Post: #1
Title: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المستشفي
Author: Mohamed Suleiman
Date: 09-25-2010, 04:22 PM
Parent: #0
بالله في حقد أكثر من ده؟؟
يا اخي الذين يدخلون أمريكا بصورة غير شرعية ... المستشفيات تعالجهم بدون أن يسألوهم عن أي أوراق إقامة أو مواطنة ....
أما ناس المشروخ الحضاري .... يقولون أن الجنوبيين بالشمال في حال الإنفصال سيفقدون مواطنتهم و أي حق في الوظيفة و العمل في الأسواق ... بل قال مسؤول المؤتمر الوطني الوزير كمال عبيد : سوف لن نعطيه "حقنة" في المستشفي !!!
بالله ناس زي ديل الواحد عايز يكون معهم في دولة واحدة؟؟!!
Quote:
الحركة: استفتاء أبيي للدينكا فقط
الوطني: الجنوبيون لن يتمتعون بحقوق المواطنة في الشمال بعد الانفصال
"الرأى العام"
الخرطوم: يحيى كشه
أكد المؤتمر الوطني عدم أحقية المواطن الجنوبي في البقاء بالشمال حَال وقوع الانفصال، وأكدت بأنه لن يتمتع بالامتيازات ولا حق الوظيفة والعمل بالأسواق، وأضافت: ليس له حق المواطنة، بيد أنها قالت: سندفع باتجاه الوحدة لآخر لحظة لكونها إلتزاماً دستورياً. فيما رفضت الحركة الشعبية مقترح المؤتمر الوطني بتكاملية منطقة أبيي، وأبْدت إصرارها على تنفيذ الاتفاقية، ودَعت لإنفاذ مقترح التكامل بين الشمال والجنوب، واتهمت المؤتمر الوطني بعدم الإيفاء باتفاقية أبيي، وقالت إنّ التصويت على تقرير المصير للمنطقة من حق دينكا نقوك، بينما المسيرية يحق لهم الرعي فقط.
وقال د. كمال عبيد وزير الإعلام، القيادي بالمؤتمر الوطني: «لن يكون الجنوبي في الشمال مواطناً حال وقوع الانفصال، وزاد: كذلك لن يتمتع بحق المواطنة، والوظيفة، والامتيازات، ولا حق البيع والشراء في سوق الخرطوم»، وتابع: لن نعطيه (حقنة) في المستشفى، وأكد عبيد في برنامج مؤتمر إذاعي أمس، جاهزية الحكومة للانفصال. وأوضح أنّ حزبه سيخاطب الجنوبيين ويطلعهم بأن مجموعة منهم تريد فصل الجنوب لإدارته فقط، وشكّك عبيد في اختيار المواطن الجنوبي للانفصال، واتهم الحركة وقادتها بالإملاء على شعب الإقليم وتحفيزهم لخيار الانفصال، واستشهد بمصادرة الحركة الآليات التي كانت تعمل للوحدة، واعتقلت مُنفذي البرامج الوحدوية في الجنوب، وقال إن قيادة الحركة لا يوجد فيها من يتحدث عن الوحدة بشكل قوي.
الى ذلك أعلن عبيد أن أمريكا الآن هي الدولة الأكثر عزلةً في العالم بفعل تغيير سياستها من التعاون والمشاركة الى لغة التهديد والتخويف والعقوبات، وأضاف أن لغتها أصبحت لغة الامبراطوريات، ووصف عبيد، الموقف الأمريكي الذي يجب أن تتعامل به مع السودان بغير المحترم، وقال إنّها لن تَستقيم إلاّ بالعدول عن سياستها، وأضاف: المجتمع الدولي ليس لديه حق الوصايا علينا، وإنّما عليه التزامات يجب أن يقوم بها تجاه السودان.
من جهته قال د. لوكا بيونق وزير رئاسة مجلس الوزراء، القيادي بالحركة الشعبية، إن المسيرية ليس لهم الحق في التصويت على تقرير مصير منطقة أبيي، وقال إن من حقهم الرعي فقط، وأعْلن عن فشل الشريكين في ترسيم حدود المنطقة، وحدد لوكا قضية أبيي بأنها الوحيدة العالقة بين الشريكين الآن، واتهم الوطني بعدم الإيفاء باتفاقية أبيي، بيد أنه قال: مازالت هنالك إمكانية بتشكيل المفوضية وتحقيق ما تم الاتفاق عليه، وأشار إلى أن آخر اجتماع لمؤسسة الرئاسة التزم بإجراء الاستفتاء في موعده وبمراقبة دولية للعملية، وأكد أن الأوراق الحقيقية للعبة في الاستفتاء عند السودانيين، وزاد: لكن أمريكا لها تَأثير كبير، ونفى أن يكون رفع العقوبات عن السودان مقابل إجراء الاستفتاء، ودعا لانتهاز سانحة السياسة الدولية الجديدة للتعامل مع قضايا (الديون الخارجية، قضية دارفور، الأزمة الاقتصادية العالمية وقضية الإرهاب)، وأكد لوكا بأن أمريكا تقف إلى جانب وحدة السودان لكونه الأقرب لمجتمعها، وقال إنّها تُعتبر خيار الانفصال بأنّه خيار داخلي، ووصف تخوف المجتمع الدولي من اندلاع حرب جديدة، بأنّه موضوعي.
