Post: #1 Title: كل البنات حلوين بيوتي سنتر Author: Dania Elmaki Date: 09-18-2010, 03:21 AM
سلام
ازيكم يا بنات, اها رجعنا بعد رمضان و العيد زي ما وعدناكم ببوست التجميل و الجيهه, البوست ده حنناقش فيه كل امور الزينه البتهمنا و نقدم فيه كل النصائح و التجارب الناجحه, مع مراعاة الابتعاد عن المواد الخطره و الكيميائيه و حنبدأ بمقاييس الجمال عند الشعوب ونتكلم عن العنايه و الاناقه و الترتيب و المكياج و ادوات الزينه السودانيه التقليديه و الغير التقليديه و حنتكلم برضه عن التكنولوجيا التجميليه و التدخل الجراحي.
Post: #2 Title: Re: كل البنات حلوين بيوتي سنتر Author: Dania Elmaki Date: 09-18-2010, 03:58 AM Parent: #1
منذ قديم العصور و المراه تبحث عن الجمال و تتعب كثيرا في ارضاء الرجل او المجتمع و لو كان ذلك على حساب صحتها و راحتها, زمان النسوان استحملوا الشلوخ و دق الشلوفه, قادرين تتخيلوا موضوع الشلوخ ده, انا غايته بحس بشلل في وشي لمن اتخيل الالم ده, استحموا بالعسل و اللبن, و البدويات اتبخروا بقشر البصل, أتمسحوا بقشر الرمان, طين البحر, طحالب, لخوخه, دخان, دم الوطواط, وش اللبن, لبة العيشه, الترمس, ماء الورد, الموية الجبنه, الدلكه, الليزر, الكولاجين, الكوتيزون, الفيتامين, الديرموفيت, البتنوفيت, الموفيت, الفيد اوت, البوتوكس, الفير اند لوفلي, اللبن الرايب, الكحل, القلوس, المكياج السموكي, الخ الخ...
Post: #3 Title: Re: كل البنات حلوين بيوتي سنتر Author: حبيب نورة Date: 09-18-2010, 04:06 AM Parent: #2
Post: #5 Title: Re: كل البنات حلوين بيوتي سنتر Author: Rawia Date: 09-18-2010, 04:10 AM Parent: #3
Quote: نسوان الحلة المبشتنات ديل ركزي ليهن علي الحتة دي الواحدة تجي طايرة علي البورد غبشاااااا ركزي علي أمات مسوحاً مي دي
بري منك شيال حال إنت تقع في اليقول أنا كعبة
______________ دانيا أهم شي نسيتيهو الفازلين بالمناسبة الفازلين دا عندو دور محوري في الجيهة
Post: #6 Title: Re: كل البنات حلوين بيوتي سنتر Author: حبيب نورة Date: 09-18-2010, 04:15 AM Parent: #5
Post: #4 Title: Re: كل البنات حلوين بيوتي سنتر Author: Tragie Mustafa Date: 09-18-2010, 04:06 AM Parent: #2
دانيه كيفك؟؟ وكل عام وانت بخير.
وكويس الجيتنا بخبراتك.
وزي ما قلتي النساء عموما في كل الثقافات و المجتمعات يهتمن بانفسهن بطرق مختلفه. لكن ما حدث ببلادنا لاحقا فاق الوصف. وانت ادرى بذلك,وكما تذكري نقاشاتنا بواشنطون وكيف دوما نتحسر كسودانيات على ما وصل له حال بعض اخواتنا!!
ساتابع معك واتوقعه بوست دسم ومفيد وباين عليك بت حبوبات مكربه واضفتي لها الخبره و العلم الغربي..يا سلام.
ما تنسي الحلبه.....صحيح كسودانيات لم نعرفها كثيرا لكن كل بلاد الشام قناع الحلبه اساسي في ثقافاتهم.
Post: #7 Title: Re: كل البنات حلوين بيوتي سنتر Author: Dania Elmaki Date: 09-18-2010, 04:52 AM Parent: #4
حبيب السمحه الممسحه و ما غبشاء حبابك
رواويه شفتي شيل الحال ده كيف
تراجي ازيك اها شفتي قناع الحلبه ده انا اتخيل لي الواحده ريحتها بتكون زي البسطرمه منه خخخخخ, اول من استخدمته كانت كليوباتري (على حسب رواية المصريين) كانت بتغلي بذور الحلبه لغاية ما الزيت يطفح بفوق و تشيل الزيت تمسح بيه وشهها, هسه في زيت الحلبة جاهزر و الخليجيات بيقولوا انه بديل ممتاز لحقت تسمين الخدود و دي حنتطرق ليها لاحقا لانهافي الخليج شكلها زي موضوع التفتيح في السودان بقت مرض. عموما زيت الحلبه بيحارب التجاعيد في الوجه
Post: #8 Title: Re: كل البنات حلوين بيوتي سنتر Author: Dania Elmaki Date: 09-18-2010, 04:54 AM Parent: #7
حبيب نورا, هي انت قصدك منو المبشتنات ديل؟ ما يكون انا و ام فلان هههههه هسه بتجيك طايره
Post: #9 Title: Re: كل البنات حلوين بيوتي سنتر Author: Dania Elmaki Date: 09-18-2010, 05:09 AM Parent: #8
للاسف البعض يقيمون المراه بجمالها و لونها (خصوصا في السودان الايام دي) و ما بعقلها ولا فهمها و للاسف مقاييس او معايير الجمال قاسيه جدا و لا تنصف المراه السودانيه معظم السودانيين عندهم البنت البيضاء معناها سمحه بغض النظره عن اي حاجه ثانيه, و في كتيرين بيتزوجوا بس عشان الللون او الشكل و الشرط دايما عاوزين عروس بيضاء او صفراء, و الغريبه انه الظلم ده بيقع من المراه على المراه, يعني ام العريس ممكن تقول دايرين العروس صفراء, كانها مفرش او ستاره, مع العلم انه مع الكريمات وعمليات التجميل مافي اي زول ما ممكن يغير لونه ولا شكله و على العموم مافي امراه في الدنيا شينه ولا قبيحه, كل واحده بتقدر تبرز مواطن الجمال فيها و كل فوله و ليها كيال.
Post: #11 Title: Re: كل البنات حلوين بيوتي سنتر Author: heba Elmahi Date: 09-18-2010, 05:33 AM Parent: #9
دانية سلام
موضوع مهم و ياريت كل واحدة فينا تكتب خبرتها عشان نستفيد كلنا ..
_________________ بكرة معانا ولا مع الخيانة ؟
Post: #10 Title: Re: كل البنات حلوين بيوتي سنتر Author: حبيب نورة Date: 09-18-2010, 05:24 AM Parent: #8
Post: #12 Title: Re: كل البنات حلوين بيوتي سنتر Author: Dania Elmaki Date: 09-18-2010, 05:44 AM Parent: #10
Quote: دانيا أهم شي نسيتيهو الفازلين بالمناسبة الفازلين دا عندو دور محوري في الجيهة
الفازلين ده ساتر حال يا راويه لو ما عامله بديكير ممكن سريع ضرربتين بالحجر الخفاف و تغسلي الرجلين و تمسحيهم فازلين قبل ساعه من المشوار, بعدها امسحي الفازلين بفوطه مبلوله عشان ما تتزلقي مع الكعب العالي و تكسري رقبتك, و اجمل بديكير في البيت و تخلفي رجلك قدام الجعيص و الجعيصه و توري شبشبك العاجبك و كمان لو معان انسيال في الرجل (انسيال دي حبيبه نورة و تبلدينا ما مرت عليهم, ما عاوزين شوبير منهم*
Post: #13 Title: Re: كل البنات حلوين بيوتي سنتر Author: Dania Elmaki Date: 09-18-2010, 05:47 AM Parent: #12
Quote: بكرة معانا ولا مع الخيانة ؟
هبويه بركه الجيتي
والله حقوا اكون مع الخيانه لانكم عملتو خيانه و ما كلمتوني بموضوع مامة راويه و مشيتو براكم عليكم جنس غتاته, لكن لمن الاقيكم
بكره عندي مشورا لصباح بخلي منه بعد ثلاثه بجيكم
Post: #14 Title: Re: كل البنات حلوين بيوتي سنتر Author: Dania Elmaki Date: 09-18-2010, 06:00 AM Parent: #13
عشان راويه افتتحت موضوع الفازلين و هو ماده مهمه جدا في التجميل عشانك يا راويه نضع الخطوط العرضيه و تعالي كمليها شكلك خبره في الفازلين
مرطب لكامل الجسم:
إستفيدي من خبرة نجوم هوليوود بإستعمالك قليلاً من كريم فازلين على كامل جسمك
بعد الحمام لتحصلي على بشرة ناعمة لطيفة.اغسلي وجهك وبينما هو مبلول
ادهنيه بكمية صغيرة من الفازلين واصلي دهن وجهك حتى يتشربه
ولا يبدو وجهك دهنيا ستمعل المنتجعات العلاجية هذا العلاج السري .
حول العيون إستعملي فازلين لتنظيف الجزء الحساس من البشرة المحيطة بعينيك بنعومة وسرعة.
لرموش أطول:
قليل من الفازلين على رموشك في الليل ينعمها ويمنع تقصفها.
مطيل لعمر العطر: ضعي طبقة رقيقة من الفازلي قبل أن تضعي عطرك المفضل فتطيل عمر أريجك
وتحمي بشرتك من الجفاف.
شفاه مشرقة: الفازلين يضفي عليها بريقاً خاصاً.
للأقدام:
الفازلين تساعد على تطرية الأعقاب والمناطق الجافة في القدم.
إستعمليه لإزالة الماكياج.
إستعملي الفازلين لتنعيم اليدين.
مساج للوج على البخار: من أجل الحصول على وجه نظيف ناعم بسرعة وفعالية..
دلكي وجهك بالفازلين ثم ضعي وجهك فوق وعاء فيه ماء متبخرة
بعد تغطية وجهك والوعاء بمنشفة وبعد بضع دقائق نظفي وجهك من الفازلين.
بعد إزالة الشعر:
بعد إزالة الشعر تصبح البشرة موجعة ومصدر إزعاج.. ضعي فازلين عليها
فترتاحي وتحولي دون إلتهابها.
فوائد الفازلين المتبقية
- لو كنتي تعاني من أكواع جافة دلكيها بشوية فازلين في الليل و حتبقى ناعمه - عشان تمنعي أعقاب قدميك من التقرح والآلام عند المشي إدهنيها بالفازلين. - عشان يدخل الحلق في أذنك بسهولة ونعومة ضعي فازلين على ثقب الأذن. - ضعي قليلاً من الفازلين على حاجبيك وبعدين إمسحيهما بواسطة فرشاة أسنان نظيفة..
- دلكي أظافرك بالفازلين ليلاً لو كانت بسرعة تنكسر أو مقصفة فالفازلين يقويها. - ضعي الفازلبن على عيونك في الليل عشان تأخر التجاعيد والخطوط. - قبل وضع صبغة الشعر أو كريم الفرد ضعي القليل من الفازلين على فروة الرأس
عشان ما تسبب لك المواد الكيميائية الموجودة فيها أي تهيج في الفروة.. - لتعالجي الحروق البسيطة ضعي فازلين عليها طبعاً بعد غسل مكان الحرق بالماء البارد.. - الفازلين يضفي على البشرة النعومة والرطوبة. .وخاصة عن التهاب الحفاضات لطفلكله مفعول عزل ومعالجة
معالجة الحروق لا يترك اثرا للحرق
انا غايتوا ما بطيق الفازلين رغم اقتناعي بفوأده لكن ما بقدر اتحمله و بحس بي حار و تقيل على الجلد عشان كده لقيت بيدل ليه للجسم و كامل و هو البيبي ااويل جل و ده حنرجع ليه ثاني. اما وضعه على الرموش ما انصح بيها لانه جربتها و دخل في عيوني و عشان هو لاييوق ما عرفت اتصرف, مشيت بيكيت لماما غاينوا عملت لي مويه ورد بارد في فنجان و خلتني اغسل بيها عيونه لكن يومين شايفه زيت زيت
Post: #17 Title: Re: كل البنات حلوين بيوتي سنتر Author: SHIBKA Date: 09-18-2010, 06:40 AM Parent: #14
دانية صباح الخير
انا غايتوا ما بطيق الفازلين رغم اقتناعي بفوأده لكن ما بقدر اتحمله و بحس بي حار و تقيل على الجلد عشان كده لقيت بيدل ليه للجسم و كامل و هو البيبي ااويل جل
اتفق معاك تماما في اني ما بطيق الفازلين رغم فوائده البسمع بيها من الناس
Post: #15 Title: Re: كل البنات حلوين بيوتي سنتر Author: حبيب نورة Date: 09-18-2010, 06:07 AM Parent: #13
Post: #16 Title: Re: كل البنات حلوين بيوتي سنتر Author: Dania Elmaki Date: 09-18-2010, 06:25 AM Parent: #15
حبيب السمحه سألت هبه؟
يا ولد هي قوم شوف شغلتك, ما تمل لي بوستينا و تعملو لينا شات روم انت زاتك شن مقعدك هنا, ده بوست النسوات المجيهات, انت و ود جبريل و تبلدينا تمتنعون
Post: #18 Title: Re: كل البنات حلوين بيوتي سنتر Author: heba Elmahi Date: 09-18-2010, 06:42 AM Parent: #16
Quote: هبويه بركه الجيتي
والله حقوا اكون مع الخيانه لانكم عملتو خيانه و ما كلمتوني بموضوع مامة راويه و مشيتو براكم عليكم جنس غتاته, لكن لمن الاقيكم
يا دانية ياخي ما تبقي حكاكة و كل شوية عاملة لينا حردانة .. أم ناس رواية مفتوح ليها بوست كاااااامل في سودانيزاونلاين الوااااحدة دي و بعدين زول عيان في المستشفي الناس ما بتطلع ليه مداعي السمع بمشي يعمل الواجب و بس و الما سمع عذره معاهو ..
