Post: #1 Title: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 01:19 AM
أولاً أسأل الله بحق هذه الأيام المباركات ، أن يتغمد الأستاذ مصطفى سيد أحمد برحمته وأن يجزيه الجنة ، على ما قدمه لمنا من فن راقٍ ، ويجعل البركة في ذريته. (آمين)..
ونساتي معه كانت كثيرة ، وهي في الغالب تتنوع ، وكانت مفتوحة تماماً ما في موضوع لم نتناوله ..
كانت له آراء واضحة جداً ، خاصة فيما يتعلق بالفن والفنانين. مصطفى صوفي ( مداّح ) من طراز فريد ، سمعته مباشرة يمدح ، وإن لم تكن المدحة كاملة وحتى أنا لا أتذكرها ، ولكنه مداح نمرة واحد ( دي معلومة وردت عرضاً).
المهم ... في واحدة من ونساتي معاهو ، أثرت موضوع كبار الفنانين عندنا ، وتحدثت عن إنتاجهم في فترة ظهورهم وأصواتهم حينئذٍ ، وجمالها ، وأغنياتهم والعبقرية التي لُحّنت بها .. إذا قارناها بأصواتهم وإنتاجهم الآن ، ستكون النتيجة محزنة .. وكأن رأيي أنه لابد لهم من التوقف عن الغناء ، حفاظاً واحتراماً لتاريخهم الفني ، ولأنفسهم حتى . لكن أن يتشعبطوا في الغنا - ويحاولوا التحايل على الزمن وآثاره - ويصروا على الغناء ، رغم هرم الصوت وترهله فهو ما لا يقبل ، وسيكون خصماً من رصيدهم ، وتاريخهم الفني الناصع.. وافقني الأستاذ (عليه رحمة الله) مباشرة ، وذكر لي أن كبار الفنانين والموسيقيين ( طبعاً ليس في السودان ) عندما يصلوا الى سن معينة ، يتوقفوا عن الغناء ، ويقدموا عصارة خبراتهم وتجاربهم الى الفنانين الناشئين وذكر لي كلاماً موسيقياً أكاديمياً ، نسيته الآن ، يمكن لأخواننا الأكاديميين أن يذكرونا به.. ( أشهد أنه كان مهتماً جداً بصغار الفنانين) ودي عندها قصة ، ليس هذا مقامها.. مصيبتنا أننا عاطفيون أكثر من اللازم.. الأستاذ فلان ، الفنان الكبير ، والذي كان فناناً كبيراً منذ الخمسينات ومازال مبدعاً وغناياً في 2010 !!!! معقولة بس؟؟؟ نظلمهم ونحن نعتقد غير ذلك ، معقول فنان بيغني من الوقت داك ، ويكون هو نفسو الآن ؟؟؟؟ غايتو ده إلا يكون ( مُقرّش ) وما طلعوه الا السنة دي !!
المشكلة التانية إنو ، وين الفنانين الممكن نعتمد عليهم في إستمرار مسيرة الغناء في السودان ؟؟ ( اللهم إلا من بعض الإشراقات التي ظهرت على استحياء).. وأعني بالاستمرار ، الإنتاج الراقي ، الكلمة الجميلة ، اللحن الشجي المتميز ، الصوت الجميل الذي يوصل لنا الغناء.. يعني بالشايفنو ده ، ناس قريعتي راحت ديل ، غير معنيين بالاستمرار ، ولن يستطيعوا فعل شئ ، لأنهم أساساً ما عندهم شئ..
شفتو المشكلة دي كبيرة كيف؟؟
بورصة إرتفاع وإنخفاض أسهم الفنانين في السودان ، مسيطر عليها المغنواتية الشباب وإرتفاع الإسهم وإنخفاضها يخضع لسمع وتقييم شريحة يعانون من مشكلة في التذوق ودي أسبابها كتيرة ، سنتكلم عنها لاحقاً..
المهم في الموضوع ، بهدوء كده وبدون إنفعال ، وبعد النقة دي كلها هل يمكن لكبار الفنانين السودانيين أن يعتزلوا ، هل يمكن أن يُطَلب منهم ذلك ؟؟ واللا يفتح الله ؟
Post: #2 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-11-2010, 02:04 AM Parent: #1
Quote: واللا يفتح الله ؟
وردى الآن في الصين مشى يعمل عمره عشان يعود شباب و نستمر في السجن وتكريس الماضى وعندك قدور وحسين خوجلى ماعنهدم غير ان يعيشونا في ماضى الماضى وتركريسه ليعبر عن اليوم رغم كل المتغيرات ابراهيم عوض ظل يغنى الى ان نسى اغنايته عثمان حسين الى ان تلاشى صوته محمدالامين مكنكش وكان العصر الستينات وعلى ذلك قيس الساسة المهدى والمرغنى والترابى ونقد ياصلاح نحن متخلفين وبنكرس التخلف في كل شىء
Post: #3 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-11-2010, 02:09 AM Parent: #2
وانت ياصلاح عبدالله حين راهن عليك مصطفى سيد احمد وترجاك عشان يمنحك بعض الحانه خزلته وجبنت وجاى اليوم تحدثنا عن التجديد وعجبى
Post: #4 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 06:09 AM Parent: #3
ود الأمير
كل سنة وإنت طيب
Quote: وانت ياصلاح عبدالله حين راهن عليك مصطفى سيد احمد وترجاك عشان يمنحك بعض الحانه خزلته وجبنت وجاى اليوم تحدثنا عن التجديد
والله ما جبنت .. القصة ما جبن.. مافي زول عاقل بيرفض - بدون ما يكون عندو سبب وجيه - زي عرض الراحل مصطفى سيدأحمد السخي ده. كان ممكن أقبلوا ، وأكون الآن احد المغنواتية الذين يشار اليهم بالبنان في السودان وأضرب ثلاثة عدادات في اليوم ، وده ما لانو أنا زول فنان وصوتي جميل ده لأنو مصطفى سيدأحمد أداني غنا ، يعني عايش على ( حسو ) أو بالاحرى ( إسمو ).. أن يعطيك مصطفى سيدأحمد أغنية أو لحن ، تضمن النجاح ( والعدادات ) وتفتح لك أبواب أجهزة الإعلام على مصراعيها. لكن قناعتي أنه لابد من توافر شروط كتيرة ، ومتطلبات فيمن يطرح نفسو ( فنان ) !!
يا بدرالدين أعتقد إنو المغنواتية الحاليين ( ليس جميعهم ) فهمهم متخلف جداً لقصة الغناء دي ما فاهمين إنو ليس جمال الصوت وحده يصنع منك ( فنان ) !! ناس بتاعين عدادات , وتقليديين جداً، ورؤسهم أفرغ من فؤاد أم موسي!! ماخدينها شهرة ، ومجتمع فنانين ومعارف ، وبرستيج اجتماعي ، وده غلط كبير جداً ما فاهمين الغناء هو شنو ، ولا خطورته ولا أهميته، ولا حجم المسؤولية بتاعت إطلاق لقب ( فنان ) عليهم !! وما أسهل أن تصبح فنان في السودان !!
يا زول إنت فتحت لينا موضوع مهم جداً يحتاج أن يتم تناوله على حده ما تضيّع علينا موضوعنا الأساسي ، وبالمناسبة أنا لم أقصد الأستاذ وردي وهذا لا يمنع من أنه ضمن كبار الفنانين المعنيين ، رغم أنه من فناني المفضلين..
برجع ليك تاني..
Post: #5 Title: Re: إثناء ونسة مع الأستاذ مصطفى سيدأحمد .. رحمه الله Author: abdulhalim altilib Date: 09-11-2010, 06:55 AM Parent: #4
أخي العزيز / صلاح العيد مبارك عليك وكل سنة وإنت طيب وكذا أهلك وكل أحبابك هنا وهناك
Quote: والله ما جبنت .. القصة ما جبن.. مافي زول عاقل بيرفض - بدون ما يكون عندو سبب وجيه - زي عرض الراحل مصطفى سيدأحمد السخي ده. كان ممكن أقبلوا ، وأكون الآن احد المغنواتية الذين يشار اليهم بالبنان في السودان وأضرب ثلاثة عدادات في اليوم ، وده ما لانو أنا زول فنان وصوتي جميل
عاد ده نان نسميهو شنو ؟! (جبن فاخر؟!)
لو لم يقتنع بك الراحل مصطفى وبصوتك لما طلب منك ذلك ولا أظن أي سبب مهما كان وجيهاً (في نظرك) ممكن يخليك (تجبن) وترفض مثل هذا العرض ؟! ولعلك تذكر راحلنا الشاب الفنان معز ، والذي اقتنع به مصطفى وبصوته وتبناه فنياً ولولا أن يد القدر سبقت إليه لكان الآن فناناً يشار له بالبنان !
حرام عليك يا ود عبدالله .. ؟! يعني حرمتنا من صوتك ومن فنك ، وانسحبت (بجبن فرنسي) قبل أن تبدأ ؟! وبرضو تقول لي (سبب وجيه) !؟
واللا شنو يا ود الأمير ؟! (العيدك مبارك عليك وعلي أسرتك).
و .. صباحاتك فل وورد (رغم طعم الأحزان صباح العيد برحيل إثنين من أحبابنا زملاء المنبر والامتداد (عماد وحاتم) ، عليهما شآبيب الرحمة والمغفرة .
مودتي لكما
( ليمو )
Post: #21 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 10:04 PM Parent: #5
أخونا ليمو
كل سنة وإنت وأسرتك طيب. أعتذر عن الخطأ غير المقصود الوارد في عنوان البوست ، والصحيح ( أثناء ) وليس ( إثناء ).. يا خليم يا خوي قصة الغنا دي قصة كبيرة ومحتاجة الزول يتجهز ليها بكل الأدوات المطلوبة والشغلة دي عندها ناسها القارين وعارفين وفاهمين هم بيعملوا في شنو. في الزمن العلينا ده جمال الصوت براهو ما بيكفي ، ده طبعاً لو مُدعّي الفن والغنا بيفهموا..
القصة جايطة.
Post: #6 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 07:01 AM Parent: #4
بمناسبة خواء رؤوس ( بعض ) الفنانين دي .. فرؤوس ( معظم ) ناس الكورة لا تقل خواء عن رؤوس اصحابنا ديل!! مرة كنت أشاهد في مباراة بتلفزيون قطر ، أحد فرقنا مع فريق قطري وبغرفة الملابس التقى مذيع التلفزيون بأحد لعيبتنا الكبار المشهورين إشتكي اللاعب الكبير المشهور من التحكيم ، وقال بالحرف أن الحكم ماعندو ( ولاء ) ..
بالله اتخيل ليك ناس !!!
Post: #7 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-11-2010, 10:58 AM Parent: #6
Quote: وبالمناسبة أنا لم أقصد الأستاذ وردي
حبيبنا صلاح ...
أعجبني خيطك الأساسي في البوست، والذي تكلمت فيه بشكل عام دون ذكر أسماء، لحدي ما جاء شترها ود الأمير بذكر أسماء ........ غايتو!
فيما يخص (كنكشة) الكبار، وضياع (الصغار)، الشغلانة مرات بتكون في دائرة لا نهية لها. أعني مثلاً أن يظهر فنان شاب حلو الصوت والأداء، وفي سعيه للوصول لأذن ووجدان المستمع، يبدأ بترديد أغاني فنان كبير بدأ يتسرب إليه النسيان، فينفض الغبار عن أغانيه ويبدأ الشباب بترديد تلك الأغاني المنسية، ليتذكّر فجأة الفنان الكبير فنه، وتبدأ تتوالى عليه عقود لحفلات روّج لها الفنان الناشئ دون أن يقصد. لذلك نجد كثير من كبار الفنانين يغطون في بيات شتوي طويل، ثم يظهروا فجأة في الساحة دون أن يكون لديهم جديد.
Post: #8 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 11:20 AM Parent: #7
Quote: وتركريسه ليعبر
أها بسسسسس .. شفت تركريسةليعبر ده بالذات .. مطلع ميتين حناني أنا ياخ .. من سنة غاغ بيغني و قادينا قد .
.......... شوف يا صلاح عبدالله .. أي غناي فوق الستين يمسك خشمو عليهو .. و عديل كده - مش مواربة يا ابو الريش - كل التسجيلات الأخيرة البنسمعها لفنانينا الكبار بتخصم منهم .. ما بتضيف ليهم . من أول وردي لمحمد الأمين لود البادية لحمد الريح - أحييييييييييييي من حمد الريح - لمحمد ميرغني .. لكابلي - في دي كمان أحييييييي و معاها عضة صباع - يرحمونا ياخ و يرحموا تاريخهم .. شنو هو ؟؟ .. شبع ؟؟
Post: #9 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-11-2010, 11:46 AM Parent: #8
Quote: المهم في الموضوع ، بهدوء كده وبدون إنفعال ، وبعد النقة دي كلها هل يمكن لكبار الفنانين السودانيين أن يعتزلوا ، هل يمكن أن يُطَلب منهم ذلك ؟؟ واللا يفتح الله ؟
صلاح عبدالله اخو الفنان عماد أششششششششششششششششششششش
طبعاً وقطع شك يفتح الله الناس ديل كفاهم خلاس يطلبوا الله طووووالي لحدود هنا كتر خيرهم تب ما قصرو ، لكن هم بيغتنعوا!!! ياخ ديل بالضبط زي السياسيين مافي اي فرق بينهم .
بمناسبة خواء رؤوسهم هم ولعيبة الكورة حكي لي صديقي نميري أحمد سعيد قصة بتكتل رسمي من الضحك قال لي في واحد من احد لعيبة المريخ المعاصرين هسي ديل (ما داير اذكر اسمه) قال لي ده بليد بلاده خليها ساي قلته ليهو اها احكي !!! قال اللاعب ده مشي سجل في معهد لدراسة كوس كمبيوتر اها في حجرة الدرس معاهو زملانو وزميلاتو واي واحد قاعد في كرسي وقداموا جهاز والاستاذ بيكتب في السبورة وبيقول ليهم :- اضغط علي كده بيجيك كده وهم يضغطوا ومواصلين الدرس ، فجأة مع امر الستاذ بضغط زر معين صاحبنا الاعب جهازوا ظهرت فيهو رسالة معينة فيها yes وفيها no قام قال للاستاذ :- يا استاذ جاتني رسالة فيها يس وفيها نو !!! الاستاذ قال ليهو :- قول ليهو نو ... قال ليك صاحبنا دنقر علي الشاشه وشبكه ليك نو نو نو .
اها شوف بالله !!! وحاتك الاعب ده هسي في المنتخب القومي.
كان داير القصة الاقوى من دي بديك ليها لووووووووووووووووووووووووول.
Post: #10 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 11:57 AM Parent: #9
عماد إششششش في عينك .. راجل ضلالي .
.......... قلنا وائل .. وااااااااااااااائل .
Post: #11 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-11-2010, 12:12 PM Parent: #10
Quote: قلنا وائل .. وااااااااااااااائل .
ولا تزعل نفسك وائل أشششششششششششششششششششششششش
اها قربته للستين !!!!؟
Post: #12 Title: Re: إثناء ونسة مع الأستاذ مصطفى سيدأحمد .. رحمه الله Author: محمد البشرى الخضر Date: 09-11-2010, 12:15 PM Parent: #10
ابو عبدالله كل عام وانتم بخير دا المزاج السوداني بقى يعشق القديم وما بجدع شي طالما مترتر وفيه نفس الهيلمان و المورس موديل ستين لغاية قريبات دي مدورة و متوفرة الهايلوكس واحد وتمانين سعرو يفوق موديلات التسعينات .. مسالة مزاج لكن الغريب ما ذُكر اعلاه عن عدم منح الكبار فرصة للشباب أو مضايقتهم فيها الغُنا دا بالذات ما فيه مجاملة للنجاح من ناحية الجمهور و تذوقه الشباب إذا ما قدرو ينافسوا و ينجحوا بامكانياتهم اللوم أبدا ما على الكبار بعدين انتو دايرين فجأة كدا ود الأمين ووردي يبطلّو غنا و يخلّونا تحت رحمة شكر الله و مين الصادق و سائر العواليق ابين سلاسل و حلقان ديل دقيقة بالله
Post: #14 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 12:30 PM Parent: #12
ود البشرى .. أمسك عندك : عصام محمد نور و طه سليمان ( طه ده بالذات صوتو في منتهى الجمال .. شعرو مجلبط فازلين .. أي نعم , و عندو سلسل , لكن صوتو سمح شديد ) .. الزول الاسمو احمد الصادق ده بس داير يخنقوهو بكبير أخوانو بتاع الخروف داك .. يمكن صوت يظبط .. يا كمان يشربوهو لبن حمار على الريق . البنات بتاعات اغاني و اغاني ديك كلهم بيض .. إلا الاسمها شموس ديك ( ده رأيي انا .. مش على كيفي ؟ ) .. ود البنا مرات بيديها كوز و يمرق من الحاجات . تاني منو ؟؟ .. الزول السغيروني الفحيل ده صوتو كويس .. لو لقى الوالي اليرشد .. نادر حبيبو .. أنا ح أشتكيهو يوم غايتو . في زول اسمو فضل .. صوتو بديع .. كان كويس ياخي لغاية قريبات دي , هسه بقى برضو يبرم شعرو و يخت فازلين . في واحدين كده ناس حسن زمبه و منعم هاتريش و عاصم دوغري و لؤي فسايات و ...... كمية من الغثاء و الهنابيل .. ديل ما معانا طبعا .
......... المهم يا ود البشرى .. ما قلنا ليهم الكبار ديل يزحوا ياخ .. قلنا ليهم ادوها صنة .. يمنعوا الكلام .. يروقوا شوية من محاولة الإمساك و العض على زمنهم و زمن غيرهم دي . يخلونا نختهم جوانا خمّار للجايين .. و حوا والدة .
Post: #15 Title: Re: إثناء ونسة مع الأستاذ مصطفى سيدأحمد .. رحمه الله Author: محمد البشرى الخضر Date: 09-11-2010, 12:44 PM Parent: #14
سلامات يا عمدة وكل سنة وانت طيب ما قلت يزحوا لكن يدوها صنة طيب هو الزححان دا كيف ؟ لو الفنان مكنتو خلطت زيت كان عمل شنو وشنو و كان كنكنش بزردية الجمهور و المستمع ما بجاملو يكفي انو ينصرف منو ولو لقى اعلان حفلة ليهو في العيد مثلا و في نفس التوقيت في حفلة لواحد من جماعة الفازلين ديل ح يختار يمشي على ابو فازلين متين يقيف الفنان دي بحددها هو براه بعد يقيّم صوتو واداؤه و يخت في بالو الاشارات الح يديها ليه الجمهور لكن فقط لأنو تعدى الستين لا كدا ما جاية قبل فترة حضرت حفلة للبلابل في الجامعة الامريكية بالشارقة ما تتخيل عدد الحضور و كم الطرب و الاستمتاع بالاداء و الغريبة الحضور اغلبو تحت العشرين كان اها اسي بياتو منطق البلابل يقيفن عشان تشرق شموس
________________________________ أسمع ما عندك لنك اي اغنية من أداء الأستاذ لؤي فسايات بالله
Post: #34 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:30 AM Parent: #12
نحن ولوفين ومجاملين وعاطفيين ، ودي شئ طيب ، لكن ما في كل الحالات !! بعدين الانطباع البناخدو ، تاني إن جا الديش ما بيتغير ،ياخ معقولة بس؟؟ عليك الله شفت ليك فنان سوداني وقف كده براهو ؟؟ ثلاثة حالات فقط توقف الفنان السوداني من الغناء: 1 _ المرض العضال . 2 - بلوغ أرزل العمر . 3 - سبيل الأولين والآخرين. يا محمد نحن المستمعين ديل مفروض يكون عندنا قرار توقف الفنان عن الغناء ، مش هو وهذا لن يتأتى ( في رأيي ) ويكاد يكون مستحيل ، في ظل الظروف التي يعيشها الفنانين الآن لأن معظم الفنانين حالياً الغنا ده مصدر رزقهم الوحيد ، رغم إني سمعت إنو عملوا ليهم راتب تقاعدي ومعاشات وكده. يعني عشان نوقفهم لازم ( الحكومة ) تضمن ليهم حياة كريمة .
ياخ والله دي مشكلة.
بجيك تاني، شايف القصة دوّرت تحت..
Post: #13 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-11-2010, 12:18 PM Parent: #10
أووووووو الفنان وائل إششششَ
قلنا نصحح سفيان الداقس ده .... لقيناك إتحمقت وكبّعتو .... ما علينا ....
ياخ لستة الفنانين ديل لو طلّعت لي منهم محمد الأمين بتريّحني شديد ..... الباشكاتب ده صوتو أقوى وأحلى من زمان.
كمان - الله يهديك - ما تقرّب لي من أبو عركي.
الباقين لا تأخذك بهم رحمة.
أها قلت شنو؟ مش كان أخير (المواربة)؟
Post: #16 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-11-2010, 12:48 PM Parent: #13
والله يا و ائل إششششششششششششش بتفق معاك تب في تصنيفك في الشنفتهم وفي القلته غنايين وازيدك شوية في فضل (فضل فردتي وصاحبي) عرفتو بسبب بوست صلاح اخوك ده وبقت صحبة اهل وبيت ولد غنائي مافي كلام تب وهسي كمان ماشي كويس شديد .
يا ابو الريش وائل إششششششششششششششش ده ما مضمون هسي بيقبل عليك اقعد ساي.
غازي عبد الرحمن الطاش صديقي العجيب عندو عشرة فنانين مسميهم العشرة المبشرين بالنار بيبداهم ليك من اللحو وبينهيهم ليك في اسماعيل حسب الظروف كان بتسمع واحد ... واحد بس فيهم حرمان يدك تختها في يدو .
Post: #35 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:34 AM Parent: #16
Quote: غازي عبد الرحمن الطاش صديقي العجيب عندو عشرة فنانين مسميهم العشرة المبشرين بالنار بيبداهم ليك من اللحو وبينهيهم ليك في اسماعيل حسب الظروف كان بتسمع واحد ... واحد بس فيهم حرمان يدك تختها في يدو .
يا سفيان ، والله زولك ده صاحبي عدييييييل .. أحييك والله يا غازي ..
Post: #17 Title: Re: إثناء ونسة مع الأستاذ مصطفى سيدأحمد .. رحمه الله Author: ريهان الريح الشاذلي Date: 09-11-2010, 12:50 PM Parent: #13
كل سنة وانتو طيبين الجميع اعلاه ...
ما عندنا مشكلة مع اعتزالهم واغانيهم القديمة ممكن نسمعها بصوتهم في تسجيلات قديمة او يرددها الشباب الجداد بس في الترديد ده اوعاهم يقولو فرمالتهم ديك بتاعت عاوزين نجدد او بمعني اصح (نجلبط) في اللحن ويزيدو طلعات ونزلات وحركات ما بعرف اساميها ،، عاوزين الغنية زي ما سمعناها زمان حتي ال (آه وأحيي) تكون تيبكل للاصل بحب اسمع الغنية الواحدة باصوات كتيرة نسائية ورجالية بس بدون زيادات .. يعني ببساطة شديدة زي شموس لمن تغني للشفيع ...
Post: #18 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-11-2010, 12:55 PM Parent: #17
Quote: يعني ببساطة شديدة زي شموس لمن تغني للشفيع ...
شفتو كيف الكلام ده !!!
ياخ أنتي بتعرفي الحقيقة وكلامك الاخير ده منطقي جداً جداً
وهاجر كباشي بالمناسبة احسن صوت قبل شموس لفت سمعي .
Post: #19 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 01:08 PM Parent: #18
هووووي يا ... امسكو في كلام ريهان ده قوي .. الداير يعمل فازلين في غناهو .. على كيييييفو .- ده كان سوا ليهو غنا . لكن ما يهبشو غنا غيرهم .. و إن هبشوهو يدونا ليهو بي صمة خشمو , زي ما الله خلقو .
ود البشرى ياخي ود الأمين بقى عندو عشراقة دايمة .. و تقول لي الجمهور براهو بيزحوا ..؟ أها عاين ناس أبو الريش ديل .. يقول ليك ود الامين و عركي , حرام تجي جنبهم !! .. أعضيهو الزول ده ؟ . وردي في الشروق يومداك كان شي عجيب .. القدرت أعملو غايتو غيرت القناة .. و امبارح إبن البادية جلبط الغنا عملو مديده بس .. هو الزول ده القال ليهو الغنا ببقى سمح لما يبقى أبو القدح منو ؟
............... أنا يا ود البشرى واحد من الناس بتعالج بالغنا .. سئيلي الله .. و يشهد علي صلاح أخوي ده .. أكون عيان راقد دلقان , اسمع الغنا الغنا .. فنترب اقوم زي اللوز . و عاشق كمان مدمن لكل الكبار الهسه شنفتهم ليك ديل .. و غيرهم و غيرهم من اساطين المغنيين العملو مننا بني آدمين بمشاعر .. لكن الزمة بمرقا .. و محل رهيفة التنقد .
Post: #20 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-11-2010, 01:11 PM Parent: #18
Quote: عاوزين الغنية زي ما سمعناها زمان حتي ال (آه وأحيي) تكون تيبكل للاصل
شخصياً .... الكلام ده ظابط معاي شديد ....
يعني عندي واحد كده إسمو (أبراهيم الكاشف) .... ما بستحمل فيهو أي فلهمة تحت أي مسمّى.
وازيدكم من الشعر بيت ..... عايز أسمع تسجيل محمد وردي الأولاني لي (خاف) .... لكن التسجيل الجديد بيضرّسني عديل كده ..... سعتو أوّل ما طلع ... تاني أبيتو. نفس الشئ أغنية (بعد أيه) ... ياخ عايز أسمع التسجيل الأول الفيهو صوت (الكلارنيت) يورّمنا قبل ما عمّك يقول (جيت تايب يا حليلك) ............... حليلنا نحن.
Post: #22 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 10:15 PM Parent: #20
Quote: أسمع ما عندك لنك اي اغنية من أداء الأستاذ لؤي فسايات بالله
فتشت ما لقيت .. مشيت ليهو في بيتو - العزوزاب - فتح لي الباب عمك فسايات زاتو , قال لي لؤي في مدني .. عندو سماية مشى " يحييها " .
Post: #23 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-11-2010, 10:33 PM Parent: #22
صلاح وضيوفو ..كل سنة وانتو طيبين ..
_ فيما يخص انو الناس الكبار مايغنو ..متفق معاكم ..خاصة وانو سمعت احمد جاويش كان بغنى اسى ..لما العبرة خنقتنى ..صوتو كان بشبه خرير المياه فى صباح اربجاوى جميل ...خرير المياه حين تخالطه شقشقات العصافير ..تبت لله لما يغنى ست العينين عطر الصندل ..لكن الصوت السمعتو اسى دا ماعندو اى علاقة باى نوع من انواع العصافير ..ولله الحمد من قبل ومن بعد ...
_ الشيء التانى غنا الناس الكبار ماقران منزل ..بحب جدا اضافة المؤدين ليهو ... خلوهم يضيفو ..والله مرات بزداد جمال بالاضافة بتاعتهم ..(سمح الغنا فى خشم سيدو) دى عبارة كضب ساكت ..امشو اسمعو محمود او نادر خضر (المابتريدو دا) لما يغنو لغيرهم ..الاضافة مرات بتكون جميلة ..والناس احساسها بالغنا بختلف ..طبعا الاضافة البقصدا مافى الكلمات بالتاكيد ...
__ اتفق مع عماد فيما يخص بنات اغانى واغانى ..(معلمات الله) من اسم الغنا.. _طه سليمان انا اديتو الباص فى الحلقات دى ...شريف الفحيل غناى وحضورو كويس .. احمد الصادق لسه تحت التجربة ...ممكن اسمعو تانى ماعندى مانع ..
_ فرفور بقى (كضاب يسرق ) ..تاميها تنطط ساكت ...
__ فيما يخص مصطفى سيد احمد ياصلاح ..والله مصطفى فى روحو انا فتحت ليهو بوست وقلت بقيت مابسمعو ...لى كم سنة كدا ..لقيت الناس كشت منى ..وبدرالدين بقى سلامو لى بارد ..قنعت من البوست ومن خيرا فيهو ...ان شاء الله تكون بتسمعو ... ونسال الله ان يهى لنا امر سماعه مرة اخرى ..انه سميع مجيب ..
Post: #24 Title: Re: إثناء ونسة مع الأستاذ مصطفى سيدأحمد .. رحمه الله Author: خضر عطا المنان Date: 09-11-2010, 11:01 PM Parent: #23
الحبيب / صلاح عبدالله
عيدك سعيد وكل سنة وانت واحبتي من ضيوفك الكرام بألف خير وخير
وعلى شرف هذه (الونسة) الجميلة مع صديقي الجميل في زمان كان أجمل أرجو ان تسمح لي بان أهديك هذه المادة من أرشيفي .. وهي احدى اللآلئ التي تزين ارشيفي وتتراقص على حوافيها صورة هذه الفنان النحيل جسدا والعظيم عطاءا وفنا ورقيا :
مع خالص تحياتي
خضر
مصطفى سيد أحمد في آخر حوار صحفي أجري معه قبيل رحيله :
ذكرى رحيل صديقي الفنان الفلتة (مصطفى سيدأحمد) تطل علينا هذه اليوم ونحن نعيش منعطفا مفصليا وحاسما في التاريخ السياسي لوطن منكوب بأهله لا بسواهم وينوء بحمل جراحات تنحني أمامها الجبال !!!.. وطن أمام اختبار أن يكون أو لا يكون .. أن يبقى – كما عرفناه في الجغرافيا و التاريخ - أو يتلاشى تحت حمى الصراعات التي لا ترحم وطنا فرط فيه ابناؤه أنفسهم وباعوه لصراعاتهم المتناسلة يوم اثر يوم !!.
والواقع أن يوم الأربعاء المصادف 17 /1/1996م يشكل علامة فارقة في تاريخ أغنيتنا السودانية!!!.. انه يوم رحيل هذا الفنان الانسان . ولأنه حي يسعى بيننا رغم الغياب الأبدي ولأنه رمز خالد في سماوات غنائنا ولأن ما تركه من فن وقيم تجري في عروق حياتنا مجرى الدم فيها ولأنه كان دوما آخر المتكلمين بيننا!!!!! آخر المتكلمين تأدبا وتحسبا وتألقا وعمقا وشفافية .
لأنه كان كل ذلك فلنتيح له الفرصة ـ هذه المرة ـ كي يتكلم لنا بنفسه الأبية وصوته المتعب . ولنستمع اليه نحن الذين طالما تحدثنا اليه وعنه وفيه وبه . تكلمنا جميعا حتى أضحي الحديث عنه ـ لدى البعض منا ـ تجارة !! وأي تجارة؟. لنعطه الفرصة حتى نسمع لما يود أن يقوله دون أن نقاطعه ولو مرة واحدة !!!!.
جاء الينا من غياهب الابداع ورحم الجنون متأبطا نجيمات ضاويات علها تهديه السبيل الى قلوب الملايين من أبناء شعبه .. فكان له ما أراد. جاء الينا وفي أعماقه روح شفيفة أغتلناها قبل ان نعرف كنهها ! .
ظللنا نغتال فيه يوما أثر يوم حتى غادرنا وهو يكابد الأمرين معا : عيشة في المنفى وبعدا عن الاهل . غادرنا وفي أحشائه تنام كلية فتاة روسية الجنسية موسكوفية المولد دون أن نزرع ـ حتى يوم أن أحتاجنا كلية واحدة في جسده ـ أن نعطيه كلية سودانية تبدد وحشة قبره وتكون له أنيسة في مثواه الأخير . هكذا عاش فينا ولنا .. ولكنه مات غريبا رغم أحتفاء نفر من أصدقائه به في منفاه .
تخيلوا معي ـ ياسادتي ـ أن تموت غريبا في المنفى وأنت تمثل الحياة لدى من أحبوك .. أن تموت دون أن يكتحل بصر حتى من أنجبوك بنعشك أمامهم !!!!.
أنها مفارقة المنافي !!!!!!. لذا أهدي ما أريد قوله هنا .. وما سنسمعه من هذاالراحل/ المقيم على لسانه : الى كل الذين تاجروا باسمه وبحنجرته وبنات حشاشاته ودرر عطائه .. وكل الذين أثروا من وراء ابداعه وكل أولئك الذين لايزالون يحاولون ذلك !!!. الى كل الذين أخلصوا وظلوا أوفياء له حتى وهو في قبره .. وكذا الى أولئك الذين تنكروا له بعد رحيله (كماوردعلى لسان رفيقة عمره بثينة).
** ** ** ** ** أحبتي : اني أكتب اليكم في هذه اللحظة وأمامي برقية تعزية بتاريخ 21/3/1994م كان قدبعث بها الي في وفاة والدي الجليل ( رحمه الله ) .. وأمامي كذلك صورة فوتوغرافية له كان قد أرسلهاالى مرفقة بصورة جواز سفره حامل الرقم ( 026990) والصادر بالخرطوم في (1/7/1991م) لتنتهي مدة صلاحيته بتاريخ : (1/7/1993م ) الأ أنه قد تم تجديده بسفارة السودان بالعاصمة القطرية في يوم 6/7/1993م على أن ينتهي بتاريخ : ( 6/7/1995م ) . وفي ذلكم الجواز : الأسم : مصطفى سيدأحمد المقبول المهنة: مغني ومؤلف موسيقي مكان وتاريخ الميلاد : ود سلفاب 1953م .
هاهو هنا يتحدث الينا ونحن كلنا آذان صاغية .. لنرى كيف كان هذا المرهف يفكر.. وكيف كان يرى الاشياء من حوله وهو على فراش المرض الاخير . وقد جاء ذلك في آخر حوار صحفي له كنت قد أجريته معه قبل وفاته بأيام قليلة العام 1996 وتم نشره بصحيفة ( الاتحاد) الظبيانية ومن ثم صحيفة ( الاتحادي الدولية) المعارضة التي كانت تصدر بالقاهرة آنذاك . **********************
فالى مضابط ذلكم الحوار الذي لم يكن طويلا ـ بالعرف الصحفي المتعارف عليه ـ ولكنه كان عميقا لمايتسم به فناننا الراحل من اختيار لكلماته وبعد في أفكاره :
سؤال : الفنان حالة خاصة .. والفن رسالة انسانية .. فكيف يكون الالتحام بين الحالة والرسالة ؟.
