Post: #1
Title: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:10 PM
Parent: #0
يلادة ما بعدها بلاده
|
Post: #2
Title: Re: الان فقد تمكنت الانقاذ .... معارضين اغبياء
Author: ABUHUSSEIN
Date: 03-05-2009, 01:11 PM
Parent: #1
وليد سلام
حكومة بتحكم 20 سنة و ليها معارضين دي معناها شنو ؟؟؟
معارضة وهـم بـس
|
Post: #4
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:14 PM
Parent: #2
ديل الوهم بذاته
يا ابو حســــين
الانقاذ كانت قربت تنتهي
الان الانقاذ وبدون مغالطة تمتلك اكبر جماهير
كله بسبب البلاده
|
Post: #3
Title: Re: الان فقد تمكنت الانقاذ .... معارضين اغبياء
Author: عثمان محمد كرار
Date: 03-05-2009, 01:13 PM
Parent: #1
والله كلامك صاح ياود المبارك .....بلاده مركبه وغباء مستفحل ...انشاء الله بعد دا كلو يكونو قبضو مايكونو طلعو بيش ...خدمه كبيره للانقاذ
|
Post: #6
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:22 PM
Parent: #3
| Quote: والله كلامك صاح ياود المبارك .....بلاده مركبه وغباء مستفحل ...انشاء الله بعد دا كلو يكونو قبضو مايكونو طلعو بيش ...خدمه كبيره للانقاذ |
يا زول والله بعد ده البشير ده الا يمرقو الله
معارضة بيض وغبية
اما دارفور
فليها الله بعد ده
حقيقي ربنا يكون في عون اهل دارفور
|
Post: #7
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:33 PM
Parent: #6
| Quote: بـكــل أســــــف...... |
يالشايقي
فعلا بكل اسف
واحد من الاتنين بعد ده
يا تحكم الانقاذ الى ما ربك يهون
او البلد تبقى زي العراق والصومال
مافي حل تالت
وفي حالة الحل التاني
ربك يعين دارفور
لانه غضب الانقاذ كله حا ينصب عليها
|
Post: #8
Title: Re: الان فقد تمكنت الانقاذ .... معارضين اغبياء
Author: وليد شريف
Date: 03-05-2009, 01:34 PM
Parent: #6
فعلاً معارضة وهم وبيش وارزقجية
هسة نحن عندنا بلد بنتشاكل فيهو
برانا بعد شوية البلد البنشاكل
فيه ده ذاتو حايكون مافي معارضة
بيييييييييييييض ساكت وغبية .
|
Post: #9
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:38 PM
Parent: #8
Quote: فعلاً معارضة وهم وبيش وارزقجية
هسة نحن عندنا بلد بنتشاكل فيهو
برانا بعد شوية البلد البنشاكل
فيه ده ذاتو حايكون مافي معارضة
بيييييييييييييض ساكت وغبية . |
المعارضة قالت يا فيها ولا افسيها
وضح انه البلد دي ما فيها زول نصيح بتاتا
لا حكومة
ولا معارضة
|
Post: #10
Title: Re: الان فقد تمكنت الانقاذ .... معارضين اغبياء
Author: ABUHUSSEIN
Date: 03-05-2009, 01:43 PM
Parent: #9
Quote: وضح انه البلد دي ما فيها زول نصيح بتاتا
لا حكومة
ولا معارضة |
و الله يا وليد النصيحين في .... لكن لافي الحكومة و لا في المعارضة
النصيحين شافو عمايل الحكومة و المعارضة علشان كدا بعدوا عنهم الإثنين
|
Post: #11
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:46 PM
Parent: #10
| Quote: و الله يا وليد النصيحين في .... لكن لافي الحكومة و لا في المعارضة |
Quote: النصيحين شافو عمايل الحكومة و المعارضة علشان كدا بعدوا عنهم الإثنين
|
ده اكبر دليل يا ابو حسين انو البلد ما فيها نصيح
في زول نصيح بخلي البلد يلعبوا بيها الاغبياء ديل كده
كل من تنحى وترك الحبل على القارب هو مسئول مثله مثل من اغرقه
لا استثنى احدا
مبوك للانقاذ حكم السودان 50 سنة جاية
|
Post: #12
Title: Re: الان فقد تمكنت الانقاذ .... معارضين اغبياء
Author: عبدالوهاب علي الحاج
Date: 03-05-2009, 01:47 PM
Parent: #9
Quote: لا حكومة
ولا معارضة |
قلنا الكلام دا قبل كدا ياوليد
قالو انتو امنجية والامنجية الله بيعلم بيهم
وشوف البدائل للحكومة منو وشوف الطارح نفسه للرئاسة منو بالكاد يصلح كاراجوز في احدى رياض الاطفال
وليد انا اصاب بالغثيان من طرح المعارضة دي .
|
Post: #13
Title: Re: الان فقد تمكنت الانقاذ .... معارضين اغبياء
Author: محمد فرح
Date: 03-05-2009, 01:52 PM
Parent: #12
بالجد الإجماع اللي حصل عليهو البشير لم يكن إطلاقاً ليدركه ولو سخر كل الإعلام الداخلي والخارجي لخدمته لمدة 100 عام .
ماحدث كان خير دعاية إنتخابيه للبشير الذي بدون شك سيكتسح الإنتخابات القادمه
|
Post: #15
Title: Re: الان فقد تمكنت الانقاذ .... معارضين اغبياء
Author: العوض المسلمي
Date: 03-05-2009, 01:56 PM
Parent: #13
وليد يا عزيزي اما معارضه فنادق او معارضة كيبورد ,,,
اما في ارض الواقع فلا تجد الا الابواق ذات الصوت المرتفع ,,,
|
Post: #100
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:00 PM
Parent: #15
Quote: وليد يا عزيزي اما معارضه فنادق او معارضة كيبورد ,,,
اما في ارض الواقع فلا تجد الا الابواق ذات الصوت المرتفع ,,, |
يالمسلمي معليش مداخلتك شفتها متأخر
لينا الله نحن من المترفين
|
Post: #16
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:57 PM
Parent: #13
Quote: بالجد الإجماع اللي حصل عليهو البشير لم يكن إطلاقاً ليدركه ولو سخر كل الإعلام الداخلي والخارجي لخدمته لمدة 100 عام .
ماحدث كان خير دعاية إنتخابيه للبشير الذي بدون شك سيكتسح الإنتخابات القادمه |
ولا حتى ان بحلم بيه
|
Post: #14
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 01:54 PM
Parent: #12
Quote: قلنا الكلام دا قبل كدا ياوليد
قالو انتو امنجية والامنجية الله بيعلم بيهم
وشوف البدائل للحكومة منو وشوف الطارح نفسه للرئاسة منو بالكاد يصلح كاراجوز في احدى رياض الاطفال
وليد انا اصاب بالغثيان من طرح المعارضة دي . |
يا عبد الوهاب هي ما كيميا
هي بسيطة جدا
الحكومة حاكمة بلد وهو اكتر مكان ممكن تامنه
زمان لو كان في سبيل الى تحول دمقراطي كان ممكن يكون
لكن بعد ما اصبح واضح انه الحكومة مصيرها خارجيا معروف
لن تفرط في حكم السودان الا بالدم والدم الكثف كمان
اها معارضين الفنادق ديل
ما عندهم مشكلة
كل زول فيهم قاعد في بلدا طيرا عجم
ماسك الكيبورد
وبعارض
جاطت ما جاطت
ما عنده مشكلة طالما انه بعيد
الانقاذ تمكن لها حكم السودان الان تماما
وستضرب بعنف منه وجاي كل من يحاول المساس بحكمها او حتى يلمح مجرد تلميح
لانه حمها اصبح بالنسبة لها اكبر من اشباع رغبة سطلة
حكمها اصبح الضامن الوحيد لحياة افرادها
شوفت كيف !
افرداها وليس كيانها
يعني كل زول بعد ده بحارب عشان نفسه
خاصة وانه قضية دارفور لحدي هسع ما معروفة ضد نظام ولا ضد عرق
|
Post: #24
Title: Re: الان فقد تمكنت الانقاذ .... معارضين اغبياء
Author: Mariam Osman
Date: 03-05-2009, 02:12 PM
Parent: #14
Salaam, sorry I don’t have an Arabic keyboard, which is why I am writing in English.
A question: what do you mean by opposition? The opposition parties in Sudan or the armed Darfurian movements/fractions?
It would probably be more objective if you differentiated between the two for the sake of the argument.
Stay well.
|
Post: #17
Title: Re: الان فقد تمكنت الانقاذ .... معارضين اغبياء
Author: Shamael Elnoor
Date: 03-05-2009, 01:57 PM
Parent: #9
نحن في مفترق طرق ، ومازالت الحكومة تتعامل مع القرار بسطحية شبه متعمدة
وليد ، وينكـ ياخ
|
Post: #18
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:01 PM
Parent: #17
| Quote: نحن في مفترق طرق ، ومازالت الحكومة تتعامل مع القرار بسطحية شبه متعمدة |
ابدا يا شامل
ما سطحية ولا يحزنون
الحكومة ذكية للحد البعيد
وعرفت كيف تستفيد من بلادة المعارضين
الان جميع الاستحقاقات سقطت
يعني حا يحصل شنو اكتر من محاصرة رئيس
استحقاق الانتخابات في خبر الله
استحقاق تقرير المصير في خبر الله ( الله الا اذا اتفقت الحركة الشعبية مع المؤتمر الوطني ما عندنا معاكم شغلة انو بي بلدكم ونحن بي بلدنا )
استحقاقات حقوق الانسان التحسنة شوية في خبر الله ( وبكره بتسمعي وستعاد سيرة الانقاذ سنة 1993 )
استحقاقات سلام دارفور في خبر الله
والبداية طرد 10 منظمات
وريني البقدر يقو بغم منو ؟
____________________
والله يا شامل ممغوس ومقهور من بلاده ولاتنا حكومة ومعارضة
|
Post: #19
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:04 PM
Parent: #18
انت يا وليد المقلوب
كدي ورينا كنت بتسوي في شنو (على سبيل المعارض الذكية)
وقامو جو الأغبياء ديل وخربو ليك كل حاجة ...!!!!!!!!!
وكان ما بتقدر تقولها هنا رسل مسج
|
Post: #20
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:05 PM
Parent: #19
Quote: انت يا وليد المقلوب
كدي ورينا كنت بتسوي في شنو (على سبيل المعارض الذكية)
وقامو جو الأغبياء ديل وخربو ليك كل حاجة ...!!!!!!!!!
وكان ما بتقدر تقولها هنا رسل مسج |
بااااااااااااااص
|
Post: #21
Title: Re: الان فقد تمكنت الانقاذ .... معارضين اغبياء
Author: Salahaldeen Nadir
Date: 03-05-2009, 02:06 PM
Parent: #18
| Quote: والله يا شامل ممغوس ومقهور من بلاده ولاتنا حكومة ومعارضة |
تعالي بالله أنا راقد في جناح القرحة
!
|
Post: #22
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:07 PM
Parent: #21
Quote: تعالي بالله أنا راقد في جناح القرحة
! |
القرحة بجيبها ليك زي العبيط الفوق ده
|
Post: #23
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:11 PM
Parent: #22
والله يا وليد انا جادي
انا ما منتمي لاي معارضة
ورينا خطوات عملية لمدة 20 سنة كنت بتعارض الانقاذ كيف
ويمكن الواحد يعمل زيكم ويستفيد ، ما تتحسس من السوال
غايتو كان ياهو زي باصك ده يبقى انتم سواء
|
Post: #25
Title: Re: الان فقد تمكنت الانقاذ .... معارضين اغبياء
Author: Mariam Osman
Date: 03-05-2009, 02:18 PM
Parent: #23
Salaam, sorry I don’t have an Arabic keyboard, which is why I am writing in English.
A question: what do you mean by opposition? The opposition parties in Sudan or the armed Darfurian movements/fractions?
It would probably be more objective if you differentiated between the two for the sake of the argument.
Stay well.
|
Post: #26
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:19 PM
Parent: #23
Quote: والله يا وليد انا جادي
انا ما منتمي لاي معارضة
ورينا خطوات عملية لمدة 20 سنة كنت بتعارض الانقاذ كيف
ويمكن الواحد يعمل زيكم ويستفيد ، ما تتحسس من السوال
غايتو كان ياهو زي باصك ده يبقى انتم سواء |
بعدم ترك الوطن لهم يمرحون فيه
موظف شبكو في وزارة حكومية
اخر مضايقة ابعادي من دراسات عليا استحقها مع انهم اعو الفرصة لمن تعين بعدي بخمس سنوات
وما حا اخيها الوزارة عشان ما حقت زول
بقول رائي بوضوح وصراحة وبدون لولوه
النتيجة حراسة اكتر من مره
ومحكمة شغالة هسع في قضيتين واحده مطالبين فيها تعوض مليار
بعدم الهروب الى الخارج
السنة الفاتت بس كنت في لندن مرتين ما قضيت فيهم اكثر من 14 يوم
الفرصة كانت متاحة اكب الكبة حقتي واقعد هناك وابرم شعري واعمل حلق
خاصة واني كنت شايل معاي الاستدعاء في قضية ضد جهة اعتبارية
لو ارزتها ساكت بدوني لجوء
بالتمنية وتقديم وافر مجهودي لبلدي مع معارضة اخطاء النظام
ما معارضة النظام في حد ذاته
عارف ليه
لان في الافق مافي بديل مقنع حتى الان
بالعمل في منظمات المجتمع المدني وكتااااااااااااااااااااار هن
وتوجيه مجهودنا لصالح البد مباشرة
او لصالح المواطنين الغلابة برضو مباشرة
كفاك ولا ازيدك
وبعد ده حقو تشيليني من راسك
|
Post: #27
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:27 PM
Parent: #26
Quote: Salaam, sorry I don’t have an Arabic keyboard, which is why I am writing in English.
A question: what do you mean by opposition? The opposition parties in Sudan or the armed Darfurian movements/fractions?
It would probably be more objective if you differentiated between the two for the sake of the argument.
Stay well |
مرحب اخوي وعزك معاك
اعنيها كلها بمن فيها
ان لا اقول ان نتخلى عن محاسبة من اجرم
لكن ما بي البلاده دي
الاخطاء في دارفور كانت ما بين 2002 - 2005
يعني من 2005 وحتى الان مافي شي كتير
وكانت الحكومة مضغوطة في اتجاه انها تتنازل
وكانت ماشة في ضعف
خليها تتنازل
وتضعف
وشيل حقوقك
حتين بعد داك طالب العقاب
وكت تكون في وضح بخول ليك كده
اها هسع الحكومة حا تكنكش في البلد
وجميع الاستحقاقات ضاعت بسبب الرعونة دي
ولو تحرك العام باتجاه انه يفرض قراره ده بالقوه
عينك ما تشوف الا النور
ينصب سخط المؤتمر الوطني تجاه من تريدون حماتهم
كده وقع ليك كلامي
|
Post: #28
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:28 PM
Parent: #26
وليد شوية شوية كدي ، وما تعتبر اغترابنا ده هروب
وانضمام للمعارضة البليدة لانو كل زول بي ظروفو..
والأشياء الكتبتها انت دي انا شايفها مطالبة بحقوق
شخصية وأقرب لي ظروف انت ماري بيها ، لكن لسه انا
ما التمست حاجة بتوري انكم انت وكمان معاك عبد الوهاب
ده كنتو بتعملو على اسقاط الحكومة ، وشايفك زكرت عن
أخطاء النظام ..
