Post: #2
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 09:06 AM
Parent: #1
مفجع حد الدهشة إنو الناس ما تميز بين الحلال والحرام .. أو الخبيث والطيب والإنسياق خلف نزوات النفس الأمارة بالسوء .. كانت مفاجأة صادمة بالنسبة عندما إطلعت على البوست بتاع أخونا عبداللطيف محجوب والشهادة لله بعد بديت أكتب ليهو رد في نفس البوست شكيت في إنو الناس ممكن تشوفو ولتعميم الفائدة رأيت إفتراع هذا البوست
|
Post: #3
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 11:54 AM
Parent: #2
تقوم شركات الإتصالات جميعها - بلا إستثناء - بشراء هواتف نقالة او أجهزة طرفية لدخول شبكة الإنترنت هذه الإجهزة الطرفية ونسبة لأنها تستخدم تقنية متطورة نوعا ما غالية التكلفة حتى لو كانت صينية الصنع أسعارها ليست في متناول الجميع ونظرا للتنافسية العالية بين هذه الشركات تقوم بدعم هذه الإجهزة ليصبح سعرها معقولا ..
|
Post: #4
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 12:01 PM
Parent: #3
مثلا سعر الموديم من الـvendor لشركة الإتصالات حوالي 80 دولار أي ما يعادل ال200 جنيه سوداني تقوم الشركة ببيعه للمواطن والمستخدم النهائي بسعر 100 جنيه سوداني !! بصورة اوضح تقوم الشركة بتحمل نصف السعر وبخسارة أموال هائلة ليكون الجهاز متوفر في السوق بسعر 100 جنيه .. وهو سعر في إعتقادي في متناول جميع مستخدمي شبكة الإنترنت .. وهنا لا نتحدث عن جهازين أو عشرة أجهزة بل مئات الآلاف
|
Post: #5
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 12:07 PM
Parent: #4
تقوم شركات الإتصالات بوضع براميترز معينة لقفل الجهاز على شبكة الشركة المزودة بالخدمة وذلك حتى لا يستخدم الجهاز في شبكة أخرى منافسة 1) حماية لإستثمار الشركة 2) زيادة عدد المشتركين او على الأقل إبقاء نفس العدد الموجود منهم وهنا يكون التنافس بين الشركات في وضع التعرفة المناسبة للخدمة سواء كانت فلات ريت او بير قيقا
|
Post: #6
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 12:30 PM
Parent: #5
Quote: حماية لإستثمار الشركة |
وأفتكر ده من حق الشركة ..
بمعنى تاني لا دينيا ولا أخلاقيا ممكن الزول يقبل بالحاجة دي يعني البرميترز الفي جهازك هما ما عملوها سااااي بدون غرض ..لأ أبدا !! الليلة لو إنت مشيت إشتريت الجهاز من السوق بعد داك يبقى من حقك تختار الشبكة البتعجبك والخدمة الأريح أو السعر المقبول بالنسبة ليك . .
|
Post: #7
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-16-2010, 12:39 PM
Parent: #6
محمد عمر ازيك لغاية المودمات و الراوترات و باقي الشغلانة دي أوكي تلحق تهبش لينا الريسيفر البفك التشفير بالنت ولاّ مواقع التورنت و تحميل الأفلام بنخسرك
__________
البروفايل الأشتر دا شنو ياعمك
|
Post: #11
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 01:05 PM
Parent: #7
والله يا ود البشرى ما عارف أقول ليك شنو لكن للضمان كده ما تعمل دعاية للرسيفر ده . . . إنت قادرعلى ذنوبك براك لمن تلم حقت الناس كمان؟؟
ـــــــــــــــــــــ ون تو ثري فيفا CSS
|
Post: #8
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 12:39 PM
Parent: #6
لكن عشان تقوم تمسح البراميترز دي وتخلي الجهاز ماشي ساااي أمفكو تركب فيهو أي شريحة وتشغلو أسأل نفسك سؤال واحد .. هل لو مشيت للشركة واشتريت الجهاز وكلمتهم بالكلام ده بكون مقبول بالنسبة ليهم ؟؟
|
Post: #9
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 12:51 PM
Parent: #8
ههههه
Quote: نسأل الله أن يوفقكم للإبداعات النافعة والمثمرة فالأمة الإسلامية محتاجة لأأمثالكم
|
ياخ معقولة بس !! زول هكر سارق قروش ناس !!
عشان أمثال الزول ده الأمة الإسلامية ماشة لي ورا
|
Post: #10
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-16-2010, 01:05 PM
Parent: #5
Quote: سرقة .. أكل أموال الناس بالباطل وإستخفاف بعقول الناس !! |
الاخ محمد عمر تحياتى و لاننى عهدتك موضوعيا و رزينا فيما تكتب فقد حرصت على ابداء رأيى ( حتى قبل ان تكمل ) .
سرقة ؟؟؟ مين يسرق مين يا عم ؟؟ واضح من المصطلحات التى تستخدمها انك ذو صلة باحدى شركات الاتصال ( موظف او مهندس لا ادرى ) و بذا فأن شهادتك عن شركات الاتصال مجروحة .. لن تجد مدافعا واحدا ( الا صاحب مصلحة ) عن الشركات التى تضع شروطها الاذعانية و المجحفة على مشتركيها ، و القضايا كثر من فروقات الحساب بالثانية و غيرها ... تفتكر انا استعمل الموبايل منذ القرن الماضى كم هى اموالى المنهوبة بتلك الفروقات ؟ من يسرق من ؟ ثانيا : امر ادخال الكود لا يقتصر على شبكة معينة ... فصاحب مودم سودانى يحيله لمودم صالح للشبكات الاخرى ، و كذلك صاحب مودم زين او ام تى ان .. و بذا فالامر متساو و ليس هناك تضرر من شبكة معينة . المهم بالنسبة لنا ان هنالك فروقات فى قوة اشارة الشبكات ، فبينما تنشط زين فى منطقة اكون متواجدا فيها ، اجدها خاملة فى منطقة اتنتقل اليها بعد نصف ساعةبينما تنشط سودانى او ام تى ان ... لذا المودم بصفته الجديدة ينصفنى و يبقينى قادرا على دخول النت . بصراحة .. انا ممن استفادوا من حكاية الكود.. و رغم اشتراكى فى شبكة ( بوست بيد )دفع اجل ، الا ان الحرمان بعدم توفر شبكة تلك الشركة فى بعض المناطق يجعلنى ادخل بشريحة شبكة اخرى ( بريبيد )دفع مقدم ... عرفت الحكاية بقى ؟؟؟؟
|
Post: #12
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-16-2010, 01:33 PM
Parent: #10
مرحب بيك ويا هلا عمنا العزيز أنور ..
Quote: شهادتك عن شركات الاتصال مجروحة |
أبدا .. أنا ما شغال في أي شركة من الشركات الأربعة المزودة بالخدمة هنا في السودان لا كنار لا سوداني لا زين ولا حتى MTN اها الراي كيف ؟؟!!
Quote: ثانيا : امر ادخال الكود لا يقتصر على شبكة معينة ... فصاحب مودم سودانى يحيله لمودم صالح للشبكات الاخرى ، و كذلك صاحب مودم زين او ام تى ان .. و بذا فالامر متساو و ليس هناك تضرر من شبكة معينة . المهم بالنسبة لنا ان هنالك فروقات فى قوة اشارة الشبكات ، فبينما تنشط زين فى منطقة اكون متواجدا فيها ، اجدها خاملة فى منطقة اتنتقل اليها بعد نصف ساعةبينما تنشط سودانى او ام تى ان ... لذا المودم بصفته الجديدة ينصفنى و يبقينى قادرا على دخول النت |
مين القال ليك الشركة مافي ضرر واقع على الشركة؟؟ إنت عارف الشركة إشترت الجهاز بكم ؟؟ أولا يكون في علمك الشركات البتصنع الأجهزة دي كتيرة جدا وكل شركة سعرها مختلف عن الشركة التانية ومزود الخدمة أو الأوبريتر في السودان بشتري من كل الشركات دي .. عشان يكون في تنوع في الأجهزة تساعدك إنت في إختيار الجهاز البقسم معاك ثانيا إنت ما عارف زين مثلا داعمة الجهاز بي كم ؟؟ وللا سوداتل مثلا يعني إحتمال يكون بي خمسين جنيه للأولي أو تسعين جنيه للثانية يعني إنت بتشيل التسعين جنيه السوداتل مثلا دعمت بيها الجهاز وتستخدمها وسيلة لزيادة ربح زين أو العكس .. وهنا مكمن الضرر البحصل على الشركة المقصودة يبقى نحن ما ننساق ورا أهواء النفس ونقعد نقول والله هنا الشبكة تعبانة عشان أبرر تعمد إيقاع الضرر بالمشغل بسبب إنك مغبوووون منهم الحلال بين والحرام بين يا التكينة وآخرها كوم تراب إنت خلاص وقت ما عايز تكون طوالي في النت أشتري الأجهزة كلها .. موضوع ما عارف الثواني والحاجات دي موضوع تاني من حقك تمشي تشتكي لو متضرر لكن ساااي كده تقلع .. ما جاية دي .. عموما لأنك عزيز علينا .. تعال لي بديك موديم ما حق أي زول من الشركات ركب فيهو الشريحة البتعجبك أها كيف الكلام ده معاك
|
Post: #13
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-16-2010, 07:09 PM
Parent: #12
Quote: الحلال بين والحرام بين يا التكينة وآخرها كوم تراب
|
و يعنى البتشيلو شركات الاتصالات من المشتركين بى اسعار ازعانية كانت حلال ... هو استرداد قليل من الحق بحرية اختيار المشغل و بى تمنو مش بلاش .
Quote: إنت خلاص وقت ما عايز تكون طوالي في النت أشتري الأجهزة كلها .. |
ليه ؟ ما كفاية انو نقدر على واحد ؟
Quote: موضوع ما عارف الثواني والحاجات دي موضوع تاني من حقك تمشي تشتكي لو متضرر لكن ساااي كده تقلع .. ما جاية دي ..
|
بعنى ما عارف فى قضية مشهورة مرفوعة ؟؟ الحصل شنو ؟ مش طلعوها كسور و بواقى ؟؟
Quote: عموما لأنك عزيز علينا .. تعال لي بديك موديم ما حق أي زول من الشركات ركب فيهو الشريحة البتعجبك أها كيف الكلام ده معاك |
كلام زى القشطة .. يلا يا واعظ خليك صادق .
|
Post: #14
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-16-2010, 11:50 PM
Parent: #13
ابو حميد كدي ياخوي النسألك سؤال شركة الإتصالات باعت ليك المودم و اجرت ليك الخط كل واحدة براها هل من شروط البيع إنها تسترجع المودم و ترجع ليك قروشك لو حبيت تلغي اشتراكك معاها ؟ لأ طبعا يبقى بالتالي المودم صار ملك ليك يحق ليك تفك تشفيرو أو تستخدمو بالطريقة البتريحك كونها باعتو بسعر مدعوم و تحملت خسارة فدا عقد بيع مكتمل الأركان برضاء البائع و في النهاية دي سياسة تسويق منها لأنها لو سعّرتو غالي المشتركين تلقائيا حيفضلّوا مودم الشركات الأخرى الأرخص أو ح ينصرفوا عنو نهائي بالتالي ح تخسر الشركة مستأجرين لخطوطها و دا الريفنيو الحقيقي
___________________
بالنسبة لحكاية فك تشفير القنوات و تحميل السوفت وير و الأفلام دا انتهاك لحقوق الملكية الفكرية مافي كلام لكن نسوّي شنو - الله يسامحنا غايتو كدي بيني وبينك كدا الوندز و الأوفس بتاعك دا دفعت حق اللايسنس ولا كيري زينا
|
Post: #16
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-17-2010, 05:10 PM
Parent: #14
Quote: كونها باعتو بسعر مدعوم و تحملت خسارة فدا عقد بيع مكتمل الأركان برضاء البائع و في النهاية دي سياسة تسويق منها لأنها لو سعّرتو غالي المشتركين تلقائيا حيفضلّوا مودم الشركات الأخرى الأرخص أو ح ينصرفوا عنو نهائي بالتالي ح تخسر الشركة مستأجرين لخطوطها و دا الريفنيو الحقيقي |
باعتو ليك بشكل معين عشان تشتغل بيهو في الشبكة بتاعتها .. ما عشان تمشي تفك الكود وتشغلو مع مزود خدمة تانية بصورة تانية .. محل ما إنت قاعد يا ود البشرى أمشي أضرب تلفون للكول سنتر حق الشركة الشغال معاهم وقوليهم انا شغال بومديم بالرقم الفلاني .. ممكن تدوني رقم الإمزي بتاع الكرت !!! شوف كان خدمتك ما وقفت في نفس اليوم
بعدين تاني برجع أقول ليك عشان تحلل الحاجة دي أمشي إشتري الكرت بتاعك من السوق برغم ندرة الكروت دي خارجات نقاط بيع الشركات لكن ممكن تلقاها ما حاجة مستحيلة ..