وفي المقابل رحّب لوكا بوجود كل السودانيين في الجنوب، وقال إن موقف الحركة التزام أخلاقي بوجود السودانيين في الجنوب، ودعا لإتاحة الحريات الأربع للمواطنين كافة في الشمال والجنوب.
إلى ذلك أوضح لوكا أن قيادات الحركة الشعبية لا يريدون الانفصال، وإنما يعبرون عن الفشل في تطبيق آليات الوحدة الجاذبة، وقال إن الوحدة الآن غير جاذبة، وإن الخيار متروك للمواطن الجنوبي، وأشار إلى أن الواقع لا يشجع المواطن الجنوبي لاختيار الوحدة.
|
|
Post: #2
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 04:28 PM
Parent: #1
Quote:
وقال د. كمال عبيد وزير الإعلام، القيادي بالمؤتمر الوطني: «لن يكون الجنوبي في الشمال مواطناً حال وقوع الانفصال، وزاد: كذلك لن يتمتع بحق المواطنة، والوظيفة، والامتيازات، ولا حق البيع والشراء في سوق الخرطوم»، وتابع: لن نعطيه (حقنة) في المستشفى، وأكد عبيد في برنامج مؤتمر إذاعي أمس، جاهزية الحكومة للانفصال.
|
ديل بعد أن مصّوا بترول الجنوب لأكثر من خمسة سنوات .... هذا هو معروفهم للجنوبي ... حتي و لا حقنة في المستشفي إذا دخل الجنوبي مريضا ...
بل الآن يريدون صفقة من الحركة الشعبية لتقسيم بترول الجنوب (عائدات) بعد إستقلال الجنوب كدولة جديدة !!!
ديل عينهم قوية و قليلين أدب !!
|
Post: #3
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: أحمد أمين
Date: 09-25-2010, 04:30 PM
Parent: #1
Utterly shameless
|
Post: #4
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: سيف النصر محي الدين محمد أحمد
Date: 09-25-2010, 04:43 PM
Parent: #3
سلامات يا محمد سليمان
طبعا هذا ليس غريبا على الجماعة ديل و هم ممكن يعملوا افظع من كده ، بس برضو اعتقد أن هذا الرجل يحاول تخويف الجنوبيين
و التأثير على خياراتهم عبر رسائل التهديد و الوعيد هذه . المشكلة هي أن المسؤولين الحكوميون يعملون على خلق حالة من الاحتقان
بمثل هذه التصريحات بدلا عن تهدئة الاجواء حتى لا يحدث ما لا يحمد عقباه بعد اعلان نتائج الاستفتاء.
|
Post: #5
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: أحمد أمين
Date: 09-25-2010, 04:53 PM
Parent: #4
بالله الاشكال دى جابوها من وين واتربوا فى اى بيوت وبأى قيم،،،،،،،،،
ياخى الساقط ده حتى لم يراعى زملائه من الجنوبين أعضاء المؤتمر الوطنى، وحلفائه ناس لام كول وبونا مولوال
لكن نستاهل نحن خلينا البلد لساقطين مثل هؤلاء...
حتى لو سحب كلامه سوف تلاحقه هذه العباره حتى قبره،
|
Post: #13
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:18 PM
Parent: #5
الأخ أحمد أمين:
Quote:
بالله الاشكال دى جابوها من وين واتربوا فى اى بيوت وبأى قيم،،،،،،،،،
ياخى الساقط ده حتى لم يراعى زملائه من الجنوبين أعضاء المؤتمر الوطنى، وحلفائه ناس لام كول وبونا مولوال
لكن نستاهل نحن خلينا البلد لساقطين مثل هؤلاء...
حتى لو سحب كلامه سوف تلاحقه هذه العباره حتى قبره،
|
يا زول دي كلمة طلعت و فضحته مع نظامه ...ز
هذه هي العقلية التي أشعلت النار في كل جهات السودان ...
|
Post: #6
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Elawad
Date: 09-25-2010, 04:54 PM
Parent: #4
كلام مؤسف و لا إنساني لا يمكن أن يصدر من رجل عاقل دعك من أن يكون مسؤولا. هذه قضايا تحسمها الاتفاقات و ليس تصريحات متطفلي السياسة و أحلامهم.
