Post: #1
Title: عليكم الله دى صحافة ..!!
Author: مزمل خيرى
Date: 09-25-2010, 03:43 PM
Parent: #0
__
قرفتونا الله يقرفكم ياخ .!!
|
Post: #2
Title: Re: عليكم الله دى صحافة ..!!
Author: النذير حجازي
Date: 09-25-2010, 05:06 PM
Parent: #1
سلام يا أبو جوان
طبعاً كلام في قمة الإنحطاط، ياخي كلامو دا لو كتبوا في
حوش بكري دا بوديهو الخور لوول
تحياتي
|
Post: #3
Title: Re: عليكم الله دى صحافة ..!!
Author: عمر عبد الله فضل المولى
Date: 09-25-2010, 05:13 PM
Parent: #2
درك سحيق وسفالة في الكتابة
|
Post: #10
Title: Re: عليكم الله دى صحافة ..!!
Author: مزمل خيرى
Date: 09-26-2010, 08:58 AM
Parent: #3
استاذ عمر عبدالله
درك سحيق جداً جداً .!
شكرا على المرور
|
Post: #4
Title: Re: عليكم الله دى صحافة ..!!
Author: عبدالوهاب علي الحاج
Date: 09-25-2010, 05:15 PM
Parent: #2
يا مزمل ازيك
مهنة الصحافة مادام بقت تستوعب زي ناس بيجو
حتبقى أسوأ من كدا
شي مقرف
|
Post: #5
Title: Re: عليكم الله دى صحافة ..!!
Author: omer osman
Date: 09-25-2010, 05:23 PM
Parent: #4
اعوذ بالله من غضب الله ..........
|
Post: #6
Title: Re: عليكم الله دى صحافة ..!!
Author: haroon diyab
Date: 09-25-2010, 05:31 PM
Parent: #5
يا ابو جوان
مشتاقين يالحبيب
والله من رحمة الله علينا
انو جعلنا بعيدين
من هذا السقوط المريع
صدقني يوميا بجيب صحيفة
الراية القطرية ( دي مادعاية هههههههه)
ياخي تخيل 64 صفحة لايخلو سطر من فائدة
وعندنا 12 صفحة وكلها ( مثالك الجبتو ده...!!!)
الله يستر عليكم ...حقيقة حاجة تقرف .
|
Post: #18
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:10 AM
Parent: #6
هارون دياب ياحبوب ...
والله مشتاقين كتير يعلم الله
وشكرا على المرور ... والله يستر علينا من زى ديل .!
|
Post: #17
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:07 AM
Parent: #5
Quote: اعوذ بالله من غضب الله ..........
|
ياجنابو انا عارف لو كنت فى الخدمة لسع كنت فتحت ليهم
152 ق ج ...
|
Post: #16
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:03 AM
Parent: #4
وهبة...
والله بيجو أحسن حالاً من ديل .!
عليك الله ياحمادة بت اعمل حسابك السوط بيعوقك .!
دا كلام زول صحفى خريج اعلام وعندو قيد صحفى .؟!!!
|
Post: #9
Title: Re: عليكم الله دى صحافة ..!!
Author: مزمل خيرى
Date: 09-26-2010, 08:55 AM
Parent: #2
النذير
هو انحطاط ساكت .!
حاجة مؤسفة والله العظيم ؛ مؤسفة ...
|
Post: #7
Title: Re: عليكم الله دى صحافة ..!!
Author: cantona_1
Date: 09-25-2010, 05:54 PM
Parent: #1
يا مزمل خيري .. سلامات.. قيل في الأثر: (مثلما تكونون يُولّى عليكم). ونضيف من عندنا: مثل ما تريدون يُكتب لكم. والجزاء من جنس العمل. تحياتي.
كبـَّـاشي الصــَّافي
|
Post: #8
Title: Re: عليكم الله دى صحافة ..!!
