Post: #1
Title: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 09:18 AM
Parent: #0
سالت الكابتن هيثم مصطفى امس عن هذا الموضوع
قال ياوليد تقوم تنشر كلامي وتعمل لي احراجات
اها عايزين نشوف رايكم انتو شنو كان هلالاب وكان مريخاب او متابعين للرياضة بالسودان
لان كثيرا ما يحيرني كاريكا مرات يعمل الصعب ويفشل في الساهل
اما بكري المدينة لم اشاهده كثيرا ولكن قدر الفترة البسيطة التي شاهدته بها يوحي لك بانه لاعب ممتاز
|
Post: #2
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: طارق الكوتش
Date: 09-26-2010, 09:32 AM
Parent: #1
بجانب سادومبا
بكرى المدينة
كاريكا اخد كل الفرص بدون فائده
وبدون ان يتطور مستواه ... وما اعتقد انو ممكن يتطور
عشان كده تعطى الفرصة بالكامل لبكرى المدينة بجانب سادومبا حتى ولو اخفق
وسادومبا وبكرى يلعبا ال 90 دقيقة بالكامل مهما كان مردودهم و ذلك حتى
1- يتفاهما
2- يتفاهما مع لاعبى الوسط
3- يرفعا من لياقتيهما لتصلا الى اعلى الدرجات
عشان كده بتمنى انو المدرب ميشو يشركهما سويا من المباراة القادمة و المباريات التى تلى وطيلة ال 90 دقيقة
|
Post: #3
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: omer osman
Date: 09-26-2010, 09:36 AM
Parent: #2
عبدالحميد السعودي ...........
سادومبا ....... ماشاء الله عليهو عتالي وجراي وفرفارة ما ينفع يلعب معاهو زول قريب من المواصفات دي ......
داير ليهو زول حريف وبتاع لمسة واحدة زي السعودي .......
ولما كان السعودي لا يلعب في الهلال وسادومبا لا يلعب في المريخ ........
اذن كاريكا هو الانسب ........
|
Post: #4
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: خالد العطا
Date: 09-26-2010, 09:37 AM
Parent: #2
يا وليد
تعرف الصاح يلعب كاريكا
كاريكا اخطر من بكري لتميزه بالسرعة
فقط عيب كاريكا لا يعرف التمركز الجيد
والمهاجم الواعي هو من يجبر لاعب الوسط على التمرير له
بتمركزه الجيد
|
Post: #5
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: طارق الكوتش
Date: 09-26-2010, 09:44 AM
Parent: #4
كاريكا لا يحسن استخدام الراس فى التعامل مع الكرة و التهديف ( غبى كرويا )
>>> والحاجة ده يا وليد عملت ليها احصاء لعدد كبير من المباريات وخصوصا
المباريات الحساسة
|
Post: #6
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 09:46 AM
Parent: #2
حبيبنا الكوتش
دايما تعطينا المفيد وجميل من مداخلاتك النيرة
Quote: عشان كده تعطى الفرصة بالكامل لبكرى المدينة بجانب سادومبا حتى ولو اخفق
وسادومبا وبكرى يلعبا ال 90 دقيقة بالكامل مهما كان مردودهم و ذلك حتى
1- يتفاهما
2- يتفاهما مع لاعبى الوسط
3- يرفعا من لياقتهما لتصل الى اعلى الدرجات
|
تعرف يا طارق مرات وحسب متابعاتي لمباريات الهلال والمريخ
دايما المهاجمين عندما يقتربوا الى مربع المرمى تصيبهم حالة غريبة
ولو انه يجبة على اللاعب كل ما اقترب كل من المرى كان تركيزة اكبر
لانها تعتبر المرحلة الحاسمة لنتجية الهجمة
كاريكا كثيرا مايستعجل
كاريكا كثيرا ما يتصرف بعشوائية والهلال محتاج الى اي فرصة
كاريكا سريع ومراوغ درجة اولى ولكن لايوظف موهبته مظبوط
.
.
بكري المدينة ارى انه ممتاز وممكن اشراكة في الدوري مع سادومبا حتى يثبت
ولكن المباريات الافريقة و 90 دقيقة لسه بدري عليهو ...
لان الهلال الان يمر بمرحلة حرجة وهي تحقيق الكاس باي طريقة
-------------------------------
مع تمنياتي لكم بالتوفيق ياكوتش
|
Post: #10
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 10:00 AM
Parent: #6
عمر جنابو
Quote: عبدالحميد السعودي ...........
