Post: #1
Title: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-01-2009, 10:46 AM
Parent: #0
حقيقي الوانديين يلعبون الكرة الحديثة
لعب ضاغط وعنف مشروع وباصات قصيرة
يعاب عليهم ختام الهجمة
المريخ غير منسجم بتاتا
وارقو ما عاوز اقول عليه ماسورة
لكن كهربته زايده
وطريقة لعبة سريعة لا تنسجم والطريقة البطيئة التي يلعب بها مجموع المريخ
ده خلاه زي الدرويس
بالطريق دي ما حا يقدر يلعب ويقدم في المريخ
|
Post: #2
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: Ahmed Mohammed Osman
Date: 02-01-2009, 10:57 AM
Parent: #1
يا وليد يا شفت احنا قبييييييييييييل شن قلنا؟؟
ما قلنا وارغو براهو ما بجيب شي للمريخ لانو طريقة لعبو ما تنجح معاكم
قلنا ليكم عايزين تيم كامل عشان تستفيدوا منو
قلتو حاقدين
غايتو الله يعينكم في (بطولتنا ) دي
قايلنا هينه؟؟
|
Post: #3
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-01-2009, 11:01 AM
Parent: #2
يا حبيبي اسمع مني الكلام ده
مصيبت الهلال ستكون اكبر
السبب
خط الدفاع جميعة حديثي العهد بالهلال
وحا تكون في مشكلة انسجام اكبر من الفي المريخ
الهلال بكل بلاده شطب
رتشارد ، جوليت ، علاء جبريل ، كرنقو ، ومشوا منو داريوكان ، ويوسف محمد
خليكم في الجايكم الفي المريخ اتعرفت
|
Post: #4
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: منتصر الامين
Date: 02-01-2009, 11:15 AM
Parent: #3
غايتو يا وليد المريخ متاهل متاهل
بس الله يقدرنا على لسان الجماعه ديل ال 15 يوم الجايه
كلام على جنب كده :
المشكله كلها فى التمارين ام 20 الف متفرج دى
والله تمارين المريخ فى السودان لو عملوها من غير جمهور
لكانت النتيجه افضل من ذلك بمليون مره
والله يجازى اتحاد شداد البخلى الفرق السودانيه
تستعد للدورى السودانى بالبطولات الافريقيه
وتلعب مع فرق لعبت نصف الدورى فى دولها ،،،،
|
Post: #5
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-01-2009, 11:22 AM
Parent: #4
| Quote: تستعد للدورى السودانى بالبطولات الافريقيه |
شفت المفارقة يا منتصر
بلد على خط الاستواء
درجة الحرارة فيها في الصيف فوق الاربعين
وامطار خريفها غزيرة
بتلعب الدوري بتاعها في الخريف والصيف وتاجز في الشتاء ليه ما عارف
غايتو الفهم قسم
|
Post: #6
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: ضحيه ابراهيم
Date: 02-01-2009, 11:26 AM
Parent: #4
الشفت ازيك
وشكرا على الدعم اللامحدود فى صد هجمات الهكر..
