صلاح إدريس علي كل شئ قدير!

Quote: الروسين كتااااااار.... فيها الراس النووي ... وفيها راس الرجاء الصالح ..وفيها راس غليص ..وفيها راس النيفة ..وفيها الرأس الاخضر ..وفيها وفيها الخ ... اختار البعجبك اخوي !!

You missed the point as usual Sir, anyway, nice try, keep it up. Ladies & gentlemen, please put your hands together to Mr. funny maaaaaaan






Here we go

Quote: الاخ محمد السلام عليكم ورحمة الله ( اذا في اتنين قالوا ليك راسك مافي اهبشو )

والله فعلا , كالحمار يحمل أسفارا , يقول القول ولا يعي ما يقول!!

Quote: You missed the point as usual Sir

اللخو كان زميل في كل مراحل الدراسة ..ولا جار في الحلة ؟!!..لانو قصة as usual دي تنم عن معرفة جيدة بالآخر!!!

بسم الله الرحمن الرحيم !!

Quote: والله فعلا , كالحمار يحمل أسفارا , يقول القول ولا يعي ما يقول!!

رمتنا بدائها وانسلت

والله صلاح إدريس ده بذكرني أيام الكورة والدافوري!

الود ود اراحات يكون كيشة وما ناقش أي حاجة في الكورة ، يقوم يجيب كورتو ويجي ، تقوم تبيضها ليهو وتقيسو وتجيب فيهو قون ، يقوم يزعل ويشيل الكورة ويمشي ، عشان نخليهو يجي راجع نقول ليهو خلاص بنخليك تبيضها لينا وتقيسنا وتجيب فينا قون ، حتن يرضي وما يشيل الكورة. ههههههههههه.!

عذبتنا يا صلاح إدريس!!

عليك الخقلك يا صلاح إدريس ، الله بسالك إنت هسه في عضمك ده مقتنع انك فنان وممكن تغني؟

أرحم نفسك ياخ!!

يا جماعة الموضوع ده فيهو كتير من الحقيقة. يعني ما ممكن تكون رجل اعمال و كاتب
و ملحن و موسيقي و بتاع كورة..و كل المواهب دي ما تبدا عندك الا بعد الاربعين.
و بعدين مسألة انو القروش ليها دور فدي برضو حقيقة و إلا كيف تكتب و تلحن و تدخل
عالم الرياضة و الادارة من رأس السلم مباشرة دون المرور بالمراحل المعروفة للمبتدئين.

انا غايتو ما شايف اي حسد أو حقد لكن دي الحقيقة المجردة و الله على ما اقول شهيد.

صلاح ادريس كراعو منقد بس ,,,
أي حاجه استلما فرتقا الفشل يمشى على قدمين و بخصوص مصنع الشفاه
إنضرب بعد ما اشتراه الكارثة ده كان مدور في عهد مؤسسه المهندس بشير حسن بشير في امان الله ,
وياخ ده لو اخد باسويرد في المنبر ده بتفرتق طوالي .
صلاح إدريس قدم من لاشي و سيذهب الى لاشي

المنبر ده فيهو بعض الببغاوات ، لو إتعملو شوربة تحتاج ليك لي شوال ليمون عشان تبعلها!! لا بتفكر ، لا بتقرا ، لا بتفهم ، بس تشيل وتردد بلا فهم!!

ايه العالم دي؟

من أين أتي هؤاء؟

Quote: من أين أتي هؤاء؟

Quote: يا جماعة الموضوع ده فيهو كتير من الحقيقة. يعني ما ممكن تكون رجل اعمال و كاتب و ملحن و موسيقي و بتاع كورة..و كل المواهب دي ما تبدا عندك الا بعد الاربعين. و بعدين مسألة انو القروش ليها دور فدي برضو حقيقة و إلا كيف تكتب و تلحن و تدخل عالم الرياضة و الادارة من رأس السلم مباشرة دون المرور بالمراحل المعروفة للمبتدئين. انا غايتو ما شايف اي حسد أو حقد لكن دي الحقيقة المجردة و الله على ما اقول شهي

دي عالم مرضانة وموهومة وفي منتهي الغباء ، يعني هسه الكلام ده عايز ليهو عبقري عشان يفهمو علي الوجه الصحيح ، الغريب الواحد تلقاهو عامل ليك فيها أبو العقل والفهم وهو تلقاهو ما فارز كوعو من بوعو.
الإسفير ده عالم ساحر وفي نفس الوقت كمان لامي العقرب والدبيب وخشاش الأرض.