بعدين ياخي إذا كان هناك احتمال واحد في المليون للوحدة... كيف تجرؤ على مخاطبة من يمكن أن يكونوا مواطنين في السودان الموحد بهذا الأسلوب؟
تحياتي و سلامي يا محمد.
|
Post: #7
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: النذير حجازي
Date: 09-25-2010, 04:57 PM
Parent: #6
لا للترهيب للتصويت للوحدة
تحياتي يابوحميد
|
Post: #8
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: عمر عبد الله فضل المولى
Date: 09-25-2010, 05:02 PM
Parent: #7
ليس غريبا على جهابذة الشمولية الفاسدة والمستبدة هذا التصرف الارعن واستخدام الاساليب الرخيصة والمشينة
|
Post: #10
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: mayada kamal
Date: 09-25-2010, 05:09 PM
Parent: #8
من يختار الانفصال فعليه تحمل تبعاته
ومن يريد المواطنة والجنسية السودانية عليه كبح جماح الانفاصليين في الجنوب
ولا مجال للحديث عن الحريات الاربع ووووو هنا
|
Post: #27
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: هشام مدنى
Date: 09-25-2010, 09:58 PM
Parent: #10
Quote: من يختار الانفصال فعليه تحمل تبعاته
ومن يريد المواطنة والجنسية السودانية عليه كبح جماح الانفاصليين في الجنوب
ولا مجال للحديث عن الحريات الاربع ووووو هنا |
كلام خطير ....غير مقبول..الفاضلة ميادة..تحيه طيبه
ان لم يكن لديك غير مداخلتك هذه
افضل المتابعة فقط...
|
Post: #32
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-26-2010, 01:09 AM
Parent: #10
ميادة كمال:
Quote:
من يختار الانفصال فعليه تحمل تبعاته
ومن يريد المواطنة والجنسية السودانية عليه كبح جماح الانفاصليين في الجنوب
ولا مجال للحديث عن الحريات الاربع ووووو هنا
|
يا ميادة .... هذا تهديد أجوف .....
أمريكا تعمل الآن و بكل جهدها و جهيدها في أن ( تتكرم) الحركة الشعبية ببضع دولارات من عائد البترول و لمدة عشرين سنة ... لحكومتك التي الآن في الصقيعة و علي وشك الإنهيار الإقتصادي ...
بس برواقة كدي اقري المقال ده ( لماذا تضغط أمريكا علي الحركة الشعبية لتقديم التنازلات) .. منقول من موقع سوانايل:
http://www.sudaneseonline.com/index.php?option=com_content&vi...9-17-14-27&Itemid=55
ء
|
Post: #16
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:31 PM
Parent: #8
Quote:
ليس غريبا على جهابذة الشمولية الفاسدة والمستبدة هذا التصرف الارعن واستخدام الاساليب الرخيصة والمشينة
|
أتفق معك يا عمر عبدالله فضل المولي
|
Post: #38
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: doma
Date: 09-26-2010, 05:55 AM
Parent: #16
Quote: من يختار الانفصال فعليه تحمل تبعاته
ومن يريد المواطنة والجنسية السودانية عليه كبح جماح الانفاصليين في الجنوب
ولا مجال للحديث عن الحريات الاربع ووووو هنا |
سلام يا مياده يا بتي ممكن توريني كيف يمكن للجنوبي الذي يعيش في الشمال ويصوت للوحده ان يتحكم في اصوات غيره من الانفصاليين لتكن النتيجه كما تريدون ؟؟
|
Post: #15
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:29 PM
Parent: #7
الأخ النذير حجازي
لك التحية و الإحترام
Quote:
لا للترهيب للتصويت للوحدة
|
يبدو أن الإستفتاء قد طلع في الراس ... راس أعضاء هذه الحكومة .... فهذه هستيريا مع قرب الإستفتاء يوما بعد يوم ...
( ما بعيد حتشوفوهم تلاليس جارين في الشوارع بعد الإنفصال و إنتهاء زمن نهب المال بلا حساب)
|
Post: #14
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:25 PM
Parent: #6
الأخ العوض
لك التحية و الإحترام:
Quote:
كلام مؤسف و لا إنساني لا يمكن أن يصدر من رجل عاقل دعك من أن يكون مسؤولا. هذه قضايا تحسمها الاتفاقات و ليس تصريحات متطفلي السياسة و أحلامهم.
بعدين ياخي إذا كان هناك احتمال واحد في المليون للوحدة... كيف تجرؤ على مخاطبة من يمكن أن يكونوا مواطنين في السودان الموحد بهذا الأسلوب؟
|
يا العوض ... هذا الكمال عبيد و معه زمرته الذين أدمنوا بترول الجنوب ... قدر ما حسبوها لقوها خسرانة معاهم ... لأنهم تعودوا علي المال السائب بلا محاسبة و حتي بلا إبلاغ الشعب المطحون كم مبلغ الدخل القومي و كيف إنصرفت ...