Quote: والله يجازى اتحاد شداد البخلى الفرق السودانيه
تستعد للدورى السودانى بالبطولات الافريقيه
وتلعب مع فرق لعبت نصف الدورى فى دولها ،،،، |
اوافق على كلام الاخ منتصر وبشده ولاتزول شدتنا الابزوال شداد وشدائده..اما بالنسبه لى وارغو فهو انفعالى جدا وقديتعرض للطرد اذا لم يترك انفعالاته الزائده هذه اما مستواه الفنى فهو بلاشك ممتاز فقط محتاج لانسجام اكتر ولو لعب المريخ بنفس التشكيله التى لعب بها مباراته امام الوكره القطرى لكانت النتيجه غير ذلك والتى ضمت راجى ووارغو من بداية المبارة
|
Post: #7
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-01-2009, 11:42 AM
Parent: #6
مرحب ضحية
اخبارك وكده
تسلم بالنسبة لموضوع الهكر ده واجب
الدوري اساسا يا ضحية زمانه غلط
بما اننا دولة شديدة الحرارة
يفترض ان يكون دورينا في الشتاء
عشان نتحاشا الصيف والخريف
بالنسبة لوارقو
لعاب مافي كلام
لكن طريقة لعبة مختلفة من المريخ
يعني لو كان وارقو لاعب امبارح من الروانديين كان جاب اكتر من قون
هو كورته سريعة جدا
والحواليه جميعهم بطئين جدا
عشان كده ظهر وكانه كهربته زايده
|
Post: #8
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: abuguta
Date: 02-01-2009, 12:44 PM
Parent: #7
Quote: غايتو يا وليد المريخ متاهل متاهل
بس الله يقدرنا على لسان الجماعه ديل ال 15 يوم الجايه |
ساذكرك بهذه المداخلة ياشيخ الطريقة البرهانية
بعد مرور المدة المعروفة
وليد كيفك
وين سامى...سلم لى عليه
المريخ لم يهتم بالحكم ,,,ودى مش من عادته
لان مزمل قال المريخ منتصر 20/1
اصلو المريخ دا بقى وحدات,,,,
والله اول مرة اعرف نصر بطعم الهزيمة...
صدقنى ياولى التكاسى ديل نهالك يجضموكم جنس جضيم
تسمعها على الراديو بس
|
Post: #9
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-01-2009, 01:03 PM
Parent: #8
يا ربي لا تمحنا لا تبلينا
اللهم لا شماتة
بصراحة إذا كان ده مستوى وارغو نقول لي الوالي
الجاتك في مالك سامحتك
أما عن نتيجة المباراة نحن عارفين من زمان إنو المريخ
في بطولة الكبار دي ما بقدر يتقدم مرحلة واحدة وهنا نقول
دي آخر محطة للمريخ بس يا خسارة حتى الكونفيدرالية طارت عليهم
مع تحياتي
|
Post: #10
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: Abdlaziz Eisa
Date: 02-01-2009, 01:10 PM
Parent: #9
سلام
يا جماعة الخير
المريخ نزل ب 50% من قوته وبعد الجولة الأولى ستروا العجب العجاب
المريخ سينتصر في كيقالي..
وسوف تتذكرون كلامي هذا
لكم تحياتي
عبدالعزيز
|
Post: #16
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 01:41 PM
Parent: #10
مرحب عبد العزيز
نتمنى انو المريخ ينتصر
|
Post: #15
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 01:32 PM
Parent: #9
يا سيف الدين
نرجاكم ونشوفكم انتو
|
Post: #17
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-02-2009, 02:36 PM
Parent: #15
نرجاكم ونشوفكم انتو
الأخ/ وليد
الأيام قريبة إنأمد الله في الآجال
لكن بالله عليك مش كلامنا صاح إنو المريخ
بطولة الأندية دي ما عندوا ليها شعر يرقص في دائرتها
تعيش وتشوف الهلال
مع تحياتي
|
Post: #19
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 02:47 PM
Parent: #17
يا سيف
| Quote: بطولة الأندية دي ما عندوا ليها شعر يرقص في دائرتها |
والهلال كذلك يا سيف
|
Post: #18
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-02-2009, 02:37 PM
Parent: #15
نرجاكم ونشوفكم انتو
الأخ/ وليد
الأيام قريبة إنأمد الله في الآجال
لكن بالله عليك مش كلامنا صاح إنو المريخ
بطولة الأندية دي ما عندو ليها شعر عشان يرقص فيها ؟
تعيش وتشوف الهلال
مع تحياتي
|
Post: #11
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-01-2009, 01:12 PM
Parent: #8
اب قوته قنبلة الود الموقوته
اخبارك وكده
ما فات كتير
حكم هناك قاعد
|
Post: #12
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-02-2009, 11:28 AM
Parent: #11
يا خوي عبدالعزيز
إنت ما سمعت بالمثل السوداني البقول
تاباها مملحة تكوسا حافة
إنت ضيعت الفرصة في بلدك عايز تفتش ليهافي كيجالي؟
صدقني المريخ خلاص طار وحا يرك عند أولاد حاج الماحي والبرعي
مع تحياتي ونحيا ونشوف عرس يحيى
|
Post: #13
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: khaleel
Date: 02-02-2009, 11:49 AM
Parent: #12
ولي
المريخ ودع البطولة
والهلال سيودعها بعد حين
ما عندنا كورة ياخ لسان طويل ساكت
|
Post: #20
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 02:57 PM
Parent: #13
| Quote: ما عندنا كورة ياخ لسان طويل ساكت |
يظهر كده يا خليل
لحدي ما شبابنا في الهلال والمريخ ياكدوا العكس
|
Post: #14
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: المعتمد
Date: 02-02-2009, 12:09 PM
Parent: #4
والله دا الكلام الصاح.