* من انواع الذكاء : الذكاء الناقد .. الذكاء العملي .. والذكاء الخلاق . وعليه فان خصوصية الفنان تأتي من انتخاب الطبيعة له بتأهيله بنوع من الذكاء الخلاق .. وكل ذلك يتبدى من نشاطه كانسان .. أي يسعى لتحقيق انسانيته من خلال تفاعله مزودا بهذاالتأهيل الفطري .. أي خصوصية حالته تاتي في اطار سعيه لتحقيق انسانيته وذاته وفي ذلك علاقة عضوية تنفي أن تكون حالته منفصلة عن رسالته.
سؤال : أين ترسو اليوم مركب تجربتك مع الغناء والموسيقى ؟
* هي تجربة تتوالد أبعادها من أبعاد .. حيث أن القضايا مازالت ساخنة وكثيرة.. والتفاعل مع الحياة قائم ولم يفتر بعد .. كما أن البيئة مليئة وثرية .
سؤال : أين وكيف ترى الوطن في ظل الظروف القائمة حاليا هناك ؟
* أرى أن الوطن يدخل في تحد كبير .. فبالرغم من قسوة التجربة على الأبعاد الاجتماعية والاقتصادية والسياسية الا أنها لها ما بعدها .. حيث أن التجربة تساهم في اسقاط كثير من الأقنعة ( مع وضد) وما بعدها يتجاوز كل هذه الأقنعة مترسما ملامح واضحة ومحددة لا تطولها المغالطات ـ أي بمعنى أخر أنه في مرحلة هدم وبناء ليس على مستوى الظرف الحالي ولكن على مستوى مفاهيم الماضي وما تعتمرها من تخلخل ومراجعة .. والمفاهيم المطروحة الآن وما سقط منها كشعارات كذبها الواقع خلال الممارسة اليومية وما يتبلور من رؤى جديدة تقود خطوات التغيير .
سؤال : الوطن والحرية .. الغربة والأبداع .. ماقولك ؟ ومتى يكون الفنان صدى لصوت شعبه ؟
* يمكنني القول بأن التجربة التي يمر بها اليوم الناس في داخل وخارج السودان ـ برغم قساوتهاـ الا أنها مفيدة وناقدة لكل ما سبق . أما عن الغربة فلا تسلني .. أو ليس من بالداخل يشعر بالغربة الآن ؟؟. وعن سؤالك عن الفنان ومتى يكون صدى لصوت شعبه .. فان الحديث يطول في هذا الشأن . فيكفي أن تنصهر ـ كفنان ـ في معامل معاناة هذاالشعب الذي أنت من صلبه .. وتنعجن في أفراحه وأتراحه لتصبح لسان حاله في سرائه وضرائه.. وهذا هو الفن الحقيقي من وجهة نظري .
سؤال : وماذا عن تجربتك مع المبدع الفنان يوصف الموصلي ومشاريعكما معا؟
* يوسف الموصلي صديق عزيز .. وهو بجانب كونه مطربا فهو موسيقي مقتدر وملحن بارع له اسهاماته الواضحة في هذا المجال .. كما ان هما مشتركا يجمع بيننا في مجال طرح تجاربنا بشكل جيد .. فأمامنا الكثير من الاعمال التى نأمل ان نخرجها تباعا على منوال ماسبق أن أنجزناه معا من تجربة لاقت صدى طيبا في نفوس الجماهير والمهتمين على حد سواء .
سؤال : ماهو جديدك ؟؟ ثم ماقولك عن مستقبلك فنيا ؟
* هناك الكثير من الاعمال الجديدة ..أما في هذه الأيام ـ وبرغم الظروف الصحية التي أمر بها ـ الا أنني أعيش بصحبة قصيدة لشاعر مصري أسمه( أحمد صلاح كامل ) وهي بعنوان ( مفتتح الطريق) كم أرجو ان يقوم حواري هذا معك أخي خضر مقام اخطار له .. فأنا لم ألتقيه ولكني وجدت قصيدته هذه منشورة بمجلة ( العربي) وقد أعجبتني فعكفت على تلحينها .. يقول مطلعها :
( هذا فرحنا ميت والأرض تلهث في سباق الانفلات ونسيت أمومتها وباعت فرخها للريح أنكرت البراءة في عيون الفجر لطير الليل كي يملي القرار وأنا اسجل موقفي لاالليل قديس ولا القمر انتصار) . كما أن هناك قصيدة لصديقي الشاعر ( محمد مدني ) أذكر لها منها :
والأرض تحضن بذرة الامكان يارباه يا أرض اتخذتك مغزلا للحب والأشعار والحقب الجديدة.......الخ .
أما عن سؤالك حول مستقبلي الفني .. فأنا اعمل وفق برنامج يسعى لانجاز رؤى محددة أحلم أن أنجزها على المستويين : الشكل والمضمون .
سؤال : ثم ماذا لو سألتك عن اتحاد الفنانين السودانيين وعن صلتك به؟؟ وهل تعتقد بأنه يؤدي دوره المطلوب في ظل غياب أو توقف معظم رموزه ؟
* ليس بيني وبين هذا الاتحاداي اتصال منذ خروجي من السودان .. فهل ترى أن له دور الآن ؟؟؟؟.
سؤال : أخيرا:كيف ترى مستقبل الأغنية السودانية عامة؟
* بايجاز ـ أخي خضر ـ انه مستقبل مرتبط دون شك ارتباطا عضويا بمستقبل البلد والناس هناك .
أنتهى الحوار – ياسادتي - ولكن حتما ستكون لي عودة للحديث عمن (أغتالوه !!) جهارا نهارا في الدوحة وشاركوا في العزاء من أجله .. لا بل وساروا خلف جنازته دون خجل أو وجل !!! .. أولئك الذين لا زال البعض منهم يتمسح في دنيا هذا الراحل / الخالد – حتى وهو تحت التراب - بحثا عن شهرة رخيصة أو مجد شخصي لن ينالوه أبدا .. انهم أولئك الذين لم يتركوا بابا للمتاجرة باسم هذا الفنان الخالد الا وطرقوه .. وهم كثر !!.
ختاما : للجميع محبتي .. ولصديقي الخالد مصطفى سيدأحمد ألف دعاء لرب يظلل قبره ويجعل منه روضة من رياض الصالحين .
Post: #26 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-11-2010, 11:10 PM Parent: #24
الكلام الفوق ده لو جديد .. و جد جد .. و الليييييييييييييله .. !!! و لو كمان قديم .. البوست ح يستعمر بوضع اليد من ود الأمير و الجماعة الطيبين .
......... صلاح .. أنا برّه .
Post: #40 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:17 AM Parent: #24
الأخ الأستاذ / خضر كل عام وأنت بخير
شاكر جداً إيرادك للقاءك الصحفي مع الراحل المقيم الأستاذ مصطفى سيدأحمد والذي يخدم تماماً خط وفكرة هذا البوست.. ليت كل فنان في بلادي حفظ ما ورد في هذا الحوار وبروزه ، وجعله عقداً في جيده. مصطفى سيدأحمد ( عليه رحمة الله ) فنان حقيقي ، واعي ، مهموم بقضايا شعبه ، واسع الإطلاع ، مثقف ، متحدث لبق وهو المطلوب في الفنان الحقيقي..
Quote: وعن سؤالك عن الفنان ومتى يكون صدى لصوت شعبه .. فان الحديث يطول في هذا الشأن . فيكفي أن تنصهر ـ كفنان ـ في معامل معاناة هذاالشعب الذي أنت من صلبه .. وتنعجن في أفراحه وأتراحه لتصبح لسان حاله في سرائه وضرائه.. وهذا هو الفن الحقيقي من وجهة نظري .
فنان لا تتوافر فيه الشروط أعلاه ، ما بيلزمنا ، لأنو ما ح يخدمنا ولا ح يخدم شعبه .. يا أستاذ خضر فنانين اليوم معظمهم يمكن اعتبارهم ( أميين ) رغم حصول بعضهم على مؤهلات عليا لكنهم جهلة بمعنى الكلمة ، لا علم لهم بمتاهية الفنان ، ولا أهمية وخطورة ، وسمو رسالته ..
لا خير فيهم ..
---- أما أدناه ورغم علاقتي الوثيقة مع العزيز الراحل ، إلا أنه لا علم لي بها ..
Quote: أنتهى الحوار – ياسادتي - ولكن حتما ستكون لي عودة للحديث عمن (أغتالوه !!) جهارا نهارا في الدوحة وشاركوا في العزاء من أجله .. لا بل وساروا خلف جنازته دون خجل أو وجل !!! .. أولئك الذين لا زال البعض منهم يتمسح في دنيا هذا الراحل / الخالد – حتى وهو تحت التراب - بحثا عن شهرة رخيصة أو مجد شخصي لن ينالوه أبدا .. انهم أولئك الذين لم يتركوا بابا للمتاجرة باسم هذا الفنان الخالد الا وطرقوه .. وهم كثر !!.
---- التعديل : حذل حرف ( لام ) وإضافة كلمة ( على ) ..
Post: #38 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:58 AM Parent: #23
الحبيب الأنصاري محمد عبدالرحمن كل سنة وإنت طيب
غايتو طمنتوني شوية في قصة اتفاقكم على توقف الكبار عن الغناء ياخي أنا كنت متوقع معافرة وغبار شديد خلاص ، لكن الظاهر إنو القصة مضايقة الناس كلهم، لكن صابرين ومجاملين .. يا محمد نحن ما معترضين على الإضافات على غناء الكبار ، القصة في إقناع الكبار بالتوقف وحث الصغار على عمل إنتاجهم الخاص ، وما أي خاص ، يكون غنا حقيقي ، مش زي البنسمع فيهو الايامات دي..
Quote: وبدرالدين بقى سلامو لى بارد
النصيحة يا محمد أخوى ، إنت غلتان ثم غلتان ، البيخليك تهبش مصطفاهو ده شنو؟؟
------------ لكن والله غنمات زهرا بالغن معاي ، سوّنها ، وراحن .. الدايم الله. بالله أرجاني النوصل معاك أشوف حواشتك، قبلما نحن زااااتنا نلحق غنم خالتي زهرا.
Post: #72 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 02:39 PM Parent: #22
Quote: فتح لي الباب عمك فسايات زاتو
إنت يا عماد ، الزول ده أخو عمك ( كيتة ) واللا تشابه أسماء ساي ؟؟
Post: #36 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:42 AM Parent: #17
ريهان ، كل سنة وإنتي طيبة ..
Quote: ما عندنا مشكلة مع اعتزالهم واغانيهم القديمة ممكن نسمعها بصوتهم في تسجيلات قديمة او يرددها الشباب الجداد بس في الترديد ده اوعاهم يقولو فرمالتهم ديك بتاعت عاوزين نجدد او بمعني اصح (نجلبط) في اللحن ويزيدو طلعات ونزلات وحركات ما بعرف اساميها ،، عاوزين الغنية زي ما سمعناها زمان حتي ال (آه وأحيي) تكون تيبكل للاصل بحب اسمع الغنية الواحدة باصوات كتيرة نسائية ورجالية بس بدون زيادات ..
طالما ما عندك مشكلة في إعتزالهم ، فنحن متفقين مية مية .. كلامك صاح ، عايزين الجماعة البيتجلطوا بالفازلين ديل ، يسلمونا الغنا ده ( تسليم وتسلم على ورق مروس ) .. لكن برضو لا مانع من بعض الإضافات الخفييييييييفة.. طبعاً قصة ترديد غنا الكبار ده لفترة محددة فقط ، وبعد داك يورونا حقهم.
Post: #33 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:13 AM Parent: #9
سفيان ، صاحب الرسالة .. العيد مبارك عليك وعلى أخونا فضل الزول الغناي..
Quote: الناس ديل كفاهم خلاس
بالله إنتو كللللللكم كنتو ممكونين وصابرين؟؟ يا سفيان أخوي الفنانين الكبار الفضلو ديل ، والله على العين والراس إلا بالجد ، كفاية ، خلاص ما يخلونا نرثى لحالهم ، ونترحم عليهم وهم أحياء يمشون بيننا..
هسي زي فضل ده ، لو واحد من كبارنا ديل اتبناه ، وأداهو كم أغنية من قديمو أو سمح ليهو يتغنى بغناهو ، وعولحن ليهو كم أغنية كد وأداها ليهو ، مش كان بيضمن إحترامنا ليهو ويزيد تقدير الناس لصنيعه؟؟
------------ عليك الله أجدع لي من شغل الكورنجية ياخ ، بيضحكوني والله..
Post: #29 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 11:55 PM Parent: #8
أوووه العمدة ياخ ، سيد العدة شرفتنا والله يا عمك .. تعود الأيام ياخ.
Quote: أي غناي فوق الستين يمسك خشمو عليهو ..
يا جماعة ( الأخي ) عماد ده ، زي ( الأخي ) بدرالدين ، بيرموها ليكم بردلب، ويتخارجو.. ياخي تعبنا من ( الدس ) والمجاملة الفارغة ، ده ورم شديد ياخ .. بالله قارن لي غناء أكتوبر بتاع محمد الأمين ، بأغنية مساجينك ( مثلاً ) !! أو أكتوبر الأخضر لوردي ، بأغنية ( الناس القيافة )!! ديل هم زاتهم واللا القصة شنو؟؟
بجيك للتحت داك..
Post: #39 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-12-2010, 01:08 AM Parent: #29
Quote: يا جماعة ( الأخي ) عماد ده ، زي ( الأخي ) بدرالدين ، بيرموها ليكم بردلب، ويتخارجو.. ياخي تعبنا من ( الدس ) والمجاملة الفارغة ، ده ورم شديد ياخ .. بالله قارن لي غناء أكتوبر بتاع محمد الأمين ، بأغنية مساجينك ( مثلاً ) !! أو أكتوبر الأخضر لوردي ، بأغنية ( الناس القيافة )!! ديل هم زاتهم واللا القصة شنو؟؟
يا ابو صلاح كل سنه وانت طيب ياخي مالكم قايمين علينا
عليك الله جو اكتوبر وينو البخلي محمد الامين وردي يعملو حاجات زيها يا اخوانا ما تفصلو الابداع عن الظرف الزماني والمكاني والاجتماعي اكتوبر دي كل اعمالها لكل فنانيها رفيعه عشان هي ذاتها بتولع في الفنان روح من الابداع غير عاديه والله الزمن داك انا شويفع ساكت لكن لمن اسمع اناشيدها النار بتولع جواي كل الود ياعزيزي
Post: #43 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:44 AM Parent: #39
أستاذنا وأخونا الموصلي كل سنة أنت واسرتك الكريمة طيبين..
إنتو إهل الجتة والراس ..
Quote: اخوانا ما تفصلو الابداع عن الظرف الزماني والمكاني والاجتماعي
والله يا يوسف أخوي ، مقدرين تماماً الظروف دي ، وأشرت في أحد ردودي الى ذلك لكن كمان قصة الفنان يغني أكتر من خمسين سنة وبنفس قوة الصوت وجمالو ، ونفس جمال الألحان وصدقها وعبقريتها ، فدي صعبة شوية.. الحياة ما بتتوقف ، والعمر (كما غيره) ماشي ، والناس ماشة كبيرة ما بتصغر لذا علينا التعامل مع كل مرحلة حسب مقتضيات الحال ، ومتطلبات المرحلة.
هسي إنت رأيك شنو في قصة إنو الفنانين الكبار ديل يتوقفوا عن الغناء؟
Post: #46 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-12-2010, 05:29 AM Parent: #43
ابوصلاح تشكر علي السؤال
عن الاسره وهم بخير عندنا اريج الكمنجاتيه هسع في تانيه في الجامعه كمنجه سنينه بكلية الموسيقي جامعة ايوا والباقين حتسمع عنهم اخبار هنا في سودانيس قريبا الحمد لله تعبنا ما راح طيب للعمر احكام وللظروف الحياتيه والصحيه احكام اتذكر مثلا كنت في السودان شغال بالنهار محاضرات بالكلية والعصريات بروفات بشكل مستمر مع فرقة انغام مش لي براي للبلابل ونهى عجاج كمان وبعد اخر بروفه رحت مسجل حلقة لاحدى القنوات سمعتها ماعجبني الاداء لاني ما كنت شاعر بالارهاق نتيجه لتشجيع الجمهور اول ماذاعو السهره رجعت للقناة وطالبتهم بان اعيد الاداء باعتبار انه عندهم نظام التراكات المتعددة فلقيت انو ده ماعندهم اتوكل علي الله واكلتها في حشاي علما بان الجمهور ليس له دخل بالظروف المصاحبة للتسجيل وانما عليه بما يبث الفنانين في البلاد الاخري عندما يكون عندهم حفل كبير فانهم يصومون عن الكلام تماما لاسبوع علي الاقل يتمرنون صوت فقط المهم الحصل حصل اما بالنسبة لمسالة العمر فاعتقد ان هذا وارد خصوصا في ظروف السودان بتزيد الطين بله انا شخصيا عايز احاول من ناحية توثيقية اكمل بعض اعمالي ثم اتفرغ للشباب وقد بدات الان مع ثلاث فنانات هن ياسمين ابراهيم / نهي عجاج/ عافيه حسن/ بالاضافة للفنان عمر جعفر ووعدت اخرين ممن وثقوا في عمهم الموصلي وهم كثر لحسن الحظ واملي اعمل شركة في السودان لاجل المغنيين الجادين ان نستفيد من الحان الراحل المقيم مصطفي تلك التي لم يتم غنائها فتتم موسقتها بما يليق اول الاعمال سيتم تسجيل شريط في القاهرة لعافيه حسن في اكتوبر القادم باذن الله وقد اكتمل العمل وسنلتقي هناك باذن الله اها قصرنا؟؟؟ كل الود
Post: #81 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 07:54 PM Parent: #46
أستاذنا الكبير ، الموصلي ..
شايفك دخّلت نفسك في زمرة ( القُدام ) !! إنت طبعاً بره الموضوع لأنك لم تصل لسنهم ، فأنت بالنسبة ليهم لسه ( ناركوك ) صغّير.. وأشهد إنك ما قصّرت تب.. ثم أن أهم ما يميزك عن غيرك هو ثقافتك الأكاديمية العالية ، والتي يشهد بها ( أهل المغنى* ) قبل غيرهم.. وهو من قبيل العمل الذي لا ينقطع ، وذلك ما ورد في السنة المطهّرة ( يموت ابن آدم وينقطع عمله إلا من ثلاثة صدقة جارية ، وعلمٌ يُنتفع به ، وولٌد صالحُ يدعو له) إذن فأنت من أصحاب العمل الذي لا ينقطع بإذن الله.. يعني يا ابن خالتي إنت ( سيك سيك معلق فيك) بعد مية سنة ح تكون مُدوّر محاضرات وتوزيع ، حتى لو توقفت عن الغناء.. وتخصصك الأكاديمي النادر ، شهدنا أُكله ، وذكرتُ قبل الآن ، ولا زلت مصراً على أن توزيع شريط الحزن النبيل لمصطفى سيدأحمد كان (وما زال) في نظري على الأقل ، فتح جديد في عالم الموسيقى السودانية. كما أشهد لك وغيري بتشجيع صغار الفنانين والوقوف معهم..
يا موصلى نحن راجين منك كتييييييييير ، فالقصة في السودان أصبحت زي ما إنت شايف ( هردبيسة ) ما عارفين الحاصل شنو ، أربعتاشر مليون مغنواتي ، مفتوحة ليهم أجهزة الإعلام !!!!! خربوا أذواق وآذان الناس ، وغيروا شكل الغناء ( للأسوأ ) وتسعين في المية منهم ( إن أنكر الأصوات ) الجوطة دي محتاجة لناس بيفهموا عشان يعدلوا الحاجات دي ، ويعيدوا ترتيبها من أول وجديد ولا نقلل من شأن ومجهودات الموسيقيين الموجودين في السودان ، وإن كان بعضم مشارك في هذه الفوضى إلا أنهم ( سو فار ) لم يستطيعوا عمل أي شي ، ومازالت الفوضى شغالة..
في الوقت نفسو ، كبار الفنانين عندنا تسيطر عليهم ثقافة ( الكنكشة ) وهذه تحتاج لزمن حتى تتغير.. محتاجين لفنانين شباب يكونوا معبّرين حقيقيين عن جيلهم ، واعين بالمشاكل الحاصلة ومتفاعلين معاها يكونوا أداة لتغيير إيجابي ، وتكون أوهام الشهرة والمال ، في المرتبية التانية من جدول أولوياتهم وما يعتمدوا على جمال الصوت فقط ، فهو لا يخلق الفنان المطلوب ، الحقيقي..
والمطلوب منكم إنتو كناس معنيين بإحداث هذا التغيير أن تنسوا ( المجاملات ) فهي أس البلاوي وتكونوا حازمين وواضحين في آراءكم ، ووصفاتكم للفنانيين والموسيقيين .. زي الأطباء في وصفاتكم العلاجية ونصائحكم، أي تغيير في الوصفة أو النصائح ستكون نتائجه سلبية جداً وأي عدم إلتزام من قبل ( البيشن ) بالتعليمات لن يشفى وسيستمر المرض ويتفاقم..
قبل كده فتحت بوست هنا قبل سنوات وتمنيت فيه عودتك أنت وكل الموسيقيين الى السودان ويبدو بعد معرفة عزمكم تأسيس شركة إنتاج فني في السودان ، أننا سنكون موعودين بشغل نضيف..
ما شاء الله على بتنا أريج ، يعني موعودين بـ(كمنجستاية) على الطراز الأمريكي ربنا يحفظ ليك أولادك وينجحهم ونسمع أخبار حلوة عنهم قريب..
وكل سنة وأنت وجميع أفراد أسرتك بألف خير ..
-------------------- أهل المغني ، لمن لا يعلم ، هي سلسلة كتب توثيقية ، توثق لأهل الفن في السودان ، أصدرها الأستاذ الموصلي صدرت منها ثلاثة كتيبات عن ( مصطفى سيد أحمد - يوسف الموصلي - محمد وردي ) إلا أنها توقفت.
Post: #95 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-13-2010, 00:23 AM Parent: #81
Quote: شايفك دخّلت نفسك في زمرة ( القُدام ) !! إنت طبعاً بره الموضوع لأنك لم تصل لسنهم ، فأنت بالنسبة ليهم لسه ( ناركوك ) صغّير.. وأشهد إنك ما قصّرت تب.
لا والله يا ابوصلاح انا ذاتي كبرت ومحتاج للراحه وخطتي لتوثيق كل اعمالي للتفرغ بعدها للشباب لم تنجح في السودان لان الستين يوم التي قضيتها في السودان ما حاقت ولا فضيت ولا يوم لكن العزم موجود اتوقع ان اكمل مشروعي في السنة الجديدة ثم اتفرغ تماما للشباب ان الله امد في العمر والمرحلة الجديده حتبتدئ بمهرجان كامل اخطط له يغني فيه الفنانين المميزين من الشباب اغنياتي فقط منها الجديد ومنها القديم ثم يبدا العمل الثوري من اجل الشباب وعلى فكره انتو بتسمعوا في الاجتراريين وما جايبين خبر المبدعين الجدد السودان بخير واحمد الله ثقتهم في العبد لله كبيره وعندنا نت ورك جامده هاك النماذج دي لانك رفيع الذوق اسمع بي رواقه وتعال راجع في صالة العرض الموصلية / بسودانيس سونغس دوت نت كل الود ياعزيزي وبالله اساتذتنا ديل عاتبوهم براحه ياخي ديل ملايكه ولنا في د محمد عبد الوهاب العظة والعبرة
Post: #25 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-11-2010, 11:03 PM Parent: #7
يا ريشو ، كل سنة وإنت واسرتك طيبين ..
أي فنان ناشئ بيبدأ بترديد أغنيات الكبار ، ودي ما فيها مشكلة لكن المشكلة بتكمن في إنو ح يستمرأ قصة إنو بقى فنان ( بمقاييسو هو طبعاً) ويستمر فيها ويزيد عاطل جديد في البلد ، وفي الآخر ح يظل داير في الفلك ده الى أن يتلاشى ويصبح نسياً منسياً.
كلامك صاح فيما يتعلق بالفنانين الشباب البيبعثوا القدامى للحياة مرة أخرى وأشهرهم أخونا فيصل عبداللطيف (الصحافة) الذي بعث كل من عثمان حسين وثنائي العاصمة وصلاح مصطفى (مرة واحدة).. وأختلف معك في أن كبار الفنانين إتذكروا غناهم ، وبدأوا عدادات ، الصحيح إنهم ما أضافوا أي جديد على قديمهم الخالد وحتى محاولات الإضافة كان نتيجتها أغنيات بائسة لا تشبه تاريخهم ، بل كانت خصماً عليه ..
وأخيراً ، أنا من رأي الأستاذ وائل إِشششششّ ، لا إستثناء ، لا محمد الأمين ولا غيرو ..
Post: #27 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-11-2010, 11:13 PM Parent: #25
Quote: أنتهى الحوار – ياسادتي - ولكن حتما ستكون لي عودة للحديث عمن (أغتالوه !!) جهارا نهارا في الدوحة وشاركوا في العزاء من أجله .. لا بل وساروا خلف جنازته دون خجل أو وجل !!! .. أولئك الذين لا زال البعض منهم يتمسح في دنيا هذا الراحل / الخالد – حتى وهو تحت التراب - بحثا عن شهرة رخيصة أو مجد شخصي لن ينالوه أبدا .. انهم أولئك الذين لم يتركوا بابا للمتاجرة باسم هذا الفنان الخالد الا وطرقوه .. وهم كثر !!.
يبدو ان بوستك ياصلاح سيلحق (غنم زهرا) ....وغنم زهرا ياسيدى حسب ماتقول القصة ..انهن وفى صباح من صباحات الجزيرة ..خرجن بصحبة راعى الاغنام ..الذى كان لزاما عليه ان يقطع طريق الخرطوم مدنى يوميا ليرعى فى الحواشات والبلدات كما جرت العادة .. (اها ياسيدى) فى تجاوزهن للطريق التقاهن سائق لورى مسرع .. ولحقن (امات طه) ..(يعنى اتلحسن ) ..
Post: #28 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-11-2010, 11:13 PM Parent: #25
مكرر
Post: #30 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 00:00 AM Parent: #28
عماد ومحمد عبدالرحمن بالله ما تلاوزوا لينا.. ياخ أستاذ خضر ما قال ليكم الموضوع ده من الأرشيف!!
Post: #31 Title: Re: إثناء ونسة مع الأستاذ مصطفى سيدأحمد .. رحمه الله Author: khaleel Date: 09-12-2010, 00:04 AM Parent: #28
ابو صلاح
ازيك
انا شخصيا ساسجن نفسي في غناء الاوائل
وليست لدي رغبة في سماع اي غناء جديد
Post: #41 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:32 AM Parent: #31
يا ولّي .. كل سنو وإنت وأسرتكك بألف خير ..
Quote: انا شخصيا ساسجن نفسي في غناء الاوائل وليست لدي رغبة في سماع اي غناء جديد
وأنا معك مسجون مع الطرب القديم ، لكننا لن نستطيع منع أنفسنا من سماع الغنا الجديد.. المشكلة يا وليد في إننا عايزين نحتفظ بصورة الغنا القديم كما هي عشان كده عايزين كبار الفنانين ديل ، ينسحبوا بهدوء وباحترام لذواتهم قبل جمهورهم ويدعونا نعيش على الماضي الناصع لهم ، ودررهم الفنية الخالدة لكن يجي فنان يعيد توزيع غناهو القديم ، أو يسمعوا لينا بصوتو الحالي ، فدي بتحسب عليه ، ما ليهو.
واللا كيف؟
Post: #32 Title: Re: إثناء ونسة مع الأستاذ مصطفى سيدأحمد .. رحمه الله Author: محمد البشرى الخضر Date: 09-12-2010, 00:10 AM Parent: #28
Quote: صلاح .. أنا برّه .
يا عمك ... برّة ويييين؟ أقول ليك عايز لينك تجيب لينا حاج فسايات بي رقبتو و تجي تقول أنا برّة
Post: #37 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-12-2010, 00:43 AM Parent: #32
Quote: عليك الله أجدع لي من شغل الكورنجية ياخ ، بيضحكوني والله..
والله يا عمك بوستك ده اصلاً مستحمي مستحمي فخليني افك القنبلة دي وكلو مع بعضوا يمشي الخور .
اها وحاتك نميري احمد سعيد داك ذاتو قال لي :- نحنا وبنلعب في المريخ كان ابرهومة الكابتن مشينا رحلة الامارات استعداد لمباراة في الخرطوم والزمن داك كنا مسجلين لاعب جديد في المريخ (في الوقت الحالي ليهو شنة ورنة) اها ايام المعسكر عندنا لاعب كبير جداً جداً وعليهو الاعتماد والرك في المطاشي حصلت ليهو اصابة في الانكل و زيادة علي كده عندو شق في المستقيم المهم المعسكر خلص وخلينا الاعب المصاب ده يتابع طبياً علي شرط أنو يحصلنا قبل المباراة المهمة ورجعنا ودخلنا معسكر مقفول اها الاعب المسجلنو جديد راسو ماشاالله فاخورة ساي وزيادة علي كده عندوا حسادة علي الاعب المصاب ، قمته انا اتصلته اطمن علي زميلي وانتهيت من قصة الاتصال دخل الرئيس نادر مالك وسالني :- اها يا نميري الزول ده خبروا شنو ؟؟ قلته ليهو :- والله يارئيس الزول ده الحمد لله مشكلة الانكل قالوا تمام واتعالجت بس فضلت ليهو قصة الشق بتاع المستقيم دي !!! طوالي قام نطه الاعب الجديد وقال :- ياخ ده زول مستهبل ساي ما يجبص الشق ده ويجي راجع !!! .
اها كيف معاك يا صلاح ؟؟؟
لو عايز زيادة قول؟
Post: #44 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:56 AM Parent: #37
سفيان ، والله أصلي ..
Quote: ما يجبص الشق ده ويجي راجع
مباااااالغة .. أنا لو في محل نادر مالك ، كنت جبّصت للاعب ده ( عشان يعرف إن الله حق ) ..
Quote: اها كيف معاك يا صلاح ؟؟؟
والله مية مية ..
Quote: لو عايز زيادة قول؟
قول .
Post: #45 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:59 AM Parent: #32
Quote: أقول ليك عايز لينك تجيب لينا حاج فسايات بي رقبتو و تجي تقول أنا برّة
والله مرات مرات كده ، أبوحتوت ده بيذكرني بعماد عبدالله ، وبدرالدين..
( بردلب ) ..
Post: #42 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:34 AM Parent: #28
Quote: مكرر (عدل بواسطة محمد عبدالرحمن on 11-09-2010, 10:15 م)
قطع شك ، صاحبي لحق غنم زهرا..
Post: #47 Title: Re: إثناء ونسة مع الأستاذ مصطفى سيدأحمد .. رحمه الله Author: معاوية الزبير Date: 09-12-2010, 06:21 AM Parent: #42
أنا يا صلاح لا أؤيد أن يغني الناس غناء جديد
أقول ليك ليه:
أولا الغنا نتاج للواقع وواقعنا انت براك عارفو
تانيا نحن عندنا في تاريخ الغنا بتاعنا زي كم ألف أغنية
مئات منها متفرد
أها يقوموا الفنانين الجدد ديل يجوّدوا فيها ويبدعوا
على سبيل المثال فقط لا غير:
خدر، ونانسي في كم أغنية رددتها .. الخ
لغاية ما يتغيّر الواقع دا بعد كم عقد من الزمان
إلا إذا طلع فنان فلتة لا بد مما ليس منه بد
مثلما أظهرت مهرجانات نميري للثقافة من فلتات كالخالدي ومصطفى
-------------------------- على صعيد آخر
شايفك سقد من الفجر إن شاء الله ما تكون مورود بالجد زي ما كتبت أمبارح
سلامتك وعيدك سعيد مع الأسرة
Post: #48 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-12-2010, 08:39 AM Parent: #47
Quote: وقد جاء ذلك في آخر حوار صحفي له كنت قد أجريته معه قبل وفاته بأيام قليلة العام 1996
ياجماعة هذا الخطل كضاب ومدلس ذلك لم يكن الحوار الاخير مع مصطفى ثانيا الخطل تدخل في مضامين الحوار غير اشياء واضاف اشياء والغى اشياء من عنده وفي اشياء كتبها غلط
Post: #49 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-12-2010, 09:35 AM Parent: #48
Quote: الحبيب / صلاح عبدالله
عيدك سعيد وكل سنة وانت واحبتي من ضيوفك الكرام بألف خير وخير
وعلى شرف هذه (الونسة) الجميلة مع صديقي الجميل في زمان كان أجمل أرجو ان تسمح لي بان أهديك هذه المادة من أرشيفي .. وهي احدى اللآلئ التي تزين ارشيفي وتتراقص على حوافيها صورة هذه الفنان النحيل جسدا والعظيم عطاءا وفنا ورقيا :
مع خالص تحياتي
خضر
مصطفى سيد أحمد في آخر حوار صحفي أجري معه قبيل رحيله :
ذكرى رحيل صديقي الفنان الفلتة (مصطفى سيدأحمد) تطل علينا هذه اليوم ونحن نعيش منعطفا مفصليا وحاسما في التاريخ السياسي لوطن منكوب بأهله لا بسواهم وينوء بحمل جراحات تنحني أمامها الجبال !!!.. وطن أمام اختبار أن يكون أو لا يكون .. أن يبقى – كما عرفناه في الجغرافيا و التاريخ - أو يتلاشى تحت حمى الصراعات التي لا ترحم وطنا فرط فيه ابناؤه أنفسهم وباعوه لصراعاتهم المتناسلة يوم اثر يوم !!.
والواقع أن يوم الأربعاء المصادف 17 /1/1996م يشكل علامة فارقة في تاريخ أغنيتنا السودانية!!!.. انه يوم رحيل هذا الفنان الانسان . ولأنه حي يسعى بيننا رغم الغياب الأبدي ولأنه رمز خالد في سماوات غنائنا ولأن ما تركه من فن وقيم تجري في عروق حياتنا مجرى الدم فيها ولأنه كان دوما آخر المتكلمين بيننا!!!!! آخر المتكلمين تأدبا وتحسبا وتألقا وعمقا وشفافية .