الآن سيواجهون غضبة الشعب عندما يقصر المال عن الإستيفاء بالأساسيات لأفراد هذا العب الصابر .... سينكشف المستور ...
و قد بداوا مبكرا في زيادة الأسعار و الجمارك و فرض رسوم و جبايات .... بلا مقابل في تقديم خدمات أفضل .. لأن حكومة كمال عبيد هي عبارة عن عصابة مافيا ...
بلطجته هذه ستكون الراتب المعتاد للناس ....
|
Post: #12
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:16 PM
Parent: #4
الأخ سيف النصر محي الدين محمد أحمد
لك التحية و الإحترام
Quote:
طبعا هذا ليس غريبا على الجماعة ديل و هم ممكن يعملوا افظع من كده ، بس برضو اعتقد أن هذا الرجل يحاول تخويف الجنوبيين
و التأثير على خياراتهم عبر رسائل التهديد و الوعيد هذه . المشكلة هي أن المسؤولين الحكوميون يعملون على خلق حالة من الاحتقان
بمثل هذه التصريحات بدلا عن تهدئة الاجواء حتى لا يحدث ما لا يحمد عقباه بعد اعلان نتائج الاستفتاء.
|
يا أخي الجنوبيين ديل في خلال خمسين سنة الحكومات المركزية جربت معهم أي شئ يمكن أن تفعلها الحرب من هلع و ترهيب و خوف ....
لو كانت لحكومة من هذه الحكومات ... و بالذات حكومة كمال عبيد .. قنبلة ذرية .. لما ترددت في إستخدامها ...
الجنوبيين خلاص حسموا و حزموا امرهم ....
هذا الإستعلائي ( و بالمناسبة ليس غبيا) لا يزال مهووس بفكرة أن الآخر إنما خلقه الله ليكون مستعبدا له ... كمال عبيد لا يصدق حتي الآن أن الجنوبيين سوف يغادرون مكانا يتسيد فيه أمثاله ... أقرا كلماته المتناقضة و لا يزال تراوده أحلام اليقظة ان الجنوبيين سيختارون الوحدة .. ثم ينبري يشتم قادة الجنوبيين بأنهم هم من يروجون للإنفصال .. ثم يعود و يقول أن نظامه مستعد للإنفصال ...
الزول ده حصلوه بجيش فقرا يكتبوا ليهو ... أو حصلوه بقيد ...
|
Post: #9
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-25-2010, 05:08 PM
Parent: #3
الأخ أحمد أمين
لك التحية و الإحترام:
Utterly shameless
يا أخي أنا لما قريت كلامو ده الواحد خجل إنو في حاجة تربطنا مع هذا المخلوق!!!
|
Post: #11
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: عاطف مكاوى
Date: 09-25-2010, 05:15 PM
Parent: #9
حُقنة !
حُقنة ...... يا عديم الانسانية !
لعنة الله تغشاكم جميعا .
-----------------------------
الأغرب .... اضافة لهذا الاسفاف .... الايحاء بأن السودانيين الشماليين يجدون هذه (الحُقنة) مجانا .
--
|
Post: #17
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: بشير أحمد
Date: 09-25-2010, 05:36 PM
Parent: #11
كدي شوفوا قناة الـSSTV
قاعدين يقولوا في شنو ؟
خسوسا الاسمو بن ماثيو ؛
الزول ده لو ادو فرقة يحكمكم في الشمال بطهركم بموس مصدية موش
حقنة
خليهم ينفصلوا ويروحوا في...
___
اها يا الزغاوي ما عايزين تنفصلوا برضو ؛عشان ندق ليكم الطار
من هسع.
قال سودان واحد قال.
|
Post: #20
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: مهيرة
Date: 09-25-2010, 06:49 PM
Parent: #17
Quote: .. هذا الكمال عبيد و معه زمرته الذين أدمنوا بترول الجنوب ... قدر ما حسبوها لقوها خسرانة معاهم ... لأنهم تعودوا علي المال السائب بلا محاسبة و حتي بلا إبلاغ الشعب المطحون كم مبلغ الدخل القومي و كيف إنصرفت ...
الآن سيواجهون غضبة الشعب عندما يقصر المال عن الإستيفاء بالأساسيات لأفراد هذا العب الصابر .... سينكشف المستور ...
و قد بداوا مبكرا في زيادة الأسعار و الجمارك و فرض رسوم و جبايات .... بلا مقابل في تقديم خدمات أفضل .. لأن حكومة كمال عبيد هي عبارة عن عصابة مافيا ... |
صدقت ياأخى
تحياتى
|
Post: #35
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-26-2010, 01:31 AM
Parent: #20
الفاضلة مهيرة
لك اللتحية و الإحترام
شكرا علي مرورك النبيل
|
Post: #34
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-26-2010, 01:28 AM
Parent: #17
بشير أحمد:
Quote:
اها يا الزغاوي ما عايزين تنفصلوا برضو ؛عشان ندق ليكم الطار
من هسع.
|
كفاية دقكم الطار للزغاوي داك .... الكان ممكن يكرفس رئيسك و يستفو سفري للاهاي من أنجمينا راس (بلا توقف) .. زي تشارلس تيلور ...
