Post: #1
Title: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 07:33 AM
Parent: #0
الم يخيرونا كنوبيين بين الجنسية السودانية او المصرية عند بناء السد الهالك
فلماذا يفرض على الجنوبي اما الرحيل او نزع الجنسية السودانية؟؟
وهم اصحاب ارض لآلاف السنين مثلنا تماما
ومن هذا الذي يوزع صكوك الجنسية؟؟ آخر الوافدين!!
محن
|
Post: #2
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 07:38 AM
Parent: #1
الم يفرضوا علينا التشرد في المشروع الفاشل المسمى خشم القربة؟؟
ولجأنا زرافات ووحدانا الى جمهورية الكلاكات المتحدة
فلماذا لا يخير الجنوبي ايضا؟؟ بين البقاء في الشمال وبين الرحيل الى الجنوب
ارض الشمال التي هي ارضه التي هي ارضه رغم انف الوافدين
|
Post: #3
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: Al-Shaygi
Date: 09-30-2010, 07:46 AM
Parent: #1
Quote:
وهم اصحاب ارض لآلاف السنين مثلنا تماما
|
وأكتر
Quote:
ومن هذا الذي يوزع صكوك الجنسية؟؟ آخر الوافدين!!
|
ومن قبل وزعوا صكوك الجنة ووزعوها جنان وقصور وفلل بحسب الدرجة والهوى
يعني شنو صكوك الجنسية دي...
(الواجعني أنه ناس الجيش ما أدوهم فيها ولا حتى مساحة زنزانة،، ولا إنشاء الله قوف شماعة)...
زمان أيام حرب الخليج ظهرت نكتة نسب للراحل د. عوض دكام بتقول أنه جا ماشي لقى ليهو واحدة بتبكي وقف سألها بتبكي ليه يا حاجة؟؟؟
أشرت ليهو على واحد بي كرش ودقن،،، وقالت ليه الزول ده شتمني وقال لي يا خادم!!!!
رد عليها د. عوض مطيباً خاطرها ،،، يا حاجة ديل شتموا خادم الحرمين ما دايراهم يشتموك أنتي؟؟؟؟
وكل سنة وأنت طيب ونشوفك يا بن عوق بعد الأرشفة....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #4
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: قلقو
Date: 09-30-2010, 07:54 AM
Parent: #3
الأخ احمد ابنعوف ,
| Quote: الم يخيرونا كنوبيين بين الجنسية السودانية او المصرية |
صرنا كالمستجير من الرمضاء بالنار .
كان يجب ان تكون النوبة جمهورية قائمة بذاتها .
|
Post: #5
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: ترهاقا
Date: 09-30-2010, 08:03 AM
Parent: #4
Quote:
ومن هذا الذي يوزع صكوك الجنسية؟؟ آخر الوافدين!!
|
الدخلاء على الوطن
|
Post: #6
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 08:50 AM
Parent: #5
اخوي الشايقي
| Quote: ومن قبل وزعوا صكوك الجنة ووزعوها جنان وقصور وفلل بحسب الدرجة والهوى |
وفي النهاية قالوا عليهم راحو فطيس ساكت
| Quote: يعني شنو صكوك الجنسية دي... |
ياها المصيبة الخدرا الاسمها شهادة الجنسية
| Quote: (الواجعني أنه ناس الجيش ما أدوهم فيها ولا حتى مساحة زنزانة،، ولا إنشاء الله قوف شماعة)... |
ياحليلك يا الشايقي، هو نان قالولك في جيش، انت ما سمعت عبدلارحيم محمد حسين
بكورك قبل كم شهر وقال ما عندي عساكر وبنادي الناس للتجنيد
Quote: زمان أيام حرب الخليج ظهرت نكتة نسب للراحل د. عوض دكام بتقول أنه جا ماشي لقى ليهو واحدة بتبكي وقف سألها بتبكي ليه يا حاجة؟؟؟
أشرت ليهو على واحد بي كرش ودقن،،، وقالت ليه الزول ده شتمني وقال لي يا خادم!!!!
رد عليها د. عوض مطيباً خاطرها ،،، يا حاجة ديل شتموا خادم الحرمين ما دايراهم يشتموك أنتي؟؟؟؟ |
وما يفوتك الزول الكان بنبز في خادم الحرمين رجع وطلع في الكفر تاني
وكل سنة وأنت طيب ونشوفك يا بن عوق بعد الأرشفة....Quote: Quote:
قلنا نديهم حبة قبل الارشفة زي حبة قبل النوم ديك
تحياتي
æãä åÐÇ ÇáÐí íæÒÚ Õßæß ÇáÌäÓíÉ¿¿ ÂÎÑ ÇáæÇÝÏíä!!
|
ÇáÏÎáÇÁ Úáì ÇáæØä |
|
Post: #7
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 08:55 AM
Parent: #6
العزيز قلقو
تحياتي
Quote: صرنا كالمستجير من الرمضاء بالنار .
