Post: #1 Title: جوليا روبرتس و نوع الاكل البتحبه .. مشهد ممتاز .. وموضوع للنقاش Author: Nada Jamma Date: 09-23-2010, 11:37 AM
فيلم ران اوي برايد من الافلام الجميلة جدا و رغم قدمه الا انه من الافلام البستمتع جدا باني احضره لانه فيه قصة جميلة
و السيناريو جميل و الفكرة نفسها جميله.
طبعا للناس الماشافوه و بنصحهم انه يشوفوه بسرعة .. القصة بتاعت الفلم عن بت من مدينة صغيرة و مشهورة انها كل
كل ما يجي يوم العرس بتم مراسم العرس للنهاية و لحدي ما تصل مرحلة انها ماشة على العريس بتقوم جارية و تخلي العرس
و تخلي العريس .. و صلت مرحلة انها جرت من سبعة عرسان .. و جاء صحفي عشان يعمل تحقيق في الموضوع و انتهى الفلم بزواجها من
الصحفي .. دي قصة الفلم باختصار .
من الحاجات الاساسية البناقشها الفلم انه لما اتنين يدخلوا في علاقة دايما في طرف بحاول انه يغير من نفسه عشان يكون الشخص
المناسب للطرف التاني .. و كانت جوليا بتحاول كل مرة انها تقنع الزول المرتبطة بيه انه اهتمامتهم مشتركة و انها بتحب الحاجة
الهو بحبها .. لحدي ما يصل الموضوع مرحلة العرس .. تقوم فجأة تكتشف انه الشخصية الهي رسمتها للزول غير حقيقية و تقوم جارية
الحصل بعد داك انها بعدت عن كل الناس و عن اجواء العرس و قعدت مع نفسها و شافت هي بتحب شنو و تكره شنو و لما وصلت لحقيقة
نفسها قدرت تواصل و تتزوج الزول اللي هي فعلا مناسبة ليه
المشهد الممتاز العجبني كان منظر جوليا روبرتس لما فكرت انها بتحب تاكل البيض كيف .. و فكرت انها عمرها ما فكرت في
انه ياتو نوع من البيض البيعجبها .. و قامت عملت اكتر من سبعة انواع بيض .. مسلوق و مفقوع و بالخضار و باللحمة و ضاقتهم كلهم
ووصلت في النهاية لانها بتحب شنو .. حقيقي مشهد ممتاز ..
الموضوع العايزه اناقشه معاكم هل احنا بنعرف نفسنا كويس .. هل بنعرف بنحب شنو و بنكره شنو .. و شنو البنفع معانا و شنو
الما بنفع معانا .. ولا كمية المجاملات البنعملها خلتنا نفقد الاحساس بنفسنا و بالحاجات البتنفع معانا .. الاهم من كده متين مفروض
نقول احنا كدا و عجبنا عدا .. و بتين مفروض نجامل و نضغط على نفسنا عشان نرضي الآخرين ..
موضوع للنقاش و في انتظار ارائكم ..
Post: #2 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: Nada Jamma Date: 09-25-2010, 00:08 AM Parent: #1
فوق.. فوق
Post: #3 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: Nada Jamma Date: 09-25-2010, 00:08 AM Parent: #1
فوق.. فوق
Post: #4 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: خضر الطيب Date: 09-25-2010, 11:56 AM Parent: #3
الاخت ندي
لك التحيه والتقدير
Julie Roberts هذه الممثله المدهشه لديها كاريزما تجبرك على متابعة انتاجها وهي برفقه الممثل القدير Richard Gere , تم انتاج هذا الفيلم(Runaway Bride) في العام 1999م وهو من اخراج Garry Marshal
هذا الثنائي شاهدت له كذلك (Pretty Woman) والذي تم انتاجه في العام 1990م وهو لنفس المخرج , من خلال دراستي للميديا تعتبر دراسه الفيلم اجباريه شاهدت خلال التيرم الاخير مافاق العشره افلام لفترات متفاوته
من ضمن هذه الافلام كان هذا الفيلم, وبتشمل دراسه الفيلم التصوير والمونتاج والاضاءة وحركة الكاميرا والتكنيك والسيناريو والاستوري بورد والموسيقي التصويريه وزوايا الكاميرا ولغة الجسد وتفاصيل تانيه كثيره
ودقيقه لا حصر لها. في فيلم حارشحو ليك للمشاهده اسمو sliding doors الفيلم دا بتفرد بانو parallel وحقيقه مدهش حفي بالمشاهده.
