شعباويات ( حكـــى من حلتنــا )

شعباويات ( حكـــى من حلتنــا )


07-18-2010, 01:39 PM


  » http://sudaneseonline.com/cgi-bin/sdb/2bb.cgi?seq=msg&board=301&msg=1279456780&rn=0


Post: #1
Title: شعباويات ( حكـــى من حلتنــا )
Author: بدر الدين اسحاق احمد
Date: 07-18-2010, 01:39 PM

العمود فى ركــن شارعنـتا امام منزل عمنا المرحوم عبد الله عبد القادر والد كل من عوض الزنجى / برعـى / الفاتح وتونــه ...

مثل لنــا متكــئ جلسنا اليه سنين متصلة ..\

لم يمــل من جلوسنا اليه كل يوم ..

بجديدنــا ..

بتكرار انفسنا ..

فهو لا يمـل من سماع اصواتنــا وهى تدندن / تشدو / تتحدث / تصرخ


ما اجمل ذاك العمود وما اجمل تلك الحجارة المرصوصــة تحتــه ...

Post: #2
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 07-18-2010, 01:41 PM
Parent: #1

تحيط بجلستنا اعين الاباء والامهات

ثم تحيط بجلستنــا انفسنــا

ثم ننظر الى الاخــر مهما كان الاخــر بأنــه ( جلا)



Post: #3
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 07-18-2010, 01:45 PM
Parent: #2

فمن نحن ..

فى الحقبة الزمانية ؟


فمن نحن فى الشأن العام ؟


فمن نحن فى حلتنــا ؟

Post: #4
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 07-18-2010, 01:46 PM
Parent: #3

عن ماذا كنــا نبحــث ؟


sudansudansudansudansudansudansudansudan6.gif Hosting at Sudaneseonline.com

Post: #5
Title: Re: شعباويات ( حكـــى من حلتنــا )
Author: عابدون محمد عابدون
Date: 07-19-2010, 09:34 AM
Parent: #4

كانت اللحظة متخمة وملأى وتغنيك عن التطلع الى ماسواها ..

كان الزمن جميلا ..

( مايجى صاحبك عزام يصحيك ) .

Post: #6
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 08-02-2010, 02:56 PM
Parent: #5

Quote: كان الزمن جميلا ..



ليس الزمان فقط الذى كان جميلا ..

كنا نحن ايضا تمتلــئ دواخلنــا بالجمال ...


عقلنــا الجمعــى كان يشكل كل حلتنــا ...

نجوع بجوع احدنا ..

نفرح بفرح احدنــا ..

كنــا كل فى واحـد / وواجد فى كل

Post: #7
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 08-02-2010, 03:06 PM
Parent: #6

مشهد الجلســة :


المكان حــدد دون التشاور مع احــد .. وجدنــا انفســنا نســاق كل يوم الى هذا المجلس


الزمان حــدد الزمان ايضا دون مشورة احد فهو يبتدئ بعد المغرب مباشرة ويمتـد الى ساعات غير محددة

من الليل ..

انتهاء اجل المجلس .. غير محــدد فهو ينتهــى بإنتهاء المقدرة على الحكــى والمقدرة على الاستماع

المواضيــع .. تبتدئ مــن ( السياسة الخارجية الامريكية ) وتنتهــى ( بشجر عمنــا جمعة الجاك الله

يطراهو بالخير وينعم عليه بالصحــة ..








العم جمعة الجاك (والد كل من سامى جمعة لاعب فريق الجهاد والمغترب فى السعودية .. جده /

واسامــة جمعةالفنى بالاذاعة السودانيــة .. واهم حاجة انو اكبر مننــا واصغر من ناس وهبــة )

والاخوات الكريمات ( مريم / اميمة / نجلاء ) ويمتلــئ البيت بروح امهم وامنــا .. نعمات بيــن

اسبغ الله عليها نعمة العافية والصحة

Post: #8
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 08-02-2010, 03:12 PM
Parent: #7

شروط العضويــة ...

لا توجد شروط ســوى ان تكون لك المقدرة على الحكى والاستماع او احد المهارتين


لانو فى ناس ما بيدوك فرصــة ذاتو تحكــى طوالى ماسكين المايــك ..

Post: #9
Title: Re: شعباويات ( حكـــى من حلتنــا )
Author: مجدي كنة
Date: 08-04-2010, 11:03 AM
Parent: #8

الخليفة بدرالدين,,, سلام رطب جميل لشخصك بصفاته الذهبية طبعااجمل الحكاوي حكاوي عمود النور (كان مولع او مطفي ) ونحن في 6-7 كان عندنا ملك السرد والحكي اخونا المغترب ( فخر الدين ) دفعة امير قناوي وعماد شكوكو والتاج نقد وبدر الدين اسحق بمدرسة الشعبية ج رجل لديه خيال يفوق الوصف خاصة عندما يمتزج بحركة الايدي والتمثيل وتقليد الاصوات سواء كان رصاص او عربات او نساء او حتي نبيح كلاب ونحن من جانبنا نزيد الرطل وقية بالاندهاش والتركيز واحساس بالتصديق مما يجعله يحلق بالقصص والروايات الكاذبة لاقصي درجات الخيال ,,, اما قمة الاثارة والمتعة عندما يكون السرد عن مطاردات المظاهرات في زمن النميري ::: ان شاء الله سنحاول سرد بصض القصص الخيالية من اخونا فخر الدين .... الي ذلك تحياتي