شنو تمريض يحضروهو عشرمية الف.
يعنى اللاعب ينبه للجمهور ولا توجيهات المدرب.
ربنا يعين وخلونا نجهز من هسع للدورة العربية عشان نمسح فضيحة الوحدات.
|
Post: #21
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: خالد عبد الله محمود
Date: 02-02-2009, 03:02 PM
Parent: #14
للأسف يا وليد أنا متأكد تماماً أن المريخ سيتأهل ....
ليس لأنه يستحق لكن لأن المال المريخي سيفعل ما عجز عنه اللاعبون ...
إدارة المريخ أستهونت الفريق الرواندي لدرجة أنهم لم يحتاجوا للمفاهمة مع الحكم الأريتري كالعادة ..
بعد أن أصبح المريخ مهدد بالخروج من الدور التمهيدي لن يمانع جمال الوالي في دفع حتى مليون دولار للفريق الرواندي بشرط إنهاء المباراة بالتعادل السلبي فقط ...
ليس خوفاً من الخروج أو فقدان المنافسة على البطولة الأفريقية أو ... الخ و لكن خوفاً من شماته الهلالاب
والتكاسة ديل ناس جعانين يعني خمسين ألف دولار بتشتري رواندا كلها مش الفريق ده براهــو و يدوكم كمان كاسين من نوع كاس دبي داك هدية فوق البيعة ..
|
Post: #23
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 03:15 PM
Parent: #21
يا خالد حسب وجهة نظرك
هسع ما فات شي ....
|
Post: #22
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-02-2009, 03:06 PM
Parent: #14
يا معتمد
بالطريقة دي ولو استمروا كده
الدورة العربية حا يكون فيها فضايح تانية
لابد من وقفة
|
Post: #24
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: 7abib_alkul
Date: 02-02-2009, 07:59 PM
Parent: #22
باالطريقة دي حا ارجعو لل....
|
Post: #25
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: رقم صفر
Date: 02-02-2009, 09:01 PM
وليد ، يمكن للمريخ ان يحرز نتيجة كويسة في كنجالي
لكن Quote: الهلال بكل بلاده شطب
رتشارد ، جوليت ، علاء جبريل ، كرنقو ، ومشوا منو داريوكان ، ويوسف محمد
|
اول مره اعرف ان كل دول مشوا خلو الهلال ، فعلا ستكون مشكلة عويصة للهلال ـ وربك يستر
|
Post: #26
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: جمال السنوسي
Date: 02-02-2009, 10:50 PM
Parent: #25
يا وليد
البركة فيكم
جيت اشيل الفاتحة مساء السبت بعد الدفن مباشرة
مالقيت ولا بوست مفتوح
قالوا لي كلكم شتتوا بالتاكسي الرواندي
غايتو مصيبتكم كبيرة
سنة تونسية
وسنة تكاسي رواندية
انتوا قايلنها الكونفدرالية
دي ابطال شغل نضيف وتحكيم نضيف
الله يستركم من محطة سبعة دي
الخوف كيجالي وانا مالي
بعدين ناس الهلال المشطوبين ديل
هم سبب هزيمة الهلال من انيمبا
ومن القطن
وكان لازم يتغير خط الدفاع للاحسن
وانتوا ما شفتوا الهلال لسه
ده سيدالبلد
بيحرق اي فريق في المقبرة
مش اتراكو التاكسي
نحن اتراكو ده لو طيارة كان زمان عملنا فيهو عملية الوحدات في اب سبعات
هلال برازيلي
وتشوفوا براكم قريب
كيجالي
حد نازل
طوالي
وانا مالي
|
Post: #27
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: 7abib_alkul
Date: 02-02-2009, 11:03 PM
Parent: #26
يا بطيخاب
تتأهلوا ٠٠٠ما تتأهلوا
تغلبو التوتس٠٠٠اغلبوكم الهوتو
تصلوا بى التأكسى٠٠٠و لا تركبوا التأكسى الجوى
ما علينا
نحن نتفسح فيكم الاسبوعين ديل بى مزاااااج
و وارقوا ماسورة الإ أن يثبت العكس ولله اكفيكم من التأكسى
|
Post: #30
