Post: #1
Title: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 11:03 AM
أتتنى قبل قليل عدة تحذيرات من بعض الاهل والاصدقاء
من الرد علي بعض المكالمات التلفونية التى تحتوى
علي ارقام غريبة او غير مألوفة لديك..
فقد تلقى بعض الاشخاص مكالمات تبتدى ارقامها او تنتهى
برقم متكرر دخلو بعدها في غيبوبة وهناك من يقول ان يعضهم
فارق الحياة..
لقد جآتنى التحذيرات بان لا ارد علي هذه الارقام لانها تحمل
فايروز فتاك مرسل من الغرب عبر الهاتف يسبب في هذه الحالة..
وطبعا الناس اي حاجة تحصل ليهم يقشوها في امريكا ..فتحديدا
امريكا هي الجهة المرسلة لهذة المكالمات
رغم غرابة الخبر لكن الناس تناقلته بجدية مع التحذيرات المتكررة
بعدم الرد علي هذه المكالمات المسمومة..
عموما ان كان الخبر صحيحا فاليأخد الناس حذرهم وان لم يكن
كذلك فتيقى القصة من محن السودان الكتيرة
مع ودى
|
Post: #2
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 11:21 AM
Parent: #1
اكد لي احد الاخوة المسئولين صحة الخبر وذكر ان هنالك
فعلا حالات حدثت في ثلاث من المدن الجنوبية والان يجري
اجتماع لمختصين أطباء ومهندسين لاستيضاح الامر..
وقال ان هناك دراسة لامكانية حدوث مثل هذه الحالة
هل تودى مثل هذه المكالمات الي صقعة كهربائية
وتحدث الغيبوبة والوفاة ام انها حالة مرتبطة فقط
باجهزة المتضررين..
الرقم المحذر منه هو
00246666000
|
Post: #3
Title: Re: مكالمات هاتفية غريبة في السودان تؤدى الي الغيبوبة والوفاة
Author: بريمة محمد
Date: 09-15-2010, 11:26 AM
Parent: #2
Quote: الرقم المحذر منه هو
00246666000 |
طيب لو الواحد أتصل بالرقم دا .. البحصل شنو؟
ممكن زول شجاع .. يا حبذا لو كان أعذب .. يجرب ويورينا الحاصل شنو؟
بريمة
|
Post: #4
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 11:41 AM
Parent: #3
| Quote: ممكن زول شجاع .. يا حبذا لو كان أعذب .. يجرب ويورينا الحاصل شنو؟ |
انا خايف المتزوجين هم اليضربو الرقم .. واليحصل اليحصل
|
Post: #7
Title: Re: مكالمات هاتفية غريبة في السودان تؤدى الي الغيبوبة والوفاة
Author: على ميرغني
Date: 09-15-2010, 11:45 AM
Parent: #4
| Quote: اجتماع لمختصين أطباء ومهندسين لاستيضاح الامر.. |
لو بقى الاجتماع لاستيضاح الامر تبقي البلد دي ########ة هايصة .. لكن لو الاجتماع لتوضيح الامر تبقى مبلوعة شوية
يا خي امريكا ذاتي مافركت في سلاح زي دا خليك من الافارقة اللسع بموتوا بالملاريا واخواتها
|
Post: #16
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 12:23 PM
Parent: #7
Quote: لو بقى الاجتماع لاستيضاح الامر تبقي البلد دي ########ة هايصة .. لكن لو الاجتماع لتوضيح الامر تبقى مبلوعة شوية
يا خي امريكا ذاتي مافركت في سلاح زي دا خليك من الافارقة اللسع بموتوا بالملاريا واخواتها |
الاخ علي سلامات..
ماهو قبل التوضيح لابد ان ان يكون استيضاح..عشان يجوكم (بالنجيضة)
المهم هو الاجتماع حيدرس الظاهرة من كل جوانبها العلمية ..
وحيشوفو هل ممكن ان تحدث مثل ان ترسل شحنات كهربائية عبر الهاتف
تكون مآلاته ماحدث لبعض الاخوة في المتضررين ..
ام انها علة موجوجود في البطاريات الخاصة بموبايلاتهم
انا اتخيل لي دى خطوة كويسة منهم المهم ايضاح او توضيح فالتفاعل
مع هذه المسألة بهذه السرعة فهذا في حد ذاته محمدة
مع ودى
|
Post: #5
Title: Re: مكالمات هاتفية غريبة في السودان تؤدى الي الغيبوبة والوفاة
Author: رهف
Date: 09-15-2010, 11:44 AM
Parent: #3
سلام يا بريمة
اناجربت الاتصال بالرقم المعنى
قال الرقم غير موجود فى الخدمة
|
Post: #8
Title: Re: مكالمات هاتفية غريبة في السودان تؤدى الي الغيبوبة والوفاة
Author: بريمة محمد
Date: 09-15-2010, 11:49 AM
Parent: #5
رهف
Quote: سلام يا بريمة
اناجربت الاتصال بالرقم المعنى
قال الرقم غير موجود فى الخدمة |
أنت تبعت وصيتى أم وصية الأخ معتصم ..
