Post: #1
Title: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 08:38 AM
سؤال يدور فى ذهنـى لاكثر من ( 6 ) اعياد مسلمين / واكثر من ستة اعياد مسيحيين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #2
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Deng
Date: 09-13-2010, 08:49 AM
Parent: #1
طيب المشكلة وين هنا أصلا؟
|
Post: #4
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 09:04 AM
Parent: #3
ود البشرى ســلام وكل عام وانت بخير
لا علم لــى بأن مفتره البوســت من الاخوة المسيحيين
شكرا لك
|
Post: #5
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 09:09 AM
Parent: #4
| Quote: طيب المشكلة وين هنا أصلا؟ |
انت لو ما شايف انو توجد مشكلــة ( بتصبح رؤيتك الخاصــة )
بالمناسبة تهنئتك الكريمة لشخصى بعيد الفطر المبارك ( عززت من عزمــى لفتح البوســت )
|
Post: #6
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 09:16 AM
Parent: #5
هـل للاخوة المسيحيين نفـس فتاوى بعض اهل الفقهالاسلامى فى تحريم تهنئة اهل الكتاب باعيادهم ؟
لماذا الاخوة المعلومين بأنهم من المسيحيين ( دينق / زكريا جوزيف / البينو /سودانى عجوز / والزول القال انو مسلم وتحول الى
المسيحية / ....) لا يقومون بفتح بوستات تهنئة للمسلمين فى اعيادهم ؟
|
Post: #7
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Hamid Elsawi
Date: 09-13-2010, 09:47 AM
Parent: #6
بدر الدين
انا عايش في كندا لي 10 سنين و المسيحيين
بجوني في البيت و بهنوني بالعيد و اكتر من كدة
في واحدة مسيحية سألتني عن حكمة مشروعية الصوم
قلت ليها انت جربيت تكوني عمياء لمدة 3 ساعات؟ قالت لا
قلت ليها جربتي تكوني طرشاء لمدة 3 ساعات؟ قالت لا
قلت ليها جربتي تحرمي نفسك من الاكل طول النهار؟ قالت لا
قلت ليها نحن بنعمل ده عشان نحس فعلياً بالمعاناه
صامت المسيحية يوم و حست و قررت ان تدفع زكاة افطر و ذهبت الي صلاة العيد
استمعت للخطبة و التزمت بان تُعين طِفل مدي الحياة عن طريق احدي المنظمات
و كتبت شيك يُخصم من حِسابها شهرياً لِصالح هذا الطفل شهرياً
و سألتني اذا انتو بتشعروا بالجوع بتاع المساكين ديل سنوياً
ليه العدد الكبير من المساكين و الجوعي في بلادكم كتير كِدة؟؟؟
بالطبع كان عندي رد ...لكن يا بدر الدين لو كنت مكاني
ردك ح يكون شنو؟؟؟؟؟؟؟؟
|
Post: #8
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Deng
Date: 09-13-2010, 09:48 AM
Parent: #6
Quote: هـل للاخوة المسيحيين نفـس فتاوى بعض اهل الفقهالاسلامى فى تحريم تهنئة اهل الكتاب باعيادهم ؟
لماذا الاخوة المعلومين بأنهم من المسيحيين ( دينق / زكريا جوزيف / البينو /سودانى عجوز / والزول القال انو مسلم وتحول الى
المسيحية / ....) لا يقومون بفتح بوستات تهنئة للمسلمين فى اعيادهم ؟ |
الديانة المسيحية لا توجد فيها مثل هذه الفتاوي الشاذة.
