Post: #2 Title: Re: الدِيمَاغُوغِيَا في أبهى تجلياتها Author: Hussein Mallasi Date: 09-13-2010, 09:07 AM Parent: #1
بحثت عن الفرق بينهم و بين إبراهيم حجازي و مصطفى عبده فلم أجد.
Post: #3 Title: Re: الدِيمَاغُوغِيَا في أبهى تجلياتها Author: Hussein Mallasi Date: 09-15-2010, 08:50 AM Parent: #2
عن "الأحداث" الصادرة اليوم.
Post: #4 Title: Re: الدِيمَاغُوغِيَا في أبهى تجلياتها Author: البشير دفع الله Date: 09-15-2010, 12:19 PM Parent: #3
هسع نصدق منو يعني ؟
Post: #5 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 02:14 PM Parent: #4
الدِيمَاغُوجِيَا إسْتِراتِجِية بِتِسْتخدما الحكومات ضِد شُعوبا ... وفي مَوضوع "بيع مشروع الجزيرة" الحصل إنو "الشعب" هو الهاج لِمعلومة جاتو ، بِتقول إنو "سُلالات الأتراك" يعني المِصْرِيين جايين يِزرعو مشروع الجزيرة ... والشعب هو المحكوم مِن قِبل حكومة ديماغوجية ... علشان كِده ما مُمكِن نصِف إنْفِعالات الشُعوب بِالديماغوجيا لأن ده وصف مقصور على الزمرة الحاكِمة بس ... الظاهِر كلمة "ديماغوجيا" عجبتك يا حسين ملاسي ، قُلت أسْتخدما في سودانيز أونلايِن ، مِنها تِتْحسِب "مُسغف" ومِنها تأكِد مِيولك السِياسِية لِناس الإنقاذ
إنت يا حسين ما تركِز لينا على "المسرح" يعني أحكي لينا عن فشل ووالدك الكبير في النُهوض بِالمسرح السوداني بِإعْتِبار إنو والدك كان أول مُخرِج مسرحي في السودان حسب كلام شوقي ملاسي
Post: #9 Title: Re: الدِيمَاغُوغِيَا في أبهى تجلياتها Author: محمد إبراهيم علي Date: 09-15-2010, 02:45 PM Parent: #6
Quote: يعني أحكي لينا عن فشل ووالدك الكبير في النُهوض بِالمسرح السوداني بِإعْتِبار إنو والدك كان أول مُخرِج مسرحي
عزام والد حسين ليس طرفا في هذا النقاش وفي نفس الوقت البوست لا يناقش ازمة المسرح السوداني - اشارة غير موفقة
ـــــــــــــ تعريف ديماغوغيا من الويكيبيديا
Quote: دِيمَاغُوجِيَا (من اليونانية دِيمَا من "دِيمُوسْ δῆμος": الشعب، وغوجيا من "أَگَيْنْ ἄγειν": قَادَ / قيادة) وهي استراتيجية لاقناع الآخرين بالاستناد على مخاوفهم وأفكارهم المسبقة. ويشير إلى استراتيجية سياسية للحصول على السلطة والكسب للقوة السياسية من خلال مناشدة التحيزات الشعبية معتمدين على مخاوف وتوقعات الجمهور المسبقة، عادة عن طريق الخطابات والدعاية الحماسية مستخدمين المواضيع القومية والشعبية.
