منافي الذات جاااااتك يا فاروق أبوحوه..(يوجد راس لحن كبير)

كدي أسمعوها...

نواصل الراس دا..ولا نفقشوا قبلو طوالي؟؟؟؟

أرح جايي..

سجن سجن غرامة غرامة

ما يجي زول يقول لي راس اللحن دا فيهو ريحة مصطفى..

لأنه المسألة ما وقفت على الريحة بس...

كمان جابت ليها ريحة ونفس وقميص زاتو...

إنا لله يا مصطفى

عليك الرحمة ود أمي....

قال ليك وهكذا...

شيلوا الصبر بس..

المشكلة أستاذ فاروق ولا جاء هنا عشان يقرا ويسمع

ولا كمان قاعد يرد على التلفون...

أسوي شنو أنا هسي؟؟

شن خليت وراك
قول لي؟؟
وترك ضرب
عصب السماح الحي
مسك الدرب قدل إنكرب
نادي اللحون فينا انسرب
يا مصطفي
ما يصادفك زمن الحفا
روِّح عدبل
أعزفنا نيل
جيب النشيد للضي.
كمِّل جميلك في الغنا
تم السماح آ خي
يا زين
حدودك وين
وإنت المَدَوزَن
من جِني.


يوم شكرك ما يجي يا مصطفي
إنت المسمي عليه هين؟


أملا قلبك بالنشيد وتمنا بيك ياخي

أقبض..

Quote: أملا قلبك بالنشيد وتمنا بيك ياخي

وإنت غاتس وين آآآلسمِِح؟؟؟

أنا غايتو في حالة غيبوبة...

استحملوا الهضربة البسوي فيها دي..

جايز نفيق على شيتاً يفيد الناس..


الله في..

يا سلاااااااام عليك ياخي
يا سلاااااااام عليك ياخي
يا سلاااااااام عليك ياخي
يا سلاااااااام عليك ياخي

كيفتني بالجد يا مصطقي لدرجة إني طمعت في لحن جديد للكلام الإرتجلتو دا من (قشعريرة) الفرحة
التي أصبتني بها بلحنك الطاعم ياخي..

Quote: شن خليت وراك قول لي؟؟ وترك ضرب عصب السماح الحي مسك الدرب قدل إنكرب نادي اللحون فينا انسرب يا مصطفي ما يصادفك زمن الحفا روِّح عدبل أعزفنا نيل جيب النشيد للضي. كمِّل جميلك في الغنا تم السماح آ خي يا زين حدودك وين وإنت المَدَوزَن من جِني.

غاتس وين؟
يعني تغفلني وتخليني سارح في (مطر إيديك) بي هناك
وإنت تاربك بي جاي (لابد لي بي شيتاً بسُر)؟

عليك الخوه ما تقيف عند (وهكذا) دي
بي وشك أتوكل لمن (نتلاقي) في نهاية المنفي العامل زي :
(الحصحاصه) في المركوب
في دورب أقصرها..
الإرتباك.

من أمس ناوي أقول ليك (جيب قرمه) ياخي
لكنك أتجودت علي بأصل (الشي زاااتو)..
يا سلام عليك عندما تبقي (صباباتي) (أحاديثك)
وعندما يصبح مشرعي (مشرع أمان) بيك..
عطشتناااااااااااا عز النيل وحات المعبود بالحق.

مالك علينا بالليل دا ياخي؟

Quote: من أمس ناوي أقول ليك (جيب قرمه) ياخي QUOTE] سمِحْ هاك أمسك.. يابا..اللحن دا وحات أبواتك إتَّ مسوِّي براااااااك.. نان قالولك تحرسني كدي ياخي؟؟ الشي طابونة؟؟ ويا ليل أبقى لي شااااااااااااهد... على سواة فاروق ولحنو دا.. غايتو ممكن اقترح ليكم الرقيص يكون كيف.. موش في مدايح كدا راااايقة قبل الربة؟؟ بس بس بس.. أبقوا عليها هي.. مية المية.. الجن الـ....

---

Post: #8 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Mahmoud Mustafa Mahmoud Date: 09-22-2010, 06:49 AM Parent: #7 أنا ماشي الشغل.. الليلة حالتو دي اليوم الوطني.. غايتو

---

Post: #9 Title: Re: منافي الذات جاااااتك يا فاروق أبوحوه..(يوجد راس لحن كبير) Author: فاروق أبوحوه Date: 09-22-2010, 08:53 AM Parent: #8 Quote: الليلة حالتو دي اليوم الوطني.. (غربتئذٍ)..؟؟ وطني ووطنك لنشيد يا صاحب.