بعدين للمرة الثانية. المشكلة وين لو ما فتحنا بوستات لتهنئة المسلمين بأعيادهم؟
تعرف يا بدر الدين أسحق. أنه سخرية القدر أن يكتب هذا البوست شخص ينتمي الى حزب لا يعرف معنى التسامح الديني، ولقد عمل على تخريبب ذلك التسامح الذي كان موجود في السودان، وأقام محارق الجهاد الدينية ضد غير المسلمين في البلاد. أنتمائك الى حزب الاخوان المسلمين (المؤتمر) الوطني لا يؤهلك أبدا لفتح مثل هذا البوست. أن الذي فعله الاخوان المسلمين في السودان من دمار. في النهاية أنت عاوز تجي البورد تعمل لك فتنة دينية كمان؟
|
Post: #9
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Saifelyazal Elmaki
Date: 09-13-2010, 10:41 AM
Parent: #8
بدر الدين كل سنة وإنت طيب
وربنا يحقق الاماني
شكراً دينق على هذه الجزئية
فقد اصبت
|
Post: #10
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 01:41 PM
Parent: #9
Hamid Elsawi
شكل الناس حيحومو حول السؤال المباشر دا ..
لماذا لا يفعلون دا السؤال ..
__________
للعلم كنت عضو اليــة لجنة الحوار مع الكنيسة الكاثلوكيــة فى اوضاع المسيحيين فى العاصمة القومية برئاسة د. مصطفى عثمان اسماعيل
ومجلس الكنائس السودانى ..
ولو بحثت فى صورى بجيب ليك مشاركاتنا الاولى فى اعياد الميلاد والقيامة مع طوائف المسيحيين فى الخرطوم ( داخل كنائسهم)
امـا فقــه الدعوة فدونك اهــل جوبــا عن اول احتفال بمولد المصطفى عليه السلام تم تنظيمه وانجازه بعلم ومباركة المطران كيديا
يا الصاوى ( لعل احساسنا بالجوع لم يكن صادقا ) فلنجود ونصدق فى اعمالنا )
|
Post: #11
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Tragie Mustafa
Date: 09-13-2010, 02:45 PM
Parent: #10
غايتو يا بدر الدين اسحاق بالغته
يشهد الارشيف بان دينق هذا تحديدا
بيهنيا دوما.
ورافت ميلاد يفعل
وزكريا جوزيف كمان.
وأذكر انه زكريا جوزيف هنأنا بقدوم رمضان ببوست طويل عريض!!
صحيح الاختشوا ماتوا
|
Post: #12
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Deng
Date: 09-13-2010, 02:53 PM
Parent: #11
Quote: للعلم كنت عضو اليــة لجنة الحوار مع الكنيسة الكاثلوكيــة فى اوضاع المسيحيين فى العاصمة القومية برئاسة د. مصطفى عثمان اسماعيل
ومجلس الكنائس السودانى ..
ولو بحثت فى صورى بجيب ليك مشاركاتنا الاولى فى اعياد الميلاد والقيامة مع طوائف المسيحيين فى الخرطوم ( داخل كنائسهم)
امـا فقــه الدعوة فدونك اهــل جوبــا عن اول احتفال بمولد المصطفى عليه السلام تم تنظيمه وانجازه بعلم ومباركة المطران كيديا |
يدر الدين أسحق.
لجنة الحوار دي كانت قبل ولا بعد الحرب الجهادية التي أقيمتوها في الجنوب؟ وهل خطر على بالكم أرجاع الممتلكات المسيحية لأهلها ولا ده كان نظام علاقات عامة فقط؟ (النادي الكاثوليكي مثالا) بعدين يعني شنوا لو أنت شاركت في أحتفالات الكريسماس؟ نحن بهمنا موقفك شنوا من تلك الحرب الجهادية التي أقامها نظامكم المتشدد؟ التسامح الديني الموجود في الجنوب لا يمكن مقارنته بالهووس الديني الذي أقامته حكومتك في الشمال أبدا.
|
Post: #13
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: hamid brgo
Date: 09-13-2010, 02:53 PM
Parent: #11
| Quote: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين |
بالمنبر بالتحديد
كل الذي يهمني هنالك بورداب سودانيين .