كان يجب ان تكون النوبة جمهورية قائمة بذاتها . |
وحدودها معروفة، من الشلال الاول (قرية ادفو جنوب اسوان ب 5 كبلومتر) الى سوبا
ووكت خربانة خربانة ام بناية قش، حقو نشرع في المشروع دا فورا
|
Post: #8
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 09:02 AM
Parent: #7
العزيز ترهاقا
ياهم ناس دخلوها وصقيرها حام
باي حق في الدنيا يريدون نزع الجنسية من الجنوبي؟؟
|
Post: #10
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: عزام حسن فرح
Date: 09-30-2010, 09:19 AM
Parent: #8
| Quote: الم يخيرونا كنوبيين بين الجنسية السودانية او المصرية عند بناء السد الهالك |
وده برضو الحصل لِلمِصْرِيين الكانو في السودان ... خَيروهُم ... وبعدين النوبِيين الفي جنوب مِصر (أسوان) بِشكِلو تِلِتْنا والنوبِيين وأقباط مِصر هُم "مِصر" ما غيرُمْ ... وبين النوبِيين والمِصرِين حين جاء خِيار إخْتِيار الجنسِية لم يكُن بينهُم دِماء ... لكِن بين الجنوبِيين والشِمالِيين دِماء بدأت عام 1955م وإنْتهت عام 2005م وبلغت يَوم الناس هذا [2] مليون قتيل و[2] نازِح ومُشرد ومُضطهد ... لِذا إذا حصل الإنْفِصال -بِإذن الله تعالى- لابُد أن يكون إنْفِصال تام كامِل شامِل ، على الأقل في الفترة الأولى ، الهيجا الأولى ... الصدمة الأولى ... خُلعه البِداية ... بعدين لِقِدام نشوف حِكاية إزدِواج الجِنسِية وترتيب أوضاع الزيجات الحصلت بين الشِمالِيين والجنوبِيين وعُقود العمل والإسْتثمارات ... هكذا
هسِع الشِمالِيين الدايرين "وحدة" ديل وبِكوركو الصباح الصباح "وحدة وحدة" "منقو لا عاش مَن يفْصِلُنا" "ماف جنوب بِدون شِمال وماف شِمال بِدون جنوب" أكان سألتُهم في زول فيكُم شاف الجنوب ... الجنوب الحقيقي خليها جوبا وواو والزِيارات الخاطِفة ، ناس [مشيت إسبوع كِده مع رابطة الكُلِية] لو سألتُهم بِتعرِف إسم أكله جنوبِية واااحدة ... أكلتها ... لو سألتهُم إنت مُتزَوِج جنوبِية ... في زول مِن أهلك مُتزَوِج جنوبِية ... طَيِب ياخ بِتعرِف ليك شِمالي بِالإسم مُتزَوِج جنوبِية ... خليهو ده في جنوبي مُتزَوِج واحدة مِن أُسرتك ... مِن عائِلتك ... كدي النَوسِع المسألة ... في جنوبي مُتزَوِج مِن قبيلتك ... هوووي ها هوووي ها إصلو "الوحدة" دي كيفِنها! قايلِنها نُصوص ومقالات وشِعارات ولا قميص بِتْلبِس ... الوحدة فِعل ... عمل ... نتيجتو : ثِمار بِنْحصِد ... ونحنا كشِمالِيين لا فعلنا ولا عملنا .. أكان دايرين نحصد ثِمار بعد ده ، تبقى دي عوارا حرم ساااي
|
Post: #9
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: Al-Shaygi
Date: 09-30-2010, 09:07 AM
Parent: #6
Quote:
ياحليلك يا الشايقي، هو نان قالولك في جيش، انت ما سمعت عبدلارحيم محمد حسين
بكورك قبل كم شهر وقال ما عندي عساكر وبنادي الناس للتجنيد
|
هو أصلاً عسكري لامن يدور العساكر
حليل العسكرية
زمن ضابط حرس الشرف البيكسر السيف في التحية!!!
ولا البيشرط البوت لامن يقولوا ليه إنتبااااااااه....
قائد يدخلوا ليه كم تاتشر من تشاد لغاية أمدرمان ودي سفرة أسبوع بالبر أقله...
وبعد ده مرة يقول أستدرجناهم ومرة يقول ما مروا بنقاط الجيش !!!!
لا أحسن يجوك في مكتبك في القيادة ويوقولوا ليك هاك أقبضنا؟؟؟؟
جاتنا نيلا في حظنا الهباب
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #11
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 09:55 AM
Parent: #9
عزيزي عزام
تحياتي
كلامك كله على العين والراس، وان كنت انا نفسي ادعو للانفصال لكن لاسباب
مختلفه تماما، فانا اريد لهذا الجنوبي الفكاك من الورطة الاحنا فوقا
في الشمال دي.