Quote: كدي بيني وبينك كدا الوندز و الأوفس بتاعك دا دفعت حق اللايسنس ولا كيري زينا |
أنا شغال في شركة عندها الليسانسز لكل السوفت وير الشغالين بيها .. ويندوز .. أوفيس .. أنتي فايروز واللاب توب من الشركة للبيت ..
|
Post: #15
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-17-2010, 04:57 PM
Parent: #13
Quote: و يعنى البتشيلو شركات الاتصالات من المشتركين بى اسعار ازعانية كانت حلال ... هو استرداد قليل من الحق بحرية اختيار المشغل و بى تمنو مش بلاش .
|
أنور التكينة .. عمنا العزيز .. تعرف بمنطقك ده .. عادي .. أي زول يلقى فرصة في منصب حكومي يقوم يلغف الحكومة كم مليون كده ويقول ده حقي السرقتو مني الحكومة .. رغم فارق السن بيناتنا يا التكينة لكن في نفسي من الحرج قدر ما يمنعني أقول ليك ده كلام أعوج وما مقبول .. تقلع حقك بي يدك .. ليه ؟؟ بعدين عشان ما تخمنا بالكلام ساي موضوع الثواني ما كان من القرن الفات ولا حاجة السياسات دي كلها ظهرت قريب زي موضوع حساب المكالمة بالثواني .. لأنو تقنيا زمان ما كان ممكن .. السيستم ما سبّورت للحاجات الزي دي بعدين أسعار إزعانية دي يعني شنو ؟؟ ومرجعيتك فيها شنو ؟؟ وقارنت أسعار الإتصالات في السودان بياتو بلد ؟؟؟!!
Quote: يلا يا واعظ خليك صادق . |
من غير تريقة .. انا من نفسي عرضت عليك الحاجة دي هدية ياخ تهادو تحابو تحياتي
|
Post: #17
Title: Re: سرقة .. أكل أموال الناس بالباطل وإستخفاف بعقول الناس !!
Author: عبداللطيف محجوب
Date: 09-17-2010, 07:05 PM
Parent: #1
محمد عمر جبريل ..
رسالتك وصلت .. Will done ..
اللهم أغفر لنا إن أخطأنا .. وأرحمنا برحمتك يا رب العالمين ..
كُل التقدير ..
|
Post: #18
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-17-2010, 07:20 PM
Parent: #17
Quote: هدية ياخ تهادو تحابو |
فى انتظارك يا ابنى ..
|
Post: #19
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-17-2010, 09:27 PM
Parent: #18
Quote: باعتو ليك بشكل معين عشان تشتغل بيهو في الشبكة بتاعتها .. ما عشان تمشي تفك الكود وتشغلو مع مزود خدمة تانية بصورة تانية .. محل ما إنت قاعد يا ود البشرى أمشي أضرب تلفون للكول سنتر حق الشركة الشغال معاهم وقوليهم انا شغال بومديم بالرقم الفلاني .. ممكن تدوني رقم الإمزي بتاع الكرت !!! شوف كان خدمتك ما وقفت في نفس اليوم
بعدين تاني برجع أقول ليك عشان تحلل الحاجة دي أمشي إشتري الكرت بتاعك من السوق برغم ندرة الكروت دي خارجات نقاط بيع الشركات لكن ممكن تلقاها ما حاجة مستحيلة .. |
يا ابوحميد لو البيع مقيد بشروط كان ح تكون مكتوبة و محددة في عقد البيع بالنص (عدم استخدام المودم بغير الطريقة التي تحددها الشركة) ودا ح يلزمها بالتالي انها ترجع ليك قروشك لو الغيت اشتراكك معاهم و يوفروا ليك صيانة مجانية خارج فترة الضمان - مش في ضمان برضو؟ - إذا اتعطل المودم يا محمد بقى ملك للمشتري ونص انو دفع قيمتو الحددتها الشركة كاملة لو ضربت للشركة قلت ليهم انا عايز افك تشفير المودم ما ح يدوني ليه طبعا وكل الح يقدروا يعملوه انهم يوقفوا اشتراكي في خدمتهم فقط لكن ما يقدروا يشيلوا المودم او يمنعوني من استخدامه , لأني ببساطة دفعت قيمتو كاملة - الهم حددوها - وصار ملك لي اعمل بيه و فيه الدايرو
___________________
اسمع قبل ما تشتغل في الشركة كنت بتتصرف كيف؟
|
Post: #20
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-17-2010, 10:52 PM
Parent: #19
محمد عمر جبريل وود البشري الموضوع مدغلب ونقاشكم تريان ومندّي صدقني يا محمد عمر انا لما قريت البوست كان عندي نفس تفكيرك انو ياخي انا البكورك انو شركات الاتصالات اكلت قروشي البخليني انا اكل حقهم شنو ..دي من ناحية دينية مع العلم انا من اول كود نزل فهمت كنتة النشفير لكن ما عملت اي جركة لسببين الاول انو في لحظة من اللحظات ممكن شركة الاتصالات تقدر ترجع تقفل الاجهزة دي لو اتضررت ضرر كبير والتاني انو ما عندي مشكلة كونكشنات. فقهيا ما اعتقد عندي المعرفة الكافية البتخولني اقول ده حلال ولا حرام في ظل تساؤلات مشروعة منها: 1.ما دام انا اشتريت الجهاز بمالي ليه انا ما اشغله بالطريقة البتريحني؟ او ليه الشركة تلزمني في حاجة حقني،لو اشتريت مرسيدس وشغلتها تاكسي ناس المرسيدس ممكن يزعلو لكن ما بقدروا يصادروها او يعطلوها زي ناس الاتصالات ديل. 2.هل انا شركة الاتصالات وقعوا معاي عقد انو جهازهم ده ما اشغله الا مع خدمتهم هم؟ 3.هل العلاقة البيني وبين الشركات كمستهلك او كمواطن علي درجة من التقدير وحفظ الحقوق حتي افكر في انو دي حلال ولا حرام ولا اي طرف يلقي التاني في ملف يأكل حقه ويمش وما همه انو الطرفين يصلوا درجة الثقة بالاخر؟
رجاء المواصلة في الموضوع ونعرج برضو علي البرمجيات وعلي القنوات المحتكرة لانشطة رياضية وفنية وغيرها
_ دايرين لينا مفتي تقني يا جماعة
|
Post: #21
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-17-2010, 11:03 PM
Parent: #20
أمر..Quote: لسببين الاول انو في لحظة من اللحظات ممكن شركة الاتصالات تقدر ترجع تقفل الاجهزة دي لو اتضررت ضرر كبير |
اعتقد فتح و غلق الجهاز بحتاج آكسس للجهاز نفسو ما بكون متوفر ريموتلي - وحتى كدا ح يتطلب تركّب الشريحة التابعة للشركة مرة تانية
الموضوع بختلف عن تشفير القنوات هنا التشفير للهاردوير
Quote: ونعرج برضو علي البرمجيات وعلي القنوات المحتكرة لانشطة رياضية وفنية وغيرها |
لا ياخ مافي داعي
|
Post: #22
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-17-2010, 11:32 PM
Parent: #21
ود البشري شركات الاتصالات لو اتعرضت لقرصنة ممكن تتفق مع بعض عادي في موضوع التراكينق ده..ما بتغلبهم صدقني.. وبعدين في دولة زي السودان عادي ممكن الشركات تعمل تشويش للخدمة لكل الناس وتقول ليهم ركب الشريحة ويغير ليك رقمك ذاتو. وتعال قاضيني تقول ليك...أو اي حل كعب زي ده..قول ياخي ممكن يعيروا الاجهزة ذاتا من موردين مختلفين ويبرمجوا بباقي الناس الاشترت اول..كلو وارد
ثم انو ياخي الفهم عام ياخي ..نتنور.. الوندوز والاسكربيتات منزوعة الاكواد مهم نعرف حلالهم من حرامهم
تعرف قالوا لينا الدوري الانجليزي بكم؟؟يا ود البشري.. بمليون ،والمعلن في موقعهم شوف كم وتجديد كرت الجزيرة بـ 260 ولو عندك مزاج في الافلام لازم تدفع 500 كدة برضو لجهة تالتة
_ هو انت قايل زهير ده لما قال في شروط بحثه عن عروس اسفيرية شرط القنوات تكون مجانية فقط ،كان بهظر؟؟؟
|
Post: #26
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-18-2010, 10:59 AM
Parent: #19
الجهاز ملكك صح يا ودالبشرى .. يعني لو حبيت مثلا تعملو تكالة عشان باب الغرفة ما يقفل أتس اوكي ما في مشكلة لكن كمان ما حقك لدرجة إنك تزيد بيهو أرباح شركة تانية منافسة .. الموضوع كلللو إنت اشتريت الجهاز من وين ؟؟ انا كشركة بعت ليك نقطة دخول للشبكة اكتر من إنها جهاز وهاردوير عرفت كيف ..
ـــــــــــــــــ زمان كنا بنشتري الجهاز بي الويندوز والأوفيس بتاعو من الشركة البائعة حتى في الفاتورة بكون كاتب ليك ويندوز 98 او يندوز مي + أوفيس 2001 انا ما بنزلهم فيهو .. كنا بنشتري جاهز
|
Post: #23
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-18-2010, 10:21 AM
Parent: #17
Quote: اللهم أغفر لنا إن أخطأنا .. وأرحمنا برحمتك يا رب العالمين .. |
شكرا أخونا عبداللطيف .. أرجو أن تشرع في عملية حذف البوستات من هنا او هناك لأن شركات الإتصالات لو سمعت بالخبر ده في إجراءات كتيرة ممكن تتحرك ضدكم
|
Post: #24
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-18-2010, 10:27 AM
Parent: #23
اها يا خوانا...في الستة الآف نفر القاعدة في بطن البورد زول مجضم الدين والتقنية يقول لينا كدة حرام وكدة حلال؟؟ الناس دي خلي بالك علاقتها بالدين ضعيفة وبالتقنية اضل...
طيب مافي قاضي سابق ولا محامي ولا حتي عرضحالجي؟؟؟؟
|
Post: #25
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-18-2010, 10:50 AM
Parent: #23
هلا يا قمر .. الموضوع ما داير ليهو إفتاء .. ما ممكن تشيل الجهاز المدعوم من الشركة وتستخدمو في زيادة أرباح شركة منافسة ليها ممكن تشتري جهازك من السوق عااادي .. يعني جهاز ما مقفول على أي شبكة بس كل البتحتاج ليهو إنك تعرف الجهاز ده بشتغل مع ياتو نوع من الشبكات كنار: حتى الآن CDMA 450 MHz سوداني: GSM .. WCDMA..CDMA 800 MHz زين: WCDMA إم تي إن: GSM .. WCDMA وأي شبكة من الشبكات دي الجهاز الطرفي بتاعها مختلف عن باقي الشبكات
الموضوع ما زي عربية التاكسي المرسيدس .. إنت استخدمت قروش الشركة الفلانية دي عشان تزيد أرباح شركة تانية .. فعلا الشركة ما وقعت معاك عقد إحتكاري لكن برضو ما قالو ليك أمشي غير لينا الـ Lock code بتاع الكرت وخلي باقي الشركات المنافسة تستفيد على حسابنا نحن..
وفكرة إنهم ما شغالين بي حكاية حلال وحرام دي تدينا المسوغ الشرعي عشان نحن برضو ناكل قروشهم ما مقبولة من ناحية دينية ولا أخلاقية وهنا بنتكلم عن المستوى الشخصي .. يعني زي ما قلت للتكينة فوق بالمنطق ده أي زول يلقى منصب حكومي يشتغل سرقة ونهب عشان يرجع القروش الزمااان اتسرقت منو!!
