مدرب الهلال 10/10 مدرب المريخ ساقط وهو المسئول الاول

حقيقي مدرب الهلال مدرب هو من انتصر للهلال
ومدرب المريخ هو من هزم المريخ

فريق المريخ جيد يحتاج الي مدرب
فريق الهلال يحتاج الى دفاع كامل

اكثر ما اعجبني في المباراة هو حارس الهلال الدعيع

المعز محجوب طارت ليه

اكبر ماسورتين وارقو ومدرب المريخ
ومن الهلال خط الدفاع كله

تعديلات مدرب الهلال اعادة الهلال للمبارة
وتعديلات مدرب المريخ هي السبب في هذيمته

اولا وارغو يفترض ان لا يبتدي المباراة
ثانيا الشغيل ايضا بعيد كان في الفورمة السعودي والباشا

تغير اجباري في الدفاع
بدلا ان ينزل مدافع وصريح ولديه المحترف الاخر
ادخل لاعب وسط ونزل لاعب وسط للدفاع

وهو الذي تسبب في الهدف

رغم الهدف الذي يحسب لكلتشي ولا يحسب للمريخ
بظل مدرب المريخ هو من افقد المريخ مباراة مضمونة

المريخ هو من احرز هدفي المباراة

واكبر خسارة خروج سفاري

مدرب الهلال اجرى تغيرين ارجعا الهلال الى المبارة

اخرج عمر بخيت التائه وادخل حموده
واخرج الباك الشمل الشارع وارجع مساوي باك شمال وادخل الولد اللعاب ما متذكر اسمه

الولد ده هو من ظبط ايقاع الهلال

مدرب المريخ الجاهل اخرج صانع اللعب الوحيد

فترك المريخ
مهاجمين ومدافين بدون حلقة ربط بينهم

لذلك قلنا الا ان ياتي التعادل حظا
وقد كان

قون ما فيه اي فكر تدريبي
فيه مجهود لعيبة
وفكر ومهارة عالية من كلتشي

هاهاهاهاهاهاهاهاهاهاهاهاهاهاهاها
قال مباراة مضمونة قال
انت مرقك الله بس

Quote: اكثر ما اعجبني في المباراة هو حارس الهلال الدعيع

عليك الله يا وليد العاجبك فيهو شنو؟

انه قعد المعز في الكنبة
وانقد الهلال من كم هدف محقق

مضمونة اكتر من كده شنو
القونين جايبنهم نحن

وتيمكم تعبان

والله بريدكم
سفاري ما كمل الكورة
لو كملها كان تشموها قدحة

الشغيل والمدرب لاعبين معاكم

الهلال شطب مدافينه
واضطر انه يلعب لاعبين وسط في الدفا بدل المدافين السجلهم

علاء الدين يوسف
ومساوي

الخلاصة

المريخ يحتاج لمدرب

والهلال يحتاج لفريق

والله يا وليد ظلمت كروجر وبالذات في المباراة دي

صحيح هو اخطأ بارجاع الشغيل في الخانة دي مع وجود ديالو في الكنبة

لكن تغييرو لي طمبل بالعجب كان نقطة التحول لانو وارغو رجع صانع العاب

والقوون ما صدفة بالعكس جملة بديعة بين وارغو الماسورة و كلتشي

يا وليد الشوط التاني كان قوون وباك ولو الحكم اداها دقيقة تاني كان ام الحسين اتنفخت

يا اسامه

اولا ليه الشغيل بدأ المبارأة دي

اخر كورة بداها بتين ؟

ليه ما دخل مدافع صريح بدل سفاري ؟

ليه اصر على وارقو الكان عاله على الفريق في الشوط الاول واضاع اضمن هدفين

الشفت قوم لف شابكني اسامة اسامة دي المرة الدشيليون

انا عثمان يا ناسي العشرة.

انشاء الله يرفدوك من ادارة القبول .

يا سجم بتتذكر الكورس الكان في داتا نت عن المكتبة الافتراضية

عامل شلوفتك الكبيرة دي.