بالله العظيم في زول عاقل يحقد علي صلاح إدريس؟ إنا لله وإنا إليه راجعون.

كيف يعني زول فجأة كده يفرض نفسو علي قناة فضائية ويقول عايز يغني ويعزفو وراهو فرقة موسيقية بأكملها؟ إيه السذاجة والتخلف ده؟

Quote: صلاح ادريس كراعو منقد بس ,,, أي حاجه استلما فرتقا الفشل يمشى على قدمين و بخصوص مصنع الشفاه إنضرب بعد ما اشتراه الكارثة ده كان مدور في عهد مؤسسه المهندس بشير حسن بشير في امان الله , وياخ ده لو اخد باسويرد في المنبر ده بتفرتق طوالي . صلاح إدريس قدم من لاشي و سيذهب الى لاشي

عليك الله صلاح إدريس ده العرفو شنو بالكورة وبالهلال وبالإدارة؟ هو قايلها شنو؟ بوتيك؟ ولا محل تركيب عطور؟ ولارقشة؟

مسك الهلال غطس حجرو ، دخلو في ديون ، وكمان بقو يحجزو دخلو في المباريات بحكم محكمة!!

أما الشيكات الطايرة وأوامر القبض فحدث ولا حرج!!

أستغرب للسذج والتبع الفي المنبر ده وفي أي موضوع خاشين بالعرض وبلا فهم ويرددو في عبارات ما فاهمنها شنو!!
الواحد جا المنبر ده أول أمبارح ولامي في خلق الله معط وهبالة إسفيرية وممثل ليك دور العاقل بلا فهم!!
والله بذكروني بالفيلم المصري بتاع محمود عبد العزيز "أبوكرتونه"!!! ههههههههههههههههههههههه.

ايه العالم دي؟
من أين أتي هؤلاء؟
عالم بيض!!
جني وجن الزول يكون راجل كبير في عمرو ويكون إمعه وتبيعه ، كل ثانيتين بي رأي!!!

الحاجة المستغرب ليها لحدي هسه ، ليه صلاح إدريس ما قال عايز يبقي رئيس جمهورية؟

هي أصلها جبــــــــانه هايصة وأحسن يتم الناقصة!!

الله يستر كمان ما يقبل لينا علي المريخ!!

حيصيعنا.

أبعد من المريخ يا صلاح وبطل مقابضة ، ما ناقصين كج نحنا!!

بعدين يا صلاح تعال النسألك :

إنت بتلقي وكت للحاجات دي كلها من وين؟

بعاتي إنت؟

"نقول ماشاء الله عشان الببغاوات ما يجو يبغبغو فينا "

يامحمد كل عام وانت بالف خير واصل وكلامك منطقى جدا وزى ماقالو صاحب بالين كداب اهو صلاح ادريس طلع من كل شى

Quote: صلاح ادريس

اه لو تعلمون ماذا فعل بى هذا المخلوق ...
يكفى انى بعد الكارثه سالت الله ان لا يعطنى مالا يزيد عن حاجتى.. وكرهت المال واصحاب الاموال
اللهم احشرني في زمرة الفقراء والمساكين.... اللهم إني أعوذ بك من الكفر والفقر
ساسرد لكم الروايه ان مد الله فى الاجل

Quote: يامحمد كل عام وانت بالف خير واصل وكلامك منطقى جدا وزى ماقالو صاحب بالين كداب اهو صلاح ادريس طلع من كل شى

يا حسن ،،،

كل سنة وإنت طيب ياخي.

لو كان صاحب بالين كان يكون كويس ، ياخي ده صاحب سبعة (( بالات )) هههههههه.