Post: #20 Title: Re: كل البنات حلوين بيوتي سنتر Author: heba Elmahi Date: 09-18-2010, 06:50 AM Parent: #18
حبيب نورة كل سنة و انت طيب
Quote: ماشييييين وييييين أنا قلبي ما مطمن للمشوار دة
والله ماشين مشوار كاااااارب و بي خروفنا كمان ! لو سمحوا لينا بالتصوير بنشرًكم معانا في البهجة .. تحياتي
Post: #21 Title: Re: كل البنات حلوين بيوتي سنتر Author: Dania Elmaki Date: 09-18-2010, 06:58 AM Parent: #18
شنو كل شويه عامله حردانه دي شنو؟ بتين حردت قبل كده حاجه؟ و انت هسه هايجه كده مالك؟
ما جايه كلوا كلوا اها
و طالما هو واجب ما تكلموا الناس كلها تقوم بيه,
عندك وصفى تجميل تشاركي بيها؟ بحجز ليك كرسي قبل ما تجي الالفه مريم و وكيلة الالفه سناء
Post: #19 Title: Re: كل البنات حلوين بيوتي سنتر Author: Rawia Date: 09-18-2010, 06:46 AM Parent: #16
Quote: بكرة معانا ولا مع الخيانة ؟
أنا غايتو جيبو لي حقي ناشف وفييي محلتي أنا بكرة جايني ضيوف من ولايات بعيدة ولازمني التحزم والانكرابة بس حقي مابخليهو
Post: #22 Title: Re: كل البنات حلوين بيوتي سنتر Author: heba Elmahi Date: 09-18-2010, 07:05 AM Parent: #19
Quote: أنا بكرة جايني ضيوف من ولايات بعيدة ولازمني التحزم والانكرابة
إحنا إتبعنا يا رجالة
Quote: بس حقي مابخليهو
ما عندك أي مشكلة انا ممكن أجيب ليك الجلد تعمليه مصلاية ولا وسادة تتوسديها في الديزإن بتاعك دا هههههههه
__________ عملتي أضان جلد الليلة مش ؟ طييييب و الغسيل دا إن شاءالله يدود لووول
Post: #23 Title: Re: كل البنات حلوين بيوتي سنتر Author: Dania Elmaki Date: 09-18-2010, 07:11 AM Parent: #22
راويه خليني انتهي من نقل الدم بتاعي ده بكره و اجيك برواقه اقوم معاك باحلى واجب, انا والله شفت البوست فتحوا حبيب نوره في البدايه و كنت قايلا ماما في مصر ما هنا عشان كده اعذرينا.
اها يا راويه ما تتكلمي لينا على الفازلين شويه لانك قلتي مومنه بيه تماما.
شبكه بد الفازلين شوفي البيبي اول جل نفس النتيجه لكن ما حار و لطيف على البشره
Post: #24 Title: Re: كل البنات حلوين بيوتي سنتر Author: heba Elmahi Date: 09-18-2010, 07:24 AM Parent: #22
Quote: و انت هسه هايجه كده مالك؟
مين دا ؟ am cool
Quote: و طالما هو واجب ما تكلموا الناس كلها تقوم بيه,
الناس يكلموهم كيف اكتر من يفتحوا ليهم بوست عمل صفحتين لغاية الان ؟؟
Quote: عندك وصفى تجميل تشاركي بيها؟ بحجز ليك كرسي قبل ما تجي الالفه مريم و وكيلة الالفه سناء
عندي وصفات و وصفات عن تجارب ناجحة و آمنة بجيك صادة صباحات الله بخيرها
Post: #25 Title: Re: كل البنات حلوين بيوتي سنتر Author: Dania Elmaki Date: 09-18-2010, 07:31 AM Parent: #24
Quote: الناس يكلموهم كيف اكتر من يفتحوا ليهم بوست عمل صفحتين لغاية الان ؟؟
في أختراع اسمه التلفون, ما موضوع مستنيين وصفاتك
Post: #26 Title: Re: كل البنات حلوين بيوتي سنتر Author: مريم بنت الحسين Date: 09-18-2010, 07:48 AM Parent: #25
ازيكم يا سيّدات... وشكرا يا دانية على فتح البوست... انا طبعا زي ما قلت في بوست الخبيز ما عندي علاقة بالمكياج... وبعمل منّه اقل كمية ممكنه، وفي الغالب الاعم ما بعمل خالص
لكن عندي علاقة بالوصفات الطبيعية... رغم انها برضه ما علاقة مستمره... لكن مرّات بتقوم علي، وبعملها، نظام تغيير وكده...
غايته انا حاتابع البوست، عشان اتعلّم واشوف عندكم شنو، وبنفع معاي شنو... حاكم انا حساسيات الدنيا كلها عندي... وصعب ألقى شي ينفع معاي
_________________________
طبعا بشكل عام، انا سلوكي تجاه المكياج ما ثقة زايده، ولا عشان انا سمحه هههههههههه... لكن يمكن هو تعوّد أكتر... والدتي زوله بسيطه في مظهرها .. وبتفتكر الاناقة في البساطة... ومن انا صغيرة مانعاني من المكياج، ولحدي ما وصلت عمر 15 ما خلتني افرد شعري او امشي كوافير... كانت عايزاني اعيش طفولتي لأقصى حدودها... وفعلا استمتعععععععععععععته... وحافظت لي على شعري لحدي ما استلمته صحي وطويل وغزير، عشان بعداك اخربه بمزاج هههههههههههه... لما دخلته الجامعة، بقيت شويه شويه اعمل حاجات على خفيف، لكن دايما كانت البساطه طريقتي
بجيكم بوصفات للوش والشعر ان شاء الله، ومن طرف التلاجه هههههههههههه
Post: #28 Title: Re: كل البنات حلوين بيوتي سنتر Author: Dania Elmaki Date: 09-18-2010, 07:58 AM Parent: #26
مريومه بركة الجيتي
انا المكياج كان من الممنوعات و فرد الشعر من الموبقات هههههههههه لغاية ما وصلنا 15 سنه بعد كده سلمونا ليهم عشان نخربهم ههههههههههه اول مره استعملت مكياج اخدت علقه, قلت اجرب الروج, و بنت جيراننا شكيتها على منو ادتني الروج السحري لو بتتذكروه الاخضر داك انا قايلاه مرطب, عملته و بعد شويه قلب فوشيا و حلف ما يطلع, غسلتهو مسحته, قشيته, بكيت حلف ما يطلع و الله ما فضل لي الا اغسله بتراب وال احك خشمي في الحيطه. مشيت اعترفت ادوني قرصه. و قبلها لاني طبعا كنت طفله شمشاره و بحب اعرف كل حاجه عمري خمسه سنين في عرس بنت خالتي حاكيت البنت و قلت اشيل حاجبي, وحاتكم يا حلويين شلت الللحمه كلها بحاجبها و قعدت انبح خخخخخخخخخخخ دي ما دقوني فيها لانهم اتلخمو يعملوا لي شنو و يودوني المستشفى ولا لا,
برجع ليكم
Post: #27 Title: Re: كل البنات حلوين بيوتي سنتر Author: heba Elmahi Date: 09-18-2010, 07:55 AM Parent: #25
Quote: في أختراع اسمه التلفون
ما قلنا في بوست و المرض ما بطلعوا ليه مداعي تاني الحجة في شنو ؟؟ لكن لقيتك لايووووقة لياااااقة شديدة
Post: #29 Title: Re: كل البنات حلوين بيوتي سنتر Author: Dania Elmaki Date: 09-18-2010, 08:00 AM Parent: #27
هسه اللايوق منو عليك الله؟ خلاص ما نبوظ البوست
اكتبي وصفاتك بدل ما قاعده تنقنقي زي الحبوبات
Post: #30 Title: Re: كل البنات حلوين بيوتي سنتر Author: heba Elmahi Date: 09-18-2010, 08:06 AM Parent: #29
Quote: هسه اللايوق منو عليك الله؟ خلاص ما نبوظ البوست
اكتبي وصفاتك بدل ما قاعده تنقنقي زي الحبوبات
قرقرقرقر وصفاتي الصباح إن شاءالله عشان هسة نعست و عندي شغل كتير بكرة
تصبحي علي خير
Post: #31 Title: Re: كل البنات حلوين بيوتي سنتر Author: doma Date: 09-18-2010, 08:33 AM Parent: #30
سلام يا حلوات انا طبعا ما عندي اي وصفات لكين عندي شكيه كثيره اولا ما تقولن لي فازلين نهائي ولا زيت الزيت دا لو ختيتو في فروه راسي اتكرش متل المهيمه لو ما غسلتوا النوم ما بغشاني . ما في زيت ما جربتوا سمسم زيت خروع زيت كمون زيتون لوز وزيوت جابتها لي موني من بيبي فيس وكله بعمل لي كاروشه في فروه راسي واي قطره زيت في و وجهي تقوم حبوب بحجم الليمون . اها بشرتي دهنيه اعمل ليه شنو
Post: #32 Title: Re: كل البنات حلوين بيوتي سنتر Author: Kostawi Date: 09-18-2010, 08:39 AM Parent: #27
ياشباب سلام وصاحبة البوست,,, قبل البداية فى موضوع الميك اب والذى مـنو ابدو لينا بموضوع كـيفية العناية بالبشرة(تنظيف...وقاية...تغذية..الخ..) وياريت ياريت لو ركزنا على الحاجات الطبيعية( Natural ) هى عايزة زمـن وطولة بال لكن اثبتت فعاليتها,, طيب ادلو بدلوى فى مـوضوع الفازلين حسب تجربتى 1/مرطب للشفايف بدرجة امتياز وبديل كويس لليب ستيك(اختكم مابتاعة روج الا نادرا) 2/ للقدمين وتحديدا بعد الحمام تضعى كمية محترمة على القدمين والاظافر وتلفي رجلينك باكياس بلاستيك عادية (لو عندكم بدائل للاكياس اوكى) لمدة تترواح مابين 15 -40 دقيقة وتجى تنظفى رجليك بليفة خشنة او حجر تنظيف من غير استخدام الصابون وجففيهم بقطعة عادية,,, 3/بعد استخدام الاستشوار فى تجفيف الشعر امسحى شووووية فازلين على الشعر( للشعر الجاف) وادى استشوار تانى على خفييييييف 4/ اللوشن من فازلين فى الصيف حاجة ماتخلص... 5/وينك يا امانى الامين صاحبتى
للبشرة الدهنية تستخدم الزبادي خالي الدسم او الزبادي العادي معالليمون او العسل او الخميرة بيزيلالدهون و أحماض اللبن بتصفي البشرة و تزيل الرؤوس السودإ. بجيكم راجعه
Post: #46 Title: Re: كل البنات حلوين بيوتي سنتر Author: Dania Elmaki Date: 09-19-2010, 02:36 AM Parent: #45
الناس مشوا وين؟
Post: #47 Title: Re: كل البنات حلوين بيوتي سنتر Author: قاسم المهداوى Date: 09-19-2010, 03:05 AM Parent: #46
الكركار مالو ؟؟؟ وصناعتنا المحليه
قاسم
Post: #48 Title: Re: كل البنات حلوين بيوتي سنتر Author: Dania Elmaki Date: 09-19-2010, 04:27 AM Parent: #47
ماما دوما معليش اتاخرت عليك
العنايه بالبشره الدهنيه
اولا غسل البشره مرتين في اليوم بغسول او صابون مناسب, (ما دوف و زست على فكره) لازم صابون خاص للوش, ممكن تجربي نتروجينا او فيسدويرم او كلين اند كلير, و بعد الغسيل لازم التونك, لانه قابض للمسام الواسعه البتمتلي بيها البشره الدهنيه, و بعد التونك لازم مرطب (رغم انه البشره الدهنيه) لكن في مرطبات خاصه بيهم و تكون من نوع الجل او الكريم المائي و ليس الدهني و على فكره كلينيك عندهم ست ممتاز يتكون من ثلاثه خطوات صابونه و تونك و مرطب جل اسمه كلينيك ثري ستب, المهم لازم تبتعدي عن الصابون العادي و الزيوت.
اقنعه طبيعيه للبشره الدهنيه قناع الخميره مع الزبادي, شويه زبادي و خميره و عصرة ليمونه تضغيهم على الوش ربع ساعه و تغسلي عادي
ممكن الطماطم برضه تبشريها مع ليمون, ده قابض جدا للمسام المهم تواظبي على النظافه اليوميه و الاقنعه الاسبوعيه
Post: #49 Title: Re: كل البنات حلوين بيوتي سنتر Author: Dania Elmaki Date: 09-19-2010, 04:42 AM Parent: #48
اميره الشيخ منوره البورد
معلومات قيمه عن الفازلين لكن انا ما بطيقه و اللوشن بتاع الفازلين شايفه اختي بتستعمله, بكره امشي اعمل غاره على غرفتها اجربه, انا شخصيا لانه بشرتي شديدة الجفاف بستعمل البيبي اويل جل ما ما اخترعوه ههههه بحس بيه خفيف شويه عن الفازلين لكن في نفس الوقت ترطيب شديد, و خصوصا لو استعملناه بعد الحمام و البشره نديه لانه كده البشره بتحتفظ بالترطيب اكتر, بس ما تنسوا تنضفوا البانيوا عشان مافي زول يكسر رجله و يجي يقول داينه قالت.
اميره عليك الله ساعدينا بالتبويب و تنظيم البوست حاكم اختك في البوستات ما منظمه.
Post: #50 Title: Re: كل البنات حلوين بيوتي سنتر Author: مريم بنت الحسين Date: 09-19-2010, 05:51 AM Parent: #49
وصفة حلوه للشعر.. بتديه لون، وبتفرده، وبتغزّيه...جربتها كتير، وكنت بعملها قبل ما اتزوج واتلخم ههههههههه
حنة، حبّة عصير كركدي، بيضة، ملعقتين زبادي، معلقتين قهوة (يعني معموله، موش بودره) عصره صغيرة بتاعت ليمون ملعقة زيت زيتون... لخبطوا ده كله، وفي الشعر.... الحنه لما تنشف، بتشد معاها الشعر.. عشان كده لما تغسليه شعرك حيكون زي العامله ليه استشوار.. الحنه معروفه بتغذّي الشعر... والحنه مع الكركدي والقهوة بدوا الشعر لون باذنجاني كده... لما يكون في الاضاءة موش ساي هههههههههههههههه..
