Post: #1 Title: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-18-2010, 08:59 PM
فهي تقرع الطبلة بصورة ممتازة .. ما عارف ليي أصرت أن تصطحب صوتها مع العزف !! اول مرة أسمع رشا بالكامل في حلقة في العيد وكعادة كل الفنانين اللي بيجو إجازات العيد ويستهلكوا كلام مكرر مع فواصل غنائية فكانت غير مقنعة بالنسبة لي ماعدا طريقتها في الدق على الطبلة .. ودي يا رشا في حد زاتها موهبة عليك الاهتمام بيها اكتر من تركيزك على الغنا ..
تخريمة : دار فلاح باقي لي أسة بقا اسمو إتحاد فن الغناء الشعبي..
Post: #2 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: سيف النصر محي الدين محمد أحمد Date: 09-18-2010, 09:25 PM Parent: #1
المفروض ناس دار فلاح يلتحقوا برشا شيخ الدين عشان "يطوروا" مواهبهم.
Post: #3 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عصام دهب Date: 09-18-2010, 09:41 PM Parent: #2
سلام يا عمر و د. سيف ..
تابعت لقاء رشا مع سعد الدين في النيل الأزرق ..
و أستمعت لها و هي تغني ..
و بالنسبة لي كمتلقي عادي جداً وجدتني أقول ..
دة شنو دة ؟؟
Post: #4 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-18-2010, 10:37 PM Parent: #3
سيف النصر: بالنسبة للتطوير انا سمعت جزء من تسجيل زماااان لي رشا دي ووقتها الناس فرحانة بي الانترنت وانك تسمع اغنية من الانترنت ..ما تميت الاستماع بس هو نفففس صوت الساكس السمعتو زمااان داك ونفس طريقة الاداء وعليه فلا دار فلاح ولا دار المسنين ممكن يطوروا من ادائهم في حال الالتحاق برشا طالما هي فيي روحا ما طورت ..
Post: #5 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-18-2010, 10:41 PM Parent: #4
تعرف يا دهب: رشا شيخ الدين ونهى عجاج ديل مستحيل يبقوا فنانات وأخد الكلام ده مني وعلى ضمانتي .. هم نضامااات وكلامااااات ومقنعات في حديثهن للاعلام لكن لما يمسكوا المايك ده للغنا بيتحولوا لي ناس تانيين ..أصلا قصة السواي ما حداث دي ما اتقالت ساي .. فلسفة ونظام الديموقراطية والحرية والاسلام يحشروها ليك في الغنا ونظام شنو نظام الفنان رسالة متكاملة وهن يفتقدن لي اهم مقومات الفنان الموهبة الفطرة .. تخريمة : لازلت منزعج لحديث الموصلي حول الفنانة نهى عجاج ..
Post: #6 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: ابو جهينة Date: 09-18-2010, 10:54 PM Parent: #5
عمر الفاروق
كل سنة و إنت بألف خير و الأسرة الكريمة
رشا شيخ الدين ونهى عجاج ديل مستحيل يبقوا فنانات وأخد الكلام ده مني وعلى ضمانتي ..
في كل شيء هنا بوافقك إلا رشا .. و الناس فيما يستمعون إليه آذان و أذواق
طبعا إنت رجل تملك و لله الحمد أذن موسيقية و أنا أؤمن بأن ما أراه أنا فنا قد تراه أنت غير ذلك ..
و لكن بعيدأ عن أن رشا نضامة أو تمتلك لسانا صيرفيا : فهي تملك صوتا ذي تطريب عالٍ بشهادة فنانين سودانيين و أسبان و غيرهم .. كدة أقعد تاني و حاول الإستماع إليها من خلال تسجيلاتها
دمتم
Post: #7 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-18-2010, 11:26 PM Parent: #6
ابو جهينة يا عفريييت :)
Quote: في كل شيء هنا بوافقك إلا رشا ..
شككتني في الكتبتو لمن قلت يا ربي انا كتبت كم إسم :) :) :) طبعا يا ابو جهينة موافقك في قصة اختلاف الاذواق دي وما لا يطربني يطرب غيري بس سمعتها لحلقة كاااملة الزولة الإسمها رشا دي ولقيت إنها عابدة الشيخ مصغرة وسمراء .. عندها صوت كده بتخنقو خنقة عدوك وفيهو لمسة رجالية هي ما عيب بس ما تطريبية ..
Post: #8 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: ابو جهينة Date: 09-18-2010, 11:38 PM Parent: #7
عزيزي عمر
شككتني في الكتبتو لمن قلت يا ربي انا كتبت كم إسم :) :) :)
القائمة أطول مما أتيت به من أسماء و لكن نعتبرها نماذج فقط.
طبعا يا ابو جهينة موافقك في قصة اختلاف الاذواق دي وما لا يطربني يطرب غيري بس سمعتها لحلقة كاااملة الزولة الإسمها رشا دي ولقيت إنها عابدة الشيخ مصغرة وسمراء ..
صدقني يا عمر .. أحيانا الفنان بيغني في مناسبات بيكون فيها منفصم عن صوته لأسباب عديدة إستمع إليها في تسجيلاتها التي هنا بمكتبة الأغنيات ..
Quote: عندها صوت كده بتخنقو خنقة عدوك وفيهو لمسة رجالية هي ما عيب بس ما تطريبية ..
إنت جيت في الحتة المقصودة ذااااااتا شفت البحة و الخنقة دي .. هنا تكمن أسرار صوتها .. و في علم الأصوات لها قاعدة أسأل منها الموصلي و أهل الفن هنا .. الخنقة دي بتخلي أوتار الآلات الوترية تزداد شدة .. و بتدي الفلوت دعم و بتخلي ناس الإيقاع يخففوا الوطء قليلا ...
واصل
Post: #9 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حيدر حسن ميرغني Date: 09-18-2010, 11:42 PM Parent: #8
اوفقك الرأي ياعمر
Post: #10 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-18-2010, 11:57 PM Parent: #9
Quote: شفت البحة و الخنقة دي .. هنا تكمن أسرار صوتها .. و في علم الأصوات لها قاعدة أسأل منها الموصلي و أهل الفن هنا .. الخنقة دي بتخلي أوتار الآلات الوترية تزداد شدة .. و بتدي الفلوت دعم و بتخلي ناس الإيقاع يخففوا الوطء قليلا ...
تعرف يا ابو جهينة في حاجات كده الزول بيحاول يبعدها عن العلم والمنطق ..بيكون أحلى وأجمل لو عاينت ليها بي الإحساس بس.. انا متأكد الموصلي ممكن يجي يقول لي كلام علمي زي كلامك ده واوتر وفلوت واوتار و و و لكن القصة الأهم اللي ممكن تهبش وجداني ما جابتا ..التلقائية والموهبة الربانية ..رشا شيخ الدين دي بتغني من زمان واعتقد انها برضو ما قدرت تصل لي وجدان الشعب السوداني بي الصورة المطلوبة (طبعا هي وصلت لي وجدان شعب سودانيز اون لاين المجامل ومنبر من لا منبر له )..فرشا انتشرت هنا بي صورة مختلفة عن صورتها في ارض الواقع السوداني والشارع العام ..
Post: #11 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 00:02 AM Parent: #10
حيدر شكراً لموافثة الرأي عشان ما اشكك في اضاني المشاترة دي .. كده انت وعصام ..مين يزوود ؟ :)
Post: #12 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Munir Date: 09-19-2010, 00:07 AM Parent: #10
سلامات يا عمر الفاروق .. لا أجد تميزاً في صوت رشا شيخ الدين - صوت أكتر من عادي ومافيهو تطريب .. بس لا أتفق معك في نهي عجاج الذكرتها هنا دي لا إيدها لا كراعها .. بل أجد نهي عجاج فنانة وصوتها وأداؤها ممتازين .. ولو ما خايف أزحم ليك البوست كنت نزلت ليك الفيديو بتاعها مع الهادي الجبل في أغنية أقول أنساك .. . . واللاَّ ما أنساك ماعارف !..
Post: #13 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmosley Date: 09-19-2010, 00:41 AM Parent: #12
كدي ياعمر قبل ما ابدا معاك قول لي الزول الفي الفيديو ده في رايك بعرف يغني ولا لا؟؟؟ لو بعرف قول لي ليه ولو في رايك مابعرف قول لي ليه عشان ارد عليك في الكلام القلتو فوق كل سنه عمر وانتو كلكم طيبين
Post: #14 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-19-2010, 01:08 AM Parent: #13
عدل......
درأ (ن) للدواس
Post: #15 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حيدر حسن ميرغني Date: 09-19-2010, 01:43 AM Parent: #14
اختنا تماضر رأيي شخصيا ليس فيه تقليل من نجومية رشا كفنانة لها جمهور لكن أرى أنها رغم تجربتها في مهجرها لم تصل لحد التطريب الذي يأخذني من أول إستماع لاغانيها مثل ما يحدث مع بعض مبدعين من شاكلة الشباب والشابات الجدد في ساحتنا الفنية يعني طابعها الغنائي يشوبه نوع من (الفتور ) _ حب الناس مذاهب
_ الموصلي يا استاذ الفنان العظيم Louis Armstrong صاحب what a wonderful world لا يمكن بأي حال تضعه كمثال لعمل مقارنة لونية الغناء ده فريد من نوعه وكان ليهو زمانو وموضوعه ظهر في عشرينات القرن الماضي وساد للستينات
اسقاط تجربته على زمنا الحالي كمقارنة فيه اجحاف بحق الفنان ده ومعليش لو انا استعجلت في قراية الفكرة من اساسها
Post: #26 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmosley Date: 09-19-2010, 06:07 AM Parent: #15
Quote: الموصلي يا استاذ الفنان العظيم Louis Armstrong صاحب what a wonderful world لا يمكن بأي حال تضعه كمثال لعمل مقارنة لونية الغناء ده فريد من نوعه وكان ليهو زمانو وموضوعه ظهر في عشرينات القرن الماضي وساد للستينات
اسقاط تجربته على زمنا الحالي كمقارنة فيه اجحاف بحق الفنان ده ومعليش لو انا استعجلت في قراية الفكرة من اساسها
العزيز حيدر لن اكشف عن الغرض من سؤالي حتى اجد اجابه من صديقي عمر ولكنني يمكنني ان انفي تفسيرك كمشاركة مؤقته كل الود
Post: #16 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معاوية الزبير Date: 09-19-2010, 01:53 AM Parent: #14
سلام يا عمر الفاروق
لم أعجب فقط بموهبة رشا في الغناء وقدرتها على حسن اختيار ما تغنيه
بل أكثر من ذلك فهمها ومعرفتها بما تفعله وقدرتها على التعبير عن ذلك بالكلام
أرجو أن تعيد النظر في رأيك بإعادة الاستماع إليها بأذن جديدة نظيفا من التلوث السائد
شاهدت الحلقة مرتين بحضور ثلة من الأصدقاء من جنسيات مختلفة واتفقنا على تميز هذا الغناء
والغناء يا أخي عمر ليس طربا فقط ومتعة شأنه شأن بقية الفنون الإنسانية
وفي النهاية هذا رأيك وهذه آراء من أيدوك ولنا آراؤنا
Post: #17 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-19-2010, 02:08 AM Parent: #16
Quote: حب الناس مذاهب
بس خلاص... اتفقنا ...
وان كانت المذاهب دى ذاتها ليها عوامل بتشكلها ...
انا مشيت مدريد مرة وكان فى حفلة لى رشا والوافر..."صبحان الله" يا عملات أمى رحيمها الله... الصف لافى حول المبنى من الساعة أربعة ديب خواجات وأسبان وأفارقة
Post: #19 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: المعز ادريس Date: 09-19-2010, 03:22 AM Parent: #18
ما كدا كمان يا عمر! عندنا نوعين من الفنانين.. قطاع عام و قطاع خاص .. أو فنان عام مفتوح على الشعراء و الملحنين (ممكن يكون ملحن لي نفسه برضه) و مفتوح كذلك على بيوت أعراس العامة.. و فنان خاص, قطاعي, بتاع مسرح و مناسبات خاصة, عنده فلسفة فنية و مشروع محدد و ما بتاع كنجالات فقط! رشا (و نانسي إذا هجرت الإجترار مرغمة) ممكن يكونن من النوع التاني دا و بالتالي بينتقدوا بصورة مختلفة عن النوع الأول البيشبهوا جنس نقدك دا, أنا شفت جزء من أغنيات السهرة لكن ما سمعت الحوار بس تصورت أنه رشا ممكن تكون من الصنف التاني دا و ما قدرت أحكم عليها فنيا (لسع).. مرة سمعتها في راديو كندي في (سالب فؤادي و ما عليك) و اتكيفت, دا البتذكرو, هي و نانسي ممكن يكنكشن في حكاية القطاع الخاص دي (أمجاد) و يخلن (القطر) لي خلق الله المتزايدين و المتزايدات بشكل أميبي! في صنف تالت عنده القدرة على القطاعين لكنهم/ن محدودي العدد (ركشة) زي مصطفى و عركي و أبو اللمين مثلا لكن دي منطقة لسع بدري شوية على رشا و نانسي بحكم حداثة التجربة, و كان سمعن كلامي و تحررن من المنظارتية السياسية بكون أخير ليهن لأنه الفن محتاج حضور (فني) و جهد ذهني و تفكر باستمرار و .. طلاقة و انعتاق من قيود السوشيوسياسيين, كل زول يشوف شغلو, ممكن يساهمن في دا بانتقاء بعض القصائد المرتبطة لكن كمان ما يتحولن لي "صحفوفنانين" و دونهن ما تعرض له "مصطفى" من حصار و استهلاك أودى بصحته.
Post: #20 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-19-2010, 03:34 AM Parent: #17
الأستاذة تماضر سلامات،
Quote: وان كانت المذاهب دى ذاتها ليها عوامل بتشكلها ...
الحتة دي يا تماضرد بالرقم من صحتها إلا إنها تحمل تشكيكاً بذائقة المختلفين مع ذائقتنا ولّ شنو؟
Quote: بقرا ليهم حسة فى: ( ومن شر حاسد اذا حسد)
حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً.. ___ لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي.
Post: #21 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: doma Date: 09-19-2010, 04:00 AM Parent: #20
رشا فنانه يا اخي مش الموضوع كله اضنين انا اضاني سامعه انها اكثر من فنانه وموهوبه
Post: #23 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد الخالق امن الله Date: 09-19-2010, 04:13 AM Parent: #21
لما اسمع قطار الشوق بصوت هادية طلسم بحس بالفرق بين فنها وفن رشا علي الاقل في اذني
Post: #24 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-19-2010, 04:17 AM Parent: #21
ياسر طيفور سلام
حأحاول اوضح نفسى أكتر
البخلى الناس الاجانب و"السودانيين الكتار البعرف عنهم" يحبوا رشأ هى ذائقة فنية شكلتها ظروف تذوق مختلفة ..
Post: #154 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: cantona_1 Date: 09-20-2010, 11:19 PM Parent: #21
Quote: مش الموضوع كله اضنين
إضنين لإضنين تفرق يا استاذة دومة .. تحياتي.
كبـــّـاشي الصـــّافي
Post: #22 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حبيب نورة Date: 09-19-2010, 04:13 AM Parent: #20
Quote: حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً.. ___ لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي.
لغاية هسة دي المداخلة الأجمل
Post: #25 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-19-2010, 05:59 AM Parent: #22
Quote: .. فرشا انتشرت هنا بي صورة مختلفة عن صورتها في ارض الواقع السوداني والشارع العام ..
أتفق تماماً ... فهى لا تزال "فنان صفوة" فى السودان ... وهذه حالة الكثيرين من الفنانين الذين تناولوا الثقافة السودانية والموسيقى المحلية تناولاً مختلفاً وتجديدياً ... وهى تشبه فى ذلك "عاصم الطيب" و "محمد الجزار" و "الخير احمد آدم" و "دايفيد انجلو" و كثيرين من فنّانى الصفوة الذين لم يجدوا حظهم فى الإنتشار الشعبى فى السودان ... طارق أبوعبيدة أو زميل البورد "خدر" أقرب مثال لهذه الظاهرة ...
ولكننى أرى أن هذه الظاهرة - أىّ صفوية المجددين فى موسيقى التراث المحلّى - تحاكم بمعزل عن نقد مقدراتهم الإبداعية (وتأثر منها موسيقيين وعازفين لا يغنّون ولكن لديهم إنتاج موسيقى مختلف مثل "غاندى رجال" و "عماد بابّو" و "نادر السودانى" و "ممدوح طلعت فريد" و ... و ..)
الظاهرة لها علاقة بالهجمة على هويتنا ووقوعنا أسرى الغزو الثقافى وإشكاليات أكثر تعقيداً من إنتاج هذا أو ذاك ....
بالنسبة لرشا ... فأعتقد أن تعبير "تماضر" بأن (شهادتى فيها مجروحة) تنطبق علىّ أنا أيضاً ... وإن كانت لى تحفّظاتى على أدائها واختيارها للأعمال التى تعيد صياغتها الغنائية ...
... المهم ....
Post: #27 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معاوية الزبير Date: 09-19-2010, 06:23 AM Parent: #25
يا تماضر وتبارك
لكما التحية
شنو شابكننا شهادتنا مجروحة ومقرّحة
إنتو فنانين وبتعرفوا إمكانيات رشا شيخ الدين
قولوا رأيكم الحقيقي العلمي والفني بغض النظر عن علاقتكما الأسرية برشا
من أجل أن تنمو هذه الموهبة وتزدهر
بعيدا عن هذه السودانوية
Post: #28 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-19-2010, 06:31 AM Parent: #27
Quote: قولوا رأيكم الحقيقي العلمي والفني بغض النظر عن علاقتكما الأسرية برشا
من أجل أن تنمو هذه الموهبة وتزدهر
هذا عادةً ما يحدث مع رشا مباشرةً ... فليس الأمر ضنّاً بالرأى ... ولكن ...
... المهم ....
Post: #29 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-19-2010, 06:36 AM Parent: #27
Quote:
Quote: حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً.. ___ لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي.
لغاية هسة دي المداخلة الأجمل
طبعاً (ن).
Post: #30 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: mohmmed said ahmed Date: 09-19-2010, 07:01 AM Parent: #29
حزنت لعدم مشاهدتى للحلقة مباشرة امس اتصل بى الصديق د كمال ادريس قائلا افتح النيل الازرق بسرعة شوف رشا استمعت جدا بالحلقة صوت مختلف وزى ما قال ناقدصوت دخانى صوتها يمكن الاختلاف حوله لانه غير معتاد ولا يشبه السائد من اصوات الفنانات اختيار موفق للاغنيات واداء بطريقة جديدة فرحتنى غنية ويا واه ايلن وليسى دولقد انقا اى هسون اى ارجا داقى دولقد انقا هى نغمة موبايلى قبل ما اعرف انو المغتية دى اسمها رشا
دى كوم والحوار كوم مثقفة جدا اجادت الحوار حتى اصيب سعد الدين بالعدوى ونجح لحد ما مرتين قعدت سعد فى علبو المرة الاولى قال ليها انت فنانة رسالية ردت رسالية شنو يعنى انا شايلا رسائل بوزع فيها المرة التانية داير يتطنقع وقال الموسيقى دا شاعر فيها بنفس اندلسى ردت لا ما فيها شى اندلسى
اداء موسيقى من طراز رفيع صولات الساكس رهيبة الزول ما كوبى وكدا الوافر يتجدع ساى مرة عود مرة فلوت مرة اكورديون حسيت بموسيقى صافية ما فيها خربشة ولا زيادات
Post: #31 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معروف حمدين Date: 09-19-2010, 07:11 AM Parent: #29
فى محلات بيع العطورات عندما تجرب كم نوع من العطور بعدها بيصعب لحاسة الشم أن تميز الفرق بين الروائح المختلفة .. عشان كدا بيقوم صاحب المحل يسعقك بـ ( قهوة ) عشان يكسر ليك الحاجز بتاع الشم !! وكذلك هي رشا .. الله يديك العافية يا رشا ...
Post: #32 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: EMU إيمو Date: 09-19-2010, 07:23 AM Parent: #31
Quote: رشا شيخ الدين ونهى عجاج ديل مستحيل يبقوا فنانات
+ أفراح
تحية لعمر الفاروق
Post: #33 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-19-2010, 07:30 AM Parent: #31
حضرت اعادة الحلقة , غاظني فهم سعد الدين لكلمة المهم التي يختم (التشكيلي تبارك كما ذكر) مداخلاته بها في سودانيز اون لاين .
Post: #34 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-19-2010, 07:33 AM Parent: #33
Quote: حضرت اعادة الحلقة , غاظني فهم سعد الدين لكلمة المهم التي يختم (التشكيلي تبارك كما ذكر) مداخلاته بها في سودانيز اون لاين .
... المهم ....
Post: #35 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-19-2010, 07:54 AM Parent: #34
بالنسبة لرشا شيخ الدين وغنائها سمعت لها اول ما سمعت في عام 2002 اغنية اقيس محاسنك بمن التي انتشرت في النت وقد ادهشتني وقتها الاغنية واستمتعت بها , وسمعت لها بعد ذلك بعض الاعمال المتفرقة عدت وسمعت حلقة الامس وجدتني كاني استمع لنفس التسجيل لاغنية اقيس محاسنك التي سمعتها قبل تسع سنوات لا اعرف ان كان هذا جيدا او سيئا في مجال الغناء ماخذي الوحيد علي غناء رشا هي الجدية المطلقة التي تعامل بها رشا اغنياتها وادائها , جدية الي درجة التجهم اعطتني احساس بالمهنية اكثر منه بالموهبة جاني احساس انه رشا شغالة في شغل وليست تؤدي فنا احساس بيجيك لما تمشي لي نجار لي بنشرجي لي ترزي وهو يتعامل مع مواد العمل امامه بجدية وانتباه وحرص وكانه الدنب القدامها ممكن تقوم جارية في لحظة غفلة . الخلاصة ان الاكتفاء بالاستماع لصوت رشا افضل منه مشاهدتها وهي متجهمة تغني بجدية مطلقة فلا تعرف وقتها هل هذا نشيد العلم او اغنية عاطفية !
Post: #37 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: وليد محمد المبارك Date: 09-19-2010, 08:05 AM Parent: #35
Quote: رشا شيخ الدين عليها الإلتحاق بدار فلاح حتى لا تضيع موهبتها..
حا يجيك تلفون بعدين يا بتاع الترحيل انت
Post: #36 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: انعام حيمورة Date: 09-19-2010, 07:58 AM Parent: #29
Post: #38 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد عبد الماجد الصايم Date: 09-19-2010, 08:43 AM Parent: #36
Post: #39 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: نجلاء سيد أحمد Date: 09-19-2010, 09:53 AM Parent: #38
رشا صوت يلامس العصب قبل السمع لها التحية
Post: #41 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: نادر النور آدم Date: 09-19-2010, 10:01 AM Parent: #38
كمستمع عادي جداً لم أجد نفسي منجذباً لأداء رشا شيخ الدين
مع احترامي الكامل لفنها وجمهورها
Post: #156 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: cantona_1 Date: 09-20-2010, 11:23 PM Parent: #5
Quote: رشا شيخ الدين ونهى عجاج ديل مستحيل يبقوا فنانات وأخد الكلام ده مني وعلى ضمانتي ..
Quote: لازلت منزعج لحديث الموصلي حول الفنانة نهى عجاج ..
يا عمر الفاروق .. سلامات .. لولا إختلاف النظرات لبارت السلع. تحياتي.
كبـــّـاشي الصـــّافي
Post: #155 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: cantona_1 Date: 09-20-2010, 11:21 PM Parent: #3
Quote: و بالنسبة لي كمتلقي عادي جداً وجدتني أقول .. دة شنو دة ؟؟
يعني شنو يا ود دهب .. غناها حلو ولاّ وحش؟ تحياتي.
كبـــّـاشي الصـــّافي
Post: #40 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: طه جعفر Date: 09-19-2010, 09:54 AM Parent: #1
الاستاذ عمر الفاروق شكرا علي هذا الخيط
من الامور المعروفة في امر الذوق الموسيقي هو خصوصيته بمعني ان لكل انسان ما يعجبه من الغناء و الموسيقي و لكل انسان ما لا يعجبه و هذا بالضرورة لا يهدم مشروع النقد الفني او تناول الموسيقي بغرض التذوق قبل مناقشة مدي جمال تجربة رشا شيخ الدين الغنائية يجب ان نتذكر الاتي
اولا مبادرة باندا نقرا banda nigra الموسيقية التي غنت من خلالها رشا مجموعتها الاولي هي مبادرة موسيقية مهمة جدا لان هذه المبادرة قد عكف علي تكوينها نفر كريم من الموسيقيين العالميين بمعني انهم ينتمون الي جنسيات متعددة بينها الاسباني و السنغالي و الكوبي و المغربي و السوداني و كا مكان المبادرة نفسها في اسبانيا و كان هذا الجمع الموسيقي الفريد قد احتفي بالاغنية السودانية اغنيات كلاسيكية للكاشف،ابوداؤود فضلا عن المديح و الغناء التراثي تم تقديمه بصور مشرفة استمتع بها الجمهور الاسباني و هذه من السوابق الفنية المهمة
الشكر كل الشكر الي رشا و الوافر شيخ الدين علي هذ الجهد الذي اضاف الي قائمة متذوقي الغناء السوداني جمهورا جديدا هما في الحقيقة عملا ا بجد و اجتهاد علي اكساب الغناء السوداني بعدا عالميا
معلوم ان رشا قد قدمت اعمالا موسيقية باللغة الاسبانية و هنا زواية اخري مهمة للتعامل مع مشروع رشا الغنائي المميز اذا جاز التعبير و خلقت لنفسها مكانا في خارطة الغناء باللغة الاسبانية و اظن ان هذه المبادرة في ذلك الفضاء اللغوي المغاير فريدة جدا و السودانين سيتشرفون بهذ الجهد ايما تشريف عندما يفيقون من غيبوبة الدولة الظلامية الحاكمة
و مازال معها من الموسيقين الاوائل في مجموعة باندا نقرا حبيبنا المميز (ناردي) و هو موسيقي من اصل كوبي و جنسية اسبانية، ناردي في السودان ود بيت من اكرم بيوتات السودانين و مهتم بالغناء السوداني و ستكون له اسهامات مهمة مستقبلا في تطوير ذائقة السودانيين الموسيقية كما فعل مايس ترللي و فعل ايضا مصطفي كامل .
قناة النيل الارزق ستتشرف بانها قدمت لرشا شيخ الدين استضافة من يتشرف هو قناة النيل الازرق!! لانها قناة مجهولة في بلد هامشي علي ثقافة الانسانية( هامشي الان لان البلد كلها في حالة اسر و سجن مظلم تحت نير نظام مجرم) و في هذه يجب نكون دقيقين ، لا يشاهد قناة النيل الازرق غير السودانيين و هو تلفزيون حكومي مخصخص و له انتماءات ايديولوجية مقرفة . لو كنت مكان رشا لما سجلت حلقة في قناة النيل الازرق ابدا لانه تلفزيون مجهول و ناقص
و اخير يطيب ان اقول الشين عجبو قاسي. the ugly could not see beauty
انت يا استاذ عمر الفاروق لست معنيا بهذا المثل الدارج لكن عليك الحذر من امثاله و امثالي!! لانني اعتقد ان لكم جمالا لم يراه قبحي
طه
Post: #42 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tabaldina Date: 09-19-2010, 10:05 AM Parent: #40
.. . رشا تلتحق بدار فلاح .. !!?? ياخى انت مالك كلامك بقى نشاز .. وبقيت اشتر اها .. كما قال ابوجهينة كل شئ الا رشا والحوووووت :)
انت بتسمع باضانك وانحنا بنسمع باضنا .. غايتو انا شايفه مبدددعة عدديل وغناااية وعزافi وكل كوم وجمال الروح و خفه الدم كوووم دا بخليك زاتك تستمع اكتر حتى لو كان البغنى قدامك دا عمر الفاروق .. وحب الناس مذاهب .. يااخ
-----------
والله يا صديق انت المحتاج تلتحق بدار الصم والبكم .. وكذا العمى ..