---

Post: #10 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Mahmoud Mustafa Mahmoud Date: 09-22-2010, 09:59 AM Parent: #9 شن خليت وراك قول لي؟؟ (وكِتْ) وترك ضرب عصب السماح الحي (من ميسو قام) مسك الدرب قدل إنكرب نادي اللحون فينا انسرب يا مصطفي ما يصادفك (الـ)زمن الحفا روِّح عدبل أعزفنا نيل (بالمرة) جيب (صمت)النشيد (غنيهو) ضي. كمِّل جميلك في الغنا تم السماح (غنيني) خي (تعال قول لي..كمان ) يا زين حدودك وين مَدَوزَن من زمان آآجِني .. =============== يا عم فاروق.. يعني هسي الواحد يرجع البيت ولا الدبارة كيفنها آآود عمي؟؟ الشلاقات المكتوبة (بالأخَدَر) دي دايرالا إذنْ.. غايتو إنْ عليْ أنا؟؟ الماعون واااحد حرَّمْ..

---

Post: #11 Title: Re: منافي الذات جاااااتك يا فاروق أبوحوه..(يوجد راس لحن كبير) Author: فاروق أبوحوه Date: 09-22-2010, 11:09 AM Parent: #10 كلام في الصميم يا عمك مش بقولو كدي أيامئذٍ؟ تعرف يا مصطفي أنا الشي دي ما قايله إمكن تتغني عشان كدي ما عملت خط رجعه للتشكيل و الذي منو المهم سأشكل ما يفك حيرة كلماتي: ما (يصادِفَك) زمن الجفا.. بكسر الدال وفتح الفاء ما (يصادِفَك) زمناً جفا.. بكسر الدال وفتح الفاء كذلك تستقيم موسيقياً كما قلت أنت ، فقط إن إختلف التشكيل لتصبح : ما (يصادفَك) الزمن الجفا.. بتسكين الدال وفتح الفاء. أما المعني كلو (جفا) و(حفا) يا كافي البلا والبعجبك فيهم أقدِلبوا تب علي العديلة إستدراك : (نادِي) اللحون فينا انسرب.. بكسر الدال. أو (طاعم) اللحون فينا انسرب أيهما أقرب إلي أوتارك يجوز أو كما قالت العرب: الماعون واحد كامل الإمتنان ولا تحتاج لإستئذان يا مان.

---

Post: #12 Title: Re: منافي الذات جاااااتك يا فاروق أبوحوه..(يوجد راس لحن كبير) Author: فاروق أبوحوه Date: 09-22-2010, 11:50 AM Parent: #7 Quote: سمِحْ هاك أمسك.. (غمتها) تب في إيدي لمن أرجع البيت ما دام في المكتب لازم أكون: (قبضت الريح) Quote: يابا..اللحن دا وحات أبواتك إتَّ مسوِّي براااااااك.. تواضع الملوك يا ملك.. Quote: نان قالولك تحرسني كدي ياخي؟؟ الشي طابونة؟؟ طابونة السرور يا مصطفي لناس (رَيَاقا) شوله، -------------- تم تجزئة الرد لشئ في نفس إبن يعقوب

---

Post: #16 Title: Re: منافي الذات جاااااتك يا فاروق أبوحوه..(يوجد راس لحن كبير) Author: فاروق أبوحوه Date: 09-23-2010, 07:15 AM Parent: #7 Quote: ويا ليل أبقى لي شااااااااااااهد... شاف كل حاجه سمحه فيك. Quote: على سواة فاروق ولحنو دا.. العاصفة بساق النشيد الضي. Quote: غايتو ممكن اقترح ليكم الرقيص يكون كيف.. بلا ساق يرقص لحنك .. نعم هكذا في (الهناء) الطلق. بركاتك يا شيخ محمود بركاتك شايف الموصلي شرّف اللحن. أيه المني الفيه نحن دا؟