لأنه كان كل ذلك فلنتيح له الفرصة ـ هذه المرة ـ كي يتكلم لنا بنفسه الأبية وصوته المتعب . ولنستمع اليه نحن الذين طالما تحدثنا اليه وعنه وفيه وبه . تكلمنا جميعا حتى أضحي الحديث عنه ـ لدى البعض منا ـ تجارة !! وأي تجارة؟. لنعطه الفرصة حتى نسمع لما يود أن يقوله دون أن نقاطعه ولو مرة واحدة !!!!.
جاء الينا من غياهب الابداع ورحم الجنون متأبطا نجيمات ضاويات علها تهديه السبيل الى قلوب الملايين من أبناء شعبه .. فكان له ما أراد. جاء الينا وفي أعماقه روح شفيفة أغتلناها قبل ان نعرف كنهها ! .
ظللنا نغتال فيه يوما أثر يوم حتى غادرنا وهو يكابد الأمرين معا : عيشة في المنفى وبعدا عن الاهل . غادرنا وفي أحشائه تنام كلية فتاة روسية الجنسية موسكوفية المولد دون أن نزرع ـ حتى يوم أن أحتاجنا كلية واحدة في جسده ـ أن نعطيه كلية سودانية تبدد وحشة قبره وتكون له أنيسة في مثواه الأخير . هكذا عاش فينا ولنا .. ولكنه مات غريبا رغم أحتفاء نفر من أصدقائه به في منفاه .
تخيلوا معي ـ ياسادتي ـ أن تموت غريبا في المنفى وأنت تمثل الحياة لدى من أحبوك .. أن تموت دون أن يكتحل بصر حتى من أنجبوك بنعشك أمامهم !!!!.
أنها مفارقة المنافي !!!!!!. لذا أهدي ما أريد قوله هنا .. وما سنسمعه من هذاالراحل/ المقيم على لسانه : الى كل الذين تاجروا باسمه وبحنجرته وبنات حشاشاته ودرر عطائه .. وكل الذين أثروا من وراء ابداعه وكل أولئك الذين لايزالون يحاولون ذلك !!!. الى كل الذين أخلصوا وظلوا أوفياء له حتى وهو في قبره .. وكذا الى أولئك الذين تنكروا له بعد رحيله (كماوردعلى لسان رفيقة عمره بثينة).
** ** ** ** ** أحبتي : اني أكتب اليكم في هذه اللحظة وأمامي برقية تعزية بتاريخ 21/3/1994م كان قدبعث بها الي في وفاة والدي الجليل ( رحمه الله ) .. وأمامي كذلك صورة فوتوغرافية له كان قد أرسلهاالى مرفقة بصورة جواز سفره حامل الرقم ( 026990) والصادر بالخرطوم في (1/7/1991م) لتنتهي مدة صلاحيته بتاريخ : (1/7/1993م ) الأ أنه قد تم تجديده بسفارة السودان بالعاصمة القطرية في يوم 6/7/1993م على أن ينتهي بتاريخ : ( 6/7/1995م ) . وفي ذلكم الجواز : الأسم : مصطفى سيدأحمد المقبول المهنة: مغني ومؤلف موسيقي مكان وتاريخ الميلاد : ود سلفاب 1953م .
هاهو هنا يتحدث الينا ونحن كلنا آذان صاغية .. لنرى كيف كان هذا المرهف يفكر.. وكيف كان يرى الاشياء من حوله وهو على فراش المرض الاخير . وقد جاء ذلك في آخر حوار صحفي له كنت قد أجريته معه قبل وفاته بأيام قليلة العام 1996 وتم نشره بصحيفة ( الاتحاد) الظبيانية ومن ثم صحيفة ( الاتحادي الدولية) المعارضة التي كانت تصدر بالقاهرة آنذاك . **********************
فالى مضابط ذلكم الحوار الذي لم يكن طويلا ـ بالعرف الصحفي المتعارف عليه ـ ولكنه كان عميقا لمايتسم به فناننا الراحل من اختيار لكلماته وبعد في أفكاره :
سؤال : الفنان حالة خاصة .. والفن رسالة انسانية .. فكيف يكون الالتحام بين الحالة والرسالة ؟.
* من انواع الذكاء : الذكاء الناقد .. الذكاء العملي .. والذكاء الخلاق . وعليه فان خصوصية الفنان تأتي من انتخاب الطبيعة له بتأهيله بنوع من الذكاء الخلاق .. وكل ذلك يتبدى من نشاطه كانسان .. أي يسعى لتحقيق انسانيته من خلال تفاعله مزودا بهذاالتأهيل الفطري .. أي خصوصية حالته تاتي في اطار سعيه لتحقيق انسانيته وذاته وفي ذلك علاقة عضوية تنفي أن تكون حالته منفصلة عن رسالته.
سؤال : أين ترسو اليوم مركب تجربتك مع الغناء والموسيقى ؟
* هي تجربة تتوالد أبعادها من أبعاد .. حيث أن القضايا مازالت ساخنة وكثيرة.. والتفاعل مع الحياة قائم ولم يفتر بعد .. كما أن البيئة مليئة وثرية .
سؤال : أين وكيف ترى الوطن في ظل الظروف القائمة حاليا هناك ؟
* أرى أن الوطن يدخل في تحد كبير .. فبالرغم من قسوة التجربة على الأبعاد الاجتماعية والاقتصادية والسياسية الا أنها لها ما بعدها .. حيث أن التجربة تساهم في اسقاط كثير من الأقنعة ( مع وضد) وما بعدها يتجاوز كل هذه الأقنعة مترسما ملامح واضحة ومحددة لا تطولها المغالطات ـ أي بمعنى أخر أنه في مرحلة هدم وبناء ليس على مستوى الظرف الحالي ولكن على مستوى مفاهيم الماضي وما تعتمرها من تخلخل ومراجعة .. والمفاهيم المطروحة الآن وما سقط منها كشعارات كذبها الواقع خلال الممارسة اليومية وما يتبلور من رؤى جديدة تقود خطوات التغيير .
سؤال : الوطن والحرية .. الغربة والأبداع .. ماقولك ؟ ومتى يكون الفنان صدى لصوت شعبه ؟
* يمكنني القول بأن التجربة التي يمر بها اليوم الناس في داخل وخارج السودان ـ برغم قساوتهاـ الا أنها مفيدة وناقدة لكل ما سبق . أما عن الغربة فلا تسلني .. أو ليس من بالداخل يشعر بالغربة الآن ؟؟. وعن سؤالك عن الفنان ومتى يكون صدى لصوت شعبه .. فان الحديث يطول في هذا الشأن . فيكفي أن تنصهر ـ كفنان ـ في معامل معاناة هذاالشعب الذي أنت من صلبه .. وتنعجن في أفراحه وأتراحه لتصبح لسان حاله في سرائه وضرائه.. وهذا هو الفن الحقيقي من وجهة نظري .
سؤال : وماذا عن تجربتك مع المبدع الفنان يوصف الموصلي ومشاريعكما معا؟
* يوسف الموصلي صديق عزيز .. وهو بجانب كونه مطربا فهو موسيقي مقتدر وملحن بارع له اسهاماته الواضحة في هذا المجال .. كما ان هما مشتركا يجمع بيننا في مجال طرح تجاربنا بشكل جيد .. فأمامنا الكثير من الاعمال التى نأمل ان نخرجها تباعا على منوال ماسبق أن أنجزناه معا من تجربة لاقت صدى طيبا في نفوس الجماهير والمهتمين على حد سواء .
سؤال : ماهو جديدك ؟؟ ثم ماقولك عن مستقبلك فنيا ؟
* هناك الكثير من الاعمال الجديدة ..أما في هذه الأيام ـ وبرغم الظروف الصحية التي أمر بها ـ الا أنني أعيش بصحبة قصيدة لشاعر مصري أسمه( أحمد صلاح كامل ) وهي بعنوان ( مفتتح الطريق) كم أرجو ان يقوم حواري هذا معك أخي خضر مقام اخطار له .. فأنا لم ألتقيه ولكني وجدت قصيدته هذه منشورة بمجلة ( العربي) وقد أعجبتني فعكفت على تلحينها .. يقول مطلعها :
( هذا فرحنا ميت والأرض تلهث في سباق الانفلات ونسيت أمومتها وباعت فرخها للريح أنكرت البراءة في عيون الفجر لطير الليل كي يملي القرار وأنا اسجل موقفي لاالليل قديس ولا القمر انتصار) . كما أن هناك قصيدة لصديقي الشاعر ( محمد مدني ) أذكر لها منها :
والأرض تحضن بذرة الامكان يارباه يا أرض اتخذتك مغزلا للحب والأشعار والحقب الجديدة.......الخ .
أما عن سؤالك حول مستقبلي الفني .. فأنا اعمل وفق برنامج يسعى لانجاز رؤى محددة أحلم أن أنجزها على المستويين : الشكل والمضمون .
سؤال : ثم ماذا لو سألتك عن اتحاد الفنانين السودانيين وعن صلتك به؟؟ وهل تعتقد بأنه يؤدي دوره المطلوب في ظل غياب أو توقف معظم رموزه ؟
* ليس بيني وبين هذا الاتحاداي اتصال منذ خروجي من السودان .. فهل ترى أن له دور الآن ؟؟؟؟.
سؤال : أخيرا:كيف ترى مستقبل الأغنية السودانية عامة؟
* بايجاز ـ أخي خضر ـ انه مستقبل مرتبط دون شك ارتباطا عضويا بمستقبل البلد والناس هناك .
أنتهى الحوار – ياسادتي - ولكن حتما ستكون لي عودة للحديث عمن (أغتالوه !!) جهارا نهارا في الدوحة وشاركوا في العزاء من أجله .. لا بل وساروا خلف جنازته دون خجل أو وجل !!! .. أولئك الذين لا زال البعض منهم يتمسح في دنيا هذا الراحل / الخالد – حتى وهو تحت التراب - بحثا عن شهرة رخيصة أو مجد شخصي لن ينالوه أبدا .. انهم أولئك الذين لم يتركوا بابا للمتاجرة باسم هذا الفنان الخالد الا وطرقوه .. وهم كثر !!.
ختاما : للجميع محبتي .. ولصديقي الخالد مصطفى سيدأحمد ألف دعاء لرب يظلل قبره ويجعل منه روضة من رياض الصالحين .
Post: #50 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 10:13 AM Parent: #49
البوست لحق أمّات طه
Post: #51 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-12-2010, 10:30 AM Parent: #50
صلاح عبدالله قال القصة دى فى (لب) الفكرة بتاعت البوست ..اها امسك .. انت ياابوالريش امات طه ديل شنو؟..طبعا يااخوانا حقوق الملكية لمصطلح (غنم زهر) لاخونا خليل ..عشان نثبت للناس حقها وكدا ..انا متلقى فقط .. بالقياس للروايتين اعلاه ممكن نقول مستقبلا (بوستك لحق بوست صلاح) ..
هذا والله اعلم ...
Post: #52 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 10:36 AM Parent: #51
Quote: انت ياابوالريش امات طه ديل شنو؟
ما بتعرفن؟
أمّات طه ديلك ..... اللحقن ابوي.
Post: #59 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-12-2010, 11:59 AM Parent: #52
ابوالريش ومحمد عبدالرحمن صلاح عبدالله لوبفتكر ان حوار الخطل خضر بصب في مصداقية ونسته مع مصطفى يبقى صلاح كضاب زيو وزى الخطل وياريت صلاح يقدر يتحمل او يحاول الدفاع عن كضب الخطل حين يستبين الرشد قبل ضحى الغد
Quote: الأخ الأستاذ / خضر كل عام وأنت بخير
شاكر جداً إيرادك للقاءك الصحفي مع الراحل المقيم الأستاذ مصطفى سيدأحمد والذي يخدم تماماً خط وفكرة هذا البوست..
صلاح تأمينك على كلام الخطل بطلعك انت كضاب وسازج كمان وونستك مع مصطفى لامصداقية لها ناهيك عن كون مصطفي خصك بما لم يخص به غيرك (وجبتن) صلاح عبدالله انت بتبيع معلومات لصالح من ؟؟؟يا عماد عبدالله اقولها لك وانت عندى كبير وكبير جدا ناهيك عن الخصوصيات وتعلم تمام انى بفصل بين ماهو خاص وما هو سرى وما هو تفاكرى صلاح سكت دهر ونطق خطل
تنهدات: صلاح عبدالله من وين بتعرف ان الخطل خضر اجرى اخر لقاء صحفي مع مصطفى
Post: #69 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 02:18 PM Parent: #47
عزيزنا معاوية كل سنة وأنت والأسرة الكريمة بخير ..
نحن لغاية ما يجو الفنانين المهديين ( المتظرين ) نكون بقينا بترول..
Quote: شايفك سقد من الفجر إن شاء الله ما تكون مورود بالجد زي ما كتبت أمبارح
والله أخوك مُلجّن من آخر رمضان ، نوم مافي ، الله يشفينا وجميع المرضى.
Post: #53 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-12-2010, 10:39 AM Parent: #42
Quote: قطع شك ، صاحبي لحق غنم زهرا
صاحبك يبرا من غنم زهرا ..المداخلة اتكررت مرتين دى كل القصة ..هذا ونسال الله لك اللطف والاجارة ....
Post: #54 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-12-2010, 10:52 AM Parent: #53
Quote: صاحبك يبرا من غنم زهرا
حيييييييييي انا .. ما قلتو نوبه .
............. الليلة الدق
Post: #55 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-12-2010, 11:10 AM Parent: #54
اسمع يا صلاح اصلاً الحصل حصل خليني اديك بتاعة كع كرع واخلص علي الحدوته ياخ .
والله دي كان سمعتها إلا ياجزُولكُم.
كنا نخوض مع ناس وائل إشششششششششششش كان سعلونا .
Post: #57 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-12-2010, 11:30 AM Parent: #55
كرع كع ؟؟ جابت ليها تعاشيق ؟؟
Post: #56 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 11:25 AM Parent: #54
Quote: ياجماعة هذا الخطل كضاب ومدلس ذلك لم يكن الحوار الاخير مع مصطفى ثانيا الخطل تدخل في مضامين الحوار غير اشياء واضاف اشياء والغى اشياء من عنده وفي اشياء كتبها غلط
غايتو كان الفي بالي خضر وقع وما سمى
صلام يا أبو عبد الله وكل سنة وانت طيب كان البوست ما ولع بجيك راجع الليلة ووب
Post: #58 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-12-2010, 11:36 AM Parent: #56
Quote: حيييييييييي انا .. ما قلتو نوبه .
............. الليلة الدق
دق شنو ياعماد ؟
انا ملتزم تمام الالتزام بسماع مصطفى سيد احمد ..صباح ومسا .. بسمعو اكتر من (الراتب ) تانى دايرين منى شنو ؟...الكلام الفوق نعزيه للزهماير فقط ..ياخ كان ماساى الانصار مالهم ومال الغنا؟! .. شلاقة ساكت ..
Post: #60 Title: Re: إثناء ونسة مع الأستاذ مصطفى سيدأحمد .. رحمه الله Author: معتصم الطاهر Date: 09-12-2010, 12:40 PM Parent: #58
Quote: وقد جاء ذلك في آخر حوار صحفي له كنت قد أجريته معه قبل وفاته بأيام قليلة العام 1996 وتم نشره بصحيفة ( الاتحاد) الظبيانية ومن ثم صحيفة ( الاتحادي الدولية) المعارضة التي كانت تصدر بالقاهرة آنذاك .
Post: #61 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 12:57 PM Parent: #60
Quote: وونستك مع مصطفى لامصداقية لها
دي ما وقعت لي (صلاح .. والاّ مصطفى ... والاّ الونسة)؟
مش قلنا ليكم لحق امّات طه؟
Post: #65 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 02:00 PM Parent: #61
Quote: Quote: وونستك مع مصطفى لامصداقية لها
دي ما وقعت لي (صلاح .. والاّ مصطفى ... والاّ الونسة)؟
مش قلنا ليكم لحق امّات طه؟
يا محمد أبو الريش ، إنت ما عارف صاحبك ده وشوتاتو ؟؟ غايتو إلا يكون حضر كل ونساتي مع مصطفى عشان ينفي مصداقيتها أها النوقع ليك المقصودين بعدم المصداقية دي (أنا ، ومصطفى والونسة زااااتا) شفت كيف؟
أنا غايتو الليلة دي قاعد معاكم وراجي البدر ده ، يجي يّفت لينا قصتو مع خضر ، المقّومة نفسو دي .. ونشوف الكضاب فيهم منو!!
شيل شيلتك مع خضر يا بدر ( المديدة حرقتني )...
Post: #62 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 12:57 PM Parent: #60
Post: #63 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 01:30 PM Parent: #58
البدر ..
صحيت يا الحبيب؟؟ غايتو آمنت ، عماد عبدالله ومحمد عبدالرحمن ديل شيوخ عدييييييل ، يندهولم للنجدة والفزعة!! ندهت شيوخي الفوق ديل ، البوست ده تحّوطوه ما يلحق غنم زهرا (بتاعات خليل). يبدو أننا سنشهد عرضاً ممتعاً هنا !! الرجاء من الإخوة المشاهدين التزام أماكنهم وعدم إزعاج ( اللعيبة ) ..
Quote: أما أدناه ورغم علاقتي الوثيقة مع العزيز الراحل ، إلا أنه لا علم لي بها ..
أولاً بالتبادي : يا بدر كلامي الفوق ده أنا قلتو في ردي على خضر ، وهذا ينفي عني تهمة الكذب ( اللصقتها فيني أنا المسكين ده ). تانياً يا الحبيب :
Quote: ياجماعة هذا الخطل كضاب ومدلس ذلك لم يكن الحوار الاخير مع مصطفى ثانيا الخطل تدخل في مضامين الحوار غير اشياء واضاف اشياء والغى اشياء من عنده وفي اشياء كتبها غلط
طبعاً أنا أول مرة أقرأ الحوار ده ، ومن كلام معتز ، الظاهر إنو القصة بينك وبين خضر قدييييمة ، أها دي إلا أبقى حاوي عشان أعرفها ، ياهو دااااك خضر ، عليك بيهو ، أنا مالي ومال كده ، الفيل كلو عندك ، خليك من طعن ضلو؟ يلا تعال ورينا قصة الحوار ده ، وجيب النص الحقيقي !! تالتاً بالتبادي :
Quote: صلاح تأمينك على كلام الخطل بطلعك انت كضاب وسازج كمان وونستك مع مصطفى لامصداقية لها ناهيك عن كون مصطفي خصك بما لم يخص به غيرك (وجبتن) صلاح عبدالله انت بتبيع معلومات لصالح من ؟؟؟يا عماد عبدالله اقولها لك وانت عندى كبير وكبير جدا ناهيك عن الخصوصيات وتعلم تمام انى بفصل بين ماهو خاص وما هو سرى وما هو تفاكرى صلاح سكت دهر ونطق خطل
تنهدات: صلاح عبدالله من وين بتعرف ان الخطل خضر اجرى اخر لقاء صحفي مع مصطفى
يعني معلوماتي ببيعها لصالح الـ(CIA)؟ أنا أمّنت على كلام خضر فيما يختص بالصفات المطلوبة في الفنان الحقيقي ثم ان الكضّاب هو من يدلي بمعلومات أو حديث غير صحيح ، وهو ما لم أفعله أنا!! فتأميني على جزئية صفات الفنان لا تدخلني في زمرة الكذّابين يا زعيم، واللا مو كدي؟؟ أما بقية ما ورد في الحوار ، فلا علم لي به ، لأنني لم أحضره ( اللهم لا علم لنا إلا ما علّمتنا )..
البدر ، إنت إتهمت خضر بالخطل والكذب ، تعال جيب لينا دليلك ومعلوماتك ، عشان نحن زاتنا نفهم حاجة.. وخليك مني أنا ، وما تفكها فيني ، بس فلاحتكم في الحيطة القصيرة ده ( أنا ) !! والله الليلة كان ما جيت ، خضر ده يجي ، إلا تقوم جاري ... كااااااااك..
Post: #64 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-12-2010, 01:43 PM Parent: #63
Quote: صلاح عبدالله انت بتبيع معلومات لصالح من ؟؟؟يا عماد عبدالله اقولها لك وانت عندى كبير وكبير جدا ناهيك عن الخصوصيات وتعلم تمام انى بفصل بين ماهو خاص وما هو سرى وما هو تفاكرى صلاح سكت دهر ونطق خطل
صلاح ياخوى نشوف شياخة عماد اخوك فى الكلام الفوق دا ... لازم يجى يامن على سكوت صلاح دهرا ونطقه خطل ..او كما قال ..الله يقدروا ومايامن ..عشان يعرف الله واحد ...
Post: #66 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 02:12 PM Parent: #64
متز ، كل سنة وأنت والأسرة بألف خير ..
Quote: غايتو كان الفي بالي خضر وقع وما سمى
والله أنا من أول ما بدر الدين ده فتح نار في خضر ، عرفت طوالي عندو بلاوي ( مصبنها ).. العريبي ده داهية ، الله يكفينا شرو.
منتظرين بداية الـ(شـو )..
Post: #67 Title: Re: إثناء ونسة مع الأستاذ مصطفى سيدأحمد .. رحمه الله Author: عزام حسن فرح Date: 09-12-2010, 02:12 PM Parent: #64
Quote: حين راهن عليك مصطفى سيد احمد وترجاك عشان يمنحك بعض الحانه خزلته وجبنت
والله أنا في المَغَنى ما مُتْأسِف إلا على حاجتين : (1) صلاح عبدالله ما إحْترف الغِناء (2) عزام ما كابس مع المُتكابْسين ، يِكون مُغني
Post: #70 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 02:28 PM Parent: #67
عزاّم ، كل سنة وإنتو طيبين
يا زول الغنا عندو ناسو البيعرفو ليهو ، صلاح عبدالله شنو كمان ياخ؟؟ وبعدين إنت قايل فات شئ هسي ، والله تمشي السودان تأجر ليك بتاع أورغن وساوند يمين بكرة نشوفك في النيل الأزرق، إنت قايلها صعبة؟؟
إتوكل يا إبن خالتي وألحق باقي السوق ده ، الغربة دي حدها قصير وما مضمونة ..
Post: #68 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 02:12 PM Parent: #64
يا بدر الدين .........
خلينا نخت الحقايق واحدة واحدة.
البوست ده فتحو صلاح عبدالله .... وأشركنا في بعض من ونسته مع الأستاذ مصطفى رحمه الله.
تحديداً عرج على جزئية في الونسة وقال:
Quote: في واحدة من ونساتي معاهو ، أثرت موضوع كبار الفنانين عندنا ، وتحدثت عن إنتاجهم في فترة ظهورهم وأصواتهم حينئذٍ ، وجمالها ، وأغنياتهم والعبقرية التي لُحّنت بها .. إذا قارناها بأصواتهم وإنتاجهم الآن ، ستكون النتيجة محزنة ..
إذن .... ما جاء في الكوت أعلاه، هو موضوع البوست، وصبت آراء جميع المتداخلين فيه.
حتى الموضوع الذي أتى به الأخ خضر عطا المنان (من الأرشيف)، تناول منه صلاح عبدالله ما يهم موضوع البوست، ولا يغير فيه إن كان آخر لقاء قبل وفاة الراحل، أم تم إجرائه بعد وفاته.
لديك رأي فيما قال خضر عطا المنّان أو عداء سابق .......... أرض البورد واسعة، وتستطيع فتح بوست لموضوعك (المختلف عن موضوع هذا البوست) ...... وتطالع فيهو خضر عطا المنان الخلا.
_____ ياخ والله فترنا ...... حتى البوست البيحمل عنوانو (الونسة) تجوا شايلين فيهو مدافعكم؟
Post: #71 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 02:34 PM Parent: #68
Quote: والله أنا من أول ما بدر الدين ده فتح نار في خضر ، عرفت طوالي عندو بلاوي ( مصبنها ).. العريبي ده داهية ، الله يكفينا شرو.
منتظرين بداية الـ(شـو )..
بداية شو شنو يا صلاح أنا غايتو ما متذكر كلن الحاج متذكر داك أنا متأكد بكون متذكر
غايتو الله يكضب الشينة كان ياهو الفي بالي خضر دا إلا يشوف ليهو شغلة تانية غير الصحافة دي
غايتو ممكن يبقى خالد الصحافة أو على اقل تقدير يبقة صحافة_30
هئ هئ هئ هههاااااااي
Post: #73 Title: Re: إثناء ونسة مع الأستاذ مصطفى سيدأحمد .. رحمه الله Author: ريهان الريح الشاذلي Date: 09-12-2010, 04:00 PM Parent: #71
لانو البوست ده ما بشبه البوستات ديك ولاني كنت ماشة كويس وبستفيد من اي مداخلة جديدة فيهو.. فعليكم النبي سبع مرات تحنو علينا وخلونا في الغناء وسلاسة الحوار لغاية ما تبقي عدد صفحات البوست 4 وبعد الرابعة بكون المضمون أوتي اكله فتعاركو واتفطسو ....
Post: #74 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 04:08 PM Parent: #73
Quote: لغاية ما تبقي عدد صفحات البوست 4 وبعد الرابعة بكون المضمون أوتي اكله فتعاركو واتفطسو ....
قلنا ليهم ..... أعملو ليكم بوست كبسيبة براكم.
أنا متبرّع أفتح البوست ..... وكل زول عندو غبينة يجي يفشّها هناك
Post: #75 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 04:42 PM Parent: #71
Quote: خضر دا إلا يشوف ليهو شغلة تانية غير الصحافة دي
تعرف يا معتز ، المحيرني إنو خضر ما جاب سيرة بدرالدين نهائي لكن البدر فتح مدفعية تقيلة وراجمات في خضر وقام سكاني أنا بي قناية ، ده معناهو الجماعة ديل زول لابد وراجي فرصة في التاني ، وأهو جاتم على طبق من ذهب . يلا يا فارات مش البوست ده ، أها ده طرفي منو، تعالوا ورونا كيف تدار المعارك، والحشاش يملأ شبكتو..
كلام العريبي ده معظمو موجه لي أنا ، لكن الموضوع كلو عبارة عن ( إياك أعني يا جارة ، فأسمعي ).
يكون ياربي بدرالدين أحد مغتالي مصطفى والمتاجرين بإسمه حتى وهو تحت الثرى كما قيل ، ونحن ما عارفين؟؟
ولله ده ح يكون عرض الربع ده والأرباع التالية ...
كدى نرجي بدر واللا خضر ، عشان نشوف المساجلات الأصلية..
-------------- إنتو محمد البشرى وينو ، يسأل من الفنانين وأبهاتهم ، ويزوغ!!
Post: #76 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-12-2010, 04:49 PM Parent: #75
اللخو .. بوستينك إلا بعد ده تقلبو طابونة .
.......... هسه أمرقك زول ذمة كيف مع بدر الدين أب سفروق ده ؟؟
Post: #77 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-12-2010, 06:07 PM Parent: #76
Quote: وقام سكاني أنا بي قناية
سكو ماتقيف منو ....(انعمنو) متآمر مع المخابرات الامريكية ..
Post: #78 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 06:35 PM Parent: #77
Quote: سكو ماتقيف منو ....(انعمنو) متآمر مع المخابرات الامريكية ..
الأنصاري ، ود خالتك المطرطش ده سكّاني ، وكملت جريتي ، ونفدت بي جلدي.. اليركز هو للسك الجاييهو .. هسي يكون خضر بيظبط في اللياقة وجايي.
سجمك يا العريبي ، أرجي الجاييك..
وههاهاهاهاهاهاهاهاي..
----------------- والله قدرت ما حاولت أجيب ( بُرّة وبوبي ) بتاعات معتز ديل ، غلبني .. كديسـة حقّـارة.
Post: #79 Title: Re: إثناء ونسة مع الأستاذ مصطفى سيدأحمد .. رحمه الله Author: AWAD MAHMOUD OSMAN Date: 09-12-2010, 06:37 PM Parent: #77
Quote: إثناء ونسة مع الأستاذ مصطفى سيدأحمد .. رحمه الله
نعرف كيف هات الدليل في تسجيل والله شهود والله صور قايتو يا صلاح اخوي خلعت الاثبات في المنتدي تخلي الواحد يفكر مليون مرة في كلام يكتبو حتي ولو ذكريات من الزمن الجميل
_________________ الجميل صلاح كل عام وانت بالف خير عارف بذكر من غير دليل اثبات مرورك بشارع ناس ابنعوف وتاخد شمال بشارع ناس حنني عشان تصل بيت اخونا عصام ميرغني وتكتملت الجلسة بي السني وزاهر ابنعوف وبدرالدين عوض وميسرة غاندي ومحمود عبدالعزيز وحمبيه وناس كثر من الزمن الجميل ويبداء الغني حوتا وبعده تبداء هدير الحضور صلاح صلاح لتغرد بعزب اللحن وجميل الكلام تبدع وتطرب كل الاشجان الله علي تلك الايام ليتها تعود _________________ تصحيح معلومة وقتها كنت صغير بتفرج وبس
Post: #84 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 08:10 PM Parent: #79
Quote: الجميل صلاح كل عام وانت بالف خير عارف بذكر من غير دليل اثبات مرورك بشارع ناس ابنعوف وتاخد شمال بشارع ناس حنني عشان تصل بيت اخونا عصام ميرغني وتكتملت الجلسة بي السني وزاهر ابنعوف وبدرالدين عوض وميسرة غاندي ومحمود عبدالعزيز وحمبيه وناس كثر من الزمن الجميل ويبداء الغني حوتا وبعده تبداء هدير الحضور صلاح صلاح لتغرد بعزب اللحن وجميل الكلام تبدع وتطرب كل الاشجان الله علي تلك الايام ليتها تعود
لا حولااااااااااا، يا زول إنت منو؟؟ علي اليمين خوفتني !!! أما أخونا باللون الأحمر ، فنسأل الله أن يقيل عثرته ، ويرجع حوتاً أصلياً ، عشان يبلع ( الصير ) الحايم الأيامات دي..
Quote: تصحيح معلومة وقتها كنت صغير بتفرج وبس
كنت صغير؟؟ القعدات الوصفتها دي كانوا أصغر ناس فيها أنا ده ، وحوتة ....
----------------- عليك الله ذكّرني ، إن شاء الله بالماسنجر ياخ..
Post: #80 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-12-2010, 07:46 PM Parent: #77
صلاح عبدالله انا لم اقدح في مصداقية ونستك مع مصطفى بدليل في مداخلتى الاولى ذكرتك بجبنك وخوفك من ان تاخد الحان من مصطفى وانت عارف في حياة مصطفى وبعد رحيلة قاعد اقول ليك انت ######## تضحك وتقوم جارى وتسخر مني بقولك يالعريبى داير تودينى في داهية انا شن قدرنى اغنى لحن لمصطفى ولعلم الجميع وهذه المعلومة ذكرتها هنا اكثر من مرة ويشهد عليها الاخ عبدالمنعم الفكى عازف الايقاع الذى كنا نسكن انا وهو ومصطفى مرة مصطفى قال لصلاح عبدالله: ياصلاح هذاارشيف اغنياتى شيل الدايرو على الطلاق بعدك في الحمام ماأغنيها) وصلاح يجبن ويقوم جارى ويقيظنا بضحكته الغياظة ولعلى اضيف هنا معلومة اخرى ان اغنية الممشى العريض كلمات العميرى مصطفى اصلا لحنها لصلاح عبدالله وبدا يحفظه في اللحن وفكرته برضو صلاح شرد ورفض يستلم الاغنية واللحن وياصلاح برضو بكررها ليك لو ان هذا الخطل بدعم مصداقية ونستك مع مصطفى تبقى انت مدلس زيو وخلى هذا الخطل يوضح كيف تم اجراء ذلك الحوار وانه لم يدلس ويغير في الحوار ويأتيك بدليل امانته الصحفية
Post: #82 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 07:58 PM Parent: #80
كُنّا وقفين وين؟
أيواااااا ... هنا:
Quote: اسمع يا صلاح اصلاً الحصل حصل خليني اديك بتاعة كع كرع واخلص علي الحدوته ياخ .
متظرين حكاية كع كرع يا سفيان ياخ.
Post: #83 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 08:01 PM Parent: #80
العريبي أب لسان طويل ،، الله يكفينا شرك..
Quote: وخلى هذا الخطل يوضح كيف تم اجراء ذلك الحوار وانه لم يدلس ويغير في الحوار ويأتيك بدليل امانته الصحفية
الكرة الآن في ملعب الأستاذ خضر عطا المنان.. أرجو أن نقرأ رداً من الأستاذ خضر على كلام بدرالدين.
Post: #85 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 08:15 PM Parent: #83
صلاح عبد الله كل سنة وانت طيب
الليلة كان يجيك أحلق شنبي
Post: #86 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 08:21 PM Parent: #85
Quote: يكون ياربي بدرالدين أحد مغتالي مصطفى والمتاجرين بإسمه حتى وهو تحت الثرى كما قيل ، ونحن ما عارفين؟؟
مغتالين دي ما عارفا لكن متاجرين دي يمكن
يمة الليلة الزول مالو ما ورانا اسبابو
Post: #108 Title: Re: إثناء ونسة مع الأستاذ مصطفى سيدأحمد .. رحمه الله Author: خضر عطا المنان Date: 09-13-2010, 02:14 PM Parent: #83
Quote: الكرة الآن في ملعب الأستاذ خضر عطا المنان.. أرجو أن نقرأ رداً من الأستاذ خضر على كلام بدرالدين.
صلاح عبدالله
الحبيب / صلاح
أنا عادة ما اترفع عن الزج بنفسي في ما لايفيد ولا يضيف لمادة مطروحة للعامة هنا .. ولا ارد على جهلاء انفسهم وسفهاء القوم ( لا أريد حتى مجرد كتابة حروف اسمائهم هنا احتراما لنفسي وليس لاي شخص آخر هنا).. ذلك مبدأ توطنت عليه وتعايشت معه بحكم التجربة ..
أما ردي على ماتفضلت به ووتطلبه مني اخي صلاح - وانت صاحب هذا البوست والآخرون ضيوف عليك - فتجده هنا بين ثنايا هذه السطورأدناه لتعرف السبب .. وقديما قيل (اذا عرف السبب بطل العجب ).. أليس كذلك ؟؟..