Author: وجدان جمال
Date: 09-25-2010, 09:26 PM
Parent: #7
دة كلام شنو الخارم بارم دة ؟
علييييكم الله ياخوانى دى صحافة شنو صحى ؟؟
الصحفى دا الا يكون مسطول وسكران ...!!!
الله يرحم الصحافة ...
|
Post: #11
Title: Re: عليكم الله دى صحافة ..!!
Author: السيد المسلمي
Date: 09-26-2010, 09:06 AM
والله الواحد يقول شنو ما عارف ؟
قمة الإسفاف !
|
Post: #15
Title: Re: عليكم الله دى صحافة ..!!
Author: حمزاوي
Date: 09-26-2010, 09:52 AM
Parent: #11
ود اختي مزمل خيري
مسكاقمي
اول حاجة جيت اسلم عليك واقول عيدك سعيد وكل سنة وانت طيب
وقلت بالمرة كمان اقرأ ما جاء في الصحافة بس للاسف ما ظهر عندي وقلت الحمد لله ما دام كل الاخوان متضايقين منو . . . يعني حيكون مكتوب شنو في صحافة الكيزان ما ياهو ذي وشهم .
بالله يا مزمل بلغ تحياتي الخاصة للابن اشرف عبدالودود
قول ليه مشتاقين وليه ما ظاهر يا حضرة الافوكاتو
عافيلقو
|
Post: #22
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:37 AM
Parent: #15
Quote: اول حاجة جيت اسلم عليك واقول عيدك سعيد وكل سنة وانت طيب
وقلت بالمرة كمان اقرأ ما جاء في الصحافة بس للاسف ما ظهر عندي وقلت الحمد لله ما دام كل الاخوان متضايقين منو . . . يعني حيكون مكتوب شنو في صحافة الكيزان ما ياهو ذي وشهم .
|
ياخال قول الحمدلله ماظهرت عندك .!
قمة الاسفاف والانحطاح .!Quote:
بالله يا مزمل بلغ تحياتي الخاصة للابن اشرف عبدالودود
قول ليه مشتاقين وليه ما ظاهر يا حضرة الافوكاتو
|
أشرف موجود وبخير والحمدلله وسوف ابلغة بسؤالك عنة ..
وشكرا مجدداً ياخال .. وكل سنة وانت طيب واسرتك بالف خير ...
|
Post: #20
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:29 AM
Parent: #11
Quote: والله الواحد يقول شنو ما عارف ؟
قمة الإسفاف ! |
ياسيدنا تقول شنو .؟
تقول حسبنا الله ونعم الوكيل بس .!
|
Post: #12
Title: Re: عليكم الله دى صحافة ..!!
Author: صلاح أبودية
Date: 09-26-2010, 09:08 AM
أظن أن هذا ما يعرف بـ
هرية السخافة !
|
Post: #13
Title: Re: عليكم الله دى صحافة ..!!
Author: Mohammed Awad
Date: 09-26-2010, 09:21 AM
Parent: #12
على رأى المثل:
مرمى الله مابيترفع....
جميع المتداخلين اعلاه
ليكم وحشة والله
|
Post: #24
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:43 AM
Parent: #13
اووووة طبنجة حمدلله بالسلامة ياراجل ؛ غايتو جية الريس للسودان
جات معاك بالفائدة .!
شكرا على المرور ..
|
Post: #25
Title: Re: عليكم الله دى صحافة ..!!
Author: Mohammed Awad
Date: 09-26-2010, 10:48 AM
Parent: #24
Quote: اووووة طبنجة حمدلله بالسلامة ياراجل ؛ غايتو جية الريس للسودان
جات معاك بالفائدة .! |
القال ليك منو ياعمك؟؟
مش امكن ايدنا واصلة؟
وتيًب؟
|
Post: #14
Title: Re: عليكم الله دى صحافة ..!!