Post: #43 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: tmbis Date: 09-19-2010, 10:15 AM Parent: #40
Quote: لانها قناة مجهولة في بلد هامشي علي ثقافة الانسانية( هامشي الان لان البلد كلها في حالة اسر و سجن مظلم تحت نير نظام مجرم) و في هذه يجب نكون دقيقين ، لا يشاهد قناة النيل الازرق غير السودانيين و هو تلفزيون حكومي مخصخص و له انتماءات ايديولوجية مقرفة . لو كنت مكان رشا لما سجلت حلقة في قناة النيل الازرق ابدا لانه تلفزيون مجهول و ناقص
. .. يمكن أن أتحمل فكرة أن استمع إلى أي صوت في مستوى صوت رشـا شيخ الدين الذي وجدت فيه اختلاف ما بين ما سمعته في تسجيل سابق وما شاهدته في متفرقات من حلقتها في النيل الأزرق .. ويمكن أن احتمل ايضا .. أن أنتظر عودة رشـا شيخ الدين كل كم سنة علشان تعلن عن نفسها في الوجدان السوداني كغيرها من الفنانات صاحبات التجربة قليلات الامكانيات .. لكــن .. فوق هذا وتحته .. اجد نفسي متضطرا أن أترك الاستماع جانبا لأعمال الكثير من الفنانين في المهجــر وعن تجاربهم الخاصة .. حال أن قرأت لكاتب السطور اعلاهــا طــه جعفر أو اي كان اسمــه .. لا يفرق ذلك كثيرا. فقط الذي يفرق أنه يفرق ما بين الأبيض والأسود .. وما عارف الدخلو زاتو هنا شنو في الحتة بتاعت الغناء .. التقول قاد يغني .. عشان ينتقد قناة سودانية على الأقل قدمت لينا هاشم صديق بعد طول غيــاب .. لكن الربط الموضوعي لهذه الفكـرة .. إنهو أخوهو قبل كـدا قال : الناس تحارب قناة الشروق .. بل.. طلب بشدة محمد سليمان استيف .. وتراجي مصطفى الشهيرة بي تراجي مصطفى .. أن يعملوا شيرنج ويفتحوا ليهم قناة بدلا عن قناة الشروق .. فما عارف ليييه نسى يضيف معاهم أخوهو دا في الشيرنج ويعملوا ليهم قناة حقتم الاتنين براهم ويجيبو فيها إن شاء الله (سيلين دلشيون) تغني ليهم .. ما كمان القناة قناتم .. سلام يا عمر الفاروق .. وسلام لي رشـا شيخ الدين .. واعجبني وافر شيخ الدين المزيكاتي .. في تعامله مع العــود.. راهنني قبل فترة عمــر الفاروق .. على عدم جدوى صوت أفراح عصــام .. ولم انتبه لفكرته إلا بعد أن استمعت لي (صبــاح) (وشــموس)
النــور منـو ..؟ النور دا أنا بعرفو ..
Post: #44 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: وليد محمد المبارك Date: 09-19-2010, 10:27 AM Parent: #43
الغنا ما كله حلاوة صوت
الاداء وقوة الصوت واخيار الالحان والكلمات والتزام الفنان دي كلها مع بعض بتحدد مدى تقبل الجمهور ليه
اسماعيل حسب الدائم امكانية صوته الجمالية عالية جدا لكن اداءة رتيب واحد ما فيه تجديد تسمعه في غنيه واحد تكتفي منو
اللمين عبد الغفار صوته خامته مبالغة وسمعت انه في احدى مهرجانات المؤسيقى الاولى تفوق على مصطفى سيد احم ( سمعت سمع )
ثم اتى مصطفى بالتزامه وادائه وفنه وكسح الواهو والقدامو وظل اللمين محلك سر
Post: #45 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 12:24 PM Parent: #44
أستاذنا الموصلي :
Quote: قول لي الزول الفي الفيديو ده في رايك بعرف يغني ولا لا؟؟؟
حا أكون معاك صريح وأقول ليك أول مرة أسمعو بس إجابتي ومن ما سمعت إنو بيعرف وبيعرف شدييييد كمان ..مش كده وبس بعد ما سمعتو منك مشيت فتشت حاجات تانية اسمعا .. الزول صوتو مريح يا موصلي وطبيعي بيغني مرتاح زي الكأنو بيتونس معاك .. الزول ده بتحس بيهو بيغني لي روحو ويمتعا قبل ما يفكر في الناس .. زولك ده إحساسو عاااااالي وطرحو واضح .. طبعا لاوزت اكتب ليك طرحه واضح دي عشان خايفك تقول لي وده البيميز رشا ومهى :) وكل سنة وانت والاسرة بالف خير يا فنان
Post: #46 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 12:26 PM Parent: #45
معاوية الزبير:
Quote: بل أكثر من ذلك فهمها ومعرفتها بما تفعله وقدرتها على التعبير عن ذلك بالكلام
البت نضامة وكلاما مرتب مع إنو بيشبه كلام كل البنات او قول حتى الاولاد اللي بيجو من الغرب .. نفس كلامها تتميز بيهو نهى عجاج كلامااات ونضامااات ومقنعات جداً في طرح افكارهن وانا موافقك في الحتة دي لكن جماعتك ديل فاقدين للضلع الأهم بالنسبة لي (التطريب والموهبة الفطرية ).. الناس ديل مصنوعين صناااعة ودي مشكلتي مع اي صوت غنائي ..
Post: #48 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 12:34 PM Parent: #46
Quote: انا مشيت مدريد مرة وكان فى حفلة لى رشا والوافر..."صبحان الله" يا عملات أمى رحيمها الله... الصف لافى حول المبنى من الساعة أربعة ديب خواجات وأسبان وأفارقة
وهنا استحضرت قول حبوبتي ست النفر بت عبد الباقي " يهني سعيد بي سعيدا ".. عشان كده انا بقول رشا ماف داعي تجي السودان وتقدم تجربتا ..ناس السودان الهممممدو لله من الغنا يا قول الفلاتي (مني الأااابري الهمدو لله ".. رشا جات وزي ما جات رجعت تجربة ضيقة حالها حال الفنانين المتغربين اللي بيجو ايام العيد منهم من يبحث عن الرزق بتلقيط قروش التلفزيونات وتذاكر الجمهور ومنهم من يأتي للمعايدة على الأهل ويسلم على الاحباب وعلى شاكلة اديني ملح وفجأأأأة كده اديني شطة يقوموا فجأة كده يقدمو فنهم وتجربتهم .. طالما رشا وجدت القبول هناك وتجربتها هناك ناجحة فده المطلوب وربنا يوفقا والله طوااالي تتكل في اسبانيا وتواصل تركز مع الصف الأول وتقول ليهم " لو علمتم ما في الصف الأول لأستهمتم عليه " عقدة الخواجة دي مااا حا تفارقنا اصلو ..الخواجة قعد قدام معناها رشا غناية ..الخواجة قطع تزكرة معناها قدر الفن ..ياخ الخواجات ديل عندي ليهم تسجيل لي حنان بلوبلو في المانيا وتسجيل لي ود اللمين في المانيا برضو أنقرو إبتهجو مع منو ؟ ده طبعا ما تعريج بي الموضوع عشان ما يجي زول يديني درس في الفلكلور وو وو وو فانا احب جدا بلوبلو .. تخريمة : أخوي الكبير مرة ساق معاهو زميلو في الجامعة يمني الجنسية وخلاهو عيد مع اهلنا في الجزيرة ..السنة البعدها لما مشى براهو الجماعة في الجزيرة سالوهو يا صلاح ليي ما جبت معاك الخواجة داك !!!
Post: #51 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 12:57 PM Parent: #48
المعز إدريس: في البداية عايز انبهك لي نقطة مهمة جداً ..القطاع العام ده زااااتو ما ساهل وما تفتكر إنو أي زول عايز يركب في قطر الكنجال بيركب السوق نووو يا حبوب ده برضو عندو مواصفاته وبرضو درجة قبول عند جمهور العلماء :) المستمع ده ما تجلهو وما تقول امكانيتو بسيطة وما تفتكر إنو لمن بقا يسمع احمد الصادق وطه سليمان وخلاهم بتاعين كنجالات معناها ما بيفهم نوو يا حبيب وإلا كان برضو هيثم الثورة بقا فنان مرطب وكانت علوية الكلاكلة ركبت همر ..الناس ديل برضو بيفهمو وبيختارو .. رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة .. رشا شفتة ويبدو عليها الذكاء وقررت تحصر روحا في حتة ضييقة غالبها من المنظراتيه بتاعين إنها تقدم فناً راقي فيه اقحام للسباعي مع الخماسي مع إنقاص للتون وزيادة في الهارموني وقليل من الفايبريشن ودمج للموسيقى الشرقية مع الغربية في نسيج إجتماعي ثقافي يساعد على نقل الاغنية السودانية للعالمية .. بالمناسبة نانسي حلوة والبت بيجي منها ما زي نهى ورشا ..عندها قبول وقدرت نوعا ما تشيل من الناس الفكرة الأولى اللي كونتها عنها لما كانت بتطنطن بي الغنا ..أعيب عليها دورانها في فلك شقي ومجنون في كل تسجيلاتها
Post: #52 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Munir Date: 09-19-2010, 01:27 PM Parent: #51
Quote: في البداية عايز انبهك لي نقطة مهمة جداً ..القطاع العام ده زااااتو ما ساهل وما تفتكر إنو أي زول عايز يركب في قطر الكنجال بيركب السوق نووو يا حبوب ده برضو عندو مواصفاته وبرضو درجة قبول عند جمهور العلماء :) المستمع ده ما تجلهو وما تقول امكانيتو بسيطة وما تفتكر إنو لمن بقا يسمع احمد الصادق وطه سليمان وخلاهم بتاعين كنجالات معناها ما بيفهم نوو يا حبيب وإلا كان برضو هيثم الثورة بقا فنان مرطب وكانت علوية الكلاكلة ركبت همر ..الناس ديل برضو بيفهمو وبيختارو .. رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة .. رشا شفتة ويبدو عليها الذكاء وقررت تحصر روحا في حتة ضييقة غالبها من المنظراتيه بتاعين إنها تقدم فناً راقي فيه اقحام للسباعي مع الخماسي مع إنقاص للتون وزيادة في الهارموني وقليل من الفايبريشن ودمج للموسيقى الشرقية مع الغربية في نسيج إجتماعي ثقافي يساعد على نقل الاغنية السودانية للعالمية ..
ده كلام نجيض يا عمر ..
. .
يجوا يقولوا ليك صفوة ..
يعني نحن ما صفوة واللاّ شنو؟؟
Post: #53 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Munir Date: 09-19-2010, 01:27 PM Parent: #51
مكرر
Post: #47 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد فرح Date: 09-19-2010, 12:31 PM Parent: #45
الزول القال ناس دار فلاح يستفيدوا من رشا ده بالغ قصة إنها تفتقد للصوت الجميل دي لايختلف عليها اثنان وسماحة قالت في صحفي في التايمز قال صوتها فيو بحه او كما قالت smoke المحيرني الناس البقولوا البلد مافيها حريات ورشا تبرطع في السودان وفضائياته آخر برطعة بعد كل الغنا الذي قالته ضد الحكومه وفي كل لقاءاتها
تاني كدي واحد يقول مافي حريات في البلد
Post: #49 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: mutwakil toum Date: 09-19-2010, 12:36 PM Parent: #47
Quote: الزول القال ناس دار فلاح يستفيدوا من رشا ده بالغ قصة إنها تفتقد للصوت الجميل دي لايختلف عليها اثنان وسماحة قالت في صحفي في التايمز قال صوتها فيو بحه او كما قالت smoke المحيرني الناس البقولوا البلد مافيها حريات ورشا تبرطع في السودان وفضائياته آخر برطعة بعد كل الغنا الذي قالته ضد الحكومه وفي كل لقاءاتها
تاني كدي واحد يقول مافي حريات في البلد
يا محمد فرح لكن جيت انقذت رشا دي جنس إنقاذ يازول انت جنّك انقاذ كدة مالك: ده لو رأيك فيها معناتا ماشا صاح: -- مؤن سنين من الحب
عُدِلّ لإضافة حرف ألف في إنقاذ محمد فرح التانية
Post: #57 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد فرح Date: 09-19-2010, 02:25 PM Parent: #49
يامتوكل ياخوي رشا دي موش كان جيهتها انا كان العالم ده كلو جيهها مافي زول حيقتنع بيها وحلاة ناس طارق قالوا عاملين ليها حفله بي 20 الف للفرد في بيت الفنون اظنو زووول دخل الحفله مافي مفروض زي ماعلق واحد في اليوتيب تغير اسمها لي راشيل بعدين استايل جسمها بمشي مع مصارعات الـwfa والجماعه ديل نهائي مابمشي مع فنانه وكده غايتو مع إني ظللت انادي بالحريات طوال السنين المضت لكن مع زي ناس رشا ديل مفروض يكتموهم تماماً
Post: #50 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: tmbis Date: 09-19-2010, 12:49 PM Parent: #47
Quote: نفس كلامها تتميز بيهو نهى عجاج كلامااات ونضامااات ومقنعات جداً في طرح افكارهن وانا موافقك في الحتة دي لكن جماعتك ديل فاقدين للضلع الأهم بالنسبة لي (التطريب والموهبة الفطرية )..
نانسي واللا نهى يا عمـــر .. ؟
بعدين في حاجـة تانية: ما شايف حد اتطرق لي تجربة اسمريكــا .. واصفريكـا في المنبر .. يعني جـواهر دي الناس مشته ساااي كدا .. ؟ أنا لي فترة بطلت اتحدث في الفــن .. لانو عندي جتار في البيت وعــود .. قاعد امتع نفسي وما شغال بي اي زول .. لذلك .. حقو يا عمر تشوف لينا معاك موضوع جـواهر دي .. وتتطرق لي تجربتـه ..
Post: #54 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 01:34 PM Parent: #50
طيفورنا ياسر:
Quote: حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً..
ياخ أجمل حاجة فيك إنك بتذكرني بي شبابي بتقول الكلام بب كده لي اصحابك لي شلتك لي اعداك عن نفسي ح اقرأ حوالينا ولا علينا لما اسمع الزولة دي ولو لقيت ليك طريقةلي مقولة ابعد من حوالينا دي يكون حبااابا والله وتكون ما قصرت معاي يا مان .. تسلم يا تنقا ..
Post: #55 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: خضر الطيب Date: 09-19-2010, 02:06 PM Parent: #54
اخونا عمر الفاروق
كيف حالك والاسره
اول مره اسمع بالاستاذه رشا شيخ الدين كان الاسبوع الفات, واول مره اسمع ليها شغل في بوست عمنا صديق عبد الجبار , حقيقه استمعتا بكل الغنا, لقيت نفسي قدام فنانه ماعشان هي من اسره شيخ الدين ولا دا كان ليهو علاقه
باني استمع ليها, الزوله دي بتغني باحساس راقي جدا دافي , بتديك احساس بانها بتطرب روحا قبل ماتفكر انها تطربك ودا ما شي سلبي من وجهة نظري بالعكس ايجابي جدا, ياعمر الزوله دي ادهشتني, مسالة انك حاسي انو صوتا
مافيهو تطريب والكلام الكبار دا, انا شخصيا مامتخصص في مجال الغنا عندك الاساتذه , الموصلي, انس العاقب, حمزه سليمان, ازهري دريشه, نادر السوداني , عوض الله بشير , واخرين ممكن ينورونا, اما عني انا نزلت كل الشغل
بتاعا اللقيتو في بوست صديق عبد الجبار من اليوتيوب , ومع الجو السمح دا والمطر نازل خفييييف قاعد استمتع بيهو, فكدي حاول غير الجو دا واستمع ليها بحياديه.
Post: #56 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 02:14 PM Parent: #55
Quote: ووصف صوتهابانه ( دخاني)
بي مناسبة دخاني دي خلوني أعيد ليكم قصة زولة في بوتيك .. مرة أخوي واقف في واحد من البوتيكات جات واحدة داخلة المحل وقالت لي بتاع البوتيك لو سمحت الطرحة دييك بي كم ؟؟ قال ليها ياتو طرحة ؟ قالت ليهو دييييك الفوق ديييك .. قال ليها ما عرفتها والله ياتا ؟ قالت ليهو الطرحة ديييك اللونا( عجوري )
تخريمة كان (دخاني) ما بعرف ...
Post: #58 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: المعز ادريس Date: 09-19-2010, 02:26 PM Parent: #54
Quote: رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة ..
طيب ما ياهو دا كلامي زاتو يا عمر! أنا لم أنتقد جمهور العامة و إنما قلت أنه فن رشا قطاع خاص نقيمو بطريقة تختلف عن فنان القطاع العام و مغزى كلامي أنها تكنكش في الخاص دا لأنه ناس العام ما حا يرحموا خاصة الأجيال القديمة (من سنة 75 و إنت راجع لي وراء) ينما الجمهو الخاص ممكن يلزم الجابرة و يتفهم و يناقش!
Post: #59 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 02:29 PM Parent: #58
وانا قصدت ليك يا معز إنو هي غير مرحب بيها في العام وهي عارفة كده عشان كده من أساسو ما فكرت تجي ..يعني القصة الانت طرحتها إنها ممكن تختار وانا بقول ليك لأ هي ما عندها خيار ..
Post: #61 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: المعز ادريس Date: 09-19-2010, 02:45 PM Parent: #59
القطاع العام دا يا عمر بيبدأ من فن الحقيبة و الكاشف و ينتهي بفناني و فنانات الكنجالات و الغنا الميتان .. أو سوق الله أكبر, بينما الخاص دا أقرب للمناقشة و تقديم المشروع و دا ممكن تختارو مافي زول بيمنعك, إنت هسة ممكن تشيل عودك و تمشي المركز الثقافي الفرنسي و يلموا ليك جمهور من ذوي الإهتمامات الخاصة (ما الإحتياجات الخاصة) و تقدم أعمال شعرية و تواشيح و تجيب معاك بتاع بيكلو و كنقا و طنبور و يكون دا فهم فني عايز تطرحو و بعد داك الناس يطلعوا يحصلوا حفلة عرس بي نجاة غرزة .. شفت الأمور شايكة كيف!
Post: #62 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-19-2010, 02:51 PM Parent: #61
Quote: في ظمتكم دي فنانه وللا مصارعه جنس بشتنه مسودين وشنا بره الله يسود وشكم
لالا يا محمد فرح كده ما صاح .. عن نفسي بقول ليك الكلام ده ما حبابو وياريت لو تمشي بيهو بوست تاني ..ولا شنو ؟
Post: #63 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد الامين احمد Date: 09-19-2010, 02:54 PM Parent: #62
تحية طيبة للجميع
اتفق معاك تماما، و ازيد عليهو انها مفروض تستمع اكتر للفن السودانى ، لكن صراحة حاليا اضعها بـ جانب عبد الوهاب وردى
الاتنين عندهم الفهم ، لكن مفروض يقتنعو انهم ما بيعرفو يغنو !!!
و حزنت فى الكليب الذى وضعته نجلاء لـ عزف الوافر ، فـ معرفتى البالتوكية* به تنجعلنى اقول انه احسن من كده بـ كتير
* بالتوكية = paltalk
Post: #64 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد الامين احمد Date: 09-19-2010, 03:00 PM Parent: #63
Post: #65 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-19-2010, 03:04 PM Parent: #64
Quote:
في ظمتكم دي فنانه وللا مصارعه جنس بشتنه مسودين وشنا بره الله يسود وشكم
تعليق سخيف و غير مقبول و الراجح أن سيتسبب في فصلك.
Post: #66 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: السيد المسلمي Date: 09-19-2010, 03:19 PM Parent: #65
Quote: في ظمتكم دي فنانه وللا مصارعه جنس بشتنه مسودين وشنا بره الله يسود وشكم
محمد فرح مؤسف جداً ماكتبته !! شكل الفنان ولونه لا علاقة له بما يقدم ! إنا لله .....
Post: #89 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-19-2010, 10:45 PM Parent: #65
Quote: تعليق سخيف و غير مقبول و الراجح أن سيتسبب في فصلك.
Indeed!
Post: #123 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: نجلاء سيد أحمد Date: 09-20-2010, 11:11 AM Parent: #65
Quote: في ظمتكم دي فنانه وللا مصارعه جنس بشتنه مسودين وشنا بره الله يسود وشكم
Quote: تعليق سخيف و غير مقبول و الراجح أن سيتسبب في فصلك.
وقد كان
Post: #67 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmosley Date: 09-19-2010, 03:37 PM Parent: #45
Quote: حا أكون معاك صريح وأقول ليك أول مرة أسمعو بس إجابتي ومن ما سمعت إنو بيعرف وبيعرف شدييييد كمان ..مش كده وبس بعد ما سمعتو منك مشيت فتشت حاجات تانية اسمعا .. الزول صوتو مريح يا موصلي وطبيعي بيغني مرتاح زي الكأنو بيتونس معاك .. الزول ده بتحس بيهو بيغني لي روحو ويمتعا قبل ما يفكر في الناس .. زولك ده إحساسو عاااااالي وطرحو واضح .. طبعا لاوزت اكتب ليك طرحه واضح دي عشان خايفك تقول لي وده البيميز رشا ومهى :) وكل سنة وانت والاسرة بالف خير يا فنان
شكرا ياعمر فبمقياس السودانيين بشكل عام لو ارم استرونغ LOU ARMSTRONG صوته ليس به طرب ولكنه الطريقة آو الاستايل انا شخصيا معجب بالاتنين الذكرتهم رشا ونهى لانهن من دون الكثيرات ممن تكون قد اعجبت بهن فاؤلئك لا يملكن ذلك التفرد وانما تكرار لاصوات سابقة برغم جمال اصواتهن التفرد التفرد لقد اسمعني محسن خالد تسجيل لرشا جديد ادهشني ونهى اعتقد بانها اشجع فنانه ناشئة لجرآتها بانزال عمل جديد كله من انتاجها انتو خليكم مع بحر الدميرة (الاجتراري) كل الود
Post: #69 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Khalid Kodi Date: 09-19-2010, 04:01 PM Parent: #67
الشكر للأخ طه على هذه المداخله الممتازه:
(الاستاذ عمر الفاروق شكرا علي هذا الخيط
من الامور المعروفة في امر الذوق الموسيقي هو خصوصيته بمعني ان لكل انسان ما يعجبه من الغناء و الموسيقي و لكل انسان ما لا يعجبه و هذا بالضرورة لا يهدم مشروع النقد الفني او تناول الموسيقي بغرض التذوق قبل مناقشة مدي جمال تجربة رشا شيخ الدين الغنائية يجب ان نتذكر الاتي
اولا مبادرة باندا نقرا banda nigra الموسيقية التي غنت من خلالها رشا مجموعتها الاولي هي مبادرة موسيقية مهمة جدا لان هذه المبادرة قد عكف علي تكوينها نفر كريم من الموسيقيين العالميين بمعني انهم ينتمون الي جنسيات متعددة بينها الاسباني و السنغالي و الكوبي و المغربي و السوداني و كا مكان المبادرة نفسها في اسبانيا و كان هذا الجمع الموسيقي الفريد قد احتفي بالاغنية السودانية اغنيات كلاسيكية للكاشف،ابوداؤود فضلا عن المديح و الغناء التراثي تم تقديمه بصور مشرفة استمتع بها الجمهور الاسباني و هذه من السوابق الفنية المهمة
الشكر كل الشكر الي رشا و الوافر شيخ الدين علي هذ الجهد الذي اضاف الي قائمة متذوقي الغناء السوداني جمهورا جديدا هما في الحقيقة عملا ا بجد و اجتهاد علي اكساب الغناء السوداني بعدا عالميا
معلوم ان رشا قد قدمت اعمالا موسيقية باللغة الاسبانية و هنا زواية اخري مهمة للتعامل مع مشروع رشا الغنائي المميز اذا جاز التعبير و خلقت لنفسها مكانا في خارطة الغناء باللغة الاسبانية و اظن ان هذه المبادرة في ذلك الفضاء اللغوي المغاير فريدة جدا و السودانين سيتشرفون بهذ الجهد ايما تشريف عندما يفيقون من غيبوبة الدولة الظلامية الحاكمة
و مازال معها من الموسيقين الاوائل في مجموعة باندا نقرا حبيبنا المميز (ناردي) و هو موسيقي من اصل كوبي و جنسية اسبانية، ناردي في السودان ود بيت من اكرم بيوتات السودانين و مهتم بالغناء السوداني و ستكون له اسهامات مهمة مستقبلا في تطوير ذائقة السودانيين الموسيقية كما فعل مايس ترللي و فعل ايضا مصطفي كامل .
قناة النيل الارزق ستتشرف بانها قدمت لرشا شيخ الدين استضافة من يتشرف هو قناة النيل الازرق!! لانها قناة مجهولة في بلد هامشي علي ثقافة الانسانية( هامشي الان لان البلد كلها في حالة اسر و سجن مظلم تحت نير نظام مجرم) و في هذه يجب نكون دقيقين ، لا يشاهد قناة النيل الازرق غير السودانيين و هو تلفزيون حكومي مخصخص و له انتماءات ايديولوجية مقرفة . لو كنت مكان رشا لما سجلت حلقة في قناة النيل الازرق ابدا لانه تلفزيون مجهول و ناقص)
Post: #68 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmosley Date: 09-19-2010, 03:57 PM Parent: #44
Quote: الغنا ما كله حلاوة صوت
الاداء وقوة الصوت واخيار الالحان والكلمات والتزام الفنان دي كلها مع بعض بتحدد مدى تقبل الجمهور ليه اسماعيل حسب الدائم امكانية صوته الجمالية عالية جدا لكن اداءة رتيب واحد ما فيه تجديد تسمعه في غنيه واحد تكتفي منو
اللمين عبد الغفار صوته خامته مبالغة وسمعت انه في احدى مهرجانات المؤسيقى الاولى تفوق على مصطفى سيد احم ( سمعت سمع )
ثم اتى مصطفى بالتزامه وادائه وفنه وكسح الواهو والقدامو وظل اللمين محلك سر
ياسلام عليك كلامك ده انا مابقصد بيهو كل الذكرتهم / هن لكن العبرة دوما بان كيف يستطيع الفنان بان يشكل بمالديه من الوان بصرف النظر عن عدد تلك الالوان (لوحه جميله) عشان كده سمعت انك كنت كورنجي لعاب هسع زمان جكسا كان العب من ماجد لكن الاقوان الاحرزها ماجد قد تكون اكثر من اربعة اضعاف السجلها جكسا الوصول للهدف افضل من المحاورة كل الود
Post: #70 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معاوية الزبير Date: 09-19-2010, 05:02 PM Parent: #68
يا محمد فرح
انت كائن مفروض ما تطلع من بيتك (تقرأ قفصك) أصلا ، خليك من المشاركة في المنتديات
Post: #71 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: صديق الموج Date: 09-19-2010, 05:06 PM Parent: #68
عمرالفاروق سلام
عمر رشا دى فنانه ونص وخمسه كمان...
