Post: #1
Title: 25% من سكان الصافية يعانون من فقر مدقع ؟؟؟
Author: مدثر صديق
Date: 09-14-2010, 09:43 AM
هذا ما قاله والى ولاية الخرطوم عبد الرحمن الخضر لصحيفة اخر لحظة
|
Post: #2
Title: Re: 25% من سكان الصافية يعانون من فقر مدقع ؟؟؟
Author: مدثر صديق
Date: 09-14-2010, 09:44 AM
Parent: #1
| Quote: ونحن نتحدث عن الفقر في أطراف المدينة ولدينا فقر حقيقي في عدة أحياء في الخرطوم وهذا حديث تسنده المعلومات فقد أوردت دراسة أخيراً بواسطة لجنة مختصة أن 25% من سكان الصافية يعانون من فقر مدقع فمن منكم كان يظن أن حي الصافية به فقراء وهنالك أمثلة كثيرة والقضية برمتها تحتاج الى وقفة قوية وتكاتف الجهود للوصول لحل جذري لظاهرة ارتفاع الأسعار أو ظاهرة الغلاء. |
|
Post: #5
Title: Re: 25% من سكان الصافية يعانون من فقر مدقع ؟؟؟
Author: د.محمد بابكر
Date: 09-14-2010, 10:04 AM
Parent: #2
مدثر كل عام وانت بخير
طيب هو والى الجن ده منتظر شنو ولا داير يونسنا ويفهمنا انه الفقر ما عاد مشكله ؟؟ عجبى..
الفقر يا عزيزى ضرب كل مفاصل مجتمعنا وافرز ظواهره وبسفور عجيب.
واذا كان لصوص اخر الزمان يملكون القدره على اجراء الدراسات التى تحدد نسب الفقر فى منطقة ما ،فأين خططهم لمحاربة الظاهره نفسها؟؟
وكم خصص الدكتور وعصابته من موارد النفط لمحاربة الفقر ونتائجه؟؟ وبالمناسبه هو الدكتوراه بتاعتو دى فى (الفقر) ولا شنو؟
ام ان مال الموارد يصرف على شراء الذمم وحماية الطغيان ونفخ الاوداج وتسخير الاله الاعلاميه البائسه لمخاطبه الناس وحثهم على الاستعداد
للدار الاخره وكأنما هنالك فرق بين ما يعيشونه من اهوال وما ينذرهم منه كادر عصابة الاسلاميين.
طبعا ما من عاقل يغالط فى ان المشروع الاسلامى فى السودان قد بلغ قمة فشله وان (الدرب راح ليهم فى المويه) وان المخلصين من دعاة الدوله الاسلاميه
سيجدون نفسهم فى حرج بالغ فى مستقبل الايام فقد استهلكت الشعارات... وما من احد على استعداد على سماع الكلام الممجوج والمكرور..
اخيرا فأذا كان الظلم ظلمات يوم القيامه فأن ليلته قصيره فى دنيانا هذى ..وان رابع المستحيلات بعد الغول والعنقاء والخل الوفى هو الملك الذى لايفنى...
.
|
Post: #6
Title: Re: 25% من سكان الصافية يعانون من فقر مدقع ؟؟؟
Author: مدثر صديق
Date: 09-14-2010, 10:24 AM
Parent: #5
و انت بخير يا دكتور محمد
الجميع اصبح يعاني من غلاء الاسعار...
الخضروات ،الاراضي ، الايجار ،الكهرباء....؟؟؟
|
Post: #7
Title: Re: 25% من سكان الصافية يعانون من فقر مدقع ؟؟؟
Author: عبداللطيف محجوب
Date: 09-14-2010, 11:05 AM
Parent: #1
غايتو أنا ما مصدق كلامهم ده .. اليرفعوا لينا الدراسة دي هنا نشوفها !!
،،
إذا أفترضنا إفتراضاً أنو الصافية دي كوووولها فيها 400 بيت .. فبالتالي وإذن هنالك 100 بيت ديل يعانون فقر مدقع !! موش فقر ساي كمان .. يعني بيتهم زبالة ومساحتو ضيقة .. لأنو الغريبة أنا بعرف إنو البيوت في الحتة دي غالية .. فالناس الما لاقين قوت عامهم ديل المفروض يبيعوا بيتهم ويسكنوا ريف الخرطوم أو الأماكن البعيدة دي .. ويعيشوا في أمان وسلام !! بحسابات زول ما بيفهم حاجه !! عشان ياكلوا !!
،،
|
Post: #8
Title: Re: 25% من سكان الصافية يعانون من فقر مدقع ؟؟؟
Author: مدثر صديق
Date: 09-14-2010, 11:43 AM
Parent: #7
الاخ عبداللطيف محجوب
Quote: غايتو أنا ما مصدق كلامهم ده .. اليرفعوا لينا الدراسة دي هنا نشوفها !!
|
الراجح انوا الدراسة دي ضاربة ، لانوا سعر متر الارض في الصافية تقريبا مليون و 200 بالقديم على اقل تقدير و مساحة البيوت تتراوح بين 400 الى 1000 متر يعني اقل حاجة سعر ارض بس في الصافية 500 مليون جنية بالقديم ده في حالة الزول باع بيتوا و اشتري بيت في منطقة اخري عشان يستفيد من فرق سعر الارض ...