Quote: عندما يتطاول الجهلاء من الدهماء على القامات من العلماء !!
لعلها أضحت ثقافة عامة في مجتمعنا السوداني العريض والذي أزعم أن هذا المنبر العام لسودانيزأونلاين هو أصدق نموذج له ولما يعتور ذلكم المجتمع الذي نحن جميعا جزء منه شئنا أم أبينا ( يعني المنبر سودان مصغر) أليس كذلك ؟.
وما تحويه تلك الثقافة هي أمور ينساق وراءها جيش عرمرم من جهلاء المنابر وأصحاب الرؤوس الخاوية والفكر الأجوف والعقل المريض وهؤلاء ليسوا قلة هنا في هذا المنبر حتي يمكن تجاهلهم أو السكوت على ما يقومون به من تطاول على رموز طالما أضاءت سماواتنا بعطاءاتها ووجدت لها مقعقدا وثيرا بوجدان كثير من السودانيين ممن يعرفون قيمة هذه الرموز وأنا واحد من هؤلاء وهذا هو سبب دفاعي عنهم ليس لسواد عيونهم بالطبع ولكن لأن أمثال هؤلاء الرموز يستحقون منا أن نرفع قبعاتنا ونحني هاماتنا احتراما وعرفانا وتقديرا لهم .
واذا كان الموت حقا.. والحياة باطلة .. والبقاء والخلود له وحده سبحانه وتعالى .. والمؤمن مصاب .. والحكمة ضالة المؤمن .. فمن باب أولى معرفة كنه مثل هذه الحقائق التي لا تقبل الجدل ولن تقبل كما تعلمنا منذ سني الدراسة الأولى .
وللمتسائلين عن سبب هذا البوست وما أود قوله هو أنني – ربما مثل الكثيرين غيري أعضاءا وزوارا – قد هالني ما قرأته في بوست كتبه العضو ( بدر الدين الأمير) الذي يبدو أن لديه الكثير من الوقت للكتابة ( ومصاقرة ) الحاسوب مثل بعض من لا شغل لهم سوى مجالسة هذا الجهاز الذي أضحى صديقا لبعضنا للأسف دون الآخرين الأمر الذي جعل بعضنا يفتح في اليوم الواحد أكثر من بوست ولأكثر من موضوع في آن معا !!!.. وهو موضوع يكون - أحيانا - يفوق محتواه قدرة وامكانات وطبيعة عمل هذا العضو ( ان كان له عمل أصلا !!!) .. وقد يكون أحد بوستاته أشبه بتجويف بطيخة أكلتها القرود ولم تبق منها سوى قشرتها الخارجية !!!..
وبعضنا يكتب ويكتب من أجل الكتابة فقط لا غير والأمثلة هنا كثيرة بحيث لا تحصى !! وبعضنا لا يكتب لهدف بعينه ولا لقضية محددة ولكنه يكتب (أي حاجة !!)حتى لو يمازح صديقا أو( يشاتر) مع آخر!!!
بل أن هناك من لم يكتب جملة مفيدة واحدة أو يكمل فكرة ما يوما رغم أنه عضو بهذا المنبر منذ سنوات خلت !! ولكنها امكاناته وقدراته وسعة ما لديه من أفق ورؤية ...الخ .. وهؤلاء جميعا قد يجد لهم البعض العذر لا لشئ الا لفراغ يعيشونه وعدمية يتجولون في ردهاتها الموحشة !!.. وتلك – لعمري – مأساة توجب الوقوف عندها دون شك .. أليس كذلك ؟.
بالعودة لما أفزعني وأغضبني – وآخرين ممن عبروا عن الشعورذاته عبر مداخلاتهم المستاءة وغير الراضية ما حوا ه بوست ( الأمير) الذي جعل خبر وفاة قريب له وكأنه رحيل كل خير في بعض أطبائنا الكبار !! الأمر الذي أدخله تحت طائلة - لا أقول القانون فحسب - ولكن تحت تأثير انفعالي عاطفي عارم – وله الحق في أن يحزن كما يشاء بالطبع - تأثيريبدو أنه كسا عينيه بغشاوة أعمته تماما عن حجم من تناولهم في ذلك البوست ومن يكونون ولأي فئة ينتمون !!. كما أنه صور رحيل قريبه المحامي الفاضل ( نجم الدين ) أسال الله له الرحمة وأن يشمله بغفرانه التام و الذي ربما لم يسمع عنه الكثيرون مثلي كما أن ما جاء عن هذا الراحل تم تصويره وكأنه احد رجالات الدوحة ومن المقيمين فيها حتى أن الكثيرين اتصلوا يسالون من هو هذا الراحل ومنذ متى يقيم بالدوحة ؟؟.. وذلك جعل ربكة أصابت بعض ( شمشاري ) المدينة دون أن يحصلوا على اجابة شافية لتلك التساؤلات حتى تبين أن علاقة الراحل الكريم بالدوحة ما هي الا قرابة تربطه بالعضو ( بدرالدين الأمير ) الذي صور الموضوع – برفقة شلته المعروفة – وكأنه مأتم بكل بيت في الدوحة !!!.
كل ذلك ليس بتلك الأهمية مثل ما وودت قوله هنا وهو تعرضه غير المبرر وغير الموثق لرجل قامة وأحد علماء بلادي وممن رفعوا أسمها حتى في بلا د كانت حتى الأمس القريب أمبراطورية لا تغرب عنها الشمس أبدا . لقد سعى العضو بدر الدين الأمير ( عسكري نفر !!!) للنيل من رجل قامة .. حيث قدح في سمعته الطيبة وتاريخه المشرف ومهنيته العالية ومكانته التي تجاوزت حدود وطن اسمه السودان . اننا – في سودان اليوم - نعيش حقا زمن الانهيار الكامل والانحطاط الشامل والتردي والفوضى الضاربة بأطنابها في أرجاء وطننا المنكوب بسارقي ارادة شعبنا وآكلي قوته اليومي .. وفي تلكم حالة يكون كل شيئ مباحا !!!! خاصة وأن عصابة الانقاذ – الحاكمة بأمرها في الخرطوم - حرمتنا تماما من التعبير سلميا عن رأينا حتى لو كان الواحد منا يتمتع بحصانته البرلمانية أو الدستورية !!! . ان النيل من الآخرين واشانة سمعتهم يبقى ( طبقا مفضلا !!) عند كل متربص وكل من يعتاش على مثل هذه الأفعال القبيحة والسلوكيات المريضة وغير السوية .. وقد يكون البحث عن شهرة رخيصة هي التي تدفع ( مجهولي الهوية والقادمين من الصفوف الخلفية لمجتمعنا بأمراضة المتعددة !!!) ليتخذوا ممن يفوقونهم مكانة وعلما وفهما ووعيا وشهرة وأدبا وعلما وخلقا مادة مفضلة لهم سواء في مجالسهم الخاصة ( راجع بوست الشمارات ) أو عن طريق الكتابة في هذا المنبر الذي أضحى مؤخرا ليس منبرا لقضايا الوطن – وما أكثرها في زمن الجراحات النازفات – ولكن للبحث عن شهرة وبأي ثمن حتى لو كان على حساب أولئك الافاضل الكرام من بني وطني الجريح !!!.
( بدر الدين الامير) في ذلك البوست وعنوانه : ( شكرا على التعازي وتعالوا لنجعل نجم الدين آخر ضحايا دكتور كمال أبوسن ) جعل للرجل ( ضحايا !!!) .. وهذا شئ معيب ( يا أمير !!!) بحق رجل لا تعرف عنه سوى اسمه ولكنك لا تعرف له كنها ولا مكانة ولا تاريخا .. وهذا كلام يضعك تحت طائلة القانون خاصة عندما تشفعه بقولك ( يا أهل الطب ومعكم أهل القانون هل أنتم راضون عن مقابر دكتور كمال أبوسن !! ) .. وهنا تكمن خطورة ما أوردته ويحق لنا أن تساءل : أين هذه المقابر يا امير ؟؟ .. لا وجود لها الا في خيال مريض لـ ( عسكري نفر !!!) وليس على أرض الواقع والا عليك ان تدلنا على مكانها حتى نستوثق مما قلت .. أليس ذلك من حق كل متسائل مثلي ؟؟. ثم يمضي هذا ( الأمير !!) مخاطبا أحد الأطباء في مجال الكلي ليسأله : ( هل أنت على دراية بجرائم أبوسن ؟ ) أي جريمة أكبر مما طرحته في ذلك( البوست / الجريمة ) والتي يمكن أن تخضعك للمساءلة القانونية ( جريمة متكاملة الأركان ) .. وهو ما دفع بأحد أعضاء المنبر ليجاريه قائلا : ينبغي محاسبة هذا الجزار الذي حصد السمعة التي لا يستحقها !!!) ثم قال آخر : ( هناك الكثير المثير عن تاريخ هذا الطبيب في منطقة الخليج يجب كشفه للحفاظ على حياة الآخرين !!!) .
ولكن ييقى ما يؤسف له حقا هو أن كل مارود من أغلب من عمل على مجاراة صاحب (البوست التعيس !!) يبقى ( كلاما سماعيا !!) وسماعيا فقط لا سند له ولا اثبات من أي جهة مختصة سواء قانونية أو طبية مستقلة ذات مصداقية .
اني أقولها لك – وبكل صراحة ووضوح وثقة – ان ما تقوم به – في هذا السياق – أمور غير محسوبة العواقب وأزعم انك لست من المؤهلين لها .. أليس كذلك ؟ .
أنا لست وحدي من يمكن أن يدافع عن هذا الطبيب العلامة والعالم الجليل الدكتور كمال أبوسن .. ولا أدافع عنه لأن صداقة أعتز بها وأفخر قد ربطتني به خاصة بعد أن كنت حضورا في محاضرة طبية (مرفقة بالليزر)عامرة بالاطباء والاستشاريين والاختصاصيين في مجال أمراض الكلى من الهند وباكستان والعراق وفلسطين والامارات في مارس 2008 بمباني المشتشفى الملكي بالشارقة وكنت وقتها أعمل مستشارا اعلاميا لسمو الشيخ فيصل القاسمي ( صاحب المستشفى ) وكيف ان كل أولئك الاطباء من الحضور أثنوا على تلك المحاضرةوعبروا عن بالغ تأثرهم بقيمة ما طرحه هذا الدكتور الذي شعرت امامه يومها – كسوداني ضمن حضور طيب – أنني قد ازددت طولا .
ختاما : عظيم تقديري للجميع وانحناءاتي لدكتور أبوسن وأمثاله ممن يرفعون رأسنا في المحافل الدولية في مختلف المجالات.
ذلك هو ما ورد في بوست بنفس العنوان أعلاه في هذا المنبر كما نشر في ثلاثة مواقع اخرى .. واكتفي بذلك ردا على ماطلبته مني احتراما لك وتقديرا لما توده اثراءا لهذا البوست .. ودعنا في صميم الموضوع ..
ولي عودة بمشيئة الله تعالى لأوضح لك ولمن يود معرفة الحقيقة وكيف تم هذا اللقاء مع صديقي الخالد (مصطفى سيداحمد) ومن الشهود ممن تعرفهم ياصلاح - كماأقترض - وممن لا تعرف من عائلة الراحل كما ان من بين هؤلاء الشهود عضوان بهذا المنبر سأذكرهما لك بالاسماء.
وتبقى الحقيقة الأولى الغائبة عن الجهلاء وسفهاء القوم والذين يتصيدون اسمي ليبثوا سمومهم النتنة ظنا منهم انني سأرد عليهم او انني ساخرج عن طوري وانجر وراء عبثهم الصبياني الغبي المحموم .. الحقيقة هي اقولها لهم ان ( نجوم السماء اقرب اليهم !!!)..
أما الحقيقة الثانية وهي انه يمكن لاي صحفي ان يكذب في طرح أي خبر او أي تحليل سياسي او فني او خلافه لان ذلك يحتمل وضع رايه او وجهة نظره الشخصية وقد يتفق معه البعض ويختلف آخرون حولها ولكن لا يمكن لصحفي يحترم نفسه ومهنته وقراءه ان يأتي بحوار من بنات افكاره وينسبه لشخص آخر ويسرق لسانه ليتحدث باسمه خاصة اذا ما كان ذلك الشخص معروفا ومشهورا وشخصية كمصطفى سيداحمد والذي شغل الدنيا حيا وميتا ولا يزال ..أليس كذلك ؟؟.
واقبح مافي هذا الامر - اخي صلاح - ان هناك من يحتكرون هذا الراحل وفنه وحكاياته حتى وكأن مصطفى لم يعرف احدا سواهم طوال حياته .. انها مأساة لا يخلقها الا السفهاء من (حراس البوابات!!!) وأدعياء المعرفة عن جهل .. وتلك عقدتهم في حياتهم !!!.. وأنا بالطبع لست مسؤولا عن ذلك !!!.
تحياتي لك ومرة اخرى عيدك مبارك ولضيوفك الكرام أجمعين خالص مودتي واحترامي خضر
Post: #110 Title: Re: إثناء ونسة مع الأستاذ مصطفى سيدأحمد .. رحمه الله Author: خضر عطا المنان Date: 09-13-2010, 02:38 PM Parent: #108
العزيز / صلاح
لك - وبنية اثراء هذا البوست - أرجو ان تسمح بهذا الرابط لبوست قديم للعبدلله .. وازعم أن له علاقة قوية بموضوع بوستك الذي اتمنى ان تكون حريصاعليه حتى لا يخرج عن مساره :
Post: #113 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-13-2010, 06:19 PM Parent: #110
الأخ خضر .. كل عام وأنت بخير
وأشكر لك مداخلتك ، وكذلك اللنك . مصطفى سيدأحمد شخصية عامة ، شغل الناس حياً وميتاً ، أتمنى أن تنصب جهودنا نحو ما يجعله مطمئناً راضياً في رقدته الأبدية ، وأن ينفع ما تركه السودان ، وأهله .
Quote: ولي عودة بمشيئة الله تعالى لأوضح لك ولمن يود معرفة الحقيقة وكيف تم هذا اللقاء مع صديقي الخالد (مصطفى سيداحمد) ومن الشهود ممن تعرفهم ياصلاح - كماأقترض - وممن لا تعرف من عائلة الراحل كما ان من بين هؤلاء الشهود عضوان بهذا المنبر سأذكرهما لك بالاسماء.
وتبقى الحقيقة الأولى الغائبة عن الجهلاء وسفهاء القوم والذين يتصيدون اسمي ليبثوا سمومهم النتنة ظنا منهم انني سأرد عليهم او انني ساخرج عن طوري وانجر وراء عبثهم الصبياني الغبي المحموم .. الحقيقة هي اقولها لهم ان ( نجوم السماء اقرب اليهم !!!)..
أما الحقيقة الثانية وهي انه يمكن لاي صحفي ان يكذب في طرح أي خبر او أي تحليل سياسي او فني او خلافه لان ذلك يحتمل وضع رايه او وجهة نظره الشخصية وقد يتفق معه البعض ويختلف آخرون حولها ولكن لا يمكن لصحفي يحترم نفسه ومهنته وقراءه ان يأتي بحوار من بنات افكاره وينسبه لشخص آخر ويسرق لسانه ليتحدث باسمه خاصة اذا ما كان ذلك الشخص معروفا ومشهورا وشخصية كمصطفى سيداحمد والذي شغل الدنيا حيا وميتا ولا يزال ..أليس كذلك ؟؟.
واقبح مافي هذا الامر - اخي صلاح - ان هناك من يحتكرون هذا الراحل وفنه وحكاياته حتى وكأن مصطفى لم يعرف احدا سواهم طوال حياته .. انها مأساة لا يخلقها الا السفهاء من (حراس البوابات!!!) وأدعياء المعرفة عن جهل .. وتلك عقدتهم في حياتهم !!!.. وأنا بالطبع لست مسؤولا عن ذلك !!!.
. في إنتظار عودتكم بإذن الله.
Post: #87 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 08:22 PM Parent: #76
Quote: اللخو .. بوستينك إلا بعد ده تقلبو طابونة .
تصدق وتؤمن يا مواطن ، أنا في اللحطة دي كنت بفكر في طابونة عمك على ناصر الفي الزهور.. تقوم تجي تجيب لي فكرة الطابونة؟؟
أنا مش قلت ليكم أخوي دي شيخ؟؟ مدد يا أب أحمد..
------------ عليك الله ما تسخت لينا العريبي الخلقة مسخوت ده..
Post: #88 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 08:29 PM Parent: #87
أها طالما ده رأيك يا اللخو ، أخير نرجع لموضوع البوست الإتنسى ده.. وأنعم بشنبك نابتاً يا أبا محمد..
Post: #89 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-12-2010, 08:34 PM Parent: #88
Quote: أها طالما ده رأيك يا اللخو ، أخير نرجع لموضوع البوست الإتنسى ده.. وأنعم بشنبك نابتاً يا أبا محمد..
بوستيك بحيت بالله الجاب لعمك الهوا
طيب أحكي لينا عن الكورال وعن خالد الصحافة
Post: #90 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-12-2010, 09:18 PM Parent: #89
Quote: طيب أحكي لينا عن الكورال وعن خالد الصحافة
تانى يامقروش الطارى سيرة البحر ما هناك جانا الخليفة عماد عبدالله وخطب خطبته الاخيرة ولم يستغفر لاخيه الشاهد على مساوى خالد الصحافة وحين شهد الاخ الاصغر بتفاصيل ماحدث عماد شال اهلو وختى الواحد في الخمسة
تنهدات: حسن وحسين الدنلاقة ورطة كبيرة مابتعرف وين اليمين ووين اليسار
Post: #91 Title: Re: إثناء ونسة مع الأستاذ مصطفى سيدأحمد .. رحمه الله Author: khaleel Date: 09-12-2010, 09:28 PM Parent: #90
حلقة جميلة عن مصطفي سيد احمد في تلفزيون السودان الان
Post: #92 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-12-2010, 09:31 PM Parent: #90
Quote: وختى الواحد في الخمسة
قلبنة الحروف عرفناها .....
ده نقول عليهو شنو؟
Post: #93 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-12-2010, 11:14 PM Parent: #92
Quote: متظرين حكاية كع كرع يا سفيان ياخ.
يعني ارششششششششششششكم!!!!؟
Post: #94 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-12-2010, 11:54 PM Parent: #93
Quote: يعني ارششششششششششششكم!!!!؟
رش يا سفيان ، رشانا البلا .. أصلو البوست لحق (غنم زهرا) الله يعوضها(أسألوا خليل ومحمد عبدالرحمن عنهن)..
Post: #96 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-13-2010, 06:50 AM Parent: #94
Quote: خليل ومحمد عبدالرحمن عنهن
ديل خلهم غنم زهراء بقن اشهر من مصطفي المابسمعوا محمدعبد الرحمن ده .
Post: #97 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-13-2010, 08:23 AM Parent: #96
Quote: ديل خلهم غنم زهراء بقن اشهر من مصطفي المابسمعوا محمدعبد الرحمن ده .
سفيان عايز تبهتنى يعنى ؟!..تطلعنى مامثقف بعد الكبر دا .. انا كنت مدمن مصطفى بس حاليا بقيت مابسمعو ..وعشان تدخل فى الصورة هاك لنك البوست ..
Post: #98 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-13-2010, 08:41 AM Parent: #97
Quote: كنت مدمن مصطفى بس حاليا بقيت مابسمعو
كويس .. أنا من أيام الجامعة و قصص و حكايات الجبهة الديمقراطية و شروط التقدمية و فروقات النضال و و و .. بطلت أسمع مصطفى نوهائي .. عشان كده مرقوني من ملة المستنيرين و المثقفاتية العتاولة و أصحاب القضايا .. هسه أنا - يا ربي ليك الحمد - قاعد زول ساكت .. أسمع الغنا الزمن زمان و أدمن ود البادية و الشفيع و ابو داوود و وردي و العاقب و الجابري و اولاد شمبات و الموردة و حسن عطية و مني الخير و العبادية و التاج و عبد الدافع و رمضان حسن و ابو خليل و عركي و و و و .. أي غنا قبل التمانينات حبابو .. بصوت اسيادو لامن كان ليهم شنة و رنة .
......... و يا محمد صلاح عبد الله ما تسمع جخو ده .. العوينات لامن يجي الغنا المتين بيغمدن و يترقرقن بالدميعات .. يا حليلو .. و كمان إن مسك العود و هبشو .. المزيكة لازم بي ضبانتا ، زي ما الله سواها . و الله قال بي قولك إن مرقت ليهو بره من رنة عود وللا نقرشاية سغيرة مدسدسة بين النغمات .. يسويك ما بتعرف غنا و لا مزيكة .. و قيل كافر كمان .
إنتو البوست ده قاعد لليلة مالو ؟؟
Post: #99 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-13-2010, 08:58 AM Parent: #98
كان عماد ذاتو بقى مابسمع ..معناها الحبة مابتجينا ... والله نحن نسمع من اولاد شمبات لى شريف الفحيل ..اضانا مفتوحة ولانحتكرها لاحد .. ...زمان لما نقول ودالبادية...غناى يطلعونا حبوبات ...السمح سمح ...
Quote: و الله قال بي قولك إن مرقت ليهو بره من رنة عود وللا نقرشاية سغيرة مدسدسة بين النغمات .. يسويك ما بتعرف غنا و لا مزيكة .. و قيل كافر كمان .
المحيرنى ياعماد صلاح دا بغنى فى حضور قريبى (اب سفروق ) دا كيف؟!..ياخ دا يفرق ببلد ..تلقى الايقاع ريقى وقريبى تلقاهو شغال سامبا ...اخوك دا عندو حل واحد مايرفع راسو يعاين ..يغنى وراسو مدنقر لتحت ..عشان يبعد عيونو من الشتارة ...
Quote: إنتو البوست ده قاعد لليلة مالو ؟؟
لا لسه الفلم دا طويل ..دى المناظر بس ...الزول اب سفروق .. شايل سفروقو ولابد فى الكورنه منتظر ...والايد شولة ..الله يستر ...
Post: #100 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-13-2010, 08:59 AM Parent: #98
لسة ما جاء ؟
Post: #101 Title: Re: إثناء ونسة مع الأستاذ مصطفى سيدأحمد .. رحمه الله Author: haroon diyab Date: 09-13-2010, 09:11 AM Parent: #100
Post: #102 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-13-2010, 10:08 AM Parent: #101
هارون أمبنن تود .. إر شديبومن ياخينا .. كل سنة و انت طيب يا ابن خالتي .. و يديك الفي مرادك .
بلاهي تر بدر الدينقا سوكي .. سوكي جُم .. أي خلاااااااس تينن .
.......... عارف اخوك ما زول كورة و رياضة و شلنكبات زي دي .. لكن تشجيع الاولاد ديل واجب و الله .
Post: #103 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-13-2010, 10:21 AM Parent: #102
هاك المحنة دي يا صلاح .. ساي كده بس .. فياقة مني .
........ إنت ، العود ده مرخي شوية .. صاح ؟
Post: #104 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-13-2010, 11:21 AM Parent: #103
Quote: المحيرنى ياعماد صلاح دا بغنى فى حضور قريبى (اب سفروق ) دا كيف؟!..ياخ دا يفرق ببلد ..تلقى الايقاع ريقى وقريبى تلقاهو شغال سامبا ...اخوك دا عندو حل واحد مايرفع راسو يعاين ..يغنى وراسو مدنقر لتحت ..عشان يبعد عيونو من الشتارة ...
الفصاحة دي كللها والنقد الفني والما فني .......................... وأشتر؟
إنّا لله.
Quote: إنت ، العود ده مرخي شوية .. صاح ؟
مرخي ده أخو المرخية ........... ما كدي؟
لكن فقري والله وأضانك نضيفة ............ آآآآآي (الأوتار والأصابعين البدوسنّها) ما أصحاب بعض.
Post: #105 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-13-2010, 12:15 PM Parent: #104
Quote:
كان عماد ذاتو بقى مابسمع ..معناها الحبة مابتجينا ...
اها النحدثكم دثغري يا محمد عبد الرحمن و وائل إششششششششششش انا ذاتي مص\في سيد احمد من يوم طلعوا ليهو ناس بيقسوا الثقافه بيهو طنشتو ليكم جماهيرياً وبقيت اسمعو بالدس دس برااااااااي وجماهيرياً بقول :- لا بسمعوا لا عندي بيهو شريعة وغناهو كلو حااااار ومهموم وما عندوا اي حاجة فرايحية .
اها جنس الكلام ده بيحي البوست ده والا بيكتلو!!؟
Post: #106 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-13-2010, 12:47 PM Parent: #104
الله عليك يا عمدة وعلى جبّورتي ياخ .. الله يرحم الجابري ، صاحب أجمل الأغنيات السودانية .. غايتو الصادق الياس في الآخر أداهو حاجة كده ما بتشبه الجابري لكن مشيناها وشفعت ليهو بقية قصايدو الجميلة الأداها للجابري (هاتوا الياسمين).. وفي ( قلبي المتيم ) شفع لتختخة العود صوت الجابري الغريب..
ثم أن أحسن زول ( أشتر ) أضانو نضيفة ، وبيهبشّوا الغنا السمح ، هو عبدالرحمن بركات ، ثم ود الأمير.. أي نعم ود الأمير أشتر ، وأشولنجي ، لكن ذواّق ، وهذا لا يمنع من أنو حاجاتهم ( ناقصة )..
كدي هسي خلونا في موضوعنا الأساسي ، وجاوبوا على معتز ده ، أها بيجي متين؟؟ أنا لو ما كنت ممنوع من الخروج ، كنت مشيت سألت عنو والله !! لكن المنع ده حرمني من مشاوير العيد، والمعايدة ، ومجاملة هرون في فوزهم ، معليش يا بن خالتي ، بجيك في بوستيك.
يا سفيان ، شنو ياخ؟؟ ما ترش وتريحنا ياخ!! لحدي ما بدرالدين يجي يفّت لينا اللعب كلو..
Post: #107 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-13-2010, 01:55 PM Parent: #106
Quote: كدي هسي خلونا في موضوعنا الأساسي ، وجاوبوا على معتز ده ، أها بيجي متين؟؟
والله لكن يا أب شنب ما عجبتني ..
نحن نضاير ليك في (بوستينك) العاجبنا ده من الكتاحة ومعاول الهدم ....
تقوم إنت تفتّش عليها؟
يا سفيان شنو ياخ ما تجي
Post: #109 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-13-2010, 02:24 PM Parent: #107
Quote: Quote: الكرة الآن في ملعب الأستاذ خضر عطا المنان.. أرجو أن نقرأ رداً من الأستاذ خضر على كلام بدرالدين.
صلاح عبدالله
الحبيب / صلاح
أنا عادة ما اترفع عن الزج بنفسي في ما لايفيد ولا يضيف لمادة مطروحة للعامة هنا .. ولا ارد على جهلاء انفسهم وسفهاء القوم ( لا أريد حتى مجرد كتابة حروف اسمائهم هنا احتراما لنفسي وليس لاي شخص آخر هنا).. ذلك مبدأ توطنت عليه وتعايشت معه بحكم التجربة ..
أما ردي على ماتفضلت به ووتطلبه مني اخي صلاح - وانت صاحب هذا البوست والآخرون ضيوف عليك - فتجده هنا بين ثنايا هذه السطورأدناه لتعرف السبب .. وقديما قيل (اذا عرف السبب بطل العجب ).. أليس كذلك ؟؟.. Quote: عندما يتطاول الجهلاء من الدهماء على القامات من العلماء !!
لعلها أضحت ثقافة عامة في مجتمعنا السوداني العريض والذي أزعم أن هذا المنبر العام لسودانيزأونلاين هو أصدق نموذج له ولما يعتور ذلكم المجتمع الذي نحن جميعا جزء منه شئنا أم أبينا ( يعني المنبر سودان مصغر) أليس كذلك ؟.
وما تحويه تلك الثقافة هي أمور ينساق وراءها جيش عرمرم من جهلاء المنابر وأصحاب الرؤوس الخاوية والفكر الأجوف والعقل المريض وهؤلاء ليسوا قلة هنا في هذا المنبر حتي يمكن تجاهلهم أو السكوت على ما يقومون به من تطاول على رموز طالما أضاءت سماواتنا بعطاءاتها ووجدت لها مقعقدا وثيرا بوجدان كثير من السودانيين ممن يعرفون قيمة هذه الرموز وأنا واحد من هؤلاء وهذا هو سبب دفاعي عنهم ليس لسواد عيونهم بالطبع ولكن لأن أمثال هؤلاء الرموز يستحقون منا أن نرفع قبعاتنا ونحني هاماتنا احتراما وعرفانا وتقديرا لهم .
واذا كان الموت حقا.. والحياة باطلة .. والبقاء والخلود له وحده سبحانه وتعالى .. والمؤمن مصاب .. والحكمة ضالة المؤمن .. فمن باب أولى معرفة كنه مثل هذه الحقائق التي لا تقبل الجدل ولن تقبل كما تعلمنا منذ سني الدراسة الأولى .
وللمتسائلين عن سبب هذا البوست وما أود قوله هو أنني – ربما مثل الكثيرين غيري أعضاءا وزوارا – قد هالني ما قرأته في بوست كتبه العضو ( بدر الدين الأمير) الذي يبدو أن لديه الكثير من الوقت للكتابة ( ومصاقرة ) الحاسوب مثل بعض من لا شغل لهم سوى مجالسة هذا الجهاز الذي أضحى صديقا لبعضنا للأسف دون الآخرين الأمر الذي جعل بعضنا يفتح في اليوم الواحد أكثر من بوست ولأكثر من موضوع في آن معا !!!.. وهو موضوع يكون - أحيانا - يفوق محتواه قدرة وامكانات وطبيعة عمل هذا العضو ( ان كان له عمل أصلا !!!) .. وقد يكون أحد بوستاته أشبه بتجويف بطيخة أكلتها القرود ولم تبق منها سوى قشرتها الخارجية !!!..
وبعضنا يكتب ويكتب من أجل الكتابة فقط لا غير والأمثلة هنا كثيرة بحيث لا تحصى !! وبعضنا لا يكتب لهدف بعينه ولا لقضية محددة ولكنه يكتب (أي حاجة !!)حتى لو يمازح صديقا أو( يشاتر) مع آخر!!!
بل أن هناك من لم يكتب جملة مفيدة واحدة أو يكمل فكرة ما يوما رغم أنه عضو بهذا المنبر منذ سنوات خلت !! ولكنها امكاناته وقدراته وسعة ما لديه من أفق ورؤية ...الخ .. وهؤلاء جميعا قد يجد لهم البعض العذر لا لشئ الا لفراغ يعيشونه وعدمية يتجولون في ردهاتها الموحشة !!.. وتلك – لعمري – مأساة توجب الوقوف عندها دون شك .. أليس كذلك ؟.
بالعودة لما أفزعني وأغضبني – وآخرين ممن عبروا عن الشعورذاته عبر مداخلاتهم المستاءة وغير الراضية ما حوا ه بوست ( الأمير) الذي جعل خبر وفاة قريب له وكأنه رحيل كل خير في بعض أطبائنا الكبار !! الأمر الذي أدخله تحت طائلة - لا أقول القانون فحسب - ولكن تحت تأثير انفعالي عاطفي عارم – وله الحق في أن يحزن كما يشاء بالطبع - تأثيريبدو أنه كسا عينيه بغشاوة أعمته تماما عن حجم من تناولهم في ذلك البوست ومن يكونون ولأي فئة ينتمون !!. كما أنه صور رحيل قريبه المحامي الفاضل ( نجم الدين ) أسال الله له الرحمة وأن يشمله بغفرانه التام و الذي ربما لم يسمع عنه الكثيرون مثلي كما أن ما جاء عن هذا الراحل تم تصويره وكأنه احد رجالات الدوحة ومن المقيمين فيها حتى أن الكثيرين اتصلوا يسالون من هو هذا الراحل ومنذ متى يقيم بالدوحة ؟؟.. وذلك جعل ربكة أصابت بعض ( شمشاري ) المدينة دون أن يحصلوا على اجابة شافية لتلك التساؤلات حتى تبين أن علاقة الراحل الكريم بالدوحة ما هي الا قرابة تربطه بالعضو ( بدرالدين الأمير ) الذي صور الموضوع – برفقة شلته المعروفة – وكأنه مأتم بكل بيت في الدوحة !!!.
كل ذلك ليس بتلك الأهمية مثل ما وودت قوله هنا وهو تعرضه غير المبرر وغير الموثق لرجل قامة وأحد علماء بلادي وممن رفعوا أسمها حتى في بلا د كانت حتى الأمس القريب أمبراطورية لا تغرب عنها الشمس أبدا . لقد سعى العضو بدر الدين الأمير ( عسكري نفر !!!) للنيل من رجل قامة .. حيث قدح في سمعته الطيبة وتاريخه المشرف ومهنيته العالية ومكانته التي تجاوزت حدود وطن اسمه السودان . اننا – في سودان اليوم - نعيش حقا زمن الانهيار الكامل والانحطاط الشامل والتردي والفوضى الضاربة بأطنابها في أرجاء وطننا المنكوب بسارقي ارادة شعبنا وآكلي قوته اليومي .. وفي تلكم حالة يكون كل شيئ مباحا !!!! خاصة وأن عصابة الانقاذ – الحاكمة بأمرها في الخرطوم - حرمتنا تماما من التعبير سلميا عن رأينا حتى لو كان الواحد منا يتمتع بحصانته البرلمانية أو الدستورية !!! . ان النيل من الآخرين واشانة سمعتهم يبقى ( طبقا مفضلا !!) عند كل متربص وكل من يعتاش على مثل هذه الأفعال القبيحة والسلوكيات المريضة وغير السوية .. وقد يكون البحث عن شهرة رخيصة هي التي تدفع ( مجهولي الهوية والقادمين من الصفوف الخلفية لمجتمعنا بأمراضة المتعددة !!!) ليتخذوا ممن يفوقونهم مكانة وعلما وفهما ووعيا وشهرة وأدبا وعلما وخلقا مادة مفضلة لهم سواء في مجالسهم الخاصة ( راجع بوست الشمارات ) أو عن طريق الكتابة في هذا المنبر الذي أضحى مؤخرا ليس منبرا لقضايا الوطن – وما أكثرها في زمن الجراحات النازفات – ولكن للبحث عن شهرة وبأي ثمن حتى لو كان على حساب أولئك الافاضل الكرام من بني وطني الجريح !!!.