سادومبا ....... ماشاء الله عليهو عتالي وجراي وفرفارة ما ينفع يلعب معاهو زول قريب من المواصفات دي ......
داير ليهو زول حريف وبتاع لمسة واحدة زي السعودي .......
ولما كان السعودي لا يلعب في الهلال وسادومبا لا يلعب في المريخ ........
اذن كاريكا هو الانسب ........ |
نعم السعودي يلعب الكرة من لمسة
ولكن تنقصة معرفة الحركة وفنياتها وطبعا هذه تعتمد على نوع المهاجم الذي يلعب بجانبك
وغير ذلك لايعرف يفرض نوع الباص له على لاعبي الوسط وكما فعلاها وارقو للعجب
ومرر له تمربرة جميلة واحرز منها هدف وكثيرا ما يفعلها سادمبا للاعبي وسط الهلال
حركة اللاعب هي مفتاح النصر ..
كاريكا لايستطيع عمل كرسات مع سادمبا اثنا المباراة وتنويع لعب حتى تضرب في المنطقة الضعيفة للخصم
واضف الى ذلك تمريراته غير متقنة ( للاعب المحدد )
الشيء الذي يحير في هذا اللاعب كنترولة والتحكم كويس جدا ولم يعرف دقة التمرير او العكسات الجانبية
ايحانا يعطيك احساس انه كهربته زايدة شوية اثناء اللعب
|
Post: #12
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: omer osman
Date: 09-26-2010, 10:18 AM
Parent: #10
Quote: نعم السعودي يلعب الكرة من لمسة
ولكن تنقصة معرفة الحركة وفنياتها |
معليش ياوليد ..... البوست ما عن السعودي لكن الكلام جاب الكلام .....
راقب السعودي ده كويس ياوليد عندوا ميزتين هما 50% من مشاكل اللاعب السوداني ......
الاستلام الصحيح للكرة وفي اى وضع ....... والباص الصحيح ......
اثناء اى مباراة عبدالحميد نادراً جداً ان يفشل في استلام الكورة او يطلع باص غلط ........
لو شفت ياوليد قون عبدالحميد بتاع الباكورد في الهلال ........
القون ده ممكن عااااااادي يدرسوه في اى اكاديمية لكرة القدم ...........
حاول شوف القون ده بالحركة البطيئة ..........
عبدالحميد تقدم بالكرة من منتصف الميدان وارتكب معه فاول امام الــ 18 لم يحسبه الحكم .....
وتحركت الكرة للناحية الشرقية من الميدان بين الــ 18 ولاين الميدان .......
تم عكس الكرة ..... داخل الـــــ 18 عند رأس العجب .......
والكرة معكوسة في الهواء عبدالحميد يقف قرب خط ستة .........
بقراية سريعة لحركة الكرة وضربت الرأس من العجب ....... اعاد عبدالحميد تمركز للخارج قليلاً وانتظر سقوط الكرة ......
واثناء سقوطها عالجها بباكورد لم يراه احد الا والكرة في الشباك .....
خلاصة الامر السعودي فلتة وموهبة وجدت في الزمان والمكان الخطأ ..............
تصدق ياوليد السعودي ده لو وجد في الدوري السعودي او الامارتي او القطري كان يكون لاعب مشهور على مستوي الوطن العربي
|
Post: #7
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عبد اللطيف عبد الحفيظ حمد
Date: 09-26-2010, 09:47 AM
Parent: #1
بالطبع الأفضل كاريكا لأنه لاعب متمرس
وبكري المدينة لاعبم متميز ولكن لا يمكن أن نحكم عليه الآن إلا بعد أن نشوفه....
أحمد عادل في مباراة الإسماعيلي (مصر) أدى أداء جيداً... ممكن برضو ينجح بالمزيد من الفرص!!
|
Post: #8
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: محمد عبد الماجد الصايم
Date: 09-26-2010, 09:49 AM
Parent: #7
أي واحد في الاتنين .. إلا أحمد عادل!
_
أفضّل بكري المدينة صراحة!
|
Post: #9
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: حمزاوي
Date: 09-26-2010, 09:56 AM
Parent: #8
أمبيلي
|
Post: #11
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: محمد حيدر
Date: 09-26-2010, 10:11 AM
Parent: #9
الأحباء
في وجود هيثم مصطفي و باصاته المحسنه
و سادومبا و فرفرته في تخوم منطقه الجزاء
و أنا بشويه جكه
صدقوني
ممكن أصبح هداف السودان الأول
|
Post: #13
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: طارق الكوتش
Date: 09-26-2010, 10:30 AM
Parent: #11
ياريت الهلال يفكر بشكل جادى اعارته وياريت للمريخ
...........