جربوها
Post: #51 Title: Re: كل البنات حلوين بيوتي سنتر Author: smart_ana2001 Date: 09-19-2010, 06:05 AM Parent: #50
سلامات لكل الجكس الحلو (كستاوى....امشى شوف ليك شغله غيرنا) شكرا يا دانية على فتح البوست لقيتكم كلكم امهاتكم كانوا هارشنكم....تمام و الله. انا امى ما لقت فرصة تهرشنى فى المواضيع دى (خاصة الشعر ) لانى كنت طفلة (محمد ولد) حايمه مع اخوى الاكبر منى طوال الوقت . فى سنة سادسه (بعد مرحلة الضفائر على طول) قررت البس طرحة و فى اولى تانوى قررت اتحجب. بس فى المتوسط كان عندى جن مراية...(اليوم كلو واقفه قدام المراية) طلعت من المرحلة دى فى الثانوى...شكلى ح ارجع ليها قريب تانى...
مريوم ...شكرا على الخلطة. لكن انا الحنة بتنشف لى شعرى....قلوا لى كبى معاها زبادى عشان ما ينشف....لكن طليع الحنا من الشعر صعب شديد...
دانية شكلها ح تظبط البوست تمام...لكن انا ح اكتب حجات بسيطه عرفتها من التجربة....ان شاء الله تكون مفيده.
1-سلامات كبيرة جدا للفازلين و مخترعه.... انا شخصيا لو مشيت نمت من غير ما امسح وشى بفزليين ببقى كانى قاشه وشى فى صحن دقيق تانى يوم ....غباشه شديده.
2- اغسلى وشك على الاقل 3 مرات فى اليوم...ما مهم بتستعملى لوشك اى رجيم...لكن لازم تغسليه الصباح و مرة تانية بعد ما ترجعى من الشغل او المدرسة او لما تخلصى من خدمة البيت و الاهم قبل ما تنومى. و قبل النوم دى اهم واحده.و طبعا دانية ح تقول ما تنوموا بمكياج..اهم حاجه تطلعى الميك اب قبل النوم
3- ابعدوا من الشمس...اسؤ حاجه للبشرة الشمس. استعملوا صن بلوك. حتى لو كان اليوم مغيم ..ده ما معناه انو ما فى اشعة ضاره من الشمس. و ضرر من اشعة الشمس ما فى ان لونك ح يسمر. الضرر فى انه اول ما تصلى 35 سنة ح تبدا تظهر التجاعيد.
4- النوم النوم النوم. اهم حاجه لبشرتك اك تنومى على الاقل 7 ساعات فى اليوم.
5- الموية ..اشربى على الاقل 8 او 9 كبابى كبيرة موية....فى حر السودان لازم اكتر.
6- اكلى خطار اخضر....خاصة الجرير و الحجات اللى ذى دى ...مفيده جدا للشعر و البشرة...حكاية استعمال زيت الجرير و كده دى ما عارفاها ...لكن الاكل ده انا متاكده منو.
7-اخدى فايتميات يوميا...الفايتمينات العادية دى....خاصة لو كنتى حملتى قبل كده و عندك اطفال.طبعا مع الحمل مفروض تغيرى النوع لونع بتاع الحوامل...
8- الرياضة....حاولى اتريضى نصف ساعة فى اليوم...الرياضة بتقلل ال stresss و ده بيعمل عمايل فى البشرة..
9- حاولى قللى من شراب القهوة و الشاى و الببسي و الكولا...و لو شربتيهم ..اشربى معاهم كوز موية كبييير. الكافين اللى فى القهوة و الشاى و الببسي بيعمل على اخراج الموية من الجسم ..عشان كده لو ما بتشربى مويه كفاية ممكن يجيك دى هايدريشن....و ده ما كويس عشان البشرة....كلو كلو. و كمان القهوة بتغير لون اسنانك....عاوزين ابتسامات نااااصعة.
و بجيكم راجعة ________________________________ خالتى دومة...شعرك لو دهنى ...غسليه كل يوم و استعملى كوندشنر(بلسم) يكون نوعه سمح. اللى بيكون مكتوب فيه للشعر اللى حالته صعبة.ممكن تغسليه يوم بمويه ساى و تستعملى الكوندشنر و اليوم التانى بالشامبو و برضو تستعملى الكوندشنر. ممكن كما تمسحيه بزيت زيتون سسسسسسمح لكن قبل الغسيل بحوالى نصف ساعة كده. و تلفيه ببشكير بعدين تغسليه.
Post: #52 Title: Re: كل البنات حلوين بيوتي سنتر Author: Dania Elmaki Date: 09-19-2010, 06:33 AM Parent: #51
Quote: غايتو يادانية البوست دا عاوزتبويب مثلا>>>>>>>>>>> 1/موضوع الشعر 2/الوجه 3/اليدين والرجلين 4/الجسم كلو 5/الميك اب وهكذا,, شان زى حركات ماما دومة دى شوفى لى موضوعى وشنو كدا ماعارفة يا ماما دوم صبرتى لحدووووت عمرك بقى 72 سنة على بشتنة شعرك اسىىى دى بس هفة ليك تصلحى وتلمعى?الليلة وووب,,
اميره معاك حق في موضوع التبويب, لكن هسه شايفه البنات ماسكين الشعر و الوش, خلينا نخلصحم و نمشي للجسم كله و اليدين و الرجلين,
بنات كل واحد تجي تورينا هي بتعمل شنو لوشها عشان نشوف الصح و الغلط و لو في واحده مجربه حاجه ما عارفينها تورينا ليها, و نركز على الطبيعي لكن برضه المنتجات التجييليه البنستخدمها
ماما دوما انا عندي احساس انه الغلط عندك انت هههههههههههههه, اقصد طريقتي في معاملة شعرك و وبشرتك, كدي وريني بتستخمي شنو للشعر و الوش و من ما تصحي لمن تنومي بيحصل شنو عشان نقدر نعالج الخلل. سمارت بركة الجيت. بركه الجيت
مريم خلطة الحنه حلوه لكن ما خليتها عشان ما بعرف امرقها من شعري لكن مغذيه جدا
انا جربت المايونيز للشعر يا ماما دوما, تجلبطي شعرك مايونيز لمن يقول بس و يجيه كوليسترل, و تربطيه بطاقية بلاستيك لاطول مده انشاء الله ساتعين و اهنت بتعملي شغل البيت (ما تقولي الريحه* ما قويه و يتروح اول ما تغسلي شعرك, اغسليه بعدها عادي بشامبو و لفيه و شوفي حيكون جميل كيف
برضه ممكن قناع الافوكادو للشعر, تهسرسيه او في الخلاط مع شويه زيت زيتون او زيت لوز و ممكن صفار بيضه و تعمليهم على شعرك و تغسلي عادي بشامبو و بلسم
Post: #53 Title: Re: كل البنات حلوين بيوتي سنتر Author: maia Date: 09-19-2010, 06:34 AM Parent: #51
الاخت دانية والمشاركون الاعزاء
لكم التحية شكرا على البوست الجميل ، وبالجد نفتقد في ثقافتنا السودانية الاهتمام بالبشرة بطريقة طبيعية بقول بطريقة طبيعية لانه السودانيات بقت عندهم قناعة قوية انه ( الوش) او البشرة السودانية ما بتنفع معاها الا كريمات من نوع ديانا وانتي طالعة وعلى قولهم الوش لازم يعمل كدا ( تقال مع تحريك كف اليد زي الهبابة) في النهاية هي عوامل تعجيل بتعذيب البشرة وتحويلها لبشرة صباح الفنانة بسرعة
قريت مداخلاتكم عن الزبادي ، وحقيقي الزبادي اكتر من رائع على البشرة ومغذي جدا خاصة مع الليمون
لكن المهم زي ما قال مرة دكتور مصري الغذاء الداخلي هو الاهم
يعني كله ببدأ من الاهتمام بتناول غذاء جيد والاهم شراب كمية كتيرة من المويه ( الماء) غايتو صراحة عندنا مشكلة نشرب موية بكميات كافية
لكم التحية مرة تانية على البوست الجميل المفيد
Post: #54 Title: Re: كل البنات حلوين بيوتي سنتر Author: Dania Elmaki Date: 09-19-2010, 06:42 AM Parent: #53
مايا مرحب بيك منوره
فعلا كلامك صح انه في السودان الناس عندها اقتناع انه لازم ديانا و انت طاله للوش لكم كمان ما تنسي ناس السودان عندهم جمال البشره في بياضها, يعني تكون بيضا و خلاص ما شرط تكون لينه, متماسكه, مشدوده, و نضره المهم بيضاء و انشاء بمويه نار ما مشكله.
نحن حنناقش الطبيعي كله مع برضه منتجات تجميل جيده و مجربه و كل واحده حتقول لينا الروتين بتاعها اليومي في العنايه بالبشره او الشعر او الجسم كامل
Post: #57 Title: Re: كل البنات حلوين بيوتي سنتر Author: Amany Elamin Date: 09-19-2010, 06:53 AM Parent: #51
دانيه والحبيبات,, ازيكم, وشكرا خالص يا دندون علي البوست اللذيذ ومفيد,, اليومين ديل مشغوله خالص ومابدخل البورد, لكن جاياكم برواقه انشاء الله,,
أميره الشيخ مشتاقين وتسلمي علي السؤال,, عندنا فرح وحياتك, وطبعا شايله موبايلي وقاعده أصوّر ليكم في شيالات الخبيز, وفطور العريس, والهدايا المعاهو :) وكل الحاجات الحلوه الاتكلمنا عنّها, بنزلها ليكم في واحد من البوستات القديمه قريب انشاء الله,,
Post: #59 Title: Re: كل البنات حلوين بيوتي سنتر Author: doma Date: 09-19-2010, 07:49 AM Parent: #48
Quote: شان زى حركات ماما دومة دى شوفى لى موضوعى وشنو كدا ماعارفة يا ماما دوم صبرتى لحدووووت عمرك بقى 72 سنة على بشتنة شعرك اسىىى دى بس هفة ليك تصلحى وتلمعى?الليلة وووب,,
لوووووووووووووووووول هوي يا امير ه انت ما سمعتي بعد شاب دخلو الكتاب
طول عمري صابره علي نبيشه الناس مالو شعرك منكوش ؟؟مالوا شعرك منفوش ؟؟ الا ابو سوزانه ودعتو لي الله الما بسالني لانو مقتنع انو دي طبيعتي واصلوا دا الافرو هير كدي وبيني وبينكم انا زاتي مقتنعه بيهو بس البقنع الناس شنو؟؟؟!! شعري دا كدي عاجبني جدا وبشبهني ومتاكده لو بقي ناعم ومملس ما بيكون سمح مع وشي . غير كدا بقول احسن البصرفوا في عمليات مهببه اوفره اعمل بيه شئ اهم لومشيت لكوفير يدفعوني حق تلاته رؤوس ولا يلموا فيني تلاته بنات يقربوا يفقهوني اسع شعري خليناه لانه بقي غير مهم
خلونا في الوش يا بنوت هوي انا جني وجن الجلبطه دي يا تراجي يا ختي العسل دا اخير اكلو ا في بطني دي مش بيقولوا الجمال من الداخل . غايتو الليمون دا ممكن لانه ما بحسسني باني مجلبطه .واحتمال الطماطم ومن اصعب الاشياء عندي الالتزام والمواظبه والتونك دا وانا جاده هو شنو ؟؟
Post: #55 Title: Re: كل البنات حلوين بيوتي سنتر Author: SHIBKA Date: 09-19-2010, 06:46 AM Parent: #40
تراجي
كل سنة وانتي طيبة
Quote: جربي يا دوما الحنه بالعسل والزبادي وصفار البيض فقط ولن تحتاج لاي كونديشنر بعدها. ولا زيوت للدهن.
مرة سمعت من واحدة خالتك كدا قالت العسل بشيب الشعر ما بعرف الكلام دا صاح ولي غلط لكن كلام اتقال لي
Post: #56 Title: Re: كل البنات حلوين بيوتي سنتر Author: Dania Elmaki Date: 09-19-2010, 06:50 AM Parent: #55
شبكه ازيك
العسل يقال انه ممكن يسبب الشيب لو اكلتيه يكميات تجاره في فتره قريبه, لكن استعماله للشعر او البشره امن جدا
Post: #58 Title: Re: كل البنات حلوين بيوتي سنتر Author: smart_ana2001 Date: 09-19-2010, 07:26 AM Parent: #56
سلامات تانى يا بنات ح ابدا بالروتيم بتاعى بتاع الوش
الصباح: بغسل وشى بصابونة بيرس . بستعملها لى اكتر من 15 سنة و بتنظف كويس و حنينة على البشرة
بنشف وشى على خفيف...و بمسحه بمرطب Dermalogica AGE Smart ..اهم حاجه فى مسح الوش انك تمسحى الوش من تحت لفوق. و بالاصبع ال فى النص...لانه اصبح ضعيف و ما ح تقدرى بيه تدوسى شديد على بشرة وشك
بعد كده - مارقه- بخت سن بلوك....الشمس هنا ماشاء الله ....حكاية صعبة شديد
لو عندى كزاج...ممكن اخت لى حبة بدرة و موضوع الميك اب ده موضوع براه.
المساء: قبل النوم .... بغسل وشى بنفس الصابونه. بمسح وشى بفزلين ..بمزاج. مره واحده -بس- فى الاسبوع بستعمل مقشر للوش. بستعمل النوع ده
الشعر....بغسل شعرى كل يوم الصباح ب هيد ان شولدر...لان من غيرة قشرتى ح تكب من تحت الطرحة فى الارض بعده بستعمل كوندشنر ده Garnier Conditioner بخت لى نقطة او اتنين زيت زيتون فى يدى و بمسح بيهم شهرى و هو لين مسافة ما اجهز للشغل من عمل الفطور لشراب اللبن و كده شعرى بيكون نشف...بلف الطرحة و اتوكل....ما بستعمل استشوار الا نادر جدا..و لو استعملته بستعمل هواء بارد بس من غير حرارة.