Author: داليا حافظ
Date: 09-26-2010, 09:22 AM
Parent: #12
ابو جوان ازيك
منو الكاتب وفي ياتو صحيفة ؟
|
Post: #28
Title: Re: عليكم الله دى صحافة ..!!
Author: مزمل خيرى
Date: 09-26-2010, 11:49 AM
Parent: #14
| Quote: منو الكاتب وفي ياتو صحيفة ؟ |
الصحفية المحترمة داليا حافظ
والله الواحد لمن كان يقرأ ليك عمود فى اخر لحظة ولا الوطن كان بيستمتع جداً بكتاباتك .!
لكن ناس زعيط ومعيط دى مسخو علينا قراية الجرائد .!!
حرصت انى اشيل الترويسة عشان هم عارفين روحهم وقلت مافى داعى الزول يشيل حالهم .!!
والكاتب الهترشات دى صحفى مغمور وغير معروف فى الوسط الصحفى .!
|
Post: #23
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:40 AM
Parent: #12
Quote:
أظن أن هذا ما يعرف بـ
هرية السخافة ! |
ياجنابو حرية الصحافة كان زى دا فعلى الدنيا السلام ...
|
Post: #21
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:32 AM
| Quote: الله يرحم الصحافة ... |
آآآمين ياوجدان ...
قال صحافة قال !!
|
Post: #19
Title: Re: عليكم الله دى صحافة ..!!
Author: مزمل خيرى
Date: 09-26-2010, 10:27 AM
Parent: #7
عمنا cantona_1
شكرأً على المرور والتعليق ..
|
Post: #26
Title: Re: عليكم الله دى صحافة ..!!
Author: عبدالعزيز حسين عبدالرحيم
Date: 09-26-2010, 10:58 AM
Parent: #19
مزمل
بالجد الله يعينكم على القرف دا
والكاتب الموضوع راجل ولا مرا
|
Post: #27
Title: Re: عليكم الله دى صحافة ..!!
Author: مزمل خيرى
Date: 09-26-2010, 11:40 AM
Parent: #26
Quote: مزمل
بالجد الله يعينكم على القرف دا
والكاتب الموضوع راجل ولا مرا |
ياعبدالعزيز ... الحاجة المؤسفة انو راجل ..!!
|
Post: #29
Title: Re: عليكم الله دى صحافة ..!!
Author: عبداللطيف محجوب
Date: 09-26-2010, 11:50 AM
Parent: #27
أن تكون هذه صحافة فليس لي عليها تعليق .. فالصحافة والحصافة لا يفترقان !!
أما أن يكون هذا صحفي فالله أعلم !!
|
Post: #30
Title: Re: عليكم الله دى صحافة ..!!
Author: مزمل خيرى
Date: 09-26-2010, 11:57 AM
Parent: #29
عبداللطيف ياهندسة
عليك الله هسع عمك محجوب عروة صحفى ودا صحفى .؟؟
قال سجمى .!
ملعون ابو الصحافة ياشيخ لو كانت كدا ... 
|
Post: #31
Title: Re: عليكم الله دى صحافة ..!!
Author: وليد عبد اللطيف
Date: 09-26-2010, 12:09 PM
Parent: #30
ابوجوان ..... سلامات
| Quote: قرفتونا الله يقرفكم ياخ .!! |
اسكت اسكت مافي زول يسمعك
-----------------------
هل تصدق ان حمادة ارجل من كاتب هذا المقال
|
Post: #33
Title: Re: عليكم الله دى صحافة ..!!
Author: Abd-Elrhman sorkati
Date: 09-26-2010, 12:25 PM
Parent: #31
الاخ الكريم مزمل لك الود
والله لو لا اني أتفهم نبل مقصدك لرفعتك عليك دعوي بأشاعة القبح
مغقول نحن وصلنا لهذه الدرجة من الاسفاف ،،،، أغوذ بالله من هذه صحافة .
|
Post: #35
Title: Re: عليكم الله دى صحافة ..!!