دقيقة ما عارف ليه جايني احساس كده انت ((شعبي)) ياريت توضح لي الحتة دي
|
Post: #29
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:29 PM
Parent: #28
| Quote: دقيقة ما عارف ليه جايني احساس كده انت ((شعبي)) ياريت توضح لي الحتة دي |
تستاهل الباص ولا ما بتستاهلا
|
Post: #30
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:31 PM
Parent: #28
Quote: بالعمل في منظمات المجتمع المدني وكتااااااااااااااااااااار هن
وتوجيه مجهودنا لصالح البد مباشرة
او لصالح المواطنين الغلابة برضو مباشرة |
دي مالك عميت منها
Quote: لكن لسه انا
ما التمست حاجة بتوري انكم انت وكمان معاك عبد الوهاب
ده كنتو بتعملو على اسقاط الحكومة |
والقال ليك منو انا ساعي لاسقاط الحكومة؟
عشان يجي منو بدلا ؟
الى ان يظهر البديل المفيد
اولوياتي الشخصية محاربة اخطاء الحكومة بغرض تقويمها
موش السعي لاسقاطها
حتى لو كان المحاربة دي في اموري الشخصية
ا
|
Post: #31
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:33 PM
Parent: #30
Quote: والقال ليك منو انا ساعي لاسقاط الحكومة؟
عشان يجي منو بدلا ؟
الى ان يظهر البديل المفيد
اولوياتي الشخصية محاربة اخطاء الحكومة بغرض تقويمها
موش السعي لاسقاطها
حتى لو كان المحاربة دي في اموري الشخصية
|
كلام جميل وخليني اقرا الاول داك كويس وبجيك هسه ده
|
Post: #32
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:33 PM
Parent: #30
| Quote: ومحكمة شغالة هسع في قضيتين واحده مطالبين فيها تعوض مليار |
وي ليه طنشتها
اها بعد ده يا ليون
بتستاهل الباص ولا ما بتستاهلو
|
Post: #36
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:42 PM
Parent: #32
| Quote: بعدم ترك الوطن لهم يمرحون فيه |
بالاول اكد لي الحتة دي انهم سارحين ومارحين وماكلين
وهل الكلام ده كان من 89 ولا من التاريخ بتاع 93
الما عارف سبب ذكرو هنا (ممكن تدينا فكرة عنو )
Quote: لان في الافق مافي بديل مقنع حتى الان
|
برضو ورينا تاني انت حاسب من متين انو ما في بديل مقنع
يعني الاحزاب القبل الانقاذ (وعايزين يعملو ليها مسرحية انتخابات تانية)
ديكي كانت مقنعة ولا لا
مع العلم اني ما شايف انو المعارضة التي وصفتها انت بالأغبياء (مع التحفظ)
ما شغالة اوكي ، لكن يا وليد انا شايف كل كلامك ده لغاية هسه عبارة عن
مناتلة للحكم في سبيل انتزاع حقوق شخصية ، وانت حتى لو كنت مع النظام
اكيد بتكون بتقاتل من اجل قرض اكبر او قروش اكتر ، انت يا وليد ما معارضة الظاهر
لكن باصك اصلو ما بخليهو (انا احساسي زاد زيادة)
|
Post: #37
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:49 PM
Parent: #36
وماله انتزاع الحقوق الشخصية
عيبو لي ؟
المشكلة بتصرفات المعرضة الغبية
حتى حقوقي الشخصية بعد ده ما حا اقدر انتزعها
والمشكلة انو المعارضة سبب الاشكال بعيده كل البعد من نتائج ما فعلت
نحن من سننكوي بي النتائج دي
يا حبيبنا انا هنا ما مقدم نفسي كحزب او رئيس حزب او بطل قومي
انا بتكلم عن حقوق الشخصية الانت معترض عليها دي
وما بعرف غيرها ولا عاوز اعرف غيرها
حقي ولا ما حقي ؟
كنت بعرف اقالع واجيبها
وبرعونة المعارضة
ساكون انا والناس المواطنين الساااااااااااكت الما ابطال زيكم كده متضررين
اما انت والابطال الهاميهم (الكل) ما ( شخصيا )
فلن تتضرروا
ولا حا تجيكم الحبة
Quote: بالاول اكد لي الحتة دي انهم سارحين ومارحين وماكلين
وهل الكلام ده كان من 89 ولا من التاريخ بتاع 93
الما عارف سبب ذكرو هنا (ممكن تدينا فكرة عنو ) |
ساكت كده
نقرة بتاعت بورد
ونسة خرمجة
المهم في السنة دي انا بقيت مسئول بالقانون يعني ما قاصر
|
Post: #34
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:34 PM
Parent: #30
Quote: وليد شوية شوية كدي ، وما تعتبر اغترابنا ده هروب
وانضمام للمعارضة البليدة لانو كل زول بي ظروفو.. |
بظروفك تبقى قدر ظروفك
وما تهب لينا نار انت ما بتحرق ولا بضوق شوشوتها
تعال معانا هنا
وشوف لو في زول قال ليك بغم
لكن تهبها من على البعد عشان نتشوي نحن
ده يسموه شنو ؟
|
Post: #33
Title: Re: الان فقد تمكنت الانقاذ .... معارضين اغبياء
Author: ابراهيم قناوي
Date: 03-05-2009, 02:34 PM
Parent: #26
وليد
تحياتي
والله انا يادوب عرفت انت خاتي صورتك بالمقلوب ليه؟؟
لأنو المعارضة للأسف شغالة بالمقلوب
يعني كل خطواتها تصب في صالح الحكومة
وعشان الواحد يفهم المعارضة صاح
لازم يتقلب ويعاين
صح لسانك وانا معاك في كل الكلام الفوق ده
ولو صبرت المعارضة حتى الانتخابات القادمة
كان في امل يفوز واحد غير البشير
لكن بعد كدة والله اوكامبو ذاتو
لو ادوهو جنسية سودانية
حيصوت للبشير
____________________________
حماقة المعارضة تضحك الثكلى
|
Post: #35
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:37 PM
Parent: #33
| Quote: حماقة المعارضة تضحك الثكلى |
بل هي بلاده يا ابراهيم
الاحمق يتصرف ببلاده في اوقات معينة وظروف نفسية معينة
البليد بليد طوالي
لينا الله نحن
|
Post: #38
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:50 PM
Parent: #35
بعد ده يا صلاح
ممكن اسالك انا
وتركز وتجاوبني بوضح زي ما جاوبتك انا
|
Post: #39
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 02:54 PM
Parent: #38
Quote: بعد ده يا صلاح
ممكن اسالك انا
وتركز وتجاوبني بوضح زي ما جاوبتك انا |
بجاوبك لكن انا عندي مداخلة فوق كاملة انت الظاهر ما شفتها
ارجع ليها وانا قاااااعد يا زول ووالله معاك ولو لقيتها معارضة
تمام كده الواحد يفكر يعارض (لكن لسه ما نفيت لي حكاية موتمر شعبي دي)
|
Post: #41
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 02:57 PM
Parent: #39
مداخلتك الما شفتها ياتها
خت لي اللنك بتاعها
ولا انسخها تاني ف اخر البوست
| Quote: (لكن لسه ما نفيت لي حكاية موتمر شعبي دي) |
بصراح ما عندي ليك غير الباااااااص
ورائي الصريح
المؤتمر الوطني هو النسخة المحسنة من الجبهة الاسلامية القابلة للتطويع
والؤتمر الشعبي هو اسواء ما فيها
|
Post: #40
Title: Re: الان فقد تمكنت الانقاذ .... معارضين اغبياء
Author: Salahaldeen Nadir
Date: 03-05-2009, 02:57 PM
Parent: #35
أسمع عفيتك من جيتي, شكلك تعبان شديد والعليك ما شوية (وش برئ)
بجيك انا, بس السستر تجيب الغداء.
!
|
Post: #42
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 03:01 PM
Parent: #40
Quote: بعدم ترك الوطن لهم يمرحون فيه
بالاول اكد لي الحتة دي انهم سارحين ومارحين وماكلين
وهل الكلام ده كان من 89 ولا من التاريخ بتاع 93
الما عارف سبب ذكرو هنا (ممكن تدينا فكرة عنو )
شغلتني عتالي لكن ما مشكلة انا المستفيد:
يلا هاك:
Quote: لان في الافق مافي بديل مقنع حتى الان
برضو ورينا تاني انت حاسب من متين انو ما في بديل مقنع
يعني الاحزاب القبل الانقاذ (وعايزين يعملو ليها مسرحية انتخابات تانية)
ديكي كانت مقنعة ولا لا
مع العلم اني ما شايف انو المعارضة التي وصفتها انت بالأغبياء (مع التحفظ)
ما شغالة اوكي ، لكن يا وليد انا شايف كل كلامك ده لغاية هسه عبارة عن
مناتلة للحكم في سبيل انتزاع حقوق شخصية ، وانت حتى لو كنت مع النظام
اكيد بتكون بتقاتل من اجل قرض اكبر او قروش اكتر ، انت يا وليد ما معارضة الظاهر
لكن باصك اصلو ما بخليهو (انا احساسي زاد زيادة)
|
Post: #43
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:01 PM
Parent: #40
Quote: أسمع عفيتك من جيتي, شكلك تعبان شديد والعليك ما شوية (وش برئ)
بجيك انا, بس السستر تجيب الغداء. |
يا معلم كان بي براءة او بدونها
ما فرقت كتير
فقد تساوى عندي الجميع
ولا اثق في احد
|
Post: #44
Title: Re: الان فقد تمكنت الانقاذ .... معارضين اغبياء
Author: حاتم هاشم
Date: 03-05-2009, 03:03 PM
Parent: #43
بسم الله الرحمن الرحيم
السلام عليكم ورحمة الله تعالي وبركاته ...
وليد ..حياك الله .
في فرق بين معارضة النظام ومعارضة الوطن ؟؟
فللاسف في ناس مايتعرف الفرق
فرغم اختلافنا مع الرئيس اوحكومته
فسيادة السودان شئ اخر ...
فبعد هاذا للقرار الشعب السوداني
خلف الرئيس ولن يركع للاستعمار الاجنبي
الامريكان والصهاينه يرفضون ان يحاكم
جندي لهم خارج بلادهم .. ويريدوهم الرئيس
السوداني ليحاكمونه ؟؟؟ يا للمهاذل .
الامريكان والمجتمع الاروبي عملو حصار
علي السودان لمده 15 سنه فنمت الدوله
وقوية شوكة الانقاذ !! (شكرا للمارضه الكبورديه)
فاذا عملو تاني حصار علي السودان فلديه
الصين وروسيا مرحبا بي 20 سنة تانيه للا نغاذ !!!!!!!
اللهم احفظ السودان ... ورد كيدهم في نحرهم .
العزه للسودان والمسلمين ... فلانامت اعين الجبناء .
ـ
أبوهاشم .
|
Post: #46
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:07 PM
Parent: #44
فعلا يا حاتم
الناس ما قادرة تفرق بين معارضة النظام ومعارضة الوطن
|
Post: #47
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:12 PM
Parent: #46
اها يا صلاح
ممكن اسال بعد ده ؟
|
Post: #48
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 03:15 PM
Parent: #46
| Quote: الناس ما قادرة تفرق بين معارضة النظام ومعارضة الوطن |
وليد انا ما عيبت ليك اخذ حقوقك ، لكن عايز اربطها بي انها معارضة
للنظام القائم ، وحتة 93 و 89 دي جد ما فهتمك فيها
ويعني يا وليد الانت ذكرتو وبتعمل فيهو ده معارضة للنظام القائم
طيب عايزك توريني ما هي مساؤي النظام الحالي ؟؟؟
وممكن تسال سؤالك ...
|
Post: #50
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:22 PM
Parent: #48
Quote: وليد انا ما عيبت ليك اخذ حقوقك ، لكن عايز اربطها بي انها معارضة
للنظام القائم ، وحتة 93 و 89 دي جد ما فهتمك فيها |
93 عمر 18 سنة
كده وقع ليك
| Quote: طيب عايزك توريني ما هي مساؤي النظام الحالي ؟؟؟ |
قبل 98 ولا بعد 98
|
Post: #51
Title: Re: الان فقد تمكنت الانقاذ .... معارضين اغبياء
Author: علاء الدين يوسف علي محمد
Date: 03-05-2009, 03:22 PM
Parent: #48
وليد القدامك دة يا ليون أفندي
لو كان عايز قروش أكتر زي ما قلتة كان زكّة الكورة دي بس و كان جاب حقو و زيادة
وليد من لعيبة كأس العالم شباب إيطاليا
لكن فضّل يشتغل و يكدح و يجتهد و يتعلم لأنو لقى الكورة بتديهو هسي لكن بتاخد منو بعدين
يبقى نتفق إنو ما زول قروش
طيب لو إتفقتة في دي
وليد كاتب بوست إسمو جيلي أنا ياريت يجيب اللنك بتاعو
البوست دة بيوثِّق كلامو البيقول فيهو من دخل البورد دة وهو لا كوز لا مؤتمر لا منظم لأي جهة و أنا بعرفو كويس لذلك بقول الكلام دة
وليد و جيلو كلو اللي منو أنا كافرين تماماً بالمعارضة الحالية و ما لها من ممارسات نراها اليوم ماثلة يخجل منها أي صعلوك
وليد يبحث عن خيارات أحسن من الإنقاذ ولا يجد
و لن يجد...
حالياً
|
Post: #53
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:30 PM
Parent: #51
تسلم يا علاء الدين
المشكلة يا ابو علوه يا جيل
نفس فهم الحكومة هو نفس فهم المعارضة
وهو
( الما معانا ضدنا )
عشان كده الله يكون في عونا
اتفضل يا صلاح ده الموضوع الزكره علاء الدين جيلي انا .. يحيا وحيدا .. يقاتل وحيدا .. ويموت وحيدا.. ...بعة في السنة الجديدة
الموضوع ده انفتح سنة 2004 يعني دارفور لسع ما اتفهمت مشكلتها
وجيت تاني فتحته سنة 2005 واللنك الفوق ده ليه
|
Post: #49
Title: Re: الان فقد تمكنت الانقاذ .... معارضين اغبياء
Author: خالد عبد الله محمود
Date: 03-05-2009, 03:16 PM
Parent: #44
للأسف يا وليد
للآن و لا الحكومة و لا مؤيديها و لا عمر البشير نفسو عرفو عدوهم الحقيقي ...
أنت جاي تشتم المعارضة و الحكومة بتطرد في منظمات الإغاثة و لا أحد يفكر أن الأمر لا علاقة له لا بالمعارضة و لا بمنظمات الإغاثة..
عدوكم الحقيقي يا وليد هو أوكامبو و محكمة الجنايات الدولية و بالتالي أي عدو خلاف كده بتحاربوه معناها بتحاربو طواحين الهواء ساكت ..
المعارضة دي بالأمس كانت ضعيفة ولا وجود لها ... الليلة بقت بالقوة التي فعلت كل هذا ؟؟؟؟؟؟
|
Post: #52
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:25 PM
Parent: #49
Quote: للأسف يا وليد
للآن و لا الحكومة و لا مؤيديها و لا عمر البشير نفسو عرفو عدوهم الحقيقي ...
أنت جاي تشتم المعارضة و الحكومة بتطرد في منظمات الإغاثة و لا أحد يفكر أن الأمر لا علاقة له لا بالمعارضة و لا بمنظمات الإغاثة..
عدوكم الحقيقي يا وليد هو أوكامبو و محكمة الجنايات الدولية و بالتالي أي عدو خلاف كده بتحاربوه معناها بتحاربو طواحين الهواء ساكت ..
المعارضة دي بالأمس كانت ضعيفة ولا وجود لها ... الليلة بقت بالقوة التي فعلت كل هذا ؟؟؟؟؟؟ |
يا خالد كلامك ده معارض نفسه
كدي اقراه تاني
كيف يعني تقول المشكلة اوكامبو واي زول خلاف اوكامبو محرابة طواحين هواء
وتاني تجي تقول لي المعارضة فعلت هذا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!
ركز يا حبيبنا
ما ممكن تناقض نفسك في مداخلة واحد
ياخ ناقض نفسك في مداخلتين منفصلتين
بالمناسبة انت بتتكلم معاي وكان الحكومة او احد منسوبيها
وما مشكلة
|
Post: #55
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:33 PM
Parent: #52
يا صلاح
دي مداخلت 2004
Quote: جيلي انا .. يحيا وحيدا .. يقاتل وحيدا .. ويموت وحيدا
الفرقه بين الدفعات زي عشره سنين .. نقول عشره ..
ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ ..
الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز
طيب نسوي شنو !!!؟؟؟؟؟
نعلم روحنا برانا
وما قصرنا علمنا روحنا قدر قدرتنا
وطبعا ما حا تطلبو مننا في الغابة دي انو نكون نماذج مستفحلة في الخير.. لانو ما حانقدر
ماهو يا اما تكون عزال وديع .. وبفترسوك
يا تكون ضبع متملق .. عشان تعيش على فتات المفترسين
يا تكون مع المفترسين .. وتاكل اي غزال قدامك وتخلي الضبع يتملقك وينظف ما تركته من وساخه
او تكون نصف مفترس ونصف وديع وغير متملق ... عشان تحافظ ليك على دائرة قدر مساحة جسدك .. مملكه خاصة بيك ما يدخلها لا مفترس ولا وديع .. حقتك براك .. يهاب منطقتك المفترسين لان الدخول في معارك معك يخرجهم بخسائر وان فازو
ده الشي اللقينا قدامنا
دي الخيارات اللقيناها
واخترنا الخيار الاخير
وعشان ما لقينا قدامنا زول يربينا ، انا ما قاصد التربيه الخام البتربيك ليها الاسرة ... الاسره بتذودك باساسيات التربية والاخلاق .. والشارع هو البفسرها وبوريك فنيات استخدامها...يعني كمثال .. بربوك بقولو ليك الكضب حرام ... لمن تمرق الشارع بتعرف انو الكضب ما كلو حرام .. في كضب مباح واحتمال تلقى فيه حسنات .
-أخرج مسلم في صحيحه عن أم كلثوم رضى الله عنها قالت: "ما سمعت رسول الله (ص) يرخص في شيء من الكذب إلا في ثلاث: الرجل يقول القول، يريد به الإصلاح (أي بين الناس)، والرجل يقول القول في الحرب، والرجل يحدث امرأته، والمرأة تحدث زوجها".-
يعني في كذب حلال ... وبحلك من مشاكل وبحل الدنيا كلها معاك ... اها دي ما بورونا ليها اهلنا.. بنعرفها من الناس القدامنا ... بنتعلمها من الشارع
والحمد لله .. والله عشان رحيم .. لحقنا بالانترنت .. عشان نتربي في البورتات .. وكت ما اتربينا في الشوارع ... وما قصرنا ... سكيناكم وكسناكم وفتشنا عنكم .. عشان نتعلم ونشيل منكم.... ونتحاور معاكم حسب الشي الاتعلمناه هنا وبرانا ...
لكن ....
لقيناكم رافضننا وما قبلانين بينا .... وما فاضين عشان تعلمونا .. بس فاضين عشان تنتقدونا ... زي ابوين ولدو ولد وخلو الشارع يربيه .. وبعد ما كبر جمعتهم به الظروف ... واتصرف الولد تصرف غير مقبول مع ابويه .. فما كان من الابوين الا ان نعتاه بقلت الادب ...
بالله شوف !!!!!
ما لازم يكون قليل ادب .. وكت انتو ابيتو تربوه وخليتوه للشارع يربه..
انا ما بتهم زول بالتقصير ... وما بطالب زول بالاجتهاد ..
انا عاوز بس تفهمونا
وتعرفو انو ده العندنا .. وسويناه برانا
وتقبولونا على علاتنا وكت ما ساهمتو في ازالت علاتنا دي
لحدي ما تعاد تربيتنا على اياديكم
وشكرا كتير
وليد
ــــــــــــــــــــــــــــــــــــــــــــ
اي مصطلحات او احصائيات مقطوعة من راسي .. ما لقيت لي زول يوريني منهجية انشاء المصطلحات والاحصائيات فخلقت لي فلسفة حقتي |
ودي مداخلة 2005
Quote: عودٌ على بدء
لا يزال نفس النمط.. ونفس اللهجة هي السائده .. في في البورد
اتهامات بالكوذنة شمال ويمين
ونجد العضوء في هذا البورد بنصب نفسه القاضي ، وهيئة الادعاء ، والمتحري ، والشاكي ،وحاجب المحكمة ، والجلاد ... وان كانت هناك طريقة لنصب نفسه المتهم ايضاً
بس بطل فلم هندي .. اي شي بسويهو براهو
نحنا البرالمة كيزان وطيب حانكون شنو
وكت لقينا بلد ما فيها الا الكيزان
التلفزيون عندو دقن
والازاعة عندها دقن
والجرايد عنها دقن
والشرطة عندها دقن
والقوات المسلحة عندها دقن
والادارة الاهلية عندها دقن
وبعد ده مفروض نطلع شنو
لمن استولو الكيزان على السلطه انا كان عمري 14 سنة و 9 شهور و 11 يوم .. يعني في نظر القانون السوداني ... حدث ... قاصر .. غير مسئول عن تصرفاتي .. خليك مسئول عن بلد عديل كده
اين كنتم انت حينما استولى الكيزان على السلطه ؟؟؟
هذا السؤال موجه الى كل من تخطي 18 سنة في عام 1989م شهر 6 يوم 30 .. اين كنتم لتدافعو عن الدمقراطية..