---

Post: #17 Title: Re: منافي الذات جاااااتك يا فاروق أبوحوه..(يوجد راس لحن كبير) Author: فاروق أبوحوه Date: 09-23-2010, 09:57 AM Parent: #7 Quote: الجن الـ.... الجن الجنن جن الجَنّ جنونو وجنن جنك جن جيناتو جنون جنياتك.. جن مصرّم إت.؟

---

Post: #15 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Mahmoud Mustafa Mahmoud Date: 09-22-2010, 09:12 PM Parent: #6 Quote: يا سلام عليك عندما تبقي (صباباتي) (أحاديثك) والله خليتني أضحك زي المجنون.. ياخ من امبارح أنا أقول (المسكون) دا قاصد شنو يا ربي بكلامو دا؟؟ أتاريك قاصد الإبدال الحصل في رويس اللحن.. دا يا صاحب اسمو (ارتباك) اللحظة ديك.. وطبعا ما لحقنا نحفظ أي حاجة..الكبر حصل ود أمي.. لكن أكيد سمعت (صباباتك) اتقعدت كيف في المرحلة التانية.. الله يخدِّر حرفك ويجملك زي ما جملتنا يا فاروق ياخي... أها .. بتجي مارق ولا نايم؟؟ نوم العافية..

---

Post: #13 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Elmosley Date: 09-22-2010, 01:45 PM Parent: #1 مبروك ليكم الاتنين ومالو ريحة مصطفى سيد احمد نحن لاقينها وين؟؟؟ وشكرا لكما يا مصطفى وفاروق شباب زي العسل ===== فعلا في حتات فيها ملامح من الصوت كل الود

---

Post: #14 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Mahmoud Mustafa Mahmoud Date: 09-22-2010, 08:57 PM Parent: #13 فارووووووووووووووق أنقُزْ قوم.. الموصلي باركها أقعد باري لي النوم كدي Quote: مبروك ليكم الاتنين ومالو ريحة مصطفى سيد احمد نحن لاقينها وين؟؟؟ وشكرا لكما يا مصطفى وفاروق شباب زي العسل أستاذنا العظيم يوسف الموصلي.. شاكرين اهتمامك وتشجيعك ومباركتك.. Quote: ===== فعلا في حتات فيها ملامح من الصوت أنا عن نفسي كـ(محمود) اعتبرها A merit and a credit as well وليست عيباً (خلقيا) هذه الـ(مصطفائية) التي طغت حتى على اسمي.. وعلى قول الموصلي: Quote: ريحة مصطفى سيد أحمد نحن لاقينها وين؟؟؟ والله يا أستاذ موصلي ما في شي معقدنا غير أدبك وتواضعك بتاع العلماء دا.. غايتو طالما إنت راجع البلد.. مفروض من هسي تشوف ليك طريقة تخزين للحب والاحترام الشايلنو ليك فكروا يا ناس في تجهيز مستودعات بمواصفات خاصة وأحجام كبيرة .. كرماء أنتم..والموصلي يستاهل كبير يا موصلي.. تابعت باهتمام بالغ زيارتك للبلد..وكنت حريص إني على الأقل أشوفك في التلفزيون وكان لي ذلك.. حتى لقاءات الإذاعة تابعتها وسردك اللذيذ لمراحل حياتك وطفولتك الخصبة..وسمك البلطي الكيشة. مهموم أنا بتفاصيل عودتك ومشاريعك العملاقة..تماماً كهمي بحال البلد بعد يناير 2011 نفخر بك دائماً والله

---

Post: #18 Title: Re: منافي الذات جاااااتك يا فاروق أبوحوه..(يوجد راس لحن كبير) Author: Mahmoud Mustafa Mahmoud Date: 09-23-2010, 05:55 PM Parent: #14 يا فاروق.. ياخ إت وين؟؟ غايتو أخدت القرمة دي: Quote: لأنك في ( القِبَل) مُشرع أمانو يطمن الواردات.. صبابات الهوي المًترع ضفاف النيل غنا الجايات (سبايط) من جدايل الموج.. يونِّّس وحشة (الباقات).. يبِّـل عطش السنين المُر. يفيض و يعم منافي الذات نسيمك يا صباح مطّر ملا الساحات نِدا التُمتُم سماح بالنعمه بتبطّر يفت عزم الظروف الصُم .... و حلاة نتقالد الإتنين.. صباح ممدود كما نيلين.. علي شهقة قفا الخرطوم.. علي الوجع الرجع مهزوم تعال هناك ياخ.. عذبتنا...