Post: #60 Title: Re: كل البنات حلوين بيوتي سنتر Author: maia Date: 09-19-2010, 08:01 AM Parent: #58
العزيزة دانية
غايتو الليلة بقيت ضيفة مستمرة للبوست لاني من انصار الطبيعي جدا
عارفة يا دانية واحدة من المشاكل برضو انه الناس ما بتهتم بفكرة البرنامج اليومي للبشرة من منظفات ومرطبات وواقي الشمس يعني الشغلانة جايطة وماشة بالبركة فكرة جميلة كتابة البرنامج اليومي لانه من النادر يكون في التزام ببرنامج ثابت
الاخت سمارت الواقي الشمسي من نيتروجينا النسبة كم المفيدة لشمس سودانا القاسية دي ؟
تسلموا كتير
عندي اضافة صغيرة من مطبخنا العجين المر والله لا يستهان به بالذات لناس البشرة الدهنية ( وكل انواع البشرة) قابض للبشرة وخفيف عليها ما حاقول كقناع لانه العجين المر مرتبط طوالي بالتدليك بس تدليك خفيف بدون دعك يعني يا خالتي دوما حتلقيهو بسيط وخفيف على البشرة بدون ازعاج
Post: #61 Title: Re: كل البنات حلوين بيوتي سنتر Author: SHIBKA Date: 09-19-2010, 08:58 AM Parent: #60
للشعر الخفيف واللي ستو عايزاهو يغزر استخدموا حنة السدر عن تجربة
الطريقة ملعقتين حنة سد وكوب ماء مغلي ونص ساعة كدا وعلى شعرك لمدة لا تزيد من ساعتين
اسبوعياً
بعد شهر تلقي النتيجة
Post: #62 Title: Re: كل البنات حلوين بيوتي سنتر Author: doma Date: 09-19-2010, 09:02 AM Parent: #60
Quote: ماما دوما انا عندي احساس انه الغلط عندك انت هههههههههههههه, اقصد طريقتي في معاملة شعرك و وبشرتك, كدي وريني بتستخمي شنو للشعر و الوش و من ما تصحي لمن تنومي بيحصل شنو عشان نقدر نعالج الخلل. سمارت بركة الجيت. بركه الجيت
لكين يا دانيا يا بتي في داعي للاسئله التعسفيه دي ؟؟؟ اها اتعهد بان اقول الحق ولا شئ غير الحق وشي دا بغسله باي شئ يلاقيني ولو ما لقيت شئ بي مويه الله دي و بستعمل كريم للوش مره في اليوم دا لو ما نسيتو غالبا الصباح لانه بعد اقهي في سودانيزاونلاين بنسي روحي ذاتها شعري دا يا دانيا يا بتي اصلوا ما اظن اتخلق مثله في البلاد وطبعا اسه هو بقي خفيف شديد مقارنه بالزمان المضي لكين عمري ما قدرت اسلك شعري للنهايه لما اصل نصه حيلي بتهد عديل كدي بتمنسكني فلايت , وقطايع واساسا ما بقدر اسلكه الا لما يكون لين بمويته لكين لو لحق نشف قبل اضفره الا تاني ارجع اغسله حتي يتفك من الشربكه . بغسله مرتين في الاسبوع لانه مما ينشف بيتقصف وبرضو ح اوريك سبب نشافو( معاي زول ما بعرف ينوم الا في اوضه مكندشه والكندشه بتجفف لي شعري لانه الغرفه بارده وجافه ) غير كدا طبعا بستعمل صبغه الشعر ومن سوء حظي كل اسبوعين الجذور البيضاء بتظهر. الحنه ما بقدر عليها لانها متعبه في الغسيل وبتبهدل المكان ما بقدر استعمل اي زيت في فروه راسي بتمسكني الكاروشه وما بستعمل دهان لا شئ بس اغسله واعمل ليه كو ندشنر افككه من الشربكه هو لين اضفره وهو لين بعد ينشف وهو مضفر افكه و واربطه بي باند وانتهينا تاني ما بهبشوا الا الغسله الجايه .
Post: #63 Title: Re: كل البنات حلوين بيوتي سنتر Author: maia Date: 09-19-2010, 09:11 AM Parent: #62
خالتي دوما
كل سنة وانتي طيبة
فلايت عديل يا خالتي دومامن التسليك لووووووول
لكن يا خالتي دوما كتر خير شعرك لغاية حسه ، عدم التسليك بيخلي الشعر يتشابك والصبغة الكتيرة مضرة جدا ده كلو هلاك للشعر ما بعده هلاك
معاكي انه الحنة سخيفة والواحد بتمنى انه يختفي من نفسه وما يعملها لكن ممكن تعملي خلطة بزبادي وبيض مثلا
اذا عندك حساسية من زيوت الشعر ، جربي عمل حمام زيت في الكوافير انشالله مرة كل 15 يوم بيكون بكريم وفي كريمات خفيفة للشعر ممكن تستعمليها في البيت لو حبيتي ومفيدة برضو
Post: #64 Title: Re: كل البنات حلوين بيوتي سنتر Author: مريم بنت الحسين Date: 09-19-2010, 09:13 AM Parent: #60
انا بصحى الصباح، وشي مافي صابونه بتنفع معاه... لسبب ما، بتعمل لي حبوب ... ممكن استخدم صابونة الغسيل بتاعت الملابس القديمة ديك في السودان او صابونه معمولة من زيت الزيتون في الاردن.. ديل كانوا بنفعوا معاي، لما ما القى ديل.. بالموية دي سااااااي... وانتيهنا على كده.. ما عندي اي برنامج تاني لوشي... لو عندي سفرية مثلا ولا مناسبة بقوم بعمل قناعات بتاعت زبادي مع كستر او نشا وحبة ليمون... وبكب فيهم موية خيار... بنظفوا الوش وبدوه نضاره.. وتمسحيهم في الوش وتخليهم لما ينشفوا تغسّليهم...
عندي سؤال عن الsun block يا سمارت، انا استخدمته ultra sheer قبل كده، كنت عايزه اتفلسف واحمي وشّي، وانا اصلا ولا بطلع في الشمس ولا شي.. شغلي بالليل.. لكن مره كنت ماشه السودان، وقلت استخدمه، عمل لي كمية من العرق في وشي، خرااااااااافيه.. واي نوع تاني بعمل لي نفس الشي، الغلط وين
دانية، انا كان متذكره قصة المايونيز دي، كان جلطته قبل ما اغسل شعري.. المره الجايه
ده المرطب بتاعي من ما عرفت المرطبات و العنايه بالبشره, من استي لودر طبيعي و مضاد للاكسده, الكريم ده بدا انتاجه سنه 1968 و بعكس اكريمات الثانيه ما وقفوه ولا غيروه, هو مرطب طبيعي خفيف لا بييض لا بيقشر الوجه, بيحافظ على نسبة الترطيب و بيحارب العوامل البيئيه البتخلي البشره تعجز بسرعه و فيه واقي حمايه من الشمس. في الشتاء بستعمل بتاع الوجه الشديد الجفاف و في الصيف بغير لبتاع الوجه العادي. ما بتحاج لكتير منه, العلبه دي بتقعد ثلاثه شهور.
دي صابونتي من اكتر من عشره سنوات, من افينو, مصنوعه من دقيق الشوفان, مرطبه و ما بتسبب اي حساسيه, و مافيها صابون خالص قلوي, لمن تبليها بالمويه بتكون زي العجينه كده و ريحتها دقيق دقيق, لو بشرتك مافيها مشاكل مريحه جدا بتحافظ ليك على نضافتها من غير اي تهيجات بستعملها صباح و مساء.
ده التونر من كلينيك (ياهو ده التونر يا ماما دوما)
بعد غشيل الوش بمسحه بيه بخفيف بقطنه و بيقشر الطبقات الخارجه من البشره بلطف شديد, في منو 3 انواع لكل انواع البشره, انا غايتوا ناسبني ده جدا و ايام الشتاء الشديد وشي بيكون جاف بخففه بشويه موية ورد و جلسرين و بستعمله عادي.
ده القناع بتاع الفحم من اوريقينس, طين و فحم بيزيل الشوائب و بيمنع الحبوب, بصراحه هو للوش الدهني او العادي لكن انا بستعملها عشان يمنع الحبوب. ممتاز للبشره الدهنيه. بستعمله مره في الاسبوع.
ده مقشر الوش برضه من اوريقينس ببذور المنقا و الباباي و احماض الفاكهه بنسبة بسيطه, بتستعمليه مرتين في الاسبوع, ممتاز برضه و بيخلي وشك ينور لانه بيشيل الغبشه يا ماما دوما ههههه.
انا الحاجات دي بستعملها من اكتر من عشره سنوات, ما بحب اغير في الروتين بتاعي لاني مرتاحه عليه و بميل للحاجات الطبيعيه جدا حتى لو كريمات لازم تكون من مواد طبيعيه و خاليه من الكورتيزون و الزيبق و غيره و دي كلها حاجات لا بتفتح لا بتخليك بيضاء لا كحليه, لونك زاته بس بتشيل ليك الشوائب و بتحافظ على بشرتك و طبعا اي يشره معرضه لانه تقوم فيها حبه ولا بقعه و دي برضه ليها علاجات في وقتها.
المهم اختيار المنتجات المناسبه و المواظبه عليها, لازم غيسيل و ترطيب الوش يكون زيه زي انك تتسوكي مافي اي مفر منه. و في الشمس لازم حمايه منها, انا ما بستعمل واقي شمس خارجي لانه المرطب بتاعي فيه و بحس بيه كفايه.
Post: #67 Title: Re: كل البنات حلوين بيوتي سنتر Author: Dania Elmaki Date: 09-20-2010, 04:26 AM Parent: #66
نوقف يا بنات ولا شنو؟
Post: #68 Title: Re: كل البنات حلوين بيوتي سنتر Author: SHIBKA Date: 09-20-2010, 05:57 AM Parent: #67
Quote: نوقف يا بنات ولا شنو؟
عن نفسي بقول لا لا لا ما توقفي
Post: #69 Title: Re: كل البنات حلوين بيوتي سنتر Author: doma Date: 09-20-2010, 07:59 AM Parent: #68
Quote: دانية، انا كان متذكره قصة المايونيز دي، كان جلطته قبل ما اغسل شعري.. المره الجايه
غايتوا يا بنياتتي الله يديكن العافيه ما حيرتني في روحي دي المايونيز البياكلوه دا ؟؟ غايتوا انا اليوم تلاته ساعات قضيتهن معاتله ومناتله مع شعر بت الهاده لوووول بت الهاده دي قالوا كان عندها شعر خرافي . عاد يا دانيا يا بتي اسع origin دا بلقاه في بكين دي ؟؟!!
ماما دوما, شفتي المايونيز ده اعظم حاجه للشعر, بلسم عديل, انا كمان بزيد عليه معلقة زيت لوز, و بجلبط بيه شعري و اغطيه بكاب بلستيك, بعد كده غسيل عادي بشامبو و كوندشنر و انت جربي و شوفي.
Post: #72 Title: Re: كل البنات حلوين بيوتي سنتر Author: مريم بنت الحسين Date: 09-20-2010, 01:45 PM Parent: #71
الشعر ده يا سيدات برضه بحب المشاط... ايييييييييوه، المشاط الواحد ده....
انا فترة طويلة لما كنت في الاردن، كنت بستعمل طين البحر الميت كMask...
وفعلا لونه زي ده كده... لكن انا كنت بستعمل الطبيعي، موش المعبّأ البتباع... الطبيعي احسن بكتير... كان بشد لي وشي بصورة ظريفة.. هم بلخبطوه مع العسل كمان....
و الطبيعي ده ممكن يتلقي وين يا مريم؟ مرة اشتريت طين من واحدع مفربيه لكن كان مختلف و ما عجبتني ريحته زي الاسمنت
Post: #74 Title: Re: كل البنات حلوين بيوتي سنتر Author: مريم بنت الحسين Date: 09-20-2010, 03:13 PM Parent: #73
هو فعلا ريحته ما حلوه، وبشبه الاسمنت... لكن ده طين البحر الميت، إلا في الاردن ... عشان كده قلنا ليكم كنت بستعمله
كلموا رجاء العبّاسي تصدّر لينا
Post: #76 Title: Re: كل البنات حلوين بيوتي سنتر Author: doma Date: 09-20-2010, 05:06 PM Parent: #71
Quote: ماما دوما, شفتي المايونيز ده اعظم حاجه للشعر, بلسم عديل, انا كمان بزيد عليه معلقة زيت لوز, و بجلبط بيه شعري و اغطيه بكاب بلستيك, بعد كده غسيل عادي بشامبو و كوندشنر و انت جربي و شوفي.
قلت ليك يا دانيا بتي لكين المايونيزدا مش فيه ةع مسترد ونصايب تانيه ؟ طيب ما اخلط زيت زيتون صفاربيض براي بدل المايونيز ؟؟؟ . انتوا عارفين ما اظنكم قادرين تتخيلو نوع شعري وانا من ملاحظتي انه شعري لما اعمل فيه زيت بيبقي كعب شديد عكس لما اغسله واعمل ليه كوندشنر يوم يومين بيكون ملمسه سوفت اذا شعري مشكلتو الجفاف وما بحفظ الرطوبه لزمن طويل الزيوت ما بتخدم غرض نهائي مع نوع شعري دا بل تزيد المشكله وتجعله اكثر جفافا انا مفروض افكر في شئ يحفظ الرطوبه في شعري اطول زمن ممكن . i need a good moisturizer
Post: #75 Title: Re: كل البنات حلوين بيوتي سنتر Author: doma Date: 09-20-2010, 03:31 PM Parent: #58
Quote: بخت لى نقطة او اتنين زيت زيتون فى يدى و بمسح بيهم شهرى و هو لين مسافة ما اجهز للشغل من عمل الفطور لشراب اللبن و كده شعرى بيكون نشف...بلف الطرحة و اتوكل....ما بستعمل استشوار الا نادر جدا..و لو استعملته بستعمل هواء بارد بس من غير حرارة.