بعد اى مباراة انتصر فيها الهلال او حتى الاخيرة التى انهزم فيها كنت بكتب التشكيلة ادناه
والتى وبقليل من التوجيه و الثقة و ارتفاع اللياقة مع التجارب الجاده ، وبرغم ضيق الوقت
لبعض اللاعبين للاعداد ولكن احسب انها افضل توليفه لتحقيق المطلوب و التشكيلة
للمره العاشرة على التوالى و فى هذا الموقع تتكون من
المعز
سامى
ديمبا
خليفى
بويا
علاء يوسف
عمر بخيت
بشة
هيثم
سادومبا
بكرى
>> سيف مساوى احتياطى اول
يوسف محمد احتياطى تانى
صدام احتياطى تالت
مع تقدم بشة او سيف مساوى لاحتياطى للهجوم فى حالة تطلب الامر ذلك
وممكن يكون سيف مساوى احتياطى وسط و عمق دفاع
ويوسف محمد ممكن يكون احتياطى اطراف او وسط
وهكذا ........
|
Post: #14
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 10:41 AM
Parent: #9
ود العطا
Quote: يا وليد
تعرف الصاح يلعب كاريكا
كاريكا اخطر من بكري لتميزه بالسرعة
فقط عيب كاريكا لا يعرف التمركز الجيد
والمهاجم الواعي هو من يجبر لاعب الوسط على التمرير له
بتمركزه الجيد |
تعرف انت بتذكرني اولاد العطا ( حلة الدناقلة ) وديل احرف من انجبتهم بحري كرويا ثلاثة اخوان وجميعهم لعبوا لنادي الاتحاد
ومحمود العطا بعد الاتحاد ذهب للعند للدراسة وعن رجوعه سجله فريق الموردة امدرمان شفت كيف
نرجع لموضوعنا
طيب اذا كاريكا لايعرف التمركز ودي اهم صفة يتميز بها المهاجم
اذن مافائدة مشاركتة ومثل هذا اللاعب كثير يقفل لعب لاعبي الوسط وعدم تحررهم في كيفة التمرير
صورة محمود العطا اول واحد من اليسار جلوس
ياللللللللللللللللللللللللللللللللللللللللللللللللللللله من هذا المهاجم
وشوف الطيارات المحاربة دي
وشوف اصحابنا الكوامر ديل ( جعفر عبد الرازق + جميل + عبده الشيخ )
ياخي ديل ونستهم محاوره وسرعة وفن
|
Post: #15
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عمران بابكر بدري
Date: 09-26-2010, 10:53 AM
Parent: #14
افضلل بكري المدينة علي كاريكا ذلك انه ربما اصابة بعض الغرور لعدم وجود المنافس فاحمد عادل حدث ولا حرج
تحياتي
|
Post: #16
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 10:54 AM
Parent: #14
الخبير طارق الكوتش
Quote: كاريكا لا يحسن استخدام الراس فى التعامل مع الكرة و التهديف ( غبى كرويا )
>>> والحاجة ده يا وليد عملت ليها احصاء لعدد كبير من المباريات وخصوصا
المباريات الحساسة |
دي نظرة فاحصة جيملة ومثل هذه المواهب هي التي ترجح كفة المهاجم في حال المقارنة
ولكن انت كلاعب لازم تضع نفسك في المكان المناسب وتعالج مثل هذه النوقص من المهاره
وتعوضها باشياء اخرى مفيدة
اخي طارق معليش امسح هذه الكلمة لانها لاتشبهك ( غبى كرويا )
ونحن نحاول نضع ملاحظات هنا حتى تكون زاد لهم وليس تحطيمهم
|
Post: #17
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: خالد العطا
Date: 09-26-2010, 10:56 AM
Parent: #14
وليد
طالما انت من بحري
بتلقى الخبر اليقين
عند اولاد بحري
نزار كربوج + احمد السيد
|
Post: #18
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 11:16 AM
Parent: #17
Quote: وليد
طالما انت من بحري
بتلقى الخبر اليقين
عند اولاد بحري
نزار كربوج + احمد السيد |
ياخي ديل اولادنا الصغار
اوعى تقول لي دفعتهم عشان ما اضحك عليك
|
Post: #19
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: الصادق صديق سلمان
Date: 09-26-2010, 11:20 AM
Parent: #17
بكري المدينة افضل بكثير من كاريكا يا كوتش
أتمنى أن يجد الفرصة الكافية ليثبت نفسه ومستواه لنا
بكري المدينة لسه صغير وكاريكا كما صغير
واعتقد ان الاعتماد عليهما معاً في المستقبل سيكون افضل للهلال وللكرة السودانية
اتفق مع عمر عثمان في السعودي - كم تمنيت هذا اللاعب بالأزرق والهلال يزين صدره
اعتبر السعودي من اشرس المهاجمين في السودان لكن ناس المريخ كلهم ما شغالين بيهو
وهو مهمل نفسه وسلمهم نفسه يوم برة ويوم جوة....