معليش هو غلط (طبعا الزغاوي داك .. مش رئيسك الهارب) ... و قلنا ليهو : ديل غدارين و ما بيعرفوا رد الجميل ..
أها هسي شوف كلام كمال عبيد .. بيان بالعمل .... بعد أن تسامي الجنوبيون فوق مراراتهم و خلوكم تلهفوا و تلغفوا عوائد البترول خمسة سنوات ...
يا دكتور ... أنا أتضامن معك .... صدقني ... لأنو قادمات الأيام يا حتشوفوا ... إنت و ناس كمال عبيد ... أنفاق مظلمة ....
بالمناسبة ... وين الغفلة ... أقصد الإنتباهة ؟؟
|
Post: #18
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Nasr
Date: 09-25-2010, 05:41 PM
Parent: #11
ويعني شنو؟؟؟؟
ما تدوهم ولا حقنة ما يدوكم ولا سي سي بترول
الحار ياتو؟؟؟؟؟؟؟؟؟؟؟؟؟؟ظظظظظ
|
Post: #19
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: بشير أحمد
Date: 09-25-2010, 05:48 PM
Parent: #18
Quote: ما تدوهم ولا حقنة ما يدوكم ولا سي سي بترول
الحار ياتو؟ |
البترول ده جا متين ؟
ياهو قبل كم سنة دي ؟السودان ده كان ماشي بدون بترول
ده همكم كلو من الانفصال ؟
يعني القصة ماقصة وحدة عشان عيون الجنوبيين عشان عيون بترولهم...
|
Post: #21
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Nasr
Date: 09-25-2010, 07:02 PM
Parent: #19
قال بشير
Quote: البترول ده جا متين ؟
ياهو قبل كم سنة دي ؟السودان ده كان ماشي بدون بترول
ده همكم كلو من الانفصال ؟ |
م
رغم إنه البترول دا ما ما نايبنا منه ولا فرطاقة أقول ليك
البترول الجا أمبارح دي بقي يشكل حوالي سبعين في المية من ميزانية الدولة
وعشان دخله الساهل وحلو، بعد أن كنا نصدر مواد زراعية صرنا نستورد قمح ومواد غذائية بأكثر من أثنين مليار دولار في السنة
وبعد أن كان مشروع الجزيرة هو الجرار الذي يقطر خلفه كل عربات الاقتصاد السوداني صار هو الترلة القاطرها قندراني
وعارفين طبعا أن دولة متضخمة وزراء وأمن وجيش إذا فطمت من البترول حتقبل علينا ضرائب وجبابات لندفع دم قلبنا بنزبن لعربات السبعة وسبعين وزير وكل وزير خمسة عربات
بالعديل كدا نحن ما دايرين إنفصال لاننا نقول أنو الجنوبيين لحمنا ودمنا وفصلهم عنا أصعب من فصل التوأم السياميي
لكننا ننظرالآن إليه علي أنه أبغض الحلال
وحتي إن حدث نتمني إنفصالا سلميا لا يهيج علينا فتنة الحرب
ورغم معرفتنا بصعوبة هذا الاقتراح قلنا لكم ألف مرة أرجعوا لاقتصاد بدون بترول
والجنوبيين من جانبهم صرحوا أنه مستعدين لاقتسام كعكة البترول معكم حتي لا ينهار أقتصاد الشمال
والكلام دا علي وجاهته زعل ناس كثيرين من ناس المؤتمر الما دايرين يصدقوا أن الجنوبيين ممكن يتصدقوا عليهم
ما علينا
لكن كدا قولوا لينا رأيك في من يهدد الجنوبيين بأخس أنواع التهديد
|
Post: #22
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: بشير أحمد
Date: 09-25-2010, 07:06 PM
Parent: #21
Quote: لكن كدا قولوا لينا رأيك في من يهدد الجنوبيين بأخس أنواع التهديد
|
قلت ليك امشي افتح قناة الحركة الشعبية
شوف واسمع بقولو شنو
وتعال قارنها بحقنة كمال عبيد.
|
Post: #24
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: بشير أحمد
Date: 09-25-2010, 07:08 PM
Parent: #22
ين ماثيو شول ده انا عاذرو تب
إلى ين ماثيو شول
|
Post: #23
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: jini
Date: 09-25-2010, 07:06 PM
Parent: #21
يا اخوى يجب ان تستصحب التصريح الاهوج لكمال مع السلوك الارعن للحركة الشعبية وهيمنتها وسلوكها الانفصالى والاقصائى قبل ان يتم الانفصال
هذا هو غباء الشريكين الذى سيفتك بالسودان ككل وليس وحدته!