عشان نحددوا أنت قنعانه من روحك ليه .. ؟
لو بوصيتى .. الحل موجود ..!
بريمة
|
Post: #6
Title: Re: مكالمات هاتفية غريبة في السودان تؤدى الي الغيبوبة والوفاة
Author: بريمة محمد
Date: 09-15-2010, 11:44 AM
Parent: #3
Quote: الرقم المحذر منه هو
00246666000 |
أمريكا تلفوناتها من 10 أرقام .. هذا الرقم شكله سودانى ..
بريمة
|
Post: #9
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-15-2010, 11:54 AM
Parent: #6
المكالمات دي يا ربي ما بتصل لي ناس زي ناس نافع علي نافع ديل؟
|
Post: #11
Title: Re: مكالمات هاتفية غريبة في السودان تؤدى الي الغيبوبة والوفاة
Author: صلاح غريبة
Date: 09-15-2010, 12:06 PM
Parent: #9
| Quote: المكالمات دي يا ربي ما بتصل لي ناس زي ناس نافع علي نافع ديل؟ |
دينق .... حبوبتي تسلم عليك وتقول ليك كل سنة وانت طيب ...
وكمان تقول ليك .. اختشي ( يوجد جزء من الحديث تم حذفه لدواعي امنية واخلاقية ... الخ)
صلاح غريبة - رئيس رابطة معجبي دينق بالمنبر العام
|
Post: #10
Title: Re: مكالمات هاتفية غريبة في السودان تؤدى الي الغيبوبة والوفاة
Author: محمد عمر جبريل
Date: 09-15-2010, 11:59 AM
Parent: #6
Quote: وهناك من يقول ان يعضهم
فارق الحياة..
لقد جآتنى التحذيرات بان لا ارد علي هذه الارقام لانها تحمل
فايروز فتاك مرسل من الغرب عبر الهاتف يسبب في هذه الحالة.. |
انا أيضا تلقيت عدد مقدر من الإتصالات تحذرني من هذا الرقم
ولكن أعتقد إنو ده كلام فارغ ساي ما عندو أي أساس من الصحة
لأنو مافي أي حاجة ممكن تترسل للموبايل تخلي الموبايل ينفجر وللا تحصل فيهو حاجة
ولا ممكن تزيد الراديشن بتاع الموبايل لأن كل المصنعين للموبايلات عندهم ضوابط لعدم تخطي الحد المسموح به
والغير ضار بالإنسان .. ولا ممكن ترسل سوفت وير over the air لكل أنواع الموبايلات .. عشان تطور ليك سوفت وير
زي ده لازم تكون عارف إنت بتتعامل مع ياتو نوع من الموبايلات
..
|
Post: #12
Title: Re: مكالمات هاتفية غريبة في السودان تؤدى الي الغيبوبة والوفاة
Author: salah awad allah
Date: 09-15-2010, 12:07 PM
Parent: #10
حاولت الاتصال الان وانا فاتح البوست
كان الرد لايمكن الوصول اليه
عموما الاشاعة منتشره
واتصلت على احد اقاربى بجوبا اليوم حوالى التاسعه صباحا ونفى وجود حتى هذه الاشاعة
ناهيك عن حالات موت او اغماء
هذه سيناريوهات ماقبل الاستفتاء ... تتضمنها حرب شركات اتصال
|
Post: #13
Title: Re: مكالمات هاتفية غريبة في السودان تؤدى الي الغيبوبة والوفاة
Author: خالد العطا
Date: 09-15-2010, 12:15 PM
Parent: #12
من منتدى كورة سودانية والحقوق للاخ شيبا جريدة اخر لحظة
|
Post: #59
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-17-2010, 01:58 AM
Parent: #13
شكرا خالد عطا علي الاضافة
|
Post: #14
Title: Re: مكالمات هاتفية غريبة في السودان تؤدى الي الغيبوبة والوفاة
Author: بريمة محمد
Date: 09-15-2010, 12:16 PM
Parent: #12
Quote: حاولت الاتصال الان وانا فاتح البوست
كان الرد لايمكن الوصول اليه
|
أنت برضو عذابى ولا شنو يا صلاح !!
يا أخ الشعب السودانى دا عينه عدييل كده .. !
تصدقوا الأمريكان لو بالكضب قلت لهم كلام زى دا .. تانى الرقم إلا كن يقربوا ناس الأف بى أى ..