( بدر الدين الامير) في ذلك البوست وعنوانه : ( شكرا على التعازي وتعالوا لنجعل نجم الدين آخر ضحايا دكتور كمال أبوسن ) جعل للرجل ( ضحايا !!!) .. وهذا شئ معيب ( يا أمير !!!) بحق رجل لا تعرف عنه سوى اسمه ولكنك لا تعرف له كنها ولا مكانة ولا تاريخا .. وهذا كلام يضعك تحت طائلة القانون خاصة عندما تشفعه بقولك ( يا أهل الطب ومعكم أهل القانون هل أنتم راضون عن مقابر دكتور كمال أبوسن !! ) .. وهنا تكمن خطورة ما أوردته ويحق لنا أن تساءل : أين هذه المقابر يا امير ؟؟ .. لا وجود لها الا في خيال مريض لـ ( عسكري نفر !!!) وليس على أرض الواقع والا عليك ان تدلنا على مكانها حتى نستوثق مما قلت .. أليس ذلك من حق كل متسائل مثلي ؟؟. ثم يمضي هذا ( الأمير !!) مخاطبا أحد الأطباء في مجال الكلي ليسأله : ( هل أنت على دراية بجرائم أبوسن ؟ ) أي جريمة أكبر مما طرحته في ذلك( البوست / الجريمة ) والتي يمكن أن تخضعك للمساءلة القانونية ( جريمة متكاملة الأركان ) .. وهو ما دفع بأحد أعضاء المنبر ليجاريه قائلا : ينبغي محاسبة هذا الجزار الذي حصد السمعة التي لا يستحقها !!!) ثم قال آخر : ( هناك الكثير المثير عن تاريخ هذا الطبيب في منطقة الخليج يجب كشفه للحفاظ على حياة الآخرين !!!) .
ولكن ييقى ما يؤسف له حقا هو أن كل مارود من أغلب من عمل على مجاراة صاحب (البوست التعيس !!) يبقى ( كلاما سماعيا !!) وسماعيا فقط لا سند له ولا اثبات من أي جهة مختصة سواء قانونية أو طبية مستقلة ذات مصداقية .
اني أقولها لك – وبكل صراحة ووضوح وثقة – ان ما تقوم به – في هذا السياق – أمور غير محسوبة العواقب وأزعم انك لست من المؤهلين لها .. أليس كذلك ؟ .
أنا لست وحدي من يمكن أن يدافع عن هذا الطبيب العلامة والعالم الجليل الدكتور كمال أبوسن .. ولا أدافع عنه لأن صداقة أعتز بها وأفخر قد ربطتني به خاصة بعد أن كنت حضورا في محاضرة طبية (مرفقة بالليزر)عامرة بالاطباء والاستشاريين والاختصاصيين في مجال أمراض الكلى من الهند وباكستان والعراق وفلسطين والامارات في مارس 2008 بمباني المشتشفى الملكي بالشارقة وكنت وقتها أعمل مستشارا اعلاميا لسمو الشيخ فيصل القاسمي ( صاحب المستشفى ) وكيف ان كل أولئك الاطباء من الحضور أثنوا على تلك المحاضرةوعبروا عن بالغ تأثرهم بقيمة ما طرحه هذا الدكتور الذي شعرت امامه يومها – كسوداني ضمن حضور طيب – أنني قد ازددت طولا .
ختاما : عظيم تقديري للجميع وانحناءاتي لدكتور أبوسن وأمثاله ممن يرفعون رأسنا في المحافل الدولية في مختلف المجالات.
ذلك هو ما ورد في بوست بنفس العنوان أعلاه في هذا المنبر كما نشر في ثلاثة مواقع اخرى .. واكتفي بذلك ردا على ماطلبته مني احتراما لك وتقديرا لما توده اثراءا لهذا البوست .. ودعنا في صميم الموضوع ..
ولي عودة بمشيئة الله تعالى لأوضح لك ولمن يود معرفة الحقيقة وكيف تم هذا اللقاء مع صديقي الخالد (مصطفى سيداحمد) ومن الشهود ممن تعرفهم ياصلاح - كماأقترض - وممن لا تعرف من عائلة الراحل كما ان من بين هؤلاء الشهود عضوان بهذا المنبر سأذكرهما لك بالاسماء.
وتبقى الحقيقة الأولى الغائبة عن الجهلاء وسفهاء القوم والذين يتصيدون اسمي ليبثوا سمومهم النتنة ظنا منهم انني سأرد عليهم او انني ساخرج عن طوري وانجر وراء عبثهم الصبياني الغبي المحموم .. الحقيقة هي اقولها لهم ان ( نجوم السماء اقرب اليهم !!!)..
أما الحقيقة الثانية وهي انه يمكن لاي صحفي ان يكذب في طرح أي خبر او أي تحليل سياسي او فني او خلافه لان ذلك يحتمل وضع رايه او وجهة نظره الشخصية وقد يتفق معه البعض ويختلف آخرون حولها ولكن لا يمكن لصحفي يحترم نفسه ومهنته وقراءه ان يأتي بحوار من بنات افكاره وينسبه لشخص آخر ويسرق لسانه ليتحدث باسمه خاصة اذا ما كان ذلك الشخص معروفا ومشهورا وشخصية كمصطفى سيداحمد والذي شغل الدنيا حيا وميتا ولا يزال ..أليس كذلك ؟؟.
واقبح مافي هذا الامر - اخي صلاح - ان هناك من يحتكرون هذا الراحل وفنه وحكاياته حتى وكأن مصطفى لم يعرف احدا سواهم طوال حياته .. انها مأساة لا يخلقها الا السفهاء من (حراس البوابات!!!) وأدعياء المعرفة عن جهل .. وتلك عقدتهم في حياتهم !!!.. وأنا بالطبع لست مسؤولا عن ذلك !!!.
تحياتي لك ومرة اخرى عيدك مبارك ولضيوفك الكرام أجمعين خالص مودتي واحترامي خضر
.......... ده كلام عمكم خضر .. كان بهناك جبناهو هنا .
و الليلة غايتو .. حليلك يا السرة بت جادين .. يا طلقوكي .. يا دقوكي .
Post: #111 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-13-2010, 02:41 PM Parent: #109
Quote: يا سفيان ، شنو ياخ؟؟ ما ترش وتريحنا ياخ!! لحدي ما بدرالدين يجي يفّت لينا اللعب كلو..
Quote:
يا سفيان شنو ياخ ما تجي
انتو مقرقعين والا مج-انين !!!! هسي بعد الجابو عماد اخو صلاح ده تاني رش شنو ليكم !!!!
ارجوهو ساااااي بيجي يواسي ساسكم !!!
Quote: ده كلام عمكم خضر .. كان بهناك جبناهو هنا .
كلام خضر يا كبييير!!!!
Post: #112 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-13-2010, 03:07 PM Parent: #111
Quote: يا كبييير
كبير الجمل .
........ حقو الواحد يلصق فيك و د الامير ده .. و الله عشان تتفك .. إلا تكورك للدفاع المدني .
Post: #114 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-13-2010, 07:34 PM Parent: #112
Quote: أما الحقيقة الثانية وهي انه يمكن لاي صحفي ان يكذب في طرح أي خبر او أي تحليل سياسي او فني او خلافه لان ذلك يحتمل وضع رايه او وجهة نظره الشخصية وقد يتفق معه البعض ويختلف آخرون حولها ولكن لا يمكن لصحفي يحترم نفسه ومهنته وقراءه ان يأتي بحوار من بنات افكاره وينسبه لشخص آخر ويسرق لسانه ليتحدث باسمه خاصة اذا ما كان ذلك الشخص معروفا ومشهورا وشخصية كمصطفى سيداحمد والذي شغل الدنيا حيا وميتا ولا يزال ..أليس كذلك ؟؟.
حابس حابس العريبي ما يجي يكابس
Post: #115 Title: Re: إثناء ونسة مع الأستاذ مصطفى سيدأحمد .. رحمه الله Author: خضر عطا المنان Date: 09-13-2010, 09:10 PM Parent: #114
العزيز / صلاح عبدالله
ها اعود اليك ثانية وفاءا لوعد قطعته امامك وضيوفك الكرام والتزاما اخلاقيا مني بتوضيح الحقيقة.. ليس لمن يتربصون باسمي كما ترى رغم انني لم ( ألوث ) قلمي حتى بذكر احرف اسمائهم .. ولكن ...., عموما يا صلاح أنا كفيل بوضع النقاط على الحروف ودعك عنهم ياصديقي .. والحقيقة التي ارى لزاما علي توضيحها بشان حواري مع صديقي الراحل مصطفى سيداحمد هي كالتالي :
أولا : الحوار تم بعد مكالمة هاتفية مع الراحل من مكتب ابن عمه وصديقي الصدوق ( عثمان عبد المتعال المقبول ) والمقيم منذ مطلع الثمانينات وحتى اليوم بدولة الامارات العربية المتحدة ( يسكن في الشارقة ويعمل بدبي ) .. وهو الذي هيأ لي هذه تلك السانحة السعيدة ومن مكتبه .
ثانيا : عقب المكالمة مع الراحل بالدوحة استلمت منه – عبر فاكس ابن عمه عثمان وفي مكتبه شخصيا - صورة من جواز سفره وعليه كل تلك المعلومات التي اوردتها في الحوار( يمكنك مراجعته ) وبعدها تحدث اليه عثمان بشأن هذا الحوار ثم ناولني السماعة وتحدثت مرة اخرى مع الراحل والذي طلب مني – بصوت متهدج ومتعب تماما - ارسال الاسئلة مكتوبة عبر الفاكس للاجابة عليها وردها عبر الفاكس وهذا ما حدث بالضبط ..وقام الراحل مشكورا ورحمة الله عليه – بالرد ثم اتصل يسالني رايي في الاجابة واكدت له انها مختصرة ولكنها معبرة بحق فضحك الراحل ثم اوضحت له انني ومن خلال وضعي رئيسا للفرقة الفنية وعضوا باللجنة الثقافية بالنادي السوداني بابوظبي فسأحاول احضاره الى الامارات لاحياء حفل هنا لو ظرفه الصحي يسمح وذلك في اطار دعمه ماديا تقديرا للظروف التي كان يمر بها وابدى الراحل موافقته الامر الذي جعلني اضع على ( بورد ) النادي هناك اعلانا باحتمال حضوره للامارات وقد عم الفرح الدار يومها والكل ظل يلاحقني متى حضوره ؟؟..
عموما كان لابد من تأمين ( غسيل الكلية ) له وهو ما دعاني للاتصال بعضو هذا المنبر صديقي الدكتور والشاعر الشفيف ( الزين عباس عمارة ) بحكم علاقاته الواسعة ومركزه المرموق في دوائر الصحة الاماراتية .. وقد وافق مشكورا ورحب بالفكرة تماما وابدى استعدادا تاما للامر .. ولكن لأمر خاص بالراحل وظرف كان يحيط به هنا في الدوحة لم تتم زيارته للامارات .. ووقتها تحدثت اليه ولكنه اعتذر بشدة وحملني ( بفتح الحاء وتشديد الميم مع فتحها ) امانة ابلاغ ادارة النادي السوداني بابوظبي بهذا الاعتذار وعظيم اسفه .. وقد فعلت ذلك خاصة اعضاء الفرقة الفنية والتي كان على رأسها ملك البيكلو وعازفه الماهر( أسامة بابكر ) وملك الايقاعات الراحل (جعفر حرقل ) .. رحمة الله عليه .
اما الحوار فقد نشرته أولا - وفي وقته - بصحيفة (الاتحاد ) الظبيانية بطلب من صديقي (علي ابو الريش) للملحق الفني ثم لاحقا في القاهرة .. وقد غادرت بعدها الامارات الى مهجري الاوروبي القسري الاول ( كما يقول صديقي الحبيب فضيلي جماع ) .. وبالمناسبة ( ابو الريش) هو اليوم مدير التحرير لهذه الصحيفة الغراء .
ثالثا: اذن شاهدي الاول يا صلاح هو ابن عمه عثمان وليس اي شخص آخر .. أما بشأن من هم اعضاء بهذا المنبر وقد علموا لاحقا بتفاصيل ذلك الحوار وكونوا رابطة لمعجبيه فهم الصديقان العزيزان بالامارات : بهاء الدين سليمان ومهدي الامين .. ومن اعاد نشره بالقاهرة ( صحيفة الاتحاد الدولي ) هي الزميلة والصديقة العزيزة ( سلمى الشيخ سلامة ) وهي عضو ايضا بهذا المنبر .
رابعا: التقيت مصطفى اول مرة في حياتي في الثمانينات وانا اعمل بوكالة السودان للانباء ( سونا ) وذلك بصحبة صديقي الفنان الراحل (عبدالمنعم الخالدي) وفنان الشباب آنذاك (عثمان الاطرش) أمد الله في ايامه.. ثم التقيته للمرة الثانية - عرضا - في حوش الاذاعة السودانية وقد كنت في زيارة لاصدقاء لي يعملون هناك منهم الشاعر محمد سعيد دفع الله وغيره .
خامسا : لابد من الاشارة الى ان علاقة قوية ربطتني كذلك – لاحقا - بعدد من اسرة الراحل الصغيرة لا سيما زوجته ورفيقة دربه العزيزة ( بثينة ) والتي هاتفتها كثيرا وبحضور عثمان عبدالمتعال مرارا وبهاء الدين سليمان ومهدي الامين اكثر من مرة أيضا .. وكان عزائي لها في رحيل صديقي مصطفى يوم ان حضرت من الدنمارك للقاهرة حيث وجدتها بالاسكندرية الامر الذي دعا الصديقين العزيزين (سلمي الشيخ سلامة ) و(جهاد الفكي) لاعطائي رقمها هناك وتحدثت اليها مرتين خلال فترة وجودي بالقاهرة .. كما تحدثت اليها مرارا عقب عودتي لكوبنهاغن سائلا عن الاوضاع بعد مصطفى .. وكم حدثتني بمرارة عن اولئك الذين بخلوا عليها بتسجيلات لا يملكها احد سوى من تحلقوا حوله هنا في الدوحة !!!.. كما حدثتني – وبمرارة شديدة – عن شؤون اخرى ذات صلة ربما اكشف عنها في موعدها حين اتحدث عمن اغتالوه يا صلاح !!! .. نعم ( اغتالوه !!!) ولكنهم – بجهلهم المركب – لم يكونوا يدرون انهم – آنذاك للاسف – كانوا( يغتالون!!!) رجلا نادرا واستثنائيا في دنيا الفن الغنائي السوداني !!..
وعلى صعيد اسرته الكبيرة فكان صديقي الصدوق ابن عمه (عثمان) هو من اتاح لي تلك الفرصة السعيدة وعبره تعرفت على عدد من افراد تلك الاسرة الكريمة دون ان اراهم بالطبع.
وكان ممن التقيتهم وقد ربطتهم علاقة ود قوية وصداقة حميمة وزمالة بالمعهد هي الاديبةوالشاعرة (نائلة فزع ) وتعمل حاليا بالتدريس بالامارات ( دبي ) وتحتفظ له - في منزلها العامر وحتى اللحظة - بذكريات جمة ورسائل واغان وصور .. كماان زميلنا بهذا المنبر العزيز (بهاء الدين سليمان ) يغني له كما لو ان مصطفى هو من يغني .. ويتحدث عنه بتأثر شديد ويغني له بعمق وتفرد .. وتلك هي شهادة كل من استمع اليه وانا واحد منهم .
الحبيب صلاح :
سلامي لك ورجائي المعذرة للاطالة ولكني اكرر وصيتي لك بان تحافظ على مسار هذا البوست حتى يؤتي ثماره المرجوة منه وحتى لا تنجر وراء ( ديوك العدة ومجهولي الهوية وخواة الراس والجهلاء وانتهازيي المنابر !!) ..
اما انا فاكرر اعتذاري لك ولن ارد على أحد سواك ياحبيب فانت من فتح لنا هذا الباب وانت صاحب الدار يامن ( نضعك على العين والراس ) .. ولا اعتقد انه سيكون لدي ما أضيفه .
خضرعطاالمنان
Post: #116 Title: Re: إثناء ونسة مع الأستاذ مصطفى سيدأحمد .. رحمه الله Author: خضر عطا المنان Date: 09-13-2010, 09:56 PM Parent: #115
وهذه اضافة اخرى علها تثري هذا البوست ياحبيبنا صلاح :
Post: #117 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-13-2010, 11:43 PM Parent: #116
الخطل انت جيت يا الكضاب المدلس طيب انا معى ردود مصطفى على ذلك الحوار وبخط يده وانا من ارسلها للاخ عثمان عبدالمتعال على الفاكس وانت دلست وكضبت في ذلك الحوار
Post: #118 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-14-2010, 00:20 AM Parent: #115
الأخ العزيز خضر
شكراً لوفاءك الوعد وحضورك ، وكذا التوضيح والمعلومات الوافية.. وحيث أننا نتناول شخصية عامة ، وهو الراحل المقيم مصطفى سيدأحمد فإن المعلومات التي وردت ، والتي سترد في هذا البوست هي ملك عام للجميع ، كصاحبها عليه رحمة الله . كما انها تُوثّق لفترة هامة من حياته , وهي فترة ما بعد خروجه من السودان والتي عانى فيها ما عانى من المرض اللعين الذى أودى بحياته.
شخصياً ورغم أنني كنت أحد معاصري الراحل في محطته الأخيرة بالدوحة ، وكنت حاضراً وشاهداً على الكثير من التفاصيل التي حدثت ، إلا أنني - مثل الكثيرين غيري - نجهل تفاصيل الكثير من الأحداث والمواقف.
عموماً أتمنى أن نعمل جميعاً على أن نحافظ على تراث مصطفى الغنائي ، فقد ترك لنا رحمه الله ثروة فنية عالية القيمة وخلّف وراءه مدرسة فنية غنائية متفردة. وهذا لا يمنع - بالطبع - أن نتفق ونختلف على تفاصيل أخرى متعلقة به ، طالما أنها تهم محبي الأستاذ الراحل المقيم مصطفى سيدأحمد.
أكرر شكري لك استاذنا خضر...
مع إحترامي وتقديري.
Post: #119 Title: Re: إثناء ونسة مع الأستاذ مصطفى سيدأحمد .. رحمه الله Author: عبد اللطيف عبد الحفيظ حمد Date: 09-14-2010, 07:51 AM Parent: #97
تسلم على هذا الموضوع الشيق وهذا الحديث العذب عن الراحل المقيم مصطفى سيد أحمد
Post: #120 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-14-2010, 09:45 AM Parent: #119
شنو صنيتو كده ؟؟ نكلكلكم يعني ؟؟؟
Post: #121 Title: Re: إثناء ونسة مع الأستاذ مصطفى سيدأحمد .. رحمه الله Author: محمد طه الحبر Date: 09-14-2010, 03:18 PM Parent: #120
مافي شئ غير نقول ليكم كل سنه وانتو طيبين
يا اهل الدوحه واصدقاء ومعجبي الاستاذ الخالد مصطفي سيد احمد رحمه الله
وكل عام وانتم بالدفق خير
محمد طه الحبر
Post: #122 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-14-2010, 03:23 PM Parent: #120
Quote: رابعا: التقيت مصطفى اول مرة في حياتي في الثمانينات وانا اعمل بوكالة السودان للانباء ( سونا ) وذلك بصحبة صديقي الفنان الراحل (عبدالمنعم الخالدي) وفنان الشباب آنذاك (عثمان الاطرش) أمد الله في ايامه.. ثم التقيته للمرة الثانية - عرضا - في حوش الاذاعة السودانية وقد كنت في زيارة لاصدقاء لي يعملون هناك منهم الشاعر محمد سعيد دفع الله وغيره .
الخطل دى كل حدود معرفتك بمصطفى الجعلتك صديق له وكمان بتدعى انك اجريت معه اخر حوار له(يالخوارك)
Quote: بصوت متهدج ومتعب تماما - ارسال الاسئلة مكتوبة عبر الفاكس للاجابة عليها وردها عبر الفاكس وهذا ما حدث بالضبط ..وقام الراحل مشكورا ورحمة الله عليه – بالرد ثم اتصل يسالني رايي في الاجابة واكدت له انها مختصرة ولكنها معبرة بحق فضحك الراحل ثم اوضحت له انني ومن خلال وضعي
لكنك دلست وكضب واضفت من عندك ولم تكن امين ومصطفى لم يهاتفك ولابعرف ليك عنوان هو انت كان عندك عنوان اصلا غير فاكس عثمان عبدالمتعال ولولا عثمان مصطفى اصلا ماكان موافق على قبول اسئلتك
Quote: ثم اوضحت له انني ومن خلال وضعي رئيسا للفرقة الفنية وعضوا باللجنة الثقافية بالنادي السوداني بابوظبي فسأحاول احضاره الى الامارات لاحياء حفل هنا لو ظرفه الصحي يسمح وذلك في اطار دعمه ماديا تقديرا للظروف التي كان يمر بها وابدى الراحل موافقته الامر الذي جعلني اضع على ( بورد ) النادي هناك اعلانا باحتمال حضوره للامارات وقد عم الفرح الدار يومها والكل ظل يلاحقني متى حضوره ؟؟..
عموما كان لابد من تأمين ( غسيل الكلية ) له وهو ما دعاني للاتصال بعضو هذا المنبر صديقي الدكتور والشاعر الشفيف ( الزين عباس عمارة ) بحكم علاقاته الواسعة ومركزه المرموق في دوائر الصحة الاماراتية .. وقد وافق مشكورا ورحب بالفكرة تماما وابدى استعدادا تاما للامر .. ولكن لأمر خاص بالراحل وظرف كان يحيط به هنا في الدوحة لم تتم زيارته للامارات .. ووقتها تحدثت اليه ولكنه اعتذر بشدة وحملني ( بفتح الحاء وتشديد الميم مع فتحها ) امانة ابلاغ ادارة النادي السوداني بابوظبي بهذا الاعتذار وعظيم اسفه .. وقد فعلت ذلك خاصة اعضاء الفرقة الفنية والتي كان على رأسها ملك البيكلو وعازفه الماهر( أسامة بابكر ) وملك الايقاعات الراحل (جعفر حرقل ) .. رحمة الله عليه .
ايها المدلس الكضاب مصطفى لم يعتذر بل رفض الحضور لابوظبى عن طريقكم نسبة للعقد المجحف الغير انسانى الذى ارسل من قبلكم هوعقد يعبر عن عاطلين عن العمل يودون التكسب على حساب مصطفى وظرفه الصحى ومعى اصل ذلك العقد وسوف اورده لاحقا واعلم انه سوف يكون محزن للعديد من الشرفاء من ابناء السودان المقيمين بدولة الامارات كما سوف اورد الدليل بخط يد مصطفى على تدليسك في ذلك الحوار الذى تدعى انه اخر حوار لمصطفى
Post: #123 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-14-2010, 11:41 PM Parent: #122
Quote: أكرر شكري لك استاذنا خضر...
الخطل الكضاب المدلس الانتهازى استاذك انت فلا تجمع ياصلاح وحين تود ان توثق اتحزم للتافصيل والتوثيق وكن على قدر العزم لو داير تتونس امش اتونس معه يكضب ليك واضحك ليهو
Post: #124 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 00:32 AM Parent: #123
Quote: الخطل الكضاب المدلس الانتهازى استاذك انت فلا تجمع ياصلاح وحين تود ان توثق اتحزم للتافصيل والتوثيق وكن على قدر العزم لو داير تتونس امش اتونس معه يكضب ليك واضحك ليهو
تراك مسختها يا العريبي!! أول شئ كونك عندك تار بايت مع ( أستاذنا ) خضر فهذا لا يعني أن ( أباري سيرتك ) .. ثانياً: وعشان ما نقول عليك إنت زاااااااتك ( بهّات ومُفتري ) فهات ما عندك ، وخلينا من النقة الكتيرة .. ثالثاً : الأخ خضر قابلته مرة واحدة فقط هنا في الدوحة ، في منزل الأخ عبدالجليل ووجدته سودانياً لطيفاً ، ولم أر منه ما يشين ، هذا حجم معرفتي الشخصية بالاستاذ خضر. كما أنني قرأت له هناعدد من الموضوعات. رابعاً : لم أذكر أنني سأُوثّق للأستاذ مصطفى سيدأحمد ( إقرأ موضوع البوست بعناية ) وإذا رغبتُ في التوثيق ، فلن أكون في حاجة لنصائح ( للتِحِزِّم) ، أما عزمي فأنت تعرفه تماماً يا أيها العريبي.. ثم أن دعوتك الكريمة لي للذهاب الى الأستاذ خضر عشان يكضب لي وأنا أضحك ليهو فذلك يشرفني ، حيث أن الرجل لم يثبت لنا أنه كاذب ، اللهم إلا من كلامك ( غير المُوثَّق هذا ) والذي لا يثبت شئ!! أما أن أُطلق عليه لقب أستاذنا ، ففي هذا تفخيم لذاتنا ، وإحترام للمُخاطَب ، منوالقال ليك إنت مشمول بيها؟؟؟ خامساً وأخيراً ، كثُرت جعجعتك ، ولم نر لك طحيناً حتى الآن ، فيا تورينا دقيقك ، يا تعمل نايم على كده..
Post: #167 Title: Re: إثناء ونسة مع الأستاذ مصطفى سيدأحمد .. رحمه الله Author: طارق ميرغني Date: 09-16-2010, 04:32 PM Parent: #97
اخي الفنان صلاح
كل سنه وانت طيب
بوست مهم جدا جدا
حاجيك برواقه اصلو كنت معيد نص نص في البحرين
Post: #179 Title: Re: إثناء ونسة مع الأستاذ مصطفى سيدأحمد .. رحمه الله Author: امير بشير حمد Date: 09-17-2010, 02:18 AM Parent: #97
جايكم بي بمهلة قلنا النرفعو ليكم اول
Post: #230 Title: Re: إثناء ونسة مع الأستاذ مصطفى سيدأحمد .. رحمه الله Author: طارق ميرغني Date: 09-19-2010, 10:39 AM Parent: #97
Post: #126 Title: Re: إثناء ونسة مع الأستاذ مصطفى سيدأحمد .. رحمه الله Author: دفع الله خطاب Date: 09-15-2010, 01:25 AM Parent: #96
لوتشانو بافاروتي (مودينا، 12 أكتوبر 1935 - مودينا، 6 سبتمبر 2007)، مغني تينور إيطالي، يعد من أشهر فنانين الأوبرا في الطبقة العالية من الرجال في عصرنا الحاضر، وأحد التينور الثلاثة.
الاسطورة التليانى كان ماسك العالم مسكة مقتدر لمدة 72 سنة من الابداع الجميل ..
ايه رايك يا يا عزيزنا ابو صلاح ؟؟ ويا استاذنا موصلى ؟؟
شنو شابكين فنانينا البنحبهم كبار .. وجلاكين .. ولا قندولنا بشنغل الريكة ,, عفوا غنانا !! ؟؟
المسألة فى تقديري ما مسألة عمر انما مسألة قدرة على مواصلة الابداع ..
الشجر الكبار فيه الصمغ يا حبة ..
تحياتى للجميع
Post: #139 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 12:53 PM Parent: #126
يا أبودالفاع ، كل سنة وإنت طيب وأسرتك الكريمة.. حرام عليك ياخ !! أين جماعتنا من لوتشانو بافاروتي؟؟ الله يسألني ناسنا ديل تجيب ليهم إسمو يقول ليك ( فاتح وين المطعم ده!! )..
Quote: لوتشانو بافاروتي (مودينا، 12 أكتوبر 1935 - مودينا، 6 سبتمبر 2007)، مغني تينور إيطالي، يعد من أشهر فنانين الأوبرا في الطبقة العالية من الرجال في عصرنا الحاضر، وأحد التينور الثلاثة. ابن لعائلة خباز، بعد أن تخلى عن حلمه بأن يصبح حارس مرمى كرة قدم محترف، اصر على قضاء سبعة سنوات في التدريب الصوتى، بدأ بافاروتي حياته كتينور في إيطاليا عام 1961، ثم بدأ الغناء في دور الأوبرا في هولندا وفيينا ولندنوأنقرة وبودابستوبرشلونة. وقد اكتسب التينور الشاب حينها الخبرة القيمة بالإضافة إلى التقدير الواضح.وفى أثناء عروضه للولايات المتحدة على دعوة من السوبرانوساثرلاندعام 1965 زاع صيته وثبت أقدامه على الساحة العالمية بين عامى 1966 و1972 حيث أدى في أكبر دور الأوبرا في العالم مثل La Scala في ميلان. بحلول منتصف السبعينيات، صار بافاروتي مشهورا في جميع أنحاء العالم بتميز وروعة صوته خاصة الطبقات العليا. وبين عامى 1970 و1980 كان بافاروتي قد اثبت نفسه كأحد أعظم مطربي التينور بعروضه المتعددة في أكبر دور الأوبرا في العالم. كما زاع صيته خارج نطاق جمهور الأوبرا كنجم غنائي في عام كأس العالم بإيطاليا خاصة بعد أدائه الرائعة لأريا Nessun Dorma من أوبراTurandot كأحد التينور الثلاثة في حفلهم الأول عشية نهائي كأس العالم، غنى فيها بافاروتي مع نجمي التينور بلاسيدو دومينجو وخوسيه كاريراس ومعا حققوا شهرة طاغية ونجاحا عظيما في جميع أنحاء العالم. السنوات التالية لاقت تقلصا في عدد أدائه للأوبرات على المسرح بسبب الزيادة المفرطة في وزنه وكان أخر أداء في أوبرا له في مارس عام 2004 في Mets. وفى الأوليمبيات الشتوية في تورينو Turin عام 2006 شاهدته إيطاليا والعالم يغنى للمرة الأخيرة حيث غنى بافاروتي Nessun Dorma وأدت الجموع الكبيرة دور الكورال المصاحب، في أداء مهيب مؤثر.
.. بالله شوف السيرة الذاتية دي؟؟ مبالغة.
Quote: المسألة فى تقديري ما مسألة عمر انما مسألة قدرة على مواصلة الابداع .. الشجر الكبار فيه الصمغ يا حبة ..
. أتفق معاك إنو بصفة عامة كده القصة ( مفروض ) ما تكون قصة عمر ، لكن مع ناسنا ديل ، فالقصة عمر عديييييل. لأنهم غير قادرين على مواصلة الإبداع ، ودي ظروفها كتير ، ذكر بعضها أستاذنا يوسف الموصلي ثم أن جماعتنا ديل لو كان زي بافاروتي ده ، وإتعاملوا مع قصة الغنا دي بجدية ، وقفلوا نفسهم زيو كانوا غنوا في La Scala وكان صمغهم دفّق ..
تعرف المصيبة شنو يا صديقي ، إنو المغنيين السودانيين ديل الواحد فيهم أول ما يعمل له غنية غنيتين ويضرب ليهو عداد عدادين ، ويستضيفوهو في واحدة من أجهزة إعلامنا الهاملة ، بيعتبر نفسو فنان كبير ويعيش على الوهم ده ، وبيظن إنو بعد أن وصل للنجومية ما محتاج لتمارين صوت وتثقيف موسيقي وبيتعامل مع القصة على أساس ( نجم كبير مشهور بيضرب عدادات ) وإنتهينا ..
كل سنة وإنت طيب يا أصلي..
Post: #141 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-15-2010, 01:11 PM Parent: #139
Quote: أتفق معاك إنو بصفة عامة كده القصة ( مفروض ) ما تكون قصة عمر ، لكن مع ناسنا ديل ، فالقصة عمر عديييييل. لأنهم غير قادرين على مواصلة الإبداع ، ودي ظروفها كتير ، ذكر بعضها أستاذنا يوسف الموصلي ثم أن جماعتنا ديل لو كان زي بافاروتي ده ، وإتعاملوا مع قصة الغنا دي بجدية ، وقفلوا نفسهم زيو كانوا غنوا في La Scala وكان صمغهم دفّق ..
دفع الله وصلاح والله نحن عندنا ابو داؤود لغاية ما مات ماشاء الله على صوته وهذا استثناء لكن بافاروتي العايش في ايطاليا موطن الغنا الاوبرالي حيث توجد الكليات العظيمة والاوركسترات الفخمة المدربة تدريبا خرافيا بي مديرو وسكرتيرتو وطباخو وجمهوره حرم يغني صاح في قبرو يا اخوانا وحتى اشعار اخر فانه من رابع المستحيلات ان يكون الفنان في السودان محترفا كدي الناخد راحلنا العزيز مصطفى بي صوتو الفخيم واغنايته البديعة وجمهوره الكبير حينها كل هذا لم يمنحه فرصة عيشة مريحة وعلاج ناجع واحترافية واضحة فرحل نعم الاعمار بيد الله ولكن!!!!!!!!!!!
Post: #144 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 03:11 PM Parent: #141
Quote: والله نحن عندنا ابو داؤود لغاية ما مات ماشاء الله على صوته وهذا استثناء لكن بافاروتي العايش في ايطاليا موطن الغنا الاوبرالي حيث توجد الكليات العظيمة والاوركسترات الفخمة المدربة تدريبا خرافيا بي مديرو وسكرتيرتو وطباخو وجمهوره حرم يغني صاح في قبرو يا اخوانا وحتى اشعار اخر فانه من رابع المستحيلات ان يكون الفنان في السودان محترفا كدي الناخد راحلنا العزيز مصطفى بي صوتو الفخيم واغنايته البديعة وجمهوره الكبير حينها كل هذا لم يمنحه فرصة عيشة مريحة وعلاج ناجع واحترافية واضحة فرحل نعم الاعمار بيد الله ولكن!!!!!!!!!!!
أبصم بالعشرين على كلمة وردت هنا.. شفت مداخلتك دي يا موصلي ، أنا مستعد أألِّف فيها زي سبعة مجلدات كده ، كان ينصلح الحال..
Post: #221 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-18-2010, 04:23 PM Parent: #144
Quote: أبصم بالعشرين على كلمة وردت هنا.. شفت مداخلتك دي يا موصلي ، أنا مستعد أألِّف فيها زي سبعة مجلدات كده ، كان ينصلح الحال..