خليك من عذارى الحى وكمية التطريب الجوه صوتها
امشى اسمع عندها مدحة ياصاحب المعراج نور المدينه
لشيخنا عبدالرحيم البرعى طيب الله ثراه وتعال..
عمر حاتجى درويش..
تسلموا كلكم،،،
Post: #74 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: طه جعفر Date: 09-19-2010, 08:36 PM Parent: #43
ياتمبس او علاء ما فارقة!! يمكن ان تكون اي شيْء لقد كتبت الاتي
Quote: فوق هذا وتحته .. اجد نفسي متضطرا أن أترك الاستماع جانبا لأعمال الكثير من الفنانين في المهجــر وعن تجاربهم الخاصة .. حال أن قرأت لكاتب السطور اعلاهــا طــه جعفر أو اي كان اسمــه .. لا يفرق ذلك كثيرا. فقط الذي يفرق أنه يفرق ما بين الأبيض والأسود .. وما عارف الدخلو زاتو هنا شنو في الحتة بتاعت الغناء .. التقول قاد يغني .. عشان ينتقد قناة سودانية على الأقل قدمت لينا هاشم صديق بعد طول غيــاب .. لكن الربط الموضوعي لهذه الفكـرة .. إنهو أخوهو قبل كـدا قال : الناس تحارب قناة الشروق ..
متضطرا ربما تقصد (مضطراً)
التقول قاد يغني اظن انك تقصد (قاعد) اغني
كلامك خارج النص و بعيد عن مرامي البوست يا تمبس
رشا شيخ الدين فنانة من اصول سودانية سجلت لنفسها حضورا دوليا عظيما بلغات اجنبية و فتحت افاق كانت مغلقة امام الغناء السوداني و اعطت الغناء السوداني ابعادا جديدة
و هي نموذج لامرأة سودانية من المستقبل
طه جعفر
Post: #223 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: tmbis Date: 09-26-2010, 02:04 PM Parent: #74
Quote: متضطرا ربما تقصد (مضطراً) التقول قاد يغني اظن انك تقصد (قاعد) اغني كلامك خارج النص و بعيد عن مرامي البوست يا تمبس
طــه جعفر أو أي كان اسمه .. بين هذا الفضاء العجيب .. تصحيحك للتاء والطاء .. لا يعني أنك منقطـه .. ولو تعقبتك أو تعقبت غيرك لخرج ادباء كبار جدا في هذا الفضاء بقد القفه .. لكن الكويس جدا إنك استفدته ليك حاجة كويسة .. على الاقل عرفته تصحح الغلطات الاملائية .. عقبال ما تصحح غلطاتك الأدبية .. وتكتب بي طريقة محترمة يعني تاني اكتب ليك بالتشكيل ..؟ عايز يكتبو ليك بالتشكيل يعني ..؟ لو جيتك بالليل .. بطلع ليك كتابتك كلها خرمجه .. واحتمال كبير اللفاظك افتح ليك بيها بــلاغ .. واجيب باقي المعروضات العندي .. بل كلامك الخارج من النص .. ومن الربع زاتوو
Quote: رشا شيخ الدين فنانة من اصول سودانية سجلت لنفسها حضورا دوليا عظيما بلغات اجنبية و فتحت افاق كانت مغلقة امام الغناء السوداني و اعطت الغناء السوداني ابعادا جديدة وهي نموذج لامرأة سودانية من المستقبل
.. طبعا اكيد دي وجهة نظرك الخاصة بيك فيما يتعلق بي رشـا لكن الشي العجيب جدا .. وووين هنا دا لقيتني إني قلته رشا دي ما فنانة علشان تديني البروفايل التعريفي حقها دا ..؟ رشـا انا بعرفه بتغني كيف .. والمستغرب ليهو إنك تدخل قناة النيل الأزرق في صراع التيران دا والنيل الأزرق القدمت رشـا واستضافته زي ما استضافت قبل كدا .. تماضر شيخ الدين والكتير من المبدعين والمبدعات .. يعني هنا دا حسع منو البكتب خارج النص ..؟ إنت تسمع بس .. وليك حرية أنك يعجبك الصوت الفلاني من الصوت الفرتكاني .. دي حريات اضنين .. وذوق .. زي ما ذكر في البوست دا .. يعني مثلا .. عندك كوستاوي .. فترة كدا شابكنا سلمى العسل في مركز جون كندي .. سلمى العسل الليلة شنو كدا ما عارف .. كما تم ايضا تتويج ستونة مجروس مبدعة .. زيها وزي جواهر اسمريكا واصفريكا واخضريكا .. إلخ علبة الألوان .. أمراة من المستقبل وأمراة من زحل .. ربما يكون بالنسبة ليك .. لكن بينسف تماما فكرة الفنان ... خاصة وإنو رشـا تجربته في السودان زي ما ذكر عمر الفاروق ما بالكم الممكن تتصنف بيهو .. من المستقبل دي ذكرتني مسلسل (الآنــا) .. ودي اكبر مشكلة هنـا .. إنو زي نوعيتك دي الواحد لما يقرا ليك في حتات الكلام الفارغ البتكتب فوقو .. وبالالفاظ اياهـا ويجي يقراك هنا دا متوج رشـا شيخ الدين بي طريقتك المستقبلية دي .. بطنو بتطم ويبطل يسمع رشـا زاتو .. لاحظ يبطل يسمع رشـا دي عامله زي شنو ..؟ بعدين في حاجة مهمة .. يا طـــــه .. كان لقيتني في حته فيها مزيكــا + الهلال .. ما تتلاوى معاي خليك في (ضبانك) لاني متأكد إني بعرف اسمع كويس في المزيكا وبفرز كويس برضو ..
Post: #72 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmosley Date: 09-19-2010, 05:18 PM Parent: #1
Quote: فهي تقرع الطبلة بصورة ممتازة ..
Quote: تخريمة : دار فلاح باقي لي أسة بقا اسمو إتحاد فن الغناء الشعبي..
ياعمر الموسيقى لها اضلاع هامه الزمن الصوت الهارموني والزمن هنا يقصد به الايقاع الخارجي المعزوف والايقاع الداخلي المتضمن في اللحون اي عازف ايقاع جيد هو فنان كبير ايقور سترافنسكي آعظم مؤلف في القرن العشرين بيعتمد اساسا في مؤلفاته على تعدد وتنوع الايقاع ياني لمن يدي الايقاعست صولو فان الصولست يسرق الكاميرا وقتها فلا تستهن بالايقاع فهو عماد الابداع الموسيقي ولا تستهن بدار فلاح فهي مكان ابداعي رائع ونوع من الفن نحترمه وفوق ذلك كله فان لرشا من الامكانات لتكون في دار فلاح واتحاد الفنانين السودانيين والعرب والعالميين على حد سواء كل الود
Post: #73 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: نادر الفضلى Date: 09-19-2010, 07:32 PM Parent: #72
عمر الفاروق وزواره تحية طيبة رشا شيخ الدين مطربة ذات حضور فنى وتطريبى عالى واحدة من قليلات أعدهن من المطربات السودانيات المتمكنات والموهوبات تطريباً .. تتغنى بإحساس صادق وبإنسياب بديع مع المزيكة وإيقاعاتها .. حين تغنى لا تحتاج أن تراقب و تتحسب خطوات أدائها بواحد إثنين ثلاثة - مثلما تفعل أخريات - لتتأكد من أدائها وتزامنه مع الموسيقي.. .. لا تستهجه غنائياً إن جاز لى التعبير فالموسيقى والغناء والتطريب من فطرتها .. تذكرنى فى ذلك بالفنانة المسكونة غنا هادية طلسم
Post: #75 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: ريهان الريح الشاذلي Date: 09-19-2010, 08:49 PM Parent: #73
سلامات عمر الفاروق وكل سنة وانت والجميع اعلاه ....
سلامات استاذة تماضر وعلي الرغم من اختلافي مع كلام عمر الفاروق لكن اعترف بموضوعية انتقاده وللاسف الشديد مداخلتك كان بتفتقد الموضوعية وعبارة عن اندفاع سايقاهو عاطفة اكتر من اي شي ، وده كان محبط جدا بالنسبة لي وللاسف الشديد نحن ك (عادييين) بنتوقع من الفنانين الما (عادييين) ردود فعل ما (عادية) .
عموما...
محمد فرح مداخلتك تنم عن وقاحة فاتت حد الوقاحة .
Post: #76 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبدالوهاب علي الحاج Date: 09-19-2010, 09:09 PM Parent: #75
الشبح محمد فرح بالله انت ربوك وين ؟ بالله انت ابن آدم زيك زينا كدا يا حًقير يا ناقص وبعدين كلامك دا بنيتو على شنو ؟ على اساس . هل الوزن الزائد بيمنع الزول انو يغني ياحمار افندي ياعرة الامنجية والله لو دا فهمك معناتو ابو داؤود الله يرحمه الشكل وجدان جيلنا دا ممكن يوم تجي تعتبرو رباط وعالميا هل سمعت بزول اسمو ديميس روسس اها دا ممكن بفهمك دا تلبسو زمبيل وتقول عليو طباخ يازول البمنع شنو ما دام بكري بيخلي ال########ين الزيك ديل بيناتنا يامحمد فرح او من يكتب بهذا الاسم الان اتفوووووووووووووووووووووووووووووو على امثالك
____________ وانت ظااااطو مالك زمال الغنا والكلام في الغنا فاتح نفسك وجايي تتداخل مع الناس شنو ما تشوف ناسك يدوك حاجة نضحك عليك شوية
Post: #77 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-19-2010, 09:27 PM Parent: #75
يؤسفنى يا ريهان الشاذلى أن وصلك هذا الانطباع عن مداخلتى والتى أريد بها المزاح أكتر من الجدية لاننى أؤمن فى قرارة نفسى كما تؤمن رشأ أيضا أنها لاتخاف من التجريب
وتتوقع أن يكون هناك من لايعجبه غناءها ..أى كلام بعد داك تحصيل حاصل وتجدينى قد أمنت على قول المتداخل الذى قال أن "حب الناس مذاهب" ...والذى منه ...
فلك منى العتبى حتى ترضى...
أعجبتنى مداخلات كثيرة امتازت بالموضوعية (الايجابية أو السلبية منها) ، فالموضوعية هى رائدة الاقناع وسيدة الطرح. فلهؤلاء التحية.
فى نظرى أن كل هذا الحوارو برمته يؤكد على (وجود) رشأ الفنى وأثرها على المتلقى وهو ما يطمع له الفنان. أعجبتنى أقلام عرفت بمهنيتها فى مجال النقد أو لها باع فى الفن ...وهذا يزيد من رصيد رشأ ويؤكد أيضا على (وجودها) الابداعى فهو لم يمض محايدا وبغير طعم ...فلهم التحية أيضا.
وبالطبع لم يعجبنى التعليق الذى تأذت منه كثير من الاسماع ...والذى فيه خدش لكرامة القارىء والمساهمين قبل أن يصل رشاشه لرشأ نفسها أو لمن يهمه أمرها ...
أنا شخصيا أطالب بكرى أبو بكر بتطبيق لائحة المنبر العام على هذا الشخص ...
وأشكر الذين عبروا عن استيائهم من سخافة التعليق حتى ولو لم يكونوا من "معجبى" رشأ وهذا لعمرى قمة الشفافية ..ومن ضمنهم لا حصرا لهم :عمر الفاروق وحسين ملاسى
Post: #78 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حيدر حسن ميرغني Date: 09-19-2010, 09:34 PM Parent: #77
شيئ مؤسف ما بدر منك يا محمد فرح نحن نتناول تجربة غنائية لفنانة غض النظر عن اختلافنا حولها .. لا حول شكلها كل التقدير والاحترام لاختنا رشا وآل شيخ الدين
Post: #79 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-19-2010, 09:53 PM Parent: #78
Post: #80 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: سيف النصر محي الدين محمد أحمد Date: 09-19-2010, 09:54 PM Parent: #78
محمد فرح انت حتتلبد كده لمتين؟ امرق على السهلة و تعال وري وشك للناس حتين بعد اتفاصح.
Post: #81 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: خدر Date: 09-19-2010, 09:55 PM Parent: #80
اتصل بي صديق و كلمني عن البوست و رغم عن اني لسه عندي التزامات اسرية ما كملتها و الزمن ممحوق في السودان لكن جيت عشان إتأكد انو فعلا في زميل زي محمد فرح ممكن يتكلم عن مواطن تاني بالشخصنة و عدم الحساسية ده. عاوز ارمي سهمي معاكم في النقاش و اشارك لكني بعد قريت كلام محمد فرح قررت اسه انو ما اشارك لحدي ما يسحب محمد فرح كلامو الماعندو علاقة بحساسية البشر الطبيعيين تجاة بعض و بالعدم يسحبو بكري ابوبكر و افترح من كل المشاركين التوقف عن المشاركة في البوست حتي يُسحب حديث محمد فرح . نحن والله ما جينا سودانييزاولاين عشان نجرح المناس او نشتمهم فنانيين كانوا او مواطنين , اوجب واجباتنا هنا حفظ كرامة بعضنا لا إهدارها.
يا محمد فرح كلامك غير مقبول علي الاطلاق لانو شخصي ولا علاقة له بالحوار , خيط عمر الفاروق عن موقفو المزاجي من شغل رشا و لم يتعرض من قريب او بعيد لشخصيتها او هيئتها, الشخصيات العامة عرضة لنقد إنتاجهم لا اشكالهم .اسحب حديثك اعلاه و خلينا نواصل في البوست .
___ عمر الفاروق .. اتوقعت موقفي ده منك لانك صاحب البوست و خذلني صمتك
Post: #82 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Ahmed Elmardi Date: 09-19-2010, 09:57 PM Parent: #78
هسة بالله زي محمد فرح دا فايدتو للبشرية شنو
ياخي بشرية شنو!..
فايدتو للإنقاذ الكعبة دي شنو؟
Post: #83 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد هشام Date: 09-19-2010, 10:06 PM Parent: #82
محمد فرح دا سوداني ؟
Post: #85 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: صديق الموج Date: 09-19-2010, 10:31 PM Parent: #83
مافى زول اسمه محمد فرح على فكرة ديل امنجية المنبر البديهم بكرى باسورد بدون مايتاكد من اى معلومه هو حر طبعا يعطى الباسورد من يشاء ويسحب الباسورد ممن يشاء لكن سوف يورد هذا المنبر مورد تهلكه.. وبعدين يا بكرى ماعاوز توقف شبح زى ده اسحب الكلام الفارغ.. ده مكان محترم ما ماخور اقل شىء مفروض الناس تحترم فيه بعض وتعتنق ما تشاء من مذاهب و تتبع ما يروقها من ايدولوجيات والى قرار بكرى نحن منتظرون،،،
Post: #84 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حاتم علي Date: 09-19-2010, 10:20 PM Parent: #82
أستمع لرشا شيخ الدين منذ قرابة الثمانية سنوات و كنت معجياً باغانيها منذ ايام كنا نستمع للغناء في Junkbox و ننقله بالهاردسكات قبل إختراع الفلاش ديسك و لم يحدث ان مر على غنائها إنسان إلا و تفاعل معه إيجاباٌ غالباٌ و سلباً نادراً و هو دور الفنان عموماٌ بأن يثير حراكاٌ ثقافياُ و إجتماعياٌ يرقى بمستوى الفن ونقاده و طريقة تفاعل الناس معه
حتى عرفتها عن قرب و هالتني شخصيتها القوية وإلتزامها تجاه فنها و رسالتها التي ترغب في إيصالها عبر فنها لمتلقيها ، فرشا تغني بالسودانية و العربية الفصحى و الانجليزية و الأسبانية و لربما لغات اخرى لا اعرفها غير انها تعرف ما تريد و ماذا تريد إيصاله للمتلقي و أهم من ذلك إلتزامها تجاه ما تؤمن به حتى انها لتذكرني بالراحل المقيم مصطفى سيد احمد
لم يزعجني إطلاقاٌ رأي عمر الفاروق عنها فهو عبر عن إنتقاده لها من منطلقات نقدية و فنية يختلف أو يتفق الناس حولها ذاك أمر هو من المتاح و لكن من محن العصر و بلاوي هذا الزمان ان يتصدى أشباح الأسافير و ناقلي الكذب و مروجيه و من هم بلا أخلاق و لا ضمير لرشا بفاحش القول و سوء الخلق من شاكلة المسمى (محمد فرح) هذا !
لعمري لا أفهم لماذا يحتفظ بكري بمثل هذه الاشكال هنا ؟
هؤلاء عار على الإنسانية و عار على السودانيين و عار على هذا المنبر ، و عار على هذا الحزب الذي ينافحون الناس من أجله ، و من المؤكد ان (محمد فرح) او من يمثله (محمد فرح) لا يعرف عن رشا اكثر من اغانيها الداعية للحرية من ربقة نظامه و يا (سودان معليش) فإنتقاده لها لا ينطلق من رؤيا فنية او نقد حتى ، و لأنه ينتمي إلى فئة حقييرة تعودت على ان تسئ الى الناس By physical Abuse based on shape because thats the way he evaluate people around him لأنه لا يملك من الخيال و الرؤى الإنسانية ما يساعده الى ان ينظر الى الناس بعمق اكبر ليرى حقيقتهم الإنسانية فهو أفقر إنسانياً من أن يبلغ هكذا مستوى من الحس و الإدراك لذا كانت كذلك شكل مداخلته عاليه ، و سيكون الآن آمناُ في سربه يعد ان اساء لرشا و اثار حفيظة الناس هنا و الأجدى لبكري إن أراد ان يحافظ على ما تبقى من درجة إحترام الناس لهذا المكان ان يطهره من هذا الدنس الذي هو على شاكلة (محمد فرح) فلا يعقل ان يكون بيننا من هو على هذا المستوى من الخسة و الووضاعة و سوء الخلق و قبح الطوية
Post: #86 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-19-2010, 10:36 PM Parent: #75
أنا شخصيا أطالب بكرى أبو بكر بتطبيق لائحة المنبر العام على هذا الشخص ...
Post: #87 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-19-2010, 10:36 PM Parent: #75
Quote: محمد فرح مداخلتك تنم عن وقاحة فاتت حد الوقاحة .
Post: #88 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: khaleel Date: 09-19-2010, 10:38 PM Parent: #87
نرجو من الاخ بكري سحب مداخلة محمد فرح اولا
وبعدين نشوف موضوع اللائحة
Post: #90 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: البدري عبد الله Date: 09-19-2010, 10:53 PM Parent: #88
لا حول ولا قوة الا بالله
؟؟؟؟؟؟؟؟؟؟؟؟؟!!!!!!!!!!!!!!!!!!!!
Post: #91 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Mustafa Mahmoud Date: 09-19-2010, 11:00 PM Parent: #90
rالسؤال المهم
من هو محمد فرح؟؟
و هل تشرف اي من بورداب الخرطوم برؤية المدعو محمد فرح في اي يوم من الايام؟
مع تحياتي لمهند مأمون و المدعوة فدوي الشريف
و كل عيال قوش
يا عالم بلاش وهم محمدفرح قال
Post: #92 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: صديق الموج Date: 09-19-2010, 11:08 PM Parent: #91
بكرى يا اخوى صبرنا نفد تتصرف والا نتصرف؟؟؟
Post: #94 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: طارق جبريل Date: 09-19-2010, 11:50 PM Parent: #92
Quote: يامتوكل ياخوي رشا دي موش كان جيهتها انا كان العالم ده كلو جيهها مافي زول حيقتنع بيها وحلاة ناس طارق قالوا عاملين ليها حفله بي 20 الف للفرد في بيت الفنون اظنو زووول دخل الحفله مافي مفروض زي ماعلق واحد في اليوتيب تغير اسمها لي راشيل بعدين استايل جسمها بمشي مع مصارعات الـwfa والجماعه ديل نهائي مابمشي مع فنانه وكده غايتو مع إني ظللت انادي بالحريات طوال السنين المضت لكن مع زي ناس رشا ديل مفروض يكتموهم تماماً
يا محمد فرح ياخي يستحيل انت تكون زول كدة ربته ام سودانية ياخي امهاتنا اول ما علمونا انه الله دة كرم الانسان واداهو عقل ياخي انت جايي من وين عليك الله ما عايز اسبك في تربيتك لانه ما عايز اعتدي علي والديك بسبب قذارة سطورك الفوق ياخي يستحيل ان يكون الانسان كريه كدة في دواخله حتى لو كان شيطان لا اله الا الله محمد رسول الله
Post: #93 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: سفيان بشير نابرى Date: 09-19-2010, 11:39 PM Parent: #88
علي السيد بكري ابو بكر اجراء الازم مع الشخص المسمى بمحمد فرح . ويا بكري ابو بكر عندي طلب مهم جداً هو :- ما هي بيانات هذا المحمد فرح ؟ ومن هو الشخص الذي زكاه للمنبر؟ لاني شاكي بانو الزول الزكاه ده هو نفس الشخص الذي زكى مهند مامون المطرود السابق وانو محمد فرح ده هو نفسه مهند مامون داك.
عمر الفاروق ... اختلف معك في موضوع رشأ بل انا عكسك تماماً.
Post: #95 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معاوية عبيد الصائم Date: 09-20-2010, 00:05 AM Parent: #93
سورى ياشباب ؟
ناس محمد فرح افراز طبيعى للعهر السياسى والاخلاقى ؟
شكرا شكراالراحل المقيم شيخ الدين جبريل !! على ما انجبت من وعى وابداع للشعب السودانى شكرا للبيت الكبير فى الثورة
اما المنحطين السفلة مجموعة محمد فرح فهم يحتاجون رعاية من نوع ذوى الحالات الخاصة
فتبا لهم هولاء الناقصين .اشباه الرجال
شكرا ال شيخ الدين الوطن النموذج الحلم المصغر!!!!!
اين من يدافعون عن الحقير فى البورض؟؟
Post: #96 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Khalid Kodi Date: 09-20-2010, 00:13 AM Parent: #93
عنما نصف هذه الحقبه من تاريخنا ب(الظلامية) نعنى بذلك أن السائد والرسمى ضيق الرؤية ومحدود التجربة .
فطابع الظلاميين هو الخوف من الانفتاح و من الحرية، الانكفاء على ماهو مستهلك وإعادة تكراره لاستهلاكه مرة أخرى وهكذا للأبد.. أوليس هنالك من يريد أن يرجعنا لنعيش معه فى القبور أو القرون الوسطى بدم بارد؟
الخوف هو صفة أصيلة من صفات الظلاميين، فالظلامى جهلول، يخاف من كل جديد ومجدد، يخاف من التجريب ، لايشعر بالامان مع مالم يتعود عليه، ويصعب عليه التصالح مع ماهو بدعه او إبداع، فهى عنده فى النار . فالظلامى ينكفىء على نفسه ويجد الدفىء فى البعد عن البدع متى ماكانت تختبر أصنامه .
فالموسيقى، والغناء كأحد فروعها حالة بطبعها خلاقه، وتقدمية ومتجدده، أو هكذا يجب ان تكون... مايجرى فى السودان هو الربه، والفقر والكساد والجفاف.... الدولة العابده ذات موسيقى وغناء ماقبل العجله!
من لايمتلك تجربته الخاصه والمتميزه ليس فنان ولاهم يحزنون.
فالمغنى الفنان هو من يصطحب معه مشروع غير مضمون النجاح، من يمسك بتجربته التى يجب ان تكون متميزه ويعمل عليها وإن كره الكافرون هو الفنان... الكافرون بالآيات التى تقول : (أن الفن بطبعه تقدمى وضد الظلام والجهل .)
الاستاذه رشا شيخ الدين تقدمت بتجربة لاغبار عليها ولاهم يحزنون.
شخصيا أجد ماقدمته من أغنيات خاصه بها أكثر تماسكا وإبداعا من أى من الاغنيات التى أدتها لفنانين آخرين. فالاغنيات الخاصه بالاستاذه رشا شيخ الدين تعبر عن رؤيه غنيه بماهو شخصى وماهو عام، وتعبر عن الزمن الذى تعيشه كإمرأه سودانية بكل خيره وشره.
أغنيات رشا عن الحدود الجغرافية و عن الحرية و عن الهوية والتقاليد والمستقبل... والامل ... أغنياتها عن الحب ، وعن سرقة الشباب وأحلامهم وتزويجهم من الوهم و من بنات الحور....هذه أغنيات مبدعه ومتميزه وتنتمى الى جيلها وتعبر عنه، وهذا مايجب ان يفعل الفن.
كون هذه الاغنيات غير منتشرة ولايستمع اليها الناس فى الحافلات... هذا أمر آخر، ولكنها أغنيات مبدعه... سيجل لها التاريخ هذا.
لا افهم ماذا يعنى الناس بان الغناء يجب ان يطرب المستمع وبهذا يكون غناء جيدا !!!
من أين أتوا بهذا ؟
الموسيقى هى كل مايصدر من أصوات ترتب وفقا لرؤية ... والموسيقى كغيرها من الفنون ليس من شروطها أن (تعجب) الناس، أو أن (تطربهم) لينقزوا أويتقافزوا وكفى ... فالفنون ظاهره معقده تخاطب من يتعامل معها ، أو يتعرض إليها، إنسان ، حيوان أو نبات لتخلق حالات إستجابه متفاوته ومتعدده... ال (الطرب) هو أحدها، ولكن بالتأكيد ليس كل مايمكن أن يصنعه فن الموسيقى، وبالتالى من ضيق الافق ان نطالب كل الموسيقيين أن يطربونا، فهذا ضد الحرية، وماضد الحرية ضد الفن والفنون، لأن الفنون هى أحد مضامين الحرية.
فالبعض يذهب للمسرح ليستمع الى موسيقى تبكيه، وهنالك مبحث عريق التاريخ وغنى التجربه فى غناء الحزن والتراجيديا!! والبعض يذهب الى دور العباده ليستمع الى موسيقى أو ليشارك فيها ليتقرب الى خالقه، فالموسيقى حاله روحية فى أحسن تقويم، وهنالك من ألوان الموسيقى مايجعل (السجان وديا) كما قال درويش ... ومنها مايحول الانسان الى وحش كاسر يريد أن يشرب دماء البشر، ومنها مايجعل الازهار تتفتح قبل شروق الشمس ... وهكذا ، ورغم ان هذا ليس المجال للاسترسال فى الحديث عن ألوان الموسيقى إلا أن من يريد أن يهوسنا بان موسيقى فلان أو علان ليس (مطربه) فاليحاول أن يثقف نفسه موسيقيا بعض الشىء ... ويحاول الاستماع الى مابعد الموسيقى والغناء الفقير السائد فى السودان الان..
مليون بائس يتجولون ب (كى بورد) ... هذه الاله التى حولوها الى آله قبيحة يضرسون بها آذاننا هشك بشك هشك بشك هشك بشك... سييك سييك... قبحهم الله وافسد عليهم حياتهم بقدر افسدوا ذوق الناس فى الدولة الفاسده.