اما مسيحيين و مسلمين - شيعة و سنة- كاثوليك و انجليكانيين امر يهم الذين يعتمدون في ثمن خبزهم اليومي على المتاجرة بأديان السماء
|
Post: #14
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Zakaria Joseph
Date: 09-13-2010, 05:10 PM
Parent: #13
الفكى ود اسحق,
المسيحية محبة يا اخوى و انا مسيحى بالاسم ساكت لان المسيحى الحقيقى همه كله نشر المحبة بين الناس. اخوك زول شرير جدا .
كل سنة و انت بخير.
يا ود اسحق, ارجع لاهلك الطيبين يا اخوى.
الحكاية دى كلها باقى لها ايام معدودات.
|
Post: #15
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: cantona_1
Date: 09-13-2010, 05:23 PM
Parent: #14
| Quote: الحكاية دى كلها باقى لها ايام معدودات. |
يا زكريا سلامات وكل سنة وإنت طيِّب.. منو القال ليك الحكاية إنتهت.. حتى لو تمّ الإنفصال برضو حنجي جوبا عشان ناكل ديك الروم.. ونعزمكم تشربوا حلو مر في رمضان ومعاه عصيدة بملاح تقلية ونعيمية وين المشكلة. الإنفصال يعني قيام دولة في جنوب السودان لكن لا يعني فصل أواصر الصداقة والإخاء الموجودة من سنين عددا! ولاّ أنا غلطان يا أبا الزك؟ تحياتي.
كبـــّـاشي الصـــّافي
|
Post: #16
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: hamid brgo
Date: 09-13-2010, 06:05 PM
Parent: #15
Quote: يا زكريا سلامات وكل سنة وإنت طيِّب.. منو القال ليك الحكاية إنتهت.. حتى لو تمّ الإنفصال برضو حنجي جوبا عشان ناكل ديك الروم.. ونعزمكم تشربوا حلو مر في رمضان ومعاه عصيدة بملاح تقلية ونعيمية وين المشكلة. الإنفصال يعني قيام دولة في جنوب السودان لكن لا يعني فصل أواصر الصداقة والإخاء الموجودة من سنين عددا! ولاّ أنا غلطان يا أبا الزك؟ تحياتي.
كبـــّـاشي الصـــّافي |
انت الاكرم
من الآن اعتبر نفسك معزوم عندنا في يرول
انا جادي
|
Post: #17
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 07:11 PM
Parent: #16
Quote: الديانة المسيحية لا توجد فيها مثل هذه الفتاوي الشاذة.
|
كدا فى الاول يا دينـق ما تفتــى ساكــت ...القال ليك منــو ؟
Quote:
في النهاية أنت عاوز تجي البورد تعمل لك فتنة دينية |
كلام الاستهلاك السياسي دا خليهو ما بيمشـى معاى انــا
حســى عليك الله فتنة فى المنبر دا اكثر منــك انت فــي ؟
|
Post: #18
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 07:24 PM
Parent: #17
تراجــى يا تراجـى
ازيك وكل سنة وانت طيبة
Quote: غايتو يا بدر الدين اسحاق بالغته
يشهد الارشيف بان دينق هذا تحديدا
بيهنيا دوما.
ورافت ميلاد يفعل
وزكريا جوزيف كمان.