رئيس تحرير جريدة ، رئيس مجلس إدارة جريدة ، رئيس نادي الهلال ، ملحن ، عازف عود ، مغني ، و رجل أعمال ، وعايز يبقي رئيس الإتحاد العام للكرة ، وفي حاجات تانية تحت تحت كده الناس ما عارفاها.

مبالغة الزول ده!
بغض الأغبياء يقولو ليك حقد وعاطلي المواهب وكلام خارم بارم وتخلف كده غريب جداُ.
ايه العالم دي؟
من أين أتي هؤلاء؟

تفتكر يا حسن المرة الجاية حيقول عايز يعمل شنو؟ والله الخوف يقبل علي المريخ ، حيضيعنا والله.

Quote: اه لو تعلمون ماذا فعل بى هذا المخلوق ... يكفى انى بعد الكارثه سالت الله ان لا يعطنى مالا يزيد عن حاجتى.. وكرهت المال واصحاب الاموال اللهم احشرني في زمرة الفقراء والمساكين.... اللهم إني أعوذ بك من الكفر والفقر ساسرد لكم الروايه ان مد الله فى الاجل

أها :
هسه حيجيك واحد غبي ويقول ليك حاقد وكراهية وأعداء النجاح وباقي الغباء الإسفيري والسبهللية المعهودة.

معقولة مافي زول قادر يقول لي صلاح إدريس ده كفاية كده؟

يا صلاح : أغنية إنت يا الأبيض ضميرك الغنيتها أول أمبارح في قناة الشروق غايتو ذبحتنا بيها ، دخلتنا ودخلت روحك في حتة ضيقة شديد!

(

Quote: والواحد محتاج ليهو كم مليار كده عشان يبقي ملحن ؟ وكسر رقبة كده تستضيفو قناة فضائية ويرمي ليها كمية كنجالات ويجيبو ليهم بشير عباس ووغيرو ويقعدوهم ليهو عشان يحلفو ليهو بي رأس أبوهم انو الحانو دي تعتبر أروع من موسيقي بتهوفن وموزارت ، وإنو سلم دو وري وفا لو سا مي ، زاتها احتارت من روعة ألحانو ، وكيف انو عبقرية صلاح إدريس تجلت في إنو سمي نفسو علي أحمد في إشارة لتواضع عظماء اللحن في بلادي؟

)

دي قوية شديد وكلام في السلك ، لذيذة قصةإنت ياالابيض حليبك ، وخطة اللعب الجديدة 7-7 1

وكل عام وإنت والمتداخلين بخير

Quote: دي قوية شديد وكلام في السلك ، لذيذة قصةإنت ياالابيض حليبك ، وخطة اللعب الجديدة 7-7 1 وكل عام وإنت والمتداخلين بخير

وإنت بخير

والله نهائي ما قادر إستوعب إنو الزول لو عندو قروش كتيرة ممكن يبقي ملحن ، كيف دي بس يا صلاح إدريس؟ عليك الله وقعها لي!!

أرحمنا من فجيخ الطماطم ده يا صلاح ياخ!!

مشكلتك يا صلاح إدريس إنك جيت السودان بي قروشك ، يعني ما عملت القروش دي في السودان ، عشان كده لسه الناس بعاملوك كمغترب ، خاصة في إدارة الهلال ، يعني كانو معتبرنك داقس وشفطو قروشك وإستغلو ولهك الشديد للشهرة ، إدارات الأندية يا صلاح عايزة زول تفتيحة ، يعني بعرف بدفع باليمين ويرجع بالشمال ، بس إنت ما عرفت أصول اللعبة.

هنا في البوست ده حأوريك الفنيات ، كيف تقلب الكاش بتاعك ويجيك راجع بالزيادة ومافي زول يدقسك ، ياخي الحركة بتاعتك بتاعة الشيكات الطايرة وأوامر القبض الطلعت ضدك دي زماااااااااان ناس إبراهومة لما كانو شفع كانو بعملوها ويطلعو مصاريفهم ، جاي إنت في ألفين وعشرة يادوووووب تعملها؟ الكلام ده قولو لي زول لابس قميص فراشات يااااااا!!

