يا حليلك ياراشد عبد الرحيم حننـــتـنـي والله

الفاضل جلال النعمان

الزول قال الروووووب مش كده

Quote: يعني إتلم المدعوس على خايب الرجاء.

الله يكفينا شر الدعس ..كبرت اللفه ياكنتونا خليها زي ماهي تعيس احسن

أم حازم
ازيك

والله ما لاقاني زول بسيط زي الراجل الطيب دا.

ما عارفه قاصد بالحسم دي شنو! يعني يفرموهم ولا يبيدوهم ولا ينفوهم من الارض.

طبعا الراجل البسيط ما قادر يعرف انه الدستور بتيح حرية تكوين الاحزاب، وطبعا

هو جاهل تماما ببنود الدستور وبكتب ساكت بدون اي مرجعيه ولا منطق.

بعدين خلينا نقول إنه، قطاع الشمال وبقية الاحزاب كلها انتهت واختفت

من الحياه، هل مشكلة المؤتمر الوطني اتحلت!

المسكين ما قادر يشوف مشاكل المواطنيين. اليوم اسعار الخبز

زادت ووزارة الماليه زادت الجمارك بصوره مخيفه

والدولار اليوم في الخرطوم حصل 325ج والحياه حا تكون مستحيله للجماهير.

غايتو القضايا البتكلم عن حسمها دي إلا كان يجيب ليها ( حسام حسن) عشان يحمسها ليه.

دا راجل بسيط بصوره تثير الشفقه.

جلال النُّعْمان الذي يُعاني من فوبيا الأُسْتاذ شاكر عبد الرّحيم
كان الله في عونك
و حَلْحَل جميع عُقدك


يا أًسْتاذ راشد بالله إقرأ المعوّذتين
و قول من شرِّ حاسدٍ إذا حسد

Quote: نهاية نيفاشا الراي العام 20 سبتمبر 2010 في يوليو من العام المقبل سينتهي العمل بإتفاقية نيفاشا التي حققت السلام في السودان لخمس سنوات وأقرت تحولات كبيرة في البلاد. نهاية نيفاشا ستكون على واحد من وجهين، إمّا تحقق وحدة السودان واستمرار البلاد دولة واحدة أو قيام دولتين. إذا تحققت وحدة السودان، فإن أمام الحكومة الجديدة القادمة إلتزامات قانونية وسياسية وأخلاقية أمام الجنوب قانونيا سياسيا فإن مكاسب الجنوب من إتفاقية السلام من شأنها أن تستمر وتقرر بشكل أفضل يعجل بالإدماج الاجتماعي والسير في طرق توحد أكبر بين مكونات الوطن في الجنوب والشمال. أماً أخلاقياً فإن تصويت أبناء الجنوب لأجل الوحدة يحتاج لكثير من العرفان والوفاء ببذل خاص للجنوب على كل الصعد. أما إذا انتهت الإتفاقية بالإنفصال وتقرر في التاسع من يناير فإن الأشهر الستة المتبقية ستخصص لفصل الدولة إلى دولتين. في حال الإنفصال وبعد يوليو من العام المقبل، فإن الكثير من الحسم مطلوب وعلى رأسه الحسم السياسي والاقتصادي لن تحكمنا نيفاشا إذا انفصل الجنوب. الحسم السياسي لمعالجة الآثار الضارة بالشمال من نيفاشا وأولها النظر في بقايا الذين سيخلفون من الجنوب وهم من يسمون قطاع الشمال. لقد بذل السودان والشمال الكثير من أجل وحدة السودان، وإذا خاب هذا المسعى فالواجب أن نعالج مخلفاته بالسرعة والحسم ومن أراد هطرقات السودان الجديد ودعاوى الهامش فليذهب مع الذين أقاموا هذا الوهم في السودان إذا اراد. والحسم الضروري للأصوات التي تريد أن تبقي السودان بعد الإنفصال في براثن الحركة الشعبية، وبعضا من أهل الجنوب ومن أولها وهم المشورة الشعبية، إذ ستكون هنالك دولة جديدة لا يمكن أن يكسب فيها وتحقق إمتيازات أرادت بها الحركة الشعبية أن تعتذر لأهل المنطقتين وتريدنا أن نظل أسرى مواقفها. لا معنى لتميز في وطن واحد التميز الوحيد أن نعمل لسماع صوت أهلنا في هذه المناطق وفي غيرها مستفيدين من تجربة الإنفصال ونؤسس لمناهج حكم واقتصاد وعلاقات اجتماعية تزيد من لحمة السودانيين في كل السودان في النيل الأزرق وجنوب كردفان وفي مناطق البجا وحلفا الجديدة والقديمة. علينا أن نطهر الشمال من إفرازات الاستقطاب والمواقف المتشددة والمتعنتة من قيادات الحركة الشعبية من باقان وعرمان ومن لَفّ لفهما ستظل الشريعة في السودان الشمالي، ومن أراد العلمانية فله أن ينال جنسية دولة الجنوب. لقد أثبتت الولايات المتحدة وكثير من دول الغرب أنها لم تعد تملك طريقاً لعقوبات ضد الحكومة السودانية ولم نَرَ منها حوافز وما إلتزمت به تملصت منه. نعمل للوحدة دون خوف عقوبات ونسعى لها دون طمع حوافز وجزر هذا علف الحيوان علينا أن نتخفف من العلاقات المرهقة التي دفعنا ثمنها وصبرنا عليها لأجل أن نصل لإتفاق السلام.