Author: مزمل خيرى
Date: 09-26-2010, 01:27 PM
Parent: #33
Quote: الاخ الكريم مزمل لك الود
والله لو لا اني أتفهم نبل مقصدك لرفعتك عليك دعوي بأشاعة القبح
مغقول نحن وصلنا لهذه الدرجة من الاسفاف ،،،، أغوذ بالله من هذه صحافة . |
اشكرك على حسن ظنك بى ياسوركتى
ايوة وصلنا المرحلة دى للاسف الشديد .!
صحفى يكتب كلام فارغ فى جريدة بيقروها الناس
دا مش معناها الصحافة عندنا وصلت مراحل متأخرة .؟
بالله تحياتى للشباب المعاك وكل طاقم قوون T.V
|
Post: #36
Title: Re: عليكم الله دى صحافة ..!!
Author: مزمل خيرى
Date: 09-26-2010, 01:31 PM
Parent: #31
وليد ياصاحب
فضل فيها اسكت تانى .؟
كفاية مستحملين السخف دا الفترة الفاتت كلها ياخ ...
والله انا لو فى محل العبيد احمد مروح اوقف الجريدة دى شهر .!
|
Post: #32
Title: Re: عليكم الله دى صحافة ..!!
Author: مزمل خيرى
Date: 09-26-2010, 12:12 PM
Parent: #30
وين لجنة الرصد فى مجلس الصحافة .؟
يابروفسير شمو الصحف دى قاعدة تجيك فى مكتبك كل يوم بالله الحال دا عاجبك ..!
وين العبيد المروح الامين العام للمجلس من ... وين .؟؟؟
انتو مسؤولين امام الله عن السخف البيحصل دا ..
|
Post: #34
Title: Re: عليكم الله دى صحافة ..!!
Author: عبداللطيف محجوب
Date: 09-26-2010, 12:29 PM
Parent: #30
Quote: عبداللطيف ياهندسة
عليك الله هسع عمك محجوب عروة صحفى ودا صحفى .؟؟
قال سجمى .!
ملعون ابو الصحافة ياشيخ لو كانت كدا ... |
أنا عمك زاتو عندي فيهو رأي 
|
Post: #37
Title: Re: عليكم الله دى صحافة ..!!
Author: طارق جبريل
Date: 09-26-2010, 01:37 PM
Parent: #34
تعيش كتير تشوف كتير يا ابو جوان
|
Post: #38
Title: Re: عليكم الله دى صحافة ..!!
Author: مزمل خيرى
Date: 09-26-2010, 02:36 PM
Parent: #37
طارق جبريل
عليك الله عندكم صحافة بالمستوى دا فى المغرب .؟
كلام يطمم بطن الواحد والله .!
|
Post: #39
Title: Re: عليكم الله دى صحافة ..!!
Author: محمد البشرى الخضر
Date: 09-26-2010, 03:00 PM
Parent: #38
| Quote: والكاتب الهترشات دى صحفى مغمور وغير معروف فى الوسط الصحفى .! |
ابوجوان كيفك
جيب اسمو ياخ
وإن شاء الله يطلع زميل في البورد عشان الشباب الفوق ديل محل يخشوا ما يعرفوا
|
Post: #40
Title: Re: عليكم الله دى صحافة ..!!
Author: إبراهيم عبد الحليم
Date: 09-26-2010, 06:33 PM
Parent: #39
هذا زمان الصحافة الصفراء ويا مهازل فامرحى
القروش والشهرة باى ثمن
تحياتى يا عزيز
|
Post: #41
Title: Re: عليكم الله دى صحافة ..!!
Author: معاوية الأرباب
Date: 09-26-2010, 07:42 PM
Parent: #40
صحافة تشبه الإنقاذ تماما في إنحطاطها.
|
Post: #42
Title: Re: عليكم الله دى صحافة ..!!