الصادق
|
Post: #20
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: طارق الكوتش
Date: 09-26-2010, 12:53 PM
Parent: #19
يا وليد ياخ ما تمشى لبعيد لانو ما من حقى
اتكلم عن صفة بشر شخصية وانا لا اعرفه ..
وحتى اذا كنت اعرفه واعرف تلك الصفة الشخصية
فتاكد انى لن اطلقها بالصوره الانت فهمتها ..........
فقط بتكلم عن الكووووره كموهبة رياضية متفاوته
لانو صفات لاعب الكوره كتيره اذا كانت سلبا او ايجابا
ومنها نشيط كروى
كسلان كروى
######## كروى
ذكى كروى
غبى كروى
وهكذا ... فقط فى الكووووره > وفى النهاية ده راى وارد بنسبة كبيرة انو يكون خطأ ،
وعلى كاريكا ان يثبت عكس ذلك > سوف تجدنى اول المصفقين و الفرحانين كيف
لا وهو يرتدى شعار سيد البلد >>> ممكن يعتبره نقد قااااسى و قاسى جدا وده كلو
عشان جمهورية الهلال العظمى ...
وتلك الصفه مثل ما تطلقون انتم عن انفسكم صفة صفوه > وحسب فهمى صفوه فى الكوره فقط ،
واذا كانت غير ذلك صدقنى سوف تجدنى اول المحتجين > لانها كانت تعنى بان
بقية مشجعى الاندية الاخرى لمامه ( عكس صفوه ) كصفة شخصية > ولكنى
اتقبلها لانها فقط افهمها جيدا من اخوانا المريخاب وهم يقصودون الكوووره
لكل القراء بما فيهم مدثر كاريكا > غباء اعنى بها الغباء الكروى فقط
وهو احد مقاييس الموهبة فى كرة القدم بالنسبة لى ومتفاوته بين
لاعب و آخر بمعنى افضل اذكياء كرة القدم فى السودان وحسب
مشاهدتى هم وبالترتيب من الاذكى ثم الذى يليه :
1- عز الدين الدحيش
2- كمال عبد الوهاب
3- هيثم مصطفى
4- طارق احمد آدم
5- سامى عز الدين
6- والى الدين
7- شيخ ادريس كباشى
8- منصور بشير تنقا
9- حامد بريمة
10 - قله الكبير
|
Post: #21
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: ياسر عبدالكريم محمد
Date: 09-26-2010, 01:09 PM
Parent: #20
كاريكا سجمان
بكرى اروش
رايكم شنو فى ود الصايم
زول بتاع بلع شديد
|
Post: #22
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: Emad Ahmed
Date: 09-26-2010, 01:14 PM
Parent: #20
| Quote: وتلك الصفه مثل ما تطلقون انتم عن انفسكم صفة صفوه |
سلام للجميع
ياطارق الكوتش وليد ده هلالابي ولكن خجلان منها الظاهر
وماعنده اي صلة بصفوة الصفوة .
نعود لموضوع البوست نسبة لتميز سادومبا بالسرعة والقوة
فمن الأفضل ان يلعب بحواره لاعب حريف ليكون مكمل له
وبكري المدينة مع انه ماحريف شديد ولكن أفضل حالا من كاريكا .
|
Post: #23
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 01:59 PM
Parent: #20
الخبير طارق الكوتش
Quote: يا وليد ياخ ما تمشى لبعيد لانو ما من حقى
اتكلم عن صفة بشر شخصية وانا لا اعرفه ..
وحتى اذا كنت اعرفه واعرف تلك الصفة الشخصية
فتاكد انى لن اطلقها بالصوره الانت فهمتها ..........
