الارض لمن يفلحها اهلا بالمستثمرين فى السودان

السودان يمتلك ارض ممتدة فشل السودانيون فى فلاحتها والاستفادة منها تجاريا ومما لاشك فيه ترك الارض ليبتلها الزحف الصحراوى هو قتل لمستقبل هذا الوطن الحق تبارك وتعالى انعم علينا بارض صالحة للزراعة ومياه وفيرة لله الحمد والمنة ومهما توسع السودانيون فى زراعة الارض سيكون هنالك فائض لم يستغل بعض وكل دول العالم ترحب بالمستثمرين وفق شروط تضعها الدولة صاحبة الارض وليس هنالك عيبا فى فتح البلاد للمستثمرين حيث ان الاستثمار له فائدة للجميع وحتما حركة الاموال سوف تفتح افاق وظائف جديدة لجيوش العاطلين وستنتشل الكثير من الاسر المعدمة من غياهب الفقر
منح الاراضى للمستثمرين خطة مباركة تجد كل التشجيع وليت الدولة تسهل قوانين الاستثمار لتعود بالفائدة لشبابنا اولا ومستقبل اجيالنا بطبيعة الحال وايضا لتنمى اموال المستثمرين

Quote: فشل السودانيون فى فلاحتها

دي اظرف نكتة اسمعها حديثا في هذه الماساة

شعب بزرع ليهو 7000 سنة

شعب النوبة زرعوا اصعب ارض في الدنيا
وبعد دا كله فشلوا؟؟

اللخو مؤتمر وطني

الاخ هشام نوريت، كدي النسلم ونبارك ليك العيد

انتو بصحوكم من النوم ويقولا ليكم المؤتمر الوطني مزنوق في سودانيز
وامشو اكتبوا اي حاجة والسلام

كده اهتم بالناس الخاتيهم في صورة بروفايلك دي وخلينا نشوف شغلنا
مع الاتراك ديل

الاتراك الذين ثار عليهم صاحب هذه المقولة

Quote: الارض لمن يفلحها

وهى يا الفالح قالوا ليك بور عشان يدوها للبيفلحها
افهم الحاصل اولا وبعدين تعال افتح بوست

هامش:
بور يعنى ما مفلوحها يا الفالح

هاهاهاهاهاهاهاهاهاهاها

يا هاشم نوريت

البرالمة اتخامسوك وطلعوك مؤتمرجي

هاهاهاهاهاهاهاهاهاها

عجبني ليك


عيد سعيد ياخ

يا كوز جديد لنج

ما سمعتا انو ناس الجزيرة قالوا ماعايزين نزرع


فى زول سمع

أذناب الخديويه لاعقي احذيه الباشاوات هم المنطحين في كل امر يخص الوطن!!

الاخ وليد
دبايوا
كل سنة وانت طيب
ياخ ايدك معانا وماتخلينى برايا
الله هونينى

يبدو ان هنالك تسرع فى الرد من البعض دون ان يدلفوا الى متن البوست وهذه ظاهرة استمرت طويلا
الارض التى عنيناها ليست التى يمتلكها الزراع وكما لم يكن هنالك تحديد للارض التى باركنا عرضها للمستثمرين والسودان كما هو معلوم فيه ارض بور لم تصل اليها معاول المزارعين فهذه الارض التى تستحق ان تستغلهاالدولة تجاريا ليستفيد الشباب من خبرات المستثمرين
ونحن نعلم هنالك منا من يعلو صوته فى الفارغة فلا رؤية تحركة ولا غيرة على هذا البلد واهله تدفعه ولكنه او ولكنهم مدفعون من اجل خالف تذكر فهؤلاء لا خير فى مخاطبتهم واما توزيع الاتهامات الجزافية فلا تستحق ان يهدر فى الرد عليها الباندوث
الله هونينى

Quote: السودان يمتلك ارض ممتدة فشل السودانيون فى فلاحتها والاستفادة منها تجاريا ومما لاشك فيه ترك الارض ليبتلها الزحف الصحراوى هو قتل لمستقبل هذا الوطن الحق تبارك وتعالى انعم علينا بارض صالحة للزراعة ومياه وفيرة لله الحمد والمنة ومهما توسع السودانيون فى زراعة الارض سيكون هنالك فائض لم يستغل بعض وكل دول العالم ترحب بالمستثمرين وفق شروط تضعها الدولة صاحبة الارض وليس هنالك عيبا فى فتح البلاد للمستثمرين حيث ان الاستثمار له فائدة للجميع وحتما حركة الاموال سوف تفتح افاق وظائف جديدة لجيوش العاطلين وستنتشل الكثير من الاسر المعدمة من غياهب الفقر منح الاراضى للمستثمرين خطة مباركة تجد كل التشجيع وليت الدولة تسهل قوانين الاستثمار لتعود بالفائدة لشبابنا اولا ومستقبل اجيالنا بطبيعة الحال وايضا لتنمى اموال المستثمرين

يبدو أن بعض الأخوة المتداخلين لم يقرأوا بوست الأخ هاشم جيداً,
هذا حديث ليس فيه ما يعيب, بل هو عين العقل, وهو المطلوب,
فلا أحد يظل منغلقاً فى ظل إنتفاء وإلغاء الحدود فى ظل العولمة, والعالم
صار فى حوجة لإمكانيات بعضه البعض أكثر مما مضى.
نعم الإستثمار هو مخرجنا من وهدتنا الإقتصادية, وأموال المستثمر الأجنبى
هو الوقود المحرك لعجلة الإقتصاد.
عيد سعيد يا هاشم, وشكراً

الاخ عبدالله شمس الدين
دبايوا

Quote: يبدو أن بعض الأخوة المتداخلين لم يقرأوا بوست الأخ هاشم جيداً, هذا حديث ليس فيه ما يعيب, بل هو عين العقل, وهو المطلوب, فلا أحد يظل منغلقاً فى ظل إنتفاء وإلغاء الحدود فى ظل العولمة, والعالم صار فى حوجة لإمكانيات بعضه البعض أكثر مما مضى. نعم الإستثمار هو مخرجنا من وهدتنا الإقتصادية, وأموال المستثمر الأجنبى هو الوقود المحرك لعجلة الإقتصاد. عيد سعيد يا هاشم, وشكراً

بارك الله فيك انت عارف مصيبتنا هى ان البعض يرد على صاحب البوست فمثلا يجد بوست كتبه فلان فيقعد يتعلق فى رقبتك ماعندو موضوع مع المكتوب فقط مشكلته معاك انت عشان كدا تجد نفس فى خور اوجرين كل حد يخرم بجه
فعلا اخى الاستثمار وفتح السوق السودانية للمنافسة هو طريق للارتقاء مع معالجة كل ما ينشاء من اشكالات اجتماعية على المديين القريب والبعيد
تسلم اخى

الاستاذ هاشم
عن نفسى اعتذر ولك العتبى حتى ترضى
بس عارف اليومين دى الموضوع المدور وعامل للناس قلق موضوع مشروع الجزيرة
فأعذرنا يا اخى الكريم
ومرة أخرى لك العتبى حتى ترضى

الاخ معاذ
دبايوا
ياخ ولا يهمك الحكاية عادية وصدقنى بتحصل ليك لانو بعض الناس يشوتوا قبل ما يعاينو المكتوب شنو
الله هونينى