البث المباشر(اعادة):حفل افطار من جنوب السودان -جوبا

اولا تغطية الجزيرة لهذا المحفل يضع صورة حقيقية عن التعايش في جنوب السودان في مخيلة العرب من المحيط الي الخليج

و يعرفوان القضية كانت تنمية
ومشكلة الجنوب اتحلت والمشكلة في الشمال والمركز تحديدا الان..
وكلام مستشار سلفا كير واضح..في جنوب السودان المتقدم على الشمال الان بعد نيفاشا الدين للشخص والوطن للجميع...
ونصيحة لرياك مشار
اوعكم تودو جنوبيين يقرو في (الازهر/مصر او ام القرى/السعودية...والا اعدتوا انتاج ازمة الشمال وياتونكم بالافكار المتطرفة ذى الشباب الصومالي وبوكوحرام بتاعة نيجريا..خلوهم يقروا طب وهندسة واقتصاد بس...هذا ما يفيد في دنيانا التي فيها معاشنا..والاصلوية العروبية دي اخر منها الوثنية والكجور تقبح وتشوه غير العرب من المسلمين
ودوهم لى ازرق طيبة وعلي بيتاي والبرعي والجعلي حاج حمد عشان يتعلمو الاسلام الافريقي المتسامح والمتعايش فى السنغال وتنزانيا ..كان ما مشو في الموية وبقو محققينوليهم كرامات ما اكون تلميذ حفيدكوش...
وكان بقو علماء جمهوريين يكون افضل.يعني تتركو للاخوان الجمهوريين حرية الحركة وتوفروا لهم المنابر الحرة في الجنوب وفيsstvعشان يعرضو الدر والنفيس ..الفكر الاسلامي السوداني اكثر تطورا وتحضرا من فكر المحيط العربي...وهذه حقيقة لا يعترف بها اخواننا العرب والمستلبين في الشمال الذين يريد ان يقال لهم علماءوقد قيل ..وستثبتها ثورة العلم والمعلومات يوما..ورؤية اعلام الفكر الجنوبي للاستاذ محمود والفكرة معروفة...وده الاسلام البنفع في جنوب السودان...ويصنع الدولة المدنية السودانية الحقيقية.
المطلوب من الاخوان العرب دعم الاشقاء الجنوبيين فى تاسيس بنيات تحتية حقيقية وبناء المدراس والمستشفيات...يعني المال والخبرات التقنية فقط