Post: #1 Title: أرضعيني يا بثينة Author: حافظ حسن ابراهيم Date: 09-14-2010, 01:44 PM
تحت مسوغ الأخوة الجبرية و ربما الأمومة خضعت بثينة لعميلة إرضاع شاملة نقلت علي أثرها الي العناية المكثفة و لم يزل مصيرها في الشفاء مجهول, بثينة تعتبر المرأة الوحيدة بالمكتب في حال عدم إعتبار عاملة النظافة ضمن الطاقم النسوي بالشركة , بثينة كانت الوحيدة بين سبعة ذكور جوعي علي مدار العام , هذه المرأة كلها علي بعضها لا تعتبر جميلة علي الإطلاق و لكن في حالة البيع بالقطاعي فهنا التقييم لابد أن يختلف .... جميلة بمقدار أن تفكك و توزع كإسبيرات. أي من الذكور السبعة هائم بجزء محدد من جسدها, فمنهم من هام بأرجلها حتي صار يشبههما بساقين ما بعد كوندليزا رايس و يجتر بعض من أبيات الشعر القديم المختص بتمجيد السوق, آخر لا يستطع صبراً مع المؤخرة الرجراجة, و هنالك أثنان عيونهم علي طول متسمرة علي شفتاها المكتنزة بإثارة داعية الي الرذيلة و فعل المنكر.... و لكن الكل من أصغر موظف الي المدير أو القائد العام, الكل متفق علي صدر بثينة الذي يعافر متمرداً علي البلوذه التي صممت خصيصاً لإظهاره ..... إلتقطت هذه المرأة الرسالة مبكراً و ربما قبل أتفاق الذكور السبعة حول صدرها , فبدون مناسبة تذكر ترجع أياديها الي الوراء تاركة للبلوزة مهمة الإلتصاق و بالتالي كشف أكثر المناطق إثارة في الثدي .... ففي إطار هذه المسرحية الإسبوعية و التي تحين كل خميس , فالرجال الذين وصلوا مرحلة التقاعد الجنسي يلكون السنتهم و يزدردون لعابهم بحسرة أما الذين لم تزل جذوة الحياة فيهم متقدة فكثيراً ما يلوذون بالحمام حال فراغ العرض الخميسي ......بثينة كما ذكر في الأثر أنها المرأة الوحيدة التي تتوسط جمهرة الموظفون إضافة للعملاء من خارج المكتب , فلا أحد يعرف وصفها الوظيفي فكل ما تفعله لعب الورق و عندما ينتصر عليها الكمبيوتر في هذا القيم تلجأ الي برد أظافرها ..لا احد يعرف لها وظيفة محددة المعالمو الإتجاه و لكن سراً يقال أنها سكرتيرة المدير و المسئولة عن مراسلاته اليومية و كما أن هذا الجزء الأخير من الوصف الوظيفي يقوم به أحد زملائها دوماً.....
يتبع
Post: #2 Title: Re: أرضعيني يا بثينة Author: حافظ حسن ابراهيم Date: 09-14-2010, 01:46 PM Parent: #1
في آخر سفرية للمدير و التي لم تعد بعدها بثينة موظفة تلعب الورق و تختلي بمكتب رب عملها لتحسين الروج و وضع زختين من وجبتها العطرية عند رأس كل ساعة, لم تعد موظفة بعد آخر سفرية عندما فشل السيد المدير في إختلاق حيلة الترافق كما هو معد, عموماً هو لم يعدم حيلة و لكن زوجته كانت هذه المرة أكثر عناداًَ و مرصاداً بمرافقته و خاصة بعد أن بلغ علمها أن الدولة التي سيسافر إليها تمتاز بجودة الملايات و المفارش الأرضية و لذا وجب عليها أن تصطاد كمية من العصافير بنفس الحجر..... نتيجة لخوفه علي بثينة من تركها عهدة وسط سبعة من الرجال الجوعي, نتيجة هذا الخوف تفتق عقل هذا المدير أخيراً للتحايل علي تخفيف هذا القضاء السماوي و ذلك بجلب أحد الشيوخ الذين صمموا خصيصاً للخروج من مثل هكذا مطبات و إحن....بكل المقاييس كان شيخ بهي الطلعة و ليس له أدني علاقة بقدامي الشيوخ الذين يستخدمون في مثل هذا النوع من المهام .... يرتدي بدلة رمادية, قميص أبيض مجترح بخطوط تركوازية لتتماشي مع ربطة العنق , بنطلون بنفس لون البدلة, جزمة سوداء ملمعة .... شعره مثبت بالجل و مشقوق عند المفرق بعناية فائقة.... لحية متناسقة و كذلك الشارب.... دخل خلف سائقه حامل الشنطة والأسرار... بعد خلوة اقل من عشرة دقائق بمكتب المدير مستخدماً محرك البحث الشهير قوقل للحصول علي أخر ما توصل اليه العلم فيما يختص بإرضاع الكبار, و نتيجة البحث كانت ثلاثة ورقات تحتوي علي كيفية الإرضاع , أحكامه , مبطلاته و الخ و كما أنها مدعومة برسومات توضيحية... بعد إنتهائه من أعداد أوراق بعدد المشاركون نودي علي بثينة
يتبع
Post: #3 Title: Re: أرضعيني يا بثينة Author: حافظ حسن ابراهيم Date: 09-14-2010, 01:48 PM Parent: #2
دخلت بثينة تتهاوي بثقة زرافة سافنا , صدرها كان أكثر تحدي و تمرد مما سبق , عيونها لا تفصح عن شئ ....نظر اليها الشيخ بنظرة محايدة جداً ليس بها أدني قدر من العواطف أو الهيجان المكبوت.. و في الحال بدأت رحلة الإرشاد النفسي حين إبتدر الحوار: الشيخ: برفق علي أثدائك بأعواد الدخن أضربي فيعود اليهم اللبن طائعاً و هو كثير......... بثينة: كيف يكون لي لبن و لم يمسسني بشر كما لم أكن بغية........... الشيخ: إذن لا حل لدي اليوم عندكم سوي الحلمة علي اللسان .......... بثينة: أنا بين أياديك يا ربي إذا لم تحفظني سوف أكونن من الخاسرات... إنتهي دور بثينة و دخل الموظفون السبعة لأخذ وجبتهم الإرشادية, تحلقوا حولها كجوارح في إنتظار حيوان يحتضر , و بدأت رحلة الإرشاد الجماعية فيما يختص بكيفية الرضاعة و الأشياء غير المستحبة مثل العض أثناء العملية, إستخدام الأيادي, أو إطلاق بعض الزمجرات الطفولية , كما ركز كثيراً علي وضعية الراضع و المرضعة و الذي بدونه تصبح الرضاعة باطلة .... بشكل ممل و مثير شرح وضع الرضاعة الصحيح ... مثل أن تستلقي المرأة علي ظهرها في سرير منخفض كاشفة عن إثدائها فقط , كما علي الراضع أن يجثو علي ركبتيه و يداه الي الخلف مكتوفتان ......
