العاوز يتعالج بس يسافر لمصر ...

أما ضحايا ( التخدير ) فحدث ولاحرج .

الأخ عاطف

سلام ....

جزاك الله كل خير ....

تحياتي

Quote: تصديقا لحديثك فوالدتى شخصيا احضرتها من السودان العام المنصرم وكانت فى خصومة مع السكر لمدة خمسة اعوام وبعد فحوصات عديدة فى جهات مختلفة بمصر اتضح انها لا تعانى اطلاقا من مرض السكر وان الدوخة التى تعانى منها هى نتيجة لنقص الجلوكوز فى الدم ورجعت الى السودان فى اتم صحة وعافية الى الان وتتناول السكر بشكل طبيعى ولى صديق كان على وشك الارتباط بزوجة ثانية تحت ضغوط الاهل والرغبة فى الخلفة بعد زواج استمر لاكثر من 6 سنوات وبحقنة سحرية واحدة انجبت زوجته ثلاثة توائم بنات بعد ان اكد لهم الاطباء فى السودان ان العقم الذى تعانى منه زوجته لا علاج له. وبحكم تواجدى بمصر منذ فترة طويلة واختلاطى بمختلف شرائح الزائرين الى مصر من السودان بغرض العلاج استطيع ان احكى لك عشرات القصص والتى تؤكد فى مجملها ان معضلة العلاج الاساسية فى السودان تكمن فى التشخيص الخاطئ والتكلفة العالية الباهظة اضم صوتى لصوتك (والعاوز يتعالج بس يجى مصر) وعلى اتم استعداد لتقديم المشورة لوجه الله تعالى لمن يرغب ولدى خبرة وصداقات واسعة مع كثير من الدكاترة والمستشفيات بمصر ونسأل الله ان يمتعنا جميعا بالصحة والعافية

الأخ عاطف

دي في ياتو مستشفي .......
في ناس بعرفهم بيعانوا من نفس المشكلة والآن موجودين في القاهرة ..

Quote: ولى صديق كان على وشك الارتباط بزوجة ثانية تحت ضغوط الاهل والرغبة فى الخلفة بعد زواج استمر لاكثر من 6 سنوات وبحقنة سحرية واحدة انجبت زوجته ثلاثة توائم بنات بعد ان اكد لهم الاطباء فى السودان ان العقم الذى تعانى منه زوجته لا علاج له.

Quote: دي في ياتو مستشفي ....... في ناس بعرفهم بيعانوا من نفس المشكلة والآن موجودين في القاهرة ..

على الرحب والسعة,,راجع البرايفت تلاقى اسم الدكتور والعنوان والتلفونات

رضا ربنا يشفي مرضاكم

علاقتنا العلاجيه بمصر قديمه
صحيج بها اطباء جيدين ولكن بها اطباء كذابين ايضا
وممكن يسرقوا الكلى بتاعتك وهم يوهمونك بانك محتاج لعميلة زائده!
كذلك عندهم عادي حكاية يرسلونك فحوصات لا تحتاجه فقط لانه عنده صداقات
ومصالح متبادله مع صاحب المعلم فلان و الاخصائي علان.

انتبهوا جيدا.

العايز علاج وآمانه عليه بالاردن
امانه وعلاج متطور,وناس ما جعانه.

الاردن حتى افضل من سوريا
سوريا ارخص نسبيا ولكن الاردن اجود.

Quote: المصريين في الطب بالذات ماعندهم غش .... لدرجة عندهم أماكن للعلاج الكشف بجنيه واحد العائد بتاعه يروح للمسجد ....والدكاترة متبرعين بساعات معينة .... أسعار الدواء رخيصة جدا جدا ...

