننا نحتاج الي فنانين جدد تلتف حولهم افئدة الكثيرين وحول اغانيهم او اغاني غيرهم التي يرددونها حين تنأي عن الكلمات والالحان المبتذلة التي لا تهذب الروح ولا العقل ....
|
Post: #123
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 05:09 PM
Parent: #119
مدثر محمد علي
وجهة نظر مقدرة
لكن رايك نو في نانسي في الاغنية دي تحديدا
|
Post: #125
Title: Re: نانسي عجاج ( بوست موجه لغير المقتنعين بها )
Author: نادية عثمان
Date: 01-18-2009, 06:05 PM
Parent: #105
نانسي ؟
ياسلاااااااااااااااااام ياخ !
ولي إزيك والله
|
Post: #104
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 11:35 AM
Parent: #94
زياد يا حبيبنا
فعلا زوقها ممتاز في الاختيار
وصوتها برضو كويس
وادائها ممتاز (حسب وجهة نظري)
|
Post: #100
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-14-2009, 11:54 PM
Parent: #1
up
|
Post: #101
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 01-14-2009, 11:54 PM
Parent: #1
up
|
Post: #102
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 11:04 AM
Parent: #101
|
Post: #103
Title: Re: نانسي عجاج ( بوست موجه لغير المقتنعين بها )
Author: Nader Abu Kadouk
Date: 01-18-2009, 11:19 AM
Parent: #102
وليد
الزوله دي
فنانه ولا مؤديه
مجرد سؤال
|
Post: #106
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 01:03 PM
Parent: #103
والله يا نادر
بالنسبة لي انا شخصيا فنانة وليست مؤدية فقط
لكن بالنسبة للشارع العام
الله واعلم
لسع هي في البداية
|
Post: #107
Title: Re: نانسي عجاج ( بوست موجه لغير المقتنعين بها )
Author: Nader Abu Kadouk
Date: 01-18-2009, 02:35 PM
Parent: #106
الاخ وليد
كدي قصة إنها فنانه دي نختها جانب
تورينا اعمالها الخاصه بعدين الناس تجي تقيمها
لكن قصة إنها تبهدل اغاني الغير دي مسأله غير صحيحه
مصطفي سيد احمد مثال
الراجل ده عمل المستحيل و قدم فن جميل وراقي
|
Post: #108
Title: Re: نانسي عجاج ( بوست موجه لغير المقتنعين بها )
Author: Nader Abu Kadouk
Date: 01-18-2009, 02:39 PM
Parent: #107
تجي نانسي و تشوه ااعماله بكل بساطه
|
Post: #109
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 03:53 PM
Parent: #108
مرحب نادر
بالنسبة لي تويه اغاني مصطفى
كان عندنا جدنا
كان بيرى انو مصطفى سيد احمد شوه غنى الحقيبة وكت غني في الضواحي وبرضو بكل بساطة
اها رايك شنو ؟
|
Post: #110
Title: Re: نانسي عجاج ( بوست موجه لغير المقتنعين بها )
Author: Nader Abu Kadouk
Date: 01-18-2009, 04:02 PM
Parent: #109
طيب يا وليد
الزوله دي وين تجربتها الخاصه
مصطفي قدم إنتاجه الخاص
وقدم تجربه فريده لا اظنك تريدني الخوض فيها
نجي لنانسي
لم تقدم اي شئ بل شوهت الموجود
|
Post: #114
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 04:19 PM
Parent: #110
يا نادر في الصفحة القبلي دي في رابط لي شريط رفقة
نزله واسمع بلد هولي انا
كاتبها طارق الامين وبتغنيها نانسي
|
Post: #116
Title: Re: نانسي عجاج ( بوست موجه لغير المقتنعين بها )
Author: Nader Abu Kadouk
Date: 01-18-2009, 04:28 PM
Parent: #114