ده لانك فنان
وعارف مداخل ومخارج ازمتنا
Post: #125 Title: Re: إثناء ونسة مع الأستاذ مصطفى سيدأحمد .. رحمه الله Author: محمد المعتصـم Date: 09-15-2010, 00:58 AM Parent: #1
Quote: أولاً أسأل الله بحق هذه الأيام المباركات ، أن يتغمد الأستاذ مصطفى سيد أحمد برحمته وأن يجزيه الجنة ، على ما قدمه لمنا من فن راقٍ ، ويجعل البركة في ذريته. (آمين)..
اولا اخي صــــلاح كل عام وانته بخـير .. شـدني الموضـوع والحقـيقة كنته حايم كدا ولقيتك قلته اسلم واعـيد عليك وعلى الشـباب .. وكمان برضو للعريبي .. لكم التحيه ..
Post: #127 Title: Re: إثناء ونسة مع الأستاذ مصطفى سيدأحمد .. رحمه الله Author: عبد اللطيف عبد الحفيظ حمد Date: 09-15-2010, 06:44 AM Parent: #125
بعيد عن التناحر الشخصي، دايرين نعرف الصادق من الكاذب منو؟؟؟؟ بالأدلة!!!!!
عشان الحقائق عن مصطفى بتهمنا وبتهم كل الشعب السوداني!!!!!
Post: #128 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-15-2010, 08:23 AM Parent: #127
Quote: ومعى اصل ذلك العقد وسوف اورده لاحقا
عجيبة ......
إنتو المرحوم ما كان عندو ورثة تؤول إليهم أوراقه ومقتنياته؟
Post: #129 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-15-2010, 08:51 AM Parent: #128
قادر الله محمد المعتصم الله لاكسبك يابكرى نحن ناقصين بلاوى حا جيب ليكم بكرى العاقب عشان تشوفو الويل انت وصاحبك دنقلاوى البندر
Post: #130 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-15-2010, 09:09 AM Parent: #129
Quote: خامساً وأخيراً ، كثُرت جعجعتك ، ولم نر لك طحيناً حتى الآن ، فيا تورينا دقيقك ، يا تعمل نايم على كده..
بتعرفنى ليك اكثر من عشرين سنة ورينى في ياتو مرة لقيتنى حداس وماسواى المهم الدور والباقى عليك انت بعد ما تشوف الوثائق البتثبت خطل الخطل
Post: #131 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-15-2010, 09:26 AM Parent: #130
Quote: بعيد عن التناحر الشخصي، دايرين نعرف الصادق من الكاذب منو؟؟؟؟ بالأدلة!!!!!
عشان الحقائق عن مصطفى بتهمنا وبتهم كل الشعب السوداني!!!!!
الاخ عبداللطيف لك التقدير سوف اورد الادلة الوثائق والحقائق عن مصطفى فعلا بتهم كل الشعب السودانى وعندى كتاب في طريقه للمطبعة بعنوان (المحطة الاخيرة لمصطفى سيد احمدـ حقائق وذكريات) وهو عبارة عن توثق للثلاثة سنوات العاشها مصطفى بالدوحة .
Post: #132 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-15-2010, 10:44 AM Parent: #131
إين هرب المدعوا و ائل إششششششششششش!!!!
Post: #133 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-15-2010, 11:04 AM Parent: #131
Quote: عجيبة ......
إنتو المرحوم ما كان عندو ورثة تؤول إليهم أوراقه ومقتنياته؟
والعجيبة نباهتك وشطارتك اعلم ياهذا او على الاقل عشان تحسن نيتك وانت تسأل كانت في الدوحة لجنة راعية لعلاج مصطفى ومنظمة لحفلاته وكنت منسقها مع كل الجهات داخل وخارج قطر والمكاتبات والمراسلات وتسويق اعمال مصطفى تتم من خلالها وبنفس الصور كانت اربطة اصدقاء مصطفى بالعاصمة السعودية الرياض وبرضو اصدقاء مصطفى بسلطنة عمان ناهيك عن ناس الداخل كابتن وداعة محمد نور ودكتور يوسف عشم الله وكان بيننا وبين تلك الجهات تنسيق وتشاور في كل صغيرة وكبيرة وماكنا بنشغل مصطفى بالتفاصيل بل كنا نبلغة بقرارتنا ونقول له عندك اي اعتراض كان برد بقوله انا مابدخل في قراراتكم وتفاصيل حاجاتكم بس حين يكون مطلوب مني اغنى اخبرونى قبل وقت كافى واسالونى عن الغنا هل استوعبت ...
Post: #134 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-15-2010, 11:14 AM Parent: #133
Quote: كابتن وداعة محمد نور
سلام يا ود الامير وسنتك سعيدة عليك الله الزول ده وين!!!! لو عندك ليهو اي كونتاك الحقني بيهو اصلاً اخر تاريخ معاهو كان قبل سنين عددا في العمارة الكويتية بالخرطوم (شركة سالبة) للطيران .
وداعة انسان جميل ونادر المثيل له سلامي واحترامي وتقديري لشخصه الكريم الهميم وسودانيته التي لا تخطئها عين .
Post: #138 Title: Re: إثناء ونسة مع الأستاذ مصطفى سيدأحمد .. رحمه الله Author: عبد اللطيف عبد الحفيظ حمد Date: 09-15-2010, 12:09 PM Parent: #133
بدر الدين الأمير كل سنة وانت طيب
أقدر حرصك على مصطفى لدرجة شن الحروب
بعدين مصطفى بستاهل نشن لأجله الحروب ونستشهد كمان (على الطريقة الكوزية) ونسوي عرس شهيد!!!!
أتمنى أن أرى ذلك الكتاب الذي ذاع صيته كثيراً..... وحلفتك بالله داير نسختي من هسه حاجزها مهما كلفت من قطع مسافات!!!
Post: #135 Title: Re: إثناء ونسة مع الأستاذ مصطفى سيدأحمد .. رحمه الله Author: محمد البشرى الخضر Date: 09-15-2010, 11:30 AM Parent: #131
Quote: شنو شابكين فنانينا البنحبهم كبار .. وجلاكين .. ولا قندولنا بشنغل الريكة ,, عفوا غنانا !! ؟؟
المسألة فى تقديري ما مسألة عمر انما مسألة قدرة على مواصلة الابداع ..
عاد نسوي شنو يا أبوحتوت مع صاحبك العريبي متلقي الحجج ده ..
غايتو لايوق لياقة ، الله لا شبكك فيهو.
Post: #137 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-15-2010, 11:52 AM Parent: #136
Quote: والعجيبة نباهتك وشطارتك اعلم ياهذا او على الاقل عشان تحسن نيتك وانت تسأل كانت في الدوحة لجنة راعية لعلاج مصطفى ومنظمة لحفلاته وكنت منسقها مع كل الجهات داخل وخارج قطر والمكاتبات والمراسلات وتسويق اعمال مصطفى تتم من خلالها وبنفس الصور كانت اربطة اصدقاء مصطفى بالعاصمة السعودية الرياض وبرضو اصدقاء مصطفى بسلطنة عمان ناهيك عن ناس الداخل كابتن وداعة محمد نور ودكتور يوسف عشم الله وكان بيننا وبين تلك الجهات تنسيق وتشاور في كل صغيرة وكبيرة وماكنا بنشغل مصطفى بالتفاصيل بل كنا نبلغة بقرارتنا ونقول له عندك اي اعتراض كان برد بقوله انا مابدخل في قراراتكم وتفاصيل حاجاتكم بس حين يكون مطلوب مني اغنى اخبرونى قبل وقت كافى واسالونى عن الغنا هل استوعبت ...
علمت يا هذا لكن كل كلامك ده ما جاوب على تعجّبي.
عموماً ..... سيبك منو .. البوست كان عاجبني في مسارو الأصلي .. وفي سكتو دي ما ظنيتني مواصل فيهو.
Post: #142 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 01:19 PM Parent: #130
Quote: بتعرفنى ليك اكثر من عشرين سنة ورينى في ياتو مرة لقيتنى حداس وماسواى المهم الدور والباقى عليك انت بعد ما تشوف الوثائق البتثبت خطل الخطل
هوووي يا عريبي ها.. أنا خليني ، الناس البيقروا هنا ديل ما عندهم شغلة بالعِرفة هسي هم شايفينك ( حداّث ) وما شافوا ليك فِرِد سواة.. وحتى إذا أتيت بالوثائق ، إنت جايبهم لي أنا؟؟ إنت جايبهم عشان ( مصداقيتك ) إنت ، فأنا لم أدعِ شيئاً ، ولم أعد بشئ فلا تعارك في غير معترك ، وأعرف وين معركتك الحقيقية.
------- بعد شوية ح نسميك ، حشاش بي دقينتو..
Post: #147 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-15-2010, 09:10 PM Parent: #129
Quote: تشوفو الويل انت وصاحبك دنقلاوى البندر
هوي يابدر دناقلة البندر مالهم كمان
ارون قوشي توبي
Post: #140 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 01:05 PM Parent: #125
أخونا محمد المعتصم ..
كل سنة وإنت وأسرتك بألف خير.. يا زول إنت جيت هنا متين ؟؟ لا إحم ولا دستور .. ياخ كان تكلمنا بجيتك دي ، كنا فرشنا السكة وردود ، زي ما قالوا البلابل..
مرحب بيك هنا ، وأتمنى لك طيب الإقامة ..
Post: #143 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-15-2010, 01:34 PM Parent: #140
يا ابو عبدالله ياخ انا قررته ارش خلاص .
Post: #145 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-15-2010, 03:21 PM Parent: #143
Quote: (المحطة الاخيرة لمصطفى سيد احمدـ حقائق وذكريات)
عليك الله يا بدر الدين ما تجهجه الناس ساي!! الكتاب ده أنا لي أربعتاشر سنة راجيهو ، ولسه في طريقو للمطبعة !!
الكتاب ده كان موديه أبوالقدح ، كان بيكون هسي في مشوارو التسعة وعشرين لإعادة الطباعة!
هووووي يا عريبي ها !! بطل النقة الما عندها طايوق دي..
Post: #146 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-15-2010, 04:26 PM Parent: #145
Quote: سلام يا ود الامير وسنتك سعيدة عليك الله الزول ده وين!!!! لو عندك ليهو اي كونتاك الحقني بيهو اصلاً اخر تاريخ معاهو كان قبل سنين عددا في العمارة الكويتية بالخرطوم (شركة سالبة) للطيران .
سفيان كيف انك وكل عام وانت بخيرين وزيادة كابتن وداعة انا ايضا طولت منه واخر عهدى باخباره انه انتقل الى الخطوط الملكية الاردنية ووداعة كان من المقربين من مصطفي وكنا عن طريقه هو ودكتور يوسف عشم الله نرسل كل الاعمال الجديد لجمهور مصطفى بالداخل وكانو حلقة الوصل بينه وبين الشعراء في الداخل
Post: #148 Title: Re: إثناء ونسة مع الأستاذ مصطفى سيدأحمد .. رحمه الله Author: محمد المعتصـم Date: 09-16-2010, 00:18 AM Parent: #146
Quote: قادر الله محمد المعتصم الله لاكسبك يابكرى نحن ناقصين بلاوى
Quote: بتعرفنى ليك اكثر من عشرين سنة ورينى في ياتو مرة لقيتنى حداس وماسواى المهم الدور والباقى عليك انت بعد ما تشوف الوثائق البتثبت خطل الخطل
بالمناسـبة ... اوع تكـون قاصـدني انا بالعشـرين سـنة دي .. اما إذا المقصود صلاح عبدالله فدي بسيطة خليها اربعة وعشرين سنة يازول ...
Post: #153 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 00:43 AM Parent: #150
Quote: بالمناسـبة ... اوع تكـون قاصـدني انا بالعشـرين سـنة دي .. اما إذا المقصود صلاح عبدالله فدي بسيطة خليها اربعة وعشرين سنة يازول ...
يسألني الله ، أنا قبل عشرين سنة كنت في مقاعد الدراسة...
Post: #154 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-16-2010, 07:02 AM Parent: #153
Quote: يسألني الله ، أنا قبل عشرين سنة كنت في مقاعد الدراسة...
يعنى فى مقاعد الدراسة مرفوع منك المعرفة ياصلاح ..عادى انا كنت بعرف ناس قبل ثمانية سنة وكانوا فى مقاعد الدراسة .. المشكلة وين ؟...وكمان سنة الغربة بسنتين ..يمكن لو حاسبناك تطلع اكتر من عشرين ...بعدين مصطفى سيد احمد مات ليهو 16 سنة .. يعنى اربعة سنة مابينك وبين صاحبك ..ماتتمسك ..
وين عماد ابن عبدالله من هذا الحراك الثقافى .؟
Post: #155 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-16-2010, 08:01 AM Parent: #154
Quote: وين عماد ابن عبدالله من هذا الحراك الثقافى .؟
كان حراك ثقافي ما عارف .. !! ياهو عاد ..
قالوا عمتك ركبت الباص الصباح .. ماشة مستشفى اب عشر زايرة ليها عيان هناك مع نسوان الحلة .. الشافع الكمساري جاها يكشكش .. فكت طرف توبها و ادتو شلن ( اب خمسة ) . نبح فيها : يا حاجة سبعة قروش .. سبعة قروووووووش . شلنك ده ما بيخارج .. كان زمان . حلفت ليهو ما عندها غيرو . قال ليها خلاص عفيناك المرة دي . علي التوكحا .. بعد قيلت في اب عشر جات المغربية راجعة الحلة ، و ركبت البص زااااااتو حق قبيل داك . جاها الشافع الكمساري زاااااتو يكشكش ، فكت أب خمسة القبيل داك من طرف توبها و ناولتو . عاين ليها كددددده و هاج : يا حاجة قبيل قلنا ليك سبعة قروش .. تاني تديني الشلن ده ؟؟ قالت ليهو - زعلانة و مستغربة - : عاد يا ولدي ما ياهو أب خمسة .. مشيت زرعت وللا حشيت ؟؟
أها .. حراكك السغافي ده ياهو زاتو اب خمسة حق سنة غاغ .. لا زرعنا و لا حشينا . أبو أهل طيارة يومنا زاتو ياخ .
........... و بعدين شنو حكاية ( مقاعد الدراسة ) دي كمان ؟؟
Post: #156 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-16-2010, 10:59 AM Parent: #155
لكل المتابعبن والمشاركين اليكم مستنداتي ولي عودة
Post: #157 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-16-2010, 12:15 PM Parent: #156
بدروب سيد السفروق ..
ياهو ده كلو ؟؟ .. دي مستنداتك خلاص وللا لسه في شي تاني جايي ؟؟ لو خلاص قول .. أو هز راسك ، عشان عندنا مساغفة معاك في الغيامة الرابطة و العجاجة السويتوها إنت و خضر ده .. يعلم الله شنفتو أضاننا بالكلام المهبلس الرميتوهو هنا ده .
ياخي كرهتونا مصطفي سيدأحمد ده بي الله واحد .. و إنت بالذات ياخي عليتنا علة بمصطفاك .. أنا هسه وارم بحكاية مصطفي البقت حجوة أم ضبيبينه دي .. إنت ياخي مصطفى ده .. ورثتو ؟؟ أتاريهو الله يرحمو مات بالمغسة من جنس لهلهتكم دي .. هو كان ميت ياها دي سواتك فيهو .. أمال زمنو الحي كنت ساوي ليهو شنو ؟؟ خاف الله فينا ياخ .. نحنا برضو ناس أخوانك و لينا حق عندك . أرحمنا ربنا يرحمك ياخي يوم الموقف العظيم .. الله العضم الفي راسك ده بركة النبي و أهل بيتو .
.......... و كمان خضر عطا المنان .. !! ناكِت لينا موضوع من زمن النبي صبي و جايينا ياخي متحزم و كايس مدافسة .. !؟ هو مصطفي ده كان ما الدنيا دي ممحونة .. ما لقي غيركم إنت و بدر عشان في أيامو الأخيرة دي ربنا يرميهو فيكم ؟؟ ياخواننا زحو من مصطفي .. مصطفي مشي .. غاب و خلي لينا شي سمح .. ما تكرهونا فيهو أعملوا معروف .
Post: #158 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-16-2010, 01:34 PM Parent: #157
Quote: بدروب سيد السفروق ..
ياهو ده كلو ؟؟ .. دي مستنداتك خلاص وللا لسه في شي تاني جايي ؟؟ لو خلاص قول .. أو هز راسك ، عشان عندنا مساغفة معاك في الغيامة الرابطة و العجاجة السويتوها إنت و خضر ده .. يعلم الله شنفتو أضاننا بالكلام المهبلس الرميتوهو هنا ده .
ياخي كرهتونا مصطفي سيدأحمد ده بي الله واحد .. و إنت بالذات ياخي عليتنا علة بمصطفاك .. أنا هسه وارم بحكاية مصطفي البقت حجوة أم ضبيبينه دي .. إنت ياخي مصطفى ده .. ورثتو ؟؟ أتاريهو الله يرحمو مات بالمغسة من جنس لهلهتكم دي .. هو كان ميت ياها دي سواتك فيهو .. أمال زمنو الحي كنت ساوي ليهو شنو ؟؟ خاف الله فينا ياخ .. نحنا برضو ناس أخوانك و لينا حق عندك . أرحمنا ربنا يرحمك ياخي يوم الموقف العظيم .. الله العضم الفي راسك ده بركة النبي و أهل بيتو .
.......... و كمان خضر عطا المنان .. !! ناكِت لينا موضوع من زمن النبي صبي و جايينا ياخي متحزم و كايس مدافسة .. !؟ هو مصطفي ده كان ما الدنيا دي ممحونة .. ما لقي غيركم إنت و بدر عشان في أيامو الأخيرة دي ربنا يرميهو فيكم ؟؟ ياخواننا زحو من مصطفي .. مصطفي مشي .. غاب و خلي لينا شي سمح .. ما تكرهونا فيهو أعملوا معروف .
عماد دا العندك طيب كنت بتحاحى مالك
Post: #159 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-16-2010, 01:45 PM Parent: #158
هسه جنس جملتك دي نقول عليها شنو ؟؟ ألحس المكوة كان فهمت منها حاجة ..
أحاحي بتاع طيارتك .. ؟؟ محاحاة تولد فشوش أكتر من محاحاتك السويتا هنا دي ؟ : ( الليلة يا ما بعرف شنو جاييك .. و الليلة الدق .. يا الفعلتو يا التركتو ، أركز لي .. جاييك بالمركوب .. و عاك عيك ) .. جايي في النهاية ملصق لينا ورقات ما قالن شي ؟؟ هسه اللصقتهن ديل قالن شنو يعني ؟؟ ثبتت شنو .. وللا نفيت شنو بيهن ؟؟
أمشي من قدام وشي يا بدر .. بلاش كلام فارغ معاك .
Post: #161 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-16-2010, 01:48 PM Parent: #159
Quote: وقد جاء ذلك في آخر حوار صحفي له كنت قد أجريته معه قبل وفاته بأيام قليلة العام 1996 وتم نشره بصحيفة ( الاتحاد) الظبيانية ومن ثم صحيفة ( الاتحادي الدولية) المعارضة التي كانت تصدر بالقاهرة آنذاك . **********************
فالى مضابط ذلكم الحوار الذي لم يكن طويلا ـ بالعرف الصحفي المتعارف عليه ـ ولكنه كان عميقا لمايتسم به فناننا الراحل من اختيار لكلماته وبعد في أفكاره :
سؤال : الفنان حالة خاصة .. والفن رسالة انسانية .. فكيف يكون الالتحام بين الحالة والرسالة ؟.
* من انواع الذكاء : الذكاء الناقد .. الذكاء العملي .. والذكاء الخلاق . وعليه فان خصوصية الفنان تأتي من انتخاب الطبيعة له بتأهيله بنوع من الذكاء الخلاق .. وكل ذلك يتبدى من نشاطه كانسان .. أي يسعى لتحقيق انسانيته من خلال تفاعله مزودا بهذاالتأهيل الفطري .. أي خصوصية حالته تاتي في اطار سعيه لتحقيق انسانيته وذاته وفي ذلك علاقة عضوية تنفي أن تكون حالته منفصلة عن رسالته.
سؤال : أين ترسو اليوم مركب تجربتك مع الغناء والموسيقى ؟
* هي تجربة تتوالد أبعادها من أبعاد .. حيث أن القضايا مازالت ساخنة وكثيرة.. والتفاعل مع الحياة قائم ولم يفتر بعد .. كما أن البيئة مليئة وثرية .
سؤال : أين وكيف ترى الوطن في ظل الظروف القائمة حاليا هناك ؟
* أرى أن الوطن يدخل في تحد كبير .. فبالرغم من قسوة التجربة على الأبعاد الاجتماعية والاقتصادية والسياسية الا أنها لها ما بعدها .. حيث أن التجربة تساهم في اسقاط كثير من الأقنعة ( مع وضد) وما بعدها يتجاوز كل هذه الأقنعة مترسما ملامح واضحة ومحددة لا تطولها المغالطات ـ أي بمعنى أخر أنه في مرحلة هدم وبناء ليس على مستوى الظرف الحالي ولكن على مستوى مفاهيم الماضي وما تعتمرها من تخلخل ومراجعة .. والمفاهيم المطروحة الآن وما سقط منها كشعارات كذبها الواقع خلال الممارسة اليومية وما يتبلور من رؤى جديدة تقود خطوات التغيير .
سؤال : الوطن والحرية .. الغربة والأبداع .. ماقولك ؟ ومتى يكون الفنان صدى لصوت شعبه ؟
* يمكنني القول بأن التجربة التي يمر بها اليوم الناس في داخل وخارج السودان ـ برغم قساوتهاـ الا أنها مفيدة وناقدة لكل ما سبق . أما عن الغربة فلا تسلني .. أو ليس من بالداخل يشعر بالغربة الآن ؟؟. وعن سؤالك عن الفنان ومتى يكون صدى لصوت شعبه .. فان الحديث يطول في هذا الشأن . فيكفي أن تنصهر ـ كفنان ـ في معامل معاناة هذاالشعب الذي أنت من صلبه .. وتنعجن في أفراحه وأتراحه لتصبح لسان حاله في سرائه وضرائه.. وهذا هو الفن الحقيقي من وجهة نظري .
سؤال : وماذا عن تجربتك مع المبدع الفنان يوصف الموصلي ومشاريعكما معا؟
* يوسف الموصلي صديق عزيز .. وهو بجانب كونه مطربا فهو موسيقي مقتدر وملحن بارع له اسهاماته الواضحة في هذا المجال .. كما ان هما مشتركا يجمع بيننا في مجال طرح تجاربنا بشكل جيد .. فأمامنا الكثير من الاعمال التى نأمل ان نخرجها تباعا على منوال ماسبق أن أنجزناه معا من تجربة لاقت صدى طيبا في نفوس الجماهير والمهتمين على حد سواء .
سؤال : ماهو جديدك ؟؟ ثم ماقولك عن مستقبلك فنيا ؟
* هناك الكثير من الاعمال الجديدة ..أما في هذه الأيام ـ وبرغم الظروف الصحية التي أمر بها ـ الا أنني أعيش بصحبة قصيدة لشاعر مصري أسمه( أحمد صلاح كامل ) وهي بعنوان ( مفتتح الطريق) كم أرجو ان يقوم حواري هذا معك أخي خضر مقام اخطار له .. فأنا لم ألتقيه ولكني وجدت قصيدته هذه منشورة بمجلة ( العربي) وقد أعجبتني فعكفت على تلحينها .. يقول مطلعها :
( هذا فرحنا ميت والأرض تلهث في سباق الانفلات ونسيت أمومتها وباعت فرخها للريح أنكرت البراءة في عيون الفجر لطير الليل كي يملي القرار وأنا اسجل موقفي لاالليل قديس ولا القمر انتصار) . كما أن هناك قصيدة لصديقي الشاعر ( محمد مدني ) أذكر لها منها :
والأرض تحضن بذرة الامكان يارباه يا أرض اتخذتك مغزلا للحب والأشعار والحقب الجديدة.......الخ .
أما عن سؤالك حول مستقبلي الفني .. فأنا اعمل وفق برنامج يسعى لانجاز رؤى محددة أحلم أن أنجزها على المستويين : الشكل والمضمون .
سؤال : ثم ماذا لو سألتك عن اتحاد الفنانين السودانيين وعن صلتك به؟؟ وهل تعتقد بأنه يؤدي دوره المطلوب في ظل غياب أو توقف معظم رموزه ؟
* ليس بيني وبين هذا الاتحاداي اتصال منذ خروجي من السودان .. فهل ترى أن له دور الآن ؟؟؟؟.
سؤال : أخيرا:كيف ترى مستقبل الأغنية السودانية عامة؟
* بايجاز ـ أخي خضر ـ انه مستقبل مرتبط دون شك ارتباطا عضويا بمستقبل البلد والناس هناك .
أنتهى الحوار – ياسادتي - ولكن حتما ستكون لي عودة للحديث عمن (أغتالوه !!) جهارا نهارا في الدوحة وشاركوا في العزاء من أجله .. لا بل وساروا خلف جنازته دون خجل أو وجل !!! .. أولئك الذين لا زال البعض منهم يتمسح في دنيا هذا الراحل / الخالد – حتى وهو تحت التراب - بحثا عن شهرة رخيصة أو مجد شخصي لن ينالوه أبدا .. انهم أولئك الذين لم يتركوا بابا للمتاجرة باسم هذا الفنان الخالد الا وطرقوه .. وهم كثر !!.
ختاما : للجميع محبتي .. ولصديقي الخالد مصطفى سيدأحمد ألف دعاء لرب يظلل قبره ويجعل منه روضة من رياض الصالحين .
خضرعطا المنان / الدوحة
Post: #160 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-16-2010, 01:46 PM Parent: #158
يا ابو عبد الله ابيت تسمع كلامي !!!!
كنت عايز اديكم الطرشا واريحكم في تولاتكم ديل .
Post: #162 Title: Re: إثناء ونسة مع الأستاذ مصطفى سيدأحمد .. رحمه الله Author: انعام عبد الحفيظ Date: 09-16-2010, 02:28 PM Parent: #160
البوست دا حدو النص الأول من الصفحة الأولى كان ماشي كويس يا ريت الناس تلتزم بموضوع البوست عشان تحصل الإستفادة ولو في أي موضوع تاني يتفتح ليهو بوست جديد بعيد من البوست الأصلي
ــــ صلاح عبد الله سلامات وكل سنة وانت طيب
Post: #166 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 03:50 PM Parent: #162
إنعام ع الحفيظ..
وإنتي بألف خير ، وربنا يحقق كل أمنياتك.
Post: #163 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-16-2010, 03:19 PM Parent: #156
بصرف النظر عما دار الا انني اشيد باحتفاظك بمثل هذه الوثائق وليته لديك العديد منها لتضمن في الكتاب فهي من المنظور التاريخي ذات قيمة كبيره ونرجو ان يتحول النقاش كله الي الجانب الايجابي
Post: #164 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 03:28 PM Parent: #154
Quote: يعنى فى مقاعد الدراسة مرفوع منك المعرفة ياصلاح ..
ألحقوا .. الأنصاري لِحِق ود خالتو!!
Post: #165 Title: Re: إثناء ونسة مع الأستاذ مصطفى سيدأحمد .. رحمه الله Author: بهاء بكري Date: 09-16-2010, 03:34 PM Parent: #164
متجمعين عند النبي ............ عيدكم مبارك
Post: #168 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-16-2010, 05:13 PM Parent: #165
Quote: ألحقوا .. الأنصاري لِحِق ود خالتو!!
داير تلحقنى ليهو كسر رقبة ساكت ياصلاح ..مع انو انا ماعارف لحقتو فى شنو ؟ لكن قصدت ب(مرفوع عنك المعرفة) ..حتى لو كنت فى مقاعد الدراسة ممكن يعرفك .. المانع شنو يعنى مايعرفك وانت بتدرس ..
Post: #171 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 06:21 PM Parent: #168
Quote: داير تلحقنى ليهو كسر رقبة ساكت ياصلاح ..مع انو انا ماعارف لحقتو فى شنو ؟ لكن قصدت ب(مرفوع عنك المعرفة) ..حتى لو كنت فى مقاعد الدراسة ممكن يعرفك .. المانع شنو يعنى مايعرفك وانت بتدرس ..
انصاري ، مالك مابِي لحقان ود خالتك ، عيبو لي ؟؟ قصدك معرووووف يا أبوحميد ، ونيتك سليمة ، قصدي لحقتو ( عكلتة ).. أقول لك قولة ، والله الما عرف ود خالتك ( على حقيقتو ) يمين ما عرف زول..
زولي وأنا عاااااارفو ، ديك عدة.
Post: #169 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 05:35 PM Parent: #165
البدر ,,
قارنت أصل الردود التي هي بخط الراحل مصطفى ، مع الحوار الذي أنزله الأخ خضر فلم أجد ( أكاذيب أو تدليس ) !! نعم هناك بعض الإضافات العادية والتي لا تغير في الحوار ، بل أننى أرى أن بعضها كان لازماً وذلك حتى يتسنى نشر الحوار كمادة صحفية مقروءة .. ويمكن أن أحدد لك الإضافات وتأثيرها على مجمل الحوار ( إن أردت )..
فيما يتعلق بالاتفاق بين الراحل والنادي الاجتماعي بأبوظبي فانني كذلك لا أراه مجحفاً في حق الراحل مصطفى ، فقد كان اتفاقاً عادياً محدد به الشروط والواجبات واستحقاقات الطرفين..
عموماً ، أتفق مع الأخ يوسف الموصلي في كون هذه الوثائق هامة في التوثيق لحياة الراحل المقيم وأتمنى أن نشهدها ومثلها في كتابك الذي سيرى النور قريباً ..
بعد كده أفتكر نرجع لموضوع البوست الأساسي ، واللا خلاص ..ببح!!
Post: #170 Title: Re: إثناء ونسة مع الأستاذ مصطفى سيدأحمد .. رحمه الله Author: ريهان الريح الشاذلي Date: 09-16-2010, 06:20 PM Parent: #169
Quote: بعد كده أفتكر نرجع لموضوع البوست الأساسي ، واللا خلاص ..ببح!!
بعد خلاص كملت القصص الميتة والوثائق والشمارات والكلامات العجيبة اصبح الرجوع للموضوع الرئيسي صعب الا تجيب مقشاشة وتقش المداخلات ال off point كلها لانها بتعمل زغللة في الراس بتروح علي الناس الموضوع الاساسي .
Post: #172 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-16-2010, 10:03 PM Parent: #170
يا ريهان ، عيدك سعيد..
غايتو قصة (كنس) المداخلات دي صعبة شوية لكن لو أديتيني لزة سغييييرة كدة ممكن نرجع لموضوع البوست الأساسي أها إنت رأيك شنو ؟؟ فنانينا الكبار ديل ، خلاص يعتزلوا واللا لسه؟
Post: #174 Title: Re: إثناء ونسة مع الأستاذ مصطفى سيدأحمد .. رحمه الله Author: محمد البشرى الخضر Date: 09-16-2010, 11:56 PM Parent: #172
Quote: غايتو قصة (كنس) المداخلات دي صعبة شوية
إيميل للمعلم مع ارفاق اللنكات أو قول ليه بس مداخلات فلان و علان و عماد عبدالله
Post: #177 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 01:14 AM Parent: #174
Quote:
Quote: غايتو قصة (كنس) المداخلات دي صعبة شوية
إيميل للمعلم مع ارفاق اللنكات أو قول ليه بس مداخلات فلان و علان و عماد عبدالله
يا أبوحتوت ، البوست لحق الزينين ، وقنعنا من خيراً فيهو قلنا نشوف قصة داحس والغبراء دي حدها وين..
--------- قلت لي فلان وعلان وعماد؟ الليلة الدق!!
Post: #173 Title: Re: إثناء ونسة مع الأستاذ مصطفى سيدأحمد .. رحمه الله Author: محمد المعتصـم Date: 09-16-2010, 11:30 PM Parent: #169
Quote: وأتمنى أن نشهدها ومثلها في كتابك الذي سيرى النور قريباً ..
كتاب منو ...؟؟؟؟؟ العريبي .. مابصدق ... ياخي عليك الله ما تقول كدا .. خلينا نرجع للموضوع الاصلي ..
Post: #175 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-17-2010, 00:00 AM Parent: #173
Quote: البدر ,,
قارنت أصل الردود التي هي بخط الراحل مصطفى ، مع الحوار الذي أنزله الأخ خضر فلم أجد ( أكاذيب أو تدليس ) !! نعم هناك بعض الإضافات العادية والتي لا تغير في الحوار ، بل أننى أرى أن بعضها كان لازماً وذلك حتى يتسنى نشر الحوار كمادة صحفية مقروءة .. ويمكن أن أحدد لك الإضافات وتأثيرها على مجمل الحوار ( إن أردت )..
فيما يتعلق بالاتفاق بين الراحل والنادي الاجتماعي بأبوظبي فانني كذلك لا أراه مجحفاً في حق الراحل مصطفى ، فقد كان اتفاقاً عادياً محدد به الشروط والواجبات واستحقاقات الطرفين..
انت بتقرا كيف
Post: #176 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 01:02 AM Parent: #175
Quote: انت بتقرا كيف
من اليمين للشمال.
Post: #178 Title: Re: إثناء ونسة مع الأستاذ مصطفى سيدأحمد .. رحمه الله Author: محمد المعتصـم Date: 09-17-2010, 01:20 AM Parent: #176
بصراحة ياصلاح .. العريبي قال كلامو وبعد دا انته ما عندك حل الا ترجع للموضوع الاصلي ..
.