بريمة
|
Post: #15
Title: Re: مكالمات هاتفية غريبة في السودان تؤدى الي الغيبوبة والوفاة
Author: الصادق ضرار
Date: 09-15-2010, 12:20 PM
Parent: #14
يعني انا اقول الحمدلله كنت نائم و ما قدرت ارد علي الرقم دا
بعد ما صحيت من النوم اتصلت على الرقم قال : خارج نطاق التغطية يمكنك ترك رسالة .
|
Post: #17
Title: Re: مكالمات هاتفية غريبة في السودان تؤدى الي الغيبوبة والوفاة
Author: فايزودالقاضي
Date: 09-15-2010, 12:32 PM
Parent: #15
الجماعة ماقدروا يقنعوا ناس الجنوب ويخلوا الوحدة جاذبة ..قالوا اخير نجذبهم كهربائياًً بالتلفون ...
ــــــــــــــــــــــــــــــــــ
تحياتي للجميع وكل عام وانتم بخير ..
|
Post: #39
Title: Re: مكالمات هاتفية غريبة في السودان تؤدى الي الغيبوبة والوفاة
Author: ايهاب الطيب بله
Date: 09-15-2010, 05:54 PM
Parent: #10
عند الساعه الرابعه والنصف ارسلت وكالة سونا للانباء رسالة نصيه على كل خطوط التواصل عبر الشبكات الثلاثه المتاحه بالسودان تكذب فيه الخبر وانهو لا يعدو ان يكون اشاعه مفبركه
|
Post: #18
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 12:37 PM
Parent: #6
| Quote: أمريكا تلفوناتها من 7 أرقام .. هذا الرقم شكله سودانى |
مشيت للبقالة الجنبنا ولاقيت واحد ناقشنى في الموضوع وقال سمعت بقصة
المكالمات دى قلت ليهو ايوه فقال لي قالو امريكاهى الورا الشغلانةدى
قلت عشان شنو يعنى..كنت مستنى يقول عشان نحن مسلمين ومتمسكين بدينا
او عشان نحن دولة نهددسيطرة امريكا علي العالم او نهدد امنها وامكانية بقاءها
فوكت مالقي في حاجة بتركب معاهو لي دى اشاعة ساى دايرين يألبو بيها الراي ضد امريكا
فكفانى من الخوض في نقاش عميق في هذذا الجانب..
_______________________________________________________________________________
الاشاعة مش في صحة الخبر ..لكن في اتهام امريكا انها وراء الشغلانية دى
|
Post: #19
Title: Re: مكالمات هاتفية غريبة في السودان تؤدى الي الغيبوبة والوفاة
Author: عفاف الصادق بابكر
Date: 09-15-2010, 12:45 PM
Parent: #18
Quote: يعني انا اقول الحمدلله كنت نائم و ما قدرت ارد علي الرقم دا
بعد ما صحيت من النوم اتصلت على الرقم قال : خارج نطاق التغطية يمكنك ترك رسالة |
يا الصادق انت جاااادي ..
|
Post: #20
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-15-2010, 01:19 PM
Parent: #19
صلاح غريبة رقم تلفونك كم؟
|
Post: #21
Title: Re: مكالمات هاتفية غريبة في السودان تؤدى الي الغيبوبة والوفاة
Author: الحاج حمد الحاج
Date: 09-15-2010, 01:46 PM
Parent: #20
أعتقد أن الموضوع مجرد اشاعات.
|
Post: #22
Title: Re: مكالمات هاتفية غريبة في السودان تؤدى الي الغيبوبة والوفاة
Author: الصادق ضرار
Date: 09-15-2010, 02:18 PM
Parent: #21
عفاف الصادق كل سنة و انتِ طيبة
| Quote: يا الصادق انت جاااادي .. |
ذكرتني بخالي قلت ليهو منتظر فاكس قال لي فاكس ده شنو , شرحتها ليهو بطريقة كديسة دنبها في الخرطوم و رأسها في جوبا , لو قرصوها في دنبها بتقول ( ناو ) وين ؟ قال لي في جوبا قلت ليهو ما تيب و ما هو بمصدق حتى اريناه الماكينة و هي تطبع الورقة و ماهو بمصدق و من اليوم داك و انا بكذب التكنولوجيا حتى الطيارة البتنقلني من حتة لي حتة اشوفها ضرب من الخيال.
لكن بصراحة الظاهر قام لي قمبور و كمان قمبور كبير في راسي ده
عيدكم مبارك
|
Post: #23
Title: Re: مكالمات هاتفية غريبة في السودان تؤدى الي الغيبوبة والوفاة
Author: عمر عبد الله فضل المولى
Date: 09-15-2010, 02:27 PM
Parent: #22
رقمك كم يا صلاح غريبة ؟؟ رد على الاخ دينق
|
Post: #24
Title: Re: مكالمات هاتفية غريبة في السودان تؤدى الي الغيبوبة والوفاة
Author: يوسف الخضر
Date: 09-15-2010, 03:10 PM
Parent: #23
جاءتني عدة مكالمات من شخصيات ثقات بالنسبة لي من الأهل
تحذر من الرد علي الارقام الغريبة وأكدوا حدوث عدة حالات
بالحصاحيصا بس الخبر القالوه انو الموبايل بينفجر..