تجربة الفنانه رشا شيخ الدين والتى كتب عنها فى هذا البوست الأخ طه جعفر تضمنت ضمن ما تضمنت التداخل مع الوان موسيقية غير هذه السائده فى السودان، وفى هذا إثراء. فرشا تجاوزت السذاجه الغنائية السطحية... فمسطحبى (الكى بورد إياه ) الحايمين ديل يمشوا يشوفو ليهم شغله تانية فالفن عملية خلق... وليس كل إنسان بخالق!
فى إعتقادى أن الاستاذة الفنانه رشا شيخ الدين تقدمت نحو تكوين تجربة موسيقية متميزه، أتمنى أن تتمسك بها، وأتمنى أيضا أن لاتخوض فى تجربة من سبقها من فنانين. أقصد بهذا بانه عليها أن تتوقف من غناء أغنيات الفنانين الاخرين، فتجربتهم لاتعبر عنها... أغنيات رشا الخاصه إبداع على نمط جوان بيز، مرسيدس سوسا...مريم ماكييبا ... فقط عليها السير للامام أيا كان الثمن أو الصعوبات.
Post: #97 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Khalid Kodi Date: 09-20-2010, 00:47 AM Parent: #96
Quote: هسة بالله زي محمد فرح دا فايدتو للبشرية شنو
ياخي بشرية شنو!..
فايدتو للإنقاذ الكعبة دي شنو؟
شكرا أستاذنا أحمد المرضى.
Post: #98 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-20-2010, 00:59 AM Parent: #97
معاكم
Post: #99 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Ashraf el-Halabi Date: 09-20-2010, 01:40 AM Parent: #98
لو حضرت حفلة لايف لرشا يا عمر حتآمن
محمد فرح مناصر النظام في الباطل، حتتوقعوا منو شنو؟
Post: #104 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبدالأله زمراوي Date: 09-20-2010, 01:53 AM Parent: #98
رشا شيخ الدين في (ويا وو ايلان وليسي) بلغتنا النوبية قد أيقظت في دواخلنا جذوة الفرح المخبوءة وعانق صوتها الرائع نخلاتنا في أرض السكوت وحلفا والمحس ولو تغنت بهذه الأغنية الرائعة وتوقفت عن الغناء لكفَّتها....
صوتها يشدني جدا وأتمنى لها دوام النجاح حتى تصير عالمية مكتملة وتمثلنا خير تمثيل...
هذا الذي يتخفى وراء فرح ما هو إلا إنسان فظ غليظ همجي لا يحسن الكلام ولا يعرف المقام، كاذبٌ أشر ولا أدري ما الذي يجعل شخصا مثل بكري عُرف بمعرفة الحق أن يغض الطرف عن هذا الكائن الهلامي الظلامي البائس ال م ن ح ط ة كلماته. وهو ليس وحيدا هنا، وإنما هناك أناس يفوقونه سوءٍ ويمشون ما بين البوستات بكلماتهم البائسة ال و ض ي ع ة يشتمون خلق الله بأفظع وأشنع وأسوأ الألفاظ، وكأنما خُلقوا لكيل الشتائم وتوزيع الألقاب وترويع الناس. لا بد من تفعيل اللائحة وإلا فإن هذا المنبر سينفض سامره ويبقى وحيدا ينعق فيه البوم من أمثال فرح وشبيهه وأشباهه....
Post: #111 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Salah Abdulla Date: 09-20-2010, 05:37 AM Parent: #104
والله أنني أستحي أن أكون في مكان واحد مع شخص بمثل هذا القبح.. آن لبكري أن يفعّل قوانينه..
Post: #112 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد أبوالعزائم أبوالريش Date: 09-20-2010, 06:23 AM Parent: #111
سلام لصاحب البوست ورواد البوست.
إلى المدعو محمد فرح .....
طُلب منك كثيراً أن توقف القرف الذي تلقي به وسط العالم.
إن رشا شيخ الدين، فضلاً عن حب الكثيرين لها، فهي شقيقة زملاء لنا في هذا المنبر، هم:
1) تماضر شيخ الدين. 2) هشام شيخ الدين (يا زول) 3) الصادق شيخ الدين (أبو مريم). 4) تبارك شيخ الدين.
إذاً فهي شقيقة لكل أعضاء المنبر (لا تحسب نفسك).
لم يتّخذ أمين الموقع تجاهك أي إجراء فيما قمت به من قبل، وكما فعلت من قبل، ستجدني متصدياً لك في كل بوست تفترعه أو مداخلة في بوست تحشر نفسك فيه.
الله يقرفك
Post: #131 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Deng Date: 09-20-2010, 12:37 PM Parent: #104
الفنانة رشا شيخ الدين تمتلك موهبة فنية عالية، وقد لا يعرف أو يفهم هذه الموهبة الذين يستموعن الى نوع معين من الموسيقى. معظم الفنانين الكبار قد لا تعجبنا بعض أغانيهم أو طريقة أدائهم لبعض الاغنيات ولكن في نهاية الامر هم فنانين أو فنانات كبار وهذا الأمر ينطبق على الفنانة رشا شيخ الدين التي وصلت الى العالمية في زمن وجيز. العالمية التي لم يصل اليها عدد كبير من الفنانين الذي نسميهم في السودان "فنانين كبار"
أما تعليق الشبح الذي يكتب بأسم محمد فرح فهو تعليق يشبه أهل الانقاذ ويشبه ضيق صدرهم بالاخر. وكل ذلك سببه هو أن الفنانة رشا تحدثت عن عدم وجود الحريات في السودان. للأسف الشديد هنالك عدد كبير من أعضاء هذا المنبر يحملون نفس أفكار محمد فرح ويعبرون عنها بهذا المنبر في كتاباتهم. يجب أدانة مثل هذا التعليق السخيف من الجميع.
Post: #138 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد اللطيف عبد الحفيظ حمد Date: 09-20-2010, 02:36 PM Parent: #104
حقيقة استمعت لرشا مرة واحدة وأعجبني صوتها وأدائها لأغنية حقيبة وأغنية عذارى الحي!!!
أداء مميز ولكني لم أشاهد اللقاء التلفزيوني
وبالمناسبة دي رغم أن كلام الموصلي لم يقع عندي واطة!!!!!وأعجبني ما قاله عن الاجترار وعن تفرد نهى عجاج لكن لا يعجبني صوت نهى وإنما صوت نانسي هو الأجمل عندي!! بل أقول لكم لا أرى من الأصوات النسائية الحالية إلا "نانسي عجاج وعافية حسن" صوت يمكن أن يضع له مكانة في الأغنية السودانية مثلما وضعته قبلهم الفلاتية.
Post: #143 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: بدر الدين الأمير Date: 09-20-2010, 09:16 PM Parent: #104
Quote: مسودين وشنا بره الله يسود وشكم
ياخى دا تعبير يشبه كمن يغرس سكين في قلبه طيب ايهما ازلى مصحف عثمان ( الذى يكرس تقبيح اللون الاسود) أم الكعبة المشرفة السوداء التى تزيد قدسيتها بالحجر الاسود وكل المسلمين بشتى الوانهم ومشارقهم ومغاربهم ومزاهبهم حلمهم الازلى وهم يطوفون حول الكعبة السوداء الموشحة بالسواد لمس الحجر الاسود ليرضى عنهم الله ويرضون هم عن انفسهم حتى عمر البشير عمل كدا وفاكر ان لمس الحجر الاسود بعمل مسح لزهق الارواح
Post: #100 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tragie Mustafa Date: 09-20-2010, 01:44 AM Parent: #97
.....يقولوا شنو ذاته في بوست زي ده ما عارفين.....
كدي اولا يا جماعه ادوها صنه وما تزعلوا من بكري
بكري في اجازه وكان في حفله وغجا يغادر في طريقه لاريزونا بلاده حاليا.
اها لحين الوصول....
انا مبسطوه من تعليق محمد فرح لانه وضح لينا فعلا ازدواج المعايير في هذا الاون لاين....
ظل دكين يكتب لي هنا يا م ضراع!!
ولم اقرأ اي ادانة لهذا التعبير السمج و السخيف و الغير مهذب
والبوضح انه انتقل من تقيم مشاركاتي لشخصي....ولكني مستباحه
بحكم من اعتبرهوا انتماء عرقي مختلف عنهم!!
للاستاذ المبدعه رشا شيخ الدين
اعتذر لك يا فنانه عن هذا التعبير الغليظ....وان هذا الشخص لا يمثلنا
ولكني دعني اكشف لك اوراق من قد تكوني توهمتي من مطالعة ادانتهم بانهم اخلاقين
صدقني هم ناس كومي وكومك وصداقاتي وصداقات....لأذا ادانوا اما انا كامرأه اعتبرونها
تتصدى لقضايا الهامش واعترفت بانتمائها لدارفور كان طبيعي ان تنتهك آدميتي لحد التعليق
على ملامحي الجسمانيه...ولم تجد اي ادانه من عشلا البايات ومقنعي الكاشفات.
بل حتى اخوك تبارك شيخ الدين شارك قبل اقل من يومين...بمداخله غريبه
تحدث عن ان زوجي من اصول فلسطينيه ويحس بالدونيه في الاردن وما عارف ايه
رفم ذلك ايتها العزيزه اعتذر لك باسم شرفاء ومستنيري الاون لاين غير العرقين
عن هذا التعبير الغبي....والذي يسيء لشخص من كتبه قبل الاسائه لك.
واسمحي لي ان اعطيه درسا عن مفاهيمنا كجندريات عن معنى الجسد وعن تصالحنا مع ذواتنا
واننا لن نقيم بتقيم الرأسماليه السلعيه للمرأه.
وكني بخير ايتها المبدعه واسمحي لي بتسطير راي عن ادائك ايضا
حس ما سمعت لك ولم اراك بعد وان كنت احلم بذلك الشرف.
Post: #101 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tragie Mustafa Date: 09-20-2010, 01:47 AM Parent: #100
انا لا افهم في الاصوات كثيرا
ولكني كمتلقيه عاديه اعتقد بان الاستاذه رشا شيخ الدين
فنانه جميلة الصوت وذات صوت قوي ورخيم ويعجبني ادائها.
وللذين يرونها جاده زياده عن اللزوم
اعتقد هذا طبيعي...كفنانه مثقفه اكيد تعرف رشا وتدرك كل التنميطات
التقليديه في مجتمعنا المحافظ تجاه الفن...لذا تحرص ان تكون جاده
وقد يكون هذا صار لها طبعا فوق المسرح,وان كنت اثق انها في حياتها العاديه
انسانه مرحه وحبوبه ويحلوا التعرف بها و الاحتكاك بها.
كفنانه متلزمه ايضا بقضايا كثيره فان هذا هو الاطار المتوقع من قبل
الغالبيه منها.فالتحيه لها في التزامها وجديتها.
Post: #106 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tragie Mustafa Date: 09-20-2010, 02:06 AM Parent: #101
الجندريات وعلاقتهن بالاوزان......
اولا نحن عموما كسودانيات لسنا رشيقات
بل اغلب اغانينا وتراثنا تتغزل في المراه البدينه
يبقى تراثيا نحن متصالحات مع الوزن الزائد بمعايير الغرب.
الجندريات....اهتمن بتطوير نظريات مختلفه
فهن يهتمن بالوزن من باب الصحه فقط وليس لكي يعجبوا الرجل
ويعتقد بانه تطوير ميزات اخرى بهن اهم من قضاء الوقت كله
لينلن القد المياس بمواصفات الغربين للرشاقه.
الاستاذه رشا شيخ الدين ليست بدينه لحد ان تعيب
فقط الكاميرا لها زواياها....ثانيا لبس الموضه له ضريبته
يعني لو لابسه ثوب سوداني تحمد ربها سيده سودانيه جميله بالمقاييس السودانيه.
ويكفيها شرفا انها لم تحتاج ان تلجأ لحقن الانسولين كما يفعلن بنات هذه الايام
ليحصلن على القامات الممتلئه,ولم تبلع الكورتيزون ولم تحقن بحقن الدواجن!!
كل هذا تفعله بعض بنات السودان اليوم الغير متصالحات مع زواتهن واجسادهن.
رشا لم تطلع المسارح عارضه نفسها اداة للمتعه حتى تهتم ان تعجب عيونكم
هي تحرص ان يركز على فنها صوتها وأدائها وانفعالها بكلماتها التي تؤديها
وقدرتها على الانسجام مع الآلاتها الموسيقيه.هذا كل المطلوب من اي فنان مهتم بفنه.
آخير تعليق محمد فرح السمج يوضح قسوة التعدي الذكوري و التجني على الاناث
يعني انا انثى انا امراه ملزمه ان اعجب ذكورته!!
ونسي انها تخاطب ذوقه ولا يهمها عجبه الذكوري من عدمه!!
كذلك
هل ماسعنا يوما نقد لمظهر رجل فنان؟؟!!
بانه زائد الوزن من عدمه؟؟؟
فاشمعنى النقد لرشا الانها امرأه؟؟!!
كدي طيب شوفوا لينا حملات تشحيم ولا حقن انسولين لمحمود عبد العزيز وزيدان ابراهيم
برضو لاني حقيقي بشفق عليهم من قدر ماهم نحاف!
وماتنسوا تريضوا لينا معظم فناني السودان الذكور تحديدا لانه قاماتهم غير رياضيه
بنظرنا نحن النساء.
Post: #102 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elbagir Osman Date: 09-20-2010, 01:50 AM Parent: #100
In Canada we hear Rasha proudly on the English and the French fm.
The degrading of women is an essential part of the Ingaz culture
Farah is criticizing Rasha because she commented on the lack of freedoms in Sudan
Elbagir Musa
Post: #103 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-20-2010, 01:51 AM Parent: #102
Farah is criticizing Rasha because she commented on the lack of freedoms in Sudan
Post: #105 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: معاوية عبيد الصائم Date: 09-20-2010, 01:53 AM Parent: #100
غايتو يابكرى الناس الجاه ضغط وسكر ووجع قلب من هولاء القذرين الفرحاب؟
مسئوولية تاريخية فى رقبتك!!!!
اذن من هم هولاء الاوغاد السفلة؟
ريحنا يا خ الله يريحك دنيا واخره
سلام
مليون تف لمجوعة فرح !!!
Post: #107 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: كمال عباس Date: 09-20-2010, 02:13 AM Parent: #105
تحياتي أخي حاتم علي :
Quote: أستمع لرشا شيخ الدين منذ قرابة الثمانية سنوات و كنت معجياً باغانيها منذ ايام كنا نستمع للغناء في Junkbox و ننقله بالهاردسكات قبل إختراع الفلاش ديسك و لم يحدث ان مر على غنائها إنسان إلا و تفاعل معه إيجاباٌ غالباٌ و سلباً نادراً و هو دور الفنان عموماٌ بأن يثير حراكاٌ ثقافياُ و إجتماعياٌ يرقى بمستوى الفن ونقاده و طريقة تفاعل الناس معه حتى عرفتها عن قرب و هالتني شخصيتها القوية وإلتزامها تجاه فنها و رسالتها التي ترغب في إيصالها عبر فنها لمتلقيها ، فرشا تغني بالسودانية و العربية الفصحى و الانجليزية و الأسبانية و لربما لغات اخرى لا اعرفها غير انها تعرف ما تريد و ماذا تريد إيصاله للمتلقي و أهم من ذلك إلتزامها تجاه ما تؤمن به حتى انها لتذكرني بالراحل المقيم مصطفى سيد احمد
شكرا علي التعريف الضافي والممتع ببعض جوانب الفنانة رشا شيخ الدين شكرا للأستاذ خالد كودي علي هذا التشخيص الرائع:
Quote: فطابع الظلاميين هو الخوف من الانفتاح و من الحرية، الانكفاء على ماهو مستهلك وإعادة تكراره لاستهلاكه مرة أخرى وهكذا للأبد.. أوليس هنالك من يريد أن يرجعنا لنعيش معه فى القبور أو القرون الوسطى بدم بارد؟ الخوف هو صفة أصيلة من صفات الظلاميين، فالظلامى جهلول، يخاف من كل جديد ومجدد، يخاف من التجريب ، لايشعر بالامان مع مالم يتعود عليه، ويصعب عليه التصالح مع ماهو بدعه او إبداع، فهى عنده فى النار . فالظلامى ينكفىء على نفسه ويجد الدفىء فى البعد عن البدع متى ماكانت تختبر أصنامه . فالموسيقى، والغناء كأحد فروعها حالة بطبعها خلاقه، وتقدمية ومتجدده، أو هكذا يجب ان تكون... مايجرى فى السودان هو الربه، والفقر والكساد والجفاف.... الدولة العابده ذات موسيقى وغناء ماقبل العجله!
أما محمد فرح فهو تجسيد حي للعقلية الأنقاذية في عدائها الصارخ للفن والمراة والإبداع والجمال وربما يكون سقفه الفني لايتعدي إغاني الدفاع الشعبي وبرنامج ساحات الفداء والقيقم وشنان ولايعترف بسواهم !! ولربما يسعي صاحبنا لإقامة شرطةنظام عام أسفيرية- تحدد لنا- وتفرض علينا الشكل "النمطي" الذي يجب أن تظهر به النساء .......
Post: #108 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Mohammed Tirab Date: 09-20-2010, 02:21 AM Parent: #105
ليس لي
(باع) كما للكثيرين
ولا حتى ناقة ,,,,,
في عالم الغناء والموسيقى
لكن تقول أذني
و كذا مواقع احساس
(مش عارف بالضبط هي وين)
ان الاستاذة رشا فنانة مقدرة
وصوتها جميل
واسمح لي اخي ( في رواية ابني لانه ابن اخ صديقي العزيز كامل) عمر الفاروق
ان انسخ والصق ما جادت به قريحتي هنا من انطباع وما نصح به صديقي الروسي (المهتم بالموسيقى)
Quote: Re: المبدعة : رشا شيخ الدين (Re: sanaa gaffer)
أذكر اني في خواتيم العام 1998,حينما هممت بمغادرة موسكو,,,وكان لون الموسم شتاءا
قررت ان امر على بائع الاسطوانات الذي الفني وعرفته,,,والف ان اشتري منه دائما الجديد في عالم
الموسيقي ,وبرامج الكمبيوتر,,وقد عرف هواي الموسيقي ,فقلت له جئت لوداعك وشراء آخر ما اشتريه من
موسيقى من موسكو,,,فقال خذ هذه "راشا"فقلت ,ومن هي "راشا" هذه فقال لي: هي من عندكم ,سودانية1
,,,,حسبتها "نكتة وداع ",,,فلما رآني اضحك قال لي: انا جاد فيما اقول!!!
فأخذت علبة ال سي دي وقرات ما خلفها ,فكان المديح ,والنوبة , واقيس محاسنك بمن
فلم استطع ان اقس المحاسن بأخرى
بل كانت الدهشة وكان الكبرياء
فلك الانحناءة,بقدر شعوري يومها بالكبرياء
ولك التحية وقد بعثت الدفء في قارس موسكو القاسي شتاءاً
د.محمد عبدالله تيراب
13-02-2008, 11:41 ص _____________________ الحق يعلوا ولا يُعلى عليه
Post: #109 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: mutwakil toum Date: 09-20-2010, 03:54 AM Parent: #108
أدين سلوك محمد فرح، وأطالب بفصله
---- مع قناعتي الكاملة انو محمد فرح ده doesn't exist
Post: #110 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elmuiz Haggaz Date: 09-20-2010, 04:32 AM Parent: #109
اسايد فروم موحمد فرح
اطالب بالتحاق المدعو عمر الفارغ
ببرنامج الصلات الطيبة وذلك ليقينى بانعدام حاسة السمع
لديه.
Post: #113 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: doma Date: 09-20-2010, 06:38 AM Parent: #110
محمد فرح يجب فصلك نهائي التحيه لرشا شيخ الدين انسانه بمعني الكلمه تغطي عين الشمس ولكم يتشرف السودان بامثال رشا
Post: #114 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: طلحة عبدالله Date: 09-20-2010, 07:33 AM Parent: #113
عمر صاحبي اللايوق سلامات وأشواق غايتو غنا رشا ما سمعتو عشان كدا ما طالبني فيهو تنظير لكن صراحة عجبتني دي :
Quote: أخوي الكبير مرة ساق معاهو زميلو في الجامعة يمني الجنسية
Quote: مرة أخوي واقف في واحد من البوتيكات
التحت دا اخوك القبيل المشي الجزيرة واللا واحد تاني .؟ شايفك ساكيهو في أية حتة يمش ليها ياخ .. بالمرة كدا جيب لينا رأيو في غني رشا لأنو رأيك إتا خلاص عرفناهو ..
Post: #115 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: أحمد الصديق Date: 09-20-2010, 07:39 AM Parent: #113
التحية لصاحب الخيط حقيقة رشا كصوت يمكن أن تلتقطه لتسمعه في زحمة الأصوات المطروحة.
أما أدائها وإختيار أغانيها فلا نفتي وأشباه مالك بالمدينة كثُر. ** المدعو محمد فرح إذا لم يحدثوك قبلاً أنت كريه الرائحة والنفَس. إذا لم تراعى مشاعر الفنانة، راعي مشاعر إخوتها بالمنبـر.
Post: #117 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elham abdelkhalig Date: 09-20-2010, 08:15 AM Parent: #115
التحية لرشا شيخ الدين من هنا الي مدريد -غرناطة -ودكار ...وكل بقاع العالم الذي حملت اليها غنانا السوداني ....
لن اتحدث عن رشا كفنانة فهذا الحديث ليس بجديد رشا لاتحتاج لشهادات هنا ...استغرب فقط ان مسيرة رشا الفنية والتي تزيد عن عقد ونصف من الزمان ياتي نفر قليلي الدراية للحكم عليها هنا بناقص القول اقول ناقص القول لان ماكتب من قبل هؤلاء النفر لايمت للنقد الفني او البناء بشيء ...... دهشت كيف لم يكتب اذيال الامنجية اشباه الكيزان من اعضاء البورد مباشرة بعد ظهور رشا في النيل الازرق لان ماقالته رشا في اللقاء فيما يتعلق بالحريات وتقييدها ومالخصته في جمل ذكية ومباشرة عن اسباب انقطاعها كل هذا الوقت عن اجهزة الاعلام السوداني لم يقال في كثير من الحوارات السياسية الواضحة والمباشرةعلي الاقل من قبل فنان
المتلقي السوداني اعتاد علي صورة الفنان السلبية ك entertainer المغني السوداني الذي تزين به البرامج الحوارية المملة هذا موضوع اخر .....
اقول لم يحتمل ماعارفة منو كدة فرح كلام رشا ولم يستطيع الصبر فاورده في مداخلة اعلاه.... نعم فلتبرطع رشا ولتقول الكلام الذي لاتقدرون عليه ..هذا اختبار يضاف لجملة الاختبارات التي تفشلون فيها فشلا زريعا ...حرية التعبير لاتحتمل الكلام المغتغت وفاضي وخمج .....
ثم تانيا منظراتية الفن من ...فاروق وتمبس ومن لف لفه ياخي مالكم ماكتبتوا ليتا عن (ممممممونيكا) او (جوأأأأأأأأأهر) اللائي قدمنا اسفافا فنيا حتي خجلت لقناة النيل الزرق التي تسمح بهذا الانحطاط
الفني ...اتوقعت تاني يوم بعد شوف مونيكا حماة الفن ان يقلبوا الدنيااعلاها سافلها هنا في البورد لماذا لم يكتبو ا؟؟؟؟؟؟؟؟؟؟؟
رشا انتجت وهذا فقط ما اعرفه وامتلكه في مكتبتي الخاصة 1- باندا نيغرا (مجموعة فنانين افارقة يقيمون في اسبانيا) 2- سودانيات.البومها الاول 3- la sal de la vida ملح الحياة مع فنانتين برتغاليتين ) اسمعوه حتي تبكو عندما تختلط السيرة بالفلمنكو والتواشيح الاندلسية. 4- ثم اغاني للاطفال من مختلف انحاء العالم بمشاركة فنانين من جنسيات مختلفة.البوم منفصل 5-شاركت مع يوسواندور الفنان السنغالي العالمي في البوم انتج من اكبراستديوهات افريقيا في دكاروه بمشاركة كل الفنانين المهاجرين الافارقة من كافة ارجاء الدنيا .
6- LET ME BE وغنت عندما صمت الجميع وادانت مجازر الخدمة الالزامية وموت الشباب الفطيس ...
اتتحدثون عن شكل ولون الارهاب اللفظي والتجريح اللفظي dose not work with people like RASHA ده نوع من النساء انتوا مالاقيتوه....
اقول مرة اخري وانا متاكدة ان رشا لاتهتم لاقوال المغرضين والامنجية وبقول ليهم ريحو نفسكم حواوالدة نساء يسدن عين الشمس وهن ليس علي شاكلة من يلوذ بالفرار من كلام ######## الغرض منو اسكاتهن .
دمتم
Post: #116 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: nazar hussien Date: 09-20-2010, 07:51 AM Parent: #113
Quote: انتو خليكم مع بحر الدميرة (الاجتراري
ما هو دي المشكلة زاتا يا موصلي...
فالهرجلة قد حصلت حتي في الاذواق...لأن الكل اصبح يغني واستسهلت الاذن السماع...وما عادت تميز...كنت اندهش جدا حينما يهديني احدهم ما يظنه شريط الموسم...واجده فارغا...الا من زعيق...وصولات ساكس...
وبقدر انزعاجنا من ظاهرة طرب العامة...وهو انزعاج خاص بالاغنية السودانية كلها...
فما بين زمان فتنت بيه...وبعد ايه جيت تصالحني... نشأ جيل يمكن ان يطلب أحدهم من برنامج ما يطليه المستمعون بلد الخير لفرفور فابن اختي وهو طالب جامعي...لا يمكن ان تغالطه في ان اغنية المصير ليست لفنان خلاف طلال حلفا...
خلافي مع عمر...((علي كيفك يا عمر ومستحيل يمكن ان ينضف احدهم اضانك بعد العمر دا...ولكن ان تؤسس لرأي وتريد الاغلبية ان تعتبره حكما فذلك مستحيل... لأن مقومات العمل الفني عند رشا شيخ الدين مكتملة تماما...بس اضانك ما متعودة علي (شغل الكمنجات النضيفة) يا قول البلبلة..هادية طلسم الله يطراها بالخير...
واخير لا الومك ولكن الامر كله ارتبط بكثرة الغناء والمغنين في العشرة سنوات الاخيرة حتي ما عادت الاذن تميز الصالح من الطالح...
تبقي ان ادين ما اورده الكاذب محمد فرح...ولا اطالب بفصله...قبل ان يتعلم الادب...فقد يؤذي نفسه وغيره اذا سرحناه بقلة ادبه...
Post: #118 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: داليا حافظ Date: 09-20-2010, 08:32 AM Parent: #116
Quote: محمد فرح مداخلتك تنم عن وقاحة فاتت حد الوقاحة .
Post: #119 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد عبد الماجد الصايم Date: 09-20-2010, 08:42 AM Parent: #118
بالنسبة لمحمد فرح .. شرحو!
Post: #120 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حاتم علي Date: 09-20-2010, 08:59 AM Parent: #119
Quote: التحية لرشا شيخ الدين من هنا الي مدريد -غرناطة -ودكار ...وكل بقاع العالم الذي حملت اليها غنانا السوداني ....