الحركة منعت اى صوت لا يبشر بالانفصال ومنعت حملات الوحدويين من اهل الجنوب واحزاب الجنوب وحشدت المظاهرات للانفصاليين وارادت ترحيل الجنوبيين الى الجنوب للتصويت!
وها هم الثعالب يردون الصاع صاعين!
كل جنوبى الشمال وكل المرتبطين بهم والمعتمدين عليهم فى الجنوب يجب ان يصوتوا للوحدة! ومن سيذهب للتصويت للجنوب فلن يسمح له بالعودة!
هذا هو الاستقطاب الحاد الذى سيضطر الحركة الى اعلان الانفصال ولن يكون هنالك تصويت فى ابيي وعلى السودان السلام!
جنى
|
Post: #25
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: مُحَمَّدٍ عِوَضٌ احْمَدُ
Date: 09-25-2010, 08:40 PM
Parent: #23
غايتو اخوانا الجنوبيين مصيبتهم كبيرة ما بين..
حقن المؤتمر الوطنى..وحمبكة ناس الحركة
المشكلة يتوحدو معانا وبرضو ما يلمو فى الحقنة..
ينفصلو..ينطعنو بى حاجة تانية
|
Post: #26
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: صديق_ضرار
Date: 09-25-2010, 09:14 PM
Parent: #25
قبل دا فى مؤتمر صحفى فى التلفزيون السودانى
عند مسألة تجميد الحركة لعضويتها بالبرلمان
كمال عبيد دا ومصطفى اسماعيل عقدا مؤتمرا
وفى أثناء المؤتمر قال كمال عبيد هذا
( والله على ما أقول شهيد ) :
هم جربونا فى الحرب .
( كدا والله بالحرف الواحد )
وبعد شوية كمان مصطفى اسماعيل قال وبالحرف الثانى ( والله على ما أقول شهيد ) :
نحن قدمنا أربعين ألف شهيد ، وعلى استعداد أن نقدم مائة ألف شهيد كمان .
بالله فى حقرة وقلة أدب أكتر من كدا وبرضه تقولوا لى
وووووحــــــدة
والله الواحد فى بيت أبوه لو هددوا كدا ، إلا يسيب البيت
واليحصل يحصل
ثوبوا إلى رشدكم واعتذروا لهؤلاء ،
ولن ينفع الإعتذار إلا ممن كان السبب
|
Post: #28
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: محمد النيل
Date: 09-25-2010, 11:16 PM
Parent: #26
| Quote: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المستشفي |
هو كدى زاتو ناس الحيكومة اليلقوا حق الحقنة بعد انفصال الجنوب وذهاب البترول
يا اهل الجنوب هنيئا لاستقلالكم وعتقكم من نير حكم الانقاذ
عقبالنا
|
Post: #37
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-26-2010, 05:09 AM
Parent: #18
الأخ نصر
لك التحية و الإحترام
Quote:
ويعني شنو؟؟؟؟
ما تدوهم ولا حقنة ما يدوكم ولا سي سي بترول
الحار ياتو؟؟؟؟؟؟؟؟؟؟؟؟؟؟
|
الإحابة واضحة من هضربات كمال عبيد و بشير أحمد
|
Post: #33
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Mohamed Suleiman
Date: 09-26-2010, 01:19 AM
Parent: #11
عاطف مكاوي:
Quote:
حُقنة !
حُقنة ...... يا عديم الانسانية !
لعنة الله تغشاكم جميعا .
|
كمال عبيد يكشف طبيعة العصابة التي حكمت السودان عشرين سنة.