بورداب جوة..
أدونا النجيضة.
|
Post: #25
Title: Re: مكالمات هاتفية غريبة في السودان تؤدى الي الغيبوبة والوفاة
Author: عمر محمد ابراهيم
Date: 09-15-2010, 03:19 PM
Parent: #24
سلام لكل المتداخلين
الاشاعة قوية جدا
وقد اشير لها حسب ابن اخي في الشريط الاخباري بالتلفزيون
وقد ارسلت لي عدة رسائل من اصدقائي تحذرني من هذا
وقد اردت صحيفة اخر لحظة الحبر في هذا الجزء:
وفيات غامضة في الجنوب بسبب محادثات هاتفية مجهولة PDF طباعة إرسال إلى صديق
الأربعاء, 15 سبتمبر 2010 06:50
الخرطوم: آخرلحظة
تعيش مدن الجنوب حالة رعب حقيقي بعد حدوث وفيات غامضة سببها مكالمات تلفونية مجهولة، حيث توفى أمس الأول رجل وامرأة بسوق مدينة الرنك، إضافة لوفاة ثلاثة آخرين بمدينة ملكال، بجانب وفاة ثمانية بمدينة واو. وحدثت الوفيات والتي تتكتم عليها حكومة الجنوب نتيجة الصعق بتيار كهربائي مصدره مكالمة تلفونية مجهولة عبر الهاتف الجوال، وتظهر الهواتف مكالمة من هاتف غريب يبدأ بالأرقام «426666000 +» عن طريق إحدى شركات الاتصالات اليوغندية المنتشرة في جنوب السودان.وقال شهود عيان لـ(آخرلحظة) أن الذين اصيبوا في هذه الحوادث كانوا يستخدمون شبكات الاتصالات اليوغندية للهاتف المحمول.
|
Post: #26
Title: Re: مكالمات هاتفية غريبة في السودان تؤدى الي الغيبوبة والوفاة
Author: jini
Date: 09-15-2010, 03:24 PM
Parent: #25
Quote:
المكالمات دي يا ربي ما بتصل لي ناس زي ناس نافع علي نافع ديل؟ |
وباقان اموم باقان!
جنى
|
Post: #28
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-15-2010, 03:27 PM
Parent: #25
يا ناس السعودية.
بالله ناولوني بالماسنجر أرقام تلفونات صلاح غريبة وود الباوقة سريع.
|
Post: #27
Title: Re: مكالمات هاتفية غريبة في السودان تؤدى الي الغيبوبة والوفاة
Author: صديق الموج
Date: 09-15-2010, 03:25 PM
Parent: #24
صلاح غريبه بطل الجبن ادى دينق الرقم
الا تريد ان تلاقى بنات الحور ياهذا؟
|
Post: #29
Title: Re: مكالمات هاتفية غريبة في السودان تؤدى الي الغيبوبة والوفاة
Author: فايزودالقاضي
Date: 09-15-2010, 03:37 PM
Parent: #27
الاخ دينق ...سلام ..
رسلت ليك في الخاص ارقام الاخوان ( صلاح غريبة ، ود الباوقة ، السيدح ، تمبس ، حميدة ، السيد المسلمي ومحمد عوض طبنجة وآخرين ) اما عصام دهب المستشار فارسلت ليك ارقامه الثابته والمكتب والجوالين ونمرة العربية وعداد الكهربه ومقاس الجلابية عشان مايفلت .. هههههههه ..
|
Post: #30
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-15-2010, 04:06 PM
Parent: #29
| Quote: رسلت ليك في الخاص ارقام الاخوان ( صلاح غريبة ، ود الباوقة ، السيدح ، تمبس ، حميدة ، السيد المسلمي ومحمد عوض طبنجة وآخرين ) اما عصام دهب المستشار فارسلت ليك ارقامه الثابته والمكتب والجوالين ونمرة العربية وعداد الكهربه ومقاس الجلابية عشان مايفلت .. هههههههه .. |
أخونا فايز.
ما قصرت تب. لكن الجماعة ديل عرفوها. تلفوناتهم كلها مقفولة. تقول متفقين بس.
|
Post: #31
Title: Re: مكالمات هاتفية غريبة في السودان تؤدى الي الغيبوبة والوفاة
Author: معاذ الهادي
Date: 09-15-2010, 04:12 PM
Parent: #30
|
Post: #32
Title: Re: مكالمات هاتفية غريبة في السودان تؤدى الي الغيبوبة والوفاة
Author: فايزودالقاضي
Date: 09-15-2010, 04:27 PM
Parent: #31
معاذ . كل سنة وانت طيب ...
هي بيانات السودان بتجي ماموقعة ولا شنو ؟!! ولا المدير في إجازة وصدر الخطاب عن مكتب المدير دون توقيع ؟!!! ولا جايبنه من دون توقيع ليكون مخرج في حال ثبوت الاشاعة !!!
|
Post: #34
Title: Re: مكالمات هاتفية غريبة في السودان تؤدى الي الغيبوبة والوفاة
Author: معاذ الهادي
Date: 09-15-2010, 04:33 PM
Parent: #32
Quote: معاذ . كل سنة وانت طيب ...