|
اهــا والسنة دا مالم مشغوليــن / تعبانين / مالم ؟
الزول العجوز بالاحمــر دا اطلعــى منو انتى ( ساكنين فى حلة إسفيرية واحدة )
ولا عندهم فتاوى تمنع جواز تهنئة المسلمين باعيادهم كمــا عندنــا فى بعض الفقــه الاسلامى
|
Post: #20
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 07:39 PM
Parent: #18
| Quote: كل الذي يهمني هنالك بورداب سودانيين . |
كمــا يهم بعــض البورداب قضايا علم الفلك
من حقــك ..ومن حقــى
|
Post: #19
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 07:27 PM
Parent: #17
| Quote: لجنة الحوار دي كانت قبل ولا بعد الحرب الجهادية التي أقيمتوها في الجنوب؟ وهل خطر على بالكم أرجاع الممتلكات المسيحية لأهلها ولا ده كان نظام علاقات عامة فقط؟ (النادي الكاثوليكي مثالا) بعدين يعني شنوا لو أنت شاركت في أحتفالات الكريسماس؟ نحن بهمنا موقفك شنوا من تلك الحرب الجهادية التي أقامها نظامكم المتشدد؟ التسامح الديني الموجود في الجنوب لا يمكن مقارنته بالهووس الديني الذي أقامته حكومتك في الشمال أبدا. |
دا تفتح بيهو بوســت وتأكــد بجيك فوقــو ومعاى الرهــط ( عشــان نعقد المقارنـات )
|
Post: #21
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-13-2010, 07:50 PM
Parent: #19
Quote: الفكى ود اسحق,
المسيحية محبة يا اخوى و انا مسيحى بالاسم ساكت لان المسيحى الحقيقى همه كله نشر المحبة بين الناس. اخوك زول شرير جدا .
كل سنة و انت بخير. |
وانت طيب
المطلوب من الانسان السعــى لاكمال قيم المحبــة داخل نفســه والبشارة بهــا ..
انت لست بشرير ( فالشرير هو الشيطان عدو الله )
كبويتــا 1992م رمضان
تمت دعوتنــا الى الافطار بواسطة الاخوة فى كنيسة كبويتا
افطرنا ثم بدأت الصلوات
صلينــا المغرب فإنتظرونــا حتى اكملنا صلاتنا
ثم بدأت الصلوات المسيحية
لا زلــت اذكر منها
مافى حاجة بيقاســى ليه ربنـا ( الكورس ) اللويــا
_______________
السؤال يا ابو الزيــك فى نسختــه الثانيـة ليك هل لديك الاستعداد النفســى لفتح
بوســت تهنئة للمسلمين البورداب بعيد الفطر ؟
__________
( تظل سيرة المطران بطرس كوه تتردد فى نفســى اعجابا بكل ما قدمـه هذا الرجل لاهلــه وبلده ...تشرفـت بمعرفته سنين طوال )
|
Post: #22
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Deng
Date: 09-14-2010, 07:52 AM
Parent: #21
الغالية تراجي.
بدر أسحق يتحدث كأنه عضو في أحد الجمعيات التي تدعوا الى التسامح بين الاديان في السودان. ولقد نسى أو تناسى بأنه عضوا في أسواء حزب مر على تاريخ السودان والمنطقة أجمع. ومن أسواء ما فعله حزبه هذا هو تدمير التسامح الديني السوداني.
|
Post: #23
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: doma
Date: 09-14-2010, 08:46 AM
Parent: #22
Quote: و سألتني اذا انتو بتشعروا بالجوع بتاع المساكين ديل سنوياً
ليه العدد الكبير من المساكين و الجوعي في بلادكم كتير كِدة؟؟؟ |
سؤال المسيحيه دي هو الضربه القاضيه
والجماعه كلهم عملوا مطنشين قول ليها لاننا مسلمين بتاعين
شوفوني انا بصوم وبصلي وبحج وبعتمر
|
Post: #24
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: وليد محمد المبارك
Date: 09-14-2010, 09:00 AM
Parent: #23
مع انو السوال عادل
لكن كالعادة دينق يحاول ان يتخارج بالاستجداء
وشوفوني الكوز اللعين اتعنصر واتدين على انا الجنوبي المسيحي الضعيف المهمش
ما تجاوب اجابة مباشرة يا دينق وتبطل شغل اللولوة البتسوي فيه ده
هسع لو قلت ليه ده امر شخصي بخص كل زول لوحده
في زول بكتلك ؟!