يتبع
Post: #4 Title: Re: أرضعيني يا بثينة Author: حافظ حسن ابراهيم Date: 09-14-2010, 01:50 PM Parent: #3
كما الحمامات العمومية أوكل الي حارس العقار الدائم تنظيم الدخول الي غرفة الرضاعة,,,, أمامه منضدة بها كراس صغير يكتب إسم الراضع , زمن البداية و النهاية , كما أنه يتحصل المبلغ الرمزي المدفوع كمهر للأمومة... عند دخول المرضع هنالك حوار محفوظ يجب أن يتلي و هو: المرضع: لبنك مدفوع عداً نقداً فأين أثدائك يا آمة؟ بعد سماع هذه الجملة تزيح المرضعة قطعة خفيفة من القماش تكشف أكثر مما تستر , تزيحها من علي أثدائها صائحة ب: لبني فضيلة و دمي رزيلة فما بين اللبن و الدم أفصل يا جنا النديهة.... الراضع: رضعنا شطر و رقدنا حكر و اللبن يدينا طول العمر.... المرضعة: الحكر لسيد الأمانة و اللبن للذهل و المهانة فارضع يا ناكح المحرمات....
Post: #5 Title: Re: أرضعيني يا بثينة Author: حافظ حسن ابراهيم Date: 09-14-2010, 01:51 PM Parent: #4
بالمواميل أعلاه تمت عملية الإرضاع حتي حان دور أخر راضع في القائمة و الذي لم يعد سوي الشاب الذي يكتب مراسلة المدير اليومية بإسم بثينة ....و عندما رأته بثينة داخلاً إكتسي وجهها بلون المرض , أسنانها أصطكت بعنف لدرجة سماع صوت الإحتكاك ... فقدت الإستدراك و معه الأرض دارت في الإتجاه المعاكس.. و أنشدت في وجه الراضع المزعوم نائحة بما يشبه المديح النبوي في غياب الطار: أرضعوني يا جنياني .......الرسول في الشرك لضماني رد الراضع المزعوم منشداً: يا غزالة شامة لبني محرم......عند الرسول المكرم و أشاح بوجهه و لم يرضع. الجمت الدهشة ألسنة الكل خارجاً و عندما سمع الشيخ هذا التبادل الموالي إندفع الي الداخل قاطعاً خلوة الرضاعة صائحاً: شيطان .... شيطان ................ وصلت بثينة الي المستشفي نصف مغمضة..... الآن مستلقية علي سرير مفروش بملاءة باهتة اللون و الجزء الأعلي منها مرفوع بإهمال كي يساعد علي إنتظام أنفاسها ... تدمدم ببعض الكلمات غير واضحة المخارج ...محقونة علي زراعها الإيمن بسير ينتهي بقارورة يتقطر منها ماء في رتابة تدعو للنوم, كما أنها مطعونة علي جنبها الأيسر بآلة تسمح بخروج اللعاب و الدم المتخنثر.... بثينة فاقدة الوعي تقف الي جانبها سيستر تراقب العملية بضجر غير خفي و في الركن يجلس الطبيب الذي يكتب شهادة الوفاة القادمة و التي حتماً ستكون بالملاريا.