غايتوا يا اسمارتينا الشعر البغسلو كل يوم دا وينشف براه الا يكون ناعم حرير وخفيف بختك والله انا دايما يقول لولا شعري دا كان احرزت جائزه نوبل في علم من العلوم الهامه لانه تقريا اكثر من ربع وقتي وانا صاحيه بكون في معاتله ومناتله مع شعري غسيل ساكت وتسليك ساعه ونص بعد داك ارجع تاني اغسله من الكوندشنر تاني اسلك واضفر ويوم كامل حتي ينشف
Post: #77 Title: Re: كل البنات حلوين بيوتي سنتر Author: عثمان محمد كرار Date: 09-20-2010, 05:17 PM Parent: #75
يا بنتي إن أردت أيــة حسن .. وجمـالا يزيـن جسمـا وعقــلا فـانبـذي عـادة التبرج نبــذا .. فجمــال النفوس أسمى وأغلى يصنــع الصانعــون وردا ولكـــن .. وردة الروض لا تضـــارع شكـــلا ... صبغـــة اللــــه صبغــــة تبهــر النفس .. تعــالى الالــــه عــز وجــلا ثــم كــــوني كـــالشمس تطلـــع .. للــنــاس ســواء من عـز منهــم وذلا فامنحي المثريــــــات لـينـا ولطفــا .. وامنحي الـبـائسات بـرا وفضـــلا زينــة الـوجــــــه أن تـرى العين فيـــه .. شرفـــا يسحر العيـــون ونبــــــلا واجعلي شيمــــــة الحيـــاء خمـــارا .. فــهـــو بــالـغــادة الــكــريمـــة أولى .... ليس للبنـــت في السعـــادة حــــظ .. إن تنــــاءى الحيـــــاء عنهـــا وولى وألبسي من عفـــاف نفســك ثــوبـــــا .. كـــل ثـــــوب سواه يفنى ويبلى
Post: #78 Title: Re: كل البنات حلوين بيوتي سنتر Author: doma Date: 09-20-2010, 05:32 PM Parent: #77
الليلة ووووووووووووووب ياعثمان كرار نقفل البوست دا ولا كيف؟
Post: #80 Title: Re: كل البنات حلوين بيوتي سنتر Author: انعام حيمورة Date: 09-20-2010, 05:58 PM Parent: #75
الحبيبة دانية والحلوين ..
بوست لذيذ جدا قريتوا واستمتعت بيه خالص وضحكت على مداخلات ماما دومة لاني بعرف قصة شعرها ويوم اصريت عليها وديتها الكوافير حقي ولما ظبتوه وبقى يا سماحته بس هي ما كان باقي ليها ابدا هههه
بالنسبة لي ما بستعمل الا صابونة الغسيل العادي حق الهدوم الابيض زي مريم بت الحسين ويا مريم لو عرفت زول جاي برسل ليك كرتونة ..
لو ما لقيت الصابونة جنبي بالمواية ساي ..
نادر ما استعمل كريم لاني ما بقدر على المواظبة وشي بكون على حسب نفسياتي ..
شعري بعد ما انتهت منو المكوة ، بستعمل المايونيز مع حمام زيت بدأ يتصلح ..
وبحب استعمل الكركار مع دهن الساق مغ الشمع بدون ريحة كويس معاي
الفازلين بزلقني وما بحب المسوح .. هسة الحنة ظبططت معاي وبقوا مية مية يا راوية هههههه
بتمسح بي روز لوشن مع جرسلين برضو ظابط
Post: #81 Title: Re: كل البنات حلوين بيوتي سنتر Author: doma Date: 09-20-2010, 06:10 PM Parent: #80
Quote: شعري بعد ما انتهت منو المكوة ، بستعمل المايونيز مع حمام زيت بدأ يتصلح ..
يا بناتي المايونيز دا شنو انتوا متاكدات مايونيز الاكل دا ؟؟
بي مستردتو وملحه وسكره وخلو لانه بفتكر دي مكونات المايونيز بيض زيت ملح سكر مستردا و خل . والله يا انعام شعري خلي العافيه في كوفيرك داك اسه بقي شويه واتحت واتصلع خاصه في النص عارفه هي وبتكوي في نص شعري دا والله كنت بحس بالمكوه في قلبي الم الم ما عصرتوا لحبيب ولا عدو وما بوصي زول شعره جاف متل شعري علي المكوه ابدا
Post: #82 Title: Re: كل البنات حلوين بيوتي سنتر Author: انعام حيمورة Date: 09-20-2010, 06:21 PM Parent: #81
ايوة يا ماما دوما ياهو المايونيز ذاتو انا بشتري علبة صغيرة بتعمل لي اكتر من ستة مرات ..
مريم و انعام.....احلفكم بشنو ? عليكم الله ما تستعملوا صابون الغسيل فى وشوشكم. الصابون ده صعب شديد خلاص. ما تغسلوا وشوشكم نهائ. لكن ما تستعملوا الصابون ده. انتو غالبا عندكم حساسية من الارياح فى الصابون. انا زاتى ما اى صابون بينفع معاى. فى السودان ما بقدر استحم بصابون غير لايف بوى. اى حاجه تانيه بتنشف بشرتى تماما. عشان كده جربوا صابونة بيرز الى انا خاتاها فوق دى. بالعدم استعملوا لايف بوى. لو ما نفعوا استعملوا موية بس.
مريم....الصن بلوك دى برنامج. لكن وصيتى شيلى منه حته. بطرف اصبعك. او حجم قدر زرارة قميص الرجال العادى و امسحى بيها وشك و رقبتك. و امسحيه قبل ما تمرقى فى الشمس بنصف ساعة عشان تدى الجسم فرصة يمتصاه و ما يبقى وشك بيلمع. فى انواع بتلسلس و فى انواع بتمتص سريع. النوع اللى استعملتيه ده مفروض انه من افضل الانواع من الناحة دى مايا سلامات. يا زولة فى شمسنا الحارة دى. امشي على ما يمكن. عموما لازم يكون اكتر من ٧٥ . ما فى السودان بس....فى اى مكان.
خالتى دومة...شعرى من ناحية خفيف....خفيف. و عشان الخفة دى ما بطوله اكتر من كتفى (و مرات اقصر). بمشي للحلاقة كل ٦ اسابيع او ٨ عشان اقدر اغسله كل يوم.
ما تضحكو على ....لكن احسن حاجه بتصلح الشعر الفايتمينات بتاعة الحوامل. و فى دكاترة بيوصوا بيها للشعر. و ما اظن عندها اثار جانبية. بس تمنها اغلى شوية من الفايتمينات العادية.
مع اننا فاتحين بوست تجميل.....لكن.... لازم نفهم بناتنا ان شخصياتهم و علمهم و حسن اخلاقهم هو الاهم. لازم نفهمهم ان الجمال نسبى. و انا اى بنت ...امراة جميلة على طريقتها الخاصة. لازم نفهمهم ان مقايس الجمال اللى خاتنها للموديلز دى ما حقيقية و واقعية دائما. و ان الموديل شغلها انها تكون جميلة. ذى ما شغل اى طبيبة انها تكون شاطرة فى الاحياء او شغل المزيعة انها متمكنة من لغتها....او واجب الممرضة انها تكون فاهمة فى شغلها و تكون رحيمة بالمرضى. ده فيديو طلعته شركة دوف (ايوه....ناس الصابون) و الفديو عشان يوروا البنات الصغار ان الموديلز اللى صورهم ماليه الدنيا ما دائما كما تحاول شركات التجميل تقنعنا. وروا الفيديو لبناتكم و اخواتكم الصغار....
Quote: مع اننا فاتحين بوست تجميل.....لكن.... لازم نفهم بناتنا ان شخصياتهم و علمهم و حسن اخلاقهم هو الاهم. لازم نفهمهم ان الجمال نسبى. و انا اى بنت ...امراة جميلة على طريقتها الخاصة. لازم نفهمهم ان مقايس الجمال اللى خاتنها للموديلز دى ما حقيقية و واقعية دائما. و ان الموديل شغلها انها تكون جميلة. ذى ما شغل اى طبيبة انها تكون شاطرة فى الاحياء او شغل المزيعة انها متمكنة من لغتها....او واجب الممرضة انها تكون فاهمة فى شغلها و تكون رحيمة بالمرضى. ده فيديو طلعته شركة دوف (ايوه....ناس الصابون) و الفديو عشان يوروا البنات الصغار ان الموديلز اللى صورهم ماليه الدنيا ما دائما كما تحاول شركات التجميل تقنعنا. وروا الفيديو لبناتكم و اخواتكم الصغار....
شكرا يا اسمارت على الكلام المليان وموزن ...... بقى فى فوبيا ( السماحة) طغت على كل شئ ..وممكن تكون على حساب كل شئ مثل ..وقتك ..ثقافتك ..معرفتك...اكاديمياتك .... ما تبقى المشكلة كلها محصورة فى كيف تكونى جميلة ..بقدر ما يجب ان نكتشف مواطن الجمال فينا ونحاول ابرازها ونحسن التعامل معاها وبشكل جيد من غير من نجرب كل شئ ونطبقو بحذافيرو لمجرد زولة تانية عملتو واظهرها جميلة .. وجهة نظر 1/انا ضد استخدام استعمال الكريمات للبنات فى اعمار صغيرة ( مرحلة الاساس مثلا) 2/ضد استدخام تلميذات الاساس و الثانوى للميك اب بكافة انوعه 3/ ضد الفل ميك اب لطالبات الجامعة ,,,,, وبطبق دا مع اخواتى وصحباتهم ونجحت فيهو الى حد كبير (بكثير من النقاشات )
انتو رايكم شنو؟
Post: #87 Title: Re: كل البنات حلوين بيوتي سنتر Author: انعام حيمورة Date: 09-20-2010, 07:24 PM Parent: #85
اهلا يا اسمارت فعلا زمان كنت بستعمل لايف بوي الاصلية لكن فترة كانت تقليد خليتها ، في الفترة الاخيرة ببستعمل ديتول ، سمح حا اجرب صابونتك دي
سمارت و اميره الشيخ, كلامكم ده كان في بالي والله اكتبوا لكن ريحتوني
انعام العروس, منوره البوست,
برجع ليكم بعدين هسه دايخه
Post: #89 Title: Re: كل البنات حلوين بيوتي سنتر Author: Manal Mohamed Ali Date: 09-21-2010, 00:42 AM Parent: #88
شكرا على البوست الجميل ومهندم ده
ما بنصح يا ستخدام الكوندشنر للشعر..نتيجته في اللحظه جيدة لكن بنشف الشعر بعد تكرار الاستخدام وبستخدك tea tree oil رخيص وكويس
اها انا وشي جاف لما مرات بتملي قشرة..محيرني معاهو ..وبستخصر فيه الكريمات الغاليه
احسن حاجه تعملي بيها تقشير للوش هي الافكادو مع السكر وقناع الخيار لو عندك ليه وقت واخلاق وبرضو التنظيف بالقطنه في اللبن كويس شديد
Post: #94 Title: Re: كل البنات حلوين بيوتي سنتر Author: Dania Elmaki Date: 09-21-2010, 03:16 AM Parent: #89
منال التي تري اويل كويس جدا لانه مطهر لفروة الراس و بيشيل القشره, لكن في ناس حار على شعرهم و ممكن يحرق اطرافه لكن ممتاز للقشره.
بالنسبه لوجهك اشتري مقشر او تونيك كلينيك اللانا خاته صورته بتستعمله بالقطنه ما بيخيلي القشره تتراكم على البشره, و الافوكادو و السكر مقر ممتاز استمري عليه, بترطبي وجهك بشنو طيب؟
ياريت تعجبكم الغنية وتكتفوا بيها عشان أنا النوع الغتييييت ومابوري هو بيعمل في شنو ولا أي الكريمات بيستعمل
Post: #92 Title: Re: كل البنات حلوين بيوتي سنتر Author: doma Date: 09-21-2010, 03:07 AM Parent: #88
اهم شئ حزروهن من استعمال كريمات تفتيح اللون انا بفتكر انها من اخطر الاشياء وفرد الشعر والمكوه .
Post: #93 Title: Re: كل البنات حلوين بيوتي سنتر Author: Dania Elmaki Date: 09-21-2010, 03:10 AM Parent: #83
مريم و انعام, عليكم الله صابون الغسيل لا, ياخي لقدام بيعدم ليكم بشرتكم, اشتروا اي صابونه ثانيه لطيفه, نتروجينا, افينو, بيرس, باسيس اي صابونه ممكن تستخمدها للطفل حتى بيبي جونسن لكن صابون غسيل لقدام ببشتنكم.
ماما دوما مايونيز الله و الرسول ده, الطبيعي وتعمليه كل اسبوع, بعد ما تغسسلي شعرك عادي تعملي ليه كريم, او زيت خفيف زي زيت السنسلك خفيف جدا و تخلي الشعر ينشفى شويه و لفيه انشاء الله مليون كعكه (اختي بتسميها كعابير) و شوفي شعرك ثاني يوم بيكون ناعم و مموج حلو. و الحاجه البنقولها ليك ما للاكل, دي للمسح, يومداك ضحكتني الطمطاطم قلتي عاوزه دكوه و اكلها هههههه ما في اكل ثاني كله تتمسحي بيه.
انعام انا موضوع الفازلين مؤمنه بفعاليته لكن ما بقدر استخدم لانه حار و تقيل و لايوق, و غير كده ايام زواجي صاحبتي اكبر مني في السن هي الرتبت لي ملابسي و حاجات و بخرتها ليه كانت بتوصي فيني بحكم انه انا ما عندي اخت كبيره و ماما ملخومه مع الضيوف وصتني ما امسح رجليني بصندليه الا الساقين بس, و نهائي اكعب لا و لو مسحت الكعب بفازلين بعد الحمام قبل ما اطلع من البيت اشيل الفازلين بفوطه مبلوله و قال لي مره شافت مرة وقتق كسرت رحلها في عرس اتزلقت. اها بعد كم يوم مره في عرسي وقعت من فوق, اتزلغت بسبب الفازلين من يومها بقت عندي عقده.