هي بيانات السودان بتجي ماموقعة ولا شنو ؟!! ولا المدير في إجازة وصدر الخطاب عن مكتب المدير دون توقيع ؟!!! ولا جايبنه من دون توقيع ليكون مخرج في حال ثبوت الاشاعة !!!
|
وات طيب ود القاضي
البيان نسختو من موقع الهيئة
http://www.ntc.gov.sd/
|
Post: #33
Title: Re: مكالمات هاتفية غريبة في السودان تؤدى الي الغيبوبة والوفاة
Author: khalid Elkhidir
Date: 09-15-2010, 04:27 PM
Parent: #31
كيف قتل يحى العياش مهندس حماس....؟؟
|
Post: #35
Title: Re: مكالمات هاتفية غريبة في السودان تؤدى الي الغيبوبة والوفاة
Author: أحمد محمد عمر
Date: 09-15-2010, 04:43 PM
Parent: #33
Quote: جاءتني عدة مكالمات من شخصيات ثقات بالنسبة لي من الأهل
تحذر من الرد علي الارقام الغريبة وأكدوا حدوث عدة حالات
بالحصاحيصا بس الخبر القالوه انو الموبايل بينفجر..
بورداب جوة..
أدونا النجيضة. |
أنا الآن بمدينة الحصاحيصا ولا توجد أي حالة مشابهة
دي النجيضة
وفي حال أن تبين لي وجود نجيضة مناقضة سأوردها داخل هذا البوست
|
Post: #36
Title: Re: مكالمات هاتفية غريبة في السودان تؤدى الي الغيبوبة والوفاة
Author: smart_ana2001
Date: 09-15-2010, 05:25 PM
Parent: #35
الطريقة الوحيدة اللى ممكن يقتلوك فيها بالتلفون هى ان يقتلوك بالمغسة.
يعنى يغيظوك و يمغسوك و يدغسوك و يفقعوا مررارت بكلام فارغ لحدى ما تموت.
يعنى انا لو جاتنى رسالة فيها انى ح اموت لو جانى تلفون من رقم معين...اكيد ح اموت بس ما من الرقم . ح اموت من غباء الرسالة
|
Post: #37
Title: Re: مكالمات هاتفية غريبة في السودان تؤدى الي الغيبوبة والوفاة
Author: omar arbab
Date: 09-15-2010, 05:41 PM
Parent: #36
| Quote: كيف قتل يحى العياش مهندس حماس....؟؟ |
بتاريخ 11-3-2004 وقعت حادثة تفجير السبع قطارات "الإرهابية " في مدريد والتي نتج عنها مقتل 191 شخصاً , نفذها 13 شخصا أعضاء في خلية متشددة استقلوا هذه القطارات لوضع قنابل تم قاموا بتفجيرها عن بعد بواسطة هواتف جوالة
http://www.aawsat.com/details.asp?article=222993&issueno=9238
|
Post: #38
Title: Re: مكالمات هاتفية غريبة في السودان تؤدى الي الغيبوبة والوفاة
Author: smart_ana2001
Date: 09-15-2010, 05:44 PM
Parent: #37
عمر ارباب....ممكن تستعمل التلفون كجهاز تحكم عن بعد.
لكن اذا الناس ديل ما عندهم متفحرات خاتنها (مسبقا) فى راسى ....ما عندهم طريقة انهم يضربوا رقم عشوائي و يعملوا اى حاجه.
|
Post: #40
Title: Re: مكالمات هاتفية غريبة في السودان تؤدى الي الغيبوبة والوفاة
Author: محمد إبراهيم علي
Date: 09-15-2010, 05:59 PM
Parent: #38
| Quote: كيف قتل يحى العياش مهندس حماس....؟؟ |
تم تحديد موقعه عن طريق جهاز ارسال وضع في هاتفه النقال ومن ثم ضربه بصاروخ موجه من طائرة من دون طيار
طبعا السودان ارض خصبة للاشاعات يعني مفروض اسي البوليس يكون م######ش رئيس تحرير اخر لحظة عشان يعرف منو كيف نشر خبر زي ده
|
Post: #41
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-15-2010, 06:22 PM
Parent: #40
فى كل مره آتى الي السودان اصادف ظاهرة او حوادث غريبة
ففي المرة الاولي كانت عن الفكى ابرشة او مكوة.. الببخ الناس
والمره البعديها كانت الظاهرة المشهورة باختفاء الجهاز التناسلي
عنما بقوم احدهم بملامسة جسدك بالسلام او الضرب.. وكان ذلك قبل خمسة
اعوام ..فكان هناك اناس يلامسون الرجال وبعد قليل يكتشفو اختفاء
عضوهم الذكوري ثم تقوم الجماعة المعالجة بابتزاز الضحايا لارجاعهم
الي وضعهم الطبيعى واذكر ان احد الاخوة ذكر لي هذه القصة ولم اصدق
الرواية فقام بالاتصال باحد الضباط وهو من اقاربنا فاكد لي وقوع
هذه الحوادث وانه كان من المتحرين مع احد المتهمين وشاهده عندما
اعاد (البضاعة لاصحابها).. المهم رغم تشككى في الامر اصبحت لا اسالم
من لا اعرفة وابتعد عن الزحمات خوفا علي (ضياع مستقبلنا)..