الاصح .... انتهت بثينة ياحافظ وهكذا اراد (مفتى) الديار الاسلامية ...فى اخر شطحاته
Post: #7 Title: Re: أرضعيني يا بثينة Author: حافظ حسن ابراهيم Date: 09-14-2010, 03:28 PM Parent: #6
Quote: الاصح .... انتهت بثينة ياحافظ وهكذا اراد (مفتى) الديار الاسلامية ...فى اخر شطحاته
إنتهي كل شئ يا أميرة و لكن للضمان كدا كل سنة و انتي طيبة و شكراً علي المرور
Post: #8 Title: Re: أرضعيني يا بثينة Author: محمد علي شقدي Date: 09-14-2010, 04:03 PM Parent: #7
البعض يرضع منها الحب الملزم للاخوة والاخرين اصحاب النوائب الصفر يرضعون منها بعنف دون رضاها حتى تصاب بالجفاف وسوء التغذيه فيزينوا للطبيب اهميه بتر الاطراف لكي تبقى الجثه ويواصلوا الرضاعه ----------------------------------- ألان انت توهمني باني ارتقيت درجات في علم الجذب لاني تصفحت كتاب يحكي الاحساس بالقادم فاليوم ورغم المسافات الفارقه بيننا تذكرتك في خاطرة يتبعها سؤال اين حافظ حسن احد المارقين عن المألوف فمنذ تخطى عتبة الدخول هنا احسست بجمال ما تكتب
Post: #11 Title: Re: أرضعيني يا بثينة Author: حافظ حسن ابراهيم Date: 09-14-2010, 06:33 PM Parent: #9
Quote: ألان انت توهمني باني ارتقيت درجات في علم الجذب لاني تصفحت كتاب يحكي الاحساس بالقادم فاليوم ورغم المسافات الفارقه بيننا تذكرتك في خاطرة يتبعها سؤال اين حافظ حسن احد المارقين عن المألوف فمنذ تخطى عتبة الدخول هنا احسست بجمال ما تكتب
يا شقدي كل سنة و انت عندك شيك أماني علي بياض.... يا مان لو إنت أمنت بعلم الجذب أنا قطع شك حأومن بالقلوب عند بعضيها .... أمس القريبة دي كنت في عطبرة بنتونس أنا و عبدالله عيدروس و سيرتك جات لفترة طويلة جداً.... تسلم يا شقدي علي المرور و الكلام الطيب ايها الصاحب
Post: #12 Title: Re: أرضعيني يا بثينة Author: حافظ حسن ابراهيم Date: 09-14-2010, 06:36 PM Parent: #11
Quote: امشي يا بتاع رضاعة الكبير
صديقنا لمدة 3 أشهر سلام يا حبيب و كيفك ..... برضو انا بتاعة رضاعة الكبير؟
بالمناسبة جكس مكتبنا يقريك السلام
تشكر يا صبري علي المرور
Post: #13 Title: Re: أرضعيني يا بثينة Author: حافظ حسن ابراهيم Date: 09-14-2010, 06:37 PM Parent: #12
Quote: جميل يا حافظ هذا العمل
العزيز هشام أدم شكراً علي المرور و الكلام الطيب
Post: #14 Title: Re: أرضعيني يا بثينة Author: محمد علي شقدي Date: 09-14-2010, 07:23 PM Parent: #13
Quote: أمس القريبة دي كنت في عطبرة بنتونس أنا و عبدالله عيدروس و سيرتك جات لفترة طويلة جداً.... تسلم يا شقدي
والله يا ( بعد كده اقول يا صاحبي وانا مطمئن ) حافظ ده علم ميتافيزقيا راسو عديل كل الود ليك ولكل اهل البلد الطيب عطبره
Post: #15 Title: Re: أرضعيني يا بثينة Author: حافظ حسن ابراهيم Date: 09-14-2010, 10:34 PM Parent: #14
Quote: والله يا ( بعد كده اقول يا صاحبي وانا مطمئن ) حافظ ده علم ميتافيزقيا راسو عديل كل الود ليك ولكل اهل البلد الطيب عطبره
يا زول نحن أصحاب من زمن قديم ..... تشكر يا حبيب و في الايام الجاية حأكتب عن (أبكتني صورة عطبرة)
Post: #16 Title: Re: أرضعيني يا بثينة Author: Tragie Mustafa Date: 09-15-2010, 00:53 AM Parent: #15
حافظ سلام وكل عام وانت بخير
الناس تصل للقمر ونحن في فتاوي مثل ارضاع الكبير!!
عرفت سبب مأساتنا؟؟!!
Post: #17 Title: Re: أرضعيني يا بثينة Author: هواري نمر Date: 09-15-2010, 01:30 AM Parent: #16
Quote: أرضعيني يا بثينة
أهـــــــــــــــــــــــــا !!
__ امس زائغ مالك؟؟
Post: #18 Title: Re: أرضعيني يا بثينة Author: حافظ حسن ابراهيم Date: 09-15-2010, 07:02 AM Parent: #16
Quote: حافظ سلام وكل عام وانت بخير
الناس تصل للقمر ونحن في فتاوي مثل ارضاع الكبير!!
عرفت سبب مأساتنا؟؟!!
سلام يا تراجي و كل سنة و إنتي طيبة .... يا خي نحنا بقت كل أمانينا نطلع جبل مرة ....قمرشنو ياخي؟
شكراً علي المرور
Post: #19 Title: Re: أرضعيني يا بثينة Author: حافظ حسن ابراهيم Date: 09-15-2010, 07:05 AM Parent: #18
يا هواري أهــــــــــــــا الطويلة بتاعت شنو؟
كيفك يا مان و الآف التشكرات
Post: #20 Title: Re: أرضعيني يا بثينة Author: الطيب برير يوسف Date: 09-15-2010, 10:47 AM Parent: #19
قبلتان هنا واحدة باتجاه قلبك والأخرى مخصوص بها قلمك وحرفك شكرًا فالكلام يفسد بهجتي لهذا المقام دُم بخير
Post: #21 Title: Re: أرضعيني يا بثينة Author: حافظ حسن ابراهيم Date: 09-15-2010, 07:45 PM Parent: #20
Quote: قبلتان هنا واحدة باتجاه قلبك والأخرى مخصوص بها قلمك وحرفك شكرًا فالكلام يفسد بهجتي لهذا المقام دُم بخير
Post: #23 Title: Re: أرضعيني يا بثينة Author: حافظ حسن ابراهيم Date: 09-16-2010, 10:55 AM Parent: #22
Quote: حافظ ازيك...
والله بوستاتك بقت تخوف من قولة سلام يا صاحبى.