Post: #180 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-17-2010, 10:03 AM Parent: #178
Quote: بصرف النظر عما دار الا انني اشيد باحتفاظك بمثل هذه الوثائق وليته لديك العديد منها لتضمن في الكتاب فهي من المنظور التاريخي ذات قيمة كبيره ونرجو ان يتحول النقاش كله الي الجانب الايجابي
الموصلى ياصديقى كيف انك وهناك ماهو بخط يد الموصلى ورايه في نقد شريط البت الحديقة .... وهناك الندوة المطولة الكانت معك ومصطفى حول نقد تجر التوزيع الموسيقى للموصلى شارك فيها العديد من النقاد والعازفين والمهتمين وهم الكاتب القاص د. محمد المهدى بشرى والروائى الحسن البكرى والمخرج السنمائى عبدالرحمن نجدى ودكتور اسماعيل الفحيل واسماعيل درس مصطفى بمعهد الموسيقى المسرح (فلكلور) ودكتور عمرو احمد عباس والقانونى الراحل جعفر حسن عباس وعصام على واسماعيل شمو وحسن مسعود وعثمان الجندى ومن العازفين عازف الايقاع عبدالمنعم الفكى وعازف الاورغ ياسر القصاص وعازف الاكورديون معتز القريش عقدت تلك الندوة بمنزل صديق عبدالرحمن نجدى بتاريخ 2/7/1994م وقد كان لى شرف ادارتها ورغم اعترافك بالزرزة وقتال مصطفي بجانبك كلاكما كان سعيد بذلك وفي ناهية الندوة قلت انت ياليت في كل مكان تذهب اليه تجد من يززرك بهذا العمق والصراحة لكن بينى وبينك ياموصلى رغم فصاحتك انت ومصطفي الجماعة قدرو عليكم بل كان هناك اعتراف من قبلكم ان هناك هنات واخطاء صاحبت الترجبة وتعهدت انت بتصويبها في الاعمل القادمة لكن ياموصلى في تلك الندوة لم تستجيب لاي استفزاز مثلا حين اتهمك معتز القريش بالتزوير وان شريط الحزن النبيل لم تكن به كمنجات بدليل ان اسماء عازفين الكمنجات غير مذكورين في غلاف الشريط وان كل الامر هناك اورغ بقوم محل الكمنجات وتمت معالجة بالكمبيوتر تبدوا وكانها كمنجات او حين اتهمك اخر بانك سارق لتجربة الرحبانية وكنت بترد بموضوعية وتفنيد وادلة لكن لقيتك هنا في الفترة الاخيرة بقيت شاكال اتقول هادى فيك صاحبى بشاشة ياربى دا من ملاسى ام من الكُبر ههههههههههههه
Post: #183 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-17-2010, 11:38 AM Parent: #180
Quote: الموصلى ياصديقى كيف انك وهناك ماهو بخط يد الموصلى ورايه في نقد شريط البت الحديقة .... وهناك الندوة المطولة الكانت معك ومصطفى حول نقد تجر التوزيع الموسيقى للموصلى شارك فيها العديد من النقاد والعازفين والمهتمين وهم الكاتب القاص د. محمد المهدى بشرى والروائى الحسن البكرى والمخرج السنمائى عبدالرحمن نجدى ودكتور اسماعيل الفحيل واسماعيل درس مصطفى بمعهد الموسيقى المسرح (فلكلور) ودكتور عمرو احمد عباس والقانونى الراحل جعفر حسن عباس وعصام على واسماعيل شمو وحسن مسعود وعثمان الجندى ومن العازفين عازف الايقاع عبدالمنعم الفكى وعازف الاورغ ياسر القصاص وعازف الاكورديون معتز القريش عقدت تلك الندوة بمنزل صديق عبدالرحمن نجدى بتاريخ 2/7/1994م وقد كان لى شرف ادارتها ورغم اعترافك بالزرزة وقتال مصطفي بجانبك كلاكما كان سعيد بذلك وفي ناهية الندوة قلت انت ياليت في كل مكان تذهب اليه تجد من يززرك بهذا العمق والصراحة لكن بينى وبينك ياموصلى رغم فصاحتك انت ومصطفي الجماعة قدرو عليكم بل كان هناك اعتراف من قبلكم ان هناك هنات واخطاء صاحبت الترجبة وتعهدت انت بتصويبها في الاعمل القادمة لكن ياموصلى في تلك الندوة لم تستجيب لاي استفزاز مثلا حين اتهمك معتز القريش بالتزوير وان شريط الحزن النبيل لم تكن به كمنجات بدليل ان اسماء عازفين الكمنجات غير مذكورين في غلاف الشريط وان كل الامر هناك اورغ بقوم محل الكمنجات وتمت معالجة بالكمبيوتر تبدوا وكانها كمنجات او حين اتهمك اخر بانك سارق لتجربة الرحبانية وكنت بترد بموضوعية وتفنيد وادلة لكن لقيتك هنا في الفترة الاخيرة بقيت شاكال اتقول هادى فيك صاحبى بشاشة ياربى دا من ملاسى ام من الكُبر ههههههههههههه
ياسلااااام يابدر ياخ مالك علينا مذكرنا الايام الحلوه ديك وبعدين مالك فاضح خطي الشين مع خط الاستاذ البعلم الخط ذاتو ياخ بس عشان اهمية التوثيق نشجعك عليه ليكون في وثائق الكتاب وعشان كمان كان رميت لي درابه كده ولا كده (ما اتملص منها) هههههه معتز اخوه بقي وزير الثقافة يكتر بكلمو ليهو يجرو من اضانو (مش نحن مثقفين؟) قال كومبيوتر قال كمنجات زي السم نظيفه زي البلور وهسع عشان ما يغالط خلي يجي يشوف بي نفسو نهاية اكتوبر في القاهره الموصلي وعافيه حسن ويشوف نفس الكمنجات مع زيادة العدد بقيادة بروفيسور صولست حسن شراره واجرو من اضانو دي اوديهو ليهم (مش صاحبي) علي كيفي لا والله انا بالي اطول من نهر النيل علي اليمين الكلام القالو لي ملاسي في فنانين في السودان بشيلو فيهو عكاكيز وانا لو عفصت نمله ببكي هسع قلت ليهو في بوست نزلو كل سنه وانت عثمان النو طيبين شرد الشرده الياها ولاكلف نفسو يقول لي وانت طيب يعني المساله بالنسبة لي بقت (ما نقد) ولا تحاور هسع انا داير لي فرصه اجيكم في الدوحه (ما غنا) بس ونسه ساكت انت والاخوين (عبد اللاني) على وزن رحباني وازركم زرة السواد وجها لوجه ولكم من الود هميمه
Post: #181 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 10:48 AM Parent: #165
Quote: عيدكم مبارك
كل سنة وإنت طيب يا بهاء.. شايفك متجدع مع ناس عصام علي.
Post: #182 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-17-2010, 11:34 AM Parent: #181
Quote: إيميل للمعلم مع ارفاق اللنكات أو قول ليه بس مداخلات فلان و علان و عماد عبدالله
ود البشرى ياسيدى اولاد عبدالله عين وصاد مجرد ما الامر يتجاوز ملح الهظار ويكون الجد طوالى بباركوها وبشيلو اهلهم ... صلاح التقى الخطل مرة واحدة وبالصدفة حسب كلام صلاح وعماد الامر بالنسبة له اشد از هارون اخى وفي هذا يمكنه ان يكون فطير لدرجة ان تستحى له
Post: #184 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-17-2010, 12:19 PM Parent: #182
Quote: اشد از هارون اخى
هو بللاي هارون أخوي بقى عندو از .. !؟ و كمان بيشدوهو منو ؟؟ .. من الإز ؟؟ و أنا أقول مالو هارون بيتلولح يتلولح .. أتاريهو .
........... هسه أنا أعمل شنو ؟
Post: #185 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-17-2010, 12:19 PM Parent: #182
الخطل جاب حواره مع مصطفى بل اودعى انه لم يغير او يبدل شىء وانه اخر حوار لمصطفى وانا قلت انه غير وبدل واضاف من عنده وجبت اجوبة مصطفى بخط يده مافي واحد من عين وصاد عقد مقاربة عشان يكضبنى ويصدق الخطل انا عارف ان عماد ومن هم على شالكلته مابحبو مصطفي ولابطربهم صوته ناهيك عن مواقفه ودا من حقهم بس باسف لقولهم يافلان كرهتنا او كرهتونا ومتى كان الحب اوالكراهية وبشكل مطلق خارجة عن من انت ومن هو عشان تتسب او تبحث عن سبب
Post: #186 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-17-2010, 12:26 PM Parent: #185
Quote: انا عارف ان عماد ومن هم على شالكلته مابحبو مصطفي ولابطربهم صوته ناهيك عن مواقفه
امسك ياعماد (السفروق) جاك ..بدرالدين طبعا انا بحبو جدا بس فى الفترة الاخيرة فى هبوط حاد فى مستوى السمع عندى ..هادى كل المشكلة ..لكن عدم محبة عماد دى ... صراحة ماصاح منو ...
Post: #187 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-17-2010, 12:41 PM Parent: #186
ألف باء الكتابة الصحفية يا اب سفروق أخوي إنك تصلح بابور الجاز .. يعني الكركبة اللغوية في الحوارات , الصياغة غير الموفقة , الأخطاء اللنحوية و اللغوية .. الجملة المكعوجة .. يعني غربلة المادة و إعادة تظبيطا بشرط إنها ما يكون فيها تحريف أو إضافة أو حذف للمعلومة الواردة في الأصل .. و لا لكلام الزول المحاورنو . وقع ليك يا اب ليمونة ؟؟ ده ما معناتا خضر عمل كده .. الكلام ده في العام .. يعني من أصول الحوارات الصحفية . و بعدين عليم الله أناما اشتغلت الشغلة بالمعلقة حقت خضر دي .. و لا عندي ليكم مود كان إنت كان هو .. أصلاً كواريككم دي حمام ميت .
الله لا كسبك يا النذير اب ليفة .
..........
Quote: عماد ومن هم على شالكلته
عرفنا عماد .. ( شالكلتو ) دي شنو ؟؟ شال كلتو كيف يعني ؟؟ هو أنا لو عندي كلتو بيتشال .. كنت بقعد ليك هنا ؟؟
Post: #188 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-17-2010, 12:44 PM Parent: #187
Quote: هو أنا لو عندي كلتو بيتشال .. كنت بقعد ليك هنا ؟؟
Post: #191 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-17-2010, 01:20 PM Parent: #188
لا إله إلا الله .. يا ربي ليك الحمد على هذا الغسل و الطهارة و الخشوع و الجمال الباتع .. و الحمد آلاف أن عثمان حسين عرف الفيها .. و لم يغنِ جديداً منذ كم و عشرين سنة .. رحمة الله عليهو كان عبقرياً عبقريا .. و كان بيعرف متين يقيف .. و وين و كيف .
Post: #192 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-17-2010, 01:21 PM Parent: #187
Quote: يعني غربلة المادة و إعادة تظبيطا بشرط إنها ما يكون فيها تحريف أو إضافة أو حذف للمعلومة الواردة في الأصل .. و لا لكلام الزول المحاورنو .
عماد تلك شهادتك من الناحية المهنية والفنية وهى نتاج ممارسة مهنية وليست اثناء ونسة هل تشهد بها فيما اورده الخطل (وتكضيبى له) شاور اخوك
Post: #189 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 01:14 PM Parent: #186
Quote: بدرالدين طبعا انا بحبو جدا بس فى الفترة الاخيرة فى هبوط حاد فى مستوى السمع عندى ..
Post: #190 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-17-2010, 01:19 PM Parent: #189
نركز وين مع السفروك الشغال من طرف دا ..القاسية تمد راسك فى البوست .. يلحقوك بواحد ...
Post: #194 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-17-2010, 01:30 PM Parent: #190
Quote: يا ربي ليك الحمد على هذا الغسل و الطهارة و الخشوع و الجمال الباتع .. و الحمد آلاف أن عثمان حسين عرف الفيها .. و لم يغنِ جديداً منذ كم و عشرين سنة .. رحمة الله عليهو كان عبقرياً عبقريا .. و كان بيعرف متين يقيف .. و وين و كيف
ذكر ودالحاوى فى (ذات ونسة) ان عثمان حسين كان مجودا ..وذا بال طويل (سلبة) .. لايخرج اللحن الى المستمع الا بعد ان يكون عمل عليه بروفه عشرات المرات ..وبعد ان يسمع فيه اراء الاخرين ..يتعامل مع اللحن تعامله مع تطريز بدلة راقية كما كان يفعل حين كان ترزيا ..يتريث ويعيد ويحذف ويضيف ..ذكر ودالحاوى انه ومعه مجموعة من الفنانين والعازفين دعوا للمشاركة فى حفل اميرة كويتية ..كانوا بصحبة سيد خليفه وعثمان حسين ...ذكر ان الاميرة مرت عليهم فى مكان ضيافتهم ..وسالت عثمان حسين ماذا تود ان تغنى فى الحفل الخاص بى ؟..غنى لها عثمان حسين مقاطع من ما يود ان يغنيه ..وصادف ان وجدت نص شعرى فى ورقة موضوع على منضدة .. قرات الاميرة النص ..واعجبت به ..وطلبت من عثمان حسين ان يغنيه لها فى الحفل .. بمجرد ان خرجت الاميرة رمى عثمان حسين النص الى ودالحاوى وقال ليهو شوف شغلك مع النص دا ..يومين لاتكفى لاخراج لحن عندى ...ذكر ودالحاوى انه قام بتلحين النص ..وقام بأدائه عثمان حسين فى الحفل الاسطورة ..الذى ضم عمالقة الغناء فى الوطن العربى ..واعتقد انه اللحن الوحيد الذى صاحبه ودالحاوى من الحان عثمان حسين ..
الاغنية نسيتها ...المتذكر لحن ودالحاوى لعثمان حسين يقول ...
Post: #193 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 01:25 PM Parent: #182
Quote: وعماد الامر بالنسبة له اشد از هارون اخى
المعني يا عماد إنت جيت تسااعدني وتشد من ( أزري ) مش أنا هارون برضو.. هوي يا عريبي ها.. قول لي مرة واااااحدة عماد ده جا شد من ازر هرون أخوه ده؟؟ جاء وقال آراء واضحة ، وكتار غيرو جو وقالوا آراءهم، بقت على أخو هارون ومن هم على شاكلته؟ إنت ده بي نضاراتك البيلمعوا ديل ، ياكا المحتاج لشد الازر ..
الله يشدك من لغاليغك دي ، شحدت ربي عليك ، يا أب لساناً طويل..
Post: #195 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-17-2010, 01:39 PM Parent: #193
إنت كمان الزول كتب ( إز ) .. إزر دي جبتها من وين ؟؟ قرب يوصفو و يقول مدلدل جنباوي و عندو زيق .
و بعدين صراحةً كده .. حرقتو لي روحي ياخ .. ما دايرين ترجعوا للموضوع الأولاني .. مش ؟؟ .. طيب .
......... شوف يا هارون .. لا إله إلا الله . من هنا و لي قدام .. رش من طرف .. إنت و إزك المدلدل - حمانا الله - و اب سفروق ده .
Post: #196 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 02:08 PM Parent: #195
Quote: يا ربي ليك الحمد على هذا الغسل و الطهارة و الخشوع و الجمال الباتع .. و الحمد آلاف أن عثمان حسين عرف الفيها .. و لم يغنِ جديداً منذ كم و عشرين سنة .. رحمة الله عليهو كان عبقرياً عبقريا .. و كان بيعرف متين يقيف .. و وين و كيف .
عثمان حسين !!! آمنت بالله .. والله لو إجتمع إنس وجن الغنايين السودانيين ( الحاليين ).. وأولهم وآخرهم ، وكبيرهم وصغيرهم ، وعقلاءهم ومجانينهم ونساءهم ورجالهم ، وأحياءهم وأمواتهم ( الحاليين ) على أن يأتوا بمثل ما أتى به هذا العبقري ، لما استطاعوا..
إنه عثمان حسين وكفى..
Post: #198 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 02:30 PM Parent: #196
Quote: كان بيعرف متين يقيف .. و وين و كيف
أعلاه ما يجب أن يفعله كل فنان يحترم فنه وتاريحه ومعجبيه.. فعلها الراحل عثمان حسين ، وتوقف في اللحظة التي يجب فيها أن يتوقف وبهذا حاز إحترام الجميع .. أين منه هؤلاء المتشعبطين؟؟ مكنكشين فيها وما عايزين يدوا أي زول فرصة!! والأغرب أن رئيسهم هو حمد الريح!!!!!! ياخ معقولة بس؟؟؟ ولن أنسى لهذا الحمد ما فعله ليحصل على أغنية شال همم فرقتك قلبي من الراحل مصطفى ، ولا ما فعله يوسف السماني صاحب اللحن فهذه أبعد ما تكون عن أخلاق الناس الأسوياء ، دعك ممن يسمون أنفسهم فناننين !!
أعتقد حتى نتخلص من كنكشة هؤلاء الكبار ، ونحفظ لهم تاريخهم المشرق أن ينشأ إتحاد موازي لإتحاد الفنانين الحالي ، يعني بالفنانين الشباب ( فقط ) وتكون من أهم شروطه خضوع المتقدم للالتحاق به ، لكورسات مكثفة في الموسيقى والثقافة العامة ، والعلاقات العامة ، واللبس ، وطريقة الحديث ، والتواضع ، التواضع ، التواضع ودي كان ما كان عرفها في بيتهم يدرسوها ليهو هنا( يعني إتيكيت )..
بجي راجع لقصة تحايل الكبار على غناهم القديم ..
Post: #197 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبدالرحمن Date: 09-17-2010, 02:11 PM Parent: #195
بعد بحث وجدت انه من الممكن ان تكون الاغنية المقصودة هى (تسابيح).. فهى الاغنية الوحيدة التى لحنها ودالحاوى لعثمان حسين ..وبتبدا بمقطع .. وحاة عينيك ماتزعل لما عيونى تتوسل ....
Post: #199 Title: Re: إثناء ونسة مع الأستاذ مصطفى سيدأحمد .. رحمه الله Author: عبدالكريم الامين احمد Date: 09-17-2010, 02:47 PM Parent: #197
كااااااااك شديد ياخي وبوست يعلم الله ورغم ما شابه من كركب وليس كركبة الا ان ابو صلاح اراه يقود سفينة ببراعة فائقة وسط محيط هادر والتنهدات والكركبة والعلكتة الاسفرو مصطفي سيد احمدية...
تمام ابو صلاح وارمي لقدم في سبيل استخلاص بوستك الذي يزور غنمة زهرة ثم يهرب من غنم زهرة ثم يزور غنم زهرة ثم يهرب من غنم زهرة ...وهكذا دعاليك
يا محمد عبدالرحمن (غنم زهرة دي) حقتي انا ياخي وهي في بوتقة المصطلحات الاسفيرية المشتركة مع ابو خليل في اطار عملنا الاسفيري المشترك فعشان كده يجوز ان تقولو انها لخليل لاغبار في ذلك...
وبوستك ابو صلاح تتحرفن وتقعلو وبما فيه ونسة فانه لن ينحي لرياح الكركبكس
Post: #200 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-17-2010, 03:21 PM Parent: #199
Quote: معتز اخوه بقي وزير الثقافة يكتر بكلمو ليهو يجرو من اضانو (مش نحن مثقفين؟) قال كومبيوتر قال كمنجات زي السم نظيفه زي البلور وهسع عشان ما يغالط خلي يجي يشوف بي نفسو نهاية اكتوبر في القاهره الموصلي وعافيه حسن ويشوف نفس الكمنجات مع زيادة العدد بقيادة بروفيسور صولست حسن شراره واجرو من اضانو دي اوديهو ليهم (مش صاحبي) علي كيفي
استاذي الموصلي كل عام وانت ومن تحب بألف خير
كتبت ليك رد طويل طار وين ما عارفو
غايتو كان اتذكرتو بعدين بكتبو تاني
Post: #201 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-17-2010, 04:09 PM Parent: #200
Quote: استاذي الموصلي كل عام وانت ومن تحب بألف خير
كتبت ليك رد طويل طار وين ما عارفو
غايتو كان اتذكرتو بعدين بكتبو تاني
كل سنه وانت طيب يامعتز لا لازم تشوف ردك مشى وين وتشوف لينا عادل التجاني كمان مشى وين كل الود
Post: #202 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 04:47 PM Parent: #201
Quote: الموصلى ياصديقى كيف انك وهناك ماهو بخط يد الموصلى ورايه في نقد شريط البت الحديقة .... وهناك الندوة المطولة الكانت معك ومصطفى حول نقد تجر التوزيع الموسيقى للموصلى شارك فيها العديد من النقاد والعازفين والمهتمين وهم الكاتب القاص د. محمد المهدى بشرى والروائى الحسن البكرى والمخرج السنمائى عبدالرحمن نجدى ودكتور اسماعيل الفحيل واسماعيل درس مصطفى بمعهد الموسيقى المسرح (فلكلور) ودكتور عمرو احمد عباس والقانونى الراحل جعفر حسن عباس وعصام على واسماعيل شمو وحسن مسعود وعثمان الجندى ومن العازفين عازف الايقاع عبدالمنعم الفكى وعازف الاورغ ياسر القصاص وعازف الاكورديون معتز القريش عقدت تلك الندوة بمنزل صديق عبدالرحمن نجدى بتاريخ 2/7/1994م وقد كان لى شرف ادارتها ورغم اعترافك بالزرزة وقتال مصطفي بجانبك كلاكما كان سعيد بذلك وفي ناهية الندوة قلت انت ياليت في كل مكان تذهب اليه تجد من يززرك بهذا العمق والصراحة لكن بينى وبينك ياموصلى رغم فصاحتك انت ومصطفي الجماعة قدرو عليكم بل كان هناك اعتراف من قبلكم ان هناك هنات واخطاء صاحبت الترجبة وتعهدت انت بتصويبها في الاعمل القادمة لكن ياموصلى في تلك الندوة لم تستجيب لاي استفزاز مثلا حين اتهمك معتز القريش بالتزوير وان شريط الحزن النبيل لم تكن به كمنجات بدليل ان اسماء عازفين الكمنجات غير مذكورين في غلاف الشريط وان كل الامر هناك اورغ بقوم محل الكمنجات وتمت معالجة بالكمبيوتر تبدوا وكانها كمنجات او حين اتهمك اخر بانك سارق لتجربة الرحبانية وكنت بترد بموضوعية وتفنيد وادلة لكن لقيتك هنا في الفترة الاخيرة بقيت شاكال اتقول هادى فيك صاحبى بشاشة ياربى دا من ملاسى ام من الكُبر ههههههههههههه
أطول مداخلة في التاريخ كتبها أخوكم بدرالدين.. والله بقيت تخوّف يا البدر ، بي طريقتك دي بتطفّش ليك ناس..
Post: #203 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-17-2010, 05:10 PM Parent: #202
عماد عبدالله ... إزّيك ياخ ...
Quote: الأخطاء اللنحوية و اللغوية
Quote: Quote: عماد ومن هم على شالكلته عرفنا عماد .. ( شالكلتو ) دي شنو ؟؟ شال كلتو كيف يعني ؟؟ هو أنا لو عندي كلتو بيتشال .. كنت بقعد ليك هنا ؟؟
Post: #204 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-17-2010, 06:35 PM Parent: #203
ابو الريش سيد العنكبة .. اللنحوية دي على وزن ( اللخويا ) .. مش عندكم لخويا في الدوحة ؟؟ .. و طيب !!
............ بركة النبي بدر الدين ده يلاقوهو ناس اللخويا و الدنيا ليل .. و حظر تجول و رمضان .. و ظييييييييييييييييييطك ..
Post: #205 Title: Re: إثناء ونسة مع الأستاذ مصطفى سيدأحمد .. رحمه الله Author: معتز القريش Date: 09-17-2010, 08:09 PM Parent: #204
Quote: بركة النبي بدر الدين ده يلاقوهو ناس اللخويا و الدنيا ليل .. و حظر تجول و رمضان .. و ظييييييييييييييييييطك .
أكييييد ح يتسفر
لقيتك حاقد لكن
Post: #206 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-17-2010, 08:59 PM Parent: #205
Quote: مش عندكم لخويا في الدوحة ؟؟
لخويا براها؟
هسي بقت كمان في حاجة إسمها (الفزعة)
ياخ ناس يرحمِنو
Post: #207 Title: Re: إثناء ونسة مع الأستاذ مصطفى سيدأحمد .. رحمه الله Author: عصام علي أحمد Date: 09-17-2010, 09:43 PM Parent: #206
يا فرده عيدك سعيد
Post: #209 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 10:19 PM Parent: #207
Quote: يا فرده عيدك سعيد
عصام على يا أخو ، كل سنة وإنت والعيال بألف خير.
Post: #208 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-17-2010, 10:16 PM Parent: #199
Quote: تمام ابو صلاح وارمي لقدم في سبيل استخلاص بوستك الذي يزور غنمة زهرة ثم يهرب من غنم زهرة ثم يزور غنم زهرة ثم يهرب من غنم زهرة ...وهكذا دعاليك
كيكي ، ياخي كل سنة وإنت طيب .. والله ياهو زاتو كر، ثُم فر ، ثم كر ، ثم فر ، لغاية ما نحن زاتنا ( إتكـرفسـنا).. وأنا يعلم الله فترت من السواقة ،، كلما نقول القصة هدأت شوية يجي صاحبي ( ضفاري ) ، يقوم الأنصاري ودخالتو يذكرنا بغنم زهرة..
غايتو سنظل نكابس الى أن نشوف آخرتا شنو!!
تم تثبيت حقوق طبع ونشر وبث وإنتاج (غنم زهرة ، عوضها الله) وتمت نسبتها الى سعادتكم..
Post: #210 Title: Re: إثناء ونسة مع الأستاذ مصطفى سيدأحمد .. رحمه الله Author: محمد عبد الماجد الصايم Date: 09-18-2010, 07:42 AM Parent: #208
كل سنة وإنتو طيبين ياخ!!
رمضان مرق ..
Post: #211 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 10:48 AM Parent: #210
Quote: رمضان مرق ..
ود الصايم ، كل سنة وإنت طيب ياخ..
خلاص فكوكم؟؟
قلت أخير تجي تعيد على الناس كلها؟ شايفك ما خليت بيت..
تعال بالله فكّنا من ود الأمير ( أب فرّار ده )!!
Post: #212 Title: Re: إثناء ونسة مع الأستاذ مصطفى سيدأحمد .. رحمه الله Author: بدر الدين الأمير Date: 09-18-2010, 11:34 AM Parent: #211
Quote: تعال بالله فكّنا من ود الأمير ( أب فرّار ده )!!
صلاح خلاص داير تبيع الملف للضحكنجى عاش بشاشة والمجد والخلو لملاسى
Post: #214 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 11:37 AM Parent: #212
Quote: عاش بشاشة والمجد والخلو لملاسى
البدر ، أخير نوثق ، بكرة القريبة دي ، بتقبل عليهم بي فرارك وعِصيك..
Post: #213 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 11:34 AM Parent: #211
Quote: بجي راجع لقصة تحايل الكبار على غناهم القديم ..
عُدتُ .. واحدة من مظاهر التحايل الكثيرة التي يتبعها كبارنا لتبيان أن أصواتهم ما زالت ندية ورويانة وتنضح شباباً وحيوية وأن بإمكانهم ترديد أغنياتهم بنفس حالتها قبل نصف قرن - يقل أو يزيد قليلاً - يلجأ كبارنا الى تغيير الإيقاع ، وتحويله الى إيقاع بطئ يتناسب وسنهم ، حيث أن اللياقة الصوتية قد قلت كثيراً عما كانت عليه قبلاً ولم يعد بالإمكان ( سك ) الغنا القديم الخفيف الظريف ، بسبب السن وضعف اللياقة الصوتية .. ولن أورد أمثلة هنا ، بس ارجوكم ، أرجعوا وأسمعوا التسجيلات القديمة للإغنيات وأسمعوها بصورتها الحالية ، ثم أحكموا ، لتعرفوا أنه آن الأوان لكبارنا أن يتوقفوا ، رحمة بهم وبنا..
برجع..
Post: #215 Title: Re: إثناء ونسة مع الأستاذ مصطفى سيدأحمد .. رحمه الله Author: ASHRAF TAHA Date: 09-18-2010, 12:43 PM Parent: #213
حيرتونا
القصة غنا الكبار؟
ولا قال لي وقلت ليهو؟
ولا تهاني العيد؟
ولا صورة الغلاف؟
يا صلاح رص الناس ديل وخلي عماد يتخارج اول واحد
بالجنبة كدة
الله يرحمك يا مصطفى
Post: #218 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 01:24 PM Parent: #215
أشرف طه علي .. كل سنة وإنت والمدام طيبين يا أصلي ..
القصة غنا كبار ، ما عايزين يقيفوا براهم.. والله يا أخو ، أنا ما عندي أي شئ مع أساتذتنا الكبار ديل موضوعي كلو عايزين نحافظ على غناهم السمح القديم من البشتنة!!
وبعدين عماد عبدالله ده أساسي جداً في الشغل الزي ده..
Post: #216 Title: Re: إثناء ونسة مع الأستاذ مصطفى سيدأحمد .. رحمه الله Author: Mutwali Malik Date: 09-18-2010, 12:53 PM Parent: #213
صلاح عبدالله لك تحياتي واشواقي وملذاتي تجدني من اكثر المستمتعين بي ونستكم الحالية دي وخاصة تعليقات اخوك عمدة . الموضوع هام والحل بسيط جدا هنالك لجنة اجازة اصوات الفنانين والتي تعطيك جواز المرور للمستمعين ووسائل الاعلام نفس هذه اللجنة يكون لها الحق في الطلب من الفنان الصوتو مجاز واصبح نشاز التوقف حفاظا علي تاريخه واغانيه ومكانته في قلوب المستمعين. بس في نقطة مهمة جدا لماذا يستمر الفنان في الغناء الي اخر يوم في حياته هل الموضوع المادة ام حب الغناء ام ماذا.
Post: #217 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 01:18 PM Parent: #216
Quote: والحل بسيط جدا هنالك لجنة اجازة اصوات الفنانين والتي تعطيك جواز المرور للمستمعين ووسائل الاعلام نفس هذه اللجنة يكون لها الحق في الطلب من الفنان الصوتو مجاز واصبح نشاز التوقف حفاظا علي تاريخه واغانيه ومكانته في قلوب المستمعين.
ولدنا متولي ، كل سنة وإنت طيب..
ما فهمت ، هل اللجنة دي فعلاً عندها الحق في توقيف الفنان ، واللا ده مقترح منك؟ هي اللجنة دي زاااتها أعضائها منو؟؟
أما قصة استمرار الفنان في الغناء حتى آخر يوم في حياتو ، فدي أسبابها كتيرة ذكرنا عدد منها هنا.. على العموم صعب جداً توقيف الفنان ، إذا هو من نفسو ما حس إنو مفروض يقيف ، ما في زول بيقدر يوقفو.
أها ، جايينا ميتن؟؟
Post: #219 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-18-2010, 01:35 PM Parent: #217
طيب ياخ ما نعمل مقترح للجنة إجازة الأصوات دي .....
أكيد اللجنة بأعضائها ناس مؤهّلين وما فيهم كلام ....
ليه ما يكون في مقترح لإعادة الإجازة، يعني حاجة كدة زي تجديد رخصة السواقة. يجي الفنان بعد خمسة سنوات مثلاً من إجازة صوتو ويقدّم صوتو الحالي، تقوم اللجنة تقرر تجديد الإجازة القديمة والاّ تقول ليهو إتطلّب الله وتتم أرشفة أغنياتو المسجّلة حتى لا يتم العبث بها.
_______ غايتو بالمقترح ده، إلاّ الواحد ياخد ساتر من الموصلي.
Post: #220 Title: Re: إثناء ونسة مع الأستاذ مصطفى سيدأحمد .. رحمه الله Author: Mutwali Malik Date: 09-18-2010, 02:12 PM Parent: #219
صلاح ياولدنا سلام يغشاك وين مايلقاك
Quote: ما فهمت ، هل اللجنة دي فعلاً عندها الحق في توقيف الفنان ، واللا ده مقترح منك؟
انا لا علم لي بهذا الحق ولكن اقترح ذلك واويد كلام محمد ابوالعزائم صوت الفنان لازم تعاد اجازته بعد كل فترة.
الجية قريب جدا ومعاه استقرار معاكم في دوحة الجميع
Post: #222 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-18-2010, 04:45 PM Parent: #219
Quote:
طيب ياخ ما نعمل مقترح للجنة إجازة الأصوات دي .....
أكيد اللجنة بأعضائها ناس مؤهّلين وما فيهم كلام ....
ليه ما يكون في مقترح لإعادة الإجازة، يعني حاجة كدة زي تجديد رخصة السواقة. يجي الفنان بعد خمسة سنوات مثلاً من إجازة صوتو ويقدّم صوتو الحالي، تقوم اللجنة تقرر تجديد الإجازة القديمة والاّ تقول ليهو إتطلّب الله وتتم أرشفة أغنياتو المسجّلة حتى لا يتم العبث بها.
_______ غايتو بالمقترح ده، إلاّ الواحد ياخد ساتر من الموصلي.
محمد كيفنك يارجل ياخوي لجان شنو عمرها اللجان ما بتقدم ولا بتآخر فنان زمان اختاروا فنانين في مهرجانات باعتبارهم الاوائل وبمرور الزمن بقوا في نهاية الطابور واحتاروا فنانين ليكونوا في اخر الصف واثبت الزمن انهم في المقدمه ================ مقولة صلاح بتبطئة الفنانين للايقاع لتسهيل الغنا لا اتفق فيها معه يفترض ان التبطئة تصعب الاداء ولا تسهله فالصوت الذي يمكن آن يؤديه الفنان بسرعه ويتخارج عندما يكون الايقاع سريعا سيصبح اطول وتصبح المخارجة اصعب عندما يتغير الى ابطآ يخيل لي صلاح كان داير يتكلم عن تغير السلم الخاص بالاغنيه لتتناسب وقدرات الصوت وتمدده اها نعل الساتر نفعكم هههههه كل الود
Post: #223 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 06:30 PM Parent: #222
Quote: يخيل لي صلاح كان داير يتكلم عن تغير السلم الخاص بالاغنيه لتتناسب وقدرات الصوت وتمدده
فتح الله عليك أستاذ يوسف , ودي واحدة من ( المرّاقات ).. فالفنان يلجأ الى تغيير السلم درجة مثلاً ، حتى يتلائم مع هرم الصوت الى جانب أنه ( ودي أنا مُصِر عليها ) إنو بيبطئ الايقاع ، ويريّح نفسو بصوت أقل ما يقال عنه أنه ( عاااااادي ) .. عشان أكون دقيق أكتر ، أخد ليك مثال من أستاذنا زيدان ( داوي ناري ) أو وردي ( أمير الحسن ) أو صلاح بن البادية ( أيامك ) .. الأغنيات دي بتتغني ( حالياً ) بدون أي حليات ، أو ذبذبات مستحبة أو سمها ما شئت المهم في الآخر المساحة الكان بيرتاح فيها الفنان زمان وبيموّج فيها صوتو كما يريد هسي مافي ، إستعاض عنها ( وبحكم الزمن ) بصوت One way لا يمين لا شمال ، وقدر التطريب الفي يادوب يذكرك بصوتو القديم ..