اما اذا فكر في تاجير جزء من بيتوا فالايجار لشقة في الصافية ما بقل عن مليون جنية (بالقديم ) ....
|
Post: #9
Title: Re: 25% من سكان الصافية يعانون من فقر مدقع ؟؟؟
Author: cantona_1
Date: 09-14-2010, 12:24 PM
Parent: #8
لم نعرف ماذا يقصد الوالي بكلمة (سكان الصافية)؟ هل يقصد أصحاب الملك؟ هل يقصد المستأجرين؟ أم يقصد خفراء القصور والفيلات التي في الصافية؟ سكان الصافية أصحاب الملك لا يمكن ان يكونوا فقراء دي By definition . المستأجرين: الزول البدفع مليون جنيه قديم في شقة غرفتين وصالة ما محتاج، لأن هذا يعني أن دخله أكثر من مليون جنيه. أما الخفراء فيسكنون مجاناً ويتناولون طعامهم مجاناً وكهرباء وماء مجاناً، يعني توفير 100% لمرتبه.. هل يمكن إعتباره فقيراً؟ هذا القول ينطبق على سكان الرياض والمنشية والطائف بالخرطوم، المهندسين والملازمين بأم درمان. أما بقية أحياء العاصمة فمن المحتمل وجود نسبة فقر كبيرة بها. والله أعلم. تحياتي.
كبـــّـاشي الصـــّافي
|
Post: #10
Title: Re: 25% من سكان الصافية يعانون من فقر مدقع ؟؟؟
Author: مدثر صديق
Date: 09-14-2010, 02:08 PM
Parent: #9
الاخ كباشي
Quote: لم نعرف ماذا يقصد الوالي بكلمة (سكان الصافية)؟ هل يقصد أصحاب الملك؟ هل يقصد المستأجرين؟ أم يقصد خفراء القصور والفيلات التي في الصافية؟ سكان الصافية أصحاب الملك لا يمكن ان يكونوا فقراء دي By definition . المستأجرين: الزول البدفع مليون جنيه قديم في شقة غرفتين وصالة ما محتاج، لأن هذا يعني أن دخله أكثر من مليون جنيه. أما الخفراء فيسكنون مجاناً ويتناولون طعامهم مجاناً وكهرباء وماء مجاناً، يعني توفير 100% لمرتبه.. هل يمكن إعتباره فقيراً؟ هذا القول ينطبق على سكان الرياض والمنشية والطائف بالخرطوم، المهندسين والملازمين بأم درمان. أما بقية أحياء العاصمة فمن المحتمل وجود نسبة فقر كبيرة بها. والله أعلم. تحياتي.
|
كلامك هو عين الصواب والله اعلم ...
|
Post: #11
Title: Re: 25% من سكان الصافية يعانون من فقر مدقع ؟؟؟
Author: cantona_1
Date: 09-14-2010, 03:56 PM
Parent: #10
| Quote: كلامك هو عين الصواب والله اعلم ... |
الأخ مدثر .. سلامات كتّر خيرك ... الصواب البنعرفو كتير والحمد لله لكن منو البقبل نقول ليهو بت السلطان عزبة؟... تحياتي
كبـــّـاشي الصـــّافي
|
Post: #12
Title: Re: 25% من سكان الصافية يعانون من فقر مدقع ؟؟؟
Author: عثمان جلال الدين
Date: 09-14-2010, 09:28 PM
Parent: #11
كل عام والجميع بخير..
| Quote: وتكاتف الجهود للوصول لحل جذري لظاهرة ارتفاع الأسعار أو ظاهرة الغلاء.) |
بدل هذه البروبغاندا على الوالي الهمام أن يقنع حكومته أو متنفذيها بالآتي ليعم الرخاء:
- تقليص الصرف الحكومي والقضاء على الترهل ا########في والترضيات بالوزارات ووظائف المستشارين
- الغاء وتخفيف الجبايات والرسوم والاكتفاء بوعاء الضرائب العادلة التي تنعكس على المواطنين كخدمات وليست مرتبات وحوافز للمتنفذين والانتهازية وابنائهم ومحاسيبهم.
- عودة الدولة لتولي مسئوليها في العلاج المجاني الجيد والتعليم الجيد المتساوي لجميع ابناءء الشعب على قدم المساواة ..
هذا أو الطوفان الذي بات قريباً بلدنا غنية بخيرها ولكن تعاني سوء الإدارة وغياب الضمير .. والسلام..
|
Post: #13
Title: Re: 25% من سكان الصافية يعانون من فقر مدقع ؟؟؟
Author: Siddig A. Omer
Date: 09-14-2010, 10:06 PM
Parent: #12
| Quote: 25% من سكان الصافية يعانون من فقر مدقع ؟؟؟ |
اذا كان 25% من سكان الصافية تحت خط الفقر....ماذأ عن البقية؟؟؟؟
لاحول و لا قوة إلا بالله.....
لك الله يا محمد احمد.....
صديق القاعد بعيد
|
Post: #14
Title: Re: 25% من سكان الصافية يعانون من فقر مدقع ؟؟؟
Author: cantona_1
Date: 09-14-2010, 11:51 PM
Parent: #13
يا صديق سلامات وكل عام وأنتم بخير.. شنو يا زول نحن منتظرنك إنت لسع قاعد بعيد؟ تحياتي.
كبـــّـاشي الصـــّافي
|
|