كيف احوالك؟
يا صديق سلامات .... الأخبار شنو .... جاينكم في عز البرد بالله جهزوا كل أنواع البطاطين
تشكر يا معز علي المرور و التحايا للبرلوم و لو بالدرب التحت رسلت لي تلفونك و تلفونه تكون ما قصرت
Post: #24 Title: Re: أرضعيني يا بثينة Author: اميرة السيد Date: 09-16-2010, 03:48 PM Parent: #23
الاستاذ حافظ حسن ابراهيم
قطعة أدبية رائعة وبها عظات وعبر ونقد لممارسات ونقد لآراء ... والكلمات التي اخترتها لصياغة القصة القصيرة كلمات أدبية رائعة ومموسقة ومتناغمة ولقد أضفت اسمك في قائمة أدباء وشعراء المنبر العام.. وحزَ في نفسي رد صبري وتعليقه... ولكن اذا كان هو صديقك وأراد أن يداعبك فقط لأنه يعرف قيمتك الأدبية فهذا شئ آخر وكل سنة وانت طيب والله يديكم العافية
Post: #25 Title: Re: أرضعيني يا بثينة Author: عزيز عيسى Date: 09-16-2010, 04:21 PM Parent: #24
تحياتي يا حافظ،
كتابة راقية وجميلة وإنتقاء كلمات سلسلة وبعناية فائقة.. لو عدلت كلمة الرزيلة الى الرذيلة تاني ما عندك عوجة.
Post: #26 Title: Re: أرضعيني يا بثينة Author: حافظ حسن ابراهيم Date: 09-16-2010, 06:17 PM Parent: #25
Quote: قطعة أدبية رائعة وبها عظات وعبر ونقد لممارسات ونقد لآراء ... والكلمات التي اخترتها لصياغة القصة القصيرة كلمات أدبية رائعة ومموسقة ومتناغمة ولقد أضفت اسمك في قائمة أدباء وشعراء المنبر العام.. وحزَ في نفسي رد صبري وتعليقه... ولكن اذا كان هو صديقك وأراد أن يداعبك فقط لأنه يعرف قيمتك الأدبية فهذا شئ آخر وكل سنة وانت طيب والله يديكم العافية
أختي أميرة السيد .... سلام و محبة و كل سنة و إنتي طيبة في بلاد العم سام .... تشكري علي الكلمات الطيبات لكن بالصورة دي بتكبري رأسي
صبري الشريف دا يا أميرة صحبي بهذر لكن هذاره إحتمال يكون شوية خشن
تسلمي يا أميرة
Post: #27 Title: Re: أرضعيني يا بثينة Author: حافظ حسن ابراهيم Date: 09-16-2010, 06:21 PM Parent: #26
Quote: تحياتي يا حافظ،
كتابة راقية وجميلة وإنتقاء كلمات سلسلة وبعناية فائقة.. لو عدلت كلمة الرزيلة الى الرذيلة تاني ما عندك عوجة.
عزيزنا العزيز بن عيسي سلام و كل سنة انت و المعاك بالف خير و حب
شكراً علي التصحيح و حأمشي أعدلها علي طول .... انت عارف انا تاريخياً عند مشكلة كرونك مع الذاء ذنب و الزاء زراف ....
تشكر يا مان علي المرور و التصحيح
Post: #28 Title: Re: أرضعيني يا بثينة Author: عزيز عيسى Date: 09-16-2010, 07:16 PM Parent: #27
Quote: تشكر يا مان علي المرور و التصحيح
يا سلام عليك يا حافظ ياراجل يا ملك يا ريت كل الناس تقبل التصحيح بكل روح رياضية ورحابة صدر مثلك حتى تستفيد من بعض.. وصدقني مستقبلا ما حتنسى هذه الكلمة أبدا.. ربنا يزيدك من علمه. دم أخي بخير.
Quote: الظاهر عليك يا حبيب نورة انت ذاتك أديب زي ما قال محمد حيدر المشرف
أديب شنو يا أميرة دة منو الأتهمني في شرفي الكتابي ياخ محمد المشرف دة ببالغ
Post: #32 Title: Re: أرضعيني يا بثينة Author: حافظ حسن ابراهيم Date: 09-16-2010, 07:46 PM Parent: #30
Quote: يا سلام عليك يا حافظ ياراجل يا ملك يا ريت كل الناس تقبل التصحيح بكل روح رياضية ورحابة صدر مثلك حتى تستفيد من بعض.. وصدقني مستقبلا ما حتنسى هذه الكلمة أبدا.. ربنا يزيدك من علمه. دم أخي بخير.
عزيز دنيانا كيف تاني و كتير .... يا خي ليه ما أقبل التصحيح ؟ تسلم يا حبيب
قريت بروفايلك و حيكون عندنا شغل خيري مشترك يا حبيب
تسلم يا حبيب علي الكلام الجميل
Post: #34 Title: Re: أرضعيني يا بثينة Author: اميرة السيد Date: 09-16-2010, 07:55 PM Parent: #32
بصراحة يا عزيز عيسى اسمتعت بقراءة بروفايلك... ياخ انت الأديب وطبعا أنا جريت أقرأ البروفايل لمن لقيت صاجب البوست بيشير للبروفايل وقلت في نفسي نشوف لقى شنو؟؟؟ وفي الحقيقة بروفايلك مليان حكم
Post: #35 Title: Re: أرضعيني يا بثينة Author: حافظ حسن ابراهيم Date: 09-16-2010, 07:57 PM Parent: #32
Quote: حافظ يا حافظ اوجعتني لماذا تخلف الكتابة الجيدة كل هذه المرارة ؟
أمال حسين أم طبعاً زين .... كيفك يا بنية ووضاح وصل وين يا وضاحة يا شمس اليتامي..... سعيد بمرورك و الله .....المرارة ما بيدي و لكن بيد الزماناللديح الكيح
قبل يومين جاي من عطبرة من عرس حيدر الزين لقيت يا بنية شندي جزيرة بين بحرين.... سألت العيدروس دي شندي؟ قال لي أيا؟ حلة بت حسين أخيتي؟ قال لي أيا قلتا لو بدور اسلم عليها و أخد الرضا منها؟ قال لي اتا ماك نصيح يا جنا........... دول جعليين و سكين ضراع يا جيروة انت عن الدفاع يا مذهلل قلت لو خلاص نمشي اهلنا و أمال بنلاقيها في حوش بكري انشاء الله يقدروا يحوشوها من هناك كمان.