استولى الكيزان على الحكم بليل .. واين انتم يا رجال السودان ونسائه في ذلك الليل ...
وهل تترك الدمقراطية هكذا من دون حماية ؟؟؟؟
والحامي الله
انظروا الى البلدان الانتم بها ... وعايشين دمقراطيه جد جد ... دمقراطيه في الممارسة .. ودمقراطيه في الفهم ... هل دمقراطيتهم متروكه على عواهنها .. وحاميها الخالق
كلا
اعينهم يقظه .. واياديهم جاهزة للدفاع عنها في اي لحظة .. وان كانت هذه اللحظة بليل
ورغما عن ذلك لم نتكوزن ولن ....
لا اعتبر هذا الا اسقاط نفسي ...
خجل يعني
زول عاوز ليه شماعة يداري فيها تفريطه في الدمقراطيه التي كانت بين يديه..
ووكت غلبو يرجعها .. دور فينا نحنا .. الكيزان تربية الكيزان ..
انحنا لينا الله
لا فرطنا في الدمقراطية
ولا كنا في عمر بسمح لينا بالدفاع عنها
وان كانت مسئولية الدفاع تشملنا .. سنكون في اخر الصف .. بعد ما يسئل كل من هم امامنا في العمر وفي الفهم وفي العقل ...
تاني بقول ما تزهجو مننا
وما تزهجونا منكم
وعونا ، انصحونا ، انبونا ، لاكن ما تحكمو علينا بغلطكم انتم
صلحونا
وصلحو غلطاتكم فينا
والله يهون |
|
Post: #58
Title: Re: الان فقد تمكنت الانقاذ .... معارضين اغبياء
Author: خالد عبد الله محمود
Date: 03-05-2009, 03:40 PM
Parent: #52
أنت الما فهمتني يا وليد ..
بالأمس كان يقال لنا أن المعارضة ضعيفة و لا وجود لها و كل الشعب ملتف حول الرئيس ..
و اليوم بقولو لينا إنو المعارضة هي السبب في كل الحصل ..
أنا سؤالي وقت المعارضة ضعيفة وما عندها وجود كيف تكون هي السبب؟؟؟
بس ده سؤالي و أؤكد ليك للمرة الثانية إنو العدو الحقيقي هو أوكامبو و ليس للمعارضة أي دور فيما حدث ..
|
Post: #102
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:05 PM
Parent: #58
معليش يا خالد
Quote: أنت الما فهمتني يا وليد ..
بالأمس كان يقال لنا أن المعارضة ضعيفة و لا وجود لها و كل الشعب ملتف حول الرئيس ..
و اليوم بقولو لينا إنو المعارضة هي السبب في كل الحصل ..
أنا سؤالي وقت المعارضة ضعيفة وما عندها وجود كيف تكون هي السبب؟؟؟
بس ده سؤالي و أؤكد ليك للمرة الثانية إنو العدو الحقيقي هو أوكامبو و ليس للمعارضة أي دور فيما حدث .. |
البوست بقى جايط
وكما جونا دينق وبشاشا شتتو الكورة زياده
المعارضة ما قدرت تفعل هي في حد ذاتها
ما فعلته هي استعانتها بصديق
|
Post: #54
Title: Re: الان فقد تمكنت الانقاذ .... معارضين اغبياء
Author: عبدالكريم الامين احمد
Date: 03-05-2009, 03:32 PM
Parent: #49
سلام يا وليد
ويا وليد لمتين نقعد احنا المواطنين نتفرج في فيلم المعارضة والحكومة
وتتمكن الانقاذ بكل سيئاتها لانو المعارضة التي اتفق معاك تماما بانها تعاني من ازدواجية اشياء عديدة
سوي كانت المعارضة التي تجلس الان بالقرب من النظام في الخرطوم او معارضي دارفور المليون ونص حركة
لمتين الناس اولاد البلد الحقيقين واصحاب القلوب العامرة بحب كل ذرة من تراب السودان وشاربين من النيل
قيم الخير والتسامح ورفض الظلم علي كل المستويات من الحلة حتي الظلم العام في ادارة البلاد.......
السودان ده ماحق الجبهة لا حق المعارضين حتي يقدلو ويطلعو ميتين البلاد والعباد علي كيفهم
ضروري الناس توعي بحاجاتها طالما عارفة الخطاء وين والظلم وين والاجندة وين والاستهبال من كل الاطراف وين
ضروري الناس تحافظ علي حقوقها الاساسية كمواطنين يقولو للحرامي انت حرامي في عيونو وفرتق وما تستهبل علينا
ضروري يا وليد ما نخلي البلد للساسة والانتهازيين والنفعيين والناس تكابسهم في كل كرور من كراكير النزال
وتفضحهم والارض السودانية خصبة وستاتي ذات يوم من ينصف اهلها الكرام
وشي مقرف ومحبط ما يدور في الساحة السودانية اليوم من حب ذات وحب سلطة واستهبال للجماهير المغلوبة علي امرهاتارة باسم الدين ومرات باسم التهميش ومرات باسم الامة
|
Post: #56
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:37 PM
Parent: #54
المشكلة يا عبد الكريم
انو الشعب اتحرك من ذات نفسه مرتين قبل كده
قامت انسرقت ثورته واتقسمة حواشات ومناطق وشوارع
الشعب كفر بكل الساسة في السودان
عشان كده من زماااااااااااااااااااااااااااان بنقول غيروا لينا اشكال سنة 1968 دي
ما ساكت
عشان عارفين الشعب كفر بيها وقنع منها
سلمها ليها مرتين
النتيجة كانت شنو ؟
سلموها للعساكر تااااااااااااااااااااني
فكيف عاوز الشعب يمرق للمرة التالت
ولسع الشيوعيين سنة 2008 بنصبو نقد سكرتير ليهم
وحزب الام بخط في مؤتمره الكم كده ما عارف الصادق المهدي
حتى الحركات المسلحة في دارفور متهمة بالترابي
وتقول لي الشعب يتحرك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #57
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 03:38 PM
Parent: #54
Quote: وليد القدامك دة يا ليون أفندي
لو كان عايز قروش أكتر زي ما قلتة كان زكّة الكورة دي بس و كان جاب حقو و زيادة
وليد من لعيبة كأس العالم شباب إيطاليا
لكن فضّل يشتغل و يكدح و يجتهد و يتعلم لأنو لقى الكورة بتديهو هسي لكن بتاخد منو بعدين
يبقى نتفق إنو ما زول قروش |
علا من غير افندي وتريقة هسه كلامك ده البينفي انو وليد ما زاكي القروش
وخلا الكورة عشان ما بتديهو بعدييييين لي قدام ما بيثبت انو بتاع قروش
ونظرتو بعيدة ، ياخي جيت تكحلها عميتها كدي زح بعيد خليني معاهو انا
ماشي كويس ، يا وليد اسال سوالك وبعد شوية بجيك صادي
|
Post: #59
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:40 PM
Parent: #57
يا ليون
في مداخلتين فوق طلبهم علاء الين
واحده انكتب سنة 2004
والتانية سنة 2005
بتوريك انا شنو ؟
|
Post: #60
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-05-2009, 03:50 PM
Parent: #59
وليد
ليون
كيكي
انا في راي المشكله في جيل وهو جيلنا لمن جات الإنقاذ كانوا ناس كبار و عندهم مرارات مع تجربة الكيزان مع نميري
اغلبهم هاجروا من السودان وإنقطع تواصلهم مع الجيل الكبر اثناء فترة الإنقاذ دي عشرين سنه يعني الولدوهو مع مجئ الإنقاذ امكن يكون عضو هنا معانا
اها تجارب الاحزاب الاخرى في الحكم كانت مريره و فاشله الجيل الهسع ده ما بعتبرا بديل و ليهم الف حق
تبقى القصه كلها تصادم اجيال ومافي نقاط إلتقاء
|
Post: #63
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:57 PM
Parent: #60
مرحب ود اب كدوك
ما ده البنقول فيه من سنة 2004
Quote: الفرقه بين الدفعات زي عشره سنين .. نقول عشره ..
ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ ..
الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز
طيب نسوي شنو !!!؟؟؟؟؟ |
بتلقى الباقي مداخلتين او ثلاثة لي فوق في الموضوع ده نفسه
|
Post: #67
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-05-2009, 04:12 PM
Parent: #63
| Quote: ما ده البنقول فيه من سنة 2004 |
وليد
صدقني دي ازمة البورد ده
مرات تحس المتحاورين كل واحد في وادي
اها بعد داك إبقي حوار طرشان
|
Post: #104
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:10 PM
Parent: #67
Quote: وليد
صدقني دي ازمة البورد ده
مرات تحس المتحاورين كل واحد في وادي
اها بعد داك إبقي حوار طرشان |
صدقت يا ود اب كدوك
صدقت
|
Post: #61
Title: Re: الان فقد تمكنت الانقاذ .... معارضين اغبياء
Author: Abdelmuhsin Said
Date: 03-05-2009, 03:50 PM
Parent: #59
الناس ما قادرة تفرق بين معارضة النظام ومعارضة الوطن
|
Post: #62
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 03:51 PM
Parent: #59
سوالي الاول يا ليون
ليه انت اعتقدتني ( شعبي ) او منتمي للحكومة ؟
|
Post: #64
Title: Re: الان فقد تمكنت الانقاذ .... معارضين اغبياء
Author: Abdelmuhsin Said
Date: 03-05-2009, 03:57 PM
Parent: #62
| Quote: ليه انت اعتقدتني ( شعبي ) او منتمي للحكومة ؟ |
والكلام ده ما بطلع الى من واحد ما متابع البورد
|
Post: #66
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-05-2009, 04:07 PM
Parent: #64
حاليا ما في اي معارضه حقيقيه
الاحزاب كلها باعت القضيه و قبضة التمن
والان جالسين مع جلاد الامس في البرلمان
|
Post: #71
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:19 PM
Parent: #66
Quote: حاليا ما في اي معارضه حقيقيه
الاحزاب كلها باعت القضيه و قبضة التمن
والان جالسين مع جلاد الامس في البرلمان |
شفت كيف يا ود اب كدوك
والما جالسين مع جلاد الامس
جالسين مع جلاد اول امس ( المستعمرين )
|
Post: #69
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:18 PM
Parent: #64
مرحب عبد المحسن حبيبنا
| Quote: والكلام ده ما بطلع الى من واحد ما متابع البورد |
او زول شغال بعقلية الما معانا ضدنا
|
Post: #65
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 04:04 PM
Parent: #62
ديل سوالين لانو بينهم او منتمي للحكومة
الاول شعبي على حسب كتاباتك في المنبر
وانا حقيقة لم اطلع على البوستات المرفقة اعلاه وياهو قبل شوية عاينته ليها
التانية ، لم اقل انك منتمي للحكومة ولكنك غير معارض للحكومة يعني صلح صورتك
دي وكان علي شوية الحاجات المعا عاجباك في الحكومة دي ما مشكلة يازول اجر وعافية
اما لو انت بتعتقد انو الحكومة جائرة وظالمة وانت معارض لها فشكل كتاباتك مفترض تختلف
ويانادر ابوكدوك ابدا ما جيلنا يا نادر والواحد ما عايز يحكي من 88 في الجامعة
و 89 كيف عارضنا وفي تسعين وواحد وتسعين لما كنا مع لجنة عدالة الفرص الجامعية
الحصل علينا شنو (لاحظ يا وليد نحنا في الجامعة وزاكين حاجات ناس تانيين) وكمان
يا نادر في 92 سنة مقاطعة الامتحانات ..
يكفي يا وليد اننا اكلنا التذاكر ولمدة يوم كامل تلاتة وجبات في معتقلهم (تذاكر الاعاشة
لما الاكل بقى بي تذاكر زي حقت الكمساري ) ..
وياوليد عدل صورتك دي انت ماشي عديييل..
|
Post: #68
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:16 PM
Parent: #65
| Quote: الاول شعبي على حسب كتاباتك في المنبر |
اهو ده يا صلاح واحد من انواع غباء المعارضة القاصدها
كيف حسب كتاباتي اتنتجت اني شعبي ؟
فسر كلامك ده ؟
| Quote: (لاحظ يا وليد نحنا في الجامعة وزاكين حاجات ناس تانيين) |
تصدق انا كانت ساكي حاجات ناس تانين قبل ما ادخل الجامعة ما ترف قراية طلاب
حاجات اساسية يمكن تحدد حياة الانسان من عمها
| Quote: وياوليد عدل صورتك دي انت ماشي عديييل.. |
ده شي متأكد منو تماما يا صلاح
لكن الما ماشين عديل الحكومة والمعارضة
وقالب صورتي عشان اشوفهم هم عديل
جاوب لي سواليني عن اعتقداك اني شعبي
( حاول تخارج نفسك من الما معانا ضدنا )
|
Post: #77
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 04:29 PM
Parent: #68
| Quote: جاوب لي سواليني عن اعتقداك اني شعبي |
الغريبة انت بتجاوب بي نفسك (اعتقادك) وانا حاجيب ليك
كوتات تدل على كده مع اني ما بميل لي ارجع واشيل وكوبي
وبيست ، انا لما بديت معاك النقاش معتمد على مصداقيتك
وحتى البيجو زي ناس علا ديك غير ما يخربو الموضوع ما بيعملو شي
على العموم
هي اتهامك بالمؤتمر الشعبي ده كان عبارة عن نبذة وحاجة سيئة قول لي وانا طوالي بعتذر ليك
او كان انت معتبرو شرف انك لم تناله برضو قول لي وانا بعتذر ليك مرتين كمان
|
Post: #79
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:37 PM
Parent: #77
Quote: وانا حاجيب ليك
كوتات تدل على كده مع اني ما بميل لي ارجع واشيل وكوبي
وبيست ، انا لما بديت معاك النقاش معتمد على مصداقيتك
وحتى البيجو زي ناس علا ديك غير ما يخربو الموضوع ما بيعملو شي |
وانا في انتظارك
تجيب لي كوتات تخليك تستنتج اني ( شعبي )
خليك من علاء الدين او جاك الفاضلابي تحت
رايك فيه شنو ؟
Quote: هي اتهامك بالمؤتمر الشعبي ده كان عبارة عن نبذة وحاجة سيئة قول لي وانا طوالي بعتذر ليك
او كان انت معتبرو شرف انك لم تناله برضو قول لي وانا بعتذر ليك مرتين كمان |
تعتز لي عن اني ما شعبي لاني ما شعبي (وبس )
|
Post: #70
Title: Re: الان فقد تمكنت الانقاذ .... معارضين اغبياء
Author: Deng
Date: 03-05-2009, 04:19 PM
Parent: #65
كتبت مريم عثمان:
Quote: Salaam, sorry I don’t have an Arabic keyboard, which is why I am writing in English.
A question: what do you mean by opposition? The opposition parties in Sudan or the armed Darfurian movements/fractions?
It would probably be more objective if you differentiated between the two for the sake of the argument.
Stay well |
ثم رد عليها وليد المبارك:
Quote: مرحب اخوي وعزك معاك
اعنيها كلها بمن فيها
ان لا اقول ان نتخلى عن محاسبة من اجرم
لكن ما بي البلاده دي
الاخطاء في دارفور كانت ما بين 2002 - 2005
يعني من 2005 وحتى الان مافي شي كتير
وكانت الحكومة مضغوطة في اتجاه انها تتنازل
وكانت ماشة في ضعف
خليها تتنازل
وتضعف
وشيل حقوقك
حتين بعد داك طالب العقاب
وكت تكون في وضح بخول ليك كده
اها هسع الحكومة حا تكنكش في البلد
وجميع الاستحقاقات ضاعت بسبب الرعونة دي
ولو تحرك العام باتجاه انه يفرض قراره ده بالقوه
عينك ما تشوف الا النور
ينصب سخط المؤتمر الوطني تجاه من تريدون حماتهم
كده وقع ليك كلامي |
!!!!!!!!
دينق.
|
Post: #72
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:24 PM
Parent: #70
فالح شيل ورقة
|
Post: #73
Title: Re: الان فقد تمكنت الانقاذ .... معارضين اغبياء
Author: Deng
Date: 03-05-2009, 04:26 PM
Parent: #72
وفي النهاية كمان كاتب:
ياتوا كلام ده؟
دينق.
|
Post: #74
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:29 PM
Parent: #73
مافي ليك طريقة هنا امشي بجيك بهناك
|
Post: #78
Title: Re: الان فقد تمكنت الانقاذ .... معارضين اغبياء
Author: عبدالوهاب علي الحاج
Date: 03-05-2009, 04:33 PM
Parent: #73
دينق ياخي تخ
اخر ما توصلت ليهو يا امباشى داير تعمل فيها ذكي
ياخ قوم لف جاتك داهية
|
Post: #80
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:39 PM
Parent: #78
Quote: دينق ياخي تخ
اخر ما توصلت ليهو يا امباشى داير تعمل فيها ذكي
ياخ قوم لف جاتك داهية |
كيف ياخ
ما لاذم يوري الناس انو امريكي
|
Post: #82
Title: Re: الان فقد تمكنت الانقاذ .... معارضين اغبياء
Author: عبدالكريم الامين احمد
Date: 03-05-2009, 04:41 PM
Parent: #73
Quote: فكيف عاوز الشعب يمرق للمرة التالت
ولسع الشيوعيين سنة 2008 بنصبو نقد سكرتير ليهم
وحزب الام بخط في مؤتمره الكم كده ما عارف الصادق المهدي
حتى الحركات المسلحة في دارفور متهمة بالترابي
وتقول لي الشعب يتحرك
|
ياوليد الشعب يمرق ثالث ورابع وخامس
لحدي ما الحال ينعدل ويمشي دغري
وما ينتظر الشيوعين يجيبو زول شاب جذاب وفكر جديد او حزب الامة يجيب ود العمدة مثلا
نعم الاحزاب مفروض تطور اشيائها وتكون جديرة بالامانة الديمقراطية ومصالح الشعب واعتقد ايضا الايجابي الان
كلها قدمت نقذ زاااتي وقالت عاوزة ديمقراطية وعاجلا ام اجلا ستعي الدرس....