Post: #10
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 08-05-2010, 09:51 PM
Parent: #9

Quote: الخليفة بدرالدين,,, سلام رطب جميل لشخصك بصفاته الذهبية طبعااجمل الحكاوي حكاوي عمود النور (كان مولع او مطفي ) ونحن في 6-7 كان عندنا ملك السرد والحكي اخونا المغترب ( فخر الدين ) دفعة امير قناوي وعماد شكوكو والتاج نقد وبدر الدين اسحق بمدرسة الشعبية ج رجل لديه خيال يفوق الوصف خاصة عندما يمتزج بحركة الايدي والتمثيل وتقليد الاصوات سواء كان رصاص او عربات او نساء او حتي نبيح كلاب ونحن من جانبنا نزيد الرطل وقية بالاندهاش والتركيز واحساس بالتصديق مما يجعله يحلق بالقصص والروايات الكاذبة لاقصي درجات الخيال ,,, اما قمة الاثارة والمتعة عندما يكون السرد عن مطاردات المظاهرات في زمن النميري ::: ان شاء الله سنحاول سرد بصض القصص الخيالية من اخونا فخر الدين .... الي ذلك تحياتي


الحبيب كنــه ...

الشاب الجميل من الزمن الحلــو ...

يعلم الله بنريدك ســاى كــدا ...

طلتك بتفرحنــا ...

زمان كان جيرانكم من جهــة الشمال زمان ونحن فى سنة اولــى زول اسمو ( يحي ) كان معقد الفصل كلو

الجلاليب اغوهــا ليها كم سنة وزولكم دا طوالى لابس جلابية والغريب فى الامــر بيجى شايل معاهو ( بســتله ) فيها فطورو ...

دى امة يرفعو ليها علم ..

Post: #11
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 08-28-2010, 10:17 AM
Parent: #10

ونحن فى الصــف الرابــع الابتدائي ..

تم نقــل جارنــا من دنقلا الى مدرســة الشعبية جنوب مترقيــا

الاخ / الدفعة انور عبد المطلــب ..

ذلك الشاب القادم من شمال الشمال يحمل طيبة وبداوة الريف السودانى

زولك طوالى بحكم منزلهم المجاور لنــا طوالى إندرج فى القائمــة المشمولــة

برعايتنــا وحمايتنا ..

مع انو الزول ما كان مقصــر دنقلاوى مربــى بيــه بلح + قراصــة + تركين

جميــل .. برئ .. وناس .. وبرضــو بلغة ذاك الزمان ( جــلا )

سالناهو كيــف يا ابو الشباب عامل فى مدرستكم فى البلد

قالو كاريهم ليــك الاول من سنة اولــى ..

قلنا امسكو الخشب جابو لينــا زول تفتيحــة وشاطر

امكن يزاحم لينــا ناس عادل بابكر وناس امير قناوى ديل المامديننا فرقــه معاهم

عليكم امان الله صاحبكم فى اول امتحانات جاب نتيجة تكلمت بها الركبان

طوالى مترقيــا من الاول فى دنقلا الى ( 40 ) فى شعبيتنــا

ما قلنــا ليكم الحضارة حدها شمالا خور شمبات ام كما كنا نقول

فى ساعات صفاءنــا ..


اخ منك يا زمــن ..

حليل ايامكم يا ابو نورة

انور طلب

درس هندســة فى جامعة حلوان فى مصر

اليوم صاحب اعمال تجارية هندسيــة

يسكن اركويت

متزوج واب لاطفال

ومنزل والدهم فى شعبيتنا مربع 8/9 جنوب ..

جوار ناس حســن كديــس وشارع ناس خالد فرينــى ..

Post: #12
Title: Re: شعباويات ( حكـــى من حلتنــا )
Author: بدر الدين اسحاق احمد
Date: 07-26-2011, 09:55 PM
Parent: #11

اعضاء غير دائمين فى الحجر ..
كمال محمد عبد المجيد
او قل
كمال توما *
او قل
كمال طرزان
زول مثير للدهشة والحكى من اوائل الشباب الذين اغتربو الى ليبيا
محب لكرة القدم بشدة وبتاع دافورى من الطراز الاول

* تومــه جليل ( امى التى لم تلدنى امراة من الزمــن العصيب والجميل ) دخلت على الزمان بتحدى النساء الشوامخ
عزة وفخار مع كل تحديات الحياة وصعابها
تحملت العبء بوفاة عمنا محمد عبد المجيد صالح فى غرق الباخرة الشهيرة لاساتذة جامعة الخرطوم فى اوائل السبعينات
فشمخت وتحزمت بكل كبرياء وعنفوان امهاتنا
فكان كمال طرزان
وعبده كحيل الهواء شالو
والكريمات مريم وتتو
الله يمتعك بالعافية امنا توما جليل
الكريمة رغم المسغبة
صاحبة امــى ورفيقة دربهــا