وليد صدقني ما في خلاف كبير بينا
انا اول مره سمعتها بتغني كان في هولندا
قلت الزوله دي ممكن يكون عندها مستقبل واعد
انا ما بتكلم عن اغنيه اوإتنين
نقدي ليها كلو في تناول اغاني مصطفي سيد احمد
صدقني مره تركت القاعه لمن بدت تغني لمصطفي
إختيارها لاغاني مصطفي غير موفق علي الإطلاق
|
Post: #117
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 04:37 PM
Parent: #116
| Quote: إختيارها لاغاني مصطفي غير موفق علي الإطلاق |
رائي جدير بالاترام والانتباه ليه
حقو نانسي تنتبه للحته دي وتشوف المشكلة وين
انا ما سمعتها بتغني لي مصطفى ، لكن في اعتقادي اغنيات مصطفى صعبة للحد البعيد
لانه غالبية الاشعار الكان بحولها مصطفى لاغنيات هي في حد ذاتها كشعر ساكت كانت صعبة
|
Post: #111
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 04:04 PM
Parent: #109
| Quote: تورينا اعمالها الخاصه بعدين الناس تجي تقيمها |
كدي بالله خلاف فناني الحقيبة وعثمان حسين وابراهيم عوض
وريني منو من الفنانين بدا من قولة تيت بي غناه ؟
رفقة دي ما سمعتها
بلد هولي انا القال فيها الشاعر الكبير هاشم صديق انها من الاسباب الرجعته للابداع ما سمعت بيها
|
Post: #112
Title: Re: نانسي عجاج ( بوست موجه لغير المقتنعين بها )
Author: نادر الفضلى
Date: 01-18-2009, 04:14 PM
Parent: #111
الأخ وليد
سلام
لو تكرمت رابط أغنية شقى و مجنون أداء نانسى .. أدائها كان رائعاً
|
Post: #115
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 04:25 PM
Parent: #112
نادر الفضلي سلامات
كان بودي يا صديقي
لكن علمت من مصدر ان الاخت نانسي ما عاوزه الغنية تنتشر لانها ما التسجيل المعتمد في الشريط الماستر ، لانه فيها بعض الاخطاء
لكن ما عندها مانع تتختى للاستماع وتقييم صوتها
وانا بحترم ده فيها
وبعتقد انه حقها
ما كنت عاوز اكتب الكلام ده ، لكن لانه في كم نفر سال عن رابط تنزيل الاغنية ، فكان لاذم اوضح ده
انا اتحصلت عليها من صديق كان خاتيها نغمة في موبايله وانا هسع خاتيها نغمة لموبايلي برضو
ارجو انك تفهمني وتعذرني
ممكن ارسل ليك علبة بنسون ؟
( الوجوه الضاحكة لا تعمل )
|
Post: #120
Title: Re: نانسي عجاج ( بوست موجه لغير المقتنعين بها )
Author: نادر الفضلى
Date: 01-18-2009, 04:51 PM
Parent: #115
الاخ وليد
أقدر رغبة نانسى .. دا بسموه الفنانين الشحتفة
رغم أن شى تداول فى الموبالايات طلع من اليد
ويازول ما فى إشكال .. وبمناسبة يازول
الراجل الفى صورة بروفايلك دا
أرجل زول .. ولّ .. أرجل زلمة
(وجه ضاحك مع علامة النصر)
|
Post: #121
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 05:01 PM
Parent: #120
| Quote: (وجه ضاحك مع علامة النصر) |
يا بكري ما تغل الوجوه
خليت تعابيرنا شتره شتره
قر قر قر قر قر قر قر
ضحكت حتى وقعت صاقيتها
الحقوق محفوظة لزميلةالمنبر تماضر شيخ الدين
|
Post: #122
Title: Re: نانسي عجاج ( بوست موجه لغير المقتنعين بها )
Author: نوسة
Date: 01-18-2009, 05:02 PM
Parent: #115
سلام تاني.......
طبعاً لولا إختلاف الآراء......blah blah blah
لكن بجد كدة الزولة دي لمن أسمع صوتها بقيت "أنسطل" طرباً ،، و يمكن تقولو على زولة ما بعرف أسمع!!!