المهم كانت كل المدينة تؤكد صحة تلك الاشاعة..
والآن رانى اسمع بهذه الظاهرة الغريبة والمثيرة للاستغراب
فرغم عدم تصديقى لها وكذلك قيام الجهات الرسمية بنفيها
الا انى لا استبعد حدوثها..
العلم متطور
وربنا يكفينا جميعا شر البلاوى
|
Post: #42
Title: Re: مكالمات هاتفية غريبة في السودان تؤدى الي الغيبوبة والوفاة
Author: Sidgi mattar
Date: 09-15-2010, 06:34 PM
Parent: #40
الاخ معتصم والاخوه المتداخلون
كل عام وانتم بخير
الخبر منتشر ومتداول بصوره مزعجه جدا يعنى رد التلفون بقى فى تلتله الناس كلها خايفه
وصلتنى مكالمات كتيره من الاهل والاصدقاء تحذرنى الى عدم الرد لاى رقم غير مسجل لدى وغريب
لذا الخبر او الاشاعه قد وصلت للجميع واعطت مفعولها
اتصلت بصديق فى اخر لحظه وقال انو الخبر وصلهم من مصدر قبل ايام وترددوا فى نشره سابقا
الان الناس تتداول انها حدثت فى بعض المدن بالجنوب والان ايضا يقال كوستى وغرب السودان
اعتقد بانه اشاعه لا غير لان حتى الان لم يتحدث مصدر موثوق عن مجريات الخبر واخر شئ يقال انها شركه افريقيه من دوله مجاوره
لديها خلل فنى يسبب الحاصل
ربنا يستر الى حين ان تنجلى الحقيقه وربنا يحفظ اهل السودان
هيئة الاتصالات نفت الشائعه وهنالك شريط بهذا الخصوص بتلفزيون السودان
بس الناس ما مقتنعه وهنالك تخوف لديهم حتى الان
ركنيه
الدايرين يكلموا اهلهم بالسودان عليكم بالماسنجر ان توفر لانو الجميع فى خوف
مودتى
|
Post: #43
Title: Re: مكالمات هاتفية غريبة في السودان تؤدى الي الغيبوبة والوفاة
Author: Dr. Ahmed Amin
Date: 09-15-2010, 06:38 PM
Parent: #40
مكتب إدارة الإشاعات من الإدارات المهمة
في جهاز الأمن والمخابرات...
يجب أن نتذكر قبل مواعيد الإنتخابات السابقة
تم تداول موضوع الكلاب المفترسة حتى قال فيها الناس
ما لم يقله مالك في الخمر ...
والآن ...
قبل مواعيد الإستفتاء تنتشر هذه الإشاعة
Quote: الإشاعة هي كل خبر مقدم للتصديق يتناقل من شخص لآخر, دون أن يكون له معايير أكيدة للصدق , فهي بث خبر من مصدر ما في ظروف معينة ولهدف يريده المصدر دون علم الآخرين . وهي الأحاديث والأقوال والأخبار والقصص التي يتناقلها الناس , دون أمكانية التحقق من صحتها أو كذبها . فالإشاعات تنتقل وتنتشر كلما ازداد الغموض ونقص المعلومات حول الأخبار التي تنشرها هذه الإشاعات .
فالإشاعة هي عملية نشر الأخبار والمعلومات , ونتائج هذه العملية . وهي تنطلق بسهولة وسرعة عندما تكون الظروف ملائمة لما تتضمنه من أخبار . وهناك مصدر الإشاعة وهو الذي يقوم ببنائها وتشكيلها ويبدأ في نشرها , أكان فرداً أم جماعة , وهناك متلقي الإشاعة , وناشر الإشاعة. والشرط الأساسي لانتشار الإشاعة انعدام معرفة الحقيقة , ورغبة المتلقي في المعرفة . ووجود دافع وفائدة لمطلق الإشاعة لنشرها .
|
مع التركيز بأن الحالات في الجنوب ... إلخ
|
Post: #44
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-15-2010, 08:26 PM
Parent: #43
صلاح غريبة.