Author: معاوية الزبير
Date: 09-26-2010, 08:18 PM
Parent: #41
نعم يا ود الأرباب معك حق
قال كانتونا -الماسك العصا من الوسط-:
مثلما تكونوا يولى عليكم
-----------------------------
يا أبو جوان .. تحياتي
هذا الانحطاط قديم قديم وشائع ولو ما عايز تذكر اسم الصحيفة عادي جدا ممكن نخت اسم أي جريدة
أي جريدة تصدر في الخرطوم ممكن تنشر هذه السفالة حتى جريدة القواد المسلحة
|
Post: #44
Title: Re: عليكم الله دى صحافة ..!!
Author: مزمل خيرى
Date: 09-27-2010, 10:15 AM
Parent: #42
الاعزاء
معاوية الزبير
وود الارباب ..
شكرا لمروركما ...
|
Post: #49
Title: Re: عليكم الله دى صحافة ..!!
Author: مزمل خيرى
Date: 09-27-2010, 01:29 PM
Parent: #40
Quote: هذا زمان الصحافة الصفراء ويا مهازل فامرحى
القروش والشهرة باى ثمن
|
يادكتور فعلاً صحافة صفراء وفااااقعة الصفار كمان !
|
Post: #43
Title: Re: عليكم الله دى صحافة ..!!
Author: مزمل خيرى
Date: 09-27-2010, 09:52 AM
Parent: #39
ود البشرى
| Quote: وإن شاء الله يطلع زميل في البورد عشان الشباب الفوق ديل محل يخشوا ما يعرفوا |
الحمدلله ماعضو معانا هنا ... زول مغمور ساكت !
اسلوب رخيص ولغة ركيكة جداً .!
يا للبؤس !
|
Post: #45
Title: Re: عليكم الله دى صحافة ..!!
Author: زهير حيدر صديق
Date: 09-27-2010, 11:01 AM
Parent: #43
أبو جوان سلامات ..
بالجد قمة الأسفاف والتردي ..
نسأل الله السلامة ..
تحياتي ..
|
Post: #50
Title: Re: عليكم الله دى صحافة ..!!
Author: مزمل خيرى
Date: 09-27-2010, 01:31 PM
Parent: #45
زهير
نسأل الله السلامة بالجد والله .!
|
Post: #46
Title: Re: عليكم الله دى صحافة ..!!
Author: الشاذلى خيرى عبد الله
Date: 09-27-2010, 11:13 AM
Parent: #43
والله يا مزمل ما عارف اقول شنو زاتو ..
لا حولة لا قولة ..
ــــــــــــ
مشتاقين ياخ ..
|
Post: #47
Title: Re: عليكم الله دى صحافة ..!!
Author: شمائل النور
Date: 09-27-2010, 12:04 PM
Parent: #46
تحياتي يا مزمل خيري
النقد الفني في السودان هو في الواقع نقد شخصية لا موضوع ،، والصحافة الفنية والحمدلله هي عبارة عن تشوهات نفسية عميقة تترجمها اقلام بعض الكتاب على صفحات الصحف ،، وان تطورت بعض الكتابات في النقد آخرها يطلع ليكـ بمانشيت (........... )والله نفسي اقرأ على الصفحات الفنية موضوع موضوعي..
داليا حافظ::::
انت لسه بتسألي؟؟
اللهم أقلعنامن هذه الحفرة
|
Post: #48
Title: Re: عليكم الله دى صحافة ..!!