سعيد بمروك يا أخني و نتلاق لو في العمر الممحوق دا بقية
Post: #37 Title: Re: أرضعيني يا بثينة Author: امال حسين Date: 09-16-2010, 08:11 PM Parent: #35
والله اتلومت يا حافظ ليش مالنا ماتت نارنا ما سمعت القال كراى الدايرو تبقو ضيوفنا انتو الليلة وترقدو في الفريق لو كان عشانا بليلة نحنا عمد وعوج درب مشتاقين ليك ولعطبرة ان شا الله تكون لاقيت القطي ومعروف وضاح هندسة كيميائة في علوم التقانة وانا زي اي ام هندسة قلق وجرسة محبتي
Post: #38 Title: Re: أرضعيني يا بثينة Author: حافظ حسن ابراهيم Date: 09-16-2010, 08:20 PM Parent: #37
Quote: أديب شنو يا أميرة دة منو الأتهمني في شرفي الكتابي ياخ محمد المشرف دة ببالغ
يا أميرة ما تسمعي الكلام الدراب دا و الله حبيب نورا دا أديب لمن وريف ... كتير بخش كتابتو و العبرة خناقني لكن ما بريد اي حد
كلام المشرف صح ...بس الود دا يا بنية بخجل شوية من نورا
Post: #39 Title: Re: أرضعيني يا بثينة Author: حافظ حسن ابراهيم Date: 09-16-2010, 08:27 PM Parent: #38
Quote: والله اتلومت يا حافظ ليش مالنا ماتت نارنا ما سمعت القال كراى الدايرو تبقو ضيوفنا انتو الليلة وترقدو في الفريق لو كان عشانا بليلة نحنا عمد وعوج درب مشتاقين ليك ولعطبرة ان شا الله تكون لاقيت القطي ومعروف وضاح هندسة كيميائة في علوم التقانة وانا زي اي ام هندسة قلق وجرسة محبتي
والله اللوم يا بنية لابسنا من ساسنا لراسنا لكن العزاء في الجايات أكتر من الرابحات
يا أمال ما لقيت العطي و لقيت اولاد أخوانه .... انا ما ماشي للعطي انا شايل عمال المرمة البنا فوقها الكنلديق يا أميرة ..... بشوف في بيوت السكك الحديد, مدرسة عطبرة للبنات.... بفتش ببحت لذاكرة المدينة يا أختي .... مدينة بدون ذاكرة ..... يا عطبرة الطيبة حاولي تبقي طيبة .......... يا أمال أبكتني صورة عطبرة ..... عطبرة حميد و محجوب .... لقيت صورة عطبرة .... لكن انسان عطبرة حاضر بكل ذكاؤه و تمرده
Quote: الظاهر عليك يا حبيب نورة انت ذاتك أديب زي ما قال محمد حيدر المشرف
والله يا اميرة السيد اتلومتى امشى بس اعمل سيرش باسم حبيب نورة وبتلقىالادب الماخمج
Post: #41 Title: Re: أرضعيني يا بثينة Author: اميرة السيد Date: 09-16-2010, 08:43 PM Parent: #40
عزيزتي أميرة الاميرات" اميرة الشيخ" صحي كلامك ولا بتسخري منه.. ؟ لأنه حكاية الأدب الماخمج بيدل على تفسيرين.. غايتو انا ماشة أعمل السيرش ونشوف الأدب الماخمج وبعدين نجي للتعليق ,, لكني مقتنعة ما دام اسمه حبيب نورة.. وبيخجل من نورة احتمال يكون شاعر مرهف ويصب من أنامله شعرا يدق الصخر ويخرج منه ماء وزرعا ويطوع الكلمات سهلة لينة ليخرج لنا روائع الأدب والشعر
Post: #42 Title: Re: أرضعيني يا بثينة Author: خضر حسين خليل Date: 09-16-2010, 08:58 PM Parent: #41
والله يا حافظ غلبني الاقولو بقرأ وبستمتع وبمشي أنا لي كم يوم في الحالة دي ياخ كتر خيرك والله
شكراً ياصديقي
Post: #43 Title: Re: أرضعيني يا بثينة Author: هشام كمال Date: 09-16-2010, 09:53 PM Parent: #42
Quote: حافظ يا حافظ اوجعتني لماذا تخلف الكتابة الجيدة كل هذه المرارة ؟
Quote: والله يا حافظ غلبني الاقولو بقرأ وبستمتع وبمشي
شرحو يا خدوري . . . شرحو بس زيد انو حبيب نورة سرق تعليقي الكنت عاوز اقولو
حافظ يا ود امي يديك العافية ياخ تعيش و تكتب يا حبيب
Post: #45 Title: Re: أرضعيني يا بثينة Author: حافظ حسن ابراهيم Date: 09-17-2010, 09:35 AM Parent: #44
Quote: والله يا حافظ غلبني الاقولو بقرأ وبستمتع وبمشي أنا لي كم يوم في الحالة دي ياخ كتر خيرك والله
شكراً ياصديقي
خدر اب درباً أخدر كيفنك .... يا خي ما تقول أي حاجة مرورك بالدنيا و العالمين .... كيفك يا صديق و الوليدات؟
تشكر يا صديق الشقاء علي المرور و بالله فضي لينا نفسك يوم كدا نبكي علي اطلالنا
Post: #46 Title: Re: أرضعيني يا بثينة Author: حافظ حسن ابراهيم Date: 09-17-2010, 09:48 AM Parent: #45