أما اليوم فهي تدل على مجموعة الأساليب والخطابات والمناورات والحيل السياسية التي يلجأ إليها السياسيون لأغراء الشعب أو الجماهير بوعود كاذبة أو خداعه وذلك ظاهرياً من أجل مصلحة الشعب، وعملياً من أجل الوصول إلى الحكم. قد اعتاد الكثير من السياسيين اللجوء لاستخدام أساليب السفسطة واللعب على مشاعر ومخاوف الشعوب، ويعتبر بعض السياسيون أفضل من غيرهم وربمى محترفون في ذلك. وعليه فهي خداع الجماهير وتضليلها بالشعارات والوعود الكاذبة. والديماغوجية هي أحد الأساليب الأساسية في سياسة الأحزاب البرجوازية. وهي موقف شخص أو جماعة يقوم على إطراء وتملق الطموحات والعواطف الشعبية بهدف الحصول على تأييد الرأي العام استناداً على مصداقيته. والديماغوجي هو الشخص الذي يسعى لاجتذاب الناس إلى جانبه عن طريق الوعود الكاذبة والتملق وتشويه الحقائق ويؤكد كلامه مستنداً إلى شتى فنون الكلام وضروبه وكذلك الأحداث، ولكنه لا يلجأ إلى البرهان أو المنطق البرهاني لأن من حق البرهان أن يبعث على التفكير وأن يوقظ الحذر، والكلام الديماغوجي مبسط ومتزندق، يعتمد على جهل سامعيه وسذاجتهم. وتطلك أحيانا على المتمدنين أي سكان الأرياف الذين سكنوا المدن
يمكن ان نقول باختصار روح القطيع
Post: #7 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 02:33 PM Parent: #5
تحت عِنوان : زراعة مليون فدان في السودان لحساب مصر كتبت الأهرام المِصرِية يَوم 05/09/2010م
Quote: ) وقعت القاهرة والخرطوم اتفاقا لزراعة مليون فدان بمحاصيل استراتيجية في أرض مشروع الجزيرة بالسودان, في مقدمتها القمح والذرة وبنجر السكر. لمصلحة قطاعي الأعمال العام والخاص المصريين وذلك في أول اتفاق من نوعه بين البلدين, وبضمان حكومتيهما. وصرح السيد أمين أباظة وزير الزراعة واستصلاح الأراضي بأنه تم الانتهاء من وضع جميع الأطر القانونية اللازمة للاتفاق الذي تم توقيعه مع الدكتور عبدالحليم إسماعيل المتعافي وزير الزراعة والغابات السودانية, بحضور السيدة فايزة أبوالنجا وزيرة التعاون الدولي, والدكتور التيجاني صالح وزير التعاون الدولي السوداني.
Post: #8 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 02:43 PM Parent: #7
لكِن إنت عارِف يا "ملاسي" ناس الإنقاذ ديل بِراعو "النوايا" يعني مثلاً إنت بِتسايِر زوغه المُتعافي مِن إتفاقو مع "سُلالات الأتراك" المِصريين ديل ، مِن الإتْفاق معاهُم في زِراعة مليون فدان بِمشروع الجزيرة ... إنت قايِل مُسايرتك دي بِتْروح هدر ساي ... لا يا حسين لا يا حسين ... ماها رايحا ... عِندك مثلاُ اللِواء عبدالرحيم محمد حسين كان وزير الداخِلية ولامِن عمارة جامعة الرباط إنْهارت ، عينوهو وزير لِلدِفاع ... ده لأنو الإنقاذ بِتراعي النوايا زي ما قُلت ليك ... عِرفو إنو اللِواء عبدالرحيم محمد حسين ما شال المونه في كتفو ولا دق طوبا ... إنت نيتك ناس الإنقاذ كتبوها ليك "حسُنه"
يا عزام سلام ياخي أخشى عليك الذنوب في تناول ناس لا جريرة لهم سوى أنهم يقربون لأعضاء بالمنبر..شايفك برضو مدور مع أم حازم لا يهم ما بينك و بين ملاسي أو أم حازم فهي خلافات قد تستمر أو تنقطع بس أنسى الأهل ياخي فهذه والله تسيئ اليك قبلهم إن سرت في هذا الدرب,
بعدين إنت يا زول صائم لسه و لا شنو?