معقولة بس ؟
|
Post: #27
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-18-2010, 11:34 AM
Parent: #25
محمد عمر... انا كلامي كلو تساؤلات ولسة في انتظارات اجابات الموضوع ده بعيد عن الاخلاق والسلوك الحسن داير اعرف حلاله من حرامه...زي ما قلت ليك الموضوع مشربك..جهازهم الفي جيبي انا مشتريه بقروشي. حكاية انو الجهاز مدعوم والشركة خسرت فيه انا اكاد اجزم واقول ليك انو ده ما حصل ومافي جهاز هاواوي مصنع للبلك سيل سعره يكون 100 دولار..خش علي الاسعار العالمية حتلقي الفرق كبير ويعني انا دافع حقه ونص وخمسة
|
Post: #33
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 07:54 AM
Parent: #27
Quote: ومافي جهاز هاواوي مصنع للبلك سيل سعره يكون 100 دولار |
كزول عارف الحاصل شنو في موضوع التيرمينال ده بقوليك إنو كل الاجهزة البتكون تقنيتها متطورة دي بكون سعرها مرتفع في البداية وبتمشي بالنازل سريع جدا لأنو في أجهزة جديدة مطروحة في السوق والمنافسة بين الفيندورز عالية شديد .. تأكيدا لكلامك.. حاليا مافي جهاز بتباع للشركة بي 100 دولار لكن في السنتين الفاتو 2009 ، 2008 كانت أسعار الأجهزة دي هنا في السودان ما بين 80 - 100 دولار .
|
Post: #28
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-18-2010, 11:43 AM
Parent: #25
بعد دا زي ما قال عادل إمام (إحنا نروح القسم) عايزين فتوى قانونية
|
Post: #29
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-18-2010, 11:55 AM
Parent: #28
اثني يا ود البشري
|
Post: #30
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-18-2010, 12:54 PM
Parent: #29
محمد عمر جبريل يا حبيب .. شنو يا اخوى شابكنا سرقة و شركات و تكاليفو كم الخ ... الشركات دى عليك امان الله ماكلانا و خارتانا ... هاك مثال لسعر المودم بتاع الشركة دى .. ما بساوى جنيه واحد ... ده المودم :![101271167-260x260-0-0_NovatelsudanNovatelsudanOvationsudanU760sudanUSBsudanModemsudanSprint.jpg Hosting at Sudaneseonline.com](http://www.sudaneseonline.com/uploadpic10/Augest/101271167-260x260-0-0_NovatelsudanNovatelsudanOvationsudanU760sudanUSBsudanModemsudanSprint.jpg)
وده سعره :Quote: List Price: $349.99 Price: $0.01 (with new service plan) You Save: $349.98 (100%)
Free Two-Day Shipping. Availability: Ships from and sold by Amazon.com.
|
وده الرابط للتأكيد : http://www.shopping.com/xPF-Novatel-Novatel-Ovation-U760-USB-Modem-Sprint
|
Post: #31
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-18-2010, 07:04 PM
Parent: #30
و كمان شوف العرض ده :Quote: هذا المودم ممكن يستخدمه 5 مستخدمين في نفس الوقت يمكن تشغيله على الكهرباء دون توصيله بجهاز كمبيوتر يمكن تشغيله من دون كهرباء (في بطارية تستمر لـ 5 ساعات ويعاد شحنها) يمكن تشغيله بتوصيله بجهاز كمبيوتر من خلال وصلة USB هذه الاجهزة بالعادة تصنع لشركة اتصالات معينة ولا يمكن استخدامها لشركة أخرى أما الجهاز الذي اعرضه لكم يمكن استخدامه لأي شركة اتصالات بعد ضبط الاعدادات وهي سهلة يمكن استخدامه كفلاش ميموري لوجود مكان مخصص لبطاقة ذاكرة (يمكنك شراؤها من أي محل للهواتف) التوصيل يكون في ظرف أسبوع كحد أقصى به ضمان لمدة سنة (اذا ما يشتغل مثلا ،سوف نرسل الجهاز الى المصدر ونعطيك واحد جديد والشحن علينا) سعره في السوق 69 ريال
العرض الذي اقدمه لكم هو 40 ريال
طبعا أنا أجيبهم من الخارج والسعر يشمل الشحن والتوصيل في مسقط في انتظار الطلبيات
وهذي مواصفاته والصورة:
|
و المواصفات :
Quote: GSM/GPRS/EDGE: 850/900/1800/1900MHz HSUPA/HSDPA/WCDMA: 2100MHz 2100MHz Receive Diversity HSDPA: 7.2Mbps(DL) HSUPA: 5.76Mbps(UL) BATTERY: 1500mAh (4-5 hours of continuous work) WIFI: 802.11b/g (Up to 5 users) ANTENNA: Internal Antenna OS: Windows XP, Vista, Windows 7, Mac, Linux Memory: No internal memory. Memory card supported, microSD 32GB Dimensions: 86 x 46.5 x 10.5mm Weight: 90g
|
و الصورة :
![huawei-e5830-qmp-460.jpg Hosting at Sudaneseonline.com](http://www.sudaneseonline.com/uploadpic10/Augest/huawei-e5830-qmp-460.jpg)
و برضو تقول لى الطيارة فيها بورى ؟ شوف حاجة تانية اتجدع بيها و لا شوف ليك مفتى يطلع جماعتك البدافع عنهم هم الخامين البيض ..
|
Post: #32
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-18-2010, 07:11 PM
Parent: #31
![sudansudansudansudansudansudansudansudansudansudan53.jpg Hosting at Sudaneseonline.com](http://www.sudaneseonline.com/uploadpic10/Augest/sudansudansudansudansudansudansudansudansudansudan53.jpg)
|
Post: #34
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-19-2010, 08:14 AM
Parent: #32
الأخ محمد عمر جبريل
لك التحايا يا صاحب
موضوعك 100 100 وهي والله سرقة في العلن وأكل لأموال الناس بالباطل الشئ الأسخف من دا كلو هي تلك الدعاية الرخيصة والمبتذلة لموقع جامعة السودان عبر هذا المنبر وربط الفائدة والاستفادة من ذلك بتسجيلك في المنبر هذا بالرغم من ان قوانين المنبر تمنع الدعاية لمنابر اخرى في المنبر العام وهذا أيضا لعمري أكل لحقوق بكري في الإعلان بهذه التبريرات السخيفة يمكن ان نجد للهكرز مخرجاً لسرقة البنوك او سرقة اموال اعدائهم حقيقة لم تخيب ظني فيك فكن كما اشتهي لك أن تكون
مودتي التي تعرف
|
Post: #35
Title: Re: سرقة .. أكل أموال الناس بالباطل وإستخفاف بعقول الناس !!
Author: عبداللطيف محجوب
Date: 09-19-2010, 08:27 AM
Parent: #34
Quote: موضوعك 100 100 وهي والله سرقة في العلن وأكل لأموال الناس بالباطل الشئ الأسخف من دا كلو هي تلك الدعاية الرخيصة والمبتذلة لموقع جامعة السودان عبر هذا المنبر وربط الفائدة والاستفادة من ذلك بتسجيلك في المنبر هذا بالرغم من ان قوانين المنبر تمنع الدعاية لمنابر اخرى في المنبر العام وهذا أيضا لعمري أكل لحقوق بكري في الإعلان بهذه التبريرات السخيفة يمكن ان نجد للهكرز مخرجاً لسرقة البنوك او سرقة اموال اعدائهم حقيقة لم تخيب ظني فيك فكن كما اشتهي لك أن تكون |
الأعزاء أصحاب الرُدود جميعاً ،
كُل التقدير والإحترام لكم ..
أُقدر مدى غضبكم تجاه ما بدر مني .. فهو حقاَ خطأ عظيم!
وكان تفكيري كُله يصب في أن أفيدكم جميعاً .. ولكن للأسف كُنت مخطئاً فهي كما أسلفتم طريقة خاطئة وإستعمال سيئ .. بغض النظر عن كُلأ المعطيات .. فأنا أعترف بخطأي .. وأعلنت قبلاً توقفي عن رفع البوست أو إضافة أي مشاركة جديدة فيه ..
ولو تابعتم البوست جيداً .. أنني ذكرت إذا أثنى بوردابيان على أن الموضوع سيئ .. سأقوم بإغلاقه مباشرة .. وفعلاً قد تم ذلك ..
ولكن كان هنالك الكثير من البورداب شاركوا .. ولهم أسماءهم .. هذه ليست القضية .. رُبما هذا لا يمنع أنني مذنب لا محالة .. ومخطئ لا نُكران ..
،،
وأما ذكري لموقع جامعة السودان .. فهو من باب رد الحقوق إلا أهلها فقط ليس إلا .. وأما بخصوص بعض الإعلانات التي قصدت منها أن تكون محضى دعابة ليس إلا .. حتى أنني ذكرت "الجواك بطل .. جواك سودان يونيفيرستي" ..
على العموم .. كُل التقدير لكل الإخوة المتداخلين ..
وأحمد ربي أنني وقفت على الجانب الإيجابي مباشرة من البوست .. ولم أشأ أن أبتعد عن النقطة الأساسية ..
،،
فقد ذكرت بأن الرسالة قد وصلت .. فهذا والسلام ..
|
Post: #36
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-19-2010, 08:53 AM
Parent: #35
Quote: موضوعك 100 100 وهي والله سرقة في العلن وأكل لأموال الناس بالباطل |
لا إله إلاّ الله يا البشاري شنو ياخ , محمد عمر وصلنا معاه لطريق مسدود فحنمشي القسم نحلها, مالك علينا انت وبي حليفتها كمان كدي فهمني سرقة كيف لي شي انت مشتريه و دافع كامل حقو و عقد البيع لا يحمل أي شرط يتعلق بكيفية الإستخدام
اتحدى شركة الإتصالات ترفع قضية ضد من يفك شفرة المودم ويستخدمو لحساب شركات تانية , ما في قاضي ح يحكم ليهم وح يحكم ليهم بشنو ؟ يقلعوا المودم يبقى يرجعوا قروشو الموضوع يفرق كتير عن فك تشفير قناة أو كراك ريجستريشن سوفتوير أو قيم أو تحميل فلم مصوّر بكاميرا من سينما أو مريّب من دي في دي لو كان المودم ملك للشركة و مدينك ليه مع الخط مجاني و ح ياخدوه منك لو لغيت اشتراكك في الحالة دي أوكي يكون ما للمشترك حق يتصرف في حاجة لا يملكها
لازلنا في انتظار تفسير للموضوع من ناحية قانونية يفض الإشتباك
|
Post: #37
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-19-2010, 09:23 AM
Parent: #36
ود البشـــرى
ســــلام ... يا متعب جدا جدا في النقاش ![](http://www.sudaneseonline.com/db/attention/010_Smile.gif) يــا ود البشـــرى نحن ما بنتكلم عن ســــرقة المودم ولكن بنتكلم عن ســـرقة شفرة تشغيل المودم وهذا هو ما يروج له عبد اللطيف المودم العندك دا والاشتريتو بقروشك زي ما بتقول زيــو وزي العصاية بدون سوفت وير او الشفرة البتشغلو يعني براااااو كدا فايدة لس وبالتالي ســـرقة وفك الشفرة دي هو الحرام ودي السرقة يا ود البشرى. خد عندك مثلا اشتريت بطاقة للجزيرة الرياضية منتهية الصلاحية ومشيت لأي محل فك ليك الشفرة بتاعتها مجانا دي تبقى سرقة ولا ما سرقة لحقوق قناة الجزيرة الرياضية؟ الســـرقة الحاصلة في السوفت وير والشفرة البتشغل المودم وليس المودم نفسه ود البشرى الحلال بين والحرام بين وبينهم امور متشابهات. حكايتك دي غايتو بقت زي حكاية صدام مع الروس في حرب الخليج 90 قالوا الروس اقنعوا صدام بالانسحاب من الكويت عشان الامريكان ما يدمروا قوته العسكرية وقالوا ليه: الروس : اها ح تنسحب من الكويت متين؟ صدام : والله يا جماعة انا مقتنع لازم انسحب لكن البقنع عمر البشير شنو؟!!!![](http://www.sudaneseonline.com/db/attention/100_Balloons.gif) اها دي بقت عليك بس هسي صاحب البوست اقتنع إنها ســـرقة ولا تجوز البقنع ود البشــــرى شنو ![](http://www.sudaneseonline.com/db/attention/200_4e.gif) ... .. .
__ مبروك النظارة الجديدة
|
Post: #38
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عبد الماجد الصايم
Date: 09-19-2010, 09:35 AM
Parent: #37
كل واحد يصلح المودم بتاعو ياخ!
|
Post: #39
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-19-2010, 10:08 AM
Parent: #38
مكرر
|
Post: #40
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-19-2010, 10:10 AM
Parent: #38
الامين يابني عليك الله اسمعني الحلال بين والحرام بين دي في سيجارة بنقو في تلبت في البيت تسرق غويشتين ياخي عليك الله ما تكسر لينا الدش في يدنا...انا الموضوع ده بهمني بهمني يعني خد مثلا عندك الوندوز الفي السودان ده..ده حرام عديل ولا بتلفت ليك فيه...وشوف الوندوز 7 بقريب 300 دولار في السوق العربي مع الكراك البخليه ليك اصلي بلاده ب 15 جنيه سوداني
لكن انت رأيك شنو في وكيل قناة ابوظبي الرياضية الضاربة السعر لنفس الخدمة في 2 او تلاتة وقاعد وفي ناس غيري بلقوا نفس الخدمة بسعر اقل جدا نديك مثال تاني في موضوع القنوات كوكو الابيض،خليك من كوكو الابيض..في رسيفر هنا بـ 700 الف اعتقد بجيب اي قناة بقي،اي شي لا تقول لي الجزيرة ولا غيرها..بجيب كلو بس ما بجيب حفيظ دراجي وعصام الشوالي وتضرب للزول يجيك تفاوضه في عدتك القديمة وتعمل عملية تجارية في قمة الروعة،دي شغالين بيها ناس كتار جدا...طيب انا كمستهلك عجبتني الفكرة دي برضو حرام؟؟مع انو ده منتج في السوق وموجود يعني...افيدونا افادكم الله.