سلام يا جلال نعمان
وشكري الخاص ازجيه للسيد راشد عبد الرحيم
واوجه رسالته هذه بالنص للسادة من دعاة
التغيير والديمقراطية حتى يستبينوا ان
المعركة القادمة (في حالة استقلال الجنوب)
هي معركة واضحة جداً بيننا نحن دعاة التغيير
وبين هولاء المتحكمين الظالمين .
وهي معركة ستكون حتى لو تأخرت قوانا السياسية .

مودتي للجميع .

الاخ سفيان
عليكم السلام

كلامك صحيح

واضح انه في معركه في شمال السودان مؤجله من سنة 1956
الان سحبها بدأت تتجمع كويس
الحسم البقول فيه الراجل الطيب دا مواعيده شكلها قربت

ما هي يا اما السودان بقي دوله محترمه تصلح لحياة البشر

اما كل ناس شافوا ليهم صرفه

شكرا لمرورك والتعليق

ابشروا بانهيار السودان اذا كان من يحكمونا وصحافتهم بهذه العقلية البائسة البئيسة!
لن يتجرا احد على طرد احد هنالك منظومة دولية لن تسمح بهذه التصرفات العنصرية الهوجاء الرعناء التى لا تستند على خلق او دين او عرف!
هو انت اذا كنت بتساوى بين اهل السودان كان الحصل دا!
هذا ابتزاز رخيص!
شريعة اسلامية مكايدة ام قناعة هذه ابلغ مرافعة ضد الشريعة والدولة الدينية!
لو استنصر هؤلاء باهل الصليب الذين يلعق سادتك احذيتهم لضاقت الارض عليك بما رحبت!
انت مالك داير تجيب لى اهلك ضربة الشفا ناسك لى هسة ما عرفنها عبادى ولا قبلى شال!
يا اخى اتقوا الله فى اهل السودان
جنى

يا علاء ده بدل تهدي للرجل عيوبه مصر تفرج فيه خلق الله؟؟؟

Quote: جلال النُّعْمان الذي يُعاني من فوبيا الأُسْتاذ شاكر عبد الرّحيم كان الله في عونك و حَلْحَل جميع عُقدك يا أًسْتاذ راشد بالله إقرأ المعوّذتين و قول من شرِّ حاسدٍ إذا حسد

شاك شنو البعانوا من فوبيته كمان؟؟؟
ده جلال بس مصر يجيب لينا محن شاكرك ده يضحكنا شويه كل يومين ثلاثه؟؟!!