Author: خالد عويس
Date: 09-27-2010, 12:18 PM
Parent: #47
أمرٌ طبيعي ويتسق تماما مع سياسات الإسلاميين الساعية منذ 26 سنة وأكثر إلى التجهيل والتسطيح، وهو أمر ليس غريبا أبدا على مدارسهم الصحافية فألوان والراية وغيرهما شكلتا رأس الرمح في البذاءة والتسطيح والتجهيل، ثم أكملت (ثورة التعليم العالي) ونهج وسائل الإعلام الرسمية الباقي. وبطبيعة الحال فإن الأجهزة الرسمية ستكون مسرورة جدا من مثل هذه الموضوعات السخيفة لأنها تزيد في التجهيل و(الهيافة)، وهل أسهل من السيطرة على شعب (هايف)؟ هذا ما تريد الإنقاذ بلوغه، أن نصبح جميعا إما إنتهازيين ونفعيين ومؤيدين لها أو (هايفين)، وليس بعيدا عن ذلك بالطبع عمليات (التهجير) الواسعة لعدد كبير من المبدعين والمثقفين السودانيين والسودانيات لئلا يكونوا حجر عثرة أمام مشروع التسطيح والتجريف والتجفيف هذا.
|
Post: #52
Title: Re: عليكم الله دى صحافة ..!!
Author: مزمل خيرى
Date: 09-27-2010, 01:49 PM
Parent: #48
الاستاذ خالد عويس
تحياتى ... وشكرا على الاضافة ...
|
Post: #53
Title: Re: عليكم الله دى صحافة ..!!
Author: مزمل خيرى
Date: 09-27-2010, 03:56 PM
Parent: #47
Quote: النقد الفني في السودان هو في الواقع نقد شخصية لا موضوع ،، والصحافة الفنية والحمدلله هي عبارة عن تشوهات نفسية عميقة تترجمها اقلام بعض الكتاب على صفحات الصحف ،، وان تطورت بعض الكتابات في النقد آخرها يطلع ليكـ بمانشيت (........... )والله نفسي اقرأ على الصفحات الفنية موضوع موضوعي..
|
شمائل ازيك ...
كلامك منطقى جداً والله ...
Quote:
اللهم أقلعنامن هذه الحفرة |
آآمين... قلعة لا رجعة فيها ...
|
Post: #51
Title: Re: عليكم الله دى صحافة ..!!
Author: مزمل خيرى
Date: 09-27-2010, 01:47 PM
Parent: #46
الشاذلى ياخوى ماتقول اى حاجة
أقرأ واضرب كف بكف واتحسر على حال الصحافة .!
|
Post: #54
Title: Re: عليكم الله دى صحافة ..!!
Author: إبراهيم عبد الحليم
Date: 09-27-2010, 05:40 PM
Parent: #51
Quote: عضد الموسيقار محمد وردي ما ذكره المغني (حمادة بت) الذي قال إن فنان إفريقيا الأول طلب منه سماع أغنية (راجل المرا) مشيراً في ذات الوقت إلى أن طلبه هذا ليس فيه ما يعيب.
وقال وردي الذي تحدث إلى صحيفة فنون من جمهورية الصين الشعبية التي يتواجد فيها هذه الأيام بغرض الاستجمام والراحة (المشكلة شنو في أن أسمع راجل المرا) وأضاف : طلبت من الود ده لما اتلاقينا في بيت واحد صاحبو أن يغني لي الأغنية دي كحب استطلاع ليس إلا، وأوضح وردي أن حمادة ليس كاذبا في حديثه عني، مجددا تأكيده أنه طلب منه الاستماع للأغنية، إلا أن فنان إفريقيا الأول تحفظ عن اباء رايه في الأغنية وقال إنه يحتفظ برأيه لنفسه في تقييمها. |
صحيفة فنون
|
Post: #55
Title: Re: عليكم الله دى صحافة ..!!
Author: منتصرمحمد زكى
Date: 09-27-2010, 08:20 PM
Parent: #54
مافي مشكلة والله ياوردي .. منو قال في مشكلة ؟! .. سبحان الله ......
|
Post: #56
Title: Re: عليكم الله دى صحافة ..!!