تحت هنا جزء من الفيلم وهي نفس الحته بتاعة الاختيار.
بجيك راجعه بمهل,لانه موضوع مهم انه نكون واضحين مع انفسنا قبل شركائنا.
Post: #7 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: Nada Jamma Date: 09-26-2010, 07:15 AM Parent: #6
العزيزة تراجي ..
تحية و تقدير
تسلمي و الله .. انا سعيدة جدا بمرورك و في انتظار مساهمتك
على احر من الجمر ..
Post: #8 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: tarig almakki Date: 09-26-2010, 09:15 AM Parent: #7
ندوية عوافي
الفلم جميل جداً .. طبعاً إنا شوفي ليهو إختلف شوية لأني بكون مشوش بالطبيعة السودانية يعني لمن أشوف فلم زي ده طوالي بخش في دوامة المقارنة خصوصاً في موضوع الخيارات يعني هم عندهم العروس عندها الخيار وعندها سكة للهرب على عكسنا تماماً يعني الليلة عندنا ودي ظاهرة جديدة البت توافق على الخطوبة يعقدو ليها طوالي من غير ما يفكرو في معنى الفرق بين الحاجتين ( الخطوبة - العرس ) وفي نفس الوقت مسألة الخيارات البتتعلق بالتوافق والمعايير, حتى في نوع الأكل والبرامج دي نحنا بنشوف إنها رفاهية أو ما حق أصيل بالنسبة للإنسانة أو الإنسان المعني بيها وبنلغي من دون تفكير وبي فطرة إحتياجات الآخر من غير ما نفكر في شكل العلاقة من ناحية إستدامة أو سعادة في حين إنو ده المطلوب من القالب الإجتماعي ده.
ده شوفي لي كتير من الأفلام أو المشاهد البتناقش حالات فيها خلاف أو تضاد مجتمعي بينا وبين الآخرين
طبعاً ده ما كل الكلام الأنا داير أقولو.. لكن دي بداية حوار قد يطول
الزولة دي عندها فلم جديد بعنوان: eat pray love أنصحك بي إنك تعملي ليهو download وتشوفيهو لأنو غريب ويجميل ومختلف .
Post: #9 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: Nada Jamma Date: 09-26-2010, 10:20 AM Parent: #8
ازيك يا طارق .. كيفك و كيف الجماعة كلهم .. ليكم وحشة و الله
عارف بالجد كلامك مهم جدا .. الاختيار عندنا كبنات مسألة صعبة جدا و محكوم بمليون حاجة
الاهم من كده انه عندنا تدخل الناس مش بس الاهل بخلق عند البنات تشويش فظيع و ببقى هم ما عارفين
عايزين شنو وده واحد من اسباب فشل كتير من الزيجات و العلاقات .. انه البنت و عشان المجتمع بتكون
متخيلة انه سعادتها بتوفرها حاجات معينة و لما تجي للواقع بتلقى ده ما صاح و ما هو الحاجة العاوزاها
و ده البجيب الفشل
و طبعا شفت الدعايات بتاعت فلم جوليا الاخير و نفسي اشوفه و حا اسعى انزله في اليومين الجايين ديل
تسلم يا طارق و في انتظار اضافاتك للبوست
Post: #10 Title: Re: جوليا روبرتس و نوع الاكل البتحبه .. مشهد ممتاز .. وموضوع للنقاش Author: محمد أبوالعزائم أبوالريش Date: 09-26-2010, 11:24 AM Parent: #9
ندى .... تحياتي ...
شفت الفيلم .. وإستمتعت بيهو جداً ...
الحقيقة إني بحب جوليا روبرتس .. وبشوف كل ما يقع على يدي من أفلامها.
ما دام إنتي بتحبيها .... أنصحك تشوفي فيلم Erin Brockovich إذا ما شفتيهو.