في الشتاء القارس ده لازم حاجه تقيله للجسم, اها لقيت ناس بودي شوب عندهم زبدة الشيا و دي بتجي من افريقيها من دول معيته و قريبه لزبدة الكاكاو و من غانا و غينيا و تشاد, في تشاد اسمها دهن الكرم, امهم واحده تشاديه قالت لي انهم بيستعملوعا مع الدخان و جابت لي شويه, بس يوم ايام حوامتي ديك لقيت لي محل ببيع حاجات افريقيه دخلت و سألته عندك شي بتر ما عرف, عندكم دهن الكرم’ عايتوا لبعض و قال لي تعالي ورا اللمخزن, قلت ليه عشان بمشي معاك المخزن, جيبيو لي هنا المهم انا خفت في شنو, وقفت قريب من المخزت و عيني للباب عشان اجري لقيت الراجل بيطلع فيه من تحت شوالات و براميل و داسينه زي الشئ السمح, المهم اداني رطلين قلت عشان ما اجي هنا ثاني و هو شكله زي الودك مايل للصغرة شويه لكن نباتي و تقريبا ما ليه ريحه. اها لمن اشتريته سالت انتوا داسينو ليه؟ اتاريه ممنوت يدخل امريكا عن طريقهم عشان في شركات تجميل اشترت انتاجه كامل من غينيا و محظور بيعه لالا غن طريق الشركات ديك. المهم كنت ابام الدخان بسيحه مه زيت سمسم و زيت لوز و شويت جلسرين و كان جميل خالص و طلع القشره بسرعه و ما خلى جسمي يتشقق ماشة اجيب ثاني بعد بكره عشان الشتاء داخل و انا بتمسح بيه في الشتاء.
ماما دوما عملتي المايونيز ولا لسه؟ بكره قناع الطماطم و البيمون و بعدها نستخدم مرطب مناسب للبشره الدهنيه. اتاكدي اثار الطماطم طلغت من الوش تماما.
معليش يا بنات انا بنسي الاسامي ما في زول يزعل و انتوا عارفين انا كنت عيانه قبل فترة, عندي حبة باخدها باللليل بتتعبني شديد و بتخليني ما مركزه, هسه بحاول اكتب و عارفه كتابتي غلط و لو نسيت اسلم على زول ولا ارد عليه عليكم الله ما تزعلوا.
Post: #95 Title: Re: كل البنات حلوين بيوتي سنتر Author: Dania Elmaki Date: 09-21-2010, 03:26 AM Parent: #93
ماما دوما كريمات التفتيح دي جاينها قريب بس عاوزين البنات يخلصوا تجاربتهم و استفساراتهم, مكواء الشعر و الفرد بقو ما خطرين لو اتعملوا بطريقه صحيحه, يعني هسه في مكوا السراميك و مكوا البخار ممتازين و ما بيهردوا الشعر زي المكوا الزمان لانه بيكوا الشعر بدرجه حراره منخفطه و عن طريق توزيع الايونات. بنجي للايونات دي برضه
انا مشكلتي شعري غزير شديد لمن كانن طويل كان متعب جدا في الغسيل عشان كده بقيت اقصه شديد و بمشي الكوافير مره كل اسبوع لانه بتعب جدا انشفه و اكويه بياخد مني نص اليوم بالاضافه اني بعتبر مشوار الكوافير ده تدليل لروحي التعبانه الاسبوع كله. اها في الكوافير عشان ما تجيني قشره كل اسبوعين بتعمل لي بلسم قطران الفحم بعد الغسيل و الاسبوع البعده بتعمل لي ترطيب رهيب جدا, بعد الغسيل بتجيب صباعين زبدة العادي دعي و تدعكهم لي في شعري و تقعدني تحت سشوار البخار بالكاب و بعداك تغشله رهيب لكن بيوقف التقصف جربوا الزبده دي و لو ما عندكم سشوار البخار بلي فوطي مويه سخنه و لفيها حوالين راسك نفس المفعول
Post: #96 Title: Re: كل البنات حلوين بيوتي سنتر Author: مريم بنت الحسين Date: 09-21-2010, 03:43 AM Parent: #95
Quote: انا مشكلتي شعري غزير شديد لمن كانن طويل كان متعب جدا في الغسيل عشان كده بقيت اقصه شديد و بمشي الكوافير مره كل اسبوع لانه بتعب جدا انشفه و اكويه بياخد مني نص اليوم بالاضافه اني بعتبر مشوار الكوافير ده تدليل لروحي التعبانه الاسبوع كله. اها في الكوافير عشان ما تجيني قشره كل اسبوعين بتعمل لي بلسم قطران الفحم بعد الغسيل و الاسبوع البعده بتعمل لي ترطيب رهيب جدا, بعد الغسيل بتجيب صباعين زبدة العادي دعي و تدعكهم لي في شعري و تقعدني تحت سشوار البخار بالكاب و بعداك تغشله رهيب لكن بيوقف التقصف جربوا الزبده دي و لو ما عندكم سشوار البخار بلي فوطي مويه سخنه و لفيها حوالين راسك نفس المفعول
بالمناسبة، انا صابون الغسيل كنت بستخدمه في السودان... حسي في الفترة دي ما قاعده استخدم صابون خالص في وشّي... ما لاقيه نوع ينفع مع وشّي... استخدام كم يوم ورا بعض، وطوالي ببدا يلتهب...
دوني اتكلمي لينا عن مكوة السيراميك، انا اشتريت واحده لما مشيت امريكا، وعا########ي شديد... بس ما عارفه الايام دي عامله لي آكوله في راسي هههههههههه والله جد... ما عندي قشرة، لكن عندي آكوله بدت مما بديت استخدمها... غايته وقّفته استخدمها قلت لحدي ما فروة راسي تهدا... لكن ده من شنو يا ربّي!
Post: #97 Title: Re: كل البنات حلوين بيوتي سنتر Author: Abdlaziz Eisa Date: 09-21-2010, 04:06 AM Parent: #96
مريم زبدة الله و الرسول دي, غير مملحه ههههههههههههههههههههه بجيل لموضوع مكواة السيراميك,
Post: #99 Title: Re: كل البنات حلوين بيوتي سنتر Author: doma Date: 09-21-2010, 01:54 PM Parent: #98
Quote: ماما دوما عملتي المايونيز ولا لسه؟ بكره قناع الطماطم و البيمون و بعدها نستخدم مرطب مناسب للبشره الدهنيه. اتاكدي اثار الطماطم طلغت من الوش تماما.
بري والله للان ما جربت المايونيز يا دانيا بتي وما مرقت من بطن بيتي نحن علاقتنا بالمايونيز ما قويه فمابتلقي في الاستوك بتاعي الا امش باكر السوبرماركت لو المطره ما صبت ما بريد المطر يزرني في الشارع . يوم داك بس جربت الطماطم والليمون لكين قرصوني شديد . يا حبيباتي انا بورد بكري بيسل روحي عديل عشان اشوف اخر مداخله في البوست دا بحتاج 20 دقيقه او اكثر عشان اقرا اخر مداخله وارد او اعلق مره واحده بس عشان كدا بتمني انكم تعذروني لو ما قدرت ارد علي كل زول وبعتذر بالذات لمايا لاني زمن ما لاقيتها وللان ما قدرت اتداخل ا معها اوم ارد علي كلامها . سلامتك يا دانيا وتبري من الدوخه انتي. بعدين انا ما عارفه هنا القي كوفير وين عشان ارتاح من المعتاله مش مره حكيت ليكم اني مشيت مع الالمانيه جارتي لكوافير هنا اخدوا مني ما يعادل 100 يرو واكثر من ساعتين هم يصوتوا في شعري وكانت النتيجه catastrophic قالت لي المديره الانجليزيه دفاعا عن كوفيرها you hair is wild
Post: #101 Title: Re: كل البنات حلوين بيوتي سنتر Author: doma Date: 09-21-2010, 02:06 PM Parent: #99
Quote: 3- ابعدوا من الشمس...اسؤ حاجه للبشرة الشمس. استعملوا صن بلوك. حتى لو كان اليوم مغيم ..ده ما معناه انو ما فى اشعة ضاره من الشمس. و ضرر من اشعة الشمس ما فى ان لونك ح يسمر. الضرر فى انه اول ما تصلى 35 سنة ح تبدا تظهر التجاعيد.
غايتوا انا الشمس عملت عملتها وانتهت لانه زمان لا كنا بنعرف سن بلوك لا غيرو وكنت بريد اقعد في الشمس وخاصه لما تكون ضارباني ملاريا بقعد فيها لما احسن اني بقيت متل الصاح المسخن وحقيقي الاثار غير حميده . غايتوا اسه لو لقيتي زول جاي هنا رسلي لي حبوب الجرير دا ازرعوا في الونتر قاردن دي
راويه العباسي ا احسن بلشي غتاته وكلمينا بوصفاتك
Post: #100 Title: Re: كل البنات حلوين بيوتي سنتر Author: مريم بنت الحسين Date: 09-21-2010, 02:01 PM Parent: #98
نسيت اكتب ليكم بستخدم شنو لشعري... الشامبو بستخدم Dove بتاع intense damage therapy... وما بحس اني محتاجه لبلسم بعده... رغم اني بحب جدا البلسم بتاع فاشكول.. ريحته عجيبه، واثره اعجب على الشعر.. بستخدم بتاع التوم.. ما عارفه عندكم ولا لأ يا ناس امريكا، لكن متوفر في دول الخليج كلها... روووووووووووعه
مجموعتي المفضّلة من الكريمات للشعر، هي Palmers.. بستخدم البخاخ بتاع زيت الزيتون بتاعهم عشان فك التشابك... رائع للاطفال برضه البتعبوا مع التسريح... حلو شديد يا ماما دوما لو بتعاني مع شعرك.. بخّتين وشعرك يتسلّك تمام...
بستخدم معاه برضّه حبّة من الكريم بتاع زيت الزيتون... لكن ما بعمله في الشعر نفسه عشان بخليه يبقى مجلّط كده وملصّق... بعمله في الفروه.. وهو رااااااااائع.. بطوّل الشعر بسرعة.. وبخليه صحّي خالص...
طبعا كل فتره بقص اطراف شعري... لما كان طويل، وحسي بعد ما قصيته، برضه بمشي اقص الاطراف، دي احسن هدية ممكن تعمليها لشعرك... وللامهات البخلو البت بي شعرها مما الله يخلقها، لو عايزه تطولي للبت شعرها، قصّيه ليها.... مع مراعاة موضوع الجينات والوراثة والحاجات دي يا جماعة، لو الام شعرها ما طويل واهل الاب شعرهم ما طويل... it is highly unlikely انه البت يطلع شعرها طويل... عشان كده لما الام تصر على المسألة دي وتحسس بيها بنتها، بتحسسها زي العندها نقص.. رغم انه الشعر القصير في حاجات كتيرة ممكن تتعمل ليه، ويكون حلو.. ومرتب خالص... وفي بعض الاحيان، احلى من الطويل...
برجع
Post: #102 Title: Re: كل البنات حلوين بيوتي سنتر Author: doma Date: 09-21-2010, 02:47 PM Parent: #100
مريومه يا عسل انا شعري دا الاحتياطي المركزي ما يفكه انتوا ما قادرين تتصوروا حجم الكارثه شفتوا ليفه السلك
Post: #103 Title: Re: كل البنات حلوين بيوتي سنتر Author: مريم بنت الحسين Date: 09-21-2010, 04:12 PM Parent: #102
ما شاء الله يا ماما دومه، عيني بارده.. شعر الهنا... الناس بتعبوا عشان يكون عندهم شعر زي ده....
Post: #105 Title: Re: كل البنات حلوين بيوتي سنتر Author: doma Date: 09-22-2010, 02:28 AM Parent: #104
اها بعد دا مش شفتوه يا بناتي اها وصفوا لي اعمل شنو بس عشان يلبد فوق راسي وما يكون منفوش قدر القيامه .
Post: #106 Title: Re: كل البنات حلوين بيوتي سنتر Author: doma Date: 09-22-2010, 03:12 AM Parent: #103
عارفه يا مريوم الشعر الغزيز حسنتو الوحيده انه لما الزول يصل الخمسين لسه بتكون فروه الراس مغطيها الشعر لكين تاني كله عيوب متعب في الغسيل في التسليك وانت طفله بيكون لبعوك مليون مره عشانو ( كنت ببكي لما يسلكوه لانه هم ما بحسوا بالالم الانا بحسوا وامي بتفتكر اني شافعه فقريه وما دايره الجيهه وبجيب ليها النبيشه فبتكون هاجراني بي سيقانها وبتسلك واي مقاومه مني باخد لبعه في ظهري ولو حاولت امد يدي باهد ضربه بالمشط واخير منها لبعه الظهر يعني باحتصار بكون طلعت عين امي اكيد هي ما بتكون مبسوطه انها دقتني كدي لكين بكون اضطرتيها و السبب كله شعري المنحوس ) بياخد وقتك ما بتقدري تعملي فيه شئ غير تلفيه بي باند بيستهلك منك مواد اكثر لو مشيتي الكوفير تتحرجي ويدفعوعك حق راسين او تلاته بالمناسبه دي واقعه حدثت وانا عمري حوالي خمس سنوات اتذكرها جيدا ( امي ادتني نص رطل سكر ووقيه شاي وريال حق المشاطه. قالت لي امشي لي خالتك مريم تمشطك . فمشيت ليها قعدتني في ظل الصباح وجابت المخرز وشقت شعري نصين مسكت النص حزمتوا بيدها كدا قالت لي دا براه راس مره كبير قول لي امك تجيب تاني ريال مشيت كلمت امي قالت لي قهرتها بالقاهر ونبي الله الطاهر وادتني خمسه قروش زياده ) والناس ينبشوك ما مهتمه بشعرها وهم ما عارفين انه الاهتمام بي شعري دا اصعب شئ لاقاني في حياتي .
Post: #107 Title: Re: كل البنات حلوين بيوتي سنتر Author: Dania Elmaki Date: 09-22-2010, 05:10 AM Parent: #106
ماما دوما, والله شعرك حلو و حلم كل البنات بس عاوز شوية اهتمام, الشعر الكيرلي جميل جدا, عليك بالمايونيز هههههههههههههههههه شكلك حتلبعيني من كتر ما جبنا سيرة المايونيز, جميل للشعر لكن لازم تواظبي عليه, اعتمدي التسريحات المعتمده على الكيرلي, شعرك محتاج لترطيب شديد انا هسه ماشه انوم لكن بكره بنزل ليك مجموعة منتجات للشعر الكيرلي, على فكره انا نفس معاناتك في الكوافير بيدوفعوني اكتر عشان شعري غزير. ده قبل الانيميا و نقل الدم, هسه شكلي حاتفاوض معاهم عشان شعري نصه راح هههه
مريم الفاشكول ده امسكي فيه قوي انا بجيني من الخليج طولي و قبل ما امشي الخليج صاحبتي كانت بتجيبه من السعوديه بالدسته و نقسمها مبالغه للشعر و خصوصا بالثوم
Post: #108 Title: Re: كل البنات حلوين بيوتي سنتر Author: وجن Date: 09-22-2010, 05:19 AM Parent: #107
Post: #109 Title: Re: كل البنات حلوين بيوتي سنتر Author: Abdlaziz Eisa Date: 09-22-2010, 06:07 AM Parent: #108
لا حول ولا قوة الا بالله!!!!!!!!!!!! دي محن
Post: #110 Title: Re: كل البنات حلوين بيوتي سنتر Author: أميرة فاروق عبد العال Date: 09-22-2010, 06:33 AM Parent: #109
Quote:
لا حول ولا قوة الا بالله!!!!!!!!!!!! دي محن
والله يا عبد العزيز الزول ده ساكت زعل واتمحق..