_ ود البشري القانون ده ما تشتغل بيه كتير الا لما يجوا يقبضونا ومافي شرطة قبضت ليها زول مشغل قنواته بكوكو الابيض...
|
Post: #41
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-19-2010, 10:56 AM
Parent: #40
الأخ قمر بوبا
ســـلام عليكم .. وكلي آذان صاغية..
Quote: يعني خد مثلا عندك الوندوز الفي السودان ده..ده حرام عديل ولا بتلفت ليك فيه...وشوف الوندوز 7 بقريب 300 دولار في السوق العربي مع الكراك البخليه ليك اصلي بلاده ب 15 جنيه سوداني |
قمر بوبا القاعدة الفقهية بتقول لا ضرر ولا ضرار أول حاجة لازم نثبت حاجة مهمه ونفرق بين المودم وشفرة تشغيل المودم المودم حق ثابت للعميل ويتملكه بمجرد سداد ثمنه وهذا لا خلاف فيه والشركة عشان تحمي نفسها وحاجاتها بتعمل كود للحفاظ على حقوقها ودا شئ طبيعي ، وشفرة تشغيل المودم البفكها عبد اللطيف دي هي حق حصري للشركة والشركة بتدفع قروش للناس عشان تعملها يبقى لو انت فكيت الشفرة دي زيك وزي الحرامي وتلبت وسرقت ليك غويشتين من أي بيت. نرجع لموضوع الويندوز دا غلاء ورخص الويندوز لا يحلله لك وهي ايضا حقوق لشركة مايكروسوفت الكلام دا بحصل عندنا فقط في السودان وبعض دول العالم الثالث التي لا تحترم حقوق الملكية كدا شيل اللابتوب حقك دا وفيه ويندوز مضروب ومعمول ليهو كراك وسافر لأي دولة أوربية أو استراليا صدقني من المطار سوف يتم توقيفك بتهمة التعدي على حقوق الغير وحيازة برنامج بدون ترخيص وكون الكلام دا موجود وممارس لا يعطيه صفة الشرعية اطلاقاً .. هذا والله أعلم
Quote: في رسيفر هنا بـ 700 الف اعتقد بجيب اي قناة بقي،اي شي لا تقول لي الجزيرة ولا غيرها |
Quote: طيب انا كمستهلك عجبتني الفكرة دي برضو حرام؟؟ |
طبقا للقاعدة الشرعية لا ضرر ولا ضرار ممكن اقول ليك حرام إذا كان بغير موافقة اصحاب هذه القنوات ويضر بها.. ودا قياس ظاهري وأنا لست بمفتي ولكن ممكن تسأل ليك مفتي عشان اديك النجيضة في الموضوع دا . وكون ماف زول سألك دا ما مبرر كافي عشان انت أو غيرك يحلل الكلام دا واكيد اصحاب الحق الأصلي لو عرفوا ما برضوا بالكلام دا وقس ذلك
تحاياي
|
Post: #42
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-19-2010, 12:07 PM
Parent: #41
يا ود البشاري و يا أمر بالله يا أخوانا فرّقوا لينا بين تهكير السوفتوير و القنوات و القيمز ... إلخ وبين إنك تستخدم حاجة دفعت فيها حر مالك و امتلكتها تماما في غير الغرض الذي كان في بال بائعها لمّا باعك ليها اقرب مثل في بالي للحاجة دي الجركانة بتاعة العصير أو الزيت آكشوالي حيقوم مصنع الزيت يقول ليك ليه عبيتها موية و دخلتها تلاجتك طيب سؤال لو لغيت اشتراكي في الخدمة المودم وضعو كيف ح يكون؟
يا أمر القانون عندو سيي أكيد , الشركات الكبيرة عندها مستشارين قانونيين بمقدورهم المحاربة في كل الجبهات لحفظ حقوقو شركاتهم\على الأقل ممكن يعملوا اعلان تحذيري في الصحف لكن صدقني أنا متأكد انو ما حيعملوا حاجة لأنو مافي سند قانوني طالما في عقد بيع مكتمل الاركان إلا لو عايزين يستخدموا الوعظ و مخاطبة الضمير دا شي تاني زمان ناس الآ آر تي كانوا بجيبوا دعايات فيها احاديث و حكم تذم السرقة وكدا
يا اخوانا ما تشوفوا لينا استاذ أحمد موسى يفك الإشتباك دا الجماعة ديل شبكوا الراجل سرقة و أموال الناس لاوزوا بيه
|
Post: #43
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-19-2010, 12:37 PM
Parent: #42
كويس جدا يا ود البشري...انت عايز يفرقوا ليك بين الاتنين
طيب نرجع للامين قلت الكود حق الشركة والمفروض الناس ما تتصرف فيه،إذا كان الجهاز الانت اشتريته من سوداني مثلا سوداني بتديك خدمة الانترنت 50جنيه وزين بـ 25 والجهاز بشغل الخدمتين ..البجبرني اقعد التزم مع زول بياكل حقي شنو..تساؤل.
Quote: طبقا للقاعدة الشرعية لا ضرر ولا ضرار ممكن اقول ليك حرام إذا كان بغير موافقة اصحاب هذه القنوات ويضر بها.. ودا قياس ظاهري وأنا لست بمفتي ولكن ممكن تسأل ليك مفتي عشان اديك النجيضة في الموضوع دا . وكون ماف زول سألك دا ما مبرر كافي عشان انت أو غيرك يحلل الكلام دا واكيد اصحاب الحق الأصلي لو عرفوا ما برضوا بالكلام دا وقس ذلك
|
الامين بالمناسبة انا لحدي هسة ما حللت ولا حرمت اي شي انا بتسأءل عشان اعرف لرقبتي دي وقلت ليك في حاجات ظاهرة انها حرام وثبتها ليك بحكاية الوندوز يلة موضوع القنوات الرسيفر البجيب نفس الخدمات دي اغلي شوية وبتصنع ومعروف في العالم،ما بقدر اعرف مدي رضي الشركات المنهوبة عن الجهاز ده وانا سؤالي كمستهلك هل انا احفظ حقوق ابوظبي الرياضية ولا امشي اشتري الرسيفر الغالي وما لي دعوة؟؟ وبالمناسبة يا امين موضوع الرسيفر البلقط القنوات دي كلها، تقنيا نفس فهم المودم او الكونكشن البشتغل مع كل الشبكات ممكن اشتريه من السوق واقشط فيه الشريحة العايزا وابقي منجم
|
Post: #44
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 12:50 PM
Parent: #35
الأخ عبداللطيف شاكرين ليك رجوعك للحق واستدراكك للخطأ ومتابعيين البوست جيدا جدا .. هههه بس يا حبيب البوست هناك في منبر جامعة السودان شايفو ماااشي .. لو إنت بالجد مقتنع بالكلام ده غلط يا ريت تشوفو حل لي الموضوع ده لأنو كل يوم بيطلع عليهو عدد أكبر من الناس .. وبرضو لو تكرمت في ناس معانا هنا في البوست ده ما مقتنعين بي حكاية إنو الكلام ده غلط ممكن تشرح ليهم إنت بنفسك عموما برضو أشكرك على شجاعتك وعلى إحساسك السوي وتقبل فائق إعتذاري لو كانت كلماتنا شوية مسخنة
تسلم ..
|
Post: #45
Title: Re: سرقة .. أكل أموال الناس بالباطل وإستخفاف بعقول الناس !!
Author: عبداللطيف محجوب
Date: 09-19-2010, 01:03 PM
Parent: #44
Quote: بس يا حبيب البوست هناك في منبر جامعة السودان شايفو ماااشي ..
|
من تاريخ ردي في البوست هنا بإعلاني سحب البوست .. لم يُفك ولا كود واحد في طلاب جامعة السودان .. ما في داعي للكذب ..
كُل التقدير إن شئت ..
|
Post: #47
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-19-2010, 01:21 PM
Parent: #45
اخونا عبد اللطيف محجوب تحياتي... حتي الآن أهو نحن لسة بنتناقش،وقد تصدر فتوي انو الموضوع ده عادي والله اعلم ،وقانونا كما اسلفنا انو الناس ما موقعة عقد معاهم بطريقة الاستخدام فياخي الموضوع ما تاخده في في نفسك انك اجرمت ولا شي.. حتي الآن مافي زول بقدر يقول ليك حاجة غير آراء نحن بنتجاذب اطرافها..فهون عليك
|
Post: #48
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 01:25 PM
Parent: #45
إنت إتضايقت وللا شنو ..! انا ما فاضي شديد عشان أقعد أقرا تواريخ المداخلات .. البوست قاعد يا حبيب وإذا إنت شايف بالجد الكلام ده غلط كان تمشي تعمل أي حركة هناك في موقع جامعة السودان حيث المصدر الرئيسي للفكرة ..
|
Post: #50
Title: Re: سرقة .. أكل أموال الناس بالباطل وإستخفاف بعقول الناس !!
Author: عبداللطيف محجوب
Date: 09-19-2010, 01:33 PM
Parent: #48
Quote: إنت إتضايقت وللا شنو ..! انا ما فاضي شديد عشان أقعد أقرا تواريخ المداخلات .. البوست قاعد يا حبيب وإذا إنت شايف بالجد الكلام ده غلط كان تمشي تعمل أي حركة هناك في موقع جامعة السودان حيث المصدر الرئيسي للفكرة .. |
على العموم يا عزيزي المقام ليس مقام مثل هذا الحديث،
والآن فعلاً شرعت في حذف البوستات التي تتحدث عنها .. ولكن أرجو أن تنتبه لعدم إطلاق الإتهامات يسرة ويمنة دُون التأكد والتحجج بقِلة الوقت لديكم .. فكان الأولى أن تتحرى الحق .. كما فعلنا نحن من بوستكم هذا ..
وما ذلت أُكرر وأكرر.. بأنني أخطات في حق هذه الشركات .. وأتحمل أي تبعات لما حدث مادياً ومعنوياً يا عزيزي ..
،،
بالمناسبة أنا فعلاً إتضايقت .. لأنك حاولت تظهرني بي صورة يعلم الله ما فيني .. يعني أنا أشيل البوست من هِنا وأمشي أكمل باقي شغلي بي هناك !! ده كلام زول عندو دين !!
،،
....
كُل التقدير للإخوة المتداخلين جميعهم ..
|
Post: #49
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد الطيب يوسف
Date: 09-19-2010, 01:30 PM
Parent: #45
طيب يا محمد عمر لو انا اشتريت عربية كوريلا 2010 من حر مالي ومشيت اشتغلت مندوب تسويق لي شركة هونداي وبدل ما أشيل منهم عربية عرضت عليهم يدوني بدل ترحيل وانا أشتغل بي عربيتي زاتا أها هنا الموقف بكون شنو ... برضو حرام ؟؟ لأنو الموقفين اتشابهن بعيدا عن الكلام التقني المحيرنا ده
|
Post: #53
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 02:47 PM
Parent: #49
Quote: لو انا اشتريت عربية كوريلا 2010 من حر مالي ومشيت اشتغلت مندوب تسويق لي شركة هونداي وبدل ما أشيل منهم عربية عرضت عليهم يدوني بدل ترحيل وانا أشتغل بي عربيتي زاتا أها هنا الموقف بكون شنو ... برضو حرام ؟؟ لأنو الموقفين اتشابهن بعيدا عن الكلام التقني المحيرنا ده |
با محمد الطيب .. تشتري العربية إن شاء الله بعد داك تفكها إسبيرات وبالكسر كمان .. مافي مشكلة لكن لمن ناس تويوتا يقول ليك نحن بنبيع ليك الكوريلا الـ2010 دي بالسعر ده بس عشان تمشي وترجع بالشارع الفلاني اللي هو نحن عننا عليها رسوم طريق وده السبب البعنا ليك بيهو العربية دي بالسعر ده ونحن مراقبنك وعارفنك على فكرة تقوم تمشي تفك الأجهزة بتاعت المراقبة دي عشان تغير للشارع البعجبك ؟؟!! وتدفع رسوم طريق لي ناس الهونداي .. كدة ببقى غش وتدليس
تحياتي ليك يا حبوب
|
Post: #46
Title: Re: سرقة .. أكل أموال الناس بالباطل وإستخفاف بعقول الناس !!
Author: عبداللطيف محجوب
Date: 09-19-2010, 01:19 PM
Parent: #44
Quote: بس يا حبيب البوست هناك في منبر جامعة السودان شايفو ماااشي ..
|
ويبدو إنك مراقبني جداً !! وداير بأي طريقة أو بأخرى تُشكك في نيتي وصدقي في حذف البوست !! .. رُبما تحدثك نفسك بأني أعتذرت خوفاً من أحد لا من الله سبحانه وتعالى !!