حركتك دي يا صلاح لما إبراهومة عملها كان لسه بلعب في فريق التاكا بتاع الكلاكة القبة ، وكان بكابس مع البنوك ويجاسف حق المواصلات!!

Quote: كلامك صاح انا عندى نفس الفهم العندك دا لكن ليس حسد بس تساؤل لى الناس القالو ليك انت حاسد وانا هنا اعنى اخونا كباشى ود اب سن قال اللعوج راى والعديل راى ما العوج

كلامك ميه في المية.

أما المدعو كباشي ده ، فعندي لهيو كلام كتير ، النخلص من موضوع صلاح إدريس الملحن الفنان العازف المغني رئيس تحرير ورئيس مجلس إدارة وصحفي ورئيس نادي الهلال وصاحب مصنع الشفاء وسابحات وشاطحات و..... هلم جرا.
أصلها الأسافير دي فيها المحن!!

Quote: يقولون الغرض مرض.

Quote: من يكتب مثل هذا العنوان إما جاهل وإما حقود

Quote: أنت حاقد ليس إلاّ

Quote: أشياء لا يقدر عليها أمثالك من الداجين في بلاد الله الواسعة بدون سبب سوى تقطُّع الأسباب بهم في بلدهم

Quote: هكذا ينثرون حقدهم الذي بلا مبرر.

Quote: يكون راس باسم. لو ما بقى راس ....

Quote: كراهية العاطلين عن الموهبة للموهوبين

Quote: وحقد الفاشلين على حلفاء النجاح.

Quote: (العوج راي والعديل راي)

عاين يا كرتونه ون:

إنت قايلني شنو؟
أنا كتبت وجهة نظر عن صلاح إدريس.
كويس معك؟
وعن انو ما عندو علاقة بحاجة اسمها لحن ، ولا غناء ، ولا عزف ، ولا صحافة ، ولا بزنس ، ولا كورة ، ولا .... الخ.

كويس معاك؟

والإهانات الفوق دي كووووووووووولها هي ردك علي رأي القلتو ، كويس معاك؟

بعدين لاحظ يا كرتونة ون : إني خالص ما إتكلمت عنك ، ولا هبشتك ، ولا جبت سيرتك ، ولا إنت كنت معني بالبوست ده ، ولما كتبت البوست ده ما متذكرك ذاتي ولا بعرفك إنت منو زاتك.

كويس معاك؟

بعدين يا كرتونة ون : لاحظ لي حاجة مهمة جدا جدا ، عشان لي قدام حتفعك ، وهي إنو علي الرغم من انو دي وجهة نظري في صلاح إدريس اللهي بتختلف عن وجهة نظرك إنت ، وعلي الرغم من انو بيقولو "الخبر مقدس والرأي للجميع" ، وإنو كل زول حر يقول رأيو ، وعلي الرغم من إنو انك خاتي ليك شعار في توقيعك ماشي وجاي زي توم آند جير عن العديل شنو كده ما عارف والعوج حاجة كده شنو برضو ما عارف ، وبعد ده كلو يا كرتونة جيت رصيت الإنشاء الفوق دي كلها وطلعتني حاجة كده.

عاين يا كرتونة ون :

إنت قايلني جابوني زيك من أبوجبيهة زي أي كرتونة منقة معفنة ورموني في لندن زيك أقشر في البطاطس؟

إنت الظاهر عليك زول معقد وعندك مركب نقص في حتة ما ، هنا في البوست حأحاول أساعدك عشان تعرف عقدتك وين. ومركب نقصك شنو؟

كويس معاك؟

إنت مخيل انو لما تلبس كرفتة وبدلة وتمد صلعتك للكاميرة وتجي تخت لينا الصورة في البروفايل وتتكلم لينا عن اللورد الفلاني قال وأنا قاعد في لندن وعمدة لندن قال لينا وعمل لينا وسوا لينا؟ يعني ده بيخليك تبقي زول؟ وبيديك حق تقل أدبك وأنت راجل كبير والفي سنك هسه في المقابر عضامهم ضايروها في كوريك ودفنو في محلها؟