فقط بتكلم عن الكووووره كموهبة رياضية متفاوته
لانو صفات لاعب الكوره كتيره اذا كانت سلبا او ايجابا
ومنها نشيط كروى
كسلان كروى
######## كروى
ذكى كروى
غبى كروى |
والله بالنسبة لي اعلم مقصدك جيدا ولم ارى انك في يوم من الايام هنا كتبت شيء غير يلقيق بالمنبر
وهذا حسب متابعتي ليك مان تو مان في هذا الاسفير
وفهم هذه الكلمة يختلف من انسان إلى انسان لذلك دايما نتجنب اي شيء ممكن يجرح مشاعر شخص ااخر
وكما تعلم جيدا جميع لاعبي الكرة الان يبحثون عن ما يكتب عنهم في المنتديات والصحف
وكل لاعب من هلال مريخ الان مهتم بالابتوب اكثير من انتماءه للنادي ويبحث عن اخبارة صحفيا
Quote: وتلك الصفه مثل ما تطلقون انتم عن انفسكم صفة صفوه > وحسب فهمى صفوه فى الكوره فقط ،
واذا كانت غير ذلك صدقنى سوف تجدنى اول المحتجين > لانها كانت تعنى بان
بقية مشجعى الاندية الاخرى لمامه ( عكس صفوه ) كصفة شخصية > ولكنى
اتقبلها لانها فقط افهمها جيدا من اخوانا المريخاب وهم يقصودون الكوووره |
يازول كل شيء ولا المريخ ( القلعة ) وحامل الكاسات المحمولة جوا
اها رايك شنو في ناس هارون دياب وعمر جنابو
ناس حلاتهم وسماحت الدنيا فيهم حتى مريخهم لما يرشوه بقولو الكورة نصر وهزيمة
الصفوة ديل حلوين خلاص
مافي يوم عندهم لاعب شال الكورة وقال ماتتلعب
تعرف ياطارق بالجد جد المريخاب الموجودين هنا صفوة واحبهم جدا جدا
|
Post: #24
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 02:20 PM
Parent: #23
عبد اللطيف عبد الحفيظ .... سلامات
Quote: بالطبع الأفضل كاريكا لأنه لاعب متمرس
وبكري المدينة لاعبم متميز ولكن لا يمكن أن نحكم عليه الآن إلا بعد أن نشوفه....
أحمد عادل في مباراة الإسماعيلي (مصر) أدى أداء جيداً... ممكن برضو ينجح بالمزيد من الفرص!! |
طبعا كما تفضلت اللاعب اكثر مشاركة مع الهلال هو الافضل
ولكن لابد من تجهيز بكري المدينة لكي يحصل الركب
اما احمد عادل خلاص اخد فرصته بالكامل ولم يوفق مع الهلال
|
Post: #25
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-26-2010, 02:59 PM
Parent: #24
ود الصايم
Quote: أي واحد في الاتنين .. إلا أحمد عادل!
_
أفضّل بكري المدينة صراحة! |
ياخي احمد عادل خلاص كرتو اتحرق
لكن اللاعب دا كيف لو اخد فرصتو
|
Post: #26
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: khaleel
Date: 09-26-2010, 03:51 PM
Parent: #25
وليد يا فردة
والله بصراحة التلاتة ما (يوجعوش ) كما يقول الشوالي
حليل قودوين وكليتشي
سادومبا مستواهو تعبان بعد مباراة كابس يونايتد
وبكري المدينة لسع ما اتعود علي البندر
وكاريكا يحقر بالفرق الصغيرة
ولكن للظروف الراهنة افضل سادومبا وكاريكا
لحين ميسرة
|
Post: #27
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: haroon diyab
Date: 09-26-2010, 04:40 PM
| Quote: ايهما الافضل ان يلعب بجانب سادومبا الهلال ... كاريكا (أم ) بكري المدينة ... |
وارغو طبعا
انتو حسع بعد مابقيتو ( فريق الحكومة...!!!!)
ماكان احسن ليكم وارغو من الماسورتين ديل
خاصة انو واحد فيهم ( غبي كرويا....!!!)
انا جبته حاجة من عندي....؟
كااااااااااااااااااااااااااكـ
لوليد وكاكييييييييييين للاسمو الكوتش ده....!!!!
والمطرة صاااااااااااابة....
بالمناسبة....
في اي مشكلة اذا استعملنا المصطلح الفوق ده
واعتبرناهو لقب للاعب المقصود.....؟
|
Post: #28
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عمر الفاروق
Date: 09-26-2010, 04:45 PM
خبرتي الكروية خلتني أعرف إنو هيثم قال ليك يفضل بكري المدينة ..
بس صدقني كاريكا مميز لاعب عندو طاقة جبارة ومراوغ ممتاز بيعلب في كل مناطق الهجوم ..عندو إرادة ما عادية بس بيفقد كل قواه وهو امام المرمى فيضيع مجهودو ومجهود زملاه..
