الي امين محمد سليمان في منفاه الاختيار !!!

العزيز / امين محمد سليمان

سلامي يجدك في اي مكان وزمان اعتزلت فيه..

يا صديقي..

يقع في خاطري دوما ان الاشادة بمن يستحقها وعلي الملأ العام هي نوع من انواع النفاق الاجتماعي، لذا دوما احتفظ بمشاعري تجاه الاخرين في باب الخصوصية، ربما اكون مخطئا، ولكن عزائي اننا خطاؤون، ولكنني اليوم اكتب اليك وانا حقيق احس احساسا شديدا، بأنني افتقدك،،

يا صديقي

مهما اختلفنا في تقديرنا لك، تظل انت من القلائل الذين اثاروا في هذا المنبر حراكا فكريا جعل له رونقا جميلا جذابا، فعشمي الذي ورجائي الذ امل الا يخيب ابدا، هو في عودتك للمساهمة الفاعلة كما عودتنا في هذه المسالاجلات الفكرية الجيدة...

واختم مساهمتي هذه، بان تكون في احسن حال، وان تقبل اعتذاري اذا كانت سهامي الطائيشة قد اصابك منها اي رزاز..
ولك محبة خالصة..

جمال يا عمكـ .. أخباركـ وأموركـ
د. أمين كان جادي في حكاية الاعتزال دي؟

ياخ بالغ والله!!

العزيز جدا / ود الصائم

تحياتي ايها الرجل الجميل
وشكرا للزيارة الطيبة

الحاجة القريتها في مداخلة اخونا قيقراوي، انو امين اعتزل لسبب ما، ان شاء الله المانع خير، وان شاء الله ما يكون جادي..

امين كان الواحد بيلاقيهو دائما في لستة الحضور، لكن اليومين ديل، بقي اسمو ما قاعد يجي،، يبقي جادي..

ولا شنو ؟؟

لك مني وافر المحبة .

سلامات يا منصوري
حقيقة أفتقد مثلك الفخيم أمين سليمان
ولا قول لي أحسن مما قلته عنه عاليه ..
أرجو والله أن يكون في كامل العوافي .

طلحة (الصفوة)
تحياتي القلبية لك

والله يا طلحة انا سعيد بطلتك دي،،
عارف برغم اني من القبيلة الزرقاء ، الا انو معجب كتير جدا ببي تحليلاتك الكروية الجميلة..

يا طلحة
امين اثار الحراك في الماء الراكد، وجعل الناس تتكلم بكل حرية عن معتقداتها في وقت كانت الناس تخاف الحديث عنها، فهو ساهم بصورة قوية في توضيح وجهات النظر، وجعل الناس تتقبل بصورة اكثر واقعية اختلافاتها.. وزي ما شايف بدت اللغة الحادة تنحسر عن سطح المنبر..

اشكرك جزيل الشكر يا طلحة

جمال المنصوري
تحياتي واشواقي الزائدة

دائما في هذا المنبر انت تعطي القدوة الحسنة



لك وافر التقدير

الحبر

الذي احبه

والله العاجبني فيك حسن ظنك بي

ان شاء الله ربي ما يكسر خاطرك في

مرورك ابهجني واسعدني

في الحقيقة خبر اعتزال امين لم اقرأه الا في هذا
البوست وآمل ان يكون ذلك مجرد استراحة
فانا ايضا من المتابعين له ولحواراته الصادقة التي تثري
الساحة وتنشط العقل والفكر
فنرجو الاستمرار يا امين للمحافظة علي القاعدة الكبيرة من القراء والمتابعين

شكرا يا جمال المنصوري على كلماتك في حقي
وقبلها شكرا لما قلته في العزيز امين سليمان
الرجل له حضوره المميز جدا في المنبر
أفتقده كثيرا والله .

الاعزاء

الحبر، وطلحة

طيلة ما كان امين متواجد، كان الزول بيعلم نفسو ان يحاول يقرأ امين كويس، ويحاول يتوقع امين ح يكتب شنو بكرة ياربي ؟؟ ويفكر كيف يكون جوابه، لو سأله في النقطة دي او الحته ديك ،عشان كده كان بيحافظ علي نشاط عقلو، وفي الحتة دي بافتكر انوالفضل يرجع لي امين بعد ربنا، في اشتعال الفكر، ودي محمده ما بعدها محمدة..
ربنا يرجعوا من غربته، ويعود لي نشاطه مرة اخري..

تحياتي

نشاركك يا صديقي المنصوري فلياتي باية صورة بعكاكيز كرابيج فالصدق ابلج ( اها "ابلج" دي عجبتني وانا الناطق بغيرها تعجبني تجليات اللغة العربية ووجدت ان معناها "المتنضر سرورا وبهجة .. اها بقيت في "التنضر" دي وقريبا ستجدها في كتاباتي المتنضرة باذن الله سرورا وبهجة والله اعلم )....

ابو بكر (حكيم المنبر، وطبيبه)

سلامي النضر اليك (اها رايك شنو في النضر دي ؟؟)

مع انو اتفق معك تماما في كبر سنه

Quote: بعكاكيز

الا انه يتمتع بشباب القلب والعقل، واضم صوتي لصوتك لفك عزلة امين وعودته سالما يمشي علي رجليه (بدون عكاكيز) ..

