مواهب إدريس .. وعزّام حسن فرح .. ماكلين غزال فطيسة!!!

مواهب..

عزام ، مرات تقول ـ تتغبا فيهو العرفة ، و فوق النار تلزو
لكن من قريب ، لمن تعرفو ، تحلف يمين تعزو
زولا اصيل ، و الهايفة ، يا اهل الله ، تب ما بتهزو
و البتغلبو معاهو بصارة ، يتكفى في الكباشي ، و شعر كبر يجزو

و يا مواهب..
لو من تالا ، جاتك من عزام فسالة
خبرينا يا صديقة ، و اصدقي في المقالة
بنقدر كيف نلجم حسيسا ، حتى لو صار في الناس مثالا
هو زول ظريف ، حتى لو طفّ في مكيالا..

و يا عزام ، هذا الكلام لا يعني أن ترفع البنزين عن ول ابا بريمة ، ياخي محل ما تلاقيهو امعطو لمن يآمن..بس ابعد لينا نبيلو من المعمعة..
دير بالك يا صديقي ، خيط واحد و نلـّصق ليك دال من دالات اهلك الحلفاوين..فما تضطرنا لذلك..!!!
كباشي حبابك..يا ول ابا..


كبـّر

كبر

والله يا مؤمِن كُتْ قاعِد في غابْة راجي الغزالا
كُل يوت أقول باكِر بِتجي أريتو طَيِبة هيا حالا
يوم داك .. دون أسباب هجمت علي مواهِب وصَبَتْ وبالا
قدُرْ ما زحيت مِن كلاما.. عِلا البِنَيه أصْبحت تب في بالا

والله يا مؤمن كُتْ قاعِد وَحْدي في غابْتي الضَرِية
جاتْني هاجِما بِقَسَوة وعقبًا عاينت شُفت السرِية
ماني خاتي ..ماني بادي ..ماني غلطان يا ناس بِفرِية
ايه أسْبابو ها العدا ..وليه تأذاني تِلْك الطرِية؟

يا أخ ولا أخت مواهب

أنتو مالكم وليه الهجوم والمطاعنه في عزام بي أسلوب ما حلو

ما عاجبكم كلامه ... عادي في ناس كتار ماعجبننا لا في شكلهم لا في اخلاقهم ولا في كلامهم لكن ما بنطاعنهم بنشوفوهم بغلطوا وين ونجي نوضح ليهم غلطهم أو نكبر اللفه وننط الحيطه لو كتر الكلام

بعدين يعلم الله كلامه صـــــــاح وواضــح

يديك العافية يا عزام

شكراً كانتونا

الأخوين عزّام ومواهب .. والتي شككنا عزّام أنها ست بل رجل متخفي خلف ست والله أعلم.. مش مهم .. المهم لماذا صراع الديكة بدون مبرر؟
حتى كتابة بوستي هذا :- قرأ لعزام في بوسته 1373 متصفحاً وتداخل معه بالرد ببوست 74 متداخلاً. وبالنسبة لبوست الأخت مواهب فقد تداخل معها 1482 متصفحاً وتداخل معها بالرد ببوست 71 متداخلاً.
غالبية المداخلات كلام لا يُسمن ولا يغني من جوع. وبعض المداخلات صبٌ للزيت على نار الخلاف. سؤال اقتصادي: ما هي الفائدة المادية المجنية من هذا التراشق والغمز واللمز؟ كونا عاقلين وانسحبا كل بكرامته ولا داعي للتناجر والتنابذ المستتر بدون طائل. الله يهديكما.

كبـَّـاشي الصــَّافي

(العوج راي والعديل راي)