هو يظبط ليها طلباتها دي وهي بتظبط ليه باقي البيت كلو..
هههههههههههه
دانيا ورفيقاتها (الكريمات)، سلام وتحية..
ونفعنا الله بعلمكن..
Post: #111 Title: Re: كل البنات حلوين بيوتي سنتر Author: مريم بنت الحسين Date: 09-22-2010, 07:49 AM Parent: #110
ماما دومه، انا امي من شدّة ما كانت تعبانه معاي، ما كانت بتسرّح لي شعري واحده لورا.. دايماً انا بضفيرتين... وكنت بزعل عشان امي ما بتعمل لي تسريحات تانية... لكن هي مسكينة بتناتل معاي... بعد كبرت واستلمته... لقيت نفسي مضطره اتعامل معاه... بقيت بمشّطه بوب... اقعد ليك فيه اليوم كله... امشّطه.. وبعداك انساه... لكن لما نجي للفك... الله لا يوريك... يتنفش على النفش العليه... حسي شايفاه بقى احسن، مع الولادة ... بقى التعامل معاه اسهل...
بالمناسبة، قبل كم يوم جارتي رسّلت لي samples من كريم الوش بتاع غارنييه garnier... كميّة كده.. قمت عملته .. اول يوم ما عمل لي شي... قررت اعمله كل كم يوم... صفّى لي وشّي... ونظّفه... وما عمل لي حساسية... عشان الاوقات متباعدة... مره عملته يومين ورا بعض.. حسيت وشّي اتهيّج ... لكن شايفه انه كل كم يوم بكون كويس معاي...
Post: #112 Title: Re: كل البنات حلوين بيوتي سنتر Author: doma Date: 09-22-2010, 08:45 AM Parent: #111
Quote: عليك بالمايونيز هههههههههههههههههه شكلك حتلبعيني من كتر ما جبنا سيرة المايونيز, جميل للشعر لكن لازم تواظبي عليه
غايتوا ما اكضب عليكم ما واقعه لي حكايه المايونيوز بتاع الاكل في الشعر كدي وروني صوره المايونيز البتستعملوه عشان لو شعري اتحت ارفع عليكن دعوي تعويض شعر
Post: #113 Title: Re: كل البنات حلوين بيوتي سنتر Author: مريم بنت الحسين Date: 09-22-2010, 08:59 AM Parent: #112
Quote: كدي وروني صوره المايونيز البتستعملوه عشان لو شعري اتحت ارفع عليكن دعوي تعويض شعر
سجمناااااااا..!! المايونيز بتاع السلطة دا ولا شئ تانى .. بالله بطول الشعر .. طيب مالو ما بشحم ؟؟ قرقر قرقر قرقر
-------------
غايتو باقى برطمانية رمضان بشيلها بتلطخ بيها
Post: #114 Title: Re: كل البنات حلوين بيوتي سنتر Author: Amany Elamin Date: 09-22-2010, 09:30 AM Parent: #111
ازيكم يا حبيبات,, أها جيتكم وعندي مشكله زي مشكلة ماما دوما دي وعايزاكم تبحثو لي عن حلول لأني يئست تماما,, مشكلتي انه بشرتي سريعة الاسمرار, لوني أصلا فاتح يعني لوني الحقيقي الما معرض للشمس أصفر, عندنا نصف تركي في أسرتنا عليه كلنا في الأسره ألواننا فاتحه جدا, ولوني الحقيقي فاتح, أمّا وّشي وأطراف يديني ورجليني ففرق اللون بينهم وبين لوني الحقيقي كبير جدا, بشرتي بتتحرق بتأثير الشمس بسهوله, بستعمل صن بلوك باستمرار ومع ذلك لوني الأصلي ما قادره أرجع ليهو, حتي لمّا بسافر بره لوني بيتصلح بسييييط لكن ما بيرجع زي الأصلي, شكله الموضوع اريفيرسيبل !! بتجيني نفسيات لما بشوف بنات ألوان وشهم زي لون رقبتهم زي لون يدينهم زي لو جسمهم كله واحد,, جربت اتعاملت مع ناس بيبي فيس وأدوني خلطات مسموح بيها طبيا للتفتيح وما عملت أي مفعول, وما عايزه ألجأ للتفتيح المضر بالبشره (كروتيزون وزئبق) أنا أصلا عايزه لوني الأصلي ما عايزه أفتح أكتر منه :(
دانيه واسمارت ومريومه وكل البقيه, وروني الحل شنو؟!!
Post: #115 Title: Re: كل البنات حلوين بيوتي سنتر Author: SHIBKA Date: 09-22-2010, 09:57 AM Parent: #114
اماني شفتي انا مشكلتي لا ايديني ولا وشي مشكلتي في اصابع رجلي محل ما بضغط عليهم في الصلاة لونهم غير باقي رجلي اها البحلك يحلني معاك
Post: #116 Title: Re: كل البنات حلوين بيوتي سنتر Author: doma Date: 09-22-2010, 12:13 PM Parent: #115
Quote: مشكلتي في اصابع رجلي محل ما بضغط عليهم في الصلاة لونهم غير باقي رجلي اها البحلك يحلني معاك
يا شبكه انا محل ضغط الشبشب او الجزمه برضو ومحل بتكل يديني في التربيزه لونه اغمق دا شئ عادي بختك يا شبكه انت من الغر المحجلين
.. . سلام يا بيوتى غليز .. عقدتو الشباب بالعنوان بتاع كل البنات الحلوووين .. شايفهم ما قاعدين هنا .. نظام الرجل السودانى والشرقى ومافى داع ى ةدى شغل بنات .. وبالله اتذكروا فى وليدات حلووين حسي ما شفتو مهند ونميرى ..والفحيل ( واشار بخبث لدينا خالد وراوية ) وشباب بدعمو الجمال زى تبلدينا وودالصايم وود القاضى ورجال زى ود الموج ( دى طبعا نظام دعوة عشان اجيب ليكم مشجعين )
اها قلت اخش هنا فى البيوتى سنتر دا .. اهنيكم بالعيد واقول ليكم كل عام وانتن سمحات كدا ووشكن ما فيهو حبوب والبشرة تلمع ذى الدهب وريحتكم تفوح صندل ومسك .. وخمره ودا خاص بمن تصدق لهن .. شرعيا بخصوص ماما دومه دى انا عارف لونها زى الدهب .. البحرينى ( وكل فتى بامه معجب ..) وما محتاجه للسنتر دا نهائى ... الاخوات الخمريات يحافظن على اللون فقد قيل على ذمه الامام الصادق ان بنات الحور سمراويات .. ان كنت شككت فى مقولته ..
طبعا يا بيوتى سنتر مانجر قبال فترة فوجئت بشئ غريب كنت معاى زوله صحبتى قالت لى ممكن تغشى بينا ( ام النعيم ) وام النعيم لمن لا يعرفها هى ست الشئ زاتوو وصاحبه مركز لتوزيع العطور السودانية من خمره ودلكه وصندل وغيره قلت ليها - لصحبتى طبعا ما ام النعيم _ مالك ومال الخمرة قالت هوووى يا الطاشى وداقس انت قايل البنات بلمعن كدا من شنو ؟؟ قلت ليها ما من الاسكن سكيس و كلين اند كلير .. قالت بسخرية : ههه دا من خمرة البنات .. اندهشت لوجود خمرة بنات خالية من الكحول .. سورررى قصدى من باقى الخلطة ..
------------
اها يا بيوتيز انا متخارج ما يجى دينق يقول لى انت اصلك غير سكك للوترى ومباراة الحريم من المطبخ و الكوافيرات ما عندك شئ قرقر قرقر قرقر عموما الواحد بديكم طله من فترة لاخرى .. لزوم يطمن على الفرد وست السنتر وكدا ..
.. . والله لاحظت لى شئ وشوفت لى مداخلة قاموا رجعونى .. وفى فكرة مخمرة قلت ارجع هنا تانى .. ( جنس كبكبه )
الاولى .. حبيب نوره دا الزعلو منو ؟؟ الود عقدتوهو وقع فى المداخلات بتاعتو مسح شديد اكيد جاه ماسنجر .. الزول دا يا جماعة ارق من الندى على صفق الزهر .. ( العن ابو الوصف زاتووو) فبالله اصلحوا معاه .. لو سمحتن التانية
Quote: بشرتي بتتحرق بتأثير الشمس بسهوله, بستعمل صن بلوك باستمرار ومع ذلك لوني الأصلي ما قادره أرجع ليهو,
عاد انت شبه الشمس لكن ..!! مفترض تعيشى فى السويد ولا اى من الدول الإسكندنافية قال تتحرق .. السودان دا يحرق كيت وينسلينت و مارلين مونرو فى زمانها عشان كدا عليكـ .. بالنرويج ..
ثالثا واخيرا عايز افكار ومقترحات او قنوات بتاعت توزيع ( منتجات نسائية سودانية عطور زى الخمره والدلكة وبخور الصندل .. ادوات ومنتجات تراثية سودانية منزلية .. الخ ) يعنى شغل بتاع عصف ذهنى .. ولزوم فكرة بتاعت بزنس وكلو بحقو بشهادة ناس البيوتى سنتر ديل .. بالله الافادة فى الماسنجر او الايميل والهاتف ان كان _متوفر لديكم_
شكلي حاسمع كلامك ياراوية لاني رقريت كتير عن الليمون وفوايده لكن انا ما بحب الخمج والجلبطة
اما للصلاة حاولت اوفر لاصابعي ديل كل الراحة يعني جبت سجادة صلاة ومبطنة وفي الغالب لو صليت برة في مسجد بيكون الموكيت زي خمسة سم من الارض يعني مافي الاحتكاك داااااااااك لكن الزول الشقي بس
عموما شكرا عل الوصفة لكن ما قلت لينا الفترة اللي نستخدما شهر شهرين ولي كم؟
سلامات يا مونى ....مشتاقين. الطن بلوك بيمنع اشعة الشمس الضارة ...لكن ما بيمنع اسمرار اللون مع الشمس. الحل هو الغطغطة. انا مثلا ٥ سنوات فى الجامعة و بعده الشغل ما بمرق من البيت بالنهار من غير جزمة و شراب. و شراب كمان ما ذى شرابات الجس اللونها زى لون الجسم. ابدا شراب تخيين. بحاول اشترى جزم تتلبس مع الشربات. اما اليدين فكنت بحب البس قمصان الاولاد و المقاس يكون كبير شويه و بدس يدينى جوه او (ما بشتغل بزول و بلس جونتيات) لما اكون فى الشمس. اما الوش فكنت بجرر الطرحة عشان تغطى وشى بقدر الامكان. هسى انا طوالى عندى جونتيات فى درج العربية. يا زولة الحر دى ما حر نصاح
مريوم ما كنت قايله قارنيي عندهم مستحضرا وش....قايلاهم شعر بس. حقوا اجربوا والله
خالتى دومة.....انا شعري بعمل فيه عمايل ما كويسه. عشان كده امى قلت لى ما تدى وصيا عن الشعر. مثلا مره مشيت لونك شعرى احمر. ايوه احمر. و مره قصيتو لحدى ما بقي ما بتمسك تحت الطرحة و كده. لكن انا ح اديك وصية احتمال ما تنفع معاك. و احتمال تنفع. عشان كده انا بخلى مسوليتى مقدما. الوصية انك تمشي محل شعر (محترم) و تقولى ليهم يفردوا ليك شعرك كلو. فرد دائم ...النوع اللى بيقعد ٦ شهور داك. ح يدفعوك قروش كتيرة و ح تقعدى حوالى ٥ ل ٦ ساعات. لكن ح ترتاحى ٦ شهور. ممكن برضوا يعملوه ليك كيرلى. حتى بعد الفرد. لكن الشعر بتنظم نظان شديد. غايتوا صحباتى الصينيات و اليبانيات بيعملوا كده فى شعورهم لانها كتيرة. و شايفاهم بيمشوا محلات الصنيين فى سانفرانس سكوا . قالوا الصينيا بيظبطوا الموضوع ده تمام. و انتى ماعهم فى نفس البلد. جربي الموضوع و ما على مسؤليتى...كلو كلو
Quote: 1/انا ضد استخدام استعمال الكريمات للبنات فى اعمار صغيرة ( مرحلة الاساس مثلا) 2/ضد استدخام تلميذات الاساس و الثانوى للميك اب بكافة انوعه 3/ ضد الفل ميك اب لطالبات الجامعة ,,,,, وبطبق دا مع اخواتى وصحباتهم ونجحت فيهو الى حد كبير (بكثير من النقاشات )
انتو رايكم شنو؟
اميرة الشيخ....سلامات كلامك صحيح مية فى المية. اصلا وجه اى بنت اقل من ٢٠ سنة ما محتاج مركب او اى حاجه. لو عندها حبوب (فوق العاده) ممكن تمشي الدكتور التلميذات ما مفروض يختوا فى وشهم اى شى للمدرسة. مفروض يكون ممنوع و ذى ما قلتى لازم الكلام ده يكون بالنقاش و الاقناع.....