إنت يا كرتونة ون : معقد للدرجة دي بالله؟

Quote: أشياء لا يقدر عليها أمثالك من الداجين في بلاد الله الواسعة بدون سبب سوى تقطُّع الأسباب بهم في

عليك الله يا كرتونة : عاين لكلامك عني الفوق ده ، وإتاملو ، وشوف كلامك ده واقع وين؟ ومعناهو شنو؟ والرسالة البيرسلها شنو؟ عليك الله يا كرتونة ون : إنت بتعرف عني شنو لما أنا كنت في السودان؟ وعليك لندن المعقداك دي ، هسه كلامك بيقول اني في السودان كنت "هوم لس" ولا كنت لافي صينية ساكت!! ولا إنت رأيك شنو يا كرتونة ون؟

عاين يا كرتونة ون :

والله والله والله ، الذي لا إله إلا هو ، الزيك ده يا كرتونة في السودان قسما عظما ‎- وإن شاء الله ما أقوم من الكرسي القاعد أنا فيهو هسة ‎- ما ممكت أقبل إنو ينضف لي مكتبي ، معليش علي الكلام الجارح ده لكن والله إضطريتني ليهو اضطراراُ ، لكنها الحقيقة ، يعني ممكن بالكاد كده أخليك تورنش لي جزمتي علي شرط تكون قاعد خارج المكتب عشان ريحتو ما تتغير ، ولو الورنيش بتاعك ظابط ، ممكن أخليك تغسل لي العربية. والكلام ده حقيقة وحقيقة بسيطة مافيها أي مبالغة ، وعشان إنت زول حقار وعلق ومعقد وجلف وسبهللي وحصلت ليك صدمة حضارية لما من أبو جبيهة طوالي أسري بك سراُ الي لندن ، فحأخليك تصحي من الصدمة دي وأخليك تحترم نفسك وسنك وتتكلم بأدب.

إنت يا كرتونة ون بالله عايز تعمل لي فيها حقار؟

تجي تهيني في البوست بتاعي وتمشي كده أضانك باااااااردة؟

يا كرتونة ون :

إنت بالله قايلني حيطة قصيرة؟ قلت تجي ترمي لي فارغ كده وتتكشم وتتبسم وعامل فيها بتاع كلام عقل والعوج والعديل والحنك بتاع سوق القنا ده؟

عوج شنو وعديل شنو؟ إنت كاسر عمود طوالي ولا شنو يا كرتونة ون؟

يا كرتونة ون :

عارف؟ إنت من خلال كتابتك هنا إتضح لي إنك زول إمعة وشخصية مهزوزة ، يعني كده أرجع في البوست وشوف أول مداخلة ليك وكلامك كان شكلو كيف؟ وفجأة كده بقي كيف؟ شكلك زول إضينة ساكت ، إنت زول أبريق مخروم ساكت!


إنت عامل فيها شافع صغير وعايز تخفف دمك وتظهر وقلت أخش في محمد ده شمال وأرمي ليهو كلام وأمشي؟

ولا إحتمال تكون راكب ليك فيل؟ ولا مصيبة زمان ، وجيت توسع في خيالك وتتراشق وتتعولق!

يا كرتونة ون :

إنت عبارتك المتخلفة الماسك فيها دي وتردد فيها زي الببغاء دي ، عارف معناها شنو؟ ولا كالحمار تحمل أسفارا؟ وفي رواية أخري كالحمار يحمل أصفارا!!

شعارك ده لو ما بتقدر علي تبعاتو وإستحقاقاتو حقو تغيرو ، يا أما كمان تحترم وجهة نظر غيرك مهما كنت مختلف معاها ، خاصة اذا كانت وجهة نظر ليست لك علاقة بها ، وموجهه لغيرك ، لأنو من الغباء انك تخت ليك شعارات وإنت بعيد كل البعد عنها في تقبلك لرأي الغير.

يعني ده بيختك في خانة البني آدم الغبي.