لن اتحدث عن رشا كفنانة فهذا الحديث ليس بجديد رشا لاتحتاج لشهادات هنا ...استغرب فقط ان مسيرة رشا الفنية والتي تزيد عن عقد ونصف من الزمان ياتي نفر قليلي الدراية للحكم عليها هنا بناقص القول اقول ناقص القول لان ماكتب من قبل هؤلاء النفر لايمت للنقد الفني او البناء بشيء ...... دهشت كيف لم يكتب اذيال الامنجية اشباه الكيزان من اعضاء البورد مباشرة بعد ظهور رشا في النيل الازرق لان ماقالته رشا في اللقاء فيما يتعلق بالحريات وتقييدها ومالخصته في جمل ذكية ومباشرة عن اسباب انقطاعها كل هذا الوقت عن اجهزة الاعلام السوداني لم يقال في كثير من الحوارات السياسية الواضحة والمباشرةعلي الاقل من قبل فنان
المتلقي السوداني اعتاد علي صورة الفنان السلبية ك entertainer المغني السوداني الذي تزين به البرامج الحوارية المملة هذا موضوع اخر .....
اقول لم يحتمل ماعارفة منو كدة فرح كلام رشا ولم يستطيع الصبر فاورده في مداخلة اعلاه.... نعم فلتبرطع رشا ولتقول الكلام الذي لاتقدرون عليه ..هذا اختبار يضاف لجملة الاختبارات التي تفشلون فيها فشلا زريعا ...حرية التعبير لاتحتمل الكلام المغتغت وفاضي وخمج .....
ثم تانيا منظراتية الفن من ...فاروق وتمبس ومن لف لفه ياخي مالكم ماكتبتوا ليتا عن (ممممممونيكا) او (جوأأأأأأأأأهر) اللائي قدمنا اسفافا فنيا حتي خجلت لقناة النيل الزرق التي تسمح بهذا الانحطاط
الفني ...اتوقعت تاني يوم بعد شوف مونيكا حماة الفن ان يقلبوا الدنيااعلاها سافلها هنا في البورد لماذا لم يكتبو ا؟؟؟؟؟؟؟؟؟؟؟
رشا انتجت وهذا فقط ما اعرفه وامتلكه في مكتبتي الخاصة 1- باندا نيغرا (مجموعة فنانين افارقة يقيمون في اسبانيا) 2- سودانيات.البومها الاول 3- la sal de la vida ملح الحياة مع فنانتين برتغاليتين ) اسمعوه حتي تبكو عندما تختلط السيرة بالفلمنكو والتواشيح الاندلسية. 4- ثم اغاني للاطفال من مختلف انحاء العالم بمشاركة فنانين من جنسيات مختلفة.البوم منفصل 5-شاركت مع يوسواندور الفنان السنغالي العالمي في البوم انتج من اكبراستديوهات افريقيا في دكاروه بمشاركة كل الفنانين المهاجرين الافارقة من كافة ارجاء الدنيا .
6- LET ME BE وغنت عندما صمت الجميع وادانت مجازر الخدمة الالزامية وموت الشباب الفطيس ...
اتتحدثون عن شكل ولون الارهاب اللفظي والتجريح اللفظي dose not work with people like RASHA ده نوع من النساء انتوا مالاقيتوه....
اقول مرة اخري وانا متاكدة ان رشا لاتهتم لاقوال المغرضين والامنجية وبقول ليهم ريحو نفسكم حواوالدة نساء يسدن عين الشمس وهن ليس علي شاكلة من يلوذ بالفرار من كلام ######## الغرض منو اسكاتهن .
دمتم
وإذا أراد الـلـه نشــر فـضـيلـة *** طـُويـت أتـاح لهـا لسـان حسـود لولا اشتعال النار فيما جاورت *** ما كان يُعرف طيبُ عَرف العود
Post: #121 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبدالمجيد الكونت Date: 09-20-2010, 09:47 AM Parent: #87
Quote: أنا شخصيا أطالب بكرى أبو بكر بتطبيق لائحة المنبر العام على هذا الشخص ...
Post: #122 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عصام دهب Date: 09-20-2010, 10:04 AM Parent: #121
الأخ / محمد فرح .. تحية و سلام .. ليس عيباً أن تخطيء لكن العيب في الإصرار على الخطأ و التمادي فيه .. و عدم إعجابك بالأستاذة / رشا لا يبرر ما دلقته في هذا البوست من كلام جارح و غير مقبول على الإطلاق فما لا تقبله على أمك أو زوجتك أو أختك خليق بك أن لا ترمي به إمرأة أخرى .. يا أخي يلزمك الإعتذار و التأسف و الندم ..
ـــ
_
بالنسبة لموضوع البوست و مع إحترامي لكل الآراء المخالفة لرأيي إلا أنه لدي إحساس بأن هناك مجاملات لرشا كما الأمر في حالة السيدة / شروق أبو الناس من قبل .. غايتو أنا لو عملوا رأسي دة كلو إضنين ما حأستمتع بغنا رشا حتى لو بالرطانة ..
عيبوا لي إنصاف مدني و اللا زبيدة الإنقاذ ديل بس
Post: #124 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 11:33 AM Parent: #122
يا خدر:
Quote: عمر الفاروق .. اتوقعت موقفي ده منك لانك صاحب البوست و خذلني صمتك
ما كنت حابي ارجع للبوست ده نهائي بس جابني كلامك ده يا خدر .. أول حاجة انا اول زول كتب تعليق لي محمد فرح ده وإمكن إنت ما لاحظتو .. الأهم من ده كلو وانا ما بحب اتكلم عن تصرفاتي في الغالب بس قررت ما اجي البوست بعد قريت الكلام السخيف ده بل ومشيت لي ابعد من كده ووصيت زول يكلم بكري يحذف البوست لأني بقيت سبب في تأذي زول من كلام جارح في خلقتو .. معليش للأستاذة رشا شيخ الدين لو بي سببي اتجرجرت لي الحتت دي وخلينا ما نلخبط الكيمان وح اواصل في وقت تاني موضوع نقدي ليك كمستمع عادي بعد الدنيا تروق .. ياخ الكلام الاتكتب ده مؤذي مؤذي مؤذي وطمم بطني من اي شي يا خدر باختصار ..
تخريمة : طلحة يا حبوب تصدق هو نفففس الأخ صلاح شيخ الدين (عايز اخت ليك وش ضاحك بس والله ما قادر صدق ؟)
Post: #126 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 11:48 AM Parent: #124
لو في كلام قبيح وبيشبه كلام محمد فرح فهو ما كتبته الإسمها إلهام دي :
Quote: ثم تانيا منظراتية الفن من ...فاروق وتمبس ومن لف لفه ياخي مالكم ماكتبتوا ليتا عن (ممممممونيكا)
عشان مونيكا سمحة ومكسرانة ومدشدشة ابو اهلنا ..والعجب لما سجلت حلقتا الأخيرة بي إسكيرت حدو الركبة مع توب شفاف فالجمت ألسننا وخلتنا نفتش عن ناس رشا شيخ الدين وننتقدهم .. مش دي فكرتك ؟ تخريمة : فهمك ده بيخلي إنو كلام محمد فرح ممكن يبقا مقبول فياريت لو الناس الجايطة هنا بتفهم تنتبه لي كلامك ده وتسكتك زي ما سكتت الزول ده ..
Post: #133 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Elham abdelkhalig Date: 09-20-2010, 12:43 PM Parent: #126
Quote: عشان مونيكا سمحة ومكسرانة ومدشدشة ابو اهلنا ..والعجب لما سجلت حلقتا الأخيرة بي إسكيرت حدو الركبة مع توب شفاف فالجمت ألسننا وخلتنا نفتش عن ناس رشا شيخ الدين وننتقدهم .. دي مش فكرتك ؟
ده حالتو قلت ماداير تدخل تاني ؟؟؟؟ واصبحت بقدرة قادر قاري لافكار الناس ..وقررت تماما في ماذا افكر ...ماكان تكتب الكتبتو اعلاه لانو عبر تماما عن مستوي تفكيرك ....
..ياخي نحن الافكار الفي راسنا انت مابتقدر عليها ....
تاني اغراق في التعصب بيتجلي في اعتقادك الجازم انو دي فكرتي ...ياخي في قول بقول (كل اناء بما فيه ينضح) حاول افهم دي .... يعني بما اني لم اذكر الافكار ال########ة الكتبتها اعلاه اذا دي مافكرتي الا ان كنت انت علام بما في القلوب ودة طبعا ماممكن ولا كيف؟ .... اسي الجاب سيرة الاسكيرت بتاع مونيكا منو ولا سماحتها منو القصة بقت سمحة وشينة ولا شنو ؟؟؟؟؟ ...اعتقد ان بوستك يتحدث عن مستوي الاداء والامكانيات الصوتية وهو بوست قيم حيث يتم فيه اسداء نصايح قيمة جدا بتوجيه الملكات والمواهب الي مكانها الصحيح ..ولا انا غلطانة او تكون انت اصلا من البداية قاصد كلام زي بتاع فرح دة ...
علي العموم سعيدة بمساهمتي ومازلت اصر لما لم اجد بوست في نقد ماقدمته الفنانه مونيكا اوجواهر (دي برضو ماتنساها ) في نفس الايام القدمت فيه حلقة رشا .
Post: #127 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: وليد محمد المبارك Date: 09-20-2010, 11:49 AM Parent: #124
Quote: ما كنت حابي ارجع للبوست ده نهائي بس جابني كلامك ده يا خدر .. أول حاجة انا اول زول كتب تعليق لي محمد فرح ده وإمكن إنت ما لاحظتو .. الأهم من ده كلو وانا ما بحب اتكلم عن تصرفاتي في الغالب بس قررت ما اجي البوست بعد قريت الكلام السخيف ده بل ومشيت لي ابعد من كده ووصيت زول يكلم بكري يحذف البوست لأني بقيت سبب في تأذي زول من كلام جارح في خلقتو .. معليش للأستاذة رشا شيخ الدين لو بي سببي اتجرجرت لي الحتت دي وخلينا ما نلخبط الكيمان وح اواصل في وقت تاني موضوع نقدي ليك كمستمع عادي بعد الدنيا تروق .. ياخ الكلام الاتكتب ده مؤذي مؤذي مؤذي وطمم بطني من اي شي يا خدر باختصار ..
ده واحد ظلامي اصلي وهو فردتي وانا افتخر بيه
سلام يا فرده
محمد فرح حريقة تحرقك
Post: #125 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: shabaka Date: 09-20-2010, 11:46 AM Parent: #122
قريباً من البوست رشا فنانة كبيرة ونقلت الفن السودانى وغنانا ده للعالم وعشان كده هى الفنان السودانى الوحيد العملو معاهو حوار وماسألوه عن انتشار الاغنية السودانية فى العالم اظن وان بعض الظن اثم ان السبب الاساسى فى انتشارها الخارجى انها ما قاعده فى السودان وتناولها لاغنياتنا المسموعه خصوصاً اغانى البنات يتم بصورة جاذبة وفنانه جداً لان المزيكا الملعوبه مع اغنياتها مختلفة وجميلة مع حفاظها على نفس الاستايل السودانى عمر الفاروق انت متميز بطريقتك فى الكتابة واجد نفسى معجباً بم تكتب لكن العنوان ما موفق فيهو نوع من تكسير مجاديف تكسير مجاديف فنان وفى الفنان فنانه وفنانه عالميه ولها اسهامها الكبير فيا صديقى (دار فلاح حتى لاتضيع موهبتها) ده كلام ماجميل محمد فرح تعليقك غاية فى السخف وما عندو علاقه بالموضوع
Quote: تعليق سخيف و غير مقبول و الراجح أن سيتسبب في فصلك
بعيداً من البوست صاحب الاقتباس اعلاه أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ؟
Post: #128 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-20-2010, 11:56 AM Parent: #125
Quote:
Quote: تعليق سخيف و غير مقبول و الراجح أن سيتسبب في فصلك
صاحب الاقتباس اعلاه أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ؟
يا شبكة .. انت يا كافي البلا لا بتعرف تغني لا بتعرف تفهم!
Post: #130 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: shabaka Date: 09-20-2010, 12:09 PM Parent: #128
ههههههههههههههههههه بعرف افهم لكن بعرف اغنى ولا ما بعرف هذا امر اتركه لك ياعزيزى انت مالك ما بتقبل النصيحة ياخ انت مش قبل كده قلت عنى السمين الاصلع وجاء معتصم ود الجمام قال ليك كلامك ده مااا ظريف قلت ليهو قارئ اعور اها ده ما امر الناس بالبر ونسيان نفسك على العموم متأسف للتذكير فتأمل
Post: #129 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: DKEEN Date: 09-20-2010, 12:07 PM Parent: #122
بعيدا عن موضوع البوست
ام ضراع ياتراجي ما قصدتا بيها ملامح جسدك زي ماقتي..وان صح التعبير فيما بعد ومرقتي من النوع الذي يمكن التغزل فيه على حد قولك :
Quote: (بل اغلب اغانينا وتراثنا تتغزل في المراه البدينه..يبقى تراثيا نحن متصالحات مع الوزن الزائد بمعايير الغرب)
وحاجة انتي متصالحة معاها وانا ذاتي متصالح معاها ما بنكرها ولاتستحق الاعتذار. بس للتوضيح عشان ماتخمي الخلق دي ساي: ام ضراع دي كنية زوجة مدام فنجاط في مجلة صباح.. والتي كان يقدمها الرسام اسمعيل حمودي.. كان في ضفدع اسمو عجيب الرباط..ضفدع رباطي عديل ..راقي في الربط البرابطو لي الخلق وكان دوباي مجيد ..اها كان شغال هبر وهمبتة.. اها الرباطي ده كان بخاف من شخص واحد فقط في عموم مجلة صباح ( دار صباح) على وزن (مدينة البط) اها الزول البخافو منو ده كانت مدام فنجاط وكان اول مايشوفا يقول( هيييييع.. هلا....ام ضراع) كونها كانت راعية فوضى وعدم منطق.. والزول لامن يكون راعي فوضى وعدم منطق بقولو ليهو (بياخد حقو بي ضراعو) أي بلا منطق .. جرى تمرير الاسم على معاليكم لانو انتي راعية فوضى وعدم منطق وبتحاولى تقلعي حقك عنقلة وكوماج ساي بلا منطق ..وليس لاني بعلق على جسدك.
على أي حال طال الزمن على مثل هذا الاعتذار واعتذر اذا معاليكم حس أي حرج من هذا الوصف وربطو بي الجسد.. انا اصلا ما قايل الوصف ازعجك شديد لدرجة انو تمسكي لي كل هذه الفترة بالرغم غيابك وغيابي عن هذه المفردة.. بس فهمك كعب ..انا اسوي ليك شنو اذا فهمك كعب؟؟ على اي حال انا اعبر عن عميف عيمق اسفي ليس خوفا من لوائح بكري وانما لانو اول مرة احس بي انو انتي شايلة من القصة دي على عكس ماكانت تبدو بها مداخلاتك تلك الايام. البيني وبينك ليس الى قدر هذه الشيلة ياتيتو ياخي.. شاشة وشط داون يامعلم وبس..
قريبا من موضوع البوست رشا شيخ ذات صوت مميز وذو تطريب وادائها لاغنية ياعذار الحي والمدحة يشهدان بذلك.. اول مرة سمعتها قبل اكثر من خمسة سنين تقريبا في مونت كارلو وفعلا خلتني الف وافتشا.. رشا بتقدم شغل مختلف عن السائد.. مختلف تماما ويستحق الاشادة..
اختلف مع عمر الفاروق في نقده ما عدا الذي كتبه في الهلال وماكتبه في شروق ابوالناس.
Post: #132 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-20-2010, 12:42 PM Parent: #129
شكرا دكين علي التوضيح , فطوال الفترة السابقة كنت مقتنعا بان تسميتك لتراجي بـ ( ام ضراع ) مقصود في معناه الحرفي لا كما ( سنسرت ) اعلاه بفنجاط وما تعرف عطوة
Post: #134 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: shabaka Date: 09-20-2010, 12:56 PM Parent: #132
يتكلموا عن المصارعة يقوم يكتب كلام بتاع ناس عاقلين وينزل صورة تثبت العكس فتأمل
Post: #135 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عارف عفان Date: 09-20-2010, 01:22 PM Parent: #134
وهكذا نجح المدعو " محمد فرح " فى تحويل مسار البوست الجميل وافسد علينا الاستمتاع والاستفادة من الحوار حول العطاء الرائع للفنانة " رشا "...
رجاءاً واصلوا فيما هو مفيد وأتركوا الزبد ليذهب جفاء ....
Post: #136 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: ahmed haneen Date: 09-20-2010, 01:38 PM Parent: #134
رشا شيخ الدين
لك كل الحب بقدر مساحة الجمال والطرب التي زرعتيها في روحي
وصرت مدمن لحفلاتك المتتالية في بيت الفنون...
شعرت بالفخر لأنني انتمي لهذا الوطن الفسيح الذي ينجب امثالك ..
لا عليك .. واصلي .. طريق الابداع ..
لك الورد ولهم الحصرم
اما النكرة محمد فرح ..
فله اقول كما قال صديق الموج
Quote: مافى زول اسمه محمد فرح على فكرة ديل امنجية المنبر البديهم بكرى باسورد بدون مايتاكد من اى معلومه هو حر طبعا يعطى الباسورد من يشاء ويسحب الباسورد ممن يشاء لكن سوف يورد هذا المنبر مورد تهلكه.. وبعدين يا بكرى ماعاوز توقف شبح زى ده اسحب الكلام الفارغ.. ده مكان محترم ما ماخور اقل شىء مفروض الناس تحترم فيه بعض وتعتنق ما تشاء من مذاهب و تتبع ما يروقها من ايدولوجيات والى قرار بكرى نحن منتظرون،،،
Post: #137 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: انعام حيمورة Date: 09-20-2010, 02:35 PM Parent: #136
Quote: ياخ الكلام الاتكتب ده مؤذي مؤذي مؤذي وطمم بطني من اي شي يا خدر باختصار ..
بالله يا عمر الفاروق انت عندك احساس وقاعد تتأذي ..
ما قاعد تشوت في الناس شمال ويمين وما بهمك شعورهم يكون شنو ؟
من زمااان أحسب ليك ؟
ولي العنوان دا : رشا شيخ الدين عليها الإلتحاق بدار فلاح حتى لا تضيع موهبتها..
التحية لرشا شيخ الدين
Post: #139 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 03:22 PM Parent: #137
للذين يتحدثون عن العنوان توضيح بسيط عشان ما تمشو بعيد .. العنوان مقصود تماماً ويا شبكة يا حبوب بجيك بي رد مفصل في قولك بس للعموم أقول العنوان مقصود وما فيهو أي إستهتار والله .. رشا شيخ الدين بارعة في القرع على الطبلة وللناس البتفتكرني بستهزئ بي دار فلاح يبقا ما عارفة إنو عمر اضانو اتربت وقامت في دار فلاح ولم ولن يمر زواج لأسرة ال العجب إلا وكان كللللل (الحنن) بمجموعة من فناني دار فلاح حتى صار الزواج عندنا إسمو (نسايم الليل)..دار فلاح دي خلو وليد الشفت يجي يحكي ليكم عنها احسن مني انا بس ليكم ولي الزمان ما عاش البيستهزئ بي دار فلاح ووالله إنه لشرف عظيم لها ان تلتحق رشا شيخ الدين بدار فلاح وفعلا فعلا انا أعني تماااما ما كتبت .. بالمناسبة انا معجب جداً جداً بطريقة إنصاف مدني في (دق) الدلوكة وكن بغرض فتح بوست بالخصوص ده لأنو عندها طريقة مميزة في النقرشة على الدلوكة اليد قريبة من الدلوكة ومع كده بيطلع نغم غريب وعجيب ..
Quote: ...ياخي في قول بقول (كل اناء بما فيه ينضح) حاول افهم دي ....
بالنسبة لي إلهام فياخ أحييك جبتيني تالت للبوست وخليتيني أنطط الناس دي كلها واجيك .. ببساطة وعشان ما تعملي شيطانة فلو إنتي متابعة فتمبس ده تحديييداً قال قبل كده إنو متمني يفتح بوست عن جواهر وإيدو أكلتو بس ما فاضي وكتب هنا في البوست ده وقال لي يا عمر ياخ اكتب لينا عن جواره فكتبت بوست فتشيهو بتلقيهو عن جواهر وكتبت عنها حاجة واااحدة بس(ماف شي يتكتب عن جواهر غير إنها لبست توبا مرتين مرة في الحلقة ومرة في دعاية ابو الفاضل) غير كده ما أظن في حاجة ممكن تكتب.. بالنسبة للأناء اللي بما فيه ينضح فياخ شكراً لي نبزك الراقي ..
تخريمة إنعام حيمورة : مبروك العرس يا اختي..
Post: #140 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-20-2010, 04:03 PM Parent: #139
Quote: تخريمة إنعام حيمورة : مبروك العرس يا اختي..
وسام كاتبي المفضل لهذا اليوم فقط
Post: #141 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: انعام حيمورة Date: 09-20-2010, 04:50 PM Parent: #140
وانت فرقك منو شنو يا أساسي ؟
Post: #164 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-21-2010, 08:27 AM Parent: #141
Quote: وانت فرقك منو شنو يا أساسي ؟
لا هناك فرق كبير فانا اراه شخص مجامل يضيع كثيرا من وقته في مجاملة من يستحق ومن لا يسحق المجاملة
Post: #165 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: انعام حيمورة Date: 09-21-2010, 08:35 AM Parent: #164
عشان كدة الحمد لله ما جاملناك ########نا وقتنا
Post: #166 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-21-2010, 08:50 AM Parent: #165
Quote: عشان كدة الحمد لله ما جاملناك ########نا وقتنا
ومن يهتم اصلا !! كنا اصلا قد تواصلنا مع من نسعي ونطمح في مجاملتهم وقد فعلوا وفعلنا
Post: #142 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Abu Mariam Date: 09-20-2010, 08:51 PM Parent: #139
عُدل لضيق وقتي واللا موضوعية
انسحاب كامل
Post: #144 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 09:49 PM Parent: #142
بو مريم : مع إني ما عرفتك لكن ما كلفت روحي عناء البحث كلنا هنا في النت ناس ساي ..برة ده ممكن يكون فهم تاني وعالم تاني لكن هنا ده في بورد بكري ده كلنا ناس ساي كيبوردات وشاشات وماوسات ..
Quote: أنت يا عمرالفاروق منو؟
انا عمر الفاروق ..أسة أوضح هي ولا أبو مريم في التعريف؟
Quote: كتبت آل العجب وبرضو ما عرفتك،،
انت فتشت في ياتو ال عجب ..؟ ركز على فيصل وموسى عجب بتصل سمح ؟
Quote: وعلاقتك شنو بشنو؟
ولا شي في أي شي..
Quote: أنت موسيقي؟
لا
Quote: هل القصدمن كلامك ده نقد موسيقي؟
لا .الموسيقى دي ما جبت سيرتا ..قلت زول صوتو ما حلو ما هبشت موسيقتو لسة ..
Quote: انت مع منو؟
الهلال ومحمود عبد العزيز ..
Quote: داير كلام بتاع نقد موسيقي؟ أو داير كلام تاني؟
أختار الإجابة رقم إتنين
Post: #145 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Rawia Date: 09-20-2010, 10:36 PM Parent: #144
Post: #146 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Abu Mariam Date: 09-20-2010, 10:36 PM Parent: #144
عُدل لضيق وقتي واللا موضوعية
انسحاب كامل
Post: #161 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-21-2010, 00:10 AM Parent: #146
الصادق ... اقوم البس امشى وين؟ براحة يا حبيب ... لا أعتقد انو تعليقات "عمر الفاروق" عن عدم جماهيرية رشا ... أو عنوان البوست عن "دار فلاّح" مقصود منها الإستفزاز أو الوقاحة على طريقة محمد شبح ...
عمر الفاروق حكم على جماهيرية فنانة فى دولة غنت فيها 6 مرات فقط ... خمسة مرات أمام جمهور غالباً صفوى ومرة فى محطة تلفزيون ... ويعتبرها مخفقة فى الإنتشار الذى لم تسعى إليه ... وأوضحت أسبابها فى عدم السعى إليه ...
انا قمت بالكتابة عن فنانين الصفوة وسقت له الأمثلة لتلطيف الجو ... وفنان الصفوة بالمناسبة هو الأمثل للإنتشار الجماهيرى ... ولكن لكل فرد منهم ملابساته الفردية الخاصة به التى منعته من الإنتشار والجماهيرية ... ملابسات رشا سببها التزامها تجاه فنّها واحترامها لشروط البيئة التى تقدّمها فيها ... وعندما توفرت لها شروط تحترم الحريات عالمياً؛ لم تخفق فى الإنتشار عالمياً ... ولكن تسرّب غناءها للسودان - عن طريق من لديهم امتياز الإطلاع على الغناء العالمى، وأغلبهم صفويين - دون أن تستهدف الجمهور السودانى لسماعها ... وعندما رأت أنها يمكن أن تغنّى فى هذا الحفل أو ذاك اللقاء التلفزيونى فى السودان ... غنت ولم ترفض ... وأعتقد أن من عمل معها فى تنسيق حفل أو لقاء يعرف أنها لم تتنازل عن شروط البيئة التى تغنّى فيها ...
نحمد الله أن الظروف فى السودان اصبحت تسمح بغناء رشا حفل أو حفلين ... ولكننا لا زلنا بعيدين عن مرحلة عودة الطير المهاجر ... ولن نحكم عليهم قبل الجمهور ... لأن العوامل التى تحكم النجاح والفشل كثيرة ومعقّدة .... ورشا تستوفى كل الشروط التى تقع على عاتقها ... معرفة ... رؤية جديدة ... صوت (الماعاجب عمر دا) ... تكنيك تطريب وتحكّم فى الصوت ... طريقة اختيار للأغانى ومعالجاتها اللحنية ... كل ما يجب على الفنان أن يبذل فيه مجهود ... ولمن الفنان يبذل مجهود زايد فى أشياء لا تتعلق بمهنتو وطرحو المسألة دى بتظهر ...
... المهم ....
Post: #147 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 10:37 PM Parent: #144
من النقاط التي أعتبرها ضعيفة لإقناعي بما تقد رشا شيخ الدين هو ما يقال عن أن رشا أنتجت أسطوانات باللغة الأسبانية والانجليزية وتغنت بالفصحى والدارجة ورطنت ومدحت . نعم فعلت ذلك ولكن كل هذه الأعمال تحت صوت واااحد إسمه صوت رشا شيخ الدين .. تجتوج زماان كان عندو برنامج في MBC ومن انجح البرامج ولاحقاً الجماعة طلعوهو (عوير) .. عبد القادر سافر لما فتر لي اوربا نعم بعد يرجع بيقولوا لينا قصص كده وأن الأغنية السودانية جات الأولى وتعجب الخواجات من هكذا موسيقى وهكذا فن ونططو وفنجطو ثم سألو هل هذا فعلاً السودان ؟؟ كلامكم ده أداني إحساس إنو لو مشيت شارع الدكاترة في مدريد عااادي جداً ممكن اقول ليهم عايز شريط رشا يقوم راؤوول سيد المحل يقول لي والله خلص قبل اسبوعين .. مع إنو ده ما غرضي من البوست عملية الانتشار وما قدمت رشا انا اتكلم عن صوت رشا وتطريب رشا ..موسيقى دي لسة ما جبنا سيرتا .. اذا كان رأي كل الناس اللي مقتنعة بي رشا فعليهم طوااالي يضفو معاها عابدة الشيخ في نفس المرتبة غير أن عابدة ما عندها عازف ساكس مبرم شعرو ولا جاي من اسبانيا .. مع إنو عابدة دي غنت كتف بي كتف مع حسن عطية وابو داؤوود لكن برضو تعبانة .. احترم مشروع رشا وفكرتها فده إجتهاد يحسب ليها وهنيئاً لها ان تنشر اعمالنا للخارج لكن داخلياً لن تتخطى رشا إعجاب أسرتها بها وقليل من بورداب سودانيز أون لاين إضافة لي خمسة اشخاص من رواد بيت الفنون .. إذا كان حديثكم عن رشا خارجيا فياخ انا برة ما طلعت وما عارف وإذا بتتكلمو اداخلياً فأنا معاكم في رهان رشا ستكون صاحبة تجارب إجازات العيد فقط ..