المدينة كويس بس لسة محتاج يغنو ليهو حنيينة حنيينة يا امدرمان :)
|
Post: #29
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-27-2010, 07:32 AM
Parent: #28
حمزاوي ... سلامات
امبيلي شنو ياخ ماقادر يفرض نفسة للان في التشكيلة
محمد حيدر .. سلامات
Quote: الأحباء
في وجود هيثم مصطفي و باصاته المحسنه
و سادومبا و فرفرته في تخوم منطقه الجزاء
و أنا بشويه جكه
صدقوني
ممكن أصبح هداف السودان الأول |
يازول فترة تسجيلك في سودانيز براها تاني ماتلعبك 10 دقائق
هه هه هه
---------------------------
نشكر مروركم الجميل
|
Post: #30
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: محمد عبدالرحمن
Date: 09-27-2010, 07:55 AM
Parent: #29
Quote: للمره العاشرة على التوالى و فى هذا الموقع تتكون من
المعز
سامى
ديمبا
خليفى
بويا
علاء يوسف
عمر بخيت
بشة
هيثم
سادومبا
بكرى |
غايتو انا ببصم بالعشرة على منتخب طارق الكوتش دا ..لانو
رجع سامى عبدالله محلو ...مساوى (مقلق )فى وسط الدفاع ..
مقلق تماما ..وكدا مائة مائة ..ان شاء تخلى فى محل
بكرى المدينة خليل مافارقه معاى ..بس مساوى يطلع لى
من نص الدفاع ..يتدسدس المباراة كلها ويتشطر فى الكور
الساهلة ..ويجوا يقولوا ليك نجم المباراة ..ماعندى مانع
اطلاقا انو يلعب ارتكاز او طرف يمين او حتى مهاجم بس
يبعد من الدفاع ...
|
Post: #31
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-27-2010, 08:02 AM
Parent: #30
عمران بابكر بدري ... السلام عليكم
Quote: افضلل بكري المدينة علي كاريكا ذلك انه ربما اصابة بعض الغرور لعدم وجود المنافس فاحمد عادل حدث ولا حرج
|
بكري المدينة ممتاز ولكن يلزمة فترة تجانس مع فتية الهلال
والمدرب لايريد ان يورط نفسة لذلك دايما يعتمد على كاريكا نسبة لحداثة بكري المدينة
|
Post: #32
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: طارق الكوتش
Date: 09-27-2010, 08:29 AM
Parent: #31
| Quote: عندو إرادة ما عادية بس بيفقد كل قواه وهو امام المرمى فيضيع مجهودو ومجهود زملاه.. |
شكرا عمر الفاروق فقد عبرت عنى تماما
...
وآسف يا وليد عبد اللطيف فقد خاننى التعبير فى كلمة غباء كروى
ولكن المعنى والمضون فى ما يدور براسى عبر عنه عمر الفاروق تماما ..
وآسف لاى شخص هلالى غيور اذا اصابه رشاش طارق الكوتش
فالرغبة الاكيده لنيل الهلال لهذا الكاس هو الدفعنى لانتقاد اداء كاريكا بعنف
احتراماتى الهلاليه الاكيده و الرياضية الجميلة للجميع
|
Post: #33
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: هاشم عبداللطيف
Date: 09-27-2010, 08:58 AM
Parent: #32
كاريكا معظم تمريراته خطأ
بكري المدينة عندو الدافع ليثبت أقدامو
وله تحكم بالكرة جيد جداً
وتغييره يوم جيش النيجر أصابني بالدهشة
نتمنى التوفيق لمن يرتدي الشعار
اللهم أنصر هلالنا نصراً مبيناً
|
Post: #34
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: أيمن دياب
Date: 09-27-2010, 09:00 AM
Parent: #32
سلام لعشاق الموج الأزرق..
أخشى على بكري المدينة من الضغط النفسي والإعلامي
فكثيراً ما شاهدنا يسعى جاهداً لإثبات نفسه مما أفقده بعض التركيز..
ورغم كل ذلك فهو النجم القادم لقيادة هجوم الهلال مستقبلاً..
فلمساته ومهاراته وطريقة امتصاصه للكرة تؤكد أنه لاعب كبير وحريف..
وفوق ذلك فهو يجيد الاختراق المباشر بالكرة..
كاريكا وجد أكثر من فرصة لإثبات جدارته بقيادة هجوم الهلال..
كان ينجح في مرات قليلة وكثيراً ما يصيبه الفشل..