واصلاح الحال المايل والسلطة الظالمة زي الانقاذ ما دور المعارضة لوحدها بل كل سوداني امين من ذااته يجب ان يسعي الي ازالة هولا المجرمين وفضحهم بالحقائق الماثلة علي الارض وعدم تقديم الخطابات التي تدعم بقائها في السلطة ولا يوم..لانو في بقائهم نزيف وخراب ودمار وهم الاولي بالمقارعة والمنازلة والفضح طالما اتفقنا بانهم
كعبين ومغتصبي سلطة...
لو جات ديمقراطية وحتي بعد مليون سنة دون ارتفاع الوعي بها في كل مكونات المجتمع من احزاب ومواطنين ومجتمع مدني حنرجع تاني لمرحلة بشير تاني ومليون قتيل تاني...
لذا كل انتظار لوصايا او تخيل دور معارضي من حزب هو تعطيل واضافة لعمر جديد لهذه السلطة..
الاحزاب تدفر حسب قدرتها طالما بتدعي بانها دايرة ديمقراطية
والمواطن الاخر الواعي الفاهم الاشياء حوله عليه بالدفر وممارسة فضح الكيزان
وعندما تتكامل كل هذه الاشياء سنهزم الاحادية وسيكون لنا ديمقراطية محمية بوعي الشعب ومراقبته
عبر فرفرة الاحزاب دي...وده الطريق المفروض الناس تمشي فيهو
ليس لصالح هذا او ذاك
بل لصالح حقوق وحقوق وطنه
|
Post: #88
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:02 PM
Parent: #82
| Quote: بل لصالح حقوق وحقوق وطنه |
لو ما انتهت النخبة السياسية التي في الواجهة منذ 40 سنة
ده ما حا يحصل
ولا تعشم تلقى تاوب من الشعب
اوجه جديده او حتى احزاب جديده
والاهم من ده كله روئ وبرامج جديده وقيمة تتوافق مع بلد قدر دي
قبل ده كله
ولا تعشم في ثورة
ولو في ثورة صدقني حا تكون مع النظام القائم ضد ما يعتقده الشعب عدوان خارجي
|
Post: #75
Title: Re: الان فقد تمكنت الانقاذ .... معارضين اغبياء
Author: fadlabi
Date: 03-05-2009, 04:29 PM
Parent: #65
ليون وليد ده ما كوز
و لو كنت بختلف معاه في بعض أراءه
لكنه زول مجتهد في إنه يكون حقاني
و لد ضكران و أخو أخوان
ضايقوه الكيزان كتير من زمن الجامعة و للآن
آخر شي ممكن يبقاه إنه يكون كوز.. علاء الفوق ده كوز
ما يقعد يحاول يلم نفسه على وليد .. لأنه مافي شبه نهائي
|
Post: #86
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:53 PM
Parent: #75
مرحب فاضلابي
شكرا كتير على الكلام الجميل فوقي
لكن ما محتاجة تبرير
او انا ما شايف اني في موضع اتهام
الاتهام موجه لي ليوم مباشرة
ليه كل زول بتعارض معاكم كوز ؟
|
Post: #76
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-05-2009, 04:29 PM
Parent: #65
ليون
انا لم و لن انس تلك المرارات
لاني كنت جزء منها
زي م قلته ليك في تصادم اجيال
لازم نعرف نتعامل معاهو كيف
|
Post: #81
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 04:40 PM
Parent: #76
| Quote: اهو ده يا صلاح واحد من انواع غباء المعارضة القاصدها |
في الجهتين سريعا ما تنفعلوا
وكلمة غباء دي الله يسامحك عليها في الحتة دي لانها كانت مباشرة لي انا
وفي العنوان وده الشي الخلاني ادخل واناقشك كانت غير مباشرة ،،،
وده كلو عشان زعلان من حتة مؤتمر شعبي ما عارف ليه ما بتقدرو تقولو بكل صراحة
انا ما كوز ولا مؤتمر شعبي (نقطة)
هسه انا بقول ليك انا ما معارض والعنوان لم يشملني ولا مؤيد للمعارضة بالذات
الموجودة هنا في سودانيز اونلاين (نقطة) وانتهى الكلام..
بوستاتك قريت منها شوية بس نحنا كان عملنا ثورتين وضاعو ما معناته خلاص
انت تقعد وتنوح عليهم كده ما تعمل ليك ثورة تالتة خصوصا وانت القبل ما تكون
طالب بترعى مصالح زملائك ، ما ياهاهو انت شارب الثورة كويس طيب مالك ، اعدك صورتك
|
Post: #83
Title: Re: الان فقد تمكنت الانقاذ .... معارضين اغبياء
Author: Bashasha
Date: 03-05-2009, 04:44 PM
Parent: #81
ياسلام علي التذاكي!
بلحليل كتا ضد البشير، في يوم من الايام؟
ابدا!
بالنسبة لينا، بنقرا المشهد بي صورة مختلفة اختلاف جذري!
It's the last kick of a dying horse!0
بمعني اخر، لفخات الخروف او العجل، هي الاعنف والاقوي، عند الذبح، مباشرة، قبل خروج الروح!
ده معروف، والنظام انتهي تماما، بل الدويلة نفسها!
مافي عاقل، ساعة الجد، حيضحي بي حياتو، دفاعا عن نظام القتلة، علي الاطلاق!
كل طغاة العالم، مرو بالمرحلة دي، قبل اقتلاعم من الجذور!
الصراع حيتصاعد، بوتيرة اعلي، او بالتالي المشوار للميس حيقصر! النظام لايملك اي مقوم للبقاء علي الاطلاق، ومهما كان!
مقدرين مرارة الفرد العادي واحساسو بالمهانة، تجاه توقيف "راس الدولة" بواسطة قوي اجنبية، وهي سابقة في التاريخ القريب للعالم كلو، بالذات لي شعب اشتهر عبر تاريخو القديم بالتضامن الكامل امام اي خطر خارجي.
مستوعبين لهذا تماما، ولكن لاعاصم لنظام القتلة من السقوط المدوي علي الاطلاق!
|
Post: #87
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:56 PM
Parent: #83
Quote: ياسلام علي التذاكي!
بلحليل كتا ضد البشير، في يوم من الايام؟
ابدا! |
عباطك دي ما محلها ولا انت البتحدد منو كان ضد البشير ولا كان معاه
لمن تبقى راجل وتقعد للبشير في البلد دي عشان تعرف المعاه منو من الضده تعال صنف
نجيك لي باقي الكلام
Quote: بالنسبة لينا، بنقرا المشهد بي صورة مختلفة اختلاف جذري!
It's the last kick of a dying horse!0
بمعني اخر، لفخات الخروف او العجل، هي الاعنف والاقوي، عند الذبح، مباشرة، قبل خروج الروح!
ده معروف، والنظام انتهي تماما، بل الدويلة نفسها!
مافي عاقل، ساعة الجد، حيضحي بي حياتو، دفاعا عن نظام القتلة، علي الاطلاق!
كل طغاة العالم، مرو بالمرحلة دي، قبل اقتلاعم من الجذور!
الصراع حيتصاعد، بوتيرة اعلي، او بالتالي المشوار للميس حيقصر! النظام لايملك اي مقوم للبقاء علي الاطلاق، ومهما كان!
مقدرين مرارة الفرد العادي واحساسو بالمهانة، تجاه توقيف "راس الدولة" بواسطة قوي اجنبية، وهي سابقة في التاريخ القريب للعالم كلو، بالذات لي شعب اشتهر عبر تاريخو القديم بالتضامن الكامل امام اي خطر خارجي.
مستوعبين لهذا تماما، ولكن لاعاصم لنظام القتلة من السقوط المدوي علي الاطلاق! |
يا ريتك لو كنت راجل وبتقول كلامك ده من البرج نت كافي
لكن يافضيحة
بتقول كلامك ده وانت على بعد الف فرسخ
طيب لو اساسا سقوط النظام ده بالساهل كده
المخليج شارد منو شنو ؟
ما كان تقعد تسقطوابدل السكلبة البتسوي فيها دي
ولو سقوطه صعب ولاذم ضحايا
ما تجي ركز مع الضحايا وكت شايل ليك هبابة زي ست الشاي وبتهب في المنقد
|
Post: #84
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:48 PM
Parent: #81
Quote: وده كلو عشان زعلان من حتة مؤتمر شعبي ما عارف ليه ما بتقدرو تقولو بكل صراحة
انا ما كوز ولا مؤتمر شعبي (نقطة) |
ليه اقولها صراحة يا ليون ؟
ليه انت من الاول تقول لي كوز وشعبي ؟
ليه انت تفتكرني كده ؟
عشان ما في صفك معناتا في صف الحكومة ؟
او عشان قناعاتي اتفقت مع الحكومة في شي - مع انه كل واحد مننا منظوره مختلف - طوالي صنفتني منها ؟
ليه انا اقعد ابرر ليك ؟
Quote: هسه انا بقول ليك انا ما معارض والعنوان لم يشملني ولا مؤيد للمعارضة بالذات
الموجودة هنا في سودانيز اونلاين (نقطة) وانتهى الكلام.. |
اذا كنت فعلا ما عارضة كلامك الفات ده لزومه شنو ؟
ولو كنت معارضة
مافي وجهة شبه بيناتنا
انت بتتكم عن شي بتنتمي ليه
وانا نسبتني لي شي ما بنتمي ليه
وما عندك حق تنسبني لي شي انا ما منتمي ليه
Quote: بوستاتك قريت منها شوية بس نحنا كان عملنا ثورتين وضاعو ما معناته خلاص
انت تقعد وتنوح عليهم كده ما تعمل ليك ثورة تالتة خصوصا وانت القبل ما تكون
طالب بترعى مصالح زملائك ، ما ياهاهو انت شارب الثورة كويس طيب مالك ، اعدك صورتك |
هاهاهاهاهاهاهاهاهاهاهاهاها
ثورتين يا صلاح
ثورتين كاملات في ظرف 20 سنة
وما انوح
طيب انوح على شنو ؟
وانتو مديننا فرصة يا صلاح
ما لسع خاتين لينا ديناصوراتكم فوق راسنا
لو فرفرنا ضدكم وضد ديناصوراتكم
بتطلعونا شعبيين
ادونا فرقة وكت غلبتكم
|
Post: #85
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 04:51 PM
Parent: #84
Quote: وكلمة غباء دي الله يسامحك عليها في الحتة دي لانها كانت مباشرة لي انا
وفي العنوان وده الشي الخلاني ادخل واناقشك كانت غير مباشرة ،،، |
يا صلاح
متاسف
لكن ما عندك حق تنسبني لي اي جهة انا ما منتمي ليها
كوسة ولا كعبة
|
Post: #89
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 05:02 PM
Parent: #85
اوكي كمان متأسفين وخالصين
نرجع لي حتة البوست أعلاه
يعني خلينا من الرجوع إلى الوراء
انت اخذت كل المعارضين على جريرة انهم فرحو (فقط فرحو بصدور القرار)
يعني الاتهام بالغباء كان لفرحهم لانو ليس لدى احدهم يد في قرار اوكامبو
هل ما اقوله صح ام خطا
|
Post: #91
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:12 PM
Parent: #89
خطاء
كدي يا ليون براحة
نفرض انه الحكومة سايقة البلد لتفتيت وهي فعلا سايقاها لي كده
مفروض المعارضة تسوي شنو ؟
كلها بدون فرز
اذا كانت الحكومة مجانين اجبروا في لظة تجلي ضعف جنية منهم ساكت
وفرضو على نفسهم، فرضا عليهم المجتمع الدولي ، المعارضة ، استحقاقات مفروض لحدي 2013 تكون انتهت
نقوم نفرط في الاستحقاقات دي ونقول عاوزين الكيس كله
ولا نشيل ده وبعد نضمنه نقبل نشيل من الكيس تاني
يا صلاح ليون
حرب دارفور دي
بدايتها حرب بين الحكومة ضد الحكومة
شعبيين ضد وطنيين
وفجأة خليل ابراهيم بقى مناضل ؟
والمعارضة وراه
امال الغباء ده كيف
مشكلتنا يا صلاح في الشخصية السودانية
السياسي والمفكر والنظر السوداني
حساباته قايمة على الفترة الموجود هو فيها
وما عنده تفكير لي بعدها
لاذم المعارضة تستلم الحكم من الكيزان في حياة افرادها الحاليين
باي وسيلة كانت
حتى لو كانت الوسيلة دي هدم الدولة نفسها
مافي سياسي عندنا بنظر للمدى الطويل لو لبعد فترته
حاجة تتغطى العمر الزمني حقه
اخير قلها
والبلد يا ليون لا تقاس بعمر الافراد
وقع ليك كلامي
|
Post: #93
Title: Re: الان فقد تمكنت الانقاذ .... معارضين اغبياء
Author: عبدالكريم الامين احمد
Date: 03-05-2009, 05:18 PM
Parent: #89
Quote: ولا تعشم في ثورة
ولو في ثورة صدقني حا تكون مع النظام القائم ضد ما يعتقده الشعب عدوان خارجي |
لا يا وليد
لسع الدرب طويل واخضر طالما الناس ما منادين بشي سوي الحقوق الاساسية ووالحريةوالانعتاق من الظلم
والنظام ده لن يكون محور الكون السوداني وستفكك طال الزمن ام قصر قبضته
انظر الي ماهو عليها قبل سنوات والان..
والتفكك ده بالمناسبة بيحصل بالية قد تكون ليس ثورة او انتفاضة بل كل يوم جديد ووعي اكبر بالاشياء الديمقراطية بياكل في مساحات محبي الاحادية...
ولعلمك يا وليد في اواخر ايامات نميري وقبل خلعه الناس الكانت بتطلع في الشوارع اكثر بكثير من الطلعات الحصلت امس ولا الليلة دي وفي النهاية ذهب الي مزبلة التاريخ وسيذهب البشير ايضا ذات يوم من الايام ونظامه....
وقد يذهب وياتي طاغية غيره وهكذا ولكن في النهاية الخيارات الاصيلة والعادلة هي من تسود ولو بعد سنين طويلة
|
Post: #97
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:40 PM
Parent: #93
ده بحصل في حالة واحه يا عبد الكريم
يكون الفهم محاصرة النظام لا اسقاطة قبل الانتخابات
اي محاولة لاسقاطة قبل الانتخابات نتيجتها عكسية
الان الاحذاب لو تعي
فرصها اصبحت اكتر انها تشتغل سياسة
وياريت يعملوا كده
|
Post: #90
Title: Re: الان فقد تمكنت الانقاذ .... معارضين اغبياء
Author: عبد المنعم ابراهيم الحاج
Date: 03-05-2009, 05:10 PM
Parent: #76
| Quote: مبوك للانقاذ حكم السودان 50 سنة جاية |
50
years too many
it has to be
41
years
at all
|
Post: #92
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:13 PM
Parent: #90
Quote: 50
years too many
it has to be
41
years
at all |
ههاهاهاهاهاهاهاها
فيك الخير يا معلم
يفتح الله
|
Post: #94
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:23 PM
Parent: #92
عارف يا صلاح انا وصلت لي قناعة انه مافي انسان ذكي في الساسة السودانيين ديل
الا د. و قرنق
تفكيره كان بعيد وكان بفكر لتغير حقيقي للسودان وعلى المدى البعيد ما باني الحته دي بوجوده
وقد يوصل الحته دي في 21 يوم قضاها تنفيذي فاعل في حكومة للبلد كلها
ما افتكر انه قرنق كان فكرته اجتياح السودان اوحتى اسقاط الحكم القايم تحديدا كان نميري ولا الاحزاب ولا حتى الانقاذ
فكرته كانت مبنية على خلخلت الحكم ده لايجاد موضع قدم فيه ثم ليثت فكرته الناشدها
ولمن لقاها استغل لصالح ده صالح وطن وكانت النتيجة موته
لكن يا خسارة فهمنا الحته دي بعد ما فات
المهم انه قدر يبذر فهمه ده في الحركة شعبية لكن الحركة بعد موته قلصت فكرته لتشمل شعب الجنوب وحده
وده ما عيب لكن ما شي طموح للدرجة الكان مفتكرها قرنق
انا لو كنت في مكانهم كنت بسوي كده
الجنوب حا ينفصل
باعتبار انه الشمال الان تحديدا مشاكله كبيره
والجنوب ما عنده سبب يخليه يتحمل مشاكله دي معاه
لكن في حسابات غائبة على الفي الحركة الان
مشاكل الجنوب مع الجنوب فكرهم ليها شنو
عوما ده ما موضوعنا هسع
|
Post: #95
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 05:27 PM
Parent: #92
Quote: حرب دارفور دي
بدايتها حرب بين الحكومة ضد الحكومة
شعبيين ضد وطنيين
وفجأة خليل ابراهيم بقى مناضل ؟
والمعارضة وراه
امال الغباء ده كيف |
طيب ياوليد متفقين تماما إنو السبب ومنذ البداية الحكومة
ومن أسؤا إفرازات الحكومة خروج المعارضة من جعبتها ..
أها كده بقو علينا اتنين لا تلاتة حكومة وحكومة مسجونة وحكومة بقت معارضة
طيب لو اوكامبو جا وقال عايز يشيل واحد ، يبقى الناس تفرح ولا تحزن ..
وما تقول لي البلد والبلد ، ما بيحصل فيها اي حاجة ، ده شعب اطيب منو
مافي ياخي نميري ده ما كان الناس فاكره انها حتاكلو ني ، اهو قاعد زي
الماحصل شي ، الغاغا العاملينها الكيزان دي صدقني فورة ساكت وياهو
ده انتو عايشين كان البشير فات كان قعد ، كعب نحنا الفي الغربة ديل..
|
Post: #96
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:31 PM
Parent: #95
Quote: وما تقول لي البلد والبلد ، ما بيحصل فيها اي حاجة ، ده شعب اطيب منو
مافي ياخي نميري ده ما كان الناس فاكره انها حتاكلو ني ، اهو قاعد زي
الماحصل شي ، الغاغا العاملينها الكيزان دي صدقني فورة ساكت وياهو
ده انتو عايشين كان البشير فات كان قعد ، كعب نحنا الفي الغربة ديل.. |
يا ليون لو كانت بالبساطة دي
ما جيت لي امنا
اصبر وانت تشوف
|
Post: #98
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 05:51 PM
Parent: #96
Quote: أها كده بقو علينا اتنين لا تلاتة حكومة وحكومة مسجونة وحكومة بقت معارضة
طيب لو اوكامبو جا وقال عايز يشيل واحد ، يبقى الناس تفرح ولا تحزن .. |
يشيل شنو يا ليون ؟
وهل مشكلة الانقاذ في البشير ؟
|
Post: #99
Title: Re: الان فقد تمكنت الانقاذ .... معارضين اغبياء
Author: Deng
Date: 03-05-2009, 05:57 PM
Parent: #98
الامنجي العبيط عبد الوهاب.