Post: #148 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: smart_ana2001 Date: 09-20-2010, 10:51 PM Parent: #147
عمر الفاروق...ازيك? انا بسمع لرشا من حوالى اكتر من ١١ سنة. صحيح ما سمعت غير البوم سودانيات لكن المشكلة فى انا الى ما فتشت. انا ما خبيرة موسيقى و اصوات لكن بسمع غنى كتير جدا جدا. و حقيقى صوت رشا من اجمل الاصوات السودانية اللى انا سمعتها. ــــــــــــ_________ محمد فرح.....عيب
Post: #149 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Abu Mariam Date: 09-20-2010, 10:53 PM Parent: #147
Post: #151 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 11:14 PM Parent: #149
عمر الفاروق شيخ الدين .. وعمر الفاروق إسم واحد .يعني إسمي زي إسمكم بس الفرق بيني وبينكم إنو شهادتي ما مجروحة في رشا ..الغريبة إنت كمان عجبتني فيك مداخلتك الواضحة دوناص عن أخوانك في قصة شهادتي مجروحة اللي ما فهمتها سواء من تماضر أو تبارك .. بالمناسبة انا ما كنت عايز أرد عليك في قصتك بتاعت جاد وبتهاتر دي لأنو سؤال ما جميل .. انا لو جاد بي مهاترة مكن تقول اوكي عشان ما تمسكني بعدين اذا لقيتني كتبت اي تعليق مضحك .. كلمتكم فوق يا الصادق وقلت ليكم علمياً ممكن تجو تدوني لوري محاضرات وانا متأكد كلامك العلمي ح يكون صاح ولي كتير من الموسيقيين الهنا ديل عشان كده انا لما بقول ليكم زول ساي ومستمع بي اضنين كنت قاصد الحتة دي .. زمااان عندنا صاحبنا زول شاااطر وكان اول دفعتو في الكهرباء بجامعة السودان لحدي ما اتخرج .. حبوبتو يوم قالت ليهو يا فضل يا ولدي شوف لي تلاجتي دي بايظة فيها مشكلة وبترترت وتطفي وتشتغل على كيفا !!! قال ليها يا حبوبة مشكلة تلاجتك دي حوليها لي في مسألة وقولي لي مر تيار وكانت المقاومة تساوي كده وفرق الجهد كده بحلها ليك لكن عملي ده والله ما بعرفو ليك .. فهمتني مش؟ بالمناسبة يا الصادثق انا زول عكليت جداً وعشان ما تسرح بي شديد انا بحددا معاك وبقول ليك إذا انت بتربطك صداقة بي عابدة الشيخ فانا ابعد من ذلك وعابدة الشيخ برضو تعبانة وان كان صوتها مختلف عن المطروح لكن ما كل مختلف مميز مش؟ بالمناسبة وبعيداً عن العلمية هاجر كباشي دي لا قالت سوبارنو لا جبلي ولا نيلي ولا صحراوي لكن المخلوقة دي غنااااية ولو عايزين ليكم مشروع غنائي سودانوي ناجح ومكتمل الاضلاع ارعوا زولة زي هاجر كباشي دي وسيبكم من كورة الحسب والنسب دي يا قول الكوتش أوبيي (عارة كان بيقولا لي اتنين اخوان بيلعبوا معانا في نفس التيم لكن بيصروا يلعبوا الباصات لي بعض) انت قلت صوتا قد يكون جبلي وناس قالت صوتا دخاني !!!! يعني اسة معقولة نجوى كرم جبل ورشا جبل ؟؟؟ مستحيل طبعاً يا اخ الصادق ..
تخريمة : معليش اعفيني من الاكاديميات دي عشان انا ما مشيت فيها كتير ..قرايتي حبة زي كورتي ..
Post: #153 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 11:16 PM Parent: #151
فاتني أن أنوه للأخ الصادق شيخ الدين أن صديقي السعودي أهداني سي دي لي حمادة بت حفلة في جدة .. أها سودانوية اكتر من كده كيف ؟
Post: #160 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-20-2010, 11:44 PM Parent: #153
Quote: فاتني أن أنوه للأخ الصادق شيخ الدين أن صديقي السعودي أهداني سي دي لي حمادة بت حفلة في جدة
Post: #150 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Ashraf el-Halabi Date: 09-20-2010, 11:08 PM Parent: #147
Quote: ع إنو ده ما غرضي من البوست عملية الانتشار وما قدمت رشا انا اتكلم عن صوت رشا وتطريب رشا ..موسيقى دي لسة ما جبنا سيرتا .. اذا كان رأي كل الناس اللي مقتنعة بي رشا فعليهم طوااالي يضفو معاها عابدة الشيخ في نفس المرتبة
كدا جيتني في التايم يا عمر طيب يا فاروق: كدا الشغلة محصورة. كلامك بقى محدد بتذوق الصوت والتطريب وهنا المسألة بتختلف من ذوق لذوق أو من زول لزول، وبتبقى مسألة استطعام ومزاج، يعني ما خاضعة لأي قياسات فنية مدروسة فمثلاُ أنا أطرب لصوت رشا، عشان كدا عايزا تواصل غنى وما تمشي دار فلاح تبقى عازفة طبلة فقط كذلك يطربني صوت عابدة الشيخ خلاف كتير من الاصوات النسائية وشايفه صوت مميز وليهو شخصيته أسي يا بو عمير الحوت الأنا وإنتا وغيرنا ملايين مكسرين في صوتو دا في المقابل في ملايين غيرنا ما بحبوا صوته ولا بيطيقوا يسمعوه، أها نخليهم يحرمونا من صوتو وطريقة أدائه المتفرد دا ولا كيف؟
Post: #152 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: حيدر حسن ميرغني Date: 09-20-2010, 11:15 PM Parent: #150
أعتقد الأخ عمر حاول ينتقد حاجة واضحة في تجربة رشا الغنائية ولم يدعي بأنه ناقد فني بأي حال من الاحوال وانا شاطرته الرأي كعنقالي مثله يطربنا ما نسمع دون الدخول في متاهات بعيدة عن موضوع البوست لا تحاسبوه في ما لم يقله
Post: #158 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-20-2010, 11:29 PM Parent: #152
أشرف يا حلبي: نطيت ليك الناس دي محبة في الحوت شوف كم زول جا قال رشا غناية وشوفني لو لاويت واحد وقلت ليهو لالالا يا زول بطل تسمعا وانساك منها ..!! مش في ملايين ما بحبو الحوت وانا لسة مواصل حبو ؟ اها الملايين حقين رشا ديل يواصلوا حبهم وما يشتغلوا بي كلامي لكن صدقيني انا مقتنع تماما معجبي رشا داخل السودان لن يتعدى المئات في كل الاحوال !! بالمناسبة سودانيز اون لاين ده ما استفتاء حقيقي وانا بعتبروا استفتاء مزيف جدا جداً خالص ..الاستفتاء الحقيقي الشارع العام وما بقصد الحفلات ولا شباك التذاكر ولكن هو فيلينق (شعور) كده بتشموا في انفاس الناس وتحسوا في غبار وجو سوق الشهداء ولاسوق العربي وفي عيون ركاب مواصلات الحاج يوسف ..
تخريمة : طالما حيدر ده لاعب لي فردة باك الحبببة ما بتجيني فشكرا ليك يا حيدر يا ما عنقالي زيي وسيب التواضع
Post: #157 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اسماء الجنيد Date: 09-20-2010, 11:27 PM Parent: #150
رشا فنانة فنانة فنانة وصوتها جميل وفاهمة هي بتعمل في شنو الوافر عبقري بكل ما تحمل الكملة من معاني الصادق شيخ الدين اتمنيت انه يرجع السودان ليستفيد منه الجيل الجديد في مجال الموسيقى احترامي الكتير للاسرة الفنية المحترمة اسرة العم شيخ الدين جبريل رحمه الله
من عيوب النقاش في سودانيز انحراف البوست ودخول عديمي الفهم والاخلاق من منحدر غير محترم هم اصلا جايين منو للاسف الشديد محمد فرح مثالا لا حولة ولا قوة الا بالله العلي العظيم
Post: #159 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: سفيان بشير نابرى Date: 09-20-2010, 11:41 PM Parent: #157
الأخ عمر الفاروق تحياتي الطيبة لك ...
يا عمر بوستك هذا قضى عليه السيد محمد فرح وهذا من وجهة نظري لذا تجدني ادعم مقترح الاخ طارق ابو عبيدة (خدر) الذي اقترحه على شخصك يا صديقي.
مودتي لك.
Post: #162 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: HOPEFUL Date: 09-21-2010, 00:15 AM Parent: #159
أجزم كل الجزم أن لا أحد اسمه محمد فرح وانما هو نك نيم يتستر خلفة واحد يجبن عن الحديث المباشر
ولذلك حذف هذا النك من قاعدة البيانات كما حدث مع النكات المستخدمة قديماً من اشخاص متعددي الوجوه .. أمر لا يتطلب كثير جدل أو مشورة
Post: #163 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-21-2010, 07:26 AM Parent: #162
حنانيك يا الصادق؛ و لك في تبارك أسوة.
Post: #167 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: أبوذر بابكر Date: 09-21-2010, 09:32 AM Parent: #1
عمر الفاروق
والرهط الكريم
عوافى وسلام
اخونا العزيز هشام شيخ الدين سمعنى رشا شيخ الدين قبل تسعة او تمانية سنين تقريبا
واتذكر انى كتبت موضوع هنا فى سودلنيزاونلاين فى نفس الأيام ديك، ربما يكون موجود فى الارشيف
اول شى بلفت سمعك فى الشغل بتاع رشا، هو الطريقة او الاستايل المميز فى الغنا مع استخدام آلات موسيقية برضو مميزة، والشى الملفت التانى هو اختيار الاعمال مع وضع بصمة ادائية خاصة بى رشا بس
اتذكر قلت لى هشام وكتبت فى نفس الموضوع، انه رشا دى مميزة ومتفردة فى طريقة الأداء والتعامل مع اللحن الأساسى، ودى حاجات بتخلى الزول االبسمع بقدر يكون فكرة ويضع فوركاست كمان للشى البجى لى قدام، عشان كده انا ركزت على الحتة دى وقلت لى هشام رشا دى قاعدة تعمل فى شى مختلف تماما عن الأنماط والأشكال البنسمع فيها، وقطع شك لو واصلت بنفس الطريقة دى حيكون ليها وضع مميز جدا، وهشام شاهد على الكلام
صوت رشا شيخ الدين يمكن ما يدخل فى تصنيف الأصوات المتفردة واللميزة زى ما عند حنان النيل مثلا أو حتى عند اسرار بابكر، وممكن نقول عليه صوت عادى مع انه بعيد شوية من السوبرانو النسائى المألوف، ما عارف الحتة دى عمليا صاح ولا ما صاح، ويا ريت ناس المزيكا يوقعوها لينا زيادة، ودى يمكن تكون ميزة كويسة كمان عند رشا
الأصوات الما عادية الأنا بقصدها يعنى زى صوت فيروز أو سيلين ديون أو ويتنى هيوستن مثلا، الأصوات الفيها شى خارق أو ما مألوف، أما رشا شيخ الدين من وجهة نظرى كمستمع فصوتها عادى بالنسبة للمستمع العادى، لكين لما نجمع كل عتاصر الشغل بتاع رشا ونلم الأداء المتميز والكومبنيشن بتاع اصوات الآلات المستخدمة حنلقى عندنا شى جديد بساهم فى خلق حالة طربية ما اتعودنا عليها وما بنلقاها عند كتير من الأصوات الغنائية النسائية خاصة
اخونا عمر الفاروق زول ذواقه جدا والله وما عندى أى شك فى ذائقته واحساسسه الوجدانى
ويمكن والله أعلم هو عايز يوصل خلاصة عملية "عدم حدوث الحالة الطربية" الهو متعود عليها وبتوقع حدوثها زى ما هو بعمل لما يسمع الغناء العادى والتقليدى القاعد نسمعه
جدية ووعى وتفتح وتطلع وطموح رشا شيخ الدين، الساعد عليها كتير جدا طبعا طبيعة وظروف وامكانيات البيئة الهى بتمارس فيها مشروعها الغنائى، هى الخلقت رشا شيخ الدين الفنانة وادتها تفرد وخلقت فيها ومنها شى جديد
يبقى فى الأخير، وده الأهم فى نظرى، انه التذوق والإحساس بجمال الأشياء من عدمه، يظل شى نسبى وحتما وأكيد بختلف من كل زول للتانى، ودى شى بتحكم فيهو الوجدان الداخلى والإحساس بتاع أى زول وفقا للدزاين الخلقه بيهو ربنا
وما بالضرورة أبدا الشى البعجبنى يكون بعجب الناس التانين، بالذات فى االحاجات الشعورية والوجدانية
ودائما مثالى المفضل فى الحتة دى، هى انه غلبنى اطرب لى عقد الجلاد، على الرغم من اعجابى بى حاجات كتيره فى مشروع الفرقة الفنى، نصوص فخمة وسمحة وشغل مزيكا مرتب ومتعوب عليهو، لكين غلبنى تب والله اطرب ليهم
أقول قولى هذا
واسجل اعجابى بطريقة أداء وحضور واختيارات رشا شيخ الدين
وحتى لو ما اطربت الزول وهى بتغنى، الزول ما بقدر يزح بعيد او يشوف شى تانى يسمعه، يعنى بتجبرك انك تقعد وتسمع وتتابع
Post: #168 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-21-2010, 09:53 AM Parent: #167
اذكر ذلك البوست جيدا يا ابوذر وكان عقب اول لقائتنا الاولي في جدة وحديثك عن دهشتك بالاستماع لرشا وقتئذٍ بعد زيارتك لهشام في عماير الاسكان وقتها الامر الذي دعاني من خلال بوستك للبحث عن رشا وسماع اغنية اقيس محاسنك التي اشرت لها سابقا . واتفق معاك في مسالة الذائقة والتطريب , فانا قد كتبت سابقا في هذا المنبر اني لا اطرب مطلقا لاحمد المصطفي واجد اغانية زي الاناشيد بتاعة المدارس وايضا حسن عطية لا افهم له ولا يطربني كما ان جمال فرفور صاحب الشعبية الصارخة هذه الايام اجد صوته حادا ومزعج جدا ولا يطربني ابدا , وبالمقابل هناك فنانين كبار جدا في السودان اجد اغانيهم جميلة جدا ولكن اطرب لها باصوات فنانين اخرين ياخي عثمان حسين ومحمد ميرغني احب الاستماع الي اغانيهم عند صباحي ومحمود اكثر من الاستماع اليهم ياخي مسألة الذائقة دي معقدة جدا
الا ان تشنج الصادق لاخته مثيرا للشفقة ولو اتخذ كما اسلف ( ملاسي) خط تبارك لكان احكم واكثر قبولا
Post: #169 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: وليد محمد المبارك Date: 09-21-2010, 10:23 AM Parent: #168
Quote: عُدل لضيق وقتي واللا موضوعية
لا ياخ !!!
Post: #170 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عصام دهب Date: 09-21-2010, 10:31 AM Parent: #169
وجدت هذا الإعتذار من الأخ محمد فرح منشوراً في بوست أفترعة الأخ / بدر الدين إسحاق .. و حيث أن ما صدر عن الأخ / محمد فرح من فعل قبيح و إساءة مستهجنة و مرفوضة كان في هذا البوست فقد إرتأيت نقل هذا الإعتذار إلى هنا ..
Quote: : محمد فرح Member تاريخ التسجيل: Jan 2009 المشاركات: 3 لرشا وآل شيخ الدين .. أرجو قبول إعتذاري العميق
في البدء أعتذر لإدارة موقع........... لإقحامهم فيما لايعنيهم لكنني فقط أردت إيصال صوتي عبركم لشخوص أخطأت فيهم في لحظة كان الشيطان من يستلم زمامي إن جاز التعبير ، وأيضاً لحوجتي الماسة لإراحة نفسي من الجحيم الذي أقحمني به ضميري وأشهد هنا بأنني أسامح كل من أسائني بسبب ماذكرت فنفسي التي هي نفسي أسمعتني أقذع من كل ماقيل وأمر .
توقيت كتابة هذا الموضوع هو الثانية والثلت صباح الحادي والعشرين من سبتمبر .. صدقوني سادتي إن قلت أنني لم أتمكن من النوم إطلاقاً .. أحسست بحجر ثقيل يجثم بصدري ويكاد يذهب بأنفاسي وأيقنت أنني لامحالة هالك مالم أقم بنشر إعتذار ربما يزيح عن كاهلي جزءاً قليلاً من أطنان الندم . لاأود أن أكون ذلك الشخص الفاجر في الخصومة الذي يعتبر كل من يخالفه راياً عدواً يجب إقصاؤة بأي وسيلة كانت .. أحياناً يسوقنا البغض لأشياء قبيحة تجعلنا نشعر بضيق فظيع من ذواتنا .. وثقوا بأنه لايوجد أقذع من أن يكره الإنسان ذاته .. وحتى أتمكن من تقبل نفسي مستقبلاً كان لزاماً صياغة هذا الخيط الآن وليس غداً يشهد الله أنني أحببت آل شيخ الدين من كل قلبي ووجدت نفسي اتساءل وأنا أصيغ هذا البوست لماذا لااحب رشا شيخ الدين وماالسبب الذي يجعلني أهاجمها بهذا الشكل .. هل بسبب إختلافي الفكري لها ولسماعي أغنية هاجمت بها جبهة الإنقاذ او لتصريح نقل عنها ولم يوافق هوى نفسي الفكري ووقفت لأجد أن هذه الأسباب جميعاص لايجب أن تمنعني من حبها وإعجابي العميق لماقدمته ويشهد الله أنني ووالدتي حضرنا لقاءها في النيل الأزرق وأعجبت والدتي بصوتها أيما إعجاب ووافقتها الرأي ليس لأنني أوافق والدتي الرأي دائماً لكن لأنني بصدق أعجبت بصوتها وأفخر بأنها أوصلت فننا لأركان العالم أجمع . أتمنى أن يصل صوت إعتذاري لمن أحب كما أبتهل قبول هذا الإعتذار وشكراً حتى لأعدائي الذين أنبهوني لخطأ ربما لم أكن لألاحظه لولا هبتهم القويه وصوتهم العالي بالرغم من سوء نية البعض الذين أثق أنهم (حادرين في الضلمه) لكني رغم هذا أشكركم جميعاً إخوتي في الإنسانيه ..
للجميع مؤونة عشرة أعوام من الود
و قناعتي أن ..
الرجوع عن الخطأ و الأوبة إلى الحق فضيلة ..
و مع ذلك .. أجد أن الإعتذار وحده لا يكفي ..
لا بد من عقوبة بالفصل النهائي حتى يستشعر فداحة ما أرتكب و حتى يكون عبرة لمن يعتبر ..
و حتى نكسب لهذا المكان هيبته و إحترامه إن تبقيا
Post: #171 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: وليد محمد المبارك Date: 09-21-2010, 10:52 AM Parent: #169
هسع انا باعتبار اني جار وود حلة وصديق آل فلاح واكتر من كده نسيبهم .. ممكن اهيج هيجة الصادق شيخ الدين دي ؟!
فلاح شخصية عامة قابلة للنقد وكمان للتريقة طالما انه ما انها ما اتخطت خطوط حمر كما فعل محمد فرح
ورشا برضو شخصية عامة يسرى عليها نفس الامر ...
مع انه المقارنة بين فلاح ورشا اكيد لصالح فلاح والفرق بيناتهم كبير لاسباب كتيره مافي داعي نسرح فيها عشان ما نعوج البوست ...
شخصيا بتعجبني طريقة غناء رشا.. لكن الظاهر اخوها الصادق حا يكرهنا فيها .. اصلوا القندفة دي نحن عندنا معاها حساسية .. عشان كده مكجنين وردي وما بنسمع ليه ...
بالمناسبة يالصادق اخو تبارك وتماضر .. كده موقفين بينو انه فيك ريحة نرجسية وعجب نفس
مداخلاتك عن ضيق وقتك وانك زول ( مهم ).. وكلامك السخن للجمهور في بيت الفنون .. في بيت الفنون انا قلت الزول يمكن متوتر عشان ليه زمن من البلد ..
لكن يظهر انك كنت قاصدها في بيت الفنون .. وانت زول عاجباك روحك يا خوي .. او سخن بطبيعتك
فيا السيد الصادق انت ورشا بتقدموا في شغل لجمهور .. خليك واسع واتقبل اي شي .. لانه الناس حا تعلق .. كان عجبك او ما عجبك ..
لانو نحن جمهور .. وانت عامل فيها مبدع .. ومافي مبدع بدون جمهور لانو ابداعك من عدمه ياهو بحددو جمهورك
Post: #172 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-21-2010, 12:29 PM Parent: #171
Quote: مع انه المقارنة بين فلاح ورشا اكيد لصالح فلاح والفرق بيناتهم كبير لاسباب كتيره مافي داعي نسرح فيها عشان ما نعوج البوست ...
يا وليد يا اخوى ... عمّنا محمود فلاح من الناس الفتحوا قلب امدرمان على بقية السودان ... وأعادوا صياغة اغنية الحقيبة المحلية لى غناء شعبى مرتبط بوجدان الكتيرين من السودانيين خارج هذه المدينة ... ولو تذوقت الأجيال الحقيبة فهى بفضل انتاج دار فلاح لى محمد احمد عوض ومحمود على الحاج وكمال ترباس ويوسف الموصلى (نعم يوسف الموصلى وهو يستطيع أن يثرينا بتجربة دار فلاح فى حياته الفنية) ...
ففى اعتقادى أن رشا لم تسهم واحد فى المية من إسهامات فلاح فى الوجدان السودانى ... وهذا التشبيه وهذه المقارنة تحسب لصالح رشا أكثر ... والفرق فعلاً كبير ... ففى زمن فلاّح كان التواصل مع العالم الخارجى أقل ... وكانت ملامح الهوية السودانية أوضح ... فكانت المشاركة والإسهام أصعب ... إذ أن المزاج العام أصفى ... والفرق بين القبول والرفض أوضح .... فالتحية لهذا الهرم فى أهرام الفن السودانى ...
رشّتك لى الصادق كيّفتنى فى حنانى ... لاكين هو فعلاً مهم وزمنو غالى ... ما قندفة ساى ... بس انا بعتب عليهو انو انفعالى ... زى ما قلت الشخصية العامة بتنال نصيبا من التعليقات والتريقة ... وتعليق "محمد فرح" مثلاً، ينقص منه أكثر من أن ينال من رشا ... لاكين لمن تكون أخوها بيكون أقسى عمل تقوم بيهو إنك تهضم تعليق زى دا بدون ما تنفعل ... لو الكلام دا اتقال فى لمة والناس كلها قاعدة تتحاور ما بعرف كان "محمد فرح" دا بيكون مصيرو شنو ... لاكين كل زول فى ركن من أركان الأرض ... والكتابة الإسفيرية تتسم بشىء من الحياد تجاه الكلمة المكتوبة ... فالأمر يختلف .... ياخى أنا عندى لستة بتاعة ناس حأمشى ليهم فى بيوتهم ادق ليهم الباب واحسم معاهم المواضيع ... لأنو مهما تكون شخصية عامة ما ممكن زول يتغوّل على حدود احترامك بدون حق ...
هسى اعتذار محمد فرح دا فش غبينتى شوية وخلاّنى أفكّر ... هل ممكن نوجد أرضيات مشتركة لى اختلافاتنا لو اتفقنا على الحد الأدنى فى طريقة التعامل ... لأنو واضح انو محمد فرح معجب بى رشا فنّياً ومختلف معاها سياسياً ... طيب الإختلاف السياسى ما عيب، البيخلّى التعبير عنه بهذا القبح شنو؟ أكيد ما الشيطان ... لاكين عدم التزامنا بى مبادئ تحكم تعاملنا مع بعض ... زى التناقض بتاع انّو يكون عندنا دستور تعددى بينص على احترام الآخر ... ومعاهو قوانين "نظام عام" عملها الأساسى هو إهانة الآخر وخرق الدستور الذى يحميه ... طيب زى ديل نصل معاهم لى أرضيات مشتركة كيف؟
هم فى الأول لازم يلتزموا بما خطّت يداهم ... لأننا وقفنا بى نزاهة وإنصاف ... ودافعنا عمّا كتبوا ووقعوا وبصموا ... وقلنا هذا هو طريق الخلاص ... فعليهم بالخطوة الأولى وتوسيع هامش الحريات بإلغاء قوانين النظام العام والعمل على سنّ قوانين دستورية ليس فيها مجال لهذه الإهانات وهذا التغوّل على الحقوق والحريّات ... لاكين لو كان موقف الدولة الرسمى هو تأييد أىّ حكم أخلاقى جايى من جاهل ومكبوت بى إنو هذه أو تلك أتت "الفعل الفاضح" لأنها ما عاجبو لبسها ... أكيد مافى زول بيتورّع انو يشتم زول ما بيعرفو أصلاً شتيمة سخيفة زى دى بدون ما يشعر بالذنب ... لغاية ما يتفاجأ بى ردة الفعل حتى ينتبه لقبح الطريق الهو ماشى فيهو ... كدا ما كويس طبعاً ..
والحديث لا يكاد يبدأ عن حجم وشكل الإختلافات بيننا ... ياخى البت البريئة المحترمة الفى بروفايلى دى ... سمعت فيها ما لم يقله مالك فى الخمر ... أضطريت اقول لى واحد انو النوبة عندهم حق عضوية سودانيزاونلاين زيهم زى أىّ زول تانى ... وعندهم حق انهم يعلّقوا صورهم بدون أىّ فلترة شرعية هم ما عندهم بيها علاقة ... كمال سالم معلّق صورة ريتشارد جيير ومافى زول سألو ... بس تحتجّوا على بت النوبة المسيكينة دى ... عشان ما عدوانية وعنيفة ...
... المهم ....
Post: #173 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-21-2010, 01:01 PM Parent: #172
طبعا الناس طيبت خواطرنا ( أو خاطرى أنا شخصيا) بالوقفة الصامدة ضد المهاتر "اصلو اسمو ما بجيبو" والاعتذار ده بقى فى يد الناس الزعلانين كلهم يقبلوه ولا ما يقبلوه
دى حاجة بتخصهم ...
عموما عصام دهب أشكر لك مسعاك النبيل فى التخفيف عن غضب الناس وايراد الاعتذار.
اها مشيت شغل وجيت لقيت الصادق كتب ومسح. كا كتب وما مسح ...