|
Post: #25
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-14-2010, 09:41 AM
Parent: #24
| Quote: يا الصاوى ( لعل احساسنا بالجوع لم يكن صادقا ) فلنجود ونصدق فى اعمالنا ) |
سلامة النظر يا دومــا ..
|
Post: #26
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Hamid Elsawi
Date: 09-14-2010, 09:48 AM
Parent: #24
Quote: سؤال المسيحيه دي هو الضربه القاضيه
والجماعه كلهم عملوا مطنشين قول ليها لاننا مسلمين بتاعين
شوفوني انا بصوم وبصلي وبحج وبعتمر |
شُكراً دوما للرد
و تفضل صاحب البوست بالرد الاتي
| Quote: يا الصاوى ( لعل احساسنا بالجوع لم يكن صادقا ) فلنجود ونصدق فى اعمالنا ) |
و انا اكتفي بهذا الرد
و يجول بخاطِري قول حميد
ما هي مَكَاوي الكَعبة نَجيها
حين يتكرفس توب التقوي
ـــــــ
|
Post: #27
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Hamid Elsawi
Date: 09-14-2010, 11:58 AM
Parent: #26
لعل تحتها الف خط مش خط واحد
خلينا من الاحساس بالجوع
الجوع في رمضان هو ترسيخ للايمان و تقوية له
و ليس تسلية و ارضاء ضمير.
و يجب ان تتبعه خطوات عملية
يحس بها الجوعي و المُعْدَمين و تَسِد رَمَقَهُم زي ما كان زمان.
الزمان تغير و العقليه لم تتغير.
تمسكنا بالمظهر و تجاهلنا الجَوهَر الذي هو
(( الحكمة في مشروعية الصوم و النتائج التي يجب ان تترتب علي ذلك))
يجب ان نفكر في القضايا بِعُمق صديقي الاسفيري بدر الدين و نكون شُجعان مع أنفُسنا و تَفكيرنا
و لنجودو نصدق في اعمالنا كما ذكرت
و لك الود و كل عام و انت بخير
ــــــ
|
Post: #28
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: doma
Date: 09-14-2010, 01:30 PM
Parent: #27
Quote: ما هي مَكَاوي الكَعبة نَجيها
حين يتكرفس توب التقوي |
نعم يا سيدي الفاضل هم يحسبونها كذلك ولا لما راينا الفساد والظلم يضرب باطنابه وهم يحجون ويعتمرون ويصلون ويصومون
من اكثر الاشياء التي استغرب لها هو افطار رمضان في هذا الزمان والانواع التي تقدم فيه يا اخي يعلم الله صمت طول عمري فطورنا كان لقمه حاره بملاح تقليه وبليله عدسي وعصير ليمون ان توفر اليمون . لقيمات يقمن الاود . بطرتم يا اهل السودان فانتفخت الاوداج والكروش وهناك ملايين الجوعي والمحرومين فتشوا ضمائركم لو ما زالت فيكم ضمائر .
دوما نظرها ميه في الميه يا بدر الدين اسحاق
|
Post: #29
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: Muhib
Date: 09-14-2010, 03:09 PM
Parent: #14
سلام
انا مسيحي
مع المسيح ايامي كلها اعياد والشخص المطمئن لايطارد الآخرين
لماذا او اين التهنئه الخ...
ام-29-11: الجاهل يظهر كل غيظه والحكيم يسكنه أخيرا.
...
الشئ الآخر في الكتاب المقدس ليس هنالك فتاوي ...
في الكتاب حكمه للشخص المسيحي ..
كور-6-12: "كل شيء مباح لي"؛ ولكن، ليس كل شيء ينفع. "كل شيء مباح لي"؛ ولكني أنا، لا أستعبد لشيء.
..
كور-2-15: أما الإنسان الروحي فإنه يحكم في كل شيء، ولا أحد يحكم فيه.
..