بطل الهبالة والعوارة البتعمل فيها دي.
ما لايقة فيك ولا في سنك.
|
Post: #101
Title: Re: الان فقد تمكنت الانقاذ .... معارضين اغبياء
Author: عبدالوهاب علي الحاج
Date: 03-05-2009, 06:03 PM
Parent: #99
| Quote: بطل الهبالة والعوارة البتعمل فيها دي. |
انت زعلت يا امباشى
مالك مش عامل فيها ذكي
جاوب على السؤال دا:
الحرب التي انتصرت فيها مصر على اسرائيل سنة 73
كانت بين منو ومنو وسنة كم ؟
يلا يا ابو الزيك خش لينا بالاجابة
وكان جاوبت صاح الجائزة لاب توب جديد ووير لس كمان اها قصرت معاك
|
Post: #171
Title: Re: الان فقد تمكنت الانقاذ .... معارضين اغبياء
Author: Zakaria Joseph
Date: 03-10-2009, 08:31 PM
Parent: #101
Quote: يلا يا ابو الزيك خش لينا بالاجابة
وكان جاوبت صاح الجائزة لاب توب جديد ووير لس كمان اها قصرت معاك |
السيد عبدالوهاب,
هل هذا السؤال موجهة لشخصى?
|
Post: #103
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:05 PM
Parent: #99
يا دينق عليك الله امشي فك لينا عقدك دي بعيد
|
Post: #105
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 06:19 PM
Parent: #103
اوكي يا وليد في مداخلتك الفي الصفحة السابقة
ذكرته انو المشكلة بتاعة الانقاذ ما في البشير
وقبيل المحته لي حتة انو البلد حتبقى زي الصومال
والعراق لو البشير اتشال وهذا السيناريو الذي
يروج له الكثيرين هنا من اهل الحكم ومناصريه
وشايفك انت خايف وبتقول نحنا يدنا في الموية الباردة
(كما في معنى حديثك) انت رايك شنو وموقفك شنو لو اتشال
ياترى حتقيف وين !!
وده مع التأكيد تماما إنو الكلام ده ما حيحصل
|
Post: #106
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:24 PM
Parent: #105
ده بتوقف على يتشال كيف ؟
ممكن تشيله الانقاذ ذاتها وتبقى تبديل مواقع بس ونفس الحكم ؟
وارد جدا
ممكن يتشال من جوه بثورة ؟
وه بعيد نوعا ما
ممكن يتشال بي معرضة مسلحة ( العدل والمساواة ) وكوماج في الداخل ؟
احتما ضعيف لكن ممكن
ممكن يتشال بتدخل خارجي واجتياح زي العراق ؟
وارد جدا لكن داير ليه 5 سنوات على الاقل
ممكن ديل كلهم يعملوا كوكتيل
واقول ليك يا ليون بكل صراحة
ما عارف موقفي بالظبط وين
ده بتحدد على اللحظة المعينة في الوكت داك
لانو يا صلاح كان تصدق ولا ما تصدق
انا خالي الذهن سياسيا ولا منتمي لاي جهة
وكلهم كا عاجبني كان حكومة ولا معارضة
بشوف الموقفوا في مصلحة الوطن واميل على صايده حسب المعطيات
|
Post: #107
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-05-2009, 06:25 PM
Parent: #106
اهما حاجة يا ليون ما نبقى ي البصيرة ام حمد
نقطع الراس ( البشير راس الدولة )
ثم بعد ذلك نكسر الزير ( السودان )
|
Post: #108
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-05-2009, 06:48 PM
Parent: #107
Quote: نقطع الراس ( البشير راس الدولة )
ثم بعد ذلك نكسر الزير ( السودان ) |
البصيرة أم حمد دي انت اثبته انها غبية
وما عندها قدرة تعمل قدر ده ، خلينا نثبت
إنو الحيعمل العمايل ده كلها منو بالسودان
|
Post: #109
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-05-2009, 07:12 PM
Parent: #108
ازيك يا وليد ياخي ...
شايف مزاجك رايق قلنا نستغل الفرصة قبل ما يتعكر ....
الناس لما قالت ليك ميز بين المعارضة الانت بتتكلم عنها سواء كانت الحركات الدارفورية المسلحة مثلاً او الأحزاب القومية زي حزب الامة ... ما كان من فراغ لانو علي الاقل برغم وجودهم في المعارضة الا انهم وقفوا مع البشير ... يعني علي الاقل تدي الناس حقها ... مش تقول لي ... كلهم سوا و (اعنيها كلها بمن فيها ).
بعدين ياخي مصلحة الوطن أظن بتقتضي محاكمة المجرمين ...مش كدة
|
Post: #111
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 10:36 AM
Parent: #109
مرحب مرتضى
كيف احوالك ان شاء الله عافية
| Quote: بعدين ياخي مصلحة الوطن أظن بتقتضي محاكمة المجرمين ...مش كدة |
مافي اتنين تلاته يا مرتضى
مبدأ العقاب والثواب مبدأ رباني
حتى التعويض لا يكتمل الا بالاتنين
تعويض المتضرر ومعاقبة المتسبب في الضرر في اكثر الاحيان
والكلام ده ما عشان مصلحة وطن
الكلام دهعشان مصلحة الحياة بصورة عامة
Quote: شايف مزاجك رايق قلنا نستغل الفرصة قبل ما يتعكر ....
الناس لما قالت ليك ميز بين المعارضة الانت بتتكلم عنها سواء كانت الحركات الدارفورية المسلحة مثلاً او الأحزاب القومية زي حزب الامة ... ما كان من فراغ لانو علي الاقل برغم وجودهم في المعارضة الا انهم وقفوا مع البشير ... يعني علي الاقل تدي الناس حقها ... مش تقول لي ... كلهم سوا و (اعنيها كلها بمن فيها ). |
مزاجي طوالي رايق يا مرتضى
ما بعكره الا الوصاية في البورد ده
والتصنيف المجاني ده كوز وداك بطل وده ود ستين لزينة وداك ابن ذوات
خلاف كده اخوك رايق جدا
| Quote: يعني علي الاقل تدي الناس حقها |
بالنسبة لموقف البشير من الجنائية عندك حق في معارضين قدموا مصلحة الوطن قدام عقاب البشير والمؤتمر الوطني على الاقل في الوكت ده .
لكن سو شنو ؟
زيهم وزي اي مواطن عادي
شجبو وادانو وانكرو
الطللوب اكتر يا مرتضى بما انهم مقدمين نفسهم كقادة للسودان
لكن بصورة عامة في امور السودان كلها من سنة 56 ولحدي هسع
وخاصة موضوع اكتوبر وابريل
اصر على انه المعارضة غبية وغبية جدا
اقول ليك حاجة
الحزب الذي سيخرج السودان من هذه الورطة سيكون سيد الانتخابات القادمة
موش بالنسبة للشعب السوداني
للمؤتمر الوطني زاتو
صدقى المؤتمر الوطني كان خلاص قنع من الحكم
ممكن تقول شبع
ممكن عشان خلاص كوادره واطره كملها في الجنون والملمومين حوله كلهم نفعيين
يمكن زهج من حكم شعب هوايته الاولى معاكسة حاكمه
لكن جاء موضوع الجنائية وختى الانقاذ في خانة اليك وخلاها تدافع عن الحكم موش حبا في سلطة
لكن دفاعا عن حياتها وحياة افرادها
الان الانقاذ بقت الحاجة الوحيدة البتضمن حياة افرادها هي
حكم السودان يا مرتضى وبس
شفت الورطة كيف
يعني حال الانقاذ بقول
وكت اصلوا ميتين ميتين نموت ونحن حاكمين
نموت ويموت معانا كتار
|
Post: #114
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:06 AM
Parent: #108
Quote: البصيرة أم حمد دي انت اثبته انها غبية
وما عندها قدرة تعمل قدر ده ، خلينا نثبت
إنو الحيعمل العمايل ده كلها منو بالسودان |
يا ليون
انت ما قادر تفهمني
انا ما عشمان في الانقاذ
لكن بفتش عن عشم في غيرها
ولحدي الان ما لقيت
عاوزني اقول انه الانقاذ سبب الحاصل ده
اكيد يا ليون
وده ما عاوز ليه كتابة
لو ما مسئولة مسولية مباشر
مسئولة مسئولية غير مباشر
باعتبار انها الحكومة
ومفروض الحكومة تحمي مواطننها من اي شي يحدث لهم
والانقاذ لو ما تسبب فيما يحدث في دارفور
فهي لم تستطيع حماية اهل دارفور
وفي الحالتين
ده امر بدين حكومة
شيل الانقاذ من حساباتك
وريني شنو سوت المعارضة للشعب ده من سنة 1989
|
Post: #110
Title: Re: الان فقد تمكنت الانقاذ .... معارضين اغبياء
Author: Hadia Mohamed
Date: 03-05-2009, 07:33 PM
Parent: #96
| Quote: الان الانقاذ وبدون مغالطة تمتلك اكبر جماهير |
بترفع فى معنويات المساكين يا شفت واصلا المساكين فى نعيم,
معقو ليكون تقديرك لى للمساكين الموجودين فى الشوارع بانهم جماهير وكبيرة كمان
ياخ ديل ولا واحد فى المئة من سكان العاصمة وهم نفسهم بتاعين مسيرة الردع والمليونيات
النميرية وبتاعين كلو
وحيكونو بتاعين مليونيات قادمة لحكومات مختلفة ديل ناس مساكين عندهم العشم
كاتلهم العشم بس,
عاين لى التصريحات المرتبكه وقومة النفس ورقيص الرئيس الرقاص
وتعرف الحالة النفسية التى يمر بها هؤلاء ,
ما قالة قوش عن جزء الرؤس يكفى لمعرفة حجم الحقيقة,بحجم التهديد
والوعيد يكون حجم الكارثة ,
اجمل تعليق قالتة ال بى بى سى ألان( رئيس دولة يواجهة قرارات دولية بالرقيص)
الناس دى لو عاينت للصفحة الاولى فى سودانيز بتعرف حجم خسارتهم المعنوية
قربلو ينطو يدخلو بيوتنا يقنعونا بيهم .
|
Post: #112
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 10:46 AM
Parent: #110
Quote: معقو ليكون تقديرك لى للمساكين الموجودين فى الشوارع بانهم جماهير وكبيرة كمان
ياخ ديل ولا واحد فى المئة من سكان العاصمة وهم نفسهم بتاعين مسيرة الردع والمليونيات
النميرية وبتاعين كلو
وحيكونو بتاعين مليونيات قادمة لحكومات مختلفة ديل ناس مساكين عندهم العشم
كاتلهم العشم بس, |
هاهاهاهاهاهاهاهاهاهاهاهاهاها
اها يا هالة شفتي ده البجنن بوبي
يعني انت مفتكره انك وجميع اهل الاسافير
افقه وافهم من بسطاء الشعب السوداني ؟؟!!!!!!
الشعب السوداني فاهم جدا يا هالة
من اصغر بتاع اورنش لا اكبر مدير
ما تاكلي حقه وتفرضي عليه وصاية وتحكمي عليه حكم زي ده
الخص ليك فهم الملاين الطلعت دي
هي بساطة ضد اوكامبو وقراره
هي ما مع البشير ولا مقتنع في الانقاذ
لكن اجبرتها رعونة المعارضة بين وطنيتها ومعارضة النظام
فاختارة وطنيتها الى حين
ينتهي موضوع الجنائية ده
تاني حا يرجعوا يسبوا ويلعنوا الانقاذ
بالنسبة للانقاذ فعلا حاتها النفسية سيئة لدرجة فعل هولاكو
بتعرفي هولاكو فعل شنو ؟
اها الانقاذ الان في الحالة النفسية دي
|
Post: #113
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 11:04 AM
Parent: #112
Quote: وكت اصلوا ميتين ميتين نموت ونحن حاكمين
نموت ويموت معانا كتار |
سلام شباب
وليد الانقاذ قالت الكلام ده يوم اعدمت ال 28 ضابط
كلام انها قنعت من الحكم ده ما صحيح
عاين للتاريخ الكيزان ما عندهم صبر للديمقراطيه
شوف الحاصل في إنتخابات الجامعات بديك صوره مصغره
|
Post: #115
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:13 AM
Parent: #113
Quote: سلام شباب
وليد الانقاذ قالت الكلام ده يوم اعدمت ال 28 ضابط
كلام انها قنعت من الحكم ده ما صحيح
عاين للتاريخ الكيزان ما عندهم صبر للديمقراطيه
شوف الحاصل في إنتخابات الجامعات بديك صوره مصغره |
كلامك صاح يا ود اب كدوك
لكن انقاذ التسعينات ما ياها انقاذ اسع
كل الشباب المقتع بفكر الانقاذ ( على عبد الفتاح - ابو دجانة - معز عبادي ) انقرض في الجنوب ومعاه ناس الزبير ومحمود شريف واخرهم شمس الدين
اغلب من تبقى ناس مصلحة
عشان كده الانقاذ ضعفت كتير في الفترة الاخيره دي
وقوتها ما بقت فكرية وعقدية
بقت قوة اقتصادية
حتى في الجامعات لو متابع
اصبحت تترنح
زماااااااااااان
عينك يا تاجر بجو بشيلوا الصناديق
ويدقو المعارضين
وزول بقول بغم بختفي لي 6 شهور
ومافي زول بفتش وراه
هسع في زول بختفي سته شهور
والله اون لاين دي تلقاها كلها دورت
الانقاذ تهالكت
تاكلت بفعل السنين كما الحديد ياكله الصدا
نخليها تتاكل
ولا نديها بهية وصنفرة عشان تعيش ليها تاني 20 سنة
|
Post: #117
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:19 AM
Parent: #115
من يتباكون على طرد المنظمات الدولية وحياة الملايين في دارفور
ماذا كنتم تتوقعون من الانقاذ بعد ان حصرتوها في خانة اليك ؟
|
Post: #120
Title: Re: الان فقد تمكنت الانقاذ .... معارضين اغبياء
Author: tmbis
Date: 03-07-2009, 11:36 AM
Parent: #112
يا شفــت ..
قبل فترة ومع بداية الارهاصات دي .. كتبت بوست علشان زي الجماعة المنتظرين يجو داخلين السودان وما عارفين الحاصل فوقو شنو .. وبيراهنو على شعارات قديمة جدا .. حصلت عليها تغيرات كتيرة ..
يعني مثلا :
في واحدين الواحد لما طلع خلي اختو الصغيرة بجيبوها من الشارع (بالمايوه) جارية .. الان اختو دي بيكون عندها تلاتة اربعة خمسة ماشاء الله الدخل فيهم الجامعة دخل .. والبقت على وش زواج بقت .. وانتظمت دورة حياة جديدة. احتمال كبير جدا (شفع الشافعة) دي بعد مطرتين تلاتة الواحد بعدما يتصل علشان يسلم أو تسلم علي ناس البيت .. يقولو ليهو دقيقه خلينا نقرص ليك حموودي علشان تسمعو بيبكي دا طبعا بعدما يكونو رسلو ليهو صورتو وصورة امو الاساسا ما شافه بالياهووو ماسينجر او الاسكاي بي ..
النوذج الفوقاني دا يا شفت .. مشى بي نفس الاحداثيات القديمة في واحدين قبل الانقاذ دي زاتووو تاكلين هناك .. واستلمو المسالة .. بي نفس الفهم بتاع زمان .. زماان خالص .. عايزين يطبقوهو في شفع .. شفع شفع الجيل الحالي وبي نفس تفاصيلهم القديمة ..
مساكين والله صدقا بحس بي الم شديد جدا ليهم .. الواحد بتحس في الحسرة في حروفو البيكتب فيها وطعم المرارة لكن علشان يغطي عليها .. لازم يقشطه ليك عبارات رنانة .. ولا باس من وصايا عشر وربما بعض من طولة لسان بي فهم انو يا ود انت بتعرف شنو .. انا قاعد في محل اي حاجة زاتو في الدنيا دي ..
المهــم
البوست المعني .. ليهو علاقة بالبشير .. قلت فيهو بي صريح العبارة كلنـا عمر البشير ..
ولانو عارف جماعتك ديل بتلمو العميان شايل المكسر .. قلت ليهم اي قرار بي اي شكل كان .. ح يطلع الشعب الشارع والشعب ح يلتف حوالين الحكومة .. وضربت مثل بي احداث مايو العام السابق ..
يللا تعال شوف ليك قلة ادب ووقاحة وشتيمة وطول لسان وفلسفة .. واحد جا كتب لي بي انقليزي نايل كورس وعايز يقنعني انو جيل الثورة وجيل الشنو ما عارف .. في واحدين قعدو علشان يضربو البوست ونزلو شتيمة .. شديدة .. في واحدين جرو لي بكري وفتحو بلاغ فيني أن كيف انزل بوست زي دا ..
طبعا المهم في الموضوع انهم قفلو اضنينم البقرو بيها من فكرة البوست .. ويعجبك المناضل بكري ودا البوست الكوشة بكل ما فيهو من نضال مناضلين .. ما واعيين للحاصل .. لكن فضلت الفكرة البتعبر عنها إنت حاليا ..
فكرة أنو العباطة بتاعت المعارضة واللا موضوعية .. هي اكبر اساسا سليم اتبنت عليهو الانقاذ ..
وخمو وصرو .. بعد كدا .. والان في حاجة اسمها سودان .. ماف فرق بين كوز ولا شيوعي .. ولا حركة شعبية .. كل البيفترضو فوقو دا .. كلام زمااان الرد عليهو بي:
هااك نقرص ليك حمودي علشان تسمع صوتو ..
|
Post: #122
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:49 AM
Parent: #120
يا تامبا كلامك صحيح 100%
خاصة هنا
| Quote: فكرة أنو العباطة بتاعت المعارضة واللا موضوعية .. هي اكبر اساسا سليم اتبنت عليهو الانقاذ .. |
كمواطن عادي .. لا افقه اي برنامج لاي حزب خلاف خروج الانقاذ عن السلطة ...
نقول ليهم ثم ماذا بعد ذلك ....
يقف حمار شيخهم عند عقبة صعوبة الاجابة !!!!!