تاني كان راجل قول لي يا اسامة عشان اطفي ليك السجارة دي في وشك (وش مكشر)

معليش يا عثمان

طالعين من كورة ياخ

شنو يا حبيبنا
من ديك وعيك
جوه البلد ولا برها

اخي وليد ليس المدرب بذلك السوء
اربع اهداف ضائعه في الشوط الاؤل
وهدفين من طمبل بعد نزوله احداهما الحارس مرتمى ارضا..

ضياع الاهداف مصيبه واعتقد ان كروجر مجهز تغييره قبل المباراه لعلمه ان سفاري
قد لا يكمل
فريق جيد يضيع الاهداف
ادخلنا الي عوالم المستديره ويا الله درون وحرق الاعصاب
الروح القتاليه جميله
الهلال تساخف في ضياع الزمن
الحكم ينهيها مبكرا بعد تعديل نشكر السماء عليه فزمانه قاتل

هذا الفريق يرجى منه, نعم روحهم روح اسود..


___________________________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

مرحب شهاب

فريق المريخ بقوته دي

ناقصه مدرب بس

Quote: تعديلات مدرب الهلال اعادة الهلال للمبارة

والله يا وليد فى دى صدقت ..لكن نحن الهلالاب ذاتنا ما مصديقين هلال الشوط الاول
يحى من جديد ويحرز هدف كمان فبعد ان اكثرنا من شرب الشاى والقوى وحرق الدخان
والشيشه والصعوط وكل ما جاب حقو انقلبت فى الشوط التانى عليكم ..مش لانو الموضوع
كوره لكن السبب الاساسي الاعلام الذي يصور المباراة كأنها معركه حربيه بالشحن والتعبئه
الزايده عن اللزوم..
اعتقد عكس رايك ليست هناك اى كوره جوطه وشلاليت هنا وهناك ولعب بالاعصاب فى الفارغه
لا تساوى المجهود الادارى والصرف البذخى والضجه الكبيره..لم نرى اى بصمات تدريب ولم
نستمتع باى فنيات او كوره منظمه..اعتقد الهلال ايام ريكاردو كان منظم وكورتو سلسه
اما ابوبرموده كما يسميه صاحبنا حسن محجوب فلا تحس باى اثر فنى له فى طريقة اداء المريخ..
غايتو لو دى ياها كورتنا فى القمه اتوقع خروجهم المبكر فى دورى الابطال..
شكرا لاتاحة الفرصه..

مرحب ادم

فعلا خاصة الهلال
الهلال بي دفاعه ده

الله يستره

كلامك صحيح يا وليد فيما يتعلق بالهلال تحديداً

دفاعنا اي كلام ولاعبى الوسط فاقدين الثقة فى الدفاع
عشان كده ما قادرين يتقدمو


- موسي الزومة جاء فى غفلة من الزمان للمريخ
ما عندو غير عكسة محفوظة وتقدم غير مدروس خلى الهلال يركز على
سايدو وقدر الهجمات العملها الهلال 99% بدت فى الجانب الايسر للمريخ

بحساب الاداء،المريخ يستاهل الفوز مافى كلام

ح انتظر مباراة الاثنين لو الهلال نفس الحال
مافى داعي نعشم فى اى تقدم فى البطولة الافريقية
وحال الدفاع يتحملو صلاح ادريس مافى شك
ونتمنى انو يتدارك الخطأ ده فى التسجيلات التكميلية

مرحب ناجي

فعلا موسى الزومة طاقة وافرة وفكر ضعيف

لكن الشوط الاول لعب كورة كويسة شديد
لانه مهند اضعف منو
وكلتشي كان شايل معاه

ولى دفاع الهلال كان افضل من دفاع المريخ لو ركزت شوية انت دفاع الهلال وخاصى قلبى الدفاع تحملها عب المبارة كاملة لإنخفاض مردود اداء لاعبى الوسط الاربعة عكس دفاع المريخ اللعب بإرتياح شديد لكن فشل فى اول هجمة وبكل ثقة اقول لك ان دفاع الهلال كان صخرة وعلى لعيبة خط الوسط يقع اللوم ولو ارتفع مستواهم قليلا كان انكشف دفاع المريخ الذى يدافع عنه سفارى فقط
والجاتك فى وارغو تلقاه فى لاسانا