،،
Quote: .. وبرضو لو تكرمت في ناس معانا هنا في البوست ده ما مقتنعين بي حكاية إنو الكلام ده غلط ممكن تشرح ليهم إنت بنفسك
|
في الحقيقة الأمر فيه الكثير من الحديث .. وأنا على العموم ليس بالضرورة أن أكون مقتنع ولكن حذفي للبوست كان درءاً للشبهات يا عزيزي .. ولا أحببت ولا أُحب أن أجادل في الموضوع .. فمهما كانت وجهة نظري فهي لن تكون مقبولة للكثيرين .. لذلك رأيت بإن أنى عن نفسي من هذا الحديث ..
،،
وعدم إيلاجي لردي في هذا البوست هو كما ذكرت لأسباب شخصية أعتقد فيها ..
Quote: شاكرين ليك رجوعك للحق واستدراكك للخطأ |
إستدراكي للخطأ لا أريد به شكراً من أحد ..
|
Post: #51
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 01:44 PM
Parent: #34
|
Post: #52
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-19-2010, 01:53 PM
Parent: #34
البشاري .. كيفك
Quote: بهذه التبريرات السخيفة يمكن ان نجد للهكرز مخرجاً لسرقة البنوك او سرقة اموال اعدائهم |
مش الهكر بس .. حتى بمنطق أخونا التكينة ممكن عادي بعد شوية أي زول يبقى وزير وللا مسؤول يقوم يمشي يضرب ليهو قروش كم شارع وللا كم مستشفى بي فهم والله دي قروشي انا رجعتها من الحكومة .. غايتو .. .. ربك يسهل ..
كيف (أخبارك)
|
Post: #54
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-19-2010, 05:28 PM
Parent: #52
الإخـــوة ود البشرى وقمربوبا ســــلام ... لست بأعلم منكم ولكن هذه فتاوي في قوقل واغلبها تقطع بحرمة مثل العمل وهو فك شفرة قناة او شركة ولكم ان تقيسوا على ذلك او تلجأوا للقوقلة إن شئتم..
تحاياي
Quote: مشروعية فك شفرات القنوات الفضائية تثير خلافا بين علماء الأزهر
يلجأ إليها بعض الناس بغرض مشاهدة مباريات كرة القدم
مشجعون مصريون في أحد مقاهي العاصمة الأردنية عمان يشجعون منتخب بلادهم في مباراة أمام الجزائر أجريت في السودان (أ.ب) القاهرة: محمد خليل اختلف علماء أزهريون حول مدى مشروعية قيام بعض الناس بفك شفرات القنوات الفضائية التي تستحوذ على حق بث وإذاعة مباريات معينة من كرة القدم، فذهب فريق إلى أنه لا يجوز شرعا لأي فرد القيام بفك شفرات هذه القنوات، باعتبار أن ذلك يعد نوعا من أنواع السرقة واعتداء على مال الغير من دون وجه حق واستفادة من منفعة، إن لم تكن ملموسة فهي تمثل قيمة يمكن تقويمها بمال، بينما يرى الفريق الآخر أن قيام بعض الناس بفك شفرات القنوات الفضائية التي تستحوذ على حق بث وإذاعة مباريات معينة من كرة القدم جائز شرعا؛ استنادا إلى أن هذه القنوات تمارس الاحتكار الذي حرمه الإسلام بكافة أشكاله وصوره. الدكتور عبد الفتاح إدريس، رئيس قسم الفقه المقارن في كلية الشريعة والقانون في جامعة الأزهر بالقاهرة قال، إن فك شفرة القنوات التي تستحوذ على حق إذاعة مباريات كرة القدم حرام، وذلك لأن إذاعة هذه المباريات وبثها عبر قناة فضائية له قيمة مالية باعتباره حقا معنويا لمن يقوم ببثها عبر فضائية معينة، وتابع موضحا أنه من المعلوم أن هذه المنفعة لها أجرة يقرها الشرع الإسلامي، وبالتالي فإن من يحاول فك هذه الشفرة آثم باعتبار أن ذلك من قبيل سرقة لمنفعة لها قيمة مالية.
وأضاف أنه لهذا السبب فإن من أفتى بفك هذه الشفرة قد أخطأ في الفتوى، وأخطأ في التدليل لها، وذلك لأن هذا ليس من الاحتكار الذي نهى عنه الشارع الحكيم، لأن الاحتكار المحرم هو احتكار ما تشتد حاجة الناس إليه، وليس مشاهدة مباريات كرة القدم مما تشتد إليه حاجة الناس، بحيث يلحقهم الحرج والضيق والعنت إذا لم يشاهدوا أحداث هذه المباريات.
وتابع الدكتور إدريس قائلا، وبالتالي فلا يُسمى هذا احتكارا، وبناء الحكم عليه خاطئ، لأن الأساس الذي بُني عليه هذا الحكم غير صحيح، ولهذا فإن المسألة ليست خلافية بين القائلين بالحل أو الحرمة، بل المسألة ليس فيها إلا حكم واحد هو القول بحرمة فك الشفرة، ومن قال بحلها لا فقه عنده.
واتفق الدكتور أسامة عبد السميع، أستاذ الفقه المقارن في كلية الشريعة والقانون في جامعة الأزهر بالقاهرة، مع الرأي السابق، حيث أكد أن فك شفرات القنوات التي تستحوذ على حق إذاعة وبث مباريات معينة لكرة القدم حرام، لأن قيام شخص ما بفك شفرة لقناة ما تستحوذ على حق بث وإذاعة مباريات معينة لكرة القدم، يعد بمثابة اعتداء على مال الغير بالسرقة.
وأضاف الدكتور عبد السميع أن نصوص الشريعة الإسلامية جاءت بأحكام عامة تقول بأن من يعتدي على الغير سواء في ماله أو في عرضه أو في نفسه.. كل هذا يعد حراما، وعليه فإن فك شفرات القنوات التي تستحوذ على بث وإذاعة مباريات معينة من كرة القدم يعد اعتداء على المال، تطبيقا لنهي القرآن الكريم عن أكل الأموال بالباطل، فضلا عن ذلك، فإن هذه القناة المشفرة ملك لصاحبها، فلا يجوز للغير أن ينتفع بها إلا بإذن صاحبها، سواء كان ذلك عن الطريق الشراء (الاشتراك) أو الهبة.
وقال الدكتور أسامة، أما ما أثير عن مسألة الاحتكار الذي تمثَّل في استحواذ بعض الفضائيات على بث وإذاعة مباريات معينة من كرة القدم، فاستحواذ بعض القنوات على حق بث وإذاعة بعض المباريات لمشاهدتها عن طريق الدخول بشفرة معينة إلى البث الفضائي، لا يعد احتكارا لمجال من باب الضروريات.
وتابع قائلا، فإذا ما أردنا إدخال مشاهدة مباريات معينة من كرة القدم تحت أي بند من الضروريات مثل الطعام أو الدواء أو الدفاع عن النفس (السلاح)، وجدنا أنها تخرج عن كل هذه البنود، حتى ولو كان هناك قطاع عريض من الشعب يقوم بمشاهدة هذا النوع من المباريات.
ومن جانبه قال الشيخ محمد محمود حمودة، الداعية الإسلامي المعروف والمفتش العام لشؤون القرآن الكريم في الأزهر، إنه لا يجوز فك شفرات القنوات الفضائية التي تستحوذ على بث وإذاعة نوع معين من مباريات كرة القدم، وإن كل من يقدم على هذا الفعل من دون علم صاحب القناة أو من له حق الانتفاع يعد سارقا، كالذي ينتفع بسرقة تيار كهربائي، لأن هذه الأشياء وإن لم تكن ملموسة فهي تمثل قيمة (يمكن تقويمها بمال)، وبالتالي فإن فك شفرات القنوات الفضائية التي تبث وتذيع أنواعا معينة من مباريات كرة القدم، يعد حراما لأنه من قبيل أكل أموال الناس بالباطل، لتضمنه تفويت فرصة الحصول على عوض مادي لمنفعة لصاحب القناة، أو من له حق الانتفاع من وراء إذاعة وبث هذه المباريات.
بينما يرى الدكتور أحمد عبد الرحيم السايح، الأستاذ في كلية أصول الدين بجامعة الأزهر، أنه يجوز فك شفرات بعض القنوات التي تحتكر بث وإذاعة أنواع معينة من المباريات الرياضية لما في ذلك الأمر من استغلال وحرمان قطاع كبير من الناس من مشاهدة هذه المباريات، لأنه من المفروض أن تنتهي هذه القنوات من ممارسة سياسة الاحتكار التي تهدف إلى جني الأرباح.
واختتم الدكتور السايح حديثه قائلا، إن أي فرد من أفراد المجتمع بإمكانه أن يصل إلى سر الشفرة التي عن طريقها يمكن أن يدخل إلى البث الفضائي للقناة التي يريد مشاهدتها.. فهذا الأمر جائز له شرعا ولا شيء فيه، ولا يعتبر هذا نوعا من السرقة كما يقول بعض العلماء الذين ألقوا بالتبعة على الناس ولم يلقوا بالتبعة على هذه القنوات التي تمارس احتكارا حرمته الشريعة الإسلامية في أي شكل كان وبأي صورة وُجدت. http://www.aawsat.com/details.asp?section=17&article=554421&issueno=11382
|
الفتوى الأولى السؤال: 1- اشتريت جهازا يفتح قنوات مشفرة، ما حكم استعمال هذا الجهاز؟.
الجواب: الحمد لله والصلاة والسلام على رسول الله وعلى آله وصحبه، أما بعـد: فلا يجوز استخدام هذا الجهاز في فك الشفرات لمشاهدة هذه المباريات على فرض خلوها من المحذورات الشرعية، لما في ذلك من الاعتداء على حق الغير، وإذا كانت مشاهدة القنوات المتخصصة في الرياضة تشتمل على محرم كالاطلاع على العورات ونحوه مما لا يخفى على من يشاهد هذه القنوات، فلا يجوز مشاهدتها على كل حال، .... . والله أعلم. إسلام ويب - مركز الفتوى - حكم فك شفرات القنوات الفضائية
الفتوى الثانيه السؤال: ظهرت في الآونة الأخيرة أجهزة استقبال فضائية تعمل بمساعدة الإنترنت - بخلاف الأقمار الصناعية - والهدف منها فتح القنوات المشفرة التي تتطلب دفع مبالغ مالية لشركاتها . سؤالي: ما حكم شراء هذا الجهاز ، واستخدامه في مشاهدة القنوات الرياضية المباحة ؟ علماً بأن طريقة عمله تعتمد على إحضار الشفرات الخاصة بهذه القنوات عن طريق الإنترنت ، وإرسالها مباشرة إلى جهاز الاستقبال لفتحها . أرجو إفادتنا ، فقد أشكل الأمر على كثير من الإخوان المسلمين الذين اتجهوا إلى شرائه دون السؤال عن حكمه ؛ تحججاً بأن الشركات التي تقدم خدمة هذه القنوات الرياضية تطلب أساساً مبالغ نقدية مُبالغاً فيها جدّاً تصل إلى خمسة آلاف ريال لسنَة واحدة ، بينما هذا الجهاز بسعر ثمانمئة ريال .
الجواب: الحمد لله القنوات الفضائية المشفرة التي يحتاج النظر إليها إلى دفع اشتراك مالي :لا يجوز العمل على فك ذلك التشفير ، ولا الإعانة عليه ؛ لأنه من التعدي على حقوق الناس ، ومن أكل أموالهم بالباطل . وتلك القنوات على حالين : مباح في أصله ، يجوز مشاهدته والنظر إليه ، ومحرَّم ، لا يحل مشاهدته ولا النظر إليه ؛ لما تحتويه مواده من أمور تخالف الشرع .... . http://www.alriyadh1.com/vb/f25/t149073.html
|
Post: #55
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-19-2010, 08:08 PM
Parent: #54
يا ود البشاري عشان كدا قبيل قلت ليك فرق بين فك تشفير القنوات و كسر كودات البرامج وما شابه وبين الكيس القدامنا انا ما قانوني لكن بالمنطق البسيط فقط ما شايف سرقة هنا حسب تعريف السرقة - باعتبار انك لا تسرق شيئ تملكه في حالة الريسيفر البفك تشفير القنوات الوضع واضح انت لا تملك المادة المبثوثة ولم تدفع لصاحبها بل اعتديت على حقه بدون اذنهودي سرقة راسها عديل يا أمر - ما قلت ليك الموضوع دا خليه اسي ![](http://www.sudaneseonline.com/db/attention/010_Smile.gif) لكن المودم انت امتلكته تماما و حتى عندما تفك تشفيرو ح تدفع مقابل الخدمة المقدمة من اي من الشركات - يعني لم تعتدي على حقهم كما الحال في كيس فك تشفير القنوات
كلامنا دا كلو محض اجتهادات وتفاسيرحسب زاوية الشوف الواضح فيها التباين عشان كدا لازلت اطالب بحضور احد الاساتذة القانونيين ليحسم لينا الموضوع حسب الاصول ولحينها اتمنى منكم عدم اصدار الاحكام القطعية بكونو الموضوع سرقة و اكل اموال بالباطل
|
Post: #56
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-19-2010, 08:49 PM
Parent: #55
Quote: في حالة الريسيفر البفك تشفير القنوات الوضع واضح انت لا تملك المادة المبثوثة ولم تدفع لصاحبها بل اعتديت على حقه بدون اذنهودي سرقة راسها عديل يا أمر - ما قلت ليك الموضوع دا خليه اسي لكن المودم انت امتلكته تماما و حتى عندما تفك تشفيرو ح تدفع مقابل الخدمة المقدمة من اي من الشركات - يعني لم تعتدي على حقهم كما الحال في كيس فك تشفير القنوات |
اعتقد دي كبسولة كويسة...شخصيا ممكن تكون حصيلة مقنعة بالنسبة لي حتي نلقي آراء اكثر عمقا يا عبداللطيف غايتو لحدي الآن النتيجة في صالحك
وشكرا
|
Post: #58
Title: Re: سرقة .. أكل أموال الناس بالباطل وإستخفاف بعقول الناس !!