معقولة معارضة كل برنامجها الطموح المقدماه لشعبها لتطوير البلد يتلخص في اخراج الانقاذ !؟
اما المعارضين بصورة شخصية ..
اغلبهم يمن عليك بالتضحيات التي قدمها وكانه كان كايس الحاجة دي تحديدا ...
كايس شكر
بل فارض شُكر ما كايسو
ياخ ديل وصلوا مرحلة انهم معتبرين غربتهم نضال وافضليه علينا نحن اهل الداخل و مفروض نقدر الحته دي !!!
ابدا
شخصيا ارى غربتهم عبارة عن هروب ليس الا
بالدرجة كده
جري عدييييييييييييل كده من امام الانقاذ
والدليل على كده
مداراتهم الان بعد عشرين سنة
ورا المجتمع الدولي
|
Post: #116
Title: Re: الان فقد تمكنت الانقاذ .... معارضين اغبياء
Author: الفاتح شلبي
Date: 03-07-2009, 11:18 AM
Parent: #96
شوف يا أبو الشباب حأذكرك حاجة إنت ناسيها عمداً ... "ان الظالم يخرج له من هو أظلم منه ولو من باطن الارض" اهو أوكامبو جاكم من فوق الأرض
|
Post: #118
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:22 AM
Parent: #116
| Quote: شوف يا أبو الشباب حأذكرك حاجة إنت ناسيها عمداً ... "ان الظالم يخرج له من هو أظلم منه ولو من باطن الارض" اهو أوكامبو جاكم من فوق الأرض |
عمدا ؟!
خلاص يا ابو بدله جديده
جبت خبر البوست
وخلاصته والفتمين كله!!
اها يا ابو امنه جعفر بشير
اها جنس صحبك ده ياهو البجنن بوبي
ناس نسيتها عمدا ديل !!
وكانه وكيل الله في تفتيش ضمائر الناس
وكانه خليفة الرسول في (ولا ينطق عن الهوى)
خلاص يا ابو بدله سمحة
جوابك صاح
شيل ورقة
( مع خلفية تصفيق من الجمهور )
|
Post: #119
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:35 AM
Parent: #118
الخرطوم طردت المنظمات ..
اول ردود الفعل
من المتضرر من هذا ؟
اهل المعسكرات
غدا طرد بعض السفارات الاجنبية
من سيكون المتضرر ؟
اهل المعسكرات
اها ماذا سيكون الرد
ولا حاجة مزيدا من التضيق على السودان باسم الانقاذ
تضيق لن يتضرر منه البشير ولا اهل الانقاذ
بل سيتضرر منه اهل المعسكرات والهامش
اغبياء
|
Post: #121
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-07-2009, 11:48 AM
Parent: #119
اوكي يا وليد فهمنا وجهت نظرك بالنسبة للحكومة والانقاذ
ونعرف تماما ما ستفعله ردود الافعال هذه .. لكن خلينا
في الفعل نفسه ..
هل انت ترى أن غباء المعارضة هو من أتى باوكامبو والتدخل الخارجي؟؟
|
Post: #123
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 11:54 AM
Parent: #121
| Quote: هل انت ترى أن غباء المعارضة هو من أتى باوكامبو والتدخل الخارجي؟؟ |
نعم
ان كانت الانقاذ لا تجيد لعبة السياسة العالمية بالمعانده التامه
فالمعارضة لا تجيد لعبة السياسة العالمية بالمهادنة المتامة والاستعانة باصدقاء نواياهم غير مضمونه ومصير مشاركتهمفي امور السودان لن يختلف والمصير الذي سنصير اليه مع الانقاذ
ما تقول لي ما فاهم شي
دونك العراق وافغانستان والصومال
امثلة واضحة ما محتاجة شرك او مكابرة او غلاط
|
Post: #124
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 11:56 AM
Parent: #121
تكرار
النت مخستك شويه
|
Post: #125
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 11:57 AM
Parent: #121
Quote: الانقاذ تهالكت
تاكلت بفعل السنين كما الحديد ياكله الصدا
نخليها تتاكل
ولا نديها بهية وصنفرة عشان تعيش ليها تاني 20 سنة |
وليد إنت ماشي كويس
طيب
رايك شنو في جرايم الإنقاذ
حتى لو إفترضنا عدم وجود البديل
نسكت نرجى الفرج ولا إنت رأيك بالضبط شنو للحل
|
Post: #126
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 12:05 PM
Parent: #125
| Quote: نسكت نرجى الفرج ولا إنت رأيك بالضبط شنو للحل |
رائي واضح
زول عنده مرض القلب
قلبه تاعبه مطلع ميتينه
يطلع سلم نفسه يقوم.... يجك تجه كومه ...
كل يوم والتاني في نوبه ومودينه المستشفى
الحل شنو ؟
نمرق قلبه ده عشان تاعبه قبلي ما نجهز البديل ؟
اكد لو عملنا كده الزول زاتو حا يموت ...
وقع ليك فهمي
جهزو البديل يا عالم
الديل المقنع
بعد داك سو العاوزين تسوه
|
Post: #127
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-07-2009, 12:16 PM
Parent: #126
Quote: جهزو البديل يا عالم
الديل المقنع
بعد داك سو العاوزين تسوه |
اسمع خلينا نتكلم بصيغة نجهز البديل مش جهزو لينا
قبيل انت قلتا انك اقتنعت بانو من اعظم الساسة د. جون قرنق
طيب انت شايف إنو اخذ كم سنة وحارب وحارب ثم وصل لما وصل له
هسه انت خلينا من معارضة الخارج والضل البارد كما ترددون ..
ورينا في الداخل شكل المعارضة ممكن يكون كيف وانتو قاعد تعملو
شنو ، وادينا امثلة لناس بورداب هنا في سودانيز اونلاين
|
Post: #128
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 12:30 PM
Parent: #127
Quote: اسمع خلينا نتكلم بصيغة نجهز البديل مش جهزو لينا
قبيل انت قلتا انك اقتنعت بانو من اعظم الساسة د. جون قرنق
طيب انت شايف إنو اخذ كم سنة وحارب وحارب ثم وصل لما وصل له
هسه انت خلينا من معارضة الخارج والضل البارد كما ترددون ..
ورينا في الداخل شكل المعارضة ممكن يكون كيف وانتو قاعد تعملو
شنو ، وادينا امثلة لناس بورداب هنا في سودانيز اونلاين |
نحن منو ؟
لو تقصد المواطنين العاديين ؟
فاقول ليك ..
انتو المعارضة والحكومة ما مديننا فرصة
واقفين نتفرج فيكم وفي عمايلكم
تركنا السياسة وانصرفنا للاجتماعيات
شخصيا في نظر مشكلة السودان اجتماعية اكبر من انها سياسية
تلخيصها في نظري
1) الشخصية السودان اكتشاف مشاكلها وعيوبها واعادة تربيتها لانه في مشكلة في الشخصية السودانية انتجت الانقاذ واي شعب ينتج مثل الانقاذ محتاج يراجع مكوناته التربوية ( عشان نلقى جواب من اين اتي هولا ء )
2) التوزيع العادل للثروة خلينا من السلطة دي لانو مشكلتها بتتحل بحل مشكلة الشخصية السودانية والتوزيع العادل للثروة ده عنده واجبات زي ما هو حق بفتش عنه الناس اهمها الاجتهاد في العمل من قبل الذين ينادون به ، يعني ما تجي جاري الخرطوم وتنبح اعيدوا توزيع الثروة اعيدو توزيع الثروة ، ما تقيف تتفرج مستنى الخرطوم وابناء المركز يوزعوا عليك صكوك اعادة توزيع الثروة ، لو عندك قدره على المقالعة قالع وابحث عن حقك وانت في منطقتك كده تضمن اعادت توزيع الثروة ، موش مستنى الشيك عشان تشترري ليك قطعة في نبته وتبني عمارة وتكون خلاص اعيد توزع الثروة بنظرك
3) النظر الى الانقاذ ومنسوبيها على انهم افراد من الشعب السوداني يجب معالجتهم وليس ابادتهم ، فالمشكلة مشكلة شعب موش مشكلة دولة او حذب ومجموعة من الناس ، ولو نظرنا ليه بزاوية ابادتهم بنكون ما اختلفنا عنهم
دي فهمي البسيط
نحن ياليون مواطنين عاديين ما اكتر ولا اقل
نبحث عن قائد يتوفر فيه الحد الادنى من الوطنية عشان نمشي وراه
ولي هسع منتظرينه القائد ده
ما جاء
لكن ده ما سبب عشان نختار اي واحد من الارقوزات المتوفرين في الساحة ونمشي وراه
نحن يا صلاح قاعدين منتظرين القائد ده ولحدي ما يجي معارضنكم كلكم
معارضين المعارضة والحكومة
|
Post: #133
Title: Re: الان فقد تمكنت الانقاذ .... معارضين اغبياء
Author: صلاح ليون
Date: 03-07-2009, 12:52 PM
Parent: #128
شاكر ليك تلخيصك الجميل ده :
Quote: انتو المعارضة والحكومة ما مديننا فرصة
واقفين نتفرج فيكم وفي عمايلكم |
دي بس خلينا نأكد حتة واقفين نتفرج !! ومعاك انا
كل عمايل الحكومة الزول بيقيف كمان وكمان عشان
يقدر يتفرج عليها كويس ، وبعض (لاحظ) لي بعض دي
من عمايل المعارضة ...
| Quote: تركنا السياسة وانصرفنا للاجتماعيات |
اجركم على الله ، مع انو جملتك هذه بعتبرها جملة انهزامية
وما شكلك كده بتخلي السياسة بالشايفو عليك ده ..
| Quote: ) الشخصية السودان اكتشاف مشاكلها وعيوبها واعادة تربيتها لانه في مشكلة في الشخصية السودانية انتجت الانقاذ واي شعب ينتج مثل الانقاذ محتاج يراجع مكوناته التربوية ( عشان نلقى جواب من اين اتي هولا ء ) |
دي ما عليها تعليق ..
الباقي فيهو حاجات مهمة وبالذات حتة انتظار قائد فيه حد أدنى
من الوطنية وقبلها حتة نظرتنا للانقاذيين ، بس مشغول شوية لكن
بجيك راجع
|
Post: #137
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 01:21 PM
Parent: #133
Quote: اجركم على الله ، مع انو جملتك هذه بعتبرها جملة انهزامية
وما شكلك كده بتخلي السياسة بالشايفو عليك ده .. |
يا ليون يا حبيبنا
ما عندي بالسياسة اي علاقة
الا الحنك الفي البورد ده
|
Post: #129
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-07-2009, 12:43 PM
Parent: #119
يا عبدالرازق هسي انت ما كنت كويس ... مالها كلمة واحدة من الراجل ده بتجيب آخرك ...
بعدين ياخي البورد ده ... فيهو ابوجلابية وتوب وابوجلابية مقلوبة وابوبدلة وابو عراقي وابو عراقي وفيهو ام فكو كمان ... (مالها البدلة براها جايبة كثافتك) ..
الراجل ماقال حاجة غلط ... قال الحاجة الهو فاهمها وعارفها ... رد ليهو قدر كلامو وفهمو انو كلامو غلط بالراحة ما جديع بالحجارة وفليق ... (في النهاية بقولوا المجنون ياهوده ... وكمان لابس جلابية مقلوبة ... يقوم واحد ينط يقول لا الجلابية عديلة بس هو المقلوب ...) انت عارف هسي جايب ليك كثافة كم زول بي صورتك دي ... قال بدلة وبتيخ.
نجي للمهم:
Quote: لكن سو شنو ؟
زيهم وزي اي مواطن عادي
شجبو وادانو وانكرو
الطللوب اكتر يا مرتضى بما انهم مقدمين نفسهم كقادة للسودان |
المشكلة انو الموضوع ده يا حبيب مرق من السودان ... خليهم القادة ديل ... (المتواليين) وبالمناسبة هم قدموا مصلحتهم الخاصة علي مصلحة ضحابا دارفور ...وقفوا مع البشير علي أمل (موضع قدم في الانتخابات الجاية ... كان جات) ....
اها نرجع تاني خليهم ديل الدول العربية والجامعة العربية وعلي رأسها عمرو موسي ما قدروا يعملوا سجم رمادهم ... ولحد امس عمرو موسي بقول فيما معناه (في محاولات لكن الوضع صعب ) ... اها ناسك المتواليين وبايعين قضية السودان ودارفور ديل يطلعوا شنو قدام ديل .... لا مناصب ولا قروش ...قاعدين حوارات بس ... لكن علي الاقل نديهم حق الحورنة بتاعتهم .. ودي والله ذاتها كتيرة منهم. عموما ما علينا دي ما نقطة خلاف ..
Quote: صدقى المؤتمر الوطني كان خلاص قنع من الحكم
ممكن تقول شبع
ممكن عشان خلاص كوادره واطره كملها في الجنون والملمومين حوله كلهم نفعيين
يمكن زهج من حكم شعب هوايته الاولى معاكسة حاكمه
لكن جاء موضوع الجنائية وختى الانقاذ في خانة اليك وخلاها تدافع عن الحكم موش حبا في سلطة
لكن دفاعا عن حياتها وحياة افرادها
الان الانقاذ بقت الحاجة الوحيدة البتضمن حياة افرادها هي
حكم السودان يا مرتضى وبس
شفت الورطة كيف
يعني حال الانقاذ بقول
وكت اصلوا ميتين ميتين نموت ونحن حاكمين
نموت ويموت معانا كتار |
عارف يا عبدالرازق مرات كتيرة بحسدك علي تفاؤلك ده ...
الحاجة المتفق فيها معاك انو دفاع الجبهة الاسلامية عن الحكم والتمسك بيهو هو دفاع عن ارواحهم ... لانو الناس الكتلوهم والعذبوهم والاغتصبوهم .. حقهم ما بروح.
بس مشكلتي معاك في انك بتفتكر انو الجبهة الاسلامية شبعت من الحكم وزهجت من الانتهازيين الملمومين حولها ... الجبهة الاسلامية هي الانتهازية في حد ذاتها واصلا قايمة علي زي ديل ... ولو البلد مافيها انتهازية وحرامية ونفعيين الجبهة يوم واحد ماتعمر .. لكن ياهو ديل زادها وعتادها .. وديل يا حبيب ما بشبعوا ...
اذا قلت لي البطلعها من الورطة دي .. مالو ...
ياخي ديل اجحد خلق الله في الدنيا .. هسي صاحبك الترابي ده التنظيمو مو حقو ..هو الاسسو وهو العمل الانقلاب وهو الدفع من وقته وجهده وعرقو (شاتوهو ليك شلوت زي التقول متسول ...).
وزي ما قال البشير الزارعنا غير الله الليجي يقلعنا ...
اها غير الله واوباما قرد بطلعكم من الورطة دي مافي ..
|
Post: #130
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 12:49 PM
Parent: #129
كدي يا مرتضى خلينا في ده في الاول
Quote: يا عبدالرازق هسي انت ما كنت كويس ... مالها كلمة واحدة من الراجل ده بتجيب آخرك ...
بعدين ياخي البورد ده ... فيهو ابوجلابية وتوب وابوجلابية مقلوبة وابوبدلة وابو عراقي وابو عراقي وفيهو ام فكو كمان ... (مالها البدلة براها جايبة كثافتك) ..
الراجل ماقال حاجة غلط ... قال الحاجة الهو فاهمها وعارفها ... رد ليهو قدر كلامو وفهمو انو كلامو غلط بالراحة ما جديع بالحجارة وفليق ... (في النهاية بقولوا المجنون ياهوده ... وكمان لابس جلابية مقلوبة ... يقوم واحد ينط يقول لا الجلابية عديلة بس هو المقلوب ...) انت عارف هسي جايب ليك كثافة كم زول بي صورتك دي ... قال بدلة وبتيخ. |
عشان ما اشلف معاك يا مرتضى
ده كلام الزول القالو
اشرحو لي بما انك لابس بدله زيو وفهمك قريب من فهمو
| Quote: حأذكرك حاجة إنت ناسيها عمداً |
وركز لي على عمدا دي تحديدا
عشان اوريك اوريك البدلة والكرفته تمامة شخصية في البورد ده زيها زي بطاقة الامنجي في الشارع ...
|
Post: #131
Title: Re: الان فقد تمكنت الانقاذ .... معارضين اغبياء
Author: الفاتح شلبي
Date: 03-07-2009, 12:52 PM
Parent: #129
Quote: خلاص يا ابو بدله سمحة
جوابك صاح |
أبشرك ؟
عندي واحدة جديدة كمان فى الدولاب ... حلوة موش ؟
|
Post: #135
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 12:56 PM
Parent: #131
Quote: أبشرك ؟
عندي واحدة جديدة كمان فى الدولاب ... حلوة موش ؟ |
انتين يا مفتري
ليك حق تتكلم بالنيابة عني ...
واكيد كلامك بكون صاح
ما عندك بدلتين عاد !!!!