معذرة صديقي ابوبكر اذا شاب مداخلتي بعض المزاح، فقليل منه لا يضير..

مودتي

Quote: معذرة صديقي ابوبكر اذا شاب مداخلتي بعض المزاح، فقليل منه لا يضير..

يابني لولا بعض من هذا المزاح لصارت ضلمة ...المزاح الذي لا يسئ يجعل القلب "متنضرا" (شايف كيف ...الجديد شديد ).. اهو النشوف امين باشا حيجي متين ؟؟

سلام يا حبيبنا المنصوري

Quote: الحاجة القريتها في مداخلة اخونا قيقراوي، انو امين اعتزل لسبب ما، ان شاء الله المانع خير، وان شاء الله ما يكون جادي..

ما تصدق كل ما تقرأ يا حبيب خصوصاً خصوصاً من المدعو قيقراوي دا
قد تواتر عن شيخنا البدري عبد الله - حيث لا بدر هناك - انه قال :

Quote: رداً على سؤال البرنسيسة دا Quote: حنفضل مسطحين فى القطر دا لحدى متين الى ان يكون الناشط خضر صادقا في وعوده والدكتور نوتة ثابتا على مبادئه وحسبو عكاشة لا يراوغ طلاب الاسكول اوف ماث والشبل مورتا واضحا في اسبابه والسودان باقيا على ما عرفنا من حدوده وقمر بوبا غير رافعا الى اعلى( حار مديدته) وعزيزنا قيقراوي غير مهتما بالصيد في ماء البوستات العكر ..

رواه قيقا راوي *




-------------

* قيقا = 1024 أُس 1024
يبقى قيقا راوي = ديشليون ( رواي ) . . . و كفى بذلك سند ، بما ينفي حديث الآحاد كما يزعمون
و تأكيداً للمسألة ( الديغتالية ) يهدا الرابط Re: البدرى وعليكم السلام والرحمة بسح حنفضل مسطحين فى القطر دا لحدى متين ؟ . . . المافي شنو !؟

سأعود ( ما بتاعة حبيبنا الصادق اسماعيل ديك ) سمبلي - يا قولها - لأني واقف ( بالتضامن )
و شرح ( بالتضامن ) دي ياهو المرجعني . . .

لي وكتها

نشكر الاخ المنصوري لاتاحة الفرصة . . . و الشكر موصول لكل من جعل ذلك ممكناً
السلام عليكم و رحمة الله و بركاته

الراوي (قيقراوي)
يطيب لي من هنا ان ابعث اليك بسلامي واحترامي ..
يا خي نحن بنصدق الاحاديث البي تتفق مع روح النص، والواقع ، وبما انو حديثك اتفق مع الواقع، من حيث امتناع امين عن الظهور ، فليست بك حاجة الي الاسناد، فهو عندنا من الصحاح من الفيئة الاولي، مما يفيد بصحة الحديث، فعليه يقرأ الحديث بهذه الصورة : ورد في المنبر العام، ان الراوي (قيقرواي) قال:( بينما كنت متمهلا في امري واتسكع في البورد ، اذ ب اصابعي تنقر علي احد خيوط الاخوان، مما عرف عنهم دسم المعارف وقلة الطعام، فتطلعت في محتواه هنيهة، فاذا باخي امين بن محمد بن سليمان،اطل من الزحام ، والقي لي بالسلام، وامتنع عن الكلام ، واشار لي بيديه ثلاثا، ثم اشار الي العنوان ، فعرفت انه قد قرر اعتزال الفتنة) رواه (قيقا)

تحياتي

سلام يا منصوري

ونتمني عودة الدكتور الناشط الاديب القاص : أمين نوتة

يمين قيقا دا الشِبك نفسها (بكسر السين)

الجميل (ود ابارو)
ياسلام جميل..

القاب امين كل يوم بتزيد، ربنا يزيدو كمان وكمان..
بس تصدق قريتها الشبك .. قلت ياربي قيقرواي ده بقي ، هدف للكور (جمع كورة) ولا نضارتي كعبي...

الله يجيب العواقب سليمة، ويقلل الاهداف..

تحياتي

مهما اختلفنا في تقديرنا لك، تظل انت من القلائل الذين اثاروا في هذا المنبر حراكا فكريا جعل له رونقا جميلا جذابا، فعشمي الذي ورجائي الذ امل الا يخيب ابدا، هو في عودتك للمساهمة الفاعلة كما عودتنا في هذه المسالاجلات الفكرية الجيدة...



اي والله لقد صدقت....

الاخ المنصوري


تحياتي الطيبة


اتمني الا يطول الحرد وان يعود الاخ امين لمواصلة ما يطرحه


له قراء من النساء والرجال يفتقدون وجوده له التحية في منفاه

الحبيب / صبري

مشتاقين
امين له طعم مميز يجعلك لا تفكر فيه بصورة سالبة حتي وانت في قمة انفعالك..

معك نناشده فك العزلة..

الأخ الجميل:
osama fadlalla

اشكرك من قلبي علي هذه المشاعر الجميلة

ونرجو من اميننا الا يتقل علينا.

مودتي..