Author: عبدالعزيز حسين عبدالرحيم
Date: 09-20-2010, 06:59 AM
Parent: #57
يا محمد الخضر
كلامك بذكرني قصة قضية بحري بتاعت واحد اشترى جزء من قطعة أرض من جماعة وبعد الشراء حصل خلاف معاهم وقام زعل عمل القطعة طرمبة بترول ولانهم جيران القطعة كانو متضايقين جداً ورفعوا قضية وخسروها ولمن باعو جزء تاني من القطعة أشترطوا على المشتري الجديد شروط محددة أنو ما يعمل طرمبة وما يعلى البنيان اكتر من عدد محدد من الطوابق
شروط العقد البتوقع من العميل لشركة الأتصالات هو البحدد العلاقة يا يكون المودم ملكي خاص أو مؤجر ولو المبلغ البدفعه مهما تكون قيمته بملكني المودم بعد داك انا حر في التصرف فيه زي ما عاوز وممكن الشركة تشترط في العقد الشروط الهي عاوزها وبعد داك اكون ملزم بيها ورغم اني ما عارف الالتزام دا برضه صحيح من الناحية القانونية لانو برضه المودم حقي أو يكون المودم مؤجر وفي الحالة دي من حق الشركة تشترط عليك أنك تستخدمه بطريقة محددة لو خالفتها يعتبر عقد الإيجار ملغى ومن حقهم استرجاع المودم من غير ما تسترد ليك قروشك لانك خالفت العقد
نفس الحكاية دي بتذكر كانت بتحصل لي شركات المنتجات الغذائية والمشروبات الغازية وكانت الشركات بتوزع تلاجات كترويج وتلزم اصحاب الدكاكين انو ما يختو منتجات الشركات التانية في التلاجة رغم أنو كانو بسددوا قيمة التلاجة بالتقسيط لكن كانو موقعين عقد ملزم
لكن برضه مفروض شركات الأتصالات تتغاضى عن الحكاية دي لانو مفروض الهدف الأول لشركات الأتصالات والبي سببه بتمنح الترخيص هو خدمة الجهمور قبل تحقيق الأرباح ولو الطريقة دي بتخدم الجمهور والشعب بستفيد منها مفروض تدعمها
|
Post: #59
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-20-2010, 08:48 AM
Parent: #58
ود البشـــرى
صباحاتك نـــدية بعد الهزيمة المالية ![](http://www.sudaneseonline.com/db/attention/010_Smile.gif) انا ما قلت ليكم البقنع ود البشـــرى شنو؟ وان تفنع ود البشـــرى خير لك من حمر النعم............المهم يا قولة تبارك
Quote: لكن المودم انت امتلكته تماما |
المودم امتلكته نعم ويمكن مؤجر زي قال اخونا الفوق دا حسب نصوص العقد ... طيب يا ود البشرى ذكر ليك اخونا محمد جبريل فوق إنو المودم يباع للمستهلك بأقل من سعره الحقيقي من اجل استخدامه من المستخدم ودي سياسة الشركات بتوفرليك الحاجة وبتقدم ليك الخدمة ونظرتهم إنهم ماشرط يربحوا في المودم ولكن بتواصلك معاهم في استخدام الخدمة هم بكونوا ربحانين زي شركات الطابعات لا يسعوا كثيرا للربح في الطابعات ولكن ربحهم في الحبر اكثر. تفتكر الشركة شفرت المودم بتاعها دا ليه؟ وهل المودم دا بشتغل معاك بدون ما تفك الشفرة؟ الشركة باعتك المودم وليس الشفرة وباعتك المودم عشان تستخدمو معاها وليس مع غيرها وانت لما تفك الشفرة بتاعة المودم دا يبقى اعتديت على حق من حقوق الشركة واضريت بيها دا ثابت واكيد حتى لو دفعت للشركة الجديدة رسوم الخدمة. يا ود البشرى في عالم الحاسوب المقسم الى برمجيات (|Software) وماديات (Hardware) معروف بالضرورة للبعض إنو البرمجيات هي المسؤولة عن تشغيل الماديات ودي زي الشفرة الأنت بتدافع عن إنو حلال تفكها وتستخدم المودم على كيفك..عندك في السعودية شركة الاتصالات السعودية بتعطي العمل مودم مشفر وبنفس الطريقة دي لا يمكنك استخدامه في غير خدماتها ولو سمعوا بيك ممكن يقاضوك. الليلة لو كان المودم دا ما مشفر ومربوط بسوفت وير عشان يشتغل كان ممكن أقول ليك عااادي استخدمو زي ما تحب ولكن بما إنو الشركة تعبت عشان تحفظ حقوقها وانت هنا بتدعــو الى انتهاك هذه الحقوق وكمان انت بتعمل كدا من غير علمها يبقى كدا اضريت بيها ما عجبتك الشركة شتت منها وامشي لمشغل تاني وهو مسؤول يوفر ليك المودم عارف في الخليج هنا المودم مجانا في بعض العروض وحقو شركاتنا زاتها ترتفع بمستواها للوضع دا ويبقى تفكيرها في ايجاد مودم واحد يشتغل مع الكل ويربحوا من رسوم الخدمة بس عشان نطلع من الحكاية دي
Quote: اطالب بحضور احد الاساتذة القانونيين ليحسم لينا الموضوع حسب الاصول |
الإخوة القانونيين ديل جيب ليهم صورة العقد الموقع بين العميل والشركة وبعدين يدوك رايهم انت عايز فتوة من علماء الدين
ودي الذي تعرف
|
Post: #60
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-20-2010, 09:35 AM
Parent: #59
لا والله ياود البشاري اقناعي ساهل بس انت الحججك ما مقنعة ![](http://www.sudaneseonline.com/db/attention/010_Smile.gif) يا عزيزي شركات الاتصالات تبيع الخدمة نفسها وما توفير الوسيط إلا خدمة منهم للمستهلك و حث له على الإشتراك في الخدمة فكونهم يدعموه دا ما فضل منهم بل توسيع لقاعدة المشتركين بالتالي ريفنيو اكتر المودوم زي الموبايل ملك للمستخدم - بغض النظر عن جابو من وين - دا فهمي ليه أنا بالنسبة للإتصالات السعودية وغيرها لا اعتقد انهم ممكن يقاضوك مالم يكون في نص صريح في عقد البيع ينهى عن فك تشفير المودم أو استخدامه في غير الشي المتفق عليه
Quote: الإخوة القانونيين ديل جيب ليهم صورة العقد الموقع بين العميل والشركة وبعدين يدوك رايهم انت عايز فتوة من علماء الدين |
في دي معاك حق بدل ما ننتظر رأي القانونيين لو تكرم أحد الإخوة من السودان سواء من المشتركين أو من إحدى الشركات المزودة بعرض نموذج لعقد الاشتراك في الخدمة وإذا طلع في شرط يقيد استخدام المودم I'll give up
|
Post: #61
Title: Re: سرقة .. أكل أموال الناس بالباطل وإستخفاف بعقول الناس !!
Author: عبدالعزيز حسين عبدالرحيم
Date: 09-20-2010, 09:36 AM
Parent: #59
Quote: قال اخونا الفوق دا |
دا منو دا ياهو أمين البشاري الواحد دا ولا زول تاني كان متاغبي فيني العرفة ولا محوص ومجليني بي حقك برضه والمودم كان مشتريه من الشركة لو باعته لي بي أقل من سعره برضه حقي وهي باعته لي يا عشان تخدمني أو عشان تروج وتربح اكتر أنا مامسؤول الشركة هي المفروض تحسب حساب أني ممكن استخدم المودم اي استخدام وتسد كل الثغرات وتضع شروط وتلزمني حتى بالتوقيع والموافقة عليها ومدام بقى حقي وما علي أي التزام تجاه استخدامه ما تسألني بعد داك وأنا اشتريتو بي قروشي وما بهمني أتباع لي بي سعره او اقل أو أستخدمه كيف
|
Post: #62
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-20-2010, 09:56 AM
Parent: #61
؟؟؟؟؟؟؟؟؟؟؟؟؟؟
|
Post: #63
Title: Re: سرقة .. أكل أموال الناس بالباطل وإستخفاف بعقول الناس !!
Author: بكري عباس علي
Date: 09-20-2010, 11:48 AM
Parent: #62
محمد جبريل كيفك ياخي شايفك عملت خدمة كبيرة لشركات الاتصالات ( الما بستاهلوا ابدا) وش زعلان منهم شديد رغم انك ما شغال معاهم والله مفروض يشغلوك معاهم محامي
تانيا شايف اخونا محجوب تراجع عن المواصلة في البوست الاخر واعتذر اعتذارا صريحا وطلب سحب البوست وهو موقف شجاع يستحق الاشادة ( ارجو ان تشكره علي استجابته )
تالتا عنوانك دا معكوس الشركات هي البتاكل اموال الناس بالباطل لانهم دائما طرف اضعف وعقودهم عقود اذعان وخاصة في دول زينا كدة
يعني هسي طالما الشركات دي بتربح ملايين الدولاارات سنويا منا الناس الغلابة ديل وحصل انه واحد مننا اتضرر منه ( انقطاع الخدمة بسبب خطا موظف منهم ) هل الشركة ممكن تعوضوا ولا تعتذر ليهو علي الاقل
وحكاية احتساب الاتصال بالثانية دي اقرب حاجة لاكل اموال الناس بالباطل لانها التقنية متوفرة منذ زمن ولكن الشركات لاتريدها
دا غير الاعلانات المضللة والتي لا تصاحب حتي بعبارة ( تطبق الشروط والاحكام الالتفافية ) والله لو عندنا قانون منصف ونزيه وناجز بدون جرجرة كنت اشتغلت محامي قصاد الشركات دي وعدمتهم التعريفة )
اما فيما يخص موضوع البوست فاذا توفرت صورة من عقد استعمال المودم بين الشركة والعميل بعدها يمكننا الفتوي فيه
شكرا ياخ علي اهتمامك بهذا القضية
|
Post: #64
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-22-2010, 03:59 PM
Parent: #63
سيد البوست والمتداخلين بحق نبهني ودالبشرى للبوست وقريته وإستمتعت بيه أها نقول رأي أولي والعلم لله السرقة الحدية كجريمة بتسقط لو كان في شبهة حق للسارق بمعني طالما أن الموديم ده فيه شيهة حق للمشتري أو المؤجر فده بسقط حدية السرقة في القانون السوداني بسثقوط السرقة الحدية لا تسقط السرقة وده شئ غريب فيا شريعة ياما شريعة مافي حاجة إسمها لو مافي سرقة حدية تكون في سرقة ماحدية ده من ناحية من ناحية موضوع الموديم بختلف تماماً عن فك الشفرات فك الشفرات سرقة في الضحى ...وحأجي ليه الموديم تبقى شكل العلاقة بيني والشركة : هل هو عقد بيع ؟؟ أم إيجار ؟؟؟ لو عقد بيع فيبقى للمشتري كل الحقوق على المبيع زي ماقال زول إن شاء الله يسويه تكالة باب وده يقود لسؤال : لو (إشتريت) هاتف جوال من شركة زين وشريحته وأديتهم قروشهم الطلبوها كاملة والقصة (مانفعت) فهل ده بمنعني أركب في (الجهاز) ده شريحة سوداني ؟؟؟ الواضح إنو العلاقة هي أقرب للبيع لأن الإيجار بحتم رجوع العين محل الإيجارة للمالك في نهاية المدة والواضح إنو الشركات ما ختت شروط بينها والمشتري أو العميل عشان الناس ترجع ليها بالتالي فيكون الرجوع للشروط والقواعد العامة في القانون ببقى أنا مالك أخت زين أخت سوداني أعمله تكالة باب ما في زول بمنعني وبعدين الشركات بفرض بتدعم الجهاز فده للمتاجرة وليس لنية دخولهم شريك معانا في الجهاز أو أن سكون الجهاز ملك للشركة وبتخلص حقه مضاعف ومثال لذلك هنالك بعض الشركات تقوم ببيع منتجات لها بأقل من سعر التكلفة لتسويق الإسبير مثلاً دي متاجرة
والله أعلم ... لكن للامانة قيل دع مايريبك إلى مالايريبك وقال سيدنا عمر بن الخطاب (كُنا نترك تسع أعشار الحلال خشية أن نقع في الحرام) للأمانة أكثر الأصل هو إباحة الفعل إلا بوجود نص واضح يحرمه ... وده رأي وفي إنتظار آراء أُخرى للإستزادة
|
Post: #65
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-22-2010, 04:58 PM
Parent: #64
الله يفتح عليك يا استاذ احمد Quote: تبقى شكل العلاقة بيني والشركة : هل هو عقد بيع ؟؟ أم إيجار ؟؟؟ |
دي بالإضافة لمسألة الشروط المضمنة في عقد البيع افتكر هي البتحسم الموضوع
شكرا محمد عمر جبريل على اثارة الموضوع وان كان اختلفت الرؤى
_____________________________
Quote: فك الشفرات سرقة في الضحى ...وحأجي ليه |
يا زول هووووي , طلبناك استشارة في موضوع محدد ما تجي لي غيرو ولا حاجة
|
Post: #66
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-22-2010, 07:46 PM
Parent: #65
Quote: الشروط المضمنة في عقد البيع افتكر هي البتحسم الموضوع |
هوى يا جماعة ... الشركات دى ما شغالة بى عقود و لا شروط .. انا اخر مودم اشتريته قبل اسبوع .. لا عقد .. لا مستند .. لا معلومات .. كل ما رفدونى هو هذه الوريقة التى لا تسمن من عقد و لا تغنى من شروط ..![sudansudansudansudansudansudan56.jpg Hosting at Sudaneseonline.com](http://www.sudaneseonline.com/uploadpic10/Augest/sudansudansudansudansudansudan56.jpg)
اها رأيكم شنو .. الليلة ناس سودانى طرحوا المودم مجانا ...