هشام كمال العزيز تشكر علي المرور و كل سنة انت طيب
Post: #47 Title: Re: أرضعيني يا بثينة Author: حافظ حسن ابراهيم Date: 09-17-2010, 10:03 AM Parent: #46
Quote: شرحو يا خدوري . . . شرحو بس زيد انو حبيب نورة سرق تعليقي الكنت عاوز اقولو
حافظ يا ود امي يديك العافية ياخ تعيش و تكتب يا حبيب
الشقيق قيقا كيفك و كل سنة و إنت طيب و المعاك بالف حب و خير
قيقا ذو الكرفته المبهدلة .... كرفته ما عندها أي علاقة بأي شئ غايتو أمة الله يدينا خيرها .... يا خي مفتي الديار بعرف يختار كرفته متناسقة مع لون القميص لمن إنت يا حبة؟
يا مان تشكر علي المرور
Post: #48 Title: Re: أرضعيني يا بثينة Author: خضر الطيب Date: 09-17-2010, 10:16 AM Parent: #45
Quote: دخلت بثينة تتهاوي بثقة زرافة سافنا , صدرها كان أكثر تحدي و تمرد مما سبق , عيونها لا تفصح عن شئ ....نظر اليها الشيخ بنظرة محايدة جداً ليس بها أدني قدر من العواطف أو الهيجان المكبوت.. و في الحال بدأت رحلة الإرشاد النفسي حين إبتدر الحوار: الشيخ: برفق علي أثدائك بأعواد الدخن أضربي فيعود اليهم اللبن طائعاً و هو كثير......... بثينة: كيف يكون لي لبن و لم يمسسني بشر كما لم أكن بغية........... الشيخ: إذن لا حل لدي اليوم عندكم سوي الحلمة علي اللسان .......... بثينة: أنا بين أياديك يا ربي إذا لم تحفظني سوف أكونن من الخاسرات... إنتهي دور بثينة و دخل الموظفون السبعة لأخذ وجبتهم الإرشادية, تحلقوا حولها كجوارح في إنتظار حيوان يحتضر , و بدأت رحلة الإرشاد الجماعية فيما يختص بكيفية الرضاعة و الأشياء غير المستحبة مثل العض أثناء العملية, إستخدام الأيادي, أو إطلاق بعض الزمجرات الطفولية , كما ركز كثيراً علي وضعية الراضع و المرضعة و الذي بدونه تصبح الرضاعة باطلة .... بشكل ممل و مثير شرح وضع الرضاعة الصحيح ... مثل أن تستلقي المرأة علي ظهرها في سرير منخفض كاشفة عن إثدائها فقط , كما علي الراضع أن يجثو علي ركبتيه و يداه الي الخلف مكتوفتان ......
الجميل حافظ ابراهيم
متابع كتاباتك من لحظة سطع نجمك في البورد دا اتولدت فيهو بي اسنان قلمك الراقي , وذي مابقولو جيت بي حقك ابداع لامتناهي وامتاع حد الدهشه, من المريسه والكنومورو والسورج وانتهاءا بالرضاعه وبيني وبينك القاسم
المشترك بيناتم واضح وضوح الشمس وفي كل الاحوال عند المحبين خمروحلمات وشفاه , حد الدهشه اللامس جواك من فتاوى ما انزل الله بها من سلطان, خلاك تعبر عن جوانا عن احساسنا بهوان الفتوى والمفتي, اباحة ثدي امرأة اجنبيه
ووضعو كسبيل للغاشي والماشي بي كوزو والكوز الشفايف , شفتا الكوز دا عامل كيف؟ اعوذ بالله من دا كوز ماكرهتا الكيزان من فراغ , انحنا ماشين لي وين ياربي , وخاصه انو الحاجات البتحتاج رضاعه كثيره اكيد حننزل لي
درك مابين ال.... (مقص الرقيب) حسبي الله ونعم الوكيل.
Post: #49 Title: Re: أرضعيني يا بثينة Author: rosemen osman Date: 09-17-2010, 10:23 AM Parent: #48
العزيز حافظ ..أعلم جيدا مشغوليات الحياة وهمومها لكن أتمنى الا تأخذك عن الكتابة وشكرا للعودة وبثينة
Post: #50 Title: Re: أرضعيني يا بثينة Author: حافظ حسن ابراهيم Date: 09-17-2010, 01:14 PM Parent: #48
Quote: متابع كتاباتك من لحظة سطع نجمك في البورد دا اتولدت فيهو بي اسنان قلمك الراقي , وذي مابقولو جيت بي حقك ابداع لامتناهي وامتاع حد الدهشه, من المريسه والكنومورو والسورج وانتهاءا بالرضاعه وبيني وبينك القاسم
المشترك بيناتم واضح وضوح الشمس وفي كل الاحوال عند المحبين خمروحلمات وشفاه , حد الدهشه اللامس جواك من فتاوى ما انزل الله بها من سلطان, خلاك تعبر عن جوانا عن احساسنا بهوان الفتوى والمفتي, اباحة ثدي امرأة اجنبيه
ووضعو كسبيل للغاشي والماشي بي كوزو والكوز الشفايف , شفتا الكوز دا عامل كيف؟ اعوذ بالله من دا كوز ماكرهتا الكيزان من فراغ , انحنا ماشين لي وين ياربي , وخاصه انو الحاجات البتحتاج رضاعه كثيره اكيد حننزل لي
درك مابين ال.... (مقص الرقيب) حسبي الله ونعم الوكيل.