ولاا تنين جداد
______________
بره الموضوع مبروكات عليك
ويتربن في عزك
وتقطعن بعرق العافية
|
Post: #132
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 12:52 PM
Parent: #129
Quote: نبحث عن قائد يتوفر فيه الحد الادنى من الوطنية عشان نمشي وراه
ولي هسع منتظرينه القائد ده |
وليد الفوق دي هي مشكلتك
القائد ده راجيهو إجيك من وين
إنت قاعد في النص وبتقول جيبوا لينا البديل
ولا الإنقاذ دي ما بنبدله
موقفك سلبي يا وليد
|
Post: #136
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 01:10 PM
Parent: #132
| Quote: موقفك سلبي يا وليد |
حقيقي موقفي سلبي
انا مواطن عادي
وموقف المواطن العادي البحث عن الخيار السياسي الافضل او القائد السياسي الافضل ودعمه
انا ما لقيت
يلا يا ابكدوك
انت اديني الخيارات العندك
|
Post: #138
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 01:32 PM
Parent: #136
تكرار
|
Post: #139
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 01:32 PM
Parent: #136
تكرار
|
Post: #140
Title: Re: الان فقد تمكنت الانقاذ .... معارضين اغبياء
Author: Nader Abu Kadouk
Date: 03-07-2009, 01:32 PM
Parent: #136
Quote: يلا يا ابكدوك
انت اديني الخيارات العندك |
وليد انا خياري واحد
هو الديمقراطيه
خيار الديمقراطيه جيد ليه
لأن السئ لا يخلد فيها زي الكيزان
الديمقراطيه نظام حكم خلاق والتغير بجي من داخله
تجاربنا مع الديمقراطيه مريره
لكن لم نمارسها بالصوره البتخلينا نجني منها ثمار
بكل بساطه لو تكتمل دورتها
|
Post: #142
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 01:41 PM
Parent: #140
Quote: وليد انا خياري واحد
هو الديمقراطيه
خيار الديمقراطيه جيد ليه
لأن السئ لا يخلد فيها زي الكيزان
الديمقراطيه نظام حكم خلاق والتغير بجي من داخله
تجاربنا مع الديمقراطيه مريره
لكن لم نمارسها بالصوره البتخلينا نجني منها ثمار
بكل بساطه لو تكتمل دورتها |
كلام جميل جدا نظريا
لكن تكمل دورتها كيف ؟
اظنك ناسي انه الدمقراطية انقلب عليها 3 مرات سابقا
يا ابكدوك
من انقلب على الدمقراطية في الـ 3 مرات السابقات خرج من رحم هذا الوطن
ما جانا من الخارج
حتى الكيزان مرقوا من البللد دي
نميري من نص البلد دي
وقبليهم عبود
وكمان كانت في تحركات لاحزاب تانية لو تاخر الكيزان كان قلبوها هم
قبلي ما تفكر في الدمقراطية
جهز ليها
لكن اديك ثورة
واقلع ليك الدمقراطية من فك دكتاتورية
تديني تقاسم وزارات وارضي وسلطات
زي كل مرة
الدور ده مافي
تعالوا اقلعوها من الكيزان براااكم
|
Post: #134
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 12:54 PM
Parent: #129
Quote: عارف يا عبدالرازق مرات كتيرة بحسدك علي تفاؤلك ده ...
الحاجة المتفق فيها معاك انو دفاع الجبهة الاسلامية عن الحكم والتمسك بيهو هو دفاع عن ارواحهم ... لانو الناس الكتلوهم والعذبوهم والاغتصبوهم .. حقهم ما بروح.
بس مشكلتي معاك في انك بتفتكر انو الجبهة الاسلامية شبعت من الحكم وزهجت من الانتهازيين الملمومين حولها ... الجبهة الاسلامية هي الانتهازية في حد ذاتها واصلا قايمة علي زي ديل ... ولو البلد مافيها انتهازية وحرامية ونفعيين الجبهة يوم واحد ماتعمر .. لكن ياهو ديل زادها وعتادها .. وديل يا حبيب ما بشبعوا ...
اذا قلت لي البطلعها من الورطة دي .. مالو ...
ياخي ديل اجحد خلق الله في الدنيا .. هسي صاحبك الترابي ده التنظيمو مو حقو ..هو الاسسو وهو العمل الانقلاب وهو الدفع من وقته وجهده وعرقو (شاتوهو ليك شلوت زي التقول متسول ...).
وزي ما قال البشير الزارعنا غير الله الليجي يقلعنا ...
اها غير الله واوباما قرد بطلعكم من الورطة دي مافي .. |
ده حنك بيش يا مرتضى
بعدين انت قاصد اوباما تحديدا بتاع امريكا
ولا اوكامبو بتاع المحكمة الدولية
لانو اوباما ده ما عارف الحشرو هنا شنو ؟
بعدين منو القال ليك انا متفائل
انا متشائم
الكلام ده ظاهر في مسار البوست ده
قنعان من الحكومة ومن المعارضة
اكون متفائل كيف ؟
يا جماعة ركزوا
وما تخنقوا الكرفته شديد بتحبس مجاري الدم الماشة للراس ، فيقل الاكسجين ، وييقل التركيز بالتالي ويطل كلام بيش زي حكاية متفائل دي
ركز يا معلم ركز
وحل الكرفته شويه
|
Post: #141
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-07-2009, 01:36 PM
Parent: #134
| Quote: لانو اوباما ده ما عارف الحشرو هنا شنو ؟ |
يا حليلك ياوليد ... انت ماعارف اللعبة وين اظنك ... اوكامبو زاتو ناسك ديل ما بحلهم تاني ....اها عرفت الحشرو شنو ... دارفور دي برنامجه الانتخابي ... معلومات لله مجانا من البدلة .. والكرفتة للجلابية والتوب.
|
Post: #143
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 01:50 PM
Parent: #141
| Quote: يا حليلك ياوليد ... انت ماعارف اللعبة وين اظنك ... اوكامبو زاتو ناسك ديل ما بحلهم تاني ....اها عرفت الحشرو شنو ... دارفور دي برنامجه الانتخابي ... معلومات لله مجانا من البدلة .. والكرفتة للجلابية والتوب. |
هاهاهاهاهاهاهاهاهاها
لبسوكم الطربوش مع البدلة
هاهاهاهاهاهاهاهاهاهاهاهاهاهاها
يعني اوباما ساب المشكلة الاقتصادية الحا تخلي امريكا تنهار لانه امريكا قوتها مبنيه في المقام الاول على اقتصادها وايدلوجيتها مبنية على راسماليتها
وساب مشكلة البيئة العالمية المدية بعد زمني للكره الارضية مداه من 4 سنوات لحدي 50 سنة
وساب الـ 650 الف وظيفة فقدت الشهر الفات بس
وساب GM الحا تفلس وتفلس معاها تجارة السيارات احدى ازرع الراسمالية الامريكية
وساب مستنقع العراق وطريقة المخارجة منو
ومستنقع افغانستان البقى بشبه فيتنام
وايران الوصلت الفضاء الخارجي
وروسيا البدت تعيد في بناء نفسها من جديد
وكوريا الشمالية الصواريخها بتصل لحدي ولاية السكا ( عارف لحدي السكا يعني شنو؟ ) يعني امريكيا كلها في مداها
وساب نمور جنوب امريكا التي ربت وكبرت وبقت تخربش
وقال ليكم يا انا يا الانقاذ
هاهاهاهاهاهاهاهاهاهاهاهاهاهاهاهاهاهاهاها
ياخ انا كنت قايلك لا بس الكرفته دي عن درايه ومعرفة
لكن والله كلامك ده
لا داير ليه بدله ولا حاجة
بالعراقي ساااااكت ممكن تقوله
|
Post: #144
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 02:03 PM
Parent: #143
اختطاف المناهض النوبى عبد الحكيم من منزله البارحه
قول اتنين بعد طرد المنظمات
سنعود للمربع الاول
وطبعا اليده في الموية
ما زي اليده في النار
عشان كده معارضين الخارج
بهبو في النار دي
|
Post: #145
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-07-2009, 06:42 PM
Parent: #144
لم يستطيع مجلس الامن الاتفاق على قرار بخصوص طرد المنظمات بسبب عضو دائم؟
ولن يستطيع بالتالي فرض مقترحات خليل
بحظر الطيران
والبترول
لنفس السبب عاليه
اما دخول المنظمات من تشاد وافريقيا الوسطى بدون موافقة الحكومة هو الى المستحيلات اقرب .. وان حدث سيكون على مستوى ضعيف يعني حاجة رمزية لا تقدم مساعده لمن في المعسكرات الذين يحتاجون لى اللاف الاطنان من المواد الاساسية الضامنه لحياتهم .. وستكون هذه المواد عرض للنهب والسلب والاغارة قبل ان تصل للمعسكرات
|
Post: #146
Title: Re: الان فقد تمكنت الانقاذ .... معارضين اغبياء
Author: علاء الدين يوسف علي محمد
Date: 03-07-2009, 07:01 PM
Parent: #145
وليد بعد إذنك
قريت المداخلة دي متأخر شوية
Quote: ليون وليد ده ما كوز
و لو كنت بختلف معاه في بعض أراءه
لكنه زول مجتهد في إنه يكون حقاني
و لد ضكران و أخو أخوان
ضايقوه الكيزان كتير من زمن الجامعة و للآن
آخر شي ممكن يبقاه إنه يكون كوز.. علاء الفوق ده كوز
ما يقعد يحاول يلم نفسه على وليد .. لأنه مافي شبه نهائي |
fadlabi
إنت عميل و مأجور و مُرتزِق و خائن
شفتة ساهِل كيف التصنيف و صبغك بصفات أياً كانت !!!!؟
يعني ما تعمل فيها شِفِت و مقدِّدة
و المسألة ما عباطة و ما إرتجال في التصنيفات
معليش على تأخر ردي عليك لكن ما قريتو إلا هسي
|
Post: #156
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 01:34 PM
Parent: #146
ابو علوه
يا زول ده حقك
بل واجبك انك تدافع عن نفسك
حتى ضد صاحبي فاضلابي
|
Post: #147
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-07-2009, 07:06 PM
Parent: #145
هاهاها
والله ضحكتني لكن ... ياخي الامريكان ديل كان يترجمو ليكم مناظراتو الاخيرة عشان تعرف منو اللابس الطاقية اقصد الطربوش ... انت قايل اصحابك ديل حاصين ولايصين في شنو يا اللخو وما قدرو لايوقفوها ولاياجلوها (لا بتنبلع لا بتفوت). المهم ما علينا الفهم قسم وطواقي ...
هسة قالو في محاولة اغتيال لي وزير الداخلية التشادي ... اها كدي ورينا رايك شنو دحين الناس ديل ... متورطين في الشغلانة ولا براءة ...
|
Post: #148
Title: Re: الان فقد تمكنت الانقاذ .... معارضين اغبياء
Author: تبارك شيخ الدين جبريل
Date: 03-07-2009, 07:57 PM
Parent: #147
| Quote: هسة قالو في محاولة اغتيال لي وزير الداخلية التشادي ... اها كدي ورينا رايك شنو دحين الناس ديل ... متورطين في الشغلانة ولا براءة ... |
حليف امريكا ... بتاع المعارضة الزمبابوى (ما اتذكت اسمو، الله يطرا بالخير) اتعرض لى محاولة اغتيال فى حادث سيارة (مع الموكب بتاعو بعد ما بقى رئيس وزراء فى اتفاق اقتسام السلطة الجديد) ... وفى المدة دى "أوباما" جدد العقوبات على زيمبابوى لمدة سنة (بمناسبة نجاحا فى اقتسام السلطة والإستقرار السياسى) ....
كدى قبّال نذكّرك جون قرنق ... والهدية الأمريكية بعد اغتيالو ... بإستمرار العقوبات ودعم متمردى دارفور اعلامياً ومادياً ... بمناسبة توصل السودان لإتفاق السلام الشامل .... ورّينا:
1- دحين الناس ديل ..... متورطين فى الشغلانة ولاّ براءة؟
2- How long shall they kill our profits, while we stand aside and look?
(Some say:"It's just a part of it. We've got to fulfill the book")
... Al Mihim ....
|
Post: #149
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-07-2009, 11:43 PM
Parent: #148
الفيصل يا عزيزي هو في التاريخ وواقع الحال:
ان تاريخ الجبهة الاسلامية في التدخل في شئون الدول الافريقية المجاورة ليس جديداً خصوصا في بدايتها مع لوثة تصدير الثورة الاسلامية للدول العربية والافريقية فاصابعها امتدت الي اثيوبيا وارتيريا والي مصر وتونس وغيرها واحتضنت كل ارهابيي العالم من كارلوس الي اسامة بن لادن ودعمت الحركات الاسلامية واستضافت قادتها من قادة حماس الي ايران الي راشد الغنوشي ... بل وامتدت يدها الي ابعد من ذلك ومحاولة اغتيال الرئيس حسني مبارك ...
الولايات المتحدة الامريكية ليست نظيفة من التدخل فقد تدخلت في الدول وقامت اجهزتها باغتيالات ووظفت حتي الارهابيين خلال تاريخها ... لكن الاسئلة الفاصلة هي :
من الذي يملك مصلحة في عدم الاستقرار في تشاد في هذا الوقت؟
من هو الذي ظل تاريخيا في مناوشات مسلحة واتهامات متبادلة ودعم معارضة تشاد؟
من الذي اشتكي لطوب الارض من دعم تشاد لحركات دارفور المسلحة؟
بل من هو المستفيد الوحيد والأوحد من عدم وجود الحكومة التشادية الحالية ناهيك عن وزير داخليتها؟
نحن فقط نتساءل لأننا نعرف تاريخ الجبهة الاسلامية ونعرف علاقاتها المميزة مع تشاد وكيف يمكنها الاستفادة من زوال الدولة التشادية بكاملها بمافيها معسكرات اللاجئين في هذا الوقت.
فقط نتساءل
تحياتي
|
Post: #154
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 01:22 PM
| Quote: بل من هو المستفيد الوحيد والأوحد من عدم وجود الحكومة التشادية الحالية ناهيك عن وزير داخليتها؟ |
| Quote: الفيصل يا عزيزي هو في التاريخ وواقع الحال: |
طيب وكت الحصة تاريخ يا بروف
من الذي دعم الحكومة التشادية حتى اصبحت في الحكم ؟
وكت تقرا التاريخ اقراه كله ما تقطعه حسب مزاجك زي قماس البدلة اللابسها قبل التفصيل
|
Post: #153
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 01:16 PM
Parent: #148
ليه كده يا تبارك ؟
هسع الجاب سيرة جون قرنق منو ؟
يعني الزول ما تقع بيه طياره
________
جاوب يا بروف
جاوب وبطل حنك على تساؤلات تبارك دي
|
Post: #152
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 12:33 PM
Parent: #147
Quote: هاهاها
والله ضحكتني لكن ... ياخي الامريكان ديل كان يترجمو ليكم مناظراتو الاخيرة عشان تعرف منو اللابس الطاقية اقصد الطربوش ... انت قايل اصحابك ديل حاصين ولايصين في شنو يا اللخو وما قدرو لايوقفوها ولاياجلوها (لا بتنبلع لا بتفوت). المهم ما علينا الفهم قسم وطواقي ...
هسة قالو في محاولة اغتيال لي وزير الداخلية التشادي ... اها كدي ورينا رايك شنو دحين الناس ديل ... متورطين في الشغلانة ولا براءة ... |
هاهاهاهاهاهاهاهاهاها
يعني يا بروف هسع انت باني نظرياتك دي كلها على مناظرة!!
هاهاهاهاهاهاهاهاهاها
اها في المناظرة دي رايو كان شنو في ايران ؟
هسع ايران داعنها لمؤتمر بخص افغانستان
رايم شنو في سوريا كان فيها ؟
الليلة في موفودين رسميين من امريكا لسوريا غير وفدين تانين كانو الشهر الفات هناك ووزيرة الخارجية الامريكية قالت في اتجاه دور لسوريا في مشكلة الشرق الاوسط وبتطالب باستئناف المفاوضات السورية الاسرائيلية
هاهاهاهاهاهاهاهاها
اها شنو ليك ؟
طالما جبت سيرت الاغتيالات
وريني جون قرنق الكلته منو او اكبر المتهمين بي ده منو؟
ان شاء الله تطلع قدر البدلة اللابسها بعد السوال ده
|
Post: #150
Title: Re: الان فقد تمكنت الانقاذ .... معارضين اغبياء
Author: عز الدين بيلو
Date: 03-08-2009, 07:39 AM
Parent: #96
Quote: والقال ليك منو انا ساعي لاسقاط الحكومة؟
عشان يجي منو بدلا ؟
الى ان يظهر البديل المفيد
اولوياتي الشخصية محاربة اخطاء الحكومة بغرض تقويمها
موش السعي لاسقاطها |
الله يكملك بي عقلك يا حبيب
والله صدقني
لو كان في زيك 1000 نفر ساي
كان البلد مشت عدل
ولكن
|
Post: #151
Title: Re: الان فقد تمكنت الانقاذ .... معارضين اغبياء
Author: علاء الدين صلاح محمد
Date: 03-08-2009, 07:42 AM
Parent: #150
و انت الصادق الان فقط عادوا وتمكنوا من الانقاذ المؤيدون الاغبياء
اصحاب الحلاقيييييييييييم الكبيييييرة
|
Post: #157
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 01:36 PM
Parent: #151
Quote: و انت الصادق الان فقط عادوا وتمكنوا من الانقاذ المؤيدون الاغبياء
اصحاب الحلاقيييييييييييم الكبيييييرة |
يا زول كلامك ده انا ما فهمتوا
ممكن تشرحوا ؟
|
Post: #155
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 01:31 PM
Parent: #150
مرحب بيلو
تسلم يا حبيب
|
Post: #158
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-08-2009, 07:18 PM
Parent: #155
اها البشير قال بعد الموص وشرابو
هم تحت الجزمة
كلمناكم وقلنا ليكم لا تحشروا الانقاذ في خانة اليك
لن تتحملوا النتائج
وانتم اصلا لم تتحملوها سابقا فهربتم واستعنتم بصديق
|
Post: #159
Title: Re: الان فقد تمكنت الانقاذ .... معارضين اغبياء
Author: تبارك شيخ الدين جبريل
Date: 03-08-2009, 07:58 PM
Parent: #158
Quote: من الذي يملك مصلحة في عدم الاستقرار في تشاد في هذا الوقت؟
من هو الذي ظل تاريخيا في مناوشات مسلحة واتهامات متبادلة ودعم معارضة تشاد؟
من الذي اشتكي لطوب الارض من دعم تشاد لحركات دارفور المسلحة؟
بل من هو المستفيد الوحيد والأوحد من عدم وجود الحكومة التشادية الحالية ناهيك عن وزير داخليتها؟ |
إجابة مختصرة يا بروف ......
.. فرنسا ........
... المهم ...........
|
Post: #160
Title: Re: الان فقد تمكنت الانقاذ .... معارضين اغبياء
Author: Gafar Bashir
Date: 03-08-2009, 11:22 PM
Parent: #159
والله انت زول تحفة يا ابوطاقية :
انت لا عارف انو دارفور برنامجه الانتخابي لا عارف انو استئناف مفاوضات الشرق الاوسط برنامجه الانتخابي لا عارف انو مواصلة الحوار مع ايران برنامجه الانتخابي لا عارف انو سحب القوات من العراق برنامجه الانتخابي .... كدي النسالك انت عارف منو الفاز في الانتخابات الامريكية؟؟؟ لاني شايفك بتتسأل من جون قرنق ... وبعده اظنط حاتسال من الزبير وبراهيم شمس الدين .. انت قصتك بايظة
ياخي اتعب شوية واقرا ... مافي زول فاضي يقعد يثقفك اليوم كلو ... بعدين البروف ابو بدلة عنددو مشغوليات تانية وناس تانيين عايزين يفهوا والكويس فيهم انو الشغل معاهم بجيب نتيجة ...