![sudansudansudansudan177.jpg Hosting at Sudaneseonline.com](http://www.sudaneseonline.com/uploadpic10/Augest/sudansudansudansudan177.jpg)
|
Post: #67
Title: Re: سرقة .. أكل أموال الناس بالباطل وإستخفاف بعقول الناس !!
Author: GamarBoBa
Date: 09-23-2010, 10:04 AM
Parent: #66
Quote: فك الشفرات سرقة في الضحى ...وحأجي ليه |
يا استاذ احمد مع انو انا كبسولة ود البشري ريحتني لكن ما مشكلة نرجع للموضوع تاني هل في فرق بين فك شفرات قنوات ببطاقة مختلفة وفي انك تشتري رسيفر بطبق كبير بجيب اللقنوات المعروفة عندنا +كم اوربية وهي بتكون ناقلة مبارايات تحديدا اها انا بسأل من الرسيفر ده ما بسأل عن فك الشفرات و(تتيس) الكرت زي ما بقولوا البفكوا الشفرات. مع ملاحظة أنو الرسيفر الهيوماكس اب بطاقتين بـ 300 جنيه تقريبا وداك في حدود 700 وتسلم
|
Post: #68
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-23-2010, 10:45 AM
Parent: #67
Quote: يا استاذ احمد مع انو انا كبسولة ود البشري ريحتني لكن ما مشكلة نرجع للموضوع تاني هل في فرق بين فك شفرات قنوات ببطاقة مختلفة وفي انك تشتري رسيفر بطبق كبير بجيب اللقنوات المعروفة عندنا +كم اوربية وهي بتكون ناقلة مبارايات تحديدا اها انا بسأل من الرسيفر ده ما بسأل عن فك الشفرات و(تتيس) الكرت زي ما بقولوا البفكوا الشفرات. مع ملاحظة أنو الرسيفر الهيوماكس اب بطاقتين بـ 300 جنيه تقريبا وداك في حدود 700 وتسلم |
والله يا GamarBoBa أناشكلي حأحتاج فتوى لأنه إستدعاني هنا ود البشرى ولحقني في الحلة التانية في بيت من بيوت عبدالوهاب علي الحاج وناداني ..وهو المُلزم بالأتعاب بتاعتي :) وهو مانعني نوهائي أتكلم في قصة الشفرات دي وذكرني قصة اولاد الحلة الصحوا بالليل والأوضة مضلمة ودايرين يتسحروا واحد قال نفتح الشباك نشوف الشمس طلعت ولا لأ صصرخوا بصوت واحد (لااااااااااااااا) وضربوا السحور وقالوا ليه أها أفتح كان فاتح ... وياريتو ما فتح جات الشمس جُومْبُلُغ واقعة في بطن الأوضة هي ووليداتها السبع .... أها نجي للطبق الكبير البنقل كُور من قنوات أوربية فدة (والله أعلم) مافيه حاجة ... لأنك شلت قناة أوربية (مفتوحة) للكُل القنوات المُشفرة ممكن ومن حقهم يمنعوك ما تشيل خدمة مجانية منهم لكن ما من حقهم يمنعوك تشيل من قنوات تانية ولو إضطريت أنت تكبّر الطبق أو تستخدم أي تقنيات لجلب القنوات التانية الما مشفرة طبعاً لو ديك مشفرة ببقى نفس الموقف ... خطأ إنك تشيل منها بطبق كبير ولا صغير أها أنا شخصياً لو عندي رسيفر وبراه كدة بلقط بدون ما أطلب منه فبرضه ما بقتح القنوات دي بتبقى لي زي ممكن أعاين في بيت الجيران بدون ما أتشابى وأبرر أقول هم فاتحين حيطتهم ومقصرينها ليه ؟؟!! شكلي مرقت من الموضوع ؟؟موش ؟؟؟ ودالبشرى أعفي لي فالساكت عن الحق شيطان أخرس
ــــــــــ ملحوظة لازمة : ده رأي زي آراء كانتونا 1 الإتنين بحتمل التعديل والتجريح والنقاش فأنا ما عالم لكن بحاول أفكر مع الناس
|
Post: #69
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-24-2010, 01:52 PM
Parent: #68
سلامات أستاذنا أحمد موسى وكل المتداخلين وآسف جدا على التأخير .. أولا الحمد والشكر لله فقد منّ الله علينا وأغدقنا من فيضه ورزقنا بنت (تقول للقمر زح وأنا أقعد مكانك) قبل يومين ـــــــ أما بالنسبة لرد الأستاذ أحمد موسى .. فحقيقة ما قدرت أفهم البخلي فك القنوات المشفرة سرقة .. وفك شفرة الجهاز ما سرقة شنو يا أستاذ أحمد ؟؟ طيب الرسيفر البفك الشفرات ده أنا ما بمشي أشتريهو من السوق وبحر مالي .. والقنوات دي مطلوقة ساي في الهواء .. ! يا استاذنا طرقة عمل الموديم والرسيفر واااحدة والإتنين ممكن نسميهم أجهزة طرفية عشان تحول ليك الذبذبات والترددات الحوليك وإنت ما شايفها دي لي حاجة تانية إونترنت .. قناة مفتوحة قدامك بتتفرج عليها .. والمحير أكثر كلامك عن عقد البيع / الإيجار .. وطريقة الإستخدام طيب الرسيفر ده انا ما اشتريتو زي ما قلت ليك .. خلاص معناها انا لي مطلق الحرية بإني أشغلو بأقصى طاقة ممكن يستخدمها .. واللي منها إنو الجهاز يكون بكسر تشفير القنوات .. مش رسيفري وانا اشتريتو؟؟ خلاص بمنطقك الفوق بتاع عقد البيع/الإيجار يبقى من حقي اعمل البعملو بالرسيفر وناس القنوات المشفرة ياكلو نارهم .. والكلام ده معناها يا إنت بتناقض نفسك يا كمان ما عارف طريقة عمل الموديم كيف . عشان أبسط ليك الكلام يا أستاذ .. الموديم فيهو شفرة بتخلي الجهاز بشتغل مع الشبكة المزودة للخدمة فقط يعني موديم سواداني مصنوع بطريقة عشان ما يشتغل إلا مع ترددات شبكة سوداني ,, وزين كذلك وبرضو إم تي إن وكنار يعني ناس سوداني ديل بمشو يتفقوا مع المصنّع بتاع الإجهزة وبطلبو منو يعملو على الأساس ده ويعمل فيهو الشعار بتاع سوداني بالجنبة كدة وناس سوداني بعد كدة يشوفو ها يطرحو الجهاز بي كم في السوق إحتمال يربحو في سعر الجهاز وإحتمال لأ إحتمال يبيعوهو بسعر التكلفة وإحتمال يدعموهو من عندهم عشان يبقى سعرو في يد أي زول .. وهسي زي ما جاب أخونا التكينة بقى مجانا .. طيب الكلام ده برضو ما نفس الكلام بتاع الرسيفر الجديد بتاع الشو تايم وللا كروت الجزيرة والإيه آر تي او الجديد خالص بتاع ناس أبوظبي وبالعكس كمان الرسيفر مملوك لي تماما ومن حقي أعمل بيهو أي حاجة متاحة أما الموديم .. أنا فوق قلت إنو لو مشيت إشتريت الجهاز من السوق عادي .. ما في أي مشكلة .. يعني زي الموبايل ممكن تشتريهو من السوق وتشوف الشريحة العايزها وتركبها .. لكن الموديم إنت بتمشي للشركة المعينة دي وبتقول ليها انا عايز جهازكم الفلاني ده وهاكم دي قروشكم ولعلمك حاليا مافي أي شركة بتربح ببيع الأجهزة الربح بيكون من استخدامك للإنترنت ..يبقى كيييف تشيل الجهاز من ناس سوداني مثلا بالمجاان عشان تمشي تزيد بيها أرباح ناس زين ..
أنا منتظرك بالله سريع قبل ما نتلخم بي برنامج السماية وكدة
|
Post: #70
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد البشرى الخضر
Date: 09-24-2010, 02:41 PM
Parent: #69
مبروك البنية يا ابوحميد ربنا يحفظها و يبارك فيها وحمدا لله ع سلامة والدتها _________________________
لو سمح لي احمد موسى تعليق صغير على مداخلتك الأخيرة بالنسبة لسؤالك عن الفرق بين فك تشفير القنوات وفك شفرة جهاز المودم بالنسبة للريسيفر انت بتفك شفرة القناة و بالتالي بتستخدم في منتج انت ما دافع حقو - وهو ما تبثه القناة بمقابل مادي - بغير رضاء او علم صاحبه أما في حالة المودم - الذي تمتلكه- عشان تستخدمو سواء مع الشركة الاصلية ام مع غيرها في الحالتين ح تدفع نظير الخدمة المقابل المحدد من مزودها برضائه وعلمه
في الحالة التانية كلمة سرقة بتعريفها البسيط لا تنطبق لأنك أولا فكيت تشفير - او غيرت اعدادات -جهاز تمتلكه و دفعت قيمته وثانيا استخدمته للتزود بخدمه دفعت مقابلها لو كان فك تشفير المودم بيتيح ليك الحصول على الخدمة بدون مقابل كانت طابقت حالة الريسيفر نشوف رأي استاذ احمد - البعد كدا اعتقد ماعندو طريقة يتجنب موضوع الريسيفرات
![](http://www.sudaneseonline.com/db/attention/010_Smile.gif) بس ابعد لينا بالله من تحميل الأفلام
|
Post: #72
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-24-2010, 03:37 PM
Parent: #70
Quote: لو سمح لي احمد موسى تعليق صغير على مداخلتك الأخيرة بالنسبة لسؤالك عن الفرق بين فك تشفير القنوات وفك شفرة جهاز المودم بالنسبة للريسيفر انت بتفك شفرة القناة و بالتالي بتستخدم في منتج انت ما دافع حقو - وهو ما تبثه القناة بمقابل مادي - بغير رضاء او علم صاحبه أما في حالة المودم - الذي تمتلكه- عشان تستخدمو سواء مع الشركة الاصلية ام مع غيرها في الحالتين ح تدفع نظير الخدمة المقابل المحدد من مزودها برضائه وعلمه
في الحالة التانية كلمة سرقة بتعريفها البسيط لا تنطبق لأنك أولا فكيت تشفير - او غيرت اعدادات -جهاز تمتلكه و دفعت قيمته وثانيا استخدمته للتزود بخدمه دفعت مقابلها لو كان فك تشفير المودم بيتيح ليك الحصول على الخدمة بدون مقابل كانت طابقت حالة الريسيفر نشوف رأي استاذ احمد - البعد كدا اعتقد ماعندو طريقة يتجنب موضوع الريسيفرات
بس ابعد لينا بالله من تحميل الأفلام |
تصدق والله يا ود البشرى كتبت كلامي قبال أقرأ مداخلتك دي دي بجد مادحلة زول علمي مسخت لي مداخلتي بتاعة نط الحيطة ديك غايتو ...