يا حبيب الكل عب شنو الاتحمله

مهاجمين المريخ ضيعوا 4 انفرادات كاملة بعد تخطي دفاعكم الشوارع

واضاعوها برعونه وسوء حظ

طمبل انفرد ولا ما انفرد
وارقو الشوط الاول ضيع قون والقون كاشف ولا ما ضيع

موسى الزومة الباق انفرد ولا ما انفرد

قونكم مرق كم كورة خطرة

وتقول لي دفاعكم كويس

وليد

اولا مبروك التعادل ، اولا الهلال في الشوط الثاني تعبان جدا ، والمريخ اضاع اهداف لو احرزها لكانت فضيحة تاريخية

ولكن اختلف معك تماما في ان دفاع الهلال تعبان ، بل هو الشال الهلال في الشوط الثاني خاصة بعد احراز الهلال للهدف .

مشكلة كبيرة للاعب السوداني (تكررت في الدوري الافريقي ) وهي تعامل اللاعب يختلف تماما بعد احرازه لهدف التقدم ، كأن فريق جديد

دخل المباراة ، يطفش في الكورة رغم اننا نعرف جميها بانها ستعود بصورة اسرع كهجمة جديدة علي الفريق ، وقد يكون الفريق ضاغط

طيلة المباراة ، وفجأة بعد ا يحرز هدف التقدم ، يتراجع ،،، وفي مباراة اليوم ، الهلال لعب كورة جميلة لمدة عشرة دقائق فقط ، وذلك

حتي احرز الهدف وبعدها اصبح تطفيش الكورة بالنسبة للهلالاب هو فعلهم المستمر ، في لحظة من لحظات من المباراة قام المريخ بهجمتين في اقل من 20 ثانية ، لان الهلالاب طفشوا الكورة للوسط دون تركيز فوجدت لاعب مريخي اعاده هجمة مرة اخري ...

لماذا لم يستفد الهلال (في الشوط الاول) والمريخ في الشوط الثاني من التسديد من خارج خط 18 ، فدفع الهواء يعطي الكورة قوة ، وما علي اللاعب الا ان يركز التصويبة .. كمأ ان تعامل لاعبي الفريقين مع الهواء كان غبيا ، فشوط الكورة من الدفاع للهجوم ، ليس الحل ، بل الحل هو لعب كورة ممرحلة وبسرعة ،لكن الكور العالية ما بتفيد ..

رغم ان هيثم مصطفي احرز الهدف الا انني اعتقد ان اعتزال هيثم هو من فائدة الهلال ، فهيثم هو من يجعل كرة الهلال بطيئة جدا ...

اعجبني لاعب الهلال البرازيلي حركته وازعاجه ، وصنعه للهدف ، ،وبالمناسبة هل لاحظت كيف تعامل بكل هدوء مع الكرة ، وكيف مرر الباص لهيثم ، وبعد الهدف باقل من خمسة دقايق هناك كرة قريبة الشبه منها ، لعبها مساوي ، ورغم ان البرازيلي كان في خانة كويسة لكن مساوي عكسها دون ان ينظر ....

الهواء والكاميرا البعيدة بوظوا استمتاعنا بالكورة ، ندمت جدا انني فوت فيلم في السينما .......

وارقو.......................................... حليل الدولارات ،

بالمناسبة كلتشي يشبه المريخ اكثر من الهلال ، فطريقة لعب المريخ تناسبه اكثر ، هذا ما شعرت به اليوم


سؤال اخير ، ليه اولادنا دائما بجيبوا فينا الاقوان ؟؟؟؟

يا شفت هاردلك
الشاهد ان الرشاشات ديل مرزقين و بس
كروجر لازم الناس تصبر عليهو
و انا لو مكان الرشاشات ديل ما كان فتحت خشمي لانهم ما عملوا حاجة
حتى القون بتاعم ملحة
الجدير بالذكر انو المريخ في امس الحوجة لحارس مرمى , حافظ و زملاه حيجيبوا اجلو