لكن من ردود الناس عرفت انه جه "هرج" ...
أها الناس البقولو لينا ما تقولو شهاه مجروحة أهى دى الشهادة المجروحة البنقول ليكم فيها ...لو داير(كورة حسب ونسب) أهى دى الهرجة الشطبها الصادق دى (الحالة ما قريتها) (go to smiles library)
حسة الكونكلوشن مشينا وجينا لى جدية رشا، موهبتها، خروجها الى العالمية، انتاجها المتفرد، تجاربها الموسيقية فى تغيير المسمع الغنائى، فى ناس خلتهم يشعروا بالفخر والزهو " والله ويمين بالله الزول الفى روسيا ده خلى دمعتى تجرى" أشكره على الظريقة الرقيقة العبر بيها عن حبو لى رشا، الهام عبد الخالق الفنااااانة دى وقفت لى تاريخ رشا الانتاجى وجابت قائمة بالالبومات، أم "الزول القلت ليكم ما بجيب اسمو داك" عجبها غنا رشا، وهى مهمة لانها بتعبر غن جيل تانى عمر الفاروق براهن عليهو، ناس كندا وناس ونت كارلو وناس السعودية وناس امريكا سمعوها فى الكافتيريات وفى الاى أم ، اليابان واستراليا، عمر الفاروق قايلها بسمعوها خواجاته القالهم ديك، لا بالجد يا عمر الفاروق عن من قوقل ولا مشيت مشوار لى اسبانبا الوافر ورشا بقوا جزء من الثقافة الموسيقية هناك ...يوسوندور ياخى معجب بى رشا ...وزى ما قالت راوية أما الوافر فعبقرى ...
يعنى بقول انك ما تحب صوتا لكن ما تستهجن "صيتها" الجابتو بى صوتا ...ما تستهجن تجربتها وما تستهجن معحبيها ...الحوت أنا بحبو أكتر منك ...وبحترم تجارب فنانين تانيين بدون ما أحب صوتهم لو قلتهم ليك حتنخلع ...تلف ونجى ونقول حب الناس "مزاهب" المرة دى بالزا ...عشان طيب الخواطر ...
Post: #174 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-21-2010, 01:19 PM Parent: #173
Quote: حسة الكونكلوشن مشينا وجينا لى جدية رشا، موهبتها، خروجها الى العالمية، انتاجها المتفرد، تجاربها الموسيقية
جديتها .. لا بأس موهبتها .. لا بأس تجاربها الموسيقية .. لا بأس و لكن .. ما المقصود بإنتاجها المتفرد ؟!!
Post: #175 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-21-2010, 01:43 PM Parent: #174
Quote: - la sal de la vida ملح الحياة مع فنانتين برتغاليتين ) اسمعوه حتي تبكو عندما تختلط السيرة بالفلمنكو والتواشيح الاندلسية.
انتاجها المتفرد سألتنى: مثلا قول واحد، رشا انتجت مع مغنيتين اسبانيتين شريط أو سيدى بتغنى فيهو بالاسبانى معاهم وبغنوا فيهو بالعربى معاها لكن فى اغنيتين واحدة اسبانية وواحدة سودانية رشا خلتهم يكونوا أغنية واحدة لأنهم قريبات لى بعض ...وكانت تجربة مؤثرة جدا للمستمع الاسبانى ولينا نحن السودانيين السمعناها ياريت لو فى زول بيقدر ينزلها ...
رشأ غنت راب مع كنعان الصومالى فى شريط اليوناتيد نيشن ..تبشر بالانسان الحر والعالم المسالم ..
رشأ انتجت سى دى اسمو let me be فيهو غنت أغنية لى أمى الله يرحمها وكانت على أحد قوالب الغناء العربى وكلماتها أقرب للكلام العادى منها للشعر ... وكانت عبارة عن مناحة تتفطر لها القلوب ...
هذا غيض من فيض.
Post: #176 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-21-2010, 01:56 PM Parent: #175
شكراً .. فهذه المعلومة مهمة جداً؛ فقد كنت أظن - آثماً - أن جميع أغنياتها لآخرين.
Post: #177 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-21-2010, 02:06 PM Parent: #176
Quote: شكراً .. فهذه المعلومة مهمة جداً؛ فقد كنت أظن - آثماً - أن جميع أغنياتها لآخرين.
"يا سودان معليش" دى حقّت سنائى العاصمة؟
(مع كامل الحب والتجلة لثنائى العاصمة)
... المهم ....
Post: #179 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: فيصل نوبي Date: 09-21-2010, 02:11 PM Parent: #177
آثرت عدم التداخل منذ البداية لكن دي ما ريحتني لأنه السي دي عندي
Quote: ياريت لو فى زول بيقدر ينزلها ...
مرة بديت أنزل الأغاني هنا و كنت واحد من المعجبين برشا جداً لحدي ما جاني (طبارك) ناطي و إنت الاداك الاذن منو و القال ليك تنزل منو و جبتهم من وين و ديل ما نزلو و ديل طلعو حسبتها و لقيت إختصار الوقت و إختصار تبارك مفيد جداً رسلت لي بكري حذف البوست و نسيت الموضوع و تاني كان بقت رشا ملاك ما عندي ليها وقت عشان أنزلها و خلي (طبارك) و الجديد التاني ديل يطفشو باقي جمهورها.
Post: #180 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-21-2010, 02:13 PM Parent: #177
Quote:
Quote: شكراً .. فهذه المعلومة مهمة جداً؛ فقد كنت أظن - آثماً - أن جميع أغنياتها لآخرين.
"يا سودان معليش" دى حقّت سنائى العاصمة؟
(مع كامل الحب والتجلة لثنائى العاصمة)
أول مرة أعرف إنو "يا سودان معليش" مصنفة كأغنية
Post: #190 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hayat Hussien Date: 09-21-2010, 04:26 PM Parent: #176
رشا فنانة ومبدعة في ادائها ونحنو( واتكأعلي نحنو) نطرب لها
واقصد اولادي( وغلبت معهم) ان اجعلهم يسمعون الاغاني السودانية
وذلك لنشاتهم بعيدا عن السودان وعزرهم لا يفهمونها بالرغم من ة سماعهم لها يومياالي ان جاءتني ابنتي يوماوقالت ماما اسمعي الاغنية دي
وكانت انا ياليالي اناوبعدها عذاري الحي وكانت رشا مدخلهم للفن السوداني
الجميل وهذه شهادة في حقهافلها التحية والتجلةوالاحترام ونحن بنحبها موووووووووووووووووووووووووووووت
Post: #178 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-21-2010, 02:10 PM Parent: #174
أول شي خلوني اقول لي تبارك شيخ الدين حاجة بالجمبة كده .. لأول مرة اقرا ليك مداخلة كاملة ولقيك زول حلو وبتفهم ياخ :).. طبعا الكلام ده ما بقولوا ليك لأنك غمتصيت أسلوب كتابتي أو (كتلت حيلي) نووو يا حبوب ..بس لأنك قلت كلام صاح بسيط ومفهوم ومهضوم ممكن اختلف مع البعض وممكن اتفق اخر بس كلامك مرتب في الحتة دي تحديداً .. تماضر تكتب بإنفعال ممكن انا عارف أسبابه وعلى هناتها في الكتابة بس أهو هي مرة بتصيب ومرة بتخيب وزي ما اضايقت وزهجت لما الناس فسرت (من شر حاسد اذا حسد ) فنحن كمان زييك يا تماضر بيضايقنا فهمك الغلط وكنكشتك (وفي بعض الاحيان عواستك للابري بي الحلو مر) بس برضو انا بمشيها ليك وما بوريك وين كنت بهظر ووين جادي وبرضو ما حا اسكك سطر سطر عشان أعقب علي كلام واضح غنك كتبتيهو بي إنفعالية .. بالنسبة لي اخوك الجا كتب هنا ده انا قلت ليكم احسن حاجة عملا وعجبتني انو ما قال شهادتي مجروحة وجا وقال رايو اللي انا اتقبله تماما لنها قناعته . اسة انا الجمبك ده عندي أخوي الكبير الله يديهو العافية (ااي يا طلحة هو نفس الأخ اللي ورد ذكره اعلاه) عاجبني لمن بهناااك واصلا شهادتي فيهو ما مجروحة وأي زول بيسألني عنو بقول ليهم ده أحسن زول في الدنيا لكن عيوبه كده وكده.. مفهومك يا تماضر للإنتشار غلط .انا ما مشيت اسبانيا لكن اراهن واجزم غنو رشا ي اسبانيا ما واسعة الانتشار لكن انتو عندكم الخواجة لو واحد بس وقال ليكم رشا غناية بتضربو الخواجة في عشرة الف وبيبقو بي قدرة قادر خواجات وقالوا.. صديقنا الباكستاني مندهش جداً ومعجب بي محمود عبد العزيز فهل ده بيعني انتشار محمود في باكستان ؟ وهل ده بيديني الحق أقول غنو يكفي محمود فخراً حب ناس باكستان له (صديقنا ده جا من باكستان بيعرف محمود ما علمتو ليهو انا ). للصادق شيخ الدين العاجباهو السي في حقتو (من حقو والله ) بقول لهو وانا اصغرك بي 30 سنة بس برضو درست في تلاتة جامعات زيييك كده يعني لو كنت واصلت في الاكاديمي كانوا بقوا جغلومية جامعة ولمن أصل عمرك ده بكون بقيت وزير التعليم العالي عدييل كده فياخ ما تدوشنا بي قصة استاذ ومتعاون وماجستير ودكتوراة عشان الحنك ده ما حبابو .. بالمناسبة الزمن القلت إنو ما عندك ده إتسخدمته في حاجة ########ة شديد ########تو في إنك تجي تقعد وتمسح فياخ الما عندو زمن ده ما بيلقا وقت يحك راسو ناهيك إنو يجي يفتش مداخلاته ويمسحها بعناء فائق مع كتابة ملاحظات!!!! هو الفضا والزمن ده كيف أكتر من كده ؟؟؟ احسن زول جا كتب كلام قريب جداً لي فهمي هو الأخ الأكبر والصديق العزيز أبوذر بابكر اللي بعتبرو دخل جوة كنكوجي وقرا افكاري تماااما وعبر عني بس بي لغتو الراقية (نحن ناس عنقالة ساي) فأي زول عندو تساؤل لي ويا عمر ماذا تعني وما هو هدفك من البوست و و و عليه مراجعة مداخلة ابوذر ..
معم المتداخلين اللي جو وقدمو صوت إعجاب برشا شيخ الدين قدموها في قالب موسيقاها جميلة وطريقة الاداء حلوة والجدية باينة في طرحها بينما تناسوا الصوت تماماً وهو المعني في هذا البوست .. بالنسبة لي الاداء والجدية فح أطلب منكم طلب بسيط( والكلام لمعجبي رشا) جيبو اول تسجيلات لي رشا (عن نفسي سمعتها في اواخر التسعينات) وجيبو تسجيلات رشا الحديثة وسفو وقارنو (يا قول سورج للعماري الجيد) نفس الفلك الذي تدور فيه عذارى الحي ومالك فؤادي و و ..والزول القال ما فاضي ده ما عارفو بيعمل في شنو طالما لسة رشا ما جددت في الاداء نفس الموسيقى نفس الاغاني ونفس طريقة العزف واللحن (والله فاضي جنس فضا ويبدو ما مش بس انت الفاضي لالالا راسك زااااتو )..
تخريمة : تبارك ياخ إزيييك ..وواصل يا زول انت بتقول في كلام سمح
Post: #181 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-21-2010, 02:18 PM Parent: #178
Quote: أول مرة أعرف إنو "يا سودان معليش" مصنفة كأغنية
_____ بهظر يا الصادق .. عليك الله ما تزعل.
Post: #182 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: الشاذلى خيرى عبد الله Date: 09-21-2010, 02:38 PM Parent: #181
سلامات يا تبارك ..
Quote: والحديث لا يكاد يبدأ عن حجم وشكل الإختلافات بيننا ... ياخى البت البريئة المحترمة الفى بروفايلى دى ... سمعت فيها ما لم يقله مالك فى الخمر ... أضطريت اقول لى واحد انو النوبة عندهم حق عضوية سودانيزاونلاين زيهم زى أىّ زول تانى ... وعندهم حق انهم يعلّقوا صورهم بدون أىّ فلترة شرعية هم ما عندهم بيها علاقة ... كمال سالم معلّق صورة ريتشارد جيير ومافى زول سألو ... بس تحتجّوا على بت النوبة المسيكينة دى ... عشان ما عدوانية وعنيفة ...
شكلك قاعد تدردق ليك فى زول
ـــــــــــ
ركز فى موضوع البوست فقط ..
على الاقل الان ..
Post: #183 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-21-2010, 02:52 PM Parent: #181
عمر الفاروق:
يعنى أكتر من الانفعال زاتو البخلى الزول ينفعل لمن زول يقول ليهو ما تنفعل.....(فكاهة)
أنا كتبت بانفعال مرة واحدة وعدلتها فورا لأنو "شهادتى فيها مجروحة" وأحسن أنا أجيب كلامك البخصنى هنا .
Quote: تماضر تكتب بإنفعال ممكن انا عارف أسبابه وعلى هناتها في الكتابة بس أهو هي مرة بتصيب ومرة بتخيب وزي ما اضايقت وزهجت لما الناس فسرت (من شر حاسد اذا حسد ) فنحن كمان زييك يا تماضر بيضايقنا فهمك الغلط وكنكشتك (وفي بعض الاحيان عواستك للابري بي الحلو مر) بس برضو انا بمشيها ليك وما بوريك وين كنت بهظر ووين جادي وبرضو ما حا اسكك سطر سطر عشان أعقب علي كلام واضح غنك كتبتيهو بي إنفعالية .. بالنسبة لي اخوك الجا كتب هنا ده انا قلت ليكم احسن حاجة عملا وعجبتني انو ما قال شهادتي مجروحة وجا وقال رايو اللي انا اتقبله تماما لنها قناعته . اسة انا الجمبك ده عندي أخوي الكبير الله يديهو العافية (ااي يا طلحة هو نفس الأخ اللي ورد ذكره اعلاه) عاجبني لمن بهناااك واصلا شهادتي فيهو ما مجروحة وأي زول بيسألني عنو بقول ليهم ده أحسن زول في الدنيا لكن عيوبه كده وكده.. مفهومك يا تماضر للإنتشار غلط .انا ما مشيت اسبانيا لكن اراهن واجزم غنو رشا ي اسبانيا ما واسعة الانتشار لكن انتو عندكم الخواجة لو واحد بس وقال ليكم رشا غناية بتضربو الخواجة في عشرة الف وبيبقو بي قدرة قادر خواجات وقالوا.. صديقنا الباكستاني مندهش جداً ومعجب بي محمود عبد العزيز فهل ده بيعني انتشار محمود في باكستان ؟ وهل ده بيديني الحق أقول غنو يكفي محمود فخراً حب ناس باكستان له (صديقنا ده جا من باكستان بيعرف محمود ما علمتو ليهو انا ).
يعنى أنت قلت رشا ما عاجباك ...انا عا########ى وانت جمهور وأنا جمهور لكن أنا أختها ...لو قلت عا########ى ...حتجى تقول لى "ما عندها جمهور غير ناس بيتها...زى ما قلت فى مرة واحدة فى البوست ده زاتو ....ولو قلت شهادتى فيها مجروحة تقول لى أخوى ده أحسن زول ..حيجى زول يقول ليك اخوك ما أحسن زول أنا بعرف زول أحسن منو ...(الجزء الاخير ده فكاهة)
عاد ده كلام ده حيكون؟؟
الخواجات ديل قاعدة معاهم رشا قريب العشرين سنة أنا عشرين سنة الصادق عشرين تبارك عشرين المقداد واحد وعشرين أميمة أكتر من كده الوافر عشرين
عشة اتناشر سنة ...نحن لينا قرابة العشرين سنة فى بلاد الخواجات ...الصادق والوافر ورشا عملو معاهم مزيكة أنا عملت معاهم مسرح وأخراج وفرقة موسيقية أميمة عملت معاهم "انتاج فنى " ودكتوره وترجمت أفلام تسجيلية ، مقداد مذيع تلفزيونى وعرسوا منهم وولدوا منهم وربينا عيالنا بينهم وحسة عيالنا زاتهم بقوا خواجات ...معقول لى حسة بنتكلم عنهم بنفس "الخلعة" بتاعة "عجب الخواجات وسمع ليهو شريط" ديك ؟؟؟؟ (الجزء الاخير ده فكاهة) ياخى نحن الخواجات ديل بنناكفهم فى حقنا وبنصادقهم وبننقاشهم وبنتعاون معاهم وبمسكوا لينا أولادنا وبغسلوا لينا عدتنا وزى زيك كده ...خواجات؟؟؟ هههه ( مع انى متناكفة معاك لكن بالجد حقة الطرحة اللونها عجورى دى ضحكتنى)
عليك الله تانى ما تقول بتكتب بانفعال ...لانو ده كلام ما لذيذ ...بالطبع الواحد بكتب لما ينفعل بالموضوع لكن ما انفعال "مرضى" لحدى ما يكون ضار بالمضمون ..وخت فى بالك أنا انسانة حساسة و(فنانة) ( جد جد) and I care ،
أها تعرف حاسد اذا حسد كانت فكاهة وبس ما قدرت اهظر بى كلام القرآن قمت وقفت عليها ...ده صراع شخصى وأنا مسئولة عنو ....
انا عارفاك ما حاسد ولا الردو على كانو حساد ...ووضحت الكلام ده فوق ....زى أربعة مرات كده
أخوى ده مسئول من الكتبو لأنى ما قريتو لكن المحمدة أنه جه شطبو وقال مافيه موضوعية ...وأنا بديهو الــــ benefit of the doubt
عمر الفاروق يناقشك الحمط رمط ...(فكاهة)
وبالمناسبة دى: رشا صوتا حلو.
Post: #184 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: nazar hussien Date: 09-21-2010, 03:06 PM Parent: #183
Quote: عمر الفاروق يناقشك الحمط رمط ...(فكاهة)
والله يا تماضر ما فضل ليك الا تقولي لي عمر...
(فكاهة) ....أمري لله!!؟؟؟
Post: #185 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-21-2010, 03:24 PM Parent: #184
Quote: والله يا تماضر ما فضل ليك الا تقولي لي عمر...
(فكاهة) ....أمري لله!!؟؟؟
نسوى شنو يا نزار.؟ زى ما قالت الاسطورة:
الدنيا وعزابا الآخرة وحسابا
Post: #186 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-21-2010, 03:38 PM Parent: #184
تماضر: انتي زولة بتتميزي بي كتابة ساخرة وحسها الفكاهي عالي وصدقيني (أقلاه بالنسبة لي) قاعد أميز فكاهتك من جديتك ورغما عن الشنكبة والعنبكة وانا كل مرة بقول ليك الكلام ده قاعد اضحاااك في حاجاتك لني بميزا وبحب جدا كتابة الزول اللي حتى لو جادي بيمررا في سخرية (إنتو هنا سميتوها مهاترة ) بس انا دي مدرستي عشان كده ما قاد ازعل منها ابدا والله .. بالمناسبة انا عرفتك طشيتي ولأنك ما قريتي كلام الصادق اضطريتي تستلفي كل وشوش المكتبة الضاحكة عشان تكوني في السيف سايد ..
Quote: أخوى ده مسئول من الكتبو لأنى ما قريتو لكن المحمدة أنه جه شطبو وقال مافيه موضوعية
يبقا انتي ما فاهمة الحاصل ..عدم الموضوعية المعني مناا نحن مش منو هو .. اخوك قاصد إنو نحن ما عندنا موضوع وكتير علينا جيتو .. هو ما كتب كلام غير موضوعي بالعكس جا كتب كلام علمي وكلام محترم بس لما لقانا(بنهاتر يا قولوا) قرر إنو الكلام الجا كتبو ده تواضع منو وكتير علينا فقام سحبو .. شوفتي كيف انتي محتاجة لي قوندراني وشوش ؟ بالنسبة لي خلعة الخواجات انا ما قصدتكم إنتو لنكم فعلاً إتشبعتو لكن انا بتكلم عن إنو غنتي في بالك لسة إنو الخواجة مصدر للثقة ومقياس ومعيار أقلاه بالنسبة لينا نحن اللسة مخلوعين بي الخواجات .. زيها زي فكرتك البتكوني ختيتيها عن السودان وانتي جاية في اول إجازة بعد طول غياب وجيتي إتخلعتي ولقيتي ماف زول فاضي ليك والناس جارية وممكن نص أحصحابك وزملائك ما لاقوك واكتفوا فقط بتلفون وبنجيك يا تماضر ولحدي ما سافرتي هم في حالة إعتذارات مع غنك كنتي متخيلة القومة والقعدة (الكلام ده ما ليك بس لينا كلنا الزمان كنا قايلين بيتخلعوا بينا كمغتربين).. تماضر انا وريتك وقلت ليك اخوي العاجبني ده فيهو سلبيات الناس مفتكرراها ايجابيت انا بجي بقول ليهم لالالا دي سلبية والزول ده إنتو كمان زودتوها شوية وطلعتوهو لينا فوق راسنا .. يعني الحق حق .. موافقط واصلو ما زعلان لي إعجابك بي صوت اختك بس انا ما عاجبني وعدد مقدر من زوار البوست ما عابجهم مما طمنني وأثلج صدري
Post: #187 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: nazar hussien Date: 09-21-2010, 03:47 PM Parent: #186
Quote: بس انا دي مدرستي عشان كده ما قاد ازعل منها ابدا والله ..
هههههههههههههههههههههههههه
خلاص يا خالد ابو الروس...
طيب بتلوم في الصادق شيخ الدين مالك؟ داك برضو قال ليك هو مدرستو الموسيقي...وعندو فيها ماسترين...وبدرس فيها يعني مدرسة بي شهاداتا...
تعال قول لي لا انا قاصد دي طريقتي...
Post: #188 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-21-2010, 04:05 PM Parent: #187
كضباً كاضب يا نزار حسين .. انا أبداً ما لومت الصادق ولو انت متابع (يبدو انك كنت نايم امبارح باللليل) الصادق ده لمن نزل مداخلاتو دي انا رديت عليهو وأصلللو ما جبت ليهو سيرة ماستراتو دي وقتها لأنو ده حقو يتفاخر بيهو زي ما عايز تعبو وهو حر فيهو .. انا جيت لي نقطة ماستراتو دي بعد ما لقيت انو جا مسح مداخلاتو تقليلاً من شأننا وإفتكر إنو نحن ناس ما متعلمين وجهلا ودي اضاعة وقت مننا .. جيت اقول ليهو نحن زييك بس عشان متواضعين يعني؟ والله انا شاطر شطارة لما تحيرك زاتو أها كيف ليك ؟ بالمناسبة انا ما سائل في ابو الروس ولا ابو الامريكان زاتو افتخر بي مدرستي إن شاء الله مدرسة فيها فصلين ومزيرة .. لسة بقول ليك انا ما لومت زول انت بس جاي خاشي من النص وبعدين زي ريحتك قصة تواضع تماضر وردودها السريع ليك فبقيت تجي جاري جري .. روووق يا حبة تماضر دي اسة بيجي الليل وبتنعس وتنوم ونبقا بعدين في صوت رسا ورأيي الموسيقي ودرجة صوتها و و و و
Post: #189 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-21-2010, 04:08 PM Parent: #186
أخوى ماليه حق لو عمل كده ويمكن هو دخل بعد ما اتقلب الحوار لى "استياء" وجه داخل بطريقة ديجانقو أفرز ديك وصب جامه على الاخضر واليابس ...ما بقدر أبرر ليهو ده شغلو هو يجى يتمو...
وده بودينا لى فيصل نوبى: والله حزنت جدا أنك واصل للحتة، وأرجو منك السماح والمسامحة عما أصابك من ألم. لكن فى شى أتمنى انك تتفهمو، فى زمن كده رشأ دى كانت الموسيقى هى العمل الوحيد المتفرغة ليه يعنى مصدر رزقها الوحيد... ( واظن لسه هى كده) ..الالبومات دى كانت بتتباع فى amazon.com وحكاية يجى زول ينزلها كلها فى الانترنيت دى كانت مسألة ضارة بيها ماليا ضرر كبير يعنى ، وده الحصل، السيديهات اتسربت واتسجلت فى المنتديات وبقت مسموعة لكل الناس بالمجان ومافى زول بيشتريها من أمازون ...اها انت تقديرك شنو يا فيصل نوبى؟؟ الايجابية فى الموضوع أنه رشأ اتسمعت لقطاع أكبر من الناس وبقت شبه معروفة فى السودان ويمكن ده الخالينا نتناقش حسة هنا... لكن أتمنى أنك ترجع للاستماع لى رشا وتخلى الزعل جانبا...ولو نزلت لى الغنية كمان يكون جميل (صافية لبن؟)
أرجع لى عمر الفاروق: كمان نحن ما نضن على (الخواجات) ديل ونستهين بيهم فى فرق بيننا وبينهم: حرية التعبير، جدية الانتاج الفنى وعلميتو، الاكاديميات، كليات الفنون والموسيقى والسينما والمسرح والرقص ، والاستديوهات المتطورة كان للموسيقى ولا كان للأفلام والمسارح المرتكزة على (علم) علم نظرى وعملى والصرف الكتير على الفن والفنانين مبنية على فكرة احترام الفنون ، الانفتاح على فنون العالم (الآخر) ديل نحنا طبعا ...وكلو ده ليهو أثره فى تربية الذوق الموسيقى ولا المشاهدى للجمهور ...فبقول أنه لمن يتذوقوا فنان ...بيكون مخزونهم السمعى أو المشاهدى أكبر مننا لأننا ثقافيا وأعلاميا غالبا ما نكون محصورين على ثقافتنا السودانية بس أو التشادية أو الاريترية ..بقصد أى شعب أو أمة محصورة فى ذاتها الثقافية الخاصة بيها...مع ندرة العلم والنقد والاكاديميات والتقنيات التى يتطلبها الانتاج الفنى المعاصر
"لاحولااااا"
المهم الفكرة وصلتك ...يعنى نهنئهم على ما توصلوا له من تطور وكده ...(فكاهة)
انا لازم أطلع وفورا.
Post: #191 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-21-2010, 04:28 PM Parent: #189
لا يا تماضر في حتة كده ما صاح او انا ما مقتنع بيها .. نحن شعب مثقف أكتر من الناس ديل وقصة الإنفتاح دي برضو الناس ديل ما استفادوا منها كتير ممكن هم متفوقين علينا فيالحريات لكن والله نحن راسنا ده مليناهو (نون النحل دي بقصد بيها كل السودانيين) يعني الناس المنفتحين ديل ما بيعرفو السودان ده في اسيا ولا افريقيا ونحن المساكين ديل من صغر الواحد فينا بيكون حافظ اسم الدولة وعاصمتها وأهم محصول زراعي فيها. المنفتحين ديل ما بيعرفو التم تم ونحن بنعرف الريقي وبنسمع غنا امريكا اللاتينية وبنغني مع الخليجيين وأي زول فينا عندو مقاطع من ياني وكيني جي .. نحن ذواقة اكتر وعندنا قابلية نسمع أي زول وبنسمع وبنعرف .. انا متأكد إنتي حبيتي فنانين غربيين وانتي قاعدة فيي ثورتك ديبتشغلي الرادي ومونت كارلو وبي بي سي وميزتي براااك بي حسك لا مشيتي دور عرض لا جبتي سي دي على الرغم من كل الانغلاق وانعدام الحريات .. نحن عندنا الشماشة ديل بيدخل الفيلم الهندي يغني ويرقص احسن من الممثلين زاتهم .. هندي نسمع امريكي نسمع عربي نسمع اسيوي نسمع ..