المصريين الغش عندهم في كل شي وراكبهم من ساسهم لي راسهم من امور الدين حتي امور الدنيا

العلاج ابوجنيه ده بتاع الجوامع ده فكرة اخوان مسلمين وزي ماهم بيقول اخونجيه

ده علاج منتشر في الاحياء الشعبية وماتضمن فيهو سلامة نفسك .. مرة مشيت مع صديق

للعلاج في المراكز الصحية الفي الجوامع دي صديقي كان بيشتكي من ضروسو لمة فيهو دكتورة

بتاعت اسنان الكشف ب5 جنية بس خلع الضرس ب15 جنية لكن الدكتورة قالت دايرة تاني 15 زيادة

قال شنو ... ده خلع جراحي وهي تعبت فيهو خالص... صاحبي من شدة الالم داير اتخارج طلع ادها ال15 الزيادة

مشينا البيت ..رقد صاحبنا نام نوم شديد ليكتشف صبيحة اليوم التالي انو الدكتورة خلعت ليهو ضرس سليم وخلت ليهو المنتهي

ومش كده وبس الضرس المخلوع سابت باقي الجذور يعني انترم منها ...صديقي دفع 300 جنيه لاستشاري ليصلح مافعلته دكتورة الجامع

مسالة الاخطاء الطبية دي موجودة في كل الدنيا لانو الدكاترة في النهاية بشر ما معصومين من الخطاء بس الفرق انو في

الدول المتقدمة الاخطاء الطبية لاتمر من دون حساب... لكن في العالم الثالث الانسان ارخص شي ومافي فرق بين دولة ودولة

الا في الامكانيات ... صحيح انو مصر متقدمة في الطب وبالنسبة للسودان الغلبان فرق السماء للارض في الامكانيات

الطبية ... لكن ما بيختلف اثنان انو المصريين اكثر شعوب الارض حبا للمادة كان دكتور وله امام جامع ده ما معناتو انو مافيهم ناس كويسين

فيهم الكويس لكن الغالبية لا اخلاق لهم مع المادة وممكن اعملو اى شي حتي لو اقترن تاخير علاج المريض بمصلحتهم المادية ..

مصر فيها 3 انواع من العلاج بتاع الجوامع ده احذرو منو

علاج مستشفيات 5 نجوم وديل لو قلته ليهم انك مريض بمرض لاشفاء له بيقولو ليك علاجك قاعد عندنا بس انته ادفع المنفستو ده.........مبالغ خرافية

النوع الثالت المستشفيات او الاطباء البيكلموك من البداية انو ممكن تتعالج ويوضح ليك التكلفة وديل موجودين بس لازمك دليل ليهم من دون دليل تركب ماسورة

زي الترتيب وقديما قالوا " اسكافي حاذق لمهنته خيرا من طبيب عاطل عن الموهبة"

اللهم اشفي كل طالب علاج وخفف الم كل مريض

اكبر نسبة لاطباء اجانب في ايرلندا هم السودانيون
يارضا
لكن برضو مصر حلوه في الطب

عندنا واحد قريبنا فى السودان عملوا ليه عملية فى المثانة بقى يبول بى نخرته..غايتو قصص عجيبة خلاس والمصيبة انه دفّعوهوا دم قلبوا فى المستوصف..