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-03-2009, 10:55 AM
Parent: #26
يا جمال السنوسي
نصبر ونشوف
|
Post: #29
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-03-2009, 09:41 AM
Parent: #25
يارقم صفر
احتمال المريخ يحرز نتيجة كويسة وارد
لكن ضعيف
اما الهلال
لو ما جهز نفسه من هسع بصورة كويسة
حا ينفضح حقيقي
خط دفاعة كله جديد لنج
وحا يقابل فرق اتخطت المرحلة الاولى
يعني معده كويس وعندها تجربه قدامه
|
Post: #28
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-03-2009, 09:31 AM
يا حبيب الكل
السبعة فضلت خيركم
|
Post: #31
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-03-2009, 11:03 AM
Parent: #28
الإخوة/ ود السنوسي ووليد
التغيير الذي حدث في دفاع الهلال كان مفروض يحدث من السنة الفاتت
نحن لا ننكر بأن ريتشارد قدم للهلال ما كان في وسعه وكذلك علاء جبريل
وجوليت وكرنقو بس والله الأربعة ديل مستواهم بقى في تدني شديد لذلك
كان لزاما التغيير وحا تشوفوا الهلال الجديد بمشيئة الله بعد هذا المعسكر
الذي يعتبر فترته كافية للإنسجام وتوليف تشكيلة تمام ونسأل الله لإخوانا
المريخاب التوفيق في كيجالي لكن بأمانة الأمل ضعيف لكن مامستحيل
مع تحياتي
|
Post: #32
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-03-2009, 11:12 AM
Parent: #31
مرحب سيف الدين
حبابك ياخ
Quote: هذا المعسكر
الذي يعتبر فترته كافية للإنسجام وتوليف تشكيلة تمام |
دي مقامرة كبيره
واحتمال ضعيف
انت يا سيف تحدثت عن الرباعي
رتشارد وكرنقو وعلا جبريل وجوليد
وتجاهلت
داريو كان و ويوسف محمد
يعني دفاع الهلال فقد خط دفاعه كله باحتياطيه
دي حاجة خطرة جدا
نحن ما بنقول ما يتغيروا فالتغير سنة خاصة كرة القدم
لكن الكلام ده مفروض يكون ممرحل
ما طوالي كده
زمان الهلال حدثت فيه هزة زي دي سنة 90 ما اتخارج منها الا سنة 2000
|
Post: #35
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-03-2009, 11:35 AM
Parent: #32
الأخ/ وليد
شكرا على المداخلة
بس قانون التسجيلات عندنا مقلوب
عشان كده الهلال وغيرو مربوطين بالتسجيلات
يعني ما ممكن تسجل لاعب وتحتفظ باللاعب الثاني لغاية السنة الجاية
عشان كده التغيير حصل بالجملة
صاح أنا نسيت يوسف محمد وداريوكان لكن صدقني الهلال وفق بقدر كبير
جدا في تسجيلاته خاصة في الدفاع وممكن تقول عليها مغامرة لكن لو نجحت
الهلال شكلو حا يكون غير هذه السنة . أما الهجوم إنت عارف الهلال مجرد
ما ذهب منه قودوين بقى الهجوم عقيم جدا جدا عشان كده الهلال محتاج لمهاجمين
ولو نظرنا لتسجيلات الهلال نلقاها غيرت كثير ما عدا خط الوسط الذي يعج بالنجوم
وإن شاء الله تشوف الهلال غير
مع تحياتي
|
Post: #33
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: سيف الدين علي محمد الفاضل
Date: 02-03-2009, 11:21 AM
Parent: #31
أنا عايز أقول لي الناس القالت المريخ ما منسجم وعايز وقت للإنسجام
في مباراة المريخ الأخيرة مع أتراكو
كم كان عدد اللاعبين الجدد بالمريخ الذين شاركوا في المباراة؟
إذا قلنا 3 لاعبين طيب القدام 8 لاعبين تفتكروا ديل عايزين وقت عشان ينسجموا؟؟
ما هم نفسهم الذين لعبوا السنة الماضية وأحرزوا الكأسين ؟ عايز واحد من الجماعة إياهم
يرد على هذا السؤال .