كاريكا لاعب دولي، ومع ذلك لا يجيد عكس الكرات بصورة متقنة..
شأنه في ذلك شأن كثير جداً من لاعبي الهلال..
منذ عهد تنقا ومحمد حمدان لم نشاهد لاعباً يجيد عكس الكرات بإتقان لرؤوس المهاجمين..
|
Post: #35
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-27-2010, 09:45 AM
Parent: #34
الخبير طارق الكوتش
Quote: وآسف يا وليد عبد اللطيف فقد خاننى التعبير فى كلمة غباء كروى
ولكن المعنى والمضون فى ما يدور براسى عبر عنه عمر الفاروق تماما ..
وآسف لاى شخص هلالى غيور اذا اصابه رشاش طارق الكوتش
فالرغبة الاكيده لنيل الهلال لهذا الكاس هو الدفعنى لانتقاد اداء كاريكا بعنف
احتراماتى الهلاليه الاكيده و الرياضية الجميلة للجميع |
ياخي انت راجل معودنا دايما بكرمك الفياض
في انتقاء كل ما هو جميل في الرياضة
تعرف ياطارق
حديثي مع كابتن هيثم مصطفى لكي يتابع هذا البوست وهذا المنبر
لكي نجعل لهم ثقافة متابعة اخبارهم اسفيريا وكيف الناس تنتقد الاداء من اجل مصحلتهم اولا كرياضيين
وسوف اكون على اتصال مع بعض من لاعبي المريخ لمتابعتهم سودانيز اون لاين
حتى تعم الفائدة للرياضة بالسودان
1- هنا يوجد انتقاد من غير احقاد لان النقد هنا من غير مقابل
2- هنا توجد ناس تفهم كورة وممكن اللاعبين يستفيدوا من ارائهم .
3- هنا نحب نقدهم بطريقة توجيه وليس زجر حتى لايخافون من المنبر
5- هنا سوف نحاول اشراك بعض منهم مثل ما فعل الفنانون حتى يتفاعلون مع ما يكتب عنهم
الرياضة .. محبة .. اخاء .. جمال
------------------------
برجع لبعض الردود
|
Post: #36
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عبد اللطيف عبد الحفيظ حمد
Date: 09-27-2010, 09:55 AM
Parent: #34
الأخ أيمن دياب
لم تصدق
هؤلاء يجيدوا العكس المتقن على رؤوس المهاجمين: هيثم مصطفى، يوسف محمدومهند الطاهر وكذلك سادمبا
ولكن الأكثر إتقانا البرنس طبعاً
|
Post: #37
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عبد اللطيف عبد الحفيظ حمد
Date: 09-27-2010, 09:56 AM
Parent: #34
الأخ أيمن دياب
لم تصدق
هؤلاء يجيدوا العكس المتقن على رؤوس المهاجمين: هيثم مصطفى، يوسف محمدومهند الطاهر وكذلك سادمبا
ولكن الأكثر إتقانا البرنس طبعاً
بس المشكلة مافي صيادين رأسيين زي وليد طاشين!!!
|
Post: #38
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عمران بابكر بدري
Date: 09-27-2010, 10:23 AM
Parent: #37
يا حليل
ناس وليد وحمد والديبة
وباقي العقد الفريد
هذه هي روعة الهلال الانتماء وايفاء الحقوق للاهلها وان غابوا
التحية لكل هلالي اصيل
|
Post: #39
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-27-2010, 10:41 AM
Parent: #38
ياسر عبد الكريم
Quote: كاريكا سجمان
بكرى اروش
رايكم شنو فى ود الصايم
زول بتاع بلع شديد |
معقوله ياخ الناس دي ماتديها حتى 1 %
|
Post: #40
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: عمران بابكر بدري
Date: 09-27-2010, 10:42 AM
Parent: #38
الحديث عن الهلال جميل وينقلناالي عالم من الافراح ويشعرنا بالنشوة والانتماء الي كيان فرض نفسة في مساحات الوطن الشامخ ...وكل بيت يخلو من ذكر الهلال...اهلة جياع جياع جياع..التعرف الي الاصدقاء في الازرق له طعم اخر دون شك..اثراء رتابة الزمن القاتل في المواصلات..الافراح ...الاحزان...تجده في معية الهلال... واصدقك القول فسحة نفسنا الوحيدة وانشراحها..يتاتي فقط عند ذكر معشوق الملايين وان كره العاصين والحمقي
ولنا عودة
|
Post: #41
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: محمد سنى دفع الله
Date: 09-27-2010, 11:44 AM
Parent: #40
التلاتة يلعبوا مع بعض
واصلوا الايام دي بلعبوا مع بعض وحصل تجانس بينهم كبير وفي تطور
وبعدين بكري سموه بكري المدينة لامن كان بلعب في فريق المدينة
هسي اسمو ــــــــ بــيــكـــو
يعني البلعبوا مع بعض
ســــادومــبــا وكـــاريــكــا و بــيــكــوو
|
Post: #42
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: محمد عبدالرحمن
Date: 09-27-2010, 12:23 PM
Parent: #41
| Quote: التلاتة يلعبوا مع بعض |
ياسلااام يالسنى ياخ ..ياخ والله حضور الكورة معاك لذيذ ياخ ..