Post: #225 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-18-2010, 06:42 PM Parent: #223
Quote: فتح الله عليك أستاذ يوسف , ودي واحدة من ( المرّاقات ).. فالفنان يلجأ الى تغيير السلم درجة مثلاً ، حتى يتلائم مع هرم الصوت الى جانب أنه ( ودي أنا مُصِر عليها ) إنو بيبطئ الايقاع ، ويريّح نفسو بصوت أقل ما يقال عنه أنه ( عاااااادي ) .. عشان أكون دقيق أكتر ، أخد ليك مثال من أستاذنا زيدان ( داوي ناري ) أو وردي ( أمير الحسن ) أو صلاح بن البادية ( أيامك ) .. الأغنيات دي بتتغني ( حالياً ) بدون أي حليات ، أو ذبذبات مستحبة أو سمها ما شئت المهم في الآخر المساحة الكان بيرتاح فيها الفنان زمان وبيموّج فيها صوتو كما يريد هسي مافي ، إستعاض عنها ( وبحكم الزمن ) بصوت One way لا يمين لا شمال ، وقدر التطريب الفي يادوب يذكرك بصوتو القديم ..
معظم المغنيين يا صديقي عندما يكبرون فان صوتهم يتجه الى الغلظة لاحظ نمو الصوت عند الطفل مع تقدم العمر وبرغم ذلك الا عند الكبار فانه ياخذ هذا الاتجاه ببطء وده شيئ طبيعي ويتطلب تغيير مقام الاغنيات بعدين ياخي ماتصر علي كلامك بعكلت معاك فيهو ابدا بسؤال ليك كمغني ماهو اخر صوت عال من حيث المدي تستطيع تآديته وهل تؤديه ممدودا بشكل ملحوظ آم قصيرا؟ هل تستطيع ان تضع يدك في النار لمدة اطول؟؟؟ وان كنت تستطيع آن تؤديه ممدودا فهل تستطيع آن تؤدي الصوت الذي يليه في العلو ممدودا؟ انظر الى الامر وقل لي ايهما يساعد في تآدية هـذه الاصوات البطء ام السرعة؟؟؟ كل الود
Post: #224 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-18-2010, 06:42 PM Parent: #222
حبيبنا موصلي ... كيفنّك ... والعيد يتبارك عليك.
كنت متأكد إنو مع فنّان الواحد ما حيحتاج لساتر ولا شئ.
كلامك عن صعوبة الأداء في الإيقاع البطئ مقارنة مع الإيقاع الأسرع مقنع. بس إعادة تسجيل الأغاني فيهو مشكلة تانية، شخصياً، وبالنسبة لكتير من الفنانين، ما قدرت أستسيغ التسجيلات الجديدة، رغم إنو المفروض يكون التجويد والتكنيك أفضل. عشان أوضّح قصدي، شوف المثال الذكرتو فوق في أغاني وردي (خاف من الله) و(بعد أيه)، ما عارف هل لأنو الواحد رسخت في ذهنو التسجيلات القديمة بأداءها المحفوظ بكل آهة وشيلة نفس، والا في شئ تاني، عموماً التسجيلات دي الواحد بيحس إنو الأداء فيها (معسّم)، غير التوظيف المبسّط والصولات الواضحة، يعني صولو (الكلارنيت) في خاف من الله، ما قدرت أستوعبها في التسجيل الجديد. غير كدة في حكاية الآلات الحية إن صحّ التعبير مقارنةً بالبدائل الإلكترونية، الإلكترونية دي صراحةً ما بتدي نفس إحساس الآلة الحية. في مرة كنت بتكلم مع حبيبنا (عركي)، وكان جاي من القاهرة بعد تسجيل ألبوم، قلت ليهو ما معناتو إنو شتّان بين الإيقاع لما إيد بني آدم تدُق الجلد، والإيقاع الإلكتروني، هو ما وافقني وأنا إحتفظت برأيي ولسة مصر عليهو.
أعلاه كلام مستمع ... ومستمع لقى ليهو متخصص بالو طويل ...... قام سرح.
Post: #226 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-18-2010, 10:07 PM Parent: #224
Quote: معظم المغنيين يا صديقي عندما يكبرون فان صوتهم يتجه الى الغلظة لاحظ نمو الصوت عند الطفل مع تقدم العمر وبرغم ذلك الا عند الكبار فانه ياخذ هذا الاتجاه ببطء وده شيئ طبيعي ويتطلب تغيير مقام الاغنيات بعدين ياخي ماتصر علي كلامك بعكلت معاك فيهو ابدا بسؤال ليك كمغني ماهو اخر صوت عال من حيث المدي تستطيع تآديته وهل تؤديه ممدودا بشكل ملحوظ آم قصيرا؟ هل تستطيع ان تضع يدك في النار لمدة اطول؟؟؟ وان كنت تستطيع آن تؤديه ممدودا فهل تستطيع آن تؤدي الصوت الذي يليه في العلو ممدودا؟ انظر الى الامر وقل لي ايهما يساعد في تآدية هـذه الاصوات البطء ام السرعة؟؟؟ كل الود
أستاذنا يوسف .. سلام
أولاً دعني أثبّت حقيقة هامة جداً ، وهي أنني ما مغني ، وزي ما قلت إنو عشان تكون فنان لابد من توفر شروط كتييييييرة ، وليس الصوت وحده يخلق فنان .. تمام البني آدم لما يكبر وبحكم التغيرات التي تحدث فإن صوته يتجه الى الغلظة ، ويظهر أثر ذلك على الفنان أكثر من غيره ، باعتبار صوته جميل ، ومعروف ومحفوظ عند الناس كلها وأي تغيير يطرأ عليه بيكون ملحوظ وظاهر .. ثم ماذا يلي مرحلة غلظة الصوت بالنسبة للفنان ؟؟؟ ياها دي زاااااتها البنتكلم عنها إنو صوتو بيبقى ( غير صالح للأداء ) .. طيب ليه ما يدي غيرو غنا ؟؟ ليه ما يلحن ليهم ويكتفي بذلك؟؟ ليه مصرّين يبشتنو غناهم، ويأذونا نحن معجبيهم ومحبيهم؟؟ أماقصة مدى الصوت العالي دي ، فياريت كنت دارس موسيقى عشان أعرف أرد ، لكن كلام عنقالي كده بقول ليك إنو المسألة هنا بتعمد على خامة صوت المؤدي ومداه صعوداً وهبوطاً ، قراراً وجواباً..
عموماً ، البطء مطلوب في حالات ، وحسب الأغنية ، أنا هنا بتكلم عن الغنا الخفيف حق قدامى الفنانين ، الرّكبوه أبوالقدح ده .. شخصياً ما سمعت فنان شاب غّير إيقاع أو سلم أغنيه ، بيغنوها بنفس الزمن ، ونفس السلم ، وده لأنو قادرين على تأديتها بحالتها دي ، حيث أن عوامل التعرية لم تلحقهم بعد ، فما زالوا شباباً يُفعاً..
والله أنا ما قصدي أتحامل على كبار الفنانين ، ولا أنتقص من شأنهم ( حاشا لله ) كل القصة إنو نحن بنتمنى إنهم يعرفوا متين يقيفوا .. السن عندها أحكامها يا بن خالتي ، ومهما حاولنا ما حنقدر نوقف الزمن ، لذا فالأفضل أن نتعامل معه كحقيقة وواقع لا مفر منه ، بحكمة وشجاعة ، وقوة ..
Post: #227 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-18-2010, 11:58 PM Parent: #226
Quote: أولاً دعني أثبّت حقيقة هامة جداً ، وهي أنني ما مغني ، وزي ما قلت إنو عشان تكون فنان لابد من توفر شروط كتييييييرة ، وليس الصوت وحده يخلق فنان .. تمام البني آدم لما يكبر وبحكم التغيرات التي تحدث فإن صوته يتجه الى الغلظة ، ويظهر أثر ذلك على الفنان أكثر من غيره ، باعتبار صوته جميل ، ومعروف ومحفوظ عند الناس كلها وأي تغيير يطرأ عليه بيكون ملحوظ وظاهر .. ثم ماذا يلي مرحلة غلظة الصوت بالنسبة للفنان ؟؟؟ ياها دي زاااااتها البنتكلم عنها إنو صوتو بيبقى ( غير صالح للأداء ) .. طيب ليه ما يدي غيرو غنا ؟؟ ليه ما يلحن ليهم ويكتفي بذلك؟؟ ليه مصرّين يبشتنو غناهم، ويأذونا نحن معجبيهم ومحبيهم؟؟ أماقصة مدى الصوت العالي دي ، فياريت كنت دارس موسيقى عشان أعرف أرد ، لكن كلام عنقالي كده بقول ليك إنو المسألة هنا بتعمد على خامة صوت المؤدي ومداه صعوداً وهبوطاً ، قراراً وجواباً..
عموماً ، البطء مطلوب في حالات ، وحسب الأغنية ، أنا هنا بتكلم عن الغنا الخفيف حق قدامى الفنانين ، الرّكبوه أبوالقدح ده .. شخصياً ما سمعت فنان شاب غّير إيقاع أو سلم أغنيه ، بيغنوها بنفس الزمن ، ونفس السلم ، وده لأنو قادرين على تأديتها بحالتها دي ، حيث أن عوامل التعرية لم تلحقهم بعد ، فما زالوا شباباً يُفعاً..
والله أنا ما قصدي أتحامل على كبار الفنانين ، ولا أنتقص من شأنهم ( حاشا لله ) كل القصة إنو نحن بنتمنى إنهم يعرفوا متين يقيفوا .. السن عندها أحكامها يا بن خالتي ، ومهما حاولنا ما حنقدر نوقف الزمن ، لذا فالأفضل أن نتعامل معه كحقيقة وواقع لا مفر منه ، بحكمة وشجاعة ، وقوة ...
يا ابوصلاح انا ماسمعتك لكن جات شهاده من تلاته اتنين منهم مشوطنين ذواقين وما بعجبهم العجب اخوك عماد وبدر الدين والتالت مبدع ذو قامه شاهقة الا وهو الراحل مصطفي الذي قيل انه اهداك اغنيات هذه واحده فما تاكلنا حنك ساكت آظنني سالتك السؤال ده ، اذا غنيت في منطقة اصبحت آعلي من مدي صوتك وقلت لك هل تستطيع ان تضع يدك في النار لمدة اطول؟؟؟ لاثبت لك بان الايقاع ان تضاعف بطئا فانه يزيد من طول الصوت وهذا يجعل الفنان يضع يده في النار آكثر فلماذا يبطئ الاغنية اذا؟؟ مودتي يا بلدينا وانا واثق من ذائقتك الموسيقية العالية تخريمة ما اظنك سمعت اللنكات الختيتها ليك وما رديت علي خيطي ذاك
Post: #228 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-19-2010, 02:01 AM Parent: #227
الموصلي و صلاح .. كلامكم سمح .. واصلو فيهو . ( ود البشرى و أشرف و ريهان و إنعام و الأنصاري و بقية الرهط .. هووووي يا هووي إنتو . البوست بوستين أخوي السغير .. يعني حقي رسمي يا فارات , و قاعد ليكم أنا ) .
صلاح عبدالله ياخي أسألك بالله تسمع ( نابك إيه في هواه ) دي خاشعاً متبتلاً مهوّداً مطروحةً فيك بركات هذا الليل ده .. و تدعي لأخوك - ده لو لو دعوتك بتحوق و إنت مباري لي اب سفروق ده - !! و كمان النبي فيك إن ما ختيت بالك و شعرات جلدك و قيامتك الرابطة في الكمنجات و القانون في دخلة المقطع بتاع : - الحنين و النوح زادو بلواهو - و القفلة بتاعتها في آخر الغنوة .. ياخواننا غنا شنو البعد ده يغنوهو الخلايق ؟؟
الله البلا اليخوزقو بيهو بدر الدين ده .. بركة رجال القبب .
Post: #229 Title: Re: إثناء ونسة مع الأستاذ مصطفى سيدأحمد .. رحمه الله Author: Osman Musa Date: 09-19-2010, 02:42 AM Parent: #228
( نابك ايه فى هواه ) ؟ يا صلاح عبدالله يا أخى كلام رسمي . أخوك ده لا يزازى هنا . عليك الله شوف نار الموسيقى المندلعة دى . ( نابك ايه ) حكاية ياعماد
Post: #231 Title: Re: إثناء ونسة مع الأستاذ مصطفى سيدأحمد .. رحمه الله Author: طارق ميرغني Date: 09-19-2010, 10:42 AM Parent: #229
اخي الفنان صلاح كل عام وانت واسرتك الكريمة بالف خير 1- اؤيد وبشدة حديثك عن توقف الفنانين الرواد عند عمر معين عن الغناء اسوة بفناني العالم الاخر. 2- وهذه لا تتاتي الا بقناعة الفنان بانه شاخ وصوته اتحشرج وسيكون اي غناء جديد خصما علي رصيده الفني. 3- الاصوات الجديدة والجميلة موجوده وكما ذكر اخي موصلي مثال عافيه حسن ولكن هنالك عدة عقبات تقف امامهم لتقديم الجديد ومنها علي سبيل المثال الظرف الاقتصادي الراهن الذي يتطلب دقه سريعه... شنو بروفات ولمن يقدم الجديد ويثبت رجلينو والناس تسمعو وووووو تجتر ليك اغنيتين تلاته قدام تعيشك ملك خاصة وان العازفين صاروا اكثر مهارة من ذي قبل 4- بالفعل الصوت الجميل وحده لا يصنع فنان رغم ان في تاريخنا الصوت القبيح وفي ظروف معينه صنع عدة فنانين ما عايز اضرب امثله لكنهم كثر. 5- الموضوع اخي صلاح كبير وشائك وكما اقترح اخي موصلي عقد مؤتمر جامع ربنا يوفقه في مسعاه 6- فتكم بعافيه وقول لي عماد ينزل لينا عمل من اعمال لؤي فسايه بالله
Post: #232 Title: Re: إثناء ونسة مع الأستاذ مصطفى سيدأحمد .. رحمه الله Author: saadeldin abdelrahman Date: 09-19-2010, 11:30 AM Parent: #231
سلام يا صلاح و زوار البوست
سؤال يا شباب: تسجيلات الراحل عثمان حسين التلفزيونية من سنة الفين أو قبلها حتى رحيله.. له الرحمة..كانت lip synching مش? لأنه باقي لي الصوت غض و التسجيل باين عليه قديم لو صح ذلك فإني أحسبه أسلم و أجمل
Post: #233 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-19-2010, 11:53 AM Parent: #232
Quote: سؤال يا شباب: تسجيلات الراحل عثمان حسين التلفزيونية من سنة الفين أو قبلها حتى رحيله.. له الرحمة..كانت lip synching مش? لأنه باقي لي الصوت غض و التسجيل باين عليه قديم لو صح ذلك فإني أحسبه أسلم و أجمل
هو ما قلت أخي سعد. لكن حتى هذه الطريقة تحتاج مهارة معينة في المتابعة، وحفظ سليم للتسجيل الصوتي.
Post: #234 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-19-2010, 12:18 PM Parent: #233
Quote: هو ما قلت أخي سعد. لكن حتى هذه الطريقة تحتاج مهارة معينة في المتابعة، وحفظ سليم للتسجيل الصوتي.
الأخ سعد الدين ،،، سلام
الى جانب ما ذكره أخي محمد ، أعتقد والله اعلم أن المقصود من هذه التسجيلات توثيق الأغنيات القديمة ، لكبار الفنانين (تسجيل الإذاعة القديم) التي تم تسجيلها إذاعياً ولم يكن متاحاً تسجيلها تلفزيونياً ، عشان الناس تشوف وتسمع وهو توثيق تاريخي هام جداً.
أنا في الشغل ، نرجع البيت ونرد على باقي الشباب الحلوين..
Post: #240 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-19-2010, 09:53 PM Parent: #231
أووووه أخونا طارق ميرغني الرجل الأوركسترا
نقاطك الستة ( في التنك ) خاصة قصة الصوت القبيح الخلق فنانين في ظروف معينة !! تصدق يا طارق واحد ممن يسمون كبار فنانين ، سّكيت قصة دخوله عالم الغنا لقيت الموضوع ( صدفة محضة ) ، معقول ياخ زول يأذينا من سنة دو ، وداخل القصة صدفة؟؟ نفس حالة شكرالله مين ده ، وقالها ( سمع أضاني ) إنو دخل صدفة !!! صدفة ؟؟؟ الصدفة بتخلق فنان ؟؟؟ المشكلة في السمع يا قريبي ، والكواريك عاك عاك عاك عاك..
تعال بالله يا طارق خلينا نفرتق الحاجات المدسدسة ليه مية سنة دي..
- أضفنا كلمة (الصوت) التي سقطت سهواً..
Post: #239 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-19-2010, 09:44 PM Parent: #229
أخونا عثمان موسى ،،،، سلام
ياخي أخونا عماد درويش في محراب الغنا الجميل نحلة ، تعرف أين تجد الرحيق ، أضانو ما بتتصاقع وهبّاااااش ..
عماد بالله ما تزازي لينا بي هنا تاني لاوزت لعثمان ده ياخ..
Post: #238 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-19-2010, 09:40 PM Parent: #228
عماد عبدالله ،، سلام
أقسم بالله العظيم ، كلما أسمع هذه الأغنية تغلبني دموعي .. ده جن ده ، واللا ده بلاء ، واللا عبقرية ، واللا أذية مقصودة ، واللا القصة شنو؟؟ رحم الله ( الحكيم ) عثمان حسين وأبناء جيله ، فقد علمونا ، وهذبونا ، وأدبونا أدب المدايح .. أنا غايتو ( المقاس ) بتاعي في الغناء ، يا هو جنس الغناء ده ، شاء من شاء وأبى من أبى..
نابك أيه في هواه ، هذه الأغنية ( الدواء ) كانت النعي الذي أنزلته في بوست وفاة ( الحكيم ) عثمان حسين طيّب الله ثراه ، حتى يعلم الناس حجم الفقد والخسارة .. وزي ما بيقول أخونا حيدر جني ، ده جيل ما عندو إسبيرات.. هذا ( الحكيم ) ترك لنا أدوية ، لو عرفنا كيف نتناولها ونتذوقها لشفتنا من كثير من الأمراض الشايلينها وحايمين بيها.. بالله دي أغنية ليها أكتر من أربعين سنة؟؟ أسمعوا كان تلقوا ليكم آلة ناقصة!! آلات الزمن داك كلها مشاركة ، بي قانونها، وأجمل ما فيها إنو ما في آلات كهربائية ، كلو حق الله .. لحن ممكن عادي يمسكوه يشّرحوه ، ويدرسوه ، هو لكن يدرّسوه لمنو زاااتو؟؟؟ والله مصيبتنا كبيرة ، في مغنواتية اليوم ، الناس ديل ما سمعوا الغنا ده واللا شنو؟؟ يمين لو بيحسوا ، وسمعوا غنا زي دي ، واحد فيهم ( يدقها ) تاني ما في ...
عماد ، ياخي شكراً على ( الدوا ) وعلى ( الحكيم ) أبوعفان ..
Post: #237 Title: Re: إثناء ونسة مع الأستاذ مصطفى سيدأحمد .. رحمه الله Author: Salah Abdulla Date: 09-19-2010, 08:31 PM Parent: #227
Quote: انا ماسمعتك لكن جات شهاده من تلاته اتنين منهم مشوطنين ذواقين وما بعجبهم العجب اخوك عماد وبدر الدين والتالت مبدع ذو قامه شاهقة الا وهو الراحل مصطفي الذي قيل انه اهداك اغنيات هذه واحده فما تاكلنا حنك ساكت آظنني سالتك السؤال ده ، اذا غنيت في منطقة اصبحت آعلي من مدي صوتك وقلت لك هل تستطيع ان تضع يدك في النار لمدة اطول؟؟؟ لاثبت لك بان الايقاع ان تضاعف بطئا فانه يزيد من طول الصوت وهذا يجعل الفنان يضع يده في النار آكثر فلماذا يبطئ الاغنية اذا؟؟ مودتي يا بلدينا وانا واثق من ذائقتك الموسيقية العالية تخريمة ما اظنك سمعت اللنكات الختيتها ليك وما رديت علي خيطي ذاك
الزعيم الموصلي ،،، سلام
عماد وبدرالدين ومصطفى سيدأحمد ، يمكن عجبهم صوتي ، ولكن ليس بالصوت وحده نوجد فنان يمكن فهمي ( المشاتر ) في القصة دي ما عاجب كتير من الناس ، لكنني أعرف أهمية الفن (الغناء تحديداً) وأدرك حجم مسؤولية أن تطرح نفسك فنان ، وانها مسؤولية ( لو يعلمون ) كبيرة جداً.. ياخي أنا متمنى واحد من المغنواتية ديل يتكلم وأقتنع إنه بيعرف يتكلم ، قاعدين في الطراوة!! تعرف يا ابن خالتي أنا أسلحتى في الدنيا دي شنو؟؟ أضاني وليس غيرها.. وأنا بأخذ قصة السمع دي بجدية متناهية ، يعني البيصيب بنشكرو ، والبيخطئ بنصوبو، ولا نستحي من ذلك.. رداً على سؤالك ، طبعاً ما ممكن كمغني أوّرط نفسي في منطقة عالية ( تشنقني ) وإن فعلت فمؤكد لن أستطيع أن أصمد لمدة طويلة ، يعني ما بقدر أخت يدي في النار.. أما قصة بطء الإيقاع ، فمقبول بالنسبة لي إذا كان هذا هو زمن الأغنية وإيقاعها من البداية أما أن تكون خفيفة ، ويجي الفنان ( بعد أربعين سنة ) يبطئ الإيقاع فهذا غير مقبول إطلاقاً ( بالنسبة لي على الأقل ) .. الملاحظ أن إتجاه كبار الفنانين هو تخفيض السلم درجة درجتين، وتغيير الزمن أو الإيقاع ، وفي هذا تحايل واضح وما مقبول ..
وبعدين ياخي معقولة ما أسمع اللنكات ، أمشي شوف Salah Abdulla مسجل عندك ( عضو ) من تاريخ متين؟؟ نفس تاريخ وضع اللينكات..
أضفنا كلمة..
Post: #241 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-20-2010, 00:13 AM Parent: #237
Quote: وبعدين ياخي معقولة ما أسمع اللنكات ، أمشي شوف Salah Abdulla مسجل عندك ( عضو ) من تاريخ متين؟؟ نفس تاريخ وضع اللينكات..
طيب ياخ ماشفنا بصمتك التذوقيه
Post: #235 Title: Re: إثناء ونسة مع الأستاذ مصطفى سيدأحمد .. رحمه الله Author: Elmosley Date: 09-19-2010, 05:41 PM Parent: #224
كنت متأكد إنو مع فنّان الواحد ما حيحتاج لساتر ولا شئ.
كلامك عن صعوبة الأداء في الإيقاع البطئ مقارنة مع الإيقاع الأسرع مقنع. بس إعادة تسجيل الأغاني فيهو مشكلة تانية، شخصياً، وبالنسبة لكتير من الفنانين، ما قدرت أستسيغ التسجيلات الجديدة، رغم إنو المفروض يكون التجويد والتكنيك أفضل. عشان أوضّح قصدي، شوف المثال الذكرتو فوق في أغاني وردي (خاف من الله) و(بعد أيه)، ما عارف هل لأنو الواحد رسخت في ذهنو التسجيلات القديمة بأداءها المحفوظ بكل آهة وشيلة نفس، والا في شئ تاني، عموماً التسجيلات دي الواحد بيحس إنو الأداء فيها (معسّم)، غير التوظيف المبسّط والصولات الواضحة، يعني صولو (الكلارنيت) في خاف من الله، ما قدرت أستوعبها في التسجيل الجديد. غير كدة في حكاية الآلات الحية إن صحّ التعبير مقارنةً بالبدائل الإلكترونية، الإلكترونية دي صراحةً ما بتدي نفس إحساس الآلة الحية. في مرة كنت بتكلم مع حبيبنا (عركي)، وكان جاي من القاهرة بعد تسجيل ألبوم، قلت ليهو ما معناتو إنو شتّان بين الإيقاع لما إيد بني آدم تدُق الجلد، والإيقاع الإلكتروني، هو ما وافقني وأنا إحتفظت برأيي ولسة مصر عليهو.
أعلاه كلام مستمع ... ومستمع لقى ليهو متخصص بالو طويل ...... قام سرح.
[Email]
نعم ياعزيزي فالتسجيلات الجديدة قد لا تستساغ وذلك يعزى لفارق الزمن والنوعية بين التسجيلين (كوالتي) هذه واحدة وقطعا فان الالات الحية افضل من المبرمجة علما بان الايقاع المبرمج لم يعد ايقاعا رقميا فقط فقد اصبح (عينه/ سامبل) يقوم به الابرع من العازفين في العالم. ولكن الفرق هنا هو ان الايقاع الحي يربط العازف بروح العمل فسيكون افضل . كل الود اخي الحبيب محمد ابو العزائم فدوما مشاركاتك في الصميم وجوه القون
Post: #236 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-19-2010, 08:00 PM Parent: #235
Quote: الايقاع الحي يربط العازف بروح العمل
أيييييييييييوة ... بسسسسس ... كتلتها ..... ده العايز أقولو ....
بنفس المستوى .... جرّة قوس الكمنجة .. وضغطة الأصبع الآدمي على الوتر، ما زي الصوت (المكهرب).
_____ فجأة كدة .... إتذكرت سيمفونية بيتهوفن الخامسة ...... وشغل الـ(بي جيز) في فيلم Saturday Night Fever
Post: #242 Title: Re: إثناء ونسة مع الأستاذ مصطفى سيدأحمد .. رحمه الله Author: محمد حيدر المشرف Date: 09-20-2010, 03:48 AM Parent: #236
شكرا لاتاحة الفرصه لعماد عبدالله ان يفرج عنا ما وسعت وضاءته وكلته .. * ولاخيه هارون رغم إزه الذى حتما هو معوج كما فهمت .. ارجو ان يكون المانع خيرا وللأمير بدرالدين والانصاري وأبوالريش أن جعلوا هذا الصباح ممكنا ..
.. * للضمان ساكت .. تكون وردت فى الحوار المتمدن ولا حاجه .. والكلت معروف ..
Post: #243 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-20-2010, 06:43 AM Parent: #242
Quote: ما وسعت وضاءته وكلته
كلته يا مشرف ؟؟ أنا كلته ؟ .. و كمان وسعت ؟
.......... تنهدات : الكلام ليوسف كمونيه : ( يا الكلتك حِتة .. أحييييي يا إنتَ ) .
Post: #244 Title: Re: إثناء ونسة مع الأستاذ مصطفى سيدأحمد .. رحمه الله Author: سفيان بشير نابرى Date: 09-20-2010, 07:15 AM Parent: #243
يعني عملتوا فيها انو البوست استعدل!!!!؟
Post: #245 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-20-2010, 07:57 AM Parent: #244
Quote: عمل من اعمال لؤي فسايه
طارق ميرغني و اعتداءه المتصل ، و غير المسؤول ، و تغوله المشين بلا تبرير لحق أصيل من حقوق مبدعينا .. هذا السلوك ظل يترى في أناة و عن قصدٍ نحنا ناقشنو ، و من قبل صاحب التصريح أعلاه ، و يحتد عدوانه و غلوائه و الحسادة التولد البنات ما وجد المذكور سانحة لبث مثل هذه المقولات التي تمس المبدع فسايات في عصب حساس شديد . هذا ، و لن نألوا جهداً في مد مساحات الصبر - و في اتساق تام - مع منهجنا الداعي لعدم الإلتفات لسفاسف و صغائر الأمور التي ما ح نشتغل بيها الشغلة ، و التي دأبت علي وضع العقابيل أمام المسيرة القاصدة للفنان المرهف لؤي فسايات .. و الذي حول المذكور طارق ميرغني اسمه و حوره ايما تحوير مغرض ، فآل إلي فساية واحدة بس .. بدلاً عن جمع التكسير المبني علي الفتح للطيش : فسايات . فتأمل ..
......... يا زمن .. بالتسجيل الأولاني حقها . واحدة من الغنوات الكنا بنساهر بيها الليل في سطوح مطعم و بار مرحبا في شارع خمسطاشر العمارات .. و ناكل شية باردة ، مازين بجبنة مضفرة و زيتون اسود و فول حجات .. و كلما الليل تقل علينا ، و الغنا اتسق و صفع مشاعرنا الملهلبة الوكت داك ، يجيب لينا البار مان عمك عبدالرحيم المناديل المعطرة لزوم قش المخاخيت التي أهرقتها الحبيبات و الكمنجات النواحات و الغنا الذي يخت الرحمن في القلب .
سفيان .. برررره واضح الكلام ده ؟؟
Post: #246 Title: Re: إثناء ونسة مع الأستاذ مصطفى سيدأحمد .. رحمه الله Author: طارق ميرغني Date: 09-20-2010, 10:04 AM Parent: #245
Quote: واحدة من الغنوات الكنا بنساهر بيها الليل في سطوح مطعم و بار مرحبا في شارع خمسطاشر العمارات
والوكت داك يا عمده لؤي فسايات "كما ذكرت" ايه كان موقعو من الاعراب ؟؟
ما كان بيغير من ابراهيم عوض ؟؟
بالله شوف الزمن الجميل داك نحن من بحري كنا بنجي لحدت هناك ومرات كمان شارع واحد واربعين
تتذكروا............. جمب ناس عمك مصطفي نوري
ومرات كان بنغشي نشيل اللسانات والعتان من شواية نمره اتنين
زمن والله
Post: #247 Title: Re: إثناء ونسة مع الأستاذ مصطفى سيدأحمد .. رحمه الله Author: فاروق أبوحوه Date: 09-20-2010, 10:25 AM Parent: #246
الحبيب صلاح و(زوار بوسته الكرام) كل سنه وإنتو طيبين آجماعة الخير
أعجبني المَزّار والمُزَار وأنا الزائر.
(قلت أسلم وكده)
ودا عربون المجلس:
منافي الذات ------ لأنك في ( القِبَل) مُشرع أمانو يطمن الواردات.. صبابات الهوي المًترع ضفاف النيل غنا الجايات (سبايط) من جدايل الموج.. يونِّّس وحشة (الباقات).. يبِّـل عطش السنين المُر. يفيض و يعم منافي الذات نسيمك يا صباح مطّر ملا الساحات نِدا التُمتُم سماح بالنعمه بتبطّر يفت عزم الظروف الصُم .. بنتلاقي.. ونتقاسم فطور نمي.. ونبق همك.. نخُب ضاحكين.. علي الإحصاء.. وتوافيق الحِساب الشين.. سماح نتقالد الإتنين.. صباح ممدود كما نيلين.. علي شهقة قفا الخرطوم.. يفيق (فاق) الرحيل مشدوه علي كذبة نسيم إبريل.. علي الوجع الرجع مهزوم
------- فاروق أبحُـوّه أبريل 2010
Post: #248 Title: Re: إثناء ونسة مع الأستاذ مصطفى سيدأحمد .. رحمه الله Author: Emad Abdulla Date: 09-20-2010, 11:08 AM Parent: #247
تتذكر يا طارق شارع واحد و اربعين زمن الزمن داك ؟ .. يا سلام يا سلام .. تتذكر البار الجنباوي المكتوب في بابو ( البار مفتوح من الخلف ) ؟؟ الصعاليك قاموا سموه THE GAY BAR - ما بتتكتب بالعربي .. كلو كلو . و فندق أفريقيا .. و البت آلمو الأثيوبية الكانت شغالة ويتيرز ؟؟ عمك عثمان الشايقي بتاع التكسي البارلينا .. الكانت ملبك هناك ليل نهار داك .. متذكرو ؟ عمك عثمان عشان خاطرها مسك ليك بتاع السواري كسرو صاح .. و ربط الحصان في التصادم الخلفي و قال للبوليس المجدوع في الواطـه : تعال شارع المزيرة في لفة الشجرة .. تلقي حصانك مربوط هناك .. و لو راجل تاني ترازي البت دي .
بالله كنت بتجي عندنا تتبرك ؟ .. يا سلام ياخ .. زول بتعرف كويس وين الناس الكلاس و الجو الكلاس .. و المسائل الرايقة . أنا و الله في الاول قايلك زول من بحري ساي بس . أتاريك كنت كويس .. و ناقش .. طيب الكان مقعدك في الضهاري ديك شنو ؟؟
Post: #249 Title: Re: إثناء ونسة مع الأستاذ مصطفى سيدأحمد .. رحمه الله Author: طارق ميرغني Date: 09-20-2010, 11:34 AM Parent: #248
يا عمده
يا اخوي انحنا اسيادا ومولودين لي اجدادنا في الخرطوم..ضهاري ولا سداري
بعدين كنا بنجي لي اولاد عمتي ناس تميم الدار في نمره اتنين بتعرفهم ؟؟؟
وصديقنا جمبكم ناس صلاح جلضوم في ارض الحيوان
وكت باجي للدكتور الشهيد علي فضل مع عثمان تميم
الزمن داك ناس ..... ووكر ما كانوا شغالين
الشغل كان نضيف وبس
Post: #250 Title: Re: إثناء ونسة مع الأستاذ مصطفى سيدأحمد .. رحمه الله Author: محمد أبوالعزائم أبوالريش Date: 09-21-2010, 07:13 AM Parent: #249
يا طارق وعماد .....
أقعدو إنتو إجترّو في المواضيع كده لامن (الكشّة تجيكم)
بعدين يا عماد أقرب ليك شارع 41 والا شارع 15؟ (فلامانجو) مالو؟ عيبو لي.
_______ يا سفيان .... قعدّت تهددنا بالرش .. الرش، وطلعت ما قدر كلامك.
*