أما عن وارغو طالما أنه لاعب محترف مفروض مش ينسجم مع المريخ مفروض ينسجم مع الجن الأحمر مش الأصفر؟
ياخي ده لاعب محترف خلاص وإذا كان غير كده خلوه في الكنبة 5 سنوات بعدما يعجز خلاص بعدين أدوه فرصة المشاركة.
والعكس في الهلال الهلال حالته عكس المريخ يعني 4 مدافعين جدد و 3 لاعبين في الهجوم يعني كده نحن معذورين
إذا أخذنا في إعتبار من ينادي بالإنسجام .
معناها الهلال عايز سنة كاملة عشان ما يحصل التوافق والإنسجام ..
أنا عايز واحد مريخابي يرد على هذا الكلام ويبرر لي عدم إنسجام 3 أو 7 ؟؟
مع تحياتي
|
Post: #34
Title: Re: الفريق الرواندي لعاب .. والمريخ عاوز وكت طويل للانسجام .. ووارقو الله يستر
Author: وليد محمد المبارك
Date: 02-03-2009, 11:30 AM
Parent: #33
مشكلة المريخ يا سيف انه شكلة العام اتكيف على استايل العجب
الحتى دي اثرت في وارقوا تحديدا
وارقوا استايله سريع
والمريخ كله استايلة بطئ
وكونه الفريق كورته تكون سريعة ولا بطيئة ما مشكلة
المشكلة يكون متفق عليها وموافقة لي امكانات الفريق كله
وده الكان حاصل للمريخ
دخل وارقو
وكلتشي
وبدون فترة طويلة للانسجام
غلبهم في المباراة السابقة ينسجموا
لو كان قلق قدر ليه يلعب هو ووارقوا في نص المريخ كان شكل الكورة بختلف
لانه قلق كورته برضو سريعة
Quote: أما عن وارغو طالما أنه لاعب محترف مفروض مش ينسجم مع المريخ مفروض ينسجم مع الجن الأحمر مش الأصفر؟
ياخي ده لاعب محترف خلاص وإذا كان غير كده خلوه في الكنبة 5 سنوات بعدما يعجز خلاص بعدين أدوه فرصة المشاركة. |
ده كلام غير سليم
حتى في الدوري الاوربي مكان الاحتراف الحقيقي
كثير جدا من الاعبين المميزين يحتاجون الى فترة للانسجام مع فرقهم
راجع تنقلات الدوريات الاوربية بتعرف
كل الود
|
Post: #36
Title: ....
Author: محمد البشرى الخضر
Date: 02-03-2009, 11:43 AM
Parent: #1
سلام يا ولّي
ياخوي شنو الإحباط الغريب المسيطر على اغلب كتابات المريخاب سواء هنا او في الجرايد
إنتو ناسين ان الكورة انتهت بفوز المريخ
لكن المتابع للاعمدة ومناداتها بسفر الوالي شخصيا مع البعثة و لتصريحات رئيس المريخ عن ان الخروج من التمهيدي يمثل كارثة
يحس ان المباراة انتهت بهزيمة المريخ او على اسوا الفروض التعادل
قبل كدة سواء الهلال او المريخ فازوا بنفس النتيجة دي في الذهاب و في النهاية صعدوا
الولولة و التنشن الحاصل اسي دا هو ح يكون سبب خروج المريخ
|
Post: #37
Title: Re: ....