|
Post: #29
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: على تاج الدين على
Date: 09-25-2010, 11:21 PM
Parent: #1
فلح هذا العنصرى (محمد سليمان) صاحب المشروع الجهوى ...ان يجر معه جوقة ...تسانده فى النقمة والاستياء من تصريحات
الوزير (كمال عبيد) الذى قال لن نعطى الجنوبى المقيم فى الشمال حقنة فى المستشفى ان اختار الانفصال....ونسئ هذا
المحمد سليمان تصريحات الوزير الجنوبى مارتن ماجوت ياك فى مايو الماضى عندما ذكر بالحرف الواحد (ان الانفصال قادم
ولن نعطى الشمال جالون بنزين واحدا) لماذا يا هذا لم تستهجن تصريحات الوزير الجنوبى وطفقت تكيل السباب والشتائم
لناس كمال عبيد؟؟؟ام حسب الذين فى قلوبهم مرض ان لن يخرج الله اضغانهم....وتبا للذين فى قلوبهم اكنة وفى اذانهم
وقرا ....وهم لا يفرقون بين معارضة نظام ومصالح البلاد العليا....اذ يساندون هذا العنصرى فى كراهيته وبغضه للشمال
هذا من جهة ومن ناحية اخرى .....هولاء الجنوبيون غير راغبين فى وحدة مع الشمال بحكم اسباب تاريخية (نفسية) تغذت
من كتابات النخب الجنوبية فى اواسط القرن العشرين ...وتواصلت مع ادبيات السودان الجديد وهى فى عمومها اوهام
ومزاعم تصور الشمال على انه شر مستطير....فى الوقت الذى يحتمى فيه الجنوبى من ويلات الحروب القبلية والجوع
والفاقة بالشمال ولا يتجه الى يوغندا او كينيا لانعدام الامن والرحمة.....مالكم كيف تحكون؟؟؟ ونحن نقولها داوية
ان اختار المواطن الجنوبى الانفصال عليه ان يقبل بالوضع القانونى الذى تحدده له السلطة السياسية فى الشمال بحكم
انه اضحى اجنبيا .....ولن نفرط فى امن واستقرار بلادنا ومستقبل اجيالنا...ونضحك على انفسنا...وتمرر خدعة نيفاشا
مرة اخرى.....بمعنى ان سمحنا لهم بهذه الوضعية الفوضوية ....ستستسخ بعد ثلاثين عاما حركة شعبية فى الشمال
مرة اخرى ....ويعانى من سخفها اجيالنا فى المسقبل لذا عليهم ان يغادروا الشمال فورا ان اختاروا الانفصال.
|
Post: #30
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: تاج الدين عبدالله آدم
Date: 09-26-2010, 01:07 AM
Parent: #29
كتب علي تاج الدين
Quote: ولن نفرط فى امن واستقرار بلادنا ومستقبل اجيالنا...ونضحك على انفسنا...وتمرر خدعة نيفاشا
مرة اخرى... |
حسب اعترافك دا يعني انتو خدعوكم ومرروا ليكم نيفاشا!! مساكين والله، منو الخدعكم دا بالله؟ بس ما عندو ذوق....معليش شدوا حيلكم وكنكشوا كويس في مثلث حمدي الفضل عشان تاني
ما يجو اولاد اللذين ويخدوعوكم، انتو اصلا ما بتفرطوا في امن واستقرار بلادكم ومستقبل عيالكم وتضحكوا علي انفسكم زي ما قلت انت، لكن مشلكتم انكم بتفرطوا
في امن واستقرار حياة الاخرين وتبيدوهم بالملايين وتنهبوا مواردهم ودا البجيب ليكم البلاوي ونيفاشا "الخدعة" واوكابمو الخلي رئيسكم بقي محبوس (آخر محاولاته الاستنجاد بالافارقة(الوهم) عشان يجمدوا ليهو مذكرة القبض لمدة سنة...لكن ماحيلقي ولا شهر.
شوف يالسيد علي تاج الدين وجه لمحمد سليمان ما خطر ببالك من البذئ و ساقط القول، لكن اساءتك الداوية التي كتبتها في هذا المكان عن الدارفوريين حول المتاجرة بشرف الامهات ستحاسب عليه باذن الله...نعم سيكون لنا مع امثالك حساب.
|
Post: #36
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: على تاج الدين على
Date: 09-26-2010, 01:44 AM
Parent: #30
Quote: شوف يالسيد علي تاج الدين وجه لمحمد سليمان ما خطر ببالك من البذئ و ساقط القول، لكن اساءتك الداوية التي كتبتها في هذا المكان عن الدارفوريين حول المتاجرة بشرف الامهات ستحاسب عليه باذن الله...نعم سيكون لنا مع امثالك حساب. [/QUOTE] اسمعنى انت كويس
وغيرك....انا لغة التهديد والوعيد لن تحرك فينى ساكنا....ولا اخشى كائنا من كان....وساظل اكتب وجهة نظرى فى هموم
وقضايا وطنى مهما كانت التحديات ....الى ان يقضى الله امرا كان مفعولا....ياترى هل كان على تاج الدين مخطئا ....
عندما طالعتنا مجموعة من المنشقين عن العدل والمساواة...بانهم كيف (فبركوا وتاجروا ) باغتصاب ما يسمى (بحليمة بشير)
بالاشتراك مع بعض المنحطين من المنظمات الانسانية العاملة فى دارفور....؟؟؟؟ ولا اكون على تاج الدين قل الادب واساء
لشرف وعرض وعفة نساء السودان....وهو يكتب بكل وقاحة (شبق الشماليات وفحولة الغرابى) ويجد من يسانده ويستحسن اقواله
(الداير الغنى اعمل لحساب لفقرو)ياسيد ياجيد.