تخريمة : مرقتك دي بتورط نزار حسين الرسول فيك كان ما قعدتي شوية :)
Post: #192 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: nazar hussien Date: 09-21-2010, 05:22 PM Parent: #191
يا عمر...تفتكر لو جيت انت كتبت بي لغة باسكال هنا في المنبر ...دا وجاء الصادق قال ليك... يا زول مع احترامي لي لغتك دي...وبرمجتك وكمبيوتراتك دي...لكن انا حدي معاك الكي بورد دا... مش بتمسج باسكالك...وتقول دي لغة ارفع من لغة الحوار وتعتذر عن المواصلة..
اما ما ورد يشأن الورطة فهي غير ما بدأ لك...يمكن ان تسميها حيرة...اما ما تصر عليه بشأن رأيك في صوت رشا...انا فهمته من اول ما كتبته...ولن تتراجع عنه... وانت تدافع هنا عن اضانك لا وجهة نظرك...لأنو اضانك لم يعجبها الصوت...مقارنا باصوات في اضانك مستقرة...ولكن لو طورت السمع شوية ربما تغير رأيك. ودي مشكلة جيل كامل ما انت براك.
Post: #193 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 00:03 AM Parent: #192
فيصل نوبى ...
الغريبة انا كنت قايلك فهمت فى ساعتا إنو المشكلة وين ... تقبل أو ما تقبل ... تحرد أو ترضى ... موضوع الحقوق الفكرية دا موضوع مبدئى وما فيهو مجاملة ...
وانا علّقت على نشر وتداول أعمال ناس تانيين هنا فى البورد دا ... ما عشان رشا اختى ... ما معقول أمنع "عزام حسن فرح" من إنو يقرا "الجنقو مسامير الأرض" مجاناً وهو يستجيب ... وأكون بخلّيك انت تنزّل غنا اختى بدون حقوق فكرية ... ياخى أنا زاتى ما بملك حقوق نشر أنزّل بيها غنا لى رشا هنا ... اليوتيوب دا الدول كلها سمحت بيهو عشان هو مفترض ما بيتنسخ وبيقعد فى النت فقط ... وفى ناس بيتآمروا على المسألة دى وبيعملوا تخزين لمواد اليوتيوب زى المافى حاجة ... وفى الحالة دى بتكون جريمة هكر اليوتيوب ما مسؤول منها ...
لو داير اعتذار ... فأنا آسف انك ما فهمت ... لاكين انت لازلت ممنوع من النشر بدون إذن ... لأنو المبدأ كدا ... ما لأنو انا كدا ... وأتمنى انك ما تاخد الكلام دا بى طريقة شخصية ...
... المهم ....
Post: #194 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-22-2010, 00:14 AM Parent: #193
Quote: انا متهوِّر ....
كنت قاعد اتجنّب اسمع الصوت الجابتو "الشاعرة" روزامين الصياد ... على اساس انو احتمال يضرسنى ..
بعدين اللحن بتاع أول كلمة فى السطر دا جبتى من وين؟ ... عميييييييغ ....
(وزاد فى ذهنى عدد المتّهمين بالشوفينية وكسّير التلج)
... المهم ....
بالله يا تبارك في المقتبس أعلاه بدل الشاعرة، أكتب الفنانة، وبدل روزمين أكتب رشا، وأعد قراءة ما كتبته مرة ثانية، وشوف هل في فرق بينك وبين محمد فرح؟ ولا محمد أحسن منك، أقله إعتذر وقال سافي التراب، وإنت حتسف الخراء متين؟
Post: #195 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 00:41 AM Parent: #194
Quote: بالله يا تبارك في المقتبس أعلاه بدل الشاعرة، أكتب الفنانة، وبدل روزمين أكتب رشا، وأعد قراءة ما كتبته مرة ثانية، وشوف هل في فرق بينك وبين محمد فرح؟ ولا محمد أحسن منك، أقله إعتذر وقال سافي التراب، وإنت حتسف الخراء متين؟
كدى اقرا إنت:
Quote: انا متهوِّر ....
كنت قاعد اتجنّب اسمع الصوت الجابتو "الفنانة" رشا شيخ الدين ... على اساس انو احتمال يضرسنى ..
بعدين اللحن بتاع أول كلمة فى السطر دا جبتى من وين؟ ... عميييييييغ ....
(وزاد فى ذهنى عدد المتّهمين بالشوفينية وكسّير التلج)
... المهم ....
أتمنى انو بعد تقرا ... يكون عندك النخوة إنك تعتذر عن "سف الخراء" ... لأنو الناس العندهم راى صوت رشا ... مختلف عن رايى فى صوت روزامين ... قالوهو باللغة البتريّحهم ...
إنت دايرنى أعتذر عن شنو
1- أنا متهوّر 2- متجنّب سماع الصوت الجابتو روزامين 3- متوقّع يضرسنى 4- الشاعرة أنتيكة 5- بتقول "البعوض" وليس "الباعوض" 6- خلل دماغى (يظهر فى الإملاء والمراجع مختلف عن النطق) 7- النص خاوى من المحتوى 8- الإلقاء أنتيكة 9- أدفع عمرى وأشاهد هذه الجرأة على الهواء 10- مسّخت علىّ "جيم كيرى" 11- القلقلة 12- طلب تسجيل نصوص بى صوت روزامين الرهيب 13- العجن المصطنع 14- الجهل - المتعمد أو الطبيعى - بمخارج الحروف 15- الخضوع بالقول لمستوى الكوميديا 16- الجرأة (مكرر رقم 9) 17- لحن أول كلمة فى السطر 18- عميغ 19- اتهام المشجّعين بالشوفينية وكسّير التلج
Post: #196 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Tumadir Date: 09-22-2010, 00:50 AM Parent: #194
Quote: بالله يا تبارك في المقتبس أعلاه بدل الشاعرة، أكتب الفنانة، وبدل روزمين أكتب رشا، وأعد قراءة ما كتبته مرة ثانية، وشوف هل في فرق بينك وبين محمد فرح؟ ولا محمد أحسن منك، أقله إعتذر
فعلا يا تبارك
أنا اتوقفت من قراءة البوست لأنك بتشطح
واتكلمت معاك فى التلفون عن البنات وقهرهن ..ياخى
أنا اعتذرت عن "مساخاتك" لى روزمين بالبين وبالمغتى ...كتبت فى البوست الطويل داك واعتذرت ليها عن دخلاتك الغريبة دى
اتكلمت مع روزمين فى المسينجر وهى بتشهد على كده ..وكانت رقيقة ولطيفة لكن فى الحقيقة كانت متضايقة جدا من مداخلاتك ..
بالله يا تبارك احترمنى أنا واحترم كل البنات المشغولات بالابداع وأديها فرصة ..لو غلطت قوليها غلطتى بدون اسنفزاز واثارة غلاغل ...
بدون ما تستنفر غضبها وغضب الناس البحبوها
ياخى خليك حساس فى طرحك لأنو الألم الشفناه من العامة نحن نسوان الادب والفن ما يستاهل الطاقة الاتبذلت فيه ..ده ضياع زمن بس...
أوعك تقولى لو فى حاجة ما عا########ى ما أقولها؟ ده منبر يفترض انه للحوار ..الحوار النضيف العفيف ..ما للحط من احساس الناس أو منتوجهم
مع انى قلت ليك الكلام ده أو ما يشبههو فى التلفون لكن بقولو هنا عشان أنصف روزمين ..وأنصف الناس البقروا فينى وفيك وبقروا فيها ...وانور القراء من ظلمة اللبس والكيل بمكيالين
انا ما معاك يا تبارك فى وقفتك ضد روزمين ...رايك فيها وصل زمااااان ...الكلام البايخ ده لزومة شنو؟
ولروزمين التحية والانحناء ...
تماما كما لرشأ ....
Post: #198 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 01:09 AM Parent: #196
Quote: انا ما معاك يا تبارك فى وقفتك ضد روزمين ...رايك فيها وصل زمااااان ...الكلام البايخ ده لزومة شنو؟
ولروزمين التحية والانحناء ...
تماما كما لرشأ ....
انا طبعاً شهادتى فى رشا مجروحة كما أسلفت ... وما عندى سابق معرفة بروزامين ولكننى لا أأنف خوّتها ... وحتى تساويها فى مقام الخوة مع رشا ... ولكننى لا أستطيع أن أعقد مقارنة تفاوت بين عطاءهن الفنّى ... فلن يكون ذلك منصفاً فى حق روزامين ...
المشكلة أنه لو كان رأيى فى شعر روزامين قد "وصل زمااااان" لما كنت الآن متهماً بالتحرش وتحميل رأيى أكثر مما يحتمل ... روزامين لديها خصومات أخرى لا علاقة لى ولا لرأيى بها ... ولن أكون قربان الفكاك من هذه الخصومات وأسمح بنحر رأيى بلا مبرر سوى المجاملة و "التشجيع" ... فأنا لا أدين لروزامين ولا لأى شخص آخر بذلك ... ولا أرى ضرورة له ...
وها أنا أحترم رأى عمر الفاروق السلبى فى رشا ... أيّاً كانت الطريقة التى يعبّر بها عن رأيه ... طالما أنها ليست من باب الإساءة والتحرّش ..
الإيحاء الجنسى فى كتابة وإلقاء روزامين هو عصب رأيى وليست إضافة من عندى بغرض التحرش ... وهذا هو الفرق ...
يعنى لو دى ردة الفعل لى رأيى دا ... معناها البنات يبطّلوا يتطرّقوا لى موضوع التعبيرات الجنسية دى خالص ... لأنو أىّ راى حا يعتبرنّو "تحرّش"!
طيب شاعرة على شنو؟ ودى مسؤوليتى انا كيف؟
(انا أصلاً ما حبّيت فكرة نقل الحوار هنا)
... المهم ....
Post: #201 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-22-2010, 01:28 AM Parent: #198
Quote: (انا أصلاً ما حبّيت فكرة نقل الحوار هنا)
لو قلت ليك الحوار إتنقّل هنا عن طريق الخطأ، بتصدقني؟ عشان ما تكون صديق ساكت، وتصدقني، أنا نقلته -هنا- لكي يراك الذين واللاتي لم يطلعوا ويطلعن على تبارك الآخر.. ___ جاييك راجع يا تبارك، حتى لا تتهمني بالتحرش اللانهائي!
Post: #197 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: خدر Date: 09-22-2010, 01:05 AM Parent: #189
__ شكرا يا عمر علي التنويه اللطيف و برضو لانك اكدت لي بي ردك ظني فيك
Post: #199 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: خدر Date: 09-22-2010, 01:15 AM Parent: #197
Quote: أتفق تماماً ... فهى لا تزال "فنان صفوة" فى السودان ... وهذه حالة الكثيرين من الفنانين الذين تناولوا الثقافة السودانية والموسيقى المحلية تناولاً مختلفاً وتجديدياً ... وهى تشبه فى ذلك "عاصم الطيب" و "محمد الجزار" و "الخير احمد آدم" و "دايفيد انجلو" و كثيرين من فنّانى الصفوة الذين لم يجدوا حظهم فى الإنتشار الشعبى فى السودان ... طارق أبوعبيدة أو زميل البورد "خدر" أقرب مثال لهذه الظاهرة ...
ولكننى أرى أن هذه الظاهرة - أىّ صفوية المجددين فى موسيقى التراث المحلّى - تحاكم بمعزل عن نقد مقدراتهم الإبداعية (وتأثر منها موسيقيين وعازفين لا يغنّون ولكن لديهم إنتاج موسيقى مختلف مثل "غاندى رجال" و "عماد بابّو" و "نادر السودانى" و "ممدوح طلعت فريد" و ... و ..)
الظاهرة لها علاقة بالهجمة على هويتنا ووقوعنا أسرى الغزو الثقافى وإشكاليات أكثر تعقيداً من إنتاج هذا أو ذاك ....
... المهم ....
يا شباب لو سمحتو لي , كلام الفنان ده (في تقديري) هو جوهر بوست عمرالفاروق لكن برؤية مستنير ( فكاهة) , حقو تركزوا فيهو عشان النقاش او النقد يكون صِحي و مفيد.
__ تباركـ .. كل يوم يا معفن بتثبت لي انك فنان قارئ كويس و شايف كيف و وين ... {المهم go to smile library }
Post: #200 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 01:23 AM Parent: #199
والله يا طارق ابوعبيدة ...
انا بحترم فى "حسين ملاسى" إنو بيقرا الكلام كلّو .... حتى يكتب مداخلتو الزى الجمرة ديك ... يعنى المداخلة دى فى أول البوست ... تلاترباع الناس دى مشت فيها سااااى ...
... المهم ....
Post: #202 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد الخالق امن الله Date: 09-22-2010, 01:39 AM Parent: #200
Quote: انا متهوِّر ....
كنت قاعد اتجنّب اسمع الصوت الجابتو "الفنانة" رشا شيخ الدين ... على اساس انو احتمال يضرسنى ..
بعدين اللحن بتاع أول كلمة فى السطر دا جبتى من وين؟ ... عميييييييغ ....
(وزاد فى ذهنى عدد المتّهمين بالشوفينية وكسّير التلج)
... المهم ....
محمد فرح حق اولاد شيخ الدين ــــــــــــــــــــ والله انت تحفة يا تبارك طيب مالكم عاملين قومة وقعدة؟؟؟ ما الشاعرة دي بت وعندها اهل
Post: #204 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 01:52 AM Parent: #202
بالله انت كنت شايف فى موضوع محمد فرح مع رشا إنها بت وعندها أهل بس؟
يعنى لو ما عندها أهل كان بيحق ليهو يقول ليها الكلام دا؟
وانا كلامى لى روزامين زى كلام محمد فرح لى رشا؟
وأكون قلتو ليها حقارة فى آل الصياد؟
والله إنت التحفة وأنتيكة ... يا عمّ رووووووووح .....
(الليلة مولع الشيشة وفاتح الإنطرنط وعامل ليك كباية شاى بى مزاااج وداير تتونس! والله ما شا الله)
... المهم ....
Post: #203 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عادل نجيلة Date: 09-22-2010, 01:47 AM Parent: #200
هنا ما مارسه تبارك (الذي بيده الجك) ضد روزمين عثمان وكاتب البوست الأستاذ عوض شيخ إدريس .. كنت أود لو أن الأعزاء من آل الراحل المقيم شيخ الدين جبريل من الرد هنالك .. ولكم أجزل التحايا لأصدقائي الأعزاء المقداد ووافر والصادق .. ثم العزيزة خفيفة الظل و الروح الأستاذة تماضر .. والتحايا من على البعد للأستاذة رشا سفيرة الفن السوداني للعالم.
Post: #205 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد الخالق امن الله Date: 09-22-2010, 02:12 AM Parent: #203
ياخي انت زول بتتكلم كلام زي دة محمد فرح جنبك ملاك
Post: #206 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد الخالق امن الله Date: 09-22-2010, 02:50 AM Parent: #203
Quote: هنا ما مارسه تبارك (الذي بيده الجك) ضد روزمين عثمان وكاتب البوست الأستاذ عوض شيخ إدريس
كامل الادانة لاسلوب محمد فرح في الكتابة بنفس القدر كمان اسرة عمنا شيخ الدين يمشوا يدينو اسلوب تبارك المشين دة..
Post: #207 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: تبارك شيخ الدين جبريل Date: 09-22-2010, 05:03 AM Parent: #206
Quote: كامل الادانة لاسلوب محمد فرح في الكتابة بنفس القدر كمان اسرة عمنا شيخ الدين يمشوا يدينو اسلوب تبارك المشين دة..
اتونّس اتونّس ...
ماشالله عليك ...
... المهم ....
Post: #208 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عبد الخالق امن الله Date: 09-22-2010, 05:11 AM Parent: #207
بالمناسبة انا ما بلومك اصلا بس انا حزنان عشان اختك الدايرة تتكلم وما قادرة لانها خجلانة من كتابتك وبتتصل بيك وبكتب ليك في المسنجر وفي الاخر طلعت عشان ما تقرا لغاويسك.ز
روح ...محمد فرح بس ما عنده ضهر رغم انك لاتقل عنه
Post: #209 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-22-2010, 06:51 AM Parent: #208
تُرى هل ستخضع تماضر لابتزاز نجلية و أمن الله؟!
Post: #210 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: osman righeem Date: 09-22-2010, 07:44 AM Parent: #209
Quote: تُرى هل ستخضع تماضر لابتزاز نجلية و أمن الله؟!
تحريض
Post: #211 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-22-2010, 07:56 AM Parent: #200
يا تبارك بالجد ودا ما موضع البوست بس لانه الحاجات بقت تتنقل هنا من برة فلازم اخت طوبتي , انا بصراحة متأذي من صورة بروفايلك بصورة شخصية خالص لا علاقة لها برأي في عري البت او قناعتها او ثقافتها او الاثنية بتاعتها دي حاجة بتخصها وبتخص قناعتها , لكن بصورة شخصية خالص ولاسباب بتخصني انا في اني بحب جدا اقرأ ليك مداخلاتك وبستمتع بيها جدا واصبحت من الناس الذين ما اجد اسمهم في بوست الا وطرت اليه قارئا الا انه صورتك بالنسبة لي نقاطة ذنوب من واقع قناعاتي الدينية البتخصني واصبحت بين خياران اترك القراءة لك واترك البوستات التي تتداخل فيها من اجل ان لا اكسب اثما نهيت عنه من واقع قناعاتي الدينية حينما امرت بغض البصر وحبي للامتثال لهذا الامر وصورتك الخاتيها مع حبي لمداخلاتك يجعل من الصعب علي تجاوز رؤية الصورة كلما طالعت لك مشاركة او كمية من المشاركات المتتابعة في مثل هذا البوست وغيره يعني من الصعب جدا علي الواحد في شاشة صبعطاشر بوسة وحجم خط الكتابة الصغير يبقي وليم تيل ويتزاوغ من صورتك فهو امر شاق ومرهق ولا مبرر له . لذا آمل منك احترام قناعاتنا هذه وامر معتقداتنا وان كنت فخورا بهذه الصورة لا مانع من ان تزين بها خلفية سطح المكتب في جهاز كمبيوترك وطباعة بوستر كبير منها ووضعه في حوائط منزلك تطالعها وحيدا وتفخر بها. ان الاستجابة الي هذا الامر امر منوط بك وتقديرك له , الا اني اجد انك من الذين يرجحون المصلحة العامة علي الخاصة , فانا اري ان استفادتي في القراءة لك وتبين وجهات نظر جديدة قد تصدر منك تساهم في تثقيفنا اكثر منه فائدة من مطالعتنا لهذه الصورة ( بالغصب) رغم احترامنا لوجهات نظرك التي قد تكون من وراء الامر والتي لا اجد لك العذر في فرضها علينا قد يكون من الملائم مدارسة امر هذه الصورة والمشابه لها في الاثنيات السودانية في سياق بوست يفتح للحوار حولها وساعتها حر من يدخل او يتمنع عن الدخول .
Post: #212 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عادل نجيلة Date: 09-22-2010, 08:09 AM Parent: #211
Quote: تُرى هل ستخضع تماضر لابتزاز نجلية و أمن الله؟!
يا ملاسي أنا إسمي ما مكتوب !!
Post: #213 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-22-2010, 08:18 AM Parent: #212
Quote:
Quote: تُرى هل ستخضع تماضر لابتزاز نجلية و أمن الله؟!
يا ملاسي أنا إسمي ما مكتوب !!
لا بأس .. إذ لم يعد يهم .. فقد زرت البوست الآخر و أن الأمر قد انقضى!
Post: #214 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Hussein Mallasi Date: 09-22-2010, 08:20 AM Parent: #213
Quote:
Quote: تُرى هل ستخضع تماضر لابتزاز نجلية و أمن الله؟!
يا ملاسي أنا إسمي ما مكتوب !!
لا بأس .. إذ لم يعد يهم .. فقد زرت البوست الآخر و وجدت أن الأمر قد انقضى!
Post: #215 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: اساسي Date: 09-22-2010, 08:24 AM Parent: #214
Quote: لا بأس .. إذ لم يعد يهم .. فقد زرت البوست الآخر و وجدت أن الأمر قد انقضى!
يا ملاسي انا ما زرت البوست الاخر , لذا الامر لم ينتهي الا بزيارته , ممكن لنك او اشارة
Post: #216 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عادل نجيلة Date: 09-22-2010, 09:28 AM Parent: #215
Quote: لا بأس .. إذ لم يعد يهم .. فقد زرت البوست الآخر و أن الأمر قد انقضى!
على إي نحو ...!
Post: #217 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر الفاروق Date: 09-22-2010, 09:33 AM Parent: #215
Quote: ودي مشكلة جيل كامل ما انت براك.
Quote: ...لأنو اضانك لم يعجبها الصوت...مقارنا باصوات في اضانك مستقرة...
ده الكلام البيزعل ومستفز يا نزار ياخ .. كضباً كاضب والله كلامك ده ما صاح .. وبجيك لي القصة دي ..
Post: #218 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: عمر عشاري Date: 09-22-2010, 09:53 AM Parent: #217
Quote: فعلا يا تبارك
أنا اتوقفت من قراءة البوست لأنك بتشطح
واتكلمت معاك فى التلفون عن البنات وقهرهن ..ياخى
أنا اعتذرت عن "مساخاتك" لى روزمين بالبين وبالمغتى ...كتبت فى البوست الطويل داك واعتذرت ليها عن دخلاتك الغريبة دى
اتكلمت مع روزمين فى المسينجر وهى بتشهد على كده ..وكانت رقيقة ولطيفة لكن فى الحقيقة كانت متضايقة جدا من مداخلاتك ..
بالله يا تبارك احترمنى أنا واحترم كل البنات المشغولات بالابداع وأديها فرصة ..لو غلطت قوليها غلطتى بدون اسنفزاز واثارة غلاغل ...
بدون ما تستنفر غضبها وغضب الناس البحبوها
ياخى خليك حساس فى طرحك لأنو الألم الشفناه من العامة نحن نسوان الادب والفن ما يستاهل الطاقة الاتبذلت فيه ..ده ضياع زمن بس...
أوعك تقولى لو فى حاجة ما عا########ى ما أقولها؟ ده منبر يفترض انه للحوار ..الحوار النضيف العفيف ..ما للحط من احساس الناس أو منتوجهم
مع انى قلت ليك الكلام ده أو ما يشبههو فى التلفون لكن بقولو هنا عشان أنصف روزمين ..وأنصف الناس البقروا فينى وفيك وبقروا فيها ...وانور القراء من ظلمة اللبس والكيل بمكيالين
انا ما معاك يا تبارك فى وقفتك ضد روزمين ...رايك فيها وصل زمااااان ...الكلام البايخ ده لزومة شنو؟
ولروزمين التحية والانحناء ...
تماما كما لرشأ ....
كلام جدير بالإحترام ياتماضر ...والوعي ماليهو ...وتأثيرو كبير على كل من له علاقة بالموضوع
Post: #219 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: احمد التجانى احمد Date: 09-23-2010, 00:15 AM Parent: #218
Quote: يا تبارك بالجد ودا ما موضع البوست بس لانه الحاجات بقت تتنقل هنا من برة فلازم اخت طوبتي , انا بصراحة متأذي من صورة بروفايلك بصورة شخصية خالص لا علاقة لها برأي في عري البت او قناعتها او ثقافتها او الاثنية بتاعتها دي حاجة بتخصها وبتخص قناعتها , لكن بصورة شخصية خالص ولاسباب بتخصني انا في اني بحب جدا اقرأ ليك مداخلاتك وبستمتع بيها جدا واصبحت من الناس الذين ما اجد اسمهم في بوست الا وطرت اليه قارئا الا انه صورتك بالنسبة لي نقاطة ذنوب من واقع قناعاتي الدينية البتخصني
اساسى المداخلة دى فى ظنى استعجلت فيها ليه؟ كلامك عن الصورة ما مقنع بالنسبة لى وليس بسبب انك متأذى ولكن لانك ممكن تجليها بعدة طرق مثلا تعمل صندوق اسود يغطى ليك البروفايلات زى صندوق دعم الشريعة الجابوه ناس الانقاذ فى التلفزيون ايامهم الاولى وغطوا بيه اى حاجة لما المسلسلات كلها عرجت الحاجة التانية ياخ بس اقعد اتامل بس فى اسم المبروك المتفرد دة (سمعان بيه مرة واحدة بس كان معانا زميلتنا اسمها زيه كدة)
المهم
Post: #220 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: Yassir Tayfour Date: 09-23-2010, 01:19 AM Parent: #218
تبارك الذي بيده يقع في شر فعله،
طالما وعدتك بعودة لهذه المماحكة، ها انذا أعود وأختم، والعود أحمد، مرات؛ حينما ضربت لك مثلاً بالفنانة رشا شيخ الدين حاولت أن ألفت إنتباهك لفعلك الشنيع، وترصدك الغير مبرر للزميلة والأخت روزمين، مهما كتبت وشرحت وجملت الكلمات، ما فعلته يا تبارك هو استحقار وترهيب وتخويف وهرجلة وحقارة، لا علاقة لما فعلت بالنقد، لغة وأدوات، وحتى الغليظ من النقد من المفترض أن يكون مفيداً للمادة المراد نقدها وصاحبها والقراء، وما فعلته يا تبارك ضار بالمادة وصاحبتها والقراء، والأزرط من ذلك ضار بك وأنت لا تعلم وتعلم. وحينما قلت لك: رشا لا تطربني هل هذا مبرر"لأتتلحها" كما تفعل... إلخ، أردت أن إختصر لك الطريق ، ولكنّك، "تكعوجت" وسلكت طريق التحقير والتصغير، ورشا تطربني فناً ورؤية، أرجع لمكتية الصديق فيصل نوبي، كتب بوستا عنها قبل أن تطل علينا "براستتك" في هذا المنبر، سوف تجد رأيِّ ودفاعي عنها هنالك؛ وهذا كله غير مهم. الأهم عندي هو قطع الأستاذة تماضر قول كل خطيب، بهذه المداخلة المددجة بالفهم والمنطق والحس الإنساني الرقيق، زولة فنانة، وشتان يا تبارك..
___
ولا زيادة يا تبارك فوق قول الأستاذة تماضر!
Post: #221 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: nazar hussien Date: 09-23-2010, 07:44 AM Parent: #220
Quote: ده الكلام البيزعل ومستفز يا نزار ياخ .. كضباً كاضب والله كلامك ده ما صاح .. وبجيك لي القصة دي ..
الزعل الهين دا يا عمر... شوف بوستك دا وردت فيه كم كلمة محبطة!
Post: #222 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: بكري الخير Date: 09-23-2010, 11:29 AM Parent: #221
رشا شيخ الدين فنانة ذات رسالة معينة تريد أن توصلها لجمهورها
دعوها فانها مبدعة في مجالها
Post: #224 Title: Re: رشا شيخ الدين عليها الإلتحاق بدار فلاح حتى لا تضيع موهبتها.. Author: محمد أبوالعزائم أبوالريش Date: 09-29-2010, 08:25 PM Parent: #222