خضر الطيب نهارك طيب و أخضر... شكراً علي الكلام الأكبر مني و أكبر من الحلمة و ما جاورها و المريسة زغاريد الحلمات يا صديق كما تعلم .... نترك المريسة الكنومورو , السورج , الرضاعة و نجي لعبارتك (انحنا ماشين وين يا ربي)...... أقول ليك و ما تزعل ماشين لسجون العتمة المودرة دروب الكادحين و للسياط البتهز اليقين .... و الله انا زاتي ما عارف ماشي وين لكن بنزل في أخر محطة و الله يسترا من الباصات الدائرية
تسلم يا حنين و كل سنة و أنت طيب
Post: #51 Title: Re: أرضعيني يا بثينة Author: حافظ حسن ابراهيم Date: 09-17-2010, 01:40 PM Parent: #50
Quote: العزيز حافظ ..أعلم جيدا مشغوليات الحياة وهمومها لكن أتمنى الا تأخذك عن الكتابة وشكرا للعودة وبثينة
شاعرتنا الجميلة روزمين الصياد كل سنة و انت و المعاك طيبون
تشكري علي المرور و الكلمات الطيبة و انشاء الله قدر ما اقدر بجي بجاي
Quote: قيقا ذو الكرفته المبهدلة .... كرفته ما عندها أي علاقة بأي شئ غايتو أمة الله يدينا خيرها .... يا خي مفتي الديار بعرف يختار كرفته متناسقة مع لون القميص لمن إنت يا حبة؟
هنا المحك صدقني الكرفتة ما بتشكو من شئ بخصوص اللون و الماتشنغ . . و الله جد ، العيب في الصورة بس ؟ لكن لسان حالها ، او قول سوريالية لسانا دا هو البشكو غياب بثينة في مكتبنا * . . . ما عارف منو المادي لسانو للتاني غايتو ؟ . . لسان حالنا و لا لسان الكرفتة !؟ شن جاب لي جاب . . . تقارني بالهوامير ديل ؟
يا زول ديل ادمنوا اللعبة لمّن بي غادي ذاتو . . . و في ايدم القلم راسم عديل ما بتحيروا ما يتحير الا مغير
--------------
* يا شقيق الروح نحن من انجبتنا مريم الاخرى و اهدتنا المنافي ، ياهو دا حالنا . . . الصورة دي مغرز من الشفيع رمزي الوغد لو بتعرفو ؟ الغريبة انو صورا لانو بفتكر انها بيرفكت من مجاميعو - و للعلم الشفيع دا اوغد بكتير من انو يجامل . . أوغد من قابلتهم في الـ 12 سنة الاخيرة ، و دا عمر المنفى فيني و بالتأكيد هي الفترة المرشحة لضم اوغد الناس اللاقيتم في الدنيا ، و بي كدا الشفيع دا أوغد من قابلت في انتير ماي لايف على الاطلاق . . شفت كيف ؟ - و الاغرب اني لحظتا كنت برد على واحد اسمو ( ود حليمة ) في سودان ون . . و الله العظيم ثلاثاً برضو تقول لي بثينة ؟ غايتو ( بثينة ) في بلدنا دي الا تكون غنماية . . . كمان ما تقول اخوك جاي " عامل تربية مواشي " . . . انعل ابو الزمالة ذاتو
Quote: عزيزتي أميرة الاميرات" اميرة الشيخ" صحي كلامك ولا بتسخري منه.. ؟ لأنه حكاية الأدب الماخمج بيدل على تفسيرين.. غايتو انا ماشة أعمل السيرش ونشوف الأدب الماخمج وبعدين نجي للتعليق ,, لكني مقتنعة ما دام اسمه حبيب نورة.. وبيخجل من نورة احتمال يكون شاعر مرهف ويصب من أنامله شعرا يدق الصخر ويخرج منه ماء وزرعا ويطوع الكلمات سهلة لينة ليخرج لنا روائع الأدب والشعر
اميرة يا (سمية ) الاكبر فينا يدى التانى حق الاسم ودى صعب تحديدها لكن انا برضو حارشحك شان اخد منك..
العفو وما حاجاوب على سؤالك دا الا بعد البحث واكتشاف حبيبنا وانا متاكدة حاكون طالباك اعتذار +زايدا حق اسمى
وتحياتى
Post: #54 Title: Re: أرضعيني يا بثينة Author: اميرة السيد Date: 09-17-2010, 04:49 PM Parent: #53
عزيزتي أميرة كل سنة وتني طيبة احتمال أنا مدينة ليكي باعتذار عشان حبيب نورة فعلا وجدناه من الأرقام الصعبة في عالم الشعر والادب وبشهادة أكثر من اثنين من الشعراء والادباء,,, لكن في حكاية الاسم احتمال انا يكون سموني قبلك أميرة وراجية منك هدية الاسم...