|
Post: #31
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Nasr
Date: 09-26-2010, 01:09 AM
Parent: #29
قال علي تاج الدين
Quote: ونسئ هذا
المحمد سليمان تصريحات الوزير الجنوبى مارتن ماجوت ياك فى مايو الماضى عندما ذكر بالحرف الواحد (ان الانفصال قادم
ولن نعطى الشمال جالون بنزين واحدا) لماذا يا هذا لم تستهجن تصريحات الوزير الجنوبى وطفقت تكيل السباب والشتائم |
ا
بالله يعني ببساطة ساويت بين حقنة لمريض في مستشفي بجوالين البنزين؟؟؟؟
ويدوك جالون بنزين ليه وبي ياتو حق؟؟؟
مريض يمشي المسشتفي يقول ليه من شكلك دا إنت جنوبي وما بهمنا إنك إنت بالذات صوتت للوحدة بس لانه جماعتكم قالوا ما بدونا جالون بنزين عشان كدا ما بنديك حقنة
طيب ماذا يحدث أن ذهب شمالي للعلاج في جوبا ؟؟؟
هل توافقون أن يعامل بالمثل؟؟؟؟؟؟؟
الكلام دا طالع من ياتو كتاب وياتو منهج؟؟؟؟؟
طبعا غريب علي الاسلام
لكن أقول ليكم ::
الوحدة الجاذبة ما عندكم
|
Post: #39
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: doma
Date: 09-26-2010, 06:17 AM
Parent: #31
يتضح ان المؤتمر الوطني فقد اعصابه تماما بفقدان الامل في الوحده
الجنوب سينفصل وستقل ان لم تنقطع عائدات البترول .
وسيطالبون الشعب الشمالي بشد الاحزمه علي البطون اكثر مما مضي
متي سينتفض هذا الشعب؟؟؟
دا السؤال
|
Post: #40
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: Abdelmuhsin Said
Date: 09-26-2010, 06:27 AM
Parent: #31
محمد سليمان تحيه طيبه
Quote:
عديل كدا نحن ما دايرين إنفصال لاننا نقول أنو الجنوبيين
لحمنا ودمنا وفصلهم عنا أصعب من فصل التوأم السياميي
|
|
Post: #41
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: أحمد أمين
Date: 09-26-2010, 07:48 AM
http://www.sudaneseonline.com/spip.php?article36395
رفضت حكومة الجنوب تصريحات وزير الاعلام، كمال عبيد، التي حذر فيها الجنوبيين من خسران كافة الامتيازات المرتبطة بمواطنيتهم السودانية اذا قرروا الانفصال واعتبرته محفزا لخلق توترات بين الشمال والجنوب في حال الانفصال. وقال رياك مشار، نائب رئيس حكومة الجنوب، في حديث خاص إنه يمكن تطبيق اتفاق الحريات الاربع بين الطرفين.
مشيرا الى ان حكومته تمتلك خيارات عديدة لم يفصح عنها للرد على الخرطوم في حال تنفيذ تلك التحذيرات. وكان وزير الاعلام، كمال عبيد، حذر سكان جنوب السودان من فقدان حقوق المواطنة، والوظيفة والبيع والشراء في سوق الخرطوم والعلاج. وكافة الامتيازات المرتبطة بمواطنيتهم اذا قرروا الانفصال خلال الاستفتاء
http://www.mirayafm.org/arabic/index.php?option=com_con...tid=85:85&Itemid=278
|
Post: #42
Title: Re: مسؤول كبير بالمؤتمر الوطني: الجنوبيين في الشمال بعد الإنفصال .. ما حنديهم حتي حقنة في المس
Author: د.محمد بابكر
Date: 09-26-2010, 03:21 PM
Parent: #41
فى احدى ازمات الاطباء مع الانقاذ سخر كمال عبيد من الاطباء قائلا ان هنالك بعض التخصصات كالجلديه لا تستحق ما يهدر فيها من وقت يومها عرفت ان الرجل يملك من الجرأه ما يحسد عليه وانه بجرأته هذه يقفو ما لا علم له به ...بتصريحه المذكور لا يفصح عبيد عن عنصريه الاخوان المسلمين فحسب بل يعلن جهالته بالراهن العالمى ويذكرنا بأن رجال الانقاذ لم يغادروا مواقع ابناء الليل والبلطجيه فكل ما يريدونه يحصلون عليه بالابتزاز والتهديد..عبيد وبعد ان ينفصل الجنوب لا يملك ما يغرى به الجنوبيين على البقاء خصوصا ان مثلث حمدى محكوم بأمثاله وبقوانين ومؤسسات ينظر اليها العالم برأفه ودولة الجنوب ان اختار ابناؤه الانفصال ستكون ومهما ساءت افضل من دولة يحكمها عبيد وامثاله واذا كان العبيد يعتقد بانه وعصابة الانقاذ سوف يهنأوون بحكم الشمال ودونما منغصات فتلك محض اوهام فالرجل نسى او تناسى ان العالم بعد 11 سبتمبر لم يعد هو العالم وان الحركه الاسلاميه ومهما بدا عليها من عنفوان قد صارت الى موقع الطريده وان الطريده من المحال ان تصبح صيادا وسوف نرى...
|
|
|