لو سمحت أفتح تلفونك أنا عاوزك في موضوع هام.
|
Post: #45
Title: Re: مكالمات هاتفية غريبة في السودان تؤدى الي الغيبوبة والوفاة
Author: محمد إبراهيم علي
Date: 09-15-2010, 09:21 PM
Parent: #44
| Quote: لو سمحت أفتح تلفونك أنا عاوزك في موضوع هام. |
دينق يا شراني سيبو اتصل على صاحبك ود الباوقة
الايام دي شيخ على في امريكا بقول التلفون ده منو بفتح طوالي بس لو سمحت اديهو شرز بسيط كده عشان يآمن
|
Post: #46
Title: Re: مكالمات هاتفية غريبة في السودان تؤدى الي الغيبوبة والوفاة
Author: عبدالله كع
Date: 09-15-2010, 09:25 PM
Parent: #44
بالله ده كلام ؟؟!!
ــــــــــــــــــ
يقولون - برضو لو في زول سالك من ساعتكم كم ..
وجوابته عليهو ..
بجيك شلل اطفال وانفلونزا خنازير ع خفيف .. !!
|
Post: #47
Title: Re: مكالمات هاتفية غريبة في السودان تؤدى الي الغيبوبة والوفاة
Author: سيف النصر محي الدين محمد أحمد
Date: 09-15-2010, 11:31 PM
Parent: #46
محن سودانية زي ما قال عمك شوقي بدري.
زمان في الثمانينات طلعت اشاعة أنو في ناس من أكلة لحوم البشر يتجولون في
الخرطوم بعد المغرب ، علي كمان الله بعد المغرب الشوارع بقت زي شوارع مدن الاشباح
الا من بعض الناس المارقين للربا و التلاف.
غايتو في ناس او جهات بتتلاعب بعقولنا منذ زمن لتحقيق اهداف لا يعلمها الا الله.
|
Post: #48
Title: Re: مكالمات هاتفية غريبة في السودان تؤدى الي الغيبوبة والوفاة
Author: Mahmoud Mustafa Mahmoud
Date: 09-16-2010, 00:07 AM
Parent: #47
Quote: في ناس من أكلة لحوم البشر يتجولون في
الخرطوم بعد المغرب ، علي كمان الله بعد المغرب الشوارع بقت زي شوارع مدن الاشباح
الا من بعض الناس المارقين للربا و التلاف |
أكيد ما قاصد يا دكتور
أو تكون قاصد "عليك أمان الله"...
بتبالغ ياخ...
كمنجة عديل كدا؟؟؟
جيتارات كيف؟؟؟
عيدك مبارك
|
Post: #49
Title: Re: مكالمات هاتفية غريبة في السودان تؤدى الي الغيبوبة والوفاة
Author: الرشيد ابراهيم احمد
Date: 09-16-2010, 00:49 AM
Parent: #48
انا حولت قروش لعمليه عاوز اديهم الكود من الصباح بضرب زول برفع مافي لانو تلفوني بينتهي بي 3333 والله دي محنه
|
Post: #50
Title: Re: مكالمات هاتفية غريبة في السودان تؤدى الي الغيبوبة والوفاة
Author: سيف النصر محي الدين محمد أحمد
Date: 09-16-2010, 02:47 AM
Parent: #49
| Quote: أو تكون قاصد "عليك أمان الله"... |
و الله يمكن يا محمود، على كل حال انا الكلمة دي لافحها ساكت و اتخيل لي سمعتها في واحدة
من التمثيليات السودانية التعبانة حقت اليومين ديل.
|
Post: #51
Title: Re: مكالمات هاتفية غريبة في السودان تؤدى الي الغيبوبة والوفاة
Author: Hassan Senada
Date: 09-16-2010, 05:52 AM
Parent: #50
الاخ معتصم كل سنه وانت طيب كل شى جايز فى السودان بقينا زى العراق موت بالجملة
|
Post: #53
Title: Re: مكالمات هاتفية غريبة في السودان تؤدى الي الغيبوبة والوفاة
Author: othman mohmmadien
Date: 09-16-2010, 07:25 AM
Parent: #51
إتصلت بهذاالرقم بس دولياً ...
أي من خارج السودان بعد إضافة دولي السودان ..؟؟؟
تخيلوا الحصل شنو ...؟؟؟
صوت ... أجش ... نهرني لدرجة أن طار التلفون من يدي ...
عفواً هذا الرقم مقصود به أهل السودان الجديد ... سودان القهر أما أنت فلك ما يقارب العشرون عاماً خارج "السودان" فتعد من "أهل السودان القديم" ... أقفل الخط يامغترب ... بلوة تخمك وتخم أهل السودان القديم ... وخلي صلاح غريبة ودينق يتصلوا بي وكمان ود الباوقة ولا نمانع بمحمد فرح ... أما مثالكم من أهل "السودان القديم" غير مرغوب فيهم ...
مصيبة تعكس مدى ما نعيشه من جهل ...