الهلال بلعب السنى بكون لاقادر يقعد لاقادر يقيف ...منظر ابداع
عديل كدا ..حقو المباراة الجاية نجى نحضر معاكم ..كان لسه
بتتلموا ...
|
Post: #43
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: مرتضى احمد عبد القادر
Date: 09-27-2010, 12:54 PM
Parent: #42
سلامات وليد
طارق الكوتش ياخ ان كدا 
كاريكا نقشنه نومتو والكوتش ما قصر وضحه ليك
غايتو بكري في كورة الهلال مع الفريق المالي الاخيره فيهو رقشت زول لعاب بس داير خبرة و وزنة كهرباء فمفروض في الدوري المحلي يلعب شوطين وكاريكا وسادومبا يتبادلو لحدي نهاية الموسم بعداك بنحكم عليهو.
Quote: سالت الكابتن هيثم مصطفى امس عن هذا الموضوع
قال ياوليد تقوم تنشر كلامي وتعمل لي احراجات |
قول لي هيثم صحبك دا انت كان خليت التقيم للمدربين ولعبته كورتك يكون اخير
|
Post: #44
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-27-2010, 01:02 PM
Parent: #42
عماد كوتش
Quote: سلام للجميع
ياطارق الكوتش وليد ده هلالابي ولكن خجلان منها الظاهر
وماعنده اي صلة بصفوة الصفوة .
|
لا انكر هلاليتي السابقة قبل ان ادخل هذا النادي الذي يعجز الوصف عنه
وانت اكثر الناس هنا تعلم ذلك ..
بعدين ياخي انت شايفني كويس وشايف علامة صلاة في نص راسي
وزول متزن والحمد لله .. قال صفوة الصفوة قال
هه هه هه
اها ياطارق الكوتش عاجبك كدا ...
اها لما المريخاب يقبلو علي تعال ما تعمل ما شايف
ديل ناس دم ساكت انت ماشايف طرزان الفوق الدخل نص الملعب دا افضل من حارس مرمى المريخ
|
Post: #45
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: صلاح أبودية
Date: 09-27-2010, 01:26 PM
Parent: #44
| Quote: ايهما الافضل ان يلعب بجانب سادومبا الهلال ... كاريكا (أم ) بكري المدينة ... |
قودوين !!
|
Post: #46
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: khaleel
Date: 09-27-2010, 03:41 PM
Parent: #45
يلعب سامي وديمبا قلبي دفاع
بشة خارج التشكيلة ضعيف في الجانب الدفاعي
يلعب في الوسط
هيثم عمر علاء مساوي في وسط الملعب
خليفة يمين وبويا يسار بمساعدة مهند الطاهر
وسادومبا وحيدا في الهجوم
هذه التشكيلة ممكن تفوز علي الصفاقصي
|
Post: #47
Title: Re: ايهما الافضل ان يلعب بجانب سادومبا الهلال ... كاريكا (أم ) بكري المدينة ...
Author: وليد عبد اللطيف
Date: 09-28-2010, 08:55 AM
Parent: #46
خليلوف
Quote:
وليد يا فردة
والله بصراحة التلاتة ما (يوجعوش ) كما يقول الشوالي
حليل قودوين وكليتشي
سادومبا مستواهو تعبان بعد مباراة كابس يونايتد
وبكري المدينة لسع ما اتعود علي البندر
وكاريكا يحقر بالفرق الصغيرة
ولكن للظروف الراهنة افضل سادومبا وكاريكا
لحين ميسرة |
كلامك يدخل العقل
وكان زمان اهلنا بقولوا كان ... الحب حلال ما كان حرام
زمن كلتشي وقودوين .. داك زمن ما بحيى منين تاني البعيدو
واللي كان كان وين زمان ..
-----------------------------
خليل رغم الانتصار امس الهلال يحتضر كل يوم
|
|