Post: #56 Title: Re: أرضعيني يا بثينة Author: حافظ حسن ابراهيم Date: 09-18-2010, 05:39 AM Parent: #55
قيقا ........ الأميرتان........... اب بارو و الجميع
ما تقولوا ناسنكم لكن ادونا رضاكم قدامي سفر .... و أول ما أصل بالسلامة حأجيكم فرداً فرداً
أدينا رضاك قدامنا سفر ......... يا أخوانا ما في زول عنده الأغنية دي؟
Post: #57 Title: Re: أرضعيني يا بثينة Author: محمد عبد الماجد الصايم Date: 09-18-2010, 06:47 AM Parent: #56
كل سنة وإنت طيب يا جنقو وضيوفكـ الكرام دائما مدهش يا عمكـ
Post: #58 Title: Re: أرضعيني يا بثينة Author: حافظ حسن ابراهيم Date: 09-18-2010, 06:34 PM Parent: #57
Quote: يا شقيق الروح نحن من انجبتنا مريم الاخرى و اهدتنا المنافي ، ياهو دا حالنا . . . الصورة دي مغرز من الشفيع رمزي الوغد لو بتعرفو ؟ الغريبة انو صورا لانو بفتكر انها بيرفكت من مجاميعو - و للعلم الشفيع دا اوغد بكتير من انو يجامل . . أوغد من قابلتهم في الـ 12 سنة الاخيرة ، و دا عمر المنفى فيني و بالتأكيد هي الفترة المرشحة لضم اوغد الناس اللاقيتم في الدنيا ، و بي كدا الشفيع دا أوغد من قابلت في انتير ماي لايف على الاطلاق . . شفت كيف ؟ - و الاغرب اني لحظتا كنت برد على واحد اسمو ( ود حليمة ) في سودان ون . . و الله العظيم ثلاثاً برضو تقول لي بثينة ؟ غايتو ( بثينة ) في بلدنا دي الا تكون غنماية . . . كمان ما تقول اخوك جاي " عامل تربية مواشي " . . . انعل ابو الزمالة ذاتو
يا حبيب انا الليله بالذات أنجبتني مريم ما عارف إسم ابوها مين .... لكن أنجبتي هذه المريم و جدعتني في مدني دون تلفون .... ضاع التلفون و معه ضاعت الأسماء ... و انا الان في مدني في غرفة باربعة حيطان , مروحة تلف الرأس, و باعوض أجارك الله .... يا قيقا البعوض هين الا يلم فينا الباعوض ووحيد القرن ياني بكرة الجيت الخرطوم جري لا ورشة لا سكة حديد....
عندك مساعدة بالله قدمها هنا و الا قل خير او لتصمت
جاي بعد نحل الموضوع دا ....
* بقبل المساعدات في الخاص
Post: #59 Title: Re: أرضعيني يا بثينة Author: حافظ حسن ابراهيم Date: 09-18-2010, 06:40 PM Parent: #58
Quote: تخيلتها وقد (درت) من غير (بو)
وقد أفتي لها ( الفاتي) من غير ( فتوة)
البركة فيما وفيكم يا صاحب تخيلتها وقد (درت) من غير (بو)
وقد أفتي لها ( الفاتي) من غير ( فتوة)
البركة فيما وفيكم يا صاحب
يا ممدوح معقولة انا في مدني و انت في الخرطوم؟ المهم يا حبة انا في مدني,,, نازل في استراحة جامعة الجزيرة.... بالنهار لحد اربعة شغال في الاعدادية ... ما عندي تلفون ... فتنا كل الحاصل بس اول ما تجي من الخرطوم تطب علي بجاي
رسل لي تلفون جمال ابارو
من الزعل الواحد ما سلم عليك ذاتو
Post: #60 Title: Re: أرضعيني يا بثينة Author: حافظ حسن ابراهيم Date: 09-18-2010, 06:46 PM Parent: #59
Quote: كل سنة وإنت طيب يا جنقو وضيوفكـ الكرام دائما مدهش يا عمكـ
ود الصايم يا خي سلامتك و كل سنة إنت طيب و الأخبار يا خي .... شنو الاختفاءة دي؟ و لا كنت مربط زينا كدا؟
يا زول تشكر علي المرور و أخوك الليله في مدني دون تلفون أو إشارة
يعجبني صدق ونقاوة الكلمات , تفرحني حيوية وامتلاء المشاهد في قصصك, تنقلني كتاباتك لعوالم مفرحة محزنة مبكية مخزية يسعدني انك انت من تمتلك هذه المقدرة على الخلق وليس غيرك لعلمي بصدقك ومقدرتك لحد كبير على تخفيف التناقض بين ما نعلم انه الاخلاق وماعلمتنا له مؤسساتنا التعليمية الفاشلة. ياقلم حافظ نرجوك ان لاتتوقف يوماً عن الكتابة يكفي ماقد عد من الزمن وانت ساكن لاتتحرك تحياتي ياصديق ننتظر المزيد
Post: #62 Title: Re: أرضعيني يا بثينة Author: حافظ حسن ابراهيم Date: 09-18-2010, 09:38 PM Parent: #61
Quote: يعجبني صدق ونقاوة الكلمات , تفرحني حيوية وامتلاء المشاهد في قصصك, تنقلني كتاباتك لعوالم مفرحة محزنة مبكية مخزية يسعدني انك انت من تمتلك هذه المقدرة على الخلق وليس غيرك لعلمي بصدقك ومقدرتك لحد كبير على تخفيف التناقض بين ما نعلم انه الاخلاق وماعلمتنا له مؤسساتنا التعليمية الفاشلة. ياقلم حافظ نرجوك ان لاتتوقف يوماً عن الكتابة يكفي ماقد عد من الزمن وانت ساكن لاتتحرك تحياتي ياصديق ننتظر المزيد
زوبا الجميلة ... زوبا يازميلة الزمن الكعب .... زوبا التي تشبه أوبرا * كيفك و انشاء الله كويسة ............سعيد حد شنو كدا ما عارف زي ما بقولوا المثقفين لكن بالجد سعيد بمرورك ... يا زولة بحاول أكتب .... أسهل حاجة الزولة يكتب هنا لانو ما محتاج لاي خيال كلو متوفر بس الناقص قعدة و صرة وش و كباية قهوة مرة الزول يكتب لمن يكتب اوزاره ..... سعيد للمرة المليون بمرورك و عليك الله رسلي لي رقمك