Author: سيف الدين علي محمد الفاضل
Date: 02-03-2009, 12:06 PM
Parent: #36
سلام ود البشرى
نحن ما ناسين إنو المريخ فاز 2/1 لن فوز هزيل بي طعم الخسارة
كونك تفوز على خصمك في أرضك بفارق هدف واحد والله نتيجة تحبط شديد
وفريق زي الفريق الشفناه ده (أتراكو) فريق ما ساهل أبدا يلعب كورة
حديثة ومن الصعب تفوز عليه في أرضه ووسط جمهوره .. لكن برضو نرجع نقول
الكورة ما فيها مستحيل ممكن المريخ يتأهل بس عايزة خطة إستراجية
وقلوب حارة مش عايزة كوامر بوليس زي ناس العجب ..
مع تحياتي
|
Post: #38
Title: Re: ....
Author: وليد محمد المبارك
Date: 02-03-2009, 12:24 PM
Parent: #36
يا ود البشرى حبابك
ما ولولتنا هي الحا تغلب المريخ
تخديركم هو البغلبه
احباطنا ما راجع لنتيجة مباراة ( غالب او مغلوب )
احباطنا راجع لمستوى المريخ في تلك المباراة
وده البخلي الناس محبطة وعشمها بسيط في الاياب مع انه ما مقطوع
المريخ اليوم داك كورته كانت شييييييييييييييينة
وغير مبشرة
بغض النظر عن النتيجة
انت شايف انه المريخ لعب كيف
وهل لعبه مطمئن
|
Post: #39
Title: Re: ....
Author: محمد البشرى الخضر
Date: 02-03-2009, 12:57 PM
Parent: #38
السلام عليكم أخ سيف الدين
انا قاصد كتابة المريخاب و تصريحاتهم
إحنا شمتانين و ما داسينها لكن لو تابعت اعمدة الصحف حتلقى الناس بتكتب كأن المريخ طار فعلا
وبصراحة كدا الإنهزامية و التشاؤم دا بمسّخ الشماتة عشان كدا ما عاجبني
ولّي يا شفت ... | Quote: احباطنا راجع لمستوى المريخ في تلك المباراة |
انا للامانة ما حضرت الكورة
لكن بعد عرفت النتيجة اعتبرتها عادية
صاح صعبة لكن ما معناها الأمل معدوم
لكن حكاية مستوى الأداء في المباراة و الفريق غالب يخلّي التشاؤم يكون للدرجة دي ما قادر ابلعها
عارف انا ايدت انسحاب الهلال من كورة الرد في الجزائر على مضض لقناعتي ان تحقيق نتيجة ايجابية صعب جدا
لكن لو كانت الكورة الأولى انتهت درون كنت ح ارفض الإنسحاب تماما رغم ضعف المستوى
فقط لأن النتيجة المطلوبة تحقيقها اسهل
اسي انتو بغض النظر عن المستوى السيئ فرصة المريخ كبيرة جدا
يكفي إحراز هدف
أو على الأقل تتخندقوا و تطلعوها درون
بعدين دا ما الأهلي المصري مثلا أو النجم الساحلي
في النهاية تيم رواندي مغمور
أتفاءلوا ياخ خلّونا نشمت كويس بعدين
|
Post: #40
Title: Re: ....