بالمناسبة هذا الأمر حدث في اليمن قبل ثلاث سنوات ولم يجد صدى مثلما ما وجد في السودان ... وحتى أبسط الناس لم يصدقه أو يعمل به ... بدو أننا نسبح في بركة من الجهل والأوهام والسذاجة و نعيش حالة من الغيبوبة ولا ندري بذلك ..
إنها "سيكلوجية الانسان المقهور" وبهذه المناسبة أقدم إليكم كتاب رائع :
كتاب سيكولوجية الانسان المقهور (التخلف الاجتماعي)
يوضح الكتاب اسباب ومراحل التخلف .. الاعتقادات الخاطئة والخرافات , كيف اتت
اضطهاد المرأة اسبابه ومراحله ...
يمكنكم التحميل من هنا:
http://www.4shared.com/get/76LzYXmC/___online.html
|
Post: #54
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-16-2010, 10:27 AM
Parent: #51
| Quote: الاخ معتصم كل سنه وانت طيب كل شى جايز فى السودان بقينا زى العراق موت بالجملة |
وانت طيب
بس علي الاقل موت اهل العراق بوسيلةواحدة ومعروفة أما نحن في السودان
فتتعدد الاسباب ومامعروف بتجيك من وين!!
مع ودى
|
Post: #52
Title: Re: مكالمات هاتفية غريبة في السودان تؤدى الي الغيبوبة والوفاة
Author: معتصم مصطفي الجبلابي
Date: 09-16-2010, 06:47 AM
Parent: #49
| Quote: انا حولت قروش لعمليه عاوز اديهم الكود من الصباح بضرب زول برفع مافي لانو تلفوني بينتهي بي 3333 والله دي محنه |
الاخ الرشيد سلامات
برقمك ده الله اعلم زول يرد ليك
المهم لو ماقدرت تصل ليهم
رسل لي رقمهم بالماسنجر بديهم
الامان..
ربنا يدى صاحب العملية السلامة
|
Post: #55
Title: Re: مكالمات هاتفية غريبة في السودان تؤدى الي الغيبوبة والوفاة
Author: othman mohmmadien
Date: 09-16-2010, 11:31 AM
Parent: #52
مع الانفعال بالموضوع فاتني أخي معتصم ...
أن أبلغك التحايا ... ولعموم الأهل والأخوة المتداخلون وأهنئكم بمناسبة عيد الفطر المبارك ...
وتقبل الله الطاعات والصيام والقيام وعيد سعيد ..
والسلام..،،
|
Post: #56
Title: Re: مكالمات هاتفية غريبة في السودان تؤدى الي الغيبوبة والوفاة
Author: هشام المجمر
Date: 09-16-2010, 12:21 PM
Parent: #55
sorry i'm outside my statio and I do not have arabic key baord
this roumor just prove that the people of Sudan have lost their minds and any rational or scientific thinking.
|
Post: #57
Title: Re: مكالمات هاتفية غريبة في السودان تؤدى الي الغيبوبة والوفاة
Author: Deng
Date: 09-16-2010, 01:15 PM
Parent: #56
Quote: دينق يا شراني سيبو اتصل على صاحبك ود الباوقة
الايام دي شيخ على في امريكا بقول التلفون ده منو بفتح طوالي بس لو سمحت اديهو شرز بسيط كده عشان يآمن |
محمد إبراهيم علي.
صلاح غريبة طع أكبر جبنة. كده خليني أجرب ود الباوقة. يمكن مكنة شيخ علي دي تمشي فوقو.
|
Post: #58
Title: Re: مكالمات هاتفية غريبة في السودان تؤدى الي الغيبوبة والوفاة
Author: abdulhalim altilib
Date: 09-16-2010, 02:04 PM
Parent: #57
| Quote: صلاح غريبة طع أكبر جبنة. كده خليني أجرب ود الباوقة. يمكن مكنة شيخ علي دي تمشي فوقو |
الله يجازي محنك يا دينق ؟!!
العيد مبارك عليك وكل سنة وإنت طيب .
مودتي ،
( ليمو )
|
Post: #60
Title: Re: مكالمات هاتفية غريبة في السودان تؤدى الي الغيبوبة والوفاة
Author: يوسف الولى
Date: 09-17-2010, 04:31 AM
Parent: #58
Quote: ماهو قبل التوضيح لابد ان ان يكون استيضاح..عشان يجوكم (بالنجيضة)
المهم هو الاجتماع حيدرس الظاهرة من كل جوانبها العلمية ..
وحيشوفو هل ممكن ان تحدث مثل ان ترسل شحنات كهربائية عبر الهاتف
تكون مآلاته ماحدث لبعض الاخوة في المتضررين ..
ام انها علة موجوجود في البطاريات الخاصة بموبايلاتهم |
ياااااا... امه ضحكت من جهلها الامم.. حقيقه الجهل مصيبه ... والقلم لم يزل بلم بعض السودانين
غايتو ( والله اعلم ) من يصدق مثل هذا التخريف فقد تارجح بين الكفر والشرك بالله ( حسب راى والله اعلم )
|
|