اها موضوعك ده الا تشوف ليهو نقطة ... تاني
البروف مغادر انشالله المحاضرات دي تنفع فيك ...
وبالله زح طاقيتك دي لاغادي خلي العلم ده يدخل ليك ...
|
Post: #161
Title: Re: الان فقد تمكنت الانقاذ .... معارضين اغبياء
Author: تبارك شيخ الدين جبريل
Date: 03-09-2009, 05:29 AM
Parent: #160
| Quote: وفى المدة دى "أوباما" جدد العقوبات على زيمبابوى لمدة سنة (بمناسبة نجاحا فى اقتسام السلطة والإستقرار السياسى) .... |
انت الخبر دا زعلك من أوباما ولاّ شنو؟
ما تتوقع تغيير فورى وجذرى لى أمريكا دى عشان أوباما فاز .... فوزو بيعنى الكتير على مستوى تاريخ امريكا ومستقبلا البعيد ... لاكين الحاضر لازال متأثر بى هزة 11/9 ومن آثارا فوز أوباما (ما برنامجو الإنتخابى)
دا لو انت جديد على امريكا وتاريخا .... تاريخ الحركة الإسلامية بصياغة التلفزيون الأمريكى انا شفتو ... وجوراسيك بارك شفتو .... لاكين ما قاعد افكّر بيهم سياسياً (إحتمال لوردز اوف ذا رينج!) ....
.. المهم ......
|
Post: #162
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-09-2009, 12:11 PM
Parent: #161
Quote: والله انت زول تحفة يا ابوطاقية :
انت لا عارف انو دارفور برنامجه الانتخابي لا عارف انو استئناف مفاوضات الشرق الاوسط برنامجه الانتخابي لا عارف انو مواصلة الحوار مع ايران برنامجه الانتخابي لا عارف انو سحب القوات من العراق برنامجه الانتخابي .... كدي النسالك انت عارف منو الفاز في الانتخابات الامريكية؟؟؟ لاني شايفك بتتسأل من جون قرنق ... وبعده اظنط حاتسال من الزبير وبراهيم شمس الدين .. انت قصتك بايظة
ياخي اتعب شوية واقرا ... مافي زول فاضي يقعد يثقفك اليوم كلو ... بعدين البروف ابو بدلة عنددو مشغوليات تانية وناس تانيين عايزين يفهوا والكويس فيهم انو الشغل معاهم بجيب نتيجة ...
اها موضوعك ده الا تشوف ليهو نقطة ... تاني
البروف مغادر انشالله المحاضرات دي تنفع فيك ...
وبالله زح طاقيتك دي لاغادي خلي العلم ده يدخل ليك ... |
والله خسارة القروش الصرفوها فيك اهلك
وخسارة القروش الاشتريت بيها البدلة
اخير ليك تجي تشتري بيه زلابية هنا
خلينا من دارفور نجيك لي ديل يا بروف النت المفلقص في الفاضي
| Quote: استئناف مفاوضات الشرق الاوسط برنامجه الانتخابي |
بتين كانت وقفت يالغشيم عشان تستئنف
هاهاهاهاهاهاهاهاهاهاهاها
ركز يا طلحة ركز
| Quote: مواصلة الحوار مع ايران برنامجه الانتخابي |
بتين كان ابتدا عشان يتواصل
هاهاهاهاهاهاها
ما قلنا ليك ركز يا طلحة
| Quote: لا عارف انو سحب القوات من العراق برنامجه الانتخابي |
غصبا عن عين امه
كان ختاها في برنامج انتخابي ولا ما ختاها
يعني انت يا الغشم ابو كرفته
مفتكر انسحاب الجيش الامريكي من العراق منحة من اوباما؟!
كان كده سجم القروش البتدخل بيها نت وبتكملها في الثقافة والقراية
هاهاهاهاهاهاهاهاهاهاهاهاهاها
يا الجاهل ابو بدلة
الازمة الاقتصادية الحالية سبب رئيسي ليها حرب العراق وما حملته للميزانية الامريكة والميزانية العالمية مع تدهور في انتاج الطاقة الكانت العراق بتساهم في توفرها بصورة كبيرة
فهمت يالغشيم
امريكا ما بتقدر تخسر سنت تصرفه على جيشها في العراق تاني
ووإلا حا يشحدوا زينا كده
يا حبيبنا بسبب المشكلة دي الدعم البمشي لاسرائيل نقص
فاهم شنو يعني الدعم الماشي اسرائيل ينقص؟
فاهم شنو يعني GM تتجرس ؟
فاهم شنو اوباما يطالب بي قريب 850 مليار دولار لتدارك الموقف ؟
ياخ قوم لف والله كلامك الكاتبه ده مفروض تكتبه عريان موش تلبس ليه بدلة كمان
| Quote: لاني شايفك بتتسأل من جون قرنق ... وبعده اظنط حاتسال من الزبير وبراهيم شمس الدين .. انت قصتك بايظة |
هاهاهاهاهاهاهاهاهاهاهاها
اوع تقول لي انك قايل الانقاذ هي الكتلت جون قرنق
هاهاهاهاهاهاهاهاهاهاهاها
هاهاهاهاهاهاهاهاهاهاهاها
يا حبيبنا في كلام هنا كان كتبه هاشم بدر الدين وهو المسئول في فترة ما عن تامين جون قرنق
امشي اقراه يالجاهل
هاهاهاهاهاهاهاهاهاهاهاهاهاهاهاها
| Quote: ياخي اتعب شوية واقرا ... مافي زول فاضي يقعد يثقفك اليوم كلو ... بعدين البروف ابو بدلة عنددو مشغوليات تانية وناس تانيين عايزين يفهوا والكويس فيهم انو الشغل معاهم بجيب نتيجة ... |
والله الحمد لله انك ما فاضي يا بروف
ياخ لوثت لينا البوست بي معلومات لافي السما لا في الارض
الله يعين الناس الماشي عليهم
القلب داعيلهم
اما موضوعي استنفد اغراضه يا حبه
خاصة بعد ما ساهمت حضرتك بالكتابة فيه فتجسدت مقولة
معارضين اغبياء زي ما الله خلقها
|
Post: #163
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-09-2009, 01:53 PM
Parent: #161
| Quote: ما تتوقع تغيير فورى وجذرى لى أمريكا دى عشان أوباما فاز .... فوزو بيعنى الكتير على مستوى تاريخ امريكا ومستقبلا البعيد ... لاكين الحاضر لازال متأثر بى هزة 11/9 ومن آثارا فوز أوباما (ما برنامجو الإنتخابى) |
100%
ويا مرتضى ما تحضر مسلسل (24) كتير وتبني ارائك عليها
دي مسلسل ما اكتر ولا اقلا
|
Post: #164
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-09-2009, 01:59 PM
Parent: #163
الترابي سياسي ذكي للحد البعيد
لكنه يستخدم ذكائه للضرر فقط
ابدا ما استخدمه لجلب المنفعة
اذا
|
Post: #165
Title: Re: الان فقد تمكنت الانقاذ .... معارضين اغبياء
Author: ABUHUSSEIN
Date: 03-09-2009, 11:33 PM
Parent: #164
يا وليد كنت ناوي أفصل لي بدلة مخصوص علشان أتصور بيها و أظهر بيها في البورد الما عندو سيد دا
لكن عقدتني عدييييييل كدا
|
Post: #166
Title: Re: الان فقد تمكنت الانقاذ .... معارضين اغبياء
Author: ASHRAF MUSTAFA
Date: 03-10-2009, 00:33 AM
Parent: #165
وليد ازيك
مشتاقين والله
سلامي لابو حسين معاك.
|
Post: #169
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-10-2009, 08:15 PM
Parent: #166
مرحب اشرف
خالص التحايا
|
Post: #167
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-10-2009, 07:52 PM
Parent: #165
مرحب ابو حسين
هاهاهاهاهاهاهاهاهاهاهاها
ياخ انت عندك كارنيه
البس سااااااااكت
|
Post: #170
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-10-2009, 08:18 PM
Parent: #168
هاهاهاهاهاهاهاهاهاهاهاهاهاها
اها شفت البلاده يا محسن
دينق ده معزور كمان
عنصريته بتنقح عليه من فترة لي فترة
|
Post: #172
Title: Re: الان فقد تمكنت الانقاذ .... معارضين اغبياء
Author: حسين نوباتيا
Date: 03-11-2009, 07:26 AM
Parent: #170
الاخ وليد قرات هذا البوست من بدايته و حتى المداخلة اعلاه..
وحاولت قراة بوست "جيلى" والذي اعتبر انه بوست مهم للغاية ولم يجد حظه من النقاش..
اتفق معك في اشياء كثيرة في ما ذهبت اليه ولكنى اختلف معك في " ترك الحال على ما هو عليه لحين ظهور البديل الجاهز"
رائت وجه شبه ما بين طرحك وطرح الدكتورة احلام حسب الرسول لعله التشاؤم مع اختلاف النتائج فهي تدعو لعودة المتحل الانجليزي لتسيير البلاد لاننا حسب زعمها فشلنا في ادارتها..
لك مقدرة جيدة على تبسيط الافكار المعقدة-- لكنى انصحك بالابتعاد عن الانفعال السريع والشتم..
استمتعت جدا عندما ذهبت الحدة عن النقاش بينك وبين الاخ صلاح فتوصلتما لنقاط التقاء كثيرة..
ساعود مرة اخرى لاتداخل عندما اجد الوقت الكافي..
تحياتى
|
Post: #173
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-11-2009, 05:53 PM
Parent: #172
مرحب حسين نوباتيا
وشكرا كتير على الاهتمام والنصح والعشم كمان
بوست جيلي انا .. كان سنة 2004 - واعده سنة 2005
ولو شايف فيه حاجة مفيدة ممكن افتحه تاني للنقاش - وبكل الود والترحاب والشكر
تصدق احيانا بقرب اصل لما توصلت اليه دكتورة احلام
والشاهد انه جميع الحكومات بدون فرز ومنذ الاستقلال لم تقدم للبلاد اي شئ
بل لو تابعنا مسيرة التنمية ( المادية ) لوجدنا الحكم الدكتاتوري قدم اكثر من الحكم الدمغراطي
في حكوماتنا الدمغراطية تنصرف الاحزاب الى تمكين نفسها وتصل في هذا لدرجة انها تحاول تمييز اعضائها فتفتت البلاد وتتقاسم الاحزاب كل شي كل حسب امكانياته ، كل شي ! من الااضي الى السُلطات
ساحاول الابتعاد عن الشتائم لكنه ارث ما يزيد عن خمس سنوات في هذا المنبر .. كانت البداية على شاكلت جيلي انا والتهذيب اساسها ثم وجدت بعض الاعضاء هنا يعتبرون التهذيب ضعف .. اها قلنا نوري النوعية دي شكل الكيبورتات ماهو صعب ولا بغلبنا ... لكن عاصم خلق الله مننا احترما ليس الا
صلاح ليون زول مهذب والفضل في انه النقاش يكون مفيد برجع ليه
للحقيقة انا كنت في الاول محتد معاه وفاكره من النوع بتاع الفورمات الجاهزة
لكن لقيته زول محترم
شكرا ليك كتير يا حبيبنا
ونحن لو لقينا ناس زيك وزي ليون
غير الاحترام والتاوضع والتهذيب ما بتلقوا مننا شي
تسلم
|
Post: #174
Title: Re: الان فقد تمكنت الانقاذ .... معارضين اغبياء
Author: حسين نوباتيا
Date: 03-12-2009, 05:59 AM
Parent: #173
الاخ وليد ..
سلام..
اتفق معك على اشياء كثيرة منها ..ان عقلية الشعب التى انتجت الانقاذ محتاجة الى اعادة صياغة... عدم وجود قادة تارخيين يمكنهم توحيد كل الشعب تحت راية واحدة "في الوقت الحالى"
وجود معارضة تقليدية تم تحنيط قادتها لقرون فاصبحت طاردة للشباب الغير منتمى بشكل توارثى ..استمراء المؤسسة العسكرية القفز على الحكم كلما اتفق بضع من منتسبيها على قلب الحكم..
وجود قطاعات كبيرة من الشباب تقطعت به السبل وحار دليلهم ما بين احزاب نخرة و دكتاتوريات باطشة فصار انتماءهم للغمة العيش..
ولكن اذا تعمقت في كل هذة المشاكل ستعرف ان الحل واحد لا بديل له طال الزمن او قصر ..سوى ان جاء ادركنا لهذا الحل اليوم او بعد الف عام لا مفر منه..
عقلية الشعب التى انتجت الانقاذ لم تتح لها الفرصة ولم يتم تمرينها على الديمقراطية فلكما بداء التمرين اتانا عسكري ونفخ في صافرته ناهيا التمرين ..
من اين يمكن ان ياتى قادة تاريخيون اذا مع كل انقلاب تغير المناهج التربوية و تكون اهم مادة فيها تمجيد الحاكم..
كيف يمكن للاحزاب التقليدية التطور واذاحت القادة المحنطين واعطاء شباب هذة الاحزاب الفرصة للتجديد والتطور اذا ادمن العساكر تفجير كل التجارب واعادة الاحزاب بقادتها الى التلاجة لمزيد من التحنيط..
كيف يمكن للشباب ان يشارك و يتفاعل مع قضايا وطنه اذا كان الطريق للمشاركة هو الانتماء او الطرد..
اذن لنتفق ان خيارنا واحد لا ثانى له وهو الدمقراطية ..لا يمكن لشعب به اعراق و لغات و مشارب و توجهات عدة ان يحكم بغير الديمقراطية ..
حتى اذا انقلبت بعض الاحزاب على الديمقراضية و شاركت في "تفتيت" وحدة البلد فهذا حافذ اخر لسد كل السغرات لاحقا..
رغم ما نمر به اليوم من كوارث ازعم اننا سبقنا كل الدول المحيطة بنا .. فما نمر به هو مخاض طبيعى مرت به الشعوب قبلنا وو صلت الى مرافى الامان .. و كان حظنا العاثر ان جيلنا عاصر هذا المخاض و لم ناتى بعد اسقرار الامور.. وهذا لا يعنى اطلاقا ان هذا المخاض نتائجة مضمونة و لكننا نامل ذلك..
الرجاء منك اخى وليد اعادة فتح بوست جيلى انا لانني اعتقد ان به توضيح لما هو غائب عن الكثيرين هنا ..وانا منهم..
جاييك تانى للخيارات المتاحة.. بس الله يدينا الزمن..
كن بخير
|
Post: #176
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-12-2009, 03:11 PM
Parent: #174
اخونا نوباتيا
تعرف يا نوباتيا.. حقيقي الشخصية السودانية عاوزة مراجعة .... اقول ليك راقب اي زول مسئول من شي معين ... من خفير المستشفى ... لحد اكبر وزير .... شوف كمية العقد والتسلط وحب اظهار الاهمية الحا تلقاه ... والكلام ده ما بختلف كان الشخص ده امي ولا بلغ من التعليم درجات عليا ... كلهم ستجد منهم نفس التسلط والكبر !!!!
الانقاذ ما جاتنا وافده يا نوباتيا
الانقاذ ياها انا .. انت .. اخوي .. اخوك .. ولاد اعمامنا .. ولاد خالاتنا ... جيرانا .. قرايبنا .. اود حلتنا ..
الكيزان ياهم لاذم يكونوا واحدين من ديل ...
رضعوا من نفس الاثداء التي رضعنا منها ..
اكلوا ما اكلنا
درسوا في نفس مدارسنا ومن نفس النظام التربوي التعليمي وبنفس المعلمين
لعبوا نفس الدافوري اللعبناه في نفس الازقة والميادين
اها زي ما قال الطيب صالح
من اين اتى هولاء ؟؟
الاجابة بكل اسف
من هنا ده ....!
| Quote: رغم ما نمر به اليوم من كوارث ازعم اننا سبقنا كل الدول المحيطة بنا .. فما نمر به هو مخاض طبيعى مرت به الشعوب قبلنا وو صلت الى مرافى الامان .. و كان حظنا العاثر ان جيلنا عاصر هذا المخاض و لم ناتى بعد اسقرار الامور.. وهذا لا يعنى اطلاقا ان هذا المخاض نتائجة مضمونة و لكننا نامل ذلك.. |
ياخ نحن مساكين خلاص
حقنا ضايع
|
Post: #177
Title: Re: الان فقد تمكنت الانقاذ .... معارضين اغبياء
Author: حسين نوباتيا
Date: 03-13-2009, 07:47 AM
Parent: #176
شكرا اخي وليد على استجابتك لاعادة فتح بوست جيلى انا..
و اعتقد ان هذا البوست سيساعد الكثير منا على فهم عقلية الشباب الذين بدءوا حياتهم العملية في عهد الانقاذ.. طريقة تفكيرهم ..اوضاعهم .. و خياراتهم .
نتلاقى بهناك..
_________________________________________
نعم " الكيزان" سودانيون لكنهم فصيلة مستحدثة مدجنة و مزودة بكل سبل الانتهازية والانانية..نظرتهم للغير اقصائية ..لم يحدث في تاريخ ان ظهرت فئة بهذا القدر من الاجرامية لها انتماء "انكشاري" للتنظيم ذبحت على اعتاب هذا الانتماء الدين والاخلاق و كل السمات السودانية المتوارثه ..
والسودان كما الجسم السليم يمكنه ان ينتج خلايا سرطانية في اي وقت .. و اتفق معك في جذئية العلاج .. لكنى اختلف معك في ترك هذه الخلايا السرطانية حتى اكتشاف الدواء الناجع لانها ستقضي على الجسم لا محالة .. بل يجب مقاومتها بكل السبل.
تحياتى ..
|
Post: #178
Title: Re: الان فقد تمكنت الانقاذ .... معارضين اغبياء
Author: وليد محمد المبارك
Date: 03-13-2009, 07:45 PM
Parent: #177
مرحب نوباتيا
التشخيص اخم من العلاج يا نوباتيا
لانه على ضوئه بتحدد العلاج نوعة شنو مقدار الدوز وساعات اعطائه
برضو معرف التاريخ المرضي للمريض
والمسببات
هل فايروس
بكتريا
ولا وراثه
التشخيص قبل العلاج يا نوباتيا
لانه مرات العاج يجعل المرض ينتشر
ودونك السرطان تحديدا
احيانا جرعات الكمائي
تزيد المرض انتشارا وتعجل من سرعة انتشاره
|
|