لكن الطرب دة إحساس بختلف من زول لي زول، ما بيخضع للثوابت.... و أنا قلت ليها قبل كدة إنو بقولو سمح الغنا في خشم سيدو، إلا إنها إخترقت هذه القاعدة و دشدشتها، و غنا الفنانين البتغني ليهم ديل برغم إنهم آي تعبو فيهو لكنها أدتو طابع خاص و جميل,,,
يلا يا نانسي، سيري و عين الله ترعاكي
لكم الود :):):)
|
Post: #124
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-18-2009, 05:26 PM
Parent: #122
وحبابك تاني يا نوسة
|
Post: #126
Title: Re: نانسي عجاج ( بوست موجه لغير المقتنعين بها )
Author: WadAker
Date: 01-18-2009, 11:06 PM
Parent: #1
| Quote: بس المطلوب هو ان تاتي بالجديد لكي يتمكن النقاد من الحكم علي الصلاحية والا فسوف تكون نسخة مكررة من المعروض في فترينة الفن السوداني الخمسة بي قرش |
وليد كيفك
هى تتقن ...تدرس الخيارات والاختيارات "بحب " تعيشها.. تتشربها حتى تصبح منها جزء .. تتريث .. غير مستعجله.. وليست من هواة الانتشار غير المدروس ...
|
Post: #128
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-22-2009, 01:37 PM
Parent: #126
مرحب ود عكر
| Quote: هى تتقن ...تدرس الخيارات والاختيارات "بحب " تعيشها.. تتشربها حتى تصبح منها جزء .. تتريث .. غير مستعجله.. وليست من هواة الانتشار غير المدروس ... |
ده الكلام
|
Post: #129
Title: Re: نانسي عجاج ( بوست موجه لغير المقتنعين بها )
Author: Hadeer Alzain
Date: 01-22-2009, 05:14 PM
Parent: #128
Quote:
سلام يا وليد و باقي العقد الفريد
شكراً ليك يا وليد على هذه الروعة....
غايتو نانسي دي زولة رااااائعة بجد
|
Quote:
طبعاً لولا إختلاف الآراء......
لكن بجد كدة الزولة دي لمن أسمع صوتها بقيت "أنسطل" طرباً ،، و يمكن تقولو على زولة ما بعرف أسمع!!!
لكن الطرب دة إحساس بختلف من زول لي زول، ما بيخضع للثوابت.... و أنا قلت ليها قبل كدة إنو بقولو سمح الغنا في خشم سيدو، إلا إنها إخترقت هذه القاعدة و دشدشتها، و غنا الفنانين البتغني ليهم ديل برغم إنهم آي تعبو فيهو لكنها أدتو طابع خاص و جميل,,,
يلا يا نانسي، سيري و عين الله ترعاكي
|
Quote:
ربنا يسهل ليها طريقها و يبعد عنها الكعبين و الشنافين ياااااااا رب |
يا نوسة ما خليتي لي شئ ينقال ..
أنا غايتو من الذين آمنو برضو يا نوسة .. من يومي السمعتها بتغني عازة في هواك.
أها من يومها بقيت "أنسطل" طرباً زيك يا إخية. ويعلم الله ما بسطلنا إلا الشديد القوي.
معليش يا وليد جينا داخلين بالغلط . فالمعذرة أخوي.
سلام وإحترام لي نوسة ووليد ولكل المتداخلين ..
|
Post: #130
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-28-2009, 12:11 PM
Parent: #129
مرحب هدير
|
Post: #131
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 01-30-2009, 08:39 PM
Parent: #130
نسمع
|
Post: #132
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 02-10-2009, 02:56 PM
Parent: #1
up
|
Post: #133
Title: Re: نانسي عجاج ( بوست موجه لغير المقتنعين بها )
Author: عثمان محمد كرار
Date: 02-10-2009, 02:57 PM
Parent: #1
up
|
Post: #134
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 02-10-2009, 06:45 PM
Parent: #133
تسلم يا كرار
|
Post: #135
Title: Re: نانسي عجاج ( بوست موجه لغير المقتنعين بها )
Author: محمد عبد الماجد الصايم
Date: 02-10-2009, 07:10 PM
Parent: #134
تاني ما تقدس يا عمكـ
بلا عربي بلا حساب معاكـ
|
Post: #136
Title: Re: نانسي عجاج ( بوست موجه لغير المقتنعين بها )
Author: وليد محمد المبارك
Date: 02-10-2009, 07:21 PM
Parent: #135
امشي اقراء البوست بتاع حميده داك
يا شين
|
Post: #137
Title: ســــمع هــس
Author: وليد محمد المبارك
Date: 02-16-2009, 12:17 PM
Parent: #1
سمع هس !!
|
Post: #138
Title: Re: ســــمع هــس
Author: وليد محمد المبارك
Date: 02-22-2009, 02:49 PM
Parent: #137
.......
|
|