Post: #11 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 02:59 PM Parent: #10
saadeldin abdelrahman كيف حالك؟ علك طَيِب
Quote: برضو مدور مع أم حازم
وما تنسى بِالله ، دينق وبريمة برضو
- دينق سألتو عن أبوهو عربي ولا ما عربي - بريمة طلب مِنو نسبو البِدعيهو - ملاسي الفوق ده أنا دايرو يِمشي لينا في دربًا يِجيدو ... درب الإسْتهزاء بِالبشر ده هَيِن ... ساهِل وحاتك وأنا حأثبِت ليهو سُهولتو ... أنا طالبتو بِالإنْدِياح في "سيرة المسرح" بِإعْتِبار إنو أبوهو كان رائِد مسرحي (حليل أبوي أنا)
Post: #12 Title: Re: الدِيمَاغُوغِيَا في أبهى تجلياتها Author: سامي صلاح محمد Date: 09-15-2010, 03:40 PM Parent: #11
Quote: درب الإسْتهزاء بِالبشر ده هَيِن ... ساهِل وحاتك وأنا حأثبِت ليهو سُهولتو
شوف يا عزام (بدون سلام)
إنت زول كويس ومجتهد وعندك إسهامات مفيدة، أها قصة (سلالة الأتراك) دي سقطة من زول زيك، لأنو هي برضها (إستهزاء بالبشر)، وعائلة ملاسي ساهمت في بناء السودان زيها زي العوائل الأخري (جو من وين) دي ما مشكلتنا، يعنى ما تدخل نفسك في حتة تنقص قدرك وتضايق الناس الممكن تستفيد من وجودك هما (فاهمني)، الوول الزيك دا لمن يكتب ب(زعل) بيقع في سقطات زي دي، ما كويسة في حقك ولا في حقنا كناس قاعدة تقرا ليك.
عساك طيب يا زول الكلام (حرقنا) ما قدرنا نسلم عليك زاتو
Post: #14 Title: Re: الدِيمَاغُوغِيَا في أبهى تجلياتها Author: السيد المسلمي Date: 09-15-2010, 04:05 PM Parent: #12
شكراً ياملاسي .. لكن يبدو أن المنبر يسير بعقلية القطيع أو كما قال هشام آدم .
ـــ ياعزام كل سنة وإنت طيب ياخ .. جاي البلد متين يازول ؟
Post: #15 Title: Re: الدِيمَاغُوغِيَا في أبهى تجلياتها Author: د.محمد حسن Date: 09-15-2010, 04:26 PM Parent: #14
Quote: نفت وزارة الزراعةوالغابات وجود اسنثمار مصري بمشروع الجزيرة (حاليا) ولكنها اكدت وجود تعاون في زراعة بعض الاصناف ¿
طيب الاصناف دي شنو وهل حتتزرع في مشروع الجزيرة حاليا؟ والمساحة المقدرة لزراعة بعض انواع المحاصيل كم؟ والهدف من زراعتها شنو ؟ وكيف ستتم زراعتها؟ هل بتقديم المشورة والارشاد؟ ام ستاتي شركات لتزرع؟ وووووووو
ملاسي كل عام وانت بالف خير
Post: #16 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 04:54 PM Parent: #15
السيد المسلمي كيف حالك؟ علك طَيِب
Quote: ياعزام كل سنة وإنت طيب ياخ .. جاي البلد متين يازول ؟
لامِن الجنوب يِنْفصِل وتبدأ إجراءات فصل دارفور ... إن شاءالله
Post: #17 Title: Re: الدِيمَاغُوغِيَا في أبهى تجلياتها Author: عزام حسن فرح Date: 09-15-2010, 06:53 PM Parent: #16
Post: #18 Title: Re: الدِيمَاغُوغِيَا في أبهى تجلياتها Author: AnwarKing Date: 09-16-2010, 00:36 AM Parent: #17
عزام...بقيت مثير للشفقة يا زول...سيرة الأهل وإستقصاد الناس دي صدقني بتخسر فيها...سودان اليوم ده إلا تفتش المقابر عشان تلقى ليك زول مأأصل ومفصّل حسب خيالك ال خصب ده...أرعوي يا هذا! مداخلاتك ينوني فيها التنوين زي الذباب..أرحمنا وإلا بنصرف ليك ما أستحقيته من لقب! وبكل جدارة مأأصلة ومفصّلة!
أسع تقعد تجلقب وتسوي لي الله يسامحك وتعمل فيها شيخ طريقة... المهم...