Author: Omar Bob
Date: 02-03-2009, 01:04 PM
Parent: #38
Quote: وارقوا استايله سريع
والمريخ كله استايلة بطئ
وكونه الفريق كورته تكون سريعة ولا بطيئة ما مشكلة
المشكلة يكون متفق عليها وموافقة لي امكانات الفريق كله |
سلام يا وليد
تعرف انا في تقديري مسأله البطء دي هي افه هلال - مريخ وان كنت اعتقد ان المريخ كان احسن حالا من الهلال في الموسم السابق بمعني اخر الهلال كان ابطأ والكلام ده راجع لوجود هيثم والعجب في وسط الفريقيين وكلاهما بطئ
بالاضافه لكده الهلال فيهو مهند وهو ايضا بطئ ولكن بصوره اقل من هيثم والعجب
الهلال في الموسم السابق كان ابطأ فريق في مجموعته في دوري الابطال والكلام ده كان ظاهر لاي زول بيفهم في الكوره رغم انو مهاريا كان من احسن الفرق في تقديري وحتي عقم الهجوم العاني منه الهلال سبب رئيسي ليهو هو البطء قي الانتقال من الوسط للهجوم - ناهيك عن الانتقال من الدفاع للوسط للهجوم
المدربيين الدربو الفريفيين في الثلاث سنوات الماضيه نجحو انو يطورو فهم اللاعب السوداني للعب الكره الممرحله ونقل الكره من قدم لقدم لان حركه الكره اسرع من اللاعب وخلوهم يتخلصو من الاحتفاظ بالكره والمرواغه واللف والدوران بالكره بناء علي صيحات الجماهير
الحته الوصل ليها لاعب هلال - مريخ في الثلاث سنوات الفاتت دي هو ما كانت عليه الكره العالميه قبل 25 او 30 سنه لانو الكره العالميه الان بتلعب علي اساس انقل الكره من قدم لقدم بسرعه لان الكره اسرع وتحرك انت ايضا من مكانك الي مكان اخر متقدم بسرعه لانو سرعه الكره زايد سرعه حركتك انت بتدي محصله نهائيه اسرع
القصه دي لسع ما وقعت للاعبينا لو شفت الهلال و المريخ السنه الفاتت الكره بتنتقل من قلب الدفاع الي محور الارتكاز 1 الذي يلعبها عرضيا لمحور الارتكاز 2 الذي يلعبها عرضيا لطرف الجنب في حين يظل طرف الارتكاز 1 و2 في مكانهم في هذه الفتره يكون الفريق الخصم نظم دفاعنتو تماما في نصف ملعبو ويصبح من المستحيل اختراقو
انا لم اشاهد المباره لكن متفهم تماما انو وراغو المتعود علي استايل لعب سريع يتوه في فريق المريخ واعتق انو حلو حيكون نفس الحال لو لعب مع الهلال - علي الاقل في الموسم الفات- لانو لسه ما عرفنا شكل الهلال كيف السنه دي
|
Post: #41
Title: Re: ....
Author: وليد محمد المبارك
Date: 02-03-2009, 01:22 PM
Parent: #40
سلام بوب
عارف يا بوب اي فريق قدم لمن يعلم عنده هوية وشخصية محددة
الشخصية حقت الفريق ده بتكون مستمده من شخص واحد تحديدا
في الفرق المحترمة الشخص الواحد ده بكون المدرب بصبغ شخصيته في الفريق بتاعه
لكم في بلدنا بتنصبغ الفرق بشخصية لاعبين مؤثرين فيها
مثلا
المريخ في الثمانينات كانت متاثر كتير بشخصية كيقن جمال ابو عنجة عشان كده روح المريخ كانت قتالية وكورته جادة
والخلال في نفس الفترة كانت متأثر بطارق عشان كده كورة الهلال كانت بارده وفيها قدر عالي من المسئولية والانضباط
في اول التسعينات
المريخ تاثرت كورته بذيكو عشان كده كانت كورة مجهود بدني المهارة فيها قليلة
الهلال تاثر بتنقا عشان كده الكورة بتاعته حريفة لكن بدون روح او جدية او قتالية
مؤخرا
هيثم خت بصمته في الهلال
والعجب في المريخ
لكن كمان وجود المحترفين الاجانب بكثرة عمل دروشة لخوسة الفريقين وشكلهم العام
لكن برضو يظل تاثير العجب وهيثم هو الاقوي
والاتنين كما تفصلت كورتهم بطيئة
لو ما اصبحت البصمة في فرقنا بصمة مدربين
كورتنا دي ما بتتقدم
|
|