لكن اذا قرر الجنوبي اي جنوبي البقاء في الشمال لسبب او لآخر، لماذا
لا يمنح حق اختيار الجنسية لاي دولة يريد، وين مبدأ حرية الاختيار للفرد
الحر؟؟
الجنوبي صاحب ارض في حوض النيل كما النوبي تماما صاحب ارض في حوض النيل
نزع الجنسية سيخلق بلبلة لا ليها اول ولا آخر، فماذا يسعون لتأجيج الصراع
عشان سيل الدم يبدأ مرة تانية؟؟ اي ابليس هذا الذي يسكن في دماغ هؤلاء
اها قالوا لن يوقعوا مع الجنوب اتفاقية الحريات الاربعة الموقعة مع مصر اساسا
طيب، ادوهم الحق دا على اقلو
تحياتي
|
Post: #12
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: عزام حسن فرح
Date: 09-30-2010, 10:16 AM
Parent: #11
Quote: نزع الجنسية سيخلق بلبلة لا ليها اول ولا آخر، فماذا يسعون لتأجيج الصراع
عشان سيل الدم يبدأ مرة تانية؟؟ اي ابليس هذا الذي يسكن في دماغ هؤلاء
اها قالوا لن يوقعوا مع الجنوب اتفاقية الحريات الاربعة الموقعة مع مصر اساسا
طيب، ادوهم الحق دا على اقلو |
أحمد يا خوي إنت بِتفْترِض ليه إنو "الجنوبي" دايِر جِنسِية يِقعُد بيها في الشِمال وبِتفْترِض ليه إنو الجنوبي دايِر مع الشِمال "إتفاقِيات"؟
البين الجنوب والشِمال دم [2] مليون قتيل وتاريخ طويل مِن الإسْتعْباد والإضطهاد والتهميش واللجوء والنُزوح ... ما أظِن في "جنوبي" عاقِل حيقبل بِالعَيش في السودان ما بعد الإنْفِصال ، بِأي شكل مِن أشكال الإقامات (إزدِواج جنسِية/عقد عمل ... إلخ) إذا كان الجنوبي مِن 1956 ولغاية يوم الليلة شاعِر -وده حقيقي- إنو مُواطِن درجة تانية وفي جُزْلانو في بِطاقة وجنسِية وجواز سفر وشِهادة ميلاد ، كلها بتثبِت وتقول إنو "سوداني" ظنك بعد الإنْفِصال والإنْعِتاق حيكون دايِرلو مع الشِمال جنسية أو إتفاقِية تِجارِية؟!
|
Post: #13
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: أحمد ابن عوف
Date: 09-30-2010, 10:45 AM
Parent: #12
عزيزي عزام
| Quote: أحمد يا خوي إنت بِتفْترِض ليه إنو "الجنوبي" دايِر جِنسِية يِقعُد بيها في الشِمال وبِتفْترِض ليه إنو الجنوبي دايِر مع الشِمال "إتفاقِيات"؟ |
كلام زي العسل وفي الصميم
انا ما بفترض، انا العلي بسويهو، بديهو (الحق) شاء من شاء وابى من ابى ان يقبل
بجنسية الشمال او الجنوب او يلقي بكلاهما في اي ملف ويسعى جنسية ثالثة فهذا ليس
شاننا
والحق البديهو ليهو ليهو دا لا صدقة لا منحة، دا حق بدخل في تعريف الحقوق (الطبيعية)
واظنك يا قريبي عزام تعلم تماما الفرق بين الحقوق الطبيعية والحقوق التي تمنح منحا
اي محاولة لانتزاع حق طبيعي بيواجه بالقوة مباشرة، زي حق الحياة
انا شخص ساعي لتفادي الدم يا عزام، الترحيل القسري عمره في اي بلد ما جاب غير الدم
بعدين بعرف لي جنوبيين دايرين يقعدوا في الشمال بعد الانفصال، زاتو ما عندهم محل يمشوهو
في الجنوب
وبالمناسبة جزء من اهلي النوبيين اخدوا الجنسية المصرية، لانهم كانوا مقيمين بالقاهرة
لزمن طويل قبل بناء السد العالي، فلمن جاء السد كان الامر تحصيل حاصل بالنسبة ليهم
ففضلوا الجنسية المصرية طالما هم خلاص هاجروا من بدري، ما امكن نفس الوضع ينطبق على
بعض الاسر الجنوبية في الشمال
تحياتي
|
Post: #14
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: ناصر المحسى
Date: 09-30-2010, 10:56 AM
Parent: #13
| Quote: ومن هذا الذي يوزع صكوك الجنسية؟؟ آخر الوافدين!! |
دجاجة الخلا تطرد دجاجة البيت
|
Post: #15
Title: Re: الم يخيرونا كنوبيين بين الجنسية السودانية او المصرية عند بناء السد الهالك
Author: Medhat Osman
Date: 09-30-2010, 03:04 PM
Parent: #14
عزيزي احمد سلام
.
.
.
النوبين اصل والجنوبين اصل في وادي النيل....
التقي الزعيم جون قرنق بفنانه المفضل الزعيم محمد وردي وتبادلوا القفشات والابتسامات.
بس شوف الناس الحاقدين البي وراهم ديل عايزين يبكوا كيف من هذا اللقاء المميز.
|
|