Author: كمال ادريس
Date: 09-30-2010, 12:39 PM
Parent: #55
تحية ليك يامزمل وزوارك الاكارم
لا ادري لماذا الاستياء من المادة المكتوبة اعلاه!!!
لا شئ يدعو للاستغراب اطلاقا... فالمكتوب مرآة لواقع حياتي معاش.
حاجبي الدهشة يرتفعان اذا علمنا ان المادة المكتوبة (ان جاز تسميتها كذلك) مرت على مسؤول... وافق عليها ثم دفع بها الى قسم الصف (باعتبار ان الكاتب لايزال يستخدم القلم والورقة وليس الكي بورد) ثم مرت على قسم الصياغة والتصحيح او التدقيق اللغوي... تلتلها المراحل الفنية في الاخراج والتنفيذ......... وقرأها المسؤول عن الصفحة ................ ثم قرأها ووافق عليها رئيس التحرير او من ينوب عنه................... واخيرا قرأها الرقيب الامني قبل اعطاء الاوامر للمطبعة بالدوران ليتلقفها القارئ المسكين.
لاحظ كم شخص مرت مر عليه هذا الهراء.
اذن الموضوع المكتوب هنا ليس مسؤولية الكاتب فقط بل مسؤولية البص كله...لذا تعتبر هذه صورة عن واقع البلد.
الفوضى تضرب كل نواحي الحياة في السودان... كل النواحي بدون فرز... وهذا نتاج طبيعي للفوضى... والقادم سيكون أكثر اسى.
|
Post: #57
Title: Re: عليكم الله دى صحافة ..!!
Author: مزمل خيرى
Date: 09-30-2010, 01:31 PM
Parent: #56
| Quote: حاجبي الدهشة يرتفعان اذا علمنا ان المادة المكتوبة (ان جاز تسميتها كذلك) مرت على مسؤول... وافق عليها ثم دفع بها الى قسم الصف (باعتبار ان الكاتب لايزال يستخدم القلم والورقة وليس الكي بورد) ثم مرت على قسم الصياغة والتصحيح او التدقيق اللغوي... تلتلها المراحل الفنية في الاخراج والتنفيذ......... وقرأها المسؤول عن الصفحة ................ ثم قرأها ووافق عليها رئيس التحرير او من ينوب عنه................... واخيرا قرأها الرقيب الامني قبل اعطاء الاوامر للمطبعة بالدوران ليتلقفها القارئ المسكين. |
استاذ كمال ادريس ...
أهلا بيك فى الخرطوم أولاً ... وأهلا وسهلاً بيك فى البوست ...
النضمى السمح الفوق دا أوع تكون قاصد جرايدنا هنا .؟
الكلام دا عندكم هناك فى الشرق الأوسـط يا الحبيب ...
هنا الزول يكتب الكلام الدايروا ويسلموا للجًميع أى الزول البيجمع المواد
وبعد الصفحة تطبـع A3 السيد رئيس التحرير يجى يديها طلة على الماشى وتمشى المطبعة ..!
عليك الله يا أستاذ لو فى رئيس تحرير مالى مركزوا بيخلى جنس الهراء دا يمر مرور الكرام ..؟؟
تحياتى وشاكر لمرورك الانيق ....
|
Post: #58
Title: Re: عليكم الله دى صحافة ..!!
Author: ناذر محمد الخليفة
Date: 09-30-2010, 02:37 PM
Parent: #57
!!!!!
| Quote: طلبت من الود ده لما اتلاقينا في بيت واحد صاحبو |
الجماعة كلهم أصحاب في أصحاب ...!!
صاحب صاحبو = صاحبو ..!!
|
Post: #59
Title: Re: عليكم الله دى صحافة ..!!
Author: ناذر محمد الخليفة
Date: 09-30-2010, 03:02 PM
Parent: #58
كان من الافضل لوردي أن يستخدم عبارة بيت صديق مشترك بدل (بيت واحد صحبو) دي ...!!
|
|