فاهم يا سيد كرتونة ون؟ يا بتاع لندن؟ وبتاع العديل والزين والكلام الفارغ؟ والحنك العاضي ده؟

يوسف الولي
منتظرين قصتك بي فارغ الصبر
يامحمد فعلاً صلاح إدريس إنسان بحب الشو جداً
داير يظهر في اي حته
كوره وفن وصحافه
كلو داير ينط فيهو
على ماأعتقد إنو سقط في امتحان القيد الصحفي ومرق بالجلاله
برضو داير اقول ليك إنو عمنا الكباشي ده راجل جدع جداً وأتمنى أن لايتعكر الجو بينكما لسوؤ فهم بسيط
ياريت لو كنت رديت على بقال التخ ده وفهمتو لئلا يحث لبس

مؤونة عام من الود

Quote: يوسف الولي منتظرين قصتك بي فارغ الصبر يامحمد فعلاً صلاح إدريس إنسان بحب الشو جداً داير يظهر في اي حته كوره وفن وصحافه كلو داير ينط فيهو على ماأعتقد إنو سقط في امتحان القيد الصحفي ومرق بالجلاله برضو داير اقول ليك إنو عمنا الكباشي ده راجل جدع جداً وأتمنى أن لايتعكر الجو بينكما لسوؤ فهم بسيط ياريت لو كنت رديت على بقال التخ ده وفهمتو لئلا يحث لبس مؤونة عام من الود

يا محمد فرح

كل سنة وإنت طيب ياخ.

والله عمك الجلكين ده بالغ شديد ، الموضوع ما كان مستاهل يسمعني فارغ زي ده ، والله أبداُ ما إتوقعت من راجل طاعن في السن يتساخف كده ، ولي شنو؟ ياخي دي وجهة نظري في صلاح إدريس وما حتتغير ، كان ممكن جدا يقول لي كلامك ده غلط ويمشي علي كده أو يقدم وجهة نظر مغايرة علي العين والراس ، لكن اساءات وإهانة وتلقيح جتت وســــخـــف زي ده ما كان في داعي ليه ، بعدين يا محمد فرح والله أنا مخصوص إتعمدت أتفادي الرد عليهو لمدة يومين عشان يجي يمسح كلامو ولا يعدلو ، لكن عمك ده شكلو ما بحس ودمو بقري وكمان قليل أدب وحقار ، لكن علي منو؟

الله غالب بس!!

يا كرتونة ون :

إنت شكلك من شدة ما معقد كل ثانيتين لازم تجيب لينا سيرة لندن وإنك قاعد في لندن ، لندن دي كمان شنو؟ لامه العقرب والدبيب وخشاش الأرض ، يعني لو رفعت لندن تلقي تحتها واحد طوبة ولطخ زيك كده ، وكل ثانيتين شابكنا اللورد قال والملكة قالت وناس بريطانيا ولندن ونحن في لندن ولندن ولندن ولندن ، ياخي إنت كنت مجدوع في أبو جبيهة زيك وزي أي جيفة ، فما داعي للفنجطة والعبط البتعمل فيهو ده ، شنو يعني قاعد في لندن ، خلالالالالالالاص يعني ، إنت قايل البني آدم قيمتو بالمكان القاعد فيهو ولا شنو؟

أصحي يا سيد كرتونة وشوف العالم وصل وين!

إيه العالم دي؟
من أين أتي هؤلاء؟

يا كرتونة ون :
شعارك بتاع العوج والكلام الفارغ ده غيرو ، وأعملو كالآتي :

العديل رأي أنا ، والعوج رأي غيري.

بعد داك ممكن تجي تفجخ طماطمك وتعوس عواستك وشوف لو في ز ول سألك تاني.

الحاجة الما بتقدر عليها البوديك تتشوبر شنو؟
مالك ومال القراية أم دق يا سيد كرتونة اللندني؟

لندن دي أنا شفتها ، كووووووووشة بس مقارنة بباقي مدن العالم ! مطار هيثرو ده عامل زي الملجة بتاعة حلة كوكو ، وســــخـــان وسجمان حاجة كده تخجل ، بعد ده كلو سيد كرتونة ده ماعط الناس بي لندن لندن ولندن ولندن وأنا في لندن وياخ لندن ، عمكم ده معقد عقدة كعبة خلاص والزول لما يصل العمر ده تاني عقدة زي دي ما بتفك أبداُ.
لكن عمكم ده من أبو جبيهة رموهو في لندن ومن ديك وعييييييييييييك! الصدمة الياها!!