جني خير من عبر عن العك البكتبه زولك الاسمه شاكر ده ويعتبره
مقالات و تحليلات صحفيه:

Quote: ابشروا بانهيار السودان اذا كان من يحكمونا وصحافتهم بهذه العقلية البائسة البئيسة!

Quote: ابشروا بانهيار السودان اذا كان من يحكمونا وصحافتهم بهذه العقلية البائسة البئيسة! لن يتجرا احد على طرد احد هنالك منظومة دولية لن تسمح بهذه التصرفات العنصرية الهوجاء الرعناء التى لا تستند على خلق او دين او عرف! هو انت اذا كنت بتساوى بين اهل السودان كان الحصل دا! هذا ابتزاز رخيص! شريعة اسلامية مكايدة ام قناعة هذه ابلغ مرافعة ضد الشريعة والدولة الدينية! لو استنصر هؤلاء باهل الصليب الذين يلعق سادتك احذيتهم لضاقت الارض عليك بما رحبت! انت مالك داير تجيب لى اهلك ضربة الشفا ناسك لى هسة ما عرفنها عبادى ولا قبلى شال! يا اخى اتقوا الله فى اهل السودان جنى

العزيز جني

السلام

اوجزت فأوفيت

مع إنه رئيسه بارك في واشنطن يلعق في احذية الامريكان، المسكين دا يجي يقول ليك أحســــم والشريعه والبطيخ و ما عارف ايه الخ!
عليك الله في شخص طيب وساذج اكتر من كده.

الاخ النعمان

ماتضيعك زمنك ده راجل مريض (خاص-وعام بمعنى الكلمه) ولايستحق حتى الرد عليه
هو لو ما السودان هامل مثل هذا يكون كاتب ولا صحفى

الاخ احمد
السلام

Quote: هو لو ما السودان هامل مثل هذا يكون كاتب ولا صحفى

الزول المسكين دا لو احترم نفسه وكتب يدعو الحكومه لبسط الحريه للمواطنيين والغاء القوانيين المقيده للحريات الخ كان ممكن تكون مفهومه ولكنه يدعو للفتنه ويستدعي الحكومه علي الاحزاب ويدعو لقهر الاخرين وتكميم افواههم وقمعهم بلا سبب.

وواضح انه يدعوا لابرتايد في الشمال بعد انفصال الجنوب، بمعني ان يكون كل اعضاء الاحزاب الاخري تحت جزمة المؤتمر الوطني ليس لهم الحق في الحياه كمواطنيين.

في نفس الوقت ناسي إنه رئيسه منبرش ونائب رئيسه منبرش ومصر ( تنهّر) في علي كرتي الخ من الذل والمهانه البتتعرض ليها قيادة حزبه وما قادر يرد عليه، عامل الاحزاب حيطته القصيره

بيني وبينك هو فعلا زول ساذج ساكت ما عارف ط ظ من سبحان الله.

جلال مودتي
من المحن السودانية كما يردد استاذنا شوقي بدري
صارت مخرجات الصحافة والصحفيين كبوتي الوفاق
والوان٠بل الادهي صاروا كتابا لاعمدة ولديهم قراءهم
من الذين غائبة عنهم الحقيقة التي باي حال ليست عند
الاسلاموين٠
ركاكة باللغة وفقر بمتطلبات العمل الصحفي وبديهياته٠
وراشد هذا انموذج واقعي للصحفي الذي لايفرق مابين قعدات
الونسة وبين القلم عندما يمتلي ضميرا وواقعية وانحياز للوطن
اما تمنطقاته وزفره الذي بالمقال سيرتد عليه وينزوي كالبعير٠