Post: #130 Title: Re: كل البنات حلوين بيوتي سنتر Author: Dania Elmaki Date: 09-23-2010, 03:11 AM Parent: #126
Quote: الوصية انك تمشي محل شعر (محترم) و تقولى ليهم يفردوا ليك شعرك كلو. فرد دائم ...النوع اللى بيقعد ٦ شهور داك. ح يدفعوك قروش كتيرة و ح تقعدى حوالى ٥ ل ٦ ساعات. لكن ح ترتاحى ٦ شهور. ممكن برضوا يعملوه ليك كيرلى. حتى بعد الفرد. لكن الشعر بتنظم نظان شديد. غايتوا صحباتى الصينيات و اليبانيات بيعملوا كده فى شعورهم لانها كتيرة. و شايفاهم بيمشوا محلات الصنيين فى سانفرانس سكوا . قالوا الصينيا بيظبطوا الموضوع ده تمام. و انتى ماعهم فى نفس البلد. جربي الموضوع و ما على مسؤليتى...كلو كلو
او تمشي اي صالون تعملي الكيراتين, بس قولي الكيراتين, ده حيكون ممتاز ليك, بنت صاحبتي شعرها نفس شعرك ما حلانا من الكواريك كل يوم غير الكيراتين خلاه ليها مفرود, ما بكضب عليك و اقول ليم بقى زي شعر سبنا, لكن اتفرد و ردق و نعم و سبيبته اتغيرت, عنا في امريكا عملوا ليها بميتين دولار و شعرفها قريب لشعرك, امشي عليهن
Post: #131 Title: Re: كل البنات حلوين بيوتي سنتر Author: Dania Elmaki Date: 09-23-2010, 03:17 AM Parent: #126
سمارت
Quote: مثلا مره مشيت لونك شعرى احمر. ايوه احمر
سمارت لقيت لي زول اجن مني ههههههههه اها يا ماما دوما انا في الجامعه صبغت بنفسجي, ايو بنفسجي عديل كده غامغ, و مره ثانيه تركواز بخصل سوداء لكن الموضه معاهم كانت روج اسود اوتركوازي وحاتك لهسه عندي الروج ده محتفظه بيه للذكري لايام الجنون. ماما دوما ما تبارينا شعرك يبقى برتقالي و تلبعينا يا عسل
Post: #129 Title: Re: كل البنات حلوين بيوتي سنتر Author: Dania Elmaki Date: 09-23-2010, 03:06 AM Parent: #125
البيعانو من السودا في الركب و الاكواع و اي مكان عليكم بزيت الزيتون او السمسم مع الليمون مع التقشير بالملح. داميها ملح و شويه عصير ليمونه افركي بيها المكان عشان التقشير و الخلايا الميته دي تتقشر بعد ما تشقري اغسيلي المكان بمويه و مسيحه بزيت زيتون او مسممسمو ليمون مع بعشض, قبل النوم زبدة كاكاو او قليسوليد او حتى جلسرين لكن لازم مواطبه شديده و النتيجه بعد اسبوعين بتظهر, يو بعدها بكم اسبوع بروح الاثر تماما. ماما دوما الخلطه دي ما للوش ابدا.
ممكن برض لليدين و الرجيلين خلطةة الزبادي و اللليمون مع دقيق الرز تكون سايله و بارده تمسحيها و تفركيها لمن تطلع زي الدلكنه بتفتح االلون و بتشيل السمار بتاع الشمس سريع, الزبادي ملطف للبشره؟\\
الحاجات الطبيعيه دي كلها بطيهه لكن بتجيب نتيجه و من غير اثار جانبيه, يا بنات لو في واحد فيكم بشرتها بتتحسس من شئ معين تبتعيد عنه و لو جربت حاجه و قرصتها (طماطم ماما دوما) تغسل وشها طوالي و تمسحه بقطنه فيها شويه لبن بيبرد القريص ههههههههههههه.
نغير الموضوع و نمشي للمكياج و غيره و لا نواصل؟ انا حاسه البنات ما شاركوا كوبس ولا سالوا اسالتهن كلها
Post: #132 Title: Re: كل البنات حلوين بيوتي سنتر Author: Dania Elmaki Date: 09-23-2010, 03:21 AM Parent: #129
انا نمشي نخش على السكرابس و مقشرات السكر و الملح و احماض الفاكهه للجسم ولا نواصل هنا شويه؟ وين التفاعل يا بنات
Post: #133 Title: Re: كل البنات حلوين بيوتي سنتر Author: Afraa Sanad Date: 09-23-2010, 03:41 AM Parent: #132
والله يا دانيه كلامكن سمح لكن خجلت أقول شنو مع البنيات ناس سمارت و اميره ومريم واماني ما شاء الله بنات زي الورد اهة ماعندي طريقه غير اتفرج زي ماما دومه باقي نحن زمنا فات و غناينا مات يا حليلنا
Post: #134 Title: Re: كل البنات حلوين بيوتي سنتر Author: Dania Elmaki Date: 09-23-2010, 03:51 AM Parent: #133
عفراء انشاء الله تقري البوستات بس و ده اضعف الايمان, بعدين انا متأكده عندك اسرار داساسها, بطلي غتاته.
مشتاقين والله
Post: #137 Title: Re: كل البنات حلوين بيوتي سنتر Author: doma Date: 09-23-2010, 05:03 AM Parent: #134
Quote: عموما شكرا عل الوصفة لكن ما قلت لينا الفترة اللي نستخدما شهر شهرين ولي كم؟
شبكه يا بتي انت عارفه انا المقنعني نهائي من شغلات السماحه دي شنو هو المواظبه انا زوله كسلانه اولا تاني بكره الروتين يعني من سابع المستحيلات اني اعمل شئ كل يوم او كل اسبوع لفتره طويله فلو ما عايزه تغيير اللون طوال ما انت بتصلي تعملي الموضوع دا لحده ما تصلي عمر الصلاه في الكرسي لووووووووووول حتي تخلي الليمون وزيت السمسم .
Post: #138 Title: Re: كل البنات حلوين بيوتي سنتر Author: SHIBKA Date: 09-23-2010, 05:40 AM Parent: #137
ماما دومة
Quote: فلو ما عايزه تغيير اللون طوال ما انت بتصلي تعملي الموضوع دا لحده ما تصلي عمر الصلاه في الكرسي لووووووووووول حتي تخلي الليمون وزيت السمسم .
انا اكعب منك في المواصلة والمواظبة وبستغرب في البنات البستخدموا كل يوم كريم وزيت شنو للشعر تلقى الواحدة بالليل مجلبطة ويومي الكلام دا اها دا انا اصلا لا بقدر عليهو ولا بلتزم بيهو حتى مع نفسي
حكاية الليمون وزيت السمسم ولي زيت الزيتون غايتو بجربا ليكم اسبوع بعد كدا ما معاي شوفو لي حل اسرع قبل اصل لصلاة الكرسي
Post: #135 Title: Re: كل البنات حلوين بيوتي سنتر Author: Afraa Sanad Date: 09-23-2010, 04:05 AM Parent: #133
دانيه كيفك شايفاك في ندوه الحركه الشعبيه و الله ما عندي أسرار بس مويه ألوضو هههة
Post: #136 Title: Re: كل البنات حلوين بيوتي سنتر Author: Afraa Sanad Date: 09-23-2010, 04:06 AM Parent: #133
Post: #139 Title: Re: كل البنات حلوين بيوتي سنتر Author: smart_ana2001 Date: 09-23-2010, 06:11 AM Parent: #136
Quote: اها يا ماما دوما انا في الجامعه صبغت بنفسجي, ايو بنفسجي عديل كده غامغ, و مره ثانيه تركواز بخصل سوداء لكن الموضه معاهم كانت روج اسود اوتركوازي وحاتك لهسه عندي الروج ده محتفظه بيه للذكري لايام الجنون.
برى يا دانية...انا جن ذى ده ما وصلتوا....لب استك تركوتزى....سجمنا. انا كل مصائبى تحت الطرحة....خارج الطرحة.... ماسكرا سودا بعملها للحفلات و المناسبات بس. للاستعمال اليومى بستعمل جل كلير (من غير لون) . مررات مرات بتنكر فى شكل ببغاء (على راى صحبتى) و بعمل شدو كحلى او اخضر للعيون...ح نجى لتفاصيل المكياج بعد من نخلص من موضوع العناية بالوش و اشلعر ده.
Post: #140 Title: Re: كل البنات حلوين بيوتي سنتر Author: maia Date: 09-23-2010, 06:20 AM Parent: #136
العزيزة دانية
تحية ليك ولكل المشاركات في البوست بالجد نصايح مفيدة
شايفة يا جماعة ما ركزتوا على فوائد العجين المر اللي هو من عمق المطبخ والمتوفر في كل بيت سوداني
تسلموا كلكم
Post: #141 Title: Re: كل البنات حلوين بيوتي سنتر Author: Amany Elamin Date: 09-23-2010, 06:47 AM Parent: #136
اسمارت شكرا علي الرد, الغتغته سلاح مفيد ضد الشمس عشان نمنع الاسمرار الحيحصل, لكن الاسمرار الأولريدي حاصل نعمل معاهو شنو؟ عايزه حل عملي, غير اني أمشي السويد والنرويج لازم يكون في حل, في ناس مثلا بينصحو بالتقشير !!, طيب مافي مستحضرات لطيفه علي البشره تفي بالغرض؟
تبلديهم ازيك, ألاسكا كيف طيب ؟
Post: #142 Title: Re: كل البنات حلوين بيوتي سنتر Author: smart_ana2001 Date: 09-23-2010, 07:07 AM Parent: #141
أماني.... انت لسه صغيرة في العشرينات. و بشرتك بتتجدد ( طبيعيا ) بانتظام
اتغطي واصبري علي الاسمرار الحاصل و براه ح يرجع لونك كما كان في مقشرات كتيره في السوق. لكن أنا أنصحك باستعمال حاجه تكون طبيعية. ذي ما قال مايا العجين المر الواحد ده. و اتزكري لو استعملتي اسكرب ما تستمليه اكتر من مرة واحده في الاسبوع.
Post: #143 Title: Re: كل البنات حلوين بيوتي سنتر Author: Safia Mohamed Date: 09-23-2010, 08:19 AM Parent: #142
سلام يا ناس البيوتي كيفكم
والله عندي مشكلة في شعري عشان اشرحا احكي ليكم الهستري يعني الحمد لله زمان من الله خلقني شعري النوع المريح خالص وسط في اي حاجة لا خشن لا ناعم شديد لا طويل لا قصير لا غزير لا خفيف من انا صغيرة ما بياخد مني غير ثواني عشان امشطه بالمشط مش المشاط لو ماشة اجعص حتة في دقيقتين غسيل بشامبو وشوية جل ويبقى كيرلي رهييب قبال الجل كنا بنعمل البيبسي ههههههه
المهم قام الحصل شنو ما عارفة لي اكتر من سنة تقريبا وهو ماشي متدهور تماما بدا يتقصف شدييد وينزل لما اجي اسرحه بزعل عديل كدي ختتي للمشط اجي نازل شديد
جربت مليون نوع وصفة كما اشار المختصون ما في فايدة تذكر
في الشتاء بكون افضل يبدو انه الشمس بتضره اها نسوي شنو هل دة ليه علاقة بالعمر ولا القصة عدم اهتمام
بعدين في وصفاتكن بالله راعو حالة السودان يعني امكانيات مش ولا بد وزمن مافي وبال مشغوول طوااالي هههههههههههههههه
لمن نجي نسال عن الوش والجسم
تحياتي
صفية
خارج النص الاستشارة مجانا ولا بقرووش عشان نزبط الميزانية
انا شخصيا بؤمن تماما بموضوع الفيتامينات اليوميه, خصوصا المخصصه للحوامل على قولت سمارت, اخدي حبة مالتي فايتامين كل يوم, الشعر و البشره بيتغيروا جدا مع التقدم في العمر و التغييرات البيئئه و الضغوط النفسيه. انت بتستعملي لشعرك شنو؟ برنامجك شنو
اللاستشارات مجاناهههههه, و لو ملاحظه مركزين على موضوع الحاجات الطبيعيه و من المطبخ عشان يكون في متناول يد الجميع.
اماني, اعملي الخلطه الاتيه عشان تواظبي عليها, لكن عليك الله تنظفي الحمام بعد كل استخدام عشان مافي زول يقع (مجربه الزلقه في البانيو) ÷÷÷÷
ليمونتين كبار كوباية لبن و و زيت زيتون صبي الزيت و الملح اول عشان الملح ما يدوب و بعدها اللليمون في برطمان و احتفظلي بيه في الثلاجه, كل يوم قبل الحمام امسحي بيه كامل الجسم بحركات دايريه, راعي لحساسية جسمك ما كل الجلود واحده و خليه على الجسم خمسه دقايق بعد داك استحمي عادي و اتمسحي بحاجه مرطبه, لكن لازم تواظبي.
ماما دوما و شبكه لازم تواظبوا على الحاجات البتعملوها, انا عندي اغسل وشي الصباح و المساء و امسحه زي اني اتسوك خطوه مهمه و لازمه تتعمل لازم تتعمل. برجع بعدين من المكتب
Post: #145 Title: Re: كل البنات حلوين بيوتي سنتر Author: Dania Elmaki Date: 09-24-2010, 03:08 AM Parent: #144
شكلكم هجرتو البوست
Post: #146 Title: Re: كل البنات حلوين بيوتي سنتر Author: منال Date: 09-24-2010, 03:13 AM Parent: #145
شكرا يا دندون وسمارت,, يللا أبدوا لينا في موضوع الميك أب لأنه الحديث ذو شجون :)
Post: #149 Title: Re: كل البنات حلوين بيوتي سنتر Author: Dania Elmaki Date: 09-25-2010, 11:19 AM Parent: #148
منال, عفراء و اماني بجيكم راجعه انشاء الله
Post: #150 Title: Re: كل البنات حلوين بيوتي سنتر Author: doma Date: 09-25-2010, 12:07 PM Parent: #149
Quote: ماما دوما و شبكه لازم تواظبوا على الحاجات البتعملوها, انا عندي اغسل وشي الصباح و المساء و امسحه زي اني اتسوك خطوه مهمه و لازمه تتعمل لازم تتعمل. برجع بعدين من المكتب
لوووووول يا بناتي الموضوع وما فيه تعويده انا الامل فيني مفقود تماما بس من نعم الله علي قبل زمني ما يفوت والغناي يموت ما كنتش محتاجه للتعب دا كله وبعد دا فات الاوان والانكتب علي الجبين بان النبي يا تبلدينا يا ولدي البت المعبره دي شنو الجبتها لينا ؟؟؟ شكلها هبله هبله كدا ووشها كلو جضوم بري تاكل روحها بمعايير الجمال حقتي