أرحمنا يا "كرتونة ون" من سيرة لندن والهطل والهراء الإسفيري ده ياخ!!

Quote: يوسف الولي منتظرين قصتك بي فارغ الصبر

والله يا محمد فرح حتحتار شديد لمن تعرف قصتى مع هذا الشخص .. لانها محيرانى انا زاتى لى هسى
والموضوع مشربك شربكه خيط كان فى يد كديسه ..فلم هندى عدييل طلعونى فيهو الخائن والمجرم والهارب
يا خى خال بت صلاح ده اغرب زول لاقانى لى هسى
بس اصبر على شويه ... ستبدي لك الايام ما كنت جاهلا ويأتيك بالأخبار ما لم تزود..

Quote: بس اصبر على شويه ... ستبدي لك الايام ما كنت جاهلا ويأتيك بالأخبار ما لم تزود..

حقيقي ياأخ يوسف شوقتني جداً للقصه بتاعتك دي
أتمنى بس إنو إنتظاري مايطول

مؤونة عام من الود

إ

كدي هسه خلونا في قصة عمكم أبو كرتونة ده , بعدين نرجع لي قصة صلاح إدريس علي كل شئ قدير!!

يا كرتونة ون :

بالله تعال أدينا محاضرة عن الشعار بتاعك بتاع العوج وكلام المنطقة الصناعية والشاسيهات ده ، عشان نتعرف علي فهمك في الدنيا شنو؟ والشعار ده ذاتو لفحتو من ياتو منطقة صناعية؟ ومنو الورطك فيهو بدون ما يوريك المعني بتاعو شنو؟ تعال يا بتاع أبو جبيهة يا الكنت من النبلاء في السودان ولم تتقطع بك السبل فأنتهيت بلندن التليده؟

تعال يا شايل المنقة ، يا لون المنقة ، وزي ما عارف ، كيف نحن بنشقي!!
تعال رب الفن تعاااااااااااااااال!!

تعال يا بتاع العديل رأيك ، واللعوج رأي غيرك تعال!!

المدعو كرتونة ون :

(العوج رأي والعديل رأي)

وعايزك تتخيل الشعار رايح جاي علي طريقة توم آند جيري , لأنو شايفك عاملو متحرك , وأكيد كون الشعار يكون متحرك بيكون وراهو مغزي ومضمون عميق , لأنو شايفك طارح نفسك كزول عميق عمق شديد وزول معاط بدرجة إمتياز لندني... وكده!
شعارك بتاع المنطقة الصناعية عايز هنا في البوست ده أعمل ليهو تشريح إسفيري عشان عزيزك القارئ يستفيد من عبقريتك , عشان إنت زول قاعد في لندن ...... وكده!!

عليه سأقوم بتوجيه الأسئلة التالية : -

المدعو كرتونة ون :

ما هو العوج؟

طبعا ده وفقاُ لوجهة نظرك العميقة وكده , عشان إنت زول عميق و قاعد في لندن ..... وكده!!

علي ذمة كرتونة ون : العديل راي أنا , والعوج رأي غيري

وما هو العديل؟

ثم ، ما هو الرأي اصلاُ ، في رأيك أيها العلامة كرتونة ون؟

عزيزي القارئ ، وعزيزتي القارئه :

كان القصد من هذا البوست توصيل وجهة نظر تخصني عن صلاح إدريس إتفق معي فيها كثيرون ، دون توجيه أي تهمه له ، بل كانت وجهة نظر لشخص طرح عمله للجمهور كملحن وكعازف ومغني وصحفي ..... الخ ، كان من الممكن جداُ لكل من يخالف وجهة نظري أن يعبر عن ذلك الرأي دون المساس بشخصي.


علي كل حال وتقديراُ للمحترم خالد المحرب ، ولكثيرين ، هذه آخر مداخلة لي في هذا البوست.

اشكرك ابنى العزيز واتمنى لك التوفيق فى كل شى
شكرا شكرا شكرا