هل من الحكمه للشخص المسيحي تهنئه المسلم بعيده
الاجابه نعم وذلك لغرض كسب الثقه وتكوين صداقات
ومنها يري المسلم شخص يسوع لكي يؤمن وينال الخلاص .......
...
اشكر ربنا قام بعض ابناء الرب بتهنئه اخوانهم السودانيين بعيدهم..
وكل سنه وانت طيب..
...
ويازكريا
انت ليس شرير ولكنك مولود من فوق وانت جديد في المسيح..
صدق مايقوله الرب عنك..
كور-5-17: إذا إن كان أحد في المسيح فهو خليقة جديدة. الأشياء العتيقة قد مضت. هوذا الكل قد صار جديدا.
حتي الشريعه نفسها ليست لك
تم-1-8: ولكننا نعلم أن الناموس صالح، إن كان أحد يستعمله ناموسيا.
1تم-1-9: عالما هذا: أن الناموس لم يوضع للبار، بل للأثمة والمتمردين، للفجار والخطاة، للدنسين والمستبيحين، لقاتلي الآباء وقاتلي الأمهات، لقاتلي الناس،
1تم-1-10: للزناة، لمضاجعي الذكور، لسارقي الناس، للكذابين، للحانثين، وإن كان شيء آخر يقاوم التعليم الصحيح،
1تم-1-11: حسب إنجيل مجد الله المبارك الذي اؤتمنت أنا عليه.
..
وانت انسان بار لانك في المسيح الذي اتم وانهي الشريعه وبررك بالايمان..
مت-5-17: ((لا تظنوا أني جئت لأنقض الناموس أو الأنبياء. ما جئت لأنقض بل لأكمل.
..
رو-10-4: لأن غاية الناموس هي المسيح الذي يبرر كل من يؤمن.
...
استمتع ياحبيبي بقداستك وبرك المجاني في الرب يسوع 0حتي لو قلبك قال عكس هذا
يو-3-20: ولو لامتنا قلوبنا؛ فإن الله أعظم من قلوبنا، وهو العليم بكل شيء.
..
مع محبتي محب
|
Post: #30
Title: Re: لماذا لا يفتح البورداب المسيحيون بوستات تهنئة بعيد الفطر كما يفعــل البورداب المسلمين
Author: بدر الدين اسحاق احمد
Date: 09-14-2010, 06:10 PM
Parent: #29
Quote: هل من الحكمه للشخص المسيحي تهنئه المسلم بعيده
الاجابه نعم وذلك لغرض كسب الثقه وتكوين صداقات
ومنها يري المسلم شخص يسوع لكي يؤمن وينال الخلاص .......
...
اشكر ربنا قام بعض ابناء الرب بتهنئه اخوانهم السودانيين بعيدهم..
وكل سنه وانت طيب.. |
يا محــب .... التهنئة ليــس لعرض النموذج المسيحــى الايمانــى للمسلمين ليدخلو فى المسيحيــة ...
اذا كان هذا هو فهمــك لهــا فدعنــى اقول لــك لا تلزمنــى تهنئتـــك
ثم ابناء الرب ديــل مطلوب يقدمو التهنئية لاخوانهم السودانيين المسلميــن بعيد الفطر
ولا انت لا تعتــرف اصلا فى مسيحيتك بهذا العيـــد او بالاعياد الاخــرى ( فقــه الاعياد فى الكتاب المقدس )
وليس فى العهد الجديد .
وكمان حيـن يفتح البورداب المسلمين بوســت تهنئية لم يكن فى بالهم ان يدعوكم الى الاسلام
فهــى علاقات جوار اسفيرى ...
لدينــا علاقات جوار حقيقة مع المسيحيين نمارس معهم كل الافراح والاحزان
فدحيــن السؤال وانت المسيحــى الملتزم بتعاليم الكتاب المقدس ( لماذا لــم تقـم بفتح بوســت لتهنئية
المسلميــن بعيد الفطر المبارك ( عندنـا ) ؟
|
|