الاخطاء الطبية موجودة في كل مكان يعني ماماركة مسجلة باسم السودان يوجد في مصر كما في السودان اطباء على اعلى مستوى من التاهيل والمهنية لكن عموما المصريين معروف عنهم حبهم للمال الوزير والخفير فيهم بحبو الفلوس اوي اوي
في نهاية العام الماضي ذهب احد اقاربي من الدرجة الاولى ( توفاه الله نسال الله له الرحمه والمغفرة) الى مصر طلبا للعلاج كان بعاني من ورم في غدة البروستاتاوقرر له الطبيب المصري وبالمناسبة طبيب من الاطباء المشهورين اجراء عملية لاستئصال البروستاتا وبالفعل تم ادخاله غرفة العملية وتم اجراء العملية (لم يجريها الطبيب المعالج) وبعد فترة النقاهة عاد الخال الله يرحمه الى السودان وبعد 7 اشهر عاوده الالم مرة اخرى فسافر برفقة ابنه وشقيقي الى المستشفى الامريكي في تايلاند وطبعا من اكبر واشهر المستشفيات على مستوى العالم وهناك اخضع لفحوصات دقيقة تخيلو كانت نتيجة الفحوصات انو غدة البروستاتاالقالوا استئصلوها في مصر لم يتم استئصالهاوانو الورم الخبيث نتيجة لتاخر التدخل الجراحي انتشر الى اعضاء اخرى (العظام والكبد)الى الدرجة التي لم يعد فيها اي تدخل علاجي مجديا او ممكنا ونتيجة لذلك عانى الخال الله يرحمه غاية المعاناة عافاكم الله جميعاوعاد الى السودان وبعد عودته باسبوعين كنت شاهدا فيها على مقدار الالم والمعاناة الذي تحمله (توفاه الله نسال الله له ولجميع موتاكم الرحمة والمغفرة)طبعا مع التسليم بالقضاء والقدر لو كان في امانة ومهنية عند الطبيب المصري بدل الفهلوة والجشع كان يمكن ادراك وحاصرة هذا المرض اللعين

نرجو الحذر من المغارز التى يروح ضحيتها سودانيون يذهبون للطبابة فى ارض الكنانة او الاردن او غيرها
السودانيون يكرهون اكثر ما يكرهون الامراض المزمنة التى تحتاج للمعالجة مدى الحياة
بعض الاطباء المصريين استغلوا الحتة دى: فيوهمون بعض مرضى السكر و الضغط وربما الاورام بان الحكاية مجرد دوخة او (سكر موقت) و انهم عال العال و يوقفون علاجهم مع ما تيسر من شتائم لاطباء السودان (الجهلاء). يفرح المريض و يلهج لسانه بمدح الطب المصرى. و بعد عودته للسودان و نتيجة لايقاف العلاج تبدا سلسلة من المضاعفات الخطيرة للمرض. اخر الضحايا شخصية معروفة تم ايهامها انها لا تعانى من السكر و اوقف العلاج و هو الان فى الميتشفى للعلاج من (الاستون)
نصائحى للمرضى:
1. معظم (اكرر معظم) الامراض يمكن علاجها على ادنى مستوى ممكن (الطبيب العمومى فى اقرب مركز صحى
2. هناك امرض ليست قليلة لا يمكن الشفاء منها مطلقا فى هذه الدنيا و لو فى اكبر مستشفى فى امريكا او اوروبا. و اذا قال لك طبيب ف اى مكان ان هناك علاج شاف لها فتاكد انه يريد ان ينصب عليك
3. المستشفيات الخاصة ليست احسن من العامة. انصح المرضى بان يجرب المستشفى الحكومى اولا و لو من باب الفضول و بعد ذلك يمكن ن يذهب للخاصة
4. افضل مكان به خاصية الجاهزية خلال دقائق للتعامل مع الحالات الطارئة هو اقسام الحوادث فى المستشفيات الحكومية. صحيح هناك زحمة و ربما حراس فيهم بعض الغلظة و شوية تاخير, لكن صدقنى العيان بتاعك حا يتعالج و بالصورة المثلى
5. لا يمكن الاصدار حكم شامل بان الطب فى الدولة الفلانية (كويس) و فى غيرها فاشل. حتى فى امريكا و بريطانيا توجد الاخطاء و يوجد الاهمال و يوجد التاخير.

الاخ عاطف
ارجو ارسال عنوان تليفون عيادة الانجاب، لانه بعرف ناس بيعانوا من هذه المشكلة لمدة طويلة.
شكراً

Quote: عندنا واحد قريبنا فى السودان عملوا ليه عملية فى المثانة بقى يبول بى نخرته

Quote: الاخ عاطف ارجو ارسال عنوان تليفون عيادة الانجاب، لانه بعرف ناس بيعانوا من هذه المشكلة لمدة طويلة.

الاخ محمد راجع البرايفت

الأخ عاطف
جزاكم الله كل خير وفي ميزان حسانتكم ....

تحياتي