ــــــــــــ تحميل الأفلام ماله ؟؟؟
|
Post: #77
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-24-2010, 10:37 PM
Parent: #70
محمد البشرى يا قريبك .. الله يبارك فيك يا حبيب ودعواتك معانا .. البنية لسة في الحضّانة ـــــــــــــــــــــ
Quote: بالنسبة لسؤالك عن الفرق بين فك تشفير القنوات وفك شفرة جهاز المودم بالنسبة للريسيفر انت بتفك شفرة القناة و بالتالي بتستخدم في منتج انت ما دافع حقو - وهو ما تبثه القناة بمقابل مادي - بغير رضاء او علم صاحبه أما في حالة المودم - الذي تمتلكه- عشان تستخدمو سواء مع الشركة الاصلية ام مع غيرها في الحالتين ح تدفع نظير الخدمة المقابل المحدد من مزودها برضائه وعلمه |
حسب مداخلة أخونا الأستاذ أحمد موسى عن الفرق بين عقد البيع/الإيجار .. يللا انا من حقي أستخدم الرسيفر اللي هو انا أولريدي دافع حقو من مالي الخاص من غير ما حد يدعمو لي بالطاقة القصوى البسمح بيها الجهاز .. شفت كيف موضوعي مع الأستاذ احمد موسى في إنك اشتريت الجهاز من وين ؟؟ وفي مداخلة ممكن تلقاها فوق أنا قلت لو المستخدم اشترى المودم من السوق يبقى يا مان ليك مطلق الصلاحية في إنك تستخدم المودم على راحتك .. وأنا أتوقع في المستقبل القريب إنو الموديمز دي تتطرح في السوق زيها وزي أي جهاز موبايل يعني تمشي السوق تشتري الموديم حتى بعد داك تشوف ياتو شبكة ممكن تعمل ليك ساتسفاكشن ..
لكن أنا موضوعي في الكلام ده كلو إنك بتشتري الجهاز من وين ؟؟ من السوق .. وللا من واحد من الاوبريتر الخسرو في الجهاز كـــعضم ؟؟؟؟؟؟؟؟؟؟؟؟؟؟؟؟؟؟
|
Post: #71
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-24-2010, 03:21 PM
Parent: #69
Quote: أما بالنسبة لرد الأستاذ أحمد موسى .. فحقيقة ما قدرت أفهم البخلي فك القنوات المشفرة سرقة .. وفك شفرة الجهاز ما سرقة شنو يا أستاذ أحمد ؟؟ |
أبوحميد أول هام مبروك البنية تاني هام القصة كالآتي لمن تفك شفرة رسيفر بتفكها عشان تخش حوش فضائية قافلاه بكود وبتدخل الناس بالقروش يعني زي التلبت في بيت (مقفول) بدون إذن أسياده الموديوم بتفك شفرته تخش بيها بيت ناسه راجين دخولك وبتدفع ليهم قبل الدخول أها أنا قلت لو الموديوم ده (شراء) ممكن أغير تقنيته أشغله مع شركة تانية زيه وزي إستخدامه كتكالة باب
|
Post: #73
Title: Re: سرقة .. أكل أموال الناس بالباطل وإستخفاف بعقول الناس !!
Author: يوسف الولى
Date: 09-24-2010, 04:21 PM
Parent: #71
Quote: وإستخفاف بعقول الناس !! |
يمكن يكون كلامك صاح فى انو فى اكل لاموال الناس بالباطل ( بالرغم من انو دى برضو فيها شكك ) لكن اين الاستخفاف بعقول الناس ؟
|
Post: #74
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-24-2010, 04:44 PM
Parent: #73
Quote: والكلام ده معناها يا إنت بتناقض نفسك يا كمان ما عارف طريقة عمل الموديم كيف . عشان أبسط ليك الكلام يا أستاذ .. الموديم فيهو شفرة بتخلي الجهاز بشتغل مع الشبكة المزودة للخدمة فقط يعني موديم سواداني مصنوع بطريقة عشان ما يشتغل إلا مع ترددات شبكة سوداني ,, وزين كذلك وبرضو إم تي إن وكنار يعني ناس سوداني ديل بمشو يتفقوا مع المصنّع بتاع الإجهزة وبطلبو منو يعملو على الأساس ده ويعمل فيهو الشعار بتاع سوداني بالجنبة كدة |
تعرف يا محمد طيّب عشان أبسّط ليك أنا كمان هي المشكلة مافي فك الشفرة ماهم الجهازين جهازينك تفك شفرتهم تخليهم بدون فك شفرات على كيفك بتبدأ المشكلة (بعد) فك الشفرة وليه إنت فاكيها يعني زي السكين الإنت سنيتها سن السكين ما المشكلة المشكلة في إستخدامك ليها بعد داك للقتل ولا التقرب بها لله عز وجل اها دي الشفرة داير تخش بيها موقع مسموح به ولا ممنوع الدخول فيه إلا بشروط إنت مشكلتك في تغيير الإعدادات وده من حقي طالما دافع قروش الجهاز أما الإستخدام (البعدي) فمن هنا تبدأ المسألة
|
Post: #75
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-24-2010, 05:14 PM
Parent: #74
فك الشفرة بتاعت المودم هو اعتداء على حقوق للشـــركة استخدام المودم المدعوم أو المعطى مجانا مع شـــركة تانية هــو اعتداء على الحقوق ايضا استخدامك للسوفت وير الخاص بالمودم هو اعتـــداء على حقوق الشركة الاستخدامات اعلاه طالما تتم دون رضى الشـــركة فهي ســـرقه والســـرقة هي أخـــذ حق الغير بدون علمه مالكم كيف تحكمون؟ حقو تعرفوا الســـرقة أولا هي شنو؟ وهل يمكن الفصل بين المودم والشفرة والسوفت وير حقو ولا ما ممكن؟ المودم والشفرة كتلة واحدة ولا يمكن الفصل بينهما من ناحية تقنية مثال بسيط : هسي شركات المشروبات الغازية بتوزع تلاجات وتبيعها للبقالات في الخليج هنا لكن بتفرض عليك إنك ما تضع فيها إلا منتجاتهم بس لو سيد البقالة وضع فيها منتجات غيرهم هل يعتبر تعدي ولا ما تعدي مع العلم إنو الشركات بتبيع التلاجات للبقالات باسعار اقل من السوق زي المودم بالضبط اكرر البفصل في الكلام دا هو عقد تاسيس الخدمة وشراء المودم من الشـــركة ... ...
___ ود البشرى جايب ليك محامي يعني ح يقول شنو غير كلامك أنت؟
|
Post: #76
Title: Re: سرقة .. أكل أموال الناس بالباطل وإستخفاف بعقول الناس !!
Author: Ahmed musa
Date: 09-24-2010, 05:44 PM
Parent: #75
Quote: مثال بسيط : هسي شركات المشروبات الغازية بتوزع تلاجات وتبيعها للبقالات في الخليج هنا لكن بتفرض عليك إنك ما تضع فيها إلا منتجاتهم بس لو سيد البقالة وضع فيها منتجات غيرهم هل يعتبر تعدي ولا ما تعدي مع العلم إنو الشركات بتبيع التلاجات للبقالات باسعار اقل من السوق زي المودم بالضبط اكرر البفصل في الكلام دا هو عقد تاسيس الخدمة وشراء المودم من الشـــركة ... |
والله يا الأمين ضحكني كلام جايب ليك محامي مع العلم إنو ود البشرى درهم ما رسله كل يوم أنا ماشي الوست يونيون وراجع ميتة وخراب ديار ... أها نرجع لكلامك ده أولاً فرق بين شركات المشروبات والموديوم الشركات ما بتبيع التلاجات ... بتخت التلاجة عشان مشروباتها وبكون مختوت فيه شعارها و(بتشترط) عليك ماتخت مشروب تاني أها الموديوم بتشتريه (ده فرق) وما بتشترط عليك الشركة شرط ما تستخدمه (ده فرق تاني) يعني الشركات دي لو (باعت) التلاجة ودفعت قروشها ومافي شروط بيني وبينها ومشروبهم مانفع معاي البمنعني أخت مشروب تاني شنو ؟؟؟ وأنا زيك قلت القصة كلها في الشروط لو وجدت لو ماوجدت شروط فببقى مالك للموديوم والرسيفر أغيّر إعداداتهم على كيفي بس ماعشان أسرق بيهم خدمة !!!!
|
Post: #78
Title: Re: سرقة .. أكل أموال الناس بالباطل وإستخفاف بعقول الناس !!
Author: محمد عمر جبريل
Date: 09-24-2010, 10:54 PM
Parent: #71
Quote: أبوحميد أول هام مبروك البنية تاني هام القصة كالآتي لمن تفك شفرة رسيفر بتفكها عشان تخش حوش فضائية قافلاه بكود وبتدخل الناس بالقروش يعني زي التلبت في بيت (مقفول) بدون إذن أسياده الموديوم بتفك شفرته تخش بيها بيت ناسه راجين دخولك وبتدفع ليهم قبل الدخول أها أنا قلت لو الموديوم ده (شراء) ممكن أغير تقنيته أشغله مع شركة تانية زيه وزي إستخدامه كتكالة باب |
الله يبارك فيك يا أستاذنا وانا في أمس الحاجة لدعواتكم .. ــــــــــــــــــ طيب يا أستاذ قبل ما أخش معاك في تعريف لفظ (السرقة) ومعناها الحدي أو اللغوي أنا قبيل فوق قلت ليك لو إنت سمحت بكسر الشفرات لكل الناس سواءا بستخدمو موديم وللا رسيفر كان عرفت إنت بتقصد شنو .. لكن هنا حلال وهنا حرام .. دي اللي هي ممكن تخليني أشك في فهمك للحاجات التقنية دي وأزيدك من الشعر بيت .. أنا ذاااااتي ما بفهم كتير في الحاجات القانونية دي ومدى إدراكي فيها بعتمد على ثقافتي في الموضوع ذات نفسو .. يا حبيب الشركة المزودة بالخدمة دي باعت ليك الموديم على أساس إنها ها تربح منك بإستخدامك للجهاز ده داخل الشبكة . وعليك الله جاوب لي على حتة إنك اشتريت الجهاز من وين دي .. يعني الرسيفر . أنا من حقي اعمل بيهو كل الحاجات المتاحة عشان أنا اشتريتو من السوق . . ما من زول داعمو .. وللا راجي مني ربح في طريق إستخدامو .. لكن الموديم إنت ما اشتريتو من السوق .. إشتريتو من شركة عارفة هي بتعمل في شنو ... عارفة إنها ها تربح منك من خلال استخدامك للجهاز ده داخل الشبكة!! وبرضو زي ما قلت فوق .. انا ما شغال في أي واحدة من الشركات دي .. لكن على علم ببواطن الأمور أنا ما عارف الشركات بتبيع الجهاز بياتو صيغة .. هل هو إيجار .. بيع . . ما متأكد لكن انا أكيد تماما من أن الشركات دي يتخسر في الأجهزة على أمل إنها تعوض الخسارة دي بإستخدامك للموديم
|
Post: #79
Title: Re: سرقة .. أكل أموال الناس بالباطل وإستخفاف بعقول الناس !!
Author: الامين موسى البشاري
Date: 09-25-2010, 00:38 AM
Parent: #78
ألف مبرووووووووك البنية يا محمد جبريل يا صاحب وتتربى في عزك وفي عز امها وجعلها الله من بنات السودان البارات المستورات وأقـــرّ الله بها اعينكم
|
Post: #80
Title: Re: سرقة .. أكل أموال الناس بالباطل وإستخفاف بعقول الناس !!
Author: انور التكينة
Date: 09-25-2010, 01:21 AM
Parent: #79
Quote: ألف مبرووووووووك البنية يا محمد جبريل يا صاحب وتتربى في عزك وفي عز امها وجعلها الله من بنات السودان البارات المستورات وأقـــرّ الله بها اعينكم |
|
Post: #81
Title: Re: سرقة .. أكل أموال الناس بالباطل وإستخفاف بعقول الناس !!
Author: azhary awad elkareem
Date: 09-25-2010, 07:12 AM
Parent: #80
شكراً محمد جبريل على هذا الخيط الجميل..
البنية مبروكة وإنشاء الله تربى فى عزكم..
تحياتى لكل الأخوة المتداخلين والذين أثروا البوست بنقاشهم القيم والهادف..
|
|